KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

Il-Kummissjoni Amministrattiva għall-Koordinazzjoni tas-Sistemi tas-Sigurtà Soċjali

29.5.2018

Il-Ġurnal Uffiċjali tal-Unjoni Ewropea

C 183/5

RAKKOMANDAZZJONI Nru A1

tat-18 ta’ Ottubru 2017

dwar il-ħruġ tal-attestazzjoni li hemm referenza għaliha fl-Artikolu 19(2) tar-Regolament (KE) Nru 987/2009 tal-Parlament Ewropew u tal-Kunsill

(Test b’rilevanza għaż-ŻEE u għall-Iżvizzera)

(2018/C 183/06)

IL-KUMMISSJONI AMMINISTRATTIVA GĦALL-KOORDINAZZJONI TAS-SISTEMI TA’ SIGURTÀ SOĊJALI,

Wara li kkunsidrat l-Artikolu 72(a) tar-Regolament (KE) Nru 883/2004 tal-Parlament Ewropew u tal-Kunsill tad-29 ta’ April 2004 dwar il-kordinazzjoni ta’ sistemi ta’ sigurtà soċjali (1), li taħtu, il-Kummissjoni Amministrattiva hija responsabbli sabiex tindirizza l-mistoqsijiet amministrattivi kollha jew mistoqsijiet relatati ma’ interpretazzjoni li jirriżultaw mid-dispożizzjonijiet ta’ dan ir-Regolament u r-Regolament (KE) Nru 987/2009 tal-Parlament Ewropew u tal-Kunsill tas-16 ta’ Settembru 2009 li jistabbilixxi l-proċedura għall-implimentazzjoni tar-Regolament (KE) Nru 883/2004 dwar il-kordinazzjoni ta’ sistemi ta’ sigurtà soċjali (2),

Wara li kkunsidrat l-Artikolu 5 tar-Regolament (KE) Nru 987/2009 dwar il-valur legali tad-dokumenti u l-evidenza ta’ appoġġ li turi l-pożizzjoni ta’ persuna,

Wara li kkunsidrat l-Artikolu 19(2) tar-Regolament (KE) Nru 987/2009 dwar l-attestazzjoni tal-leġiżlazzjoni applikabbli skont it-Titolu II tar-Regolament (KE) Nru 883/2004,

Li jaġixxi skont il-kundizzjonijiet stabbiliti fl-Artikolu 71(2) tar-Regolament (KE) Nru 883/2004,

Billi:

(1)

L-Artikolu 19(2) tar-Regolament (KE) Nru 987/2009 jipprevedi li fuq talba tal-persuna kkonċernata jew ta’ min iħaddem, l-istituzzjoni kompetenti tal-Istat Membru li l-leġiżlazzjoni tiegħu tkun applikabbli skont it-Titolu II tar-Regolament (KE) Nru 883/2004 għandha tipprovdi attestazzjoni li tali leġiżlazzjoni hija applikabbli u għandha tindika, fejn xieraq, sa liema data u taħt liema kundizzjonijiet.

(2)	Il-Kummissjoni Amministrattiva tiddetermina l-istruttura u l-kontenut tad-Dokument Portabbli A1 fir-rigward tal-leġiżlazzjoni applikabbli li tapplika għad-detentur.

(3)	L-Artikolu 5(1) tar-Regolament (KE) Nru 987/2009 jipprevedi li dan id-dokument għandu jiġi aċċettat mill-istituzzjonijiet tal-Istati Membri l-oħrajn diment li ma jkunx ġie rtirat jew iddikjarat invalidu mill-Istat Membru li fih ikun inħareġ.

(4)

Il-prinċipju ta’ kooperazzjoni sinċiera, kif stabbilit ukoll fl-Artikolu 4(3) tat-Trattat dwar l-Unjoni Ewropea u speċifikat fl-Artikolu 76 tar-Regolament (KE) Nru 883/2004, jeħtieġ li l-istituzzjonijiet iwettqu valutazzjoni xierqa tal-fatti relevanti għad-determinazzjoni tal-leġiżlazzjoni applikabbli fil-qasam tas-sigurtà soċjali u konsegwentament li jikkonfermaw il-korrettezza tal-informazzjoni li tinsab f’Dokument Portabbli A1.

(5)	Dawn id-dokumenti jistabbilixxu suppożizzjoni li d-detentur ikun affiljat bix-xieraq fis-sistema tas-sigurtà soċjali tal-Istat Membru li l-istituzzjoni tiegħu tkun ħarġithom,

BIL-PREŻENTI TIRRAKKOMANDA LIS-SERVIZZI KOMPETENTI U LILL-ISTITUZZJONIJIET LI:

Sabiex tiġi iprevenuta l-falsifikazzjoni tad-Dokument Portabbli A1, pereżempju bl-iskambju ta’ paġni bejn dokumenti differenti, huwa rrakkomandat li l-karatteristiċi ta’ awtentifikazzjoni għandhom jiġu inklużi fiċ-ċertifikati maħruġin, jiġifieri:

(a)	fejn id-dokumenti huma maħruġin elettronikament, dawn għandu jkollhom numru serjali jew numru ta’ identifikazzjoni fuq kull paġna. F’dan il-każ, firma manwali jew stampar bl-inka ma jkunux meħtieġa aktar;

(b)

fejn id-dokumenti jinħarġu manwalment, għandhom jiġu stampati fuq iż-żewġ naħat tal-folja u l-folji għandhom ikunu mehmużin ma’ xulxin b’tali mod li ma jkunux jistgħu jiġu sseparati faċilment. Dan jista’ jinkiseb, pereżempju, billi tintlewa l-kantuniera ta’ fuq tax-xellug, din il-kantuniera tiġi stejpiljata u jitpoġġa timbru fuq in-naħa ta’ wara.

2.	Barra minn hekk, huwa irrakkomandat li kull Dokument Portabbli A1 ikun irreġistrat b’tali mod li l-awtentiċità tiegħu tkun tista’ tiġi ivverifikata faċilment u malajr.

3.	L-Istati Membri għandhom jinfurmaw lill-Kummissjoni Amministrattiva dwar il-modi differenti li bihom jinħarġu d-Dokumenti Portabbli A1 mill-istituzzjonijiet tagħhom. Id-delegazzjonijiet fil-Kummissjoni Amministrattiva għandhom jikkondividu din l-informazzjoni mal-ispettorati rispettivi tagħhom.

Huwa irrakkomandat illi, qabel il-ħruġ tad-Dokument Portabbli A1, l-istituzzjonijiet jivvalutaw il-fatti relevanti kollha, jew permezz ta’ data li tkun f’sorsi uffiċjali, jew billi l-applikant jintalab jipprovdi l-informazzjoni meħtieġa. Bħala gwida għall-istituzzjonijiet, lista standardizzata mhux eżawrjenti ta’ mistoqsijiet komuni u mistoqsijiet speċifiċi għall-artikoli relevanti differenti tar-Regolament (KE) Nru 883/2004 tista’ tinstab fl-Anness. Dawn jistgħu jiġu adattati skont kif jidher xieraq fil-każ involut.

Għandha tiġi inkluża dikjarazzjoni ta’ ċaħda ta’ responsabbiltà fil-formoli tal-applikazzjoni li permezz tagħha, l-applikant jiddikjara li huwa wieġeb il-mistoqsijiet kollha tajjeb bl-aħjar għarfien tiegħu u li huwa konxju tal-possibilità li jsiru kontrolli bil-konsegwenza li d-dokument jista’ jiġi rtirat retroattivament.

Huwa irrakkomandat li l-istituzzjonijiet kompetenti jkollhom l-informazzjoni dwar id-Dokumenti Portabbli A1 maħruġin disponibbli, preferibbilment f’bażi ta’ data elettronika. Għandhom jinnotifikaw lil xulxin, permezz tas-Sistema ta’ Skambju Elettroniku ta’ Informazzjoni dwar is-Sigurtà Soċjali (EESSI, Electronic Exchange of Social Security Information), bi kwalunkwe deċiżjoni meħuda fir-rigward tal-leġiżlazzjoni applikabbli fil-każ ta’ attività segwita fl-Istat Membru l-ieħor skont l-Artikolu 15(1) tar-Regolament (KE) Nru 987/2009.

7.	Din ir-Rakkomandazzjoni għandha tiġi ppubblikata f’Il-Ġurnal Uffiċjali tal-Unjoni Ewropea. Din tidħol fis-seħħ fl-għoxrin jum wara dak tal-pubblikazzjoni tagħha.

Il-President tal-Kummissjoni Amministrattiva

Agne NETTAN-SEPP

(1) ĠU L 166, 30.4.2004, p. 1.

(2) ĠU L 284, 30.10.2009, p. 1.

ANNESS

Settijiet standardizzati ta’ mistoqsijiet għall-applikazzjoni għal Dokument Portabbli A1

A. MISTOQSIJIET KOMUNI DWAR IL-PERSUNA KKONĊERNATA TAD-DOKUMENT PORTABBLI A1 (PD A1)

Il-mistoqsijiet li ġejjin jeħtieġu jintużaw f’kull formola tal-applikazzjoni u jeħtieġu jiġu ivverifikati mill-istituzzjoni mittenti:

—

Kunjom

—

Isem

—	Data tat-twelid

—	Sess: raġel/mara/mhux magħruf

—	Numru ta’ identifikazzjoni personali

—	Post tat-twelid

—	Nazzjonalità

—	Il-persuna għandha r-residenza tagħha legalment fi Stat Membru (għal ċittadini ta’ pajjiż terz)

—	Indirizz fl-Istat tar-residenza (għallinqas raħal, kodiċi postali, pajjiż)

—	Indirizz fl-Istat tas-soġġorn (għallinqas raħal, kodiċi postali, pajjiż)

—	Indirizz ta’ kuntatt tal-persuna

—	Titlu tal-impjieg/Professjoni/Negozju

B. MISTOQSIJIET SPEĊIFIĊI LI JIDDEPENDU FUQ IĊ-ĊIRKOSTANZI DIFFERENTI LI FIHOM IKUN MITLUB PD A1

Barra minn hekk, mistoqsijiet speċifiċi li jiddependu fuq iċ-ċirkustanzi varji li fihom jista’ jintalab PD A1 abbażi ta’ Titolu II tar-Regolament (KE) Nru 883/2004 tal-Parlament Ewropew u tal-Kunsill tad-29 ta’ April 2004 dwar il-koordinazzjoni ta’ sistemi ta’ sigurtà soċjali (1) huma stabbiliti hawn taħt.

1. Applikazzjoni skont l-Artikolu 11(3)(a) tar-Regolament (KE) Nru 883/2004 (attività bħala impjegat jew bħala persuna li taħdem għal rasha fi Stat Membru wieħed)

—

Min iħaddem

—

Isem

—	Indirizz (għallinqas belt/raħal, kodiċi postali, pajjiż)

—

Attività ta’ impjieg indipendenti

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—	Data tal-bidu/tat-tmiem tax-xogħol

2. Applikazzjoni skont l-Artikolu 11(3)(b) tar-Regolament (KE) Nru 883/2004 (impjegati taċ-ċivil)

—

Min iħaddem(l-amministrazzjoni li timpjega)

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—

Post(ijiet) tax-xogħol barra mill-pajjiż (irrepeti għal kemm drabi jkun hemm bżonn)

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—	L-ebda indirizz fiss fl-istat tax-xogħol

—	Data tal-bidu tax-xogħol barra minn pajjiżek

—	Data tat-tmiem tax-xogħol barra minn pajjiżek

3. Applikazzjoni skont l-Artikolu 11(4) tar-Regolament (KE) Nru 883/2004 (attività ekonomika abbord bastiment fuq il-baħar)

—

Min iħaddem

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	L-isem tal-bastiment

—	L-Istat li l-bastitment qed itajjar il-bandiera tiegħu

—	Ir-remunerazzjoni titħallas mill-impriża li l-uffiċċju jew il-post tan-negozju reġistrat tagħha huwa fi Stat ieħor: iva/le

—	Data tal-bidu tax-xogħol

—	Data tat-tmiem tax-xogħol

4. Applikazzjoni skont l-Artikolu 11(5) tar-Regolament (KE) Nru 883/2004 (membri tal-ekwipaġġ tat-titjira jew tal-ekwipaġġ tal-kabina)

—

Min iħaddem

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	Post fejn tinsab il-bażi domestika

—	Data tal-bidu tax-xogħol

—	Data tat-tmiem tax-xogħol

5. Applikazzjoni skont l-Artikolu 12(1) tar-Regolament (KE) Nru 883/2004 (kollokament ta’ ħaddiema)

—

Min iħaddem fl-Istat tal-kollokament

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	Il-Klassifikazzjoni Statistika tal-Attivitajiet Ekonomiċi fil-Komunità Ewropea skont NACE

—

Impriża(i) fl-Istat riċeventi/post(ijiet) tal-kollokament

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Data tal-bidu tal-kollokament

—	Data tat-tmiem tal-kollokament

—	L-impjegat huwa soġġett għall-leġiżlazzjoni tal-Istat tal-kollokament fi ħdan xahar qabel il-kollokament: iva/le

—	Dettalji tal-attività mwettqa xahar immedjatament qabel il-kollokament

—	Natura tal-attività fl-Istat ta’ kollokament

—	Natura tal-attività fl-Istat riċevitur

—	L-impjegat qiegħed jiġi ikkollokat biex jissostitwixxi ħaddiem ikkollokat ieħor: iva/le

—	Jekk iva, jekk jogħġbok indika għala din is-sostituzzjoni hija meqjusa bħala neċessarja

—	L-impjegat diġà ħadem fl-Istat Membru riċevitur konċernat: iva/le

—	Jekk iva, indika l-perjodi preċedenti tal-kollokament (data minn, data sa)

—	Numru ta’ impjegati ta’ min iħaddem fl-Istat tal-kollokament (għajr ħaddiema amministrattivi)

—	Numru ta’ ħaddiema amministrattivi fl-Istat tal-kollokament

—	Għadd ta’ impjegati f’kollokament

—	Numru ta’ kuntratti eżerċitati fl-Istat tal-kollokament

—	Numru ta’ kuntratti eżerċitati fl-Istat riċevitur

—	Fatturat fl-Istat tal-kollokament (f’%)

—	Fatturat fl-Istat Membru riċevitur (f’%)

—	Min iħaddem fl-Istat tal-kollokament jista’ jiddeċiedi li jtemm il-kuntratt mal-impjegati matul il-kollokament tagħhom: iva/le

—	Min iħaddem fl-Istat tal-kollokament huwa kapaċi jiddeċiedi fuq l-aspetti ewlenin tal-attività mwettqa fl-Istat riċevitur: iva/le

—	Il-kuntratt tal-impjieg jiġi konkluż ma’: min iħaddem fl-Istat tal-kollokament/l-impriża fl-Istat riċevitur

—	L-impjegat sejjer jitħallas minn: min iħaddem fl-Istat tal-kollokament/l-impriża fl-Istat riċevitur

—	Ir-relazzjoni tal-impjieg sejra tkompli matul il-perjodu tal-kollokament: iva/le

—	L-impriża li fiha jiġi ikkollokat l-impjegat se tpoġġi lill-impjegat għad-dispożizzjoni ta’ impriża oħra: iva/le

6. Applikazzjoni skont l-Artikolu 12(2) tar-Regolament (KE) Nru 883/2004 (kollokament ta’ nies jaħdmu għal rashom)

—

Impjieg indipendenti fl-Istat tal-kollokament

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—

Impjieg indipendenti fl-Istat riċeventi/Post tal-kollokament

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Data tal-bidu tal-kollokament

—	Data tat-tmiem tal-kollokament

—	Il-persuna b’impjieg indipendenti diġà ħadmet fl-Istat Membru riċevitur: iva/le

—	Jekk iva, indika l-perjodi preċedenti tal-kollokament (data minn, data sa)

—	Matul il-kollokament, struttura kummerċjali sejra tinżamm fl-Istat tal-kollokament, sabiex l-attività kummerċjali tkun tista’ tissokta mar-ritorn minn barra: iva/le

—	L-attività kummerċjali sejra tissokta malli tiġi lura mill-Istat Membru riċevitur

—	Natura tal-attività fl-Istat ta’ kollokament Natura tal-attività fl-Istat riċevitur

7. Applikazzjoni skont l-Artikolu 13(1) tar-Regolament (KE) Nru 883/2004 (impjieg f’żewġ Stati Membri jew aktar meta min iħaddem jinsab(u) fl-Istat ta’ residenza tal-persuna)

—

Min iħaddem

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	Stati fejn sar ix-xogħol

—

Dettalji dwar il-post(ijiet) tax-xogħol (irrepeti kemm-il darba hemm bżonn)

—	L-isem tal-kumpanija

—	Numru(i) tal-Identità

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Stati fejn l-attivitajiet jammontaw għal inqas minn 5 % tal-ħin tax-xogħol regolari tal-ħaddiem u/jew inqas minn 5 % tar-remunerazzjoni ġenerali

—	Data tal-bidu tax-xogħol f’kull impriża

—	Data tat-tmiem tax-xogħol f’kull impriża

8. Applikazzjoni skont Art. 13(1) tar-Regolament (KE) Nru 883/2004 (impjieg f’żewġ Stati Membri jew iktar – sitwazzjonijiet oħrajn)

—

Min iħaddem (irrepeti għal kemm-il darba jkun hemm bżonn)

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	Il-Klassifikazzjoni Statistika tal-Attivitajiet Ekonomiċi fil-Komunità Ewropea ta’ min iħaddemskont NACE

—	Stati fejn sar ix-xogħol

—

Dettalji dwar il-post(ijiet) tax-xogħol (irrepeti kemm-il darba hemm bżonn)

—	L-isem tal-kumpanija

—	Numru(i) tal-Identità

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Stati fejn l-attivitajiet jammontaw għal inqas minn 5 % tal-ħin tax-xogħol regolari tal-ħaddiem u/jew inqas minn 5 % tar-remunerazzjoni ġenerali

—	Stati fejn l-attivitajiet jammontaw għal mill-inqas 25 % tal-ħin tax-xogħol regolari tal-ħaddiem u/jew għal mill-inqas 25 % tar-remunerazzjoni ġenerali

—	Data tal-bidu tax-xogħol f’kull impriża

—	Data tat-tmiem tax-xogħol f’kull impriża

9. Applikazzjoni skont l-Artikolu 13(2) tar-Regolament (KE) Nru 883/2004 (impjieg indipendenti f’żewġ Stati Membri jew aktar)

—

Attività ta’ impjieg indipendenti

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—	Il-Klassifikazzjoni Statistika tal-Attivitajiet Ekonomiċi fil-Komunità Ewropea tal-impjieg indipendenti skont NACE

—	Stati fejn sar ix-xogħol

—

Dettalji dwar il-post(ijiet) ta’ attività ta’ impjieg indipendenti (irrepeti għal kemm-il darba jkun hemm bżonn)

—	Isem tal-kumpanija (jekk applikabbli)

—	Numru(i) tal-Identità (jekk applikabbli)

—	Indirizz (għallinqas belt/raħal, kodiċi postali, pajjiż)

—	L-ebda indirizz fiss fl-istat tax-xogħol

—	Fatturat u/jew dħul f’kull Stat fejn issir l-attività

—	Ħin tax-xogħol f’kull Stat fejn issir l-attività

—	Numru ta’ servizzi mwettqa f’kull Stat fejn issir l-attività

—	Data tal-bidu tal-attività

—	Data tat-tmiem tal-attività

10. Applikazzjoni skont l-Art. 13(3) tar-Regolament (KE) Nru 883/2004 (impjieg u impjieg indipendenti f’żewġ Stati Membri jew iktar)

—

Attività ta’ impjieg indipendenti (irrepeti għal kemm-il darba jkun hemm bżonn)

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—

Min iħaddem (irrepeti għal kemm-il darba jkun hemm bżonn)

—

Isem

—	Numru tar-reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas belt/raħal, kodiċi postali, pajjiż)

—	Il-Klassifikazzjoni Statistika tal-Attivitajiet Ekonomiċi fil-Komunità Ewropea ta’ min iħaddem skont NACE

—	Stati fejn sar ix-xogħol

—

Dettalji dwar il-postijiet tal-attività (irrepeti għal kemm-il darba jkun hemm bżonn)

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Stati fejn l-attivitajiet jammontaw għal inqas minn 5 % tal-ħin tax-xogħol regolari tal-ħaddiem u/jew inqas minn 5 % tar-remunerazzjoni ġenerali

—	Stati fejn l-attivitajiet jammontaw għal mill-inqas 25 % tal-ħin tax-xogħol regolari tal-ħaddiem u/jew għal mill-inqas 25 % tar-remunerazzjoni ġenerali

—	Data tal-bidu tal-attività

—	Data tat-tmiem tal-attività

11. Applikazzjoni skont l-Art. 13(4) tar-Regolament (KE) Nru 883/2004 (impjegat taċ-ċivil fi Stat wieħed u impjegat jew persuna taħdem għal rasha f’ieħor)

—

Min iħaddem (li jimpjiega amministrazzjoni)

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—

Attività ta’ impjieg indipendenti u/jew attività ta’ impjieg (irrepeti għal kemm drabi jkun hemm bżonn)

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	Data tal-bidu tax-xogħol

—	Data tat-tmiem tax-xogħol

12. Applikazzjoni skont l-Artikolu 15 tar-Regolament (KE) Nru 883/2004 (persunal tal-Unjoni Ewropea b’kuntratt)

—

Min iħaddem (li jimpjiega istituzzjoni jew korp tal-UE)

—

Isem

—	Indirizz (għallinqas raħal, kodiċi postali, pajjiż)

—

Post tax-xogħol barra minn pajjiżek

—

Isem

—	Numru ta’ reġistrazzjoni

—	Numru tas-sigurtà soċjali

—	Numru fiskali

—	Indirizz (għallinqas raħal, kodiċi postali, pajjiż)

—	L-ebda indirizz fiss fl-istat tax-xogħol

—	Data tal-bidu tax-xogħol bħala Personal b’kuntratt tal-Unjoni Ewropea

—	Il-leġiżlazzjoni li tkun għażlitha l-persuna ikkonċernata: il-leġiżlazzjoni tal-Istat li fih hu/hi tkun impjegat/il-leġiżlazzjoni tal-Istat li fih hu/hi kienet soġġetta l-aħħar/il-leġiżlazzjoni tal-Istat tan-nazzjonalità tiegħu/tagħha

C. KAMPJUNI TA’ RINUNZJI LI GĦANDHOM JINTUŻAW FIL-FORMOLI TAL-APPLIKAZZJONI

1. Ġenerali:

—	“Jien niddikjara li l-informazzjoni fuq din il-formola hija vera u kompleta.”

—	“Weġibt għall-mistoqsijiet kollha b’mod korrett bl-aħjar għarfien tiegħi.”

2. Kollokament ta’ persuni impjegati:

—	“Niddikjara li jiena naf bil-possibilità li jsiru kontrolli matul il-perjodu kollu tal-kollokament sabiex jiġi aċċertat li dan il-perjodu ma ntemmx. Kontrolli bħal dawn jista’ jkollhom x’jaqsmu, partikolarment, mal-ħlas ta’ kontribuzzjonijiet u mal-manteniment tar-relazzjoni diretta.”

—

“Bħala persuna li nħaddem persuni ikkollokati, jiena niddikjara li t-tagħrif huwa sħiħ u korrett. Jiena konxju tal-fatt, li l-informazzjoni pprovduta tista’ tiġi skrutinizzata fi <isem tal-Istat Membru tal-kollokament> kif ukoll fl-Istat riċevitur mill-istituzzjoni kompetenti. Jekk l-informazzjoni pprovduta ma tkunx skont is-sitwazzjoni fattwali, id-dokument dwar il-leġiżlazzjoni applikabbli jista’ jiġi rtirat retroattivament. F’dan il-każ, sejra tkun applikabbli l-leġiżlazzjoni tal-Istat riċevitur fejn l-impjieg isir tabilħaqq. Nimpenja ruħi li ninforma lill-istituzzjoni kompetenti fi <isem tal-Istat Membru tal-kollokament> (i) jekk l-impjegat ma jkunx ġie kkollokat jew jekk il-perjodu tal-kollokament ikun ġie interrott għal aktar minn xahrejn jew (ii) jekk il-kollokament ikun intemm qabel it-tmiem tal-perjodu ta’ kollokament preżunt.”

3. Kollokament ta’ persuni b’impjieg indipendenti:

—

“Niddikjara li jiena naf bil-possibilità ta’ kontrolli matul il-perjodu kollu li matulu jien se nkun qed nagħmel attività temporanja fl-Istat li fih jien attiv, sabiex jiġi aċċertat li l-kundizzjonijiet li japplikaw għal dik l-attività ma nbidlux. Kontrolli bħal dawn jista’ jkollhom x’jaqsmu, mal-ħlas ta’ kontribuzzjonijiet u l-manteniment tal-infrastruttura meħtieġa sabiex titkompla l-attività fl-Istat li fih jiena stabbilit.”

4. Attivitajiet għal min iħaddem wieħed f’żewġ Stati Membri jew aktar - rinunzja għal min iħaddem:

—

“Jiena niddikjara li t-tagħrif huwa sħiħ u korrett. Jiena konxju tal-fatt, li l-informazzjoni pprovduta tista’ tiġi skrutinizzata fi <isem tal-Istat Membru tal-kollokament> kif ukoll fl-Istat riċevitur tal-impjieg mill-istituzzjoni kompetenti. Jekk l-informazzjoni pprovduta ma tkunx skont is-sitwazzjoni fattwali, id-dokument dwar il-leġiżlazzjoni applikabbli jista’ jiġi irtirat retroattivament. F’dan il-każ, il-kwistjoni dwar liema leġiżlazzjoni hija applikabbli trid tiġi determinata mill-ġdid abbażi taċ-ċirkostanzi attwali. Nimpenja ruħi li ninforma lill-istituzzjoni kompetenti ta’ <isem tal-Istat Membru tal-kollokament> bit-tibdiliet kollha dwar ir-relazzjoni ta’ impjieg (jiġifieri bidla ta’ min iħaddem, bidla taċ-ċentru tal-interessi, bidla fis-sigħat tax-xogħol, assunzjoni ta’ attivitajiet ġodda).”

(1) ĠU L 166, 30.4.2004, p. 1.

		ISSN 1977-0987
Il-Ġurnal Uffiċjali tal-Unjoni Ewropea		C 183

Edizzjoni bil-Malti	Informazzjoni u Avviżi	Volum 61 29 ta' Mejju 2018

Werrej		Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 183/01	Ebda oppożizzjoni għal konċentrazzjoni notifikata (Il-Każ M.8856 — Archer Daniels Midland/Cargill/JV Egypt) ( 1 )	1
2018/C 183/02	Ebda oppożizzjoni għal konċentrazzjoni notifikata (Il-Każ M.8764 — Sedgwick/Cunningham Lindsey) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2018/C 183/03	Avviż għall-attenzjoni ta’ persuni u entitajiet soġġetti għall-miżuri restrittivi previsti fid-Deċiżjoni tal-Kunsill 2013/255/PESK u fir-Regolament tal-Kunsill (UE) Nru 36/2012 dwar miżuri restrittivi fid-dawl tas-sitwazzjoni fis-Sirja	2
2018/C 183/04	Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fir-Regolament tal-Kunsill (UE) Nru 36/2012 dwar miżuri restrittivi fid-dawl tas-sitwazzjoni fis-Sirja	3
	Il-Kummissjoni Ewropea
2018/C 183/05	Rata tal-kambju tal-euro	4
	Il-Kummissjoni Amministrattiva għall-Koordinazzjoni tas-Sistemi tas-Sigurtà Soċjali
2018/C 183/06	Rakkomandazzjoni Nru A1 tat-18 ta’ Ottubru 2017 dwar il-ħruġ tal-attestazzjoni li hemm referenza għaliha fl-Artikolu 19(2) tar-Regolament (KE) Nru 987/2009 tal-Parlament Ewropew u tal-Kunsill ( 2 )	5

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2018/C 183/07	Notifika minn qabel ta' konċentrazzjoni (Il-Każ M.8919 — Permira/Exclusive Group) — Każ li jista' jiġi kkunsidrat għal proċedura ssimplifikata ( 1 )	15
2018/C 183/08	Notifika minn qabel ta’ konċentrazzjoni (Il-Każ M.8496 — Strabag/Max Bögl International/SMB) — Każ li jista’ jiġi kkunsidrat għal proċedura ssimplifikata ( 1 )	17

	Rettifika
2018/C 183/09	Rettifika għan-Notifika ta’ bidu ta’ rieżami tal-iskadenza tal-miżuri antidumping applikabbli għal importazzjonijiet ta’ fittings fonduti għal tubi jew pajpijiet bil-kamin, ta’ ħadid fondut malleabbli, li joriġinaw mir-Repubblika tal-Poplu taċ-Ċina u mit-Tajlandja ( ĠU C 162, 8.5.2018 )	18


	(1) Test b'rilevanza għaż-ŻEE.
	(2) Test b’rilevanza għaż-ŻEE u għall-Iżvizzera.

	Munita	Rata tal-kambju
USD	Dollaru Amerikan	1,1644
JPY	Yen Ġappuniż	127,33
DKK	Krona Daniża	7,4474
GBP	Lira Sterlina	0,87465
SEK	Krona Żvediża	10,2373
CHF	Frank Żvizzeru	1,1577
ISK	Krona Iżlandiża	123,20
NOK	Krona Norveġiża	9,5113
BGN	Lev Bulgaru	1,9558
CZK	Krona Ċeka	25,731
HUF	Forint Ungeriż	319,42
PLN	Zloty Pollakk	4,3053
RON	Leu Rumen	4,6360
TRY	Lira Turka	5,3482
AUD	Dollaru Awstraljan	1,5410
CAD	Dollaru Kanadiż	1,5114
HKD	Dollaru ta' Hong Kong	9,1354
NZD	Dollaru tan-New Zealand	1,6756
SGD	Dollaru tas-Singapor	1,5615
KRW	Won tal-Korea t'Isfel	1 250,83
ZAR	Rand ta' l-Afrika t'Isfel	14,4979
CNY	Yuan ren-min-bi Ċiniż	7,4508
HRK	Kuna Kroata	7,3950
IDR	Rupiah Indoneżjan	16 324,88
MYR	Ringgit Malażjan	4,6316
PHP	Peso Filippin	61,112
RUB	Rouble Russu	72,6316
THB	Baht Tajlandiż	37,272
BRL	Real Brażiljan	4,2953
MXN	Peso Messikan	22,7650
INR	Rupi Indjan	78,5280