Ebda oppożizzjoni għal konċentrazzjoni notifikata

(Il-Każ M.9975 — Warburg Pincus/Vista Equity Partners Management/Infoblox)

(Test b’rilevanza għaż-ŻEE)

(2020/C 392/01)

Fit 9 ta’ Novembru 2020, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32020M9975. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

Is-16 ta' Novembru 2020

(2020/C 392/02)

1 euro =

	Munita	Rata tal-kambju
USD	Dollaru Amerikan	1,1830
JPY	Yen Ġappuniż	124,15
DKK	Krona Daniża	7,4480
GBP	Lira Sterlina	0,89819
SEK	Krona Żvediża	10,2538
CHF	Frank Żvizzeru	1,0819
ISK	Krona Iżlandiża	161,30
NOK	Krona Norveġiża	10,7310
BGN	Lev Bulgaru	1,9558
CZK	Krona Ċeka	26,353
HUF	Forint Ungeriż	358,16
PLN	Zloty Pollakk	4,4692
RON	Leu Rumen	4,8728
TRY	Lira Turka	9,1749
AUD	Dollaru Awstraljan	1,6226
CAD	Dollaru Kanadiż	1,5476
HKD	Dollaru ta' Hong Kong	9,1725
NZD	Dollaru tan-New Zealand	1,7227
SGD	Dollaru tas-Singapor	1,5934
KRW	Won tal-Korea t'Isfel	1 310,50
ZAR	Rand ta' l-Afrika t'Isfel	18,2346
CNY	Yuan ren-min-bi Ċiniż	7,7945
HRK	Kuna Kroata	7,5670
IDR	Rupiah Indoneżjan	16 680,89
MYR	Ringgit Malażjan	4,8710
PHP	Peso Filippin	56,983
RUB	Rouble Russu	90,5157
THB	Baht Tajlandiż	35,750
BRL	Real Brażiljan	6,3930
MXN	Peso Messikan	23,9849
INR	Rupi Indjan	88,0795

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Sommarju tal-Opinjoni tal-Kontrollur Ewropew għall-Protezzjoni tad-Data fir-rigward tal-White Paper dwar l-Intelliġenza Artifiċjali — Approċċ Ewropew għall-eċċellenza u għall-fiduċja) tal-Kummissjoni Ewropea

(It-test sħiħ ta’ din l-Opinjoni jista’ jinstab bil-Franċiż, bil-Ġermaniż u bl-Ingliż fuq is-sit web tal-EDPSwww.edps.europa.eu)

(2020/C 392/03)

Sommarju eżekuttiv

Fid-19 ta’ Frar 2020, il-Kummissjoni Ewropea ppubblikat White Paper dwar l-“Intelliġenza Artifiċjali: Approċċ Ewropew għall-eċċellenza u għall-fiduċja”. Din hija parti minn pakkett usa’ ta’ dokumenti strateġiċi, li jinkludi wkoll Komunikazzjoni dwar “Strateġija Ewropea għad-Data”.

L-għan tal-White Paper huwa wieħed doppju: l-istabbiliment ta’ għażliet ta’ politika għall-promozzjoni tal-użu tal-Intelliġenza Artifiċjali (“IA”) u l-indirizzar tar-“riskji assoċjati ma’ ċerti użi ta’ din it-teknoloġija ġdida”. Sabiex jintlaħqu tali għanijiet, il-White Paper tipproponi sett ta’ azzjonijiet biex jitrawmu l-iżvilupp u l-adozzjoni tal-IA u qafas regolatorju ġdid li jindirizza tħassib speċifiku għall-IA li l-qafas attwali jista’ ma jindirizzax.

Din l-Opinjoni tippreżenta l-fehmiet tal-EDPS dwar il-White Paper b’mod sħiħ, kif ukoll dwar ċerti aspetti speċifiċi, bħall-approċċ ibbażat fuq ir-riskju propost, l-infurzar tar-regolament dwar l-IA jew ir-rekwiżiti speċifiċi għall-identifikazzjoni bijometrika remota (inkluż ir-rikonoxximent tal-wiċċ).

L-EDPS jirrikonoxxi l-importanza u l-impatt dejjem akbar tal-IA. Madankollu, l-IA tiġi bir-riskji tagħha stess u mhijiex “opportunità perfetta” li ssolvi l-problemi kollha. Il-benefiċċji, l-ispejjeż u r-riskji għandhom jiġu kkunsidrati minn kull min jadotta teknoloġija, b’mod speċjali minn amministrazzjonijiet pubbliċi li jipproċessaw ammonti kbar ta’ data personali.

L-EDPS jilqa’ bi pjaċir ir-referenzi numerużi tal-White Paper għal approċċ Ewropew għall-IA, li jkun ibbażat fuq il-valuri u d-drittijiet fundamentali tal-UE u l-konsiderazzjoni mogħtija għall-ħtieġa tal-konformità mal-leġiżlazzjoni Ewropea dwar il-protezzjoni tad-data.

Għaldaqstant, l-għan tar-rakkomandazzjonijiet f’din l-Opinjoni huwa li jiġu kkjarifikati u, fejn meħtieġ, ulterjorment żviluppati s-salvagwardji u l-kontrolli fir-rigward tal-protezzjoni tad-data personali, waqt li jiġi kkunsidrat il-kuntest speċifiku tal-IA.

Għal dan il-għan, l-EDPS jirrakkomanda b’mod partikolari li kwalunkwe qafas regolatorju ġdid għall-IA:

—	japplika kemm għall-Istati Membri tal-UE kif ukoll għall-istituzzjonijiet, l-uffiċċji, il-korpi u l-aġenziji tal-UE;

—	ikun imfassal biex jipproteġi minn kwalunkwe impatt negattiv, mhux biss fuq l-individwi, iżda wkoll fuq il-komunitajiet u s-soċjetà b’mod ġenerali;

—	jipproponi skema ta’ klassifikazzjoni tar-riskju aktar robusta u aktar sottili, li tiżgura li kwalunkwe ħsara potenzjali sinifikanti maħluqa mill-applikazzjonijiet tal-IA tiġi indirizzata b’miżuri ta’ mitigazzjoni xierqa;

—	jinkludi valutazzjoni tal-impatt li tiddefinixxi b’mod ċar il-lakuni regolatorji li beħsiebha timla.

—	jevita s-sovrappożizzjoni ta’ awtoritajiet superviżorji differenti u jinkludi mekkaniżmu ta’ kooperazzjoni.

Fir-rigward tal-identifikazzjoni bijometrika remota, l-EDPS jaqbel mal-idea ta’ moratorju fir-rigward tal-użu, fl-UE, tar-rikonoxximent awtomatizzat fi spazji pubbliċi ta’ karatteristiċi umani, mhux biss tal-uċuħ iżda wkoll tal-mixja, il-marki tas-swaba’, id-DNA, il-vuċi, l-ittastjar u sinjali oħra bijometriċi jew ta’ mġiba, sabiex ikun jista’ jseħħ dibattitu infurmat u demokratiku u sal-mument meta l-UE u l-Istati Membri jkollhom is-salvagwardji xierqa kollha, inkluż qafas legali komprensiv fis-seħħ biex jiggarantixxi l-proporzjonalità tat-teknoloġiji u s-sistemi rispettivi fil-każ ta’ użu speċifiku.

L-EDPS jibqa’ għad-dispożizzjoni tal-Kummissjoni, tal-Kunsill u tal-Parlament Ewropew biex jipprovdi aktar pariri, u jistenna li jiġi kkonsultat fi żmien xieraq kif previst fl-Artikolu 42 tar-Regolament (UE) 2018/1725. Il-kummenti f’din l-Opinjoni huma mingħajr preġudizzju għal kummenti addizzjonali fil-futur dwar kwistjonijiet partikolari u/jew jekk ikun hemm disponibbli aktar informazzjoni.

1.   INTRODUZZJONI U SFOND

1.

Il-White Paper tal-Kummissjoni “Dwar l-Intelliġenza Artifiċjali– Approċċ Ewropew għall-eċċellenza u għall-fiduċja” (1) (“il-White Paper”) hija parti mill-inizjattiva Nru 10 (“Approċċ Ewropew għall-IA”) u taqa’ taħt il-“Kapitolu”“Ewropa Lesta għall-Era Diġitali” tal-Programm ta’ Ħidma tal-Kummissjoni tal-2020.

2.

L-EDPS jinnota li l-White Paper hija marbuta mill-qrib mal-“Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni - strateġija Ewropea għad-data” (2) (“l-Istrateġija tad-Data”), li fir-rigward tagħha l-EDPS adotta Opinjoni separata (3).

3.

L-EDPS kien ikkonsultat mill-Kummissjoni fid-29 ta’ Jannar 2020 dwar l-abbozz tal-White Paper u ssottometta kummenti informali preliminari. L-EDPS jilqa’ bi pjaċir il-fatt li l-fehmiet tiegħu ġew imfittxija fi stadju bikri tal-proċedura u jħeġġeġ lill-Kummissjoni biex tkompli b’din il-prattika tajba.

4.

Il-White Paper hija soġġetta għall-konsultazzjoni pubblika. L-objettiv tal-konsultazzjoni huwa li jinġabru l-fehmiet dwar il-White Paper kollha kemm hi, kif ukoll dwar ċerti aspetti speċifiċi. Kienet tnediet konsultazzjoni pubblika simili dwar il-Komunikazzjoni tal-Kummissjoni Ewropea “Strateġija Ewropea għad-data”.

5.

Din l-opinjoni telabora aktar dwar xi wħud mill-kummenti informali tal-EDPS u tipprovdi kontribut aktar immirat lill-Kummissjoni Ewropea fid-dawl tal-konsultazzjoni pubblika. Barra minn hekk, din l-opinjoni hija mingħajr preġudizzju għal kwalunkwe kumment addizzjonali li l-EPDS jista’ jagħmel fuq il-bażi ta’ aktar informazzjoni disponibbli fi stadju aktar tard, inkluż fil-kuntest ta’ konsultazzjonijiet leġiżlattivi futuri dwar l-atti legali previsti fil-White Paper u fil-Programm ta’ Ħidma tal-Kummissjoni.

6.

Għalkemm l-istituzzjonijiet, il-korpi, l-uffiċċji u l-aġenziji tal-Unjoni Ewropea huma soġġetti għall-EUDPR minflok għall-GDPR, iż-żewġ regolamenti jsegwu l-istess objettivi u l-prinċipji tagħhom huma identiċi (4). Sabiex tirrifletti din il-koerenza, kwalunkwe referenza għal dispożizzjoni tal-GDPR f’din l-opinjoni tindika wkoll id-dispożizzjoni tal-EUDPR korrispondenti fil-parenteżi.

7.

Fl-interess ta’ approċċ koerenti fl-Unjoni kollha, l-EDPS jirrakkomanda li kwalunkwe qafas regolatorju ġdid għall-IA japplika kemm għall-Istati Membri tal-UE kif ukoll għall-istituzzjonijiet, l-uffiċċji, il-korpi u l-aġenziji tal-UE. Meta l-istituzzjonijiet, il-korpi, l-uffiċċji u l-aġenziji tal-Unjoni jagħmlu użu mill-Intelliġenza Artifiċjali (“IA”), dawn għandhom ikunu soġġetti għall-istess regoli bħal dawk li japplikaw fl-Istati Membri tal-UE.

3.   KONKLUŻJONIJIET

77.

L-EDPS jaqbel bis-sħiħ mal-Kummissjonijiet dwar il-ħtieġa ta’ approċċ Ewropew għall-IA u f’dan ir-rigward jilqa’ bi pjaċir l-impenn tal-White Paper favur id-drittijiet fundamentali u l-valuri Ewropej.

78.

Madankollu, l-EDPS huwa tal-fehma li l-proposti stabbiliti fil-White Paper jeħtieġu aktar aġġustamenti u kjarifiki fir-rigward ta’ diversi kwistjonijiet rilevanti. Fost it-temi li jeħtieġu aktar kjarifika fi kwalunkwe proposta leġiżlattiva futura hemm ir-rabta bejn ir-riskji maħluqa mill-IA u l-lakuni leġiżlattivi relatati, l-approċċ ibbażat fuq ir-riskju applikat għall-applikazzjonijiet tal-IA u d-definizzjoni tal-IA nnifisha li għandha tippermetti d-definizzjoni b’mod ċar tal-kamp ta’ applikazzjoni tal-leġiżlazzjoni proposta.

79.

Barra minn hekk, l-EDPS jirrakkomanda li kwalunkwe qafas regolatorju ġdid għall-IA: — japplika kemm għall-Istati Membri tal-UE kif ukoll għall-istituzzjonijiet, l-uffiċċji, il-korpi u l-aġenziji tal-UE; — ikun maħsub biex jipproteġi minn kwalunkwe impatt negattiv, mhux biss fuq l-individwi, iżda wkoll fuq il-komunitajiet u s-soċjetà b’mod ġenerali; — jipproponi skema ta’ klassifikazzjoni tar-riskju aktar robusta u aktar sottili, li tiżgura li kwalunkwe ħsara potenzjali sinifikanti maħluqa mill-applikazzjonijiet tal-IA tiġi indirizzata b’miżuri ta’ mitigazzjoni xierqa; — jinkludi valutazzjoni tal-impatt li tiddefinixxi b’mod ċar il-lakuni regolatorji li beħsiebha timla. — jevita s-sovrappożizzjoni ta’ awtoritajiet superviżorji differenti u jinkludi mekkaniżmu ta’ kooperazzjoni.

80.

Fir-rigward tal-identifikazzjoni bijometrika remota, l-EDPS jaqbel mal-idea ta’ moratorju fuq l-użu, fl-UE, tar-rikonoxximent awtomatizzat fi spazji pubbliċi ta’ karatteristiċi umani, mhux biss tal-uċuħ iżda wkoll tal-mixja, il-marki tas-swaba’, id-DNA, il-vuċi, l-ittastjar u sinjali oħra bijometriċi jew ta’ mġiba, sabiex ikun jista’ jseħħ dibattitu infurmat u demokratiku u sal-mument meta l-UE u l-Istati Membri jkollhom is-salvagwardji xierqa kollha, inkluż qafas legali komprensiv fis-seħħ biex jiggarantixxi l-proporzjonalità tat-teknoloġiji u s-sistemi rispettivi fil-każ ta’ użu speċifiku.

81.

Jekk ikun hemm qafas legali ġdid kif rifless fil-White Paper u fil-Programm ta’ Ħidma tal-Kummissjoni, l-EDPS jipprovdi aktar pariri lill-Kummissjoni kif previst fl-Artikolu 42 tal-EUDPR.

---

(1)  COM (2020) 65 final.

(2)  COM (2020) 66 final.

(3)  L-Opinjoni 3/2020 tal-EDPS dwar l-istrateġija Ewropea għad-data, https://edps.europa.eu/sites/edp/files/publication/20-06-16_opinion_data_strategy_en.pdf

(4)  Kull meta d-dispożizzjonijiet tar-Regolament (UE) 2018/1725 isegwu l-istess prinċipji bħad-dispożizzjonijiet tar-Regolament (UE) 2016/679, dawn iż-żewġ settijiet ta’ dispożizzjonijiet għandhom, skont il-każistika tal-Qorti tal-Ġustizzja tal-Unjoni Ewropea jiġu interpretati b’mod omoġenju, b’mod partikolari minħabba li l-iskema tar-Regolament tal-EDPR għandha tinftiehem bħala ekwivalenti għall-iskema tal-GDPR; ara l-premessa 5 tal-EDPR, li tirreferi għas-sentenza tal-QĠUE tad-9 ta’ Marzu 2010, il-Kummissjoni Ewropea v ir-Repubblika Federali tal-Ġermanja, Kawża C-518/07, ECLI:EU:C:2010:125 il-paragrafu 28.

Avviż minn qabel ta’ konċentrazzjoni

(Il-Każ M.10056 — PSPIB/Tishman Speyer/Carré Saint Germain)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 392/04)

---

(1)  ĠU L 24, 29.1.2004, p. 1 (“ir-Regolament dwar l-Għaqdiet”).

(2)  ĠU C 366, 14.12.2013, p. 5.

Avviż minn qabel ta’ konċentrazzjoni

(Il-Każ M.9974 — Groupe Crédit Agricole/Groupe Generali/Europ Assistance France/Viavita)

(Test b’rilevanza għaż-ŻEE)

(2020/C 392/05)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).