Rata tal-kambju tal-euro (1)

Il-25 ta’ Lulju 2019

(2019/C 251/01)

1 euro =

	Munita	Rata tal-kambju
USD	Dollaru Amerikan	1,1115
JPY	Yen Ġappuniż	120,15
DKK	Krona Daniża	7,4648
GBP	Lira Sterlina	0,88963
SEK	Krona Żvediża	10,4947
CHF	Frank Żvizzeru	1,0989
ISK	Krona Iżlandiża	135,90
NOK	Krona Norveġiża	9,6058
BGN	Lev Bulgaru	1,9558
CZK	Krona Ċeka	25,519
HUF	Forint Ungeriż	325,21
PLN	Zloty Pollakk	4,2472
RON	Leu Rumen	4,7228
TRY	Lira Turka	6,3011
AUD	Dollaru Awstraljan	1,5943
CAD	Dollaru Kanadiż	1,4591
HKD	Dollaru ta' Hong Kong	8,6851
NZD	Dollaru tan-New Zealand	1,6596
SGD	Dollaru tas-Singapor	1,5179
KRW	Won tal-Korea t'Isfel	1 312,16
ZAR	Rand ta' l-Afrika t'Isfel	15,4679
CNY	Yuan ren-min-bi Ċiniż	7,6393
HRK	Kuna Kroata	7,3839
IDR	Rupiah Indoneżjan	15 535,99
MYR	Ringgit Malażjan	4,5733
PHP	Peso Filippin	56,797
RUB	Rouble Russu	70,1249
THB	Baht Tajlandiż	34,306
BRL	Real Brażiljan	4,1771
MXN	Peso Messikan	21,1145
INR	Rupi Indjan	76,6750

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Is-sejħa għall-applikazzjonijiet tal-2019

għall-“Premju Altiero Spinelli għall-Komunikazzjoni”

(2019/C 251/02)

Għat-tielet sena konsekuttiva, id-Direttorat Ġenerali tal-Kummissjoni Ewropea għall-Edukazzjoni, iż-Żgħażagħ, il-Kultura u l-Isport nieda Sejħa għall-Applikazzjonijiet għall-“Premju Altiero Spinelli għall-Komunikazzjoni” tal-Unjoni Ewropea.

Din is-sejħa qed issir bil-għan li tippremja l-aqwa xogħlijiet li jtejbu l-għarfien taċ-ċittadini tal-UE u li jgħinu fit-twessigħ tal-appartenenza għall-proġett Ewropew. Fl-2019 il-Premju qed jiffoka fuq iż-żgħażagħ.

Se jingħataw sa sittax-il premju ta’ EUR 25 000 kull wieħed.

Din is-sejħa hi miftuħa għal:

—	Individwi (persuni fiżiċi) li huma ċittadini tal-UE;

—	Entitajiet legali mhux governattivi li huma stabbiliti u bbażati fi Stat Membru tal-UE.

Is-sejħa mhix miftuħa għall-awtoritajiet pubbliċi.

L-applikazzjonijiet iridu jaslu sal-29 ta’ Ottubru 2019 fil-17:00 CET.

L-informazzjoni rilevanti u l-formoli tal-applikazzjoni jinsabu kollha fuq:

https://ec.europa.eu/education/resources-and-tools/funding-opportunities/altiero-spinelli-prize-for-outreach-call-for-applications-2019

Riżultati tas-sejħa għall-proposti — skema ta’ għajnuna finanzjarja EIBURS tal-Istitut tal-BEI

(2019/C 251/03)

Il-Programm ta’ Għajnuna Finanzjarja tal-BEI għar-Riċerka Universitarja (EIBURS — EIB-University Research Sponsorhip Programme) jagħmel parti mill-Programm tal-Għarfien tal-Istitut tal-BEI, li permezz tiegħu l-BEI jrawwem relazzjonijiet ma’ universitajiet u ċentri ta’ riċerka. EIBURS jipprovdi għotjiet sa massimu ta’ EUR 100 000 fis-sena għal perjodu ta’ tliet snin lil universitajiet u ċentri ta’ riċerka li jaħdmu fuq temi magħżula mill-Istitut tal-BEI u li huma ta’ interess ewlieni għall-Grupp tal-BEI. L-għotjiet jingħataw permezz ta’ proċess kompetittiv lil entitajiet interessati fl-UE, fil-pajjiżi kandidati jew fil-pajjiżi kandidati potenzjali, b’kompetenza esperta rikonoxxuta f’oqsma ta’ interess dirett għall-Grupp tal-BEI. L-għotja għandha l-għan li tgħin lill-università jew ċentri ta’ riċerka magħżula biex jespandu l-attivitajiet tagħhom f’dawn l-oqsma.

Għall-perjodu 2019-2021, il-programm EIBURS għażel żewġ suġġetti ta’ riċerka ġodda:

—	“Nibnu l-futur tal-finanzjament inklużiv: l-irwol tal-Fintechs u d-diġitalizzazzjoni”: is-sejħa għall-proposti ġiet ippubblikata fil-ĠU C 50 tat-8 ta’ Frar 2019 u l-Istitut tal-BEI rċieva 8 proposti minn 7 pajjiżi differenti,

—	“It-Tħaddin ta’ Kriterji Ambjentali, Soċjali u ta’ Governanza (ASG) fl-Analiżi u l-Klassifikazzjonijiet tal-Kreditu”: is-sejħa għall-proposti ġiet ippubblikata fil-ĠU C 57 tat-13 ta’ Frar 2019 u l-Istitut tal-BEI rċieva 10 proposti minn 7 pajjiżi differenti.

Fis-26 ta’ Ġunju 2019, il-Grupp ta’ Tmexxija Interna (GTI) tal-Istitut tal-BEI ddeċieda li jagħti:

—	L-għotja EIBURS għal “Nibnu l-futur tal-finanzjament inklużiv: l-irwol tal-Fintechs u d-diġitalizzazzjoni” lill-Università ta’ Twente (in-Netherlands),

—	L-għotja EIBURS għal “It-Tħaddin ta’ Kriterji Ambjentali, Soċjali u ta’ Governanza (ASG) fl-Analiżi u l-Klassifikazzjonijiet tal-Kreditu” lill-Università Ca’ Foscari Venezia (l-Italja).

L-applikanti kollha għaż-żewġ għotjiet EIBURS ġew infurmati b’dawn ir-riżultati direttament.

Għal informazzjoni aktar dettaljata dwar EIBURS u dwar l-inizjattivi l-oħrajn tal-Programm tal-Għarfien, jekk jogħġbok żur il-paġna tal-Programm tal-Għarfien fuq is-sit web tal-Istitut tal-BEI.

Notifika minn qabel ta’ konċentrazzjoni

(Il-Każ M.9367 — Mirova/Predica/Indigo)

(Test b'rilevanza għaż-ŻEE)

(2019/C 251/04)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Notifika minn qabel ta’ konċentrazzjoni

(Il-Każ M.9330 — Denso/Hirose)

(Test b'rilevanza għaż-ŻEE)

(2019/C 251/05)

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

Pubblikazzjoni ta’ applikazzjoni għal emenda ta’ speċifikazzjoni għal isem fis-settur tal-inbid li ssir referenza għaliha fl-Artikolu 105 tar-Regolament (UE) Nru 1308/2013 tal-Parlament Ewropew u tal-Kunsill

(2019/C 251/06)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 98 tar-Regolament (UE) Nru 1308/2013 tal-Parlament Ewropew u tal-Kunsill (1) fi żmien xahrejn mid-data ta’ din il-pubblikazzjoni.

TALBA GĦAL EMENDA TAL-ISPEĊIFIKAZZJONI TAL-PRODOTT

“IZSÁKI ARANY SÁRFEHÉR”

PDO-HU-A1341-AM02

Data tal-applikazzjoni: 15.10.2016

1.   Regoli applikabbli għall-emenda

L-Artikolu 105 tar-Regolament (UE) Nru 1308/2013 – Emenda mhux minuri

2.   Deskrizzjoni u raġunijiet għall-emenda

2.1.   Żieda tal-kategorija tal-prodott inbid spumanti

Deskrizzjoni u raġunijiet:

Emenda tat-Taqsimiet II, III, V, VI, VII u VIII tal-ispeċifikazzjoni tal-prodott u tat-taqsimiet “2.3. Kategoriji tal-prodotti tad-dwieli”, “Deskrizzjoni tal-inbid/inbejjed”, “Prattiki enoloġiċi”, “Konnessjoni maż-żona ġeografika” u “Kundizzjonijiet oħra” tad-Dokument Uniku.

Proporzjon sinifikanti ta’ nbejjed magħmulin mill-varjetà Arany sárfehér jintużaw bħala nbejjed ta’ bażi għall-inbid spumanti. Waqt l-attivitajiet ta’ żvilupp tal-prodott tagħhom, il-produtturi fiż-żona ta’ Izsák ħolqu teknika għall-produzzjoni ta’ nbid spumanti minn inbid magħmul mill-għeneb Arany sárfehér; dawn beħsiebhom jikkummerċjalizzaw il-prodott bħala nbid spumanti ta’ oriġini protetta.

2.2.   Emenda liż-żona demarkata

Deskrizzjoni u raġunijiet:

Emenda tat-Taqsima IV tal-ispeċifikazzjoni tal-prodott u tat-taqsima “Żona ġeografika demarkata” tad-Dokument Uniku.

Iż-żona demarkata qed tiġi estiża biex tinkludi ż-żoni ta’ Helvécia u Ballószög ikklassifikati fil-katast tad-dwieli bħala tal-klassi I u II. Żona ta’ 2 828 ha f’dawn iż-żewġ abitati hija inkluża fil-katast tad-dwieli, li minnhom 578 ha jintużaw għall-kultivazzjoni tal-għeneb. Dawn l-abitati jinstabu biswit Izsák, Ágasegyháza u Orgovány. Dawn jappartjenu għaż-żona demarkata fuq il-bażi tat-tradizzjonijiet tal-kultivazzjoni tal-għeneb u l-istruttura tal-produzzjoni li evolviet tul is-sekli, u l-konfini taż-żona tal-produzzjoni eżistenti ġew aġġustati kif dovut. Il-bidla għaż-żona demarkata ma taffettwax il-konnessjoni bejn iż-żona tal-produzzjoni u l-prodott billi d-dwieli jgawdu mill-istess kundizzjonijiet ekoloġiċi f’termini ta’ ħamrija u klima; f’termini ta’ lokazzjoni, dawn huma konnessi direttament.

Iż-żona demarkata għad-DOP Izsáki tinkludi ż-żoni li ġejjin tal-abitati li ġejjin ikklassifikati fil-katast tad-dwieli bħala tal-klassi I u II: Ágasegyháza, Ballószög, Fülöpháza, Fülöpszállás, Helvécia, Izsák, Kunszentmiklós, Orgovány, Páhi u Szabadszállás.

2.3.   Użu tat-terminu tradizzjonali

Deskrizzjoni u raġunijiet:

Emenda għall-punt 2.2 tat-Taqsima VIII tal-ispeċifikazzjoni tal-prodott u l-partijiet tat-Taqsima 2.9 tad-Dokument Uniku dwar “Kundizzjonijiet oħra” u “termini tradizzjonali”.

L-espressjoni tradizzjonali “nbid ta’ oriġini protetta” tista’ tintuża minflok l-espressjoni “denominazzjoni ta’ oriġini protetta”.

2.4.   Tneħħija tad-dispożizzjonijiet dwar il-vitikultura għat-taqsima “Prattiki enoloġiċi speċifiċi”

Deskrizzjoni u raġunijiet:

It-trasferiment ta’ ċertu partijiet mhux emendati mit-Taqsima VIII għat-Taqsima III tal-ispeċifikazzjoni tal-prodott.

Din hija emenda teknika; din issolvi l-frammentazzjoni tad-deskrizzjoni oriġinali u terġa’ tiġbor mill-ġdid b’mod loġiku l-informazzjoni relatata taħt l-istess taqsima.

Din l-emenda m’għandha l-ebda impatt fuq id-dokument uniku.

DOKUMENT UNIKU

1.   L-isem tal-prodott

Izsáki Arany Sárfehér

2.   Stat Membru

L-Ungerija

3.   Tip ta’ indikazzjoni ġeografika

DOP – denominazzjoni ta’ oriġini protetta

4.   Kategoriji tal-prodotti tad-dwieli

1.

Inbid

4.

Inbid spumanti

5.   Deskrizzjoni tal-inbid/inbejjed

Inbid abjad

Inbid abjad newtrali b’lewn aħdar ċar jew lewn it-tiben ċar b’aromi diskreti ta’ frott (sfarġel u lanġas selvaġġ) u fjuri selvaġġi, riħa tipika taż-żona tal-produzzjoni, il-varjetà tal-għenba u l-metodu tal-produzzjoni, u aċidità karatteristika u qawwa alkoħolika moderata. Inbid xott jew nofsu misjur, skont il-kontenut ta’ zokkor.

Karatteristiċi analitiċi ġenerali
Qawwa alkoħolika totali massima (f’% tal-volum) (*1)
Qawwa alkoħolika proprja minima (f’% tal-volum)	9,87
Aċidità totali minima	4,5 g/l, espressa bħala aċidu tartariku
Aċidità volatili massima (f’milliekwivalenti għal kull litru) (*1)	18
Total massimu ta’ diossidu tal-kubrit (f’milligrammi għal kull litru)	200

Inbid abjad spumanti

Inbid spumanti limpidu u jleqq b’lewn aħdar ċar jew lewn it-tiben ċar bi fwieħa, struttura deċiżament aċiduża u ħeffa delikata tipiċi tal-varjetà, togħma u aroma karatteristika tal-frott, freskezza, diossidu tal-karbonju distribwit b’mod fin, u effervexxenza li ddum. Dan huwa xott ħafna jew xott, skont il-kontenut ta’ zokkor.

Karatteristiċi analitiċi ġenerali
Qawwa alkoħolika totali massima (f’% tal-volum) (*2)
Qawwa alkoħolika proprja minima (f’% tal-volum)	9,87
Aċidità totali minima	5,0 g/l, espressa bħala aċidu tartariku
Aċidità volatili massima (f’milliekwivalenti għal kull litru) (*2)
Total massimu ta’ diossidu tal-kubrit (f’milligrammi għal kull litru)	235

6.   Prattiki enoloġiċi

a.   Prattiki enoloġiċi essenzjali

Rekwiżiti dwar il-produzzjoni tal-inbid

Restrizzjoni rilevanti għall-produzzjoni tal-inbejjed

INBID

—	għeneb miġbur bl-idejn,

—	l-għeneb irid jiġi pproċessat f’jum il-ħsad;

—	l-għasir jista’ jsir biss f’lottijiet;

—	purifikazzjoni tal-most;

—	fermentazzjoni kontrollata tal-most f’temperatura massima ta’ 15 °C, f’kantina mibnija jew naturali.

INBID SPUMANTI

—	fermentazzjoni fil-fliexken jew kontenituri għal mill-inqas tliet xhur,

—	fermentazzjoni ulterjuri f’kontenituri għal mill-inqas sitt xhur,

—	fermentazzjoni fil-fliexken għal mill-inqas tliet xhur.

L-istadji kollha tal-prattiki enoloġiċi mniżżla għal INBID SPUMANTI jridu jitwettqu b’mod konsekuttiv fl-ordni applikabbli.

Is-sistema ta’ tkabbir, spazjar u l-ammont ta’ blanzuni tad-dwieli

Is-sistema ta’ tkabbir tad-dwieli

Is-sistemi ta’ tkabbir li jistgħu jintużaw: tkabbir bil-kuruna, bil-kurdun fil-baxx jew bil-kurdun fl-għoli.

Id-densità tad-dwieli: mill-inqas 4 000 dielja/ha; distanza bejn id-dwieli ta’ mill-inqas 0,8 m.

Biċċiet bl-għeruq biss jistgħu jintużaw bħala materjal tal-propagazzjoni meta tkun qed tiġi stabbilita vinja u meta jiġu sostitwiti dwieli li jkunu ntilfu.

Ir-rata ta’ dwieli neqsin u l-proporzjon ta’ dwieli barranin kombinati f’vinja ma jridux jaqbżu l-10 % tal-għadd ta’ vinji meta ssir il-pjantazzjoni.

L-iffissar tad-data tal-ħsad

(a)	Id-data tal-bidu għall-ħsad tiġi ffissata permezz tal-bord tal-Komunità tal-Inbid Izsák fuq il-bażi ta’ ħsad ta’ prova li jitwettaq kull ġimgħa mill-1 ta’ Awwissu.

(b)	Kull prodott magħmul mill-għeneb maħsud qabel id-data tal-bidu tal-ħsad iffissata mill-komunità tal-inbid ma jistax jingħata ċertifikat ta’ oriġini għal inbid bit-tikketta DOP Izsák u ma jistax jiġi kkummerċjalizzati bit-tikketta DOP Izsák.

(c)	Id-data tal-ħsad tiġi ppubblikata fil-forma ta’ avviż mill-komunitajiet tal-inbid.

INBID

Il-kontenut minimu ta’ zokkor naturali tal-għeneb huwa 16,0 MM°.

Il-qawwa alkoħolika potenzjali minima tal-għeneb hija 9,87 % vol.

INBID SPUMANTI

Il-kontenut minimu ta’ zokkor naturali tal-għeneb huwa 14,0 MM°.

Il-qawwa alkoħolika potenzjali minima tal-għeneb hija 8,42 % vol.

Għeneb miġbur bl-idejn biss.

b.   Rendimenti massimi

Inbid

100 ettolitru għal kull ettaru

Inbid

14 300 kg ta’ għeneb għal kull ettaru

Inbid spumanti

100 ettolitru għal kull ettaru

Inbid spumanti

14 300 kg ta’ għeneb għal kull ettaru

7.   Iż-żona ġeografika demarkata

Deskrizzjoni taż-żona demarkata

żoni tal-abitati li ġejjin ikklassifikat fil-katast tal-vinji bħala tal-klassi I u II: Ágasegyháza, Ballószög, Fülöpháza, Fülöpszállás, Helvécia, Izsák, Kunszentmiklós, Orgovány, Páhi u Szabadszállás

8.   Il-varjetà/varjetajiet tad-dwieli ewlenin tal-inbid

arany sárfehér - huszár szőlő

9.   Deskrizzjoni tar-rabta/rabtiet

INBID

1.   Deskrizzjoni taż-żona demarkata:

(a)   Fatturi naturali u kulturali:

Iż-żona demarkata tinsab bejn ix-xmajjar tad-Danubju u Tisza. Il-karatteristiċi ambjentali taż-żona tal-produzzjoni huma determinati l-aktar mil-lokazzjoni fil-pjanura tagħha. Il-maġġor parti taż-żona hija inqas minn 120 m ‘il fuq mil-livell tal-baħar. It-terren huwa ċatt, b’differenzi fl-elevazzjoni ta’ mhux iktar minn 10-15-il m.

Il-ħamrija taż-żona tal-produzzjoni tvarja ftit, bil-maġġor parti taż-żona magħmula minn ħamrija ramlija kalkarja (humus u ħamrija miġjuba mir-riħ), ħamrija tal-praterija sottostanti u rqajja okkażjonali ta’ loess kalkarju. Il-ħamrija ramlija tipikament tisħon malajr, il-kuluri jgħajtu tagħha jirriflettu aħjar id-dawl tax-xemx, li jgħin l-għeneb jimmaturaw; Minħabba l-kontenut ta’ kwarz tagħha ta’ iktar minn 75 %, il-ħamrija hija immuni għall-filossera. Il-kapaċità tan-nutrijenti u l-kontenut ta’ minerali tagħha huma iktar baxxi.

Il-kundizzjonijiet klimatiċi taż-żona tal-produzzjoni huma determinati mill-klima kontinentali, karatterizzata l-aktar minn sjuf sħan u xtiewi kesħin. Minħabba l-kundizzjonijiet klimatiċi kif ukoll l-art ċatta u l-elevazzjoni relattivament baxxa, huwa possibbli li jkun hemm il-ġlata fix-xitwa f’ċerti snin, iżda l-glata tista’ sseħħ ukoll fir-rebbiegħa u l-ħarifa. It-temperatura medja hija madwar 10-11 °C. L-għadd medju ta’ sigħat ta’ xemx huwa ta’ 2 000 siegħa fis-sena. Il-preċipitazzjoni annwali medja hija 450-500 mm, li fil-biċċa l-kbira tissodisfa l-ħtiġijiet tal-għeneb, għalkemm b’distribuzzjoni annwali mhux bilanċjata. Iż-żona għandha provvista tal-ilma tajba u l-water table tinsab viċin tal-wiċċ, li huwa kkumpensat mil-lag Kolon-tó, li huwa fattur ewlieni fid-determinazzjoni tad-disponibbiltà tal-ilma ta’ taħt l-art.

(b)   Fatturi umani:

Il-varjetà ta’ għenba tipika taż-żona demarkata hija l-Arany sárfehér, li kienet intgħażlet minn vinja lokali fl-1873. L-isem tal-varjetà nbidel diversi drabi (izsáki sárfehér - 1873, izsáki - 1967, Arany sárfehér - 1999).

Ġiet żviluppata sistema ta’ tkabbir li hija adattata b’mod speċjali għall-varjetà. Id-dwieli huma mkabbrin bil-kuruna, b’ammont żgħir ta’ blanzuni u żbir li jħalli xpruni qosra u lixxi. Sabiex jiġu mkabbrin b’dan il-mod, id-dwieli jridu jkunu f’kundizzjoni tajba, u din tinżamm permezz tal-applikazzjoni regolari ta’ fertilizzant organiku. Is-sistema ta’ tkabbir bil-kuruna tintuża fuq il-ġnub tal-għoljiet li jisporġu ’l fuq mill-pjanura; hawnhekk, il-produzzjoni hija ristretta u fiha jintuża ż-żbir tal-ixpruni marbutin.

2.   Deskrizzjoni tal-inbejjed:

Lewn aħdar ċar jew ta’ tiben ċar, b’aroma speċifika li ġejja mill-varjetà tal-għenba li hija reminixxenti tal-isfarġel, il-lanġas selvaġġ u pjanti mediċinali.

L-inbid huwa rikk, b’togħma notevolment aċiduża, ta’ qawwa alkoħolika moderata u huwa newtrali.

3.   Preżentazzjoni u turija tar-rabta kawżali

Primarjament minħabba l-water table li tinsab viċin tal-wiċċ u l-partikularitajiet tal-ħamrija ramlija, l-ambjent għandu impatt sinifikanti fuq il-karatteristiki tal-inbejjed magħmulin mill-għeneb Arany sárfehér. Dan il-karattru distintiv ifisser l-iktar inbejjed b’kompożizzjoni aċiduża speċifika u aċidità għolja, u qawwa alkoħolika moderata.

L-inbejjed għandhom kontenut ta’ minerali iktar baxx tipiku tal-ħamrija ramlija.

L-inbejjed taż-żona tal-produzzjoni huma l-aktar inbejjed b’maturazzjoni qasira.

It-tradizzjonijiet assoċjati mal-Arany sárfehér, bħala l-varjetà ta’ għenba l-aktar importanti taż-żona tal-produzzjoni, huma dovuti għal-lokaliżmu passjonat, l-entużjażmu u l-persistenza tal-poplu ta’ Izsák u, l-aktar, għax-xogħol siewi u notevoli minn László Kostka.

It-teknoloġiji riduttivi jistgħu jintużaw grazzi għall-iżviluppi teknoloġiċi kontinwi li seħħew fl-intrapriżi tal-produzzjoni tal-inbid ta’ Izsák.

Il-varjetà hija adatta ħafna għall-ambjent taż-żona; il-fertilità tagħha u l-kwalità tal-ħsad jipprovdu l-bażi għall-impjieg u l-għajxien tal-poplu lokali.

INBID SPUMANTI

1.   Deskrizzjoni taż-żona demarkata

(a)   Fatturi naturali u kulturali:

Iż-żona demarkata tinsab bejn il-xmajjar tad-Danubju u Tisza. Il-karatteristiki ambjentali taż-żona tal-produzzjoni huma determinati l-aktar mil-lokazzjoni fil-pjanura tagħha. Il-maġġor parti taż-żona hija inqas minn 120 m ‘il fuq mil-livell tal-baħar. It-terren huwa ċatt, b’differenzi fl-elevazzjoni ta’ mhux iktar minn 10-15 m. Il-ħamrija taż-żona tal-produzzjoni tvarja ftit, bil-maġġor parti taż-żona magħmula minn ħamrija ramlija kalkarja (humus u ħamrija miġjuba mir-riħ), ħamrija tal-praterija sottostanti u rqajja’ okkażjonali ta’ loess kalkarju. Il-ħamrija ramlija tipikament tisħon malajr, il-kuluri jgħajtu tagħha jirriflettu aħjar id-dawl tax-xemx, li jgħin l-għeneb jimmatura; minħabba l-kontenut ta’ kwarz tagħha ta’ iktar minn 75 %, il-ħamrija hija immuni għall-filossera. Il-kapaċità tan-nutrijenti u l-kontenut ta’ minerali tagħha huma iktar baxxi.

Il-kundizzjonijiet klimatiċi taż-żona tal-produzzjoni huma determinati mill-klima kontinentali, karatterizzata l-aktar minn sjuf sħan u xtiewi kesħin. Minħabba l-kundizzjonijiet klimatiċi kif ukoll l-art ċatta u l-elevazzjoni relattivament baxxa, huwa possibbli li jkun hemm il-ġlata fix-xitwa f’ċerti snin, iżda l-ġlata tista’ sseħħ ukoll fir-rebbiegħa u l-ħarifa. It-temperatura medja hija madwar 10-11 °C. L-għadd medju ta’ sigħat ta’ xemx huwa ta’ 2 000 siegħa fis-sena. Il-preċipitazzjoni annwali medja hija 450-500 mm, li fil-biċċa l-kbira tissodisfa l-ħtiġijiet tal-għeneb, għalkemm b’distribuzzjoni annwali mhux bilanċjata. Iż-żona għandha provvista tal-ilma tajba u l-wiċċ tal-ilma ta’ taħt l-art huwa viċin tal-wiċċ, li huwa kkumpensat mil-lag Kolon-tó, li huwa fattur ewlieni fid-determinazzjoni tad-disponibbiltà tal-ilma ta’ taħt l-art.

(b)   Fatturi umani:

Bil-kompożizzjoni aċiduża speċifika, l-aċidità għolja, in-newtralità u l-qawwa alkoħolika moderata tiegħu, l-inbid huwa ideali għall-produzzjoni tal-inbid spumanti. L-inbid spumanti ilu jiġi prodott hawnhekk sa mill-1972. L-inbejjed spumanti prodotti hawnhekk huma l-inbid spumanti IZSÁKI ARANY SÁRFEHÉR, magħmul kompletament minn inbid prodott mill-Arany sárfehér, varjetà ta’ għenba b’karattru distintiv li titkabbar fiż-żona.

2.   Deskrizzjoni tal-inbejjed:

Inbid spumanti limpidu u jleqq b’lewn aħdar ċar jew lewn it-tiben ċar bi fwieħa, struttura deċiżament aċiduża u ħeffa delikata tipiċi tal-varjetà, togħma u aroma karatteristika tal-frott, freskezza, diossidu tal-karbonju distribwit b’mod fin, u effervexxenza li ddum. Dan huwa xott ħafna jew xott, skont il-kontenut ta’ zokkor.

3.   Preżentazzjoni u turija tar-rabta kawżali

Primarjament minħabba l-water table li tinsab viċin tal-wiċċ u l-partikularitajiet tal-ħamrija ramlija, il-ħamrija u l-klima għandhom impatt sinifikanti fuq il-karatteristiki tal-inbejjed spumanti magħmulin mill-għeneb Arany sárfehér.

Il-ħamrija kalkarja tagħti lill-inbid spumanti kompożizzjoni skwiżita u deċiżament aċiduża.

L-ilma ta’ taħt l-art viċin tal-wiċċ li jinsab fil-ħamrija ramlija joħloq inbid spumanti ħafif u delikat.

Is-somma tas-sħana mkejla matul il-perjodu tal-veġetazzjoni u l-effett pożittiv tal-għadd ta’ sigħat ta’ dawl tax-xemx jgħinu l-għeneb jimmaturaw, li jagħti lill-inbid spumanti t-togħma tal-frott tiegħu.

L-ipproċessar tal-għeneb b’teknoloġija riduttiva rapida mhux biss jippreserva l-aromi rinfreskanti tal-varjetà, iżda jipprovdi ukoll il-kulur eleganti tagħha.

L-aroma mill-awtoliżi ffurmata matul il-produzzjoni tal-inbid spumanti hija diskreta.

10.   Kundizzjonijiet oħra essenzjali

Regoli dwar l-indikazzjonijiet

Qafas ġuridiku:

Fil-leġiżlazzjoni nazzjonali

Tip ta’ kundizzjoni oħra:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

Jista’ jintuża t-terminu tradizzjonali “nbid ta’ oriġini protetta”.

L-isem tal-abitat jew ta’ unità ġeografika iżgħar ma jistax jidher fuq it-tikketta.

L-ismijiet tal-lokalitajiet jistgħu jidhru flimkien mad-denominazzjoni ta’ oriġini protetta Izsáki Arany Sárfehér.

—	Izsák — Gedeon

—	Izsák — Szajor

—	Izsák — Kisizsák

—	Izsák — Páskom

—	Izsák — Osztály

L-isem ta’ lokalità jista’ jintuża biss jekk 100 % tal-inbid ikun ġie prodott f’dik il-lokalità.

Il-marka ta’ ċertifikazzjoni maħruġa mill-Komunità tal-Inbid Izsák trid tidher fil-preżentazzjoni.

Link għall-ispeċifikazzjoni tal-prodott

http://boraszat.kormany.hu/download/6/5b/52000/Izsaki%20Arany%20Sarfeher_v2.pdf

---

(1)  ĠU L 347, 20.12.2013, p. 671.

(*1)  qawwa alkoħolika totali massima skont il-leġiżlazzjoni fis-seħħ rilevanti.

(*2)  qawwa alkoħolika totali massima u aċidità volatili massima skont il-leġiżlazzjoni fis-seħħ rilevanti.

Rettifika tal-Pubblikazzjoni ta’ applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

( Il-Ġurnal Uffiċjali tal-Unjoni Ewropea C 132 tat-13 ta’ April 2018 )

(2019/C 251/07)

F’paġna 18, fil-punt 3.5, fir-raba’ paragrafu,

minflok:

aqra: