ISSN 1977-0987 |
||
Il-Ġurnal Uffiċjali tal-Unjoni Ewropea |
C 38 |
|
![]() |
||
Edizzjoni bil-Malti |
Informazzjoni u Avviżi |
Volum 63 |
Werrej |
Paġna |
|
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2020/C 38/01 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA KUMMERĊJALI KOMUNI |
|
|
Il-Kummissjoni Ewropea |
|
2020/C 38/02 |
Avviż dwar l-iskadenza imminenti ta’ ċerti miżuri anti-dumping |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2020/C 38/03 |
Avviż minn qabel ta’ konċentrazzjoni (Il-Każ M.9707 — Aperam Alloys Imphy/Tekna Plasma Europe/ImphyTek Powders) Każ li jista’ jiġi kkunsidrat għal proċedura ssimplifikata ( 1 ) |
|
|
ATTI OĦRAJN |
|
|
Il-Kummissjoni Ewropea |
|
2020/C 38/04 |
|
|
|
(1) Test b'rilevanza għaż-ŻEE. |
MT |
|
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
5.2.2020 |
MT |
Il-Ġurnal Uffiċjali tal-Unjoni Ewropea |
C 38/1 |
Rata tal-kambju tal-euro (1)
L-4 ta' Frar 2020
(2020/C 38/01)
1 euro =
|
Munita |
Rata tal-kambju |
USD |
Dollaru Amerikan |
1,1048 |
JPY |
Yen Ġappuniż |
120,52 |
DKK |
Krona Daniża |
7,4729 |
GBP |
Lira Sterlina |
0,84880 |
SEK |
Krona Żvediża |
10,6278 |
CHF |
Frank Żvizzeru |
1,0702 |
ISK |
Krona Iżlandiża |
137,90 |
NOK |
Krona Norveġiża |
10,1948 |
BGN |
Lev Bulgaru |
1,9558 |
CZK |
Krona Ċeka |
25,143 |
HUF |
Forint Ungeriż |
336,32 |
PLN |
Zloty Pollakk |
4,2753 |
RON |
Leu Rumen |
4,7763 |
TRY |
Lira Turka |
6,6073 |
AUD |
Dollaru Awstraljan |
1,6439 |
CAD |
Dollaru Kanadiż |
1,4671 |
HKD |
Dollaru ta' Hong Kong |
8,5805 |
NZD |
Dollaru tan-New Zealand |
1,7102 |
SGD |
Dollaru tas-Singapor |
1,5139 |
KRW |
Won tal-Korea t'Isfel |
1 310,75 |
ZAR |
Rand ta' l-Afrika t'Isfel |
16,3262 |
CNY |
Yuan ren-min-bi Ċiniż |
7,7298 |
HRK |
Kuna Kroata |
7,4518 |
IDR |
Rupiah Indoneżjan |
15 146,81 |
MYR |
Ringgit Malażjan |
4,5424 |
PHP |
Peso Filippin |
56,102 |
RUB |
Rouble Russu |
69,8725 |
THB |
Baht Tajlandiż |
34,194 |
BRL |
Real Brażiljan |
4,6704 |
MXN |
Peso Messikan |
20,6722 |
INR |
Rupi Indjan |
78,7120 |
(1) Sors: rata tal-kambju ta' referenza ppubblikata mill-Bank Ċentrali Ewropew.
V Avviżi
PROĊEDURI DWAR L-IMPLIMENTAZZJONI TAL-POLITIKA KUMMERĊJALI KOMUNI
Il-Kummissjoni Ewropea
5.2.2020 |
MT |
Il-Ġurnal Uffiċjali tal-Unjoni Ewropea |
C 38/2 |
Avviż dwar l-iskadenza imminenti ta’ ċerti miżuri anti-dumping
(2020/C 38/02)
1. Kif previst fl-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (1), il-Kummissjoni tavża li, sakemm ma jitnediex rieżami skont il-proċedura li ġejja, il-miżuri anti-dumping imsemmijin hawn taħt se jiskadu fid-data msemmija fit-tabella ta’ hawn taħt.
2. Proċedura
Il-produtturi tal-Unjoni jistgħu jippreżentaw talba bil-miktub għal rieżami. Din it-talba trid tinkludi biżżejjed evidenza li l-iskadenza tal-miżuri aktarx twassal għat-tkomplija jew għar-rikorrenza ta’ dumping u dannu. Jekk il-Kummissjoni tiddeċiedi li tagħmel rieżami tal-miżuri kkonċernati, l-importaturi, l-esportaturi, ir-rappreżentanti tal-pajjiż tal-esportazzjoni u l-produtturi tal-Unjoni mbagħad jingħataw l-opportunità li jelaboraw, jirrifjutaw jew jikkummentaw dwar il-kwistjonijiet imsemmija fit-talba għal rieżami.
3. Limitu taż-żmien
Il-produtturi tal-Unjoni jistgħu jippreżentaw talba bil-miktub għal rieżami abbażi ta’ dak imsemmi hawn fuq, li għandha tasal għand: European Commission, Directorate-General for Trade (Unit H-1), CHAR 4/39, B-1049 Brussels (2) fi kwalunkwe żmien mid-data tal-pubblikazzjoni ta’ dan l-avviż, iżda mhux aktar tard minn tliet xhur qabel id-data msemmija fit-tabella hawn taħt.
4. Dan l-avviż huwa ppubblikat f’konformità mal-Artikolu 11(2) tar-Regolament (UE) 2016/1036.
Prodott |
Pajjiż(i) tal-oriġini jew tal-esportazzjoni |
Miżuri |
Referenza |
Data tal-iskadenza (3) |
Fittings ta’ tubi u pajpijiet, tal-ħadid jew tal-azzar |
Ir-Repubblika tal-Poplu taċ-Ċina |
Dazju anti-dumping |
Ir-Regolament ta’ Implimentazzjoni tal-Kummissjoni (UE) 2015/1934 tas-27 ta’ Ottubru 2015 li jimponi dazju definittiv tal-antidumping fuq importazzjonijiet ta’ ċerti aċċessorji ta’ tubi u pajpijiet, tal-ħadid jew tal-azzar, li joriġinaw mir-Repubblika tal-Poplu taċ-Ċina wara rieżami ta’ skadenza skont l-Artikolu 11(2) tar-Regolament (KE) Nru 1225/2009 |
29 ta’ Ottubru 2020 |
(1) ĠUL 176, 30.6.2016, p. 21.
(2) TRADE-Defence-Complaints@ec.europa.eu
(3) Il-miżura tiskadi f’nofsillejl tal-jum imsemmi f’din il-kolonna
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
5.2.2020 |
MT |
Il-Ġurnal Uffiċjali tal-Unjoni Ewropea |
C 38/3 |
Avviż minn qabel ta’ konċentrazzjoni
(Il-Każ M.9707 — Aperam Alloys Imphy/Tekna Plasma Europe/ImphyTek Powders)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2020/C 38/03)
1.
Fl-24 ta’ Jannar 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Aperam Alloys Imphy SAS, (“Aperam”, il-Lussemburgu), sussidjarja li hija proprjetà kollha kemm hi ta’ Aperam S.A. |
— |
Tekna Plasma Europe SAS (“Tekna”, in-Norveġja), sussidjarja indiretta ta’ Arendals Fossekompani ASA. |
— |
ImphyTek Powders SAS (“ImphyTek Powders”, Franza). |
Aperam u Tekna jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ ImphyTek Powders.
Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’impriża konġunta (joint venture, JV).
2.
L-attivitajiet kummerċjali tal-impriżi kkonċernati huma:
— |
Aperam: manifattura u bejgħ ta’ azzar inossidabbli, azzar tal-elettriku u ligi tal-azzar ta’ speċjalità bi klijenti f’aktar minn 40 pajjiż, |
— |
Tekna: manifattura ta’ atomizzaturi tagħmir periferali biex issir il-produzzjoni ta’ trabijiet metalliċi, |
— |
ImphyTek Powders: manifattura u bejgħ ta’ trab minn ligi tal-nikel. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9707 — Aperam Alloys Imphy/Tekna Plasma Europe/ImphyTek Powders
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).
ATTI OĦRAJN
Il-Kummissjoni Ewropea
5.2.2020 |
MT |
Il-Ġurnal Uffiċjali tal-Unjoni Ewropea |
C 38/5 |
Pubblikazzjoni ta’ komunikazzjoni tal-approvazzjoni ta’ emenda standard għall-Ispeċifikazzjoni tal-Prodott għal isem fis-settur tal-inbid, kif imsemmi fl-Artikolu 17(2) u (3) tar-Regolament Delegat tal-Kummissjoni (UE) Nru 2019/33
(2020/C 38/04)
Din il-komunikazzjoni hija ppubblikata skont l-Artikolu 17(5) tar-Regolament Delegat tal-Kummissjoni (UE) 2019/33 (1).
KOMUNIKAZZJONI TAL-APPROVAZZJONI TA’ EMENDA STANDARD
“Anjou-Coteaux de la Loire”
PDO-FR-A0405-AM02
Data tal-komunikazzjoni: 18/11/2019
DESKRIZZJONI U RAĠUNIJIET TAL-EMENDA APPROVATA
1. Żona ġeografika
Iż-żona ġeografika hija emendata kif ġej: “Il-fażijiet kollha tal-produzzjoni għandhom isiru fiż-żona ġeografika, li l-perimetru tagħha jkun jinkludi t-territorju tal-muniċipalitajiet li ġejjin, fid-dipartiment ta’ Maine-et-Loire, abbażi tal-kodiċi ġeografiku uffiċjali tal-2018: Bouchemaine, Chalonnes-sur-Loire, Champtocé-sur-Loire, Ingrandes-Le Fresne sur Loire (eks territorju tal-muniċipalità ddelegata ta’ Ingrandes), Mauges-sur-Loire (eks territorju tal-muniċipalitajiet iddelegati ta’ Mesnil-en-Vallée, Montjean-sur-Loire u La Pommeraye), La Possonnière, SaintGeorges-sur-Loire, Saint-Germain-des-Prés.
Il-mapep li jirrappreżentaw iż-żona ġeografika jistgħu jiġu kkonsultati fuq is-sit web tal-Istitut Nazzjonali tal-Oriġini u l-Kwalità.”
Emenda editorjali : il-lista l-ġdida ta’ entitajiet amministrattivi tqis il-fużjonijiet jew emendi oħrajn ta’ żoni amministrattivi minn dakinhar tal-approvazzjoni tal-ispeċifikazzjoni. Għal aktar ċertezza legali, il-lista tirreferi għall-verżjoni fis-seħħ tal-kodiċi ġeografiku uffiċjali, li jiġi ppubblikat kull sena mill-INSEE. Il-perimetru taż-żona ġeografika jibqa’ strettament identiku.
Fl-aħħar nett, biex il-pubbliku jkun infurmat aħjar, issir referenza għad-disponibbiltà fuq is-sit web tal-INAO, ta’ mapep li jirrappreżentaw iż-żona ġeografika.
Il-punt 6 tad-Dokument Uniku dwar iż-żona ġeografika huwa emendat kif xieraq.
2. Żona fil-viċinanza immedjata
Fil-punt IV(3) tal-Kapitolu 1, il-lista tal-muniċipalitajiet hija sostitwita b’dan li ġej:
— |
id-dipartiment ta’ Loire-Atlantique : Vair-sur-Loire (eks territorju tal-muniċipalità delegata ta’ Anetz). ; |
— |
id-dipartiment ta’ Maine-et-Loire: Chaudefonds-sur-Layon, Denée, Mauges-surLoire (eks territorji delegati ta’ La Chapelle-Saint-Florent, Le Marillais, Saint-Florent-le-Vieil u Saint-Laurent-du-Mottay), Rochefort-sur-Loire, Savennières, Val-du-Layon (eks territorju tal-muniċipalità delegata ta’ SaintAubein-de-Luigné). |
Dan jippermetti li jitqiesu l-fużjonijiet differenti tal-muniċipalitajiet li jkunu saru mill-aħħar verżjoni tal-ispeċifikazzjoni. Il-perimetru taż-żona fil-viċinanza immedjata jibqa’ strettament identiku.
Il-punt 9 tad-Dokument Uniku dwar il-kundizzjonijiet addizzjonali huwa emendat kif xieraq.
3. Dispożizzjoni agroambjentali
Fil-punt VI(2) tal-Kapitolu 1, ġie miżjud : “Hija obbligatorja kopertura veġetali kkontrollata, naturali jew miżrugħa, bejn ir-ringieli; fin-nuqqas ta’ din il-kopertura veġetali, l-operatur irid jaħdem ir-raba’ bil-għan li jiżgura li jkollu l-veġetazzjoni naturali taħt kontroll inkella jrid jiġġustifika l-użu ta’ prodotti tal-bijokontroll approvati mill-awtoritajiet pubbliċi fil-vitikultura. Meta jintużaw l-erbiċidi tal-bijokontroll fuq roqgħa art, l-użu ta’ erbiċidi oħra huwa pprojbit. ”
Din l-emenda takkumpanja l-evoluzzjoni attwali tal-prattiki tal-operaturi favur l-agroekoloġija fil-vinji ta’ Anjou inġenerali. Tirrifletti ż-żieda fil-konsiderazzjoni tat-tħassib ambjentali fil-proċeduri tekniċi. Bil-promozzjoni tal-preżenza ta’ kopertura veġetali, jew bl-użu ta’ metodi mekkaniċi għat-tneħħija tal-ħaxix ħażin jew bl-użu ta’ prodotti ta’ bijokontroll, l-emenda għandha l-għan li tnaqqas l-użu tal-erbiċidi kimiċi. Dan it-tnaqqis fl-erbiċidi għandu jagħmilha possibbli li tissaħħaħ il-protezzjoni tal-ħamrija tad-dwieli u li jiġu ppreservati l-karatteristiċi naturali tagħha (il-fertilità, il-bijodiversità, il-purifikazzjoni bijoloġika), li jikkontribwixxu għall-kwalità u għall-awtentiċità tal-inbejjed u li jsaħħu l-kunċett ta’ territorju.
Id-Dokument Uniku mhuwiex affettwat minn din l-emenda.
4. It-tħabbir tal-ħsad
Fil-punt VII(1)(a) tal-Kapitolu 1, tħassret is-sentenza “Id-data tal-bidu tal-ħsad hija stabbilita skont id-dispożizzjonijiet tal-Artikolu D. 645-6 tal-kodiċi rurali u tas-sajd marittimu. ”.
L-istabbiliment ta’ data għall-bidu tal-ħsad ma għadux meħtieġ illum, peress li l-operaturi issa għandhom firxa wiesgħa ta’ għodod li jippermettulhom jivvalutaw sew il-maturità tal-għeneb. Kull operatur għandu għadd ta’ apparati u tagħmir, kemm personali kif ukoll kollettivi, li jagħmluha possibbli li tiġi ddeterminata b’mod preċiż id-data ottimali tal-bidu tal-ħsad ta’ kull roqgħa, skont l-għanijiet tal-produzzjoni.
Id-Dokument Uniku mhuwiex affettwat minn din l-emenda.
5. Kapaċità tal-kmamar tal-fermentazzjoni
Fil-punt IX(1)(c) tal-Kapitolu 1, is-sentenza : “Kull operatur għandu jkollu kmamar ta’ fermentazzjoni kbar biżżejjed li jipproduċu mill-inqas 1,4 drabi r-rendiment medju tal-azjenda agrikola matul l-aħħar ħames snin. ” ġiet sostitwita bis-sentenza : “Kull operatur għandu jkollu kmamar ta’ fermentazzjoni kbar biżżejjed li jipproduċu mill-inqas 1,4 drabi l-volum medju tal-inbid prodott matul dawn l-aħħar ħames snin. ”
Fl-ispeċifikazzjoni, ma saritx referenza għal kapaċità tal-volum (espressa f’hl jew f’m3) iżda għal rendiment, jiġifieri volum tal-ħsad diviż biż-żona tal-produzzjoni (espress pereżempju f’hl/ha). L-emenda proposta tagħmilha possibbli li tiġi rimedjata din l-inkonsistenza f’termini ta’ kwantitajiet, mingħajr ebda bidla fis-sustanza (b’minimu dejjem stabbilit għal 1,4 drabi l-volum medju ta’ nbid prodott mill-azjenda agrikola fis-snin ta’ kummerċjalizzazzjoni preċedenti).
Id-Dokument Uniku mhuwiex affettwat minn din l-emenda.
6. Ċirkolazzjoni tal-inbejjed
Il-punt IX(5)(b) tal-Kapitolu 1 dwar id-data tal-kummerċjalizzazzjoni tal-inbejjed bejn id-depożitanti awtorizzati huwa mħassar.
Id-Dokument Uniku mhuwiex affettwat minn din l-emenda.
7. Rabta maż-żona ġeografika
Ir-rabta ġiet riveduta biex jiġi aġġornat l-għadd ta’ muniċipalitajiet ikkonċernati (8 minflok 10).
Il-punt 8 tad-Dokument Uniku dwar ir-rabta huwa emendat kif xieraq.
8. Żamma tar-reġistru
Fil-punt II(3) tal-Kapitolu 2, il-kelma “qawwa” tiġi sostitwita b’“naturali”.
Sabiex tiġi żgurata l-konsistenza fl-abbozzar tal-kliem użat fl-ispeċifikazzjonijiet kollha taż-żona ta’ Anjou Saumur, il-kliem “qawwa alkoħolika naturali skont il-volum” jissostitwixxi t-termini “qawwa alkoħolika” jew “grad”. Dawn l-emendi jtejbu l-leġġibbiltà ta’ dawn l-ispeċifikazzjonijiet. L-armonizzazzjoni tad-dispożizzjonijiet dwar iż-żamma ta’ reġistri hija maħsuba biex tiffaċilita t-tfassil tal-pjan ta’ spezzjoni u l-kontroll ta’ dawn ir-reġistri.
Id-Dokument Uniku mhuwiex affettwat minn din l-emenda.
9. Punti ewlenin li jridu jiġu kkontrollati
Il-Kapitolu 3 ġie rivedut biex jiżgura l-koerenza fl-abbozzar tal-punti ewlenin li għandhom jiġu eżaminati fl-ispeċifikazzjonijiet taż-żona ta’ Anjou Saumur.
Id-Dokument Uniku mhuwiex affettwat minn din l-emenda.
DOKUMENT UNIKU
1. Isem/Ismijiet tal-prodott
Anjou-Coteaux de la Loire
2. Tip Ta’ Indikazzjoni Ġeografika
DOP - Denominazzjoni ta’ Oriġini Protetta
3. Kategoriji tal-prodotti tal-vinji
1. |
Inbid |
4. Deskrizzjoni tal-inbid/inbejjed
Dawn huma nbejjed bojod bla gass magħmulin minn għeneb maħsud meta jkun misjur iżżejjed (konċentrazzjoni naturali maz-zokk bil-moffa nobbli jew mingħajrha), eleganti b’kumplessità aromatika kbira (aromi ta’ fjuri, ta’ frott frisk jew niexef jew ta’ konfettura) li jingħaqdu biex fil-palat jagħqdu l-ħlewwa mal-freskezza.
Dawn għandhom:
|
Qawwa alkoħolika naturali minima skont il-volum ta’ 14 %. |
|
Kontenut ta’ zokkor fermentabbli (glukożju + fruttożju), wara l-fermentazzjoni ta’ mill-inqas 34 g/l. |
Il-qawwa alkoħolika proprja minima hija ta’ 10 u 11 għall-inbejjed li l-qawwa alkoħolika naturali tagħhom skont il-volum hija inqas minn 18 %.
Il-kontenut totali ta’ aċidità u ta’ diossidu tal-kubrit huwa dak stabbilit fil-leġiżlazzjoni Komunitarja.
Karatteristiċi analitiċi ġenerali |
|
Qawwa alkoħolika totali massima (f’% ta’ volum) |
18 |
Qawwa alkoħolika proprja minima (f’% ta’ volum) |
|
Aċidità totali minima |
|
Aċidità volatili massima (f’milliekwivalenti għal kull litru) |
25 |
Total massimu ta’ dijossidu tal-kubrit (f’milligrammi għal kull litru) |
|
5. Prattiki tal-produzzjoni tal-inbid
a. Prattiki enoloġiċi essenzjali
Prattika enoloġika speċifika
L-arrikkiment huwa awtorizzat skont ir-regoli stipulati fl-ispeċifikazzjoni.
Prattika enoloġika speċifika
L-użu ta’ biċċiet tal-injam huwa pprojbit. Minbarra d-dispożizzjonijiet ta’ hawn fuq, l-inbejjed għandhom jikkonformaw mar-rekwiżiti kollha stabbiliti fil-livell Komunitarji kif ukoll fil-Kodiċi Rurali u tas-Sajd Marittimu f’dak li għandu x’jaqsam mal-prattiki enoloġiċi użati.
Prattika tal-kultivazzjoni
Densità minima tat-tħawwil : 4000 pjanta /ettaru.
Dawn id-dwieli ma jistax ikollhom distanza bejn ir-ringieli ta’ aktar minn 2.50 m u distanza bejn il-pjanti fl-istess ringiela trid tkun inqas minn 1 m. L-irqajja’ ta’ art bid-dwieli b’densità ta’ tħawwil ta’ inqas minn 4 000 pjanta/ettaru iżda ta’ mill-inqas 3 300 pjanta/ettaru għandhom ikunu intitolati għall-AOC għall-ħsad, soġġetti għall-konformità mar-regoli relatati mar-regoli dwar il-kannizzati u mal-għoli tal-weraq stipulati fl-ispeċifikazzjonijiet. L-ispazju ta’ bejn ir-ringieli ta’ dawn l-irqajja’ ta’ art bid-dwieli ma jistax ikun aktar minn 3 m u l-ispazju ta’ bejn il-pjanti fl-istess ringiela jrid ikun inqas minn 1 m.
Prattika tal-kultivazzjoni
Il-vinji jinżabru sa mhux aktar tard mit-30 ta’ April, b’metodi differenti ta’ żbir, b’massimu ta’ 12-il rimja għal kull pjanta u 4 rimjiet fuq iz-zokk it-twil.
Prattika tal-kultivazzjoni
L-għeneb jinħasad manwalment bi ħsad selettiv suċċessiv.
Prattika tal-kultivazzjoni
It-tisqija hija pprojbita
b. Rendimenti massimi
40 ettolitru għal kull ettaru
6. Iż-żona ġeografika demarkata
Il-fażijiet kollha tal-produzzjoni jsiru fiż-żona ġeografika, li l-perimetru tagħha jkun jinkludi t-territorju tal-muniċipalitajiet li ġejjin, fid-dipartiment ta’ Maine-et-Loire, abbażi tal-kodiċi ġeografiku uffiċjali tal-2018: Bouchemaine, Chalonnes-sur-Loire, Champtocé-sur-Loire, Ingrandes-Le Fresne sur Loire (eks territorju tal-muniċipalità delegata ta’ Ingrandes), Mauges-sur-Loire (eks territorju tal-muniċipalitajiet delegati ta’ Mesnilen-Vallée, Montjean-sur-Loire u La Pommeraye), La Possonnière, SaintGeorges-sur-Loire, Saint-Germain-des-Prés.
Il-mapep li jirrappreżentaw iż-żona ġeografika jistgħu jiġu kkonsultati fuq is-sit web tal-Istitut Nazzjonali tal-Oriġini u l-Kwalità.
7. Dwieli Ewlenin
Chenin B
8. Deskrizzjoni tar-rabta/rabtiet
1 - Informazzjoni dwar iż-żona ġeografika
a)
Iż-żona ġeografika tikkorrispondi għas-setturi ta’ għoljiet tax-shale max-xatt tal-Loire. Din hija l-parti l-aktar fil-Punent tal-vinji tad-denominazzjoni ta’ oriġini kkontrollata “Anjou”. Fl-2018, din estendiet fuq it-territorju ta’ 8 muniċipalitajiet fil-Punent tad-dipartiment ta’ Maine-et-Loire. Tibda fuq il-periferija ta’ Angers, fil-muniċipalità ta’ Bouchemaine, sal-konfluwenza tal-Loire u tal-Maine, imbagħad testendi fuq iż-żewġ naħat tax-xmara, sa Ingrandes-sur-Loire u Le Mesni-en-Vallée, lejn Nantes.
Il-klima moderata hija influwenzata sew mix-xmara. Il-vinji jinsabu fuq l-eqreb għoljiet li jmissu ma’ din tal-aħħar u mhumiex itwal minn 3 kilometri. Minn din id-distanza lejn it-Tramuntana u lejn in-Nofsinhar, il-pajsaġġ jikkonsisti prinċipalment minn mergħat u boskijiet. L-isem “Coteaux de la Loire” juri t-topografija tal-vinji bl-inklinazzjonijiet differenti tagħha. Filwaqt li fil-muniċipalità ta’ Bouchemaine, l-għoljiet huma weqfin ħafna, dawk tal-muniċipalitajiet ta’ Ingrandes-sur-Loire u ta’ Saint-Georges-sur-Loire huma ferm inqas weqfin.
Il-ħamrija f’irqajja’ ta’ art demarkati b’mod preċiż għall-ġbir tal-għeneb issir mill-formazzjonijiet primarji tal-Massif Armorikan. Din il-ħamrija hija magħmula minn schale ftit li xejn żviluppat jew minn ħamrija ramlija u bix-shale. Hawnhekk jistgħu jinstabu wkoll xi ħamrija żviluppata li tkun ġejja mill-ġebel volkaniku u xi ħamrija kannella tal-ġir minn Dévonien. Dawn it-tipi ta’ ħamrija mhumiex fondi u s-sodda tal-blat spiss tinsab f’fond ta’ inqas minn 0.40 m. Dawn ma għandhom l-ebda sinjal idromorfiku u r-riżervi tal-ilma huma moderati ħafna.
Il-klima hija ta’ tip oċeanika. In-natura oċeanika tal-klima hija moderata minħabba l-fœhn b’effett tal-għoljiet ta’ Mauges, li jinsabu fil-Punent tal-għelieqi bid-dwieli. Il-medja annwali ta’ xita hija ta’ 650 millimetru u hija kkaratterizzata minn firxa wiesgħa ta’ riħ umduż, iżda mbagħad taqbeż it-800 mm fuq l-għoljiet ta’ Mauges. Il-Loire għandha wkoll funzjoni ta’ kontroll tat-temperatura matul is-sena.
Flimkien mat-topografija, l-espożizzjoni tal-għoljiet hija essenzjali. Fuq ix-xatt tal-lemin, il-vinji esposti għan-Nofsinhar huma protetti mill-irwiefen kesħin mit-Tramuntana u għalhekk jibbenefikaw minn kundizzjonijiet favorevoli ħafna. Fuq ix-xatt tax-xellug, l-effett drenanti tal-ilma mix-xmara għall-arja kiesħa għandu rwol ewlieni fit-tisħin tal-għoljiet li jħarsu lejn it-Tramuntana. Xi postijiet l-aktar kennija, huma protetti mir-riħ u b’hekk jibbenefikaw minn gwadann tas-sħana. Fl-aħħar nett, il-Loire għandha rwol ewlieni fiż-żmien il-ħsad, billi tgħin fil-formazzjoni tan-nida bikrija ta’ filgħodu li hija essenzjali għall-iżvilupp tal-“moffa nobbli”.
b)
Filwaqt li l-istorja tad-dwieli ta’ Anjou tmur lura għas-seklu 9, ir-referenza eżatta għall-vinji “Coteaux de la Loire” tidher għall-ewwel darba fl-1749 fit-“Traité sur la nature et la culture de la vigne” (Trattat dwar in-natura u l-kultivazzjoni tad-dwieli) tas-Sur Bidet u s-Sur Duhamel de Monceau, li tgħid li f’din il-vinja : “It-territorju, li huwa diffiċli ħafna li jinħadem, issa huwa kkultivat perfettament u mħawwel kollu kemm hu bid-dwieli...”.
Dikjarazzjoni mill-Kunsill tal-Istat dwar miżuri amministrattivi meħuda fl-1804 turi li dan ir-reġjun jipproduċi biss inbejjed bojod : “Jekk iż-żewġ naħat tal-Loire huma favorevoli biss għall-kultivazzjoni tal-inbejjed bojod, u jekk dawk l-inbejjed jiffurmaw parti importanti tal-kummerċ...”. Din id-dikjarazzjoni tirreferi wkoll għall-Belġju li, dak iż-żmien, kien iħobb l-inbejjed tal-“Coteaux de la Loire”.
Aktar reċentement, fl-1842, is-Sur Auguste Petit-Lafitte qal li : “Il-Gros Pineau jew ix-Chenin hija l-aktar varjetà ta’ għenba prezzjuża. ” Il-vinji ta’ Anjou huma l-art ideali għall-varjetà tal-għenba Chenin B. Varjetà rustika, bil-potenzjal tagħha li jvarja ħafna skont it-tip ta’ ħamrija, jew, b’mod aktar ġenerali, il-post li fih tkun imħawwla. Il-produtturi tal-inbid ukoll fehmu malajr il-valur tal-ħsad ta’ din il-varjetà fi stadju avvanzat ta’ maturità u skont tekniki partikolari. Il-Konti Odart, fl-1845, fit-“Traité des cépages” (“Trattat dwar il-varjetà tal-għeneb”) tiegħu, jgħid : “Jenħtieġ li tiżdied ukoll il-kundizzjoni li trid tinħasad biss f’perjodu li jkun qabeż il-maturazzjoni, bħal meta tasal il-festa tal-Qaddisin Kollha, meta l-qoxra, imrattba mix-xita, tibda titqaxxar. ”
Għalhekk, il-maturazzjoni żejda hija parti integrali tal-ħsad. Jullien, fl-1816, f’“Topographie de tous les vignobles connus” (Topografija tal-vinji kollha magħrufa), jgħid li : “Fl-inbejjed tajbin, l-għeneb jinħasad bosta drabi ; l-għeneb tal-ewwel u t-tieni ħsad, jinħasad biss l-aktar għeneb misjur biex jiġu prodotti l-inbejjed għall-esportazzjoni; l-inbejjed li jsiru bit-terza jintużaw għall-konsum fil-pajjiż...”
Il-kultivazzjoni tad-dwieli, f’din il-vinja għandha, evolviet bl-istess mod bħal fil-kumplament ta’ Anjou. Fil-fatt, il-wasla tas-sensara Olandiżi fis-seklu 16, wasslet għat-tkabbir tas-suq tal-“inbejjed għall-baħar” (destinati għal pajjiżi barranin) prodotti minn dwieli maqtugħin biz-zokk qasir (nodu wieħed jew tnejn). Is-suq intern, immirat l-aktar lejn il-forniment ta’ Pariġi, kien qiegħed jiżviluppa wkoll, b’inbejjed ta’ reputazzjoni aktar baxxa żviluppati minn dwieli maqtugħin biz-zokk twil (sitt jew seba’ nodi).
Fi tmiem it-Tieni Gwerra Dinjija, il-produzzjoni ġiet prinċipalment diretta lejn it-tiftix għal inbejjed “nofshom misjura” li kienu simili għall-“inbejjed għal Pariġi” fil-passat. L-isforzi li jiġu prodotti nbejjed b’identità qawwija, b’konċentrazzjoni kbira ta’ zokkor, reġgħet bdiet mis-snin tmenin.
L-inbejjed bid-denominazzjoni ta’ oriġini kkontrollata “Anjou-Coteaux de la Loire” jitqiesu bħala nbejjed “ħelwin” mill-aqwa (magħrufin lokalment bħala “likur”) ta’ Anjou.
2 - Informazzjoni dwar il-kwalità u l-karatteristiċi tal-prodott.
Il-karatteristika ewlenija tal-inbejjed hija l-eleganza. Dawn l-inbejjed għandhom aroma kumplessa ħafna, li fil-biċċa l-kbira tal-każijiet tgħaqqad aromi ta’ fjuri ma’ dawk ta’ frott frisk, jew saħansitra niexef jew konfettura, u jqanqlu togħma ta’ “ħlewwa ta’ Anjou”. Fil-palat, huma jikkombinaw il-freskezza mal-ħlewwa. Ħfief bħal-Loire fis-sajf, jew invażivi bħall-għargħar tagħha fix-xitwa, l-inbejjed tad-denominazzjoni ta’ oriġini kkontrollata “Anjou-Coteaux de la Loire”, ikun xi jkun iż-żmien, jafu juru l-kwalità tagħhom.
3 - Interazzjonijiet kawżali
Il-kombinazzjoni tal-ħamrija baxxa ma’ topografija li tippermetti esponiment eċċellenti, li tiffavorixxi provvista ta’ ilma regolari, tippermetti lill-varjetà tal-għeneb tax-Chenin B tesprimi l-effett sħiħ tagħha.
Il-lok tal-vinja, fil-viċinanza immedjata tal-Loire, li tirregola t-temperaturi matul iċ-ċiklu veġetattiv, u ffavoriti b’ġestjoni adegwata tal-vinji, b’mod partikolari b’żabra qasira, tippermetti maturità ottimali. Il-preżenza tax-xmara tippermetti wkoll li tintlaħaq il-maturazzjoni żejda, kemm bir-riħ li hija tidderieġi, li jippromwovi b’mod mekkaniku d-dessikazzjoni tal-għeneb, jew bil-formazzjoni taċ-ċpar ta’ filgħodu li huma essenzjali għall-iżvilupp tal-botrytis cinerea kif ukoll tal-“moffa nobbli”.
L-istennija tal-maturazzjoni żejda tal-għeneb, l-istennija għall-waqt ideali sabiex fih isir il-ħsad tal-għeneb f’perjodu avvanzat fil-ħarifa u t-twettiq ta’ għażliet manwali suċċessivi fl-istess roqgħa ta’ art biex jintgħażel l-għeneb, ikkonċentrat b’mod naturali jew affettwat b’“moffa nobbli” (“mixwija”), juru fl-istess ħin kemm l-għarfien tal-produtturi kif ukoll il-kapaċità partikolari ħafna tal-varjetà tal-għeneb tax-Chenin B. Din tal-aħħar hija deskritta, fl-1861, minn Guillory Aîné : “Il-ħsad tal-għeneb, bi ftit eċċezzjonijiet, isir f’Ottubru, wara li jiġi aċċertat li l-għeneb ikun perfettament matur, u li jkun hemm mill-inqas kwart imħassar. ”
Il-kombinazzjoni ta’ ambjent partikolari, ta’ varjetà ta’ għenba li tkun perfettament adattata għalih u ta’ persuni li jkunu jafu kif jisfruttaw dawn il-kwalitajiet, tagħmilha possibbli li jinkisbu nbejjed partikolarment oriġinali. Diversi kitbiet jagħtu xhieda tan-natura magħrufa sew ta’ dawn l-inbejjed, bħal dawk ta’ M. Petit-Lafitte, li jgħid: “Meta dawk id-dwieli jinżabru għal nodu wieħed jew tnejn, huma jipprovdu nbejjed li huma ħelwin u delikati u li huma mfittxija mill-Belġju. ”
Fir-rigward ta’ Guillory Aîné, fl-1861, f’“Bulletin de la Société Agricole et Industrielle d’Angers” (Bulettin tas-Soċjetà Agrikola u Industrijali ta’ Angers), huwa jfakkarna li: “Dawn l-artijiet x’aktarx mhumiex tajbin għal għelejjel oħra, mingħajr ma tiġġarrab spiża kbira, minħabba l-fertilità dgħajfa tagħhom; bħala riżultat, mhumiex tant abbundanti fl-inbid ; barra minn hekk, li kieku ma kinitx il-kwalità tagħhom li żammet il-prezz ftit għoli, il-kultivazzjoni tad-dwieli nnifisha kienet tiġi abbandunata minnufih. ”
9. Kundizzjonijiet essenzjali oħra (ippakkjar, tikkettar, rekwiżiti oħra)
Żona fil-viċinanza immedjata
Qafas ġuridiku:
Leġiżlazzjoni nazzjonali
Tip ta’ kundizzjoni supplimentari:
Deroga dwar il-produzzjoni fiż-żona ġeografika demarkata
Deskrizzjoni tal-kundizzjoni:
Iż-żona fil-viċinanza immedjata, definita b’deroga għall-vinifikazzjoni, il-produzzjoni u l-maturazzjoni tal-inbejjed, hija magħmula mit-territorju tal-muniċipalitajiet li ġejjin, fuq il-bażi tal-kodiċi ġeografiku uffiċjali tal-2018 :
— |
id-dipartiment ta’ Loire-Atlantique : Vair-sur-Loire (eks territorju tal-muniċipalità delegata ta’ Anetz). ; |
— |
id-dipartiment ta’ Maine-et-Loire: Chaudefonds-sur-Layon, Denée, Maugessur-Loire (eks territorju ta’ muniċipalitajiet delegati ta’ La Chapelle-SaintFlorent, Le Marillais, Saint-Florent-le-Vieil u Saint-Laurent-du-Mottay), Rochefort-sur-Loire, Savennières, Val-du-Layon (eks territorju tal-muniċipalità delegata ta’ Saint-Aubin-de-Luigné). |
Qafas ġuridiku:
Leġiżlazzjoni nazzjonali
Tip ta’ kundizzjoni supplimentari:
Dispożizzjonijiet addizzjonali dwar it-tikkettar
Deskrizzjoni tal-kundizzjoni:
L-informazzjoni fakultattiva kollha għandha tinkiteb fuq it-tikketti b’ittri li d-daqs tagħhom, kemm fl-għoli kif ukoll fil-wisa’, ma jkunux aktar mid-doppju tad-daqs tal-ittri li jifformaw l-isem tad-denominazzjoni ta’ oriġini kkontrollata.
Speċifiċità tad-denominazzjoni “Val de Loire”
Qafas ġuridiku:
Leġiżlazzjoni nazzjonali
Tip ta’ kundizzjoni supplimentari:
Dispożizzjonijiet addizzjonali dwar it-tikkettar
Deskrizzjoni tal-kundizzjoni:
Id-daqs tal-ittri tad-denominazzjoni ġeografika “Val de Loire” ma għandhomx ikunu akbar, kemm fl-għoli kif ukoll fil-wisa’, minn żewġ terzi tad-daqs tal-ittri li jifformaw l-isem tad-denominazzjoni ta’ oriġini kkontrollata.
Tikkettar : Unità ġeografika iżgħar
Qafas ġuridiku:
Leġiżlazzjoni nazzjonali
Tip ta’ kundizzjoni supplimentari:
Dispożizzjonijiet addizzjonali dwar it-tikkettar
Deskrizzjoni tal-kundizzjoni:
It-tikkettar tal-inbejjed tad-denominazzjoni ta’ oriġini kkontrollata jista’ jispeċifika l-isem ta’ unità ġeografika iżgħar, bil-kundizzjoni li: - ikun post irreġistrat; - ikun fuq id-dikjarazzjoni tal-ħsad. L-isem ta’ dan il-post irreġistrat għandu jiġi stampat b’ittri li d-daqs tagħhom ma jkunx iktar mill-għoli u mill-wisa’, minn nofs dawk tal-ittri li jiffurmaw l-isem tad-denominazzjoni ta’ oriġini kkontrollata.
Link għall-ispeċifikazzjoni tal-prodott
https://info.agriculture.gouv.fr/gedei/site/bo-agri/document_administratif-09e61465-fad3-4eb8-8337-2500536afdcd