Artikolu 1

Il-jiem ta' btala għas-sena 2020 għall-istituzzjonijiet tal-Unjoni Ewropea għandhom ikunu stabbiliti għall-Brussell u l-Lussemburgu.

L-1 ta’ Jannar	L-Erbgħa, l-Ewwel tas-Sena
2 ta’ Jannar	Il-Ħamis, l-għada tal-Ewwel tas-Sena
Id-9 ta’ April	Ħamis ix-Xirka
L-10 ta’ April	Il-Ġimgħa l-Kbira
It-13 ta’ April	It-Tnejn ta’ wara l-Għid
1 ta' Mejju	Il-Ġimgħa, Jum il-Ħaddiem
21 ta' Mejju	Il-Ħamis, Lapsi
22 ta' Mejju	Il-Ġimgħa, l-għada ta’ Lapsi
1 ta’ Ġunju	It-Tnejn, Għid il-Ħamsin
21 ta’ Lulju	It-Tlieta, il-Festa nazzjonali tal-Belġju
2 ta’ Novembru	It-Tnejn, Jum l-Erwieħ
24 ta’ Diċembru sal- 31 ta’ Diċembru	Il-Ħamis Il-Ħamis	sitt ijiem ta’ tmiem is-sena
TOTAL	17-il jum

Artikolu 2

Għal-Lussemburgu nhar it-Tlieta 21 ta’ Lulju li minfloku jidħol il-jum tat-23 ta’ Ġunju, il-festa nazzjonali tal-Lussemburgu.

Artikolu 3

Ix-xogħol jerġa' jibda b'mod normali mit-Tnejn, 4 ta' Jannar 2021.

Artikolu 4

Mingħajr ħsara għat-totalità tal-kalendarju finali tal-jiem ta' btala għall-2021, il-Ġimgħa l-1 ta' Jannar 2021 se jitqies bħala jum ta' btala għal dik is-sena.

Artikolu Uniku

L-applikazzjoni għal emenda tal-ispeċifikazzjoni għad-denominazzjoni “Costers del Segre” (DOP), skont l-Artikolu 105 tar-Regolament (UE) Nru 1308/2013, tinsab fl-Anness ta’ din id-Deċiżjoni.

B’konformità mal-Artikolu 98 tar-Regolament (UE) Nru 1308/2013, il-pubblikazzjoni ta’ din id-Deċiżjoni tagħti d-dritt ta’ oġġezzjoni għall-emenda tal-ispeċifikazzjoni msemmija fl-ewwel paragrafu ta’ dan l-Artikolu fi żmien xahrejn mid-data tal-pubblikazzjoni tagħha f’Il-Ġurnal Uffiċjali tal-Unjoni Ewropea.

ANNESS

“COSTERS DEL SEGRE”

PDO-ES-A1523-AM02

Data tal-applikazzjoni: 4.11.2014

TALBA GĦAL EMENDA FL-ISPEĊIFIKAZZJONI TAL-PRODOTT

1.   Regoli applikabbli għall-emenda

L-Artikolu 105 tar-Regolament (UE) Nru 1308/2013 – Emenda mhux minuri

2.   Deskrizzjoni u raġunijiet għall-emenda

2.1.   Tneħħija tal-qawwa alkoħolika massima

Tħassir tal-qawwa alkoħolika totali u reali tal-kategorija “inbid” (abjad, rosé u aħmar) mill-punt 2.1 tal-Ispeċifikazzjoni tal-Prodott u l-punt 4 tad-Dokument Uniku.

Minħabba ż-żieda żgħira fil-qawwa tul l-aħħar ftit snin ikkaġunata mill-bidla fil-klima.

Il-leġiżlazzjoni tal-UE tippermetti li l-qawwa alkoħolika totali taqbeż il-15 % bil-volum sakemm ma tiġix miżjuda artifiċjalment. Ma hemm l-ebda obbligu li tiġi limitata l-qawwa alkoħolika f’dan il-valur, allura għażilna li nneħħu din ir-regola.

Ovvjament, jekk l-inbejjed kellhom jaqbżu dan il-limitu, dan qatt ma jista’ jkun minħabba li l-qawwa alkoħolika tkun ġiet miżjuda b’mod artifiċjali.

2.2.   Tneħħija tar-restrizzjonijiet fuq id-densità tat-tħawwil

Tħassir tad-densitajiet tat-tħawwil massimi u minimi mill-punt 3.1 tal-Ispeċifikazzjoni tal-Prodott, li jemenda wkoll il-punt 5.a tad-Dokument Uniku.

Minħabba t-tibdil fil-klima u t-tekniki ġodda ta’ tkabbir, il-kultivaturi jeħtieġu jkunu kapaċi jħawlu dwieli b’densità differenti minn dawk stabbiliti bħalissa, billi jużaw mudelli differenti ta’ tħawwil biex jiggarantixxu l-karatteristiċi distintivi tad-DOP “Costers del Segre”.

2.3.   Tkabbir taż-żona ġeografika demarkata

Emenda tal-punt 4 tal-Ispeċifikazzjoni tal-Prodott u l-punt 6 tad-Dokument Uniku biż-żieda ta’ dan li ġej:

1.	Il-poligonu katastali 5 (irqajja’ tal-art 399, 400, 401 u 402) fil-muniċipalità ta’ Cubells (subżona ta’ Artesa de Segre)

2.	Il-poligonu katastali 4 (roqgħa art 178) fil-muniċipalità ta’ Albagés (subżona ta’ Garrigues)

3.	Il-poligonu katastali 6 (irqajja’ tal-art 317, 318, 319, 320 u 597) fil-muniċipalità ta’ Juncosa (subżona ta’ Garrigues)

4.	Il-poligoni katastali 1 (roqgħa art 27) u 3 (irqajja’ tal-art 97 u 222) fil-muniċipalità ta’ Llardecans (subżona ta’ Garrigues)

5.	Il-poligoni katastali 1 (irqajja’ tal-art 509 u 556), 3 (irqajja’ tal-art 37, 190, 191, 219, 222, 226, 233, 248, 315 u 318), 12 (irqajja’ tal-art 146, 151, 161, 163 u 175), 13 (irqajja’ tal-art 17, 93, 127 u 204) u 17 (roqgħa art 212) fil-muniċipalità ta’ Conca de Dalt (subżona ta’ Pallars)

6.	Il-poligonu katastali 4 (irqajja’ tal-art 24, 25, 26, 29, 42, 43, 45, 46, 49, 50 u 65) fil-muniċipalità ta’ Pobla de Segur (subżona ta’ Pallars)

7.	Il-poligoni katastali 1, 2, 3, 4, 5 u 6 fil-muniċipalità ta’ Llimiana (subżona ta’ Pallars)

8.	Il-poligonu katastali 3 (irqajja’ tal-art 17, 28, 29, 37, 300 u 301) fil-muniċipalità ta’ Rialp (subżona ta’ Pallars)

9.	Il-poligonu katastali 3 (irqajja’ tal-art 294 u 430) fil-muniċipalità ta’ Salàs de Pallars (subżona ta’ Pallars)

10.	Il-poligoni katastali 3, 4, 5 u 6 fil-muniċipalità ta’ Talarn (subżona ta’ Pallars)

11.	Il-poligoni katastali 1 (irqajja’ tal-art 162 u 181) u 2 (roqgħa art 143) fil-muniċipalità ta’ Almacelles (subżona ta’ Raimat)

12.	Il-poligonu katastali 5 (roqgħa art 280) fil-muniċipalità ta’ Almacelles (subżona ta’ Segrià)

13.	Il-poligoni katastali 1 u 2 fil-muniċipalità ta’ Lleida (subżona ta’ Segrià)

14.	Il-poligoni katastali 11 (irqajja’ tal-art 6, 7, 8 u 9005) u 12 (roqgħa art 9006) fil-muniċipalità ta’ Torrefarrera (subżona ta’ Segrià)

15.	Il-poligonu katastali 6 (irqajja’ tal-art 42, 43, 44, 45, 46, 47 u 48) fil-muniċipalità ta’ Vilagrassa (subżona ta’ Valls del Riu Corb)

Wara talbiet imressqa minn għadd ta’ partijiet interessati biex iż-żona ta’ produzzjoni tiġi estiża, il-bord maniġerjali tad-DOP ġabar ir-rapporti dwar il-kundizzjonijiet tal-ħamrija, kif ukoll dawk agronomiċi, klimatiċi u ambjentali tal-irqajja’ tal-art in kwistjoni sabiex jivverifika jekk iż-żoni l-ġodda koperti mit-tkabbir mitlub jidħolx sew fil-profil taż-żona tad-DOP, u jekk iva, biex jikkonferma l-lok eżatt tagħhom fis-subżona rilevanti. L-ispjegazzjonijiet għal kull każ huma kif ġejjin:

1.

L-irqajja’ tal-art f’Cubells huma maġenb irqajja’ li huma diġà fiż-żona demarkata tad-DOP u għandhom l-istess kundizzjonijiet klimatiċi u tal-ħamrija bħas-subżona inkwistjoni. Il-prodotti minn dawn l-irqajja’ tal-art jistgħu għalhekk ikunu koperti mid-DOP mingħajr ma jaffettwaw il-kwalità u l-karatteristiċi tal-inbejjed.

2.	Ir-roqgħa art f’Albagés hija maġenb 11-il roqgħa tal-art oħra fil-poligonu katastali 4 li bħalissa huma inklużi fiż-żona demarkata għad-DOP “Costers del Segre”.

3.

L-irqajja’ tal-art f’Juncosa huma viċin ta’ rqajja’ tal-art li huma diġà fiż-żona demarkata tad-DOP u għandhom l-istess kundizzjonijiet klimatiċi u tal-ħamrija bħas-subżona inkwistjoni. Il-prodotti minn dawn l-irqajja’ tal-art jistgħu għalhekk ikunu koperti mid-DOP mingħajr ma jaffettwaw il-kwalità u l-karatteristiċi tal-inbejjed.

4.	L-irqajja’ tal-art f’Laardecans għandhom l-istess kundizzjonijiet klimatiċi u tal-ħamrija bħall-bqija tas-subżona ta’ Garrigues. Għalhekk, il-kwalità u l-karatteristiċi distintivi tal-inbejjed tad-DOP “Costers del Segre” huma garantiti.

5.	Conca de Dalt toffri kwalità u karatteristiċi tal-inbid li mhumiex differenti mir-rabta misjuba fil-bqija tas-subżona ta’ Pallars.

6.	Pobla de Segur toffri kwalità u karatteristiċi tal-inbid li mhumiex differenti mir-rabta misjuba fil-bqija tas-subżona ta’ Pallars.

7,

10, 13 u 14. Il-bidliet li jaffettwaw il-muniċipalitajiet ta’ Llimiana, Talarn, Lleida u Torrefarrera mhumiex bidliet ġeografiċi iżda aġġustamenti fil-kliem biex jagħmluha aktar ċara u aktar oġġettiva. Il-bidla għal Torrefarrera hija dovuta għal kwistjonijiet ta’ riżonar: il-kodiċi tal-irqajja’ tal-art inbidlu u jeħtieġ li jkunu aġġornati permezz ta’ din l-emenda.

8.

L-irqajja’ tal-art f’Rialp huma maġenb irqajja’ tal-art li huma diġà fiż-żona demarkata tad-DOP u għandhom l-istess kundizzjonijiet klimatiċi u tal-ħamrija bħas-subżona inkwistjoni. Il-prodotti minn dawn l-irqajja’ tal-art jistgħu għalhekk ikunu koperti mid-DOP mingħajr ma jaffettwaw il-kwalità u l-karatteristiċi tal-inbejjed.

9.	Salàs de Pallars toffri kwalità u karatteristiċi tal-inbid li mhumiex differenti mir-rabta misjuba fil-bqija tas-subżona ta’ Pallars.

10.	Iż-żieda tar-roqgħa art f’Almacelles ma għandhiex impatt fuq il-kwalità tal-prodott peress li tinsab maġenb l-irqajja’ tal-art li bħalissa huma inklużi fiż-żona demarkata għad-DOP “Costers del Segre”.

11.

L-irqajja’ tal-art f’Vilagrassa huma maġenb irqajja’ tal-art li huma diġà fiż-żona demarkata tad-DOP u għandhom l-istess kundizzjonijiet klimatiċi u tal-ħamrija bħas-subżona inkwistjoni. Għalhekk, il-prodotti minn dawn l-irqajja’ tal-art jistgħu jkunu koperti mid-DOP mingħajr ma jaffettwaw il-kwalità u l-karatteristiċi tal-inbejjed.

2.4.   Żieda ta’ varjetajiet ġodda

L-emenda tal-punt 6 tal-Ispeċifikazzjoni tal-Prodott u l-punt 7 tad-Dokument Uniku għandha tinkludu dawn il-varjetajiet ġodda ta’ għeneb li ġejjin: Godello, Chenin Blanc, Verdejo u Viognier (abjad), u Cabernet Franc, Garnacha Tintorera, Malbec u Petit Verdot (aħmar).

Numru ta’ fabbriki tal-inbid li jagħmlu l-inbejjed koperti minn din id-DOP talbu jew esprimew interess għall-inklużjoni ta’ dawn il-varjetajiet (awtorizzati għal din il-Komunità Awtonoma), u jqisuhom adattati għal dan l-għan. Abbażi ta’ dawn it-talbiet, u tal-fatt li dawn il-varjetajiet kollha taw riżultati eċċellenti fi studji u testijiet imwettqa biex tiġi ċċekkjata l-adegwatezza tagħhom, filwaqt li tqiesu l-kundizzjonijiet klimatiċi u tal-ħamrija, ġie deċiż li jiġu inklużi.

Minħabba l-fatturi naturali fiż-żona, il-varjetajiet bojod Chenin Blanc u Viognier huma perfetti biex jagħmlu l-inbejjed DOP “Costers del Segre”, filwaqt li jiġu ppreservati t-togħmiet u l-aromi distintivi ta’ kull varjetà u jtejbu l-karatteristiċi tal-inbejjed bojod, u fl-istess ħin jinżammu l-karatteristiċi u t-togħmiet tipiċi tar-reġjun.

L-inbejjed ħomor tad-DPO “Costers del Segre” huma kkaratterizzati minn aroma qawwija, togħma bilanċjata u karatteristiċi tanniċi. Huma mimlijin togħma, robusti u strutturati fuq il-palat. Testijiet fuq il-Cabernet Franc, il-Garnacha Tintorera u l-Petit Verdot juru li l-użu ta’ dawn il-varjetajiet għandu jtejjeb dawk il-karatteristiċi.

Verdejo huwa varjetà ta’ għenba bajda b’ġerminazzjoni u b’maturazzjoni bikrin li bis-saħħa tal-influwenzi naturali taż-żona, hija adattata sew għal irmondar fit-tul. Fir-rigward tal-kundizzjonijiet ta’ tkabbir, din il-varjetà tagħti nbejjed tajbin ħafna meta titħawwel f’densità baxxa b’rendimenti għoljin. L-inbejjed jippreżentaw it-togħmiet u l-aromi karatteristiċi ta’ din il-varjetà, b’qawwa u aċidità alkoħoliċi minn medji għal għoljin. L-użu ta’ din il-varjetà għandu jtejjeb il-karatteristiċi tal-inbejjed bojod tad-DOP “Costers del Segre”, filwaqt li jinżammu l-karattru u t-togħmiet tipiċi tar-reġjun.

Godello huwa varjetà ta’ għenba bajda b’ġerminazzjoni u b’maturazzjoni bikrin li bis-saħħa tal-influwenzi naturali taż-żona, hija perfettament adatta għal dawn l-inbejjed li jippreservaw l-aromi u t-togħmiet karatteristiċi tal-varjetà. L-inbejjed għandhom qawwa alkoħolika ta’ 12-13, aċidità medja jew għolja (5,5–6,5) u potenzjal aromatiku medju.

Fil-qosor, l-inbejjed magħmulin mill-varjetà Godello jżommu l-karattru u t-togħmiet tipiċi taż-żona mingħajr ma jaffettwaw il-kwalità tal-inbejjed.

L-inbejjed ħomor tad-DPO “Costers del Segre” huma kkaratterizzati minn aroma qawwija, togħma bilanċjata u karatteristiċi tanniċi. Huma mimlijin togħma, robusti u strutturati fuq il-palat. It-testijiet fuq il-Malbec juru li l-użu ta’ din il-varjetà jtejjeb dawk il-karatteristiċi. L-istudji li saru juru li l-Malbec hija varjetà b’rendiment għoli ħafna u b’ħafna potenzjal biex tipproduċi nbid ta’ kwalità mingħajr ma tnaqqas il-karattru u t-togħma tipiċi taż-żona.

2.5.   Titjib fir-rabtiet

Titjib fil-kliem tal-punt 7.3 tal-Ispeċifikazzjoni tal-Prodott u l-punt 8 tad-Dokument Uniku.

Il-kliem ittejjeb għal kull tip ta’ nbid kopert mid-DOP.

La t-tkabbir taż-żona demarkata u lanqas l-inklużjoni ta’ varjetajiet ġodda ma għandhom xi impatt fuq il-kwalità tal-prodott jew il-karatteristiċi tal-inbid, għalhekk dawn il-bidliet ma affettwawx il-kliem tar-rabta. Ir-rabta nnifisha ma titbiddilx biż-żieda ta’ żona u varjetajiet preċiżament minħabba li ż-żoni u l-varjetajiet il-ġodda huma konsistenti man-natura essenzjali tad-DOP, u għalhekk jikkonformaw mar-rabta. Jekk iż-żidiet il-ġodda ma jkunux jaqblu mar-rabta għad-DOP, ma setgħux isiru.

2.6.   Eliminazzjoni tar-rekwiżit li l-ibbottiljar isir fiż-żona demarkata

Reviżjoni tal-punt 8.3 tal-Ispeċifikazzjoni tal-Prodott u l-punt 9 tad-Dokument Uniku, li tneħħi r-rekwiżit li l-ibbottiljar iseħħ fiż-żona definita.

L-ibbottiljar ta’ prodotti tad-DOP “Costers del Segre” ma għandux għalfejn iseħħ fiż-żona tal-kultivazzjoni u l-produzzjoni tal-inbid.

Għaldaqstant se nżidu l-passaġġ li ġej fl-Ispeċifikazzjoni tal-Prodott:

2.7.   Titjib biex jiġi ggarantit l-immarkar

Reviżjoni tal-punt 8.5 tal-Ispeċifikazzjoni tal-Prodott u l-punt 9 tad-Dokument Uniku, li tissostitwixxi t-timbru uniku u s-sistema ta’ numerazzjoni bl-għażliet li ġejjin: siġill ta’ garanzija, tikketta numerata, tikketta sekondarja numerata jew sistema ta’ kontroll kompjuterizzata.

L-għan wara din l-emenda huwa li t-tip ta’ siġill ta’ garanzija jeħtieġ li jirrifletti l-prattika attwali u jiżgura li prodotti DOP ikunu traċċabbli. Is-sistema l-ġdida hija bbażata fuq kontrolli elettroniċi kodifikati, li jippermettu lill-organizzazzjoni tad-DOP timmonitorja l-volumi magħmula, ibbottiljati u kummerċjalizzati, u tiggarantixxi li l-prodott jista’ jiġi traċċat. Il-persunal tal-organizzazzjoni tad-DOP stess iwettaq spezzjonijiet perjodiċi fuq il-post fil-fabbrika tal-inbid.

DOKUMENT UNIKU

1.   Isem

Costers del Segre

2.   Tip ta’ indikazzjoni ġeografika

DOP — Denominazzjoni ta’ Oriġini Protetta

3.   Kategoriji tal-prodotti tad-dwieli

1.

Inbid

3.

Inbid likur

5.

Inbid frizzanti ta’ kwalità

8.

Inbid semifrizzanti

4.   Deskrizzjoni tal-inbejjed

Inbid — abjad u rosé

Abjad:

Trasluċidi, b’tonalità safranija jew ħadranija, xi kultant bi ħjiel oranġjo jew kannella

L-inbejjed iridu jikkonformaw mal-firxiet/valuri li ġejjin:

Assorbenza f’420 nm ikbar minn 0,05 jew ugwali għal 0,05, inqas minn 1,4 jew ugwali għal 1,4 u akbar mill-assorbiment f’520 nm

Assorbenza f’520 nm inqas minn 0,4 jew ugwali għal 0,4

Assorbenza f’620 nm inqas minn 0,1 jew ugwali għal 0,1

Intensità tal-kulur akbar minn 0,05 jew ugwali għal 0,05 u inqas minn 2 jew ugwali għal 2

Turbidità ta’ inqas minn 30 NTU

Aromi varjetali ta’ frott u/jew ħaxix, fjuri u ħwawar b’aromi terzjarji possibbli u mingħajr difetti

Ibbilanċjati sew fit-togħmiet u fil-ħalq, mingħajr difetti u b’finitura twila li ddum għal aktar minn ħames sekondi

Rosé:

Trasluċidi, b’tonalità roża, ħamranin u/jew blu

L-inbejjed iridu jikkonformaw mal-firxiet/valuri li ġejjin:

Assorbenza f’420 nm akbar minn 0,1 jew ugwali għal 0,1 u inqas minn 2,5 jew ugwali għal 2,5

Assorbenza f’520 nm akbar minn 0,1 jew ugwali għal 0,1 u inqas minn 3 jew ugwali għal 3

Intensità tal-kulur akbar minn 0,1 jew ugwali għal 0,1 u inqas minn 5,7 jew ugwali għal 5,7

Turbidità ta’ inqas minn 30 NTU

Aromi varjetali ta’ frott u/jew ħaxix, fjuri u ħwawar b’aromi terzjarji possibbli u mingħajr difetti

Ibbilanċjati sew fit-togħmiet u fil-ħalq, mingħajr difetti u b’finitura twila li ddum għal aktar minn ħames sekondi

Fl-inbejjed crianza, l-aċidità volatili massima permessa hija ta’ 15 meq/l

Id-diossidu tal-kubrit massimu huwa 250 mg/l jekk il-kontenut taz-zokkor ikun > 5 g/l

Karatteristiċi analitiċi ġenerali

Qawwa alkoħolika reali minima (f’% tal-volum):	10,5
Aċidità totali minima:	4,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)	10
Total ta’ diossidu tal-kubrit massimu (f’milligrammi għal kull litru):	200

INBID — aħmar

Limpidi, b’tonalitajiet li jvarjaw minn aħmar u/jew vjola għal kannella jew kulur il-briks għall-inbejjed crianza

L-inbejjed iridu jikkonformaw mal-firxiet/valuri li ġejjin:

Assorbenza f’420 nm akbar minn 0,1 jew ugwali għal 0,1

Assorbenza f’520 nm akbar minn 0,1 jew ugwali għal 0,1

Intensità tal-kulur aktar minn 3 jew ugwali għal 3

Turbidità ta’ inqas minn 80 NTU

Bla difetti, aromi varjetali ta’ frott u/jew ħaxix, fjuri u ħwawar b’aromi terzjarji possibbli

Ibbilanċjati sew fit-togħmiet u fil-ħalq, mingħajr difetti u b’finitura twila li ddum għal aktar minn ħames sekondi

Fl-inbejjed crianza, l-aċidità volatili massima tista’ tiżdied b’1 meq/l għal kull grad ta’ alkoħol ogħla minn vol. ta’ 11 % u kull sena ta’ maturazzjoni, sa massimu ta’ 20 meq/l

Id-diossidu tal-kubrit massimu huwa 200 mg/l jekk il-kontenut taz-zokkor ikun > 5 g/ll

Karatteristiċi analitiċi ġenerali

Qawwa alkoħolika reali minima (f’% tal-vol.):	11
Aċidità totali minima:	4,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)	13,33
Total ta’ diossidu tal-kubrit massimu (f’milligrammi għal kull litru):	150

Inbid likur

Magħmula minn varjetajiet bojod — tonalità safranija u/jew ħadranija, xi drabi bi ħjiel oranġjo jew lewn id-deheb qadim; magħmula minn varjetajiet ħomor — li jvarjaw minn aħmar u/jew vjola għal tonalitajiet possibbilment oranġjo, kannella jew lewn ir-ram.

L-inbejjed iridu jikkonformaw mal-firxiet/valuri li ġejjin:

Assorbenza f’420 nm akbar minn 0,1 jew ugwali għal 0,1 u inqas minn 20 jew ugwali għal 20

Assorbenza f’520 nm akbar minn 0,1 jew ugwali għal 0,1 u inqas minn 20 jew ugwali għal 20

Assorbenza f’620 nm akbar minn 0,1 jew ugwali għal 0,1 u inqas minn 10 jew ugwali għal 10

Intensità tal-kulur inqas minn 50 jew ugwali għal 50

Turbidità ta’ inqas minn 80 NTU

Bla difetti, aromi varjetali ta’ frott u/jew ħaxix, fjuri u ħwawar b’aromi terzjarji possibbli

Ibbilanċjati sew fit-togħmiet u fil-ħalq, mingħajr difetti

Id-diossidu tal-kubrit massimu huwa 200 mg/l jekk il-kontenut taz-zokkor ikun > 5 g/

Karatteristiċi analitiċi ġenerali

Qawwa alkoħolika totali massima (f’% tal-volum):	22
Qawwa alkoħolika reali minima (f’% tal-vol.):	15
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)	13,3
Total ta’ diossidu tal-kubrit massimu (f’milligrammi għal kull litru):	150

Inbid frizzanti ta’ kwalità

Trasluċidi, b’tonalità safranija u/jew ħadranija (xi kultant bi ħjiel oranġjo jew lewn id-deheb qadim) u preżenza persistenti ta’ sensiela ta’ bżieżaq

L-inbejjed iridu jikkonformaw mal-firxiet/valuri li ġejjin:

Assorbenza f’420 nm akbar minn 0,05 jew ugwali għal 0,05 u inqas minn 1,4 jew ugwali għal 1,4

Assorbenza f’520 nm inqas minn 2 jew ugwali għal 2

Assorbenza f’620 nm inqas minn 1 jew ugwali għal 1

Intensità tal-kulur akbar minn 0,05 jew ugwali għal 0,05 u inqas minn 2 jew ugwali għal 2

Turbidità ta’ inqas minn 30 NTU

Bla difetti, aroma ta’ frott u/jew ħxejjex u/jew fjuri friski, xi kultant bil-preżenza ta’ aromi terzjarji minħabba l-maturazzjoni fil-flixkun

Ibbilanċjati sew fit-togħmiet u fil-ħalq, mingħajr difetti u b’finitura twila li ddum għal aktar minn ħames sekondi

Karatteristiċi analitiċi ġenerali

Qawwa alkoħolika totali massima (f’% tal-volum):	12,8
Qawwa alkoħolika reali minima (f’% tal-vol.):	10,8
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)	13,3
Total ta’ diossidu tal-kubrit massimu (f’milligrammi għal kull litru):	185

Inbid semifrizzanti

Il-gass tad-diossidu tal-karbonju jidher fl-għamla ta’ bżieżaq iżda mingħajr ragħwa; kulur li jaqbel mal-firxiet ta’ assorbenza deskritti fit-taqsimiet preċedenti għal kull tip ta’ nbid (abjad, aħmar, rosé)

L-aromi varjetali tal-frott u/jew tal-fjuri u bla difetti

Il-kontenut tad-diossidu tal-karbonju huwa perċepit fuq il-ħalq, ibbilanċjat sew fit-togħmiet u fil-ħalq, mingħajr difetti u b’finitura twila li ddum għal aktar minn ħames sekondi

Il-kontenut tad-diossidu tal-kubrit hu ugwali għal dak ta’ nbejjed bojod, rosé u ħomor

Karatteristiċi analitiċi ġenerali

Qawwa alkoħolika totali massima (f’% tal-volum):	12,5
Qawwa alkoħolika reali minima (f’% tal-vol.):	10
Aċidità totali minima:	3,5 fi grammi għal kull litru espressi bħala aċidu tartariku
Aċidità volatili massima (f’milliekwivalenti għal kull litru)	10

5.   Prattiki enoloġiċi

a.   Prattiki enoloġiċi essenzjali

Prattika enoloġika speċifika

Tiġi applikata pressjoni xierqa sabiex jiġi estratt il-most jew l-inbid u dan jiġi separat mill-qxur tal-għeneb, sabiex ma jinkisibx iktar minn 75 litru ta’ nbid minn kull 100 kg ta’ għeneb maħsud.

b.   Rendimenti massimi

16 000 kg ta’ għeneb għal kull ettaru

120 ettolitru għal kull ettaru

6.   Żona demarkata

Iż-żona tad-DOP “Costers del Segre” hija magħmula minn seba’ subżoni:

Is-subżona Artesa de Segre, li tinkludi l-muniċipalitajiet li ġejjin:

—

Algerri

—	Alòs de Balaguer

—	Artesa de Segre

—

Balaguer

—	Castelló de Farfanya

—

Foradada

—	Menàrguens

—	Id-distrett ta’ Montclar fil-muniċipalità ta’ Agramunt

—	Il-poligoni katastali 5 (irqajja’ tal-art 399, 400, 401 u 402) u 7 (roqgħa art 90) fil-muniċipalità ta’ Cubells

—	Il-poligonu katastali 5 (irqajja’ tal-art 1 u 22) fil-muniċipalità ta’ Os de Balaguer

Is-subżona ta’ Urgell, li tinkludi l-muniċipalitajiet li ġejjin:

—

Penelles

—

Preixens

—	Il-poligoni katastali 2 (roqgħa art 7), 3 (roqgħa art 75), 4 (roqgħa art 25) u 13 (roqgħa art 93) fil-muniċipalità ta’ Ivars d’Urgell

Is-subżona ta’ Garrigues, li tinkludi l-muniċipalitajiet li ġejjin:

—

Albi

—

Arbeca

—	Bellaguarda

—	Cervià de les Garrigues

—	Espluga Calba

—

Fulleda

—

Floresta

—	Pobla de Cérvoles

—

Omellons

—

Tarrés

—

Vinaixa

—

Vilosell

—	Il-poligoni katastali 5 (roqgħa art 487), 12 (irqajja’ tal-art 14, 15, 16, 33, 34 u 37) u 13 (irqajja’ tal-art 3, 4, u 5) fil-muniċipalità ta’ Juneda

—	Il-poligoni katastali 9 (irqajja’ tal-art 30 u 96), 21 (irqajja’ tal-art 114, 165 u 167) u 22 (irqajja’ tal-art 118, 119 u 120) fil-muniċipalità ta’ Borges Blanques

—	Il-poligonu katastali 4 (irqajja’ tal-art 178, 182, 183, 184, 186, 187, 188, 189, 190, 191, 192 u 193) fil-muniċipalità ta’ Albagés

—	Il-poligoni katastali 2 (irqajja’ tal-art 57, 66, 499 u 9002) u 6 (irqajja’ tal-art 317, 318, 319, 320 u 597) fil-muniċipalità ta’ Juncosa

—	Il-poligoni katastali 1 (roqgħa art 27) u 3 (irqajja’ tal-art 97 u 222) fil-muniċipalità ta’ Llardecans

Is-subżona ta’ Pallars, li tinkludi l-muniċipalitajiet li ġejjin:

—	Tremp (il-konfini muniċipali preċedenti), kif ukoll Gurb, Palau de Noguera, Puigcercós, Suterranya u Vilamitjana (id-distretti ta’ Tremp)

—	Il-poligoni katastali 1 (irqajja’ tal-art 509 u 556), 3 (irqajja’ tal-art 37, 190, 191, 219, 222, 226, 233, 248, 315 u 318), 12 (irqajja’ tal-art 146, 151, 161, 163 u 175), 13 (irqajja’ tal-art 17, 93, 127 u 204) u 17 (roqgħa art 212) fil-muniċipalità ta’ Conca de Dalt

—	Id-distretti annessi ta’ Cellers u Guàrdia de Tremp fil-muniċipalità ta’ Castell de Mur

—	Id-distretti annessi ta’ Sant Cristòfol de la Vall, Sant Martí de Barcedana u Sant Miquel de la Vall fil-muniċipalità ta’ Gavet de la Conca

—	Id-distretti annessi ta’ Conques, Figuerola d’Orcau, Orcau-Basturs u Sant Romà d’Abella fil-muniċipalità ta’ Isona i Conca Dellà

—	Il-poligonu katastali 4 (irqajja’ tal-art 24, 25, 26, 29, 42, 43, 45, 46, 49, 50 u 65) fil-muniċipalità ta’ Pobla de Segur

—	Il-poligoni katastali 1, 2, 3, 4, 5 u 6 fil-muniċipalità ta’ Llimiana

—	Il-poligonu katastali 3 (irqajja’ tal-art 28, 37, 300 u 301) fil-muniċipalità ta’ Rialp

—	Il-poligonu katastali 3 (irqajja’ tal-art 294 u 430) fil-muniċipalità ta’ Salàs de Pallars

—	Il-poligoni katastali 3, 4, 5 u 6 fil-muniċipalità ta’ Talarn

—	Il-poligoni katastali 3 (irqajja’ tal-art 201, 202, 203, 220, 223, 225, 325 u 330) u 2 (irqajja’ tal-art 273 u 276) fil-muniċipalità ta’ Sort

Is-subżona ta’ Raimat, li tinkludi l-muniċipalitajiet li ġejjin:

—	Id-distrett amministrattiv ta’ Raimat fil-muniċipalità ta’ Lleida

—	Il-poligoni katastali 1 (irqajja’ tal-art 162 u 181) u 2 (roqgħa art 143) fil-muniċipalità ta’ Almacelles

Is-subżona ta’ Segrià, li tinkludi l-muniċipalitajiet li ġejjin:

—	Il-poligoni katastali 6 (irqajja’ tal-art 9017, 9022, u 9005) u 15 (irqajja’ tal-art 3, 57, 9001, 9003, 9004, 9007 u 2027) fil-muniċipalità ta’ Alcarràs

—

Alfarràs

—	Il-poligonu katastali 5 (irqajja’ tal-art 25, 180, 181, 193 u 280) fil-muniċipalità ta’ Almacelles

—

Almenar

—	Gimenells i el Pla de la Font

—	Il-poligoni katastali 1, 2, 7 (irqajja’ tal-art 230, 231, 232, 307, 309, 310 u 311) u 8 (irqajja’ tal-art 337) fil-muniċipalità ta’ Lleida

—	Il-poligoni katastali 11 (irqajja’ tal-art 6, 7, 8 u 9005) u 12 (roqgħa art 9006) fil-muniċipalità ta’ Torrefarrera

Is-subżona ta’ Valls del Riu Corb, li tinkludi l-muniċipalitajiet li ġejjin:

—

Ametlla

—

Belianes

—	Ciutadilla

—	Granyanella

—	Granyena de Segarra

—

Guimerà

—

Maldà

—	Montoliu de Segarra

—	Montornès de Segarra

—

Nalec

—	Omells de Na Gaia

—

Preixana

—	San Martí de Riucorb

—

Tàrrega

—	Vallbona de les Monges

—	Vallfogona de Riucorb

—

Verdú

—	Il-poligonu katastali 4 (roqgħa art 92) u 6 (irqajja’ tal-art 42, 43, 44, 45, 46, 47 u 48) fil-muniċipalità ta’ Vilagrassa

L-ebda waħda mill-irqajja’ tal-art li jiffurmaw iż-żona ġeografika tad-DOP “Costers del Segre” mhi se tiġi eskluża fil-każ ta’ riżonar, esproprjazzjoni jew bidliet fil-konfini muniċipali mwettqa skont il-leġiżlazzjoni fis-seħħ dwar is-suġġett tal-gvern lokali.

7.   L-għeneb tal-inbid ewlieni

AGUDELO — CHENIN BLANC

MACABEO — VIURA

MOSCATEL ALEJANDRIA — MOSCATEL DE MALAGA

MONASTRELL

MERLOT

GARNACHA TINTA — LLADONER

GARNACHA BLANCA — LLADONER BLANCO

CHARDONNAY

GODELLO

GEWÜRZTRAMINER

GARNACHA TINTORERA

XARELLO — CARTOIXA

VIOGNIER

VERDEJO

TREPAT

CABERNET SAUVIGNON

CABERNET FRANC

ALBARIÑO

TEMPRANILLO — ULL DE LLEBRE

SYRAH

SAUVIGNON BLAN

RIESLING

PINOT NOIR

PETIT VERDOT

PARELLADA — MONTONEC

MAZUELA — SAMSO

MALVASIA AROMATICA — MALVASIA DE SITGES

MALBEC

MOSCATEL DE GRANO MENUDO — MOSCATEL MORISCO

8.   Deskrizzjoni tar-rabtiet

Inbid

Il-karatteristiċi speċifiċi u ddefiniti sew tad-DOP “Costers del Segre”, bħal-lokazzjoni ġeografika tal-oriġini u d-distanza għall-Baħar Mediterran u l-Pirenej, joħolqu klima kontinentali bi fluttwazzjonijiet staġonali u ta’ kuljum ewlenin f’perjodi taċ-ċiklu tal-kultivazzjoni li jkunu speċifiċi għaż-żona, li jirriżultaw fi ħsad karatteristiku.

Il-fatturi naturali taż-żona jippermettu varjetajiet tradizzjonali li jiġu ppreservati u varjetajiet mhux indiġeni — introdotti wara l-wasla tal-phylloxera — biex jiġu pperfezzjonati. Għalhekk hemm diversità kbira fil-varjetajiet tal-għeneb, li jfisser li l-prodotti jista’ jkollhom kompożizzjonijiet varjetali differenti ħafna.

Fir-rigward tal-fatturi umani, hemm tradizzjoni ta’ vitikultura fiż-żona, kif attestat minn referenzi storiċi fil-forma ta’ dokumentazzjoni u strutturi fiżiċi, u entużjażmu għal tekniki ġodda rivoluzzjonarji.

It-temperaturi matul il-lejl waqt il-proċess ta’ maturazzjoni huma eċċezzjonalment baxxi — normalment madwar 15 C matul il-proċess ta’ maturazzjoni, li jinżlu għal 2-10 C fl-aħħar stadji tul iż-żona tad-DOP “Costers del Segre”. Dan jipproduċi nbejjed b’aċidità għolja u togħmiet intensi li jispikkaw minn dawk prodotti f’reġjuni oħra. L-aromi primarji tal-inbejjed bojod huma infużi b’irwejjaħ ta’ frott meta jkunu minn subżoni b’għoljiet mhux weqfin ħafna u rwejjaħ tal-fjuri fis-subżoni b’iktar għoljiet. Għall-inbejjed ħomor, l-influwenza naturali hija riflessa fil-fwejjaħ, fit-togħmiet u fil-qawwa alkoħolika attwali. Dawn il-fatturi kollha jippreservaw il-kwalità karatteristika mogħtija lill-inbejjed bit-temperaturi kesħin tal-lejl. Huwa impossibbli li jiġu prodotti nbejjed b’dawn il-karatteristiċi f’reġjuni oħra.

Inbid frizzanti ta’ kwalità

L-inbid frizzanti ilu jsir bl-użu ta’ metodi tradizzjonali f’ċerti fabbriki tal-inbid mill-bidu tas-seklu li għadda.

L-aromi primarji tal-inbejjed bojod użati fil-produzzjoni ta’ dawn l-inbejjed frizzanti huma infużi b’irwejjaħ ta’ frott meta jkunu minn subżoni b’għoljiet mhux weqfin ħafna u fwejjaħ tal-fjuri meta jkunu minn subżoni b’iktar għoljiet.

Il-fluttwazzjoni sinifikanti ta’ kuljum fit-temperatura matul iċ-ċiklu ta’ maturazzjoni tipproduċi inbejjed b’karatteristiċi distintivi, livelli ogħla ta’ aċidità u aromi ta’ fjuri intensi. Dawn il-fatturi, flimkien mal-fattur uman — l-użu kontinwu ta’ metodi ta’ produzzjoni tradizzjonali — u l-fattur naturali — il-preservazzjoni ta’ varjetajiet indiġeni u l-adattament ta’ varjetajiet barranin — jgħinu biex jiffurmaw inbejjed frizzanti ta’ kwalità speċifika ta’ din id-DOP.

Inbid likur

Il-produzzjoni ta’ nbejjed likuri tad-DPO “Costers del Segre”:

It-temperaturi ogħla matul il-ġurnata flimkien mal-ammont baxx ta’ xita baxxa fil-ħarifa jippermettu li l-ħsad jiġi ttardjat, li jirriżulta f’għelejjel li huma għonja ħafna fiz-zokkor. Bis-saħħa ta’ dawn il-karatteristiċi klimatiċi speċjali ħafna, hemm tradizzjoni li jiġu prodotti nbejjed likuri bl-użu ta’ għeneb maħsud tard parzjalment imqadded. It-tip ta’ ħamrija jippermetti li l-varjetajiet użati għal dawn l-inbejjed jinħasdu fl-aħjar kundizzjoni, mingħajr ma jilħqu jsiru żżejjed.

Inbid semifrizzanti

L-aċidità elevata u l-aromi intensi ta’ fjuri tal-inbejjed semifrizzanti tad-DOP “Costers del Segre” huma dovuti għall-fluttwazzjoni enormi fit-temperatura waqt il-proċess ta’ maturazzjoni tal-għeneb, li ħafna drabi tista’ taqbeż il-15 C.

9.   Kundizzjonijiet oħra essenzjali

Qafas ġuridiku:

Fil-leġiżlazzjoni nazzjonali

Tip ta’ kundizzjoni ulterjuri:

Dispożizzjonijiet addizzjonali dwar it-tikkettar

Deskrizzjoni tal-kundizzjoni:

Għat-tikkettjar tal-imballaġġ użat għall-kummerċjalizzazzjoni tal-prodotti koperti minn din id-DOP, għandu jintuża metodu ta’ identifikazzjoni b’użu uniku. Dan jista’ jkun siġill ta’ garanzija, tikketta numerata, tikketta sekondarja numerata jew sistema ta’ kontroll elettroniku għad-DOP (assenjata fuq talba mill-fabbrika tal-inbid). Indipendentement minn liema sistema tingħażel, it-traċċabilità trid tkun garantita permezz ta’ proċedura stabbilita mill-korp maniġerjali.

Qafas ġuridiku:

Fil-leġiżlazzjoni nazzjonali

Tip ta’ kundizzjoni ulterjuri:

Imballaġġ fiż-żona demarkata

Deskrizzjoni tal-kundizzjoni:

L-inbejjed ma għandhomx għalfejn jiġu bbottiljati fiż-żona ġeografika demarkata.

Link għall-ispeċifikazzjoni tal-prodott

https://goo.gl/Xeblp0