INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

6.1.2020

Il-Ġurnal Uffiċjali tal-Unjoni Ewropea

C 2/1

Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament (1):

0,00 % fl-1 ta' Jannar 2020

Rata tal-kambju tal-euro (2)

It-3 ta' Jannar 2020

(2020/C 2/01)

1 euro =

	Munita	Rata tal-kambju
USD	Dollaru Amerikan	1,1147
JPY	Yen Ġappuniż	120,54
DKK	Krona Daniża	7,4731
GBP	Lira Sterlina	0,85115
SEK	Krona Żvediża	10,4858
CHF	Frank Żvizzeru	1,0840
ISK	Krona Iżlandiża	136,90
NOK	Krona Norveġiża	9,8315
BGN	Lev Bulgaru	1,9558
CZK	Krona Ċeka	25,360
HUF	Forint Ungeriż	330,53
PLN	Zloty Pollakk	4,2493
RON	Leu Rumen	4,7784
TRY	Lira Turka	6,6587
AUD	Dollaru Awstraljan	1,6031
CAD	Dollaru Kanadiż	1,4471
HKD	Dollaru ta' Hong Kong	8,6713
NZD	Dollaru tan-New Zealand	1,6718
SGD	Dollaru tas-Singapor	1,5047
KRW	Won tal-Korea t'Isfel	1 300,32
ZAR	Rand ta' l-Afrika t'Isfel	15,9222
CNY	Yuan ren-min-bi Ċiniż	7,7712
HRK	Kuna Kroata	7,4463
IDR	Rupiah Indoneżjan	15 536,69
MYR	Ringgit Malażjan	4,5725
PHP	Peso Filippin	56,983
RUB	Rouble Russu	69,1190
THB	Baht Tajlandiż	33,614
BRL	Real Brażiljan	4,5271
MXN	Peso Messikan	21,1433
INR	Rupi Indjan	80,0085

(1) Rata applikata għall-operazzjoni l-iktar reċenti mwettqa qabel il-jum indikat. Fil-każ ta' sejħa għall-offerti b'rata varjabbli, ir-rata tal-interessi hija r-rata marġinali.

(2) Sors: rata tal-kambju ta' referenza ppubblikata mill-Bank Ċentrali Ewropew.

6.1.2020

Il-Ġurnal Uffiċjali tal-Unjoni Ewropea

C 2/2

Notifika minn qabel ta’ konċentrazzjoni

(Il-Każ M.9658 — Daiwa Securities Group/Aquila Holding/Aquila Capital Holding)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 2/02)

Fid-19 ta’ Diċembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Daiwa Securities Group Inc. (“Daiwa”), il-Ġappun;

—	Aquila Holding GmbH (“Aquila Holding”), il-Ġermanja;

—	Aquila Capital Holding GmbH (“Aquila Capital”), il-Ġermanja, ikkontrollata minn AquilaHolding.

Daiwa u Aquila Holding jakkwistaw, fis-sens tal-Artikolu 3(1)(b) tar-Regolament dwar l-Għaqdiet, il-kontroll bi sħab ta’ Aquila Capital kollha kemm hi.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

—	Daiwa hija kumpanija tas-servizzi finanzjarji kkwotata fil-Borża ta’ Tokjo, u li tipprovdi firxa wiesgħa ta’ servizzi finanzjarji;

—	Aquila Holding hija kumpanija azzjonarja bi proprjetarji privati, li l-uniku għan tagħha huwa li jkollha ishma f’Aquila Capital. L-azzjonisti ta’ Aquila Holding għandhom investimenti oħra ta’ kontroll f’negozji differenti;

—	Aquila Capital tiġġestixxi assi u investimenti li jiffukaw fuq soluzzjonijiet ta’ investimenti fit-tul u sostenibbli.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9658 — Daiwa Securities Group/Aquila Holding/Aquila Capital Holding

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

6.1.2020

Il-Ġurnal Uffiċjali tal-Unjoni Ewropea

C 2/4

Notifika minn qabel ta’ konċentrazzjoni

(Il-Każ M.9687 — CPPIB/OTPP/IDEAL)

Każ li jista’ jiġi kkunsidrat għal proċedura ssimplifikata

(Test b’rilevanza għaż-ŻEE)

(2020/C 2/03)

Fit-18 ta’ Diċembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Kanada Pension Plan Investment Board (“CPPIB”, il-Kanada),

—	Ontario Teachers’ Pension Plan Board (“OTPP”, il-Kanada),

—	Impulsora del Desarrollo y el Empleo en America Latina S.A.B. de C.V. (“IDEAL”, il-Messiku).

CPPIB u OTPP jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ IDEAL.

Il-konċentrazzjoni hija mwettqa permezz ta’ offerta pubblika mħabbra fil-21 ta’ Novembru 2019.

L-attivitajiet kummerċjali tal-impriżi kkonċernati huma:

—	CPPIB: organizzazzjoni ta’ ġestjoni tal-investiment li tinvesti f’ekwitajiet pubbliċi, ekwitajiet privati, proprjetà immobbli, infrastruttura u strumenti ta’ introjtu fiss,

—	OTPP: L-ikbar pjan tal-pensjonijiet għal professjoni waħda fil-Kanada, li għandu portafoll dinji divers ta’ assi,

—	IDEAL: L-iżvilupp, il-promozzjoni, it-tħaddim ta’ proġetti tal-infrastruttura fil-Messiku u fl-Amerka Latina bi 17-il konċessjoni tal-infrastruttura f’setturi differenti fil-Messiku, fosthom toroq bi ħlas, l-ilma, l-enerġija, l-infrastruttura soċjali u terminal tal-loġistika.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9687 — CPPIB/OTPP/IDEAL

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

		ISSN 1977-0987
Il-Ġurnal Uffiċjali tal-Unjoni Ewropea		C 2

Edizzjoni bil-Malti	Informazzjoni u Avviżi	Volum 63 6ta' Jannar 2020

Werrej		Paġna
	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2020/C 2/01	Ir-rata tal-interessi applikata mill-Bank Ċentrali Ewropew għall-operazzjonijiet prinċipali ta' rifinanzjament: 0,00 % fl-1 ta' Jannar 2020 — Rata tal-kambju tal-euro	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2020/C 2/02	Notifika minn qabel ta’ konċentrazzjoni (Il-Każ M.9658 — Daiwa Securities Group/Aquila Holding/Aquila Capital Holding) Każ li jista’ jiġi kkunsidrat għal proċedura ssimplifikata ( 1 )	2
2020/C 2/03	Notifika minn qabel ta’ konċentrazzjoni (Il-Każ M.9687 — CPPIB/OTPP/IDEAL) Każ li jista’ jiġi kkunsidrat għal proċedura ssimplifikata ( 1 )	4


	(1) Test b’rilevanza għaż-ŻEE.