1.   Talbiet għal ħlas lura ta’ benefiċċji, li jkunu ġew ipprovduti abbażi tal-Karta tal-Assikurazzjoni tas-Saħħa Ewropea (EHIC), dokument li jissostitwixxi l-EHIC jew kwalunkwe dokument ieħor ta’ intitolament, jistgħu jiġu miċħuda u t-talba mibgħuta lura lill-istituzzjoni kreditriċi fil-każ li t-talba, pereżempju:

2.   Talba ma tistax tiġi miċħuda minħabba li l-persuna ma tkunx għadha assikurata mal-istituzzjoni, li tkun ħarġet l-EHIC jew id-dokument ta’ intitolament, sakemm il-benefiċċji kienu mogħtija lill-benefiċjarju fil-perjodu ta’ validità tad-dokument użat.

3.   Istituzzjoni li tkun obbligata li tħallas lura l-ispejjeż ta’ benefiċċji pprovduti abbażi tal-EHIC tista’ titlob li l-istituzzjoni li magħha l-persuna kienet ġustament irreġistrata fil-ħin tal-għoti tal-benefiċċji għandha tirrifondi l-ispejjeż ta’ dawk il-benefiċċji lill-ewwel istituzzjoni, jew jekk il-persuna ma kinitx intitolata li tuża l-EHIC, issolvi l-kwistjoni mal-persuna kkonċernata.

1.   F’konformità mal-Artikolu 67(5) tar-Regolament ta’ Implimentazzjoni, l-ebda talba ma tista’ tiġi kkontestata wara 18-il xahar minn tmiem ix-xahar li matulu dawn ġew introdotti lill-Istituzzjoni Kompetenti tal-Istat Membru debitur.

2.   Meta l-Istituzzjoni Kompetenti tal-Istat Membru kreditur ma jkunx wieġeb u ma jkunx issottometta l-evidenza mitluba fi żmien 12-il xahar minn tmiem ix-xahar li matulu l-kontestazzjoni tkun waslet għand l-Istituzzjoni Kompetenti tal-Istat Membru kreditur, il-kontestazzjoni għandha titqies bħala aċċettata mill-Istat Membru kreditur u t-talba jew il-partijiet rilevanti tagħha għandhom ikunu definittivament miċħuda.

1.   Il-ħlas parzjali skont l-Artikolu 68(1) tar-Regolament ta’ Implimentazzjoni għandu jirrappreżenta tal-anqas 90 % tal-ammont totali tat-talba inizjali magħmula mill-korp ta’ kollegament tal-Istat Membru kreditur.

2.   Jekk l-Istat Membru kreditur għamel dikjarazzjoni ġenerali li jaċċetta ħlasijiet parzjali, tali pagamenti se jitqiesu awtomatikament aċċettati. Il-Bord ta’ Verifika għandu jħejji lista tal-Istati Membri li ddikjaraw li huma jaċċettaw il-ħlasijiet parzjali.

3.   L-Istati Membri li ma ddikjarawx li huma aċċettaw il-ħlasijiet parzjali ġeneralment għandhom iwieġbu għal offerti speċifiċi ta’ ħlas parzjali fi żmien sitt xhur, mit-tmiem tax-xahar li fih ġiet introdotta t-talba. Fin-nuqqas ta’ tweġiba fil-perjodu ta’ żmien stabbilit, il-ħlas parzjali se jkun ikun ikkunsidrat bħala aċċettat u għandu jiġi eżegwit.

1.   Fil-ħlas ta’ talba li għaliha tkun saret ħlas parzjali, id-debitur għandu jkun marbut biss li jħallas id-differenza bejn l-ammont finali tat-talba u l-ħlas parzjali.

2.   Jekk l-ammont tat-talba huwa anqas mill-kontenut tal-ħlas parzjali iddeterminat abbażi tal-ammont oriġinali tat-talba, l-Istat Membru għandu jew:

3.   L-imgħax iġġenerat minn ħlas parzjali mhux se jnaqqas id-dejn tal-Istat Membru debitur u għandu jibqa’ bħala ass tal-Istat Membru kreditur.

1.   L-imgħaxijiet fuq ħlasijiet tardivi mitluba skont l-Artikolu 68(1) tar-Regolament ta’ Implimentazzjoni għandhom jiġu kkalkolati abbażi tax-xhur skont il-formula li ġejja:

Fejn:

2.   It-talba għall-imgħax fuq il-ħlas tardiv għandu jiġu introdott mill-Istituzzjoni Kompetenti tal-Istat Membru kreditur lill-Istituzzjoni Kompetenti tal-Istat Membru debitur fi żmien sitt xhur wara x-xahar li matulu sar il-ħlas tardiv.

3.   Mhux se tiġi kkunsidrata t-talba għall-imgħaxijiet fuq ħlasijiet tardivi introdotti wara l-iskadenza stabbilita fil-paragrafu 2.

1.   L-imgħax fuq il-ħlas tardiv għandu jitħallas lill-Istituzzjoni Kompetenti tal-Istat Membru kreditur fi żmien 12-il xahar minn tmiem ix-xahar li matulu ġiet introdotta t-talba lill-Istituzzjoni Kompetenti tal-Istat Membru debitur.

2.   Fuq talba raġunata minn waħda mill-partijiet, il-Bord ta’ Verifika għandu jiffaċilita l-għeluq finali tal-kontijiet fejn riżoluzzjoni tat-talba għall-imgħax fuq ħlas tardiv ma ntlaħqitx fi ħdan il-perjodi stabbiliti fil-paragrafu 1. L-opinjoni valida tal-Bord ta’ Verifika għandha tingħata fi żmien sitt xhur mid-data li fiha l-kwistjoni kienet irriferuta lilha.

1.   Għall-iskop tal-ħlasijiet msemmija fid-Deċiżjoni, id-data tal-ħlas hija id-data tal-valur tat-tranżazzjoni kif introdotta mill-istituzzjoni bankarja tal-Istituzzjoni Kompetenti tal-Istat Membru kreditur.

2.   L-Istituzzjoni Kompetenti tal-Istat Membru debitur għandu jinnotifika l-wasla ta’ talba introdotta fi żmien xahrejn mid-data tal-wasla tat-talba. In-notifika għandha tispeċifika d-data ta’ meta waslet it-talba.

3.   Żewġ Stati Membri jew aktar, jew l-awtoritajiet kompetenti jew l-Istituzzjonijiet Kompetenti tagħhom, jistgħu jirrinunzjaw jew jipprovdu għal metodi oħra tar-riżoluzzjoni għall-punti koperti minn din id-Deċiżjoni.

4.   L-opinjoni tal-Bord ta’ Verifika, mogħtija skont l-Artikolu 67(7) tar-Regolament ta’ Implimentazzjoni, tista’ tirrinunzja jew tipprovdi għal metodi oħra ta’ riżoluzzjoni għall-punti koperti minn din id-Deċiżjoni, b’kont meħud tal-prinċipju ta’ kooperazzjoni tajba bejn l-awtoritajiet u l-istituzzjonijiet tal-Istati Membri.

1.   Talbiet ikkontestati li ma jkunux riżolti fil-perjodu stabbilit fl-Artikolu 67(6) tar-Regolament ta’ Implimentazzjoni u li għalihom l-ebda parti ma tkun bdiet il-proċedura skont l-Artikolu 67(7) tar-Regolament ta’ Implimentazzjoni fi żmien erbgħa u għorxin (24) xahar wara li jintemm dan il-perjodu għandhom jitqiesu bħala skaduti. Matul dan il-perjodu ta’ erbgħa u għorxin (24) xahar iż-żewġ partijiet għandhom ikomplu jsegwu riżoluzzjoni finali ta’ dawn il-każijiet sakemm tinbeda l-proċedura skont l-Artikolu 67(7) tar-Regolament ta’ Implimentazzjoni.

2.   B’deroga mill-paragrafu 1 biex tinbeda l-proċedura skont l-Artikolu 67(7) tar-Regolament ta’ Implimentazzjoni, għandhom japplikaw l-iskadenzi li ġejjin:

3.   Il-paragrafi 1 u 2 japplikaw biss għal talbiet li huma soġġetti għar-regoli ta’ proċedura f’konformità mad-dispożizzjonijiet tal-Artikoli 66 sa 68 tar-Regolament ta’ Implimentazzjoni.

4.   L-Istituzzjonijiet Kompetenti tal-Istati Membri jistgħu jaqblu bejniethom dwar r-riżoluzzjoni finali tat-talbiet għall-istituzzjonijiet fi ħdan il-qasam ta’ responsabbiltà tagħhom. Ftehimiet bħal dawn jistgħu jinkludu wkoll soluzzjonijiet ġenerali mingħajr ma jitqiesu każijiet individwali.

1.   L-istituzzjonijiet għandhom jiżguraw li hemm kooperazzjoni tajba bejniethom u jaġixxu daqs li kieku qegħdin jimplimentaw il-leġiżlazzjoni tagħhom stess.

2.   Din id-Deċiżjoni se tiġi ppubblikata f’Il-Ġurnal Uffiċjali tal-Unjoni Ewropea. Se tapplika mill-ewwel jum wara dak tal-pubblikazzjoni għat-talbiet kollha għall-ħlas lura abbażi ta’ nefqa attwali rreġistrata fil-kontijiet tal-Istat Membru kreditur wara d-dħul fis-seħħ tar-Regolament (KE) Nru 987/2009 u għat-talbiet kollha għall-ħlas lura abbażi ta’ ammonti fissi ppubblikati f’Il-Ġurnal Uffiċjali tal-Unjoni Ewropea wara d-dħul fis-seħħ tar-Regolament (KE) Nru 987/2009.

3.   Din id-Deċiżjoni tissostitwixxi d-Deċiżjoni Nru S9 tal-20 ta’ Ġunju 2013 (4).

4.   B’deroga mill-paragrafu 2, l-Artikoli 12(2) u 18(2) japplikaw għat-talbiet imsemmija fil-paragrafu 2 li ġew introdotti lill-Istituzzjoni Kompetenti tal-Istat Membru debitur wara s-27 ta’ Settembru 2013.