KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

8.8.2018

Il-Ġurnal Uffiċjali tal-Unjoni Ewropea

C 278/2

Rata tal-kambju tal-euro (1)

Is-7 ta’ Awwissu 2018

(2018/C 278/02)

1 euro =

	Munita	Rata tal-kambju
USD	Dollaru Amerikan	1,1602
JPY	Yen Ġappuniż	128,88
DKK	Krona Daniża	7,4520
GBP	Lira Sterlina	0,89483
SEK	Krona Żvediża	10,3245
CHF	Frank Żvizzeru	1,1530
ISK	Krona Iżlandiża	123,80
NOK	Krona Norveġiża	9,5003
BGN	Lev Bulgaru	1,9558
CZK	Krona Ċeka	25,606
HUF	Forint Ungeriż	319,94
PLN	Zloty Pollakk	4,2523
RON	Leu Rumen	4,6433
TRY	Lira Turka	6,1448
AUD	Dollaru Awstraljan	1,5599
CAD	Dollaru Kanadiż	1,5047
HKD	Dollaru ta' Hong Kong	9,1065
NZD	Dollaru tan-New Zealand	1,7191
SGD	Dollaru tas-Singapor	1,5822
KRW	Won tal-Korea t'Isfel	1 299,37
ZAR	Rand ta' l-Afrika t'Isfel	15,4174
CNY	Yuan ren-min-bi Ċiniż	7,9171
HRK	Kuna Kroata	7,4176
IDR	Rupiah Indoneżjan	16 741,69
MYR	Ringgit Malażjan	4,7296
PHP	Peso Filippin	61,279
RUB	Rouble Russu	73,5837
THB	Baht Tajlandiż	38,519
BRL	Real Brażiljan	4,3051
MXN	Peso Messikan	21,3613
INR	Rupi Indjan	79,6850

(1) Sors: rata tal-kambju ta' referenza ppubblikata mill-Bank Ċentrali Ewropew.

8.8.2018

Il-Ġurnal Uffiċjali tal-Unjoni Ewropea

C 278/3

DEĊIŻJONI TAL-KUMMISSJONI

tal-24 ta' Lulju 2018

dwar il-Faċilità għar-Refuġjati fit-Turkija li temenda d-Deċiżjoni tal-Kummissjoni C(2015) 9500 f'dak li għandu x'jaqsam mal-kontribuzzjoni lejn il-Faċilità għar-Refuġjati fit-Turkija

(2018/C 278/03)

MEMORANDUM TA' SPJEGAZZJONI

Adozzjoni tad-Deċiżjoni tal-Kummissjoni dwar il-Faċilità għar-Refuġjati fit-Turkija li temenda d-Deċiżjoni tal-Kummissjoni C(2015) 9500 f'dak li għandu x'jaqsam mal-kontribuzzjoni lejn il-Faċilità għar-Refuġjati fit-Turkija

Il-Faċilità għar-Refuġjati fit-Turkija ġiet stabbilita fl-2015 bħala dimostrazzjoni qawwija tal-impenn tal-UE biex tappoġġa r-refuġjati fit-Turkija. Din il-faċilità fiha kemm appoġġ umanitarju kif ukoll appoġġ mhux umanitarju biex jassistu lit-Turkija fl-isforzi tagħha biex tospita lir-refuġjati. L-ewwel ħlas parzjali ta' finanzjament taħt il-Faċilità ammonta għal EUR 3 biljun għall-2016 u l-2017.

Il-mobilizzazzjoni tal-ewwel ħlas parzjali tal-Faċilità għar-Refuġjati fit-Turkija kienet suċċess. Il-pakkett operazzjonali sħiħ ta' EUR 3 biljun ġie ppjanat, impenjat u kkuntrattat fl-ispazju ta' 21 xahar mid-Dikjarazzjoni UE-Turkija ta' Marzu 2016. It-Tieni Rapport Annwali tal-Faċilità (1) jinkludi informazzjoni dettaljata dwar il-kisbiet u l-implimentazzjoni ta' total ta' 72 proġett. Ir-rapport jikkonferma riżultati tanġibbli. Dan jinkludi l-għoti ta' appoġġ fi dħul fix-xahar lil kważi 1,2 miljun refuġjat l-aktar vulnerabbli bi trasferimenti ta' flus fix-xahar taħt is-Sistema ta' Protezzjoni Soċjali ta' Emerġenza; l-għoti ta' taħriġ fil-lingwa Torka lil 312 000 tifel u tifla refuġjat/a u materjal edukattiv lil 500 000 student; u konsultazzjonijiet dwar il-kura tas-saħħa primarja għal kważi 764 000 refuġjat u t-tilqim ta' aktar minn 217 000 tarbija refuġjati Sirjani. Il-governanza tal-Faċilità ppermettiet ukoll approċċ ta' sħubija bejn l-UE u l-Istati Membri, u governanza konġunta ma tkunx possibbli b'finanzjament li jiġi esklussivament mill-baġit tal-Unjoni.

L-UE għandha interess qawwi li tkompli dak li wera li jaħdem sew. Din id-Deċiżjoni tal-Kummissjoni għandha għan li tiżgura li x-xogħol siewi tal-Faċilità jista' jkompli, kif stabbilit fid-Dikjarazzjoni UE-Turkija.

Id-Dikjarazzjoni UE-Turkija kkonfermat li l-UE se timmobilizza EUR 3 biljun addizzjonali għall-Facilità sal-aħħar tal-2018 jekk il-kundizzjonijiet rilevanti jiġu ssodisfati. Sabiex tiġi żgurata l-kontinwità tal-proġetti tal-Faċilità u appoġġ mhux interrott għar-refuġjati, u għall-persuni eliġibbli għall-protezzjoni sussidjarja, tenħtieġ deċiżjoni dwar finanzjament addizzjonali. Għalhekk, il-Kummissjoni qed tadotta deċiżjoni dwar it-tieni allokazzjoni ta' EUR 3 biljun għall-Faċilità għar-Refuġjati fit-Turkija. Il-baġit tal-2016 u l-2017 mobilizzat abbażi tal-Faċilità kien magħmul minn EUR 1 biljun mill-baġit tal-Unjoni u EUR 2 biljun minn kontribuzzjonijiet tal-Istati Membri bħala dħul estern assenjat. Fid-Deċiżjoni tagħha tal-14 ta' Marzu 2018 (2) il-Kummissjoni sostniet l-istess kondiviżjoni bejn il-baġit tal-Unjoni u kontribuzzjoni tal-Istati Membri tal-UE għat-tieni segment. Wara diskussjoni ulterjuri, il-Kummissjoni ddeċidiet li għall-2018-2019 hija se tikkontribwixxi EUR 2 biljun mill-baġit tal-Unjoni. L-Istati Membri se jagħmlu kontribuzzjonijiet ta' EUR 1 biljun bħala dħul assenjat estern. Fit-18 ta' Lulju il-Fehim Komuni kien aġġornat, li jipprovdi qafas li fih jistgħu jkunu mobilizzati l-kontribuzzjonijiet tal-Istati Membri.

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea, u b'mod partikolari l-Artikolu 210(2) u l-Artikolu 214(6) tiegħu,

Billi:

(1)

Il-punt 6 tad-Dikjarazzjoni UE-Turkija tat-18 ta' Marzu 2016, (id-“Dikjarazzjoni”) iddikjara li l-Unjoni se timmobilizza l-finanzjament għall-Faċilità għar-Refuġjati fit-Turkija (“il-Faċilità”) ta' EUR 3 000 000 000 addizzjonali sa tmiem l-2018 hekk kif l-ammont inizjalment allokat ta' EUR 3 000 000 000 taħt il-Faċilità ikun wasal biex jintuża' kollu, u dment li jiġu ssodisfati l-kundizzjonijiet rilevanti.

(2)

Ir-Rappreżentanti tal-Gvernijiet tal-Istati Membri fit-3 ta' Frar 2016 ħejjew “Fehim Komuni li jistabbilixxi qafas ta' governanza u kundizzjonalità għall-Faċilità tar-Refuġjati fit-Turkija bejn l-Istati Membri tal-UE u l-Kummissjoni” (minn hawn 'il quddiem imsejjaħ “il-Fehim Komuni”). Il-Fehim Komuni kien aġġornat fit-18 ta' Lulju 2018.

(3)	Id-distribuzzjoni ta' kontribuzzjonijiet maqbula fl-ewwel segment kienet ta' EUR 1 000 000 000 mill-baġit tal-Unjoni u EUR 2 000 000 000 mill-Istati Membri.

(4)	Il-Kummissjoni jenħtieġ li tipprovdi EUR 2 000 000 000 mill-baġit tal-Unjoni għat-tieni segment. EUR 1 000 000 000 se jkunu pprovduti minn kontribuzzjonijiet tal-Istati Membri.

(5)

It-twassil progressiv tal-assistenza għandu bħala kundizzjoni li jiġi implimentat b'mod kontinwu l-fehim bejn l-Unjoni Ewropea u r-Repubblika tat-Turkija biex iżidu l-kooperazzjoni tagħhom marbuta mal-appoġġ għall-persuni li qegħdin taħt protezzjoni temporanja u l-ġestjoni tal-migrazzjoni fi sforz koordinat biex jindirizzaw il-kriżi.

(6)

Il-kontribuzzjonijiet finanzjarji individwali mill-Istati Membri għandhom jiddaħħlu fil-baġit tal-Unjoni bħala dħul assenjat estern skont l-Artikolu 21(2)(b) tar-Regolament (UE, Euratom) Nru 966/2012 tal-Parlament Ewropew u tal-Kunsill (3). Il-Kummissjoni, bħala dik li għandha r-responsabbiltà għall-implimentazzjoni tal-baġit tal-Unjoni skont l-Artikolu 317 tat-Trattat, għandha tiġi pprovduta, f'isem l-Unjoni, b'ċertifikati ta' kontribuzzjoni mill-Istati Membri. Kull ċertifikat ta' kontribuzzjoni espress f'euro għandu l-effett li jippermetti lill-Kummissjoni li tirrendi disponibbli l-approprjazzjonijiet ta' impenn rilevanti malli tirċievi dak iċ-ċertifikat, skont l-Artikolu 7(2) tar-Regolament Delegat tal-Kummissjoni (UE) Nru 1268/2012 (4). Iċ-ċertifikati ta' kontribuzzjoni individwali għandhom ikunu bbażati fuq mudell wieħed li jagħti lok għal adattament, fejn meħtieġ, għal bżonnijiet speċifiċi.

(7)	Id-Deċiżjonijiet relatati ma', u azzjonijiet li jipprovdu assistenza umanitarja se jiġu implimentati f'konformità mar-Regolament tal-Kunsill (KE) Nru 1257/96 (5) u skont il-prinċipji stabbiliti fil-kunsens Ewropew dwar l-għajnuna umanitarja (6).

(8)	Għar-raġunijiet imsemmija hawn fuq, huwa meħtieġ li tiġi emendata d-Deċiżjoni C(2015) 9500 skont dan (7),

IDDEĊIDIET KIF ĠEJ:

Artikolu 1

Id-Deċiżjoni tal-Kummissjoni C(2015)9500 final hija emendata skont li ġej:

l-Artikolu 4 huwa sostitwit b'dan li ġej:

“1. Il-Faċilità għandha tikkoordina l-ammont ta' EUR 3 000 000 000 għall-2016-2017, u ammont addizzjonali ta' EUR 3 000 000 000 għall-2018-2019.

Artikolu 2

1. Din id-Deċiżjoni tidħol fis-seħħ fil-jum tal-adozzjoni tagħha.

2. Se tkun ippubblikata fil-Ġurnal Uffiċjali.

Magħmul fi Brussell, l-24 ta' Lulju 2018.

Għall-Kummissjoni

Johannes HAHN

Membru tal-Kummissjoni

(1) Il-Komunikazzjoni tal-Kummissjoni COM(2018) 91 tal-14 ta' Marzu 2018.

(2) Id-Deċiżjoni tal-Kummissjoni tal-14 ta' Marzu 2018 dwar il-Faċilità għar-Refuġjati fit-Turkija li temenda d-Deċiżjoni tal-Kummissjoni C(2015) 9500 f'dak li għandu x'jaqsam mal-kontribuzzjoni lejn il-Faċilità għar-Refuġjati fit-Turkija, 2018/C 106/05, ĠU C 106/4 tal-21 ta' Marzu 2018.

(3) Ir-Regolament (UE, Euratom) Nru 966/2012 tal-Parlament Ewropew u tal-Kunsill tal-25 ta' Ottubru 2012 dwar ir-regoli finanzjarji applikabbli għall-baġit ġenerali tal-Unjoni u li jħassar ir-Regolament tal-Kunsill (KE, Euratom) Nru 1605/2002 (ĠU L 298, 26.10.2012, p. 1).

(4) ĠU L 362, 31.12.2012, p. 1.

(5) Ir-Regolament tal-Kunsill (KE) Nru 1257/96 tal-20 ta' Ġunju 1996 rigward l-għajnuna umanitarja (ĠU L 163, 2.7.1996, p. 1).

(6) Id-Dikjarazzjoni Konġunta mill-Kunsill u r-Rappreżentanti tal-Gvernijiet tal-Istati Membri mlaqqgħin fil-Kunsill, il-Parlament Ewropew u l-Kummissjoni Ewropea, “Il-Kunsens Ewropew dwar l-Għajnuna Umanitarja” (ĠU C 25, 30.1.2008, p. 1).

(7) Kif emendat bid-Deċiżjoni tal-Kummissjoni C (2016) 855 tal-10 ta' Frar 2016, id-Deċiżjoni tal-Kummissjoni C (2017) 2293 tat-18 ta' April 2017 u d-Deċiżjoni tal-Kummissjoni C (2018) 1500 tal-14 ta' Marzu 2018.

8.8.2018

Il-Ġurnal Uffiċjali tal-Unjoni Ewropea

C 278/6

Notifika minn qabel ta’ konċentrazzjoni

(Il-Każ M.9027 — Fosun International/FFT)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 278/04)

Fl-1 ta’ Awwissu 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

—	Fosun International Limited (Ħong Kong) (“Fosun”),

—	FFT GmbH & Co. KGaA (il-Ġermanja), FFT Gesellschaft mbH (l-Awstrija), u s-sussidjarji li huma proprjetarji tagħhom kollha u li għandhom maġġoranza ta’ ishma fihom (flimkien, “FFT”)

Fosun takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ FFT kollha kemm hi.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

— Fosun: Farmaċewtiċi, Servizzi Mediċi u Ġestjoni tas-Saħħa u Prodotti tas-Saħħa, Turiżmu u Divertiment, Moda u Konsumaturi u Stil ta’ Ħajja, Assikurazzjoni u Finanzi u Investiment,

— FFT: il-provvista ta’ sistemi ta’ produzzjoni awtomatizzata u flessibbli għall-industrija tal-karozzi kif ukoll għal setturi mhux tal-karozzi.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż mill-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:

M.9027 — Fosun International/FFT

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks: +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles / Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

8.8.2018

Il-Ġurnal Uffiċjali tal-Unjoni Ewropea

C 278/8

Notifika minn qabel ta' konċentrazzjoni

(Il-Każ M.8912 — Carlyle/In-negozju ta’ sustanzi kimiċi ta’ speċjalità ta’ Akzo Nobel)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 278/05)

Fl-1 ta’ Awwissu 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Din in-notifika tikkonċerna l-impriżi li ġejjin:

—	il-Carlyle Group (l-Istati Uniti tal-Amerika), (“Carlyle”),

—	In-negozju ta’ sustanzi kimiċi ta’ speċjalità ta’ Akzo Nobel (in-Netherlands) (“Akzo Nobel SC”).

Carlyle takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku ta’ Akzo Nobel SC.

Il-konċentrazzjoni hija mwettqa permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

— Carlyle: ġestjoni tal-assi alternattivi dinjija,

— Akzo Nobel SC: in-negozju ta’ sustanizi kimiċi ta’ speċjalità ta’ Akzo Nobel, li jipproduċi firxa ta’ sustanzi kimiċi.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja tiġi dejjem speċifikata:

M.8912 — Carlyle/In-negozju ta’ sustanzi kimiċi ta’ speċjalità ta’ Akzo Nobel

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:

Email: COMP-MERGER-REGISTRY@ec.europa.eu

Faks +32 22964301

Indirizz tal-posta:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

		ISSN 1977-0987
Il-Ġurnal Uffiċjali tal-Unjoni Ewropea		C 278

Edizzjoni bil-Malti	Informazzjoni u Avviżi	Volum 61 8 ta' Awwissu 2018

Werrej		Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 278/01	Ebda oppożizzjoni għal konċentrazzjoni notifikata (Il-Każ M.8877 — LyondellBasell Industries/A Schulman) ( 1 )	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2018/C 278/04	Notifika minn qabel ta’ konċentrazzjoni (Il-Każ M.9027 — Fosun International/FFT) — Każ li jista’ jiġi kkunsidrat għal proċedura ssimplifikata ( 1 )	6
2018/C 278/05	Notifika minn qabel ta' konċentrazzjoni (Il-Każ M.8912 — Carlyle/In-negozju ta’ sustanzi kimiċi ta’ speċjalità ta’ Akzo Nobel) — Każ li jista' jiġi kkunsidrat għal proċedura ssimplifikata ( 1 )	8

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 278/02	Rata tal-kambju tal-euro	2
2018/C 278/03	Deċiżjoni tal-Kummissjoni tal-24 ta' Lulju 2018 dwar il-Faċilità għar-Refuġjati fit-Turkija li temenda d-Deċiżjoni tal-Kummissjoni C(2015) 9500 f'dak li għandu x'jaqsam mal-kontribuzzjoni lejn il-Faċilità għar-Refuġjati fit-Turkija	3


	(1) Test b'rilevanza għaż-ŻEE.