Rata tal-kambju tal-euro (1)

Is-16 ta' Lulju 2020

(2020/C 235/01)

1 euro =

	Munita	Rata tal-kambju
USD	Dollaru Amerikan	1,1414
JPY	Yen Ġappuniż	122,24
DKK	Krona Daniża	7,4452
GBP	Lira Sterlina	0,90875
SEK	Krona Żvediża	10,3500
CHF	Frank Żvizzeru	1,0787
ISK	Krona Iżlandiża	160,00
NOK	Krona Norveġiża	10,6148
BGN	Lev Bulgaru	1,9558
CZK	Krona Ċeka	26,693
HUF	Forint Ungeriż	354,08
PLN	Zloty Pollakk	4,4928
RON	Leu Rumen	4,8433
TRY	Lira Turka	7,8320
AUD	Dollaru Awstraljan	1,6338
CAD	Dollaru Kanadiż	1,5452
HKD	Dollaru ta' Hong Kong	8,8510
NZD	Dollaru tan-New Zealand	1,7439
SGD	Dollaru tas-Singapor	1,5888
KRW	Won tal-Korea t'Isfel	1 373,74
ZAR	Rand ta' l-Afrika t'Isfel	19,0181
CNY	Yuan ren-min-bi Ċiniż	7,9861
HRK	Kuna Kroata	7,5356
IDR	Rupiah Indoneżjan	16 692,98
MYR	Ringgit Malażjan	4,8755
PHP	Peso Filippin	56,499
RUB	Rouble Russu	81,1888
THB	Baht Tajlandiż	36,148
BRL	Real Brażiljan	6,1154
MXN	Peso Messikan	25,5051
INR	Rupi Indjan	85,8555

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Informazzjoni li taw l-Istati Membri dwar l-għeluq tas-sajd

(2020/C 235/02)

Skont l-Artikolu 35(3) tar-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni li s-sajd jingħalaq kif stipulat fit-tabella ta’ hawn taħt:

Data u ħin tal-għeluq	22.6.2020 f’24:00
Tul ta’ żmien tal-għeluq	22.6.2020 – 31.12.2020
Stat Membru	Il-Greċja
Stokk jew grupp ta’ stokkijiet	BFT/AE45WM
Speċi	It-tonn (Thunnus thynnus)
Żona	L-Oċean Atlantiku, fil-Lvant ta’ 45° W, u l-Mediterran
Tip(i) ta’ bastimenti tas-sajd	---
Numru ta’ referenza	08/TQ123

---

(1)  ĠU L 343, 22.12.2009, p. 1.

Informazzjoni li taw l-Istati Membri dwar l-għeluq tas-sajd

(2020/C 235/03)

Skont l-Artikolu 35(3) tar-Regolament tal-Kunsill (KE) Nru 1224/2009 tal-20 ta’ Novembru 2009 li jistabbilixxi sistema tal-Unjoni ta’ kontroll għall-iżgurar tal-konformità mar-regoli tal-Politika Komuni tas-Sajd (1), ittieħdet deċiżjoni li s-sajd jingħalaq kif stipulat fit-tabella ta’ hawn taħt:

Data u ħin tal-għeluq	17.6.2020 f’24:00
Tul ta’ żmien tal-għeluq	17.6.2020–31.12.2020
Stat Membru	Il-Greċja (il-bastimenti tas-sajd artiġjanali)
Stokk jew grupp ta’ stokkijiet	BFT/AVARCH
Speċi	It-tonn (Thunnus thynnus)
Żona	Arċipelagi speċifiċi fil-Greċja (il-Gżejjer Jonji), fi Spanja (il-Gżejjer Kanarji) u fil-Portugall (l-Azores u Madeira)
Tip(i) ta’ bastimenti tas-sajd	---
Numru ta’ referenza	07/TQ123

---

(1)  ĠU L 343, 22.12.2009, p. 1.

Notifika minn qabel ta’ konċentrazzjoni

(Il-Każ M.9812 — M.Verily Life Sciences/Santen Pharmaceutical/JV)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 235/04)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

Notifika minn qabel ta’ konċentrazzjoni

Il-Każ M.9711 — Alliance Healthcare Deutschland/Gehe Pharma Handel

(Test b’rilevanza għaż-ŻEE)

(2020/C 235/05)

Din in-notifika tikkonċerna l-impriżi li ġejjin:

—	Alliance Healthcare Deutschland AG (il-Ġermanja), ikkontrollata minn Wallgreens Boots Alliance, Inc. (l-Istati Uniti tal-Amerika)

—	Gehe Pharma Handel GmbH (il-Ġermanja), ikkontrollata minn McKesson Corporation (l-Istati Uniti tal-Amerika)

Alliance takkwista, fit-tifsira tal-Artikolu 3(1)(b) tar-Regolament tal-Għaqdiet il-kontroll tat-totalità ta’ Gehe.

Il-konċentrazzjoni hija mwettqa permezz ta’ xiri ta’ ishma.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jenħtieġ li dejjem tiġi speċifikata din ir-referenza:

M.9711 — Alliance Healthcare Deutschland/Gehe Pharma Handel

Il-kummenti jistgħu jintbagħtu lill-Kummissjoni bil-posta elettronika, bil-faks jew bil-posta. Int mitlub tuża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks:+32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

---

(1)  ĠU L 24, 29.1.2004, p. 1 (Ir-“Regolament dwar l-Għaqdiet”).

Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2020/C 235/06)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien tliet xhur mid-data ta’ din il-pubblikazzjoni.

DOKUMENT UNIKU

“Szomolyai rövidszárú fekete cseresznye”

Nru tal-UE: PDO-HU-02380 – 20.12.2017

DOP(X) IĠP ()

1.   Isem/ismijiet

“Szomolyai rövidszárú fekete cseresznye”

2.   Stat Membru jew Pajjiż Terz

L-Ungerija (Stat Membru)

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6: Frott, ħaxix u ċereali, friski jew ipproċessati

3.2.   Deskrizzjoni tal-prodott li għalih japplika l-isem f’(1)

Id-Denominazzjoni ta’ Oriġini Protetta (DOP) “Szomolyai rövidszárú fekete cseresznye” [ċirasa sewda ta’ Szomolya biz-zokk qasir] tkopri frott, maħsub għall-konsum frisk, tal-varjetà taċ-ċirasa “Rövidszárú fekete” [“sewda biz-zokk qasir”] u tal-varjetà “Mézédes fekete” [suwda ħelwa] taċ-ċirasa (Prunus avium (L.) L.) li jinsabu f’Szomolya u l-madwar, kif ukoll tal-varjetà rikonoxxuta mill-Istat “Szomolyai fekete” [Szomolya sewda].

Mitt ċirasa jiżnu mill-inqas 450 g, filwaqt li l-piż medju ta’ ċirasa waħda, ibbażat fuq il-piż ta’ 100 ċirasa, huwa ta’ 4,5 g±0,7 g. Id-dijametru taċ-ċirasa jvarja minn minimu ta’ 18-il mm sa massimu ta’ 23 mm.

Għandha l-forma ta’ kon wiesa’, iċċattjat, maqtugħ u li tfakkrek f’qalb, b’apiċi kemxejn mgħaffġa jew ċatta bi dritt il-frotta. Iz-zokk huwa qasir (2-3 cm) u jinqala’ faċilment minn mal-frotta.

Il-qoxra taċ-ċirasa hija ta’ lewn ħamrani jagħti fil-vjola skur, li ssir ta’ lewn ħamrani jagħti fl-iswed jew tista’ tgħid ta’ lewn iswed meta tkun misjura għalkollox. Il-qoxra hija medjament soda u durabbli, għalhekk il-frott jista’ jinġarr. Il-qalba tal-frotta hija lewn klaret skur, moderatament soda u bil-meraq. Il-meraq għandu kulur rikk. Il-kulur aħmar skur tal-meraq ma jgħibx waqt l-ipproċessar.

Iċ-ċirasa għandha togħma ħelwa ta’ għasel.

Il-frott għandu l-karatteristiċi kimiċi li ġejjin:

Kontenut ta’ zokkor: Valur Brix ta’ 20o jew aktar

Aċidità massima: 0,4 g/100 g

Materja niexfa: mhux inqas minn 19 %

“Szomolyai rövidszárú fekete cseresznye” timmatura madwar nofs Ġunju.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

—

3.4.   Passi speċifiċi fil-produzzjoni li jridu jsiru fiż-żona ġeografika ddefinita

Il-kultivazzjoni u l-ħsad isiru fiż-żona ġeografika ddefinita.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

—

3.6.   Regoli speċifiċi dwar it-tikkettar

—

4.   Definizzjoni fil-qosor taż-żona ġeografika

“Szomolyai rövidszárú fekete cseresznye” hija prodotta fi ħdan il-konfini amministrattivi ta’ Szomolya, Ostoros, Novaj, Noszvaj, Bogács, Tard u Tibolddaróc.

5.   Rabta maż-żona ġeografika

Il-kwalità u l-karatteristiċi tal-frott ta’ “Szomolyai rövidszárú fekete cseresznye” jiddependu mill-ambjent ġeografiku u għall-karatteristiċi naturali u umani assoċjati.

“Szomolyai rövidszárú fekete cseresznye” hija prodotta mill-varjetajiet lokali antenati “Rövidszárú fekete” u “Mézédes fekete” mkabbra esklussivament fiż-żona ġeografika, u minn “Szomolyai fekete”, varjetà rikonoxxuta mill-Istat, imkabbra b’mod selettiv fiż-żona ta’ Szomolya u inkluża fil-Katalgu Nazzjonali tal-Varjetajiet.

“Szomolyai rövidszárú fekete cseresznye” tikseb il-karatteristiċi li ġejjin miż-żona ġeografika: il-frotta tagħha f’għamla ta’ qalb, iz-zokk qasir, il-kulur iswed u t-togħma ħelwa ta’ għasel tagħha.

Il-frott tal-varjetajiet ikkultivati fiż-żona ġeografika huwa tipikament f’forma ta’ qalb, ta’ daqs u piż żgħir, u għandu zokk qasir b’tul ta’ bejn żewġ u tliet ċentimetri. Minħabba t-tip ta’ ħamrija, il-frotta fiha ħafna komposti li jipproduċu l-kulur – għalhekk il-kulur tagħha għandu t-tendenza li jxaqleb lejn l-iswed – u għandha wiċċ ileqq (li jirrifletti). Il-kontenut baxx ta’ aċidu tal-frotta, prodott tal-kundizzjonijiet tal-ħamrija, u l-kontenut għoli ta’ zokkor tal-frotta, prodott tal-klima, flimkien jagħtuha togħma ħelwa ta’ għasel.

Fatturi naturali

Iż-żona ġeografika tinsab fil-parti tal-Lbiċ tal-kontea ta’ Borsod-Abaúj-Zemplén fir-reġjun ta’ Bükkalja tal-Ungerija, fejn l-għoljiet ta’ Bükkalja jiltaqgħu mal-artijiet ċatti vasti tal-Pjanura l-Kbira Ungeriża.

Dan ir-reġjun huwa kkaratterizzat minn għoljiet weqfin miksijin b’vinji u msaġar tal-frott, għoljiet u qċaċet ta’ għoljiet mimlijin xemx, widien li jagħtu lejn in-Nofsinhar li huma twal u dojoq, foresti magħluqa u żoni ta’ art ċatta qrib il-Pjanura l-Kbira Ungeriża, li ilhom jinħadmu għall-agrikoltura. Asimmetrika b’mod distint, b’xaqlibiet weqfin fit-Tramuntana, il-firxa ta’ għoljiet li jibqgħu sejrin lejn il-Pjanura l-Kbira Ungeriża inħolqot b’riżultat ta’ movimenti strutturali Terzjarji u Kwaternarji li żlokaw il-blat tal-wiċċ vulkaniku. Fir-reġjun, hemm predominanza ta’ depożiti ta’ tufu rijolitiku ta’ oriġini vulkanika u rqajja’ ta’ trab kalkarju fuqhom. Dan jiddetermina wkoll il-kundizzjonijiet tal-ħamrija: il-ħamrija tal-foresta prinċipalment taflija-ramlija, il-ħamrija kannella u, f’xi postijiet, il-ħamrija sewda b’bażi “erubase” hija kemxejn aċiduża. Ir-raġuni għal dan hija li matul l-epoka ġeoloġika Mijoċena, fil-konfini tal-massif tal-ġebla tal-ġir ta’ Bükk, magma li ħarġet fil-wiċċ ikkombinat kemm kimikament kif ukoll fiżikament mal-ħamrija kalkarja oriġinali.

Iż-żona ġeografika għandha klima moderatament friska u xotta. L-ammont ta’ xemx annwali huwa bejn 1 850 u 1 900 siegħa: 720-740 siegħa fis-sajf u 150-170 siegħa fix-xitwa. It-temperatura medja annwali taqa’ bejn 8,6 °C u 8,8 °C, bil-medja multiannwali għall-istaġun tat-tkabbir tkun bejn 15,5 °C u 16 °C. Il-preċipitazzjoni annwali totali hija ta’ 550-650 mm, u l-preċipitazzjoni medja matul l-istaġun tat-tkabbir hija ta’ 370-400 mm.

Ma hemm imkien ieħor fl-Ungerija li għandu kundizzjonijiet simili tal-ħamrija u tal-klima.

Rabta bejn il-prodott u ż-żona ġeografika

Il-frott “Szomolyai rövidszárú fekete cseresznye” għandu forma karatteristika ta’ qalb; il-kulur tal-qoxra u l-qalba tiegħu huma lewn aħmar skur ħafna jew kważi iswed; il-kontenut għoli ta’ materja niexfa tiegħu, il-kontenut għoli ta’ zokkor tiegħu u l-aċidità baxxa tiegħu jirriżultaw f’togħma bbilanċjata u ħelwa ta’ għasel.

Il-frott “Szomolyai rövidszárú fekete cseresznye” għandu rabta mill-qrib ħafna maż-żona ġeografika.

Fl-iżvilupp tal-karatteristiċi speċifiċi ta’ “Szomolyai rövidszárú fekete cseresznye” deskritti hawn fuq, il-kombinazzjoni ta’ fatturi mikroklimatiċi u tal-ħamrija karatteristiċi tar-reġjun għandha rwol deċiżiv.

Il-forma karatteristika tiegħu hija dovuta għall-varjetajiet taċ-ċirasa użata, jew pjuttost għall-kultivazzjonijiet rikonoxxuti mill-Istat, imkabbra minn dawk il-varjetajiet.

Il-karatteristiċi tal-ħamrija tad-depożiti tat-tufu rijolitiku ta’ oriġini vulkanika jiddeterminaw il-kontenut għoli ta’ materja niexfa tal-frott u l-kulur aħmar skur, kważi iswed tiegħu, li jinsab biss fil-frott imkabbar f’din iż-żona ġeografika.

Minħabba l-espożizzjoni lejn in-Nofsinhar taż-żona tat-tkabbir u l-għadd kbir ta’ sigħat ta’ xemx, kif ukoll minħabba t-temp moderatament frisk li jtawwal il-perjodu tal-maturazzjoni, l-inkorporazzjoni taz-zokkor issir fuq perjodu itwal, u dan jirriżulta fi frott b’kontenut għoli ta’ zokkor (mill-inqas 20° Brix). Dan huwa ħafna ogħla mill-kontenut medju taz-zokkor taċ-ċirasa kkultivata fl-Ungerija – 14° Brix. L-għadd kbir ta’ sigħat ta’ dawl ta’ xemx jikkontribwixxi sabiex il-qoxra u l-qalba tal-frotta jkollhom ħafna antoċjanina fihom u għaldaqstant ikollhom kulur rikk.

Minħabba l-ħamrija bi trab moderatament kalkarjufir-reġjun u l-ħamrija xi ftit aċiduża li tinkludi taħlita ta’ andesit metavulkaniku u tufu rijolitiku, il-frott imkabbar hawnhekk għandu kontenut baxx ta’ aċidu (massimu ta’ 0,4 g aċidu/100 g ta’ frott). Dan huwa ferm inqas mill-kontenut medju ta’ aċidu għaċ-ċirasa kkultivata fl-Ungerija –0,68 g/100 g.

L-effett ikkombinat tal-kontenut għoli ta’ zokkor li jirriżulta u l-aċidità baxxa jfisser li l-uniku post fl-Ungerija fejn il-karatteristika tat-togħma ħelwa ta’ għasel tal-frott tikseb l-espressjoni sħiħa tagħha huwa Szomolya u ż-żona tal-madwar.

Il-piż medju baxx (4,5 g) ta’ “Szomolyai rövidszárú fekete cseresznye”, riżultat tal-varjetajiet li tiġi minnhom, huwa ħafna inqas minn dak ta’ ċirasa oħra – 7-8 g.

L-għarfien u l-ħila esperta umana huma wkoll ta’ importanza kruċjali matul il-proċess kollu tal-produzzjoni. It-tradizzjoni tal-kultivazzjoni tal-varjetajiet antenati taċ-ċirasa (“Rövidszárú fekete” u “Mézédes fekete”) u t-tnissil selettiv tal-kultivar ta’ “Szomolyai fekete” jistgħu t-tnejn ikunu marbuta ma’ Szomolya. Dawn il-varjetajiet ipprovdew il-bażi li fuqha jistgħu jiġu espressi bis-sħiħ it-tekniki li ilhom jintużaw għal sekli sħaħ biex jikkoltivaw iċ-ċirasa Szomolya.

Iċ-ċirasa tinqata’ bl-idejn, kompitu li jeħtieġ għarfien espert konsiderevoli,. Peress li ċ-ċirasa hija frotta li timmatura fis-siġra u li ma għandhiex il-kapaċità ta’ maturazzjoni wara, l-għarfien lokali huwa kruċjali biex jiġi stabbilit jekk hijiex misjura biżżejjed biex tinqata’. Id-deċiżjoni dwar il-qtugħ tittieħed fuq il-bażi tal-kulur u fuq kemm tkun ħelwa ċ-ċirasa, u fuq jekk hijiex moderatament soda. Biex jagħżel frott li jkun sar biżżejjed biex jinqata’, min ikun qed jaqtal-frott iqis dawn il-fatturi. Biex tgħin fil-promozzjoni tal-qtugħ bl-idejn, is-siġra għandha tinżabar biex tikseb l-aktar forma xierqa u l-aktar daqs xieraq għall-qtugħ bl-idejn. Il-quċċata tas-siġra hija wiesgħa aktar milli twila, sferika u b’dijametru ta’ 10-12-il metru. Is-siġra taċ-ċirasa tingħata l-forma għas-sena ta’ wara fiż-żmien tal-qtugħ. Dak li jaqtal-frott jiżbor il-fergħat u jifforma s-siġra b’tali mod li tikseb l-aħjar forma possibbli għall-qtugħ bl-idejn. Il-ventilazzjoni tal-parti ta’ fuq tas-siġra minn ġewwa b’konsegwenza taż-żbir, tesponi liċ-ċirasa għal iktar dawl tax-xemx, u b’hekk tiffaċilita l-formazzjoni taz-zokkor. Barra minn hekk, l-iffurmar tal-quċċata tas-siġra jippermetti li l-frott fil-quċċata tas-siġra jimmatura għalkollox.

Il-pjattaforma għall-ġbir taċ-ċirasa hija biċċa tagħmir tradizzjonali li jintuża għall-qtugħ tal-frott. Hija struttura li tixbah sellum tal-injam, twila 3-4 metri, li fuqha jkun hemm pjattaforma, u li fuq din il-pjattaforma, dawk li jaqtgħu l-frott jistgħu jpoġġu l-barmil tagħhom jew jistgħu sempliċement joqogħdu bilqiegħda u jiżbru l-parti ta’ fuq tas-siġra. Biex tinqata’ ċ-ċirasa li hija inqas aċċessibbli, dawk li jaqtgħu ċ-ċirasa jiġbdu lejhom friegħi li jkunu jinsabu lil hinn minn fejn jilħqu billi jużaw ganċ li għandu forma speċjali u li għandu sieq twila, magħruf miċ-ċittadini lokali bħala “kamó”. Iċ-ċirasa li tinqata’ mill-fergħat tinġabar ġewwa kannestru magħmul mill-qasab li jinġarr fuq id-dahar tal-persuna (magħruf bħala “hátyi”) u tingħata ħafna attenzjoni biex tiġi protetta l-integrità tal-frotta, li hija estremament fraġli meta tkun misjura. Jekk il-“hátyi” jkun mimli, dan jitbattal fil-barmil bl-għatu ta’ dak li jkun qed jaqta’ ċ-ċirasa fuq il-pjattaforma. Dan jippermetti li tinżamm l-integrità taċ-ċirasa misjura.

Referenza għall-pubblikazzjoni tal-Ispeċifikazzjoni tal-Prodott

(it-tieni subparagrafu tal-Artikolu 6(1) ta’ dan ir-Regolament)

www.gi.kormany.hu/foldrajzi-arujelzok

---

(1)  ĠU L 343, 14.12.2012, p. 1.