Ebda oppożizzjoni għal konċentrazzjoni notifikata

(Il-Każ M.9177 — Sumitomo/Metal One/JV)

(Test b'rilevanza għaż-ŻEE)

(2019/C 5/01)

Fis-17 ta’ Diċembru 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M9177. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

Rata tal-kambju tal-euro (1)

Is-7 ta’ Jannar 2019

(2019/C 5/02)

1 euro =

	Munita	Rata tal-kambju
USD	Dollaru Amerikan	1,1445
JPY	Yen Ġappuniż	123,90
DKK	Krona Daniża	7,4675
GBP	Lira Sterlina	0,89720
SEK	Krona Żvediża	10,2235
CHF	Frank Żvizzeru	1,1227
ISK	Krona Iżlandiża	135,20
NOK	Krona Norveġiża	9,8018
BGN	Lev Bulgaru	1,9558
CZK	Krona Ċeka	25,572
HUF	Forint Ungeriż	321,11
PLN	Zloty Pollakk	4,2908
RON	Leu Rumen	4,6625
TRY	Lira Turka	6,1325
AUD	Dollaru Awstraljan	1,6040
CAD	Dollaru Kanadiż	1,5281
HKD	Dollaru ta' Hong Kong	8,9677
NZD	Dollaru tan-New Zealand	1,6925
SGD	Dollaru tas-Singapor	1,5531
KRW	Won tal-Korea t'Isfel	1 281,15
ZAR	Rand ta' l-Afrika t'Isfel	15,8644
CNY	Yuan ren-min-bi Ċiniż	7,8421
HRK	Kuna Kroata	7,4290
IDR	Rupiah Indoneżjan	16 122,63
MYR	Ringgit Malażjan	4,7125
PHP	Peso Filippin	59,980
RUB	Rouble Russu	76,5664
THB	Baht Tajlandiż	36,607
BRL	Real Brażiljan	4,2289
MXN	Peso Messikan	22,1202
INR	Rupi Indjan	79,6895

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

Sejħa għal proposti u attivitajiet relatati taħt il-programm ta’ ħidma tal-2019-2020 tal-Programm ta’ Riċerka u Taħriġ tal-Komunità Ewropea tal-Enerġija Atomika (2019-2020) li jikkumplimenta l-Programm Qafas għar-Riċerka u l-Innovazzjoni tal-Orizzont 2020

(2019/C 5/03)

B’dan qed jingħata avviż tat-tnedija tas-sejħa għal proposti u attivitajiet relatati taħt il-programm ta’ ħidma tal-2019-2020 tal-Programm ta’ Riċerka u Taħriġ tal-Komunità Ewropea tal-Enerġija Atomika (2019-2020) li jikkumplimenta l-Programm Qafas għar-Riċerka u l-Innovazzjoni tal-Orizzont 2020. Dan il-programm ta’ ħidma ġie adottat mill-Kummissjoni permezz tad-Deċiżjoni C(2018) 8412 tal-14 ta’ Diċembru 2018.

Is-sejħa u l-programm ta’ ħidma huma suġġetti għad-disponibbiltà tal-approprjazzjonijiet stipulati fl-abbozz tal-baġit għas-snin korrispondenti mill-awtorità tal-baġit jew, jekk il-baġit għal sena speċifika ma jiġix adottat, kif stipulat fis-sistema ta’ parti minn kull tnax proviżorja.

Dan il-programm ta’ ħidma, li jinkludi d-dati ta’ skadenza u l-baġits għall-attivitajiet, huwa disponibbli permezz tal-Portal tal-Finanzjament u tal-Offerti (https://ec.europa.eu/info/funding-tenders/opportunities/portal/screen/programmes/h2020) flimkien ma’ informazzjoni dwar il-modalitajiet tas-sejħiet u l-attivitajiet relatati, u gwida għall-applikanti dwar kif għandhom jissottomettu l-proposti. Din l-informazzjoni kollha se tiġi aġġornata kif meħtieġ fl-istess Portal.