Artikolu Uniku

L-applikazzjoni għall-approvazzjoni ta’ emenda mhux minuri fl-Ispeċifikazzjoni tal-Prodott, kif jissemma fl-ewwel subparagrafu tal-Artikolu 10(1) tar-Regolament ta’ Implimentazzjoni tal-Kummissjoni (UE) Nru 668/2014, inkluż id-Dokument Uniku emendat u r-referenza għall-pubblikazzjoni tal-Ispeċifikazzjoni tal-Prodott rilevanti, għall-isem irreġistrat “Banon” (DOP), tinsab fl-Anness ta’ din id-Deċiżjoni.

Skont l-Artikolu 51 tar-Regolament (UE) Nru 1151/2012, il-pubblikazzjoni ta’ din id-Deċiżjoni għandha tagħti d-dritt ta’ oppożizzjoni għall-emenda kif jissemma fl-ewwel paragrafu ta’ dan l-Artikolu fi żmien tliet xhur mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea.

ANNESS

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TA’ DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA

Applikazzjoni għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“BANON”

Nru tal-UE: PDO-FR-0290-AM02 – 10.1.2018

DOP ( X ) IĠP ( )

1.   Grupp applikant u interess leġittimu

Il-grupp huwa magħmul minn produtturi tal-ħalib u minn dawk li jipproċessaw u jieħdu ħsieb il-maturazzjoni, u għaldaqstant għandu d-dritt leġittimu li jitlob emendi fl-Ispeċifikazzjoni.

2.   Stat membru jew pajjiż terz

Franza

3.   Intestatura fl-ispeċifikazzjoni tal-prodott affettwata mill-emenda/i

4.   Tip ta’ emenda/i

5.   Emenda/i

5.1.   Isem

Fl-intestatura “Isem il-prodott”, id-dispożizzjoni li ġejja:

hija ssostitwita bi:

“Banon”

Il-paragrafu li ġej tħassar:

L-isem tad-DOP hija meqjusa suffiċjenti f’din l-intestatura tal-Ispeċifikazzjoni tal-Prodott.

5.2.   Deskrizzjoni tal-prodott

Id-dispożizzjoni “Il-qoxra tiegħu hija ta’ lewn isfar fil-krema taħt il-weraq” hija sostitwita bi “Il-qoxra tiegħu hija ta’ lewn isfar fil-krema jew lewn il-bronż taħt il-weraq”.

Rigward il-kulur tal-qoxra taħt il-weraq, il-lewn “isfar fil-krema” huwa kompletat bil-kliem “jew lewn il-bronż” biex jikkaratterizza aħjar il-prodott.

Ġie miżjud il-paragrafu li ġej:

Dawn id-dettalji ġejjin mill-ħidma tal-kummissjoni li wettqet l-eżami organolettiku tal-prodott.

Dawn l-emendi saru wkoll fid-Dokument Uniku.

5.3.   Żona ġeografika

Fl-intestatura “Definizzjoni fil-qosor taż-żona ġeografika”, il-lista tal-muniċipalitajiet taż-żona ġeografika ġiet aġġornata wara bidliet fl-ismijiet ta’ ċerti muniċipalitajiet taż-żona ġeografika. Il-perimetru ma nbidilx.

5.4.   Prova tal-oriġini

L-obbligu li jinżamm reġistru għall-kwantitajiet ta’ ħalib mixtrija tneħħa għall-operaturi “bdiewa” peress li r-regolamenti nazzjonali ma jippermettulhomx li jixtru l-ħalib. Madankollu dan inżamm għall-operaturi li mhumiex bdiewa.

5.5.   Metodu ta’ produzzjoni

—   ir-razza tal-mogħoż:

Il-paragrafu li ġej tħassar:

Il-paragrafu li ġej:

għandu jinbidel bi:

L-iskadenzi fl-Ispeċifikazzjoni tal-Prodott tħassru għax inqabżu.

Dawn id-dispożizzjonijiet tħassru wkoll mis-sommarju.

—   żmien minimu ta’ ragħa u żmien minimu li matulu l-mogħoż iridu jsibu l-ikel gross tagħhom mir-ragħa:

Il-paragrafu li ġej:

huwa sostitwit bi:

Il-kliem “żona ġeografika” huwa aktar preċiż minn “żona” u jippermetti kontroll aktar faċli.

Din l-emenda saret ukoll fid-Dokument Uniku.

Id-dispożizzjonijiet

u

huma mħassra darba.

Il-perjodu minimu ta’ ragħa u dak li matulu l-mogħoż iridu jsibu l-ikel gross tagħhom mir-ragħa, ippreżentati darbtejn fl-Ispeċifikazzjoni tal-Prodott, tneħħew biex tiġi evitata r-ripetizzjoni.

Dawn l-emendi saru wkoll fid-Dokument Uniku.

—   limitazzjoni ta’ għoti ta’ għalf mill-mejjilla:

Is-sentenza

tneħħiet peress li din is-sentenza ma żżid xejn mal-valuri massimi ta’ limitazzjoni li diġà tinsab fl-Ispeċifikazzjoni tal-Prodott.

Din l-emenda saret ukoll fid-Dokument Uniku.

—   razzjon supplimentari:

Il-kliem “jew prodott sekondarju taċ-ċereali” ġie miżjud biex ma jiġix eskluż għalf kompost li t-tikketta tiegħu tispeċifika li jinkludi ċereali u prodotti sekondarji taċ-ċereali.

Din l-emenda saret ukoll fid-Dokument Uniku.

—   limitazzjoni tax-xiri ta’ għalf minn barra ż-żona ġeografika:

Is-sentenza “Huwa limitat ukoll ix-xiri ta’ għalf minn barra ż-żona” tneħħiet peress li m’għandhiex valur mixtieq u lanqas xi element ta’ limitazzjoni fattwali. Fil-fatt il-limitazzjoni tax-xiri ta’ għalf minn barra ż-żona ġeografika hija rregolata mid-dispożizzjoni li ġejja tal-Ispeċifikazzjoni tal-Prodott:

Din l-emenda saret ukoll fid-Dokument Uniku.

—   mod ta’ distribuzzjoni tax-xnien deidrat kuljum:

Id-dispożizzjoni li ġejja:

hija ssostitwita bi:

L-obbligu li x-xnien deidrat jitqassam f’darbtejn tneħħa peress li l-kwantitajiet żgħar imqassma ma jiġġustifikawx din il-prekawzjoni (li kienet iddaħħlet peress li kwantità kbira wisq ta’ nitroġenu tista’ tikkawża marda metabolika serja, l-alkalożi).

Din l-emenda saret ukoll fid-Dokument Uniku.

—   għalf ipprojbit:

Il-paragrafu:

huwa sostitwit bi:

Peress li l-valur immirat “u pjanti u żrieragħ oħrajn li jistgħu jagħtu togħma ħażina lill-ħalib” mhuwiex daqstant preċiż biex ikun faċilment kontrollabbli, dan tneħħa.

Din l-emenda saret ukoll fid-Dokument Uniku.

—   l-introduzzjoni tal-projbizzjoni ta’ OĠM:

Ġie miżjud il-paragrafu li ġej:

Din id-dispożizzjoni tippermetti li, minn naħa, jinżamm il-karattru tal-għalf tradizzjonali, u min-naħa l-oħra, jinżammu l-metodi tradizzjonali ta’ għalf tal-annimali.

Din l-emenda saret ukoll fid-Dokument Uniku.

—   il-provenjenza tal-għalf:

Il-paragrafu li ġej ġie miżjud fid-Dokument Uniku: “Rigward il-provenjenza tal-għalf, minħabba l-fatturi naturali taż-żona ġeografika, il-produzzjoni ta’ konċentrati hija diffiċli u dik tal-għalf hija limitata. Peress li l-oriġini tal-konċentrati mhijiex speċifikata, jistgħu jkunu ġejjin minn barra ż-żona ġeografika. Ir-razzjon bażiku jiġi essenzjalment miż-żona ġeografika, iżda jista’ jitqassam ukoll tiben li jkun ġej minn barra ż-żona ġeografika lill-mogħoż. Il-limitazzjoni tal-kwantità ta’ konċentrati u l-limitazzjoni tal-kwantità ta’ tiben li jista’ jiġi minn barra ż-żona ġeografika jfissru li l-parti l-kbira tal-għalf ġejja miż-żona. Fil-fatt, il-provvisti li jistgħu jiġu minn barra ż-żona ġeografika jirrappreżentaw għal kull mogħża u kull sena:

Meta wieħed iqis li mogħża għandha kapaċità medja annwali ta’ inġestjoni ta’ 1 100 kg, il-proporzjon ta’ għalf li ġej miż-żona ġeografika jirrappreżenta għalhekk mill-inqas 58 % (f’materja niexfa).”

Din iż-żieda fid-Dokument Uniku tgħin biex jintwera li l-għalf tal-mogħoż ġej l-aktar miż-żona ġeografika. Dan l-għalf ma jistax jiġi kollu miż-żona ġeografika minħabba l-fatturi naturali deskritti fil-punt “Rabta maż-żona ġeografika”.

—   it-temperatura u t-tul ta’ ħin taż-żieda tat-tames:

Il-paragrafu:

huwa sostitwit bi:

Peress li l-firxa tat-temperatura taż-żieda tat-tames hija definita strettament fl-Ispeċifikazzjoni tal-Prodott irreġistrat skont ir-Regolament (UE) Nru 1211/2013 tat-28 ta’ Novembru 2013 (bejn 29 °C u 35 °C), u l-ħalib użat huwa ħalib tal-mogħża mhux ipproċessat, il-kunċett intermedjarju ta’ temperatura tat-tisħin mill-ġdid tneħħa għaliex mhux meħtieġ: dan huwa t-tisħin mill-ġdid tal-ħalib għall-fażi taż-żieda tat-tames (li t-temperatura tagħha hija diġà speċifikata).

Id-dispożizzjoni:

hija sostitwita bi:

It-tul ta’ ħin għaż-żieda tat-tames għall-prodotti tal-ħalib ġie emendat biex l-impriżi jkunu jistgħu jadattaw l-organizzazzjoni tagħhom għaż-żmien li fih jinġabar il-ħalib u għall-iżgħar volum ta’ ħalib użat f’kull żieda tat-tames. Fil-fatt, l-iskeda attwali tal-ġbir tinvolvi l-ġbir tal-ħalib billejl. L-aħħar taħliba tinġabar għal xi s-sagħtejn u nofs ta’ filgħodu u tiġi miżjuda bit-tames fil-borma l-kbira (1 000 litru), mas-sitta u nofs ta’ filgħodu. Iżda minħabba t-tnaqqis fin-numru ta’ bdiewa involuti u l-volumi żgħar, huwa rrakkomandat li x-xogħol ta’ billejl jiġi limitat u li ż-żieda tat-tames fil-ħalib tkun tista’ ssir mit-tmienja ta’ filgħodu, fi kwantità żgħira (borom ta’ 80 l), li jista’ jtawwal il-proċess sa nofsinhar.

—   il-fażi tal-iffurmar

Il-paragrafu:

Ġie sostitwit bi:

Biex l-operaturi jkunu jistgħu jadattaw għat-tekniki l-ġodda, qed jiġi speċifikat li l-għajnuna mekkanika hija permessa waqt il-fażi tal-iffurmar (il-lifter tal-borma, it-trasportatur), iżda l-intervent tal-bniedem huwa obbligatorju għat-tqassim tal-baqta fil-forom: kwalunkwe forma ta’ ffurmar kompletament mekkaniku hija pprojbita.

—   il-fażi tat-tqattir u tat-tneħħija mill-forom

Il-paragrafu:

huwa sostitwit bi:

It-tul ta’ ħin ta’ kull fażi (bejn 18 u 48 siegħa għat-tqattir, mill-inqas 24 siegħa għat-tnixxif), kif ukoll it-temperatura tat-tnixxif (minimu ta’ 13 °C) ġew miżjuda skont l-għarfien biex jiġu rregolati l-prattiki tal-operaturi.

—   it-tul ta’ ħin tat-tmelliħ

It-tul ta’ ħin tat-tmelliħ tneħħa biex l-operaturi jkunu jistgħu jadattawh skont il-konċentrazzjoni tas-salmura użata biex jinkiseb l-istess riżultat.

—   il-fażi tal-maturazzjoni

Il-paragrafu:

“Il-maturazzjoni, li ddum mill-inqas 15-il jum wara ż-żieda tat-tames, issir fiż-żona ġeografika u tiżvolġi f’żewġ fażijiet:

huwa sostitwit bi:

“Il-maturazzjoni, li ddum mill-inqas 15-il jum wara ż-żieda tat-tames, issir f’żewġ fażijiet:

Ir-referenza għaż-żona ġeografika tneħħiet għax hija inutli f’din il-parti tal-Ispeċifikazzjoni tal-Prodott. Id-deskrizzjoni tal-qoxra ġiet imċaqalqa wara d-deskrizzjoni tal-parametri tal-fażi tal-maturazzjoni u tqabblet mal-intestatura dwar id-deskrizzjoni tal-prodott. Id-deskrizzjoni tal-qalba tneħħiet peress li dan il-kriterju li jeħtieġ il-qtugħ tal-ġobon ma jiġix ivverifikat f’dan l-istadju.

Il-paragrafu:

huwa sostitwit bi:

Minbarra l-prattika tat-tixrib fl-ispirtu tal-inbid jew fir-residwu tal-għasra, ġiet miżjuda dik tal-isprejjar bl-ispirtu tal-inbid jew bir-residwu tal-għasra, peress li t-tnejn jagħtu riżultati simili.

5.6.   Rabta

L-intestatura “Elementi li jiġġustifikaw ir-rabta mal-ambjent ġeografiku” inkitbet kollha mill-ġdid biex tintwera b’mod aktar evidenti r-rabta bejn il-“Banon” u ż-żona ġeografika tiegħu, mingħajr ma sar tibdil sostanzjali fir-rabta u lanqas ma tneħħew xi elementi. Din id-dimostrazzjoni tenfasizza b’mod partikolari r-rabta bejn l-ambjent ġeografiku Mediterranju favorevoli għat-trobbija tal-mogħoż u għar-ragħa, u l-għarfien partikolari tal-manifattura u l-maturazzjoni meħtieġa biex isir il-“Banon”.

L-ewwel parti tiddeskrivi l-ispeċifiċità taż-żona ġeografika, u tispjega l-fatturi naturali taż-żona ġeografika kif ukoll il-fatturi umani billi tenfasizza l-għarfien speċifiku tat-trobbija tal-mogħoż u tal-manifattura tal-ġobnijiet.

It-tieni parti tiddeskrivi l-ispeċifiċità tal-prodott billi tenfasizza ċerti elementi introdotti fid-deskrizzjoni tal-prodott.

Fl-aħħar nett, l-aħħar parti tispjega r-rabta kawżali, jiġifieri l-interazzjonijiet bejn il-fatturi naturali u umani u l-prodott.

Ir-rabta kollha li tidher fl-Ispeċifikazzjoni tal-Prodott tad-DOP hija ripetuta fil-punt 5 tad-Dokument Uniku.

5.7.   Tikkettar

Fl-intestatura “Regoli speċifiċi dwar it-tikkettar”, il-frażi “ta’ denominazzjoni” għall-ġobnijiet tneħħiet peress li din l-intestatura u l-Ispeċifikazzjoni tal-Prodott inġenerali jirrigwardaw biss ġobnijiet tad-denominazzjoni ta’ oriġini; għaldaqstant hija frażi inutli.

Din l-emenda saret ukoll fid-Dokument Uniku.

5.8.   Modifiki oħra

Fl-intestatura “Grupp applikant”: id-dettalji ta’ kuntatt tal-grupp ġew emendati.

Fl-intestatura “Referenzi għall-korp ta’ kontroll”, l-isem u d-dettalji tal-korpi uffiċjali ta’ kontroll ġew aġġornati. Din l-intestatura ssemmi d-dettalji ta’ kuntatt tal-awtoritajiet kompetenti ta’ kontroll Franċiżi: L-Institut national de l’origine et de la qualité (INAO) u d-Direction générale de la concurrence, de la consommation et de la répression des fraudes (DGCCRF). Ġie miżjud li l-isem u d-dettalji tal-korp ta’ ċertifikazzjoni jistgħu jiġu kkonsultati fuq is-sit tal-INAO u fuq il-bażi tad-data tal-Kummissjoni Ewropea.

It-tabella tal-punti ewlenin li jridu jiġu kkontrollati ġiet aġġornata biex tinkludi emenda introdotta (it-tneħħija tat-temperatura massima tat-tisħin mill-ġdid), u ġie miżjud punt ewlieni ieħor li jrid jiġi kkontrollat, skont l-Ispeċifikazzjoni tal-Prodott fis-seħħ, li jirrigwarda t-tip ta’ ħalib (ħalib mhux ipproċessat u sħiħ, mhux standardizzat fi proteini u xaħam)

DOKUMENT UNIKU

“BANON”

Nru tal-UE: PDO-FR-0290-AM02 – 10.1.2018

DOP ( X ) IĠP ( )

1.   Isem/Ismijiet

“Banon”

2.   Stat Membru jew pajjiż terz

Franza

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.3. Ġobon

3.2.   Deskrizzjoni tal-prodott bid-denominazzjoni msemmija fil-punt 1

Il-“Banon” huwa ġobon b’polpa ratba magħmul mill-ħalib tal-mogħża mhux imsajjar u sħiħ. Dan jinkiseb permezz tal-produzzjoni tal-baqta’ b’mod rapidu (baqta’ biż-żieda tal-kimożina). Il-ġobon maturat jitgeżwer (jiġifieri jitgħatta għal kollox b’weraq mitwi madwaru) b’weraq naturali kannella tas-siġra tal-qastan, marbut b’raffja naturali li tikkonsisti minn 6 sa 12-il fibra.

Il-“Banon”, wara mill-inqas 15-il jum ta’ maturazzjoni, li minnhom 10 ijiem ikunu taħt il-weraq, ikollu polpa omoġenja, kremuża u ratba. Il-qoxra tiegħu hija ta’ lewn isfar fil-krema jew lewn il-bronż taħt il-weraq. Huwa ġobon ikkaratterizzat minn ħjiliet ta’ annimali, l-aktar il-mogħoż, li spiss huma akkumpanjati minn irwejjaħ ta’ ammonijaka u ta’ pjanti u siġar żgħar, bi ftit imrar fl-aħħar. Il-konsistenza tiegħu hija kremuża u ddub fil-ħalq. Id-dijametru tal-ġobon bil-weraq huwa ta’ bejn 75 u 85 mm, u t-tul huwa ta’ bejn 20 u 30 mm. Il-piż nett tal-“Banon” mingħajr il-weraq u wara l-perjodu tal-maturazzjoni huwa ta’ bejn 90 u 110 g.

Il-ġobon fih ta’ mill-inqas 40 gramma ta’ materjal niexef għal 100 gramma ta’ ġobon u 40 gramma ta’ materjal xaħmi għal kull 100 gramma ta’ ġobon wara tnixxif totali.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Ir-razzjon bażiku tal-għalf tal-mogħoż jiġi essenzjalment miż-żona ġeografika. Din hija kkostitwita esklużivament mir-ragħa fil-mergħat u/jew bwar, għalf niexef ta’ legumuniżi u/jew ta’ ħaxix u/jew ta’ flora spontanja miżmuma f’kundizzjonijiet tajbin.

Meta l-kundizzjonijiet klimatiċi u l-istadju tal-veġetazzjoni jkunu jippermettu, il-mogħoż għandhom ikunu fil-mergħat u/jew fil-bwar. Huma għandhom jirgħu b’mod regolari fil-bwar u l-mergħat taż-żona għal mill-inqas 210 ijiem fis-sena.

Huma għandhom jirgħu:

Għal ta’ mill-inqas 4 xhur fis-sena għandhom jieħdu l-biċċa l-kbira tal-ikel gross tagħhom mir-ragħa.

Matul il-perjodu fejn ir-razzjon gross irid ikun ikkostitwit fil-biċċa l-kbira mir-ragħa, is-sehem ta’ tiben ma għandux jaqbeż 1,25 kg ta’ materja prima kuljum u għal kull mogħża adulta preżenti.

L-għoti tat-tiben huwa llimitat għal 600 kg ta’ materjal mhux ipproċessat għal kull mogħża adulta preżenti fis-sena.

Id-distribuzzjoni tal-għalf aħdar mill-mejjilla huwa awtorizzat biss għal 30 jum mhux konsekuttivi fis-sena.

L-għoti ta’ supplimenti huwa llimitat għal 800 g ta’ materja prima kuljum għal kull mogħża adulta preżenti u għal 270 kg ta’ materja prima fis-sena għal kull mogħża adulta preżenti.

Ir-razzjon supplimentari annwali għandu jkun kompost ta’ mill-inqas minn 60 % ċereali jew prodotti sekondarji taċ-ċereali. L-għoti ta’ xnien deidrat huwa llimitat għal 400 g ta’ materja prima kuljum għal kull mogħża adulta preżenti u għal 60 kg ta’ materja prima fis-sena għal kull mogħża adulta preżenti.

L-għoti ta’ għalf u ta’ xnien deidrat minn barra ż-żona ġeografika huwa llimitat għal 250 kg ta’ materja prima fis-sena għal kull mogħża adulta preżenti.

L-għalf miżmum fis-silo, l-għalf marbut b’qafla u l-kruċiferi tal-għalf huma pprojbiti.

Fl-għalf tal-annimali huma awtorizzati biss il-pjanti, il-prodotti sekondarji u l-għalf komplementari derivat minn prodotti mhux transġeniċi. It-tħawwil ta’ kultivazzjonijiet transġeniċi huwa projbit fl-uċuħ kollha ta’ azjenda li tipproduċi ħalib li huwa maħsub biex jiġi pproċessat f’Banon DOP. Din il-projbizzjoni hija maħsuba għal kull speċi veġetali li tista’ tingħata bħala għalf lill-annimali tal-ħalib tal-azjenda, u kull kultura ta’ speċi li tista’ tikkontaminahom.

Fl-impriża agrikola l-erja fejn tintgħalef il-merħla tal-mogħoż għandha tkun ta’ mill-inqas ettaru ta’ mergħa naturali u/jew artifiċjali għal kull tmien mogħżiet u ta’ ettaru ta’ mergħa għal kull żewġ mogħżiet.

Rigward il-provenjenza tal-għalf, minħabba l-fatturi naturali taż-żona ġeografika, il-produzzjoni ta’ konċentrati hija diffiċli u dik tal-għalf hija limitata. Peress li l-oriġini tal-konċentrati mhijiex speċifikata, jistgħu jkunu ġejjin minn barra ż-żona ġeografika. Ir-razzjon bażiku jiġi essenzjalment miż-żona ġeografika, iżda jista’ jitqassam ukoll tiben li jkun ġej minn barra ż-żona ġeografika lill-mogħoż.

Il-limitazzjoni tal-kwantità ta’ konċentrati u l-limitazzjoni tal-kwantità ta’ tiben li jista’ jiġi minn barra ż-żona ġeografika jfissru li l-parti l-kbira tal-għalf ġejja miż-żona.

Fil-fatt, il-provvisti li jistgħu jiġu minn barra ż-żona ġeografika jirrappreżentaw għal kull mogħża u kull sena:

Meta wieħed iqis li mogħża għandha kapaċità medja annwali ta’ inġestjoni ta’ 1 100 kg il-proporzjon ta’ għalf li ġej miż-żona ġeografika jirrappreżenta għalhekk mill-inqas 58 % (f’materja niexfa).

3.4.   Passi speċifiċi fil-produzzjoni li jridu jsiru fiż-żona ġeografika ddefinita

Il-produzzjoni tal-ħalib, il-manifattura, il-maturazzjoni tal-ġobon isiru fiż-żona ġeografika deskritta fil-punt 4.

3.5.   Regoli speċifiċi dwar it-tqattigħ, it-tħakkik, l-ippakkjar, eċċ. tal-prodott li għalih tirreferi d-denominazzjoni

—

3.6.   Regoli speċifiċi dwar it-tikkettar tal-prodott li għalih jirreferi l-isem

Kull ġobon jiġi kkummerċjalizzat b’tikketta individwali li tkun tinkludi l-isem tad-denominazzjoni ta’ oriġini, miktub b’karattri ta’ dimensjoni ta’ mill-inqas daqs kull karattru ieħor li jinsab fuq it-tikketta.

L-użu tas-simbolu DOP tal-Unjoni Ewropea huwa obbligatorju fit-tikkettjar tal-ġobon li jibbenefika mid-denominazzjoni ta’ oriġini protetta “Banon”.

L-isem “Banon” għandu jidher b’mod obbligatorju fuq il-fatturi u d-dokumenti kummerċjali.

4.   Deskrizzjoni fil-qosor taż-żona ġeografika

Iż-żona ġeografika hija komposta mill-communes segwenti:

Id-département ta’ Alpes-de-Haute-Provence (04)

Il-communes kollha inklużi fiż-żona: Aiglun, Allemagne-en-Provence, Archail, Aubenas-les-Alpes, Aubignosc, Banon, Barras, Beaujeu, Bevons, Beynes, Bras-d’Asse, Brunet, Céreste, Champtercier, Châteaufort, Châteauneuf-Miravail, Châteauneuf-Val-Saint-Donat, Châteauredon, Clamensane, Cruis, Curel, Dauphin, Digne-les-Bains, Draix, Entrepierres, Entrevennes, Esparron-de-Verdon, Estoublon, Fontienne, Forcalquier, Hautes-Duyes, La Javie, La Motte-du-Caire, Lardiers, La Rochegiron, Le Brusquet, Le Castellard-Mélan, Le Castellet, Le Chauffaut-Saint-Jurson, L’Escale, Les Omergues, L’Hospitalet, Limans, Malijai, Mallefougasse-Augès, Mallemoisson, Mane, Marcoux, Mézel, Mirabeau, Montagnac-Montpezat, Montfuron, Montjustin, Montlaux, Montsalier, Moustiers-Sainte-Marie, Nibles, Niozelles, Noyers-sur-Jabron, Ongles, Oppedette, Peipin, Pierrerue, Pierrevert, Puimichel, Puimoisson, Quinson, Redortiers, Reillanne, Revest-des-Brousses, Revest-du-Bion, Revest-Saint-Martin, Riez, Roumoules, Sainte-Croix-à-Lauze, Sainte-Croix-du-Verdon, Saint-Étienne-les-Orgues, Saint-Jeannet, Saint-Julien-d’Asse, Saint-Jurs, Saint-Laurent-du-Verdon, Saint-Maime, Saint-Martin-de-Brômes, Saint-Martin-les-Eaux, Saint-Michel-l’Observatoire, Saint-Vincent-sur-Jabron, Salignac, Saumane, Sigonce, Simiane-la-Rotonde, Sisteron, Sourribes, Thoard, Vachères, Valbelle, Valernes, Villemus u Volonne.

Il-communes li jinsabu parzjalment fiż-żona: Château-Arnoux-Saint-Auban, Ganagobie, Gréoux-les-Bains, La Brillanne, Les Mées, Lurs, Manosque, Montfort, Oraison, Peyruis, Valensole, Villeneuve u Volx.

Għal dawn il-communes, il-limitu taż-żona ġeografika jinsab fil-pjanti ddepożitati mal-kunsill lokali tal-communes ikkonċernati.

Id-département ta’ Hautes-Alpes (05)

Barret-sur-Méouge, Bruis, Chanousse, Val Buëch-Méouge (għat-territorju ta’ dik li qabel kienet il-commune ta’ Châteauneuf-de-Chabre), Éourres, Étoile-Saint-Cyrice, Garde-Colombe, La Piarre, Laragne-Montéglin, Le Bersac, L’Épine, Méreuil, Montclus, Montjay, Montmorin, Montrond, Moydans, Nossage-et-Bénévent, Orpierre, Ribeyret, Rosans, Saint-André-de-Rosans, Sainte-Colombe, Sainte-Marie, Saint-Pierre-Avez, Saléon, Salérans, Serres, Sigottier, Sorbiers, Trescléoux.

Id-département ta’ Drôme (26)

Aulan, Ballons, Barret-de-Lioure, Eygalayes, Ferrassières, Izon-la-Bruisse, Laborel, Lachau, La Rochette-du-Buis, Mévouillon, Montauban-sur-l’Ouvèze, Montbrun-les-Bains, Montfroc, Montguers, Reilhanette, Rioms, Saint-Auban-sur-l’Ouvèze, Séderon, Vers-sur-Méouge, Villebois-les-Pins, u Villefranche-le-Château.

Id-département ta’ Vaucluse (84)

Aurel, Auribeau, Buoux, Castellet, Gignac, Lagarde-d’Apt, Monieux, Saignon, Saint-Christol, Saint-Martin-de-Castillon, Saint-Trinit, Sault, Sivergues u Viens.

5.   Rabta maż-żona ġeografika

Il-“Banon” joriġina fl-Haute-Provence madwar il-komun ta’ Banon. Dan huwa post semi-muntanjuż niexef b’pajsaġġi magħmulin minn għoljiet u altipjani bi klima Mediterranja.

Iż-żona hija kkaratterizzata minn nuqqas ta’ ilma, l-ilma ta’ taħt l-art jinsab midfun fil-fond ħafna u l-ilma tal-wiċċ huwa soġġett għal xita eċċezzjonali u ferm irregolari kkonċentrata prinċipalment fil-ħarifa u fir-rebbiegħa, b’nuqqas kbir fis-sajf.

Iż-żona tal-“Banon” hija kkaratterizzata minn artijiet li mhumiex wisq fertili, essenzjalment tal-ġir, u permeabbli, li għandhom kapaċità eċċezzjonali li jassorbu x-xita.

Dan huwa ambjent fejn insibu taħlita ta’ veġetazzjoni tal-foresti b’densità baxxa inklużi siġar taż-żnuber, ballut, is-siġra buxus u pjanti li jfewħu, imsaġar folti u siġar baxxi mxerrda u kultivazzjonijet adattati għall-ħruxija ta’ klima tal-Provence f’altitudni medja, niexfa, xemxija, spiss pjuttost kiesħa fix-xitwa u li toffri spazji favorevoli għar-ragħa fl-aħrax ta’ merħliet ta’ mogħoż.

Il-kundizzjonijiet naturali ta’ dan ir-reġjun jispjegaw il-fatt li l-ekonomija ġenerali ta’ din iż-żona hija favorevoli għar-ragħa u għall-kultivazzjonijiet li jrendu ftit.

Għal min irabbi l-mogħoż, il-mergħat tar-ragħa u tal-għalf huma l-bażi tal-ikel tal-mogħoż. B’hekk, dawk li jrabbu l-mogħoż stabbilixxew sistema partikolari ta’ produzzjoni li tikkombina din id-diversità ta’ riżorsi naturali. Ir-ragħa tikkombina tliet tipi ta’ riżorsi: mergħat naturali, boskijiet u leguminużi rikki fin-nitroġenu. Il-biċċa l-kbira ta’ dawk li jrabbu l-mogħoż joqogħdu għassa magħhom, li jippermettilhom, skont kemm jieklu fl-aħrax u l-avvanz tal-istaġun, li jikkumplimentaw l-ikel tagħhom billi jirgħu fil-mergħat tas-sainfoin jew tax-xnien.

Provence tinsab f’żona ta’ kultura “tal-kimożina”, meta mqabbla mat-Tramuntana ta’ Franza fejn tiddomina kultura “lattika” (koagulazzjoni bil-mod ta’ madwar 24 siegħa). Sa mis-seklu XV, kienu jiġu offruti lir-Re René “ġobniet żgħar rotob, kimożini”; ir-referenza għall-kimożina hija ċara.

Tradizzjonalment, l-għarbiela użati fi Provence kien ikollhom toqob kbar, li jindika li l-baqta’ kienet miksuba bil-kimożina (baqta’ lattika “taħrab” minn dawk l-għarbiela).

Barra minn hekk, il-kisi tal-ġobon bil-weraq, li huwa partikolari għall-“Banon”, għandu żewġ għanijiet: minn naħa waħda, huwa teknika ta’ konservazzjoni, u min-naħa l-oħra, huwa teknika ta’ produzzjoni. Dan huwa pproċessar ta’ ġobon frisk li jqis kemm l-iskop li jiġi kkonservat kif ukoll li jittejjeb il-ġobon.

L-ipproċessar tal-prodott jikkonsisti prinċipalment f’li jintrabat mal-weraq tal-qastan u “jitgeżwer”. Dan il-metodu jikkaratterizza l-bidla tal-ġobna f’“Banon”. Dan il-weraq għandu rwol bħala fattur ta’ iżolament tal-arja u għandu rwol ta’ adġuvant, peress li jippermetti l-iżvilupp ta’ karatteristiċi aromatiċi tal-ġobon.

Għalkemm diversi weraq jistgħu jiġu assoċjati mal-ġobon (dielja, qastan, platanus, ġewż…), jintużaw il-weraq tal-qastan, minħabba s-sodezza tal-istruttura tagħhom u l-kwalità tat-tannin tagħhom.

L-istorja tal-“Banon” tmur lura għal tmiem is-seklu XIX. Fuq din l-art b’potenzjal agronomiku dgħajjef, il-pajżani ppruvaw japprofittaw bl-aħjar mod mir-riżorsi ambjentali naturali batuti: il-polikultivazzjoni ta’ sussistenza fuq xi ftit pakketti ta’ raba’ tajbin, u fiż-żoni aktar selvaġġi tal-foresta jew tal-art, ġbir tal-injam, annimali tal-kaċċa, faqqiegħ, frott żgħir, tartufi jew lavender. Minbarra majjal u ftit tjur, kull familja kienet trabbi wkoll merħla żgħira domestika komposta minn nagħaġ kif ukoll xi mogħoż, annimali li huma utli kemm fuq l-art, fejn jagħmlu l-aħjar użu mill-art u mill-boskijiet tal-madwar, kif ukoll mill-funzjonalità ekonomika tagħhom. Waqt li l-muntun jintuża għal-laħam, il-mogħża fil-kwalità tagħha bħala “baqra tal-fqar” qiegħda hemmhekk biex tipproduċi l-ħalib. Dak il-ħalib iservi għall-bżonnijiet tal-familja fi stat frisk u jiġi ttrasformat ukoll f’ġobon, l-uniku mod kif jista’ jiġi pprolongat il-valur nutrittiv tiegħu.

Jekk il-ġobon ikun għal użu domestiku, il-valur kummerċjali tiegħu jiġi mill-ammont żejjed tal-produzzjoni li ma kienx għall-konsum tal-familja. Dak l-ammont żejjed tal-produzzjoni b’hekk jittieħed lejn is-swieq lokali biex jinbiegħ.

Huwa f’dan il-kuntest li Banon, il-post prinċipali tal-canton u ċentru ġeografiku tal-pajjiżi ta’ Lure u Albion, salib it-toroq ta’ komunikazzjoni importanti, jieħu postu bħala l-aktar wieħed importanti minn dawn il-postijiet ta’ fieri u swieq tal-ġobon.

L-ewwel referenza għal ġobon tal-mogħoż miksi bil-weraq, assoċjat mal-isem “Banon”, tinsab fil-Cuisinière provençale ta’ Marius MORARD fl-1886.

Il-perjodu ta’ wara l-gwerra kien ikkaratterizzat mill-introduzzjoni progressiva ta’ progress tekniku fil-metodi ta’ manifattura tal-ġobon. Il-merħliet tal-mogħoż bdew isiru speċjalizzati, u kien hemm ħruġ mill-qafas tal-produzzjoni domestika: waqt li qabel il-produzzjoni tal-ġobon kienet issir prinċipalment bħala ikel għall-familja, u fuq bażi sekondarja biex jinbiegħ, f’dan l-istadju l-ġdid il-produzzjoni bdiet issir prinċipalment għall-bejgħ (waqt li ż-żejjed jintuża bħala ikel għall-familja).

Jekk wieħed jirreferi għall-istudju ta’ JM MARIOTTINI “A la Recherche d’un fromage: le ‘Banon’ - éléments d’histoire et d’ethnologie”, il-“Banon” minn dejjem kien ġobon b’teknoloġija ta’ kimożina, u jibqa’ wieħed mill-ġobnijiet rari maħduma permezz ta’ din it-teknika.

Il-“Banon” huwa ġobon b’polpa ratba magħmul mill-ħalib tal-mogħża mhux imsajjar u sħiħ. Jinkiseb permezz tal-produzzjoni tal-baqta b’mod rapidu (baqta tal-kimożina jew baqta ħelwa). Il-ġobon maturat jitgeżwer (jiġifieri jitgħatta għal kollox b’weraq naturali kannella tas-siġra tal-qastan, marbut b’raffja naturali li tikkonsisti minn 6 sa 12-il fibra).

Il-“Banon” huwa kkaratterizzat minn:

Iż-żona ġeografika tinsab taħt influwenza Mediterranja b’art mhux wisq fertili, komposta prinċipalment minn ġebel tal-ġir, li spiss jidher mill-wiċċ u ma jżommx l-ilma. Dawn l-elementi jwasslu għal veġetazzjoni kkostitwita minn xagħri kompost minn xewk, żagħrun, pruna selvaġġa, warda tal-blat, ġniebru, lavanda, ħabaq selvaġġ, sagħtar… u qastan. Dan huwa ambjent ideali għat-trobbija tal-mogħoż u l-prattika tar-ragħa.

It-teknika tal-baqta’ ħelwa hija imposta mill-kundizzjonijiet klimatiċi (temperatura għolja u nixfa tal-klima ambjentali). Effettivament, huwa impossibbli f’dan ir-reġjun, mingħajr mezzi tekniċi speċifiċi, li jiġi mkessaħ il-ħalib u li jinżamm f’temperatura baxxa, biex il-fermenti lattiċi jitħallew jaġixxu mingħajr ma jiqras. B’hekk irid jiġi attivat il-proċess li permezz tiegħu l-ħalib isir baqta’, jiġifieri l-koagulazzjoni, permezz tal-kimożina.

It-tgeżwir tal-ġobniet kien jgħin biex ikun hemm ikel għas-sena sħiħa, u b’mod partikolari l-perjodu diffiċli tax-xitwa fejn il-mogħoż ikunu xotti.

Il-“Banon” huwa r-riżultat tat-taħlita ta’ dawn il-fatturi kollha: ambjent fqir favorevoli għat-trobbija estensiva tal-mogħoż u vvalorizzat mill-bniedem, klima sħuna u niexfa li twassal naturalment għall-prattika ta’ baqta bil-kimożina, u teknika ta’ pproċessar (it-tgeżwir) li tippermetti l-konservazzjoni tal-ġobon fit-tul.

Referenza għall-pubblikazzjoni tal-Ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

https://info.agriculture.gouv.fr/gedei/site/bo-agri/document_administratif-3ab11b39-00cf-48f7-a2b3-ac5e71b90836

Artikolu uniku

L-applikazzjoni għall-approvazzjoni ta’ emenda mhux minuri fl-ispeċifikazzjoni tal-prodott imsemmija fl-ewwel subparagrafu tal-Artikolu 10(1) tar-Regolament ta’ Implimentazzjoni tal-Kummissjoni (UE) Nru 668/2014, fosthom id-Dokument Uniku emendat u r-referenza għall-pubblikazzjoni tal-ispeċifikazzjoni tal-prodott rilevanti, għall-isem irreġistrat “Beurre d’Isigny” (DOP), tinsab fl-Anness ta’ din id-Deċiżjoni.

Skont l-Artikolu 51 tar-Regolament (UE) Nru 1151/2012, il-pubblikazzjoni ta’ din id-Deċiżjoni għandha tagħti d-dritt ta’ oppożizzjoni għall-emenda msemmija fl-ewwel paragrafu ta’ dan l-Artikolu fi żmien tliet xhur mid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea.

ANNESS

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TAL-PRODOTT TA’ DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA

Applikazzjoni għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“BEURRE D’ISIGNY”

Nru tal-UE: PDO-FR-0138-AM01 – 19.10.2017

DOP ( X ) IĠP ( )

1.   Grupp applikant u interess leġittimu

Kompożizzjoni: il-grupp huwa magħmul minn produtturi tal-ħalib u minn produtturi tal-butir. Għaldaqstant, għandu d-dritt leġittimu jipproponi l-applikazzjoni għal emenda.

2.   Stat membru jew pajjiż terz

Franza

3.   Intestatura fl-ispeċifikazzjoni tal-prodott affettwata mill-emenda/i

4.   Tip ta’ emenda/i

5.   Emenda/i

5.1.    L-intestatura “Deskrizzjoni tal-prodott”

L-ispeċifikazzjoni tal-prodott li ġiet irreġistrata fl-1996 kienet tirrigwarda ż-żewġ prodotti “Beurre d’Isigny” u “Crème d’Isigny”, madankollu l-kapitolu dwar id-deskrizzjoni tal-karatteristiċi tal-prodott jiffoka biss fuq il-prodott “Beurre d’Isigny”.

Barra minn hekk, sabiex jitqiesu l-varjazzjonijiet staġonali fl-għalf tal-baqar tal-ħalib li jaffettwaw il-kulur tal-butir, twessgħet id-definizzjoni tal-kulur tal-prodott. Minflok ta’ kulur “isfar “lewn iċ-ċfolloq””, dan huwa ddefinit bħala “bejn avorju u isfar “lewn iċ-ċfolloq””. Il-konsistenza “kremuża” tiegħu hija kompluta bil-frażi “jindilek faċilment”. Biex il-prodott ikun ikkaratterizzat aħjar, tneħħiet il-kelma “aromatiċi”, li ma tantx hija deskrittiva. Minflok, ġiet deskritta t-togħma tiegħu bħala “togħma ta’ krema friska u ta’ ġellewż”. Żdied ukoll il-fatt li l-butir “jista’ jingħata konsistenza partikulari biex ikun jista’ jintuża għall-isfiljurar, sabiex jitqiesu l-użijiet kollha possibbli tal-prodott”. F’dan il-kapitolu ġie spjegat ukoll li l-butir “jista’ jkun mielaħ”, li fl-ispeċifikazzjoni tal-prodott attwali tingħad biss fit-taqsima dwar il-“Metodu ta’ produzzjoni”. Fl-aħħar nett, żdied ukoll il-kontenut tax-xaħam tad-diversi kategoriji tal-butir — jiġifieri minimu ta’ 82 % fil-butir mhux mielaħ u minimu ta’ 80 % fil-butir mielaħ.

B’hekk, is-sentenzi li ġejjin tal-ispeċifikazzjoni tal-prodott attwali: “Dawn iż-żewġ prodotti tal-ħalib għandhom karatteristiċi oriġinali. Huma għandhom kulur naturali isfar “lewn iċ-ċfolloq”. Huma aromatiċi u għandhom konsistenza kremuża.”

ġew sostitwiti bis-sentenzi li ġejjin:

Dan il-paragrafu żdied ukoll fil-punt 3.2 tad-Dokument Uniku minflok is-sentenza li ġejja tas-sommarju li tiddeskrivi l-prodott: “Butir li għandu kulur naturali “lewn iċ-ċfolloq”, li ġej mill-ammont għoli ferm ta’ karotenojdi fih.”.

Barra minn hekk, ir-referenza għall-“ammont għoli ferm ta’ karotenojdi” ddaħħlet fit-taqsima dwar ir-rabta kawżali tal-ispeċifikazzjoni tal-prodott u tad-Dokument Uniku, peress li t-taqsima tad-deskrizzjoni tal-prodott ma fiha l-ebda valur fil-mira marbut mal-kontenut tal-karotenojdi fil-butir.

5.2.    L-intestatura “Żona ġeografika”

Il-kapitolu tal-ispeċifikazzjoni tal-prodott imsejjaħ “Żona ġeografika” jippreżenta l-proċessi kollha li jsiru fiż-żona ġeografika. L-ismijiet tad-diversi muniċipalitajiet li jinsabu fiż-żona wkoll ġew aġġornati.

Dawn l-emendi jiċċaraw id-diversi proċessi u jaġġornaw il-lista tal-muniċipalitajiet mingħajr ma jibdlu l-konfini taż-żona ġeografika.

L-ippakkjar irid isir fiż-żona. Din il-proċedura trid issir malajr wara li jintemm il-proċess tal-produzzjoni, minn naħa sabiex jiġi evitat li l-prodott jinbidel minħabba l-ossidazzjoni tax-xaħam, li ta’ spiss isseħħ meta t-trasport jieħu wisq fit-tul, u min-naħa l-oħra biex tiġi evitata l-frodi (permezz tat-taħlit tal-butir). Barra minn hekk, qed jiġi speċifikat li l-iffriżar jew l-iffriżar malajr eventwali jrid isir fiż-żona ġeografika tad-denominazzjoni. Dan huwa meħtieġ biex tiġi żgurata traċċabbiltà aħjar u jiżgura l-kontinwità tal-proċessi li jridu jsiru fiż-żona ġeografika.

5.3.    L-intestatura “Prova tal-oriġini”

Fid-dawl tal-iżviluppi leġiżlattivi u regolatorji nazzjonali, il-kapitolu tal-ispeċifikazzjoni tal-prodott marbut mal-“Elementi li jservu ta’ prova li l-prodott joriġina fiż-żona ġeografika” ġie kkonsolidat u jinkludi l-obbligi marbutin mad-dikjarazzjonijiet u ż-żamma ta’ reġistri marbutin mat-traċċabbiltà tal-prodott u mal-monitoraġġ tal-kundizzjonijiet tal-produzzjoni.

B’hekk żdiedu diversi paragrafi li jirrigwardaw l-affarijiet li ġejjin:

5.4.    L-intestatura “Metodu ta’ produzzjoni”

L-ispeċifikazzjoni tal-prodott tiżviluppa għadd ta’ punti dwar il-metodu tal-produzzjoni sabiex tiddeskrivi aħjar il-kundizzjonijiet tal-produzzjoni tal-ħalib u tal-ipproċessar tal-prodott “Beurre d’Isigny”. Dawn l-elementi kollha jikkontribwixxu biex isaħħu r-rabta maż-żona ġeografika.

Iddaħħlu dispożizzjonijiet dwar l-immaniġġjar tal-merħla tal-ħalib (ir-razza u l-għalf) biex jiġu rreġistrati l-prattiki tradizzjonali.

L-immaniġġjar tal-merħla

Il-merħla tal-ħalib hija ddefinita kif ġej:

Din id-dispożizzjoni tal-ispeċifikazzjoni tal-prodott għandha l-għan li tistabbilixxi b’mod ċar għal liema annimali jirreferu l-frażijiet “merħla tal-ħalib” u “baqar tal-ħalib”, u tippermetti li jiġi rregolat il-kontroll u li tiġi evitata l-konfużjoni.

Bil-għan li tiġi kkonfermata r-rabta bejn il-prodott u ż-żona ġeografika, il-konsum tal-ħaxix (ir-ragħa, il-ħuxlief, eċċ.) marbut mat-tradizzjoni tat-trobbija fil-bwar fiż-żona ġeografika huwa rregolat mid-dispożizzjonijiet li ġejjin:

Ir-razza

Sabiex jiġi żgurat li, biex isir il-prodott “Beurre d’Isigny”, jintuża ammont sinifikanti ta’ ħalib mill-baqar tar-razza tan-Normandija, li huwa element tar-rabta bejn iż-żona ġeografika u l-prodott, żdied dan li ġej:

Biex jiġi ddefinit il-kunċett ta’ ġabra tal-ħalib u jiġi speċifikat il-kontroll tad-dispożizzjoni, żdied ukoll dan li ġej:

Dawn id-dettalji żdiedu wkoll fil-punt 3.3 tad-Dokument Uniku.

L-għalf tal-merħla

Bil-għan li tiġi kkonfermata r-rabta tal-prodott maż-żona ġeografika permezz ta’ għalf tal-baqar tal-ħalib li joriġina fil-biċċa l-kbira tiegħu miż-żona ġeografika, żdied li 80 % mir-razzjon bażiku tal-merħla għandu jiġi miż-żona u li l-ħaxix frisk jew ippreservat irid jikkostitwixxi bħala medja mill-inqas 40 % mir-razzjon matul il-perjodu tar-ragħa u mill-inqas 20 % kuljum matul il-bqija tas-sena. Barra minn hekk, sabiex tiġi ddefinita aħjar in-natura tal-għalf użat, ġiet stabbilita lista pożittiva tal-foraġġ permess. Għalhekk żdiedu d-dispożizzjonijiet li ġejjin fl-ispeċifikazzjoni tal-prodott:

Dawn id-dispożizzjonijiet dwar l-għalf tal-merħla huma spjegati wkoll fil-punt 3.3 tad-Dokument Uniku.

Fil-każ tal-baqar tal-ħalib, l-għalf addizzjonali li dawn jistgħu jingħataw huwa limitat għal 1 800 kg ta’ materja niexfa f’sena kalendarja għal kull baqra tal-merħla. L-għan huwa li jiġi evitat li dan l-għalf jingħata rwol importanti wisq fid-dieta u b’hekk li tingħata preferenza lir-razzjon bażiku li jiġi miż-żona ġeografika.

Żdied il-paragrafu li ġej:

Din id-dispożizzjoni żdiedet ukoll fil-punt 3.3 tad-Dokument Uniku.

Minħabba l-effetti negattivi ta’ diversi prodotti u tipi ta’ materja prima fuq il-karatteristiċi organolettiċi tal-ħalib, l-ispeċifikazzjoni tal-prodott tispeċifika li dawn ma jistgħux jintużaw bħala għalf għall-baqar li jaħilbu. Għalhekk żdied il-paragrafu li ġej:

“Dawn li ġejjin la jistgħu jintużaw fir-razzjon bażiku u lanqas ma jistgħu jintużaw bħala għalf addizzjonali: il-kaboċċi, in-nevew, il-lift u l-kolza mqassma friska.

Il-materja prima li ġejja ma tistax tintuża fl-għalf addizzjonali, skont il-klassifikazzjoni tal-Anness C tar-Regolament (UE) Nru 68/2013 dwar il-Katalgu tal-materjali tal-għalf:

Fl-aħħar nett huma pprojbiti l-urea u d-derivattivi tagħha bħala addittivi nutrizzjonali ddefiniti fl-Anness I tar-Regolament (KE) Nru 1831/2003 fuq l-addittivi għall-użu fl-għalf tal-annimali.”.

Dawn l-elementi differenti ddaħħlu fil-punt 3.3 tad-Dokument Uniku.

Sabiex jiġu deskritti aħjar il-prattiki attwali, żdiedu żewġ kapitoli li jiddeskrivu l-istadji differenti tal-produzzjoni tal-butir, jiġifieri “l-ġbir u l-wasla tal-ħalib” u “l-produzzjoni u l-ippakkjar”.

Il-ġbir u l-wasla tal-ħalib

Qed jiġi rregolat it-tul ta’ żmien tal-ħażna tal-ħalib użat fil-produzzjoni tal-prodott “Beurre d’Isigny” biex jiġu evitati l-problemi ta’ bidla fil-materja prima fir-razzett.

Barra minn hekk, biex ikun hemm traċċabbiltà aħjar, qed jiġi speċifikat li t-trażbord tal-ħalib bejn l-azjendi u l-fabbrika tal-butir huwa pprojbit.

Fl-aħħar nett, żdied ukoll kriterju marbut mal-aċidità tal-ħalib mhux ipproċessat sabiex jiġi żgurat li l-materja prima ma tinbidilx.

Dawn l-elementi differenti ddaħħlu fid-dispożizzjoni li ġejja:

Din id-dispożizzjoni ddaħħlet kollha kemm hi fil-punt 3.3 tad-Dokument Uniku.

Il-produzzjoni u l-ippakkjar

L-ixkumar u l-pastorizzazzjoni

Żdied kapitolu dwar l-ixkumar u l-pastorizzazzjoni. Fih ġie speċifikat li, sabiex tinżamm il-kwalità tal-materja prima, “il-ħin ta’ stennija tal-ħalib qabel l-ixkumar għandu jkun ta’ mhux aktar minn 48 siegħa minn meta jasal”.

Żdiedu d-dettalji li ġejjin dwar iż-żewġ stadji tal-pastorizzazzjoni li jippermettu li jinkiseb il-prodott iddefinit:

Din id-dispożizzjoni tikkompleta dik tal-ispeċifikazzjoni tal-prodott attwali, li tgħid hekk: “Il-ħalib u l-krema jridu jiġu ppastorizzati.”.

Barra minn hekk, tneħħew ir-referenzi għar-rekwiżiti legali u regolatorji nazzjonali dwar il-bhejjem, il-ħalib u l-butir.

Biex tinżamm il-kwalità tal-materja prima, ġie speċifikat ukoll il-ħin massimu li jista’ jgħaddi bejn tmiem l-ixkumar tal-ħalib u l-proċess tal-pastorizzazzjoni: “Dan l-aħħar proċess irid isir sa mhux aktar tard minn 36 siegħa minn meta jintemm l-ixkumar tal-ħalib.”.

Biex jiġu ddefiniti t-tipi ta’ krema li jistgħu jintużaw għall-produzzjoni tal-prodott “Beurre d’Isigny”, ġie speċifikat li “Il-kontenut minimu tax-xaħam fil-krema maħsuba għall-produzzjoni tal-butir għandu jkun ta’ mill-inqas 35 gramma għal kull 100 gramma tal-prodott.”.

F’dak li għandu x’jaqsam mal-użijiet differenti tal-prodott waqt l-ixkumar u l-pastorizzazzjoni, żdied dan li ġej: “Il-krema b’inqas xaħam, il-krema mhux ipproċessata, il-krema sterilizzata u l-krema sterilizzata f’temperatura ultra għolja (UHT) ma jistgħux jintużaw għall-produzzjoni tal-butir”.

Din is-sentenza żdiedet fil-punt 3.3 tad-Dokument Uniku.

Il-lista tas-sustanzi pprojbiti għall-produzzjoni tal-prodott “Beurre d’Isigny” ġiet kompluta wkoll billi ġie speċifikat li huwa pprojbit ix-xorrox tal-butir, kif ukoll li huwa pprojbit li jiżdiedu addittivi, għajnuniet għall-ipproċessar u ingredjenti oħrajn minbarra l-fermenti lattiċi.

B’hekk il-paragrafu li ġej:

“L-użu tas-sustanzi li ġejjin huwa pprojbit fil-produzzjoni u fil-kummerċjalizzazzjoni tal-prodott “Beurre d’Isigny”:

ġie sostitwit b’dan li ġej:

Id-dispożizzjoni li tispeċifika li “kull proċess maħsub biex iżid il-kontenut ta’ materja niexfa mhux xaħmija, b’mod partikulari biż-żieda ta’ kulturi u ta’ fermenti lattiċi waqt l-għaġna” ġiet spostata għall-kapitolu msejjaħ “Iż-żieda tal-fermenti u t-tħawwid” li jispjega u jirregola l-istadji differenti tal-produzzjoni tal-butir proprju, b’mod partikulari l-istadju tal-għaġna (jew it-tħawwid).

Id-dispożizzjoni li tispeċifika li “mal-butir jista’ jiżdied massimu ta’ żewġ grammi melħ għal kull 100 gramma” ukoll ġiet spostata għall-kapitolu msejjaħ “Iż-żieda tal-fermenti u t-tħawwid”, filwaqt li tneħħa l-limitu ta’ żewġ grammi għal kull 100 gramma peress li dan huwa rregolat mir-regolamenti ġenerali.

Iż-żieda tal-fermenti u t-tħawwid

Inħoloq ukoll kapitolu separat għad-dispożizzjonijiet dwar iż-żieda tal-fermenti u t-tħawwid. Fih ġie speċifikat, b’mod partikulari, li ż-żieda tal-fermenti mal-krema ssir “fil-fabbrika tal-butir” u fi żmien massimu ta’ 48 siegħa minn meta jintemm l-ixkumar. Żdied ukoll il-fatt li ma jridux jgħaddu iktar minn 72 siegħa minn meta l-ħalib jasal sa ma jiżdiedu l-fermenti mal-krema.

Il-metodu ta’ produzzjoni tal-butir ġie spjegat ukoll billi żdied il-fatt li dan jinkiseb billi l-krema miżjuda bil-fermenti u mmaturata titħawwad (fil-magna tal-butir jew fil-mastella), u l-fatt li l-ħbub tal-butir li jinkisbu mbagħad jingħaġnu u wara jinħaslu, jekk ikun hemm bżonn, u li l-butir lest irid ikollu valur massimu tal-pH ta’ 6.

Ġie speċifikat li l-proċessi li jbaxxu l-valur tal-pH tal-butir b’metodi oħrajn minbarra l-maturazzjoni bijoloġika huma pprojbiti. Iż-żieda tal-permeat ikkonċentrat mill-kulturi lattiċi u tal-fermenti aromatiċi waqt il-produzzjoni tal-butir (il-proċess NIZO) hija wkoll ipprojbita b’mod espliċitu. Il-possibbiltà li jiżdied massimu ta’ żewġ grammi melħ għal kull 100 gramma tneħħiet minħabba li din hija rregolata mir-regolamenti ġenerali.

Għalhekk, it-test tal-kapitolu tal-ispeċifikazzjoni tal-prodott imsejjaħ “Iż-żieda tal-fermenti u t-tħawwid” huwa dan li ġej:

B’rabta mal-għoti ta’ konsistenza partikulari, ġie speċifikat li l-prodott “Beurre d’Isigny” jista’ jgħaddi minn trattament ta’ għoti ta’ konsistenza partikulari biex jiġi adattat għall-użu fil-ħami u fil-produzzjoni tal-ħelu:

Din il-proċedura hija meħtieġa minħabba li l-punt tat-tidwib tal-butir ivarja ħafna skont l-istaġuni — il-butir ikun iktar artab fis-sajf u iktar iebes fix-xitwa. Din id-differenza fil-punt tat-tidwib ġejja mid-differenza fil-kompożizzjoni tal-aċidi xaħmin fix-xaħam. It-trattament fiżiku tal-butir jippermetti li titnaqqas din il-varjabbiltà u jiżgura li l-butir ikollu l-istess konsistenza tul is-sena kollha. Dan it-tibdil fil-konsistenza tal-butir jippermettilu jkun adattat ferm għall-isfiljurar. Din il-proċedura ma taffettwa bl-ebda mod lit-togħma tal-butir. Din il-proċedura diġà kienet issir meta l-prodott “Beurre d’Isigny” ġie rreġistrat bħala DOP iżda dan id-dettall ma kienx iddaħħal fl-ispeċifikazzjoni tal-prodott irreġistrata. Fil-prodotti moħmija u fil-pasti joħorġu fid-deher il-kwalitajiet kollha tad-DOP “Beurre d’Isigny” f’forma oħra.

L-ippakkjar huwa spjegat bir-reqqa biex jiġu speċifikati ċerti prattiki. Żdied il-fatt li l-butir, ippakkjat f’pakketti ta’ kilogramm sa massimu ta’ 25 kilogramm, jista’ jiġi ffriżat jew iffriżat malajr għal perjodu massimu ta’ 12-il xahar. L-iffriżar jew l-iffriżar malajr irid isir sa mhux aktar tard minn għaxart ijiem wara l-istadju tal-għoti ta’ konsistenza partikulari lill-butir fil-każ tal-butir li jkun ingħata konsistenza partikulari u sa mhux aktar tard minn 30 jum wara l-produzzjoni fil-każ tal-butir li ma jkunx ingħata konsistenza partikulari. Wara dan, il-butir irid jinżamm f’temperatura ta’ bejn -18 u -23 °C.

Bis-saħħa tal-iffriżar tal-butir ippakkjat f’ċangaturi ta’ kilogramm u f’kontenituri ta’ iktar minn 10 kilogrammi tista’ tiġi ssodisfata d-domanda ta’ ċerti impriżi tal-industrija tal-ikel (il-furnara, il-pastiċċiera u d-dulċiera) li jkunu jeħtieġu butir li l-konsistenza tiegħu jkollha ċerti karatteristiċi partikulari marbutin mal-perjodu tal-produzzjoni. L-iffriżar jew l-iffriżar malajr għal perjodu massimu ta’ 12-il xahar ma jaffettwax il-karatteristiċi organolettiċi tal-butir. Fil-fatt din il-prattika komuni, li tintuża ħafna fl-industrija tal-ħalib, sal-lum uriet kemm hi siewja f’termini tal-konservazzjoni u tal-preservazzjoni tal-kwalitajiet organolettiċi.

F’dak li għandu x’jaqsam mal-ippakkjar tal-butir, żdied il-fatt li l-ikbar pakkett għall-bejgħ huwa ta’ 25 kilogramm. Din id-dispożizzjoni hija konformi mat-tradizzjoni tal-ippakkjar tal-prodott “Beurre d’Isigny” f’kontenituri kbar (f’bettiji li kienu jesgħu bejn 20 u 200 litru li kienu jintużaw fis-sekli 18 u 19). Madankollu, fiż-żona ġeografika huwa awtorizzat it-trasport tal-butir minn impjant għall-ieħor f’pakketti li jkunu jiżnu iktar minn hekk.

It-test tad-dispożizzjoni rilevanti tal-ispeċifikazzjoni tal-prodott huwa dan li ġej:

Parti minn dawn ir-regoli ddaħħlu fil-punt 3.5. tad-Dokument Uniku, imsejjaħ “Regoli speċifiċi dwar it-tqattigħ, it-taħkik, l-ippakkjar, eċċ.”.

5.5.    L-intestatura “Rabta”

Il-kapitolu tal-ispeċifikazzjoni tal-prodott imsejjaħ “Rabta maż-żona ġeografika” nkiteb kollu mill-ġdid biex toħroġ b’mod iktar ċar l-evidenza tar-rabta bejn il-prodott “Beurre d’Isigny” u ż-żona ġeografika tiegħu, mingħajr ma nbidlet is-sustanza tar-rabta. Din l-evidenza tenfasizza b’mod partikulari l-kundizzjonijiet tal-produzzjoni tal-ħalib, u b’mod partikulari l-fatt li għalf ibbażat fuq l-aħjar użu tal-ħaxix b’perjodu twil ta’ ragħa jagħmilha possibbli li jinkiseb ħalib b’xaħam ta’ kwalità li tkun adattata għall-produzzjoni tal-prodott “Beurre d’Isigny”, li għaliha huwa meħtieġ għarfien partikulari. Ittieħdet l-okkażjoni wkoll biex titneħħa r-referenza għall-kontenut għoli ta’ aċidu olejku fil-prodott “Beurre d’Isigny”, minħabba li din il-karatteristika mhix meqjusa bħala speċifika.

Il-punt imsejjaħ “Speċifiċità taż-żona ġeografika” jinkludi l-fatturi naturali taż-żona ġeografika u l-fatturi umani u jagħti sommarju tal-aspett storiku u jenfasizza l-għarfien speċifiku.

Il-punt imsejjaħ “Speċifiċità tal-prodott” jenfasizza ċerti elementi introdotti fid-deskrizzjoni tal-prodott.

Fl-aħħar nett, il-punt imsejjaħ “Rabta kawżali” jispjega l-interazzjonijiet bejn il-fatturi naturali u umani u l-prodott.

It-test kollu tar-rabta mogħti fl-ispeċifikazzjoni tal-prodott tad-DOP huwa mogħti fil-punt 5 tad-Dokument Uniku.

5.6.    L-intestatura “Tikkettar”

Biex jiġu ċċarati l-elementi li bihom il-konsumaturi jkunu jistgħu jidentifikaw il-prodott:

Tneħħiet id-dispożizzjoni dwar il-projbizzjoni tal-użu tal-kliem “Isigny” jew “Isigny-sur-mer” jew ta’ kull kelma, grafika jew illustrazzjoni oħra li tirreferi għal din iż-żona fil-każ ta’ prodotti li ma jissodisfawx il-kundizzjonijiet stabbiliti fl-ispeċifikazzjoni tal-prodott, minħabba li din ma tidħolx fil-kamp ta’ applikazzjoni tal-ispeċifikazzjoni tal-prodott.

Il-paragrafi li ġejjin:

ġew sostitwiti b’dan li ġej:

Din l-emenda saret ukoll fil-punt 3.6. tad-Dokument Uniku, imsejjaħ “Regoli speċifiċi dwar it-tikkettar”.

5.7.    L-intestatura “Oħrajn”

Fil-kapitolu msejjaħ “Is-servizz kompetenti tal-Istat Membru”, ġie aġġornat l-indirizz tal-INAO.

Fil-kapitolu msejjaħ “Grupp applikant”, ġew aġġornati d-dettalji ta’ kuntatt tal-grupp.

Fil-kapitolu tal-ispeċifikazzjoni tal-prodott imsejjaħ “Referenzi għall-korp ta’ kontroll”, ġew aġġornati l-isem u d-dettalji ta’ kuntatt tal-korpi uffiċjali. F’din l-intestatura jingħataw id-dettalji ta’ kuntatt tal-awtoritajiet Franċiżi responsabbli għall-kontrolli, jiġifieri l-istitut nazzjonali tal-oriġini u tal-kwalità msejjaħ “Institut national de l’origine et de la qualité” (l-INAO) u d-direttorat ġenerali għall-kompetizzjoni, għall-affarijiet tal-konsumaturi u għall-prevenzjoni tal-frodi msejjaħ “Direction générale de la concurrence, de la consommation et de la répression des fraudes” (id-DGCCRF). Żdied ukoll il-fatt li l-isem u d-dettalji ta’ kuntatt tal-korp taċ-ċertifikazzjoni jistgħu jiġu kkonsultati fuq is-sit web tal-INAO u fuq il-bażi tad-data tal-Kummissjoni Ewropea.

Fl-ispeċifikazzjoni tal-prodott żdied kapitolu msejjaħ “Rekwiżiti nazzjonali”. Fih jingħataw, fil-forma ta’ tabella, il-punti ewlenin li jridu jiġu kkontrollati, il-valuri ta’ referenza tagħhom u l-metodu ta’ evalwazzjoni tagħhom.

DOKUMENT UNIKU

“BEURRE D’ISIGNY”

Nru tal-UE: PDO-FR-0138-AM01 – 19.10.2017

DOP ( X ) IĠP ( )

1.   Isem

“Beurre d’Isigny”

2.   Stat Membru jew pajjiż terz

Franza

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.5. Żjut u xaħmijiet (butir, marġerina, żejt, eċċ.)

3.2.   Deskrizzjoni tal-prodott li għalih japplika l-isem f’(1)

Il-prodott “Beurre d’Isigny” għandu kulur naturali bejn avorju u isfar “lewn iċ-ċfolloq”. Bis-saħħa tal-konsistenza kremuża tiegħu, jista’ jindilek faċilment. Ta’ spiss ikollu togħma ta’ krema friska u ta’ ġellewż. Huwa jista’ jingħata konsistenza partikulari biex ikun jista’ jintuża għall-isfiljurar u jista’ jkun mielaħ.

Il-butir mhux mielaħ għandu kontenut tax-xaħam ta’ iktar minn 82 %, filwaqt li l-butir mielaħ għandu kontenut tax-xaħam ta’ iktar minn 80 %.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Biex tiġi żgurata rabta stretta bejn it-territorju u l-prodott permezz ta’ għalf b’ħaxix li ġej miż-żona ġeografika, il-baqar tal-ħalib għandhom jirgħu għal mill-inqas seba’ xhur fis-sena, u kull azjenda għandu jkollha mill-inqas 0,35 ettaru ta’ bwar għal kull baqra tal-ħalib li tinħaleb, li mill-inqas 0,20 ettaru minnhom ikunu aċċessibbli mill-post fejn jinħalbu l-baqar, jew mill-inqas 0,10 ettari minnhom ikunu aċċessibbli mill-post fejn jinħalbu l-baqar biż-żieda tal-ħaxix bħala għalf supplimentari. Kull azjenda jrid ikollha żona ewlenija tal-għalf li jkun fiha tal-inqas 50 % ħaxix.

L-għalf tal-baqar tal-ħalib ma jistax jiġi kollu miż-żona ġeografika. Fil-fatt, il-bżonn ta’ proteini li għandhom il-baqar tal-ħalib ma jistgħux ikopruh dejjem l-uċuħ ikkultivati f’din iż-żona. Barra minn hekk, ma tistax tiġi ggarantita l-oriġini tal-materja prima li minnha jkun magħmul l-għalf addizzjonali. 80 % mir-razzjon bażiku tal-merħla magħmul mill-foraġġ huwa prodott fiż-żona ġeografika (ikkalkulat bħala materja niexfa fis-sena). Meta wieħed iqis li r-razzjon bażiku jikkostitwixxi madwar 70 % tal-għalf kollu tal-baqar tal-ħalib, jista’ jiġi stmat li l-proporzjon tal-għalf li ġej miż-żona huwa ta’ mill-inqas 56 %.

Bħala medja, il-ħaxix fil-forom differenti tiegħu jikkostitwixxi mill-inqas 40 % mir-razzjon bażiku matul il-perjodu minimu ta’ seba’ xhur ta’ ragħa u mill-inqas 20 % minnu ta’ kuljum matul il-bqija tas-sena. L-għalf addizzjonali li l-baqar jistgħu jingħataw huwa limitat għal 1 800 kg f’sena kalendarja għal kull baqra tal-merħla.

Il-foraġġ permess huwa l-ħaxix, il-qamħirrum, iċ-ċereali jew l-għelejjel li fihom il-proteini li jkun għadhom ma sarux (il-pjanti sħaħ), it-tiben u l-alfalfa (kollha f’forma friska jew ippreservata), kif ukoll il-pitravi tal-għalf, il-ħaxix tal-għeruq u l-polpa tal-pitravi mnixxfa.

Il-kaboċċi, in-nevew, il-lift u l-kolza mqassma friska u l-urea u d-derivattivi tagħha la jistgħu jintużaw fir-razzjon bażiku u lanqas ma jistgħu jintużaw bħala għalf addizzjonali.

Il-materja prima li ġejja ma tistax tintuża fl-għalf addizzjonali:

Għand il-produttur, il-ħalib minn kull ġabra li jintuża biex isir il-prodott “Beurre d’Isigny” għandu jiġi minn merħla li fiha tal-inqas 30 % mill-baqar ikunu baqar tal-ħalib tar-razza tan-Normandija, b’ġabra tal-ħalib tkun tfisser il-ħalib kollu miġbur u użat minn produttur fi żmien 48 siegħa.

Il-ġbir għandu jseħħ mhux aktar tard minn kull 48 siegħa wara l-ewwel ħlib. Il-ħalib miġbur fl-azjendi għandu jiġi ddepożitat direttament fl-impjant tal-ixkumar mingħajr trażbord. Mal-wasla, il-ħalib mhux ipproċessat għandu jkollu aċidità ta’ bejn 14 u 16-il° Dornic, jiġifieri valur tal-pH ta’ bejn 6,6 u 6,85.

Il-kontenut minimu tax-xaħam fil-krema maħsuba għall-produzzjoni tal-butir għandu jkun ta’ mill-inqas 35 gramma għal kull 100 gramma tal-prodott. Il-krema b’inqas xaħam, il-krema mhux ipproċessata, il-krema sterilizzata u l-krema sterilizzata f’temperatura ultra għolja (UHT) ma jistgħux jintużaw għall-produzzjoni tal-butir.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Il-produzzjoni tal-ħalib u tal-butir għandhom isiru fiż-żona ġeografika ddefinita fil-punt 4.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

L-iffriżar eventwali tal-butir u l-ippakkjar tiegħu għandhom isiru fiż-żona ġeografika.

Fil-fatt, l-ippakkjar tal-butir huwa proċedura importanti ħafna għaż-żamma tal-kwalità tal-prodotti minħabba li x-xaħam huwa sensittiv għall-ossidazzjoni. Għaldaqstant, l-ippakkjar irid isir malajr wara li jintemm il-proċess tal-produzzjoni. B’hekk, il-proċedura għandha ssir fiż-żona ġeografika ddefinita mogħtija fil-punt 4 f’pakketti għall-bejgħ ta’ mhux aktar minn 25 kilogramm.

Il-butir jista’ jiġi ffriżat jew iffriżat malajr għal perjodu massimu ta’ 12-il xahar sakemm ikun ippakkjat f’pakketti ta’ mill-inqas kilogramm u ta’ mhux aktar minn 25 kilogramm. L-iffriżar irid isir sa mhux aktar tard minn għaxart ijiem wara l-produzzjoni fil-każ tal-butir li jkun ingħata konsistenza partikulari u sa mhux aktar tard minn 30 jum wara l-produzzjoni fil-każ tal-butir li ma jkunx ingħata konsistenza partikulari.

3.6.   Regoli speċifiċi dwar it-tikkettar

Kull pakkett tad-DOP “Beurre d’Isigny” li jiġi kkummerċjalizzat irid ikollu tikketta li jkun fiha l-isem tad-denominazzjoni ta’ oriġini miktub b’ittri li jkunu tal-inqas daqs żewġ terzi tad-daqs tal-ikbar ittri li jidhru fuq it-tikketta.

Stiker li jkollha l-kliem “Beurre d’Isigny — Appellation d’Origine Protégée” trid titwaħħal jew tiġi stampata fuq il-pakketti jew fuq ir-reċipjenti, taħt ir-responsabbiltà tal-operatur.

Is-simbolu tal-Unjoni Ewropea għad-DOP irid jitwaħħal ħdejn l-istiker jew taħtha jew ’il fuq minnha, u ma jridx ikun mifrud minnha b’xi kliem ieħor. Id-daqs minimu tad-denominazzjoni ta’ oriġini ma japplikax għall-istiker meta din id-denominazzjoni tkun diġà tidher xi mkien ieħor fuq it-tikkettar.

4.   Definizzjoni fil-qosor taż-żona ġeografika

Iż-żona ġeografika ddefinita hija mifruxa fit-territorju tal-muniċipalitajiet tad-dipartimenti li ġejjin:

id-dipartiment tal-Calvados (82 muniċipalità):

il-muniċipalitajiet kollha tal-Canton de Bayeux, minbarra Chouain, Condé-sur-Seulles, Ellon, Esquay-sur-Seulles, Juaye-Mondaye, Le Manoir, Manvieux, Ryes, Tracy-sur-Mer, Vaux-sur-Seulles u Vienne-en-Bessin;

il-muniċipalitajiet kollha tal-Canton de Trévières, minbarra La Bazoque, Cahagnolles, Cormolain, Foulognes, Litteau, Planquery, Sainte-Honorine-de-Drucy u Sallen;

id-dipartiment tal-Manche (93 muniċipalità):

il-muniċipalitajiet li ġejjin tal-Canton d’Agon-Coutainville: Auxais, Feugères, Gonfreville, Gorges, Marchésieux, Nay, Périers, Raids, Saint-Germain-sur-Sèves, Saint-Martin-d’Aubigny u Saint-Sébastien-de-Raids;

il-muniċipalitajiet li ġejjin tal-Canton de Bricquebec: Etienville, Les Moitiers-en-Bauptois u Orglandes;

il-muniċipalitajiet kollha tal-Canton de Carentan-les-Marais;

il-muniċipalitajiet li ġejjin tal-Canton de Créances: Montsenelle (it-territorji tal-muniċipalitajiet l-antiki ta’ Coigny, Prétot-Sainte-Suzanne u Saint-Jores biss) u Le Plessis-Lastelle;

il-muniċipalitajiet kollha tal-Canton de Pont-Hébert, minbarra Bérigny, Saint-André-de-l’Epine, Saint-Georges-d’Elle, Saint-Germain-d’Elle u Saint-Pierre-de-Semilly;

il-muniċipalitajiet kollha tal-Canton de Saint-Lô-1, minbarra Agneaux, Le Lorey, Marigny-Le-Lozon (it-territorju tal-muniċipalità l-antika ta’ Lozon biss), Le Mesnil-Amey, Saint-Gilles u Saint-Lô;

il-muniċipalitajiet kollha tal-Canton de Valognes, minbarra Brix, Huberville, Lestre, Lieusaint, Montaigu-la-Brisette, Saint-Germain-de-Tournebut, Saint-Joseph, Saint-Martin-d’Audouville, Saussemesnil, Tamerville, Valognes, Vaudreville u Yvetot-Bocage.

5.   Rabta maż-żona ġeografika

Iż-żona ġeografika tal-produzzjoni tal-prodott “Beurre d’Isigny” għandha forma ta’ nofs qamar u hija magħmula minn art sedimentarja b’altitudni baxxa (ta’ inqas minn 50 metru). Din il-medda ta’ art, imsejħa “Col du Cotentin”, tifforma unità ġeoloġika notevoli ffurmata minn diversi saffi ta’ sediment tal-baħar. Fiha nsibu żewġ żoni distinti, waħda msejħa l-“Bas Pays” (ir-reġjun il-baxx), iffurmata mill-bwar kbar kostali u alluvjali nexfin iżda li jistgħu jegħrqu, u l-oħra msejħa l-“Haut Pays” (ir-reġjun l-għoli), li hija art imsaġġra ffurmata minn qortin u minn żoni iżolati tal-franka u għoljiet baxxi tat-tafal u taċ-ċagħaq fil-Lvant. Il-karatteristika prinċipali tal-ħamrija hija l-ammont kbir ta’ sediment tal-baħar u tax-xmajjar fiha, l-iktar fil-Bajja ta’ Veys u fil-widien tax-xmajjar li jispiċċaw fiha.

Fil-Col du Cotentin tagħmel madwar 800 mm xita u jkun hemm iktar minn 170 jum ta’ xita mqassmin tajjeb tul is-sena u fis-sajf it-temperaturi jkunu friski u x-xtiewi ma jkunux daqstant ħorox, u l-meded tat-temperaturi ma jvarjawx daqskemm ivarjaw f’Saint-Lô u f’Caen, u b’hekk il-klima f’dan ir-reġjun tista’ titqies bħala waħda oċeanika moderata. Din il-klima bl-irtuba, imċajpra u moderata hija omoġenja minħabba n-nuqqas ta’ muntanji. L-influwenza tal-oċean tidher ukoll fl-ammont ta’ rxiex tal-melħ tal-baħar li jxarrab il-bwar.

Il-Col du Cotentin huwa wieħed mir-reġjuni tal-mergħat tan-Normandija li kien jeżisti qabel ma bdiet il-mewġa ta’ konverżjoni tal-art maħduma fi bwar fl-1800 fin-Normandija. Dawk li jrabbu l-bhejjem biddlu r-reġjun ta’ Isigny f’territorju prestiġjuż ta’ mergħat li l-assoċjazzjoni tan-Normandija msejħa “Association Normande” fl-1874 sejħitlu reġjun “ta’ mergħat mogħnija bil-ġid, sorsi awtentiċi ta’ krema u ta’ butir”.

Minn nofs is-seklu 19 ’il quddiem, dawk li jrabbu l-bhejjem f’dan ir-reġjun bdew jaħdmu favur il-purità tar-razza msejħa “Cotentine”, li kellha ssir ir-razza prinċipali tar-razza tan-Normandija, l-aktar minħabba li din ir-razza lokali kienet adattata ferm għall-ħlib. Iżda dan l-istatus ta’ “benniena tar-razza” ħadem kontra dawk li kienu jrabbu l-bhejjem fil-lokal, li damu biex ibbenefikaw mill-avvanzi fl-inseminazzjoni artifiċjali u li daru minflok għar-razza produttiva u omoġenja msejħa “Prim’Holstein”.

Il-popolazzjoni tal-Col du Cotentin malajr assoċjat il-valur tal-ħaxix għall-merħla tal-ħalib mal-valur tal-ħalib permezz tal-produzzjoni u tal-kummerċjalizzazzjoni tal-butir.

Illum il-mergħat għadhom il-bażi tal-għalf tal-baqar tal-ħalib li jirgħu fihom għal mill-inqas seba’ xhur, u li jikkunsmaw il-ħaxix li jingħataw matul il-bqija tas-sena. Ir-rabta tal-produtturi mar-razza tan-Normandija, li hija razza eċċellenti għall-produzzjoni tal-butir bis-saħħa tal-ħalib li tagħmel, li fih ħafna xaħam u ħafna proteini, tippermetti li din tinżamm fi proporzjon sinifikanti fiż-żona ġeografika.

L-għarfien tal-produzzjoni jinvolvi l-preservazzjoni tal-ħalib frisk permezz ta’ kontroll tal-kesħa mill-maqjel tal-baqar sal-fabbrika tal-butir, ir-regolarità tal-ġbir, l-użu tal-maturazzjoni bijoloġika marbut mal-kontroll tal-flora tal-fermentazzjoni permezz tal-pastorizzazzjoni tal-ħalib segwita miż-żieda tal-fermenti, l-ixkumar u fl-aħħar nett it-tħawwid.

Il-“Beurre d’Isigny” huwa butir kremuż li jista’ jindilek faċilment. Wara l-proċess tal-għoti ta’ konsistenza partikulari, huwa jkun solidu u jkun jista’ jinħadem faċilment, u la jkun żejtni u lanqas iwaħħal jew jitfarrak. B’kulur omoġenju tal-avorju fix-xitwa sa isfar lewn iċ-ċfolloq matul l-istaġun tar-ragħa, ir-riħa tiegħu tfakkrek fil-krema tajba biex titħabbat. It-togħma fina tiegħu jista’ jkun fiha ħjiel ta’ ġellewż.

Is-sitwazzjoni ġeografika taż-żona ġeografika (li tinsab qrib il-baħar) u l-morfoloġija tagħha (ma fihiex muntanji) twassal biex ikun hemm ix-xita b’mod regolari matul is-sena kollha u biex fiha jkun hemm temperaturi moderati, anki fix-xitwa. Dawn l-elementi jwasslu biex il-ħaxix jikber matul is-sena kollha u biex l-annimali jkunu jistgħu jirgħu għal perjodu twil. Il-ħamrija taflija u tal-franka, b’sedimenti tal-baħar reċenti u mogħnija b’ħafna minerali, jagħmlu lil dawn il-bwar għanja ferm, filwaqt li t-trab ġulġlieni li jiksi l-Haut-Pays huwa regolatur notevoli tal-ilma li jiffavorixxi t-tkabbir regolari tal-ħaxix.

Il-kwalità tax-xaħam tal-ħalib taż-żona ġeografika ġejja mit-taħlita tal-provvista tal-ħaxix, li tagħti lid-denominazzjoni l-kwalitajiet organolettiċi speċifiċi tagħha u l-kremożità mistennija, u ż-żieda ta’ foraġġ iktar enerġetiku, li jiffavorixxi l-produzzjoni ta’ globuli kbar tax-xaħam li jippermettu li jiġu stabbiliti l-komposti aromatiċi tal-ħalib ipprovduti mill-ħaxix.

Għalhekk, il-prodott “Beurre d’Isigny” huwa kkaratterizzat mill-aħjar użu tal-ħaxix taż-żona b’perjodu twil ta’ ragħa għall-merħla tal-ħalib u b’distribuzzjoni tal-foraġġ ippreservat fix-xitwa flimkien mal-provvista ta’ tipi ta’ foraġġ oħrajn. Fil-fatt, it-trasport tal-foraġġ mill-Bas-Pays għall-Haut-Pays u l-preservazzjoni tiegħu hija prattika tradizzjonali minħabba l-ġeografija tal-irziezet li ġeneralment jinsabu fl-Haut-Pays, imma li għandhom ukoll mergħat fil-Bas-Pays.

Dan l-għalf tal-bhejjem, li parti minnhom huma tar-razza tan-Normandija, iwassal għal ħalib ta’ kwalità għolja, li x-xaħam tiegħu jagħti lill-prodott il-konsistenza kremuża eċċellenti tiegħu.

Barra minn hekk, il-preżenza tal-karotenojdi fil-ħaxix xaħmi tal-mergħat tar-reġjun tiffavorixxi l-kulur naturali lewn iċ-ċfolloq tal-butir waqt l-istaġun tar-ragħa.

Iż-żamma tal-użanzi tradizzjonali fil-produzzjoni tal-butir, li jeskludu b’mod partikulari ż-żieda ta’ aromi u ta’ aċidu lattiku u li jinkludu l-użu ta’ krema mmaturata u tat-tħawwid, tgħin ħafna biex joħorġu l-karatteristiċi tal-materja prima li ġejja mill-merħliet tal-ħalib. Is-suċċess ta’ dawn il-prodotti ġej ukoll miż-żamma ta’ relazzjonijiet kummerċjali man-netwerk ta’ mħaleb tat-territorju nazzjonali, mar-ristoranti reġjonali u mas-swieq tal-esportazzjoni.

Referenza għall-pubblikazzjoni tal-Ispeċifikazzjoni tal-Prodott

(it-tieni subparagrafu tal-Artikolu 6(1) ta’ dan ir-Regolament)

https://info.agriculture.gouv.fr/gedei/site/bo-agri/document_administratif-ba1010a1-bc3a-4468-a1d2-7578d8fd5494