ISSN 1977-0987 |
||
Il-Ġurnal Uffiċjali tal-Unjoni Ewropea |
C 242 |
|
![]() |
||
Edizzjoni bil-Malti |
Informazzjoni u Avviżi |
Volum 63 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2020/C 242/01 |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2020/C 242/02 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2020/C 242/03 |
Notifika minn qabel ta’ konċentrazzjoni Il-Każ M.9903 — Softbank Group/Mizuho Financial Group/One Tap Buy Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2020/C 242/04 |
||
2020/C 242/05 |
||
2020/C 242/06 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
22.7.2020 |
MT |
Il-Ġurnal Uffiċjali tal-Unjoni Ewropea |
C 242/1 |
KOMUNIKAZZJONI TAL-KUMMISSJONI
Komunikazzjoni dwar il-protezzjoni ta’ informazzjoni kunfidenzjali mill-qrati nazzjonali fi proċedimenti għall-infurzar privat tad-dritt tal-kompetizzjoni tal-UE
(2020/C 242/01)
I. IL-KAMP TA’ APPLIKAZZJONI U L-ISKOP TA’ DIN IL-KOMUNIKAZZJONI
1. |
Din il-Komunikazzjoni tikkonċerna l-protezzjoni ta’ informazzjoni kunfidenzjali fil-proċedimenti ċivili quddiem il-qrati nazzjonali dwar l-applikazzjoni tal-Artikoli 101 jew 102 tat-Trattat dwar il-Funzjonament tal-Unjoni Ewropea (“TFUE”). |
2. |
Skont ir-regoli nazzjonali applikabbli, l-azzjonijiet ta’ infurzar privat quddiem il-qrati nazzjonali fl-UE jistgħu jieħdu forom differenti, pereżempju, azzjonijiet għad-danni, azzjonijiet dikjaratorji jew azzjonijiet għal inġunzjonijiet. Matul l-aħħar ftit snin, l-għadd ta’ hekk imsejħa azzjonijiet għad-danni ta’ segwitu, li permezz tagħhom vittma ta’ ksur tad-dritt tal-kompetizzjoni titlob kumpens għad-danni wara d-deċiżjoni ta’ awtorità tal-kompetizzjoni jew deċiżjoni finali minn qorti tar-reviżjoni, qed jikber b’rata mgħaġġla (1). |
3. |
L-aċċess għall-evidenza huwa element importanti għall-infurzar tad-drittijiet li l-individwi, inklużi l-konsumaturi u l-impriżi, jew l-awtoritajiet pubbliċi jiksbu mill-Artikoli 101 jew 102 tat-TFUE f’azzjonijiet ta’ infurzar privat quddiem il-qrati nazzjonali. |
4. |
B’hekk, il-qrati nazzjonali jistgħu jirċievu talbiet għad-divulgazzjoni tal-evidenza fi proċedimenti għall-infurzar privat tad-dritt tal-kompetizzjoni tal-UE. Il-qrati nazzjonali se jkollhom bżonn jiżguraw azzjonijiet effettivi privati ta’ infurzar billi jagħtu aċċess għall-informazzjoni rilevanti biex jiġu ssostanzjati t-talba jew id-difiża rispettiva jekk jiġu ssodisfati l-kundizzjonijiet għad-divulgazzjoni tagħha. Fl-istess ħin, il-qrati nazzjonali jridu jipproteġu l-interessi tal-parti jew tal-parti terza li l-informazzjoni kunfidenzjali tagħha tkun soġġetta għal divulgazzjoni. |
5. |
Għal dan l-għan, jenħtieġ li l-qrati nazzjonali jkollhom għad-dispożizzjoni tagħhom miżuri li jipproteġu l-informazzjoni kunfidenzjali b’mod li ma jfixkilx l-aċċess effettiv tal-partijiet għall-ġustizzja jew l-eżerċizzju tad-dritt għal kumpens sħiħ (2). |
6. |
B’mod partikolari, fl-azzjonijiet għad-danni, id-Direttiva dwar id-Danni (3) tesiġi li l-Istati Membri jiżguraw li l-qrati nazzjonali jkollhom is-setgħa li jordnaw id-divulgazzjoni tal-evidenza li jkun fiha informazzjoni kunfidenzjali, jekk jiġu ssodisfati għadd ta’ kriterji. L-Istati Membri għandhom jiżguraw ukoll li l-qrati nazzjonali jkollhom għad-dispożizzjoni tagħhom miżuri effettivi li jipproteġu tali informazzjoni kunfidenzjali, filwaqt li jiżguraw l-eżerċitar tad-dritt għal kumpens sħiħ (4). Dan huwa importanti minħabba li l-qrati nazzjonali jista’ jkollhom riżorsi limitati biex jittrattaw it-talbiet ta’ divulgazzjoni. |
7. |
F’dan il-kuntest, din il-Komunikazzjoni tidentifika miżuri li jistgħu jiġu kkunsidrati mill-qrati nazzjonali meta jittrattaw id-divulgazzjoni ta’ informazzjoni kunfidenzjali f’azzjonijiet ta’ infurzar privat. |
8. |
Din il-Komunikazzjoni għandha l-għan li tkun sors ta’ ispirazzjoni u gwida għall-qrati nazzjonali, u mhijiex vinkolanti fuqhom. Hija ma timmodifikax u ma ġġibx bidliet fil-liġijiet eżistenti tal-Istati Membri jew tal-UE (5) u lanqas fir-regoli proċedurali nazzjonali applikabbli għall-proċedimenti ċivili jew għall-privileġġ professjonali legali (6). B’mod partikolari, il-miżuri maħsuba biex jipproteġu l-informazzjoni kunfidenzjali stabbiliti fit-Taqsima III ta’ din il-Komunikazzjoni jistgħu jintużaw jekk ikunu disponibbli skont ir-regoli nazzjonali u kompatibbli magħhom, kif ukoll mad-drittijiet tal-partijiet fi proċedimenti ġudizzjarji kif rikonoxxuti skont il-liġi nazzjonali u tal-UE. |
II. TALBIET GĦAD-DIVULGAZZJONI TA’ EVIDENZA LI JKUN FIHA INFORMAZZJONI KUNFIDENZJALI QUDDIEM IL-QRATI NAZZJONALI
A. Kunsiderazzjonijiet rilevanti għat-talbiet għal divulgazzjoni tal-evidenza
9. |
Fil-kuntest tal-infurzar privat tad-dritt tal-kompetizzjoni tal-UE, il-kapaċità tal-partijiet fil-proċedimenti ċivili (ir-rikorrent(i) u l-konvenut(i)) li jeżerċitaw b’mod effettiv id-drittijiet tagħhom tista’ tiddependi fuq il-possibbiltà ta’ aċċess għall-evidenza rilevanti. Madankollu, tali evidenza mhux dejjem tista’ tkun fil-pussess tal-parti li għandha l-oneru tal-prova jew tkun faċilment aċċessibbli għaliha. |
10. |
Għalhekk, fuq talba ta’ parti, il-qrati nazzjonali jistgħu jiddeċiedu li jordnaw id-divulgazzjoni tal-evidenza. Id-divulgazzjoni se tkun soġġetta għar-regoli proċedurali nazzjonali, kif ukoll għall-kunsiderazzjonijiet tal-ekonomija amministrattiva u proċedurali. |
11. |
B’mod partikolari, għall-azzjonijiet għad-danni, id-Direttiva dwar id-Danni tesiġi li l-Istati Membri jipprevedu d-dritt tar-rikorrenti u tal-konvenuti li jiksbu d-divulgazzjoni tal-evidenza rilevanti għat-talba jew għad-difiża tagħhom taħt il-kundizzjonijiet li ġejjin (7). |
12. |
L-ewwel, il-qrati nazzjonali għandhom jiddeterminaw jekk it-talba għad-danni hijiex plawżibbli u jekk it-talba għad-divulgazzjoni tikkonċernax evidenza rilevanti u hijiex proporzjonata (8). Id-Direttiva dwar id-Danni tistipula li jenħtieġ li l-valutazzjoni tal-proporzjonalità tikkunsidra l-kamp ta’ applikazzjoni u l-ispiża tad-divulgazzjoni, inkluża l-prevenzjoni ta’ tfittxijiet mhux speċifiċi għal informazzjoni li x’aktarx ma tkunx ta’ rilevanza għall-partijiet fil-proċedura. It-talbiet wesgħin ħafna jew ġeneralizzati għad-divulgazzjoni x’aktarx jonqsu milli jissodisfaw dawn ir-rekwiżiti (9). |
13. |
It-tieni, it-talbiet għad-divulgazzjoni għandhom jidentifikaw elementi speċifikati ta’ evidenza jew kategoriji rilevanti ta’ evidenza “bl-aktar mod preċiż u ristrett possibbli” abbażi ta’ fatti raġonevolment disponibbli (10). Il-kategoriji ta’ evidenza jistgħu jiġu identifikati bir-referenza għall-karatteristiċi komuni tal-elementi kostituttivi tagħha, bħan-natura, l-għan jew il-kontenut tad-dokumenti mitluba għad-divulgazzjoni, iż-żmien li matulu tfasslu jew kriterji oħrajn. Pereżempju, talba għal kategoriji ta’ evidenza tista’ tirreferi għad-data tal-bejgħ tal-kumpanija A lill-kumpanija B tal-prodott Y bejn is-snin N u N + 5. |
14. |
It-tielet, fir-rigward tad-divulgazzjoni tal-informazzjoni inkluża fil-fajl tal-Kummissjoni jew ta’ awtorità nazzjonali tal-kompetizzjoni, id-Direttiva dwar id-Danni tispeċifika li, meta tiġi vvalutata l-proporzjonalità ta’ ordni ta’ divulgazzjoni, qorti nazzjonali trid, fost l-oħrajn, tikkunsidra jekk “it-talba ġietx ifformulata speċifikament fir-rigward tan-natura, is-suġġett jew il-kontenut tad-dokumenti ppreżentati lil awtorità tal-kompetizzjoni jew miżmuma fil-fajl tagħha, aktar milli b’applikazzjoni mhux speċifika li tikkonċerna d-dokumenti ppreżentati lil awtorità tal-kompetizzjoni” (11). |
15. |
Irid jiġi mfakkar li d-Direttiva dwar id-Danni tistabbilixxi li d-dikjarazzjonijiet ta’ klemenza u s-sottomissjonijiet ta’ riżolviment qatt ma jistgħu jiġu divulgati (magħrufa wkoll bħala “dokumenti tal-lista s-sewda”) (12). Barra minn hekk, jekk il-Kummissjoni jew awtorità nazzjonali tal-kompetizzjoni tkun għadha ma għalqitx il-proċedimenti tagħha, il-qorti nazzjonali ma tistax tordna d-divulgazzjoni ta’ informazzjoni li kienet imħejjija minn persuna fiżika jew ġuridika speċifikament għall-proċedimenti ta’ awtorità tal-kompetizzjoni; ta’ informazzjoni li l-awtorità tal-kompetizzjoni fasslet u bagħtet lill-partijiet matul il-proċedimenti tagħha; jew ta’ sottomissjonijiet ta’ riżolviment li ġew irtirati (magħrufa wkoll bħala “dokumenti tal-lista l-griża”) (13). |
16. |
Il-qrati nazzjonali jistgħu jordnaw lil kwalunkwe waħda mill-partijiet (il-konvenut u/jew ir-rikorrent) jew lill-partijiet terzi biex jiddivulgaw informazzjoni li tinsab fil-kontroll tagħhom (14). Fil-biċċa l-kbira tal-każijiet, waħda mill-partijiet jew parti terza fil-proċedimenti żżomm l-evidenza meħtieġa. F’xi każijiet, il-konvenut(i) ser ikollu/ikollhom evidenza rilevanti biex jinstab ksur jew jiġi definit il-kamp ta’ applikazzjoni temporali tiegħu, miksuba permezz tal-aċċess għal fajl tal-awtorità tal-kompetizzjoni (eż. dokumenti pre-eżistenti, tweġibiet għal talbiet għal informazzjoni, eċċ.). F’każijiet oħrajn, pereżempju, f’azzjoni għad-danni, il-konvenut jew ir-rikorrent jista’ jkollu evidenza addizzjonali li ma kinitx inkluża fil-fajl ta’ awtorità tal-kompetizzjoni, iżda li hija rilevanti għal talba għad-danni jew għal difiża (eż. dwar ir-rabta kawżali bejn il-ksur u l-ħsara, il-kwantifikazzjoni tal-ħsara (15), l-istima ta’ “trasferiment” possibbli ta’ sovradebitu mill-konvenuti (16), eċċ.). Dan jista’ jkun partikolarment il-każ għal informazzjoni dwar prezzijiet speċifiċi għall-klijent, dħul jew data oħra bħall-imġiba tal-ipprezzar tax-xerrejja, eċċ. |
17. |
Jekk il-partijiet jew kwalunkwe parti terza oħra ma jkunux jistgħu jipproduċu l-evidenza mitluba u t-talba għad-divulgazzjoni tkun tikkonċerna dokument fil-fajl tal-Kummissjoni jew ta’ awtorità nazzjonali tal-kompetizzjoni, il-qorti nazzjonali tista’ tindirizza ordni għad-divulgazzjoni lilhom (17). |
B. Informazzjoni kunfidenzjali
18. |
Il-protezzjoni tas-sigrieti kummerċjali u ta’ informazzjoni kunfidenzjali oħra hija minquxa fl-Artikolu 339 tat-TFUE u hija wkoll prinċipju ġenerali tad-dritt tal-Unjoni (18). Madankollu, il-fatt li l-informazzjoni hija ta’ natura kunfidenzjali mhuwiex ostaklu assolut għad-divulgazzjoni tagħha fi proċedimenti nazzjonali (19). Il-qrati nazzjonali se jiddeċiedu x’jista’ jikkostitwixxi informazzjoni kunfidenzjali għall-infurzar privat tad-dritt tal-kompetizzjoni tal-UE fuq bażi ta’ każ b’każ skont ir-regoli nazzjonali u tal-UE u l-ġurisprudenza rilevanti. |
19. |
Għal dik ir-raġuni, din il-Komunikazzjoni ma tipprovax tipprovdi definizzjoni ta’ informazzjoni kunfidenzjali. Madankollu, tista’ tittieħed ispirazzjoni mill-ġurisprudenza tal-qrati tal-UE u mill-prattika tal-Kummissjoni (20). |
20. |
Il-qrati tal-UE jikkwalifikaw bħala kunfidenzjali dik l-informazzjoni li tissodisfa l-kundizzjonijiet kumulattivi li ġejjin (21):
|
21. |
B’rabta mal-ewwel kundizzjoni, l-informazzjoni tista’ titlef in-natura kunfidenzjali tagħha hekk kif issir “disponibbli għal ċrieki speċjalizzati jew tkun tista’ tiġi dedotta minn informazzjoni disponibbli għall-pubbliku” (22). |
22. |
B’rabta mat-tieni kundizzjoni, ta’ min jinnota li biex jiġi vvalutat il-potenzjal li ssir ħsara huwa rilevanti li l-ewwel tiġi kkunsidrata n-natura tal-informazzjoni. Id-divulgazzjoni tal-informazzjoni li għandha valur kummerċjali, finanzjarju jew strateġiku ġeneralment titqies li tista’ tikkawża ħsara serja. (23) It-tieni, huwa neċessarju li jitqies kemm hija reċenti l-informazzjoni. Informazzjoni kummerċjalment sensittiva dwar relazzjoni kummerċjali li tkun għaddejja jew futura, pjanijiet ta’ negozju interni u informazzjoni kummerċjali oħra li tħares ’il quddiem jistgħu spiss jikkwalifikaw (mill-inqas parzjalment) bħala informazzjoni kunfidenzjali. Madankollu, din l-informazzjoni tista’ titlef in-natura kunfidenzjali tagħha meta tkun “tilfet l-importanza kummerċjali tagħha minħabba l-mogħdija taż-żmien”. (24) |
23. |
B’rabta mat-tielet kundizzjoni, l-interess ta’ parti li tipproteġi lilha nnifisha jew ir-reputazzjoni tagħha kontra kwalunkwe ordni għal danni magħmula minn qorti nazzjonali minħabba l-parteċipazzjoni tagħha fi ksur tad-dritt tal-kompetizzjoni mhuwiex interess li jistħoqqlu protezzjoni. (25) |
24. |
Fl-aħħar nett, is-sigrieti kummerċjali kif definiti fid-Direttiva dwar is-Sigrieti Kummerċjali għandhom jitqiesu bħala informazzjoni kunfidenzjali. (26) |
C. Il-kooperazzjoni bejn il-Kummissjoni u l-qrati nazzjonali fil-kuntest tad-divulgazzjoni tal-evidenza
25. |
Fi proċedimenti ċivili għall-applikazzjoni tal-Artikoli 101 u 102 tat-TFUE, qorti nazzjonali tista’ titlob lill-Kummissjoni skont l-Artikolu 15(1) tar-Regolament tal-Kunsill (KE) Nru 1/2003 (27) għal opinjoni dwar kwistjonijiet li jikkonċernaw l-applikazzjoni tad-dritt tal-kompetizzjoni tal-UE, jew biex tibgħat kwalunkwe informazzjoni legali, ekonomika jew proċedurali fil-pussess tagħha f’konformità mal-prinċipju ta’ kooperazzjoni leali tal-Artikolu 4(3) tat-Trattat dwar l-Unjoni Ewropea (28). |
26. |
Skont id-Direttiva dwar id-Danni, il-qorti nazzjonali tista’ tordna, pereżempju, id-divulgazzjoni ta’ dokumenti mill-fajl tal-Kummissjoni, jekk l-ebda parti (terza) oħra ma tkun tista’ tipprovdihom b’mod raġonevoli (29). F’dan ir-rigward, huwa importanti li jitfakkar li, kif stabbilit hawn fuq, il-Kummissjoni mhijiex se tittrażmetti dokumenti tal-lista s-sewda jew, jekk il-proċedimenti tagħha ma jkunux magħluqa, dokumenti tal-lista l-griża (ara l-paragrafu 15 hawn fuq) (30). |
27. |
Barra minn hekk, l-assistenza tal-Kummissjoni lill-qrati nazzjonali ma għandhiex iddgħajjef il-garanziji li għandhom il-persuni fiżiċi u ġuridiċi skont il-prinċipju tas-segretezza professjonali skont l-Artikolu 339 tat-TFUE u l-Artikolu 28 tar-Regolament (KE) Nru 1/2003 (31). |
28. |
Meta l-Kummissjoni tqis li l-informazzjoni mitluba mill-qorti nazzjonali tista’ tkun kunfidenzjali fil-kawża pendenti quddiemha, hija titlob lill-qorti nazzjonali jekk tistax tiggarantixxi l-protezzjoni tal-informazzjoni kunfidenzjali qabel tibgħatha u, jekk iva, jekk hix se tagħmel dan (32). Jenħtieġ li l-qorti nazzjonali mbagħad tiggarantixxi b’mod effettiv il-protezzjoni xierqa ta’ informazzjoni kunfidenzjali li tappartjeni lil persuni ġuridiċi jew fiżiċi li mingħandhom il-Kummissjoni tkun kisbet l-informazzjoni (33). |
29. |
Jekk il-qorti nazzjonali toffri garanzija li hija se tipproteġi l-informazzjoni kunfidenzjali, il-Kummissjoni tibgħat l-informazzjoni mitluba. Il-qorti nazzjonali tista’ mbagħad tiddivulga l-informazzjoni fil-proċedimenti nazzjonali billi tapplika l-miżuri biex tipproteġi l-kunfidenzjalità tal-informazzjoni kkomunikata lill-Kummissjoni, filwaqt li tqis kwalunkwe osservazzjoni pprovduta dwar din il-kwistjoni mill-Kummissjoni. |
III. MIŻURI GĦALL-PROTEZZJONI TA’ INFORMAZZJONI KUNFIDENZJALI
A. Daħla
30. |
Meta tiġi divulgata evidenza li jkun fiha informazzjoni kunfidenzjali, jenħtieġ li jiġu introdotti miżuri biex jipproteġu din l-informazzjoni. Bħala eżempju, id-Direttiva dwar id-Danni tirreferi għal ftit miżuri bħall-possibbiltà tar-redazzjoni tad-dokumenti, it-twettiq ta’ seduti ta’ smigħ bil-magħluq, il-limitazzjoni tal-persuni li jitħallew jaraw l-evidenza u l-għoti ta’ struzzjonijiet lill-esperti biex jipproduċu sommarji tal-informazzjoni f’forma aggregata jew f’forma oħra mhux kunfidenzjali (34). |
31. |
Naturalment, l-għażla tal-miżura użata biex tipproteġi l-informazzjoni kunfidenzjali meta tordna d-divulgazzjoni se tkun tiddependi fuq ir-regoli proċedurali nazzjonali speċifiċi, inkluż sa liema punt huma disponibbli ċerti miżuri. Il-qrati nazzjonali jistgħu jitolbu wkoll li l-partijiet ifittxu ftehim dwar il-miżuri maħsuba biex jipproteġu l-informazzjoni kunfidenzjali. |
32. |
Il-qrati nazzjonali għandhom jiddeċiedu dwar l-aktar miżura jew taħlita ta’ miżuri effettivi maħsuba biex jipproteġu l-kunfidenzjalità fuq bażi ta’ każ b’każ. L-għażla tista’ tiddependi fuq diversi fatturi, bħal, inter alia:
|
33. |
Sabiex jiġi evitat li l-partijiet jużaw dokumenti kunfidenzjali barra mill-proċedimenti li fihom ikunu ġew divulgati, huwa importanti li l-qrati nazzjonali jkunu jistgħu jimponu penali deterrenti għan-nuqqas ta’ konformità mal-obbligi tal-protezzjoni ta’ informazzjoni kunfidenzjali (40). L-għażla tal-aktar miżura/i effettiva/i għall-protezzjoni ta’ informazzjoni kunfidenzjali tista’ tiddependi fuq l-eżistenza u l-kapaċità li jiġu imposti u infurzati sanzjonijiet għal nuqqas jew rifjut ta’ konformità ma’ tali miżura/i. Għal azzjonijiet għad-danni, skont l-Artikolu 8 tad-Direttiva dwar id-Danni, il-qrati nazzjonali jridu jkunu jistgħu jimponu penali b’mod effettiv fuq il-partijiet, il-partijiet terzi u l-avukati tagħhom fil-każ li jonqsu jew jirrifjutaw li jikkonformaw mal-obbligi imposti minn ordni ta’ qorti nazzjonali li tipproteġi l-informazzjoni kunfidenzjali (41). |
34. |
In-natura u l-kamp ta’ applikazzjoni preċiżi tas-sanzjonijiet se jiddependu fuq ir-regoli nazzjonali. Skont id-Direttiva dwar id-Danni, is-sanzjonijiet għal, inter alia, in-nuqqas ta’ konformità ma’ ordni ta’ divulgazzjoni jew mal-obbligi imposti minn ordni ta’ qorti nazzjonali li tipproteġi informazzjoni kunfidenzjali għandhom jinkludu l-possibbiltà li jsiru inferenzi negattivi u l-possibbiltà li jiġi ordnat il-ħlas tal-ispejjeż (42). Konsulenti legali jew esperti esterni jistgħu jkunu soġġetti wkoll għal sanzjonijiet dixxiplinari mill-assoċjazzjonijiet professjonali tagħhom (eż. sospensjoni, multi, eċċ.). |
35. |
Bħala konklużjoni, l-għażla tal-miżura/i għall-protezzjoni tal-informazzjoni kunfidenzjali tista’ tirrikjedi evalwazzjoni komprensiva ta’ bosta fatturi. Sabiex tgħin lill-qrati nazzjonali f’din il-valutazzjoni, din il-Komunikazzjoni tipprovdi ħarsa ġenerali lejn l-aktar miżuri komuni li — soġġetti għad-disponibbiltà tagħhom skont ir-regoli proċedurali tal-Istati Membri — jistgħu jintużaw biex jipproteġu l-informazzjoni kunfidenzjali, kif ukoll lejn il-kunsiderazzjonijiet rilevanti fir-rigward tal-effikaċja tagħhom. |
B. Redazzjoni
36. |
Il-qrati nazzjonali jistgħu jikkunsidraw li jordnaw lill-parti li tagħmel id-divulgazzjoni biex teditja kopji tad-dokumenti billi tneħħi l-informazzjoni kunfidenzjali. Din il-proċedura hija magħrufa bħala redazzjoni. |
37. |
Redazzjoni tista’ tinvolvi s-sostituzzjoni ta’ kull biċċa informazzjoni kunfidenzjali b’data anonimizzata jew ċifri aggregati, is-sostituzzjoni tal-paragrafi mħassrin b’sommarji mhux kunfidenzjali informattivi jew sinifikanti jew saħansitra t-tneħħija sħiħa ta’ partijiet mid-dokumenti li fihom l-informazzjoni kunfidenzjali. |
38. |
Il-partijiet li jagħmlu d-divulgazzjoni għandhom ikunu meħtieġa li jillimitaw ir-redazzjoni għal dik li hija strettament meħtieġa biex jiġu protetti l-interessi ta’ dawk li minnhom toriġina l-informazzjoni (eż. partijiet terzi). Redazzjoni limitata ta’ ċerta informazzjoni kunfidenzjali tista’ tkun biżżejjed biex tipproteġi l-informazzjoni kunfidenzjali kollha f’dokument wieħed jew f’għadd ta’ dokumenti. Pereżempju, skont iċ-ċirkostanzi tal-każ, li jiġu redatti l-ismijiet tal-klijenti, filwaqt li l-kwantitajiet rispettivi tal-prodott fornut lilhom jitħallew mhux redatti, jista’ ma jkunx biżżejjed biex tkun imħarsa l-kunfidenzjalità (43). |
39. |
Ir-redazzjoni tal-informazzjoni kunfidenzjali mingħajr is-sostituzzjoni tal-informazzjoni b’test mhux kunfidenzjali ma tistax tilħaq il-bilanċ ġust bejn id-dritt ta’ parti li tipproteġi l-informazzjoni kunfidenzjali tagħha u d-dritt tal-parti li titlob aċċess għall-evidenza li tissostanzja t-talba jew id-difiża tagħha. Ir-redazzjonijiet applikati għal paġni jew taqsimiet sħaħ ta’ dokumenti jew għal annessi sħaħ jistgħu jitqiesu bħala eċċessivi u jistgħu ma jkunux aċċettabbli għall-fini tal-proċedimenti. |
B.1. Ir-redazzjoni bħala mezz effettiv għall-protezzjoni tal-kunfidenzjalità
40. |
Ir-redazzjoni tista’ tkun miżura effettiva biex tipproteġi l-informazzjoni kunfidenzjali meta, minkejja s-sostituzzjoni tal-informazzjoni kunfidenzjali b’test mhux kunfidenzjali, id-dokumenti u l-informazzjoni divulgati jibqgħu sinifikanti u xierqa għall-eżerċitar tad-drittijiet tal-parti li titlob id-divulgazzjoni. |
41. |
B’hekk, il-miżura ta’ redazzjoni tista’ tkun partikolarment effettiva fejn l-informazzjoni kunfidenzjali tkun tikkonċerna data jew ċifri tas-suq (eż. fatturat, profitti, ishma tas-suq, eċċ.) li jistgħu jiġu sostitwiti b’firxiet rappreżentattivi, jew fejn data kwalitattiva tkun tista’ titqassar b’mod sinifikanti. |
42. |
Ir-redazzjoni tista’ tkun ukoll miżura effettiva biex tipproteġi l-informazzjoni kunfidenzjali meta l-volum ta’ informazzjoni kunfidenzjali soġġetta għad-divulgazzjoni jkun limitat. Jekk tkun meħtieġa r-redazzjoni ta’ għadd kbir ħafna ta’ dokumenti, miżuri oħrajn maħsuba biex jipproteġu l-informazzjoni kunfidenzjali (eż. ċirku ta’ kunfidenzjalità, eċċ.), jistgħu, skont iċ-ċirkostanzi tal-każ, jitqiesu li huma aktar xierqa, meta jitqiesu ż-żmien, il-kostijiet u r-riżorsi meħtieġa għat-tħejjija ta’ verżjonijiet mhux kunfidenzjali. |
43. |
Fl-aħħar nett, ir-redazzjoni ta’ informazzjoni kunfidenzjali ta’ parti terza tista’ wkoll tkun miżura utli meta l-parti li tagħmel id-divulgazzjoni jkollha fil-pussess tagħha informazzjoni mingħand partijiet terzi li tista’ ma tkunx kunfidenzjali għal din il-parti, iżda li tista’ tkun kunfidenzjali fir-rigward tal-parti li titlob id-divulgazzjoni (44). Pereżempju, dan jista’ jkun il-każ jekk il-parti rikjedenti li tingħata l-aċċess għall-informazzjoni u l-parti terza jkunu kompetituri. F’każijiet bħal dawn, il-parti li tagħmel id-divulgazzjoni jista’ jkollha bżonn tfittex l-opinjoni tal-parti terza dwar liema informazzjoni hija kunfidenzjali jew inkella tikseb il-qbil tal-parti terza ma’ proposta għal redazzjoni. |
44. |
Madankollu, il-qrati nazzjonali jistgħu jsibu li redazzjoni hija miżura inqas effiċjenti f’dawk il-każijiet fejn it-talba tinkludi għadd kbir ta’ dokumenti ta’ partijiet terzi, minħabba li l-proċess ta’ kollegament ma’ partijiet terzi f’dan ir-rigward jista’ jżid il-kumplessità mal-kompitu. |
B.2. Ir-redazzjoni ta’ informazzjoni kunfidenzjali
45. |
Skont ir-regoli proċedurali differenti, il-qrati nazzjonali jistgħu jkunu involuti b’mod ftit jew wisq attiv fil-proċess ta’ redazzjoni. Il-qrati nazzjonali jistgħu jissorveljaw u jikkontrollaw il-proċess ta’ redazzjoni u jkunu l-interlokutur għall-partijiet u l-partijiet terzi. B’mod alternattiv, il-partijiet jistgħu jkunu primarjament responsabbli għall-produzzjoni ta’ verżjonijiet mhux kunfidenzjali u/jew għall-kisba tal-qbil ta’ partijiet terzi mal-proposti għal redazzjoni, fejn applikabbli. |
46. |
Fi kwalunkwe każ, sabiex imexxu l-proċess tat-tħejjija ta’ verżjonijiet mhux kunfidenzjali, il-qrati nazzjonali jistgħu jsibuha utli li joħorġu gwida ġenerali lill-partijiet u/jew gwida speċifika għall-każ għall-proċedimenti pendenti quddiemhom, jekk dan ikun possibbli skont ir-regoli proċedurali nazzjonali. Din il-gwida tista’ tkun utli biex tiġi stabbilita l-proċedura li l-qrati jistgħu jistennew li l-partijiet isegwu meta jkunu qed iħejju verżjonijiet mhux kunfidenzjali. |
47. |
Għal immaniġġjar effiċjenti tal-applikazzjonijiet għal redazzjoni, il-qrati nazzjonali jistgħu jitolbu lill-partijiet (45):
|
48. |
Ladarba l-partijiet jippreżentaw l-applikazzjonijiet rispettivi tagħhom għal redazzjoni jew jaqblu dwar proposta għal redazzjoni, ikun f’idejn il-qorti nazzjonali li tiddeċiedi jekk ir-redazzjonijiet proposti humiex aċċettabbli. |
49. |
Ladarba jiġu redatti, il-verżjonijiet mhux kunfidenzjali tad-dokumenti oriġinali jistgħu jintużaw matul il-proċedimenti ċivili u ma tista’ tkun meħtieġa l-ebda protezzjoni ulterjuri. |
C. Ċrieki ta’ kunfidenzjalità
50. |
Ċirku ta’ kunfidenzjalità huwa miżura ta’ divulgazzjoni li permezz tagħha l-parti li tagħmel id-divulgazzjoni tagħmel kategoriji speċifikati ta’ informazzjoni, inkluża informazzjoni kunfidenzjali, disponibbli biss għal kategoriji definiti ta’ individwi (49). |
C.1. Iċ-ċrieki ta’ kunfidenzjalità bħala mezz effettiv għall-protezzjoni tal-kunfidenzjalità
51. |
Iċ-ċrieki ta’ kunfidenzjalità jistgħu jkunu miżura effettiva għall-qrati nazzjonali biex jipproteġu l-kunfidenzjalità f’varjetà ta’ ċirkostanzi. |
52. |
L-ewwel nett, iċ-ċrieki ta’ kunfidenzjalità jistgħu jkunu effettivi biex jiżguraw id-divulgazzjoni ta’ data kwantitattiva (eż. dħul, prezzijiet, marġini, eċċ.) (50) jew informazzjoni kummerċjali strateġika ħafna li, filwaqt li tkun rilevanti għat-talba tal-parti, huwa diffiċli ħafna li tinġabar fil-qosor b’mod sinifikanti (51) jew ma tistax tiġi divulgata mingħajr ir-riskju li tiġi redatta b’mod eċċessiv (52), u b’hekk mingħajr ma jintilef il-valur evidenzjarju. |
53. |
It-tieni nett, iċ-ċrieki ta’ kunfidenzjalità jistgħu jippermettu ekonomiji u kosteffiċjenzi proċedurali, b’mod partikolari meta l-għadd ta’ dokumenti mitluba jkun voluminuż u d-dokumenti kollha jitqiegħdu kompletament fiċ-ċirku (jiġifieri fil-verżjoni oriġinali tagħhom mingħajr redazzjoni). Fil-prattika, il-partijiet jistgħu ma jaqblux li jiddivulgaw verżjonijiet mhux redatti ta’ ċerti dokumenti fiċ-ċirku ta’ kunfidenzjalità u jistgħu xorta jkunu meħtieġa jħejju verżjonijiet kunfidenzjali u mhux kunfidenzjali ta’ xi dokumenti. Madankollu, anki f’każijiet bħal dawn, iċ-ċrieki ta’ kunfidenzjalità jistgħu jnaqqsu l-ħtieġa ta’ diskussjonijiet dwar il-kunfidenzjalità bejn il-partijiet u, b’hekk, id-dewmien potenzjali. |
54. |
It-tielet nett, iċ-ċrieki ta’ kunfidenzjalità jistgħu jiġu organizzati b’mod elettroniku (eż. divulgazzjoni elettronika). Għalhekk, iċ-ċrieki ta’ kunfidenzjalità mhux bilfors ikunu jeħtieġu l-għoti fiżiku tal-informazzjoni jew il-preżenza fiżika tal-membri taċ-ċirku f’post partikolari. |
55. |
Iċ-ċrieki ta’ kunfidenzjalità jistgħu jgħinu biex jinstab bilanċ bejn il-ħtieġa ta’ divulgazzjoni u l-obbligu li tiġi protetta l-informazzjoni kunfidenzjali. (53) Permezz tad-divulgazzjoni tad-dokumenti f’ċirku ta’ kunfidenzjalità, l-informazzjoni kunfidenzjali rilevanti tiġi divulgata b’mod effettiv, iżda l-ħsara potenzjali kkawżata mid-divulgazzjoni tiġi kkontrollata jew minimizzata billi jiġi permess l-aċċess għal ċirku limitat ta’ individwi skont iċ-ċirkostanzi differenti tal-każ (eż. in-natura tad-dokumenti, ir-relazzjoni tal-partijiet, il-kompożizzjoni taċ-ċirku, dokumenti ta’ partijiet terzi, eċċ.). |
56. |
Madankollu, meta jikkunsidraw jekk u sa liema punt jenħtieġ li l-evidenza titqiegħed f’ċirku ta’ kunfidenzjalità, il-qrati nazzjonali jistgħu jagħtu importanza lill-fatt li l-informazzjoni mqiegħda f’ċirku ta’ kunfidenzjalità tista’ tillimita l-punt sa fejn tista’ tkun aċċessibbli u/jew użata fi stadji sussegwenti tal-proċedura (eż. seduti ta’ smigħ, pubblikazzjoni, eċċ.). Il-qrati nazzjonali jistgħu jikkunsidraw ukoll jekk ikunux meħtieġa verżjonijiet mhux kunfidenzjali tad-dokumenti u, jekk iva, l-ammont ta’ dokumenti li, fi kwalunkwe każ, ikun meħtieġ li jiġu redatti. |
C.2. L-organizzazzjoni ta’ ċirku ta’ kunfidenzjalità
57. |
Jekk qorti nazzjonali tqis li ċirku ta’ kunfidenzjalità huwa miżura effettiva ta’ divulgazzjoni f’każ partikolari, hija tista’, permezz ta’ ordni tal-qorti, tiddeċiedi dwar għadd ta’ aspetti rilevanti, bħal (a) l-informazzjoni li għandha titqiegħed fiċ-ċirku ta’ kunfidenzjalità; (b) il-kompożizzjoni taċ-ċirku ta’ kunfidenzjalità; (c) l-impenji ta’ kunfidenzjalità li għandhom isiru mill-partijiet; u (d) l-organizzazzjoni loġistika taċ-ċirku ta’ kunfidenzjalità. Xi aspetti jistgħu jkunu diġà stabbiliti mir-regoli proċedurali nazzjonali jew mill-gwida ġenerali maħruġa mill-qorti nazzjonali (54). |
a. L-identifikazzjoni tal-informazzjoni aċċessibbli fiċ-ċirku ta’ kunfidenzjalità
58. |
Kwalunkwe ċirku ta’ kunfidenzjalità ordnat minn qorti nazzjonali tipikament jidentifika l-kategoriji ta’ informazzjoni jew punti speċifiċi ta’ evidenza li jenħtieġ li jiġu inklużi fiċ-ċirku ta’ kunfidenzjalità. Fil-prattika, il-partijiet jistgħu jaqblu jew jiġu mistiedna mill-qorti biex jaqblu dwar id-dokumenti jew l-informazzjoni li jenħtieġ li jiġu inklużi fiċ-ċirku ta’ kunfidenzjalità qabel ma l-qorti toħroġ l-ordni tagħha. |
b. Il-kompożizzjoni taċ-ċirku ta’ kunfidenzjalità
59. |
Wara li tkun ikkunsidrat is-sottomissjonijiet tal-partijiet, bil-miktub jew waqt seduta orali, jew bi qbil mal-partijiet, il-qorti tista’ tordna min se jkunu l-membri taċ-ċirku ta’ kunfidenzjalità, kif ukoll id-drittijiet ta’ aċċess tal-membri (55). |
60. |
Il-membri taċ-ċirku ta’ kunfidenzjalità jistgħu jkunu dawk l-individwi li jkollhom id-dritt li janalizzaw id-dokumenti fiċ-ċirku ta’ kunfidenzjalità. Id-deċiżjoni dwar il-kompożizzjoni taċ-ċirku ta’ kunfidenzjalità se tiddependi fuq iċ-ċirkostanzi tal-każ, b’mod partikolari n-natura tal-informazzjoni kkonċernata mit-talba għad-divulgazzjoni. |
61. |
Il-membri taċ-ċirku ta’ kunfidenzjalità jistgħu jvarjaw minn konsulenti esterni tal-partijiet (eż. konsulent legali estern jew konsulenti oħrajn) għal konsulent legali intern u/jew rappreżentanti oħrajn tal-kumpaniji. Skont ir-regoli nazzjonali u ċ-ċirkostanzi speċifiċi tal-każ, iċ-ċrieki ta’ kunfidenzjalità jistgħu jkunu magħmula minn konsulenti esterni biss jew minn taħlita ta’ konsulenti esterni u interni. |
62. |
Il-konsulenti esterni jistgħu jinkludu konsulenti legali u konsulenti jew esperti oħrajn bħal kontabilisti, ekonomisti, konsulenti finanzjarji jew awdituri, skont il-ħtiġijiet tal-każ inkwistjoni. |
63. |
Bla ħsara għar-relazzjoni bejn il-partijiet rikjedenti u l-partijiet li jagħmlu d-divulgazzjoni, u l-informazzjoni li trid tiġi divulgata, il-qorti tista’ tqis li jkun neċessarju li tillimita l-aċċess għaċ-ċirku ta’ kunfidenzjalità għall-konsulenti li mhumiex involuti fil-proċessi tat-teħid tad-deċiżjonijiet tal-kumpaniji li jirrappreżentaw (56). Dan spiss ikun il-każ għall-konsulenti esterni. |
64. |
Għall-kuntrarju tal-konsulenti esterni, il-konsulenti legali interni jew ir-rappreżentanti tal-kumpaniji jistgħu jservu lill-kumpanija f’varjetà ta’ funzjonijiet korporattivi u spiss jistgħu jkunu involuti, direttament jew indirettament, fit-teħid ta’ deċiżjonijiet strateġiċi tal-kumpanija. Għalhekk, f’ċerti ċirkostanzi, jista’ jkun hemm riskju li l-parir kummerċjali jew strateġiku tal-konsulent legali intern lill-maniġment tal-kumpanija jkun influwenzat mill-aċċess għal ċerta informazzjoni kunfidenzjali fiċ-ċirku ta’ kunfidenzjalità. Dan jista’ jkun il-każ, pereżempju, meta l-partijiet fil-proċedimenti ċivili jkunu kompetituri attwali jew potenzjali u l-aċċess għal informazzjoni kummerċjalment sensittiva jew strateġika jista’ jagħtihom vantaġġ kompetittiv mhux ġustifikat; meta l-partijiet ikunu f’relazzjoni ta’ provvista; jew meta l-informazzjoni li trid tiġi divulgata tkun tinkludi ftehimiet li għadhom fis-seħħ. |
65. |
Meta jiddeċiedu jekk jillimitawx l-aċċess għal konsulenti esterni biss, il-qrati nazzjonali jistgħu jqisu n-natura tal-informazzjoni bħala rilevanti, kif ukoll jekk dan l-aċċess ristrett jippermettix lill-partijiet jeżerċitaw b’mod effettiv id-drittijiet tagħhom fi proċedimenti ġudizzjarji kif rikonoxxuti skont id-Dritt tal-Unjoni (57) u l-liġi nazzjonali. |
66. |
Jista’ jkun hemm ċirkostanzi fejn il-qorti nazzjonali tista’ tqis li jkun xieraq għall-konsulenti legali interni u/jew għar-rappreżentanti tal-kumpaniji (eż. maniġers jew membri tal-persunal oħrajn (58)) li jkollhom aċċess għaċ-ċrieki ta’ kunfidenzjalità. L-aċċess minn konsulenti legali interni u/jew rappreżentanti tal-kumpaniji jista’ jiġi vvalutat fuq bażi ta’ każ b’każ u jista’ jiddependi fuq il-qrubija tal-individwi ssuġġeriti mill-partijiet għan-negozju, għall-qasam ta’ attività jew għan-negozju operattiv ikkonċernat mit-talba, jew ċirkostanzi fattwali oħrajn. |
67. |
Dan l-aċċess jista’ jingħata meta l-informazzjoni kunfidenzjali (kollha jew parti minnha) inkwistjoni titqies bħala inqas kummerċjalment sensittiva jew meta d-divulgazzjoni lill-impjegati tal-kumpanija ma tkunx tista’ tikkawża ħsara minħabba, pereżempju, ir-relazzjoni bejn il-partijiet. |
68. |
L-aċċess għal ċerta informazzjoni minn konsulenti legali interni u/jew rappreżentanti oħrajn tal-kumpaniji jista’ jingħata wkoll fuq talba motivata mill-partijiet (59), tipikament meta l-konsulenti legali esterni li kellhom aċċess għall-informazzjoni jqisu li ma jistgħux jirrappreżentaw b’mod adegwat l-interessi tal-klijent tagħhom mingħajr ma tiġi divulgata ċerta informazzjoni lill-klijent tagħhom. Dan huwa l-każ, pereżempju, meta l-konsulent legali estern ma jkunx jista’ jiġġudika l-preċiżjoni jew ir-rilevanza tal-informazzjoni għat-talba tal-parti jew meta l-informazzjoni tkun teknika ħafna jew speċifika għall-prodott jew għas-servizz u tkun teħtieġ għarfien settorjali jew industrijali biex issir valutazzjoni tar-rilevanza (60). |
69. |
Barra minn hekk, fl-ordnijiet ġuridiċi ta’ xi Stati Membri, jista’ jkun possibbli f’sitwazzjonijiet speċifiċi li jinkiseb il-kunsens tal-qorti nazzjonali biex jiġu kondiviżi punti speċifiċi ta’ informazzjoni mal-konsulenti legali interni jew mar-rappreżentanti tal-kumpaniji mingħajr ma l-individwi jitħallew isiru membri taċ-ċirku ta’ kunfidenzjalità. |
70. |
Meta ċ-ċirku ta’ kunfidenzjalità jkun magħmul minn taħlita ta’ konsulenti esterni u konsulenti legali interni u/jew rappreżentanti tal-kumpaniji, huwa possibbli li l-membri kollha taċ-ċirku jkollhom aċċess għall-informazzjoni kollha divulgata fiċ-ċirku jew li jingħataw drittijiet ta’ aċċess differenti. |
71. |
Huwa possibbli wkoll li jiġu organizzati ċrieki ta’ kunfidenzjalità b’żewġ livelli ta’ aċċess: livell ta’ ċirku intern magħmul minn konsulenti legali esterni u/jew konsulenti esterni oħrajn li għandhom id-dritt li jiksbu aċċess għall-aktar informazzjoni sensittiva; u livell ta’ ċirku estern magħmul minn konsulenti legali interni u/jew rappreżentanti tal-kumpaniji li għandhom id-dritt ta’ aċċess għall-informazzjoni kunfidenzjali li jifdal. |
72. |
Fuq talba ġustifikata tal-parti li tagħmel id-divulgazzjoni, il-qorti tista’ — skont il-proċeduri nazzjonali — timponi wkoll restrizzjonijiet speċifiċi b’rabta mal-aċċess ta’ ċerti membri taċ-ċirku ta’ kunfidenzjalità għal dokumenti speċifiċi. |
73. |
Jista’ jkun possibbli li l-aċċess għaċ-ċrieki ta’ kunfidenzjalità jingħata wkoll lill-membri tal-persunal amministrattivi u/jew ta’ sostenn (inklużi, pereżempju, fornituri esterni ta’ servizzi tekniċi ta’ appoġġ għad-divulgazzjoni elettronika jew għal-litigazzoni) taħt is-superviżjoni tal-persuni l-oħrajn identifikati fiċ-ċirku u bl-istess obbligi ta’ kunfidenzjalità. |
74. |
Fl-aħħar nett, ladarba l-qorti tkun ħadet deċiżjoni dwar il-kompożizzjoni taċ-ċirku ta’ kunfidenzjalità, jista’ jkun xieraq li kull membru individwali jiġi identifikat bl-isem, ir-rwol jew il-funzjoni u r-relazzjoni tiegħu mal-partijiet (61). Il-qorti tista’ wkoll tidentifika l-membri tal-persunal tal-qorti li għandhom ikunu preżenti jew li jista’ jkollhom aċċess għaċ-ċirku flimkien mal-partijiet jew fi kwalunkwe ħin ieħor f’każ ta’ ċrieki ta’ kunfidenzjalità f’post fiżiku. |
c. Impenji bil-miktub tal-membri taċ-ċirku ta’ kunfidenzjalità
75. |
Il-qorti tista’ titlob li l-membri taċ-ċirku ta’ kunfidenzjalità jissottomettu impenji bil-miktub lill-qorti. Dawk l-impenji jkunu jikkonċernaw l-obbligi tagħhom rigward l-aċċess għaċ-ċirku ta’ kunfidenzjalità u, b’mod partikolari, it-trattament kunfidenzjali ta’ ċerta informazzjoni inkluża fiċ-ċirku ta’ kunfidenzjalità (62). |
76. |
Dawn l-impenji jistgħu jikkonċernaw, inter alia, id-dmir li ma tiġix divulgata l-informazzjoni kunfidenzjali lil kwalunkwe persuna differenti minn dawk elenkati mill-qorti bħala membri ta’ ċirku ta’ kunfidenzjalità, mingħajr il-kunsens espress tal-qorti; l-obbligu li l-informazzjoni kunfidenzjali tintuża biss għall-fini tal-proċedimenti ċivili li fihom tkun inħarġet l-ordni ta’ divulgazzjoni; l-obbligu li tiġi żgurata l-kustodja adegwata tal-informazzjoni; l-obbligu li tiġi adottata kwalunkwe miżura meħtieġa fiċ-ċirkostanzi biex jiġi evitat l-aċċess mhux awtorizzat; l-obbligu li ma jiġux ikkopjati, stampati, imniżżla, replikati b’xi mod ieħor, trażmessi jew ikkomunikati d-dokumenti li jkun sar aċċess għalihom; l-obbligu li tintbagħat lura jew tinqered kwalunkwe kopja ta’ dokumenti li jkun fihom informazzjoni kunfidenzjali; l-obbligu li d-dokumenti ma jkunux disponibbli għall-persuni identifikati minn kwalunkwe kompjuter jew apparat wara data speċifika, eċċ. |
77. |
F’każijiet fejn il-qorti tippermetti aċċess għaċ-ċirku ta’ kunfidenzjalità minn konsulenti esterni biss, hija tista’ timponi fuqhom l-obbligu li ma jiddivulgawx l-informazzjoni kunfidenzjali lill-klijenti tagħhom. Dan jista’ jkun ta’ rilevanza sinifikanti f’dawk il-ġuriżdizzjonijiet li fihom il-konsulenti legali esterni jkunu marbuta, skont ir-regoli tal-avukatura deontoloġika jew regoli oħrajn, li jikkondividu l-informazzjoni mal-klijenti tagħhom (63). Għal dan l-għan, jekk il-partijiet jaqblu ma’ dawn ir-restrizzjonijiet għall-fini taċ-ċirku ta’ kunfidenzjalità, huma jista’ jkollhom bżonn li jeħilsu espressament lill-konsulenti legali esterni li huma membri taċ-ċirku ta’ kunfidenzjalità (u possibbilment id-ditta legali tagħhom) mill-obbligu li jiddivulgaw magħhom l-informazzjoni inkluża fiċ-ċirku ta’ kunfidenzjalità (64). |
78. |
Barra minn hekk, meta l-konsulenti legali intern jew ir-rappreżentanti tal-kumpaniji jipparteċipaw f’ċirku ta’ kunfidenzjalità, huma jistgħu jkunu soġġetti għal rekwiżiti addizzjonali. Pereżempju, il-qorti nazzjonali tista’ tqis li jkun xieraq li tippreskrivi li, għal perjodu limitat, l-impjegat inkwistjoni ma jaħdimx fil-linja tan-negozju kkonċernata mit-talba. |
d. L-organizzazzjoni loġistika ta’ ċirku ta’ kunfidenzjalità
79. |
Iċ-ċrieki ta’ kunfidenzjalità jistgħu jkunu jirrikjedu li l-qrati nazzjonali jiddeċiedu dwar diversi miżuri organizzattivi, infrastrutturali u loġistiċi. |
80. |
L-ewwel nett, iċ-ċrieki ta’ kunfidenzjalità jistgħu jinvolvu d-divulgazzjoni fiżika jew elettronika ta’ informazzjoni kunfidenzjali. Id-divulgazzjoni fiżika tista’ tiġi organizzata fil-bini tal-qorti bil-persunal tal-qorti fil-kontroll tad-divulgazzjoni jew mill-partijiet fil-bini tagħhom mingħajr l-ebda involviment tal-qorti. Id-divulgazzjoni fiżika tista’ tinvolvi l-konsenja ta’ kopji stampati tad-dokumenti, iżda wkoll id-divulgazzjoni tal-evidenza permezz ta’ CD, DVD jew USB key f’post fiżiku, fil-bini tal-qorti jew fil-bini tal-partijiet. |
81. |
Jekk id-divulgazzjoni tal-informazzjoni fiċ-ċirku ta’ kunfidenzjalità jseħħ fil-bini tal-qorti, il-qorti jista’ jkollha bżonn tiżgura li l-faċilitajiet għall-aċċess tal-informazzjoni jkunu adegwati, sakemm il-persuni li jkollhom aċċess għaċ-ċirku ta’ kunfidenzjalità ma jitħallewx iġibu t-tagħmir tagħhom stess. |
82. |
Id-divulgazzjoni tal-informazzjoni f’ċirku ta’ kunfidenzjalità tista’ sseħħ ukoll b’mezzi elettroniċi. F’każ bħal dan, l-informazzjoni tittella’ u tinħażen f’post elettroniku (eż. cloud), u l-aċċess għall-informazzjoni jkun protett minn kriptaġġ adegwat. |
83. |
It-tieni nett, il-qorti tista’ tiddetermina t-tul ta’ żmien tal-aċċessibbiltà taċ-ċirku ta’ kunfidenzjalità. |
84. |
It-tielet nett, il-qorti tista’ barra minn hekk tiddeċiedi dwar is-sigħat ta’ disponibbiltà tal-kmamar tad-divulgazzjoni (eż. waqt il-ħinijiet tan-negozju biss), jekk il-persunal tal-qorti jrid ikun preżenti fil-kmamar tad-divulgazzjoni, jekk in-noti jew il-fajls jistgħux jinġiebu fil-kmamar, eċċ. |
85. |
Fl-aħħar nett, sabiex jiġi żgurat li l-informazzjoni kunfidenzjali divulgata f’ċirku ta’ kunfidenzjalità tkun protetta matul il-proċedimenti, il-qrati nazzjonali jistgħu jitolbu li l-partijiet jissottomettu kemm verżjoni kunfidenzjali kif ukoll verżjoni mhux kunfidenzjali tan-noti tagħhom (din tal-aħħar, pereżempju, tkun tinkludi biss data kwantitattiva f’forma aggregata jew anonimizzata), li l-informazzjoni kunfidenzjali tissemma biss f’anness kunfidenzjali, jew li jittieħdu miżuri oħrajn biex tiġi protetta n-natura kunfidenzjali tal-informazzjoni. Għal aktar dettalji f’dan ir-rigward, jekk jogħġbok irreferi għat-Taqsima IV hawn taħt. |
D. Il-ħatra tal-esperti
86. |
F’xi ġuriżdizzjonijiet, il-qrati nazzjonali jistgħu jiddeċiedu li jaħtru individwu terz b’kompetenza f’qasam speċifiku (eż. il-kontabilità, il-finanzi, id-dritt tal-kompetizzjoni, l-awditjar, eċċ.) biex ikollu aċċess għal ċerta informazzjoni kunfidenzjali kkonċernata minn talba għal divulgazzjoni. Ir-rwol ta’ tali espert maħtur mill-qorti jista’ jkun differenti minn dak ta’ esperti maħtura mill-partijiet, li ta’ spiss jintużaw f’xi ġuriżdizzjonijiet biex jappoġġjaw it-talba jew id-difiża ta’ parti. |
87. |
Jekk ir-regoli proċedurali nazzjonali jippermettu dan, l-inkarigu tal-espert jista’ pereżempju jkun li jabbozza sommarju mhux kunfidenzjali sinifikanti tal-informazzjoni li għandha titqiegħed għad-dispożizzjoni tal-parti li tkun qed titlob id-divulgazzjoni. B’mod alternattiv, u skont ir-regoli proċedurali nazzjonali applikabbli, l-espert jista’ jintalab jabbozza rapport kunfidenzjali li jista’ jkun disponibbli biss għall-konsulent legali estern u/jew għal konsulenti esterni oħrajn tal-parti li tkun qed titlob id-divulgazzjoni, filwaqt li verżjoni mhux kunfidenzjali tar-rapport tista’ titqiegħed għad-dispożizzjoni tal-parti rikjedenti nnifisha. |
D.1. Il-ħatra ta’ esperti bħala mezz effettiv għall-protezzjoni tal-kunfidenzjalità
88. |
L-ewwel nett, il-ħatra ta’ esperti tista’ tkun miżura effettiva fejn l-informazzjoni li għandha tiġi divulgata tkun kummerċjalment sensittiva ħafna u ta’ natura kwantitattiva jew teknika (eż. informazzjoni inkluża f’kotba kummerċjali jew tal-kontabilità, data tal-klijenti, proċessi tal-manifattura, eċċ.). F’każijiet bħal dawn, l-esperti jistgħu jiġbru fil-qosor u/jew jaggregaw informazzjoni kunfidenzjali bl-għan li jagħmluha aċċessibbli għall-parti li tkun qed titlob id-divulgazzjoni. |
89. |
It-tieni nett, il-ħatra ta’ esperti tista’ tkun effettiva wkoll meta parti waħda titlob aċċess ulterjuri għal dokumenti kunfidenzjali li jkun fihom id-data sottostanti, pereżempju, biex tevalwa r-robustezza tal-metodoloġiji użati biex jiġu vvalutati l-firxa tad-danni, is-sovradebiti ttrasferiti, eċċ. |
90. |
It-tielet nett, f’każijiet fejn għadd kbir ta’ dokumenti li għandhom jiġu divulgati jkunu jikkonċernaw informazzjoni kunfidenzjali ta’ parti terza, il-qrati jistgħu jqisu li jkun aktar effettiv li jaħtru espert biex jikseb aċċess għall-informazzjoni u jagħti l-opinjoni tiegħu dwar in-natura kunfidenzjali tal-informazzjoni, milli jidħlu f’diskussjonijiet mal-partijiet dwar il-kamp ta’ applikazzjoni ta’ redazzjoni jew jistabbilixxu ċirku ta’ kunfidenzjalità. |
D.2. L-għoti ta’ struzzjonijiet lill-esperti
91. |
Il-qorti nazzjonali tista’ taħtar u tagħti struzzjonijiet lill-esperti maħtura. Skont ir-regoli proċedurali differenti, jista’ jkun li l-qrati nazzjonali jkunu jistgħu jaħtru esperti indipendenti terzi minn lista ta’ esperti “approvati mill-qorti”, minn lista ta’ esperti proposti mill-partijiet, eċċ. Skont ir-regoli proċedurali nazzjonali, meta jinħatar espert, jista’ jkun li l-qorti nazzjonali jkollha bżonn tiddeċiedi wkoll min ser iħallas l-ispejjeż tal-esperti. |
92. |
Ladarba jinħatar l-espert, il-qrati nazzjonali jistgħu jitolbu lill-espert jissottometti impenji bil-miktub rigward it-trattament kunfidenzjali ta’ kwalunkwe informazzjoni aċċessata. |
93. |
Bħal fil-każ tal-membri ta’ ċirku ta’ kunfidenzjalità, l-esperti jistgħu jintalbu li jaqblu li ma jiddivulgawx informazzjoni kunfidenzjali lil kwalunkwe persuna għajr dawk elenkati mill-qorti jew mingħajr il-kunsens espress tal-qorti; li jużaw l-informazzjoni kunfidenzjali biss għall-finijiet tal-proċedimenti ċivili li fihom tkun inħarġet l-ordni ta’ divulgazzjoni; li jiżguraw kustodja adegwata tal-informazzjoni; li jadottaw kwalunkwe miżura meħtieġa fiċ-ċirkostanzi sabiex jiġi evitat l-aċċess mhux awtorizzat u sabiex tiġi rritornata jew meqruda kwalunkwe kopja ta’ dokumenti li jkun fihom informazzjoni kunfidenzjali, eċċ. Dawn l-impenji jistgħu jipprevedu wkoll penali f’każ ta’ ksur tad-dmir tal-kunfidenzjalità. |
94. |
L-esperti jistgħu jintalbu jiddikjaraw kwalunkwe kunflitt ta’ interess li jista’ jwaqqafhom milli jwettqu l-kompitu tagħhom. |
95. |
Barra minn hekk, il-qorti tista’ tagħti struzzjonijiet lill-espert dwar it-tip ta’ rapport li għandu jiġi prodott u dwar jekk tistax tkun meħtieġa kemm verżjoni kunfidenzjali, kif ukoll verżjoni mhux kunfidenzjali, tar-rapport. |
96. |
Kull meta tiġi prodotta verżjoni kunfidenzjali tar-rapport tal-espert, il-qorti tista’ tiddeċiedi li r-rapport jiġi kondiviż biss mal-konsulenti esterni tal-partijiet, filwaqt li l-partijiet jistgħu jirċievu aċċess biss għal verżjoni mhux kunfidenzjali tar-rapport. Jekk il-qorti nazzjonali tirrestrinġi l-aċċess għall-verżjoni kunfidenzjali tar-rapport imħejji minn espert biss għall-konsulent estern ta’ parti, il-konsulent estern ma jitħalliex jikkondividi l-informazzjoni kunfidenzjali li tinsab fih mal-klijent tiegħu (65). Jekk il-qorti tiddeċiedi li d-data sottostanti użata mill-espert indipendenti tista’ tiġi divulgata wkoll lill-konsulent estern, jistgħu jkunu meħtieġa arranġamenti separati ta’ kunfidenzjalità. |
97. |
Jekk il-konsulenti legali interni u/jew ir-rappreżentanti tal-kumpaniji jitħallew ikollhom aċċess għal verżjoni kunfidenzjali tar-rapport tal-espert, il-qorti tista’ titlobhom jippreżentaw ukoll impenji bil-miktub fir-rigward tat-trattament kunfidenzjali tal-informazzjoni li għaliha jkollhom aċċess. |
IV. PROTEZZJONI TAL-INFORMAZZJONI KUNFIDENZJALI MATUL U WARA L-PROĊEDIMENTI
98. |
Meta tkun seħħet id-divulgazzjoni ta’ informazzjoni kunfidenzjali, il-qrati nazzjonali jistgħu jikkunsidraw kif dik l-informazzjoni tista’ tintuża matul u wara l-proċedimenti (66). Pereżempju, jekk il-konsulenti esterni jew interni tal-partijiet jużaw l-informazzjoni aċċessata f’ċirku ta’ kunfidenzjalità jew li tkun inkluża f’rapport kunfidenzjali ta’ esperti fin-noti tagħhom, il-qrati nazzjonali jistgħu jitolbuhom jirreferu biss għal din l-informazzjoni f’annessi kunfidenzjali li jridu jiġu ppreżentati flimkien man-noti prinċipali (67). |
99. |
Jekk il-konsulenti legali esterni jew ix-xhieda tal-partijiet ikunu jixtiequ jirreferu għal informazzjoni kunfidenzjali waqt is-smigħ tal-qorti jew meta jinstema’ espert dwar tali evidenza, il-qrati nazzjonali jistgħu jorganizzaw seduti ta’ smigħ in camera (jiġifieri bil-magħluq), jekk possibbli skont ir-regoli proċedurali applikabbli. B’mod alternattiv, jista’ jkun possibbli li l-konsulenti tal-partijiet iwasslu lill-imħallef bil-fomm għal tali informazzjoni mingħajr ma jiddivulgawha f’seduta bil-miftuħ. |
100. |
Il-ħtieġa li tiġi protetta l-informazzjoni kunfidenzjali tista’ tirriżulta wkoll aktar tard, pereżempju, fil-mument tal-adozzjoni, in-notifika jew il-pubblikazzjoni tas-sentenza, matul il-proċedimenti tal-appell jew fil-każ ta’ talbiet għal aċċess għar-rekords tal-qorti. |
A. Seduti in camera
101. |
Skont il-prinċipju ta’ ġustizzja miftuħa, il-proċedimenti ċivili ġeneralment ikunu pubbliċi fin-natura tagħhom (68) u l-qrati nazzjonali jistgħu jiżnu l-interess għall-protezzjoni tal-informazzjoni kunfidenzjali kontra l-ħtieġa li tiġi limitata l-interferenza mal-prinċipju ta’ ġustizzja miftuħa. |
102. |
Soġġetti għar-regoli nazzjonali, il-qrati jistgħu jiddeċiedu li jeskludu referenzi għal informazzjoni kunfidenzjali fis-seduti ta’ smigħ pubbliċi, jew li jżommu bil-magħluq dawk il-partijiet tas-seduti ta’ smigħ fejn tista’ tiġi diskussa informazzjoni kunfidenzjali. Fit-tieni każ, il-qrati nazzjonali jkollhom jiddeċiedu min għandu jitħalla jattendi s-sessjoni bil-magħluq. Din id-deċiżjoni tista’ tiddependi fuq kif u lil min ġiet divulgata l-informazzjoni kunfidenzjali (pereżempju, lill-konsulenti esterni tal-partijiet, lil espert, lir-rappreżentanti tal-kumpaniji tal-partijiet, eċċ.). |
103. |
Waqt (partijiet minn) seduti in camera (bil-magħluq), ġeneralment huma biss dawk il-konsulenti esterni u/jew il-konsulenti legali interni jew rappreżentanti tal-kumpaniji oħrajn li ngħataw aċċess għad-dokumenti kunfidenzjali fiċ-ċirku ta’ kunfidenzjalità u (jekk applikabbli) l-espert li jkun kiseb aċċess għall-informazzjoni li jitħallew jipparteċipaw. |
104. |
Is-seduti bil-magħluq jistgħu jkunu mezz effettiv biex il-partijiet jew ix-xhieda jiġu kontroeżaminati fuq l-evidenza kunfidenzjali divulgata permezz ta’ ċirku ta’ kunfidenzjalità jew biex jinstema’ espert dwar l-evidenza kunfidenzjali inkluża fir-rapport tiegħu. |
B. Notifika lill-partijiet u pubblikazzjoni
105. |
Il-qorti jista’ jkollha tikkunsidra kif tipproteġi l-informazzjoni kunfidenzjali fil-verżjoni tas-sentenza li għandha tiġi nnotifikata lill-partijiet, mingħajr preġudizzju għad-dritt ta’ appell tal-partijiet. |
106. |
Barra minn hekk, jekk id-deċiżjonijiet jew is-sentenzi jiġu ppubblikati, il-qrati nazzjonali jista’ jkollhom jipproteġu informazzjoni kunfidenzjali. Sabiex jipproteġu l-informazzjoni kunfidenzjali tal-partijiet jew ta’ partijiet terzi, meta jagħtu s-sentenza u jordnaw il-pubblikazzjoni tagħha, il-qrati nazzjonali jistgħu jikkunsidraw li janonimizzaw kwalunkwe informazzjoni li tista’ tidentifika s-sors tal-informazzjoni jew ineħħu mill-verżjoni tad-deċiżjoni disponibbli għall-pubbliku dawk il-partijiet li jirreferu għal informazzjoni kunfidenzjali (69). F’dan il-proċess, il-qorti tista’ titlob l-assistenza tal-partijiet biex tidentifika l-informazzjoni li jenħtieġ li ma tiġix divulgata lill-pubbliku ġenerali (pereżempju, billi titlob verżjoni annotata) (70). |
C. Aċċess għar-rekords tal-qorti
107. |
Il-qrati nazzjonali jista’ jkollhom bżonn jipproteġu informazzjoni kunfidenzjali b’rabta ma’ talbiet għal aċċess għar-rekords tal-qorti (il-verżjoni kunfidenzjali tas-sentenza jew il-fajl sħiħ), jekk tali talbiet jistgħu jsiru skont ir-regoli proċedurali nazzjonali. |
108. |
Skont ir-regoli nazzjonali, il-qrati jistgħu jiddeċiedu li jirrestrinġu l-aċċess għar-rekords tal-qorti fir-rigward ta’ parti mill-fajl (pereżempju, li jirrifjutaw l-aċċess għal dokumenti divulgati f’ċirku ta’ kunfidenzjalità, rapporti ta’ esperti, minuti ta’ seduti ta’ smigħ bil-magħluq, verżjoni kunfidenzjali tan-noti, eċċ.) jew fir-rigward tal-fajl sħiħ. |
109. |
F’dak ir-rigward, il-qrati nazzjonali jistgħu jikkunsidraw, inter alia, li jitolbu lill-partijiet jindikaw liema dokumenti huma kunfidenzjali sabiex ma jkunux aċċessibbli għal dawk li mhumiex partijiet fil-proċedimenti, jew jitolbu verżjonijiet mhux kunfidenzjali tad-dokumenti kkonċernati għar-rekords tal-qorti. Pereżempju, jekk ikunu ġew divulgati għadd sinifikanti ta’ dokumenti kunfidenzjali fil-proċedimenti u jkunu ntużaw miżuri bħal ċrieki ta’ kunfidenzjalità sabiex tiġi protetta l-kunfidenzjalità, il-qorti tista’ tikkunsidra wkoll li fir-rekords tal-qorti tirreġistra biss verżjonijiet mhux kunfidenzjali tan-noti, minuti tas-seduti ta’ smigħ bil-magħluq (71) jew rapporti ta’ esperti. Il-qorti tista’ tikkunsidra wkoll li tissiġilla l-fajl tal-qorti minn aċċess, parzjalment jew kompletament, għal perjodu speċifiku. |
110. |
Meta jiddeċiedu jekk jirrestrinġux, parzjalment jew kompletament, l-aċċess, il-qrati jista’ jkollhom bżonn jevalwaw, inter alia, min ikun qed jitlob aċċess għall-fajl tal-qorti. Pereżempju, il-qrati jista’ jkollhom bżonn iqisu li persuni li jitolbu aċċess jistgħu joperaw fl-istess suq jew attività kummerċjali bħall-partijiet involuti fil-proċedimenti ċivili (pereżempju, kompetituri tal-partijiet, imsieħba fin-negozju, eċċ.) u jista’ jkollhom interess speċjali li jiksbu aċċess għall-fajl tal-qorti wara li jingħalqu l-proċedimenti. |
(1) Jean-François Laborde, Cartel damages actions in Europe: How courts have assessed cartel overcharges (edizzjoni tal-2019), Concurrences Review N° 4-2019, Art. N° 92227, Novembru 2019, disponibbli fuq www.concurrences.com
(2) B’rabta mad-dritt għal kumpens, ara s-sentenza tal-Qorti tal-Ġustizzja tal-5 ta’ Ġunju 2014, Kone AG u Oħrajn v ÖBB-Infrastruktur AG, il-Kawża C-557/12, EU:C:2014:1317, il-paragrafi 21 u 22.
(3) Direttiva 2014/104/UE tal-Parlament Ewropew u tal-Kunsill tas-26 ta’ Novembru 2014 dwar ċerti regoli li jirregolaw l-azzjonijiet għad-danni skont il-liġi nazzjonali għall-ksur tad-dispożizzjonijiet tal-liġi tal-kompetizzjoni tal-Istati Membri u tal-Unjoni Ewropea (ĠU L 349, 5.12.2014, p. 1). (“Direttiva dwar id-Danni”).
(4) Ara l-Artikolu 5 tad-Direttiva dwar id-Danni. Ara wkoll il-premessa 18 tad-Direttiva dwar id-Danni.
(5) Din il-Komunikazzjoni hija, pereżempju, mingħajr preġudizzju għad-dispożizzjonijiet ta’: Ir-Regolament tal-Kunsill (KE) Nru 1206/2001 tat-28 ta’ Mejju 2001 dwar kooperazzjoni bejn il-qrati tal-Istati Membri fil-kumpilazzjoni ta’ xhieda f’materji ċivili jew kummerċjali (ĠU L 174, 27.6.2001, p. 1); Regolament (UE) 2018/1725 tal-Parlament Ewropew u tal-Kunsill tat-23 ta’ Ottubru 2018 dwar il-protezzjoni ta’ persuni fiżiċi fir-rigward tal-ipproċessar ta’ data personali mill-istituzzjonijiet, korpi, uffiċċji u aġenziji tal-Unjoni u dwar il-movement liberu ta’ tali data (ĠU L 295, 21.11.2018, p. 39); jew ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (ĠU L 119, 4.5.2016, p. 1);
Din il-Komunikazzjoni hija wkoll mingħajr preġudizzju għar-Regolament (KE) Nru 1049/2001 tal-Parlament Ewropew u tal-Kunsill tat-30 ta’ Mejju 2001 dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU L 145, 31.5.2001, p. 43), li jikkonċerna t-trasparenza u li huwa maħsub għad-divulgazzjoni tal-informazzjoni lill-pubbliku ġenerali; ara s-sentenza tal-Qorti Ġenerali tat-12 ta’ Mejju 2015, Unión de Almacenistas de Hierros de España vs Il-Kummissjoni, il-Kawża T-623/13, EU:T:2015:268, il-paragrafu 86, u s-sentenza tal-Qorti tal-Ġustizzja tas-27 ta’ Frar 2014, Il-Kummissjoni vs EnBW Energie Baden-Württemberg AG, il-Kawża C-365/12 P, EU:C:2014:112, il-paragrafi 100-109. Wara t-traspożizzjoni tad-Direttiva dwar id-Danni, ir-rikorrenti jistgħu jiddependu bis-sħiħ fuq ir-regoli nazzjonali li jittrasponu l-Artikoli 5 u 6 tagħha għad-divulgazzjoni tal-informazzjoni rilevanti.
(6) Għall-azzjonijiet għad-danni, ara l-Artikolu 5(6) tad-Direttiva dwar id-Danni.
(7) Ara l-Premessa 15 u l-Artikolu 5(1) tad-Direttiva dwar id-Danni.
(8) Ara l-Artikolu 5(1) u (3) tad-Direttiva dwar id-Danni; Ara wkoll l-osservazzjonijiet tal-Kummissjoni lill-Qorti Għolja tal-Ġustizzja tar-Renju Unit tas-27 ta’ Jannar 2017 skont l-Artikolu 15(3) tar-Regolament (KE) Nru 1/2003, fil-każ EURIBOR, il-paragrafu 24, disponibbli fuq http://ec.europa.eu/competition/court/antitrust_amicus_curiae.html
(9) Ara l-Premessa 23 tad-Direttiva dwar id-Danni dwar il-prinċipju ta’ proporzjonalità u l-prevenzjoni ta’ spedizzjonijiet ta’ sajd, jiġifieri tiftix mhux speċifiku jew wiesa’ żżejjed ta’ informazzjoni li x’aktarx ma tkunx relevanti għall-partijiet fil-proċedimenti.
(10) Ara l-Premessa 16 u l-Artikolu 5(2) tad-Direttiva dwar id-Danni.
(11) L-Artikolu 6(4) tad-Direttiva dwar id-Danni.
(12) L-Artikolu 6(6) tad-Direttiva dwar id-Danni.
(13) L-Artikolu 6(5) tad-Direttiva dwar id-Danni.
(14) L-Artikolu 5(1) tad-Direttiva dwar id-Danni.
(15) Komunikazzjoni tal-Kummissjoni dwar il-kwantifikazzjoni tal-ħsara fl-azzjonijiet għad-danni dwar l-antitrust (ĠU C 167, 13.6.2013, p. 19), u Gwida Prattika, li tikkwantifika l-ħsara f’azzjonijiet għad-danni abbażi ta’ ksur tal-Artikolu 101 jew 102 tat-Trattat dwar il-Funzjonament tal-Unjoni Ewropea (11.6.2013).
(16) Pereżempju, fejn konvenut isostni li r-rikorrent ittrasferixxa lill-klijenti tiegħu stess is-sovradebitu mill-ksur (l-hekk imsejħa difiża tat-trasferiment), il-konvenut jista’ jitlob aċċess għall-evidenza li tkun fil-pussess tar-rikorrent jew tal-partijiet terzi. Ara l-Linji Gwida għall-qrati nazzjonali dwar kif jistmaw is-sehem tal-ispejjeż żejda ttrasferiti fuq ix-xerrej indirett (ĠU C 267, 9.8.2019, p. 4).
(17) Ara l-Artikolu 4(3) tat-TUE dwar il-prinċipju ta’ kooperazzjoni sinċiera bejn l-Unjoni u l-Istati Membri u l-Artikolu 15(1) tar-Regolament Nru 1/2003 fir-rigward tat-talbiet għal informazzjoni lill-Kummissjoni. Fl-azzjonijiet għad-danni, l-Artikolu 6(10) tad-Direttiva dwar id-Danni jistabbilixxi speċifikament li d-divulgazzjoni minn awtorità tal-kompetizzjoni hija biss miżura tal-aħħar għażla (“L-Istati Membri għandhom jiżguraw li l-qrati nazzjonali jitolbu d-divulgazzjoni minn awtorità tal-kompetizzjoni ta’ evidenza inkluża fil-fajl tagħha biss meta l-ebda parti jew parti terza ma tkunx f’pożizzjoni jew ma tkunx tista’ b’mod raġonevoli tipprovdi dik l-evidenza”).
(18) Ara s-sentenza tal-Qorti tal-Ġustizzja tal-14 ta’ Frar 2008, Varec vs L-Istat Belġjan, il-Kawża C-450/06, EU:C:2008:91, il-paragrafu 49. Ara wkoll is-sentenza tal-Qorti tal-Ġustizzja tal-24 ta’ Ġunju 1986, Akzo Chemie vs Il-Kummissjoni, il-Kawża C-53/85, EU:C:1986:256, il-paragrafu 28; is-sentenza tal-Qorti tal-Ġustizzja tad-19 ta’ Mejju 1994, SEP vs Il-Kummissjoni, il-Kawża C-36/92 P, EU:C:1994:205, il-paragrafu 37, u s-sentenza tal-Qorti tal-Ġustizzja tad-19 ta’ Ġunju 2018, Baumeister, il-Kawża C-15/16, EU:C:2018:464, il-paragrafu 53. Il-protezzjoni tal-informazzjoni kunfidenzjali hija wkoll konsegwenza tad-dritt ta’ kulħadd għar-rispett tal-ħajja privata u tal-familja tiegħu jew tagħha, kif stipulat fl-Artikolu 7 tal-Karta tad-Drittijiet Fundamentali tal-Unjoni Ewropea (ĠU C 326, 26.10.2012, p. 391) (ara wkoll is-sentenza f’Varec vs L-Istat Belġjan, iċċitata hawn fuq, il-paragrafu 48).
(19) Is-sentenza tal-Qorti Ġenerali tat-18 ta’ Settembru 1996, Postbank, il-Kawża T-353/94, EU:T:1996:119, il-paragrafi 66 u 89; ara wkoll, għall-ispirazzjoni, l-Avviż tal-Kummissjoni dwar il-kooperazzjoni bejn il-Kummissjoni u l-qrati tal-Istati Membri tal-UE fl-applikazzjoni tal-Artikoli 81 u 82 tal-KE (ĠU C 101, 27.4.2004 p. 54) (“Avviż dwar il-Kooperazzjoni mal-Qrati Nazzjonali”), il-paragrafu 24; u l-Avviż tal-Kummissjoni dwar ir-regoli għall-aċċess għall-fajl tal-Kummissjoni f’każijiet skont l-Artikoli 81 u 82 tat-Trattat tal-KE, l-Artikoli 53, 54 u 57 tal-Ftehim taż-ŻEE u r-Regolament tal-Kunsill (KE) Nru 139/2004 (ĠU C 325, 22.12.2005, p. 7) (“Avviż dwar l-Aċċess għall-Fajl”), il-paragrafu 24. Ara wkoll l-Artikoli 3 u 9 tad-Direttiva (UE) 2016/943 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni ta’ konoxxenza u ta’ informazzjoni kummerċjali kunfidenzjali (sigrieti kummerċjali) kontra l-ksib, l-użu u l-iżvelar illegali tagħhom (ĠU L 157, 15.6.2016, p. 1) (“Direttiva dwar is-Sigrieti Kummerċjali”).
(20) Ara, pereżempju, l-Avviż dwar l-Aċċess għall-Fajl, il-paragrafi 17-19, il-Kapitolu 11 tal-Manwal ta’ Proċedura tad-DĠ għall-Kompetizzjoni għall-applikazzjoni tal-Artikoli 101 u 102 tat-TFUE (disponibbli fuq https://ec.europa.eu/competition/antitrust/antitrust_manproc_11_2019_en.pdf), u l-Gwida dwar it-talbiet għal kunfidenzjalità matul il-proċeduri tal-antitrust tal-Kummissjoni, il-paragrafi 8-17 (disponibbli fuq https://ec.europa.eu/competition/antitrust/business_secrets_en.pdf).
Madankollu, skont iċ-ċirkostanzi, il-qrati nazzjonali jista’ jkollhom bżonn jivvalutaw mill-ġdid il-kunfidenzjalità tal-informazzjoni fil-kuntest ta’ azzjonijiet ta’ infurzar privat, anki jekk din kienet ġiet stabbilita fil-kuntest tal-infurzar pubbliku tad-dritt tal-kompetizzjoni tal-UE. Pereżempju, il-partijiet fi proċedimenti amministrattivi setgħu għamlu talbiet għal kunfidenzjalità fir-rigward ta’ partijiet oħrajn fil-proċedimenti amministrattivi, iżda jista’ jkun li jkollhom jagħmlu talbiet differenti fir-rigward tal-partijiet li jkunu qed jitolbu d-divulgazzjoni quddiem il-qorti nazzjonali fi proċedimenti ċivili. Dan ikun japplika wkoll għal partijiet terzi li mingħandhom il-Kummissjoni jew awtorità nazzjonali tal-kompetizzjoni setgħet kisbet informazzjoni matul il-proċedimenti amministrattivi. Minħabba l-mogħdija taż-żmien bejn il-proċedimenti differenti, jista’ jkun rilevanti wkoll li l-informazzjoni tiġi vvalutata mill-ġdid fir-rigward ta’ jekk tkunx tilfet in-natura kunfidenzjali tagħha jew le (ara wkoll il-paragrafu 22 hawn taħt).
(21) Is-sentenza tal-Qorti Ġenerali tat-30 ta’ Mejju 2006, Bank Austria vs Il-Kummissjoni, il-Kawża T-198/03, EU:T:2006:136, il-paragrafu 71; is-sentenza tal-Qorti Ġenerali tat-8 ta’ Novembru 2011, Idromacchine vs Il-Kummissjoni, il-Kawża T-88/09, EU:T:2011:641, il-paragrafu 45; is-sentenza tal-Qorti Ġenerali tat-28 ta’ Jannar 2015, Akzo Nobel u Oħrajn v Il-Kummissjoni, il-Kawża T-345/12, EU:T:2015:50, il-paragrafu 65; u s-sentenza tal-Qorti tal-Ġustizzja tal-14 ta’ Marzu 2017, Evonik Degussa vs Il-Kummissjoni, il-Kawża C-162/15 P, EU:C:2017:205, il-paragrafu 107.
(22) Ara, pereżempju, l-Ordni tal-Qorti Ġenerali tad-19 ta’ Ġunju 1996, NMH Stahlwerke vs Il-Kummissjoni, il-Kawżi Magħquda T-134/94, eċċ., EU:T:1996:85, il-paragrafu 40; l-Ordni tal-Qorti Ġenerali tad-29 ta’ Mejju 1997, British Steel vs Il-Kummissjoni, il-Kawża T-89/96, EU:T:1997:77, il-paragrafu 29; l-Ordni tal-Qorti Ġenerali tal-15 ta’ Ġunju 2006, Deutsche Telekom vs Il-Kummissjoni, il-Kawża T-271/03, EU:T:2006:163, il-paragrafi 64 u 65; u l-Ordni tal-Qorti Ġenerali tat-2 ta’ Marzu 2010, Telefónica vs Il-Kummissjoni, il-Kawża T-336/07, EU:T:2008:299, il-paragrafi 39, 63 u 64; Ara wkoll l-Avviż dwar l-Aċċess għall-Fajl, il-paragrafu 23.
(23) Dan huwa relevanti wkoll fir-rigward tal-protezzjoni ta’ terzi persuni mir-riskju ta’ ritaljazzjoni minn kompetitur jew sieħeb kummerċjali li jista’ jeżerċita pressjoni kummerċjali jew ekonomika sinifikanti fuqhom. Ara, pereżempju, is-sentenza tal-Qorti tal-Ġustizzja tas-6 ta’ April 1995, BPB Industries u British Gypsum vs Il-Kummissjoni, il-Kawża C-310/93, EU:C:1995:101, il-paragrafi 26 u 27.
(24) Informazzjoni li kienet kunfidenzjali, iżda li tmur lura għal ħames snin jew aktar ilu, trid titqies bħala storika, sakemm l-applikant ma jurix b’mod eċċezzjonali li għadha tikkostitwixxi element essenzjali tal-pożizzjoni kummerċjali tiegħu jew dik ta’ parti terza; ara, f’dan ir-rigward, Evonik Degussa vs Il-Kummissjoni, iċċitata hawn fuq, il-paragrafu 64; Baumeister, iċċitata hawn fuq, il-paragrafu 54; u s-sentenza tal-Qorti Ġenerali tal-15 ta’ Lulju 2015, Pilkington Group Ltd vs Il-Kummissjoni, il-Kawża T-462/12, EU:T:2015:508, il-paragrafu 58. Ara wkoll, l-Avviż dwar l-Aċċess għall-Fajl, il-paragrafu 23.
(25) Is-sentenza tal-Qorti Ġenerali tal-15 ta’ Diċembru 2011, CDC Hydrogene Peroxide vs Il-Kummissjoni, il-Kawża T-437/08, EU:T:2011:752, il-paragrafu 49 (“[…] l-interess ta’ kumpanija li tkun ipparteċipat f’akkordju li tevita azzjonijiet bħal dawn […] ma jikkostitwixxix interess li għandu jiġi protett, partikolarment fid-dawl tad-dritt li kull persuna għandha sabiex titlob kumpens għad-danni li aġir li jista’ jillimita jew joħloq distorsjoni tal-kompetizzjoni jista’ jikkawżalha (il-Kawża C-453/99 Courage u Crehan [2001] Ġabra I-6297, il-paragrafi 24 u 26, u l-Kawżi Magħquda C-295/04 sa C-298/04 Manfredi u Oħrajn [2006] Ġabra I-6619, il-paragrafi 59 u 61 )” ). Bl-istess mod, l-Artikolu 5(5) tad-Direttiva dwar id-Danni jiddikjara li l-interess tal-impriżi li jevitaw azzjonijiet għad-danni wara ksur tad-dritt tal-kompetizzjoni ma għandux jikkostitwixxi interess li jiġġustifika protezzjoni.
(26) Ara l-Artikolu 2(1) tad-Direttiva dwar is-Sigrieti Kummerċjali għad-definizzjoni ta’ sigriet kummerċjali li trid tinqara flimkien mal-Artikolu 3(2) tal-istess direttiva.
(28) L-Artikolu 15(1) tar-Regolament (KE) Nru 1/2003; Avviż dwar il-Kooperazzjoni mal-Qrati Nazzjonali, il-paragrafi 21, 27 u 29; Postbank, iċċitat hawn fuq, il-paragrafu 65; ara wkoll l-Ordni tal-Qorti tal-Ġustizzja tat-13 ta’ Lulju 1990, Imm Zwartveld, il-Kawża C-2/88, EU:C:1990:315, il-paragrafi 21-22. Jenħtieġ li jiġi nnotat li fejn l-applikazzjoni koerenti tal-Artikolu 101 jew l-Artikolu 102 tat-TFUE tirrikjedi dan, il-Kummissjoni, filwaqt li taġixxi fuq inizjattiva tagħha stess, tista’ tippreżenta osservazzjonijiet bil-miktub lill-qrati tal-Istati Membri u, għal dak l-iskop, tista’ titlob lill-qorti rilevanti tal-Istat Membru biex tittrażmetti jew tiżgura t-trażmissjoni lilha ta’ kwalunkwe dokument meħtieġ għall-valutazzjoni tal-każ, ara l-Artikolu 15(3) tar-Regolament (KE) Nru 1/2003.
(29) Ara l-Artikolu 6(10) tad-Direttiva dwar id-Danni.
(30) Ara l-Artikolu 16a (2) tar-Regolament tal-Kummissjoni (KE) Nru 773/2004 tas-7 ta’ April 2004 dwar it-tmexxija ta’ proċeduri mill-Kummissjoni skont l-Artikoli 81 u 82 tat-Trattat tal-KE, kif emendat (ĠU L 123, 27.4.2004, p. 18). Ara wkoll l-Avviż dwar il-Kooperazzjoni mal-Qrati Nazzjonali, il-paragrafu 26, għal rifjut li tiġi trażmessa l-informazzjoni minħabba raġunijiet prevalenti relatati mal-ħtieġa li jiġu ssalvagwardjati l-interessi tal-Unjoni jew li tiġi evitata kwalunkwe interferenza fil-funzjonament u l-indipendenza tagħha.
(31) Postbank, iċċitat hawn fuq, il-paragrafu 90. Ara wkoll l-Artikolu 7 tal-Karta tad-Drittijiet Fundamentali tal-Unjoni Ewropea, iċċitat hawn fuq.
(32) Avviż dwar il-Kooperazzjoni mal-Qrati Nazzjonali, il-paragrafu 25.
(33) Ara l-paragrafu 12 tal-Opinjoni tal-Kummissjoni tat-22 ta’ Diċembru 2014 wara talba skont l-Artikolu 15(1) tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat, Is-Segretarju tal-Istat għas-Saħħa u oħrajn v Servier Laboratories Limited u oħrajn, C(2014) 10264 final, disponibbli fuq http://ec.europa.eu/competition/court/confidentiality_rings_final_opinion_en.pdf
(34) Ara l-premessa 18 tad-Direttiva dwar id-Danni.
(35) Pereżempju, jekk il-partijiet ikunu kompetituri diretti, il-miżura magħżula trid tiżgura li l-mod li bih tiġi divulgata l-informazzjoni ma jippermettix li l-partijiet jiftiehmu u ma jagħtix vantaġġ kompetittiv lill-parti li tkun qed titlob id-divulgazzjoni.
(36) Ara, b’mod partikolari, l-Artikolu 5(7) tad-Direttiva dwar id-Danni (“L-Istati Membri għandhom jiżguraw li dawk li mingħandhom tintalab id-divulgazzjoni jingħataw l-opportunità li jinstemgħu qabel qorti nazzjonali tordna d-divulgazzjoni […]”).
(37) Il-parti li tagħmel id-divulgazzjoni mhux bilfors tkun il-parti li minnha toriġina l-informazzjoni. Pereżempju, parti seta’ kellha aċċess għal informazzjoni mingħand partijiet terzi matul il-proċedimenti amministrattivi quddiem il-Kummissjoni jew awtorità nazzjonali tal-kompetizzjoni. Il-fatt li kellha aċċess għall-informazzjoni ma jagħtix lil din il-parti d-dritt li tiddivulga aktar l-informazzjoni kunfidenzjali ta’ parti terza. Pereżempju, b’rabta ma’ verżjonijiet mhux kunfidenzjali ta’ dokumenti rigward proċess ta’ ġbir ta’ data li tħejja speċifikament għall-finijiet ta’ aċċess għall-fajl, ara l-Opinjoni tal-Kummissjoni tad-29 ta’ Ottubru 2015, b’applikazzjoni tal-Artikolu 15(1) tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat, Sainsbury’s Supermarkets Ltd vs Mastercard Incorporated u Oħrajn, (C(2015) 7682 final), il-paragrafu 23, fejn il-Kummissjoni ddikjarat li, għall-finijiet tal-investigazzjoni tal-Kummissjoni, ma kienx neċessarju li tieħu pożizzjoni dwar jekk l-informazzjoni kinitx kunfidenzjali fir-rigward ta’ partijiet oħrajn, iżda li l-partijiet terzi li pprovdew l-informazzjoni jistgħu joġġezzjonaw għall-kondiviżjoni tal-informazzjoni mar-rikorrent. L-opinjoni kkonkludiet li “[…], il-fatt li l-Mastercard tista’ tkun sodisfatta bl-arranġamenti partikolari magħmula, bħal ċirku ta’ kunfidenzjalità, mhux neċessarjament jissodisfa lill-partijiet terzi li ssottomettew l-informazzjoni.” L-Opinjoni hija disponibbli fuq http://ec.europa.eu/competition/court/sainsbury_opinion_en.pdf
(38) Ara l-premessi 6 u 10 hawn fuq.
(39) Il-protezzjoni ta’ informazzjoni kunfidenzjali fil-kuntest ta’ talbiet għal żvelar tista’ teħtieġ bidliet fil-funzjonament tas-soltu tal-proċeduri loġistiċi jew telematiċi tal-qorti, jew l-istabbiliment ta’ proċeduri ad hoc fuq bażi ta’ każ b’każ fil-konfini tal-liġijiet proċedurali nazzjonali applikabbli.
(40) Ara, pereżempju, l-Artikolu 16 tad-Direttiva dwar is-Sigrieti Kummerċjali li jipprevedi l-possibbiltà li jiġu imposti sanzjonijiet fuq kwalunkwe persuna li tonqos milli tikkonforma jew tirrifjuta li tikkonforma mal-miżuri ordnati sabiex tiġi ppreservata l-kunfidenzjalità tas-sigrieti kummerċjali matul il-proċedimenti legali.
(41) Ara wkoll il-Premessa 33 tad-Direttiva dwar id-Danni. Ir-rikors għal sanzjonijiet huwa essenzjali meta wieħed iqis li jista’ jkun li fil-biċċa l-kbira tal-każijiet il-qrati nazzjonali ma jkunux jistgħu jeżerċitaw superviżjoni f’ħin reali tal-konformità tal-partijiet mar-regoli tal-ordni ta’ divulgazzjoni, b’mod partikolari fil-każ ta’ ċirku ta’ kunfidenzjalità.
(42) L-Artikolu 8(2) tad-Direttiva dwar id-Danni.
(43) L-aċċessibbiltà għall-informazzjoni dwar il-volumi fornuti tista’ tkun essenzjali biex tiġi kkwantifikata l-ħsara mġarrba fil-livell aktar baxx tal-katina tal-provvista (jiġifieri minn konsumaturi indiretti).
(44) Dan jista’ jseħħ minħabba li d-dokumenti ta’ parti terza ma jinkludux informazzjoni kunfidenzjali fir-rigward tal-parti li tagħmel id-divulgazzjoni jew minħabba li l-parti li tagħmel id-divulgazzjoni diġà kellha aċċess għal verżjoni mhux kunfidenzjali tad-dokumenti, fejn l-informazzjoni meqjusa bħala kunfidenzjali fir-rigward tal-parti li tagħmel id-divulgazzjoni kienet ġiet redatta preċedentement.
(45) Għall-ispirazzjoni, ara l-Avviż dwar l-Aċċess għall-Fajl, il-paragrafi 35-38; Gwida dwar it-talbiet għal kunfidenzjalità matul il-proċeduri tal-antitrust tal-Kummissjoni, il-paragrafi 18 sa 26, disponibbli fuq https://ec.europa.eu/competition/antitrust/business_secrets_en.pdf, u d-dokument ta’ gwida informali tad-DĠ Kompetizzjoni dwar it-talbiet għall-kunfidenzjalità, disponibbli fuq https://ec.europa.eu/competition/antitrust/guidance_en.pdf
(46) Pereżempju, tista’ tintuża sistema ta’ kodifikazzjoni bil-kuluri biex tindika lil liema parti tkun tappartjeni l-informazzjoni kunfidenzjali jew jekk tkunx relatata ma’ informazzjoni ta’ parti terza.
(47) Ara, pereżempju, l-Artikolu 103(3) tar-Regoli ta’ Proċedura tal-Qorti Ġenerali.
(48) Għall-firxiet dwar il-bejgħ, id-data tal-fatturat u l-ishma mis-suq, ara l-paragrafu 22 tal-Gwida dwar it-talbiet għal kunfidenzjalità matul il-proċeduri tal-antitrust tal-Kummissjoni, disponibbli fuq https://ec.europa.eu/competition/antitrust/business_secrets_en.pdf
(49) Skont il-ġuriżdizzjoni, din il-miżura ta’ divulgazzjoni tissejjaħ ukoll klabbs ta’ kunfidenzjalità jew kmamar għall-ħażna tad-data. Din ix-xorta ta’ miżura tista’ tintuża wkoll fi proċedimenti amministrattivi. Għall-proċeduri tal-Kummissjoni, ara l-Avviż tal-Kummissjoni dwar l-Aħjar Prattiki għat-tmexxija tal-proċedimenti li jikkonċernaw l-Artikoli 101 u 102 tat-TFUE (ĠU C 308, 20.10.2011, p. 6), il-paragrafi 96 u 97; għall-kmamar tal-ħażna tad-data, ara l-Aħjar Prattiki dwar id-divulgazzjoni tal-informazzjoni fil-kmamar għall-ħażna tad-data fi proċedimenti skont l-Artikoli 101 u 102 tat-TFUE u skont ir-Regolament tal-UE dwar l-Għaqdiet, il-paragrafu 9, disponibbli fuq http://ec.europa.eu/competition/mergers/legislation/disclosure_information_data_rooms_en.pdf. Għaċ-ċrieki tal-kunfidenzjalità, ara l-Gwida dwar l-użu taċ-ċrieki tal-kunfidenzjalità fil-proċedimenti tal-Kummissjoni, disponibbli fuq http://ec.europa.eu/competition/antitrust/conf_rings.pdf
(50) Ara l-Linji Gwida dwar it-Trasferiment, iċċitati hawn fuq, il-paragrafu 43.
(51) Ara, pereżempju, ir-rapport tal-OECD tal-5 ta’ Ottubru 2011 dwar il-Ġustizzja proċedurali: kwistjonijiet ta’ trasparenza fi proċedimenti ta’ infurzar ċivili u amministrattivi, p. 12, disponibbli fuq www.oecd.org/competition/mergers/48825133.pdf; ara wkoll in-Nota ta’ Orjentazzjoni dwar it-Trasparenza u l-Ġustizzja Proċedurali bħala tema fit-tul għall-2019-2020, bejn is-6 u t-8 ta’ Ġunju 2018, iċ-Ċentru tal-Konferenzi tal-OECD, pp. 4-5, disponibbli fuq 018, http://www.oecd.org/officialdocuments/publicdisplaydocumentpdf/?cote=DAF/COMP/WD(2018)6&docLanguage=En
(52) Pereżempju, b’rabta mad-data miġbura minn kuntratturi esterni mingħand il-parteċipanti fi stħarriġ tal-Kummissjoni, fl-Opinjoni tagħha fil-kawża Sainsbury’s Supermarkets Ltd vs MasterCard Incorporated u Oħrajn, iċċitata hawn fuq, il-paragrafu 21, il-Kummissjoni kkonkludiet li l-informazzjoni ma setgħetx tiġi anonimizzata b’mod li rrispetta bis-sħiħ l-interess leġittimu tal-fornituri tad-data fil-protezzjoni tal-informazzjoni kunfidenzjali tagħhom.
(53) Ara, f’dan ir-rigward, id-divulgazzjoni f’ċirku ta’ kunfidenzjalità kif ordnat mill-Qorti Ġenerali fis-sentenza tagħha tal-14 ta’ Marzu 2014, Cementos Portland Valderrivas, SA vs Il-Kummissjoni, il-Kawża T-296/11, EU:T:2014:121, il-paragrafu 24: “[…] sabiex jiġu kkonċiljati, minn naħa, il-prinċipju ta’ kontradittorju u, min-naħa l-oħra, il-karatteristiċi tal-fażi ta’ investigazzjoni preliminari tal-proċedura fl-istadju fejn l-impriża kkonċernata ma għandha la d-dritt li tiġi informata bl-elementi essenzjali li fuqhom il-Kummissjoni qed tibbaża ruħha u lanqas id-dritt ta’ aċċess għall-fajl, id-digriet tal-14 ta’ Mejju 2013 illimita l-konsultazzjoni tal-informazzjoni pprovduta mill-Kummissjoni biss għall-avukati tar-rikorrenti u ssuġġettaha għall-kundizzjoni li jingħata impenn ta’ kunfidenzjalità min-naħa tagħhom.”
(54) Għal eżempju ta’ miżuri ta’ organizzazzjoni tal-proċedura, ara r-Regoli Prattiċi għall-Implimentazzjoni tar-Regoli ta’ Proċedura tal-Qorti Ġenerali adottati mill-Qorti Ġenerali u, b’mod partikolari, it-Taqsima VI li tittratta l-kunfidenzjalità (ĠU L 152, 18.6.2015, p. 1). Pereżempju, għar-regoli dwar iċ-ċirku ta’ kunfidenzjalità u r-regoli dwar il-kmamar għall-ħażna tad-data użati għall-fini tal-proċeduri amministrattivi tal-Kummissjoni, ara t-Taqsima 4.3. tal-Aħjar Prattiki dwar id-divulgazzjoni tal-informazzjoni fi proċedimenti dwar il-kmamar għall-ħażna tad-data skont l-Artikoli 101 u 102 tat-TFUE u skont ir-Regolament tal-UE dwar l-Għaqdiet, iċċitati hawn fuq; l-Anness A għall-Aħjar Prattiki, ir-regoli standard dwar il-kmamar għall-ħażna tad-data (għad-divulgazzjoni ta’ informazzjoni kunfidenzjali fuq bażi ta’ konsulenti esterni biss), disponibbli fuq https://ec.europa.eu/competition/antitrust/data_room_rules_en.pdf; u l-Gwida dwar l-użu ta’ ċrieki ta’ kunfidenzjalità u, b’mod partikolari, it-taqsima 5, dwar il-ftehim ta’ divulgazzjoni nnegozjat, iċċitati hawn fuq.
(55) Id-deċiżjoni dwar il-kompożizzjoni taċ-ċirku ta’ kunfidenzjalità tista’ wkoll tiddefinixxi n-numru massimu ta’ membri għal kull parti.
(56) Ara l-premessa 18 tad-Direttiva dwar id-Danni (“jiġu limitati l-persuni li jitħallew jaraw l-evidenza”).
(57) Ara, pereżempju, l-Artikolu 9(2) tad-Direttiva dwar is-Sigrieti Kummerċjali..
(58) Pereżempju, individwi impjegati mill-parti rikjedenti permezz ta’ kuntratti tax-xogħol jew tip ieħor ta’ servizz jew ftehimiet kuntrattwali.
(59) Ara, għall-ispirazzjoni, l-Avviż dwar l-Aċċess għall-Fajl, iċċitat hawn fuq, il-paragrafu 47.
(60) F’litigazzjoni dwar id-divulgazzjoni tas-sigrieti kummerċjali, l-Artikolu 9(2) tad-Direttiva dwar is-Sigrieti Kummerċjali jippreskrivi li ċ-ċirku ristrett ta’ persuni intitolati għal aċċess għall-evidenza għandu jkun magħmul minn mill-inqas persuna fiżika waħda minn kull waħda mill-partijiet. Dan ir-rekwiżit huwa limitat għal (allegati) sigrieti kummerċjali.
(61) Ara l-Opinjoni tal-Kummissjoni f’Servier, iċċitata hawn fuq, il-paragrafu. 22.
(62) Pereżempju, fil-proċeduri amministrattivi tagħha, il-Kummissjoni tuża ftehim standard ta’ nuqqas ta’ divulgazzjoni, li huwa disponibbli fuq https://ec.europa.eu/competition/antitrust/nda_en.pdf
(63) Din hija devjazzjoni mill-prattika tas-soltu li fiha l-konsulent legali estern ta’ parti jiddivulga lill-klijent tiegħu informazzjoni u noti li jkun irċieva mingħand partijiet oħrajn fil-proċediment u jiddiskutihom liberament mal-klijent tiegħu.
(64) Fil-prattika amministrattiva tagħha, il-Kummissjoni tista’ wkoll titlob rinunzja tad-dmir ta’ divulgazzjoni bejn l-avukat u l-klijent; ara, pereżempju, il-Gwida dwar l-użu taċ-ċrieki ta’ kunfidenzjalità, iċċitata hawn fuq, il-paragrafu 13 u l-Aħjar Prattiki dwar id-divulgazzjoni tal-informazzjoni fi kmamar għall-ħażna tad-data, iċċitati hawn fuq, il-paragrafu 23.
(65) Bħal fil-każ taċ-ċrieki ta’ kunfidenzjalità għal konsulenti legali esterni, il-klijenti jista’ jkollhom bżonn jirrilaxxaw lill-konsulenti esterni minn kwalunkwe obbligu li jiddivulgawlhom l-informazzjoni kunfidenzjali inkluża fir-rapport. Ara l-paragrafu 77 hawn fuq.
(66) Il-protezzjoni tal-informazzjoni kunfidenzjali hija prinċipju ġenerali tad-dritt tal-Unjoni. Ara n-nota 18 f’qiegħ il-paġna hawn fuq.
(67) Il-verżjonijiet mhux kunfidenzjali tan-noti jridu jippermettu lill-partijiet l-oħra li jifhmu l-argumenti u l-evidenza li qed issir referenza għalihom biex dawn ikunu jistgħu jiddiskutu l-każ mar-rappreżentanti legali tagħhom u jagħtuhom istruzzjonijiet kif xieraq.
(68) Ara l-Artikolu 6 tal-Konvenzjoni Ewropea tad-Drittijiet tal-Bniedem u l-Artikolu 47 tal-Karta tad-Drittijiet Fundamentali tal-Unjoni Ewropea, iċċitati hawn fuq. F’xi Stati Membri, l-eċċezzjonijiet għal dan il-prinċipju jistgħu jkunu relatati maż-żamma tal-ordni pubbliku, il-protezzjoni tad-drittijiet fundamentali jew objettivi ġenerali oħrajn.
(69) Ara wkoll l-Artikolu 9.2(c) tad-Direttiva dwar is-Sigrieti Kummerċjali.
(70) Bħala sors ta’ ispirazzjoni dwar kif jitwettaq dan il-proċess, ara l-Gwida dwar it-tħejjija ta’ verżjonijiet pubbliċi ta’ Deċiżjonijiet tal-Kummissjoni, disponibbli fuq https://ec.europa.eu/competition/antitrust/guidance_on_preparation_of_public_versions_antitrust_04062015.pdf
(71) Jekk waqt is-seduta ta’ smigħ bil-magħluq tissemma informazzjoni kunfidenzjali, li mbagħad tiġi rreġistrata, din il-miżura tista’ tkun neċessarja. Madankollu, jekk ikun possibbli skont ir-regoli nazzjonali applikabbli, il-qorti tista’ tiddeċiedi li xi informazzjoni tissemma bil-magħluq mingħajr ma tiġi rreġistrata. F’dik is-sitwazzjoni, jista’ ma jkunx meħtieġ li jitħejjew verżjonijiet mhux kunfidenzjali tal-minuti tas-seduti ta’ smigħ bil-magħluq.
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
22.7.2020 |
MT |
Il-Ġurnal Uffiċjali tal-Unjoni Ewropea |
C 242/18 |
Rata tal-kambju tal-euro (1)
Il-21 ta' Lulju 2020
(2020/C 242/02)
1 euro =
|
Munita |
Rata tal-kambju |
USD |
Dollaru Amerikan |
1,1443 |
JPY |
Yen Ġappuniż |
122,70 |
DKK |
Krona Daniża |
7,4449 |
GBP |
Lira Sterlina |
0,90055 |
SEK |
Krona Żvediża |
10,2390 |
CHF |
Frank Żvizzeru |
1,0740 |
ISK |
Krona Iżlandiża |
159,30 |
NOK |
Krona Norveġiża |
10,4933 |
BGN |
Lev Bulgaru |
1,9558 |
CZK |
Krona Ċeka |
26,429 |
HUF |
Forint Ungeriż |
350,64 |
PLN |
Zloty Pollakk |
4,4362 |
RON |
Leu Rumen |
4,8392 |
TRY |
Lira Turka |
7,8369 |
AUD |
Dollaru Awstraljan |
1,6154 |
CAD |
Dollaru Kanadiż |
1,5399 |
HKD |
Dollaru ta' Hong Kong |
8,8704 |
NZD |
Dollaru tan-New Zealand |
1,7305 |
SGD |
Dollaru tas-Singapor |
1,5891 |
KRW |
Won tal-Korea t'Isfel |
1 367,96 |
ZAR |
Rand ta' l-Afrika t'Isfel |
18,8806 |
CNY |
Yuan ren-min-bi Ċiniż |
7,9982 |
HRK |
Kuna Kroata |
7,5300 |
IDR |
Rupiah Indoneżjan |
16 830,00 |
MYR |
Ringgit Malażjan |
4,8764 |
PHP |
Peso Filippin |
56,455 |
RUB |
Rouble Russu |
81,0833 |
THB |
Baht Tajlandiż |
36,194 |
BRL |
Real Brażiljan |
6,0416 |
MXN |
Peso Messikan |
25,5910 |
INR |
Rupi Indjan |
85,3805 |
(1) Sors: rata tal-kambju ta' referenza ppubblikata mill-Bank Ċentrali Ewropew.
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
22.7.2020 |
MT |
Il-Ġurnal Uffiċjali tal-Unjoni Ewropea |
C 242/19 |
Notifika minn qabel ta’ konċentrazzjoni
Il-Każ M.9903 — Softbank Group/Mizuho Financial Group/One Tap Buy
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 242/03)
1.
Fl-14 ta’ Lulju 2020, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
— |
SoftBank Corp. (“SoftBank”) (il-Ġappun), sussidjarja ta’ Softbank Group Corp., |
— |
Mizuho Securities Co., Ltd. (“Mizuho”) (il-Ġappun), sussidjarja ta’ Mizuho Financial Group, |
— |
One Tap BUY Co., Ltd. (“OTB”) (il-Ġappun), ikkontrollata biss minn SoftBank. |
SoftBank u Mizuho jakkwistaw, skont it-tifsira tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ OTB.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:
— |
SoftBank hija sussidjarja ta’ SoftBank Group Corp., li hija involuta f’telekomunikazzjonijiet avvanzati, servizzi tal-Internet, l-Internet tal-oġġetti, ir-robotika u fornituri tat-teknoloġija tal-enerġija nadifa; |
— |
Mizuho hija sussidjarja ta’ Mizuho Financial Group Inc., li toffri servizzi finanzjarji u strateġiċi, inklużi servizzi bankarji, titoli, ġestjoni fiduċjarja u ta’ assi, karti ta’ kreditu, servizzi bankarji privati u kapital ta’ riskju; |
— |
OTB tipprovdi applikazzjoni mobbli ta’ senserija li tippermetti lill-investituri li jirrisjedu l-Ġappun jinnegozjaw it-titoli (ishma elenkati fl-Istati Uniti u fondi nnegozjati fil-Borża Ġappuniża) fi kwalunkwe ħin. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż mill-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jenħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li dejjem tiġi speċifikata din ir-referenza:
M.9903 – Softbank Group/Mizuho Financial Group/One Tap Buy
Il-kummenti jistgħu jintbagħtu lill-Kummissjoni permezz tal-posta elettronika, permezz tal-faks jew permezz tal-posta. Int mitlub tuża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks: +32 229-64301
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ATTI OĦRAJN
Il-Kummissjoni Ewropea
22.7.2020 |
MT |
Il-Ġurnal Uffiċjali tal-Unjoni Ewropea |
C 242/21 |
Avviż ta’ talba dwar l-applikabbiltà tal-Artikolu 34 tad-Direttiva 2014/25/UE — Tmiem is-sospensjoni u l-estensjoni tal-perjodu għall-adozzjoni ta’ atti ta’ implimentazzjoni
(2020/C 242/04)
Fid-19 ta’ Settembru 2019, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill (1).
Din it-talba, magħmula minn Slovenske železnice – Freight Transport d.o.o., tikkonċerna s-servizzi tat-trasport tal-merkanzija bil-ferrovija. L-avviż rilevanti ġie ppubblikat fil-paġna 10 tal-ĠU C 53 fis-17 ta’ Frar 2020.
Fis-16 ta’ Diċembru 2019, il-Kummissjoni talbet lill-awtoritajiet nazzjonali jipprovdu informazzjoni addizzjonali sa mhux iktar tard mis-6 ta’ Jannar 2020. Kif imħabbar fl-avviż li ġie ppubblikat fil-paġna numru 2 tal-ĠU C 211 tal-25 ta’ Ġunju 2020, l-iskadenza finali ġiet imtawla bi 22 jum tax-xogħol wara l-wasla tal-informazzjoni sħiħa u korretta. L-informazzjoni sħiħa u korretta waslet fil-25 ta’ Mejju 2020.
Skont ir-raba’ subparagrafu tal-paragrafu 1 tal-Anness IV tad-Direttiva 2014/25/UE, id data ta’ skadenza tista’ tiġi estiża mill-Kummissjoni bil-kunsens ta’ dawk li għamlu t-talba għall-eżenzjoni kkonċernata. Fid-dawl tal-kuntest attwali u l-effetti tal-pandemiji tal-COVID 19, u bil-qbil ta’ Slovenske železnice – Freight Transport d.o.o, il-perjodu ghad-dispożizzjoni tal-Kummissjoni biex tiddeċiedi dwar din it-talba huwa b’dan estiż sal-24 ta’ Lulju 2020.
(1) Id-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (ĠU L 94, 28.3.2014, p. 243).
22.7.2020 |
MT |
Il-Ġurnal Uffiċjali tal-Unjoni Ewropea |
C 242/22 |
Avviż ta’ talba rigward l-applikabbiltà tal-Artikolu 34 tad-Direttiva 2014/25/UE
Talba magħmula minn entità kontraenti — Estensjoni tal-perjodu għall-adozzjoni ta’ atti ta’ implimentazzjoni
(2020/C 242/05)
Fit-3 ta’ Diċembru 2019, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill (1).
Din it-talba saret minn ENEL Green Power u tikkonċerna attivitajiet relatati mal-ġenerazzjoni u l-bejgħ bl-ingrossa tal-elettriku minn sorsi rinnovabbli fl-Italja. L-avviż rilevanti ġie ppubblikat fil-paġna 45 tal-ĠU C 196 fil-11 ta’ Ġunju 2020. Tmiem l-iskadenza estiża kien il-15 ta’ Lulju 2020.
Skont ir-raba’ subparagrafu tal-paragrafu 1 tal-Anness IV tad-Direttiva 2014/25/UE, id data ta’ skadenza tista’ tiġi estiża mill-Kummissjoni bil-kunsens ta’ dawk li għamlu t-talba għall-eżenzjoni kkonċernata. Fid-dawl tal-kuntest attwali u l-effetti tal-pandemiji tal-COVID 19, u bil-qbil ta’ ENEL Green Power, il-perjodu ghad-dispożizzjoni tal-Kummissjoni biex tiddeċiedi dwar din it-talba huwa b’dan estiż sal-31 ta’ Lulju 2020.
(1) Id-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (ĠU L 94, 28.3.2014, p. 243).
22.7.2020 |
MT |
Il-Ġurnal Uffiċjali tal-Unjoni Ewropea |
C 242/23 |
Avviż ta’ talba rigward l-applikabbiltà tal-Artikolu 34 tad-Direttiva 2014/25/UE
Talba magħmula minn entità kontraenti — Estensjoni tal-perjodu għall-adozzjoni ta’ atti ta’ implimentazzjoni
(2020/C 242/06)
Fit-8 ta’ April 2019, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill (1).
Din it-talba, li saret minn Lietuvos energija UAB, tikkonċerna l-produzzjoni u l-bejgħ bl-ingrossa tal-elettriku fil-Litwanja. L-avviżi rilevanti ġew ippubblikat fil-paġna 28 tal-ĠU C 316 fl-20 ta’ Settembru 2019 u fil-paġna 9 tal-ĠU C 53 fis-17 ta’ Frar 2020 u fil-paġna 27 tal-ĠU C 202 fis-16 ta’ Ġunju 2020. Tmiem l-iskadenza estiża kien l-10 ta’ Lulju 2020.
Skont ir-raba’ subparagrafu tal-paragrafu 1 tal-Anness IV tad-Direttiva 2014/25/UE, id data ta’ skadenza tista’ tiġi estiża mill-Kummissjoni bil-kunsens ta’ dawk li għamlu t-talba għall-eżenzjoni kkonċernata. Fid-dawl tal-kuntest attwali u l-effetti tal-pandemiji tal-COVID 19, u bil-qbil ta’ Lietuvos energija UAB (issa Ignitis), il-perjodu ghad-dispożizzjoni tal-Kummissjoni biex tiddeċiedi dwar din it-talba huwa b’dan estiż sal-31 ta’ Lulju 2020.
(1) Id-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (ĠU L 94, 28.3.2014, p. 243).