KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

24.10.2018

Il-Ġurnal Uffiċjali tal-Unjoni Ewropea

C 384/2

Rata tal-kambju tal-euro (1)

It-23 ta’ Ottubru 2018

(2018/C 384/02)

1 euro =

	Munita	Rata tal-kambju
USD	Dollaru Amerikan	1,1478
JPY	Yen Ġappuniż	128,76
DKK	Krona Daniża	7,4603
GBP	Lira Sterlina	0,88103
SEK	Krona Żvediża	10,3606
CHF	Frank Żvizzeru	1,1424
ISK	Krona Iżlandiża	136,30
NOK	Krona Norveġiża	9,5053
BGN	Lev Bulgaru	1,9558
CZK	Krona Ċeka	25,814
HUF	Forint Ungeriż	322,81
PLN	Zloty Pollakk	4,2960
RON	Leu Rumen	4,6670
TRY	Lira Turka	6,6227
AUD	Dollaru Awstraljan	1,6243
CAD	Dollaru Kanadiż	1,5047
HKD	Dollaru ta' Hong Kong	8,9990
NZD	Dollaru tan-New Zealand	1,7514
SGD	Dollaru tas-Singapor	1,5822
KRW	Won tal-Korea t'Isfel	1 305,81
ZAR	Rand ta' l-Afrika t'Isfel	16,4759
CNY	Yuan ren-min-bi Ċiniż	7,9613
HRK	Kuna Kroata	7,4275
IDR	Rupiah Indoneżjan	17 435,02
MYR	Ringgit Malażjan	4,7778
PHP	Peso Filippin	61,716
RUB	Rouble Russu	75,0301
THB	Baht Tajlandiż	37,705
BRL	Real Brażiljan	4,2412
MXN	Peso Messikan	22,2469
INR	Rupi Indjan	84,4435

(1) Sors: rata tal-kambju ta' referenza ppubblikata mill-Bank Ċentrali Ewropew.

24.10.2018

Il-Ġurnal Uffiċjali tal-Unjoni Ewropea

C 384/4

Sejħa għall-proposti 2019 — EAC/A03/2018

Il-Programm Erasmus+

(2018/C 384/04)

1. Introduzzjoni u għanijiet

Din is-sejħa għall-proposti hija msejsa fuq ir-Regolament (UE) Nru 1288/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi l-“Erasmus+”: il-programm tal-Unjoni għall-edukazzjoni, it-taħriġ, iż-żgħażagħ u l-isport u li jħassar id-Deċiżjonijiet Nru 1719/2006/KE, Nru 1720/2006/KE u Nru 1298/2008/KE (1) kif ukoll fuq il-programmi ta’ ħidma annwali Erasmus+ tal-2018 u l-2019. Il-Programm Erasmus+ ikopri l-perjodu mill-2014 sal-2020. L-għanijiet speċifiċi tal-Programm Erasmus+ jinsabu fl-Artikoli 4, 5, 11 u 16 tar-Regolament.

2. Azzjonijiet

Din is-sejħa għall-proposti tkopri dawn l-azzjonijiet tal-Programm Erasmus+:

L-Azzjoni Ewlenija 1 (KA1) — Il-mobbiltà fit-tagħlim tal-individwi

—	Il-mobbiltà tal-individwi fil-qasam tal-edukazzjoni, it-taħriġ u ż-żgħażagħ

—	Masters Konġunti Erasmus Mundus

L-Azzjoni Ewlenija 2 (KA2) — Koperazzjoni għall-innovazzjoni u l-iskambju ta’ prattiki tajba

—	Sħubijiet strateġiċi fil-qasam tal-edukazzjoni, it-taħriġ u ż-żgħażagħ

—	Universitajiet Ewropej

—	Alleanzi tal-għarfien

—	Alleanzi tal-Ħiliet Settorjali

—	It-tiswir tal-kapaċità fil-qasam tal-edukazzjoni għolja

—	It-tiswir tal-kapaċità fil-qasam taż-żgħażagħ

L-Azzjoni Ewlenija 3 (KA3) — Appoġġ għar-riforma politika

—	Proġetti ta’ Djalogu maż-Żgħażagħ

Attivitajiet Jean Monnet

—	Seduti Jean Monnet

—	Moduli Jean Monnet

—	Ċentri ta’ Eċċellenza Jean Monnet

—	Appoġġ Jean Monnet għall-Assoċjazzjonijiet

—	Netwerks Jean Monnet

—	Proġetti Jean Monnet

L-Isport

—	Sħubijiet kollaborattivi

—	Sħubijiet kollaborattivi żgħar

—	Avvenimenti sportivi Ewropej mingħajr skop ta’ qligħ

3. Eliġibbiltà

Kull korp pubbliku jew privat li hu attiv fl-oqsma tal-edukazzjoni, it-taħriġ, iż-żgħażagħ u l-isport jista’ japplika għal finanzjament mill-Programm Erasmus+. Barra minn hekk, il-gruppi taż-żgħażagħ li huma attivi fil-ħidma taż-żgħażagħ, iżda mhux bilfors fil-kuntest ta’ organizzazzjoni taż-żgħażagħ, jistgħu japplikaw għal finanzjament fejn tidħol il-mobbiltà tat-tagħlim taż-żgħażagħ u tal-ħaddiema żgħażagħ kif ukoll għal Sħubijiet strateġiċi fil-qasam taż-żgħażagħ.

Dawn il-Pajjiżi tal-Programm jistgħu jieħdu sehem sħiħ fl-azzjonijiet tal-Programm Erasmus+ (2):

—	l-Istati Membri tal-Unjoni Ewropea,

—	il-pajjiżi tal-EFTA/ŻEE: l-Iżlanda, il-Liechtenstein u n-Norveġja,

—	Il-pajjiżi kandidati tal-UE: it-Turkija, l-Eks-Repubblika Jugoslava tal-Maċedonja u s-Serbja.

Barra minn hekk, ċerti azzjonijiet tal-Programm Erasmus+ huma miftuħa għal organizzazzjonijiet minn pajjiżi sħab.

Jekk jogħġbok ara l-Gwida tal-Programm Erasmus+ għal aktar dettalji dwar il-modalitajiet tal-parteċipazzjoni.

Għall-applikanti Brittaniċi: Jekk jogħġbok kun af li jrid ikun hemm konformità mal-kriterji tal-eliġibbiltà tul id-durata sħiħa tal-għotja. Fil-każ li r-Renju Unit joħroġ mill-UE matul il-perjodu tal-għotja finanzjarja mingħajr ma jiġi konkluż ftehim mal-UE li jiżgura b’mod partikolari li l-applikanti Brittaniċi jkomplu jkunu eliġibbli, int ma tirċevix aktar finanzjament mill-UE (filwaqt li tkompli tipparteċipa, fejn hu possibbli) jew tkun mitlub tieqaf mill-proġett abbażi tad-dispożizzjonijiet tal-ftehim tal-għotja finanzjarja dwar it-terminazzjoni.

4. Il-baġit u t-tul tal-proġetti

L-implimentazzjoni ta’ din is-sejħa għall-proposti hija suġġetta għad-disponibbiltà tal-approprjazzjonijiet previsti fl-abbozz tal-baġit għall-2019 wara l-adozzjoni tal-baġit għall-2019 mill-awtorità tal-baġit jew jekk il-baġit ma jiġix adottat kif previst fis-sistema tad-dodiċeżmi proviżorji.

L-istima tal-baġit totali allokat għal din is-sejħa għall-proposti hija EUR 2 733,4 miljun:

L-Edukazzjoni u t-Taħriġ:	EUR	2 503,4 miljun (3)
Iż-Żgħażagħ:	EUR	167,7 miljun
Jean Monnet:	EUR	13,7 miljun
L-Isport:	EUR	48,6 miljun

Il-baġit totali allokat għas-sejħa għall-proposti, kif ukoll it-tqassim tiegħu huma indikattivi, u jistgħu jiġu mmodifikati soġġett għal emenda tal-Programmi ta’ Ħidma Annwali tal-Erasmus+. L-applikanti potenzjali mistiedna jikkonsultaw regolarment il-Programmi ta’ Ħidma Annwali Erasmus+ u l-emendi tagħhom, ippubblikati fuq:

https://ec.europa.eu/programmes/erasmus-plus/resources/documents/annual-work-programmes_mt

fir-rigward tal-baġit disponibbli għal kull azzjoni koperta mis-sejħa.

Il-livell tal-għotjiet kif ukoll it-tul tal-proġetti jvarja skont fatturi bħat-tip ta’ proġett u l-għadd ta’ sħab involuti.

5. L-iskadenza biex jitressqu l-applikazzjonijiet

L-applikazzjonijiet imsemmija hawn taħt jistgħu jitressqu sa 12.00 (nofsinhar), ħin ta’ Brussell.

Azzjoni Ewlenija 1
Il-mobilità tal-individwi fil-qasam taż-żgħażagħ	Il-5 ta’ Frar 2019
Il-mobbiltà tal-individwi fil-qasam tal-edukazzjoni għolja	Il-5 ta’ Frar 2019
Il-mobbiltà tal-individwi fl-oqsma tal-ETV, l-edukazzjoni skolastika u l-edukazzjoni għall-adulti	Il-5 ta’ Frar 2019
Il-mobilità tal-individwi fil-qasam taż-żgħażagħ	It-30 ta’ April 2019
Il-mobilità tal-individwi fil-qasam taż-żgħażagħ	L-1 ta’ Ottubru 2019
Masters Konġunti Erasmus Mundus	L-14 ta’ Frar 2019
Il-lawrji tal-Masters Konġunti Erasmus Mundus – sejħa Konġunta UE-Ġappun	L-1 ta’ April 2019

Azzjoni Ewlenija 2
Sħubijiet strateġiċi fil-qasam taż-żgħażagħ	Il-5 ta’ Frar 2019
Sħubijiet strateġiċi fil-qasam tal-edukazzjoni u t-taħriġ	Il-21 ta’ Marzu 2019
Sħubijiet strateġiċi fil-qasam taż-żgħażagħ	It-30 ta’ April 2019
Sħubijiet strateġiċi fil-qasam taż-żgħażagħ	L-1 ta’ Ottubru 2019
Universitajiet Ewropej	It-28 ta’ Frar 2019
Alleanzi tal-għarfien	It-28 ta’ Frar 2019
Alleanzi tal-Ħiliet Settorjali	It-28 ta’ Frar 2019
It-tiswir tal-kapaċità fil-qasam tal-edukazzjoni għolja	Is-7 ta’ Frar 2019
It-tiswir tal-kapaċità fil-qasam taż-żgħażagħ	L-24 ta’ Jannar 2019

Azzjoni Ewlenija 3

Proġetti ta’ Djalogu maż-Żgħażagħ

Il-5 ta’ Frar 2019

It-30 ta’ April 2019

L-1 ta’ Ottubru 2019

Azzjonijiet Jean Monnet
Sedji, Moduli, Ċentri tal-Eċċellenza, Appoġġ għall-Istituzzjonijiet u għall-Assoċjazzjonijiet, Netwerks, Proġetti	It-22 ta’ Frar 2019

Azzjonijiet tal-Isport
Sħubijiet kollaborattivi	L-4 ta’ April 2019
Sħubijiet kollaborattivi żgħar	L-4 ta’ April 2019
Avvenimenti sportivi Ewropej mingħajr skop ta’ qligħ	L-4 ta’ April 2019

Jekk jogħġbok ara l-Gwida tal-Programm Erasmus+ għal aktar struzzjonijiet dettaljati dwar is-sottomissjoni tal-applikazzjonijiet.

6. Dettalji sħaħ

Ara l-kundizzjonijiet ta’ din is-sejħa għall-proposti fid-dettall, inklużi l-prijoritajiet, fil-Gwida tal-Programm Erasmus+:

http://ec.europa.eu/programmes/erasmus-plus/resources/programme-guide_mt

Il-Gwida tal-Programm Erasmus+ tifforma parti integrali minn din is-sejħa għall-proposti u l-kundizzjonijiet għall-parteċipazzjoni u l-finanzjament li jissemmew fiha japplikaw bis-sħiħ għal din is-sejħa.

(1) ĠU L 347, 20.12.2013, p. 50.

(2) L-attivitajiet Jean Monnet huma miftuħa għal organizzazzjonijiet minn madwar id-dinja kollha.

(3) Dan l-ammont jinkludi fondi għad-Dimensjoni Internazzjonali tal-Edukazzjoni Għolja (EUR 306 miljun b’kollox).

24.10.2018

Il-Ġurnal Uffiċjali tal-Unjoni Ewropea

C 384/8

Notifika minn qabel ta’ konċentrazzjoni

(Il-Każ M.8881 — Bergé/GEFCO/JV)

(Test b'rilevanza għaż-ŻEE)

(2018/C 384/05)

Fis-16 ta’ Ottubru 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Bergé Automotive Logistics, S.L. (“BAL”, Spanja), li tappartjeni għal Bergé y Cía, S.A.,

—	GEFCO España, S.A. (“GEFCO España”, Spanja), li tappartjeni għal GEFCO, S.A. (GEFCO, Franza).

BAL u GEFCO España jakkwistaw, fis-sens tal-Artikolu 3(1)(b) u 3 (4) tar-Regolament dwar l-Għaqdiet il-kontroll konġunt ta’ kumpanija li għadha kif ġiet maħluqa li tkun tintegra u tiġġestixxi in-negozji tal-loġistika tal-vetturi rfinuti u l-assi taż-żewġ kumpaniji fi Spanja.

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’impriża konġunta (joint venture, JV).

L-attivitajiet kummerċjali tal-impriżi kkonċernati huma:

— BAL: il-forniment ta’ servizzi ta’ loġistika għall-industrija tal-karozzi fi Spanja.

— GEFCO España: il-forniment ta’ servizzi loġistiċi għal varjetà ta’ industriji, inkluż l-għoti ta’ servizzi integrati ta’ loġistika għall-industrija tal-karozzi fi Spanja. GEFCO toffri soluzzjonijiet tal-katina tal-provvista inklużi loġistika tal-karozzi, u hija fl-aħħar mill-aħħar ikkontrollata mill-kumpanija ferrovjarja tal-istat Russu, RZD.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:

M.8881 — Bergé/GEFCO/JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

24.10.2018

Il-Ġurnal Uffiċjali tal-Unjoni Ewropea

C 384/9

Notifika minn qabel ta’ konċentrazzjoni

(Il-Każ M.9049 — E.ON/Clever/UFC Scandinavia JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 384/06)

Fis-17 ta’ Ottubru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	E.ON (il-Ġermanja),

—	Clever A/S (“Clever”, id-Danimarka), ikkontrollata minn SEAS-NVE.

E.ON u Clever jakkwistaw, fis-sens tal-Artikolu 3(1)(b) u 3 (4) tar-Regolament dwar l-Għaqdiet, il-kontroll konġunt ta’ impriża konġunta (joint venture, JV) ġdida.

Il-konċentrazzjoni hija mwettqa permezz ta’ xiri ta’ ishma f’kumpanija maħluqa ġdida li tikkostitwixxi f’joint venture.

L-attivitajiet kummerċjali tal-impriżi kkonċernati huma:

—	E.ON hija kumpanija tal-enerġija b’attivitajiet fi tliet oqsma prinċipali tan-negozju: (i) networks tal-enerġija; (ii) enerġiji rinovvabbli; u (iii) soluzzjoni għall-klijenti, inkluża provvista bl-imnut tal-elettriku u tal-gass;

—	Clever hija fornitur tas-servizz tal-mobbiltà bl-elettriku, attiva f’soluzzjonijiet ta’ ċċarġjar lill-kumpaniji, lill-istituzzjonijiet pubbliċi u lil klijenti finali;

—	Il-JV se tiżviluppa u tħaddem stazzjonijiet tal-iċċarġjar ultraveloċi (ultra-fast charging, UFC) għall-vetturi elettriċi fin-Norveġja, l-Isvezja u d-Danimarka.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:

M.9049 — E.ON/Clever/UFC Scandinavia JV

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

24.10.2018

Il-Ġurnal Uffiċjali tal-Unjoni Ewropea

C 384/10

Notifika minn qabel ta’ konċentrazzjoni

(Il-Każ M.8832 — Knauf/Armstrong)

(Test b'rilevanza għaż-ŻEE)

(2018/C 384/07)

Fis-17 ta’ Ottubru 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	Knauf International GmbH (il-Ġermanja),

—	Armstrong World Industries, Inc. (l-Istati Uniti tal-Amerka)

Knauf International GmbH (“Knauf”) se takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani (i) tas-sussidjarji ta’ Armstrong World Industries, Inc. (“Armstrong”) fl-Ewropa, il-Lvant Nofsani u l-Afrika, u fl-Asja Paċifiku, u (ii) tas-sussidjarji desinjati tal-joint venture ta’ Armstrong ma’ Worthington Industries b’operazzjonijiet fl-Ewropa, il-Lvant Nofsani u l-Afrika u fl-Asja Paċifiku (flimkien “il-Mira”).

Il-konċentrazzjoni hija mwettqa permezz ta’ xiri ta’ ishma.

Il-konċentrazzjoni kienet referuta lill-Kummissjoni mill-Awtorità Federali Awstrijaka dwar il-Kompetizzjoni skont l-Artikolu 22(3) tar-Regolament dwar l-Għaqdiet. Mar-referenza sussegwentament ingħaqdu l-Ġermanja, il-Litwanja, Spanja u r-Renju Unit.

L-istess konċentrazzjoni diġà kienet ġiet innotifikata lill-Kummissjoni fl-20 ta’ Ġunju 2018, iżda l-avviż ġie sussegwentament irtirat fl-24 ta’ Lulju 2018.

L-attivitajiet kummerċjali tal-impriżi kkonċernati huma:

—	Knauf hija manifattur ta’ materjali tal-insulazzjoni, sistemi dry-lining, ġibs, u prodotti oħra,

—	Armstrong tiddisinja u timmanifattura soqfa kummerċjali u residenzjali, soluzzjonijiet tal-ħitan u ta’ sistemi ta’ sospensjoni,

—	Il-Mira hi attiva fil-manifattura u l-bejgħ ta’ soqfa modulari sospiżi fl-Ewropa, il-Lvant Nofsani u l-Afrika u fl-Asja Paċifiku u tikkonsisti fin-negozju tas-soqfa ta’ Armstrong barra mill-Amerki.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:

M.8832 — Knauf/Armstrong

Il-kummenti jistgħu jintbagħtu lill-Kummissjoni permezz tal-email, permezz tal-faks jew bil-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

		ISSN 1977-0987
Il-Ġurnal Uffiċjali tal-Unjoni Ewropea		C 384

Edizzjoni bil-Malti	Informazzjoni u Avviżi	Volum 61 24 ta' Ottubru 2018

Werrej		Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 384/01	Ebda oppożizzjoni għal konċentrazzjoni notifikata (Il-Każ M.9079 — Advent International Corporation/KN Group) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 384/02	Rata tal-kambju tal-euro	2
	INFORMAZZJONI MILL-ISTATI MEMBRI
2018/C 384/03	Avviż tal-Gvern tad-Danimarka skont id-Direttiva tal-Kunsill 2009/119/KE li timponi obbligu fuq l-Istati Membri biex iżommu livell minimu ta' ħażniet ta' żejt mhux maħdum u/jew ta' prodotti petroliferi	3

	V Avviżi
	PROĊEDURI AMMINISTRATTIVI
	Il-Kummissjoni Ewropea
2018/C 384/04	Sejħa għall-proposti 2019 — EAC/A03/2018 — Il-Programm Erasmus+	4
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2018/C 384/05	Notifika minn qabel ta’ konċentrazzjoni (Il-Każ M.8881 — Bergé/GEFCO/JV) ( 1 )	8
2018/C 384/06	Notifika minn qabel ta’ konċentrazzjoni (Il-Każ M.9049 — E.ON/Clever/UFC Scandinavia JV) — Każ li jista’ jiġi kkunsidrat għal proċedura ssimplifikata ( 1 )	9
2018/C 384/07	Notifika minn qabel ta’ konċentrazzjoni (Il-Każ M.8832 — Knauf/Armstrong) ( 1 )	10


	(1) Test b'rilevanza għaż-ŻEE.