ISSN 1977-0987 |
||
Il-Ġurnal Uffiċjali tal-Unjoni Ewropea |
C 27 |
|
![]() |
||
Edizzjoni bil-Malti |
Informazzjoni u Avviżi |
Volum 64 |
Werrej |
Paġna |
|
|
I Riżoluzzjonijiet, rakkomandazzjonijiet u opinjonijiet |
|
|
RAKKOMANDAZZJONIJIET |
|
|
Il-Bord Ewropew tar-Riskju Sistemiku |
|
2021/C 27/01 |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2021/C 27/02 |
Ebda oppożizzjoni għal konċentrazzjoni notifikata (Il-Każ M.10037 — Mitsui/Veolia/JV) ( 1 ) |
|
2021/C 27/03 |
Ebda oppożizzjoni għal konċentrazzjoni notifikata (Il-Każ M.9995 — Permira Holdings Limited/Neuraxpharm Midco S.C.A.) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
il–Kunsill |
|
2021/C 27/04 |
||
2021/C 27/05 |
||
2021/C 27/06 |
||
|
Il-Kummissjoni Ewropea |
|
2021/C 27/07 |
||
2021/C 27/08 |
||
|
INFORMAZZJONI MILL-ISTATI MEMBRI |
|
2021/C 27/09 |
|
V Avviżi |
|
|
ATTI OĦRAJN |
|
|
Il-Kummissjoni Ewropea |
|
2021/C 27/10 |
||
2021/C 27/11 |
||
2021/C 27/12 |
|
|
|
(1) Test b'rilevanza għaż-ŻEE. |
MT |
|
I Riżoluzzjonijiet, rakkomandazzjonijiet u opinjonijiet
RAKKOMANDAZZJONIJIET
Il-Bord Ewropew tar-Riskju Sistemiku
25.1.2021 |
MT |
Il-Ġurnal Uffiċjali tal-Unjoni Ewropea |
C 27/1 |
RAKKOMANDAZZJONI TAL-BORD EWROPEW DWAR IR-RISKJU SISTEMIKU
tal-15 ta’ Diċembru 2020
li temenda r-Rakkomandazzjoni BERS/2020/7 dwar ir-restrizzjoni tad-distribuzzjonijiet waqt il-pandemija tal-COVID-19
(BERS/2020/15)
(2021/C 27/01)
IL-BORD ĠENERALI TAL-BORD EWROPEW DWAR IR-RISKJU SISTEMIKU,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament (UE) Nru 1092/2010 tal-Parlament Ewropew u tal-Kunsill tal-24 ta’ Novembru 2010 dwar is-sorveljanza makroprudenzjali tal-Unjoni Ewropea tas-sistema finanzjarja u li jistabbilixxi Bord Ewropew dwar ir-Riskju Sistemiku (1), u b’mod partikolari l-Artikolu 3(2)(b), (d) u (f) u l-Artikoli 16 sa 18 tiegħu,
Wara li kkunsidra d-Deċiżjoni BERS/2011/1 tal-Bord Ewropew dwar ir-Riskju Sistemiku tal-20 ta’ Jannar 2011 li tadotta r-Regoli tal-Proċedura tal-Bord Ewropew dwar ir-Riskju Sistemiku (2), u b’mod partikolari l-Artikolu 15(3)(e) u l-Artikoli 18 sa 20 tagħha,
Billi:
(1) |
Meta faqqgħet il-pandemija tal-COVID-19 il-Bord Ewropew dwar ir-Riskju Sistemiku (BERS) irrikonoxxa l-ħtieġa li l-istituzzjonijiet finanzjarji jżommu livell robust ta’ fondi proprji biex jimmitigaw ir-riskju sistemiku u jikkontribwixxu lejn l-irkupru ekonomiku. Għal dak il-għan, il-BERS ħareġ ir-Rakkomandazzjoni BERS/2020/7 dwar ir-restrizzjoni tad-distribuzzjonijiet waqt il-pandemija tal-COVID-19 (3), li kellha l-mira li tiżgura li l-istituzzjonijiet finanzjarji kollha li jistgħu jippreżentaw riskju għall-istabbiltà finanzjarja jżommu livelli għoljin ta’ kapital billi jsaqsu lill-awtoritajiet relevanti biex jitolbu lill-istituzzjonijiet finanzjarji sabiex joqogħdu lura milli jagħmnlu distribuzzjonijiet għat-tul ta’ żmien tal-pandemija tal-COVID-19 u ta’ mill-inqas sal-1 ta’ Jannar 2021. |
(2) |
Il-kriżi tal-COVID-19 għadha għaddejja fl-Ewropa u globalment, u għad hemm inċertezza dwar l-impatt futur fuq l-ekonomija u l-istituzzjonijiet finanzjarji, b’riskju li l-kundizzjonijiet tas-saħħa u ekonomiċi se jkomplu jmorru għall-agħar. Is-swieq u l-awtoritajiet m’għandhomx informazzjoni dwar l-impatt fit-tul tal-kriżi fuq is-settur finanzjarju u s-swieq tal-kreditu. L-istituzzjonijiet finanzjarji għadhom ukoll jiddependu bis-saħħa fuq l-appoġġ mill-politika pubblika. Huwa essenzjali li jiġi żgurat il-funzjonament kif suppost tas-sistema finanzjarja. Estensjoni eċċezzjonali tar-restrizzjonijiet fuq il-ħlasijiet ‘il barra biex tilqa’ għall-inċertezza fir-rigward tal-iżvilupp makroekonomiku futur isservi dan l-objettiv billi tippermetti lill-istituzzjonijiet finanzjarji jżommu livell għoli biżżejjed ta’ kapital sabiex jiġi mmitigat ir-riskju sistemiku u jsir kontribut għall-irkupru ekonomiku. Fl-istess ħin, il-BERS jirrikonoxxi l-progress li sar mill-awtoritajiet u l-istituzzjonijiet finanzjarji fil-mod kif indirizzat l-effetti tal-pandemija. Il-BERS huwa konxju wkoll mill-importanza tad-distribuzzjonijiet li jippermettu lill-istituzzjonijiet finanzjarji jiġbru l-kapital esternament, billi huwa kritiku li l-investituri jiġu ppremjati għall-investiment tagħhom għas-sostenibbiltà fit-tul tal-istituzzjonijiet u s-swieq finanzjarji. Madankollu, il-BERS isejjaħ ukoll għal kawtela estrema fir-rigward tad-distribuzzjonijiet sabiex ma jpoġġux l-istabbiltà tas-sistema finanzjarja u l-proċess ta’ rkupru f’riskju, u jikkunsidra li kwalunkwe livell ta’ distribuzzjoni għandu jkun aktar baxx b’mod sinifikanti milli fis-snin reċenti ta’ qabel il-kriżi tal-COVID-19. |
(3) |
Ir-Rakkomandazzjoni BERS/2020/7 tkopri wkoll il-kontropartijiet ċentrali (CCPs) minħabba r-rwol sistemikament importanti tagħhom fl-ikklirjar ta’ tranżazzjonijiet tas-suq finanzjarju. L-eżitu intenzjonat kien li l-azzjonisti u l-personal ta’ grad għoli ma jitħallewx jiġbdu mill-kapital surplus tas-CCPs permezz ta’ distribuzzjonijiet f’mument meta r-riskju operazzjonali – li s-CCPs ikopru bir-riżorsi proprji tagħhom minflok b’kontribuzzjonijiet minn membri tal-ikklerjar – jinsab fl-aktar stat sever tiegħu, anke meta jitqiesu r-restrizzjonijiet fuq il-preżenza tal-persunal fl-uffiċċji tas-CCPs. Madankollu, l-eżerċizzju tat-test tal-istress fir-rigward tas-CCPs fl-Unjoni mmexxi mill-Awtorità Ewropea għat-Titoli u s-Swieq wara li faqqgħet il-pandemija tal-COVID-19 ikkonferma r-reżiljenza operazzjonali ġenerali tas-CCPs tal-Unjoni għal xokkijiet komuni u inadempjenzi multipli għal riskji ta’ stress tal-kreditu, tal-likwidità u tal-konċentrazzjoni (4). Barra minn hekk, s’issa ma kien hemm l-ebda evidenza ta’ fallimenti tas-sistema jew tal-proċess. L-effettività tal-miżuri implimentati mis-CCPs biex jiġi mmitigat ir-riskju operazzjonali tissuġġerixxi li ma għadux meħtieġ li s-CCPs jiġu inklużi fil-kamp ta’ applikazzjoni tar-Rakkomandazzjoni BERS/2020/7. |
(4) |
Il-miżuri koperti mir-Rakkomandazzjoni BERS/2020/7 huma ta’ natura temporanja u l-BERS se jkompli jimmonitorja l-implikazzjonijiet tagħhom għall-istituzzjonijiet finanzjarji u l-abbiltà tagħhom li jikkontribwixxu għall-irkupru ekonomiku. Meta jiddeċiedi jekk u meta din ir-Rakkomandazzjoni teħtieġ li tiġi emendata, il-BERS għandu jqis, inter alia, l-iżviluppi makroekonomiċi u d-data ġdida dwar l-istabbiltà tas-sistema finanzjarja. |
(5) |
It-Taqsima 2, Punt 4 tar-Rakkomandazzjoni BERS /2020/7 tipprovdi li l-Bord Ġenerali jista’ jiddeċiedi jekk u meta r-Rakkomandazzjoni BERS/2020/7 teħtieġ li tiġi emendata. Tali emendi jistgħu jinkludu, b’mod partikolari, l-estensjoni tal-perjodu li matulu tapplika r-Rakkomandazzjoni A. |
(6) |
Għalhekk, ir-Rakkomandazzjoni BERS/2020/7 għandha tiġi emendata kif meħtieġ, |
ADOTTA DIN IR-RAKKOMANDAZZJONI:
EMENDI
Ir-Rakkomandazzjoni BERS/2020/7 hija emendata kif ġej:
1. |
fit-Taqsima 1, ir-Rakkomandazzjoni A hija ssostitwita b'dan li ġej: “Rakkomandazzjoni A — Restrizzjoni fuq id-distribuzzjonijiet Huwa rrakkomandat li mill-inqas sat-30 ta’ Settembru 2021 l-awtoritajiet rilevanti jitolbu lill-istituzzjonijiet finanzjarji taħt il-mandat superviżorju tagħhom (*1)biex joqogħdu lura milli jwettqu xi waħda mill-azzjonijiet li ġejjin:
Din ir-Rakkomandazzjoni tapplika fil-livell tal-grupp tal-UE (jew fil-livell individwali fejn l-istituzzjoni finanzjarja ma tkunx parti minn grupp tal-UE), u, fejn xieraq, fil-livell subkonsolidat jew individwali. (*1) Dan ma jinkludix lill-friegħi ta’ istituzzjonijiet finanzjarji.”;" |
2. |
It-Taqsima 2(1)(1) hija emendata kif gej:
|
3. |
FIt-Taqsima 2(3), jiddaħħal il-paragrafu li ġej:
|
4. |
It-Taqsima 2(4) hija mibdula b’li ġej: “4. Skeda ta’ żmien għas-segwitu Skont l-Artikolu 17(1) tar-Regolament (UE) Nru 1092/2010, id-destinatarji jridu jikkomunikaw lill-Parlament Ewropew, lill-Kunsill, lill-Kummissjoni u lill-BERS, l-azzjonijiet li jkunu ħadu b’reazzjoni għal din ir-Rakkomandazzjoni jew jissostanzjaw kull nuqqas ta’ azzjoni. Kull destinatarju huwa meħtieġ li jibgħat rapport dwar l-implimentazzjoni tar-Rakkomandazzjoni A sal-15 ta’ Ottubru 2021.”; |
5. |
It-Taqsima 2(5) hija mibdula b’li ġej: “5. Emendi għal din ir-Rakkomandazzjoni Qabel it-30 ta’ Settembru 2021, il-Bord Ġenerali se jiddeċiedi jekk u meta din ir-Rakkomandazzjoni teħtieġ li tiġi emendata, filwaqt li jitqiesu, fost affarijiet oħrajn, l-iżviluppi makroekonomiċi u data ġdida dwar l-istabbiltà tas-sistema finanzjarja.”; |
6. |
Fit-Taqsima 2(6) dwar “Monitoraġġ u valutazzjoni”, jiżdied il-paragrafu li ġej:
|
7. |
L-Anness bit-titolu “Komunikazzjoni tal-azzjonijiet meħuda bħala b’risposta għal din ir-Rakkomandazzjoni” huwa mħassar. |
Magħmul fi Frankfurt am Main, il-15 ta’ Diċembru 2020.
Il-Kap tas-Segretarjat tal-BERS,
F’isem il-Bord Ġenerali tal-BERS
Francesco MAZZAFERRO
(1) ĠU L 331, 15.12.2010, p. 1.
(3) Ir-Rakkomandazzjoni BERS/2020/7 tal-Bord Ewropew dwar ir-Riskju Sistemiku tas-27 ta’ Mejju 2020 dwar ir-restrizzjoni tad-distribuzzjonijiet matul il-pandemija tal-COVID-19 (ĠU C 212, 26.6.2020, p. 1).
(4) Ara l-istqarrija għall-istampa tal-ESMA: “ESMA’s Third EU-Wide CCP Stress Test Finds System Resilient to Shocks”, disponibbli fuq:https://www.esma.europa.eu/press-news/esma-news/esma%E2%80%99s-third-eu-wide-ccp-stress-test-finds-system-resilient-shocks.
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
25.1.2021 |
MT |
Il-Ġurnal Uffiċjali tal-Unjoni Ewropea |
C 27/5 |
Ebda oppożizzjoni għal konċentrazzjoni notifikata
(Il-Każ M.10037 — Mitsui/Veolia/JV)
(Test b’rilevanza għaż-ŻEE)
(2021/C 27/02)
Fit 19 ta’ Jannar 2021, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32021M10037. Il-EUR-Lex hu l-aċċess fuq l-internet għal-liġi Ewropea. |
25.1.2021 |
MT |
Il-Ġurnal Uffiċjali tal-Unjoni Ewropea |
C 27/6 |
Ebda oppożizzjoni għal konċentrazzjoni notifikata
(Il-Każ M.9995 — Permira Holdings Limited/Neuraxpharm Midco S.C.A.)
(Test b’rilevanza għaż-ŻEE)
(2021/C 27/03)
Fit 4 ta’ Diċembru 2020, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32020M9995. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
il–Kunsill
25.1.2021 |
MT |
Il-Ġurnal Uffiċjali tal-Unjoni Ewropea |
C 27/7 |
Avviż għall-attenzjoni tal-persuni soġġetti għal miżuri restrittivi previsti fid-Deċiżjoni tal-Kunsill 2011/72/PESK, kif emendata bid-Deċiżjoni tal-Kunsill (PESK)2021/55, u fir-Regolament tal-Kunsill (UE) Nru 101/2011, kif implimentat bir-Regolament ta’ Implimentazzjoni tal-Kunsill (UE)2021/49, dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fit-Tuneżija
(2021/C 27/04)
L-informazzjoni li ġejja qed tinġieb għall-attenzjoni tal-persuni li jidhru fl-Anness għad-Deċiżjoni tal-Kunsill 2011/72/PESK (1), kif emendata bid-Deċiżjoni tal-Kunsill (PESK) 2021/55 (2), u fl-Anness I tar-Regolament tal-Kunsill (UE) Nru 101/2011 (3), kif implimentat bir-Regolament ta’ Implimentazzjoni tal-Kunsill (UE) 2021/49 (4).
Il-Kunsill tal-Unjoni Ewropea, wara li analizza l-lista ta’ persuni identifikati, iddeċieda li l-persuni li jidhru fl-Annessi msemmijin hawn fuq għandhom jibqgħu inklużi fil-lista ta’ persuni u entitajiet soġġetti għall-miżuri restrittivi previsti fid-Deċiżjoni 2011/72/PESK u r-Regolament (UE) 101/2011.
Qiegħda tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti elettroniċi fl-Anness II tar-Regolament (UE) Nru. 101/2011, sabiex tinkiseb awtorizzazzjoni biex fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 4 tar-Regolament).
Il-persuni kkonċernati jistgħu jibagħtu talba lill-Kunsill qabel l-1 ta’ Settembru 2021, flimkien mad-dokumentazzjoni ta’ sostenn, biex id-deċiżjoni li jiġu inklużi fil-lista msemmija hawn fuq terġa’ tiġi kkunsidrata, fl-indirizz li ġej:
Council of the European Union |
General Secretariat |
RELEX.1.C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Indirizz elettroniku: sanctions@consilium.europa.eu
Kull osservazzjoni li tasal ser titqies għall-fini tar-rieżami li jmiss tal-Kunsill, skont l-Artikolu 5 tad-Deċiżjoni 2011/72/PESK u l-Artikolu 12(4) tar-Regolament (UE) Nru 101/2011, tal-lista ta’ persuni identifikati.
25.1.2021 |
MT |
Il-Ġurnal Uffiċjali tal-Unjoni Ewropea |
C 27/8 |
Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fid-Deċiżjoni tal-Kunsill 2011/72/PESK u fir-Regolament tal-Kunsill (UE) Nru 101/2011 dwar miżuri restrittivi diretti kontra ċerti persuni, entitajiet u korpi fid-dawl tas-sitwazzjoni fit-Tuneżija
(2021/C 27/05)
Qed tinġibed l-attenzjoni tas-suġġetti tad-data għall-informazzjoni li ġejja f’konformità mal-Artikolu 16 tar-Regolament (UE) 2018/1725 tal-Parlament Ewropew u tal-Kunsill (1).
Il-bażijiet legali għal din l-operazzjoni ta’ pproċessar huma d-Deċiżjoni tal-Kunsill (PESK) 2011/72/PESK (2), kif emendata bid-Deċiżjoni tal-Kunsill (PESK) 2021/55 (3), u r-Regolament tal-Kunsill (UE) Nru 101/2011 (4), kif implimentat bir-Regolament ta’ Implimentazzjoni tal-Kunsill (UE) 2021/49 (5).
Il-kontrollur ta’ din l-operazzjoni ta’ pproċessar hu d-Dipartiment RELEX.1.C fid-Direttorat Ġenerali għall-Affarijiet Barranin, it-Tkabbir u l-Protezzjoni Ċivili - RELEX tas-Segretarjat Ġenerali tal-Kunsill (SĠK), li jista’ jiġi kkuntattjat f’dan l-indirizz:
Council of the European Union |
General Secretariat |
RELEX.1.C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Indirizz elettroniku: sanctions@consilium.europa.eu
L-Uffiċjal tal-Protezzjoni tad-Data tas-SĠK jista’ jiġi kkuntattjat f’dan l-indirizz:
Uffiċjal tal-Protezzjoni tad-Data
data.protection@consilium.europa.eu
L-għan tal-operazzjoni ta’ pproċessar huwa l-istabbiliment u l-aġġornament tal-lista ta’ persuni soġġetti għal miżuri restrittivi f’konformità mad-Deċiżjoni (PESK) 2011/72/PESK, kif emendata bid-Deċiżjoni (PESK) 2021/55, u r-Regolament (UE) Nru 101/2011, kif implimentat bir-Regolament ta’ Implimentazzjoni (UE) 2021/49.
Is-suġġetti tad-data huma l-persuni fiżiċi li jissodisfaw il-kriterji għall-elenkar kif stipulati fid-Deċiżjoni (PESK) 2011/72/PESK u r-Regolament (UE) Nru 101/2011.
Id-data personali miġbura tinkludi data meħtieġa għall-identifikazzjoni tajba tal-persuna kkonċernata, id-dikjarazzjoni tar-raġunijiet u kwalunkwe data oħra relatata ma’ dan.
Id-data personali miġbura tista’ titqassam skont kif ikun meħtieġ lis-Servizz Ewropew għall-Azzjoni Esterna u lill-Kummissjoni.
Mingħajr preġudizzju għar-restrizzjonijiet skont l-Artikolu 25 tar-Regolament (UE) 2018/1725, l-eżerċizzju tad-drittijiet tas-suġġetti tad-data bħad-dritt għal aċċess, kif ukoll id-drittijiet għal rettifika jew għal oġġezzjoni ser jitwettaq f’konformità mar-Regolament (UE) 2018/1725.
Id-data personali ser tinżamm għal 5 snin mill-mument li s-suġġett tad-data jkun tneħħa mil-lista ta’ persuni soġġetti għall-miżuri restrittivi jew il-validità tal-miżura tkun skadiet, jew sakemm ikunu fis-seħħ proċedimenti tal-qorti f’każ li dawn ikunu nbdew.
Mingħajr preġudizzju għal kwalunkwe rimedju ġudizzjarju, amministrattiv jew mhux ġudizzjarju, is-suġġetti tad-data jistgħu jressqu lment quddiem il-Kontrollur Ewropew għall-Protezzjoni tad-Data f’konformità mar-Regolament (UE) 2018/1725 (edps@edps.europa.eu).
(1) ĠU L 295, 21.11.2018, p. 39.
25.1.2021 |
MT |
Il-Ġurnal Uffiċjali tal-Unjoni Ewropea |
C 27/9 |
Avviż għall-attenzjoni ta' persuna li għaliha japplikaw il-miżuri restrittivi previsti fid-Deċiżjoni tal-Kunsill 2011/172/PESK u fir-Regolament tal-Kunsill (UE) Nru 270/2011 dwar miżuri restrittivi fid-dawl tas-sitwazzjoni fl-Eġittu
(2021/C 27/06)
L-informazzjoni li ġejja qed tinġieb għall-attenzjoni tas-Sinjura Elham Sayed Salem Sharshar li tidher fl-Anness għad-Deċiżjoni tal-Kunsill 2011/172/PESK (1) u fl-Anness I għar-Regolament tal-Kunsill (UE) Nru 270/2011 (2) dwar miżuri restrittivi fid-dawl tas-sitwazzjoni fl-Eġittu.
Il-Kunsill irċieva informazzjoni mill-awtoritajiet Eġizzjani li ser tiġi kkunsidrata fil-qafas tar-rieżami annwali tal-miżuri restrittivi. Il-persuna msemmija hawn fuq hija b'dan infurmata li hija tista' tippreżenta talba lill-Kunsill biex tikseb l-elementi li l-Kunsill għandu fil-fajl tiegħu dwar id-deżinjazzjoni tagħha, qabel l-1 ta' Frar 2021, fl-indirizz li ġej:
Kunsill tal-Unjoni Ewropea |
General Secretariat |
RELEX.1.C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Indirizz elettroniku: sanctions@consilium.europa.eu
F'dan ir-rigward, l-attenzjoni tal-persuna kkonċernata qed tinġibed għar-rieżami regolari mill-Kunsill tal-lista ta' persuni ddeżinjati fid-Deċiżjoni 2011/172/PESK u fir-Regolament (UE) Nru 270/2011.
Il-Kummissjoni Ewropea
25.1.2021 |
MT |
Il-Ġurnal Uffiċjali tal-Unjoni Ewropea |
C 27/10 |
Rata tal-kambju tal-euro (1)
It-22 ta' Jannar 2021
(2021/C 27/07)
1 euro =
|
Munita |
Rata tal-kambju |
USD |
Dollaru Amerikan |
1,2158 |
JPY |
Yen Ġappuniż |
126,19 |
DKK |
Krona Daniża |
7,4404 |
GBP |
Lira Sterlina |
0,89045 |
SEK |
Krona Żvediża |
10,0815 |
CHF |
Frank Żvizzeru |
1,0773 |
ISK |
Krona Iżlandiża |
157,00 |
NOK |
Krona Norveġiża |
10,3308 |
BGN |
Lev Bulgaru |
1,9558 |
CZK |
Krona Ċeka |
26,152 |
HUF |
Forint Ungeriż |
357,61 |
PLN |
Zloty Pollakk |
4,5385 |
RON |
Leu Rumen |
4,8740 |
TRY |
Lira Turka |
9,0195 |
AUD |
Dollaru Awstraljan |
1,5770 |
CAD |
Dollaru Kanadiż |
1,5458 |
HKD |
Dollaru ta' Hong Kong |
9,4255 |
NZD |
Dollaru tan-New Zealand |
1,6945 |
SGD |
Dollaru tas-Singapor |
1,6149 |
KRW |
Won tal-Korea t'Isfel |
1 344,48 |
ZAR |
Rand ta' l-Afrika t'Isfel |
18,3810 |
CNY |
Yuan ren-min-bi Ċiniż |
7,8822 |
HRK |
Kuna Kroata |
7,5655 |
IDR |
Rupiah Indoneżjan |
17 140,23 |
MYR |
Ringgit Malażjan |
4,9155 |
PHP |
Peso Filippin |
58,444 |
RUB |
Rouble Russu |
91,1009 |
THB |
Baht Tajlandiż |
36,486 |
BRL |
Real Brażiljan |
6,5765 |
MXN |
Peso Messikan |
24,2345 |
INR |
Rupi Indjan |
88,7670 |
(1) Sors: rata tal-kambju ta' referenza ppubblikata mill-Bank Ċentrali Ewropew.
25.1.2021 |
MT |
Il-Ġurnal Uffiċjali tal-Unjoni Ewropea |
C 27/11 |
Avviż tal-Kummissjoni — L-applikazzjoni tal-acquis farmaċewtiku tal-Unjoni fi swieq li tradizzjonalment jiddependu fuq il-provvista ta’ mediċini minn jew permezz tal-Gran Brittanja wara tmiem il-perjodu ta’ tranżizzjoni
(2021/C 27/08)
DIKJARAZZJONI TA’ ĊAĦDA TA’ RESPONSABBILTÀ
Dan l-avviż ta’ gwida huwa maħsub biex jiffaċilita l-applikazzjoni tal-acquis farmaċewtiku tal-UE fi swieq li tradizzjonalment jiddependu fuq il-provvista ta’ mediċini minn jew permezz tal-Gran Brittanja wara tmiem il-perjodu ta’ tranżizzjoni billi jindikaw kif il-Kummissjoni se tapplika għal din is-sitwazzjoni speċifika d-dispożizzjonijiet rilevanti tad-Direttivi 2001/82, 2001/83, 2001/20 tal-Parlament Ewropew u tal-Kunsill u tar-Regolament Delegat tal-Kummissjoni (UE) 2016/161. Filwaqt li dan l-avviż għandu l-għan li jassisti lill-awtoritajiet u lill-operaturi, hija biss il-Qorti tal-Ġustizzja tal-Unjoni Ewropea li hija kompetenti sabiex tinterpreta l-leġiżlazzjoni tal-Unjoni.
(Dan it-test jissostitwixxi t-test ta’ C(2020) 9264 ippubblikat fil-ĠU C 447, 23.12.2020, p. 10)
Mill-1 ta’ Frar 2020, ir-Renju Unit ħareġ mill-Unjoni Ewropea u sar “pajjiż terz”. (1) Il-Ftehim dwar il-Ħruġ (2) jipprevedi perjodu ta’ tranżizzjoni li jintemm fil-31 ta’ Diċembru 2020. Sa dik id-data, id-dritt tal-Unjoni fl-intier tiegħu japplika għar-Renju Unit u fih (3). Dan jinkludi l-acquis farmaċewtiku tal-Unjoni, b’mod partikolari d-Direttiva 2001/82 tal-Parlament Ewropew u tal-Kunsill (4), id-Direttiva 2001/83 tal-Parlament Ewropew u tal-Kunsill (5), ir-Regolament Delegat tal-Kummissjoni (UE) Nru 2016/161 (6) u l-Artikolu 13 tad-Direttiva 2001/20 tal-Parlament Ewropew u tal-Kunsill (7), li huma ta’ rilevanza għal dan l-Avviż.
Fi tmiem il-perjodu ta’ tranżizzjoni, id-dritt tal-Unjoni ma jibqax japplika għar-Renju Unit. Madankollu, peress li l-Protokoll dwar l-Irlanda u l-Irlanda ta’ Fuq (“il-Protokoll IE/NI”) jibda japplika, parti mil-leġiżlazzjoni tal-Unjoni (inkluż il-leġiżlazzjoni msemmija hawn fuq), il-miżuri ta’ implimentazzjoni, ta’ emenda u ta’ sostituzzjoni tagħha, issir applikabbli għar-Renju Unit u fir-Renju Unit fir-rigward tal-Irlanda ta’ Fuq f’konformità mal-Artikolu 5 (4), l-Anness 2, il-punt 20, tal-Protokoll IE/NI.
F’termini prattiċi, dan ifisser, b’mod partikolari, li:
— |
Il-prodotti mediċinali (fil-kamp ta’ applikazzjoni tal-leġiżlazzjoni msemmija hawn fuq) imqiegħda fis-suq fl-Irlanda ta’ Fuq iridu jikkonformaw mar-rekwiżiti regolatorji stabbiliti fid-dritt tal-Unjoni (ara l-Artikolu 5(4) tal-Protokoll IE/NI, moqri flimkien mal-Anness 2 ta’ dak il-Protokoll); |
— |
Il-prodotti mediċinali jrid ikollhom awtorizzazzjoni għat-tqegħid fis-suq valida fl-UE jew fl-Irlanda ta’ Fuq, li d-detentur tagħha jkun jinsab fl-UE jew fl-Irlanda ta’ Fuq; |
— |
Il-kummerċ fi prodotti mediċinali mill-Gran Brittanja lejn l-Irlanda ta’ Fuq jew lejn l-Unjoni jikkostitwixxi importazzjoni skont it-tifsira tad-dritt tal-Unjoni applikabbli; |
— |
Il-kummerċ fi prodotti mediċinali mill-Unjoni jew mill-Irlanda ta’ Fuq lejn kwalunkwe parti oħra tar-Renju Unit (il-Gran Brittanja) jew kwalunkwe pajjiż terz ieħor jikkostitwixxi esportazzjoni skont it-tifsira tad-dritt tal-Unjoni applikabbli; |
— |
L-awtorizzazzjonijiet maħruġa mill-awtoritajiet tar-Renju Unit, fil-prinċipju, mhumiex validi skont id-dritt tal-Unjoni, iżda jistgħu jiġu rikonoxxuti biss fl-Irlanda ta’ Fuq jekk jiġu adottati f’konformità mad-dritt tal-Unjoni applikabbli (ara l-Artikolu 7(3) tal-Protokoll IE/NI); |
— |
L-istadji kollha fil-provvista ta’ mediċini li jridu jitwettqu fl-Unjoni (eż. rilaxx tal-lott) sabiex jippermettu t-tqegħid fis-suq ta’ prodotti mediċinali f’konformità mad-dritt tal-Unjoni jridu jseħħu fl-ambitu (ġeografiku) tad-dritt tal-Unjoni, jiġifieri fl-Unjoni jew fl-Irlanda ta’ Fuq, u dawk l-azzjonijiet li jistgħu jitwettqu f’pajjiżi terzi biss jistgħu jseħħu fil-Gran Brittanja. |
Il-Kummissjoni u l-Aġenzija Ewropea għall-Mediċini ilhom, mill-2017, attivament ixerrdu l-informazzjoni rilevanti kollha sabiex jiġbdu l-attenzjoni tal-partijiet ikkonċernati rilevanti kollha għall-impatt tal-ħruġ tar-Renju Unit u biex javżawhom dwar il-ħtieġa li jadattaw fil-ħin qabel tmiem il-perjodu ta’ tranżizzjoni. Il-bidliet meħtieġa ġew spjegati b’mod partikolari fl-Avviżi tal-BREXIT kif emendati l-aħħar u ppubblikati fis-7 ta’ Mejju 2020 għall-provi kliniċi (8) u fit-13 ta’ Marzu 2020 għall-prodotti mediċinali (9).
Madankollu, xi swieq li tradizzjonalment kienu jiddependu fuq il-provvista ta’ prodotti mediċinali minn jew permezz tal-Gran Brittanja (Ċipru, l-Irlanda, Malta u l-Irlanda ta’ Fuq) (10), xorta jistgħu jeħtieġu xi żmien addizzjonali biex jadattaw il-ktajjen tal-provvista u jqisu t-tmiem tal-perjodu ta’ tranżizzjoni. F’dak il-kuntest, huwa kruċjali li l-acquis farmaċewtiku tal-Unjoni jiġi implimentat u infurzat b’mod li kemm jipprevjeni l-iskarsezzi ta’ mediċini kif ukoll jiżgura l-livell għoli ta’ protezzjoni tas-saħħa pubblika previst mid-dritt tal-Unjoni.
Il-Kummissjoni identifikat l-isfidi li ġejjin (deskritti hawn taħt) bħala d-diffikultajiet prinċipali għas-swieq imsemmija hawn fuq li tradizzjonalment jiddependu fuq il-provvista ta’ mediċini minn jew permezz tal-Gran Brittanja, biex jikkonformaw mal-acquis farmaċewtiku tal-Unjoni:
1. |
Għadd insuffiċjenti ta’ operaturi li għandhom awtorizzazzjoni tal-manifattura meħtieġa għall-importazzjoni ta’ prodotti mediċinali minn pajjiżi terzi; |
2. |
Diffikultajiet biex jitwettaq l-ittestjar tal-kontroll tal-kwalità (“ittestjar tal-lott”); |
3. |
Diffikultajiet biex jikkonformaw mad-dispożizzjonijiet tad-Direttiva 2001/83/KE u tar-Regolament Delegat tal-Kummissjoni (UE) 2016/161 fir-rigward tal-iffissar u l-verifikazzjoni tal-identifikatur uniku. |
Filwaqt li tirrikonoxxi dawn l-isfidi, u filwaqt li tqis iċ-ċirkostanzi eċċezzjonali tal-pandemija tal-COVID-19, il-Kummissjoni tieħu nota tat-talba, kemm mill-partijiet ikkonċernati privati kif ukoll minn dawk pubbliċi fl-Unjoni u fir-Renju Unit, għal aktar żmien għat-tranżizzjoni lejn il-konformità sħiħa mal-acquis farmaċewtiku tal-Unjoni.
1. L-għadd insuffiċjenti ta’ operaturi li għandhom awtorizzazzjoni tal-manifattura meħtieġa għall-importazzjoni ta’ prodotti mediċinali minn pajjiżi terzi
A. Prodotti mediċinali għall-użu mill-bniedem u prodotti mediċinali veterinarji
Skont l-Artikolu 40(3) tad-Direttiva 2001/83/KE u l-Artikolu 44(3) tad-Direttiva 2001/82/KE, kull min iqiegħed prodotti mediċinali minn pajjiżi terzi fis-suq f’konformità mad-dritt tal-Unjoni (fl-Unjoni jew fl-Irlanda ta’ Fuq) huwa importatur skont it-tifsira tad-dritt tal-Unjoni, u għalhekk irid ikollu awtorizzazzjoni tal-manifattura maħruġa mill-Istat Membru fejn huwa stabbilit l-importatur jew, fil-każ ta’ importaturi stabbiliti fl-Irlanda ta’ Fuq, mir-Renju Unit li jaġixxi fir-rigward tal-Irlanda ta’ Fuq f’konformità mal-Artikoli 41 u 42 tad-Direttiva 2001/83/KE għall-mediċini għall-użu mill-bniedem u/jew f’konformità mal-Artikoli 45 u 46 tad-Direttiva 2001/82/KE għall-mediċini veterinarji. Il-kundizzjonijiet għal tali awtorizzazzjoni tal-manifattura jinkludu, fost l-oħrajn, id-disponibbiltà ta’ persuna kwalifikata fl-Unjoni jew fl-Irlanda ta’ Fuq, l-ispezzjoni tal-manifattur/tal-importatur u l-konformità tiegħu ma’ Prattiki Tajba ta’ Manifattura.
Skont l-Artikoli 118 tad-Direttiva 2001/83/KE u l-Artikolu 84(e) tad-Direttiva 2001/82/KE, l-awtoritajiet kompetenti li japplikaw l-acquis farmaċewtiku tal-Unjoni huma obbligati li jissospendu jew jirrevokaw l-awtorizzazzjoni għat-tqegħid fis-suq ta’ prodott mediċinali meta d-detentur ta’ dik l-awtorizzazzjoni ma jkollux awtorizzazzjoni tal-manifattura valida jew ma jikkonformax ma’ waħda mill-kundizzjonijiet meħtieġa biex jikseb tali awtorizzazzjoni tal-manifattura.
Sabiex l-operaturi f’dawn is-swieq li tradizzjonalment jiddependu fuq il-provvista tal-mediċini mill-Gran Brittanja jingħataw żmien addizzjonali biex jikkonformaw bis-sħiħ mar-rekwiżiti tal-acquis farmaċewtiku tal-Unjoni fiċ-ċirkostanzi eċċezzjonali ta’ pandemija globali, l-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq jistgħu japplikaw il-prattika li ġejja bejn Jannar 2021 u l-31 ta’ Diċembru 2021.
F’dan il-każ, l-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq jippermettu li prodotti mediċinali jiġu importati mill-Gran Brittanja minn bejjiegħa bl-ingrossa li ma jkollhomx awtorizzazzjoni tal-manifattura kif meħtieġ mill-Artikolu 40 tad-Direttiva 2001/83/KE u mill-Artikolu 44 tad-Direttiva 2001/82; u ma jissospendux jew ma jirrevokawx l-awtorizzazzjonijiet għat-tqegħid fis-suq ta’ dawk il-prodotti mediċinali kif meħtieġ mill-Artikoli 118 tad-Direttiva 2001/83 u mill-Artikolu 84(e) tad-Direttiva 2001/82, dment li jiġu ssodisfati l-kundizzjonijiet li ġejjin:
— |
Il-prodotti mediċinali fornuti minn jew permezz tal-Gran Brittanja u mqiegħda fis-suq f’konformità mad-dritt tal-Unjoni (jiġifieri importati fl-Unjoni jew fl-Irlanda ta’ Fuq) ikunu għaddew minn ittestjar tal-kontroll tal-kwalità (“ittestjar tal-lott” (11)) fl-Unjoni, kif previst fl-Artikolu 51(3) tad-Direttiva 2001/83/KE għal prodotti mediċinali għall-użu mill-bniedem u fl-Artikolu 44(3) tad-Direttiva 2001/82/KE għall-prodotti mediċinali veterinarji, jew fil-Gran Brittanja f’konformità mal-Artikolu 20(b) tad-Direttiva 2001/83/KE għal prodotti mediċinali għall-użu mill-bniedem u mal-Artikolu 24b tad-Direttiva 2001/82/KE għall-prodotti mediċinali veterinarji (ara t-Taqsima 2 ta’ dan l-Avviż); |
— |
Il-prodotti mediċinali fornuti minn jew permezz tal-Gran Brittanja u mqiegħda fis-suq f’konformità mad-dritt tal-Unjoni (jiġifieri importati fl-Unjoni jew fl-Irlanda ta’ Fuq) kienu soġġetti għal rilaxx tal-lott minn Persuna Kwalifikata (QP) fl-Unjoni jew minn QP fir-Renju Unit li japplika standards ta’ kwalità ekwivalenti għal dawk stabbiliti fid-dritt tal-Unjoni, biex b’hekk jiġi żgurat livell ekwivalenti ta’ protezzjoni tas-saħħa tal-bniedem; |
— |
L-operatur li jqiegħed fis-suq prodotti mediċinali fornuti minn jew permezz tal-Gran Brittanja f’konformità mad-dritt tal-Unjoni (fl-Unjoni jew fl-Irlanda ta’ Fuq) ikollu awtorizzazzjoni għad-distribuzzjoni, maħruġa qabel tmiem il-perjodu ta’ tranżizzjoni, f’konformità mal-Artikolu 77(1) tad-Direttiva 2001/83/KE għall-prodotti mediċinali għall-użu mill-bniedem u/jew mal-Artikolu 65(1) tad-Direttiva 2001/82/KE għall-prodotti mediċinali veterinarji; |
— |
L-awtorizzazzjoni għat-tqegħid fis-suq tal-prodott mediċinali kkonċernat tkun inħarġet, abbażi tad-dritt tal-Unjoni u f’konformità miegħu, mill-awtorità kompetenti ta’ Stat Membru tal-UE jew mill-Kummissjoni jew, fir-rigward ta’ prodotti mediċinali mqiegħda fis-suq fl-Irlanda ta’ Fuq, mill-awtorità kompetenti tar-Renju Unit; |
— |
Il-prodotti mediċinali fornuti minn jew permezz tal-Gran Brittanja jitqiegħdu għad-dispożizzjoni tal-konsumatur finali fl-istess suq li tradizzjonalment jiddependi fuq il-provvista ta’ mediċini mill-Gran Brittanja fejn jiġu importati, u ma jsirux disponibbli fi Stati Membri oħra tal-UE. |
L-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq f’dan il-każ jirrapportaw ukoll lill-Kummissjoni, fuq bażi ta’ kull xahar, fir-rigward tal-progress li sar mid-distributuri bl-ingrossa li jimportaw prodotti mediċinali fl-issodisfar tal-kundizzjonijiet meħtieġa biex jiksbu awtorizzazzjoni tal-manifattura stabbilita fl-Artikolu 41 tad-Direttiva 2001/83/KE u fl-Artikolu 45 tad-Direttiva 2001/82/KE, inkluż, b’mod partikolari, il-konklużjoni minn dawk id-distributuri bl-ingrossa ta’ relazzjonijiet kuntrattwali ma’ persuni kwalifikati fl-Unjoni.
B. Prodotti mediċinali investigattivi
Skont l-Artikolu 13 tad-Direttiva 2001/20/KE, it-tqegħid fis-suq ta’ prodotti mediċinali investigattivi minn pajjiżi terzi f’konformità mad-dritt tal-Unjoni jeħtieġ ukoll li l-importatur ikollu awtorizzazzjoni tal-manifattura. Wara t-tmiem tal-perjodu ta’ tranżizzjoni, dan japplika wkoll għall-provvista ta’ prodotti mediċinali investigattivi minn jew permezz tal-Gran Brittanja f’Ċipru, fl-Irlanda, f’Malta u fl-Irlanda ta’ Fuq. B’mod simili għar-rekwiżiti għall-awtorizzazzjonijiet tal-manifattura skont l-Artikolu 41 tad-Direttiva 2001/83 u skont l-Artikolu 44 tad-Direttiva 2001/82, l-Artikolu 13(2) tad-Direttiva 2001/20/KE jeħtieġ ukoll li d-detentur ta’ din l-awtorizzazzjoni tal-manifattura jkollu, b’mod permanenti u kontinwu, għad-dispożizzjoni tiegħu s-servizzi ta’ mill-inqas persuna kwalifikata waħda fil-kamp ta’ applikazzjoni tad-dritt tal-Unjoni, jiġifieri fl-Unjoni jew fl-Irlanda ta’ Fuq.
Sabiex l-operaturi f’dawn is-swieq li tradizzjonalment jiddependu fuq il-provvista tal-mediċini mill-Gran Brittanja jingħataw żmien addizzjonali biex jikkonformaw bis-sħiħ mar-rekwiżiti tal-acquis farmaċewtiku tal-Unjoni fiċ-ċirkostanzi eċċezzjonali ta’ pandemija globali, l-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq jistgħu japplikaw il-prattika li ġejja bejn Jannar 2021 u l-31 ta’ Diċembru 2021 fir-rigward tal-prodotti mediċinali investigattivi.
F’dan il-każ, l-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq jippermettu li prodotti mediċinali investigattivi jiġu importati mill-Gran Brittanja minn siti tal-provi kliniċi jew sponsors li ma jkollhomx awtorizzazzjoni tal-manifattura kif meħtieġ mill-Artikolu 13 tad-Direttiva 2001/20/KE, dment li jiġu ssodisfati l-kundizzjonijiet li ġejjin:
— |
Il-prodotti mediċinali fornuti minn jew permezz tal-Gran Brittanja u approvati għall-użu f’konformità mad-dritt tal-Unjoni (jiġifieri importati fl-UE jew fl-Irlanda ta’ Fuq) ikunu għaddew minn rilaxx tal-lott fl-Unjoni, kif previst fl-Artikolu 13(3) tad-Direttiva 2001/20, jew fil-Gran Brittanja f’konformità mal-Artikolu 13(3) tad-Direttiva 2001/20/KE; |
— |
Il-prodotti mediċinali fornuti minn jew permezz tal-Gran Brittanja jitqiegħdu għad-dispożizzjoni tal-konsumatur finali fl-istess suq li tradizzjonalment jiddependi fuq il-provvista ta’ mediċini mill-Gran Brittanja fejn jiġu importati, u ma jsirux disponibbli fi Stati Membri oħra tal-UE. |
L-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq f’dan il-każ jirrapportaw ukoll lill-Kummissjoni, fuq bażi ta’ kull xahar, fir-rigward tal-progress li jkun sar mill-operaturi li jimportaw prodotti mediċinali investigattivi fl-issodisfar tal-kundizzjonijiet meħtieġa biex jiksbu awtorizzazzjoni tal-manifattura skont l-Artikolu 13 tad-Direttiva 2001/20/KE, inkluż, b’mod partikolari, il-konklużjoni minn dawk l-operaturi ta’ relazzjonijiet kuntrattwali ma’ persuni kwalifikati fl-Unjoni .
2. L-ittestjar tal-lott ta’ prodotti mediċinali għall-użu mill-bniedem u ta’ prodotti mediċinali veterinarji
Skont l-Artikolu 51(1)(b) tad-Direttiva 2001/83/KE u skont l-Artikolu 55(1)(b) tad-Direttiva 2001/82/KE, il-prodotti mediċinali importati fl-UE jridu jgħaddu minn ittestjar tal-kontroll tal-kwalità (“ittestjar tal-lott”) fl-UE/fiż-ŻEE. Ir-rekwiżit ta’ sit għar-rilaxx tal-lott stabbilit fl-Unjoni huwa pilastru fundamentali tas-sistema tal-Unjoni li tiżgura l-kwalità tal-prodotti mediċinali li jitqiegħdu fis-suq tal-Unjoni. Madankollu, fir-rigward tal-ittestjar tal-kontroll tal-kwalità, jista’ jkun hemm raġunijiet oġġettivi lil hinn mill-kontroll tad-detenturi tal-awtorizzazzjoni għat-tqegħid fis-suq li setgħu evitaw it-trasferiment f’waqtu ta’ tali attivitajiet ta’ ttestjar li jridu jitwettqu fl-Unjoni jew fl-Irlanda ta’ Fuq sa tmiem il-perjodu ta’ tranżizzjoni.
F’dawn il-każijiet, l-Artikolu 20(b) tad-Direttiva 2001/83/KE u l-Artikolu 24(b) tad-Direttiva 2001/82/KE jippermettu li l-importaturi li jqiegħdu fis-suq prodotti mediċinali fornuti minn jew permezz tal-Gran Brittanja f’Ċipru, fl-Irlanda, f’Malta jew fl-Irlanda ta’ Fuq jew distributuri bl-ingrossa li jqiegħdu tali prodotti mediċinali f’dawk is-swieq kif deskritt fit-Taqsima 1 hawn fuq, ikollhom, f’każijiet ġustifikabbli, ċerti kontrolli mwettqa fil-Gran Brittanja. Filwaqt li tqis iċ-ċirkostanzi eċċezzjonali deskritti f’dan l-Avviż, il-Kummissjoni tqis li “każ ġustifikabbli” skont it-tifsira tal-Artikolu 20(b) tad-Direttiva 2001/83/KE u tal-Artikolu 24(b) tad-Direttiva 2001/82/KE jseħħ meta jiġu ssodisfati l-kundizzjonijiet li ġejjin:
— |
Kull lott tal-prodott mediċinali kkonċernat jiġi rilaxxat minn persuna kwalifikata (QP) f’sit fl-UE jew minn QP f’sit fir-Renju Unit li japplika standards ta’ kwalità ekwivalenti għal dawk stabbiliti fid-dritt tal-Unjoni, biex b’hekk jiġi żgurat livell ekwivalenti ta’ protezzjoni tas-saħħa tal-bniedem jew tal-annimali, f’każijiet li jaqgħu taħt it-Taqsima 1 hawn fuq; |
— |
L-istabbiliment maħtur mill-parti terza li jwettaq l-ittestjar tal-kontroll tal-kwalità huwa ssorveljat minn awtorità kompetenti, inkluż verifiki fuq il-post. Jintwera progress konkret lejn it-trasferiment tas-sit tal-ittestjar tal-kontroll tal-kwalità lejn l-Unjoni jew lejn l-Irlanda ta’ Fuq. B’mod partikolari, is-sit tal-ittestjar tal-lott għandu jiġi stabbilit fi żmien perjodu ta’ tnax-il xahar wara tmiem il-perjodu ta’ tranżizzjoni, sa mhux aktar tard mill-31 ta’ Diċembru 2021. |
Sabiex isir użu mid-deroga prevista fl-Artikolu 20(b) tad-Direttiva 2001/83/KE għall-prodotti mediċinali għall-użu mill-bniedem u fl-Artikolu 24(b) tad-Direttiva 2001/82/KE għall-prodotti mediċinali veterinarji, id-detenturi tal-awtorizzazzjoni għat-tqegħid fis-suq għandhom jinnotifikaw lill-awtorità kompetenti li tat l-awtorizzazzjoni għat-tqegħid fis-suq tal-prodott ikkonċernat (Ċipru, l-Irlanda, Malta jew l-Irlanda ta’ Fuq), filwaqt li jispeċifikaw li – u għaliex fil-fehma tagħhom – il-kriterji ta’ hawn fuq ta’ “każ ġustifikabbli” skont it-tifsira tal-Artikolu 20(b) tad-Direttiva 2001/83, u tal-Artikolu 24(b) tad-Direttiva 2001/82, huma ssodisfati. L-awtoritajiet kompetenti għat-tqegħid fis-suq tal-prodotti mediċinali tal-bniedem u prodotti mediċinali veterinarji fl-Irlanda ta’ Fuq, huma l-MHRA u l-VMD rispettivament. Għall-prodotti awtorizzati ċentralment, il-kumpaniji għandhom jikkuntattjaw lill-Aġenzija Ewropea għall-Mediċini.
Kwalunkwe notifika bħal din għandha tiġi ppreżentata mingħajr dewmien żejjed u għandha tasal kemm jista’ jkun malajr wara tmiem il-perjodu ta’ tranżizzjoni, u fl-ebda każ mhux aktar tard mit-30 ta’ Jannar 2021.
3. Ir-rekwiżiti relatati mal-iffissar tal-identifikatur uniku għall-prodotti mediċinali għall-użu mill-bniedem
Peress li l-Protokoll IE/NI jagħmel id-Direttiva 2001/83 applikabbli għar-Renju Unit u fir-Renju Unit fir-rigward tal-Irlanda ta’ Fuq fil-verżjoni attwali tiegħu, il-karatteristiki tas-sigurtà (jiġifieri l-apparat kontra t-tbagħbis u l-identifikatur uniku) stabbiliti fl-Artikoli 54 (o) u 54a (1) tad-Direttiva 2001/83/KE japplikaw ukoll għal prodotti mediċinali mqiegħda fis-suq fl-Irlanda ta’ Fuq. Mingħajr preġudizzju għall-applikazzjoni ta’ din il-leġiżlazzjoni tal-Unjoni għar-Renju Unit u fir-Renju Unit fir-rigward tal-Irlanda ta’ Fuq, it-tqegħid fis-suq ta’ prodotti mediċinali fi kwalunkwe parti oħra tar-Renju Unit għajr l-Irlanda ta’ Fuq mhux se jeħtieġ l-użu ta’ dawn il-karatteristiki tas-sigurtà, bħall-identifikatur uniku, previst fid-dritt tal-Unjoni.
Dan ifisser li, mill-1 ta’ Jannar 2021, pakketti ta’ mediċini destinati għall-Gran Brittanja għandhom ikunu separati minn pakketti destinati għal Ċipru, għall-Irlanda, għal Malta jew għall-Irlanda ta’ Fuq – anke fil-każ li r-rotta tal-provvista tgħaddi mill-Gran Brittanja. Bħal fil-każ ta’ kwalunkwe prodott mediċinali li jitqiegħed fis-suq fl-Unjoni, l-informazzjoni tal-pakketti Ċiprijotti, Irlandiżi, Maltin u Irlandiżi ta’ Fuq jeħtieġ li tittella’ fil-hub Ewropew, jew fis-sistemi ta’ repożitorju tat-territorji rispettivi, iżda mhux l-informazzjoni tal-pakketti b’destinazzjoni finali fi kwalunkwe parti oħra tar-Renju Unit għajr l-Irlanda ta’ Fuq (il-Gran Brittanja).
Fir-rigward tal-pakketti esportati mill-Unjoni lejn kwalunkwe pajjiż terz bħar-Renju Unit, l-Artikolu 22 tar-Regolament Delegat tal-Kummissjoni (UE) 2016/161 jobbliga lill-operatur ekonomiku li jesporta l-prodotti mediċinali jiddekummissjona kwalunkwe identifikatur uniku li jista’ jkun diġà twaħħal mal-pakkett qabel l-esportazzjoni.
Meta l-prodotti mediċinali jiġu fornuti, permezz tal-Gran Brittanja, lil Ċipru, lill-Irlanda, lil Malta jew lill-Irlanda ta’ Fuq, imbagħad, fil-prinċipju, ikun f’idejn l-importatur li jkollu awtorizzazzjoni tal-manifattura li jwaħħal identifikatur uniku ġdid fuq il-prodotti mediċinali inkwistjoni meta dawn jitqiegħdu fis-suq (ara l-Artikolu 4 tar-Regolament Delegat tal-Kummissjoni (UE) 2016/161). Madankollu, bħalissa ma hemm l-ebda importatur li għandu awtorizzazzjoni tal-manifattura li tinsab f’Ċipru, fl-Irlanda, f’Malta u fl-Irlanda ta’ Fuq bil-kapaċità li jissodisfa l-obbligu li jwaħħal identifikatur uniku ġdid kif meħtieġ mid-dritt tal-Unjoni mill-1 ta’ Jannar 2021 sabiex il-konformità tkun prattikament impossibbli. Fl-istess ħin, għandu jiġi evitat li l-prodotti mediċinali mingħajr il-karatteristiki tas-sigurtà jitħallew fis-suq tal-Unjoni, biex b’hekk jiġi żgurat livell għoli ta’ protezzjoni tas-saħħa pubblika u tiġi evitata l-preżenza fl-Unjoni ta’ prodotti mediċinali falsifikati.
Għalhekk, il-Kummissjoni biħsiebha temenda l-Artikolu 22 tar-Regolament Delegat tal-Kummissjoni (UE) 2016/161 biex tindirizza din is-sitwazzjoni.
L-operaturi ekonomiċi responsabbli mill-esportazzjoni tal-prodotti mediċinali (imqiegħda fis-suq fl-Unjoni, esportati lejn il-Gran Brittanja u mbagħad importati f’Ċipru, fl-Irlanda, f’Malta jew fl-Irlanda ta’ Fuq) mill-Unjoni lejn il-Gran Brittanja mbagħad ma jibqgħux obbligati jiddekummissjonaw l-identifikatur uniku f’konformità mal-Artikolu 22 tar-Regolament Delegat tal-Kummissjoni (UE) 2016/161.
Skont dan l-approċċ, l-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq jippermettu l-importazzjoni ta’ prodotti mediċinali mill-Gran Brittanja b’identifikaturi uniċi mhux dekummissjonati dment li jiġu ssodisfati l-kundizzjonijiet li ġejjin:
— |
id-distributur bl-ingrossa jew id-detentur tal-awtorizzazzjoni għat-tqegħid fis-suq stabbilit fl-Unjoni u li huwa responsabbli għall-esportazzjoni tal-prodott mediċinali lejn ir-Renju Unit ikun ivverifika l-identifikatur uniku mar-repożitorju Ewropew jew mas-sistema tar-repożitorju nazzjonali; |
— |
id-distributur bl-ingrossa li jimporta l-prodott fl-Irlanda ta’ Fuq, fl-Irlanda, f’Ċipru jew f’Malta jkun ivverifika l-identifikatur uniku mar-repożitorju Ewropew jew mas-sistema tar-repożitorju nazzjonali. |
L-awtoritajiet kompetenti tal-Irlanda, ta’ Malta, ta’ Ċipru u tar-Renju Unit fir-rigward tal-Irlanda ta’ Fuq f’dan il-każ jirrapportaw ukoll lill-Kummissjoni, fuq bażi ta’ kull xahar, fir-rigward tal-progress li sar mid-distributuri bl-ingrossa li jimportaw prodotti mediċinali fl-issodisfar tal-obbligi skont id-Direttiva 2001/83 u skont ir-Regolament Delegat tal-Kummissjoni (UE) 2016/161 relatati mal-iffissar tal-identifikatur uniku.
(1) Pajjiż terz huwa pajjiż mhux membru tal-UE.
(2) Il-Ftehim dwar il-ħruġ tar-Renju Unit tal-Gran Brittanja u l-Irlanda ta’ Fuq mill-Unjoni Ewropea u mill-Komunità Ewropea tal-Enerġija Atomika (ĠU L 29, 31.1.2020, p. 7) (“Il-Ftehim dwar il-Ħruġ”).
(3) Soġġett għal ċerti eċċezzjonijiet previsti fl-Artikolu 127 tal-Ftehim dwar il-Ħruġ, li l-ebda waħda minnhom ma hija rilevanti fil-kuntest ta’ dan l-avviż.
(4) Id-Direttiva tal-Parlament Ewropew u tal-Kunsill 2001/82/KE tas-6 ta’ Novembru 2001 dwar il-kodiċi tal-Komunità rigward il-prodotti mediċinali veterinarji (ĠU L 311, 28.11.2001, p. 1).
(5) Id-Direttiva 2001/83/KE tal-Parlament Ewropew u tal-Kunsill tas-6 ta’ Novembru 2001 dwar il-kodiċi tal-Komunità li għandu x’jaqsam ma’ prodotti mediċinali għall-użu mill-bniedem (ĠU L 311, 28.11.2001, p. 67).
(6) Ir-Regolament Delegat tal-Kummissjoni (UE) 2016/161 tat-2 ta’ Ottubru 2015 li jissupplimenta lid-Direttiva 2001/83/KE tal-Parlament Ewropew u tal-Kunsill billi jistabbilixxi r-regoli dettaljati dwar il-karatteristiki tas-sigurtà li jkunu jidhru fuq il-pakketti tal-prodotti mediċinali għall-użu mill-bniedem, (ĠU L 32, 9.2.2016, p. 1).
(7) Id-Direttiva 2001/20/KE tal-Parlament Ewropew u tal-Kunsill tal-4 ta’ April 2001 dwar l-approssimazzjoni tal-liġijiet, regolamenti u dispożizzjonijiet amministrattivi tal-Istati Membri li jirrelataw għall-implimentazzjoni ta’ prattika korretta ta’ klinika fit-twettiq ta’ provi kliniċi fuq prodotti mediċinali għall-użu mill-bniedem (ĠU L 121, 1.5.2001, p. 34).
(8) https://ec.europa.eu/info/sites/info/files/brexit_files/info_site/clinical-trials_en.pdf
(9) https://www.ema.europa.eu/en/documents/regulatory-procedural-guideline/notice-stakeholders-withdrawal-united-kingdom-eu-rules-medicinal-products-human-use-veterinary_en.pdf
(10) Dawn l-Istati Membri huma identifikati f’dan l-Avviż minħabba d-dipendenza tradizzjonali tagħhom fuq is-suq tar-Renju Unit għall-provvista tagħhom ta’ prodotti mediċinali u l-fatt li proporzjon kbir tal-importazzjonijiet tagħhom ta’ prodotti mediċinali ġej mir-Renju Unit.
(11) Skont l-Artikolu 51(1)(b) tad-Direttiva 2001/83/KE u l-Artikolu 55(1)(b) tad-Direttiva 2001/82/KE, il-prodotti mediċinali importati fl-UE jridu jgħaddu minn ittestjar tal-kontroll tal-kwalità (“ittestjar tal-lott”) fl-UE/fiż-ŻEE. Dawn id-dispożizzjonijiet jippreskrivu li fil-każ ta’ prodotti mediċinali li jkunu ġejjin minn pajjiżi terzi, irrispettivament jekk il-prodott kienx ġie manifatturat fl-Unjoni, fi Stat Membru kull lott ta’ produzzjoni jkun għadda minn analiżi sħiħa kwalitattiva, minn analiżi kwantitattiva tal-anqas tas-sustanzi attivi kollha u mit-testijiet u l-verifiki l-oħra kollha meħtieġa għall-iżgurar tal-kwalità tal-prodotti mediċinali f’konformità mar-rekwiżiti tal-awtorizzazzjoni għat-tqegħid fis-suq.
INFORMAZZJONI MILL-ISTATI MEMBRI
25.1.2021 |
MT |
Il-Ġurnal Uffiċjali tal-Unjoni Ewropea |
C 27/17 |
Komunikazzjoni mill-Gvern tar-Repubblika tal-Polonja li tikkonċerna d-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni tal-idrokarburi
(2021/C 27/09)
Avviż tal-applikazzjoni ta’ konċessjoni għall-prospettar u għall-esplorazzjoni ta’ depożiti taż-żejt u tal-gass naturali u għall-estrazzjoni taż-żejt u tal-gass naturali fiz-żona ta’ Toruń
TAQSIMA I: BAŻI ĠURIDIKA
1. |
L-Artikolu 49ec(2) tal-Att tal-Liġi dwar il-Ġeoloġija u l-Estrazzjoni tad-9 ta’ Ġunju 2011 (Il-Ġurnal tal-Liġijiet (Dziennik Ustaw) 2020, il-punt 1064, kif emendat) |
2. |
Id-Direttiva 94/22/KE tal-Parlament Ewropew u tal-Kunsill tat-30 ta’ Mejju 1994 dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi( ĠU L 164, 30.06.1994, p. 3; Edizzjoni speċjali fil-Pollakk: Kapitolu 6, Volum 2, p. 262) |
TAQSIMA II: ENTITÀ LI QED ISSEJJAĦ GĦALL-OFFERTI
Isem: Il-Ministeru tal-Klima u l-Ambjent
Indirizz postali: ul. Wawelska 52/54, 00-922 Varsavja, il-Polonja
Tel. +48 223692449; Fax +48 223692460
Sit web: www.gov.pl/web/klimat
TAQSIMA III: SUĠĠETT TAL-PROĊEDURA
1. Informazzjoni dwar is-sottomissjoni tal-applikazzjonijiet ta’ konċessjoni
Ġiet sottomessa applikazzjoni għal konċessjoni għall-prospettar u għall-esplorazzjoni ta’ depożiti taż-żejt u tal-gass naturali u għall-estrazzjoni taż-żejt u tal-gass naturali fiż-żona ta’ Toruń mill-awtorità ta’ konċessjoni.
2. Tip ta’ attivitajiet li għalihom għandha tingħata l-konċessjoni
Konċessjoni għall-prospettar u għall-esplorazzjoni ta’ depożiti taż-żejt u tal-gass naturali u għall-estrazzjoni taż-żejt u tal-gass naturali fiż-żona ta’ Toruń, partijiet tal-blokok tal-konċessjoni Nri 130, 150, 151 u 170.
3. Żona li fiha għandhom jitwettqu l-attivitajiet
Il-konfini taż-żona huma ddefiniti permezz tal-linji li jgħaqqdu l-punti bil-koordinati li ġejjin fis-sistema ta’ koordinati PL-1992:
Nru. |
X [PL-1992] |
Y [PL-1992] |
1 |
574 011,35 |
479 951,87 |
2 |
565 920,17 |
481 493,97 |
3 |
559 928,32 |
488 554,90 |
4 |
582 994,15 |
508 172,79 |
5 |
600 078,37 |
489 977,74 |
6 |
598 060,30 |
488 135,90 |
7 |
580 011,73 |
471 696,47 |
Iż-żona tas-superfiċje tal-projezzjoni vertikali taż-żona hija ta’ 721,80 km2.
Post amministrattiv:
Provinċja ta’ Kujawsko-pomorskie;
Distrett urban ta’ Toruń: Il-muniċipalità urbana ta’ Toruń;
Distrett ta’ Toruń: il-muniċipalitajiet rurali ta’ Chełmża, Lubicz, Łysomice u Obrowo;
Distrett ta’ Golub-Dobrzyń: il-muniċipalità urbana ta’ Golub-Dobrzyń; il-muniċipalitajiet rurali ta’ Ciechocin, Golub-Dobrzyń u Kowalewo Pomorskie;
Distrett ta’ Wąbrzeźno: Il-muniċipalità rurali ta’ Ryńsk.
4. Skadenza għas-sottomissjoni tal-applikazzjonijiet ta’ konċessjoni minn entitajiet oħra interessati fl-attività li għaliha trid tingħata l-konċessjoni, mhux inqas minn 90 jum mid-data ta’ pubblikazzjoni tal-avviż f’Il-Ġurnal Uffiċjali tal-Unjoni Ewropea
L-applikazzjonijiet għal konċessjoni jridu jiġu sottomessi lill-Ministeru tal-Ambjent sa mhux iktar tard min-nofsinhar (12:00) (CET/CEST) tal-aħħar jum tal-perjodu ta’ 90 jum li jibda mill-għada tad-data tal-pubblikazzjoni tal-avviż f’Il-Ġurnal Uffiċjali tal-Unjoni Ewropea.
5. Kriterji ta’ valutazzjoni għall-applikazzjonijiet għal konċessjoni u speċifikazzjoni tal-ponderazzjoni tagħhom stabbilita b’kunsiderazzjoni xierqa tal-Artikolu 49k(1), (1a) u (3) tal-Att tal-Liġi dwar il-Ġeoloġija u l-Estrazzjoni
L-applikazzjonijiet riċevuti se jiġu vvalutati fuq il-bażi tal-kriterji li ġejjin:
30% |
— |
il-kamp ta’ applikazzjoni u l-iskeda tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet ta’ estrazzjoni proposti; |
20% |
— |
l-ambitu u l-iskeda tal-ġbir obbligatorju ta’ kampjuni miksuba matul l-operazzjonijiet ġeoloġiċi, inklużi l-massi ċilindriċi tat-tħaffir; |
20% |
— |
il-kapaċitajiet finanzjarji li joffru garanzija adegwata li l-attivitajiet marbuta rispettivament mal-prospettar u mal-esplorazzjoni tad-depożiti tal-idrokarburi u mal-estrazzjoni tal-idrokarburi se jitwettqu, u b’mod partikolari s-sorsi u l-metodi ta’ finanzjament tal-attivitajiet maħsuba, inkluż is-sehem tal-fondi proprji u l-finanzjament estern; |
20% |
— |
it-teknoloġija proposta għat-twettiq tax-xogħlijiet ġeoloġiċi, inklużi l-operazzjonijiet ġeoloġiċi jew l-operazzjonijiet ta’ estrazzjoni; |
5% |
— |
il-kapaċitajiet tekniċi għall-prospettar u għall-esplorazzjoni, rispettivament, ta’ depożiti tal-idrokarburi u għall-estrazzjoni tal-idrokarburi, u b’mod partikolari d-disponibbiltà tal-potenzjal tekniku, organizzattiv, loġistiku u tar-riżorsi umani xieraq (inkluż 2% għall-kollaborazzjoni, fir-rigward tal-iżvilupp u tal-implimentazzjoni ta’ soluzzjonijiet innovattivi għall-prospettar, għall-esplorazzjoni u għall-estrazzjoni ta’ idrokarburi, flimkien ma’ korpi xjentifiċi attivi fir-riċerka tal-ġeoloġija tal-Polonja, u ta’ għodod, teknoloġiji u metodi analitiċi għall-prospettar ta’ depożiti tal-idrokarburi li jqisu l-ispeċifiċità tal-kundizzjonijiet ġeoloġiċi Pollakki u li jistgħu jiġu applikati f’dawk il-kundizzjonijiet, inklużi fil-lista ta’ korpi xjentifiċi attivi msemmija fl-Artikolu 49k(1) tal-Att tal-Liġi dwar il-Ġeoloġija u l-Estrazzjoni). |
5% |
— |
l-esperjenza fil-prospettar u fl-esplorazzjoni tad-depożiti tal-idrokarburi jew fl-estrazzjoni tal-idrokarburi, l-iżgurar ta’ operazzjoni sikura, il-protezzjoni tal-ħajja u tas-saħħa tal-bnedmin u tal-annimali, u l-ħarsien tal-ambjent. |
Jekk, wara l-evalwazzjoni tal-applikazzjonijiet abbażi tal-kriterji speċifikati hawn fuq, żewġ offerti jew aktar jiksbu l-istess riżultat, l-ammont tat-tariffa għall-istabbiliment ta’ drittijiet ta’ użufrutt minerarju dovuti matul il-fażi tal-prospettar u tal-esplorazzjoni se jintuża bħala kriterju addizzjonali li jippermetti li ssir għażla finali bejn l-offerti kkonċernati.
TAQSIMA IV: INFORMAZZJONI ADDIZZJONALI
IV.1) L-applikazzjonijiet għandhom jintbagħtu fl-indirizz li ġej
Ministerstwo Klimatu i Środowiska [Il-Ministeru tal-Klima u l-Ambjent] |
Departament Geologii i Koncesji Geologicznych [Dipartiment tal-Ġeoloġija u tal-Konċessjonijiet Ġeoloġiċi] |
ul. Wawelska 52/54 |
00-922 Varsavja |
Il-Polonja |
IV.2) L-informazzjoni tista’ tinkiseb
— |
mis-sit web tal-Ministeru tal-Klima u l-Ambjent: https://www.gov.pl/web/klimat |
— |
mid-Departament Geologii i Koncesji Geologicznych [Dipartiment tal-Ġeoloġija u tal-Konċessjonijiet Ġeoloġiċi]
Tel. +48 225792449, Faks +48 225792460 Posta elettronika: sekretariat.dgk@srodowisko.gov.pl |
IV.3) Deċiżjoni ta’ kwalifika
L-applikazzjonijiet ta’ konċessjoni jistgħu jiġu sottomessi minn entitajiet li fir-rigward tagħhom inħarġet deċiżjoni li tikkonferma l-eżitu pożittiv ta’ proċedura ta’ kwalifika, kif previst fl-Artikolu 49a(17) tal-Att tal-Liġi dwar il-Ġeoloġija u l-Estrazzjoni.
IV.4) Tariffa minima għall-istabbiliment tad-drittijiet ta’ użufrutt minerarju
L-ammont minimu tat-tariffa għall-istabbiliment ta’ drittijiet ta’ użufrutt minerarju għaż-żona ta’ Toruń tul il-perjodu ta’ bażi ta’ ħames snin għall-fażi tal-prospettar u tal-esplorazzjoni hu ta’ PLN 165 400,47 (mija u ħamsa u sittin elf u erba’ mitt zloty, sebgħa u erbgħin grosz) kull sena. It-tariffa annwali għall-istabbiliment ta’ drittijiet ta’ użufrutt minerarju għall-fini ta’ prospettar u ta’ esplorazzjoni ta’ minerali huwa indiċizzat mal-indiċijiet tal-prezzijiet annwali medji tal-konsumatur stabbiliti b’mod kumulattiv għall-perjodu mill-konklużjoni tal-ftehim sas-sena ta’ qabel id-data għall-ħlas tat-tariffa, kif imħabbar mill-President tal-Uffiċċju Ċentrali tal-Istatistika fil-Monitor Polski (Il-Gazzetta Uffiċjali).
IV.5) Għoti tal-konċessjonijiet u l-istabbiliment ta’ użufrutt minerarju
L-awtorità ta’ konċessjoni, wara li tkun kisbet l-opinjonijiet jew il-ftehimiet meħtieġa skont l-Att tal-Liġi dwar il-Ġeoloġija u l-Estrazzjoni, se tagħti konċessjonijiet għall-prospettar u għall-esplorazzjoni tad-depożiti tal-idrokarburi u għall-estrazzjoni tal-idrokarburi:
1) |
lill-entità li l-applikazzjoni għal konċessjoni tagħha tkun ingħatat l-ogħla punteġġ, jew |
2) |
meta l-ogħla punteġġ jingħata lil applikazzjoni ta’ konċessjoni sottomessa b’mod konġunt minn diversi entitajiet, lill-partijiet għall-ftehim ta’ kooperazzjoni – ladarba dak il-ftehim ikun ġie sottomess lill-awtorità ta’ konċessjoni |
u, fl-istess ħin, mhux se tagħti konċessjonijiet lil entitajiet oħra (l-Artikolu 49ee (1) tal-Att tal-Liġi dwar il-Ġeoloġija u l-Estrazzjoni).
L-awtorità ta’ konċessjoni se tikkonkludi kuntratt ta’ użufrutt minerarju mal-entità li l-applikazzjoni għal konċessjoni tagħha tkun ingħatat l-ogħla punteġġ u, fejn applikazzjoni għal konċessjoni sottomessa b’mod konġunt minn entitajiet diversi entitajiet tingħata l-ogħla punteġġ, mal-entitajiet kollha li sottomettew l-applikazzjoni konġunta (l-Artikolu 49ee (2) tal-Att tal-Liġi dwar il-Ġeoloġija u l-Estrazzjoni). Sabiex ikun jista’ jwettaq attivitajiet li jinvolvu l-prospettar u l-esplorazzjoni tad-depożiti tal-idrokarburi u l-estrazzjoni tal-idrokarburi fil-Polonja, operatur irid ikollu d-drittijiet ta’ użufrutt minerarju u konċessjoni.
IV.6) Rekwiżiti li jridu jiġu ssodisfati mill-applikazzjonijiet għal konċessjoni u d-dokumenti meħtieġa mill-applikanti
L-Artikolu 49eb tal-Att tal-Liġi dwar il-Ġeoloġija u l-Estrazzjoni jispeċifika l-partijiet komponenti tal-applikazzjoni għal konċessjoni.
L-età ġeoloġika tal-formazzjonijiet fejn se jitwettqu xogħlijiet ġeografiċi (skop ġeoloġiku) għandha tiġi indikata bħala l-fini tax-xogħlijiet, inkluż l-operazzjonijiet ġeoloġiċi.
IV.7) Kategorija minima tal-esplorazzjoni tad-depożiti
Il-Kategorija C hija l-kategorija minima tal-esplorazzjoni għad-depożiti taż-żejt u tal-gass naturali fiż-żona ta’ Toruń .
Għall-Ministru
Piotr DZIADZIO
Viċi Segretarju tal-Istat
Ministeru tal-Klima u l-Ambjent
V Avviżi
ATTI OĦRAJN
Il-Kummissjoni Ewropea
25.1.2021 |
MT |
Il-Ġurnal Uffiċjali tal-Unjoni Ewropea |
C 27/21 |
Pubblikazzjoni ta’ applikazzjoni għall-approvazzjoni ta’ emenda mhux minuri fi Speċifikazzjoni ta’ Prodott skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2021/C 27/10)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.
APPLIKAZZJONI GĦALL-APPROVAZZJONI TA’ EMENDA MHUX MINURI FL-ISPEĊIFIKAZZJONI TA’ PRODOTT TA’ DENOMINAZZJONIJIET TA’ ORIĠINI PROTETTI JEW TA’ INDIKAZZJONIJIET ĠEOGRAFIĊI PROTETTI
Applikazzjoni għall-approvazzjoni ta’ emenda f’konformità mal-ewwel subparagrafu tal-Artikolu 53(2) tar-Regolament (UE) Nru 1151/2012
“Aischgründer Karpfen”
Nru tal-UE: PGI-DE-0689-AM01 -30.10.2019
DOP ( ) IĠP (X)
1. Grupp applikant u interess leġittimu
Isem |
: |
Teichgenossenschaft Aischgrund [Aischgrund Pond Cooperative], Teichgenossenschaft Neustadt a.d. Aisch – Bad Windsheim [Neustadt an der Aisch – Bad Windsheim Pond Cooperative] |
||
Indirizz |
: |
|
||
Pajjiż |
: |
il-Ġermanja |
||
Telefown |
: |
+49 91935012085 |
||
Faks |
: |
+49 91935034127 |
||
Posta elettronika |
: |
tg.aischgrund@gmx.de |
Interess leġittimu:
L-applikant huwa l-applikant oriġinali. Hija assoċjazzjoni ta’ produtturi ta’ prodotti protetti. Għalhekk għandha interess leġittimu f’din l-applikazzjoni għal emenda u hija intitolata wkoll li tapplika (l-Artikolu 53(1) flimkien mal-punt (2) tal-Artikolu 3 tar-Regolament (UE) Nru 1151/2012).
2. Stat Membru jew pajjiż terz
Il-Ġermanja
3. Intestatura fl-ispeċifikazzjoni tal-prodott affettwata mill-emenda/i
☐ |
Isem il-prodott |
☒ |
Deskrizzjoni tal-prodott |
☐ |
Żona ġeografika |
☐ |
Prova tal-oriġini |
☒ |
Metodu ta’ produzzjoni |
☐ |
Rabta |
☐ |
Tikkettar |
☐ |
Oħrajn [speċifika] |
4. Tip ta’ emenda/i
☒ |
Emenda għall-Ispeċifikazzjoni tal-Prodott ta’ DOP jew IĠP irreġistrata li ma għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012. |
☐ |
Emenda għall-ispeċifikazzjoni tal-prodott ta’ DOP jew IĠP irreġistrata li għaliha ma jkun ġie ppubblikat l-ebda Dokument Uniku (jew ekwivalenti) li ma għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012 |
5. Emenda/i
L-emendi jikkonċernaw it-Taqsimiet (b), Deskrizzjoni tal-prodott, u (e), Metodu ta’ produzzjoni tal-Ispeċifikazzjoni tal-Prodott
Fit-Taqsima (b), Deskrizzjoni tal-prodott (kif ukoll fil-punt 3.2 tad-Dokument Uniku), l-ewwel sentenza tat-tielet paragrafu, “Il-piż tal-karpjun ħaj li jinbiegħ għall-ikel ikun ta’ bejn 1 000 u 1 700 gramma għal ħuta ta’ tliet snin.” trid tiġi emendata għal “Il-piż ħaj ta’ dan il-karpjun għall-ikel (minn K3) huwa bejn 1 000 g u 3 000 g”.
It-Taqsima (b) (kif ukoll il-punt 3.2 tad-Dokument Uniku), issa taqra:
Il-ħut tat-tip “Aischgründer Karpfen” huwa karpjun (Cyprinus carpio) li jinbiegħ għall-ikel ħaj jew mejjet.
Dahar il-karpjun tat-tip “Aischgründer Karpfen” huwa ta’ lewn aħdar skur, griż jew blu fil-griż, ġenbejh huma ta’ lewn minn aħdar jagħti fl-isfar sa lewn id-deheb u żaqqu hija ta’ lewn abjad safrani. Ix-xewka ta’ dahar il-karpjun u dik ta’ denbu jkunu griżi, u x-xewka ta’ denbu u r-rix anali tiegħu jkunu jagħtu fl-aħmar, waqt li x-xewk ta’ sider il-karpjun u x-xewk pelviku tiegħu jkunu jagħtu fl-isfar jew fl-aħmar. Id-dahar għoli tal-ħut tat-tip “Aischgründer Karpfen” jiddistingwih mill-karpjuni l-oħra. Dan id-dahar għoli jiżviluppa b’mod partikulari minħabba l-klima sħuna u l-livell għoli ta’ fertilità li jkun hemm fl-għadajjar. Il-proporzjon tal-għoli ta’ dan it-tip ta’ ħut mat-tul tiegħu normalment ivarja minn 1 għal kull 2 (1:2) sa 1 għal kull 2,5 (1:2,5).
Il-piż ħaj ta’ dan il-karpjun għall-ikel (minn K3) huwa bejn 1 000 g u 3 000 g. Il-karpjun tat-tip “Aischgründer Karpfen” huwa karpjun ikkaratterizzat mil-laħam tari u sod tiegħu, iżda li madankollu mhux iebes, li għandu togħma bnina u li għandu kontenut baxx tax-xaħam – fil-fatt, il-kontenut tax-xaħam fih ma jaqbiżx l-10 %. Il-kontenut tax-xaħam jinżamm baxx billi jinżamm limitu fuq id-densità tal-istokk (l-istokk ma jaqbiżx it-800 karpjun għal kull ettaru meta jkun tat-tip K2) u billi l-għalf jiġi adattat għal dan il-għan.”
Ir-raġuni għall-emenda hija li d-domanda għall-filetti jingħad li żdiedet sew, peress li l-karpjun akbar huwa partikolarment adattat għall-iffilettjar permezz ta’ apparati awtomatiċi li ġew żviluppati.
L-emendi li ġejjin intalbu fit-Taqsima (e), Metodu ta’ produzzjoni u huma riflessi fit-Taqsima 3.4 tad-Dokument Uniku:
Fl-aħħar sentenza tal-ewwel paragrafu, il-kelma “ġeneralment” trid tiddaħħal wara “jikbru għall-piż mixtieq tagħhom”.
Fl-ewwel sentenza tat-tieni paragrafu, “li jibda minn April tas-sena kkonċernata” trid tiġi emendata għal “jibda fil-biċċa l-kbira tal-każijiet f’April tas-sena kkonċernata”.
Fit-tieni sentenza tat-tieni paragrafu, il-kelma “ġeneralment” trid tiddaħħal qabel il-frażi “hija importanti ferm” u, fl-aħħar sentenza, il-kelma “normalment” tiżdied qabel “żżid iktar minn kilogramma fil-piż”.
Fir-raba’ paragrafu, “għall-karpjuni mrobbija biex jinbiegħu għall-ikel (jiġifieri għall-karpjuni tat-tip K2 u K3)” trid tiġi emendata għal “għall-karpjuni tal-ħut għall-ikel (jiġifieri minn karpjuni tat-tip K2)” u “minn Mejju sa Settembru” għal “, ġeneralment minn April sa Settembru,”
It-Taqsima (e) issa tgħid hekk:
“Minħabba li l-karpjuni jikbru fix-xhur sħan tas-sajf, l-età tagħhom titkejjel fi sjuf. Normalment, fir-reġjun ta’ Aischgrund, il-karpjuni li jinbiegħu għall-ikel jitkabbru għal perjodu ta’ tlett isjuf. Fl-ewwel sena, mill-bajd jitwieldu karpjuni hekk imsejħa “tat-tip K1”. Wara r-raqda tal-istaġun tax-xitwa, il-karpjuni jikbru f’karpjuni tat-tip K2, imbagħad wara li tgħaddi r-raqda tax-xitwa ta’ wara, ġeneralment fit-tielet sajf jikbru għall-piż mixtieq tagħhom (u jsiru karpjuni tat-tip K3).
Meta jkun qed jitkabbar, il-ħut tat-tip “Aischgründer Karpfen” irid iqatta’ mill-inqas il-perjodu minn meta jkun ħut żgħir tal-karpjuni tat-tip K2 sa meta jsir karpjun għall-ikel (meta jkun tat-tip K3) fiż-żona ġeografika identifikata, jiġifieri jrid iqatta’ mill-inqas perjodu wieħed tat-tkabbir (li jibda minn April tas-sena kkonċernata) f’din iż-żona. It-tielet sena (meta l-karpjuni tat-tip K2 isiru karpjuni tat-tip K3) hija ġeneralment importanti ferm għaż-żieda fil-piż u għall-iżvilupp tat-togħma tal-karpjuni. F’dan iż-żmien, kull ħuta żżid iktar minn kilogramma fil-piż.
Meta l-karpjuni jkunu tat-tip K2, id-densità tal-istokk m’għandhiex taqbeż it-800 karpjun għal kull ettaru.
Il-karpjuni jieklu l-aktar dak li jsibu b’mod naturali fl-ilma (in-nutrijenti li jinsabu fil-qiegħ, iż-żooplankton, eċċ.); Għall-karpjuni mrobbija biex jinbiegħu għall-ikel (jiġifieri mill-karpjuni K2), ġeneralment minn Aprilsa Settembru jiżdiedu l-legumi u ċ-ċereali, iżda mhux il-qamħirrun. Il-kwozjent tal-għalf (l-ammont ta’ għalf miżjud (f’kilogrammi) għal kull kilogramma li jikber il-ħut) huwa ta’ madwar żewġ kilogrammi għal kull kilogramm.
Barra minn hekk, il-karpjuni jistgħu jingħalfu b’għalf imħallat awtorizzat skont il-leġiżlazzjoni nazzjonali.. Dan l-għalf imħallat irid ikun magħmul minn prodotti li ġejjin mill-ħaxix biss u ma jista’ jkun fih l-ebda prodott li jkun ġej mill-annimali. L-ammont ta’ proteini mhux ipproċessati f’dan l-għalf imħallat ma jistax jaqbeż is-16 %, filwaqt li l-ammont totali ta’ fosforu ma jistax jaqbeż iż-0,6 %. L-ammont ta’ smid li ġej mill-ħaxix irid ikun ta’ mill-inqas 10 %.”
L-applikant jagħti r-raġunijiet li ġejjin għall-emendi:
Peress li, fl-Aischgrund, il-karpjun jitrabba b’mod estensiv (jiġifieri barra) f’għadajjar naturali, it-temp għandu influwenza qawwija fuq it-tkabbir tal-ħut. Il-karpjun tal-ikel żviluppa b’mod differenti ħafna matul dawn l-aħħar snin (bħala riżultat tat-tibdil fil-klima).
L-applikanti isostni li, f’xi snin, il-bidu tar-rebbiegħa tant kien sħun li l-ħut ħareġ mill-ibernazzjoni kmieni u beda jiekol. Dan fisser li s-sorsi naturali tal-ikel tagħhom ma kinux biżżejjed u kellhom jiġu ssupplimentati.
Peress li mhuwiex possibbli li wieħed jgħid kif il-klima se tinbidel fil-futur, huwa essenzjali li jkun hemm sett ta’ regoli aktar flessibbli (li jneħħi r-rekwiżiti riġidi applikati bħalissa).
DOKUMENT UNIKU
“Aischgründer Karpfen”
Nru tal-UE: PGI-DE-0689-AM01 - 30.10.2019
IĠP (X) DOP ( )
1. Isem/ismijiet [tad-DOP jew tal-IĠP]
“Aischgründer Karpfen”
2. Stat Membru jew pajjiż terz
Il-Ġermanja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Il-kategorija 1.7 – Ħut, molluski u krustaċji friski u prodotti magħmulin minnhom.
3.2. Deskrizzjoni tal-prodott li għalih japplika l-isem f’(1)
Il-ħut tat-tip “Aischgründer Karpfen” huwa karpjun (Cyprinus carpio) li jinbiegħ għall-ikel ħaj jew mejjet.
Dahar il-karpjun tat-tip “Aischgründer Karpfen” huwa ta’ lewn aħdar skur, griż jew blu fil-griż, ġenbejh huma ta’ lewn minn aħdar jagħti fl-isfar sa lewn id-deheb u żaqqu hija ta’ lewn abjad safrani. Ix-xewka ta’ dahar il-karpjun u dik ta’ denbu jkunu griżi, u x-xewka ta’ denbu u r-rix anali tiegħu jkunu jagħtu fl-aħmar, waqt li x-xewk ta’ sider il-karpjun u x-xewk pelviku tiegħu jkunu jagħtu fl-isfar jew fl-aħmar. Id-dahar għoli tal-ħut tat-tip “Aischgründer Karpfen” jiddistingwih mill-karpjuni l-oħra. Dan id-dahar għoli jiżviluppa b’mod partikulari minħabba l-klima sħuna u l-livell għoli ta’ fertilità li jkun hemm fl-għadajjar. Il-proporzjon tal-għoli ta’ dan it-tip ta’ ħut mat-tul tiegħu normalment ivarja minn 1 għal kull 2 (1:2) sa 1 għal kull 2,5 (1:2,5).
Il-piż ħaj ta’ dan il-karpjun għall-ikel (minn K3) huwa bejn 1 000 g u 3 000 g. Il-karpjun tat-tip “Aischgründer Karpfen” huwa karpjun ikkaratterizzat mil-laħam tari u sod tiegħu, iżda li madankollu mhux iebes, li għandu togħma bnina u li għandu kontenut baxx tax-xaħam – fil-fatt, il-kontenut tax-xaħam fih ma jaqbiżx l-10 %. Il-kontenut tax-xaħam jinżamm baxx billi jinżamm limitu fuq id-densità tal-istokk (l-istokk ma jaqbiżx it-800 karpjun għal kull ettaru meta jkun tat-tip K2) u billi l-għalf jiġi adattat għal dan il-għan.
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
Il-karpjuni jieklu l-aktar dak li jsibu b’mod naturali fl-ilma (in-nutrijenti li jinsabu fil-qiegħ, iż-żooplankton, eċċ.). Għall-karpjuni mrobbija biex jinbiegħu għall-ikel (jiġifieri mill-karpjuni K2), ġeneralment minn Aprilsa Settembru jiżdiedu l-legumi u ċ-ċereali, iżda mhux il-qamħirrun. Il-kwozjent tal-għalf (l-ammont ta’ għalf miżjud (f’kilogrammi) għal kull kilogramma li jikber il-ħut) huwa ta’ madwar żewġ kilogrammi għal kull kilogramm.
Barra minn hekk, il-karpjuni jistgħu jingħalfu b’għalf imħallat awtorizzat skont il-leġiżlazzjoni nazzjonali. Dan l-għalf imħallat irid ikun magħmul minn prodotti li ġejjin mill-ħaxix biss u ma jista’ jkun fih l-ebda prodott li jkun ġej mill-annimali. L-ammont ta’ proteini mhux ipproċessati f’dan l-għalf imħallat ma jistax jaqbeż is-16 %, filwaqt li l-ammont totali ta’ fosforu ma jistax jaqbeż iż-0,6 %. L-ammont ta’ smid li ġej mill-ħaxix irid ikun ta’ mill-inqas 10 %.
3.4. Passi speċifiċi tal-produzzjoni li jridu jsiru fiż-żona ġeografika ddefinita
Minħabba li l-karpjuni jikbru fix-xhur sħan tas-sajf, l-età tagħhom titkejjel fi sjuf. Normalment, fir-reġjun ta’ Aischgrund, il-karpjuni li jinbiegħu għall-ikel jitkabbru għal perjodu ta’ tlett isjuf. Fl-ewwel sena, mill-bajd jitwieldu karpjuni hekk imsejħa “tat-tip K1”. Wara r-raqda tal-istaġun tax-xitwa, il-karpjuni jikbru f’karpjuni tat-tip K2, imbagħad wara li tgħaddi r-raqda tax-xitwa ta’ wara, ġeneralment fit-tielet sajf jikbru għall-piż mixtieq tagħhom (u jsiru karpjuni tat-tip K3).
Meta jkun qed jitkabbar, il-ħut tat-tip “Aischgründer Karpfen” irid iqatta’ mill-inqas il-perjodu minn meta jkun ħut żgħir tal-karpjuni tat-tip K2 sa meta jsir karpjun għall-ikel (meta jkun tat-tip K3) fiż-żona ġeografika identifikata, jiġifieri jrid iqatta’ mill-inqas perjodu wieħed tat-tkabbir (li jibda minn April tas-sena kkonċernata) f’din iż-żona. It-tielet sena (meta l-karpjuni tat-tip K2 isiru karpjuni tat-tip K3) hija ġeneralment importanti ferm għaż-żieda fil-piż u għall-iżvilupp tat-togħma tal-karpjuni. F’dan iż-żmien, kull ħuta żżid iktar minn kilogramma fil-piż. Meta l-karpjuni jkunu tat-tip K2, id-densità tal-istokk m’għandhiex taqbeż it-800 karpjun għal kull ettaru.
3.5. Regoli speċifiċi dwar it-tqattigħ, it-taħkik, l-ippakkjar, eċċ
—
3.6. Regoli speċifiċi dwar it-tikkettar
—
4. Definizzjoni fil-qosor taż-żona ġeografika
Iż-żona ġeografika kkonċernata tinkludi l-għadajjar kollha li fihom jitkabbru l-karpjuni fid-distretti rurali ta’ Erlangen-Höchstadt, Neustadt an der Aisch – Bad Windsheim, Fürth, Kitzingen, Bamberg, Forchheim u Nürnberger Land u d-distretti urbani ta’ Erlangen, Forchheim, Bamberg, Nuremberg u Fürth.
5. Rabta maż-żona ġeografika
5.1. Speċifiċità taż-żona ġeografika:
It-tkabbir tal-karpjuni fl-għadajjar żviluppa fil-Medju Evu f’Aischgrund meta bdew jiġu stabbiliti diversi monasteri f’dawk in-naħat, li kellhom bżonn il-ħut minħabba l-perjodi twal ta’ sawm tagħhom, li kienu jdumu saħansitra xhur sħaħ. L-iktar ħaġa importanti għall-patrijiet kienet li jkollhom il-ħut x’jieklu u kemm dan in-negozju tat-tkabbir tal-ħut fl-għadajjar kien iħalli qligħ jew le ma kienx daqshekk importanti għalihom.
F’nofs ir-reġjun ta’ Aischgrund, l-art ta’ taħt l-għadd kbir ta’ għadajjar li hemm fih hija magħmula mit-tafal taż-żona tal-“Keuper” li ma jħallix l-ilma jgħaddi minnu. Is-suċċess u s-sopravivenza ta’ dan ir-reġjun miml għadajjar kienu dovuti għal għadd kbir ta’ fatturi fiżiċi/ġeografiċi bażiċi: l-alternanza kumplessa ta’ depożiti ta’ ġenel ramli u saffi taflin u impermeabbli ta’ “Burgsandstein”, il-pendenza ġentili tal-widien, il-bosta għejun li jwasslu għall-bwar, u l-ħamrija li ma kinitx partikolarment adattata għall-biedja.
Filwaqt li f’żoni oħrajn li fihom jitkabbar il-ħut fl-għadajjar ir-rendiment tat-tkabbir tal-karpjuni huwa limitat minħabba x-xejriet tat-temperatura, dan mhuwiex il-każ fir-reġjun ta’ Aischgrund, li huwa l-iktar żona sħuna tat-tkabbir tal-ħut fl-għadajjar tal-Ġermanja. It-temperatura medja annwali hija ta’ madwar 8 jew 9 °C, skont kemm ikun jinsab fil-għoli l-post partikulari. Mill-banda l-oħra, fir-reġjun ta’ Aischgrund il-fattur li jirrestrinġi dan it-tkabbir huwa l-provvista tal-ilma tal-għadajjar. L-ammont medju ta’ xita f’dan ir-reġjun huwa ta’ madwar 600 sa 650 millimetru fis-sena, iżda dan l-ammont jonqos għal madwar 530 millimetru meta wieħed imur mill-Majjistral għax-Xlokk. Dan ir-reġjun kollu għadajjar ikopri żona mil-Lvant tal-għoljiet ta’ Frankenhöhe u l-iSteigerwald, li hija mkennija mix-xita u li fiha l-ammont ta’ xita li tagħmel kull sena jvarja minn sena għall-oħra. Il-biċċa l-kbira tal-għadajjar jiddependu fuq l-ammont ta’ ilma li jinġabar wara li tkun għamlet ix-xita u meta jkun qed jinħall is-silġ. Minħabba l-klima iktar sħuna minn dik li hemm fil-Palatinat ta’ Fuq, l-għadajjar f’dan ir-reġjun huma iktar fertili u jipproduċu iktar ħut.
It-tkabbir tal-karpjuni huwa karatteristika distintiva tal-pajsaġġ taż-żona ġeografika (li hija l-ikbar żona kontinwa ta’ għadajjar fil-Ġermanja), iżda jinfluwenza wkoll il-ħajja kulturali f’din iż-żona. B’hekk inkitbu kotba b’aneddoti dwar it-tkabbir tal-ħut fl-għadajjar, inkitbu kanzunetti dwar il-karpjuni u saru wirjiet (tal-arti) marbutin mat-tema tal-karpjuni. Bħala simbolu ta’ dan ir-reġjun, f’Höchstadt an der Aisch tpoġġiet statwa ta’ karpjun magħmula mill-ġebel li hija l-ikbar waħda tax-xorta tagħha fid-dinja. Fil-ħwienet tal-ħelu, wieħed isib jixtri l-karpjuni taċ-ċikkulata, kif ukoll il-ħelu msejjaħ “Aischgründer Kärpfla”, li huwa ħelu b’togħma tal-frott li jkun fil-forma ta’ karpjuni. Wieħed isib il-karpjuni wkoll fuq il-pjanċi tal-ismijiet u tal-qniepen tad-djar, fuq l-affarijiet tal-karnival u fuq il-qomos tal-għaqdiet.
Il-ħut tat-tip “Aischgründer Karpfen” jiġi offrut bħala ikel tradizzjonali f’diversi ristoranti fir-reġjun kollu ta’ Franken, u ħafna minn dawk ir-ristoranti, bħall-ħut tat-tip “Aischgründer Karpfen”, igawdu wkoll, ħafna drabi, minn tradizzjoni li tmur lura sekli sħaħ. Ħafna mis-sidien ta’ dawn ir-ristoranti, li għandhom tradizzjoni twila fil-familja li jservu l-karpjuni, għandhom ukoll tankijiet apposta biex iżommu l-karpjuni fihom u b’hekk ikunu jistgħu jservu dan il-ħut dejjem frisk.
5.2. Speċifiċità tal-prodott
Il-karpjun tat-tip “Aischgründer Karpfen” huwa magħruf sew fir-reġjun ta’ Aischgrund kif ukoll lil hinn minnu u jgawdi minn fama tajba fost il-konsumaturi. Dan it-tip ta’ karpjun għandu wkoll karatteristiċi speċifiċi oħrajn, hekk kif spjegat hawn taħt. Huwa għandu proporzjon tal-għoli mat-tul li jvarja minn 1 għal kull 2 (1:2) sa 1 għal kull 2.5 (1:2,5) u għalhekk dahru huwa iktar għoli minn dak ta’ tipi ta’ karpjuni oħrajn li ġejjin minn reġjuni oħra. Dan ġej mit-temperaturi għoljin u mil-livell għoli ta’ fertilità li hemm fl-għadajjar. Il-karpjun tat-tip “Aischgründer Karpfen” huwa kkaratterizzat mil-laħam tari u sod tiegħu, li għandu togħma li hija tipika għall-karpjuni minn dan ir-reġjun (li mhix togħma ta’ ħamrija u mhix “togħma ta’ ndewwa”, iżda hija togħma tajba li ma ddejqekx u li tfakkrek fil-patata li jkun għadha kemm ġiet mgħollija). Minħabba l-limitu preskritt fuq id-densità tal-istokk, il-karpjun tat-tip “Aischgründer Karpfen” għandu kontenut baxx tax-xaħam, li prattikament ma jaqbiżx l-10 % f’kull biċċa ħut mingħajr xewk.
5.3. Rabta kawżali bejn iż-żona ġeografika u l-kwalità, ir-reputazzjoni jew karatteristiċi oħra speċifiċi tal-prodott
Id-dahar għoli tal-karpjun tat-tip “Aischgründer Karpfen”, li jikkaratterizzah, ġej ukoll mill-kundizzjonijiet tajbin tat-tkabbir fir-reġjun ta’ Aischgrund, li huwa l-iktar żona sħuna tat-tkabbir tal-karpjuni fl-għadajjar tal-Ġermanja.
Il-fama tajba li jgawdi minnha l-karpjun tat-tip “Aischgründer Karpfen” ġejja mill-importanza tat-tkabbir tal-karpjuni fl-għadajjar fir-reġjun ta’ Aischgrund u mit-tradizzjoni ta’ dan it-tkabbir, li tmur lura għal sekli sħaħ.
L-istħarriġ tal-opinjoni li sar mill-Università tax-Xjenzi Applikati ta’ Weihenstephan u mill-Università Teknika ta’ Munich juri li l-karpjun tat-tip “Aischgründer Karpfen” igawdi fama tajba bħala oġġett tal-ikel fir-reġjun kollu. L-istaġun tal-karpjuni fir-reġjun ta’ Aischgrund, li jinfetaħ b’diversi festi, tradizzjonalment huwa mill-1 ta’ Settembru sat-30 ta’ April. Il-karpjun huwa parti integrali mill-ħajja kulturali fiż-żona ġeografika. Għandu fama tajba bħala oġġett tal-ikel u jifforma parti tradizzjonali permanenti mill-ikel ta’ dan ir-reġjun wasslu biex il-karpjun tat-tip “Aischgründer Karpfen” jitqies bħala speċjalità li jgawdi minn fama tajba kemm f’dan ir-reġjun kif ukoll lil hinn minnu.
Stħarriġ li sar mill-Università tax-Xjenzi Applikati ta’ Weihenstephan fl-2002 wera li 79 % ta’ dawk li wieġbu fir-reġjun ta’ Aischgrund u 49 % ta’ dawk li wieġbu f’Nüremberg jippreferu l-“Aischgründer Karpfen” mill-karpjuni li ġejjin minn reġjuni oħra.
Referenza għall-pubblikazzjoni tal-Ispeċifikazzjoni tal-Prodott
(it-tieni subparagrafu tal-Artikolu 6(1) ta’ dan ir-Regolament)
It-Trade Mark Journal No 24 of 14 June 2019, Part 7a-bb, p. 17222
https://register.dpma.de/DPMAregister/geo/detail.pdfdownload/41798
25.1.2021 |
MT |
Il-Ġurnal Uffiċjali tal-Unjoni Ewropea |
C 27/26 |
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2021/C 27/11)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.
DOKUMENT UNIKU
“Nagykun rizs”
Nru tal-UE: PGI-HU-02416 – 22.8.2018
DOP ( ) IĠP (X)
1. Isem/ismijiet
“Nagykun rizs”
2. Stat Membru jew Pajjiż Terz
L-Ungerija
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.6: Frott, ħaxix u ċereali, friski jew ipproċessati
3.2. Deskrizzjoni tal-prodott li għalih japplika l-isem f'(1)
L-Indikazzjoni Ġeografika Protetta “Nagykun rizs” tista’ tintuża għall-ħbub bojod jew ħbub sħaħ (somor) li ġejjin tal-varjetajiet imkabbrin l-Ungerija tal-ispeċi Oryza sativa L: M-225, M-488, Fruzsina M, Sandora, Dáma, Risabell, Janka, Ábel u Bioryza. Tista’ jintuża wkoll għall-varjetajiet l-oħra kollha ta’ ross imkabbar fiż-żona ġeografika li l-ħbub bojod jew sħaħ (somor) tagħhom jissodisfaw il-karatteristiċi tal-kwalità li ġejjin:
Fil-każ ta’ ross abjad: purità, mill-inqas 99,9 % (m/m); taħlita, massimu ta’ 0,1 % (m/m); ħbub bi strixxi ħomor, massimu ta’ 4 % (m/m); u
Fil-każ ta’ ross ismar: purità, mill-inqas 99.9 % (m/m); taħlita, massimu ta’ 0,1 % (m/m); ħbub mitħuna, massimu ta’ 1,5 % (m/m); ħbub imkisser, massimu ta’ 2 % (m/m).
Il-kontenut tal-arseniku tan-“Nagykun rizs” huwa baxx ħafna, minħabba l-karatteristiċi tal-ħamrija taż-żoni ġeografiċi. Ma jaqbiżx il-0,1 mg/kg, li huwa ferm taħt il-valur limitu tal-UE.
Skont il-forma tal-ħabba tar-ross, il-ħbub ta’ kull varjetà jistgħu jkunu tondi, semi tondi u twal.
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
—
3.4. Passi speċifiċi tal-produzzjoni li jridu jsiru fiż-żona ġeografika ddefinita
L-istadji kollha tal-produzzjoni: iż-żrigħ, il-ħsad, it-tnixxif u l-ipproċessar.
3.5. Regoli speċifiċi dwar it-tqattigħ, it-taħkik, l-ippakkjar, eċċ.
—
3.6. Regoli speċifiċi dwar it-tikkettar
—
4. Definizzjoni fil-qosor taż-żona ġeografika
In-“Nagykun rizs” jiġi prodott fil-konfini amministrattivi tal-belt ta’ Kisújszállás fiż-żona tat-Tramuntana ta’ Nagykunság fil-Kontea ta’ Jász-Nagykun-Szolnok.
5. Rabta maż-żona ġeografika
Ir-rabta tal-prodott maż-żona ġeografika hija bbażata fuq il-kwalità.
Fatturi naturali:
Il-belt ta’ Kisújszállás tinsab fil-Pjanura l-Kbira. It-teknoloġija tal-produzzjoni tibbenefika mill-fatt li art li tinħadem fil-muniċipalità ta’ Kisújszállás hija mdawra minn kanali misqija mix-xmara Hortobágy-Berettyó, li tipprovdi wkoll l-irrigazzjoni għall-għelieqi tar-ross.
Il-ħamrija fiż-żona tal-produzzjoni tan-“Nagykun rizs” għandha l-karatteristiċi li ġejjin: sa 1 m fond, għandha kontenut ta’ tafal ta’ bejn 50 u 60 % u anki taħt il-1 m il-kontenut tat-tafal jibqa’ ogħla minn 40 %. Il-profil tal-ħamrija huwa kompattat ħafna; iebes ħafna meta jkun niexef, u malleabbli u jwaħħal meta jkun imxarrab. Minħabba d-drenaġġ temporanju tal-livelli tal-ħamrija tal-wiċċ, l-ilma jikkawża lill-ħamrija — li fiha ħafna tafal — biex tintefaħ u ssir impermeabbli. (Fuchs, 2012).
L-iżvilupp tal-għelieqi tar-ross u l-produzzjoni sikura kontinwa kienu jinvolvu l-installazzjoni ta’ difiża kontra l-għargħar mix-xmajjar u mill-ilmijiet interni, it-tnaqqis tal-livelli tal-ilma tal-pjan, u l-bini ta’ kanali għat-tisqija. Ix-xogħol tekniku u ħidma oħra fuq medda ta’ aktar minn 150 sena stabbilew il-kundizzjonijiet għall-produzzjoni tar-ross fiż-żona ġeografika, li bħalissa tipproduċi ross ta’ kwalità għolja grazzi għal livelli baxxi ta’ kontaminazzjoni minn metalli tqal bijoloġikament ta’ ħsara u minħabba provvisti rikki ta’ minerali meħtieġa għall-produzzjoni tar-ross.
Fatturi umani:
Il-produzzjoni tar-ross fl-Ungerija bdiet wara t-Tieni Gwerra Dinjija, wara riċerka minn Lajos Kreybig u Ernő Obermayer, u nfirxet fil-wied tax-Xmara Hortobágy-Berettyó mill-1948 ’il quddiem. Kisújszállás Város Története [L-Istorja tal-Belt ta’ Kisújszállás] issemmi li “l-ewwel gruppi ta’ kerrejja twaqqfu taħt il-Koperattiva tal-Bdiewa f’Kisújszállás fl-1948, prinċipalment bil-għan li jipproduċu r-ross” (p. 161). Aktar tard dawn iffurmaw il-qalba tal-gruppi kooperattivi l-ġodda.”
Il-produzzjoni tan-“Nagykun rizs” fiż-żona ġeografika ġiet b’ħafna għerf u għarfien espert f’dawn l-aħħar 70 sena, u b’hekk inħolqu bosta soluzzjonijiet tekniċi għall-produzzjoni, inkluża t-tħejjija soda u xierqa tal-art, il-provvista tan-nutrijenti, il-kura u l-għażla tal-varjetajiet, il-kontroll effettiv tal-mard u l-applikazzjoni f’waqtha ta’ tekniki xierqa għall-għargħar għall-kultivazzjoni, u l-proċess ta’ ħsad bir-reqqa.
In-“Nagykun rizs” huwa l-prodott ta’ kważi tletin sena ta’ żvilupp ta’ razza, u huwa prodott minn varjetajiet li adattaw b’mod eċċellenti għall-ħamrija u l-klima tar-reġjun. Matul it-tnissil, ġew stabbiliti ġenetikament karatteristiċi ta’ valur fil-varjetajiet li jippermettulhom jadattaw għall-kundizzjonijiet ġeografiċi u jagħmlu użu minnhom. It-tul tal-istaġun tat-tkabbir jadatta għall-ammont effettiv ta’ sħana disponibbli bħala medja kull sena. Fl-istadji bikrija tal-iżvilupp il-ħbub huma reżistenti għall-kesħa, sabiex ikunu jifilħu għall-effetti ta’ ħsara mill-mewġiet tal-kesħa tal-bidu ta’ Mejju. L-għeruq u l-metaboliżmu tagħhom huma reżistenti għall-konċentrazzjoni għolja ta’ melħ fil-ħamrija. Barra minn hekk, fihom konċentrazzjonijiet kbar ta’ mikroelementi importanti għan-nutrizzjoni.
Ġew żviluppati teknoloġiji ta’ produzzjoni speċjali fiż-żona ġeografika (know-how):
— |
Minħabba l-ħamrija kompatta b’kontenut għoli ta’ melħ, iż-żrieragħ jeħtieġu perjodu twil ta’ ġerminazzjoni, 40 jum. Matul dan iż-żmien, biex il-ġerminazzjoni tingħata spinta, jeħtieġ li ż-żrieragħ jiġu mgħarrqa sa tlieta jew erba’ darbiet. Tipikament, il-pjanta ma tiġix mgħarrqa b’mod permanenti sakemm ma jkollhiex bejn 6 u 8 werqiet. F’żoni ġeografiċi oħra, fejn iż-żrieragħ jinżergħu, dan isir mindu jkollhom bejn 3 u 4 werqiet. |
— |
Ir-ross jinħasad meta l-ħbub jilħqu kontenut ta’ ndewwa ta’ 20 -24 %, minħabba li dan jirriżulta f’purità konsiderevolment ogħla. F’żoni ġeografiċi oħra, il-ħsad isir fi stadju aktar xott, meta l-ħbub ikollhom kontenut ta’ ndewwa ta’ 16 %. |
Ir-rabta bejn il-kwalità tal-prodott u l-ambjent ġeografiku:
It-teknoloġija tal-produzzjoni tan-“Nagykun rizs” tinvolvi l-għargħar taż-żona matul il-perjodu tat-tkabbir. B’konsegwenza ta’ dan, il-ħamrija — li għandha kontenut għoli ta’ tafal anki f’fond ta’ 1 m — issir impermeabbli. Bis-saħħa ta’ dan, l-impjant ma jkunx jista’ jassorbi l-arseniku rilaxxat fl-ilma tal-pjan mill-blat. B’dan il-mod, il-kontenut tal-arseniku tan-“Nagykun rizs” huwa ferm aktar baxx mir-ross imkabbar xi mkien ieħor.
Bħala riżultat tat-tekniki tal-kultivazzjoni li jiġu applikati fiż-żona ġeografika, in-“Nagykun rizs” jissodisfa rekwiżiti ta’ kwalità konsiderevolment aktar stretti mir-ross prodott f’żoni ġeografiċi oħra.
Il-kontenut baxx ta’ arseniku fil-każ tan-“Nagykun rizs” (inqas minn 0.1 mg/kg) huwa uniku fl-Ewropa. Bis-saħħa ta’ dan, l-esportazzjonijiet tan-“Nagykun rizs” lejn kumpaniji internazzjonali magħrufa li jipproduċu l-ikel tat-trabi fil-Ġermanja huma fit-tul u kontinwi. Fil-każ tar-ross użat biex isir l-ikel għat-trabi u t-trabi tat-twelid, il-valur limitu permess għall-kontenut tal-arseniku huwa ta’ 0.1 mg/kg, li n-“Nagykun rizs” huwa kapaċi jżomm b’mod konsistenti.
Referenza għall-pubblikazzjoni tal-Ispeċifikazzjoni tal-Prodott
(it-tieni subparagrafu tal-Artikolu 6(1) ta’ dan ir-Regolament)
http://eredetvedelem.kormany.hu/download/f/27/02000/11%20FM%20értesítő.pdf
25.1.2021 |
MT |
Il-Ġurnal Uffiċjali tal-Unjoni Ewropea |
C 27/29 |
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2021/C 27/12)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.
DOKUMENT UNIKU
“Aito saunapalvikinkku”/“Äkta basturökt skinka”
Nru tal-UE: PGI-FI-02462 — 10.7.2019
DOP ( ) IĠP ( X )
1. Isem/Ismijiet [tad-DOP jew tal-IĠP]
“Aito saunapalvikinkku”/“Äkta basturökt skinka”
2. Stat Membru jew Pajjiż Terz
Il-Finlandja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott [imniżżel fl-Anness XI]
Klassi 1.2. Prodotti tal-laħam (imsajra, immellħa, affumikati, eċċ.)
3.2. Deskrizzjoni tal-prodott li għalih japplika l-isem fin-numru (1)
L-“Aito saunapalvikinkku”/”Äkta basturökt skinka” huwa prodott tal-laħam magħmul minn perżut sħiħ tal-muskoli jew minn qatgħat tondi tal-perżut mill-ħnieżer għas-simna. Ix-xaħam u l-ġilda tal-perżut tista’ wkoll tifforma parti mill-prodott. Il-prodott hu affumikat fuq injam tal-alnu bl-użu ta’ metodu dirett ta’ affumikazzjoni f’sawna tad-duħħan, li jiddistingwih mill-prieżet affumikati l-oħra kemm fir-rigward tal-metodu ta’ tħejjija tiegħu kif ukoll fir-rigward tal-karatteristiċi tal-prodott.
Il-kontenut tal-laħam tal-prodott finali dejjem hu ta’ mill-inqas 90 %. Il-prodott għandu kontenut ta’ proteini ta’ mill-inqas 17 % u massimu ta’ kontenut tax-xaħam ta’ 5 %. Il-perżut miksi bil-lardu għandu kontenut ta’ proteini ta’ mill-inqas 15 % u massimu ta’ kontenut ta’ xaħam ta’ 10 %.
L-“Aito saunapalvikinkku”/“Äkta basturökt skinka” għandu wiċċ kemxejn xott, iżda sawra mmerrqa. Minħabba l-perjodu twil ta’ affumikazzjoni u l-metodu dirett ta’ affumikazzjoni, il-wiċċ estern tiegħu għandu lewn kannella fl-aħmar skur. Ġewwa għandu lewn ħamrani. Fil-prodott miksi bil-lardu, il-lewn tax-xaħam ikanġi mill-abjad għall-abjad safrani. Il-prodott għandu l-aroma u t-togħma tipika tad-duħħan tal-injam tal-alnu.
L-“Aito saunapalvikinkku”/“Äkta basturökt skinka” jinbiegħ sħiħ, f’porzjonijiet jew f’qatgħat f’pakkett vakwu jew ippakkjat f’atmosfera kontrollata jew imgeżwer fil-plastik.
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
Huwa biss il-perżut sħiħ tal-muskoli jew il-porzjonijiet tal-qatgħat tal-perżut mill-ħnieżer għas-simna li jintużaw fil-manifattura tal-prodott. Ix-xaħam u l-ġilda tal-perżut tista’ wkoll tifforma parti mill-prodott. Il-laħam nej irid jiġi minn ħanżir tal-bacon; ma jista’ jintuża la laħam ipproċessat (minn ħnieżer nisa jew minn majjali) lanqas laħam tal-ħalluġ.
Minbarra l-laħam nej, huma biss l-ilma, il-melħ, il-glukożju u l-addittivi tal-ikel li huma awtorizzati għall-użu bħala materja prima fil-prodotti tal-laħam skont ir-Regolament tal-Kummissjoni (UE) Nru 1129/2011 (2). In-nitrat jista’ jiġi miżjud mal-prodott jew fis-sura ta’ melħ tan-nitrat għat-tħejjija għall-priżervazzjoni jew bħala soluzzjoni milwiema ta’ 10 %.
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-passi tal-produzzjoni li ġejjin iseħħu fil-Finlandja:
— |
tħejjija tal-laħam nej; |
— |
tmelliħ u tħejjija għall-priżervazzjoni tal-laħam nej; |
— |
il-mili f’xibka, fi tgeżwir jew f’kisja permeabbli oħra għad-duħħan u għall-ilma; |
— |
tħejjija għall-priżervazzjoni f’sawna, jiġifieri affumikazzjoni u tisjir tal-prodott f’sawna tad-duħħan fuq zkuk tal-alnu bl-użu tal-metodu dirett tal-affumikazzjoni. |
3.5. Regoli speċifiċi dwar it-tqattigħ, it-taħkik, l-ippakkjar, eċċ. tal-prodott li l-isem reġistrat jirreferi għalih
—
3.6. Regoli speċifiċi dwar it-tikkettar tal-prodott li l-isem reġistrat jirreferi għalih
—
4. Definizzjoni fil-qosor taż-żona ġeografika
Il-Finlandja
5. Rabta maż-żona ġeografika
Ir-rabta ta’ kawżalità bejn il-prodott u ż-żona ġeografika tal-produzzjoni tissejjes fuq l-għarfien Finlandiż u fuq metodu Finlandiż għall-affumikazzjoni tal-laħam fuq zkuk tal-alnu f’sawni tad-duħħan. Dan il-proċess speċifiku hu ankrat fis-sod fil-kultura tas-sawni Finlandiża, li jirfed id-distinzjoni mill-pajjiżi l-oħra u mill-prodotti affumikati l-oħra.
Il-Finlandja tinsab fil-latitudnijiet tat-Tramuntana fejn, minħabba l-kesħa tat-temp tax-xitwa, in-nies ma setgħux jgħumu barra. Is-sawni kienu mibnija biex dak li jkun jinħasel fihom, iżda kienu użati wkoll għat-tbiċċir tal-annimali, għat-tħejjija għall-preżervazzjoni tal-laħam, għat-taħlil tal-malt, għat-tnixxif tal-kittien, għall-ħasil tal-ħwejjeġ, għall-mistrieħ u għall-preżervazzjoni tas-saħħa. Il-melħ kien ta’ valur, u kien għoli biex jiġi importat fil-Finlandja. Iż-żmien tal-ħżin tal-prodotti tal-laħam, pereżempju, seta’ jiġi żgurat b’mod aktar irħis bl-affumikazzjoni tal-laħam fis-sawna tad-duħħan.
Il-perżut imħejji għall-priżervazzjoni f’sawna jiġi ppreparat fil-Finlandja f’konformità ma’ riċetti tradizzjonali li ilhom jeżistu, u li ngħaddew minn ġenerazzjoni għall-oħra. Kien abitwali fil-Finlandja li l-laħam jitnixxef taħt it-travi tal-kabini tas-sawna tad-duħħan. Filwaqt li jkun minxur, il-laħam kien jiġi affumikat bil-mod fuq ħuġġieġa li kienet tinsab f’nofs il-kabina. It-tħejjija għall-priżervazzjoni tal-laħam fis-sawni beda fil-Finlandja fis-snin 1800 bħala mod kif il-laħam jitħejja għall-priżervazzjoni d-dar. Il-laħam immellaħ kien affumikat f’sawna sħuna u r-riżultat finali kien prodott b’wiċċ kemxejn xott iżda b’togħma qawwija ta’ affumikar. Is-sawni użati għat-tħejjija għall-priżervazzjoni tal-laħam kienu magħmula kompletament mill-injam, iżda kellhom forn tal-ġebel. L-injam tal-alnu użat għat-tisħin kien jagħti l-aroma distinta tiegħu lil-laħam affumikat.
It-tħejjija għall-priżervazzjoni f’sawni tad-duħħan maż-żmien inbidlet f’operazzjoni industrijali fis-snin 1950. Ix-xewqa biex il-metodu ta’ affumikazzjoni tradizzjonali jiġi priservat wassal biex illum il-ġurnata l-“Aito saunapalvikinkku”/“Äkta basturökt skinka” jiġi wkoll manifatturat f’sawna tad-duħħan fuq injam tal-alnu bl-użu tal-metodu dirett għall-affumikazzjoni. Madankollu bil-miġja tal-produzzjoni industrijali, is-sawni tad-duħħan issa huma akbar milli darba kienu.
Fil-metodu dirett ta’ affumikazzjoni, il-forn tas-sawna ikun fil-kamra tal-affumikazzjoni. L-injam tal-alnu jintuża biex isaħħan il-ġebel tas-sawna fuq il-forn, li jiġġeneraw duħħan u jirradjaw is-sħana fl-inħawi ta’ madwaru. Dan l-aħħar, il-kaxxa tan-nar tal-forn tas-sawna, bħala regola, jinsab barra mill-kamra tal-affumikazzjoni, li jagħmilha eħfef biex jiġi kkontrollat il-proċess tal-affumikazzjoni. Il-ħin tat-tħejjija għall-priżervazzjoni hu twil (mill-inqas 12-il siegħa), u tulu t-temperatura interna tal-prodott tiżdied gradwalment għal mill-inqas 72 °C.
It-tħejjija għall-priżervazzjoni f’sawna tad-duħħan jagħti lill-prodott tal-“Aito saunapalvikinkku”/“Äkta basturökt skinka” l-aroma u t-togħma tipika tiegħu tad-duħħan tal-injam tal-alnu, li jiddistingwih mill-prieżet l-oħra mħejjija bl-użu tat-teknoloġija moderna għall-affumikazzjoni u għat-tħejjija għall-priżervazzjoni; dawn huma affumikati bl-użu tal-metodu dirett ta’ affumikazzjoni jew permezz ta’ taħlitiet ta’ duħħan likwidu.
Bħala riżultat tal-perjodu twil ta’ affumikazzjoni u tal-metodu dirett ta’ affumikazzjoni, il-wiċċ estern tal-prodott għandu lewn kannella fl-aħmar. Il-prodott ivarja wkoll mill-prieżet l-oħra mħejjija għall-priżervazzjoni fir-rigward tat-togħma, tal-aroma u tas-sawra. Is-sawra hi tipikament ftit xotta, iżda xorta waħda mmerrqa. B’mod partikolari s-saff ta’ wiċċ il-prodott hu niexef minħabba l-perjodu twil ta’ affumikazzjoni. Kemm it-togħma kif ukoll l-aroma tal-prodott joħorġu bil-qawwi permezz tal-injam tal-alnu li jintuża biex il-prodott jiġi affumikat.
Referenza għall-pubblikazzjoni tal-ispeċifikazzjoni tal-prodott
(it-tieni subparagrafu tal-Artikolu 6(1) ta’ dan ir-Regolament)
https://www.ruokavirasto.fi/yritykset/elintarvikeala/valmistus/elintarvikkeista-annettavat-tiedot/eun-nimisuojajarjestelma/suomalaiset-nimisuojatuotteet/