I.

Aħna awditjajna:

II.

Fl-opinjoni tagħna, il-kontijiet konsolidati tal-Unjoni Ewropea (UE) għas-sena li ntemmet fil-31 ta' Diċembru 2017 jippreżentaw b'mod ġust, fl-aspetti materjali kollha, il-pożizzjoni finanzjarja tal-UE fil-31 ta' Diċembru 2017, ir-riżultati tal-operazzjonijiet tagħha, il-flussi tal-flus tagħha u l-bidliet fl-assi netti tagħha għas-sena li ntemmet dakinhar, skont ir-Regolament Finanzjarju u r-regoli kontabilistiċi bbażati fuq standards tal-kontabbiltà għas-settur pubbliku li huma aċċettati internazzjonalment.

III.

Fl-opinjoni tagħna, id-dħul li fuqu huma bbażati l-kontijiet għas-sena li ntemmet fil-31 ta’ Diċembru 2017 huwa legali u regolari fl-aspetti materjali kollha

IV.

Fl-opinjoni tagħna, bl-eċċezzjoni tal-effetti tal-kwistjoni deskritta fil-paragrafu “Bażi għal opinjoni kwalifikata dwar il-legalità u r-regolarità tal-pagamenti li fuqhom huma bbażati l-kontijiet”, il-pagamenti li fuqhom huma bbażati l-kontijiet għas-sena li ntemmet fil-31 ta' Diċembru 2017 huma legali u regolari fl-aspetti materjali kollha.

V.

Aħna wettaqna l-awditu tagħna skont l-Istandards Internazzjonali tal-Awditjar (ISAs) u l-Kodiċijiet tal-Etika tal-IFAC u l-Istandards Internazzjonali tal-Istituzzjonijiet Supremi tal-Awditjar tal-INTOSAI (ISSAIs). Ir-responsabbiltajiet tagħna skont dawn l-istandards huma deskritti f’aktar dettall fit-taqsima tar-rapport tagħna intitolata “Responsabbiltajiet tal-awditur”. Aħna awdituri indipendenti f'konformità mal-Kodiċi ta’ Etika għall-Kontabilisti Professjonali tal-Bord tal-Istandards Internazzjonal tal-Etika għall-Kontabilisti (IESBA), u wettaqna r-responsabbiltajiet etiċi l-oħra tagħna skont dawn l-istandards u r-rekwiżiti u skont il-Kodiċi tal-IESBA. Aħna nemmnu li l-evidenza għall-awditjar li ksibna hija suffiċjenti u xierqa biex tipprovdi bażi għall-opinjoni tagħna.

VI.

L-infiq irreġistrat fl-2017, u li jkopri l-infiq fuq bażi ta' rimborżi (3), huwa milqut minn livell materjali ta' żball. Il-livell ta' żball stmat minna għall-pagamenti li saru fuq bażi ta' rimborżi huwa ta’ 3,7  %. Il-livell kumplessiv ta' żball stmat minna (2,4  %) għadu ogħla mis-soll ta' materjalità stabbilit minna, iżda dan mhuwiex pervażiv. Pagamenti li saru fuq bażi ta' drittijiet mhumiex milquta minn livell materjali ta' żball (4).

VII.

Kwistjonijiet ewlenin tal-awditjar huma dawk il-kwistjonijiet li, fil-ġudizzju professjonali tagħna, kellhom l-akbar sinifikat fl-awditu li wettaqna tal-kontijiet konsolidati tal-Unjoni Ewropea għall-perjodu attwali. Dawn il-kwistjonijiet ġew indirizzati fil-kuntest tal-awditu li wettaqna tar-rapporti finanzjarji fl-intier tagħhom, kif ukoll aħna u nifformulaw l-opinjonijiet tagħna dwarhom, iżda ma nipprovdux opinjoni separata dwar dawn il-kwistjonijiet.

VIII.

Il-Fond Ewropew għall-Investimenti Strateġiċi (FEIS) huwa inizjattiva konġunta li tniedet fl-2015 (5) mill-UE kollha u mill-Grupp tal-BEI, biex tħeġġeġ l-investiment fl-UE billi żżid il-kapaċità tal-Grupp tal-BEI fl-irfigħ tar-riskji. Taħt din l-inizjattiva, il-baġit tal-UE jipprovdi garanzija massima ta’ EUR 16-il biljun (6) biex tkopri t-telf potenzjali fuq l-operazzjonijiet tal-FEIS għall-investimenti fl-oqsma “Opportunità ta’ Infrastruttura u Innovazzjoni (IIW)” u “Opportunità ta’ Intrapriżi Żgħar u Medji (SMEW)” (7).

IX.

Fi snin preċedenti aħna ffukajna fuq dan il-qasam peress li l-istruttura tal-FEIS kienet ikkawżat għadd ta’ kwistjonijiet kontabilistiċi kumplessi li rriżultaw mill-arranġamenti bejn l-UE u l-BEI. F’Novembru 2017, l-Uffiċjal tal-Kontabbiltà tal-Kummissjoni kkonsulta l-Grupp Konsultattiv ta’ esperti fir-rigward tat-trattament kontabilistiku xieraq tal-operazzjonijiet ta’ ekwità tas-SMEW, garantiti mill-UE. F’konformità mal-pariri li ngħata, u filwaqt li applika l-ġudizzju professjonali tiegħu, l-Uffiċjal tal-Kontabbiltà tal-Kummissjoni ddeċieda li l-Kummissjoni ma għandhiex kontroll fuq il-FEIS u li ma tikkondividix tali kontroll mal-BEI (8). Għall-kontijiet annwali konsolidati tal-UE għall-2017 dan jimplika li l-garanzija tal-UE mogħtija lill-Grupp tal-BEI hija trattata:

X.

Aħna vvalutajna t-trattament kontabilistiku tal-garanzija tal-FEIS għall-portafolli tal-ekwità. Aħna nqisu li dan ma jaffettwax l-istampa ċara u ġusta mogħtija fil-kontijiet annwali konsolidati tal-UE għall-2017.

XI.

Il-karta tal-bilanċ tal-UE tinkludi obbligazzjoni għall-pensjonijiet u għal benefiċċji oħra tal-impjegati, li ammontat għal EUR 73,1  biljun fi tmiem l-2017. Din hija waħda mill-obbligazzjonijiet l-aktar sinifikanti fil-karta tal-bilanċ, u tirrappreżenta kważi terz mill-obbligazzjonijiet totali ta' EUR 236,5  biljun għall-2017.

XII.

Il-biċċa l-kbira minn din l-obbligazzjoni għall-pensjonijiet u għal benefiċċji oħra tal-impjegati (EUR 64,0  biljun) hija relatata mal-Iskema tal-Pensjonijiet tal-Uffiċjali u l-Aġenti l-oħra tal-Unjoni Ewropea (“PSEO”). Din l-obbligazzjoni tal-pensjonijiet tkopri l-“benefiċċju ddefinit” iggarantit permezz tal-Artikolu 83 tar-Regolamenti tal-Persunal tal-Uffiċjali tal-Komunitajiet Ewropej (ir-“Regolamenti tal-Persunal”), u l-Artikolu 4(3) tat-Trattat dwar l-Unjoni Ewropea (it-“TUE”). L-obbligazzjoni rreġistrata fil-kontijiet tirrifletti l-ammont, li kien ikun inkluż f'fond ta’ pensjoni, li kieku fond ta’ dan it-tip kien ġie stabbilit biex jitħallsu l-obbligi eżistenti għall-pensjonijiet tal-irtirar (9). Minbarra l-pensjonijiet tal-irtirar, dan ikopri pensjonijiet għall-invalidità u pensjonijiet li jitħallsu lin-nisa romol/lill-orfni tal-persunal tal-UE. Skont l-Artikolu 83 tar-Regolamenti tal-Persunal, il-benefiċċji mħallsa taħt l-iskema tal-pensjonijiet jitħallsu mill-estimi (baġit) tal-UE. L-Istati Membri flimkien jiggarantixxu l-pagament tal-benefiċċji u l-uffiċjali jikkontribwixxu terz tal-ispiża għall-finanzjament tal-iskema.

XIII.

Il-PSEO hija skema tal-pensjonijiet okkupazzjonali obbligatorja għall-impjegati taċ-ċivil tal-UE, li skontha l-kontribuzzjonijiet mill-persunal u mill-istituzzjonijiet u l-korpi li jimpjegawhom jintużaw għall-finanzjament ta' pensjonijiet futuri. Hija maħsuba biex, permezz ta' aġġustamenti għar-rata ta' kontribuzzjoni għall-iskema u għall-età ta' pensjoni, tkun awtomatikament f'bilanċ attwarju. L-għadd u l-varjetà ta' parametri li jintużaw għall-kalkolu ta' projezzjoni fit-tul tal-ispejjeż għall-pensjonijiet jissottolinjaw in-natura attwarja ta' dan il-kalkolu, li jitwettaq mill-Eurostat fuq bażi annwali.

XIV.

Bħala parti mill-awditu tagħna, aħna evalwajna s-suppożizzjonijiet attwarji u l-valwazzjoni riżultanti għall-obbligazzjoni għall-pensjonijiet. Aħna vverifikajna d-data numerika, il-parametri attwarji u l-kalkolu tal-obbligazzjoni, kif ukoll il-preżentazzjoni li saret fil-karta tal-bilanċ konsolidata u n-noti għar-rapporti finanzjarji konsolidati. Kif indikat fin-Nota 2.9 għar-rapporti finanzjarji konsolidati, il-Kummissjoni qed tkompli taħdem biex issaħħaħ il-proċessi li hija tuża għall-kalkolu tal-obbligazzjoni għall-benefiċċji tal-impjegati, li se nibqgħu neżaminaw.

XV.

Fi tmiem is-sena 2017, il-valur stmat tal-ispejjeż eliġibbli mġarrba li kienu dovuti lill-benefiċjarji iżda li kienu għadhom ma ġewx irrappurtati, kien ta’ EUR 101 biljun (fi tmiem is-sena 2016: EUR 102 biljun). Dawn l-ammonti ġew irreġistrati bħala spejjeż dovuti (10).

XVI.

Aħna eżaminajna l-metodoloġiji u s-sistemi ta' kontroll li ġew applikati għall-istimi ta' tmiem is-sena fid-Direttorati Ġenerali prinċipali. Aħna ħadna kampjuni ta' fatturi u ta' pagamenti ta' prefinanzjament u wettaqna xogħol fuq dawn l-elementi biex nindirizzaw ir-riskju li d-dovuti ma ġewx iddikjarati b'mod korrett. Aħna tlabna lis-servizzi tal-kontabbiltà tal-Kummissjoni biex jikkjarifikaw aktar il-metodoloġija ġenerali użata.

XVII.

Aħna nistgħu nikkonkludu li l-istima tal-ammont kumplessiv ta' imposti dovuti ddikjarati fil-karta tal-bilanċ konsolidata hija ġusta.

XVIII.

Fid-29 ta’ Marzu 2017, ir-Renju Unit (UK) innotifika formalment lill-Kunsill Ewropew dwar l-intenzjoni tiegħu li joħroġ mill-Unjoni Ewropea (UE). Fit-22 ta’ Mejju 2017, bdew in-negozjati għall-ftehim dwar il-ħruġ bejn l-UE u r-Renju Unit.

XIX.

Il-Parti Ħamsa (Dispożizzjonijiet Finanzjarji) tal-abbozz ta’ ftehim dwar il-ħruġ tad-19 ta’ Marzu 2018 li tirrigwarda s-saldu finanzjarju tiddikjara li r-Renju Unit se jħallas l-obbligi kollha tiegħu taħt l-Oqfsa Finanzjarji Pluriennali attwali u preċedenti bħallikieku għadu Stat Membru.

XX.

Ibbażat fuq dan, aħna nikkonkludu li l-kontijiet fil-31 ta’ Diċembru 2017 jirriflettu l-proċess tal-ħruġ b’mod korrett.

XXI.

Il-maniġment huwa responsabbli milli jipprovdi “informazzjoni oħra”, terminu li jinkludi d-Diskussjoni u Analiżi tar-Rapport Finanzjarju iżda ma jinkludix il-kontijiet konsolidati jew ir-rapport tagħna dwarhom. L-opinjoni tagħna dwar il-kontijiet konsolidati ma tkoprix din l-informazzjoni l-oħra, u aħna ma nesprimu l-ebda forma ta’ konklużjoni dwarhom f'dak li jirrigwarda aċċertament. Ir-responsabbiltà tagħna fil-kuntest tal-awditjar tal-kontijiet konsolidati, hija li naqraw l-informazzjoni l-oħra u li nqisu jekk tkunx materjalment inkonsistenti mal-kontijiet konsolidati jew mal-għarfien li nkunu ksibna fl-awditu, jew jekk ikunx fiha xi tip ta' dikjarazzjoni skorretta materjali oħra. Jekk aħna nikkonkludu li jkun hemm dikjarazzjoni skorretta materjali tal-informazzjoni l-oħra, għandna l-obbligu li nirrappurtaw dan kif meħtieġ. Aħna ma għandna xejn x’nirrappurtaw f’dan ir-rigward.

XXII.

Skont l-Artikoli 310 sa 325 tat-TFUE u r-Regolament Finanzjarju, il-maniġment huwa responsabbli mit-tħejjija u l-preżentazzjoni tal-kontijiet konsolidati tal-UE abbażi ta' standards tal-kontabbiltà għas-settur pubbliku li huma aċċettati internazzjonalment, u mil-legalità u r-regolarità tat-tranżazzjonijiet li fuqhom huma bbażati. Din ir-responsabbiltà tinkludi t-tfassil, l-implimentazzjoni u ż-żamma ta' kontroll intern rilevanti għat-tħejjija u l-preżentazzjoni ta' rapporti finanzjarji li jkunu ħielsa minn kwalunkwe dikjarazzjoni skorretta materjali, sew jekk minħabba frodi u sew jekk minħabba xi żball. Il-maniġment huwa responsabbli wkoll milli jiżgura li l-attivitajiet, it-tranżazzjonijiet finanzjarji u l-informazzjoni riflessi fir-rapporti finanzjarji jkunu jikkonformaw mal-awtoritajiet li jirregolawhom. Il-Kummissjoni terfa’ r-responsabbiltà aħħarija għal-legalità u r-regolarità tat-tranżazzjonijiet li fuqhom huma bbażati l-kontijiet tal-UE (l-Artikolu 317 tat-TFUE).

XXIII.

Fit-tħejjija tal-kontijiet konsolidati, il-maniġment huwa responsabbli milli jivvaluta l-kapaċità tal-UE li tkompli bħala negozju avvjat, filwaqt li jiddivulga kwalunkwe kwistjoni rilevanti u juża l-bażi kontabilistika ta' negozju avvjat dment li huwa ma jkollux l-intenzjoni li jillikwida l-entità jew li jtemm l-operazzjonijiet, jew ma jkollu l-ebda alternattiva realistika ħlief li jagħmel dan.

XXIV.

Il-Kummissjoni hija responsabbli mis-sorveljanza tal-proċess ta' rappurtar finanzjarju tal-UE.

XXV.

Skont ir-Regolament Finanzjarju (it-Titolu IX), l-uffiċjal tal-kontabbiltà tal-Kummissjoni jrid l-ewwel jippreżenta għall-awditjar il-kontijiet konsolidati tal-UE bħala kontijiet proviżorji sal-31 ta’ Marzu tas-sena ta’ wara u mbagħad bħala kontijiet finali sal-31 ta’ Lulju. Il-kontijiet proviżorji jridu jagħtu stampa ċara u ġusta tal-pożizzjoni finanzjarja. Huwa b’hekk imperattiv li l-partiti kollha tal-kontijiet proviżorji jiġu ppreżentati bħala kalkoli finali li jippermettulna nwettqu l-kompitu tagħna f’konformità mat-Titolu X tar-Regolament Finanzjarju u fi żmien id-dati ta’ skadenza mogħtija. Il-bidliet bejn il-kontijiet proviżorji u dawk finali jridu normalment jirriżultaw biss mill-osservazzjonijiet tagħna.

XXVI.

L-objettivi tagħna huma li niksbu aċċertament raġonevoli dwar jekk il-kontijiet konsolidati tal-UE jkunux ħielsa minn kwalunkwe dikjarazzjoni skorretta materjali u dwar jekk it-tranżazzjonijiet li fuqhom huma bbażati jkunux legali u regolari u li, fuq il-bażi tal-awditu tagħna, nipprovdu lill-Parlament Ewropew u lill-Kunsill b'dikjarazzjoni ta' assigurazzjoni dwar l-affidabbiltà tal-kontijiet u dwar il-legalità u r-regolarità tat-tranżazzjonijiet li fuqhom huma bbażati. Aċċertament raġonevoli huwa aċċertament ta’ livell għoli, iżda mhuwiex garanzija li l-awditu jkun neċessarjament qabad il-każijiet kollha ta’ dikjarazzjoni skorretta materjali jew ta’ nuqqas ta' konformità meta dawn ikunu jeżistu. Dawn jistgħu jiġu kkaġunati minn frodi jew minn xi żball u jitqiesu materjali jekk, individwalment jew flimkien, jistgħu jkunu mistennija, b’mod raġonevoli, li jinfluwenzaw id-deċiżjonijiet ekonomiċi li l-utenti jieħdu fuq il-bażi ta' dawn il-kontijiet konsolidati.

XXVII.

Għad-dħul, l-eżaminar li wettaqna tar-riżorsi proprji bbażati fuq il-VAT u fuq l-ING jieħu bħala l-punt tat-tluq tiegħu l-aggregati makroekonomiċi li fuq il-bażi tagħhom dawn jiġu kkalkulati, u jivvaluta s-sistemi tal-Kummissjoni għall-ipproċessar tagħhom sal-punt fejn il-kontribuzzjonijiet mill-Istati Membri jkunu ġew riċevuti u rreġistrati fil-kontijiet konsolidati. Għar-riżorsi proprji tradizzjonali, aħna neżaminaw il-kontijiet tal-awtoritajiet doganali u nanalizzaw il-fluss tad-dazji sal-punt fejn l-ammonti jkunu ġew riċevuti mill-Kummissjoni u rreġistrati fil-kontijiet.

XXVIII.

Għall-infiq, aħna neżaminaw it-tranżazzjonijiet ta' pagament meta l-infiq ikun ġie mġarrab, irreġistrat u aċċettat. Dan l-eżaminar ikopri l-kategoriji kollha ta' pagamenti (inklużi dawk li jkunu saru għax-xiri ta' assi) minbarra pagamenti bil-quddiem fil-punt meta jsiru. Il-pagamenti bil-quddiem jiġu eżaminati ladarba r-riċevitur tal-fondi jkun ipprovda evidenza tal-użu xieraq tagħhom, u l-Istituzzjoni jew il-korp ikun aċċetta dik l-evidenza billi japprova l-pagament bil-quddiem, li jista’ ma jseħħx qabel is-sena wara.

XXIX.

Bħala parti minn awditu, f’konformità mal-ISAs u l-ISSAIs, aħna neżerċitaw ġudizzju professjonali u nżommu x-xettiċiżmu professjonali tul l-awditu. Minbarra dan, aħna:

XXX.

Aħna nikkomunikaw mal-maniġment dwar, fost affarijiet oħra, l-ambitu u l-għażla taż-żmien ippjanati tal-awditu u dwar sejbiet tal-awditjar li jkunu sinifikanti, inklużi sejbiet dwar kwalunkwe defiċjenza sinifikanti fil-kontroll intern.

XXXI.

Mill-kwistjonijiet li jkunu ġew diskussi mal-Kummissjoni u mal-entitajiet awditjati l-oħra, aħna niddeterminaw liema kellhom l-akbar sinifikat fl-awditjar tal-kontijiet konsolidati u huma għalhekk il-kwistjonjiet ewlenin tal-awditjar għall-perjodu attwali. Aħna niddeskrivu dawn il-kwistjonijiet fir-rapport tagħna, dment li l-ebda liġi jew regolament ma jkun jipprekludi d-divulgazzjoni pubblika jew, kif jiġri f’każijiet rari ħafna, aħna niddeterminaw li kwistjoni ma għandhiex tiġi kkomunikata fir-rapport tagħna minħabba li l-konsegwenzi avversi ta’ dan jistgħu jkunu mistennija, b’mod raġonevoli, li jkunu akbar minn kwalunkwe benefiċċju għall-interess pubbliku.

1.1.

Il-Qorti Ewropea tal-Awdituri hija l-awditur indipendenti tal-Unjoni Ewropea. Skont it-Trattat dwar il-Funzjonament tal-Unjoni Ewropea (TFUE), aħna:

1.2.

Ix-xogħol li aħna nwettqu għad-dikjarazzjoni ta’ assigurazzjoni (spjegat fl- Anness 1.1 ) jippermettilna nilħqu l-ewwel u t-tieni objettivi ta' hawn fuq. Fl-oqsma ta' nfiq ewlenin tal-UE (12), ix-xogħol li nwettqu fil-qafas tar-rapport annwali jindirizza wkoll l-ekonomija, l-effiċjenza u l-effettività tal-infiq. Aħna nirrappurtaw dwar aspetti differenti tas-sistema stabbilita mill-Kummissjoni biex jiġi żgurat li l-fondi tal-UE jintnefqu sew (13). Meħud fit-totalità tiegħu, ix-xogħol tal-awditjar li nwettqu jipprovdi wkoll kontribut importanti għall-opinjonijiet li nagħtu dwar proposti għal leġiżlazzjoni.

1.3.

Dan il-kapitolu tar-rapport annwali:

1.4.

L-infiq tal-UE huwa mezz importanti — iżda mhux l-uniku wieħed — għall-ilħuq tal-objettivi ta' politika. Mezzi importanti oħra jinkludu l-użu ta' leġiżlazzjoni u l-moviment liberu ta' oġġetti, servizzi, kapital u persuni madwar l-UE. Fl-2017, l-infiq tal-UE ammonta għal EUR 137,4  biljun (14), li jirrappreżenta 2,0  % tal-infiq totali tal-amministrazzjonijiet pubbliċi tal-Istati Membri tal-UE u 0,9  % tal-introjtu nazzjonali gross tal-UE (il- Kaxxa 1.1 ).

Sors:

ING tal-Istati Membri: kontijiet annwali tal-Kummissjoni Ewropea għall-2017 — Anness A — Dħul;

Infiq tal-amministrazzjonijiet pubbliċi tal-Istati Membri: L-Eurostat — il-kontijiet nazzjonali annwali;

Infiq tal-UE: il-Kummissjoni Ewropea — Il-kontijiet annwali konsolidati tal-Unjoni Ewropea għall-2017.

1.5.

Il-fondi tal-UE jiġu żborżati lill-benefiċjarji jew permezz ta’ pagamenti uniċi/pagamenti akkont annwali jew permezz ta’ serje ta’ pagamenti fi ħdan skemi ta’ nfiq pluriennali. Fl-2017, il-pagamenti li saru mill-baġit tal-UE ammontaw għal EUR 137,4  biljun, li kienu jikkonsistu minn EUR 29,7  biljun f’prefinanzjamenti u EUR 107,7  biljun f’pagamenti uniċi, interim jew finali. Kif jidher fil- Kaxxa 1.2 , l-akbar sehem mill-baġit tal-UE ġie allokat għall-Intestatura “Riżorsi naturali” (EUR 56,7  biljun; 41 % tat-total), segwita mill-Intestatura “Koeżjoni” (EUR 35,7  biljun; 26 % tat-total) u “Kompetittività” (EUR 21,4  biljun; 15,6  % tat-total).

1.6.

L-osservazzjonijiet tagħna jikkonċernaw il-kontijiet konsolidati (il-“kontijiet”) (15) tal-Unjoni Ewropea għas-sena finanzjarja 2017. Aħna rċevejniehom, flimkien mal-ittra tar-rappreżentazzjonijiet tal-uffiċjal tal-kontabbiltà, fis-27 ta' Ġunju 2018, qabel id-data finali għall-preżentazzjoni stabbilita bir-Regolament Finanzjarju (16). Il-kontijiet huma akkumpanjati minn “Diskussjoni u Analiżi tar-Rapport Finanzjarju” (17). Din l-analiżi mhijiex koperta mill-opinjoni tal-awditjar tagħna. Madankollu, skont l-istandards tal-awditjar, aħna wettaqna valutazzjoni tal-konsistenza tagħha mal-informazzjoni fil-kontijiet.

1.7.

Il-kontijiet ippubblikati mill-Kummissjoni juru li, fil-31 ta’ Diċembru 2017, l-obbligazzjonijiet totali kienu jammontaw għal EUR 236,5  biljun meta mqabbla ma’ assi totali ta' EUR 166,2  biljun. Ir-riżultat ekonomiku għall-2017 huwa ta’ EUR 8,1  biljun.

1.8.

L-awditu tagħna ppermettielna naslu għall-konklużjoni li l-kontijiet ma kinux affettwati minn dikjarazzjonijiet skorretti materjali. L-osservazzjonijiet tagħna dwar il-ġestjoni finanzjarja u baġitarja tal-fondi tal-UE huma ppreżentati fil-Kapitolu 2.

1.9.

Il-kwistjonijiet ewlenin tal-awditjar huma dawk li, fil-ġudizzju professjonali tagħna, kienu tal-akbar sinifikat fl-awditu li wettaqna tar-rapporti finanzjarji tal-perjodu attwali. Dawn il-kwistjonijiet ġew indirizzati fil-kuntest tal-awditu tagħna tar-rapporti finanzjarji fl-intier tagħhom kif ukoll aħna u nifformulaw l-opinjonijiet tagħna dwarhom, iżda ma nipprovdux opinjoni separata dwar dawn il-kwistjonijiet. Skont l-Istandard Internazzjonali tal-Awditjar ISA 701 (18), aħna nirrappurtaw dwar kwistjonijiet ewlenin tal-awditjar fid-dikjarazzjoni ta’ assigurazzjoni tagħna.

1.10.

Aħna neżaminaw id-dħul u l-infiq tal-UE biex nivvalutaw jekk dawn ikunux konformi mal-liġijiet u r-regolamenti applikabbli. Ir-riżultati tal-awditjar tagħna għad-dħul huma ppreżentati fil-Kapitolu 4 u għall-infiq fil-Kapitoli 5 sa 10.

1.11.

Biex inwettqu l-awditu tagħna, aħna eżaminajna t-tranżazzjonijiet li fuqhom huma bbażati l-kontijiet tal-UE. Dawn kienu jinkludu t-trasferimenti ta’ fondi mill-baġit tal-UE lir-riċevituri finali tal-infiq tal-UE, il-kontribuzzjonijiet mill-Istati Membri għall-baġit tal-UE u d-dħul minn sorsi oħra. Aħna neżaminaw l-infiq fil-mument meta r-riċevituri finali tal-fondi tal-UE jkunu wettqu attivitajiet jew ġarrbu spejjeż, u meta l-Kummissjoni tkun aċċettat l-infiq (“infiq aċċettat”). Fil-prattika, dan ifisser li l-popolazzjoni tagħna ta’ tranżazzjonijiet tkopri l-pagamenti interim u dawk finali. Aħna ma eżaminajniex l-ammonti prefinanzjati ħlief jekk kienu ġew approvati fl-2017.

1.12.

Il-Parlament Ewropew u l-Kunsill għamlu bosta bidliet għal-leġiżlazzjoni settorjali relatata ma’ “Koeżjoni ekonomika, soċjali u territorjali” għall-perjodu 2014–2020 (ara l-paragrafi 6.5 sa 6.10) meta mqabbel mar-regoli applikabbli għall-perjodu 2007–2013. L-aktar ħaġa importanti hi li issa l-awtoritajiet tal-Istati Membri inkarigati mill-programmi jridu jippreżentaw pakkett ta’ aċċertament annwali, li jinkludi l-kontijiet u li jkopri l-infiq iċċertifikat lill-Kummissjoni fis-sena kontabilistika. Il-Kummissjoni taċċetta l-kontijiet jekk, fl-opinjoni tal-awtoritajiet tal-awditjar, il-kontijiet ikunu kompleti, preċiżi u veri. Hija tivvaluta l-pakkett ta’ aċċertament biex tiżgura li r-rata tal-iżball residwu tibqa’ taħt is-soll ta’ materjalità ta’ 2 % għal kull programm u tapplika korrezzjonijiet finanzjarji jekk ikun meħtieġ.

1.13.

Il-modifiki għal-leġiżlazzjoni settorjali għal “Koeżjoni ekonomika, soċjali u territorjali” għandhom impatt fuq dak li l-Kummissjoni tqis li huwa “nfiq aċċettat” f’dan il-qasam. B’riżultat ta’ dan, il-popolazzjoni li awditjajna għal din l-intestatura tal-QFP hija differenti minn dik ta’ snin preċedenti u tikkonsisti f’pagamenti finali (inklużi prefinanzjamenti li kienu ġew approvati) għall-perjodu 2007–2013 u f’infiq kopert mill-kontijiet aċċettati fuq bażi annwali mill-Kummissjoni, għall-perjodu 2014–2020 (ara l-paragrafi 2 sa 6 tal- Anness 1.1 u l-paragrafi 6.16-6.19). Dan ifisser li aħna ttestjajna tranżazzjonijiet li għalihom l-azzjonijiet korrettivi rilevanti kollha kienu ġew implimentati fil-livell tal-Istati Membri.

1.13.

1.14.

Għall-Intestatura 1b tal-QFP, il-pagamenti interim li saru fl-2017 għall-perjodu 2014–2020 ammontaw għal madwar EUR 21 biljun. Aħna se ninkludu dawn il-pagamenti interim u l-prefinanzjamenti fil-popolazzjoni tagħna f’sena aktar ’il quddiem ladarba l-kontijiet ikunu ġew aċċettati mill-Kummissjoni u approvati permezz ta’ deċiżjoni annwali.

(*)

Għall-Intestatura 1b tal-QFP, l-ammont ta’ EUR 30,7  biljun f’prefinanzjamenti jinkludi pagamenti interim għall-perjodi ta' programmazzjoni 2007–2013 u 2014–2020 li jammontaw għal EUR 21,7  biljun. F’konformità mal-approċċ tagħna għal dan il-qasam, dawn il-pagamenti ma jagħmlux parti mill-popolazzjoni awditjata minna għar-Rapport Annwali 2017.

1.15.

Il- Kaxxa 1.3 turi r-ripartizzjoni tal-popolazzjoni li awditjajna għall-2017 f’pagamenti uniċi, interim (fejn ikunu ġew aċċettati mill-Kummissjoni) u finali, approvazzjonijiet ta’ prefinanzjamenti u deċiżjonijiet annwali dwar l-aċċettazzjoni tal-kontijiet. Għall-2017, aħna awditjajna tranżazzjonijiet b’valur totali ta’ EUR 100,2  biljun. Din is-sena, l-Intestatura “Riżorsi naturali” tikkostitwixxi l-akbar sehem mill-popolazzjoni kumplessiva tagħna (57 %), filwaqt li, meta mqabbel ma’ snin preċedenti, l-Intestatura 1b tal-QFP “Koeżjoni” tirrappreżenta proporzjon relattivament żgħir (madwar 8 %) (il- Kaxxa 1.4 ).

1.16.

F’dak li jikkonċerna r-regolarità tad-dħul u l-infiq tal-UE, is-sejbiet ewlenin tagħna kienu:

(a)

Id-dħul kien ħieles minn żball materjali. Is-sistemi relatati mad-dħul kienu kumplessivament effettivi, iżda l-kontrolli interni ewlenin tar-riżorsi proprji tradizzjonali (RPT) li vvalutajna fil-Kummissjoni u f’ċerti Stati Membri kienu parzjalment effettivi (il-paragrafu 4.21);

(b)

Għall-infiq, l-evidenza kumplessiva għall-awditjar tindika li l-livell ta’ żball kien materjali. Aħna nistmaw li l-livell kumplessiv ta' żball fl-infiq huwa ta' 2,4  %, iżda l-iżbalji materjali kienu limitati prinċipalment għall-infiq ibbażat fuq rimborżi, li jirrappreżenta madwar 47 % tal-popolazzjoni awditjata. Il-livell kumplessiv ta’ żball stmat minna naqas meta mqabbel ma’ snin preċedenti (il- Kaxxa 1.5 ).

(b)

Il-Kummissjoni tinnota b’sodisfazzjon li din is-sena tirrappreżenta titjib sinifikanti ulterjuri fejn jidħlu riżultati.

1.17.

Minħabba l-evoluzzjoni tar-riżultati tal-awditjar tagħna, il-livell kumplessiv ta’ żball stmat ma għadux l-unika bażi għad-dikjarazzjoni ta’ assigurazzjoni tagħna. Ir-riżultati tal-awditjar tagħna għall-2017 jikkonfermaw is-sejbiet tagħna mill-2015 u mill-2016: jiġifieri, li l-mod kif il-fondi jiġu żborżati għandu impatt fuq ir-riskju ta’ żball. Inġenerali, aħna sibna li l-infiq ibbażat fuq drittijiet (19) kien ħieles minn żball materjali, iżda l-infiq ibbażat fuq rimborżi kompla jkun milqut minn livell materjali ta’ żball (il- Kaxxa 1.6 ).

1.17.

1.18.

Aħna nistmaw li l-livell ta’ żball għal infiq ibbażat fuq drittijiet (bl-esklużjoni ta’ ċerti skemi ta’ żvilupp rurali) huwa taħt is-soll ta' materjalità tagħna ta’ 2 %, kif kien fl-2016. Għall-infiq ibbażat fuq drittijiet, il-benefiċjarji jirċievu pagament jekk jissodisfaw ċerti kundizzjonijiet. Pagamenti bħal dawn jirrappreżentaw riskju aktar baxx ta’ żball jekk il-kundizzjonijiet stabbiliti ma jkunux kumplessi żżejjed. Il-pagamenti kkonċernati (il- Kaxxa 1.7 ) jinkludu fellowships għall-istudenti u għar-riċerka (QFP 1a — il-Kapitolu 5), għajnuna diretta għal bdiewa (QFP 2 — il-Kapitolu 7) u appoġġ baġitarju lil pajjiżi terzi (QFP 4, il-Kapitolu 9). Il-pagamenti amministrattivi jikkonsistu prinċipalment fis-salarji u l-pensjonijiet tal-ħaddiema taċ-ċivil tal-UE (QFP 5 — il-Kapitolu 10). Kumplessivament, l-infiq ibbażat fuq drittijiet jirrappreżenta madwar 53 % tal-popolazzjoni li awditjajna.

1.19.

Fejn kienu ġew stabbiliti kundizzjonijiet kumplessi, aħna sibna riskju akbar ta’ żball. Dan japplika għall-infiq ibbażat fuq rimborżi u għal proporzjon żgħir tal-infiq ibbażat fuq drittijiet fejn japplikaw kundizzjonijiet kumplessi (ċerti skemi ta’ żvilupp rurali). Dan it-tip ta’ nfiq b’riskju għoli jirrappreżenta madwar 47 % tal-popolazzjoni li awditjajna. Aħna nistmaw li l-livell ta’ żball f’dan it-tip ta’ nfiq huwa ta’ 3,7  % (fl-2016: 4,8  %), li huwa sinifikattivament ogħla mis-soll ta' materjalità ta’ 2 % (il- Kaxxa 1.6 ).

1.20.

L-infiq ibbażat fuq rimborżi jkopri l-klejms tal-benefiċjarji għal spejjeż eliġibbli li jkunu ġarrbu. Għal dan l-għan, huma jridu jipprovdu informazzjoni li turi li huma jkunu involuti f’attività eliġibbli għall-appoġġ kif ukoll l-ispejjeż imġarrba li għalihom huma jistgħu jikklejmjaw rimborż. Meta jagħmlu dan, huma jridu jsegwu regoli kkumplikati rigward x'jista' jiġi kklejmjat (eliġibbiltà) u kif l-ispejjeż jistgħu jiġġarrbu b'mod xieraq. Din il-kumplessità twassal għal żbalji li jaffettwaw il-konklużjoni tagħna għall-Intestatura 1a tal-QFP “Kompetittività” (il-paragrafi 5.31-5.32), l-Intestatura 1b “Koeżjoni” (il-paragrafi 6.73-6.76), u l-Intestatura 2 “Riżorsi naturali” (il-paragrafi 7.40-7.41).

1.20.

Il-proposta Omnibus, fl-abbozzar tagħha li jirriżulta mill-ftehim politiku bejn il-Kunsill u l-Parlament, wessgħet b’mod sinifikanti l-ambitu u l-applikabilità tal-għażliet ta’ spejjeż issimplifikati u ta’ pagamenti bbażati fuq kundizzjonijiet. Il-proposta leġiżlattiva tal-Kummissjoni għall-2021-2027 tipprovdi aktar possibilitajiet għall-użu tal-għażliet ta’ spejjeż issimplifikati u ta’ pagamenti b’kundizzjonijiet sabiex tkompli titnaqqas il-kumplessità.

1.21.

Il-biċċa l-kbira mill-fondi tal-UE bbażati fuq rimborżi jintnefqu fuq proġetti ta’ riċerka (Kompetittività), skemi ta’ taħriġ (Koeżjoni), proġetti fl-iżvilupp reġjonali u rurali (Koeżjoni u Żvilupp rurali) u proġetti ta’ żvilupp (Ewropa Globali). Kif jidher fil- Kaxxa 1.8 , “miżuri tas-suq taħt il-Fond Agrikolu Ewropew ta' Garanzija (FAEG), żvilupp rurali, ambjent, azzjoni klimatika u sajd” u “Kompetittività” kienu l-akbar kontributuri għal-livell ta’ żball stmat minna għall-2017 għall-infiq ibbażat fuq rimborżi, segwiti minn “Koeżjoni” u “Ewropa Globali”. Din id-distribuzzjoni hija differenti minn dik għal snin preċedenti. Dan huwa prinċipalment dovut għall-volum baxx ta’ nfiq aċċettat f’“Koeżjoni”.

1.22.

Din is-sena, aħna nipprovdu valutazzjoni speċifika għal erba’ intestaturi tal-QFP: “Kompetittività”, “Koeżjoni”, “Riżorsi naturali” u “Nefqa amministrattiva”. Aħna ma nistmawx il-livelli ta' żball għal oqsma oħra ta' nfiq, inklużi l-Intestatura 3 tal-QFP (il-Kapitolu 8) u l-Intestatura 4 (il-Kapitolu 9). B'kollox, l-infiq kopert mid-dikjarazzjoni ta’ assigurazzjoni tagħna f'dawn l-oqsma ammonta għal EUR 11,1  biljun (11,1  % tal-infiq kopert mill-awditu tagħna). Ix-xogħol li twettaq f'dawn l-oqsma jkompli jikkontribwixxi għall-konklużjonijiet kumplessivi tagħna dwar l-2017.

1.23.

“Kompetittività” (il-Kapitolu 5): l-infiq f’dan il-qasam huwa milqut minn livell materjali ta’ żball. Madwar 90 % tal-infiq huwa bbażat fuq rimborżi, u l-iżbalji hawnhekk essenzjalment jirriflettu kategoriji differenti ta’ spejjeż ineliġibbli (b’mod partikolari spejjeż għall-persunal u spejjeż oħra, proġetti u benefiċjarji ineliġibbli).

1.24.

“Koeżjoni” (il-Kapitolu 6): l-infiq f’dan il-qasam huwa ddominat minn rimborżi. It-tip prinċipali ta’ żball li nqabad mill-awtoritajiet tal-awditjar kien dak ta’ spejjeż ineliġibbli. Għal dawn l-iżbalji, l-awtoritajiet tal-Istati Membri ġeneralment applikaw korrezzjonijiet sabiex inaqqsu r-rati tal-iżball residwu tal-programmi għal taħt is-soll ta' materjalità ta’ 2 %. Madankollu, aħna sibna wkoll żbalji li l-awtoritajiet tal-awditjar ma kinux qabdu, inklużi, fil-każ ta’ awtorità tal-awditjar partikolari, riċevituri ineliġibbli li kienu ġew iffinanzjati permezz ta’ strumenti finanzjarji. La l-awtoritajiet tal-Istati Membri u lanqas il-Kummissjoni ma applikaw korrezzjonijiet għal dawn l-iżbalji. Ibbażat fuq l-iżbalji li nqabdu mill-awtoritajiet tal-awditjar jew minna nfusna, u wara li qisna l-korrezzjonijiet finanzjarji rilevanti kollha, aħna nistmaw li l-livell ta’ żball f’dan il-qasam huwa materjali.

1.24.

Is-simplifikazzjoni tirrapreżenta l-iktar mod effettiv ta’ kif jitnaqqsu l-ispejjeż u l-piż ta’ kontroll u r-riskju ta’ żbalji. L-oqsma ta’ politika li huma suġġetti għal sistemi sodi ta’ mmaniġġjar u ta’ kontroll u ta’ regoli ta’ eliġġibbiltà anqas kumplessi wkoll huma anqas suxxettibbli għal żbalji (ara t-tweġiba tal-Kummissjoni għall-paragrafu 1.20).

1.25.

“Riżorsi naturali” (il-Kapitolu 7): jekk jittieħed fl-intier tiegħu, dan il-qasam huwa milqut minn livell materjali ta’ żball. Madankollu, il-pagamenti diretti mill-FAEG jirrappreżentaw madwar tliet kwarti tal-infiq hawnhekk u huma ħielsa minn żball materjali. Il-pagamenti diretti lill-bdiewa huma bbażati fuq drittijiet u jibbenefikaw minn regoli simplifikati relatati mal-eliġibbiltà tal-art u minn sistema ta’ kontroll ex ante effettiva (SIAK) li tippermetti li jsiru kontroverifiki awtomatizzati bejn databases differenti. Aħna nkomplu nsibu livell ta’ żball li huwa persistentement għoli fl-oqsma l-oħra ta’ nfiq (żvilupp rurali, miżuri tas-suq taħt il-FAEG, ambjent, azzjoni klimatika u sajd). L-infiq f’dawn l-oqsma ġeneralment jiġi żborżat permezz tar-rimborż tal-ispejjeż. Benefiċjarji, attivitajiet, proġetti jew infiq ineliġibbli jikkontribwixxu madwar żewġ terzi tal-livell ta’ żball stmat għal din l-intestatura tal-QFP.

1.26.

“Amministrazzjoni” (il-Kapitolu 10): dan il-qasam huwa ħieles minn żball materjali. Il-biċċa l-kbira mill-infiq hawnhekk isir fil-forma ta’ salarji, pensjonijiet u allowances imħallsa mill-istituzzjonijiet u l-korpi tal-UE.

1.27.

Din is-sena, aħna ffukajna aktar mill-qrib fuq it-tipi ta’ żball li jinstabu fl-infiq ibbażat fuq rimborżi peress li dan huwa l-qasam fejn jippersisti livell materjali ta’ żball. Il- Kaxxa 1.9 tipprovdi ripartizzjoni, skont it-tip ta’ żball, tal-livell ta’ żball stmat għall-2017, li huwa ta’ 3,7  %, għall-infiq ibbażat fuq rimborżi. Hija tipprovdi wkoll iċ-ċifri kumparabbli għall-istima għall-2016 (4,8  %) (20).

1.28.

Bħalma kien il-każ fl-2016, l-iżbalji ta’ eliġibbiltà (jiġifieri spejjeż ineliġibbli li kienu inklużi fil-klejms għall-ispejjeż, nuqqas ta’ rispett tal-impenji agroambjentali klimatiċi (żvilupp rurali) u proġetti/attivitajiet jew benefiċjarji ineliġibbli) jikkontribwixxu l-aktar għal-livell ta’ żball stmat għall-2017. Madankollu, l-impatt tagħhom żdied b’mod sinifikanti meta mqabbel mal-2016 (2017: 93 %; 2016: 73 %). Dan kien dovut għall-fatt li aħna sibna ammont żgħir ħafna biss ta’ żbalji fl-akkwist pubbliku din is-sena.

1.28.

Il-Kummissjoni tqis li n-nuqqas ta’ ssodisfar ta’ impenji dwar il-klima fil-qasam agri-ambjentali mhix neċessarjament kwistjoni ta’ eliġibbiltà. Hija applikata sanzjoni proporzjonata, li jkun biss f’għadd ta’ każi eċċezzjonali u limitati li tista’ tilħaq il-100 %. Ara wkoll il-paragrafu 7.19.

1.29.

B’kuntrast għall-2016, żbalji serji fl-akkwist pubbliku kkontribwew inqas minn 1 % (2016: 18 %) għal-livell ta' żball stmat minna. Dan jista’ jiġi spjegat mil-livell relattivament baxx ta’ nfiq li kien aċċettat taħt il-Fond Ewropew għall-Iżvilupp Reġjonali u l-Fond ta' Koeżjoni (il-paragrafu 6.18). Ir-riżultati tal-awditjar preċedenti tagħna juru li dawn il-fondi huma aktar suxxettibbli għal żbalji fi proċeduri ta' akkwist pubbliku.

1.29.

1.30.

Skont l-Artikolu 317 tat-TFUE, il-Kummissjoni hija fl-aħħar mill-aħħar responsabbli għall-implimentazzjoni tal-baġit tal-UE u timmaniġġja l-infiq tal-UE f’kooperazzjoni mal-Istati Membri (21). Il-Kummissjoni tagħti kont tal-azzjonijiet tagħha fi tliet rapporti li flimkien jiffurmaw il-“Pakkett ta’ Rappurtar Finanzjarju Integrat” (22):

1.31.

Taħt l-istrateġija tagħna għall-2018–2020, aħna ddeċidejna li nibbażaw id-dikjarazzjoni ta’ assigurazzjoni tagħna fuq approċċ ta’ attestazzjoni, li jfisser li aħna għandna l-intenzjoni li nipprovdu aċċertament dwar id-dikjarazzjoni magħmula mill-(maniġment tal-) Kummissjoni. Dan jibni fuq l-esperjenza li akkwistajna mill-1994 ’il hawn fl-applikazzjoni ta’ dan l-approċċ waqt l-awditjar tal-affidabbiltà tal-kontijiet. Għar-regolarità tat-tranżazzjonijiet li fuqhom huma bbażati l-kontijiet, aħna qed naħdmu mal-Kummissjoni biex nistabbilixxu l-kundizzjonijiet meħtieġa biex isir progress lejn dan l-approċċ. Element importanti huwa d-disponibbiltà ta’ informazzjoni f’waqtha, kemm għall-kompilazzjoni tad-dokumenti kif ukoll għat-twettiq tal-awditjar (23).

1.31.

1.32.

Fl-AMPR, il-Kummissjoni tippreżenta l-valutazzjoni tagħha tal-ammonti f’riskju. L-ammont f’riskju meta jsir il-pagament jirrappreżenta l-istima mill-Kummissjoni tal-ammont mhux imħallas skont ir-regoli applikabbli fil-mument meta jsir il-pagament. Din iċ-ċifra hija l-eqreb għal-livell ta’ żball stmat minna.

1.32.

Barra minn dan, l-ammont kumplessiv f’riskju fl-għeluq għall-2017, ippreżentat fir-Rapport Annwali tal-Ġestjoni u l-Prestazzjoni huwa stmat li hu inqas minn 2 % tal-infiq rilevanti totali wara li jitqiesu l-korrezzjonijiet stmati fil-futur.

1.33.

Minbarra l-ammont f’riskju meta jsir il-pagament, il-Kummissjoni tippreżenta wkoll indikaturi oħra tar-regolarità. Il- Kaxxa 1.10 turi r-rabta bejn l-ammont f’riskju meta jsir il-pagament u dawn l-indikaturi l-oħra.

1.34.

Il- Kaxxa 1.11 tqabbel iċ-ċifri ppreżentati mill-Kummissjoni għall-ammont f’riskju meta jsir il-pagament mal-firxa tal-livell ta’ żball stmat minna. L-AMPR ma jsegwix l-istess proċedura bħall-kontijiet konsolidati tal-UE, li nirċievu verżjoni proviżorja tagħhom fi tmiem Marzu. Għalhekk, aħna ma neżaminawx l-informazzjoni fl-AMPR fiha nfisha. L-ammont f’riskju meta jsir il-pagament, ikkalkulat mill-Kummissjoni għall-2017 u ppreżentat fl-AMPR, huwa ta’ 1,7  % (meta mqabbel ma’ 2,1  %-2,6  % għall-2016), jiġifieri jinsab fil-limitu inferjuri tal-firxa indikata minna. Il-livell ta' żball stmat minna huwa ta’ 2,4  % (2016: 3,1  %) f’firxa ta’ bejn 1,4  % u 3,4  %.

1.34.

1.35.

Il-Kummissjoni tuża d-dikjarazzjonijiet ta’ assigurazzjoni li jsiru mid-diretturi ġenerali tagħha fir-rapporti annwali tal-attività (RAA) tagħhom bħala l-bażi għall-valutazzjoni kumplessiva tal-legalità u r-regolarità. Il-Kapitoli 4 sa 10 jinkludu taqsima dwar RAA magħżula, fejn aħna neżaminaw jekk dawn humiex konsistenti mas-sejbiet proprji tagħna.

1.35.

1.36.

L-indikaturi tar-regolarità (ċifri ppreżentati fir-rapporti annwali tal-attività għall-ammonti f’riskju meta jsir il-pagament):

(a)

jikkonformaw globalment mas-sejbiet proprji tagħna għall-Intestatura 2 tal-QFP “Riżorsi naturali” u mal-Intestatura 5 tal-QFP “Amministrazzjoni”;

(b)

huma taħt il-livell ta' żball stmat minna għall-Intestatura 1a tal-QFP “Kompetittività għat-tkabbir u l-impjiegi” u l-Intestatura 1b tal-QFP “Koeżjoni”.

(b)

Għar-rigward tal-intestatura 1a QFP “Kompetittività għat-tkabbir u l-impjiegi”, il-Kummissjoni tqis li l-informazzjoni ppreżentata fir-RAA fir-rigward tar-regolarità tat-transazzjonijiet sottostanti tjiebet (ara l-paragrafi 5.23-5.25).

1.37.

L-ammont f’riskju fl-għeluq, li jidher fil- Kaxxa 1.10 , huwa influwenzat mill-korrezzjonijiet u l-irkupri futuri li l-maniġers tal-fondi tal-UE jistennew li jagħmlu skont l-istimi tagħhom. Dawn huma għodda importanti ta’ ġestjoni li tista’ tnaqqas l-impatt tal-infiq irregolari fuq il-baġit tal-UE.

1.37.

1.38.

Il-Kummissjoni tuża l-korrezzjonijiet u l-irkupri applikati fi snin preċedenti biex tagħmel stima tal-korrezzjonijiet u l-irkupri futuri. L-ammont f’riskju fl-għeluq irrappurtat fl-AMPR huwa l-ammont f’riskju meta jsir il-pagament (il-paragrafu 1.32) bit-tnaqqis tal-istima għall-korrezzjonijiet u l-irkupri futuri. Il- Kaxxa 1.12 turi r-rabtiet bejn iċ-ċifri reali u l-istimi futuri għall-korrezzjonijiet u l-irkupri, fi tmiem is-sena ta’ rappurtar.

1.38.

1.39.

Biex tħejji stima tal-korrezzjonijiet u l-irkupri futuri, il-Kummissjoni tuża medja storika bbażata fuq it-tranżazzjonijiet li jkunu saru matul is-snin preċedenti. Il-Kummissjoni tqis li din hija l-aħjar indikazzjoni disponibbli tal-kapaċità korrettiva tagħha. Biex jiżgura li din iċ-ċifra tkun rilevanti għall-programmi attwali, id-DĠ BUDG jirrikjedi li d-direttorati ġenerali l-oħra jaġġustaw il-medja storika jew jużaw metodu ta’ stima ieħor kif ikun xieraq (24).

1.39.

1.40.

Filwaqt li osservajna titjib għas-sena finanzjarja 2017, id-data storika kompliet tkun milquta minn żbalji ta’ klassifikazzjoni u ta’ input jew kienet tinkludi elementi li ma kinux rilevanti għall-kalkolu (25).

1.40.

Il-Kummissjoni ilha kontinwament għadejja bit-titjib fir-rappurtar tal-korrezzjonijiet finanzjarji u l-irkupri u tal-kwalità tad-data sottostanti matul dawn l-aħħar snin.

1.41.

Il-biċċa l-kbira mid-DĠ tal-Kummissjoni kienu aġġustaw l-istimi tagħhom. Aħna sibna li l-istimi għall-2017 kienu aħjar minn dawk fi snin preċedenti. Madankollu, ċerti DĠ baqgħu ma ddivulgawx b’mod suffiċjenti s-suppożizzjonijiet prinċipali sottostanti għall-istima tal-korrezzjonijiet u l-irkupri futuri, fir-rapporti annwali tal-attività tagħhom.

1.41.

1.42.

Il-Kummissjoni u, għal programmi taħt ġestjoni kondiviża, l-awtoritajiet tal-Istati Membri, jistgħu jipproteġu l-baġit tal-UE minn infiq irregolari jew billi ma jħalluhx iseħħ jew billi jikkumpensaw l-impatt tiegħu. Il-prevenzjoni hija l-ewwel linja ta’ difiża kontra l-iżbalji. Jekk il-mekkaniżmi preventivi ma jirnexxilhomx jipprevienu l-iżbalji kollha milli jseħħu, il-Kummissjoni trid tieħu azzjoni korrettiva biex tikkumpensa l-impatt tagħhom.

1.43.

Il-mekkaniżmi preventivi ewlenin tal-Kummissjoni jinkludu l-interruzzjoni u s-sospensjoni ta’ pagamenti, kif ukoll it-twettiq ta’ kontrolli ex ante li jwasslu biex infiq ineliġibbli jiġi rrifjutat qabel ma l-Kummissjoni taċċettah u tagħmel il-pagamenti. Il-mekkaniżmi korrettivi prinċipali tal-Kummissjoni jinkludu kontrolli ex post fuq ammonti li tkun aċċettat u ħallset. Fil-każ ta’ ġestjoni kondiviża, dawn iwasslu għal korrezzjonijiet finanzjarji u fil-każ ta’ ġestjoni diretta jew indiretta, jirriżultaw f’irkupri mir-riċevituri finali.

1.44.

Aħna sibna li l-Kummissjoni tirrapporta ammonti li jirriżultaw kemm mill-mekkaniżmi preventivi kif ukoll mill-mekkaniżmi korrettivi tagħha taħt intestatura waħda “Korrezzjonijiet finanzjarji u rkupri”, li tidher fit-taqsima Diskussjoni u Analiżi tar-Rapport Finanzjarju (FSDA) tal-kontijiet annwali tal-UE. Minħabba dan, huwa diffiċli li l-qarrej jiddistingwi bejn l-impatt tal-azzjonijiet preventivi u dak tal-azzjonijiet korrettivi.

1.44 u 1.45

1.45.

Madankollu, il-Kummissjoni fil-fatt għandha d-dettalji meħtieġa biex tagħmel distinzjoni bejn iż-żewġ kategoriji. Fir-Rapporti Annwali tagħna għall-2014, l-2015 u l-2016 aħna użajna data li pprovditilna l-Kummissjoni biex nagħmlu distinzjoni bejn l-ammonti li jirriżultaw minn mekkaniżmi preventivi u dawk li jirriżultaw minn mekkaniżmi korrettivi.

1.46.

L-FSDA għall-2017 tirrapporta total ta' EUR 2,8  biljun għall-“korrezzjonijiet finanzjarji u l-irkupri” li ġew implimentati. Bħal fi snin preċedenti, din iċ-ċifra tinkludi l-ammonti li jirriżultaw minn mekkaniżmi korrettivi, kif ukoll ir-riżultati ta’ azzjonijiet preventivi, kif jidher hawn taħt:

1.46.

1.47.

Aħna nirrappurtaw każijiet ta’ frodi suspettata lill-Uffiċċju Ewropew ta’ Kontra l-Frodi (OLAF), kemm jekk nidentifikawhom matul l-awditu tagħna (inkluż ix-xogħol tagħna relatat mal-prestazzjoni) kif ukoll jekk nidentifikawhom fuq il-bażi ta’ informazzjoni pprovduta direttament lilna minn partijiet terzi. Ma nistgħux nikkummentaw dwar każijiet individwali jew dwar ir-rispons li jingħatalhom mill-OLAF. Fl-2017:

1.48.

Fl-2017, il-każijiet ta’ frodi suspettata li rriżultaw mix-xogħol tagħna u li għaddejna lill-OLAF spiss kienu jikkonċernaw il-ħolqien artifiċjali tal-kundizzjonijiet meħtieġa biex jinkiseb finanzjament mill-UE, id-dikjarazzjoni ta’ spejjeż li ma jissodisfawx il-kriterji ta' eliġibbiltà u l-irregolaritajiet fl-akkwist.

1.49.

Sal-31 ta’ Diċembru 2017, 7 mit-13-il każ li rriżultaw mix-xogħol tal-awditjar tagħna u li ġew rrappurtati lill-OLAF fl-2017 kienu diġà rriżultaw fil-ftuħ ta’ investigazzjoni u każ ieħor kien qed jiġi eżaminat. L-OLAF iddeċieda li ma jkomplix bl-investigazzjoni tal-ħames każijiet l-oħra minħabba li dawn setgħu jiġu ttrattati aħjar minn awtorità oħra jew minn istituzzjoni, korp, uffiċċju jew aġenzija oħra tal-UE, minħabba li ma kienx hemm evidenza suffiċjenti ta’ frodi, jew minħabba raġunijiet ta’ proporzjonalità.

1.50.

Fir-rigward tas-sitt każijiet li rriżultaw minn informazzjoni li ġiet ipprovduta lilna minn partijiet terzi u li mbagħad aħna għaddejna lill-OLAF, tnejn kienu rriżultaw f’investigazzjoni filwaqt li għall-erbgħa l-oħra l-investigazzjoni ma tkomplietx minħabba li setgħu jiġu ttrattati aħjar minn awtorità oħra jew minn istituzzjoni, korp, uffiċċju jew aġenzija oħra tal-UE, jew minħabba li ma kienx hemm evidenza suffiċjenti ta’ frodi.

1.51.

Bejn l-2010 u l-2017, l-OLAF irrakkomanda li jiġi rkuprat total ta’ EUR 294,7  miljun għall-każijiet li rreferejna lilu. Fejn l-OLAF għalaq każ mingħajr ma rrakkomanda azzjoni ulterjuri, il-konklużjoni l-aktar komuni tiegħu kienet li ma kienx hemm evidenza ta' frodi jew irregolarità li taffettwa l-interessi finanzjarji, jew interessi oħra, tal-UE.

1.52.

Il-funzjoni ewlenija ta' dan il-kapitolu hija li jsostni l-opinjoni tal-awditjar ippreżentata fid-dikjarazzjoni ta’ assigurazzjoni.

1.53.

Aħna nikkonkludu li l-kontijiet ma kinux affettwati minn dikjarazzjonijiet skorretti materjali.

1.54.

Fir-rigward tar-regolarità tat-tranżazzjonijiet, aħna nikkonkludu li d-dħul kien ħieles minn żball materjali. Għall-pagamenti, ir-riżultati tal-awditjar tagħna juru li sar titjib kontinwu matul dawn l-aħħar ftit snin. Bħalma kien il-każ is-sena li għaddiet, aħna nikkonkludu li l-infiq ibbażat fuq drittijiet huwa ħieles minn żball materjali. Livell ta’ żball materjali huwa limitat għall-infiq ibbażat fuq rimborżi, li din is-sena kien jirrappreżenta 47 % tal-popolazzjoni li awditjajna. Fuq il-bażi ta’ dan kollu, aħna nikkonkludu li l-livell ta' żball mhuwiex pervażiv.

2.1.

Dan il-kapitolu jippreżenta r-riżultati tal-analiżi li wettaqna ta’ kwistjonijiet ewlenin fil-qasam tal-ġestjoni baġitarja u finanzjarja. Huwa jidentifika wkoll xi wħud mir-riskji u l-isfidi għal baġits futuri u jibni, sa ċertu punt, fuq il-fehmiet li esprimejna f’diversi rapporti speċjali u dokumenti informattivi u analitiċi.

2.2.

Bħala parti mir-riflessjoni utli dwar il-futur tal-UE, f’Ġunju 2017 il-Kummissjoni ppreżentat “Dokument ta’ riflessjoni dwar il-futur tal-finanzi tal-UE”, li ġibed l-attenzjoni għal opzjonijiet għall-finanzjament fil-futur (1). Aħna kkontribwejna għad-dibattitu li għaddej bħalissa billi ppubblikajna żewġ dokumenti informattivi u analitiċi (2). Fit-2 ta’ Mejju 2018, il-Kummissjoni ppreżentat proposta għal Qafas Finanzjarju Pluriennali (QFP) ġdid li se jibda fl-2021 (3).

2.3.

Fl-2017, l-UE impenjat EUR 158,7  biljun (99,3  %) mit-total ta’ EUR 159,8  biljun f’approprjazzjonijiet ta' impenn, li kienu disponibbli fil-baġit adottat (4). Jekk jittieħdu inkunsiderazzjoni l-istrumenti speċjali, l-ammonti impenjati qabżu l-limitu massimu tal-QFP b’EUR 3,1  biljun (ara l- Kaxxa 2.1 ).

Nota:

Il-limitu massimu tal-QFP huwa l-ammont massimu annwali li jista’ jintuża skont ir-Regolament attwali dwar il-QFP. Madankollu, l-approprjazzjonijiet ta' impenn u l-użu tagħhom jistgħu jaqbżu l-limitu massimu bil-valur tal-istrumenti speċjali (ara l-Artikolu 3(2) tar-Regolament dwar il-QFP).

Sors:

Il-kontijiet annwali konsolidati tal-Unjoni Ewropea – Sena finanzjarja 2017, ir-Rapporti dwar l-implimentazzjoni tal-baġit u n-Noti ta' spjegazzjoni 4.1 – 4.3 u l-aġġustament tekniku għall-2017.

2.4.

Bħal fl-2016, il-pagamenti totali fl-2017 kienu ħafna aktar baxxi milli kien antiċipat. Dawn kienu EUR 18,2  biljun inqas mil-limitu massimu stabbilit fil-QFP (ara l- Kaxxa 2.1 ). Billi antiċipat pagamenti aktar baxxi, l-awtorità baġitarja stabbiliet il-baġit inizjali għall-2017 f’ammont ta’ EUR 134,5  biljun, jiġifieri EUR 8,4  biljun inqas mil-limitu massimu tal-QFP għall-approprjazzjonijiet ta' pagament ta’ EUR 142,9  biljun (5). Minħabba li, matul l-ewwel tmien xhur tas-sena, l-implimentazzjoni mxiet bil-mod, il-Kummissjoni pproponiet il-baġit emendatorju Nru 6/2017 li naqqas l-approprjazzjonijiet ta' pagament b’EUR 7,7  biljun (ara l- Anness 2.1 ). Dan, kif ukoll l-aġġornament li sar fin-naħa tad-dħul (prinċipalment multi), naqqsu l-kontribuzzjonijiet mill-Istati Membri b’EUR 9,8  biljun għall-2017, iżda jistgħu jwasslu għal sejħiet korrispondenti ogħla fis-snin 2018–2020. Ħtiġijiet ta’ pagament sinifikattivament ogħla lejn tmiem il-QFP attwali jistgħu jwasslu għal pressjoni fuq il-limiti massimi għall-approprjazzjonijiet ta' pagament.

2.4.

2.5.

Il-livell baxx ta’ pagamenti kien prinċipalment dovut għall-fatt li l-Istati Membri ppreżentaw klejms aktar baxxi milli kien antiċipat għall-programmi pluriennali tal-Fondi Strutturali u ta' Investiment Ewropej (SIE) 2014–2020. Għal analiżi tar-raġunijiet li taw il-Kummissjoni u l-Istati Membri, ara l-paragrafi 2.15–2.16.

2.5.

2.6.

L-użu kważi sħiħ tal-ammont disponibbli għall-impenji u l-livell baxx ta’ pagamenti (ara l-paragrafi 2.4–2.5) żiedu l-impenji baġitarji pendenti għal rekord ġdid ta’ EUR 267,3  biljun (2016: EUR 238,8  biljun). Dan huwa EUR 72,9  biljun ogħla mill-ammont tal-impenji baġitarji pendenti fl-2010 (EUR 194,4  biljun), ir-raba’ sena tal-QFP preċedenti (ara l- Kaxxa 2.2 ). Peress li d-daqs tal-QFP 2014–2020 huwa simili għal dak tal-QFP 2007–2013, iż-żieda hija sostanzjali. Il-Kummissjoni qieset li ż-żidiet tal-2016 u l-2017 kienu parti miċ-ċiklu normali ta’ implimentazzjoni għall-Fondi SIE (6)  (7).

2.7.

Il-projezzjonijiet tagħna (8) jindikaw li l-impenji baġitarji pendenti se jiżdiedu saħansitra aktar sa tmiem il-QFP, fl-2020 (ara l- Kaxxa 2.2) .

2.8.

Fil-perjodu 2018–2020, ir-riskju li l-approprjazzjonijiet ta' pagament disponibbli ma jkunux suffiċjenti biex jitħallsu l-klejms kollha għall-pagament se jiżdied b’mod sinifikanti (ara l-paragrafi 2.12 u 2.47). Previżjoni aktar preċiża dwar il-pagamenti għas-snin futuri tgħin biex dan ir-riskju jiġi mmaniġġjat.

2.8.

Il-Kummissjoni tenfasizza li l-preċiżjoni tal-previżjoni ta’ nofs it-terminu tiddependi parzjalment fuq il-previżjonijiet ippreżentati mill-Istati Membri għal programmi ġestiti kondiviżi. Barra minn hekk, il-livell tal-approprjazzjonijiet ta’ pagament effettivament mogħtija f’kull proċedura annwali tal-baġit jiddependi fuq id-deċiżjoni tal-awtoritajiet baġitarji.

Sors:

Għall-perjodu 2007–2017: Il-kontijiet annwali konsolidati tal-Unjoni Ewropea. Għal projezzjonijiet mill-Qorti Ewropea tal-Awdituri għall-2018–2020: ir-Regolament dwar il-QFP u l-aġġustament tekniku għall-2017.

2.9.

B’segwitu għar-rieżami ta' nofs it-terminu tal-QFP (9), l-awtorità baġitarja emendat ir-Regolament dwar il-QFP (10), b’mod partikolari biex iżżid il-Marġni Globali għall-Pagamenti (MGP) (11), u tagħmel bidliet f’erba’ strumenti speċjali  (12).

2.10.

L-MGP massimu disponibbli għall-perjodu 2018–2020 se jkun ta’ EUR 36,5  biljun, jiġifieri EUR 5,9  biljun aktar minn qabel (ara l- Kaxxa 2.3 ). Dan huwa ammont sostanzjali li jista’ jikkonribwixxi għat-tnaqqis tal-arretrati ta’ pagamenti fil-futur (ara l-paragrafu 2.47). Il-valur tal-MGP jammonta għad-differenza bejn il-pagamenti li saru u l-limiti massimi tal-pagamenti tal-QFP (13). Sa tmiem l-2017, l-ammonti akkumulati għall-MGP kienu laħqu madwar EUR 33,5  biljun (14).

Sors:

Il-Qorti Ewropea tal-Awdituri, ibbażat fuq ir-Regolament dwar il-QFP.

2.11.

It-titjib fl-istrumenti speċjali sar b’żewġ modi. L-ewwel nett, kien hemm żieda fl-ammonti disponibbli għar-Riżerva ta' Għajnuna f'Emerġenza u għall-Istrument ta' Flessibbiltà (ara l- Anness 2.2 ). It-tieni nett, mill-2017 'il quddiem, l-ammonti annullati taħt il-Fond Ewropew ta' Aġġustament għall-Globalizzazzjoni u l-Fond ta' Solidarjetà tal-Unjoni Ewropea setgħu jiġu ttrasferiti għall-Istrument ta' Flessibbiltà.

2.12.

Minkejja l-flessibbiltà akbar tal-baġit biex jindirizza l-isfidi possibbli, hemm ir-riskju li din xorta waħda ma tkunx biżżejjed. Barra minn hekk, bħalma rrappurtajna qabel, il-kwistjoni dwar jekk l-istrumenti speċjali għandhomx jiġu kontabilizzati, jew le, fil-limiti massimi għall-approprjazzjonijiet ta' pagament (15), għadha ma ġietx riżolta. Din l-inċertezza żżid ir-riskju li jkun hemm arretrati ta’ pagamenti (ara l-paragrafu 2.47).

2.12.

Fil-proposta tagħha għal Regolament dwar il-QFP għall-perjodu 2021–27, il-Kummissjoni pproponiet biex tissolva din il-problema (ara l-Artikolu 2(2) tar-Regolament dwar il-QFP 2021–2027 (COM (2018) 322 tal-2.5.2018).

Barra minn hekk, il-Kummissjoni ssostni li r-riskju ta’ pagamenti pendenti f’dan il-QFP hija limitata ħafna. Il-Kummissjoni tirreferi għat-tweġiba tagħha fil-paragrafu 2.8.

2.13.

Għal ċerti Stati Membri, l-impenji pendenti tal-Fondi Strutturali u ta' Investiment Ewropej (Fondi SIE) jirrappreżentaw perċentwal konsiderevoli tal-infiq tal-amministrazzjonijiet pubbliċi tagħhom. Dan huwa ppreżentat fil- Kaxxa 2.4 , fejn jingħata wkoll l-ammont ta’ pagamenti li saru lil kull Stat Membru fl-2017 u l-impenji pendenti tagħhom fi tmiem l-2017.

2.13.

Il-Kummissjoni tirreferi għat-tweġiba tagħha fil-paragrafu 2.14 tar-rapport annwali tal-QEA tal-2016.

Sors:

Il-Qorti Ewropea tal-Awdituri, ibbażat fuq informazzjoni mill-Kummissjoni. Id-data tal-Eurostat dwar l-infiq tal-amministrazzjonijiet pubbliċi għall-2017: April 2018.

2.14.

L-assorbiment (16) mexa partikolarment bil-mod. Fl-2017, ir-raba’ sena tal-QFP, l-Istati Membri assorbew medja ta’ 16,4  % (2010: 22,1  %) tal-ammonti li ġew allokati lilhom. Il- Kaxxa 2.5 turi tqabbil bejn ir-rati ta’ assorbiment ta’ kull Stat Membru fl-2017 (17) u r-rati ta’ assorbiment tagħhom fl-2010 (18).

2.14.

Sors:

Il-Qorti Ewropea tal-Awdituri, ibbażat fuq informazzjoni mill-Kummissjoni.

2.15.

Il-Kummissjoni sabet li d-dewmien kien prinċipalment dovut għall-għeluq tal-QFP preċedenti li sar aktar tard milli previst, l-adozzjoni tardiva ta’ atti legali u d-diffikultajiet fl-adattament għal u l-implimentazzjoni ta’ bidliet sostanzjali li ġew introdotti fil-QFP attwali (19).

2.15.

2.16.

Aħna wettaqna stħarriġ ta’ sitt Stati Membri (20) li kellhom l-aktar livelli baxxi ta’ assorbiment sa tmiem l-2017. Ir-risposti tagħhom fil-biċċa l-kbira kkonfermaw ir-raġunijiet prinċipali tal-Kummissjoni (ara l- Kaxxa 2.6 ).

2.17.

Fir-Rapport Annwali 2016 tagħna, konna diġà indikajna li l-Istati Membri jistgħu jiffaċċjaw diffikultajiet biex jidentifikaw għadd suffiċjenti ta’ proġetti ta’ kwalità għolja. Ix-xogħol tal-awditjar tagħna kkonferma li l-Istati Membri jridu jsibu kompromess bejn l-assorbiment rapidu tal-fondi u l-preżentazzjoni ta’ proġetti ta’ kwalità għolja, proċess li jieħu l-ħin (21).

2.18.

Aħna ppubblikajna żewġ rapporti speċjali li huma rilevanti f’dan il-kuntest: wieħed dwar l-arranġamenti għall-għeluq tal-programmi taħt il-QFP 2007–2013 u ieħor dwar l-effettività tal-appoġġ li l-Kummissjoni tagħti lill-Istati Membri għall-assorbiment tal-fondi (22). Fost affarijiet oħra, aħna sibna li l-adozzjoni tardiva tal-qafas legali kienet ħolqot dewmien li kellu riperkussjonijiet matul l-implimentazzjoni, u li t-trikkib bejn il-perjodi tal-QFP kien żied id-dewmien. Biex ikunu jistgħu jiġu evitati problemi fil-QFP li jmiss, se jkun kruċjali li l-atti legali jiġu adottati f’waqthom u li jkun hemm livell għoli ta’ stabbiltà fil-qafas legali li jirregola l-Fondi SIE.

2.18.

2.19.

It-trikkib akbar bejn il-perjodi tal-QFP joħloq piż addizzjonali fuq l-amministrazzjoni tal-Istati Membri, u dan jirriżulta f’aktar dewmien.

2.19.

2.20.

L-Istati Membri ppreżentaw il-klejms finali tagħhom relatati mal-fondi strutturali (23) għall-QFP 2007–2013 qabel tmiem Marzu 2017 (24).

2.21.

Fi tmiem l-2017, l-impenji pendenti għall-fondi strutturali ammontaw għal EUR 11,7  biljun jew 3,4  % tal-ammonti totali allokati għall-QFP 2007–2013 (ara l- Kaxxa 2.7 ).

2.21.

Bħal fl-aħħar ta’ Mejju 2018, l-ammont totali ta’ impenji pendenti għall-FEŻR u l-FK huwa EUR 8,1 biljun u għall-FSE EUR 1,9 biljun. Il-Kummissjoni tistenna li tkun tista’ tagħlaq il-maġġoranza l-kbira tal-impenji pendenti fl-2018 u l-2019, kif imsemmi fir-rapporti ta’ Attività Annwali ta’ DĠ REGIO u DĠ EMPL.

Sors:

Il-Qorti Ewropea tal-Awdituri, ibbażat fuq informazzjoni mill-Kummissjoni.

2.22.

Id-diżimpenji relatati mal-fondi strutturali kienu jammontaw għal EUR 4,4  biljun (1,3  %) tat-total allokat għall-QFP 2007–2013) (ara l- Kaxxa 2.8 ). Dawn jirrappreżentaw parti żgħira ħafna mit-total tal-impenji (25).

Nota:

Iċ-ċifri individwali juru t-total fl-għeluq u għar-regola N+2/N+3.

Sors:

Il-Qorti Ewropea tal-Awdituri, ibbażat fuq informazzjoni mill-Kummissjoni.

2.23.

Il-Fondi Fiduċjarji tal-UE u l-Faċilità għar-Refuġjati fit-Turkija huma differenti mill-mekkaniżmi standard li l-Kummissjoni tuża għat-twassil tal-għajnuna. Dawn jużaw bosta sorsi ta’ finanzjament u diversi mezzi ta’ distribuzzjoni, li jżid il-kumplessità. Il-Fondi Fiduċjarji tal-UE huma mmaniġġjati barra mill-baġit tal-UE, filwaqt li l-Faċilità għar-Refuġjati fit-Turkija hija mmaniġġjata fi ħdanu. Hawn taħt tingħata stampa ġenerali ta’ dawn il-mekkaniżmi. Strument ieħor ġdid għall-għoti ta’ għajnuna lil pajjiżi terzi huwa l-Fond Ewropew għall-Iżvilupp Sostenibbli (EFSD) (ara l-paragrafi 2.40–2.41).

2.23.

Il-Faċilità hija mekkaniżmu ta’ koordinazzjoni li tiffaċilita, iktar milli tikkumplika. Mhix strument ġdid. Il-faċilità tippermetti l-mobilizzazzjoni mħaffa, effettiva u effiċjenti ta’ għajnuna tal-UE lir-refuġjati fit-Turkija u tiżgura l-aħjar użu ta’ riżorsi tal-UE u tal-Istati Membri tal-UE, bħala għajnuna umanitarja u għall-iżvilupp b’mod komprensiv u koordinat.

2.24.

Il-Fondi Fiduċjarji tal-UE huma arranġamenti legali separati bi struttura finanzjarja distinta, li fihom bosta donaturi jiffinanzjaw b’mod konġunt azzjoni bbażat fuq objettivi komuni. Sa issa, il-Kummissjoni ħolqot erba’ Fondi Fiduċjarji tal-UE: il-Fond Bêkou, il-Fond Madad, il-Fond Afrika u l-Fond Kolombja (26) (ara l- Kaxxa 2.9 ).

Nota:

Id-differenzi fis-somma tal-kontribuzzjonijiet imwiegħda huma minħabba arrotondament.

Sors:

Il-Qorti Ewropea tal-Awdituri, ibbażat fuq informazzjoni mill-Kummissjoni, l-Artikolu 187 tar-Regolament Finanzjarju u l-Ftehimiet Kostituttivi li jistabbilixxu l-Fondi Fiduċjarji.

2.25.

Aħna eżaminajna l-istruttura u l-ġestjoni tal-ewwel Fond Fiduċjarju tal-UE li ġie mmaniġġjat mill-Kummissjoni — il-Fond Bêkou (27). Fost affarijiet oħra, aħna osservajna li l-Fond kien attira għajnuna, iżda ftit donaturi addizzjonali.

2.25.

2.26.

Ir-Regolament Finanzjarju jistabbilixxi rekwiżiti stretti biex jiġġustifika l-ħolqien tal-Fondi Fiduċjarji, bħal valur miżjud tal-UE, ġestjoni aħjar, kontroll aħjar tar-riskji, kontroll aħjar tal-iżborżamenti u addizzjonalità (ara l- Kaxxa 2.9 ). Fir-Rapport Anwali 2016 tagħna, aħna indikajna li l-arranġamenti ta’ finanzjament ma għandhomx ikunu aktar kumplessi milli meħtieġ biex jintlaħqu l-objettivi ta’ politika tal-UE u biex jiġu garantiti l-obbligu ta’ rendikont, it-trasparenza u l-possibbiltà li jiġu awditjati (28).

2.26.

2.27.

Il-Faċilità għar-Refuġjati fit-Turkija ġiet stabbilita f’Jannar 2016 biex tgħin lit-Turkija tiffaċċja l-fluss enormi ta’ refuġjati (ara l- Kaxxa 2.10 ).

(a)

Id-Deċiżjoni tal-Kummissjoni tal-24 ta’ Novembru 2015 dwar il-koordinazzjoni tal-azzjonijiet tal-Unjoni u tal-Istati Membri permezz ta’ mekkaniżmu ta’ koordinazzjoni — il-Faċilità għar-Refuġjati għat-Turkija.

(b)

Id-Deċiżjoni tal-Kummissjoni tal-10 ta’ Frar 2016 dwar il-Faċilità għar-Refuġjati fit-Turkija li temenda d-Deċiżjoni tal-Kummissjoni C(2015) 9500 tal-24 ta’ Novembru 2015.

(c)

It-Tieni Rapport Annwali dwar il-Faċilità għar-Refuġjati fit-Turkija (COM(2018) 91 final tal-14.3.2018).

Kaxxa 2.10

2.28.

L-appoġġ baġitarju li jingħata mill-UE favur id-diversi strumenti finanzjarji żdied b’mod sostanzjali (ara l- Kaxxa 2.11 ).

2.29.

Fl-2017, l-Istrumenti Finanzjarji taħt Ġestjoni Kondiviża (FISMs) għall-QFP 2007–2013 kienu fil-proċess li jingħalqu bħala parti mill-għeluq tal-programmi operazzjonali korrispondenti tagħhom.

2.30.

Skont il-Kummissjoni (29), il-FISMs tħallsu EUR 11,3  biljun mill-fondi strutturali. Ammont addizzjonali ta’ EUR 5,1  biljun ġie minn kofinanzjament nazzjonali (ara l- Kaxxa 2.12 ).

Sors:

Ir-rapport intitolat: Sommarju tad-data dwar il-progress li sar fil-finanzjament u l-implimentazzjoni tal-istrumenti ta’ inġinerija finanzjarja, kif irrappurtata mill-awtoritajiet maniġerjali skont l-Artikolu 67(2)(j) tar-Regolament tal-Kunsill (KE) Nru 1083/2006 — Perjodu ta’ programmazzjoni 2007–2013; Sitwazzjoni fil-31 ta’ Marzu 2017 (fl-għeluq).

2.31.

Skont id-data li l-Istati Membri pprovdew lill-Kummissjoni, 93 % tal-ammont totali li tħallas għall-FISMs (EUR 15,2  biljun) ġew żborżati favur ir-riċevituri finali. Madankollu, skont l-istima tal-Kummissjoni, ir-rata reali ta’ żborżament favur ir-riċevituri finali tista’ tkun sa seba’ punti perċentwali aktar baxxa, minħabba l-possibbiltà li jiġu inklużi skorrettament xi pagamenti fuq self li jkunu reġgħu ntużaw (30), u mgħax miksub mill-immaniġġar ta’ flus mit-Teżor jew “dħul eċċessiv ta’ entrati”. Dawn l-ammonti kkontabilizzati b’mod eċċessiv jitilgħu għal total ta’ EUR 0,9  biljun. Din is-somma, flimkien mal-EUR 1,2  biljun li jibqa’ f’fondi speċifiċi, huma suġġetti għall-proċeduri ta’ għeluq għall-programmi operazzjonali, u jista’ jkollhom jintraddu lura għall-baġit tal-UE wara li jitnaqqsu l-ispejjeż u t-tariffi tal-ġestjoni. Barra minn hekk, fl-għeluq kien baqa’ 45 fond speċifiku minn 981 li jew kienu għadhom ma rriżultaw fl-ebda investiment jew inkella ma rrappurtawx dwar dan. Għalhekk, ir-rapport ta’ sinteżi intitolat “Summary of data” ma jipprovdix stampa sħiħa u preċiża tas-sitwazzjoni (31).

2.31.

Proċeduri tal-għeluq għal programmi operattivi għadhom għaddejjin, u l-Kummissjoni se tieħu azzjoni korrettiva fejn xieraq. Deċiżjonijiet dwar l-ammonti li għandhom jintraddu lura lill-baġit tal-UE huma meħuda fil-livell tal-programmi operattivi u mhux fil-livell ta’ strumenti finanzjarji speċifiċi, li huma biss forma waħda ta’ appoġġ fi programm operattiv.

2.32.

Ir-riżorsi disponibbli fil-FISMs 2007–2013, wara li jintużaw mill-Istati Membri (32), jappartjenu lilhom (l-awtoritajiet maniġerjali stmaw li dan l-ammont huwa ta’ EUR 8,5  biljun, attribwibbli għall-fondi strutturali). L-Istati Membri jkunu jridu jużawhom għall-istess finijiet kif kien intenzjonat oriġinarjament.

2.33.

Aħna ppubblikajna rapport speċjali (33) dwar l-implimentazzjoni tal-FISMs 2007–2013. Fost affarijiet oħra, ir-rapport sab li l-fondi fl-Istati Membri kienu esperjenzaw diffikultajiet fl-iżborżament tad-dotazzjonijiet tagħhom, kienu attiraw kapital privat limitat biss u r-rappurtar tagħhom kien sar tard. Aħna rrakkomandajna wkoll li l-Kummissjoni tieħu miżuri xierqa biex tiżgura li l-Istati Membri jżommu n-natura rotanti tal-fondi (jiġifieri jkomplu jippermettu li l-istess fondi jintużaw f’bosta ċikli).

2.33.

Barra minn hekk, fir-Rapport Speċjali tal-QEA 19/2016 il-Kummissjoni indikat li jenħtieġ li l-għan li jiġi attirat il-kapital privat ma jkunx enfasizzat iżżejjed b’mod partikolari għas-setturi esposti għal fallimenti kbar fis-suq u li l-awtoritajiet ta’ ġestjoni huma obbligati li jiżguraw u jippreżentaw lill-Kummissjoni miżuri xierqa biex jikkonformaw mar-rekwiżiti legali fir-rigward tar-riżorsi legati.

2.34.

Mir-riżorsi totali impenjati mill-Fondi SIE fil-qafas tal-programmi operazzjonali taħt il-QFP 2014–2020, 30 % tħallsu fil-FISMs. Minn dan il-perċentwal, 38 % (EUR 1,2  biljun) ġew impenjati favur ir-riċevituri finali ta’ dawn l-istrumenti. Sal-bidu tal-2017, wara tliet snin tal-QFP attwali, inqas minn 10 % tal-finanzjament totali mill-Fondi SIE li kien disponibbli permezz tal-FISMs kien wasal għand ir-riċevituri biex jintuża għall-iffinanzjar ta’ investimenti u attivitajiet produttivi (ara l- Kaxxa 2.13 ).

2.34.

Fil-31 ta’ Diċembru 2016, 32 % tal-ammonti mħallsa lil strumenti finanzjarji kienu effettivament imħallsa lir-riċevituri finali.

Sors:

Il-Kummissjoni Ewropea, “Financial Instruments under the European Structural and Investment Funds, situation as at 31 December 2016” (Strumenti Finanzjarji taħt il-Fondi Strutturali u ta' Investiment Ewropej, is-sitwazzjoni fil-31 ta’ Diċembru 2016), Diċembru 2017.

2.35.

Il-QFP attwali jirrikjedi li l-Istati Membri jirrappurtaw b’mod aktar komprensiv. Madankollu, l-aħħar rapport disponibbli dwar il-FISMs għall-QFP 2014–2020 huwa r-rapport li ġie ppubblikat f’Diċembru 2017 u li jirreferi għas-sitwazzjoni fi tmiem l-2016. Għalkemm dan huwa konformi mar-rekwiżiti eżistenti, għad hemm wisq żmien bejn tmiem il-perjodu u r-rapport korrispondenti għadha kbira.

2.35.

2.36.

L-awtorità baġitarja żiedet il-garanzija tal-FEIS minn EUR 16-il biljun għal EUR 26 biljun (34), u l-mira għall-volum ta’ investiment minn EUR 315-il biljun għal EUR 500 biljun. Il-Fond ta' Garanzija tal-FEIS żdied b’EUR 1,1  biljun (35), minn EUR 8 biljun għal EUR 9,1  biljun, b’riżultat tat-trasferimenti u tar-rimborżi. Din iż-żieda wasslet għal tnaqqis sinifikanti fir-rata ta' proviżjonament, minn 50 % għal 35 %.

2.37.

Fi tmiem l-2017, il-Fond ta' Garanzija tal-FEIS kien jikkonsisti f’assi ta’ EUR 3,5  biljun (2016: EUR 1 biljun). Barra minn hekk, ammont ta’ EUR 2,6  biljun kien ġie impenjat mill-baġit tal-UE iżda kien għadu ma tħallasx (36). It-EUR 3 biljun li fadal se jitħallsu gradwalment sal-2022 (37). Sa tmiem l-2017, ma kien sar l-ebda pagament mill-Fond ta' Garanzija tal-FEIS.

2.38.

Sa tmiem l-2017, il-Grupp tal-BEI kien iffirma kuntratti b’valur ta’ EUR 36,7  biljun (2016: EUR 21,3  biljun) (38). Il- Kaxxa 2.14 turi d-distribuzzjoni ta’ dan l-ammont, skont l-Istat Membru.

Sors:

Ir-Rapport tal-BEI “Fond Ewropew għall-Investimenti Strateġiċi — IIW u SMEW — Skeda II tal-Ftehim dwar il-FEIS — Rapport Operazzjonali ta’ tmiem is-sena — Data ta’ rappurtar: il-31 ta’ Diċembru 2017”.

2.39.

Aħna nosservaw li 64 % tal-valur totali tal-kuntratti taħt il-FEIS li l-Grupp tal-BEI kien iffirma sa tmiem l-2017 kienu kkonċentrati f’sitt Stati Membri. Attwalment, qed neżaminaw jekk il-FEIS huwiex qed jipprogressa tajjeb fl-ilħuq tal-objettiv ta' politika tiegħu, jiġifieri li jappoġġa investimenti addizzjonali fl-Ewropa.

2.39.

2.40.

L-awtorità baġitarja stabbiliet l-EFSD f’Settembru 2017 (39). Dan se jsegwi prinċipji simili għal dawk tal-FEIS.

2.41.

Ir-Regolament dwar l-EFSD jippermetti lill-Kummissjoni tikkonkludi ftehimiet ta’ Garanzija tal-EFSD anke ma’ korpi terzi bħala kontropartijiet eliġibbli, pereżempju organizzazzjonijiet internazzjonali u korpi rregolati bid-dritt privat ta’ Stat Membru jew pajjiż sieħeb (40). Il-kontropartijiet eliġibbli jistgħu japprovaw l-operazzjonijiet ta’ finanzjament u ta’ investiment u jagħmlu sejħiet dwar il-Garanzija tal-EFSD li tingħata appoġġ mill-baġit tal-UE. Għall-kuntrarju tal-FEIS, fejn il-BEI huwa effettivament l-uniku intermedjarju, l-EFSD jippermetti lil organizzazzjonijiet internazzjonali u korpi oħra fis-settur privat jittrażmettu l-benefiċċji tal-Garanzija tal-UE u eventwalment jagħmlu talba għall-garanzija. Għaldaqstant, għalissa l-EFSD jirrappreżenta l-eżempju l-aktar estensiv, f’termini tal-firxa ta’ sħab, tad-delegazzjoni ta’ setgħat f’dak li jirrigwarda t-teħid ta’ impenji f’isem il-baġit tal-UE.

2.41.

2.42.

Il-baġit tal-UE huwa espost għal akkumulazzjoni ta’ obbligi legali biex isiru pagamenti f’data fil-futur, suġġett għal diversi kundizzjonijiet. Fost dawn l-obbligi, hemm obbligazzjonijiet kontinġenti fil-forma ta’ garanziji li jistgħu jkunu jeħtieġu finanzjament f’każ li jseħħ avveniment futur (41) (ara l- Kaxxa 2.15 ).

(1)

Ara n-Noti 2.4.1 u 4.1.1 fil-kontijiet tal-UE għall-2017.

(2)

Ara n-Noti 2.11.1 u 4.1.2 fil-kontijiet tal-UE għall-2017.

(3)

Ara n-Noti 2.4.1 u 4.1.3 fil-kontijiet tal-UE għall-2017.

(4)

Fil-31.12.2017, ma kien ġie ffirmat l-ebda impenn legali għall-Garanzija tal-EFSD jew għall-Garanzija addizzjonali tal-FEIS.

Sors:

Il-kontijiet tal-UE għall-2017.

2.43.

Meta tippreżenta proposti li jkunu jinkludu l-ħolqien jew iż-żieda ta’ obbligazzjonijiet kontinġenti mdaqqsin, il-Kummissjoni tħejji analiżi tal-obbligazzjoni kontinġenti partikolari inkwistjoni. Ma tibgħatx magħha stampa ġenerali tal-obbligazzjonijiet kontinġenti kollha li jingħataw appoġġ mill-baġit tal-UE, u lanqas ma tibgħat analiżi tax-xenarji tas-simulazzjoni ta' kriżi, li kieku jkunu utli biex jieħdu d-deċiżjonijiet ikunu jistgħu japprezzaw l-impatt kumplessiv.

2.43.

2.44.

Fir-Regolament Finanzjarju l-ġdid (42), il-Kummissjoni pproponiet li tiġbor flimkien id-dispożizzjonijiet kollha f’fond ta’ proviżjonament komuni. L-ammont inkluż f’dan il-fond se jiġi ddeterminat fuq il-bażi ta’ rata effettiva ta’ proviżjonament, li se tkun perċentwal ta’ kull waħda mir-rati individwali li ntużaw sa issa. Huwa mistenni li dan ikun jista’ jipprovdi aktar flessibbiltà f’termini ta’ mmaniġġar ta’ flus mit-Teżor. Madankollu, il-fondi li jitwarrbu jistgħu ma jkunux suffiċjenti, jekk bosta riskji finanzjarji jimmaterjalizzaw fl-istess ħin.

2.44.

2.45.

Barra minn hekk, l-obbligazzjoni tal-pensjonijiet għall-persunal tal-UE żdiedet minn EUR 67,2  biljun fl-2016 għal EUR 73,1  biljun fl-2017 (43). Din hija l-akbar entrata fit-tul fil-karta tal-bilanċ tal-UE (44). Din l-obbligazzjoni teżisti peress li l-UE ma twarrabx ammont kull sena biex tiffinanzja l-pagamenti futuri għall-pensjonijiet. L-Istati Membri jiggarantixxu l-obbligazzjoni tal-pensjonijiet b’mod konġunt (45). Huma jimpenjaw lilhom infushom li jħallsu l-ammonti dovuti għall-pensjonijiet kull sena. Dan l-ammont huwa inkluż fil-baġit tal-UE.

2.46.

Ibbażat fuq l-analiżi li wettaqna, aħna identifikajna bosta riskji u sfidi b’implikazzjonijiet għall-baġits futuri tal-UE. Għad hemm ir-riskju li jkun hemm ammont anormali ta’ arretrati ta’ pagamenti sal-2020. Jeħtieġ li l-problema ta’ impenji pendenti mill-QFP attwali tiġi ttrattata permezz ta’ ammont adegwat ta’ approprjazzjonijiet ta' pagament fil-QFP li jmiss. Sfidi addizzjonali għall-baġit tal-UE jirriżultaw mill-ħruġ previst tar-Renju Unit mill-UE fl-2019 u mill-ħtieġa li jsir titijib fl-obbligu ta’ rendikont fid-dawl tar-riflessjoni attwali dwar il-futur tal-baġit tal-UE.

2.46.

Il-Kummissjoni tirreferi għat-tweġibiet tagħha fil-paragrafi 2.8 u 2.12.

2.47.

Huwa mistenni li l-pagamenti jiżdiedu gradwalment bejn l-2018 u l-2020, billi huwa probabbli li l-klejms għall-pagamenti se jiżdiedu sostanzjalment. Fil-fehma tagħna, għad hemm ir-riskju li jiżviluppa ammont anormali ta’ arretrati ta’ pagamenti, kif ġara matul il-perjodu 2013–2015. Il-flessibbiltà li nħolqot mill-MGP hija fattur mitiganti (ara l-paragrafi 2.6–2.10). Madankollu, ir-riskju jiżdied jekk l-istrumenti speċjali jiġu kontabilizzati fil-limitu massimu tal-approprjazzjonijiet ta' pagament (ara l-paragrafu 2.12).

2.47.

2.48.

Se jkun jeħtieġ li l-approprjazzjonijiet ta' pagament fil-QFP li jmiss ikopru l-impenji pendenti mill-QFP 2014–2020 kif ukoll il-programmi l-ġodda tal-QFP li jmiss. Possibbiltà oħra hija li jitnaqqsu l-approprjazzjonijiet ta' impenn għall-programmi taħt il-QFP li jmiss (46). Id-Deċiżjoni tal-Kunsill dwar ir-riżorsi proprji tirrikjedi li l-Kummissjoni u l-awtorità baġitarja jżommu bilanċ ordnat bejn l-approprjazzjonijiet ta’ impenn u l-approprjazzjonijiet ta’ pagament (47).

2.48.

Il-Kummissjoni tipproponi wkoll li żżid il-limiti massimi tar-riżorsi proprji fid-Deċiżjoni dwar ir-Riżorsi Proprji sa 1,29  % tal-ING tal-EU-27. Din iż-żieda hija neċessarja biex tiġi akkomodata l-integrazzjoni tal-Fond Ewropew għall-Iżvilupp u l-ħtiġijiet ta’ pagamenti fuq prijoritajiet ġodda. Se tipprovdi wkoll marġni suffiċjenti bejn il-pagamenti u l-limitu massimu tar-riżorsi proprji biex jiġi żgurat li l-Unjoni tkun tista’ tissodisfa l-obbligi finanzjarji fi kwalunkwe ċirkostanza.

2.49.

Sa tmiem l-2017, il-Kummissjoni kienet għadha ma stabbilietx projezzjonijiet komprensivi u fit-tul, li jikkonformaw bis-sħiħ mal-Ftehim Interistituzzjonali (48). Għalkemm il-Kummissjoni ppreżentat previżjoni fis-16 ta’ Ottubru 2017, l-ambitu tagħha kien limitat għal impenji eżistenti, stmati sa tmiem l-2020. Projezzjonijiet aktar komprensivi u fit-tul jgħinu biex ikunu jistgħu jittieħdu deċiżjonijiet aktar infurmati għall-QFP li jmiss (49).

2.49.

Il-Kummissjoni ppreżentat ukoll previżjoni ta’ approprjazzjonijiet ta’ pagament wara l-2020 f’konformità ma’ punt 9 tal-Ftehim Interistituzzjonali tat-2 ta’ Diċembru 2013.

Dawn ir-rapporti kienu neċessarjament limitati għal impenji sal-2020 peress li l-Kummissjoni ma setgħetx tipprevedi impenji futuri qabel ma ppreżentat il-proposta tagħha dwar il-Qafas Finanzjarju Pluriennali li jmiss, li sar f’Mejju 2018.

Għall-futur, l-Artikolu 247(1) tar-Regolament Finanzjarju jistipula l-obbligu li l-Kummissjoni ta’ kull sena tikkomunika sett ta’ rapporti finanzjarji u kontabilistiċi lill-Parlament Ewropew u lill-Kunsill, inkluża previżjoni tal-flussi tal-flus ’il ġewwa u ’l barra fit-tul li jkopru l-ħames snin li jkunu ġejjin. Dan ir-rapport se janalizza l-impatt ta’ impenji ta’ Qafas Finanzjarju Pluriennali partikolari.

2.50.

Id-dispożizzjonijiet relatati mas-saldu finanzjarju ġew stipulati f’abbozz ta’ ftehim dwar il-ħruġ tar-Renju Unit mill-UE (50). Skont l-abbozz ta’ ftehim, ir-Renju Unit biħsiebu jonora l-impenji tiegħu sal-2020 daqslikieku kien Stat Membru. Wara l-2020, huwa biħsiebu jonora l-obbligazzjonijiet assunti sa tmiem l-2020. Għall-obbligazzjonijiet kontinġenti relatati mal-operazzjonijiet finanzjarji, ir-responsabbiltà tar-Renju Unit tkun tkopri operazzjonijiet ta’ dan it-tip li jiġu deċiżi jew approvati sad-data tal-ħruġ.

2.51.

Preċedentement, aħna osservajna diskrepanzi fl-obbligu ta’ rendikont fil-ġestjoni u r-rappurtar dwar il-baġit tal-UE (51). Id-dokument ta’ riflessjoni tal-Kummissjoni dwar il-futur tal-finanzi tal-UE ppropona li l-obbligu ta’ rendikont għandu jkun wieħed mill-erba’ prinċipji għar-riforma (52), bil-ħsieb li l-baġit jinftiehem aħjar kif ukoll biex jiżdiedu l-kontroll demokratiku, it-trasparenza u l-ġestjoni tajba. Fid-dokument informattiv u analitiku tagħna ġew ippreżentati żewġ proposti (53): li jiġu żviluppati l-prinċipji tal-obbligu ta’ rendikont u tat-trasparenza, u li jiġu stabbiliti mandati tal-awditjar għall-korpi kollha relatati mal-UE, kemm dawk eżistenti kif ukoll dawk futuri (54).

2.51.

Pereżempju, il-Fond ġdid u integrat kompletament “InvestEU” se jġib flimkien taħt programm uniku l-istrumenti finanzjarji immaniġġjati ċentralment, li jappoġġaw l-investiment strateġiku madwar l-UE kollha.

Fir-rigward tal-proposta l-oħra tal-QEA dwar l-istabbiliment ta’ mandati ta’ awditjar għall-korpi relatati mal-UE kollha eżistenti u futuri, il-Kummissjoni ma tixtieqx tikkummenta dwar kwistjonijiet li jikkonċernaw Istituzzjonijiet oħra u li huma barra mill-mandat tagħha. Il-Kummissjoni tilqa l-kontribut tal-QEA għad-dibattitu dwar ir-responsabbiltà tal-UE u l-arranġamenti tal-awditjar pubbliku.

2.52.

L-ammonti impenjati (inklużi l-istrumenti speċjali) huma kemxejn ogħla mil-limitu ssettjat fil-QFP. Madankollu, għat-tieni sena konsekuttiva, il-pagamenti kienu ferm inqas mil-livelli antiċipati, li min-naħa tagħhom naqqsu l-kontribuzzjonijiet mitluba mill-Istati Membri. Il-livell baxx ta’ pagamenti kien prinċipalment dovut għal dewmien fl-implimentazzjoni tal-Fondi SIE (ara l-paragrafi 2.3–2.5).

2.53.

B'riżultat ta’ dan, l-impenji baġitarji pendenti qabżu l-ammont rekord tas-sena li għaddiet u probabbilment se jiżdiedu jerġa’ aktar sa tmiem il-QFP attwali. Dan iżid b’mod sinifikanti r-riskju li l-approprjazzjonijiet ta' pagament li se jkunu disponibbli għas-snin finali tal-QFP mhumiex se jkunu suffiċjenti (ara l-paragrafi 2.6–2.8).

2.53.

2.54.

Il-baġit tal-UE sar aktar flessibbli biż-żieda tal-Marġni Globali għall-Pagamenti (MGP) u tal-ammonti disponibbli għal żewġ strumenti speċjali, kif ukoll biż-żieda tal-possibbiltajiet ta’ trasferiment bejn l-istrumenti speċjali. Il-kwistjoni ta’ jekk l-istrumenti speċjali għandhomx jiġu kontabilizzati jew le fil-limitu massimu tal-approprjazzjonijiet ta' pagament għadha ma ġietx riżolta (ara l-paragrafi 2.9–2.12).

2.54.

2.55.

Sa tmiem l-2017, ir-rata medja kumplessiva ta’ assorbiment għall-QFP 2014–2020 kienet jerġa’ aktar baxxa minn dik fis-sena korrispondenti tal-QFP preċedenti (2010: 22 %). Dan kien prinċipalment dovut għall-għeluq tal-QFP preċedenti li sar aktar tard milli previst, l-adozzjoni tardiva ta’ atti legali, id-diffikultajiet fl-implimentazzjoni tar-rekwiżiti l-ġodda għall-QFP attwali, il-bidla fir-regoli ta' diżimpenn minn N+2 għal N+3, u l-piż amministrattiv marbut mat-trikkib bejn il-perjodi tal-QFP. Aħna ġbidna l-attenzjoni għall-possibbiltà li dan ikollu impatt fuq il-kwalità tal-proġetti kif ukoll għall-importanza li jkun jeżisti qafas legali stabbli biżżejjed (ara l-paragrafi 2.13–2.19).

2.55.

Fl-istess ħin, f’diversi okkażjonijiet il-Kummissjoni enfasizzat l-importanza ta’ adozzjoni f’waqtha ta’ atti legali mill-koleġiżlaturi wkoll.

Il-Kummissjoni tirreferi għat-tweġibiet tagħha fil-paragrafi 2.14 u 2.18.

2.56.

Fl-2017, il-fondi strutturali taħt il-QFP 2007–2013 kienu fil-proċess li jingħalqu. Il-maġġoranza tal-Istati Membri assorbew il-biċċa l-kbira mir-riżorsi li ġew allokati lilhom (ara l-paragrafi 2.20–2.22).

2.57.

Għall-għajnuna li tingħata lil pajjiżi terzi qed isir użu akbar minn mudelli alternattivi ta' finanzjament, li jżidu il-kumplessità tal-istrutturi finanzjarji eżistenti (ara l-paragrafi 2.23–2.27).

2.57.

2.58.

Il-finanzjament mill-UE favur l-istrumenti finanzjarji żdied b’mod sostanzjali. L-għeluq tal-FISMs għall-QFP 2007–2013 żvela problemi fir-rappurtar li jsir mill-Istati Membri. Filwaqt li taħt ir-rekwiżiti tal-QFP 2014–2020, ir-rappurtar sar aktar komprensiv, għad hemm wisq żmien bejn tmiem il-perjodu ta’ rappurtar u r-rapport korrispondenti (ara l-paragrafi 2.28–2.39).

2.58.

Il-perjodu ta’ żmien għar-rappurtar bejn l-awtoritajiet ta’ ġestjoni u r-rappurtar mill-Kummissjoni jirrifletti l-kuntest ta’ ġestjoni kondiviża.

2.59.

Inħoloq il-Fond Ewropew għall-Iżvilupp Sostenibbli (EFSD). Il-mudell ta’ governanza tiegħu jippermetti li jkun hemm firxa aktar wiesgħa ta’ sħab li jassumu l-impenji f’isem il-baġit tal-UE (ara l-paragrafi 2.40–2.41).

2.59.

Ara r-risposta tal-Kummissjoni fil-paragrafu 2.41.

2.60.

L-esponiment finanzjarju tal-baġit tal-UE għadu sinifikanti, prinċipalment fir-rigward tal-impenji pendenti, l-obbligazzjoni tal-pensjonijiet għall-persunal tal-UE u impenji legali oħra, kif ukoll l-obbligazzjonijiet kontinġenti fil-forma ta’ garanziji (ara l-paragrafi 2.42–2.45).

2.61.

Għadu mhuwiex ċar jekk l-approprjazzjonijiet ta' pagament disponibbli humiex se jkunu adegwati biex ikopru l-klejms għall-pagament kollha li jiġu ppreżentati. Il-Kummissjoni għadha ma pproduċietx projezzjonijiet komprensivi u fit-tul biex jgħinu fil-proċess ta’ teħid ta’ deċiżjonijiet għall-QFP li jmiss (ara l-paragrafi 2.47–2.49).

2.61.

2.62.

Aħna nirrakkommandaw li l-Kummissjoni:

—

Rakkomandazzjoni 1: tipprovdi informazzjoni preċiża u kompleta dwar l-għeluq tal-FISMs għall-QFP 2007–2013, inklużi l-ammonti finali li jintraddu lura lill-baġit tal-UE u l-ammonti li jappartjenu għall-Istati Membri.

Data mmirata għall-implimentazzjoni: sa nofs l-2019.

—

Rakkomandazzjoni 2: meta tippreżenta proposti leġiżlattivi li jkunu jinkludu l-ħolqien jew iż-żieda ta’ obbligazzjonijiet kontinġenti mdaqqsin, tinkludi wkoll stampa ġenerali tal-valur totali tal-obbligazzjonijiet kontinġenti li jingħataw appoġġ mill-baġit, flimkien ma’ analiżi tax-xenarji tas-simulazzjoni ta' kriżi u l-impatt possibbli tagħhom fuq il-baġit.

Data mmirata għall-implimentazzjoni: sa nofs l-2019.

—

Rakkomandazzjoni 3: tistieden lill-Parlament Ewropew u lill-Kunsill, fil-kuntest tad-dibattitu dwar il-QFP ta’ wara l-2020, biex jipprevedu mekkaniżmi li jippermettu li ssir ġestjoni aħjar tar-riskju ta’ arretrati ta’ pagamenti, fid-dawl tal-livell għoli ta’ impenji pendenti fil-QFP attwali u f’dak preċedenti.

Data mmirata għall-implimentazzjoni: sal-bidu tal-perjodu wara l-2020.

3.1.

Kull sena, f’dan il-kapitolu, aħna nanalizzaw għadd ta’ aspetti relatati mal-prestazzjoni: ir-riżultati miksuba mill-baġit tal-UE, li jiġi implimentat mill-Kummissjoni f’kooperazzjoni mal-Istati Membri (1). Din is-sena aħna ħarisna speċifikament lejn:

3.1.

3.2.

Is-sena li għaddiet, aħna eżaminajna l-approċċ tal-Kummissjoni fir-rigward tar-rappurtar dwar il-prestazzjoni bi tqabbil mal-prattika tajba. Billi huwa importanti għal organizzazzjoni li jkollha proċeduri tajbin għar-rappurtar dwar il-prestazzjoni u li ttejjibhom kontinwament, huwa importanti li tuża l-informazzjoni ġġenerata mir-rappurtar dwar il-prestazzjoni biex timmaniġġja l-attivitajiet, tottimizza r-riżultati u tagħmel aġġustamenti fis-sistemi ta’ ġestjoni u fil-proċessi ta’ ppjanar strateġiku, eċċ. Il-mod kif din l-informazzjoni tintuża jinfluwenza s-suċċess fit-tul tal-organizzazzjoni fl-implimentazzjoni ta’ sistema ta’ ġestjoni tal-prestazzjoni.

3.3.

Skont il-Kummissjoni, il-ġestjoni tal-prestazzjoni hija approċċ sistematiku kontinwu biex isir titjib fl-effettività, l-effiċjenza u r-riżultati tal-operazzjonijiet permezz ta’ ppjannar aħjar, monitoraġġ regolari u teħid ta’ deċiżjonijiet ibbażat fuq l-evidenza (2). L-inizjattiva tal-Kummissjoni “Baġit tal-UE Ffukat fuq ir-Riżultati”, li tniedet fl-2015, tinkludi diversi oqsma ta’ xogħol u objettivi, li wieħed minnhom huwa li jingħata appoġġ lit-teħid ta’ deċiżjonijiet permezz ta’ informazzjoni sinifikattiva dwar il-prestazzjoni (3). Il-linji gwida għal regolamentazzjoni aħjar (4), li tniedu fl-2015 u li ġew aġġornati f’Lulju 2017, jistipulaw li jenħtieġ li l-evidenza kollha disponibbli tintuża bħala bażi għat-tfassil ta’ politiki u liġijiet tal-UE li jippermettu li l-objettivi tagħhom jintlaħqu b’mod miftuħ, trasparenti u kosteffiċjenti.

3.4.

Biex nivvalutaw jekk il-Kummissjoni tużax b’mod adegwat l-informazzjoni dwar il-prestazzjoni fil-proċess tat-teħid ta’ deċiżjonijiet, aħna ħadna l-passi li ġejjin.

3.5.

L-eżaminar tagħna kopra l-użu li l-Kummissjoni tagħmel mill-informazzjoni dwar il-prestazzjoni għall-programmi ta’ nfiq u għall-iżvilupp, l-implimentazzjoni u l-evalwazzjoni ta’ politiki. Aħna eskludejna dawn l-aspetti li ġejjin mill-ambitu tal-awditjar tagħna:

(i)

L-użu li jsir mill-informazzjoni dwar il-prestazzjoni fir-rigward tal-ġestjoni amministrattiva tal-persunal u ta’ riżorsi oħra mill-Kummissjoni, sabiex niffukaw fuq it-twassil tar-riżultati għal politiki u programmi.

(ii)

L-użu li jsir mill-informazzjoni dwar il-prestazzjoni mill-awtorità baġitarja  (7); l-OECD (8) u riċerkaturi oħra (9) kienu diġà wettqu xi xogħol f’dan il-qasam.

3.6.

Fil-qafas tal-ibbaġitjar nazzjonali, ta’ spiss jiġri li r-riżorsi jiġu riallokati kull sena, jew anke b’mod aktar frekwenti. Madankollu, fil-kuntest tal-UE, is-sitwazzjoni hija differenti. Fir-rieżami ta’ nofs it-terminu tal-qafas finanzjarju pluriennali (QFP) 2014-2020 (10), il-Kummissjoni osservat li kien essenzjali li jinstab bilanċ bejn il-prevedibbiltà għall-perjodu medju u l-flessibbiltà biex ikun hemm reazzjoni għal ċirkostanzi mhux previsti. Fil-qafas finanzjarju pluriennali 2014-2020, madwar 80 % tal-baġit tal-UE jiġi allokat minn qabel; skont il-Kummissjoni, dan “jillimita r-reattività (reazzjoni) tal-baġit għall-ħtiġijiet li dejjem qed jevolvu”.

3.7.

Il-baġit tal-UE huwa prinċipalment baġit ta’ investiment. Il-limiti massimi annwali jiġu stabbiliti għad-diversi intestaturi tal-baġit li huma inklużi fil-qafas finanzjarju pluriennali ta’ seba’ snin, u l-ammonti jiġu allokati minn qabel lill-Istati Membri. Filwaqt li diġà hemm xi mekkaniżmi ta’ flessibbiltà marbuta mal-prestazzjoni li huma stabbiliti fil-leġiżlazzjoni settorjali rilevanti, bħar-riżerva ta’ prestazzjoni u l-kundizzjonalitajiet ex ante, dawn għandhom limitazzjonijiet (11). Għalkemm l-attivitajiet improduttivi jistgħu jiġu sostitwiti minn oħrajn li jkunu aħjar fl-istess qasam u fi Stat Membru, hemm biss spazju limitat għall-aġġustament tal-prijoritajiet ta’ nfiq bejn l-intestaturi tal-baġit. L-aktar “perjodu ta’ opportunità” importanti għall-allokazzjoni tal-fondi, b’kont meħud tal-informazzjoni dwar il-prestazzjoni, huwa l-abbozzar u n-negozjar ta’ regolament ġdid dwar il-qafas finanzjarju pluriennali u l-programmi settorjali li jakkumpanjawh.

3.8.

Ir-rieżamijiet ta' nofs it-terminu tal-qafas finanzjarju pluriennali jippreżentaw opportunità oħra biex titqies l-informazzjoni dwar il-prestazzjoni. L-aħħar rieżami (12) ta’ dan it-tip irriżulta f’riallokazzjoni ta’ EUR 12 798  miljun, li jirrappreżentaw 1,18  % tat-total tal-approprjazzjonijiet ta' impenn tal-qafas finanzjarju pluriennali għall-perjodu 2014-2020: perċentwal relattivament limitat. Il-motivatur prinċipali għal dawn ir-riallokazzjonijiet tal-fondi kien li jiġu indirizzati l-kriżi tar-refuġjati u theddid ieħor għas-sigurtà, kif ukoll id-diskrepanzi fl-investiment li jirriżultaw mill-kriżi finanzjarja u ekonomika, aktar milli mill-prestazzjoni.

3.8.

3.9.

Il-kejl tal-kontribuzzjonijiet mill-baġit tal-UE u mill-Kummissjoni, biex jintlaħqu l-objettivi ta’ livell għoli huwa kumpless, minħabba li bosta oqfsa strateġiċi politiċi jiġu applikati b’mod parallel (13) (ara l- Kaxxa 3.1 ):

3.9.

Il-Qafas Finanzjarju Pluriennali huwa wieħed mill-għodod għall-implimentazzjoni tal-prijoritajiet tal-Unjoni. Il-Qafas Finanzjarju Pluriennali attwali ġie mfassal biex jikkontribwixxi għall-Istrateġija Ewropa 2020 u jipprovdi appoġġ qawwi għal prijoritajiet emerġenti oħra (14).

3.10.

Minbarra dan, diversi dokumenti ta' politika settorjali jiddefinixxu għanijiet oħra skont il-kompetenzi tal-UE li jirriżultaw mit-Trattat dwar il-funzjonament tal-UE. L-UE hija impenjata wkoll li timplementa l-Għanijiet ta' Żvilupp Sostenibbli ddefiniti min-Nazzjonijiet Uniti. Hija għandha l-għan li tirrapporta kull sena dwar il-progress li tkun għamlet lejn l-ilħuq ta’ dawk l-għanijiet.

3.11.

Aħna eżaminajna kif id-DĠ indirizzaw il-koeżistenza ta’ diversi strateġiji. Żewġ approċċi kienu prevalenti.

3.12.

Il-multipliċità tal-istrateġiji twassal lill-partijiet ikkonċernati biex iqisuhom bħala approċċi separati, bħal kif jintwera pereżempju mill-evalwazzjoni tal-Kummissjoni dwar l-Istrateġija tal-UE għaż-Żgħażagħ (16).

3.12.

3.13.

L-istħarriġ tagħna kien jinkludi mistoqsijiet dwar iċ-“ċarezza tal-għanijiet”. B’dawn il-mistoqsijiet, aħna kellna l-għan li nsibu kemm il-maniġers tal-Kummissjoni fehmu sew il-missjoni u l-għanijiet tad-DĠ tagħhom u tal-Kummissjoni inġenerali (ara l- Kaxxa 3.2 ). B'mod ġenerali, ir-risposti għall-istħarriġ kienu pożittivi u indikaw livell għoli ta’ fehim. Madankollu, il-maniġers fi tnejn mis-sitt DĠ li intervistajna għamlu referenza għall-kumplessità tal-interazzjonijiet bejn l-oqfsa strateġiċi differenti tal-UE, u bejn l-għanijiet ta’ dawn l-oqfsa u dawk stabbiliti fil-livell tad-DĠ.

3.14.

Id-DĠ tal-Kummissjoni jiġbru l-informazzjoni dwar il-prestazzjoni f’diversi formats u minn diversi sorsi, b’hekk jiġġeneraw ammont kbir ta’ informazzjoni rilevanti għall-prestazzjoni. Minbarra r-rappurtar, il-Kummissjoni tuża l-informazzjoni dwar il-prestazzjoni biex iżżomm kont tal-attivitajiet tagħha li jkunu għaddejjin, b’mod partikolari biex tivvaluta jekk ikunux intlaħqu l-miri tal-programmi ta’ nfiq, u bħala input għal proċess ta’ “Regolamentazzjoni Aħjar” li jappoġġa t-tħejjija tal-proposti leġiżlattivi.

3.15.

L-għażla ta’ x’informazzjoni għandha tintuża tiddependi fuq it-tip ta’ deċiżjoni li għandha tittieħed. Il- Kaxxa 3.3 hawn taħt tagħti stampa ġenerali tal-proċessi prinċipali tat-teħid ta’ deċiżjonijiet li jinvolvu l-użu ta’ informazzjoni dwar il-prestazzjoni.

3.16.

Bosta direttorati ġenerali reċentement implimentaw strumenti u proċessi ġodda għall-użu ta’ data dwar il-prestazzjoni. Spiss, huma introduċew applikazzjonijiet ġodda tal-IT li jiġġeneraw rapporti mfassla apposta u aġġornati biex jiffaċilitaw it-teħid ta’ deċiżjonijiet. L-iżvilupp ta’ dawn l-għodod il-ġodda juri l-impenn tal-Kummissjoni li tagħmel progress biex timmaniġġja aħjar id-data dwar il-prestazzjoni (17). L-eżempji li ġejjin juru l-firxa ta’ żviluppi ġodda.

(i)

Is-Sistema l-ġdida ta’ Informazzjoni għall-Iżvilupp Rurali 2 tad-DĠ AGRI hija sistema tal-IT li tipprovdi assistenza fl-immaniġġjar tal-fluss tax-xogħol tal-programmi, inkluża l-evalwazzjoni tagħhom. Hija tippermetti li jiġu ġġenerati rapporti biex l-implimentazzjoni tal-programmi tal-UE fl-Istati Membri titqabbel mal-medja tal-UE.

(ii)

Id-DĠ DEVCO jinsab fil-proċess li jiżviluppa għodda ġdida tal-IT li se tinkludi moduli għall-monitoraġġ u r-rappurtar ta’ riżultati, kif ukoll għall-appoġġ tal-evalwazzjoni tal-azzjonijiet u l-finanzjament ta’ proċessi tat-teħid ta’ deċiżjonijiet. Jenħtieġ li s-sistema torbot il-proġetti mal-ippjanar strateġiku.

(iii)

It-tabella operattiva Erasmus+ tad-DĠ EAC hija sistema tal-IT użata mill-aġenziji nazzjonali kollha ta’ Erasmus+ fl-Ewropa. Din tipprovdi f’ħin reali informazzjoni dwar il-prestazzjoni mis-57 aġenzija kollha, inkluż feedback dwar ir-riżultati ta’ Erasmus+ permezz ta’ għodda tal-istħarriġ li tkejjel is-sodisfazzjon tal-parteċipanti. Dawn il-karatteristiċi jippermettu lid-DĠ EAC jikseb feedback rapidu dwar kwalunkwe żvilupp tal-programmi u jirreaġixxi għalihom fl-inqas żmien possibbli.

(iii)

Id-daxxbord fiha wkoll data tal-prestazzjoni fil-ħin reali dwar proċeduri ta’ għotjiet ġestiti indirettament, f’konformità mal-qafas tal-ġestjoni tal-prestazzjoni definiti fl-2017 fil-programmi kollha tal-EAC.

3.17.

Fir-rapport annwali tas-sena li għaddiet (18), aħna identifikajna oqsma ta’ prattika tajba fir-rappurtar pubbliku dwar il-prestazzjoni mill-gvernijiet u mill-organizzazzjonijiet internazzjonali madwar id-dinja. Aħna ssuġġerejna li jenħtieġ li l-Kummissjoni tqis li timplementa dawn il-prattiki tajba hija stess. Irrakkomandajna li jenħtieġ li l-Kummissjoni ttejjeb ir-rappurtar tagħha dwar il-prestazzjoni billi tirrazzjonalizzah, tagħmlu aktar ibbilanċjat, faċli għall-utent u aċċessibbli. Irrakkomandajna wkoll li jenħtieġ li l-Kummissjoni tivvaluta l-kwalità tal-informazzjoni ppreżentata. Il-Kummissjoni rreaġiet għal dawn ir-rakkomandazzjonijiet billi ħadithom inkusiderazzjoni fl-istruzzjonijiet għar-RAA tagħha tal-2017.

3.18.

Din is-sena, l-istħarriġ tagħna ffoka fuq l-informazzjoni dwar il-prestazzjoni disponibbli għall-maniġers (ara l- Kaxxa 3.4 ). Ir-riżultati tal-istħarriġ indikaw li kien jeħtieġ li s-sistemi ta’ kejl tal-prestazzjoni jiġu żviluppati aktar. B’mod partikolari, huma kkonfermaw li l-puntwalità tal-informazzjoni dwar il-prestazzjoni kienet problema (19). Id-dipartimenti ċentrali tal-Kummissjoni fasslu struzzjonijiet, mudelli, taħriġ u skambji estensivi għat-tħejjija ta’ rapporti dwar il-prestazzjoni (pereżempju, l-istruzzjonijiet għar-rapporti annwali tal-attività 2017 inħarġu f’Novembru 2017). Madankollu, ir-riżultati tal-istħarriġ urew ukoll li d-DĠ xtaqu li jirċievu gwida addizzjonali dwar it-tħejjija tar-rapporti. Aħna osservajna wkoll li r-rispondenti li wieġbu b’mod aktar negattiv għal dawn il-mistoqsijiet, tipikament użaw inqas ta’ spiss l-informazzjoni dwar il-prestazzjoni.

3.18.

Sa fejn ikun possibbli, il-Kummissjoni dan tqisu fl-ippjanar tagħha. Pereżempju, id-Direttorati Ġenerali kollha tal-Kummissjoni jippjanaw l-attivitajiet tal-evalwazzjoni tagħhom ma’ programm kontinwu ta’ ħames snin (minimu), biex jipprovdu informazzjoni f’waqtha dwar il-prestazzjoni għar-rappurtar tagħhom. Il-pjan jeħtieġ li jiġi aġġornat kull sena.

Fir-rigward tal-gwida dwar it-tħejjija ta’ rapporti, is-servizzi ċentrali tal-Kummissjoni jipprovdu gwida estensiva dwar it-tħejjija kollha tar-rapporti ewlenin ta’ prestazzjoni magħmula mid-Direttorati Ġenerali, filwaqt li jitqies il-progress li sar matul is-snin. Dan jinkludi r-Rapporti Annwali tal-Attività għas-servizzi tal-Kummissjoni u d-Dikjarazzjonijiet tal-Programmi mehmuża mal-abbozz tal-baġit. Hija pprovduta wkoll gwida għall-evalwazzjonijiet fil-Linji Gwida għal Regolamentazzjoni Aħjar u l-għodod tagħha. Tipi oħra ta’ rieżamijiet huma deskritti wkoll. Il-gwida hija pprovduta wkoll ċentralment biex jitfasslu sistemi xierqa ta’ rappurtar tal-prestazzjoni, bil-għan li tinġabar data b’mod effiċjenti għall-monitoraġġ tal-implimentazzjoni tal-programm u r-riżultati tiegħu, b’mod effettiv, u fil-ħin. Il-gwida formali hija kkomplementata minn sessjonijiet ta’ taħriġ u skambji tal-aħjar prattiki bejn is-servizzi.

3.19.

Mir-rispondenti għall-istħarriġ, 56 % qalu li huma użaw l-informazzjoni dwar il-prestazzjoni għat-teħid ta’ deċiżjonijiet ta’ spiss jew ta’ spiss ħafna. L-erba’ raġunijiet għall-użu li jsir mill-informazzjoni dwar il-prestazzjoni l-aktar frekwenti kienu l-iżvilupp ta’ strateġiji, it-titjib ta’ deċiżjonijiet, il-valutazzjoni ta’ jekk il-miri intlaħqux jew le, u t-teħid ta’ azzjonijiet korrettivi, fejn ikun meħtieġ (20).

3.20.

Għall-maniġers huwa diffiċli li jużaw l-informazzjoni dwar il-prestazzjoni biex jivvalutaw kif il-programmi u l-politiki jikkontribwixxu għall-objettivi ta’ livell għoli. Minbarra dan, il-maniġers mhumiex l-uniċi responsabbli għall-prestazzjoni. Dan għaliex il-koleġiżlaturi u partijiet ikkonċernati oħra, b’mod partikolari l-Istati Membri, għandhom rwol importanti fil-ksib ta’ riżultati u impatt. Fis-snin preċedenti, aħna osservajna (21) li ħafna objettivi tal-programmi u tal-politiki jittieħdu direttament minn dokumenti ta’ politika leġiżlattivi, u b’hekk jiġu stabbiliti f’livell li jkun għoli wisq biex ikunu utli bħala strument ta’ ġestjoni. Ħriġna wkoll rakkomandazzjonijiet (22) li jenħtieġ li l-Kummissjoni tindirizza din il-problema. Hija rrikonoxxiet li kien diffiċli li toħloq rabtiet bejn l-ammont kbir ta’ informazzjoni disponibbli dwar il-proġetti fil-livell operazzjonali u l-politiki ta’ livell għoli u t-teħid ta’ deċiżjonijiet fil-livell politiku.

3.20.

L-objettivi u l-indikaturi li jinsabu fi programmi finanzjarji huma l-prodott ta’ proċess leġiżlattiv. Jirrelataw mal-prestazzjoni tal-programmi, mhux tas-servizzi tal-Kummissjoni. Il-Kummissjoni għamlet proposti biex issaħħaħ l-oqfsa tal-prestazzjoni fi programmi finanzjarji bħala parti mill-proposti għall-Qafas Finanzjarju Pluriennali futur.

Fir-rigward ta’ Orizzont 2020, ara t-tweġiba tal-Kummissjoni għar-Rakkomandazzjoni 1 fir-rapport annwali tal-QEA tal-2015.

Fir-rigward tal-abbiltà tal-Kummissjoni li timmonitorja u tirrapporta dwar l-Ewropa 2020, ara t-tweġiba tal-Kummissjoni għall-paragrafu 3.97 fir-rapport annwali tal-QEA għall-2014.

Ir-rabta bejn l-objettivi u l-indikaturi relatati f’perspettiva ta’ politika usa’ hija ppreżentata fid-Dikjarazzjonijiet tal-Programmi.

3.21.

Kull sena, il-Kummissjoni tuża tliet għodod ta’ rappurtar ewlenin — ir-rapport annwali tal-attività (RAA), id-dikjarazzjonijiet tal-programmi (PSs) u r-rapport annwali dwar il-ġestjoni u l-prestazzjoni (AMPR) — biex tagħti rendikont tal-prestazzjoni operazzjonali tagħha u l-prestazzjoni tal-programmi u tal-politiki tal-UE. Kif jidher fil- Kaxxa 3.5 hawn taħt, bosta dokumenti ta’ ppjanar huma l-bażi għar-rappurtar li jsir f’dawn it-tliet rapporti ewlenin (23).

3.21.

3.22.

It-tliet rapporti jkopru l-baġit kollu kemm hu tal-UE, u l-attivitajiet ta’ politika kollha tiegħu. II- Kaxxa 3.6 tagħti sommarju tal-udjenza mmirata u l-użu intenzjonat tar-rapporti.

3.22.

3.23.

Ir-rapporti ewlenin dwar il-prestazzjoni huma maħsuba aktar biex iservu bħala għodda ta’ rappurtar milli bħala strumenti għad-DĠ tal-Kummissjoni biex jimmaniġġjaw il-prestazzjoni proprja tagħhom, jew dik tal-Kummissjoni fl-intier tagħha. Dan għaliex ir-rapporti mhumiex dettaljati jew komprensivi biżżejjed; huma jitfasslu biss darba fis-sena; u prinċipalment huma maħsuba għall-qarrejja esterni tad-DĠ.

3.23.

Ir-Rapport Annwali tal-Attività huwa rapport ta’ ġestjoni tad-Diretturi Ġenerali u l-Kapijiet tas-Servizzi lill-Kulleġġ tal-Kummissarji. Huwa l-istrument prinċipali tal-obbligu ta’ rendikont fil-Kummissjoni u huwa dettaljat u komprensiv. Jinkludi rappurtar dwar l-indikaturi kollha magħżula mis-servizzi tal-Kummissjoni fil-pjanijiet strateġiċi tagħhom għall-perijodu 2016–2020, bħala l-metodu ewlieni għall-kejl tal-prestazzjoni tas-servizzi tal-Kummissjoni u l-kontribuzzjoni tagħhom għall-prijoritajiet politiċi tal-Kummissjoni Juncker.

Għaldaqstant ir-Rapport Annwali tal-Attività huwa intenzjonat kemm għal udjenza esterna kif ukoll bħala sors ta’ informazzjoni ta’ ġestjoni għall-maniġers tal-Kummissjoni. Il-Kummissjoni tinnota wkoll li bosta indikaturi ewlenin huma aġġornati u rrappurtati b’mod aktar regolari, pereżempju dawk marbuta mal-miri ewlenin ta’ Ewropa 2020. Is-servizzi tal-Kummissjoni huma mħeġġa jimmonitorjaw il-progress lejn l-objettivi tagħhom b’mod regolari, inkluż pereżempju fil-kuntest ta’ rieżamijiet ta’ nofs is-sena fil-pjanijiet ta’ ġestjoni tagħhom.

3.24.

Madankollu, hemm xi każijiet fejn ir-rapporti ewlenin dwar il-prestazzjoni (u b’mod partikolari r-rapporti annwali tal-attività) jintużaw għall-ġestjoni tal-prestazzjoni.

3.24.

3.25.

Ir-rapporti annwali tal-attività huma dokumenti aċċessibbli għall-pubbliku, iżda l-Kummissjoni ma vvalutatx kemm dawn jiġu mmirati b’suċċess lejn iċ-ċittadini. Madankollu, l-għadd ta’ individwi li jżuru s-sit web Europa (27) jissuġġerixxi li l-interess taċ-ċittadini huwa baxx.

3.25.