13.2.2018   

MT

Il-Ġurnal Uffiċjali tal-Unjoni Ewropea

C 54/1

—

wara li kkunsidra d-dokumenti tas-Semestru Ewropew 2017, jiġifieri l-Istħarriġ Annwali dwar it-Tkabbir, ir-Rapporti tal-Pajjiżi, il-Programmi Nazzjonali ta’ Riforma u r-Rakkomandazzjonijiet Speċifiċi għall-Pajjiżi;

—

wara li kkunsidra r-Riżoluzzjoni tiegħu dwar l-Istħarriġ Annwali tal-Kummissjoni Ewropea dwar it-Tkabbir 2017 (RESOL-VI/019) adottata fit-8 ta’ Frar 2017;

—

wara li kkunsidra r-rapport tal-Parlament Ewropew dwar l-Istħarriġ Annwali dwar it-Tkabbir 2017 (2016/2306 (INI));

1.

jenfasizza li 55 % tar-Rakkomandazzjonijiet Speċifiċi għall-Pajjiżi kollha maħruġa fl-2017 jindirizzaw l-ostakli għall-investiment li jistgħu jingħelbu bl-għajnuna tal-awtoritajiet lokali u reġjonali (1); ifakkar fil-ħtieġa li tiġi indirizzata d-diskrepanza bejn il-funzjonijiet u r-riżorsi finanzjarji tal-gvernijiet lokali u reġjonali;

2.

jinsisti li l-politika ta' koeżjoni għandha tibqa’ l-għodda ewlenija ta’ investiment għall-UE. Madankollu, jikkunsidra li l-governanza u l-interazzjonijiet tagħha mas-Semestru Ewropew għandhom jittejbu biex jiżdied aktar l-effett multiplikatur tal-infiq ta’ koeżjoni u l-kontribut tiegħu għal tkabbir inklużiv u sostenibbli;

3.

filwaqt li jilqa’ l-introduzzjoni f’Jannar 2015 ta’ marġnijiet ta’ flessibbiltà fi ħdan il-Patt ta’ Stabbiltà u Tkabbir, il-KtR jappella għal aktar miżuri biex tingħata spinta lill-investiment pubbliku, speċjalment fl-infrastruttura u l-inklużjoni soċjali, billi jiġi eskluż il-kofinanzjament nazzjonali, reġjonali jew lokali fil-kuntest tal-Fondi Strutturali u ta’ Investiment Ewropej mill-mekkaniżmu ta’ kontabilità tal-Patt ta’ Stabbiltà u Tkabbir, l-istess kif isir fil-każ tal-kofinanzjament marbut mal-Fond Ewropew għall-Investimenti Strateġiċi, billi tiġi stabbilita tipoloġija fil-livell tal-UE għall-kwalità tal-investiment pubbliku fil-kontijiet tal-infiq pubbliku skont l-effetti fit-tul tiegħu, billi jsir rieżami tal-metodoloġija għall-kalkolu tad-“defiċit strutturali” sabiex jitqiesu l-karatteristiċi intrinsiċi tal-ekonomiji nazzjonali u d-differenzi strutturali tal-infiq pubbliku, u billi jiġi propost li indikatur relatat mar-rata tal-investiment jiġi inkluż fit-tabella ta’ valutazzjoni makroekonomika;

4.

jinnota li l-Awtoritajiet Lokali u Reġjonali (LRAs) huma involuti f’madwar 25 % tal-proġetti mill-Fond Ewropew għall-Investimenti Strateġiċi (FEIS) iffinanzjati mill-BEI, iżda, kif ħareġ minn studju reċenti kkummissjonat mill-KtR, għad hemm sfidi sinifikanti fl-involviment tagħhom, minħabba kapaċità amministrattiva, kumplessità intrinsika tal-FEIS u nuqqas ta’ sensibilizzazzjoni dwaru fil-bliet u fir-reġjuni (2); jenfasizza li aktar sensibilizzazzjoni, appoġġ tekniku, konsultazzjoni u sinerġiji ma’ sorsi ta’ finanzjament Ewropej oħra huma neċessarji biex jissaħħaħ l-involviment tal-awtoritajiet lokali u reġjonali (LRAs) fl-implimentazzjoni tal-FEIS u jkun assigurat bilanċ ġeografiku aħjar bejn il-proġetti tal-FEIS;

5.

jaqsam il-valutazzjoni tal-Kummissjoni dwar il-fatt li l-FEIS għadu “’l bogħod milli jilħaq il-potenzjal sħiħ tiegħu biex l-iżvilupp tal-kapital uman jingħata spinta. Għandhom jintużaw sforzi addizzjonali għat-tfassil ta’ strumenti adattati għal dan is-settur u biex jiġi żgurat li atturi soċjali u finanzjarji jikkooperaw iktar mill-qrib” (3);

6.

jissottolinja l-importanza tar-riformi strutturali kontinwi fil-livelli kollha ta’ gvern u t-tneħħija tal-burokrazija li takkumpanja l-investimenti attwali sabiex jgħinu biex jitjiebu l-ambjenti tan-negozju u l-attraenza għall-investiment tal-ekonomiji tagħna;

7.

jiġbed l-attenzjoni għall-fatt li l-aċċess għall-finanzjament għadu sfida kbira għall-SMEs, in-negozji ġodda u n-negozji li qed jespandu (scale-ups) fl-Ewropa; jilqa’ miżuri bħalma huwa l-Fond Ewropew ta' Kapital ta' Riskju; jistieden lill-Kummissjoni, b’kooperazzjoni mal-awtoritajiet lokali, reġjonali u nazzjonali, biex tieħu aktar miżuri li jsaħħu l-investiment privat u jippromwovu sorsi differenti ta’ finanzjament;

8.

itenni s-sejħa tiegħu għal koordinazzjoni aktar b’saħħitha bejn il-miżuri Ewropej kollha għat-tisħiħ tal-kapaċitajiet u s-semplifikazzjoni tal-fondi tal-UE; jenfasizza li 53 % tar-Rakkomandazzjonijiet Speċifiċi għall-Pajjiżi (CSRs) tal-2017 għandhom jindirizzaw kwistjonijiet ta’ kapaċità amministrattiva, b’mod partikolari fil-livell sottonazzjonali;

9.

jemmen li l-baġit tal-UE għandu jappoġġja lill-Istati Membri fl-isforzi tagħhom biex jimplimentaw riformi strutturali u jneħħu l-burokrazija żejda li takkumpanja l-investimenti attwali, u japprova għalhekk id-deċiżjoni meħuda f’Mejju 2017 dwar il-Programm ta’ Appoġġ għal Riformi Strutturali (2017-2020), b’valur ta’ EUR 142,8 miljun li se jkun ta’ kontribut għar-riformi istituzzjonali, amministrattivi u strutturali mmirati lejn l-iffinanzjar ta’ azzjonijiet ta’ valur miżjud Ewropew biex jissaħħu l-kompetittività, il-produttività, it-tkabbir, l-impjiegi, il-koeżjoni u l-investiment;

10.

itenni s-sejħa tiegħu lill-Kummissjoni sabiex tikkunsidra li tipproponi kapaċità fiskali għaż-żona tal-euro li taf tkun ta’ għajnuna għall-istabilizzazzjoni taż-żona tal-euro jekk u meta meħtieġ;

11.

jistieden lill-Kummissjoni biex tevalwa d-diffikultajiet li l-awtoritajiet reġjonali u lokali jistgħu jaffaċċjaw meta japplikaw id-Direttivi dwar l-Akkwist Pubbliku u jenfasizza l-ħtieġa għal strumenti fil-livell lokali u reġjonali, bħal pereżempju ċentri ta’ għarfien bħala mezz biex tittejjeb il-kapaċità amministrattiva fil-livelli kollha tal-gvern fir-rigward tal-akkwist pubbliku u l-għajnuna mill-Istat billi tingħata assistenza teknika u gwida;

12.

jenfasizza l-ħtieġa għal tkabbir inklużiv u t-titjib tad-dimensjoni soċjali tal-UE permezz tal-implimentazzjoni ta’ Pilastru Ewropew tad-Drittijiet Soċjali (4) permezz ta’ aġenda soċjali Ewropea b’saħħitha, li fiha l-kompetittività u l-ġustizzja soċjali jikkomplementaw lil xulxin, u li jkunu jipprevedu fost l-oħrajn rwol akbar għall-indikaturi soċjali fis-Semestru Ewropew u konverġenza reali fil-pagi, b’konformità mal-produttività;

13.

jenfasizza fl-isfond tad-dokument ta’ riflessjoni tal-Kummissjoni dwar “L-Utilizzazzjoni tal-Globalizzazzjoni” (5), il-ħtieġa li jkun hemm aktar benefiċjarji tal-benefiċċji tal-globalizzazzjoni, il-ħtieġa li l-kunċett ta’ reżiljenza territorjali jiġi żviluppat aktar u li tieqaf il-promozzjoni ta’ “riformi strutturali fil-għama” u – li jinbena l-isforz tal-UE għall-utilizzazzjoni tal-globalizzazzjoni fuq tliet assijiet ewlenin: strateġija proattiva għat-titjib tal-ħiliet, l-għarfien, l-infrastruttura, strateġija ta’ mitigazzjoni inkluż l-Fond Ewropew ta’ Aġġustament għall-Globalizzazzjoni (FEG) u strumenti ta’ politika oħrajn, u strateġija parteċipattiva biex iċ-ċittadini Ewropej ikunu involuti aħjar fil-proċess ta’ tfassil tal-politika tal-UE; jappella wkoll għal aġġornament tal-FEG billi jiżdied il-baġit tiegħu; – u jiġi integrat fil-QFP; – jitnaqqsu b’mod sinifikanti l-kriterji għall-attivazzjoni tal-FEG, – jiġu żgurati sinerġiji mal-Fondi Strutturali u ta’ Investiment Ewropej;

14.

jinsisti li l-pressjonijiet globali attwali jirrikjedu strateġija industrijali tal-UE komprensiva u bbażata fuq il-post (6), li tinkludi l-koordinazzjoni strateġika bejn il-politiki u l-istrumenti rilevanti tal-UE;

15.

jenfasizza li 76 % tar-Rakkomandazzjonijiet Speċifiċi kollha għall-Pajjiżi għall-2017 huma relatati mat-territorju, għaliex dawn jindirizzaw sfidi li jikkonċernaw xi reġjuni jew bliet aktar minn oħrajn, u l-implimentazzjoni tagħhom tiddependi fuq il-livelli sottonazzjonali tal-gvern; jinnota li 62 % ta’ dawn ir-rakkomandazzjonijiet huma direttament indirizzati lejn l-awtoritajiet lokali u reġjonali, u dan jenfasizza r-rwol tal-awtoritajiet lokali u reġjonali fit-twettiq ta’ riformi strutturali;

16.

jenfasizza li żewġ terzi tal-Programmi Nazzjonali ta’ Riforma 2017 jagħrfu l-eżistenza tad-differenzi reġjonali, li kollha jirreferu għall-involviment tal-awtoritajiet lokali u reġjonali fl-implimentazzjoni tal-PNR u li 70 % minnhom jirreferu għall-involviment tagħhom fit-tħejjija tal-PNR, għalkemm primarjament, xorta waħda bi ftit li xejn konsultazzjoni;

17.

jenfasizza li l-involviment fi stadju bikri tal-awtoritajiet lokali u reġjonali bħala msieħba fit-tfassil konġunt tal-PNR, u l-adozzjoni sistematika ta’ approċċ ta’ governanza f’diversi livelli, iżidu b’mod sinifikanti r-rata ta’ implimentazzjoni tar-rakkomandazzjonijiet, jgħinu biex jiġu indirizzati d-disparitajiet reġjonali u jiffavorixxu responsabbiltà akbar fil-prattika, filwaqt li tissaħħaħ il-fiduċja fi ħdan l-Istati Membri u bejniethom;

18.

jistieden lill-istituzzjonijiet tal-UE biex jimplimentaw il-proposta tal-KtR dwar Kodiċi ta’ Kondotta għall-involviment tal-awtoritajiet lokali u reġjonali fis-Semestru Ewropew (7) u jilqa’ l-fatt li din ġiet approvata mill-Parlament Ewropew (8);

19.

jirrakkomanda li l-Istħarriġ Annwali dwar it-Tkabbir 2018 jinkludi kapitolu speċifiku dwar l-istat tar-reġjuni u jindirizza r-rwol tal-awtoritajiet lokali u reġjonali, u jitlob lill-Istati Membri biex jagħmlu l-istess fil-Programmi Nazzjonali ta’ Riforma tagħhom; jilqa’ l-appoġġ li ntwera għas-sejħa biex tingħata dimensjoni territorjali fir-Rakkomandazzjonijiet Speċifiċi għall-Pajjiżi; jistieden lill-Kummissjoni Ewropea biex tiltaqa’ mar-rappreżentanti tal-awtoritajiet lokali u reġjonali meta żżur il-pajjiżi fil-bidu tas-Semestru. Sabiex tiġi appoġġjata l-inklużjoni ta’ dimensjoni territorjali fis-Semestru Ewropew, jenfasizza l-opportunità li wieħed mill-elementi inkorporati jkun it-tibdil demografiku, u b’hekk jintrabat mas-Semestru Ewropew, kif intqal fl-Opinjoni tal-KtR dwar ir-reazzjoni tal-UE għall-isfida demografika;

20.

meta titqies id-diskrepanza attwali bejn il-proċess annwali tal-ħruġ tar-Rakkomandazzjonijiet Speċifiċi għall-Pajjiżi u l-approċċ għall-ipprogrammar għal perjodu medju u fit-tul mitlub mill-FEIS, itenni (9) l-konvinzjoni tiegħu li l-inklużjoni tal-politika ta' koeżjoni fil-programmi nazzjonali ta’ riforma trid titfassal mill-ġdid b’tali mod li jinżammu d-dimensjoni territorjali u l-approċċ deċentralizzat ibbażat fuq l-isħubiji;

21.

jinnota li ħafna Rakkomandazzjonijiet Speċifiċi għall-Pajjiżi ilhom imtennija għal diversi snin minħabba l-fatt li riformi kumplessi jieħdu ż-żmien biex jiġu implimentati; jinsab kuntent dwar il-fatt li l-Kummissjoni Ewropea taqsam is-suġġeriment, mogħti mill-KtR, li l-progress fl-implimentazzjoni ta’ dawn ir-rakkomandazzjonijiet għandu jitkejjel fuq bażi pluriennali minflok annwali; jinnota li l-Kummissjoni sabet li, abbażi ta' dan, “madwar żewġ terzi tar-Rakkomandazzjonijiet Speċifiċi għall-Pajjiżi maħruġa sal-2016 ġew implimentati b’tal-inqas ftit progress” (10) (meta mqabbla mat-43 % tar-Rakkomandazzjonijiet Speċifiċi għall-Pajjiżi kollha maħruġa fl-2016); jitlob lill-Kummissjoni biex tippubblika b’mod trasparenti l-elementi kollha ta’ tali valutazzjoni;

22.

jenfasizza li s-Semestru Ewropew jeħtieġ qafas ta’ politika fit-tul; f’dan il-kuntest jirrikonoxxi l-isforzi tal-Kummissjoni biex torbot l-Aġenda 2030 tan-NU għall-Iżvilupp Sostenibbli u l-Għanijiet ta’ Żvilupp Sostenibbli (SDGs) mal-Istrateġija Ewropa 2020 u b’hekk mal-Fondi Strutturali u ta’ Investiment Ewropej. Madankollu, minħabba l-kumplessità u n-numru kbir ta’ oqfsa ta’ referenza differenti, jenfasizza l-ħtieġa għal koerenza fil-politiki, għal integrazzjoni u għal qafas ta’ governanza konsistenti u jistenna li l-Kummissjoni toħroġ bi proposti rilevanti f’dan ir-rigward mill-aktar fis possibbli;

23.

jenfasizza li l-kriżi Ewropea tar-refuġjati u l-migranti, li bdiet fl-2015, għadha problema serja ħafna għal ħafna reġjuni u awtoritajiet lokali. Għalhekk tirrikjedi rispons sinifikanti u konkret fil-livell Ewropew, anke mil-lat ta’ fondi ġodda;

24.

jiġbed l-attenzjoni, bi tħassib, għal-livell għoli ta’ qgħad fit-tul, b’mod partikolari fost iż-żgħażagħ li jaffettwa l-ekonomiji ta’ diversi Stati Membri tal-UE, jistieden, għalhekk, lill-Kummissjoni u lill-Istati Membri biex jitħaffu l-miżuri neċessarji kollha sabiex jiġi appoġġjat is-suq tax-xogħol;

25.

jagħti struzzjonijiet lill-President sabiex iressaq din ir-riżoluzzjoni lill-Kummissjoni, lill-Parlament Ewropew, lill-Kunsill, lill-President tal-Kunsill Ewropew u lill-Presidenza Estonjana tal-Kunsill tal-UE.

13.2.2018   

MT

Il-Ġurnal Uffiċjali tal-Unjoni Ewropea

C 54/5

—

wara li kkunsidra l-impenn kondiviż favur id-dritt internazzjonali u l-valuri fundamentali, inklużi d-demokrazija, l-istat tad-dritt, ir-rispett għad-drittijiet tal-bniedem, il-libertajiet fundamentali u l-ugwaljanza bejn is-sessi, kif ukoll favur l-ekonomija tas-suq, l-iżvilupp sostenibbli u l-governanza tajba, li fuqhom hija bbażata s-Sħubija tal-Lvant;

—

wara li kkunsidra l-fatt li l-kunflitti armati u d-destabilizzazzjoni f’ħafna pajjiżi u reġjuni fil-viċinat tal-UE qed jimpedixxu l-iżvilupp ta’ sħubijiet dejjiema (1);

—

wara li kkunsidra l-approċċ ibbażat fuq id-drittijiet, implimentat mill-UE sa mill-2016, li jinkludi d-drittijiet kollha tal-bniedem, kemm ekonomiċi, politiċi, ċivili, kulturali u soċjali, bħala wieħed mill-prinċipji gwida tal-assistenza finanzjarja tal-Istrument Ewropew ta’ Viċinat, u r-rwol importanti tal-awtoritajiet lokali u reġjonali fil-ħarsien tad-drittijiet ewlenin fil-livell lokali u reġjonali, fost l-oħrajn il-protezzjoni tal-minoranzi;

—

wara li kkunsidra l-prinċipji fundamentali tal-awtonomija lokali, li jirrappreżentaw valur Ewropew kodifikat fil-qafas tal-Karta Ewropea dwar l-Awtonomija Lokali;

—

wara li kkunsidra l-importanza tal-involviment tal-organizzazzjonijiet tas-soċjetà ċivili, iż-żgħażagħ u l-awtoritajiet lokali, b’mod partikolari fl-implimentazzjoni ta’ oqfsa ġodda speċifiċi għall-pajjiż għal kooperazzjoni bilaterali, fil-forma ta’ Aġendi ta’ Assoċjazzjoni u Prijoritajiet tas-Sħubija aġġornati, b’mod li jikkontribwixxi għat-trasformazzjoni demokratika u ekonomika tal-pajjiżi msieħba (2) u jsaħħaħ ir-relazzjonijiet tagħhom mal-UE;

—

wara li kkunsidra r-rwol tal-awtoritajiet lokali u reġjonali fit-tisħiħ tar-reżiljenza, definita bħala kunċett wiesa’ li jinkludi s-soċjetà kollha kemm hi, li tinkludi d-demokrazija, il-fiduċja fl-istituzzjonijiet, l-iżvilupp sostenibbli, u l-kapaċità ta’ riforma (3);

—

wara li kkunsidra r-rwol tal-Konferenza tal-Awtoritajiet Reġjonali u Lokali għas-Sħubija tal-Lvant (CORLEAP), kif rikonoxxut fir-Rapport dwar l-Implimentazzjoni tar-Rieżami tal-Politika Ewropea tal-Viċinat u d-Dokument ta’ Ħidma Konġunt tal-Persunal dwar l-istadji importanti tas-Sħubija tal-Lvant lejn l-2020;

—

wara li kkunsidra l-impenn tal-CORLEAP fir-rigward tal-ksib tal-objettivi tas-Sħubija tal-Lvant skont il-Politika Ewropea tal-Viċinat rieżaminata u l-Istrateġija Globali tal-UE dwar il-Politika Barranija u ta’ Sigurtà, biex tippromovi u timplimenta, fil-livell lokali, il-valuri universali li fuqhom hija msejsa l-UE, u ssaħħaħ il-kooperazzjoni fost l-awtoritajiet lokali u reġjonali, l-assoċjazzjonijiet u l-organizzazzjonijiet tas-soċjetà ċivili tagħhom, għall-benefiċċju taċ-ċittadini kollha;

—

wara li kkunsidra r-rapport tal-CORLEAP dwar L-iżvilupp tal-parteċipazzjoni ċivika bħala mod kif tissaħħaħ id-demokrazija lokali fil-pajjiżi tas-Sħubija tal-Lvant u r-rakkomandazzjonijiet fih;

—

wara li kkunsidra r-rapport tal-CORLEAP dwar L-effiċjenza enerġetika: ir-rwol tal-awtoritajiet lokali u reġjonali u r-rakkomandazzjonijiet fih;

—

wara li kkunsidra t-tnedija ta’ inizjattivi ġodda fil-qasam tal-iżvilupp muniċipali sostenibbli, bħalma huma s-Sindki għat-Tkabbir Ekonomiku u t-tieni fażi tal-Patt tas-Sindki tal-Lvant, li huma mudelli ta’ governanza minn isfel għal fuq li kapaċi jistimulaw l-involviment tal-awtoritajiet lokali maċ-ċittadini u l-istituzzjonijiet internazzjonali u lokali;

—

wara li kkunsidra r-reviżjoni ta’ nofs it-terminu tal-assistenza tal-Istrument Ewropew ta’ Viċinat għall-2014-2017;

—

wara li kkunsidra aktar tisħiħ tal-kooperazzjoni mal-osservaturi permanenti (4) tal-CORLEAP u msieħba istituzzjonali oħra;

1.

jenfasizza li l-awtoritajiet lokali u reġjonali qed ikomplu jiżviluppaw bħala atturi u dawk li jfasslu l-politika fi ħdan l-arkitettura tas-Sħubija tal-Lvant, billi ħafna mir-riżultati ewlenin tas-Sħubija tal-Lvant huma bbażati fuq il-kisbiet u l-isforzi kontinwi fil-livell sottonazzjonali, u jinħtieġ aktar appoġġ biex jippermettilhom jikbru fir-rwol tagħhom;

2.

jilqa’ r-rwol imsaħħaħ tal-awtoritajiet lokali u reġjonali fl-implimentazzjoni tal-politiki, l-istrateġiji u l-inizjattivi ewlenin tas-Sħubija tal-Lvant, inkluż l-involviment akbar tagħhom fil-ħidma tal-pjattaformi multilaterali u l-bordijiet tagħhom;

3.

jilqa’ b’mod partikolari d-dibattiti fuq it-tisħiħ tad-demokrazija lokali u reġjonali fi ħdan il-Pjattaforma 1 tas-Sħubija tal-Lvant dwar id-demokrazija, il-governanza tajba u l-istabbilità;

4.

jirrakkomanda li jkun hemm impenn strutturat mal-awtoritajiet lokali u reġjonali u l-assoċjazzjonijiet tagħhom bħala element trasversali ta' kull wieħed mill-erba' oqsma ta' prijorità tas-Sħubija tal-Lvant, filwaqt li jenfasizza li l-kuntatti bejn in-nies huma importanti daqs il-konnessjonijiet ekonomiċi u dawk tal-enerġija;

5.

jenfasizza li l-involviment tal-awtoritajiet lokali u reġjonali huwa essenzjali fil-kuntest ta’ struttura multilaterali aktar effiċjenti u effettiva tas-Sħubija tal-Lvant u jitlob għal korrelazzjoni mtejba max-xogħol li twettaq il-CORLEAP;

6.

jinsisti fuq il-parteċipazzjoni tal-awtoritajiet lokali u reġjonali tal-pajjiżi tas-Sħubija tal-Lvant fl-abbozzar ta’ rakkomandazzjonijiet ta’ politika u ta' leġislazzjonijiet, kif ukoll fuq l-involviment attiv tagħhom fin-negozjati mal-awtoritajiet ċentrali dwar il-proġetti u d-deċiżjonijiet ta’ interess għal-livelli lokali u reġjonali;

7.

jilqa’ b’sodisfazzjon il-proposta tal-Kummissjoni “20 Deliverables for 2020” bħala pass importanti sabiex jintlaħqu riżultati konkreti għaċ-ċittadini fil-pajjiżi tas-Sħubija tal-Lvant, u jimpenja ruħu b’mod attiv li jikkontribwixxi għall-implimentazzjoni ta’ dawn il-miri tanġibbli;

8.

jitlob appoġġ politiku, finanzjarju u tekniku adegwat għall-pajjiżi kollha tas-Sħubija tal-Lvant fi ħdan il-qafas ta’ sħubijiet aktar effettivi u mmirati mal-UE, sabiex jiġi ggwidat aħjar il-proċess ta’ riforma tagħhom, u bil-ħsieb li jiġu kkonsolidati d-demokrazija lokali u l-iżvilupp territorjali;

9.

jafferma mill-ġdid li l-għanijiet ġenerali tad-demokrazija lokali u r-riforma tal-amministrazzjoni pubblika, inkluż permezz ta’ proċess ta’ deċentralizzazzjoni, għadhom fil-qalba tal-kontribut tal-CORLEAP għall-implimentazzjoni tal-Politika Ewropea tal-Viċinat fil-livell lokali u reġjonali, irrispettivament mil-livell magħżul ta’ sħubija mal-UE fi ħdan il-qafas ta’ politika riveduta;

10.

jistqarr li l-effikaċja tal-involviment tal-UE mal-pajjiżi tas-Sħubija tal-Lvant teħtieġ l-ogħla grad ta’ parteċipazzjoni tal-komunitajiet lokali, li qed isiru dejjem aktar attivi;

11.

jenfasizza li l-elezzjonijiet lokali huma essenzjali f’termini tal-involviment taċ-ċittadini u għandhom ikunu akkumpanjati minn proċess ta’ riflessjoni dwar ħidma aktar effettiva għall-pubbliku;

12.

iqis li l-awtoritajiet lokali u reġjonali jinsabu f’pożizzjoni tajba biex jappoġġjaw l-iżvilupp ta’ soċjetà ċivili b’saħħitha u biex jiġu żgurati d-demokratizzazzjoni u l-modernizzazzjoni tal-komunitajiet lokali;

13.

jitlob li l-iskemi ta’ finanzjament eżistenti tal-UE, partikolarment TAIEX u Twinning, ikomplu jiġu adattati sabiex jiġu indirizzati l-ħtiġijiet tal-partijiet interessati lokali u reġjonali;

14.

jinkoraġġixxi approċċ li jinvolvi diversi partijiet interessati għall-iżvilupp lokali u reġjonali fil-pajjiżi tas-Sħubija tal-Lvant ibbażat fuq kooperazzjoni mill-qrib bejn l-awtoritajiet lokali u reġjonali, l-organizzazzjonijiet tas-soċjetà ċivili u ċ-ċittadini, b’rabta ma’ diversi attivitajiet bħall-appoġġ għall-isport, l-assoċjazzjonijiet taż-żgħażagħ u l-anzjani, u ċ-ċentri taċ-ċittadini;

15.

jappella biex ir-riformi effiċjenti ta’ deċentralizzazzjoni jkunu akkumpanjati minn miżuri effettivi kontra l-korruzzjoni fil-livelli kollha ta’ gvern, sabiex tiġi żgurata governanza aktar b’saħħitha b’impatt pożittiv fuq il-ħajja ta’ kuljum taċ-ċittadini;

16.

jappella għal rwol akbar u riżorsi adegwati għall-assoċjazzjonijiet tal-awtoritajiet lokali u reġjonali biex jgħinu lill-awtoritajiet lokali u reġjonali sabiex jipparteċipaw fit-tfassil u l-implimentazzjoni ta’ strateġiji u politiki nazzjonali/settorjali/reġjonali li jolqtuhom, u fil-provvista ta’ servizzi;

17.

jenfasizza l-ħtieġa għal djalogu miftuħ dwar l-amministrazzjoni pubblika inklużiva u r-riformi tal-gvern lokali, inkluż bħala parti mir-riformi territorjali, u dwar il-promozzjoni ta’ kultura ta’ sħubija bejn l-awtoritajiet lokali u dawk ċentrali;

18.

jitlob għal approċċ dinamiku rigward it-trasparenza, l-integrità u kontra l-korruzzjoni fil-livelli kollha ta’ governanza, inkluż fil-livell lokali, biex b’hekk tinbena l-fiduċja taċ-ċittadini fl-awtoritajiet pubbliċi u jittejjeb l-ambjent għall-iżvilupp ekonomiku;

19.

jippromovi approċċ imfassal apposta u multinazzjonali, sabiex jiġu indirizzati l-ħtiġijiet reali f’kull pajjiż, fl-aħjar interessi tal-komunitajiet lokali u reżiljenza aktar b’saħħitha fil-livell lokali;

20.

jirrakkomanda qafas regolatorju trasparenti u sostenibbli li jippermetti lill-awtoritajiet lokali u reġjonali jsaħħu l-kapaċitajiet organizzattivi u istituzzjonali tagħhom;

21.

itenni t-talba tiegħu għal aċċess semplifikat għall-fondi Ewropej għall-awtoritajiet lokali u reġjonali u l-organizzazzjonijiet tas-soċjetà ċivili f’kooperazzjoni mal-gvernijiet sottonazzjonali;

22.

jappella għal strateġiji, programmi u kurrikuli ta' bini tal-kapaċità, kemm għar-rappreżentanti lokali eletti kif ukoll għall-amministrazzjonijiet lokali, sabiex l-awtoritajiet lokali u reġjonali jkunu jistgħu jassumu responsabbiltà sħiħa għall-ġestjoni tas-servizzi li jipprovdu;

23.

jitlob li l-kwistjonijiet marbuta mal-ugwaljanza bejn is-sessi jiġu kkunsidrati fir-riformi lokali u reġjonali kollha li għaddejjin sabiex jipprevjenu kwalunkwe diskriminazzjoni bbażata fuq is-sess;

24.

jitlob lill-pajjiżi tas-Sħubija tal-Lvant biex jirrispettaw id-dritt ta’ minoritajiet nazzjonali għal edukazzjoni fil-lingwi tagħhom konformi mal-Konvenzjoni Qafas għall-Ħarsien tal-Minoranzi Nazzjonali.

25.

itenni t-talba tiegħu li r-rapporti annwali individwali tal-UE dwar il-pajjiżi tas-Sħubija tal-Lvant għandhom jinkludu valutazzjonijiet tal-progress fl-iżvilupp ekonomiku reġjonali, il-proċess ta’ deċentralizzazzjoni, l-awtonomija lokali u l-kooperazzjoni territorjali, bil-għan li jkompli jiġi adattat u mmirat l-appoġġ tal-UE;

26.

jiġbed l-attenzjoni lejn is-sit web dwar it-Tqassim tas-Setgħat (5), ospitat u żviluppat mill-Kumitat Ewropew tar-Reġjuni, li jipprovdi ħarsa ġenerali lejn il-livelli istituzzjonali u fiskali tad-deċentralizzazzjoni fl-UE u fil-pajjiżi ġirien, u li jista’ jappoġġja analiżi regolari bħal din;

27.

jiġbed l-attenzjoni għar-rwol pożittiv li jaqdu l-KtR permezz tal-programm U-LEAD u t-Task Force tal-Ukrajna, li jgħinu biex jinxtered l-għarfien espert u t-tagħrif bejn l-awtoritajiet lokali u reġjonali mill-UE u l-Ukrajna;

28.

jilqa’ l-fatt li waħda mill-prijoritajiet ewlenin tas-Sħubija tal-Lvant hija li tipprovdi għajnuna lill-pajjiżi msieħba għal politiki li jiffokaw fuq l-effiċjenza enerġetika;

29.

jistieden lill-gvernijiet nazzjonali sabiex iżidu l-appoġġ finanzjarju tagħhom u l-kompetenzi attribwiti lill-komunitajiet, li huma meħtieġa biex jiġu żviluppati strateġiji lokali tal-enerġija;

30.

jappoġġja l-programmi speċifiċi tal-Kummissjoni Ewropea għall-awtoritajiet lokali u reġjonali tas-Sħubija tal-Lvant;

31.

jistieden lill-Kummissjoni taħdem flimkien mad-delegazzjonijiet tal-UE sabiex iżżid b’mod sostanzjali l-viżibbiltà tal-programmi ta’ kooperazzjoni fil-livell reġjonali u lokali, u ssaħħaħ il-bini tal-kapaċità fil-livell sottonazzjonali;

32.

jirrakkomanda l-promozzjoni u t-tisħiħ tal-inizjattivi reġjonali u lokali bil-għan li jittejbu l-kundizzjonijiet tal-investiment fil-pajjiżi tas-Sħubija tal-Lvant, bħal sħubijiet politiċi u ekonomiċi bejn ir-reġjuni u l-bliet, l-assoċjazzjonijiet intraprenditorjali u n-netwerks tal-UE u tas-Sħubija tal-Lvant;

33.

jirrakkomanda li jintlaħaq qbil dwar proġetti pilota settorjali fi ħdan ir-riżultati għall-2020, li l-implimentazzjoni tagħhom tkun f’idejn l-awtoritajiet lokali u reġjonali, sabiex tkun tista’ tinkiseb l-esperjenza fil-proċessi ta’ deċentralizzazzjoni;

34.

jemmen li huwa essenzjali li jkun hemm aktar riżorsi disponibbli għall-kooperazzjoni transkonfinali, b’enfasi partikolari fuq il-kuntatti bejn in-nies, is-sħubijiet bejn l-awtoritajiet lokali u reġjonali, u l-iskambji xjentifiċi, kulturali u taż-żgħażagħ; l-estensjoni tal-Fond għal Proġetti Żgħar għall-pajjiżi fil-viċinat tista’ tagħti spinta lill-kooperazzjoni fil-livell lokali;

35.

jistieden lill-gvernijiet nazzjonali sabiex jiffaċilitaw ir-reġistrazzjoni tal-proġett u, fejn rilevanti, l-involviment tar-Raggruppamenti Ewropej ta’ Kooperazzjoni Territorjali (REKT) u r-reġjuni jew il-bliet rispettivi tagħhom fi programmi ta’ kooperazzjoni transkonfinali, bil-għan li jiġu implimentati proġetti bbażati fuq il-bżonnijiet territorjali;

36.

jinsisti li l-awtoritajiet lokali u reġjonali għandhom ikunu involuti fl-eżerċizzju ta’ programmazzjoni relatat mal-programmi bilaterali ta’ assistenza ġodda fil-qafas tal-Istrument Ewropew ta’ Viċinat għall-2017-2020.

13.2.2018   

MT

Il-Ġurnal Uffiċjali tal-Unjoni Ewropea

C 54/9

1.

ifakkar li attwalment teżisti evidenza xjentifika indiskutibbli dwar it-tisħin globali u li dan it-tibdil se jkollu effetti sinifikanti u dejjem jikbru fuq l-ekonomija u fuq is-soċjetà b'mod ġenerali. B’mod partikolari, it-tibdil fil-klima għandu impatt kbir fuq it-territorju mmexxi mill-awtoritajiet lokali u reġjonali. Ħafna drabi l-awtoritajiet lokali u reġjonali jkunu minn ta' quddiem nett sabiex itaffu l-ħsara kkawżata minn fenomeni naturali li qed isiru dejjem aktar estremi u sabiex jinvestu f'miżuri ta' adattament;

2.

jinsab imħasseb dwar l-effetti tat-tibdil fil-klima anke lil hinn mill-konfini tal-UE, fejn ta' spiss huma ftit il-kapaċitajiet sabiex jiġu indirizzati avvenimenti ambjentali estremi u sabiex it-territorju jiġi adattat għat-tibdil attwali, u jfakkar li dan jista' jkollu effetti diretti anke fuq il-fenomeni migratorji;

3.

iqis li, minkejja xi diffikultajiet marbuta mal-limitazzjonijiet baġitarji, mal-kapaċitajiet ta' ppjanar fit-tul u mal-ġestjoni ta' proġetti kumplessi, l-awtoritajiet lokali u reġjonali tal-UE għandhom marġnijiet tajbin sabiex itejbu l-kapaċità tagħhom li jwettqu investimenti (u sabiex jattirawhom minn barra) fil-qasam tat-tibdil fil-klima; Dan l-impenn huwa essenzjali biex titjieb aktar il-prestazzjoni ġenerali tajba tal-UE li bħalissa hija responsabbli għal 9,6 % tal-emissjonijiet globali ta’ CO2;

4.

jenfasizza li l-investimenti meħtieġa sabiex jiġu indirizzati l-isfidi marbuta mat-tibdil fil-klima huma kbar ħafna u ma jistgħux jiġu koperti b'riżorsi lokali u reġjonali u lanqas b'riżorsi pubbliċi biss. Għaldaqstant jilqa' b'sodisfazzjon l-inizjattivi internazzjonali, Ewropej u nazzjonali li għandhom l-għan li jimmobilizzaw l-investimenti privati.

5.

jisħaq għal darb'oħra, li l-problema tat-tibdil fil-klima hija waħda globali, iżda sabiex tiġi indirizzata bl-aktar mod effettiv huwa meħtieġ approċċ ta' governanza f'diversi livelli u bil-parteċipazzjoni ta' diversi partijiet ikkonċernati. Fid-dawl ta' dan, jistieden lill-Kummissjoni Ewropea tirrakkomanda, anke fir-rigward tal-Konvenzjoni Qafas tan-Nazzjonijiet Uniti dwar it-Tibdil fil-Klima (UNFCCC), li r-rwol tal-awtoritajiet lokali u reġjonali jiġi rikonoxxut u sfruttat sabiex l-objettivi tal-Ftehim ta' Pariġi jintlaħqu b'mod aktar effettiv;

6.

minkejja l-ambizzjonijiet relattivament impressjonanti u l-impenn muri minn xi pajjiżi li qed jiżviluppaw, mhuwiex aktar aċċettabbli l-progress kajman fil-implimentazzjoni tal-Ftehim ta' Pariġi min-naħa ta' xi pajjiżi u lanqas mhuwa aċċettabbli li l-Istati Uniti tal-Amerika jirtiraw mill-impenji meħuda. Il-Kumitat tar-Reġjuni jtenni bis-sħiħ li ż-żamma tal-objettivi tal-Ftehim mhijiex għażla iżda bżonn. Għalhekk, iħeġġeġ lill-Kummissjoni Ewropea u lill-Istati Membri jieħdu l-miżuri meħtieġa kollha sabiex l-UE tkun tista' tkun il-mexxej internazzjonali veru fil-ġlieda kontra t-tibdil fil-klima, filwaqt li tilqa' bis-sħiħ l-opportunitajiet ta' innovazzjoni u żvilupp relatati ma' tranżizzjoni gradwali lejn mudell ekonomiku u finanzjarju ġdid;

7.

iqis neċessarju li l-COP23 li jmiss f' Bonn ma tillimitax ruħha sabiex tkun laqgħa bejn esperti iżda li tkun tista' tikkonkludi bi progress sostanzjali lejn l-implimentazzjoni sħiħa tal-Ftehim ta' Pariġi, b'mod partikolari f'dak li għandu x'jaqsam mal-aspetti relatati mal-finanzjamenti għall-azzjoni klimatika (il-bżonn li jiġi stimolat il-finanzjament għall-klima fit-tul, reviżjoni tal-mekkaniżmu finanzjarju, eċċ.);

8.

jipproponi li matul il-perkors ta’ aġġustament lejn il-COP24 futura f’Katowice, tinbeda diskussjoni internazzjonali fi ħdan l-UNFCCC dwar liema indikaturi jistgħu eventwalment jintrabtu mal-kunċett tal-emissjonijiet ta’ gass b’effett ta’ serra sabiex titressaq azzjoni kontra t-tibdil fil-klima li tkun aktar effikaċi;

9.

iqis li, f'kuntest internazzjonali fejn xi pajjiżi diġà wrew ambizzjoni limitata, ir-rwol tal-awtoritajiet lokali u reġjonali huwa fundamentali biex jinvolvu u jagħmlu l-popolazzjoni konxja dwar is-suġġett tat-tibdil fil-klima, sabiex jiġi attirat l-investiment kif ukoll sabiex jiġu implimentati proġetti konkreti. Madankollu, sabiex dan l-impenn jitwettaq, huwa meħtieġ li jkun hemm għarfien, disponibbiltà u kapaċità ta' ġestjoni finanzjarja diretta min-naħa tal-awtoritajiet lokali u reġjonali. F'dan ir-rigward, il-Kumitat jenfasizza r-riżultati tajbin li qed jikseb il-Patt tas-Sindki u l-ftuħ riċenti tiegħu lil hinn mill-konfini tal-UE. Għalhekk il-Kumitat jistieden lill-Kummissjoni Ewropea ssaħħaħ l-inizjattiva u tippromovi kemm jista' jkun il-Patt Globali tas-Sindki, billi tipprovdi assistenza finanzjarja u teknika, speċjalment fil-pajjiżi li fihom jidher ċar li l-ambizzjoni nazzjonali mhix biżżejjed;

10.

jirrikonoxxi li parti mis-soluzzjoni hija marbuta ma' funzjonament aktar effiċjenti tas-swieq finanzjarji globali. Għalhekk iqis li hija prijorità li l-investituri jkunu jafu aħjar ir-riskji u l-opportunitajiet marbuta mat-tibdil fil-klima, b'mod li jkunu jistgħu jindirizzaw ruħhom lejn investimenti aktar sostenibbli, u jilqa' bi pjaċir ir-rakkomandazzjonijiet finali tal-grupp ta' ħidma għat-trasparenza tal-informazzjoni dwar l-espożizzjoni finanzjarja relatata mat-tibdil fil-klima tal-Kunsill għall-istabbiltà finanzjarja. Madankollu, il-Kumitat tar-Reġjuni jistieden lill-Kummissjoni Ewropea tivvaluta l-effetti tal-iżvelar tar-riskji tal-klima sabiex f'dan il-qasam tkun tista' tintuża għodda ta' mitigazzjoni tal-ispejjeż għall-awtoritajiet lokali u reġjonali pereżempju, fil-każ li l-ispejjeż tal-assigurazzjoni jiżdiedu b'rata mgħaġġla;

11.

jilqa' l-inizjattiva tal-OECD li tibni s-Centre on Green Finance and Investment (Ċentru dwar il-Finanzi u l-Investimenti Ekoloġiċi) bl-objettiv li tappoġġja t-tranżizzjoni lejn ekonomija ekoloġika, b'livell baxx ta' emissjonijiet u reżiljenti għat-tibdil fil-klima, u jistenna bil-ħerqa koordinazzjoni bejn l-inizjattivi internazzjonali u l-inizjattivi Ewropej.

12.

jirrikonoxxi li l-UE tat bidu għal bosta inizjattivi xierqa dwar is-suġġett tal-finanzjamenti għall-klima bħat-tnedija min-naħa tal-Kummissjoni Ewropea tal-grupp ta' esperti ta' livell għoli rigward il-finanzi sostenibbli, il-Fond Ewropew għall-effiċjenza fl-enerġija, l-obbligi ekoloġiċi (Bond għal Kuxjenza Dwar il-Klima) tal-Bank Ewropew tal-Investiment, il-mekkaniżmu ta' assistenza Ewropea għall-Enerġija lokali (ELENA), iddedikat sabiex jipprovdi assistenza teknika, l-istrumenti finanzjarji tal-programm LIFE, u ħafna oħrajn. B'mod partikolari, il-Kumitat jilqa' b'sodisfazzjon ir-referenzi għas-suġġett tas-sostenibbiltà ambjentali fil-pjan ta' azzjoni tal-Kummissjoni Ewropea għall-Unjoni tas-Swieq Kapitali (CMU); Filwaqt li dawn l-inizjattivi kollha huma valutati b’mod pożittiv ħafna, il-KtR jirrakkomanda li tiġi evitata kull sovrappożizzjoni u li jittieħed kont sħiħ tal-koordinazzjoni bejn il-politiki u l-inizjattivi kollha fil-livell Ewropew;

13.

b'mod partikolari, sabiex ikun hemm titjib fil-koordinazzjoni tal-inizjattivi attwali u biex tiġi ggarantita aktar koerenza tal-politiki Ewropej, jagħti parir lill-Kummissjoni Ewropea sabiex tivvaluta s-sinerġiji possibbli bejn il-grupp ta' esperti ta' livell għoli dwar il-finanzi sostenibbli u l-grupp ta' esperti ta' livell għoli li nħoloq reċentament “Support to Circular Economy Financing” (Appoġġ għall-Finanzjament tal-Ekonomija Ċirkolari);

14.

jipproponi, fid-dawl tad-diskussjoni dwar il-qafas finanzjarju pluriennali ġdid (QFP) tal-UE li se jibda jopera wara l-2020, li s-suġġetti tat-tibdil fil-klima u tas-sostenibbiltà jsiru karatteristika dominanti trasversali għall-programmi kollha ta' finanzjament, b'objettivi ta' livelli ta' allokazzjonijiet minimi li huma indirizzati għall-klima kemm għall-QFP fl-intier tiegħu kif ukoll għall-programmi ewlenin ta' finanzjament (mill-fondi strutturali sal-programm qafas ġdid għar-riċerka u l-innovazzjoni) u jappella sabiex dawn il-prijoritajiet ikunu konformi mal-għanijiet tal-koeżjoni ekonomika, soċjali u territorjali tal-UE;

15.

jissuġġerixxi li l-valutazzjoni ta' impatt ex-ante tal-proposti leġislattivi tal-UE tkun dejjem akkumpanjata minn valutazzjoni tal-impatt klimatiku u tal-kontribut sabiex jintlaħqu l-objettivi tal-Ftehim ta' Pariġi. Din l-attività għandha tkun il-prekursur għall-iżvilupp ta’ strateġija għal perjodu fit-tul omoġena u sostenibbli rigward il-klima li tippermetti aktar investiment fl-adattament għall-klima, kif innotat ukoll reċentement il-Qorti Ewropea tal-Awdituri (1);

16.

jitlob li l-Kummissjoni Ewropea tagħti mandat lill-Awtorità Bankarja Ewropea sabiex fl-iqsar żmien possibbli (iżda wara l-konsultazzjoni adegwata tal-partijiet interessati rilevanti u jiġi inkluż is-settur privat kif xieraq) tħejji klassifikazzjoni preċiża ta' assi sostenibbli li tkun tinkludi definizzjonijiet ċari u vinkolanti ta' “finanzi għall-klima”, “finanzi ekoloġiċi”, “finanzi sostenibbli” u “finanzi ċirkolari”, fejn il-punt tat-tluq ikunu l-inizjattivi eżistenti (bħal, pereżempju l-obbligi ekoloġiċi tal-BEI). Barra minn hekk, tassonomija komuni Ewropea, għandha tkun akkumpanjata minn linji gwida għall-investituri u minn tikkettar adatt, abbażi ta' indikaturi xierqa ta' prestazzjoni, sabiex b'hekk tista' tingħata valutazzjoni sintetika u sempliċi tal-kwalità tal-assi;

17.

jistieden lill-Kummissjoni u lill-Istati Membri, f’kooperazzjoni mal-awtoritajiet lokali u reġjonali, biex joħolqu sistema regolatorja stabbli u prevedibbli għal investimenti relatati mat-tibdil fil-klima. Dan huwa ta’ importanza kbira biex jitrawwem l-involviment tas-settur privat fil-finanzjament għall-klima;

18.

iħeġġeġ lill-Parlament Ewropew u lill-Kunsill sabiex, meta jirrevedu r-regolamentazzjoni prudenzjali bankarja, iqisu serjament il-possibbiltà li jinkludu “fattur ta' sostenn ekoloġiku” fuq il-mudell tal-fattur ta' sostenn infrastrutturali propost mill-Kummissjoni Ewropea fir-reviżjoni attwali tar-Regolament dwar ir-Rekwiżiti ta' Kapital (CRR), sabiex ir-riżorsi jkunu jistgħu jintużaw għall-investimenti privati bi tnaqqis fl-obbligi tal-kapital għal istituzzjonijiet li jippermettu self għall-investimenti sostenibbli u għall-klima;

19.

jirrikonoxxi li suq effikaċi u effiċjenti tal-permessi ta' emissjonijiet ta' gass b'effett ta' serra, u li jkun regolat mill-iskema tal-UE għall-iskambju ta' kwoti tal-emissjonijiet (ETS), huwa parti mis-soluzzjoni għall-problema tat-tibdil fil-klima, jekk jiġi implimentat flimkien ma’ politika ambizzjuża dwar l-effiċjenza fl-użu tal-enerġija u l-enerġija rinnovabbli. Għalhekk jiddispjaċih li l-proposta biex tiġi emendata l-iskema ETS ippreżentata mill-Kummissjoni Ewropea fl-2015 għadha ma kisbitx l-approvazzjoni finali, filwaqt li l-prezzijiet għall-permessi ta' emissjonijiet għadhom baxxi wisq. Il-kumitat itenni li perċentwal minimu ta’ dħul mill-irkant tal-ETS għandu jiġi amministrat direttament mill-awtoritajiet lokali u reġjonali sabiex jinvestu fit-titjib tar-reżiljenza lokali. Il-Kumitat jistieden ukoll lill-Kummissjoni tivvaluta miżuri eċċezzjonali, bħal pereżempju tistabbilixxi livell minimu tal-prezzijiet tal-karbonju jew terġa' tivvaluta taxxa Ewropea fuq il-karbonju;

20.

jistieden lill-Kummissjoni Ewropea biex tiċċara l-inċertezzi rigward l-investiment fil-bijokarburanti – minħabba l-fatt li għal dawn tal-aħħar, il-Kummissjoni tat biss derogi temporanji mir-regoli dwar l-għajnuna mill-Istat f’dak li għandu x’jaqsam ma’ taxxi fuq l-enerġija u taxxi fuq il-karbonju – u huwa daqstant importanti li jitnaqqas il-piż amministrattiv relatat mal-enerġija rinnovabbli, sabiex jiġi evitat li dawn huma ogħla minn dawk għal karburanti fossili;

21.

jistieden lill-Kummissjoni Ewropea ssaħħaħ il-kwota tal-baġit immirata għall-azzjonijiet tal-klima u għas-sostenibbiltà ambjentali fil-programmi tagħha ta' għajnuna għall-iżvilupp u li huma mmirati għall-pajjiżi terzi, fuq il-bażi ta' dak li ġie approvat reċentament mill-Parlament Ewropew fir-Regolament li jwaqqaf il-Fond Ewropew għall-Iżvilupp Sostenibbli (EFSD) li stabbilixxa mira ta' 28 % tal-baġit totali għall-investimenti klimatiċi. Barra minn hekk, jitlob li l-proġetti jipprevedu parteċipazzjoni akbar min-naħa tal-awtoritajiet lokali u reġjonali tal-UE bl-għan li dawn jikkondividu l-esperjenzi tagħhom ta' suċċess mal-awtoritajiet lokali u reġjonali ta' pajjiżi terzi u, fl-istess waqt, iżidu l-għarfien. Il-prinċipji tal-“ġustizzja klimatika” għandhom ikunu fil-qalba tal-impenji li jsiru f’livell internazzjonali sabiex jiġi żgurat li l-investimenti jirrispettaw id-drittijiet tal-bniedem u jgħinu l-komunitajiet l-aktar vulnerabbli għat-tibdil fil-klima, anke billi tinħoloq klima ta’ kooperazzjoni bejn atturi pubbliċi u privati, f’konformità ma’ dak li hemm stabbilit fl-Objettiv 17 tal-Għanijiet tal-Iżvilupp Sostenibbli tan-Nazzjonijiet Uniti (2);

22.

jenfasizza li, xi minn daqqiet, il-leġislazzjoni dwar l-għajnuna mill-Istat u/jew l-istandards Ewropej tal-Kontabbiltà għall-awtoritajiet pubbliċi, li ta' spiss huma stretti, jistgħu jikkumplikaw aktar l-investimenti ambjentali u dawk relatati mal-klima. Għaldaqstant, jistieden lill-Kummissjoni Ewropea tivverifika jekk hemmx spazju għall-immanuvrar sabiex dawn l-investimenti jsiru aktar favorevoli mil-lat tal-kontabbiltà;

23.

iqis utli l-ħolqien ta' għodda ad hoc biex ittejjeb il-kapaċità tal-awtoritajiet lokali u reġjonali sabiex jindirizzaw l-inizjattivi eżistenti diversi, jaċċessaw finanzjamenti għall-klima u jiksbu assistenza teknika xierqa. Għalhekk, il-KtR joffri l-appoġġ xieraq tiegħu lill-Kummissjoni Ewropea għat-tfassil ta' manwal operattiv li joffri mmappjar sempliċi u komplut tal-opportunitajiet ta' finanzjament fil-livell Ewropew u internazzjonali mmirat għall-awtoritajiet lokali u reġjonali. jissuġġerixxi wkoll li sinteżi tal-immappjar tista' tkun disponibbli għall-partijiet interessati kollha permezz ta' portal web, b'mod li tkun tista' toffri sors ta' informazzjoni uniku li jiġbor fil-qosor il-fondi disponibbli kollha sabiex jiġu ffinanzjati azzjonijiet għall-klima;

24.

jitlob lill-Istati Membri jinvolvu aktar l-awtoritajiet lokali u reġjonali fid-definizzjoni tal-pjani nazzjonali għall-enerġija u l-klima bl-għan li tissaħħaħ il-koordinazzjoni bejn il-pjani nazzjonali u dawk lokali u reġjonali, f'konformità mal-Artikolu 4 tal-Ftehim ta' Pariġi li jirregola l-kontributi ddeterminati fil-livell nazzjonali sabiex jitnaqqsu l-emissjonijiet ta' gass b'effett ta' serra;

25.

ifakkar fil-proposta tiegħu biex jittejjeb l-involviment tal-awtoritajiet lokali u reġjonali, li hija indikata fl-Opinjoni tiegħu dwar il-Komunikazzjoni tal-Kummissjoni Ewropea “It-twassil tal-benefiċċji tal-politiki ambjentali tal-UE permezz ta’ Analiżi regolari tal-Implimentazzjoni Ambjentali – COM(2016)316 (3)” li fiha jistieden lill-Kummissjoni Ewropea tikkollabora mill-qrib mal-awtoritajiet nazzjonali, reġjonali u lokali kompetenti, mal-Kumitat Ewropew tar-Reġjuni nnifsu, mal-Patt tas-Sindki tal-UE, mal-Patt Globali tas-Sindki għall-klima u l-enerġija u mal-Kunsill Internazzjonali għall-Inizjattivi Ambjentali Lokali (ICLEI) fir-rigward tal-iżvilupp tal-kunċett ta' “kontributi stabbiliti fil-livell lokali u reġjonali” u tal-metodi sabiex jiġu introdotti dawn il-kontributi. L-awtoritajiet lokali u reġjonali pijunieri f'dan il-qasam jiġu involuti fuq bażi volontarja ta' “prova tal-validità tal-kunċett”.

26.

jissuġġerixxi li l-pjani nazzjonali għall-enerġija u l-klima jinkludu programmi ta' investimenti klimatiċi fuq medda ta' żmien medju dwar l-azzjonijiet ewlenin ippjanati, identifikati skont il-livell (nazzjonali jew sottonazzjonali) u skont l-appoġġ meħtieġ sabiex tiġi indirizzata kull lakuna fil-finanzjament, anke sabiex għal dan il-għan jiġu vvalutat l-użu ta' għodod finanzjarji innovattivi;

27.

fid-dawl tal-importanza tal-pjani ta' azzjoni għall-enerġija sostenibbli sabiex jintlaħqu l-kontributi ddeterminati fil-livell nazzjonali u tal-UE għat-tnaqqis tal-emissjonijiet ta' gassijiet b'effett ta' serra, jipproponi li wieħed jipprova jinvolvi b'mod effettiv l-awtoritajiet lokali u reġjonali filwaqt li jiġu ssemplifikati l-implimentazzjoni ta' dawn il-pjani, il-proċess ta' rappurtar u s-sistema ta' monitoraġġ tagħhom; L-allinjament bejn strateġiji nazzjonali u l-Pjani ta’ Azzjoni għall-Enerġija Sostenibbli u l-Klima (SECAP) tal-awtoritajiet lokali għandu jitqies f’dan ir-rigward. Ir-riżorsi għal SECAPs, f’konformità mal-metodoloġija tal-Patt tas-Sindki, għandhom jiġu promossi aktar mill-Kummissjoni u appoġġjati mill-gvernijiet nazzjonali;

28.

jirrikonoxxi li l-awtoritajiet lokali u reġjonali għandhom jiġu megħjuna sabiex ikollhom fehim ċar tar-riskji klimatiċi fit-territorju tagħhom sabiex ikunu jistgħu jieħdu deċiżjonijiet bl-aħjar mod possibbli. Li jittejbu l-valutazzjoni soċjoekonomika, ir-rappurtar u l-komunikazzjoni jgħin biex jiġi artikolat l-impatt tal-azzjoni klimatika fuq is-soċjetà, l-informazzjoni għat-teħid tad-deċiżjonijiet u l-allokazzjoni tar-riżorsi. L-immappjar tar-riskji ambjentali disponibbli permezz tal-pjattaforma Ewropea dwar l-adattament għat-tibdil fil-klima (Climate-ADAPT) (4) hija inizjattiva pożittiva u utli, minkejja li mhijiex daqstant magħrufa u, f'dak li għandu x'jaqsam mad-data reġjonali u lokali, hija magħmula minn informazzjoni frammentata. Hemm bżonn ġenerali biex titqajjem kuxjenza dwar l-azzjoni tal-UE u l-għodod għall-adattament tal-klima fil-livell lokali. Għalhekk il-Kumitat jistieden lill-Kummissjoni Ewropea żżid l-appoġġ għall-pjattaforma sabiex tikkompleta d-data u xxerred ir-riżultati b’aktar attenzjoni mogħtija lil-livell reġjonali u dak lokali bħala l-ewwel intervent fi kriżi;

29.

jixtieq jenfasizza wkoll l-importanza li jiġu żviluppati strumenti bħalma huma l-bonds ekoloġiċi u l-garanziji kollettivi sabiex jiġi ffaċilitat il-finanzjament. Dawn jistgħu jiġu żviluppati mill-awtoritajiet lokali u reġjonali bil-kooperazzjoni jew bl-appoġġ ta’ istituzzjonijiet nazzjonali u Ewropej. Bħalissa hemm bosta eżempji tajbin ta’ dan;

30.

jistieden lill-Istati Membri jippremjaw l-azzjonijiet ta' finanzjament għall-klima mmexxija mill-awtoritajiet lokali permezz ta' programmi speċifiċi (kif previst pereżempju mill-Patt dwar il-Klima tal-Lussemburgu (5), li jiggarantixxi riżorsi addizzjonali għall-awtoritajiet lokali li qed jimpenjaw ruħhom sabiex jimplimentaw ċerti azzjonijiet ta' effiċjenza fl-enerġija), jew itaffu restrizzjonijiet interni li jista' jkun hemm rigward finanzi pubbliċi, jew, aktar minn hekk, jagħtu forom oħra ta' appoġġ;

31.

iħeġġeġ lil dawk kollha li jfasslu l-politika u b'mod partikolari 'l-gvernijiet nazzjonali jipproponu u jimplimentaw miżuri kuraġġużi, li fl-ewwel lok ma jħarsux lejn il-gwadann elettorali ta' qasir żmien iżda lejn il-konsegwenzi tal-azzjonijiet (jew in-nuqqas ta' azzjonijiet) għall-ġenerazzjonijiet futuri, kemm f'termini ta' saħħa u kwalità ambjentali kif ukoll f'termini ekonomiċi. Għaldaqstant jissuġġerixxi li s-sussidji għall-attivitajiet ekonomiċi b'impatt ambjentali għoli (u b'hekk ikkaratterizzati minn emissjonijiet għoljin) u filwaqt li jitqiesu r-riskji ta’ rilokazzjoni tal-emissjonijiet tal-karbonju, jitnaqqsu gradwalment sal-punt li jispiċċaw għalkollox fi żmien raġonevolment qasir u fi kwalunkwe każ sal-2035.

32.

jirrakkomanda li jiġu żviluppati pakketti ta’ miżuri ġenerali komuni u integrati fil-qasam tat-titjib tal-effiċjenza enerġetika u t-tnaqqis tal-marka tal-karbonju kemm għal binjiet antiki kif ukoll għal dawk ġodda, jiġi applikat rekwiżit minimu ta’ effiċjenza u ta’ prestazzjoni tal-enerġija għal bini ġdid, kif ukoll jiġu mmobilizzati l-finanzjamenti meħtieġa biex tiżdied l-effiċjenza fl-użu tal-enerġija fil-bini eżistenti.

13.2.2018   

MT

Il-Ġurnal Uffiċjali tal-Unjoni Ewropea

C 54/14

1.

ifakkar li, sa mill-bidu, il-proċess ta’ integrazzjoni tal-Unjoni Ewropea kien ikkaratterizzat minn żieda kostanti tar-relazzjonijiet u s-sħubijiet ekonomiċi, politiċi u soċjali bejn ir-reġjuni li jagħmlu parti minnha. It-trasport huwa kontributur ewlieni għall-prosperità ekonomika u soċjali fl-UE billi jiġġenera l-kummerċ, irawwem it-tkabbir ekonomiku u jipprovdi miljuni ta’ impjiegi. Politika Ewropea moderna għall-infrastruttura tat-trasport tappoġġja l-ksib tal-għanijiet ewlenin tal-Unjoni Ewropea kif definiti fl-Istrateġija Ewropa 2020, “il-White Paper tal-2011 dwar it-Trasport”, u l-10 prijoritajiet tal-Kummissjoni Juncker, bħal ngħidu aħna l-funzjoni tajba tas-suq intern u t-tisħiħtal-koeżjoni ekonomika, soċjali u territorjali;

2.

jirrikonoxxi li l-Faċilità Nikkollegaw l-Ewropa, li ġiet adottata fl-2013, bħala qafas legali komuni u strument ta’ finanzjament għas-settur tat-trasport, tirrappreżenta element fundamentali għall-iżvilupp tan-Netwerk tat-Trasport Trans-Ewropew (TEN-T) u, għaldaqstant, għall-progress integrali lejn viżjoni aktar deċiżivament Komunitarja. L-adozzjoni tal-Faċilità Nikkollegaw l-Ewropa kienet maħsuba bħala strument ta’ kofinanzjament essenzjali għat-tnedija u l-ikkompletar tal-infrastrutturi u s-servizzi tat-TEN-T. Għal din ir-raġuni, għandha tiġi assoċjata mal-benesseri soċjali, il-koeżjoni, il-ħolqien tal-impjiegi (1), it-tkabbir ekonomiku u s-sostenibbiltà ambjentali (2); għaldaqstant, għal Ewropa mingħajr TEN-T u mingħajr Faċilità Nikkollegaw l-Ewropa l-ispiża mġarrba tkun akbar mill-finanzjament attwalment allokat għalihom (3);

3.

jilqa’ b’sodisfazzjon l-isforzi li saru matul din l-evalwazzjoni ta’ nofs it-terminu mil-lat tat-trasparenza u l-parteċipazzjoni, il-ġbir ta’ proposti mill-partijiet interessati u l-konsultazzjoni tal-Kumitat tar-Reġjuni (KtR) (4);

4.

jemmen li, fil-kuntest tal-evalwazzjoni ta’ nofs it-terminu tal-Faċilità Nikkollegaw l-Ewropa, ser ikun neċessarju li nippromovu ż-żamma u t-titjib tas-sisien tagħha u l-importanza tagħha mil-lat tal-kompetittività. Għandhom jitjiebu wkoll il-kapital soċjali tal-Ewropa u l-koeżjoni territorjali Ewropea, kif ukoll l-idea ta’ ċittadinanza Ewropea kondiviża bil-moviment liberu tal-persuni u l-merkanzija, li jirrappreżenta l-essenza tal-proġett Ewropew. Dan it-titjib ifisser li huwa neċessarju li l-Faċilità tiġi riveduta mil-lat tal-allokazzjoni baġitarja, il-proċeduri, il-kriterji u l-proċeduri tal-għażla tal-proġetti, il-ġestjoni, il-monitoraġġ u l-valutazzjoni tagħhom;

5.

barra minn hekk, iwissi li xi wħud mill-kunsiderazzjonijiet magħmula mill-KtR għadhom validi, sa mill-adozzjoni tagħhom fl-2013 (5). Uħud mill-aspetti li jistgħu jittejbu jirrigwardaw allokazzjoni baġitarja insuffiċjenti, id-dubji dwar il-koordinazzjoni tal-Faċilità Nikkollegaw l-Ewropa u fondi oħra, il-kumplessità proċedurali tal-istrument, ir-rwol insuffiċjenti tal-gvernijiet lokali u reġjonali u n-nuqqas tas-sussidjarjetà fil-fażijiet distinti tal-ippjanar u tat-twettiq tal-proġetti kofinanzjati (6);

6.

josserva li l-Unjoni Ewropea, fil-linji gwida tagħha għall-iżvilupp tan-netwerk trans-Ewropew tat-trasport, tfakkar fl-importanza tal-politiki integrati, u tosserva l-ħtieġa li jiġu żgurati “l-aċċessibbiltà u l-konnettività tar-reġjuni kollha fl-Unjoni, inklużi r-reġjuni mbegħdin, insulari u ultraperiferiċi”; għaldaqstant, il-KtR jitlob li dawn ir-reġjuni li, sfortunatament, huma esklużi min-netwerk prinċipali, ikunu eliġibbli għal azzjonijiet fil-qafas tal-awtostradi tal-baħar;

7.

jiġbed l-attenzjoni tal-Kummissjoni Ewropea li d-dinja qed tesperjenza bidliet radikali fir-relazzjoni bejn l-iżvilupp ekonomiku u territorjali, kif ukoll rigward il-ħolqien ta’ tip ġdid ta’ sistema urbana u makroreġjonali li topera fil-livell globali u lokali fl-istess ħin (7). Għal din ir-raġuni, kwalunkwe riforma tal-Faċilità Nikkollegaw l-Ewropa għandha tikkunsidra d-dibattiti dwar kif l-infrastrutturi strateġiċi Ewropej tat-trasport jistgħu jikkontribwixxu għar-rilokazzjoni tal-attività industrijali fl-Ewropa (8); kif ir-riskju ġeopolitiku globali jolqot it-tqassir tal-ktajjen ta’ valur; l-importanza tal-kwalità tal-istrutturi ta’ ġestjoni tal-gvernijiet reġjonali; il-proċessi ta’ integrazzjoni teknoloġika u ż-żieda fl-inugwaljanzi reġjonali intrastatali (reċentement ir-reġjuni qed jissemmew fil-proċessi ta’ diverġenza tal-PDG per capita u tal-koeżjoni intrastatali marbuta ma’ proċessi ta’ konverġenza bejn l-Istati (9)). Fl-istess ħin, rigward id-dinamika negattiva, għandu jiġi nnotat li l-proċessi ta’ aġġustament baġitarju obbligaw lir-reġjuni jnaqqsu l-investimenti tagħhom speċjalment f’setturi relatati mal-infrastrutturi tat-trasport (10). Barra minn hekk, filwaqt li fl-2014 l-investiment pubbliku kien qiegħed jirkupra bil-mod fil-gvernijiet ċentrali bl-użu wkoll tad-defiċit pubbliku (11), it-tnaqqis ippersista fl-oqsma sottonazzjonali, li wassal biex żdiedu d-disparitajiet reġjonali u ssaħħet iċ-ċentralizzazzjoni. Fir-reviżjoni futura tal-Faċilità Nikkollegaw l-Ewropa għandu jiġi kkunsidrat dan il-kuntest il-ġdid u jiġu kkunisdrati wkoll miżuri biex jiġi sfruttat il-potenzjal tal-infrastruttura strateġika tat-trasport Ewropew sabiex jitnaqqsu r-riskji identifikati fl-oqsma industrijali u ġeopolitiċi, tiġi kkumpensata ż-żieda tad-disparitajiet reġjonali u jitreġġgħu lura x-xejriet negattivi fl-investiment pubbliku;

8.

jirrikonoxxi x-xewqa tal-Kummissjoni li t-TEN-T jiġi ffinanzjat permezz tal-Faċilità Nikkollegaw l-Ewropa. Il-baġit inizjali allokat ta’ EUR 33,2 miljun irrikjeda impenn finanzjarju sinifikanti; barra minn hekk, l-intenzjonijiet tal-mekkaniżmu li jkollu l-appoġġ tal-kapital u tal-inizjattivi privati jirrikjedi impenn konsiderevoli mil-lat tal-kofinanzjament (12);

9.

jiddispjaċih, madankollu, dwar il-limiti baġitarji mġarrba bħala riżultat tal-politiki ta’ aġġustament implimentati matul dawn l-aħħar għaxar snin. It-tnaqqis esperjenzat matul l-ewwel snin ta’ applikazzjoni tagħhom jista’ jfisser li ma jkunux jistgħu jintlaħqu l-miri stabbiliti għall-perjodu 2020, 2030 (netwerk ewlieni) jew 2050 (netwerk komprensiv);

10.

ifakkar, f’dan ir-rigward u fil-kuntest tar-reviżjoni tal-programm pluriennali, li l-miri stabbiliti fir-Regolamenti (UE) Nru 1345/2013 u (UE) Nru 1216/2013 huma impenji Komunitarji vinkolanti;

11.

jitlob, għalhekk, li jiġu analizzati bir-reqqa l-possibbiltajiet li tiżdied l-allokazzjoni attwali tiegħu, billi tingħata attenzjoni partikolari għall-ħtiġijiet espressi mill-atturi lokali, metropolitani u reġjonali, biex isir titjib tal-koordinazzjoni tad-diversi fondi (il-FEIS, il-Faċilità Nikkollegaw l-Ewropa, il-Fondi ta’ Koeżjoni) jew strumenti oħrajn proposti mill-BEI – filwaqt li jiġi evitat li l-Faċilità Nikkollegaw l-Ewropa ma titnaqqasx aspejjeż tal-FEIS għal darb’oħra – u għal kjarifika tal-iskeda ta’ sejħiet speċifiċi – u biex dan isir b’konformità mal-prinċipju tas-sussidjarjetà (approċċ minn isfel għal fuq); Dawn is-sejħiet jistgħu jiġu ppubblikati fil-bidu tal-perjodu tal-perspettivi finanzjarji u jippermettu pjanar aħjar u, għaldaqstant, il-partijiet interessati jkunu jistgħu jantiċipaw il-pubblikazzjoni tagħhom;

12.

jenfasizza li l-finanzjament mill-Faċilità Nikkollegaw l-Ewropa u mill-faċilitajiet l-oħrajn relatati m’għandux ikun f’kompetizzjoni mal-FEIS jew mal-istrateġija tiegħu bbażata fuq is-suq, li għandha l-għan li tlaqqa’ flimkien fondi ġodda u timmobilizza kapital inattiv. Għalhekk jemmen li l-FEIS u l-Faċilità Nikkollegaw l-Ewropa għandhom għanijiet differenti, u għalhekk m’għandhomx jitqiesu bħala sostituti ta’ xulxin. Madankollu, f’każijiet fejn jista’ jkun hemm sinerġiji bejn iż-żewġ fondi, tkun mixtieqa l-aqwa taħlita possibbli ta’ dawn ir-riżorsi biex jiġi stimulat l-investiment fl-UE;

13.

jirrakkomanda, barra minn hekk, li fil-kuntest tal-applikazzjoni tal-Artikolu 50 tat-Trattat dwar l-Unjoni Ewropea (il-Brexit), il-Kummissjoni tniedi l-għodod politiċi u leġislattivi meħtieġa biex tiżgura allokazzjoni baġitarja suffiċjenti għall-politika tat-trasport TEN-T, b’allokazzjonijiet baġitarji provviżorji u flessibbli li jistgħu jiżdiedu f’każ ta’ bżonn;

14.

jinnota li kwalunkwe dewmien fl-implimentazzjoni tal-elementi tan-netwerk TEN-T ser iwassal għal anqas opportunitajiet ta’ tkabbir għar-reġjuni involuti fil-proġett u ser jillimita l-impatt tal-kooperazzjoni tan-netwerk interreġjonali;

15.

huwa tal-fehma li, fid-dawl tal-ħtieġa biex tiżdied l-attività tal-pajjiżi ta’ koeżjoni, iżda wkoll biex tinżamm il-komplementarjetà bejn il-Faċilità Nikkollegaw l-Ewropa u l-fond ta’ koeżjoni, għandha tinżamm l-allokazzjoni baġitarja għall-pajjiżi ta’ koeżjoni;

16.

jistieden lill-Kummissjoni tagħmel sforz deċiżiv għat-titjib f’dak li jirrigwarda l-għażla, il-ġestjoni tal-proġetti, il-governanza u s-sorveljanza tal-attivitajiet relatati mal-Faċilità Nikkollegaw l-Ewropa permezz ta’ inizjattivi bħal:

17.

huwa tal-fehma li l-finanzjament tat-TEN-T permezz ta’ strument kondiviż mal-enerġija u t-telekomunikazzjonijiet huwa artifiċjali. Il-politika tat-trasport ġiet stabbilita b’mod ċar, u għalhekk il-KtR jirrakkomanda li jkollha l-istrumenti proprji tagħha;

18.

iwissi li l-Istati Membri, speċjalment dawk li huma benefiċjarji tal-Fond ta’ Koeżjoni, għandhom jagħmlu aktar użu mill-għajnuna teknika li hija disponibbli għall-programmi operattivi sabiex jittejbu l-kapaċitajiet tal-korpi lokali u reġjonali u ta’ parteċipanti oħrajn li jassorbu l-fondi tal-UE. Fil-qafas tal-istrument tal-Faċilità Nikkollegaw l-Ewropa, huwa partikolarment importanti li l-Istati Membri l-anqas żviluppati jħejju wkoll proġetti ta’ kwalità bl-għajnuna ta’ riżorsi ta’ assistenza teknika u b’hekk ikunu kandidati ugwali fuq l-istess livell ta’ Stati Membri oħrajn huma u japplikaw għas-sejħiet għall-proposti għal kofinanzjament mill-UE;

19.

huwa tal-fehma li l-finanzjament tal-proġetti tat-trasport permezz tal-Faċilità Nikkollegaw l-Ewropa għandu jibbaża prinċipalment fuq għotjiet iżda s-self, il-garanziji u l-fondi proprji jistgħu wkoll ikunu adatti;

20.

jinnota l-livell għoli ta’ responsabilità tar-reġjuni u tal-awtoritajiet lokali fil-fażi tal-implimentazzjoni u l-monitoraġġ tal-investimenti pubbliċi b’mod ġenerali. Fl-2014, il-gvernijiet sottonazzjonali tal-OECD kienu responsabbli għal 40 % tal-infiq pubbliku, 50 % tal-akkwist pubbliku, 59 % tal-investiment pubbliku u 63 % tal-infiq fuq il-persunal pubbliku (15);

21.

għandu jitfakkar, f’dan ir-rigward, li l-Unjoni Ewropea tistabbilixxi livelli varjabbli ta’ fiduċja fl-istituzzjonijiet skont il-qasam territorjali tal-gvern (ġeneralment livell ogħla ta’ fiduċja aktar kemm l-istituzzjoni tkun qrib iċ-ċittadin) (16). Illum, il-fiduċja tal-pubbliku fl-amministrazzjoni sottonazzjonali hija akbar milli fl-awtoritajiet pubbliċi f’livell ogħla (17). Barra minn hekk, ir-reġjuni u l-gvernijiet lokali huma l-livell fejn l-aħjar li jispikkaw il-ħtiġijiet u r-riżorsi, tiġi inkorporata b’mod aktar faċli l-kooperazzjoni pubblika-privata u l-ġestjoni hija aktar suxxettibbli li tkun soġġetta għall-obbligu ta’ rendikont u t-trasparenza. Għalhekk, ir-reviżjoni li jmiss tal-Faċilità Nikkollegaw l-Ewropa għandha tiġi trattata mill-perspettiva tal-“koproduzzjoni” tat-TEN-T bejn amministrazzjonijiet b’diversi livelli (18);

22.

f’dan ir-rigward, il-Kummissjoni għandha tiżgura li l-pjani infrastrutturali tal-Istati Membri jinkorporaw l-għanijiet tat-TEN-T, filwaqt li jagħtu prijorità lill-proġetti tal-Istati Membri li huma b’konformità mat-TEN-T;

23.

għalhekk jitlob li l-Kummissjoni tiddeċentralizza kemm il-proċessi tal-għażla tal-proġetti, kif ukoll il-ġestjoni, il-monitoraġġ u l-kontroll tagħhom permezz ta’ parteċipazzjoni akbar mir-reġjuni fil-Faċilità Nikkollegaw l-Ewropa, li tinvolvi:

24.

jinsisti fuq il-benefiċċji ġenerali li jirrappreżenta l-ikkompletar tat-TEN-T għall-ħajja ta’ kuljum taċ-ċittadini tal-UE. Għaldaqstant, biex tingħata viżibbiltà akbar lill-proġett kollu fil-livell Ewropew u biex jiġu ffaċilitati l-istrateġiji tat-trasport Ewropew, jirrakkomanda li l-awtoritajiet pubbliċi jagħmlu mod li n-netwerk kollu tat-TEN-T jagħtuh viżibbiltà b’mod uniformi madwar l-Unjoni Ewropea, filwaqt li jidentifikaw l-infrastrutturi tan-netwerks, in-nodi u l-kurituri ewlenin u komprensivi, u jirrakkomanda li l-awtoritajiet pubbliċi jittrattaw b’mod speċifiku n-nodi tan-netwerk bħala punti ta’ aċċess b’rabtiet ċari u speċifikati tajjeb ma’ netwerks sekondarji u terzjarji tat-trasport. F’dan ir-rigward, jipproponi li l-Istati Membri u r-reġjuni jqisu t-TEN-T għat-tfassil u l-implimentazzjoni tal-flussi lokali tat-toroq u l-ferroviji reġjonali, bil-għan li tiġi żgurata perspettiva integrata li twassal għal mobilità akbar u aħjar għaċ-ċittadini kollha, fattur kruċjali għall-inklużjoni soċjali u għall-ħarsien tal-ambjent; bl-istess mod jirrakkomanda li jiġu kkunsidrati b’mod speċifiku r-reġjuni insulari sabiex jiġu stabbiliti b’mod adegwat il-konnessjonijiet neċessarji fl-ajru u fil-baħar, li jiggarantixxu l-aċċess taċ-ċittadini u l-merkanzija għan-netwerk ewlieni taħt l-inqas kundizzjonijiet onerużi possibbli;

25.

jiġbed l-attensjoni għall-bżonn li tiġi stabbilita l-infrastruttura meħtieġa fil-livell lokali u reġjonali fir-reġjuni fejn jeżistu problemi fir-rigward tal-ferroviji, sabiex jiġi żgurat li dawn ikunu jistgħu jużaw it-trasport ferrovjaru taħt kundizzjonijiet simili għal dawk li jeżistu fi Stati Membri oħra;

26.

f’dan ir-rigward jirrakkomanda li jiġu eżaminati fid-dettall il-kwistjonijiet marbuta mal-komunikazzjoni tal-kisbiet u t-trasparenza tal-għanijiet u r-riżultati. Il-Faċilità Nikkollegaw l-Ewropa u l-mapep tat-TEN-T għandhom jitqarrbu lejn iċ-ċittadini b’punti ta’ informazzjoni, infografika u dokumenti;

27.

jinnota li, attwalment, hemm nuqqas ta’ koordinazzjoni effettiva u rabta tal-investimenti ewlenin fil-qasam tat-trasport identifikati fid-dokumenti ta’ strateġija fil-livell Ewropew, nazzjonali u reġjonali. L-awtoritajiet reġjonali ma ġewx inklużi fil-ġestjoni u l-implimentazzjoni tal-Faċilità Nikkollegaw l-Ewropa, li jillimita l-opportunitajiet għall-valutazzjoni tal-valur miżjud, il-koerenza u l-komplementarjetà tal-investimenti ppjanati li jużaw sorsi differenti ta’ finanzjament. Jista’ jkun hemm funzjoni ta’ koordinazzjoni permezz tal-istrateġiji makroreġjonali tal-UE;

28.

josserva li l-finanzjament disponibbli għandu jkun ikkonċentrat primarjament fuq in-netwerk ewlieni primarju prijoritarju, filwaqt li tiġi kkunsidrata l-possibbiltà li jissaħħu l-interkonnessjonijiet modali (portwarji u ferrovjarji). Kwalunkwe fond li jifdal jista’ jintuża għal appoġġ sekondarju iżjed robust għal proġetti fuq skala teknika u baġitarja iżgħar, b’inqas possibbiltajiet ta’ aċċess għal finanzjament privat addizzjonali (minħabba inqas qligħ ekonomiku fuq perjodu qasir ta’ żmien), bil-kundizzjoni li jkollhom “valur miżjud Ewropew” qawwi, pereżempju konnessjonijiet naturali man-netwerk ewlieni jew li jikkomplementawh b’elementi ta’ importanza reġjonali jew interreġjonali, dejjem bil-kundizzjoni li jissodisfaw kriterji ta’ natura strateġika, f’perjodu qasir ta’ żmien. Dan għandu jiġi żviluppat f’qafas futur ta’ reviżjoni bidirezzjonali: proġetti li jikkontribwixxu għal fluwidità akbar tat-tranżitu tal-merkanzija u tal-passiġġieri mill-kurituri prijoritarji u proġetti li jżidu valur ċar ta’ aċċessibbiltà, konnettività u koeżjoni territorjali;

29.

huwa tal-fehma li għandha tiġi kkunsidrata d-dimensjoni “esterna” tat-TEN-T, speċjalment fir-rigward ta’ pajjiżi terzi u oqsma ta’ kooperazzjoni strateġika, bħall-Mediterran, ir-reġjun tal-Baħar Baltiku, il-Viċinat tal-Lvant, iż-Żona Ekonomika Ewropea attwali u futura u reġjuni oħra ta’ interess ġeopolitiku u ekonomiku partikolari;

30.

jikkonferma t-tliet għanijiet u persentaġġi speċifiċi tat-trasport għall-Faċilità Nikkollegaw l-Ewropa, imsemmija fil-Parti IV tal-Anness I. Madankollu, jitlob li jiġi emendat l-Artikolu 10 tar-Regolament li jindirizza l-ispejjeż eliġibbli, filwaqt li jitlob li dawn jiżdiedu għall-azzjonijiet fin-nodi urbani prijoritarji, il-portijiet, it-trasport marittimu, u l-pjattaformi u l-konnessjonijiet multimodali (bħan-netwerks ta’ trasport ferrovrjarju u bit-triq ikkombinat) u tal-“aħħar mil”;

31.

jipproponi li nimxu lejn definizzjoni ta’ standard tekniku komuni tal-proġetti eliġibbli taħt il-Faċilità Nikkollegaw l-Ewropa sabiex tinkiseb armonizzazzjoni, fi ħdan l-Unjoni, tal-veloċità, il-prestazzjoni, l-affidabbiltà, u l-gejġ tal-linji ferrovjarji tal-Unjoni Internazzjonali Ferrovjarja (UIC) tal-kurituri tat-TEN-T, kif ukoll tal-istandards li jirregolaw l-istazzjonijiet tal-iċċarġjar tagħhom għal karburanti alternattivi;

32.

iqis li t-trasport transkonfinali għandu jkun prijorità: dawn il-partijiet tan-netwerk huma l-inqas interessanti għall-Istati Membri u mingħajr dubju jipprovdu valur miżjud Ewropew;

33.

jipproponi li l-Aġenda Urbana tal-Unjoni Ewropea tniedi sħubija ġdida dwar in-nodi tat-trasport li tikkomplementa s-sħubija diġà fis-seħħ dwar il-mobbiltà urbana. Ikollha l-għan li tanalizza netwerks tat-TEN-T li jgħaddu min-nodi urbani u metropolitani u l-integrazzjoni tagħhom fil-kuntesti urbani, il-loġistika urbana u b’mod speċjali l-proġetti tal-“ewwel u l-aħħar mil”, kif tafferma mill-ġdid ir-Riżoluzzjoni tal-Parlament Ewropew tad-19 ta’ Jannar 2017 dwar il-loġistika u t-trasport multimodali fil-kurituri tat-TEN-T (19). Kif tindika din ir-Riżoluzzjoni, huwa fin-nodi urbani li hemm il-parti l-kbira tal-modi tat-trasport u fejn iseħħu t-trażbordi u d-distribuzzjonijiet tal-aħħar mil, fatturi ewlenin fil-katina loġistika, u huwa minħabba dawn iż-żoni li jeħtieġ li jiġu stabbiliti l-kundizzjonijiet neċessarji għall-interkonnessjoni tan-netwerks;

34.

Barra minn hekk, għandu jitqies it-tisħiħ tal-koeżjoni territorjali permezz tal-implimentazzjoni sħiħa tal-gejġ tal-UIC fin-netwerk ferrovjarju tal-UE, filwaqt li tiġi enfasizzata l-importanza tar-rotot ranskonfinali – biex b’hekk pereżempju s-suq intern tal-vetturi ferrovjarji jsir aktar kompetittiv – u billi jissaħħu l-bilanċi territorjali bl-inklużjoni ta’ kriterji għall-“aċċessibbiltà” u l-“konnettività” għar-reġjuni kollha tal-Unjoni għal wara l-2020;

35.

ifakkar fl-importanza kruċjali tas-sostenibbiltà ambjentali għall-Faċilità Nikkollegaw l-Ewropa u konsegwentement jirrakkomanda żieda fil-fondi għal dan is-suġġett fl-allokazzjoni, filwaqt li jitqiesu l-effetti tat-tibdil fil-klima. F’dan ir-rigward jitlob li jkun hemm appoġġ akbar permezz ta’ mekkaniżmi ewlenin għall-allokazzjoni tal-proġetti, għall-istrumenti, bħall-“Awtostradi tal-Baħar”, relatati mal-multimodalità fit-trasport – b’effetti importanti f’dak li jirrigwarda d-dekarbonizzazzjoni – kif ukoll proġetti oħra fl-istess vena li jippromovu s-sostenibbiltà ekonomika, soċjali u ambjentali u l-mitigazzjoni tat-tibdil fil-klima: l-estensjoni tan-netwerks ferrovjarji elettriċi u stradali tal-iċċarġjar għal karburanti alternattivi u l-isfruttar tal-potenzjal tat-teknoloġiji diġitali fis-settur tat-trasport u miżuri għall-adattament tal-faċilitajiet portwarji. Huwa jirreferi wkoll għall-Opinjoni tiegħu dwar “Strateġija Ewropea għal mobbiltà b’emissjonijiet baxxi” (20);

36.

ir-reviżjoni tal-Faċilità Nikkollegaw l-Ewropa għandha tikkunsidra t-tendenzi l-ġodda tal-konsum marbutin mal-ekonomija ċirkolari fil-mudelli tal-mobilità u l-produzzjoni.

37.

jipproponi li jiġu aċċellerati l-miżuri ta’ appoġġ għat-trasport sostenibbli, filwaqt li jiġu analizzati l-possibbiltajiet li joffru miżuri bħalma huma l-ekobonus Ewropew, it-tariffi possibbli tal-infrastrutturi u r-reviżjoni tad-Direttiva dwar l-Eurovignette; il-fondi li jinġabru mill-imposti differenti jistgħu jikkontribwixxu għall-baġit tal-Faċilità Nikkollegaw l-Ewropa;

38.

jinnota li, meta jkunu qed jiġu analizzati d-diversi soluzzjonijiet tan-netwerk tat-TEN-T, għandha titqies il-kwistjoni tal-iżvilupp sostenibbli kemm fil-livell soċjali, kif ukoll dak ekonomika u ambjentali. Għal dan il-għan, m’għandhomx jiġu traskurati l-konnessjonijiet tar-reġjuni bi problemi differenti, bħal-lokazzjoni remota jew insulari tgħhom, jew l-iżbilanċi ekonomiċi, demografiċi u migratorji.

13.2.2018   

MT

Il-Ġurnal Uffiċjali tal-Unjoni Ewropea

C 54/21

1.

jappoġġja l-idea li l-Analiżi tal-Implimentazzjoni Ambjentali għandha l-għan li ttejjeb l-għarfien komuni dwar id-diskrepanzi eżistenti fl-implimentazzjoni fir-rigward tal-politika u tal-liġi ambjentali tal-UE f’kull Stat Membru, tipprovdi soluzzjonijiet ġodda biex jakkumpanjaw lill-infurzar legali, tindirizza l-kawżi ewlenin sottostanti u spiss transsettorjali ta’ dawn id-diskrepanzi, u tipprova tistimula l-iskambji tal-aħjar prattiki;

2.

jirrikonoxxi li l-pakkett tal-Analiżi tal-Implimentazzjoni Ambjentali ppubblikat fi Frar 2017 (1) jipprovdi l-ewwel ħarsa ġenerali komprensiva li qatt saret lejn kif il-politiki u l-liġijiet ambjentali tal-UE huma applikati fil-livell lokali fl-Istati Membri, bi 28 rapport dwar il-pajjiżi. Dan juri li l-politiki ambjentali jaħdmu imma li hemm diskrepanzi kbar ta’ konsistenza fil-mod kif dawn ir-regoli u politiki jitqiegħdu fil-prattika madwar l-Ewropa;

3.

jenfasizza li l-implimentazzjoni b’suċċess tal-politika ambjentali tal-UE teħtieġ kooperazzjoni mill-qrib bejn il-livelli kollha ta’ governanza, mil-livell lokali sal-livell Ewropew; għaldaqstant, jilqa’ b’sodisfazzjon il-fatt li l-Komunikazzjoni tal-Kummissjoni tirriferi b’mod espliċitu għal kooperazzjoni mal-Kumitat tar-Reġjuni, iżda jfakkar li aktar titjib huwa meħtieġ f’ħafna Stati Membri sabiex jiżguraw l-involviment effettiv tal-awtoritajiet lokali u reġjonali fl-analiżi u u t-titjib tal-implimentazzjoni;

4.

jistieden lill-Kummissjoni Ewropea u lill-Istati Membri biex jagħmlu l-aħjar użu mill-Analiżi tal-Implimentazzjoni Ambjentali biex jiġi appoġġjat li l-kunsiderazzjonijiet ambjentali jitqiesu fil-prijoritajiet makroekonomiċi tal-proċess tas-Semestru Ewropew, u biex jiġi appoġġjat it-twettiq tal-Għanijiet ta’ Żvilupp Sostenibbli tal-Aġenda tal-2030 għall-Iżvilupp Sostenibbli;

5.

jenfasizza l-ħtieġa għal djalogu strutturat ta’ implimentazzjoni ma’ kull Stat Membru matul l-2017 u l-2018 u l-involviment adegwat tal-awtoritajiet lokali u reġjonali, bil-għan li jirriflettu dwar kif jiġu indirizzati l-kwistjonijiet strutturali u l-ħtiġijiet tal-Istati Membru partikolari;

6.

jirrakkomanda li l-Kummissjoni Ewropea tkun aktar inċiżiva fl-analiżi tal-Analiżi tal-Implimentazzjoni Ambjentali u tittejjeb il-komparabbiltà bejn l-Istati Membri. Il-Kummissjoni Ewropea għandha tipprovdi indikazzjoni trasparenti u faċli tinftiehem tal-progress li sar fl-isfidi ewlenin ta’ implimentazzjoni mill-Istati Membri individwali matul il-perjodu li jmiss tal-Analiżi tal-Implimentazzjoni Ambjentali, li madankollu m’għandhiex twassal f’rappurtar addizzjonali mill-Istati Membri, ir-reġjuni jew il-bliet;

7.

iħeġġeġ lill-Kummissjoni Ewropea u l-Istati Membri biex ikomplu jsaħħu r-rwol tal-IMPEL u jiżviluppaw aktar in-netwerks nazzjonali tal-IMPEL li jinvolvu esperti minn awtoritajiet reġjonali u lokali fl-iskambju tal-aħjar prattiki (2);

8.

iqis li, fejn possibbli u mixtieq, il-proċess tal-Analiżi tal-Implimentazzjoni Ambjentali għandu jorbot ma’ mekkaniżmi ta’ evalwazzjoni diġà eżistenti, li huma relatati wkoll mal-implimentazzjoni tal-leġislazzjoni Ewropea, bħall-programm Make it Work, l-attivitajiet fi ħdan in-netwerk tal-IMPEL u l-programm REFIT;

9.

jilqa’ l-Avviż tal-Kummissjoni Ewropea dwar l-Aċċess għall-Ġustizzja fi Kwistjonijiet Ambjentali (3) u jantiċipa wkoll inizjattiva speċifika mill-Kummissjoni Ewropea fl-2017 biex tappoġġja implimentazzjoni aħjar tal-liġi ambjentali (4);

10.

jappoġġja r-Rapport tal-Kummissjoni Ewropea dwar Azzjonijiet għas-Simplifikazzjoni tar-Rappurtar Ambjentali (5), bħala riżultat tal-Kontroll tal-Idoneità tal-Kummissjoni Ewropea ta’ Rappurtar u Monitoraġġ tal-Politika Ambjentali tal-UE (6), li għalih il-KtR ikkontribwixxa bl-Opinjoni ta’ Prospettiva COR-2015-05660-00-00-AC-TRA. Il-KtR itenni l-appell tiegħu għal approċċ orizzontali mill-Kummissjoni Ewropea lejn il-monitoraġġ u r-rappurtar ambjentali u għalhekk jistenna li l-Kummissjoni Ewropea konsegwentement tapplika l-azzjonijiet 1 u 2 tar-rapport, u tipproponi emendi leġislattivi għall-obbligi ta’ rappurtar definiti f’biċċiet ta’ leġislazzjoni eżistenti jew ġdida, bil-għan li tkompli tarmonizza u tissemplifika dawn l-obbligi.

11.

joffri lill-Kummissjoni Ewropea kooperazzjoni mill-qrib u strutturata għaċ-ċiklu kollu tal-Analiżi tal-Implimentazzjoni Ambjentali, inklużi l-attivitajiet tal-Pjattaforma Teknika Konġunta għall-Kooperazzjoni dwar l-Ambjent (7), b’enfasi fuq l-isfidi individwali strutturali ta’ implimentazzjoni differenti għall-awtoritajiet lokali u reġjonali u soluzzjonijiet għalihom, kif enfasizzat fit-taqsima D tal-Opinjoni. Dan jinkludi wkoll li jiġu esplorati l-mezzi biex il-KtR jikkontribwixxi biex jissostanzja r-rapporti speċifiċi għall-pajjiż dwar l-Analiżi tal-Implimentazzjoni Ambjentali u l-linji gwida għall-Istati Membri billi jipprovdi dimensjoni territorjali, waqt li titqies l-esperjenza li l-KtR kiseb mill-kontributi tiegħu għaċ-ċiklu ta’ governanza Ewropa 2020 permezz ta’ valutazzjoni regolari tas-semestru Ewropew minn perspettiva lokali/reġjonali;

12.

jilqa’ b’sodisfazzjon il-fatt li l-Kummissjoni Ewropea fil-Komunikazzjoni tagħha tindika li l-Analiżi tal-Implimentazzjoni Ambjentali tikkomplementa l-isforzi eżistenti ta’ implimentazzjoni, bħalma huma l-monitoraġġ tal-konformità u l-proċeduri ta’ ksur;

13.

iqis li huwa importanti li s-sistema tal-Analiżi tal-Implimentazzjoni Ambjentali tiġi evalwata wara żewġ ċikli (erba’ snin) biex tiġi vvalutata l-effettività tal-mekkaniżmu;

14.

jemmen li l-Analiżi tal-Implimentazzjoni Ambjentali toffri opportunità għal kooperazzjoni mmirata bejn il-KtR u l-Parlament Ewropew, bi skambji dwar sfidi u soluzzjonijiet relatati mal-implimentazzjoni tal-liġi tal-UE dwar l-ambjent, kif ukoll jitlaqqgħu l-interessi tal-koleġislatur u l-esperjenzi ta’ dawk li jieħdu d-deċiżjonijiet fost l-awtoritajiet inkarigati mill-implimentazzjoni. Il-Kumitat jistieden lill-Parlament Ewropew biex jikkoopera mill-qrib fir-rigward taż-żewġ kwistjonjiet diskussi mill-Kumitat ENVI – l-Analiżi tal-Implimentazzjoni Ambjentali u l-isfidi ewlenin ta’ implimentazzjoni u l-kawżi fundamentali identifikati – u fir-rapporti ta’ implimentazzjoni rilevanti futuri tal-Parlament Ewropew, inkluż billi jiġu organizzati laqgħat konġunti tal-Kummissjoni ENVE tal-KtR u l-Kumitat ENVI tal-PE dwar dawn is-suġġetti;

15.

jenfasizza li jinsab lest jikkontribwixxi għal diskussjonijiet fil-futur organizzati mill-Kunsill u relatati mal-Analiżi tal-Implimentazzjoni Ambjentali, għal laqgħat informali tal-Ministri tal-Ambjent jew għal attivitajiet oħrajn tal-Presidenza tal-Kunsill relatati mal-Analiżi tal-Implimentazzjoni Ambjentali; joffri l-appoġġ tiegħu matul il-preparamenti għal dawn id-diskussjonijiet u l-attivitajiet, b’mod partikolari permezz ta’ opinjonijiet immirati tal-KtR kif mitluba mill-Presidenzi tal-Kunsill, u permezz ta’ laqgħat tal-Pjattaforma Teknika konġunta tal-KtR/KE għall-Kooperazzjoni dwar l-Ambjent;

16.

jissuġġerixxi li tiġi esplorata l-possibbiltà li jiġu organizzati laqgħat speċifiċi għal kwistjoni waħda, f’kooperazzjoni mill-qrib mal-awtoritajiet lokai u reġjonali u r-rappreżentanzi nazzjonali tal-Kummissjoni Ewropea u tal-PE f’partijiet differenti tat-territorju tal-UE; dawn l-avvenimenti jistgħu jservu biex jiġu diskussi sfidi speċifiċi rigward l-implimentazzjoni lokali u għaldaqstant jistgħu jikkontribwixxu għar-rapporti tal-pajjiżi;

17.

jiddispjaċih li l-Kummissjoni Ewropea llimitat il-fokus inizjali tal-Analiżi tal-Implimentazzjoni Ambjentali għall-oqsma tal-ġestjoni tal-iskart, il-protezzjoni tan-natura u tal-bijodiversità, il-kwalità tal-arja, it-tniġġis akustiku u l-kwalità u l-ġestjoni tal-ilma (8);

18.

iħeġġeġ lill-Kummissjoni Ewropea biex tagħmel it-tibdil fil-klima element importanti fiċ-ċikli li jmiss tal-Analiżi tal-Implimentazzjoni Ambjentali u biex tinkludi l-mitigazzjoni u l-adattament għat-tibdil fil-klima filwaqt li tiżgura l-kompatibilità mad-dispożizzjonijiet tal-governanza tal-unjoni tal-enerġija; ifakkar fir-rwol kruċjali tal-awtoritajiet lokali u reġjonali fl-indirizzar tat-tibdil fil-klima u jħeġġeġ f’dan ir-rigward it-tfassil u l-allokazzjoni ta’ miri reġjonali u lokali għat-tibdil fil-klima, apparti l-kontributi determinati fil-livell nazzjonali, bħala karatteristika importanti għat-twettiq tal-obbligi ta’ Pariġi dwar it-tibdil fil-klima;

19.

jenfasizza l-ħtieġa li l-implimentazzjoni tad-Direttiva dwar l-Emissjonijiet Industrijali tiġi inkorporata fil-fażi li jmiss tal-Analiżi. F’dan ir-rigward, in-netwerk IMPEL jenħtieġ li jkollu rwol aktar prominenti fil-proċess sabiex tiġi appoġġjata l-ġabra ta’ prattika tajba għall-2019;

20.

jirrakkomanda wkoll li tiġi integrata l-politika tal-UE dwar is-sustanzi kimiċi, li hija pedament tal-politika ambjentali tal-UE. L-Analiżi tal-Implimentazzjoni Ambjentali għandha tenfasizza nuqqasijiet u esperjenzi pożittivi fir-rigward tar-reġistrazzjoni, l-evalwazzjoni u l-awtorizzazzjoni tas-sustanzi kimiċi.

21.

jilqa’ l-intenzjoni tal-Kummissjoni Ewropea li ttejjeb l-għarfien speċifiku għall-pajjiż dwar il-kwalità tal-amministrazzjoni pubblika u l-governanza u d-diviżjoni tal-kompetenzi bejn l-awtoritajiet nazzjonali/reġjonali/lokali fl-implimentazzjoni tal-liġi tal-UE dwar l-ambjent;

22.

jirrikonoxxi li flimkien mal-analiżijiet aktar kompluti tad-diskrepanzi fl-implimentazzjoni fis-setturi ambjentali tradizzjonali, l-Analiżi tal-Implimentazzjoni Ambjentali tipprovdi, għall-ewwel darba fil-qasam ambjentali, sejbiet preliminari dwar il-kawżi ewlenin possibbli ta’ implimentazzjoni dgħajfa;

23.

jirrakkomanda li l-Analiżijiet tal-Implimentazzjoni Ambjentali tiffoka fuq il-koordinazzjoni ineffettiva bejn l-awtoritajiet lokali, reġjonali u nazzjonali, sabiex jiġu indirizzati: tqassim mhux ċar tal-kompetenzi u r-responsabbiltajiet, nuqqas ta’ kapaċità amministrattiva, finanzjament insuffiċjenti u użu ta’ strumenti bbażati fuq is-suq, nuqqas ta’ politika ta’ integrazzjoni u koerenza politika, nuqqas ta’ għarfien u data u Mekkaniżmi insuffiċjenti ta’ assigurazzjoni tal-konformità (9).

24.

iħeġġeġ lill-Kummissjoni Ewropea tiżviluppa metodoloġija komuni għall-djalogi nazzjonali dwar l-Analiżi tal-Implimentazzjoni Ambjentali u tipprovdi linji gwida sabiex tiżgura l-parteċipazzjoni sħiħa tal-awtoritajiet lokali u reġjonali matul il-proċess kollu;

25.

jenfasizza l-interazzjoni bejn it-titjib fl-implimentazzjoni u t-titjib fir-regolazzjoni: l-istrumenti użati mill-UE, il-koerenza u l-konsistenza tal-leġislazzjoni tal-UE u l-piż amministrattiv jeħtieġ li jkunu eżaminati wkoll f’każ li l-objettivi tal-politika ambjentali mhux qed jiġu ssodisfati;

26.

jitlob lill-Istati Membri jiffaċilitaw l-istabbiliment tal-Analiżijiet tal-Implimentazzjoni Ambjentali Lokali u Reġjonali li jkunu jikkorrespondu għall-analiżijiet nazzjonali;

27.

jirrakkomanda li l-Istati Membri jikkooperaw aktar mill-qrib mal-awtoritajiet lokali u reġjonali saħansitra sa mill-istadju tal-iżvilupp tal-politika u ta’ traspożizzjoni legali u, kif inkoraġġit fis-7 Programm ta’ Azzjoni Ambentali, pereżempju fil-qafas tat-timijiet vertikali tad-dossiers transgovernattivi;

28.

jenfasizza l-ħtieġa li l-Istati Membri jiżviluppaw aktar il-mekkaniżmi biex itejbu l-koordinazzjoni vertikali effettiva, inkluża diviżjoni ċara tar-responsabbiltajiet bejn livelli differenti tal-gvern;

29.

iħeġġeġ lill-Istati Membri u lill-awtoritajiet reġjonali u lokali jkomplu jnaqqsu l-frammentazzjoni, inkluż bit-teħid ta’ aktar passi bħal pereżempju billi jintroduċu permessi ambjentali integrati li jikkombinaw id-diversi permessi ambjentali settorjali, u billi jissemplifikaw il-proċeduri tal-VIA u tal-VAS (10).

30.

jenfasizza, kif ikkonfermat mill-Analiżi tal-Implimentazzjoni Ambjentali, li hemm nuqqas ta’ riżorsi finanzjarji, umani u tekniċi biex tiġi implimentata kif xieraq il-leġislazzjoni ambjentali tal-UE fi ħdan ħafna awtoritajiet lokali jew reġjonali u li b’mod partikolari muniċipalitajiet iżgħar spiss ikollhom riżorsi limitati sabiex jiżviluppaw l-għarfien espert tekniku tagħhom stess fuq ir-rekwiżiti regolatorji; jenfasizza għalhekk il-ħtieġa għal iktar għajnuna mil-livell tal-UE, kemm direttament kif ukoll billi l-Istati Membri jiġu mħeġġa jipprovdu appoġġ, sabiex l-awtoritajiet lokali u reġjonali jikkooperaw b’mod orizzontali (fl-Istati Membri u b’mod transkonfinali) sabiex jiġu aggregati l-proġetti, isir skambju tal-aħjar prattika u jiġu żviluppati proċessi u proċeduri komuni;

31.

jitlob lill-Istati Membri u lill-awtoritajiet reġjonali u lokali jiżguraw li r-riżorsi finanzjarji u umani allokati lill-amministrazzjonijiet lokali u reġjonali ambjentali huma proporzjonati mal-kompiti (trasferiti) tagħhom;

32.

iħeġġeġ lill-Kummissjoni Ewropea biex tagħmel il-linji gwida tal-UE disponibbli f’aktar lingwi, u lill-Istati Membri biex jipproduċu standards komuni, mudelli, listi ta’ kontroll, u programmi ta’ taħriġ f’kooperazzjoni mal-awtoritajiet reġjonali u lokali sabiex tiġi żgurata l-konsistenza tal-implimentazzjoni u tar-rappurtar;

33.

jitlob lill-awtoritajiet reġjonali u lokali biex janalizzaw il-kwalità tal-proċeduri, biex jissemplifikaw il-ħruġ ta’ permessi ambjentali u biex jikkondividu r-riżorsi ma’ dipartimenti oħra, u b’hekk jiksbu ekonomiji ta’ skala u jindirizzaw problemi ambjentali li ma jirrispettawx il-konfini amministrattivi, filwaqt li u jagħmlu użu mill-Għodod tal-UE għall-Kwalità tal-Amministrazzjoni Pubblika (11);

34.

jistieden lill-Kummissjoni Ewropea, lill-Istati Membri u lill-awtoritajiet reġjonali u lokali biex jippromovu l-involviment ta’ esperti lokali u reġjonali fin-netwerk IMPEL, u fl-għodod bejn il-pari tal-Analiżi tal-Implimentazzjoni Ambjentali li jmiss;

35.

jitlob lill-Kummissjoni Ewropea u, b’mod partikolari, lill-Istati Membri sabiex jinvolvu esperti lokali u reġjonali fl-iżvilupp ta’ linji gwida tal-UE, kif ukoll linji gwida nazzjonali relatati, biex ikun hemm aktar ċarezza u flessibbiltà fl-implimentazzjoni tagħhom;

36.

iħeġġeġ lill-Kummissjoni Ewropea biex talloka baġit suffiċjenti għall-għodda l-ġdida bejn il-pari tal-Analiżi tal-Implimentazzjoni Ambjentali. Il-Kummissjoni għandha tiżgura wkoll il-komplementarjetà tagħha mal-attivitajiet bejn il-pari mwettqa mill-IMPEL, u mal-iskambju ta’ kwistjonijiet ambjentali mill-awtoritajiet maniġerjali taħt l-għodda TAIEX REGIO PEER 2 PEER.

37.

iħeġġeġ lill-awtoritajiet lokali u reġjonali, bl-appoġġ mill-Istati Membri, biex jagħmlu użu mill-għajnuna teknika disponibbli taħt l-Objettiv Tematiku 11 tal-Fondi Strutturali u ta’ Investiment Ewropej (FSIE) biex tiżdied il-kapaċità istituzzjonali u amministrattiva tad-dipartimenti tagħhom tal-ambjent u l-kapaċità tagħhom li jassorbu l-finanzjament tal-FSIE b’mod partikolari għal infrastrutturi ambjentali fuq skala kbira (Objettiv 6). Barra minn hekk iħeġġiġhom jużaw il-Programm ta’ Appoġġ għar-Riformi Strutturali tal-UE biex itejbu l-amministrazzjoni tal-ambjent tagħhom;

38.

jappoġġja l-idea li Stati Membri addizzjonali jistabbilixxu netwerks ta’ esperti mill-awtoritajiet maniġerjali tal-politika ta’ koeżjoni ddedikati għall-promozzjoni ta’ investimenti ambjentali;

39.

jitlob lill-UE, matul it-tħejjijiet tagħha għall-QFP li jmiss, biex tesplora totalment l-għażliet għal żieda fil-finanzjament tal-UE għall-implimentazzjoni ta’ leġislazzjoni ambjentali, inkluża l-għażla li tiġi delimitata ċerta perċentwali għal dan l-għan.

40.

jirrikonoxxi li l-integrazzjoni insuffiċjenti tat-tħassib ambjentali f’oqsma ta’ politika oħrajn hija l-kawża ewlenija oħra tal-implimentazzjoni fqira tal-leġislazzjoni ambjentali u għalhekk ifakkar fil-ħtieġa li jiġu integrati l-objettivi ta’ politika ewlenin dwar l-ambjent u t-tibdil fil-klima matul il-firxa kollha tal-attivitajiet tal-UE;

41.

jitlob lill-awtoritajiet lokali u reġjonali biex tkun żgurata l-koordinazzjoni xierqa fil-livell politiku u strateġiku, billi jadottaw strateġiji lokali/reġjonali ta’ żvilupp sostenibbli u jiżguraw li t-tħassib ambjentali jiġi inkorporat fi stadju bikri tal-ippjanar spazjali tagħhom biex jitnaqqsu l-kunflitti. Jappella wkoll li t-tħassib ambjentali jiġi integrat tajjeb fi stadju bikri billi jiġu applikati l-Valutazzjonijiet Ambjentali Strateġiċi;

42.

iħeġġeġ lill-awtoritajiet lokali u reġjonali jippromovu ftehimiet settorjali volontarji ma’ setturi industrijali ewlenin, u “kuntratti” bejn awtoritajiet pubbliċi u partijiet ikkonċernati tas-soċjetà, bil-għan li tiġi pprovduta l-informazzjoni, jiġu identifikati l-problemi u jinstabu s-soluzzjonijiet;

43.

jenfasizza l-fatt li l-UE jeħtieġ issegwi politiki aktar b’saħħithom u aktar effettivi bbażati fis-sors f’ħafna oqsma ta’ politika ambjentali li mingħajrhom ser tkun impossibbli l-konformità ma’ diversi partijiet ta’ leġislazzjoni tal-UE dwar l-istandards ta’ kwalità ambjentali fil-livell lokali jew reġjonali;

44.

jitlob lill-Kummissjoni Ewropea u lill-Istati Membri biex jassistu aħjar lill-awtoritajiet lokali u reġjonali kompetenti biex jintlaħqu dawn l-istandards u l-miri;

45.

jitlob li l-Kummissjoni Ewropea taħdem mal-awtoritajiet nazzjonali rilevanti, il-Kumitat Ewropew tar-Reġjuni, il-Patt tas-Sindki tal-UE, il-Patt tas-Sindki Globali għall-Klima u l-Enerġija u l-ICLEI biex tiżviluppa l-kunċett u l-metodoloġiji biex jiġu introdotti l-kontributi determinati fil-livell lokali u reġjonali, u b’hekk tikkontribwixxi lejn il-miri relatati mat-tibdil fil-klima maqbula taħt il-Ftehim ta’ Pariġi dwar il-Klima tal-COP21. L-awtoritajiet lokali u reġjonali ta’ gwida inizjalment jiġu involuti fuq bażi volontarja ta’ “prova tal-kunċett”.

46.

jirrikonoxxi li d-disponibbiltà limitata ta’ data għadha toħloq problemi ta’ implimentazzjoni f’livelli differenti ta’ governanza f’ħafna Stati Membri u li l-awtoritajiet lokali u reġjonali jista’ jkollhom rwol ewlieni biex jiġbru l-għarfien u d-data u jipprovdu l-informazzjoni lill-pubbliku, waqt li jħeġġu aktar sensibilizzazzjoni fost iċ-ċittadini;

47.

jilqa’ b’sodisfazzjon il-fatt li l-Analiżi tal-Implimentazzjoni Ambjentali għandha tkun imsejsa fuq data eżistenti u li dan għandu jwassal għal użu aħjar u “cross-referencing” ta’ din id-data, kif ukoll it-titjib tal-aċċessibilità tagħha, mhux l-inqas għall-awtoritajiet lokali u reġjonali;

48.

jappoġġja dibattitu strutturat dwar l-allokazzjoni xierqa tar-responsabbiltajiet u tar-riżorsi fl-Istati Membri bejn il-muniċipalitajiet, ir-reġjuni u l-livell nazzjonali, sabiex ikun żgurat li r-rapporti u l-indikaturi relatati mal-qagħda tal-ambjent ikunu konsistenti, effettivi u affidabbli;

49.

iħeġġeġ lill-Istati Membri, f’kooperazzjoni mal-awtoritajiet kompetenti lokali u reġjonali, biex jiżviluppaw aktar l-Oqfsa Strutturati ta’ Implimentazzjoni u Informazzjoni għal-liġijiet ambjentali ewlenin kollha tal-UE;

50.

jitlob li l-Kummissjoni Ewropea tiżgura li l-Istati Membri u l-awtoritajiet lokali u reġjonali tagħhom jimplimentaw kif xieraq ir-rekwiżiti minimi eżistenti li jinsabu fid-Direttiva dwar l-aċċess għall-informazzjoni;

51.

jitlob lill-awtoritajiet lokali u reġjonali jsegwu politika attiva ta’ tagħrif. Dan għandu jkun bidirezzjonali (inklużi l-mekkaniżmi ta’ rispons) u jipprovdi informazzjoni aktar orjentata lejn iċ-ċittadini, bħal għodod onlajn ibbażati fuq il-mapep, apps u kampanji edukattivi;

52.

jappoġġja l-involviment tal-NGOs fil-ġbir u t-tixrid tal-informazzjoni ambjentali liċ-ċittadini u l-użu ta’ “xjenza taċ-ċittadini” biex tinġabar id-data dwar l-ambjent;

53.

iħeġġeġ lill-Kummissjoni Ewropea u l-Istati Membri biex jappoġġjaw lill-awtoritajiet fl-użu ta’ soluzzjonijiet elettroniċi u tal-Gvern elettroniku biex itejbu l-monitoraġġ u r-rapportar ambjentali tagħhom; pereżempju permezz tal-Pjan ta’ Azzjoni tal-Gvern Elettroniku 2016-2020, il-programm LIFE, il-Faċilità Nikkollegaw l-Ewropa u l-programm Orizzont 2020 u fil-kuntest tat-tnedija ta’ Reportnet 2.0 mill-Aġenzija Ewropea għall-Ambjent (12);

54.

jitlob li jsiru sforzi fil-livelli kollha sabiex tiġi żgurata l-kondiviżjoni elettronika tad-data ambjentali u l-iżvilupp ulterjuri ta’ INSPIRE (13). L-involviment tal-awtoritajiet reġjonali u lokali fil-proċess ta’ INSPIRE għandu jissaħħaħ ukoll.

55.

huwa mħasseb li l-analiżi tal-Valutazzjoni Ambjentali Strateġika tindika li l-monitoraġġ u l-infurzar tal-konformità ta’ spiss huma kawża ta’ tħassib, minħabba s-sazzjonijiet u l-interazzjonijiet ineffettivi bejn l-ispetturi u l-prosekuturi. L-awtoritajiet lokali u reġjonali jistgħu jiffaċċjaw problemi fl-interpretazzjoni u fl-integrazzjoni ta’ dispożizzjonijiet inkoerenti tal-UE meta jwettqu attivitajiet ta’ assigurazzjoni ta’ konformità. Ħafna amministrazzjonijiet ta’ awtoritajiet lokali huma żgħar wisq biex jiżguraw l-infurzar professjonali tal-liġi ambjentali;

56.

jitlob lill-awtoritajiet lokali u reġjonali jiżguraw deżinjazzjoni u allokazzjoni ċari tas-setgħat u professjonaliżmu tal-awtoritajiet kompetenti; jikkoordinaw b’mod effettiv mal-awtoritajiet nazzjonali (jiġifieri l-pulizija, id-dwana, is-servizzi tal-prosekuzzjoni) u jesploraw il-ħolqien ta’ aġenziji tal-infurzar ambjentali reġjonali konġunti fil-każ ta’ setgħat ta’ spezzjoni proprji limitati;

57.

iħeġġeġ lill-awtoritajiet nazzjonali, reġjonali u lokali biex japplikaw approċċ ibbażat fuq ir-riskju għall-assigurazzjoni tal-konformità waqt li tiġi żgurata l-aħjar taħlita ta’ monitoraġġ, promozzjoni u infurzar, u prijoritizzazzjoni aħjar tal-użu tar-riżorsi limitati tagħhom;

58.

jitlob lill-awtoritajiet lokali u reġjonali, minħabba li jinsabu qrib in-negozji u ċ-ċittadini, jinvolvu ruħhom f’attivitajiet ta’ promozzjoni tal-konformità li jinvolvu l-kooperazzjoni mal-komunitajiet kummerċjali regolati, mal-NGOs rilevanti u maċ-ċittadini;

59.

jitlob lill-Istati Membri u lill-awtoritajiet reġjonali u lokali japplikaw miżuri rapidi ta’ infurzar u jadottaw sanzjonijiet proporzjonati u dissważivi għal ksur tal-liġi tal-UE dwar l-ambjent, u li konsegwentement japplikaw id-Direttiva 2008/99/KE dwar ir-reati ambjentali;

60.

iħeġġeġ lill-awtoritajiet nazzjonali, reġjonali u lokali biex jindirizzaw il-korruzzjoni u jiżguraw il-funzjonament xieraq tas-sistemi tal-ġustizzja fil-qasam tal-ambjent, waqt li jikkonfermaw id-drittijiet proċedurali mogħtija liċ-ċittadini mil-leġislazzjoni ambjentali tal-UE (14);

61.

jappoġġja l-inizjattivi kollha tal-awtoritajiet nazzjonali u reġjonali u l-assoċjazzjonijiet tal-awtoritajiet lokali biex iżidu l-għarfien tagħhom billi jiskambjaw l-aħjar prattiki żviluppati minn netwerks Ewropej bħall-IMPEL, in-Netwerk Ewropew tal-Prosekuturi għall-Ambjent u n-Netwerk tal-uffiċjali tal-pulizija;

62.

iħeġġeġ lill-Kummissjoni Ewropea u l-Istati Membri biex ikomplu jsaħħu r-rwol tal-IMPEL u jiżviluppaw aktar in-netwerks nazzjonali tal-IMPEL li jinvolvu esperti minn awtoritajiet reġjonali u lokali fl-iskambju tal-aħjar prattiki.

13.2.2018   

MT

Il-Ġurnal Uffiċjali tal-Unjoni Ewropea

C 54/27

1.

jafferma li l-istrateġija Ewropea dwar sistemi tat-trasport intelliġenti u kooperattivi hija pass importanti lejn approċċ għal mobbiltà kooperattiva, konnessa u awtomatizzata. L-implimentazzjoni integrata tas-sistemi tat-trasport intelliġenti u kooperattivi fl-arranġamenti tat-traffiku, kemm fil-bliet u r-reġjuni kif ukoll bejniethom, tista’ toffri benefiċċji kbar għas-soċjetà, pereżempju sigurtà mtejba, ambjent aktar nadif, titjib fl-aċċessibbiltà, l-inklużjoni soċjali jew impjiegi addizzjonali.

2.

jitlob li apparti l-miżuri elenkati fil-Komunikazzjoni, jittieħdu miżuri oħra li jħarsu aktar 'il bogħod biex jisfruttaw bis-sħiħ il-possibbiltajiet offruti mis-sistemi tat-trasport intelliġenti u kooperattivi u jiksbu l-miri ulterjuri: trasport multimodali għalkollox awtomatizzat u b’rati baxxi ta’ emissjonijiet u mobbiltà maħsuba bħala servizz u trasport minn bieb sa bieb, anke f’dal-każ f’perspettiva rilevanti essenzjali tal-inklużjoni soċjali;

3.

jirrikonoxxi li jinħtieġu elementi fundamentali oħrajn fit-triq lejn l-għanijiet aħħarin. Dawn qed jiġu żviluppati mill-Kummissjoni f’diversi pakketti ta’ miżuri, kultant fl-istess perjodu bħal dak inkwistjoni, u kultant warajh, bħal pereżempju d-dispożizzjonijiet għal trasport b’emissjonijiet baxxi jew l-identifikazzjoni ta’ adattamenti li għandhom jitwettqu fl-infrastruttura fiżika;

4.

jemmen li l-UE għandha rwol ta’ koordinazzjoni fl-iżvilupp ta’ sistema interoperabbli fir-rigward tal-istandards u r-regoli fil-qasam tas-sistemi u t-teknoloġiji ta’ komunikazzjoni li jikkonċernaw it-trasport;

5.

jaħseb li huwa indispensabbli li l-awtoritajiet lokali u reġjonali jieħdu sehem fl-implimentazzjoni tal-istadji intermedji kollha biex jinkisbul-objettivi finali u li l-Kummissjoni għandha tkun involuta b’mod aktar attiv u usa’ f’dan il-proċess;

6.

jitlob lill-Kummissjoni tiżgura li l-awtoritajiet lokali u reġjonali jifhmu aħjar kif ir-regoli differenti tal-UE huma relatati ma’ xulxin, kif ukoll ir-riżultati li dawn għandhom jagħtu. Dan jeħtieġ li toħroġ komunikazzjoni indirizzata lilhom u li tkun aktar koerenti u mmirata dwar il-pakketti diferenti ta’ miżuri. Huwa b’din il-kundizzjoni biss li ser ikunu jistgħu jissodisfaw ir-rwol assenjat lilhom biex jiksbu l-objettivi stabbiliti u jippermettu interoperabbiltà bejn id-diversi reġjuni u bliet;

7.

jitlob li l-Kummissjoni tniedi, inkluż permezz tal-parteċipazzjoni tal-awtoritajiet lokali u reġjonali, attivitajiet speċifiċi intiżi qabel kollox biex tinkiseb l-aċċettazzjoni tal-pubbliku, peress li dan huwa meħtieġ biex jintlaħqu l-għanijiet aħħarin ta’ trasport awtomatizzat b’emissjonijiet baxxi. L-appoġġ tal-pubbliku huwa indispensabbli mhux biss sabiex ikun possibbli li jsir skambju tad-data meħtieġa għas-sistemi tat-trasport intelliġenti u kooperattivi iżda wkoll u fuq kollox biex jaċċettaw trasport li gradwalment ser isir aktar awtomatizzat. F’dan il-kuntest, it-teknoloġija għandha tkun għas-servizz tal-utenti;

8.

jinnota li l-parti l-kbira tal-movimenti taċ-ċirkolazzjoni u t-trasport issir fuq distanzi qosra, fi ħdan ir-reġjuni. Skont il-kalkoli li saru abbażi ta’ data tal-Eurostat, mill-merkanzija kollha trasportata bit-triq (espressa f’tunnellati), aktar minn nofs ġiet trasportata distanza ta’ inqas minn 50 km; u fi tliet kwarti tal-każijiet d-distanza kienet ta’ anqas minn 150 km. Ġeneralment, il-vjaġġi jkunu ħafna iqsar fir-rigward tat-trasport tal-persuni;

9.

Għalhekk, jitlob ukoll għal miżuri speċifiċi u biex is-sistemi tat-trasport intelliġenti u kooperattivi jintużaw barra min-Netwerk Trans-Ewropew tat-Trasport;

10.

jinsisti li fil-loġika ta’ riskedar li seħħet fil-qafas tal-Orizzont 2020, fejn ir-riċerka issa tiffoka fuq l-integrazzjoni tal-modi tat-trasport u r-rabta mal-awtomazzjoni, il-Kummissjoni tniedi approċċ speċifiku bil-għan li jintroduċi sistemi tat-trasport intelliġenti u kooperattivi f’nodi intermodali taċ-ċirkolazzjoni u t-trasport. Dan l-approċċ għandu jseħħ flimkien ma’ dak adottat fil-kurituri, b’mod li tinħoloq sistema ta’ ċirkolazzjoni integrata;

11.

jinnota li fir-rigward tal-pożizzjoni tagħhom, dawn in-nodi intermodali jippreferu ż-żoni urbani u l-bliet u li huwa hemmhekk li s-sistemi tat-trasport intelliġenti u kooperattivi u t-trasport intermodali jistgħu jkunu tal-akbar benefiċċji biex inaqqsu l-effetti dannużi taċ-ċirkolazzjoni u tat-traffiku, bħalma huma l-konġestjoni, it-tniġġis tal-arja, il-fastidju marbut mal-ipparkjar u n-nuqqas ta’ sigurtà fit-toroq. L-ivvjaġġar bir-rota huma wkoll parti mit-traffiku multimodali u huwa ta’ natura lokali u reġjonali per eċċellenza;

12.

jinnota li s’issa, il-Kummissjoni interessat ruħha ħafna fiċ-ċirkolazzjoni fit-toroq bil-karozzi iżda jinnota li huma wkoll previsti u żviluppati sistemi awtomatizzati għat-trasport pubbliku, in-navigazzjoni interna, bl-ajru u l-ferroviji, pereżempju fil-forma ta’ drones jew il-Hyperloop;

13.

għalhekk jeħtieġ li jiġu promossi l-ewwel nett, permezz ta’ miżuri mmirati, il-konnessjoni u l-interoperabilità tal-modi differenti tat-trasport bejniethom u mas-sistemi tat-trasport pubbliku;

14.

jinnota li l-Kummissjoni beħsiebha wkoll, ġustament, tieħu miżuri favur il-partijiet interessati vulnerabbli taċ-ċirkolazzjoni iżda dan l-aspett jitlob ukoll aktar attenzjoni għas-sitwazzjonijiet lokali u reġjonali differenti;

15.

jitlob miżuri konkreti għall-utenti kollha tat-triq li huma vulnerabbli, jiġifieri, minbarra l-persuni li jkunu mexjin u ċ-ċiklisti, is-sewwieqa ta’ roti elettriċi, skuters, muturi u vetturi ħfief (tal-elettriku) għall-persuni b’diżabbiltà;

16.

jirrikonoxxi li id-densità kbira tat-traffiku u n-nisġa stretta tal-infrastruttura fir-reġjuni urbani jagħtu stampa kumplessa tat-traffiku, li toħloq rekwiżiti speċifiċi għas-sistemi tat-trasport intelliġenti u kooperattivi. Għaldaqstant, tnedew testijiet u proġetti f’dan it-tip ta’ żoni biex dawn ikunu jistgħu wkoll jiġu implimentati b’suċċess f’tali ambjenti;

17.

jinnota li l-introduzzjoni ta' sistemi tat-trasport intelliġenti u kooperattivi fir-reġjuni urbanizzati u speċjalment fil-bliet hija iktar ikkumplikata, u għaldaqstant inqas attraenti li jiġu żviluppati każijiet ta' negozju;

18.

jindirizza lill-Kummissjoni t-talba li jieħu passi li jbaxxu l-limiti għall-introduzzjoni tas-sistemi tat-trasport intelliġenti u kooperattivi fir-reġjuni urbani u l-bliet;

19.

jitlob ukoll miżuri biex jiġi żgurat li s-sistemi li se jiġu żviluppati u ttestjati jkunu marbuta sew mad-dispożizzjonijiet fir-rigward tat-traffiku u t-trasport fuq distanzi itwal, bejn il-pajjiżi u bejn ir-reġjuni;

20.

jemmen li s-sistemi tat-trasport intelliġenti u kooperattivi, bħala komponent tat-trasport awtomatizzat, il-mobbiltà maħsuba bħala servizz u t-trasport minn bieb sa bieb, jistgħu wkoll jikkontribwixxu għall-inklużjoni soċjali. Din l-evalwazzjoni tapplika għall-possibbiltà ta’ aċċess għal impjiegi, kif ukoll għall-mobbiltà tal-persuni li, bħalma huma l-anzjani u l-persuni b’diżabbilità, għandhom diffikultajiet biex jużaw is-sistemi tat-trasport disponibbli llum, jew saħansitra ma jkunux jistgħu jagħmlu dan. Huwa qabel kollox fiż-żoni rurali, fejn it-trasport pubbliku huwa soġġett għal pressjoni estensiva sakemm ma jkunx diġà għeb, li s-sistemi tat-trasport intelliġenti u kooperattivi jistgħu, fuq tul ta’ żmien, jikkontribwixxu biex itejbu l-opportunitajiet tat-trasport. It-trasport awtomatizzat imfassal apposta jista’ jiġi kkunsidrat fir-reġjuni b’densità baxxa tal-popolazzjoni;

21.

jinnota li għaż-żoni rurali, b’densità baxxa tal-popolazzjoni, huwa wkoll iżjed diffiċli li jiġu żviluppati strutturi ta’ negozji mingħajr l-għajnuna tal-gvernijiet reġjonali u lokali;

22.

jistieden lill-Kummissjoni, għaldaqstant, tinkoraġġixxi lill-awtoritajiet lokali u reġjonali u tiffaċilitalhom il-kompitu tal-implimentazzjoni ta’ sistemi tat-trasport intelliġenti u kooperattivi fir-reġjuni periferiċi u ultraperiferiċi, anqas żviluppati, gżejjer u reġjuni oħrajn b’densità baxxa tal-popolazzjoni;

23.

jinnota li l-istrateġija għas-sistemi tat-trasport intelliġenti u kooperattivi għadha essenzjalment immarata lejn l-istadji intermedji fuq terminu medju lejn it-trasport awtomatiku;

24.

jitlob li l-Kummissjoni tfassal ukoll xenarji u miżuri għall-iżvilupp f’perspettiva itwal, fid-direzzjoni ta’ trasport kompletament awtomatiku, peress li fl-aħħar mill-aħħar dan huwa qasam li, fit-tul, ser ikun l-aktar ta’ benefiċċju għas-soċjetà u l-ekonomija;

25.

jitlob li l-fondi neċessarji għal dan l-għan ikunu disponibbli wkoll wara l-2019;

26.

jitlob lill-Kummissjoni biex flimkien mal-miżuri elenkati fil-Komunikazzjoni, li huma kompletament orjentati lejn it-trasport bit-triq u bi skadenzi qosra ħafna, għandhom jiġu previsti wkoll dispożizzjonijiet relatati ma’ modi oħra tat-trasport, l-intermodalità u applikazzjoni usa’ għal perjodu itwal;

27.

jeħtieġ li l-Kummissjoni tfassal approċċ fit-tul, usa’ u aktar komprensiv, imsejjes fuq il-kunċetti tal-“mobbiltà bħala servizz”, it-“trasport minn bieb sa bieb” u tal-impatt pożittiv tagħhom fuq l-iżvilupp ekonomiku, l-inklużjoni soċjali, kif ukoll rigward it-“trasport b’livell baxx ta’ emissjonijiet”;

28.

jitlob lill-Kummissjoni tiddikjara liema huma, b’mod konkret, l-istadji li għandhom jitwettqu u l-miżuri li għandhom jittieħdu fid-diversi xenarji;

29.

jitlob li l-Kummissjoni tiżviluppa programm ta’ komunikazzjoni biex jintrebaħ l-appoġġ tal-opinjoni pubblika;

30.

jixtieq li l-bliet u r-reġjuni kif ukoll ir-rappreżentanti tagħhom, bħall-Kumitat Ewropew tar-Reġjuni, jiġu involuti fl-iżviluppi ulterjuri tal-politika Ewropea b’rabta mas-sistemi tat-trasport intelliġenti u kooperattivi;

31.

huwa tal-fehma li l-interoperabilità bejn il-modi differenti ta’ trasport tirrikjedi azzjonijiet komplementari, kemm għat-trasport tal-merkanzija kif ukoll għat-trasport tal-persuni. Il-flussi tal-informazzjoni għandhom ikunu jistgħu jiġu konnessi flimkien iżda biex jinkiseb dan hemm bżonn li mhux biss jiġu kkoordinati s-sistemi ta’ komunikazzjoni (5G jew oħrajn tal-istess tip): jeħtieġ ukoll li tiġi identifikata d-data tat-tipi differenti ta’ trasport. F’dan il-proċess, kemm l-awtoritajiet lokali u reġjonali kif ukoll entitajiet privati (manifatturi tal-vetturi, operaturi tas-sistema ta’ navigazzjoni, fornituri tas-servizz ta’ mobbiltà, eċċ.) jiksbu data, iżda dawn tal-aħħar mhumiex mitluba jagħmlu d-data tagħhom disponibbli f’forma anonima għal utenti oħra, bħall-operaturi tal-infrastruttura. Madankkollu, sabiex tiġi żgurata ġestjoni tat-traffiku sikura u effettiva u biex iħaddmu l-infrastruttura tagħhom, l-operaturi tal-infrastruttura – li f'ħafna każijiet huma awtoritajiet lokali u reġjonali – huma dipendenti fuq informazzjoni li hija kompleta u aġġornata kemm jista’ jkun. Il-Komunikazzjoni ma tindirizzax dan l-element ewlieni ta’ żvelar reċiproku u disponibbiltà tad-data, li bħalissa japplika biss għall-għoti ta' data minn awtoritajiet pubbliċi lil entitajiet privati (Direttiva 2003/98/KE dwar l-użu mill-ġdid ta’ informazzjoni tas-settur pubbliku);

32.

jeħtieġ li flimkien ma’ dawk il-miżuri li l-Komunikazzjoni telenka fil-qasam tat-teknoloġiji tal-komunikazzjoni, jiġu previsti wkoll miżuri għall-organizzazzjoni ta’ ktajjen ta’ informazzjoni. Fil-fatt, mhuwiex biss il-mod ta’ komunikazzjoni li huwa importanti iżda wkoll, u fuq kollox, il-kontenut tal-komunikazzjoni;

33.

jinnota li fl-aħħar mill-aħħar, ċerti aspetti tal-ktajjen tal-informazzjoni, bħall-aċċessibbiltà jew id-disponibbiltà tad-data dwar il-vetturi, biex nieħdu dawn l-eżempji biss, jistgħu jiġu indirizzati biss fil-livell internazzjonali jew Ewropew,

34.

jinnota barra minn hekk li huwa madankollu wkoll, u fuq kollox, l-appoġġ tal-awtoritajiet lokali u reġjonali u l-kooperazzjoni tagħhom li huma indispensabbli jekk irridu niżguraw id-disponibbiltà tal-informazzjoni minn sistemi lokali u reġjonali tal-ġestjoni tat-traffiku;

35.

jinnota li l-interoperabbiltà teżiġi mhux biss li jittieħdu dispożizzjonijiet fil-qasam tat-teknoloġiji tal-informazzjoni u l-komunikazzjoni iżda wkoll li jitwettqu adattamenti fl-infrastruttura fiżika;

36.

jistieden lill-Kummissjoni Ewropea tipprovdi informazzjoni f’waqtha lill-awtoritajiet lokali u reġjonali dwar din il-kwistjoni. Għandu jsir investiment fl-infrastruttura lokali u reġjonali b’tali mod li tissodisfa r-rekwiżiti tas-sistemi tat-trasport intelliġenti u kooperattivi. Barra minn hekk, tinħtieġ uniformità akbar għall-finijiet tal-interoperabbiltà;

37.

jinnota li l-interoperabilità bejn il-modi differenti ta’ trasport fl-Ewropa teħtieġ li l-UE tagħti attenzjoni akbar lill-importanza li għandhom in-nodi tat-trasport għas-sistemi tat-trasport intelliġenti u kooperattivi, bħalma huma l-istazzjonijiet u t-terminals, u josserva li dawn huma lokalizzati fuq kollox fiż-żoni urbani u l-bliet;

38.

jitlob lill-Kummissjoni biex f’kooperazzjoni mal-awtoritajiet lokali u reġjonali (u r-rappreżentanti tagħhom), tidentifika u tillokalizza l-punti ta’ konġestjoni li jirrappreżentaw in-nodi tat-trasport meta mqabbla mas-sistemi tat-trasport intelliġenti u kooperattivi u tiżviluppa miżuri biex teliminahom;

39.

jappoġġja l-idea li sabiex tinkiseb sistema interoperabbli, huwa mixtieq li l-UE tfassal leġislazzjoni fil-qasam tal-istandards u li tilleġisla u tirregola fil-qasam tas-sistemi ta’ komunikazzjoni u tekniċi;

40.

jitlob lill-Kummissjoni tiżgura li l-awtoritajiet lokali u reġjonali (jew ir-rappreżentanti tagħhom) jiġu involuti mill-qrib fit-tfassil tal-qafas leġislattiv, fid-dawl tal-importanza tar-rwol tagħhom għat-tnedija tas-sistemi tat-trasport intelliġenti u kooperattivi;

41.

iqis li kemm biex jiġu implimentati s-sistemi tat-trasport intelliġenti u kooperattivi kif ukoll biex jintlaħqu l-għanijiet finali tal-implimentazzjoni ta’ trasport awtomatizzat sostenibbli, tal-mobbiltà bħala servizz u t-trasport minn bieb sa bieb, huwa indispensabbli li, flimkien mad-dispożizzjonijiet regolatorji, jittieħdu wkoll u fuq kollox, il-miżuri li ġejjin fil-livell Ewropew:

42.

jinnota li filwaqt li l-Komunikazzjoni tal-Kummissjoni tikkunsidra b’mod ġustifikat il-kooperazzjoni internazzjonali bejn l-Istati, għadd tajjeb ta’ azzjonijiet neċessarji biex jinkisbu s-sistemi tat-trasport intelliġenti u kooperattivi jseħħu – jew għandhom iseħħu – fil-livell lokali u reġjonali. Jinħtieġ għalhekk li d-deċiżjonijiet jittieħdu f’livelli differenti u minn awtoritajiet differenti. Dawn għandhom jittieħdu bir-reqqa, u għalhekk tinħtieġ komunikazzjoni kontinwa u ta’ kwalità bejn il-Kummissjoni Ewropea u l-awtoritajiet lokali u reġjonali;

43.

jitlob għal miżuri li jipprovdu protezzjoni xierqa tad-data personali u l-privatezza tal-utenti, li huma fatturi determinanti għas-suċċess tat-tnedija ta’ vetturi kooperattivi, konnessi u awtomatizzati;

44.

jitlob għaldaqstant li l-Kummissjoni tħeġġeġ il-kooperazzjoni internazzjonali bejn l-awtoritajiet lokali u reġjonali minn pajjiżi differenti, sabiex kemm jista’ jkun ikunu jistgħu joħolqu interkonnessjoni bejn il-proġetti, it-testijiet u l-esperimenti tagħhom u jaqsmu l-għarfien tagħhom;

45.

jitlob li jiġi żviluppat u propost approċċ speċifiku għal dan l-għan, pereżempju abbażi tal-mudell tal-Impriża Konġunta taċ-Ċelloli tal-Fjuwil u l-Idroġenu, fejn l-intrapriżi u l-awtoritajiet lokali u reġjonali impenjati b’mod attiv ikunu f’kooperazzjoni appoġġjata mill-Kummissjoni Ewropea.

13.2.2018   

MT

Il-Ġurnal Uffiċjali tal-Unjoni Ewropea

C 54/32

1.

jilqa’ bi pjaċir il-fatt li bil-preżentazzjoni tad-Dokument ta’ Riflessjoni dwar il-ġestjoni tal-globalizzazzjoni, il-Kummissjoni tirrikonoxxi l-globalizzazzjoni bħala element essenzjali tal-proċess ta’ riflessjoni dwar il-futur tal-Unjoni Ewropea (1). Tabilħaqq, il-kapaċità tal-UE sabiex tinfluwenza l-globalizzazzjoni u tindirizza l-impatt tagħha hija kruċjali fid-dibattitu pubbliku dwar il-futur tal-Ewropa u l-leġittimità tagħha f’termini tal-istennijiet taċ-ċittadini mill-UE;

2.

jirrikonoxxi li s’issa l-Kummissjoni ħadet approċċ komprensiv u informat dwar din il-kwistjoni, notevolment billi, fl-14 ta’ Settembru 2017, ippreżentat miżuri ta’ segwitu rapidu dwar id-Dokument ta’ Riflessjoni f’forma ta’ pakkett dwar il-kummerċ li jippreżenta qafas Ewropew li jiskrinja l-investiment dirett barrani kif ukoll qorti tal-investiment multilaterali permanenti. Dan il-pakkett dwar il-kummerċ ser ikun is-suġġett ta’ opinjoni separata mill-KtR. Jinsisti madankollu dwar il-ħtieġa li l-Kummissjoni ssegwi approċċ olistiku fir-rigward tal-globalizzazzjoni, li jinkludi, b’mod partikolari, il-politika soċjali u l-politiki dwar il-kapital uman u l-innovazzjoni kif ukoll il-migrazzjoni internazzjonali, it-tibdil demografiku u l-effetti tiegħu marbutin mal-ispazju;

3.

jilqa’ b’sodisfazzjon ukoll ir-rappreżentazzjoni bilanċjata tal-isfidi u l-opportunitajiet tal-globalizzazzjoni fid-Dokument ta’ Riflessjoni dwar il-ġestjoni tal-globalizzazzjoni. Il-globalizzazzjoni kkontribwiet għat-tkabbir ekonomiku f’ħafna reġjuni tad-dinja, u b’hekk tejbet ukoll l-istandard tal-għajxien ta’ ħafna ċittadini Ewropej. Iżda mhux ir-reġjuni kollha u s-sezzjonijiet kollha tal-popolazzjoni bbenefikaw bl-istess mod mill-effetti tal-globalizzazzjoni. Barra minn hekk, ħafna persuni mhumiex ċerti dwar il-bidliet kbar li qed iseħħu. L-UE għandha tkompli taqdi rwol attiv fit-tiswir tal-proċess tal-globalizzazzjoni u tagħmel użu attiv mill-opportunitajiet li toffri. L-għan għandu jkun li tiġi żgurata distribuzzjoni aktar ġusta tal-opportunitajiet tal-globalizzazzjoni, kemm fi ħdan l-UE kif ukoll globalment;

4.

jenfasizza r-rwol ewlieni li jaqdu l-kunsiderazzjonijiet strateġiċi dwar il-finanzi, il-pilastru soċjali u l-politika ta’ koeżjoni sabiex jippermettu lill-Kummissjoni twieġeb b’mod aktar kostruttiv għall-isfidi tal-globalizzazzjoni, u jenfasizza l-urġenza għal koordinazzjoni akbar u aħjar ta’ dawk l-aspetti;

5.

jappoġġja l-intenzjoni tal-Kummissjoni li taħdem flimkien mal-imsieħba internazzjonali biex issaħħaħ il-governanza globali għal distribuzzjoni aktar ġusta tal-opportunitajiet tal-globalizzazzjoni. L-aċċettazzjoni ta’ politiki internazzjonali teħtieġ li tiġi mtejba permezz ta’ involviment akbar fid-diskussjonijiet demokratiċi, proċess li jieħu ż-żmien u jirrikjedi tfassil adatt. F’dan ir-rigward, l-UE tista’ tagħmel użu tajjeb tal-esperjenzi tagħha tal-proċess ta’ integrazzjoni Ewropea, u jaħtaħdem favur ordni dinji, paċifiku u multilaterali bbażat fuq regoli robusti;

6.

ifaħħar il-fatt li l-Kummissjoni tirrikonoxxi d-dimensjoni reġjonali qawwija fl-oqsma ta’ politika differenti marbutin mal-globalizzazzjoni, l-impatt tal-globalizzazzjoni li jvarja skont it-territorji (2) u r-responsabbiltà konġunta tal-livelli kollha ta’ gvern biex jagħmlu l-ekonomija Ewropea aktar kompetittiva, sostenibbli u reżiljenti għall-globalizzazzjoni, u jiżguraw li, kif enfasizzat fl-Istħarriġ Annwali dwar it-Tkabbir (SAT) 2017, il-benefiċċji tal-globalizzazzjoni “jitqassmu b’mod ġust fost gruppi differenti fis-soċjetà, b’mod partikolari għaż-żgħażagħ, u li tħassib dwar l-ugwaljanza, il-ġustizzja u l-inklużività jitolbu sensibilizzazzjoni fil-livelli kollha dwar l-impatt tal-politiki u r-riformi dwar id-distribuzzjoni tad-dħul (3)”;

7.

jenfasizza, madankollu, li meta jiġu diskussi l-effetti inugwali tal-globalizzazzjoni fuq is-swieq tax-xogħol, id-dokument ma jindirizzax b’mod adatt kwistjonijiet ta’ kif dawn l-effetti jvarjaw madwar ir-reġjuni tal-Unjoni, l-interazzjonijiet tagħhom mal-kriżi u mal-politiki ta’ awsterità, u r-rilevanza tal-fenomeni ta’ “skills-inflation” u nuqqas ta’ impjieg tas-saffi tal-forza tax-xogħol li għandhom livelli ta’ edukazzjoni superjuri – speċjalment fost il-ġenerazzjonijiet żgħażagħ – u kif dan jorbot mat-tnaqqis fl-impjieg fost il-ħaddiema b’livell ta’ ħiliet aktar baxx;

8.

jenfasizza li huwa essenzjali li tinżamm il-kapaċità tal-awtoritajiet lokali u reġjonali li jinvestu bħala fattur ta’ reżiljenza għall-globalizzazzjoni. Itenni għalhekk it-talba li n-nefqa pubblika mill-Istati Membri u l-awtoritajiet lokali u reġjonali fil-qafas tal-kofinanzjament tal-Fondi SIE u l-BEI m’għandhiex tiġi inkluża man-nefqa strutturali kif iddefinit fil-Patt ta’ Stabbiltà u Tkabbir (PST), peress li tali investimenti huma bħala definizzjoni ta’ interess Ewropew ġenerali u għandhom effett ta’ ingranaġġ ipprovat fir-rigward tat-trawwim ta’ tkabbir ekonomiku (4);

9.

itenni l-fehma qawwija tiegħu li t-tkabbir ma jistax jimxi id f’id mal-inugwaljanzi u l-esklużjoni soċjali, u jfakkar li l-Artikolu 3(3) tat-TUE tal-UE għandu impenn li jibni ekonomija tas-suq soċjali kompetittiva ħafna, bl-għan ta’ impjieg għal kulħadd u progress soċjali; madankollu, jenfasizza, li l-Artikolu 9 tat-TFUE, jiġifieri, “il-klawsola soċjali” orizzontali ta’ dak it-Trattat, titlob lill-UE tqis ir-rekwiżiti marbuta mal-garanzija ta’ livell adatt ta’ protezzjoni soċjali u l-ġlieda kontra l-esklużjoni soċjali fil-politiki u l-attivitajiet kollha tagħha;

10.

jirrimarka li, skont studji li saru dan l-aħħar, l-ispejjeż tal-protezzjoni soċjali mhumiex ta’ ħsara għall-kompetittività u li, għaldaqstant, is-sistemi tas-sigurtà soċjali nazzjonali għandhom minflok jitqiesu bħala fattur produttiv u mhux piż fuq l-ekonomija, u f’dan ir-rigward jinnota li, għall-ewwel darba, anke l-OSKE (5) tqis l-inklużjoni bħala objettiv primarju flimkien mal-produttività u l-impjieg, filwaqt li tfakkar fil-ħtieġa li l-gvernijiet jagħtu aktar attenzjoni lill-gruppi soċjali l-iktar esposti għall-ispejjeż tar-riformi;

11.

itenni t-tħassib li r-regoli fiskali Ewropej xi kultant jagħmluha diffiċli għar-ridistribuzzjoni tal-benefiċċji tal-globalizzazzjoni għas-sezzjonijiet żvantaġġati tas-soċjetà iżda spiss anke jżidu d-diffikultà tagħhom peress li l-mekkaniżmi tal-protezzjoni soċjali u r-ridistribuzzjoni tal-ġid tnaqqsu; jenfasizza r-rwol fundamentali li jaqdu l-awtoritajiet lokali u reġjonali sabiex jipprovdu servizzi pubbliċi (6) u jinnota b’dispjaċir kbir id-diffikultajiet dejjem akbar li jsibu meta jiġu biex jiżguraw l-innovazzjoni f’dawk is-servizzi u ż-żamma tal-kwalità għolja tagħhom, bħala riżultat tal-istess regoli fiskali; Jistenna għalhekk rikonoxximent akbar b’mod partikolari fil-proċess tas-Semestru Ewropew tar-rwol li jaqdu l-awtoritajiet lokali u reġjonali fl-implimentazzjoni tal-Għan 11 tal-Għanijiet ta’ Żvilupp Sostenibbli fir-rigward l-inklużività, is-sikurezza, ir-reżiljenza u s-sostenibbiltà;

12.

jilqa’ bi pjaċir id-Dokument ta’ Riflessjoni tal-Kummissjoni dwar id-dimensjoni soċjali tal-Ewropa (7) u l-proposta tagħha dwar Pilastru Ewropew tad-drittijiet soċjali, u jqis li ż-żewġ inizjattivi huma passi deċiżivi fil-proċess għal konverġenza akbar lejn kundizzjonijiet ta’ xogħol u għajxien aħjar fl-Ewropa, u għal tqassim aħjar tal-benefiċċji tal-globalizzazzjoni; jappoġġja l-idea ta’ tabella ta’ valutazzjoni soċjali u huwa tal-opinjoni li għandhom jiġu inklużi miri soċjali ta’ natura vinkolanti;

13.

jissuġġerixxi li ma tibqax issir promozzjoni ta’ “riformi strutturali li jinjoraw l-ispazju” filwaqt li titfassal strateġija tal-UE għall-isfruttar tal-globalizzazzjoni mibnija fuq tliet assi prinċipali: strateġija proattiva ċara dwar it-titjib tal-ħiliet, l-għarfien, l-infrastruttura, u b’hekk il-kompetittività reġjonali sabiex it-territorji kollha tal-UE jiġu mgħejuna jisfruttaw l-opportunitajiet tal-globalizzazzjoni, strateġija għall-migrazzjoni li tinkludi Fond Ewropew ta’ Aġġustament għall-Globalizzazzjoni (FEG) u strumenti oħrajn ta’ politika soċjali, u strateġija parteċipatorja mibnija fuq ir-responsabbiltà fil-livell Ewropew, nazzjonali, reġjonali u lokali għal involviment aħjar taċ-ċittadini fit-tfassil tal-politiki tal-UE;

14.

itenni l-importanza ta’ approċċ imġedded u msaħħaħ ibbażat fuq il-post għall-politiki Ewropej li jippermetti governanza effikaċi tal-proċessi ta’ riorganizzazzjoni u ta’ agglomerazzjoni territorjali ikkawżati mill-integrazzjoni ġenerali tas-swieq. Din ir-riorjentazzjoni, li hija diġà ċentrali għall-politika ta’ koeżjoni, hija essenzjali biex timmitiga ż-żieda fl-inugwaljanzi soċjoterritorjali li seħħew fiż-żoni metropolitani u urbani u bejn dawn iż-żoni u dawk rurali; l-impatt negattiv ta’ dawn l-inugwaljanzi fuq il-livelli ta’ benessri soċjali jistgħu jipperikolaw l-ekwilibriju politiku u istituzzjonali tal-Unjoni.

15.

jenfasizza li l-kummerċ mhuwiex għan aħħari fih nnifsu, iżda għandu jitqies bħala mezz biex jintlaħqu l-objettivi ġenerali tal-UE, kif stabbilit fl-Artikolu 3 tat-TUE, kif ukoll fl-Istrateġija Ewropa 2020, l-Aġenda 2030 għall-Iżvilupp Sostenibbli u l-Għanijiet ta’ Żvilupp Sostenibbli (8);

16.

jilqa’ bi pjaċir l-impenn tal-Kummissjoni biex tiżdied it-trasparenza fil-proċessi ta’ negozjati kummerċjali. Jistieden lill-Kummissjoni Ewropea biex tiżgura li, meta tkun involuta f’negozjati u fil-proċess tat-teħid tad-deċiżjonijiet relatati ma’ ftehimiet kummerċjali, tkun f’kuntatt b’mod effettiv mal-livelli kollha tal-gvern u mal-partijiet interessati meta tkun qed tistabbilixxi pożizzjoni komuni tal-UE u tikkomunika r-riżultati tan-negozjati b’mod effettiv. Jistieden ukoll lill-Istati Membri biex minn issa jżidu t-trasparenza fl-istadju meta l-għanijiet tal-politika tal-kummerċ jiġu fformulati għal negozjati kummerċjali speċifiċi;

17.

jirrimarka li skont l-Artikolu 3(1) tat-TFUE, il-politika kummerċjali komuni hija fost il-kompetenzi esklużivi tal-UE. Madankollu, fejn in-negozjati tal-kummerċ ikopru wkoll oqsma ta’ kompetenzi kondiviżi mal-Istati Membri, it-tqassim tal-kompetenzi f’dawk il-kompetenzi għandu jiġi ċċarat ukoll fl-iktar stadju kmieni possibbli anke b’referenza għall-prinċipju tas-sussidjarjetà;

18.

iqis li l-Kummissjoni u l-Istati Membri għandhom jadottaw miżuri biex jiżguraw li l-awtoritajiet lokali u reġjonali jiġu involuti fil-proċessi ta’ negozjar kummerċjali

19.

jenfasizza li, ftit jiem wara r-rilaxx tad-Dokument ta’ Riflessjoni tal-Kummissjoni (10 ta’ Mejju 2017), fis-16 ta’ Mejju 2017, il-Qorti Ewropea tal-Ġustizzja ppreżentat l-Opinjoni tagħha 2/2015 dar il-ftehim ta’ kummerċ ħieles ma’ Singapore, li tasal għall-konklużjoni li dan it-tip ta’ ftehim jaqa’ taħt il-kompetenza esklużiva tal-UE, bl-eċċezzjoni tad-dispożizzjonijiet relatati mal-protezzjoni tal-investiment, li jikkonċernaw kompetenza kondiviża bejn l-UE u l-Istati Membri. Għalhekk, il-Kummissjoni jista’ jkollha t-tendenza li fil-ġejjieni tipproponi ftehimiet ta’ kummerċ li jkopru biss oqsma ta’ kompetenzi esklużivi tal-UE. Madankollu, dan l-approċċ ma għandux iwassal biex il-Kummissjoni tnaqqas l-ambizzjonijiet tagħha f’termini ta’ trasparenza u inklużività fir-rigward tal-livelli kollha tal-gvern. Il-KtR għalhekk jistenna li l-Kummissjoni tipprevedi rappreżentanza tal-KtR fi ħdan il-Grupp Konsultattiv dwar in-negozjati kummerċjali tal-UE li l-istabbiliment tiegħu tħabbar fil-Komunikazzjoni tagħha tat-13 ta’ Settembru 2017 dwar “Politika tal-Kummerċ Ibbilanċjata u Progressiva biex tiġi sfruttata l-Globalizzazzjoni” (9);

20.

jistieden lill-Kummissjoni tikseb il-miri tal-Aġenda 2030 għall-Iżvilupp Sostenibbli permezz tal-Konsensus Ewropew ġdid dwar il-politiki tal-iżvilupp. Il-ġlieda kontra l-kawżi strutturali tal-faqar u l-inugwaljanzi globali li dejjem qed jikbru tista’ tikkontribwixxi wkoll biex jitnaqqsu l-kawżi tal-migrazzjoni

21.

jinnota li l-akbar sehem tat-tkabbir dinji se jiġi minn barra l-UE fil-futur. Fl-istess ħin, l-ostakli tariffarji diġà tnaqqsu b’mod konsiderevoli permezz ta’ ftehimiet multilaterali u bilaterali. Jistenna għaldaqstant li ssir aktar pressjoni fuq l-ostakli nontariffarji (ONT) u kwistjonijiet regolatorji. Madankollu, id-dritt tal-awtoritajiet Ewropej u l-awtoritajiet nazzjonali, reġjonali u lokali li jirregolaw fl-interess pubbliku, kif ukoll ir-rwol u d-diskrezzjoni wiesgħa tal-awtoritajiet nazzjonali, reġjonali u lokali fl-organizzazzjoni u l-provvediment ta’ servizzi ta’ interess ekonomiku ġenerali, xorta għandhom jiġu rrispettati b’mod sħiħ. Il-kooperazzjoni regolatorja m’għandhiex iddgħajjef il-proċessi leġislattivi demokratiċi;

22.

jilqa’ bi pjaċir l-approċċ tal-Kummissjoni biex tippromovi t-tkabbir sostenibbli u l-ħolqien ta’ impjiegi f’pajjiżi li qed jiżviluppaw permezz tat-tisħiħ tal-kooperazzjoni mas-settur privat fil-qafas tal-Pjan ta’ Investiment Estern propost, li jagħmel parti mill-Fond Ewropew għall-Iżvilupp Sostenibbli. F’dan il-kuntest, għandhom jinħolqu strumenti adegwati biex jiġi żgurat li l-investiment privat ikollu impatt sostenibbli u ġust, fl-interessi wkoll tal-pajjiżi li qed jiżviluppaw u mhux orjentati biss għal skopijiet ta’ qligħ;

23.

jenfasizza li fl-Opinjoni tagħha 2/2015, il-Qorti tal-Ġustizzja tqis li “(…) il-liberalizzazzjoni (…) tal-kummerċ (hija) soġġetta għall-kundizzjoni li l-Partijiet jikkonformaw mal-obbligi internazzjonali rigward il-protezzjoni soċjali tal-ħaddiema u l-protezzjoni ambjentali” (paragrafu 166). Iqis għalhekk li d-direttivi ta’ negozjati għan-negozjar ta’ ftehimiet ta’ kummerċ ħieles għandhom iżommu r-rekwiżit ta’ Valutazzjonijiet tal-Impatt dwar is-Sostenibbiltà li jsiru minn qabel. Il-ftehimiet kummerċjali għandhom jirrispettaw l-istandards regolatorji eżistenti u l-liġijiet tax-xogħol li għandhom ikunu soġġetti għal kapitolu distint fl-FTAs tal-futur;

24.

jappoġġja lill-Kummissjoni fl-għan tagħha li taħdem favur ordni dinji paċifiku, multilaterali u bbażat fuq regoli robusti. Dan jinkludi l-implimentazzjoni effettiva u l-iżvilupp ulterjuri trasparenti ta’ ftehimiet kummerċjali u l-konformità magħhom sabiex tkun żgurata kompetizzjoni ġusta, jissaħħu d-drittijiet fundamentali tax-xogħol f’konformità mat-tmien standards ewlenin tax-xogħol tal-Organizzazzjoni Internazzjonali tax-Xogħol (ILO), u jiġu ssalvargwardjati l-istandards Ewropej għoljin tal-protezzjoni, partikolarment fir-rigward tan-Nofsinhar Globali;

25.

jistieden lill-Kunsill biex jilħaq ftehim malajr dwar ir-riforma tal-istrumenti għad-difiża tal-kummerċ u b’mod partikolari dwar il-metodoloġija ġdida tal-antidumping. Barra minn hekk, abbażi tal-Artikolu XXI tal-Ftehim dwar l-Anti-Dumping (GATT agreement), kif ukoll l-Artikoli 65 u 346 tat-TFUE, jitlob l-armonizzazzjoni tal-kriterji għad-definizzjoni ta’ “investimenti strateġiċi” f’termini ta’ valur (livelli limiti tal-intervent) u ta’ setturi, meta s-sigurtà pubblika tkun mhedda u meta l-imsieħba kummerċjali ma jiggarantixxux ir-reċiproċità; Jilqa’ f’dan il-kuntest il-filosofija tal-proposta għal Regolament ippreżentata mill-Kummissjoni fit-13 ta’ Settembru dwar l-iskrinjar tal-investiment barrani f’setturi strateġiċi tal-UE bħala pass importanti lejn kundizzjonijiet ekwi fl-Ewropa u protezzjoni aħjar, b’mod partikolari fil-każ ta’ akkwisti korporattivi fl-UE minn intrapriżi kkontrollati mill-istat ta’ pajjiż terz;

26.

jinnota li fil-konklużjoni ta’ ftehimiet ta’ kummerċ ħieles ulterjuri għandha tingħata attenzjoni biex jiġu rispettati l-istandards għoljin applikati fl-UE, bħal fl-oqsma tal-protezzjoni tal-konsumatur, il-protezzjoni ambjentali u tan-natura, jew il-protezzjoni tad-data;

27.

jenfasizza li bħala ekonomija orjentata lejn l-esportazzjoni, l-UE tista’ biss tiggwadanja meta tinkludi l-akkwist pubbliku fil-ftehimiet ta’ kummerċ internazzjonali. L-UE diġà hija waħda mill-iktar ekonomiji miftuħin fid-dinja f’dan il-qasam minħabba l-Ftehim tad-WTO dwar l-Akkwisti tal-Gvern. Il-ftuħ asimettriku ulterjuri tas-swieq tal-akkwist pubbliku ma jkunx jagħmel sens. Madankollu, id-diskrepanza kbira bejn il-ftuħ tas-swieq tal-akkwist pubbliku tal-UE u l-prattiki restrittivi mill-imsieħba kummerċjali ewlenin u l-fatt li ma hi garantita ebda reċiproċità fil-ftuħ, ifissru li għandha titqies inizjattiva voluntarja u mhux vinkolanti fi ħdan l-UE simili għall-Karta “Buy from European Regions Charter” (Karta dwar l-akkwist minn reġjuni Ewropej), li tkun tappoġġja l-prodotti lokali u reġjonali ta’ kwalità għolja fl-Ewropa. Inizjattiva bħal din tista’, pereżempju, tikkjarifika kif jistgħu jiġu inkoraġġiti l-prodotti “Made in European Regions”. Il-KtR itenni wkoll it-talba li ilu jagħmel lill-Kummissjoni biex tippreżenta proposta leġislattiva dwar l-estensjoni tal-protezzjoni tal-indikazzjoni ġeografika għal prodotti mhux agrikoli;

28.

jenfasizza li l-persentaġġ ta’ SMEs involuti f’attivitajiet internazzjonali għadu baxx ħafna; jirrikonoxxi l-importanza ta’ diplomazija ekonomika tal-UE sabiex isir użu sħiħ ta’ dan il-potenzjal mhux sfruttat u jenfasizza l-ħtieġa għal koordinazzjoni aħjar bejn l-UE, l-Istati Membri, l-awtoritajiet lokali u reġjonali u l-istituzzjonijiet finanzjarji bħall-Bank Ewropew tal-Investiment (BEI) sabiex jingħelbu ostakli persistenti għall-aċċess għas-suq u għal użu aħjar tan-netwerk ta’ Delegazzjonijiet tal-UE fid-dinja kif ukoll il-Kmamar Ewropej tal-kummerċ u l-industrija;

29.

iqis li l-UE għandha tistabbilixxi t-trasparenza, il-korrettezza u l-effiċjenza tat-taxxa fost l-ogħla prijoritajiet tal-politika kummerċjali tagħha u tiżgura li jkun hemm armonizzazzjoni dinjija fl-implimentazzjoni ta’ standards komuni bħal dawk proposti mill-OECD permezz tal-inizjattiva dwar l-Erożjoni tal-Bażi u Trasferiment tal-Profitt (BEPS);

30.

jappoġġja wkoll it-talba f’dak li għandu x’jaqsam ma’ politika fiskali li fil-kuntest tal-kontinwità tal-proposti tal-Kummissjoni għal Direttivi dwar Bażi għat-Taxxa Korporattiva Konsolidata Komuni, il-Kummissjoni għandha tipproponi li tiġi stabbilita l-hekk imsejħa “equalisation tax” fuq il-fatturat miksub minn kumpaniji diġitali fl-Ewropa, li tkun ibbażata fuq l-Artikolu 116 TFUE, sabiex tiġi evitata distorsjoni tal-kundizzjonijiet tal-kompetizzjoni fis-suq uniku;

31.

jesprimi tħassib, minkejja l-analiżi konsiderevoli li saret mill-Eurofound partikolarment permezz tal-Osservatorju Ewropew tar-Rilokalizzazzjoni (European Reshoring Monitor), dwar in-nuqqas ta’ għodod adatti biex, permezz ta’ data konkreta, jitkejjel l-impatt possibbilment asimmetriku tal-globalizzazzjoni fil-livell reġjonali u, għalhekk, itenni s-sejħa tiegħu biex, qabel it-tnedija tan-negozjati kummerċjali, isiru valutazzjonijiet sistematiċi tal-impatt territorjali mill-Kummissjoni f’kooperazzjoni mal-KtR u ċ-Ċentru ta’ Għarfien dwar Politiki Territorjali tal-JRC;

32.

kien jistenna li d-Dokument ta’ Riflessjoni jipproponi miżuri konkreti għal aġġornament tal-Fond Ewropew ta’ Aġġustament għall-Globalizzazzjoni (FEG), filwaqt li jindirizza n-nuqqasijiet tiegħu, fost oħrajn: l-kamp ta’ applikazzjoni baġitarju limitat tiegħu (EUR 150 miljun fis-sena għall-perjodu 2014-2020); il-proċeduri li jieħdu fit-tul minħabba l-fatt li mhuwiex parti mill-Qafas Finanzjarju Pluriennali tal-UE (QFP); il-proporzjon għoli ta’ kofinanzjament li jintalab mill-Istati Membri (minimu ta 40 %). Għalhekk jappella: għall-ikkomplementar tal-FEG b’fergħa preventiva; li jiżdied il-baġit tiegħu għal mill-inqas EUR 500 miljun fis-sena; l-integrazzjoni tiegħu fil-QFP; li l-kriterji għall-iskattar tal-FEG jonqsu b’mod sinifikanti (10); jiġu żgurati sinerġiji mal-Fondi Strutturali u ta’ Investiment Ewropej; tiġi żgurata flessibbiltà akbar sabiex ikunu jistgħu jiġu indirizzati l-ħtiġijiet speċifiċi tar-reġjuni u t-territorji;

33.

huwa konvint li l-pressjonijiet globali attwali jirrikjedu strateġija industrijali tal-UE komprensiva u bbażata fuq il-post (11), li tkopri l-koordinazzjoni strateġika bejn il-politiki u l-istrumenti rilevanti tal-UE;

34.

jenfasizza li, kif iddikjarat fid-dokumenti tal-Kummissjoni, it-trasformazzjoni ekonomika ewlenija ssir fil-livell lokali, fejn jinteraġixxu l-industrija u l-persuni. Għalhekk il-prijorità għandha tkun li niffukaw fuq il-ħtiġijiet ta’ investiment fil-livell lokali u reġjonali bil-għan li r-reġjuni kollha jkunu jistgħu jibbenefikaw mis-suq intern u jkunu ppreparati aħjar sabiex jindirizzaw l-isfidi tal-globalizzazzjoni. Il-Fondi Strutturali u ta’ Investiment Ewropej, b’mod partikolari l-Fond Ewropew għal Investimenti Strateġiċi, għandhom ikunu kkoordinati biex ir-reġjuni jiġu megħjuna fl-istrateġiji tagħhom ta’ speċjalizzazzjoni “intelliġenti”, u jkunu effettivament aċċessibbli għar-reġjuni kollha permezz ta’ proċess gradwali ta’ innovazzjoni, li għandu jinkludi lill-atturi kollha tat-territorju;

35.

jisħaq li l-UE, li issa hija l-akbar importatriċi u esportatriċi dinjija tal-ikel, żiedet id-dipendenza tagħha fuq pajjiżi terzi. Il-prezzijiet agrikoli fl-Ewropa qed isiru dejjem aktar marbutin mal-prezz tal-irħas offerent fis-suq dinji u li l-bdiewa Ewropej huma għalhekk soġġetti għal kompetizzjoni akbar, minkejja li huma obbligati jirrispettaw standards ambjentali, soċjali u sanitarji aktar rigorużi; Iż-żieda fid-dipendenza tal-UE fuq l-importazzjonijiet tikkontradixxi wkoll l-għan tagħha tat-tnaqqis tal-emissjonijiet tal-gass b’effett ta’ serra. Barra minn hekk, l-esportazzjonijiet tal-UE ta’ kwantitajiet żejda bi prezzijiet orħos mill-kost ta’ produzzjoni fl-Ewropa jhedded l-għajxien tal-bdiewa fil-pajjiżi li qed jiżviluppaw u jħeġġeġ lill-popolazzjonijiet rurali biex jemigraw, li jmur kontra l-impenn tal-UE għall-Għanijiet ta’ Żvilupp Sostenibbli tan-NU (SDG). Itenni, għalhekk, l-appell tiegħu għal riforma tal-PAK b’tali mod li din issir aktar ġusta u aktar sostenibbli (12);

36.

jesprimi tħassib dwar it-telf ta’ impjiegi, li jirriżulta mir-rilokazzjoni ta’ intrapriżi Ewropej lejn territorji ’l barra mill-Ewropa b’rekwiżiti mnaqqsa fl-oqsma soċjali, fiskali u ambjentali;

37.

jenfasizza li l-Pilastru Ewropew tad-Drittijiet Soċjali jista’ jikkontribwixxi għat-titjib tal-kundizzjonijiet tal-għajxien u tax-xogħol u l-ġlieda kontra l-faqar jekk dan jissarraf f’miżuri konkreti ta’ segwitu leġislattiv u jekk ir-rwol u l-profil tal-indikaturi soċjali jissaħħu fi ħdan is-Semestru Ewropew;

38.

jenfasizza li l-kwistjoni tal-migrazzjoni internazzjonali hija ta’ importanza kruċjali fil-formulazzjoni ta’ strateġija Ewropea dwar il-globalizzazzjoni, u jtenni (13) l-appoġġ tiegħu għall-Aġenda Ewropea dwar il-Migrazzjoni 2015, filwaqt li jinnota b’mod partikolari l-ħtieġa li jiġu segwiti l-impenji li saru b’rabta mal-adozzjoni ta’ politika komuni b’saħħitha fil-qasam tal-asil u l-migrazzjoni legali, mal-bini ta’ sħubiji ma’ pajjiżi terzi li fihom jiġi rikonoxxut ir-rwol tal-awtoritajiet lokali u reġjonali, u mat-tnedija ta’ pjan ta’ investiment internazzjonali bħala parti mill-isforzi fl-implimentazzjoni tal-Għanijiet ta’ Żvilupp tan-NU;

39.

filwaqt li l-migrazzjoni legali ta’ ħaddiema tas-sengħa minn pajjiżi terzi tikkontribwixxi għat-tkabbir sostenibbli tal-ekonomija tal-UE, huwa importanti li jitqies l-impatt negattiv li dan l-eżodu ta’ mħuħ għandu fuq l-iżvilupp ekonomiku futur tal-pajjiżi msieħba;

40.

itenni l-ħtieġa li tissaħħaħ il-kapaċità tal-politika ta’ koeżjoni kemm biex timmitiga l-effetti negattivi tal-globalizzazzjoni madwar l-Ewropa kif ukoll biex tiżviluppa l-effetti pożittivi permezz tat-tfassil u l-implimentazzjoni ta’ strateġiji ta’ żvilupp li jgħinu biex l-ekonomija tal-Ewropa issir aktar kompetittiva, sostenibbli u reżiljenti; għal dan il-għan, jenfasizza l-ħtieġa għal investiment fir-rwol tal-awtoritajiet lokali u fil-kapaċità tagħhom biex jimmobilizzaw ir-riżorsi essenzjali – l-informazzjoni, l-għarfien espert u l-leġittimità – sabiex jiġu żviluppati dawn l-istrateġiji, b’attenzjoni partikolari għar-reġjuni li huma l-aktar vulnerabbli għall-isfidi mill-kompetizzjoni internazzjonali (id-dritt territorjali għall-globalizzazzjoni);

41.

jenfasizza l-kontribut li jsir mill-migranti lejn l-ekonomiji tal-pajjiżi ospitanti tagħhom; jappella għal aktar enfasi fuq l-integrazzjoni tagħhom b’mod effettiv permezz tal-edukazzjoni u t-taħriġ vokazzjonali;

42.

jiddispjaċih li fid-dokument, il-ħtieġa li tittejjeb il-kapaċità istituzzjonali fil-livelli kollha ta’ gvern mhix speċifikata bħala prerekwiżit fundamentali għal implimentazzjoni effettiva tal-istrumenti kollha li għandhom l-għan li jrawmu l-iżvilupp territorjali, u jiġbed l-attenzjoni għall-fatt li l-analiżi tal-KtR turi li 53 % tar-rakkomandazzjonijiet speċifiċi għall-pajjiż tal-2017 iqisu din il-kwistjoni ta’ kapaċità, u li l-progress fl-implimentazzjoni kien partikolarment baxx f’dan il-qasam. Itenni l-appell tiegħu għal Kodiċi ta’ Kondotta li jagħti dimensjoni territorjali lis-Semestru Ewropew, li huwa l-għodda prinċipali għal koordinazzjoni tal-politika ekonomika u fiskali fil-livell tal-UE, iżda li ma jrendix dak li wiegħed minħabba l-implimentazzjoni batuta tar-rakkomandazzjonijiet speċifiċi għall-pajjiż u sens ta’ sjieda dgħajjef;

43.

jenfasizza l-kontribut li l-Aġenda Urbana għall-UE – il-Patt ta’ Amsterdam – toffri sabiex jiġu żviluppati l-politiki dwar l-iżvilupp reġjonali, u jissuġġerixxi li jissaħħu aktar l-istrumenti għall-implimentazzjoni tagħha (URBACT, l-Azzjonijiet Innovattivi Urbani, il-Patt tas-Sindki, Bliet u Komunitajiet Intelliġenti) u fl-istess ħin jistieden lill-Kummissjoni tiżgura użu akbar tal-istrumenti ewlenin tal-politika ta’ koeżjoni bħalma huma l-Investiment Territorjali Integrat (ITI) u l-Iżvilupp Lokali Mmexxi mill-Komunità (CLLD), li rari ntużaw sal-lum;

44.

jistieden lill-Kummissjoni, biex meta tkun qed tiżviluppa aktar il-FEG, tagħti attenzjoni partikolari lir-reġjuni u l-muniċipalitajiet li qed jintlaqtu partikolarment ħażin mill-effetti negattivi tal-globalizzazzjoni, sabiex ma jibqgħux lura bħala “telliefa tal-proċess tal-globalizzazzjoni. L-iżviluppi li ġġib magħha l-globalizzazzjoni għandhom ikunu ta’ benefiċċju għaċ-ċittadini kollha tal-UE;

45.

jenfasizza li, f’konformità mar-riforma tal-politika ta’ koeżjoni (14), hemm bżonn ta’ approċċi divrenzjati u riforma abbażi tal-livell lokali, li, fost oħrajn, jisfruttaw il-karatteristiċi u l-potenzjal taż-żoni rurali, sabiex jiġi stabbilit mudell ta’ żvilupp aktar sostenibbli, abbażi tal-preservazzjoni tal-bilanċ ambjentali u demografiku Ewropew u b’użu sħiħ tar-riżorsi (15);

46.

jistieden lill-Kummissjoni biex tiżviluppa aktar il-kunċett ta’ “reżiljenza territorjali” filwaqt li tippreżenta paradigma Ewropea li gradwalment tinfluwenza l-politiki individwali tal-Unjoni Ewropea. Fl-iżvilupp ta’ din il-paradigma għandhom jiġu kkunsidrati kwistjonijiet ewlenin bħalma huma d-diversifikazzjoni tal-bażijiet territorjali u ekonomiċi tal-produzzjoni, l-iżvilupp ta’ relazzjonijiet istituzzjonali bejn iż-żoni urbani, suburbani u rurali, it-trasformazzjoni sostenibbli taċ-ċikli tar-riżorsi, il-kapaċità ta’ reazzjoni għal riskji u sfidi emerġenti bħat-tibdil fil-klima, u l-iżvilupp proattiv tal-kapital soċjali fil-livell lokali.

13.2.2018   

MT

Il-Ġurnal Uffiċjali tal-Unjoni Ewropea

C 54/38

1.

jilqa’ l-Komunikazzjoni tal-Kummissjoni dwar Approċċ Strateġiku għar-Reżiljenza fl-azzjoni esterna tal-UE (JOIN(2017) 21 final), u b’mod partikolari l-enfasi fuq ir-rwol importanti tal-awtoritajiet lokali u reġjonali bħala atturi ewlenin fit-tisħiħ tar-reżiljenza fil-viċinat tal-UE abbażi tal-prinċipji tas-sussidjarjetà u tal-proporzjonalità; jinnota madankollu li l-enfasi fuq ir-rwol tagħhom għandha tissarraf f’miżuri politiċi tanġibbli mill-Unjoni Ewropea u l-Istati Membri tagħha, billi pereżempju l-awtoritajiet lokali u reġjonali tal-pajjiżi msieħba tal-UE, kif ukoll l-assoċjazzjonijiet tagħhom, jiġu involuti fl-azzjoni esterna tal-UE, filwaqt li jiġi appoġġjat il-bini tal-kapaċità tal-awtoritajiet lokali u reġjonali f’diversi oqsma ta’ politika, eċċ.

2.

Jaqbel mad-definizjoni ta’ reżiljenza stipulats fid-dokument dwar l-Istrateġija Globali tal-UE (EUGS), iżda jistieden lill-Kummissjoni biex tagħraf li l-awtoritajiet lokali u reġjonali jibnu soċjetajiet reżiljenti u huma l-pedament ta’ demokrazija stabbli, fejn il-pajjiżi jiġu megħjuna jsiru aktar reżiljenti. Jemmen li l-approċċ strateġiku tal-UE għandu josserva l-prinċipju minn isfel għal fuq u għandu wkoll jassisti u jiffaċilita l-iskambju ta’ prattiki tajba fost l-Istati Membri tal-UE u l-awtoritajiet lokali u reġjonali tal-pajjiżi ġirien.

3.

jappoġġja bis-sħiħ l-estensjoni tal-miżuri għat-tisħiħ tar-reżiljenza, b’konformità mal-Istrateġija Globali tal-UE, b’enfasi partikolari primarjament fuq ir-relazzjonijiet mal-viċinat tal-Lvant u tan-Nofsinhar tal-UE, iżda wkoll fuq ir-relazzjonijiet ma’ dawk il-pajjiżi terzi li magħhom l-Istati Membri tal-UE għandhom rabta ta’ kooperazzjoni preferenzjali.

4.

jenfasizza l-ħtieġa li jiġu żviluppati strumenti adegwati, effiċjenti u flessibbli ta’ għajnuna finanzjarja u teknika għat-tibdil li qiegħed iseħħ, u li ħafna minnhom jeħtieġ li jintużaw sabiex jiġu implimentati miżuri konkreti li għandhom l-għan li jsaħħu r-reżiljenza minflok ikopru l-ispejjeż amministrattivi tal-programm.

5.

jenfasizza l-importanza ta’ kooperazzjoni effiċjenti bejn l-Unjoni Ewropea u l-organizzazzjonijiet imsieħba bħan-Nazzjonijiet Uniti u l-Fond Monetarju Internazzjonali, peress li lkoll jaqsmu l-għan li jsaħħu r-reżiljenza.

6.

jappoġġja l-erba’ elementi kostitwenti (analiżi mtejba tar-riskji u l-kawżi tan-nuqqas ta’ reżiljenza; monitoraġġ aħjar tal-pressjoni esterna sabiex tkun tista’ tittieħed azzjoni minn kmieni; l-integrazzjoni tar-reżiljenza fl-ipprogrammar u l-iffinanzjar tal-azzjoni esterna; l-iżvilupp ta’ strateġiji u prattiki internazzjonali dwar ir-reżiljenza) kif ukoll l-10 prinċipji gwida, stabbiliti fl-anness, għal approċċ strateġiku għar-reżiljenza, li jiżguraw li dan l-approċċ jintrabat mal-azzjoni esterna tal-UE u li jidentifikaw l-awtoritajiet lokali u reġjonali bħala atturi indispensabbli, li mingħajrhom ma jkunx possibbli li jingħata kontribut effettiv għall-iżvilupp tal-istrateġija, ta’ djalogu dwar il-politika, l-ippjanar tal-għajnuna u l-implimentazzjoni ta’ soluzzjonijiet.

7.

jinnota li l-kwistjoni tar-reżiljenza għandha tkun inkorporata fil-kuntest rilevanti — il-politiki tal-iżvilupp, l-investiment u l-edukazzjoni — kif ukoll fil-ftehimiet dwar il-kooperazzjoni internazzjonali, u b’hekk ikunu jistgħu jiġu ppjanati aħjar il-miżuri li jsaħħu r-reżiljenza, inkluż miżuri lokali, reġjonali u transkonfinali.

8.

jaqbel li t-tisħiħ tar-reżiljenza esterna hija mezz biex jintlaħaq għan, u mhux għan fih innifsu. Għaldaqtant jinħtieġu miżuri fit-tul li jinkludu l-istituzzjonijiet statali, tas-soċjetà u lokali tal-Istati Membri tal-UE kif ukoll tal-pajjiżi msieħba u dan sabiex tissaħħaħ is-sigurtà u jinkiseb l-objettiv ta’ stabbiltà dejjiema.

9.

Jenfasizza li sabiex tinbena r-reżiljenza, l-implimentazzjoni tal-istrateġiji u l-pjani nazzjonali, reġjonali u lokali tal-ġestjoni tar-riskju jridu jiġu mħeġġa; analiżi tal-konformità tagħhom mal-Qafas Sendai għat-Tnaqqis tar-Riskju tad-Diżastri 2015-2030 (1) għandha tiġi promossa wkoll. Jenfasizza wkoll l-importanza tal-iżvilupp tal-kooperazzjoni bejn il-bliet u r-reġjuni u r-rwol li għandhom f’dan ir-rigward mill-Uffiċċju tan-Nazzjonijiet Uniti għat-Tnaqqis tar-Riskju tad-Diżastri u l-kampanja “Making Cities Resilient”.

10.

huwa tal-opinjoni li l-miżuri fil-qasam tal-migrazzjoni għandhom jiġu kkunsidrati b’mod komprensiv fil-kuntest tar-relazzjoni politika ġenerali tagħna mal-pajjiżi msieħba. Dawn il-miżuri għandhom ikunu bbażati fuq il-prinċipji ta’ awtoregolazzjoni tal-imsieħba, il-kooperazzjoni u r-rispett sħiħ tad-dritt umanitarju u dwar ir-refuġjati kif ukoll l-obbligi tad-drittijiet tal-bniedem, inkluż id-dritt għall-protezzjoni.

11.

jinnota l-pożizzjoni tal-Kummissjoni Ewropea dwar id-dimensjoni tal-ġeneru u s-setturi partikolarment vulnerabbli, iżda jiġbed l-attenzjoni għall-bżonn li tissaħħaħ b’mod aktar effettiv ir-reżiljenza ta’ dawk l-aktar vulnerabbli. L-aktar setturi u gruppi vulnerabbli jistgħu jvarjaw skont il-post fejn jgħixu u anke l-livell ta’ theddid jista’ jvarja bejniethom. Għalhekk, dawn is-setturi u l-gruppi soċjali sikwit ikollhom bżonn attenzjoni akbar bħala parti mill-isforzi għat-tisħiħ tar-reżiljenza.

12.

jistenna li jissaħħu l-miżuri bil-għan li tiġi aċċellerata l-implimentazzjoni tal-Istrateġija Globali tal-UE u jenfasizza l-importanza ta’ approċċ ibbażat fuq il-post li jinvolvi lill-awtoritajiet lokali u reġjonali fl-implimentazzjoni tal-għanijiet tal-Istratġija Globali tal-UE b’rabta mal-Għanijiet ta’ Żvilupp Sostenibbli, bħala parti mill-Aġenda 2030 għall-Iżvilupp Sostenibbli.

13.

jenfasizza r-rwol importanti li jaqdu l-awtoritajiet lokali u reġjonali fit-tisħiħ tar-reżiljenza, peress li huma l-ewwel livell fejn jittieħdu d-deċiżjonijiet u jitfasslu reazzjonijiet f’każ ta’ riskju jew theddid; huma wkoll il-livell ta’ gvern li huwa l-eqreb taċ-ċittadini u li għandhom jipprovdu bażi għal governanza u demokrazija tajba. L-awtoritajiet lokali huma responsabbli għas-servizzi ta’ emerġenza (pulizija, servizzi tat-tifi tan-nar, servizzi mediċi) u għandhom l-aktar għarfien estensiv taż-żona u l-komunità lokali, għaldaqstant għandhom influwenza kbira fuq ir-robustezza u l-kwalità tar-reżiljenza.

14.

jirrimarka li l-miżuri kollha mmirati lejn it-tisħiħ tar-reżiljenza kif ukoll il-kooperazzjoni mal-awtoritajiet lokali u reġjonali għandhom jitwettqu f’konformità mal-prinċipji tas-sussidjarjetà u tal-proporzjonalità;

15.

jiġbed l-attenzjoni b’mod partikolari għall-importanza tal-kapaċità tal-atturi lokali fl-oqsma tal-komunikazzjoni, il-prevenzjoni u r-rispons f’każ ta’ periklu kif ukoll fl-irkupru sussegwenti — dan jgħodd kemm għall-familji, l-assoċjazzjonijiet u l-knejjes kif ukoll għal-livelli kollha tal-awtoritajiet lokali u reġjonali.

16.

jiġbed l-attenzjoni għar-rwol tal-awtoritajiet lokali u reġjonali fl-identifikazzjoni u l-valutazzjoni tar-riskji. Permezz ta’ mekkaniżmi għall-ġestjoni tal-kriżijiet li jkunu żvilulppati sew u ttestjati, adatti għall-kundizzjonijiet u l-karatteristiċi tal-komunità lokali, l-awtoritajiet lokali u reġjonali jistgħu jidentifikaw b’mod rapidu u effettiv it-theddid u r-riskji li jirrappreżentaw. Għaldaqstant, għandha tingħata aktar attenzjoni lir-rapporti u l-analiżi tar-reġjuni u l-muniċipalitajiet fl-identifikazzjoni u l-valutazzjoni tar-riskji.

17.

jiġbed l-attenzjoni għall-fatt li l-esperjenza tal-awtoritajiet lokali u reġjonali għandha tiġi kkunsidrata sabiex tissaħħaħ il-kooperazzjoni bejn l-atturi tal-UE (fil-qasam politiku, tal-għajnuna umanitarja u tal-iżvilupp) bil-għan li jintemmu l-kriżijiet fit-tul fil-viċinat tal-UE, fost affarijiet oħra permezz ta’ netwerk ta’ kuntatti, il-prattiki tajba, il-promozzjoni tad-djalogu, eċċ. F’dan ir-rigward, l-UE għandha potenzjal enormi li għandha tisfrutta, li ġej mill-esperjenza miksuba mir-reġjuni tal-Lvant u tan-Nofsinhar tagħha jew mir-reġjuni ultraperiferiċi, li minħabba s-sitwazzjoni ġeostrateġika tagħhom ilhom snin jikkooperaw mill-qrib mal-pajjiżi ġirien tagħhom.

18.

jenfasizza li l-kapaċitajiet tal-muniċipalitajiet fil-qasam tal-ġestjoni tar-riskju u r-rispons bikri għandhom jissaħħu b’mod kontinwu.

19.

jitlob li jittieħdu miżuri biex jgħinu lill-awtoritajiet lokali u reġjonali jwettqu l-kompiti tagħhom fil-qasam tal-protezzjoni tal-infrastruttura kritika, fejn il-finanzjament ta’ din il-protezzjoni, kif ukoll l-allokazzjoni ta’ riżorsi u mezzi rilevanti ta’ appoġġ jingħataw attenzjoni partikolari.

20.

Jinnota li għandu jingħata aktar appoġġ lill-ħidma tad-diversi istituzzjonijiet transkonfinali u tal-Ewroreġjuni — b’mod partikolari dawk li jinsabu fil-fruntieri esterni tal-UE — sabiex tissaħħaħ ir-reżiljenza billi jiġu implimentati proġetti transkonfinali reġjonali fil-qasam tal-infrastruttura, tas-sigurtà, dak soċjali, tal-edukazzjoni, dak ekonomiku u kulturali.

21.

jinnota wkoll li hemm bżonn li jittieħdu aktar miżuri favur l-għoti aktar effiċjenti ta’ informazzjoni dwar it-theddid u x-xokkijiet, li jistgħu jinfluwenzaw b’mod negattiv ir-reżiljenza. L-awtoritajiet lokali u reġjonali għandhom ikunu assolutament involuti fil-miżuri ta’ informazzjoni f’dan il-qasam.

22.

jenfasizza li s-soluzzjonijiet, il-proċeduri u l-aħjar prattiki ttestjati fir-reġjuni mill-awtoritajiet lokali u reġjonali għandhom jiġu trasferiti fil-livell nazzjonali u jkun xieraq li titfassal lista tal-aħjar prattiki tal-awtoritajiet lokali u reġjonali u li tkun għad-dispożizzjoni tar-reġjuni u l-muniċipalitajiet tal-UE kif ukoll ir-reġjuni li jagħmlu parti mill-Politika Ewropea tal-Viċinat.

23.

Jirrakkomanda li tingħata attenzjoni partikolari lill-kooperazzjoni bejn l-awtoritajiet lokali u reġjonali dwar l-edukazzjoni, li hija kruċjali biex jinbnew soċjetajiet reżiljenti. Iħeġġeġ lill-istituzzjonijiet tal-UE biex jappoġġjaw lill-awtoritajiet lokali u reġjonali f’dan il-qasam, filwaqt li jirrispettaw il-prinċipju tas-sussidjarjetà.

24.

jirrakkomanda li jittieħdu miżuri biex tiżdied is-sensibilizzazzjoni tal-komunitajiet lokali tat-theddid potenzjali — b’mod partikolari t-theddid ibridu kif ukoll it-theddid relatat mas-sigurtà tal-enerġija — u kif l-ambjent lokali jista’ jħejji għal dan it-theddid. Dawn il-miżuri għandhom jitwettqu f’kooperazzjoni mill-qrib mal-istituzzjonijiet u l-kumpaniji xjentifiċi fir-reġjun, l-awtoritajiet tas-sigurtà kompetenti kif ukoll l-awtoritajiet lokali u reġjonali;

25.

Jenfasizza r-rwol tas-soċjetà ċivili bħala fattur ewlieni għall-bini tar-reżistenza. Jiġbed l-attenzjoni b’mod partikolari għall-appoġġ u l-kollaborazzjoni tal-NGOs. L-involviment ċiviku u l-organizzazzjonijiet mingħajr skop ta’ qligħ jagħmluha possibbli li jitfasslu u jiġu implimentati kampanji u attivitajiet ta’ sensibilizzazzjoni moderni u kreattivi u l-għajnuna umanitarja, kif ukoll l-iżvilupp ta’ attitudnijiet ta’ interess ġenerali fis-soċjetà ta’ pajjiżi msieħba, b’mod partikolari f’dawk il-pajjiżi b’riskju għoli ta’ theddid ibridu.

26.

Jenfasizza l-ħtieġa li jiġu intensifikati l-isforzi sabiex tiġi miġġielda l-propaganda ostili minn pajjiżi terzi bħala parti mill-gwerra ibrida. Jilqa’ l-istabbiliment tat-Task Force East StratCom fi ħdan is-Servizz Ewropew għall-Azzjoni Esterna u jirrakkomanda li tiġi żviluppata kooperazzjoni bejn dan il-grupp ta’ ħidma u l-awtoritajiet lokali u reġjonali u nazzjonali.

27.

jindika li l-kooperazzjoni mal-awtoritajiet lokali u reġjonali fil-qasam tal-prevenzjoni tal-kunflitti u l-bini tal-paċi għandha tissaħħaħ. L-awtoritajiet lokali u reġjonali huma l-livell ta’ gvern li jinsab l-eqreb taċ-ċittadini u għalhekk, apparti li jikkostitwixxu l-livell li l-aktar jaf il-komunità lokali, jaqdu wkoll rwol importanti fit-tmexxija u r-rappreżentazzjoni ta’ dawn il-komunitajiet.

28.

jenfasizza l-esperjenza proprja tal-kooperazzjoni internazzjonali fi ħdan l-Assemblea Reġjonali u Lokali Ewro-Mediterranja (ARLEM) u l-Konferenza tal-Awtoritajiet Lokali u Reġjonali għas-Sħubija tal-Lvant (CORLEAP), kif ukoll fil-kumitati konsultattivi konġunti u l-gruppi ta’ ħidma; jirrakkomanda li dawn il-pjattaformi u l-esperjenzi tagħhom jintużaw fit-tisħiħ tar-reżiljenza tal-pajjiżi koperti mill-Politika Ewropea tal-Viċinat.

29.

Jenfasizza l-importanza tal-kondiviżjoni tal-għarfien, kif ukoll il-kompetenza esperta u l-aħjar prattiki, bejn l-awtoritajiet lokali u reġjonali mill-UE u minn pajjiżi terzi, kemm fil-livell politiku kif ukoll fil-livell amministrattiv. Jenfasizza r-rwol pożittiv li jaqdi l-KtR f’dan ir-rigward b’rabta mal-Libja (permezz tal-Inizjattiva ta’ Nikosija) u l-Ukrajna (permezz tal-programm U-LEAD).

30.

Jaqbel mal-Komunikazzjoni mill-Kummissjoni li l-kooperazzjoni mal-OSKE jeħtieġ li tiġi żviluppata aktar sabiex jiġu evitati kunflitti armati. Jindika wkoll il-ħtieġa għal kooperazzjoni aktar mill-qrib man-NU, l-Unjoni Afrikana u msieħba internazzjonali oħrajn sabiex tinbena r-reżiljenza.

31.

jilqa’ b’sodisfazzjon il-fatt li l-UE ser tiżgura li l-aħjar prattiki u standards tal-UE, inklużi dawk li jirriżultaw mix-xogħol u l-esperjenza tal-awtoritajiet lokali u reġjonali, jiġu riflessi fi strumenti u approċċi politiki multilaterali rilevanti, inkluż fi ħdan l-ILO, id-WHO u l-G20.

32.

jaqbel li l-bini tar-reżiljenza huwa kompitu multidimensjonali. Il-KtR iqis bħala prijoritarji l-miżuri fl-oqsma tal-infrastruttura, is-sigurtà, l-ekonomija, l-affarijiet soċjali u l-edukazzjoni, li jippermettu żvilupp sostenibbli inklużiv mil-lat soċjali. Ma hemmx dubju dwar ir-rwol tal-awtoritajiet lokali u reġjonali f’dawn l-oqsma. Fir-rigward taż-żona ġeografika, il-KtR jiġbed l-attenzjoni għall-fatt li l-imsieħba tal-Mediterran u tas-Sħubija tal-Lvant għandhom jingħataw prijorità. Fl-istess ħin għandhom jiġu kkunsidrati r-rwol u l-influwenza tal-pajjiżi tal-Lvant Nofsani u l-Asja Ċentrali fir-rigward tar-reżiljenza tal-UE.

33.

huwa tal-fehma li r-riċerka fi ħdan il-programm Orizzont 2020 għandha titwettaq fid-dawl tat-tisħiħ tar-reżiljenza, b’mod partikolari fir-rigward tal-kwistjonijiet tas-sigurtà, l-ekonomija, ix-xjenzi soċjali, il-provvista sikura tal-ikel u l-ilma, il-migrazzjoni u ċ-ċaqliq sfurzat tal-popolazzjoni. Il-KtR jinnota li l-istituzzjonijiet akkademiċi lokali, li huma ċ-ċentri xjentifiċi tar-reġjuni, għandhom ikunu involuti aktar f’din il-ħidma. Għal dan l-għan, jinħtieġu miżuri msaħħa għall-promozzjoni fil-livell istituzzjonali u soċjali.

34.

jaqbel mal-fehma li l-komunikazzjoni strateġika hija għodda effettiva fil-ġlieda kontra t-terroriżmu u l-movimenti estremisti u għall-protezzjoni kontra ċ-ċiberkriminalità. Il-KtR jemmen li huwa essenzjali li l-UE u l-pajjiżi msieħba jiġu protetti mill-aktar fis possibbli mill-influwenza ta’ miżuri esterni ta’ diżinformazzjoni li għandhom l-għan li jiskreditaw is-sistemi politiċi u soċjali li jikkostitwixxu l-bażi tal-identità tagħna, is-sigurtà u l-istabbiltà.

35.

jinnota li l-kapaċità tal-awtoritajiet lokali u reġjonali fil-qasam tar-reżiljenza u l-analiżi tar-riskju għandha taqdi rwol ikbar bil-għan li tissaħħaħ ir-reżiljenza. B’mod partikolari dan huwa l-każ għr-reġjuni mal-konfini tal-UE. Dawn il-miżuri se jwasslu għal iktar sensibilizzazzjoni dwar il-kunflitti fil-viċinat immedjat tal-UE kif ukoll jagħmlu possibbli l-iżvilupp ta’ metodi mtejba għall-valutazzjoni tan-natura u l-impatt tar-riskji, il-pressjoni u l-vulnerabbiltà għax-xokkijiet tal-pajjiżi msieħba.

36.

l-integrazzjoni kuntestwali tar-reżiljenza teħtieġ li tiġi kkunsidrata fil-miżuri settorjali tal-UE fil-livelli differenti (tal-pajjiż, tar-reġjun u tal-komunità). Fil-qafas ta’ approċċ speċifiku, li jikkunsidra ċ-ċirkostanzi eċċezzjonali tas-sitwazzjoni u l-oqsma ta’ applikazzjoni, il-politiki settorjali individwali jkunu jistgħu jikkontribwixxu b’mod effettiv għat-tisħiħ tal-bini tar-reżiljenza.

37.

jenfasizza li l-indirizzar tal-kawżi fundamentali tal-migrazzjoni irregolari (il-faqar, l-inugwaljanza, it-tkabbir tal-popolazzjoni, in-nuqqas ta’ opportunitajiet ta’ impjieg, l-edukazzjoni u l-ekonomija, l-instabbiltà, il-kunflitti, i-traffikar tal-bnedmin, il-kriminalità organizzata, it-tibdil fil-klima, il-ħsara ambjentali u l-konsegwenzi fit-tul taċ-ċaqliq sfurzat) hu wieħed mill-fatturi li jikkontribwixxu għall-bini tar-reżiljenza. Għaldaqstant, wieħed għandu jżomm f’moħħu wkoll li l-appoġġ għall-komunitajiet l-aktar dgħajfa u vulnerabbli huwa l-aktar effettiv jekk jingħata fil-postijiet l-aktar milquta mit-theddid.

38.

jirrakkomanda l-iżvilupp ta’ qafas speċifiku għall-impjiegi u x-xogħol deċenti kif ukoll li jiġu kkunsidrati r-rwol u l-post tal-awtoritajiet lokali u reġjonali fl-oqsma ta’ politika tal-impjiegi u l-affarijiet soċjali, abbażi tal-ħidma tal-Konferenza Internazzjonali dwar ix-Xogħol.

39.

jenfasizza li għandha tingħata attenzjoni partikolari lis-sigurtà tal-infrastruttura kritika tat-trasport, kompitu fejn għandhom jiġu kkunsidrati b’mod partikolari l-awtoritajiet lokali u reġjonali peress li sikwit ikunu direttament responsabbli għall-qagħda tal-infrastruttura u tat-territorji, li minnhom jgħaddu infrastrutturi kritiċi tat-trasport.

40.

Jilqa’ l-fatt li l-Kummissjoni hija impenjata biex taħdem mal-awtoritajiet lokali u reġjonali biex itejbu r-reżiljenza f’żoni urbani li qed jikbru malajr u fejn nuqqas ta’ ppjanar u investiment f’miżuri għall-mitigazzjoni tat-tibdil fil-klima u r-riskji ġeofiżiċi jista’ jwassal biex ix-xokkijiet u l-pressjonijiet jheddu li jikkawżaw dannu kbir lill-popolazzjoni u dannu ekonomiku. L-eliminazzjoni tal-fatturi ta’ riskju prinċipali permezz ta’ investiment pubbliku u privat (abbażi tal-identifikazzjoni tar-riskju) hija aktar kosteffikaċi milli wieħed jistrieħ biss fuq ir-rispons ta’ wara d-diżastru. jenfasizza l-importanza partikolari tal-għajnuna umanitarja f’każijiet ta’ katastrofi ambjentali u naturali u avvenimenti oħra li jkunu jeħtieġu din l-għajnuna.

41.

Jenfasizza l-importanza partikolari ta’ għajnuna umanitarja fir-rigward ta’ diżastri, katastrofi naturali u avvenimenti oħra li jeħtieġu din l-għajnuna. L-għajnuna umanitarja trid tingħata b’rispett sħiħ lejn il-prinċipji fundamentali tal-umanitarjaniżmu, in-newtralità, l-imparzjalità u l-indipendenza, kif ukoll b’rispett għad-drittijiet tal-bniedem skont il-Konvenzjoni ta’ Ġinevra u l-Protokolli Addizzjonali.

13.2.2018   

MT

Il-Ġurnal Uffiċjali tal-Unjoni Ewropea

C 54/43

1.

jenfasizza r-rwol ċentrali tal-awtoritajiet lokali u reġjonali fl-implimentazzjoni tar-rakkomandazzjonijiet tas-Suq Uniku Diġitali, fl-għoti ta’ servizzi diġitali għaċ-ċittadini u fil-ħolqien u l-ġestjoni tal-infrastruttura diġitali bħalma hi l-ġenerazzjoni tad-data. Is-servizzi diġitali jirrappreżentaw ukoll il-mutur tat-tkabbir ekonomiku fil-livell lokali u reġjonali filwaqt li joffru opportunitajiet wiesgħa għall-innovazzjoni, il-ħolqien tal-SMEs u l-intraprenditorija, il-ħolqien tal-impjiegi u l-progress soċjetali;

2.

jikkondividi l-fehma tal-Kummissjoni Ewropea li l-UE u l-Istati Membri għandhom ikunu minn ta’ quddiem biex jagħtu spinta lill-isforzi fil-livell Ewropew, nazzjonali u lokali b’kollaborazzjoni mill-qrib mal-awtoritajiet lokali u reġjonali bil-għan li tinkiseb trasformazzjoni akbar fil-proċeduri u l-istrutturi tal-gvern bl-użu tal-ICT u l-ġenerazzjoni tad-data biex jittejbu r-rilevanza, il-kwalità u l-produttività tal-ħidma u l-effiċjenza tal-awtoritajiet pubbliċi u biex titnaqqas il-burokrazija għall-pubbliku ġenerali u għan-negozju;

3.

jistieden lill-Kummissjoni tappoġġja lill-awtoritajiet lokali u reġjonali fl-attivitajiet ta’ finanzjament tagħhom, billi tkompli tawtorizza l-iskjerament bi prijorità tal-Fondi SIE għall-infrastruttura diġitali bħall-iżvilupp tad-data u l-iżvilupp tal-ħiliet fir-reġjuni Ewropej kollha, u billi tirrikonoxxi l-ostakli teknoloġiċi għal proġetti ta’ żvilupp diġitali fiż-żoni rurali, muntanjużi, gżejjer u żoni skarsament popolati, li għandhom jitqiesu bħala servizzi ta’ interess ekonomiku ġenerali;

4.

jiġbed l-attenzjoni għall-fatt li r-reġjuni żvantaġġati m’għandhomx infrastruttura bażika u l-għarfien espert neċessarji għall-ħolqien ta’ ekonomija bbażata fuq id-data u jirrakkomanda f’dan ir-rigward li jiġi pprovdut appoġġ regolatorju għal dawn ir-reġjuni bl-għan li jiffavorixxi l-aċċess tagħhom għas-suq uniku diġitali Ewropew;

5.

jirrikonoxxi li l-ġbir tad-data huwa element importanti tas-Suq Uniku Diġitali. Din it-tendenza globali emerġenti għandha potenzjal enormi għall-awtoritajiet lokali u reġjonali u għan-negozji f’għadd ta’ oqsma, li jvarjaw mis-saħħa, l-ambjent, is-sigurtà tal-ikel, il-klima u l-effiċjenza fl-użu tar-riżorsi, sal-enerġija, is-sistemi intelliġenti tat-trasport u l-bliet u r-reġjuni intelliġenti;

6.

jilqa’ bi pjaċir it-tħabbira tal-Kummissjoni li se tindirizza r-restrizzjonijiet fuq il-moviment liberu tad-data għal raġunijiet oħrajn minbarra l-protezzjoni tad-data personali fl-UE u r-restrizzjonijiet mhux iġġustifikati fuq il-post tad-data għall-finijiet tal-ħżin jew tal-ipproċessar;

7.

jaqbel li l-iskambju tad-data attwalment għadu limitat. Bil-mod qed ifiġġu swieq tad-data, imma mhumiex użati b’mod wiesa’ mis-settur pubbliku jew privat jew permezz ta’ sħubijiet pubbliċi-privati. L-utenti potenzjali jistgħu ma jkunux mgħammra bl-għodda u bil-ħiliet it-tajba biex jikkwantifikaw il-valur ekonomiku tad-data tagħhom, u jistgħu jibżgħu li jitilfu jew jikkompromettu l-vantaġġ kompetittiv tagħhom meta d-data ssir disponibbli għall-kompetituri. Is-sid tad-data ma jitlef xejn billi jikkondividi d-data: għall-kuntrarju, il-kondiviżjoni tal-għarfien iżżid il-valur tad-data;

8.

jinnota d-diversità ta’ sorsi u tipi ta’ data li jiġu ġġenerati minn magni jew proċessi bbażati fuq teknoloġiji emerġenti, bħalma huwa l-Internet tal-Oġġetti. Dawn joffru ħafna opportunitajiet għal tipi differenti ta’ atturi fis-suq biex ikabbru t-teknoloġiji abilitanti tal-Internet tal-Oġġetti, l-ideat u l-prodotti — bħal pereżempju manifatturi, riċerkaturi u fornituri tal-infrastruttura u b’mod partikolari bliet u reġjuni intelliġenti li qed jiġu żviluppati taħt il-kompetenza tal-awtoritajiet lokali u reġjonali;

9.

jinsisti li l-ftuħ ta’ data li tinqara minn magna ttejjeb il-kondiviżjoni tad-data u tnaqqas il-ħtieġa għal talbiet għal data ad hoc u li ta’ spiss jiswew il-flus. Is-settijiet ta’ indikaturi komprensivi jipprovdu għarfien fid-dibattitu pubbliku u jtejbu t-teħid ta’ deċiżjonijiet fuq livell lokali, u jistgħu jibdlu b’mod pożittiv kif tiġi żviluppata, implimentata, ġestita u mmonitorjata l-politika fuq livell ta’ awtorità lokali u reġjonali;

10.

jenfasizza li l-bliet u r-reġjuni għandhom rwol ewlieni x’jaqdu fil-ħolqien ta’ bażijiet ta’ data ta’ informazzjoni pubblika, fil-provvediment tas-sigurtà tad-data, fl-iżvilupp tal-ħiliet diġitali meħtieġa, u fl-iżgurar u l-iffaċilitar tal-finanzjament għan-netwerks u l-infrastruttura tal-broadband. L-ambjent adatt għall-iskambju transreġjonali u transkonfinali tas-servizzi onlajn jista’ jappoġġja b’mod sostanzjali l-ħolqien ta’ servizzi ta’ livell għoli u l-ekonomija tad-data;

11.

jenfasizza l-kontribut li l-livell lokali u reġjonali jista’ jagħmel ukoll fl-istadji kollha tal-ġbir tad-data u tal-provvediment ta’ servizzi liċ-ċittadini u lin-negozji. Dan jinkludi l-appoġġ għall-ħiliet diġitali u intraprenditorjali biex isir użu sħiħ minn teknoloġiji ġodda, tiġi analizzata l-big data, jiġu mifhuma l-kwistjonijiet taċ-ċibersigurtà, tiżdied l-impjegabbiltà tagħhom, u biex jinħolqu opportunitajiet ġodda ta’ negozju. Dan jista’ jiġi osservat fil-prattika fl-ibliet u fir-reġjuni tal-Ewropa bl-eżempji tajbin tagħhom ta’ kooperazzjoni mal-awtoritajiet nazzjonali u ċ-ċentri ta’ riċerka fil-qasam tal-innovazzjoni u l-interoperabbiltà tas-settur pubbliku;

12.

jilqa’ bi pjaċir il-programm tal-Azzjonijiet Urbani Innovattivi tal-UE mmexxi mill-Kummissjoni u ffinanzjat mill-FEŻR li permezz tiegħu l-ibliet jistgħu jidentifikaw u jittestjaw soluzzjonijiet innovattivi bħall-ġenerazzjoni tad-data għal żvilupp urban sostenibbli;

13.

jirrimarka li l-awtoritajiet lokali u reġjonali għandhom jinfluwenzaw b’mod estensiv u effettiv il-liġijiet li se jaffettwaw il-kompetenzi tal-ekonomija tad-data tagħhom; kwalunkwe Regolament ġdid jista’ joħloq burokrazija u spejjeż bla bżonn għall-muniċipalitajiet u r-reġjuni li fil-fehma tal-Kumitat mhumiex ġustifikati mill-benefiċċji għaċ-ċittadini;

14.

jenfasizza li ċ-ċittadini jistennew standards ta’ protezzjoni tad-data b’saħħithom u effettivi, speċjalment fis-suq uniku diġitali. Il-protezzjoni tad-data qatt ma għandha titqies bħala ostaklu iżda bħala parti integrali tas-suq uniku diġitali. Qafas legali ċar u adattat tal-protezzjoni tad-data għall-ekonomija tad-data huwa għalhekk kruċjali;

15.

jenfasizza li huwa importanti li ssir dinstinzjoni jekk din id-data ġġenerata mill-magni tkunx personali (jiġifieri relatata ma’ persuna ħajja) u għaldaqstant tkun soġġetta għar-Regolament Ġenerali dwar il-Protezzjoni tad-Data (GDPR), mhux personali jew tabilħaqq tirrappreżenta taħlita tat-tnejn;

16.

jitlob li l-qafas regolatorju tal-UE jibqa’ adatta għall-iskop tiegħu fl-ambjent diġitali biex jappoġġja l-innovazzjoni, u biex jisfrutta l-potenzjal sħiħ tas-Suq Uniku, u tal-investiment fl-ekonomija tal-UE;

17.

jappoġġja l-ħtieġa li tingħata ċertezza kemm lill-utenti kif ukoll lill-manifatturi tal-apparat li jiġġenera d-data fir-rigward tar-responsabbiltà potenzjali tagħhom;

18.

jappoġġja l-punt li l-UE jeħtieġ li tiżgura li d-data timxi bejn il-fruntiera u bejn is-setturi, u li tkun tista’ tiġi aċċessata u użata mill-ġdid b’mod ottimali. L-approċċ Ewropew koordinat huwa essenzjali għall-iżvilupp tal-ekonomija tad-data bħala parti mis-suq uniku diġitali;

19.

jilqa’ bi pjaċir il-viżjoni tal-Kummissjoni li tuża l-ftehimiet kummerċjali tal-UE biex tistabbilixxi regoli għall-kummerċ elettroniku u għall-flussi tad-data transkonfinali, u li tindirizza forom ġodda ta’ protezzjoniżmu diġitali mingħajr preġudizzju għar-regoli tal-protezzjoni tad-data tal-UE u f’konformità sħiħa magħhom;

20.

jirrikonoxxi li sabiex jintlaħaq il-potenzjal sħiħ tal-ekonomija tad-data Ewropea, kwalunkwe azzjoni minn Stat Membru li taffettwa l-ħżin jew l-ipproċessar tad-data għandha tkun iggwidata minn “prinċipju ta’ moviment liberu tad-data fl-UE”, bħala konsegwenza tal-obbligi tagħhom skont id-dispożizzjonijiet tal-moviment liberu tas-servizzi u tal-libertà tal-istabbiliment tat-Trattat u leġislazzjoni sekondarja rilevanti;

21.

jilqa’ bi pjaċir ir-Regolament Ġenerali dwar il-Protezzjoni tad-Data (GDPR) u jaqbel li t-tħassib dwar il-privatezza huwa leġittimu. Ir-regoli b’saħħithom dwar il-protezzjoni tad-data joħolqu l-fiduċja li se tippermetti lill-ekonomija diġitali tiżviluppa fis-suq intern kollu, jiġu indirizzati forom ta’ vulnerabbiltà tal-ICT u ta’ kriminalità virtwali potenzjali, u jinħolqu strateġiji preventivi effettivi u koerenti;

22.

jappoġġja d-Direttiva dwar il-Privatezza Elettronika riveduta li hija proposta biex tiżgura livell għoli ta’ protezzjoni f’koerenza sħiħa mal-GDPR;

23.

jirrakkomanda li d-disponibbiltà tad-data għal finijiet regolatorji jew superviżorji, li ma tkunx iddubitata bl-ebda mod, tkun żgurata aħjar permezz tat-titjib tal-kooperazzjoni bejn l-awtoritajiet nazzjonali u l-awtoritajiet lokali u reġjonali, jew bejn dawn l-awtoritajiet u s-settur privat, aktar milli permezz ta’ restrizzjonijiet fuq il-lokalizzazzjoni;

24.

jirrikonoxxi li l-faċilitaturi reali tal-ħżin u l-ipproċessar siguri tad-data huma l-aħjar prattiki fil-ġestjoni tal-ICT l-aktar avvanzati fuq skala ferm akbar minn sistemi individwali;

25.

jenfasizza li l-pakkett il-ġdid għandu jgħin biex jittejbu l-prevenzjoni, l-identifikazzjoni u r-rispons għal inċidenti ċibernetiċi u għandu jwassal għal skambju aħjar tal-informazzjoni u koordinazzjoni bejn l-Istati Membri u l-Kummissjoni fil-konfront ta’ inċidenti ċibernetiċi ewlenin. Sabiex dan jinkiseb ser ikun hemm bżonn ta’ sħubija ġenwina li taħdem u tinvolvi lill-Istati Membri, l-istituzzjonijiet tal-UE, l-awtoritajiet lokali u reġjonali, is-settur privat u s-soċjetà ċivili;

26.

jemmen li peress li l-ksur tas-sigurtà jikkostitwixxi theddida għas-servizzi pubbliċi, pereżempju n-netwerks tat-trasport, l-ilma lokali, il-grilja elettrika, l-enerġija, u peress lil-awtoritajiet lokali u reġjonali jużaw u jipposjedu ħafna prodotti u servizzi ta’ informazzjoni diġitali, u minħabba li l-awtoritajiet lokali u reġjonali għandhom rwol ewlieni x’jaqdu fl-indirizzar taċ-ċiberkriminalità, il-ġbir ta’ data relatata mal-ispazju ċibernetiku u l-protezzjoni tas-sigurtà tad-data;

27.

jenfasizza li l-attakki ċibernetiċi għandhom tendenza jisfruttaw waħda mill-ħames vulnerabbiltajiet ewlenin tat-teknoloġiji diġitali li huma ċentrali għall-bliet u r-reġjuni intelliġenti. Dawn jinkludu dgħufija fis-sigurtà tas-softwer u fil-kriptaġġ tad-data, l-użu ta’ sistemi ta’ legat mhux siguri u manutenzjoni fqira, ħafna interdipendenzi u superfiċje vulnerabbli għall-attakk kbira u kumplessa, effetti kaskata, fejn entitajiet ferm interkonnessi jittrażmettu b’mod rapidu konsegwenzi negattivi lil xulxin, u vulnerabbiltajiet multipli li jirriżultaw minn żbalji umani u minn abbużi deliberati tal-impjegati;

28.

jenfasizza li l-vulnerabbiltajiet tas-sigurtà fil-ġenerazzjoni tad-data jfissru li l-attakki ċibernetiċi fuq infrastruttura urbana importanti u fuq sistemi tal-ġestjoni tal-belt qed jiżdiedu b’implikazzjonijiet għas-sigurtà tal-bniedem u għas-sigurtà. Huwa meħtieġ sett usa’ ta’ interventi sistemiċi u koordinati li jkopru l-mitigazzjoni, il-prevenzjoni, u jiżguraw l-implimentazzjoni kemm permezz ta’ inizjattivi mmexxija mis-suq u regolamentazzjoni mmexxija mill-governanza kif ukoll permezz tal-infurzar;

29.

jenfasizza li s-sigurtà tal-Internet tal-Oġġetti hija varjabbli ħafna, b’xi sistemi neqsin mill-kriptaġġ jew minn ismijiet tal-utent u passwords, u oħrajn suxxettibbli għall-infezzjoni minn malwer u għall-modifikazzjoni tal-firmwer. L-interdipendenzi kumplessi tal-Internet tal-Oġġetti jfissru li għandu superfiċje vulnerabbli għall-attakk kbira u vulnerabbiltajiet multipli;

30.

jinnota li fil-gvern lokali u reġjonali u fi ħdan il-fornituri tas-servizz /infrastruttura pubbliċi, għandu jiġi żviluppat u implimentat taħriġ avvanzat fis-sigurtà fl-organizzazzjonijiet kollha, imma b’mod speċjali għal dawk involuti fl-akkwist elettroniku, fit-tnedija u fit-tħaddim ta’ kuljum tat-teknoloġiji ta’ belt intelliġenti;

31.

jippromovi t-twessigħ u l-approfondiment ta’ strateġiji ta’ mitigazzjoni biex jinkludu s-sigurtà permezz tad-disinn bħala approċċ de facto għall-akkwist mill-bliet u r-reġjuni intelliġenti futuri kollha. Dawn l-istrateġiji għandhom jinkludu l-valutazzjoni komprensiva tal-infrastrutturi urbani u s-sistemi tal-informazzjoni eżistenti u l-patching jew is-sostituzzjoni tas-sigurtà bħala rimedju, il-formazzjoni ta’ timijiet ta’ rispons f’emerġenza relatata mas-sigurtà prinċipali u mal-kompjuters fl-amministrazzjonijiet tal-belt b’ħiliet speċjalizzati u responsabbiltajiet lil hinn minn amministrazzjoni ġenerali tal-IT, u bidla gradwali tat-taħriġ fis-sigurtà u tal-iżvilupp professjonali kontinwu kemm fis-setturi pubbliċi kif ukoll f’dawk kummerċjali;

32.

jenfasizza li l-ġenerazzjoni tad-data personali tqajjem mistoqsijiet fl-oqsma kollha tal-politika tal-gvern lokali u reġjonali. L-awtoritajiet lokali u reġjonali huma kontrolluri u żviluppaturi tad-data — din id-data hija qasam transsettorjali li jikkonċerna l-politika tas-sigurtà u dik tal-ġustizzja kif ukoll is-setturi tal-ekonomija, il-komunikazzjonijiet, l-edukazzjoni, is-saħħa, l-amministrazzjoni, trasport, l-ambjent u l-protezzjoni tal-konsumatur;

33.

jenfasizza l-ħtieġa għat-traċċabbiltà u għall-identifikazzjoni ċara tas-sorsi tad-data bħala prekundizzjoni għall-kontroll reali tad-data fis-suq. Jistgħu jkunu meħtieġa protokolli affidabbli u possibbilment standardizzati għal identifikazzjoni persistenti tas-sorsi tad-data biex tinħoloq il-fiduċja fis-sistema;

34.

jappoġġja l-idea li l-awtoritajiet lokali u reġjonali għandhom jingħataw aċċess għad-data meta dan ikun fl-“interess ġenerali” u jtejjeb b’mod konsiderevoli l-funzjonament tas-settur pubbliku, pereżempju, l-ottimizzazzjoni tas-sistemi tal-ġestjoni tat-traffiku fuq il-bażi ta’ data f’ħin reali minn vetturi privati;

35.

jaqbel mal-prijoritizzazzjoni li kwalunkwe miżura politika għandha tqis din ir-realtà ekonomika u l-qafas legali dwar il-protezzjoni tad-data personali, filwaqt li tirrispetta d-drittijiet fundamentali tal-individwi;

36.

jenfasizza li bħalissa ma jeżistux oqfsa ta’ politika komprensivi fil-livell lokali, nazzjonali jew tal-UE fir-rigward ta’ data mhux ipproċessata ġġenerata mill-magni li ma tikkwalifikax bħala data personali, jew fir-rigward tal-kundizzjonijiet tal-isfruttar u tan-negozjabbiltà ekonomika tagħhom;

37.

iwissi wkoll kontra l-impożizzjoni ta’ restrizzjonijiet eċċessivi fuq l-individwi fl-eżerċizzju tad-dritt tagħhom li jikkontrollaw l-informazzjoni tagħhom stess sabiex tiżdied il-protezzjoni tad-data personali, li jċaħħduhom mill-possibbiltà li jagħtu l-kunsens, b’mod partikolari fir-rigward tal-awtoritajiet lokali u reġjonali;

38.

jinnota r-responsabbiltà ewlenija tal-awtoritajiet indipendenti tal-protezzjoni tad-data fir-rigward tal-protezzjoni ta’ data personali, u l-ħtieġa għal strumenti ta’ inċentiv addizzjonali għall-proċessuri biex jiġu ppremjati l-isforzi għall-protezzjoni tad-data, jiġifieri billi jiġi ffaċilitat il-piż tal-provi għall-proċessuri li joqogħdu għal standards jew kodiċijiet ta’ kondotta esiġenti ta’ awtoregolamentazzjoni;

39.

jitlob li jiġu indirizzati l-inċertezzi legali dwar id-data mhux ipproċessata ġġenerata mill-magni u n-nuqqas ta’ drittijiet ta’ proprjetà intellettwali. Jista’ jittieħed vantaġġ mid-distakki fil-qafas regolatorju, jew mill-inċertezzi legali deskritti hawn fuq, billi jiġu imposti termini tal-kuntratt standard mhux ġusti fuq l-utenti jew permezz ta’ mezzi tekniċi, bħal formati jew kriptaġġ proprjetarji;

40.

jaqbel li l-kwistjonijiet emerġenti fl-ekonomija tad-data huma l-portabbiltà ta’ data mhux personali, l-interoperabbiltà tas-servizzi biex jippermettu l-iskambju tad-data, u standards tekniċi adatti għall-implimentazzjoni ta’ portabbiltà sinifikanti;

41.

jirrikonoxxi l-impenn biex jiġu appoġġjati standards adatti biex itejbu l-interoperabbiltà, il-portabbiltà u s-sigurtà tas-servizzi tal-cloud, billi jiġi integrat aħjar ix-xogħol ta’ komunitajiet tas-sors miftuħ fil-proċess tal-issettjar ta’ standards fil-livell Ewropew;

42.

jilqa’ l-approċċ robust għar-regoli tal-portabbiltà kodifikati permezz ta’ standards. Jinnota l-kamp ta’ applikazzjoni għal approċċi sperimentali speċifiċi għas-settur li se jitnedew u jitlob li l-awtoritajiet lokali u reġjonali jkunu involuti fil-kollaborazzjoni bejn diversi partijiet ikkonċernati, li jinkludu dawk li jissettjaw l-istandards, l-industrija, u l-komunità teknika;

43.

jinsisti li fehim usa’ tal-interoperabbiltà bħala xi ħaġa rilevanti mhux biss għall-amministrazzjoni pubblika iżda għas-setturi kollha huwa essenzjali għall-iskjerament tal-Internet tal-Oġġetti u l-fluss mingħajr xkiel ta’ data mar-reġjuni kollha. Id-disponibbiltà ta’ formats, standards u speċifikazzjonijiet komuni hija rekwiżit ċar li r-reġjuni jikkontribwixxu billi jimpenjaw ruħhom biex jimplimentaw fil-kuntesti proprji tagħhom ta’ governanza kif stipulat fid-direttivi dwar l-informazzjoni tas-settur pubbliku u b’mod partikolari kif definit fil-Qafas Ewropew għall-Interoperabbiltà (European Interoperability Framework) reċenti;

44.

jenfasizza li ż-żieda fil-konsum tad-data u ż-żieda fl-użi simultanji, it-tendenzi ta’ upload/download b’veloċità għolja, kif ukoll il-ħtieġa għal trasferimenti f’ħin reali, immedjati u kullimkien li jkunu wkoll affidabbli, se jirrikjedu provvista ta’ netwerks u infrastruttura tal-broadband b’kapaċità għolja, dejjem aktar u aktar viċin tal-utenti aħħarin madwar l-Ewropa;

45.

iqis li l-Kummissjoni għandha tieħu miżuri sabiex il-clouds li jeżistu diġà jew li qegħdin jiġu żviluppati jkunu interkonnessi u interoperabbli fil-livell nazzjonali, reġjonali u eventwalment lokali, billi jiġi sfruttat il-potenzjal għal standardizzazzjoni; fl-istess ħin jenfasizza l-importanza tal-miżuri implimentattivi fil-livell lokali sabiex jiżguraw l-effettività tal-ispeċifikazzjonijiet tal-applikazzjonijiet tal-cloud.

46.

iħeġġeġ li l-portabbiltà sinifikanti għal data mhux personali tkun tqis ukoll kunsiderazzjonijiet usa’ tal-governanza tad-data li jinkludu t-trasparenza għall-utenti, l-aċċess ġestit u l-interoperabbiltà sabiex pjattaformi differenti jintrabtu flimkien b’modi li jistimolaw l-innovazzjoni;

47.

jitlob li jkun hemm approċċ koordinat b’saħħtu għall-valutazzoni tar-riskji tal-ġenerazzjoni tad-data, b’mod speċjali dawk meqjusa detrimentali għall-iżvilupp tal-ekonomija tad-data tal-UE u għall-operat tas-servizzi tad-data u tat-teknoloġiji transkonfinali fis-suq intern;

48.

jinsisti li kwalunkwe soluzzjoni fil-futur għandha tqis ukoll l-interessi leġittimi tal-parteċipanti tas-suq inklużi l-awtoritajiet lokali u reġjonali li jinvestu fl-iżvilupp tal-prodotti, jiżguraw redditu ġust fuq l-investimenti tagħhom u b’hekk jikkontribwixxu għall-innovazzjoni. Fl-istess ħin, kwalunkwe soluzzjoni futura għandha tiżgura kondiviżjoni ġusta tal-benefiċċji bejn id-detenturi tad-data, il-proċessuri u l-fornituri tal-applikazzjoni fil-katini tal-valur;

49.

jenfasizza li l-awtoritajiet lokali u reġjonali huma f’pożizzjoni li jrawmu l-innovazzjoni u l-kompetittività fl-ekonomija tad-data permezz ta’ soluzzjonijiet imfassla apposta għad-domanda u l-provvista, inkluża l-introduzzjoni tal-broadband, l-ekonomija diġitali, l-inklużjoni elettronika u l-gvern elettroniku. Barra minn hekk, jipprovdu faċilitajiet ta’ edukazzjoni u taħriġ, jimplimentaw inizjattivi għall-finanzjament mill-UE u jiffaċilitaw il-kooperazzjoni vantaġġuża u l-iskambju ma’ awtoritajiet pubbliċi oħra inkluż bejn il-fruntieri;

50.

jitlob li jkun hemm Pjattaforma tal-UE għas-Sistemi tal-Ġenerazzjoni tad-Data, simili għall-pjattaformi emerġenti tal-Gvern Elettroniku u tal-Broadband;

51.

jikkonkludi li għandu jingħata rikonoxximent akbar lill-bliet u lir-reġjuni tal-UE fl-iskjerament sostenibbli tal-Aġenda Diġitali u fil-bini tal-ekonomija tad-data tal-UE. L-awtoritajiet lokali u reġjonali huma fost l-udjenza ewlenija fil-mira tar-rakkomandazzjonijiet tal-aġenda u għandhom jitqiesu bħala xpruni u msieħba ewlenin fl-implimentazzjoni tagħha.

13.2.2018   

MT

Il-Ġurnal Uffiċjali tal-Unjoni Ewropea

C 54/48

1.

jilqa’ b’sodisfazzjon l-istabbiliment ta’ pilastru soċjali bħala l-komplement neċessarju tal-unjoni politika, ekonomika u monetarja u bħala fattur għall-implimentazzjoni b’suċċess tal-klawżola soċjali orizzontali (7); permezz tal-istabbilment tiegħu tista’ tinkiseb Ewropa sostenibbli u inklużiva li ssaħħaħ il-pożizzjoni taċ-ċittadini tagħha u tippromovi l-opportunitajiet indaqs;

2.

jinnota b’dispjaċir li l-Kummissjoni indikat espressament li t-twettiq tal-objettivi tal-Pilastru jiddependi mir-responsabbiltà kondiviża bejn l-Unjoni, l-Istati Membri u l-imsieħba soċjali (8), u injorat kompletament ir-responsabbiltà u l-kompetenza tal-awtoritajiet lokali u reġjonali;

3.

itenni l-importanza ta’ Aġenda soċjali Ewropea b’saħħitha, li fiha l-kompetittività u l-ġustizzja soċjali jikkomplementaw lil xulxin (9), biex tiġi evitata kwalunkwe forma ta’ dumping soċjali u jiġu ggarantiti rati ogħla ta’ impjieg. Ifakkar f’dan ir-rigward l-impenn fil-preambolu tat-Trattat dwar l-Unjoni Ewropea, biex “jippromwovu l-progress ekonomiku u soċjali għall-popli tagħhom” u “tassigura li l-avvanzi fl-integrazzjoni ekonomika jkunu akkompanjati bil-progress parallel f’oqsma oħra”;

4.

jissottolinja l-valur miżjud li jġibu magħhom l-awtoritajiet lokali u reġjonali fl-iżvilupp u l-implimentazzjoni tal-politiki soċjoekonomiċi biex jikkontribwixxu għal konverġenza ’l fuq akbar, u jtenni t-talba tiegħu li l-pilastru Ewropew jappoġġja lill-awtoritajiet lokali u reġjonali fl-isforzi tagħhom ta’ implimentazzjoni tal-politiki adegwati tal-impjieg u dawk soċjali (10);

5.

jilqa’ l-għan tal-Kummissjoni li tagħti kunsiderazzjoni akbar lill-objettivi tal-politika soċjali meta tfassal politiki tal-UE u tfassal standards (minimi) tal-politika soċjali li għandhom jiġu ssodisfati mill-UE u mill-Istati Membri skont is-setgħat rispettivi tagħhom;

6.

itenni t-talba għal koordinazzjoni adatta tal-politiki ekonomiċi u soċjali bejn il-livell tal-UE u dak nazzjonali (11), filwaqt li tiġi ggarantita rappreżentanza aħjar tad-dimensjoni territorjali (12);

7.

josserva li l-għoti ta’ spinta ’l quddiem lid-dimensjoni soċjali se jsaħħaħ il-proġett tal-UE u jinvolvi liċ-ċittadini fi proġett imġedded biex ikunu jistgħu jħossu livell ogħla ta’ identifikazzjoni;

8.

josserva li l-politiki ekonomiċi u soċjali tal-UE għandhom iżidu l-potenzjal ta’ tkabbir fit-tul, permezz tal-appoġġ għall-produttività u l-kompetittività tan-negozji Ewropej u għall-ħiliet tal-ħaddiema;

9.

jenfasizza li l-pilastru soċjali għandu jikkontribwixxi għat-tnaqqis tal-faqar, l-esklużjoni soċjali u l-qgħad, b’mod partikolari fost iż-żgħażagħ, filwaqt li jiġġieled kull inguwaljanza soċjali possibbli (13), inklużi l-inugwaljanzi abbażi tal-ġeneru. Dan il-qafas għandu jinkludi l-iskema ta’ assigurazzjoni Ewropea kontra l-qgħad (14), bħala waħda mill-ewwel strumenti komuni li jiġġieldu l-kriżijiet okkupazzjonali;

10.

ifakkar li l-kriżi okkupazzjonali wasslet għal żieda sinifikanti ta’ qgħad fit-tul, fir-rigward ta’ liema għandha tittieħed azzjoni adegwata permezz ta’ politiki attivi xierqa, b’taħriġ immirat lejn it-tiġdid tal-ħiliet ta’ dawn il-ħaddiema u b’appoġġ finanzjarju, fejn meħtieġ;

11.

jissottolinja li l-politika għall-koeżjoni ekonomika, soċjali u territorjali, peress li tikkostitwixxi waħda mill-politiki l-aktar importanti u komprensivi tal-UE (15), għandha tikkontribwixxi b’mod sinifikanti għall-implimentazzjoni tal-pilastru soċjali.

12.

itenni li l-investiment soċjali jirrappreżenta investiment fil-futur u ma għandux ikun interpretat biss bħala spiża għall-finanzi pubbliċi;

13.

jenfasizza l-ħtieġa għal koordinazzjoni tal-istrateġiji u l-objettivi li għandu jkun hemm bejn il-Pilastru Soċjali u l-Fond Soċjali Ewropew;

14.

jikkondividi l-objettiv tal-Kummissjoni li jiżdied l-impjieg u li jitħeġġu l-kundizzjonijiet tajba għan-negozji biex joħolqu aktar impjiegi ta’ kwalità fl-Ewropa;

15.

itenni s-sejħa tiegħu għat-tisħiħ tad-dimensjoni soċjali tal-UE u tal-Unjoni Ekonomika u Monetarja; jittama li proposta leġislattiva għal Pilastru Ewropew tad-Drittijiet Soċjali ser tippermetti li jiġu indirizzati d-drittijiet tal-ħaddiema u l-mobilità tal-ħaddiema f'suq tax-xogħol li qed jinbidel filwaqt li jiġi rispettat il-prinċipju tas-sussidjarjetà (16);

16.

itenni l-importanza ta’ Aġenda soċjali Ewropea b’saħħitha, li fiha l-kompetittività u l-ġustizzja soċjali jikkomplementaw lil xulxin (17), biex tiġi evitata kwalunkwe forma ta’ dumping soċjali u jiġu ggarantiti rati ogħla ta’ impjieg;

17.

itenni li kwalunkwe intervent pubbliku jew privat, għandu jqis il-karatteristiċi speċifiċi lokali u reġjonali, l-isfidi demografiċi u l-qgħad persistenti fost iż-żgħażagħ, fil-każ ta’ liema jenfasizza l-importanza li l-benefiċċji tal-“Garanzija għaż-Żgħażagħ” jiġu estiżi għall-persuni li għandhom sa 30 sena (18), u li l-iskema ssir karatteristika permanenti tal-politiki Ewropej tal-impjieg, b’fondi sostenibbli u adegwati kemm minn fondi Ewropej kif ukoll minn dawk nazzjonali;

18.

jinnota li l-bidliet rapidi u profondi, li jvarjaw mix-tixjiħ tal-popolazzjoni għal mudelli ġodda ta’ ħajja familjari, mid-diġitalizzazzjoni għal forom ġodda ta’ xogħol, u l-impatt tal-globalizzazzjoni u tal-urbanizzazzjoni, jirrikjedu l-insegwiment tal-objettiv ta’ aktar taħriġ fuq bażi kontinwa, it-titjib tal-ħiliet u appoġġ attiv għat-talent, il-politiki għat-tixjiħ attiv u politiki dwar il-bilanċ bejn ix-xogħol u l-ħajja privata. Dawn tal-aħħar jistgħu jiġu indirizzati permezz ta’ politiki adatti dwar il-familja (19), l-edukazzjoni u l-impjieg;

19.

itenni l-importanza li l-ħtiġijiet tas-suq tax-xogħol, li għandhom dimensjoni soċjali, jitqabblu mal-kompetenzi u, f’dan ir-rigward, jagħmel enfasi fuq ir-rwol li għandhom l-awtoritajiet lokali u reġjonali fejn jidħlu l-edukazzjoni, it-taħriġ u l-appoġġ għall-intraprendituri żgħażagħ b’mod partikolari (20);

20.

għalhekk jappoġġja t-tinqix fil-Pilastru Ewropew tad-Drittijiet Soċjali ta’ dritt għall-edukazzjoni u t-taħriġ bħala dritt fundamentali soċjali u tal-bniedem;

21.

barra minn hekk, itenni li, filwaqt li jitqiesu ċ-ċirkostanzi nazzjonali, reġjonali u lokali u r-riżorsi disponibbli, u filwaqt li wieħed iżomm f’moħħu li l-investimenti fil-kapital uman jista’ jiġi ttrattat bħala investiment soċjali, l-Istati Membri għandhom jiġu appoġġjati fl-implimentazzjoni tal-Garanzija tal-Ħiliet għat-titjib tal-opportunitajiet ta’ impjieg u l-parteċipazzjoni sħiħa fis-soċjetà għal adulti b’livell baxx (21);

22.

iqis li, biex ikun hemm suq tax-xogħol ibbilanċjat u rregolat, huwa importanti li tittieħed inkunsiderazzjoni l-bidla fir-realtajiet tax-xogħol (4.0) flimkien mal-protezzjoni tal-ħaddiema u, inkluż id-dritt għal skonnessjoni. Għal dan l-għan huwa meħtieġ li jitwaqqaf grupp ta’ livell għoli permanenti bejn il-Kummissjoni, il-Kunsill, il-Parlament u l-Kumitat tar-Reġjuni għall-iżvilupp ta’ riflessjoni Ewropea dwar l-impatt tad-diġitalizzazzjoni u t-teknoloġiji ġodda u għall-promozzjoni ta’ politiki ekonomiċi u soċjali meħtieġa anke b’rabta mal-azzjonijiet territorjali li se jirriżultaw neċessarji;

23.

jinnota li, fid-dawl tal-evoluzzjoni tar-realtajiet tax-xogħol (22), huwa essenzjali li l-kwalifiki tal-professjonisti mobbli ħafna jkunu rikonoxxuti b’mod rapidu, sempliċi u affidabbli (23);

24.

huwa tal-opinjoni li forom ġodda ta’ impjieg, jew id-definizzjoni ta’ standards minimi komuni Ewropej ġodda, għandhom dejjem jieħdu inkunsiderazzjoni livell xieraq ta’ protezzjoni soċjali;

25.

jitlob li tingħata attenzjoni akbar lill-integrazzjoni effettiva tar-refuġjati, tal-minorenni mhux akkumpanjati u tal-migranti residenti legalment, anke permezz tal-edukazzjoni u t-taħriġ vokazzjonali;

26.

jitlob li tingħata attenzjoni speċjali lill-atti legali li huma marbutin mal-ħruġ tar-Renju Unit mill-UE bħall-moviment liberu tal-ħaddiema fi ħdan l-Unjoni, il-koordinazzjoni tas-sistemi tas-sigurtà soċjali, il-fondi tal-UE relatati mal-politiki soċjali u dwar l-impjieg (24);

27.

jitlob l-użu tal-għodod l-aktar adatti għall-valutazzjoni tal-inugwaljanzi fil-livell subnazzjonali, bħala data aktar affidabbli dwar kwistjonijiet soċjali fil-livell lokali u reġjonali;

28.

jipproponi li tingħata attenzjoni immedjata lill-faqar u l-esklużjoni soċjali irrispettivament mill-kawża tagħhom jew il-grupp tal-popolazzjoni milquta, u jenfasizza li huma meħtieġa aktar inizjattivi għall-appoġġ tal-familji, biex jiġi ggarantit li l-persuni joħorġu b’mod permanenti minn forom ta’ esklużjoni soċjali, u biex jiżdied il-finanzjament għall-protezzjoni soċjali; barra minn hekk iqis bħala prattika tajba l-istabbiliment ta’ dħul minimu garantit, approvat minn bosta awtoritajiet lokali u reġjonali;

29.

jenfasizza li l-pilastru soċjali għandu jindirizza l-kwistjoni tal- marġinalizzazzjoni u l-esklużjoni soċjali, billi tingħata prijorità lill-politiki għall-persuni b’diżabbiltà u dawk għall-unitajiet domestiċi b’għadd ta’ tfal;

30.

jiddeplora l-fatt li l-pilastru jindirizza l-abitazzjoni bħala aspett tas-servizzi soċjali biss. Jemmen li abitazzjoni adegwata u konvenjenti għal kulħadd għandha tkun prerekwiżit, li tista’ twassal għal aktar koeżjoni soċjali u tgħin sabiex jinħolqu komunitajiet reżiljenti għas-segregazzjoni soċjali, ekonomika u ġeografika;

31.

jinnota l-ħtieġa li tiġi żgurata l-aċċessibilità ta’ netwerk wiesa’ ta’ servizzi mhux biss essenzjali, iżda wkoll ta’ servizzi ta’ interess ekonomiku ġenerali, inklużi s-servizzi soċjali, li jkunu ta’ kwalità tajba u aċċessibbli, f’kollaborazzjoni mal-awtoritajiet lokali u reġjonali;

32.

jiddispjaċih li l-pilastru ma jsemmix l-aċċess għall-arti u l-kultura, li huma fundamentali għall-koeżjoni soċjali u għall-ġlieda kontra l-marġinalizzazzjoni u l-faqar (25);

33.

iħeġġeġ bil-qawwa lill-Kummissjoni u lill-Kunsill biex jintroduċu miżuri ta’ inċentiv għall-pajjiżi li jimplimentaw riformi strutturali li għandhom l-għan li jwasslu l-objettivi soċjali tal-Ewropa 2020 u li jiġġieldu l-iżbilanċi soċjali;

34.

jissottolinja l-fatt li l-progress soċjali tal-Ewropa jista’ jwassal għal distribuzzjoni uniformi anke fil-pajjiżi mhux membri tal-euro (26) u li għalhekk fil-bidu ma jirċevux benefiċċji mill-pilastru soċjali; Il-KtR jistieden lill-Kummissjoni u lill-Kunsill ifittxu strumenti adatti għal dan l-għan;

35.

jenfasizza l-bżonn li jkunu ċċarati l-modi ta’ kif il-fondi Ewropej jistgħu jappoġġjaw l-implimentazzjoni tal-pilastru (27) u jsostni wkoll il-bżonn li riżorsi adegwati jkunu pprovduti mill-Unjoni Ewropea u mill-Istati Membri biex jintlaħqu l-objettivi previsti mill-pilastru;

36.

jistieden lill-Kummissjoni tfassal pjan għal programm ta’ azzjoni tal-politika soċjali li jħares ’il quddiem u li jinkludi miżuri speċifiċi;

37.

itenni t-talba li l-Pilastru Ewropew tad-Drittijiet Soċjali jappoġġja l-isforzi tal-awtoritajiet lokali u reġjonali li għandhom l-għan li jimplimentaw politiki soċjali u dwar l-impjieg adatti (28);

38.

jafferma li għandhom jiġu introdotti għodod adatti biex jitkejjel u jiġi mmonitorjat il-progress miksub (29) u jappella għal Protokoll tal-Progress Soċjali fi kwalunkwe tibdil futur fit-Trattat, bl-għan li d-drittijiet soċjali jitqiesu fuq l-istess livell mad-drittijiet ekonomiċi (30);

39.

jenfasizza l-ħtieġa li jissaħħaħ il-valur soċjali u ċivili tal-volontarjat bħala mezz ta’ żvilupp u promozzjoni tat-territorju, u bħala strument ta’ responsabbiltà soċjali u parteċipazzjoni diretta miċ-ċittadini.

13.2.2018   

MT

Il-Ġurnal Uffiċjali tal-Unjoni Ewropea

C 54/62

1.

josserva li studji reċenti dwar il-periklu sismiku fl-Ewropa (jiġifieri l-proġett SHARE iffinanzjat fl-FP7 (1)), minkejja li jikkonfermaw li l-ogħla livelli ta' periklu jirrigwardaw pajjiżi bħall-Italja, il-Greċja u r-Rumanija jindikaw livelli moderati anke għal ċerti żoni f'pajjiżi bħal Franza, il-Ġermanja, il-Belġju, Spanja u l-Portugall, inkluż ir-riskju minn tsunamis;

2.

josserva li fl-Istati Membri tal-Unjoni Ewropea (UE) tinsab kwantità kbira ta' bini u infrastrutturi li jirrikjedu interventi ta' manutenzjoni b'mod regolari minħabba l-kundizzjonijiet strutturali tagħhom, it-tibdil fil-kundizzjonijiet ambjentali, u r-regoli li jirregolaw is-settur tal-kostruzzjoni; b'mod partikolari, f'dak li għandu x'jaqsam mal-istokk tal-bini, id-data tal-EUROSTAT u tal-Building Performance Institute Europe (BPIE) (2) tindika li minn madwar 25 biljun m2 ta' superfiċje utli li jinsabu fil-pajjiżi tal-UE27 (flimkien mal-Iżvizzera u n-Norveġja), madwar 40 % minnhom inbnew qabel l-1960;

3.

josserva li xi pajjiżi tal-UE, b'mod partikolari fiż-żona tal-Mediterran, matul l-istorja reċenti tagħhom intlaqtu minn avvenimenti sismiċi bi ħsara qawwija ħafna kemm mill-perspettiva soċjali kif ukoll dik ekonomika; il-bilanċ huwa partikolarment serju fl-Italja fejn, matul dawn l-aħħar 50 sena, seħħew diversi terremoti li b'kollox ikkawżaw il-mewt ta' aktar minn 5 000 persuna u ħsara ekonomika stmata għal madwar EUR 150 biljun;

4.

josserva li, mill-analiżi tal-avvenimenti sismiċi tal-passat li saret fuq livell dinji, in-numru ta' mwiet u d-distribuzzjoni tal-ħsara huma aktar marbuta mal-vulnerabbiltà tal-bini u man-nuqqas ta' preparazzjoni tal-komunitajiet l-aktar milquta milli mal-intensità tal-avvenimenti;

5.

jenfasizza li, meta wieħed janalizza l-effetti ta' terremot fuq is-sistemi lokali u fuq in-nisġa residenzjali, infrastrutturali kif ukoll in-nisġa ekonomika u produttiva, spiss huwa evidenti tnaqqis notevoli fir-ritmu jew imblukkar proprju fil-proċessi ta’ tkabbir territorjali;

6.

jenfasizza li l-iżgurar tas-sikurezza tal-istokk tal-bini u tal-infrastruttura jitlob interazzjoni b’mod pożittiv, anke mal-politiki reġjonali u ta’ koeżjoni u mal-objettivi ta’ tkabbir urban u rurali tal-Unjoni Ewropea;

7.

huwa tal-fehma li politika Ewropea dwar l-adattament antisismiku tal-istokk tal-bini u tal-infrastruttura għandha tkun ibbażata fuq approċċ ta’ governanza f’diversi livelli b’koordinazzjoni tal-kompetenzi rilevanti fil-livell Ewropew, nazzjonali u reġjonali, f’konformità mal-prinċipji tas-sussidjarjetà u tal-proporzjonalità u b’analoġija mal-metodu segwit fl-Aġenda Urbana tal-UE. Ifakkar, f’dan il-kuntest, li l-livell tal-UE huwa fil-biċċa l-kbira kompetenti għall-issettjar ta’ standards tekniċi filwaqt li l-livell nazzjonali, reġjonali jew lokali huwa kompetenti b’mod partikolari għall-liġi tal-kostruzzjoni kif ukoll għall-ippjanar urban;

8.

jinnota li sforz komprensiv ta’ prevenzjoni tar-riskju sismiku jirrappreżenta ħtieġa primarja għall-UE sabiex tipproteġi s-sikurezza taċ-ċittadini tagħha, tipproteġi l-wirt storiku u kulturali tagħha, trażżan l-ispejjeż li jirriżultaw mill-ħsara lill-persuni u 'l-oġġetti, u tipproteġi l-kondizzjonijiet għall-iżvilupp tat-territorji u tal-investiment għat-tkabbir;

9.

jenfasizza li, b'mod partikolari, l-awtoritajiet lokali u reġjonali għandhom ir-responsabbiltà politika u istituzzjonali biex jipproteġu liċ-ċittadini tagħhom, kemm minħabba li dawn l-entitajiet jirrappreżentaw l-ewwel livell ta' governanza biex jiġu żgurati l-operazzjonijiet ta' assistenza u għajnuna lill-popolazzjoni matul emerġenza, kif ukoll minħabba li għandhom rwol importanti fil-fażi li tal-ippjanar għall-emerġenzi u fl-iżvilupp ta' azzjonijiet ta' prevenzjoni strutturali (interventi) u mhux strutturali (informazzjoni);

10.

jenfasizza wkoll, li l-entitajiet lokali u reġjonali, minħabba li huma istituzzjonijiet eqreb għaċ-ċittadini, jistgħu jkunu aktar konxji dwar id-dritt/dmir li jipprevjenu r-riskji u l-iżvilupp sussegwenti ta' mġiba attiva għall-mitigazzjoni.

11.

iqis li, fid-dawl tal-kwantità enormi ta' bini pubbliku u privat, u ta' infrastruttura li jrid isir intervent fuqhom, abbażi ta' kriterji uniformi Ewropej (inklużi Eurocodes), għandha tiġi definita klassifikazzjoni tal-vulnerabbiltà sismika tal-bini u l-infrastruttura;

12.

jitlob lill-Kummissjoni Ewropea tħeġġeġ it-tnedija ta’ djalogu mas-settur tal-assigurazzjoni fuq livell pan-Ewropew, sabiex jinstab inċentiv finanzjarju fil-forma ta’ tnaqqis tal-primjums waqt il-proċess ta’ tiġdid, u jqis li jkun utli li jiġi eżaminati fil-fond is-sostenibbiltà ekonomika u l-benefiċċji mistennija mit-titjib tas-sistema ta’ kopertura tal-assigurazzjoni, billi jiġu provduti miżuri għall-mutwalizzazzjoni tar-riskju;

13.

iqis li bil-għan li jiġi promoss l-iżvilupp ta' azzjonijiet ta' mitigazzjoni permezz ta' sensibilizzazzjoni akbar tal-komunitajiet, ikun utli li jiġu ddefiniti u kkomunikati b'mod ċar kemm il-konsegwenzi ta' avvenimenti sismiċi possibbli kif ukoll, b'mod partikolari, il-vantaġġi li jirriżultaw mit-twettiq ta' interventi ta' adattament f'termini ta' tnaqqis tal-impatt soċjali (b'mod partikolari telf ta' ħajjiet) u ekonomiku;

14.

josserva li, peress għad m'hemmx disponibbli metodi preċiżi u riżultati li jistgħu jiġu ttrasferiti b'mod ċar lill-partijiet ikkonċernati mhux tekniċi (amministratturi, ċittadini, eċċ) dwar il-vantaġġi kbar li jistgħu jirriżultaw mit-twettiq ta' interventi preventivi ta' adattament, jidher li huwa importanti li dan is-suġġett jiġi analizzat aktar fil-fond permezz tal-finanzjament ta' attivitajiet ta' studju speċifiċi;

15.

iqis li huwa essenzjali, sabiex jiġu ottimizzati u mmirati kif xieraq l-isforzi tekniċi u finanzjarji li għandhom l-għan li jnaqqsu r-riskju siżmiku għal bini eżistenti, li jiġi promoss l-għarfien u l-analiżi tal-vulnerabbiltà ta’ bini eżistenti bħala punt ta’ tluq għal iktar miżuri u inizjattivi pubbliċi u privati ewlenin. Biex isir dan, il-kampanji ta’ ġbir tad-data għandhom jiġu promossi għall-finijiet ta’ evalwazzjoni statistika u jiddeskrivu l-prijoritajiet u l-metodoloġiji kondiviżi, flimkien ma’ bidla regolatorja fis-settur u l-miżuri ta’ finanzjament u ta’ inċentiv;

16.

josserva li l-esperjenza ta' xi Stati Membri, bħall-Italja, tindika n-nuqqas ta' interess min-naħa ta' sidien anzjani jew ta' dawk li għandhom residenzi sekondarji biex jinvestu riżorsi għal interventi; għaldaqstant jidher li huwa utli li jiġu implimentati proċessi ta' sensibilizzazzjoni għal dawn il-kategoriji, kif ukoll forom ta' inċentivi li mhumiex limitati biss għall-“ewwel djar”. Jirrikonoxxi l-ħtieġa li l-miżuri maħsubin għall-analiżi u l-adattament tal-bini eżistenti jiġu adattati anke fuq il-bażi ta’ studji u esperjenza li jkopru l-bini individwali fil-qafas ta’ valutazzjonijiet tal-vulnerabbiltà aggregata jew ta’ agglomerazzjoni urbana, u b’hekk jiġu identifikati xi nuqqasijiet potenzjali prevalenti fil-kundizzjonijiet tal-użu effettiv tal-bini.

17.

josserva li fil-pajjiżi Ewropej diġà għaddejja attività ta' adattament estensiva tal-istokk tal-bini pubbliku u privat biex tiġi żgurata ż-żieda fl-effiċjenza fl-enerġija, iffinanzjata wkoll permezz ta' fondi Ewropej, iżda li dawn l-interventi b'mod ġenerali ma jindirizzawx it-tema tas-sigurtà strutturali u sismika;

18.

jenfasizza, għall-kuntrarju, il-ħtieġa li titwettaq attività ta' adattament effikaċi permezz ta' interventi integrati u sostenibbli li jistgħu jwasslu, b'mod parallel u bl-anqas mod invażiv possibbli, kemm għal tnaqqas fil-vulnerabbiltà sismika kif ukoll għal żieda fl-effiċjenza fl-enerġija;

19.

iqis essenzjali li, flimkien ma' interventi ta' prevenzjoni strutturali, jiġu żviluppati azzjonijiet ta' prevenzjoni “mhux strutturali” li, b'mod ġenerali, għandhom l-għan li jtejbu l-għarfien dwar ir-riskju sismiku u, b'mod partikolari, li jżidu s-sensibilizzazzjoni u l-imġiba attiva taċ-ċittadini;

20.

iqis li l-attività ta' prevenzjoni strutturali, minbarra li tnaqqas ir-riskju, tista' toħloq impatt pożittiv fuq l-ambjent, billi ttawwal iż-żmien tal-utilità tal-bini u bit-tnaqqis li jirriżulta fit-twaqqigħ u r-rikostruzzjoni wara terremot, objettiv li huwa enfasizzat ukoll fir-Regolament (UE) Nru 305/2011 dwar il-prodotti għall-bini (CPR 305/2011/UE) li, meta mqabbel mal-verżjoni preċedenti, id-Direttiva 89/106/KEE, introduċa s-seba' rekwiżit “użu sostenibbli tar-riżorsi naturali”, li huwa essenzjali għall-bini;

21.

jirrikonoxxi li programm ta' adattament sismiku, minkejja li jorrikjedi riżorsi sostanzjali u huwa partikolarment ta' piż għar-reġjuni u l-Istati Membri b'livelli ogħla u mxerrda ta' riskji sismiċi, jikkontribwixxi f'kull qasam għall-ħolqien tal-impjiegi u għat-tkabbir ekonomiku b'mod partikolari għall-irkupru tas-suq tal-kostruzzjoni;

22.

iqis importanti li l-interventi ta' adattament sismiku jiġu rregolati minn sett ta' standards tekniċi fil-kuntest Ewropew, li jindirizzaw ukoll il-kwistjoni tal-adattament sismiku tal-bini eżistenti, fuq il-bażi ta' approċċ olistiku orjentat biex jiżgura s-sigurtà, is-solidità u d-durabbiltà;

23.

iqis li jkun siewi li titnieda pjattaforma tal-UE għall-iskambju tat-tagħrif, tal-esperjenza u tal-aħjar prattiki fid-diversi livelli tal-pajjiżi tal-UE.

24.

jaqbel u jtenni dak li ġie enfasizzat fl-Opinjoni dwar il-qafas ta' Sendai (3), jiġifieri li l-proġetti kollha tal-UE marbutin mal-kostruzzjoni ta' infrastruttura ġdida għandhom jiżguraw kapaċità għal reżistenza xierqa għad-diżastri, filwaqt li fl-istess ħin, jenfasizzaw li dan l-objettiv jista’ jwassal għal spejjeż akbar;

25.

jipproponi li l-parametru deskrittiv tar-riskju sismiku ta' territorju, u b’analoġija tar-riskji minn diżastri naturali oħra, li huma vvalutati skont kriterji definiti tajjeb, jistgħu jiġu kkunsidrati bħala wħud minn dawk ta' riferiment għat-tqassim tal-Fondi SIE bejn ir-reġjuni tal-Ewropa; jenfasizza li l-UE trid teħtieġ li l-infrastrutturi kollha mibnija permezz tal-fondi SIE jew kwalunkwe fond ieħor tal-UE ieħor ikunu reżistenti għad-diżastri;

26.

jipproponi li r-regolamenti tal-UE jkunu jistgħu jipprevedu l-użu ta' Fondi SIE għall-adattament sismiku ta' proprjetà kemm pubblika kif ukoll privata, kif ukoll ta' dawk l-infrastrutturi, kemm ta' trasport bit-triq kif ukoll ta' servizzi, li huma strateġiċi għall-pajjiżi tal-UE;

27.

jipproponi li l-pjan ta’ azzjoni jipprevedi l-adattament tal-bini kollu, inkluż dak residenzjali, kif ukoll l-ispazju pubbliku, mhux biss bħala post ta’ sigurtà f’każ ta’ emerġenza, iżda wkoll bħala strateġija urbana fit-tul li tipprevedi l-possibbiltà li l-popolazzjoni residenti tiġi rilokata għal spazji pubbliċi fejn l-individwi jistgħu jiġu protetti;

28.

jistieden lill-Kummissjoni Ewropea biex, f’kooperazzjoni mal-Istati Membri u, fejn rilevanti mal-awtoritajiet lokali u reġjonali, pjan ta’ azzjoni għall-adattament antisismiku tal-istokk tal-bini u tal-infrastruttura skont l-Artikolu 5(5)(b) tar-Regolament (UE) Nru 1301/2013 dwar il-Fond Ewropew għall-Iżvilupp Reġjonali; jitlob ukoll lill-Istati membri u lill-awtoritajiet lokali u reġjonali jagħmlu użu sħiħ tal-għajnuna mogħtija għal din il-prijorità ta’ investiment fil-programmi operattivi tal-iżvilupp reġjonali;

29.

jipproponi li dan għandu jibgħat sinjal b'saħħtu favur l-investimenti, inkluż permezz tal-kooperazzjoni bejn is-settur pubbliku u privat, għall-adattament sismiku ta' bini u infrastrutturi, b'enfasi partikolari fuq il-konservazzjoni tal-wirt kulturali u storiku, fuq l-infrastrutturi strateġiċi u fuq il-bini u l-infrastrutturi agrikoli u industrijali;

30.

jitlob li tiġi appoġġjata żieda fl-investimenti marbutin mar-riċerka u l-innovazzjoni fil-qasam tal-protezzjoni sismika tal-binjiet, inkluż l-iżvilupp ta' programmi estensivi ta' informazzjoni u taħriġ;

31.

jistieden lill-Istati Membri u r-reġjuni kkonċernati biex jinkludu l-adattament sismiku tal-bini eżistenti bħala prijorità fil-programmi operattivi tagħhom għall-iżvilupp reġjonali, filwaqt li jenfasizza l-ħtieġa li jiġu allokati riżorsi finanzjarji anke permezz ta' strumenti adatti ta' inċentivi għall-attivitajiet ta' prevenzjoni tar-riskju sismiku;

32.

huwa tal-fehma li, sabiex ikun hemm l-aqwa riżorsi u riżultati possibbli, għandhom jitqiesu l-mapep tal-periklu u tar-riskju sismiku għal kull pajjiż u/jew reġjun meta jkunu qed jiġu implimentati l-proposti msemmija fil-punti preċedenti; jipproponi li l-attivitajiet ta’ riċerka jittrawmu bil-għan li jiġu żviluppati dawn il-mapep jew jiġu aġġornati jekk diġà jeżistu;

33.

iqis li pjan ta' azzjoni propost mill-KE jista' jkun strument adatt biex jitħeġġeġ aktar l-adattament sismiku tal-bini eżistenti bħala prijorità fil-programmi operattivi għall-iżvilupp reġjonali fl-Istati Membri;

34.

josserva li l-azzjonijiet konġunti f'dan il-qasam jistgħu potenzjalment ikunu aktar effikaċi minn miżuri frammentati introdotti minn Stati Membri individwali, u jitlob għaldaqstant sforz magħqud u kkoordinat b'rabta mal-protezzjoni u l-adattament sismiku tal-binjiet;

35.