ISSN 1977-0987 |
||
Il-Ġurnal Uffiċjali tal-Unjoni Ewropea |
C 349 |
|
Edizzjoni bil-Malti |
Informazzjoni u Avviżi |
Volum 62 |
Werrej |
Paġna |
|
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2019/C 349/01 |
Ebda oppożizzjoni għal konċentrazzjoni notifikata (Il-Każ M.9405 — CPF/Itochu/HyLife) ( 1 ) |
|
V Avviżi |
|
|
PROĊEDURI AMMINISTRATTIVI |
|
|
Il-Kummissjoni Ewropea |
|
2019/C 349/09 |
|
|
|
(1) Test b’rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
15.10.2019 |
MT |
Il-Ġurnal Uffiċjali tal-Unjoni Ewropea |
C 349/1 |
Ebda oppożizzjoni għal konċentrazzjoni notifikata
(Il-Każ M.9405 — CPF/Itochu/HyLife)
(Test b’rilevanza għaż-ŻEE)
(2019/C 349/01)
Fid-9 ta’ Ottubru 2019, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32019M9405. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
il–Kunsill
15.10.2019 |
MT |
Il-Ġurnal Uffiċjali tal-Unjoni Ewropea |
C 349/2 |
Avviż għall-attenzjoni tal-persuni soġġetti għall-miżuri restrittivi previsti fid-Deċiżjoni tal-Kunsill (PESK) 2016/1693, kif emendata bid-Deċiżjoni tal-Kunsill (PESK) 2019/1721, u r-Regolament tal-Kunsill (UE) 2016/1686, kif implimentat bir-Regolament ta’ Implimentazzjoni tal-Kunsill (UE) 2019/1717 dwar miżuri restrittivi diretti kontra ISIL (Da’esh) u Al-Qaida, u persuni, gruppi, impriżi u entitajiet assoċjati magħhom
(2019/C 349/02)
L-informazzjoni li ġejja qed tinġieb għall-attenzjoni tal-persuni li jidhru fl-Anness għad-Deċiżjoni tal-Kunsill (PESK) 2016/1693 (1), kif emendata bid-Deċiżjoni tal-Kunsill (PESK) 2019/1721 (2),u fl-Anness I għar-Regolament tal-Kunsill (UE) 2016/1686 (3), kif implimentat bir-Regolament ta’ Implimentazzjoni tal-Kunsill (UE) 2019/1717 (4) dwar miżuri restrittivi diretti kontra ISIL (Da’esh) u Al-Qaida u persuni, gruppi, impriżi u entitajiet assoċjati magħhom.
Il-Kunsill tal-Unjoni Ewropea ddeċieda li dawk il-persuni għandhom jiġu inklużi fuq il-lista ta’ persuni, gruppi, impriżi u entitajiet soġġetti għall-miżuri restrittivi previsti fid-Deċiżjoni tal-Kunsill (PESK) 2016/1693 u fir-Regolament tal-Kunsill (UE) 2016/1686.
Qed tinġibed l-attenzjoni tal-persuni kkonċernati għall-possibbiltà li ssir applikazzjoni quddiem l-awtoritajiet kompetenti tal-Istat(i) Membru/i rilevanti kif elenkati fl-Anness II għar-Regolament (UE) 2016/1686 sabiex tinkiseb awtorizzazzjoni biex il-fondi ffriżati jintużaw għal ħtiġijiet essenzjali jew ħlasijiet speċifiċi skont l-Artikolu 5 ta’ dak ir-Regolament.
Il-persuni kkonċernati jistgħu jippreżentaw talba biex jiksbu d-dikjarazzjoni tar-raġunijiet tal-Kunsill għaliex ġew inklużi fil-lista msemmija hawn fuq. Din it-talba għandha tintbagħat fl-indirizz li ġej:
Council of the European Union |
General Secretariat |
RELEX.1.C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Email: sanctions@consilium.europa.eu
Il-persuni kkonċernati jistgħu fi kwalunkwe ħin jippreżentaw talba lill-Kunsill, flimkien ma’ kwalunkwe dokumentazzjoni ta’ appoġġ, biex id-deċiżjoni li huma jiġu inklużi fil-lista tiġi kkunsidrata mill-ġdid, fl-indirizz ipprovdut hawn fuq. F’dan ir-rigward, qed tinġibed l-attenzjoni tal-persuni kkonċernati għar-rieżami regolari tal-lista mill-Kunsill skont l-Artikolu 6(2) tad-Deċiżjoni (PESK) 2016/1693 u l-Artikolu 4(4) tar-Regolament (UE) 2016/1686. Sabiex it-talbiet jiġu kkunsidrati fir-rieżami li jmiss, dawn għandhom jiġu ppreżentati sal-31 ta’ Lulju 2020.
L-attenzjoni tal-persuni kkonċernati qed tinġibed ukoll għall-possibbiltà li jikkontestaw d-deċiżjoni tal-Kunsill quddiem il-Qorti Ġenerali tal-Unjoni Ewropea, skont il-kondizzjonijiet stipulati fl-Artikolu 275, it-tieni paragrafu, u l-Artikolu 263, ir-raba’ u s-sitt paragrafi, tat-Trattat dwar il-Funzjonament tal-Unjoni Ewropea.
(1) ĠU L 255, 21.9.2016, p. 25.
(2) ĠU L 262, 15.10.2019, p. 64.
15.10.2019 |
MT |
Il-Ġurnal Uffiċjali tal-Unjoni Ewropea |
C 349/3 |
Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fid-Deċiżjoni tal-Kunsill (PESK) 2016/1693 u fir-Regolament tal-Kunsill (UE) 2016/1686 dwar miżuri restrittivi kontra ISIL (Da’esh) u Al-Qaida u persuni, gruppi, impriżi u entitajiet assoċjati magħhom
(2019/C 349/03)
L-attenzjoni tas-suġġetti tad-data qed tinġibed għall-informazzjoni li ġejja f’konformità mal-Artikolu 16 tar-Regolament (UE) 2018/1725 tal-Parlament Ewropew u tal-Kunsill (1).
Il-bażijiet ġuridiċi għal din l-operazzjoni ta’ pproċessar huma d-Deċiżjoni tal-Kunsill (PESK) 2016/1693 (2), kif emendata bid-Deċiżjoni tal-Kunsill (PESK) 2019/1721 (3), u r-Regolament tal-Kunsill (UE) 2016/1686 (4), kif implimentat bir-Regolament ta’ Implimentazzjoni tal-Kunsill (UE) 2019/1717 (5).
Il-kontrollur ta’ din l-operazzjoni ta’ pproċessar huwa d-Dipartiment RELEX.1.C fid-Direttorat-Ġenerali għall-Affarijiet Barranin, Tkabbir u Protezzjoni Ċivili - RELEX fis-Segretarjat Ġenerali tal-Kunsill (SĠK), li jista’ jiġi kkuntattjat f’dan l-indirizz:
Council of the European Union |
General Secretariat |
RELEX.1.C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
Indirizz elettroniku: sanctions@consilium.europa.eu
L-Uffiċjal għall-Protezzjoni tad-Data tas-SĠK jista’ jiġi kkuntattjat f’dan l-indirizz:
Uffiċjal tal-Protezzjoni tad-Data
data.protection@consilium.europa.eu
L-iskop tal-operazzjoni ta’ pproċessar huwa l-istabbiliment u l-aġġornament tal-lista ta’ persuni soġġetti għal miżuri restrittivi f’konformità mad-Deċiżjoni (PESK) 2016/1693, kif emendata bid-Deċiżjoni tal-Kunsill (PESK) 2019/1721, u r-Regolament (UE) 2016/1686, kif implimentat bir-Regolament ta’ Implimentazzjoni tal-Kunsill (UE) 2019/1717.
Is-suġġetti tad-data huma l-persuni fiżiċi li jissodisfaw il-kriterji għall-elenkar kif stabbiliti fid-Deċiżjoni (PESK) 2016/1693 u fir-Regolament (UE) 2016/1686.
Id-data personali miġbura tinkludi d-data meħtieġa għall-identifikazzjoni tajba tal-persuna kkonċernata, id-dikjarazzjoni tar-raġunijiet u kwalunkwe data oħra relatata ma’ dan.
Id-data personali miġbura tista’ tiġi kondiviża skont kif ikun meħtieġ mas-Servizz Ewropew għall-Azzjoni Esterna u mal-Kummissjoni.
Mingħajr preġudizzju għar-restrizzjonijiet skont l-Artikolu 25 tar-Regolament (UE) 2018/1725, l-eżerċizzju tad-drittijiet tas-suġġetti tad-data bħad-dritt għal aċċess, kif ukoll id-drittijiet għal rettifika jew għal oġġezzjoni ser jingħata f’konformità mar-Regolament (UE) 2018/1725.
Id-data personali ser tinżamm għal 5 snin mill-mument li s-suġġett tad-data jkun tneħħa mil-lista ta’ persuni soġġetti għall-miżuri restrittivi jew il-validità tal-miżura tkun skadiet, jew sakemm idumu l-proċedimenti tal-qorti f’każ li dawn ikunu nbdew.
Mingħajr preġudizzju għal kwalunkwe rimedju ġudizzjarju, amministrattiv jew mhux ġudizzjarju, is-suġġetti tad-data jistgħu jressqu lment quddiem il-Kontrollur Ewropew għall-Protezzjoni tad-Data f’konformità mar-Regolament (UE) 2018/1725 (edps@edps.europa.eu).
(1) ĠU L 295, 21.11.2018, p. 39.
(2) ĠU L 255, 21.9.2016, p. 25.
(3) ĠU L 262, 15.10.2019, p. 64.
Il-Kummissjoni Ewropea
15.10.2019 |
MT |
Il-Ġurnal Uffiċjali tal-Unjoni Ewropea |
C 349/4 |
Rata tal-kambju tal-euro (1)
L-14 ta' Ottubru 2019
(2019/C 349/04)
1 euro =
|
Munita |
Rata tal-kambju |
USD |
Dollaru Amerikan |
1,1031 |
JPY |
Yen Ġappuniż |
119,40 |
DKK |
Krona Daniża |
7,4689 |
GBP |
Lira Sterlina |
0,87983 |
SEK |
Krona Żvediża |
10,8523 |
CHF |
Frank Żvizzeru |
1,0983 |
ISK |
Krona Iżlandiża |
138,10 |
NOK |
Krona Norveġiża |
10,0463 |
BGN |
Lev Bulgaru |
1,9558 |
CZK |
Krona Ċeka |
25,823 |
HUF |
Forint Ungeriż |
331,44 |
PLN |
Zloty Pollakk |
4,2931 |
RON |
Leu Rumen |
4,7546 |
TRY |
Lira Turka |
6,5424 |
AUD |
Dollaru Awstraljan |
1,6325 |
CAD |
Dollaru Kanadiż |
1,4576 |
HKD |
Dollaru ta' Hong Kong |
8,6529 |
NZD |
Dollaru tan-New Zealand |
1,7529 |
SGD |
Dollaru tas-Singapor |
1,5103 |
KRW |
Won tal-Korea t'Isfel |
1 307,06 |
ZAR |
Rand ta' l-Afrika t'Isfel |
16,3283 |
CNY |
Yuan ren-min-bi Ċiniż |
7,7988 |
HRK |
Kuna Kroata |
7,4315 |
IDR |
Rupiah Indoneżjan |
15 586,80 |
MYR |
Ringgit Malażjan |
4,6198 |
PHP |
Peso Filippin |
56,899 |
RUB |
Rouble Russu |
70,8543 |
THB |
Baht Tajlandiż |
33,529 |
BRL |
Real Brażiljan |
4,5395 |
MXN |
Peso Messikan |
21,2983 |
INR |
Rupi Indjan |
78,5245 |
(1) Sors: rata tal-kambju ta' referenza ppubblikata mill-Bank Ċentrali Ewropew.
INFORMAZZJONI MILL-ISTATI MEMBRI
15.10.2019 |
MT |
Il-Ġurnal Uffiċjali tal-Unjoni Ewropea |
C 349/5 |
Avviż ta’ informazzjoni tal-Kummissjoni skont l-Artikolu 16(4) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Modifika tal-obbligi tas-servizz pubbliku fir-rigward tas-servizzi tal-ajru skedati
(Test b’rilevanza għaż-ŻEE)
(2019/C 349/05)
Stat Membru |
Ir-Repubblika Ċeka |
||||
Rotta kkonċernata |
Brno (ir-Repubblika Ċeka) – Munich (il-Ġermanja) |
||||
Data oriġinali tad-dħul fis-seħħ tal-obbligi tas-servizz pubbliku |
fil-25 ta’ Marzu 2018. |
||||
Data tad-dħul fis-seħħ tal-modifiki |
fid-29 ta’ Marzu 2020. |
||||
Indirizz minn fejn jistgħu jinkisbu t-test, u kwalunkwe informazzjoni u/jew dokumentazzjoni rilevanti marbuta mal-obbligu tas-servizz pubbliku |
Għal aktar tagħrif jekk jogħġbok ikkuntattja lil:
Tel. +420 541651338 Faks + 420 541651349 Email: megova.dana@kr-jihomoravsky.cz Sit web: www.kr-jihomoravsky.cz |
15.10.2019 |
MT |
Il-Ġurnal Uffiċjali tal-Unjoni Ewropea |
C 349/6 |
Avviż ta’ informazzjoni tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru skedati skont l-obbligi tas-servizz pubbliku
(Test b’rilevanza għaż-ŻEE)
(2019/C 349/06)
Stat Membru |
Ir-Repubblika Ċeka |
||||
Rotot ikkonċernati |
Brno (ir-Repubblika Ċeka) — Munich (il-Ġermanja) |
||||
Perjodu ta’ validità tal-kuntratt |
Bejn wieħed u ieħor mid-29 ta’ Marzu 2020 sat-28 ta’ Marzu 2024 |
||||
Skadenza għas-sottomissjoni tal-offerti |
fit-3 ta’ Frar 2020. |
||||
L-indirizz minn fejn jistgħu jinkisbu t-test tal-istedina tas-sejħa għall-offerti u kwalunkwe informazzjoni rilevanti u/jew dokumentazzjoni marbuta mal-offerta pubblika u mal-obbligi tas-servizz pubbliku modifikati |
Għal aktar tagħrif jekk jogħġbok ikkuntattja lil:
Tel. +420 541651338 Fax +420 541651349 Email: megova.dana@kr-jihomoravsky-cz Sit web: www.kr-jihomoravsky.cz |
15.10.2019 |
MT |
Il-Ġurnal Uffiċjali tal-Unjoni Ewropea |
C 349/7 |
Avviż ta’ informazzjoni tal-Kummissjoni skont l-Artikolu 17(5) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
Sejħa għall-offerti rigward l-operat ta’ servizzi tal-ajru skedati skont l-obbligi tas-servizz pubbliku
(Test b’rilevanza għaż-ŻEE)
(2019/C 349/07)
Stat Membru |
L-Estonja |
|||||
Rotta kkonċernata |
Tallinn (TLL) — Kuressaare (URE) |
|||||
Perjodu ta’ validità tal-kuntratt |
1 ta’ April 2020–31 ta’ Marzu 2024 |
|||||
Skadenza għas-sottomissjoni tal-offerti |
L-1 ta’ Frar 2020 |
|||||
L-indirizz minn fejn jistgħu jinkisbu bla ħlas it-test tas-sejħa għall-offerti u kwalunkwe informazzjoni u/jew dokumentazzjoni rilevanti marbuta mal-offerta pubblika u mal-obbligu tas-servizz pubbliku |
Iktar informazzjoni:
Tel. +372 6119300 Posta elettronika: INFO@MNT.EE Sit web: https://riigihanked.riik.ee/rhr-web/#/procurement/1602749/overview/activities https://ted.europa.eu/udl?uri=TED:NOTICE:436203-2019:TEXT:EN:HTML&tabId=0 |
15.10.2019 |
MT |
Il-Ġurnal Uffiċjali tal-Unjoni Ewropea |
C 349/8 |
Komunikazzjoni tal-Kummissjoni skont l-Artikolu 16(4) tar-Regolament (KE) Nru 1008/2008 tal-Parlament Ewropew u tal-Kunsill dwar regoli komuni għall-operat ta’ servizzi tal-ajru fil-Komunità
L-istabbiliment ta’ obbligi tas-servizz pubbliku rigward is-servizzi tal-ajru skedati
(Test b’rilevanza għaż-ŻEE)
(2019/C 349/08)
Stat Membru |
L-Estonja |
|||||
Rotta kkonċernata |
Tallinn (TLL) – Kuressaare (URE) |
|||||
Data tad-dħul fis-seħħ tal-obbligi tas-servizz pubbliku |
L-1 ta’ April 2020 |
|||||
L-indirizz minn fejn jistgħu jinkisbu bla ħlas it-test u kwalunkwe informazzjoni jew dokumentazzjoni oħra marbuta mal-obbligu tas-servizz pubbliku |
Iktar informazzjoni:
Tel. +372 6119300 Posta elettronika: INFO@MNT.EE Sit web: https://riigihanked.riik.ee/rhr-web/#/procurement/1602749/overview/activities https://ted.europa.eu/udl?uri=TED:NOTICE:436203-2019:TEXT:EN:HTML&tabId=0 |
V Avviżi
PROĊEDURI AMMINISTRATTIVI
Il-Kummissjoni Ewropea
15.10.2019 |
MT |
Il-Ġurnal Uffiċjali tal-Unjoni Ewropea |
C 349/9 |
SEJĦA GĦAL PROPOSTI – EACEA 33/2019
TAĦT IL-PROGRAMM Erasmus+
KA3 – Appoġġ għar-Riforma Politika
Ċentri ta’ Eċċellenza Vokazzjonali
(2019/C 349/09)
1. Objettiv
L-objettiv ġenerali tas-sejħa huwa li jiġu appoġġjati l-istabbiliment u l-iżvilupp ta’ pjattaformi ta’ kooperazzjoni transnazzjonali ta’ Ċentri ta’ Eċċellenza Vokazzjonali (CoVEs) għall-konnessjoni ta’ Ċentri li joperaw f’kuntest lokali partikolari fil-livell Ewropew.
Il-pjattaformi ta’ kooperazzjoni transnazzjonali se jgħaqqdu flimkien CoVEs li:
— |
Jikkondividu interess komuni f’setturi jew negozji speċifiċi (eż. l-ajrunawtika, l-elettromobbiltà, il-kura tas-saħħa, it-turiżmu, eċċ.), jew |
— |
Flimkien jiżviluppaw approċċi innovattivi biex jiġu indirizzati l-isfidi soċjetali, teknoloġiċi u ekonomiċi (eż. it-tibdil fil-klima, id-diġitalizzazzjoni, l-intelliġenza artifiċjali, l-għanijiet ta’ żvilupp sostenibbli, l-integrazzjoni tal-migranti, l-appoġġ lill-istudenti b’diżabbiltżà/bi bżonnijiet speċjali, it-titjib tal-ħiliet ta’ nies b’livell baxx ta’ ħiliet u/jew livelli ta’ kwalifiki baxxi, eċċ.). |
Il-pjattaformi se joħolqu punti ta’ referenza ta’ klassi dinjija għat-taħriġ vokazzjonali. Dawn se jkunu inklużivi u jew jgħaqqdu flimkien il-CoVEs eżistenti f’pajjiżi differenti, jew jespandu l-mudell billi jorbtu l-CoVEs stabbiliti sew f’pajjiż wieħed ma’ sħab f’pajjiżi oħra, li beħsiebhom jiżviluppaw CoVEs fl-ekosistema lokali tagħhom, u b’hekk jikkontribwixxu għal “konverġenza ’l fuq” tal-eċċellenza tal-ETV.
Il-CoVEs se jadottaw approċċ minn isfel għal fuq għal eċċellenza fejn l-istituzzjonijiet tal-ETV huma kapaċi jadattaw malajr il-provvista ta’ ħiliet għal ħtiġijiet lokali li qed jevolvu. Huma għandhom l-għan li jgħaqqdu flimkien sett ta’ sħab lokali/reġjonali bħall-fornituri tal-ETV inizjali u kontinwi, istituzzjonijiet tal-edukazzjoni terzjarja, inklużi universitajiet tax-xjenzi applikati u politekniċi, istituzzjonijiet tar-riċerka, parks tax-xjenza, kumpaniji, intrapriżi soċjali, kmamar u l-assoċjazzjonijiet tagħhom, sħab soċjali, kunsilli settorjali tal-ħiliet, assoċjazzjonijiet professjonali/settorjali, awtoritajiet nazzjonali u reġjonali u aġenziji tal-iżvilupp, servizzi pubbliċi tal-impjiegi, eċċ.
Il-proġetti jridu jipprovdu evidenza li għandhom l-għan li:
— |
Jistabbilixxu relazzjonijiet b’saħħithom u dejjiema kemm fil-livell lokali kif ukoll f’dak transnazzjonali, bejn il-komunità tal-ETV u n-negozji, fejn l-interazzjonijiet huma reċiproki u ta’ benefiċċju reċiproku, u |
— |
Jintegraw attivitajiet, jibnu relazzjonijiet riflessivi bejn l-attivitajiet u s-servizzi varji, u |
— |
Ikunu ankrati sew f’oqfsa usa’ ta’ strateġiji ta’ żvilupp reġjonali, ta’ innovazzjoni u/jew ta’ speċjalizzazzjoni intelliġenti. Dawn jistgħu jkunu jew strateġiji eżistenti (li għandhom jiġu identifikati b’mod ċar) jew li qed jiġu żviluppati fil-kuntest tal-proġett (li jiddeskrivi kif il-proġett jikkontribwixxi għal dawk l-istrateġiji). |
2. Sħubijiet
Is-sħubija għandha tinkludi mill-anqas tmien sħab sħaħ minn minimu ta’ erba’ pajjiżi tal-Programm Erasmus+ (inklużi mill-anqas żewġ Stati Membri tal-Unjoni Ewropea).
Kull pajjiż għandu jinvolvi:
(a) |
mill-anqas kumpanija waħda, rappreżentanti tal-industrija jew tas-settur (eż. kmamar jew assoċjazzjonijiet tan-negozju), u |
b) |
mill-anqas fornitur wieħed tal-edukazzjoni u t-taħriġ vokazzjonali (fil-livell sekondarju u/jew terzjarju (1)). |
Wieħed mis-sħab hawn fuq se jkun l-organizzazzjoni ta’ koordinazzjoni, li tapplika għall-għotja ta’ Erasmus+ f’isem is-sħubija.
Il-kompożizzjoni ulterjuri tas-sħubija jenħtieġ li tirrifletti n-natura speċifika tal-proposta.
Il-pajjiżi tal-Programm Erasmus+ huma dawn li ġejjin:
— |
It-28 Stat Membru tal-Unjoni Ewropea: L-Awstrija, il-Belġju, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja, ir-Renju Unit (2); |
— |
Il-pajjiżi tal-Programm li mhumiex fl-UE: L-Iżlanda, il-Liechtenstein, in-Norveġja, ir-Repubblika tal-Maċedonja ta’ Fuq, is-Serbja, it-Turkija. |
Organizzazzjonijiet mill-Programm Erasmus+ u/jew Pajjiżi sħab (3) jistgħu jkunu sħab assoċjati, sal-punt li jintwera li l-parteċipazzjoni tagħhom iġġib valur miżjud lill-CoVE. Għal kwistjonijiet ta’ ġestjoni kuntrattwali, is-sħab assoċjati, li jkunu minn Pajjiżi tal-Programm jew minn Pajjiżi Sħab, mhumiex meqjusa bħala parti mis-sħab tal-proġett, u ma jirċivux finanzjament. Madankollu, l-involviment u r-rwol tagħhom fil-proġett u f’attivitajiet differenti għandhom jiġu deskritti b’mod ċar.
3. Attivitajiet
L-attivitajiet iridu jibdew fl-1 ta’ Ottubru 2020 jew fl-1 ta’ Novembru 2020. Il-proġetti jdumu 4 snin.
Iċ-ċentri ta’ Eċċellenza Vokazzjonali huma kkaratterizzati bl-adozzjoni ta’ approċċ sistemiku li permezz tiegħu l-istituzzjonijiet tal-ETV jikkontribwixxu b’mod attiv għall-ħolqien konġunt ta’ ekosistemi tal-ħiliet, flimkien ma’ firxa wiesgħa ta’ sħab lokali/reġjonali oħra. Il-CoVEs huma mistennija li jmorru ferm lil hinn mis-sempliċi provvista ta’ kwalifika vokazzjonali ta’ kwalità.
Il-karatteristiċi li jikkaratterizzaw il-CoVEs jinkludu sett ta’ attivitajiet miġbura fi tliet raggruppamenti (ara t-Taqsima 2.2 tal-Linji Gwida tal-Applikanti).
Il-proġett irid jinkludi riżultati tanġibbli rilevanti marbuta ma’:
— |
mill-anqas 3 attivitajiet relatati mar-Raggruppament 1 — Tagħlim u apprendiment, u |
— |
mill-anqas 3 attivitajiet relatati mar-Raggruppament 2 — Kooperazzjoni u sħubija, u |
— |
mill-anqas 2 attivitajiet relatati mar-Raggruppament 3 — Governanza u finanzjament. |
Il-lista mhijiex eżawrjenti, u l-applikanti jistgħu jinkludu attivitajiet oħra. Madankollu, dawn għandhom juru li huma partikolarment xierqa biex jissodisfaw l-objettivi tas-sejħa u l-ħtiġijiet identifikati, u jridu jitqiesu u jiġu ppreżentati bħala parti minn sett ta’ attivitajiet koerenti.
Huwa meħtieġ li l-proġetti japplikaw strumenti u għodod madwar l-UE kollha meta jkunu rilevanti.
Jenħtieġ li huma jimmiraw ukoll li jadottaw dimensjoni inklużiva, billi jinkludu azzjonijiet li jgħinu biex tiġi indirizzata d-diversità u jippromwovu – b’mod partikolari permezz ta’ approċċi innovattivi u integrati – is-sjieda ta’ valuri kondiviżi, l-ugwaljanza, inkluża l-ugwaljanza bejn il-ġeneri, u n-nondiskriminazzjoni u l-inklużjoni soċjali, inkluż għal persuni bi bżonnijiet speċjali/b’anqas opportunitajiet.
Se jkun hemm enfasi partikolari fuq il-ħiliet diġitali peress li qed isiru dejjem aktar importanti fuq il-profili kollha tal-impjiegi fis-suq tax-xogħol kollu, kif ukoll fuq il-ħiliet biex tiġi appoġġjata t-tranżizzjoni għal ekonomija ċirkolari u aktar ekoloġika biex jintlaħqu l-ħtiġijiet professjonali emerġenti għall-ħiliet ekoloġiċi u l-iżvilupp sostenibbli.
L-applikazzjonijiet iridu jinkludu pjan ta’ azzjoni fit-tul għall-implimentazzjoni progressiva tar-riżultati tal-proġett wara li l-proġett ikun lest. Dan il-pjan għandu jkun ibbażat fuq sħubiji sostnuti bejn il-fornituri tal-edukazzjoni u t-taħriġ u l-partijiet ikkonċernati tal-industrija ewlenin fil-livell xieraq. Dan jenħtieġ li jinkludi l-identifikazzjoni tal-istrutturi ta’ governanza xierqa, kif ukoll pjanijiet għall-iskalabbiltà u s-sostenibbiltà finanzjarja. Jenħtieġ li jiżgura wkoll il-viżibbiltà xierqa u t-tixrid wiesa’ tal-ħidma tal-pjattaformi.
L-attivitajiet iridu jsiru f’pajjiżi tal-Programm Erasmus+.
4. Kriterji għall-għoti
L-applikazzjonijiet eliġibbli se jiġu vvalutati abbażi tal-kriterji li ġejjin:
1. |
Ir-rilevanza tal-proġett (massimu 35 punt – Livell limitu: minimu ta’ 18-il punt); |
2. |
Il-kwalità tat-tfassil u l-implimentazzjoni tal-proġett (Massimu 25 punt – Livell limitu: minimu ta’ 13-il punt); |
3. |
Il-kwalità tal-konsorzju tal-proġett u tal-arranġamenti ta’ kooperazzjoni (Massimu 20 punt – Livell limitu: minimu ta’ 11-il punt); |
4. |
L-impatt u t-tixrid(Massimu ta’ 20 punt – Livell limitu: minimu ta’ 11-il punt). |
Sabiex jiġu kkunsidrati għall-finanzjament, l-applikazzjonijiet iridu jġibu punteġġ ta’ mill-anqas 70 punt (minn total ta’ 100 punt), filwaqt li jitqies ukoll il-livell limitu minimu meħtieġ għal kull wieħed mill-erba’ kriterji għall-għoti.
5. Baġit
Il-baġit totali assenjat għall-kofinanzjament ta’ proġetti huwa stmat għal massimu ta’ EUR 20 miljun. Il-kontribuzzjoni finanzjarja mill-UE ma tistax taqbeż it-80 % tal-ispejjeż tal-azzjonijiet totali eliġibbli.
L-għotja massima tal-UE għal kull proġett hija ta’ EUR 4 miljun.
L-Aġenzija tirriżerva d-dritt li ma tqassamx il-fondi kollha disponibbli.
6. Data ta’ skadenza għall-preżentazzjoni tal-applikazzjonijiet
L-applikazzjonijiet iridu jintbagħtu sa mhux aktar tard mill-20 ta’ Frar 2020, 17:00 (ħin ta’ Brussell), bl-użu tal-formola tal-applikazzjoni uffiċjali korretta (Formola elettronika) u abbozzati f’waħda mil-lingwi uffiċjali tal-UE.
7. Id-dettalji kollha
Il-Linji Gwida tal-Applikanti flimkien mal-Formola Elettronika ta’ applikazzjoni jinsabu fl-indirizz tal-Internet li ġej: https://eacea.ec.europa.eu/erasmus-plus/funding/ka3-centers-of-vocational-excellence_en
L-applikazzjonijiet iridu jkunu konformi mat-termini kollha tal-Linji Gwida.
(1) Madanakollu, l-applikazzjonijiet ma jistgħux jinkludu biss attivitajiet immirati esklussivament għal studenti fil-livell terzjarju; applikazzjonijiet li jiffukaw fuq l-ETV fil-livell terzjarju (il-livelli 6 sa 8 tal-QEK) iridu jinkludu mill-anqas livell ta’ kwalifika tal-ETV ieħor bejn il-livelli 3 sa 5 tal-QEK.
(2) Għall-applikanti Brittaniċi: Jekk jogħġbok kun af li jrid ikun hemm konformità mal-kriterji ta’ eliġibbiltà għad-durata kollha tal-għotja. Jekk ir-Renju Unit joħroġ mill-UE matul il-perjodu tal-għotja mingħajr ma jikkonkludi ftehim mal-UE li jiżgura b’mod partikolari li l-applikanti Brittaniċi jibqgħu eliġibbli, inti se tieqaf tirċievi finanzjament mill-UE (filwaqt li, sa fejn ikun possibbli, tkompli tipparteċipa) jew tintalab tħalli l-proġett fuq il-bażi tal-Artikolu II. 17.3.1 (a) tal-ftehim ta’ għotja.
(3) Il-pajjiżi Sħab ta’ Erasmus+ huma elenkati fil-Linji Gwida tal-Applikanti taħt it-Taqsima 6.2.