20.1.2018

MT

Il-Ġurnal Uffiċjali tal-Unjoni Ewropea

C 21/1

---

Rata tal-kambju tal-euro (1)

Id-19 ta’ Jannar 2018

(2018/C 21/01)

1 euro =

	Munita	Rata tal-kambju
USD	Dollaru Amerikan	1,2255
JPY	Yen Ġappuniż	135,54
DKK	Krona Daniża	7,4454
GBP	Lira Sterlina	0,88365
SEK	Krona Żvediża	9,8333
CHF	Frank Żvizzeru	1,1758
ISK	Krona Iżlandiża
NOK	Krona Norveġiża	9,6243
BGN	Lev Bulgaru	1,9558
CZK	Krona Ċeka	25,433
HUF	Forint Ungeriż	309,20
PLN	Zloty Pollakk	4,1716
RON	Leu Rumen	4,6594
TRY	Lira Turka	4,6557
AUD	Dollaru Awstraljan	1,5302
CAD	Dollaru Kanadiż	1,5246
HKD	Dollaru ta' Hong Kong	9,5814
NZD	Dollaru tan-New Zealand	1,6831
SGD	Dollaru tas-Singapor	1,6178
KRW	Won tal-Korea t'Isfel	1 306,92
ZAR	Rand ta' l-Afrika t'Isfel	14,9553
CNY	Yuan ren-min-bi Ċiniż	7,8481
HRK	Kuna Kroata	7,4352
IDR	Rupiah Indoneżjan	16 315,69
MYR	Ringgit Malażjan	4,8260
PHP	Peso Filippin	62,138
RUB	Rouble Russu	69,3324
THB	Baht Tajlandiż	39,069
BRL	Real Brażiljan	3,9312
MXN	Peso Messikan	22,8157
INR	Rupi Indjan	78,2390

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

20.1.2018

MT

Il-Ġurnal Uffiċjali tal-Unjoni Ewropea

C 21/2

---

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2018/C 21/02)

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona tal-euro. Sabiex tinforma lill-pubbliku u lill-partijiet kollha li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). F’konformità mal-konklużjonijiet tal-Kunsill tal-10 ta’ Frar 2009 (2), l-Istati Membri taż-żona tal-euro u l-pajjiżi li kkonkludew ftehim monetarju mal-Unjoni Ewropea li jipprevedi l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jiġu ssodisfati ċerti kundizzjonijiet, b’mod partikolari li jintużaw muniti taż-2 euro biss. Dawn il-muniti għandhom l-istess karatteristiċi tekniċi bħall-muniti l-oħra taż-2 euro, iżda l-wiċċ nazzjonali tagħhom ikun fih disinn kommemorattiv li jkollu rilevanza simbolika għolja f’termini nazzjonali jew Ewropej.

Pajjiż li qiegħed joħroġ il-munita : Litwanja

Suġġett tal-kommemorazzjoni : L-Estonja, il-Latvja u l-Litwanja fl-2018 se joħorġu flimkien munita kommemorattiva tal-euro b’disinn komuni, li jiċċelebra t-twaqqif tal-istati tal-Estonja u l-Latvja, u t-twaqqif mill-ġdid tal-Istat tal-Litwanja.

Deskrizzjoni tad-disinn : It-tliet Stati Baltiċi huma simbolikament rappreżentati bħala malju. Il-pajjiżi huma maqgħudin mill-istorja tagħhom: imgħoddi, preżent u futur komuni. Numru stilizzat li jirrappreżenta l-100 anniversarju, flimkien mas-simboli araldiċi tat-tliet Stati, ukoll jinsabu fid-disinn. Fuq in-naħa tax-xellug hemm l-isem tal-pajjiż li ħareġ il-munita, “LIETUVA”, u fuq in-naħa tal-lemin hemm is-sena tal-ħruġ, “2018”, u l-marka tad-disinjatur, “JP”. Id-disinn intgħażel permezz ta’ votazzjoni pubblika fit-tliet pajjiżi Baltiċi.

Iċ-ċirku ta’ barra tal-munita juri t-12-il stilla tal-bandiera Ewropea.

Għadd ta’ muniti li huwa stmat li se jinħarġu : 1 000 000 munita

Data tal-ħruġ : L-ewwel trimestru tal-2018

---

(1)  Ara ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

---

20.1.2018

MT

Il-Ġurnal Uffiċjali tal-Unjoni Ewropea

C 21/3

---

Aġġornament tal-ammonti ta’ referenza għal-qsim tal-fruntieri esterni, kif imsemmi fl-Artikolu 6(4) tar-Regolament (UE) 2016/399 tal-Parlament Ewropew u tal-Kunsill li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Kodiċi tal-Fruntieri ta’ Schengen)

(2018/C 21/03)

Il-pubblikazzjoni ta’ ammonti ta’ referenza għall-qsim tal-fruntieri esterni, kif imsemmi fil-Artikolu 6(4) tar- Regolament (UE) 2016/399 tal-Parlament Ewropew u tal-Kunsill tad-9 ta’ Marzu 2016 li jistabbilixxi Kodiċi tal-Unjoni dwar ir-regoli li jirregolaw il-moviment ta’ persuni min-naħa għall-oħra tal-fruntiera (Il-Kodiċi tal-Fruntieri ta’ Schengen) (1) hija bbażata fuq l-informazzjoni mogħtija mill-Istati Membri lill-Kummissjoni skont l-Artikolu 39 tal-Kodiċi tal-Fruntieri ta’ Schengen (kodifikazzjoni).

Minbarra l-pubblikazzjoni fil-ĠU, huwa disponibbli aġġornament ta’ kull xahar fuq is-sit web tad-Direttorat Ġenerali għall-Affarijiet Interni.

IR-REPUBBLIKA ĊEKA

Emenda fl-informazzjoni ppubblikata fil-ĠU C 247, 13.10.2006

L-ammonti ta’ referenza huma pprovduti fit-Taqsima 13 tal-Att Nru 326/1999 Coll., dwar ir-residenza ta’ barranin fit-territorju tar-Repubblika Ċeka, kif emendat, b’konnessjoni mat-Taqsima 5 tal-Att Nru 110/2006 Coll., dwar il-minimu ta’ għajxien u sussistenza, kif emendat. Dawn jiddependu fuq il-livell attwali tal-minimu ta’ sussistenza u jvarjaw skont it-tul intenzjonat tas-soġġorn qasir fit-territorju tar-Repubblika Ċeka:

—	Għal soġġorni li ma jaqbżux it-30 jum — 0,5 darba tal-minimu ta’ sussistenza (l-ammont attwali — Novembru 2017 — CZK 2 200) għal kull jum ta’ soġġorn, jiġifieri CZK 1 100 għal kull jum;

—

Għal soġġorni li jaqbżu t-30 jum — 15-il darba tal-minimu ta’ sussistenza (l-ammont attwali — Novembru 2017 — CZK 2 200), jiġifieri CZK 33 000; din is-somma għandha tkun suġġetta għal żieda ekwivalenti għad-doppju tal-minimu ta’ sussistenza għal kull xahar sħiħ tas-soġġorn intenzjonat fit-territorju, jiġifieri CZK 4 400 iżjed għal kull xahar;

—	Persuna ċittadina ta’ pajjiż terz ta’ taħt it-18-il sena għandha tagħti prova li jkollha nofs l-ammonti msemmija aktar’ il fuq.

L-evalwazzjoni tal-mezzi suffiċjenti ta’ sussitenza tista’ tkun ibbażata fuq il-flus kontanti, il-karti ta’ kreditu jew iċ-ċekkijiet tal-vjaġġaturi fil-pussess taċ-ċittadin tal-pajjiż terz, jew fuq dokument li jikkonferma l-pagament ta’ servizzi li jkollhom x’jaqsmu mas-soġġorn fit-territorju jew fuq xi dokument li jikkonferma li ser jkunu pprovduti servizzi mingħajr ħlas. Dikjarazzjonijiet ta’ persuni li jagħmlu tajjeb u ittri ta’ garanzija mill-ospitanti (fil-forma ta’ “Ittra ta’ Stedina” ċċertifikata mill-Pulizija tar-Repubblika Ċeka — ara l-Anness 33 tal-Manwal ta’ Schengen) jistgħu wkoll jikkostitwixxu evidenza ta’ mezzi suffiċjenti ta’ sussistenza.

Il-persuna ċittadina ta’ pajjiż terz li tkun sejra biex tistudja fit-territorju tista’ tippreżenta, bħala prova tad-disponibbiltà ta’ fondi suffiċjenti għas-soġġorn tagħha, dikjarazzjoni ta’ impenn magħmul minn xi awtorità statali jew entità legali li tkun tkopri s-soġġorn tagħha billi dawn jipprovdu fondi ekwivalenti għall-minimu ta’ sussistenza (ammont attwali — Novembru 2017 — CZK 2 200) għal xahar wieħed (1) tas-soġġorn intenzjonat, jew xi dokument li jikkonferma li l-ispejjeż kollha relatati mal-istudji u s-soġġorn tagħha se jkunu koperti mill-organizzazzjoni riċeventi (l-iskola). Jekk is-somma li ssir referenza għaliha fid-dikjarazzjoni ta’ impenn ma tlaħħaqx għal dan l-ammont, il-persuna ċittadin ta’ pajjiż terz tkun obbligata tippreżenta dokument li jagħti prova tad-disponibbiltà tal-fondi ekwivalenti għad-differenza bejn il-minimu ta’ sussistenza (ammont attwali — Novembru 2017 — CZK 2 200) u l-ammont tal-impenn għall-perijodu tas-soġġorn intenzjonat tagħha, madankollu mhux aktar minn sitt (6) darbiet il-minimu ta’ sussistenza (attwalment CZK 13 200). Dokument dwar il-provvista ta’ mezzi għar-residenza ta’ xi persuna jista’ jiġi ssostitwit b’xi deċiżjoni jew b’xi ftehim dwar l-allokazzjoni ta’ xi għotja miksuba skont xi trattat internazzjonali li r-Repubblika Ċeka tkun marbuta bih.

Lista ta’ pubblikazzjonijiet preċedenti

ĠU C 247, 13.10.2006, p. 19

ĠU C 153, 6.7.2007, p. 22

ĠU C 182, 4.8.2007, p. 18

ĠU C 57, 1.3.2008, p. 38

ĠU C 134, 31.5.2008, p. 19

ĠU C 37, 14.2.2009, p. 8

ĠU C 35, 12.2.2010, p. 7

ĠU C 304, 10.11.2010, p. 5

ĠU C 24, 26.1.2011, p. 6

ĠU C 157, 27.5.2011, p. 8

ĠU C 203, 9.7.2011, p. 16

ĠU C 11, 13.1.2012, p. 13

ĠU C 72, 10.3.2012, p. 44

ĠU C 199, 7.7.2012, p. 8

ĠU C 298, 4.10.2012, p. 3

ĠU C 56, 26.2.2013, p. 13

ĠU C 98, 5.4.2013, p. 3

ĠU C 269, 18.9.2013, p. 2

ĠU C 57, 28.2.2014, p. 1

ĠU C 152, 20.5.2014, p. 25

ĠU C 224, 15.7.2014, p. 31

ĠU C 434, 4.12.2014, p. 3

ĠU C 447, 13.12.2014, p. 32

ĠU C 38, 4.2.2015, p. 20

ĠU C 96, 11.3.2016, p. 7

ĠU C 146, 26.4.2016, p. 12

ĠU C 248, 8.7.2016, p. 12

ĠU C 111, 8.4.2017, p. 11.

---

(1)  Ara l-lista ta’ pubblikazzjonijiet preċedenti fl-aħħar parti ta’ dan l-aġġornament.

---

20.1.2018

MT

Il-Ġurnal Uffiċjali tal-Unjoni Ewropea

C 21/5

---

Avviż lill-impriżi li beħsiebhom jintroduċu fis-suq l-idrofluworokarburi bl-ingrossa fl-Unjoni Ewropea fl-2019

(2018/C 21/04)

1.

Dan l-Avviż huwa indirizzat lil kull impriża li tixtieq tagħmel dikjarazzjoni sabiex tintroduċi fis-suq l-idrofluworokarburi bl-ingrossa fl-Unjoni Ewropea fl-2019, skont l-Artikoli 16(2) u 16(4) tar-Regolament (UE) Nru 517/2014 tal-Parlament Ewropew u tal-Kunsill tas-16 ta’ April 2014 dwar gassijiet fluworurati b’effett ta’ serra (1) (minn issa ’l quddiem “ir-Regolament”): (a) għall-produtturi u l-importaturi li għalihom ġie ddeterminat valur ta’ referenza għall-perjodu bejn l-1 ta’ Jannar 2018 u l-31 ta’ Diċembru 2020 bid-Deċiżjoni ta’ Implimentazzjoni tal-Kummissjoni (UE) 2017/1984 (2); (b) il-produtturi u l-importaturi l-oħra kollha li jixtiequ jintroduċu l-ekwivalenti ta’ mill-anqas 100 tunnellata CO2 ta’ idrofluworokarburi bl-ingrossa fis-suq tal-Unjoni fis-sena 2019.

2.

L-idrofluworokarburi huma s-sustanzi elenkati fit-taqsima 1 tal-Anness I tar-Regolament, jew taħlitiet li fihom xi waħda minn dawn is-sustanzi: HFC-23, HFC-32, HFC-41, HFC-125, HFC-134, HFC-134a, HFC-143, HFC-143a, HFC-152, HFC-152a, HFC-161, HFC-227ea, HFC-236cb, HFC-236ea, HFC-236fa, HFC-245ca, HFC-245fa, HFC-365mfc, HFC-43-10mee.

3.

Kull introduzzjoni fis-suq ta’ dawn is-sustanzi, ħlief għall-użi elenkati fil-punti mill-(a) sal-(f) tal-Artikolu 15(2) tar-Regolament jew għal kwantità totali annwali ta’ dawn is-sustanzi inqas mill-ekwivalenti ta’ 100 tunnellata ta’ CO2 kull sena, hija soġġetta għal-limiti kwantitattivi tas-sistema tal-kwoti stabbilita fl-Artikoli 15 u 16 kif ukoll fl-Annessi V u VI tar-Regolament. Il-Kummissjoni talloka l-kwoti lill-impriżi kkonċernati.

4.

Id-dejta kollha mibgħuta minn kumpaniji, kif ukoll il-kwoti u l-valuri ta’ referenza, jinħażnu fir-Reġistru HFC elettroniku, stabbilit skont l-Artikolu 17 tar-Regolament, u aċċessibbli online permezz tal-Portal F-Gas (3). Id-dejta kollha fir-reġistru HFC, inkluż il-kwoti, il-valuri ta’ referenza u d-dejta kummerċjali u personali, tiġi trattata bħala kunfidenzjali mill-Kummissjoni Ewropea.

Għall-produtturi u l-importaturi li għalihom ikun ġie ddeterminat valur ta’ referenza kif imsemmi fil-punt 1(a) ta’ dan l-Avviż, biss:

5.

Dawn l-impriżi se jirċievu 89 % ta’ 63 % (jiġifieri, 56,07 %) tal-valur ta’ referenza tagħhom bħala kwota għall-2019, skont l-Artikolu 16(5) kif ukoll l-Annessi V u VI tar-Regolament.

Għall-impriżi kollha, kif imsemmi fil-punt 1(a) u (b) ta’ dan l-Avviż:

6.

Skont l-Anness VI tar-Regolament, is-somma tal-kwoti allokati abbażi tal-valuri ta’ referenza skont il-paragrafu 5 hawn fuq, titnaqqas mill-kwantità massima disponibbli għall-2019 sabiex tiġi ddeterminata l-kwantità li għandha tiġi allokata mir-riżerva (4).

7.

L-impriżi li jixtiequ jiksbu kwota minn din ir-riżerva jeħtieġ li jsegwu l-proċedura deskritta fil-punti minn 8 sa 10 ta’ dan l-Avviż.

8.

Jeħtieġ li l-impriża tkun irreġistrata bħala produttur u/jew importatur tal-idrofluworokarburi fir-Reġistru HFC online, aċċessibbli permezz tal-Portal F-gas (5). Il-kumpaniji li għadhom mhumiex irreġistrati jistgħu jsibu gwida dwar kif għandhom jirreġistraw fuq is-sit web ta’ DĠ CLIMA (6).

9.

L-impriża trid tagħmel dikjarazzjoni dwar il-kwantitajiet (addizzjonali) antiċipati għall-2019 fir-Reġistru HFC online aċċessibbli permezz tal-Portal F-Gas (7). Dawn id-dikjarazzjonijiet se jkunu possibbli biss fil-perjodu bejn it-2 ta’ April u l-31 ta’ Mejju 2018, 13.00 CET.

10.

Huma biss dawk id-dikjarazzjonijiet dwar il-kwantitajiet antiċipati (addizzjonali) li jkunu mimlija tajjeb, li jkunu mingħajr żbalji u li jaslu qabel il-31 ta’ Mejju 2018, 13.:00 CET li se jitqiesu bħala validi mill-Kummissjoni.

11.

Abbażi ta’ dawn id-dikjarazzjonijiet, il-Kummissjoni talloka kwoti lil dawn l-impriżi skont l-Artikolu 16(2), 16(4) u 16(5) kif ukoll l-Annessi V u VI tar-Regolament.

12.

Il-Kummissjoni tinforma lill-impriżi dwar il-kwota allokata totali għall-2019 permezz tar-reġistru HFC.

13.

Ir-reġistrazzjoni fir-Reġistru HFC u/jew id-dikjarazzjoni dwar il-ħsieb tal-introduzzjoni fis-suq tal-idrofluworokarburi fl-2019 fiha nnifisha ma tagħti l-ebda dritt għall-introduzzjoni fis-suq tal-idrofluworokarburi fl-2019.

---

(1)  ĠU L 150, 20.5.2014, p. 195.

(2)  Id-Deċiżjoni ta’ Implimentazzjoni tal-Kummissjoni (UE) 2017/1984 tal-24 ta’ Ottubru 2017 li, f’konformità mar-Regolament (UE) Nru 517/2014 tal-Parlament Ewropew u tal-Kunsill dwar gassijiet fluworurati b’effett ta’ serra, tiddetermina l-valuri ta’ referenza għall-perjodu mill-1 ta’ Jannar 2018 sal-31 ta’ Diċembru 2020 għal kull produttur jew importatur li jkun legalment qiegħed fis-suq l-idrofluworokarburi mill-1 ta’ Jannar 2015, kif irrapportati skont dak ir-Regolament (ĠU L 287, 4.11.2017, p. 4). Id-Deċiżjoni (UE) 2017/1984 tista’ tiġi riveduta fid-dawl tal-ħruġ tar-Renju Unit mill-Unjoni Ewropea.

(3)  https://webgate.ec.europa.eu/ods2/resources/domain

(4)  Il-kwantità massima disponibbli għall-2019 tista’ tiġi riveduta fid-dawl tal-ħruġ tar-Renju Unit mill-Unjoni Ewropea

(5)  https://webgate.ec.europa.eu/ods2/resources/domain

(6)  https://ec.europa.eu/clima/sites/clima/files/f-gas/docs/guidance_document_en.pdf

(7)  https://webgate.ec.europa.eu/ods2/resources/domain

---