27.4.2018   

MT

Il-Ġurnal Uffiċjali tal-Unjoni Ewropea

C 148/1

27.4.2018   

MT

Il-Ġurnal Uffiċjali tal-Unjoni Ewropea

C 148/4

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—

f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8735. Il-EUR-Lex hu l-aċċess fuq l-internet għal-liġi Ewropea.

27.4.2018   

MT

Il-Ġurnal Uffiċjali tal-Unjoni Ewropea

C 148/5

27.4.2018   

MT

Il-Ġurnal Uffiċjali tal-Unjoni Ewropea

C 148/6

(1)

Il-Kumitat Konsultattiv jaqbel mal-valutazzjoni tal-Kummissjoni dwar s-suq relevanti tal-prodott u s-suq rilevanti ġeografiku.

(2)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni taqa’ fil-kamp tal-Artikolu 101 tat-TFUE u l-Artikolu 53 tal-Ftehim ŻEE peress li ma tissodisfax il-kriterji stabbiliti mill-Qorti fl-hekk imsejjaħ test “Meca-Medina”.

(3)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni tikkostitwixxi deċiżjoni ta’ assoċjazzjoni ta’ impriżi skont it-tifsira tal-Artikolu 101 tat-TFUE u l-Artikolu 53 tal-Ftehim ŻEE.

(4)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni tikkostitwixxi restrizzjoni ta’ kompetizzjoni bl-iskop skont it-tifsira tal-Artikolu 101 tat-TFUE u l-Artikolu 53 tal-Ftehim ŻEE.

(5)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni tikkostitwixxi restrizzjoni ta’ kompetizzjoni bl-effett skont it-tifsira tal-Artikolu 101 tat-TFUE u l-Artikolu 53 tal-Ftehim ŻEE.

(6)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni ma tistax tiġi eżentata skont l-Artikolu 101 tat-TFUE u l-Artikolu 53 tal-Ftehim ŻEE.

(7)

Il-Kumitat Konsultattiv jaqbel mal-Kummissjoni li l-imġiba antikompetittiva koperta mill-abbozz ta’ deċiżjoni għandha effett apprezzabbli fuq il-kummerċ bejn l-Istati Membri u bejn il-partijiet kontraenti taż-ŻEE.

(8)

Il-Kumitat Konsultattiv jaqbel mal-Kummissjoni li r-regoli tal-ISU ta’ Appell u ta’ Arbitraġġ isaħħu l-kondotta antikompetittiva koperta mill-abbozz ta’ deċiżjoni.

(9)

Il-Kumitat Konsultattiv jaqbel mal-valutazzjoni tal-Kummissjoni dwar id-durata tal-ksur.

(10)

Il-Kumitat Konsultattiv jaqbel mal-abbozz ta’ deċiżjoni tal-Kummissjoni fir-rigward tad-destinatarju tad-deċiżjoni.

(11)

Il-Kumitat Konsultattiv jaqbel mal-Kummissjoni li ma għandhiex tiġi imposta multa fuq id-destinatarji tal-abbozz ta’ deċiżjoni.

(12)

Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea.

27.4.2018   

MT

Il-Ġurnal Uffiċjali tal-Unjoni Ewropea

C 148/7

1.

L-abbozz ta’ deċiżjoni jikkonċerna ċerti regoli adottati mill-Unjoni tal-Iskejzjar Internazzjonali (“ISU”) (2) li jimponu sanzjonijiet fuq atleti li jipparteċipaw f’avvenimenti tal-iskejzjar b’veloċità għolja li mhumiex awtorizzati mill-ISU (ir-“Regoli tal-Eliġibbiltà”) (3). Skont l-abbozz ta’ deċiżjoni, ir-Regoli ta’ Eliġibbiltà jikkostitwixxu restrizzjoni pprojbita ta’ kompetizzjoni skont it-tifsira tal-Artikolu 101 tat-TFUE u l-Artikolu 53 tal-Ftehim ŻEE minħabba li jillimitaw il-libertà kummerċjali tal-atleti li jipprattikaw l-iskejzjar, f’avvenimenti mhux awtorizzati u b’hekk jeskludu kompetituri potenzjali li jixtiequ jorganizzaw u jisfruttaw kummerċjalment avvenimenti internazzjonali tal-iskejzjar b’veloċità għolja. Fl-abbozz ta’ deċiżjoni, il-Kummissjoni hija tal-fehma wkoll li r-Regoli ta’ Appell u ta’ Arbitraġġ tal-ISU (4) jerġgħu jsaħħu r-restrizzjoni tal-kompetizzjoni kkawżata mir-Regoli ta’ Eliġibbiltà.

2.

L-investigazzjoni tal-Kummissjoni segwiet ilment imressaq fit-23 ta’ Ġunju 2014 minn żewġ atleti professjonali Olandiżi li jipprattikaw l-iskejzjar b’veloċità għolja kontra ir-Regoli ta’ Eliġibbiltà.

3.

Fil-5 ta’ Ottubru 2015, il-Kummissjoni nediet proċedimenti skont l-Artikolu 11(6) tar-Regolament tal-Kunsill (KE) Nru 1/2003 (5) u skont l-Artikolu 2(1) tar-Regolament tal-Kummissjoni (KE) Nru 773/2004 (6) (“Deċiżjoni ta’ Ftuħ”),

4.

Fid-29 ta’ Settembru 2016, il-Kummissjoni nnotifikat dikjarazzjoni tal-oġġezzjonijiet lill-ISU (id-“DO”) fejn stabbilixxiet l-opinjoni preliminari tagħha li r-Regoli ta’ Eliġibbiltà jikkostitwixxu restrizzjoni pprojbita tal-kompetizzjoni skont it-tifsira tal-Artikolu 101 tat-TFUE u l-Artikolu 53 tal-Ftehim ŻEE u li r-Regoli ta’ Appell u ta’ Arbitraġġ isaħħu r-restrizzjoni tal-kompetizzjoni.

5.

Fil-11 ta’ Ottubru 2016, l-ISU għall-ewwel ingħatat aċċess għall-fajl permezz ta’ CD-ROM. Żewġ dokumenti oħra, b’mod partikolari noti ta’ laqgħat bejn l-ISU u l-Kummissjoni fis-16 ta’ Ottubru 2014 u fis-16 ta’ Diċembru 2015 rispettivament, saru aċċessibbli għall-ISU mid-DĠ Kompetizzjoni fl-14 ta’ Novembru 2016 wara t-talba tal-ISU fid-9 ta’ Novembru 2016 għal iktar dokumenti. L-ebda kwistjoni dwar l-aċċess għall-fajl ma nġabet għall-attenzjoni tiegħi.

6.

Fuq it-talba tagħhom, jien ippermettejt lill-Assoċjazzjoni tal-Atleti Ewropej (“Atleti tal-UE”) u l-Kumitat Olimpiku Internazzjonali (“KOI”) jinstemgħu bħala persuni terzi interessati fil-proċedimenti. Jien irrifjutajt talba minn organizzazzjoni oħra li ma dehritx li kienet direttament affettwata mill-imġiba soġġetta għall-proċedimenti u li għalhekk naqset milli turi interess suffiċjenti skont it-tifsira tal-Artikolu 27(3) tar-Regolament (KE) Nru 1/2003, l-Artikolu 13(1) tar-Regolament (KE) Nru 773/2004 u l-Artikolu 5(2) tad-Deċiżjoni 2011/695/UE (7).

7.

L-ISU wieġbet għad-DO fit-16 ta’ Jannar 2017 u ħadet sehem f’seduta ta’ smigħ orali fl-1 ta’ Frar 2017, flimkien mal-ilmentaturi, l-Atleti tal-UE u l-KOI.

8.

Fit-tweġiba tagħha għad-DO u waqt is-seduta ta’ smigħ orali, l-ISU qajmet żewġ kwistjonijiet proċedurali. L-ewwel nett, l-ISU sostniet li d-drittijiet tad-difiża tagħha ġew miksura peress li l-allegazzjonijiet fid-DO dwar ir-Regoli ta’ Appell u ta’ Arbitraġġ tal-ISU ma kienux inklużi fid-Deċiżjoni ta’ Ftuħ. It-tieni nett, L-ISU allegat li, qabel id-Deċiżjoni ta’ Ftuħ, il-Kummissjoni kienet ħolqot impressjoni qarrieqa li l-każ inkwistjoni “ma kienx prijorità” u li kien se jingħalaq wara l-miżuri li ħadet l-ISU biex tindirizza t-tħassib li l-Kummissjoni kienet qajmet dak iż-żmien. Bil-ftuħ ta’ investigazzjoni formali fil-5 ta’ Ottubru 2015 mingħajr ma tat l-ISU l-opportunità biex tindirizza tħassib ġdid jew addizzjonali, il-Kummissjoni kienet tikser id-drittijiet proċedurali tal-ISU, b’mod partikolari d-dritt li tinstema’.

9.

Jien ma nqisx li l-allegazzjonijiet ta’ hawn fuq jammontaw għal ksur tad-drittijiet proċedurali mill-ISU. Fir-rigward tal-ewwel allegazzjoni proċedurali, wieħed għandu jinnota li t-tqegħid tal-kliem tad-Deċiżjoni ta’ Ftuħ jippermetti għal ambitu ta’ interpretazzjoni li jinkludi wkoll ir-Regoli ta’ Appell u ta’ Arbitraġġ tal-ISU. Barra minn hekk, deċiżjoni biex jibdew proċedimenti ma tippreġudikax l-eżitu tal-investigazzjoni (8) u għalhekk ma għandhiex effett determinanti fuq ir-responsabbiltà potenzjali tal-impriżi kkonċernati tali li d-drittijiet ta’ difiża tagħhom jistgħu jkunu kompromessi b’mod irrimedjabbli (9). Fir-rigward tat-tieni kwistjoni proċedurali msemmija fil-punt 8 hawn fuq, l-abbozz ta’ deċiżjoni jiċħad, abbażi tal-evidenza disponibbli, l-allegazzjoni li l-Kummissjoni kienet ipprovdiet xi assigurazzjoni li l-każ ma kienx prijorità. Fi kwalunkwe każ, deċiżjoni dwar l-istatus ta’ prijorità tal-każ hija deċiżjoni interna li l-Kummissjoni tista’ tbiddel mingħajr ma tagħti l-impriżi kkonċernati l-opportunità li jikkummentaw dwar ir-raġunijiet għal tali bidla. L-impriżi għandhom jinstemgħu fuq il-kwistjonijiet li dwarhom il-Kummissjoni tkun għamlet oġġezzjoni wara n-notifika tad-DO biss (10).

10.

Fis-6 ta’ Ottubru 2017, il-Kummissjoni indirizzat Ittra tal-Fatti lill-ISU, u magħha inkludiet xhieda addizzjonali li fuqha ġiet prevista dipendenza mill-Kummissjoni. Aċċess ulterjuri għall-fajl f’dak li għandu x’jaqsam mal-evidenza miżjuda fil-fajl mid-29 ta’ Settembru 2016 ġie pprovdut lill-ISU fid-9 ta’ Ottubru 2017 permezz ta’ DVD. Fil-25 ta’ Ottubru 2017, l-ISU ppreżentat it-tweġiba tagħha għall-Ittra tal-Fatti.

11.

F’ittra indirizzata lili, l-ISU ddikjarat li l-Ittra tal-Fatti tikser id-drittijiet proċedurali tal-ISU billi (i) tippreżenta evidenza addizzjonali li diġà kienet identifikabbli qabel il-ħruġ tad-DO; (ii) iżżid argumenti ġodda għad-DO; u (iii) tonqos milli tispjega b’mod ċar kif ċertu evidenza addizzjonali tappoġġa s-sejbiet proviżorji tal-Kummissjoni.

12.

Fit-tweġiba tiegħi għall-ittra tal-ISU, jien kont tal-fehma li l-Ittra tal-Fatti tal-Kummissjoni tirrispetta bis-sħiħ id-drittijiet proċedurali tal-ISU, kif iċċarat mill-ġurisprudenza rilevanti tal-Qorti tal-Ġustizzja (11). L-ewwel nett ma hemmx bażi biex wieħed jargumenta li l-Kummissjoni ma tkunx tista’ tibbaża fuq ittra tal-fatti biex tinforma lill-partijiet involuti fil-proċedimenti ta’ evidenza addizzjonali li diġà kienet disponibbli fil-ħin tad-DO iżda li ma kinitx inkluża fid-DO. It-tieni nett, fil-fehma tiegħi, l-Ittra tal-Fatti ma introduċietx oġġezzjonijiet addizzjonali jew immodifikat in-natura intrinsika tal-ksur li biha kienet akkużata l-ISU fid-DO. Id-dokumenti li l-Ittra tal-Fatti irreferiet għalihom huma marbuta ma’ sejbiet preliminarji speċifiċi fid-DO u dawn is-sejbiet mhumiex modifikati imma enfasizzati iktar b’iżjed evidenza. Fl-aħħar nett, fl-Ittra tal-Fatti, il-Kummissjoni indikat it-taqsima tad-DO, b’mod partikolari, in-numri tal-paragrafi li magħhom huma marbutin kull wieħed mid-dokumenti addizzjonali u b’mod suffiċjenti, spjegat ir-rilevanza tad-dokumenti mal-oġġezzjonijiet li saru diġà. L-Ittra tal-Fatti nħarġet bl-iskop preċiż li tippermetti lill-ISU biex tistqarr il-fehmiet tagħha fuq il-valur u r-rilevanza tal-evidenza addizzjonali li l-Kummissjoni kienet identifikat f’appoġġ tal-konklużjonijiet preliminarji tagħha fid-DO.

13.

F’konformità mal-Artikolu 16 tad-Deċiżjoni 2011/695/UE, eżaminajt jekk l-Abbozz tad-Deċiżjoni jittrattax biss l-oġġezzjonijiet li fir-rigward tagħhom l-ISU ngħatat l-opportunità li tesprimi l-fehmiet tagħha. Nikkonkludi li jagħmel dan.

14.

Kollox ma’ kollox, nikkonkludi li l-eżerċitar effettiv tad-drittijiet proċedurali, f’dan il-każ, ġie rrispettat.

27.4.2018   

MT

Il-Ġurnal Uffiċjali tal-Unjoni Ewropea

C 148/9

(1)

Fid-Deċiżjoni, il-Kummissjoni hija tal-fehma li l-Unjoni tal-Iskejzjar Internazzjonali (“ISU”) tikser l-Artikolu 101 TFUE u l-Artikolu 53 tal-Ftehim ŻEE bl-adozzjoni u l-infurzar tar- Regoli ta’ Eliġibbiltà tagħha. Ir-Regoli ta’ Eliġibbiltà tal-ISU jillimitaw il-possibilitajiet biex l-atleti jieħdu sehem f’avvenimenti tal-iskejzjar b’veloċità għolja organizzati minn partijiet terzi u b’hekk jeskludu l-aċċess għas-suq għall-organizzazzjoni u l-isfruttament kummerċjali ta’ avvenimenti internazzjonali tal-iskejzjar b’veloċità għolja billi jċaħħdu l-organizzaturi potenzjali ta’ avvenimenti tal-iskejzjar b’veloċità għolja mis-servizzi neċessarji pprovduti minn atleti.

(2)

Id-Deċiżjoni skont l-Artikolu 7 tar-Regolament (KE) Nru 1/2003 toriġina minn ilment ta’ żewġ professjonisti li jipprattikaw l-iskejzjar b’veloċità għolja (l-“Ilmentaturi”) tat-23 ta’ Ġunju 2014 fejn allegaw li r-regoli ta’ Eliġibbiltà tal-ISU mhumiex kumpatibbli mal-Artikoli 101 u 102 TFUE.

(3)

Fil-5 ta’ Ottubru 2015, il-Kummissjoni ddeċediet li tibda proċedimenti kontra l-ISU bil-ħsieb li tieħu deċiżjoni skont il-Kapitlu III tar-Regolament 1/2003, u fis-27 ta’ Settembru 2016 adottat Dikjarazzjoni ta’ Oġġezzjonijiet (“DO”).

(4)

L-ISU wieġbet id-DO fis-16 ta’ Jannar 2017. Fl-1 ta’ Frar 2017, saret Seduta Orali. Fis-27 ta’ April 2017 u fit-30 ta’ Ottubru 2017, l-ISU għamlet tentattiv biex tindirizza t-tħassib tal-Kummissjoni dwar il-kompetizzjoni billi toffri impenji. Madankollu, il-Kummissjoni kkunsidrat li l-proposti ta’ impenn tal-ISU ma kienux biżżejjed biex isolvu t-tħassib tal-kompetizzjoni identifikati b’mod f’waqtu. Fis-6 ta’ Ottubru 2017, il-Kummissjoni bagħtet Ittra tal-Fatti lill-ISU, li wieġbet lura fil-25 ta’ Ottubru 2017.

(5)

Fit-23 ta’ Novembru 2017, ġie kkonsultat il-Kumitat Konsultattiv dwar Prattiki Restrinġenti u Pożizzjonijiet Dominanti.

(6)

L-ISU hija federazzjoni internazzjonali tal-isport li tamministra l-iskejzjar dinji u l-iskejzjar b’veloċità għolja fuq is-silġ; hija tikkonsisti minn assoċjazzjonijiet nazzjonali individwali (“il-Membri”) li jamministraw dawk l-isports fuq livell nazzjonali. Ir-Regoli ta’ Eliġibbiltà tal-ISU jiffurmaw parti mill-Istatuti u r-Regolamenti Ġenerali, adotatti mill-Kungress tal-ISU. Dawn ir-regoli huma vinkolanti fuq il-Membri, il-klabbs affiljati tagħhom u l-membri individwali.

(7)

Skont ir-Regoli ta’ Eliġibbiltà tal-2014 tal-ISU, li ilhom fis-seħħ minn meta l-Kummissjoni rċeviet ilment u fis-sustanza, diġà kienu fis-seħħ mill-1998, atleta tal-iskejzjar b'veloċità għolja ssir ineliġibbli għal ħajjitha kollha milli tipparteċipa fl-avvenimenti internazzjonali tal-iskejzjar b’veloċità għolja tal-ISU (inkluż fil-Kampjonati tad-Dinja u fil-Kampjonati Ewropej u fil-Logħob Olimpiku tax-Xitwa) jekk hu/hi jipparteċipa/tipparteċipa fi kwalunkwe avveniment tal-iskejzjar li mhuwiex awtorizzat mill-ISU jew minn wieħed mill-Membri tagħha. Skont ir-Regoli ta’ Eliġibbiltà tal-2016 (fis-seħħ bħalissa) professjonisti li jipprattikaw l-iskejzjar f’avvenimenti mhux awtorizzati huma soġġetti għal sanzjonijiet li jvarjaw minn twissija għal perjodi ta’ ineliġibbiltà li jvarjaw minn minimu mhux speċifikat għal massimu ta’ tul tal-ħajja. Sa Ottubru 2015, meta l-ISU adottat il-Komunikazzjoni Nru 1974 li tistabbilixxi l-proċedura għal organizzaturi indipendenti ta’ avvenimenti tal-iskejzjar b’veloċità għolja biex jirċievu awtorizzazzjoni mill-Kunsill tal-ISU, ma kien hemm l-ebda proċedura formali ta’ awtorizzazzjoni fis-seħħ.

(8)

Fil-passat saru tentattivi minn kompetituri potenzjali biex jistabbilixxu avvenimenti alternattivi ta’ skejzjar b’veloċità għolja. Id-Deċiżjoni tiddeskrivi dħul tentattiv li sar minn Icederby li ma kienx irnexxa. Icederby ipprova jorganizza serje ta’ avvenimenti (“Icederby Grand Prix”) għal sitt snin konsekuttivi mill-2014-2020. F’Diċembru 2011, huwa kkuntattja lill-ISU biex jidħol fi ftehim ta’ sħubija u biex jippreżenta l-pjan ta’ azzjoni tiegħu. Għall-ewwel, Icederby kellu l-intenzjoni li jippermetti l-imħatri b’rabta mal-Grand Prix li kien ippjana fil-pajjiżi ospitanti fejn l-imħatri huma legali. F’Jannar 2012, l-ISU aġġornat il-Kodiċi ta’ Etika tagħha li inkludiet l-obbligu li joqogħdu lura milli jipparteċipaw f’kull tip ta’ mħatri. Sentejn wara, Icederby informa lill-ISU li l-ebda mħatri ma kienu se jiġu organizzati b’rabta mad-Dubai Icederby Grand Prix minħabba li l-logħob tal-imħatri huwa illegali fid-Dubai. Minkejja dan, l-ISU ma awtorizzatx lil Dubai Icederby Grand Prix 2014 u infurmat lill-Membri tagħha u l-atleti kollha tal-iskejzjar li kienu se jkunu soġġetti għal projbizzjoni tul il-ħajja stabbilita mir-Regoli ta’ Eliġibbiltà jekk ikunu ħadu sehem f’dan l-avveniment.

(9)

L-Ilmentaturi kellhom l-intenzjoni li jikkompetu fid-Dubai Icederby Grand Prix 2014. Madankollu, peress li ma riedux jirriskjaw l-imponiment ta’ projbizzjoni tul il-ħajja skont ir-Regoli ta’ Eliġibbiltà, huma qagħdu lura milli jipparteċipaw f’dak l-avveniment. Fl-aħħar mill-aħħar, Icederby iddeċieda li ma jorganizzax id-Dubai Icederby Grand Prix 2014 minħabba d-diffikultà li sab biex jiżgura l-parteċipazzjoni tal-atleti li jipprattikaw l-iskejzjar b’veloċità għolja.

(10)

Il-Kummissjoni hija tal-fehma li r-Regoli ta’ Eliġibbiltà tal-ISU jammontaw għal deċiżjoni ta’ assoċjazzjoni ta’ impriżi li mhijiex kumpatibbli mal-Artikolu 101(1) tat-TFUE u li ma tissodisfax l-erba’ kundizzjonijiet kumulattivi tal-Artikolu 101(3) tat-TFUE.

(11)

Id-Deċiżjoni ssib li r-restrizzjoni tal-kompetizzjoni sseħħ fis-suq globali għall-organizzazzjoni u l-isfruttament kummerċjali tal-avvenimenti internazzjonali tal-iskejzjar b’veloċità għolja, irrispettivament minn jekk l-organizzazzjoni jew l-isfruttament kummerċjali jagħmlu parti mill-istess suq tal-prodott rilevanti u irrispettivament minn jekk jeżistu aktar distinzjonijiet bejn (i) avvenimenti individwali tal-iskejzjar b’veloċità għolja u serje ta’ avvenimenti ta’ skejzjar b’veloċità għolja; (ii) avvenimenti long-track u short-track tal-iskejzjar b’veloċità għolja; u (iii) avvenimenti rikurrenti tal-iskejzjar b’veloċità għolja (bħall-Kampjonati tad-Dinja u l-Kampjonati Ewropej tal-Iskejzjar b’Veloċità Għolja) u avvenimenti tal-iskejzjar b’veloċità għolja li jsiru darba biss kull għadd ta’ snin (bħal-Logħob Olimpiku tax-Xitwa). L-ISU tista’ tinfluwenza l-kompetizzjoni fuq is-suq rilevanti minħabba li hija l-korp governattiv u r-regolatur uniku tal-isport tal-iskejzjar b’veloċità għolja u tiddeċiedi esklussivament fuq l-awtorizzazzjoni tal-avvenimenti internazzjonali tal-iskejzjar b’veloċità għolja. Is-setgħa sostanzjali tagħha fis-suq tidher mill-fatt li apparti l-ISU u l-Membri tagħha, l-ebda impriża oħra ma kienet kapaċi tidħol b’suċċess fis-suq rilevanti.

(12)

Il-Kummissjoni tqis li l-ISU hija assoċjazzjoni ta’ impriżi skont it-tifsira tal-Artikolu 101 tat-TFUE. Hija timpenja ruħha f’attività ekonomika sakemm hija twettaq attivitajiet kummerċjali relatati mal-organizzazzjoni u l-isfruttament kummerċjali ta’ avvenimenti internazzjonali tal-iskejzjar b’veloċità għolja. B’mod speċifiku, l-ISU hija assoċjazzjoni li hija magħmula minn assoċjazzjonijiet nazzjonali individwali li jamministraw l-iskejzjar b’veloċità għolja u li jwettqu attività ekonomika fil-livell nazzjonali. Peress li l-Membri nnifishom jikkwalifikaw bħala impriżi, l-ISU hija assoċjazzjoni ta’ impriżi skont it-tifsira tal-Artikolu 101 tat-TFUE.

(13)

Skont ir-Regolamenti Ġenerali tal-ISU, ir-regoli ta’ Eliġibbiltà huma vinkolanti fuq il-Membri kollha u l-klabbs affiljati sa fejn huma kkonċernati kwistjonijiet internazzjonali. Għalhekk, ir-Regoli ta’ Eliġibbiltà jikkoordinaw l-imġiba tal-Membri tal-ISU u jikkostitwixxu deċiżjoni ta’ assoċjazzjoni ta’ impriżi skont it-tifsira tal-Artikolu 101(1) tat-TFUE.

(14)

Fid-Deċiżjoni, il-Kummissjoni hija tal-fehma li r-Regoli ta’ Eliġibbiltà għandhom bħala l-għan ir-restrizzjoni tal-kompetizzjoni skont it-tifsira tal-Artikolu 101(1) tat-TFUE, fir-rigward tal-kontenut, l-objettivi u l-kuntest legali u ekonomiku.

(15)

Ir-Regoli ta’ Eliġibbiltà tal-2014 stabbilixxew li atleta jsir ineliġibbli biex jipparteċipa fil-kompetizzjonijiet tal-ISU jekk jipparteċipa f’avveniment tal-iskejzjar li mhuwiex awtorizzat mill-ISU. B’mod partikolari, jekk atleta jsir ineliġibbli bħala konsegwenza ta’ parteċipazzjoni f’avveniment mhux awtorizzat, l-atleta ma jistax japplika biex jerġa’ jidħol. Għalhekk, ksur tar-Regoli ta’ Eliġibbiltà tal-2014 irriżulta fi projbizzjoni tul il-ħajja. Is-sanzjoni kienet tapplika irrispettivament minn jekk l-avveniment mhux awtorizzat ipperikola s-saħħa u s-sigurtà tal-atleta jew l-integrità tal-isport. Il-Kostituzzjoni nnifisha tal-ISU żvelat li r-Regoli ta’ Eliġibbiltà tal-2014 jimmiraw li jħarsu “l-interessi ekonomiċi u l-interessi oħrajn tal-ISU”. Ir-Regoli ta’ Eliġibbiltà tal-2014 illimitaw il-possibbiltajiet għall-atleti professjonali tal-iskejzjar b’veloċità għolja f’avvenimenti internazzjonali tal-iskejzjar b’veloċità għolja organizzati minn partijiet terzi, u b’hekk waqqfu lill-organizzaturi kompetituri (potenzjali) ta’ avvenimenti tal-iskejzjar b’veloċità għolja milli jużaw is-servizzi tal-atleti li huma meħtieġa biex jiġu organizzati dawn l-avvenimenti.

(16)

L-ISU rrevediet ir-Regoli ta’ Eliġibbiltà tagħha fl-2016, imma r-Regoli ta’ Eliġibbiltà tal-2016 ma jbiddlux il-konklużjoni tal-Kummissjoni li jirrestrinġu l-kompetizzjoni skont l-iskop. Filwaqt li tneħħa l-imponiment awtomatiku ta’ projbizzjoni tul il-ħajja fir-Regoli ta’ Eliġibbiltà tal-2016, il-projbizzjonijiet riveduti xorta huma punittivi b’mod sproporzjonat fid-dawl ta’ karriera relattivament qasira tal-atleti li jipprattikaw l-iskejzjar b’veloċità għolja u għalhekk mhumiex differenti ħafna fl-iskop tagħhom li jipprevjenu lill-atleti milli jipparteċipaw f’avvenimenti alternattivi ta’ skejzjar b’veloċità għolja, u milli jwaqqfu lill-organizzaturi ta’ avvenimenti tal-iskejzjar b’veloċità għolja.

(17)

Minkejja li mhuwiex neċessarju li jiġu analizzati l-effetti tar-Regoli ta’ Eliġibbiltà, il-Kummissjoni madankollu tqis li dawn għandhom ukoll effett restrittiv fuq il-kompetizzjoni. Fl-assenza tar-Regoli ta’ Eliġibbiltà, l-atleti jkunu jistgħu joffru s-servizzi tagħhom lill-organizzaturi tal-avvenimenti tal-iskejzjar b’veloċità għolja u mhux biss lill-ISU jew lill-Membri tagħha, u ma jkun hemm l-ebda ostakolu insormontabbli ieħor, u fil-fatt, possibbilitajiet konkreti għal kompetituri potenzjali biex isiru attivi fl-organizzazzjoni u fl-isfruttament kummerċjali ta’ avvenimenti internazzjonali ta’ skejzjar b’veloċità għolja.

(18)

Ir-Regoli ta’ Eliġibbiltà jservu biex iżommu s-setgħa tas-suq tal-ISU u tal-Membri tagħha. Effettivament, l-ebda parti terza ma hija attiva fl-organizzazzjoni u fl-isfruttament kummerċjali ta’ avvenimenti internazzjonali tal-iskejzjar b’veloċità għolja. Id-dħul ta’ Icederby x’aktarx kien jirnexxi li kieku ma kienx għall-effett deterrenti tar-Regoli ta’ Eliġibbiltà u minħabba f’hekk, l-inabbiltà tiegħu biex jassigura l-atleti. Icederby kieku, kien se jorganizza l-avvenimenti tiegħu tul l-istaġun kwiet tal-ISU billi joffri avvenimenti tal-iskejzjar b’veloċità għolja addizzjonali lill-konsumaturi u flussi addizzjonali ta’ dħul lill-atleti.

(19)

Dan juri li r-Regoli ta’ Eliġibbiltà għandhom impatt negattiv fuq bosta parametri ta’ kompetizzjoni, b’mod partikolari: (i) l-output, u (ii) l-għażla tal-konsumatur u l-innovazzjoni. L-ewwel nett, l-output hu ristrett peress li parteċipanti ġodda potenzjali huma mxekkla milli jakkwistaw is-servizzi tal-atleti u mhumiex kapaċi jorganizzaw avvenimenti addizzjonali tal-iskejzjar b’veloċità għolja mingħajr l-awtorizzazzjoni tal-ISU. It-tieni nett, ir-Regoli ta’ Eliġibbiltà jaffettwaw l-għażla tal-konsumatur u l-innovazzjoni b’mod negattiv minħabba li kompetituri potenzjali jistgħu joffru formats differenti u innovattivi ta’ avvenimenti tal-iskejzjar b’veloċità għolja. Pereżempju, Icederby kellhom l-għan li jintroduċu format ġdid ta’ skejzjar b’veloċità għolja, fejn l-atleti tal-iskejzjar b’veloċità għolja short track u long track jikkompetu ma 'ġenb xulxin.

(20)

Ir-Regoli ta’ Eliġibbiltà jirrigwardjaw l-organizzazzjoni tal-isport kompetittiv. Fir-rigward tal-Meca-Medina, il-Qorti tal-Ġustizzja ddeċidiet li tali regoli ġeneralment huma soġġetti għal-liġi tal-kompetizzjoni tal-UE. F’ċerti ċirkostanzi, dawn jistgħu jaqgħu barra mill-applikazzjoni tal-Artikolu 101 tat-TFUE, u jqisu (i) il-kuntest globali meta ttieħdu r-regoli jew jipproduċu l-effetti tagħhom u b’mod partikolari l-għanijiet tagħhom, (ii) jekk l-effetti li jirrestrinġu l-kompetizzjoni li jirriżultaw minnha humiex inerenti għat-tfittxija tal-imsemmija għanijiet u (iii) jekk humiex proporzjonati għalihom.

(21)

Il-Kummissjoni tqis li r-Regoli ta’ Eliġibbiltà ma jservux biss l-għanijiet leġittimi iżda wkoll interessi oħrajn tal-ISU inklużi l-interessi ekonomiċi tagħha. Barra minn hekk, il-Kummissjoni tqis li r-Regoli ta’ Eliġibbiltà la huma inerenti fit-tfittxija tal-objettivi leġittimi u lanqas ma huma proporzjonati sabiex jintlaħqu għanijiet leġittimi, b’mod partikolari fid-dawl tan-natura sproporzjonata tas-sanzjonijiet tal-ineliġibbiltà (sa projbizzjoni tul il-ħajja) u l-fatt li l-atleti huma pprojbiti milli jipparteċipaw f’avvenimenti mhux awtorizzati mingħajr ma l-awtorizzazzjoni ta’ avvenimenti ta’ partijiet terzi tkun ibbażata fuq kriterji ċari, oġġettivi, trasparenti u mhux diskriminatorji. Ir-Regoli ta’ Eliġibbiltà għalhekk ma jaqgħux barra mill-applikazzjoni tal-Artikolu 101 tat-TFUE.

(22)

L-ISU ma kinitx kapaċi turi li ntlaħqu il-kundizzjonijiet kumulattivi tal-Artikolu 101(3) tat-TFUE. B’mod partikolari, ir-Regoli ta’ Eliġibbiltà la huma indispensabbli u lanqas ma huma proporzjonati. Hemm modi inqas restrittivi kif wieħed jakkwista l-effiċjenzi mbassra. Barra minn hekk, ir-regoli jeliminaw il-kompetizzjoni għal kollox billi joħolqu ostaklu insurmontabbli tad-dħul għal partijiet terzi li jixtiequ jorganizzaw u jisfruttaw kummerċjalment l-avvenimenti internazzjonali tal-iskejzjar b’veloċità għolja.

(23)

Skont ir-Regoli ta’ Appell u ta’ Arbitraġġ, appelli kontra l-implimentazzjoni tar-Regoli ta’ Eliġibbiltà huma soġġetti għall-ġurisdizzjoni esklużiva tal-Qorti tal-Arbitraġġ għall-Isport (CAS) li hija bbażata f’Lausanne, fl-Iżvizzera. Il-Kummissjoni ma tikkonkludix illi ir-Regoli ta’ Appell u ta’ Arbitraġġ jikkostitwixxu ksur tad-dritt ta' l-atleti għal smiegħ ġust. Imma, il-Kummissjoni tqis fir-rigward ta’ deċiżjonijiet ta' ineliġibbiltà potenzjalment antikompetittivi tal-ISU, ir-Regoli ta’ Appell u ta’ Arbitraġġ jsaħħu r-restrizzjoni tal-libertà kummerċjali tagħhom u l-esklużjoni ta’ kompetituri potenzjali.

(24)

Fil-kuntest speċifiku tad-Deċiżjoni, il-Kummissjoni ma timponix multa fuq l-ISU għar-raġunijiet kumulattivi li ġejjin: (i) din hija l-ewwel deċiżjoni skont l-Artikolu 7 tar-Regolament (KE) Nru 1/2003 adottata mill-Kummissjoni fir-rigward ta’ regoli stipulati minn korpi governattivi tal-isports, filwaqt li n-natura speċifika tal-isport hija rikonoxxuta fl-Artikolu 165 tat-TFUE; (ii) ir-Regoli ta’ Eliġibbiltà tal-ISU ilhom fis-seħħ mill-adozzjoni tagħhom fl-1998 u ilhom magħrufa pubblikament minn dak iż-żmien; u (iii) l-ISU hija federazzjoni internazzjonali tal-isports li, apparti li hija involuta f’attivitajiet kummerċjali, taġixxi biex tippromwovi l-isport tal-iskejzjar b’veloċità għolja madwar id-dinja, inkluż billi tagħti parti mid-dħul tagħha għall-iżvilupp tal-isport.

(25)

Madankollu, il-Kummissjoni hija tal-fehma li ħlasijiet perjodiċi ta’ penali għandhom jiġu imposti fuq l-ISU f’każ li ma ttemmx il-ksur fi żmien 90 jum mid-data ta’ notifika ta’ din id-Deċiżjoni.

27.4.2018   

MT

Il-Ġurnal Uffiċjali tal-Unjoni Ewropea

C 148/13

27.4.2018   

MT

Il-Ġurnal Uffiċjali tal-Unjoni Ewropea

C 148/13

27.4.2018   

MT

Il-Ġurnal Uffiċjali tal-Unjoni Ewropea

C 148/14

27.4.2018   

MT

Il-Ġurnal Uffiċjali tal-Unjoni Ewropea

C 148/15

1.

Fid-19 ta’ April 2018, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż tikkonċerna l-impriżi li ġejjin:

SEB takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll uniku ta’ ALI.

Il-konċentrazzjoni titwettaq permezz provvedimenti kuntrattwali.

2.

L-attivitajiet kummerċjali tal-impriżi kkonċernati huma:

—   SEB: toffri firxa wiesgħa ta’ servizzi finanzjarji lil klijenti bl-imnut u dawk korporattivi;

—   ALI: l-iżvilupp, il-manifattura u l-bejgħ ta’ soluzzjonijiet tad-dawl lil klijenti tan-negozju.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn 10 ijiem wara d-data ta’ din il-pubblikazzjoni. Jinħtieġ li r-referenza li ġejja tiġi dejjem speċifikata:

M.8878 — SEB/ALI

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: