ANNESS

DOKUMENT UNIKU

“Vijlen”

PDO-NL-02168

Data tal-applikazzjoni: 12.2.2016

1.   Isem/ismijiet li jrid(u) jiġi/u rreġistrat(i)

Vijlen

2.   Tip ta’ indikazzjoni ġeografika

DOP – Denominazzjoni ta’ oriġini protetta

3.   Kategoriji tal-prodotti tad-dwieli

1.

Inbid

4.

Inbid spumanti

5.

Inbid spumanti ta’ kwalità

4.   Deskrizzjoni tal-inbid/tal-inbejjed

Kategorija tal-inbid 1 - Inbid: aħmar, b’togħma ta’ frott, qawwi

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: aħmar intens

Aroma: ta’ frott aħmar/iswed, kemxejn pikkanti;

Togħma: qawwija u li tfakkrek fil-frott

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands.

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor ikun bejn 0,5 u 12-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	11,5
Aċidità minima totali	63,84 f’milliekwivalenti għal kull litru

Kategorija tal-inbid 1 - Inbid: Aħmar, xott, karattru robust u b’togħma ta’ frott, parzjalment immaturat fil-btieti

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: aħmar skur

Aroma: bi ħjiel ħafif tal-injam imħallat mal-frott aħmar/iswed

Togħma: struttura sħiħa tat-tannini b’togħma ta’ frott li tibqa’ f’ħalqek u struttura robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità volatili massima

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor ikun bejn 0,5 u 12-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	11,5
Aċidità minima totali	63,84 f’milliekwivalenti għal kull litru

Kategorija tal-inbid 1 - Inbid: Aħmar, xott, b’karattru robust, immaturat fil-btieti

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: aħmar skur

Aroma: bi ħjiel ħafif tal-injam imħallat mal-frott aħmar/iswed

Togħma: struttura tat-tannini robusta, amplifikata bl-injam

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor ikun bejn 0,5 u 8-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	12
Aċidità minima totali	63,84 f’milliekwivalenti għal kull litru

Kategorija tal-inbid 1 - Inbid: abjad, xott, b’togħma ta’ frott

Varjetajiet ta’ għeneb: il-varjetajiet bojod fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: abjad

Aroma: frott aħdar u misjur

Togħma: ta’ karattru robust b’togħma ta’ frott u bi struttura friska u robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 1 u 8 grammi kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	77,14 f’milliekwivalenti għal kull litru

Kategorija tal-inbid 1 - Inbid: Abjad, xott, immaturat fil-btieti

Varjetajiet ta’ għeneb: il-varjetajiet bojod fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: abjad

Aroma: ta’ frott misjur, ta’ fjuri u bi ħjiel ħafif tal-injam

Togħma: karattru sħiħ u li jfakkrek fil-frott, bi struttura sħiħa mtejba bl-injam, karattru robust li jibqa’ fil-ħalq

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 1 u 8 grammi kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	11,5
Aċidità minima totali	77,14 f’milliekwivalenti għal kull litru

Kategorija tal-inbid 1 - Inbid: Abjad, nofsu misjur, b’togħma ta’ frott

Varjetajiet ta’ għeneb: il-varjetajiet bojod fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: abjad

Aroma: frott aħdar u misjur

Togħma: Karattru sħiħ u bil-frott, kemxejn ħelu

karattru robust u li jfakkrek fil-frott, kemxejn ħelu Inbid frisk u b’togħma ta’ frott u b’togħma ħelwa li tibqa’ f’ħalqek

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 2 u 20 grammi kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	77,14 f’milliekwivalenti għal kull litru

Kategorija tal-inbid 1 - Inbid: rożè, robust, b’togħma ta’ frott

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: kulur rożé ċar

Aroma: ftit pikkanti, tal-frott aħmar

Togħma: togħma iktar robusta u li tfakkrek fil-frott

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 1 u 12-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10
Aċidità minima totali	63,84 f’milliekwivalenti għal kull litru

Kategorija tal-inbid 4 - Inbid spumanti: abjad, robust, b’togħma ta’ frott

Varjetajiet ta’ għeneb: il-varjetajiet bojod fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: abjad

Aroma: frott aħdar u misjur

Togħma: bżieżaq żgħar, togħma ta’ frott frisk bi struttura iktar robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 0 u 22-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	79,8 f’milliekwivalenti għal kull litru

Kategorija tal-inbid 4 - Inbid spumanti: rożè, robust, b’togħma ta’ frott

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: roża

Aroma: frott aħmar misjur

Togħma: bżieżaq żgħar, togħma ta’ frott frisk bi struttura iktar robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 0 u 22-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	79,8 f’milliekwivalenti għal kull litru

Kategorija tal-inbid 5 - Inbid spumanti ta’ kwalità: abjad, robust, b’togħma ta’ frott

Varjetajiet ta’ għeneb: il-varjetajiet bojod fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: abjad

Aroma: frott aħdar u misjur

Togħma: bżieżaq żgħar, togħma ta’ frott frisk bi struttura iktar robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 0 u 22-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	79,8 f’milliekwivalenti għal kull litru

Kategorija tal-inbid 5 - Inbid spumanti ta’ kwalità: rożè, robust, b’togħma ta’ frott

Varjetajiet ta’ għeneb: il-varjetajiet ħomor fuq il-lista tal-varjetajiet (il-proporzjon ivarja skont is-sena)

Karatteristiċi organolettiċi:

Kulur: roża

Aroma: frott aħmar misjur

Togħma: bżieżaq żgħar, togħma ta’ frott frisk bi struttura iktar robusta

Karatteristiċi analitiċi:

Il-karatteristiċi analitiċi kollha huma f’konformità mad-definizzjonijiet u l-limiti stabbiliti fir-regolamenti tal-UE u fir-regolamenti ministerjali tan-Netherlands

—	Qawwa massima alkoħolika totali (f’% tal-volum)

—	Aċidità massima volatili

—	Total massimu ta’ diossidu tal-kubrit

—	Arrikkiment massimu, deaċidifikazzjoni u, soġġett għall-approvazzjoni, aċidifikazzjoni.

Il-kontenut taz-zokkor: bejn 0 u 22-il gramma kull litru.

Karatteristiċi analitiċi ġenerali

Qawwa minima alkoħolika reali (f’% tal-volum)	10,5
Aċidità minima totali	79,8 f’milliekwivalenti għal kull litru

5.   Metodi tal-prassi enoloġika

a.    Prassi enoloġika essenzjali

Kategorija tal-inbid 1 - Inbid: aħmar, b’togħma ta’ frott, qawwi

Il-prattika enoloġika speċifika: fermentazzjoni tal-polpa għal mill-inqas erbat ijiem

Kategorija tal-inbid 1 - Inbid: Aħmar, xott, b’karattru robust u b’togħma ta’ frott, parzjalment immaturat fil-btieti

Il-prattika enoloġika speċifika: fermentazzjoni tal-polpa għal mill-inqas erbat ijiem, mill-inqas 30 % tal-inbid għandu jiġi mmaturat fl-injam

Kategorija tal-inbid 1 - Inbid: Aħmar, xott, b’karattru robust, immaturat fil-btieti

Il-prattika enoloġika speċifika: fermentazzjoni tal-polpa għal mill-inqas sitt ijiem. L-inbid għandu jiġi mmaturat fl-injam, u maħżun għal mill-inqas disa’ xhur fil-btieti (mill-inqas 50 % injam ġdid)

Kategorija tal-inbid 1 - Inbid: abjad, xott, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment)

Kategorija tal-inbid 1 - Inbid: Abjad, xott, immaturat fil-btieti

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment), u ħżin għal mill-inqas sitt xhur fil-btieti b’50 % injam ġdid

Kategorija tal-inbid 1 - Inbid: Abjad, nofsu misjur, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment)

Kategorija tal-inbid 1 - Inbid: rożè, robust, b’togħma ta’ frott

Il-prattika enoloġika speċifika: Fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment)

Kategorija tal-inbid 4 - Inbid spumanti: abjad, robust, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment) Metodu tradizzjonali

Kategorija tal-inbid 4 - Inbid spumanti: rożè, robust, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment) Metodu tradizzjonali

Kategorija tal-inbid 5 - Inbid spumanti ta’ kwalità: abjad, robust, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment) Metodu tradizzjonali

Kategorija tal-inbid 5 - Inbid spumanti ta’ kwalità: rożè, robust, b’togħma ta’ frott

Il-prattika enoloġika speċifika: fermentazzjoni kiesħa f’temperatura ta’ inqas minn 18-il°C (ħlief għal żieda fit-temperatura fil-bidu tal-fermentazzjoni u għall-inbejjed li ma jiffermentawx faċilment) Metodu tradizzjonali

b.    Rendimenti massimi

Cabernet Cortis aħmar

50 ettolitru għal kull ettaru

Monarch aħmar

50 ettolitru għal kull ettaru

Pinot Noir aħmar

50 ettolitru għal kull ettaru

Pinotin aħmar

50 ettolitru għal kull ettaru

Baron aħmar

50 ettolitru għal kull ettaru

Souvignier Gris aħmar

55 ettolitru għal kull ettaru

Johanniter aħmar

55 ettolitru għal kull ettaru

Solaris aħmar

55 ettolitru għal kull ettaru

Pinot Gris abjad

55 ettolitru għal kull ettaru

Chardonnay abjad

55 ettolitru għal kull ettaru

Cabernet Blanc abjad

55 ettolitru għal kull ettaru

Muscaris abjad

55 ettolitru għal kull ettaru

6.   Żona ddefinita

Iż-żona ġeografika ta’ Vijlen tinsab kollha kemm hi fil-muniċipalità ta’ Vaals, fid-distrett ta’ Vijlen.

Id-deżinjazzjoni protetta tal-oriġini ta’ Viljen tapplika biss għat-terren ta’ Vijlen b’ħamrija safra fis-saff tal-wiċċ (loess) u tliet saffijiet ta’ ħamrija li flimkien jagħmlu dan it-terran uniku. Minbarra din il-ħamrija safra tal-wiċċ (loess), din iż-żona speċifika hija kkaratterizzata minn saffijiet ta’ terra fusca, żrar oħxon (rough shingle) u eluvju taż-żnied.

Id-DOP Viljen tkopri erja ta’ 419-il ha.

7.   Għeneb tal-inbid ewlieni

Souvignier Gris B

Pinotin N

Muscaris B

Cabernet Blanc B (VB-91-26-1)

Baron N

Solaris

Pinot noir N

Pinot Gris G

Monarch

Johanniter B

Chardonnay B

Cabernet Cortis

8.   Deskrizzjoni tar-rabta/tar-rabtiet

Ħamrija

Iż-żona ġeografika tad-DPO Vijlen hija primarjament ikkaratterizzata minn “ħamrija inklinata biż-żnied” li tikkonsisti minn eluvju taż-żnied kif ukoll ħamrija safra tal-wiċċ (loess), terra fusca u żrar, iżda mingħajr id-depożiti antiki mill-Maas.

Il-ħamrija f’din iż-żona tvarja minn dik taż-żona ġeografika tal-Mergelland, fejn il-ħamrija safra tal-wiċċ (loess), il-marl (blat artab) u ż-żrar tal-Maas huma l-elementi ewlenin u li fihom is-sedimenti tax-xmara Maas għandhom rwol ewlieni. B’kuntrast, dawn is-sedimenti ġejjin mill-Maas mhumiex karatteristiċi taż-żona ġeografika tad-DOP Vijlen. Dan jokkorri fit-Tramuntana tat-tarf tal-għoljiet (Tramuntana ta’ Vijlen). Il-ħamrija f’din iż-żona, li evolviet b’mod differenti, hija kkaratterizzata mill-eluvju taż-żnied (is-soluzzjoni li jifdal mill-ġebel tal-ġir, li huwa kompost minn taħlita ta’ żnied li huwa mnaqqar b’mod sinifikanti u ammonti varji ta’ tafal, trab ġulġlieni u terra fusca), kif ukoll mit-terra fusca (bħall-eluvju taż-żnied, din hija prodott ta’ erożjoni tal-ġebel tal-ġir, li tikkonsisti predominament mit-tafal (tqil) bi ftit żnied jew xejn, billi jiġi mill-ġebel tal-ġir b’kontenut baxx taż-żnied). Id-differenza tizdied aktar bil-fatturi klimatoloġiċi (l-altitudni ogħla u l-għoljiet ta’ madwar).

Il-klima u l-ambjent

L-iktar karatteristiċi importanti tal-klima f’din iż-żona huma dawn li ġejjin:

—	Il-klima f’din iż-żona hija inqas influwenzata b’mod dirett mill-baħar u għandha iktar karatteristiċi tipiċi ta’ klima kontinentali (inqas moderat milli ħdejn il-baħar, li huwa rifless fit-temperaturi).

—	Il-vinji huma lokalizzati f’altitudni ta’ 170 sa 220 metri ’l fuq minn Amsterdam Ordnance Datum (NAP), fuq iż-żrieżaq tan-Nofsinhar, koperti b’għoljiet, li b’hekk joħolqu mikroklima.

—	L-altitudni ogħla, u l-widien li jdawru ż-żona kollha, iwasslu biex it-temperatura ta’ billejl ħafna drabi tkun ogħla (degradazzjoni aħjar tal-aċidi).

—	L-altitudni tfisser ukoll li hemm inqas ċpar, partikolarment f’Settembru u Ottubru, li jwassal għal inqas umdità u għalhekk inqas problemi bil-botrytis.

—	Il-pożizzjoni fuq in-naħa kennija tal-Eifel u tal-Ardennes tfisser li x-xita u s-silġ ħafna drabi ma jaffettwawx iż-żona tad-DOP.

L-aspetti umani (il-vitikultura u l-produzzjoni tal-inbid)

Saru ċerti għażliet (aspetti umani) li jinfluwenzaw b’mod pożittiv il-kwalità tal-vitikultura/produzzjoni tal-għeneb:

—	Waqt it-tħawwil, jitħallew żewġ metri kwadri ta’ spazju għal kull pjanta (għal biżżejjed nutrijenti).

—	Jintuża metodu ta’ vitikultura li jiżgura proporzjon tajjeb ta’ weraq mal-għeneb (għal biżżejjed fotosinteżi) u l-vinji jinżabru bl-idejn (għażla tal-aħjar nebbieta li jkunu ilhom jitkabbru sena sabiex il-weraq li jitkabbar vertikalment ikun robust u jassorbi kemm jista’ xemx).

—	Dan jittejjeb aktar billi tinżamm żona ta’ weraq ta’ mill-inqas metru ’l fuq miż-żona tal-għeneb.

—	Il-weraq jitneħħew miż-żona tal-għeneb biex jiġi ffaċilitat l-esponiment għax-xemx u għar-riħ, anke sabiex l-għenieqed jinxfu malajr wara li tagħmel ix-xita.

—	Jekk meħtieġ, jinżabru l-għenieqed biex tittejjeb il-kwalità tal-għeneb li jibqa’.

—	Il-ħsad bl-idejn (għażla tal-għeneb)

—	Fir-rigward tal-produzzjoni tal-inbid, ara l-prattiki enoloġiċi essenzjali deskritti hawn fuq.

Rabta kawżali

Ir-rabta kawżali hija karatterizzata mill-aspetti distintivi li ġejjin ta’ din iż-żona:

Il-ħamrija tikkonsisti minn taħlita unika ta’ eluvju taż-żnied kif ukoll ħamrija safra tal-wiċċ (loess), terra fusca u żrar, iżda mingħajr id-depożiti antiki mill-Maas.

L-eluvju taż-żnied jinsab bħala unità għaliha biss fiż-żoni żgħar tal-parti tal-Grigal ta’ Limburg tan-Nofsinhar, qrib il-fruntiera mal-Belġju, inkluż f’penipjan fl-aħħar tat-terzjarju. Fiż-żrieżaq weqfin, huwa komponent sinifikanti tal-ħamrija taż-żrieżaq biż-żnied. Il-ħamrija fiha ħafna ġebel taż-żnied irregolari ta’ bejn 2 u 10 cm.

Fiż-żona ġeografika tad-DOP Vijlen biss hemm din it-taħlita unika ta’ ħamrija bl-eluvju taż-żnied/ħamrija safra tal-wiċċ (loess) kif ukoll it-terra fusca u ż-żrar.

Din il-ħamrija għandha impatt fuq il-karatteristiċi tal-għeneb imkabbar fuqha tul staġun kemxejn twil (assorbiment tas-sħana mill-ġebel) u l-kwalitajiet tal-ħamrija safra tal-wiċċ (loess) li żżomm l-ilma għal żmien twil (u b’hekk tiġi evitata l-aridità)

L-altitudni għolja, bl-għoljiet madwar iż-żona, tfisser li ż-żrieżaq/plateau tal-vinji għandhom il-karatteristiċi tal-klima li ġejjin, li b’mod ċar għandhom influwenza favorevoli fuq l-għeneb imkabbar (għeneb iktar misjur fir-rigward ta’ zokkor/aċidi/togħma) u dawn jirriżultaw fi nbejjed iktar qawwijin b’iktar togħma:

—	It-temperaturi ogħla ta’ billejl jiżguraw degradazzjoni aħjar tal-aċidi.

—	Inqas ċpar/nida (jinżel fil-widien)

—	In-nuqqas ta’ xita qawwija jew ir-rarità tagħha, dovut għall-pożizzjoni fuq in-naħa l-kennija tal-Ardennes

L-inbejjed huma maħluqa minn taħlita unika ta’ varjetajiet u l-aspetti umani relatati (vitikultura/produzzjoni tal-inbid), li flimkien joħolqu cuvées sbieħ ta’ varjetajiet ġodda u klassiċi.

Barra minn hekk, dawn il-karatteristiċi tal-ħamrija, il-klima u l-vitikultura huma mħallta ma’ produzzjoni tal-inbid li hija unika fin-Netherlands. L-inbid huwa ttrasferit bil-gravità bl-użu tal-erba kantini waħda fuq l-oħra, b’hekk jenħtieġ inqas ippumpjar. Dan l-inbid huwa vinifikat f’tankijiet iżgħar biex isir l-aħjar użu mit-tekniki ta’ produzzjoni tal-inbid differenti (ara l-prattiki essenzjali enoloġiċi) bil-għan li kull sena jsir inbid li huwa iktar qawwi u espressiv fit-togħma.

Il-karatteristiċi organolettiċi u analitiċi jirriżultaw mit-taħlita tal-aspetti tal-ħamrija, tal-klima u tal-bniedem (vitikultura u produzzjoni tal-inbid), li jipproduċu nbejjed ħomor bi struttura ta’ tannini sħiħa u inbejjed bojod/rosé li fil-biċċa l-kbira huma robusti u b’togħma ta’ frott.

9.   Kundizzjonijiet essenzjali oħra

—

Link għall-ispeċifikazzjoni tal-prodott

https://www.rvo.nl/sites/default/files/2015/12/Productdossier%20BOB%20Vijlen.pdf