KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

31.1.2018

Il-Ġurnal Uffiċjali tal-Unjoni Ewropea

C 34/5

OPINJONI TAL-BANK ĊENTRALI EWROPEW

tat-8 ta’ Novembru 2017

dwar emendi għall-qafas tal-Unjoni għal rekwiżiti kapitali ta’ istituzzjonijiet ta’ kreditu u ditti ta’ investiment

(CON/2017/46)

(2018/C 34/05)

Introduzzjoni u bażi legali

Fit-2 u fl-20 ta’ Frar 2017 il-Bank Ċentrali Ewropew (BĊE) irċieva talbiet mill-Kunsill tal-Unjoni Ewropea u mill-Parlament Ewropew, rispettivament, għal opinjoni dwar proposta għal Regolament tal-Parlament Ewropew u tal-Kunsill li jemenda r-Regolament (UE) Nru 575/2013 rigward il-proporzjon ta’ ingranaġġ, il-proporzjon ta’ ffinanzjar stabbli nett, ir-rekwiżiti tal-fondi proprji u l-obbligazzjonijiet eliġibbli, ir-riskju ta’ kreditu tal-kontroparti, ir-riskju tas-suq, l-esponiment għall-kontropartijiet ċentrali, l-esponiment għall-impriżi ta’ investiment kollettiv, l-esponiment kbir, ir-rekwiżiti ta’ rappurtar u żvelar, u li jemenda r-Regolament (UE) Nru 648/2012 (1) (iktar ’il quddiem “l-emendi proposti għas-CRR”).

Fis-17 u l-20 ta’ Frar 2017 il-BĊE rċieva talbiet mill-Parlament Ewropew u mill-Kunsill tal-Unjoni Ewropea, rispettivament, għal opinjoni dwar proposta għal Direttiva tal-Parlament Ewropew u tal-Kunsill li temenda d-Direttiva 2013/36/UE fir-rigward ta’ entitajiet eżentati, kumpaniji azzjonarji finanzjarji, kumpaniji azzjonarji finanzjarji mħallta, ir-rimunerazzjoni, miżuri u setgħat superviżorji u miżuri ta’ konservazzjoni kapitali (2) (iktar ’il quddiem l-“emendi proposti għas-CRD”).

Il-kompetenza tal-BĊE biex jagħti opinjoni hija bbażata fuq l-Artikoli 127(4) u 282(5) tat-Trattat dwar il-Funzjonament tal-Unjoni Ewropea billi l-emendi proposti għas-CRR u s-CRD fihom dispożizzjonijiet li jaffettwaw il-kompiti tal-BĊE dwar politiki relatati mas-superviżjoni prudenzjali ta’ istituzzjonijiet ta’ kreditu skont l-Artikolu 127(6) tat-Trattat u l-kontribuzzjoni tas-Sistema Ewropea ta’ Banek Ċentrali għat-tmexxija bla xkiel ta’ politiki segwiti mill-awtoritajiet kompetenti relatati mal-istabbiltà tas-sistema finanzjarja, kif imsemmi fl-Artikolu 127(5) tat-Trattat. F’konformità mal-ewwel sentenza tal-Artikolu 17.5 tar-Regoli tal-Proċedura tal-Bank Ċentrali Ewropew, il-Kunsill Governattiv adotta din l-opinjoni.

Osservazzjonijiet ġenerali

Il-BĊE jappoġġa l-pakkett ta’ riforma bankarja tal-Kummissjoni, li ser jimplimenta elementi importanti tal-aġenda globali ta’ riforma regolatorja fil-leġiżlazzjoni tal-Unjoni. Il-proposta tal-Kummissjoni hija mistennija li ssaħħaħ sostanzjalment l-arkitettura regolatorja u b’hekk tikkontribwixxi għat-tnaqqis tar-riskji fis-settur bankarju. Dak il-progress fit-tnaqqis tar-riskju għandu jwitti t-triq għal progress konkurrenti u korrispondenti fil-kondiviżjoni tar-riskju.

Din l-opinjoni tindirizza kwistjonijiet ta’ importanza partikolari għall-BĊE, li ġew maqsuma f’żewġ taqsimiet: (1) bidliet għall-qafas regolatorju u superviżorju eżistenti tal-Unjoni; u (2) implimentazzjoni ta’ standards superviżorji miftiehma internazzjonalment.

1. Bidliet għall-qafas regolatorju u superviżorju eżistenti tal-Unjoni

1.1. Irfinar taħt il-Pilastru 2

1.1.1.

L-emendi proposti għall-implimentazzjoni tar-rekwiżiti tal-Pilastru 2 tal-qafas ta’ Basel III (3) fid-Direttiva dwar ir-Rekwiżiti tal-Kapital (4) (CRD) huma intiżi biex jiksbu konverġenza superviżorja akbar fl-Unjoni billi jiddefinixxu b’mod aktar ċar l-elementi tal-akkumulazzjoni ta’ kapital u jintroduċu gwida taħt il-Pilastru 2 dwar fondi proprji addizzjonali, kif ukoll billi jissikkaw b’mod sinifikanti l-kundizzjonijiet li taħthom l-awtoritajiet kompetenti jistgħu jeżerċitaw is-setgħat superviżorji tagħhom f’dan il-kuntest.

1.1.2.

Waqt li b’mod ġenerali l-BĊE jappoġġa l-konverġenza superviżorja, il-proposta biex jiġu żviluppati standards tekniċi regolatorji dwar rekwiżiti addizzjonali ta’ fondi proprji mhijiex l-għodda xierqa biex jinkiseb dan l-objettiv.

Fl-ewwel lok, ir-rekwiżiti tal-Pilastru 2 huma speċifiċi għall-istituzzjonijiet, li jeħtieġ li l-awtoritajiet kompetenti jużaw ġudizzju superviżorju. Jekk wieħed jiddependi biss fuq l-istandards tekniċi regolatorji tal-Awtorità Bankarja Ewropea (ABE) jew jekk dawn jintużaw għal partijiet tal-elementi ta’ riskju, dan ma jirriżultax f’approċċ speċifiku għall-istituzzjoni u bbażat fuq ir-riskju li jqis id-diversità tal-profili ta’ riskju tal-istituzzjonijiet, u fil-fatt iżomm lill-awtoritajiet kompetenti milli jlaħħqu mar-ritmu tar-riskji u tal-iżviluppi fl-industrija.

Fit-tieni lok, il-Linji Gwida tal-ABE dwar proċeduri u metodoloġiji komuni għall-proċess ta’ reviżjoni u evalwazzjoni superviżorji (SREP) (5) diġà jipprovdu bażi komuni għal implimentazzjoni konsistenti tal-iSREP fl-Unjoni, li jippermetti grad adegwat ta’ ġudizzju superviżorju u jista’ jiġi ssupplimentat bl-użu ta’ evalwazzjoni bejn il-pari tal-ABE. Matul dawn l-aħħar snin, il-konverġenza tjiebet b’mod konsiderevoli bl-implimentazzjoni ta’ dawn il-Linji Gwida (6) u l-implimentazzjoni tal-metodoloġija SREP tal-BĊE, li hija applikata b’mod konsistenti fi ħdan il-Mekkaniżmu Superviżorju Uniku (MSU) (7).

Meta jitqiesu dawn l-iżviluppi pożittivi, il-BĊE huwa tal-fehma li l-qafas attwali huwa adegwat u li s-suq uniku ser ikompli jibbenefika f’termini ta’ konverġenza mill-għodod eżistenti, possibbilment issupplimentati billi jsir użu ulterjuri minn evalwazzjonijiet bejn il-pari tal-ABE.

1.1.3.

Addizzjonalment, l-emendi proposti lis-CRD jagħtu lill-istituzzjonijiet ta’ kreditu, u mhux lill-awtoritajiet superviżorji, is-setgħa li jiddeċiedu, fi ħdan ċerti limiti, dwar il-kompożizzjoni tal-fondi proprji miżmuma sabiex jissodisfaw ir-rekwiżiti tal-Pilastru 2 u jeskludu l-possibbiltà li r-rekwiżiti tal-Pilastru 2 jiġu ssettjati b’tali mod li jkunu ssodisfati bis-sħiħ b’kapital tal-Grad 1 ta’ Ekwità Komuni. Il-BĊE huwa tal-fehma li l-awtoritajiet superviżorji għandhom iżommu s-setgħa li jissettjaw rekwiżit ta’ kompożizzjoni għal fondi proprji addizzjonali u li jeħtieġu li rekwiżiti ta’ fondi proprji addizzjonali jridu jiġu ssodisfati unikament b’kapital tal-Grad 1 ta’ Ekwità Komuni. Minn perspettiva prudenzjali, il-kriżi bankarja u avvenimenti tas-suq aktar reċenti wrew li jista’ jkun hemm sfidi sinifikanti biex jiġu indirizzati, pereżempju, strumenti addizzjonali tal-Grad 1, li l-kapaċitajiet tagħhom ta’ assorbiment ta’ telf mhumiex effiċjenti daqs kapital tal-Ekwità Komuni tal-Grad 1 u li l-kosti tagħhom jistgħu jippreġudikaw il-profittabbiltà tal-istituzzjonijiet ta’ kreditu saħansitra aktar. Barra minn hekk, il-prattika tal-BĊE sa minn meta assuma l-kompiti superviżorji prudenzjali tiegħu kienet li jissettja rekwiżiti tal-Pilastru 2 li jridu jiġu ssodisfati b’kapital tal-Ekwità Komuni tal-Grad 1. Billi teħtieġ li l-bafers jiġu sodisfatti bl-użu biss ta’ kapital tal-Ekwità Komuni tal-Grad 1, il-korpi leġiżlattivi tal-Unjoni stabbilixxew il-preferenza tagħhom għal kapital tal-ogħla kwalità. Bidla fil-prattika tista’ tirriżulta f’inqas prevedibbiltà għall-istituzzjonijiet ta’ kreditu u kundizzjonijiet mhux ugwali għal kullħadd.

1.1.4.

Waqt li l-introduzzjoni ta’ bażi komuni għall-impożizzjoni ta’ gwida kapitali ser tassisti fl-implimentazzjoni konsistenti ta’ dik il-gwida madwar l-Unjoni, il-BĊE jikkunsidra li l-emendi proposti għas-CRD għandhom jirriflettu b’mod aktar ċar il-ħtieġa għal flessibbiltà fid-determinazzjoni tal-gwida taħt il-Pilastru 2. B’mod partikolari, għandha titqies ir-relazzjoni bejn l-livell minimu tat-test tal-istress u d-determinazzjoni tal-gwida tal-Pilastru 2. Peress li testijiet tal-istress superviżorji jservu bħala punt ta’ tluq għall-iffissar ta’ gwida tal-Pilastru 2, l-emendi proposti għas-CRD għandhom, b’mod konformi mal-aħjar prattika internazzjonali, jippermettu wkoll lill-awtoritajiet kompetenti biex japplikaw livelli minimi fissi f’testijiet tal-istress madwar l-istituzzjonijiet ta’ kreditu kollha li jistgħu jkunu aktar baxxi mir-rekwiżiti kapitali totali tal-iSREP (TSCR). Il-flessibbiltà li jintuża livell minimu fiss għandu jkun disponibbli bħala opzjoni permanenti. Barra minn hekk, l-użu tat-TSCR għandu jiġi adattat għall-metodoloġija użata fit-test tal-istress. Pereżempju, l-użu tal-livell minimu tat-TSCR fix-xenarju avvers jeħtieġ l-applikazzjoni ta’ approċċ dinamiku lejn il-karta tal-bilanċ. Minbarra dan, fl-emendi proposti għas-CRD għandha tiġi inkluża dispożizzjoni li tirrigwarda reviżjoni ta’ tliet snin.

1.1.5.

Barra dan, il-mod kif il-gwida tal-Pilastru 2 tinteraġixxi mar-rekwiżiti tal-bafer ikkombinat għandu jiġi ċċarat aktar. B’mod partikolari, għandhom jiġu evitati kunflitti potenzjali mal-objettiv tal-politika tal-bafer kontroċikliku tal-kapital. Dan jinkludi t-tneħħija tar-referenza għall-indirizzar ta’ “varjazzjonijiet ekonomiċi ċikliċi” bħala objettiv ta’ politika tal-gwida tal-Pilastru 2. Barra minn hekk, għalkemm għandu jiġi evitat kull trikkib bejn il-gwida tal-Pilastru 2 u r-rekwiżiti tal-Pilastru 2, l-emendi proposti għas-CRD għandhom jiċċaraw li, meta test tal-istress jidentifika tipi addizzjonali ta’ riskju ta’ kreditu f’sitwazzjoni ipotetika u dawn ikunu parti mir-rekwiżiti tal-Pilastru 2, l-awtoritajiet kompetenti jżommu l-abbiltà li japplikaw miżuri li jindirizzaw dawk ir-riskji fil-gwida tal-Pilastru 2.

1.1.6.

L-emendi proposti għas-CRD jillimitaw is-setgħat tal-awtoritajiet kompetenti li jeħtieġu lill-istituzzjonijiet ta’ kreditu biex jipprovdulhom informazzjoni supplimentari jew aktar frekwenti. Għalkemm il-BĊE jappoġġa bis-sħiħ l-objettiv sottostanti li jiġi evitat rapportar doppju u jitnaqqsu l-ispejjeż tar-rapportar, il-possibbiltà li tintalab dejta granulari ad hoc hija essenzjali sabiex jiġu evalwati kif suppost il-profili ta’ riskju tal-istituzzjonijiet ta’ kreditu għal, inter alia, l-iskop tal-iSREP. Huwa diffiċli biex dawn ir-riskji jinqabdu bis-sħiħ ex ante permezz ta’ rapportar armonizzat, b’mod partikolari minħabba l-mod kif jiżviluppaw l-attivitajiet u r-riskji tal-istituzzjonijiet ta’ kreditu. Barra minn hekk, l-awtoritajiet kompetenti dejjem jeħtieġu li jiġbru informazzjoni granulari addizzjonali sabiex jevalwaw b’mod adegwat il-punti ta’ saħħa u ta’ dgħjufija tal-istituzzjonijiet ta’ kreditu fir-rigward ta’ riskji speċifiċi jew klassijiet ta’ assi, eż. fir-rigward ta’ selfiet improduttivi. Għalhekk, il-BĊE huwa tal-fehma li dawn il-limitazzjonijiet għandhom jitneħħew mill-emendi proposti għas-CRD.

1.1.7.

L-awtoritajiet kompetenti għandhom jitħallew jimponu rekwiżiti ta’ fondi proprji kull meta r-riskju tar-rata tal-imgħax ikun sors materjali ta’ tħassib u mhux biss meta r-riskji jkunu jeċċedu ċertu livell minimu ddefinit minn qabel. Barra minn hekk, il-mandat propost għall-ABE biex tispeċifika ċerti kunċetti għall-iskop tar-reviżjoni tal-esponiment tal-istituzzjonijiet ta’ kreditu għar-riskju tar-rata tal-imgħax minn attivitajiet nominali mhux ta’ negozjar jissuġġerixxi lista eżawrjenti ta’ ċirkustanzi li fihom huma meħtieġa miżuri superviżorji bħala riżultat ta’ bidliet potenzjali fir-rati tal-imgħax (8). Il-BĊE huwa tal-fehma li l-awtoritajiet kompetenti għandhom jingħataw aktar flessibbiltà fl-impożizzjoni ta’ miżuri superviżorji.

1.1.8.

L-emendi proposti għas-CRD jeħtieġu li l-awtoritajiet kompetenti jikkonsultaw lill-awtoritajiet tar-riżoluzzjoni qabel l-adozzjoni ta’ xi rekwiżit kapitali addizzjonali (9). Waqt li l-BĊE jappoġġa l-objettiv li tinkiseb koordinazzjoni effettiva mal-awtoritajiet ta’ riżoluzzjoni, il-proposta għal konsultazzjoni formali ta’ awtoritajiet ta’ riżoluzzjoni qabel ma jiġu ddeterminati r-rekwiżiti addizzjonali ta’ fondi proprji jew qabel ma tingħata gwida kif speċifikat fis-CRD tkun pendantika bla bżonn u formalistika żżejjed fil-prattika, mingħajr ma ttejjeb is-sustanza tal-arranġamenti attwali. Barra minn hekk, il-Memorandum ta’ Ftehim eżistenti bejn il-BĊE u l-Bord Uniku ta’ Riżoluzzjoni (10), li ġie implimentat għall-ewwel darba fil-kuntest tal-iżvilupp tad-deċiżjonijiet SREP tal-2016, diġà jiżgura kooperazzjoni effiċjenti. Waqt li titqies in-natura mhux vinkolanti tal-gwida kapitali, id-deċiżjoni li tiġi imposta din il-gwida għandha tibqa’ barra mill-qafas ta’ deċiżjonijiet konġunti u għandha tkun soġġetta biss għal skambju ta’ informazzjoni bejn membri tal-kulleġġ.

1.2. Interazzjoni ta’ setgħat mikro u makroprudenzjali

Il-BĊE ġeneralment jappoġġa t-tneħħija tal-Pilastru 2 bħala strument mill-ġabra ta’ għodod makroprudenzjali, iżda jtenni l-fehma tiegħu li t-tneħħija tar-rekwiżiti tal-Pilastru 2 m’għandhiex twassal biex l-awtoritajiet ikollhom għodod insuffiċjenti biex iwettqu l-mandat tagħhom u jiksbu l-objettivi ta’ politika tagħhom (11). B’hekk, l-appoġġ tal-BĊE għall-eliminazzjoni proposta tar-rekwiżiti tal-Pilastru 2 mill-ġabra ta’ għodda makroprudenzjali huwa soġġett għall-proviso li l-ġabra tal-għodda titwessa’ u ssir operazzjonali. Qafas makroprudenzjali operazzjonali u effettiv huwa speċjalment importanti f’unjoni monetarja fejn huma meħtieġa politiki makroprudenzjali sabiex jiġu indirizzati żbilanċi speċifiċi għall-pajjiż jew għas-settur, u li b’hekk jiżvolġu rwol kumplimentari fl-indirizzar tal-eteroġenità f’ċikli finanzjarji u ta’ negozju fost l-Istati Membri u, b’dan il-mod, jgħinu biex tinżamm l-integrità tas-Suq Uniku u biex tiġi mħarsa l-istabbiltà finanzjarja. Fl-istess ħin, il-qafas rivedut għandu jevita li jiffaċilita deċiżjonijiet ta’ ring-fencing li jistgħu jżidu r-riskju ta’ frammentazzjoni tas-suq u joħolqu impedimenti għal konsolidazzjoni tas-sistema bankarja.

B’mod aktar ġenerali, il-BĊE jtenni l-importanza ta’ reviżjoni makroprudenzjali rigoruża, kif enfasizzat fil-kontribut tal-BĊE għall-konsultazzjoni tal-Kummissjoni Ewropea dwar ir-reviżjoni tal-qafas tal-politika makroprudenzjali tal-Unjoni. Fil-frattemp, fir-rigward tat-titjib tal-effettività operazzjonali tal-qafas makroprudenzjali, bħala minimu l-aġġustamenti li ġejjin għall-qafas attwali huma meħtieġa bħala kwistjoni ta’ prijorità u għandhom jiġu indirizzati f’din ir-reviżjoni. Fl-ewwel lok, il-ġerarkija preżenti għas-sekwenzar tal-mekkaniżmu ta’ attivazzjoni (l-hekk imsejħa “pecking order”) għandha tiġi rtirata. Il-pecking order preżenti tipprovdi inċentivi avversi fir-rigward tal-għażla ta’ strumenti u tirriżulta fi preġudizzju favur l-inazzjoni. Fit-tieni lok, il-varjetà wiesgħa ta’ proċeduri ta’ notifika u attivazzjoni għal miżuri makroprudenzjali għandhom isiru aktar effiċjenti, simplifikati u armonizzati. Dan ikun jinvolvi, inter alia, li tiġi stabbilita proċedura ta’ attivazzjoni unifikata u simplifikata għall-użu tal-għodda makroprudenzjali pprovduti fl-Artikolu 458 tar-Regolament dwar ir-Rekwiżiti tal-Kapital (12) (CRR) u l-armonizzazzjoni tal-proċeduri ta’ attivazzjoni għall-bafer tal-kapital differenti b’tali mod li jippermetti lill-awtoritajiet makroprudenzjali jaġixxu b’mod effiċjenti, effettiv u f’waqtu. F’dan ir-rigward, bidliet għar-regoli relatati mal-bafer tal-istituzzjonijiet l-oħrajn li huma sistemikament importanti u mal-bafer tar-riskju sistemiku għandhom jiġu kkunsidrati sabiex jiġi ċċarat l-iskop tal-politika ta’ dawn il-bafers, biex b’hekk jiġi eliminat it-trikkib u tittejjeb l-effettività tal-użu tagħhom mill-awtoritajiet. Fit-tielet lok, il-proċess stipulat fl-Artikolu 136(3) tas-CRD għandu jiġi ssimplifikat b’tali mod li kull awtorità nnominata tevalwa r-rata adegwata tal-bafer kontroċikliku tal-kapital fuq bażi trimestrali iżda tissettja jew tirrisettja r-rata biss jekk ikun hemm bidla fl-intensità ta’ riskji sistemiċi ċikliċi. F’dan il-kuntest, il-proċeduri għan-notifikazzjoni tar-rata tal-bafer kontroċikliku għandhom jiġu emendati wkoll biex jirrikjedu li l-awtoritajiet innominati tal-Istati Membri li jipparteċipaw fl-MSU jinnotifikaw ukoll l-informazzjoni speċifikata fil-punti (a) sa (g) tal-Artikolu 136(7) tas-CRD lill-BĊE. Finalment, il-BĊE jikkunsidra li huwa ta’ importanza assoluta li l-qafas tal-politika makroprudenzjali jiġi rrevedut f’intervalli regolari, waqt li jitqiesu żviluppi fil-qafas analitiku kif ukoll l-esperjenza prattika fl-implimentazzjoni tal-politika. F’dan ir-rigward, għandha tiddaħħal ukoll dispożizzjoni għal reviżjoni komprensiva tal-qafas makroprudenzjali fit-tliet snin li ġejjin, inklużi l-ambitu u l-idoneità tal-ġabra ta’ għodda.

1.3. Rinunzja transkonfinali għal rekwiżiti prudenzjali

1.3.1.

Il-BĊE b’mod ġenerali jappoġġa l-introduzzjoni tal-possibbiltà għal awtorità kompetenti li tirrinunzja l-applikazzjoni ta’ rekwiżiti prudenzjali fuq bażi individwali lil sussidjarja li l-uffiċċju prinċipali tagħha jkun jinsab fi Stat Membru differenti minn dak tal-impriża prinċipali tagħha, li hija konsistenti mal-istabbiliment tal-MSU u l-unjoni bankarja.

1.3.2.

Salvagwardji prudenzjali addizzjonali u modifiki tekniċi jistgħu jindirizzaw kwalunkwe tħassib potenzjali dwar l-istabilità finanzjarja li jirriżultaw mill-applikazzjoni ta’ dan il-mekkaniżmu ta’ rinunzja għall-unjoni bankarja, li għadha miexja lejn stat ta’ tlestija. B’mod partikolari, iż-żewġ prekundizzjonijiet addizzjonali li ġejjin jistgħu jiddaħħlu sabiex is-sussidjarji jibbenefikaw mir-rinunzja: (a) is-sussidjarji eliġibbli għar-rinunzja m’għandhomx weħidhom jaqbżu ċertu limitu minimu, eż. il-limiti minimi għas-sinifikanza stipulati fl-SSMR; u (b) ir-rinunzja għandha tkun soġġetta għal limitu minimu ta’ 75 %, eż. ir-rekwiżit ta’ fondi proprji minimi jista’ jitnaqqas l-aktar minn 8 % sa 6 % tal-ammont totali tal-iskopertura għar-riskju. F’dan ir-rigward, il-garanzija tkun meħtieġa biss b’rabta mal-ammont ta’ rekwiżiti ta’ fondi proprji meħtieġa attwalment irrinunzjati. Barra minn hekk, il-BĊE jirrakkomanda li dawn il-kundizzjonijiet għandhom jiġu rreveduti fi żmien tliet snin wara d-dħul fis-seħħ tagħhom u li għandha tingħata konsiderazzjoni, b’mod partikolari, lil jekk il-limitu minimu għandux jitbaxxa aktar fid-dawl tal-evoluzzjoni tal-unjoni bankarja.

1.3.3.

L-emendi proposti għas-CRR għandhom jiċċaraw addizzjonalment li l-garanzija minn impriża prinċipali għal sussidjarja għandha tiġi riflessa b’mod xieraq fir-rkwiżiti prudenzjali għar-riskju ta’ kreditu applikabbli għall-impriża prinċipali. B’mod partikolari, l-impriża prinċipali għandu jkollha 100 % tad-drittijiet tal-vot tas-sussidjarja.

1.3.4.

Finalment, għandhom jiġu stabbiliti arranġamenti tranżitorji xierqa għall-implimentazzjoni tar-rinunzja tal-kapital transkonfinali, waqt li jitqies il-progress ulterjuri ppjanat dwar l-unjoni bankarja deskritt fil-Komunikazzjoni tal-Kummissjoni lill-Parlament Ewropew, lill-Kunsill, lill-Bank Ċentrali Ewropew, lill-Kumitat Ekonomiku u Soċjali Ewropew u lill-Kumitat tar-Reġjuni dwar it-tlestija tal-Unjoni Bankarja (13) (iktar ’il quddiem il-“Komunikazzjoni dwar it-tlestija tal-unjoni bankarja”).

1.4. Implimentazzjoni tal-Istandard Internazzjonali tar-Rapportar Finanzjarju 9 (IFRS 9)

L-emendi proposti għas-CRR jipprovdu għal perijodu ta’ introduzzjoni f’fażijiet għal provvedimenti ta’ telf ta’ kreditu mistenni taħt IFRS 9 (14) sabiex jittaffa l-impatt ta’ IFRS 9 fuq il-kapital tal-Ekwità Komuni tal-Grad 1 regolatorju ta’ istituzzjonijiet ta’ kreditu (15). Il-BĊE jirrakkomanda li l-perijodu għal miżuri tranżitorji għal IFRS 9 għandu jibda fl-1 ta’ Jannar 2018 b’introduzzjoni f’fażijiet lineari (16). F’dan il-kuntest, il-presidenza tal-Kunsill hija mħeġġa li taċċelera l-introduzzjoni tal-leġiżlazzjoni li timplimenta l-arranġament tranżitorju għal IFRS 9.

Barra minn hekk, ikun preferibbli li l-introduzzjoni f’fażijiet tapplika biss għat-tnaqqis inizjali tal-Ekwità Komuni tal-Grad 1 fl-1 ta’ Jannar 2018 (approċċ statiku) u mhux l-ammonti ta’ telf mistennija kkalkulati taħt IFRS 9 fid-data ta’ rapportar relevanti fil-perijodu ta’ tranżizzjoni (approċċ dinamiku), peress li dan l-aħħar approċċ effettivament idewwem l-applikazzjoni sħiħa ta’ IFRS 9 (17).

Sabiex jiġi evitat l-għadd doppju ta’ ammonti miżjuda lura mal-kapital tal-Ekwità Komuni tal-Grad 1, il-BĊE jirrakkomanda li jsiru korrezzjonijiet matul il-perijodu ta’ tranżizzjoni għall-partijiet kollha tas-CRR li jassumu t-tnaqqis ta’ kapital tal-Ekwità Komuni tal-Grad 1, jiġifieri għaż-żieda lura għal kapital tal-Grad 2, għal ammonti ta’ assi ta’ taxxa ddiferita mhux imnaqqsa, u għal tnaqqis fil-valuri ta’ skopertura għall-approċċ standardizzat għal riskju ta’ kreditu, il-proporzjon tal-ingranaġġ u l-qafas ta’ skopertura kbira.

Il-miżuri tranżitorji għandhom ikunu obbligatorji għall-istituzzjonijiet kollha; inkella istituzzjonijiet li jagħżlu li ma jadottawhomx ikunu jistgħu jġiegħlu lil istituzzjonijiet oħrajn biex jagħmlu wkoll frontloading, li jmur kontra l-iskop proprju li jitħalla aktar żmien biex isir adattament għat-tnaqqis inizjali tal-Ekwità Komuni tal-Grad 1 meta ssir il-qalba għal IFRS 9.

1.5. Tnaqqis u aġġustamenti addizzjonali għall-kapital tal-Ekwità Komuni tal-Grad 1

Il-BĊE jilqa’ l-kjarifika tal-Kummissjoni dwar il-kamp ta’ applikazzjoni tal-Artikolu 104(1)(d) tas-CRD u l-Artikolu 16(2)(d) tal-SSMR kif stipulat fir-Rapport mill-Kummissjoni lill-Parlament Ewropew u lill-Kunsill dwar il-Mekkaniżmu Superviżorju Uniku stabbilit skont ir-Regolament (UE) Nru 1024/2013 (iktar ’il quddiem ir-“Rapport dwar l-MSU”) (18) u, b’mod partikolari, il-konferma li l-awtoritajiet kompetenti huma awtorizzati li jitolbu lil istituzzjoni ta’ kreditu biex tapplika aġġustamenti speċifiċi (tnaqqis, filtri jew miżuri simili) għal kalkoli ta’ fondi proprji fejn it-trattament tal-kontabilità applikat mill-istituzzjoni ta’ kreditu jitqies li mhuwiex prudenti minn perspettiva superviżorja. Il-BĊE huwa tal-fehma li dik il-kjarifika għandha tiġi inkluża direttament fit-test tas-CRD biex tiġi żgurata ċertezza legali.

1.6. Impriża prinċipali intermedjarja fl-UE

Il-BĊE jilqa’ r-rekwiżit li jiġu stabbiliti impriżi prinċipali intermedjarji fl-UE għal gruppi bankarji ta’ pajjiżi terzi b’żewġ istituzzjonijiet jew aktar stabbiliti fl-Unjoni, sakemm jiġu sodisfatti ċerti kriterji jew jinqabżu ċerti livelli minimi (19), peress li dan għandu jippermetti lis-superviżur konsolidanti biex jevalwa r-riskji u s-sodezza finanzjarja tal-grupp bankarju sħiħ fl-Unjoni u biex jiġu applikati rekwiżiti prudenzjali fuq bażi kkonsolidata.

Madankollu, ċerti aspetti tal-emendi proposti għas-CRD jeħtieġu kjarifika ulterjuri sabiex jiġi evitat arbitraġġ regolatorju. Fl-ewwel lok, ir-rekwiżit għandu japplika kemm għal istituzzjonijiet ta’ kreditu minn pajjiżi terzi kif ukoll għal friegħi (jiġifieri wkoll f’każijiet fejn l-operazzjonijiet tal-Unjoni tal-grupp minn pajjiż terz jitwettqu, parzjalment jew esklużivament, permezz ta’ friegħi). Fit-tieni lok, ladarba tkun stabbilita impriża prinċipali fl-UE, għandu jkun rekwiżit li l-friegħi eżistenti tal-istess grupp bankarju minn pajjiż terz li jaqbżu ċertu livell minimu jiġu stabbiliti mill-ġdid bħala friegħi ta’ istituzzjoni ta’ kreditu awtorizzata fl-Unjoni sabiex jiġu pprevenuti opportunitajiet ta’ arbitraġġ regolatorju, peress li s-superviżjoni ta’ friegħi minn pajjiżi terzi mhijiex armonizzata. Huwa importanti wkoll, fuq medda ta’ żmien itwal, li jiġi armonizzat il-qafas regolatorju u superviżorju ta’ friegħi ta’ pajjiżi terzi fl-Unjoni. Fit-tielet lok, kemm jekk l-impriża prinċipali intermedjarja fl-UE tkun stabbilita bħala kumpanija holding finanzjarja, kumpanija holding finanzjarja mħallta jew istituzzjoni ta’ kreditu, għandu jiġi żgurat li l-qafas għad-determinazzjoni tas-superviżjoni fuq bażi kkonsolidata ma jirriżultax f’eżitu li mhuwiex xieraq u li jista’ jikkomprometti l-eżerċitar ta’ superviżjoni effiċjenti u effettiva minn awtoritajiet kompetenti li jagħmlu superviżjoni fil-konfront ta’ entitajiet li jappartjenu għall-grupp minn pajjiż terz fuq bażi individwali. Konsegwentement, meta l-impriża prinċipali intermedjarja fl-UE tkun stabbilita bħala istituzzjoni ta’ kreditu, u sabiex il-kundizzjonijiet jinġiebu ugwali għal kullħadd, għandha tiġi esplorata l-introduzzjoni ta’ kriterju simili għal dak stipulat fl-Artikolu 111(5) tas-CRD, li bħalissa japplika għal kumpaniji holding finanzjarji u kumpaniji holding finanzjarji mħallta. Barra minn hekk, l-ambitu tal-applikazzjoni u l-proċess marbut mal-implimentazzjoni tal-Artikolu 111(5) tas-CRD għandhom jiġu ċċarati. Fir-raba’ lok, f’każ ta’ kunflitt bejn il-liġijiet ta’ pajjiż terz u r-rekwiżit għal impriża prinċipali intermedjarja individwali fl-UE, li jipprevjeni jew jikkumplika bla bżonn il-konformità mar-rekwiżit ta’ impriża prinċipali intermedjarja fl-UE, għandha tiġi esplorata deroga li tagħti diskrezzjoni lill-awtoritajiet kompetenti, f’ċirkustanzi eċċezzjonali, biex jippermettu l-istabbiliment ta’ żewġ impriżi prinċipali intermedjarji separati fl-UE (jew biex ikunu jistgħu jinstiltu entitajiet speċifiċi mill-impriża prinċipali intermedjarja individwali fl-UE). F’dan il-każ, li-livell minimu għar-rekwiżit tal-impriża prinċipali intermedjarja fl-UE għandu jiġi applikat fil-livell tal-grupp sħiħ minn pajjiż terz, qabel ma tiġi eżerċitata d-diskrezzjoni, sabiex l-eżerċitar ta’ din id-diskrezzjoni ma jirriżultax f’ċirkomvenzjoni tal-limiti minimi applikabbli għall-istabbiliment ta’ impriża prinċipali intermedjarja fl-UE, kif ipprovdut fl-emendi proposti għas-CRD.

1.7. Proporzjonalità fir-rapportar

Fir-rigward tal-obbligi ta’ rapportar ta’ istituzzjonijiet iżgħar il-BĊE ġeneralment jappoġġa approċċ proporzjonat. F’xi każijiet, istituzzjonijiet iżgħar għandhom ikunu soġġetti għal rekwiżiti ta’ rapportar simplifikati skont id-daqs u l-kumplessità tagħhom u skont kemm ikunu riskjużi.

It-tnaqqis propost fil-frekwenza ta’ rapportar regolatorju (20) minn istituzzjonijiet ta’ kreditu żgħar jipprevjeni lill-awtoritajiet kompetenti milli jagħmlu superviżjoni adegwata ta’ dawn l-istituzzjonijiet ta’ kreditu (21). Ir-rapporti regolatorji huma ferm relevanti, peress li dawn huma fost l-aktar sorsi ta’ informazzjoni importanti għas-superviżjoni kontinwa ta’ istituzzjonijiet iżgħar. Id-disponibbiltà ta’ informazzjoni adegwata tippermetti lill-awtoritajiet kompetenti biex jaġġustaw l-intensità tal-azzjonijiet superviżorji tagħhom fir-rigward ta’ dawk l-istituzzjonijiet. Barra minn hekk, għalkemm tnaqqis fil-frekwenza tar-rapportar ser inaqqas b’mod sinifikanti l-ispejjeż ta’ konformità għal istituzzjonijiet ta’ kreditu iżgħar minn perspettiva ta’ riżorsi umani, huwa improbabbli li dan ikun inqas ta’ piż minn perspettiva tal-IT, peress li istituzzjonijiet iżgħar xorta waħda jkollhom bżonn ipoġġu sistemi tal-IT xierqa fis-seħħ u l-maġġoranza ta’ dawn l-ispejjeż diġà ġew imġarrba.

Minflok ma titnaqqas il-frekwenza tar-rapportar regolatorju l-BĊE jissuġġerixxi li l-ambitu ta’ rapportar għal istituzzjonijiet iżgħar jista’ jiġi emendat, ladarba l-ABE tkun evalwat l-impatt finanzjarju fuq l-istituzzjonijiet ta’ kreditu tar-Regolament ta’ Implimentazzjoni tal-Kummissjoni (UE) Nru 680/2014 (22) f’termini ta’ kosti ta’ konformità u benefiċċji superviżorji (23).

Applikazzjoni konsistenti tal-prinċipju ta’ proporzjonalità għandha tiġi rikonoxxuta b’mod aktar sistematiku fis-CRR kollu. Każijiet speċifiċi għandhom jiġu identifikati meta trattament aktar proporzjonat jista’ jnaqqas l-ispejjeż tal-konformità mingħajr ma jikkomprometti r-reġim superviżorju prudenzjali. Approċċ aktar proporzjonat jista’ jiġi pprovdut, b’mod partikolari fil-oqsma tal-governanza interna u r-reġim ta’ kompetenza u idoneità, remunerazzjoni, u żvelar.

1.8. Restrizzjonijiet awtomatiċi fuq distribuzzjonijiet

Fir-rigward tal-emendi proposti għas-CRD dwar l-ammont massimu distribwibbli (MDA), il-BĊE jilqa’ l-kjarifika dwar l-akkumulazzjoni ta’ kapital (capital stack). Barra minn hekk, il-BĊE jipproponi li l-profitti interim/ta’ tmiem is-sena kollha mhux diġà inklużi fil-kapital tal-Ekwità Komuni tal-Grad 1 (nett mid-distribuzzjonijiet diġà mħallsa) għandhom jiġu inklużi fl-MDA u mhux biss dawk il-profitti ġġenerati wara l-aħħar distribuzzjoni. L-enfasi fuq l-aktar distribuzzjoni jew ħlas reċenti tillimita l-profitti li jistgħu jintużaw għall-kalkolu tal-MDA. L-istituzzjonijiet ta’ kreditu spiss ikollhom diversi dati ta’ deċiżjonijiet għall-ħlas tal-kupuni, dividendi u bonuses. Aktar ma jkun frekwenti li istituzzjoni ta’ kreditu tieħu deċiżjonijiet dwar distribuzzjonijiet jew tħallashom, aktar ikun qasir il-perijodu li matulu jiġu ġġenerati l-profitti u b’hekk aktar ikun baxx l-ammont ta’ profitti eliġibbli biex jintużaw fil-kalkolu tal-MDA. Din ir-restrizzjoni mhijiex iġġustifikata jekk il-profitti interim/ta’ tmiem is-sena ġġenerati, iżda mhux diġà inklużi fil-kapital ta’ Ekwità Komuni tal-Grad 1, ikunu ogħla mid-distribuzzjonijiet magħmula.

1.9. Riskju tal-kreditu u tal-kreditu tal-kontroparti

1.9.1.

Waqt li l-leġiżlazzjoni tal-Livell 2 iċċarat b’mod komprensiv l-immudellar f’termini tar-riskju tal-kreditu, tas-suq u dak operazzjonali, dawk l-ispeċifiċitajiet għadhom neqsin fir-rigward tar-riskju ta’ kreditu tal-kontroparti. Il-BĊE jirrakkomanda li s-CRR għandu jiġi emendat sabiex jitlob lill-ABE biex tiżviluppa standards tekniċi regolatorji bi kriterji ta’ valutazzjoni speċifiċi għall-Metodu tal-Mudell Intern (Internal Model Method - IMM) u għall-metodu avvanzat ta’ aġġustament tal-valutazzjoni tal-kreditu (advanced credit valuation adjustment - A-CVA). Dawn l-istandards tekniċi regolatorji għandhom jistipulaw f’aktar dettall il-valutazzjoni tal-materjalità għal bidliet u estensjonijiet tal-mudell kemm għall-IMM kif ukoll għall-A-CVA. Finalment, għandha tiżdied dispożizzjoni li teħtieġ lill-istituzzjonijiet ta’ kreditu biex jiksbu approvazzjoni mingħand l-awtoritajiet kompetenti sabiex japplikaw l-approċċ A-CVA.

1.9.2.

Istituzzjonijiet ta’ kreditu li diġà implimentaw l-IMM ma jużawhiex esklużivament, u jużaw metodi oħrajn (mhux interni) biex jikkalkulaw uħud mill-iskoperturi tagħhom. Dan joħloq tħassib li għadd kbir ta’ istituzzjonijiet ta’ kreditu jistgħu ma jkunux kapaċi jikkonformaw mar-rekwiżit li l-IMM ma jistax jiġi applikat b’mod ikkombinat ma’ metodi oħrajn. Għal dan il-għan, is-CRR għandu jiġi emendat sabiex jippermetti lill-istituzzjonijiet ta’ kreditu jiksbu permess biex jużaw l-IMM għal riskju ta’ kreditu ta’ kontroparti fuq bażi parzjali permanenti, kif jistgħu għal tipi ta’ riskju oħrajn.

1.9.3.

Barra minn hekk, ir-regoli attwali tas-CRR sabiex jiġi ddeterminat il-parametru ta’ maturità għandhom jiġu estiżi biex ikopru skoperturi għal transazzjonijiet ta’ finanzjament ta’ derivattivi u titoli u tranżazzjonijiet għal terminu miftuħ.

1.9.4.

Id-definizzjoni tad-delta superviżorja proposta mill-Kummissjoni għall-approċċ standardizzat ġdid biex jitkejlu l-iskoperturi tar-riskju ta’ kreditu ta’ kontroparti għandha tiġi allinjata mal-istandards tal-Kumitat ta’ Basel għas-Superviżjoni Bankarja (BCBS) li huma matematikament korretti.

1.10. Trattament ta’ kumpaniji holding finanzjarji u kumpaniji holding finanzjarji mħallta

1.10.1.

Il-BĊE jappoġġa l-armonizzazzjoni u t-titjib tas-superviżjoni fuq kumpaniji holding finanzjarji u kumpaniji holding finanzjarji mħallta. Huwa importanti li azzjonijiet għal superviżjoni kkonsolidata jkunu jistgħu jiġu mmirati direttament lejn l-impriża prinċipali ta’ grupp bankarju, irrispettivament jekk tkunx istituzzjoni jew kumpanija holding. F’dan ir-rigward, l-objettiv superviżjorju fundamentali huwa li jiġi żgurat li l-impriża prinċipali twettaq it-tmexxija u l-koordinazzjoni tagħha fuq is-sussidjarji tagħha b’mod li effettivament javvanza s-superviżjoni kkonsolidata. B’mod ġenerali, ir-reġim l-ġdid għandu jippermetti għall-karatteristiċi partikolari ta’ kumpanija holding finanzjarja jew kumpanija holding finanzjarja mħallta u r-rwol tagħha fi ħdan grupp li għandu jittieħed f’kunsiderazzjoni b’mod suffiċjenti, sabiex jiġu evitati impedimenti eċċessivi għall-funzjonament tal-grupp.

1.10.2.

Xi aspetti tal-emendi proposti għas-CRTD u s-CRR għandhom jibbenefikaw mit-titjib jew kjarifika. Pereżempju, hija meħtieġa kjarifika dwar kif l-emendi proposti li jirrigwardaw l-awtorizzazzjoni ta’ kumpaniji holding finanzjarji u kumpaniji holding finanzjarji mħallta jirrelataw mar-regoli eżistenti dwar is-superviżjoni ta’ parteċipazzjonijiet kwalifikanti. Addizzjonalment, l-emendi proposti għas-CRD u s-CRR ma jindikawx b’ċarezza suffiċjenti liema mid-dispożizzjonijiet attwali li jirreferu għal “istituzzjoni ta’ kreditu” għandhom jinftiehmu bħala li jinkludu kumpanija holding finanzjarja u kumpanija holding finanzjarja mħallta għall-finijiet ta’ superviżjoni kkonsolidata. Speċifikazzjoni ulterjuri hija meħtieġa wkoll b’rabta mal-miżuri superviżorji li jinsabu għaddejjin li s-superviżur konsolidanti jista’ japplika għal kumpanija holding finanzjarja u kumpanija holding finanzjarja mħallta.

1.10.3.

Barra minn hekk, jenħtieġ li jiġi kkunsidrat l-effett tal-emendi proposti fuq l-Artikolu 111 tas-CRD. Huwa ta’ tħassib partikolari li s-superviżur konsolidanti jista’ jkun jinsab f’ġurisdizzjoni differenti mill-kumpanija holding finanzjarja jew kumpanija holding finanzjarja mħallta. Imbagħad ikun jenħtieġ li s-superviżur konsolidanti jiżgura konformità mar-rekwiżiti konsolidati minn kumpanija holding finanzjarja jew kumpanija holding finanzjarja mħallta stabbilita fi Stat Membru differenti. L-emendi proposti għas-CRD għandhom jinkludu dispożizzjonijiet li jistipulaw f’dettall akbar kif għandha titwettaq kooperazzjoni transkonfinali effiċjenti f’dak bħal dan.

1.10.4.

Finalment, l-emendi proposti għas-CRD għandhom jinkludu dispożizzjonijiet li jiċċaraw it-trattament ta’ kumpaniji holding finanzjarji eżistenti u kumpaniji holding finanzjarji mħallta li jaqgħu taħt dawn id-dispożizzjonijiet.

1.11. Superviżjoni ta’ ditti ta’ investiment transkonfinali kbar

Ditti ta’ investiment kbar u kumplessi li qishom banek u li jipprovdu servizzi ta’ investiment li għandhom impatt fuq il-karta tal-bilanċ tagħhom, b’mod partikolari dawk b’operazzjonijiet transkonfinali, jistgħu jippreżentaw riskji akbar għall-istabbilità finanzjarja kif ukoll riskju akbar ta’ effetti li jinxterdu fuq banek oħrajn. Il-BĊE huwa tal-fehma li s-superviżjoni kkonsolidata u individwali ta’ ditti kbar ta’ investiment transkonfinali li qishom banek fl-Unjoni teħtieġ li tiġi kkunsidrata ulterjorment, sabiex jiġu żgurati standards superviżorji prudenti u konsistenti li jikkorrispondu mar-riskji li dawn id-ditti jistgħu jippreżentaw. Waħda mill-alternattivi possibbli tkun li jiġu emendati s-CRD/CRR sabiex jiġi żgurat li ditti ta’ investiment kbar transkonfinali jitqiesu bħala istituzzjonijiet ta’ kreditu (24). Dan ikun relevanti għal ditti ta’ investiment li ta’ spiss iwettqu attivitajiet bħal tal-banek li jkunu ta’ tip kif imwettqa mill-banek. Għal ditti ta’ investiment li ma jkunux f’dik il-kategorija, id-differenzjazzjoni attwali tat-trattament riflessa fl-arranġamenti nazzjonali għandha tiġi ppreżervata.

1.12. Setgħat nazzjonali

1.12.1.

L-RMSU jagħti lill-BĊE kompiti speċifiċi relatati mas-superviżjoni prudenzjali ta’ istituzzjonijiet ta’ kreditu, bil-għan li jikkontribwixxi għas-sigurtà u s-sodezza tal-istituzzjonijiet ta’ kreditu u l-istabbiltà tas-sistema finanzjarja. Dawn il-kompiti jitwettqu billi jitqiesu bis-sħiħ l-għaqda u l-integrità tas-suq intern u t-trattament ugwali ta’ istituzzjonijiet ta’ kreditu u bil-għan ta’ prevenzjoni tal-arbitraġġ regolatorju (25). Għal dan l-iskop, il-BĊE huwa meħtieġ li japplika d-dritt tal-Unjoni kollu relevanti u meta dan id-dritt ikun kompost minn direttivi, il-leġiżlazzjoni nazzjonali li tittrasponi dawk id-direttivi (26), b’mod partikolari s-CRD u d-Direttiva dwar l-Irkupru u r-Riżoluzzjoni ta’ Banek (27) (BRRD). Madankollu, xi setgħat superviżorji mhumiex imsemmija speċifikament fid-dritt tal-Unjoni u differenzi fil-leġiżlazzjoni nazzjonali jirriżultaw f’asimitriji fis-setgħat superviżorji tal-BĊE fost l-Istati Membri parteċipanti.

1.12.2.

F’dan ir-rigward, il-BĊE diġà eżamina l-ambitu u l-firxa ta’ setgħat superviżorji eżistenti u żviluppa approċċ sabiex tiġi żgurata interpretazzjoni konsistenti tas-setgħat tal-BĊE. Minkejja l-kjarifika tal-kompetenzi tal-BĊE, jekk dawn is-setgħat superviżorji eżistenti jiġu pprovduti b’bażi legali komuni taħt id-dritt tal-Unjoni, dan jiskatta rekwiżit għat-traspożizzjoni tagħhom u jgħin biex tiġi ċċarata l-interpretazzjoni dwar jekk setgħa speċifika mogħtija taħt il-liġi nazzjonali taqax taħt l-ambitu ta’ kompitu speċifiku mogħti lill-BĊE. Barra minn hekk, dan għandu jrawwem kundizzjonijiet ugwali għal kullħadd fis-superviżjoni bankarja tal-Unjoni permezz tal-armonizzazzjoni tas-setgħat superviżorji tal-awtoritajiet kompetenti. Sabiex jinkiseb dan, id-dritt tal-Unjoni għandu jinkludi referenza ċara għal setgħat superviżorji addizzjonali f’għadd ta’ oqsma, sabiex tiġi evitata l-inċertezza legali fir-rigward tas-setgħat superviżorji diretti tal-BĊE u sabiex jiġu żgurati kundizzjonijiet ugwali għal kullħadd fir-rigward tas-setgħat superviżorji madwar l-unjoni bankarja. Dawn l-oqsma huma relatati prinċipalment ma’ akkwisti f’pajjiżi terzi, fużjonijiet, trasferimenti ta’ assi u deċiżjonijiet strateġiċi oħrajn, l-emendar tal-istatuti ta’ istituzzjonijiet ta’ kreditu u l-ftehimiet tal-azzjonisti tagħhom dwar l-eżerċitar ta’ drittijiet tal-votazzjoni, l-għoti ta’ kreditu lil partijiet relatati, l-esternalizzazzjoni ta’ attivitajiet minn istituzzjonijiet ta’ kreditu, setgħat superviżorji fir-rigward ta’ awdituri esterni u setgħat addizzjonali relatati mal-awtorizzazzjoni ta’ istituzzjonijiet ta’ kreditu.

1.13. Valutazzjoni tal-kompetenza u l-idoneità u detenturi ta’ funzjonijiet ewlenin

1.13.1.

Preżentament, is-CRD ma tistabbilixxix rekwiżiti għall-proċedura li għandha tintuża mill-awtoritajiet kompetenti meta jwettqu valutazzjonijiet fuq membri tal-korpi ta’ ġestjoni. Bħala konsegwenza, il-prattiki nazzjonali jistgħu jvarjaw b’mod konsiderevoli fir-rigward taż-żmien meta ssir il-valutazzjoni, l-iskadenzi, u dwar jekk il-valutazzjoni sseħħx qabel jew immedjatament wara ħatra. Il-BĊE jirrakkomanda li d-dritt tal-Unjoni jiġi emendat sabiex jiġu armonizzati aktar il-proċessi għal valutazzjonijiet ta’ “kompetenza u idoneità”.

1.13.2.

Detenturi ta’ pożizzjonijiet ewlenin għandhom impatt importanti fuq il-tmexxija ta’ kuljum ta’ istituzzjonijiet ta’ kreditu u fl-istruttura ta’ governanza ġenerali tagħhom. Il-BĊE jirrakkomanda li d-dritt tal-Unjoni għandu jiġi emendat biex jinkludi definizzjoni ta’ detenturi ta’ pożizzjonijiet ewlenin u sabiex tiġi ċċarata d-definizzjoni ta’ maniġment ta’ livell għoli. Barra minn hekk, sabiex jiġu armonizzati l-approċċi nazzjonali, għandha tiddaħħal dispożizzjoni dwar is-setgħat tal-awtoritajiet kompetenti meta jevalwaw id-detenturi ta’ funzjonijiet ewlenin f’istituzzjonijiet sinifikanti.

1.14. Skambju ta’ informazzjoni

Il-qafas attwali tal-Unjoni ftit jagħmel referenzi għall-ħtieġa ta’ kooperazzjoni bejn l-awtoritajiet kompetenti responsabbli għas-superviżjoni prudenzjali u għal awtoritajiet ta’ kontra l-ħasil tal-flus (28). Lanqas m’hemm dispożizzjonijiet speċifiċi li jirregolaw il-kooperazzjoni bejn l-awtoritajiet kompetenti responsabbli għas-superviżjoni prudenzjali u l-awtoritajiet responsabbli għall-applikazzjoni ta’ regoli dwar separazzjoni strutturali. Il-BĊE jipproponi li d-dispożizzjonijiet tas-CRD dwar skambju ta’ informazzjoni kunfidenzjali għandhom jiġu emendati biex jipprovdu espliċitament għal kooperazzjoni ma’ dawn l-awtoritajiet l-oħrajn.

1.15. Reġim ta’ infurzar u sanzjonijiet

Il-lista ta’ ksur soġġetti għal sanzjonijiet taħt is-CRD ma tinkludix għadd ta’ ksur importanti, jiġifieri fir-rigward tar-rekwiżiti kapitali tal-Pilastru 1, regolamenti u deċiżjonijiet superviżorji maħruġa minn awtorità kompetenti, ir-rekwiżit biex issir applikazzjoni għal permess minn qabel u obbligi biex tiġi nnotifikata l-awtorità kompetenti. Għaldaqstant l-Istati Membri għandhom diskrezzjoni dwar jekk jagħtux is-setgħa lill-awtoritajiet kompetenti biex jimponu penali amministrattivi f’każijiet bħal dawn. Dan l-approċċ jista’ jwassal għal inkonsistenzi bejn l-Istati Membri u jimmina l-infurzar effettiv ta’ rekwiżiti prudenzjali. Sabiex jilqa’ kontra dan, il-BĊE jipproponi li titwessa’ l-lista ta’ ksur soġġetti għal sanzjonijiet.

1.16. Opzjonijiet u diskrezzjonijiet

1.16.1.

L-eżistenza ta’ opzjonijiet u diskrezzjonijiet nazzjonali fir-regolazzjoni prudenzjali tipprevjeni l-kisba ta’ ktieb ta’ regoli uniku fil-livell tal-Unjoni u żżid saff żejjed ta’ kumplessità u spejjeż, waqt li tippermetti opportunitajiet għal arbitraġġ regolatorju. B’mod partikolari, opzjonijiet għall-Istati Membri joħolqu ostakli għat-tħaddim effiċjenti tal-MSU, li jrid iqis regolamenti u prattiki differenti fl-Istati Membri parteċipanti. L-eżerċitar konkurrenti u diverġenti ta’ dawk l-opzjonijiet jirriżulta f’kobba regolatorja li tista’ tfixkel it-tħaddim bla skossi tas-superviżjoni tal-BĊE fi ħdan l-Istati Membri parteċipanti u fir-rigward ta’ skoperturi relatati ma’ pajjiżi terzi.

1.16.2.

F’xi każijiet, dawn id-diverġenzi jaffettwaw ukoll is-setgħat superviżorji. B’hekk, dawn l-opzjonijiet u diskrezzjonijiet li mhumiex iġġustifikati minn perspettiva prudenzjali, għandhom jiġu armonizzati direttament f’leġiżlazzjoni tal-Livell 1. B’mod simili, l-introduzzjoni ta’ opzjonijiet u diskrezzjonijiet ġodda għandha tiġi skoraġġita, kif huwa l-każ, pereżempju, fl-emendi proposti għas-CRR fil-qasam tal-investiment ta’ ekwità f’fondi.

1.17. Rekwiżiti ta’ fondi proprji għal skoperturi għal kontropartijiet ċentrali (CCPs)

Il-BĊE jappoġġa l-introduzzjoni ta’ perijodu ta’ eżenzjoni ddefinit minn qabel fl-emendi proposti għas-CRR fir-rigward ta’ rekwiżiti ta’ fondi proprji għal skoperturi għas-CCPs. Dan il-perijodu ta’ eżenzjoni ddefinit minn qabel għandu jippermetti lill-istituzzjonijiet biex jikkunsidraw lil CCP ta’ pajjiż terz li tkun applikat, skont l-Artikolu 25 tar-Regolament (UE) Nru 648/2012 tal-Parlament Ewropew u tal-Kunsill (29), biex tiġi rikonoxxuta bħala CCP kwalifikanti. Dak il-perijodu ta’ eżenzjoni huwa importanti sabiex l-istituzzjonijiet jingħataw ċertezza legali fir-rigward tat-trattament tal-iskoperturi tagħhom fuq orizzont ta’ żmien relevanti. Madankollu, il-BĊE jemmen li jekk jiġi pprovdut perijodu massimu ta’ eżenzjoni ta’ ħames snin wara d-data tas-sottomissjoni ta’ applikazzjoni għal rikonoxximent (meta l-Kummissjoni tkun għadha ma adottatx att ta’ implimentazzjoni) dan jista’ jitqies li huwa eċċessiv fid-dawl tal-implikazzjonijiet potenzjali fuq l-istabbiltà finanzjarja li jirriżultaw minn skoperturi għal CCPs ta’ pajjiżi terzi mhux rikonoxxuti. Il-BĊE għalhekk jissuġġerixxi li jiġi stabbilit perijodu ta’ eżenzjoni massimu iqsar għal skoperturi għal CCPs ta’ pajjiżi terzi li għadhom ma ġewx rikonoxxuti taħt l-Artikolu 25 tar-Regolament (UE) Nru 648/2012.

2. Implimentazzjoni ta’ standards superviżorji miftiehma internazzjonalment

Il-BĊE jilqa’ l-implimentazzjoni ta’ standards superviżorji miftiehma internazzjonalment fid-dritt tal-Unjoni. Minħabba l-interkonnettività tas-sistema finanzjarja globali, standards globali huma meħtieġa biex tiġi żgurata l-kumparabbiltà u kundizzjonijiet ekwi.

2.1. Proporzjon ta’ ingranaġġ

2.1.1.

Il-BĊE jappoġġa l-introduzzjoni ta’ rekwiżit ta’ proporzjon ta’ ingranaġġ taħt id-dritt tal-Unjoni u l-kalibrazzjoni tiegħu għal 3 %, li huwa konformi mal-istandards tal-BCBS u r-rakkomandazzjonijiet tal-ABE (30). Il-BĊE jirrakkomanda li l-implimentazzjoni ddettaljata tal-istandards tal-proporzjon ta’ ingranaġġ mill-Unjoni tikkunsidra debitament l-eżitu ta’ diskussjonijiet internazzjonali li jinsabu għaddejjin, b’mod partikolari fi ħdan il-BCBS, kif ukoll kwalunkwe żviluppi ulterjuri fuq livell internazzjonali.

2.1.2.

L-emenda proposta għas-CRR telimina d-diskrezzjoni eżistenti għall-awtoritajiet kompetenti biex jeżentaw mill-miżura ta’ skopertura tal-proporzjon ta’ ingranaġġ kwalunkwe skoperturi intragruppi diġà eżentati minn piżijiet ta’ riskju u skoperturi li jirriżultaw mill-mogħdija ta’ tfaddil irregolat (31), u minflok tintroduċi eżenzjonijiet awtomatiċi għal dawn l-iskoperturi (32). Il-BĊE huwa tal-fehma li l-istituzzjonijiet ta’ kreditu għandhom jitħallew jeskludu dawn l-iskoperturi mill-proporzjon ta’ ingranaġġ biss jekk tingħata approvazzjoni ex ante mill-awtorità kompetenti, wara valutazzjoni tar-riskji relatati ta’ ingranaġġ sottostanti kif huwa l-każ fid-dritt tal-Unjoni attwalment applikabbli. Fir-rigward ta’ istituzzjonijiet sinifikanti fl-MSU, il-valutazzjoni hija bbażata fuq il-Gwida tal-BĊE dwar opzjonijiet u diskrezzjonijiet disponibbli fil-liġi tal-Unjoni (33).

2.1.3.

Jekk l-eżenzjoni ta’ skoperturi li tirriżulta minn kreditu ta’ esportazzjoni appoġġat uffiċjalment (34) għandha tinżamm, in għandha tkun limitata sal-grad meħtieġ, inkwantu din tkun iġġustifikata minn ħtieġa fuq il-livell tal-Unjoni u mhux minn preferenzi nazzjonali, peress li tikkostitwixxi devjazzjoni mill-istandards tal-BCBS. L-eżenzjoni awtomatika tal-iskoperturi li tirriżulta minn selfiet promozzjonali mill-miżura ta’ skopertura (35) tiddevja wkoll mill-istandards tal-BCBS u hija wkoll f’kunflitt mar-razzjonal tal-proporzjon ta’ ingranaġġ bħala miżura mhux ibbażata fuq riskju. Barra minn hekk, din l-eżenzjoni awtomatika mhijiex konformi mar-rakkomandazzjonijiet tal-ABE u timpedixxi tqabbil effiċjenti ta’ proporzjonijiet ta’ ingranaġġ madwar is-suq. Finalment, id-diċitura ta’ bosta eżenzjonijiet, li spiss ma jkunux ċari f’dak li għandu x’jaqsam mal-kundizzjonijiet li għandhom jiġu ssodisfati, jistgħu jippermettu lill-istituzzjonijiet biex jinterpretaw l-eżenzjonijiet f’modi differenti, li possibiblment iwassal biex l-eżenzjonijiet jkollhom applikazzjoni usa’ u ma jkunux immirati lejn każijiet ferm speċifiċi.

2.1.4.

Il-BĊE jappoġġa l-introduzzjoni ta’ ħlas addizzjonali għall-proporzjon ta’ ingranaġġ speċifikament għal istituzzjonijiet globali sistemikament importanti (global systemically important institutions - G-SIIs), li għandu jkun ibbażat fuq l-istandards internazzjonali fir-rigward tad-disinn u l-kalibrazzjoni ta’ dawk ir-rekwiżiti malli jiġu ffinalizzati. Rekwiżiti addizzjonali għal G-SIIs għandhom jirriflettu r-relevanza sistemika tagħhom u jipprovdu l-kapaċità addizzjonali ta’ assorbiment ta’ telf sabiex tiġi żgurata protezzjoni supplimentari kontra l-falliment potenzjali tagħhom.

2.1.5.

L-emendi proposti għas-CRR jipprovdu wkoll għat-tpaċija tal-marġni inizjali fil-każ ta’ skoperturi derivattivi relatati mal-ikklerjar ta’ klijenti, li huwa element ieħor li jiddevja mill-istandards tal-BCBS. It-trattament tal-marġni inizjali għal dawn it-transazzjonijiet huwa kwistjoni sensittiva li bħalissa qiegħda tiġi rriveduta fuq livell internazzjonali. L-implimentazzjoni fl-Unjoni għandha tirrifletti l-konklużjonijiet ta’ din ir-reviżjoni malli tiġi ffinalizzata (36).

2.1.6.

L-emendi proposti għas-CRR iżommu l-approċċ attwali għall-kalkolu tal-proporzjon ta’ ingranaġġ fuq il-bażi tal-karta tal-bilanċ fi tmiem it-trimestru (37). Il-BĊE jirrakkomanda li tiġi riveduta din id-dispożizzjoni, waqt li jitqiesu d-diskussjonijiet internazzjonali li jinsabu għaddejjin dwar il-perijodu ta’ referenza għall-kalkolu tal-proporzjon ta’ ingranaġġ.

2.1.7.

Il-kwistjoni dwar kif għandhom jiġu ttrattati r-riżervi tal-bank ċentrali għall-finijiet tal-kalkolu tal-iskopertura tal-proporzjon ta’ ingranaġġ hija kwistjoni sensittiva oħra li bħalissa qiegħda tiġi riveduta fuq livell internazzjonali. L-implimentazzjoni tal-proporzjon ta’ ingranaġġ taħt id-dritt tal-unjoni għandha tikkunsidra l-konklużjonijiet ta’ din ir-reviżjoni ladarba tiġi ffinalizzata.

2.1.8.

Il-BĊE jaqbel mar-rakkomandazzjonijiet tal-ABE li s-CCPs m’għandhomx ikunu soġġetti għal rekwiżit ta’ proporzjon ta’ ingranaġġ anki jekk dawk l-entitajiet ikollhom liċenzja bankarja f’xi Stati Membri. L-eżenzjoni ta’ dawn is-CCPs mill-proporzjon ta’ ingranaġġ hija ġġustifikata minn salvagwardji speċifiċi imposti fuq is-CCPs permezz tar-Regolament (UE) Nru 648/2012 u mill-fatt li l-obbligazzjonijiet ta’ CCPs, bħall-marġnijiet miżmuma fil-forma ta’ depożiti, huma akkumulati prinċipalment għal skopijiet ta’ ġestjoni tar-riskju aktar milli għal attivitajiet ta’ finanzjament ta’ investiment.

2.2. Proporzjon ta’ finanzjament stabbli nett (net stable funding ratio - NSFR)

2.2.1.

L-emendi proposti għas-CRR jiddevjaw mill-istandards tal-BCBS fir-rigward tat-trattament ta’ assi likwidi ta’ kwalità għolja tal-Livell 1 billi japplikaw fattur ta’ finanzjament stabbli meħtieġ (required stable funding - RSF) u mhux fattur ta’ 5 % (38). Il-BĊE jipproponi li rewiżit ta’ finanzjament stabbli għandu jinżamm għal assi likwidi ta’ kwalità għolja tal-Livell 1 (esklużi flus kontanti u riżervi tal-bank ċentrali, li għandhom ikunu soġġetti għal fattur ta’ RSF ta’ 0 %), peress li dawn l-assi huma soġġetti għal xi riskju ta’ prezz fuq orizzont ta’ żmien ta’ sena, anki fin-nuqqas ta’ xenarju ta’ stress. Mhuwiex xieraq li jiġi introdott l-istess trattament bħal bil-proporzjon ta’ kopertura tal-likwidità, meta jitqiesu l-oqfsa ta’ żmien differenti taż-żewġ standards.

2.2.2.

L-emendi proposti għas-CRR jiddevjaw ukoll mill-istandards tal-BCBS fir-rigward tat-trattament ta’ riskju ta’ finanzjament futur f’kuntratti derivattivi (39). Il-BĊE jilqa’ l-mandat mogħti lill-ABE biex tirrapporta lill-Kummissjoni dwar l-opportunità li tadotta miżura aktar sensittiva għar-riskju (40), minħabba li l-istandards tal-BCBS humiex sensittivi biżżejjed għar-riskju (41). Madankollu, l-arranġamenti tranżitorji proposti fihom ċerti nuqqasijiet kunċettwali li jintroduċu opportunitajiet ta’ arbitraġġ regolatorju, u l-impatt tagħhom fuq istituzzjonijiet ta’ kreditu għadu ma ġiex evalwat. Għalhekk, sakemm tkun ġiet identifikata metodoloġija aktar xierqa, il-BĊE jipproponi li r-reġim tranżitorju għandu jiġi allinjat mal-istandards tal-BCBS.

2.2.3.

Fir-rigward tat-trattament ta’ transazzjonijiet ta’ finanzjament assigurati, l-emendi proposti għas-CRR japplikaw fattur RSF aktar baxx għal transazzjonijiet siguri u mhux siguri ma’ kontropartijiet finanzjarji b’maturità rimanenti ta’ inqas minn sitt xhur minn dik ipprovduta taħt l-istandards tal-BCBS (42). Reviżjoni olistika ta’ fatturi applikati għat-transazzjonijiet siguri kollha inklużi fl-NSFR għandhom jitwettqu, fuq il-bażi ta’ analiżi profonda, sabiex jiġi ddeterminat jekk il-fatturi għal kollateral u maturitajiet speċifiċi humiex ikkalibrati kif suppost. Sakemm issir tali reviżjoni, il-BĊE jipproponi li l-fatturi RSF ipprovduti taħt l-istandards tal-BCBS għandhom jiġu applikati.

2.2.4.

L-emendi proposti għas-CRR jinkludu eżenzjoni mir-rekwiżit tal-NSFR għal assi u obbligazzjonijiet marbuta direttament ma’ bonds koperti ġenerali li jikkonformaw mad-Direttiva 2009/65/KE tal-Parlament Ewropew u tal-Kunsill (43) u għal soft bullet u conditional pass-through bonds li jissodisfaw ċerti kriterji ta’ skattament tal-maturità (44). Il-BĊE jappoġġa r-rakkomandazzjoni tal-ABE li għandhom jiġu eżentati biss fully matched funding pass-through covered bond structures, peress li dawn ma jippreżentaw ebda riskju ta’ finanzjament għall-bank emittenti (45). B’kuntrast, il-BĊE jipproponi li bonds koperti oħrajn m’għandhomx ikunu eżentati mill-NSFR peress li dawn il-bonds, b’mod simili għal obbligazzjonijiet oħrajn għal tul ta’ żmien itwal, għandhom riskji ta’ finanzjament sinifikanti li mhumiex immitigati mill-karatteristiċi strutturali tagħhom. Meta titqies l-importanza ta’ bonds koperti fil-finanzjament ta’ banek, eżenzjoni de facto tal-biċċa l-kbira ta’ bonds koperti pendenti tirriżulta f’dilwizzjoni sinifikanti tal-istandards prudenzjali.

2.3. Reviżjoni fundamentali tal-ktieb tal-kummerċ

2.3.1.

Il-BĊE jilqa’ l-proposta għall-implimentazzjoni fid-dritt tal-Unjoni tal-istandards tal-BCBS ġdid dwar ir-riskju għas-suq li jirriżulta mir-reviżjoni fundamentali tal-ktieb tal-kummerċ (FRTB) (46). Il-BĊE jirrakkomanda li l-implimentazzjoni dettaljata tal-istandard FRTB fl-Unjoni, b’mod partikolari l-arranġamenti tranżitorji xierqa, tikkunsidra debitament l-eżitu ta’ diskussjonijiet internazzjonali li jinsabu għaddejjin, b’mod partikolari fi ħdan il-BCBS, kif ukoll kwalunkwe żviluppi ulterjuri f’livell internazzjonali. Barra minn hekk, il-perijodu ta’ implimentazzjoni ta’ sentejn li huwa previst attwalment jista’ ma jkunx suffiċjenti għall-istituzzjonijiet biex juru l-konformità tagħhom mar-rekwiżiti tal-mudell u għas-superviżuri biex jivvalutaw u japprovaw kif suppost il-mudelli ta’ riskju tas-suq. Dan huwa minħabba l-fatt li l-ispeċifikazzjoni teknika ta’ għadd ta’ aspetti importanti tal-approċċ tal-mudelli interni ser tiġi pprovduta fi standards tekniċi regolatorji, li ser ikunu disponibbli biss wara d-dħul fis-seħħ tal-emendi proposti għas-CRR. Għal din ir-raġuni, ikun parir tajjeb li tittawwal il-fażi ta’ implimentazzjoni.

2.3.2.

Ir-reġim tranżitorju propost li jintroduċi rikalibrazzjoni ‘l isfel sinifikanti (b’35 %) tar-rekwiżiti kapitali tal-FRTB fuq perijodu ta’ tliet snin, huwa kawża għal tħassib minħabba li jista’ jirriżulta f’rekwiżiti kapitali tar-risku tas-suq li jkunu taħt il-livelli attwali b’mod sinifikanti għal istituzzjonijiet speċifiċi. Waqt li perijodu tranżitorju jista’ jgħin biex itaffi l-impatt fuq ir-rekwiżiti kapitali ta’ istituzzjonijiet ta’ kreditu, il-BĊE jipproponi li l-kalibrazzjoni tranżitorja għandha titneħħa gradwalment f’fażijiet, skont skeda ddefinita minn qabel, u kkombinata ma’ limitu minimu sabiex jiġi evitat li rekwiżiti kapitali tar-riskju tas-suq jaqgħu taħt il-livelli attwali.

Fir-rigward tal-bidliet addizzjonali għall-qafas ta’ riskju tas-suq bil-għan li tinkiseb aktar proporzjonalità, il-BĊE jikkunsidra l-emendi proposti għas-CRR li jippermettu lil istituzzjonijiet b’kotba tal-kummerċ żgħar li jużaw approċċi simplifikati huma żieda adegwata, sakemm il-livelli minimi għal applikazzjoni jinżammu fil-livelli stipulati fil-proposta. Madankollu, l-approċċ standardizzat simplifikat propost għandu jkun biżżejjed sensittiv għar-riskju u jwassal għal rekwiżiti kapitali li huma adegwati meta mqabbla mal-approċċi ġodda applikabbli għal istituzzjonijiet ta’ kreditu akbar. Għal dan il-għan, reviżjonijiet futuri tas-CRR għandhom iqisu l-iżviluppi relevanti fil-livell tal-BCBS.

2.3.3.

L-emendi proposti għas-CRR ma jinkorporawx xi elementi ewlenin tal-istandards tal-BCBS, bħall-ispeċifikazzjoni tat-test tal-attribuzzjoni tal-profitt u tat-telf, direttament fil-leġiżlazzjoni tal-Livell 1, u dawn jitħallew għal leġiżlazzjoni ddelegata futura. Il-BĊE jipproponi li dawn l-elementi għandhom jiġu inklużi direttment fis-CRR, u li l-ispeċifikazzjonijiet tekniċi biss għandhom jiġu implimentati fi standards tekniċi.

2.3.4.

L-emendi proposti għas-CRR jagħtu ammont sinifikanti ta’ libertà ta’ mudellar lill-istituzzjonijiet ta’ kreditu, li tista’ twassal għal diverġenzi serji fil-prattiki superviżorji u fl-immudellar tar-riskju. B’reazzjoni għal dan, il-BĊE jipproponi li restrizzjonijiet għall-immudellar żviluppati bħala parti mill-FRTB fuq il-bażi ta’ studji kumparattivi għandhom jiġu inkorporati fis-CRR.

2.3.5.

B’differenza mill-istandards tal-BCBS, l-emendi proposti għas-CRR jippermettu lill-istituzzjonijiet ta’ kreditu biex jagħżlu, mingħajr ebda restrizzjoni, l-iskrivaniji tan-negozjar li għalihom japplikaw għal approvazzjoni tal-mudell intern u dawk li għalihom ser iżommu l-approċċ standardizzat. Sabiex jiġi evitat arbitraġġ regolatorju, l-awtoritajiet kompetenti għandhom ikunu kapaċi, fuq il-bażi tal-approċċ magħżul mill-istituzzjonijiet ta’ kreditu għal skrivaniji ta’ negozjar kumparabbli, biex jiddeterminaw l-inklużjoni ta’ skrivaniji ta’ negozjar li huma jikkunsidraw li għandhom ikunu fi ħdan l-ambitu tal-approċċ tal-mudelli interni.

Proposti ta’ abbozzar speċifiċi mill-persunal tal-BĊE fir-rigward ta’ emendi proposti għas-CRR u s-CRD huma elenkati f’dokument ta’ ħidma tekniku separat akkumpanjat b’test spjegatorju f’dan is-sens. Id-dokument ta’ ħidma tekniku ma ġiex adottat mill-Kunsill Governattiv. Id-dokument ta’ ħidma tekniku huwa disponibbli bl-Ingliż fis-sit elettroniku tal-BĊE.

Magħmul fi Frankfurt am Main, it-8 ta’ Novembru 2017.

Il-President tal-BĊE

Mario DRAGHI

(1) COM (2016) 850 finali.

(2) COM (2016) 854 finali.

(3) Disponsibbli fuq is-sit elettroniku tal-Bank għall-Ħlasijiet Internazzjonali (BIS) fuq www.bis.org

(4) Direttiva 2013/36/UE tal-Parlament Ewropew u tal-Kunsill tas-26 ta’ Ġunju 2013 dwar l-aċċess għall-attività tal-istituzzjonijiet ta’ kreditu u s-superviżjoni prudenzjali tal-istituzzjonijiet ta’ kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(5) Ara l-Linji Gwida EBA/GL/2014/13 tal-Awtorità Bankarja Ewropea tad-19 ta’ Diċembru 2014 dwar proċeduri u metodoloġiji komuni għall-proċess ta’ reviżjoni u evalwazzjoni superviżorji (SREP).

(6) Ara r-Rapport tal-ABE dwar il-konverġenza ta’ prattiki superviżorji (EBA-Op-2016-11), 14 ta’ Lulju 2016, disponibbli fuq is-sit elettroniku tal-ABE fuq www.eba.europa.eu

(7) Fuq il-bażi tal- Artikolu 4(1)(f) tar-Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU L 287, 29.10.2013, p. 63) (SSMR), il-BĊE jwettaq reviżjonijiet superviżorji u għal dak l-iskop iddefinixxa metodoloġija komuni tal-iSREP (ara b’mod partikolari l-Gwida tal-BĊE dwar is-Supervijoni Bankarja ta’ Novembru 2014, disponibbli fuq is-sit elettroniku tal-BĊE fuq www.ecb.europa.eu). Bħala riżultat, il-konsistenza fir-rekwiżiti addizzjonali imposti fuq istituzzjonijiet ta’ kreditu sinifikanti żdiedet b’mod notevoli. B’mod partikolari, fir-rigward ta’ istituzzjonijiet ta’ kreditu sinifikanti fi ħdan l-MSU, il-korrelazzjoni bejn il-punteġġi ġenerali tal-iSREP u r-rekwiżiti kapitali żdiedet minn 26 % qabel l-2014 għal 76 % fl-2016 (ara l-paġna 44 tal-ktejjeb tal-metodoloġija tal-iSREP tal-2016 maħruġ mill-MSU, disponibbli fuq is-sit elettroniku tas-Superviżjoni Bankarja tal-BĊE fuq www.bankingsupervision.europa.eu).

(8) Ara l-Artikolu 98(5a) ġdid propost tas-CRD.

(9) Ara l-Artikolu 104c ġdid propost tas-CRD.

(10) Memorandum ta’ ftehim bejn il-Bord Uniku ta’ Riżoluzzjoni u l-Bank Ċentrali Ewropew tat-22 ta’ Diċembru 2015 fir-rigward ta’ kooperazzjoni u skambju ta’ informazzjoni, disponibbli fuq is-sit elettroniku tal-BĊE fuq www.ecb.europa.eu.

(11) Ara l-kontribut tal-BĊE għall-konsultazzjoni tal-Kummissjoni Ewropea dwar ir-reviżjoni tal-qafas tal-politika makroprudenzjali tal-UE (12 ta’ Diċembru 2016), disponibbli fuq is-sit elettroniku tal-BĊE fuq www.ecb.europa.eu.

(12) Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

(13) COM(2017) 592 final.

(14) Ara l-Bord dwar l-Istandards Internazzjonali tal-Kontabilità, IFRS 9 Strumenti Finanzjarji (2014), disponibbli fuq www.ifrs.org.

(15) Ara l-Artikolu 473a ġdid propost tas-CRR.

(16) B’mod konformi mal-paragrafu 96 A ġdid propost tad-dokument Basel III, ara l-istandards tal-BCBS: Regulatory treatment of accounting provisions – interim approach and transitional arrangements, Marzu 2017, disponibbli fuq is-sit elettroniku tal-BIS fuq www.bis.org. Fuq il-bażi ta’ dan il-paragrafu, il-perċentwali għal kull sena huma ddeterminati fuq il-bażi ta’ linja dritta.

(17) Ara l-Artikolu 473a ġdid propost tas-CRR.

(18) COM(2017) 591 final.

(19) Ara l-Artikolu 21b ġdid propost tas-CRD.

(20) Ara l-Artikoli 99(4), 101(5), 394(3) u 430(1) ġodda proposti tas-CRR.

(21) Din il-proposta għandha taffettwa madwar 80 % tal-istituzzjonijiet kollha inqas sinifikanti.

(22) Regolament ta’ Implimentazzjoni tal-Kummissjoni (UE) Nru 680/2014 tas-16 ta’ April 2014 li jistabbilixxi standards tekniċi ta’ implimentazzjoni fir-rigward tar-rappurtar superviżorju ta’ istituzzjonijiet skont ir-Regolament (UE) Nru 575/2013 tal-Parlament Ewropew u tal-Kunsill (ĠU L 191, 28.6.2014, p. 1).

(23) Ara l-Artikolu 99(7) ġdid propost tas-CRR.

(24) Ara l-Komunikazzjoni dwar it-tlestija tal-unjoni bankarja, p. 19 u r-Rapport dwar l-MSU, p. 8.

(25) Ara l-ewwel paragrafu tal-Artikolu 1 tal-RMSU.

(26) Ara l-Artikolu 4(3) tal-proposta.

(27) Direttiva 2014/59/UE tal-Parlament Ewropew u tal-Kunsill tal-15 ta’ Mejju 2014 li tistabbilixxi qafas għall-irkupru u r-riżoluzzjoni ta’ istituzzjonijiet ta’ kreditu u ditti ta’ investiment u li temenda d-Direttiva tal-Kunsill 82/891/KE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/KE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012 tal-Parlament Ewropew u tal-Kunsill (ĠU L 173, 12.6.2014, p. 190).

(28) La s-CRD u lanqas id-Direttiva (UE) 2015/849 tal-Parlament Ewropew u tal-Kunsill tal-20 ta’ Mejju 2015 dwar il-prevenzjoni tal-użu tas-sistema finanzjarja għall-finijiet tal-ħasil tal-flus jew il-finanzjament tat-terroriżmu, li temenda r-Regolament (UE) Nru 648/2012 tal-Parlament Ewropew u tal-Kunsill, u li tħassar id-Direttiva 2005/60/KE tal-Parlament Ewropew u tal-Kunsill u d-Direttiva tal-Kummissjoni 2006/70/KE (ĠU L 141, 5.6.2015, p. 73) ma jipprovdu speċifikament għal kooperazzjoni ta’ din ix-xorta.

(29) Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).

(30) Rapport tal-ABE dwar ir-rekwiżiti tal-proporzjon ta’ ingranaġġ taħt l-Artikolu 511 tas-CRR (Nru EBA-Op-2016-13), 3 ta’ Awwissu 2016, disponibbli fuq is-sit elettroniku tal-ABE fuq www.eba.europa.eu

(31) Ara l-Artikolu 429a(1) ġdid propost tas-CRD.

(32) Ara l-Artikolu 429a ġdid propost tas-CRR.

(33) Ara l-Gwida tal-BĊE dwar opzjonijiet u diskrezzjonijiet disponibbli fid-dritt tal-Unjoni (verżjoni kkonsolidata). Novembru 2016, disponibbli fuq is-sit elettroniku dwar is-Superviżjoni Bankarja tal-BĊE fuq www.bankingsupervision.europa.eu.

(34) Aral-Artikolu 429a(1)(f) tas-CRR ġdid propost.

(35) Aral-Artikolu 429a(1)(e) tas-CRR ġdid propost.

(36) Ara d-Dokunment Konsultattiv tal-BCBS, p. 33. Reviżjonijiet għall-qafas tal-proporzjon ta’ ingranaġġ ta’ Basel III, 25 ta’ April 2016, disponibbli fuq is-sit elettroniku tal-BIS fuq www.bis.org.

(37) Ara l-Artikolu 429(2) ġdid propost tas-CRR moqri flimkien mal-Artikolu 14(2) tar-Regolament ta’ Implimentazzjoni (UE) Nru 680/2014.

(38) Ara l-Artikolu 428r(1)(a) ġdid propost tas-CRR, u l-paragrafu 37 tad-dokument tal-BCBS Basel III: the net stable funding ratio, Ottubru 2014 (iktar ’il quddiem il-“Qafas BCBS NSFR”), disponibbli fuq is-sit elettroniku tal-BIS fuq www.bis.org

(39) Ara l-Artikolu 428u(2) ġdid propost u l-Artikolu 428x(2), (3) u (4) tas-CRR.

(40) Ara l-Artikolu 510(4) ġdid propost tas-CRR.

(41) Ara l-kontribuzzjoni tal-Eurosistema għad-dokument ta’ konsultazzjoni ta’ DG FISMA tal-Kummissjoni Ewropea dwar kunsiderazzjonijiet ulterjuri għall-implimentazzjoni tal-proporzjon ta’ finanzjament stabbli nett fl-Unjoni Ewropea, 14 ta’ Settembru 2016.

(42) Ara l-Artikolu 428s(b) ġdid propost u l-Artikolu 428u(1)(a) u (b) tas-CRR, u l-paragrafi 38 u 39(b) tal-qafas BCBS NSFR.

(43) Direttiva 2009/65 KE tal-Parlament Ewropew u tal-Kunsill tat-13 ta’ Lulju 2009 dwar il-koordinazzjoni ta’ liġijiet, regolamenti u dispożizzjonijiet amministrattivi li jirrelataw għal impriżi ta’ investiment kollettiv f’titoli trasferibbli (UCITS) (ĠU L 302, 17.11.2009, p. 32).

(44) Ara l-Artikolu 141a(2)(d) ġdid propost tas-CRD.

(45) Ara r-Rakkomandazzjoni 6 tar-Rapport tal-ABE dwar Rekwiżiti ta’ Finanzjament Stabbli Nett taħt l-Artikolu 510 tas-CRR (EBA Op/2015/22) tal-15 ta’ Diċembru 2015, disponibbli fuq is-sit elettroniku tal-ABE fuq www.eba.europa.eu

(46) Standards BCBS. Rekwiżiti kapitali minimi għar-riskju tas-suq, Jannar 2016, disponibbli fuq is-sit elettroniku tal-BIS fuq www.bis.org

31.1.2018

Il-Ġurnal Uffiċjali tal-Unjoni Ewropea

C 34/17

OPINJONI TAL-BANK ĊENTRALI EWROPEW

tat-8 ta' Novembru 2017

dwar reviżjonijiet għall-qafas ta' ġestjoni ta' kriżijiet tal-Unjoni

(CON/2017/47)

(2018/C 34/06)

Introduzzjoni u bażi legali

Fit-2 u fl-20 ta' Frar 2017 il-Bank Ċentrali Ewropew (BĊE) irċieva talbiet mill-Kunsill tal-Unjoni Ewropea u mill-Parlament Ewropew, rispettivament, għal opinjoni dwar proposta għal Regolament tal-Parlament Ewropew u tal-Kunsill li jemenda r-Regolament (UE) Nru 575/2013 rigward il-proporzjon ta' ingranaġġ, il-proporzjon ta' ffinanzjar stabbli nett, ir-rekwiżiti tal-fondi proprji u l-obbligazzjonijiet eliġibbli, ir-riskju ta' kreditu tal-kontroparti, ir-riskju tas-suq, l-esponiment għall-kontropartijiet ċentrali, l-esponiment għall-impriżi ta' investiment kollettiv, l-esponiment kbir, ir-rekwiżiti ta' rappurtar u żvelar, u li jemenda r-Regolament (UE) Nru 648/2012 (1) (iktar 'il quddiem “l-emendi proposti għar-Regolament dwar Rekwiżiti Kapitali”) (2).

Fis-17 u l-20 ta' Frar 2017 il-BĊE rċieva talbiet mill-Parlament Ewropew u mill-Kunsill tal-Unjoni Ewropea, rispettivament, għal opinjoni dwar proposta għal Direttiva tal-Parlament Ewropew u tal-Kunsill li temenda d-Direttiva 2013/36/UE fir-rigward ta' entitajiet eżentati, kumpaniji azzjonarji finanzjarji, kumpaniji azzjonarji finanzjarji mħallta, ir-rimunerazzjoni, miżuri u setgħat superviżorji u miżuri ta' konservazzjoni kapitali (3) (iktar 'il quddiem l-“emendi proposti għad-Direttiva dwar rekwiżiti kapitali”).

Fit-2 u fl-20 ta' Frar 2017 il-BĊE rrċieva talbiet mill-Kunsill tal-Unjoni Ewropea u mill-Parlament Ewropew, rispettivament, għal opinjoni dwar proposta għal Regolament tal-Parlament Ewropew u tal-Kunsill li jemenda r-Regolament (UE) Nru 806/2014 dwar il-Kapaċità ta' assorbiment tat-telf u ta' Rikapitalizzazzjoni għall-istituzzjonijiet ta' kreditu u għad-ditti ta' investiment (4) (iktar 'il quddiem l-“emendi proposti għar-Regolament dwar Mekkaniżmu Uniku ta' Riżoluzzjoni”).

Fl-20 ta' Frar 2017 il-BĊE rċieva talbiet mill-Kunsill tal-Unjoni Ewropea u mill-Parlament Ewropew għal opinjoni dwar proposta għal Direttiva tal-Parlament Ewropew u tal-Kunsill li temenda d-Direttiva 2014/59/UE dwar il-kapaċità ta' assorbiment tat-telf u ta' rikapitalizzazzjoni ta' istituzzjonijiet tal-kreditu u ditti tal-investiment u li temenda d-Direttiva 98/26/KE, id-Direttiva 2002/47/KE, id-Direttiva 2012/30/UE, id-Direttiva 2011/35/UE, id-Direttiva 2005/56/KE, id-Direttiva 2004/25/KE, id-Direttiva 2007/36/KE (5) (iktar 'il quddiem l-“emendi proposti għad-Direttiva dwar l-Irkupru u r-Riżoluzzjoni ta' Banek”) (iktar 'il quddiem imsejħa kollettivament “ir-regolamenti u direttivi ta' emenda proposti”).

Il-kompetenza tal-BĊE biex jagħti opinjoni hija bbażata fuq l-Artikoli 127(4) u 282(5) tat-Trattat dwar il-Funzjonament tal-Unjoni Ewropea billi r-regolamenti u direttivi ta' emenda proposti fihom dispożizzjonijiet li jaffettwaw il-kompiti tal-BĊE dwar politiki relatati mas-superviżjoni prudenzjali ta' istituzzjonijiet ta' kreditu skont l-Artikolu 127(6) tat-Trattat u l-kontribuzzjoni tas-Sistema Ewropea ta' Banek Ċentrali għat-tmexxija bla xkiel ta' politiki segwiti mill-awtoritajiet kompetenti relatati mal-istabbiltà tas-sistema finanzjarja, kif imsemmi fl-Artikolu 127(5) tat-Trattat. F'konformità mal-ewwel sentenza tal-Artikolu 17.5 tar-Regoli tal-Proċedura tal-Bank Ċentrali Ewropew, il-Kunsill Governattiv adotta din l-opinjoni.

1. Implimentazzjoni tal-istandard tal-kapaċità totali ta' assorbiment ta' telf (total loss-absorbing capacity — TLAC) fl-Unjoni

Il-BĊE jilqa' r-regolamenti u d-direttiva ta' emenda proposti, li jimmiraw li jimplimentaw l-istandard TLAC tal-Bord għall-Istabbiltà Finanzjarja (FSB) (6) għal istituzzjoni globali sistemikament importanti (G-SIIs) stabbiliti fl-Unjoni. Jekk l-ambitu tar-rekwiżiti tal-kapaċità totali ta' assorbiment ta' telf (TLAC) jiġi estiż għal sett ieħor ta' istituzzjonijiet ta' kreditu, eż. għal istituzzjonijiet sistemikament importanti oħrajn (O-SIIs), dan joħloq kwistjonijiet ta' kalibrazzjoni, peress li għandhom profili eteroġenji ħafna. Madankollu, jekk tiġi kkunsidrata estensjoni tal-ambitu, alternattiva tista' tkun li jiġi kopert subsett ta' O-SIIs, li jixbhu lill-G-SIIs f'termini ta' daqs, kumplessità, mudell ta' negozju, interkonnettività u importanza sistemika, possibbilment b'livell ta' kalibrazzjoni minimu aktar baxx. Dan għandu jippermetti li d-differenzi meta mqabbla mal-G-SIIs ikunu riflessi b'mod aktar preċiż.

2. Emendi għar-rekwiżit minimu ta' fondi proprji u obbligazzjonijiet eliġibbli (minimum requirement for own funds and eligible liabilities — MREL)

2.1.

L-MREL jikkonsisti f'żewġ partijiet: ammont ta' assorbiment ta' telf u ammont ta' rikapitalizzazzjoni. L-emendi proposti għad-Direttiva dwar l-Irkupru u r-Riżoluzzjoni tal-Banek (7) (BRRD) u għar-Regolament dwar Mekkaniżmu Uniku ta' Riżoluzzjoni (8) (SRMR) jipprovdu l-possibbiltà għall-awtorità ta' riżoluzzjoni li taġġusta l-ammont ta' rikapitalizzazzjoni tal-MREL sabiex jirrifletti b'mod adegwat ir-riskji li jirriżultaw mill-mudell ta' negozju, mill-mudell ta' finanzjament u mir-riskju ġenerali (9). Dan jippermetti lill-awtorità ta' riżoluzzjoni biex tikkunsidra tnaqqis probabbli fl-assi u profil ta' riskju differenti tal-istituzzjoni wara l-applikazzjoni tal-għodod ta' riżoluzzjoni u sabiex jiġi aġġustat l-ammont ta' rikapitalizzazzjoni għad-daqs il-ġdid iktar żgħir tal-karta tal-bilanċ.

Barra minn dan il-BĊE jqis illi wara konsultazzjoni mal-awtorità kompetenti, l-awtorità ta' riżoluzzjoni għandha titħalla taġġusta l-ammont ta’ rikapitalizzazzjoni ‘l fuq sabiex ikun hemm “marġni ta’ sigurtà”. Dan il-buffer żgħir jiżgura illi l-grupp u l-entitajiet li jirriżultaw mir-riżoluzzjoni jkollhom riżorsi biżżejjed sabiex ikopru telf addizzjonali mhux mistenni u spejjeż mhux previsti li jistgħu jinqalgħu fil-perijodu wara r-riżoluzzjoni, li jistgħu, eż., jinqalgħu mill-eżitu finali tal-evalwazzjoni jew ikunu marbutin ma’ spejjeż li jirriżultaw mill-implimentazzjoni ta’ pjan ta’ riorganizzazzjoni tan-negozju. L-ammont ta’ dan il-marġni ta’ sigurtà għandu jkun stabbilit fuq bażi ta’ każ każ, skont il-pjan ta’ riżoluzzjoni għall-istituzzjoni ta’ kreditu.

2.2.

L-emendi proposti għall-BRRD u l-SRMR jippermettu lil awtorità ta' riżoluzzjoni biex tagħti gwida lil entità biex ikollha fondi proprji u obbligazzjonijiet eliġibbli li jaqbżu l-MREL, sabiex ikopru t-telf addizzjonali potenzjali tal-entità u sabiex tiġi żgurata fiduċja tas-suq fir-riżoluzzjoni (10). Il-BĊE jirrakkomanda li l-gwida proposta tal-MREL tiġi eliminata billi din iżżid kumplessità għall-qafas mingħajr ma tipprovdi benefiċċji ċari. Fl-ewwel lok, il-gwida tal-MREL tista' żżid il-kalibrazzjoni globali tal-MREL, peress li l-gwida tista' tiġi pperċepita mis-suq bħala rekwiżit li dejjem irid jiġi rrispettat. Is-setgħa tal-awtorità ta' riżoluzzjoni li tikkonverti l-gwida tal-MREL, jekk tinkiser b'mod konsistenti, f'rekwiżit vinkolanti tal-MREL (11), tista' ssaħħaħ il-perċezzjoni tas-suq li l-gwida tal-MREL essenzjalment tikkontribwixxi għal rekwiżit miżjud tal-MREL. Fit-tieni lok, il-gwida tal-MREL mhijiex meħtieġa biex issejjes il-konformità mar-rekwiżit tal-MREL peress li r-rekwiżit ta' bafer ikkombinat diġà huwa sovrappost fuq ir-rekwiżit tal-MREL fil-proposta tal-Kummissjoni. Fit-tielet lok, il-gwida tal-MREL ma tistax tiġi ġġustifikata bl-objettiv li jiġu evitati restrizzjonijiet awtomatiċi tal-ammont massimu distribwibbli (maximum distributable amount — MDA) peress li ksur tar-rekwiżit tal-bafer ikkombinat sovrappost fuq ir-rekwiżit tal-MREL m'għandux, fi kwalunkwe każ, iwassal għal restrizzjonijiet awtomatiċi immedjati fuq id-distribuzzjonijiet (12). Fir-raba' lok, il-gwida tal-MREL ma tidhirx li hija meħtieġa biex ittejjeb il-flessibbiltà tal-awtorità ta' riżoluzzjoni billi r-rekwiżit tal-MREL jista' wkoll jiġi aġġustat jekk meħtieġ, pereżempju billi jittieħed inkunsiderazzjoni l-marġni ta' sigurtà propost.

2.3.

Taħt l-emendi proposti għad-Direttiva dwar ir-Rekwiżiti Kapitali (13) (CRD) (14), l-istituzzjonijiet ta' kreditu jitqiesu jonqsu milli jilħqu r-rekwiżit ta' bafer ikkombinat jekk ma jkollhomx biżżejjed fondi proprji u obbligazzjonijiet eliġibbli biex jissodisfaw ir-rekwiżit ta' bafer ikkombinat, ir-rekwiżiti kapitali u l-MREL fl-istess ħin. Peress li r-rekwiżit ta' bafer ikkombinat jinsab aktar 'il fuq kemm mir-rekwiżit MREL (15) (l-ewwel xenarju) kif ukoll mir-rekwiżiti kapitali (16) (it-tieni xenarju) is-setgħat li jiġi indirizzat ksur tal-bafers għandhom jiġu adattati skont is-sitwazzjoni sottostanti. Għalkemm l-awtorità ta' riżoluzzjoni tinsab f'pożizzjoni tajba biex teħtieġ pjan ta' restawr tal-MREL fl-ewwel xenarju, l-awtorità kompetenti għandha taġixxi skont is-CRD fit-tieni xenarju.

2.4.

Il-proċess biex jiġu indirizzati jew imneħħija impedimenti għar-riżolvibbiltà minħabba ksur ta' bafers sovrapposti fuq l-MREL (17) għandu jiġi mmodifikat sabiex jinkludi konsultazzjoni tal-awtorità kompetenti, kif huwa diġà pprovdut b'rabta ma' impedimenti l-oħrajn. Fit-tieni lok, l-awtoritajiet ta' riżoluzzjoni għandu jkollhom aktar flessibbiltà fir-rigward ta' skadenzi sabiex jiġi żgurat li l-istituzzjoni ta' kreditu jkollha biżżejjed żmien, jekk meħtieġ, biex tiżviluppa l-aktar strateġija xierqa biex tindirizza l-ksur tal-bafers. Barra minn hekk, il-BĊE jilqa' l-proposta tal-Kummissjoni, li tippermetti lill-awtorità ta' riżoluzzjoni biex teħtieġ lil istituzzjoni biex tbiddel il-profil tal-maturità tal-istrumenti MREL bħala parti mill-miżuri biex tindirizza impedimenti għar-riżolvibbiltà (18).

2.5.

Il-BĊE jirrakkomanda li l-emendi proposti għall-BRRD u l-SRMR jiċċaraw li l-awtoritajiet ta' riżoluzzjoni għandhom il-kompitu li jimmonitorjaw il-livelli ta' strumenti eliġibbli tal-MREL disponibbli u l-proporzjon tal-MREL innifsu, waqt li jitqiesu l-kalkoli kollha dwar it-tnaqqis. Bl-istess mod, għandu jiġi ċċarat li l-awtoritajiet ta' riżoluzzjoni għandhom ukoll il-kompitu li jimmonitorjaw il-konformità mal-MREL u li jinfurmaw lill-awtorità kompetenti dwar kwalunkwe ksur u avvenimenti relevanti oħrajn li jistgħu jaffettwaw l-abbiltà tal-istituzzjoni ta' kreditu li tissodisfa l-MREL jew il-gwida tal-MREL.

2.6.

F'każ ta' ksur tal-MREL li jikkoinċidi ma' ksur tar-rekwiżiti kapitali, l-awtorità kompetenti għandha l-ewwel tindirizza l-ksur tar-rekwiżiti kapitali billi tadotta l-miżuri relevanti, jiġifieri miżuri superviżorji jew użu ta' setgħat ta' intervent bikri b'konsultazzjoni mal-awtorità ta' riżoluzzjoni. Din il-konsultazzjoni għandha tkun qasira sabiex tiżgura reazzjoni fil-pront għall-ksur tar-rekwiżiti kapitali. Barra minn hekk, meta teżerċita s-setgħa tagħha biex tindirizza l-ksur tal-MREL, l-awtorità ta' riżoluzzjoni għandha tikkunsidra l-miżuri adottati mill-awtorità kompetenti.

2.7.

Taħt l-emendi proposti għar-Regolament dwar Rekwiżiti Kapitali (19) (CRR), il-fidi bikri ta' obbligazzjonijiet eliġibbli jeħtieġ permess minn qabel sabiex tiġi evitata l-erożjoni ta' obbligazzjonijiet li kapaċi jkunu soġġetti għal rikapitalizzazzjoni interna. L-awtorità ta' riżoluzzjoni għandha tkun responsabbli għall-għoti ta' dak il-permess, peress li hija responsabbli wkoll biex tiddetermina l-MREL u biex tispeċifika l-ammont u l-kwalità tal-istrumenti li ser ikunu meħtieġa għall-istrateġija ta' riżoluzzjoni ppreferuta (20).

L-awtorità ta' riżoluzzjoni għandha tkun meħtieġa tikkonsolta lill-awtorità kompetenti f'dawk il-każijiet meta istituzzjoni ta' kreditu tkun qiegħda tikkonverti l-obbligazzjonijiet eliġibbli tal-MREL fi strumenti ta' fondi proprji sabiex tiżgura konformità ma' rekwiżiti kapitali, peress li l-approvazzjoni ta' dik il-miżura tista' tkun meħtieġa sabiex tippreżerva l-pożizzjoni kapitali tal-istituzzjoni bħala negozju avvjat. Finalment, l-emendi għandhom jiċċaraw li strumenti ta' obbligazzjonijiet eliġibbli b'maturità residwa ta' inqas minn sena huma wkoll soġġetti għal dan ir-rekwiżit għal permess minn qabel meta l-entità jew il-grupp ta' riżoluzzjoni jkunu kisru l-MREL tagħhom.

2.8.

Il-BĊE jara mertu fl-emendi proposti għas-CRD, li jipprovdu li restrizzjonijiet awtomatiċi ta' MDA ma japplikawx meta l-ksur tar-rekwiżit ta' bafer ikkombinat ikun minħabba l-inabbiltà tal-istituzzjoni li tissostitwixxi obbligazzjonijiet li m'għadhomx jissodisfaw l-eliġibbiltà jew il-kriterji ta' maturità tal-MREL (21). Din l-eżenzjoni għandha tiġi estiża biex tinkludi s-sitwazzjoni fejn l-istituzzjoni tikseb ir-rekwiżit ta' bafer ikkombinat sovrappost fuq ir-rekwiżit tal-MREL (22) peress li ġġarrab tnaqqis ta' fondi proprji, iżda ma tiksirx ir-rekwiżit tagħha ta' bafer ikkombinat sovrappost fuq ir-rekwiżiti kapitali. F'sitwazzjoni bħal dik, l-istituzzjoni ta' kreditu jista' xorta waħda jkollha livell relattivament għoli ta' fondi proprji, li, meta jitqiesu b'mod iżolat mingħajr l-MREL, ikun biżżejjed biex tissodisfa r-rekwiżiti tagħha ta' fondi proprji u r-rekwiżit tagħha ta' bafer ikkombinat.

2.9.

Il-BĊE jirrakkomanda li l-eżenzjoni proposta mill-applikazzjoni ta' restrizzjonijiet tal-MDA m'għandhiex tkun limitata għal perijodu ta' sitt xhur, peress li kwalunkwe tip ta' applikazzjoni awtomatika ta' restrizzjonijiet tal-MDA f'tali każijiet tista' tkompli taggrava l-istress fis-suq ta' finanzjament meta jkun meħtieġ li jinħareġ kapital ġdid jew strumenti ta' dejn (23). Minflok, l-eżenzjoni għandha tapplika għal perijodu ta' tnax-il xahar, li jħalli żmien addizzjonali biex l-istituzzjoni toħroġ strumenti eliġibbli MREL. Dan huwa partikolarment relevanti peress li strumenti MREL ġeneralment ikollhom maturitajiet iqsar minn strumenti ta' fondi proprji u b'hekk iġorru riskji ta' rifinanzjament akbar, li jista' jikkoinċidi ma' stress futur fis-swieq ta' finanzjament.

2.10.

Mill-perspettiva ta' stabilità finanzjarja, mhuwiex mixtieq li jkun hemm parteċipazzjonijiet inkroċjati ta' obbligazzjonijiet MREL bejn istituzzjonijiet ta' kreditu. Sabiex jiġi evitat għadd doppju u jiġu llimitati l-effetti ta' kontaġju, regoli ta' tnaqqis għandhom japplikaw għall-parteċipazzjonijiet kollha f'obbligazzjonijiet esterni ta' MREL, jiġifieri maħruġa lil entitajiet barra mill-grupp ta' riżoluzzjoni, irrispettivament mit-tip ta' istituzzjoni ta' kreditu, u mhux biss G-SIIs. L-istess metodu li huwa attwalment propost għal G-SIIs għandu japplika fir-rigward tal-istituzzjonijiet ta' kreditu kollha, jiġifieri għandu jsir tnaqqis minn obbligazzjonijiet eliġibbli ta' MREL u minn fondi proprji fuq il-bażi ta' approċċ ta' tnaqqis korrispondenti. B'mod ġenerali, aspetti oħrajn tat-tnaqqis għandhom ikunu konsistenti ma' dak li ġie miftiehem fuq livell internazzjonali għat-TLAC, jiġifieri fl-FSB TLAC Term Sheet u fil-qafas ta' Basel III (24), inkluż għal gruppi bankarji b'aktar minn entità ta' riżoluzzjoni waħda u aktar minn grupp ta' riżoluzzjoni wieħed.

2.11.

Mill-perspettiva ta' stabbiltà finanzjarja, ir-risolvibbiltà tista' titnaqqas kieku strumenti ta' dejn superjuri “mhux ippreferuti” kif ukoll strumenti ta' dejn subordinat kellhom jinżammu minn investituri bl-imnut. Għalhekk, għandha tingħata kunsiderazzjoni lil rekwiżiti ta' żvelar ċari u li jinftiehmu faċilment u salvagwardji oħrajn sabiex tinħoloq kuxjenza fost l-investituri dwar ir-riskji assoċjati ma' dawk l-istrumenti. Bl-istess mod, jista' jkun rakkomandabbli li jiġi kkunsidrat rekwiżit ta' denominazzjoni minima ta' mill-inqas EUR 100 000 għal kull unità fir-rigward ta' kull strument. Dan għandu jżid il-livell minimu ta' investiment u b'hekk jgħolli wkoll s-sensibilizzazzjoni tal-investituri, biex b'hekk jiġi llimitat l-investiment dirett bl-imnut. Qafas komuni fil-livell tal-Unjoni għandu jiġi segwit fuq dawn il-kwistjonijiet sabiex jiġi evitat it-teħid ta' approċċi diverġenti bejn l-Istati Membri, li jista' jwassal għal frammentazzjoni fi ħdan is-suq tal-Unjoni għal dawn l-istrumenti (25).

2.12.

It-trattament ta' gruppi li għandhom jiġu riżolti taħt appoġġ ta' diversi punti ta' dħul għandu jiġi ċċarat. Fl-ewwel lok, id-definizzjoni ta' “grupp ta' riżoluzzjoni” għandha tinkludi sussidjarji minn pajjiżi terzi li huma punti ta' dħul huma stess peress li dawn jiġu ttrattati separatament mill-kumplament tal-grupp fil-każ ta' riżoluzzjoni (26). Fit-tieni lok, l-emendi għandhom jiċċaraw li l-konformità ma' MREL fil-livell tal-entità ta' riżoluzzjoni għandhom jinkisbu fuq bażi kkonsolidata fil-livell tal-grupp ta' riżoluzzjoni (27). Fit-tielet lok, ir-regoli proposti dwar tnaqqis mill-obbligazzjonijiet eliġibbli applikabbli għal gruppi li għandhom jiġu riżolti taħt l-approċċ ta' diversi punti ta' dħul (28) għandhom jirriflettu bis-sħiħ il-folja ta' termini tat-TLAC fir-rigward tal-aġġustamenti awtorizzati u l-komponenti tal-formola.

3. Arranġamenti tranżitorji għall-MREL

3.1.

Fattur ewlieni fl-implimentazzjoni ta' MREL speċifika għal entità huwa d-determinazzjoni ta' perijodu ta' tranżizzjoni adegwat. Il-livell potenzjalment għoli ta' nuqqasijiet ta' MREL li jista' jseħħ fil-bidu tal-introduzzjoni tal-livelli armonizzati ġodda jista' joħloq sfidi sinifikanti għal ċerti istituzzjonijiet ta' kreditu sabiex dawn ir-rekwiżiti jiġu ssodisfatti b'mod tempestiv fl-ambjent makroekonomiku attwali. Għalhekk, il-BĊE jipproponi li għandu jiġi introdott perijodu ta' tranżizzjoni minimu adegwat fost l-istituzzjonijiet ta' kreditu, li m'għandux ikun iqsar mill-perijodu applikabbli għal G-SIIs stipulati fil-folja ta' termini tat-TLAC. Barra minn hekk, l-awtorità ta' riżoluzzjoni għandha tingħata l-flessibbiltà biex tiddetermina, fuq bażi ta' każ b'każ, perijodu finali għal konformità li jkun itwal minn dan il-minimu armonizzat. Il-BĊE jirrakkomanda li jiġi ċċarat li kwalunkwe estensjoni, lil hinn mill-perijodu ta' tranżizzjoni għal istituzzjoni partikolari, għandha tkun ibbażata fuq valutazzjoni tal-isfidi biex jintlaħaq ir-rekwiżi tal-MREL li dik l-istituzzjoni tista' tiffaċċja minħabba aċċess limitat għas-suq jew kapaċità limitata fis-suq, jew restrizzjonijiet simili fl-ambjent makroekonomiku relevanti.

3.2.

Barra minn hekk, il-BĊE jara mertu fl-introduzzjoni ta' kriterji ta' eliġibbiltà ġodda għal strumenti ta' eliġibbli għall-MREL li jallinjaw il-kriterji ta' eliġibbiltà tal-MREL mal-kriterji ta' eliġibbiltà tat-TLAC (29) u jintroduċu karatteristiċi addizzjonali li jtejbu l-permanenza ta' strumenti eliġibbli tal-MREL (30). Dawn għandhom jgħinu biex jiżguraw il-kapaċità tal-assorbiment tat-telf tal-MREL fil-punt tar-riżoluzzjoni. Madankollu, il-karatteristiċi addizzjonali li jmorru lil hinn mill-kriterji ta' eliġibbiltà tat-TLAC jistgħu jwasslu għal nuqqasijiet ulterjuri, eż. billi obbligazzjonijiet bi klawsoli ta' aċċelerazzjoni jsiru ineliġibbli, li għandu jittieħed inkunsiderazzjoni meta jiġi ffissat il-perijodu ta' tranżizzjoni finali għal konformità mal-MREL fuq bażi ta' każ b'każ. Alternattivament, l-emendi proposti għas-CRR jistgħu jiġu fformulati mill-ġdid biex jispeċifikaw li obbligazzjonijiet li qabel kienu eliġibbli ħgal MREL iżda li mhumiex konformi ma' karatteristiċi addizzjonali ġodda ser ikunu soġġetti għall-prinċipju ta' anterjorità, li jfisser li ser ikomplu jkunu eliġibbi bħal ma huma taħt ir-reġim attwali. Dik l-anterjorità għandha titneħħa f'fażijiet fuq medda ta' żmien raġonevoli.

3.3.

Rigward ir-rekwiżit li obbligazzjonijiet li jinħolqu minn strumenti ta' dejn b'derivattivi inkorporati għandhom jiġu esklużi minn obbligazzjonijiet eliġibbli, hija meħtieġa kjarifika ulterjuri tad-definizzjoni ta' “derivattivi inkorporati”. Dan jista' jinkiseb possibbilment permezz tal-iżvilupp ta' standards tekniċi regolatorji korrispondenti (31).

4. Miżuri ta' intervent bikri

4.1.

Hemm trikkib sinifikanti bejn miżuri superviżorji taħt is-CRD (32), ir-Regolament MSU (33) (RMSU) u miżuri ta' intervent bikri pprovduti fil-BRRD, kemm f'termini ta' kontenut kif ukoll fil-kundizzjonijiet għall-applikazzjoni tagħhom. Dan it-trikkib joħloq sfidi sinifikanti għall-implimentazzjoni prattika tal-qafas ta' intervent bikri, b'mod speċjali fid-dawl tan-nuqqas ta' ċarezza fir-rigward tal-kundizzjonijiet għal intervent bikri.

4.2.

Barra minn hekk, is-setgħat ta' intervent bikri tal-BĊE għandhom jiġu eżerċitati fuq il-bażi ta' traspożizzjonijiet nazzjonali individwali tal-BRRD (34). Dan jirriżulta f'inċertezza fir-rigward tal-miżuri u kundizzjonijiet disponibbli għall-eżerċitar tagħhom f'kull Stat Membru.

4.3.

Konsegwentement, il-BĊE jirrakkomanda li jitneħħew mill-BRRD dawk il-miżuri ta' intervent bikri li huma diġà disponibbli fis-CRD u fl-RMSU u li jiġi emendat l-RMSU sabiex jipprovdi bażi legali f'regolament għas-setgħat ta' intervent bikri tal-BĊE sabiex tiġi ffaċilitata l-applikazzjoni konsistenti tagħhom.

5. Għodda ta' moratorium ta' qabel ir-riżoluzzjoni

5.1.

L-emendi proposti għall-BRRD jagħtu setgħat ġodda biex jiġu sospiżi obbligi ta' ħlas u ta' konsenja kemm lill-awtoritajiet kompetenti kif ukoll lill-awtoritajiet ta' riżoluzzjoni. Waqt li l-BĊE ġeneralment jilqa' l-armonizzazzjoni ta' tali setgħat fil-livell tal-Unjoni, il-BĊE jippretendi li dawn is-setgħat estensivi jiġu eżerċitati biss f'ċirkustanzi estremi, jekk għandhom jintużaw. Minħabba n-natura eċċezzjonali tagħha u l-impatt tagħha ta' tfixkil fuq il-kuntratti, l-għodda ta' moratorium għandha tiġi deċiża f'koordinazzjoni mill-qrib bejn l-awtoritajiet relevanti kollha. Il-BĊE jissuġġerixxi li tiddaħħal proċedura għall-allokazzjoni tar-resbonsabbiltà għal moratorium jew lill-awtorità kompetenti jew ta' riżoluzzjoni, skont jekk il-moratorium ikunx impost qabel jew wara d-determinazzjoni ta' “qed tfalli jew aktarx li ser tfalli”. Dik il-proċedura għandha bħala regola tevita l-impożizzjoni ta' moratoria suċċessivi. Fuq bażi biss eċċezzjonali, meta dan ikun immotivat miċ-ċirkostanzi speċifiċi u b'mod konformi mal-prinċipju tal-proporzjonalità, għandha l-awtorità ta' riżoluzzjoni tkun kapaċi timponi moratorium addizzjonali sabiex tagħlaq id-distakk mid-determinazzjoni ta' “qed tfalli jew aktarx li ser tfalli” sakemm tittieħed azzjoni ta' riżoluzzjoni.

5.2.

B'mod ġenerali, għodda ta' moratorium ta' qabel ir-riżoluzzjoni għandha tkun separata u indipendenti mill-miżuri ta' intervent bikri. L-objettiv ewlieni tal-moratorium ta' qabel ir-riżoluzzjoni għandu jkun li jipprevjeni deterjorament sever tal-karta ta' bilanċ ta' istituzzjoni ta' kreditu. B'mod partikolari, għodda ta' moratorium ta' qabel riżoluzzjoni għandha tagħti lill-awtorità kompetenti biżżejjed żmien, jek meħtieġ, biex tiffinalizza l-evalwazzjoni ta' “qiegħda tfalli jew aktarx ser tfalli”, waqt li tqis ukoll iż-żmien meħtieġ biex tittieħed dik id-deċiżjoni formali li teħtieġ ukoll konsultazzjoni tal-awtorità ta' riżoluzzjoni. Barra minn hekk, il-moratorium jippermetti żmien addizzjonali għall-awtorità ta' riżoluzzjoni biex tħejji l-kompiti ta' riżoluzzjoni tagħha b'mod parallel. Il-perijodu massimu għal moratorium għandu jkun ħamest ijiem ta' ħidma b'kollox, li jikkonsisti fil-moratorium ta' qabel ir-riżoluzzjoni meħud flimkien mal-moratorium ta' riżoluzzjoni, limitazzjoni li hija wkoll neċessarja meta jitqies l-impatt sever ta' moratorium fuq id-drittijiet tal-kredituri. Il-BĊE jwissi li perijodi prolongati meta d-depożitanti ma jkollhom ebda aċċess għad-depożiti tagħhom ixejnu l-kunfidenza fis-sistema bankarja u fl-aħħar mill-aħħar jistgħu joħolqu riskji għall-istabbiltà finanzjarja.

5.3.

Moratorium effettiv ta' qabel ir-riżoluzzjoni jeħtieġ li jkollu l-usa' ambitu possibbli sabiex jippermetti reazzjoni f'waqtha għal flussi “l barra tal-likwidità. L-eċċezzjoni ġenerali għal depożiti u pretensjonijiet koperti taħt skemi ta' kumpens għall-investituri għandha tiġi ssostitwita b'eżenzjonijiet diskrezzjonarji limitati li għandhom jingħataw mill-awtorità kompetenti sabiex jinżamm grad ta' flessibbiltà. Taħt dak l-approċċ, l-awtorità kompetenti tista”, pereżempju, tippermetti lid-depożitaturi jiġbdu ammont limitat ta' depożiti fuq bażi ta' kuljum b'mod konsistenti mal-livell ta' protezzjoni stabbilit taħt id-Direttiva dwar l-Iskemi ta' Garanzija tad-Depożiti (DGSD) (35), waqt li jitqiesu restrizzjonijiet potenzjali ta' likwidità u ta' natura teknika. Għandhom jiġu stabbiliti ċerti salvagwardji biex jipproteġu d-drittijiet tad-depożitanti, bħal komunikazzjoni ċara dwar meta għandu jiġi rrestawrat l-aċċess għad-depożiti. Finalment, għandhom jiġu evalwati l-implikazzjonijiet possibbli taħt id-DGSD, peress li l-għodda ta' moratorium ta' qabel ir-riżoluzzjoni ma tkunx utli jekk titqies li tiskatta n-nuqqas ta' disponibbiltà tad-depożiti taħt id-DGSD.

5.4.

Il-BĊE jirrakkomanda li l-eżenzjonijiet eżistenti mill-moratorium relatati ma' infrastrutturi tas-suq finanzjarju (FMIs), inklużi l-kontropartijiet ċentrali, jiġu estiżi wkoll għal (a) depożitarji ċentrali tat-titoli (CSDs) ta' pajjiżi terzi rikonoxxuti mill-Awtorità Ewropea tat-Titoli u s-Swieq (ESMA) skont ir-Regolament dwar id-Depożitarji Ċentrali tat-Titoli (36), u (b) sistemi ta' ħlas ta' pajjiżi terzi soġġetti għal arranġament ta' sorveljanza kooperattiva li jinvolvi ta' mill-inqas bank ċentrali wieħed tas-SEBĊ. Sospensjoni li tipprojbixxi parteċipant (istituzzjoni ta' kreditu) milli tagħmel xi ħlasijiet lil FMI de facto tikkawża lil dak il-parteċipant li ma jkunx jista' jkompli jissodisfa l-obbligi tiegħu hekk kif isiru dovuti. Għal obbligi ta' ħlas lil FMIs, dan ipoġġi lill-parteċipant fi stat ta' inadempjenza. Mingħajr eżenzjoni għal dan it-tip ta' ħlas, il-moratorium attwalment ikollu l-potenzjal li joħloq u jxerred riskju sistemiku qabel ma jiskattaw is-slvagwardji tal-FMI (37).

5.5.

L-armonizzazzjoni proposta tas-setgħat ta' moratorium ta' qabel ir-riżoluzzjoni għandha wkoll tkun mingħajr preġudizzju għal kwalunkwe setgħat ta' moratorium oħrajn, eż. setgħat superviżorji jew ġudizzjarji, li jiddaħħlu fuq livell nazzjonali bħala salvagwardja għall-prinċipju ta' par condicio creditorum (trattament ugwali tal-kredituri) mal-ftuħ tal-proċeduri ta' insolvenza. Jekk istituzzjoni ta' kreditu ma tidħolx f'riżoluzzjoni wara li jkun ġie impost moratorium, eż. għaliex l-awtorità ta' riżoluzzjoni tiddetermina li riżoluzzjoni ma tkunx fl-interess pubbliku, dawk l-għodod nazzjonali jistgħu jerġgħu jsiru relevanti. Sitwazzjoni simili tista' sseħħ jekk l-entità li tkun qiegħda tfalli tidħol f'insolvenza wara l-applikazzjoni tal-għodod ta' riżoluzzjoni.

5.6.

L-eċċezzjonijiet fil-BRRD applikabbli għal banek ċentrali, inkluż fir-rigward tal-għodda ta' moratorium ta' qabel ir-riżoluzzjoni, għandhom jiġu estiżi biex jinkludu l-Bank għall-Ħlasijiet Internazzjonali (BIS). Il-BIS ġie fdat bil-kompiti li jippromwovi l-kooperazzjoni bejn il-banek ċentrali, biex jipprovdi faċilitajiet addizzjonali għal operazzjonijiet finanzjarji internazzjonali, u biex jaġixxi bħala fiduċjarju jew aġent fir-rigward ta' ħlasijiet finanzjarji internazzjonali. B'hekk huwa xieraq li jiġi ttrattat b'mod simili għal bank ċentrali taħt il-BRRD.

5.7.

Għandhom isiru wkoll valutazzjonijiet ulterjuri fir-rigward tar-rikonoxximent tal-għodda tal- moratorium taħt liġijiet ta' pajjiżi terzi, b'mod speċifiku f'dawk il-każijiet fejn mekkaniżmu ta' rikonoxximent ikun għadu ma ġiex stabbilit. B'mod partikolari, għandha tingħata konsiderazzjoni b'attenzjoni lill-implikazzjonijiet potenzjali tal-għodda tal-moratorium għall-finijiet tal-International Swaps and Derivatives Association 2015 Universal Resolution Stay Protocol, li jirrikonoxxi biss perijodu iqsar għal waqfien, b'opt-out fir-rigward ta' ġurisdizzjonijiet li sussegwentement jemendaw it-tul tal-waqfa statutorja.

5.8.

Finalment, l-implikazzjonijiet possibbli tar-rekwiżiti prudenzjali regolatorji għandhom jiġu evalwati b'attenzjoni minħabba d-durata proposta tal-għodda tal-moratorium u s-sospensjoni prevista tad-drittijiet tal-innettjar jew ta' tpaċija.

6. Valutazzjoni ta' “qed tfalli jew aktarx li ser tfalli” fir-rigward ta' istituzzjonijiet ta' kreditu inqas sinifikanti taħt ir-responsabbiltà diretta tal-Bord Uniku ta' Riżoluzzjoni (SRB)

Għalkemm l-emendi proposti tal-Kummissjoni għall-SRMR ma jindirizzawx dan il-punt, il-proċedura ta' riżoluzzjoni stabbilita fl-SRMR teħtieġ attenzjoni urġenti. B'mod partikolari, l-allinjament ħażin bejn r-responsabbiltajiet tal-BĊE u tal-SRB li huma speċifiċi għall-istituzzjoni flimkien mad-diċitura attwali tal-SRMR iwassal għal inċertezza legali dwar liema awtorità hija responsabbli biex tevalwa jekk istituzzjoni ta' kreditu inqas sinifikanti, taħt ir-responsabbiltà diretta tal-SRB, tkunx qiegħda tfalli jew hijiex aktarx ser tfalli. Waqt li qari litterali tal-Artikolu 18 tal-SRMR jissuġġerixxi li l-BĊE huwa responsabbli biex jagħmel l-evalwazzjonijiet ta' “qed tfalli jew aktarx li ser tfalli” fir-rigward ta' xi istituzzjonijiet ta' kreditu inqas sinifikanti, dan il-qari ma jqisx il-limitazzjonijiet tad-dritt primarju tal-Unjoni. Fil-fatt, interpretazzjoni sistematika tal-qafas legali tal-Unjoni tissuġġerixxi li l-evalwazzjoni ta' “qed tfalli jew aktarx ser tfalli” kemm għal gruppi transkonfinali inqas sinifikanti kif ukoll għal istituzzjonijiet ta' kreditu oħrajn inqas sinifikanti taħt ir-responsabbiltà diretta tal-SRB għandha taqa' barra mill-kompetenza diretta tal-BĊE u għandha tkun kompetenza tal-awtoritajiet nazzjonali kompetenti, bħala l-awtoritajiet superviżorji għal istituzzjonijiet ta' kreditu inqas sinifikanti fuq il-bażi tal-RMSU (38). Il-BĊE jirrakkomanda li l-emendi proposti għall-SRMR jiġu estiżi biex jipprovdu espliċitament li l-awtorità nazzjonali kompetenti rispettiva hija responsabbli għall-evalwazzjoni ta' “qiegħda tfalli jew aktarx li ser tfalli” għal istituzzjoni ta' kreditu inqas sinifikanti taħt l-ambitu tal-SRB (39).

Persunal speċifiku tal-BĊE li qiegħed jabbozza proposti għall-emendar tar-regolamenti u direttivi ta' emenda proposti jew qafas legali eżistenti huma elenkati f'dokument ta' ħidma tekniku separat akkumpanjat b'test spjegatorju f'dan is-sens. Id-dokument ta' ħidma tekniku ma ġiex adottat mill-Kunsill Governattiv. Id-dokument ta' ħidma tekniku huwa disponibbli bl-Ingliż fis-sit elettroniku tal-BĊE.

Magħmul fi Frankfurt am Main, it-8 ta' Novembru 2017.

Il-President tal-BĊE

Mario DRAGHI

(1) COM (2016) 850 final.

(2) Il-BĊE adotta opinjoni separata dwar xi wħud mill-emendi proposti għar-Regolament dwar Rekwiżiti Kapitali. Ara l-Opinjoni CON/2017/46. L-opinjonijiet kollha tal-BĊE huma ppubblikati fil-websajt tal-BĊE fuq www.ecb.europa.eu

(3) COM (2016) 854 final.

(4) COM (2016) 851 final.

(5) COM (2016) 852 final.

(6) Ara l-Principles on Loss-absorbing and Recapitalisation Capacity of G-SIBs tal-FSB fir-Resolution Total Loss-absorbing Capacity (TLAC) Term Sheet tad-9 ta' Novembru 2015, (iktar 'il quddiem l-“FSB TLAC Term Sheet”) disponibbli fuq is-sit elettroniku tal-FSB fuq www.fsb.org

(7) Id-Direttiva 2014/59/UE tal-Parlament Ewropew u tal-Kunsill tal-15 ta' Mejju 2014 li tistabbilixxi qafas għall-irkupru u r-riżoluzzjoni ta' istituzzjonijiet ta' kreditu u ditti ta' investiment u li temenda d-Direttiva tal-Kunsill 82/891/KEE u d-Direttivi 2001/24/KE, 2002/47/KE, 2004/25/KE, 2005/56/KE, 2007/36/KE, 2011/35/UE, 2012/30/UE u 2013/36/UE, u r-Regolamenti (UE) Nru 1093/2010 u (UE) Nru 648/2012 tal-Parlament Ewropew u tal-Kunsill (ĠU L 173, 12.6.2014, p. 190).

(8) Ir-Regolament (UE) Nru 806/2014 tal-Parlament Ewropew u tal-Kunsill tal-15 ta' Lulju 2014 li jistabbilixxi regoli uniformi u proċedura uniformi għar-riżoluzzjoni tal-istituzzjonijiet ta' kreditu u ċerti ditti tal-investiment fil-qafas ta' Mekkaniżmu Uniku ta' Riżoluzzjoni u Fond Uniku għar-Riżoluzzjoni u li jemenda r-Regolament (UE) Nru 1093/2010 (ĠU L 225, 30.7.2014, p. 1).

(9) L-Artikolu 45c(3) ġdid propost tal-BRRD u l-Artikolu 12d(3) ġdid propost tal-SRMR.

(10) Ara l-Artikolu 45e(1) ġdid propost tal-BRRD u l-Artikolu 12f(1) ġdid propost tal-SRMR.

(11) Ara l-Artikolu 45e(3) ġdid propost tal-BRRD.

(12) Ara l-paragrafi 2.9 u 2.10.

(13) Id-Direttiva 2013/36/UE tal-Parlament Ewropew u tal-Kunsill tas-26 ta' Ġunju 2013 dwar l-aċċess għall-attività tal-istituzzjonijiet ta' kreditu u s-superviżjoni prudenzjali tal-istituzzjonijiet ta' kreditu u tad-ditti tal-investiment, li temenda d-Direttiva 2002/87/KE u li tħassar id-Direttivi 2006/48/KE u 2006/49/KE (ĠU L 176, 27.6.2013, p. 338).

(14) Ara l-Artikolu 141a ġdid propost tas-CRD.

(15) Ara l-Artikolu 141a(1)(d) ġdid propost tas-CRD.

(16) Ara l-Artikolu 141a(1)(a), (b) u (c) ġdid propost tas-CRD.

(17) Ara l-Artikolu 17(5)(h1) ġdid propost tal-BRRD.

(18) Ara l-Artikolu 17(5)(j1) ġdid propost tal-BRRD.

(19) Regolament (UE) Nru 575/2013 tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti prudenzjali għall-istituzzjonijiet ta' kreditu u d-ditti tal-investiment u li jemenda r-Regolament (UE) Nru 648/2012 (ĠU L 176, 27.6.2013, p. 1).

(20) Dan huwa konformi mal-fehma espressa fil-paragrafu 2.6.

(21) Ara l-Artikolu 141a(2) ġdid propost tas-CRD.

(22) Ara l-Artikolu 141a(1)(d) ġdid propost tas-CRD.

(23) Innota li ksur ta' rekwiżit ta' bafer ikkombinat jista' jseħħ ukoll f'livelli għoljin ta' kapital regolatorju meta istituzzjoni ta' kreditu attwalment tilħaq parti sinifikanti mill-MREL tagħha permezz ta' fondi proprji u mhux permezz ta' obbligazzjonijiet eliġibbli ta' MREL oħrajn.

(24) Disponibbli fuq is-sit elettroniku tal-Bank għall-Ħlasijiet Internazzjonali (BIS) fuq www.bis.org

(25) Ara wkoll il-paragrafu 3.5 tal-Opinjoni CON/2017/23.

(26) Dik il-kjarifika fir-rigward tat-trattament ta' sussidjarji minn pajjiżi terzi jista' jkollha effett imdaqqas fuq l-MREL għal dawn it-tipi ta' gruppi.

(27) Ara l-Artikolu 11(3) ġdid propost tas-CRR.

(28) Ara l-Artikolu 72e(4) ġdid propost tas-CRR.

(29) Id-differenza prinċipali li jifdal hija li s-subordinazzjoni mhijiex meħtieġa għall-istituzzjonijiet kollha u li noti turati, taħt ċerti kundizzjonijiet, huma eliġibbli għall-MREL.

(30) Ara l-Artikolu 72b(2)(h) dwar inċentivi għall-fidi, (j) dwar opzjonijiet ta' xiri li jistgħu jiġu eżerċitati fuq diskrezzjoni unika tal-emittent, (k) fuq il-ħtieġa ta' konformità mal-Artikoli 77 u 78 tas-CRR, (l) dwar li ma jissemmiex ħlas lura bikri, (m) dwar drittijiet ta' non-aċċelerazzjoni għad-detentur, u (n) dwar il-livell ta' ħlasijiet mhux dipendenti fuq l-affidabbiltà kreditizja tal-istituzzjoni.

(31) Ara wkoll il-paragrafu 2.1.2 tal-Opinjoni CON/2017/6.

(32) Ara, b'mod partikolari, l-Artikolu 104 tas-CRD.

(33) Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (ĠU L 287, 29.10.2013, p. 63), b'mod partikolari l-Artikolu 16.

(34) B'mod konformi mal-Artikolu 4(3) tal-RMSU.

(35) Id-Direttiva 2014/49/UE tal-Parlament Ewropew u tal-Kunsill tas-16 ta' April 2014 dwar skemi ta' garanzija għal depożiti (ĠU L 173, 12.6.2014, p. 149). Bħala eżempju, l-Artikolu 8(4) ta' din id-Direttiva jipprovdi li, matul perijodu tranżitorju, id-depożitanti għandu jkollhom aċċess għal ammont xieraq tad-depożiti koperti tagħhom biex ikopru l-ispejjeż tal-għajxien fi żmien ħamest ijiem ta' ħidma minn meta ssir talba.

(36) Ara l-Artikolu 25 tar-Regolament (UE) Nru 909/2014 tal-Parlament Ewropew u tal-Kunsill tat-23 ta' Lulju 2014 dwar titjib fis-saldu tat-titoli fl-Unjoni Ewropea u dwar depożitorji ċentrali tat-titoli u li jemenda d-Direttivi 98/26/KE u 2014/65/UE u r-Regolament (UE) Nru 236/2012 (ĠU L 257, 28.8.2014. p. 1).

(37) Għal din ir-raġuni, hemm fehim komuni, kemm fil-livell tal-Unjoni kif ukoll dak internazzjonali (liġijiet dwar il-finalità ta' saldu u Attributi Ewlenin tal-FSB), dwar il-ħtieġa li obbligazzjonijiet finanzjarji dovuti lil FMIs ikunu protetti minn moratorium.

(38) Ara l-Artikolu 6(4) tal-RMSU.

(39) L-istess kunsiderazzjonijiet japplikaw mutatis mutandis għad-dispożizzjonijiet tal-Artikolu 21 tal-SRMR.

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

Awtorità għall-Partiti Politiċi Ewropej u l-Fondazzjonijiet Politiċi Ewropej

31.1.2018

Il-Ġurnal Uffiċjali tal-Unjoni Ewropea

C 34/27

Deċiżjoni tal-Awtorità għall-partiti politiċi Ewropej u l-fondazzjonijiet politiċi Eewropej

tal-31 ta’ Awwissu 2017

li tirreġistra lill-Moviment Politiku Kristjan Ewropew

(It-test bl-Ingliż biss huwa awtentiku)

(2018/C 34/10)

L-AWTORITÀ GĦALL-PARTITI POLITIĊI EWROPEJ U L-FONDAZZJONIJIET POLITIĊI EWROPEJ,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE, Euratom) Nru 1141/2014 tal-Parlament Ewropew u tal-Kunsill tat-22 ta’ Ottubru 2014 dwar l-istatut u l-finanzjament tal-partiti politiċi Ewropej u l-fondazzjonijiet politiċi Ewropej (1), b’mod partikolari l-Artikolu 9 tiegħu,

Wara li kkunsidrat l-applikazzjoni mill-Moviment Politiku Kristjan Ewropew,

Billi:

(1)

L-Awtorità għall-partiti politiċi Ewropej u l-fondazzjonijiet politiċi Ewropej (“l-Awtorità”) irċeviet applikazzjoni għar-reġistrazzjoni bħala partit politiku Ewropew skont l-Artikolu 8(1) tar-Regolament (UE, Euratom) Nru 1141/2014 mill-Moviment Politiku Kristjan (“l-applikant”) fil-11 ta’ Lulju 2017,

(2)	Skont l-Artikolu 9(2), it-tielet subparagrafu, tar-Regolament (UE, Euratom) Nru 1141/2014, fit-8 ta’ Awwissu 2017 l-Awtorità talbet lill-applikant jippreżenta informazzjoni addizzjonali biex l-applikazzjoni tkun kompluta,

(3)	L-applikant ippreżenta verżjonijiet riveduti ta’ partijiet mill-applikazzjoni fil-15 ta’ Awwissu 2017, fit-22 ta’ Awwissu 2017, fl-24 ta’ Awwissu 2017 u fid-29 ta’ Awwissu 2017,

(4)

L-applikant ippreżenta dokumenti li juru li jissodisfa l-kundizzjonijiet stabbiliti fl-Artikolu 3 tar-Regolament (UE, Euratom) Nru 1141/2014, u b’mod partikolari, li jagħtu prova tar-rappreżentanza tiegħu f’tal-anqas kwart tal-Istati Membri minn tal-anqas il-Membri li ġejjin tal-Parlament Ewropew, ta’ parlamenti nazzjonali, ta’ parlamenti reġjonali jew ta’ assemblej reġjonali: is-Sur Hrvoje Zekanović (Hrvatski rast, Croatia), is-Sur Franck Margain (Parti chrétien-démocrate, Franza), is-Sur Ivars Brīvers (Kristīgi demokrātiskā savienība, il-Latvja), is-Sur Bastiaan Belder (Staatkundig Gereformeerde Partij, in-Netherlands), is-Sur Marek Jurek (Prawica Rzeczypospolitej, il-Polonja), u s-Sa Petronela-Mihaela Csokany (Uniunea Bulgară din Banat, ir-Rumanija), li huma membri tal-partiti membri tal-applikant, u s-Sur Branislav Škripek (is-Slovakkja), li huwa membru tal-applikant direttament,

(5)	L-applikant ippreżenta dikjarazzjoni fil-forma stabbilita fl-Anness tar-Regolament (UE, Euratom) Nru 1141/2014, u l-istatuti tiegħu, li fihom id-dispożizzjonijiet rikjesti mill-Artikolu 4 ta’ dak ir-Regolament,

(6)	L-applikant ippreżenta dokumenti addizzjonali bi qbil mal-Artikoli 1 u 2 tar-Regolament ta’ Delega tal-Kummissjoni (UE, Euratom) 2015/2401 (2),

(7)

Skont l-Artikolu 9 tar-Regolament (UE, Euratom) Nru 1141/2014, l-Awtorità eżaminat l-applikazzjoni u d-dokumentazzjoni ta’ sostenn imressqa, u tqis li l-applikant jissodisfa l-kundizzjonijiet għar-reġistrazzjoni stabbiliti fl-Artikolu 3 ta’ dak ir-Regolament u li l-istatuti fihom id-dispożizzjonijiet rikjesti mill-Artikolu 4 ta’ dak ir-Regolament,

ADOTTAT DIN ID-DEĊIŻJONI:

Artikolu 1

Il-Moviment Politiku Kristjan Ewropew huwa b’dan irreġistrat bħala partit politiku Ewropew.

Għandu jakkwista l-personalità ġuridika Ewropea fid-data tal-pubblikazzjoni ta’ din id-Deċiżjoni f’Il-Ġurnal Uffiċjali tal-Unjoni Ewropea.

Artikolu 2

Din id-Deċiżjoni għandha ssir effettiva fil-jum tan-notifika tagħha.

Artikolu 3

Din id-Deċiżjoni hija indirizzata lil

Il-Moviment Politiku Kristjan Ewropew

Bergstraat 33

3811 NG, Amersfoort

IN-NETHERLANDS

Magħmul fi Brussell, il-31 ta’ Awwissu 2017.

F’isem l-Awtorità għall-partiti politiċi Ewropej u l-fondazzjonijiet politiċi Ewropej

Id-Direttur

M. ADAM

(1) ĠU L 317, 4.11.2014, p. 1.

(2) Ir-Regolament ta’ Delega tal-Kummissjoni (UE, Euratom) 2015/2401 tat-2 ta’ Ottubru 2015 dwar il-kontenut u t-tħaddim ta’ reġistru tal-partiti u l-fondazzjonijiet politiċi Ewropej (ĠU L 333, 19.12.2015, p. 50).

ANNESS

Article 1

Name and logo

1. The name of the association is European Christian Political Movement (EPCM).

2. The logo exists out of the letters E, C, P, M, in blue and green.

Article 2

Registered office

The registered office of the Association is located at The Hague, The Netherlands (Chamber of Commerce, Koninginnegracht 13, 2514 AA Den Haag). The ECPM head office is at the Bergstraat 33, 3811 NG, Amersfoort, The Netherlands.

Article 3

Objects

1. The objects of the association are to reinforce Christian politics on a European, national, regional and local level, as expressed in the basic programme of the association.

2. The association may pursue its objects with all legal means, including in particular by:

a.	promoting mutual contacts among political parties endorsing the association’s objects;

b.	promoting and exchanging knowledge and experience that may contribute to achieving the association’s objects;

c.	organizing trainings in order to increase the knowledge and skills of the members and their officers;

d.	promoting the further shaping of Christian politics in Europe;

e.	promoting concrete legislation to conform to the basic programme of the association;

f.	participating in European elections.

3. The organisation does not pursue profit goals.

Article 4

Members

Members may be:

a.	Political parties in Europe endorsing the basic programme, as mentioned in article 3;

politicians who qualify for Article 3(1)(b) of Regulation (EC) No 2004/2003 (including amendments from Regulation (EC) No 1524/2007) of the European Parliament and of the Council of the fourth day of November two thousand and three on the regulations governing political parties at European level and the rules regarding their funding and who are also endorsing the basic programme, as mentioned in article 3 and members of national parliaments from nations which have full membership in the Council of Europe.

c.	The association with limited legal competence: European Christian Political Youth (ECPYouth) with its registered office in the Hague, the Netherlands.

Article 5

Associated Bodies

1. Associated bodies are organizations or individual members of the European Parliament that (can) support the association’s work, either financially or by contributing expertise or otherwise.

2. Associated bodies do not have any rights and obligations other than those conferred and imposed on them by or pursuant to this charter.

Article 6

Admission

1. The board shall decide on the admission of members and associated bodies.

2. In the event of non-admission as a member, the general assembly may still decide to admit the relevant party or individual.

Article 7

Termination of membership

1. The membership shall end:

a.	by the member’s notice of termination;

by notice of termination by or on behalf of the association, which may be given if a member has ceased to meet the requirements for membership as set in this charter, if the member fails to perform its obligations vis-à-vis the association, as well as if the association cannot reasonably be required to continue the membership;

c.	by disqualification, which may be pronounced only if a member acts contrary to the association’s charter, the regulations or the resolutions, or prejudices the association.

2. Notice of termination on behalf of the association shall be given by the board.

3. Notice of termination of the membership by the member may be given only with effect from the end of the association year and with due observance of a four-week notice period. The membership may, however, be terminated with immediate effect if the association or the member cannot reasonably be required to continue the membership.

4. Notice of termination contrary to the provisions of the foregoing paragraph shall result in termination as per the earliest possible time following the effective date of termination stated in the notice.

5. A member shall not be authorized by means of notice of termination of its membership to exclude vis-à-vis itself a resolution imposing more stringent financial obligations on the members.

6. Disqualification from the membership shall be effectuated by then board.

7. The person involved may lodge an appeal against a resolution of the association to terminate the membership based on the argument that the association cannot reasonably be required to continue the membership, and against a resolution to disqualify a member from membership within one month of receipt of the notice of the resolution at the general assembly. The person involved shall be notified of the resolution in writing, stating the reasons, as soon as possible. During the appeal period and pending the appeal, the member will be suspended.

8. In the event of termination of the membership in the course of any association year, the annual contribution shall, nevertheless, remain due in full.

Article 8

Termination of the rights and obligations of associated bodies

An associated body’s rights and obligations may at all times mutually be terminated by giving notice, provided that a financial contribution for the current association year promised shall remain due in full.

Article 9

Notice of termination on behalf of the association shall be given by the board.

Article 10

Annual contributions

1. The members shall pay an annual contribution to be determined by the general assembly.

2. Under special circumstances the board may grant a full or partial exemption from the obligation to pay a contribution.

Article 11

Board

1. The board shall consist of at least four private individuals who are either a:

member;

b.	member of a member-party or;

c.	member or staff member of an associate or an individual member, and who are to be elected by the general assembly.

2. The number of board members shall be determined by the general assembly based on a motion of the board.

3. Board members will be appointed by the general assembly.

4. The standing orders may give further regulations on the appointment of board members.

Article 12

Termination of board membership - Periodic membership - Suspension

1. Every board member shall retire ultimately four years after appointment. The retiring board member shall be eligible for reappointment once

2. Every board member, even if appointed for a limited period of time, may at all times be dismissed or suspended by the general assembly. Any suspension not followed by a dismissal resolution within three months shall end by expiry of such term. The retiring board member shall be eligible for reappointment. A person appointed to fill a temporary vacancy shall take the place of his predecessor in the rotation schedule.

3. Furthermore, a board membership shall end:

a.	by termination of a member’s membership of the association;

b.	by resignation.

Article 13

Board offices - Board decision - Making process

1. The chairman shall be appointed to office by the general assembly. The other offices shall be divided among the board members in mutual consultation, provided that the board may also assign the duties of the secretary and the treasurer to non-board members.

2. Standing orders may set additional regulations in respect of the meetings and decision-making process of the board.

Article 14

Board duties - Representation

1. Save as restricted in this charter, the board shall be responsible for the management of the association.

2. In the event of vacancies on the board, the board shall retain its powers. It shall, however, convene a general assembly as soon as possible to discuss the filling of the vacancy or vacancies.

3. The board shall be authorized to have committees to be appointed by the board perform certain parts of the board’s duties under the responsibility of the board.

4. The board shall be authorized to enter into agreements to purchase, alienate or encumber property subject to public registration, to enter into agreements in which the association binds itself as a guarantor or as joint and several debtor, warrants performance by third parties, or binds itself as security for a third-party debt.

5. The association shall be represented both in and out of court either by the board or by the chairman acting jointly together with another board member.

6. With regard to daily management, the association is validly represented by the General Director.

Article 15

Financial management, annual report and reporting

1. The General Director is responsible for the daily financial management, including expenditure and fundraising and is fully authorized with regard to bank matters and loans below €25.000. In consultation with the Board, the General Director appoints an independent administrator to conduct the administration. The administrator can transfer funds only with written approval of the General Director. The General Director will inform the Board of the financial developments and reports on all transfers over €1.000. The independent administrator prepares the accounts after which they are adopted by the General Director and verified by the Board. The Board will be fully transparent to its members and the European Parliament regarding donations and the financial accounts while maintaining the protection of personal data and privacy as long as this does not conflict with any ruling in this charter.

2. The General Director will sign off spending which will be recorded by the administrator. All expenditure will be conducted in accordance with the rules and guidelines for expenditure concerning European political parties. Other staff members can only do expenditure within an established limit and with the sole purpose of arranging travel and stay and meeting rooms.

3. The board remains the final administrative and financial representation of the association and shall keep records of the association’s financial position, so as to show its rights and obligations at all times.

4. The board shall issue its annual report at a congress within six months of the end of the association year - save an extension of such term by the general assembly -, reporting on its management as conducted over the past financial year, under simultaneous submission of a balance sheet and a statement of income and expenditure. After expiry of the said term any member may demand in court that the board report in accordance with the foregoing sentence.

5. The European Parliament appoints the auditor. The General Director and administrator will cooperate with the auditor to establish the annual accounts. These accounts will be submitted to the Board and General Assembly for approval.

6. The association year shall run from the first day of January until the thirty-first day of December. (change of order, was article 15.1)

Article 16

The General Assembly

1. The general assembly is the general meeting by law. All powers in the association not conferred on the board by law or in this charter shall vest in the General Assembly.

2. Ultimately six months after the end of each association year, a congress – the annual meeting - shall be held to discuss, inter alia:

a.	the annual report and the report as referred to in article 15, as well as the report of the committee referred to in such article;

b.	the appointment of the committee referred to in article 15 for the following association year;

c.	the filling of vacancies, if any;

d.	motions submitted by the board or by the members, if any, as announced in the notice convening the meeting.

3. Any other assemblies shall be held as often as the board deems appropriate.

4. Furthermore, on the written request of at least such number of members as are entitled to cast one tenth of the votes, the board shall convene a congress within a maximum term of four weeks. If the request is not complied with within fourteen days, the requesting members may convene the meeting themselves by giving notice in accordance with article 20 or by placing an advertisement in a daily newspaper at least widely read in the place where the association has its registered office.

Article 17

Access and voting right

1. In compliance with article 20, the general assembly shall be open to members of the association, board members, representatives of the associated bodies and invited guests. Suspended members and suspended board members shall not have access to the congress.

2. Other than those referred to in paragraph 1 have admission to the general assembly, unless casu quo the general assembly decides to meet in camera.

3. Every member of the association who is not suspended shall have the right to cast a vote.

4. Every associated body has a right to cast a vote on subjects concerning: political content.

5. In the general assembly each member party has three votes and every individual member has one vote. Every associate body has one vote. The number of votes by individual members and associates can only make up for forty-nine percent (49 %) of the total votes. If the votes of individual members exceed forty-nine percent (49 %) of the total votes then the chairman of the association (or his substitute) is allowed to determine an alternative division of the votes that ensures that the individual members will receive forty-nine percent (49 %) of the total votes.

6. A memberparty may cast his vote only through a representative having power of attorney to the satisfaction of the chairman of the meeting.

Article 18

Chair - Minutes

1. The general assembly shall be chaired by the chairman of the association or his deputy. In the absence of the chairman and his deputy, one of the other board members to be designated by the board shall act as chairman. If the chair is not filled according to this procedure either, the meeting shall appoint its own chairman.

2. The secretary or another person designated for such purpose by the chairman shall keep minutes of the proceedings at each meeting, to be adopted and signed by the chairman and the person keeping the minutes.

Article 19

Congress decision - Making process

1. The decision pronounced at the general assembly by the chairman to the effect that a resolution has been adopted shall be decisive. The same shall be true for the substance of a resolution adopted to the extent that a vote was taken on a motion not set forth in writing.

2. If, however, immediately after the decision referred to in paragraph 1 is pronounced, the correctness thereof is challenged, a new vote shall be taken if the majority of the meeting or, if the original vote was not taken by roll-call or by ballot, a person entitled to vote so requires. Such new vote shall supersede the legal consequences of the original vote.

3. To the extent not provided otherwise by law or in this charter, all resolutions of the general assembly shall be adopted by an absolute majority of the votes cast.

4. Blank votes shall be deemed not to have been cast.

5. If, in an election of persons, none of the candidates has obtained an absolute majority of the votes, a second vote or, in the event of a binding nomination, a second vote between the nominated candidates, shall be held. If in such second vote none of the candidates has obtained an absolute majority either, revotes shall be taken until either one person has obtained an absolute majority of the votes or a vote held between two persons ends in a tie. Such revotes (not including the second vote) shall at all times be held between the persons between whom the preceding vote had been held, with the exception of the person who had obtained the least votes during such preceding vote. If during the preceding vote the least votes had been obtained by more than one person, a drawing of lots shall decide who of such persons can no longer be voted for in the new vote. In the event that a vote between two persons ends in a tie, a drawing of lots shall decide who of such two persons is elected.

6. In the event that a vote on a motion other than on an election of persons ends in a tie, the motion shall be deemed to have been rejected.

7. All votes shall be taken orally, unless the chairman deems a vote by ballot appropriate or if any of the persons entitled to vote so requires prior to the vote. Written votes shall be taken by secret, unsigned ballot. Resolutions may be adopted by acclamation, unless any of the persons entitled to vote requires a vote by roll-call.

8. A unanimous resolution of all members, even outside a meeting, shall have the same force as a resolution of the congress of the general assembly, provided adopted with the prior knowledge of the board.

9. As long as all members are present or represented at a general assembly, valid resolutions may be adopted, provided unanimously, with respect to all items to be discussed - thus, including a motion to amend this charter or to dissolve the association - even if no notice convening a congress has been sent or has been sent in accordance with the requirements in that respect or any other requirements with respect to convening and holding meetings, or any related formalities, have not been observed.

10. Decisions are only valid if at least one quarter of the members are present during the meeting.

Article 20

Convening the General Assembly

1. The general assembly shall be convened by the board. The notice convening the general assembly shall be sent to the addresses of the members according to the membership register as referred to in article 4. The term for convening a congress shall be at least seven days.

2. The notice convening the general assembly shall state the items to be discussed, without prejudice to the provisions of article 21. In the notice convening the general assembly, the board can indicate some items that shall exclusively be discussed by the members. Items mentioned in article 17.4 can never be indicated by the board as to be discussed exclusively.

Article 21

Amendment of the Charter

1. This charter of the association may be amended only by a resolution of the general assembly, the notice convening such meeting stating that a motion to amend the charter shall be discussed at such meeting.

2. Those who had convened the congress of the general assembly to discuss a motion to amend the charter shall deposit a copy of such motion in which the proposed amendment is quoted verbatim, at a suitable location, for inspection by the members, at least five days prior to the meeting until the end of the day of the meeting. Furthermore, a copy as referred to above shall be sent to all members.

3. A resolution to amend the charter shall require at least two thirds of the votes cast in a meeting at which at least two thirds of the members are present or represented. If two thirds of the members are not present or represented, a second meeting shall be convened and held within four weeks thereafter, in which a resolution may be passed on the motion as discussed in the previous meeting, irrespective of the number of members present or represented, provided by a majority of at least two thirds of the votes cast.

4. An amendment of the charter shall not take effect until after having been set forth in an instrument executed before a civil-law notary. Every board member shall be authorized to have the instrument executed, in accordance with the of the general assembly.

Article 22

Dissolution

1. The association may be dissolved by a resolution of the general assembly. The provisions of paragraphs 1, 2 and 3 of the foregoing article shall apply mutatis mutandis.

2. The appropriation of any credit balance after liquidation shall be determined by the general assembly in the resolution to dissolve the association.

Article 23

Standing orders

1. The general assembly may adopt standing orders.

2. The standing orders may not be contrary to the law, even where nonmandatory, or with this charter.

Article 24

Affiliated foundation

Sallux is the foundation affiliated to ECPM and will function as its sole European political foundation in accordance with the Regulation (EC) No 1141/2014 of the European Parliament and of the Council on the regulations governing political foundations and the rules regarding their funding.

Annex I

List of Members of the European Christian Political Movement on June 1, 2017

Full name	English translation	Acronym	Type of membership	Member state
Hayastani Qristonea-Demokratakan Miowt'yown	Christian Democratic Union of Armenia	HQDM	Full membership	Armenia
Hrvatski rast	Croatian Growth	HRAST	Full membership	Croatia
Eesti Kristlikud Demokraadid	Estionian Christian Democrats	EKD	Full membership	Estonia
Parti Chrétien-Démocrate	Christian Democratic Party	PCD	Full membership	France
Christian Democratic People’s party		CDPP	Full membership	Georgia
Bündnis C – Christen für Deutschland	Alliance C – Christians for Germanny	Bundnis-C	Full membership	Germany
Kristigi Demokratiska Savieniba	Christian Democratic Union	KDS	Full membership	Latvia
Partidul Popular Crestin Democrat	Christian Democratic People's party	PPCD	Full membership	Moldova
ChristenUnie	Christian Union	CU	Full membership	The Netherlands
Staatkundig Gereformeerde Partij	Politically Reformed Party	SGP	Full membership	The Netherlands
Prawica Rzeczypospolitej	Right Wing of the Republic	PR	Full membership	Poland
Uniunea Bulgara din Banat	Bulgarian Union in Banat	UBB	Full membership	Romania
Evangelische Volkspartei	Evangelical People's Party	EVP	Full membership	Switzerland
Khrystiyansko Demokratichnyj Soyuz	Christian-Democratic Union	KDS	Full membership	Ukraine
Christian Peoples Alliance		CPA	Full membership	United Kingdom

31.1.2018

Il-Ġurnal Uffiċjali tal-Unjoni Ewropea

C 34/37

Notifika ta’ bidu ta’ proċediment kontra s-sussidju li jikkonċerna l-importazzjonijiet ta’ bijodiżil li joriġinaw fl-Arġentina

(2018/C 34/11)

Il-Kummissjoni Ewropea (“il-Kummissjoni”) irċeviet ilment skont l-Artikolu 10 tar-Regolament (UE) 2016/1037 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra importazzjonijiet sussidjati minn pajjiżi li mhumiex membri tal-Unjoni Ewropea (1) (“ir-Regolament bażiku”), li jallega li l-importazzjonijiet ta’ bijodiżil, li joriġinaw mill-Arġentina, qegħdin ikunu sussidjati u b’hekk qegħdin joħolqu dannu materjali (2) lill-industrija tal-Unjoni.

1. Ilment

L-ilment tressaq fit-18 ta’ Diċembru 2017 mill-European Biodiesel Board (“l-ilmentatur”) f’isem il-produtturi li jirrappreżentaw aktar minn 25 %, tal-produzzjoni totali tal-bijodiżil tal-Unjoni.

2. Il-prodott li qed jiġi investigat

Il-prodott suġġett għal din l-investigazzjoni huwa esteri monoalkiliċi tal-aċidi grassi u/jew żjut tal-gass paraffiniċi miksuba minn sinteżi u/jew trattament idriku, ta’ oriġini mhux mill-fossili, magħruf bħala ‘bijodiżil’, f’forma pura jew kif inklużi f’taħlita (“il-prodott li qed jiġi investigat”).

3. Allegazzjoni ta’ sussidju

Il-prodott li allegatament qed jiġi ssussidjat huwa l-prodott li qed jiġi investigat, li joriġina fl-Arġentina (“il-pajjiż ikkonċernat”), u li bħalissa jaqa’ taħt il-kodiċijiet NM ex 1516 20 98 (kodiċijiet TARIC 1516209821, 1516209829 u 1516209830), ex 1518 00 91 (kodiċijiet TARIC 1518009121, 1518009129 u 1518009130), ex 1518 00 95 (kodiċijiet TARIC 1518009510), ex 1518 00 99 (kodiċijiet TARIC 1518009921, 1518009929 u 1518009930), ex 2710 19 43 (kodiċijiet TARIC 2710194321, 2710194329 u 2710194330), ex 2710 19 46 (kodiċijiet TARIC 2710194621, 2710194629 u 2710194630), ex 2710 19 47 (kodiċijiet TARIC 2710194721, 2710194729 u 2710194730), 2710 20 11, 2710 20 15, 2710 20 17, ex 3824 99 92 (kodiċijiet TARIC 3824999210, 3824999212 u 3824999220), 3826 00 10 u ex 3826 00 90 (kodiċijiet TARIC 3826009011, 3826009019 u 3826009030). Dawn il-kodiċijiet NM u TARIC qed jingħataw biss għall-informazzjoni.

L-ilment jinkludi evidenza suffiċjenti li l-produtturi tal-prodott li qed jiġi investigat mill-Arġentina bbenefikaw minn għadd ta’ sussidji mogħtija mill-Gvern tal-Arġentina.

Il-prattiki ta’ sussidju jikkonsistu, inter alia, f’dawn li ġejjin:

(i)	il-forniment ta’ prodotti u servizzi mill-gvern għal remunerazzjoni inqas minn adegwata, pereżempju l-forniment ta’ fażola tas-sojja;

(ii)	ix-xiri mill-gvern ta’ prodotti għal remunerazzjoni li tkun aktar milli adegwata u/jew dħul jew appoġġ fil-prezz, bħalma huma x-xiri kkumissjonat mill-gvern ta’ bijodiżil (il-Ftehim għall-Forniment ta’ Bijodiżil);

(iii)

it-trasferiment dirett ta’ fondi, bħal għoti ta’ self u finanzjament għall-esportazzjoni b’termini preferenzjali, inkluż is-self preferenzjali mill-Bank Nazzjonali tal-Arġentina (Banco de la Nación Argentina, “BNA”); kif ukoll

(iv)

dħul tal-gvern mitluf jew mhux miġbur, bħal deprezzament aċċellerat għall-produtturi tal-bijodiżil skont il-Liġi tal-2006 dwar il-Bijofjuwils, eżenzjoni u differiment tat-taxxa fuq id-dħul minima preżunta għall-produtturi tal-bijodiżil skont il-Liġi tal-2006 dwar il-Bijofjuwils, u diversi eżenzjonijiet fiskali provinċjali.

L-ilmentatur jallega wkoll li l-miżuri ta’ hawn fuq jammontaw għal sussidji billi jinvolvu kontribuzzjoni finanzjarja mill-Gvern tal-Arġentina jew minn gvernijiet reġjonali oħra (inklużi l-korpi pubbliċi) u jikkonferixxu benefiċċju lill-produtturi esportaturi tal-prodott li qed jiġi investigat. Dawn huma allegatament limitati għal ċerti impriżi jew industriji jew grupp ta’ impriżi u, għaldaqstant, huma speċifiċi u kompensabbli. Fuq din il-bażi, l-ammonti ta’ sussidju allegati huma sinifikanti għall-pajjiż ikkonċernat.

Fid-dawl tal-Artikoli 10(2) u 10(3) tar-Regolament bażiku, il-Kummissjoni ħejjiet memorandum dwar is-suffiċjenza ta’ evidenza, li jinkludi l-valutazzjoni tal-Kummissjoni dwar l-evidenza kollha li għandha u li abbażi tagħha l-Kummissjoni tibda l-investigazzjoni. Dan il-memorandum jinsab fil-fajl li jista’ jiġi vverifikat mill-partijiet interessati.

Il-Kummissjoni tirriżerva d-dritt li tinvestiga sussidji rilevanti oħrajn li jistgħu jiġu żvelati matul l-investigazzjoni.

4. Allegazzjoni ta’ theddida ta’ dannu u kawżalità

L-ilmentatur jipprovdi evidenza li l-importazzjonijiet tal-prodott li qed jiġi investigat mill-pajjiż ikkonċernat żdiedu b’mod ġenerali f’termini assoluti u f’termini ta’ sehem fis-suq b’rata sinifikanti li tindika l-possibbiltà ta’ importazzjonijiet sostanzjalment miżjuda. Barra minn hekk, huwa allegat li l-importazzjonijiet qed jidħlu fl-Unjoni bi prezzijiet li diġà kellhom, fost konsegwenzi oħra, impatt negattiv fuq il-livell tal-prezzijiet tal-bejgħ, il-kwantitajiet mibjugħa, is-sehem mis-suq u l-profitti tal-industrija tal-Unjoni.

Barra minn hekk, l-ilmentatur jipprovdi evidenza li hemm kapaċità suffiċjenti liberament disponibbli fl-Arġentina li tindika l-possibbiltà ta’ importazzjonijiet sostanzjalment miżjuda.

Barra minn hekk, in-natura tal-allegati sussidji inkwistjoni hija tali li x’aktarx tikkawża effetti kummerċjali negattivi.

Huwa allegat ukoll li l-fluss tal-importazzjonijiet sussidjati x’aktarx li jiżdied minħabba t-tnaqqis riċenti tal-miżuri anti-dumping fis-seħħ kontra importazzjonijiet tal-prodott li qed jiġi investigat lejn l-UE (3) u l-impożizzjoni riċenti ta’ miżuri kompensatorji fl-Istati Uniti tal-Amerika (“l-Istati Uniti”) kontra l-prodott li qed jiġi investigat. Dan jindika possibbiltà ta’ ridirezzjoni ta’ esportazzjonijiet lejn l-Unjoni li twassal għal żieda sostanzjali ta’ importazzjonijiet sussidjati. L-Ilmentatur jallega li dawn il-bidliet fiċ-ċirkustanzi – huma mistennija b’mod ċar u imminenti. Dannu materjali jseħħ minħabba l-imminenza ta’ aktar importazzjonijiet sussidjati.

L-ilmentatur jallega wkoll li l-perspettiva ta’ influss qawwi ta’ importazzjonijiet inġusti hija l-kawża ewlenija ta’ theddida imminenti ta’ dannu u m’hemmx fatturi oħra li jidhru li jiksru r-rabta kawżali.

5. Proċedura

Ladarba ddeterminat, wara li infurmat lill-Istati Membri, li l-ilment tressaq mill-industrija tal-Unjoni jew f’isimha, u li hemm biżżejjed evidenza biex tiġi ġġustifikata t-tnedija ta’ proċediment, il-Kummissjoni b’dan qiegħda tibda investigazzjoni skont l-Artikolu 10 tar-Regolament bażiku.

L-investigazzjoni se tiddetermina jekk il-prodott li qed jiġi investigat u li joriġina fil-pajjiż kkonċernat hux qed jiġi sussidjat u jekk dawn l-importazzjonijiet sussidjati ikkawżawx dannu jew qed jheddu li jikkawżaw dannu lill-industrija tal-Unjoni. Jekk il-konklużjonijiet ikunu fl-affermattiv, l-investigazzjoni se teżamina jekk l-impożizzjoni ta’ miżuri tmurx kontra l-interess tal-Unjoni.

Il-Gvern tal-Arġentina ġie mistieden għall-konsultazzjonijiet.

5.1. Il-perjodu ta’ investigazzjoni u l-perjodu kkunsidrat

L-investigazzjoni ta’ sussidjar u dannu se tkopri l-perjodu mill-1 ta’ Jannar 2017 sal-31 ta’ Diċembru 2017 (“il-perjodu tal-investigazzjoni”). L-eżami tax-xejriet rilevanti għall-valutazzjoni tad-dannu se jkopri l-perjodu mill-1 ta’ Jannar 2014 sa tmiem il-perjodu tal-investigazzjoni (“il-perjodu kkunsidrat”).

5.2. Proċedura għad-determinazzjoni tas-sussidjar

Il-produtturi esportaturi (4) tal-prodott li qed jiġi investigat mill-pajjiż ikkonċernat u l-awtoritajiet tal-pajjiż ikkonċernat huma mistiedna jipparteċipaw fl-investigazzjoni tal-Kummissjoni. Partijiet oħra li mingħandhom il-Kummissjoni se tfittex informazzjoni rilevanti biex tiddetermina l-eżistenza u l-ammont ta’ sussidji kumpensabbli konferiti fuq il-prodott li qed jiġi investigat huma mistiedna wkoll biex jikkooperaw mal-Kummissjoni kemm jista’ jkun.

5.2.1. Investigazzjoni tal-produtturi esportaturi

Il-proċedura għall-għażla tal-produtturi esportaturi li jridu jiġu investigati fil-pajjiż ikkonċernat

(a) Il-kampjunar

Minħabba li jidher li hemm għadd kbir ta’ produtturi esportaturi fil-pajjiż ikkonċernat involuti f’dan il-proċediment, u biex tlesti l-investigazzjoni fl-iskadenzi statutorji, il-Kummissjoni tista’ tillimita l-produtturi esportaturi li jridu jiġu investigati għal għadd raġonevoli billi tagħżel kampjun (dan il-proċess jissejjaħ ukoll “kampjunar”). Il-kampjunar se jsir b’konformità mal-Artikolu 27 tar-Regolament bażiku.

Sabiex il-Kummissjoni tkun tista’ tiddeċiedi jekk il-kampjunar huwiex meħtieġ, u jekk ikun il-każ, biex tagħżel kampjun, il-produtturi esportaturi kollha, jew ir-rappreżentanti li jaġixxu f’isimhom, qegħdin b’dan jintalbu jippreżentaw ruħhom lill-Kummissjoni. Dawn il-partijiet iridu jagħmlu hekk fi żmien 15-il jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor, billi jagħtu l-informazzjoni dwar il-kumpanija/i tagħhom lill-Kummissjoni, kif mitlub fl-Anness I ta’ dan in-Notifika.

Biex tikseb it-tagħrif li jidhrilha li huwa meħtieġ għall-għażla tal-kampjun ta’ produtturi esportaturi, il-Kummissjoni se tikkuntattja wkoll lill-awtoritajiet tal-pajjiżi kkonċernati, u tista’ tikkuntattja lil kull assoċjazzjoni magħrufa ta’ produtturi esportaturi.

Kull parti interessata li tixtieq tippreżenta kwalunkwe informazzjoni rilevanti oħra rigward l-għażla tal-kampjun, minbarra l-informazzjoni mitluba hawn fuq, trid tagħmel dan fi żmien 21 jum mill-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor.

Jekk ikun hemm bżonn ta’ kampjun, il-produtturi esportaturi jistgħu jintgħażlu abbażi tal-akbar volum rappreżentattiv ta’ esportazzjonijiet lejn l-Unjoni li jista’ jiġi investigat b’mod raġonevoli fiż-żmien disponibbli. Il-produtturi esportaturi kollha magħrufa, l-awtoritajiet tal-pajjiż esportatur ikkonċernat u l-assoċjazzjonijiet ta’ produtturi esportaturi se jkunu mgħarrfa mill-Kummissjoni dwar il-kumpaniji magħżula biex ikunu fil-kampjun.

Biex tikseb l-informazzjoni li tqis li hi meħtieġa għall-investigazzjoni tagħha fir-rigward tal-produtturi esportaturi, il-Kummissjoni se tibgħat il-kwestjonarji lill-produtturi esportaturi magħżula biex ikunu fil-kampjun, lil kwalunkwe assoċjazzjoni magħrufa tal-produtturi esportaturi, u lill-awtoritajiet tal-pajjiż ikkonċernat.

Il-produtturi esportaturi kollha magħżula biex jiffurmaw parti mill-kampjun, u l-awtoritajiet tal-pajjiż ikkonċernat, jkollhom jibagħtu kwestjonarju mimli fi żmien 37 jum mid-data tan-notifika tal-għażla tal-kampjun, jekk ma jkunx speċifikat mod ieħor.

Bla preġudizzju għall-applikazzjoni tal-Artikolu 28 tar-Regolament bażiku, il-kumpaniji li jkunu qablu mal-inklużjoni possibbli tagħhom fil-kampjun iżda li ma jintgħażlux biex ikunu fil-kampjun se jitqiesu li qed jikkooperaw (“il-produtturi esportaturi mhux inklużi fil-kampjun li jikkooperaw”). Bla preġudizzju għat-taqsima (b) ta’ hawn taħt, id-dazju kompensatorju li jista’ jiġi applikat għall-importazzjonijiet mill-produtturi esportaturi mhux inklużi fil-kampjun li jikkooperaw ma għandux jaqbeż l-ammonti medji pponderati ta’ sussidjar stabbilit għall-produtturi esportaturi fil-kampjun (5).

(b) Ammont individwali ta’ sussidjar kompensabbli għall-kumpaniji li ma jiġux inklużi fil-kampjun

Il-produtturi esportaturi mhux inklużi fil-kampjun li kkooperaw, skont l-Artikolu 27(3) tar-Regolament bażiku, jistgħu jitolbu li l-Kummissjoni tistabbilixxi l-ammont ta’ sussidju individwali tagħhom. Il-produtturi esportaturi li jixtiequ jagħmlu talba għal ammont individwali ta’ sussidjar jridu jitolbu kwestjonarju u jirritornawh mimli kif dovut fi żmien 37 jum mid-data tan-notifika tal-għażla tal-kampjun, sakemm ma jkunx speċifikat mod ieħor.

Madankollu, il-produtturi esportaturi li jitolbu ammont ta’ sussidju individwali għandhom ikunu jafu li l-Kummissjoni tista’ xorta waħda tiddeċiedi li ma tiddeterminax l-ammont ta’ sussidju individwali tagħhom jekk, pereżempju, l-għadd ta’ produtturi esportaturi tant ikun kbir li tali determinazzjoni tkun ta’ piż żejjed u ma jkunx jippermetti li l-investigazzjoni titlesta fil-ħin.

5.2.2. Investigazzjoni ta’ importaturi mhux relatati (6) (7)

Importaturi mhux relatati tal-prodott li qed jiġi investigat mill-pajjiż ikkonċernat lejn l-Unjoni huma mistiedna li jipparteċipaw f’din l-investigazzjoni.

Minħabba li jidher li hemm għadd kbir ta’ importaturi li mhumiex relatati, li huma involuti f’dan il-proċediment, u biex tlesti l-investigazzjoni fil-limiti ta’ żmien statutorji, il-Kummissjoni tista’ tillimita l-importaturi li mhumiex investigati u li jridu jiġu investigati, għal għadd raġonevoli billi tagħżel kampjun (dan il-proċess jissejjaħ ukoll “il-kampjunar”). Il-kampjunar se jsir b’konformità mal-Artikolu 27 tar-Regolament bażiku.

Sabiex il-Kummissjoni tkun tista’ tiddeċiedi jekk il-kampjunar huwiex meħtieġ, u jekk ikun il-każ, tagħżel kampjun, l-importaturi kollha li mhumiex relatati, jew ir-rappreżentanti li jaġixxu f’isimhom, qegħdin b’dan jintalbu li jippreżentaw ruħhom lill-Kummissjoni. Dawn il-partijiet iridu jagħmlu dan fi żmien 15-il jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor, billi jipprovdu lill-Kummissjoni bl-informazzjoni dwar il-kumpanija/i tagħhom, kif mitlub fl-Anness II ta’ din in-Notifika.

Sabiex tikseb l-informazzjoni li jidhrilha li tkun meħtieġa għall-għażla tal-kampjun ta’ importaturi mhux relatati, il-Kummissjoni tista’ tikkuntattja wkoll lil kwalunkwe assoċjazzjoni magħrufa ta’ importaturi.

Jekk ikun hemm bżonn ta’ kampjun, l-importaturi jistgħu jintgħażlu abbażi tal-akbar volum rappreżentattiv ta’ bejgħ tal-prodott li qed jiġi investigat fl-Unjoni li joriġina fil-pajjiż ikkonċernat li jista’ jiġi investigat b’mod raġonevoli fiż-żmien disponibbli. L-importaturi mhux relatati u l-assoċjazzjonijiet ta’ importaturi kollha magħrufa se jiġu mgħarrfa mill-Kummissjoni dwar il-kumpaniji li ntgħażlu għall-kampjun.

Sabiex tikseb l-informazzjoni li tqis li hija meħtieġa fl-investigazzjoni tagħha, il-Kummissjoni se tibgħat kwestjonarji lill-importaturi mhux relatati inklużi fil-kampjun u lil kull assoċjazzjoni magħrufa ta’ importaturi. Dawn il-partijiet għandhom jibagħtu l-kwestjonarju mimli fi żmien 37 jum mid-data tan-notifika tal-għażla tal-kampjun, sakemm ma jkunx speċifikat mod ieħor.

5.3. Il-proċedura għad-determinazzjoni tad-dannu u l-investigazzjoni tal-produtturi tal-Unjoni

Id-determinazzjoni tad-dannu tissejjes fuq evidenza pożittiva u tinvolvi eżaminazzjoni oġġettiva tal-volum tal-importazzjonijiet sussidjati, l-effett tagħhom fuq il-prezzijiet fis-suq tal-Unjoni u l-impatt konsegwenti ta’ dawk l-importazzjonijiet fuq l-industrija tal-Unjoni. Sabiex jiġi stabbilit jekk l-industrija tal-Unjoni ġarrbitx dannu materjali, il-produtturi tal-Unjoni tal-prodott li qed jiġi investigat huma mistiedna jieħdu sehem fl-investigazzjoni tal-Kummissjoni.

Investigazzjoni dwar il-produtturi tal-Unjoni

Minħabba li jidher li hemm għadd kbir ta’ produtturi tal-Unjoni involuti f’dan il-proċediment, u biex tlesti l-investigazzjoni fil-limiti ta’ żmien statutorji, il-Kummissjoni ddeċidiet li tillimita l-produtturi tal-Unjoni li jridu jiġu investigati għal għadd raġonevoli billi tagħżel kampjun (dan il-proċess jissejjaħ ukoll “il-kampjunar”). Il-kampjunar jitwettaq f’konformità mal-Artikolu 27 tar-Regolament bażiku.

Il-Kummissjoni għażlet proviżorjament kampjun ta’ produtturi tal-Unjoni. Id-dettalji jinsabu fil-fajl li jista’ jiġi vverifikat mill-partijiet interessati. Il-partijiet interessati huma b’dan mistiedna jikkonsultaw il-fajl (biex jagħmlu dan iridu jikkuntattjaw lill-Kummissjoni billi jużaw id-dettalji ta’ kuntatt mogħtija fit-taqsima 5.7 aktar ’l isfel). Produtturi oħra tal-Unjoni, jew rappreżentanti li jaġixxu f’isimhom li jqisu li hemm raġunijiet għalfejn għandhom jiġu inklużi fil-kampjun, għandhom jikkuntattjaw lill-Kummissjoni fi żmien 15-il jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea. Il-partijiet interessati kollha li jixtiequ jippreżentaw xi informazzjoni rilevanti oħra rigward l-għażla tal-kampjun iridu jagħmlu dan fi żmien 21 jum mill-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor.

Il-Kummissjoni se tgħarraf lill-produtturi tal-Unjoni u l-assoċjazzjonijiet ta’ produtturi tal-Unjoni magħrufa kollha, dwar il-kumpaniji li finalment intgħażlu biex ikunu fil-kampjun.

Sabiex tikseb l-informazzjoni li tqis li hi meħtieġa fl-investigazzjoni tagħha, il-Kummissjoni se tibgħat kwestjonarji lill-produtturi tal-Unjoni inklużi fil-kampjun u lil kull assoċjazzjoni magħrufa ta’ produtturi tal-Unjoni. Dawn il-partijiet għandhom jibagħtu l-kwestjonarju mimli fi żmien 37 jum mid-data tan-notifika tal-għażla tal-kampjun, sakemm ma jkunx speċifikat mod ieħor.

5.4. Proċedura għall-valutazzjoni tal-interess tal-Unjoni

Jekk tiġi stabbilita l-eżistenza ta’ sussidjar u ta’ dannu kkawżati minnu, tittieħed deċiżjoni, skont l-Artikolu 31 tar-Regolament bażiku, dwar jekk l-adozzjoni ta’ miżuri kontra s-sussidju tmurx kontra l-interess tal-Unjoni. Il-produtturi tal-Unjoni, l-importaturi u l-assoċjazzjonijiet rappreżentattivi tagħhom, l-utenti u l-assoċjazzjonijiet rappreżentattivi tagħhom u l-organizzazzjonijiet rappreżentattivi tal-konsumatur huma mistiedna jippreżentaw ruħhom fi żmien 15-il jum mid-data ta’ pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor. Sabiex jipparteċipaw fl-investigazzjoni, l-organizzazzjonijiet rappreżentattivi tal-konsumatur iridu juru, fil-limitu tal-istess skadenza, li hemm rabta oġġettiva bejn l-attivitajiet tagħhom u l-prodott li qed jiġi investigat.

Il-partijiet li jippreżentaw ruħhom sal-limitu ta’ żmien ta’ hawn fuq jistgħu jipprovdu lill-Kummissjoni b’informazzjoni dwar l-interess tal-Unjoni fi żmien 37 jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea, sakemm ma jkunx speċifikat mod ieħor. Din l-informazzjoni tista’ tingħata jew f’format ħieles jew billi jimtela kwestjonarju mħejji mill-Kummissjoni. F’kull każ, l-informazzjoni mogħtija skont l-Artikolu 31 titqies biss jekk, meta tiġi ppreżentata, tkun sostnuta b’evidenza fattwali.

5.5. Sottomissjonijiet oħrajn bil-miktub

Soġġetti għad-dispożizzjonijiet ta’ dan l-avviż, il-partijiet interessati kollha huma b’dan mistiedna juru fehmiethom, jippreżentaw l-informazzjoni u jipprovdu evidenza ta’ sostenn. Sakemm ma jkunx speċifikat mod ieħor, din l-informazzjoni u l-evidenza ta’ sostenn iridu jaslu għand il-Kummissjoni fi żmien 37 jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea.

5.6. Possibbiltà ta’ smigħ mis-servizzi ta’ investigazzjoni tal-Kummissjoni

Il-partijiet kollha interessati jistgħu jitolbu li jinstemgħu mis-servizzi ta’ investigazzjoni tal-Kummissjoni. Kull talba għal smigħ għandha ssir bil-miktub u għandha tispeċifika r-raġunijiet għala tkun qiegħda ssir. Għal seduti ta’ smigħ dwar kwistjonijiet li jkollhom x’jaqsmu mal-fażi inizjali tal-investigazzjoni, it-talba trid tiġi ppreżentata fi żmien 15-il jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea. Wara dan, it-talba għal smigħ jentieġ li titressaq fil-limitu tal-iskadenzi speċifiċi stabbiliti mill-Kummissjoni fil-komunikazzjoni tagħha mal-partijiet.

5.7. Istruzzjonijiet għas-sottomissjonijiet bil-miktub u biex jintbagħtu l-kwestjonarji mimlija u l-korrispondenza

L-informazzjoni mibgħuta lill-Kummissjoni għall-fini tal-investigazzjonijiet għad-difiża tal-kummerċ hija ħielsa mid-drittijiet tal-awtur. Il-partijiet interessati, qabel ma jippreżentaw lill-Kummissjoni informazzjoni u/jew dejta soġġetti għad-drittijiet tal-awtur ta’ terzi persuni, iridu jitolbu permess speċifiku lid-detentur tad-drittijiet li jippermetti b’mod espliċitu a) li l-Kummissjoni tuża l-informazzjoni u d-dejta għall-iskop ta’ dan il-proċediment tad-difiża tal-kummerċ u b) li tipprovdi l-informazzjoni u/jew id-dejta lill-partijiet interessati f’din l-investigazzjoni f’għamla li tippermettilhom li jeżerċitaw id-dritt tad-difiża tagħhom.

Is-sottomissjonijiet kollha bil-miktub, inkluża l-informazzjoni mitluba f’din in-Notifika, il-kwestjonarji mimlija u l-korrispondenza pprovduta mill-partijiet interessati li għaliha jintalab trattament kunfidenzjali għandhom ikunu mmarkati bħala “Ristrett” (8). Partijiet li jissottomettu l-informazzjoni matul l-investigazzjoni huma mistiedna jipprovdu r-raġunijiet għat-talba tagħhom għal trattament kunfidenzjali.

Partijiet interessati li jagħtu informazzjoni “Ristretta” huma mitluba jipprovdu sommarji mhux kunfidenzjali tiegħu skont l-Artikolu 29(2) tar-Regolament bażiku, li jiġu mmarkati “Għall-ispezzjoni mill-partijiet interessati”. Dawn is-sommarji jeħtieġ li jkunu dettaljati biżżejjed biex jippermettu fehim raġonevoli tas-sustanza tal-informazzjoni mressqa b’mod kunfidenzjali.

Jekk parti li tippreżenta informazzjoni kunfidenzjali tonqos milli tagħti raġuni tajba għat-talba għal trattament kunfidenzjali jew ma tipprovdix sommarju mhux kunfidenzjali tagħha fil-format u l-kwalità mitluba, il-Kummissjoni tista’ tinjora tali informazzjoni sakemm ma jistax jintwera b’mod sodisfaċenti minn sorsi xierqa li l-informazzjoni hija korretta.

Il-partijiet interessati huma mistiedna jressqu s-sottomissjonijiet u t-talbiet kollha permezz tal-posta elettronika inklużi dokumenti skennjati ta’ prokuri u ta’ ċertifikazzjoni, bl-eċċezzjoni ta’ tweġibiet kbar li jiġu mressqa fuq CD-ROM jew DVD bl-idejn jew permezz ta’ ittra reġistrata. Meta jużaw il-posta elettronika, il-partijiet interessati jesprimu l-qbil tagħhom mar-regoli applikabbli għas-sottomissjonijiet elettroniċi li jinsabu fid-dokument “KORRISPONDENZA MAL-KUMMISSJONI EWROPEA F’KAŻIJIET TA’ DIFIŻA TAL-KUMMERĊ” ippubblikat fuq is-sit web tad-Direttorat Ġenerali għall-Kummerċ: http://trade.ec.europa.eu/doclib/docs/2011/june/tradoc_148003.pdf

Il-partijiet interessati jridu jindikaw isimhom, l-indirizz, in-numru tat-telefown u indirizz tal-posta elettronika validu u jridu jiżguraw li l-indirizz elettroniku pprovdut ikun indirizz elettroniku tax-xogħol uffiċjali li jaħdem u li jiġi ċċekkjat kuljum. Ladarba jingħataw id-dettalji ta’ kuntatt, il-Kummissjoni se tikkomunika mal-partijiet interessati permezz tal-posta elettronika biss, dment li ma jkunx hemm talba speċifika li d-dokumenti kollha mill-Kummissjoni jintbagħtu b’mezz ieħor ta’ komunikazzjoni jew dment li n-natura tad-dokument li għandu jintbagħat ma tkunx teħtieġ l-użu tal-posta reġistrata. Għal aktar regoli u informazzjoni dwar il-korrispondenza mal-Kummissjoni inklużi l-prinċipji li japplikaw għas-sottomissjonijiet bil-posta elettronika, il-partijiet interessati jinħtieġ li jikkonsultaw l-istruzzjonijiet ta’ komunikazzjoni mal-partijiet interessati msemmija hawn fuq.

L-indirizz tal-Kummissjoni għall-korrispondenza:

European Commission

Directorate-General for Trade

Directorate H

Office: CHAR 04/039

1049 Bruxelles/Brussel

BELGIQUE/BELGIË

Posta elettronika:

Sussidju: TRADE-AS644-BIODIESEL-SUBSIDY@ec.europa.eu

Dannu: TRADE-AS644-BIODIESEL-INJURY@ec.europa.eu

6. Nonkooperazzjoni

F’każijiet fejn xi parti interessata tirrifjuta l-aċċess jew ma tipprovdix l-informazzjoni meħtieġa fil-limitu tal-iskadenzi, jew tfixkel b’mod sinifikanti l-investigazzjoni, is-sejbiet provviżorji jew finali, pożittivi jew negattivi, jistgħu jsiru fuq il-bażi tal-fatti disponibbli, skont l-Artikolu 28 tar-Regolament bażiku.

Meta jinstab li xi parti interessata tkun tat informazzjoni falza jew qarrieqa, l-informazzjoni tista’ tiġi injorata u jistgħu jintużaw il-fatti disponibbli.

Jekk parti interessata ma tikkooperax jew tikkoopera parzjalment biss u s-sejbiet għalhekk ikunu bbażati fuq fatti disponibbli skont l-Artikolu 28 tar-Regolament bażiku, ir-riżultat jista’ jkun anqas favorevoli għal dik il-parti milli kieku tkun ikkooperat.

In-nuqqas li tingħata tweġiba kompjuterizzata ma jiġix ikkunsidrat bħala nuqqas ta’ kooperazzjoni, dment li l-parti interessata turi li biex tippreżenta t-tweġiba kif mitlub ikun iwassal għal piż żejjed mhux raġonevoli jew kost addizzjonali mhux raġonevoli. Il-parti interessata jinħtieġ li tikkuntattja l-Kummissjoni immedjatament.

7. Uffiċjal tas-Seduta

Il-partijiet interessati jistgħu jitolbu l-intervent tal-Uffiċjal tas-Seduta fi proċedimenti kummerċjali. L-Uffiċjal tas-Seduta jagħmilha ta’ medjatur bejn il-partijiet interessati u s-servizzi ta’ investigazzjoni tal-Kummissjoni. L-Uffiċjal tas-Seduta jirrieżamina t-talbiet għall-aċċess tal-fajl, it-tilwim dwar il-kunfidenzjalità tad-dokumenti, it-talbiet għall-estensjoni tal-limiti taż-żmien u t-talbiet minn terzi persuni għal smigħ. L-Uffiċjal tas-Seduta jista’ jorganizza seduta ta’ smigħ ma’ parti interessata individwali u jagħmilha ta’ medjatur biex jiżgura li d-drittijiet tad-difiża tal-partijiet interessati jkunu qed jitħaddmu b’mod sħiħ.

It-talba għal seduta ta’ smigħ mal-Uffiċjal tas-Seduta jinħtieġ li ssir bil-miktub u jinħtieġ li jiġu speċifikati r-raġunijiet għat-talba. Għal seduti ta’ smigħ dwar kwistjonijiet li jkollhom x’jaqsmu mal-fażi inizjali tal-investigazzjoni, it-talba trid tiġi ppreżentata fi żmien 15-il jum mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea. Wara dan, talba għal seduta ta’ smigħ trid tkun ippreżentata fl-iskadenzi speċifiċi stipulati mill-Kummissjoni fil-komunikazzjoni tagħha mal-partijiet.

Għal aktar informazzjoni u għad-dettalji ta’ kuntatt, il-partijiet interessati jistgħu jikkonsultaw il-paġni elettroniċi tal-Uffiċjal tas-Seduta fuq is-sit web tad-DĠ Kummerċ http://ec.europa.eu/trade/trade-policy-and-you/contacts/hearing-officer/

8. L-iskeda tal-investigazzjoni

L-investigazzjoni tintemm, skont l-Artikolu 11(9) tar-Regolament bażiku, fi żmien 13-il xahar mid-data tal-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea. F’konformità mal-Artikolu 12(1) tar-Regolament bażiku, jistgħu jiġu imposti miżuri proviżorji mhux aktar tard minn disa’ xhur mill-pubblikazzjoni ta’ din in-Notifika f’Il-Ġurnal Uffiċjali tal-Unjoni Ewropea.

9. Ipproċessar ta’ dejta personali

Id-dejta personali kollha miġbura f’din l-investigazzjoni tiġi trattata skont ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni tal-individwi fir-rigward tal-ipproċessar ta’ dejta personali mill-istituzzjonijiet u l-korpi tal-Komunità u dwar il-moviment liberu ta’ dik id-dejta (9).

(1) ĠU L 176, 30.6.2016, p. 55.

(2) It-terminu ġenerali “dannu” jirreferi għal dannu materjali kif ukoll għat-theddida ta’ dannu materjali jew dewmien materjali tal-istabbiliment ta’ industrija kif stabbilit fl-Artikolu 2(d) tar-Regolament bażiku.

(3) ĠU L 239, 19.9.2017, p. 9.

(4) Produttur esportatur huwa kull kumpanija fil-pajjiż ikkonċernat li tipproduċi u tesporta l-prodott investigat lejn is-suq tal-Unjoni, direttament jew permezz ta’ parti terza, inkluża kull kumpanija relatata miegħu involuta fil-produzzjoni, fil-bejgħ domestiku jew fl-esportazzjoni tal-prodott li qed jiġi investigat.

(5) Skont l-Artikolu 15(3) tar-Regolament bażiku, l-ammonti żero u de minimis kollha ta’ sussidji kompensabbli u l-ammonti ta’ sussidji kompensabbli stabbiliti fiċ-ċirkostanzi deskritti fl-Artikolu 28 tar-Regolament bażiku għandhom jitwarrbu.

(6) Għall-kampjun jistgħu jintgħażlu biss l-importaturi li mhumiex relatati mal-produttur esportatur. L-importaturi li huma relatati mal-produtturi esportaturi jridu jimlew l-Anness I tal-kwestjonarju għal dawn il-produtturi esportaturi. B’konformità mal-Artikolu 127 tar-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni, żewġ persuni għandhom jitqiesu li jkunu relalati jekk: (a) ikunu uffiċjali jew diretturi tan-negozju tal-persuna l-oħra; (b) ikunu msieħba rikonoxxuti legalment fin-negozju; (c) ikunu min iħaddem u l-impjegat; (d) parti terza tippossjedi jew tikkontrolla jew iżżomm direttament jew indirettament 5 % jew aktar tal-azzjoni bid-dritt tal-vot jew l-ishma pendenti tat-tnejn li huma; (e) waħda minnhom tikkontrolla direttament jew indirettament lill-persuna l-oħra; (f) it-tnejn li huma jkunu direttament jew indirettament ikkontrollati minn persuna terza; (g) flimkien jikkontrollaw persuna terza direttament jew indirettament; jew (h) ikunu membri tal-istess familja (ĠU L 343, 29.12.2015, p. 558). Persuni għandhom jitqiesu li jkunu membri tal-istess familja jekk ikollhom ir-relazzjonijiet segwenti bejniethom biss: (i) konjuġi, (ii) ġenitur u wild, (iii) aħwa (sew jekk mill-istess ġenituri jew aħwa minn ġenitur wieħed), (iv) nannu jew nanna u neputi jew neputija, (v) ziju jew zija u neputi jew neputija, (vi) ġenitur tar-rispett u wild tar-rispett, (vii) aħwa tar-rispett. F’konformità mal-Artikolu 5(4) tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni, “persuna” tfisser persuna fiżika, persuna ġuridika u kwalunkwe assoċjazzjoni ta’ persuni li mhijiex persuna ġuridika iżda li hi rikonoxxuta taħt il-liġi tal-Unjoni jew nazzjonali bħala li jkollha l-kapaċità biex tagħmel atti legali (ĠU L 269, 10.10.2013, p. 1).

(7) Id-dejta pprovduta minn importaturi mhux relatati tista’ tintuża wkoll fir-rigward ta’ aspetti oħra ta’ din l-investigazzjoni apparti d-determinazzjoni tas-sussidjar.

(8) Dokument “Ristrett” huwa dokument kunfidenzjali skont l-Artikolu 19 tar-Regolament bażiku u l-Artikolu 12 tal-Ftehim tad-WTO dwar is-Sussidji u l-Miżuri Kumpensatorji. Dan huwa wkoll dokument protett skont l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (ĠU L 145, 31.5.2001, p. 43).

(9) ĠU L 8, 12.1.2001, p. 1.

ANNESS I

Test ta 'immaġni

☐ “Verżjoni” ristretta (1)

☐ Verżjoni “Għall-ispezzjoni mill-partijiet interessati”

(immarka l-kaxxa rilevanti)

PROĊEDIMENT KONTRA S-SUSSIDJI LI JIKKONĊERNA L-IMPORTAZZJONIJIET TA’ BIJODIŻIL LI JORIĠINAW FL-ARĠENTINA

INFORMAZZJONI GĦALL-GĦAŻLA TAL-KAMPJUN TAL-PRODUTTURI ESPORTATURI FL-ARĠENTINA

Din il-formola hija mfassla biex tgħin lill-produtturi esportaturi fl-Arġentina jwieġbu għat-talba għall-informazzjoni dwar it-teħid ta’ kampjuni li saret fil-punt 5.2.1. tan-notifika ta’ bidu.

Kemm il-verżjoni “Ristretta” kif ukoll il-verżjoni “Għall-ispezzjoni mill-partijiet interessati” jenħtieġ li jintbagħtu lura lill-Kummissjoni permezz tal-posta elettronika lil TRADE-AS644-BIODIESEL-SUBSIDY@ec.europa.eu

1. DETTALJI TAL-IDENTITÀ U TAL-KUNTATT

Agħti d-dettalji li ġejjin dwar il-kumpanija tiegħek:

Isem il-kumpanija

Indirizz

Persuna ta’ kuntatt

Indirizz tal-posta elettronika

Telefon

Sit web

2. IL-FATTURAT U L-VOLUM TAL-BEJGĦ

Indika l-fatturat fil-munita tal-kontabilità tal-kumpanija matul il-perjodu ta’ investigazzjoni (mill-1 ta’ Jannar 2017 sal-31 ta’ Diċembru 2017) għall-bejgħ (bejgħ f’esportazzjoni lejn l-Unjoni għal kull wieħed mit-28 Stat Membru (2) b’mod separat u bħala total u l-bejgħ domestiku) ta’ bijodiżil kif definit fin-notifika ta’ bidu u l-piż jew il-volum korrispondenti. Indika liema munita qed tintuża.

Tunnellati

Valur fil-munita tal-kontabbiltà

Speċifika l-munita użata

Il-bejgħ bħala esportazzjonijiet lejn l-Unjoni għal kull wieħed mit-28 Stat Membru, separatament u kollha f’daqqa, tal-prodott li qed jiġi investigat

It-total:

Semmi kull Stat Membru (1):

Il-bejgħ bħala esportazzjoni lejn destinazzjonijiet barra mill-UE

It-total:

Semmi kull pajjiż:

Il-bejgħ domestiku tal-prodott li qed jiġi investigat

(1) Żid ringieli addizzjonali jekk meħtieġ.

(1) Dan id-dokument huwa għal użu intern biss. Dan huwa protett skont l-Artikolu 4 tar-Regolament (KE) Nru 1049/2001 tal-Parlament Ewropew u tal-Kunsill (ĠU L 145, 31.5.2001, p. 43). Dan huwa dokument kunfidenzjali skont l-Artikolu 29 tar-Regolament (UE) 2016/1037 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet sussidjati minn pajjiżi mhux membri tal-Unjoni Ewropea (ĠU L 176, 30.6.2016, p. 55) u l-Artikolu 12 tal-Ftehim tad-WTO dwar is-Sussidji u l-Miżuri ta’ Kumpens.

(2) It-28 Stat Membru tal-Unjoni Ewropea huma: l-Awstrija, il-Belġju, il-Bulgarija, il-Kroazja, Ċipru, ir-Repubblika Ċeka, id-Danimarka, l-Estonja, il-Finlandja, Franza, il-Ġermanja, il-Greċja, l-Ungerija, l-Irlanda, l-Italja, il-Latvja, il-Litwanja, il-Lussemburgu, Malta, in-Netherlands, il-Polonja, il-Portugall, ir-Rumanija, is-Slovakkja, is-Slovenja, Spanja, l-Iżvezja, u r-Renju Unit.

Test ta 'immaġni

3. ATTIVITAJIET TAL-KUMPANIJA TIEGĦEK U TAL-KUMPANIJI RELATATI (1)

Agħti dettalji tal-attivitajiet preċiżi tal-kumpanija tiegħek u l-kumpaniji relatati kollha (jekk jogħġbok elenkahom u speċifika r-relazzjoni tagħhom mal-kumpanija tiegħek) involuti fil-produzzjoni u/jew fil-bejgħ (għall-esportazzjoni u/jew fis-suq domestiku) tal-prodott li qed jiġi investigat. Attivitajiet bħal dawn jistgħu jinkludu x-xiri tal-prodott li qed jiġi investigat jew il-produzzjoni tiegħu skont arranġamenti ta’ sottokuntrattar, jew l-ipproċessar jew in-negozjar tal-prodott li qed jiġi investigat, iżda mhumiex limitati għal dawn biss.

Isem u lokalità tal-kumpanija

Attivitajiet

Relazzjoni

4. INFORMAZZJONI OĦRA

Jekk jogħġbok agħti lill-Kummissjoni r-rapport annwali u/jew il-kontijiet annwali tal-kumpanija għall-2016 (bl-Ispanjol jew jekk disponibbli bl-Ingliż).

Agħti kull informazzjoni rilevanti oħra li l-kumpanija tqis li tkun utli biex tgħin lill-Kummissjoni fl-għażla tal-kampjun.

5. MARĠNI INDIVIDWALI TA’ SUSSIDJU

Il-kumpanija tiddikjara li, f’każ li ma tintgħażilx biex tkun parti mill-kampjun, tixtieq tirċievi kwestjonarju u formoli oħrajn ta’ talba sabiex timlihom u b’hekk titlob marġni ta’ sussidju individwali.

☐ Iva

☐ Le

6. ĊERTIFIKAZZJONI

Meta tipprovdi l-informazzjoni ta’ hawn fuq, il-kumpanija tkun qed taqbel mal-inklużjoni possibbli tagħha fil-kampjun. Jekk il-kumpanija tintgħażel biex tkun parti mill-kampjun, dan ifisser li trid timla kwestjonarju u taċċetta li ssirilha żjara fil-post sabiex jiġu vverifikati t-tweġibiet tagħha. Jekk il-kumpanija tindika li ma taqbilx mal-possibbiltà li tiġi inkluża fil-kampjun, din titqies li ma kkooperatx fl-investigazzjoni. Is-sejbiet tal-Kummissjoni għall-produtturi esportaturi li ma jikkooperawx jissejsu fuq il-fatti disponibbli u r-riżultat jista’ jkun inqas favorevoli għal dik il-kumpanija milli kieku tkun ikkooperat.

Firma tal-uffiċjal awtorizzat:

Isem u titlu tal-uffiċjal awtorizzat:

Id-data:

(1) B’konformità mal-Artikolu 127 tar-Regolament ta’ Implimentazzjoni tal-Kummissjoni (UE) 2015/2447 tal-24 ta’ Novembru 2015 li jistabbilixxi regoli dettaljati għall-implimentazzjoni ta’ ċerti dispożizzjonijiet tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni, żewġ persuni għandhom jitqiesu li jkunu relalati jekk: (a) ikunu uffiċjali jew diretturi tan-negozju tal-persuna l-oħra; (b) ikunu msieħba rikonoxxuti legalment fin-negozju; (c) ikunu min iħaddem u l-impjegat; (d) parti terza tippossjedi jew tikkontrolla jew iżżomm direttament jew indirettament 5 % jew iktar tal-azzjoni bid-dritt tal-vot jew l-ishma pendenti tat-tnejn li huma; (e) waħda minnhom tikkontrolla direttament jew indirettament lill-persuna l-oħra; (f) it-tnejn li huma jkunu direttament jew indirettament ikkontrollati minn persuna terza; (g) flimkien jikkontrollaw persuna terza direttament jew indirettament; jew (h) ikunu membri tal-istess familja (ĠU L 343, 29.12.2015, p. 558). Persuni għandhom jitqiesu li jkunu membri tal-istess familja jekk ikollhom ir-relazzjonijiet segwenti bejniethom biss: (i) konjuġi, (ii) ġenitur u wild, (iii) aħwa (sew jekk mill-istess ġenituri jew aħwa minn ġenitur wieħed), (iv) nannu jew nanna u neputi jew neputija, (v) ziju jew zija u neputi jew neputija, (vi) ġenitur tar-rispett u wild tar-rispett, (vii) aħwa tar-rispett. F’konformità mal-Artikolu 5(4) tar-Regolament (UE) Nru 952/2013 tal-Parlament Ewropew u tal-Kunsill li jistabbilixxi l-Kodiċi Doganali tal-Unjoni, “persuna” tfisser persuna fiżika, persuna ġuridika u kwalunkwe assoċjazzjoni ta’ persuni li mhijiex persuna ġuridika iżda li hi rikonoxxuta taħt il-liġi tal-Unjoni jew nazzjonali bħala li jkollha l-kapaċità biex tagħmel atti legali (ĠU L 269, 10.10.2013, p. 1).

ANNESS II

Test ta 'immaġni

☐ Verżjoni “ristretta” (1)

☐ Verżjoni “Għall-ispezzjoni mill-partijiet interessati”

(immarka l-kaxxa rilevanti)

PROĊEDIMENT KONTRA S-SUSSIDJI LI JIKKONĊERNA L-IMPORTAZZJONIJIET TA’ BIJODIŻIL LI JORIĠINAW FL-ARĠENTINA

INFORMAZZJONI GĦALL-GĦAŻLA TAL-KAMPJUN TA’ IMPORTATURI MHUX RELATATI

Din il-formola hija mfassla biex tgħin lill-importaturi mhux relatati jwieġbu għat-talba għal informazzjoni marbuta mal-kampjunar li saret fil-punt 5.2.2. tan-Notifika ta’ bidu.

Kemm il-verżjoni Ristretta kif ukoll il-verżjoni Għall-ispezzjoni mill-partijiet interessati jenħtieġ li jintbagħtu lura lill-Kummissjoni permezz tal-posta elettronika lil TRADE-AS644-BIODIESEL-INJURY@ec.europa.eu

1. DETTALJI TAL-IDENTITÀ U TAL-KUNTATT

Agħti d-dettalji li ġejjin dwar il-kumpanija tiegħek:

Isem il-kumpanija

Indirizz

Persuna ta’ kuntatt

Indirizz tal-posta elettronika

Telefon

Sit web

2. IL-FATTURAT U L-VOLUM TAL-BEJGĦ

Indika l-fatturat totali f’euro (EUR) tal-kumpanija, u l-fatturat u l-piż jew volum għall-importazzjonjiet fl-Unjoni (2) u l-bejgħ mill-ġdid fis-suq tal-Unjoni wara l-importazzjoni mill-Arġentina, matul il-perjodu ta’ investigazzjoni (mill-1 ta’ Jannar sal-31 ta’ Diċembru 2017), ta’ bijodiżil kif definit fin-notifika ta’ bidu u l-piż jew il-volum korrispondenti.

tunnellati

Valur f’euro (EUR)

Fatturat totali tal-kumpanija tiegħek f’euro (EUR)

L-importazzjonijiet tal-prodott li qed jiġi investigat mill-Arġentina lejn l-Unjoni

Bejgħ mill-ġdid fis-suq tal-Unjoni wara l-importazzjoni mill-Arġentina tal-prodott li qed jiġi investigat

(2) It-28 Stat Membru tal-Unjoni Ewropea huma: Il-Belġju, il-Bulgarija, il-Kroazja, ir-Repubblika Ċeka, id-Danimarka, il-Ġermanja, l-Estonja, l-Irlanda, il-Greċja, Spanja, Franza, l-Italja, Ċipru, il-Latvja, il-Litwanja, il-Lussemburgu, l-Ungerija, Malta, in-Netherlands, l-Awstrija, il-Polonja, il-Portugall, ir-Rumanija, is-Slovenja, is-Slovakkja, il-Finlandja, l-Iżvezja, u r-Renju Unit.

Test ta 'immaġni

3. ATTIVITAJIET TAL-KUMPANIJA TIEGĦEK U TAL-KUMPANIJI RELATATI (1)

Isem u lokalità tal-kumpanija

Attivitajiet

Relazzjoni

4. INFORMAZZJONI OĦRA

Agħti kull informazzjoni rilevanti oħra li l-kumpanija tqis li tkun utli biex tgħin lill-Kummissjoni fl-għażla tal-kampjun.

5. ĊERTIFIKAZZJONI

Firma tal-uffiċjal awtorizzat:

Isem u titlu tal-uffiċjal awtorizzat:

Id-data:

		ISSN 1977-0987
Il-Ġurnal Uffiċjali tal-Unjoni Ewropea		C 34

Edizzjoni bil-Malti	Informazzjoni u Avviżi	Volum 61 31ta' Jannar 2018

Avviż Nru	Werrej	Paġna
	I Riżoluzzjonijiet, rakkomandazzjonijiet u opinjonijiet
	OPINJONIJIET
	Il-Kummissjoni Ewropea
2018/C 34/01	Opinjoni tal-Kummissjoni tas-26 ta’ Jannar 2018 b’rabta mal-pjan għar-rimi tal-iskart radjuattiv li jirriżulta miż-żmantellar tal-faċilità AMI li tifforma parti mill-impjant tal-enerġija nukleari Chinon, li jinsab fi Franza	1

	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2018/C 34/02	Ebda oppożizzjoni għal konċentrazzjoni notifikata (Il-Każ M.8348 — RAG Stiftung/Evonik Industries/Huber Silica) ( 1 )	3
2018/C 34/03	Ebda oppożizzjoni għal konċentrazzjoni notifikata (Il-Każ M.8692 — SAICA/Emin Leydier) ( 1 )	3
2018/C 34/04	Ebda oppożizzjoni għal konċentrazzjoni notifikata (Il-Każ M.8745 — CD&R/D'Ieteren/Belron) ( 1 )	4

	III Atti preparatorji
	Il-Bank Ċentrali Ewropew
2018/C 34/05 CON/2017/46	Opinjoni tal-Bank Ċentrali Ewropew tat-8 ta’ Novembru 2017 dwar emendi għall-qafas tal-Unjoni għal rekwiżiti kapitali ta’ istituzzjonijiet ta’ kreditu u ditti ta’ investiment (CON/2017/46)	5
2018/C 34/06 CON/2017/47	Opinjoni tal-Bank Ċentrali Ewropew tat-8 ta' Novembru 2017 dwar reviżjonijiet għall-qafas ta' ġestjoni ta' kriżijiet tal-Unjoni (CON/2017/47)	17

	V Avviżi
	PROĊEDURI DWAR L-IMPLIMENTAZZJONI TAL-POLITIKA KUMMERĊJALI KOMUNI
	Il-Kummissjoni Ewropea
2018/C 34/11	Notifika ta’ bidu ta’ proċediment kontra s-sussidju li jikkonċerna l-importazzjonijiet ta’ bijodiżil li joriġinaw fl-Arġentina	37
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2018/C 34/12	Notifika minn qabel ta’ konċentrazzjoni (Il-Każ M.8804 — Bain Capital/Fedrigoni) — Każ li jista’ jiġi kkunsidrat għal proċedura ssimplifikata ( 1 )	48
2018/C 34/13	Notifika minn qabel ta' konċentrazzjoni (Il-Każ M.8775 — Shell/Impello) — Każ li jista' jiġi kkunsidrat għal proċedura ssimplifikata ( 1 )	50
2018/C 34/14	Notifika minn qabel ta’ konċentrazzjoni (Il-Każ M.8783 — Repsol/Kia/JV) — Każ li jista’ jiġi kkunsidrat għal proċedura ssimplifikata ( 1 )	51

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2018/C 34/07	Deċiżjoni tal-Kunsill tad-29 ta' Jannar 2018 li ġġedded il-mandat tal-President tal-Bordijiet tal-Appell tal-Uffiċċju tal-Proprjetà Intellettwali tal-Unjoni Ewropea	24
	Il-Kummissjoni Ewropea
2018/C 34/08	Rata tal-kambju tal-euro	25
2018/C 34/09	Noti ta’ Spjega għan-Nomenklatura Magħquda tal-Unjoni Ewropea	26
	Awtorità għall-Partiti Politiċi Ewropej u l-Fondazzjonijiet Politiċi Ewropej
2018/C 34/10	Deċiżjoni tal-Awtorità għall-partiti politiċi Ewropej u l-fondazzjonijiet politiċi Eewropej tal-31 ta’ Awwissu 2017 li tirreġistra lill-Moviment Politiku Kristjan Ewropew	27

	Munita	Rata tal-kambju
USD	Dollaru Amerikan	1,2421
JPY	Yen Ġappuniż	134,98
DKK	Krona Daniża	7,4415
GBP	Lira Sterlina	0,87930
SEK	Krona Żvediża	9,7825
CHF	Frank Żvizzeru	1,1589
ISK	Krona Iżlandiża
NOK	Krona Norveġiża	9,5628
BGN	Lev Bulgaru	1,9558
CZK	Krona Ċeka	25,330
HUF	Forint Ungeriż	310,38
PLN	Zloty Pollakk	4,1449
RON	Leu Rumen	4,6513
TRY	Lira Turka	4,6833
AUD	Dollaru Awstraljan	1,5345
CAD	Dollaru Kanadiż	1,5304
HKD	Dollaru ta' Hong Kong	9,7117
NZD	Dollaru tan-New Zealand	1,6937
SGD	Dollaru tas-Singapor	1,6280
KRW	Won tal-Korea t'Isfel	1 329,25
ZAR	Rand ta' l-Afrika t'Isfel	14,7979
CNY	Yuan ren-min-bi Ċiniż	7,8566
HRK	Kuna Kroata	7,4188
IDR	Rupiah Indoneżjan	16 630,48
MYR	Ringgit Malażjan	4,8448
PHP	Peso Filippin	63,753
RUB	Rouble Russu	69,5888
THB	Baht Tajlandiż	39,014
BRL	Real Brażiljan	3,9280
MXN	Peso Messikan	23,1289
INR	Rupi Indjan	79,0570


	(1) Test b'rilevanza għaż-ŻEE.