14.1.2019

Il-Ġurnal Uffiċjali tal-Unjoni Ewropea

C 17/1

OPINJONI Nru 6/2018

(skont l-Artikoli 287(4) u 322(1)(a) TFUE)

rigward il-proposta għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi

(2019/C 17/01)

WERREJ

	Paragrafu	Paġna
INTRODUZZJONI	1 – 4	3
VALUTAZZJONI FIL-QOSOR BI TQABBIL MAL-OBJETTIVI PRINĊIPALI TAL-KUMMISSJONI	5 – 14	4
KWISTJONIJIET STRATEĠIĊI U OBJETTIVI TAL-POLITIKA TA’ KOEŻJONI	15 – 46	5
Indirizzar tal-prijoritajiet tal-UE	15 – 23	5
Ġabra unika tar-regoli	24 – 25	7
Flessibbiltà baġitarja	26 – 30	8
Ħolqien ta’ ambjent favorevoli għall-investimenti	31 – 43	9
Analiżi ta’ nofs it-terminu	44 – 46	11
QAFAS TA’ PROGRAMMAZZJONI U TA’ MONITORAĠĠ	47 – 68	12
Il-prinċipju tas-simplifikazzjoni fil-programmazzjoni	47 – 49	12
Il-bilanċ bejn is-simplifikazzjoni, ir-riżultati u r-responsabbiltà	50 – 56	13
Il-qafas ta’ prestazzjoni	57 – 60	14
Monitoraġġ u użu tal-informazzjoni dwar il-prestazzjoni	61 – 68	15
SISTEMA TA’ TWETTIQ U REGOLI TA’ ELIĠIBBILTÀ	69 – 97	18
Strumenti finanzjarji	69 – 75	18
Modalitajiet ta’ twettiq simplifikati	76 – 84	20
Għażla ta’ proġetti u regoli ta’ eliġibbiltà	85 – 90	22
Regoli li ma tkomplewx	91 – 97	23
ARRANĠAMENTI TAL-OBBLIGU TA’ RENDIKONT	98 – 132	25
Rwoli u responsabbiltajiet fis-sistemi ta’ ġestjoni u kontroll	98 – 104	25
Sistema standard ta’ ġestjoni u kontroll	105 – 111	26
Arranġamenti proporzjonati msaħħa għal sistemi ta’ ġestjoni u kontroll	112 – 120	28
Preżentazzjoni tal-kontijiet u tal-korrezzjonijiet finanzjarji	121 – 125	29
Kundizzjonijiet għall-attestazzjoni mill-Qorti	126 – 132	30
KUMMENTI TAL-AĦĦAR	133 – 139	32
ANNESS		34

INTRODUZZJONI

Fid-29 ta’ Mejju 2018, il-Kummissjoni ppubblikat il-proposta tagħha (1) għal regolament dwar dispożizzjonijiet komuni (CPR) għal seba’ fondi tal-UE taħt ġestjoni kondiviża għall-perjodu ta’ programmazzjoni 2021-2027 li jmiss. Il-bażi ġuridika tal-proposta tal-Kummissjoni tfisser li konsultazzjoni mal-Qorti tal-Awdituri hija obbligatorja (2). Din l-opinjoni tissodisfa r-rekwiżit ta’ konsultazzjoni.

Is-seba’ fondi, li flimkien jistgħu jkopru madwar EUR 360 biljun, sa terz mill-baġit tal-UE totali għall-perjodu 2021-2027, huma:

—	il-Fond Ewropew għall-Iżvilupp Reġjonali (FEŻR)

—	il-Fond Soċjali Ewropew Plus (FSE+)

—	il-Fond ta’ Koeżjoni (FK)

—	il-Fond Ewropew għall-Affarijiet Marittimi u s-Sajd (FEMS)

—	il-Fond għall-Migrazzjoni u l-Ażil (AMF)

—	il-Fond għas-Sigurtà Interna (ISF)

—	l-Istrument għall-Ġestjoni tal-Fruntieri u tal-Viżi (BMVI)

L-Opinjoni tibda b’sommarju tal-analiżi tagħna tal-punt sa fejn il-proposta tissodisfa t-tliet objettivi prinċipali stabbiliti għaliha mill-Kummissjoni, li huma preżenti tul l-abbozz tas-CPR: li jitnaqqas b’mod sostanzjali l-piż amministrattiv għall-benefiċjarji u l-awtoritajiet ta’ ġestjoni; li tiżdied il-flessibbiltà biex jiġu aġġustati l-objettivi u r-riżorsi tal-programmi fid-dawl ta’ ċirkustanzi li jinbidlu; u li l-programmi jiġu allinjati aktar mill-qrib mal-prijoritajiet tal-UE u li tiżdied l-effettività tagħhom (3). L-abbozz tas-CPR innifsu huwa mifrux b’mod wiesa’ ħafna, b’hekk l-eżamar tagħna jiġbor l-elementi kostitwenti kif ġej: L-objettivi tal-politika ta’ koeżjoni u l-qafas ta’ programmazzjoni u ta’ monitoraġġ (relatati mat-Titoli I, II, III, IV u VIII tal-proposta); is-sistema ta’ twettiq u r-regoli ta’ eliġibbiltà (it-Titoli V u VII); u fl-aħħar nett l-arranġamenti tal-obbligu ta’ rendikont, inkluż l-awditjar mill-QEA (it-Titolu VI).

Matul l-analiżi, aħna ninkludu għadd ta’ kwistjonijiet biex jitqiesu mill-Kummissjoni u mil-leġiżlaturi. Aħna nindikaw l-artikolu/i fl-abbozz tas-CPR li dawn il-kwistjonijiet jirreferu għalihom, iżda jekk tkun ir-rieda tal-leġiżlaturi, għadd minnhom jistgħu jiġu indirizzati fil-leġiżlazzjoni ta’ sostenn f’livell aktar baxx – atti ddelegati jew atti ta’ implimentazzjoni – jew permezz ta’ gwida separata. Il-leġiżlazzjoni ta’ sostenn tirċievi inqas attenzjoni mir-regolamenti, minkejja li hija din il-leġiżlazzjoni li tista’ tikkawża kumplessità u piż amministrattiv mhux meħtieġa. Hemm żewġ kwistjonijiet għall-kunsiderazzjoni li jmorru lil hinn mis-CPR u mil-leġiżlazzjoni ta’ sostenn tiegħu, iżda li aħna nemmnu li huma sinifikanti biżżejjed biex inġibuhom għall-attenzjoni tal-Kummissjoni u tal-leġiżlaturi (il-kwistjonijiet għall-kunsiderazzjoni Nri 5 u 18). Fl-aħħar nett, l-Anness jipprovdi lista ta’ suġġerimenti speċifiċi għall-abbozzar, b’kontroreferenza għall-kwistjoni rilevanti għall-kunsiderazzjoni.

VALUTAZZJONI FIL-QOSOR BI TQABBIL MAL-OBJETTIVI PRINĊIPALI TAL-KUMMISSJONI

Is-CPR jibni fuq il-qafas stabbilit fil-perjodu ta’ programmazzjoni preċedenti. Huwa jistipula objettivi ta’ politika komuni, jiddefinixxi l-allokazzjoni tal-fondi fost is-27 Stati Membri kollha, u jipprovdi regoli għall-programmazzjoni u l-infurzar tal-politika. Għall-kuntrarju tar-regolament ekwivalenti tagħha għall-perjodu ta’ programmazzjoni 2014-2020 (4), il-proposta ma kinitx suġġetta għal valutazzjoni tal-impatt. Skont il-memorandum ta’ spjegazzjoni, dan huwa l-każ minħabba li l-proposta “(t)istabbilixxi regoli komuni u mekkaniżmu eżekuttiv għal politiki oħra” (5). Ir-regolamenti speċifiċi għall-fond (6) għas-seba’ fondi rregolati mis-CPR kienu suġġetti għal valutazzjonijiet tal-impatt. Madankollu, dawn il-valutazzjonijiet ma koprewx xi kwistjonijiet importanti ta’ rilevanza ġenerali, bħal-livell ta’ rati fissi fil-kuntest ta’ forom ta’ appoġġ simplifikati (il-paragrafu 81) u l-impatt tal-arranġamenti proporzjonati msaħħa proposti (il-paragrafi 112-120).

L-objettivi prinċipali tal-Kummissjoni li fuqhom kien ibbażat it-tfassil tal-politika proposta kienu: is-simplifikazzjoni; il-flessibbiltà fit-twettiq tal-politiki; u allinjament imsaħħaħ bejn il-finanzjament u l-prijoritajiet tal-UE (7). Aħna nistipulaw il-konklużjonijiet prinċipali tagħna dwar kull waħda minn dawn l-objettivi hawn taħt; f’konformità mar-rwol tagħna bħala l-awditur estern tal-UE, aħna nipprovdu wkoll l-analiżi tagħna tal-arranġamenti l-ġodda proposti tal-obbligu ta’ rendikont.

Simplifikazzjoni

Il-proposta tirrifletti b’mod ċar l-isforzi tal-Kummissjoni biex tindirizza s-sejħiet għas-simplifikazzjoni tal-Politika ta’ Koeżjoni. Aħna nappoġġaw bis-sħiħ l-ambizzjonijiet tal-Kummissjoni fir-rigward tas-simplifikazzjoni, u hemm ħafna elementi tal-abbozz tas-CPR li jinvolvu simplifikazzjoni. Madankollu, f’għadd ta’ każijiet, aħna naħsbu li l-benefiċċji potenzjali tas-simplifikazzjoni f’termini ta’ inqas piż amministrattiv u ta’ ffrankar fl-effiċjenza huma iżgħar mir-riskji akbar għall-konformità mar-regoli u għall-ġestjoni finanzjarja tajba.

Pereżempju, aħna nilqgħu li l-istruttura tal-programmi, fil-biċċa l-kbira tagħha, se tinżamm. Iżda aħna nosservaw ukoll li xi wħud mid-dispożizzjonijiet fil-proposta tas-CPR mhumiex ċari, li jista’ jwassal għal interpretazzjoni differenti tar-regoli, u jaffettwa ċ-ċertezza tad-dritt. Xi eżempji huma l-metodoloġija għall-analiżi ta’ nofs it-terminu (il-paragrafu 45), il-kriterji għall-valutazzjoni ta’ rekwiżiti ta’ kontroll ewlenin (il-paragrafu 101), u l-kundizzjonijiet għall-użu tal-arranġamenti ta’ proporzjonalità msaħħa (il-paragrafu 117).

Il-proposta toffri firxa ta’ miżuri ta’ simplifikazzjoni, bħall-opzjonijiet ta’ spejjeż simplifikati u finanzjament mhux marbut mal-ispejjeż li, jekk jitfasslu b’mod xieraq u jiġu applikati b’mod effettiv mill-Istati Membri, għandhom il-potenzjal li jittrasferixxu l-fokus minn fuq l-infiq għal fuq ir-riżultati. Madankollu, il-kombinament ta’ dawn il-miżuri proposti jista’ jwassal għal rimborż ogħla jew aktar baxx mil-livell tal-ispejjeż imġarrba, u joħloq riskji għall-kisba tal-valur għall-flus.

10.

It-tneħħija proposta ta’ xi wħud mill-proċeduri attwali, bħall-valutazzjonijiet ex ante ta’ programmi, l-evalwazzjonijiet ta’ proġetti maġġuri, ir-rappurtar strateġiku u r-riżerva ta’ prestazzjoni, tista’ toffri simplifikazzjoni iżda, fil-fehma tagħna, it-tneħħija tagħhom iddgħajjef il-mekkaniżmi stabbiliti għat-twassil ta’ riżultati.

Flessibbiltà

11.

L-abbozz tas-CPR jipproponi għadd ta’ miżuri għall-appoġġ ta’ baġit tal-UE aktar flessibbli, li ġeneralment aħna naqblu magħhom. Element ġdid propost għall-perjodu 2021-2027 huwa li jkun hemm programmazzjoni f’żewġ stadji (5 + 2) għal tliet fondi, fejn l-allokazzjonijiet għall-aħħar sentejn jiġu ssettjati fl-2025 bħala parti minn eżerċizzju ta’ analiżi ta’ nofs it-terminu. Filwaqt li dan jista’ jgħin il-flessibbiltà u jżid il-kapaċità ta’ reazzjoni għal ċirkustanzi li qed jinbidlu, aħna ninsabu mħassbin dwar it-twaqqit propost tal-analiżi, kif ukoll dwar il-piż amministrattiv involut li jirrappreżenta kumplikazzjoni aktar milli simplifikazzjoni. Aħna nqisu wkoll li xi wħud mill-proċessi involuti jeħtieġu kjarifika ulterjuri.

Allinjament bejn il-finanzjament u l-prijoritajiet tal-UE.

12.

Aħna nilqgħu l-passi li ttieħdu mill-Kummissjoni biex tissaħħaħ ir-rabta bejn l-użu ta’ finanzjament mill-UE u l-arranġamenti ta’ governanza ekonomika ta’ livell għoli tal-UE – is-semestru Ewropew – bħall-enfasi akbar fuq l-implimentazzjoni ta’ rakkomandazzjonijiet speċifiċi għall-pajjiż rilevanti fi ħdan il-programmi. Aħna nappoġġaw ukoll it-trasferiment minn kundizzjonalitajiet ex ante għal kundizzjonijiet abilitanti aktar sempliċi, u nipprovdu għadd ta’ aspetti ta’ dan biex il-Kummissjoni tqishom.

13.

Għandna tħassib akbar fi bnadi oħra. Għall-kuntrarju taż-żewġ perjodi ta’ programmazzjoni preċedenti, l-abbozz tas-CPR għall-perjodu li jmiss mhuwiex appoġġat minn strateġija għall-UE kollha jew minn sett ta’ miri. Minflok, is-CPR jipproponi ħames objettivi ta’ politika ta’ livell għoli li mhumiex ikkonkretizzati f’riżultati li jistgħu jitkejlu u kwantifikati fil-livell tal-UE. Għalhekk, is-CPR ma jartikolax viżjoni ċara fir-rigward ta’ dak li l-UE tixtieq tikseb permezz tal-politiki tiegħu. Minflok, hija r-responsabbiltà tal-Istati Membri li jiddefinixxu l-għanijiet strateġiċi prinċipali. B’riżultat ta’ dan, fil-fehma tagħna, il-proposta ma tallinjax il-finanzjament mal-prijoritajiet tal-UE u hija inqas orjentata lejn il-prestazzjoni milli fil-perjodu 2014-2020.

Arranġamenti tal-obbligu ta’ rendikont

14.

Rigward l-obbligu ta’ rendikont, il-proposta tittrasferixxi r-responsabbiltà għall-implimentazzjoni fuq l-Istati Membri, twessa’ l-arranġamenti ta’ awditu uniku u tnaqqas ir-rwol tal-Kummissjoni. Ir-razzjonalizzazzjoni proposta tal-verifikazzjonijiet tal-ġestjoni billi jiġu ffukati fuq oqsma b’riskju għoli għandha l-potenzjali li tnaqqas il-piż amministrattiv u żżid l-effiċjenza ta’ dawn il-kontrolli, jekk tiġi applikata b’mod korrett. Madankollu, l-arranġamenti proporzjonati msaħħa proposti għal sistemi ta’ kontroll effettivament jeliminaw is-superviżjoni mill-Kummissjoni u jistgħu jesponu lill-fondi tal-UE għal aktar riskji. Dan l-element tal-proposta jista’ jipperikola l-kisbiet fil-kontroll intern żviluppati matul dawn l-aħħar żewġ deċennji. Aħna nissuġġerixxu bosta kunsiderazzjonijiet għall-Kummissjoni f’dan il-qasam.

KWISTJONIJIET STRATEĠIĊI U OBJETTIVI TAL-POLITIKA TA’ KOEŻJONI

Indirizzar tal-prijoritajiet tal-UE

Allokazzjoni minn qabel tal-fondi lill-Istati Membri

15.

Għal partijiet kbar mill-baġit tal-UE — b’mod partikolari dawk fejn titħaddem ġestjoni kondiviża — il-livell massimu ta’ nfiq taħt l-intestaturi tal-qafas finanzjarju pluriennali (QFP) huwa ripartit f’allokazzjonijiet annwali għal kull Stat Membru. Filwaqt li din l-allokazzjoni minn qabel tal-fondi hija bbażata fuq ħafna kunsiderazzjonijiet (l-Artikoli 102-104 u l-Anness XXII tas-CPR), il-kriterji relatati mal-prestazzjoni mhumiex fosthom.

16.

F’awditi preċedenti, aħna osservajna li hija sfida li jinkisbu riżultati kwalitattivi tajbin minn skemi fejn l-assorbiment tal-fondi mill-Istati Membri huwa objettiv impliċitu (8). Fil-fehma tagħna, jenħtieġ li l-allokazzjoni tal-fondi ssegwi l-prijoritajiet strateġiċi (objettivi ta’ politika). Aħna nosservaw li dan mhuwiex il-każ u li minflok il-prijoritajiet (l-Artikolu 4 tas-CPR) isegwu l-finanzjament.

Rekwiżiti ta’ konċentrazzjoni tematika

17.

L-abbozz tas-CPR jipprovdi kontinwità tal-finanzjament, permezz tal-objettivi ta’ politika tiegħu (l-Artikolu 4), fis-sens li jappoġġa l-istess oqsma prijoritizzati fil-perjodu 2014-2020 taħt il-qafas tal-istrateġija Ewropa 2020.

18.

Huwa jkompli wkoll bir-rekwiżiti ta’ konċentrazzjoni tematika (l-Artikolu 8), fejn jiffoka fuq investimenti fl-innovazzjoni, f’Ewropa aktar ekoloġika u b’emissjonijiet baxxi ta’ karbonju (l-Artikolu 3 tal-proposta tar-Regolament tal-FEŻR/FK), u fuq l-inklużjoni soċjali u l-ġlieda kontra l-qgħad fost iż-żgħażagħ (l-Artikolu 7 tal-proposta tar-Regolament dwar l-FSE+). F’awditi preċedenti, aħna sibna li r-rekwiżiti ta’ konċentrazzjoni tematika kellhom impatt qawwi fuq l-issettjar ta’ prijoritajiet adegwati għall-finanzjament (9). Għalhekk, aħna nilqgħu l-fatt li dawn ir-rekwiżiti nżammu, billi huma għandhom jippermettu li l-finanzjament mill-UE jkun immirat aħjar, u b’hekk jiġi mmassimizzat l-impatt ta’ dawn ir-riżorsi skarsi.

19.

Madankollu, aħna nosservaw li l-finanzjament mill-UE bħala proporzjon mill-infiq pubbliku totali jvarja bejn l-Istati Membri, u huwa baxx ħafna għal xi wħud minnhom (ara l-Figura hawn taħt). Għal dawn l-Istati Membri, anke b’konċentrazzjoni tematika, is-suċċess tal-finanzjament mill-UE se jiddependi prinċipalment fuq il-kapaċità tagħhom li jimmobilizzaw finanzjament nazzjonali komplementari.

Figura

Il-FEŻR u l-FK bħala % tal-investimenti pubbliċi 2015-2017

Sors: Id-Dokument ta’ Ħidma tal-Persunal tal-Kummissjoni, Valutazzjoni tal-impatt, SWD(2018)282 final.

Strateġija u objettivi fil-livell tal-UE

20.

Aħna diġà rrappurtajna li l-prijoritajiet tal-UE jeħtieġ li jiġu kkonkretizzati f’objettivi operazzjonali utli u f’miri għall-maniġers, biex ikun jista’ jsir monitoraġġ u rappurtar konsistenti dwar il-kontribuzzjoni tal-fondi għall-prijoritajiet tal-UE (10). Fil-proposta tagħha, il-Kummissjoni tiddikjara li l-objettivi tas-CPR huma allinjati aħjar mal-prijoritajiet tal-UE (11); madankollu, l-abbozz tas-CPR ma jindikax b’mod ċar x’inhuma dawn il-prijoritajiet tal-UE. Għall-kuntrarju taż-żewġ perjodi ta’ programmazzjoni preċedenti, is-CPR għall-perjodu wara l-2020 mhuwiex ibbażat fuq strateġija komuni għall-UE jew fuq sett ta’ miri. Aħna nirrikonoxxu li s-sena d-dieħla se jsiru l-elezzjonijiet tal-Parlament Ewropew u se jkun hemm Kummissjoni ġdida, li jista’ jagħmel l-iżvilupp ta’ strateġija prematur. Madankollu, in-nuqqas ta’ strateġija ta’ livell għoli biex tinforma l-objettiv tas-CPR huwa omissjoni importanti. Fir-Rapporti Annwali tagħna 2014 u 2015, aħna ġbidna l-attenzjoni għall-kumplikazzjonijiet li jirriżultaw mill-fatt li l-istrateġija Ewropa 2020 mhijiex allinjata la mal-perjodi tal-QFP u lanqas mal-mandat tal-Kummissjoni (12).

21.

Minflok, issir referenza għall-kontribuzzjoni tal-fondi għal objettivi vagi, bħas-“[simplifikazzjoni] tal-azzjonijiet klimatiċi” (il-preambolu 9 u l-Artikolu 4(3)) (13), u għall-“missjonijiet speċifiċi għall-Fondi skont l-objettivi bbażati fuq l-Artikolu 174 tat-Trattat” (il-preambolu 8 u l-Artikolu 4(2)). Barra minn hekk:

—	għat-tliet fondi ta’ Koeżjoni u għall-FEMS, ma hemmx spjegazzjoni ta’ kif il-prijoritajiet tal-UE stipulati fit-Trattat (14) huma kkonkretizzati fil-ħames objettivi ta’ politika (ta’ livell aktar baxx) tal-abbozz tas-CPR (l-Artikolu 4);

—

dawn il-ħames objettivi ta’ politika huma fformulati f’termini mhux speċifiċi f’livell għoli u aspirazzjonali ħafna (l-Artikolu 4) (15); filwaqt li r-regolamenti speċifiċi għall-fondi jipprovdu aktar dettalji dwar l-oqsma ta’ nfiq li jistgħu jikkontribwixxu għal kull wieħed mill-objettivi ta’ politika, dawn ma jikkostitwux sett ta’ objettivi operazzjonali li jistgħu jitkejlu u kwantifikati; u

—	l-objettivi ta’ politika huma relatati biss ma’ erba’ fondi; ir-regolamenti speċifiċi għall-fondi jissettjaw objettivi ta’ politika separati għall-AMIF, l-FSI u l-BMVI (il-punt 8 tal-preambolu u l-Artikolu 1(3)).

—

Xi dokumenti informattivi u analitiċi reċenti indikaw l-importanza tal-valur miżjud tal-UE għall-allokazzjoni tar-riżorsi u t-tfassil u l-evalwazzjoni tal-programmi ta’ nfiq (16). Fin-nuqqas ta’ definizzjoni ta’ valur miżjud tal-UE fir-Regolament Finanzjarju emendat, huwa diffiċli biex il-Kummissjoni tapplika dan il-kunċett meta tistabbilixxi l-qafas tas-CPR.

22.

Konsegwentement, l-abbozz tas-CPR ma jartikolax viżjoni ċara fir-rigward ta’ dak li l-UE tixtieqtikseb bil-fondi li hija tkopri, li jippreżenta riskji potenzjali għat-tfassil, l-implimentazzjoni u l-impatt tal-politika.

23.

Jenħtieġ li l-Kummissjoni u l-leġiżlaturi jqisu li:

(1)	Jipproponu prijoritajiet tal-UE ċari – b’miri assoċjati – li għalihom ikunu jridu jikkontribwixxu l-fondi u, meta jagħmlu dan, jindirizzaw il-punti li aħna nqajmu fil-paragrafu 21 (l-Artikolu 4 tal-abbozz tas-CPR).

Ġabra unika tar-regoli

24.

L-għan tal-proposta tal-Kummissjoni għas-CPR huwa li tipprovdi ġabra tar-regoli sempliċi u komprensiva li tipprovdi regoli ta’ implimentazzjoni allinjati għal kulħadd (17). Aħna nilqgħu l-istruttura ġenerali simplifikata tal-qafas leġiżlattiv, b’għadd imnaqqas ta’ regolamenti konsiderevolment iqsar. Issa huwa magħmul minn tliet saffi ta’ leġiżlazzjoni – is-CPR, ir-regolamenti speċifiċi għall-fond u l-atti delegati fuq il-bażi tas-setgħat stipulati fis-CPR – inqas milli fil-perjodu ta’ programmazzjoni preċedenti (18).

25.

Għall-ewwel darba, seba’ fondi taħt ġestjoni kondiviża (il-paragrafu 2 ta’ hawn fuq) huma koperti f’qafas legali uniku. Kif kien il-każ għall-perjodu ta’ programmazzjoni 2014-2020 (19), il-Kummissjoni tisħaq li dan għandu l-effett li jissimplifika l-implimentazzjoni tal-fondi u jrawwem sinerġiji fosthom (20). Madankollu, aħna nosservaw li l-allinjament tar-regoli ta’ implimentazzjoni huwa parzjali biss, billi fi ħdan is-CPR ikomplu japplikaw regoli differenti għal fondi differenti. Pereżempju

—	Filwaqt li r-regoli finanzjarji japplikaw għas-seba’ fondi kollha, id-dispożizzjonijiet komuni japplikaw biss għal erba’ minn dawn il-fondi (l-Artikolu 1(1)) – il-FK, il-FEŻR, l-FSE+ u l-FEMS.

—	It-Titolu VIII dwar il-qafas finanzjarju ma japplikax għall-FEMS (l-Artikolu 1(4)).

—	Il-fondi għandhom arranġamenti ta’ monitoraġġ differenti għall-programmi: rapport annwali dwar il-prestazzjoni għall-FEMS, l-AMF, l-FSI u l-BMVI (l-Artikolu 36(6)) u rapport finali dwar il-prestazzjoni sal-15 ta’ Frar 2031 (l-Artikolu 38) għall-FEŻR, il-FK u l-FSE+.

Flessibbiltà baġitarja

Perjodu ta’ eliġibbiltà

26.

Aħna diġà ġbidna l-attenzjoni għall-problemi (b’mod partikolari l-piż amministrattiv u l-effett konsegwenti tiegħu fuq il-bidu tal-perjodu ta’ programmazzjoni sussegwenti) li jirriżultaw meta jkun hemm trikkib bejn il-perjodi eliġibbli taż-żewġ perjodi ta’ programmazzjoni differenti. Għalhekk, aħna nilqgħu l-proposta taħt l-Artikolu 99 li fi tmiem 2021-2027, dan il-perjodu jitnaqqas minn tliet snin għal sentejn (f’lingwaġġ tekniku, trasferiment minn n+3 għal n+2) bħala l-ewwel pass fid-direzzjoni t-tajba lejn l-allinjament tal-eliġibbiltà kemm jista’ jkun mal-perjodu ta’ programmazzjoni (21).

Flessibbiltà fil-kapaċità ta’ trasferiment tal-finanzjament bejn il-programmi

27.

Is-CPR jipproponi t-tneħħija tal-ħtieġa għal deċiżjoni tal-Kummissjoni għal trasferimenti finanzjarji bejn prijoritajiet appoġġati mill-istess fond, fl-istess programm, għall-istess kategorija ta’ reġjun, sa 5 % tal-allokazzjoni inizjali tal-prijorità, b’limitu massimu li jasal sa 3 % tal-baġit tal-programm (l-Artikolu 19(5)). L-abbozz tas-CPR jipprevedi wkoll il-possibbiltà li jiġu trasferiti sa 5 % tal-allokazzjonijiet bejn il-fondi kollha taħt ġestjoni kondiviża u strumenti oħra (l-Artikolu 21). Din il-kapaċità li jiġu trasferiti l-fondi tipprovdi aktar flessibbiltà għall-Istati Membri u għandha tgħinhom jonfqu l-finanzjament mill-UE li huwa disponibbli għalihom.

28.

Madankollu, fil-fehma tagħna, jenħtieġ li l-għan prinċipali tat-trasferimenti baġitarji ma jkunx li l-infiq tal-flus isir aktar faċli; kwalunkwe trasferiment bħal dan għandu jkun rispons għall-ħtiġijiet l-aktar urġenti. Barra minn hekk, dawn it-trasferimenti x’aktarx li jwasslu għal kumplikazzjonijiet addizzjonali fl-aġġustamenti għall-qafas ta’ prestazzjoni u proċessi amministrattivi oħra; lanqas ma huwa ċar kif se jiġi kkalkulat l-ammont li jkun irid jiġi trasferit. Il-proposta tas-CPR ma tispeċifikax jekk il-perċentwali li jistgħu jiġu trasferiti jirreferux għall-allokazzjoni inizjali, jew għal allokazzjoni fi kwalunkwe ħin.

Programmazzjoni f’żewġ stadji (5 + 2)

29.

Element ġdid propost għall-perjodu 2021-2027 huwa programmazzjoni f’żewġ stadji għall-FEŻR, il-FK u l-FSE+, fejn l-allokazzjonijiet finanzjarji fil-programmi jiġu ddefiniti għall-ewwel ħames snin, 2021-2025, biss (l-Artikolu 17(6)), filwaqt li l-allokazzjonijiet għall-aħħar sentejn jiġu ssettjati fl-2025 bħala parti mill-eżerċizzju obbligatorju ta’ analiżi ta’ nofs it-terminu (l-Artikolu 14(2)(a)). Dan għandu jgħin il-flessibbiltà u jżid il-kapaċità tal-UE li tirreaġixxi għal ċirkustanzi li jinbidlu. Madankollu, il-proċess tal-emendar tal-programmi kollha fl-istess ħin se jżid il-piż amministrattiv b’mod sinifikanti għall-Kummissjoni u għall-awtoritajiet tal-Istati Membri fl-istadji bikrin tal-programmi ta’ implimentazzjoni (22).

30.

Jenħtieġ li l-Kummissjoni u l-leġiżlaturi jqisu li:

(2)	Jikkjarifikaw il-kundizzjonijiet għat-trasferiment ta’ fondi u jiżguraw il-fokus neċessarju fuq ir-riżultati (l-Artikoli 19 u 21 tal-abbozz tas-CPR).

(3)	Iqisu mill-ġdid l-approċċ propost għall-ipprogrammar f’żewġ stadji (l-Artikolu 17(6) tal-abbozz tas-CPR), filwaqt li jżommu f’moħħhom ir-riskji għall-piż amministrattiv.

Ħolqien ta’ ambjent favorevoli għall-investimenti

Governanza ekonomika u rabtiet mal-Politika ta’ Koeżjoni

31.

Aħna nilqgħu l-passi li ttieħdu mill-Kummissjoni biex tissaħħaħ ir-rabta bejn l-użu ta’ finanzjament mill-UE u l-arranġamenti ta’ governanza ekonomika ta’ livell għoli tal-UE – is-semestru Ewropew. Aħna nilqgħu l-possibbiltà ta’ analiżi u emendi ta’ programmi sabiex tiġi appoġġata l-implimentazzjoni ta’ rakkomandazzjonijiet speċifiċi għall-pajjiż indirizzati lill-Istati Membri (l-Artikolu 15).

32.

Madankollu, sabiex tagħmel użu tajjeb minn dawn id-dispożizzjonijiet, u biex issaħħaħ ir-rabta bejn il-finanzjament mill-UE u l-prijoritajiet tal-UE, jenħtieġ li l-Kummissjoni tiżgura li r-rakkomandazzjonijiet speċifiċi għall-pajjiż (CSRs) li hija tipproponi jkunu rilevanti, ikunu jistgħu jiġu implimentati, u jistgħu jikkontribwixxu direttament għall-eliminazzjoni tad-dgħufijiet identifikati. Reċentement, aħna rrappurtajna kemm dwar in-nuqqas ta’ rabta sistematika bejn l-iżbilanċi speċifiċi identifikati fl-analiżijiet fil-fond u s-CSRs indirizzati lill-Istati Membri (23); kif ukoll dwar xi dgħufijiet fl-artikolazzjoni tas-CSRs. Fir-rapport tal-aħħar, aħna rrakkomandajna li s-CSRs jikkjarifikaw ir-raġuni għar-rakkomandazzjoni u r-riskji relatati (24). Għalhekk, is-suċċess tad-dispożizzjonijiet relatati mal-miżuri marbuta ma’ governanza ekonomika tajba se jiddependu fuq jekk is-CSRs jiġux ifformulati b’mod ċar biżżejjed biex jittieħdu miżuri operazzjonali mhux ambigwi, li jistgħu jiġu mmonitorjati u fejn tista’ tiġi stabbilita implimentazzjoni ta’ suċċess.

33.

Aħna nilqgħu l-proposta li jissaħħaħ ir-rwol tal-Kummissjoni billi tingħata s-setgħa li tissospendi l-pagamenti direttament, f’każijiet fejn l-Istati Membri ma jiħdux azzjoni b’rispons għal talba għal analiżi u emenda ta’ programm (l-Artikolu 15(6)). Madankollu, aħna nosservaw li din is-setgħa hija mminata mill-fatt li l-abbozz tas-CPR ma jistipulax arranġamenti għall-monitoraġġ tal-implimentazzjoni, mill-Istati Membri, ta’ miżuri marbuta ma’ governanza ekonomika tajba.

34.

Fejn Stat Membru ma jiħux l-azzjoni meħtieġa jew il-Kunsill jadotta żewġ rakkomandazzjonijiet suċċessivi fl-istess proċedura ta’ żbilanċ, il-Kummissjoni trid tipproponi lill-Kunsill is-sospensjoni jew tal-impenji jew inkella tal-pagamenti (l-Artikolu 15(7)). F’dawn il-każijiet, il-prijorità se tingħata lis-sospensjonijiet tal-impenji; sospensjonijiet tal-pagamenti jsiru biss meta tkun imfittxija azzjoni immedjata u f’każijiet ta’ nuqqas ta’ konformità sinifikanti. Aħna tal-fehma li t-trasferiment tal-fokus minn fuq is-sospensjonijiet tal-pagamenti – bħalma huwa l-każ fil-perjodu ta’ programmazzjoni attwali – għal fuq is-sospensjonijiet tal-impenji, jillimita l-impatt ta’ penali tiegħu. Dan l-impatt jiddgħajjef aktar mill-proposta l-ġdida li l-Kummissjoni tista’ twaqqaf is-sospensjoni fi żmien 10 ijiem, għal raġunijiet ta’ ċirkustanzi ekonomiċi eċċezzjonali jew wara talba motivata mill-Istat Membru. Aħna nosservaw li l-proposta ma tikkjarifikax x’jikkostitwixxu ċirkustanzi ekonomiċi eċċezzjonali jew talba motivata mill-Istat Membru, li jagħmel din id-dispożizzjoni sensittiva suxxettibbli għal interpretazzjonijiet differenti.

35.

Jenħtieġ li l-Kummissjoni u l-leġiżlaturi jqisu li:

(4)	F’konformità mar-rakkomandazzjoni preċedenti tagħna, jiżguraw li s-CSRs mill-2019 ’il quddiem ikunu ċari, mhux ambigwi u operazzjonali, sabiex isir użu xieraq tad-dispożizzjonijiet proposti fl-Artikolu 15.

(5)	Jinkludu dispożizzjonijiet dwar arranġamenti ta’ monitoraġġ u ta’ rappurtar għall-implimentazzjoni ta’ miżuri marbuta ma’ governanza ekonomika tajba (l-Artikolu 15 tal-abbozz tas-CPR).

(6)	Jekk jenħtieġx li jsiru sospensjonijiet tal-pagamenti minflok tal-impenji, u li jikkjarifikaw meta jenħtieġ li jiġu rtirati s-sospensjonijiet (l-Artikolu 15 tal-abbozz tas-CPR).

Kundizzjonijiet ta’ abilitazzjoni

36.

Il-kundizzjonalitajiet ex ante fil-perjodu attwali jridu jiġu sostitwiti fil-proposta b’kundizzjonijiet ta’ abilitazzjoni aktar sempliċi (l-Artikolu 11). Aħna nilqgħu bosta aspetti tal-arranġamenti proposti: is-simplifikazzjoni fl-istabbiliment tagħhom; il-kundizzjonijiet imsaħħa għall-applikazzjoni effettiva tagħhom; u l-fatt li jenħtieġ li, fil-biċċa l-kbira, jiffukaw fuq l-iżvilupp ta’ oqfsa strateġiċi u ta’ ppjanar. Aħna nilqgħu wkoll il-ħtieġa għal konsistenza bejn l-operazzjonijiet magħżula u d-dokumenti ta’ strateġija u ta’ ppjanar korrispondenti li jikkonċernaw l-issodisfar tal-kundizzjonijiet ta’ abilitazzjoni. Aħna nemmnu li dan huwa pass importanti lejn l-iżgurar li l-kundizzjonijiet jiġu applikati tul il-perjodu ta’ programmazzjoni kollu.

37.

Madankollu, aħna identifikajna wkoll għadd ta’ oqsma fejn hemm lok għal titjib għad-dispożizzjonijiet proposti relatati mal-kundizzjonijiet ta’ abilitazzjoni:

—

Xi wħud mill-kriterji proposti jistgħu ma jaffettwawx l-implimentazzjoni effiċjenti u effettiva tal-objettiv speċifiku relatat, għall-kuntrarju tar-rakkomandazzjoni preċedenti tagħna (25). Pereżempju, il-kundizzjoni ta’ abilitazzjoni tematika “Hemm fis-seħħ l-Istrateġija Nazzjonali għall-Integrazzjoni tar-Rom” (l-Anness IV tal-abbozz tas-CPR) tista’ tikkontribwixxi parzjalment biss għall-ilħuq tal-objettiv speċifiku relatat li jappoġġa grupp usa’ ta’ komunitajiet marġinalizzati, mhux ir-Rom biss.

—

F’rapport reċenti, aħna rrakkomandajna li jenħtieġ li l-leġiżlazzjoni ta’ wara l-2020 tistabbilixxi kriterji ċari biex jiġi vvalutat l-issodisfar tal-kundizzjonijiet, inklużi miri li jistgħu jitkejlu, kull fejn ikun fattibbli, biex ikun żgurat fehim komuni ta’ dak li jeħtieġ li jinkiseb (26). Madankollu, fil-fehma tagħna, xi wħud mill-kriterji huma ambigwi. B’mod partikolari, il-kundizzjonijiet tematiċi proposti relatati mal-iżvilupp ta’ strateġiji u ta’ oqfsa ta’ politika strateġiċi ma fihomx dettall dwar kif jenħtieġ li jiġu definiti l-istrateġiji jiġu definiti, liema entitajiet għandhom ikunu responsabbli għall-implimentazzjoni tagħhom, x’kapaċità hija meħtieġa għall-issodisfar u l-applikazzjoni tagħhom u, fil-biċċa l-kbira mill-każijiet, kif jenħtieġ li jiġu mmonitorjati.

—	Aħna rrakkomandajna wkoll li jenħtieġ li l-leġiżlazzjoni għall-perjodu ta’ wara l-2020 tiżgura l-konsistenza fil-valutazzjoni tal-kriterji għall-issodisfar tal-kundizzjonijiet mas-Semestru Ewropew (27). Aħna nosservaw li din ir-rakkomandazzjoni mhijiex riflessa fil-proposta.

38.

L-abbozz tas-CPR jipproponi li jenħtieġ li l-infiq relatat mal-objettiv speċifiku li għalih ma tkunx issodisfata l-kundizzjoni ta’ abilitazzjoni ma jiġix inkluż f’applikazzjoni għall-pagament (l-Artikolu 11(6)). Din hija bidla pożittiva, meta mqabbel mal-perjodu 2014-2020. Madankollu, mhuwiex ċar jekk l-infiq imġarrab qabel l-issodisfar jistax jiġi inkluż, sussegwentement, fl-applikazzjonijiet għall-pagament ladarba l-kundizzjoni ta’ abilitazzjoni tiġi ssodisfata. L-Artikolu 67(3)(b) jirrikjedi li l-operazzjonijiet magħżula jkunu konsistenti mad-dokumenti meħtieġa għall-issodisfar tal-kundizzjonijiet ta’ abilitazzjoni, iżda ma hemm xejn aktar preskrittiv minn dan fl-abbozz tas-CPR.

39.

Sabiex tinforza b’mod xieraq l-esklużjoni tal-infiq rilevanti mill-applikazzjoni għall-pagament, il-Kummissjoni jrid ikollha stabbiliti arranġamenti effettivi f’każijiet fejn il-kundizzjonijiet ma jibqgħux issodisfati. Madankollu, aħna nosservaw li l-abbozz tas-CPR ma jipprevedix arranġamenti bħal dawn, billi ma jeħtieġx rappurtar annwali mill-Istati Membri. Ir-regolamenti speċifiċi għall-fond għal tlieta mis-seba’ fondi koperti mill-abbozz tas-CPR – l-AMF, l-FSI u l-BMVI – tabilħaqq jeħtieġu li l-Istati Membri jirrappurtaw b’mod annwali dwar l-issodisfar tal-applikazzjoni tal-kundizzjonijiet ta’ abilitazzjoni, iżda dan mhuwiex il-każ għar-regolamenti speċifiċi għall-fond għall-FEŻR/FK, il-FSE+ u l-FEMS.

40.

Jenħtieġ li l-Kummissjoni u l-leġiżlaturi jqisu li:

(7)	Jiddefinixxu mill-ġdid il-kundizzjonijiet ta’ abilitazzjoni biex dawn iwasslu ġenwinament għall-implimentazzjoni effettiva u effiċjenti ta’ objettivi speċifiċi (l-Annessi III u IV tal-abbozz tas-CPR).

(8)	Jinkludu kriterji ċari għall-valutazzjoni tal-issodisfar tal-kundizzjonijiet ta’ abilitazzjoni, l-arranġamenti ta’ monitoraġġ u, fejn applikabbli, il-miri u l-objettivi li jistgħu jitkejlu, sabiex jiġi żgurat fehim komuni ta’ dak li jrid jinkiseb (l-Annessi III u IV tal-abbozz tas-CPR).

(9)	Jinkludu dispożizzjonijiet li jiżguraw valutazzjoni tal-issodisfar tal-kriterji, f’konformità mar-rakkomandazzjonijiet speċifiċi għall-pajjiż u r-rapporti tal-pajjiżi relatati, maħruġa fi ħdan il-kuntest tal-proċess tas-Semestru Ewropew (l-Artikolu 11(2) u 11(4) tal-abbozz tas-CPR).

(10)

Jikkjarifikaw li jenħtieġ li l-infiq imġarrab qabel l-issodisfar tal-kundizzjonijiet ta’ abilitazzjoni u dak li ma jkunx konsistenti mad-dokumenti ta’ strateġija u ta’ ppjanar stabbiliti għall-issodisfar tal-kundizzjonijiet ta’ abilitazzjoni ma jiġix inkluż fl-applikazzjonijiet għall-pagament (l-Artikolu 11(6) tal-abbozz tas-CPR).

(11)	Jinkludu dispożizzjonijiet li jipprevedu monitoraġġ effettiv irrispettivament minn jekk il-kundizzjonijiet ta’ abilitazzjoni jkomplux jiġu ssodisfati jew le (l-Artikolu 11 tal-abbozz tas-CPR).

Kapaċità amministrattiva

41.

Għall-kuntrarju tar-regolament għall-perjodu ta’ programmazzjoni attwali, il-proposta ma tinkludix lista ta’ miżuri eliġibbli għall-assistenza teknika (28). Dan iwassal għar-riskju ta’ trikkib u għal nuqqas ta’ komplementarjetà mal-finanzjament previst taħt il-proposta għal regolament dwar l-istabbiliment ta’ Programm ta’ Appoġġ għal Riformi (29). L-abbozz tas-CPR jeħtieġ li l-Istati Membri u l-Kummissjoni jiżguraw koordinazzjoni, komplementarjetà u koerenza bejn il-fondi tas-CPR u strumenti oħra tal-UE (l-Artikolu 4(4)). Fil-fehma tagħna, minħabba n-nuqqas ta’ dettall dwar l-assistenza teknika, għad fadal riskju ta’ trikkib.

42.

Skont il-proposta tas-CPR, assistenza teknika tista’ tiġi ffinanzjata permezz ta’ mekkaniżmu ta’ rata fissa għal attivitajiet “meħtieġa għall-użu u l-amministrazzjoni b’mod effettiv” tal-fondi tal-UE (l-Artikoli 30 u 31); u permezz ta’ finanzjament mhux marbut mal-ispejjeż għal “azzjonijiet addizzjonali … sabiex isaħħaħ il-kapaċità” (l-Artikoli 32 u 89). Fil-fehma tagħna, id-differenza bejn dawn iż-żewġ xenarji – il-bini jew ir-rinfurzar tal-kapaċità amministrattiva – mhijiex ċara. Għalhekk, hemm riskju akbar ta’ rimborż eċċessiv għall-assistenza teknika. Pereżempju, jista’ ma jkunx possibbli li l-Kummissjoni tiġġudika jekk talba għal pagament fir-rigward ta’ finanzjament mhux marbut mal-ispejjeż, kif stipulat mill-Artikolu 32, tidduplikax, f’termini tal-infiq ta’ bażi, talba għal rata fissa li tkun saret skont l-Artikolu 31.

43.

Jenħtieġ li l-Kummissjoni u l-leġiżlaturi jqisu li:

(12)	Jispeċifikaw miżuri eliġibbli għal finanzjament taħt l-assistenza teknika, sabiex is-CPR jikkomplementa r-regolament propost dwar l-istabbiliment tal-Programm ta’ Appoġġ għal Riformi (l-Artikoli 29-30 tal-abbozz tas-CPR).

(13)	Jikkjarifikaw iċ-ċirkustanzi meta għandhom jintużaw finanzjament b’rata fissa jew finanzjament mhux marbut mal-ispejjeż (l-Artikoli 29-32 tal-abbozz tas-CPR).

Analiżi ta’ nofs it-terminu

44.

Fil-perjodu ta’ programmazzjoni 2014-2020, il-Kummissjoni indikat ir-riżerva ta’ prestazzjoni bħala l-istrument prinċipali biex jinċentivizza lill-Istati Membri jiffukaw fuq il-prestazzjoni ladarba jkunu bdew il-programmi. Aħna sibna xi difetti fit-tfassil fir-riżerva ta’ prestazzjoni (30), u diġà rrakkomandajna, għall-perjodu ta’ wara l-2020, li din tinbidel fi strument aktar orjentat lejn ir-riżultati li jalloka l-fondi lil dawk il-programmi li jiksbu riżultati tajba (31).

45.

B’kuntrast ma’ dan, il-proposta tal-Kummissjoni għal wara l-2020 hija li titwaqqaf ir-riżerva ta’ prestazzjoni. Minflok, il-Kummissjoni tipproponi li jittieħed kont tal-prestazzjoni permezz tal-introduzzjoni tar-analiżi ta’ nofs it-terminu ta’ kull programm fl-2025 (l-Artikolu 14), marbut mar-riprogrammazzjoni tal-fondi (il-paragrafu 29 ta’ hawn fuq) (l-Artikolu 19). Fit-teorija, sentejn minn seba’ snin ta’ finanzjament – potenzjalment sa 30 % – jistgħu jkunu suġġetti għal allokazzjoni mill-ġdid ibbażata fuq il-prestazzjoni, meta mqabbel mas-6 % ikkonċernati fir-riżerva ta’ prestazzjoni għall-2014-2020. Madankollu, fil-fehma tagħna, l-analiżi ta’ nofs it-terminu propost għandu bosta nuqqasijiet:

—	Fil-biċċa l-kbira, huwa se jkun limitat għall-valuri rrappurtati tal-indikaturi tal-output, u mhux tal-indikaturi tar-riżultati fi kwalunkwe forma, billi mhux se jkun hemm stadji importanti disponibbli għall-indikaturi tar-riżultat fil-qafas ta’ prestazzjoni (l-Artikolu 12).

—

L-analiżi ta’ nofs it-terminu jista’ jasal kmieni wisq fil-perjodu ta’ programmazzjoni biex jiġi ġġudikat il-progress, b’mod partikolari jekk il-programmi jesperjenzaw xi dewmien fl-implimentazzjoni, kif kien il-każ fi programmi preċedenti (għall-perjodi ta’ programmazzjoni 2000-2006, 2007-2013 u 2014-2020, madwar 20 % biss tal-fondi ġew assorbiti fl-ewwel erba’ snin tal-perjodu ta’ programmazzjoni).

—	Il-metodoloġija li trid tiġi applikata għall-eżerċizzju u r-rabta tagħha mal-prestazzjoni mhumiex ċari. B’mod partikolari, il-proposta ma tiddefinixxix jekk il-miri inizjali jridux jiġu ssettjati bbażat fuq l-allokazzjonijiet finanzjarji tal-2021-2025 biss, jew inkella fuq dawk tal-perjodu kollu.

—	Mhuwiex ċar kif se tiġi vvalutata l-prestazzjoni, u x’konsegwenzi se jkollha din il-valutazzjoni. Kif inhu l-każ għall-perjodu 2014-2020, ma hemmx riskju li l-Istati Membri se jitilfu xi fondi, irrispettivament mill-prestazzjoni.

46.

Jenħtieġ li l-Kummissjoni u l-leġiżlaturi jqisu li:

(14)

Jiżguraw li l-analiżi ta’ nofs it-terminu ma jiffukax biss fuq l-inputs u l-outputs iżda wkoll, sa fejn ikun possibbli, fuq ir-riżultati (l-Artikolu 14 u l-Anness V tal-abbozz tas-CPR). Jekk ikun kmieni wisq biex ir-riżultati jiġu vvalutati, l-istadji importanti fil-programmi jgħinu biex jikkumpensaw għal dan.

(15)	Jikkjarifikaw il-metodoloġija li se tintuża għall-analiżi ta’ nofs it-terminu; pereżempju, x’se jikkostitwixxi prestazzjoni sodisfaċenti, u kif dan jista’ jaffettwa l-allokazzjoni finanzjarja (l-Artikolu 14 tal-abbozz tas-CPR).

QAFAS TA’ PROGRAMMAZZJONI U TA’ MONITORAĠĠ

Il-prinċipju tas-simplifikazzjoni fil-programmazzjoni

47.

Aħna diġà ddikjarajna li regoli sempliċi u stabbli huma l-ewwel mezz ta’ simplifikazzjoni (32). F’dan il-kuntest, aħna nilqgħu l-fatt li ħafna regoli relatati mal-qafas ta’ programmazzjoni u ta’ monitoraġġ baqgħu stabbli mill-perjodu ta’ programmazzjoni preċedenti. Il-komponenti prinċipali tal-qafas 2014-2020, bħall-ftehimiet ta’ sħubija, inżammu; u l-istruttura ġenerali tal-programmi għadha l-istess (il-mudell tal-programmi, ir-ripartizzjoni tar-riżorsi finanzjarji tal-programm skont l-objettiv speċifiku, u n-nomenklatura komuni għad-data finanzjarja). Flimkien mal-fatt li l-mudelli għad-dokumenti ta’ programmazzjoni huma disponibbli, dan għandu jfisser li l-awtoritajiet huma familjari mar-regoli, li jagħmilha aktar faċli għalihom biex iħejju d-dokumenti neċessarji.

48.

F’awditi preċedenti, aħna enfasizzajna li l-Kummissjoni u l-Istati Membri jikkondividu r-responsabbiltà għas-simplifikazzjoni tat-twassil tal-politika ta’ Koeżjoni, u li sehem sinifikanti mill-piż amministrattiv fuq il-benefiċjarji huwa kkawżat mill-istrutturi organizzazzjonali u l-ineffiċjenzi amministrattivi tal-Istati Membri (33). Għalhekk, huwa importanti li l-Istati Membri jidentifikaw l-oriġini tal-piżijiet amministrattivi u xi miżuri possibbli biex inaqqsuhom; fi żmien debitu jenħtieġ li huma jirrappurtaw ukoll il-progress fit-tnaqqis tal-ispejjeż u l-piż amministrattivi (34). Il-proposta teħtieġ li l-programmi jistipulaw sfidi marbuta mal-kapaċità amministrattiva u l-governanza (l-Artikolu 17(3)(a)(iv)), u kumitati ta’ monitoraġġ se jkollhom jeżaminaw il-progress fil-bini ta’ kapaċità amministrattiva (l-Artikolu 35(1)(i)), iżda mhuwiex ċar jekk dawn ir-rekwiżiti jinkludux miżuri ta’ simplifikazzjoni u t-tnaqqis tal-piż amministrattiv.

49.

Jenħtieġ li l-Kummissjoni u l-leġiżlaturi jqisu li:

(16)

Jeħtieġu, fil-ftehimiet ta’ sħubija (l-Artikolu 8 u l-Anness II tal-abbozz tas-CPR) jew fil-programmi (l-Artikolu 17 u l-Anness V tal-abbozz tas-CPR), deskrizzjoni tal-miżuri tal-Istati Membri biex jindirizzaw il-piż amministrattiv, flimkien ma’ indikaturi biex jitkejjel il-progress bi tqabbil ma’ dan l-għan, u li jeħtieġu li l-Istati Membri jirrappurtaw dwar dan.

Il-bilanċ bejn is-simplifikazzjoni, ir-riżultati u r-responsabbiltà

50.

Kif diġà indikajna qabel, aħna nemmnu li jenħtieġ li s-simplifikazzjoni ma tipperikolax l-obbligu ta’ rendikont pubbliku u l-prestazzjoni (35).

Ftehimiet ta’ sħubija

51.

Aħna nilqgħu l-fatt li s-CPR jipproponi li l-ftehimiet ta’ sħubija jinżammu bħala dokument strateġiku (l-Artikolu 7), billi dawn jiffurmaw il-bażi għan-negozjati bejn il-Kummissjoni u l-Istati Membri (il-preambolu (15)). Fir-rapport speċjali tagħna dwar il-ftehimiet ta’ sħubija, aħna kkonkludejna li dawn kienu strumentali fl-iffukar tal-infiq fil-qasam tal-Koeżjoni fuq l-Istrateġija Ewropa 2020 (36).

52.

Għall-kuntrarju tal-perjodu 2014-2020, ma hemmx skadenza fissa għall-preżentazzjoni tal-ftehim ta’ sħubija mill-Istati Membri, li jfisser li r-rekwiżit li l-programmi jiġu ppreżentati fi żmien tliet xhur ulterjuri (l-Artikolu 16) huwa ta’ użu limitat. Aħna diġà enfasizzajna l-importanza li l-implimentazzjoni tal-programmi tinbeda kemm jista’ jkun qrib il-bidu tal-perjodu ta’ programmazzjoni, biex jiġi evitat ir-riskju li ammonti kbar ta’ fondi jkollhom jintnefqu fi tmiem il-perjodu ta’ programmazzjoni, b’riskju konsegwenti għall-fokus fuq ir-riżultati (37).

53.

Aħna nilqgħu wkoll l-inklużjoni ta’ mudell ta’ ftehim ta’ sħubija fl-abbozz tas-CPR (l-Anness II). Aħna diġà sibna li n-nuqqas ta’ mudell komuni fil-perjodu ta’ programmazzjoni 2014-2020 affettwa l-kwalità tal-informazzjoni dwar il-prestazzjoni pprovduta (38). Jenħtieġ ukoll li l-mudell għall-ftehimiet ta’ sħubija jiffaċilita wkoll in-negozjar tagħhom bejn il-Kummissjoni u l-Istati Membri.

54.

Is-CPR jipproponi s-simplifikazzjoni tal-ftehimiet ta’ sħubija billi jiġi llimitat it-tip ta’ informazzjoni li għandu jinkludi (l-Artikolu 8 u l-Anness II). Madankollu, hemm riskju li l-arranġamenti proposti jirriżultaw f’li l-ftehim ta’ sħubija jsir eżerċizzju ta’ darba ta’ valur limitat:

—

Aħna diġà rrikonoxxejna r-rwol li għandhom il-ftehimiet ta’ sħubija fil-ksib ta’ riżultati tajbin billi jistipulaw loġika ta’ intervent ċara (39) – billi jidentifikaw il-ħtiġijiet qabel janalizzaw kif u dwar xiex jistgħu jintnefqu l-fondi tal-UE. Dan mhuwiex il-każ fil-proposta. Il-ftehim ta’ sħubija propost jiffoka fuq għażliet ta’ politika (l-Artikolu 8), iżda ma jeħtieġx artikulazzjoni ċara tal-ħtiġijiet li jridu jiġu indirizzati mill-politika. Barra minn hekk, filwaqt li hemm rekwiżit biex l-Istati Membri jinkludu, fil-ftehimiet ta’ sħubija tagħhom, ir-riżultati prinċipali mistennija (l-Artikolu 8), dawn ma għandhomx għalfejn jiġu kwantifikati u mhumiex imfassla biex jikkonkretizzaw għanijiet politiċi jew objettivi ta’ politika ta’ livell għoli f’objettivi operazzjonali. Għalhekk, se jkun diffiċli li jiġi ġġudikat jekk l-objettivi proposti u r-riżultati humiex realistiċi, u b’hekk jekk l-azzjonijiet proposti biex jiġu indirizzati l-problemi humiex xierqa.

—

Għall-kuntrarju tal-perjodu ta’ programmazzjoni attwali, l-abbozz tas-CPR ma jipprevedi l-ebda monitoraġġ tar-riżultati stipulati fil-ftehimiet ta’ sħubija, jew rappurtar dwarhom. Aħna nqisu li rappurtar regolari u trasparenza dwar ir-riżultati tal-interventi tal-UE huma ewlenin biex jiżguraw obbligu ta’ rendikont pubbliku u biex jirbħu l-fiduċja taċ-ċittadini (40).

Programmi

55.

Loġika ta’ intervent aktar robusta kienet waħda mill-każijiet ewlenin ta’ titjib fil-perjodu 2014-2020 rigward il-prestazzjoni (41). Barra minn hekk, għall-kuntrarju tal-perjodu ta’ programmazzjoni 2014-2020, ma hemmx obbligu li titwettaq evalwazzjoni ex ante tal-loġika ta’ intervent stipulata fil-programmi. Ir-Regolament Finanzjarju jeħtieġ li l-programmi u l-attivitajiet li jinvolvu nfiq sinifikanti jkunu suġġetti għal evalwazzjonijiet ex ante (42). Fl-Opinjoni tagħna dwar l-abbozz ta’ Regolament Finanzjarju, aħna enfasizzajna l-importanza ta’ evalwazzjonijiet ex ante billi rrakkomandajna li jenħtieġ li d-dispożizzjonijiet il-ġodda ma jnaqqsux il-kriterji li jridu jiġu koperti minnhom (43).

56.

Jenħtieġ li l-Kummissjoni u l-leġiżlaturi jqisu li:

(17)	Jipproponu skeda ta’ żmien għall-adozzjoni tas-CPR, tar-regolamenti speċifiċi għall-fond u tal-atti delegati u ta’ implimentazzjoni lill-Kunsill u lill-Parlament Ewropew, bil-ħsieb li jiġi żgurat li l-implimentazzjoni tal-programmi tibda fil-ħin fil-bidu tal-perjodu ta’ programmazzjoni.

(18)	Jissettjaw data ta’ skadenza obbligatorja għall-preżentazzjoni tal-ftehimiet ta’ sħubija, bil-ħsieb li tiġi żgurata l-preżentazzjoni f’waqtha tal-programmi (l-Artikolu 7 tal-abbozz tas-CPR).

(19)

Jinkludu, fil-ftehim ta’ sħubija (l-Artikolu 8 u l-Anness II tal-abbozz tas-CPR), analiżi tal-ħtiġijiet fir-rigward ta’ kull objettiv ta’ politika, kif ukoll taqsima fejn l-Istati Membri jridu jidentifikaw ir-riżultati kwantifikati li huma jixtiequ jiksbu, u kif dawn jallinjaw mal-prijoritajiet tal-UE.

(20)	Jeħtieġu li l-Istati Membri jimmonitorjaw u jirrappurtaw dwar dawn ir-riżultati, mill-inqas qabel l-evalwazzjonijiet mill-Kummissjoni fl-2024 u fl-2031 (l-Artikolu 8 tal-abbozz tas-CPR).

(21)

Jintroduċu evalwazzjoni ex ante obbligatorja tal-programmi u jeħtieġu li l-Istati Membri jistipulaw, fil-programmi tagħhom, strateġija għall-kontribut tal-programm lejn ir-riżultati mistennija stabbiliti fil-ftehim ta’ sħubija (l-Artikolu 16 tal-abbozz tas-CPR), f’konformità mar-rekwiżiti tar-Regolament Finanzjarju.

Il-qafas ta’ prestazzjoni

57.

Is-CPR jipproponi l-introduzzjoni ta’ qafas ta’ prestazzjoni biex jippermetti l-monitoraġġ, ir-rappurtar u l-evalwazzjoni tal-prestazzjoni tal-programm matul l-implimentazzjoni tiegħu (l-Artikolu 12). Għal kull programm, jenħtieġ li l-qafas ikun jikkonsisti minn indikaturi tal-output u tar-riżultat marbuta ma’ objettivi speċifiċi ssettjati fir-regolamenti speċifiċi għall-fond (44). Aħna nqisu li dan ir-rekwiżit jikkostitwixxi pass importanti lejn iż-żieda tal-fokus fuq il-prestazzjoni, billi għandu jiġġenera informazzjoni dwar il-prestazzjoni li tkun aktar frekwenti u koerenti.

Definizzjoni komuni tal-indikaturi tal-output u tar-riżultat

58.

Aħna diġà stabbilejna li l-Kummissjoni applikat definizzjonijiet differenti għal output u riżultat, u rrakkomandajna li jiġu inklużi definizzjonijiet standard fir-Regolament Finanzjarju (45). Filwaqt li nilqgħu d-definizzjoni proposta ta’ indikaturi tal-output u tar-riżultat (l-Artikolu 2), aħna nosservaw li d-definizzjoni ta’ indikaturi tar-riżultat tirreferi għal “effetti fuq terminu qasir” tal-interventi. Madankollu, dan mhuwiex għalkollox f’konformità mad-definizzjonijiet, la fil-“Linji gwida għal regolamentazzjoni aħjar” tal-Kummissjoni stess (46) u lanqas fir-Regolament Finanzjarju rivedut (47) li jirreferi speċifikament għall-“effetti immedjati” u l-“effetti” tal-interventi. Barra minn hekk, id-definizzjoni ta’ indikatur tar-riżultat fl-abbozz tas-CPR mhijiex konsistenti mad-definizzjonijiet użati fir-regolamenti kollha speċifiċi għall-fond: l-abbozz tar-Regolament dwar l-FSE+ ma jirreferix għal “indikaturi tar-riżultat” iżda jiddistingwi bejn “indikaturi tar-riżultat immedjati” u “indikaturi tar-riżultat aktar fit-tul” (48).

Indikaturi, komuni u speċifiċi għall-programm, tal-output u tar-riżultat għall-programmi

59.

Aħna nilqgħu l-introduzzjoni ta’ sett ta’ indikaturi komuni tal-output u tar-riżultat għal kull fond. Dan huwa f’konformità mar-rapporti preċedenti tagħna li l-użu ta’ indikaturi komuni potenzjalment jirrappreżenta pass importanti lejn it-tisħiħ tal-fokus fuq il-prestazzjoni (49). L-użu ta’ indikaturi komuni jiffaċilita wkoll l-aggregazzjoni ta’ data dwar il-prestazzjoni, u b’hekk tqabbil tal-prestazzjoni fil-livell tal-programm, tal-Istati Membri u tal-UE. Aħna nosservaw li l-Kummissjoni se tuża l-indikaturi komuni bħala bażi għar-rappurtar ta’ indikaturi “ewlenin” lill-Parlament Ewropew u lill-Kunsill (l-Anness II tal-abbozz tar-Regolament dwar il-FEŻR/il-FK).

60.

Jenħtieġ li l-Kummissjoni u l-leġiżlaturi jqisu li:

(22)	Jallinjaw id-definizzjoni proposta ta’ indikaturi tar-riżultat fis-CPR (l-Artikolu 2) u fir-regolamenti speċifiċi għall-fond (ir-Regolament dwar l-FSE+, l-Artikolu 2 u l-Annessi; ir-Regolament dwar il-FEŻR/il-FK, l-Anness I).

Monitoraġġ u użu tal-informazzjoni dwar il-prestazzjoni

61.

Fix-xogħol preċedenti tagħna, aħna enfasizzajna l-importanza għall-Istati Membri u l-Kummissjoni li jiġu ddimostrati r-riżultati billi jittejbu l-objettivi, l-indikaturi, l-informazzjoni, l-evalwazzjoni u l-inċentivi, u b’hekk tinkiseb biżżejjed evidenza biex jiġu appoġġati d-deċiżjonijiet ta’ nfiq tal-UE (50). Jenħtieġ li l-informazzjoni dwar il-prestazzjoni tkun tista’ tiġi aggregata, tkun affidabbli u tkun limitata għal dak li jkun strettament meħtieġ.

Aggregazzjoni tad-data dwar il-prestazzjoni

62.

Aħna diġà rrappurtajna li mhux l-indikaturi komuni kollha ntużaw b’mod konsistenti għall-programmi appoġġati mill-FEŻR, u dan xekkel aggregazzjoni sinifikattiva tad-data fil-livell tal-UE (51). Aħna nqisu li xi wħud mill-elementi tas-CPR proposti ma jissalvagwardjawx użu konsistenti tal-indikaturi tal-prestazzjoni, li jista’ jqiegħed f’riskju aggregazzjoni sinifikattiva tad-data u b’hekk il-kwalità tar-rappurtar. Dan huwa rifless fl-eżempji li ġejjin:

—	Is-CPR jabolixxi l-kundizzjonalità ex ante ġenerali, applikabbli fil-perjodu 2014-2020, dwar l-eżistenza ta’ sistema li tiżgura l-ġbir u l-aggregazzjoni f’waqthom ta’ data statistika.

—	Ir-rilevanza tal-indikaturi komuni proposti għall-objettiv ta’ politika mhijiex dejjem evidenti. B’mod partikolari, dan huwa l-każ għall-Objettiv ta’ Politika 5, Ewropa eqreb lejn iċ-ċittadini, fejn l-indikaturi proposti huma ġeneriċi.

—

Għall-programmi tal-FEŻR/il-FK/il-FSE+/il-FEMS, mhuwiex ċar liema indikaturi komuni l-Istati Membri se jkunu jridu jużaw għal kull objettiv speċifiku. Għal dawn il-fondi kollha, lanqas ma huwa ċar jekk l-Istati Membri humiex meħtieġa jiġbru u jirrappurtaw id-data dwar l-indikaturi komuni kollha. Aħna diġà rrappurtajna li mhux l-indikaturi komuni kollha ntużaw b’mod konsistenti għall-programmi appoġġati mill-FEŻR fil-perjodu 2014-2020, u li dan xekkel aggregazzjoni sinifikattiva tad-data fil-livell tal-UE (52).

—	Minbarra l-programmi ta’ Koeżjoni (il-FEŻR/il-FK, il-FSE+), l-abbozzi ta’ regolamenti speċifiċi għall-fond ma jiddistingwux bejn l-indikaturi tal-output u tar-riżultat. Għalhekk, l-Istati Membri jistgħu ma jużawx l-indikaturi tar-riżultat b’mod konsistenti.

—

Is-sistema ta’ kategoriji finanzjarji ta’ intervent proposti għall-perjodu ta’ programmazzjoni 2021-2027 tistabbilixxi rabta diretta bejn l-allokazzjoni finanzjarja u l-objettivi speċifiċi tal-programmi (l-Anness V). Dan huwa titjib b’relazzjoni mad-dispożizzjonijiet tal-perjodu 2014-2020. Madankollu, l-oqsma ta’ intervent (53) (l-Anness I) li jenħtieġ li jintużaw biex tiġi ripartita d-data finanzjarja mill-Istati Membri huma bosta, ambigwi u mhux marbuta mal-outputs u mar-riżultati.

63.

Jenħtieġ li l-Kummissjoni u l-leġiżlaturi jqisu li:

(23)	Jivvalutaw jekk l-indikaturi komuni proposti għall-FEŻR/il-FK (abbozz tar-Regolament dwar il-FEŻR/il-FK, l-Anness I) jissodisfawx il-kriterji ta’ kwalità (“RACER”) stipulati fir-Regolament Finanzjarju u jagħmlu l-aġġustamenti meħtieġa (54).

(24)	Jikkjarifikaw jekk l-indikaturi komuni għall-FEŻR/il-FK u għall-FSE+ humiex obbligatorji għall-użu mill-Istati Membri (l-abbozz tar-Regolament dwar l-FSE+, l-Artikoli 2, 15 u l-Annessi; l-abbozz tar-Regolament dwar il-FEŻR/il-FK, l-Artikolu 7 u l-Anness I).

(25)	Jissimplifikaw u jikkjarifikaw in-nomenklatura tad-data finanzjarja taħt l-Anness I tal-abbozz tas-CPR.

Kwalità tad-data dwar il-prestazzjoni

64.

Biex id-data dwar il-prestazzjoni tkun utli, huwa essenzjali li din tkun ta’ kwalità aċċettabbli. Id-dispożizzjonijiet tal-abbozz tas-CPR mhumiex ċari biżżejjed dwar min huwa responsabbli għas-salvagwardja tal-kwalità tad-data.

—

L-abbozz tas-CPR jipproponi li l-Kumitat ta’ Monitoraġġ jissorvelja l-implimentazzjoni tal-programmi (l-Artikolu 33). Filwaqt li hemm rekwiżit biex il-Kumitat ta’ Monitoraġġ jeżamina u japprova r-rapporti ta’ prestazzjoni annwali u finali ppreżentati lill-Kummissjoni, dan mhuwiex il-każ għad-data dwar il-prestazzjoni.

—	Ma hemmx dispożizzjonijiet dwar ir-rwol tal-Kummissjoni fil-verifika tal-kwalità tad-data trażmessa.

65.

Jenħtieġ li l-Kummissjoni u l-leġiżlaturi jqisu li:

(26)	Jikkjarifikaw l-arranġamenti biex jiggarantixxu l-kwalità tad-data trażmessa mill-awtoritajiet tal-programmi, b’mod partikolari r-rwol tal-Kummissjoni u tal-kumitat ta’ monitoraġġ (l-Artikolu 37 tal-abbozz tas-CPR).

Użu tad-data dwar il-prestazzjoni ġġenerata fil-livell tal-UE

66.

Aħna pproponejna t-tisħiħ tal-qafas ta’ prestazzjoni tal-UE billi jitnaqqas l-għadd kumplessiv ta’ objettivi u indikaturi tal-prestazzjoni (55). Aħna nqisu li xi wħud mid-dispożizzjonijiet tas-CPR jirriskjaw li jżidu l-kumplessità mingħajr benefiċċju proporzjonat għall-valutazzjoni tal-kisba tal-prijoritajiet tal-UE.

—	Aħna diġà rrakkomandajna li l-Istati Membri jwaqqfu l-użu ta’ indikaturi speċifiċi mhux neċessarji (56). Aħna nosservaw li s-CPR għadu jinkludi l-possibbiltà li jiġu ddefiniti indikaturi speċifiċi għall-programm (57).

—

L-abbozz tas-CPR jobbliga lill-Istati Membri biex jittrażmettu informazzjoni dwar l-implimentazzjoni finanzjarja u ta’ prestazzjoni ta’ kull programm kull xahrejn permezz ta’ sistema elettronika (l-Artikolu 37), żieda sinifikanti fuq ir-rekwiżiti ta’ rappurtar fil-perjodu 2014-2020. Madankollu, il-laqgħat ta’ analiżi tal-prestazzjoni bejn il-Kummissjoni u l-Istati Membri, u l-laqgħat tal-kumitat ta’ monitoraġġ, se jseħħu biss darba jew darbtejn kull sena.

67.

Aħna nqisu li lanqas ma huwa ċar x’użu se jsir mill-Kummissjoni ta’ xi wħud mill-informazzjoni dwar il-prestazzjoni ġġenerata:

—

Ma hemmx rekwiżit biex l-Istati Membri jirrappurtaw dwar l-implimentazzjoni ta’ ftehimiet ta’ sħubija, u l-ebda obbligu biex jiġu pprovduti rapporti ta’ implimentazzjoni annwali (58). Minflok, l-abbozz tas-CPR jintroduċi laqgħat annwali ta’ analiżi tal-prestazzjoni bejn il-Kummissjoni u l-Istati Membri, li matulhom tiġi eżaminata l-prestazzjoni tal-programmi (l-Artikolu 36) (59). Filwaqt li aħna nilqgħu l-proposta biex jiġi intensifikat id-djalogu bejn il-Kummissjoni u l-Istati Membri, id-dispożizzjonijiet proposti mhumiex ċari fir-rigward tal-parteċipanti, il-kontenut u l-konsegwenzi ta’ dawn il-laqgħat.

—

L-evalwazzjonijiet li jridu jitwettqu mill-Istati Membri jew mill-Kummissjoni (l-Artikoli 39 u 40) mhumiex meħtieġa biex tiġi eżaminata l-“ekonomija” – il-kunċett li r-riżorsi jsiru disponibbli fi żmien debitu, fi kwantità u bi kwalità xierqa, u bl-aħjar prezz. Fl-Opinjoni tagħna dwar l-abbozz tar-Regolament Finanzjarju (60), aħna diġà enfasizzajna l-importanza li l-“ekonomija” tiġi inkluża fl-evalwazzjonijiet.

68.

Jenħtieġ li l-Kummissjoni u l-leġiżlaturi jqisu li:

(27)	Jirrestrinġu l-użu tal-indikaturi tal-output u tar-riżultati speċifiċi għall-programm, bil-ħsieb li jnaqqsu l-piż amministrattiv (l-Artikolu 7 tal-abbozz ta’ Regolament dwar il-FEŻR/il-FK, l-Artikolu 15 tal-abbozz tar-Regolament dwar il-FSE+).

(28)	Inaqqsu l-frekwenza tat-trażmissjoni tad-data (l-Artikolu 37 tal-abbozz tas-CPR), filwaqt li jieħdu inkunsiderazzjoni l-użu sussegwenti tad-data mill-Kummissjoni u l-piż amministrattiv assoċjat.

(29)	Għal-laqgħat annwali ta’ analiżi tal-prestazzjoni, jikkjarifikaw ir-rekwiżiti dwar il-parteċipanti, il-kontenut u l-konsegwenzi (l-Artikolu 36 tal-abbozz tas-CPR).

(30)	Jeħtieġu li l-evalwazzjonijiet ikopru l-ekonomija (l-Artikoli 39 u 40 tal-abbozz tas-CPR).

SISTEMA TA’ TWETTIQ U REGOLI TA’ ELIĠIBBILTÀ

Strumenti finanzjarji

Għażla ta’ korpi li jimplimentaw strument finanzjarju

69.

Il-leġiżlazzjoni għall-perjodu 2014-2020 tiddikjara li l-intermedjarji finanzjarji jridu jintgħażlu fuq il-bażi ta’ proċeduri miftuħa, trasparenti, proporzjonati u mhux diskriminatorji, fejn jiġu evitati l-kunflitti ta’ interessi. Hija tipprovdi wkoll rekwiżiti li jafdaw l-implimentazzjoni tal-istrumenti finanzjarji lil korpi li għandhom il-kapaċità xierqa biex jimplimentawhom (61). Madankollu, l-abbozz tas-CPR ma jinkludix rekwiżiti bħal dawn, u jistipula biss li jenħtieġ li l-awtorità ta’ ġestjoni “għandha tagħżel il-korp li jimplimenta strument finanzjarju” (l-Artikolu 53(2)).

Valutazzjoni ex ante għall-istrumenti finanzjarji

70.

F’bidla mill-perjodu ta’ programmazzjoni 2014-2020, l-abbozz tas-CPR (l-Artikolu 52(3)) ma għadux jeħtieġ li valutazzjoni ex ante ta’ strument finanzjarju tkun ibbażata fuq analiżi tad-diskrepanza fis-suq, bħal evidenza ta’ fallimenti tas-suq jew soluzzjonijiet ta’ investiment subottimali. In-nuqqas ta’ analiżi bħal din iwassal għar-riskji li l-istrumenti finanzjarji jkunu akbar milli meħtieġ (62); u l-finanzjament privat u pubbliku jista’ jiġi eskluż. L-Artikolu 52(2) jirrikjedi li jenħtieġ li l-istrumenti finanzjarji jipprovdu appoġġ għal proġett li “ma jsibux finanzjament suffiċjenti mis-sorsi tas-suq” iżda, ibbażat fuq l-esperjenza tagħna tal-awditjar tal-istrumenti finanzjarji, dan mhuwiex ekwivalenti għal analiżi tad-diskrepanza fis-suq u għalhekk mhuwiex suffiċjenti biex jiġu mmitigati r-riskji li aħna identifikajna.

Rappurtar dwar strumenti finanzjarji

71.

Aħna nilqgħu l-fatt li l-proposta tas-CPR teħtieġ li l-Istati Membri jiddivulgaw, fl-applikazzjoni għall-pagament (l-Anness XIX), kemm il-pagament bil-quddiem kif ukoll l-iżborżament ta’ fondi lir-riċevituri finali (l-Artikolu 86(2)). Jenħtieġ li din l-informazzjoni tkun suffiċjenti biex l-awdituri jivvalutaw il-legalità u r-regolarità tal-infiq (ara wkoll il-paragrafu 109). Madankollu, id-dispożizzjoni fil-leġiżlazzjoni għall-2014-2020 li teħtieġ rappurtar dwar strumenti finanzjarji individwali (63) ġiet eliminata. Skont il-proposta tas-CPR, l-awtoritajiet ta’ ġestjoni huma meħtieġa jipprovdu data dwar l-istrumenti finanzjarji fil-livell tal-programmi biss (l-Artikolu 37(3) u l-Annessi XIX u XX). Iżda billi d-data relatata ma’ strument finanzjarju individwali tista’ tkun mifruxa f’bosta programmi, ma jkunx possibbli li tiġi vvalutata l-prestazzjoni tiegħu, inkluż, pereżempju l-livell ta’ tariffi ta’ ġestjoni. Ir-raġuni għall-introduzzjoni ta’ rappurtar separat fil-perjodu preċedenti għadha rilevanti biex: “titjieb it-trasparenza tal-proċess ta’ implementazzjoni u jkun żgurat monitoraġġ xieraq … tal-implimentazzjoni tal-istrumenti … finanzjarji” (64). Dan jimplika wkoll il-ħtieġa li titnaqqas id-diskrepanza bejn ir-rapport u l-perjodu li huwa jkopri (65).

Arranġamenti ta’ obbligu ta’ rendikont għall-istrumenti finanzjarji

72.

L-abbozz tal-proposta tas-CPR jispeċifika li, għall-istrumenti finanzjarji, la l-awtorità ta’ ġestjoni u lanqas l-awtorità tal-awditjar ma huma se jwettqu awditi fil-livell tal-BEI jew istituzzjonijiet finanzjarji internazzjonali oħra li fihom xi Stat Membru jkun azzjonist. Minflok, il-BEI jew istituzzjoni finanzjarja oħra se jipprovdu lill-Kummissjoni u lill-awtorità tal-awditjar rapport tal-awditjar annwali mfassal mill-awdituri esterni tagħhom sa tmiem kull sena kalendarja (l-Artikolu 75). Billi jagħmel dan, l-abbozz tal-proposta ma jistipulax id-drittijiet ta’ aċċess disponibbli għall-QEA b’relazzjoni mal-istrumenti finanzjarji implimentati mill-BEI jew minn istituzzjonijiet finanzjarji internazzjonali oħra. Din hija omissjoni importanti (66). Barra minn hekk, l-abbozz tas-CPR ma għandux dispożizzjonijiet operazzjonali dwar kif ir-riżultati ta’ dawn l-awditi esterni se jiġu riflessi fil-kalkolu tar-rati ta’ żball mill-awtoritajiet tal-awditjar.

73.

Skont il-proposta tas-CPR, fil-livell tar-riċevituri finali ma jistgħux jitwettqu verifikazzjonijiet tal-ġestjoni jew awditi minn awtoritajiet tal-awditjar (l-Artikolu 75). Skont is-CPR għall-2014-2020, ir-riċevituri finali jistgħu jiġu awditjati meta jkun hemm evidenza li d-dokumenti disponibbli fil-livell tal-awtorità ta’ ġestjoni jew fil-livell tal-korpi li jimplimentaw l-istrumenti finanzjarji ma jirrappreżentawx rekord reali u preċiż tal-appoġġ mogħti (67). Aħna nirrikonoxxu li, b’mod ġenerali, jista’ ma jkunx meħtieġ li ssir żjara lir-riċevituri finali bħala parti minn awditu tal-istrumenti finanzjarji. Madankollu, aħna nemmnu li għandu jkun possibbli li l-eżaminar jiġi estiż sal-livell tar-riċevituri finali, sabiex jiġi vverifikat jekk il-kundizzjonijiet ta’ eliġibbiltà (68) humiex issodisfati.

Effett ta’ ingranaġġ għall-istrumenti finanzjarji

74.

Wieħed mill-vantaġġi ewlenin tal-istrumenti finanzjarji huwa l-potenzjal ta’ ingranaġġ tagħhom minbarra l-fondi privati u pubbliċi. Aħna diġà rrakkomandajna li l-Kummissjoni tipprovdi definizzjoni għall-ingranaġġ tal-istrumenti finanzjarji, li b’mod ċar tiddistingwi bejn l-ingranaġġ ta’ kontribuzzjonijiet privati jew pubbliċi nazzjonali taħt il-PO u/jew ta’ kontribuzzjonijiet ta’ kapital privati jew pubbliċi addizzjonali, u tieħu inkunsiderazzjoni t-tip ta’ strument involut (69). Filwaqt li l-proposta tipprovdi definizzjoni tal-effett ta’ ingranaġġ (l-Artikolu 2(22)), din id-definizzjoni ma tagħmilx id-distinzjonijiet li aħna rrakkomandajna (70).

75.

Jenħtieġ li l-Kummissjoni u l-leġiżlaturi jqisu li:

(31)

Jintroduċu r-rekwiżit għall-għażla tal-intermedjarji finanzjarji permezz ta’ proċedura miftuħa, trasparenti u mhux diskriminatorja, u jipprovdu kjarifika ulterjuri dwar it-tipi ta’ korpi li jistgħu jiġu fdati bl-implimentazzjoni tal-istrumenti finanzjarji u r-rekwiżiti li jridu jissodisfaw (l-Artikolu 52 tal-abbozz tas-CPR).

(32)	Jeħtieġu analiżi tad-diskrepanza fis-suq fil-livell tal-istrumenti finanzjarji, bħala parti minn valutazzjoni ex ante (l-Artikolu 52(3) tal-abbozz tas-CPR).

(33)	Iżommu s-sistema ta’ rappurtar tal-2014-2020 u jtejbu t-tempestività tagħha, billi din tiffaċilita r-rappurtar fil-livell tal-istrument finanzjarju u tippermetti valutazzjoni tal-prestazzjoni tiegħu (l-Artikolu 53 tal-abbozz tas-CPR).

(34)	Jispeċifikaw li, fil-kuntest ta’ ftehimiet tal-awditjar jew ta’ verifikazzjoni fi ħdan il-BEI u awdituri esterni, il-QEA jrid ikollha aċċess għall-informazzjoni kollha li hija tqis bħala neċessarja għall-awditjar tal-fondi tal-UE (l-Artikolu 75(4) tal-abbozz tas-CPR).

(35)

Jikkjarifikaw, fl-att delegat imsemmi taħt l-Artikolu 73, aspetti operazzjonali dwar kif jenħtieġ li r-riżultati tal-awditjar tal-BEI u istituzzjonijiet finanzjarji internazzjonali oħra (l-Artikolu 75(4) tal-abbozz tas-CPR) jikkontribwixxu għall-kalkolu tar-rati ta’ żball u l-opinjoni tal-awditjar tal-awtoritajiet tal-awditjar.

(36)	Jipprovdu, fis-CPR, il-possibbiltà li jitwettqu awditi fil-livell tar-riċevituri finali, sabiex jiġi vverifikat jekk il-kundizzjonijiet ta’ eliġibbiltà humiex issodisfati (l-Artikolu 75(4) tal-abbozz tas-CPR).

(37)	Jikkjarifikaw l-effett multiplikatur/ta’ ingranaġġ tal-istrumenti finanzjarji sabiex il-prestazzjoni ta’ strument tkun tista’ tiġi vvalutata f’termini ta’ kontribuzzjoni pubblika nazzjonali (l-Artikolu 2 tal-abbozz tas-CPR).

Modalitajiet ta’ twettiq simplifikati

Finanzjament mhux marbut mal-ispejjeż bħala forma ta’ appoġġ għall-programmi

76.

L-awditi tagħna wrew li l-pagamenti bbażati fuq intitolamenti marbuta mal-issodisfar ta’ ċerti kundizzjonijiet huma inqas suxxettibbli għal żbalji ta’ konformità minn pagamenti bbażati fuq ir-rimborż tal-ispejjeż eliġibbli; huma jgħinu wkoll biex jitnaqqas il-piż amministrattiv. Aħna rrakkomandajna li jenħtieġ li l-pagamenti bbażati fuq l-issodisfar tal-kundizzjonijiet jew fuq il-ksib tar-riżultati jsiru l-għażla preferuta fil-baġit kollu (71). Il-proposta tal-Kummissjoni tinkludi l-possibbiltà li jsiru pagamenti fuq din il-bażi (l-Artikolu 46). Diġà teżisti forma simili ta’ finanzjament fil-perjodu ta’ programmazzjoni 2014-2020 (il-“Pjanijiet ta’ Azzjoni Konġunti” (72)), iżda sa Mejju 2018, l-ebda programm operazzjonali ma għamel użu minn din il-possibbiltà (73). Dan jissuġġerixxi diffikultajiet min-naħa tal-Istati Membri fl-implimentazzjoni ta’ dan l-għan.

77.

F’dan l-isfond, aħna nqisu li l-proposta nfisha ma tagħmilx biżżejjed biex tgħin lill-Istati Membri japprofittaw minn din il-forma ta’ simplifikazzjoni. Is-suċċess finali ta’ din il-proposta se jiddependi, fil-biċċa l-kbira, minn jekk il-Kummissjoni u l-Istati Membri jistgħux jevitaw it-tendenza li jmorru lura għal pagament għall-inputs u l-outputs, kif sibna li kien il-każ għar-riżerva ta’ prestazzjoni fil-perjodu 2014-2020 (74).

Forom simplifikati ta’ għotjiet lill-benefiċjarji

78.

Aħna nosservaw li l-metodoloġija li fuqha huwa bbażat l-użu tal-forom simplifikati ta’ għotjiet lill-benefiċjarji se tiġi stipulata fil-programmi u se tkun suġġetta għal approvazzjoni sussegwenti mill-Kummissjoni (l-Artikolu 88 u l-Anness V). Dan għandu jipprovdi ċertezza tad-dritt apprezzata għall-Istati Membri.

79.

Fir-rigward ta’ forom simplifikati ta’ għotjiet lill-benefiċjarji, aħna nappoġġaw l-isforzi tal-Kummissjoni biex testendi l-applikazzjoni ta’ opzjonijiet ta’ spejjeż simplifikati (SCOs) (75). Aħna sibna li l-SCOs kienu l-miżura l-aktar effettiva fit-tnaqqis tal-piż amministrattiv fuq il-benefiċjarji fil-programm 2014-2020; u mill-2012 sal-2016 ma rrappurtajna l-ebda żball kwantifikat relatat mal-użu tal-SCOs (76). Madankollu, aħna enfasizzajna wkoll li l-Kummissjoni u l-Istati Membri jeħtieġ li jiżguraw li l-opportunità ta’ simplifikazzjoni tkun akkumpanjata minn fokus akbar fuq il-prestazzjoni (77). Fil-qasam tal-iżvilupp rurali, aħna stabbilejna li l-introduzzjoni tal-SCOs fil-perjodu 2014-2020 għen fit-trasferiment tal-fokus mill-inputs għall-outputs, iżda ma wasslitx għal fokus akbar fuq ir-riżultati (78).

80.

F’dan ir-rigward, aħna nosservaw li r-rati fissi proposti fl-abbozz tas-CPR – għal spejjeż diretti għall-persunal (l-Artikolu 50(1)) u għal spejjeż eliġibbli oħra (l-Artikolu 51) – huma marbuta mal-inputs u mhux mal-outputs jew mar-riżultati. Għalhekk, filwaqt li l-użu tar-rati fissi b’dan il-mod jista’ jagħmilha aktar faċli biex l-Istati Membri japplikaw għal finanzjament mill-UE u jirċevuh, ma hemmx impatt fuq il-prestazzjoni li jakkumpanja dan. Dan imur kontra l-appell fir-Regolament Finanzjarju li jenħtieġ li r-rati fissi jiġu ddeterminati “fejn possibbli u xieraq … b’tali mod li jkunu jistgħu jitħallsu malli jinkisbu eżiti u/jew riżultati konkreti” (79).

81.

Barra minn hekk, fin-nuqqas ta’ valutazzjoni tal-impatt (il-paragrafu 5), ma hemmx evidenza li tiġġustifika l-livell tar-rati fissi proposti, kemm għall-ispejjeż diretti għall-persunal, kif ukoll għal spejjeż oħra eliġibbli jew għal spejjeż indiretti. Fil-prattika, il-livelli mħaddma għall-2014-2020 fl-FSE ġew estiżi għal fondi oħra fil-proposta. Madankollu, il-politika ta’ koeżjoni tkopri firxa wiesgħa ħafna ta’ setturi u proġetti, li jinvolvu strutturi interni tal-ispejjeż differenti ħafna. L-applikazzjoni ġenerali tal-istess livell ta’ rati fissi tfisser li proġetti bi spejjeż għoljin se jagħtu lill-Istati Membri l-opportunità li jikklejmjaw livelli għolja ta’ spejjeż b’rati fissi, bl-ebda aċċertament li dawn l-ispejjeż ikunu jinsabu fil-livell it-tajjeb.

82.

L-estensjoni tas-sistema ta’ rata fissa biex jiġu inklużi spejjeż diretti għall-persunal tista’ tintroduċi aktar kumplikazzjonijiet milli simplifikazzjoni. Fil-fehma tagħna, il-proposta tas-CPR (l-Artikolu 50(2)) diġà tissimplifika b’mod sinifikanti l-kalkolu u l-allokazzjoni tal-ispejjeż għall-persunal. Madankollu, skont il-proposta, il-benefiċjarji jistgħu jikklejmjaw b’mod legali r-rati fissi relatati mal-ispejjeż diretti għall-persunal, għal proġett li ma jkunx jinvolvi dawn l-ispejjeż (bħal fi proġett li jkun implimentat kollu kemm hu permezz ta’ proċess ta’ akkwist pubbliku). U billi r-rati fissi jistgħu jiġu kklejmjati kemm għall-ispejjeż diretti għall-persunal kif ukoll għal spejjeż diretti oħra, korp responsabbli għal bosta proġetti jista’ jalterna l-modi li bihom huwa jiddetermina l-infiq eliġibbli, filwaqt li juża spejjeż għall-persunal b’rata fissa għal xi wħud, u spejjeż diretti oħra għal oħrajn. Dan jagħmilha possibbli li huwa jikklejmja l-istess spiża aktar minn darba. L-Artikolu 51(3) tal-proposta jistipula li jenħtieġ li l-Istati Membri ma jagħmlux dan iżda, minħabba d-dokumentazzjoni ta’ sostenn limitata li se takkumpanja dawn it-talbiet, aħna għandna xi dubji dwar jekk l-awtoritajiet ta’ ġestjoni u l-awtoritajiet tal-awditjar, kif ukoll il-Kummissjoni, humiex se jkunu jistgħu jidentifikaw il-ksur.

83.

Ir-restrizzjonijiet relatati mal-użu ta’ forom ta’ appoġġ simplifikati f’operazzjonijiet li jiġu implimentati esklussivament permezz tal-akkwist pubbliku, li kienu stabbiliti fil-perjodu ta’ programmazzjoni preċedenti (80), ma ġewx replikati fil-proposta. Skont il-proposta, jekk dawn il-proġetti jużaw forom ta’ appoġġ simplifikati, il-Kummissjoni u l-Istati Membri jkunu meħtieġa biss jivverifikaw li l-kundizzjonijiet għall-pagament ġew issodisfati (81). Ir-regoli tal-akkwist pubbliku se jkomplu japplikaw, iżda mhumiex se jiġu ċċekkjati bħala parti mill-proċess tal-ikklejmjar ta’ appoġġ mill-UE, billi l-konformità mhijiex se tibqa’ kundizzjoni għall-pagament. Ir-regoli tal-akkwist pubbliku huma l-pedament tas-suq intern tal-UE, iżda l-proposta tas-CPR iżżid b’mod sinifikanti r-riskju li l-ksur ta’ dawn ir-regoli ma jinqabadx.

84.

Jenħtieġ li l-Kummissjoni u l-leġiżlaturi jqisu li:

(38)

Jipprovdu, qabel il-programmazzjoni, atti delegati, kif imsemmi fl-Artikoli 88 u 89 tal-abbozz tas-CPR, dwar: appoġġ mhux marbut mal-ispejjeż, b’soluzzjonijiet standard mfassla biex jiffaċilitaw l-użu ta’ din il-forma ta’ appoġġ; u forom simplifikati ta’ appoġġ lil benefiċjarji. Jenħtieġ li wieħed mill-għanijiet ikun li jiġi żgurat fokus akbar fuq ir-riżultati.

(39)	Jivvalutaw mill-ġdid jekk ir-rati fissi stipulati fl-abbozz tas-CPR humiex xierqa f’termini ta’ qasam ta’ finanzjament, tip ta’ proġetti u/jew daqs tal-proġetti (l-Artikoli 49, 50(1), u 51 tal-abbozz tas-CPR).

(40)	Jeskludu spejjeż diretti għall-persunal mill-opzjoni ta’ spejjeż simplifikati b’rata fissa (l-Artikolu 50(1) tal-abbozz tas-CPR).

(41)	Jeħtieġu li l-awtoritajiet tal-awditjar ikopru l-konformità mar-regoli tal-akkwist pubbliku fl-awditi tas-sistemi tagħhom (l-Artikolu 88(3) tal-abbozz tas-CPR).

Għażla ta’ proġetti u regoli ta’ eliġibbiltà

Għażla ta’ proġetti

85.

Bosta mill-awditi tagħna identifikaw xi dgħufijiet fl-għażla tal-proġetti, li wassal għal rakkomandazzjonijiet dwar it-tisħiħ tal-kriterji u rwol aktar b’saħħtu għall-Kummissjoni (82). L-awditu reċenti tagħna li ffoka fuq l-għażla tal-proġetti sab li filwaqt li l-kriterji tal-għażla ġeneralment jappoġġaw l-objettivi tal-programmi, huma ma jiħdux biżżejjed kont tar-riżultati u fil-biċċa l-kbira huma ffukati fuq l-outputs u l-assorbiment (83). F’dan l-isfond, aħna nilqgħu l-introduzzjoni ta’ rekwiżiti li jikkonċernaw l-għażla tal-proġetti (l-Artikolu 67(3)), iżda nqisu li aktar dettalji jkunu ta’ għajnuna.

86.

Id-dokument informattiv u analitiku reċenti tagħna indika l-piż amministrattiv potenzjali għall-benefiċjarji li jirriżulta meta r-regoli nazzjonali u l-obbligi regolatorji jmorru lil hinn minn dawk issettjati fil-livell tal-UE (“regolamentazzjoni żejda”). Aħna identifikajna din bħala waħda mill-oqsma ewlenin għal simplifikazzjoni effettiva fil-politika ta’ Koeżjoni (84). Filwaqt li r-responsabbiltà primarja għas-simplifikazzjoni tal-proċess tal-għażla hija tal-Istati Membri, aħna nqisu li l-Kummissjoni tista’ tipprovdi aktar appoġġ billi tanalizza l-proċeduri nazzjonali u tidentifika prattiki tajbin. Għalhekk, aħna nilqgħu l-ambitu biex il-Kummissjoni tkun involuta, fuq talba tagħha, fl-iżvilupp ta’ kriterji tal-għażla ta’ kwalità (l-Artikolu 67(2)).

Regoli ta’ eliġibbiltà u VAT

87.

Il-ksur tar-regoli ta’ eliġibbiltà huwa wieħed mis-sorsi prinċipali ta’ żbalji fil-qasam ta’ Koeżjoni (85). B’rispons għar-rakkomandazzjonijiet preċedenti tagħna, il-Kummissjoni qablet li twettaq analiżi ffukata tar-regoli nazzjonali ta’ eliġibbiltà, li tiffoka fuq ir-responsabbiltà tal-Istati Membri għas-simplifikazzjoni tagħhom. Sa April 2018, il-Kummissjoni ma kinitx wettqet analiżi bħal din (86). Billi mhuwiex ċar jekk il-mudell għall-programmi fil-proposta attwali jeħtieġx li l-Istati Membri jistipulaw azzjonijiet biex jiġu simplifikati r-regoli u jitnaqqas il-piż amministrattiv fuq il-benefiċjarji (ara l-paragrafu 48), jibqa’ r-riskju li r-regoli nazzjonali ta’ eliġibbiltà għadhom kumplessi għalxejn.

88.

Skont il-proposta tas-CPR, għal proġetti li l-ispejjeż totali tagħhom huma taħt EUR 5 miljun, il-VAT hija spiża eliġibbli irrispettivament minn jekk tkunx rekuperabbli jew le (l-Artikolu 58). Fil-perjodu ta’ programmazzjoni attwali, ma hemmx soll li jekk jinqabeż, il-VAT ma tibqax eliġibbli, iżda l-eliġibbiltà hija ristretta għall-VAT mhux rekuperabbli. Fil-fehma tagħna, fejn il-VAT tiġġarrab minn korpi tal-gvern, hija ma tirrappreżentax spiża netta għall-Istat Membru, billi tkun tikkostitwixxi introjtu. L-impożizzjoni ta’ soll għad-daqs tal-proġetti fil-proposta tillimita l-ammont ta’ VAT li tista’ tiġi rimborżata, iżda tindirizza parzjalment biss ir-rakkomandazzjoni tagħna li jenħtieġ li l-VAT imħallsa minn korpi pubbliċi ma tkunx eliġibbli għal rimborż mill-fondi tal-UE (87). B’mod simili, il-VAT rekuperabbli mhijiex spiża ġenwina għal korpi privati, u jenħtieġ li ma tkunx eliġibbli għal rimborż.

89.

Aħna għandna għadd ta’ każijiet oħra ta’ tħassib rigward il-proposti tas-CPR għat-trattament tal-VAT. Dan it-tħassib japplika irrispettivament minn jekk il-benefiċjarju jkunx organizzazzjoni pubblika jew privata:

—	L-abbozz tas-CPR ma jindirizzax il-punt li, kif diġà ddimostrajna, skont ir-regoli attwali għar-rimborż tal-VAT, il-finanzjament riċevut mill-benefiċjarji jista’ jkun ogħla mill-ispejjeż li huma jġarrbu (88).

—	Il-proposta tista’ tħeġġeġ lill-awtoritajiet biex jaqsmu l-proġetti b’mod artifiċjali biex jaqgħu taħt is-soll ta’ EUR 5 miljun. Aħna ma aħniex konxji ta’ xi raġuni għalfejn dan is-soll artifiċjali ġie ssettjat f’dan il-livell.

—

Il-proposta mhijiex konsistenti mar-regoli applikabbli taħt il-ġestjoni diretta, fejn il-VAT kollha li hija rekuperabbli tkompli tkun ineliġibbli (89). Aħna ddikjarajna li d-differenzi bejn ir-regoli hija waħda mill-elementi li jżidu l-kumplessità għall-benefiċjarji u jillimitaw is-sinerġiji bejn il-fondi (90).

Il-VAT hija suġġett ikkumplikat, u attwalment qed neżaminaw il-kwistjoni ulterjurment.

90.

Jenħtieġ li l-Kummissjoni u l-leġiżlaturi jqisu li:

(42)	Jinkludu dispożizzjonijiet li jiddefinixxu b’mod ċar it-tip ta’ analiżi li l-awtoritajiet ta’ ġestjoni jeħtieġ li jwettqu biex jiżguraw li l-operazzjonijiet magħżula jissodisfaw livell minimu ta’ mertu, u jissodisfaw ir-rekwiżiti tal-Artikolu 67(3)(c) tal-abbozz tas-CPR.

(43)	Jintroduċu, fis-CPR jew f’att delegat, il-kriterji prinċipali li taħthom jenħtieġ li l-Kummissjoni tiġi kkonsultata dwar il-kriterji tal-għażla (l-Artikolu 67(2) tal-abbozz tas-CPR).

(44)	F’konformità mar-Rapport Annwali 2017 (91) , għajr ir-rimborż tal-VAT lil korpi pubbliċi mill-fondi tal-UE, (l-Artikolu 58(1)(a) tal-abbozz tas-CPR).

Regoli li ma tkomplewx

91.

Il-Kummissjoni tipproponi li tagħmel ir-regoli li attwalment jitħaddmu f’żewġ oqsma sinifikanti, aktar flessibbli: l-evalwazzjoni ta’ proġetti maġġuri – tipikament proġetti bi spiża totali ta’ mill-inqas EUR 50 miljun, li rrappreżentaw madwar terz tal-allokazzjoni totali tal-fondi taħt il-Politika ta’ Koeżjoni (92); u l-approċċ tagħha għall-finanzjament ta’ proġetti li jiġġeneraw id-dħul wara l-ikkompletar tagħhom (bħal toroq b’pedaġġ).

Proġetti maġġuri

92.

Għall-perjodu ta’ programmazzjoni attwali, bħala kundizzjoni ta’ finanzjament, il-proġetti maġġuri huma suġġetti għal analiżi dettaljata tal-ispejjeż imqabbla mal-benefiċċji mill-Istati Membri, u għal valutazzjoni u approvazzjoni sussegwenti mill-Kummissjoni (93). Matul is-snin, il-Kummissjoni żviluppat standards komuni għal analiżi tal-ispejjeż bħal din imqabbla mal-benefiċċji (94). Il-proposta tal-Kummissjoni tas-CPR telimina r-rekwiżiti ta’ valutazzjoni kollha li huma speċifiċi għal proġetti maġġuri. Minflok, l-Istati Membri huma meħtieġa biss jipprovdu informazzjoni lill-Kummissjoni dwar “operazzjonijiet ta’ importanza strateġika”, definiti bħala dawk li jipprovdu kontribut ewlieni għall-ilħuq tal-objettivi ta’ programm, b’ebda dettalji ulterjuri (95).

93.

F’għadd ta’ rapporti preċedenti tagħna, aħna identifikajna li n-nuqqas ta’ użu rigoruż tal-analiżi tal-ispejjeż imqabbla mal-benefiċċji tippreżenta riskju partikolari għall-ġestjoni finanzjarja tajba. Pereżempju, fil-livell tal-Istati Membri, aħna sibna dgħufijiet fl-applikazzjoni u fil-kwalità tal-analiżijiet tal-ispejjeż imqabbla mal-benefiċċji, b’impatt dirett fuq id-deċiżjonijiet ta’ finanzjament sussegwenti (96). Fir-rigward tal-proċess ta’ approvazzjoni mill-Kummissjoni, aħna stabbilejna għadd ta’ nuqqasijiet fil-funzjonament tal-analiżi indipendenti tal-kwalità (97) ta’ proġetti maġġuri, filwaqt li osservajna wkoll li din il-valutazzjoni addizzjonali kellha impatt pożittiv fuq il-kwalità tagħhom (98).

94.

F’dan l-isfond, aħna ninsabu mħassbin li filwaqt li l-eliminazzjoni tar-rekwiżiti speċifiċi ta’ valutazzjoni kollha relatati ma’ proġetti maġġuri tirrappreżenta tnaqqis fil-piż amministrattiv ġenerali, dan joħloq riskju akbar li l-investimenti kofinanzjati ma joffrux l-aħjar valur għall-flus.

Proġetti li jiġġeneraw dħul

95.

Fil-perjodu ta’ programmazzjoni attwali, l-appoġġ mill-UE għal proġetti li jiġġeneraw id-dħul huwa limitat. L-Istati Membri jistgħu jew iwettqu analiżi ad hoc biex jiddeterminaw id-diskrepanza fil-finanzjament, jew inkella jistgħu jużaw rati fissi li jvarjaw minn 20 % sa 30 %, skont is-settur (99). Il-proposta tas-CPR telimina din ir-restrizzjoni fuq il-finanzjament mill-UE għal dawn il-proġetti, biex l-ispejjeż kollha relatati ma’ proġetti li jiġġeneraw dħul ikunu potenzjalment eliġibbli għal appoġġ mill-UE. Minflok, il-proposta tispeċifika li għal dawn il-proġetti se jkunu applikabbli rati ta’ kofinanzjament mill-UE aktar baxxi. Hija tissuġġerixxi wkoll li l-istrumenti finanzjarji jistgħu jsiru mekkaniżmu eżekuttiv ewlieni għal proġetti li jiġġeneraw id-dħul (il-paġna 9 tas-CPR).

96.

Din il-proposta hija simili għat-tneħħija tal-“prinċipju li jipprojbixxi l-profitt” fir-reviżjoni reċenti tar-Regolament Finanzjarju. Fl-opinjoni tagħna dwar ir-reviżjoni tar-Regolament Finanzjarju, aħna enfasizzajna li ma narawx il-ħtieġa li jitneħħa l-prinċipju tal-“ebda profitt” (100). Il-Kummissjoni tindika tfaddil potenzjali minn rati ta’ kofinanzjament aktar baxxi għall-proġetti kollha proposti fl-abbozz tas-CPR (l-Artikolu 106), u stmat li l-eliminazzjoni tar-regoli attwali relatati ma’ proġetti li jiġġeneraw id-dħul inaqqsu l-piż amministrattiv totali b’1 % (101). Fil-fehma tagħna, rati ta’ kofinanzjament aktar baxxi u tnaqqis potenzjali fil-piż amministrattiv mhumiex se jikkumpensaw għall-ispejjeż żejda sinifikanti għall-baġit tal-UE li x’aktarx jirriżultaw mill-eliminazzjoni tal-limitu massimu attwali fuq l-appoġġ. Pereżempju, proġett ta’ triq f’reġjun inqas żviluppat bi spiża totali ta’ EUR 10 miljun jista’ jattira kofinanzjament ta’ EUR 7 miljun mill-UE taħt il-proposta l-ġdida, madwar EUR 4,5 miljun aktar milli kien jattira taħt ir-regoli tal-2014-2020 (102).

97.

Jenħtieġ li l-Kummissjoni u l-leġiżlaturi jqisu li:

(45)	Jintroduċu mill-ġdid, fis-CPR, evalwazzjoni indipendenti obbligatorja kif ukoll standards komuni obbligatorji għall-evalwazzjoni, bħal analiżi tal-ispejjeż imqabbla mal-benefiċċji, biex jintgħażlu operazzjonijiet finanzjarjament sinifikanti li jirrappreżentaw l-aqwa valur għall-flus.

(46)	Jillimitaw il-kontribuzzjoni mill-UE għal proġetti li jiġġeneraw id-dħul għal dak li huwa meħtieġ, billi jintroduċu mill-ġdid rati fissi li jillimitaw in-nefqa totali eliġibbli, jew jużaw strumenti finanzjarji bħala l-opzjoni preferuta għall-kofinanzjament ta’ proġetti li jiġġeneraw id-dħul.

ARRANĠAMENTI TAL-OBBLIGU TA’ RENDIKONT

Rwoli u responsabbiltajiet fis-sistemi ta’ ġestjoni u kontroll

98.

L-abbozz tas-CPR jipproponi r-“riportament” tas-sistemi ta’ ġestjoni u kontroll eżistenti. Fil-prinċipju, aħna nilqgħu dan l-iżvilupp: jagħmel aktar sens li jsir progress fuq il-kisbiet li saru fil-passat, f’termini ta’ kontroll intern imsaħħaħ, u li dawk l-elementi tal-perjodu ta’ programmazzjoni attwali li qed jiffunzjonaw tajjeb jiġu trasferiti għall-perjodu l-ġdid (103). Aħna nosservaw li l-Artikolu 72 jirreferi għall-ħtieġa li jiġu inklużi “awditi tas-sistema ta’ awtoritajiet ta’ ġestjoni identifikati ġodda u ta’ awtoritajiet responsabbli għall-funzjoni kontabilistika” fl-istrateġija tal-awditjar tal-awtoritajiet tal-awditjar. Fil-fehma tagħna, jenħtieġ li dan ir-rekwiżit jiġi estiż biex ikopri kwalunkwe bidla sostanzjali għas-sistemi li jista’ jkollha impatt fuq il-funzjonament tagħhom, bħal bidliet fl-approċċ għall-verifikazzjonijiet ta’ ġestjoni.

99.

Il-proposta tas-CPR tintroduċi wkoll opzjoni li l-awtorità ta’ ċertifikazzjoni preċedenti tiġi sostitwita b’funzjoni ta’ kontabbiltà ġdida, b’inqas responsabbiltajiet (l-Artikoli 66(2) u 70). Dan iċ-ċaqliq huwa f’konformità mal-ħtieġa għal kjarifika fil-kopertura u fl-ambitu tax-xogħol bejn l-awtoritajiet maniġerjali u l-awtoritajiet taċ-ċertifikazzjoni, li identifikajna fid-dokument informattiv u analitiku tagħna dwar is-simplifikazzjoni (104). Aħna nosservaw li l-awtoritajiet taċ-ċertifikazzjoni ffurmaw saff importanti ta’ kontroll ex ante u żiedu l-kapaċità korrettiva fil-livell tal-Istati Membri. Is-sostituzzjoni tagħhom bil-funzjoni ta’ kontabbiltà l-ġdida, fejn din tkun l-opzjoni magħżula, se tqiegħed aktar responsabbiltajiet fuq l-awtoritajiet ta’ ġestjoni, li jridu jiġu mgħammra għar-rwol tagħhom.

100.

Fil-perjodu ta’ programmazzjoni 2014-2020 attwali, il-proċess ta’ “deżinjazzjoni” tal-awtoritajiet mill-Istati Membri biex iwettqu ċerti kompiti kien relattivament kumplikat (105). Aħna rrappurtajna dwar ir-rabtiet bejn id-dewmien sinifikanti fil-proċess ta’ deżinjazzjoni fl-Istati Membri, u l-kapaċità tagħhom li jikklejmjaw finanzjament mill-UE (106). Għalhekk, aħna nilqgħu l-fatt li l-proposta telimina l-ħtieġa għal proċess ta’ deżinjazzjoni. Minflok, l-Istati Membri huma meħtieġa biss “jidentifikaw” awtorità ta’ ġestjoni u awtorità tal-awditjar (l-Artikolu 65).

101.

L-Istati Membri huma meħtieġa jiddeskrivu s-sistemi ta’ ġestjoni u kontroll tagħhom bl-użu ta’ mudell ipprovdut f’anness (l-Artikolu 63(9) u l-Anness XIV). Ir-rekwiżiti ewlenin tas-sistemi huma stipulati fl-Anness X. Meta mqabbel mal-perjodu attwali, is-CPR jipproponi tnaqqis sostanzjali fil-kontenut meħtieġ fid-deskrizzjoni. Filwaqt li dan jirrappreżenta aktar libertà u inqas burokrazija għall-Istati Membri, fl-esperjenza tagħna hemm riskju li n-nuqqas ta’ ċarezza jista’ jwassal għal inċertezza, li normalment ma twassalx għal simplifikazzjoni effettiva (107). Fil-fehma tagħna, it-tnaqqis tal-gwida u l-kjarifiki dwar ir-rekwiżiti ta’ kontroll jippreżenta riskju għall-kwalità tal-kontrolli mwettqa. Pereżempju, fil-proposta, għadd ta’ termini ewlenin għadhom mhux definiti, bħal “verifikazzjonijiet tal-ġestjoni adegwati”, u “awtorità identifikata ġdida”. Element ieħor importanti li huwa nieqes huma l-iskadenzi għall-istabbiliment ta’ strateġiji tal-awditjar.

102.

L-abbozz tas-CPR jinkludi artikolu separat (l-Artikolu 74) dwar l-arranġamenti ta’ awditu uniku. Dan huwa relatat mal-prinċipju li jenħtieġ li l-Kummissjoni u l-awtoritajiet tal-awditjar jevitaw id-duplikazzjoni ta’ awditi tal-istess infiq, bil-ħsieb li jitnaqqsu l-ispejjeż tal-awditjar u l-piż amministrattiv fuq il-benefiċjarji. Aħna nappoġġaw dawn l-għanijiet, dment li jkunu bbażati fuq qafas li jiżgura li l-infiq jiġi ċċekkjat skont l-istess standards u li r-riżultati tal-awditjar jiġu rrappurtati b’mod preċiż (108).

103.

Għalkemm ma ntużax it-terminu, il-kunċett ta’ awditu uniku ġie applikat parzjalment f’perjodi ta’ programmazzjoni preċedenti, iżda kien limitat għar-relazzjoni bejn l-awtoritajiet tal-awditjar u l-Kummissjoni. Il-bidla prinċipali tal-proposta hija li jenħtieġ li l-arranġamenti ta’ awditu uniku jiġu estiżi biex ikopru r-relazzjoni bejn l-awtoritajiet tal-awditjar u dawk ta’ ġestjoni: jenħtieġ li, kull fejn ikun possibbli, l-awtoritajiet tal-awditjar ma jitolbux dokumenti mill-benefiċjarji iżda jużaw dawk diġà disponibbli minn xogħol tal-awtoritajiet ta’ ġestjoni, inklużi l-verifikazzjonijet tal-ġestjoni tagħhom. Għalhekk jenħtieġ li l-awtoritajiet tal-awditjar jitolbu dokumenti u evidenza addizzjonali mingħand il-benefiċjarji biss “meta, fuq il-bażi tal-ġudizzju professjonali tagħhom, din hija meħtieġa biex tappoġġa konklużjonijiet tal-awditjar robusti” (l-Artikolu 74(1)). Minkejja din il-klawżola, ibbażat fuq l-esperjenza twila tagħna fl-awditjar f’dan il-qasam, aħna nqisu li hemm riskju li l-awtoritajiet tal-awditjar jistgħu jiffaċċaw pressjoni mhux dovuta biex ma jqajmux wisq dubji dwar ix-xogħol tal-awtoritajiet ta’ ġestjoni. L-awditjar pubbliku indipendenti huwa element ewlieni għat-trasparenza u l-obbligu ta’ rendikont tal-infiq tal-UE (109). Għalhekk, aħna nenfasizzaw li huwa essenzjali li l-awtoritajiet tal-awditjar ikunu liberi biex iwettqu awditi f’konformità mal-istandards internazzjonali tal-awditjar, u jenħtieġ li l-Kummissjoni tuża s-setgħat kollha tagħha biex tiffaċilita dan.

104.

Jenħtieġ li l-Kummissjoni u l-leġiżlaturi jqisu li:

(47)	Jidentifikaw b’mod ċar liema bidliet għas-sistemi jeħtieġu awditu tas-sistema obbligatorju mill-awtoritajiet tal-awditjar (l-Artikolu 72 tal-abbozz tas-CPR). Ara wkoll is-suġġerimenti dettaljati fl-anness.

(48)

Iżidu, mad-deskrizzjoni tas-sistemi ta’ ġestjoni u kontroll (l-Anness XIV tal-abbozz tas-CPR), deskrizzjoni tal-verifikazzjonijiet tal-ġestjoni u tal-kriterji rilevanti biex l-awtoritajiet tal-awditjar ikunu jistgħu jivverifikaw jekk humiex issodisfati r-rekwiżiti ta’ kontroll ewlenin stipulati taħt l-Anness X tal-abbozz tas-CPR.

(49)	Jikkjarifikaw definizzjonijiet vagi u mhux definiti, jew skedi mhux realistiċi (eż. “awtoritajiet identifikati ġodda” u “l-ewwel sena ta’ funzjonament”), fid-deskrizzjoni tas-sistema (l-Anness XIV tal-abbozz tas-CPR) u fl-Artikolu 72 tal-abbozz tas-CPR.

Sistema standard ta’ ġestjoni u kontroll

Verifikazzjonijiet tal-ġestjoni

105.

Il-verifikazzjonijiet tal-ġestjoni huma parti ewlenija mis-sistema ta’ ġestjoni u kontroll. L-abbozz tas-CPR jiddefinixxi l-verifikazzjonijiet tal-ġestjoni bħala: verifikazzjonijiet amministrattivi fir-rigward tal-applikazzjonijiet għall-pagament tal-benefiċjarji; u verifikazzjonijiet tal-operazzjonijiet fuq il-post. Għall-kuntrarju ta’ perjodi ta’ programmazzjoni preċedenti, il-verifikazzjonijiet amministrattivi ma għadhomx obbligatorji, iżda jenħtieġ li jkunu bbażati fuq ir-riskju (l-Artikolu 68(2)). Dan ifisser li xi klejms għall-pagamenti tal-benefiċjarji jistgħu ma jkunux suġġetti għal verifikazzjonijiet tal-ġestjoni.

106.

Fil-prinċipju, aħna nilqgħu t-trasferiment għal approċċ ibbażat fuq ir-riskju. Jekk jitwettaq sew, dan għandu l-ambitu li jnaqqas il-piż amministrattiv u jtejjeb l-effettività tal-kontrolli. Aħna nidentifikaw, b’mod regolari, il-verifikazzjonijiet tal-ġestjoni bħala element li jeħtieġ tisħiħ f’termini tal-verifikazzjoni tal-infiq eliġibbli (110). Ix-xogħol preċedenti tagħna sab li l-ambitu u l-intensità tal-verifikazzjonijiet tal-ġestjoni eżistenti diġà jvarjaw b’mod sinifikanti fost u fi ħdan l-Istati Membri, li jindika li hemm interpretazzjonijiet differenti ta’ x’inhu meħtieġ (111). Aħna nqisu li jenħtieġ li l-valutazzjoni tar-riskju relatata mal-verifikazzjonijiet tal-ġestjoni jkollha fokus ċar fuq ir-regolarità u tkopri l-klejms kollha; jenħtieġ il l-verifikazzjonijiet tal-ġestjoni nfushom iseħħu qabel ma l-klejms għall-pagament jiġu ppreżentati lill-Kummissjoni.

Awditi

107.

Skont l-abbozz tas-CPR, l-awtoritajiet tal-awditjar se jkunu jistgħu jisiltu mill-kampjun ta’ operazzjonijiet tagħhom minn gruppi ta’ programmi taħt il-FEŻR, il-Fond ta’ Koeżjoni u l-FSE+ (l-Artikolu 73(2)). Bħala regola, jenħtieġ li l-kampjun ikun rappreżentattiv u bbażat fuq metodi ta’ kampjunar statistiċi. Madankollu, taħt il-proposta tas-CPR, huwa possibbli kampjunar mhux statistiku meta l-popolazzjoni tal-awditjar tkun inqas min 300 unità ta’ kampjunar, u f’dak il-każ jenħtieġ li l-kampjun ikopri minimu ta’ 10 % tal-unitajiet ta’ kampjunar, magħżula b’mod aleatorju (l-Artikolu 73(2)). Il-mod li bih tiġi interpretata “unità tal-kampjunar” għandu implikazzjonijiet importanti għall-għażla aleatorja tal-kampjun, iżda dan it-terminu mhuwiex definit b’mod preċiż. Ibbażat fuq l-esperjenza wiesgħa tagħna li nosservaw il-prattiki fl-Istati Membri, aħna nqisu li l-użu ta’ kampjunar mhux statistiku jwassal għar-riskju li l-kampjuni li jirriżultaw ma jkunux kbar biżżejjed biex ikunu rappreżentattivi, li potenzjalment iwassal għal rati ta’ żball u opinjonijiet tal-awditjar mhux affidabbli.

108.

Għall-awditjar tal-programmi koperti mir-regolament dwar dispożizzjonijiet speċifiċi għall-għan ta’ kooperazzjoni territorjali Ewropea (Interreg), il-Kummissjoni se tagħżel kampjun ta’ operazzjonijiet komuni, biex tkopri l-programmi kollha (112). Dan x’aktarx jissimplifika dawn l-awditi. Madankollu, kif inhu l-każ bil-kampjunar skont il-proposta tas-CPR, hemm riskju li kampjun komuni bħal dan ma jkunx rappreżentattiv ta’ programmi individwali, li jnaqqas l-affidabbiltà tal-opinjonijiet tal-awditjar dwar il-funzjonament tas-sistemi fi programmi individwali.

109.

Rigward l-ambitu tal-awditi mwettqa mill-awtoritajiet tal-awditjar fir-rigward tal-istrumenti finanzjarji, aħna ġbidna l-attenzjoni għall-fatt li xogħol l-awtoritajiet tal-awditjar iffoka fuq pagamenti bil-quddiem lill-istrumenti finanzjarji, fejn hemm ħafna inqas ċans li jkunu suġġett għal żbalji. Aħna rrakkomandajna li l-Kummissjoni tiżgura li l-awditi jkopru l-iżborżament lir-riċevituri finali – jiġifieri l-infiq eliġibbli (113). Aħna nilqgħu l-fatt li l-proposta tas-CPR teħtieġ li l-Istati Membri jidentifikaw, fl-applikazzjoni għall-pagament, kemm il-pagament bil-quddiem kif ukoll l-iżborżament ta’ fondi lir-riċevituri finali (l-Artikolu 86(2)). Madankollu, il-proposta tas-CPR ma tiddefinix l-infiq eliġibbli li jrid jiġi awditjat mill-awtoritajiet tal-awditjar, u lanqas ma tispeċifika li jenħtieġ li dawk il-fondi żborżati lil riċevituri finali biss jittieħdu inkunsiderazzjoni meta tiġi kkalkulata r-rata tal-iżball residwu.

110.

Bħala possibbiltà ġdida għall-perjodu ta’ wara l-2020, l-Istati Membri jistgħu jġarrbu nfiq eliġibbli barra mill-qasam tal-programm jew barra mit-territorju tal-UE (l-Artikolu 57(4)). L-abbozz tas-CPR ma jipprovdix dispożizzjonijiet għas-salvagwardja tad-drittijiet tal-awditjar neċessarji f’dawn iċ-ċirkustanzi, la tal-awtorità tal-awditjar, la tal-Kummissjoni u lanqas tal-QEA (114). Din hija diskrepanza importanti fl-obbligu ta’ rendikont fil-proposta.

111.

Jenħtieġ li l-Kummissjoni u l-leġiżlaturi jqisu li:

(50)	Jikkjarifikaw, permezz ta’ att delegat jew gwida, ir-rekwiżiti għall-approċċ ibbażat fuq ir-riskju għall-verifikazzjonijiet tal-ġestjoni. Ara wkoll il-kummenti dettaljati dwar l-Artikolu 68(2) tal-abbozz tas-CPR fl-anness.

(51)

Jistabbilixxu kriterji għar-raggruppament tal-programmi (inklużi livelli ta’ fiduċja) u għal popolazzjonijiet żgħar biex jiżguraw kampjunar rappreżentattiv permezz ta’ att delegat imsemmi fl-Artikolu 73(4) tal-abbozz tas-CPR. Il-kwistjoni għall-kunsiderazzjoni tapplika wkoll għall-kampjunar tal-awditjar skont l-arranġamenti msaħħa (il-paragrafu 115 hawn taħt).

(52)	Jintroduċu bosta kampjuni għal gruppi ta’ programmi Interreg, jew kampjun wieħed b’saffi li jeżebixxu l-istess karatteristiki (l-Artikolu 48 tal-abbozz ta’ Regolament dwar l-ETC).

(53)	Jikkjarifikaw, fl-Artikolu 73 tal-abbozz tas-CPR, li jenħtieġ li awditi tal-operazzjonijiet fir-rigward tal-istrumenti finanzjarji jkopru l-infiq eliġibbli kif stipulat taħt l-Artikolu 62 u jeskludu pagamenti bil-quddiem lill-istrumenti finanzjarji.

(54)	Jiżguraw li jkun hemm drittijiet tal-awditjar ċari għall-infiq barra mit-territorju tal-UE u jikkjarifikaw dan fl-Artikolu 57(4) tal-abbozz tas-CPR.

Arranġamenti proporzjonati msaħħa għal sistemi ta’ ġestjoni u kontroll

Arranġamenti

112.

Bidla radikali proposta fl-abbozz tas-CPR hija li, skont l-issodisfar ta’ ċerti kundizzjonijiet, l-Istati Membri jistgħu japplikaw għal “arranġamenti proporzjonati msaħħa” għall-programmi. Skont dawn l-arranġamenti, proċeduri nazzjonali jintużaw bħala verifikazzjonijiet tal-ġestjoni, awditi mill-awtorità tal-awditjar ikunu limitati għal kampjun ta’ 30, mingħajr l-ebda awditi tas-sistemi, u l-awditi tal-Kummissjoni jkunu limitati għal analiżi tax-xogħol tal-awtorità tal-awditjar (l-Artikolu 77).

113.

Aħna għandna għadd ta’ każijiet ta’ tħassib dwar din il-proposta, kif inhu stipulat fil-paragrafi li ġejjin. Bħala osservazzjoni ġenerali aħna nosservaw li, fin-nuqqas ta’ valutazzjoni tal-impatt (il-paragrafu 5), ma hemmx evidenza li r-riskji involuti huma inqas mill-benefiċċji potenzjali tas-simplifikazzjoni permezz ta’ inqas spejjeż amministrattivi u inqas piż amministrattiv għall-benefiċjarji. Għalhekk, il-proposta tmur kontra l-opinjoni tagħna li “kwalunkwe proposta għas-simplifikazzjoni amministrattiva tkun ibbażata fuq evidenza robusta” (115). Aħna nosservaw ukoll li l-arranġamenti ta’ obbligu ta’ rendikont imsaħħa għall-politika ta’ koeżjoni mill-perjodu 2007-2013 ’il quddiem ikkontribwew għal tnaqqis sinifikanti fir-rati ta’ żball li aħna nirrappurtaw (116).

114.

F’termini tat-tliet elementi tal-arranġamenti msaħħa, aħna nosservaw li t-test tal-Artikolu 77(a) rigward verifikazzjonijiet tal-ġestjoni mhuwiex ċar daqs kemm jeħtieġ li jkun, meta jitqies l-impatt potenzjali ta’ din il-leġiżlazzjoni. Aktar importanti minn hekk, billi l-verifikazzjonijiet tal-ġestjoni skont l-abbozz tas-CPR jistgħu jkunu bbażati fuq ir-riskju (il-paragrafu 105), mhuwiex ċar x’inhu l-valur miżjud tad-dispożizzjoni: awtorità ta’ ġestjoni tista’ tuża d-dispożizzjonijiet tal-arranġamenti standard biex tikseb il-benefiċċji previsti fl-arranġamenti msaħħa.

115.

It-tieni element tal-proposta huwa inqas awditjar mill-awtorità tal-awditjar. Aħna ninsabu mħassba dwar il-limitu potenzjali fuq id-daqs tal-kampjun tal-awtorità tal-awditjar – 30 unità minn dak li jista’ jkun grupp ta’ programmi (ara wkoll il-paragrafu 107 ta’ hawn fuq). L-Artikolu 77(b) jinvolvi r-riskju li l-awtoritajiet tal-awditjar jinterpretaw dan fi ftit dettall, bil-konsegwenza li kampjun bħal dan ma jkunx kbir biżżejjed biex ikun rappreżentattiv, li jwassal għal rati ta’ żball irrappurtati mhux affidabbli.

116.

It-tielet element tal-proposta huwa relatat ma’ awditjar limitat min-naħa tal-Kummissjoni. Skont il-proposta, l-awditi proprji tal-Kummissjoni jkunu pprojbiti espliċitament milli jmorru lil hinn mil-livell tal-awtorità tal-awditjar għal-livell tal-benefiċjarji, dment li ma jkunx hemm suspett ta’ “nuqqas serju fis-sistema tax-xogħol tal-awtorità tal-awditjar”. Dan l-approċċ huwa inerenti fil-prinċipju ta’ awditu uniku (il-paragrafu 103) u għalhekk, ma jeħtieġx li jiġi rregolat b’dan il-mod: l-istandards internazzjonali tal-awditjar diġà jeħtieġu li l-awdituri jiżguraw li huma jiksbu l-evidenza meħtieġa biex jiffurmaw opinjonijiet tal-awditjar robusti.

Kundizzjonijiet

117.

Il-kundizzjonijiet għal dawn l-arranġamenti huma stipulati fl-Artikolu 78. Il-kriterju prinċipali (117) huwa li r-rapporti annwali tal-attività ppubblikati mill-Kummissjoni għas-sentejn preċedenti jikkonfermaw li s-sistema ta’ ġestjoni u kontroll tal-programm tkun qed tiffunzjona b’mod effettiv, u li r-rata ta’ żball totali għal kull sena tkun taħt 2 %. Dan ifisser li:

—

Ma hemmx garanzija li s-sistema vvalutata preċedentement bħala li qed tiffunzjona b’mod effettiv se tkun l-istess waħda li titħaddem taħt l-arranġamenti msaħħa ġodda – b’mod partikolari meta jitqies it-trasferiment minn perjodu ta’ programmazzjoni partikolari għal dak li jkun imiss. Aħna nosservaw li l-awtoritajiet tal-awditjar mhumiex mistennija jwettqu awditi tas-sistemi qabel ma jiġu applikati l-arranġamenti msaħħa, bir-riskju li s-sistema ma tkunx kumpatibbli mar-rekwiżiti tal-UE.

—

Mit-test tal-abbozz tas-CPR mhuwiex ċar jekk ir-rata ta’ żball użata biex tiġi vvalutata l-kwalifika għall-arranġamenti msaħħa hijiex se tkun għaddiet mill-kontrolli tal-legalità u tar-regolarità mwettqa mill-Kummissjoni. Ir-rata ta’ żball irrappurtata fir-rapporti annwali tal-attività tal-Kummissjoni hija r-rata ta’ żball irrappurtata mill-awtoritajiet tal-awditjar. Din ir-rata ta’ żball tista’ tiġi ddikjarata b’mod insuffiċjenti billi ma tiħux kont ta’ korrezzjonijiet sussegwenti wara l-kontrolli tal-legalità u r-regolarità mwettqa mill-Kummissjoni (118). Il-valutazzjoni ta’ jekk programm jistax jikkwalifika għall-arranġamenti msaħħa fuq il-bażi ta’ miżura mhux affidabbli jżid biss mar-riskji involuti.

—	Mhuwiex ċar kif se jiġi applikat il-kriterju addizzjonali relatat mal-kooperazzjoni mal-Uffiċċju tal-Prosekutur Pubbliku Ewropew.

Tmiem tal-arranġamenti msaħħa

118.

Sors ieħor ta’ tħassib huwa relatat mal-arranġamenti biex jintemmu dawn l-arranġamenti msaħħa (li jissejjaħ “aġġustament”), u biex isir treġġigħ lura għall-arranġamenti standard (l-Artikolu 79). Dan il-proċess se jdum għadd ta’ snin, fejn ikun meħtieġ xogħol tal-awditjar addizzjonali, analiżi tar-rapport annwali ta’ kontroll li jmiss, awditi tas-sistemi, u żmien biex l-Istat Membru jressaq il-każ tiegħu. F’dan il-perjodu – meta l-Istati Membri, potenzjalment, ikunu qed joperaw b’sistema relattivament mhux affidabbli iżda b’ġestjoni u kontroll ħfief – naturalment ikun hemm riskju ogħla li jseħħu xi żbalji. Madankollu, l-arranġamenti proposti jdewmu b’mod sinifikanti l-ambitu għal azzjoni ta’ rimedju.

119.

Fid-dokument informattiv u analitiku tagħna dwar is-simplifikazzjoni, aħna ġbidna l-attenzjoni għall-arranġamenti msaħħa ta’ obbligu ta’ rendikont li ntużaw fil-perjodi ta’ programmazzjoni attwali u preċedenti, bil-Kummissjoni tikseb aċċertament dwar ir-regolarità tal-infiq billi toqgħod fuq il-kontrolli mwettqa mill-awtoritajiet tal-awditjar fl-Istati Membri (119). L-ambitu taħt l-arranġamenti standard biex il-verifikazzjonijiet tal-ġestjoni jsiru bbażati fuq ir-riskju għandu jnaqqas il-piż amministrattiv għal sistemi li jkunu qed jiffunzjonaw sew. L-arranġamenti msaħħa proposti jirriskjaw li jdgħajfu b’mod sostanzjali l-aċċertament miksub mill-Kummissjoni. Aħna nqisu li l-bidliet proposti skont l-arranġamenti standard joffru ambitu suffiċjenti għat-tnaqqis tal-piż amministrattiv.

120.

Jenħtieġ li l-Kummissjoni u l-leġiżlaturi jqisu:

(55)	Jekk dawn ir-riskji inerenti taħt l-arranġementi msaħħa humiex iżgħar mill-benefiċċji potenzjali tas-simplifikazzjoni (l-Artikoli 77-79 tal-abbozz tas-CPR).

Preżentazzjoni tal-kontijiet u tal-korrezzjonijiet finanzjarji

121.

Rigward il-perjodu 2014-2020, skont il-proposta tas-CPR, il-Kummissjoni inizjalment se tirrimborża 90 % tal-klejms għall-pagamenti interim tal-Istati Membri, u tħallas il-bilanċ finali wara li tkun eżaminat il-kontijiet (l-Artikoli 87 u 94) (120). Biex il-Kummissjoni “taċċetta” l-kontijiet għall-iskopijiet ta’ rimborż, hija trid tkun sodisfatta li huma jkunu “kompluti, preċiżi, u veri” u li r-rata tal-iżball residwu rrappurtata mill-awtorità tal-awditjar tkun taħt 2 %, (l-Artikolu 93). Il-Kummissjoni kieku tħallas il-bilanċ saħansitra f’każijiet fejn l-opinjoni tal-awtorità tal-awditjar tidentifika nuqqasijiet fil-funzjonament tas-sistema u/jew fil-legalità u r-regolarità tat-tranżazzjonijiet ta’ bażi, dment li l-kontijiet jiġu vvalutati bħala kompluti, preċiżi u veri (l-Artikoli 95-96).

122.

Il-kontrolli mill-Kummissjoni dwar il-legalità u r-regolarità jistgħu jseħħu biss wara dan il-proċess inizjali ta’ eżaminar u għeluq tal-kontijiet, u l-pagament tal-bilanċ finali. Għalhekk, il-proċess previst fil-proposta ma jieħu inkunsiderazzjoni l-ebda korrezzjoni finanzjarja sussegwenti mill-Kummissjoni, u lanqas il-ħtieġa li r-rati ta’ żball jiġu emendati kif xieraq. B’konsegwenza ta’ dan, l-aċċettazzjoni tal-kontijiet mill-Kummissjoni ma tipprovdix ċertezza lill-benefiċjarji, billi l-infiq relatat huwa suġġett għal kontrolli addizzjonali mill-Kummissjoni wara l-għeluq reali tal-kontijiet. Aħna ġbidna l-attenzjoni għal din il-kwistjoni fl-opinjoni tagħna dwar il-proposta tas-CPR għall-perjodu ta’ programmazzjoni 2014-2020 (121). Reċentement, aħna rrakkomandajna li l-Kummissjoni twettaq biżżejjed kontrolli biex tikkonkludi dwar l-effettività tax-xogħol tal-awtoritajiet tal-awditjar u tikseb aċċertament raġonevoli dwar ir-regolarità tal-infiq, mhux aktar tard mir-rapport annwali tal-attività tas-sena wara dik li fiha taċċetta l-kontijiet (122). Huwa daqstant importanti li l-proposta tas-CPR għall-perjodu 2021-2027 tintroduċi limiti ta’ żmien ċari għad-deċiżjoni finali.

123.

L-effettività tas-sistema ta’ kontijiet tiddependi fuq l-inċentiv li huma jipprovdu biex l-Istati Membri jirkupraw ammonti irregolari u biex iwasslu għal titjib fis-sistemi (123). F’dan ir-rigward, aħna nilqgħu l-fatt li l-proposta tas-CPR iżżomm il-possibbiltà li jiġu imposti korrezzjonijiet finanzjarji għall-infiq irregolari maqbud mill-Kummissjoni fl-infiq li jkun jinsab fil-kontijiet aċċettati (l-Artikolu 98). Aħna nqisu li jenħtieġ li l-proposta tirreferi wkoll għall-irregolaritajiet maqbuda mill-Qorti tal-Awdituri f’dan il-kuntest, bħalma huwa l-każ fir-regolament għall-perjodu attwali (124). Madankollu, il-proposta telimina l-korrezzjonijiet finanzjarji netti għal raġunijiet ta’ defiċjenzi serji fil-funzjonament tas-sistema ta’ ġestjoni, possibbiltà li hija disponibbli fil-perjodu 2014-2020. Skont il-proposta tas-CPR, l-Istati Membri jkunu jistgħu jissostitwixxu l-infiq irregolari (125). Fil-fehma tagħna, dan idgħajjef b’mod sinifikanti l-inċentiv biex l-Istati Membri jtejbu s-sistemi tagħhom.

124.

Il-valur tad-dikjarazzjoni ta’ ġestjoni se tiddependi fuq ix-xogħol ta’ bażi tal-awtorità ta’ ġestjoni. Aħna nosservaw li l-mudell tad-dikjarazzjoni ta’ ġestjoni, wieħed mill-erba’ elementi tal-pakkett ta’ aċċertament (il-paragrafu 121 ta’ hawn fuq) stipulati fl-Anness XV tal-proposta, ma jkoprix il-funzjonament xieraq tas-sistema ta’ kontroll, kif meħtieġ mir-Regolament Finanzjarju (126). Din l-inkonsistenza għandha implikazzjonijiet għall-opinjoni tal-awditjar tal-awtorità tal-awditjar, billi hija toħroġ opinjoni tal-awditjar dwar il-funzjonament tas-sistema bbażata fuq id-dikjarazzjoni ta’ ġestjoni.

125.

Jenħtieġ li l-Kummissjoni u l-leġiżlaturi jqisu li:

(56)

Jintroduċu skedi ta’ żmien ċari għall-ikkompletar tal-kontrolli tal-legalità u r-regolarità fuq il-kontijiet imwettqa mill-Kummissjoni (l-Artikoli 93-96 tal-abbozz tas-CPR). Jenħtieġ li l-Kummissjoni twettaq kontrolli ta’ regolarità suffiċjenti biex tikkonkludi dwar ir-regolarità tal-infiq sa mhux aktar tard mir-rapport annwali tal-attività tad-DĠ, sena wara l-aċċettazzjoni tal-kontijiet.

(57)	Iżidu, mar-raġunijiet għalfejn il-Kummissjoni ma għandhiex taċċetta l-kontijiet ippreżentati, opinjoni kwalifikata u avversa mill-awtorità tal-awditjar dwar il-funzjonament effettiv tas-sistemi u l-legalità u r-regolarità (l-Artikoli 95 u 96 tal-abbozz tas-CPR).

(58)	Jintroduċu mill-ġdid il-possibbiltà ta’ korrezzjonijiet finanzjarji netti għal defiċjenzi serji fil-funzjonament tas-sistema (l-Artikoli 98(1) u 98(4) tal-abbozz tas-CPR).

Kundizzjonijiet għall-attestazzjoni mill-Qorti

126.

Fl-Istrateġija tagħna għall-2018-2020, aħna indikajna l-intenzjoni tagħna li napplikaw approċċ ġdid għad-Dikjarazzjoni ta’ Assigurazzjoni (DAS) tagħna, fejn noqogħdu kemm jista’ jkun fuq aċċertament mil-legalità u r-regolarità tal-informazzjoni pprovduta mill-partijiet awditjati, bħala pass lejn l-organizzazzjoni tad-DAS bħala “impenn ta’ attestazzjoni”. Dan ikun ifisser li aħna neżaminaw jekk ir-rata tal-iżball residwu stabbilita mill-Kummissjoni, ibbażat fuq ir-rati pprovduti mill-awtoritajiet tal-awditjar, hijiex stima affidabbli. Taħt dan l-approċċ, aħna nieħdu kont tal-qafas rivedut ta’ kontroll u aċċertament fil-Koeżjoni, u nimmiraw li nużaw ix-xogħol tal-awdituri l-oħra involuti – l-awtoritajiet tal-awditjar u l-Kummissjoni, fejn xieraq – bil-għan li nnaqqsu x-xogħol tal-awditjar proprju tagħna u b’hekk il-piż kumplessiv tal-awditjar.

127.

Bħala eżerċizzju pilota, biex jiġi stabbilit jekk approċċ ġdid jistax ikun fattibbli, id-DAS tal-2017 għas-Subintestatura 1b tal-QFP (Koeżjoni Ekonomika, Soċjali u Territorjali), irrappurtata fil-Kapitolu 6 tar-Rapport Annwali 2017 tagħna, kienet ibbażata fuq l-ittestjar ta’ kampjun ta’ tranżazzjonijiet li kienu diġà ġew awditjati mill-awtoritajiet tal-awditjar.

128.

Waqt il-valutazzjoni tar-riżultati ta’ dan l-eżerċizzju pilota, aħna identifikajna erba’ kundizzjonijiet għall-kapaċità tagħna biex inkomplu bit-trasferiment għal impenn ta’ attestazzjoni:

i.	Ikun hemm rata tal-iżball residwu li nkunu nistgħu nattestaw il-korrettezza tagħha

ii.	Din ir-rata ta’ żball hija adatta għall-iskop tagħha (robusta u affidabbli)

iii.	Il-Kummissjoni tipprovdi l-informazzjoni meħtieġa għall-iskop tagħna fil-ħin

iv.	Il-kundizzjonijiet tal-użu tax-xogħol ta’ awdituri oħra jkunu ssodisfati (indipendenza, kompetenza professjonali, ambitu tax-xogħol, kosteffettività, konklużjonijiet tal-awditjar ibbażati fuq biżżejjed evidenza)

129.

It-tabella ta’ hawn taħt hija l-valutazzjoni fil-qosor tagħna ta’ jekk dawn il-kundizzjonijiet ġewx issodisfati fl-eżerċizzju pilota 2017 tad-DAS. Hija tipprovdi wkoll l-opinjoni tagħna dwar jekk in-nuqqasijiet li sibna humiex tali s-CPR jista’ jindirizzahom; u jekk, fil-prattika, dawn humiex indirizzati fil-proposta tas-CPR.

Kundizzjoni

Nuqqasijiet prinċipali identifikati fid-DAS tal-2017

Dawn in-nuqqasijiet jistgħu jiġu indirizzati mis-CPR?

Huma indirizzati mis-CPR?

i.	Rata tal-iżball residwu li nistgħu nattestaw il-korrettezza tagħha?

Ma hemmx rata tal-iżball residwu totali li hija komuni għas-subintestatura tal-QFP. Il-Kummissjoni taggrega l-indikatur skont id-direttorati ġenerali biss. Barra minn hekk, ir-rata ta’ żball imsemmija fir-RAA hija relatata ma’ nfiq li ma għaddiex miċ-ċiklu ta’ kontroll sħiħ.

Le (kwistjoni għar-Regolament Finanzjarju)

M/A

ii.	Ir-rata tal-iżball residwu hija adatta għall-iskop tagħha?

Id-dgħufija prinċipali hija li r-rata tal-iżball residwu tas-sena kontabilistika speċifika li neżaminaw tista’ tinkludi pagamenti bil-quddiem għal strumenti finanzjarji u proġetti ta’ għajnuna mill-Istat. Jekk dan ikun il-każ, ir-rata tal-iżball residwu tista’ tiġi ddikjarata b’mod insuffiċjenti.

Iva

Parzjalment

iii.	Il-Kummissjoni tipprovdi informazzjoni fil-ħin?

L-istima mill-Kummissjoni tar-rata tal-iżball fir-RAA 2017 tagħha għall-infiq inkluża fil-kontijiet li hija aċċettat f’Mejju 2017 hija inkompleta, billi għadha tista’ tkun suġġetta għal korrezzjonijiet.

Iva

iv.	Il-kundizzjonijiet għall-użu tax-xogħol ta’ awdituri oħra ġew issodisfati?

Dgħufijiet fil-kampjunar u fid-dokumentazzjoni

Parzjalment

130.

Aħna tal-fehma li s-CPR innifsu ma jistax jindirizza l-kundizzjonijiet rilevanti kollha għall-attestazzjoni. L-Istati Membri u l-Kummissjoni jridu jfasslu l-arranġamenti fl-oqsma li jaqgħu taħt il-mandat tagħhom biex jindirizzaw in-nuqqasijiet. Kumplessivament, l-abbozz tas-CPR ma jindirizzax in-nuqqasijiet kollha identifikati fid-DAS pilota għall-2017 li huwa seta’ indirizza. Għalhekk, aħna nikkonkludu li l-abbozz tas-CPR jissodisfa parzjalment biss il-kundizzjonijiet għal impenn ta’ attestazzjoni, kemm għall-arranġamenti standard kif ukoll għal dawk imsaħħa. F’dan il-kuntest, aħna nosservaw li l-iskop tas-CPR mhuwiex li jiffaċilita approċċ mibdul għall-awditjar tagħna. L-ispariġġ bejn il-ħtiġijiet tagħna fir-rigward ta’ impenn ta’ attestazzjoni u d-dispożizzjonijiet tal-leġiżlazzjoni proposta ma rriżultawx bi ħsieb, iżda bħala konsegwenza tal-objettivi differenti involuti.

131.

Aħna enfasizzajna r-riskji ta’ hawn fuq li aħna naraw taħt l-arranġamenti l-ġodda proposti, li l-effett tagħhom ikun li jdgħajfu l-ambjent ta’ kontroll, b’mod partikolari taħt l-arranġamenti msaħħa. Min-naħa tiegħu, dan jaffettwa l-aċċertament miksub mill-Kummissjoni, u sussegwentement il-kundizzjonijiet għall-attestazzjoni. Impenn ta’ attestazzjoni jista’ jiġi applikat, raġonevolment, għas-sistemi standard ta’ ġestjoni u kontroll. Bħala minimu, ikunu jridu jsiru l-aġġustamenti li ġejjin:

—

It-tnaqqis tar-riskju għall-kampjunar billi fl-att delegat jiġu proposti metodi statistiċi standard ta’ kampjunar li jridu jiġu applikati b’mod konsistenti mill-awtoritajiet tal-awditjar f’ċirkustanzi speċifiċi. Din il-proposta tista’ teħtieġ ukoll li l-Kummissjoni tivvalida l-metodu ta’ kampjunar tal-awtoritajiet tal-awditjar qabel jittieħed il-kampjun finali.

—	L-aġġustament tal-Artikolu 73 biex jiġi żgurat li, fil-każ ta’ strumenti finanzjarji, l-awditi tal-operazzjonijiet ikopru biss l-infiq imġarrab u mhux il-pagamenti bil-quddiem imħallsa lill-istrumenti finanzjarji.

—	L-awtoritajiet tal-awditjar iridu jiġu pprovduti bir-rekwiżiti minimi rigward l-ambitu tax-xogħol tal-awditjar li jrid isir u kif jenħtieġ li jiġi ddokumentat – b’konsultazzjoni mal-QEA.

—

F’konformità mar-rakkomandazzjoni li għamilna fir-Rapport Annwali 2017 tagħna (127), jenħtieġ li l-Kummissjoni tiffoka r-rappurtar tagħha dwar il-konformità fuq l-infiq li jkun għadda miċ-ċiklu ta’ kontroll kollu kemm hu. Jenħtieġ li s-CPR jirrikjedi li l-Kummissjoni twettaq kontrolli ta’ regolarità suffiċjenti biex tikkonkludi dwar l-effettività tax-xogħol tal-awtoritajiet tal-awditjar u tikseb aċċertament raġonevoli dwar ir-regolarità tal-infiq, mhux aktar tard mir-rapporti annwali ta’ attività li hija tippubblika sena wara dik li fiha taċċetta l-kontijiet.

132.

L-arranġamenti ta’ proporzjonalità msaħħa li ġew proposti jżidu aktar kumplikazzjonijiet mar-rekwiżiti għal impenn ta’ attestazzjoni tal-QEA (ara l-paragrafi 112-120 ta’ hawn fuq). Dawn ikunu jridu jiġu kkjarifikati– flimkien mal-ħtieġa li jsiru l-aġġustamenti stipulati fil-paragrafu preċedenti qabel ma jkun possibbli impenn ta’ attestazzjoni. Barra minn hekk, il-proposta għal arranġamenti msaħħa twassal għas-sitwazzjoni fejn il-QEA, fin-nuqqas ta’ verifikazzjoni u awditjar tal-ġestjoni mill-Kummissjoni jew mill-awtorità tal-awditjar, ikollha tawditja s-sistemi ta’ awtoritajiet purament nazzjonali, li jkunu jridu jqiegħdu għad-dispożizzjoni tagħna d-dokumentazzjoni kollha li aħna nqisu bħala neċessarja biex nissodisfaw il-mandat tagħna skont it-Trattat.

KUMMENTI TAL-AĦĦAR

133.

B’mod ġenerali, il-proposta leġiżlattiva tal-Kummissjoni rnexxielha tissimplifika t-test. Madankollu, il-fokus fuq il-valur għall-flus ma żdiedx, u parti mill-arranġamenti tal-obbligu ta’ rendikont iddgħajfu b’mod sinifikanti.

134.

Il-proposta nfisha hija sinifikattivament iqsar u, b’mod utli, tinkludi d-dokumenti u l-mudelli ewlenin meħtieġa għall-programmazzjoni mill-Istati Membri. Barra minn hekk, fil-biċċa l-kbira hija żżomm il-qafas ta’ programmazzjoni stabbilit f’perjodi preċedenti. Dan għandu jwassal għal regoli stabbli li jwasslu għal programmazzjoni b’inqas xkiel. Madankollu, għadd ta’ dispożizzjonijiet mhumiex ċari, li jista’ jikkawża interpretazzjonijiet differenti li jaffettwaw iċ-ċertezza tad-dritt.

135.

Il-proposta toffri aktar flessibbiltà fl-allokazzjoni u fit-trasferiment ta’ fondi permezz ta’, pereżempju, programmazzjoni f’żewġ stadji (5 + 2), u l-kombinament tal-istrumenti finanzjarji mal-għotjiet. Dan iżid il-kapaċità ta’ reazzjoni għal ċirkustanzi li jinbidlu. Madankollu, hemm riskju li din il-flessibbiltà akbar, b’mod partikolari l-programmazzjoni f’żewġ stadji, tiġi akkumpanjata minn żieda sinifikanti fil-volum ta’ xogħol amministrattiv.

136.

Fir-rigward l-orjentazzjoni tal-prestazzjoni, għall-kuntrarju ta’ perjodi preċedenti, il-proposta mhijiex inkorporata fi ħdan strateġija komuni għall-UE kollha. Hija ma tartikolax viżjoni ċara ta’ dak li l-UE tixtieq tikseb permezz tal-politika. Barra minn hekk, bl-għan tas-simplifikazzjoni, il-proposta telimina ħafna elementi mfassla biex jappoġġaw l-immirar aħjar tal-fondi fuq ir-riżultati, bħall-evalwazzjoni ex ante tal-programmi, ir-riżerva ta’ prestazzjoni, u l-istandards komuni ta’ valutazzjoni għal proġetti maġġuri.

137.

Min-naħa l-pożittiva, l-abbozz tal-proposta joffri firxa wiesgħa ta’ forom ta’ appoġġ simplifikati (bħall-opzjonijiet ta’ spejjeż simplifikati u finanzjament mhux marbut mal-ispejjeż) li, jekk jiġu applikati kif xieraq, ikollhom il-potenzjal li jnaqqsu l-piż amministrattiv u jittraferixxu l-fokus minn fuq l-inputs għal fuq l-outputs u r-riżultati. Aħna nilqgħu wkoll l-għan tal-Kummissjoni li ssaħħaħ il-governanza u kundizzjonijiet oħra mfassla biex joħolqu ambjent favorevoli għall-infiq fil-qasam tal-koeżjoni, bħar-rabtiet għall-proċess tas-Semestru Ewropew u s-sostituzzjoni ta’ kundizzjonalitajiet ex ante b’kundizzjonijiet ta’ abilitazzjoni. F’dan il-kuntest, aħna nipprovdu għadd ta’ kunsiderazzjonijiet għall-Kummissjoni u l-leġiżlaturi biex ngħinuhom jirrealizzaw il-potenzjal sħiħ tal-bidliet proposti.

138.

Il-proposta tfittex li tirrazzjonalizza u tissimplifika l-arranġamenti ta’ responsabbiltà. Pereżempju, hija tissostitwixxi verifikazzjonijiet tal-ġestjoni eżawrjenti b’verifikazzjonijiet bbażati fuq ir-riskju. Filwaqt li nappoġġaw dawn l-ambizzjonijiet, aħna tal-fehma li hemm lok biex, f’xi postijiet, is-sistema ta’ ġestjoni u kontroll tiġi aktar stretta.

139.

Il-proposta toffri wkoll il-possibbiltà ta’ simplifikazzjoni aktar radikali għal sistemi b’rekord tajjeb (“arranġamenti proporzjonati msaħħa”), fejn il-Kummissjoni tnaqqas b’mod sostanzjali s-superviżjoni tagħha u tibbaża fil-biċċa l-kbira fuq il-kontrolli nazzjonali. Dan il-kunċett imur kontra l-elementi prinċipali li jservu bħala bażi għall-mudell ta’ aċċertament tal-Kummisjoni li ġie żviluppat f’dawn l-aħħar żewġ deċennji, u b’hekk inaqqas l-aċċertament li din tista’ tikseb. Huwa jippreżenta wkoll sfidi għall-mod kif aħna nwettqu l-awditi tagħna tad-Dikjarazzjoni ta’ Assigurazzjoni.

Din l-Opinjoni ġiet adottata mill-Qorti tal-Awdituri fil-Lussemburgu, fil-laqgħa tagħha tal-25 ta’ Ottubru 2018.

Għall-Qorti tal-Awdituri

Klaus-Heiner LEHNE

President

(1) Il-Proposta għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi, COM(2018) 375 final.

(2) It-Trattat dwar il-Funzjonament tal-Unjoni Ewropea, l-Artikolu 322(1)(a). Fil-21 ta’ Ġunju 2018, il-QEA rċeviet ittri mill-Parlament Ewropew u mill-Kunsill tal-Unjoni Ewropea fejn talbu l-fehmiet tagħha.

(3) Il-Memorandum ta’ Spjegazzjoni, it-Taqsima 5, COM(2018) 375 final.

(4) Ir-Regolament (UE) Nru 1303/2013 tal-Parlament Ewropew u tal-Kunsill, (ĠU L 347, 20.12.2013, p. 320).

(5) Il-Memorandum ta’ Spjegazzjoni, it-Taqsima 3, COM(2018) 375 final.

(6) COM(2018) 372 final; COM(2018) 382 final; COM(2018) 390 final; COM(2018) 472 final; COM(2018) 473 final; u COM(2018) 471 final.

(7) Il-Memorandum ta’ Spjegazzjoni, it-Taqsima 5, COM(2018) 375 final.

(8) Ir-Rapport Annwali għas-sena finanzjarja 2012, il-paragrafu 10.4. (ĠU C 331, 14.11.2013, p. 1). Ara wkoll l-Opinjoni Nru 7/2011 dwar il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni dwar il-FEŻR, il-FSE, il-FK, il-FAEŻR u l-FEMS koperti mill-Qafas Strateġiku Komuni u li jistabbilixxi d-dispożizzjonijiet ġenerali dwar il-FEŻR, il-FSE u l-FK, il-paragrafu 4 (ĠU C 47, 17.2.2012, p. 1).

(9) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafi 67-80.

(10) Ir-Rapport Annwali għas-sena finanzjarja 2014, il-Kapitolu 3, (ĠU C 373, 10.11.2015, p. 1).

(11) Il-Memorandum ta’ Spjegazzjoni, it-Taqsima 5, COM(2018) 375 final.

(12) Ir-Rapport Annwali għas-sena finanzjarja 2014, il-paragrafu 3.8 u r-Rapport Annwali għas-sena finanzjarja 2015, il-paragrafu 3.21, (ĠU C 375, 13.10.2016, p. 1).

(13) Aħna rrappurtajna dwar is-simplifikazzjoni mill-UE tal-azzjoni klimatika fi strumenti ta’ finanzjament differenti fir-Rapport Speċjali Nru 31/2016, “Infiq ta’ mill-inqas euro wieħed minn kull ħamsa mill-baġit tal-UE fuq l-azzjoni klimatika: qed isir xogħol ambizzjuż, iżda hemm riskju serju li ma jkunx suffiċjenti”.

(14) It-TFUE, l-Artikolu 174.

(15) “Ewropa aktar intelliġenti”; “Ewropa aktar ekoloġika b’livell baxx ta’ emissjonijiet tal-karbonju”; “Ewropa aktar konnessa”; “Ewropa aktar soċjali”; “Ewropa eqreb lejn iċ-ċittadini”.

(16) Id-Dokument Informattiv u Analitiku “Future of EU finances: reforming how the EU baġit operates” (Il-futur tal-finanzi tal-UE: nirriformaw il-mod kif jopera l-baġit tal-UE), il-paragrafu 33; id-Dokument Informattiv u Analitiku “The Commission’s proposals for the 2021-2027 Multiannual Financial Framework” (Il-proposta tal-Kummissjoni għall-Qafas Finanzjarju Pluriennali 2021-2027), il-paragrafu 26.

(17) Il-Manwal ta’ Simplifikazzjoni tal-Kummissjoni Ewropea, 2018, il-paġna 2.

(18) L-Opinjoni Nru 7/2011 dwar il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni, il-paragrafu 5.

(19) Ir-Rapport Annwali għas-sena finanzjarja 2014, il-paragrafu 3.39.

(20) Il-Manwal ta’ Simplifikazzjoni tal-Kummissjoni Ewropea (2018), il-paġna 2, u l-paġna 7 tal-Memorandum ta’ Spjegazzjoni ta’ COM(2018) 375 final: “Din is-simplifikazzjoni tippermetti sinerġiji u flessibbiltà bejn diversi fergħat f’objettiv partikolari, u tneħħi d-distinzjonijiet artifiċjali bejn politiki differenti li jikkontribwixxu għall-istess objettiv”.

(21) Ir-Rapport Speċjali Nru 36/2016 “Valutazzjoni tal-arranġamenti għall-għeluq tal-programmi tal-koeżjoni u tal-iżvilupp rurali għall-2007-2013”, il-paragrafi 129-130 u r-Rakkomandazzjoni 4.

(22) Ir-Rapport Speċjali Nru 17/2018 “L-azzjonijiet tal-Kummissjoni u tal-Istati Membri fl-aħħar snin tal-programmi għall-perjodu 2007-2013 indirizzaw l-assorbiment baxx iżda ma kinux iffukati biżżejjed fuq ir-riżultati”, il-Figura 4.

(23) Ir-Rapport Speċjali Nru 3/2018 “Awditu tal-Proċedura ta’ Żbilanċ Makroekonomiku (MIP)”, il-paragrafi 35-43.

(24) Ir-Rapport Speċjali Nru 18/2018 “L-objettiv prinċipali tal-parti preventiva tal-Patt ta’ Stabbilità u Tkabbir qiegħed jintlaħaq?”, il-paragrafi 121-125 u r-Rakkomandazzjoni 6.

(25) Ir-Rapport Speċjali Nru 15/2017 “Il-kundizzjonalitajiet ex ante u r-riżerva ta’ prestazzjoni fil-qasam ta’ Koeżjoni: strumenti innovattivi iżda għadhom mhumiex effettivi”, ir-Rakkomandazzjoni 1a.

(26) Ir-Rapport Speċjali Nru 15/2017 “Il-kundizzjonalitajiet ex ante u r-riżerva ta’ prestazzjoni fil-qasam ta’ Koeżjoni: strumenti innovattivi iżda għadhom mhumiex effettivi”, ir-Rakkomandazzjoni 1c.

(27) Ir-Rapport Speċjali Nru 15/2017 “Il-kundizzjonalitajiet ex ante u r-riżerva ta’ prestazzjoni fil-qasam ta’ Koeżjoni: strumenti innovattivi iżda għadhom mhumiex effettivi”, ir-Rakkomandazzjoni 1b.

(28) L-Artikolu 58(1) tar-Regolament (UE) Nru 1303/2013.

(29) Il-Programm ta’ Appoġġ għal Riformi huwa mfassal biex jipprovdi inċentivi finanzjarji għal riformi strutturali u appoġġ tekniku biex tissaħħaħ il-kapaċità amministrattiva tal-Istati Membri. L-appoġġ mogħti mill-Programm huwa intenzjonat li jkun komplementari għall-appoġġ ipprovdut mill-fondi rregolati taħt is-CPR. Il-Proposta għal Regolament tal-Parlament Ewropew u tal-Kunsill dwar l-istabbiliment ta’ Programm ta’ Appoġġ għal Riformi, COM(2018) 391 final.

(30) Ir-Rapport Annwali għas-sena finanzjarja 2014, il-paragrafu 3.63; l-Opinjoni Nru 7/2011 dwar il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni, il-paragrafi 17 u 18; ir-Rapport Annwali għas-sena finanzjarja 2013, il-paragrafi 10.14 sa 10.16 (ĠU C 398, 12.11.2014, p. 1).

(31) Ir-Rapport Speċjali Nru 15/2017 “Il-kundizzjonalitajiet ex ante u r-riżerva ta’ prestazzjoni fil-qasam ta’ Koeżjoni: strumenti innovattivi iżda għadhom mhumiex effettivi”, ir-Rakkomandazzjoni 2.

(32) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, il-paragrafu 50 (ĠU C 322, 28.9.2017, p. 1).

(33) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, il-paragrafi 60-72.

(34) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, il-paragrafu 24.

(35) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, il-paragrafu 14.

(36) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafu 143.

(37) Ir-Rapport Speċjali Nru 17/2018 “L-azzjonijiet tal-Kummissjoni u tal-Istati Membri fl-aħħar snin tal-programmi għall-perjodu 2007-2013 indirizzaw l-assorbiment baxx iżda ma kinux iffukati biżżejjed fuq ir-riżultati”, il-paragrafu 82 u r-Rakkomandazzjoni 1.

(38) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafu 60.

(39) Ir-Rapport Annwali għas-sena finanzjarja 2014, il-paragrafu 3.57.

(40) L-Analiżi Panoramika “Lakuni, duplikazzjonijiet u sfidi: analiżi panoramika tal-arranġamenti tal-UE fir-rigward tal-obbligu ta’ rendikont u tal-awditjar pubbliku”, 2014, il-paragrafu 14.

(41) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafi 5 u 83.

(42) L-Artikolu 34 tar-Regolament (UE, Euratom) 2018/1046 tal-Parlament Ewropew u tal-Kunsill (ĠU L 193, 30.7.2018, p. 1).

(43) L-Opinjoni Nru 1/2017 dwar il-proposta għal reviżjoni tar-“Regolament Finanzjarju”, il-paragrafu 89 (ĠU C 91, 23.3.2017, p. 1).

(44) Minbarra l-assistenza teknika u l-objettiv speċifiku li jindirizza l-privazzjoni materjali (l-Artikolu 12(2), COM(2018) 375 final).

(45) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, ir-Rakkomandazzjoni 3.

(46) Id-dokument ta’ ħidma tal-persunal tal-Kummissjoni, SWD(2017) 350 tas-7 ta’ Lulju 2017, il-paġna 49.

(47) L-Artikolu 2(56) tar-Regolament (UE, Euratom) 2018/1046.

(48) L-Artikoli 2(1)(5) u 2(1)(6) tal-abbozz ta’ Regolament dwar l-FSE+. “indikaturi tar-riżultati immedjati komuni” tfisser indikaturi tar-riżultati komuni li jaqbdu l-effetti fi żmien erba’ ġimgħat mill-jum li fih il-parteċipant jitlaq mill-operazzjoni (data tal-ħruġ); “indikaturi tar-riżultati komuni aktar fit-tul” tfisser indikaturi tar-riżultati komuni li jaqbdu l-effetti sitt xhur wara li parteċipant ikun telaq mill-operazzjoni.

(49) Ir-Rapport Annwali għas-sena finanzjarja 2014, il-paragrafu 3.50.

(50) L-Analiżi Panoramika “Lakuni, duplikazzjonijiet u sfidi: analiżi panoramika tal-arranġamenti tal-UE fir-rigward tal-obbligu ta’ rendikont u tal-awditjar pubbliku”, il-paġna 13 u d-Dokument Informattiv u Analitiku“Future of EU finances: reforming how the baġit tal-UE operates” (Il-futur tal-finanzi tal-UE: nirriformaw kif jaħdem il-baġit tal-UE), il-paragrafu 6, 2018.

(51) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafi 103 u 150.

(52) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafi 103, 150.

(53) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafi 92 sa 99.

(54) L-Artikolu 33(3) tar-Regolament (UE, Euratom) 2018/1046: “fejn rilevanti, għandhom jiġu definiti (…) indikaturi rilevanti, aċċettati, kredibbli, faċli u robusti.”.

(55) Id-Dokument Informattiv u Analitiku “Future of EU finances: reforming how the baġit tal-UE operates” (Il-futur tal-finanzi tal-UE: nirriformaw kif jaħdem il-baġit tal-UE), il-paragrafu 38, 2018.

(56) Ir-Rapport Speċjali Nru 2/2017 “In-negozjar, li sar mill-Kummissjoni, tal-Ftehimiet ta’ Sħubija 2014-2020 u l-programmi fil-qasam tal-Koeżjoni”, il-paragrafu 147 u r-Rakkomandazzjoni 4.

(57) L-Anness I tal-abbozzi tal-proposti għal Regolament dwar il-FEŻR/il-FK, COM/2018/372 final; il-FSE+, COM/2018/382 final; u l-FEMS, COM/2018/390 final. L-Annessi VIII tal-abbozzi tal-proposti għal regolament dwar l-AMF, COM/2018/471 final; l-FSI COM/2018/472 final; u l-BMVI, COM/2018/473 final.

(58) Minflok, l-informazzjoni ewlenija dwar l-implimentazzjoni tal-programmi issa se tiġi rrappurtata mill-Istati Membri permezz ta’ rapport annwali dwar il-prestazzjoni lill-Kummissjoni għall-programmi koperti mill-FEMS, l-AMF, l-FSI u l-BMVI (l-Artikolu 36(6) ta’ COM(2018) 375 final), u f’rapport finali dwar il-prestazzjoni għall-FEŻR, il-FSE+ u l-FK sal-15 ta’ Frar 2031 (l-Artikolu 38 ta’ COM(2018) 375 final).

(59) Għall-programmi appoġġati mill-AMIF, mill-FSI u mill-BMVI, jenħtieġ li l-laqgħa ta’ analiżi tiġi organizzata mill-inqas darbtejn matul il-perjodu ta’ programmazzjoni.

(60) L-Opinjoni Nru 1/2017 dwar il-proposta għal reviżjoni tar-“Regolament Finanzjarju”, il-paragrafu 89 (ĠU C 91, 23.3.2017, p. 1).

(61) L-Artikolu 38 tar-Regolament (UE) Nru 1303/2013 u l-Artikolu 7 tar-Regolament ta’ Delega tal-Kummissjoni (UE) Nru 480/2014, (ĠU L 138, 13.5.2014, p. 5).

(62) Ir-Rapport Speċjali Nru 19/2016 “L-implimentazzjoni tal-baġit tal-UE permezz ta’ strumenti finanzjarji — tagħlimiet li għandhom jinsiltu mill-perjodu tal-programm 2007-2013”, il-paragrafi 47-52.

(63) L-Artikolu 46 tar-Regolament (UE) Nru 1303/2013.

(64) Ir-Regolament (UE) Nru 1310/2011 tal-Parlament Ewropew u tal-Kunsill (ĠU L 337, 20.12.2011, p. 1).

(65) Ir-Rapport Annwali għas-sena finanzjarja 2017, il-paragrafu 2.35 (ĠU C 357, 4.10.2018, p. 1).

(66) L-Opinjoni Nru 1/2017 dwar il-proposta għal reviżjoni tar-“Regolament Finanzjarju”, il-paragrafu 40: “il-ftehimiet ta’ awditjar jew ta’ verifikazzjoni ma għandhomx jirrestrinġu l-aċċess tagħna għall-informazzjoni li tkun meħtieġa għall-awditjar tal-fondi tal-Unjoni”.

(67) L-Artikolu 40(3) tar-Regolament (UE) Nru 1303/2013.

(68) Ir-Rapport Annwali għas-sena finanzjarja 2017, il-Kapitolu 6, il-Paragrafu 6.62.

(69) Ir-Rapport Speċjali Nru 19/2016, il-paragrafu 152 u r-Rakkomandazzjoni 3.

(70) Ir-Rapport Speċjali Nru 19/2016 “L-implimentazzjoni tal-baġit tal-UE permezz ta’ strumenti finanzjarji — tagħlimiet li għandhom jinsiltu mill-perjodu tal-programm 2007-2013”, is-Sommarju eżekuttiv VIII.

(71) L-Opinjoni Nru 1/2017 dwar il-proposta għal reviżjoni tar-“Regolament Finanzjarju”, il-paragrafu 84.

(72) L-Artikolu 104 tar-Regolament (UE) Nru 1303/2013 (is-CPR).

(73) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 79.

(74) Ir-Rapport Speċjali Nru 15/2017 “Il-kundizzjonalitajiet ex ante u r-riżerva ta’ prestazzjoni fil-qasam ta’ Koeżjoni: strumenti innovattivi iżda għadhom mhumiex effettivi”, il-paragrafu 106.

(75) Ir-Rapport Annwali għas-sena finanzjarja 2011, il-Kapitolu 6, il-paragrafu 30 (ĠU C 344, 12.11.2012, p. 1); ir-Rapport Annwali għas-sena finanzjarja 2012, il-Kapitolu 6, il-paragrafu 42; ir-Rapport Annwali għas-sena finanzjarja 2014, il-Kapitolu 6, il-paragrafu 79.

(76) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 75; ir-Rapport Annwali għas-sena finanzjarja 2016, il-paragrafu 6.12.

(77) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu IV.

(78) Ir-Rapport Speċjali Nru 11/2018 “Opzjonijiet ġodda għall-finanzjament ta’ proġetti tal-iżvilupp rurali: Aktar sempliċi iżda mhux iffukati fuq ir-riżultati”, il-paragrafu 81, ir-Rakkomandazzjoni 4.

(79) L-Artikolu 181(2) tar-Regolament (UE, Euratom) 2018/1046 tal-Parlament Ewropew u tal-Kunsill (ĠU L 193, 30.7.2018, p. 1).

(80) L-Artikolu 67(4) tar-Regolament (UE) Nru 1303/2013.

(81) L-Artikolu 88(3) ta’ COM(2018) 375 final.

(82) Ir-Rapport Speċjali Nru 20/2014 “L-appoġġ taħt il-FEŻR lill-SMEs fil-qasam tal-kummerċ elettroniku kien effettiv?”; ir-Rapport Speċjali Nru 7/2014 “Il-FEŻR appoġġa b’suċċess l-iżvilupp ta’ inkubaturi tan-negozju?”; ir-Rapport Speċjali Nru 6/2014 “L-appoġġ mill-fondi taħt il-politika ta’ Koeżjoni għall-ġenerazzjoni ta’ enerġija rinnovabbli — inkisbu riżultati tajbin?”.

(83) Ir-Rapport Speċjali Nru 21/2018 “L-għażla u l-monitoraġġ ta’ proġetti taħt il-FEŻR u l-FSE fil-perjodu 2014-2020 għadhom prinċipalment orjentati lejn l-outputs”, il-paragrafi 23-24.

(84) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafi 60-69.

(85) Ir-Rapport Annwali għas-sena finanzjarja 2017, il-Kaxxa 6.4; ir-Rapport Annwali għas-sena finanzjarja 2016, il-Kaxxa 6.2, (ĠU C 322, 28.9.2017, p. 1); ir-Rapport Annwali għas-sena finanzjarja 2015, il-Figura 6.2; ir-Rapport Annwali għas-sena finanzjarja 2014, il-Graff 6.2.

(86) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 62.

(87) Ir-Rapport Annwali għas-sena finanzjarja 2017, il-Kapitolu 6, ir-Rakkomandazzjoni 2.

(88) Ir-Rapport Annwali għas-sena finanzjarja 2017, il-paragrafi 6.40 sa 6.42; il-QEA (2016): ir-Rapport Annwali għas-sena finanzjarja 2015, il-paragrafi 6.31 sa 6.35.

(89) L-Artikolu 186(4)(c) tar-Regolament (UE, Euratom) 2018/1046 (jiġifieri r-Regolament Finanzjarju). Dawn id-dispożizzjonijiet, pereżempju l-Artikolu 186(4)(c), huma applikabbli għal InvestEU, Orizzont Ewropa, Investimenti Innovattivi Interreġjonali, Assistenza Teknika fuq inizjattiva tal-Kummissjoni.

(90) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 52. Bħala eżempju speċifiku, hemm ir-riskju li l-proposta tikkawża piż amministrattiv addizzjonali għall-proġetti suġġetti għar-regoli dwar l-għajnuna mill-Istat, fejn l-awtoritajiet ikollhom iqisu l-VAT eliġibbli meta jiddeterminaw l-intensità tal-għajnuna u, sussegwentement, jimmonitorjawha.

(91) Ir-Rapport Annwali għas-sena finanzjarja 2017, il-paragrafi 6.40 sa 6.42 u 6.78, ir-Rakkomandazzjoni 2.

(92) Analiżi mill-QEA tad-database tal-Kummissjoni għas-Sistema Komuni ta’ Ġestjoni Kondiviża tal-Fondi.

(93) L-Artikoli 101-102 tar-Regolament (UE) Nru 1303/2013; il-Kapitolu III tar-Regolament (UE) Nru 480/2014; l-Anness II u l-Anness III tar-Regolament ta’ Implimentazzjoni tal-Kummissjoni (UE) 2015/207 (ĠU L 38, 13.2.2015, p. 1).

(94) Pereżempju, il-Gwida tal-Kummissjoni Ewropea (2004) għall-analiżi tal-ispejjeż imqabbla mal-benefiċċji ta’ proġetti maġġuri fil-kuntest tal-Politiki Reġjonali tal-KE; u l-Kummissjoni Ewropea (2014): Gwida għall-Analiżi tal-Ispejjeż Imqabbla mal-Benefiċċji ta’ Proġetti ta’ Investiment, għodda ta’ evalwazzjoni ekonomika għall-Politika ta’ Koeżjoni 2014-2020, Diċembru 2014.

(95) L-Artikoli 2(4) u 67(6) ta’ COM(2018) 375 final. Skont il-proposta, operazzjonijiet ta’ importanza strateġika jridu jiġu identifikati fil-Programmi Operazzjonali, jiġu eżaminati mill-Kumitat ta’ Monitoraġġ, u jiġu promossi mill-benefiċjarji permezz ta’ avveniment ta’ komunikazzjoni (l-Artikoli 17, 35 u 45 ta’ COM(2018) 375 final).

(96) Pereżempju r-Rapport Speċjali Nru 1/2008 dwar il-proċeduri għall-eżami preliminari u evalwazzjoni ta’ proġetti kbar ta’ investiment għall-perjodi ta’ programmar tal-1994-1999 u tal-2000-2006; ir-Rapport Speċjali Nru 8/2010 “It-titjib tal-prestazzjoni tat-trasport fuq l-assi ferrovjarji trans-Ewropej: l-investiment tal-UE fl-infrastruttura ferrovjarja kien effettiv?”; ir-Rapport Speċjali Nru 5/2013 “Il-fondi tal-Politika ta’ Koeżjoni tal-UE jintnefqu sew fit-toroq?”; ir-Rapport Speċjali Nru 6/2014 “L-appoġġ mill-fondi taħt il-politika ta’ Koeżjoni għall-ġenerazzjoni ta’ enerġija rinnovabbli — inkisbu riżultati tajbin?”; ir-Rapport Speċjali Nru 21/2014 “Infrastrutturi tal-ajruporti ffinanzjati mill-UE: valur baxx għall-flus”; ir-Rapport Speċjali Nru 19/2018 “Netwerk ferrovjarju Ewropew ta’ veloċità għolja: mhuwiex realtà iżda huwa sistema frammentata u ineffettiva”.

(97) JASPERS – Assistenza Konġunta ta’ Appoġġ għal Proġetti fir-Reġjuni Ewropej.

(98) Ir-Rapport Speċjali Nru 1/2018 “Assistenza Konġunta ta’ Appoġġ għal Proġetti fir-Reġjuni Ewropej (JASPERS) – wasal iż-żmien biex l-assistenza tiġi mmirata aħjar”.

(99) L-Artikolu 61(3) tar-Regolament (UE) Nru 1303/2013.

(100) L-Opinjoni Nru 1/2017 dwar il-proposta għal reviżjoni tar-“Regolament Finanzjarju”, il-paragrafu 34.

(101) Id-dokument ta’ ħidma tal-persunal tal-Kummissjoni, valutazzjoni tal-impatt li takkumpanja l-proposta għal Regolament tal-Parlament Ewropew u tal-Kunsill dwar il-FEŻR u l-FK, SWD(2018)282 final, il-paġna 66.

(102) F’konformità mar-Regolament (UE) Nru 1303/2013, l-Artikolu 61 u l-Anness V.

(103) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-prinċipju gwida IV.

(104) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 88.

(105) L-Artikoli 123-124 tar-Regolament (UE) Nru 1303/2013.

(106) Ir-Rapport Annwali għas-sena finanzjarja 2016, il-paragrafu 6.30.

(107) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 49.

(108) Ir-Rapport Speċjali Nru 16/2013 “Valutazzjoni ta’ awditu uniku (single audit) u d-dipendenza tal-Kummissjoni fuq ix-xogħol tal-awtoritajiet nazzjonali tal-awditjar fil-Koeżjoni”, ir-Rakkomandazzjoni 5.

(109) Id-Dokument Informattiv u Analitiku “Il-proposta tal-Kummissjoni għall-Qafas Finanzjarju Pluriennali 2021-2027”, Lulju 2018, il-paragrafu 32.

(110) Ir-Rapport Annwali għas-sena finanzjarja 2016, il-paragrafu 6.19 flimkien mar-risposta tal-Kummissjoni; ir-Rapport Annwali għas-sena finanzjarja 2015, il-paragrafu 6.36; ir-Rapport Annwali għas-sena finanzjarja 2014, il-paragrafu 6.44.

(111) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paġna 42.

(112) COM(2018) 374 final, Proposta għal Regolament dwar dispożizzjonijiet speċifiċi għall-mira tal-kooperazzjoni territorjali Ewropea (Interreg) appoġġata mill-Fond Ewropew għall-Iżvilupp Reġjonali u mill-istrumenti ta’ finanzjament estern, l-Artikolu 48.

(113) Ir-Rapport Annwali għas-sena finanzjarja 2016, il-paragrafu 6.35 u r-Rakkomandazzjoni 2 (ĠU C 322, 28.9.2017, p. 1); ir-Rapport Annwali għas-sena finanzjarja 2015, il-paragrafi 6.59 sa 6.61 u r-Rakkomandazzjoni 5, (ĠU C 375, 13.10.2016, p. 1).

(114) L-Anness XI jinkludi dettalji dwar ir-rendikont tal-entrati, iżda dawn huma ġenerali u ma jirriferux għall-każ speċifiku ta’ operazzjonijiet li jitwettqu barra mit-territorju tal-UE.

(115) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafi 19, 86 u l-Anness III.

(116) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafu 39.

(117) L-uniku kriterju ieħor huwa relatat mal-“parteċipazzjoni tal-Istat Membru … fil-kooperazzjoni msaħħa tal-Uffiċċju tal-Prosekutur Pubbliku Ewropew”.

(118) L-awditi tagħna juru li l-aċċettazzjoni tal-kontijiet mill-Kummissjoni u r-rati ta’ żball ippubblikati ma jirriflettux il-valutazzjoni tagħha tal-legalità u r-regolarità tal-infiq. B’konsegwenza ta’ dan, jista’ jkun neċessarju li jiġu aġġustati r-rati ta’ żball ippubblikati ladarba tkun twettqet il-valutazzjoni, li tista’ tiġi riżolta biss sa tliet snin ’il quddiem. Ara r-Rapport Annwali għas-sena finanzjarja 2017 – il-Kapitolu 6, il-paragrafu 6.68.

(119) Id-Dokument Informattiv u Analitiku “Simplifikazzjoni fit-twettiq tal-Politika ta’ Koeżjoni wara l-2020”, Mejju 2018, il-paragrafi 39-40.

(120) Il-kontijiet huma element wieħed mill-“pakkett ta’ aċċertament” li l-Istati Membri huma meħtieġa jippreżentaw kull sena lill-Kummissjoni, flimkien ma’ dikjarazzjonijiet ta’ ġestjoni mill-awtorità ta’ ġestjoni, opinjonijiet tal-awditjar u rapporti annwali ta’ kontroll imħejjija mill-awtorità tal-awditjar (l-Artikolu 92).

(121) L-Opinjoni Nru 7/2011 dwar “Il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni”, il-paragrafi 31-33.

(122) Ara r-Rapport Annwali għas-sena finanzjarja 2017, il-Kapitolu 6, ir-Rakkomandazzjoni 7.

(123) L-Opinjoni Nru 7/2011 dwar “Il-proposta għal Regolament tal-Parlament Ewropew u tal-Kunsill li jistabbilixxi dispożizzjonijiet komuni”, il-paragrafu 36.

(124) L-Artikolu 145(7) tar-Regolament (UE) Nru 1303/2013.

(125) L-Artikolu 145(7) tar-Regolament (UE) Nru 1303/2013.

(126) L-Artikolu 63(6) tar-Regolament (UE, Euratom) 2018/1046.

(127) Ir-Rapport Annwali għas-sena finanzjarja 2017, il-paragrafu 6.78, ir-Rakkomandazzjoni 6.

ANNESS

Kummenti dettaljati u suġġerimenti għall-abbozzar (kummenti u suġġerimenti għall-abbozzar dwar artikoli mis-CPR)

Is-suġġerimenti għall-abbozzar li ġejjin jirriflettu xi kunsiderazzjonijiet li jitqajmu f’din l-Opinjoni, iżda mhux kollha. Hija r-responsabbiltà tal-Kummissjoni u tal-leġiżlaturi biex jieħdu kont ta’ dawn il-kunsiderazzjonijiet u biex jirriflettuhom fl-artikoli xierqa tas-CPR propost u/jew tar-Regolamenti speċifiċi għall-Fondi.

Test fil-proposta

Suġġeriment tal-Qorti

Kummenti

Proposta għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi

(COM(2018) 375 final)

Lista ta’ kontenut

Jenħtieġ li r-Regolament propost jindika lista ta’ kontenut li ssegwi l-istruttura tiegħu.

Billi

(…)

(2)

Sabiex ikomplu jiżviluppaw implimentazzjoni koordinata u armonizzata tal-Fondi tal-Unjoni implimentati taħt ġestjoni kondiviża, jiġifieri l-Fond Ewropew għall-Iżvilupp Reġjonali (“FEŻR”), il-Fond Soċjali Ewropew Plus (“FSE+”), il-Fond ta’ Koeżjoni, miżuri ffinanzjati taħt ġestjoni kondiviża fil-Fond Ewropew għall-Affarijiet Marittimi u s-Sajd (“FEMS”), il-Fond għall-Ażil u l-Migrazzjoni (Asylum and Migration Fund, “AMIF”), il-Fond għas-Sigurtà Interna (Internal Security Fund, “ISF”) u l-Istrument għall-Ġestjoni Integrata tal-Fruntieri u tal-Viżi (“BMVI”), jenħtieġ li jiġu stabbiliti regoli finanzjarji bbażati fuq l-Artikolu 322 TFUE għal dawn il-Fondi kollha (“il-Fondi”), li jispeċifikaw biċ-ċar il-kamp ta’ applikazzjoni tad-dispożizzjonijiet rilevanti. Barra minn hekk, jenħtieġ li d-dispożizzjonijiet komuni bbażati fuq l-Artikolu 177 TFUE jiġu stabbiliti biex ikopru r-regoli speċifiċi tal-politika għall-FEŻR, għall-FSE+, għall-Fond ta’ Koeżjoni u għall-FEMS.

Jenħtieġ li d-dispożizzjoni proposta fil-paragrafu 2 tikkjarifika, wara l-ewwel sentenza, x’jirrappreżentaw ir-“regoli finanzjarji”, meta jitqies li r-Regolament propost jinkludi dispożizzjonijiet mhux finanzjarji li huma applikabbli għall-fondi kollha.

Fi tmiem il-paragrafu 2, jenħtieġ li tiżdied referenza relatata mal-FEMS billi l-Artikolu 177 tat-TFUE msemmi jikkonċerna l-fondi strutturali biss.

Artikolu 2

Definizzjonijiet

Ara l-Kunsiderazzjonijiet 22) u 37)

Artikolu 4

Objettivi ta’ politika

Ara l-Kunsiderazzjoni 1)

Jenħtieġ li l-Kummissjoni u l-leġiżlaturi jqisu, b’mod partikolari, li jissettjaw miri ċari għall-infiq fuq l-azzjoni klimatika għat-tliet Fondi ta’ Koeżjoni, li jkunu konsistenti mal-mira ta’ 25 % għal dan l-infiq għall-baġit tal-UE fl-intier tiegħu.

Artikolu 7

Tħejjija u preżentazzjoni tal-Ftehim ta’ Sħubija

Ara l-Kunsiderazzjoni 18)

Artikolu 8

Kontenut tal-Ftehim ta’ Sħubija

Ara l-Kunsiderazzjonijiet 16), 19) u 20)

Artikolu 11

Kundizzjonijiet ta’ abilitazzjoni

Artikolu 11

Kundizzjonijiet ta’ abilitazzjoni

Ara wkoll il-Kunsiderazzjonijiet 9), 10) u 11)

1. Għal kull objettiv speċifiku, f’dan ir-Regolament huma stipulati prekundizzjonijiet għall-implimentazzjoni effettiva u effiċjenti tagħhom (“kundizzjonijiet ta’ abilitazzjoni”).

L-Anness III jistipula l-kundizzjonijiet ta’ abilitazzjoni orizzontali applikabbli għall-objettivi speċifiċi kollha u l-kriterji meħtieġa għall-valutazzjoni tal-issodisfar tagħhom.

L-Anness IV jistipula l-kundizzjonijiet ta’ abilitazzjoni tematiċi għall-FEŻR, għall-Fond ta’ Koeżjoni u għall-FSE+ u l-kriterji meħtieġa għall-valutazzjoni tal-issodisfar tagħhom.

1. Għal kull objettiv speċifiku jew qasam ta’ appoġġ jew tip ta’ operazzjoni, f’dan ir-Regolament huma stipulati prekundizzjonijiet għall-implimentazzjoni effettiva u effiċjenti tagħhom (“kundizzjonijiet ta’ abilitazzjoni”).

L-Anness III jistipula l-kundizzjonijiet ta’ abilitazzjoni orizzontali applikabbli għall-objettivi speċifiċi jew oqsma ta’ appoġġ jew tip ta’ operazzjoni kollha u l-kriterji meħtieġa għall-valutazzjoni tal-issodisfar tagħhom.

L-Anness IV jistipula l-kundizzjonijiet ta’ abilitazzjoni tematiċi għall-FEŻR, għall-Fond ta’ Koeżjoni u għall-FSE+ u l-kriterji meħtieġa għall-valutazzjoni tal-issodisfar tagħhom.

2. L-Istat Membru, meta jħejji programm jew jintroduċi objettiv speċifiku ġdid bħala parti minn emenda ta’ programm, għandu jivvaluta jekk il-kundizzjonijiet ta’ abilitazzjoni marbuta mal-objettiv speċifiku magħżul humiex issodisfati. Kundizzjoni ta’ abilitazzjoni tkun issodisfata meta jkunu ssodisfati l-kriterji kollha relatati. L-Istat Membru għandu jidentifika f’kull programm jew fl-emenda tal-programm, il-kundizzjonijiet ta’ abilitazzjoni ssodisfati u mhux issodisfati u fejn iqis li kundizzjoni ta’ abilitazzjoni tkun issodisfata, għandu jipprovdi ġustifikazzjoni.

2. L-Istat Membru, meta jħejji programm jew jintroduċi objettiv speċifiku jew qasam ta’ appoġġ jew tip ta’ operazzjoni ġdid bħala parti minn emenda ta’ programm, għandu jivvaluta jekk il-kundizzjonijiet ta’ abilitazzjoni marbuta mal-objettiv speċifiku jew il-qasam ta’ appoġġ jew it-tip ta’ operazzjoni magħżul humiex issodisfati, filwaqt li jieħu inkunsiderazzjoni r-Rapporti għall-Pajjiżi u r-rakkomandazzjonijiet speċifiċi għall-pajjiż li jirriżultaw mill-proċess tas-Semestru Ewropew. Kundizzjoni ta’ abilitazzjoni tkun issodisfata meta jkunu ssodisfati l-kriterji kollha relatati. L-Istat Membru għandu jidentifika f’kull programm jew fl-emenda tal-programm, il-kundizzjonijiet ta’ abilitazzjoni ssodisfati u mhux issodisfati u fejn iqis li kundizzjoni ta’ abilitazzjoni tkun issodisfata, għandu jipprovdi ġustifikazzjoni.

3. Meta kundizzjoni ta’ abilitazzjoni ma tkunx issodisfata fil-mument tal-approvazzjoni tal-programm jew tal-emenda tal-programm, l-Istat Membru għandu jirrapporta lill-Kummissjoni hekk kif jidhirlu li l-kundizzjoni ta’ abilitazzjoni tkun issodisfata b’ġustifikazzjoni.

4. Fi żmien tliet xhur minn meta tirċievi l-informazzjoni msemmija fil-paragrafu 3, il-Kummissjoni għandha tagħmel valutazzjoni u tgħarraf lill-Istat Membru meta taqbel mal-issodisfar.

Meta ma taqbilx mal-valutazzjoni tal-Istat Membru, il-Kummissjoni għandha tgħarraf lill-Istat Membru dwar dan u tagħtih l-opportunità li jippreżenta l-kummenti tiegħu fi żmien xahar.

4. Fi żmien tliet xhur minn meta tirċievi l-informazzjoni msemmija fil-paragrafu 3, il-Kummissjoni għandha tagħmel valutazzjoni filwaqt li tieħu inkunsiderazzjoni r-rapporti għall-pajjiżi u r-rakkomandazzjonijiet speċifiċi għall-pajjiż li jirriżultaw mis-Semestru Ewropew, u tgħarraf lill-Istat Membru meta taqbel mal-issodisfar.

Meta ma taqbilx mal-valutazzjoni tal-Istat Membru, il-Kummissjoni għandha tgħarraf lill-Istat Membru dwar dan u tagħtih l-opportunità li jippreżenta l-kummenti tiegħu fi żmien xahar.

5. In-nefqa relatata mal-operazzjonijiet marbuta mal-objettiv speċifiku ma tistax tkun inkluża fit-talbiet għall-pagament sakemm il-Kummissjoni tkun għarrfet lill-Istat Membru rigward l-issodisfar tal-kundizzjoni ta’ abilitazzjoni skont il-paragrafu 4.

L-ewwel sottoparagrafu ma għandux japplika għall-operazzjonijiet li jikkontribwixxu għall-issodisfar tal-kundizzjoni ta’ abilitazzjoni korrispondenti.

5. In-nefqa relatata mal-operazzjonijiet marbuta mal-objettiv speċifiku jew mal-qasam ta’ appoġġ jew mat-tip ta’ operazzjoni ma tistax tkun inkluża fit-talbiet għall-pagament sakemm il-Kummissjoni tkun għarrfet lill-Istat Membru rigward l-issodisfar tal-kundizzjoni ta’ abilitazzjoni skont il-paragrafu 4.

L-ewwel sottoparagrafu ma għandux japplika għall-operazzjonijiet li jikkontribwixxu għall-issodisfar tal-kundizzjoni ta’ abilitazzjoni korrispondenti.

6. L-Istat Membru għandu jiżgura li l-kundizzjonijiet ta’ abilitazzjoni jkunu ssodisfati u applikati matul il-perjodu ta’ programmazzjoni. Għandu jgħarraf lill-Kummissjoni b’kull modifika li jkollha impatt fuq l-issodisfar tal-kundizzjonijiet ta’ abilitazzjoni.

Meta l-Kummissjoni tkun tal-fehma li kundizzjoni ta’ abilitazzjoni ma għadhiex aktar issodisfata, għandha tgħarraf lill-Istat Membru u tagħtih l-opportunità li jippreżenta l-kummenti tiegħu fi żmien xahar. Meta l-Kummissjoni tasal għall-konklużjoni li għad hemm nuqqas ta’ ssodisfar tal-kundizzjoni ta’ abilitazzjoni, in-nefqa relatata mal-objettiv speċifiku kkonċernat ma tistax tiġi inkluża fit-talbiet għall-pagament sa dakinhar li l-Kummissjoni tgħarraf lill-Istat Membru b’dan.

Meta l-Kummissjoni tkun tal-fehma li kundizzjoni ta’ abilitazzjoni ma għadhiex aktar issodisfata, għandha tgħarraf lill-Istat Membru u tagħtih l-opportunità li jippreżenta l-kummenti tiegħu fi żmien xahar. Meta l-Kummissjoni tasal għall-konklużjoni li għad hemm nuqqas ta’ ssodisfar tal-kundizzjoni ta’ abilitazzjoni, in-nefqa relatata mal-objettiv speċifiku jew mal-qasam ta’ appoġġ jew mat-tip ta’ operazzjoni kkonċernat ma tistax tiġi inkluża fit-talbiet għall-pagament sa dakinhar li l-Kummissjoni tgħarraf lill-Istat Membru b’dan.

7. L-Anness IV ma għandux japplika għall-programmi appoġġati mill-FEMS.

Artikolu 12

Qafas tal-prestazzjoni

Artikolu 12

Qafas tal-prestazzjoni

1. L-Istat Membru għandu jistabbilixxi qafas tal-prestazzjoni li għandu jagħti lok għall-monitoraġġ u għall-evalwazzjoni tal-prestazzjoni tal-programm kif ukoll għar-rappurtar dwarha matul l-implimentazzjoni tiegħu, u jikkontribwixxi sabiex titkejjel il-prestazzjoni kumplessiva tal-Fondi.

Il-qafas tal-prestazzjoni għandu jkun magħmul minn:

(a)	l-indikaturi tal-output u tar-riżultati marbuta mal-objettivi speċifiċi stabbilit fir-Regolamenti speċifiċi għall-Fondi;

(a)	l-indikaturi tal-output u tar-riżultati marbuta mal-objettivi speċifiċi jew mal-qasam ta’ appoġġ jew mat-tip ta’ operazzjoni stabbiliti fir-Regolamenti speċifiċi għall-Fondi;

(b)	l-istadji importanti li jridu jintlaħqu sa tmiem is-sena 2024 għall-indikaturi tal-output; u

(b)	l-istadji importanti li jridu jintlaħqu sa tmiem is-sena 2024 għall-indikaturi tal-output u tar-riżultat; u

(c)	il-miri li jridu jintlaħqu sa tmiem is-sena 2029 għall-indikaturi tal-output u tar-riżultati.

(c)	il-miri li jridu jintlaħqu sa tmiem is-sena 2029 għall-indikaturi tal-output u tar-riżultati. Il-miri għandhom ikunu bbażati fuq stima realistika tal-allokazzjonijiet finanzjarji totali għall-perjodu.

2. L-istadji importanti u l-miri għandhom jiġu stabbilit f’rabta ma’ kull objettiv speċifiku fl-ambitu ta’ programm, ħlief għall-assistenza teknika u għall-objettiv speċifiku li jindirizza privazzjoni materjali stabbilit fl-Artikolu 4(c)(vii) tar-Regolament FSE+.

2. L-istadji importanti u l-miri għandhom jiġu stabbilit f’rabta ma’ kull objettiv speċifiku jew qasam ta’ appoġġ jew tip ta’ operazzjoni fl-ambitu ta’ programm, ħlief għall-assistenza teknika u għall-objettiv speċifiku li jindirizza privazzjoni materjali stabbilit fl-Artikolu [4(c)(vii)] tar-Regolament FSE+.

3. L-istadji importanti u l-miri għandhom jippermettu lill-Kummissjoni u lill-Istat Membru jkejlu l-progress lejn l-ilħuq tal-objettivi speċifiċi. Għandhom jissodisfaw ir-rekwiżiti stabbiliti fl-Artikolu 33(3) tar-Regolament Finanzjarju.

(…)

3. L-istadji importanti u l-miri għandhom jippermettu lill-Kummissjoni u lill-Istat Membru jkejlu l-progress lejn l-ilħuq tal-objettivi speċifiċi jew tal-qasam ta’ appoġġ jew tat-tip ta’ operazzjoni. Għandhom jissodisfaw ir-rekwiżiti stabbiliti fl-Artikolu [33(3)] tar-Regolament Finanzjarju.

(…)

Artikolu 14

Rieżami ta’ nofs it-terminu

Ara l-Kunsiderazzjonijiet 14) u 15)

Artikolu 15

Miżuri li jorbtu l-effettività tal-Fondi mal-governanza ekonomika tajba

(…)

Ara l-Kunsiderazzjonijiet 4), 5) u 6)

13. Il-paragrafi minn 1 sa 12 ma għandhomx japplikaw għal prijoritajiet jew programmi skont l-Artikolu 4(c)(v)(ii) tar-Regolament FSE+.

Fil-paragrafu 13 ta’ dan l-artikolu, huwa meħtieġ aġġustament għar-referenza li ssir għad-dispożizzjoni(jiet) tar-regolament speċifiku għall-fond FSE+.

Artikolu 16

Tħejjija u preżentazzjoni tal-programmi

Ara l-Kunsiderazzjoni 21)

Artikolu 17

Il-kontenut tal-programmi

Ara l-Kunsiderazzjonijiet 3) u 16)

Artikolu 19

Emendar tal-programmi

Ara l-Kunsiderazzjoni 2)

Artikolu 21

Trasferiment tar-riżorsi

Ara l-Kunsiderazzjoni 2)

Artikolu 29

Assistenza teknika fuq l-inizjattiva tal-Kummissjoni

Ara l-Kunsiderazzjoni 12)

Artikolu 30

Assistenza teknika tal-Istati Membri

Ara l-Kunsiderazzjoni 12)

Artikolu 31

Finanzjament b’rata fissa għall-assistenza teknika tal-Istati Membri

Ara l-Kunsiderazzjoni 13)

Artikolu 32

Finanzjament mhux marbut mal-kostijiet għall-assistenza teknika tal-Istati Membri

Ara l-Kunsiderazzjoni 13)

Artikolu 35

Funzjonijiet tal-Kumitat ta’ monitoraġġ

1. Il-kumitat ta’ monitoraġġ għandu jeżamina:

(…)

Artikolu 35

Il-funzjonijiet tal-Kumitat ta’ monitoraġġ

1. Il-kumitat ta’ monitoraġġ għandu jeżamina:

(…)

(j)	il-progress fl-implimentazzjoni ta’ azzjonijiet relatati mat-tnaqqis tal-piż amministrattiv fuq il-benefiċjarji

(…)

3. Il-kumitat ta’ monitoraġġ jista’ jagħmel xi osservazzjonijiet lill-awtorità ta’ ġestjoni rigward l-elementi koperti mill-paragrafi 1 u 2, inklużi azzjonijiet relatati mat-tnaqqis tal-piż amministrattiv fuq il-benefiċjarji. Il-kumitat ta’ monitoraġġ għandu jimmonitorja l-azzjonijiet meħuda b’riżultat tal-osservazzjonijiet tiegħu.

Jenħtieġ li r-Regolament propost ikollu Kumitat ta’ Monitoraġġ biex jeżamina l-progress lejn it-tnaqqis tal-piż amministrattiv.

Il-paragrafu l-ġdid introdott jiżgura l-allinjament bejn l-Artikoli 35 u 69(b).

Artikolu 36

Rieżami annwali dwar il-prestazzjoni

Ara l-Kunsiderazzjoni 29)

Artikolu 37

Trażmissjoni tad-data

Ara l-Kunsiderazzjonijiet 26) u 28)

Jenħtieġ li l-Kummissjoni u l-leġiżlaturi jqisu li jirrikjedu li r-riżultati tal-infiq fuq l-azzjoni klimatika jiġu mmonitorjati u rrappurtati, kif ukoll il-livelli ta’ nfiq ippjanat.

Artikolu 39

Evalwazzjonijiet mill-Istati Membri

Artikolu 40

Evalwazzjoni mill-Kummissjoni

Ara l-Kunsiderazzjoni 30)

Artikolu 49

Il-Finanzjament b’rata fissa għall-kostijiet indiretti li jikkonċernaw l-għotjiet

Artikolu 50

Kostijiet diretti tal-persunal dwar għotjiet

Artikolu 51

Finanzjament b’rata fissa għall-kostijiet eliġibbli għajr kostijiet tal-persunal li jikkonċernaw għotjiet

Artikolu 49

Il-Finanzjament b’rata fissa għall-kostijiet indiretti li jikkonċernaw l-għotjiet

Artikolu 50

Kostijiet diretti tal-persunal dwar għotjiet

Il-kostijiet diretti tal-persunal ta’ operazzjoni jistgħu jiġu kkalkulati b’rata fissa sa massimu ta’ 20 % tal-kostijiet diretti għajr il-kostijiet tal-persunal ta’ dik l-operazzjoni, mingħajr ma jkun hemm rekwiżit li l-Istat Membru jagħmel kalkolu biex jiddetermina r-rata applikabbli pprovduta li l-kostijiet diretti tal-operazzjoni ma jinkludux kuntratti ta’ xogħlijiet pubbliċi jew kuntratti ta’ forniment jew servizz li jeċċedu fil-valur il-limitu minimu stipulat fl-Artikolu 4 tad-Direttiva 2014/24/UE tal-Parlament Ewropew u tal-Kunsill 46 jew l-Artikolu 15 tad-Direttiva 2014/25/UE tal-Parlament Ewropew u tal-Kunsill 47.

Għall-AMIF, l-ISF u l-BMVI, kull kost soġġett għall-akkwist pubbliku u l-kostijiet diretti tal-persunal ta’ dik l-operazzjoni għandhom ikunu esklużi mill-bażi għall-kalkolu tar-rata fissa.

Artikolu 51

Finanzjament b’rata fissa għall-kostijiet eliġibbli għajr kostijiet tal-persunal li jikkonċernaw għotjiet

Ara wkoll il-Kunsiderazzjonijiet 39) u 40)

Artikolu 52

Strumenti finanzjarji

Ara l-Kunsiderazzjoni 31)

Artikolu 53

Implimentazzjoni tal-istrumenti finanzjarji

Ara l-Kunsiderazzjonijiet 32) u 33)

Artikolu 57

Eliġibbiltà

Ara l-Kunsiderazzjoni 54)

Artikolu 58

Kostijiet li mhumiex eliġibbli

(…)

(c)	taxxa fuq il-valur miżjud (VAT), għajr għal operazzjonijiet li l-kost totali tagħhom huwa inqas minn EUR 5 000 000 .

Ara l-Kunsiderazzjoni 44)

Artikolu 65

L-awtoritajiet tal-programm

Artikolu 65

L-awtoritajiet tal-programm

1. Għall-finijiet tal-Artikolu [63(3)] tar-Regolament Finanzjarju, l-Istat Membru għandu jidentifika awtorità ta’ ġestjoni u awtorità tal-awditjar għal kull programm. Meta Stat Membru juża l-għażla msemmija fl-Artikolu 66(2), il-korp ikkonċernat għandu jkun identifikat bħala l-awtorità tal-programm. L-istess awtoritajiet jistgħu jkunu responsabbli għal aktar minn programm operazzjonali wieħed.

(…)

1. Għall-finijiet tal-Artikolu [63(3)] tar-Regolament Finanzjarju, l-Istat Membru għandu jidentifika jaħtar awtorità ta’ ġestjoni u awtorità tal-awditjar għal kull programm. Meta Stat Membru juża l-għażla msemmija fl-Artikolu 66(2), il-korp ikkonċernat għandu jkun identifikat maħtur bħala l-awtorità tal-programm. L-istess awtoritajiet jistgħu jkunu responsabbli għal aktar minn programm operazzjonali wieħed.

(…)

3. L-awtorità ta’ ġestjoni tista’ tidentifika korp intermedju wieħed jew aktar biex iwettqu ċerti kompiti fir-responsabbiltà tagħha. Arranġamenti bejn l-awtorità ta’ ġestjoni u l-korpi intermedji għandhom ikunu rreġistrati bil-miktub.

(…)

3. L-awtorità ta’ ġestjoni tista’ tidentifika taħtar korp intermedju wieħed jew aktar biex iwettqu ċerti kompiti fir-responsabbiltà tagħha. Arranġamenti bejn l-awtorità ta’ ġestjoni u l-korpi intermedji għandhom ikunu rreġistrati bil-miktub.

(…)

5. Il-korp li jimplimenta l-kofond tal-Programm kif imsemmi fl-Artikolu [11] tar-Regolament UE (…) [Regoli ta’ Parteċipazzjoni għal Orizzont Ewropa] għandu jkun identifikat bħala korp intermedju mill-awtorità ta’ ġestjoni tal-programm rilevanti, f’konformità mal-paragrafu 3.

5. Il-korp li jimplimenta l-kofond tal-Programm kif imsemmi fl-Artikolu [11] tar-Regolament UE (…) [Regoli ta’ Parteċipazzjoni għal Orizzont Ewropa] għandu jkun identifikat maħtur bħala korp intermedju mill-awtorità ta’ ġestjoni tal-programm rilevanti, f’konformità mal-paragrafu 3.

Artikolu 66

Il-funzjonijiet tal-awtorità ta’ ġestjoni

1. L-awtorità ta’ ġestjoni għandha tkun responsabbli għall-ġestjoni tal-programm bil-għan li twassal għall-objettivi tal-programm. Partikolarment, hija għandu jkollha l-funzjonijiet li ġejjin:

(….)

Artikolu 66

Il-funzjonijiet tal-awtorità ta’ ġestjoni

1. L-awtorità ta’ ġestjoni għandha tkun responsabbli għall-ġestjoni tal-programm, f’konformità mal-prinċipju tal-ġestjoni finanzjarja tajba, bil-għan li twassal għall-objettivi tal-programm. Partikolarment, hija għandu jkollha l-funzjonijiet li ġejjin:

(…)

Artikolu 67

Għażla ta’ operazzjonijiet mill-awtorità ta’ ġestjoni

(…)

2. B’talba tal-Kummissjoni, l-awtorità ta’ ġestjoni għandha tikkonsulta mal-Kummissjoni u tikkunsidra l-kummenti tagħha qabel il-preżentazzjoni inizjali tal-kriterji tal-għażla lill-kumitat ta’ monitoraġġ u qabel kwalunkwe bidla sussegwenti għal dawn il-kriterji.

Artikolu 67

Għażla ta’ operazzjonijiet mill-awtorità ta’ ġestjoni

(…)

Il-Kummissjoni se tidentifika r-rekwiżiti onerużi mhux meħtieġa u se tagħmel rakkomandazzjonijiet lill-Istati Membri dwar kif jistmaw dan.

Ara wkoll il-Kunsiderazzjonijiet 42) u 43)

Artikolu 68

Ġestjoni tal-programm mill-awtorità ta’ ġestjoni

(…)

2. Il-verifiki ta’ ġestjoni msemmija fil-punt (a) tal-paragrafu 1 għandhom ikunu bbażati fuq ir-riskju u proporzjonati mar-riskji identifikati kif definit fl-istrateġija ta’ ġestjoni tar-riskju.

Il-verifiki ta’ ġestjoni għandhom jinkludu verifiki amministrattivi fir-rigward ta’ talbiet għall-pagamenti mill-benefiċjarji u verifiki fil-post ta’ operazzjonijiet. Dawn il-verifiki għandhom isiru sa mhux aktar tard minn qabel il-preparazzjoni tal-kontijiet skont l-Artikolu 92.

(…)

Artikolu 68

Ġestjoni tal-programm mill-awtorità ta’ ġestjoni

(…)

Ara wkoll il-Kunsiderazzjoni 50)

Artikolu 72

Strateġija tal-Awditjar

1. (…) L-istrateġija tal-awditjar għandha tinkludi awditi tas-sistema ta’ awtoritajiet ta’ ġestjoni identifikati ġodda u ta’ awtoritajiet responsabbli għall-funzjoni kontabilistika fi żmien disa’ xhur wara l-ewwel sena ta’ funzjonament tagħhom. (…)

Artikolu 72

Strateġija tal-Awditjar

1. (…) L-istrateġija tal-awditjar għandha tinkludi awditi tas-sistema ta’ awtoritajiet ta’ ġestjoni identifikati ġodda u ta’ awtoritajiet responsabbli għall-funzjoni kontabilistika, kif ukoll bidliet għall-metodoloġija li tirregola l-verifiki ta’ ġestjoni u s-sistemi tal-IT, fi żmien disa’ xhur wara l-ewwel sena ta’ funzjonament tagħhom.

(…)

Ara wkoll il-Kunsiderazzjonijiet 47) u 49)

Artikolu 73

Awditjar tal-operazzjonijiet

Artikolu 73

Awditjar tal-operazzjonijiet

1. L-awditi tal-operazzjonijiet għandhom ikopru n-nefqa ddikjarata lill-Kummissjoni fis-sena kontabilistika fuq il-bażi ta’ kampjun. Dan il-kampjun għandu jkun rappreżentattiv u għandu jkun ibbażat fuq metodi statistiċi għall-kampjunar. Permezz ta’ deroga, fil-każ tal-istrumenti finanzjarji, jenħtieġ li l-awditu tal-operazzjonijiet ikopri n-nefqa eliġibbli kif definit skont l-Artikolu 62.

Ara wkoll il-Kunsiderazzjonijiet 51) u 53)

Artikolu 75

(…)

4. L-awtorità tal-awditjar ma għandhiex tagħmel awditi fil-livell tal-BEI jew ta’ istituzzjonijiet finanzjarji internazzjonali oħrajn li fihom Stat Membru huwa azzjonist, għal strumenti finanzjarji implimentati minnhom.

Madankollu, il-BEI jew istituzzjonijiet finanzjarji internazzjonali oħrajn li fihom Stat Membru huwa azzjonist għandhom jipprovdu lill-Kummissjoni u lill-awtorità tal-awditjar b’rapport annwali tal-awditjar imfassal mill-awdituri esterni tagħhom sal-aħħar ta’ kull sena kalendarja. Dan ir-rapport għandu jkopri l-elementi inklużi fl-Anness XVII.

Artikolu 75

(…)

Il-ftehimiet tal-awditjar jew ta’ verifika fi ħdan il-BEI u l-awdituri esterni ma għandhomx jillimitaw l-aċċess tal-QEA għall-informazzjoni meħtieġa għall-awditjar tal-Fondi tal-Unjoni.

Ara wkoll il-Kunsiderazzjonijiet 34), 35) u 36).

Artikolu 77

Arranġamenti proporzjonati msaħħa

Artikolu 78

Kundizzjonijiet għall-applikazzjoni ta’ arranġamenti proporzjonati msaħħa

Artikolu 79

Aġġustament matul il-perjodu ta’ programmazzjoni

Artikolu 77

Arranġamenti proporzjonati msaħħa

Artikolu 78

Kundizzjonijiet għall-applikazzjoni ta’ arranġamenti proporzjonati msaħħa

Artikolu 79

Aġġustament matul il-perjodu ta’ programmazzjoni

1. Jekk il-Kummissjoni jew l-awtorità tal-awditjar jikkonkludu li, fuq il-bażi tal-awditjar imwettaq u tar-rapport annwali ta’ kontroll, il-kundizzjonijiet stabbiliti fl-Artikolu 78 ma għadhom jiġu ssodisfati, il-Kummissjoni għandha titlob lill-awtorità tal-awditjar twettaq xogħol addizzjonali tal-awditjar f’konformità mal-Artikolu 63(3). u L-awtorità ta’ ġestjoni għandha tieħu azzjonijiet ta’ rimedju. u tirrapporta lill-kumitat ta’ monitoraġġ u lill-Kummissjoni dwar l-azzjonijiet ta’ rimedju previsti u r-riżultat tagħhom.

Ara wkoll il-Kunsiderazzjoni 55)

Artikolu 88

(…)

Artikolu 88(3)

(…)

L-awditjar tal-Kummissjoni jew l-Istati Membri għandu jimmira esklużivament li jivverifika li l-kundizzjonijiet għar-rimborż mill-Kummissjoni jkunu ġew issodisfati.

Artikolu 88

(…)

Artikolu 88(3)

(…)

L-awditjar tal-Kummissjoni jew l-Istati Membri għandu jimmira esklużivament li jivverifika li l-kundizzjonijiet għar-rimborż mill-Kummissjoni jkunu ġew issodisfati.

Permezz ta’ deroga, jekk operazzjoni jew proġett li jkunu jagħmlu parti minn operazzjoni jiġu implimentati permezz tal-akkwist pubbliku, l-awditu għandu jkopri wkoll il-konformità mar-regoli tal-akkwist pubbliku.

Ara l-Kunsiderazzjoni 41)

Artikolu 93

Eżami tal-kontijiet

Artikolu 94

Kalkolu tal-bilanċ

Artikolu 95

Proċedura għall-eżami tal-kontijiet

Artikolu 96

Il-proċedura kontradittorja għall-eżami tal-kontijiet

Ara l-Kunsiderazzjonijiet 56) u 57)

Artikolu 98

Korrezzjonijiet finanzjarji mill-Kummissjoni

Ara l-Kunsiderazzjoni 58)

Ara l-Kunsiderazzjoni 25)

Jenħtieġ ukoll li l-Kummissjoni u l-leġiżlaturi jqisu wkoll li jnaqqsu sa 40 % il-koeffiċjent għall-kalkolu tal-appoġġ għall-objettivi tat-tibdil fil-klima għal linji ferrovjarji mibnija ġodda, u sa 0 % il-koeffiċjent għad-diġitalizzazzjoni tat-trasport bit-triq.

Ara l-Kunsiderazzjoni 16)

Ara l-Kunsiderazzjonijiet 7) u 8)

ANNEESS IV

Kundizzjonijiet ta’ abilitazzjoni tematiċi applikabbli għall-FEŻR, il-FSE+ u l-Fond ta’ Koeżjoni – l-Artikolu 11(1)

(…)

[Kolonna “Objettivi speċifiċi”]

(…)

2.2	Il-promozzjoni tal-enerġija rinnovabbli permezz ta’ investiment fil-kapaċità ta’ ġenerazzjoni

ANNESS IV

Kundizzjonijiet ta’ abilitazzjoni tematiċi applikabbli għall-FEŻR, il-FSE+ u l-Fond ta’ Koeżjoni – l-Artikolu 11(1)

(…)

[Kolonna “Objettivi speċifiċi”]

(…)

2.2	Il-promozzjoni tal-enerġija rinnovabbli permezz ta’ investiment fil-kapaċità ta’ ġenerazzjoni

Ara wkoll il-Kunsiderazzjonijiet 7) u 8)

Il-FEŻR u l-Fond ta’ Koeżjoni:

2.2	Il-promozzjoni tal-enerġija rinnovabbli permezz ta’ investiment fil-kapaċità ta’ ġenerazzjoni (…)

Il-FEŻR u l-Fond ta’ Koeżjoni:

2.2	Il-promozzjoni tal-enerġija rinnovabbli permezz ta’ investiment fil-kapaċità ta’ ġenerazzjoni (…)

Il-FEŻR u l-Fond ta’ Koeżjoni:

2.5	Il-promozzjoni tal-effiċjenza fl-użu tal-ilma

Il-FEŻR u l-Fond ta’ Koeżjoni:

2.5	Il-promozzjoni tal-effiċjenza fl-użu tal-ġestjoni sostenibbli tal-ilma

Il-FEŻR u l-Fond ta’ Koeżjoni:

2.6	L-iżvilupp (Transizzjoni għal) ta’ ekonomija ċirkolari, permezz ta’ investiment fis-settur tal-iskart u tal-effiċjenza fir-riżorsi

Il-FEŻR u l-Fond ta’ Koeżjoni:

2.6	L-iżvilupp Il-promozzjoni tat- (T transizzjoni għal) ta’ ekonomija ċirkolari, permezz ta’ investiment fis-settur tal-iskart u tal-effiċjenza fir-riżorsi

Il-FEŻR u l-Fond ta’ Koeżjoni:

2.6	Il-promozzjoni ta’ infrastruttura ekoloġika fl-ambjent urban u t-tnaqqis tat-tniġġis

(…)

Il-FEŻR u l-Fond ta’ Koeżjoni:

2.7 6

It-tisħiħ tal-bijodiversità, Il-promozzjoni ta’ infrastruttura ekoloġika fl-ambjent urban u t-tnaqqis tat-tniġġis

(…)

3.3	sostenibbli, reżiljenti għat-tibdil fil-klima, intelliġenti u mobbiltà intermodali nazzjonali, reġjonali u lokali, inkluż aċċess imtejjeb għat-TEN-T u mobbiltà transfruntiera

(…)

3.3	L-iżvilupp ta’ mobbiltà sostenibbli, reżiljenti għat-tibdil fil-klima, intelliġenti u mobbiltà intermodali nazzjonali, reġjonali u lokali, inkluż aċċess imtejjeb għat-TEN-T u mobbiltà transfruntiera

(…)

FSE:

4.1.1

It-titjib tal-aċċess għal impjieg ta’ kull min qed ifittex xogħol, inklużi ż-żgħażagħ u l-persuni inattivi, u tal-promozzjoni ta’dawk li jaħdmu għal rashom u tal-ekonomija soċjali;

FSE:

4.1.1

It-titjib tal-aċċess għal impjieg ta’ kull min qed ifittex xogħol, inklużi b’mod partikolari ż-żgħażagħ u persuni qiegħda fit-tul, u l-persuni inattivi, u tal- fejn issir promozzjoni ta’ dawk li jaħdmu għal rashom u tal-ekonomija soċjali;

4.1.2

L-immodernizzar tal-istituzzjonijiet u tas-servizzi tas-suq tax-xogħol biex jiġu żgurati l-assistenza u l-appoġġ f’waqthom u mfasslin apposta għall-adattament, għat-tranżizzjonijiet u għall-mobbiltà fis-suq tax-xogħol;

(…)

4.1.2

L-immodernizzar tal-istituzzjonijiet u tas-servizzi tas-suq tax-xogħol biex jiġu vvalutati u antiċipati l-ħtiġijiet ta’ ħiliet u biex jiġu żgurati l-assistenza u l-appoġġ f’waqthom u mfasslin apposta għall-adattament, għat-tranżizzjonijiet u għall-mobbiltà fis-suq tax-xogħol;

(…)

FSE:

4.1.3

Il-promozzjoni ta’ bilanċ aħjar bejn ħajja u xogħol, inkluż l-aċċess għall-kura tat-tfal, għal ambjent tax-xogħol san u adattat li jindirizza r-riskji għas-saħħa, l-adattament

tal-ħaddiema għall-bidla u t-tixjiħ san u attiv;

(…)

FSE:

4.1.3

Il-promozzjoni tal-parteċipazzjoni tan-nisa fis-suq tax-xogħol, ta’ bilanċ aħjar bejn ħajja u xogħol, inkluż l-aċċess għall-kura tat-tfal, għal ambjent tax-xogħol san u adattat li jindirizza r-riskji għas-saħħa, l-adattament tal-ħaddiema, tal-intrapriżi u tal-imprendituri għall-bidla u t-tixjiħ attiv u san u attiv;

(…)

FSE:

4.2.1

It-titjib tal-kwalità, l-effikaċja u r-rilevanza tas-suq tax-xogħol tas-sistemi tal-edukazzjoni u t-taħriġ;

(…)

FSE:

4.2.1

It-titjib tal-kwalità, l-effikaċja u r-rilevanza tas-suq tax-xogħol tas-sistemi tal-edukazzjoni u t-taħriġ, biex jiġi appoġġat l-akkwist ta’ kompetenzi ewlenin inklużi l-ħiliet diġitali;

(…)

4.2.3

Il-promozzjoni ta’ aċċess ekwu, b’mod partikolari għal gruppi żvantaġġati, għal edukazzjoni ta’ kwalità u edukazzjoni u taħriġ, fl-edukazzjoni u l-kura bikrija tat-tfal permezz ta’ edukazzjoni u taħriġ ġenerali u vokazzjonali u għal-livell terzjarju;

(…)

4.2.3

Il-promozzjoni ta’ aċċess ekwu għal u t-tlestija ta’ edukazzjoni u taħriġ ta’ kwalità u inklużivi, b’mod partikolari għal gruppi żvantaġġati, fl-edukazzjoni u l-kura bikrija tat-tfal permezz ta’ edukazzjoni u taħriġ ġenerali u vokazzjonali u għal-livell terzjarju, kif ukoll edukazzjoni u tagħlim għall-adulti, inkluża l-faċilitazzjoni tal-mobbiltà għat-tagħlim għal kulħadd; għal edukazzjoni ta’ kwalità u edukazzjoni u taħriġ, fl-edukazzjoni u l-kura bikrija tat-tfal permezz ta’ edukazzjoni u taħriġ ġenerali u vokazzjonali u għal-livell terzjarju;

(…)

FSE:

4.3.1

Il-promozzjoni tal-inklużjoni attiva, inkluż bil-ħsieb li jiġu promossi opportunitajiet indaqs u parteċipazzjoni attiva u t-titjib tal-impjegabbiltà;

FSE:

4.3.1

Il-promozzjoni It-trawwim tal-inklużjoni attiva, inkluż bil-ħsieb li jiġu promossi opportunitajiet indaqs u parteċipazzjoni attiva u t-titjib tal-impjegabbiltà;

FSE:

4.3.2

Il-promozzjoni tal-integrazzjoni soċjoekonomika tal-komunitajiet marġinalizzati bħar-Rom;

(…)

FSE:

4.3.2

Il-promozzjoni tal-integrazzjoni soċjoekonomika ta’ ċittadini ta’ pajjiżi terzi u tal-komunitajiet marġinalizzati bħar-Rom;

(…)

FSE:

4.3.4

It-tisħiħ tal-aċċess f’waqtu u ugwali għal servizzi ta’ kwalità, sostenibbli u għall-but ta’ kulħadd; it-titjib tal-aċċessibbiltà, l-effikaċja u r-reżiljenza tas-sistemi tas-saħħa; it-titjib tal-aċċess għal servizzi ta’ kura fit-tul

(…)

FSE:

4.3.4

It-tisħiħ tal-aċċess f’waqtu u ugwali għal servizzi ta’ kwalità, sostenibbli u għall-but ta’ kulħadd; l-immodernizzar tas-sistemi tal-protezzjoni soċjali, inkluża l-promozzjoni tal-aċċess għall-protezzjoni soċjali; it-titjib tal-aċċessibbiltà, l-effikaċja u r-reżiljenza tas-sistemi tas-saħħa; it-titjib tal-aċċess għal u servizzi ta’ kura fit-tul

(…)

ANNESS V

Il-mudell għal programmi appoġġati mill-FEŻR (Investiment favur l-Impjiegi u t-tkabbir), il-FSE+, il-Fond ta’ Koeżjoni u l-FEMS – l-Artikolu 16(3)

ANNESS V

Il-mudell għal programmi appoġġati mill-FEŻR (Investiment favur l-Impjiegi u t-tkabbir), il-FSE+, il-Fond ta’ Koeżjoni u l-FEMS – l-Artikolu 16(3)

Ara wkoll il-Kunsiderazzjonijiet 14) u 16)

2.1.1.2

Indikaturi

[Tabella 3: Indikaturi tar-riżultati]

Barra minn hekk, jenħtieġ li t-Tabella 2.1.1.2 fl-Anness V tar-Regolament propost tinkludi stadji importanti għall-indikaturi tar-riżultat, f’konformità mad-dispożizzjonijiet tar-Regolament speċifiku għall-Fond FSE+ u mal-Artikolu 15(3) tal-abbozz ta’ Regolament dwar l-FSE+.

(…)

Taqsima 4. Kundizzjonijiet ta’ abilitazzjoni

Referenza: Artikolu 19(3)(h)

(…)

Taqsima 4. Kundizzjonijiet ta’ abilitazzjoni

Referenza: Artikolu 17 9(3)(h)

(…)

Jenħtieġ li l-Anness VII tar-Regolament propost jinkludi kjarifika dwar liema informazzjoni għandha tiġi trażmessa għall-programmi appoġġati mill-FSE+, mill-AMF, mill-FSI u mill-BMVI.

Jenħtieġ li l-Anness VII jinkludi wkoll informazzjoni għal “finanzjament mhux marbut mal-kostijiet”, f’konformità mar-rekwiżit li jirriżulta mill-Artikolu 125(3) tar-Regolament Finanzjarju.

Ara l-Kunsiderazzjoni 48)

Ara l-Kunsiderazzjonijiet 48) u 49)

ANNESS XV

Mudell għad-dikjarazzjoni ta’ ġestjoni – l-Artikolu 68(1)(f)

Jien/Aħna, is-sottoskritt(i) (…) b’dan niddikjara li:

(…)

ANNESS XV

Mudell għad-dikjarazzjoni ta’ ġestjoni – l-Artikolu 68(1)(f)

Jien/Aħna, is-sottoskritt(i) (…) b’dan niddikjara li:

(…)

Ara l-paragrafu 124

(b)	n-nefqa mniżżla fil-kontijiet tikkonforma mal-liġi applikabbli u ġiet użata għall-għan maħsub tagħha,

(b)	n-nefqa mniżżla fil-kontijiet tikkonforma mal-liġi applikabbli u ġiet użata għall-għan maħsub tagħha,

(c)	is-sistemi ta’ kontroll stabbiliti jiżguraw il-legalità u r-regolarità tat-tranżazzjonijiet ta’ bażi.

Jiena/Aħna nikkonferma(w) li l-irregolaritajiet identifikati fl-awditu finali u fir-rapporti ta’ kontroll fir-rigward tas-sena kontabbilistika ġew ittrattati b’mod xieraq fil-kontijiet, b’mod partikolari sabiex nikkonforma/nikkonformaw mal-Artikolu 92 għall-preżentazzjoni tal-kontijiet nassigura/nassiguraw li l-irregolaritajiet huma taħt il-livell ta’ materjalità ta’ 2 %.

Dispożizzjonijiet attwalment mhux inklużi fil-Proposta għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi (COM(2018) 375 final)

m/a

Jenħtieġ li r-Regolament propost jintroduċi mill-ġdid fis-CPR valutazzjoni indipendenti obbligatorja kif ukoll standards komuni obbligatorji għall-valutazzjoni, bħal analiżi tal-ispejjeż imqabbla mal-benefiċċji, biex jintgħażlu operazzjonijiet finanzjarjament sinifikanti li jirrappreżentaw l-aħjar valur għall-flus.

Ara l-Kunsiderazzjoni 45)

m/a

Jenħtieġ li r-Regolament propost jillimita l-kontribuzzjoni tal-UE għal proġetti li jiġġeneraw id-dħul għal dak li jkun meħtieġ, billi jintroduċi rati fissi li jillimitaw in-nefqa totali eliġibbli għall-proġetti li jiġġeneraw id-dħul skont is-settur abbażi ta’ analiżi tal-evidenza disponibbli, jew billi jintużaw strumenti ta’ finanzjament bħala l-opzjoni preferuta għall-kofinanzjament ta’ proġetti li jiġġeneraw id-dħul.

Ara l-Kunsiderazzjoni 46)

Proposta għal Regolament tal-Parlament Ewropew u tal-Kunsill dwar il-Fond Ewropew għall-Iżvilupp Reġjonali u l-Fond ta’ Koeżjoni

(COM(2018) 372 final)

Artikolu 7

Indikaturi

1. Indikaturi komuni tal-output u tar-riżultati, kif stabbilit fl-Anness I fir-rigward tal-FEŻR u l-Fond ta’ Koeżjoni, u, fejn meħtieġ, l-indikaturi tal-produzzjoni u tar-riżultati speċifiċi għall-programmi għandhom jintużaw skont il-punt (a) tat-tieni subparagrafu tal-Artikolu [12(1)], il-punt (d)(ii) tal-Artikolu [17(3)] u l-punt (b) tal-Artikolu [37(2)] tar-Regolament (UE) 2018/xxxx [CPR il-ġdid].

(…)

Artikolu 7

Indikaturi

(…)

Ara l-Kunsiderazzjonijiet 24) u 27)

Ara l-Kunsiderazzjonijiet 22), 23) u 24)

Proposta għal Regolament tal-Parlament Ewropew u tal-Kunsill dwar il-Fond Soċjali Ewropew Plus (FSE+)

(COM(2018) 382 final)

Artikolu 2

Definizzjonijiet

Ara l-Kunsiderazzjoni 22)

Artikolu 15

Indikaturi u rappurtar

Ara wkoll il-Kunsiderazzjonijiet 24) u 27)

1. Programmi li jibbenefikaw mill-appoġġ ġenerali tal-fergħa tal-FSE+ taħt ġestjoni kondiviża għandhom jużaw indikaturi komuni tal-output u tar-riżultati, kif stipulat fl-Anness I ta’ dan ir-Regolament, biex jiġi mmonitorjat il-progress fl-implimentazzjoni. Il-programmi jistgħu jużaw ukoll indikaturi speċifiċi għall-programmi.

2. Il-linja bażi għall-indikaturi tal-output komuni u speċifiċi għall-programmi għandha tkun issettjata għal żero. Fejn ikun rilevanti għan-natura tal-operazzjonijiet appoġġati, l-istadji importanti kwantifikati kumulattivi u l-valuri fil-mira għal dawk l-indikaturi għandhom ikunu ssettjati għal numri assoluti. Il-valuri rrappurtati għall-indikaturi tal-output għandhom ikunu espressi f’numri assoluti.

(…)

ANNESS I – III

Ara l-Kunsiderazzjoni 24)

Proposta għal Regolament tal-Parlament Ewropew u tal-Kunsill dwar dispożizzjonijiet speċifiċi għall-mira tal-kooperazzjoni territorjali Ewropea (Interreg) appoġġata mill-Fond Ewropew għall-Iżvilupp Reġjonali u mill-istrumenti ta’ finanzjament estern

(COM(2018) 374 final)

Artikolu 33

Indikaturi għall-mira tal-kooperazzjoni territorjali Ewropea (Interreg)

Ara l-Kunsiderazzjoni 27)

1. L-indikaturi tal-output komuni u tar-riżultat komuni, stabbiliti fl-Anness [I] tar-Regolament (UE) [FEŻR ġdid], u, fejn neċessarju, l-indikaturi tal-output speċifiku għal programm u tar-riżultat għandhom ikunu użati f’konformità mal-Artikolu [12(1)] tar-Regolament (UE) [CPR ġdid], u l-punt (d)(ii) tal-Artikolu 17(3) u l-punt (b) tal-Artikolu 31(2) ta’ dan ir-Regolament.

Artikolu 48

Awditjar ta’ operazzjonijiet

Ara l-Kunsiderazzjoni 52)

Proposta għal Regolament tal-Parlament Ewropew u tal-Kunsill dwar il-Fond Ewropew għall-Affarijiet Marittimi u s-Sajd u li jħassar ir-Regolament (UE) Nru 508/2014 tal-Parlament Ewropew u tal-Kunsill

(COM(2018) 390 final)

Jenħtieġ li d-dispożizzjonijiet jeħtieġu l-użu kemm ta’ indikaturi tal-“output” kif ukoll ta’ dawk tar-“riżultati”. Jenħtieġ ukoll li huma jispeċifikaw l-indikaturi komuni li l-Istati Membri jridu jużaw għal kull qasam ta’ appoġġ jew tip ta’ operazzjoni, u jagħmlu r-rappurtar tiegħu obbligatorju

Proposta għal Regolament tal-Parlament Ewropew u tal-Kunsill li jistabbilixxi l-Fond għall-Migrazzjoni u l-Ażil

(COM(2018) 471 final)

Jenħtieġ li d-dispożizzjonijiet jeħtieġu l-użu kemm ta’ indikaturi tal-“output” kif ukoll ta’ dawk tar-“riżultati”. Jenħtieġ ukoll li huma jippermettu rappurtar obbligatorju tal-indikaturi kollha tal-output u tar-riżultati fi ħdan objettiv speċifiku

Proposta għal Regolament tal-Parlament Ewropew u tal-Kunsill li jistabbilixxi, bħala parti mill-Fond għall-Ġestjoni Integrata tal-Fruntieri, l-istrument għall-appoġġ finanzjarju għall-ġestjoni tal-fruntieri

(COM(2018) 473 final)

Proposta għal Regolament tal-Parlament Ewropew u tal-Kunsill li jistabbilixxi l-Fond għas-Sigurtà Interna

(COM(2018) 472 final)

		ISSN 1977-0987
Il-Ġurnal Uffiċjali tal-Unjoni Ewropea		C 17

Edizzjoni bil-Malti	Informazzjoni u Avviżi	Volum 62 14ta' Jannar 2019

Werrej		Paġna
	III Atti preparatorji
	IL-QORTI TAL-AWDITURI
2019/C 17/01	Opinjoni Nru 6/2018 (skont l-Artikoli 287(4) u 322(1)(a) TFUE) rigward il-proposta għal Regolament tal-Parlament Ewropew u tal-Kunsill li jistipula dispożizzjonijiet komuni dwar il-Fond Ewropew għall-Iżvilupp Reġjonali, il-Fond Soċjali Ewropew Plus, il-Fond ta’ Koeżjoni, u l-Fond Ewropew għall-Affarijiet Marittimi u s-Sajd u r-regoli finanzjarji għalihom u għall-Fond għall-Ażil u l-Migrazzjoni, il-Fond għas-Sigurtà Interna u l-Istrument għall-Ġestjoni tal-Fruntieri u tal-Viżi	1