DEĊIŻJONI TAL-BUREAU TAL-PARLAMENT EWROPEW

tas-16 ta’ Diċembru 2020

li temenda l-Miżuri ta’ Implimentazzjoni tal-Istatut tal-Membri tal-Parlament Ewropew

(2020/C 444/01)

IL-BUREAU TAL-PARLAMENT EWROPEW,

wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 223(2) tiegħu,

wara li kkunsidra l-Istatut għall-Membri tal-Parlament Ewropew (1),

wara li kkunsidra l-Artikolu 25 tar-Regoli ta’ Proċedura tal-Parlament Ewropew,

Billi:

(1)

Bi qbil mal-Artikolu 69(1) tal-Miżuri ta’ Implimentazzjoni tal-Istatut tal-Membri tal-Parlament Ewropew (2) (“il-Miżuri ta’ Implimentazzjoni”), l-ammonti tal-ispejjeż tal-ivvjaġġar li jistgħu jiġu rimborżati, l-allowance għas-sussistenza ta’ kuljum u l-allowance għall-ispejjeż ġenerali jistgħu jiġu indiċizzati kull sena min-naħa tal-Bureau, sa żieda massima ugwali għar-rata ta’ inflazzjoni annwali fl-Unjoni Ewropea f’Ottubru tas-sena ta’ qabel, kif ippubblikat mill-Eurostat.

(2)

Ir-rata ta’ inflazzjoni fl-Unjoni Ewropea għall-perjodu minn Ottubru 2019 sa Ottubru 2020, kif ġiet innotifikata mill-Eurostat fit-18 ta’ Novembru 2020, hija 0,3 %. L-ammonti l-ġodda li jirriżultaw mill-aġġustament meħtieġ sabiex titqies ir-rata ta’ inflazzjoni għandhom japplikaw mill-1 ta’ Jannar 2021 u l-Miżuri ta’ Implimentazzjoni għandhom jiġu emendati konsegwentement.

(3)

Skont l-Artikolu 69(2) tal-Miżuri ta’ Implimentazzjoni, l-ammont massimu tal-ispejjeż għall-assistenza parlamentari li jistgħu jitħallsu fir-rigward tal-membri tal-istaff personali msemmija fl-Artikolu 33(4) tal-Miżuri ta’ Implimentazzjoni, jekk ikun il-każ, għandu jiġu indiċizzat kull sena fuq il-bażi ta’ data stabbilita b’applikazzjoni tal-Artikolu 65 tar-Regolamenti tal-Persunal għall-Uffiċjali tal-Unjoni Ewropea stabbiliti mir-Regolament (KEE, Euratom, KEFA) Nru 259/68 (3).

(4)	F’dan ir-rigward, il-Kummissjoni stabbiliet li r-rata ta’ aġġustament għall-2020 hija 0,7 %. Għaldaqstant, l-ammont massimu li jista’ jitħallas fix-xahar għall-ispejjeż għall-assistenza parlamentari għandu jiżdied għal EUR 25 620 b’effett mill-1 ta’ Lulju 2020.

ADOTTA DIN ID-DEĊIŻJONI:

---

(1)  Id-Deċiżjoni 2005/684/KE, Euratom tal-Parlament Ewropew tat-28 ta’ Settembru 2005 li tadotta l-istatut għall-Membri tal-Parlament Ewropew (ĠU L 262, 7.10.2005, p. 1).

(2)  Id-Deċiżjoni tal-Bureau tal-Parlament Ewropew tad-19 ta’ Mejju u tad-9 ta’ Lulju 2008 dwar miżuri ta’ implimentazzjoni tal-Istatut tal-Membri tal-Parlament Ewropew (ĠU C 159, 13.7.2009, p. 1).

(3)  ĠU L 56, 4.3.1968, p. 1.

Rata tal-kambju tal-euro (1)

Il-21 ta' Diċembru 2020

(2020/C 444/02)

1 euro =

	Munita	Rata tal-kambju
USD	Dollaru Amerikan	1,2173
JPY	Yen Ġappuniż	126,04
DKK	Krona Daniża	7,4401
GBP	Lira Sterlina	0,91610
SEK	Krona Żvediża	10,1313
CHF	Frank Żvizzeru	1,0810
ISK	Krona Iżlandiża	156,60
NOK	Krona Norveġiża	10,6518
BGN	Lev Bulgaru	1,9558
CZK	Krona Ċeka	26,275
HUF	Forint Ungeriż	360,93
PLN	Zloty Pollakk	4,5111
RON	Leu Rumen	4,8603
TRY	Lira Turka	9,3519
AUD	Dollaru Awstraljan	1,6200
CAD	Dollaru Kanadiż	1,5686
HKD	Dollaru ta' Hong Kong	9,4378
NZD	Dollaru tan-New Zealand	1,7306
SGD	Dollaru tas-Singapor	1,6286
KRW	Won tal-Korea t'Isfel	1 350,52
ZAR	Rand ta' l-Afrika t'Isfel	18,0849
CNY	Yuan ren-min-bi Ċiniż	7,9784
HRK	Kuna Kroata	7,5375
IDR	Rupiah Indoneżjan	17 351,52
MYR	Ringgit Malażjan	4,9313
PHP	Peso Filippin	58,833
RUB	Rouble Russu	91,7285
THB	Baht Tajlandiż	36,653
BRL	Real Brażiljan	6,3144
MXN	Peso Messikan	24,8514
INR	Rupi Indjan	90,1338

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Sommarju tad-Deċiżjonijiet tal-Kummissjoni Ewropea dwar l-awtorizzazzjonijiet għat-tqegħid fis-suq għall-użu u/jew għall-użu tas-sustanzi elenkati fl-Anness XIV tar-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH)

(ippubblikat skont l-Artikolu 64(9) tar-Regolament (KE) Nru 1907/2006  (1))

(Test b’rilevanza għaż-ŻEE)

(2020/C 444/03)

Deċiżjoni li tagħti awtorizzazzjoni

Referenza tad-Deċiżjoni (2)	Data tad-Deċiżjoni	Isem is-sustanza	Detentur tal-awtorizzazzjoni	Numru tal-awtorizzazzjoni	Użu awtorizzat	Data ta’ skadenza tal-perjodu ta’ rieżami	Raġunijiet għad-Deċiżjoni
C(2020)8798	15 ta’ Diċembru 2020	Trijossidu tal-kromu Nru KE 215-607-8, Nru CAS 1333-82-0	Cromomed S.A., Polígono Ingruinsa C/Forjas 66 A, 46520 Puerto Sagunto, Valencia, Spanja;	REACH/20/19/0	Użu fil-kisi funzjonali bil-kromu fejn kwalunkwe waħda mill-funzjonalitajiet jew proprjetajiet ewlenin li ġejjin hija meħtieġa għall-użu maħsub: ir-reżistenza għall-użu, l-ebusija, il-ħxuna tas-saff, ir-reżistenza għall-korrużjoni, il-koeffiċjent tal-frizzjoni u l-effett fuq il-morfoloġija tas-superfiċe	Il-21 ta’ Settembru 2024	F’konformità mal-Artikolu 60(4) tar-Regolament (KE) Nru 1907/2006, il-benefiċċji soċjoekonomiċi huma akbar mir-riskju għas-saħħa tal-bniedem mill-użi tas-sustanza u ma hemm l-ebda sustanza jew teknoloġija alternattiva adattata.
			Cronor S.A., Peña Redonda, Parcela R-15 – Polígono de Silvota, 33192 Llanera, Asturias, Spanja;	REACH/20/19/1
			Cromo Europa S.A., Andrés Larrazabal s/n, 48970 Basauri, Bizkaia, Spanja;	REACH/20/19/2
			Chromatlantique Industriel S.A., ZA des Rosais, 35550 Sixt sur Aff, Franza;	REACH/20/19/3
			Vila Electroquímica S.A., Viérnoles 32, 39315 Torrelavega, Cantabria, Spanja	REACH/20/19/4

---

(1)  ĠU L 396, 30.12.2006 , p. 1

(2)  Id-deċiżjoni hija disponibbli fuq is-sit web tal-Kummissjoni Ewropea: https://ec.europa.eu/growth/sectors/chemicals/reach/about_mt

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2020/C 444/04)

Wiċċ nazzjonali tal-munita kommemorattiva l-ġdida taż-EUR 2, maħsuba biex titqiegħed fiċ-ċirkolazzjoni u maħruġa mil-Lussemburgu

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro. Biex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti ta’ 2 euro biss. Dawn il-muniti għandhom l-istess karatteristiċi tekniċi bħall-muniti l-oħra ta’ 2 euro, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż tal-ħruġ: Il-Lussemburgu

Suġġett tal-kommemorazzjoni: Il-100 sena mit-twelid tal-Gran Duka Jean

Deskrizzjoni tad-disinn: Id-disinn juri fuq in-naħa tax-xellug ix-xbieha tal-Gran Duka Jean u fuq in-naħa tal-lemin ix-xbieha tal-Gran Duka Henri. Qrib kull xbieha, l-isem tal-Gran Duka rispettiv huwa speċifikat, kif ukoll is-sena tat-twelid “1921” tal-Gran Duka Jean. Taħt ix-xbieha hija rrappreżentata l-belt tal-Lussemburgu. Fuq ix-xellug, it-test “GROUSSHERZOGE VU LËTZEBUERG” bl-indikazzjoni wkoll tal-pajjiż emittenti li tintwera f’forma ċirkolari. Id-data tas-sena “2021” tidher fin-naħa ta’ isfel fuq il-lemin.

Iċ-ċirku ta’ barra tal-munita juri t-12-il stilla tal-bandiera Ewropea.

Għadd ta’ muniti li huwa stmat li se jinħarġu: 500 000

Data tal-ħruġ: Jannar 2021

---

(1)  Ara l-ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji-gwida komuni għall-uċuħ nazzjonali u l-ħruġ ta’ muniti tal-ewro maħsuba għaċ-ċirkolazzjoni (ĠU L 9, 14.1.2009, p. 52).

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2020/C 444/05)

Wiċċ nazzjonali tal-munita kommemorattiva l-ġdida taż-EUR 2, maħsuba biex titqiegħed fiċ-ċirkolazzjoni u maħruġa mill-Portugall

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro. Biex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti ta’ 2 euro biss. Dawn il-muniti għandhom l-istess karatteristiċi tekniċi bħall-muniti l-oħra ta’ 2 euro, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż tal-ħruġ: Il-Portugall

Suġġett tal-kommemorazzjoni: Il-Presidenza Portugiża tal-Kunsill tal-Unjoni Ewropea

Deskrizzjoni tad-disinn: Id-disinn juri rappreżentazzjoni tar-rabta bejn il-kapital tal-Portugall u l-kapitali Ewropej l-oħra u b’hekk hemm impinġija mappa fi ħdan l-ittri “PRESIDÊNCIA DO CONSELHO DA UNIÃO EUROPEIA PORTUGAL 2021” (bil-Malti – IL-PRESIDENZA TAL-KUNSILL TAL-UNJONI EWROPEA IL-PORTUGALL 2021)

Iċ-ċirku ta’ barra tal-munita juri t-12-il stilla tal-bandiera Ewropea.

Għadd ta’ muniti li huwa stmat li se jinħarġu: 510 000

Data tal-ħruġ: Jannar 2021

---

(1)  Ara l-ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji-gwida komuni għall-uċuħ nazzjonali u l-ħruġ ta’ muniti tal-ewro maħsuba għaċ-ċirkolazzjoni (ĠU L 9, 14.1.2009, p. 52).