ISSN 1977-0987 |
||
Il-Ġurnal Uffiċjali tal-Unjoni Ewropea |
C 389 |
|
Edizzjoni bil-Malti |
Informazzjoni u Avviżi |
Volum 62 |
Werrej |
Paġna |
|
|
I Riżoluzzjonijiet, rakkomandazzjonijiet u opinjonijiet |
|
|
RIŻOLUZZJONIJIET |
|
|
il–Kunsill |
|
2019/C 389/01 |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2019/C 389/02 |
Ebda oppożizzjoni għal konċentrazzjoni notifikata (Il-Każ M.9600 — Saudi Aramco Development Company/Korea Shipbuilding and Offshore Engineering Company/JV) ( 1 ) |
|
2019/C 389/03 |
Ebda oppożizzjoni għal konċentrazzjoni notifikata (Il-Każ M.9539 — BNP Paribas/Deutsche Bank (Global Prime Finance and Electronic Equities Business Assets)) ( 1 ) |
|
2019/C 389/04 |
Ebda oppożizzjoni għal konċentrazzjoni notifikata (Il-Każ M.9484 — Semler/VWFS/JV) ( 2 ) |
|
2019/C 389/05 |
Ebda oppożizzjoni għal konċentrazzjoni notifikata (Il-Każ M.9319 — DP World/P&O Group) ( 1 ) |
|
2019/C 389/06 |
Ebda oppożizzjoni għal konċentrazzjoni notifikata (Il-Każ M.9367 — Mirova/Predica/Indigo) ( 2 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
il–Kunsill |
|
2019/C 389/07 |
||
|
Il-Kummissjoni Ewropea |
|
2019/C 389/08 |
|
V Avviżi |
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
Il-Kummissjoni Ewropea |
|
2019/C 389/09 |
Notifika minn qabel ta’ konċentrazzjoni (Il-Każ M.9445 — Natura Cosmeticos/Avon Products) ( 2 ) |
|
|
|
(1) Test b'rilevanza għaż-ŻEE. |
|
(2) Test b’rilevanza għaż-ŻEE. |
MT |
|
I Riżoluzzjonijiet, rakkomandazzjonijiet u opinjonijiet
RIŻOLUZZJONIJIET
il–Kunsill
18.11.2019 |
MT |
Il-Ġurnal Uffiċjali tal-Unjoni Ewropea |
C 389/1 |
Riżoluzzjoni tal-Kunsill dwar l-iżvilupp ulterjuri taż-Żona Ewropea tal-Edukazzjoni biex jiġu appoġġati sistemi ta’ edukazzjoni u taħriġ orjentati lejn il-futur
(2019/C 389/01)
IL-KUNSILL TAL-UNJONI EWROPEA,
FIL-KUNTEST TAD-DISKUSSJONIJIET LI GĦADDEJJIN DWAR IL-FUTUR TAL-EWROPA,
JISSOTTOLINJA li:
1. |
L-Ewropa qed tiffaċċa era li fiha l-globalizzazzjoni, il-progress teknoloġiku, l-isfidi tas-sostenibbiltà, l-isfidi persistenti tal-inklużjoni soċjali, l-instabilità politika u l-bidla demografika qed ikollhom impatt profond fuq is-soċjetajiet u ċ-ċittadini Ewropej. Dawn l-isfidi komuni jeħtieġu riflessjoni komuni u azzjonijiet ikkoordinati mill-Istati Membri; |
2. |
Ir-rwol tal-edukazzjoni u t-taħriġ fil-promozzjoni taċ-ċittadinanza u d-demokrazija, l-iżvilupp personali, l-inklużjoni soċjali, l-opportunitajiet indaqs u l-għoti tas-setgħa, u fit-trawwim tal-benesseri u l-appoġġ ta’ soċjetajiet koeżivi, huma prijoritajiet għall-kooperazzjoni futura f’dan il-qasam. Iż-żewġ rwoli soċjetali ewlenin tal-edukazzjoni u t-taħriġ – il-kontribut tagħhom għall-kompetittività, l-innovazzjoni u l-impjegabbiltà u l-kontribut tagħhom għal ċittadinanza attiva, l-inklużjoni soċjali, il-koeżjoni u l-iżvilupp personali – huma marbutin mill-qrib u kompletament komplementari fis-soċjetajiet tal-lum; |
3. |
L-edukazzjoni u t-taħriġ huma strumenti ta’ politika ewlenin għall-ħolqien u ż-żamma tat-tkabbir sostenibbli u l-kompetittività u t-trawwim tal-impjiegi u l-parteċipazzjoni fis-suq tax-xogħol fil-livell Ewropew. Il-potenzjal tagħhom fl-indirizzar tal-isfidi soċjetali usa’ jenħtieġ li jkun rikonoxxut bis-sħiħ fit-tħejjija tal-istrateġija l-ġdida dwar it-tkabbir għall-Unjoni. Edukazzjoni u taħriġ ta’ kwalità għolja jagħtu lill-Unjoni vantaġġ kompetittiv f’ekonomija globali dejjem aktar diġitali u bbażata fuq l-għarfien, bħal fil-futur, l-Ewropa ser tiddependi saħansitra aktar fuq persuni kreattivi, b’ħiliet għolja u mħarrġa tajjeb. Ser ikun ukoll kruċjali li jiġu ggwidati l-iżvilupp u l-użu ta’ teknoloġiji ġodda u tiġi appoġġata t-transizzjoni tal-Unjoni f’ekonomija ċirkolari u newtrali għall-klima billi jitrawmu l-għarfien, il-ħiliet u l-kompetenzi meħtieġa biex imexxu ’l quddiem dawn il-bidliet; |
4. |
Il-kooperazzjoni Ewropea fl-oqsma tal-edukazzjoni u t-taħriġ hija strument ta’ politika essenzjali għat-tħejjija ta’ strateġiji innovattivi, orjentati lejn il-futur u risponsivi biex jiġu indirizzati dawn l-isfidi komuni, filwaqt li jiġu rispettati l-prinċipji ta’ sussidjarjetà u proporzjonalità u d-diversità rikka ta’ sistemi tal-edukazzjoni u t-taħriġ fi ħdan l-Unjoni; |
Fil-kuntest tal-implimentazzjoni tal-Aġenda Strateġika l-Ġdida 2019-2024 kif stabbilita mill-Kunsill Ewropew fl-20 ta’ Ġunju 2019,
JISSOTTOLINJA r-rwol kruċjali tal-edukazzjoni u t-taħriġ fil-livelli u l-forom kollha tiegħu fl-implimentazzjoni tal-prijoritajiet ewlenin tal-Aġenda Strateġika, biex jippermetti lin-nies jieħdu l-opportunitajiet maħluqa mit-trasformazzjonijiet ekonomiċi u soċjetali attwali u biex jippermetti lit-talent fl-Ewropa jiffjorixxi, b’enfasi fuq dan li ġej:
5. |
L-investiment f’edukazzjoni u taħriġ ta’ kwalità għolja għal kulħadd iġib miegħu benefiċċji sostanzjali mhux biss għaċ-ċittadini iżda wkoll għall-ekonomija u s-soċjetà. L-investiment fil-kompetenzi jeħtieġ li jkopri l-istadji kollha tal-ħajja tal-istudenti. Il-kisba ta’ riżultati edukattivi ta’ kwalità teħtieġ riżorsi xierqa li jeħtieġ li jkunu bbilanċjati tajjeb tul il-perkors kollu ta’ tagħlim tul il-ħajja; |
6. |
L-investiment fl-edukazzjoni, it-taħriġ u l-ħiliet jeħtieġ li jiġi promoss fil-livelli Ewropej u nazzjonali. Hemm ħtieġa għal metodi ta’ ħidma effettivi u innovattivi, li jrawmu approċċ ta’ tisħiħ tal-kapaċitajiet u jappoġġaw l-iżvilupp ta’ sistemi ta’ edukazzjoni u taħriġ permezz ta’ investiment intelliġenti u strateġiku. Jenħtieġ li tingħata attenzjoni speċifika biex jingħataw spinta l-kompetenzi li ser ikunu rilevanti fil-futur, l-użu strateġiku tad-diġitalizzazzjoni u tal-finanzjament tal-innovazzjoni, l-infrastruttura modernizzata tal-edukazzjoni, ambjenti ta’ tagħlim innovattivi u sikuri u approċċi pedagoġiċi mtejba, kif ukoll għat-titjib tal-aċċess għal għas-servizzi ta’ gwida tul il-ħajja u l-kwalità tagħhom. L-investiment jista’ jinkludi żvilupp ulterjuri taż-Żona Ewropea tal-Edukazzjoni u t-titjib tas-sinerġiji bejn l-istrumenti ta’ finanzjament Ewropej kif ukoll bejn il-politiki u l-istrumenti ta’ finanzjament tal-UE rilevanti għall-edukazzjoni u t-taħriġ; |
7. |
Il-potenzjal tal-edukazzjoni u t-taħriġ biex jikkontribwixxu għall-kisba ta’ Ewropa newtrali għall-klima u ekoloġika jeħtieġ li jiġi esplorat bis-sħiħ. L-edukazzjoni u t-taħriġ huma kruċjali biex jipprovdu l-għarfien, il-ħiliet u l-kompetenzi u fit-trawwim tal-valuri u l-motivazzjoni li huma fundamentali biex ikun hemm trasformazzjoni soċjali ġusta u ekwa. Azzjoni Ewropea għal Ewropa Ekoloġika, ibbażata fuq ir-Rakkomandazzjoni tal-Kunsill dwar il-kompetenzi ewlenin għat-tagħlim tul il-ħajja u r-Rakkomandazzjoni tal-Kunsill dwar il-promozzjoni ta’ valuri komuni, jeħtieġ li tinvolvi l-livelli kollha u l-forom kollha tal-edukazzjoni u t-taħriġ u l-istadji kollha tal-ħajja, u tippermetti attivitajiet li jinbdew fil-livell lokali u reġjonali u f’kooperazzjoni mas-soċjetà ċivili, bl-għan li nimxu ’l quddiem lejn l-implimentazzjoni tal-Għanijiet ta’ Żvilupp Sostenibbli tan-NU rilevanti; |
8. |
Il-Pilastru Ewropew tad-Drittijiet Soċjali għandu jiġi implimentat fil-livelli Ewropej u tal-Istati Membri, b’kunsiderazzjoni xierqa għall-kompetenzi rispettivi. Id-dritt għal edukazzjoni, taħriġ u tagħlim tul il-ħajja ta’ kwalità u inklużivi għandu jiġi rrispettat f’kull stadju tal-ħajja, minn età bikrija sa età avvanzata, u fil-livelli u l-forom kollha ta’ edukazzjoni u taħriġ, f’sinerġija mal-isforzi li saru b’rabta maż-Żona Ewropea tal-Edukazzjoni. Jenħtieġ li l-implimentazzjoni tagħti attenzjoni speċjali lill-aċċessibilità effettiva, l-opportunitajiet indaqs u l-politiki ta’ inklużjoni, filwaqt li tiżgura aċċess u transizzjonijiet għat-tagħlim tul il-ħajja; |
Fil-kuntest tal-iżvilupp ulterjuri tal-viżjoni ta’ Żona Ewropea tal-Edukazzjoni sal-2025,
JENFASIZZA:
9. |
L-importanza li jiġi żgurat li l-valuri komuni tal-Unjoni, inkluż id-demokrazija, l-istat tad-dritt u d-drittijiet fundamentali jiġu ssalvagwardjati u promossi; |
10. |
Il-progress sinifikanti li sar lejn iż-Żona Ewropea tal-Edukazzjoni u l-importanza li jissaħħaħ l-impenn lejn aktar żvilupp ambizzjuż tal-għanijiet, l-objettivi u l-kamp ta’ applikazzjoni tagħha, sabiex il-viżjoni taż-Żona Ewropea tal-Edukazzjoni ssir realtà u biex l-Ewropa ssir is-soċjetà tat-tagħlim ewlenija fid-dinja; li jikkontribwixxi għal kultura li tinkoraġġixxi, tagħti s-setgħa u timmotiva lin-nies u lis-soċjetajiet biex jitgħallmu u jinnovaw, inkluż il-livelli u l-forom kollha tal-edukazzjoni u t-taħriġ u l-istadji kollha tal-ħajja; |
11. |
L-importanza li jiġi żviluppat il-qafas strateġiku futur għall-kooperazzjoni fl-edukazzjoni u t-taħriġ bħala għodda biex tiġi appoġġata u implimentata ż-Żona Ewropea tal-Edukazzjoni, li tikkontribwixxi għall-implimentazzjoni b’suċċess tagħha u għal żvilupp ulterjuri ambizzjuż; |
12. |
Ir-rwol strumentali tal-programm Erasmus+ fit-twassil taż-Żona Ewropea tal-Edukazzjoni billi jiġi offrut aċċess wiesa’ għall-mobbiltà għat-tagħlim kif ukoll sħubijiet strateġiċi msaħħa u appoġġ għal politiki aktar inklużivi dwar l-edukazzjoni, it-taħriġ u ż-żgħażagħ, ibbażati fuq tagħlim tul il-ħajja, li huma reattivi għal kwistjonijiet ta’ ġeneru u huma orjentati lejn l-innovazzjoni; |
13. |
Il-ħtieġa li jitkomplew l-isforzi biex tiġi appoġġata u żviluppata l-kooperazzjoni fil-livell Ewropew bejn l-Istati Membri bil-ħsieb li jitjiebu t-tagħlim bejn il-pari u t-tagħlim reċiproku u l-iskambju tal-aħjar prattiki, filwaqt li jitneħħew l-ostakli għall-mobbiltà għat-tagħlim, u biex jiġu appoġġati l-Istati Membri fl-iżvilupp b’mod olistiku tas-sistemi tal-edukazzjoni u t-taħriġ tagħhom, bil-għan li jikkontribwixxu għas-sostenibbiltà ġenerali ta’ dawk is-sistemi u fl-aħħar mill-aħħar tiżdied il-konverġenza soċjoekonomika ’l fuq; |
14. |
Il-ħtieġa li jiġu ttrattati u riflessi l-isfidi u l-opportunitajiet globali, speċjalment fl-oqsma tat-tibdil fil-klima, id-diġitalizzazzjoni, l-intelliġenza artifiċjali u informazzjoni qarrieqa jew falza billi tingħata spinta lill-iżvilupp tal-għarfien, il-ħiliet u l-kompetenzi u l-ħsieb kritiku mill-ħiliet bażiċi għal kwalifiki ta’ livell għoli, fil-livelli u l-forom kollha tal-edukazzjoni u t-taħriġ; |
JISTIEDEN LILL-KUMMISSJONI, meta tiżviluppa aktar iż-Żona Ewropea tal-Edukazzjoni u l-qafas strateġiku futur għall-kooperazzjoni fl-edukazzjoni u t-taħriġ, f’konformità mal-kompetenzi tagħha u b’kunsiderazzjoni xierqa għas-sussidjarjetà, biex:
15. |
Tfakkar l-ambizzjonijiet espressi fil-Konklużjonijiet tal-Kunsill dwar il-mixja lejn viżjoni ta’ Żona Ewropea tal-Edukazzjoni li ż-żona għandha tkun ibbażata fuq il-kontinwità tat-tagħlim tul il-ħajja, mill-edukazzjoni u l-kura bikrija tat-tfal sal-edukazzjoni skolastika u vokazzjonali u t-taħriġ, sal-edukazzjoni għolja u t-tagħlim għall-adulti, u biex tkompli l-azzjoni soda li tneħħi l-ostakli għall-mobbiltà għat-tagħlim, il-promozzjoni u t-trawwim tal-mobbiltà u l-kooperazzjoni fl-edukazzjoni u t-taħriġ, u l-appoġġ lill-Istati Membri fl-immodernizzar tas-sistemi tal-edukazzjoni u t-taħriġ tagħhom, il-promozzjoni tat-tagħlim u l-apprendiment tal-lingwi, ir-rikonoxximent reċiproku tal-kwalifiki u l-eżiti tal-perijodi ta’ apprendiment barra mill-pajjiż; |
16. |
Tieħu aktar inizjattivi lejn il-ħolqien ta’ Żona Ewropea tal-Edukazzjoni ġenwina, li jkollha l-għan li tiżviluppa aktar l-għanijiet, l-objettivi u l-kamp ta’ applikazzjoni tagħha u li ssaħħaħ ir-rabtiet tagħha mal-qafas strateġiku ta’ wara l-ET2020 għall-kooperazzjoni fl-edukazzjoni u t-taħriġ; u li tieħu passi xierqa biex tiżgura li l-livelli kollha u l-forom kollha tal-edukazzjoni u t-taħriġ ikunu promossi fuq bażi ugwali; |
17. |
Tisfrutta bis-sħiħ il-potenzjal tal-prijoritajiet tal-Aġenda Strateġika 2019-2024, jiġifieri billi ssaħħaħ l-investiment f’dawk il-kompetenzi li huma meħtieġa biex jiġu ssodisfati r-rikjesti tax-xogħol u soċjetà li qed tinbidel, li jirriżultaw fost l-oħrajn mit-tibdil fil-klima, il-globalizzazzjoni, id-diġitalizzazzjoni, l-intelliġenza artifiċjali u r-robotizzazzjoni, bl-għan li jiġu promossi l-innovazzjoni, il-parteċipazzjoni f’soċjetajiet demokratiċi u l-inklużjoni soċjali; |
18. |
Tinvolvi ruħha f’riflessjoni komuni dwar il-possibbiltajiet, l-azzjonijiet ta’ politika xierqa u r-riżultati tanġibbli li jikkontribwixxu għall-għan strateġiku ta’ Ewropa newtrali għall-klima u ekoloġika u transizzjoni ġusta; u tqis il-potenzjal rikk tal-edukazzjoni u t-taħriġ fl-iżvilupp ta’ politiki Ewropej dwar Ewropa Ekoloġika, b’mod partikolari permezz ta’ Erasmus+ u b’enfasi fuq il-parteċipazzjoni attiva tal-istudenti fl-Edukazzjoni għall-Iżvilupp Sostenibbli; |
19. |
Tkompli l-isforzi koordinati biex isir progress fuq Pjan ta’ Azzjoni komprensiv għall-Ewropa fir-rigward tal-Edukazzjoni Diġitali u dwar il-Pjan Ikkoordinat dwar l-Intelliġenza Artifiċjali, billi tiżgura l-komplementarjetà, il-valur miżjud u l-koordinazzjoni tal-għanijiet u l-għodod tal-politika fir-rigward taż-Żona Ewropea tal-Edukazzjoni; |
20. |
Filwaqt li tibni fuq is-sett ta’ għodod ta’ kooperazzjoni ET2020, tiżviluppa metodi ta’ ħidma konkreti orjentati lejn il-futur u innovattivi fil-qasam tal-kooperazzjoni Ewropea fl-edukazzjoni u t-taħriġ. Possibbiltajiet ta’ mobilizzazzjoni ta’ strumenti ta’ kooperazzjoni, bħall-analiżi internazzjonali, żjarat ta’ riċerka u ta’ studju u proġetti pilota kollaborattivi, jistgħu jiġu esplorati b’mod sħiħ bil-għan li jinnovaw u jittestjaw politiki u għodod ta’ kunsinna, u li jiżviluppaw u jippromwovu xenarji tematiċi bbażati fuq ir-riċerka u previżjonijiet fit-tul dwar il-futur tax-xogħol u s-soċjetà bil-ħsieb kemm ta’ żviluppi Ewropej kif ukoll dawk globali; |
21. |
Tiżviluppa mezzi ġodda għat-taħriġ u l-appoġġ ta’ għalliema, ħarrieġa, edukaturi u mexxejja tal-iskejjel kompetenti, motivati u bi kwalifiki għoljin, u tippromwovi l-iżvilupp professjonali kontinwu tagħhom u l-edukazzjoni tal-għalliema ta’ kwalità għolja u bbażata fuq ir-riċerka; |
JISTIEDEN UKOLL lill-Istati Membri u lill-Kummissjoni, f’konformità mal-kompetenzi rispettivi tagħhom u b’kont debitu dovut meħud tas-sussidjarjetà, biex:
22. |
Jippromwovu l-iżvilupp ta’ ħiliet u kompetenzi diġitali, l-innovazzjoni u mentalità intraprenditorjali fl-edukazzjoni u t-taħriġ għall-istudenti kollha billi jiftħu l-edukazzjoni għal opportunitajiet ta’ tagħlim aktar flessibbli u jtejbu l-permeabbiltà tal-perkorsi tal-edukazzjoni u t-taħriġ kif ukoll billi jiżguraw approċċi inklużivi u innovattivi, inkluż l-isforzi biex jiġu indirizzati l-inugwaljanzi; |
23. |
Jappoġġaw it-titjib lejn sistemi ta’ edukazzjoni u taħriġ ta’ kwalità għolja, inklużivi, tul il-ħajja, flessibbli, u li jkunu sensittivi għal kwistjonijiet ta’ ġeneru u mmexxija mill-innovazzjoni; |
24. |
Jisfruttaw bis-sħiħ il-potenzjal tal-oqsma kollha rilevanti tal-edukazzjoni u t-taħriġ bil-ħsieb li tiġi approfondita ż-Żona Ewropea tal-Edukazzjoni u jfittxu li jiżguraw bilanċ bejn il-livelli u l-forom rilevanti kollha tal-edukazzjoni u t-taħriġ u l-parteċipazzjoni tagħhom; |
25. |
Ikomplu bl-impenn lejn sistemi ta’ edukazzjoni u kura bikrija tat-tfal inklużivi u ta’ kwalità għolja, irawmu azzjonijiet li jippromwovu kompetenzi ewlenin u edukazzjoni inklużiva, ta’ kwalità għolja għal kulħadd, jiżviluppaw aktar il-kooperazzjoni Ewropea dwar l-edukazzjoni skolastika, l-edukazzjoni u t-taħriġ vokazzjonali, l-edukazzjoni għolja u t-tagħlim għall-adulti u jippromwovu tagħlim eċċellenti fil-livelli kollha tal-edukazzjoni, inkluż permezz tat-tisħiħ tal-mobbiltà transfruntiera u l-kooperazzjoni għall-għalliema, il-ħolqien u l-iżvilupp ta’ eċċellenza fl-edukazzjoni u t-taħriġ vokazzjonali u l-promozzjoni ta’ tagħlim ibbażat fuq ix-xogħol fil-forom kollha tiegħu; |
26. |
Jippromwovu l-kooperazzjoni u l-kondiviżjoni ta’ evidenza tal-benefiċċji tal-investiment fl-edukazzjoni u t-taħriġ, peress li għarfien, data u analiżi mtejba rigward il-benefiċċji ta’ investiment pubbliku effiċjenti fl-edukazzjoni u t-taħriġ jistgħu jgħinu lill-Istati Membri jiżviluppaw sistemi ta’ edukazzjoni u taħriġ aktar inklużivi, effettivi u risponsivi, filwaqt li jiġu evitati piżijiet amministrattivi addizzjonali fuq l-Istati Membri; |
27. |
Jippromwovu l-iżvilupp ta’ għodod kondiviżi u xierqa għall-monitoraġġ tal-gradwati tal-edukazzjoni għolja u tal-edukazzjoni u t-taħriġ vokazzjonali fil-livell nazzjonali, f’konformità mal-Aġenda Ġdida għall-Ħiliet għall-Ewropa u r-Rakkomandazzjoni tal-Kunsill dwar il-monitoraġġ tal-gradwati; |
Bil-ħsieb għall-żvilupp ulterjuri tal-Inizjattiva tal-Universitajiet Ewropej,
JIRRIKONOXXI:
28. |
L-iżvilupp tal-ewwel Universitajiet Ewropej bħala inizjattiva ambizzjuża li tista’ tippermetti kooperazzjoni aktar intensiva, innovattiva u strutturata bejn it-tipi kollha ta’ istituzzjonijiet ta’ edukazzjoni għolja mir-reġjuni kollha fl-Ewropa, fil-livelli kollha u fl-oqsma kollha ta’ attività, mill-apprendiment u t-tagħlim għar-riċerka u l-innovazzjoni; u jqis li dan jista’ jkun pass ’il quddiem fundamentali fil-kooperazzjoni transistituzzjonali billi joffri diversi viżjonijiet, mudelli u temi ta’ ispirazzjoni għall-interazzjoni favur l-iżvilupp futur taż-Żona Ewropea tal-Edukazzjoni f’konformità mal-ħtiġijiet li qed jinbidlu tas-soċjetà; |
JISTIEDEN lill-Istati Membri u lill-Kummissjoni, f’konformità mal-kompetenzi rispettivi tagħhom u b’kont debitu dovut meħud tas-sussidjarjetà, biex:
29. |
Ifittxu modi biex iqajmu kuxjenza dwar l-Universitajiet Ewropej u jinkoraġġixxu tipi differenti ta’ istituzzjonijiet ta’ edukazzjoni għolja biex jipparteċipaw, billi jiżguraw il-kwalità għolja kif ukoll l-inklużività ġeografika u soċjali tal-inizjattiva, bil-għan li l-inizjattiva tassew tkun suċċess:
|
ANNESS
FL-ADOZZJONI TA’ DIN IR-RIŻOLUZZJONI, IL-KUNSILL IFAKKAR B’MOD PARTIKOLARI FL-ISFOND TA’ POLITIKA LI ĠEJ:
1. |
Konklużjonijiet tal-Kunsill dwar qafas strateġiku għall-Kooperazzjoni Ewropea fl-edukazzjoni u t-taħriġ (ET2020) (12 ta’ Mejju 2009) |
2. |
Rakkomandazzjoni tal-Kunsill dwar il-validazzjoni tat-tagħlim mhux formali u informali (20 ta’ Diċembru 2012) |
3. |
Dikjarazzjoni dwar il-promozzjoni taċ-ċittadinanza u l-valuri komuni tal-libertà, it-tolleranza u n-nondiskriminazzjoni permezz tal-edukazzjoni (Pariġi, 17 ta’ Marzu 2015) |
4. |
Il-Komunikat Ministerjali ta’ Yerevan (15 ta’ Mejju 2015) |
5. |
Rapport Konġunt tal-Kunsill u tal-Kummissjoni dwar l-implimentazzjoni tal-qafas strateġiku għall-kooperazzjoni Ewropea fl-edukazzjoni u t-taħriġ (ET2020) – Prijoritajiet ġodda għall-kooperazzjoni Ewropea fl-edukazzjoni u t-taħriġ (23 u 24 ta’ Novembru 2015) |
6. |
Riżoluzzjoni tal-Kunsill u tar-rappreżentanti tal-Gvernijiet tal-Istati Membri, imlaqqgħin fi ħdan il-Kunsill, dwar il-promozzjoni tal-iżvilupp u l-inklużività soċjoekonomiċi fl-UE permezz tal-edukazzjoni: il-kontribut tal-edukazzjoni u t-taħriġ għas-Semestru Ewropew 2016 (24 ta’ Frar 2016) |
7. |
Komunikazzjoni tal-Kummissjoni lill-Parlament Ewropew u lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni – Aġenda Ġdida għall-Ħiliet għall-Ewropa (10 ta’ Ġunju 2016) |
8. |
Rakkomandazzjoni tal-Kunsill dwar Perkorsi ta’ Titjib tal-Ħiliet: Opportunitajiet Ġodda għall-Adulti (19 ta’ Diċembru 2016) |
9. |
Konklużjonijiet tal-Kunsill u tar-rappreżentanti tal-Gvernijiet tal-Istati Membri, imlaqqgħin fi ħdan il-Kunsill, dwar l-inklużjoni fid-diversità biex tinkiseb edukazzjoni ta’ kwalità għolja għal kulħadd (17 ta’ Frar 2017) |
10. |
Rakkomandazzjoni tal-Kunsill dwar il-Qafas Ewropew tal-Kwalifiki għat-tagħlim tul il-ħajja (22 ta’ Mejju 2017) |
11. |
Komunikazzjoni tal-Kummissjoni lill-Parlament Ewropew, il-Kunsill, il-Kumitat Ekonomiku u Soċjali Ewropew u l-Kumitat tar-Reġjuni dwar it-Tisħiħ tal-Identità Ewropea permezz tal-Edukazzjoni u l-Kultura: Il-Kontribuzzjoni tal-Kummissjoni Ewropea għal-laqgħa tal-Mexxejja f’Gothenburg (17 ta’ Novembru 2017) |
12. |
Rakkomandazzjoni tal-Kunsill dwar il-monitoraġġ tal-perkors fil-karriera tal-gradwati (20 ta’ Novembru 2017) |
13. |
Konklużjonijiet tal-Kunsill dwar Aġenda mġedda Ewropea għall-edukazzjoni għolja (20 ta’ Novembru 2017) |
14. |
Konklużjonijiet tal-Kunsill dwar l-iżvilupp tal-iskejjel u t-tagħlim eċċellenti (20 ta’ Novembru 2017) |
15. |
Konklużjonijiet tal-Kunsill Ewropew (17 ta’ Diċembru 2017) |
16. |
Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar il-Pjan ta’ Azzjoni għall-Edukazzjoni Diġitali (17 ta’ Jannar 2018) |
17. |
Rapport tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar l-Evalwazzjoni ta’ nofs it-terminu tal-programm Erasmus+ (31 ta’ Jannar 2018) |
18. |
Rakkomandazzjoni tal-Kunsill dwar Qafas Ewropew għal Apprendistati ta’ Kwalità u Effettivi (15 ta’ Marzu 2018) |
19. |
Konklużjonijiet tal-Kunsill dwar il-mixja lejn viżjoni ta’ Żona Ewropea tal-Edukazzjoni (22 ta’ Mejju 2018) |
20. |
Rakkomandazzjoni tal-Kunsill dwar il-promozzjoni tal-valuri komuni, l-edukazzjoni inklużiva u d-dimensjoni Ewropea fit-tagħlim (22 ta’ Mejju 2018) |
21. |
Rakkomandazzjoni tal-Kunsill dwar il-kompetenzi ewlenin għat-tagħlim tul il-ħajja (22 ta’ Mejju 2018) |
22. |
Il-Komunikat Ministerjali ta’ Pariġi (25 ta’ Mejju 2018) |
23. |
Rakkomandazzjoni tal-Kunsill dwar il-promozzjoni tar-rikonoxximent reċiproku awtomatiku ta’ kwalifiki tal-edukazzjoni għolja u tal-edukazzjoni u t-taħriġ fil-livell sekondarju għoli u l-eżiti tal-perijodi ta’ apprendiment barra mill-pajjiż (26 ta’ Novembru 2018) |
24. |
Komunikazzjoni tal-Kummissjoni lill-Parlament Ewropew, lill-Kunsill Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar Pjan Ikkoordinat dwar l-Intelliġenza Artifiċjali (7 ta’ Diċembru 2018) |
25. |
Konklużjonijiet tal-Kunsill Lejn Unjoni dejjem aktar sostenibbli sal-2030 (9 ta’ April 2019) |
26. |
Rakkomandazzjoni tal-Kunsill dwar sistemi ta’ Edukazzjoni u Kura Bikrija ta’ Kwalità Għolja tat-Tfal (22 ta’ Mejju 2019) |
27. |
Rakkomandazzjoni tal-Kunsill dwar approċċ komprensiv lejn it-tagħlim u l-apprendiment tal-lingwi (22 ta’ Mejju 2019) |
28. |
Konklużjonijiet tal-Kunsill dwar il-futur ta’ Ewropa b’diġitalizzazzjoni għolja wara l-2020: “Tingħata spinta lill-kompetittività diġitali u ekonomika mal-Unjoni kollha u lill-koeżjoni diġitali” (7 ta’ Ġunju 2019) |
29. |
Kunsill Ewropew: L-Aġenda Strateġika Ġdida 2019-2024 (20 ta’ Ġunju 2019) |
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
18.11.2019 |
MT |
Il-Ġurnal Uffiċjali tal-Unjoni Ewropea |
C 389/7 |
Ebda oppożizzjoni għal konċentrazzjoni notifikata
(Il-Każ M.9600 — Saudi Aramco Development Company/Korea Shipbuilding and Offshore Engineering Company/JV)
(Test b'rilevanza għaż-ŻEE)
(2019/C 389/02)
Fis-7 ta’ Novembru 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9600. Il-EUR-Lex hu l-aċċess fuq l-internet għal-liġi Ewropea. |
18.11.2019 |
MT |
Il-Ġurnal Uffiċjali tal-Unjoni Ewropea |
C 389/8 |
Ebda oppożizzjoni għal konċentrazzjoni notifikata
(Il-Każ M.9539 — BNP Paribas/Deutsche Bank (Global Prime Finance and Electronic Equities Business Assets))
(Test b'rilevanza għaż-ŻEE)
(2019/C 389/03)
Fit-8 ta’ Novembru 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9539. Il-EUR-Lex hu l-aċċess fuq l-internet għal-liġi Ewropea. |
18.11.2019 |
MT |
Il-Ġurnal Uffiċjali tal-Unjoni Ewropea |
C 389/9 |
Ebda oppożizzjoni għal konċentrazzjoni notifikata
(Il-Każ M.9484 — Semler/VWFS/JV)
(Test b’rilevanza għaż-ŻEE)
(2019/C 389/04)
Fil-5 ta’ Novembru 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9484. Il-EUR-Lex hu l-aċċess fuq l-internet għal-liġi Ewropea. |
18.11.2019 |
MT |
Il-Ġurnal Uffiċjali tal-Unjoni Ewropea |
C 389/10 |
Ebda oppożizzjoni għal konċentrazzjoni notifikata
(Il-Każ M.9319 — DP World/P&O Group)
(Test b'rilevanza għaż-ŻEE)
(2019/C 389/05)
Fis-26 ta’ Ġunju 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9319. Il-EUR-Lex hu l-aċċess fuq l-internet għal-liġi Ewropea. |
18.11.2019 |
MT |
Il-Ġurnal Uffiċjali tal-Unjoni Ewropea |
C 389/11 |
Ebda oppożizzjoni għal konċentrazzjoni notifikata
(Il-Każ M.9367 — Mirova/Predica/Indigo)
(Test b’rilevanza għaż-ŻEE)
(2019/C 389/06)
Fis-26 ta’ Awwissu 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9367. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
il–Kunsill
18.11.2019 |
MT |
Il-Ġurnal Uffiċjali tal-Unjoni Ewropea |
C 389/12 |
Konklużjonijiet tal-Kunsill dwar ir-rwol ewlieni tal-politiki ta’ tagħlim tul il-ħajja fl-għoti tas-setgħa lis-soċjetajiet biex jindirizzaw it-tranżizzjoni teknoloġika u ekoloġika favur tkabbir inklużiv u sostenibbli
(2019/C 389/07)
IL-KUNSILL TAL-UNJONI EWROPEA,
FILWAQT LI JFAKKAR fil-kuntest politiku kif jinsab fl-Anness għal dawn il-konklużjonijiet,
JIRRIKONOXXI:
1. |
li l-ewwel prinċipju tal-Pilastru Ewropew tad-Drittijiet Soċjali (1) jafferma li kulħadd għandu d-dritt għal edukazzjoni, taħriġ u tagħlim tul il-ħajja ta’ kwalità u inklużiv sabiex jinżammu u jinkisbu ħiliet li jippermettu l-parteċipazzjoni sħiħa fis-soċjetà u tranżizzjonijiet b’suċċess fis-suq tax-xogħol; |
2. |
li t-tagħlim tul il-ħajja jkopri t-tagħlim mill-edukazzjoni u l-kura bikrija tat-tfal sa dik ta’ wara l-irtirar, inkluż l-ispettru sħiħ ta’ tagħlim formali, mhux formali u informali, bil-għan li jittejbu l-għarfien, il-ħiliet u l-kompetenzi minn perspettiva personali, ċivika, soċjali u/jew relatata mal-impjieg. It-tagħlim tul il-ħajja jqis lil kull individwu bħala suġġett għat-tagħlim, jippermetti li l-persuni kollha jiksbu l-għarfien rilevanti biex jieħdu sehem bħala ċittadini attivi fis-soċjetà tal-għarfien u fis-suq tax-xogħol, u b’hekk tiġi ffaċilitata l-mobbiltà libera għaċ-ċittadini Ewropej; |
3. |
li l-isfidi tas-soċjetà u dawk ekonomiċi attwali jitolbu approċċi li jinvolvu, jimmotivaw u jagħtu s-setgħa lil dawk li qed jitgħallmu, lis-soċjetà u lill-impjegaturi biex ikunu aktar proattivi u strateġiċi biex it-tagħlim tul il-ħajja jsir realtà għal kulħadd, u l-importanza ta’ koordinazzjoni sistematika u impenjata fis-setturi ta’ politika rilevanti kollha għall-implimentazzjoni b’suċċess tal-politiki dwar it-tagħlim tul il-ħajja, kif ukoll ir-rwol kruċjali tas-sħab soċjali fit-tfassil, l-implimentazzjoni u s-suċċess ta’ dawn il-politiki; |
4. |
l-importanza li jiġu promossi opportunitajiet indaqs għall-parteċipazzjoni u l-aċċess għat-tagħlim tul il-ħajja kollha għal kulħadd irrispettivament mill-isfond, billi jiġi rikonoxxut u jinbena fuq l-għarfien, il-ħiliet u l-kompetenzi preċedenti, u b’hekk jissaħħu t-tranżizzjonijiet kontinwi, multipli u mingħajr xkiel bejn il-livelli u l-forom tal-edukazzjoni u t-taħriġ; |
5. |
ir-rwol ewlieni tal-politiki ta’ tagħlim tul il-ħajja fil-kooperazzjoni Ewropea dwar l-edukazzjoni u t-taħriġ u fil-programm Erasmus+, u s-sinifikat tagħhom għall-edukazzjoni u t-taħriġ nazzjonali, il-politiki dwar l-impjiegi u dawk soċjali, kif ukoll għall-impenn demokratiku; |
6. |
ir-rwol tat-tagħlim tul il-ħajja biex l-individwi, is-soċjetajiet u d-dinja tax-xogħol jingħataw is-setgħa biex jindirizzaw it-tranżizzjoni teknoloġika u ekoloġika u jiġu megħjuna jagħmlu dan, filwaqt li jikkontribwixxi għall-inklużjoni soċjali; |
JENFASIZZA:
7. |
l-impenn tal-Unjoni u tal-Istati Membri lejn l-Aġenda 2030 tan-Nazzjonijiet Uniti u l-Għanijiet ta’ Żvilupp Sostenibbli tagħha; |
8. |
l-Aġenda Strateġika l-Ġdida 2019-2024 (2), li tistabbilixxi l-iżvilupp ta’ bażi ekonomika b’saħħitha u vibranti u l-bini ta’ Ewropa newtrali għall-klima, ekoloġika, ġusta u soċjali bħala prijoritajiet strateġiċi, u tenfasizza l-politiki ta’ trasformazzjoni diġitali li jinkorporaw il-valuri soċjetali tagħna u jippromwovu l-inklużività; u tirrikonoxxi l-ħtieġa li jiżdied l-investiment fil-ħiliet u l-edukazzjoni tan-nies, filwaqt li tiġi żgurata l-bażi għal tkabbir sostenibbli u inklużiv fit-tul; il-ħtieġa li l-Pilastru Ewropew tad-Drittijiet Soċjali jiġi implimentat fil-livell tal-UE u tal-Istati Membri, bl-attenzjoni dovuta għall-kompetenzi rispettivi u għall-prinċipju tas-sussidjarjetà, filwaqt li titqies il-ħtieġa għal attenzjoni partikolari fir-rigward tal-kwistjonijiet soċjali, ir-riskji u l-esklużjoni li jirriżultaw mill-inugwaljanzi u l-firdiet edukattivi; |
9. |
il-kunċett il-ġdid tal-“ekonomija tal-benesseri”, li għandu l-għan li jqiegħed lin-nies u l-benesseri tagħhom fiċ-ċentru tat-tfassil tal-politika u t-teħid tad-deċiżjonijiet; |
IFAKKAR li:
10. |
fil-konklużjonijiet tiegħu dwar il-mixja lejn viżjoni ta’ Żona Ewropea tal-Edukazzjoni, il-Kunsill iddikjara li ż-Żona Ewropea tal-Edukazzjoni għandha tkun imsejsa fuq il-kontinwazzjoni tat-tagħlim tul il-ħajja, mill-edukazzjoni u l-kura bikrija tat-tfal sal-edukazzjoni u t-taħriġ vokazzjonali għall-edukazzjoni għolja u l-edukazzjoni għall-adulti, inkluż it-tagħlim mhux formali u informali; |
JIKKUNSIDRA li:
11. |
it-trasformazzjoni teknoloġika u diġitali kontinwa tas-soċjetajiet tagħna qed tagħti sura ġdida lill-pajsaġġ ekonomiku, id-dinja tax-xogħol u l-impenn ċiviku u għalhekk potenzjalment jista’ jkollha impatt sinifikanti fuq il-koeżjoni soċjali u l-ugwaljanza; |
12. |
fit-tfassil tal-politiki Ewropej għat-trasformazzjoni diġitali, il-politiki tal-edukazzjoni u t-taħriġ huma kruċjali biex jiġu żgurati l-benesseri u t-tkabbir sostenibbli fl-Ewropa. L-investiment f’għarfien, ħiliet u kompetenzi ġodda huwa kruċjali fit-tisħiħ tal-kompetittività u l-produttività tal-Ewropa; |
13. |
l-iżvilupp tat-teknoloġija, u b’mod partikolari l-intelliġenza artifiċjali (IA), għandu potenzjal sinifikanti biex joħloq tipi ġodda ta’ attivitajiet ekonomiċi u ċiviċi, ħiliet, impjiegi u servizzi. Jeħtieġ li jiġu żviluppati politiki, għodod u miżuri effettivi ta’ edukazzjoni u taħriġ biex jiġi żgurat li kulħadd ikollu l-għarfien, il-ħiliet u l-kompetenzi xierqa biex jipparteċipa b’mod sħiħ f’soċjetà li qed tinbidel, filwaqt li titqajjem kuxjenza dwar it-tħassib etiku u r-riskji ppreżentati minn użu ħażin potenzjali tat-teknoloġija; |
14. |
it-trasformazzjoni teknoloġika qed iżżid id-domanda għal ħiliet u kompetenzi ta’ livell għoli, l-adattabilità u l-ħiliet ta’ ġestjoni tal-karriera, filwaqt li d-domanda għal ħiliet baxxi applikabbli f’impjiegi ta’ rutina u ripetittivi qed tonqos simultanjament. L-impatti jinbidlu skont il-ħin, il-post u l-iskala, peress li xi setturi u oqsma huma affettwati aktar minn oħrajn. L-għoti adegwat ta’ tagħlim tul il-ħajja u gwida tul il-ħajja jistgħu jgħinu biex jitnaqqas id-distakk bejn il-ħaddiema b’ħiliet għolja u dawk b’ħiliet baxxi fis-suq tax-xogħol; |
15. |
fl-Ewropa, l-isfida tat-taħriġ mill-ġdid u tat-titjib tal-ħiliet tal-popolazzjoni adulta hija enormi. Għalhekk, l-investiment fil-ħiliet bażiċi u l-kompetenzi ewlenin huwa aktar rilevanti minn qatt qabel. Edukazzjoni ta’ kwalità għolja u inklużiva (tagħlim formali, mhux formali, informali kif ukoll tagħlim ibbażat fuq ix-xogħol) u approċċ wiesa’ għall-iżvilupp tal-kompetenzi, itejbu l-livelli ta’ kisbiet fil-ħiliet bażiċi u jappoġġaw il-progress lejn ħiliet u kompetenzi aktar avvanzati; |
16. |
l-inugwaljanzi fl-aċċess għat-tagħlim għall-adulti u l-għoti tiegħu jibqgħu sfida, peress li l-parteċipazzjoni tal-adulti f’attivitajiet ta’ tagħlim għadha baxxa u b’mod speċjali l-adulti b’livell baxx ta’ ħiliet jeħtieġu appoġġ aktar intensiv biex jinvolvu ruħhom fit-tagħlim (3). Għandu jsir sforz akbar biex persuni soċjalment żvantaġġati jiġu involuti biex jipparteċipaw fit-tagħlim tul il-ħajja u biex ikunu jistgħu jidħlu, jidħlu mill-ġdid jew jibqgħu fis-suq tax-xogħol u jappoġġaw l-iżvilupp tal-karriera tagħhom; |
17. |
il-bidliet demografiċi kontinwi jippreżentaw opportunitajiet u sfidi kemm fil-livell individwali kif ukoll f’dak soċjetali; minħabba li rati baxxi ta’ twelid u stennija tal-għomor itwal qed ipoġġu lis-soċjetajiet fi tranżizzjoni lejn struttura ta’ popolazzjoni ixjaħ f’ħafna Stati Membri; (4) |
18. |
għarfien aħjar tal-potenzjal tal-anzjani u l-promozzjoni ta’ opportunitajiet għalihom kif ukoll possibbiltajiet ta’ parteċipazzjoni fis-soċjetà, anke aktar ’il quddiem f’ħajjithom, jikkontribwixxi għall-ħolqien ta’ soċjetajiet koeżivi. It-tagħlim tul il-ħajja huwa fattur kruċjali għat-tixjiħ b’saħħtu taċ-ċittadini anzjani u l-parteċipazzjoni attiva tagħhom fil-ħajja soċjali u ekonomika; |
19. |
il-kwalità għolja, l-inklużività u l-aċċessibbiltà tal-edukazzjoni u l-kura bikrija tat-tfal kif ukoll l-edukazzjoni skolastika bażika u l-attivitajiet ta’ tagħlim mhux formali huma politiki essenzjali fir-rispons għall-bidliet demografiċi, l-iżgurar li t-tfal u ż-żgħażagħ ikollhom l-għarfien, il-ħiliet u l-kompetenzi t-tajba għall-futur, u fl-indirizzar tar-riskju ta’ tluq bikri mill-iskola, ta’ faqar u ta’ esklużjoni soċjali u fl-iżgurar ta’ ħajja sinifikattiva; |
20. |
hemm ħtieġa urġenti li tiġi promossa aktar l-ugwaljanza bejn is-sessi u li jiġi mħeġġeġ l-aċċess ugwali għall-edukazzjoni u t-taħriġ, b’mod partikolari f’setturi u professjonijiet iddominati minn ġeneru wieħed. In-nisa huma sottorappreżentati fis-setturi STEM fl-Ewropa, speċjalment fis-settur diġitali, fejn il-parteċipazzjoni tagħhom qed tkompli tonqos. L-għoti tas-setgħa lin-nisa fis-setturi STEM u b’mod partikolari fis-settur diġitali huwa rilevanti għall-iżvilupp tas-soċjetajiet u l-ekonomiji Ewropej (5). L-edukazzjoni u t-taħriġ jistgħu jgħinu biex tiġi indirizzata d-disparità bejn is-sessi fis-settur diġitali; |
JENFASIZZA:
21. |
il-ħtieġa li tingħata spinta qawwija lill-politiki u l-għoti ta’ tagħlim tul il-ħajja sabiex jirrispondu aħjar għall-isfidi ta’ soċjetà li qed tinbidel; |
22. |
li l-isforzi kontinwi għall-implimentazzjoni tar-Rakkomandazzjoni tal-Kunsill dwar Perkorsi ta’ Titjib tal-Ħiliet huma pass kruċjali lejn politiki ta’ tagħlim tul il-ħajja effettivi. Madankollu, ser ikunu meħtieġa aktar sforzi u firxa usa’ ta’ politiki u strumenti biex jikkomplementaw dan u jestendu l-opportunitajiet għal kulħadd; |
23. |
l-impenn lejn żvilupp ulterjuri ambizzjuż taż-Żona Ewropea tal-Edukazzjoni sabiex l-Ewropa ssir is-soċjetà ta’ tagħlim ewlenija fid-dinja, li tikkontribwixxi għal kultura li tinkoraġġixxi, tagħti s-setgħa u timmotiva lin-nies u lis-soċjetajiet biex jitgħallmu u jinnovaw b’mod kontinwu, inkluż fil-livelli u l-forom kollha tal-edukazzjoni u t-taħriġ u fl-istadji kollha tal-ħajja; |
JISTIEDEN LILL-ISTATI MEMBRI:
24. |
jiżviluppaw approċċi strateġiċi biex tingħata spinta lill-politiki ta’ tagħlim tul il-ħajja, u jirrikonoxxu l-potenzjal tat-tagħlim tul il-ħajja b’appoġġ għal tkabbir inklużiv u sostenibbli u bi tweġiba għat-tranżizzjoni teknoloġika u ekoloġika, inkluż billi:
|
JISTIEDEN LILL-KUMMISSJONI, B’KONT MEĦUD TAS-SUSSIDJARJETÀ U F’KOOPERAZZJONI MILL-QRIB MAL-ISTATI MEMBRI biex:
25. |
tagħti spinta sinifikanti lill-istrateġiji u l-politiki attivi, effettivi u orjentati lejn il-futur tat-tagħlim tul il-ħajja bil-għan li tissaħħaħ il-parteċipazzjoni fit-tagħlim tul il-ħajja fil-livelli u l-forom kollha tal-edukazzjoni u t-taħriġ; |
26. |
taġġorna l-effiċjenza, l-iskala u l-gruppi fil-mira tal-politiki attwali dwar it-tagħlim tul il-ħajja sabiex jirrispondu aħjar għall-ħtiġijiet ta’ tagħlim li jirriżultaw minn bidliet fis-soċjetà u fid-dinja tax-xogħol, inkluż billi jiżviluppaw aktar iż-Żona Ewropea tal-Edukazzjoni, billi jirriflettu t-tagħlim tul il-ħajja fil-qafas strateġiku futur għall-kooperazzjoni fl-edukazzjoni u t-taħriġ u billi jużaw l-opportunitajiet ipprovduti mill-Erasmus+, il-Fond Soċjali Ewropej u strumenti rilevanti oħra tal-Unjoni; |
27. |
tappoġġa inizjattivi li jiffaċilitaw l-investiment fit-tagħlim tul il-ħajja, inkluż il-kooperazzjoni bejn is-settur pubbliku u dak privat; |
28. |
tinkludi l-użu effettiv u inklużiv tal-IA fost l-oqsma għall-iżvilupp ulterjuri tal-Pjan ta’ Azzjoni għall-Edukazzjoni Diġitali u ż-Żona Ewropea tal-Edukazzjoni; |
29. |
issaħħaħ il-koordinazzjoni tal-isforzi li għaddejjin u dawk futuri biex tittejjeb l-interoperabbiltà tad-data, pereżempju billi jiġi żgurat l-aċċess għad-data dwar l-edukazzjoni personali, jittejjeb l-iskambju ta’ data dwar l-edukazzjoni bejn l-istudenti, l-istituzzjonijiet tat-tagħlim u l-impjegaturi, filwaqt li jiġu evitati sforzi doppji fil-livell tal-Unjoni, sabiex jiġi sfruttat il-potenzjal tat-trasformazzjoni diġitali, f’konformità mar-Regolament Ġenerali dwar il-Protezzjoni tad-Data; |
30. |
tappoġġa politiki nazzjonali li għandhom l-għan li jżidu r-rispons tas-sistemi tal-edukazzjoni u t-taħriġ għall-ħtiġijiet li qed jinbidlu malajr tas-suq tax-xogħol u tas-soċjetà billi jiffaċilitaw u jżidu d-disseminazzjoni u l-użu ta’ data analitika, ta’ riċerka u ta’ tbassir, inkluż stħarriġ dwar is-sitwazzjoni tal-gradwati, kif ukoll l-informazzjoni dwar il-ħiliet, bil-ħsieb li jsir impatt fit-tul fuq il-politika; |
31. |
tinkoraġġixxi pass kbir ’il quddiem fl-iżvilupp ulterjuri tat-tagħlim tul il-ħajja billi jiġu esplorati opportunitajiet aħjar għall-kooperazzjoni bejn il-livelli u s-setturi tal-edukazzjoni u t-taħriġ, kif ukoll l-awtoritajiet rilevanti (eż. soċjali, tas-saħħa, tal-migrazzjoni) u billi jiġu promossi opportunitajiet ta’ tagħlim versatili u flessibbli għat-titjib tal-ħiliet u t-taħriġ mill-ġdid tal-adulti, f’kooperazzjoni mas-sħab soċjali, is-soċjetà ċivili, is-servizzi pubbliċi tal-impjiegi u partijiet ikkonċernati rilevanti oħra; |
32. |
tippromwovi aktar sinerġiji bejn l-edukazzjoni, it-taħriġ, ir-riċerka u l-innovazzjoni bħala xprun għall-iżvilupp taż-Żona Ewropea tal-Edukazzjoni, b’mod partikolari permezz tal-alleanzi tal-Universitajiet Ewropej li għandhom rwol importanti fil-promozzjoni tat-tagħlim tul il-ħajja; |
33. |
tikkunsidra, fl-evalwazzjoni u l-aġġornament tal-politiki Ewropej dwar il-validazzjoni tat-tagħlim mhux formali u informali, kunċett usa’ għall-validazzjoni tal-għarfien, il-ħiliet u l-kompetenzi, bil-għan li tkun iffaċilitata l-validazzjoni tal-ħiliet u l-kompetenzi rrispettivament minn kif jew fejn inkisbu, bil-għan li jiġu appoġġati tranżizzjonijiet bla xkiel u jkunu motivati perkorsi ta’ tagħlim individwali, u mingħajr preġudizzju għall-kompetenzi tal-Istati Membri f’dan il-qasam. |
(1) 13129/17.
(2) EUCO 9/19.
(3) Monitoraġġ tal-Edukazzjoni u t-Taħriġ, 2018
(4) Eurostat, 2019: “L-istruttura tal-popolazzjoni u t-tixjiħ”
(5) Il-Kummissjoni Ewropea 2018: Studju dwar in-nisa fl-era diġitali.
ANNESS
Kuntest politiku
1.
Riżoluzzjoni tal-Kunsill tas-27 ta’ Ġunju 2002 dwar it-tagħlim tul il-ħajja (1)
2.
Riżoluzzjoni tal-Kunsill u tar-rappreżentanti tal-Istati Membri mlaqqgħin fi ħdan il-Kunsill dwar it-tisħiħ tal-politiki, is-sistemi u l-prattiki fil-qasam tal-gwida tul il-ħajja fl-Ewropa (2)
3.
Riżoluzzjoni tal-Kunsill u tar-Rappreżentanti tal-Gvernijiet tal-Istati Membri, imlaqqgħin fil-Kunsill, dwar kif l-iggwidar tul il-ħajja jista’ jiġi integrat aħjar fl-istrateġiji ta’ tagħlim tul il-ħajja (3)
4.
Riżoluzzjoni tal-Kunsill dwar aġenda mġedda għat-tagħlim għall-adult (4)
5.
Rakkomandazzjoni tal-Kunsill tal-20 ta’ Diċembru 2012 dwar il-validazzjoni tat-tagħlim mhux formali u informali (5)
6.
Rapport Konġunt tal-2015 tal-Kunsill u tal-Kummissjoni dwar l-implimentazzjoni tal-Qafas strateġiku għall-kooperazzjoni Ewropea fl-edukazzjoni u t-taħriġ (ET 2020) — Prijoritajiet ġodda għall-kooperazzjoni Ewropea fl-edukazzjoni u t-taħriġ (6)
7.
Komunikazzjoni tal-Kummissjoni dwar aġenda ġdida għall-ħiliet għall-Ewropa: Naħdmu flimkien biex insaħħu l-kapital uman, l-impjegabbiltà u l-kompetittività (7)
8.
Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni tal-persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il- Protezzjoni tad-Data) (8)
9.
Komunikazzjoni tal-Kummissjoni dwar il-Qafas Ewropew għall-Interoperabbiltà – Strateġija ta’ Implimentazzjoni (9)
10.
Komunikazzjoni tal-Kummissjoni dwar it-tisħiħ tal-identità Ewropea permezz tal-edukazzjoni u l-kultura (10)
11.
Rakkomandazzjoni tal-Kunsill tat-22 ta’ Mejju 2017 dwar il-Qafas Ewropew tal-Kwalifiki għat-tagħlim tul il-ħajja u li tħassar ir-Rakkomandazzjoni tal-Parlament Ewropew u tal-Kunsill tat-23 ta’ April 2008 dwar l-istabbiliment ta’ Qafas Ewropew tal-Kwalifiki għat-tagħlim tul il-ħajja (11)
12.
Rakkomandazzjoni tal-Kunsill tal-20 ta’ Novembru 2017 dwar il-monitoraġġ tal-perkors fil-karriera tal-gradwati (12)
13.
Dokument ta’ Riflessjoni tal-Kummissjoni dwar il-Ġestjoni tal-Globalizzazzjoni (13)
14.
Dikjarazzjoni Ministerjali ta’ Lisbona tal-2017 dwar ir-raba’ Konferenza Ministerjali tan-NU/KEE dwar it-Tixjiħ “Soċjetà Sostenibbli għall-etajiet kollha: It-twettiq tal-potenzjal ta’ ħajja itwal”
15.
Komunikazzjoni tal-Kummissjoni dwar il-Bini ta’ Ewropa iktar b’saħħitha: ir-rwol tal-politiki taż-żgħażagħ, tal-edukazzjoni u tal-kultura (14)
16.
Komunikazzjoni tal-Kummissjoni dwar il-Pjan ta’ Azzjoni għall-Edukazzjoni Diġitali (15)
17.
Deċiżjoni tal-Parlament Ewropew u tal-Kunsill tat-18 ta’ April 2018 dwar qafas komuni għall-għoti ta’ servizzi aħjar għall-ħiliet u l-kwalifiki (Europass) (16)
18.
Rakkomandazzjoni tal-Kunsill tat-22 ta’ Mejju 2018 dwar il-Kompetenzi Ewlenin għat-Tagħlim tul il-Ħajja (17)
19.
Rakkomandazzjoni tal-Kunsill tad-19 ta’ Diċembru 2016 dwar Perkorsi ta’ Titjib tal-Ħiliet: Opportunitajiet Ġodda għall-Adulti (18); u l-konklużjonijiet tal-Kunsill tat-22 ta’ Mejju 2019 dwar l-implimentazzjoni tar-Rakkomandazzjoni (19)
20.
Konklużjonijiet tal-Kunsill dwar il-mixja lejn viżjoni għal Żona Ewropea tal-Edukazzjoni (20)
21.
Komunikazzjoni tal-Kummissjoni dwar l-Intelliġenza Artifiċjali għall-Ewropa (21)
22.
Regolament (UE) 2018/1807 tal-Parlament Ewropew u tal-Kunsill tal-14 ta’ Novembru 2018 dwar qafas għall-moviment liberu ta’ data mhux personali fl-Unjoni Ewropa (22)
23.
Konklużjonijiet tal-Kunsill tad-9 ta’ April 2019“Lejn Unjoni dejjem aktar sostenibbli sal-2030” (23)
24.
Konklużjonijiet tal-Kunsill tas-7 ta’ Ġunju 2019 dwar il-Futur ta’ Ewropa b’diġitalizzazzjoni għolja wara l-2020: “Tingħata spinta lill-kompetittività diġitali u ekonomika mal-Unjoni kollha u lill-koeżjoni diġitali” (24)
25.
Riżoluzzjoni tal-Kunsill dwar l-Istrateġija tal-UE għaż-Żgħażagħ 2019-2027 (25)
26.
Konklużjonijiet tal-Kunsill dwar l-Ekonomija tal-Benesseri (26)
(2) 9286/04.
(3) ĠU C 319, 13.12.2008, p. 4.
(4) ĠU C 372, 20.12.2011, p. 1.
(5) ĠU C 398, 22.12.2012, p. 1.
(6) ĠU C 417, 15.12.2015, p. 25.
(7) COM(2016) 381.
(9) COM(2017) 134.
(10) COM(2017) 673.
(11) ĠU C 189, 15.6.2017, p. 15.
(12) ĠU C 423, 9.12.2017, p. 1.
(13) COM(2017) 240.
(14) COM (2018) 268.
(15) COM(2018) 22.
(16) ĠU L 112, 2.5.2018, p. 42.
(17) ĠU C 189, 4.6.2018, p. 1.
(18) ĠU C 484, 24.12.2016, p. 1.
(19) ĠU C 189, 5.6.2019, p. 23.
(20) ĠU C 195, 7.6.2018, p. 7.
(21) COM(2018) 237.
(22) ĠU L 303, 28.11.2018, p. 59.
(23) 8286/19.
(24) 8807/19.
(25) ĠU C 189, 5.6.2019, p. 1.
(26) 13432/19.
Il-Kummissjoni Ewropea
18.11.2019 |
MT |
Il-Ġurnal Uffiċjali tal-Unjoni Ewropea |
C 389/19 |
Rata tal-kambju tal-euro (1)
Il-15 ta' Novembru 2019
(2019/C 389/08)
1 euro =
|
Munita |
Rata tal-kambju |
USD |
Dollaru Amerikan |
1,1034 |
JPY |
Yen Ġappuniż |
119,95 |
DKK |
Krona Daniża |
7,4723 |
GBP |
Lira Sterlina |
0,85660 |
SEK |
Krona Żvediża |
10,6518 |
CHF |
Frank Żvizzeru |
1,0924 |
ISK |
Krona Iżlandiża |
135,90 |
NOK |
Krona Norveġiża |
10,0345 |
BGN |
Lev Bulgaru |
1,9558 |
CZK |
Krona Ċeka |
25,583 |
HUF |
Forint Ungeriż |
334,80 |
PLN |
Zloty Pollakk |
4,2785 |
RON |
Leu Rumen |
4,7686 |
TRY |
Lira Turka |
6,3433 |
AUD |
Dollaru Awstraljan |
1,6221 |
CAD |
Dollaru Kanadiż |
1,4608 |
HKD |
Dollaru ta' Hong Kong |
8,6361 |
NZD |
Dollaru tan-New Zealand |
1,7255 |
SGD |
Dollaru tas-Singapor |
1,5021 |
KRW |
Won tal-Korea t'Isfel |
1 285,34 |
ZAR |
Rand ta' l-Afrika t'Isfel |
16,2494 |
CNY |
Yuan ren-min-bi Ċiniż |
7,7343 |
HRK |
Kuna Kroata |
7,4380 |
IDR |
Rupiah Indoneżjan |
15 528,15 |
MYR |
Ringgit Malażjan |
4,5817 |
PHP |
Peso Filippin |
55,849 |
RUB |
Rouble Russu |
70,3938 |
THB |
Baht Tajlandiż |
33,350 |
BRL |
Real Brażiljan |
4,6296 |
MXN |
Peso Messikan |
21,2194 |
INR |
Rupi Indjan |
79,1630 |
(1) Sors: rata tal-kambju ta' referenza ppubblikata mill-Bank Ċentrali Ewropew.
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
18.11.2019 |
MT |
Il-Ġurnal Uffiċjali tal-Unjoni Ewropea |
C 389/20 |
Notifika minn qabel ta’ konċentrazzjoni
(Il-Każ M.9445 — Natura Cosmeticos/Avon Products)
(Test b’rilevanza għaż-ŻEE)
(2019/C 389/09)
1.
Fit-8 ta’ Novembru 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
— |
Natura Cosméticos S.A. (“Natura”, il-Brażil), |
— |
Avon Products, Inc. (“Avon”, l-Istati Uniti tal-Amerka). |
Natura tikseb, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Avon kollha kemm hi. Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Natura: manifattura u provvista mad-dinja kollha ta’ prodotti tas-sbuħija u tal-kura personali, fiż-ŻEE prinċipalment bl-ismijiet tad-ditti The Body Shop u Aesop. |
— |
Avon: manifattura u provvista mad-dinja kollha ta’ prodotti tas-sbuħija u tal-kura personali, primarjament permezz ta’ bejgħ dirett. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni sa mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9445 — Natura Cosmeticos/Avon Products
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).