INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

24.6.2019

Il-Ġurnal Uffiċjali tal-Unjoni Ewropea

C 212/1

Rata tal-kambju tal-euro (1)

Il-21 ta’ Ġunju 2019

(2019/C 212/01)

1 euro =

	Munita	Rata tal-kambju
USD	Dollaru Amerikan	1,1316
JPY	Yen Ġappuniż	121,64
DKK	Krona Daniża	7,4657
GBP	Lira Sterlina	0,89425
SEK	Krona Żvediża	10,6308
CHF	Frank Żvizzeru	1,1107
ISK	Krona Iżlandiża	141,50
NOK	Krona Norveġiża	9,6860
BGN	Lev Bulgaru	1,9558
CZK	Krona Ċeka	25,609
HUF	Forint Ungeriż	323,97
PLN	Zloty Pollakk	4,2584
RON	Leu Rumen	4,7239
TRY	Lira Turka	6,5806
AUD	Dollaru Awstraljan	1,6386
CAD	Dollaru Kanadiż	1,4928
HKD	Dollaru ta' Hong Kong	8,8424
NZD	Dollaru tan-New Zealand	1,7261
SGD	Dollaru tas-Singapor	1,5362
KRW	Won tal-Korea t'Isfel	1 314,41
ZAR	Rand ta' l-Afrika t'Isfel	16,2178
CNY	Yuan ren-min-bi Ċiniż	7,7792
HRK	Kuna Kroata	7,4013
IDR	Rupiah Indoneżjan	15 987,00
MYR	Ringgit Malażjan	4,7002
PHP	Peso Filippin	58,253
RUB	Rouble Russu	71,5191
THB	Baht Tajlandiż	34,859
BRL	Real Brażiljan	4,3357
MXN	Peso Messikan	21,5698
INR	Rupi Indjan	78,6985

(1) Sors: rata tal-kambju ta' referenza ppubblikata mill-Bank Ċentrali Ewropew.

24.6.2019

Il-Ġurnal Uffiċjali tal-Unjoni Ewropea

C 212/2

Netwerking ta’ organizzazzjonijiet li jaħdmu fl-oqsma tal-missjoni tal-Awtorità Ewropea dwar is-Sigurtà fl-Ikel (EFSA)

(2019/C 212/02)

Ir-Regolament (KE) Nru 178/2002 (1), l-Artikolu 36(2), jipprevedi li “Il-Bord tal-Amministrazzjoni” tal-Awtorità Ewropea dwar is-Sigurtà fl-Ikel, “waqt li jaġixxi fuq proposta mid-Direttur Eżekuttiv, għandu jħejji lista li għandha tiġi ppubblikata ta’l-organizzazzjonijiet kompetenti nnominati mill-Istati Membri li jistgħu jgħinu lill-Awtorità, jew individwalment jew f’networks, fil-missjoni tagħha.”

Din il-lista l-ewwel ġiet imħejjija mill-Bords tal-Amministrazzjoni tal-EFSA fid-19 ta’ Diċembru 2006, u minn dakinhar:

i.	qiegħda tiġi aġġornata regolarment, abbażi tal-proposti tad-Direttur Eżekuttiv tal-EFSA, waqt li jitqiesu r-reviżjonijiet jew proposti ta’ deżinjazzjoni ġodda mill-Istati Membri (skont ir-Regolament tal-Kummissjoni (KE) Nru 2230/2004, l-Artikolu 2(4) (2));

ii.	ippubblikata fuq is-sit web tal-EFSA, fejn hi ppubblikata l-aħħar lista aġġornata ta’ organizzazzjonijiet kompetenti; u

iii.	disponibbli permezz tal-Għodda tat-Tfittxija tal-Artikolu 36 lill-organizzazzjonijiet, u li tipprovdi d-dettalji ta’ kuntatt u l-oqsma speċifiċi ta’ kompetenza tal-organizzazzjonijiet.

Din l-informazzjoni rispettiva hi disponibbli fuq is-sit web tal-EFSA, fil-links li ġejjin:

i.	l-aħħar emenda ta’ din il-lista ta’ organizzazzjonijiet kompetenti mill-Bord tal-Amministrazzjoni tal-EFSA fl-[14/12/2016] — [http://www.efsa.europa.eu/en/events/event/161214-0];

ii.	il-lista aġġornata ta’ organizzazzjonijiet kompetenti — http://www.efsa.europa.eu/sites/default/files/assets/art36listg.pdf; u

iii.	Għodda tat-Tfittxija tal-Artikolu 36 — http://www.efsa.europa.eu/art36/search

L-EFSA se żżomm din in-notifika aġġornata, speċifikament fir-rigward tal-links tas-sit web ipprovduti.

Għal aktar informazzjoni jekk jogħġbok ikkuntattja lil Cooperation.Article36@efsa.europa.eu.

(1) Ir-Regolament (KE) Nru 178/2002 tal-Parlament Ewropew u tal-Kunsill tat-28 ta’ Jannar 2002 li jistabbilixxi l-prinċipji ġenerali u l-ħtiġijiet tal-liġi dwar l-ikel, li jistabbilixxi l-Awtorità Ewropea dwar is-Sigurtà fl-Ikel u jistabbilixxi l-proċeduri fi kwistjonijiet ta’ sigurtà tal-ikel (ĠU L 31, 1.2.2002, p. 1).

(2) Ir-Regolament tal-Kummissjoni (KE) Nru 2230/2004 tat-23 ta’ Diċembru 2004 li jindika termini ta’ applikazzjoni tar-Regolament 178/2002 f’dak li għandu x’jaqsam max-xibka ta’ organizzazzjonijiet li jaħdmu fl-oqsma li jiddependu mill-missjoni tal-Awtorità Ewropea għas-Sigurtà fl-Ikel (ĠU L 379, 24.12.2004, p. 64), kif l-aħħar emendat.

24.6.2019

Il-Ġurnal Uffiċjali tal-Unjoni Ewropea

C 212/3

Notifika minn qabel ta’ konċentrazzjoni

(Il-Każ M.9404 — Goldman Sachs/B&B Hotels)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2019/C 212/03)

Fis-17 ta’ Ġunju 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	The Goldman Sachs Group Inc. (“Goldman Sachs,” l-Istati Uniti tal-Ameika),

—	Financière Sun SAS (“Financière Sun”, Franza), tħaddem l-katina B&B Hotels, ikkontrollata minn PAI Partners.

Goldman Sachs, takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ Financière Sun kollha kemm hi, is-sid tal-katina B&B Hotels.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

— Goldman Sachs: ditta ta’ servizzi bankarji dinjija għall-investiment, titoli u ġestjoni tal-investimenti. Waħda mill-kumpanija ta’ portafoll ikkontrollati minn Goldman Sachs hija K+K Hotels, kumpanija tal-lukandi bil-boutique li tħaddem 10 lukandi fi tmien ibliet fl-UE: Munich, Vjenna, Praga, Barċellona, Londra, Pariġi, Budapest u Bucharest.

— Financière Sun: tħaddem il-katina B&B Hotels. B&B Hotels hija kumpanija Franċiża ta’ lukandi bil-kwartieri ġenerali fi Brest, Franza, b’portafoll ta’ 476 lukanda f’10 Stati Membri tal-UE (l-Awstrija, il-Belġju, iċ-Ċekja, Franza, il-Ġermanja, l-Italja, il-Polonja, il-Portugall, is-Slovenja u Spanja), u fl-Iżvizzera u l-Brażil.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

F’konformità mal-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9404 — Goldman Sachs/B&B Hotels

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz postali:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

		ISSN 1977-0987
Il-Ġurnal Uffiċjali tal-Unjoni Ewropea		C 212

Edizzjoni bil-Malti	Informazzjoni u Avviżi	Volum 62 24 ta' Ġunju 2019

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2019/C 212/03	Notifika minn qabel ta’ konċentrazzjoni (Il-Każ M.9404 — Goldman Sachs/B&B Hotels) — Każ li jista’ jiġi kkunsidrat għal proċedura ssimplifikata ( 1 )	3

Werrej		Paġna
	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2019/C 212/01	Rata tal-kambju tal-euro	1
	Awtorità Ewropea għas-Sigurtà fl-Ikel
2019/C 212/02	Netwerking ta’ organizzazzjonijiet li jaħdmu fl-oqsma tal-missjoni tal-Awtorità Ewropea dwar is-Sigurtà fl-Ikel (EFSA)	2


	(1) Test b'rilevanza għaż-ŻEE.