Ebda oppożizzjoni għal konċentrazzjoni notifikata

(Il-Każ M.9806 — Hyundai Capital Bank Europe/Sixt Leasing)

(Test b’rilevanza għaż-ŻEE)

(2020/C 226/01)

Fit-3 ta’ Lulju 2020, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32020M9806. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

It-8 ta' Lulju 2020

(2020/C 226/02)

1 euro =

	Munita	Rata tal-kambju
USD	Dollaru Amerikan	1,1286
JPY	Yen Ġappuniż	121,39
DKK	Krona Daniża	7,4493
GBP	Lira Sterlina	0,89923
SEK	Krona Żvediża	10,4310
CHF	Frank Żvizzeru	1,0624
ISK	Krona Iżlandiża	157,40
NOK	Krona Norveġiża	10,6885
BGN	Lev Bulgaru	1,9558
CZK	Krona Ċeka	26,748
HUF	Forint Ungeriż	355,49
PLN	Zloty Pollakk	4,4765
RON	Leu Rumen	4,8408
TRY	Lira Turka	7,7478
AUD	Dollaru Awstraljan	1,6242
CAD	Dollaru Kanadiż	1,5338
HKD	Dollaru ta' Hong Kong	8,7468
NZD	Dollaru tan-New Zealand	1,7237
SGD	Dollaru tas-Singapor	1,5745
KRW	Won tal-Korea t'Isfel	1 348,86
ZAR	Rand ta' l-Afrika t'Isfel	19,1628
CNY	Yuan ren-min-bi Ċiniż	7,9163
HRK	Kuna Kroata	7,5385
IDR	Rupiah Indoneżjan	16 268,00
MYR	Ringgit Malażjan	4,8219
PHP	Peso Filippin	55,898
RUB	Rouble Russu	80,4584
THB	Baht Tajlandiż	35,252
BRL	Real Brażiljan	6,0439
MXN	Peso Messikan	25,6433
INR	Rupi Indjan	84,6455

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Opinjoni tal-Kumitat Konsultattiv dwar prattiċi restrittivi u pożizzjonijiet dominanti waqt il-laqgħa tiegħu tas-6 ta’ Mejju 2019 dwar abbozz ta’ deċiżjoni fil-każ T.40135 — FOREX (Three Way Banana Split)

Relatur: iċ-Ċekja

(Test b’rilevanza għaż-ŻEE)

(2020/C 226/03)

---

(1)  ĠU L 1, 4.1.2003, p. 1.

Rapport Finali tal-Uffiċjal tas-Seduta (1)

AT.40135 — FOREX (Three Way Banana Split)

(Test b’rilevanza għaż-ŻEE)

(2020/C 226/04)

L-abbozz ta’ deċiżjoni, indirizzat lil UBS (2) RBS (3), Barclays (4), Citigroup (5) u JPM (6) (flimkien imsejħin “il-Partijiet”), jirrigwarda ksur uniku u kontinwu tal-Artikolu 101 tat-TFUE u tal-Artikolu 53 tal-Ftehim ŻEE b’rabta man-negozjar fil-pront b’valuti tal-G10 bejn Diċembru 2007 u Jannar 2013. Fl-abbozz ta’ deċiżjoni qed jiġi kkonstatat li l-Partijiet ftiehmu bejniethom li jaqsmu ċerta informazzjoni kummerċjalment sensittiva li hija attwali jew orjentata lejn il-futur u li jikkoordinaw b’mod okkażjonali l-attivitajiet tagħhom. L-aġir inkwistjoni seħħ fi tliet chatrooms ta’ Bloomberg imseħja “Three way banana split”, “Two and a half men” and “Only Marge”.

Fis-27 ta’ Ottubru 2016, il-Kummissjoni bdiet proċedimenti skont l-Artikolu 11(6) tar-Regolament tal-Kunsill (KE) Nru 1/2003 (7) u l-Artikolu 2(1) tar-Regolament (KE) Nru 773/2004 (8) kontra l-Partijiet.

Wara d-diskussjonijiet ta’ riżolviment (9) u s-sottomissjonijiet ta’ riżolviment (10) f’konformità mal-Artikolu 10a(2) tar-Regolament (KE) Nru 773/2004, fl-24 ta’ Lulju 2018 il-Kummissjoni adottat dikjarazzjoni tal-oġġezzjonijiet (“DO”) indirizzata lill-Partijiet.

Fir-risposti rispettivi tagħhom għad-DO, il-Partijiet ikkonfermaw skont l-Artikolu 10a(3) tar-Regolament (KE) Nru 773/2004 li d-DO irriflettiet il-kontenut tas-sottomissjonijiet ta’ riżolviment tagħhom u li għalhekk baqgħu impenjati li jsegwu l-proċedura tar-riżolviment.

F’konformità mal-Artikolu 16 tad-Deċiżjoni 2011/695/UE, eżaminajt jekk l-abbozz ta’ deċiżjoni jittrattax biss l-oġġezzjonijiet li l-Partijiet ingħataw l-opportunità jesprimu l-fehmiet tagħhom dwarhom. Ikkonkludejt li dan seħħ.

Fid-dawl ta’ dan ta’ hawn fuq, u b’kunsiderazzjoni li l-Partijiet ma indirizzawli l-ebda talba jew ilment (11), inqis li l-eżerċizzju effettiv tad-drittijiet proċedurali tal-Partijiet fil-proċedimenti ta’ dan il-każ ġie rrispettat.

---

(1)  Skont l-Artikoli 16 u 17 tad-Deċiżjoni 2011/695/UE tal-President tal-Kummissjoni Ewropea tat-13 ta’ Ottubru 2011 dwar il-funzjoni u t-termini ta’ referenza tal-uffiċjal tas-seduta f’ċerti proċedimenti dwar il-kompetizzjoni (ĠU L 275, 20.10.2011, p. 29).

(2)  UBS AG.

(3)  The Royal Bank of Scotland Group plc u NatWest Markets plc.

(4)  Barclays plc, Barclays Services Limited u Barclays Bank plc.

(5)  Citibank, N.A. u Citigroup Inc.

(6)  JPMorgan Chase & Co, JPMorgan Chase Bank, N.A., J.P. Morgan Europe Limited u J.P. Morgan Limited.

(7)  Ir-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU L 1, 4.1.2003, p. 1).

(8)  Ir-Regolament tal-Kummissjoni (KE) Nru 773/2004 tas-7 ta’ April 2004 dwar it-tmexxija ta’ proċeduri mill-Kummissjoni skont l-Artikolu 81 sa 82 tat-Trattat tal-KE (ĠU L 123, 27.4.2004, p. 18).

(9)  Il-laqgħat ta’ riżolviment saru bejn Novembru 2016 u Frar 2018.

(10)  Il-Partijiet issottomettew it-talbiet formali għal riżolviment bejn […] u […].

(11)  Skont l-Artikolu 15(2) tad-Deċiżjoni 2011/695/UE, il-partijiet fil-proċedimenti f’każijiet ta’ kartelli li jinvolvu ruħhom f’diskussjonijiet għar-riżolviment skont l-Artikolu 10a tar-Regolament (KE) Nru 773/2004, fi kwalunkwe stadju tal-proċedura tar-riżolviment jistgħu jikkonfermaw mal-uffiċjal tas-seduta li l-eżerċitar effettiv tad-drittijiet proċedurali tagħhom ikun żgurat. Ara wkoll il-paragrafu 18 tal-Avviż tal-Kummissjoni 2008/C 167/01 dwar il-mod ta’ proċedimenti ta’ riżolviment ta’ tilwim bil-għan li jiġu adottati Deċiżjonijiet skont l-Artikolu 7 u l-Artikolu 23 tar-Regolament tal-Kunsill (KE) Nru 1/2003 fil-każijiet tal-kartelli (ĠU C 167, 2.7.2008, p. 1).

Sommarju Tad-Deċiżjoni Tal-Kummissjoni

tas-16 ta’ Mejju 2019

li jirrigwarda proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE

(Każ AT. 40135-Forex- Three Way Banana Split)

(notifikat bid-dokument numru C(2019) 3521)

(It-test bl-Ingliż biss huwa awtentiku)

(Test b’rilevanza għaż-ŻEE)

(2020/C 226/05)

Fis-16 ta’ Mejju 2019, il-Kummissjoni adottat deċiżjoni dwar proċediment skont l-Artikolu 101 tat-Trattat dwar il-Funzjonament tal-Unjoni Ewropea u l-Artikolu 53 tal-Ftehim ŻEE. F’konformità mad-dispożizzjonijiet tal-Artikolu 30 tar-Regolament tal-Kunsill (KE) Nru 1/2003 (1) , il-Kummissjoni qiegħda hawnhekk tippubblika l-ismijiet tal-partijiet u l-kontenut prinċipali tad-deċiżjoni, inkluża kull penali imposta, fid-dawl tal-interess leġittimu tal-impriżi fil-protezzjoni tas-sigrieti kummerċjali tagħhom.

1.   INTRODUZZJONI

(1)

Id-destinatarji tad-Deċiżjoni pparteċipaw fi ksur uniku u kontinwu tal-Artikolu 101 TFUE u tal-Artikolu 53 taż-ŻEE. L-oġġett tal-ksur kien ir-restrizzjoni u/jew id-distorsjoni tal-kompetizzjoni fis-settur tan-negozjar fil-pront (FX jew Forex) b’muniti tal-G10 (2).

(2)

Fil-każ tal-muniti tal-G10 huma kkonċernati USD u CAD, JPY, AUD, NZD, GBP, EUR, CHF, SEK, NOK u DKK (jiġifieri b’kollox 11-il munita, li b’mod korrispondenti għall-konvenzjoni tas-suq jissejħu “muniti tal-G10”). Il-klijenti ewlenin tan-negozjanti fis-suq tal-muniti barranin huma maniġers tal-assi, fondi ta’ pensjoni, fondi spekulattivi, korporazzjonijiet u banek oħra.

(3)

In-negozjar fil-pront tal-FX ikopri kemm (i) il-market making, jiġifieri l-eżekuzzjoni tal-ordnijiet tal-klijent biex jiskambja ammont ta’ munita bl-ekwivalenti tiegħu f’munita oħra, kemm (ii) in-negozjar fl-isem proprju, jiġifieri l-eżekuzzjoni ta’ proċessi oħra tal-kambju għall-finijiet tal-kontroll tal-iskopertura li tirriżulta mit-tranżazzjonijiet tal-market making.

(4)

Il-postijiet tan-negozjar tal-impriżi rilevanti, responsabbli min-negozjar fil-pront bil-muniti tal-G10, kienu lesti jinnegozjaw kull waħda minn dawn il-muniti f’dipendenza mid-domanda tas-suq. Filwaqt li n-negozjanti parteċipi stess kienu primarjament responsabbli mill-market making fir-rigward ta’ muniti jew pari ta’ muniti speċifiċi, fuq il-bażi tal-mandat tagħhom dawn setgħu jinnegozjaw f’isem l-impriża tagħhom stess bil-muniti kollha tal-G10 disponibbli fil-kotba tagħhom, xi ħaġa li għamlu fil-perjodu rilevanti b’firxiet differenti, biex jimmassimizzaw il-valur tal-parteċipazzjonijiet rispettivi tagħhom.

(5)

Rilevanti għall-ksur huma t-tliet tipi ta’ ordnijiet li ġejjin, li jaqgħu fil-qasam tan-negozjar imwettaq fuq ordni tal-klijenti (market making) tan-negozjanti parteċipi: — Ordnijiet immedjati tal-klijenti, biex jitwettqu immedjatament negozji b’ċertu ammont ta’ munita bir-rata prevalenti tas-suq; — Ordnijiet kundizzjonali tal-klijenti, li jiġu eżegwiti jekk jintlaħaq livell ta’ prezz partikolari u joħloq skopertura għar-riskju għan-negozjanti. Dawn isiru eżegwibbli biss meta s-suq jilħaq ċertu limitu (pereżempju ordni ta’ stop-loss jew take-profit); — Ordnijiet tal-klijenti għall-eżekuzzjoni ta’ negozju b’rata tal-kambju ta’ referenza jew bir-rata ta’ referenza għal pari ta’ muniti partikolari; f’dan il-każ dan kien jikkonċerna biss il-Closing Spot Rates ta’ WM/Reuters (iktar ’il quddiem “ir-rati ta’ referenza ta’ WMR) u r-rati tal-kambju ta’ referenza tal-Bank Ċentrali Ewropew (iktar ’il quddiem “ir-rati ta’ referenza tal-BĊE”) (3).

(6)

Id-Deċiżjoni hija indirizzata lill-entitajiet legali li ġejjin (iktar ’il quddiem “id-destinatarji”: — UBS AG (minn hawn ’il quddiem “UBS”) — The Royal Bank of Scotland Group plc u NatWest Markets Plc (4) (flimkien “RBS”) — Barclays PLC, Barclays Services Limited u Barclays Bank Plc (flimkien “Barclays”) — Citibank N.A. u Citigroup Inc. (flimkien “Citigroup”) u — J.P. Morgan Europe Limited, J.P. Morgan Limited, JPMorgan Chase Bank, N.A. u JPMorgan Chase & Co. (flimkien “JPM”)

(7)

Id-Deċiżjoni hija bbażata fuq l-evidenza inkluża fil-fajl tal-Kummissjoni kif ukoll fuq ir-rikonoxximent ċar u inekwivoku tal-fatti u l-kwalifika legali tagħhom fis-sottomissjonijiet tar-riżolviment ippreżentati mid-destinatarji ta’ din id-Deċiżjoni kif ukoll fuq il-konferma espliċita u inekwivoka tagħhom li d-Dikjarazzjoni tal-Oġġezzjonijiet tirrifletti l-kontenut tas-sottomissjonijiet tagħhom tar-riżolviment.

2.   DESKRIZZJONI TAL-KAŻ

2.1.   Proċedura

(8)

L-investigazzjoni nfetħet fuq il-bażi ta’ applikazzjoni għal immunità minn UBS fis-27 ta’ Settembru 2013. Sussegwentement, il-Kummissjoni rċeviet applikazzjonijiet inizjali għall-klemenza mingħand Barclays fil-11 ta’ Ottubru 2013 u mingħand RBS fl-14 ta’ Ottubru 2013. Fl-1 ta’ Novembru 2013 Citigroup ukoll ippreżenta applikazzjoni għal tnaqqis tal-multi, li kienet segwita minn applikazzjoni ta’ JPM fis-6 ta’ Novembru 2013. Fit-2 ta’ Lulju 2014 il-Kummissjoni tat immunità kundizzjonali lil UBS.

(9)

Fis-27 ta’ Ottubru 2016 tnedew proċedimenti kontra l-partijiet bil-ħsieb li jsiru diskussjonijiet dwar ir-riżolviment. Bejn Novembru 2016 u Frar 2018, il-Kummissjoni kellha laqgħat bilaterali u kienet f’kuntatt ma’ kull waħda mill-partijiet f’tliet ċikli ta’ riżolviment, f’konformità mal-Avviż ta’ Riżolviment.

(10)

Fl-24 ta’ Jannar 2018 il-Kulleġġ tal-Kummissarji approva l-firxiet tal-multi x’aktarx applikabbli. Il-partijiet kollha sussegwentement ippreżentaw is-sottomissjonijiet tagħhom tar-riżolviment, li fihom irrikonoxxew l-imputabilità tagħhom għall-ksur (inkluż ir-rwol tagħhom u d-durata tal-parteċipazzjoni tagħhom fil-ksur) u aċċettaw l-ammont massimu tal-multa previst mill-Kummissjoni.

(11)

Il-Kummissjoni adottat id-Dikjarazzjoni tal-Oġġezzjonijiet fl-24 ta’ Lulju 2018 u l-partijiet kollha mingħajr ekwivoku kkonfermaw li hija kienet tikkorrispondi mal-kontenut tas-sottomissjonijiet tagħhom ta’ riżolviment u li għalhekk kienu impenjati li jsegwu l-proċedura għar-riżolviment. Il-Kumitat Konsultattiv fil-qasam tal-Prattiċi Restrittivi u Pożizzjonijiet Dominanti ħareġ opinjoni favorevoli fis-6 ta’ Mejju 2019. Fis-7 ta’ Mejju 2019, l-Uffiċjal tas-Seduta ħareġ ir-rapport finali tiegħu. Il-Kummissjoni adottat id-Deċiżjoni fis-16 ta’ Mejju 2019.

2.2   Deskrizzjoni tal-imġiba

(12)

Id-Deċiżjoni tirrigwarda l-imġiba li seħħet fi tliet chatrooms privati ta’ Bloomberg imsejħa, konsekuttivament “Three Way Banana Split”/“Two and a Half Men”/“Only Marge”, bejn UBS, Barclays, RBS, Citigroup u JPM (flimkien “iċ-chatrooms Three Way Banana Split” jew “iċ-chatroom”). L-aġir seħħ bejn it-18 ta’ Diċembru 2007 u t-3 ta’ Ġunju 2013, u f’dan il-perjodu ċ-chatrooms kienu miftuħa b’mod konsekuttiv. Id-durata tal-parteċipazzjoni tal-kumpaniji differenti tvarja (ara l-punt (16)). Il-kartell huwa dokumentat f’komunikazzjonijiet li seħħew fit-tliet chatrooms kollha ta’ Bloomberg. Fiċ-chatrooms ipparteċipaw negozjanti li kienu impjegati mill-impriżi rispettivi tagħhom waqt il-perjodu rilevanti, u kull wieħed minnhom kien awtorizzat jinnegozja bil-muniti tal-G10 fil-qafas ta’ tranżazzjonijiet spot f’isem u għan-nom tal-impjegatur tiegħu fil-post apposta tan-negozjar fil-pront tal-kambju.

(13)

L-oġġett tal-kartell kien ksur uniku u kontinwu kkaratterizzat mill-iskambju bejn in-negozjanti — f’dawn iċ-chatrooms privati u fil-biċċa l-kbira multilaterali u b’mod estensiv u rikorrenti — ta’ ċerta informazzjoni kummerċjalment sensittiva, attwali jew orjentata lejn il-futur, dwar l-attivitajiet ta’ negozjar tagħhom. Dan l-iskambju ta’ informazzjoni seħħ skont ftehim taċitu sottostanti li: (i) tali informazzjoni setgħet tintuża għall-benefiċċju rispettiv tan-negozjanti u sabiex tidentifika okkażjonijiet biex tikkoordina l-kummerċ tagħhom; (ii) tali informazzjoni tkun kondiviża f’chatrooms privati; (iii) in-negozjanti ma jiżvelawx din l-informazzjoni kondiviża li jirċievu minn parteċipanti oħra taċ-chatrooms lil partijiet barra miċ-chatrooms privati; u (iv) tali informazzjoni kondiviża ma tintużax kontra n-negozjanti li jaqsmuha (minn hawn ’il quddiem imsejjaħ “il-ftehim sottostanti”). Barra minn hekk, skont il-ftehim sottostanti, in-negozjanti b’mod okkażjonali kkoordinaw l-attivitajiet ta’ negozjar tagħhom fir-rigward tan-negozjar fil-pront b’muniti tal-G10. L-iskambju tal-informazzjoni kien immirat fuq żewġ parametri bażiċi tal-kompetizzjoni fin-negozjar professjonali fil-pront tal-kambju: il-prezz u l-ġestjoni professjonali tar-riskju.

(14)

Minflok ma kkompetew b’mod awtonomu fir-rigward ta’ dawn il-parametri, fid-deċiżjonijiet tagħhom relatati mas-suq in-negozjanti bbażaw fuq informazzjoni dwar il-pożizzjonijiet, l-intenzjonijiet u r-restrizzjonijiet tal-kompetituri tagħhom. Kienu problematiċi: — l-iskambju ta’ informazzjoni dwar il-pożizzjonijiet ta’ riskju miftuħa tan-negozjanti, li seta’ jipprovdilhom tagħrif dwar l-imġiba potenzjali ta’ hedging tal-kollegi tagħhom. Huma pprovdew informazzjoni lin-negozjanti li setgħet tkun rilevanti għad-deċiżjonijiet ta’ negozjar sussegwenti tagħhom għal perjodu ta’ minuti jew sal-iskambju ta’ informazzjoni li jmiss. — l-iskambju ta’ informazzjoni dwar il-firxiet bejn it-talba u l-offerta eżistenti jew intenzjonati tagħhom, li ddivulgaw il-prezz ikkwotat min-negozjanti għal pari ta’ muniti u volumi ta’ negozju speċifiċi u li setgħu jaffettwaw ukoll il-prezz globali mħallas mill-klijenti għan-negozjar bil-muniti. Skont il-volatilità tas-suq f’dak iż-żmien, l-informazzjoni tista’ tibqa’ utli għan-negozjanti l-oħra f’perjodu li jista’ jkun ta’ ftit sigħat. — l-iskambju ta’ informazzjoni dwar negozjar attwali jew ippjanat u ordnijiet pendenti tal-klijenti (stop loss orders, ordnijiet bir-rata ta’ referenza u ordnijiet immedjati), li kienu utli għan-negozjanti fid-deċiżjonijiet sussegwenti tagħhom u ppermettewlhom jidentifikaw l-okkażjonijiet biex jikkoordinaw in-negozjar tagħhom.

(15)

Barra minn hekk, biex jiksbu vantaġġ fuq il-kompetituri li ma kinux parteċipanti fiċ-chatrooms, in-negozjanti parteċipi okkażjonalment ikkoordinaw il-pożizzjonijiet ta’ negozjar bil-ħsieb li jinfluwenzaw ir-rati ta’ referenza ta’ WMR u tal-BĊE.

2.3.   Involviment tal-impriżi individwali fl-imġiba

(16)

UBS, Barclays, RBS, Citigroup u JPM kienu involuti fl-aġir imsemmi qabel fil-perjodi indikati fit-tabella li ġejja: Tabella 1: involviment tal-Partijiet fiċ-chatrooms BANK DĦUL ĦRUĠ CITIGROUP 18.12.2007 31.1.2013 BARCLAYS 18.12.2007 8.7.2011 20.12.2011 1.8.2012 RBS 18.12.2007 19.4.2010 JPM 26.7.2010 31.1.2013 UBS 10.10.2011 31.1.2013

*

B’tipa grassa huwa mmarkat it-tmiem tal-parteċipazzjoni ta’ kull bank fi Three Way Banana Split.

2.4.   Ambitu ġeografiku

(17)

L-ambitu ġeografiku tal-ksur kopra mill-anqas it-territorju kollu taż-ŻEE.

2.5.   Rimedji

(18)

Id-deċiżjoni tapplika l-Linji Gwida tal-Kummissjoni tal-2006 dwar il-Multi (5). Id-Deċiżjoni timponi multi fuq l-entitajiet ta’ Barclays, RBS, Citigroup u JPM elenkati fil-punt ((6)).

2.5.1.   L-ammont bażiku tal-multa

(19)

Il-Kummissjoni tqis li huwa xieraq li jiġi applikat indikatur għall-valur tal-bejgħ bħala punt ta’ tluq għad-determinazzjoni tal-multi għax tranżazzjonijiet spot bil-muniti tal-G10 ma jiġġenerawx valur tal-bejgħ li jista’ jiġi ttraċċat direttament fil-kontijiet tal-Partijiet.

(20)

Il-Kummissjoni tistabbilixxi l-indikatur għall-valuri rilevanti tal-bejgħ kif ġej: — L-ewwel nett bħala referenza l-Kummissjoni tieħu l-ammonti nozzjonali kkalkolati fuq sena, li l-impriżi kkonċernati nnegozjaw fil-qafas ta’ tranżazzjonijiet spot b’muniti tal-G10, li saru ma’ kontropartijiet li jinsabu fiż-ŻEE. Għal dan il-għan il-Kummissjoni tqis li jkun iktar xieraq li l-indikatur għall-valur tal-bejgħ ikun ibbażat direttament fuq id-dħul tal-Partijiet fix-xhur li jikkorrispondu mal-parteċipazzjoni rispettiva tagħhom fil-ksur, li mbagħad jinħadem fuq sena. — It-tieni, il-Kummissjoni timmultiplika dawn l-ammonti b’fattur ta’ aġġustament xieraq, uniformi għall-Partijiet kollha, li jirrifletti l-firxiet applikabbli bejn it-talba u l-offerta fit-tranżazzjonijiet spot bil-muniti tal-G10. Dan il-fattur huwa s-somma ta’ żewġ elementi: wieħed relatat mal-attivitajiet ta’ market making u t-tieni wieħed relatat man-negozjar fl-isem proprju.

(21)

Għal dawk l-impriżi li ppreżentaw sottomissjonijiet addizzjonali ta’ riżolviment fil-Każ 40.135 – Forex, (mhux kopert b’din id-Deċiżjoni), fid-diskrezzjoni tagħha l-Kummissjoni ddeċidiet li tapplika fattur ta’ korrezzjoni oġġettiv li jirrifletti l-grad tas-sovrapożizzjoni temporali biex tevita eżitu potenzjalment sproporzjonat. Fil-qafas ta’ din id-deċiżjoni dan iwassal għall-applikazzjoni ta’ fatturi korrettivi fuq il-valur tal-bejgħ ikkonfermat ta’ UBS u Barclays.

2.5.2.   Aġġustamenti għall-ammont bażiku

2.5.2.1.   Ċirkustanzi aggravanti u mitiganti

(22)

L-ebda ċirkostanzi aggravanti jew mitiganti ma japplikaw f’dan il-każ.

2.5.2.2.   Żieda speċifika bħala deterrent

(23)

Sabiex jiġi żgurat li l-multi jkollhom effett ta’ deterrent suffiċjenti, il-Kummissjoni tista’ żżid il-multi imposti fuq impriżi li għandhom valur tal-bejgħ partikolarment kbir bis-saħħa ta’ beni jew servizzi li mhumiex relatati mal-ksur (6).

(24)

F’dan il-każ huwa xieraq li jiġi applikat fattur multiplikanti ta’ deterrenza fuq il-multi li għandhom jiġu imposti fuq Citigroup u fuq JPM.

2.5.2.3.   Applikazzjoni tal-limitu tal-valur tal-bejgħ ta’ 10 %

(25)

F’konformità mal-Artikolu 23(2) tar-Regolament (KE) Nru 1/2003, f’dan il-każ l-ebda multa ma teċċedi l-10 % tal-valur tal-bejgħ totali tal-impriżi fis-sena kummerċjali li tippreċedi d-data ta’ din id-Deċiżjoni (7).

2.5.2.4.   Applikazzjoni tal-Avviż ta’ Klemenza tal-2006: tnaqqis tal-multi

(26)

UBS qed jingħata l-immunità mill-multi. Barra minn hekk, il-Kummissjoni tat tnaqqis tal-multa b’50 % lil Barclays, tnaqqis ta’ 30 % lil RBS, tnaqqis ta’ 20 % lil Citigroup u tnaqqis ta’ 10 % lil JPM.

2.5.2.5.   Applikazzjoni tal-Avviż ta’ Riżolviment

(27)

B’riżultat tal-applikazzjoni tal-Avviż ta’ Riżolviment, l-ammont tal-multi imposti fuq l-impriżi kollha involuti tnaqqas b’10 % u dan it-tnaqqis ġie miżjud ma’ kwalunkwe gwadann ta’ klemenza.

3.   KONKLUŻJONI

(28)

Il-multi li ġejjin ġew imposti skont l-Artikolu 23(2) tar-Regolament (KE) Nru 1/2003

(29)

Tabella 2: Ammonti tal-multi għall-ksur Impriża Multi (f’EUR) UBS 0 Barclays 116 107 000 RBS 155 499 000 Citigroup 310 776 000 JPM 228 815 000

---

(1)  ĠU L 1, 4.1.2003, p. 1. Ir-Regolament kif emendat bir-Regolament (KE) Nru 411/2004 (ĠU L 68, 6.3.2004, p. 1).

(2)  Il-każ ma jikkonċernax in-negozjar fil-pront elettroniku tal-FX, iddefinit bħala negozji fil-pront tal-FX li jiġu rreġistrati mill-pjattaformi ta’ negozjar elettroniċi jew mill-algoritmi tal-kompjuter tal-banek rilevanti jew jiġu eżegwiti fuqhom.

(3)  Ir-rata ta’ referenza ta’ WMR u tal-BĊE huma bbażati fuq in-negozjar fil-pront tal-FX min-naħa tal-parteċipanti fis-suq fil-mumenti jew qrib il-mumenti li fihom jiġu ffissati r-rati ta’ referenza rispettivi ta’ WMR jew tal-BĊE.

(4)  Fit-30 ta’ April 2018 The Royal Bank of Scotland plc bidel ismu għal NatWest Markets plc.

(5)  ĠU C 210, 1.9.2006, p. 2.

(6)  Il-punt 30 fil-Linji Gwida tal-2006 dwar il-multi.

(7)  Il-Kummissjoni talbet lill-banek jipprovdu l-valur tal-bejgħ totali tagħhom fuq bażi grossa kif ukoll netta. Irrispettivament mill-valur tal-bejgħ totali meqjus (gross jew nett), il-multi għal ebda impriża kkonċernata ma jeċċedu l-10 % tal-valur tal-bejgħ totali.

L-AWTORITÀ TA’ SORVELJANZA TAL-EFTA

Għajnuna mill-Istat — Deċiżjoni li ma jitqajmux oġġezzjonijiet

(2020/C 226/06)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna mill-Istat li ġejja:

Data tal-adozzjoni tad-deċiżjoni	It-3 ta’ April 2020
Nru tal-Każ	84931
Nru tad-Deċiżjoni	032/20/COL
Stat tal-EFTA	In-Norveġja
Titlu (u/jew isem tal-benefiċjarju)	L-iskema ta’ kumpens tal-COVID-19 għall-kanċellazzjoni jew il-posponiment ta’ avvenimenti kulturali.
Bażi ġuridika	Ir-Regolament dwar l-iskema ta’ kumpens temporanja għall-organizzaturi fis-settur kulturali għall-kanċellazzjoni, l-għeluq jew il-posponiment ta’ avvenimenti b’riżultat tat-tifqigħa tal-COVID-19
Tip ta’ miżura	Skema
Objettiv	L-objettiv tal-iskema huwa li jikkumpensa għal telf jew spejjeż addizzjonali kkawżati mill-kanċellazzjoni jew il-posponiment ta’ avvenimenti kulturali għall-ġlieda kontra t-tixrid tal-virus COVID-19.
Forma tal-għajnuna	Għotjiet
Baġit	NOK 300 miljun
Intensità	100 %
Tul	Mill-14 ta’ April sal-31 ta’ Mejju 2020
Setturi ekonomiċi	Is-settur kulturali
Isem u indirizz tal-awtorità awtorizzanti	Il-Kunsill tal-Arti tan-Norveġja Postboks 4808 Nydalen 0422 Oslo in-Norveġja

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Għajnuna mill-Istat — Deċiżjoni li ma jitqajmux oġġezzjonijiet

(2020/C 226/07)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna mill-Istat li ġejja:

Data tal-adozzjoni tad-deċiżjoni	It-2 ta’ April 2020
Nru tal-Każ	85041
Nru tad-Deċiżjoni	031/20/COL
Stat tal-EFTA	In-Norveġja
Reġjun	It-territorju kollu tan-Norveġja
Titlu (u/jew isem tal-benefiċjarju)	Emenda għall-iskema ta’ Garanzija tal-COVID-19 għall-SMEs (l-inklużjoni ta’ impriżi kbar)
Bażi ġuridika	Ir-Regolament dwar l-emendi tar-Regolament tas-27 ta’ Marzu 2020 Nru 490 għall-Att dwar skema ta’ garanzija tal-Gvern għall-SMEs
Tip ta’ miżura	Skema
Objettiv	L-iżgurar tal-aċċess għal-likwidità għal impriżi kbar li jiffaċċjaw nuqqas f’daqqa ta’ likwidità minħabba t-tifqigħa tal-COVID-19
Forma tal-għajnuna	Garanziji Pubbliċi
Baġit	NOK 50 biljun (għall-iskema kif emendata)
Tul	Mis-26 ta’ Marzu 2020 sal-1 ta’ Ġunju 2020
Setturi ekonomiċi	Is-setturi kollha
Isem u indirizz tal-awtorità awtorizzanti	GIEK, l-Aġenzija Norveġiża għall-Garanzija ta’ Kreditu għall-Esportazzjoni Pb 1763 Vika N-0122 Oslo in-Norveġja

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/

Għajnuna mill-Istat — Deċiżjoni li ma jitqajmux oġġezzjonijiet

(2020/C 226/08)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna mill-Istat li ġejja:

Data tal-adozzjoni tad-deċiżjoni	It-3 ta’ April 2020
Nru tal-Każ	84974
Nru tad-Deċiżjoni	033/20/COL
Stat tal-EFTA	In-Norveġja
Titlu (u/jew isem tal-benefiċjarju)	L-iskema ta’ kumpens tal-COVID-19 għall-kanċellazzjoni jew il-posponiment ta’ avvenimenti sportivi jew tal-volontarjat
Bażi ġuridika	Ir-Regolament dwar l-iskema ta’ kumpens temporanja għall-organizzaturi fis-setturi tal-isport u tal-volontarjat għal kanċellazzjonijiet, l-għeluq u l-postponimenti ta’ avvenimenti b’riżultat tat-tifqigħa tal-COVID-19
Tip ta’ miżura	Skema
Objettiv	L-objettiv tal-iskema huwa li jikkumpensa għal telf jew spejjeż addizzjonali kkawżati mill-kanċellazzjoni jew il-posponiment ta’ avvenimenti sportivi jew tal-volontarjat għall-ġlieda kontra t-tixrid tal-virus COVID-19.
Forma tal-għajnuna	Għotjiet
Baġit	NOK 700 miljun
Intensità	100 %
Tul	Mill-14 ta’ April sal-31 ta’ Mejju 2020
Setturi ekonomiċi	Is-settur tal-isport u tal-volontarjat
Isem u indirizz tal-awtorità awtorizzanti	The Norwegian Gaming and Foundation Authority P.O.Box 800 NO-6805 Førde in-Norveġja

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA: http://www.eftasurv.int/state-aid/state-aid-register/decisions/.

Skedar ta’ smigħ tal-eżami ġenerali

Il-Każ Nru 05 KO.2016.672

(2020/C 226/09)

Kumpanija li falliet:	Gable Insurance AG in Konkurs, Alvierweg 2, 9490 Vaduz rappreżentata minn: Batliner Wanger Batliner Rechtsanwälte AG, Am Schrägen Weg 2, Am Schrägen Weg 2, 9490 Vaduz
fil-kwistjoni ta’:	Proċediment ta’ falliment

Is-smigħ tal-eżami (tkomplija) huwa b’dan stabbilit għal

L-Erbgħa, it-30 ta’ Settembru 2020, 9 a.m., kamra tas-seduta 6

fil-Qorti tal-Ġustizzja tal-Prinċipat (Fürstliches Landgericht), id-Diviżjoni 05, Spaniagasse 1, 9490 Vaduz, Liechtenstein.

Il-kredituri li jirreġistraw il-pretensjonijiet tagħhom aktar tard mid-data msemmija hawn fuq għandhom iġarrbu l-ispejjeż ikkawżati minn reġistrazzjoni tard bħal din u mhux se jibqgħu jkunu jistgħu jikkontestaw kwalunkwe pretensjoni eżaminata aktar kmieni.

Qorti tal-Ġustizzja tal-Prinċipat

Notifika minn qabel ta’ konċentrazzjoni

(Il-Każ M.9888 — SEGRO/PSPIB/SELP/Target Portfolio)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 226/10)

---

(1)  ĠU L 24, 29.1.2004, p. 1 (“ir-Regolament dwar l-Għaqdiet”).

(2)  ĠU C 366, 14.12.2013, p. 5.