ISSN 1977-0987 |
||
Il-Ġurnal Uffiċjali tal-Unjoni Ewropea |
C 132 |
|
Edizzjoni bil-Malti |
Informazzjoni u Avviżi |
Volum 61 |
Avviż Nru |
Werrej |
Paġna |
|
II Komunikazzjonijiet |
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kummissjoni Ewropea |
|
2018/C 132/01 |
Ebda oppożizzjoni għal konċentrazzjoni notifikata (Il-Każ M.8830 — Strategic Value Partners/Vita Group) ( 1 ) |
|
IV Informazzjoni |
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
Il-Kunsill |
|
2018/C 132/02 |
||
2018/C 132/03 |
||
2018/C 132/04 |
||
|
Il-Kummissjoni Ewropea |
|
2018/C 132/05 |
||
|
Il-Qorti tal-Awdituri |
|
2018/C 132/06 |
|
V Avviżi |
|
|
ATTI OĦRAJN |
|
|
Il-Kummissjoni Ewropea |
|
2018/C 132/07 |
|
|
|
(1) Test b'rilevanza għaż-ŻEE. |
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
13.4.2018 |
MT |
Il-Ġurnal Uffiċjali tal-Unjoni Ewropea |
C 132/1 |
Ebda oppożizzjoni għal konċentrazzjoni notifikata
(Il-Każ M.8830 — Strategic Value Partners/Vita Group)
(Test b'rilevanza għaż-ŻEE)
(2018/C 132/01)
Fit-3 ta’ April 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8830. Il-EUR-Lex hu l-aċċess fuq l-internet għal-liġi Ewropea. |
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kunsill
13.4.2018 |
MT |
Il-Ġurnal Uffiċjali tal-Unjoni Ewropea |
C 132/2 |
Avviż għall-attenzjoni tal-persuni li għalihom japplikaw il-miżuri previsti fid-Deċiżjoni tal-Kunsill 2011/235/PESK, kif emendata mid-Deċiżjoni tal-Kunsill (PESK) 2018/568 u fir-Regolament tal-Kunsill (UE) Nru 359/2011, kif implimentat mir-Regolament ta’ Implimentazzjoni tal-Kunsill (UE) 2018/565 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran
(2018/C 132/02)
L-informazzjoni li ġejja qed tinġieb għall-attenzjoni tal-persuni li jidhru fl-Anness għad-Deċiżjoni tal-Kunsill 2011/235/PESK (1), kif emendata bid-Deċiżjoni tal-Kunsill (PESK) 2018/568 (2), u fl-Anness I għar-Regolament tal-Kunsill (UE) Nru 359/2011 (3), kif implimentat bir-Regolament ta’ Implimentazzjoni tal-Kunsill (UE) 2018/565 (4) dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran.
Il-Kunsill tal-Unjoni Ewropea ddeċieda li l-persuni li jidhru fl-Annessi msemmijin hawn fuq għandhom jibqgħu jiġu inklużi fil-lista ta’ persuni u entitajiet soġġetti għall-miżuri restrittivi previsti fid-Deċiżjoni 2011/235/PESK u fir-Regolament (UE) Nru 359/2011.
Qed tinġibed l-attenzjoni tal-persuni kkonċernati għall-possibbiltà li ssir applikazzjoni lill-awtoritajiet kompetenti tal-Istat(i) Membru/i rilevanti kif indikat fis-siti elettroniċi fl-Anness II tar-Regolament (UE) Nru 359/2011, sabiex tinkiseb awtorizzazzjoni biex il-fondi ffriżati jintużaw għal ħtiġijiet bażiċi jew ħlasijiet speċifiċi (ara l-Artikolu 4 tar-Regolament).
Il-persuni kkonċernati jistgħu jressqu talba quddiem il-Kunsill qabel il-31 ta’ Diċembru 2018, flimkien ma’ dokumentazzjoni ta’ sostenn li d-deċiżjoni li huma jiġu inklużi fil-lista msemmija hawn fuq jenħtieġ li terġa’ tiġi kkunsidrata, fl-indirizz li ġej:
Kunsill tal-Unjoni Ewropea |
DG C 1C — Unità għal Kwistjonijiet Orizzontali |
Segretarjat Ġenerali |
Rue de la Loi/Wetstraat 175 |
1048 Bruxelles/Brusse |
BELGIQUE/BELGIË |
Indirizz elettroniku: sanctions@consilium.europa.eu |
Qed tinġibed l-attenzjoni tal-persuni kkonċernati anke għall-possibbiltà li jikkontestaw id-Deċiżjoni tal-Kunsill quddiem il-Qorti Ġenerali tal-Unjoni Ewropea, f’konformità mal-kondizzjonijiet stabbiliti fl-Artikolu 275, it-tieni paragrafu, u l-Artikolu 263 ir-raba’ u s-sitt paragrafu, tat-Trattat dwar il-Funzjonament tal-Unjoni Ewropea.
(1) ĠU L 100, 14.4.2011, p. 51.
(2) ĠU L 95, 13.4.2018, p. 14.
(3) ĠU L 100, 14.4.2011, p. 1.
13.4.2018 |
MT |
Il-Ġurnal Uffiċjali tal-Unjoni Ewropea |
C 132/3 |
Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fir-Regolament tal-Kunsill (UE) Nru 359/2011 dwar miżuri restrittivi diretti kontra ċerti persuni, entitajiet u korpi fil-kuntest tas-sitwazzjoni fl-Iran
(2018/C 132/03)
Qiegħda tinġibed l-attenzjoni tas-suġġetti tad-data għall-informazzjoni li ġejja f'konformità mal-Artikolu 12 tar-Regolament (KE) Nru 45/2001 tal-Parlament Ewropew u l-Kunsill (1):
Il-bażi legali għal din l-operazzjoni ta' pproċessar hija r-Regolament tal-Kunsill (UE) Nru 359/2011 (2).
Il-kontrollur ta' din l-operazzjoni ta' pproċessar hu l-Kunsill tal-Unjoni Ewropea rrappreżentat mid-Direttur Ġenerali tad-DĠ C (Affarijiet Barranin, Tkabbir, Protezzjoni Ċivili) tas-Segretarjat Ġenerali tal-Kunsill u d-dipartiment inkarigat bl-operazzjoni ta' pproċessar hu l-Unità 1C tad-DĠ C li jista' jiġi kkuntattjat f'dan l-indirizz:
Kunsill tal-Unjoni Ewropea |
Segretarjat Ġenerali |
DG C 1C — Unità għal Kwistjonijiet Orizzontali |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
indirizz elettroniku: sanctions@consilium.europa.eu |
L-għan tal-operazzjoni ta' pproċessar huwa l-istabbiliment u l-aġġornament tal-lista ta' persuni soġġetti għal miżuri restrittivi f'konformità mar-Regolament (UE) Nru 359/2011.
Is-suġġetti tad-data huma l-persuni fiżiċi li jissodisfaw il-kriterji għall-elenkar kif stabbilit f'dak ir-Regolament.
Id-data personali miġbura tinkludi d-data meħtieġa għall-identifikazzjoni korretta tal-persuna kkonċernata, id-Dikjarazzjoni tar-Raġunijiet u kull data oħra marbuta ma' dan.
Id-data personali miġbura tista' tiġi kondiviża skont kif meħtieġ mas-Servizz Ewropew għall-Azzjoni Esterna u l-Kummissjoni.
Mingħajr preġudizzju għar-restrizzjonijiet previsti fl-Artikolu 20(1)(a) u (d) tar-Regolament (KE) Nru 45/2001, talbiet għal aċċess, kif ukoll talbiet għal rettifika jew oġġezzjoni jitwieġbu skont it-taqsima 5 tad-Deċiżjoni tal-Kunsill 2004/644/KE (3).
Data personali tinżamm għal 5 snin minn meta s-suġġett tad-data jkun tneħħa mil-lista ta' persuni soġġetti għall-iffriżar tal-assi jew il-validità tal-miżura tkun skadiet, jew sakemm ikunu fis-seħħ il-proċedimenti tal-qorti f'każ li dawn ikunu nbdew.
Is-suġġetti tad-data jistgħu jirrikorru għand il-Kontrollur Ewropew għall-Protezzjoni tad-Data f'konformità mar-Regolament (KE) Nru 45/2001.
(2) ĠU L 100, 14.4.2011, p. 1.
(3) ĠU L 142M, 30.5.2006, p. 249.
13.4.2018 |
MT |
Il-Ġurnal Uffiċjali tal-Unjoni Ewropea |
C 132/4 |
Avviż għall-attenzjoni ta’ ċerti persuni soġġetti għall-miżuri restrittivi previsti fid-Deċiżjoni tal-Kunsill 2013/255/PESK u r-Regolament tal-Kunsill (UE) Nru 36/2012 dwar miżuri restrittivi fid-dawl tas-sitwazzjoni fis-Sirja
(2018/C 132/04)
L-informazzjoni li ġejja hi miġjuba għall-attenzjoni tas-Sur Abd Al-Fatah Qudsiyah (nru 9), is-Sur. Zoulhima Chaliche (nru 23), il-Maġġur Ġeneral Rafiq Shahadah (nru 37), il-Maġġur Ġeneral Talal Makhluf (nru 79), il-Maġġur Ġeneral Nazih Hassun (nru 80), is-Sur Emad Abdul-Ghani Sabouni (nru 114), is-Sur Tayseer Qala Awwad (nru 116), il-Ġeneral Amer al-Achi (nru 147) u l-Maġġur Ġeneral Muhamad Mahalla (nru 206), persuni li jidhru fl-Anness I tad-Deċiżjoni tal-Kunsill 2013/255/PESK (1) u fl-Anness II tar-Regolament tal-Kunsill (UE) Nru 36/2012 (2) dwar miżuri restrittivi fid-dawl tas-sitwazzjoni fis-Sirja.
Il-Kunsill beħsiebu jżomm il-miżuri restrittivi kontra l-persuni msemmijin hawn fuq b’dikjarazzjonijiet ġodda tar-raġunijiet. Dawk il-persuni huma b’dan infurmati li jistgħu jippreżentaw talba lill-Kunsill biex jiksbu d-dikjarazzjonijiet tar-raġunijiet maħsuba għad-deżinjazzjoni tagħhom, qabel id-19 ta’ April 2018, fl-indirizz li ġej:
Kunsill tal-Unjoni Ewropea |
General Secretariat |
DG C 1C |
Rue de la Loi/Wetstraat 175 |
1048 Bruxelles/Brussel |
BELGIQUE/BELGIË |
indirizz elettroniku: sanctions@consilium.europa.eu |
(1) ĠU L 147, 1.6.2013, p. 14.
Il-Kummissjoni Ewropea
13.4.2018 |
MT |
Il-Ġurnal Uffiċjali tal-Unjoni Ewropea |
C 132/5 |
Rata tal-kambju tal-euro (1)
It-12 ta’ April 2018
(2018/C 132/05)
1 euro =
|
Munita |
Rata tal-kambju |
USD |
Dollaru Amerikan |
1,2323 |
JPY |
Yen Ġappuniż |
132,04 |
DKK |
Krona Daniża |
7,4451 |
GBP |
Lira Sterlina |
0,86745 |
SEK |
Krona Żvediża |
10,3723 |
CHF |
Frank Żvizzeru |
1,1876 |
ISK |
Krona Iżlandiża |
122,00 |
NOK |
Krona Norveġiża |
9,5973 |
BGN |
Lev Bulgaru |
1,9558 |
CZK |
Krona Ċeka |
25,316 |
HUF |
Forint Ungeriż |
311,40 |
PLN |
Zloty Pollakk |
4,1844 |
RON |
Leu Rumen |
4,6615 |
TRY |
Lira Turka |
5,0473 |
AUD |
Dollaru Awstraljan |
1,5893 |
CAD |
Dollaru Kanadiż |
1,5517 |
HKD |
Dollaru ta' Hong Kong |
9,6734 |
NZD |
Dollaru tan-New Zealand |
1,6700 |
SGD |
Dollaru tas-Singapor |
1,6155 |
KRW |
Won tal-Korea t'Isfel |
1 319,86 |
ZAR |
Rand ta' l-Afrika t'Isfel |
14,7838 |
CNY |
Yuan ren-min-bi Ċiniż |
7,7452 |
HRK |
Kuna Kroata |
7,4213 |
IDR |
Rupiah Indoneżjan |
16 968,15 |
MYR |
Ringgit Malażjan |
4,7770 |
PHP |
Peso Filippin |
64,102 |
RUB |
Rouble Russu |
75,8954 |
THB |
Baht Tajlandiż |
38,448 |
BRL |
Real Brażiljan |
4,1482 |
MXN |
Peso Messikan |
22,3815 |
INR |
Rupi Indjan |
80,4170 |
(1) Sors: rata tal-kambju ta' referenza ppubblikata mill-Bank Ċentrali Ewropew.
Il-Qorti tal-Awdituri
13.4.2018 |
MT |
Il-Ġurnal Uffiċjali tal-Unjoni Ewropea |
C 132/6 |
Rapport Speċjali Nru 8/2018
“Appoġġ mill-UE għal investimenti produttivi fin-negozji — jeħtieġ li jkun hemm fokus akbar fuq id-durabbiltà”
(2018/C 132/06)
Il-Qorti Ewropea tal-Awdituri b’dan tinfurmak li r-Rapport Speċjali Nru 8/2018 “Appoġġ mill-UE għal investimenti produttivi fin-negozji — jeħtieġ li jkun hemm fokus akbar fuq id-durabbiltà” għadu kif ġie ppubblikat.
Ir-rapport jista’ jiġi kkonsultat jew imniżżel mis-sit web tal-Qorti Ewropea tal-Awdituri: http://eca.europa.eu
V Avviżi
ATTI OĦRAJN
Il-Kummissjoni Ewropea
13.4.2018 |
MT |
Il-Ġurnal Uffiċjali tal-Unjoni Ewropea |
C 132/7 |
Pubblikazzjoni ta’ applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2018/C 132/07)
Il-Kummissjoni Ewropea approvat din l-emenda minuri skont it-tielet subparagrafu tal-Artikolu 6(2) tar-Regolament ta’ Delega tal-Kummissjoni (UE) Nru 664/2014 (1).
APPLIKAZZJONI GĦALL-APPROVAZZJONI TA’ EMENDA MINURI
Applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2), tar-Regolament (UE) Nru 1151/2012 tal-Parlament Ewropew u tal-Kunsill (2)
“PARMIGIANO REGGIANO”
Nru tal-UE: PDO-IT-02202 — 14.11.2016
DOP ( X ) IĠP ( ) STG ( )
1. Grupp applikant u interess leġittimu
Consorzio del Formaggio Parmigiano-Reggiano (Konsorzju tal-Ġobon Parmigiano Reggiano) |
Uffiċċju prinċipali: Via J. F. Kennedy 18 |
42124 Reggio Emilia RE |
ITALIA |
Tel. +39 0522307741 |
Fax +39 0522307748 |
Email: staff@parmigianoreggiano.it |
Il-Konsorzju tal-Ġobon Parmigiano Reggiano huwa magħmul minn produtturi tal-ġobon “Parmigiano Reggiano”. Huwa awtorizzat biex jippreżenta applikazzjoni għal emenda skont l-Artikolu 13(1) tad-Digriet Nru 12511 tal-14 ta’ Ottubru 2013 tal-Ministeru tal-Politika Agrikola, Alimentari u tal-Forestrija.
2. Stat Membru jew pajjiż terz
L-Italja
3. Intestatura fl-ispeċifikazzjoni tal-prodott affettwata mill-emenda(i)
— |
☐ |
Deskrizzjoni tal-prodott |
— |
☒ |
Prova tal-oriġini |
— |
☒ |
Metodu ta’ produzzjoni |
— |
☐ |
Rabta |
— |
☒ |
Tikkettar |
— |
☒ |
Oħrajn [imballaġġ, aġġornament tal-leġiżlazzjoni, regoli dwar l-għalf tal-baqar] |
4. Tip ta’ emenda(i)
— |
☐ |
Emenda għall-Ispeċifikazzjoni tal-Prodott ta’ DOP jew ta’ IĠP reġistrata li għandha tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li ma tirrikjedi l-ebda emenda għad-Dokument Uniku ppubblikat |
— |
☒ |
Emenda għall-Ispeċifikazzjoni tal-Prodott ta’ DOP jew ta’ IĠP reġistrata li għandha tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li tirrikjedi emenda għad-Dokument Uniku ppubblikat |
— |
☐ |
Emenda għall-Ispeċifikazzjoni tal-Prodott ta’ DOP jew ta’ IĠP reġistrata li għandha tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li għaliha ma jkunx ġie ppubblikat Dokument Uniku (jew l-ekwivalenti). |
— |
☐ |
Emenda għall-Ispeċifikazzjoni tal-Prodott ta’ STG reġistrata li għandha tiġi kwalifikata bħala minuri skont ir-raba’ subparagrafu tal-Artikolu 53(2) tar-Regolament (UE) Nru 1151/2012. |
5. Emenda/i
Emendi għall-“Prova tal-oriġini”
“Standards tal-Produzzjoni tal-Ġobon”
Żdiedu dispożizzjonijiet ġodda biex titjieb it-traċċabilità tal-“Parmigiano Reggiano” maħkuk u f’porzjonijiet u sabiex tiġi żgurata l-konformità mal-Artikolu 4 tar-Regolament ta’ Implimentazzjoni tal-Kummissjoni (UE) Nru 668/2014 (3).
— |
Il-paġna 3 tal-Ispeċifikazzjoni tal-Prodott attwalment tgħid li ‘il-ġobon maħkuk u dak maqtugħ f’porzjonijiet (bil-qoxra jew mingħajrha) irid jiġi ppakkjat fiż-żona tal-oriġini sabiex tiġi garantita l-kwalità, it-traċċabbiltà u l-kontroll”. It-test li ġej issa se jitqiegħed immedjatament wara: “Kull meta l-“Parmigiano Reggiano” ikun se jiġi maħkuk jew imqatta’ f’porzjonijiet trid dejjem tkun garantita t-traċċabbiltà tal-forma oriġinali tal-ġobon (in-numru ta’ reġistrazzjoni, ix-xahar/is-sena ta’ produzzjoni u l-piż).” Sabiex titjieb it-traċċabbiltà tal-ġobon “Parmigiano Reggiano” li jkun ġie maqtugħ jew maħkuk u ppakkjat fiż-żona ġeografika ddefinita, l-operaturi issa huma meħtieġa jiżguraw li huma f’pożizzjoni jiggarantixxu t-traċċabbiltà tal-forma oriġinali tal-“Parmigiano Reggiano” minn fejn ikun qiegħed joriġina l-ġobon maħkuk jew imqatta’ f’porzjonijiet (in-numru ta’ reġistrazzjoni, ix-xahar/is-sena ta’ produzzjoni u l-piż). Din jenħtieġ li tiġi kklassifikata bħala emenda minuri minħabba li ma taffettwa ebda ċirkostanza elenkata fit-tielet subparagrafu tal-Artikolu 53(2) tar-Regolament (UE) Nru 1151/2012. B’mod partikolari, ma tirrappreżenta ebda żieda fir-restrizzjonijiet fuq il-kummerċ tal-prodott. |
— |
It-test li ġej iddaħħal fil-paġna 4: “L-operaturi (bdiewa tal-imħaleb, imħaleb, postijiet tal-maturazzjoni tal-ġobon, ħakkieka u dawk li jqattgħu l-ġobon f’porzjonijiet) huma reġistrati fis-sistema ta’ kontroll u elenkati fir-reġistri miżmuma mill-korp ta’ spezzjoni. Permezz taż-żamma ta’ reġistri taħt sistema ta’ awtoregolamentazzjoni, soġġetti għal kontrolli mill-korp ta’ spezzjoni, l-operaturi jiżguraw li jistgħu juru l-oriġini tal-għalf, tal-materja prima u tal-prodotti miż-żona tal-oriġini, kif ukoll il-fornitur u r-riċevitur. Il-kunsinni li jidħlu, il-kunsinni li joħorġu u l-korrelazzjoni bejniethom iridu jiġu rreġistrati f’kull stadju.” Din l-emenda qed issir għall-konformità mal-Artikolu 4 tar-Regolament ta’ Implimentazzjoni (UE) Nru 668/2014. Din għandha tiġi kklassifikata bħala emenda minuri minħabba li ma taffettwa ebda ċirkostanza elenkata fit-tielet subparagrafu tal-Artikolu 53(2) tar-Regolament (UE) Nru 1151/2012. |
Emendi għall-“Metodu ta’ produzzjoni”
“Standards tal-Produzzjoni tal-Ġobon”
Sar tibdil f’għadd ta’ regoli li jittrattaw il-proċess tat-taħlib kif ukoll it-trasport u l-immaniġġjar tal-ħalib fl-imħaleb. Sabiex tiġi żgurata protezzjoni u assigurazzjoni aħjar għall-konsumatur, hemm ukoll dispożizzjonijiet ġodda dwar il-proporzjon ta’ xaħam-kaseina tal-ħalib u dwar ċerti valuri analitiċi speċifiċi għall-ġobon “Parmigiano Reggiano”.
— |
Is-silta li ġejja fil-paġna 1: “Iż-żmien massimu disponibbli sabiex l-azjenda agrikola kollha ttemm kull sessjoni ta’ taħlib mit-tnejn permessi ta’ kuljum huwa ta’ erba’ sigħat.” ġiet emendata kif ġej: “Fil-każ ta’ ħalib li se jintuża għad-DOP, iż-żmien massimu disponibbli sabiex l-azjenda agrikola kollha ttemm kull sessjoni ta’ taħlib mit-tnejn permessi ta’ kuljum, inkluż it-trasport lejn il-maħleb huwa ta’ seba’ sigħat.” Il-frażi “fil-każ ta’ ħalib li se jintuża għad-DOP” ġiet miżjuda fl-Ispeċifikazzjoni tal-Prodott biex tagħmilha ċara li l-limitu ta’ żmien ma japplikax għall-ħalib li ma jintużax għall-produzzjoni tal-“Parmigiano Reggiano”. Peress li din hija sempliċement kjarifika u ma taffettwax il-produzzjoni tal-“Parmigiano Reggiano”, hija emenda minuri. Il-ħin massimu tat-taħlib żdied ukoll mil-limitu attwali ta’ erba’ sigħat għal seba’ sigħat (inkluż il-ħin tat-trasport, li, kif diġà ssemma fl-Ispeċifikazzjoni tal-Prodott, ma jistax jaqbeż is-sagħtejn) sabiex jippermetti aktar flessibbiltà fil-ħinijiet attwali ta’ taħlib, jippermetti l-użu ta’ teknoloġija ġdida ta’ taħlib, u jippermetti razzjonalizzazzjoni aħjar tal-użu tal-faċilità u standards tal-iġjene tal-ħalib. Iż-żieda tal-ħin massimu tat-taħlib minn erba’ sa seba’ sigħat għandha tiġi kwalifikata bħala emenda minuri minħabba li ma għandha ebda impatt fuq kif il-ħalib jiġi pproċessat jew fuq il-maturazzjoni tal-ġobon — u għalhekk ma taffettwax il-karatteristiċi essenzjali tal-prodott — peress li llum il-ġurnata hemm it-tendenza li l-ħalib jkollu tagħbija batterika baxxa ħafna u għalhekk jista’ jinħażen għal tul itwal ta’ ħin f’temperatura ta’ 18 °C (matul l-aħħar ħames snin it-tagħbija batterika naqset drastikament, b’għadd medju ta’ madwar 30 000 kolonja għal kull millilitru, ferm inqas mil-limitu legali ta’ 100 000 għal kull millilitru), tant li mill-2014 il-“Parmigiano Reggiano” ma kellux għalfejn juża d-deroga dwar tagħbijiet mikrobiċi prevista fil-leġiżlazzjoni Taljana dwar is-saħħa (l-Artikolu 9 tad-Digriet Presidenzjali Nru 54/97 [li jimplimenta d-Direttivi tal-Kunsill 92/46/KEE (4) u 92/47/KEE (5) dwar il-produzzjoni u t-tqegħid fis-suq ta’ ħalib u ta’ prodotti b’bażi tal-ħalib]). |
— |
Is-silta li ġejja ġiet miżjuda mal-paġna 1 (l-istess test ġie miżjud ukoll mad-Dokument Uniku taħt il-punt 3.4): “Il-proporzjon ta’ xaħam-kaseina tal-ħalib fil-btieti tat-tisħin, ikkalkulat bħala l-medja ppeżata tal-lottijiet kollha fi produzzjoni ta’ ġurnata partikolari, ma jistax jaqbeż 1,1 + 12 %.” Ir-raġuni għall-ispeċifikazzjoni tal-proporzjon ta’ xaħam-kaseina tal-ħalib fil-btieti hija li din ir-referenza espliċita hija l-uniku mod informattiv u affidabbli għall-kejl tal-kontenut tax-xaħam tal-prodott finali. Dan il-proporzjon ma jistax jaqbeż 1,1 + 12 %. Dan il-valur ta’ 1,1 huwa ċifra medja li ġiet stabbilita maż-żmien fil-produzzjoni tal-ġobon tradizzjonali “Parmigiano Reggiano”, filwaqt li l-marġni ta’ tolleranza ta’ 12 % jirrifletti l-fatt li l-valuri fil-“Parmigiano Reggiano” jistgħu jvarjaw b’mod sinifikanti minħabba l-użu ta’ metodi tradizzjonali tal-produzzjoni tal-ġobon u differenzi fil-kontenut ta’ xaħam tal-ħalib, influwenzat minn varjazzjonijiet staġjonali u metodi ta’ biedja. Dan it-tibdil ġej mill-ħtieġa li jiġu evitati prattiki ta’ produzzjoni tal-ġobon li jistgħu jipperikolaw il-karatteristiċi essenzjali tal-prodott — proporzjonijiet aktar estremi (ta’ aktar minn 1,23) jikkompromettu s-sawra distintiva tal-ġobon (imrammla fina u msaffa). Għalhekk l-inklużjoni ta’ dan il-valur għandha titqies bħala emenda minuri minħabba li ma tinvolvi ebda tibdil fil-karatteristiċi essenzjali tal-“Parmigiano Reggiano”, iżda pjuttost — bħala valur oġġettiv li jista’ jiġi ttestjat xjentifikament — tipprovdi mezz kif tiġi garantita s-sawra karatteristika tal-ġobon. |
— |
Is-silta li ġejja fil-paġna 1: “Sa 15 % tal-ħalib ta’ filgħodu jista’ jitwarrab għall-produzzjoni tal-ġobon tal-għada. Dan il-ħalib irid jinżamm fil-maħleb f’kontenituri xierqa tal-azzar; jekk jiġi mkessaħ, it-temperatura ma tistax tkun ta’ inqas minn 10 °C.” ġiet emendata kif ġej: “Sa 15 % tal-ħalib ta’ filgħodu jista’ jitwarrab għall-produzzjoni tal-ġobon tal-għada. Dan il-ħalib, li jrid jinżamm fil-maħleb f’kontenituri xierqa tal-azzar f’temperatura ta’ mhux inqas minn 10 °C, irid jitħalla joqgħod fit-tankijiet tal-ixkumar, flimkien mal-ħalib ta’ filgħaxija, sabiex il-krema tkun tista’ titla’ fil-wiċċ.” Din l-istruzzjoni fuq il-porzjon tal-ħalib ta’ filgħodu li jiġi mwarrab għall-għada — jiġifieri r-rekwiżit li jitħalla joqgħod fit-tankijiet tal-ixkumar dakinhar stess filgħaxija — qiegħda hemm sabiex tiġi evitata l-possibbiltà li l-ħalib jinżamm kif ikun (mhux xkumat) sal-għada filgħodu. Din għandha titqies bħala emenda minuri minħabba li ma taffettwax il-karatteristiċi essenzjali tal-prodott. L-għan tagħha huwa sempliċement li tingħata deskrizzjoni aħjar ta’ stadju fil-metodu ta’ produzzjoni. |
— |
Dan li ġej ġie miżjud mal-lista fil-paġna 2 li hija introdotta mit-test “Il-‘Parmigiano Reggiano’ għandu l-karatteristiċi li ġejjin”:
Fl-Ispeċifikazzjoni tal-Prodott attwali, din il-karatteristika hija elenkata biss għall-ġobon maħkuk, filwaqt fil-fatt tapplika għall-“Parmigiano Reggiano” kollu, irrispettivament mill-forma. Għalhekk in-nuqqas ta’ addittivi ġie miżjud mal-lista tal-karatteristiċi ġenerali tal-“Parmigiano Reggiano”. Il-fatt li l-prodott ma fih ebda addittiv diġà kien issemma fil-punt 3.3 tad-Dokument Uniku (“Materja prima (għall-prodotti pproċessati biss)”), skont liema “l-użu ta’ addittivi mhuwiex permess”. Madankollu, minħabba li, kif issemma hawn fuq, din hija karatteristika li tapplika għall-ġobon “Parmigiano Reggiano” kollu, din il-karatteristika (in-nuqqas ta’ addittivi) issa ġiet miżjuda mal-punt 3.2 tad-Dokument Uniku (“Deskrizzjoni tal-prodott li għalih japplika l-isem f’(1)”). Għalhekk, sabiex tiġi evitata duplikazzjoni, ir-referenza tneħħiet mill-punt 3.3. Din għandha titqies bħala emenda minuri, minħabba li l-għan tagħha huwa sempliċement li l-karatteristiċi ta’ “Parmigiano Reggiano” jitqiegħdu f’ordni aktar loġika u ma taffettwax il-karatteristiċi essenzjali tal-prodott. |
— |
Ir-referenza għall-profil amminoaċidiku (“Il-profil amminoaċidiku tipiku tal-“Parmigiano Reggiano”), imniżżla taħt l-introduzzjoni “Il-‘Parmigiano Reggiano’ għandu l-karatteristiċi li ġejjin:” fil-paġna 2: ġiet emendata kif ġej:
Il-profil amminoaċidiku ġie miżjud mal-lista tal-karatteristiċi tal-“Parmigiano Reggiano” għaliex attwalment dan il-valur huwa elenkat biss għall-ġobon maħkuk, filwaqt li fil-fatt din hija karatteristika li tapplika għall-ġobon “Parmigiano Reggiano” kollu, irrispettivament mill-forma. Issa ġie speċifikat livell limitu minimu għall-amminoaċidi liberi totali bħala perċentwal tal-proteini totali (it-test il-ġdid huwa “amminoaċidi liberi totali ta’ aktar minn 15 % tal-proteini totali”). Bħala l-prodott finali tat-tkissir tal-proteini mill-enzimi hekk kif il-ġobon jimmatura, l-amminoaċidi huma marbuta mill-qrib mal-età tal-ġobon innifsu, u l-maturazzjoni hija rekwiżit minimu li jrid jintlaħaq sabiex ġobon jiġi kklassifikat bħala “Parmigiano Reggiano”. Perċentwal aktar baxx mill-valur stabbilit jista’ jiġi intraċċat lura għal perjodu ta’ maturazzjoni ta’ inqas minn 12-il xahar. Din għandha titqies bħala emenda minuri minħabba li ma taffettwax il-karatteristiċi essenzjali tal-prodott. Pjuttost, l-għan tagħha huwa li tagħti definizzjoni aħjar ta’ rekwiżit li diġà kien inkluż fl-Ispeċifikazzjoni tal-Prodott. |
— |
Ir-rekwiżiti li ġejjin ġew miżjuda mal-lista introdotta mit-test “Il-‘Parmigiano Reggiano’ għandu l-karatteristiċi li ġejjin:” fil-paġna 2 (l-istess test ġie miżjud ukoll mad-Dokument Uniku taħt il-punt 3.2):
Biex titjieb l-effikaċja tal-verifiki dwar l-awtentiċità fuq il-“Parmigiano Reggiano” — b’mod partikolari fuq porzjonijiet mingħajr qoxra u ġobon maħkuk — kemm mill-korp ta’ spezzjoni nnifsu kif ukoll mill-awtoritajiet responsabbli għat-twettiq tal-ispezzjonijiet infushom, iddaħħlu parametri analitiċi speċifiċi. Dawn il-parametri ġew determinati wara riċerka, esperimentazzjoni u dokumentazzjoni tal-metodi lokali awtentiċi u konsistenti li jintużaw fil-produzzjoni tal-ġobon “Parmigiano Reggiano”. B’mod partikolari, minħabba l-preżenza dejjem tikber ta’ ġobon “ġeneriku” iebes fis-swieq fid-dinja kollha, kien hemm bżonn li jiġu introdotti valuri analitiċi ġodda li jindikaw karatteristiċi li huma uniċi għall-“Parmigiano Reggiano”. Wara analiżi tal-proporzjonijiet ta’ isotopi stabbli u tal-makro u tal-mikronutrijenti, twaqqfet bażi tad-data li tiddefinixxi u tikkaratterizza l-ġobon “Parmigiano Reggiano” u tagħmilha possibbli li wieħed jgħid jekk prodott huwiex ġej miż-żona tal-oriġini ddefinita jew le. Dan huwa dovut għall-fatt li ħafna min-nutrijenti inġestiti fid-dieta tal-baqar tal-ħalib (għalf, foraġġ, ilma, eċċ) imbagħad jiġu sekretati fil-ħalib permezz tal-mekkaniżmi bijokimiċi u fiżjoloġiċi speċifiċi involuti fil-produzzjoni tal-ħalib. Kull ingredjent fid-dieta ta’ baqra għandu l-kompożizzjoni minerali propju u sett ta’ isotopi stabbli, li huma determinati mill-karatteristiċi speċifiċi u mill-oriġini ġeografika tal-ispeċi u/jew tal-varjetà tal-pjanti (il-qamħirrun, pereżempju, għandu preżenza ħafna ogħla tal-isotopu Karbonju-13 mil-livell medju li jinsab fi speċi ta’ pjanti oħra li jintużaw għall-għalf ta’ annimali domestiċi). Bl-istess mod, speċi ta’ pjanta unika tista’ tippreżenta livelli differenti ta’ ċerti minerali skont iż-żona ġeografika. Dan huwa dovut għall-fatt li kull pjanta hija riflessjoni tal-karatteristiċi speċifiċi tal-art li fuqha titkabbar jew tinħasad, kif ukoll tal-ilma li tieħu (l-ilma jassorbi elementi mill-blat, u għalhekk il-kompożizzjoni kwantitattiva u kwalitattiva tiegħu tvarja skont il-post tas-sors). Madankollu, permezz ta’ ttestjar għal aċidi xaħmin taċ-ċiklopropan, huwa possibbli li jiġi ċċekkjat jekk il-ġobon ikunx sar bl-użu ta’ ħalib minn baqar li jkunu ngħataw silaġġ, li huwa pprojbit mill-Ispeċifikazzjoni tal-Prodott. Aċidi xaħmin taċ-ċiklopropan huma aċidi xaħmin ta’ oriġini mikrobika li jiġu rilaxxati fl-għalf matul il-fermentazzjoni batterika li sseħħ matul il-proċess ta’ ħżin f’silos. Peress li jiġu assorbiti bħala tali u jintużaw għas-sinteżi tax-xaħam tal-ħalib, ġew skoperti fil-ħalib ta’ baqar li ngħataw is-silaġġ (b’mod partikolari s-silaġġ tal-qamħirrun) u fi prodotti derivati minn dak il-ħalib (krema, butir, ġobon), filwaqt li l-assenza tagħhom minn prodotti oħra li jintużaw għall-għalf tal-baqar ifisser li qatt ma jinstabu fil-ħalib tal-baqar li d-dieta tagħhom ma tinkludix is-silaġġ. Għalhekk, issa ġie speċifikat limitu massimu ta’ aċidi xaħmin taċ-ċiklopropan għall-ġobon “Parmigiano Reggiano”, jiġifieri ta’ 22 mg għal kull 100 g. Din iċ-ċifra, li tqis l-inċertezza tal-kejl, ġiet determinata permezz tal-metodu ta’ kromatografija b’fażi gassuża/spettrometrija ta’ massa (GC-MS). L-inklużjoni ta’ dawn il-valuri bl-ebda mod ma tbiddel il-karatteristiċi essenzjali tal-prodott, iżda pjuttost tippermetti l-verifika tal-awtentiċità tal-prodott. Għalhekk it-tibdil ta’ hawn fuq huwa meqjus bħala emendi minuri. |
— |
Is-silta li ġejja fil-paġna 3: “Din id-denominazzjoni tista’ tintuża biss għal ġobon maħkuk li jissodisfa r-rekwiżiti tekniċi u xjentifiċi li ġejjin:” ġiet emendata kif ġej: “Din id-denominazzjoni tista’ tintuża biss għal ġobon maħkuk li jissodisfa wkoll ir-rekwiżiti tekniċi u xjentifiċi li ġejjin:” L-avverbju “wkoll” ġie miżjud biex jiġi enfasizzat il-fatt li, minbarra r-rekwiżiti li huma komuni għall-ġobon “Parmigiano Reggiano” kollu u li huma elenkati f’taqsimiet preċedenti tal-Ispeċifikazzjoni tal-Prodott, anke l-ġobon maħkuk irid jissodisfa ċerti kundizzjonijiet speċifiċi — kontenut minimu ta’ ndewwa, id-dehra u l-ammont massimu ta’ qoxra — li diġà huma preżenti fl-Ispeċifikazzjoni tal-Prodott attwali. Din għandha tiġi klassifikata bħala emenda minuri minħabba li ma taffettwax il-karatteristiċi essenzjali tal-ġobon “Parmigiano Reggiano”. |
— |
Il-valuri li ġejjin tneħħew mil-lista fil-paġna 3 introdotta minn “Din id-denominazzjoni tista’ tintuża biss għal ġobon maħkuk li jissodisfa wkoll ir-rekwiżiti tekniċi u xjentifiċi li ġejjin”:
Dawn il-kundizzjonijiet tħassru minn din it-taqsima minħabba li, kif intqal hawn fuq, mhumiex biss karatteristiċi tal-ġobon maħkuk, iżda fil-fatt huma karatteristiċi li japplikaw għall-ġobon “Parmigiano Reggiano” kollu, irrispettivament mill-forma. Għalhekk ġew inklużi fil-parti tal-Ispeċifikazzjoni tal-Prodott li tittratta l-karatteristiċi ġeneriċi tal-“Parmigiano Reggiano”. |
Emendi għat-“Tikkettar”
“Standards tal-Produzzjoni tal-Ġobon”
Ġew introdotti għadd ta’ regoli dwar it-tikkettar sabiex ikunu aktar trasparenti għall-konsumaturi.
— |
Is-silta li ġejja żdiedet mal-paġna 3 (l-istess test ġie inkluż ukoll fid-Dokument Uniku taħt il-punt 3.6): “Sabiex il-konsumaturi jkunu jistgħu jidentifikaw b’mod korrett l-età tiegħu, il-porzjonijiet kollha tal-“Parmigiano Reggiano” li jitqiegħdu fis-suq ippakkjati minn qabel ta’ aktar minn 15 g irid ikollhom tikketta li turi l-maturazzjoni minima.” Għal aktar protezzjoni u għal trasparenza aħjar għall-konsumaturi, il-maturità minima trid tkun iddikjarata fuq it-tikketti tal-porzjonijiet kollha tal-“Parmigiano Reggiano” li jitqiegħdu fis-suq ippakkjati minn qabel ta’ aktar minn 15 g. Peress li l-perjodu ta’ maturazzjoni tal-“Parmigiano Reggiano” — li jvarja bejn perjodu minimu ta’ 12-il xahar sa aktar minn 36 xahar — huwa varjabbli li għandu impatt kbir fuq il-karatteristiċi strutturali u organolettiċi tiegħu, huwa meqjus rakkomandabbli u meħtieġ li l-konsumaturi jiġu mgħarrfa dwar il-maturità tal-ġobon li se jixtru. Din jenħtieġ li tiġi kklassifikata bħala emenda minuri minħabba li ma taffettwa ebda ċirkostanza elenkata fit-tielet subparagrafu tal-Artikolu 53(2) tar-Regolament (UE) Nru 1151/2012. |
— |
It-test li ġej iddaħħal fil-paġna 4: “Id-dikjarazzjoni tan-numru ta’ reġistrazzjoni jew l-isem tal-maħleb fuq it-tikketta hija obbligatorja biss fil-każ ta’ ġobon maħkuk jew f’porzjonijiet li joriġina minn ġobnijiet immarkati bħala “Premium” skont l-Artikolu 15 tar-‘Regoli dwar il-Marki tal-Identità’.” L-Ispeċifikazzjoni tal-Prodott issa tgħid li l-ġobon “Parmigiano Reggiano” ippakkjat minn qabel, maħkuk jew maqtugħ f’porzjonijiet li juża l-immarkar volontarju “Premium” irid ikollu t-tikketta bin-numru tar-reġistrazzjoni jew l-isem tal-maħleb sabiex il-konsumaturi jkollhom l-informazzjoni tal-produttur għal dan it-tip ta’ prodott. Din hija b’mod ċar emenda minuri minħabba li ma taffettwa ebda ċirkostanza elenkata fit-tielet subparagrafu tal-Artikolu 53(2) tar-Regolament (UE) Nru 1151/2012. “Regoli dwar il-Marki tal-Identità” Sar tibdil għad-dispożizzjonijiet dwar il-proċedura għall-kontestazzjoni tal-verdett ta’ spezzjoni tal-kwalità. Tqies ukoll li l-Ispeċifikazzjoni tal-Prodott għandha tkun aktar ċara dwar meta ġobon jista’ jikseb status ta’ DOP u taħt liema kundizzjonijiet. Sar tibdil ukoll fir-regoli dwar marki volontarji u l-kundizzjonijiet għall-użu tagħhom. |
— |
Is-silta li ġejja mill-Artikolu 11 (intitolata Kontestazzjoni ta’ verdett ta’ spezzjoni):
ġiet emendata kif ġej:
Minħabba li ġew osservati problemi prattiċi fil-modi għall-kontestazzjoni tal-verdett ta’ spezzjoni tal-kwalità, issa ġie speċifikat li kwalunkwe kontestazzjoni bħal din trid tiġi ppreżentata fl-aħħar ta’ kull sessjoni individwali ta’ spezzjoni tal-kwalità, u mhux fl-aħħar tal-lott kollu. Fl-imħaleb kbar u ta’ daqs medju fejn il-kompiti ta’ spezzjoni tal-kwalità jieħdu aktar minn ġurnata waħda, il-marki tal-kwalità iridu jitwaħħlu jew jitneħħew fl-aħħar ta’ kull sessjoni individwali ta’ spezzjoni tal-kwalità sabiex jiġi evitat l-imblukkar ta’ lott sħiħ. Din jenħtieġ li tiġi kklassifikata bħala emenda minuri minħabba li ma taffettwa ebda ċirkostanza elenkata fit-tielet subparagrafu tal-Artikolu 53(2) tar-Regolament (UE) Nru 1151/2012. Sempliċement tittratta l-proċedura għall-kontestazzjoni tal-verdett ta’ spezzjoni tal-kwalità. |
— |
Iddaħħal paragrafu 1 ġdid fl-Artikolu 14 (“It-trasferiment tal-ġobon qabel it-tnax-il xahar”):
Għall-fini ta’ ċarezza, issa qed jiġi speċifikat li, sabiex jissodisfa r-rekwiżiti tad-DOP u biex jitqiegħed fis-suq bħala “Parmigiano Reggiano”, il-ġobon irid ikollu t-timbru ovali ta’ kwalità u jkun ġie mmaturat għal tal-anqas il-perjodu minimu ta’ tnax-il xahar. Din għandha tikkwalifika bħala emenda minuri għax sempliċement tiċċara aspetti li diġà kienu impliċiti fl-Ispeċifikazzjoni tal-Prodott. It-test preċedenti tal-Artikolu 14 issa huwa l-Artikolu 14(2). |
— |
“Artikolu 15 Il-marki “Export” u “Extra” Ladarba l-ġobon “Parmigiano-Reggiano” jilħaq it-18-il xahar ta’ maturazzjoni tiegħu, tista’ ssir applikazzjoni lill-Konsorzju biex tintuża l-marka “Parmigiano Reggiano Export” (ara l-immaġni 3) jew il-marka “Parmigiano Reggiano Extra” (ara l-immaġni 4). Sabiex ikollu dawn il-marki, il-ġobon irid jissodisfa r-rekwiżiti sabiex jingħata t-tikketta ta’ “Parmigiano Reggiano scelto sperlato” [li tfisser “kwalità għolja ċertifikata”] skont l-Artikolu 7. Forom ċertifikati ta’ ġobon li jkunu mmaturaw għal 18-il xahar jistgħu jiksbu d-dritt li jużaw dawn il-marki anke jekk ikunu ttieħdu barra miż-żona tal-produzzjoni biex ikomplu jimmaturaw, f’liema każ irid jintlaħaq il-ftehim meħtieġ mal-Konsorzju sabiex ikun jista’ jwettaq l-attivitajiet superviżorji tiegħu. Kwalunkwe spejjeż imġarrba fl-operazzjonijiet ta’ mmarkar għandhom jitħallsu mill-applikant.” ġiet emendata kif ġej: “Artikolu 15 Il-marki “Export” u “Premium” 1. Ladarba l-ġobon “Parmigiano-Reggiano” jilħaq it-18-il xahar ta’ maturazzjoni tiegħu, tista’ ssir applikazzjoni lill-Konsorzju biex tintuża l-marka “Export”. Sabiex ikollu din il-marka, il-ġobon irid jissodisfa r-rekwiżiti sabiex jingħata t-tikketta ta’ “Parmigiano Reggiano scelto sperlato” skont l-Anness imsemmi fl-Artikolu 7. 2. Ladarba l-ġobon “Parmigiano-Reggiano” jilħaq l-24 xahar ta’ maturazzjoni tiegħu, tista’ ssir applikazzjoni lill-Konsorzju biex tintuża l-marka “Premium”. Sabiex ikollu din il-marka, il-ġobon irid jissodisfa r-rekwiżiti sabiex jingħata t-tikketta ta’ “Parmigiano Reggiano scelto sperlato” skont l-Anness imsemmi fl-Artikolu 7. Kull lott ta’ ġobon immaturat irid ikun soġġett għal ittestjar sensorju, u d-dritt li tintuża din il-marka jingħata biss lill-ġobon li jikseb riżultati aħjar f’dan il-proċess ta’ ttestjar mill-“Parmigiano Reggiano” ta’ livell medju, skont arranġamenti operattivi stabbiliti mill-Konsorzju. 3. Forom ċertifikati ta’ ġobon li jkunu mmaturaw għal 18-il xahar jistgħu jiksbu d-dritt li jużaw dawn il-marki anke jekk ikunu ttieħdu barra miż-żona tal-produzzjoni biex ikomplu jimmaturaw. 4. Kwalunkwe spejjeż imġarrba fl-operazzjonijiet ta’ mmarkar għandhom jitħallsu mill-applikant.” It-titolu ta’ dan l-Artikolu nbidel, hekk kif il-kelma “Extra” ġiet sostitwita bil-kelma “Premium”. Minħabba n-nuqqas ta’ użu tneħħa l-immarkar volontarju “Extra”, minħabba li, f’termini ta’ funzjonijiet u karatteristiċi, huwa interkambjabbli mal-immarkar volontarju “Export” li jintuża l-aktar. Minflok il-marka “Extra”, ġiet introdotta marka volontarja ġdida, “Premium”, bħala inċentiv għall-produtturi kemm biex itejbu l-kwalità kif ukoll biex iżidu l-perjodi ta’ maturazzjoni tal-ġobon “Parmigiano Reggiano”. Peress li t-tikketta “Premium” inħolqot biex tkun kategorija ta’ kwalità superjuri, tiġi applikata lill-ġobnijiet li, minbarra li jissodisfaw ir-rekwiżiti sabiex jissejħu “Parmigiano Reggiano scelto sperlato” (li tfisser “kwalità għolja ċertifikata”), ikunu għaddew minn proċess ta’ maturazzjoni ta’ mill-inqas 24 xahar. Barra minn hekk, kull lott ta’ ġobon immaturat irid jiġi ttestjat ukoll biex jiġi żgurat li l-attributi sensorji tiegħu huma adattati għal din it-tikketta, meta mqabbla mal-ġobon “Parmigiano Reggiano” ta’ livell medju. Peress li l-marki volontarji jitwaħħlu fuq il-ġobon “Parmigiano Reggiano”, tqies superfluwu li jiżdied il-kliem “Parmigiano Reggiano” fuq dawk il-marki volontarji u għalhekk issa tneħħew. Barra minn hekk, biex jitneħħew ir-restrizzjonijiet grafiċi, fir-“Regoli dwar il-Marki tal-Identità” ma għadx hemm provvediment għal-logos għall-marki volontarji. Ma għadux aktar speċifikat li għandu jintlaħaq ftehim mal-Konsorzju sabiex ikun jista’ jwettaq l-attivitajiet superviżorji tiegħu għaliex fil-fatt din mhijiex attività superviżorja iżda pjuttost l-għoti ta’ permess għall-użu ta’ marka volontarja taħt ċerti kundizzjonijiet. Din għandha titqies bħala emenda minuri minħabba li tikkonċerna marki li jistgħu jintużaw għat-tikkettar volontarju tal-prodott ladarba l-prodott ikun diġà ġie ċċertifikat. Anness “Klassifikazzjoni tal-prodott” Żdiedet dispożizzjoni biex jiġi ċċarat il-punt fil-“ħajja” tal-ġobon li fih tapplika l-“Klassifikazzjoni tal-prodott”. |
— |
Ġiet miżjuda s-sentenza li ġejja: “Din il-klassifikazzjoni tapplika għall-ġobon fil-ħin tal-ispezzjoni tal-kwalità.” Skont l-Artikolu 6 (“Klassifikazzjoni tal-ġobon”) tar-“Regoli dwar il-Marki tal-Identità”, il-klassifikazzjoni stabbilita fl-Anness “Klassifikazzjoni tal-Prodott” trid tiġi applikata waqt spezzjonijiet tal-kwalità. Ġiet iċċarata l-klassifikazzjoni tal-prodott stabbilita f’dak l-Anness. Issa ġie speċifikat li din il-klassifikazzjoni tirreferi esklussivament għall-kundizzjoni tal-ġobon waqt l-ispezzjoni tal-kwalità. Il-klassifikazzjoni ma tistax effettivament tiżgura li l-ġobon huwa kompletament mingħajr difetti moħbija jew li mhux se jiżviluppaw difetti ladarba jiġu applikati l-marki. Dan jista’ jseħħ għal diversi raġunijiet, u b’mod partikolari inkluż il-ħżin f’kundizzjonijiet li mhumiex adattati għall-maturazzjoni u għall-preservazzjoni tal-ġobon, li jista’ jintensifika jew jikkawża deterjorament fil-karatteristiċi tal-ġobon u tal-qoxra jew difetti minuri li jkunu nstabu fl-ispezzjoni tal-kwalità. Fi snin reċenti kien hemm ilmenti mill-awtoritajiet ta’ spezzjoni dwar il-fatt li, f’verifiki li jkunu saru ftit xhur wara l-ispezzjoni tal-kwalità, xi ġobnijiet kellhom karatteristiċi strutturali li ma kinux għadhom jissodisfaw ir-rekwiżiti tal-prodott stabbiliti fl-Ispeċifikazzjoni tal-Prodott. Kif diġà ssemma, l-attività ta’ spezzjoni tal-kwalità tirreferi għall-ħin meta l-ġobon jiġi ċċekkjat. Mhuwiex possibbli li jiġi garantit li l-ġobon se jżomm il-karatteristiċi tul il-ħajja kollha tiegħu. Din għandha titqies bħala emenda minuri minħabba li ma taffettwax il-karatteristiċi essenzjali tal-prodott iżda hija biss kjarifika dwar il-klassifikazzjoni tal-prodott. |
Emendi “oħrajn”
Emendi għall-imballaġġ
“Standards tal-Produzzjoni tal-Ġobon”
Saret emenda sabiex it-terminoloġija Taljana użata fl-Ispeċifikazzjoni tal-Prodott tinġieb konformi mar-Regolament (UE) Nru 1151/2012.
— |
Is-silta li ġejja fil-paġna 3: “Il-ġobon maħkuk u dak maqtugħ f’porzjonijiet (bil-qoxra jew mingħajrha) irid jiġi ppakkjat [nota: it-terminu Taljan użat huwa condizionamento] fiż-żona tal-oriġini sabiex tiġi garantita l-kwalità, it-traċċabbiltà u l-kontroll.” ġiet emendata kif ġej: “Il-ġobon maħkuk u dak maqtugħ f’porzjonijiet (bil-qoxra jew mingħajrha) irid jiġi ppakkjat [nota: it-terminu Taljan użat huwa confezionamento] fiż-żona tal-oriġini sabiex tiġi garantita l-kwalità, it-traċċabbiltà u l-kontroll.” Biex taqbel mat-terminoloġija użata fl-Artikolu 7(1)(e) tar-Regolament (UE) Nru 1151/2012, issa qed tintuża l-kelma confezionamento għal “imballaġġ”, minflok condizionamento. Din jenħtieġ li titqies bħala emenda minuri għaliex tikkonsisti biss f’tibdil fit-terminoloġija biex taqbel mat-terminu użat fil-leġiżlazzjoni applikabbli. |
Emendi għall-aġġornament tal-leġiżlazzjoni
“Regoli dwar il-Marki tal-Identità”
— |
Is-segwenti, li kienet it-tieni sentenza tal-Artikolu 2(1) (Dmirijiet tal-Konsorzju tal-Ġobon “Parmigiano Reggiano”): “Jekk korp responsabbli għall-verifika tal-konformità mal-Ispeċifikazzjoni tal-Prodott ippreżentata skont ir-Regolament tal-Kunsill (KEE) Nru 2081/92 (kif emendat) josserva l-użu ħażin ta’ marki tal-oriġini jew xi ksur ieħor tal-Ispeċifikazzjoni tal-Prodott, il-Konsorzju jista’ jikkonfiska stensils tal-immarkar u pjanċi tal-isem u/jew jimponi penali kif stabbilit fir-regolamenti applikabbli.” ġiet emendata kif ġej: “Jekk korp responsabbli għall-verifika tal-konformità mal-Ispeċifikazzjoni tal-Prodott ippreżentata skont ir-Regolament (UE) Nru 1151/2012 (kif emendat) josserva l-użu ħażin ta’ marki tal-oriġini jew xi ksur ieħor tal-Ispeċifikazzjoni tal-Prodott, il-Konsorzju jista’ jikkonfiska stensils tal-immarkar u pjanċi tal-isem u/jew jimponi penali kif stabbilit fir-regolamenti applikabbli.” Peress li issa r-Regolament (UE) Nru 1151/2012 huwa fis-seħħ, kien hemm bżonn li jiġu aġġornati r-referenzi għal-leġiżlazzjoni, u b’hekk ir-referenza għar-Regolament tal-Kunsill (KEE) Nru 2081/92 ġiet sostitwita b’referenza għar-Regolament (UE) Nru 1151/2012. |
Emendi għar-regoli dwar l-alimentazzjoni tal-baqar
“Regoli dwar l-Alimentazzjoni tal-Baqar”
Sar tibdil fir-regoli dwar it-twettiq ta’ attivitajiet agrikoli minbarra t-trobbija tal-baqar tal-ħalib fl-istess azjenda agrikola, it-tekniki ta’ alimentazzjoni f’“ikla unika” u l-mod kif il-materja prima tingħata fid-dieti tal-baqar tal-ħalib.
— |
Is-silta li ġejja mill-Artikolu 5 (“Għalf u prodotti sekondarji pprojbiti”): “Jekk il-bhejjem jinżammu għal-laħam, jenħtieġ li jitrabbew f’postijiet differenti u jinżammu separati mill-baqar tal-ħalib. Madankollu, l-azjendi agrikoli ma jistgħux iżommu ħaxix insilat jew prodotti sekondarji (bħal polpa tal-pitravi, qxur tat-tadam, eċċ.) ippreservati f’balal imgeżwrin, f’sajlos imħaffrin fl-art, f’sajlos mibnija ’l fuq mill-art jew jużaw xi teknika oħra.” ġiet emendata kif ġej: “L-azjendi agrikoli li fuqhom jitrabbew il-baqar tal-ħalib iridu jiżguraw l-użu ta’ bini kompletament separat għal kwalunkwe attività agrikola oħra (attivitajiet mhux marbuta mal-ħalib, bħat-trobbija tal-bhejjem għaċ-ċanga, it-tħaddim ta’ diġesturi, eċċ.). Iċ-ċereali insilati u l-prodotti sekondarji jistgħu jinżammu u jintużaw għal dawn l-attivitajiet agrikoli oħra. Madankollu, l-azjendi agrikoli ma jistgħux iżommu ħaxix insilat ippreservat f’balal imgeżwrin, f’sajlos imħaffrin fl-art, f’sajlos mibnija ’l fuq mill-art jew jużaw xi teknika oħra.” Issa ġie speċifikat li l-azjendi agrikoli li fuqhom jitrabbew il-bhejjem tal-ħalib iridu jiżguraw li l-bini kompletament separat ma jintużax biss għall-bhejjem li jrabbu għaċ-ċanga, iżda wkoll għal kwalunkwe attività agrikola oħra li jistgħu jwettqu (pereżempju attivitajiet agrikoli żviluppati f’dawn l-aħħar snin bħall-użu ta’ diġesturi). Huwa speċifikat ukoll li dawn l-azjendi agrikoli jistgħu jippossjedu u jużaw ċereali insilati u prodotti sekondarji, peress li ż-żamma ta’ attivitajiet f’postijiet kompletament separati tfisser li ma hemm l-ebda riskju ta’ kontaminazzjoni tal-ħalib u, konsegwentement, tal-ġobon li se jinbiegħ bħala “Parmigiano Reggiano”. Għall-istess raġuni, l-Ispeċifikazzjoni tal-Prodott ma għadhiex tgħid li l-azjendi agrikoli ma jistgħux iżommu silaġġ minn prodotti sekondarji (bħal polpa tal-pitravi, qxur tat-tadam, eċċ.) ippreservati f’balal imgeżwrin, f’sajlos imħaffrin fl-art, f’sajlos mibnija ‘l fuq mill-art jew jużaw xi teknika oħra. L-istess bħal fil-każ ta’ ċereali insilati u prodotti sekondarji, dan is-silaġġ huwa permess sakemm fil-fatt jiġi mmaniġġjat f’postijiet kompletament separati għall-użu f’attivitajiet agrikoli (mhux tal-ħalib) oħra. Madankollu, xorta tibqa’ l-projbizzjoni fuq is-sempliċi pussess ta’ silaġġ ippreservat f’balal imgeżwrin, f’sajlos imħaffrin fl-art, f’sajlos mibnija ’l fuq mill-art jew l-użu ta’ xi teknika oħra, anki jekk jinżammu maħżuna kompletament separati. Dan it-tibdil ma għandu ebda impatt fuq il-materja prima (ħalib) li tintuża għall-produzzjoni tal-“Parmigiano Reggiano” u għalhekk ma jaffettwax il-ġobon innifsu. Għalhekk huwa emendi minuri. |
— |
Is-silta li ġejja mill-Artikolu 6 (“Materja prima għall-għalf”): “Il-materja prima li ġejja tista’ tintuża fid-dieta tal-baqar tal-ħalib skont l-istruzzjonijiet stabbiliti fl-Anness:” ġiet emendata kif ġej: “Il-materja prima li ġejja tista’ tintuża fid-dieta tal-baqar tal-ħalib:” L-Artikolu 11 tal-Ispeċifikazzjoni tal-Prodott (“Prodotti ġodda u żviluppi teknoloġiċi”) ma għadux segwit minn Anness dwar “Materja prima għall-għalf u dożi massimi permessi”, li jelenka l-materja prima permessa u l-limiti massimi. Dan it-tibdil ġej mill-ħtieġa li, minn naħa waħda jiġu simplifikati l-metodi għall-kalkolu tar-razzjon tal-għalf għall-baqar tal-ħalib, u min-naħa l-oħra, biex jiġu ffaċilitati l-ispezzjonijiet. Madankollu, il-filosofija sottostanti tal-Ispeċifikazzjoni tal-Prodott, ibbażata fuq l-ispeċifikazzjoni tal-għalf ipprojbit u dak permess u li tistabbilixxi limiti f’ċerti każijiet, tibqa’ kif inhi. Ir-raġuni għall-introduzzjoni oriġinali tal-Anness kienet il-ħtieġa li “jiġu mħarrġa” l-operaturi kif ukoll jiġu standardizzati l-metodi ta’ ħidma tagħhom fir-rigward tal-materja prima permessa għall-għalf u d-dożi massimi. Issa ma għadx hemm bżonn ta’ tali struzzjonijiet kategoriċi — li jirrikjedu kontrolli kumplessi u għaljin mill-korp ta’ spezzjoni — peress li minn dakinhar ġew stabbiliti l-aħjar prattiki, issa l-bdiewa huma mħarrġa aħjar, u l-professjonisti jipprovdu aktar għajnuna, li kollha jiżguraw il-kwalità tad-dieti tal-baqar tal-ħalib. Madankollu, l-Anness se jiġi inkluż f’manwal tal-aħjar prattika li se jkun disponibbli għall-bdiewa biex jikkonsultawh. Dan it-tibdil ma għandu ebda impatt fuq il-materja prima (ħalib) li tintuża għall-produzzjoni tal-“Parmigiano Reggiano” u għalhekk ma jaffettwax il-ġobon innifsu. Għaldaqstant huwa emenda minuri. |
— |
Dan li ġej għandu jitħassar mill-Artikolu 7 (“Użu ta’ għalf supplimentari sempliċi/kompost integrat u mhux integrat”): “L-għalf irid jingħata kif indikat fl-Anness.” Din l-emenda hija meħtieġa għaliex, kif ġie diskuss hawn fuq, dan l-Anness tħassar. |
— |
Din is-silta mill-Artikolu 10 (“It-teknika ta’ alimentazzjoni f’“ikla unika”): “Jekk it-taħlita tal-għalf tiġi mniddija, it-taħlit irid isir mill-inqas darbtejn kuljum u l-għalf irid jingħata minnufih wara li jitħejja.” ġiet emendata kif ġej: “Jekk it-taħlita tal-għalf tiġi mniddija (kontenut ta’ ndewwa ta’ 20 % jew aktar), it-taħlit irid isir mill-inqas darbtejn kuljum u l-għalf irid jingħata malli jitħejja.” Issa ġie speċifikat li, jekk jiġi miżjud l-ilma mat-taħlita biex iniddi l-għalf (dan huwa permess sabiex it-taħlita ma tibqax daqshekk f’forma ta’ trab u jiġi evitat li l-ingredjenti jisseparaw), il-kontenut ta’ ndewwa jrid ikun ta’ mill-inqas 20 %. Il-kontenut ta’ ndewwa li kif jinqabeż jista’ jiġi konkluż li l-ilma jkun żdied bħala ingredjent ġie stabbilit għal 20 % għar-raġunijiet li ġejjin:
Bħala riżultat ta’ dawn it-tliet fatturi flimkien, huwa possibbli li jiġi affermat b’ċertezza li taħlita li tkun ġiet imniddija (jekk wieħed iżomm f’moħħu li “t-taħlit irid isir mill-inqas darbtejn kuljum u l-għalf irid jingħata minnufih wara t-tħejjija”) b’kontenut ta’ ndewwa ta’ 20 % jew aktar. Ir-raġuni għal din ir-regola hija li livelli għoljin ta’ ndewwa jistgħu jikkawżaw u jsostnu l-fermentazzjoni tal-komponent taz-zokkor, u dan il-proċess ta’ fermentazzjoni jista’ jbiddel l-għalf kemm f’termini kimiċi kif ukoll dawk mikrobijoloġiċi. It-tħejjija u l-għoti tat-taħlita tal-għalf darbtejn kuljum inaqqsu l-ħin tal-ħżin, u b’hekk inaqqsu dan ir-riskju ta’ fermentazzjoni. Fl-istess silta, biex jiġi ċċarat il-mument eżatt li fih l-għalf ippreparat jenħtieġ li jingħata, minflok “l-għalf irid jingħata minnufih wara li jitħejja”, l-Ispeċifikazzjoni tal-Prodott issa tgħid li “l-għalf irid jingħata malli jitħejja”. Dan it-tibdil ma għandu ebda impatt fuq il-materja prima (ħalib) li tintuża għall-produzzjoni tal-“Parmigiano Reggiano” u għalhekk ma jaffettwax il-ġobon innifsu. Għaldaqstant huwa emenda minuri. |
6. Speċifikazzjoni tal-prodott aġġornata (għal DOP u IĠP biss)
DOKUMENT UNIKU
“PARMIGIANO REGGIANO”
Nru tal-UE: PDO-IT-02202 — 14.11.2016
DOP ( X ) IĠP ( )
1. Isem
“Parmigiano Reggiano”
2. Stat Membru jew Pajjiż Terz
L-Italja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.3. Ġobnijiet
3.2. Deskrizzjoni tal-prodott li għalih japplika l-isem f’(1)
Il-“Parmigiano Reggiano” huwa ġobon iebes magħmul minn ħalib tal-baqar li ma jkunx pasturizzat, li jiġi parzjalment xkumat billi l-krema titħalla titla’ fil-wiċċ. Il-ġobon jiġi mismut u jitħalla jimmatura bil-mod. Il-ħalib ma jrid jiġi sottopost għal ebda trattament termiku u għandu jkun ġej minn baqar li l-ikel tagħhom ikun ibbażat primarjament fuq għalf li ġej miż-żona tal-oriġini. Il-proċess ta’ maturazzjoni tal-ġobon irid jieħu tal-anqas 12-il xahar. Il-“Parmigiano Reggiano” jista’ jinbiegħ f’forma sħiħa, maqtugħ f’porzjonijiet jew maħkuk.
Il-“Parmigiano Reggiano” għandu l-karatteristiċi li ġejjin:
— |
Il-ġobnijiet huma ċilindriċi b’qoxra kemxejn konvessa jew kważi dritta u b’uċuħ ċatti bi trufijiet kemxejn mgħollija. |
— |
L-uċuħ ċatti għandhom dijametru ta’ bejn 35 cm u 45 cm u b’għoli inkluża l-qoxra ta’ bejn 20 cm u 26 cm. |
— |
Il-piż minimu ta’ kull ġobna huwa ta’ 30 kg. |
— |
Il-qoxra ta’ barra hija ta’ lewn naturali tat-tiben. |
— |
Il-ħxuna tal-qoxra hija ta’ madwar 6 mm. |
— |
Il-massa tal-ġobon tvarja bejn lewn it-tiben ċar u lewn it-tiben. |
— |
L-aroma u t-togħma karatteristiċi tal-ġobon huma fragranti, delikati u togħma bnina iżda mhux punġenti. |
— |
L-istruttura tal-ġobon hija mrammla fina u msaffa. |
— |
Il-kontenut minimu ta’ xaħam fil-materja niexfa huwa ta’ 32 %. |
— |
Il-ġobon ma fihx addittivi. |
— |
Għandu proporzjon ta’ aċidu xaħmi ċiklopropan ta’ inqas minn 22 mg għal kull 100 g ta’ xaħam (li diġà jqis l-inċertezza tal-kejl, bil-metodu ta’ kromatografija b’fażi gassuża-spettrometrija ta’ massa [CG-MS]). |
3.3. Għalf (għal prodotti li joriġinaw mill-annimali biss) u materja prima (għall-prodotti pproċessati biss)
L-għalf tal-baqar għandu jkun ibbażat fuq għalf miż-żona ġeografika ddefinita, u speċifikat kemm bil-kwantità kif ukoll bil-kwalità.
Tal-anqas 75 % tal-għalf niexef irid ikun ġie prodott fiż-żona ġeografika.
L-għalf ma jistax jikkostitwixxi aktar minn 50 % tal-materja niexfa tar-razzjon tal-għalf.
L-użu ta’ kwalunkwe tip ta’ silaġġ huwa pprojbit.
Ħalib tal-baqar, melħ, kimożina tal-għoġol.
Il-ħalib jiġi minn baqar imrobbija fiż-żona ġeografika ddefinita.
3.4. Passi speċifiċi tal-produzzjoni li jridu jsiru fiż-żona ġeografika ddefinita
L-azjendi agrikoli li fuqhom jitrabbew il-baqar tal-ħalib li l-ħalib tagħhom se jiġi pproċessat f’“Parmigiano Reggiano” iridu jinsabu fiż-żona ġeografika ddefinita.
Il-ħalib irid jiġi prodott u pproċessat fiż-żona ġeografika ddefinita. Il-ħalib mit-taħlib ta’ filgħaxija u ta’ filgħodu jintbagħat lill-maħleb mhux pasturizzat u mhux xkumat, skont l-ispeċifikazzjonijiet tal-produzzjoni. Il-ħalib mit-taħlib ta’ filgħodu jitqiegħed fi btieti tar-ram u jitħallat mal-ħalib tal-lejl ta’ qabel, parzjalment xkumat billi l-krema titħalla titla’ fil-wiċċ. Il-proporzjon ta’ xaħam-kaseina tal-ħalib fil-btieti tat-tisħin, ikkalkulat bħala l-medja ppeżata tal-lottijiet kollha fi produzzjoni ta’ ġurnata partikolari, ma jistax jaqbeż 1,1 + 12 %. Ix-xorrox mill-produzzjoni tal-ġobon tal-ġurnata ta’ qabel jiġi miżjud mal-ħalib; l-użu ta’ fermenti lattiċi mhuwiex permess. Wara l-koagulazzjoni, li għaliha tista’ tintuża biss kimożina tal-għoġol, il-baqta tinqasam u tinstamat. Wara s-sedimentazzjoni tal-massa tal-ġobon din tiġi ttrasferita f’forom. Imbagħad jibda l-proċess tal-ittrimbrar tal-marki fuq il-ġobnijiet. Wara ftit jiem, jibda l-proċess tal-preservazzjoni fis-salmura u mbagħad tal-maturazzjoni li għandha ddum tal-anqas 12-il-xahar.
Il-perjodu minimu ta’ maturazzjoni ta’ 12-il xahar irid iseħħ fiż-żona ġeografika ddefinita.
Wara l-perjodu minimu ta’ maturazzjoni, issir spezzjoni tal-kwalità biex tiġi ċċekkjata l-konformità mal-ispeċifikazzjonijiet tal-produzzjoni.
3.5. Regoli speċifiċi dwar it-tqattigħ, it-taħkik, l-ippakkjar, eċċ.
Il-“Parmigiano Reggiano” jista’ jinbiegħ f’forma sħiħa, maqtugħ f’porzjonijiet jew maħkuk.
Fl-interess tal-protezzjoni tal-konsumatur, sabiex tiġi ggarantita l-awtentiċità tal-“Parmigiano Reggiano” li jitqiegħed fis-suq ippakkjat minn qabel, maħkuk jew f’porzjonijiet, it-taħkik, it-tqattigħ f’porzjonijiet u l-imballaġġ suċċessiv iridu jsiru fiż-żona ġeografika ddefinita. Dan huwa meħtieġ minħabba li l-marki li jidentifikaw ġobna sħiħa bħala “Parmigiano Reggiano” jintilfu jew ma jkunux viżibbli fuq il-ġobon maħkuk jew maqtugħ f’porzjonijiet, u għalhekk hemm bżonn li tkun garantita l-oriġini tal-prodott ippakkjat minn qabel. Dan huwa meħtieġ ukoll minħabba li l-ġobon jeħtieġ li jiġi ppakkjat malajr wara li jinqata’ f’biċċiet u bl-użu ta’ proċeduri li ma jħalluhx jinxef jew jiġi ossidizzat, jew milli jitlef il-karatteristiċi organolettiċi oriġinali tiegħu tal-“Parmigiano Reggiano”. Il-ftuħ u t-tqattigħ ta’ forma ta’ ġobon iċaħħdu l-ġobon mill-protezzjoni naturali mogħtija mill-qoxra, li — minħabba li hija stess tkun deidratata sew — taġixxi bħala iżolant tajjeb għall-ġobon kontra l-ambjent tal-madwar.
It-taħkik jista’ jsir biss fuq ġobna sħiħa li jkollha d-Denominazzjoni ta’ Oriġini Protetta “Parmigiano Reggiano”. Irid jiġi ppakkjat minnufih wara t-taħkik u ma għandu jiġi sottopost għal ebda proċessar jew iż-żieda ta’ sustanzi li jistgħu jaffettwaw il-preservazzjoni jew il-karatteristiċi organolettiċi oriġinali tal-ġobon.
L-ippakkjar tal-porzjonijiet tal-“Parmigiano Reggiano” jista’ jsir biss fl-istess post tan-negozju fejn jinqatgħu.
3.6. Regoli speċifiċi dwar it-tikkettar
Il-marki tal-identità li jinsabu fuq kull ġobna “Parmigiano Reggiano” huma rappreżentati bil-kliem bit-tikek “Parmigiano-Reggiano”, flimkien man-numru ta’ reġistrazzjoni tal-maħleb li jkun ipproduċiha u s-sena u x-xahar tal-produzzjoni, li jiġu applikati fuq il-wiċċ tal-qoxra permezz ta’ stensils (strixxi li jimmarkaw). Il-ġobnijiet għandhom ukoll timbru ovali bil-kliem “Parmigiano Reggiano Consorzio Tutela”, pjanċa tal-kaseina bil-kodiċi li jidentifikaw il-ġobon, u skont il-każ, il-marki li jidentifikaw ġobon tat-tieni kategorija.
Il-ġobon “Parmigiano Reggiano” li jitqiegħed fis-suq ippakkjat minn qabel, maħkuk u maqtugħ f’porzjonijiet jiġi identifikat minn logo li juri porzjoni u forma tal-ġobna “Parmigiano Reggiano” ħdejn sikkina, bil-kliem “PARMIGIANO REGGIANO” taħtu. Din il-marka, li hija komponent obbligatorju tat-tikketta, trid tintwera skont l-ispeċifikazzjonijiet tekniċi definiti mill-Konsorzju fil-ftehim rilevanti.
Sabiex il-konsumaturi jkunu jistgħu jidentifikaw b’mod korrett l-età tiegħu, il-porzjonijiet kollha tal-“Parmigiano Reggiano” li jitqiegħdu fis-suq ippakkjati minn qabel ta’ aktar minn 15 g irid ikollhom tikketta li turi l-maturazzjoni minima.
4. Deskrizzjoni fil-qosor taż-żona ġeografika
Iż-żona ġeografika ddefinita tinkludi l-parti tal-provinċja ta’ Bologna fuq in-naħa tax-xellug tax-xmara Reno, il-parti tal-provinċja ta’ Mantua fuq il-lemin tax-xmara Po, u l-provinċji ta’ Modena, Parma u Reggio Emilia.
5. Rabta maż-żona ġeografika
Fost l-aktar fatturi naturali importanti hemm il-karatteristiċi tal-ħamrija li tinsab fiż-żona ġeografika ddefinita — li testendi mill-katina tal-muntanji tal-Appennini sax-xmara Po — flimkien mal-kundizzjonijiet klimatiċi li jinfluwenzaw direttament kemm il-kompożizzjoni tal-flora naturali kif ukoll il-fermentazzjoni tal-ġobon innifsu. Fir-rigward tal-fatturi umani, kif ukoll l-importanza storika tal-ġobon għall-ekonomija lokali, jenħtieġ li jiġi nnotat li l-operazzjonijiet kumplessi li jsiru fuq il-ġobon “Parmigiano Reggiano” ġew żviluppati tul sekli ta’ prattiki tradizzjonali tal-produzzjoni tal-ġobon fi ħdan iż-żona tal-produzzjoni, li għaddew minn ġenerazzjoni għal oħra b’rispett lejn id-drawwiet lokali awtentiċi u kostanti.
Il-karatteristiċi distintivi tal-ġobon “Parmigiano Reggiano” huma struttura mrammla fina u msaffa, aroma fragranti, togħma delikata — togħma bnina iżda mhux punġenti — b’solubbilità u diġestibbiltà għoljin.
Dawn il-karatteristiċi jirriflettu l-kwalitajiet uniċi tal-ħalib li jintuża għall-produzzjoni tal-ġobon — il-ħalib mhux pasturizzat jiġi pproċessat kuljum fi btieti tar-ram u jiġi koagulat bl-użu ta’ kimożina tal-għoġol b’kontenut għoli ta’ rennin — u l-kriterji li jintużaw biex jintagħżel, kif ukoll il-prattika ta’ preservazzjoni tal-ġobnijiet f’salmura saturata u l-perjodu estiż ta’ maturazzjoni.
Il-karatteristiċi fiżiċi, kimiċi u mikrobijoloġiċi speċifiċi tal-ħalib li jiggarantixxu l-karatteristiċi speċifiċi u l-kwalità tal-ġobon “Parmigiano Reggiano” huma bażikament ir-riżultat tad-dieta tal-baqar tal-ħalib, ibbażata fuq għalf miż-żona tal-oriġini u bi projbizzjoni stretta fuq l-użu ta’ ebda tip ta’ silaġġ. Il-perjodu minimu ta’ maturazzjoni ta’ tnax-il xahar, li — minħabba l-kundizzjonijiet klimatiċi speċifiċi preżenti — irid isir fiż-żona ġeografika ddefinita, huwa stadju neċessarju sabiex il-prodott li jinkiseb mill-ipproċessar tal-ħalib jista’ jakkwista, permezz tal-proċessi enzimatiċi speċifiċi, il-karatteristiċi uniċi tal-“Parmigiano Reggiano”.
Referenza għall-pubblikazzjoni tal-Ispeċifikazzjoni tal-Prodott
(it-tieni subparagrafu tal-Artikolu 6(1) tar-Regolament)
It-test ta’ speċifikazzjoni konsolidat jista’ jinstab fuq:
http://www.politicheagricole.it/flex/cm/pages/ServeBLOB.php/L/IT/IDPagina/3335
Inkella:
billi wieħed jidħol direttament fil-paġna ewlenija tal-Ministeru tal-Politika Agrikola, Alimentari u tal-Forestrija (www.politicheagricole.it) u jikklikkja fuq “Qualità” (fin-naħa ta’ fuq fill-lemin tal-iskrin), imbagħad fuq “Prodotti DOP, IGP e STG” (fin-naħa tax-xellug tal-iskrin), u finalment billi jikklikkja fuq “Disciplinari di produzione all’esame dell’UE”.
(1) ĠU L 179, 19.6.2014, p. 17.
(2) ĠU L 343, 14.12.2012, p. 1.
(3) ĠU L 179, 19.6.2014, p. 36.
(4) ĠU L 268, 14.9.1992, p. 1.
(5) ĠU L 268, 14.9.1992, p. 33.