Interactio — Mill-bogħod — Il-143 sessjoni plenarja tal-KtR, 17.3.2021–19.3.2021

7.5.2021

Il-Ġurnal Uffiċjali tal-Unjoni Ewropea

C 175/10

Opinjoni tal-Kumitat Ewropew tar-Reġjuni — Pjan ta’ Azzjoni għall-Materja Prima Kritika

(2021/C 175/03)

Relatur:

Isolde RIES (DE/PSE)

L-Ewwel Viċi President tal-Landtag ta’ Saarland

Dokument ta’ referenza:

COM(2020) 474 final

RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

Kummenti ġenerali

jenfasizza li s-soċjetajiet u l-ekonomiji moderni ma jistgħux jiffunzjonaw fit-tul mingħajr provvista ta’ materja prima li tkun affidabbli, sikura, kompetittiva u favur l-ambjent. Il-materja prima kritika hija dik il-materja prima li għandha importanza ekonomika għolja, iżda li attwalment għaliha ma hemm l-ebda provvista sikura u sostenibbli minn sorsi domestiċi ta’ materja prima fl-Ewropa;

jemmen li l-UE teħtieġ bażi industrijali b’saħħitha li tiddependi ħafna minn provvista adegwata ta’ materja prima u użu effiċjenti u riċiklaġġ ta’ din il-materja, minħabba l-impenji fir-rigward tat-tranżizzjoni lejn ekonomija b’livell aktar baxx ta’ emissjonijiet tal-karbonju u ż-żieda fid-diġitalizzazzjoni;

jirrimarka li, skont studju li twettaq mill-Kummissjoni Ewropea (1), id-domanda għal materja prima kritika għal teknoloġiji u setturi strateġiċi se tiżdied b’mod drastiku minn issa sal-2030/050, abbażi tal-informazzjoni disponibbli bħalissa, u li, pereżempju, sal-2030 l-UE se tkun teħtieġ sa 18-il darba aktar litju u 5 darbiet aktar kobalt mil-lum għal batteriji ta’ vetturi elettriċi u ħażna ta’ enerġija — u kważi 60 darba aktar litju u 15-il darba aktar kobalt sal-2050;

jirrimarka li, fuq livell globali, anqas minn 5 % tal-materja prima kritika hija prodotta fl-UE, filwaqt li l-industrija tal-UE tammonta għal madwar 20 % tal-konsum globali ta’ materja prima kritika. L-UE tiddependi b’mod partikolari minn importazzjonijiet ta’ riżorsi kritiċi li għandhom rwol ewlieni fir-rigward tat-teknoloġiji futuri u huma importanti, pereżempju fil-forma ta’ metalli u elementi rari, għal applikazzjonijiet tekniċi innovattivi. Għalhekk dawn se jkunu meħtieġa għall-produzzjoni u l-ħolqien tal-valur f’dawk l-oqsma fejn l-ekonomija Ewropea tfittex li tkun mexxej globali ewlieni. Dan japplika, pereżempju, għall-użu tal-materja prima prevista fil-Patt Ekoloġiku Ewropew għal tranżizzjoni lejn enerġija sigura, nadifa u affordabbli minn sorsi rinnovabbli, il-perkors lejn ekonomija nadifa u aktar ċirkolari, kif ukoll għall-użu tagħhom fil-mobbiltà u kostruzzjoni b’mod effiċjenti ta’ użu tal-enerġija u tar-riżorsi;

jinnota li s-settur totali tal-materja prima fl-UE jipprovdi madwar 350,000 impjieg u li aktar minn 30 miljun impjieg fl-industriji tal-manifattura downstream jiddependu minn aċċess affidabbli u mhux diskriminatorju għall-materja prima;

jenfasizza li l-kriżi tal-COVID-19, fost oħrajn, uriet li l-Ewropa tiddependi wisq minn fornituri barra mill-UE għal materja prima kritika, u li l-interruzzjonijiet fil-provvista jista’ jkollhom impatt negattiv fuq il-ktajjen tal-valur industrijali u setturi oħra;

Effetti fuq l-industrija

jenfasizza li d-dipendenza eċċessiva fuq pajjiżi barra mill-UE għal materja prima kritika għandha tiġi miġġielda, u li r-reżiljenza tal-ktajjen ta’ provvista kritiċi għandha tiżdied sabiex jiġu ggarantiti b’mod affidabbli s-sigurtà tal-provvista, it-tranżizzjoni enerġetika u t-tranżizzjoni lejn ekonomija diġitali;

jirrimarka li qabelxejn materja prima kritika hija meħtieġa f’ħafna industriji ewlenin u futuri Ewropej bħas-setturi tal-karozzi, l-azzar, l-avjazzjoni, l-IT, is-saħħa jew l-enerġija rinnovabbli. Prodotti innovattivi u teknoloġiji ġodda bħall-elettromobbiltà, id-diġitalizzazzjoni, l-industrija 4.0 u t-tranżizzjoni enerġetika qed jibdlu u jżidu d-domanda għall-materja prima. Id-domanda għall-materja prima se tiżdied ukoll mad-dinja kollha minħabba t-tkabbir tal-popolazzjoni, l-industrijalizzazzjoni kif ukoll id-dekarbonizzazzjoni gradwali tas-setturi tat-trasport u l-enerġija;

jenfasizza li aċċess ġust u mhux diskriminatorju għall-materja prima, provvista sigura ta’ materja prima u prezzijiet stabbli u prevedibbli tal-materja prima huma ta’ importanza ċentrali għall-opportunitajiet ta’ żvilupp, il-kompetittività tal-industrija Ewropea u l-SMEs, l-innovazzjoni u l-preservazzjoni ta’ siti industrijali fl-UE;

10.

jemmen li huwa meħtieġ approċċ aktar strateġiku biex tiġi żgurata provvista sostenibbli ta’ materja prima kritika u biex titnaqqas id-dipendenza minn partijiet terzi u mill-importazzjonijiet ta’ materja prima; jenfasizza li dan jirrikjedi l-bini ta’ ktajjen ta’ valur diversifikati, it-tnaqqis tad-dipendenza mill-materja prima, it-tisħiħ tal-ekonomija ċirkolari, il-promozzjoni tal-innovazzjoni rigward alternattivi, u l-iżgurar ta’ kundizzjonijiet ekwi u ambjentalment u soċjalment responsabbli fis-suq globali;

11.

jilqa’ l-fatt li l-Kummissjoni Ewropea ppreżentat pjan ta’ azzjoni dwar materja prima kritika u l-ewwel rapport ta’ prospettiva strateġika li jidentifika d-dipendenza tal-UE fuq l-importazzjonijiet ta’ materja prima kritika bħala dgħufija strateġika;

12.

jappoġġja l-objettivi li jinsabu fil-pjan ta’ azzjoni dwar l-iżvilupp ta’ ktajjen ta’ valur industrijali reżiljenti fl-UE, it-tnaqqis tad-dipendenza minn materja prima kritika bl-użu ta’ riżorsi ċirkolari, prodotti sostenibbli u innovazzjonijiet, it-tisħiħ tal-akkwist domestiku ta’ materja prima fl-UE, id-diversifikazzjoni tal-akkwist minn pajjiżi terzi, u t-tneħħija tad-distorsjonijiet fil-kummerċ internazzjonali b’modi miftiehma fid-WTO;

13.

jenfasizza li r-reġjuni jiddependu minn materja prima kritika fi gradi differenti; jappella għalhekk li jiġu identifikati d-dipendenzi reġjonali minn materja prima kritika u l-ħtiġijiet reġjonali li jirriżultaw biex jiġu żviluppati ktajjen ta’ valur sostenibbli u innovattivi;

14.

jenfasizza li l-awtoritajiet lokali u reġjonali jirrappreżentaw livell essenzjali fil-kuntest tal-pjan ta’ azzjoni sabiex tinkiseb l-aċċettazzjoni tal-għanijiet strateġiċi tal-UE dwar il-materja prima u l-proġetti industrijali;

15.

fid-dawl tal-estensjoni possibbli tal-kamp ta’ applikazzjoni tal-kriterji tat-tassonomija tal-UE għas-setturi ekonomiċi li għadhom mhumiex koperti, jappella li l-kriterji li għandhom jintużaw għat-tħaffir, l-estrazzjoni u l-ipproċessar tal-materja prima jkunu bbażati fuq valutazzjoni taċ-ċiklu tal-ħajja (min-nieqa għan-nieqa) u fuq kunsiderazzjonijiet soċjoekonomiċi. Barra minn hekk, fil-valutazzjoni ta’ kumpanija, għandha ssir distinzjoni bejn investimenti f’faċilitajiet ta’ produzzjoni eżistenti u f’impjanti ġodda, sabiex jiġi evitat li l-investimenti kklassifikati bħala sostenibbli jkunu ftit wisq, u b’hekk jiżdiedu l-ispejjeż ta’ finanzjament għat-trasformazzjoni indispensabbli tal-ekonomija;

L-iżgurar tal-ktajjen ta’ valur industrijali fl-UE

16.

jappella li n-nuqqasijiet u d-dgħufijiet fil-ktajjen tal-provvista tal-materja prima eżistenti jiġu eliminati permezz ta’ approċċ aktar strateġiku. Pereżempju, il-kumulazzjoni ta’ riżervi adatti huma utli ħafna biex jiġu evitati interruzzjonijiet mhux mistennija fil-produzzjoni u l-provvista. Hemm ukoll ħtieġa ta’ sorsi alternattivi ta’ provvista f’każ ta’ interruzzjonijiet, kif ukoll sħubijiet aktar mill-qrib bejn operaturi f’materja prima kritika u setturi tal-konsumaturi downstream sabiex jiskattaw l-investiment fi żviluppi strateġiċi;

17.

jilqa’ l-fatt li l-Kummissjoni Ewropea affermat mill-ġdid il-faħam tal-kokk bħala wieħed mill-aktar materja prima importanti għall-industrija tal-azzar fil-lista attwali ta’ materja prima kritika; jirrimarka li din il-materja prima se tibqa’ indispensabbli għall-industrija tal-azzar sakemm ma tkun tista’ tiġi implimentata ebda alternattiva vijabbli oħra fuq skala kbira mil-lat teknoloġiku u ekonomiku; jappella lill-Kummissjoni Ewropea, fid-dawl tal-iżvilupp tal-metallurġija tal-idroġenu, teżamina l-potenzjal li tinkludi l-ħadid magħmul f’mattunelli meta jaħraq (hot briquetted iron — HBI) u ħadid miksub b’riduzzjoni diretta (direct reduced iron — DRI) fil-lista ta’ materja prima kritika tal-UE;

18.

huwa favur alleanzi industrijali bħall-Alleanza Ewropea tal-Batteriji, li hija maħsuba biex tħeġġeġ investimenti pubbliċi u privati sostanzjali li, sa fejn ikun possibbli, iwasslu għal kopertura estensiva tad-domanda Ewropea tal-litju; jappella wkoll li jiġu appoġġjati alleanzi orjentati lejn il-futur għall-industriji tal-prodotti bażiċi;

19.

jappoġġja b’mod partikolari l-Alleanza Ewropea ġdida dwar il-Materja Prima, li għandha l-għan li ssaħħaħ ir-reżiljenza tal-UE tul il-katina kollha tal-valur tal-materjali tal-art rari u tal-kalamiti; jilqa’ l-fatt li din l-alleanza hija miftuħa għall-partijiet interessati rilevanti kollha, inklużi r-reġjuni, u li l-Kumitat tar-Reġjuni ġie mistieden għall-avveniment tat-tnedija tagħha (2);

20.

jilqa’ l-fatt li l-Bank Ewropew tal-Investiment dan l-aħħar ħabbar li se jappoġġja b’mod finanzjarju proġetti biex tiġi żgurata l-provvista ta’ materja prima kritika li hija meħtieġa għal proċessi b’livell baxx ta’ emissjonijiet tal-karbonju fl-UE;

21.

jappella li jiġi żgurat li dawn il-proġetti ma joħolqux distorsjonijiet fil-kompetizzjoni, ikunu effiċjenti fl-użu tar-riżorsi u sostenibbli, u jikkontribwixxu għar-reżiljenza strateġika tal-UE;

Ir-riċiklaġġ u s-sostituzzjoni ta’ materja prima

22.

jinnota li l-materja prima kritika tal-Ewropa stess mhix qed tintuża biżżejjed, u li l-kapaċitajiet tal-Istati Membri tal-UE għall-ipproċessar, ir-riċiklaġġ, ir-raffinar u s-separazzjoni s’issa mhumiex biżżejjed;

23.

jenfasizza li l-konsum aktar baxx, il-prevenzjoni tal-iskart u r-riċiklaġġ għandhom ikunu l-elementi ċentrali tat-tranżizzjoni lejn ekonomija effiċjenti fl-użu tar-riżorsi; jappella li l-konsumaturi jingħataw informazzjoni suffiċjenti u trasparenti dwar is-sitwazzjoni tal-materja prima fis-soċjetà għanja, u li tħobb tarmi, tagħna, u anke dwar il-kundizzjonijiet tas-suq għall-industrija tar-riċiklaġġ. Madankollu, il-konsumaturi jaqdu biss rwol sekondarju fil-promozzjoni ta’ prodotti b’livell għoli ta’ riċiklabbiltà u fil-promozzjoni ta’ inqas konsum: ir-responsabbiltà primarja tinsab l-ewwel u qabel kollox f’idejn il-produtturi u għalhekk għandhom jiġu imposti rekwiżiti fuqhom. Fil-każ ta’ prodotti mmanifatturati fl-Unjoni, l-obbligi għandhom jiġu imposti fuq il-manifatturi u obbligi ekwivalenti għandhom jiġu applikati fuq il-prodotti importati fis-suq tal-UE;

24.

jenfasizza l-importanza tar-riċerka applikata u prattika u l-iżvilupp fl-estrazzjoni tal-materja prima u l-effiċjenza tal-użu tagħha;

25.

jappella għal appoġġ akbar u kontinwu għar-riċerka u l-iżvilupp fil-qasam tal-estrazzjoni tal-materja prima u l-ekonomija ċirkolari kollha kemm, inkluża l-metallurġija bħala faċilitatur ewlieni; iħeġġeġ biex jiġi żgurat li meta jiġu żviluppati materjali ġodda, ir-riċiklabbiltà tagħhom fil-futur tkun dejjem kriterju għall-finanzjament tar-riċerka;

26.

jenfasizza li dan għandu jkollu l-għan ukoll li jestendi b’mod sinifikanti t-tul tal-ħajja u l-faċilità ta’ tiswija ta’ prodotti li jeħtieġu materja prima kritika għall-manifattura tagħhom billi jiġi applikat il-prinċipju tal-ekodisinn sostenibbli, u billi l-materja prima kritika tiġi sostitwita b’materja li tkun disponibbli aktar faċilment, b’mod partikolari fejn l-avvanzi teknoloġiċi u l-obsolexxenza ppjanata jillimitaw it-tul tal-ħajja tagħhom. Jappella li jiġu aġġornati r-rekwiżiti għall-markatura CE bi kriterji ta’ riċiklabbiltà ambizzjużi għall-prodotti li jkun fihom materja prima kritika;

27.

jirrimarka li l-Orizzont Ewropa, il-Fond Ewropew għall-Iżvilupp Reġjonali u l-programmi nazzjonali ta’ riċerka u żvilupp jistgħu jintużaw biex jintlaħaq dan l-għan. Pereżempju, f’dan il-kuntest ġiet żviluppata Pjattaforma Ewropea tal-Ekonomija Ċirkolari għall-Aġenda Strateġika ta’ Riċerka u Innovazzjoni (CICERONE Circular economy platform for European priorities strategic agenda), u r-reġjuni Ewropej tal-minjieri u tal-metallurġija (Geo-Montan regions) setgħu, permezz tal-proġett MIREU (Mining and Metallurgy (European) Regions), itejbu n-network tagħhom u jkomplu jiffukaw fuq it-tisħiħ u l-prijoritizzazzjoni tar-riċerka dwar il-materja prima;

28.

jemmen li l-konsumaturi għandhom jiġu informati kontinwament dwar l-esternalitajiet tax-xiri u s-sostituzzjoni ta’ spiss ta’ oġġetti domestiċi rħas u ta’ kwalità baxxa; ritorn gradwali għall-kultura ta’ manutenzjoni u tiswija jista’ joħloq impjiegi ġodda li ma jistgħux jiġu delokalizzati (offshored);

29.

jinnota li fl-Ewropa t-terminu “skart” f’ħafna każijiet jostor riżorsi prezzjużi u materja prima kritika; ifakkar f’dan ir-rigward fl-Opinjoni adottata reċentement tal-Kumitat tar-Reġjuni dwar “Pjan ta’ Azzjoni Ġdid għall-Ekonomija Ċirkolari” (3);

30.

jenfasizza li l-materjali riċiklati għandhom jintużaw b’mod aktar estensiv sabiex jitnaqqas l-użu ta’ materja prima primarja u kritika; jistieden lill-Kummissjoni Ewropea teżamina kriterji tal-kompetizzjoni, li permezz tagħhom prodotti ġodda jrid ikollhom proporzjon sinifikanti ta’ materjali riċiklati, jekk ikun possibbli, u jirrakkomanda li dawn il-kriterji jitqiesu fl-approċċ għall-ktajjen tal-valur tal-prodotti ewlenin (4);

31.

jappella li ssir riċerka dwar l-irkupru ta’ materja prima kritika minn skart urban fid-dawl tal-applikabilità u l-fattibbiltà ekonomika tiegħu, u li l-irkupru jiżdied sakemm dan ikun ekonomikament vijabbli mil-lat tekniku u ekonomiku. B’mod partikolari, il-materja prima li hija meħtieġa għal enerġiji rinnovabbli jew applikazzjonijiet tekniċi innovattivi, bħal materjali tal-art rari, il-gallju jew l-indju, mhumiex riċiklati jew huma riċiklati sa ċertu punt biss, minħabba li r-riċiklaġġ s’issa kien teknikament relattivament diffiċli u ekonomikament relattivament għali. Huwa importanti wkoll li tiġi enfasizzata l-importanza li jiġi promoss irkupru effiċjenti tal-enerġija flimkien mal-irkupru tal-metalli u l-imluħ mill-iskart li ma jistgħux jiġu rriċiklati mod ieħor, minħabba t-tniġġis, ir-reħja tal-materjali u l-preżenza ta’ materjali kumplessi. L-Unjoni Ewropea, l-Istati Membri, ir-reġjuni flimkien mal-istituti pubbliċi tar-riċerka u l-kumpaniji tagħhom huma għalhekk mistiedna biex jagħmlu aktar riċerka f’dan il-qasam u jippermettu l-użu tar-riżultati sabiex jiġi evitat li materja prima prezzjuża tintrema fil-landfills bħala skart;

32.

jinnota li kwantitajiet sinifikanti ta’ skart u ruttam huma esportati, minkejja l-fatt li jistgħu, potenzjalment, jiġu riċiklati f’materja prima sekondarja fl-UE; għalhekk jappella li l-kapaċità tar-riċiklaġġ fl-UE tissaħħaħ b’mod sostanzjali, speċjalment minħabba l-ħsara lill-ambjent — xi kultant katastrofika — ikkawżata mill-esportazzjonijiet tal-iskart u tar-ruttam lejn pajjiżi li qed jiżviluppaw u lejn pajjiżi emerġenti b’kapaċità inadegwata ta’ riċiklaġġ;

33.

jirrimarka li attwalment ma hemm l-ebda rekord statistiku tal-kwantità ta’ materja prima li tinsab fl-iskart mill-estrazzjoni. Il-Kummissjoni Ewropea hija għalhekk mitluba tevalwa u tippjana l-ammont ta’ materjali maħżuna bl-għajnuna tal-Istati Membri, ir-reġjuni u l-muniċipalitajiet;

34.

jenfasizza li l-produtturi għandhom rwol importanti x’jaqdu fil-perkors lejn ekonomija ċirkolari. Dawn għandhom jiżviluppaw prodotti innovattivi li jippermettu separazzjoni tal-materjal biex ma jagħmlux ħsara lill-ambjent u li jkunu jeħtieġu l-anqas użu possibbli ta’ materja prima primarja fossili; il-produtturi għandhom jeżaminaw mill-ġdid ukoll il-mudelli kummerċjali eżistenti biex jersqu lejn tnaqqis fil-konsum tar-riżorsi; jirrimarka li fl-istess ħin l-Istat għandu wkoll il-kompiti inerenti tiegħu, pereżempju li joħloq kundizzjonijiet ta’ qafas adattati u regolamenti legali korrispondenti kif ukoll jistabbilixxi inċentivi ekonomiċi;

It-tisħiħ tal-akkwist minn sorsi sostenibbli, u l-ipproċessar sostenibbli tal-materja prima fl-UE

35.

jenfasizza li, kemm jista’ jkun, l-UE għandha tforni wkoll lilha nnifisha fit-tul b’materja prima mis-sorsi tagħha stess u tiżviluppa strateġiji ta’ żvilupp li jħarsu ’l quddiem, inkluż l-istabbiliment ta’ kapaċitajiet ġodda għall-aċċess u l-ipproċessar ta’ materja prima kritika fl-UE, u l-iżvilupp ta’ mudell ta’ finanzjament sostenibbli għall-konverżjoni ta’ operazzjonijiet attwali ta’ tħaffir għall-estrazzjoni ta’ materja prima kritika;

36.

jenfasizza li ż-żieda fl-estrazzjoni domestika ta’ materja prima fl-UE għandha sseħħ fil-qafas tal-istandards għoljin ta’ sikurezza ambjentali u okkupazzjonali ppruvati u ttestjati; jirrimarka li eżempji tal-aħjar prattika f’dan ir-rigward diġà qed jitqiesu fi proġetti tal UE, iżda li, b’mod ġenerali, għadhom ma wasslux għal żieda sinifikanti fi proġetti ta’ investiment biex jiżdiedu l-estrazzjoni u l-ipproċessar tal-materja prima. Madankollu, minbarra s-salvagwardja tal-attivitajiet preċedenti u attwali tat-tħaffir fil-minjieri, l-estrazzjoni minn minjieri ġodda hija wkoll integrali biex l-ekonomija tiġi pprovduta b’materja prima kritika minn sorsi proprji;

37.

jinnota b’dispjaċir f’dan ir-rigward li sa issa għad m’hemm l-ebda żieda sinifikanti fl-implimentazzjoni tar-riżultati tar-riċerka u l-iżvilupp fil-prattika kummerċjali għall-estrazzjoni u l-ipproċessar tal-materja prima, u jenfasizza li l-estrazzjoni minn minjieri ġodda ta’ materja prima b’teknoloġija għolja fl-UE għandha tkun ibbażata fuq pjani ta’ riċerka u żvilupp għal estrazzjoni innovattiva b’impatt baxx; jilqa’ f’dan ir-rigward il-fatt li mill-2021, taħt l-Orizzont Ewropa, il-Kummissjoni Ewropea trid tkompli tmexxi ’l quddiem it-tnaqqis tal-impatti ambjentali u jappella sabiex tingħata attenzjoni partikolari lill-oqsma tal-ġestjoni tal-ilma u r-restawr tal-ambjent selvaġġ;

38.

jenfasizza li minbarra l-istandards tal-protezzjoni ambjentali u tax-xogħol, il-permessi għal minjieri ġodda jridu jinkludu wkoll soluzzjonijiet għall-kumpens tal-valur ambjentali u rikreattiv mitluf, sabiex iż-żoni tal-minjieri jkunu jistgħu jkomplu jintużaw għar-rikreazzjoni jew għal skopijiet oħra daqstant importanti għall-komunità lokali, matul u wara l-attivitajiet marbutin mal-estrazzjoni;

39.

jenfasizza li r-reġjuni għandhom rwol fundamentali minħabba l-għarfien espert tagħhom f’dan il-qasam; jinnota li r-riżorsi tal-materja prima tal-batteriji jinstabu f’diversi reġjuni tal-faħam tal-UE, iżda wkoll f’reġjuni oħra, u li ħafna skart mill-minjieri huwa rikk f’materja prima kritika; jappella, għalhekk, li minjieri magħluqa u l-minjieri ġodda sotteranji jew miftuħa li jkun fihom materja prima kritika jiġu eżaminati għall-estrazzjoni tal-materja prima; jirrimarka li l-estrazzjoni ta’ din il-materja prima tista’ toħloq impjiegi ġodda f’reġjuni li kellhom attività preċedenti ta’ minjieri u reġjuni b’attività attwali;

40.

jenfasizza li jeżisti għarfien tekniku konsiderevoli f’eks reġjuni tal-minjieri u reġjuni b’minjieri attivi tal-UE; l-esperjenza u l-għarfien għandhom jiġu mgħoddija lill-ġenerazzjonijiet ġodda ta’ impjegati u l-ħiliet tal-ħaddiema tas-sengħa għandhom jissaħħu permezz ta’ taħriġ immirat u miżuri ta’ edukazzjoni ulterjuri;

41.

jenfasizza li l-isfruttar tad-depożiti ta’ materja prima kif ukoll il-ftuħ ta’ minjieri ġodda sotterranji jew miftuħa jistgħu jnaqqsu d-dipendenza tal-UE minn pajjiżi terzi, iżda li l-esplorazzjoni u l-estrazzjoni meħtieġa għal dan fl-UE ta’ spiss jikkompetu ma’ għażliet oħra ta’ użu tal-art u għalhekk huma soġġetti għal restrizzjonijiet ta’ ġestjoni tat-territorju; huwa favur, għalhekk, li l-kunflitti ta’ użu f’termini ta’ sigurtà tal-provvista ta’ materja prima jiġu solvuti bl-aktar mod amikevoli possibbli;

42.

jinnota li l-oġġezzjoni pubblika għall-proġetti tal-minjieri qed tikber f’ħafna pajjiżi tal-UE u li l-isforzi tal-industrija biex ittejjeb l-impronta ekoloġika tagħha għadhom ma ġewx rikonoxxuti b’mod adegwat. L-Unjoni Ewropea, l-Istati Membri, ir-reġjuni u l-muniċipalitajiet huma għalhekk mitluba biex jikkomunikaw b’mod trasparenti u attiv il-vantaġġi u l-iżvantaġġi ta’ minjieri ġodda sotterranji jew miftuħa, biex tiġi żgurata l-parteċipazzjoni tal-partijiet interessati rilevanti kollha u b’hekk jiġu żgurati l-aċċettazzjoni u l-fehim fis-soċjetà ċivili;

43.

jirrimarka li l-ftuħ mill-ġdid ta’ minjieri huwa assoċjat ma’ spejjeż għolja ta’ investiment kif ukoll operattivi, parzjalment minħabba l-istandards ambjentali u ta’ sikurezza għoljin fis-seħħ fl-UE li jirrappreżentaw żvantaġġ ekonomiku għar-reġjuni Ewropej tal-minjieri meta mqabbla mal-bqija tad-dinja; jappella għalhekk lill-Unjoni Ewropea u lill-Istati Membri tagħha jeżaminaw jekk tali proġetti jistgħux jiġu appoġġjati b’mod finanzjarju fil-qafas tar-regolamenti dwar l-għajnuna mill-Istat u sa liema punt jista’ jsir dan;

44.

jenfasizza li l-Fond għal Tranżizzjoni Ġusta għandu l-għan li jgħin biex jittaffa l-impatt soċjoekonomiku tat-tranżizzjoni għan-newtralità klimatika f’reġjuni intensivi fil-faħam u dawk intensivi fil-karbonju, u biex jiddiversifika l-ekonomiji fir-reġjuni, inkluż permezz ta’ investimenti fl-ekonomija ċirkolari. It-tieqa ta’ finanzjament “Infrastruttura Sostenibbli” tal-fond “InvestEU” tista’ tappoġġja wkoll l-iżvilupp reġjonali ta’ materja prima kritika;

45.

jaqbel li għandhom jiġu żviluppati u applikati biżżejjed ħiliet speċjalizzati fl-UE sabiex tkun tista’ tiġi proċessata jew irfinata ċerta materja prima kritika bħal-litju; jappella lill-Unjoni Ewropea, lill-Istati Membri u lill-awtoritajiet reġjonali u lokali biex jieħdu sehem attiv fil-ħolqien u l-iżvilupp ta’ ħiliet xierqa;

46.

jappella għal koordinazzjoni aħjar tal-partijiet interessati rilevanti fl-oqsma tal-esplorazzjoni, l-estrazzjoni, id-distribuzzjoni, l-ipproċessar, l-użu mill-ġdid u r-riċiklaġġ; l-awtoritajiet reġjonali u lokali jaqdu rwol fundamentali f’dan il-kuntest;

47.

jenfasizza li l-istrateġiji tal-materja prima u l-ippjanar tal-materja prima mill-Istati Membri u l-awtoritajiet reġjonali u lokali jistgħu jagħtu kontribut sinifikanti biex tiġi żgurata l-provvista tal-materja prima domestika;

48.

jirrikonoxxi li l-implimentazzjoni ta’ estrazzjoni ġdida, innovattiva, aċċettata, sikura u ekoloġika ta’ materja prima kritika fl-UE teħtieġ permessi siguri mil-lat legali, u jappella li l-awtoritajiet u l-korpi nazzjonali, reġjonali u lokali rilevanti jiġu stabbiliti, organizzati u mgħammra f’livell proporzjonat mal-importanza dejjem tikber tar-responsabbiltajiet u l-missjoni tagħhom, sabiex proċeduri amministrattivi trasparenti, effiċjenti u kkoordinati jippermettu l-estrazzjoni ta’ materja prima fit-territorju tal-UE;

Kooperazzjoni reġjonali

49.

jenfasizza l-importanza li jiġu promossi r-raggruppamenti nazzjonali u reġjonali ta’ materja prima li jirrappreżentaw is-settur tat-tħaffir ta’ minjieri sostenibbli fl-UE, u li jlaqqgħu flimkien l-industrija, l-awtoritajiet tal-minjieri, is-servizzi ġeoloġiċi, il-fornituri ta’ servizzi upstream u downstream, il-manifatturi tat-tagħmir, il-kumpaniji ta’ tħaffir ta’ minjieri u ta’ raffinar, kif ukoll l-industrija tat-trasport u l-imsieħba soċjali, anki bl-użu ta’ teknoloġiji ġodda tat-tħaffir ta’ minjieri;

50.

jenfasizza l-ħtieġa li l-livelli lokali, reġjonali, nazzjonali u Ewropej jaħdmu flimkien biex jindirizzaw l-impatt lokali u jissodisfaw il-ħtiġijiet ta’ investiment meħtieġa;

51.

jappella li n-networking tar-reġjuni Ewropej li jiddependu ħafna minn materja prima kritika jissaħħaħ sabiex jinstabu soluzzjonijiet komuni u jiġi żgurat li r-reġjuni jkollhom rwol attiv fl-Alleanza Ewropea dwar il-Materja Prima;

Akkwist ta’ materja prima minn pajjiżi terzi

52.

jinnota li, minkejja l-isforzi kollha, l-UE se tkompli tiddependi ħafna mill-importazzjonijiet ta’ materja prima kritika minn pajjiżi terzi; jirrimarka li issa hemm kompetizzjoni kbira għal materja prima kritika bejn bosta pajjiżi;

53.

jenfasizza li fil-kummerċ tal-materja prima hemm restrizzjonijiet kummerċjali u distorsjoni fil-kompetizzjoni dejjem akbar; jistieden lill-Kummissjoni Ewropea tissorvelja b’mod kontinwu r-restrizzjonijiet fuq l-esportazzjoni u l-importazzjoni u tqajjimhom fuq livell reġjonali, bilaterali u multilaterali; huwa tal-fehma li miżuri li joħolqu distorsjonijiet fil-kummerċ fir-rigward tal-materja prima, u b’mod partikolari l-materja prima kritika, iridu jiġu eżaminati bis-sħiħ u, jekk ikun meħtieġ, għandhom jittieħdu passi legali ulterjuri fil-qafas tar-regoli tal-Organizzazzjoni Dinjija tal-Kummerċ (WTO);

54.

iqis li politika tal-materja prima bbażata fuq id-diplomazija hija ta’ importanza kbira għall-UE, mhux biss fir-rigward tal-politika industrijali u tal-enerġija u l-kummerċ internazzjonali, iżda wkoll bħala kwistjoni trasversali li taffettwa diversi oqsma tal-politika interna, esterna u ta’ sigurtà;

55.

jinnota li jkun ta’ benefiċċju għar-reżiljenza ekonomika u finanzjarja tal-UE jekk komoditajiet kritiċi jiġu nnegozjati bil-munita Ewropea peress li dan inaqqas il-volatilità tal-prezzijiet u d-dipendenza tal-importaturi tal-UE u tal-esportaturi ta’ pajjiżi terzi fuq is-swieq finanzjarji bbażati fuq id-dollaru Amerikan; jistieden lill-Kummissjoni Ewropea u lill-Istati Membri jżidu l-isforzi tagħhom biex jiżguraw li jsir negozju permezz tal-munita Ewropea;

56.

jappella lill-UE tidħol f’aktar sħubijiet strateġiċi ma’ pajjiżi terzi b’ħafna riżorsi; jilqa’ l-approċċ tal-Kummissjoni Ewropea li tiddiskuti l-prijoritajiet mal-Istati Membri u l-industrija, inkluż fil-pajjiżi kkonċernati, qabel ma jitniedu proġetti ta’ sħubija pilota fl-2021, peress li dawn għandhom għarfien espert lokali u network ta’ ambaxxati tal-Istati Membri;

57.

jenfasizza li kooperazzjoni akbar ma’ msieħba strateġiċi għandha timxi id f’id ma’ akkwist responsabbli ta’ sorsi. Konċentrazzjoni għolja ta’ provvista f’pajjiżi bi standards soċjali u ekoloġiċi aktar baxxi mhux biss toħloq riskju għas-sigurtà tal-provvista, iżda tista’ taggrava wkoll il-problemi soċjali u ekoloġiċi. Għalhekk għandu jkun hemm ftehim internazzjonali fil-livell tad-WTO, li jkollu l-għan li jilħaq livell għoli ta’ trasparenza u traċċabilità kontinwa tal-ktajjen tal-provvista u tal-bejgħ bl-imnut fir-rigward tal-istandards soċjali u ekoloġiċi li jintużaw fl-estrazzjoni tal-materja prima f’pajjiżi terzi. In-negozjati dwar it-titjib sistematiku ta’ dawn l-istandards għandhom imbagħad jinbdew malajr kemm jista’ jkun, kif diġà huwa l-każ fil-ftehimiet eżistenti tal-UE dwar il-kummerċ ħieles; jilqa’ r-Regolament dwar il-Minerali ta’ Kunflitt, li daħal fis-seħħ fl-1 ta’ Jannar 2021, u jħeġġeġ lill-Kummissjoni Ewropea tippreżenta malajr kemm jista’ jkun proposta bbilanċjata għal diliġenza dovuta fil-ktajjen tal-provvista;

58.

jenfasizza li qed isir dejjem aktar diffiċli biex il-kumpaniji individwali jakkwistaw materja prima minn swieq ta’ kunsinna kkonsolidati ħafna u f’kompetizzjoni ma’ swieq ta’ domanda għolja (speċjalment iċ-Ċina); jappella li jingħata appoġġ immirat lill-alleanzi korporattivi bħall-assoċjazzjonijiet tax-xiri.

Brussell, id-19 ta’ Marzu 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1) Critical Raw Materials for Strategic Technologies and Sectors in the EU — A Foresight Study (Il-Materja Prima Kritika għat-Teknoloġiji u s-Setturi Strateġiċi fl-UE — Studju ta’ Prospettiva): https://ec.europa.eu/docsroom/documents/42881 (mhux disponibbli bil-Malti).

(2) It-tnedija fuq l-internet tal-Alleanza Ewropea dwar il-Materja Prima u l-formula ta’ sħubija: https://erma.eu/about-us/join-erma/

(3) L-Opinjoni dwar “Pjan ta’ Azzjoni ġdid għall-Ekonomija Ċirkolari” (ĠU C 440, 18.12.2020, p. 107).

(4) L-Opinjoni dwar “Pjan ta’ Azzjoni ġdid għall-Ekonomija Ċirkolari” (ĠU C 440, 18.12.2020, p. 107).

7.5.2021

Il-Ġurnal Uffiċjali tal-Unjoni Ewropea

C 175/23

Opinjoni tal-Kumitat Ewropew tar-Reġjuni — Mewġa ta’ Rinnovazzjoni għall-Ewropa — l-ekoloġizzazzjoni tal-binjiet tagħna, il-ħolqien tal-impjiegi, it-titjib tal-ħajja

(2021/C 175/05)

Relatur:	Enrico ROSSI (IT/PSE), Membru tal-Kunsill Komunali ta’ Signa (Firenze)
Dokument ta’ referenza:	COM(2020) 662 final Mewġa ta’ Rinnovazzjoni għall-Ewropa — l-ekoloġizzazzjoni tal-binjiet tagħna, il-ħolqien tal-impjiegi, it-titjib tal-ħajja

RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

L-istimolu tar-rinnovazzjoni tal-bini għan-newtralità klimatika u l-irkupru

jilqa’ l-Mewġa ta’ Rinnovazzjoni li, minħabba li taffettwa settur li jikkonsma 40 % tal-enerġija fl-Ewropa, tikkontribwixxi biex tinkiseb in-newtralità klimatika sal-2050 u biex tonqos id-dipendenza enerġetika mill-pajjiżi terzi, għall-benefiċċju tas-sigurtà tal-enerġija Ewropea. Iqis li huwa essenzjali li din il-politika tkun inkluża fil-programmi ta’ rkupru u reżiljenza kif ukoll taħt il-Fondi Strutturali u ta’ Investiment Ewropej (FSIE), b’mod li l-isforzi jiġu kkoordinati sabiex jiġu evitati miżuri separati u ineffiċjenti; jenfasizza li s-suċċess ta’ din l-istrateġija se jiddependi ħafna mis-sostenibbiltà u l-fattibbiltà tagħha fil-livell lokali u reġjonali, filwaqt li għandhom jiġu evitati piżijiet amministrattivi addizzjonali; jappella wkoll sabiex il-miżuri kollha marbutin mal-Mewġa ta’ Rinnovazzjoni jkollhom benefiċċju tanġibbli u jkunu orjentati lejn iż-żamma tal-vijabbiltà ekonomika, is-sostenibbiltà soċjali u l-vijabbiltà finanzjarja, b’mod partikolari għall-baġits pubbliċi abbażi tad-dispożizzjonijiet baġitarji kurrenti, u anke għall-inkwilini jew huma sidien ta’ djarhom;

iqis li l-implimentazzjoni sħiħa tal-Mewġa ta’ Rinnovazzjoni tista’ sseħħ biss jekk tkun appoġġjata minn reviżjoni bir-reqqa tal-Pakkett dwar l-Enerġija Nadifa, li tibda mid-Direttiva dwar ir-Rendiment tal-Bini fl-Użu tal-Enerġija u r-Regolament dwar il-Governanza tal-Unjoni tal-Enerġija, kif ukoll permezz ta’ traspożizzjoni fil-ħin u korretta fil-livell nazzjonali; jenfasizza l-ħtieġa li tinbeda l-implimentazzjoni immedjata tal-istrateġija u l-azzjonijiet tagħha billi jiżdiedu r-rinnovazzjonijiet u jiġu ttestjati metodi ġodda biex jitwettqu r-rinnovazzjonijiet, li jistgħu jiġu replikati fuq skala kbira; jipproponi, għalhekk, li tinbeda malajr kemm jista’ jkun inizjattiva pilota biex jiġi ttestjat u rfinat protokoll li għandu jiġi segwit għat-tipi varji ta’ intervent u kundizzjonijiet ekonomiċi, soċjali u klimatiċi;

jenfasizza l-importanza tal-prinċipji tas-sussidjarjetà u tal-proporzjonalità. L-implimentazzjoni operattiva u l-finanzjament isiru lokalment fir-reġjuni, il-bliet u l-muniċipalitajiet. Il-qafas Ewropew għandu għalhekk ikun flessibbli u jqis id-differenzi, pereżempju bejn iż-żoni rurali u l-bliet il-kbar;

jenfasizza li l-Patt Klimatiku għandu l-potenzjal li jippromovi s-sħubijiet żviluppati fil-livell lokali u l-inizjattivi konġunti tas-settur pubbliku u dak privat, u li l-awtoritajiet lokali u reġjonali huma f’pożizzjoni kruċjali biex jinfurmaw liċ-ċittadini dwar il-benefiċċji u l-għodod ta’ appoġġ eżistenti għar-rinnovazzjoni ta’ djarhom, billi jmexxu bl-eżempju, joħolqu konnessjonijiet u jappoġġjaw lill-impriżi lokali, muniċipali u impriżi pubbliċi oħrajn bl-għarfien espert meħtieġ f’livelli differenti, u jiżviluppaw strumenti biex ikollhom aċċess għal assistenza finanzjarja nazzjonali jew tal-UE; barra minn hekk, l-awtoritajiet lokali u reġjonali għandhom imexxu bl-eżempju fir-rinnovazzjoni tal-bini pubbliku u l-promozzjoni b’mod partikolari tar-rinnovazzjoni tal-enerġija tal-akkomodazzjoni soċjali u akkomodazzjoni pubblika oħra permezz tal-Patt Klimatiku bħala faċilitatur tar-replikazzjoni u l-espansjoni tal-aktar inizjattivi Ewropej li huma ta’ suċċess; jittama li jkun hemm rabta aħjar bejn l-istrateġija Ewropea dwar il-Mewġa ta’ Rinnovazzjoni, l-istrateġiji nazzjonali għar-rinnovazzjoni tal-bini (1) u l-metodoloġija kostottimali (2); rieżami parzjali tad-Direttiva dwar ir-Rendiment tal-Bini fl-Użu tal-Enerġija tista’ tkun utli għal dan l-għan;

jirrimarka li l-Mewġa ta’ Rinnovazzjoni għandha tinftiehem mhux biss bħala approċċ regolatorju tekniku għall-implimentazzjoni tal-Aġenda tal-Patt Ekoloġiku, iżda wkoll bħala mezz ta’ integrazzjoni tal-proċess tat-trasformazzjoni lejn ekonomija ċirkolari f’qafas kunċettwali, orjentat lejn l-estetika u d-disinn; jilqa’ u jappoġġja t-tnedija tal-inizjattiva Bauhaus Ewropew Ġdid, kif ukoll l-intenzjoni li tiġi stabbilita tikketta Ewropea distinta. Din l-inizjattiva hija opportunità biex jiġi sfruttat il-potenzjal kreattiv tar-reġjuni u l-muniċipalitajiet, biex iċ-ċittadini jimpenjaw ruħhom u jiġu involuti fil-proċess ta’ trasformazzjoni u b’hekk jinħolqu soluzzjonijiet kondiviżi u sostenibbli li jagħmlu l-Patt Ekoloġiku realtà;

jilqa’ t-tnedija tal-Patt Klimatiku, li se jippromovi l-involviment u l-parteċipazzjoni fil-Patt Ekoloġiku, u jinsab kuntent li l-Mewġa ta’ Rinnovazzjoni hija inkluża fost il-prijoritajiet tal-Patt Ekoloġiku. Huwa lest li jikkoopera aktar mill-qrib mal-Kummissjoni, mal-Bank Ewropew tal-Investiment u mal-partijiet interessati rilevanti l-oħra kollha dwar pjattaforma komuni li tiġbor l-informazzjoni kollha li l-awtoritajiet lokali u reġjonali jeħtieġu biex jimplimentaw il-Patt Ekoloġiku;

jilqa’ r-referenza għal approċċ distrettwali u tal-komunitajiet tal-enerġija, li jippermetti, pereżempju, l-użu ta’ faċilitajiet konġunti ta’ produzzjoni tal-enerġija rinnovabbli, kif ukoll it-tisħin u t-tkessiħ distrettwali u soluzzjonijiet ibbażati fuq in-natura (3), u jfakkar li dan jirrikjedi l-użu ta’ għodod għall-ippjanar integrat tal-enerġija u tal-klima; jenfasizza li l-Patt tas-Sindki huwa parametru referenzjarju f’dan is-sens, u li l-Pjani ta’ Azzjoni għall-Enerġija Sostenibbli u l-Klima (SECAP) jistgħu jiggarantixxu li r-rinnovazzjoni tal-bini tkun konformi ma’ qafas usa’ li jippromovi riġenerazzjoni urbana ġusta u sostenibbli, imġiba sostenibbli u armonizzjazzjoni mal-politiki ta’ mitigazzjoni tat-tibdil fil-klima u l-adattament għalih; jissuġġerixxi wkoll li l-impatt għandu jiġi mmonitorjat sew, permezz ta’ sistemi standard ta’ ġestjoni tal-enerġija, sabiex l-effetti tal-ippjanar ikunu jistgħu jiġu vvalutati (4);

jilqa’ r-referenza għall-inizjattiva Level(s) (5) dwar iċ-ċirkolarità fil-bini bħala punt ta’ riferiment għall-promozzjoni ta’ kostruzzjoni bbażata fuq iċ-ċirkolarità, u jħeġġeġ lill-Kummissjoni u lill-Istati Membri jippromovu kampanja ta’ sensibilizzazzjoni dwar dan is-suġġett, filwaqt li joffri l-kollaborazzjoni tiegħu; fl-istess ħin, jistieden lill-Kummissjoni tibni fuq l-esperjenza wiesgħa ta’ sistemi eżistenti oħra ta’ ċertifikazzjoni tal-bini meta twettaq aktar xogħol (6); jistieden lill-Kummissjoni tappoġġja l-iżvilupp ta’ valutazzjonijiet taċ-ċiklu tal-ħajja rigward l-impatt tal-bini fuq il-klima, flimkien ma’ standards korrispondenti, dikjarazzjonijiet ambjentali dwar il-prodotti, bażijiet tad-data għall-materjali u l-prodotti tal-bini, u biex tivvaluta l-possibbiltà li tintroduċi indikatur sintetiku dwar il-prestazzjoni tul iċ-ċiklu tal-ħajja tal-bini bħala skema volontarja;

ifakkar li l-Mewġa ta’ Rinnovazzjoni hija opportunità biex tiġi promossa viżjoni ta’ bini li jibqa’ validu għall-futur, li tista’ tintegra aspetti bħas-saħħa, l-ekwilibriju soċjali, il-konnettività, iċ-ċirkolarità u r-reżiljenza għal fenomeni idroġeoloġiċi u sismiċi, flimkien mar-rekwiżiti tal-enerġija u dawk ambjentali; jappella wkoll sabiex tingħata attenzjoni partikolari liż-żoni rurali skarsament popolati b’popolazzjoni anzjana ħafna u f’sitwazzjoni ta’ vulnerabbiltà partikolari;

10.

jenfasizza, f’dan ir-rigward, li jridu jiġu mmonitorjati l-emissjonijiet ta’ gassijiet b’effett ta’ serra matul il-fażijiet tal-kostruzzjoni, l-operat u t-twaqqigħ; barra minn hekk, sal-2050, iridu jiġu massimizzati l-użu mill-ġdid, ir-riċiklaġġ u sa ċertu punt, l-użu ta’ materjali li jirriżultaw minn operazzjonijiet ta’ twaqqigħ jew rikostruzzjoni għall-produzzjoni tal-enerġija. Il-ħolqien ta’ ktajjen ta’ valur lokali u reġjonali għall-użu mill-ġdid ta’ materjali tal-bini huwa pass importanti f’dan il-proċess. Dan jeħtieġ ippjanar, loġistika u mudelli ekonomiċi ġodda li jinvolvu l-ħolqien ta’ riżervi ta’ materjali għal bini ġdid. Minħabba diversi fatturi regolatorji, kulturali u ekonomiċi, mudell ċirkolari ġdid bħal dan se jkun possibbli biss li jiddaħħal b’mod gradwali, għall-ewwel b’fażi ta’ esperimentazzjoni u mbagħad b’firxa ta’ inċentivi finanzjarji għal varar fuq skala kbira;

11.

jenfasizza li fit-tul, l-implimentazzjoni tal-Mewġa ta’ Rinnovazzjoni se tiġġenera ffrankar tal-enerġija u dak ekonomiku kbir anke fl-ispejjeż tal-manutenzjoni u l-immaniġġjar tal-bini, minbarra li jkun hemm titjib fil-kumdità, fl-ambjent ta’ ġewwa tajjeb għas-saħħa u fil-livell tal-għajxien filwaqt li jiġi miġġieled il-faqar enerġetiku. Iqis li l-Osservatorju Ewropew tal-Istokk Immobiljari tal-UE jeħtieġ li jimmonitorja l-bidliet li jkunu saru u jivvaluta l-impatt tagħhom, billi juża l-indikaturi tal-bażi tad-data tiegħu u jiżviluppa indikaturi ġodda oħra fejn hu meħtieġ, u jipprovdi aċċessibbiltà għad-data meħtieġa fl-UE kollha; dan jiffaċilità l-kwantifikazzjoni ta’ dan l-iffrankar u jgħin biex l-awtoritajiet lokali u reġjonali, iċ-ċittadini u n-negozji jkunu jistgħu jqisu sew l-ispiża taċ-ċiklu tal-ħajja tal-bini;

12.

jilqa’ l-impenn tal-Kummissjoni li tirrevedi l-iskemi Ewropej ta’ għajnuna mill-Istat għar-rinnovazzjoni tal-effiċjenza enerġetika, u jistenna bil-ħerqa li jikkontribwixxi sabiex ikunu aktar ċari u faċli li jiġu applikati biex ma jkunux ta’ ostaklu għall-investiment. Barra minn hekk, il-valutazzjoni prevista għall-2021 tad-Deċiżjoni 2012/21/UE dwar l-għajnuna mill-Istat taħt il-forma ta’ kumpens għas-servizzi pubbliċi għandha twassal għal miżuri ta’ appoġġ għar-rinnovazzjoni tal-effiċjenza enerġetika tal-akkomodazzjoni soċjali li taqa’ b’mod espliċitu fil-kompetenzi tagħha; jirrimarka li l-miżuri ta’ appoġġ u l-programmi fil-livell Ewropew, nazzjonali, reġjonali u lokali jridu jikkomplementaw lil xulxin, mingħajr ma joħolqu strutturi paralleli u/jew addizzjonali. Hija meħtieġa firxa wiesgħa ta’ strumenti – sussidji, strumenti finanzjarji, u taħlit tagħhom – filwaqt li fl-implimentazzjoni tagħhom għandhom jiġu involuti msieħba, bħal banek u istituzzjonijiet nazzjonali tal-iżvilupp, biex jiffinanzjaw il-proġetti fuq il-post skont il-ħtiġijiet lokali, reġjonali u nazzjonali; huwa tal-fehma li, bħala punt ta’ prinċipju, l-inċentivi fiskali għar-rinnovazzjoni enerġetika tal-bini jistgħu jaqdu rwol importanti;

13.

jilqa’ b’sodisfazzjon l-impenn tal-Kummissjoni li tirrevedi l-limiti ta’ espożizzjoni fuq ix-xogħol stabbiliti fid-Direttiva 2009/148/KE dwar il-protezzjoni tal-ħaddiema mill-espożizzjoni għall-asbestos sabiex tiġi żgurata l-protezzjoni tal-ħaddiema matul ix-xogħol ta’ rinnovazzjoni u ta’ twaqqigħ. Bl-istess mod, huwa jemmen li għandha tiġi aġġornata l-leġiżlazzjoni Ewropea dwar l-espożizzjoni għal sustanzi perikolużi li jirriżulta minn dan ix-xogħol;

14.

jilqa’ b’sodisfazzjoni, f’dan il-kuntest, il-proposta tal-Kummissjoni li tniedi inizjattiva Ewropea għal akkomodazzjoni affordabbli billi tiffinanzja 100 proġett ewlieni innovattiv u parteċipattiv li jiffukaw fuq ir-rinnovazzjoni globali ta’ żoni ta’ akkomodazzjoni soċjali biex iservu bħala mudell għal żvilupp fuq skala kbira fl-Unjoni Ewropea kollha;

15.

iqis li l-Mewġa ta’ Rinnovazzjoni għandha tikkontribwixxi għall-implimentazzjoni tad-dritt ta’ kulħadd li jkollu akkomodazzjoni affordabbli, aċċessibbli u tajba għas-saħħa, skont il-Prinċipju 19 tal-Pilastru Ewropew tad-Drittijiet Soċjali u skont l-Għan ta’ Żvilupp Sostenibbli Nru 11 tan-Nazzjonijiet Uniti: Bliet u Komunitajiet Sostenibbli; iqis li l-azzjoni għall-effiċjenza enerġetika hija miżura strutturali bil-għan li jiġi miġġieled il-faqar enerġetiku u konsegwentement jitnaqqsu l-ispejjeż f’każijiet fejn in-nies jaqgħu lura fil-ħlas mingħajr ma jkun it-tort tagħhom;

Prinċipji ewlenin għar-rinnovazzjoni tal-bini sal-2030 u l-2050

16.

jistieden lill-Kummissjoni tibni fuq il-qafas tad-Direttiva dwar ir-Rendiment tal-Bini fl-Użu tal-Enerġija biex tiżviluppa mekkaniżmu għall-klassifikazzjoni tal-wirt immobiljari skont il-kriterji meħtieġa għall-oqsma ta’ intervent identifikati fil-Mewġa ta’ Rinnovazzjoni, bħal:

—	is-sjieda: pubblika, privata (individwi, kumpaniji, fondazzjonijiet, awtoritajiet pubbliċi lokali, eċċ.);

—	l-użu maħsub: residenzjali, mhux residenzjali, eċċ.;

—	il-post: ċentri urbani (ċentru storiku, subborgi), villaġġi żgħar, żoni skarsament popolati;

—	iż-żona klimatika;

—	l-età u r-rendiment enerġetiku tal-bini, u s-sistemi tal-enerġija/tat-teknoloġija tal-bini;

—	l-interess arkitettoniku / storiku / tal-pajsaġġ;

—	id-dinamika tas-suq immobiljari (prezzijiet u l-għadd ta’ kuntratti ta’ bejgħ jew ta’ kiri, rata ta’ okkupanza, eċċ.);

—	ir-riskju klimatiku: interazzjoni tal-espożizzjoni soċjali u ekonomika mal-vulnerabilità klimatika.

Din l-informazzjoni għandha tiġi kklassifikata mill-Osservatorju Ewropew tal-Istokk Immobiljari (7) u mbagħad tkun tista’ tiddaħħal f’linji gwida ddedikati għar-rinnovazzjoni tad-diversi tipi ta’ bini anke permezz ta’ analiżi tal-ostakli ewlenin eżistenti. Il-ġbir u d-disseminazzjoni tal-aħjar prattiki jistgħu jkunu strumentali biex jiġu identifikati interventi standard għal kull waħda mill-kategoriji msemmija hawn fuq;

17.

jappella għal sforzi ambizzjużi biex jiġu dekarbonizzati t-tisħin u t-tkessiħ residenzjali, li huma responsabbli għal aktar minn 80 % tal-konsum globali tal-enerġija tal-bini fl-UE; għal dan il-għan, itenni kemm huwa importanti li tiġi promossa d-dekarbonizzazzjoni tas-sorsi tal-enerġija użati, u jħeġġeġ li s-sorsi tal-enerġija rinnovabbli jiġu estiżi fil-pront u b’mod konsistenti sabiex jitnaqqsu b’mod sinifikanti l-emissjonijiet tas-CO2 tal-Ewropa; josserva li s-soluzzjonijiet tat-tisħin u t-tkessiħ rinnovabbli jistgħu jkunu diversi u għandhom jitfasslu skont il-ħtiġijiet speċifiċi ta’ unità domestika jew ta’ komunità partikolari (8); jaqbel mal-Kummissjoni li r-reġjuni li jiddependu ħafna fuq il-fjuwils fossili se jkollhom bżonn jadottaw riżorsi tal-enerġija tranżizzjonali (9), mingħajr ma jinvestu f’infrastruttura li mhijiex adatta għall-futur. L-enerġija ġġenerata mill-enerġija nukleari m’għandhiex titqies bħala sors ta’ enerġija rinnovabbli;

18.

jistieden lill-Kummissjoni tipproponi sistema għall-istabbiliment tal-prijoritajiet abbażi ta’ kriterji bħall-potenzjal f’termini ta’ tnaqqis tal-konsum u tal-emissjonijiet, ta’ bankabbiltà u l-vulnerabbiltà tal-okkupanti. Jappella wkoll għall-identifikazzjoni ta’ kriterji ta’ prijorità negattivi, jiġifieri kriterji adatti għaċ-ċirkostanzi reġjonali u lokali li għandhom l-għan li jidentifikaw il-bini li l-aħjar soluzzjoni għalih tkun it-twaqqigħ u l-bini mill-ġdid, mingħajr ma titwitta t-triq għall-ġentrifikazzjoni ta’ viċinati vulnerabbli;

19.

ifakkar li, sabiex tiġi implimentata l-Mewġa ta’ Rinnovazzjoni, il-Kummissjoni u l-Istati Membri jeħtiġilhom joffru appoġġ sinifikanti lis-settur tal-kostruzzjoni, li ntlaqat serjament mill-kriżi u ta’ spiss jinvolvi n-negozji ż-żgħar, mhux dejjem mgħammra tajjeb biex joffru l-prodotti u s-servizzi meħtieġa. Is-settur tal-kostruzzjoni kollu għandu jiġi megħjun sabiex jegħleb id-distakk li jeżisti fl-għarfien, fil-ħiliet u fit-teknoloġiji, u biex titrawwem it-tnedija ta’ negozji ġodda li jibqgħu validi fil-futur; ifakkar li t-tranżizzjoni meħtieġa għal approċċ ċirkolari u bbażat fuq il-post, immirat lejn il-protezzjoni tal-impjiegi, u l-iżgurar ta’ ristrutturar gradwali tal-forza tax-xogħol, teħtieġ mekkaniżmi ta’ appoġġ stabbli sabiex tiġi żgurata l-kontinwità tal-operazzjonijiet, jiġi evitat il-bini ta’ bżieżaq u jkunu jistgħu jiġu żviluppati ħiliet fuq perjodu ta’ żmien medju u twil fit-territorji tagħna fl-UE;

20.

jirrikonoxxi l-importanza li jiġu introdotti rekwiżiti leġiżlattivi għax-xiri u r-rinnovazzjoni tal-bini pubbliku eżistenti kollu kif ukoll standards minimi ta’ rendiment fl-użu tal-enerġija u miri obbligatorji għar-rata annwali ta’ rinnovazzjoni tal-istokk kollu tal-bini pubbliku u l-użu tal-enerġija minn sorsi rinnovabbli. Madankollu, jenfasizza li dawn id-dispożizzjonijiet se jkunu fattibbli biss jekk ir-regoli jkunu flessibbli biżżejjed biex iqisu l-karatteristiċi differenti (10) tal-bini u jekk l-awtoritajiet lokali u reġjonali jiġu appoġġjati b’mod adegwat mill-Kummissjoni u mill-Istati Membri rispettivi, b’regoli li jkunu kemm jista’ jkun sempliċi u konsistenti, u li jkunu jinkludu wkoll l-interventi ta’ manutenzjoni ordinarja jekk dawn ikunu assoċjati u jikkontribwixxu b’mod dirett għall-effiċjenza enerġetika u sabiex il-bini jkun reżistenti għat-terremoti. F’każ li dawn l-obbligi jiġu imposti fuq bini privat jew residenzjali, għandu jiġi żgurat li ma jinħoloq l-ebda piż finanzjarju żejjed, b’mod partikolari għall-unitajiet domestiċi vulnerabbli mil-lat tal-enerġija. Għalhekk jistieden lill-Kummissjoni u lill-Istati Membri jwettqu valutazzjoni tal-impatt bir-reqqa fil-livell sottonazzjonali, li tivvaluta l-potenzjal u l-vulnerabbiltà tat-territorji differenti f’dan ir-rigward, inkluża analiżi tal-aħjar prattiki nazzjonali attwali u l-evalwazzjonijiet tal-passat minn proġetti Ewropej;

21.

jappoġġja l-proposta li jiġi aġġornat il-qafas taċ-ċertifikati tar-rendiment fl-użu tal-enerġija (EPCs) biex jiżdied l-użu ta’ dan l-istrument, ikun aktar faċli li d-data titqabbel madwar l-Ewropa kollha, u biex il-finanzjament jintrabat mar-rinnovazzjoni profonda; jirrimarka li din ir-reviżjoni għandha tiggarantixxi l-konsistenza meħtieġa mal-oqfsa stabbiliti fl-Istati Membri u tkun iggwidata mill-prinċipju tal-proporzjonalità. Iqis li hija utli l-proposta għal format uniformi Ewropew taċ-ċertifikati tar-rendiment fl-użu tal-enerġija u l-introduzzjoni ta’ logbooks diġitali tal-bini, li jfornu l-bażijiet tad-data li huma faċilment aċċessibbli u mingħajr ħlas; jirrimarka li dawn il-bażijiet tad-data jridu jkunu disponibbli tal-inqas fuq skala NUTS 3 u marbuta mal-Osservatorju Ewropew tal-Istokk Immobiljari, u jkunu relatati mal-ispazju komuni Ewropew futur tad-data (11);

22.

jilqa’ r-regolament delegat tal-Kummissjoni dwar Indikatur tal-Potenzjal ta’ Intelliġenza bil-għan li jivvaluta sa liema grad il-bini huwa lest biex jintegra t-teknoloġiji intelliġenti u li jissensibilizza lis-sidien u lill-okkupanti tal-bini dwar ir-riżultati; jirrimarka li l-livell ta’ diġitalizzazzjoni fiż-żoni urbani u rurali tal-UE jvarja bil-kbir u li dan l-indikatur se jkollu jkun korrelatat maż-żona li qed tiġi vvalutata sabiex jiġi evitat li jiġu penalizzati żoni li għadhom lura fit-tranżizzjoni diġitali, speċjalment fir-reġjuni inqas żviluppati u żoni skarsament popolati;

23.

jenfasizza li, sabiex tiġi żgurata implimentazzjoni effettiva tal-Mewġa ta’ Rinnovazzjoni, l-awtoritajiet lokali u reġjonali jeħtiġilhom ikollhom kapaċitajiet u għodod imsaħħa b’mod adegwat, sabiex jonqos id-distakk fl-għarfien li għadu jeżisti f’diversi partijiet tal-UE; jirrikonoxxi, f’dan ir-rigward, ir-rwol fundamentali tal-Patt Klimatiku għall-ħolqien tal-opportunitajiet u l-għodod, permezz ta’ mekkaniżmi msaħħa għall-bini tal-kapaċità u qafas aktar konsistenti għal inizjattivi minn isfel għal fuq relatati mal-Patt Ekoloġiku. Ifakkar li f’dan il-proċess, l-aġenziji lokali u nazzjonali tal-enerġija jistgħu, u jeħtiġilhom ikollhom rwol ewlieni f’dan il-proċess, billi joħolqu għarfien u ħiliet mifruxa fl-awtoritajiet lokali, mingħajr ma joħdulhom posthom;

Rinnovazzjonijiet aktar rapidi u aktar profondi għal binjiet aħjar

24.

jistieden lill-Kummissjoni tipprovdi appoġġ massimu għar-riċerka fil-qasam tar-rinnovazzjoni ta’ bini f’żoni marbuta b’restrizzjonijiet tal-pajsaġġ jew storiċi, u b’hekk tiżgura integrazzjoni rispettuża tal-enerġiji rinnovabbli. Bl-istess mod, jappella sabiex dan is-suġġett ikun wieħed mill-pedamenti tal-inizjattiva Bauhaus Ewropew Ġdid. Din l-inizjattiva trid tippromovi riflessjoni aktar profonda dwar l-integrazzjoni tal-iskali differenti tad-disinn, minn binja waħda għal distrett għal reġjun sħiħ, li tqis it-temi tal-mobbiltà sostenibbli, it-tnaqqis tal-użu tal-art u bijodiversità urbana akbar (12). Din ir-riġenerazzjoni urbana għandha tinkoraġġixxi, fejn huwa meħtieġ, fattibbli, u b’mod li tirrispetta lill-gruppi vulnerabbli, l-użu sistematiku tas-soluzzjonijiet ibbażati fuq in-natura (13) integrati ma’ sistemi ta’ monitoraġġ tal-enerġija u tal-ambjent li jivvalidaw il-prestazzjoni tagħhom, jippromovu politika ta’ “volum żero”, jimminimizzaw l-enerġija inkorporata (14) fil-bini u, bħala l-aħħar alternattiva, jistgħu jagħżlu t-twaqqigħ ta’ bini mingħajr valur storiku; jissuġġerixxi wkoll l-inklużjoni tal-Bauhaus Ewropew Ġdid fil-Pjattaforma għall-Iskambju tal-Għarfien (KEP) (15) sabiex jittejbu l-iskambji bejn l-awtoritajiet lokali u reġjonali dwar kunċetti innovattivi, approċċi u kompetenzi interdixxiplinari, u biex tiġi enfasizzata d-dimensjoni reġjonali u lokali fit-tfassil u l-implimentazzjoni;

25.

ifakkar li, fid-dawl tal-perspettiva l-ġdida maħluqa mill-pandemija tal-COVID-19 ta’ eżodu demografiku miċ-ċentru lejn il-periferiji tal-bliet, il-konferenza Habitat III tan-Nazzjonijiet Uniti ilha mill-2016 tinkludi d-densifikazzjoni urbana bħala fattur ta’ sostenibbiltà, li waħda mill-għodod ewlenin tagħha hija r-restawr tal-bini f’ċentri urbani skarsament popolati fejn hemm permessi tal-bini disponibbli;

26.

jirrimarka li d-diversi sorsi ta’ enerġija rinnovabbli disponibbli għandhom jiġu integrati b’mod sistematiku; għal dan il-għan, minbarra li għandu jkun possibbli li jiġu stabbiliti miri fil-livell sottonazzjonali, huma meħtieġa wkoll b’mod partikolari kondizzjonijiet ekwivalenti ta’ kompetizzjoni għad-diversi sorsi tal-enerġija. Jinnota li minbarra l-karatteristiċi ġeografiċi u ġeoloġiċi speċifiċi taż-żoni kkonċernati, l-użu ta’ dawn it-teknoloġiji jrid jissalvagwardja l-ambjent, is-saħħa u l-pajsaġġ naturali u mibni. L-użu tagħhom għandu jiġi promoss ukoll permezz tal-istabbiliment ta’ komunitajiet tal-enerġija rinnovabbli u komunitajiet tal-enerġija taċ-ċittadini (previsti fid-Direttiva dwar l-Enerġija Rinnovabbli II), li jħaddnu objettivi ta’ sostenibbiltà soċjali u ambjentali, aktar milli objettivi finanzjarji;

27.

iqis li huwa importanti li jiġu appoġġjati proġetti għar-rinnovazzjoni profonda ta’ bini residenzjali permezz ta’ soluzzjonijiet standard u elementi tal-bini prefabbrikati industrijalment. Dan se jikkontribwixxi b’mod sinifikanti għall-effiċjenza enerġetika tal-bini, u għall-objettiv tad-dekarbonizzazzjoni tal-istokk tal-bini sal-2050; jirrimarka li l-użu ta’ soluzzjonijiet standard u ta’ komponenti tal-bini prefabbrikati, jaċċellera l-proċess tal-kostruzzjoni, inaqqas l-impatt ambjentali u jagħmilha possibbli li tiżdied ir-rata ta’ rinnovazzjoni għall-bini residenzjali; jirrimarka li l-prefabbrikazzjoni industrijali tal-elementi tal-bini tgħin biex tiżdied il-kapaċità tal-innovazzjoni tal-kumpaniji, peress li l-proċessi ta’ rinnovazzjoni jistgħu jiġu modernizzati u awtomatizzati;

28.

jistieden lill-Kummissjoni tkompli tippromovi, speċjalment fis-settur pubbliku li għandu rwol li jagħti l-eżempju, l-użu ta’ sistemi ta’ ġestjoni tal-enerġija bħal pereżempju l-iskema ISO 50001 jew standards oħra kemm ta’ applikazzjoni għas-settur privat kif ukoll dak pubbliku, u tivvaluta l-potenzjal li ttejjeb l-aspetti tal-enerġija inklużi fl-Iskema ta’ Ġestjoni u Verifika Ambjentali (EMAS). Jirrimarka li dawn is-sistemi jista’ jkollhom impatt sinifikanti fuq it-tnaqqis tal-konsum tal-bini meta jkunu qed jintużaw (16), u għandhom il-kapaċità li jintroduċu proċeduri virtużi durabbli, fosthom għall-fażijiet ta’ ġestjoni u monitoraġġ;

29.

jenfasizza li s-sistemi ta’ Immudellar tal-Informazzjoni dwar il-Bini (Building Information Modeling – BIM) (17) u l-analiżi komparattiva mas-settur pubbliku (18) jista’ jkollhom rwol ewlieni fl-implimentazzjoni tal-Mewġa ta’ Rinnovazzjoni, u jistieden lill-Kummissjoni taħdem mal-Istati Membri biex jintroduċu dawn l-għodod, inkluż permezz ta’ pjattaformi pubbliċi (19) sabiex jiġi promoss l-iżvilupp diġitali fis-settur tal-proprjetà immobbli u fil-ġestjoni tal-proprjetà immobbli abbażi tat-teknoloġija PropTech (20);

30.

ifakkar li d-disponibbiltà ta’ data dwar il-konsum tal-enerġija tal-bini hija essenzjali għall-ippjanar urban tal-enerġija, il-kalkolu tal-investimenti u l-iffrankar potenzjali u l-monitoraġġ tiegħu. Għalhekk, iħeġġeġ lill-Kummissjoni Ewropea taħdem mal-Istati Membri sabiex din id-data tkun disponibbli mingħajr ħlas u b’mod sempliċi għal skopijiet pubbliċi madwar l-UE kollha, filwaqt li jiġu rispettati r-rekwiżiti ta’ protezzjoni tad-data; is-sidien tal-bini jistgħu wkoll jipprovdu d-data miksuba lill-fornituri tal-enerġija bi ħlas ta’ miżata, li tista’ tiffinanzja parzjalment r-rinnovazzjoni;

31.

ifakkar li l-applikazzjoni sistematika tal-kriterji tal-akkwist pubbliku ekoloġiku għas-settur tal-bini hija għodda importanti biex jitnaqqas malajr il-konsum tal-enerġija tal-bini u għall-użu ta’ mudelli ta’ ġestjoni aktar sostenibbli; f’dan l-isfond jilqa’ l-proposta li tiġi ppubblikata gwida komprensiva dwar investimenti pubbliċi sostenibbli permezz tal-akkwist. Jistieden lill-Kummissjoni u lill-Istati Membri joħolqu qafas leġiżlattiv konsistenti li jappoġġja din il-prattika billi jinternalizzaw kriterji bħal dawn fir-regolamentazzjoni nazzjonali dwar il-pjattaformi tal-akkwist pubbliku ċentralizzat; jistieden ukoll lill-Kummissjoni tappoġġja din il-prattika billi tippromwovi l-iżvilupp teknoloġiku u l-innovazzjoni, tinvolvi ruħha fi djalogu effettiv mal-fornituri, tfassal rekwiżiti rilevanti u tintroduċi sistemi għall-kontroll tagħhom u l-monitoraġġ tal-implimentazzjoni tagħhom;

32.

sabiex titħaffef l-implimentazzjoni tal-Mewġa ta’ Rinnovazzjoni, iħeġġeġ lill-Kummissjoni u lill-Istati Membri, jistabbilixxu mekkaniżmi ta’ finanzjament biex jappoġġjaw lill-awtoritajiet lokali u reġjonali fit-tfassil ta’ pjani ta’ fattibbiltà għat-tiġdid tal-enerġija ta’ distretti inqas effiċjenti, li jibda minn titjib tal-prattiki tajba tal-Faċilità tal-Bliet Ewropej, Azzjonijiet Urbani Innovattivi u l-Inizjattiva Urbana Ewropea, kif ukoll il-ħolqien ta’ strumenti ġodda, l-iżvilupp ulterjuri tal-proposti msemmija fid-Dokument ta’ Ħidma tal-Persunal li jakkumpanja l-Istrateġija; jappella li jingħata appoġġ meħtieġ lir-reġjuni, il-bliet u l-muniċipalitajiet sabiex dawn ikunu jistgħu jisfruttaw ir-riżorsi disponibbli permezz tan-Next Generation EU, tal-missjonijiet ta’ Orizzont Ewropa, tal-programmi operattivi tal-politika ta’ koeżjoni 2021-2027, u tal-linji ta’ kreditu tal-Bank Ewropew tal-Investiment, u sabiex il-proċeduri amministrattivi jkunu inqas ta’ piż. Tali armonizzazzjoni tirrikjedi reviżjoni tal-proċeduri sabiex jiġi żgurat approċċ sistematiku u t-traċċabbiltà tiegħu;

33.

jappella li l-implimentazzjoni tal-Mewġa ta’ Rinnovazzjoni tkun appoġġjata minn għodda ta’ assistenza teknika li tkun aċċessibbli għall-awtoritajiet lokali u reġjonali kollha, pereżempju billi jissaħħaħ mudell aktar deċentralizzat tal-istrument ELENA, ibbażat fuq promozzjoni u standardizzazzjoni tal-mudell tal-one-stop shop (21); iqis li l-one-stop shops ma għandhomx ikunu limitati biss għall-aspetti finanzjarji, iżda jridu jsiru katalisti reali għat-tkabbir tal-għarfien, il-bini tal-kapaċità u t-tixrid ta’ prattiki tajbin fuq skala lokali u reġjonali; jiddikjara wkoll li jinsab lest li jikkoopera mal-Bank Ewropew tal-Investiment (BEI) sabiex din l-inizjattiva tiġi ottimizzata u implimentata f’waqtha bil-ħsieb li l-għodda tkun aktar aċċessibbli u ż-żmien ta’ implimentazzjoni tagħha jkun ferm iqsar; jinsab konvint li sinerġija akbar bejn il-faċilità ELENA u Orizzont Ewropea tista’ wkoll tagħmilha possibbli li nimxu minn prattiki tajba individwali għal investimenti fuq skala kbira; jinsab imħasseb dwar il-fatt li l-fattur ta’ ingranaġġ mitlub bħalissa mill-programm ELENA għal bini residenzjali sostenibbli (10 darbiet l-ammont tal-għotja) jikkostitwixxi ostaklu sinifikanti għal ċerti gruppi ta’ benefiċjarji; jappella għalhekk lill-Kummissjoni u lill-BEI biex jivvalutaw soluzzjonijiet possibbli għal din it-tip ta’ sitwazzjoni;

34.

ifakkar li mekkaniżmi ta’ finanzjament tal-Mewġa ta’ Rinnovazzjoni għandhom iqisu s-sitwazzjonijiet li jvarjaw ħafna fir-rigward tat-titolu ta’ sjieda tal-proprjetà u tal-isfondi soċjoekonomiċi tal-okkupanti, kif ukoll fir-rigward tal-użu mħallat b’riżultat tat-tendenza dejjem tikber tat-telexogħol. Il-mudell tan-newtralità tal-kost tal-akkomodazzjoni għandu jikkombina l-għanijiet soċjali u klimatiċi b’mod ideali u jipprevjeni l-hekk imsejħa “renovictions” (żgumbramenti minħabba r-rinnovazzjoni); jappella, għalhekk, li l-livelli kompetenti ta’ gvern jevitaw li l-kostijiet tar-rinnovazzjoni jiġu mgħoddija lill-inkwilini, u jqis li ż-żidiet fil-kera għandhom jkunu bbilanċjati skont l-iffrankar tal-enerġija mistenni;

Aspetti speċifiċi għar-rinnovazzjoni tal-bini

35.

jilqa’ l-proposta li jiġi introdott, fil-qafas tar-reviżjoni tad-Direttiva dwar ir-Rendiment tal-Bini fl-Użu tal-Enerġija, standard ta’ “rinnovazzjoni profonda”, bil-ħsieb li finanzjament privat sinifikanti jiġi ankrat għal investimenti trasparenti, li jitkejlu u li huma ġenwinament “ekoloġiċi”; ifakkar li dawn l-istandards għandhom iqisu r-rekwiżiti kollha għall-bini f’żoni klimatiċi differenti u jipprevedu protokolli speċifiċi għall-bini storiku, filwaqt li jibnu fuq l-aħjar prattiki kkonsolidati fit-territorji differenti (22);

36.

jistieden lill-Kummissjoni taħdem mal-Istati Membri biex jipprovdu regoli baġitarji aktar flessibbli għall-amministrazzjonijiet lokali u reġjonali sabiex tiġi appoġġjata l-kapaċità ta’ investiment tagħhom fil-qasam tar-rinnovazzjoni tal-istokk tal-bini eżistenti u fil-kostruzzjoni ta’ bini pubbliku ġdid orjentat lejn is-soċjetà. Għandha tingħata attenzjoni partikolari lill-potenzjal tal-Kuntratti għall-Prestazzjoni tal-Enerġija li ma jkunux fil-baġit (23);

37.

ifakkar li l-kundizzjonijiet tal-akkomodazzjoni spiss huma sors ta’ inugwaljanzi kbar, fejn bini iffullat b’sistemi ineffiċjenti tal-enerġija u l-ispejjeż relatati jistgħu joħolqu piż, ta’ spiss insostenibbli fuq il-baġits tal-unitajiet domestiċi; hemm madwar 34 miljun Ewropew li jgħixu f’kundizzjonijiet ta’ faqar enerġetiku: jappella għalhekk lill-Istati Membri, ifasslu stimi preċiżi fil-livell sottoreġjonali; iħeġġeġ lill-Kummissjoni ssaħħaħ l-attivitajiet ta’ promozzjoni u skambju tal-aħjar prattiki fil-ġlieda kontra l-faqar enerġetiku, il-konnessjoni tal-osservatorji eżistenti ma’ xulxin u l-appoġġ għat-twaqqif ta’ osservatorji f’dawk l-Istati Membri li għad m’għandhomx wieħed;

38.

jirrimarka li l-enerġija għandha tkun affordabbli għal kulħadd u li l-faqar enerġetiku għandu riperkussjonijiet soċjali, ekonomiċi u ambjentali sinifikanti; jenfasizza li ċ-ċirku vizzjuż tal-faqar enerġetiku ma jaffettwax biss lill-unitajiet domestiċi u lill-persuni fiżiċi vulnerabbli, iżda anke n-negozji u xi kultant l-awtoritajiet lokali żgħar jistgħu jiġu affettwati wkoll minn dinamiċi simili ħafna, fejn ir-riżorsi disponibbli ma jkunux biżżejjed biex ikopru l-ispiża dejjem tikber tas-servizzi tal-enerġija, li għalhekk issir piż dejjem akbar fuq il-baġit ġenerali; jistieden, għaldaqstant, lill-Kummissjoni tesplora l-estensjoni tal-analiżi tal-faqar enerġetiku lil hinn mill-unitajiet domestiċi individwali, sabiex tibni fuqhom meta tiddefinixxi l-mekkaniżmi għall-implimentazzjoni tal-Mewġa ta’ Rinnovazzjoni. Ifakkar li l-mudell ta’ żoni ta’ produzzjoni ekoloġiċi jista’ jkun referenza utli għall-involviment tas-settur tal-manifattura fil-Mewġa ta’ Rinnovazzjoni u, b’mod aktar ġenerali, fl-implimentazzjoni tal-Patt Ekoloġiku; jiddikjara li huwa lest li jikkoopera mal-Kummissjoni Ewropea fil-ħidma tal-Osservatorju tal-Faqar Enerġetiku l-ġdid;

39.

jirrimarka li l-komunitajiet tal-enerġija lokali u l-kunċett ta’ “prosumaturi” jistgħu jaqdu rwol fundamentali fiż-żieda tar-rati ta’ rinnovazzjoni, fil-ġlieda kontra l-faqar enerġetiku, u fit-tranżizzjoni enerġetika permezz ta’ produzzjoni deċentralizzata tal-enerġija u inizjattivi ggwidati miċ-ċittadini. Għal dan il-għan għandhom jiġu promossi inizjattivi ta’ awtoġenerazzjoni u awtokonsum fid-djar, li jiffaċilitaw u jtejbu l-użu ta’ teknoloġiji bħat-teknoloġiji termali solari u fotovoltajċi u dawk ġeotermali, fil-bini eżistenti li qed jiġi rinnovat u speċjalment f’bini ġdid. Mod ieħor huwa l-mudell tal-“kera li tinkludi kollox”, il-prinċipju ewlieni fl-Iżvezja u l-Finlandja, pereżempju, fejn is-sid tal-proprjetà jiggarantixxi lill-inkwilini ambjent intern adegwat, normalment ta’ 20-21 oC. Dan l-approċċ kien ta’ suċċess biex jiġi evitat il-faqar enerġetiku, u fl-istess ħin ipprovda inċentiv sostanzjali lis-sidien tal-proprjetà, li għandhom opportunitajiet differenti mill-inkwilini f’dan ir-rigward, biex jiffrankaw l-enerġija, għad li xorta jiddependu mill-kooperazzjoni mill-inkwilini. Għaldaqstant iħeġġeġ lill-Kummissjoni taħdem flimkien mal-Istati Membri sabiex tiżgura li t-traspożizzjoni tad-Direttivi rilevanti sseħħ fil-ħin, f’konformità sħiħa mal-ispirtu tad-Direttiva u b’mekkaniżmi ta’ implimentazzjoni sempliċi; jissuġġerixxi li r-rekwiżiti għall-qari tal-arloġġi u l-kontijiet individwali ma għandhomx japplikaw meta ma jkunux mod kosteffettiv għall-iffrankar tal-enerġija;

40.

jenfasizza l-importanza li jiġu appoġġjati approċċi bbażati fuq il-viċinat li jisfruttaw il-potenzjal tal-komunitajiet lokali li jintegraw sorsi lokali ta’ enerġija rinnovabbli mal-konsum lokali bl-użu ta’ soluzzjonijiet diġitali innovattivi, li huma l-pedament tal-kunċett ta’ belt intelliġenti; jenfasizza li konnettività diġitali adatta (24) fiż-żoni urbani u rurali se tagħmilha aktar faċli għaċ-ċittadini biex jaċċessaw l-informazzjoni dwar il-konsum tal-enerġija tagħhom f’ħin reali, li jippermettilhom jottimizzawh u jagħmluh aktar effiċjenti; tali kunċetti fil-livell lokali għandhom imorru lil hinn mill-fruntieri fiżiċi tal-Istati Membri, u b’hekk jippermettu skambji ta’ enerġija rinnovabbli bejn muniċipalitajiet u viċinati kontigwi fir-reġjuni tal-fruntiera;

41.

iħeġġeġ lill-Kummissjoni u lill-Istati Membri sabiex joħolqu l-kundizzjonijiet meħtieġa biex il-Mewġa ta’ Rinnovazzjoni tkun tista’ tiġi implimentata anke f’żoni inqas urbanizzati u aktar periferali, kif ukoll dawk li huma żoni rurali skarsament popolati, sabiex jiġi żgurat li dawn iż-żoni ma jitilfux l-attrazzjoni tagħhom u jipprovdu standards tal-għajxien u servizzi li jibqgħu validi fil-futur; ifakkar li l-komunitajiet tal-enerġija jistgħu jaqdu rwol importanti fil-promozzjoni tal-enerġiji rinnovabbli fil-komunitajiet urbani u rurali kif ukoll il-koeżjoni territorjali;

42.

ifakkar li għandha titqies is-sitwazzjoni partikolari tar-reġjuni ultraperiferiċi, li jbatu minn avvenimenti klimatiċi negattivi, li huma vulnerabbli ħafna għat-tibdil fil-klima u huma iżolati mill-perspettiva tal-enerġija, fejn l-ispiża tar-rinnovazzjoni se tkun ogħla. Sabiex il-bini jsir aktar ekoloġiku, jeħtieġ li l-iskemi ta’ appoġġ finanzjarju jiġu adattati għal proġetti li jinsabu f’dawn ir-reġjuni sabiex jitqiesu l-ispejjeż tal-produzzjoni assoċjati mal-kundizzjonijiet speċifiċi tagħhom; f’dan ir-rigward, jilqa’ t-tnedija tat-tieni fażi tal-inizjattiva “Enerġija Nadifa għall-Gżejjer tal-UE” u jinsab lest li jappoġġja l-implimentazzjoni tagħha;

43.

jappella għall-konsolidazzjoni tal-mekkaniżmi ta’ ċertifikazzjoni biex tiġi appoġġjata l-għażla tal-materjali u t-tekniki tal-kostruzzjoni skont iċ-ċiklu tal-ħajja tagħhom, il-possibbiltà li jintużaw tekniki selettivi ta’ twaqqigħ u d-differenzjazzjoni ta’ elementi perikolużi u li jistgħu jiġu rkuprati. Dan bil-għan li tiġi stimulata r-rinnovazzjoni tas-settur tal-kostruzzjoni sabiex ikun jista’ jimplimenta proċessi ċirkolari fl-industrija f’konformità mal-Protokoll tal-UE dwar l-Iskart mill-Kostruzzjoni u mid-Demolizzjoni. F’dan ir-rigward, għandu jingħata appoġġ lill-kuntratturi biex jiżviluppaw alternattivi, pereżempju permezz ta’ sħubijiet ta’ innovazzjoni u ta’ kooperazzjoni bejn l-awtoritajiet kontraenti u l-fornituri fl-akkwist pubbliku; jeħtieġ ukoll li l-Kummissjoni Ewropea tagħti aktar inċentivi lill-Istati Membri biex tappoġġja dawn il-metodi ta’ akkwist;

44.

iħeġġeġ lill-Kummissjoni teżiġi li l-Istati Membri jinvolvu bis-sħiħ u b’mod effettiv lill-awtoritajiet reġjonali u lokali fl-abbozzar u fl-implimentazzjoni tal-pjani nazzjonali rispettivi tagħhom ta’ rkupru u ta’ reżiljenza. Governanza f’diversi livelli biss tista’ tiżgura li l-interventi ta’ rinnovazzjoni tal-bini fl-użu tal-enerġija jkunu mfassla f’sinerġija mas-sistema territorjali, u b’hekk jimmassimizzaw il-benefiċċji (ambjentali, soċjali u ekonomiċi). Jenfasizza li jrid jiġi żviluppat id-djalogu f’diversi livelli dwar l-enerġija u l-klima (25) u li l-metodoloġiji użati għall-implimentazzjoni tiegħu għandhom jiġu mfassla b’tali mod li tiġi żgurata implimentazzjoni effettiva, koerenti u sistematika tiegħu;

45.

jafferma bil-qawwa r-rwol kruċjali tal-awtoritajiet lokali u reġjonali fl-iżgurar li r-rinnovazzjoni tal-bini tissodisfa r-rekwiżiti tal-użu tal-art u tal-urbanistika, li tippromovi l-politiki li jindirizzaw id-depopolazzjoni, u li tkun konformi mal-kriterji tal-ġustizzja soċjali u tar-rispett għall-ambjent; jirrimarka li l-mekkaniżmi ta’ finanzjament għall-Mewġa ta’ Rinnovazzjoni magħżula mill-Istati Membri m’għandhomx idgħajfu dan ir-rwol fundamentali ta’ koordinazzjoni;

46.

jistieden lill-Kummissjoni u lill-Istati Membri jinkoraġġixxu sinerġiji bejn atturi differenti fejn l-interventi konġunti jkunu aktar effiċjenti u l-integrazzjoni bejn il-Fondi SIE u l-fondi ġestiti direttament (Orizzont Ewropa, Faċilità Nikkollegaw l-Ewropa, InvestEU, il-Programm il-ġdid LIFE CET (Tranżizzjoni Lejn Enerġija Nadifa), il-BEI). Għal dan il-għan, dawk li jwettqu dawn is-sinerġiji u li jsibu r-rappreżentanti ewlenin fit-territorji (ir-reġjuni l-ewwel nett) għandhom jiġu ppremjati. B’mod partikolari, jista’ jiġi adottat l-approċċ tal-investiment b’impatt tal-OECD għall-implimentazzjoni tal-Għanijiet ta’ Żvilupp Sostenibbli, sabiex l-investimenti joperaw b’objettivi tal-impatt soċjali u ambjentali li jistgħu jitkejlu u li huma kompatibbli mal-prestazzjoni ekonomika (26);

47.

jistieden lill-Kummissjoni u lill-Istati Membri jiżguraw li r-rinnovazzjoni tal-bini ma tiffokax biss fuq l-aspetti tal-kostruzzjoni tal-bini jew l-akkomodazzjoni nnifishom, iżda tindirizza wkoll aspetti relatati mal-ħtieġa li tinbidel il-mobbiltà primarjament fiż-żoni urbani, billi ssir enfasi fuq l-introduzzjoni ta’ żoni ta’ parkeġġ għar-roti u l-vetturi tal-mobbiltà personali ġewwa jew maġenb il-bini, u punti tal-iċċarġjar għall-vetturi elettriċi, filwaqt li titqies ukoll il-ħtieġa li jiġu eliminati l-ostakoli amministrattivi u leġiżlattivi. Barra minn hekk, id-disponibbiltà ta’ infrastrutturi komuni tal-komunikazzjoni (ICT) hija mħeġġa wkoll sabiex titrawwem l-integrazzjoni tan-nies li jgħixu fil-bini f’soċjetà dejjem aktar konnessa;

48.

jappella li jsir titjib fil-mekkaniżmi ta’ finanzjament ta’ din l-istrateġija permezz tal-Faċilità għall-Irkupru u r-Reżiljenza, il-politika ta’ koeżjoni u l-Bank Ewropew tal-Investiment (BEI) biex ir-reġjuni jkunu jistgħu jipparteċipaw iktar kemm bħala destinatarji u maniġers tal-fondi;

49.

jinsab impenjat li jiżgura li t-tfassil leġiżlattiv tal-Mewġa ta’ Rinnovazzjoni ma jnaqqasx id-dritt tal-Istat Membri li jagħżlu bejn is-sorsi tal-enerġija b’mod indipendenti, dment li tiġi żgurata d-dekarbonizzazzjoni stabbilita fl-objettivi tal-Unjoni Ewropea;

50.

jilqa’ l-proposta tal-Kummissjoni Ewropea biex taħdem fi sħubija mill-qrib mal-Kumitat Ewropew tar-Reġjuni dwar il-Mewġa ta’ Rinnovazzjoni u jappella għal ftehim iddedikat li jistabbilixxi l-pedament għal kooperazzjoni msaħħa f’dan il-qasam fl-irkupru ta’ wara l-COVID-19;

51.

jistieden lill-Kunsill tal-UE jiżviluppa kampanja ta’ komunikazzjoni f’kooperazzjoni ma’ istituzzjonijiet oħra u jaħdem fi sħubija mill-qrib mal-Kumitat Ewropew tar-Reġjuni biex titqajjem kuxjenza u tiġi stimulata azzjoni dwar il-Mewġa ta’ Rinnovazzjoni fl-istess ħin fil-livell tal-UE, nazzjonali, reġjonali u lokali.

Brussell, id-19 ta’ Marzu 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1) Id-Direttiva dwar ir-Rendiment tal-Bini fl-Użu tal-Enerġija tipprevedi strateġiji nazzjonali għat-titjib tal-enerġija tal-istokk tal-bini nazzjonali.

(2) http://bpie.eu/wp-content/uploads/2015/10/Implementing_Cost_Optimality.pdf

(3) Ara pereżempju l-proġett “Sharing cities” fuq http://www.sharingcities.eu/

(4) Jeżistu manwali li jiffaċilitaw it-tħejjija ta’ pjani integreti bħal “how to develop a SECAP” (Kif jista’ jiġi żviluppat SECAP) (JRC), Smart cities Guidance Package (Pakkett ta’ Gwida għall-Bliet Intelliġenti), u l-ktejjeb ta’ sinteżi li tħejjew mir-ragruppament “Integrated Planning Policy and Regulation Action” tal-Inizjattiva Ewropea tal-Bliet Intelliġenti, u l-gwida tal-European Energy Award (mhumiex disponibbli bil-Malti).

(5) https://ec.europa.eu/environment/topics/circular-economy/levels_en

(6) Pereżempju, Level(s) ma għandux indikatur tar-rekwiżiti massimi tal-binjiet fir-rigward tal-enerġija (kW) u t-tagħbija għas-sistema tal-elettriku, ħaġa li saret fattur dejjem aktar importanti f’ħafna oqsma fejn is-sistemi tal-elettriku qed jiffaċċjaw żieda fid-domanda.

(7) Osservatorju Ewropew tal-Istokk Immobiljari: https://ec.europa.eu/energy/topics/energy-efficiency/energy-efficient-buildings/eu-bso_en

(8) Tali possibbiltajiet jinkludu, iżda mhumiex limitati għal: elettrifikazzjoni diretta u l-użu ta’ pompi tas-sħana, networks tat-tisħin distrettwali, l-adattament għal skop ġdid tan-networks eżistenti tal-gass għal applikazzjonijiet ġodda u l-użu tal-idroġenu.

(9) Pereżempju, soluzzjonijiet ibbażati fuq il-gass naturali.

(10) Bħall-karatteristiċi tal-bini f’termini ta’ età, forma, użu, disinn storiku/arkitettoniku, sjieda, għan, suq immobiljari lokali, valur alternattiv, spejjeż tas-sottokuntrattar u kwalunkwe xogħol ta’ rinnovazzjoni preċedenti.

(11) Ara, pereżempju, il-proġetti X-tendo https://x-tendo.eu, U-Cert https://u-certproject.eu u QualDEEPC https://qualdeepc.eu

(12) Ara, pereżempju, il-proġett GROWGREEN http://growgreenproject.eu/

(13) Bħal “ġonna mdendla”, “soqfa ekoloġiċi”, “infrastrutturi ekoloġiċi u blu”.

(14) L-enerġija inkorporata hija l-enerġija kkunsmata mill-proċessi kollha assoċjati mal-produzzjoni ta’ bini, mill-estrazzjoni u l-ipproċessar tar-riżorsi naturali sal-manifattura, it-trasport u l-konsenja tal-prodott.

(15) Il-KEP ġiet żviluppata mill-Kumitat tar-Reġjuni u mill-Kummissjoni Ewropea (DĠ Riċerka u Innovazzjoni).

(16) Ara, pereżempju, il-proġett Compete4SECAP: https://compete4secap.eu/

(17) Ara, pereżempju, il-pubblikazzjoni “Smart Cities Guidance Package”, hawnhekk https://www.researchgate.net/publication/343615678_Smart_City_Guidance_Package

(18) Ara, pereżempju, il-pubblikazzjoni “Smart Cities Guidance Package”, hawnhekk https://www.researchgate.net/publication/343615678_Smart_City_Guidance_Package

(19) Ara, pereżempju, il-proġett NET-ubiep http://www.net-ubiep.eu/

(20) EU Science Hub, Enabling Positive Energy Districts across Europe: energy efficiency couples renewable energy (L-iffaċilitar ta’ Distretti b’Enerġija Pożittiva madwar l-Ewropa: effiċjenza enerġetika flimkien ma’ enerġija rinnovabbli – mhux disponibbli bil-Malti) (europa.eu).

(21) Ara, pereżempju, il-proġetti OKTAVE https://www.oktave.fr/ (disponibbli bil-Franċiż biss), INTERREG ReeHub https://reehub.italy-albania-montenegro.eu/ u PADOVA FIT https://www.padovafit.eu/it/home.html

(22) Ara pereżempju l-proġett ENERGIESPRONG hawnhekk https://energiesprong.org/

(23) Ara, pereżempju, il-proġett Guarantee: www.guarantee-project.eu

(24) Pereżempju, it-teknoloġija 5G kapaċi tgħaqqad eluf ta’ apparati ta’ monitoraġġ fl-aktar żoni popolati u tista’ tiffaċilita l-konnettività ultraveloċi li hija nieqsa bil-bosta fiż-żoni l-inqas popolati, li xi wħud minnhom jinsabu f’riskju ta’ depopolazzjoni.

(25) Kif stabbilit bir-Regolament (UE) 2018/1999 dwar il-Governanza tal-Unjoni tal-Enerġija.

(26) https://www.oecd.org/dac/financing-sustainable-development/development-finance-topics/social-impact-investment-initiative.htm

Interactio — Mill-bogħod — Il-143 sessjoni plenarja tal-KtR, 17.3.2021–19.3.2021

7.5.2021

Il-Ġurnal Uffiċjali tal-Unjoni Ewropea

C 175/32

Opinjoni tal-Kumitat Ewropew tar-Reġjuni — Patt Ġdid dwar il-Migrazzjoni u l-Ażil

(2021/C 175/06)

Relatur:

Antje GROTHEER (DE/PSE), Viċi President tal-Parlament tal-Belt ta’ Bremen

Dokumenti ta’ referenza:

Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Patt Ġdid dwar il-Migrazzjoni u l-Ażil

(COM(2020) 609 final)

Proposta għal Regolament tal-Parlament Ewropew u tal-Kunsill dwar il-ġestjoni tal-ażil u l-migrazzjoni u li jemenda d-Direttiva tal-Kunsill (KE) 2003/109 u r-Regolament propost (UE) XXX/XXX [Il-Fond għall-Migrazzjoni u l-Ażil]

(COM(2020) 610 final)

Proposta emendata għal Regolament tal-Parlament Ewropew u tal-Kunsill li jistabbilixxi proċedura komuni għall-protezzjoni internazzjonali fl-Unjoni u li jħassar id-Direttiva 2013/32/UE

(COM(2020) 611 final)

Proposta għal Regolament tal-Parlament Ewropew u tal-Kunsill li jintroduċi skrinjar ta’ ċittadini ta’ pajjiżi terzi fil-fruntieri esterni u li jemenda r-Regolamenti (KE) Nru 767/2008, (UE) 2017/2226, (UE) 2018/1240 u (UE) 2019/817

(COM(2020) 612 final)

Proposta għal Regolament tal-Parlament Ewropew u tal-Kunsill li jindirizza sitwazzjonijiet ta’ kriżi u ta’ force majeure fil-qasam tal-migrazzjoni u tal-ażil

(COM(2020) 613 final)

Proposta emendata għal Regolament tal-Parlament Ewropew u tal-Kunsill dwar l-istabbiliment tal-“Eurodac”

(COM(2020) 614 final)

Rakkomandazzjoni tal-Kummissjoni dwar mezzi legali għall-protezzjoni fl-UE: il-promozzjoni tar-risistemazzjoni, l-ammissjoni umanitarja u mezzi komplementari oħra

(C(2020) 6467 final)

Rakkomandazzjoni tal-Kummissjoni tat-23 ta’ Settembru 2020 dwar il-kooperazzjoni fost l-Istati Membri fir-rigward ta’ operazzjonijiet imwettqa minn bastimenti li huma proprjetà ta’ entitajiet privati jew imħaddma minnhom għall-fini ta’ attivitajiet ta’ tiftix u salvataġġ

(C(2020) 6468 final)

Rakkomandazzjoni tal-Kummissjoni dwar mekkaniżmu tal-UE għat-Tħejjija u għall-Ġestjoni tal-Kriżijiet b’rabta mal-Migrazzjoni (Blueprint dwar it-Tħejjija għall-Migrazzjoni u l-Ġestjoni tal-Kriżijiet Migratorji)

(C(2020) 6469 final)

Komunikazzjoni tal-Kummissjoni — Gwida tal-Kummissjoni dwar l-implimentazzjoni tar-regoli tal-UE dwar id-definizzjoni u l-prevenzjoni tal-faċilitazzjoni ta’ dħul, tranżitu u residenza mhux awtorizzati

(C(2020) 6470 final)

Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni — Pjan ta’ Azzjoni dwar l-Integrazzjoni u l-Inklużjoni 2021-2027

(COM(2020) 758 final)

I. RAKKOMANDAZZJONIJIET SABIEX JITRESSQU L-EMENDI

Emenda 1

COM(2020) 610 final, Premessa 26

Test propost mill-Kummissjoni Ewropea

Emenda tal-KtR

Dawk il-persuni li huma aktar probabbli li jkollhom id-dritt li jibqgħu fl-Unjoni biss jenħtieġ li jiġu rilokati. Għalhekk, l-ambitu tar-rilokazzjoni tal-applikanti għall-protezzjoni internazzjonali jenħtieġ li jkun limitat għal dawk li mhumiex soġġetti għall-proċedura fil-fruntiera stabbilita fir-Regolament (UE) XXX/XXX [ir-Regolament dwar il-Proċedura tal-Ażil].

Raġuni

Sabiex dan il-kriterju jiġi applikat b’mod korrett, għandu jiġi previst li l-Kummissjoni tfassal u taġġorna regolarment lista ta’ pajjiżi sikuri għal proċeduri ta’ ritorn possibbli.

Emenda 2

COM(2020) 610 final, Premessa 36

Test propost mill-Kummissjoni Ewropea

Emenda tal-KtR

Dan ir-Regolament jenħtieġ li japplika għal applikanti għal protezzjoni sussidjarja u għal persuni eliġibbli għal protezzjoni sussidjarja sabiex jiġi żgurat trattament ugwali għall-applikanti u l-benefiċjarji kollha ta’ protezzjoni internazzjonali, u konsistenza mal-acquis attwali tal-Unjoni dwar l-ażil, b’mod partikolari mar-Regolament (UE) XXX/XXX [ir-Regolament dwar il-Kwalifika].

Dan ir-Regolament jenħtieġ li japplika għal applikanti għal protezzjoni sussidjarja, għal persuni eliġibbli għal protezzjoni sussidjarja u għall-applikanti u l-persuni li jibbenefikaw minn forom oħra ta’ protezzjoni previsti mill-Istati Membri, sabiex jiġi żgurat trattament ugwali għall-applikanti u l-benefiċjarji kollha ta’ protezzjoni internazzjonali, u konsistenza mal-acquis attwali tal-Unjoni dwar l-ażil, b’mod partikolari mar-Regolament (UE) XXX/XXX [ir-Regolament dwar il-Kwalifika].

Raġuni

Il-kamp ta’ applikazzjoni tar-Regolament jeħtieġ li jiġi estiż sabiex ma japplikax biss għall-applikanti għal protezzjoni internazzjonali u għall-persuni li jibbenefikaw minn protezzjoni internazzjonali u sussidjarja, iżda wkoll għall-applikanti u għall-persuni li jibbenefikaw minn forom oħra ta’ protezzjoni provduti mill-Istati Membri.

Emenda 3

COM(2020) 610 final, Premessa 47

Test propost mill-Kummissjoni Ewropea

Emenda tal-KtR

Id-definizzjoni ta’ membru ta’ familja f’dan ir-Regolament jenħtieġ li tinkludi lill-aħwa tal-applikant. Ir-riunjoni tal-aħwa hija ta’ importanza partikolari biex jitjiebu l-possibbiltajiet ta’ integrazzjoni tal-applikanti u għalhekk jitnaqqsu l-movimenti mhux awtorizzati. Il-kamp ta’ applikazzjoni tad-definizzjoni ta’ membru ta’ familja jenħtieġ li jirrifletti wkoll ir-realtà tax-xejriet migratorji attwali, skont liema l-applikanti ta’ spiss jaslu fit-territorju tal-Istati Membri wara perjodi twal fi tranżitu. Id-definizzjoni jenħtieġ li għalhekk tinkludi familji li ffurmaw barra mill-pajjiż tal-oriġini , iżda qabel il- wasla tagħhom fit-territorju tal-Istat Membru. Dan it-twessigħ limitat u mmirat tal-ambitu tad-definizzjoni huwa mistenni li jnaqqas l-inċentiv għal xi movimenti mhux awtorizzati ta’ dawk li jfittxu l-ażil fl-UE.

Id-definizzjoni ta’ membru ta’ familja f’dan ir-Regolament jenħtieġ li tinkludi lill-aħwa tal-applikant. Ir-riunjoni tal-aħwa hija ta’ importanza partikolari biex jitjiebu l-possibbiltajiet ta’ integrazzjoni tal-applikanti u għalhekk jitnaqqsu l-movimenti mhux awtorizzati. Il-kamp ta’ applikazzjoni tad-definizzjoni ta’ membru ta’ familja jenħtieġ li jirrifletti wkoll ir-realtà tax-xejriet migratorji attwali, skont liema l-applikanti ta’ spiss jaslu fit-territorju tal-Istati Membri wara perjodi twal fi tranżitu. Id-definizzjoni għandha għalhekk tinkludi familji li ffurmaw barra mill-pajjiż tal-oriġini qabel u wara l- wasla tagħhom fit-territorju tal-Istat Membru. Dan it-twessigħ limitat u mmirat tal-ambitu tad-definizzjoni huwa mistenni li jnaqqas l-inċentiv għal xi movimenti mhux awtorizzati ta’ dawk li jfittxu l-ażil fl-UE.

Raġuni

Il-familji spiss jiġu ffurmati fl-Istati Membri ospitanti, għalhekk id-dritt għall-unità tal-familja għandu jiġi ggarantit meta sseħħ ir-riallokazzjoni irrispettivament miż-żmien u l-post fejn tiġi ffurmata l-familja F’każ kuntrarju, ikun hemm riskju ta’ dispożizzjonijiet diskriminatorji.

Emenda 4

COM(2020) 610 final, Premessa 63

Test propost mill-Kummissjoni Ewropea	Emenda tal-KtR
Biex jingħata appoġġ lill-Istati Membri li jidħlu f’rilokazzjoni bħala miżura ta’ solidarjetà, jenħtieġ li jiġi pprovdut appoġġ finanzjarju mill-baġit tal-Unjoni. Sabiex l-Istati Membri jiġu inċentivati jagħtu prijorità lir-rilokazzjoni ta’ minorenni mhux akkumpanjati , jenħtieġ li tiġi pprovduta kontribuzzjoni ta’ inċentiv ogħla.	Biex jingħata appoġġ lill-Istati Membri li jidħlu f’rilokazzjoni bħala miżura ta’ solidarjetà, jenħtieġ li jiġi pprovdut appoġġ finanzjarju mill-baġit tal-Unjoni. Sabiex l-Istati Membri jiġu inċentivati jagħtu prijorità lir-rilokazzjoni ta’ minorenni u nisa li jivvjaġġaw waħedhom , jenħtieġ li tiġi pprovduta kontribuzzjoni ta’inċentiv ogħla.

Raġuni

Inċentiv finanzjarju ogħla għandu jkun disponibbli għat-tfal kollha (flimkien mal-ġenituri u l-aħwa tagħhom), u mhux biss għal rifuġjati minorenni mhux akkumpanjati. Dan għandu japplika wkoll għal nisa li jivvjaġġaw waħedhom. Skont bosta rapporti, in-nisa u l-bniet huma f’riskju għoli ta’ vjolenza abbażi tal-ġeneru fiċ-ċentri ta’akkoljenza. L-iffullar żejjed f’xi wħud mill-hotspots Griegi wassal għal żieda sinifikanti fir-riskju ta’ vjolenza sesswali u abbażi tal-ġeneru, speċjalment fil-konfront ta’nisa li jivvjaġġaw waħedhom, li ħafna drabi ma jiġux akkomodati b’mod separat. Skont il-Kummissjoni, huma b’mod partikolari n-nisa migranti u rifuġjati vulnerabbli, kif ukoll il-minorenni mhux akkumpanjati li huma wkoll f’riskju akbar li jiġu ttraffikati. Sabiex jiġu mminimizzati dawn ir-riskji, għandu għalhekk ikun hemm ukoll inċentivi finanzjarji ogħla għar-rilokazzjoni tan-nisa.

Emenda 5

COM(2020) 610 final, Artikolu 2(w)

Test propost mill-Kummissjoni Ewropea

Emenda tal-KtR

“pressjoni migratorja” tfisser sitwazzjoni fejn hemm għadd kbir ta’ wasliet ta’ ċittadini ta’ pajjiżi terzi jew persuni mingħajr Stat, jew riskju ta’ tali wasliet, inkluż fejn dan jirriżulta minn wasliet wara operazzjonijiet ta’tiftix u salvataġġ, bħala riżultat tal-pożizzjoni ġeografika ta’ Stat Membru u l-iżviluppi speċifiċi f’pajjiżi terzi li jiġġeneraw movimenti migratorji li jitfgħu piż anke fuq sistemi tal-ażil u l-akkoljenza ppreparati sew u jeħtieġu azzjoni immedjata;

“pressjoni migratorja” tfisser sitwazzjoni fejn hemm għadd kbir ta’ wasliet ta’ ċittadini ta’ pajjiżi terzi jew persuni mingħajr Stat, jew riskju ta’ tali wasliet, inkluż fejn dan jirriżulta minn wasliet wara operazzjonijiet ta’ tiftix u salvataġġ fil-livell lokali, reġjonali u/jew nazzjonali , bħala riżultat tal-pożizzjoni ġeografika ta’ Stat Membru jew ir-reġjuni tiegħu u l-iżviluppi speċifiċi f’pajjiżi terzi li jiġġeneraw movimenti migratorji li jitfgħu piż anke fuq sistemi tal-ażil u l-akkoljenza ppreparati sew u jeħtieġu azzjoni immedjata;

Raġuni

Fil-każ ta’ flussi migratorji li ma jaffettwax is-sistema nazzjonali kollha tal-ażil u l-akkoljenza, xorta jista’ jkun hemm reġjuni u postijiet li huma taħt pressjoni partikolari u li jistgħu jinħakmu minn dan.

Emenda 6

COM(2020) 610 final, Artikolu 6(3)

Test propost mill-Kummissjoni Ewropea

Emenda tal-KtR

L-Istati Membri għandu jkollhom fis-seħħ strateġiji nazzjonali biex jiżguraw kapaċità suffiċjenti għall-implimentazzjoni ta’ sistema effettiva ta’ ġestjoni tal-ażil u l-migrazzjoni skont il-prinċipji stabbiliti f’din il-Parti. Dawk l-istrateġiji għandhom jinkludu ppjanar ta’ kontinġenza fil-livell nazzjonali, filwaqt li jitqies l-ippjanar ta’ kontinġenza skont ir-Regolament (UE) XXX/XXX [Aġenzija tal-Unjoni Ewropea għall-Ażil], ir-Regolament (UE) 2019/1896 (Aġenzija Ewropea għall-Gwardja tal-Fruntiera u tal-Kosta) u d-Direttiva XXX/XXX/UE [Direttiva dwar il-Kundizzjonijiet ta’ Akkoljenza] u r-rapporti tal-Kummissjoni maħruġa fil-qafas tal-Pjan ta’ Azzjoni tal-Preparazzjoni għall-Migrazzjoni u l-Kriżijiet. Dawn l-istrateġiji nazzjonali għandhom jinkludu informazzjoni dwar kif l-Istat Membru qed jimplimenta l-prinċipji stabbiliti f’din il-Parti u l-obbligi legali li joħorġu minnhom fil-livell nazzjonali. Huma għandhom iqisu strateġiji rilevanti oħrajn u miżuri ta’ appoġġ eżistenti b’mod partikolari taħt ir-Regolament (UE) XXX/XXX [Il-Fond għall-Migrazzjoni u l-Ażil] u r-Regolament (UE) XXX/XXX [Aġenzija tal-Unjoni Ewropea għall-Ażil] u jkunu koerenti u kumplimentari mal-istrateġiji nazzjonali għall-ġestjoni integrata tal-fruntieri stabbiliti skont l-Artikolu 8(6) tar-Regolament (UE) 2019/1896. Ir-riżultati tal-monitoraġġ imwettaq mill-Aġenzija tal-Ażil u l-Aġenzija Ewropea għall-Gwardja tal-Fruntiera u tal-Kosta, tal-evalwazzjoni mwettqa skont ir-Regolament tal-Kunsill Nru 1053/2013 kif ukoll dawk imwettqa skont l-Artikolu 7 tar-Regolament (UE) XXX/XXX [ir-Regolament dwar l-Iskrinjar], għandhom jitqiesu wkoll f’dawn l-istrateġiji.

L-Istati Membri għandu jkollhom l-għan li jfasslu strateġiji nazzjonali biex jiżguraw kapaċità suffiċjenti għall-implimentazzjoni ta’ sistema effettiva ta’ ġestjoni tal-ażil u l-migrazzjoni skont il-prinċipji stabbiliti f’din il-Parti. Dawk l-istrateġiji għandhom jinkludu ppjanar ta’ kontinġenza fil-livell lokali, reġjonali u nazzjonali, filwaqt li jitqies l-ippjanar ta’ kontinġenza skont ir-Regolament (UE) XXX/XXX [Aġenzija tal-Unjoni Ewropea għall-Ażil], ir-Regolament (UE) 2019/1896 56 (Aġenzija Ewropea għall-Gwardja tal-Fruntiera u tal-Kosta) u d-Direttiva XXX/XXX/UE [Direttiva dwar il-Kundizzjonijiet ta’ Akkoljenza] u r-rapporti tal-Kummissjoni maħruġa fil-qafas tal-Pjan ta’ Azzjoni tal-Preparazzjoni għall-Migrazzjoni u l-Kriżijiet. Dawn l-istrateġiji nazzjonali għandhom ikunu bbażati fuq kooperazzjoni f’diversi livelli bejn il-partijiet interessati rilevanti u l-awtoritajiet lokali u reġjonali, is-settur pubbliku u dak privat, kif ukoll is-soċjetà ċivili u għandhom jinkludu informazzjoni dwar kif l-Istat Membru qed jimplimenta l-prinċipji stabbiliti f’din il-Parti u l-obbligi legali li joħorġu minnhom fil-livell nazzjonali. Huma għandhom iqisu strateġiji rilevanti oħrajn u miżuri ta’ appoġġ eżistenti b’mod partikolari taħt ir-Regolament (UE) XXX/XXX [Il-Fond għall-Migrazzjoni u l-Ażil] u r-Regolament (UE) XXX/XXX [Aġenzija tal-Unjoni Ewropea għall-Ażil] u jkunu koerenti u kumplimentari mal-istrateġiji nazzjonali għall-ġestjoni integrata tal-fruntieri stabbiliti skont l-Artikolu 8(6) tar-Regolament (UE) 2019/1896. Ir-riżultati tal-monitoraġġ imwettaq mill-Aġenzija tal-Ażil u l-Aġenzija Ewropea għall-Gwardja tal-Fruntiera u tal-Kosta, tal-evalwazzjoni mwettqa skont ir-Regolament tal-Kunsill Nru 1053/2013 kif ukoll dawk imwettqa skont l-Artikolu 7 tar-Regolament (UE) XXX/XXX [ir-Regolament dwar l-Iskrinjar], għandhom jitqiesu wkoll f’dawn l-istrateġiji.

Raġuni

Fil-fehma tal-KtR, obbligu li jiġu introdotti strateġiji nazzjonali jista’ jqajjem problemi fir-rigward tal-proporzjonalità tal-miżura. Fl-istess ħin, l-aspett lokali u reġjonali għandu jiġi enfasizzat aktar, għaliex huwa f’dan il-livell li għandha ssir l-implimentazzjoni prattika tal-istrateġiji.

Emenda 7

COM(2020) 610 final, Artikolu 11(h)

Test propost mill-Kummissjoni Ewropea	Emenda tal-KtR
li l-awtoritajiet kompetenti tal-Istati Membri u l-Aġenzija tal-Ażil jipproċessaw id-data personali tal-applikant inkluż għall-iskambju ta’ data dwaru għall-għan uniku li jimplimentaw l-obbligi tagħhom li jirriżultaw minn dan ir-Regolament;	li l-awtoritajiet kompetenti tal-Istati Membri u l-Aġenzija tal-Ażil jipproċessaw id-data personali tal-applikant inkluż għall-iskambju ta’ data dwaru għall-għan uniku li jimplimentaw l-obbligi tagħhom li jirriżultaw minn dan ir-Regolament u li tali data ma tiġix kkomunikata lill-pajjiż ta’ oriġini ;

Raġuni

Għandu jkun hemm dispożizzjoni għal projbizzjoni fuq il-komunikazzjoni ta’ data dwar l-applikanti lill-pajjiżi ta’ oriġini, tali data għandha tkun soġġetta għall-aktar privatezza stretta.

Emenda 8

COM(2020) 610 final, Artikolu 12(6)

Test propost mill-Kummissjoni Ewropea

Emenda tal-KtR

L-Istat Membru li jagħmel l-intervista personali għandu jagħmel taqsira bil-miktub tagħha li għandha tinkludi tal-inqas l-informazzjoni prinċipali mogħtija mill-applikant fl-intervista. Din it-taqsira tista’ tkun jew f’għamla ta’ rapport jew formola standard. L-Istat Membru għandu jiżgura li l-applikant jew il-konsulent legali jew konsulent ieħor li jkun qed jirrappreżenta lill-applikant ikollu aċċess f’waqtu għat-taqsira.

L-Istat Membru li jagħmel l-intervista personali għandu jagħmel taqsira bil-miktub tagħha li għandha tinkludi tal-inqas l-informazzjoni prinċipali mogħtija mill-applikant fl-intervista. Din it-taqsira tista’ tkun jew f’għamla ta’ rapport jew formola standard abbażi ta’ lista ta’ kontroll. L-Istat Membru għandu jiżgura li l-applikant jew il-konsulent legali jew konsulent ieħor li jkun qed jirrappreżenta lill-applikant ikollu aċċess f’waqtu għat-taqsira.

Raġuni

Iċċarar tat-test.

Emenda 9

COM(2020) 610 final, Artikolu 21

Test propost mill-Kummissjoni Ewropea

Emenda tal-KtR

Artikolu 21

Dħul

(1) Fejn ikun stabbilit, fuq il-bażi ta’ prova jew xhieda ċirkostanzjali kif deskritt fiż-żewġ listi msemmija fl-Artikolu 30(4) ta’ dan ir-Regolament, inkluż id-data li jirreferi għaliha r-Regolament (UE) XXX/XXX [ir-Regolament tal-Eurodac], li applikant ikun qasam b’mod irregolari l-konfini għal ġo Stat Membru bl-art, bil-baħar jew bl-ajru wara li jkun ġie minn pajjiż terz, l-ewwel Stat Membru li jkun sar tali dħul fih għandu jkun responsabbli biex jeżamina l-applikazzjoni għall-protezzjoni internazzjonali. Dik ir-responsabbilità għandha tieqaf jekk l-applikazzjoni tkun ġiet irreġistrata iktar minn tliet snin wara d-data li fiha jkun seħħ il-qsim irregolari tal-konfini.

(2) Ir-regola stabbilita fil-paragrafu 1 għandha tapplika wkoll meta l-applikant ikun ġie żbarkat fuq it-territorju wara operazzjoni ta’ tiftix u salvataġġ.

(3) Il-paragrafi 1 u 2 ma għandhomx japplikaw jekk ikun jista’ jiġi stabbilit, abbażi ta’ prova jew evidenza ċirkostanzjali kif deskritt fiż-żewġ listi msemmija fl-Artikolu 30(4) ta’ dan ir-Regolament, inkluż id-data li hemm referenza għaliha fir-Regolament (UE) XXX/XXX [ir-Regolament Eurodac], li l-applikant ġie rilokat skont l-Artikolu 57 ta’ dan ir-Regolament għal Stat Membru ieħor wara li jkun qasam il-fruntiera F’dak il-każ, dak l-Istat Membru l-ieħor għandu jkun responsabbli biex jeżamina l-applikazzjoni għall-protezzjoni internazzjonali.

Raġuni

Fid-dawl tal-mekkaniżmu ta’ solidarjetà propost u r-responsabbiltà operattiva akbar tal-Gwardja Ewropea tal-Fruntiera u tal-Kosta (Frontex) fil-Patt Ġdid dwar il-Migrazzjoni u l-Ażil, kif ukoll minħabba l-piżijiet li l-awtoritajiet lokali u reġjonali fir-reġjuni tal-fruntiera se jiffaċċjaw bħala riżultat tal-proċeduri obbligatorji fuq il-fruntiera, m’għadx hemm ġustifikazzjoni biex ir-responsabbiltà għall-applikazzjoni għall-ażil tiġi determinata abbażi tal-kriterju ta’ dħul irregolari minn fruntiera esterna. Pjuttost, il-kriterju jaf ifixkel it-tqassim abbażi tas-solidarjetà. Barra minn hekk, l-assenjazzjoni tar-responsabbiltà lill-Istat Membru tad-dħul għall-persuni żbarkati wara operazzjonijiet ta’ tfittxija u salvataġġ x’aktarx tipperikola l-effettività ta’ dawn l-operazzjonijiet, peress li fil-passat l-Istati Membri diġà rrifjutaw l-iżbarkamenti sabiex jaħarbu mir-responsabbiltà tagħhom. Fil-biċċa l-kbira tal-każijiet ta’ dħul irregolari li jiġu skoperti, it-tħassir tal-Artikolu 21 tal-proposta (dwar ir-responsabbiltà tal-Istat Membru tal-ewwel dħul) ma jbiddilx ir-responsabbiltà tal-Istat tal-fruntiera esterna. Dan minħabba li l-Artikolu 9(1) tal-Proposta jobbliga lil dawk li qed ifittxu protezzjoni biex japplikaw għall-protezzjoni fl-Istat tal-ewwel dħul. Skont l-Artikolu 8(2) tal-Proposta, dan l-Istat jibqa’ responsabbli għall-proċedura tal-ażil jekk ma japplika l-ebda kriterju ieħor biex jiġi ddeterminat l-Istat Membru responsabbli għall-proċedura ta’ protezzjoni. Madankollu, it-tħassir inaqqas il-piż minn fuq l-amministrazzjonijiet nazzjonali u jiffranka l-ispejjeż, peress li jiffranka piż amministrattiv bla bżonn. Anke f’dan l-istadju, it-tentattivi ta’ ritorn ftit li xejn jistgħu jirnexxu jekk id-dħul irregolari ma jkunx jista’ jiġi ppruvat fuq il-bażi tad-data tal-Eurodac. It-tħassir tal-Artikolu 21 tal-Proposta jelimina dan il-piż amministrattiv.

Emenda 10

COM(2020) 610 final, Artikolu 29(1)

Test propost mill-Kummissjoni Ewropea

Emenda tal-KtR

Jekk Stat Membru li fih tkun ġiet irreġistrata applikazzjoni għall-protezzjoni internazzjonali jikkunsidra li Stat Membru ieħor huwa responsabbli għall-eżaminazzjoni tal-applikazzjoni, għandu, kemm jista’ jkun malajr u f’kull każ fi żmien xahrejn mid-data li fiha l-applikazzjoni ġiet irreġistrata, jitlob lill-Istat Membru l-ieħor biex jieħu r-responsabbiltà tal-applikant. Minkejja l-ewwel subparagrafu, fil-każ ta’ hit tal-Eurodac mad-data rreġistrata skont l-Artikoli 13 u 14a tar-Regolament (UE) XXX/XXX [ir-Regolament tal-Eurodac] jew ta’ hit tal-VIS ma’ data rreġistrata skont l-Artikolu 21 tar-Regolament (KE) Nru 767/2008, it-talba biex tittieħed responsabbiltà għandha tintbagħat fi żmien xahar minn meta tasal dik il-hit. Fejn it-talba biex tittieħed responsabbiltà ta’ applikant ma ssirx fi żmien il-perjodi stabbiliti fl-ewwel u fit-tieni subparagrafi, ir-responsabbiltà biex tkun eżaminata l-applikazzjoni għall-protezzjoni internazzjonali għandha tkun tal-Istat Membru li fih tkun ġiet irreġistrata l-applikazzjoni. Fejn l-applikant ikun minorenni mhux akkumpanjat, l-Istat Membru determinanti jista’, fejn iqis li huwa fl-aħjar interess tal-minorenni, ikompli bil-proċedura biex ikun iddeterminat l-Istat Membru responsabbli u jitlob lil Stat Membru ieħor biex jieħu r-responsabbiltà tal-applikant minkejja l-iskadenza tal-limiti ta’ żmien stabbiliti fl-ewwel u t-tieni subparagrafi.

Jekk Stat Membru li fih tkun ġiet irreġistrata applikazzjoni għall-protezzjoni internazzjonali jikkunsidra li Stat Membru ieħor huwa responsabbli għall-eżaminazzjoni tal-applikazzjoni, għandu, kemm jista’ jkun malajr u f’kull każ fi żmien xahrejn mid-data li fiha l-applikazzjoni ġiet irreġistrata, jitlob lill-Istat Membru l-ieħor biex jieħu r-responsabbiltà tal-applikant. Minkejja l-ewwel subparagrafu, fil-każ ta’ hit tal-Eurodac mad-data rreġistrata skont l-Artikoli 13 u 14a tar-Regolament (UE) XXX/XXX [ir-Regolament tal-Eurodac] jew ta’ hit tal-VIS ma’ data rreġistrata skont l-Artikolu 21 tar-Regolament (KE) Nru 767/2008, it-talba biex tittieħed responsabbiltà għandha tintbagħat fi żmien xahar minn meta tasal dik il-hit. Fejn it-talba biex tittieħed responsabbiltà ta’ applikant ma ssirx fi żmien il-perjodi stabbiliti fl-ewwel u fit-tieni subparagrafi, ir-responsabbiltà biex tkun eżaminata l-applikazzjoni għall-protezzjoni internazzjonali għandha tkun tal-Istat Membru li fih tkun ġiet irreġistrata l-applikazzjoni. Fejn l-applikant ikun minorenni mhux akkumpanjat, l-Istat Membru determinanti jista’, wara li jkun sema’ lill-minorenni kull fejn possibbli, fejn iqis li huwa fl-aħjar interess tal-minorenni, ikompli bil-proċedura biex ikun iddeterminat l-Istat Membru responsabbli u jitlob lil Stat Membru ieħor biex jieħu r-responsabbiltà tal-applikant minkejja l-iskadenza tal-limiti ta’ żmien stabbiliti fl-ewwel u t-tieni subparagrafi.

Raġuni

Fil-kuntest tal-proċedura għad-determinazzjoni tal-Istat Membru responsabbli, it-terminoloġija użata fl-Artikolu tidher li hija diskrezzjonali wisq u huwa preferibbli li jiġi previst, kull fejn possibbli, is-smigħ tal-minorenni mhux akkumpanjat.

Emenda 11

COM(2020) 610 final, Artikolu 55(2)

Test propost mill-Kummissjoni Ewropea

Emenda tal-KtR

Fejn Stat Membru jimpenja ruħu li jipprovdi sponsorizzazzjoni tar-ritorn u ċ-ċittadini ta’ pajjiżi terzi li jkunu qegħdin fil-pajjiż illegalment li huma soġġetti għal deċiżjoni ta’ ritorn maħruġa mill-Istat Membru benefiċjarju ma jirritornawx jew ma jitneħħewx fi żmien tmien xhur, l-Istat Membru li jipprovdi l-isponsorizzazzjoni tar-ritorn għandu jittrasferixxi lill-persuni kkonċernati fit-territorju tiegħu skont il-proċedura stabbilita fl-Artikoli 57 u 58. Dan il-perjodu għandu jibda mill-adozzjoni tal-att ta’ implimentazzjoni msemmi fl-Artikolu 53(1) jew, fejn applikabbli, fl-Artikolu 49(2).

Fejn Stat Membru jimpenja ruħu li jipprovdi sponsorizzazzjoni tar-ritorn u ċ-ċittadini ta’ pajjiżi terzi li jkunu qegħdin fil-pajjiż illegalment li huma soġġetti għal deċiżjoni ta’ ritorn maħruġa mill-Istat Membru benefiċjarju ma jirritornawx jew ma jitneħħewx fi żmien tmien xhur, l-Istat Membru li jipprovdi l-isponsorizzazzjoni tar-ritorn għandu jittrasferixxi lill-persuni kkonċernati fit-territorju tiegħu skont il-proċedura stabbilita fl-Artikoli 57 u 58 , wara li jikkonsulta dwar il-vijabbiltà tat-trasferiment mal-awtoritajiet lokali u/jew reġjonali tat-territorju fejn għandu jseħħ dan it-trasferiment . Dan il-perjodu għandu jibda mill-adozzjoni tal-att ta’ implimentazzjoni msemmi fl-Artikolu 53(1) jew, fejn applikabbli, fl-Artikolu 49(2).

Raġuni

L-emenda proposta għandha tiżgura li l-awtoritajiet lokali u/jew reġjonali li għandhom jakkomodaw lil dawk li jirritornaw taħt l-iskema ta’ sponsorizzazzjoni jkunu jistgħu jippreparaw ruħhom bl-aħjar mod possibbli għal dan il-kompitu.

Emenda 12

COM(2020) 610 final, Artikolu 55(4)

Test propost mill-Kummissjoni Ewropea

Emenda tal-KtR

Il-miżuri msemmija fil-paragrafu 1 għandhom jinkludu waħda jew aktar mill-attivitajiet li ġejjin imwettqa mill-Istat Membru ta’ sponsorizzazzjoni:

Il-miżuri msemmija fil-paragrafu 1 għandhom jinkludu waħda jew aktar mill-attivitajiet li ġejjin imwettqa mill-Istat Membru ta’ sponsorizzazzjoni , fejn ikun adatt wara konsultazzjoni mal-awtoritajiet lokali u/jew reġjonali kompetenti tal-Istat Membru benefiċjarju :

a)	jipprovdu konsulenza dwar ir-ritorn u l-integrazzjoni mill-ġdid lil ċittadini ta’ pajjiżi terzi li jkunu qegħdin fil-pajjiż illegalment;

a)	jipprovdu konsulenza dwar ir-ritorn u l-integrazzjoni mill-ġdid lil ċittadini ta’ pajjiżi terzi li jkunu qegħdin fil-pajjiż illegalment;

b)	jużaw il-programm nazzjonali u r-riżorsi biex jipprovdu assistenza loġistika, finanzjarja u materjali jew in natura oħra, inkluża l-integrazzjoni mill-ġdid, lil ċittadini ta’ pajjiżi terzi li jkunu qegħdin fil-pajjiż illegalment li jkunu lesti jitilqu b’mod volontarju;

b)	jużaw il-programm nazzjonali u r-riżorsi biex jipprovdu assistenza loġistika, finanzjarja u materjali jew in natura oħra, inkluża l-integrazzjoni mill-ġdid, lil ċittadini ta’ pajjiżi terzi li jkunu qegħdin fil-pajjiż illegalment li jkunu lesti jitilqu b’mod volontarju;

c)	imexxu jew jappoġġaw id-djalogu u l-iskambji politiċi mal-awtoritajiet ta’ pajjiżi terzi bil-għan li tiġi ffaċilitata r-riammissjoni;

c)	imexxu jew jappoġġaw id-djalogu u l-iskambji politiċi mal-awtoritajiet ta’ pajjiżi terzi bil-għan li tiġi ffaċilitata r-riammissjoni;

d)	jikkuntattjaw lill-awtoritajiet kompetenti ta’ pajjiżi terzi għall-finijiet tal-verifika tal-identità ta’ ċittadini ta’ pajjiżi terzi u l-kisba ta’ dokument tal-ivvjaġġar validu;

d)	jikkuntattjaw lill-awtoritajiet kompetenti ta’ pajjiżi terzi għall-finijiet tal-verifika tal-identità ta’ ċittadini ta’ pajjiżi terzi u l-kisba ta’ dokument tal-ivvjaġġar validu;

e)	jorganizzaw f’isem l-Istat Membru benefiċjarju l-arranġamenti prattiċi għall-infurzar tar-ritorn, bħal titjiriet charter jew skedati jew mezzi oħra ta’ trasport lejn il-pajjiż terz ta’ ritorn.

e)	jorganizzaw f’isem l-Istat Membru benefiċjarju l-arranġamenti prattiċi għall-infurzar tar-ritorn, bħal titjiriet charter jew skedati jew mezzi oħra ta’ trasport lejn il-pajjiż terz ta’ ritorn.

Dawn il-miżuri ma għandhomx jaffettwaw l-obbligi u r-responsabbiltajiet tal-Istat Membru benefiċjarju stabbiliti fid-Direttiva 2008/115/KE.

Raġuni

L-emenda proposta għandha tiżgura li l-awtoritajiet lokali u/jew reġjonali, li jkunu jafu l-persuni ttrasferiti peress li jkunu laqgħuhom, ikunu involuti wkoll fil-miżuri ta’ sponsorizzazzjoni tar-ritorn sabiex jiggarantixxu d-drittijiet ta’ dawn il-persuni u t-trasferiment bla xkiel tar-responsabbiltà.

Emenda 13

COM(2020) 610 final, Artikolu 57(9)

Test propost mill-Kummissjoni Ewropea

Emenda tal-KtR

It-trasferiment tal-persuna kkonċernata mill-Istat Membru benefiċjarju lejn l-Istat Membru ta’ rilokazzjoni għandu jkun eżegwit skont id-dritt nazzjonali tal-Istat Membru benefiċjarju, wara konsultazzjoni bejn l-Istati Membri kkonċernati, mill-aktar fis prattikament possibbli, u l-aktar tard fi żmien erba’ ġimgħat mill-konferma mill-Istat Membru ta’ rilokazzjoni jew tad-deċiżjoni finali wara appell jew reviżjoni ta’ deċiżjoni ta’ trasferiment fejn ikun hemm effett sospensiv skont l-Artikolu 33(3).

Raġuni

Sabiex l-akkoljenza tkun effettiva, l-awtoritajiet lokali u reġjonali kompetenti għandhom jiġu mgħarrfa u kkonsultati wkoll b’mod dirett sabiex ikunu jistgħu jippreparaw b’mod adatt għall-akkoljenza.

Emenda 14

COM(2020) 610 final, Artikolu 72

Test propost mill-Kummissjoni Ewropea

Emenda tal-KtR

1.	L-Artikolu 16 huwa mibdul b’dan li ġej:

1.	L-Artikolu 16 huwa mibdul b’dan li ġej:

[…]

(2) Fejn xieraq, l-Istati Membri jistgħu jkunu eliġibbli wkoll għal ammont addizzjonali ta’ EUR 10 000 għall-membri tal-familja ta’ persuni li hemm referenza għalihom fil-paragrafu 1, jekk il-persuni jiġu ammessi biex jiżguraw l-unità tal-familja. B’mod partikolari, għandu jiġi żgurat li parti minn dan l-ammont jitħallas direttament lill-awtorità lokali jew reġjonali li fit-territorju tagħha jiġu ammessi l-persuni permezz ta’ arranġamenti ta’ risistemazzjoni jew ta’ ammissjoni umanitarja.

(2)	L-Artikolu 17 huwa mibdul b’dan li ġej:

(2)	L-Artikolu 17 huwa mibdul b’dan li ġej:

[…]

(7) Fil-limiti tar-riżorsi disponibbli, il-Kummissjoni għandha tingħata s-setgħa li tadotta atti ddelegati f’konformità mal-Artikolu 32 biex taġġusta, jekk jitqies xieraq, l-ammonti li hemm referenza għalihom fil-paragrafi 1, 2 u 3 ta’ dan l-Artikolu, filwaqt li jitqiesu r-rati attwali tal-inflazzjoni, l-iżviluppi rilevanti fil-qasam tat-trasferiment tal-applikanti għal protezzjoni internazzjonali u tal-benefiċjarji ta’ protezzjoni internazzjonali minn Stat Membru wieħed għal ieħor, kif ukoll fatturi li jistgħu jottimizzaw l-użu tal-inċentiv finanzjarju miġjub minn dawn l-ammonti.”

Raġuni

Iż-żidiet proposti għandhom jiżguraw li l-awtoritajiet lokali jew reġjonali kompetenti jirċievu l-appoġġ finanzjarju meħtieġ.

Proposta emendata għal Regolament tal-Parlament Ewropew u tal-Kunsill li jistabbilixxi proċedura komuni għall-protezzjoni internazzjonali fl-Unjoni u li jħassar id-Direttiva 2013/32/UE

Emenda 15

COM(2020) 611 final, punt (2)

Test propost mill-Kummissjoni Ewropea

Emenda tal-KtR

(i)

Il-premessa 10 hija sostitwita b’dan li ġej:

(10)

Ir-riżorsi tal-Fond għall-Ażil, il-Migrazzjoni u l-Integrazzjoni għandhom ikunu mobilizzati biex jipprovdu appoġġ adegwat għall-isforzi tal-Istati Membri fl-applikazzjoni ta’ dan ir-Regolament, b’mod partikolari dawk l-Istati Membri li huma ffaċċati bi pressjonijiet speċifiċi jew sproporzjonati fuq is-sistemi tal-ażil u tal-akkoljenza tagħhom. L-awtoritajiet lokali u reġjonali għandu jkollhom ukoll riżorsi adegwati għad-dispożizzjoni tagħhom, inkluża l-possibbiltà ta’ aċċess dirett għall-Fond għall-Ażil, il-Migrazzjoni u l-Integrazzjoni. Jeħtieġ ukoll li l-UE talloka fondi speċifiċi biex tippermetti lir-reġjuni taħt pressjoni migratorja akbar, speċjalment dawk fil-fruntieri esterni tal-UE, biex ilaħħqu mal-akkoljenza u l-assistenza ta’ minorenni mhux akkumpanjati li jaslu fit-territorji tagħhom.

Il-premessa 31 hija sostitwita b’dan li ġej:

(ii)	Il-premessa 31 hija sostitwita b’dan li ġej:

(31)

Sabiex ikunu garantiti d-drittijiet tal-applikant, deċiżjoni dwar l-applikazzjoni tiegħu jenħtieġ li tingħata bil-miktub. Fejn id-deċiżjoni ma tagħtix protezzjoni internazzjonali, l-applikant jenħtieġ li jingħata raġunijiet fil-fatt u fil-liġi, informazzjoni dwar il-konsegwenzi tad-deċiżjoni u l-modalitajiet għall-kontestazzjoni tagħha.

“(31)

(31a)

Sabiex tiżdied l-effiċjenza tal-proċeduri u biex jitnaqqas ir-riskju ta’ ħarba u l-probabbiltà ta’ movimenti mhux awtorizzati, jenħtieġ li ma jkun hemm l-ebda vojt proċedurali bejn il-ħruġ ta’ deċiżjoni negattiva dwar applikazzjoni għall-protezzjoni internazzjonali u ta’ deċiżjoni tar-ritorn. Deċiżjoni tar-ritorn jenħtieġ li tinħareġ immedjatament lill-applikanti li l-applikazzjonijiet tagħhom jiġu miċħuda. Mingħajr preġudizzju għad-dritt għal rimedju effettiv, id-deċiżjoni tar-ritorn jenħtieġ li tkun jew parti mid-deċiżjoni negattiva dwar applikazzjoni għal protezzjoni internazzjonali jew, jekk tkun att separat, tinħareġ fl-istess ħin u flimkien mad-deċiżjoni negattiva.”

(31a)

Sabiex tiżdied l-effiċjenza tal-proċeduri u biex jitnaqqas ir-riskju ta’ ħarba u l-probabbiltà ta’ movimenti mhux awtorizzati, jenħtieġ li ma jkun hemm l-ebda vojt proċedurali bejn il-ħruġ ta’ deċiżjoni negattiva dwar applikazzjoni għall-protezzjoni internazzjonali u ta’ deċiżjoni tar-ritorn. Deċiżjoni tar-ritorn jenħtieġ li tinħareġ immedjatament lill-applikanti li l-applikazzjonijiet tagħhom jiġu miċħuda u l-Istat Membru ma jkunx iddeċieda li jagħti lill-persuna permess ta’ residenza awtonomu jew awtorizzazzjoni oħra li toffri d-dritt ta’ soġġorn għal raġunijiet ta’ kompassjoni, umanitarji jew għal raġunijiet oħra. Mingħajr preġudizzju għad-dritt għal rimedju effettiv, id-deċiżjoni tar-ritorn jenħtieġ li tkun jew parti mid-deċiżjoni negattiva dwar applikazzjoni għal protezzjoni internazzjonali jew, jekk tkun att separat, tinħareġ fl-istess ħin u flimkien mad-deċiżjoni negattiva.”

Raġuni

Din ir-rakkomandazzjoni ssaħħaħ l-istrutturi reġjonali u lokali u twieġeb għal talbiet preċedenti li saru mill-KtR f’dan il-qasam. Barra minn hekk, huwa essenzjali li l-UE talloka fondi speċifiċi għar-reġjuni bi pressjoni migratorja ogħla.

Emenda 16

COM(2020) 611 final, Punt 5, Premessa 40(h).

Test propost mill-Kummissjoni Ewropea

Emenda tal-KtR

Meta tiġi applikata l-proċedura fuq il-fruntiera għat-twettiq tar-ritorn, ċerti dispożizzjonijiet tad-[id-Direttiva riformulata dwar ir-Ritorn] jenħtieġ li japplikaw peress li dawn jirregolaw elementi tal-proċedura tar-ritorn li mhumiex determinati minn dan ir-Regolament, b’mod partikolari dawk dwar id-definizzjonijiet, dispożizzjonijiet aktar favorevoli, non-refoulement, l-aħjar interessi tat-tfal, il-ħajja tal-familja u l-istat tas-saħħa, ir-riskju ta’ ħarba, l-obbligu ta’ kooperazzjoni, il-perjodu għat-tluq volontarju, id-deċiżjoni tar-ritorn, it-tneħħija, il-posponiment tat-tneħħija, ir-ritorn u t-tneħħija ta’ minorenni mhux akkumpanjati, projbizzjonijiet ta’ dħul, salvagwardji sakemm jaslu lura, detenzjoni, kundizzjonijiet ta’ detenzjoni , detenzjoni ta’ minuri u familji f’sitwazzjonijiet ta’ emerġenza. Biex jitnaqqas ir-riskju ta’ dħul u moviment mhux awtorizzat ta’ ċittadini ta’ pajjiżi terzi b’residenza illegali soġġetti għall-proċedura fuq il-fruntiera għat-twettiq tar-ritorn, jista’ jingħata perjodu għat-tluq volontarju li ma jaqbiżx il-15-il jum lil ċittadini ta’ pajjiżi terzi b’residenza illegali, mingħajr preġudizzju għall-possibbiltà ta’ konformità volontarja mal-obbligu tar-ritorn fi kwalunkwe mument.

Meta tiġi applikata l-proċedura fuq il-fruntiera għat-twettiq tar-ritorn, ċerti dispożizzjonijiet tad-[id-Direttiva riformulata dwar ir-Ritorn] jenħtieġ li japplikaw peress li dawn jirregolaw elementi tal-proċedura tar-ritorn li mhumiex determinati minn dan ir-Regolament, b’mod partikolari dawk dwar id-definizzjonijiet, dispożizzjonijiet aktar favorevoli, non-refoulement, l-aħjar interessi tat-tfal, il-ħajja tal-familja u l-istat tas-saħħa, ir-riskju ta’ ħarba, l-obbligu ta’ kooperazzjoni, il-perjodu għat-tluq volontarju, id-deċiżjoni tar-ritorn, it-tneħħija, il-posponiment tat-tneħħija, ir-ritorn u t-tneħħija ta’ minorenni mhux akkumpanjati, projbizzjonijiet ta’ dħul, salvagwardji sakemm jaslu lura, detenzjoni, kundizzjonijiet ta’ detenzjoni u sitwazzjonijiet ta’ emerġenza. Biex jitnaqqas ir-riskju ta’ dħul u moviment mhux awtorizzat ta’ ċittadini ta’ pajjiżi terzi b’residenza illegali soġġetti għall-proċedura fuq il-fruntiera għat-twettiq tar-ritorn, jista’ jingħata perjodu għat-tluq volontarju li ma jaqbiżx il-15-il jum lil ċittadini ta’ pajjiżi terzi b’residenza illegali, mingħajr preġudizzju għall-possibbiltà ta’ konformità volontarja mal-obbligu tar-ritorn fi kwalunkwe mument.

Raġuni

Il-KtR huwa favur l-eliminazzjoni totali tad-detenzjoni tat-tfal.

Emenda 17

COM(2020) 611 final, Punt 13, Artikolu 35(a)

Test propost mill-Kummissjoni Ewropea	Emenda tal-KtR
Iċ-ċaħda ta’ applikazzjoni u l-ħruġ ta’ deċiżjoni tar-ritorn	Iċ-ċaħda ta’ applikazzjoni u l-ħruġ ta’ deċiżjoni tar-ritorn
Fejn applikazzjoni tiġi rrifjutata bħala inammissibbli, bla bażi jew manifestament bla bażi fir-rigward kemm tal-istatus ta’ rifuġjat u tal-istatus ta’ protezzjoni sussidjarja, jew tiġi irtirata impliċitament jew espliċitament, l-Istati Membri għandhom joħorġu deċiżjoni tar-ritorn li tirrispetta d-Direttiva XXX/XXX/UE [id-Direttiva dwar ir-Ritorn]. Id-deċiżjoni tar-ritorn għandha tinħareġ bħala parti mid-deċiżjoni ta’ rifjut tal-applikazzjoni għal protezzjoni internazzjonali jew f’att separat. Fejn id-deċiżjoni tar-ritorn tinħareġ bħala att separat, din għandha tinħareġ fl-istess ħin u flimkien mad-deċiżjoni ta’ rifjut tal-applikazzjoni għall-protezzjoni internazzjonali.”	Fejn applikazzjoni tiġi rrifjutata bħala inammissibbli, bla bażi jew manifestament bla bażi fir-rigward kemm tal-istatus ta’ rifuġjat u tal-istatus ta’ protezzjoni sussidjarja, jew tiġi irtirata impliċitament jew espliċitament, u l-Istat Membru ma jkunx iddeċieda li jagħti lill-persuna permess ta’ residenza awtonomu jew awtorizzazzjoni oħra li toffri d-dritt ta’ soġġorn għal raġunijiet ta’ kompassjoni, umanitarji jew għal raġunijiet oħra, l-Istati Membri għandhom joħorġu deċiżjoni tar-ritorn li tirrispetta d-Direttiva XXX/XXX/UE [id-Direttiva dwar ir-Ritorn]. Id-deċiżjoni tar-ritorn għandha tinħareġ bħala parti mid-deċiżjoni ta’ rifjut tal-applikazzjoni għal protezzjoni internazzjonali jew f’att separat. Fejn id-deċiżjoni tar-ritorn tinħareġ bħala att separat, din għandha tinħareġ fl-istess ħin u flimkien mad-deċiżjoni ta’ rifjut tal-applikazzjoni għall-protezzjoni internazzjonali.”

Raġuni

Il-formulazzjoni tal-Proposta tal-Kummissjoni tipprojbixxi lill-Istati Membri milli jagħtu protezzjoni minħaba raġunijiet umanitarji jew raġunijiet familjari oħra għajr il-protezzjoni internazzjonali mingħajr ma jibdew proċedura ta’ ritorn. Dan imur kontra l-Artikolu 3(2) tal-Proposta COM(2016) 466 final (“Regolament dwar Standards għall-Kwalifika”), li jiggarantixxi preċiżament dan id-dritt tal-Istati Membri (“Dan ir-Regolament ma japplikax għal status umanitarju ieħor maħruġ mill-Istati Membri skont il-liġi nazzjonali tagħhom għal dawk li ma jikkwalifikawx għal status ta’ rifuġjat jew status ta’ protezzjoni sussidjarja”). Barra minn hekk, f’ċerti ċirkostanzi l-Istati Membri huma saħansitra obbligati li jagħtu protezzjoni; dan japplika, pereżempju, f’każijiet ta’ riskji għas-saħħa, kif il-QĠUE għamlitha ċara fil-ġurisprudenza tagħha wara l-kawża M’Bodj. Minħabba l-obbligu li jirriżulta mill-Artikolu 6(1) tad-Direttiva 2008/115/KE (“Direttiva dwar ir-Ritorn”) dwar it-teħid ta’ deċiżjoni ta’ ritorn fil-każ ta’ soġġorn illegali, din id-dispożizzjoni tidher li hija wkoll żejda. L-emenda proposta tikkorrispondi għall-Artikolu 6(4) tad-Direttiva dwar ir-Ritorn.

Emenda 18

COM(2020) 611 final, Punt 14, Artikolu 40(1)(i)

Test propost mill-Kummissjoni Ewropea

Emenda tal-KtR

L-Artikolu 40 huwa emendat kif ġej:

(a)	fil-paragrafu 1, jiżdied il-punt li ġej:

(a)	fil-paragrafu 1, jiżdied il-punt li ġej:

“(i)

l-applikant huwa ta’ nazzjonalità jew, fil-każ ta’ persuni mingħajr Stat, eks-resident abitwali ta’ pajjiż terz li għalih il-proporzjon ta’ deċiżjonijiet mill-awtorità determinanti li tagħti protezzjoni internazzjonali huwa, skont l-aħħar data tal-Eurostat annwali disponibbli għall-Unjoni kollha, 20 % jew inqas, sakemm ma jkunx hemm bidla sinifikanti fil-pajjiż terz ikkonċernat minn meta tkun ġiet ippublikata d-data rilevanti tal-Eurostat jew l-applikant ikun jappartjeni għal kategorija ta’ persuni li għalihom il-proporzjon ta’ 20 % jew inqas ma jistax jitqies bħala rappreżentattiv għall-ħtiġijiet ta’ protezzjoni tagħhom;”

“(i)

abbażi tas-sejbiet ta’ intervista inizjali, l-applikazzjoni tal-applikant tista’ tiġi deċiża fuq bażi ta’ każ b’każ u f’perjodu qasir ta’ żmien, u jekk l-applikazzjoni tiġi miċħuda, ikun hemm prospett raġonevoli ta’ ritorn rapidu lejn il-pajjiż tal-oriġini jew pajjiż terz li jaċċetta jospita lill-applikanti ;”

[…]

Raġuni

Ir-rabta ta’ sanzjonijiet man-nazzjonalità, li tirriżulta mir-rabta ma’ kwoti ta’ protezzjoni, hija inkompatibbli mal-prinċipju ta’ nondiskriminazzjoni skont id-dritt internazzjonali u dak Ewropew jekk ma jkunx hemm ġustifikazzjoni fil-każ ikkonċernat. Il-KtR għalhekk jipproponi proċedura bbażata fuq il-possibbiltà ta’ ripatrijazzjoni u l-probabbiltà ta’ deċiżjoni rapida f’każijiet individwali, kif ilu jsir fil-proċedura Żvizzera tal-ażil sa mill-2019. Dan ifisser li jistgħu jittieħdu ferm aktar deċiżjonijiet f’perjodu qasir ta’ żmien milli jkun il-każ ta’ rabta mal-kwota ta’ protezzjoni. Dan jgħin ukoll u l-aktar biex itaffi l-piż tal-awtoritajiet lokali u reġjonali fiż-żoni tal-fruntiera. Dan il-mudell jippermetti wkoll deċiżjonijiet rapidi biex tingħata protezzjoni u b’hekk tkun tista’ tiġi aċċellerata b’mod sinifikanti l-integrazzjoni ta’ persuni evidentement vulnerabbli, pereżempju persuni bi drittijiet ta’ protezzjoni internazzjonali li jiġu salvati minn sitwazzjonijiet ta’ diffikultà fuq il-baħar.

Emenda 19

COM(2020) 611 final, Punt 14, Artikolu 40(5)(c)

Test propost mill-Kummissjoni Ewropea

Emenda tal-KtR

[…]

b)	fil-paragrafu 5, jiżdied il-punt li ġej:

b)	fil-paragrafu 5, jiżdied il-punt li ġej:

“(c)

Raġuni

Emenda 20

COM(2020) 611 final, Punt 15, Artikolu 41(3)(i)

Test propost mill-Kummissjoni Ewropea	Emenda tal-KtR
Stat Membru għandu jeżamina applikazzjoni fi proċedura fuq il-fruntiera fil-każijiet imsemmija fil-paragrafu 1 fejn japplikaw iċ-ċirkostanzi msemmija fl-Artikolu 40(1), il-punt (c), (f) jew (i).	Stat Membru għandu jeżamina applikazzjoni fi proċedura fuq il-fruntiera fil-każijiet imsemmija fil-paragrafu 1 fejn japplikaw iċ-ċirkostanzi msemmija fl-Artikolu 40(1), il-punt (f) jew (i) , u fil-punt (c) biss fejn iċ-ċirkostanzi jindikaw li deċiżjoni rapida u ritorn jistgħu jkunu mistennija fil-każ individwali kkonċernat .

Raġuni

Dan inaqqas il-piż tal-awtoritajiet lokali u reġjonali tat-territorji li fihom ikunu jinsabu l-applikanti matul il-proċeduri fuq il-fruntiera.

Emenda 21

COM(2020) 611 final, Punt 15, Artikolu 41(5)

Test propost mill-Kummissjoni Ewropea

Emenda tal-KtR

Il-proċedura fuq il-fruntiera tista’ tiġi applikata biss għal minorenni mhux akkumpanjati u għal minorenni taħt l-età ta’ 12-il sena u l-membri tal-familja tagħhom fil-każijiet imsemmija fl-Artikolu 40(5)(b).

Il-proċedura fuq il-fruntiera tista’ tiġi applikata biss għal minorenni u l-membri tal-familja tagħhom li jakkumpanjawhom fil-każijiet imsemmija fl-Artikolu 40(5)(b) , jew f’każijiet meta jista’ jkun mistenni li tingħata protezzjoni internazzjonali malajr wara eżami skont l-Artikolu 40(5)(c) . Il-minorenni ma għandhomx jinżammu f’detenzjoni f’każ ta’ proċeduri fuq il-fruntiera.

Raġuni

Il-protezzjoni tal-minorenni skont id-dritt internazzjonali tapplika bl-istess mod għall-persuni kollha taħt it-18-il sena. Għalhekk, proċeduri speċjali għandhom jintużaw biss jekk dan ikun jew fl-interess tal-minorenni jew ikun iġġustifikat fuq bażi ta’ każ b’każ għal raġunijiet serji skont it-tifsira tal-Artikolu 40(5)(b) tal-Proposta (“Periklu għas-sigurtà nazzjonali jew għall-ordni pubbliku tal-Istat Membru”). Id-detenzjoni ma għandhiex tkun possibbli għal raġunijiet proċedurali. Dan l-approċċ, li huwa bbażat fuq il-benesseri tal-minorenni u l-interessi tas-sigurtà tal-Istati Membri, jikkorrispondi għall-pożizzjonijiet preċedenti tal-KtR.

Emenda 22

COM(2020) 611 final, Punt 15, Artikolu 41(9)(b)

Test propost mill-Kummissjoni Ewropea

Emenda tal-KtR

L-Istati Membri ma għandhomx japplikaw jew għandhom jieqfu japplikaw il-proċedura fuq il-fruntiera fi kwalunkwe stadju tal-proċedura fejn:

[…]

(b)	l-appoġġ meħtieġ ma jistax jiġi pprovdut lill-applikanti bi bżonnijiet proċedurali speċjali fil-postijiet imsemmija fil-paragrafu 14;

(b)	l-applikanti għandhom bżonnijiet proċedurali speċjali; sakemm ma jkunx żgurat fuq bażi ta’ każ b’każ li l-appoġġ meħtieġ jista’ jiġi pprovdut fil-postijiet imsemmija fil-paragrafu 14;

Raġuni

L-individwi bi bżonnijiet proċedurali speċjali għandu jkollhom aċċess għall-miżuri ta’ appoġġ rilevanti fuq bażi ta’ każ b’każ, inkella jistgħu ma jiġux riferuti għal proċedura fuq il-fruntiera.

Emenda 23

COM(2020) 611 final, Punt 15, Artikolu 41(11)

Test propost mill-Kummissjoni Ewropea

Emenda tal-KtR

Il-proċedura fuq il-fruntiera għandha tkun qasira kemm jista’ jkun filwaqt li fl-istess ħin tippermetti eżami komplet u ġust tal-pretensjonijiet. Għandha tinkludi d-deċiżjoni msemmija fil-paragrafi 2 u 3 u kwalunkwe deċiżjoni dwar appell jekk applikabbli u għandha titlesta fi żmien 12-il ġimgħa minn meta l-applikazzjoni tkun ġiet irreġistrata. Wara dak il-perjodu, l-applikant għandu jkun awtorizzat jidħol fit-territorju tal-Istat Membru ħlief meta jkun applikabbli l-Artikolu 41a(1).

B’deroga mil-limiti ta’ żmien stabbiliti fl-Artikoli 34, 40(2) u 55, l-Istati Membri għandhom jistabbilixxu dispożizzjonijiet dwar it-tul tal-proċedura ta’ eżami u tal-proċedura ta’ appell li jiżguraw li, fil-każ ta’ appell kontra deċiżjoni li tirrifjuta applikazzjoni fil-qafas tal-proċedura fuq il-fruntiera, id-deċiżjoni dwar tali appell tinħareġ fi żmien 12-il ġimgħa minn meta l-applikazzjoni tkun ġiet irreġistrata.

Il-proċedura fuq il-fruntiera għandha tkun qasira kemm jista’ jkun , sabiex tittaffa l-pressjoni fuq ir-reġjuni tal-fruntiera, filwaqt li fl-istess ħin tippermetti eżami komplet u ġust tal-pretensjonijiet. Għandha tinkludi d-deċiżjoni msemmija fil-paragrafi 2 u 3 u kwalunkwe deċiżjoni dwar appell jekk applikabbli u għandha titlesta fi żmien 8 ġimgħat minn meta l-applikazzjoni tkun ġiet irreġistrata. Wara dak il-perjodu, l-applikant għandu jkun awtorizzat jidħol aktar ’il ġewwa fit-territorju tal-Istat Membru ħlief meta jkun applikabbli l-Artikolu 41a(1). B’deroga mil-limiti ta’ żmien stabbiliti fl-Artikoli 34, 40(2) u 55, l-Istati Membri għandhom jistabbilixxu dispożizzjonijiet dwar it-tul tal-proċedura ta’ eżami u tal-proċedura ta’ appell li jiżguraw li, fil-każ ta’ appell kontra deċiżjoni li tirrifjuta applikazzjoni fil-qafas tal-proċedura fuq il-fruntiera, id-deċiżjoni dwar tali appell tinħareġ fi żmien 8 ġimgħat minn meta l-applikazzjoni tkun ġiet irreġistrata.

Raġuni

Il-perjodu ta’ żmien ta’ 20 ġimgħa huwa twil b’mod mhux raġonevoli, u jobbliga lill-applikanti jibqgħu f’żoni ta’ tranżitu, u b’hekk ipoġġi piż sproporzjonat fuq ir-reġjuni tal-fruntiera. Fis-sentenza tagħha dwar iż-żona ta’ tranżitu Ungeriża tal-14 ta’ Mejju 2020, il-Qorti tal-Ġustizzja tal-Unjoni Ewropea (QĠUE) iddikjarat li l-proċeduri speċifiċi fil-fruntiera għandhom jitwettqu fi żmien raġonevoli u tiddikjara li diġà wara erba’ ġimgħat, irid jingħata dħul għall-proċedura regolari. Peress li s-sitwazzjoni fiż-żona ta’ tranżitu hija sitwazzjoni ta’ ċaħda tal-libertà, il-proċeduri fuq il-fruntiera fiż-żoni ta’ tranżitu jridu jitwettqu malajr. Perjodu ta’ aktar minn tmien ġimgħat, li diġà jirdoppja l-limitu ta’ żmien permess bħalissa skont l-Artikolu 43 tad-Direttiva dwar il-Proċeduri tal-Asil (4 ġimgħat), probabbilment jitqies bħala mhux raġonevoli kemm mill-QĠUE kif ukoll mill-Qorti Ewropea tad-Drittijiet tal-Bniedem (QEDB). Perjodu ta’ tmien ġimgħat huwa biżżejjed biex titmexxa proċedura ta’ ażil fil-biċċa l-kbira tal-każijiet. Jekk il-proċedura tintemm b’deċiżjoni negattiva, huma previsti tmien ġimgħat addizzjonali għall-proċedura ta’ ritorn. Jekk it-total tal-proċedura jibqa’ għaddej għal aktar minn tliet xhur, ma jkunx probabbli li r-ritorn jista’ jitwettaq malajr, kif previst għall-proċedura fuq il-fruntiera.

Emenda 24

COM(2020) 611 final, Punt 15, Artikolu 41(13)

Test propost mill-Kummissjoni Ewropea

Emenda tal-KtR

Matul l-eżami tal-applikazzjonijiet soġġetti għal proċedura fuq il-fruntiera, l-applikanti għandhom jinżammu fil-fruntiera esterna jew fil-viċinanza tagħha jew fiż-żoni ta’ tranżitu. Kull Stat Membru għandu jinnotifika lill-Kummissjoni, mhux aktar tard minn [xahrejn wara d-data tal-applikazzjoni ta’ dan ir-Regolament], il-postijiet fejn se titwettaq il-proċedura fuq il-fruntiera, fil-fruntieri esterni, fil-prossimità tal-fruntiera esterna jew taż-żoni ta’ tranżitu, inkluż meta jiġi applikat il-paragrafu 3 u jiġi żgurat li l-kapaċità ta’ dawk il-postijiet tkun biżżejjed biex jiġu pproċessati l-applikazzjonijiet koperti minn dak il-paragrafu. Kwalunkwe bidla fl-identifikazzjoni tal-postijiet li fihom tiġi applikata l-proċedura fuq il-fruntiera għandha tiġi nnotifikata lill-Kummissjoni xahrejn qabel ma l-bidliet jidħlu fis-seħħ.

Matul l-eżami tal-applikazzjonijiet soġġetti għal proċedura fuq il-fruntiera, l-applikanti għandhom jinżammu fil-fruntiera esterna jew fil-viċinanza tagħha jew fiż-żoni ta’ tranżitu. Kull Stat Membru għandu jinnotifika lill-Kummissjoni, mhux aktar tard minn [xahrejn wara d-data tal-applikazzjoni ta’ dan ir-Regolament], il-postijiet fejn se titwettaq il-proċedura fuq il-fruntiera, fil-fruntieri esterni, fil-prossimità tal-fruntiera esterna jew taż-żoni ta’ tranżitu, inkluż meta jiġi applikat il-paragrafu 3 u jiġi żgurat li l-kapaċità ta’ dawk il-postijiet tkun biżżejjed biex jiġu pproċessati l-applikazzjonijiet koperti minn dak il-paragrafu. Din il-komunikazzjoni għandha tkun akkumpanjata minn rapport dwar il-konsultazzjoni tal-awtorità lokali u reġjonali kompetenti li fit-territorju tagħha għandhom jitwettqu dawn il-proċeduri. Kwalunkwe bidla fl-identifikazzjoni tal-postijiet li fihom tiġi applikata l-proċedura fuq il-fruntiera għandha tiġi nnotifikata lill-Kummissjoni xahrejn qabel ma l-bidliet jidħlu fis-seħħ.

Raġuni

Meta jiġu ppjanati l-postijiet għall-implimentazzjoni tal-proċeduri fuq il-fruntiera, huwa importanti li jitqiesu b’mod adatt il-ħtiġijiet tal-awtoritajiet lokali u reġjonali rilevanti.

Emenda 25

COM(2020) 611 final, Punt 15, Artikolu 41(14)

Test propost mill-Kummissjoni Ewropea

Emenda tal-KtR

F’sitwazzjonijiet fejn il-kapaċità tal-postijiet notifikati mill-Istati Membri skont il-paragrafu 14 tkun temporanjament insuffiċjenti biex tipproċessa l-applikanti koperti mill-paragrafu 3, l-Istati Membri jistgħu jagħżlu postijiet oħra fit-territorju tal-Istat Membru u wara notifika lill-Kummissjoni jakkomodaw lill-applikanti hemmhekk, fuq bażi temporanja u għall-iqsar żmien meħtieġ.

F’sitwazzjonijiet fejn il-kapaċità tal-postijiet notifikati mill-Istati Membri skont il-paragrafu 14 tkun temporanjament insuffiċjenti biex tipproċessa l-applikanti koperti mill-paragrafu 3, l-Istati Membri jistgħu , wara li jikkonsultaw lill-awtoritajiet lokali u reġjonali rilevanti, jagħżlu postijiet oħra fit-territorju tal-Istat Membru u wara notifika lill-Kummissjoni jakkomodaw lill-applikanti hemmhekk, fuq bażi temporanja u għall-iqsar żmien meħtieġ.

Raġuni

Meta jiġu ppjanati l-postijiet għall-implimentazzjoni tal-proċeduri fuq il-fruntiera, huwa importanti li jitqiesu b’mod adatt il-ħtiġijiet tal-awtoritajiet lokali u reġjonali rilevanti.

Emenda 26

COM(2020) 611 final, Punt 16, Artikolu 41a (2)

Test propost mill-Kummissjoni Ewropea

Emenda tal-KtR

Il-persuni msemmija fil-paragrafu 1 għandhom jinżammu għal perjodu ta’ mhux aktar minn 12-il ġimgħa f’postijiet fil-fruntiera esterna jew fiż-żoni ta’ tranżitu jew fil-viċinanza tagħhom; fejn Stat Membru ma jkunx jista’ jakkomodahom f’dawn il-postijiet, jista’ jirrikorri għall-użu ta’ postijiet oħra fit-territorju tiegħu. Il-perjodu ta’ 12-il ġimgħa għandu jibda minn meta l-applikant, iċ-ċittadin ta’ pajjiż terz jew il-persuna mingħajr Stat ma jkollhiex aktar dritt li tibqa’ u ma titħalliex tibqa’.

Il-persuni msemmija fil-paragrafu 1 għandhom jiġu akkomodati għal perjodu ta’ mhux aktar minn 8 ġimgħat f’postijiet fil-fruntiera esterna jew fiż-żoni ta’ tranżitu jew fil-viċinanza tagħhom; fejn Stat Membru ma jkunx jista’ jakkomodahom f’dawn il-postijiet, jista’ , wara li l-ewwel jikkonsulta lill-awtoritajiet lokali u reġjonali kompetenti, jirrikorri għall-użu ta’ postijiet oħra fit-territorju tiegħu. Il-perjodu ta’ 8 ġimgħat għandu jibda minn meta l-applikant, iċ-ċittadin ta’ pajjiż terz jew il-persuna mingħajr Stat ma jkollhiex aktar dritt li tibqa’ u ma titħalliex tibqa’.

Raġuni

Meta jiġu ppjanati l-postijiet għall-implimentazzjoni tal-proċeduri fuq il-fruntiera, huwa importanti li jitqiesu b’mod adatt il-ħtiġijiet tal-awtoritajiet lokali u reġjonali rilevanti. Bl-istess mod, mhux aktar minn 8 ġimgħat għandhom ikunu disponibbli għat-twettiq tal-proċedura ta’ ritorn sabiex tittaffa l-pressjoni fuq ir-reġjuni tal-fruntiera. Fis-sentenza tagħha dwar iż-żona ta’ tranżitu Ungeriża tal-14 ta’ Mejju 2020, il-Qorti tal-Ġustizzja tal-Unjoni Ewropea (QĠUE) iddikjarat li l-proċeduri speċifiċi fil-fruntiera għandhom jitwettqu fi żmien raġonevoli u tiddikjara li diġà wara erba’ ġimgħat, irid jingħata dħul għall-proċedura regolari. Peress li s-sitwazzjoni fiż-żona ta’ tranżitu hija sitwazzjoni ta’ ċaħda tal-libertà, il-proċeduri fuq il-fruntiera fiż-żoni ta’ tranżitu jridu jitwettqu malajr. Perjodu ta’ aktar minn tmien ġimgħat, li diġà jirdoppja l-limitu ta’ żmien permess bħalissa skont l-Artikolu 43 tad-Direttiva dwar il-Proċeduri tal-Asil (4 ġimgħat), probabbilment jitqies bħala mhux raġonevoli kemm mill-QĠUE kif ukoll mill-Qorti Ewropea tad-Drittijiet tal-Bniedem (QEDB). Perjodu ta’ tmien ġimgħat huwa biżżejjed biex titmexxa proċedura ta’ ażil fil-biċċa l-kbira tal-każijiet. Jekk il-proċedura tintemm b’deċiżjoni negattiva, huma previsti tmien ġimgħat addizzjonali għall-proċedura ta’ ritorn. Jekk it-total tal-proċedura jibqa’ għaddej għal aktar minn tliet xhur, ma jkunx probabbli li r-ritorn jista’ jitwettaq malajr, kif previst għall-proċedura fuq il-fruntiera. Skont l-Artikolu 34 tal-proposta tal-2016 għal Regolament dwar il-Proċeduri tal-Asil, huwa previst li d-deċiżjonijiet dwar l-ammissibilità u dwar l-użu tal-ftehimiet ta’ pajjiżi terzi għandhom jittieħdu fi żmien xahar. Perjodu ta’ aktar minn xahrejn għal deċiżjoni fil-proċedura fuq il-fruntiera għalhekk ma jkunx raġonevoli minn perspettiva legali. Huwa meħtieġ ukoll li jiġi previst perjodu qasir peress li huwa aktar probabbli li r-ritorni jseħħu wara proċedura rapida bi żminijiet ta’ stennija minimi. Barra minn hekk, jeħtieġ li t-terminoloġija tkun konsistenti fil-proposta kollha, u termini ambigwi li jistgħu jinvokaw detenzjoni de facto bħal “jinżammu” għandhom jiġu evitati u sostitwiti b’formulazzjoni legalment preċiża bħal “akkomodati”, f’konformità mad-Direttiva riveduta dwar il-Kundizzjonijiet ta’ Akkoljenza.

Emenda 27

COM(2020) 611 final, Punt 18, Artikolu 53(9)

Test propost mill-Kummissjoni Ewropea

Emenda tal-KtR

L-Istati Membri għandhom jipprovdu għal livell wieħed biss ta’ appell fir-rigward ta’ deċiżjoni meħuda fil-kuntest tal-proċedura fuq il-fruntiera.

Fir-rigward ta’ deċiżjoni meħuda fil-kuntest tal-proċedura fuq il-fruntiera , l-Istati Membri għandhom jipprovdu rimedju f’konformità mal-Artikolu 47 tal-Karta tad-Drittijiet Fundamentali . Għal appelli, il-limiti ta’ żmien previsti fid-dritt nazzjonali japplikaw f’konformità mal-Artikolu 55. L-applikanti għandhom id-dritt li jibqgħu fit-territorju matul il-perjodu tal-appell u sakemm joħroġ ir-riżultat tiegħu skont l-Artikolu 54.

Raġuni

Il-limitazzjoni riġida għal livell wieħed biss ta’ appell u l-iskadenza stretta għall-proċeduri fuq il-fruntiera jinterferixxu mal-kompetenzi tal-Istati Membri li huma proċeduralment awtonomi fir-rigward tal-għoti ta’ rimedju legali fil-kuntest tal-proċeduri fuq il-fruntiera. Madankollu, huma marbuta li jirrispettaw l-Artikolu 47 tal-Karta tad-Drittijiet Fundamentali, skont il-ġurisprudenza tal-QĠUE, li tistipula li r-regoli dwar ir-rimedji legali għandhom jikkonformaw mal-prinċipju tan-nondiskriminazzjoni u mal-prinċipji ta’ ekwivalenza u effettività. Dan ifisser li mhumiex permessi diskriminazzjoni kontra persuni oħra li jfittxu l-ażil u trattament mhux ugwali fir-rigward ta’ proċedimenti komparabbli oħra tal-qorti amministrattiva. L-emenda proposta tiżgura konformità ma’ dawn l-ispeċifikazzjonijiet. Bl-istess mod, id-dewmien li fih għandha tingħata risposta għal appell ma jistax jiġi stabbilit b’mod uniformi fil-livell tal-UE u għalhekk huwa aħjar li dan jintrabat mad-dispożizzjonijiet tad-dritt amministrattiv nazzjonali.

Emenda 28

COM(2020) 612 final, Premessa 12

Test propost mill-Kummissjoni Ewropea

Emenda tal-KtR

L-iskrinjar jenħtieġ li jitwettaq fil-fruntiera esterna jew qrib tagħha , qabel ma l-persuni kkonċernati jkunu awtorizzati jidħlu fit-territorju . L-Istati Membri jenħtieġ li japplikaw miżuri skont id-dritt nazzjonali biex jipprevjenu lill-persuni kkonċernati milli jidħlu fit-territorju matul l-iskrinjar. F’każijiet individwali, fejn meħtieġ, dawn jistgħu jinkludu detenzjoni, soġġetta għal-liġi nazzjonali li tirregola dik il-kwistjoni.

L-iskrinjar jenħtieġ li jitwettaq fil-fruntiera esterna jew qrib tagħha. L-Istati Membri jenħtieġ li japplikaw miżuri skont id-dritt nazzjonali biex jipprevjenu lill-persuni kkonċernati milli jidħlu iktar ’il ġewwa fit-territorju matul l-iskrinjar. F’każijiet individwali, fejn meħtieġ, ħlief għal każijiet li jinvolvu minorenni, dawn jistgħu jinkludu detenzjoni għajr tal-minorenni, soġġetta għal-liġi nazzjonali li tirregola dik il-kwistjoni. Jekk bħala riżultat tal-proċedura ta’ skrinjar, jiġi miċħud moviment ulterjuri, għandu japplika l-Artikolu 14 tal-Kodiċi tal-Fruntieri ta’ Schengen.

Raġuni

Id-dritt internazzjonali jipprekludi ċ-ċaħda tal-libertà tat-tfal għal raġunijiet amministrattivi u skont il-QĠUE, il-minorenni ma jistgħux jiġu ttrattati sistematikament bħala adulti fil-kuntest tal-migrazzjoni. Ir-rifjut ta’ moviment ulterjuri wara l-iskrinjar għandu jkun kompletament sostanzjat, f’konformità mal-Kodiċi tal-Fruntieri ta’ Schengen.

Emenda 29

COM(2020) 612 final, Premessa 20

Test propost mill-Kummissjoni Ewropea

Emenda tal-KtR

L-Istati Membri jenħtieġ li jiddeterminaw il-postijiet xierqa għall-iskrinjar fil-fruntiera esterna jew qrib tagħha b’kunsiderazzjoni tal-ġeografija u l-infrastrutturi eżistenti, filwaqt li jiżguraw li ċ-ċittadini ta’ pajjiżi terzi maqbuda kif ukoll dawk li jippreżentaw ruħhom f’punt ta’ qsim tal-fruntiera jkunu jistgħu jiġu soġġetti malajr għall-iskrinjar. Il-kompiti relatati mal-iskrinjar jistgħu jitwettqu f’żoni hotspot kif imsemmi fil-punt (23) tal-Artikolu 2 tar-Regolament (UE) 2019/1896 tal-Parlament Ewropew u tal-Kunsill23.

L-Istati Membri jenħtieġ li jiddeterminaw il-postijiet xierqa għall-iskrinjar b’kunsiderazzjoni tal-opinjoni tal-awtoritajiet lokali u reġjonali rilevanti, tal-ġeografija u l-infrastrutturi eżistenti, filwaqt li jiżguraw li ċ-ċittadini ta’ pajjiżi terzi maqbuda kif ukoll dawk li jippreżentaw ruħhom f’punt ta’ qsim tal-fruntiera jkunu jistgħu jiġu soġġetti malajr għall-iskrinjar. Il-kompiti relatati mal-iskrinjar jistgħu jitwettqu f’żoni hotspot kif imsemmi fil-punt (23) tal-Artikolu 2 tar-Regolament (UE) 2019/1896 tal-Parlament Ewropew u tal-Kunsill23.

Raġuni

L-Istati Membri għandhom ikunu jistgħu jagħżlu l-postijiet adatti skont iċ-ċirkostanzi u l-possibbiltajiet nazzjonali tagħhom. B’mod partikolari, għandhom ikunu jistgħu jqisu l-piż partikolari fuq ir-reġjuni fil-fruntieri esterni jew qrib tagħhom permezz ta’ għażliet ta’ deċentralizzazzjoni. Huwa importanti li l-bżonnijiet tal-awtoritajiet lokali jew reġjonali rilevanti jitqiesu b’mod adatt meta jiġu ppjanati l-postijiet għall-iskrinjar.

Emenda 30

COM(2020) 612 final, Premessa 24

Test propost mill-Kummissjoni Ewropea

Emenda tal-KtR

Sa tmiem l-iskrinjar, l-awtoritajiet responsabbli għall-iskrinjar jenħtieġ li jimlew formola ta’ debriefing. Il-formola jenħtieġ li tiġi trażmessa lill-awtoritajiet li jeżaminaw l-applikazzjonijiet għall-protezzjoni internazzjonali jew lill-awtoritajiet kompetenti għar-ritorn — skont lil min jiġi rriferut l-individwu , kif ukoll, jekk ikun meħtieġ, lill-awtoritajiet responsabbli għall-protezzjoni tas-saħħa u s-sigurtà skont il-liġi nazzjonali, u/jew lill-awtoritajiet responsabbli għal persuni vulnerabbli, bħall-minorenni mhux akkumpanjati jew in-nisa li jivvjaġġaw waħedhom. Fil-każ preċedenti, l-awtoritajiet responsabbli għall-iskrinjar jenħtieġ li jindikaw ukoll kwalunkwe element , b’mod partikolari ħtiġijiet ta’ protezzjoni speċjali possibbli, li jidher li jista’ jkun rilevanti biex jiġi ddeterminat jekk l-awtoritajiet kompetenti jenħtieġx li jissottomettu l-applikazzjoni taċ-ċittadin ta’ pajjiż terz ikkonċernat għal proċedura aċċellerata ta’ eżami jew għall-proċedura fuq il-fruntiera.

Raġuni

F’każ ta’ tħassib ġustifikat dwar is-saħħa jew is-sigurtà għandu jsir trasferiment lill-awtoritajiet kompetenti rilevanti. Anki jekk tkun prevista l-parteċipazzjoni ta’ dawn l-awtoritajiet fl-iskrinjar, għandu jkun żgurat ukoll li dawn l-awtoritajiet jirċievu l-informazzjoni rilevanti kollha. L-istess japplika għal każijiet li fihom jiġu identifikati bżonnijiet ta’ protezzjoni speċjali waqt l-iskrinjar jekk, skont il-liġi nazzjonali, awtorità oħra għajr dik imsemmija tkun responsabbli għal dan, bħalma huwa regolarment il-każ fir-rigward tat-tfal, iżda possibilment ukoll fir-rigward ta’ vittmi tat-traffikar tal-bnedmin u gruppi oħra. B’mod partikolari, huwa importanti li jitfakkru dawk il-gruppi li huma l-aktar vulnerabbli u li jistgħu jiġu abbużati matul il-proċess tal-migrazzjoni, bħall-minorenni mhux akkumpanjati jew in-nisa waħedhom.

Emenda 31

COM(2020) 612 final, Artikolu 3(1)

Test propost mill-Kummissjoni Ewropea

Emenda tal-KtR

Artikou 3

Skrinjar fil-fruntiera esterna

1. Dan ir-Regolament għandu japplika għaċ-ċittadini kollha ta’ pajjiżi terzi li:

jinqabdu b’konnessjoni ma’ qsim mhux awtorizzat tal-fruntiera esterna ta’ Stat Membru bl-art, bil-baħar jew bl-ajru, ħlief għal ċittadini ta’ pajjiżi terzi li għalihom l-Istat Membru mhuwiex meħtieġ li jieħu d-data bijometrika skont l-Artikolu 14(1) u (3) tar-Regolament (UE) 603/2013 għal raġunijiet għajr l-età tagħhom, jew

b)	jiġu żbarkati fit-territorju ta’ Stat Membru wara operazzjoni ta’ tfittxija u salvataġġ.

b)	jiġu żbarkati fit-territorju ta’ Stat Membru wara operazzjoni ta’ tfittxija u salvataġġ.

L-iskrinjar għandu japplika għal dawk il-persuni irrispettivament minn jekk ikunux applikaw għall-protezzjoni internazzjonali.

L-iskrinjar għandu japplika għal dawk il-persuni li jiġu eżaminati mill-awtorità responsabbli għar-rifjut tad-dħul skont l-Artikolu 14(2) tar-Regolament (UE) 2016/399 (“Kodiċi tal-Fruntieri ta’ Schengen”) skont il-liġi nazzjonali, irrispettivament minn jekk ikunux applikaw għall-protezzjoni internazzjonali.

Raġuni

Il-proċess ta’ skrinjar huwa pass ieħor fil-proċessi ta’ ġestjoni tal-migrazzjoni li diġà jieħdu ħafna ħin għal bosta Stati Membri fil-fruntieri esterni. Sabiex jiġi evitat li dan jirrikjedi proċedura separata, li tiġġenera xogħol addizzjonali konsiderevoli, speċjalment għall-Istati tal-fruntiera esterna, il-Kumitat tar-Reġjuni jissuġġerixxi li din il-proċedura tiġi integrata fil-kontrolli tal-fruntiera u li l-awtoritajiet nazzjonali rispettivi responsabbli għar-rifjut tad-dħul skont l-Artikolu 14(2)(2) tar-Regolament (UE) 2016/399 (“Kodiċi tal-Fruntieri ta’ Schengen”) jiġu inkarigati bl-iskrinjar ta’ każijiet ta’ dħul li ma jissodisfawx ir-rekwiżiti tad-dħul fil-fruntiera esterna. Permezz ta’ din l-integrazzjoni fil-proċess ta’ kontroll tal-fruntiera u l-kompiti tal-awtoritajiet tal-fruntiera jiġi żgurat aħjar li l-iskrinjar jista’ jissodisfa l-funzjoni mixtieqa, jiġifieri li l-persuni maqbuda jkunu soġġetti għall-proċeduri adatti fl-aktar żmien kmieni possibbli u li dawn il-proċeduri jkunu jistgħu jinbdew mingħajr dewmien jew interruzzjoni. Peress li jistgħu jitqiesu tliet approċċi ta’ azzjoni possibbli għal ċittadini ta’ pajjiżi terzi koperti bl-Artikolu 3 (rifjut ta’ dħul, trażmissjoni lill-awtoritajiet responsabbli għall-proċedura ta’ ritorn, trażmissjoni lill-awtoritajiet tal-ażil jew lill-Istat Membru responsabbli għall-proċedura tal-ażil abbażi ta’ mekkaniżmu ta’ solidarjetà), li waħda minnhom hija r-refoulement skont l-Artikolu 14 tar-Regolament (UE) 2016/399 (“Kodiċi tal-Fruntieri ta’ Schengen”), din l-assenjazzjoni tal-iskrinjar tiżgura proċedura uniformi u rabta bejn l-iskrinjar u r-rifjut possibbli tad-dħul, li tissemplifika b’mod konsiderevoli l-implimentazzjoni effiċjenti tal-proċedura. Barra minn hekk, ir-riżultat tal-iskrinjar jista’ mbagħad jiġi inkluż fid-deċiżjoni dwar ir-rifjut tad-dħul mingħajr aktar passi intermedji.

Emenda 32

COM(2020) 612 final, Artikolu 5

Test propost mill-Kummissjoni Ewropea

Emenda tal-KtR

Skrinjar fit-territorju

L-Istati Membri għandhom japplikaw l-iskrinjar għal ċittadini ta’ pajjiżi terzi li jinstabu fit-territorju tagħhom fejn ma jkun hemm l-ebda indikazzjoni li jkunu qasmu fruntiera esterna biex daħlu fit-territorju tal-Istati Membri b’mod awtorizzat. Sabiex tittaffa l-pressjoni fuq l-awtoritajiet tal-Istati Membri, jenħtieġ li jiġu evitati duplikazzjonijiet ta’ partijiet tal-funzjonijiet tal-iskrinjar, bħal fil-każ ta’ applikazzjoni għall-protezzjoni internazzjonali.

Raġuni

L-iskrinjar għandu jsir separatament biss jekk ikun meħtieġ. Meta ssir applikazzjoni għall-protezzjoni internazzjonali, xi funzjonijiet ta’ skrinjar (identifikazzjoni, ħtiġijiet ta’ protezzjoni speċjali) huma inklużi fl-obbligi skont il-Eurodac u d-Direttiva dwar il-Kundizzjonijiet ta’ Akkoljenza u l-iskrinjar jenħtieġ li jkun parti minn dawn il-proċeduri.

Emenda 33

COM(2020) 612 final, Artikolu 6

Test propost mill-Kummissjoni Ewropea

Emenda tal-KtR

Artikolu 6

Rekwiżiti li jikkonċernaw l-iskrinjar

(1) Fil-każijiet imsemmija fl-Artikolu 3, l-iskrinjar għandu jitwettaq f’postijiet li jinsabu fil-fruntieri esterni jew qrib tagħhom .

(1) Fil-każijiet imsemmija fl-Artikolu 3, l-iskrinjar għandu jitwettaq f’postijiet adatti fl-Istat Membru rilevanti . Dawn il-postijiet għandhom jiġu ddeterminati wara konsultazzjoni mal-awtorità lokali jew reġjonali rilevanti.

(2) Fil-każijiet imsemmija fl-Artikolu 5, l-iskrinjar għandu jitwettaq fi kwalunkwe post xieraq fit-territorju ta’ Stat Membru.

(2) Fil-każijiet imsemmija fl-Artikolu 5, l-iskrinjar għandu jitwettaq fi kwalunkwe post xieraq fit-territorju ta’ Stat Membru. Dawn il-postijiet għandhom jiġu ddeterminati wara konsultazzjoni mal-awtorità lokali jew reġjonali rilevanti.

(3) Fil-każijiet imsemmija fl-Artikolu 3, l-iskrinjar għandu jitwettaq mingħajr dewmien u fi kwalunkwe każ għandu jitlesta fi żmien ħamest ijiem mill-qbid fiż-żona tal-fruntiera esterna, l-iżbark fit-territorju tal-Istat Membru kkonċernat jew il-preżentazzjoni fil-punt ta’ qsim tal-fruntiera. F’ċirkostanzi eċċezzjonali, fejn għadd sproporzjonat ta’ ċittadini ta’ pajjiżi terzi jeħtieġ li jkunu soġġetti għall-iskrinjar fl-istess ħin, li fil-prattika jagħmilha impossibbli li l-iskrinjar jiġi konkluż f’dak il-limitu ta’ żmien, il-perjodu ta’ ħamest ijiem jista’ jiġi estiż b’massimu ta’ ħamest ijiem addizzjonali.

Fir-rigward tal-persuni msemmija fl-Artikolu 3(1)(a) li għalihom japplikaw l-Artikolu 14(1) u (3) tar-Regolament (UE) 603/2013, fejn jibqgħu fiżikament fil-fruntiera esterna għal aktar minn 72 siegħa, il-perjodu għall-iskrinjar għandu jitnaqqas għal jumejn.

Fi kwalunkwe każ, għandu jiġi żgurat li titwettaq valutazzjoni adegwata ta’ kull każ sabiex tiġi evitata implimentazzjoni diskriminatorja tal-proċedura.

(4) L-Istati Membri għandhom jinnotifikaw lill-Kummissjoni mingħajr dewmien dwar iċ-ċirkostanzi eċċezzjonali msemmija fil-paragrafu 3. Huma għandhom ukoll jgħarrfu lill-Kummissjoni hekk kif ir-raġunijiet għall-estensjoni tal-perjodu ta’ skrinjar ma jkunux għadhom jeżistu.

(5) L-iskrinjar imsemmi fl-Artikolu 5 għandu jitwettaq mingħajr dewmien u fi kwalunkwe każ għandu jitlesta fi żmien tlitt ijiem mill-qbid.

(6) L-iskrinjar għandu jinkludi l-elementi obbligatorji li ġejjin:

a)	verifika preliminari tas-saħħa u tal-vulnerabbiltà kif imsemmi fl-Artikolu 9;

b)	identifikazzjoni kif imsemmi fl-Artikolu 10;

c)	reġistrazzjoni tad-data bijometrika fil-bażijiet tad-data xierqa kif imsemmi fl-Artikolu 14(6), sa fejn din tkun għadha ma seħħitx;

d)	verifika tas-sigurtà kif imsemmi fl-Artikolu 11;

e)	mili ta’ formola ta’ debriefing kif imsemmi fl-Artikolu 13;

f)	riferiment għall-proċedura xierqa kif imsemmi fl-Artikolu 14.

a)	verifika preliminari tas-saħħa u tal-vulnerabbiltà kif imsemmi fl-Artikolu 9;

b)	identifikazzjoni kif imsemmi fl-Artikolu 10;

c)	reġistrazzjoni tad-data bijometrika fil-bażijiet tad-data xierqa kif imsemmi fl-Artikolu 14(6), sa fejn din tkun għadha ma seħħitx;

d)	verifika tas-sigurtà kif imsemmi fl-Artikolu 11;

e)	mili ta’ formola ta’ debriefing kif imsemmi fl-Artikolu 13;

f)	riferiment għall-proċedura xierqa kif imsemmi fl-Artikolu 14.

(7) L-Istati Membri għandhom jaħtru l-awtoritajiet kompetenti sabiex iwettqu l-iskrinjar.

(7) L-Istati Membri għandhom jaħtru l-awtoritajiet kompetenti sabiex iwettqu l-iskrinjar f’konformità mal-Artikoli 3 u 5 .

L-Istati Membri għandhom jaħtru persunal mediku kwalifikat biex iwettaq il-verifika tas-saħħa prevista fl-Artikolu 9. L-awtoritajiet nazzjonali għall-protezzjoni tat-tfal u r-rapporteurs nazzjonali kontra t-traffikar għandhom ikunu involuti wkoll, fejn xieraq.

L-awtoritajiet kompetenti jistgħu jiġu assistiti jew appoġġati fit-twettiq tal-iskrinjar minn esperti jew uffiċjali u timijiet ta’ kollegament mibgħuta mill-Aġenzija Ewropea għall-Gwardja tal-Fruntiera u tal-Kosta u l-[Aġenzija tal-Unjoni Ewropea għall-Asil] fil-limiti tal-mandati tagħhom.

Raġuni

L-Istati Membri għandhom ikunu jistgħu jagħżlu l-postijiet adatti skont iċ-ċirkostanzi u l-possibbiltajiet nazzjonali tagħhom. B’mod partikolari, għandhom ikunu jistgħu jqisu l-piż partikolari fuq ir-reġjuni fil-fruntieri esterni jew qrib tagħhom permezz ta’ għażliet ta’ deċentralizzazzjoni. Meta jiġu ppjanati l-postijiet għall-implimentazzjoni tal-iskrinjar, huwa importanti li jitqiesu b’mod adatt il-ħtiġijiet tal-awtoritajiet lokali u reġjonali rilevanti.

Il-proċedura m’għandhiex titwettaq b’mod diskriminatorju. L-għażla tal-awtoritajiet kompetenti għandha tikkonforma mad-dispożizzjonijiet proposti fl-Artikoli 3 u 5 sabiex tiġi evitata d-duplikazzjoni tar-responsabbiltajiet.

Emenda 34

COM(2020) 612 final, Artikolu 9(3)

Test propost mill-Kummissjoni Ewropea

Emenda tal-KtR

Fejn ikun hemm indikazzjonijiet ta’ vulnerabbiltajiet jew ħtiġijiet ta’ akkoljenza jew proċedurali speċjali, iċ-ċittadin ta’ pajjiż terz ikkonċernat għandu jirċievi appoġġ f’waqtu u adegwat fid-dawl tas-saħħa fiżika u mentali tiegħu. Fil-każ tal-minorenni, għandu jingħata appoġġ minn persunal imħarreġ u kkwalifikat biex jittratta l-minorenni, u f’kooperazzjoni mal-awtoritajiet għall-protezzjoni tat-tfal.

Fejn ikun hemm indikazzjonijiet ta’ vulnerabbiltajiet jew ħtiġijiet ta’ akkoljenza jew proċedurali speċjali, iċ-ċittadin ta’ pajjiż terz ikkonċernat għandu jirċievi appoġġ f’waqtu u adegwat fid-dawl tas-saħħa fiżika u mentali tiegħu permezz ta’ servizzi ta’ pariri speċjalizzati kkwalifikati jew l-awtoritajiet responsabbli, filwaqt li tiġi żgurata wkoll id-disponibbiltà ta’ professjonisti adegwati għall-ħtiġijiet speċifiċi ta’ ċerti gruppi ta’ ċittadini ta’ pajjiżi terzi, bħal nisa tqal, vittmi ta’ vjolenza minħabba l-ġeneru jew ta’ vjolenza sesswali u persuni LGBTIQ. Fil-każ tal-minorenni, għandu jingħata appoġġ minn persunal imħarreġ u kkwalifikat biex jittratta l-minorenni, u f’kooperazzjoni mal-awtoritajiet għall-protezzjoni tat-tfal. Għal dan il-għan, il-preżenza ta’ minorenni għandha tiġi rrapportata immedjatament lill-awtoritajiet nazzjonali responsabbli għall-protezzjoni tat-tfal. L-iskrinjar ma għandux isir fil-każ ta’ minorenni mhux akkumpanjati, dawn għandhom jintbagħtu immedjatament lill-awtoritajiet responsabbli għall-protezzjoni tat-tfal. Jekk ikun hemm indikazzjonijiet ta’ tħassib serju dwar is-sigurtà skont it-tifsira tal-Artikolu 40(5)(b), l-awtoritajiet kompetenti għandhom jiġu infurmati wkoll.

Raġuni

Jekk jiġu identifikati bżonnijiet ta’ protezzjoni speċjali, għandu jingħata appoġġ minn ċentri ta’ pariri speċjalizzati jew mill-awtoritajiet responsabbli għall-protezzjoni ta’ dawn il-persuni sabiex jiġi ggarantit appoġġ professjonali fil-pront. Barra minn hekk, għandu jiġi żgurat li l-preżenza tal-minorenni tiġi rrapportata immedjatament lill-awtoritajiet responsabbli għall-protezzjoni tat-tfal. Jekk il-persuni ma jkunux akkumpanjati u jkunu minorenni, dawn għandhom jintbagħtu lill-awtoritajiet responsabbli sabiex ikunu jistgħu jieħdu l-miżuri protettivi u ta’ appoġġ previsti skont il-liġi internazzjonali, Ewropea u nazzjonali u, b’mod partikolari, ikun jista’ jinħatar gwardjan jew superviżur. Fl-istess ħin, il-persuni LGBTIQ jeħtieġu protezzjoni minħabba li jirrappreżentaw il-grupp finali ta’ migranti li huma l-aktar vulnerabbli. Bħalissa dawn qed jaslu fl-Ewropa f’numri kbar, iżda m’għandniex sistemi ta’ protezzjoni reali għalihom.

Emenda 35

COM(2020) 612 final, Artikolu 14

Test propost mill-Kummissjoni Ewropea	Emenda tal-KtR
Artikolu 14	Artikolu 14
Riżultat tal-iskrinjar	Riżultat tal-iskrinjar
[…]	[…]
(2) Iċ-ċittadini ta’ pajjiżi terzi li jkunu għamlu applikazzjoni għall-protezzjoni internazzjonali għandhom jiġu rriferuti lill-awtoritajiet imsemmija fl-Artikolu XY tar-Regolament (UE) Nru XXX/XXX [ir-Regolament dwar il-Proċeduri tal-Ażil], flimkien mal-formola msemmija fl-Artikolu 13 ta’ dan ir-Regolament. F’dik l-okkażjoni, l-awtoritajiet li jwettqu l-iskrinjar għandhom jindikaw fil-formola ta’ debriefing kwalunkwe element li, mal-ewwel daqqa ta’ għajn, ikun jidher li huwa rilevanti biex iċ-ċittadini ta’ pajjiżi terzi kkonċernati jiġu rriferuti għall-proċedura ta’ eżami aċċellerata jew għall-proċedura fuq il-fruntiera.	(2) Iċ-ċittadini ta’ pajjiżi terzi li jkunu għamlu applikazzjoni għall-protezzjoni internazzjonali għandhom jiġu rriferuti lill-awtoritajiet imsemmija fl-Artikolu XY tar-Regolament (UE) Nru XXX/XXX [ir-Regolament dwar il-Proċeduri tal-Ażil], flimkien mal-formola msemmija fl-Artikolu 13 ta’ dan ir-Regolament. F’dik l-okkażjoni, l-awtoritajiet li jwettqu l-iskrinjar għandhom jindikaw fil-formola ta’ debriefing kwalunkwe element li, mal-ewwel daqqa ta’ għajn, ikun favur jew kontra l-fatt li ċ-ċittadini ta’ pajjiżi terzi kkonċernati jiġu rriferuti għall-proċedura ta’ eżami aċċellerata jew għall-proċedura fuq il-fruntiera. B’mod partikolari, għandhom jiġu indikati sejbiet jew suspetti rigward ħtiġijiet ta’ protezzjoni speċjali, b’mod partikolari fil-każ tal-minorenni mhux akkumpanjati.
[…]	[…]
(7) Meta ċ-ċittadini ta’ pajjiżi terzi msemmija fl-Artikolu 3(1) u l-Artikolu 5 jiġu rriferuti għal proċedura xierqa rigward l-ażil jew ir-ritorn, l-iskrinjar jintemm. Meta ma jkunux tlestew il-kontrolli kollha sad-dati ta’ skadenza msemmija fl-Artikolu 6(3) u (5), l-iskrinjar għandu madankollu jintemm fir-rigward ta’ dik il-persuna, li għandha tiġi rriferuta għal proċedura rilevanti.	(7) Fejn ikun adatt, l-awtoritajiet responsabbli għall-ħarsien tas-saħħa, tas-sigurtà u l-ħarsien ta’ gruppi speċjali għandhom jiġu infurmati, u l-persuni kkonċernati għandhom jintbagħtu lil dawn l-awtoritajiet jekk dan ikun previst fil-liġi nazzjonali.
	(8) Meta ċ-ċittadini ta’ pajjiżi terzi msemmija fl-Artikolu 3(1) u l-Artikolu 5 jiġu rriferuti għal proċedura xierqa rigward l-ażil jew ir-ritorn, l-iskrinjar jintemm. Meta ma jkunux tlestew il-kontrolli kollha sad-dati ta’ skadenza msemmija fl-Artikolu 6(3) u (5), l-iskrinjar għandu madankollu jintemm fir-rigward ta’ dik il-persuna, li għandha tiġi rriferuta għal proċedura rilevanti.

Raġuni

Sabiex jiġi żgurat li persuni vulnerabbli ma jiġux trasferiti għall-proċedura fuq il-fruntiera jew proċedura aċċellerata, li f’dawn il-każijiet tista’ titwettaq biss jekk ikun hemm diffikultajiet legali u prattiċi konsiderevoli, għandu jkun ċar li dawn il-persuni jintbagħtu lill-awtoritajiet tal-ażil qabel ma dawn l-awtoritajiet jiddeċiedu dwar it-tip ta’ proċedura. B’mod partikolari f’każijiet ta’ tħassib dwar is-saħħa u s-sigurtà, it-trażmissjoni ma għandhiex tkun possibbli biss lill-awtoritajiet tal-ażil jew lill-awtoritajiet responsabbli għall-proċedura ta’ ritorn. Barra minn hekk, l-Istati Membri għandhom iżommu l-possibbiltà li jipprevedu responsabbiltajiet speċifiċi li jikkonċernaw ċerti gruppi vulnerabbli. B’mod partikolari, huwa essenzjali li jitqiesu l-miżuri speċjali ta’ protezzjoni meħtieġa minn minorenni barranin mhux akkumpanjati.

Proposta għal Regolament tal-Parlament Ewropew u tal-Kunsill li jindirizza sitwazzjonijiet ta’ kriżi u ta’ force majeure fil-qasam tal-migrazzjoni u tal-ażil

Emenda 36

COM(2020) 613 final, Premessa 11

Test propost mill-Kummissjoni Ewropea

Emenda tal-KtR

Ir-regoli proċedurali stabbiliti fir-Regolament (UE) XXX/XXX [il-Ġestjoni tal-Ażil u tal-Migrazzjoni] għat-twettiq ta’ rilokazzjoni u ritorn sponsorizzat jenħtieġ li jiġu applikati bil-għan li tiġi żgurata l-implimentazzjoni xierqa tal-miżuri ta’ solidarjetà f’sitwazzjoni ta’ kriżi, għalkemm jenħtieġ li jiġu aġġustati sabiex jitqiesu l-gravità u l-urġenza ta’ dik is-sitwazzjoni. B’mod partikolari, il-minorenni mhux akkumpanjati għandhom jiġu rilokati fl-Istati Membri responsabbli għalihom malajr kemm jista’ jkun jew fil-bqija tat-territorju tal-UE jekk dawk il-minorenni jkollhom membri tal-familja fi Stati Membri oħra tal-UE.

Raġuni

Il-KtR ilu żmien twil jippromovi titjib fl-aċċess għad-drittijiet tal-minorenni mhux akkumpanjati u dan jirriżulta mill-ħtieġa (legali) li tingħata prijorità lill-aħjar interessi tat-tfal. Jeħtieġ li l-UE tgħin biex il-minorenni mhux akkumpanjati jiġu rilokati fi Stati Membri oħra jekk ikollhom membri tal-familja fihom, sabiex tittaffa l-pressjoni fuq ir-reġjuni tal-fruntiera u fl-ispirtu ta’ solidarjetà u responsabbiltà kondiviża li l-Patt il-ġdid għandu jippromovi.

Emenda 37

COM(2020) 613 final, Premessa 14

Test propost mill-Kummissjoni Ewropea

Emenda tal-KtR

Sabiex jiġi żgurat li l-Istati Membri jkollhom il-flessibbiltà meħtieġa meta jiffaċċjaw influss kbir ta’ migranti li jesprimu l-intenzjoni li japplikaw għall-ażil, l-applikazzjoni tal-proċedura fuq il-fruntiera, stabbilita mill-Artikolu 41 tar-Regolament (UE) XXX/XXX [ir-Regolament dwar il-Proċeduri tal-Ażil] jenħtieġ li titwessa’, u proċedura tal-ġestjoni tal-kriżijiet tal-ażil jenħtieġ li tippermetti lill-Istati Membri jieħdu deċiżjoni fil-qafas ta’ proċedura fuq il-fruntiera wkoll fuq il-merti ta’ applikazzjoni f’każijiet fejn l-applikant ikun ta’ nazzjonalità, jew fil-każ ta’ persuni mingħajr Stat, resident abitwali preċedenti ta’ pajjiż terz, li għalih il-proporzjon ta’ deċiżjonijiet li tingħata protezzjoni internazzjonali mal-Unjoni kollha huwa ta’ 75 % jew anqas. B’riżultat ta’ dan, fl-applikazzjoni tal-proċedura fuq il-fruntiera tal-kriżi, l-Istati Membri jenħtieġ li jkomplu japplikaw il-proċedura fuq il-fruntiera kif previst mill-Artikolu 41 tar-Regolament (UE) XXX/XXX [ir-Regolament dwar il-Proċeduri tal-Ażil] iżda jistgħu jestendu l-applikazzjoni tal-proċedura fuq il-fruntiera għal ċittadini li jiġu minn pajjiżi terzi fejn ir-rata medja ta’ rikonoxximent mal-UE kollha hija ogħla minn 20 % iżda anqas minn 75 %.

Raġuni

F’sitwazzjonijiet diffiċli, il-proċeduri fuq il-fruntiera jitfgħu piż żejjed fuq ir-reġjuni tal-fruntiera. Jenħtieġ li l-Istati Membri jkollhom l-għażla li jneħħu l-proċeduri fuq il-fruntiera f’konsultazzjoni mal-Kummissjoni biex jiġġestixxu l-wasliet b’mod effiċjenti, filwaqt li jipproċessaw il-proċeduri tal-ażil f’postijiet mhux tal-fruntiera fit-territorju tagħhom.

Emenda 38

COM(2020) 613 final, Premessa 16

Test propost mill-Kummissjoni Ewropea

Emenda tal-KtR

F’sitwazzjoni ta’ kriżi, fid-dawl tal-pressjoni possibbli fuq is-sistema tal-ażil, l-Istati Membri jenħtieġ li jkollhom il-possibbiltà

li ma jawtorizzawx id-dħul fit-territorju tagħhom ta’ applikanti soġġetti għal proċedura fuq il-fruntiera għal perjodu ta’ żmien itwal minn dawk stabbiliti fl-Artikolu 41(11) u (13) tar-Regolament (UE) XXX/XXX [ir-Regolament dwar il-Proċeduri tal-Ażil]. Madankollu, il-proċeduri jenħtieġ li jitlestew kemm jista’ jkun malajr u fi kwalunkwe każ il-perjodi ta’ żmien jenħtieġ li jiġu estiżi biss b’perjodu addizzjonali li ma jaqbiżx it-tmien ġimgħat; jekk dawk il-proċeduri ma jkunux jistgħu jitlestew sal-iskadenza ta’ dak il-perjodu mtawwal, l-applikanti jenħtieġ li jkunu awtorizzati jidħlu fit-territorju ta’ Stat Membru għall-finijiet li titlesta l-proċedura għall-protezzjoni internazzjonali .

F’sitwazzjoni ta’ kriżi, fid-dawl tal-pressjoni possibbli fuq is-sistema tal-ażil, iżda filwaqt li titqies il-pressjoni fuq ir-reġjuni milquta minn din il-kriżi, l-Istati Membri jenħtieġ li jkollhom il-possibbiltà li ma jawtorizzawx moviment ulterjuri fit-territorju tagħhom ta’ applikanti soġġetti għal proċedura fuq il-fruntiera għal perjodu ta’ żmien itwal minn dawk stabbiliti fl-Artikolu 41(11) u (13) tar-Regolament (UE) XXX/XXX [ir-Regolament dwar il-Proċeduri tal-Ażil]. Madankollu, il-proċeduri jenħtieġ li jitlestew kemm jista’ jkun malajr u fi kwalunkwe każ il-perjodi ta’ żmien jenħtieġ li jiġu estiżi biss b’perjodu addizzjonali li ma jaqbiżx it-tmien ġimgħat . Jekk il-proċeduri ma jkunux jistgħu jitlestew sal-iskadenza ta’ dak il-perjodu mtawwal, l-applikanti huma awtorizzati jidħlu fit-territorju ta’ Stat Membru għall-finijiet li titlesta l-proċedura għall-protezzjoni internazzjonali.

Raġuni

L-estensjoni ta’ proċedura fuq il-fruntiera ma għandhiex tiġi implimentata mingħajr ma l-ewwel jiġi kkunsidrat l-impatt fuq ir-reġjuni.

Emenda 39

COM(2020) 613 final, Premessa 23

Test propost mill-Kummissjoni Ewropea

Emenda tal-KtR

F’sitwazzjoni ta’ kriżi, jenħtieġ li l-Istati Membri jkollhom il-possibbiltà li jissospendu l-eżami tal-applikazzjonijiet għall-protezzjoni internazzjonali magħmula minn persuni spostati minn pajjiżi terzi li ma jkunux jistgħu jirritornaw lejn il-pajjiż ta’ oriġini tagħhom, fejn huma jiffaċċjaw livell għoli ta’ riskju li jkunu soġġetti għal vjolenza indiskriminata, f’sitwazzjonijiet eċċezzjonali ta’ kunflitt armat. F’każ bħal dan, dawk il-persuni jenħtieġ li jingħataw status ta’ protezzjoni immedjata. F’sitwazzjoni ta’ kriżi, l-Istat Membru għandu jkollu wkoll id-diskrezzjoni li jagħti status ta’ protezzjoni immedjata lit-tfal u lill-persuni partikolarment vulnerabbli kif ukoll lil gruppi oħra ta’ persuni li jeħtieġu protezzjoni immedjata, jekk dan ikun previst mil-liġi nazzjonali. L-Istati Membri jenħtieġ li jkomplu bl-eżami tal-applikazzjoni tagħhom sa mhux aktar tard minn sena mis-sospensjoni tagħha.

Raġuni

F’sitwazzjonijiet koperti mir-Regolament dwar il-Kriżi, it-tfal u l-persuni bi bżonnijiet speċjali ta’ protezzjoni jeħtieġu livell minimu ta’ sigurtà tas-soġġorn. F’konformità mas-sussidjarjetà, l-Istati Membri għandu jkollhom l-għażla li jħallu liċ-ċittadini ta’ pajjiżi terzi jibqgħu fit-territorju tagħhom għal raġunijiet oħra, kif stipulat mil-liġijiet nazzjonali.

Emenda 40

COM(2020) 613 final, Artikolu 1(2)

Test propost mill-Kummissjoni Ewropea

Emenda tal-KtR

Artikolu 1

Suġġett

[…]

(2) Għall-finijiet ta’ dan ir-Regolament, sitwazzjoni ta’ kriżi għandha tinftiehem bħala:

sitwazzjoni eċċezzjonali ta’ influss bil-massa ta’ ċittadini ta’ pajjiżi terzi jew persuni mingħajr Stat li jaslu b’mod irregolari fi Stat Membru jew li jkunu daħlu fit-territorju tiegħu wara operazzjonijiet ta’ tiftix u ta’ salvataġġ, li jkun ta’ tali skala, meta mqabbel mal-popolazzjoni u l-PDG tal-Istat Membru kkonċernat, u natura, li jagħmel is-sistema tal-ażil, tal-akkoljenza jew tar-ritorn tal-Istat Membru mhux funzjonali u jista’ jkollu konsegwenzi serji għall-funzjonament tas-Sistema Ewropea Komuni tal-Ażil jew il-Qafas Komuni kif stabbilit fir-Regolament (UE) XXX/XXX [il-Ġestjoni tal-Ażil u tal-Migrazzjoni], jew

sitwazzjoni eċċezzjonali ta’ influss bil-massa ta’ ċittadini ta’ pajjiżi terzi jew persuni mingħajr Stat li jaslu b’mod irregolari fi Stat Membru jew li jkunu daħlu fit-territorju tiegħu wara operazzjonijiet ta’ tiftix u ta’ salvataġġ, li jkun ta’ tali skala, meta mqabbel mal-popolazzjoni u l-PDG tal-Istat Membru kkonċernat, u natura, li jagħmel is-sistema tal-ażil, tal-akkoljenza jew tar-ritorn tal-Istat Membru mhux funzjonali fil-livell lokali, reġjonali u/jew nazzjonal i u jista’ jkollu konsegwenzi serji għall-funzjonament tas-Sistema Ewropea Komuni tal-Ażil jew il-Qafas Komuni kif stabbilit fir-Regolament (UE) XXX/XXX [il-Ġestjoni tal-Ażil u tal-Migrazzjoni], jew

b)	riskju imminenti ta’ tali sitwazzjoni.

b)	riskju imminenti ta’ tali sitwazzjoni.

Raġuni

Il-piżijiet ikkawżati minn għadd kbir ta’ wasliet u applikazzjonijiet huma spiss ta’ natura reġjonali u jiddependu b’mod partikolari mir-rotot tal-ivvjaġġar (u tad-dħul). Funzjonament ħażin fil-livell lokali jew reġjonali għandu jkun definit ukoll bħala sitwazzjoni ta’ kriżi jekk ikollu l-istess konsegwenzi għall-persuni kkonċernati, sabiex jiġi enfasizzat li, f’termini perċentwali, is-sistema tal-ażil ta’ Stat Membru xorta waħda tista’ tiffunzjona fil-livell nazzjonali b’mod ġenerali, iżda jista’ jkun hemm postijiet u reġjuni fejn dan mhuwiex il-każ u li dan in-nuqqas ta’ funzjonalità jista’ jikkawża problemi kbar fil-livell lokali fir-rigward tal-provvista ta’ servizzi jew meta dawn ma jibqgħux jiffunzjonaw.

Emenda 41

COM(2020) 613 final, Artikolu 4

Test propost mill-Kummissjoni Ewropea

Emenda tal-KtR

1. F’sitwazzjoni ta’ kriżi kif imsemmi fl-Artikolu 1(2), u skont il-proċeduri stabbiliti fl-Artikolu 3, l-Istati Membri jistgħu, fir-rigward ta’ applikazzjonijiet magħmula fil-perjodu li matulu jiġi applikat dan l-Artikolu, jidderogaw mill-Artikolu 41 tar-Regolament (UE) XXX/XXX [ir-Regolament dwar il-Proċeduri tal-Ażil] kif ġej:

(1) F’sitwazzjoni ta’ kriżi kif imsemmi fl-Artikolu 1(2), u skont il-proċeduri stabbiliti fl-Artikolu 3, l-Istati Membri jistgħu, fir-rigward ta’ applikazzjonijiet magħmula fil-perjodu li matulu jiġi applikat dan l-Artikolu, jidderogaw mill-Artikolu 41 tar-Regolament (UE) XXX/XXX [ir-Regolament dwar il-Proċeduri tal-Ażil] kif ġej:

(a)

B’deroga mill-Artikolu 41(2)(b) tar-Regolament (UE) XXX/XXX [ir-Regolament dwar il-Proċeduri tal-Ażil], l-Istati Membri jistgħu fi proċedura fuq il-fruntiera jieħdu deċiżjonijiet dwar il-merti ta’ applikazzjoni f’każijiet fejn l-applikant ikun ta’ nazzjonalità ta’ pajjiż terz, jew, fil-każ ta’ persuni mingħajr Stat, qabel kien resident abitwali ta’ pajjiż terz, li għalih il-proporzjon ta’ deċiżjonijiet mill-awtorità determinanti li tagħti protezzjoni internazzjonali jkun, skont l-aħħar data annwali disponibbli tal-Eurostat mal-UE kollha, 75 % jew anqas, minbarra l-każijiet imsemmija fl-Artikolu 40(1) tar-Regolament (UE) XXX/XXX [ir-Regolament dwar il-Proċeduri tal-Ażil];

a)	B’deroga mill-Artikolu 41(2)(b) tar-Regolament (UE) XXX/XXX [ir-Regolament dwar il-Proċeduri tal-Ażil], l-Istati Membri, f’konsultazzjoni mal-Kummissjoni, jistgħu ma jimplimentawx proċedura fuq il-fruntiera.

(b)

B’deroga mill-Artikolu 41(11) u (13) tar-Regolament (UE) XXX/XXX [ir-Regolament dwar il-Proċeduri tal-Ażil], it-tul massimu tal-proċedura fuq il-fruntiera għall-eżami tal-applikazzjonijiet stabbiliti f’dak l-Artikolu jista’ jittawwal b’perjodu addizzjonali ta’ massimu ta’ tmien ġimgħat. Wara dan il-perjodu, l-applikant għandu jkun awtorizzat jidħol fit-territorju tal-Istat Membru għat-tlestija tal-proċedura għall-protezzjoni internazzjonali.

(b)

B’deroga mill-Artikolu 41(11) u (13) tar-Regolament (UE) XXX/XXX [ir-Regolament dwar il-Proċeduri tal-Ażil], it-tul massimu tal-proċedura fuq il-fruntiera għall-eżami tal-applikazzjonijiet stabbiliti f’dak l-Artikolu jista’ jittawwal b’perjodu addizzjonali ta’ massimu ta’ sitt ġimgħat. Wara dan il-perjodu, l-applikant għandu jkun awtorizzat jidħol fit-territorju tal-Istat Membru għat-tlestija tal-proċedura għall-protezzjoni internazzjonali.

Raġuni

F’sitwazzjoni ta’ kriżi, l-applikazzjoni ta’ proċedura fuq il-fruntiera tista’ twassal għal piż żejjed fuq ir-reġjuni tal-fruntiera. B’koordinazzjoni mal-Kummissjoni Ewropea, l-Istati Membri għalhekk għandu jkollhom il-possibbiltà li ma japplikawx il-proċedura fuq il-fruntiera sabiex jiġġestixxu l-wasliet b’mod aktar effiċjenti. Għandu jkun possibbli li l-proċedura fuq il-fruntiera tiġi estiża biss b’sitt ġimgħat sabiex ma jkunx hemm sitwazzjoni ta’ piż żejjed (addizzjonali) fuq il-fruntiera.

Emenda 42

COM(2020) 613 final, Artikolu 10(1)

Test propost mill-Kummissjoni Ewropea	Emenda tal-KtR
Artikolu 10	Artikolu 10
Għoti ta’ status ta’ protezzjoni immedjata	Għoti ta’ status ta’ protezzjoni immedjata
1. F’sitwazzjoni ta’ kriżi kif imsemmi fl-Artikolu 1(2)(a), u abbażi ta’ att ta’ implimentazzjoni adottat mill-Kummissjoni skont il-paragrafu 4 ta’ dan l-Artikolu, l-Istati Membri jistgħu jissospendu l-eżami ta’ applikazzjonijiet għall-protezzjoni internazzjonali f’konformità mar-Regolament (UE) XXX/XXX [ir-Regolament dwar il-Proċeduri tal-Ażil] u r-Regolament (UE) XXX/XXX [ir-Regolament dwar Standards għall-Kwalifika] fir-rigward ta’ persuni spustati minn pajjiżi terzi li jkunu qed jiffaċċjaw grad għoli ta’ riskju li jkunu soġġetti għal vjolenza indiskriminata, f’sitwazzjonijiet eċċezzjonali ta’ kunflitt armat, u li ma jkunux jistgħu jirritornaw lejn il-pajjiż ta’ oriġini tagħhom. F’dan il-każ, l-Istati Membri għandhom jagħtu status ta’ protezzjoni immedjata lill-persuni kkonċernati, sakemm ma jirrappreżentawx periklu għas-sigurtà nazzjonali jew għall-ordni pubbliku tal-Istat Membru. Dan l-istatus għandu jkun mingħajr preġudizzju għall-applikazzjoni kontinwa tagħhom għall-protezzjoni internazzjonali fl-Istat Membru rilevanti.	1. F’sitwazzjoni ta’ kriżi kif imsemmi fl-Artikolu 1(2)(a), u abbażi ta’ att ta’ implimentazzjoni adottat mill-Kummissjoni skont il-paragrafu 4 ta’ dan l-Artikolu, l-Istati Membri jistgħu jissospendu l-eżami ta’ applikazzjonijiet għall-protezzjoni internazzjonali f’konformità mar-Regolament (UE) XXX/XXX [ir-Regolament dwar il-Proċeduri tal-Ażil] u r-Regolament (UE) XXX/XXX [ir-Regolament dwar Standards għall-Kwalifika] fir-rigward ta’ persuni spustati minn pajjiżi terzi li jkunu qed jiffaċċjaw grad għoli ta’ riskju li jkunu soġġetti għal vjolenza indiskriminata, f’sitwazzjonijiet eċċezzjonali ta’ kunflitt armat, u li ma jkunux jistgħu jirritornaw lejn il-pajjiż ta’ oriġini tagħhom. F’dan il-każ, l-Istati Membri għandhom jagħtu status ta’ protezzjoni immedjata lill-persuni kkonċernati, sakemm ma jirrappreżentawx periklu għas-sigurtà nazzjonali jew għall-ordni pubbliku tal-Istat Membru. F’sitwazzjoni ta’ kriżi, l-Istat Membru għandu jkollu wkoll id-diskrezzjoni li jagħti status ta’ protezzjoni immedjata lit-tfal u lill-persuni partikolarment vulnerabbli, u gruppi oħra ta’ persuni li jeħtieġu protezzjoni immedjata, jekk dan ikun previst fil-liġi nazzjonali. Dan l-istatus għandu jkun mingħajr preġudizzju għall-applikazzjoni kontinwa tagħhom għall-protezzjoni internazzjonali fl-Istat Membru rilevanti.

Raġuni

Proposta emendata għal Regolament tal-Parlament Ewropew u tal-Kunsill dwar l-istabbiliment tal-“Eurodac” għat-tqabbil ta’ data bijometrika għall-applikazzjoni effettiva tar-Regolament (UE) XXX/XXX [ir-Regolament dwar il-Ġestjoni tal-Ażil u tal-Migrazzjoni] u tar-Regolament (UE) XXX/XXX [ir-Regolament dwar ir-Risistemazzjoni], għall-identifikazzjoni ta’ ċittadin ta’ pajjiż terz jew persuna apolida b’soġġorn illegali u dwar talbiet għat-tqabbil ma’ data tal-Eurodac mill-awtoritajiet tal-infurzar tal-liġi tal-Istati Membri u mill-Europol għall-finijiet ta’ infurzar tal-liġi (riformulat) u li temenda r-Regolamenti (UE) 2018/1240 u (UE) 2019/818

Emenda 43

COM(2020) 614 final, Punt 14, Artikolu 10(1)

Test propost mill-Kummissjoni Ewropea	Emenda tal-KtR
Kull Stat Membru għandu jieħu d-data bijometrika ta’ kull applikant għall-protezzjoni internazzjonali li jkollu tal-inqas sitt snin waqt l-iskrinjar kif imsemmi fir-Regolament (UE) XXX/XXX [Regolament dwar l-Iskrinjar] jew, meta d-data bijometrika ma setgħetx tittieħed waqt l-iskrinjar jew meta l-applikant ma kienx soġġett għal skrinjar, mar-reġistrazzjoni tal-applikazzjoni għall-protezzjoni internazzjonali msemmija fl-Artikolu 27 tar-Regolament (UE) Nru XXX/XXX [Regolament dwar il-Proċedura tal-Ażil] u għandu, mill-aktar fis possibbli u mhux aktar tard minn 72 siegħa wara t-teħid tad-data bijometrika, jittrażmettihom flimkien mad-data msemmija fl-Artikolu 12 minn (c) sa (p) ta’ dan ir-Regolament lis-Sistema Ċentrali u lis-CIR kif xieraq skont l-Artikolu 4(2).	Kull Stat Membru għandu jieħu d-data bijometrika ta’ kull applikant għall-protezzjoni internazzjonali li jkollu tal-inqas tnax-il sena waqt l-iskrinjar kif imsemmi fir-Regolament (UE) XXX/XXX [Regolament dwar l-Iskrinjar] jew, meta d-data bijometrika ma setgħetx tittieħed waqt l-iskrinjar jew meta l-applikant ma kienx soġġett għal skrinjar, mar-reġistrazzjoni tal-applikazzjoni għall-protezzjoni internazzjonali msemmija fl-Artikolu 27 tar-Regolament (UE) Nru XXX/XXX [Regolament dwar il-Proċedura tal-Ażil] u għandu, mill-aktar fis possibbli u mhux aktar tard minn 72 siegħa wara t-teħid tad-data bijometrika, jittrażmettihom flimkien mad-data msemmija fl-Artikolu 12 minn (c) sa (p) ta’ dan ir-Regolament lis-Sistema Ċentrali u lis-CIR kif xieraq skont l-Artikolu 4(2).
Meta l-Artikolu 3(1) tar-Regolament (UE) XXX/XXX [ir-Regolament dwar l-Iskrinjar] ikun japplika u l-persuna tapplika għal protezzjoni internazzjonali waqt l-iskrinjar, fil-każ ta’ kull applikant għall-protezzjoni internazzjonali ta’ mill-inqas sitt snin , kull Stat Membru għandu juża d-data bijometrika meħuda waqt l-iskrinjar u jittrażmettiha flimkien mad-data msemmija fl-Artikolu 12 minn (c) sa (p) ta’ dan ir-Regolament lis-Sistema Ċentrali u lis-CIR kif xieraq skont l-Artikolu 4(2), mhux aktar tard minn 72 siegħa mir-reġistrazzjoni tal-applikazzjoni msemmija fl-Artikolu 27 tar-Regolament (UE) XXX/ XXX [ir-Regolament dwar il-Proċedura tal-Ażil].	Meta l-Artikolu 3(1) tar-Regolament (UE) XXX/XXX [ir-Regolament dwar l-Iskrinjar] ikun japplika u l-persuna tapplika għal protezzjoni internazzjonali waqt l-iskrinjar, fil-każ ta’ kull applikant għall-protezzjoni internazzjonali ta’ mill-inqas tnax-il sena , kull Stat Membru għandu juża d-data bijometrika meħuda waqt l-iskrinjar u jittrażmettiha flimkien mad-data msemmija fl-Artikolu 12 minn (c) sa (p) ta’ dan ir-Regolament lis-Sistema Ċentrali u lis-CIR kif xieraq skont l-Artikolu 4(2), mhux aktar tard minn 72 siegħa mir-reġistrazzjoni tal-applikazzjoni msemmija fl-Artikolu 27 tar-Regolament (UE) XXX/ XXX [ir-Regolament dwar il-Proċedura tal-Ażil].
In-nuqqas ta’ konformità mal-limitu tal-ħin ta’ 72 siegħa ma għandux jeżonera lill-Istati Membri mill-obbligu li jieħdu u jittrażmettu d-data bijometrika lis-CIR. Meta l-kundizzjoni tat-truf tas-swaba’ ma tippermettix li jittieħdu marki tas-swaba’ fi kwalità li tiżgura tqabbil xieraq taħt l-Artikolu 26, l-Istat Membru ta’ oriġini għandu jerġa’ jieħdu l-marki tas-swaba’ tal-applikant u jibgħathom mill-ġdid mill-aktar fis possibbli u mhux aktar tard minn 48 siegħa wara li jkunu reġgħu ttieħdu b’suċċess.	In-nuqqas ta’ konformità mal-limitu tal-ħin ta’ 72 siegħa ma għandux jeżonera lill-Istati Membri mill-obbligu li jieħdu u jittrażmettu d-data bijometrika lis-CIR. Meta l-kundizzjoni tat-truf tas-swaba’ ma tippermettix li jittieħdu marki tas-swaba’ fi kwalità li tiżgura tqabbil xieraq taħt l-Artikolu 26, l-Istat Membru ta’ oriġini għandu jerġa’ jieħdu l-marki tas-swaba’ tal-applikant u jibgħathom mill-ġdid mill-aktar fis possibbli u mhux aktar tard minn 48 siegħa wara li jkunu reġgħu ttieħdu b’suċċess.

Raġuni

Il-Kodiċi dwar il-Viżi jitlob li l-applikanti għall-viża jitteħdulhom il-marki tas-swaba’ mill-età ta’ 12-il sena; l-istess japplika għal tfal li jidħlu fl-UE għal soġġorn qasir taħt is-Sistema ta’ Dħul/Ħruġ (EES). L-allinjament tal-limitu tal-età tal-Eurodac ma’ dak tal-Kodiċi dwar il-Viżi u l-EES jiżgura l-koerenza u l-affidabbiltà tad-data fil-perjodu medju/twil ta’ żmien.

Emenda 44

COM(2020) 614 final, Punt 17, Artikolu 13(1)

Test propost mill-Kummissjoni Ewropea

Emenda tal-KtR

Kull Stat Membru għandu jieħu fil-pront id-data bijometrika ta’ kull ċittadin ta’ pajjiż terz jew persuna apolida li jkollhom tal-inqas sitt snin , li jinqabdu mill-awtoritajiet ta’ kontroll kompetenti b’konnessjoni mal-qsim irregolari bl-art, bil-baħar jew bl-ajru tal-fruntiera ta’ dak l-Istat Membru wara li jkunu ġew minn pajjiż terz u li ma jintbagħtux lura fih jew li baqgħu fiżikament fit-territorju tal-Istati Membri u li ma nżammewx f’kustodja, reklużjoni jew detenzjoni waqt il-perjodu sħiħ bejn il-qbid u t-tneħħija fuq il-bażi tad-deċiżjoni li jintbagħtu lura.

Kull Stat Membru għandu jieħu fil-pront id-data bijometrika ta’ kull ċittadin ta’ pajjiż terz jew persuna apolida li jkollhom tal-inqas tnax-il sena , li jinqabdu mill-awtoritajiet ta’ kontroll kompetenti b’konnessjoni mal-qsim irregolari bl-art, bil-baħar jew bl-ajru tal-fruntiera ta’ dak l-Istat Membru wara li jkunu ġew minn pajjiż terz u li ma jintbagħtux lura fih jew li baqgħu fiżikament fit-territorju tal-Istati Membri u li ma nżammewx f’kustodja, reklużjoni jew detenzjoni waqt il-perjodu sħiħ bejn il-qbid u t-tneħħija fuq il-bażi tad-deċiżjoni li jintbagħtu lura.

Raġuni

Emenda 45

COM(2020) 614 final, Punt 18, Artikolu 14(1)

Test propost mill-Kummissjoni Ewropea	Emenda tal-KtR
Kull Stat Membru għandu immedjatament jieħu d-data bijometrika ta’ kull ċittadin ta’ pajjiż terz jew persuna apolida ta’ mill-anqas sitt snin li tkun illegalment fit-territorju tiegħu.	Kull Stat Membru għandu immedjatament jieħu d-data bijometrika ta’ kull ċittadin ta’ pajjiż terz jew persuna apolida ta’ mill-anqas tnax-il sena li tkun illegalment fit-territorju tiegħu.

Raġuni

Emenda 46

COM(2020) 614 final, Punt 19, Artikolu 14a(1)

Test propost mill-Kummissjoni Ewropea	Emenda tal-KtR
Kull Stat Membru għandu minnufih jieħu d-data bijometrika ta’ kull ċittadin ta’ pajjiż terz jew persuna apolida ta’ mill-inqas sitt snin li jiġu żbarkati wara operazzjoni ta’ tfittxija u salvataġġ, kif iddefinit fir-Regolament (UE) XXX/XXX [ir-Regolament dwar il-Ġestjoni tal-Ażil u tal-Migrazzjoni].	Kull Stat Membru għandu minnufih jieħu d-data bijometrika ta’ kull ċittadin ta’ pajjiż terz jew persuna apolida ta’ mill-inqas tnax-il sena li jiġu żbarkati wara operazzjoni ta’ tfittxija u salvataġġ, kif iddefinit fir-Regolament (UE) XXX/XXX [ir-Regolament dwar il-Ġestjoni tal-Ażil u tal-Migrazzjoni].

Raġuni

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

jilqa’ l-proposta tal-Kummissjoni għal Patt Ġdid dwar il-Migrazzjoni u l-Ażil, li permezz tiegħu hija qed tfittex li tegħleb l-imblokk ta’ ħames snin bejn l-Istati Membri biex tiġi stabbilita sistema komuni ta’ ażil u migrazzjoni; jappoġġja l-għan tal-Kummissjoni li tiżviluppa sistema komprensiva għall-ġestjoni fit-tul tal-migrazzjoni, inkluża l-migrazzjoni tar-rifuġjati, ibbażata fuq il-valuri Ewropej, b’mod partikolari l-valuri tas-solidarjetà u d-dinjità, kif ukoll fuq id-dritt tal-UE u dak internazzjonali (1);

jinsab imħasseb li d-dimensjoni lokali u reġjonali ma tqisitx biżżejjed fil-proposti preżentati fil-qafas tal-Patt il-ġdid u li l-Istati tal-fruntiera esterna tal-UE għandhom jerġgħu jkunu primarjament responsabbli għall-wasla u r-reġistrazzjoni. F’dan il-kuntest huwa jikkritika ż-żamma tal-kriterju tal-ewwel dħul; jitlob, għaldaqstant, fi spirtu ta’ solidarjetà ġenwina, li l-persuni li jfittxu l-ażil jitqassmu malajr u b’mod ġust fi Stati Membri oħra u biex l-Aġenzija l-ġdida tal-Unjoni Ewropea għall-Ażil, l-awtoritajiet lokali u reġjonali u l-atturi tas-soċjetà ċivili jkunu involuti aktar mill-qrib, bil-għan li jkun hemm kooperazzjoni f’diversi livelli li tinvolvi lill-partijiet interessati rilevanti mis-settur pubbliku u dak privat;

itenni, għalhekk, it-talba tiegħu biex tinstab soluzzjoni fit-tul u b’konformità mad-dritt internazzjonali u dak tal-Unjoni għall-isfidi b’rabta mad-dħul irregolari u l-akkoljenza ta’ persuni li jfittxu protezzjoni, filwaqt li jiġi żgurat li l-prinċipju ta’ non-refoulement jiġi rrispettat u li l-interessi ta’ persuni vulnerabbli jitqiesu fid-deċiżjonijiet u l-azzjonijiet kollha. Għal dan il-għan, il-KtR jipproponi li r-Regolament dwar il-Ġestjoni tal-Ażil u tal-Migrazzjoni u l-Patt il-Ġdid dwar il-Migrazzjoni u l-Ażil iqisu l-aħjar prattiki eżistenti ta’ distribuzzjoni territorjali volontarja fil-livell reġjonali, li japplikaw fattur ewlieni abbażi ta’ data dwar il-popolazzjoni, il-qgħad u l-introjtu (2);

jinnota li ma setgħetx tiġi implimentata kwota fissa għad-distribuzzjoni madwar l-Unjoni tal-persuni li jfittxu l-ażil; jilqa’, madankollu, il-proposta tal-Kummissjoni li jiġi introdott mekkaniżmu ta’ solidarjetà li fih għandhom jipparteċipaw l-Istati Membri kollha, iżda li jagħtihom għażla ħielsa bejn tipi differenti ta’ kontribuzzjonijiet; jirrimarka li biex dan il-mekkaniżmu jaħdem, hemm bżonn li jinstab bilanċ bejn il-postijiet disponibbli għall-ospitar tar-rifuġjati u forom oħra ta’ kontribuzzjonijiet; Għalhekk huwa kruċjali li jkun żgurat li n-numru ta’ Stati Membri li jospitaw rifuġjati jkun proporzjonat man-numru ta’ Stati Membri li jagħżlu tip ieħor ta’ kontribuzzjoni, u mal-proporzjon ta’ applikanti li jissodisfaw ir-rekwiżiti għall-ażil ma’ dawk li għandhom jiġu rritornati;

fid-dawl tal-kumplessità tal-proċedura proposta, madankollu, huwa xettiku dwar jekk is-sistema ta’ “sponsorizzazzjonijiet tar-ritorn” tistax tiġi implimentata fil-prattika. F’dan il-kuntest, huwa jipproponi l-introduzzjoni ta’ sistema ta’ inċentivi u sanzjonijiet ekonomiċi biex tiġi żgurata l-implimentazzjoni tal-mekkaniżmu ta’ solidarjetà;

jenfasizza l-importanza tal-prinċipji tad-drittijiet tal-bniedem u tal-istat tad-dritt (pereżempju aċċess liberu għal pariri indipendenti u rappreżentanza legali kif ukoll għall-Uffiċċju tal-Kummissarju Għoli tan-Nazzjonijiet Uniti għar-Rifuġjati (UNHCR)), li japplikaw ukoll fil-fruntieri esterni tal-Ewropa. Dan japplika b’mod partikolari għall-proċeduri proposti fuq il-fruntiera, li huma konformi mal-valuri Ewropej u l-istat tad-dritt u għandhom jiżguraw li ma jkun hemm l-ebda diskriminazzjoni abbażi tan-nazzjonalità; fir-rigward tal-proċeduri fuq il-fruntiera għandu jintgħażel mudell differenti mill-mudell marbut mal-kwota ta’ protezzjoni. Il-proċeduri l-ġodda fuq il-fruntiera għandhom jiggarantixxu wkoll dawn l-istandards fil-prattika;

jissuġġerixxi li l-koleġiżlaturi jivverifikaw li d-dispożizzjonijiet tal-Artikoli 53 u 54 tal-Proposta għal Regolament dwar il-Proċedura tal-Ażil huma kompatibbli mal-ġurisprudenza tal-QĠUE dwar il-protezzjoni legali effettiva u dwar il-ħtieġa li jiġu rispettati prinċipji oħra tad-dritt Ewropew u tal-istat tad-dritt meta titfassal il-protezzjoni legali fid-dawl tal-Artikolu 47 tal-Karta tad-Drittijiet Fundamentali;

jappella biex il-proċedura proposta ta’ skrinjar titwettaq b’tali mod li tippermetti identifikazzjoni effettiva ta’ “vulnerabbiltajiet partikolari” fi stadju bikri. Dan jinkludi l-identifikazzjoni u t-trattament adatt tal-kategoriji ta’ nies imsemmija fid-Direttiva dwar il-Kundizzjonijiet ta’ Akkoljenza u l-Proposta għal Regolament dwar il-Proċeduri tal-Ażil;

jirrimarka li t-tul massimu ta’ ħamest ijiem previst għal dan l-iskrinjar f’ħafna każijiet mhux se jkun biżżejjed biex jiġu identifikati b’mod effettiv il-persuni vulnerabbli; fir-reġjuni tal-fruntiera, jeħtieġ li jiġu allokati aktar riżorsi biex jiġi żgurat li l-proċeduri jitwettqu b’mod adatt, li jkun hemm identifikazzjoni adatta tal-ħtiġijiet speċjali u biex jiġu evitati prattiki diskriminatorji bħat-tfassil ta’ profili razzjali;

10.

jenfasizza l-ħtieġa li jiġu evitati duplikazzjonijiet fil-proċedura ta’ skrinjar u li tiżdied l-effikaċja tagħha;

11.

jirrimarka li l-ġestjoni effettiva tal-kriżijiet tibda partikolarment fil-livell lokali u reġjonali u li l-koordinazzjoni mal-awtoritajiet lokali u reġjonali għandha għalhekk tkun prijorità ewlenija;

12.

jissuġġerixxi li l-protezzjoni immedjata f’sitwazzjonijiet ta’ kriżi ma għandhiex tingħata biss, għad-diskrezzjoni tal-Istati Membri, lil rifuġjati li jkunu ħarbu minn kunflitti armati, iżda wkoll lil gruppi vulnerabbli oħra, partikolarment tfal u vittmi tat-tortura u ta’ trawma, kif ukoll vittmi tat-traffikar tal-bnedmin, li s-sinjali tagħhom mhux dejjem ikunu jistgħu jiġu identifikati viżibbilment;

13.

ifakkar fil-ħtieġa li jkun hemm konformità mar-Regolament Ġenerali dwar il-Protezzjoni tad-Data u l-prinċipji ġenerali tal-ipproċessar tad-data, u jistieden lill-koleġiżlaturi jqisu b’mod adatt ir-riżervi magħmula mill-Kontrollur Ewropew għall-Protezzjoni tad-Data, b’mod partikolari fir-rigward tal-proposti għal Regolament dwar l-iskrinjar u r-Regolament tal-Eurodac;

14.

jipproponi li jiġi stabbilit limitu ta’ età għall-ġbir ta’ data bijometrika fi ħdan il-qafas tal-Eurodac ta’ 12-il sena sabiex jiġi allinjat mar-rekwiżiti tal-età tal-Kodiċi dwar il-Viżi u s-sistema ta’ Dħul/Ħruġ. Il-ħażna ta’ data bijometrika dejjem tmur id f’id mar-riskji relatati mal-liġi dwar il-protezzjoni tad-data. Għalhekk huwa rakkomandat li jiġi żgurat li d-data ta’ persuni li jistgħu ma jkunux f’pożizzjoni li jifhmu l-problema inkwistjoni ma tinżammx għal skopijiet ta’ infurzar tal-liġi;

15.

jilqa’ x-xewqa tal-Kummissjoni li toħloq perkorsi sikuri għall-ammissjoni fl-Ewropa. Dawn jirrappreżentaw kontribut Ewropew addizzjonali għall-protezzjoni internazzjonali tar-rifuġjati iżda ma jistgħux jissostitwixxu l-proċeduri individwali tal-ażil;

16.

jistieden lill-Kummissjoni u lill-Istati Membri jkomplu jiżviluppaw programmi ta’ risistemazzjoni, jistabbilixxu programmi addizzjonali ta’ akkoljenza umanitarja, bħall-programmi ta’ sponsorizzazzjoni komunitarja, u jħeġġu r-reklutaġġ ta’ ħaddiema kkwalifikati u b’talent minn pajjiżi terzi;

17.

jenfasizza li bosta awtoritajiet lokali u reġjonali fl-UE kollha huma lesti li jkollhom rwol attiv fl-akkoljenza u l-integrazzjoni ta’ migranti vulnerabbli u jiġbed l-attenzjoni għall-potenzjal tal-inizjattiva tal-KtR “Il-Bliet u r-Reġjuni għall-Integrazzjoni”; jipproponi li l-Kummissjoni Ewropea tqis il-prattiki tajbin fir-reġjuni u l-bliet dwar l-integrazzjoni sabiex jiġi promoss l-użu tagħhom fi bnadi oħra, jitħeġġeġ il-ħolqien ta’ inizjattivi ġodda u jsir kontribut fil-ħolqien ta’ diskors pubbliku aktar kostruttiv dwar id-dritt għall-ażil u l-migrazzjoni;

18.

jappella li jiġu stabbiliti u żviluppati politiki effettivi ta’ kooperazzjoni ma’ pajjiżi terzi. Għal dan il-għan, l-UE teħtieġ tiżviluppa strateġija ġdida biex tappoġġja l-iżvilupp sostenibbli ta’ dawn il-pajjiżi terzi, speċjalment pajjiżi fl-Afrika, billi jitħeġġeġ l-iżvilupp ekonomiku sostenibbli u tiġi promossa d-demokrazija f’dawn il-pajjiżi, b’inizjattivi relatati mas-saħħa, il-produzzjoni, l-edukazzjoni, it-taħriġ, il-bini ta’ infrastruttura u progress ekonomiku sostenibbli u demokratiku li jagħmluha possibbli għall-popolazzjonijiet tagħhom li ma jemigrawx;

19.

jesprimi l-aspettattiva tiegħu li l-offerti volontarji ta’ akkoljenza ta’ persuni vulnerabbli, li jsiru fil-livell lokali u reġjonali u fil-qafas tal-Patt Ewropew Ġdid dwar il-Migrazzjoni u l-Ażil, jirċievu aktar attenzjoni minn qabel;

20.

jilqa’ l-Pjan ta’ Azzjoni dwar l-Integrazzjoni u l-Inklużjoni 2021-2027 bħala suppliment meħtieġ għall-Patt il-Ġdid dwar il-Migrazzjoni u l-Ażil u l-fatt li fih jiġi rikonoxxut ir-rwol tal-awtoritajiet lokali u reġjonali; jistenna bil-ħerqa l-implimentazzjoni tas-Sħubija Ewropea għall-Integrazzjoni miftiehma bejnu u l-Kummissjoni Ewropea;

21.

jemmen li l-miżuri fir-rigward tat-tluq u l-wasla huma marbuta b’mod inseparabbli mal-iżvilupp effettiv tar-rotot ta’ migrazzjoni legali, sabiex il-Pjan ta’ Azzjoni jkun jista’ jissodisfa l-isforzi tiegħu biex ikopri b’suċċess il-fażijiet differenti kollha tal-proċess ta’ integrazzjoni;

22.

jenfasizza l-ħtieġa li l-awtoritajiet lokali u reġjonali, inkluż fil-livell makroreġjonali, ikollhom aċċess aktar faċli u ċar għall-finanzjament tal-UE fir-rigward tal-integrazzjoni u l-inklużjoni;

23.

jenfasizza l-importanza tal-ġlieda kontra d-diżinformazzjoni dwar l-integrazzjoni u l-migrazzjoni permezz ta’ fatti u ċifri konkreti sabiex jiġu miġġielda d-diskriminazzjoni, il-preġudizzju, ir-razziżmu u l-ksenofobija. Għal dan il-għan jitlob lill-Kummissjoni Ewropea biex fir-rapport annwali tagħha ta’ prospettiva strateġika tinkludi r-riżultati tal-Barometru Reġjonali u Lokali Annwali tal-UE fi ħdan il-KtR, li huwa għodda bbażata fuq l-evidenza biex, fost affarijiet oħra, tixħet dawl fuq l-effetti tal-migrazzjoni u l-integrazzjoni fuq il-bliet u r-reġjuni; jistieden ukoll lill-Kummissjoni tappella għal komunikazzjoni u kampanji ta’ informazzjoni dwar il-kontenut umanista indirizzati lis-soċjetajiet ospitanti, fejn tiġi spjegata l-ħtieġa għal attenzjoni u ġestjoni adatti tal-movimenti migratorji;

24.

jappoġġja bil-qawwa l-għan tal-Kummissjoni li ssaħħaħ il-ġlieda kontra l-faċilitazzjoni ta’ immigrazzjoni illegali u li tiddiswadi lill-migranti milli jagħmlu vjaġġi li jipperikolaw il-ħajja. Jinsisti għal dan il-għan fuq il-ħtieġa li jissaħħaħ ir-rwol tal-aġenziji Ewropej u li jiġi rivedut il-pjan ta’ azzjoni tal-UE dwar il-faċilitazzjoni ta’ immigrazzjoni illegali, li jiċċara wkoll ir-rwol tal-operazzjonijiet privati ta’ salvataġġ fuq il-baħar. Huwa importanti li jiġi evitat li l-konformità mal-obbligi legali (bħall-obbligu ta’ salvataġġ fuq il-baħar) issir reat kriminali. Mil-lat tal-KtR, il-kooperazzjoni fis-salvataġġ tal-baħar għandha tkun ikkoordinata fil-livell Ewropew u żviluppata fi sħubija u rispett reċiproku bejn atturi statali u mhux statali;

25.

jappella sabiex tingħata attenzjoni speċjali lill-vittmi potenzjali tat-traffikar (nisa, żgħażagħ, tfal), u jenfasizza l-importanza tal-identifikazzjoni sew tagħhom, peress li huwa f’dan l-istadju — f’każ li l-valutazzjoni ma ssirx sew — li l-persuni ttraffikati jistgħu jiġu mċaħħda mid-drittijiet tal-bniedem tagħhom jew, fi kwalunkwe każ, minn serje ta’ protezzjonijiet li għandhom jingħataw bħala riżultat tal-ksur li huma vittmi tiegħu; iqis li huwa essenzjali, f’dan ir-rigward, li jkun hemm koordinazzjoni mal-awtoritajiet lokali u reġjonali, flimkien ma’ ħidma bejn diversi aġenziji — li hija essenzjali fil-proċess ta’ detezzjoni, identifikazzjoni bikrija u assistenza inizjali għall-vittmi mmirat lejn l-inklużjoni u l-integrazzjoni sħiħa tagħhom — sabiex jiġu evitati r-riskji ta’ sfruttament serju ta’ persuni vulnerabbli, li huma vittmi potenzjali tat-traffikar; isostni li, sabiex tiġi żgurata akkoljenza adegwata biex jiġu sodisfati l-ħtiġijiet individwali tal-vittmi tat-traffikar, il-proċedura għall-kura tagħhom għandha titwettaq abbażi ta’ pjani individwali bil-għan li jiġu rispettati l-identità, l-aspettattivi u l-kapaċitajiet u l-prerogattivi individwali tagħhom; jenfasizza li x-xogħol ta’ diversi aġenziji, li fil-qalba tiegħu huwa l-awtonomizzazzjoni tal-vittmi, huwa essenzjali sabiex tinkiseb l-integrazzjoni soċjali tagħhom qabel l-awtonomija sħiħa;

26.

jemmen li l-għanijiet tal-Patt dwar il-Migrazzjoni u l-Ażil, b’mod partikolari s-solidarjetà bejn l-Istati Membri u approċċ komprensiv li jiġbor flimkien miżuri fl-oqsma tal-migrazzjoni, l-ażil, l-integrazzjoni u l-ġestjoni tal-fruntieri, jistgħu jintlaħqu biss mill-Istati Membri jekk jaġixxu flimkien taħt il-qafas tas-Sistema Ewropea Komuni tal-Ażil u meta jiġu rikonoxxuti aħjar l-interessi u l-kapaċitajiet tagħhom ilkoll fil-mekkaniżmu ta’ solidarjetà; jikkonferma li l-proposti taħt il-Patt jikkonformaw mal-prinċipju tas-sussidjarjetà stabbilit fl-Artikolu 5 tat-Trattat dwar l-Unjoni Ewropea (TUE) peress li l-objettivi tal-azzjoni proposta — riforma tas-Sistema Ewropea Komuni tal-Ażil — ma jistgħux jinkisbu b’mod suffiċjenti mill-Istati Membri, iżda minħabba l-iskala u l-effetti ta’ din l-azzjoni jistgħu jinkisbu aħjar fil-livell tal-UE u li l-azzjoni proposta tipprovdi benefiċċju ċar meta mqabbla mal-azzjoni fil-livelli nazzjonali, reġjonali jew lokali; jirrimarka wkoll li l-prinċipju tal-proporzjonalità jeħtieġ li jiġi rrispettat.

Brussell, id-19 ta’ Marzu 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1) Dikjarazzjoni tal-Bureau tal-KtR dwar is-sitwazzjoni tal-migranti f’Moria (COR-2020-02499, punt 9).

(2) Dan huwa l-każ tal-proposta “SHARE” — inizjattiva mmexxija mill-Gvern Bask u appoġġjata minn diversi gvernijiet reġjonali — li tfittex li tippromovi s-solidarjetà u l-koresponsabbiltà fl-akkoljenza tar-rifuġjati u ta’ dawk li jfittxu l-ażil, bl-applikazzjoni ta’ skema ta’ distribuzzjoni territorjali abbażi tat-tliet parametri ewlenin imsemmijin hawn fuq.

7.5.2021

Il-Ġurnal Uffiċjali tal-Unjoni Ewropea

C 175/69

Opinjoni tal-Kumitat Ewropew tar-Reġjuni — Proposta għal Regolament li jistabbilixxi r-Riżerva ta’ Aġġustament għall-Brexit

(2021/C 175/07)

Relatur ġenerali:

Loïg CHESNAIS-GIRARD (FR/PSE)

President tal-Kunsill Reġjonali tal-Bretanja

Dokument ta’ referenza:

COM(2020) 854 final

I. RAKKOMANDAZZJONIJIET SABIEX JITRESSQU EMENDI

Emenda 1

Premessa 1

Test propost mill-Kummissjoni Ewropea

Emenda tal-KtR

Fl-1 ta’ Frar 2020, ir-Renju Unit tal-Gran Brittanja u l-Irlanda ta’ Fuq (“Ir-Renju Unit”) ħareġ mill-Unjoni Ewropea (“UE”) u mill-Komunità Ewropea tal-Enerġija Atomika (“Euratom”) – minn hawn ’il quddiem b’mod kollettiv imsejħin “l-Unjoni”, u daħal f’perjodu ta’ tranżizzjoni. Dak il-perjodu ta’ żmien limitat sar qbil dwaru bħala parti mill-Ftehim dwar il-Ħruġ (1) u se jdum sal- 31 ta’ Diċembru 2020. Matul il-perjodu ta’ tranżizzjoni, l-Unjoni u r-Renju Unit bdew negozjati formali dwar relazzjoni futura.

Fl-1 ta’ Frar 2020, ir-Renju Unit tal-Gran Brittanja u l-Irlanda ta’ Fuq (“Ir-Renju Unit”) ħareġ mill-Unjoni Ewropea (“UE”) u mill-Komunità Ewropea tal-Enerġija Atomika (“Euratom”) – minn hawn ’il quddiem b’mod kollettiv imsejħin “l-Unjoni”, u daħal f’perjodu ta’ tranżizzjoni. Dak il-perjodu ta’ żmien limitat sar qbil dwaru bħala parti mill-Ftehim dwar il-Ħruġ (1) u skada fil- 31 ta’ Diċembru 2020. Matul il-perjodu ta’ tranżizzjoni, l-Unjoni u r-Renju Unit bdew negozjati formali dwar relazzjoni futura.

Emenda 2

Żid Premessa 2a ġdida

Test propost mill-Kummissjoni Ewropea

Emenda tal-KtR

Fl-24 ta’ Diċembru 2020, in-negozjati bejn l-Unjoni Ewropea u r-Renju Unit wasslu għall-konklużjoni ta’ ftehim bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra (minn hawn ’il quddiem “Ftehim dwar il-Kummerċ u l-Kooperazzjoni”) (1) li jiddefinixxi r-relazzjoni futura tagħhom u jidħol fis-seħħ b’mod proviżorju fl-1 ta’ Jannar 2021. L-implimentazzjoni tal-Ftehim dwar il-Kummerċ u l-Kooperazzjoni għas-sajd tipprevedi perjodu tranżizzjonali ta’ ħames snin u nofs sat-30 ta’ Ġunju 2026 u twassal għal tnaqqis progressiv fl-attivitajiet tas-sajd fl-ilmijiet Brittaniċi. Dan għandu jwassal għal bidliet profondi għall-katina tal-valur kollha tas-sajd u għall-istrutturar tal-ekonomija kostali f’ċerti reġjuni.

Emenda 3

Premessa 3

Test propost mill-Kummissjoni Ewropea	Emenda tal-KtR
L-Unjoni hija impenjata li ttaffi l-impatt ekonomiku tal-ħruġ tar-Renju Unit mill-Unjoni u li turi solidarjetà mal-Istati Membri kollha , speċjalment dawk l-aktar affettwati f’ċirkostanzi eċċezzjonali bħal dawn.	L-Unjoni hija impenjata li ttaffi l-impatt ekonomiku u soċjali negattiv tal-ħruġ tar-Renju Unit mill-Unjoni u li turi solidarjetà mal-Istati Membri kollha u r-reġjuni u s-setturi ekonomiċi kollha affettwati f’ċirkostanzi eċċezzjonali bħal dawn.

Emenda 4

Premessa 5

Test propost mill-Kummissjoni Ewropea

Emenda tal-KtR

Għall-finijiet ta’ kontribuzzjoni għall-koeżjoni ekonomika, soċjali u territorjali, huwa xieraq li l-Istati Membri, meta jfasslu l-miżuri ta’ appoġġ, jiffokaw b’mod partikolari fuq ir-reġjuni, iż-żoni u l-komunitajiet lokali, inklużi dawk dipendenti fuq l-attivitajiet tas-sajd fl-ilmijiet tar-Renju Unit, li x’aktarx jintlaqtu l-aktar ħażin mill-ħruġ tar-Renju Unit. L-Istati Membri jista’ jkollhom jieħdu miżuri speċifiċi b’mod partikolari biex jappoġġaw lin-negozji u lis-setturi ekonomiċi affettwati b’mod negattiv mill-ħruġ. Għalhekk huwa xieraq li tiġi pprovduta lista mhux eżawrjenti tat-tip ta’ miżuri li huma l-aktar probabbli li jilħqu dan l-objettiv.

Għall-finijiet ta’ kontribuzzjoni għall-koeżjoni ekonomika, soċjali u territorjali, huwa xieraq li l-Istati Membri, meta jfasslu l-miżuri ta’ appoġġ, jiffokaw b’mod partikolari fuq ir-reġjuni, iż-żoni u l-komunitajiet lokali, inklużi dawk dipendenti fuq l-attivitajiet tas-sajd fl-ilmijiet tar-Renju Unit, li x’aktarx jintlaqtu l-aktar ħażin mill-ħruġ tar-Renju Unit , u jiżguraw distribuzzjoni bbilanċjata fir-reġjuni kollha affettwati . L-Istati Membri jista’ jkollhom jieħdu miżuri speċifiċi b’mod partikolari biex jappoġġaw lin-negozji u lis-setturi ekonomiċi affettwati b’mod negattiv mill-ħruġ. Għalhekk huwa xieraq li tiġi pprovduta lista mhux eżawrjenti tat-tip ta’ miżuri li huma l-aktar probabbli li jilħqu dan l-objettiv.

Emenda 5

Premessa 5

Test propost mill-Kummissjoni Ewropea

Emenda tal-KtR

Ċerti setturi ekonomiċi huma partikolarment esposti. F’xi territorji li jiddependu ħafna fuq il-klijenti Brittaniċi, jista’ jiġi antiċipat tnaqqis sinifikanti fl-attività turistika. X’aktarx li r-regoli dwar ir-residenza taċ-ċittadini jqajmu dubji dwar it-tradizzjonijiet tal-moviment u l-iskambji bejn it-territorji, iżda wkoll il-bilanċ demografiku ta’ ċerti żoni. L-attivitajiet kummerċjali jiddependu fuq il-kapaċità tan-negozji u tal-ktajjen tal-valur li jintegraw ir-rekwiżiti l-ġodda stabbiliti fil-ftehim. Filwaqt li l-impatti diġà huma viżibbli għal ċerti setturi, bħal dak bi prodotti ultrafriski, ħafna mill-impatti tal-Brexit għadhom mistura mis-sitwazzjoni tas-saħħa b’rabta mal-COVID-19 jew min-nuqqas ta’ applikazzjoni effettiva tad-dispożizzjonijiet kollha.

Emenda 6

Premessa 6

Test propost mill-Kummissjoni Ewropea

Emenda tal-KtR

Fl-istess ħin, huwa importanti li jiġu speċifikati b’mod ċar kwalunkwe esklużjonijiet mill-appoġġ ipprovdut mir-Riżerva. Jenħtieġ li r-Riżerva teskludi mill-appoġġ it-taxxa fuq il-valur miżjud peress li din tikkostitwixxi dħul ta’ Stat Membru, li jagħmel tajjeb għall-ispiża relatata għall-baġit tal-Istat Membru. Sabiex jiġi kkonċentrat l-użu ta’ riżorsi limitati bl-aktar mod effiċjenti, jenħtieġ li l-assistenza teknika użata mill-korpi responsabbli għall-implimentazzjoni tar-Riżerva ma tkunx eliġibbli għal appoġġ mir-Riżerva. F’konformità mal-approċċ ġenerali għall-politika ta’ koeżjoni, jenħtieġ li ma tkunx appoġġjata n-nefqa marbuta mar-rilokazzjonijiet jew li tmur kontra kwalunkwe liġi tal-Unjoni jew nazzjonali applikabbli.

Fl-istess ħin, huwa importanti li jiġu speċifikati b’mod ċar kwalunkwe esklużjonijiet mill-appoġġ ipprovdut mir-Riżerva. Jenħtieġ li r-Riżerva teskludi mill-appoġġ it-taxxa fuq il-valur miżjud , sakemm ma tkunx tista’ tiġi rkuprata skont il-leġiżlazzjoni nazzjonali dwar il-VAT, peress li l-VAT tikkostitwixxi dħul ta’ Stat Membru, li jagħmel tajjeb għall-ispiża relatata għall-baġit tal-Istat Membru. F’konformità mal-approċċ ġenerali għall-politika ta’ koeżjoni, jenħtieġ li ma tkunx appoġġjata n-nefqa marbuta mar-rilokazzjonijiet jew li tmur kontra kwalunkwe liġi tal-Unjoni jew nazzjonali applikabbli.

Emenda 7

Premessa 14

Test propost mill-Kummissjoni Ewropea

Emenda tal-KtR

Skont il-paragrafi 22 u 23 tal-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016, hemm ħtieġa għal evalwazzjoni tar-Riżerva abbażi tal-informazzjoni miġbura permezz ta’ rekwiżiti ta’ monitoraġġ speċifiċi, filwaqt li jiġu evitati r-regolamentazzjoni żejda u l-piżijiet amministrattivi, b’mod partikolari fuq l-Istati Membri. Fejn ikun xieraq, dawn ir-rekwiżiti jenħtieġ li jinkludu indikaturi kwantifikabbli, bħala bażi tal-evalwazzjoni tar-Riżerva.

Skont il-paragrafi 22 u 23 tal-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016, hemm ħtieġa għal evalwazzjoni tar-Riżerva abbażi tal-informazzjoni miġbura permezz ta’ rekwiżiti ta’ monitoraġġ speċifiċi, filwaqt li jiġu evitati r-regolamentazzjoni żejda u l-piżijiet amministrattivi, b’mod partikolari fuq l-Istati Membri u l-awtoritajiet lokali u reġjonali . Fejn ikun xieraq, dawn ir-rekwiżiti jenħtieġ li jinkludu indikaturi kwantifikabbli, bħala bażi tal-evalwazzjoni tar-Riżerva.

Emenda 8

Premessa 15

Test propost mill-Kummissjoni Ewropea

Emenda tal-KtR

Sabiex jiġi żgurat trattament ugwali tal-Istati Membri kollha u konsistenza fl-evalwazzjoni tal-applikazzjonijiet, il-Kummissjoni jenħtieġ li tivvaluta l-applikazzjonijiet f’pakkett. Jenħtieġ li tħares b’mod partikolari lejn l-eliġibbiltà u l-preċiżjoni tan-nefqa ddikjarata, ir-rabta diretta tan-nefqa mal-miżuri meħuda biex jiġu indirizzati l-konsegwenzi tal-ħruġ u l-miżuri stabbiliti mill-Istat Membru kkonċernat biex jiġi evitat finanzjament doppju. Wara l-valutazzjoni tal-applikazzjonijiet għal kontribuzzjoni finanzjarja mir-Riżerva, jenħtieġ li l-Kummissjoni tapprova l-prefinanzjament imħallas, u tirkupra l-ammonti mhux użati. Sabiex l-appoġġ jiġi kkonċentrat fuq l-Istati Membri l-aktar affettwati mill-ħruġ, fejn in-nefqa fl-Istat Membru kkonċernat, aċċettata bħala eliġibbli mill-Kummissjoni, taqbeż l-ammont imħallas bħala prefinanzjament u 0,06 % tal-Introjtu Nazzjonali Gross (ING) nominali għall-2021 tal-Istat Membru kkonċernat, jenħtieġ li jkun possibbli li tiġi permessa allokazzjoni ulterjuri mir-Riżerva għal dak l-Istat Membru fil-limiti tar-riżorsi finanzjarji disponibbli. Minħabba l-firxa tax-xokk ekonomiku mistenni, jenħtieġ li jsir provvediment għall-possibbiltà li jintużaw l-ammonti rkuprati mill-prefinanzjament għar-rimborż tan-nefqa addizzjonali mill-Istati Membri.

Sabiex jiġi żgurat trattament ugwali tal-Istati Membri kollha u konsistenza fl-evalwazzjoni tal-applikazzjonijiet, il-Kummissjoni jenħtieġ li tivvaluta l-applikazzjonijiet f’pakkett. Jenħtieġ li tħares b’mod partikolari lejn l-eliġibbiltà u l-preċiżjoni tan-nefqa ddikjarata, ir-rabta diretta tan-nefqa mal-miżuri meħuda biex jiġu indirizzati l-konsegwenzi tal-ħruġ u l-miżuri stabbiliti mill-Istat Membru kkonċernat biex jiġi evitat finanzjament doppju. Jeħtieġ li tiġi wkoll żgurata d-distribuzzjoni settorjali u ġeografika fil-livell NUTS 2 tan-nefqa, inklużi r-reġjuni ultraperiferiċi . Wara l-valutazzjoni tal-applikazzjonijiet għal kontribuzzjoni finanzjarja mir-Riżerva, jenħtieġ li l-Kummissjoni tapprova l-prefinanzjament imħallas, u tirkupra l-ammonti mhux użati. Sabiex l-appoġġ jiġi kkonċentrat fuq l-Istati Membri l-aktar affettwati mill-ħruġ, fejn in-nefqa fl-Istat Membru kkonċernat, aċċettata bħala eliġibbli mill-Kummissjoni, taqbeż l-ammont imħallas bħala prefinanzjament u 0,06 % tal-Introjtu Nazzjonali Gross (ING) nominali għall-2021 tal-Istat Membru kkonċernat, jenħtieġ li jkun possibbli li tiġi permessa allokazzjoni ulterjuri mir-Riżerva għal dak l-Istat Membru fil-limiti tar-riżorsi finanzjarji disponibbli. Minħabba l-firxa tax-xokk ekonomiku mistenni, jenħtieġ li jsir provvediment għall-possibbiltà li jintużaw l-ammonti rkuprati mill-prefinanzjament għar-rimborż tan-nefqa addizzjonali mill-Istati Membri.

Emenda 9

Premessa 16

Test propost mill-Kummissjoni Ewropea

Emenda tal-KtR

Sabiex jiġi żgurat il-funzjonament tajjeb tal-ġestjoni kondiviża, jenħtieġ li l-Istati Membri jistabbilixxu sistema ta’ ġestjoni u kontroll, jaħtru u jinnotifikaw lill-Kummissjoni dwar il-korpi responsabbli għall-ġestjoni tar-Riżerva kif ukoll dwar korp indipendenti tal-awditjar separat. Għal raġunijiet ta’ simplifikazzjoni, l-Istati Membri jistgħu jagħmlu użu mill-korpi u s-sistemi maħtura eżistenti stabbiliti għall-fini tal-ġestjoni u l-kontroll tal-finanzjament tal-politika ta’ koeżjoni jew tal-Fond ta’ Solidarjetà tal-Unjoni Ewropea. Jeħtieġ li jiġu speċifikati r-responsabbiltajiet tal-Istati Membri u li jiġu stabbiliti r-rekwiżiti speċifiċi għall-korpi maħtura.

Sabiex jiġi żgurat il-funzjonament tajjeb tal-ġestjoni kondiviża, jenħtieġ li l-Istati Membri jistabbilixxu sistema ta’ ġestjoni u kontroll, jaħtru u jinnotifikaw lill-Kummissjoni dwar il-korpi responsabbli fil-livell nazzjonali jew reġjonali għall-ġestjoni tar-Riżerva kif ukoll dwar korp indipendenti tal-awditjar separat. Għal raġunijiet ta’ simplifikazzjoni, l-Istati Membri għandhom jagħmlu użu mill-korpi u s-sistemi maħtura eżistenti stabbiliti għall-fini tal-ġestjoni u l-kontroll tal-finanzjament tal-politika ta’ koeżjoni jew tal-Fond ta’ Solidarjetà tal-Unjoni Ewropea. Jeħtieġ li jiġu speċifikati r-responsabbiltajiet tal-Istati Membri u li jiġu stabbiliti r-rekwiżiti speċifiċi għall-korpi maħtura. L-Istati Membri għandhom jiżguraw l-involviment tal-awtoritajiet lokali u reġjonali kkonċernati fl-implimentazzjoni u l-monitoraġġ tal-fond, speċjalment permezz ta’ korpi ta’ monitoraġġ jekk mhumiex diġà membri.

Emenda 10

Premessa 19

Test propost mill-Kummissjoni Ewropea

Emenda tal-KtR

(19)	Sabiex tissaħħaħ it-trasparenza dwar l-użu tal-kontribuzzjoni tal-Unjoni, jenħtieġ li l-Kummissjoni tipprovdi rapport finali lill-Parlament Ewropew u lill-Kunsill dwar l-implimentazzjoni tar-Riżerva.

(19)	Sabiex tissaħħaħ it-trasparenza dwar l-użu tal-kontribuzzjoni tal-Unjoni, jenħtieġ li l-Kummissjoni tipprovdi rapport finali lill-Parlament Ewropew, lill-Kunsill, lill-Kumitat tar-Reġjuni u lill-Kumitat Ekonomiku u Soċjali Ewropew dwar l-implimentazzjoni tar-Riżerva.

Emenda 11

Artikolu 2

Test propost mill-Kummissjoni Ewropea

Emenda tal-KtR

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)	“perjodu ta’ referenza” tfisser il-perjodu ta’ referenza msemmi fl-Artikolu 63(5), il-punt (a), tar-Regolament Finanzjarju, li għandu jkun mill-1 ta’ Lulju 2020 sal-31 ta’ Diċembru 2022;

(1)	“perjodu ta’ referenza” tfisser il-perjodu ta’ referenza msemmi fl-Artikolu 63(5), il-punt (a), tar-Regolament Finanzjarju, li għandu jkun mill-1 ta’ Lulju 2020 sal-31 ta’ Diċembru 2022;

(2)	“liġi applikabbli” tfisser il-liġi tal-Unjoni u l-liġi nazzjonali relatata mal-applikazzjoni tagħha;

(2)	“liġi applikabbli” tfisser il-liġi tal-Unjoni u l-liġi nazzjonali relatata mal-applikazzjoni tagħha;

(3)

“irregolarità” tfisser kull ksur tal-liġi tal-Unjoni jew ta’ liġi nazzjonali relatata mal-applikazzjoni tagħha, li jirriżulta minn att jew ommissjoni minn kwalunkwe entità pubblika jew privata involuta fl-implimentazzjoni tar-Riżerva, inklużi l-awtoritajiet tal-Istati Membri, li jkollu, jew jista’ jkollu, l-effett li jippreġudika l-baġit tal-Unjoni billi jitlob pagament għal element mhux ġustifikat ta’ nefqa mill-baġit tal-Unjoni;

(3)

(4)	“rata ta’ żball totali” tfisser l-iżbalji totali identifikati fil-kampjun diviżi bil-popolazzjoni tal-awditjar;

(4)	“rata ta’ żball totali” tfisser l-iżbalji totali identifikati fil-kampjun diviżi bil-popolazzjoni tal-awditjar;

(5)

“rata ta’ żbalji residwi” tfisser ir-rata ta’ żball totali wara li jitnaqqsu l-korrezzjonijiet finanzjarji applikati mill-Istat Membru li jkunu intiżi biex inaqqsu r-riskji identifikati mill-korp tal-awditjar indipendenti fl-awditi tiegħu tal-miżuri ffinanzjati, diviża bin-nefqa li trid tiġi koperta mill-kontribuzzjoni finanzjarja mir-Riżerva;

(5)

(6)	“Rilokazzjoni” tfisser trasferiment tal-istess attività jew attività simili jew parti minnha skont it-tifsira tal-Artikolu 2(61a) tar-Regolament tal-Kummissjoni (UE) Nru 651/2014.

Emenda 12

Artikolu 4

Test propost mill-Kummissjoni Ewropea

Emenda tal-KtR

1. L-Istati Membri kollha għandhom ikunu eliġibbli għall-appoġġ mir-Riżerva.

2. Ir-riżorsi massimi għar-Riżerva għandhom ikunu ta’ EUR 5 370 994 000 fi prezzijiet attwali.

2. Ir-riżorsi massimi għar-Riżerva għandhom ikunu ta’ EUR 6 370 994 000 fi prezzijiet attwali.

3. Ir-riżorsi msemmija fil-paragrafu 2 għandhom jiġu allokati kif ġej:

(a)	ammont ta’ prefinanzjament ta’ EUR 4 244 832 000 għandu jkun disponibbli fl-2021 f’konformità mal-Artikolu 8;

(a)	ammont ta’ prefinanzjament ta’ EUR 4 244 832 000 għandu jkun disponibbli fl-2021 f’konformità mal-Artikolu 8;

(b)	ammonti addizzjonali ta’ EUR 1 126 162 000 għandhom ikunu disponibbli fl- 2024 f’konformità mal-Artikolu 11.

(b)	ammonti addizzjonali ta’ EUR 2 126 162 000 għandhom ikunu disponibbli fl- 2026 f’konformità mal-Artikolu 11.

L-ammonti msemmija fil-punt (a) tal-ewwel subparagrafu ta’ dan il-paragrafu għandhom jitqiesu bħala prefinanzjament fis-sens tal-Artikolu 115(2), il-punt (b)(i), tar-Regolament Finanzjarju.

4. Ir-riżorsi li joriġinaw mill-prefinanzjament tar-riżerva u allokati fuq il-bażi tal-kriterju tas-sajd (Anness I(2)) għandhom jintużaw esklużivament għal miżuri li jappoġġjaw lill-intrapriżi u l-komunitajiet lokali u reġjonali li jiddependu fuq l-attivitajiet tas-sajd fl-ilmijiet li jappartjenu għaż-żona ekonomika esklussiva (ŻEE) tar-Renju Unit, kif previst fl-Artikolu 5(1)(c).

5. Fid-definizzjoni tal-miżuri ta’ appoġġ iffinanzjati mir-riżorsi allokati skont il-kriterju tal-kummerċ mar-Renju Unit (Anness I(2)), l-Istati Membri għandhom iqisu l-importanza relattiva tal-iskambji netti għal kull reġjun (NUTS 2). Fi kwalunkwe każ, dawn l-iskambji jinkludu l-esportazzjonijiet ta’ servizzi turistiċi.

Emenda 13

Żid Artikolu 4a ġdid

Test propost mill-Kummissjoni Ewropea

Emenda tal-KtR

Proċess ta’ konsultazzjoni

1. Kull Stat Membru għandu jistabbilixxi djalogu fuq diversi livelli, f’konformità mal-qafas legali nazzjonali, inkluż mill-inqas mal-awtoritajiet lokali u reġjonali fiż-żoni l-aktar affettwati. Dan il-proċess ta’ konsultazzjoni għandu jkun ibbażat fuq il-prinċipju tas-sħubija fil-qafas tal-politika ta’ koeżjoni, u għandu jkun relatat mal-identifikazzjoni u l-implimentazzjoni tal-miżuri appoġġjati mir-Riżerva.

2. L-arranġamenti għall-konsultazzjoni u l-involviment tal-awtoritajiet lokali u reġjonali għandhom jiġu indikati mill-Istat Membru fl-[Anness IV il-ġdid].

Raġuni

Proċess ta’ konsultazzjoni għandu jkun parti essenzjali tal-għażla dwar kif jiġi allokat dan il-finanzjament. L-awtoritajiet lokali u reġjonali għandhom jiġu inklużi fil-proċess ta’ konsultazzjoni, f’konformità mal-proċeduri tal-politika ta’ koeżjoni.

Emenda 14

Artikolu 5(1)

Test propost mill-Kummissjoni Ewropea

Emenda tal-KtR

Eleġibbiltà

1. Il-kontribuzzjoni finanzjarja mir-Riżerva għandha tappoġġa biss in-nefqa pubblika marbuta direttament ma’ miżuri meħuda speċifikament mill-Istati Membri biex jikkontribwixxu għall-objettivi msemmija fl-Artikolu 3, u tista’ tkopri, b’mod partikolari dan li ġej:

(a)	miżuri li jgħinu n-negozji u l-komunitajiet lokali milquta ħażin mill-ħruġ;

(a)

miżuri li jgħinu n-negozji , b’mod partikolari dawk żgħar u ta’ daqs medju, ir-reġjuni u l-komunitajiet lokali milquta ħażin mill-ħruġ , inklużi l-miżuri ta’ kumpens għan-negozji li jirreġistraw tnaqqis sostanzjali fil-fatturat tagħhom minħabba l-aċċess limitat għas-suq Brittaniku minħabba l-introduzzjoni ta’ ostakli mhux tariffarji ;

(b)	miżuri li jappoġġaw l-aktar setturi ekonomiċi milquta;

(b)	miżuri li jappoġġaw l-aktar setturi ekonomiċi milquta , inklużi l-investimenti indispensabbli għall-organizzazzjoni mill-ġdid tal-ktajjen tal-valur ;

(c)	miżuri li jappoġġaw in-negozji u l-komunitajiet lokali dipendenti fuq l-attivitajiet tas-sajd fl-ilmijiet tar-Renju Unit;

(c)	miżuri li jappoġġaw in-negozji u l-komunitajiet lokali u reġjonali dipendenti fuq l-attivitajiet tas-sajd fl-ilmijiet tar-Renju Unit , inklużi l-investimenti indispensabbli għall-istrutturar mill-ġdid tas-settur ;

(d)	miżuri li jappoġġaw l-impjiegi, inkluż permezz ta’ skemi ta’ xogħol b’ħinijiet iqsar, taħriġ mill-ġdid u taħriġ fis- setturi milquta;

(d)	miżuri mmirati lejn il-mitigazzjoni tal-impatt ekonomiku u soċjali tal-Brexit fuq setturi partikolarment affettwati, bħat-turiżmu, l-esportazzjonijiet agrikoli, ir-riċerka u l-innovazzjoni;

(e)	miżuri li jiżguraw il-funzjonament tal-kontrolli tal-fruntieri, doganali, sanitarji u fitosanitarji, tas-sigurtà u tas-sajd, kif ukoll il-ġbir ta’ tassazzjoni indiretta inkluż persunal u infrastruttura addizzjonali;

(e)	miżuri li jappoġġaw l-impjiegi, inkluż permezz ta’ skemi ta’ xogħol b’ħinijiet iqsar, taħriġ mill-ġdid u taħriġ għas- setturi milquta;

(f)

miżuri biex jiffaċilitaw ir-reġimi għaċ-ċertifikazzjoni u l-awtorizzazzjoni ta’ prodotti, biex jassistu fl-ilħuq tar-rekwiżiti ta’ stabbiliment, biex jiffaċilitaw it-tikkettar u l-immarkar, pereżempju għal standards tas-sikurezza, tas-saħħa u ambjentali, kif ukoll biex jassistu fir-rikonoxximent reċiproku;

(f)	miżuri li jiffaċilitaw l-integrazzjoni mill-ġdid fis-suq tax-xogħol tal-Unjoni Ewropea ta’ ċittadini li, bħala riżultat ta’ restrizzjonijiet fuq il-moviment liberu tal-ħaddiema, kellhom jitilqu mir-Renju Unit;

(g)	miżuri għall-komunikazzjoni, l-informazzjoni u s-sensibilizzazzjoni taċ-ċittadini u n-negozji dwar il-bidliet li jirriżultaw mill-ħruġ fuq id-drittijiet u l-obbligi tagħhom.

(g)	miżuri li jiżguraw il-funzjonament tal-kontrolli tal-fruntieri, doganali, sanitarji u fitosanitarji, tas-sigurtà u tas-sajd, kif ukoll il-ġbir ta’ tassazzjoni indiretta inkluż persunal kwalifikat u infrastruttura fiżika u immaterjali addizzjonali;

(h)

(i)	miżuri għall-komunikazzjoni, l-informazzjoni u s-sensibilizzazzjoni taċ-ċittadini u n-negozji , b’mod partikolari dawk żgħar u ta’ daqs medju, dwar il-bidliet li jirriżultaw mill-ħruġ fuq id-drittijiet u l-obbligi tagħhom;

(j)	miżuri biex jitnaqqas it-tfixkil ikkawżat mill-ħruġ tar-Renju Unit minn programmi ta’ kooperazzjoni u ta’ skambju;

(k)

miżuri biex jiġu żgurati d-djalogu u l-konsultazzjoni bejn it-territorji u s-setturi l-aktar milquta, sabiex jiġu limitati l-impatti mhux mistennija ta’ tfixkil bejn l-imsieħba Ewropej u Brittaniċi u biex jinħoloq ambjent favorevoli għal implimentazzjoni operazzjonali u kalma tal-Ftehim dwar il-Kummerċ u l-Kooperazzjoni;

(l)	miżuri tal-valutazzjoni tal-impatt u l-valutazzjoni tal-miżuri implimentati fil-qafas tar-Riżerva;

Emenda 15

Artikolu 5(2)

Test propost mill-Kummissjoni Ewropea	Emenda tal-KtR
2. In-nefqa għandha tkun eliġibbli jekk issir u titħallas matul il-perjodu ta’ referenza għall-miżuri mwettqa fl-Istat Membru kkonċernat jew għall-benefiċċju tal-Istat Membru kkonċernat.	2. In-nefqa għandha tkun eliġibbli jekk issir u titħallas matul il-perjodu ta’ referenza għall-miżuri mwettqa fir-reġjuni u s-setturi milquta tal-Istat Membru kkonċernat.

Emenda 16

Artikolu 5(3)

Test propost mill-Kummissjoni Ewropea	Emenda tal-KtR
Meta jfasslu l-miżuri ta’ appoġġ, l-Istati Membri għandhom iqisu l-impatt varjat tal-ħruġ tar-Renju Unit mill-Unjoni fuq reġjuni u komunitajiet lokali differenti u jiffukaw l-appoġġ mir-Riżerva fuq dawk l-aktar milquta, kif xieraq.	Meta jfasslu l-miżuri ta’ appoġġ, l-Istati Membri għandhom iqisu l-impatt varjat tal-ħruġ tar-Renju Unit mill-Unjoni fuq reġjuni u komunitajiet lokali differenti u jiffukaw l-appoġġ mir-Riżerva fuq dawk l-aktar milquta, kif xieraq , filwaqt li jiżguraw distribuzzjoni bbilanċjata tar-riżorsi abbażi tal-impatt ekonomiku fuq kull reġjun .

Raġuni

L-emenda għandha l-għan li tiżgura li l-allokazzjoni tar-riżorsi tar-Riżerva tqis l-impatt ekonomiku tal-Brexit fuq kull reġjun affettwat u twassal għal distribuzzjoni bbilanċjata tal-fondi abbażi tal-ħsara ekonomika reali.

Emenda 17

Artikolu 5(4)

Test propost mill-Kummissjoni Ewropea	Emenda tal-KtR
Il-miżuri msemmija fil-paragrafu 1 għandhom jikkonformaw mal-liġi applikabbli.	Il-miżuri msemmija fil-paragrafu 1 għandhom jikkonformaw mal-liġi applikabbli , ħlief għall-eċċezzjonijiet imsemmija fl-Artikolu [l-Artikolu 6 il-ġdid] .

Emenda 18

Artikolu 5(5)

Test propost mill-Kummissjoni Ewropea

Emenda tal-KtR

Miżuri eliġibbli skont il-paragrafu 1 jistgħu jirċievu appoġġ minn programmi u strumenti oħrajn tal-Unjoni sakemm dak l-appoġġ ma jkunx ikopri l-istess kost.

Miżuri eliġibbli skont il-paragrafu 1 jistgħu jirċievu appoġġ minn programmi u strumenti oħrajn tal-Unjoni sakemm dak l-appoġġ ma jkunx ikopri l-istess kost. L-awtoritajiet lokali u reġjonali kkonċernati li jaġixxu bħala awtoritajiet maniġerjali jew korpi intermedjarji ta’ fondi Ewropej għandhom ikunu involuti bis-sħiħ u jiġu kkonsultati fil-qafas tal-ħidma biex ma jkunx hemm trikkib tal-finanzjamenti. Id-deċiżjoni jiġu mmobilizzati l-fondi strutturali minflok ir-Riżerva se jkollha tkun is-suġġett ta’ konsultazzjoni mal-partijiet interessati rilevanti, fid-dawl tal-konsegwenzi li din jista’ jkollha fuq l-implimentazzjoni ta’ programmi ta’ finanzjament oħra Ewropej.

Emenda 19

Żid Artikolu 5a ġdid

Test propost mill-Kummissjoni Ewropea

Emenda tal-KtR

Għajnuna statali

1. Għas-settur tas-sajd, u għas-settur tal-produzzjoni primarja tal-prodotti agrikoli, l-Artikoli 107, 108 u 109 tat-Trattat dwar il-Funzjonament tal-Unjoni Ewropea ma għandhomx japplikaw għall-pagamenti li jsiru mill-Istati Membri skont dan ir-Regolament, li jaqgħu fil-kamp ta’ applikazzjoni tal-Artikolu 42 tat-Trattat dwar il-Funzjonament tal-Unjoni Ewropea għal għajnuna mogħtija biss skont l-Artikolu 5 matul il-perjodu ta’ referenza.

2. Id-dispożizzjonijiet nazzjonali li jistabbilixxu finanzjament pubbliku li jmur lil hinn mid-dispożizzjonijiet ta’ dan ir-Regolament dwar il-pagamenti msemmija fil-paragrafu 1 għandhom jiġu ttrattati fl-intier tagħhom fuq il-bażi tal-Artikoli 107, 108 u 109 tat-Trattat dwar il-Funzjonament tal-Unjoni Ewropea.

Emenda 20

Artikolu 6

Test propost mill-Kummissjoni Ewropea

Emenda tal-KtR

Esklużjoni mill-appoġġ

Ir-Riżerva ma għandhiex tappoġġa:

(a)	it-taxxa fuq il-valur miżjud;

(a)	it-taxxa fuq il-valur miżjud , ħlief fejn ma tkunx tista’ tiġi rkuprata skont il-liġi tal-VAT nazzjonali ;

(b)	l-assistenza teknika għall-ġestjoni, il-monitoraġġ, l-informazzjoni u l-komunikazzjoni, ir-riżoluzzjoni tal-ilmenti, u l-kontroll u l-awditjar tar-Riżerva;

(b)	nefqa li tappoġġa r-rilokazzjoni kif definita fl-Artikolu 2(6);

(c)	nefqa li tappoġġa r-rilokazzjoni kif definita fl-Artikolu 2(6);

(c)	nefqa li tappoġġa r-rilokazzjoni f’konformità mal- Artikolu 2(61)(a), u l- Artikolu 14(16) tar-Regolament tal-Kummissjoni (UE) Nru 651/2014, meta kontribuzzjoni mir-Riżerva tkun tikkostitwixxi għajnuna mill-Istat;

(d)	nefqa li tappoġġa r-rilokazzjoni f’konformità mal-Artikolu 14(16) tar-Regolament tal-Kummissjoni (UE) Nru 651/2014, meta kontribuzzjoni mir-Riżerva tkun tikkostitwixxi għajnuna mill-Istat.

(d)	benefiċjarji li jkollhom l-uffiċċju reġistrat tagħhom f’pajjiż terz .

Emenda 21

Artikolu 7(5)

Test propost mill-Kummissjoni Ewropea	Emenda tal-KtR
B’deroga mill-Artikolu 12 tar-Regolament Finanzjarju, l-approprjazzjonijiet ta’ impenn u ta’ pagament mhux użati skont dan ir-Regolament għandhom jiġu riportati awtomatikament u jistgħu jintużaw sal-31 ta’ Diċembru 2025 . L-approprjazzjonijiet riportati għandhom jiġu kkonsmati l-ewwel fis-sena finanzjarja ta’ wara.	B’deroga mill-Artikolu 12 tar-Regolament Finanzjarju, l-approprjazzjonijiet ta’ impenn u ta’ pagament mhux użati skont dan ir-Regolament għandhom jiġu riportati awtomatikament u jistgħu jintużaw sal-31 ta’ Diċembru 2026 . L-approprjazzjonijiet riportati għandhom jiġu kkonsmati l-ewwel fis-sena finanzjarja ta’ wara.

Emenda 22

Artikolu 8(3)

Test propost mill-Kummissjoni Ewropea	Emenda tal-KtR
Il-Kummissjoni għandha tħallas il-prefinanzjament fi żmien 60 jum mid-data tal-adozzjoni tal-att ta’ implimentazzjoni msemmi fil-paragrafu 2. Dan għandu jiġi likwidat f’konformità mal-Artikolu 11.	Il-Kummissjoni għandha tħallas il-prefinanzjament fi żmien 45 jum mid-data tal-adozzjoni tal-att ta’ implimentazzjoni msemmi fil-paragrafu 2. Dan għandu jiġi likwidat f’konformità mal-Artikolu 11.

Emenda 23

Artikolu 10(1)

Test propost mill-Kummissjoni Ewropea

Emenda tal-KtR

L-applikazzjoni għandha tkun ibbażata fuq il-mudell stabbilit fl-Anness II. L-applikazzjoni għandha tinkludi informazzjoni dwar in-nefqa pubblika totali mġarrba u mħallsa mill-Istati Membri u l-valuri tal-indikaturi tal-output għall-miżuri appoġġati. Din għandha tkun akkumpanjata mid-dokumenti msemmijin fil-paragrafi 5, 6 u 7 tal-Artikolu 63 tar-Regolament Finanzjarju u minn rapport ta’ implimentazzjoni.

L-applikazzjoni għandha tkun ibbażata fuq il-mudell stabbilit fl-Anness II. L-applikazzjoni għandha tinkludi informazzjoni dwar in-nefqa pubblika totali mġarrba u mħallsa mill-Istati Membri , inkluża d-distribuzzjoni territorjali tan-nefqa fil-livell NUTS 2, u l-valuri tal-indikaturi tal-output għall-miżuri appoġġati. Din għandha tkun akkumpanjata mid-dokumenti msemmijin fil-paragrafi 5, 6 u 7 tal-Artikolu 63 tar-Regolament Finanzjarju u minn rapport ta’ implimentazzjoni.

Emenda 24

Artikolu 10(2)

Test propost mill-Kummissjoni Ewropea

Emenda tal-KtR

2. Ir-rapport ta’ implimentazzjoni għar-Riżerva għandu jinkludi:

(a)	deskrizzjoni tal-impatt tal-ħruġ tar-Renju Unit mill-Unjoni f’termini ekonomiċi u soċjali inkluża identifikazzjoni tar-reġjuni, l-oqsma u s-setturi l-aktar milqutin;

(a)	deskrizzjoni tal-impatt tal-ħruġ tar-Renju Unit mill-Unjoni f’termini ekonomiċi u soċjali inkluża identifikazzjoni tar-reġjuni, l-oqsma u s-setturi l-aktar milqutin; il-valutazzjoni finanzjarja għandha tiġi espressa f’euro kostanti;

(aa)	f’konformità mal-[Artikolu 5 il-ġdid], deskrizzjoni tal-konsultazzjoni mwettqa mar-reġjuni u s-setturi l-aktar milqutin, kemm waqt it-tfassil tal-miżuri kif ukoll waqt l-implimentazzjoni tagħhom;

(b)	deskrizzjoni tal-miżuri meħudin biex jiġu miġġielda l-konsegwenzi negattivi tal-ħruġ tar-Renju Unit mill-Unjoni, ta’ kemm dawk il-miżuri taffew l-impatt reġjonali u settorjali msemmi fil-punt (a), u kif ġew implimentati;

(b)	deskrizzjoni tal-miżuri meħudin biex jiġu miġġielda l-konsegwenzi negattivi tal-ħruġ tar-Renju Unit mill-Unjoni, ta’ kemm dawk il-miżuri taffew l-impatt reġjonali u settorjali msemmi fil-punt (a), u kif ġew implimentati;

(c)	ġustifikazzjoni tal-eliġibbiltà tan-nefqa mġarrba u mħallsa u r-rabta diretta tagħha mal-ħruġ tar-Renju Unit mill-Unjoni;

(c)	ġustifikazzjoni tal-eliġibbiltà tan-nefqa mġarrba u mħallsa u r-rabta diretta tagħha mal-ħruġ tar-Renju Unit mill-Unjoni;

(d)	deskrizzjoni tal-miżuri meħudin biex jiġi evitat finanzjament doppju u biex tiġi żgurata l-komplementarjetà ma’ strumenti oħrajn tal-Unjoni u mal-finanzjament nazzjonali;

(d)	deskrizzjoni tal-miżuri meħudin biex jiġi evitat finanzjament doppju u biex tiġi żgurata l-komplementarjetà ma’ strumenti oħrajn tal-Unjoni u mal-finanzjament nazzjonali;

(e)	deskrizzjoni tal-kontribut tal-miżuri għall-mitigazzjoni tat-tibdil fil-klima u l-adattament għalih.

(e)	deskrizzjoni tal-kontribut tal-miżuri għall-mitigazzjoni tat-tibdil fil-klima u l-adattament għalih.

Emenda 25

Artikolu 13(1)

Test propost mill-Kummissjoni Ewropea

Emenda tal-KtR

Ġestjoni u kontroll

1. Meta jkunu qed iwettqu kompiti relatati mal-implimentazzjoni tar-Riżerva, l-Istati Membri għandhom jieħdu l-miżuri neċessarji kollha, inklużi miżuri leġiżlattivi, regolatorji u amministrattivi, biex iħarsu l-interessi finanzjarji tal-Unjoni, jiġifieri billi:

(a)	jinnominaw korp responsabbli għall-ġestjoni tal-kontribuzzjoni finanzjarja mir-Riżerva u korp tal-awditjar indipendenti f’konformità mal-Artikolu 63(3) tar-Regolament Finanzjarju, u s-superviżjoni ta’ tali korpi;

(a)	jinnominaw , fil-livell xieraq ta’ governanza, korp jew diversi korpi responsabbli għall-ġestjoni tal-kontribuzzjoni finanzjarja mir-Riżerva u korp tal-awditjar indipendenti f’konformità mal-Artikolu 63(3) tar-Regolament Finanzjarju, u s-superviżjoni ta’ tali korpi;

(b)	jistabbilixxu sistemi ta’ ġestjoni u ta’ kontroll għar-Riżerva f’konformità mal-prinċipji tal-ġestjoni finanzjarja tajba u l-iżgurar li dawk is-sistemi jiffunzjonaw b’mod effettiv;

(b)	jistabbilixxu sistemi ta’ ġestjoni u ta’ kontroll għar-Riżerva f’konformità mal-prinċipji tal-ġestjoni finanzjarja tajba u l-iżgurar li dawk is-sistemi jiffunzjonaw b’mod effettiv;

(c)	ifasslu deskrizzjoni tas-sistema ta’ ġestjoni u ta’ kontroll f’konformità mal-mudell stabbilit fl-Anness III, iżommu d-deskrizzjoni aġġornata u jagħmluha aċċessibbli għall-Kummissjoni meta din titlobha;

(c)	ifasslu deskrizzjoni tas-sistema ta’ ġestjoni u ta’ kontroll f’konformità mal-mudell stabbilit fl-Anness III, iżommu d-deskrizzjoni aġġornata u jagħmluha aċċessibbli għall-Kummissjoni meta din titlobha;

(d)	jinnotifikaw lill-Kummissjoni bl-identità tal-korpi nnominati u tal-korp li l-prefinanzjament għandu jitħallas lilu, u jikkonfermaw li d-deskrizzjonijiet tas-sistemi jkunu tfasslu, fi żmien tliet xhur mid-dħul fis-seħħ ta’ dan ir-Regolament;

(d)	jinnotifikaw lill-Kummissjoni bl-identità tal-korpi nnominati u tal-korp li l-prefinanzjament għandu jitħallas lilu, u jikkonfermaw li d-deskrizzjonijiet tas-sistemi jkunu tfasslu, fi żmien tliet xhur mid-dħul fis-seħħ ta’ dan ir-Regolament;

(e)	jiżguraw li n-nefqa appoġġata taħt programmi u strumenti oħrajn tal-Unjoni ma tkunx inkluża għall-appoġġ mir-Riżerva;

(e)	jiżguraw li n-nefqa appoġġata taħt programmi u strumenti oħrajn tal-Unjoni ma tkunx inkluża għall-appoġġ mir-Riżerva;

(f)	jipprevjenu, jidentifikaw u jikkoreġu l-irregolaritajiet u l-frodi, u jevitaw il-kunflitti ta’ interess inkluż permezz tal-użu ta’ għodda unika għall-estrazzjoni tad-data pprovduta mill-Kummissjoni ;

[…]

(f)	jipprevjenu, jidentifikaw u jikkoreġu l-irregolaritajiet u l-frodi, u jevitaw il-kunflitti ta’ interess;

[…]

Emenda 26

Artikolu 13(3)

Test propost mill-Kummissjoni Ewropea

Emenda tal-KtR

Il-korp responsabbli għall-ġestjoni tal-kontribuzzjoni finanzjarja mir-Riżerva għandu:

Il-korp , jew korpi, responsabbli għall-ġestjoni tal-kontribuzzjoni finanzjarja mir-Riżerva għandu:

(a)	jiżgura l-funzjonament ta’ sistema ta’ kontroll intern effettiva u effiċjenti;

(a)	jiżgura l-funzjonament ta’ sistema ta’ kontroll intern effettiva u effiċjenti;

(b)	jistabbilixxi kriterji u proċeduri għall-għażla tal-miżuri li jridu jiġu ffinanzjati u jiddetermina l-kundizzjonijiet għal kontribuzzjoni finanzjarja mir-Riżerva;

(b)	jistabbilixxi kriterji u proċeduri għall-għażla tal-miżuri li jridu jiġu ffinanzjati u jiddetermina l-kundizzjonijiet għal kontribuzzjoni finanzjarja mir-Riżerva;

(c)	jivverifika li l-miżuri ffinanzjati mir-Riżerva jkunu implimentati f’konformità mal-liġi applikabbli u l-kundizzjonijiet għal kontribuzzjoni finanzjarja mir-Riżerva, u li n-nefqa tkun ibbażata fuq dokumenti ta’ sostenn verifikabbli;

(c)	jivverifika li l-miżuri ffinanzjati mir-Riżerva jkunu implimentati f’konformità mal-liġi applikabbli u l-kundizzjonijiet għal kontribuzzjoni finanzjarja mir-Riżerva, u li n-nefqa tkun ibbażata fuq dokumenti ta’ sostenn verifikabbli;

(d)	jistabbilixxi miżuri effettivi biex jiġi evitat finanzjament doppju tal-istess kostijiet mir-Riżerva u minn sorsi oħrajn ta’ finanzjament tal-Unjoni;

(d)	jistabbilixxi miżuri effettivi biex jiġi evitat finanzjament doppju tal-istess kostijiet mir-Riżerva u minn sorsi oħrajn ta’ finanzjament tal-Unjoni;

(e)	jiżgura l-pubblikazzjoni ex post f’konformità mal-paragrafi 2 sa 6 tal-Artikolu 38 tar-Regolament Finanzjarju;

(e)	jiżgura l-pubblikazzjoni ex post f’konformità mal-paragrafi 2 sa 6 tal-Artikolu 38 tar-Regolament Finanzjarju;

(f)	juża sistema kontabilistika biex jirreġistra u jaħżen f’forma elettronika d-data dwar in-nefqa mġarrba li trid tkun koperta mill-kontribuzzjoni finanzjarja mir-Riżerva li tipprovdi informazzjoni preċiża, kompluta u affidabbli fil-ħin;

(f)	juża sistema kontabilistika biex jirreġistra u jaħżen f’forma elettronika d-data dwar in-nefqa mġarrba li trid tkun koperta mill-kontribuzzjoni finanzjarja mir-Riżerva li tipprovdi informazzjoni preċiża, kompluta u affidabbli fil-ħin;

(g)

iżomm id-dokumenti ta’ sostenn kollha rigward in-nefqa li trid tiġi koperta mill-kontribuzzjoni finanzjarja mir-Riżerva disponibbli għal perjodu ta’ ħames snin wara l-iskadenza għall-preżentazzjoni tal-applikazzjoni għal kontribuzzjoni finanzjarja, u jittrasponi dan l-obbligu fi ftehimiet ma’ entitajiet oħrajn involuti fl-implimentazzjoni tar-Riżerva;

(g)

(h)	għall-finijiet tal-punt (f) tal-paragrafu 1, jiġbor l-informazzjoni f’format elettroniku standardizzat biex tkun tista’ ssir l-identifikazzjoni tar-riċeventi ta’ kontribuzzjoni finanzjarja mir-Riżerva u s-sidien benefiċjarji tagħhom f’konformità mal-Anness III.

(h)	għall-finijiet tal-punt (f) tal-paragrafu 1, jiġbor l-informazzjoni f’format elettroniku standardizzat biex tkun tista’ ssir l-identifikazzjoni tar-riċeventi ta’ kontribuzzjoni finanzjarja mir-Riżerva u s-sidien benefiċjarji tagħhom f’konformità mal-Anness III.

Emenda 27

Artikolu 16(2)

Test propost mill-Kummissjoni Ewropea	Emenda tal-KtR
2. Sat-30 ta’ Ġunju 2027, il-Kummissjoni għandha tippreżenta rapport dwar l-implimentazzjoni ta’ dan ir-Regolament lill-Parlament Ewropew u lill-Kunsill.	2. Sat-30 ta’ Ġunju 2027, il-Kummissjoni għandha tippreżenta rapport dwar l-implimentazzjoni ta’ dan ir-Regolament lill-Parlament Ewropew, lill-Kunsill , lill-Kumitat tar-Reġjuni u lill-Kumitat Ekonomiku u Soċjali Ewropew .

Emenda 28

Anness I(3)

Test propost mill-Kummissjoni Ewropea

Emenda tal-KtR

3.	Il-fattur marbut mas-sajd huwa ddeterminat abbażi tal-kriterju li ġej u billi jiġu applikati l-passi li ġejjin:

3.	Il-fattur marbut mas-sajd huwa ddeterminat abbażi tal-kriterju li ġej u billi jiġu applikati l-passi li ġejjin:

a)	is-sehem ta’ kull Stat Membru mill-valur totali tal-ħut maqbud fiż-ŻEE tar-Renju Unit;

is-sehem ta’ kull Stat Membru mill-valur totali tal-ħut maqbud fil-perjodu 2015-2018 fiż-ŻEE tar-Renju Unit;

dawn l-ishma jiżdiedu għall-Istati Membri b’sajd li għandu dipendenza ogħla mill-medja fuq il-qbid tal-ħut fiż-ŻEE tar-Renju Unit u jonqsu għal dawk li għandhom dipendenza taħt il-medja kif ġej:

i)	għal kull Stat Membru, il-valur tal-ħut maqbud fiż-ŻEE tar-Renju Unit bħala perċentwal tal-valur totali tal-ħut maqbud minn dak l-Istat Membru huwa espress bħala indiċi tal-medja tal-UE (indiċi tad-dipendenza);

ii)	is-sehem inizjali tal-valur tal-ħut maqbud fiż-ŻEE tar-Renju Unit jiġi aġġustat billi jiġi mmultiplikat bl-indiċi ta’ dipendenza tal-Istat Membru;

iii)	dawn l-ishma aġġustati jiġu riaġġustati biex jiġi żgurat li s-somma tal-ishma tal-Istati Membri kollha tkun ta’ 100 %.

b)	l-ishma miksuba jiġu riaġġustati biex jiġi żgurat li s-somma tal-ishma tal-Istati Membri kollha tkun ta’ 100 %.

4.	Il-fattur marbut mal-kummerċ jinkiseb billi jiġu applikati l-passi li ġejjin:

4.	Il-fattur marbut mal-kummerċ jinkiseb billi jiġu applikati l-passi li ġejjin:

a)	il-kummerċ ta’ kull Stat Membru mar-Renju Unit huwa espress bħala sehem tal-kummerċ tal-UE mar-Renju Unit (il-kummerċ huwa s-somma tal-importazzjonijiet u tal-esportazzjonijiet ta’ oġġetti u servizzi);

a)	il-kummerċ ta’ kull Stat Membru mar-Renju Unit huwa espress bħala sehem tal-kummerċ tal-UE mar-Renju Unit (il-kummerċ huwa s-somma tal-importazzjonijiet u tal-esportazzjonijiet ta’ oġġetti u servizzi , inkluż is-settur tat-turiżmu, minbarra s-servizzi finanzjarji );

Emenda 29

Żid Anness III(a) ġdid

Test propost mill-Kummissjoni Ewropea

Emenda tal-KtR

1.	Identifikazzjoni tas-setturi ekonomiċi l-aktar milqutin:

Identifikazzjoni tar-reġjuni fil-livell NUTS 2 l-aktar milqutin:

Għal kull reġjun (inklużi r-reġjuni identifikati fl-Artikolu 349 tat-Trattat dwar il-Funzjonament tal-Unjoni Ewropea):

—	Nomenklatura ta’ NUTS 2

—	Isem ir-reġjun

—	Popolazzjoni reġjonali (data)

—	PDG reġjonali

—	Volum ta’ kummerċ mar-Renju Unit fl- 2019

3.	Deskrizzjoni tal-approċċ ta’ sħubija implimentat:

Implimentazzjoni tal-istrateġiji:

(jekk jogħġbok semmi d-dokumenti strateġiċi implimentati)

—	Strateġija ġenerali:

—	Strateġiji reġjonali:

—	Strateġiji settorjali:

5.	Deskrizzjoni tal-għodod ta’ monitoraġġ u ta’ valutazzjoni implimentati:

6.	Tqassim tan-nefqa Ammont imħallas Settur tas-sajd Setturi affettwati mill-kummerċ

Tqassim ġeografiku tan-nefqa

i.	Ir-reġjuni ta’ NUTS 2 l-aktar milqutin: Nomenklatura ta’ NUTS 2 Ammont €/abitant

ii.	Ammont mingħajr miri ġeografiċi:

8.	Kontribuzzjoni għall-objettivi klimatiċi Perċentwal tan-nefqa:

9.	Kontribut għall-għanijiet tat-trasformazzjoni diġitali Perċentwal tan-nefqa:

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

jilqa’ l-istabbiliment ta’ Riżerva ta’ Aġġustament għall-Brexit, li għandha l-għan li ttaffi l-impatt territorjali tal-ħruġ tar-Renju Unit mill-Unjoni Ewropea. Ir-Riżerva ta’ Aġġustament għall-Brexit hija espressjoni tanġibbli ta’ solidarjetà intra-Ewropea u hija intiża biex tikkontribwixxi għall-koeżjoni ekonomika, soċjali u territorjali, kif muri mill-bażi legali (Artikolu 175 tat-TFUE) tal-proposta tal-Kummissjoni;

iqis l-ilħuq ta’ Ftehim dwar il-Kummerċ u l-Kooperazzjoni bejn l-Unjoni Ewropea u r-Renju Unit bħala eżitu pożittiv tan-negozjati. Madankollu, il-qafas il-ġdid tar-relazzjoni mar-Renju Unit għandu konsegwenzi territorjali qawwija. Peress li l-Ftehim dwar il-Kummerċ u l-Kooperazzjoni mhuwiex ekwivalenti kompletament għal Ftehim ta’ Kummerċ Ħieles, bosta reġjuni Ewropej se jibqgħu esposti ħafna għall-konsegwenzi ekonomiċi u soċjali tal-Brexit. Dan l-impatt huwa partikolarment importanti għar-reġjuni li huma ġeografikament qrib tar-Renju Unit jew għal dawk li kellhom relazzjonijiet mill-qrib ħafna mal-imsieħba Brittaniċi. L-awtoritajiet lokali u reġjonali, l-atturi ekonomiċi, bħat-turiżmu, is-setturi tal-edukazzjoni u tar-riċerka, iżda wkoll iċ-ċittadini u s-soċjetà ċivili qed jiffaċċjaw il-konsegwenzi tal-implimentazzjoni ta’ fruntieri ġodda, ta’ proċeduri amministrattivi ġodda, ta’ kumplessitajiet ġodda fil-ktajjen tal-valur u tat-twaqqif ta’ programmi ta’ kooperazzjoni;

jiġbed l-attenzjoni għall-konsegwenzi ġeopolitiċi tal-Ftehim dwar il-Kummerċ u l-Kooperazzjoni, li huma konkreti għal għadd ta’ awtoritajiet lokali u reġjonali, li saru l-fruntieri esterni l-ġodda tal-Unjoni Ewropea. L-eliġibbiltà ta’ miżuri li jtejbu l-fluwidità tal-kontrolli u l-kummerċ tal-oġġetti u l-persuni hija għalhekk milqugħa b’mod pożittiv ħafna. Il-KtR jenfasizza li, f’dawn ir-reġjuni tal-fruntiera l-ġodda, l-investimenti lokali u reġjonali marbuta mal-kontrolli se jgħinu biex jiżguraw il-protezzjoni taċ-ċittadini Ewropej kollha fi ħdan il-fruntieri l-ġodda tal-Unjoni Ewropea. Il-KtR jitlob lill-Parlament Ewropew u lill-Kunsill jiddefinixxu limitu ta’ kopertura minimu u ġust għal dawn ir-reġjuni;

jappella sabiex l-ammonti addizzjonali disponibbli fit-tieni stadju skont l-Artikolu 11 jiżdiedu b’EUR 1 biljun sabiex jirrispondu aħjar għall-ħtiġijiet fuq terminu medju; f’konformità mal-appell tiegħu biex jiġi estiż il-perjodu ta’ eliġibbiltà tar-Riżerva ta’ Aġġustament għall-Brexit;

jisħaq fuq l-espożizzjoni tas-settur tas-sajd u tal-frott tal-baħar, li huwa soġġett għal perjodu ta’ tranżizzjoni ta’ ħames snin u nofs. Minbarra r-restrizzjonijiet il-ġodda komuni għas-setturi Ewropej kollha, is-settur tas-sajd qed jiffaċċja sfida diretta għal parti sħiħa tal-attività tiegħu. Din is-sitwazzjoni teħtieġ valutazzjoni tal-impatt li tirrifletti r-realtajiet reġjonali kemm jista’ jkun mill-qrib, mingħajr indiċjar nazzjonali. Huwa kruċjali li tinkiseb distribuzzjoni finanzjarja aktar ġusta bejn ir-reġjuni Ewropej milqutin, irrispettivament mid-daqs tal-Istat Membru;

jixtieq li l-awtoritajiet lokali u reġjonali jitpoġġew fil-qalba tal-ħolqien ta’ dan l-istrument finanzjarju l-ġdid. Il-KtR jirrakkomanda l-introduzzjoni ta’ kriterji li jqisu l-intensità reġjonali tal-impatt, u jiżguraw distribuzzjoni ġusta tar-riżorsi abbażi tad-daqs tal-impatt ekonomiku fuq kull reġjun. Kif muri fl-istudji tal-KtR dwar il-konsegwenzi tal-Brexit, il-kunsiderazzjoni tal-impatti fil-livell nazzjonali ma tirriflettix l-intensità tagħhom li hija lokali ħafna. L-awtoritajiet lokali għandhom jipparteċipaw fil-valutazzjoni tal-impatti u t-tfassil tal-miżuri. Dan huwa saħansitra aktar importanti peress li l-awtoritajiet lokali u reġjonali, skont il-kompetenzi tagħhom, se jkollhom ikunu lesti li jiffinanzjaw minn qabel ċerti miżuri huma stess, jiżviluppaw strateġiji territorjali għall-mitigazzjoni tal-impatti ta’ Brexit u jimmobilizzaw parti mill-fondi Ewropej li jiġġestixxu. Dan l-involviment tal-awtoritajiet se jgħin fl-immirar tal-ħtiġijiet u jiżgura implimentazzjoni effiċjenti tar-Riżerva ta’ Aġġustament għall-Brexit;

jenfasizza bl-istess mod l-esponiment tar-reġjuni minħabba t-telf ta’ opportunitajiet kummerċjali mar-Renju Unit u l-fatt li l-Ftehim dwar il-Kummerċ u l-Kooperazzjoni mhuwiex ekwivalenti kompletament għal Ftehim ta’ Kummerċ Ħieles. Dan għandu impatt fuq firxa wiesgħa ta’ setturi u għandu effett trasversali fuq il-katina ta’ valur, pereżempju fis-setturi tat-turiżmu, tal-ospitalità u agroalimentari, li jfisser telf ta’ impjiegi fuq il-post. Il-KtR jirrikonoxxi li l-impatt x’aktarx ikollu effetti soċjoekonomiċi dejjiema fuq il-komunitajiet fir-reġjuni, u għalhekk irid jiġi indirizzat minnufih. Jenfasizza wkoll li r-Riżerva ta’ Aġġustament għall-Brexit hija l-uniku strument finanzjarju tal-UE li jittratta l-Istati Membri, ir-reġjuni u s-setturi li qed ibatu l-konsegwenzi negattivi tal-Brexit;

jappella sabiex il-perjodu ta’ eliġibbiltà jiġi estiż għal Ġunju 2026, billi s-solidarjetà Ewropea ma għandhiex tiġi limitata għas-snin 2021 u 2022 u jinnota li ma hemm l-ebda mezz biex jittaffew il-konsegwenzi tal-Brexit mill-2023 ’il quddiem.

—

Il-KtR jindika nuqqas ta’ koerenza maġġuri bejn it-tul tal-perjodu tranżizzjonali għas-settur tas-sajd u l-perjodu ta’ eliġibbiltà tar-Riżerva ta’ Aġġustament għall-Brexit. Hija biss estensjoni tal-perjodu ta’ eliġibbiltà tan-nefqa sa Ġunju 2026 li se tippermetti appoġġ xieraq għal dan is-settur. Filwaqt li l-komplementarjetajiet mal-FEMSA huma indispensabbli, il-FEMSA jibqa’ l-istrument strutturali għall-implimentazzjoni tal-politika komuni tas-sajd u ma jistax iqis il-konsegwenzi asimetriċi ta’ Brexit.

—	Fir-rigward tal-implimentazzjoni ta’ infrastrutturi perenni ta’ kontroll, il-KtR josserva li s-sitwazzjoni tas-saħħa relatata mal-COVID-19 ma tippermettix li jitkejlu l-flussi reali u li jsiru investimenti b’mod immedjat.

—

Ċerti miżuri jew investimenti jistgħu jinvolvu perjodi minimi ta’ tħejjija jew implimentazzjoni li ma jippermettux impenji jew pagamenti qabel il-31 ta’ Diċembru 2022. Hawnhekk il-KtR qed jirreferi kemm għall-proċeduri ta’ akkwist pubbliku kif ukoll għall-proċeduri biex jiġi żgurat li l-miżuri jew l-investimenti jikkonformaw mar-regoli tal-UE, jew nazzjonali, fis-seħħ (valutazzjonijiet tal-impatt ambjentali, permessi tal-ippjanar, stħarriġ pubbliku, proċeduri ta’ notifika għall-għajnuna mill-Istat, eċċ.).

—

Il-KtR jenfasizza li l-effetti tal-Brexit ivarjaw bejn id-diversi reġjuni Ewropej u għalhekk jilqa’ bi pjaċir il-flessibbiltà mogħtija lill-Istati Membri biex ifasslu miżuri li jissodisfaw bl-aħjar mod il-ħtiġijiet tagħhom. Huwa importanti li jiġu żviluppati miżuri kemm għall-industrija, it-turiżmu, it-trasport, ir-riċerka u l-innovazzjoni, kif ukoll għas-setturi agrikoli jew agroalimentari, skont il-ħtiġijiet lokali u reġjonali. Il-KtR jemmen li d-diversità potenzjali tal-oqsma ta’ intervent tar-riżerva għandha tkun ċara fir-regolament ħalli b’hekk jiġu ffaċilitati l-fehim u l-implimentazzjoni xierqa tal-fond.

iqis li r-Riżerva se jkollha rwol essenzjali fl-appoġġ għall-implimentazzjoni tal-qafas legali l-ġdid li jirregola r-relazzjonijiet bejn l-UE u r-Renju Unit li l-konsegwenzi tagħhom ma jistgħux jiġu identifikati b’mod sħiħ, b’mod partikolari minħabba l-effetti kkombinati tal-pandemija tal-COVID-19. Dan jikkonċerna wkoll kwistjonijiet speċifiċi li għadhom iridu jiġu nnegozjati, bħal għas-servizzi finanzjarji jew il-parteċipazzjoni tar-Renju Unit fil-programm Orizzont Ewropa. Se jkollhom jitqiesu kemm l-iżviluppi sfavorevoli kif ukoll dawk favorevoli;

10.

jiddubita mill-valur miżjud f’termini ta’ governanza tajba tal-konsultazzjoni pubblika dwar ir-Riżerva ta’ Aġġustament għall-Brexit imnedija mill-Kummissjoni Ewropea fl-24 ta’ Frar 2021 għal perjodu ta’ tmien ġimgħat (1), filwaqt li l-proposta leġiżlattiva ġiet ippreżentata xahrejn qabel u n-negozjati interistituzzjonali biex jintlaħaq ftehim fl-ewwel nofs tal-2021 diġà jinsabu fi stadju avvanzat ħafna;

11.

jemmen li Brexit huwa sitwazzjoni sui generis u li l-paralleli li għandhom isiru ma’ skemi eżistenti bħall-Fond ta’ Solidarjetà tal-Unjoni Ewropea jistgħu jkunu biss limitati. Il-KtR jesprimi dispjaċir dwar il-fatt li l-proposta tal-Kummissjoni ma tirriflettix il-prinċipju ta’ sħubija li japplika għall-politika ta’ koeżjoni, peress li ma tipprovdix garanziji dwar ir-rwol mogħti lill-awtoritajiet territorjali fil-governanza. Il-proċeduri tat-tfassil ta’ miżuri u ta’ ġestjoni għandhom jirriflettu aktar il-loġika ddikjarata tal-immirar tal-impatti territorjali;

12.

iqis li l-Istati Membri għandu jkollhom il-flessibbiltà fid-definizzjoni tas-sistemi ta’ ġestjoni: in-numru ta’ korpi u livelli ta’ ġestjoni (nazzjonali, reġjonali jew interreġjonali). Min-naħa l-oħra, l-Istati Membri għandhom jiġġustifikaw l-għażla tagħhom f'termini tas-sussidjarjetà u b’mod partikolari l-kapaċità tagħhom li jirrispondu għall-ħtiġijiet ikkonċentrati f’ċerti territorji u/jew setturi ekonomiċi l-aktar esposti; Fi kwalunkwe każ, għandha tiġi żgurata l-parteċipazzjoni tal-livell reġjonali fil-proċedura ta’ ġestjoni;

13.

iqis li l-Brexit huwa ta’ importanza kbira għal oqsma differenti bħall-prodotti tas-sajd u tal-baħar, il-mobbiltà taċ-ċittadini, it-taħriġ, il-proġetti ta’ kooperazzjoni dwar ir-riċerka, l-iżvilupp u l-innovazzjoni, it-trasferiment tal-għarfien, l-indirizzar tat-tibdil fil-klima, il-preservazzjoni tal-ekosistemi u s-sħubijiet pubbliċi-privati, fost l-oħrajn. Minħabba l-livelli differenti ta’ deċentralizzazzjoni tal-Istati Membri, il-kollaborazzjoni bejn il-livelli amministrattivi differenti tista’ titqies bħala meħtieġa jew pożittiva, sabiex it-territorji differenti jkunu jistgħu jegħlbu l-esternalitajiet negattivi tal-Brexit. Il-Kumitat jappella li l-prinċipju tas-sħubija jsir realtà u li r-Riżerva ta’ Aġġustament għall-Brexit tiġi ġestita skont il-kriterji ġenerali għall-programmi ta’ ġestjoni kondiviża bejn il-Kummissjoni, l-Istati Membri u l-awtoritajiet reġjonali u lokali;

14.

jipproponi li l-Istati Membri għandhom jinkoraġġixxu l-implimentazzjoni ta’ strateġiji reġjonali biex jantiċipaw l-iskeda ta’ żmien tal-implimentazzjoni tal-miżuri u l-bidliet fuq perjodu ta’ żmien medju. Dan għandu jitwettaq f’konformità mal-politiki lokali u reġjonali kollha kkonċernati. Fil-mument tal-ħlas tal-finanzjament minn qabel, l-Istati Membri għandhom jindikaw lill-Kummissjoni Ewropea l-mod kif se jiżguraw il-parteċipazzjoni u l-konsultazzjoni mal-awtoritajiet reġjonali u lokali, taħt “obbligu ta’ sħubija”;

15.

jipproponi li d-dispożizzjonijiet kollha li jipprevedu l-parteċipazzjoni tal-awtoritajiet lokali u reġjonali għandhom jiġu żgurati permezz ta’ mekkaniżmu ta’ informazzjoni tal-Kummissjoni Ewropea. Il-KtR jirrakkomanda, b'mod konkret, li meta tiżdied in-nefqa, l-Istati Membri għandhom jinformaw lill-Kummissjoni Ewropea u jibagħtulha anness ġdid iddedikat għad-distribuzzjoni settorjali u ġeografika tan-nefqa fil-livell tar-reġjuni ta' NUTS 2, filwaqt li jinkludu l-kontribuzzjoni tagħhom għall-miri klimatiċi u t-tranżizzjoni diġitali. Barra minn hekk, din l-informazzjoni kwantitattiva u kwalitattiva tikkontribwixxi wkoll għall-valutazzjoni tar-Riżerva ta’ Aġġustament għall-Brexit, u tippermetti l-valutazzjoni tal-ammonti addizzjonali disponibbli fit-tieni stadju skont l-Artikolu 11 tal-mobilizzazzjoni tar-Riżerva ta’ Aġġustament għall-Brexit f’kull Stat Membru u tiżgura li l-approċċ ta’ sħubija rrakkomandat ġie implimentat sew;

16.

jixtieq jiżgura li l-awtoritajiet lokali u reġjonali responsabbli għal awtoritajiet maniġerjali jew korpi intermedjarji ta’ fondi Ewropej ikunu involuti fil-ħidma kontra t-trikkib tal-finanzjamenti. Min-naħa l-oħra, l-għażla li jiġu mmobilizzati l-fondi strutturali minflok ir-Riżerva se jkollha tkun is-suġġett ta’ konsultazzjoni mal-atturi kkonċernati, fid-dawl tal-konsegwenzi li din jista’ jkollha fuq l-implimentazzjoni ta’ politiki Ewropej oħra;

17.

jitlob li jiġi previst perċentwal tal-fondi biex, ladarba jiġi approvat il-kriterju ta’ distribuzzjoni u ta’ prefinanzjament, dan jiġi trasferit lill-Istati Membri u r-reġjuni, fejn adatt, sabiex ikunu jistgħu jiffinanzjaw il-miżuri ta’ appoġġ rilevanti mingħajr ma jkun hemm bżonn ta’ kontribuzzjoni minn qabel ta’ fondi proprji;

18.

jitlob li tiġi implimentata flessibbiltà fir-rigward tal-għajnuna mill-Istat sabiex jiġi żgurat twettiq rapidu tal-miżuri u biex tingħata l-kapaċità ta’ intervent favur l-atturi ekonomiċi l-aktar milqutin. Hija meħtieġa estensjoni tad-dispożizzjonijiet temporanji tal-COVID għall-impatti diretti ta’ Brexit matul il-perjodu ta’ eliġibbiltà tan-nefqa tar-Riżerva ta’ Aġġustament għall-Brexit. Fis-setturi tas-sajd u tal-agrikoltura, id-dispożizzjonijiet applikabbli għall-FEMSA u l-FAEŻR iridu japplikaw għar-Riżerva ta’ Aġġustament għall-Brexit;

19.

jenfasizza l-fatt li l-SMEs li jinnegozjaw mar-Renju Unit huma affettwati b’mod sproporzjonat mill-kostijiet ta’ proċeduri amministrattivi ġodda assoċjati mal-esportazzjoni lejn ir-Renju Unit fir-rigward tal-fatturat tagħhom. Għalhekk, fid-distribuzzjoni tar-riżorsi tar-Riżerva ta’ Aġġustament għall-Brexit għandhom jitqiesu l-kostijiet relattivi għan-negozji;

20.

jappella għall-eliġibbiltà għall-VAT li ma jistax jiġi rkuprat, kif previst mill-Fond ta’ Solidarjetà tal-Unjoni Ewropea. Mingħajr din l-eliġibbiltà, bosta miżuri ffinanzjati minn awtoritajiet lokali u reġjonali ma jibbenefikawx minn solidarjetà Ewropea ta’ 100 %;

21.

jitlob li l-ħlas ta' allokazzjonijiet supplimentari fl-2023 ikun parzjalment marbut ma' valutazzjoni Ewropea tal-impatti reali ta' Brexit fil-perjodu 2021-2022, sabiex jiġi approfondit l-eżerċizzju tal-immirar tar-reġjuni u s-setturi l-aktar milqutin, iżda wkoll biex jiġu identifikati dawk li kienu l-aktar reżiljenti jew li bbenefikaw mill-bidliet;

22.

itenni l-impenn tiegħu biex titkompla l-kooperazzjoni bejn il-partijiet interessati Brittaniċi u Ewropej, u jappella sabiex ir-Riżerva ta’ Aġġustament għall-Brexit tappoġġja lill-imsieħba Ewropej fid-djalogu li għandu jinżamm, kemm sabiex jiġi evitat tilwim li jirriżulta mill-implimentazzjoni tal-Ftehim ta’ Kummerċ u Kooperazzjoni kif ukoll biex tinbena kooperazzjoni futura.

Brussell, id-19 ta’ Marzu 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1) Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (“Il-Ftehim dwar il-Ħruġ”) (ĠU L 29, 31.1.2020, p. 7).

(1) Ftehim dwar il-Kummerċ u l-Kooperazzjoni bejn l-Unjoni Ewropea u l-Komunità Ewropea tal-Enerġija Atomika, minn naħa waħda, u r-Renju Unit tal-Gran Brittanja u l-Irlanda ta’ Fuq, min-naħa l-oħra, (ĠU L 444, 31.12.2020, p. 14).

(1) https://ec.europa.eu/info/law/better-regulation/have-your-say/initiatives/12917-Proposal-for-a-Regulation-Regional-and-urban-Policy

7.5.2021

Il-Ġurnal Uffiċjali tal-Unjoni Ewropea

C 175/89

Opinjoni tal-Kumitat Ewropew tar-Reġjuni — Pagi minimi adegwati fl-Unjoni Ewropea

(2021/C 175/08)

Relatur:

Peter KAISER (AT/PSE), Gvernatur ta’ Kärnten

Dokument ta’ referenza:

Proposta għal Direttiva tal-Parlament Ewropew u tal-Kunsill dwar pagi minimi adegwati fl-Unjoni Ewropea

COM(2020) 682 final

I. RAKKOMANDAZZJONIJIET SABIEX JITRESSQU L-EMENDI

Emenda 1

Premessa 21

Test propost mill-Kummissjoni Ewropea

Emenda tal-KtR

Il-pagi minimi huma meqjusin bħala adegwati jekk ikunu ġusti fir-rigward tad-distribuzzjoni tal-pagi fil-pajjiż u jekk jipprovdu standard ta’ għajxien deċenti. L-adegwatezza tal-pagi minimi statutorji hija ddeterminata fid-dawl tal-kundizzjonijiet soċjoekonomiċi nazzjonali, inklużi t-tkabbir fl-impjiegi, il-kompetittività kif ukoll l-iżviluppi reġjonali u settorjali. L-adegwatezza tagħhom jenħtieġ li tiġi vvalutata tal-inqas fir-rigward tal-kapaċità tal-akkwist tagħhom, tal-iżviluppi fil-produttività u r-relazzjoni tagħhom mal-livelli tal-paga grossa, id distribuzzjoni u t-tkabbir. L- użu ta’ indikaturi użati b’mod komuni fil-livell internazzjonali, bħal 60 % tal-paga medjana grossa u 50 % tal-paga medja grossa , jistgħu jgħinu biex jiggwidaw il-valutazzjoni tal-adegwatezza tal-paga minima fir-rigward tal-livell tal-pagi grossi.

Il-pagi minimi huma meqjusin bħala adegwati jekk ikunu ġusti fir-rigward tad-distribuzzjoni tal-pagi fil-pajjiż u jekk jipprovdu standard ta’ għajxien deċenti. L-adegwatezza tal-pagi minimi statutorji hija ddeterminata fid-dawl tal-kundizzjonijiet soċjoekonomiċi nazzjonali, inklużi t-tkabbir fl-impjiegi, il-kompetittività kif ukoll l-iżviluppi reġjonali u settorjali. L-adegwatezza tagħhom jenħtieġ li tiġi vvalutata tal-inqas fir-rigward tal-kapaċità tal-akkwist tagħhom, tal-iżviluppi fil-produttività u r-relazzjoni tagħhom mal-livelli tal-paga grossa, id distribuzzjoni u t-tkabbir. L-indikaturi rikonoxxuti internazzjonalment ta’ 60 % tal-paga medjana grossa u 50 % tal-paga medja grossa jgħinu biex jiggwidaw il-valutazzjoni tal-adegwatezza tal-paga minima fir-rigward tal-livell tal-pagi grossi.

Raġuni

Matul il-proċess ta’ konsultazzjoni, l-indikaturi msemmija rriżultaw bħala punti ta’ riferiment li jistgħu jintlaħqu b’kunsens.

Emenda 2

Artikolu 3(3)

Test propost mill-Kummissjoni Ewropea

Emenda tal-KtR

“negozjar kollettiv” tfisser in-negozjati kollha li jsiru bejn impjegatur, grupp ta’ impjegaturi jew organizzazzjoni tal-impjegaturi waħda jew aktar, fuq naħa waħda, u organizzazzjoni tal-ħaddiema waħda jew aktar, fuq in-naħa l-oħra, biex jiġu ddeterminati l-kundizzjonijiet tax-xogħol u t-termini tal-impjieg; u/jew ir-regolamentazzjoni tar-relazzjonijiet bejn l-impjegaturi u l-ħaddiema; u/jew ir-regolamentazzjoni tar-relazzjonijiet bejn l-impjegaturi jew l-organizzazzjonijiet tagħhom u organizzazzjoni jew organizzazzjonijiet tal-ħaddiema ;

“negozjar kollettiv” tfisser in-negozjati kollha li jsiru bejn impjegatur, grupp ta’ impjegaturi jew organizzazzjoni tal-impjegaturi waħda jew aktar, fuq naħa waħda, u trade union waħda jew aktar, fuq in-naħa l-oħra, biex jiġu ddeterminati l-kundizzjonijiet tax-xogħol u t-termini tal-impjieg; u/jew ir-regolamentazzjoni tar-relazzjonijiet bejn l-impjegaturi u l-ħaddiema; u/jew ir-regolamentazzjoni tar-relazzjonijiet bejn l-impjegaturi jew l-organizzazzjonijiet tagħhom u trade unions ;

Raġuni

Skont il-leġiżlazzjoni soċjali tal-UE u l-obbligi tal-UE skont id-dritt internazzjonali, it-trade unions huma imsieħba tad-djalogu soċjali tan-negozjar kollettiv. Pereżempju, il-kunsilli tax-xogħol ma għandhomx leġittimità istituzzjonali suffiċjenti.

Emenda 3

Artikolu 4(2)

Test propost mill-Kummissjoni Ewropea

Emenda tal-KtR

L-Istati Membri fejn il-kopertura tan-negozjar kollettiv hi inqas minn 70 % tal-ħaddiema kif definit skont it-tifsira tal-Artikolu 2 għandhom barra minn hekk jipprevedu qafas li jippermetti l-kundizzjonijiet għan-negozjar kollettiv, jew bil-liġi wara konsultazzjoni tas-sħab soċjali jew bi ftehim magħhom, u għandhom jistabbilixxu pjan ta’ azzjoni biex jippromwovu n-negozjar kollettiv. Il-pjan ta’ azzjoni għandu jsir pubbliku u għandu jiġi nnotifikat lill-Kummissjoni Ewropea.

L-Istati Membri fejn il-kopertura tan-negozjar kollettiv hi inqas minn 70 % tal-ħaddiema kif definit skont it-tifsira tal-Artikolu 2 għandhom barra minn hekk jipprevedu qafas li jippermetti l-kundizzjonijiet għan-negozjar kollettiv, jew bil-liġi wara konsultazzjoni tas-sħab soċjali jew bi ftehim magħhom, u għandhom jistabbilixxu pjan ta’ azzjoni biex jippromwovu n-negozjar kollettiv u jiżviluppaw u jsaħħu l-kapaċitajiet tas-sħab soċjali . Il-pjan ta’ azzjoni għandu jsir pubbliku u għandu jiġi nnotifikat lill-Kummissjoni Ewropea.

Raġuni

Sabiex tiġi żgurata l-konsistenza mal-Artikolu 4(1).

Emenda 4

Artikolu 5(1)

Test propost mill-Kummissjoni Ewropea

Emenda tal-KtR

L-Istati Membri b’pagi minimi statutorji għandhom jieħdu l-miżuri neċessarji biex jiżguraw li l-iffissar u l-aġġornament tal-pagi minimi statutorji jkunu ggwidati minn kriterji stabbiliti biex jippromwovu l-adegwatezza bil-għan li jinkisbu kundizzjonijiet tax-xogħol u tal-għajxien deċenti, il-koeżjoni soċjali u l-konverġenza ’l fuq. L- Istati Membri għandhom jiddefinixxu dawn il-kriterji skont il-prattiki nazzjonali tagħhom , jew fil-leġiżlazzjoni nazzjonali rilevanti, fid-deċiżjonijiet tal-korpi kompetenti jew fi ftehimiet bejn tliet partijiet. Il-kriterji għandhom jiġu definiti b’mod stabbli u ċar.

L-Istati Membri b’pagi minimi statutorji għandhom jieħdu l-miżuri neċessarji biex jiżguraw li l-iffissar u l-aġġornament tal-pagi minimi statutorji jkunu ggwidati minn kriterji stabbiliti biex jippromwovu l-adegwatezza bil-għan li jinkisbu kundizzjonijiet tax-xogħol u tal-għajxien deċenti, il-koeżjoni soċjali u territorjali u l-konverġenza ’l fuq. Fil-livell tal- Istati Membri dawn il-kriterji għandhom jiġu ddefiniti skont il-prattiki fl-Istati Membri , jew fil-leġiżlazzjoni rilevanti, fid-deċiżjonijiet tal-korpi kompetenti jew fi ftehimiet bejn tliet partijiet. Il-kriterji għandhom jiġu definiti b’mod ċar u għandhom jiġu pprovduti bi kronoloġija .

Raġuni

Sabiex tiġi enfasizzata d-dimensjoni territorjali.

Emenda 5

Artikolu 5(2)

Test propost mill-Kummissjoni Ewropea

Emenda tal-KtR

Il-kriterji nazzjonali msemmija fil-paragrafu 1 għandhom jinkludu fost l-oħrajn l-elementi li ġejjin:

(a)	il-kapaċità tal-akkwist tal-pagi minimi statutorji, filwaqt li jitqiesu l-għoli tal-ħajja u l-kontribuzzjoni tat-taxxi u l-benefiċċji soċjali ;

(a)	il-kapaċità tal-akkwist tal-pagi minimi statutorji, filwaqt li jitqies l-għoli tal-ħajja, b’referenza għall-indiċi armonizzat tal-prezzijiet għall-konsumatur (HICP) skont ir-Regolament (UE) Nru 2016/792 ;

(b)	il-livell ġenerali tal-pagi grossi u d-distribuzzjoni tagħhom;

(b)	il-livell ġenerali tal-pagi grossi u d-distribuzzjoni tagħhom skont is-settur u skont ir-reġjuni NUTS 2 ;

(c)	ir-rata ta’ tkabbir tal-pagi grossi;

(c)	ir-rata ta’ tkabbir tal-pagi grossi.

(d)	l-iżviluppi fil-produttività tax-xogħol .

Raġuni

It-taxxi u l-kontribuzzjonijiet soċjali kif ukoll il-produttività tax-xogħol huma ġeneralment parametri speċifiċi għall-kumpaniji li mhumiex adattati għall-valutazzjoni tal-adegwatezza tal-pagi minimi.

Emenda 6

Artikolu 5(3)

Test propost mill-Kummissjoni Ewropea

Emenda tal-KtR

L-Istati Membri għandhom jużaw valuri ta’ referenza indikattivi biex jiggwidaw il-valutazzjoni tal-adegwatezza tal-pagi minimi statutorji fir-rigward tal-livell ġenerali tal-pagi grossi, bħal dawk użati b’mod komuni fil-livell internazzjonali .

L-Istati Membri jibqgħu kompetenti biex jistabbilixxu r-rata tal-pagi minimi statutorji . L-Istati Membri għandhom jiżguraw fi kwalunkwe każ li l-pagi minimi statutorji jkunu adegwati u li jinbeda proċess ta’ konverġenza li jkun rieżaminat kull sena bil-ħsieb li jintlaħaq, malajr kemm jista’ jkun, minimu ta’ mill-inqas 60 % tal-paga medjana grossa nazzjonali full-time u 50 % tal-paga medja grossa nazzjonali full-time.

Raġuni

Konsistenza mal-Emenda 1 dwar il-Premessa 21.

Emenda 7

Artikolu 6(1)

Test propost mill-Kummissjoni Ewropea

Emenda tal-KtR

L-Istati Membri jistgħu jippermettu rati differenti tal-paga minima statutorja għal gruppi speċifiċi ta’ ħaddiema. L-Istati Membri għandhom iżommu dawn il-varjazzjonijiet għal livell minimu, u jiżguraw li kwalunkwe varjazzjoni ma tkunx diskriminatorja, tkun proporzjonata, tkun limitata fiż-żmien jekk rilevanti, u tkun oġġettivament u raġonevolment iġġustifikata b’għan leġittimu.

L-Istati Membri għandhom jiżguraw li l-ebda kategorija ta’ ħaddiema ma tiġi eskluża mill-protezzjoni tal-paga minima statutorja.

Raġuni

M’għandu jkun hemm l-ebda inċentiv għal rati inferjuri għall-paga minima statutorja għal gruppi speċifiċi ta’ ħaddiema.

Emenda 8

Artikolu 6(2)

Test propost mill-Kummissjoni Ewropea

Emenda tal-KtR

L-Istati Membri jistgħu jippermettu tnaqqis bil-liġi li jnaqqas ir-remunerazzjoni mħallsa lill-ħaddiema għal livell inqas mill-paga minima statutorja. L-Istati Membri għandhom jiżguraw li dan it-tnaqqis mill-pagi minimi statutorji jkun meħtieġ, ġustifikat b’mod oġġettiv u proporzjonat.

L-Istati Membri jistgħu jippermettu tnaqqis bil-liġi billi jagħtu benefiċċji soċjali jew kontribuzzjonijiet in natura, li jnaqqas ir-remunerazzjoni mħallsa lill-ħaddiema għal livell inqas mill-paga minima statutorja. L-Istati Membri għandhom jiżguraw li dan it-tnaqqis mill-pagi minimi statutorji jkun meħtieġ, ġustifikat b’mod oġġettiv u proporzjonat. L-Istati Membri għandhom jiżguraw li l-pariri, is-sahra u ħlasijiet addizzjonali oħra jiġu esklużi mill-kalkolu tal-pagi minimi statutorji u jitħallsu b’żieda magħhom.

Raġuni

Evidenti.

Emenda 9

Artikolu 9

Test propost mill-Kummissjoni Ewropea

Emenda tal-KtR

Akkwist pubbliku

Skont id-Direttiva 2014/24/UE, id-Direttiva 2014/25/UE u d-Direttiva 2014/23/UE, l-Istati Membri għandhom jieħdu miżuri xierqa biex jiżguraw li fit-twettiq tal-kuntratti ta’ akkwist pubbliku jew ta’ kuntratti ta’ konċessjoni l-operaturi ekonomiċi jikkonformaw mar-remunerazzjoni u mal-kundizzjonijiet tax-xogħol oħra ffissati permezz ta’ ftehimiet kollettivi għas-settur u ż-żona ġeografika rilevanti u mal-pagi minimi statutorji fejn dawn jeżistu kif ukoll mad-dritt għal negozjar kollettiv. L-Istati Membri għandhom jiżguraw ukoll li l-operaturi ekonomiċi, bħala kundizzjoni għall-għoti ta’ kuntratti ta’ akkwist pubbliku, huma meħtieġa li jikkonformaw mal-pagi u mal-kundizzjonijiet tax-xogħol oħra stabbiliti minn liġijiet u/jew ftehimiet kollettivi, u li jirrispettaw id-dritt għal negozjar kollettiv u jirrikonoxxu u jinnegozjaw mat-trade unions .

Raġuni

Evidenti.

II. RAKKOMANDAZZJONIJIET TA’ POLITIKA

IL-KUMITAT EWROPEW TAR-REĠJUNI

jilqa’ l-fatt li l-Kummissjoni introduċiet bidla fundamentali fir-rigward tal-paga minima, li skontha pagi minimi adegwati huma dritt fundamentali u prerekwiżit għal ekonomija tas-suq soċjali, ġusta u sostenibbli li fuqha huwa bbażat is-suq intern Ewropew. L-ispejjeż ekonomiċi, soċjali u tas-soċjetà li jirriżultaw mid-dumping fil-pagi u d-differenza bejn il-pagi fl-Unjoni Ewropea jaqbżu bil-bosta kwalunkwe l-profitti ta’ negozju;

jilqa’ l-fatt li l-proposta tal-Kummissjoni tippermetti oqfsa Ewropej għat-tisħiħ tal-kopertura tan-negozjar kollettiv u għal pagi minimi ġusti u adegwati, b’mod partikolari biex jiġi miġġieled il-faqar fost dawk li jaħdmu. Il-KtR jenfasizza l-ambizzjoni fil-proposta tal-Kummissjoni biex jinħoloq qafas għal pagi minimi aktar adegwati u għal aċċess aħjar għall-ħaddiema biex jiġu żgurati pagi minimi; qafas li jirrispetta l-karatteristiċi partikolari tas-sistemi nazzjonali, in-negozjar kollettiv u l-libertà kuntrattwali tal-imsieħba soċjali. F’konformità mat-talbiet preċedenti mill-KtR, il-proposta tal-Kummissjoni mhijiex soluzzjoni waħda għal kulħadd u hija bbażata fuq il-premessa kondiviża mill-KtR li “negozjar kollettiv u ftehimiet kollettivi komprensivi li jiffunzjonaw sew huma l-metodu ewlieni biex jinkisbu pagi ġusti u jiġu stabbiliti kundizzjonijiet oħra tax-xogħol, billi l-ħaddiema u l-impjegaturi jafu s-settur u r-reġjun tagħhom l-aħjar” (1);

jinnota li, sal-iskadenza tal-21.01.2021, tliet parlamenti nazzjonali minn għoxrin, li kienu eżaminaw il-proposta tal-Kummissjoni, ippreżentaw opinjonijiet motivati skont il-mekkaniżmu ta’ monitoraġġ tas-sussidjarjetà;

jemmen li l-proposta tal-Kummissjoni sservi biex jintlaħqu l-għanijiet Ewropej għat-tisħiħ tal-koeżjoni soċjali u territorjali u tevita distorsjonijiet tal-kompetizzjoni (Artikolu 3 tat-TUE) u kontinwità mal-Pilastru Ewropew tad-Drittijiet Soċjali (il-Prinċipju 6) (2) u l-Karta tad-Drittijiet Fundamentali (Artikolu 31), il-Karta Soċjali Ewropea (Artikolu 4) u l-Konvenzjoni tal-ILO 131. Dan huwa ta’ importanza partikolari għal dawk it-territorji fejn id-diskrepanzi fil-pagi minimi madwar l-UE jwasslu għal flussi ta’ migrazzjoni żbilanċjati fi ħdan l-UE, li jistgħu jkunu destabbilizzanti għall-komunità lokali, u jkollhom ukoll effett negattiv fuq il-qagħda demografika fir-reġjun ta’ oriġini;

jenfasizza li l-ħtieġa ta’ “konverġenza ’l fuq” tal-pagi minimi hija wkoll akuta fil-kuntest tal-fatt li pagi baxxi jibqgħu karatteristika tal-impjiegi fl-Unjoni Ewropea. Huwa stmat li madwar ħaddiem minn kull sitta għandu paga baxxa. Fis-snin reċenti, pagi baxxi f’ħafna Stati Membri ma żammewx il-pass ma’ pagi oħra, li wassal għal żieda fl-inugwaljanza bejn il-pagi. Il-proporzjon tal-impjegati f’riskju tal-faqar żdied minn 8,3 % fl-2010 għal 9,3 % fl-2018. Barra minn hekk, it-tifqigħa tal-COVID-19 kellha impatt negattiv fuq il-pagi tal-ħaddiema, speċjalment dawk bl-aktar dħul baxx, bħall-ħaddiema fis-setturi tat-tindif, tal-bejgħ bl-imnut, tas-saħħa u tal-kura fit-tul u tal-kura residenzjali. Setturi li jaqgħu parzjalment jew kompletament taħt il-kompetenza tal-awtoritajiet lokali u reġjonali. Stħarriġ online tal-Eurofound għall-2020 sab li kważi 40 % ta’ dawk li wieġbu fl-UE sostnew li s-sitwazzjoni finanzjarja tagħhom kienet agħar minn dik ta’ qabel il-pandemija, u kważi nofshom sostnew li l-familji tagħhom ma kinux qed ilaħħqu mal-ħajja (47 % f’April 2020); Barra minn hekk, filwaqt li jikkostitwixxu 48 % tal-impjegati b’mod ġenerali fl-Unjoni Ewropea, in-nisa jikkostitwixxu 59 % ta’ dawk li jaqilgħu paga minima. Dan jikkontribwixxi għad-differenzi bejn il-ġeneri fil-pagi u fil-pensjonijiet u l-faqar fost in-nisa li jaħdmu (3). Għalhekk, il-konverġenza ’l fuq tgħin biex jitnaqqas il-faqar fost dawk li jaħdmu kif ukoll jitnaqqsu d-differenzi bejn il-ġeneri fil-pagi u fil-pensjonijiet;

iqis li l-bażi ġuridika tal-Artikolu 153 tat-TFUE proposta mill-Kummissjoni, skont il-prinċipju tas-sussidjarjetà u fl-applikazzjoni tal-ġurisprudenza tal-Qorti tal-Ġustizzja tal-Unjoni Ewropea (C-268/06 Impact 2008), ma tippermetti l-ebda indħil dirett fid-determinazzjoni tar-remunerazzjoni fl-Unjoni Ewropea. Il-proposta tal-Kummissjoni tista’ tkun biss proċess oġġettiv f’rikonoxximent sħiħ tal-leġiżlazzjoni nazzjonali eżistenti dwar il-paga minima u r-rwol tal-imsieħba soċjali;

jiġbed l-attenzjoni tal-Kummissjoni għall-ħtieġa ta’ approċċ multidimensjonali biex jiġi indirizzat il-faqar fost dawk li jaħdmu. L-analiżi tal-Kummissjoni stess turi li l-indirizzar tal-faqar fost dawk li jaħdmu huwa sfida kumplessa li fiha fatturi oħra, bħas-sistema tat-taxxa, l-inizjattivi ta’ taħriġ, il-livell tal-benefiċċji soċjali u l-politiki dwar l-impjiegi, kif ukoll il-monitoraġġ tad-dritt pożittiv għandhom rwol kruċjali wkoll. Dawn l-oqsma jaqgħu prinċipalment taħt il-kompetenza tal-Istati Membri, għalhekk is-suċċess ta’ proċess Ewropew għal pagi minimi adegwati jiddependi ħafna mir-rieda tal-Istati Membri stess biex jadattaw għal dawn il-parametri;

jirrimarka li, skont l-Artikolu 154 tat-TFUE u qabel is-sottomissjoni tal-abbozz tagħha, il-Kummissjoni wettqet konsultazzjoni f’żewġ stadji mal-imsieħba soċjali dwar miżuri possibbli tal-UE fil-qasam tal-pagi minimi. Fl-ewwel fażi, bejn l-14 ta’ Jannar u l-25 ta’ Frar 2020, il-Kummissjoni kkonsultat mal-imsieħba soċjali dwar il-bżonn għal inizjattiva dwar il-pagi minimi, u d-direzzjoni possibbli tagħha. Fit-tieni fażi, bejn it-3 ta’ Ġunju u l-4 ta’ Settembru 2020, il-Kummissjoni kkonsultat mal-imsieħba soċjali dwar il-kontenut u l-istrument legali tal-proposta prevista. Il-proposta għal Direttiva tqis il-kontributi tal-partijiet, b’mod partikolari dwar il-kwistjoni tal-awtonomija tal-imsieħba soċjali fin-negozjar kollettiv. Għalhekk huwa kruċjali li l-Kummissjoni tappoġġja l-bini tal-kapaċità futura u l-awtonomija tal-imsieħba soċjali, kemm fil-livell Ewropew kif ukoll f’dak nazzjonali, peress li l-leġiżlazzjoni ma tiggarantixxix imsieħba soċjali b’saħħithom. Inġabru wkoll il-fehmiet tal-pubbliku permezz tat-tweġibiet għall-Ewrobarometru Standard 92 (Ħarifa 2019), li kien jinkludi mistoqsijiet dwar il-prijoritajiet tal-Unjoni Ewropea inkluża l-paga minima;

iqis li paga dinjituża tmur lil hinn mill-qerda tal-faqar estrem. L-għan tagħha huwa li jiżgura li n-nies ikunu jistgħu jaffordjaw stil ta’ ħajja bażiku u jipparteċipaw fil-ħajja soċjali u kulturali. Hija marbuta speċifikament mal-kuntest u għandha tmur lil hinn mill-pagi tal-faqar, biex jiġi żgurat li n-nies ikunu jistgħu jissodisfaw il-ħtiġijiet bażiċi tagħhom;

10.

jirrimarka li abbażi tal-Artikolu 153(1)(b) tat-TFUE u f’konformità sħiħa mal-Artikolu 153(5), diġà ġew adottati għadd ta’ Direttivi li jinkludu dispożizzjonijiet dwar il-paga (4);

11.

isostni li għandu jiġi rispettat il-prinċipju ta’ paga ugwali għal xogħol ugwali f’dawk il-każijiet fejn il-pagi minimi jiġu stabbiliti skont is-settur;

12.

jappoġġja bis-sħiħ il-fatt li l-abbozz ta’ Direttiva ma jipprevedi l-ebda armonizzazzjoni soċjali minima, u jifhem li l-proposta tal-Kummissjoni tipprevedi klawżola ta’ nonrigressjoni għal livelli ta’ protezzjoni ogħla minn dawk iggarantiti mid-Direttiva proposta (Artikolu 16);

13.

jirrikonoxxi li, fil-proposta tagħha għal Direttiva, il-Kummissjoni teskludi lill-Istati Membri li l-pagi minimi tagħhom huma stabbiliti fi ftehimiet kollettivi mill-Kapitolu II tad-Direttiva dwar il-pagi minimi statutorji;

14.

iqis li l-proposta tal-Kummissjoni ġġib valur miżjud Ewropew minħabba li fil-fatt din toħloq bażi biex tinbeda konverġenza ’l fuq tal-pagi minimi fi djalogu mal-Istati Membri;

15.

jenfasizza d-dimensjoni reġjonali qawwija tal-kwistjoni tal-pagi minimi adegwati, anke jekk din mhix indirizzata biżżejjed fil-proposta tal-Kummissjoni. Id-dimensjoni reġjonali tirriżulta mill-eżistenza ta’ ftehimiet kollettivi reġjonali, mill-interazzjoni qawwija bejn il-pagi minimi u l-koeżjoni soċjali u territorjali u l-fatt li l-awtoritajiet lokali għandhom ir-responsabbiltà aħħarija għall-iffissar tal-pagi, abbażi tal-kundizzjonijiet lokali u reġjonali, saħansitra fil-kwalità tagħhom ta’ impjegaturi;

16.

jiġbed l-attenzjoni għall-istudju kkummissjonat mill-KtR dwar “Fair Minimum Wages The Local and Regional Perspective” (Pagi Minimi Ġusti Il-Perspettiva Lokali u Reġjonali) (5). Jenfasizza b’mod partikolari l-konklużjoni li l-introduzzjoni ġenerali tal-pagi minimi reġjonali ma tistax tiġi sostnuta għal diversi raġunijiet, fost oħrajn, l-oqfsa istituzzjonali, il-kompetenzi u t-tradizzjonijiet li jpoġġu l-iffissar tal-pagi minimi primarjament fil-livell nazzjonali, iżda li fl-istess ħin jeżistu għadd ta’ possibbiltajiet għal rwol tal-awtoritajiet lokali u reġjonali fl-infurzar, il-promozzjoni u l-monitoraġġ tal-pagi minimi;

17.

iwissi li hemm differenzi sinifikanti bejn l-ammont ta’ persuni li jiddependu fuq il-paga minima fiż-żoni urbani u rurali, u jenfasizza li sabiex tkun tista’ tiġi koperta t-talba għal konverġenza lejn pagi minimi aktar adegwati, jeħtieġ li jinstabu approċċi innovattivi biex jgħinu lill-awtoritajiet lokali u reġjonali jiksbu l-fondi meħtieġa fil-baġits tagħhom, li ġew devastati serjament mill-pandemija tal-COVID-19;

18.

iqis li t-tfassil ta’ pjani ta’ azzjoni nazzjonali għall-promozzjoni tan-negozjar kollettiv fl-Istati Membri, kif deskritt fl-Artikolu 4(2), seta’ jiġi ssostanzjat billi ssir referenza għall-elementi possibbli ta’ tali pjani ta’ azzjoni;

19.

jistaqsi, fil-prinċipju, jekk il-kunċett ta’ ħaddiem li fuqu hija bbażata d-Direttiva għandux jiġi rivedut fil-livell tal-UE. Madankollu, ir-referenza għal każistika tal-Qorti Ewropea tal-Ġustizzja mill-1986 (il-Kawża Lawrie Blum) ma tqisx l-emerġenza ta’ forom ġodda ta’ xogħol, b’mod speċjali forom prekarji fl-ekonomija tal-pjattaforma;

20.

ifakkar, b’rabta mal-għoti ta’ kuntratti, fis-Sentenza tal-Qorti Ewropea tal-Ġustizzja fil-Kawża C-115/14 (tas-17 ta’ Novembru 2015): skont dik is-sentenza, id-dritt tal-Unjoni ma jipprekludix l-esklużjoni minn proċedura għall-għoti ta’ kuntratt ta’ offerent li jirrifjuta li jintrabat li jħallas il-paga minima statutorja lill-persunal ikkonċernat (6);

21.

jenfasizza li l-abbozz ta’ Direttiva ma jsemmix b’mod espliċitu l-fatt li l-monitoraġġ għall-implimentazzjoni tad-Direttiva jista’ jkun marbut mal-proċess tas-Semestru Ewropew, pereżempju billi tiġi aġġustata t-tabella ta’ valutazzjoni soċjali; jara din l-għażla minn perspettiva kritika sakemm il-proċess tas-semestru b’mod ġenerali ma jkunx soġġett għal riforma estensiva biex jiżgura aktar trasparenza, governanza demokratika (dritt ta’ konsultazzjoni għall-Parlament Ewropew) u l-involviment tal-awtoritajiet lokali u reġjonali u l-imsieħba soċjali abbażi ta’ approċċ imsejjes fuq is-sħubija;

22.

jemmen li l-proċess ta’ konverġenza lejn pagi minimi aktar ġusti għandu jkun akkumpanjat minn proposta tal-Kummissjoni għal miżuri dwar it-trasparenza tal-pagi, li, fost affarijiet oħra, tkun ukoll mezz importanti biex titnaqqas id-differenza bejn il-ġeneri fil-pagi u biex tipprevjeni prattiki diskriminatorji abbażi tar-razza, it-twemmin, l-età, id-diżabilità, jew l-orjentazzjoni sesswali (7).

Brussell, id-19 ta’ Marzu 2021.

Apostolos TZITZIKOSTAS

Il-President tal-Kumitat Ewropew tar-Reġjuni

(1) Ara l-paragrafu 31 tal-Opinjoni tal-KtR dwar — Ewropa soċjali b’saħħitha għal tranżizzjonijiet ġusti (Relatur: Anne Karjalainen) (ĠU C 440, 18.12.2020, p. 42).

(2) 6. Il-pagi u s-salarji; Il-ħaddiema għandhom id-dritt għal pagi ġusti li jipprovdulhom standard ta’ għajxien adegwat. Pagi minimi adegwati għandhom ikunu żgurati, b’mod li dawn jipprovdu għas-sodisfazzjoni tal-bżonnijiet tal-ħaddiema u tal-familji tagħhom, filwaqt li jissalvagwardjaw l-aċċess għall-impjiegi u l-inċentivi li jfittxu xogħol. Għandu jiġi evitat il-faqar fost dawk li jaħdmu.

Il-pagi kollha għandhom ikunu stabbiliti b’mod trasparenti u prevedibbli skont il-politiki nazzjonali u jirrispettaw l-awtonomija tas-sħab soċjali.

(3) Eurofound (2017), In-work poverty in the EU (Il-faqar fost dawk li jaħdmu fl-UE), Uffiċċju tal-Pubblikazzjonijiet tal-Unjoni Ewropea, il-Lussemburgu (mhux disponibbli bil-Malti).

(4) Ara fost l-oħrajn (1) id-Direttiva 2006/54/KE tal-Parlament Ewropew u tal-Kunsill tal-5 ta’ Lulju 2006 dwar l-implimentazzjoni tal-prinċipju ta’ opportunitajiet indaqs u ta’ trattament ugwali tal-irġiel u n-nisa fi kwistjonijiet ta’ impjiegi u xogħol (ĠU L 204, 26.7.2006, p. 23), (2) id-Direttiva 2008/94/KE tal-Parlament Ewropew u tal-Kunsill tat-22 ta’ Ottubru 2008 dwar il-protezzjoni tal-impjegati fil-każ tal-insolvenza ta’ min iħaddimhom (ĠU L 283, 28.10.2008, p. 36) u (3) d-Direttiva (UE) 2019/1158 tal-Parlament Ewropew u tal-Kunsill tal-20 ta’ Ġunju 2019 dwar il-bilanċ bejn ix-xogħol u l-ħajja privata għall-ġenituri u għall-persuni li jindukraw u li tħassar id-Direttiva tal-Kunsill 2010/18/UE (ĠUL188, 12.7.2019, p. 79).

(5) https://op.europa.eu/en/publication-detail/-/publication/6f084eaa-879e-11eb-ac4c-01aa75ed71a1/language-en

(6) Il-leġiżlazzjoni ta’ entità reġjonali ta’ Stat Membru li timponi fuq l-offerenti u s-sottokuntratturi tagħhom li jintrabtu li jħallsu paga minima lill-persunal li jkun qed jesegwixxi s-servizzi fil-mira ta’ kuntratt pubbliku nstabet li kienet tikkonforma mal-liġi tal-UE.

(7) Ara l-punt 32 tal-Opinjoni tal-KtR — Ewropa soċjali b’saħħitha għal tranżizzjonijiet ġusti (Relatur: Anne Karjalainen) (ĠU C 440, 18.12.2020, p. 42).

		ISSN 1977-0987
Il-Ġurnal Uffiċjali tal-Unjoni Ewropea		C 175

Edizzjoni bil-Malti	Informazzjoni u Avviżi	Volum 64 7 ta' Mejju 2021

Werrej		Paġna
	I Riżoluzzjonijiet, rakkomandazzjonijiet u opinjonijiet
	OPINJONIJIET
	Il-Kumitat tar-Regjuni
	Interactio — Mill-bogħod — Il-143 sessjoni plenarja tal-KtR, 17.3.2021–19.3.2021
2021/C 175/01	Opinjoni tal-Kumitat Ewropew tar-Reġjuni — Approċċ ġdid tal-istrateġija marittima għall-Atlantiku — Pjan ta’ azzjoni għall-Atlantiku 2.0 — Pjan ta’ azzjoni għal ekonomija blu sostenibbli, reżiljenti u kompetittiva fiż-żona tal-Atlantiku tal-Unjoni Ewropea	1
2021/C 175/02	Opinjoni tal-Kumitat Ewropew tar-Reġjuni — Il-kisba sal-2025 taż-Żona Ewropea tal-Edukazzjoni	6
2021/C 175/03	Opinjoni tal-Kumitat Ewropew tar-Reġjuni — Pjan ta’ Azzjoni għall-Materja Prima Kritika	10
2021/C 175/04	Opinjoni tal-Kumitat Ewropew tar-Reġjuni — Rieżami tal-politika kummerċjali	17
2021/C 175/05	Opinjoni tal-Kumitat Ewropew tar-Reġjuni — Mewġa ta’ Rinnovazzjoni għall-Ewropa — l-ekoloġizzazzjoni tal-binjiet tagħna, il-ħolqien tal-impjiegi, it-titjib tal-ħajja	23

	III Atti preparatorji
	Il-Kumitat tar-Regjuni
	Interactio — Mill-bogħod — Il-143 sessjoni plenarja tal-KtR, 17.3.2021–19.3.2021
2021/C 175/06	Opinjoni tal-Kumitat Ewropew tar-Reġjuni — Patt Ġdid dwar il-Migrazzjoni u l-Ażil	32
2021/C 175/07	Opinjoni tal-Kumitat Ewropew tar-Reġjuni — Proposta għal Regolament li jistabbilixxi r-Riżerva ta’ Aġġustament għall-Brexit	69
2021/C 175/08	Opinjoni tal-Kumitat Ewropew tar-Reġjuni — Pagi minimi adegwati fl-Unjoni Ewropea	89