22.2.2018

MT

Il-Ġurnal Uffiċjali tal-Unjoni Ewropea

C 67/1

---

RAKKOMANDAZZJONI TAL-KUNSILL

tal-20 ta’ Frar 2018

dwar il-ħatra tal-Viċi President tal-Bank Ċentrali Ewropew

(2018/C 67/01)

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b’mod partikolari l-Artikolu 283(2) u 139(2) tiegħu,

Wara li kkunsidra l-Protokoll Nru 4 dwar l-Istatuti tas-Sistema Ewropea ta’ Banek Ċentrali u tal-Bank Ċentrali Ewropew, u b’mod partikolari l-Artikolu 11.2 tiegħu,

B’DAN JIRRAKKOMANDA LILL-KUNSILL EWROPEW:

Sabiex jaħtar lis-Sur Luis DE GUINDOS JURADO bħala Viċi President tal-Bank Ċentrali Ewropew għal mandat ta’ tmien snin b’effett mill-1 ta’ Ġunju 2018.

---

22.2.2018

MT

Il-Ġurnal Uffiċjali tal-Unjoni Ewropea

C 67/2

---

Ebda oppożizzjoni għal konċentrazzjoni notifikata

(Il-Każ M.8755 — PAI/BCIMC/Refresco)

(Test b'rilevanza għaż-ŻEE)

(2018/C 67/02)

Fl-14 ta’ Frar 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8755. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

22.2.2018

MT

Il-Ġurnal Uffiċjali tal-Unjoni Ewropea

C 67/2

---

Ebda oppożizzjoni għal konċentrazzjoni notifikata

(Il-Każ M.8540 — Kuehne + Nagel/Kuehne + Nagel Drinksflow Logistics)

(Test b'rilevanza għaż-ŻEE)

(2018/C 67/03)

Fit-8 ta’ Frar 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8540. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

22.2.2018

MT

Il-Ġurnal Uffiċjali tal-Unjoni Ewropea

C 67/3

---

Ebda oppożizzjoni għal konċentrazzjoni notifikata

(Il-Każ M.8486 — 3M Company/Scott Safety)

(Test b'rilevanza għaż-ŻEE)

(2018/C 67/04)

Fid-29 ta’ Settembru 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8486. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

22.2.2018

MT

Il-Ġurnal Uffiċjali tal-Unjoni Ewropea

C 67/3

---

Ebda oppożizzjoni għal konċentrazzjoni notifikata

(Il-Każ M.8748 — Dr. Oetker/Bake & Co)

(Test b'rilevanza għaż-ŻEE)

(2018/C 67/05)

Fil-15 ta’ Frar 2018, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32018M8748. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

22.2.2018

MT

Il-Ġurnal Uffiċjali tal-Unjoni Ewropea

C 67/4

---

Bidu ta’ proċeduri

(Il-Każ M.8480 — Praxair/Linde)

(Test b'rilevanza għaż-ŻEE)

(2018/C 67/06)

Fis-16 ta’ Frar 2018, il-Kummissjoni iddeċidiet li tibda proċeduri fil-każ ta’ hawn fuq wara li sabet li l-konċentrazzjoni nnotifika tqajjem dubji serji dwar il-kompatibilità tagħha mas-suq komuni. Il-bidu tal-proċeduri jiftaħ it-tieni fażi ta’ investigazzjoni fir-rigward tal-konċentrazzjoni nnotifikata, u jsir mingħajr preġudizzju għad-deċiżjoni finali dwar il-każ. Din id-deċiżjoni hi bbażata fuq l-Artikolu 6(1)(c) tar-Regolament tal-Kunsill (KE) Nru 139/2004 (1)

Il-Kummissjoni tistieden lil partijiet terzi interessati sabiex jissottomettu lill-Kummissjoni l-osservazzjonijiet li jistgħu jkollhom dwar il-konċentrazzjoni proposta.

Sabiex l-osservazzjonijiet jiġu kkunsidrati bis-sħiħ fil-proċedura, dawn għandhom jaslu għand il-Kummissjoni mhux iktar tard minn 15-il jum wara d-data tal-pubblikazzjoni. L-osservazzjonijiet jistgħu jintbagħtu lill-Kummissjoni bil-fax (+32 22964301) jew b’imejl lil COMP-MERGER-REGISTRY@ec.europa.eu jew bil-posta, bin-numru ta’ referenza M.8480 — Praxair/Linde, fl-indirizz li ġej:

Kummissjoni Ewropea

Direttorat-Ġenerali għall-Kompetizzjoni,

Reġistru tal-Amalgamazzjonijiet

1049 Bruxelles/Brussell

BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

22.2.2018

MT

Il-Ġurnal Uffiċjali tal-Unjoni Ewropea

C 67/5

---

Rata tal-kambju tal-euro (1)

Il-21 ta’ Frar 2018

(2018/C 67/07)

1 euro =

	Munita	Rata tal-kambju
USD	Dollaru Amerikan	1,2312
JPY	Yen Ġappuniż	132,41
DKK	Krona Daniża	7,4465
GBP	Lira Sterlina	0,88463
SEK	Krona Żvediża	9,9648
CHF	Frank Żvizzeru	1,1551
ISK	Krona Iżlandiża	123,90
NOK	Krona Norveġiża	9,6420
BGN	Lev Bulgaru	1,9558
CZK	Krona Ċeka	25,361
HUF	Forint Ungeriż	312,15
PLN	Zloty Pollakk	4,1589
RON	Leu Rumen	4,6615
TRY	Lira Turka	4,6650
AUD	Dollaru Awstraljan	1,5684
CAD	Dollaru Kanadiż	1,5601
HKD	Dollaru ta' Hong Kong	9,6341
NZD	Dollaru tan-New Zealand	1,6754
SGD	Dollaru tas-Singapor	1,6267
KRW	Won tal-Korea t'Isfel	1 322,02
ZAR	Rand ta' l-Afrika t'Isfel	14,3373
CNY	Yuan ren-min-bi Ċiniż	7,8112
HRK	Kuna Kroata	7,4415
IDR	Rupiah Indoneżjan	16 757,86
MYR	Ringgit Malażjan	4,8174
PHP	Peso Filippin	64,229
RUB	Rouble Russu	69,6656
THB	Baht Tajlandiż	38,783
BRL	Real Brażiljan	4,0080
MXN	Peso Messikan	23,0516
INR	Rupi Indjan	79,7295

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

22.2.2018

MT

Il-Ġurnal Uffiċjali tal-Unjoni Ewropea

C 67/6

---

Lista ta’ uffiċċji doganali li ġew mogħtija l-inkarigu li jittrattaw il-formalitajiet għall-esportazzjoni ta’ oġġetti kulturali, ippubblikati skont l-Artikolu 5(2) tar-Regolament tal-Kunsill (KE) Nru 116/09 (1)

(2018/C 67/08)

Stat Membru	Isem doganali	Reġjun (fejn applikabbli)
IL-BELĠJU	Kull uffiċċju tad-dwana
IL-BULGARIJA	Kull uffiċċju tad-dwana
IR-REPUBBLIKA ĊEKA	Kull uffiċċju tad-dwana
ID-DANIMARKA	Kull uffiċċju tad-dwana
IL-ĠERMANJA	Kull uffiċċju tad-dwana
L-ESTONJA	Kull uffiċċju tad-dwana
L-IRLANDA	Kull uffiċċju tad-dwana
IL-GREĊJA	1) Uffiċċji tad-Dwana ta’ Ateni Customs offices of Athens 12th km of national road Athens-Lamia (A1) 144 10 Metamorphosi
	2) Ir-raba’ Uffiċċju tad-Dwana ta' Tessalonika 1st Customs Office of Thessaloniki Port of Thessaloniki 54110 Thessaloniki
SPANJA	Dependencia Provincial de Aduanas e Impuestos Especiales de Cádiz
	Aduana de Algeciras
	Dependencia provincial de Aduanas e Impuestos Especiales de Málaga Todas las aduanas
	Dependencia provincial de Aduanas e Impuestos Especiales de Sevilla Todas las aduanas
	Aduana de Ceuta
	Aduana de Melilla
	Dependencia provincial de Aduanas e impuestos especiales de Zaragoza
	Dependencia provincial de Aduanas e Impuestos Especiales de Palma de Mallorca Todas las aduanas
	Dependencia provincial de Aduanas e Impuestos Especiales de las Palmas de Gran Canaria
	Dependencia provincial de Aduanas e Impuestos Especiales de Santa Cruz de Tenerife
	Dependencia provincial de Aduanas e Impuestos Especiales de A Coruña
	Aduanas del Aeropuerto de Santiago de Compostela
	Dependencia Regional de Aduanas e Impuestos Especiales de Madrid Todas las aduanas,
	Dependencia provincial de Aduanas e Impuestos Especiales de Bilbao Todas las aduanas
	Dependencia provincial de Aduanas e Impuestos Especiales de Alicante Todas las aduanas
	Dependencia provincial de Aduanas e Impuestos Especiales de Valencia Todas las aduanas
FRANZA	Kull uffiċċju tad-dwana
IL-KROAZJA	Kull uffiċċju tad-dwana
L-ITALJA	Kull uffiċċju tad-dwana
ĊIPRU	Id-Dwana tad-Distrett ta' Nikosija	Nikosia
	Id-Dwana tad-Distrett ta' Larnaca	Larnaca
	Id-Dwana tad-Distrett ta’ Limassol	Limassol
IL-LATVJA	Kull uffiċċju tad-dwana
IL-LITWANJA	Kull uffiċċju tad-dwana
IL-LUSSEMBURGU	Luxembourg Aéroport (LU715000)
	Centre douanier (LU704000)
L-UNGERIJA	Nemzeti Adó- és Vámhivatal megyei (fővárosi) adó-és vámigazgatóságai [id-Direttorati tal-Kontej kollha u d-Direttorat tal-Awtorità tat-Taxxi Nazzjonali u tad-Dwana tal-Kapitali Budapest]
	Nemzeti Adó- és Vámhivatal Kiemelt Adó- és Vámigazgatóság [Id-Direttorat tal-Awtorità tal-Kontribwenti Prijoritarji tat-Taxxa Nazzjonali u tad-Dwana]
	Nemzeti Adó- és Vámhivatal Repülőtéri Igazgatóság [Id-Direttorat tal-Awtorità tat-Taxxi Nazzjonali u tad-Dwana tal-Ajruport ta' Budapest
MALTA	Customs Economic Procedures Unit Lascaris Wharf, Valletta VLT 1920
IN-NETHERLANDS	Kull uffiċċju tad-dwana
L-AWSTRIJA	Kull uffiċċju tad-dwana
IL-POLONJA	Kull uffiċċju tad-dwana
IL-PORTUGALL	Alfândega Marítima de Lisboa
	Alfândega do Aeroporto de Lisboa
	Alfândega de Alverca
	Alfândega de Leixões
	Alfândega do Aeroporto de Sá Carneiro (Porto)
	Alfândega do Funchal
	Alfândega de Ponta Delgada
IR-RUMANIJA	Kull uffiċċju tad-dwana
IS-SLOVENJA	Kull uffiċċju tad-dwana
IR-REPUBBLIKA SLOVAKKA	Kull uffiċċju tad-dwana
IL-FINLANDJA	Kull uffiċċju tad-dwana
L-IŻVEZJA	Kull uffiċċju tad-dwana
IR-RENJU UNIT	L-uffiċċji tad-dwana prinċipali/kbar kollha tar-Renju Unit

---

(1)  ĠU L 39, 10.2.2009, p. 1.

---

22.2.2018

MT

Il-Ġurnal Uffiċjali tal-Unjoni Ewropea

C 67/9

---

Sejħiet għall-proposti skont il-programm ta’ ħidma għall-għotjiet fil-qasam tan-netwerks tat-telekomunikazzjoni trans-Ewropej fil-Faċilità Nikkollegaw l-Ewropa għall-perjodu mill-2014 sal-2020

(Id-Deċiżjoni ta’ Implimentazzjoni tal-Kummissjoni C(2018) 568)

(2018/C 67/09)

Id-Direttorat Ġenerali għan-Netwerks tal-Komunikazzjonijiet, il-Kontenut u t-Teknoloġija tal-Kummissjoni Ewropea b’dan qed iniedi s-sejħa għall-proposti li ġejja sabiex jingħataw għotjiet għal proġetti skont il-prijoritajiet u l-għanijiet definiti fil-Programm ta’ Ħidma tal-2018 fil-qasam tan-netwerks tat-telekomunikazzjoni trans-Ewropej fil-Faċilità Nikkollegaw l-Ewropa għall-perjodu 2014–2020.

Qed jintlaqgħu l-proposti għal dawn it-tliet oqsma ta’ sejħiet:

CEF-TC-2018-1: l-identifikazzjoni elettronika (eID) u l-Firma Elettronika (eSignature)

CEF-TC-2018-1: Europeana

CEF-TC-2018-1: Internet aktar sikur

Il-baġit indikattiv totali disponibbli għall-proposti magħżula fl-ambitu ta’ dawn is-sejħiet huwa ta’ EUR 30 miljun.

L-iskadenza għall-preżentazzjoni tal-proposti hija l-15 ta’ Mejju 2018.

Id-dokumentazzjoni rispettiva tas-sejħa tinsab fuq is-sit web tat-Telekomunikazzjoni tal-Faċilità Nikkollegaw l-Ewropa:

https://ec.europa.eu/inea/en/connecting-europe-facility/cef-telecom/apply-funding/2018-cef-telecom-calls-proposals

---

22.2.2018

MT

Il-Ġurnal Uffiċjali tal-Unjoni Ewropea

C 67/10

---

Azzjoni mressqa fl-20 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-11/17)

(2018/C 67/10)

Fl-20 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Att imsemmi fil-punti 30, 31bb, 31eb, 31i u 31d tal-Anness IX tal-Ftehim taż-ŻEE (id-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010), kif adattat permezz tal-Protokoll 1 tal-Ftehim taż-ŻEE, u skont l-Artikolu 7 tal-Ftehim, billi naqset milli tadotta l-miżuri meħtieġa biex timplimenta dan l-att fiż-żmien preskritt, u/jew billi naqset milli tinnotifika lill-Awtorità ta’ Sorveljanza tal-EFTA bil-miżuri li adottat sabiex timplimenta dan l-att.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, mal-opinjoni raġunata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu d-Direttiva 2011/61/UE tal-Parlament Ewropew u tal-Kunsill tat-8 ta’ Ġunju 2011 dwar Maniġers ta’ Fondi ta’ Investiment Alternattivi u li temenda d-Direttivi 2003/41/KE u 2009/65/KE u r-Regolamenti (KE) Nru 1060/2009 u (UE) Nru 1095/2010, kif imsemmi fil-punti 30, 31bb, 31eb, 31i u 31d tal-Anness IX tal-Ftehim dwar iż-Żona Ekonomika Ewropea, u kif adattat għal dak il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA tissottometti li l-Iżlanda naqset milli tissodisfa l-obbligi tagħha skont l-Att u skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/11

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-12/17)

(2018/C 67/11)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi naqset milli tagħmel l-att imsemmi fil-punt 31bbc tal-Anness IX ta’ dak il-Ftehim (ir-Regolament ta’ Implimentazzjoni tal-Kummissjoni (UE) Nru 448/2013 tal-15 ta’ Mejju 2013 li jistabbilixxi proċedura għad-determinazzjoni tal-Istat Membru ta’ referenza ta’ AIFM mhux mill-UE skont id-Direttiva 2011/61/UE tal-Parlament Ewropew u tal-Kunsill), kif adattat mill-Protokoll 1 tal-Ftehim taż-ŻEE, parti mill-ordinament ġuridiku tagħha.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, ma’ opinjoni motivata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu r-Regolament ta’ Implimentazzjoni tal-Kummissjoni (UE) Nru 448/2013 tal-15 ta’ Mejju 2013 li jistabbilixxi proċedura għad-determinazzjoni tal-Istat Membru ta’ referenza ta’ AIFM mhux mill-UE skont id-Direttiva 2011/61/UE tal-Parlament Ewropew u tal-Kunsill, kif imsemmi fil-punt 31bbc tal-Anness IX tal-Ftehim dwar iż-Żona Ekonomika Ewropea, u kif adattat għal dan il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA ssostni li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/12

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-13/17)

(2018/C 67/12)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi naqset milli tagħmel l-Att imsemmi fil-punt 31bbe tal-Anness IX ta’ dan il-Ftehim (ir-Regolament ta’ Delega tal-Kummissjoni (UE) 2015/514 tat-18 ta’ Diċembru 2014 dwar l-informazzjoni li għandha tiġi pprovduta mill-awtoritajiet kompetenti lill-Awtorità Ewropea tat-Titoli u s-Swieq skont l-Artikolu 67(3) tad-Direttiva 2011/61/UE tal-Parlament Ewropew u tal-Kunsill), kif adattat mill-Protokoll 1 tal-Ftehim taż-ŻEE, parti mill-ordinament ġuridiku intern tagħha.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, mal-opinjoni raġunata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu r-Regolament ta’ Delega tal-Kummissjoni (UE) 2015/514 tat-18 ta’ Diċembru 2014 dwar l-informazzjoni li għandha tiġi pprovduta mill-awtoritajiet kompetenti lill-Awtorità Ewropea tat-Titoli u s-Swieq skont l-Artikolu 67(3) tad-Direttiva 2011/61/UE tal-Parlament Ewropew u tal-Kunsill, kif imsemmi fil-punt 31bbe tal-Anness IX tal-Ftehim dwar iż-Żona Ekonomika Ewropea, u kif adattat għal dak il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA ssostni li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/13

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-14/17)

(2018/C 67/13)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi naqset milli tagħmel l-att imsemmi fil-punt 31bbb tal-Anness IX tal-Ftehim taż-ŻEE (ir-Regolament ta’ Implimentazzjoni tal-Kummissjoni (UE) Nru 447/2013 tal-15 ta’ Mejju 2013 li jistabbilixxi l-proċedura għall-AIFMs li jagħżlu li jipparteċipaw skont id-Direttiva 2011/61/UE tal-Parlament Ewropew u tal-Kunsill), kif adattat mill-Protokoll 1 tal-Ftehim taż-ŻEE, parti mill-ordinament ġuridiku tagħha.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, ma’ opinjoni motivata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu r-Regolament ta’ Implimentazzjoni tal-Kummissjoni (UE) Nru 447/2013 tal-15 ta’ Mejju 2013 li jistabbilixxi l-proċedura għall-AIFMs li jagħżlu li jipparteċipaw skont id-Direttiva 2011/61/UE tal-Parlament Ewropew u tal-Kunsill, kif imsemmi fil-punt 31bbb tal-Anness IX tal-Ftehim dwar iż-Żona Ekonomika Ewropea, u kif adattat għal dan il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA ssostni li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/14

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-15/17)

(2018/C 67/14)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi naqset milli tagħmel l-Att imsemmi fil-punt 31bbd tal-Anness IX ta’ dan il-Ftehim (ir-Regolament ta’ Delega tal-Kummissjoni (UE) Nru 694/2014 tas-17 ta’ Diċembru 2013 li jissupplimenta d-Direttiva 2011/61/UE tal-Parlament Ewropew u tal-Kunsill fir-rigward tal-istandards tekniċi regolatorji li jiddeterminaw it-tipi ta’ maniġers ta’ fondi ta’ investiment alternattiv), kif adattat mill-Protokoll 1 tal-Ftehim taż-ŻEE, parti mill-ordinament ġuridiku tagħha.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, ma’ opinjoni motivata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu r-Regolament ta’ Delega tal-Kummissjoni (UE) Nru 694/2014 tas-17 ta’ Diċembru 2013 li jissupplimenta d-Direttiva 2011/61/UE tal-Parlament Ewropew u tal-Kunsill fir-rigward tal-istandards tekniċi regolatorji li jiddeterminaw it-tipi ta’ maniġers ta’ fondi ta’ investiment alternattiv, kif imsemmi fil-punt 31bbd tal-Anness IX tal-Ftehim dwar iż-Żona Ekonomika Ewropea, u kif adattat għal dan il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA ssostni li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/15

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-16/17)

(2018/C 67/15)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi naqset milli tagħmel l-Att imsemmi fil-punt 31bba tal-Anness IX ta’ dan il-Ftehim (ir-Regolament ta’ Delega tal-Kummissjoni (UE) Nru 231/2013 tad-19 ta’ Diċembru 2012 li jissupplimenta d-Direttiva 2011/61/UE tal-Parlament Ewropew u tal-Kunsill fir-rigward tal-eżenzjonijiet, il-kundizzjonijiet ġenerali tal-operat, id-depożitarji, l-ingranaġġ, it-trasparenza u s-superviżjoni), kif adattat mill-Protokoll 1 tal-Ftehim taż-ŻEE, parti mill-ordinament ġuridiku intern tagħha.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

L-applikazzjoni tindirizza n-nuqqas tal-Iżlanda li tikkonforma, sa mhux aktar tard mit-12 ta’ Settembru 2017, mal-opinjoni raġunata mogħtija mill-Awtorità ta’ Sorveljanza tal-EFTA fit-12 ta’ Lulju 2017 dwar in-nuqqas ta’ dan l-Istat li jimplimenta fl-ordinament ġuridiku nazzjonali tiegħu r-Regolament ta’ Delega tal-Kummissjoni (UE) Nru 231/2013 tad-19 ta’ Diċembru 2012 li jissupplimenta d-Direttiva 2011/61/UE tal-Parlament Ewropew u tal-Kunsill fir-rigward tal-eżenzjonijiet, il-kundizzjonijiet ġenerali tal-operat, id-depożitarji, l-ingranaġġ, it-trasparenza u s-superviżjoni, kif imsemmi fil-punt 31bba tal-Anness IX tal-Ftehim dwar iż-Żona Ekonomika Ewropea, u kif adattat għal dan il-Ftehim permezz tal-Protokoll 1 tiegħu (“l-Att”).

—	L-Awtorità ta’ Sorveljanza tal-EFTA ssostni li l-Iżlanda naqset milli tissodisfa l-obbligi tagħha skont l-Artikolu 7 tal-Ftehim taż-ŻEE billi ma adottatx il-miżuri meħtieġa biex timplimenta l-Att fiż-żmien preskritt.

---

22.2.2018

MT

Il-Ġurnal Uffiċjali tal-Unjoni Ewropea

C 67/16

---

Azzjoni mressqa fil-21 ta’ Diċembru 2017 mill-Awtorità ta’ Sorveljanza tal-EFTA kontra l-Iżlanda

(il-Kawża E-17/17)

(2018/C 67/16)

Fil-21 ta’ Diċembru 2017 tressaq każ quddiem il-Qorti tal-EFTA kontra l-Iżlanda mill-Awtorità ta’ Sorveljanza tal-EFTA, irrappreżentata minn Carsten Zatschler, Catherine Howdle, u Ingibjörg Ólöf Vilhjálmsdóttir, li jaġixxu bħala Aġenti tal-Awtorità ta’ Sorveljanza tal-EFTA, 35 Rue Belliard, 1040 Brussell, il-Belġju.

L-Awtorità ta’ Sorveljanza tal-EFTA titlob lill-Qorti tal-EFTA biex:

1.

Tiddikjara li billi naqset milli tadotta l-miżuri neċessarji biex timplimenta l-Att imsemmi fil-punt 8 tal-Anness V tal-Ftehim dwar iż-Żona Ekonomika Ewropea (id-Direttiva 2014/54/UE tal-Parlament Ewropew u tal-Kunsill tas-16 ta’ April 2014 dwar miżuri li jiffaċilitaw l-eżerċizzju tad-drittijiet konferiti fuq ħaddiema fil-kuntest tal-moviment liberu tal-ħaddiema), kif adattat għall-Ftehim permezz tal-Protokoll 1, u fi kwalunkwe każ billi naqset milli tinnotifika lill-Awtorità ta’ Sorveljanza tal-EFTA bil-miżuri li adottat biex timpimenta dan l-att, l-Iżlanda naqset milli tissodisfa l-obbligi tagħha skont dan l-att u skont l-Artikolu 7 tal-Ftehim.

2.	Tordna lill-Iżlanda tħallas l-ispejjeż ta’ dawn il-proċedimenti.

Sfond legali u fattwali u eċċezzjonijiet miġjuba bħala sostenn:

—

Fit-18 ta’ Jannar 2017 l-ASE tat opinjoni motivata li fiha żammet il-konklużjoni li billi naqset milli tieħu l-miżuri biex tiżgura l-implimentazzjoni tal-Att imsemmi fil-punt 8 tal-Anness V tal-Ftehim dwar iż-Żona Ekonomika Ewropea (id-Direttiva 2014/54/UE tal-Parlament Ewropew u tal-Kunsill tas-16 ta’ April 2014 dwar miżuri li jiffaċilitaw l-eżerċizzju tad-drittijiet konferiti fuq ħaddiema fil-kuntest tal-moviment liberu tal-ħaddiema) u/jew milli tinnotifika l-Awtorità bihom, l-Iżlanda naqset milli tissodisfa l-obbligi tagħha skont l-Att u skont l-Artikolu 7 tal-Ftehim taż-ŻEE. Skont it-tieni subparagrafu tal-Artikolu 31 tal-SCA, l-ASE talbet lill-Iżlanda tieħu l-miżuri neċessarji biex tikkonforma mal-opinjoni motivata fi żmien xahrejn wara n-notifika; jiġifieri, mhux iktar tard mit-18 ta’ Marzu 2017.

—	Il-Gvern Iżlandiż wieġeb għall-opinjoni motivata tal-Awtorità fit-13 ta’ Frar 2017. Fit-tweġiba tiegħu, il-Gvern Iżlandiż irrefera għat-tweġiba tiegħu għall-ittra ta’ intimazzjoni, u ddikjara li kellu l-għan li jippreżenta l-Att fil-liġi Iżlandiża lill-Parlament qabel l-1 ta’ April 2017.

—

L-Awtorità ma rċeviet l-ebda informazzjoni oħra dwar l-implimentazzjoni sakemm irċeviet il-Formola 1, datata t-30 ta’ Novembru 2017. Fil-Formola 1, il-Gvern Iżlandiż indika li kien implimenta b’mod sħiħ l-Att fil-liġi Iżlandiża. Għalkemm ma kinitx indikata data għall-implimentazzjoni, il-Gvern Iżlandiz hemeż mal-Formola 1 kopja ta’ dik li ddikjara li kienet miżura ta’ implimentazzjoni datata t-30 ta’ Ottubru 2014: l-Att Iżlandiż Nru 105/2014 dwar id-Dritt Liberu għall-Impjieg u r-Residenza fiż-Żona Ekonomika Ewropea (Att Nru 105/2014).

—

Permezz ta’ email tal-4 ta’ Diċembru 2017, l-ASE kitbet lill-Ministeru Iżlandiż għall-Protezzjoni Soċjali, filwaqt li talbet spjegazzjoni jekk, fid-dawl tat-tweġibiet għall-ittra ta’ intimazzjoni u opinjoni motivata, in-notifika tal-Att Nru 105/2014 bħala miżura ta’ implimentazzjoni kinitx żball. Il-Ministeru wieġeb permezz ta’ email fis-7 ta’ Diċembru 2017, filwaqt li ddikjara li fl-opinjoni tiegħu l-Att Nru 105/2014 jimplimenta b’mod sħiħ id-Direttiva, u offra spjegazzjoni għal-linja preċedenti ta’ tweġibiet li “kien maħsub li kien iktar trasparenti li jkun hemm klawsola speċjali fl-[Att Nru 105/2014] li tinforma li l-Att jimplimenta d-Direttiva” u li dan ikun miżjud permezz ta’ abbozz ta’ liġi propost f’April 2017.

—	Fid-19 ta’ Diċembru 2017, wara li wettqet valutazzjoni dwar jekk il-miżuri notifikati dak iż-żmien setgħux jitqiesu li implimentaw l-Att, l-Awtorità ta’ Sorveljanza tal-EFTA ddeċidiet li tressaq il-kwistjoni quddiem il-Qorti skont it-tieni subparagrafu tal-Artikolu 31 tal-SCA.

---

22.2.2018

MT

Il-Ġurnal Uffiċjali tal-Unjoni Ewropea

C 67/17

---

Notifika minn qabel ta’ konċentrazzjoni

(Il-Każ M.8812 — Swiss Life/Crédit Agricole/CNP Assurances/Pisto)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2018/C 67/17)

1.

Fl-14 ta’ Frar 2018, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin: — Swiss Life GIO II Lime SARL (“Swiss Life GIO II”, l-Isvizzera), ikkontrollata minn Swiss Life Group (“Swiss Life”, l-Isvizzera); — Infra Invest France SAS (Franza), ikkontrollata minn CNP Assurances (Franza); — Predica Prévoyance Dialogue du Crédit Agricole (Franza), ikkontrollata mill-grupp Crédit Agricole (“Crédit Agricole”, Franza); — MacqPisto SAS (“Pisto”, Franza), li fil-preżent hija kkontrollata b’mod konġunt minn Macquarie, Crédit Agricole u CNP Assurances. Swiss Life takkwista, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt indirett ta’ Pisto flimkien ma’ CNP Assurances u Crédit Agricole. Il-konċentrazzjoni hija mwettqa permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma: — Swiss Life hija attiva fiż-ŻEE fis-settur tal-assigurazzjoni tal-ħajja, tar-riskji, tal-pensjonijiet u tas-saħħa, kif ukoll fis-settur tal-ġestjoni tal-assi; — CNP Assurances hija attiva fis-settur tal-assigurazzjoni personali fi Franza, inkluż tfaddil, ir-riskju tal-irtirar u tal-pensjoni, kif ukoll fis-settur tal-ġestjoni tal-assi; — Crédit Agricole hija attiva fis-settur bankarju, tal-assigurazzjoni u tal-proprjetà immobbli; — Pisto tiffinanzja u tħaddem faċilitajiet ta’ riċeviment, ħażna u trasferiment ta’ prodotti petroliferi fi Franza.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata: M.8812 — Swiss Life/Crédit Agricole/CNP Assurances/Pisto Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: Email: COMP-MERGER-REGISTRY@ec.europa.eu Faks: +32 22964301 Indirizz tal-posta: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

---

22.2.2018

MT

Il-Ġurnal Uffiċjali tal-Unjoni Ewropea

C 67/19

---

Pubblikazzjoni ta’ applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2018/C 67/18)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

APPLIKAZZJONI GĦALL-APPROVAZZJONI TA’ EMENDA MHUX MINURI GĦALL-ISPEĊIFIKAZZJONI TAL-PRODOTT TA’ DENOMINAZZJONIJIET TA’ ORIĠINI PROTETTI/INDIKAZZJONIJIET ĠEOGRAFIĊI PROTETTI

Applikazzjoni għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“OLI DE L’EMPORDÀ”/“ACEITE DE L’EMPORDÀ”

Nru tal-UE: PDO-ES-01161-AM01 – 9.5.2017

DOP ( X ) IĠP ( )

1.   Grupp applikant u interess leġittimu

Isem il-grupp:	Consejo Regulador de la DOP Aceite de l’Empordà
Indirizz:	C/Sant Llàtzer, 22 B, 1er 4a 17600 Figueres GIRONA ESPAÑA
Telefon/Fax	+34 972672249
Posta elettronika:	oli@altemporda.org
Internet:	www.oliemporda.cat

Il-Kunsill Regolatorju tad-Denominazzjoni tal-Oriġini Protetta “Aceite de l’Empordà”/“Oli de l’Empordà” huwa magħmul mill-produtturi u l-proċessuri kollha taż-żejt kopert bid-DOP, u bħala tali, għandu interess leġittimu fit-tressiq tal-applikazzjoni għal emenda.

2.   Stat Membru jew pajjiż terz

Spanja

3.   Intestatura tal-ispeċifikazzjoni affettwata mill-emenda

—	☐	Isem il-prodott
—	☒	Deskrizzjoni tal-prodott
—	☐	Żona ġeografika
—	☐	Prova tal-oriġini
—	☐	Metodu ta’ produzzjoni
—	☐	Rabta
—	☐	Tikkettar
—	☒	Oħrajn (rekwiżiti leġiżlattivi)

4.   Tip ta’ emenda

—	☒	Emenda tal-Ispeċifikazzjoni tal-prodott ta’ DOP jew IĠP irregistrata li, skont it-tielet subparagrafu tal-Artikolu 53(2) tar-Regolament (UE) Nru 1151/2012, mhijiex meqjusa minuri.
—	☐	Emenda tal-Ispeċifikazzjoni tal-prodott ta’ DOP jew IĠP irregistrata li d-Dokument Uniku tagħha (jew ekwivalenti) ma ġiex ippubblikat u li, skont it-tielet subparagrafu tal-Artikolu 53(2) tar-Regolament (UE) Nru 1151/2012, mhijiex meqjusa minuri.

5.   Emendi

Deskrizzjoni tal-prodott

L-applikazzjoni għal emenda titlob it-tneħħija ta’ parametru analitiku (il-kontenut ta’ polifenoli totali) mid-deskrizzjoni tal-karatteristiċi fiżiko-kimiċi taż-żjut koperti mid-DOP “Aceite de l’Empordà”/“Oli de l’Empordà”. Din l-emenda ma tolqot bl-ebda mod il-kwalità jew il-karatteristiċi taż-żjut.

Fid-dawl ta’ din l-emenda, saru t-tibdiliet li ġejjin fit-test:

—

“Deskrizzjoni tal-prodott” (it-taqsima 3.2 tad-Dokument Uniku u B3 tal-Ispeċifikazzjoni). — Fit-tabella tal-karatteristiċi fiżiko-kimiċi, tħassret ir-ringiela bil-parametru “Polifenoli totali (ppm)”. Barra minn hekk, fid-deskrizzjoni tat-tabella fid-Dokument Uniku, il-kliem “kompożizzjoni kimika” ġie ssostitwit bil-kliem “karatteristiċi fiżiko-kimiċi”, għall-konsistenza mat-test tal-Ispeċifikazzjoni. — Il-paragrafu li ġej: “Dawn huma żjut straverġni, li għandhom livelli ta’ stabbiltà għolja (il-valur medju ta’ Rancimat f’120 °C huwa ugwali għal 9 sigħat u ma jista’ qatt ikun ta’ inqas minn 6 sigħat) minħabba l-kwantità kbira ta’ antiossidanti, b’livelli ta’ polifenoli ta’ aktar minn 300 ppm.” ġie ssostitwit bil-paragrafu li ġej: “Dawn huma żjut straverġni, li għandhom stabbiltà għolja (il-valur medju ta’ Rancimat f’120 °C huwa ugwali għal 9 sigħat u ma jista’ qatt ikun inqas minn 6 sigħat) minħabba l-kwantità kbira ta’ antiossidanti (l-iktar il-polifenoli).”

—

Sar l-istess tibdil fil-kliem fit-taqsima 5.2 tad-Dokument Uniku, “Speċifiċità tal-prodott”, fejn il-kliem “Stabbiltà għolja. Dawn huma żjut li għandhom stabbiltà għolja ħafna minħabba l-kwantità kbira ta’ antiossidanti li fihom ([polifenoli] > 300 ppm).” ġie ssostitwit bil-kliem “Stabbiltà għolja. Dawn huma żjut li għandhom stabbiltà għolja ħafna minħabba l-kwantità kbira ta’ antiossidanti li fihom (l-iktar il-polifenoli).”

Din l-emenda fil-parametri fiżiko-kimiċi qiegħda ssir bi qbil mal-istudju “Kunsiderazzjonijiet tekniċi dwar is-sostituzzjoni tal-parametru tal-polifenoli totali bil-parametru ta’ stabbiltà Rancimat fil-każ tad-DOP Oli de l’Empordà”, maħruġ mill-IRTA (Istitut ta’ Riċerka u Teknoloġija Agroalimentari) fl-10 ta’ Ġunju 2016. Dan l-istudju jikkonkludi li t-tħassir tal-parametru tal-“kontenut ta’ polifenoli totali taż-żejt” huwa ġġustifikat fid-dawl tal-korrelazzjoni mill-qrib tiegħu mal-istabbiltà Rancimat, parametru li diġà huwa inkluż fl-Ispeċifikazzjoni. L-informazzjoni dwar il-kontenut tal-polifenoli totali hija żejda, billi l-parametru tal-istabbiltà joffri informazzjoni aktar prattika lill-konsumatur (jiġifieri, iż-żmien li ż-żejt jista’ jinħażen, u t-tul ta’ żmien li fih il-karatteristiċi organolettiċi tal-prodott jibqgħu tajbin wara x-xiri tiegħu).

Oħrajn: Rekwiżiti leġiżlattivi nazzjonali

Tħassret mill-Ispeċifikazzjoni t-taqsima dwar ir-rekwiżiti leġiżlattivi nazzjonali, billi mhijiex meħtieġa skont ir-Regolament (UE) Nru 1151/2012.

DOKUMENT UNIKU

“OLI DE L’EMPORDÀ”/“ACEITE DE L’EMPORDÀ”

Nru tal-UE: PDO-ES-01161-AM01 – 9.5.2017

DOP ( X ) IĠP ( )

1.   Isem

“Oli de l’Empordà”/“Aceite de l’Empordà”

2.   Stat Membru jew pajjiż terz

Spanja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.5 - Żjut u xaħmijiet (butir, marġerina, żjut eċċ.).

3.2.   Deskrizzjoni tal-prodott li għalih japplika l-isem f’(1)

Żejt taż-żebbuġa straverġni, miksub mill-varjetajiet ta’ żebbuġ “Argudell”, “Curivell”, “Llei de Cadaqués” u “Arbequina”, magħmul permezz ta’ proċeduri mekkaniċi jew trattamenti fiżiċi oħrajn li ma jikkawżawx bidliet fiż-żejt u jżomm it-togħma, l-aroma u l-karatteristiċi tal-frotta li huwa magħmul minnha.

Iż-żejt ta’ din id-DOP isir b’żebbuġ li ġej minn imsaġar taż-żebbuġ irreġistrati tal-varjetajiet indiġeni “Argudell”, “Curivell” u “Llei de Cadaqués”, u tal-varjetà tradizzjonali “Arbequina”. Il-varjetà “Argudell”, li hija preżenti fiż-żejt b’ammont ta’ mill-inqas 51 % tal-kompożizzjoni tal-varjetajiet, u l-varjetà “Arbequina”, huma kkunsidrati bħala l-varjetajiet ewlenin; flimkien dawn jammontaw għal aktar minn 95 % tal-kompożizzjoni ta’ dan iż-żejt.

Meta żebbuġ ta’ varjetajiet differenti jiġi mħallat fil-produzzjoni taż-żejt, il-kompożizzjoni tal-varjetajiet tiġi ddeterminata fuq il-bażi tar-rendiment f’żejt tal-varjetajiet differenti ta’ żebbuġ li huma inklużi f’din it-taħlita.

Iż-żjut għandhom il-karatteristiċi fiżiko-kimiċi li ġejjin:

Aċidi xaħmin:
Aċidu olejku (%)	67,0 (b’valuri minimi u massimi bejn 60 u 75)
Aċidu linolejku (%)	13,0 (b’valuri minimi u massimi bejn 8 u 18)
Aċidu palmitiku (%)	14,0 (b’valuri minimi u massimi bejn 11 u 18)
Stabbiltà (valur Rancimat f’120 °C)	Valur medju 9 sigħat, iżda qatt inqas minn 6 sigħat

Iż-żjut għandhom il-karatteristiċi organolettiċi li ġejjin:

Kulur: minn isfar lewn it-tiben għal aħdar ftit jew wisq skur.

Attributi	Valur (fi kliem)	Medjan u limiti
Difetti	Ebda difett	0
Aroma ta’ frott aħdar	Intensità medja jew medjament intensa, tat-tip “aħdar”	5,0 (b’valuri minimi u massimi bejn 4 u 7), b’aktar minn nofs id-dewwieqa jipperċepixxu t-togħma “ħadra” fit-“tip ta’ frott”
Imrar	Intensità medja	4,0 (b’valuri minimi u massimi bejn 3 u 6)
Pikkanti	Intensità medja	4,0 (b’valuri minimi u massimi bejn 3 u 6)
Bilanċ	Ibbilanċjat	Differenza bejn l-aroma tal-frott u [l-imrar jew il-pikkanti] < 2,0

B’applikazzjoni tad-dispożizzjonijiet tar-Regolament (KEE) Nru 2568/91 (2), il-profil sensorjali taż-żjut tad-DOP “Oli de l’Empordà” jew “Aceite de L’Empordà” huwa dan li ġej: żjut ibbilanċjati b’togħma ta’ frott aħjar ta’ intensità medja. Iħallu togħma morra u pikkanti ta’ tip medju minħabba l-kontenut għoli ta’ polifenoli; l-aġġettivi “medju”, “ibbilanċjat” u “aħdar” għandhom ekwivalenti numeriku, stabbilit mir-Regolament imsemmi.

Il-profil sensorjali ta’ dawn iż-żjut fuq il-bażi ta’ deskritturi sekondarji oħrajn tat-tip aromatiku (COI/T.20) huwa dan li ġej: “Żjut b’aromi li normalment ifakkru fil-ħaxix li jkun għadu kemm inqata’ u/jew fil-ġewż; jista’ jkun hemm ukoll aromi ta’ frott eżotiku, ta’ frott aħdar jew ta’ qaqoċċ, kif ukoll togħma aħħarija simili għal-lewż.”

Dawn huma żjut straverġni, li għandhom stabbiltà għolja (il-valur medju ta’ Rancimat f’120 °C huwa ugwali għal 9 sigħat u ma jista’ qatt ikun inqas minn 6 sigħat) minħabba l-kwantità kbira ta’ antiossidanti (l-iktar il-polifenoli).

Il-karatteristiċi msemmijin taż-żjut bid-DOP “Oli d’Empordà” huma marbuta direttament mal-predominanza tal-varjetà ewlenija, l-“Argudell”. Fil-fatt, din il-varjetà tipproduċi żjut b’aroma ta’ frott aħdar, bi ħjiel ta’ ħaxix u qaqoċċ, li jħallu togħma morra u pikkanti; dawn l-attributi jibqgħu fit-taħlitiet li fihom l-“Arbequina”, li għandha aromi aktar newtri u hija ħafna inqas morra u pikkanti, tant li l-profil sensorjali xorta jibqa’ dak tal-varjetà “Argudell”, li huwa aktar evidenti aktar kemm tkun għolja l-konċentrazzjoni fit-taħlita naturali li tirriżulta.

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Il-materja prima użata biex isir iż-żejt taż-żebbuġa “Aceite de l’Empordà” tikkonsisti minn żebbuġ tal-varjetajiet Argudell, Arbequina, Curivell u Llei de Cadaqués, li jiġu kkultivati fiż-żona ġeografika deskritta fil-punt 4.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Il-produzzjoni taż-żebbuġ u l-preparazzjoni tal-prodott isiru esklussivament fiż-żona ġeografika deskritta fil-punt 4.

3.5.   Regoli speċifiċi dwar it-tqattigħ, it-taħkik, l-ippakkjar, eċċ.

L-imballaġġ taż-żejt taż-żebbuġa jista’ jsir ġewwa jew barra ż-żona ġeografika ddefinita sakemm ikun hemm fis-seħħ sistema ta’ traċċabbiltà affidabbli, u sakemm iż-żejt taż-żebbuġa jiġi ttikkettat b’mod xieraq.

Għall-bejgħ bl-imnut, iż-żejt għandu jiġi ppakkjat f’kontenituri ta’ kapaċità massima ta’ 5 litri, tal-ħġieġ, tal-metall b’kisja għall-użu alimentari, tal-PET, taċ-ċeramika vitrifikata jew f’kontenituri oħrajn awtorizzati mil-leġiżlazzjoni fis-seħħ.

3.6.   Regoli speċifiċi dwar it-tikkettar

Apparti l-informazzjoni stipulata mill-leġiżlazzjoni fis-seħħ, fuq l-imballaġġ, b’mod obbligatorju, għandu jidher l-isem tad-denominazzjoni “Oli de l’Empordà” (bil-Katalan) jew “Aceite de L’Empordà” (bl-Ispanjol), flimkien mal-kliem “Denominazzjoni tal-Oriġini Protetta”.

4.   Definizzjoni fil-qosor taż-żona ġeografika

Iż-żona protetta tinkludi t-territorji tat-tmienja u sittin muniċipalità tal-comarca Alt Empordà, u tas-sitta u tletin muniċipalità tal-comarca Baix Empordà, ħames muniċipalitajiet kontigwi tal-comarcas tal-Gironès (Viladasens, Sant Jordi Desvalls, Flaçà, Madremanya u Llagostera), u tliet muniċipalitajiet tal-Pla de l’Estany (Crespià, Esponellà u Vilademuls). Dawn il-muniċipalitajiet kollha huma parti mill-provinċja ta’ Girona, u jinsabu fit-Tramuntana nett tal-Komunità Awtonoma tal-Katalonja.

5.   Rabta maż-żona ġeografika

5.1.   Speċifiċità taż-żona ġeografika

Il-ħamrija u l-klima taż-żona ġeografika ddefinita huma determinati minn tliet fatturi essenzjali:

—	Ħamrija: il-maġġoranza hija fqira, ħafifa, b’pH aċidu jew newtrali

—	Temperatura: moderata taħt l-effett regolatur tal-baħar

—	Riħ: mit-Tramuntana, tipiku taż-żona, magħruf bħala “la tramontana”

Iż-żona ta’ kultivazzjoni tas-siġar taż-żebbuġ fir-reġjun tal-Empordà hija kkonċentrata fiż-żoni b’ħamrija fqira, jiġifieri fl-għoljiet marġinali u fil-pjanura baxxa taħt il-ktajjen minuri tal-Pirenej (Serra de l’Albera u Serra de Rodes) fit-Tramuntana, u taħt il-ktajjen tal-Montgrí u tas-Sierra de Les Gabarres fin-Nofsinhar. Il-ħamrija hija ġeneralment ħafifa, aċiduża jew newtrali, u hija magħmula mill-iskist, mill-blat tal-granit jew mill-gness, li huma tipiċi tal-ktajjen minuri tal-Pirenej.

Il-klima tar-reġjun ta’ L’Empordà, fiż-żona ta’ produzzjoni tas-siġar taż-żebbuġ, hija ikklassifikata minn Papadakis bħala Mediterranja Marittima, u minn Thornthwaite bħala niexfa subumda fil-kosta u subumda fl-artijiet interni.

It-temperaturi, kif ukoll il-varjazzjoni fit-tempatura matul il-jum, huma mmoderati taħt l-effett regolatur tal-baħar. Il-perjodu tas-silġ huwa minn nofs Novembru sa tmiem Marzu.

Il-preċipitazzjoni medja tvarja bejn 550 mm fiż-żona tal-kosta tat-Tramuntana u 850 mm fiż-żoni interni ħdejn il-ktajjen minuri tal-Pirenej. Dawn il-preċipitazzjonijiet jinqasmu b’mod irregolari, u huma kkonċentrati fix-xhur ta’ Settembru u Ottubru.

Il-bilanċ tal-ilma juri li jkun hemm perjodu ta’ nixfa minn Ġunju sa Awwissu, tipiku taż-żoni Mediterranji.

Ir-riħ huwa ddominat minn dak tat-Tramuntana, imsejjaħ proprju “la Tramontana”.

Dan huwa riħ dejjem xott li kultant jista’ jsir vjolenti; huwa wieħed mill-fatturi ewlenin li jikkaratterizzaw il-klima ta’ L’Empordà.

Mill-banda l-oħra, il-preżenza ta’ dan ir-riħ matul ix-xhur kesħin tax-xitwa tnaqqas ir-riskju ta’ ġlata qawwija li tagħmel ħsara lill-imsaġar taż-żebbuġ, u b’hekk dan ir-riħ jippermetti lis-siġar taż-żebbuġ jgħixu f’dawn il-comarcas.

Fis-sajf ikun hemm żiffiet mix-Xlokk li jimmoderaw it-temperaturi ta’ binhar u jżommu umdità relattiva għolja matul dan il-perjodu.

Fatturi storiċi u umani

Iż-żejt taż-żebbuġa straverġni tar-reġjun ta’ L’Empordà huwa marbut direttament mal-istorja, mat-tradizzjoni u mal-kultura taż-żona koperta mid-DOP.

Skont is-sorsi storiċi u l-iskoperti arkeoloġiċi, il-kultivazzjoni tas-siġar taż-żebbuġ u l-produzzjoni taż-żejt taż-żebbuġa jmorru lura 2 500 sena.

Iż-żejt taż-żebbuġa dejjem kien jeżisti flimkien ma’ prodotti oħrajn tipiċi tal-Mediterran, fosthom l-inbid, prodott daqstant ieħor importanti għall-iżvilupp ekonomiku tan-nies li jgħixu fiż-żona. Il-kultivazzjonijiet isiru fuq artijiet żgħar, il-proprjetajiet huma frammentati ħafna, u perċentwal għoli ta’ żejt isir permezz tal-kooperattivi.

Hija kultivazzjoni essenzjalment soċjali, ibbażata fuq il-ħidma ta’ familji sħaħ, speċjalment meta jaslu għall-ħsad.

Il-kundizzjonijiet klimatiċi partikolari taż-żona u s-sengħa li ġiet mgħoddija minn ġenerazzjoni għall-oħra wasslu għas-selezzjoni ta’ tliet varjetajiet indiġeni li huma kkultivati biss fiż-żona ġeografika ddefinita ta’ din id-DOP. Il-varjetà predominanti hija l-“Argudell”, filwaqt li t-tnejn l-oħra huma l-“Curivell” u l-“Llei de Cadaqués”.

Barra minn hekk, il-varjetà “Arbequina” ilha tiġi kkultivata bħala varjetà tradizzjonali aktar minn 100 sena.

5.2.   Speċifiċità tal-prodott

L-ispeċifiċità ta’ dan iż-żejt ġejja mill-preżenza tal-varjetà indiġena “Argudell”, li tirrappreżenta aktar minn 51 % tal-kompożizzjoni tiegħu. Din il-varjetà hija speċifikament adattata għall-kundizzjonijiet klimatiċi u tal-ħamrija partikolari taż-żona tal-Empordà, u dan jispjega l-fatt li hija l-varjetà l-aktar komuni fiż-żona, minkejja l-kompetizzjoni ta’ varjetajiet oħrajn Katalani u Franċiżi. Fil-fatt, din hija varjetà rustika ħafna, adattata għall-ħamrija fqira, u li tiflaħ għar-riħ qawwi dominanti (“la Tramontana”) billi hija b’saħħitha ħafna, għandha densità baxxa ta’ weraq fis-siġra, u għandha FRF għolja (il-kapaċità li żżomm il-frott fuq il-friegħi).

Barra minn hekk, minn perspettiva ġenetika (markaturi molekulari tad-DNA), hija varjetà differenti ħafna mill-varjetajiet Katalani l-oħra, b’koeffiċjent ta’ similarità taħt iż-0,30 (meta mqabbel ma’ valur ta’ 1 għall-ġenotipi identiċi).

Stabbiltà għolja Dawn huma żjut li għandhom stabbiltà għolja ħafna minħabba l-kwantità kbira ta’ antiossidanti li fihom (l-iktar il-polifenoli). Il-valur medju ta’ Rancimat f’120 °C huwa 9 sigħat, u ma jista’ qatt ikun inqas minn 6 sigħat.

Barra minn hekk, l-istabbiltà ta’ dawn iż-żjut hija spjegata wkoll mill-kwantità għolja ta’ aċidu olejku (67 %, b’valuri minimi u massimi ta’ bejn 60 u 75 %), ta’ aċidu linolejku (13 %, b’valuri minimi u massimi ta’ bejn 8 u 18 %) u ta’ aċidu palmitiku (14 %, b’valuri minimi u massimi ta’ bejn 11 u 18 %). Billi din hija ż-żona ta’ produzzjoni taż-żebbuġ li tinsab l-aktar fit-Tramuntana tal-Peniżola Iberika, il-produzzjoni tal-istess varjetajiet f’reġjuni oħrajn ta’ Spanja tirriżulta fi żjut li jkollhom kwantitajiet aktar baxxi ta’ aċidu olejku, kwantitajiet ogħla ta’ aċidu linolejku, u inqas stabbiltà, minħabba li dawn il-parametri jiddependu fil-parti l-kbira mil-latitudni taż-żona ta’ produzzjoni.

Togħma karatteristika (skont in-nomenklatura COI-T20 taż-żjut li jibbenefikaw minn DOP), b’aromi li normalment ifakkru fil-ħaxix li jkun għadu kemm inqata’ u/jew fil-ġewż; jista’ jkun hemm ukoll aromi ta’ frott eżotiku, ta’ frott aħdar jew ta’ qaqoċċ, kif ukoll togħma aħħarija simili għal-lewż. Il-partikolaritajiet ġeografiċi taż-żona jiffavorixxu konċentrazzjoni aromatika għolja, li tagħti l-intensità tat-togħma tal-frott taż-żebbuġa tat-tip medju, li tista’ tilħaq intensità għolja (ta’ bejn 4 u 7) f’ċerti każijiet. Mad-dewqa, il-konċentrazzjoni għolja ta’ polifenoli, meta mqabbla maż-żjut ta’ reġjuni oħra tal-Katalonja, tagħti togħma morra u pikkanti tat-tip medju (intensità ta’ bejn 3 u 6), u żżomm bilanċ tajjeb mal-intensità tal-aroma tal-frott (differenza bejn l-aroma tal-frott u l-imrar jew it-togħma pikkanti ta’ inqas minn 2), skont id-definizzjoni tad-dispożizzjonijiet tar-Regolament (KEE) Nru 2568/91.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għal DOP) jew il-kwalità, ir-reputazzjoni jew karatteristiċi oħra speċifiċi tal-prodott (għal IĠP)

Kif issemma aktar ’il fuq, il-kultivazzjoni tas-siġar taż-żebbuġ f’dawn il-comarcas hija possibbli bis-saħħa tal-kombinazzjoni tal-fatturi storiċi, tat-tradizzjoni ta’ kultivazzjoni u tal-karatteristiċi tal-ambjent naturali, li flimkien wasslu għal struttura partikolari ħafna tal-varjetajiet.

Fil-fatt, is-selezzjoni tal-varjetajiet li saret mill-bniedem minn dejjem kellha l-għan li ssib kultivari adatti għall-irjieħ qawwija kif ukoll għall-ħamrija partikolarment fqira ta’ din iż-żona. Huwa b’hekk li l-“Argudell” saret il-varjetà dominanti, l-aktar waħda adattata għal dawn il-kundizzjonijiet. L-“Arbequina” wriet ukoll li adattat ruħha għall-ambjent u ppermettiet ħsad regolari, mingħajr ma tbiddel il-profil taż-żjut, minħabba l-karattru tagħha li mhuwiex dominanti ħafna, u l-użu tagħha fi proporzjonijiet żgħar.

Barra minn hekk, il-kultivazzjoni tas-siġar taż-żebbuġ f’din il-latitudni hija vjabbli wkoll permezz tal-effett regolatur tal-Mediterran; mingħajru, il-kesħa intensa tax-xitwa kieku tagħmel il-ħsara lis-siġar. Iż-żiffiet tal-baħar jipprovdu biżżejjed umdità għat-tinbit u għall-produzzjoni tal-frott. Mill-banda l-oħra, it-temperatura ġenerali fis-sajf tiffavorixxi l-lipoġeneżi u s-sinteżi tal-aċidi xaħmin monoinsaturati. L-irjieħ qawwija u xotti tal-ħarifa (“la tramontana”) jippermettu li jiġu evitati l-problemi sanitarji u jiffavorixxu maturazzjoni tajba, u dan jikkontribwixxi lejn il-kwalità ottimali tal-frott maħsud. Fl-aħħar nett, il-ħamrija ħafifa u aċida jew newtrali, li ġejja mill-iskist jew mill-granit u li hija predominanti fiż-żona, b’differenza miż-żoni l-oħrajn tas-siġar taż-żebbuġ li għandhom ħamrija b’ħafna tafal u ġir, tiffavorixxi l-akkumulazzjoni ta’ polifenoli fil-frott.

Dawn il-fatturi kollha jikkontribwixxu għall-produzzjoni ta’ żejt li għandu kompożizzjoni u profil sensorjali speċifiċi.

Referenza għall-pubblikazzjoni tal-Ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

http://gencat.cat/alimentacio/modificacion-pliego-aceite-emporda/

---

(1)  ĠU L 343, 14.12.2012, p. 1.

(2)  ĠU L 248, 5.9.1991, p. 1.

---