L-aħħar pubblikazzjonijiet tal-Qorti tal-Ġustizzja tal-Unjoni Ewropea f’Il-Ġurnal Uffiċjali tal-Unjoni Ewropea

(2020/C 114/01)

L-aħħar pubblikazzjoni

ĠU C 103, 30.3.2020

Pubblikazzjonijiet preċedenti

ĠU C 95, 23.3.2020

ĠU C 87, 16.3.2020

ĠU C 77, 9.3.2020

ĠU C 68, 2.3.2020

ĠU C 61, 24.2.2020

ĠU C 54, 17.2.2020

Dawn it-testi huma disponibbli fuq:

EUR-Lex: http://eur-lex.europa.eu

Kompożizzjoni tal-Awli u assenjazzjoni tal-Imħallfin lill-Awli

(2020/C 114/02)

Fil-11 ta’ Marzu 2020, il-Qorti Ġenerali, komposta minn 50 Imħallef, iddeċidiet, wara li l-Qorti tal-Ġustizzja tat lill-Imħallef I. Labucka dispensa milli tippresjedi b’effett mill-25 ta’ Frar 2020, fuq proposta tal-President ippreżentata konformement mal-Artikolu 13(2) tar-Regoli tal-Prċedura, li temenda d-deċiżjoni dwar il-kompożizzjoni tal-Awli tat-30 ta’ Settembru 2019 (1), kif emendata (2), u d-deċiżjoni dwar l-assenjazzjoni tal-Imħallfin lill-Awli tal-4 ta’ Ottubru 2019 (3), kif emendata (4), għall-perijodu mill-11 ta’ Marzu 2020 sal-31 ta’ Awwissu 2022, u li tassenja l-Imħallfin lill-awli kif ġej:

L-Ewwel Awla Estiża, komposta minn ħames Imħallfin:

H. Kanninen, President tal-Awla, M. Jaeger, N. Półtorak, O. Porchia u M. Stancu, Imħallfin.

L-Ewwel Awla, komposta minn tliet Imħallfin

H. Kanninen, President tal-Awla;

Kulleġġ ġudikanti A: M. Jaeger u N. Półtorak, Imħallfin;

Kulleġġ ġudikanti B: M. Jaeger u O. Porchia, Imħallfin;

Kulleġġ ġudikanti C: M. Jaeger u M. Stancu, Imħallfin;

Kulleġġ ġudikanti D: N. Półtorak u O. Porchia, Imħallfin;

Kulleġġ ġudikanti E: N. Półtorak u M. Stancu, Imħallfin;

Kulleġġ ġudikanti F: O. Porchia u M. Stancu, Imħallfin.

It-Tieni Awla Estiża, komposta minn ħames Imħallfin:

V. Tomljenović, President tal-Awla, F. Schalin, P. Škvařilová-Pelzl, I. Nõmm u G. Steinfatt Imħallfin.

It-Tieni Awla, komposta minn tliet Imħallfin

V. Tomljenović, President tal-Awla;

Kulleġġ ġudikanti A: F. Schalin u P. Škvařilová-Pelzl, Imħallfin;

Kulleġġ ġudikanti B: F. Schalin u I. Nõmm, Imħallfin;

Kulleġġ ġudikanti C: P. Škvařilová-Pelzl u I. Nõmm, Imħallfin.

It-Tielet Awla Estiża, komposta minn ħames Imħallfin:

A. M. Collins, President tal-Awla, V. Kreuschitz, Z. Csehi, G. De Baere u G. Steinfatt, Imħallfin.

It-Tielet Awla, komposta minn tliet Imħallfin

A. M. Collins, President tal-Awla;

Kulleġġ ġudikanti A: V. Kreuschitz u Z. Csehi, Imħallfin;

Kulleġġ ġudikanti B: V. Kreuschitz u G. De Baere, Imħallfin;

Kulleġġ ġudikanti C: V. Kreuschitz u G. Steinfatt, Imħallfin;

Kulleġġ ġudikanti D: Z. Csehi u G. De Baere, Imħallfin;

Kulleġġ ġudikanti E: Z. Csehi u G. Steinfatt, Imħallfin;

Kulleġġ ġudikanti F: G. De Baere u G. Steinfatt, Imħallfin.

Ir-Raba’ Awla Estiża, komposta minn ħames Imħallfin:

S. Gervasoni, President tal-Awla, L. Madise, P. Nihoul, R Frendo u J. Martín y Pérez de Nanclares, Imħallfin.

Ir-Raba’ Awla, komposta minn tliet Imħallfin

S. Gervasoni, President tal-Awla;

Kulleġġ ġudikanti A: L. Madise u P. Nihoul, Imħallfin;

Kulleġġ ġudikanti B: L. Madise u R Frendo, Imħallfin;

Kulleġġ ġudikanti C: L. Madise u J. Martín y Pérez de Nanclares, Imħallfin;

Kulleġġ ġudikanti D: P. Nihoul u R Frendo, Imħallfin;

Kulleġġ ġudikanti E: P. Nihoul u J. Martín y Pérez de Nanclares, Imħallfin;

Kulleġġ ġudikanti F: R Frendo u J. Martín y Pérez de Nanclares, Imħallfin.

Il-Ħames Awla Estiża, komposta minn ħames Imħallfin:

D. Spielmann, President tal-Awla, U. Öberg, O. Spineanu-Matei, R. Mastroianni u R. Norkus, Imħallfin.

Il-Ħames Awla, komposta minn tliet Imħallfin

D. Spielmann, President tal-Awla;

Kulleġġ ġudikanti A: U. Öberg u O. Spineanu-Matei, Imħallfin;

Kulleġġ ġudikanti B: Öberg u R. Mastroianni, Imħallfin;

Kulleġġ ġudikanti C: O. Spineanu-Matei u R. Mastroianni, Imħallfin.

Is-Sitt Awla Estiża, komposta minn ħames Imħallfin:

A. Marcoulli, President tal-Awla, S. Frimodt Nielsen, J. Schwarcz, C. Iliopoulos u R. Norkus, Imħallfin.

Is-Sitt Awla, komposta minn tliet Imħallfin

A. Marcoulli, President tal-Awla;

Kulleġġ ġudikanti A: S. Frimodt Nielsen u J. Schwarcz, Imħallfin;

Kulleġġ ġudikanti B: S. Frimodt Nielsen u C. Iliopoulos, Imħallfin;

Kulleġġ ġudikanti C: S. Frimodt Nielsen u R. Norkus, Imħallfin;

Kulleġġ ġudikanti D: J. Schwarcz u C. Iliopoulos, Imħallfin;

Kulleġġ ġudikanti E: J. Schwarcz u R. Norkus, Imħallfin;

Kulleġġ ġudikanti F: C. Iliopoulos u R. Norkus, Imħallfin.

Is-Seba’ Awla Estiża, komposta minn ħames Imħallfin:

R. da Silva Passos, President tal-Awla, V. Valančius, I. Reine, L. Truchot u M. Sampol Pucurull, Imħallfin.

Is-Seba’ Awla, komposta minn tliet Imħallfin

R. da Silva Passos, President tal-Awla;

Kulleġġ ġudikanti A: V. Valančius u I. Reine, Imħallfin;

Kulleġġ ġudikanti B: V. Valančius u L. Truchot, Imħallfin;

Kulleġġ ġudikanti C: V. Valančius u M. Sampol Pucurull, Imħallfin;

Kulleġġ ġudikanti D: I. Reine u L. Truchot, Imħallfin;

Kulleġġ ġudikanti E: I. Reine u M. Sampol Pucurull, Imħallfin;

Kulleġġ ġudikanti F: L. Truchot u M. Sampol Pucurull, Imħallfin.

It-Tmien Awla Estiża, komposta minn ħames Imħallfin:

J. Svenningsen, President tal-Awla, R. Barents, C. Mac Eochaidh, T. R. Pynnä u C. J. Laitenberger, Imħallfin.

It-Tmien Awla, komposta minn tliet Imħallfin

J. Svenningsen, President tal-Awla;

Kulleġġ ġudikanti A: R. Barents u C. Mac Eochaidh, Imħallfin;

Kulleġġ ġudikanti B: R. Barents u T. R. Pynnä, Imħallfin;

Kulleġġ ġudikanti C: R. Barents u C. J. Laitenberger, Imħallfin;

Kulleġġ ġudikanti D: C. Mac Eochaidh u T. R. Pynnä, Imħallfin;

Kulleġġ ġudikanti E: C. Mac Eochaidh u C. J. Laitenberger, Imħallfin;

Kulleġġ ġudikanti F: T. R. Pynnä u C. J. Laitenberger, Imħallfin.

Id-Disa’ Awla Estiża, komposta minn ħames Imħallfin:

M. J. Costeira, President tal-Awla, D. Gratsias, M. Kancheva, B. Berke u T. Perišin, Imħallfin.

Id-Disa’ Awla, komposta minn tliet Imħallfin

M. J. Costeira, President tal-Awla;

Kulleġġ ġudikanti A: D. Gratsias u M. Kancheva, Imħallfin;

Kulleġġ ġudikanti B: D. Gratsias u B. Berke, Imħallfin;

Kulleġġ ġudikanti C: D. Gratsias u T. Perišin, Imħallfin;

Kulleġġ ġudikanti D: M. Kancheva u B. Berke, Imħallfin;

Kulleġġ ġudikanti E: M. Kancheva u T. Perišin, Imħallfin;

Kulleġġ ġudikanti F: B. Berke u T. Perišin, Imħallfin.

L-Għaxar Awla Estiża, komposta minn ħames Imħallfin:

A. Kornezov, President tal-Awla, E. Buttigieg, M. Passer, K. Kowalik-Bańczyk u G. Hesse, Imħallfin.

L-Għaxar Awla, komposta minn tliet Imħallfin

A. Kornezov, President tal-Awla;

Kulleġġ ġudikanti A: E. Buttigieg u M. Passer, Imħallfin;

Kulleġġ ġudikanti B: E. Buttigieg u K. Kowalik-Bańczyk, Imħallfin;

Kulleġġ ġudikanti C: E. Buttigieg u G. Hesse, Imħallfin;

Kulleġġ ġudikanti D: M. Passer u K. Kowalik-Bańczyk, Imħallfin;

Kulleġġ ġudikanti E: M. Passer u G. Hesse, Imħallfin;

Kulleġġ ġudikanti F: K. Kowalik-Bańczyk u G. Hesse, Imħallfin.

It-Tieni Awla komposta minn erba’ Mħallfin hija estiża biż-żieda tal-ħames Imħallef mit-Tielet Awla. Il-Ħames Awla komposta minn erba’ Mħallfin hija estiża biż-żieda tal-ħames Imħallef mis-Sitt Awla. Il-ħames Imħallef jinħatar skont l-ordni invers stabbilit fl-Artikolu 8 tar-Regoli tal-Proċedura għall-perijodu sal-31 ta’ Awwissu 2022.

Il-Qorti Ġenerali tikkonferma d-deċiżjoni tagħha tal-4 ta’ Ottubru 2019 li tgħid li l-Ewwel, ir-Raba’, is-Seba’ u t-Tmien Awla huma inkarigati mill-kawżi mressqa abbażi tal-Artikolu 270 TFUE u, jekk ikun il-każ, tal-Artikolu 50a tal-Protokoll dwar l-Istatut tal-Qorti tal-Ġustizzja tal-Unjoni Ewropea, u t-Tieni, it-Tielet, il-Ħames, is-Sitt, id-Disa’ u l-Għaxar Awla huma inkarigati mill-kawżi relatati mad-drittijiet tal-proprjetà intelletwali koperti mit-Titolu IV tar-Regoli tal-Proċedura.

Hija tikkonferma wkoll li Il-President u l-Viċi President ma humiex assenjati b’mod permanenti lil awla.

Hija tiddeċiedi wkoll li:

—

Matul kull sena ġudizzjarja, il-Viċi President għandu jippresjedi f’kull waħda mill-għaxar awli komposti minn ħames Imħallfin, u dan f’kawża għal kull awla skont l-ordni li ġej: — L-ewwel kawża li tintbgħat, b’deċiżjoni tal-Qorti Ġenerali, quddiem kulleġġ ġudikanti estiż kompost minn ħames Imħallfin tal-Ewwel Awla, tat-Tieni Awla, tat-Tielet Awla, tar-Raba’ Awla u tal-Ħames Awla; — It-tielet kawża li tintbgħat, b’deċiżjoni tal-Qorti Ġenerali, quddiem kulleġġ ġudikanti estiż kompost minn ħames Imħallfin tas-Sitt Awla, tas-Seba’ Awla, tat-Tmien Awla, tad-Disa’ Awla u tal-Għaxar Awla.

Meta l-awla li fiha l-Viċi President għandu jippresedi tkun komposta:

—

minn ħames Imħallfin, il-kulleġġ ġudikanti estiż għandu jkun kompost mill-Viċi President, mill-Imħallfin tal-Kulleġġ ġudikanti kompost minn tliet Imħallfin li quddiemu tkun tressqet inizjalment il-kawża kif ukoll minn wieħed mill-Imħallfin l-oħra tal-Awla kkonċernata, iddeterminat abbażi tal-ordni invers stabbilit fl-Artikolu 8 tar-Regoli tal-Proċedura;

—	minn erba’ Mħallfin, il-kulleġġ ġudikanti estiż għandu jkun kompost mill-Viċi President, mill-Imħallfin tal-Kulleġġ ġudikanti kompost minn tliet Imħallfin li quddiemu tkun tressqet inizjalment il-kawża u mir-raba’ Mħallef tal-awla kkonċernata.

---

(1)  ĠU 2019 C 372, p. 3.

(2)  ĠU 2020, C 68, p. 2.

(3)  ĠU 2019 C 372, p. 3.

(4)  ĠU 2020, C 68, p. 2.

Sentenza tal-Qorti Ġenerali tat-12 ta’ Frar 2020 – ZF vs Il-Kummissjoni

(Kawża T-605/18) (1)

(“Servizz pubbliku - Membri tal-persunal temporanju - Pensjoni - Deċiżjoni li tistabbilixxi d-drittijiet għall-pensjoni - Rendikonti tal-pensjoni - Rikors għal annullament - Terminu għat-tressiq ta’ lment - Tardività - Att purament konfermattiv - Inammissibbiltà parzjali - Irkupru tal-pagament mhux dovut - Klassifikazzjoni fil-grad u fl-iskala - Fattur ta’ multiplikazzjoni - Irtirar ta’ att ivvizzjat b’illegalità - Aspettattivi leġittimi - Terminu raġonevoli”)

(2020/C 114/03)

Lingwa tal-kawża: il-Franċiż

Partijiet

Rikorrent: ZF (rappreżentant: J.-N. Louis, avukat)

Konvenuta: Il-Kummissjoni Ewropea (rappreżentanti: B. Mongin u L. Radu Bouyon, aġenti)

Suġġett

Talba bbażata fuq l-Artikolu 270 TFUE u intiża għall-annullament tan-nota tat-30 ta’ Novembru 2017 li permezz tagħha l-Uffiċċju “Amministrazzjoni u Ħlas tal-Intitolamenti Individwali” (PMO) tal-Kummissjoni mmodifika, b’effett mill-1 ta’ April 2015, id-drittijiet għall-pensjoni tal-irtirar tar-rikorrent, kif ukoll tan-nota tal-31 ta’ Jannar 2018 li fiha huwa informa lir-rikorrent bl-ammont tal-bilanċ tas-somom dovuti minnu lill-Unjoni Ewropea.

Dispożittiv

1)	Ir-rikors huwa miċħud.

2)	Il-Kummissjoni Ewropea għandha tbati, minbarra l-ispejjeż rispettivi tagħha, nofs l-ispejjeż ta’ ZF.

---

(1)  ĠU C 455, 17.12.2018.

Sentenza tal-Qorti Ġenerali tas-27 ta’ Frar 2020 – Bog-Fran vs EUIPO – Fabryki Mebli “Forte” (Għamara)

(Kawża T-159/19) (1)

(“Disinn Komunitarju - Proċedimenti għal dikjarazzjoni ta’ invalidità - Disinn Komunitarju rreġistrat li jirrappreżenta biċċa għamara - Raġuni ta’ invalidità - Assenza ta’ karattru individwali - Żvelar tad-disinn preċedent - Prova tal-iżvelar - Artikolu 7 u Artikolu 25(1)(b) tar-Regolament (KE) Nru 6/2002”)

(2020/C 114/04)

Lingwa tal-kawża: l-Ingliż

Partijiet

Rikorrent: Bog-Fran sp. z o.o. sp.k. (Varsavja, il-Polonja) (rappreżentant: M. Mikosza, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentanti: D. Gája u H. O’Neill, aġenti)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: Fabryki Mebli “Forte” S.A. (Ostrów Mazowiecka, il-Polonja) (rappreżentant: H. Basiński, avukat)

Suġġett

Rikors ippreżentat kontra d-deċiżjoni tat-Tielet Awla tal-Appell tal-EUIPO tal-14 ta’ Jannar 2019 (Każ R 291/2018-3), dwar proċedimenti għal dikjarazzjoni ta’ invalidità bejn Bog-Fran u Fabryki Mebli “Forte”.

Dispożittiv

1)	Id-deċiżjoni tat-Tielet Awla tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO) tal-14 ta’ Jannar 2019 (Każ R 291/2018-3), dwar proċedimenti għal dikjarazzjoni ta’ invalidità bejn Bog-Fran u Fabryki Mebli “Forte”, hija annllata.

2)	Il-kumplament tar-rikors huwa miċħud.

3)	L-EUIPO għandu jbati, minbarra l-ispejjeż tiegħu, dawk sostnuti minn Bog-Fran.

4)	Fabryki Mebli “Forte” għandha tbati l-ispejjeż tagħha.

---

(1)  ĠU C 155, 6.5.2019.

Sentenza tal-Qorti Ġenerali tas-27 ta’ Frar 2020 – Knaus Tabbert vs EUIPO – Carado (CaraTour)

(Kawża T-202/19) (1)

(Trade mark tal-Unjoni Ewropea - Proċedimenti ta’ oppożizzjoni - Applikazzjoni għat-trade mark tal-Unjoni Ewropea verbali CaraTour - Trade mark tal-Unjoni Ewropea verbali preċedenti Carado - Raġuni relattiva għal rifjut - Artikolu 8(1)(b) tar-Regolament (UE) 2017/1001)

(2020/C 114/05)

Lingwa tal-kawża: il-Ġermaniż

Partijiet

Rikorrent: Knaus Tabbert GmbH (Jandelsbrunn, il-Ġermanja) (rappreżentant: N. Maenz, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: D. Walicka, aġent)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: Carado GmbH (Leutkirch im Allgäu, il-Ġermanja) (rappreżentant: A. Otto, avukat)

Suġġett

Rikors ippreżentat kontra d-deċiżjoni tal-Ħames Bord tal-Appell tal-EUIPO tal-14 ta’ Jannar 2019 (Każ R 506/2018-5), dwar proċedimenti ta’ oppożizzjoni bejn Carado u Knaus Tabbert.

Dispożittiv

1)	Ir-rikors huwa miċħud.

2)	Knaus Tabbert GmbH hija kkundannata għall-ispejjeż.

---

(1)  ĠU C 182, 27.5.2019

Sentenza tal-Qorti Ġenerali tas-27 ta’ Frar 2020 – Knaus Tabbert vs EUIPO – Carado (CaraTwo)

(Kawża T-203/19) (1)

(Trade mark tal-Unjoni Ewropea - Proċedimenti ta’ oppożizzjoni - Applikazzjoni għat-trade mark tal-Unjoni Ewropea verbali CaraTwo - Trade mark tal-Unjoni Ewropea verbali preċedenti Carado - Raġuni relattiva għal rifjut - Artikolu 8(1)(b) tar-Regolament (UE) 2017/1001)

(2020/C 114/06)

Lingwa tal-kawża: il-Ġermaniż

Partijiet

Rikorrent: Knaus Tabbert GmbH (Jandelsbrunn, il-Ġermanja) (rappreżentant: N. Maenz, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: D. Walicka, aġent)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: Carado GmbH (Leutkirch im Allgäu, il-Ġermanja) (rappreżentant: A. Otto, avukat)

Suġġett

Rikors ippreżentat kontra d-deċiżjoni tal-Ħames Bord tal-Appell tal-EUIPO tal-14 ta’ Jannar 2019 (Każ R 851/2018-5), dwar proċedimenti ta’ oppożizzjoni bejn Carado u Knaus Tabbert.

Dispożittiv

1)	Ir-rikors huwa miċħud.

2)	Knaus Tabbert GmbH hija kkundannata għall-ispejjeż.

---

(1)  ĠU C 182, 27.5.2019

Digriet tal-Qorti Ġenerali tal-5 ta’ Frar 2020 – Apple vs EUIPO (Lapsijiet diġitali)

(Kawża T-212/19) (1)

(“Disinn Komunitarju - Diviżjoni tal-applikazzjoni għar-reġistrazzjoni li tirrimedja l-irregolarità li wasslet għar-rifjut tar-reġistrazzjoni - Ma hemmx lok li tingħata deċiżjoni”)

(2020/C 114/07)

Lingwa tal-kawża: l-Ingliż

Partijiet

Rikorrenti: Apple Inc. (Cupertino, California, l-Istati Uniti) (rappreżentanti: H. Hartwig u A. von Mühlendahl, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentanti: S. Hanne u D. Botis, aġenti)

Suġġett

Rikors ippreżentat kontra d-deċiżjoni tat-Tielet Bord tal-Appell tal-EUIPO tas-7 ta’ Jannar 2019 (Każ R 2533/2017-3), dwar applikazzjoni għar-reġistrazzjoni ta’ disinn Komunitarju li jirrappreżenta lapes diġitali.

Dispożittiv

1)	Ma għadx hemm lok li tingħata deċiżjoni fuq ir-rikors.

2)	Apple Inc. hija kkundannata għall-ispejjeż.

---

(1)  ĠU C 182, 27.5.2019.

Digriet tal-Qorti Ġenerali tas-7 ta’ Frar 2020 – Fleximed vs EUIPO – docPrice (Fleximed)

(Kawża T-214/19) (1)

(“Trade mark tal-Unjoni Ewropea - Proċedura għal dikjarazzjoni ta’ invalidità - Trade mark verbali tal-Unjoni Ewropea Fleximed - Trade mark verbali preċedenti tal-Unjoni Ewropea mediFLEX - Raġuni relattiva għal rifjut - Probabbiltà ta’ konfużjoni - Artikolu 8(1) tar-Regolament (UE) 2017/1001 - Rikors manifestament infondat fid-dritt”)

(2020/C 114/08)

Lingwa tal-kawża: il-Ġermaniż

Partijiet

Rikorrenti: Fleximed AG (Triesen, il-Liechtenstein) (rappreżentant: M. Gail, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentanti: W. Schramek u A. Söder, aġenti)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: docPrice GmbH (Coblence, il-Ġermanja)

Suġġett

Rikors ippreżentat kontra d-Deċiżjoni tar-Raba’ Bord tal-Appell tal-EUIPO tas-6 ta’ Frar 2019 (Każ R 1121/2018-4), dwar proċedimenti għal dikjarazzjoni ta’ invalidità bejn docPrice u Fleximed.

Dispożittiv

1)	Ir-rikors huwa miċħud bħala manifestament infondat fid-dritt.

2)	Fleximed AG hija kkundannata għall-ispejjeż.

---

(1)  ĠU C 182, 27.5.2019

Rikors ippreżentat fit-22 ta’ Jannar 2020 – IF vs Il-Parlament

(Kawża T-36/20)

(2020/C 114/09)

Lingwa tal-kawża: l-Ingliż

Partijiet

Rikorrenti: IF (rappreżentant: C. Bernard-Glanz, lawyer)

Konvenut: Il-Parlament Ewropew

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni tas-16 ta’ April 2019 li teħles lir-rikorrenti mid-dmirijiet tagħha bħala viċi segretarju ġenerali tal-Alleanza tad-Demokratiċi u l-Liberali għall-Ewropa;

—	tikkundanna lill-konvenuta tħallas ammont ta’ EUR 50 000 bħala kumpens għad-dannu morali mġarrab, flimkien mal-interessi bir-rata legali annwali sal-ħlas sħiħ;

—	tikkundanna lill-konvenuta tħallas l-ammont ta’ EUR 1 000 bħala kumpens għall-impossibilità li terġa’ tpoġġi lir-rikorrenti fil-pożizzjoni legali preċedenti tagħha, flimkien mal-interessi bir-rata legali annwali sal-ħlas sħiħ;

—	tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti jinvoka tliet motivi.

1.	L-ewwel motiv huwa bbażat fuq inkompetenza tal-awtur tal-att u tal-ksur tal-“prinċipju ta’ paralleliżmu tar-rekwiżiti formali”. — F’dan ir-rigward, qed jingħad li d-deċiżjoni kkontestata ġiet adottata mill-presidenza tal-grupp meta suppost ittieħed mill-uffiċċju tiegħu.

2.	It-tieni motiv huwa bbażat fuq ksur tad-dritt għal smigħ qabel ma tittieħed kwalunkwe miżura individwali li tolqotha negattivament. — Huwa sostnut f’dan ir-rigward li r-rikorrent ma kellhiex l-opportunità li tinvoka b’mod utli qabel l-adozzjoni tad-deċiżjoni kkontestata.

3.

It-tielet motiv huwa bbażat fuq ksur d-dritt ta’ kull persuna li l-affarijiet tagħha jiġi ttrattat b’mod imparzjali, ġust u b’reqqa u motivazzjoni insuffiċjenti. — Ir-rikorrenti targumenta, f’dan ir-rigward: — l-elementi rilevanti kollha tal-każ preżenti ma ġewx ippreżentati lill-presidenza b’attenzjoni u b’imparzjalità qabel l-adozzjoni tad-deċiżjoni kkontestata, u — billi kkonfermat in-nota tas-segretarju tal-grupp tat-12 ta’ April 2019, li kienet tinkludi raġunijiet żbaljati, il-presidenza vvizzjat id-deċiżjoni kkontestata bl-istess difett.

Rikors ippreżentat fid-29 ta’ Jannar 2020 – PNB Banka vs BĊE

(Kawża T-50/20)

(2020/C 114/10)

Lingwa tal-kawża: l-Ingliż

Partijiet

Rikorrenti: PNB Banka AS (Riga, il-Latvja) (rappreżentant: O. Behrends, lawyer)

Konvenut: Il-Bank Ċentrali Ewropew (BĊE)

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni tal-BĊE tad-19 ta’ Novembru 2019 li abbażi tagħha l-BĊE rrifjuta li jilqa’ t-talba sabiex l-amministratur ta’ PNB Banka jiġi ordnat jagħti aċċess għall-bank, għall-informazzjoni, għall-persunal u għar-riżorsi tiegħu;

—	tikkundanna lill-konvenut għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka ħames motivi.

1.	L-ewwel motiv ibbażat fuq il-fatt li l-BĊE assuma b’mod żbaljat li t-talba ma kinitx taqa’ fil-kompetenzi tiegħu.

2.	It-tieni motiv ibbażat fuq il-fatt li l-BĊE kiser id-dritt tal-bank għal rimedju effettiv.

3.	It-tielet motiv ibbażat fuq il-fatt li d-deċiżjoni kkontestata kisret id-dritt tal-bank għal smigħ.

4.	Ir-raba’ motiv ibbażat fuq il-fatt li d-deċiżjoni kkontestata kisret id-dritt tal-bank għal deċiżjoni motivata b’mod xieraq.

5.	Il-ħames motiv ibbażat fuq il-fatt li l-BĊE kiser il-prinċipju ta’ nemo auditur minħabba li l-ħatra tal-amministratur u l-interferenza fir-rappreżentanza tal-Bank mill-Bord tiegħu, bħala rappreżentant legali, huma dovuti għal aġir żbaljat tal-BĊE.

Rikors ippreżentat fit-30 ta’ Jannar 2020 – IMI 2 Joint Undertaking vs CHS

(Kawża T-53/20)

(2020/C 114/11)

Lingwa tal-kawża: l-Ingliż

Partijiet

Rikorrenti: IMI 2 Joint Undertaking (rappreżentanti: D. Waelbroeck, A. Duron u F. Federici, avukati)

Konvenuta: Choice Healthcare Solutions Ltd (Cardiff, ir-Renju Unit)

Talbiet

Ir-rikorrenti titlob li l-Qorti Ġenerali jogħġobha:

—

tordna lill-konvenuta tirriborsa lir-rikorrenti s-somma ta’ EUR 128 996,04, flimkien mal-interessi, b’rabta mal-ftehim ta’ sussidju 115011 dwar il-proġett “PROactive – Physical Activity as a Crucial Patient Reported Outcome in COPD”, suġġetta għall-interessi bir-rata applikata mill-Bank Ċentrali Ewropew għall-operazzjonijiet ewlenin tiegħu ta’ finanzjament mill-ġdid miżjuda bi 3,5 % mit-23 ta’ Lulju 2019, sad-data tar-riċezzjoni tal-fondi li għandhom jiġu rrimborsati lir-rikorrenti;

—	tikkundanna lill-konvenuta għall-ispejjeż.

Motivi u argumenti prinċipali

Ir-rikorrenti kkonkludiet ftehim ta’ sussidju mal-konvenuta dwar il-proġett “PROactive – Physical Activity as a Crucial Patient Reported Outcome in COPD”.

Insostenn tar-rikors tagħha ppreżentat abbażi tal-Artikolu 272 tat-Trattat dwar il-Funzjonament tal-Unjoni Ewropea, ir-rikorrenti tinvoka l-ksur tal-kundizzjoniiet tal-imsemmi ftehim mill-konvenuta fir-rigward tal-ispejjeż mitluba minnha.

Rikors ippreżentat fis-6 ta’ Frar 2020 – Puma vs EUIPO – CAMäleon (PUMA-System)

(Kawża T-71/20)

(2020/C 114/12)

Lingwa tar-rikors: l-Ingliż

Partijiet

Rikorrenti: Puma SE (Herzogenaurach, il-Ġermanja) (rappreżentanti: P. GonzálezBueno Catalán de Ocón, lawyer)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: CAMäleon Produktionsautomatisierung GmbH (Dettenhausen, il-Ġermanja)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: it-trade mark verbali tal-Unjoni “PUMA-System” – Applikazzjoni għal reġistrazzjoni Nru 16 786 907

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: id-deċiżjoni tal-ewwel Bord tal-Appell tal-EUIPO tas-27 ta’ Novembru 2019 fil-Każ R 404/2019-1

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tikkundanna lill-EUIPO għall-ispejjeż.

Motivi invokati

—	Ksur tal-prinċipju ta’ amministrazzjoni tajba

—	Ksur tal-Artikoli 8(1)(b), 94 u 95(1) tar-Regolament 2017/1001 tal-Parlament Ewropew u tal-Kunsill

—	Ksur tal-Artikolu 8(5) tar-Regolament 2017/1001 tal-Parlament Ewropew u tal-Kunsill;

Rikors ippreżentat fil-11 ta’ Frar 2020 – Klose vs EUIPO (Rappreżentazzjoni ta’ rettangolu b’segmenti bi tliet kuluri)

(Kawża T-81/20)

(2020/C 114/13)

Lingwa tal-kawża: il-Ġermaniż

Partijiet

Rikorrenti: Anne-Marie Klose (Hamburg, il-Ġermanja) (rappreżentant: I. Seher, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Informazzjoni dwar il-proċedimenti quddiem l-EUIPO

Trade mark kontenzjuża kkonċernata: Applikazzjoni għar-reġistrazzjoni ta’ trade mark figurattiva tal-Unjoni (Rappreżentazzjoni ta’ rettangolu b’segmenti bi tliet kuluri) – Applikazzjoni għal reġistrazzjoni Nru 18 019 599

Deċiżjoni kkontestata: id-deċiżjoni tat-Tieni Bord tal-Appell tal-EUIPO tat-12 ta’ Diċembru 2019 fil-Każ R 1955/2019-2

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tikkundanna lill-EUIPO għall-ispejjeż.

Motiv invokat

—	Ksur tal-Artikolu 7(1)(b) moqri flimkien mal-Artikolu 7(2) tar-Regolament (UE) 2017/1001 tal-Parlament Ewropew u tal-Kunsill.

Rikors ippreżentat fit-12 ta’ Frar 2020 – bonnanwalt vs EUIPO – Bayerischer Rundfunk et (tagesschau)

(Kawża T-83/20)

(2020/C 114/14)

Lingwa tar-rikors: il-Ġermaniż

Partijiet

Rikorrenti: bonnanwalt Vermögens- und Beteiligungsgesellschaft mbH (Bonn, il-Ġermanja) (rappreżentant: T. Wendt, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Partijiet oħra quddiem il-Bord tal-Appell: Bayerischer Rundfunk (München, il-Ġermanja), Hessischer Rundfunk (Frankfurt am Main, il-Ġermanja), Mitteldeutscher Rundfunk (Leipzig, il-Ġermanja), Norddeutscher Rundfunk (Hamburg, il-Ġermanja), Rundfunk Berlin-Brandenburg (Berlin, il-Ġermanja), Saarländischer Rundfunk (Saarbrücken, il-Ġermanja), Südwestrundfunk (Mainz, il-Ġermanja), Westdeutscher Rundfunk Köln (Köln, il-Ġermanja), Radio Bremen (Bremen, il-Ġermanja)

Informazzjoni dwar il-proċedimenti quddiem l-EUIPO

Proprjetarji tat-trade mark kontenzjuża: il-partijiet l-oħra quddiem il-Bord tal-Appell

Trade mark kontenzjuża kkonċernata: it-trade mark verbali tal-Unjoni Ewropea tagesschau – Trade mark tal-Unjoni Nru 10 237 543

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tat-Tieni Bord tal-Appell tal-EUIPO tat-12 ta’ Diċembru 2019 fil-Każ R 1487/2019-2

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tiddikjara r-revoka tat-trade mark tal-Unjoni Nru 10 237 543 b’effett mill-15 ta’ Novembru 2017, inkluż għas-servizzi “provvista ta’ aħbarijiet u artikli”;

—	tikkundanna lill-proprjetarji tat-trade mark tal-Unjoni għall-ispejjeż tal-proċedimenti ta’ appell kif ukoll għal dawk ta’ din il-proċedura.

Motivi invokati

—	ksur tar-rekwiżiti formali essenzjali (rekwiżit ta’ motivazzjoni);

—	ksur tal-ewwel sentenza tal-Artikolu 18(1) tar-Regolament (UE) 2017/1001 tal-Parlament Ewropew u tal-Kunsill;

—	ksur tal-Artikolu 58(1)(a) u (2) tar-Regolament (UE) 2017/1001 tal-Parlament Ewropew u tal-Kunsill.

Rikors ippreżentat fit-12 ta’ Frar 2020 – Qx World vs EUIPO – Mandelay (EDUCTOR)

(Kawża T-84/20)

(2020/C 114/15)

Lingwa tar-rikors: l-Ingliż

Partijiet

Rikorrenti: Qx World Kft. (Budapest, l-Ungerija) (rappreżentanti: Á. László u A. Cserny, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Mandelay Kft. (Szigetszentmiklós, l-Ungerija)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: it-trade mark verbali tal-Unjoni Ewropea “EDUCTOR” – Trade mark tal-Unjoni Nru 11 043 296

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tal-Ħames Bord tal-Appell tal-EUIPO tal-25 ta’ Novembru 2019 fil-Każ R 1310/2019-5

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata b’tali mod li tannulla d-deċiżjoni tal-ewwel istanza u tibgħat il-kawża lura lid-Diviżjoni tal-Kanċellazzjoni għat-tkomplija tal-proċeduri;

—	alternattivament, tannulla kemm id-deċiżjoni kkontestata kif ukoll id-deċiżjoni tal-ewwel istanza u tibgħat il-każ lura lid-Diviżjoni tal-Kanċellazzjoni tal-EUIPO għat-tkomplija tal-proċeduri.

Motivi invokati

—	Ksur tal-Artikolu 8(3) tar-Regolament (UE) 2017/1001 tal-Parlament Ewropew u tal-Kunsill;

—	Ksur tar-rekwiżiti proċedurali essenzjali.

Rikors ippreżentat fit-13 ta’ Frar 2020 – Qx World vs EUIPO – Mandelay (EDUCTOR)

(Kawża T-85/20)

(2020/C 114/16)

Lingwa tar-rikors: l-Ingliż

Partijiet

Rikorrenti: Qx World Kft. (Budapest, l-Ungerija) (rappreżentanti: Á. László u A. Cserny, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Mandelay Kft. (Szigetszentmiklós, l-Ungerija)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: it-trade mark verbali tal-Unjoni EDUCTOR –Trade mark tal-Unjoni Nru 12 250 593

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tal-Ħames Bord tal-Appell tal-EUIPO tat-2 ta’ Diċembru 2019 fil-Każ R 1311/2019-5

Talbiet

Ir-rikorrenti titlob li l-Qorti Ġenerali jogħġobha:

—	temenda d-deċiżjoni kkontestata b’mod li tannulla d-deċiżjoni tal-ewwel istanza u tibgħat il-każ quddiem id-Diviżjoni tal-Kanċellazzjoni tal-EUIPO sabiex jitkomplu l-proċedimenti;

—	alternattivament, tannulla d-deċiżjoni kkontestata flimkien mad-deċiżjoni tal-ewwel istanza u tibgħat il-każ quddiem id-Diviżjoni tal-Kanċellazzjoni tal-EUIPO sabiex jitkomplu l-proċedimenti.

Motivi invokati

—	Ksur tal-Artikolu 8(3) tar-Regolament (UE) 2017/1001 tal-Parlament Ewropew u tal-Kunsill;

—	Ksur ta’ rekwiżiti formali essenzjali.

Rikors ippreżentat fit-13 ta’ Frar 2020 – Qx World v EUIPO – Mandelay (SCIO)

(Kawża T-86/20)

(2020/C 114/17)

Lingwa tar-rikors: l-Ingliż

Partijiet

Rikorrenti: Qx World Kft. (Budapest, l-Ungerija) (rappreżentanti: Á. László u A. Cserny, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Mandelay Kft. (Szigetszentmiklós, l-Ungerija)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: il-parti l-oħra quddiem il-Bord tal-Appell

Trade mark kontenzjuża kkonċernata: it-trade mark verbali tal-Unjoni Ewropea “SCIO” – Trade mark tal-Unjoni Ewropea Nru 11 191 194

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tal-Ħames Bord tal-Appell tal-EUIPO tat-2 ta’ Diċembru 2019 fil-Każ R 1312/2019-5

Talbiet

Ir-rikorrenti titlob li l-Qorti Ġenerali jogħġobha:

—	tbiddel id-deċiżjoni kkontestata b’mod li tannulla d-deċiżjoni fl-ewwel istanza u tibgħat lura l-każ quddiem id-Diviżjoni ta’ Kanċellazzjoni tal-EUIPO sabiex jitkomplew il-proċedimenti;

—	sussidjarjament, tannulla kemm id-deċiżjoni kkontestata kif ukoll id-deċiżjoni fl-ewwel istanza u tibgħat lura l-każ quddiem id-Diviżjoni ta’ Kanċellazzjoni tal-EUIPO sabiex jitkomplew il-proċedimenti.

Motivi invokati

—	Ksur tal-Artikolu 8(3) tar-Regolament (UE) 2017/1001 tal-Parlament Ewropew u tal-Kunsill;

—	Ksur tar-rekwiżiti formali essenzjali.

Rikors ippreżentat fit-13 ta’ Frar 2020 – Rivière et vs Il-Parlament

(Kawża T-88/20)

(2020/C 114/18)

Lingwa tal-kawża: il-Franċiż

Partijiet

Rikorrenti: Jérôme Rivière (Nice, Franza) u għaxar rikorrenti oħra (rappreżentant: F. Wagner, avukat)

Konvenut: Il-Parlament Ewropew

Talbiet

Ir-rikorrenti jitolbu li l-Qorti Ġenerali jogħġobha:

—	tannulla d-deċiżjoni verbali tal-President tal-Parlament Ewropew tat-13 ta’ Jannar 2020 li tkun ipprojbita l-preżenza ta’ bandiera nazzjonali fuq id-desk ta’ deputat;

—	tikkundanna lill-Parlament Ewropew għall-ispejjeż kollha.

Motivi u argumenti prinċipali

Insostenn tar-rikors tagħhom, ir-rikorrenti jinvokaw tliet motivi.

1.

L-ewwel motiv, ibbażat fuq il-ksur u l-iżnaturament fid-dritt u fil-fatt tal-Artikolu 10 tar-Regolament Intern tal-Parlament Ewropew kif ukoll fuq il-ksur tal-Artikolu 4 tat-Trattat dwar l-Unjoni Ewropea, b’mod partikolari sa fejn il-bandiera żgħira mqiegħda minn deputat parlamentari fuq id-desk tiegħu la hija streamer u lanqas banner. Barra minn hekk, il-preżenza ta’ tali bandiera ma tikkomprometti la l-iżvoġiment tajjeb tax-xogħol parlamentari, la l-funzjonament tajjeb tat-tagħmir tal-Parlament, la l-buon ordni fis-sala tas-seduti u lanqas ma tikkostitwixxi aġir mhux f’loku.

2.	It-tieni motiv, ibbażat fuq il-ksur tal-prattika preċedenti tal-Parlament Ewropew u tal-prinċipju ta’ ċertezza legali li hija rrikonoxxuta mill-Qorti tal-Ġustizzja tal-Unjoni Ewropea bħala “rekwiżit fundamentali” skont il-ġurisprudenza.

3.

It-tielet motiv, ibbażat fuq abbuż ta’ poter, sa fejn il-president, ma għandux, waħdu, skont it-termini tal-Artikolu 22 tar-Regolament Intern tal-Parlament Ewropew, is-setgħa li jirrifjuta li jagħti l-kelma lil deputat minħabba l-motiv li invoka. Ir-rikorrenti jsostnu li huwa l-Bureau tal-Parlament Ewropew li jirregola l-kwistjonijiet dwar it-tmexxija tas-seduti.

Rikors ippreżentat fis-17 ta’ Frar 2020 – Albert Darboven Holding vs EUIPO (WINDSOR-CASTLE)

(Kawża T-93/20)

(2020/C 114/19)

Lingwa tar-rikors: il-Ġermaniż

Partijiet

Rikorrenti: Albert Darboven Holding GmbH & Co. KG (Hamburg, il-Ġermanja) (rappreżentant: A. Thünken, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Informazzjoni dwar il-proċedimenti quddiem l-EUIPO

Trade mark kontenzjuża kkonċernata: it-trade mark verbali tal-Unjoni “WINDSOR-CASTLE” – Applikazzjoni għal reġistrazzjoni Nru 17 881 910

Deċiżjoni kkontestata: id-deċiżjoni tal-Ewwel Bord tal-Appell tal-EUIPO tad-19 ta’ Diċembru 2019 fil-Każ R 2448/2018-1

Talbiet

Ir-rikorrenti titlob li l-Qorti Ġenerali jogħġobha:

—	tirriforma d-deċiżjoni kkontestata sabiex l-applikazzjoni għar-reġistrazzjoni tat-trade mark tal-Unjoni Ewropea Nru 17 881 910 WINDSOR-CASTLE tiġi ppubblikata wkoll għall-prodotti: “kafè, tè u prodotti li jissostitwixxu l-kafè u t-tè; prodotti tal-forn; prodotti tal-ħelu”; sussidjarjament

—	tannulla d-deċiżjoni kkontestata;

—	tikkundanna lill-EUIPO għall-ispejjeż.

Motiv invokat

—	Ksur tal-Artikolu 1(1)(b) tar-Regolament (UE) 2017/1001 tal-Parlament Ewropew u tal-Kunsill

Rikors ippreżentat fl-20 ta’ Frar 2020 – Biochange Group vs EUIPO – Laubender (medical beauty research)

(Kawża T-98/20)

(2020/C 114/20)

Lingwa tar-rikors: il-Ġermaniż

Partijiet

Rikorrenti: Biochange Group GmbH (Bad Schlema, il-Ġermanja) (rappreżentant: C. König, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Laubender GmbH (Vjenna, l-Awstrija)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: it-trade mark verbali tal-Unjoni “medical beauty research” – Trade mark tal-Unjoni Nru 4 215 935

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: id-deċiżjoni tat-Tieni Bord tal-Appell tal-EUIPO tat-8 ta’ Novembru 2019 fil-Każ R 114/2019-2

Talbiet

Ir-rikorrenti titlob li l-Qorti Ġenerali jogħġobha:

—	tannulla d-deċiżjoni kkontestata;

—	tikkundanna lill-EUIPO, kif ukoll lill-kumpannija Laubender GmbH, fil-każ li din tal-aħħar tintervjeni f’din il-proċedura, għall-ispejjeż ta’ din il-proċedura kif ukoll għall-ispejjeż tal-proċedimenti quddiem il-Bord tal-Appell.

Motivi invokati

—	Ksur tal-Artikolu 7(1)(c) tar-Regolament (UE) 2017/1001 tal-Parlament Ewropew u tal-Kunsill;

—	Ksur tal-Artikolu 7(1)(b) tar-Regolament (UE) 2017/1001 tal-Parlament Ewropew u tal-Kunsill;

—	Ksur tat-tielet sentenza tal-Artikolu 95(1) tar-Regolament (UE) 2017/1001 tal-Parlament Ewropew u tal-Kunsill.

Rikors ippreżentat fl-20 ta’ Frar 2020 – Junqueras i Vies vs Il-Parlament

(Kawża T-100/20)

(2020/C 114/21)

Lingwa tal-kawża: l-Ispanjol

Partijiet

Rikorrent: Oriol Junqueras i Vies (Sant Joan de Vilatorrada, Spanja) (rappreżentant: A. Van den Eynde Adroer, abogado)

Konvenut: Il-Parlament Ewropew

Talbiet

Ir-rikorrent jitlob lill-Qorti Ġenerali tikkunsidra li ġie ppreżentat fit-terminu stabbilit ir-rikors kontra l-att ikkuntestat, flimkien mal-annessi tiegħu, tiddikjarah ammissibbli u, fil-mertu tat-talba, tiddikjara null u ineffettiv l-att tal-President tal-Parlament Ewropew ikkuntestat, u tikkundanna lill-konvenut għall-ispejjeż.

Motivi u argumenti prinċipali

Dan ir-rikors huwa dirett kontra d-deċiżjoni tal-President tal-Parlament Ewropew tal-10 ta’ Diċembru 2019, li tiċħad (b’rinviju għad-deċiżjoni tiegħu tat-22 ta’ Awwissu 2019, ikkontestata quddiem il-Qorti Ġenerali tal-Unjoni Ewropea fil-Kawża T-734/19, Junqueras i Vies vs Il-Parlament) l-ipproċessar tat-talba ta’ żamma tal-immunità mressqa minn Diana Riba i Giner, membru tal-Parlament Ewropew, in rappreżentanza tal-membru parlamentari tal-Unjoni Ewropea Oriol Junqueras i Vies.

Insostenn tar-rikors tiegħu, ir-rikorrent jinvoka erba’ motivi.

1.

L-ewwel motiv, huwa bbażat fuq il-ksur tal-Artikoli 39 tal-Karta tad-Drittijiet Fundamentali tal-Unjoni Ewropea (KDFUE), tal-Artikolu 3(1) tal-Konvenzjoni Ewropea tad-Drittijiet tal-Bniedem u tal-Libertajiet Fundamentali, tal-Artikoli 20, 21(1) u (2) u 41(1) u (2) KDFUE, u fuq l-interpretazzjoni neċessarja konformi mal-Artikoli 7 u 9 tar-regolament intern tal-Parlament Ewropew. — F’dan ir-rigward huwa allegat li d-dħul fis-seħħ tal-KDFUE (u b’mod konkret tal-artikoli msemmija iktar ’il fuq) bħala dritt primarju tal-Unjoni jikkonferixxi drittijiet suġġettivi awtonomi lill-ewroparlamentari fil-konfront tal-Parlament Ewropew li għandhom jiġu tradotti f’interpretazzjoni korretta tal-Artikoli 7 u 9 tar-regolament intern tal-Parlament Ewropew, fis-sens li jeżistu statut Ewropew ta’ żamma tal-immunità tal-ewroparlamentari ugwali u mhux diskriminatorju abbażi tan-nazzjonalità u, tal-inqas, ċerti drittijiet ta’ natura proċedurali li jobbligaw lill-Parlament Ewropew jipproċessa t-talba għaż-żamma tal-immunità bil-garanziji li tali drittijiet jipproteġu.

2.

It-tieni motiv jirrigwarda n-nuqqas ta’ osservanza tas-sentenza tal-Qorti tal-Ġustizzja tad-19 ta’ Diċembru 2019 (C-502/19, Junqueras i Vies) u l-ksur tad-dritt għaż-żamma tal-immunità fis-sens tal-Artikolu 39 KDFUE u tal-Artikolu 9 tal-Protokoll fuq il-privileġġi u fuq l-immunità tal-Unjoni Ewropea, kif ukoll tal-Artikoli 7 u 9 tar-regolament intern. — F’dan ir-rigward huwa allegat li, fl-imsemmija sentenza, il-Qorti tal-Ġustizzja rrikonoxxiet lir-rikorrent l-istatus ta’ membru parlamentari Ewropew, u stabbilixxiet li dan kellu jitlob l-annullament tal-immunità lill-Parlament Ewropew. Ġaladarba ġie rrikonoxxut l-istatus ta’ ewroparlamentari tar-rikorrent anki mill-istess Parlament Ewropew, iċ-ċaħda tal-ipproċessar tat-talba għaż-żamma tal-immunità wasslet, fil-każ odjern, għan-nuqqas ta’ osservanza tas-sentenza u għall-ksur tad-drittijiet ta’ Junqueras bħala deputat tal-Parlament Ewropew fis-sens tal-artikoli ċċitati.

3.

It-tielet motiv jirrigwarda l-ksur tal-Artikoli 7 u 9 tar-regolament intern tal-Parlament Ewropew minħabba n-nuqqas ta’ kompetenza tal-President tal-Parlament sabiex jiddeċiedi fuq l-ammissibbiltà jew le tat-talba għaż-żamma tal-immunità u minħabba n-nuqqas ta’ osservanza tal-proċedura prevista minnhom. — F’dan ir-rigward huwa allegat in-nuqqas ta’ kompetenza tal-President sabiex jadotta deċiżjoni ta’ inammissibbiltà tat-talba għaż-żamma tal-immunità u l-ksur tal-Artikoli 7 u 9 tar-regolament intern tal-Parlament Ewropew minħabba n-nuqqas ta’ osservanza tal-proċedura prevista minnhom.

4.

Ir-raba’ motiv jirrigwarda l-ksur tal-Artikolu 39 KDFUE, tal-Artikolu 9 in totum tal-Protokoll fuq il-privileġġi u fuq l-immunità tal-Unjoni Ewropea u tal-Artikoli 7 u 9 tar-regolament intern tal-Parlament Ewropew. — F’dan ir-rigward huwa allegat li, billi ma ġietx miżmuma l-immunità ta’ Junqueras u billi ma ġiex impost l-ipproċessar quddiem il-Parlament Ewropew ta’ talba għaż-żamma tal-immunità, ġiet miksura s-sistema sħiħa taż-żamma tal-immunità sanċita fl-Artikolu 9 tal-Protokoll fuq il-privileġġi u fuq l-immunità tal-Unjoni Ewropea.