|
ISSN 1977-0987 |
||
|
Il-Ġurnal Uffiċjali tal-Unjoni Ewropea |
C 385 |
|
|
||
|
Edizzjoni bil-Malti |
Informazzjoni u Avviżi |
Volum 60 |
|
Avviż Nru |
Werrej |
Paġna |
|
|
II Komunikazzjonijiet |
|
|
|
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
|
Il-Kummissjoni Ewropea |
|
|
2017/C 385/01 |
||
|
2017/C 385/02 |
Ebda oppożizzjoni għal konċentrazzjoni notifikata (Il-Każ M.8586 — TPC/JSR/UMG/UBE/MR) ( 1 ) |
|
|
III Atti preparatorji |
|
|
|
Il-Bank Ċentrali Ewropew |
|
|
2017/C 385/03 CON/2017/39 |
||
|
2017/C 385/04 CON/2017/42 |
|
|
IV Informazzjoni |
|
|
|
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA |
|
|
|
Il-Kummissjoni Ewropea |
|
|
2017/C 385/05 |
||
|
2017/C 385/06 |
|
|
V Avviżi |
|
|
|
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI |
|
|
|
Il-Kummissjoni Ewropea |
|
|
2017/C 385/07 |
Notifika minn qabel ta’ konċentrazzjoni (Il-Każ M.8639 — Cariparma/Caricesena, Carim, Carismi) — Każ li jista’ jiġi kkunsidrat għal proċedura ssimplifikata ( 1 ) |
|
|
|
ATTI OĦRAJN |
|
|
|
Il-Kummissjoni Ewropea |
|
|
2017/C 385/08 |
|
|
|
|
|
(1) Test b'rilevanza għaż-ŻEE. |
|
MT |
|
II Komunikazzjonijiet
KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/1 |
KOMUNIKAZZJONI TAL-KUMMISSJONI
Żieda awtomatika ta’ kwota tariffarja awtonoma skont ir-Regolament tal-Kunsill (UE) 2015/2265
(2017/C 385/01)
Skont l-Artikolu 4 tar-Regolament tal-Kunsill (UE) 2015/2265 (1), il-volum tal-kwota tariffarja li ġejja huwa miżjud kif ġej għas-sena kalendarja 2017:
|
Numru tal-ordni |
Kodiċi NM |
Kodiċi TARIC |
Deskrizzjoni |
Ammont annwali tal-kwota (tunnellati) |
Dazju fuq il-kwota |
Il-perjodu tal-kwota |
|
09.2759 |
ex 0302 51 10 |
20 |
Bakkaljaw (Gadus morhua, Gadus ogac, Gadus macrocephalus), u ħut tal-ispeċi Boreogadus saida, minbarra l-fwied u l-bajd, frisk, imkessaħ jew iffriżat, għall-ipproċessar (2) (3) |
90 000 |
0 % |
1.1.2017–31.12.2017 |
|
ex 0302 51 90 |
10 |
|||||
|
ex 0302 59 10 |
10 |
|||||
|
ex 0303 63 10 |
10 |
|||||
|
ex 0303 63 30 |
10 |
|||||
|
ex 0303 63 90 |
10 |
|||||
|
ex 0303 69 10 |
10 |
(1) ĠU L 322, 8.12.2015, p. 4.
(2) Il-kwota tariffarja hija suġġetta għall-kundizzjonijiet stipulati fl-Artikolu 254 tar-Regolament (UE) Nru 952/2013 tal-Parlament Ewropew u tal-Kunsill (ĠU L 269, 10.10.2013, p. 1).
(3) Il-kwota tariffarja mhix disponibbli għall-prodotti maħsuba biss għal waħda jew iktar minn dawn l-operazzjonijiet li ġejjin:
|
— |
it-tindif, it-tneħħija tal-ġewwieni, il-qtugħ tad-denb, il-qtugħ tar-ras, |
|
— |
il-qtugħ, |
|
— |
l-ippakkjar mill-ġdid ta’ fletti tal-IQF (iffriżati malajr individwalment) iffriżati, |
|
— |
it-teħid ta’ kampjuni, l-għażla, |
|
— |
it-tikkettar, |
|
— |
l-ippakkjar, |
|
— |
it-tkessiħ, |
|
— |
l-iffriżar, |
|
— |
l-iffriżar qawwi f’daqqa, |
|
— |
it-tiżliġ, |
|
— |
it-twaqqigħ tal-friża, |
|
— |
is-separazzjoni. |
Il-kwota tariffarja mhix disponibbli għall-prodotti maħsuba li jgħaddu wkoll minn trattament jew minn operazzjonijiet li jagħtu intitolament għall-kwota, fejn tali trattament jew operazzjonijiet jitwettqu fil-livell tal-konsumatur jew tal-fornitur tal-ikel. It-tnaqqis tad-dazji fuq l-importazzjoni għandu japplika biss għall-prodotti intenzjonati għall-konsum mill-bniedem.
Madankollu l-kwota tariffarja hija disponibbli għall-materjali maħsuba għal waħda jew iktar minn dawn l-operazzjonijiet li ġejjin:
|
— |
it-tqattigħ f’kubi, |
|
— |
it-tqattigħ fi ċrieki, it-tqattigħ fi strixxi għall-materjali skont il-kodiċijiet NM 0307 49 59, 0307 99 11, 0307 99 17, |
|
— |
it-tqattigħ fi fletti, |
|
— |
il-produzzjoni ta’ qatgħat, |
|
— |
il-qtugħ ta’ blokok iffriżati, |
|
— |
is-separazzjoni ta’ blokok iffriżati ta’ fletti mwaħħlin flimkien, |
|
— |
it-tfettit għal materjali skont il-kodiċijiet NM ex 0303 66 11, 0303 66 12, 0303 66 13, 0303 66 19, 0303 89 70, 0303 89 90. |
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/2 |
Ebda oppożizzjoni għal konċentrazzjoni notifikata
(Il-Każ M.8586 — TPC/JSR/UMG/UBE/MR)
(Test b'rilevanza għaż-ŻEE)
(2017/C 385/02)
Fl-10 ta’ Novembru 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:
|
— |
fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali, |
|
— |
f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8586. Il-EUR-Lex hu l-aċċess fuq l-internet għal-liġi Ewropea. |
III Atti preparatorji
Il-Bank Ċentrali Ewropew
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/3 |
OPINJONI TAL-BANK ĊENTRALI EWROPEW
tal-4 ta' Ottubru 2017
dwar proposta għal regolament tal-Parlament Ewropew u tal-Kunsill li jemenda r-Regolament (UE) Nru 1095/2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda r-Regolament (UE) Nru 648/2012 fir-rigward tal-proċeduri u l-awtoritajiet involuti għall-awtorizzazzjoni CCPs u r-rekwiżiti għar-rikonoxximent ta' CCPs ta' pajjiżi terzi
(CON/2017/39)
(2017/C 385/03)
Introduzzjoni u bażi legali
Fit-22 ta' Awwissu 2017 u l-15 ta' Settembru 2017 rispettivament, il-Bank Ċentrali Ewropew (BĊE) irċieva talbiet mingħand il-Kunsill tal-Unjoni Ewropea u l-Parlament Ewropew għal opinjoni dwar proposta għal Regolament tal-Parlament Ewropew u tal-Kunsill li jemenda r-Regolament (UE) Nru 1095/2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda r-Regolament (UE) Nru 648/2012 fir-rigward tal-proċeduri u awtoritajiet involuti għall-awtorizzazzjoni ta' kontropartijiet ċentrali (CCPs) u rekwiżiti għar-rikonoxximent ta' CCPs ta' pajjiżi terzi (1) (minn hawn 'il quddiem ir-“regolament propost”).
Il-kompetenza tal-BĊE li jagħti opinjoni hija bbażata fuq l-Artikoli 127(4) u 282(5) tat-Trattat dwar il-Funzjonament tal-Unjoni Ewropea, peress illi r-regolament propost fih dispożizzjonijiet li jaffettwaw: (1) il-kompiti bażiċi tas-Sistema Ewropea ta' Banek Ċentrali (SEBĊ) biex tiġi ddefinita u implimentata l-politika monetarja u tiġi promossa l-operazzjoni bla xkiel ta' sistemi ta' ħlas bis-saħħa tal-ewwel u r-raba' inċiżi tal-Artikolu 127(2) tat-Trattat; (2) il-kompitu tas-SEBĊ li tikkontribwixxi għat-tmexxija bla xkiel ta' politiki segwiti mill-awtoritajiet kompetenti fir-rigward tas-superviżjoni prudenzjali ta' istituzzjonijiet ta' kreditu u l-istabbiltà tas-sistema finanzjarja, bis-saħħa tal-Artikolu 127(5) tat-Trattat; u (3) il-kompiti mogħtija lill-BĊE bis-saħħa tal-Artikolu 127(6) tat-Trattat dwar is-superviżjoni prudenzjali ta' istituzzjonijiet ta' kreditu, fil-limiti tal-Artikolu 1 tar-Regolament tal-Kunsill (UE) Nru 1024/2013 (2). F'konformità mal-ewwel sentenza tal-Artikolu 17.5 tar-Regoli tal-Proċedura tal-Bank Ċentrali Ewropew, il-Kunsill Governattiv adotta din l-opinjoni.
Osservazzjonijiet ġenerali
Il-BĊE jappoġġa bis-sħiħ l-inizjattiva stabbilita fil-proposta tal-Kummissjoni biex ittejjeb ir-rwol tal-membri rilevanti tas-SEBĊ, bħala banek ċentrali li joħorġu l-muniti ta' strumenti finanzjarji ikklerjati minn CCPs, fil-proċess għas-superviżjoni tal-CCPs tal-Unjoni u r-rikonoxximent ta' CCPs ta' pajjiżi terzi. Il-BĊE jilqa' bis-sħiħ u jappoġġja l-proposta li l-Eurosistema, bħala l-bank ċentrali tal-ħruġ tal-euro, għandu jkollu rwol iktar sinifikanti fir-rigward tas-CCPs tal-Unjoni u ta' pajjiżi terzi. Dan huwa ġġustifikat minħabba r-riskji li potenzjalment jistgħu jiġu kkawżati minn nuqqas ta' funzjonament ta' CCP, jew minn ċerti azzjonijiet meħuda minn CCP fil-qasam tal-ġestjoni tar-riskju, għat-twettiq tal-kompiti bażiċi li għandhom jitwettqu permezz tal-Eurosistema, b'mod partikolari d-definizzjoni u l-implimentazzjoni tal-politika monetarja tal-Unjoni u l-promozzjoni tat-tħaddim bla xkiel tas-sistemi tal-ħlas. Dawn ir-riskji jistgħu fl-aħħar mill-aħħar ikollhom impatt fuq l-għan ewlieni tal-Eurosistema li tinżamm l-istabbiltà tal-prezzijiet skont l-Artikolu 127(1) tat-Trattat.
Disturbi li jaffettwaw is-CCPs jista' jkollhom impatt fuq l-għan ewlieni tal-Eurosistema permezz ta' diversi kanali. Pereżempju, dawk id-disturbi jistgħu jaffettwaw il-pożizzjoni ta' likwidità ta' istituzzjonijiet ta' kreditu fiż-żona tal-euro, biex b'hekk potenzjalment ifixklu t-tħaddim mingħajr xkiel ta' sistemi ta' ħlas taż-żona tal-euro. Dan jista' jwassal għal domanda akbar għal likwidità tal-banek ċentrali u sfidi possibbli fl-implimentazzjoni tal-politika monetarja unika tal-Eurosistema. Barra minn hekk, disturbi bħal dawn jistgħu jfixklu l-funzjonament tas-segmenti tas-suq finanzjarju li huma essenzjali għat-trażmissjoni tal-politika monetarja, inklużi swieq denominati fl-euro għal tranżazzjonijiet ta' finanzjament ta' titoli u kuntratti ta' derivattivi ta' rati ta' interess.
Żviluppi sinifikanti fuq livell kemm globali kif ukoll Ewropew huma mistennija li jżidu r-riskji li joħolqu s-CCPs, għat-tħaddim mingħajr xkiel ta' sistemi ta' ħlas u għall-implimentazzjoni tal-politika monetarja unika. L-ewwel nett, l-ikklerjar ċentrali sar dejjem aktar ta' natura transkonfinali u sistemikament importanti. Għal din ir-raġuni, il-Kummissjoni diġà ressqet il-proposta tagħha għal regolament tal-Parlament Ewropew u tal-Kunsill dwar qafas għall-irkupru u r-riżoluzzjoni tal-kontropartijiet ċentrali u li jemenda r-Regolamenti (UE) Nru 1095/2010, (UE) Nru 648/2012 u (UE) 2015/2365 (3). It-tieni nett, il-ħruġ tar-Renju Unit mill-Unjoni Ewropea ser ikollu impatt kbir fuq l-abbiltà tal-Eurosistema biex twettaq il-kompiti tagħha bħala bank ċentrali għall-ħruġ tal-euro. Fil-preżent, ċerti CCPs stabbiliti fir-Renju Unit ikklerjaw volumi sinifikanti ta' tranżazzjonijiet denominati f'euro. B'hekk, disturb sinifikanti li jaffettwa CCP ewlieni tar-Renju Unit jista' jkollu konsegwenzi severi għall-istabbiltà tal-euro. L-abbiltà tal-Eurosistema li timmonitorja u tiġġestixxi r-riskji li jippreżentaw is-CCPs tar-Renju Unit se tiġi affettwat b'mod negattiv jekk is-CCPs tar-Renju Unit ma jibqgħux soġġetti għall-qafas regolatorju u superviżorju għas-CCPs tal-Unjoni taħt ir-Regolament (UE) Nru 648/2012 tal-Parlament Ewropew u tal-Kunsill (4).
Ir-regolament propost jipprevedi rwol imtejjeb għall-Eurosistema bħala bank ċentrali tal-ħruġ għall-euro fil-qafas taħt ir-Regolament (UE) Nru 648/2012. Sabiex jiġi żgurat li l-Eurosistema tkun tista' twettaq dan ir-rwol, huwa ta' importanza kbira li jkollha s-setgħat rilevanti skont it-Trattat u l-Istatut tas-Sistema Ewropea ta' Banek Ċentrali u tal-Bank Ċentrali Ewropew (iktar 'il quddiem “Istatut tas-SEBĊ”). Għal din ir-raġuni, il-BĊE għandu jingħata kompetenza regolatorja fuq sistemi tal-ikklerjar għal strumenti finanzjarji, b'mod partikolari CCPs, permezz ta' emenda għall-Artikolu 22 tal-Istatut tas-SEBĊ. L-għoti ta' setgħat regolatorji lill-BĊE huwa mingħajr preġudizzju għall-Artikolu 12.1 tal-Istatut tas-SEBĊ, li jiddikjara li “[s]a fejn huwa meqjus possibbli u xieraq, u mingħajr preġudizzju għad-dispożizzjonijiet ta' dan l-Artikolu, l-BĊE għandu jirrikorri għand il-banek ċentrali nazzjonali sabiex iwettaq operazzjonijiet li jagħmlu parti mill-ħidmiet tas-SEBĊ”. Dan jinkludi l-kompiti tal-Eurosistema, bħala l-bank ċentrali tal-ħruġ tal-euro. Għalhekk, il-BĊE adotta r-Rakkomandazzjoni BĊE/2017/18 tal-Bank Ċentrali Ewropew (5) fit-22 ta' Ġunju 2017.
Meta l-BĊE jirrakkomanda li r-regolament propost jiġi emendat, qed jiġu previsti proposti speċifiċi tal-abbozzar f'dokument ta' ħidma tekniku separat flimkien ma' test spjegattiv għal dan il-għan. Id-dokument ta' ħidma tekniku huwa disponibbli bl-Ingliż fis-sit elettroniku tal-BĊE.
Osservazzjonijiet speċifiċi
1. Arranġamenti għall-votazzjoni fil-kulleġġi superviżorji
|
1.1. |
Kif diġà nnota l-BĊE fir-rigward tal-kulleġġi, fejn il-banek ċentrali tal-Eurosistema, li flimkien jiffurmaw il-“bank ċentrali tal-ħruġ” għall-euro, huma rrappreżentati mill-BĊE jew minn BĊN, u s-superviżjoni prudenzjali tal-istituzzjonijiet ta' kreditu li huma membri CCP sinifikanti tal-ikklerjar issir mill-BĊE, għandhom jinhemżu voti separati ma' dawn iż-żewġ funzjonijiet. Fl-istess okkażjoni, il-BĊE enfasizza wkoll li dawn iż-żewġ funzjonijiet huma distinti, kif rifless fis-separazzjoni legali u operattiva bejn il-politika monetarja tal-BĊE u r-rwoli superviżorji prudenzjali (6). Għalhekk, il-BĊE jilqa' bis-sħiħ il-fatt li r-regolament propost jindirizza din il-kwistjoni, biex jiġi żgurat li voti separati ikunu mehmuża ma' dawn iż-żewġ funzjonijiet. |
|
1.2. |
Il-BĊE għalhekk jilqa' d-dispożizzjonijiet tar-regolament propost li jemenda d-dispożizzjonijiet rilevanti tar-Regolament (UE) Nru 648/2012. L-ewwel nett, l-Artikolu 18(2) tar-Regolament (UE) Nru 648/2012 huwa emendat biex jistabbilixxi li l-kulleġġ għandu, fost oħrajn, jinkludi (a) il-membri permanenti tas-Sessjoni Eżekuttiva tas-CCP; (b) l-awtoritajiet kompetenti responsabbli għas-superviżjoni tal-membri tal-ikklerjar tas-CCP li huma stabbiliti fit-tliet Stati Membri bl-akbar kontribuzzjonijiet għall-fond tal-inadempjenza tas-CCP, inkluż, fejn rilevanti, il-BĊE skont ir-Regolament tal-Kunsill (UE) Nru 1024/2013 (7); u (c) il-banek ċentrali tal-ħruġ tal-muniti l-aktar rilevanti tal-Unjoni tal-istrumenti finanzjarji ikklerjati. It-tieni nett, l-Artikolu 19(3) tar-Regolament (UE) Nru 648/2012 huwa emendat biex jispeċifika li fejn il-BĊE huwa membru tal-kulleġġ bis-saħħa tad-diversi punti tal-Artikolu 18(2) tal-istess Regolament, għandu jkollu massimu ta' żewġ voti fil-kulleġġi sa u inkluż 12-il membru; u massimu ta' tliet voti għal kulleġġi b'aktar minn 12-il membru (8). |
2. Ir-rekwiżit li jinkiseb il-kunsens tal-bank ċentrali tal-ħruġ fir-rigward ta' ċerti abbozzi ta' deċiżjonijiet
|
2.1. |
Ir-regolament propost jirrikjedi li l-awtoritajiet kompetenti għandhom jissottomettu abbozzi ta' deċiżjonijiet rigward CCPs tal-Unjoni lill-banek ċentrali rilevanti li jkunu qed jintervjenu qabel ma jadottaw kwalunkwe deċiżjoni dwar l-għoti u rtirar ta' awtorizzazzjoni, estensjoni ta' servizzi u rekwiżiti prudenzjali għal kontrolli tar-riskju ta' likwidità, rekwiżiti kollaterali, saldu, u approvazzjoni ta' arranġamenti ta' interoperabilità (9). L-awtoritajiet kompetenti għandhom jiksbu l-kunsens tal-bank ċentrali tal-ħruġ fir-rigward ta' kwalunkwe aspett ta' dawk id-deċiżjonijiet relatati mat-twettiq tal-kompiti tal-politika monetarja tagħhom. Fejn il-bank ċentrali tal-ħruġ jipproponi emendi, l-awtorità kompetenti tista' biss tadotta d-deċiżjoni kif emendata; u fejn il-bank ċentrali tal-ħruġ joġġezzjona għal abbozz ta' deċiżjoni, l-awtorità kompetenti ma tistax tadotta dik id-deċiżjoni. Bl-istess mod, ir-regolament propost jeħtieġ li fir-rigward ta' CCPs f'Livell 2 ta' pajjiżi terzi rikonoxxuti, l-Awtorità Ewropea tat-Titoli u s-Swieq (AETS) għandha tissottometti abbozzi ta' deċiżjonijiet lill-bank ċentrali ta' ħruġ qabel ma tadotta kwalunkwe deċiżjoni rigward kontrolli ta' riskju ta' likwidità, rekwiżiti kollaterali, saldu, approvazzjoni ta' arranġamenti ta' interoperabilità, kif ukoll ir-rekwiżiti tal-marġini (10). L-AETS għandha bl-istess mod tikseb il-kunsens tal-bank ċentrali tal-ħruġ fir-rigward ta' kwalunkwe aspett ta' dawk id-deċiżjonijiet relatati mat-twettiq tal-kompiti tal-politika monetarja tagħhom. Fejn il-bank ċentrali tal-ħruġ jipproponi emendi, l-AETS tista' tadotta biss id-deċiżjoni kif emendata; u fejn il-bank ċentrali tal-ħruġ joġġezzjona għal abbozz ta' deċiżjoni, l-AETS ma tistax tadotta dik id-deċiżjoni. Il-BĊE jilqa' bi sħiħ ir-rwol previst għall-banek ċentrali tal-ħruġ taħt ir-regolament propost, li jippermetti lill-membri tas-SEBĊ li jkollhom involviment sinifikanti u effettiv fit-teħid tad-deċiżjonijiet dwar kwistjonijiet ta' rilevanza diretta għat-twettiq tal-kompiti bażiċi tas-SEBĊ taħt it-Trattati, u l-kisba tal-għan primarju tagħha li żżomm l-istabbiltà tal-prezzijiet. Il-BĊE għandu numru ta' kummenti f'dan ir-rigward. |
|
2.2. |
L-ewwel nett, fejn ir-regolament propost jiċċara li l-kunsens tal-bank ċentrali tal-ħruġ għandu jinkiseb “fir-rigward ta' kull aspett ta' dawk id-deċiżjonijiet li jirrigwardaw it-twettiq tal-kompiti tal-politika monetarja tagħhom”, għandu jkun enfasizzat li din il-frażi hija maħsuba biex tiċċara l-kuntest tal-politika monetarja li fiha l-bank ċentrali tal-ħruġ jwettaq ir-rwol tiegħu u l-għan li r-rwol jissodisfa. L-istess jgħodd fir-rigward tar-referenza għall-konformità ta' CCPs tal-Livell 2 ta' pajjiż terz bi kwalunkwe rekwiżiti tal-bank ċentrali tal-ħruġ “fit-twettiq tal-kompiti tal-politika monetarja tagħhom” (11). Din il-frażi għandha tinqara flimkien mal-premessa 7 tar-regolament propost. Għandu jiġi enfasizzat li din il-frażi mhijiex maħsuba biex tagħti diskrezzjoni lill-awtoritajiet kompetenti jew lill-AETS biex tiddetermina jekk il-kunsens tal-bank ċentrali tal-ħruġ għandux jiġi mitlub jew le fuq abbozzi ta' deċiżjonijiet partikolari, u lanqas ma hija maħsuba li tagħti diskrezzjoni dwar jekk humiex segwiti emendi proposti jew oġġezzjonijiet għall-abbozz tad-deċiżjoni mill-bank ċentrali tal-ħruġ. F'dan ir-rigward, ta' min jinnota li l-Eurosistema tgawdi minn diskrezzjoni wiesgħa biex tiddefinixxi u timplimenta l-politika monetarja. Dan ġie rrikonoxxut mill-Qorti tal-Ġustizzja tal-Unjoni Ewropea (12) u huwa imperattiv biex tiġi żgurata l-indipendenza tal-BĊE u l-BĊNi, skont l-Artikolu 130 tat-Trattat. Fl-interess taċ-ċarezza u ċ-ċertezza legali, għandha tiżdied premessa ġdida mar-regolament propost biex tirrifletti dan il-punt. |
|
2.3. |
It-tieni nett, fir-rigward ta' liema abbozzi ta' deċiżjonijiet għandhom ikunu suġġetti għall-kunsens tal-bank ċentrali tal-ħruġ, il-BĊE jikkunsidra li r-regolament propost għandu jiżgura l-involviment tal-bank ċentrali tal-ħruġ rigward ċerti aspetti ewlenin ulterjuri tal-ġestjoni tar-riskju tas-CCP. Il-BĊE jikkunsidra li fir-rigward kemm tal-Unjoni kif ukoll CCPs ta' pajjiżi terzi, il-kunsens tal-bank ċentrali tal-ħruġ għandu wkoll ikun meħtieġ rigward abbozzi ta' deċiżjonijiet meħuda dwar rekwiżiti tal-marġini tas-CCP (Artikolu 41). Dan huwa importanti għall-bank ċentrali tal-ħruġ minħabba r-rabtiet kruċjali bejn il-ġestjoni tar-riskju tal-likwidità, li huwa fil-qalba tal-fokus tal-bank ċentrali tal-ħruġ u l-proċessi tal-marġini applikati minn CCP. Pereżempju, l-arranġamenti dwar ġbir ta' marġni intraday għandhom effett sinifikanti fuq il-kapaċità tas-CCP li tikseb riżorsi biex tissodisfa l-ħtiġijiet tagħha ta' likwidità meta dawn ikunu dovuti. Proċessi u proċeduri ta' marġini, inklużi regoli dwar l-aġġustament tal-livelli tal-marġini fi żminijiet ta' stress tas-suq, jista' jkollhom ukoll implikazzjonijiet sinifikanti f'termini ta' proċikliċità: jekk ġestiti b'mod mhux xieraq, jistgħu joħolqu pressjoni serja ta' likwidità fuq membri tal-ikklerjar, li potenzjalment ifixklu l-abbiltà tal-bank ċentrali tal-ħruġ li jimplimenta l-għanijiet tal-politika monetarja tiegħu. Barra minn hekk, ir-regolament propost għandu jipprovdi li l-kunsens tal-bank ċentrali tal-ħruġ huwa meħtieġ għal deċiżjonijiet dwar ir-reviżjoni ta' mudelli, l-ittestjar tal-istress u l-ittestjar b'lura għall-validazzjoni tal-mudelli u l-parametri adottati mis-CCP għall-kalkolu tar-rekwiżiti tal-marġini, tal-kontribuzzjonijiet tal-fond ta' inadempjenza, tar-rekwiżiti tal-kollateral tagħha u miżuri oħra ta' kontroll tar-riskju skont l-Artikolu 49 tar-Regolament (UE) Nru 648/2012. Dan huwa importanti għall-bank ċentrali tal-ħruġ, peress li d-deċiżjonijiet skont l-Artikolu 49 jista' jkollhom konsegwenzi diretti għall-konformità tas-CCP mar-rekwiżiti proċedurali u sostantivi skont ir-Regolament (UE) Nru 648/2012 li fir-rigward tagħhom il-bank ċentrali tal-ħruġ għandu altrimenti jagħti l-kunsens tiegħu. Pereżempju, bidla fil-metodoloġija tas-CCP għall-ittestjar tal-istress tal-adegwatezza tar-rekwiżiti kollaterali tagħha jkollha impatt dirett fuq l-osservanza tas-CCP tal-obbligi relatati mal-kollateral skont l-Artikolu 46 tar-Regolament (UE) Nru 648/2012. Fid-dokument ta' ħidma tekniku separat li jakkumpanja din l-opinjoni, il-BĊE jistabbilixxi proposti speċifiċi ta' abbozzar fir-rigward tat-tipi ta' deċiżjonijiet li fuqhom għandu jkun meħtieġ il-kunsens tal-bank ċentrali tal-ħruġ. |
|
2.4. |
It-tielet nett, il-BĊE jinnota li l-awtoritajiet kompetenti għandhom ċertu marġni ta' apprezzament dwar jekk bidliet proposti minn CCP għandhomx ikunu suġġetti għal deċiżjonijiet skont l-Artikolu 15 tar-Regolament (UE) Nru 648/2012, fir-rigward tal-estensjoni ta' attivitajiet u s-servizzi mhux koperti mill-awtorizzazzjoni inizjali, jew deċiżjonijiet skont l-Artikolu 49 dwar ir-reviżjoni ta' mudelli, l-ittestjar tal-istress u l-ittestjar b'lura. Jekk l-awtorità kompetenti tikkunsidra li l-bidliet proposti minn CCPs ma jinkludux l-estensjoni tan-negozju għal “servizzi jew attivitajiet addizzjonali” jew mhumiex “bidliet sinifikanti” għall-mudelli u l-parametri, dawn il-bidliet mhumiex suġġetti għal deċiżjonijiet skont l-Artikoli 15 u 49 rispettivament. Sabiex tinbena kultura superviżorja komuni tal-Unjoni u jiġu żgurati prattiki superviżorji konsistenti, l-AETS reċentement ippubblikat opinjoni (13) dwar l-indikaturi komuni għal prodotti u servizzi addizzjonali skont l-Artikolu 15 u għal bidliet sinifikanti skont l-Artikolu 49. Il-BĊE huwa tal-fehma li l-osservanza tal-kriterji stabbiliti fl-opinjoni tal-AETS se tkun essenzjali sabiex jiġi żgurat li l-kunsens tal-banek ċentrali rilevanti tal-ħruġ ikun imfittex fil-każijiet kollha fejn tali kunsens huwa meħtieġ. Għalhekk, il-BĊE jipproponi li l-gwida pprovduta mill-AETS dwar l-interpretazzjoni ta' dawn l-artikoli għandha ssir vinkolanti. Għal dan il-għan, l-AETS għandha tiżviluppaha bħala abbozz ta' standards tekniċi regolatorji, li l-Kummissjoni għandha mbagħad tadotta fil-forma ta' att delegat. Għal dan il-għan, il-BĊE jistabbilixxi proposti ta' abbozzar speċifiċi fid-dokument ta' ħidma tekniku separat li jakkumpanja din l-opinjoni. |
3. Reviżjoni u evalwazzjoni
|
3.1. |
Ir-regolament propost jemenda l-Artikolu 21 tar-Regolament (UE) Nru 648/2012, biex jipprovdi li l-awtoritajiet kompetenti, b'kooperazzjoni mal-AETS, għandhom jirrevedu l-arranġamenti, l-istrateġiji, il-proċessi u l-mekkaniżmi implimentati minn CCPs biex jikkonformaw mar-Regolament (UE) Nru 648/2012, u jiġu evalwati r-riskji li s-CCPs huma, jew jistgħu jkunu, esposti għalihom. L-Artikolu 21 emendat jipprovdi wkoll li s-CCPs ikunu suġġetti għal spezzjonijiet fuq il-post li fihom il-persunal tal-AETS għandu jiġi mistieden jipparteċipa. Barra minn hekk, l-awtorità kompetenti hija obbligata tgħaddi lill-AETS kwalunkwe informazzjoni li tasal mingħand is-CCPs u titlob mingħand is-CCP rilevanti kwalunkwe informazzjoni mitluba mill-AETS li ma tistax tipprovdi. |
|
3.2. |
Il-proċess ta' analiżi u evalwazzjoni, kif emendat bir-regolament propost, iservi l-għan ewlieni li jiżgura li s-CCPs jikkonformaw mar-Regolament (UE) Nru 648/2012 fuq bażi kontinwa. Il-BĊE jikkunsidra li l-konsultazzjoni tal-bank ċentrali tal-ħruġ fil-proċess ta' reviżjoni u evalwazzjoni, fejn meqjus meħtieġ mill-awtorità kompetenti biex jiġi żgurat li l-bank ċentrali tal-ħruġ ikun jista' jaqdi r-rwol tiegħu taħt ir-regolament propost, tkun korollarju importanti għar-rekwiżiti taħt l-Artikolu 21a(2). Il-kapaċità li jikkontribwixxi għar-reviżjoni mwettqa mill-awtoritajiet kompetenti, f'kooperazzjoni mal-AETS, tippermetti lill-bank ċentrali tal-ħruġ li jiżgura li s-CCPs mhumiex qed jiġġeneraw riskji għat-twettiq tal-kompiti bażiċi tal-Eurosistema taħt it-Trattati, u li jintlaħaq l-għan ewlieni tagħha li żżomm l-istabbiltà tal-prezzijiet. |
|
3.3. |
Fid-dokument ta' ħidma tekniku separat li jakkumpanja din l-opinjoni, il-BĊE jistabbilixxi proposti speċifiċi ta' abbozzar rigward il-konsultazzjoni tal-bank ċentrali tal-ħruġ fil-proċess ta' reviżjoni u evalwazzjoni taħt l-Artikolu 21. |
4. Ir-rwol konsultattiv tal-BĊE fir-rigward ta' abbozz ta' atti ddelegati u ta' implimentazzjoni
|
4.1. |
Ta' min ifakkar li l-abbozzi ta' atti delegati u ta' implimentazzjoni tal-Kummissjoni jikkwalifikaw bħala “atti proposti tal-Unjoni” skont it-tifsira tal-Artikoli 127(4) u 282(5) tat-Trattat. Kemm l-atti ddelegati kif ukoll dawk ta' implimentazzjoni jikkostitwixxu atti legali tal-Unjoni. Il-BĊE għandu jiġi kkonsultat fil-ħin dovut dwar kwalunkwe abbozzi ta' atti tal-Unjoni, inklużi abbozzi ta' atti ddelegati u ta' implimentazzjoni, li jaqgħu fi ħdan l-oqsma ta' kompetenza tiegħu. L-obbligu li l-BĊE jiġi kkonsultat ġie ċċarat mill-Qorti tal-Ġustizzja Ewropea f'Il-Kummissjoni vs Il-BĊE (14) b'referenza għall-funzjonijiet u l-għarfien espert tal-BĊE. Fid-dawl tal-fatt li infrastrutturi siguri u effiċjenti tas-suq finanzjarju, b'mod partikolari sistemi tal-ikklerjar għal strumenti finanzjarji, huma essenzjali għat-twettiq tal-kompiti bażiċi tas-SEBĊ taħt l-Artikolu 127(2) tat-Trattat, u l-insegwiment tal-għan ewlieni tiegħu li jżomm l-istabilità tal-prezzijiet taħt l-Artikolu 127(1) tat-Trattat, il-BĊE għandu jiġi kkonsultat debitament dwar atti ddelegati u ta' implimentazzjoni adottati taħt ir-Regolament (UE) Nru 648/2012. Waqt li l-obbligu li l-BĊE jiġi kkonsultat huwa dderivat direttament mit-Trattat, sabiex tiġi żgurata ċ-ċarezza, dan ir-rekwiżit għandu jkun rifless ukoll fi premessa tar-regolament propost. Waqt li jikkunsidra l-importanza ta' abbozzi ta' standards tekniċi bħala parti mill-iżvilupp tal-leġiżlazzjoni tal-Unjoni dwar is-servizzi finanzjarji, il-BĊE ser jeżerċita r-rwol konsultattiv tiegħu fuq kwistjonijiet fil-kompetenza tal-BĊE wara li jqis bis-sħiħ l-iskedi ta' żmien għall-adozzjoni ta' dawn l-atti u l-ħtieġa li tiġi żgurata l-adozzjoni mingħajr xkiel tal-leġiżlazzjoni ta' implimentazzjoni (15). |
|
4.2. |
Barra minn hekk, fir-rigward ta' għadd ta' elementi tar-regolament propost, flimkien mal-konsultazzjoni tal-BĊE, l-involviment, fi stadju bikri, tal-membri relevanti tas-SEBĊ, fl-iżvilupp ta' abbozzi ta' standards tekniċi regolatorji u ta' implimentazzjoni, atti ddelegati u ta' implimentazzjoni jistgħu jkunu partikolarment utli, u għandu jkun hemm provvediment speċifiku għalihom. |
|
4.3. |
L-ewwel nett, diversi dispożizzjonijiet tar-regolament propost jirreferu għar-rwol tal-bank ċentrali tal-ħruġ. Kif innutat fil-paragrafu 2, dawn jinkludu sitwazzjonijiet fejn il-kunsens tal-bank ċentrali tal-ħruġ huwa meħtieġ għal ċerti deċiżjonijiet meħuda mill-awtoritajiet kompetenti jew mill-AETS. Barra minn hekk, issir referenza għal fejn il-bank ċentrali tal-ħruġ irid jipprovdi lill-AETS b'konferma bil-miktub li CCP ta' Livell 2 ta' pajjiż terz jikkonforma ma' kwalunkwe rekwiżit impost minn dak il-bank ċentrali tal-ħruġ (16), u fejn l-AETS tikkonkludi, bi ftehim mal-bank ċentrali rilevanti ta' kwistjoni, li CCP hija ta' “importanza sistemika sostanzjali” (17). Sabiex jiġi ddeterminat liema bank ċentrali tal-ħruġ għandu jipparteċipa, ir-regolament propost fih referenzi għall-Artikolu 18(2)(h) tar-Regolament (UE) Nru 648/2012, li jispeċifika li l-kulleġġ jikkonsisti minn “banek ċentrali ta' emissjoni tal-muniti l-aktar rilevanti tal-Unjoni tal-istrumenti finanzjarji kklerjati”. Il-Kummissjoni għandha s-setgħa li tadotta att delegat, abbażi ta' abbozzi ta' standards tekniċi regolatorji żviluppati mill-AETS, li jispeċifika l-kundizzjonijiet li taħthom il-muniti tal-Unjoni msemmija fl-Artikolu 18(2)(h) għandhom jitqiesu bħala l-aktar rilevanti. Għaldaqstant, fl-2013 hija adottat r-Regolament Delegat tal-Kummissjoni (UE) Nru 876/2013 (18), li issa jista' jkollu bżonn li jiġi rrivedut u aġġornat, biex jiżgura involviment xieraq tal-banek ċentrali tal-ħruġ tal-muniti tal-Istati Membri li mhumiex fiż-żona tal-euro, wara li titqies l-influwenza li jista' jkollu tfixkil fit-tħaddim tas-CCPs fuq dawk il-muniti. L-iżvilupp ta' abbozzi ta' standards tekniċi regolatorji mill-AETS għal dan il-għan għandu jitwettaq f'kooperazzjoni mill-qrib mal-membri rilevanti tas-SEBĊ. Barra minn hekk, l-att delegat għandu jiġi adottat biss wara konsultazzjoni formali mal-BĊE. Il-BĊE jissuġġerixxi wkoll li, fl-interess taċ-ċertezza legali, referenza għall-Artikolu 18(2)(h) tar-Regolament (UE) Nru 648/2012 għandha wkoll tiġi introdotta fid-dispożizzjonijiet tar-regolament propost li jirreferu biss għall-“bank ċentrali tal-ħruġ rilevanti”. |
|
4.4. |
It-tieni nett, ir-regolament propost jintroduċi l-Artikolu 25(2a) ġdid li jipprovdi li l-AETS tiddetermina jekk CCP ta' pajjiż terz huwiex importanti sistemikament jew x'aktarx li jkun importanti sistematikament għall-istabbiltà finanzjarja tal-Unjoni jew għal wieħed jew aktar mill-Istati Membri tagħha msejħa “CCP tal-Livell 2”. Jiddeskrivi l-kriterji li l-AETS għandha tqis meta tagħmel id-determinazzjoni tagħha u tipprovdi li l-Kummissjoni tadotta att delegat biex tispeċifika aktar dawn il-kriterji. Sabiex jiġi żgurat l-involviment xieraq tal-banek ċentrali tal-ħruġ fl-elaborazzjoni tal-kriterji rilevanti, l-iżvilupp ta' dan l-att delegat mill-Kummissjoni għandu jitwettaq f'kooperazzjoni mill-qrib mal-membri rilevanti tas-SEBĊ. |
5. CCPs ta' pajjiżi terzi ta' “importanza sistemika sostanzjali”
Ir-regolament propost jintroduċi l-Artikolu 25(2c) ġdid, li jistabilixxi li l-AETS “bi ftehim” mal-banek ċentrali rilevanti tal-ħruġ kwistjoni tista' tikkonkludi li CCP hija ta' importanza sistemika sostanzjali tali li m'għandhiex tiġi rikonoxxuta. Il-BĊE jifhem li “bi ftehim” tfisser li l-AETS ma tistax, mingħajr ma tkun kisbet l-ewwel l-approvazzjoni tal-banek ċentrali rilevanti ta' ħruġ, tirrakkomanda li l-Kummissjoni tadotta att implimentattiv li jikkonferma li dik is-CCP m'għandhiex tiġi rrikonoxxuta
6. Kooperazzjoni u skambju ta' informazzjoni bejn is-Sessjoni Eżekuttiva tas-CCP u l-kulleġġi superviżorji
Il-BĊE jinnota li s-Sessjoni Eżekuttiva tas-CCP ma tinkludix il-membri kollha tal-kulleġġi superviżorji, u ma tinkludix il-Bord Ewropew dwar ir-Riskju Sistemiku (BERS). Il-kulleġġ superviżorju jikkonsisti mhux biss mill-awtoritajiet kompetenti li jissorveljaw is-CCP, iżda wkoll mis-superviżuri tal-entitajiet li fuqhom jista' jkollhom impatt l-operazzjonijiet ta' dik is-CCP, b'mod partikolari membri tal-ikklerjar magħżula, postijiet tan-negozju, CCP interoperabbli u depożitarji ċentrali ta' titoli. Il-BERS huwa responsabbli għas-sorveljanza makroprudenzjali tas-sistema finanzjarja fl-Unjoni. Sabiex jiġi żgurat li l-BERS u l-membri tal-kulleġġ superviżorju li mhumiex ukoll membri tas-Sessjoni Eżekuttiva tas-CCP jkollhom l-informazzjoni kollha rilevanti meħtieġa għall-iskop li jwettqu l-kompiti tagħhom, huwa kruċjali li jkun hemm obbligu li tkun skambjata informazzjoni bejn is-Sessjoni Eżekuttiva tas-CCP u l-BERS u l-membri l-oħra tal-kulleġġ superviżorju li mhumiex membri tas-Sessjoni Eżekuttiva tas-CCP L-informazzjoni skambjata mal-BERS u l-kulleġġ superviżorju għandha tkun kompluta, u għandha tinkludi l-informazzjoni disponibbli għas-Sessjoni Eżekuttiva tas-CCP li hija meħtieġa għall-BERS u l-membri tal-kulleġġ superviżorju biex iwettqu l-kompiti rispettivi tagħhom. Bl-istess mod, informazzjoni dwar CCPs ta' pajjiżi terzi għandha tiġi skambjata mal-BERS u l-awtoritajiet kompetenti rilevanti elenkati fl-Artikolu 25(3) tar-Regolament (UE) Nru 648/2012, fejn dan ikun meħtieġ biex jitwettqu l-kompiti tagħhom.
7. Il-BĊE bħala membru li ma jivvotax tal-Bord tas-Superviżuri tal-AETS
Il-BĊE jinnota li r-regolament propost jemenda r-Regolament (UE) Nru 1095/2010 tal-Parlament Ewropew u tal-Kunsill (19) biex jinkludi l-Kap u d-Diretturi tas-Sessjoni Eżekuttiva tas-CCP bħala membri mingħajr vot tal-Bord tas-Superviżuri tal-AETS (20). Il-BĊE jilqa' bis-sħiħ dan l-arranġament li jiżgura li l-linji gwida, rakkomandazzjonijiet u strumenti prattiċi oħra u għodod ta' konverġenza żviluppati mill-Bord tas-Superviżuri tal-AETS iqisu l-perspettiva u l-kompetenza tal-Kap u d-Diretturi tas-Sessjoni Eżekuttiva tas-CCP. Madankollu, il-BĊE jikkunsidra li huwa vitali wkoll li l-BĊE jiġi inkluż bħala membru li ma jivvutax tal-Bord tas-Superviżuri tal-AETS, biex jiżgura kooperazzjoni, koordinazzjoni u skambju ta' informazzjoni effettivi bejn banek ċentrali u awtoritajiet superviżorji, u biex jiġi żgurat li l-linji gwida, rakkomandazzjonijiet u strumenti prattiċi oħra u għodod ta' konverġenza żviluppati mill-Bord tas-Superviżuri tal-AETS iqisu l-perspettiva u l-kompetenza tal-BĊE (21). Dan huwa rilevanti mhux biss fir-rigward tas-CCPs, imma fir-rigward ta' parteċipanti oħra tas-suq finanzjarju, inklużi depożitarji tat-titoli ċentrali u repożitorji tat-tranżazzjonijiet. Għal din ir-raġuni, il-BĊE jirrakkomanda li għandu jsir membru wkoll li ma jivvotax tal-Bord tas-Superviżuri tal-AETS.
8. Interazzjoni mar-regolament propost dwar qafas għall-irkupru u r-riżoluzzjoni tal-kontropartijiet ċentrali
Il-BĊE jappoġġja bis-sħiħ l-evalwazzjoni tal-Kummissjoni fil-memorandum ta' spjegazzjoni mal-proposta li l-aġġustamenti u t-tisħiħ għas-superviżjoni għandhom ukoll ikunu riflessi b'mod xieraq fir-regolament propost dwar qafas għall-irkupru u r-riżoluzzjoni tas-CCPs. Il-BĊE jaqbel li jistgħu jkunu meħtieġa modifiki mmirati biex iqisu r-rwol il-ġdid tas-Sessjoni Eżekuttiva tas-CCP fil-kulleġġi taħt ir-Regolament (UE) Nru 648/2012 u sussegwentement fil-kulleġġi tar-riżoluzzjoni. Il-BĊE jara mertu fil-promozzjoni tal-konsistenza u l-interazzjoni effettiva tal-pjanijiet ta' rkupru u riżoluzzjoni fis-CCPs, u fil-monitoraġġ u l-mitigazzjoni tal-implikazzjonijiet ta' riskju aggregat tagħhom għall-istabbiltà finanzjarja fl-Unjoni. Il-BĊE jagħti l-appoġġ tiegħu jekk waqt il-finalizzazzjoni tar-regolament propost, il-Kummissjoni, il-Kunsill u l-Parlament Ewropew iqisu rwol potenzjali fis-Sessjoni Eżekuttiva tas-CCP f'dan il-kuntest (22).
Magħmul fi Frankfurt am Main, l-4 ta' Ottubru 2017.
Il-President tal-BĊE
Mario DRAGHI
(1) COM (2017) 331 finali.
(2) Regolament tal-Kunsill (UE) Nru 1024/2013 tal-15 ta' Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta' politiki relatati mas-superviżjoni prudenzjali ta' istituzzjonijiet ta' kreditu (ĠU L 287, 29.10.2013, p. 63).
(3) COM (2016) 856 finali.
(4) Regolament (UE) Nru 648/2012 tal-Parlament Ewropew u tal-Kunsill tal-4 ta' Lulju 2012 dwar derivati OTC, kontropartijiet ċentrali u repożitorji tat-tranżazzjonijiet (ĠU L 201, 27.7.2012, p. 1).
(5) Rakkomandazzjoni BĊE/2017/18 tat-22 ta' Ġunju 2017 għal Deċiżjoni tal-Parlament Ewropew u tal-Kunsill li temenda l-Artikolu 22 tal-Istatut tas-Sistema Ewropea ta' Banek Ċentrali u tal-Bank Ċentrali Ewropew (ĠU C 212, 1.7.2017, p. 14).
(6) Ara l-paragrafu 2.1.2 tal-Opinjoni CON/2017/38 tal-Bank Ċentrali Ewropew tal-20 ta' Settembru 2017 dwar proposta għal Regolament tal-Parlament Ewropew u tal-Kunsill dwar qafas għall-irkupru u r-riżoluzzjoni tal-kontropartijiet ċentrali u li jemenda r-Regolamenti (UE) Nru 1095/2010, (UE) Nru 648/2012 u (UE) 2015/2365, li għadha mhix ippubblikata fil-Ġurnal Uffiċjali. L-opinjonijiet kollha tal-BCE huma ppubblikati fil-websajt tal-BĊE fuq www.ecb.europa.eu. Ara wkoll r-risposta tal-BĊE għall-konsultazzjoni tal-Kummissjoni Ewropea dwar ir-reviżjoni tar-Regolament dwar l-Infrastruttura tas-Suq Ewropew (EMIR), li għandu d-data tat-2 ta' Settembru 2015, disponibbli fuq is-sit elettroniku tal-BĊE fuq www.ecb.europa.eu.
(7) Ara l-Artikolu 2(3) tar-regolament propost.
(8) Ara l-Artikolu 2(4) tar-regolament propost.
(9) L-Artikolu 2(7) tar-regolament propost ijżid l-Artikolu 21a(2) ġdid.
(10) L-Artikolu 2(10) tar-regolament propost jżid l-Artikolu 25b(2) ġdid.
(11) L-Artikolu 2(9) tar-regolament propost jintroduċi l-Artikolu 25(2b)(b) ġdid.
(12) Punt 68 tal-kawża Gauweiler et, C-62/14, ECLI:EU:C:2015:400; u l-punt 68 tal-kawża Accorinti et vs BĊE, T-79/13, ECLI:EU:T:2015:756.
(13) Opinjoni tal-AETS tal-15 ta' Novembru 2016 dwar indikaturi komuni għal prodotti u servizzi ġodda skont l-Artikolu 15 u għal bidliet sinifikanti skont l-Artikolu 49 tal-EMIR (ESMA/2016/1574), disponibbli fuq is-sit elettroniku tal-AETS: www.esma.europa.eu
(14) Il-Kummissjoni vs Il-BĊE, C-11/00, ECLI:EU:C:2003:395, b'mod partikolari l-punti 110 u 111. Fil-punt 110, il-Qorti tal-Ġustizzja kkjarifikat illi l-obbligu li jiġi kkonsultat il-BĊE “essenzjalment huwa intiż […] sabiex jiżgura li l-awtur ta' tali att jadottah biss wara li l-korp ikun ġie kkonsultat, li, permezz tal-funzjonijiet speċifiċi li huwa jeżerċita fil-kuntest Komunitarju fil-qasam ikkonċernat u permezz tal-grad għoli ta' espertezza li huwa jgawdi minnha, partikolarment jista' utilment jikkontribwixxi għall-proċess ta' adozzjoni previst”.
(15) Ara l-paragrafu 2 tal-Opinjoni CON/2015/10, il-paragrafu 2 tal-Opinjoni CON/2012/77, il-paragrafu 4 tal-Opinjoni CON/2012/5, il-paragrafu 8 tal-Opinjoni CON/2011/44 u l-paragrafu 4 tal-Opinjoni CON/2011/42.
(16) L-Artikolu 2(9) tar-regolament propost jintroduċi l-Artikolu 25(2b)(b) ġdid.
(17) Artikolu 2(9) tar-regolament propost jintroduċi l-Artikolu 25(2c) ġdid.
(18) Regolament ta' Delega tal-Kummissjoni (UE) Nru 876/2013 tat-28 ta' Mejju 2013 li jissupplimenta r-Regolament (UE) Nru 648/2012 tal-Parlament Ewropew u tal-Kunsill fir-rigward ta' standards tekniċi regolatorji dwar il-kulleġġi għall-kontropartijiet ċentrali (ĠU L 244, 13.9.2013, p. 19).
(19) Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea għat-Titoli u s-Swieq), u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
(20) L-Artikolu 1(4) tar-regolament propost iżid punt (f) ġdid mal-Artikolu 40(1) tar-Regolament (UE) Nru 1095/2010.
(21) Ara l-Opinjoni CON/2010/5. Ara wkoll il-kontribuzzjoni tal-BĊE għall-konsultazzjoni tal-Kummissjoni Ewropea dwar operazzjonijiet tal-Awtoritajiet Superviżorji Ewropea, ippubblikata fis-7 ta' Lulju 2017, disponibbli fuq is-sit elettroniku tal-BĊE fuq www.ecb.europa.eu.
(22) Ara l-paragrafu 1.4 tal-Opinjoni CON/2017/38.
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/10 |
OPINJONI TAL-BANK ĊENTRALI EWROPEW
tal-11 ta’ Ottubru 2017
dwar proposta għal regolament tal-Parlament Ewropew u tal-Kunsill li jemenda r-Regolament (UE) Nru 648/2012 fir-rigward tal-obbligu tal-ikklerjar, is-sospensjoni tal-obbligu tal-ikklerjar, ir-rekwiżiti tar-rapportar, ir-rekwiżiti tat-tekniki tal-mitigazzjoni tar-riskju għal kuntratti derivattivi OTC mhux ikklerjati minn kontroparti ċentrali, ir-reġistrazzjoni u s-superviżjoni ta’ repożitorji tat-tranżazzjonijiet u r-rekwiżiti għar-repożitorju tat-tranżazzjonijiet
(CON/2017/42)
(2017/C 385/04)
Introduzzjoni u bażi legali
Fis-6 u d-9 ta’ Ġunju 2017, rispettivament, il-Bank Ċentrali Ewropew (BĊE) irċieva talbiet mingħand il-Kunsill tal-Unjoni Ewropea u l-Parlament Ewropew għal opinjoni dwar proposta għal regolament tal-Parlament Ewropew u tal-Kunsill li jemenda r-Regolament (UE) Nru 648/2012 fir-rigward tal-obbligu tal-ikklerjar, issospensjoni tal-obbligu tal-ikklerjar, ir-rekwiżiti tar-rapportar, ir-rekwiżiti tat-tekniki tal-mitigazzjoni tar-riskju għal kuntratti derivattivi OTC mhux ikklerjati minn kontroparti ċentrali, ir-reġistrazzjoni u s-superviżjoni ta’ repożitorji tat-tranżazzjonijiet u r-rekwiżiti għar-repożitorju tat-tranżazzjonijiet (1) (iktar ’il quddiem ir-“regolament propost”).
Il-kompetenza tal-BĊE biex jagħti opinjoni hija bbażata fuq l-Artikoli 127(4) u 282(5) tat-Trattat dwar il-Funzjonament tal-Unjoni Ewropea billi d-direttiva proposta fiha dispożizzjonijiet li jaffettwaw il-kompiti bażiċi tas-Sistema Ewropea tal-Banek Ċentrali (SEBĊ) biex jiddefinixxi u jimplimenta l-politika monetarja u biex jippromwovi t-tħaddim bla xkiel ta’ sistemi ta’ ħlas skont l-ewwel u r-raba’ inċiżi tal-Artikolu 127(2) tat-Trattat, il-kontribut tas-SEBĊ għat-tmexxija bla xkiel ta’ politiki relatati mal-istabbiltà tas-sistema finanzjarja, kif imsemmi fl-Artikolu 127(5) tat-Trattat, u l-kompiti speċifiċi mogħtija lill-BĊE fir-rigward tas-superviżjoni prudenzjali ta’ istituzzjonijiet ta’ kreditu, kif imsemmi fl-Artikolu 127(6) tat-Trattat. F’konformità mal-ewwel sentenza tal-Artikolu 17.5 tar-Regoli tal-Proċedura tal-Bank Ċentrali Ewropew, il-Kunsill Governattiv adotta din l-opinjoni.
Osservazzjonijiet ġenerali
Il-BĊE ġeneralment jappoġġja l-inizjattiva tal-Kummissjoni biex tintroduċi għadd ta’ modifiki mmirati għar-Regolament (UE) Nru 648/2012 tal-Parlament Ewropew u tal-Kunsill (2) bil-għan li jiġu ssimplifikati r-regoli applikabbli u jiġu eliminati piżijiet sproporzjonati.
Osservazzjonijiet speċifiċi
1. Eżenzjoni ta’ transazzjonijiet ta’ banek ċentrali
|
1.1. |
L-Artikolu 1(4) tar-Regolament (UE) Nru 648/2012 jeżenta lil membri tas-SEBĊ, iżda mhux lill-kontropartijiet tagħhom, mill-obbligu ta’ rapportar. B’riżultat ta’ dan, meta kuntratt derivattiv ikun konkluż ma’ membru tas-SEBĊ, il-kontroparti tiegħu għandha tirrapporta d-dettalji tat-transazzjoni lil repożitorju tal-kummerċ. F’dan il-kuntest jista’ jiġi osservat li tranżazzjonijiet relevanti tal-bank ċentrali huma eżentati milli jirrapportaw taħt ir-Regolament (UE) 2015/2365 tal-Parlament Ewropew u tal-Kunsill (3). Barra minn hekk, tranżazzjonijiet tal-bank ċentrali b’rabta mat-twettiq tal-politika monetarja, tal-kambju u tal-istabbiltà finanzjarja huma eżentati mill-iżvelar taħt id-Direttiva 2014/65/UE tal-Parlament Ewropew u tal-Kunsill (4) u r-Regolament (UE) Nru 600/2014 tal-ParlamENT Ewropew u tal-Kunsill (5) |
|
1.2. |
Il-BĊE jinsab imħasseb dwar ir-riskji li jistgħu jinħolqu jekk, minkejja r-reġimi ta’ kunfidenzjalità applikati mill-kontropartijiet informazzjoni li toħroġ minn operazzjonijiet tal-politika tas-SEBĊ tiġi żvelata lill-pubblika u jekk parteċipanti fis-suq ikunu jistgħu jidentifikaw it-tranżazzjonijiet tal-banek ċentrali nazzjonali (BĊNi). Tabilħaqq, dan ikollu impatt negattiv fuq it-twettiq mill-BĊNi tal-kompiti tagħhom fir-rigward ta’ dawk it-transazzjonijiet ta’ bank ċentrali, b’mod partikolari fil-qasam tal-politika monetarja jew operazzjonijiet ta’ kambju, fejn il-kunfidenzjalità hija meħtieġa (6). Jekk ikun meħtieġ li l-kontropartijiet tal-membri tas-SEBĊ jirrapportaw id-dejta kollha dwar it-tranżazzjonijiet tagħhom lil repożitorji tal-kummerċ, dan ikollu l-konsegwenza mhux intenzjonata li jistabbilixxi obbligu ta’ rapportar indirett għal tranżazzjonijiet tal-banek ċentrali, sabiex b’hekk tiġi limitata l-effettività tal-eżenzjoni mogħtija lill-membri tas-SEBĊ. Għalhekk huwa importanti li l-kotba tal-membri tas-SEBĊ ikunu protetti u li s-senjalazzjoni bbażata fuq operazzjonijiet tal-bank ċentrali tibqa’ effettiva (7). |
|
1.3. |
Il-BĊE għalhekk huwa tal-fehma li sabiex jiġi żgurat li l-BĊNi jkomplu jwettqu l-kompiti statutorji tagħhom b’mod effettiv, huwa importanti li t-tranżazzjonijiet tal-banek ċentrali jkunu eżentati għal kollox mir-rekwiżiti ta’ rapportar. |
2. Obbligu ta’ rapportar
|
2.1. |
Fir-rigward tal-emenda proposta tal-Artikolu 9(1), il-BĊE jieħu nota tar-riżultati tal-valutazzjoni tal-impatt tal-Kummissjoni u jifhem il-ħtieġa li jitnaqqas il-pi# ta’ rapportar għal kontrapartijiet mhux finanzjarji żgħar. F’dan ir-rigward, il-BĊE jilqa’ s-soluzzjni proposta mill-Kummissjoni li f’xi każijiet speċifiċi r-responsabbiltà għar-rapportar għandha tintrefa’ mill-kontropartijiet ċentrali (CCPs), kontropartijiet finanzjarji, kumpaniji maniġerjali ta’ impriżi għal investiment kollettiv f’titoli trasferibbli, u maniġers ta’ fondi ta’ investiment alternattivi (8). Din il-proposta tidher li tilħaq bilanċ tajjeb bejn li ti#gura l-kompletezza tad-dejta, billi timminimizza l-piżijiet ta’ rapportar, waqt li fl-istess ħin tallinja l-istruttura tal-obbligi ta’ rapportar taħt ir-Regolament (UE) Nru 648/2012 u r-Regolament (UE) 2015/2365. |
|
2.2. |
Ir-regolament propost jintroduċi wkoll eżenzjoni mir-rapportar għall-kummerċ kollu intragrupp li jinvolvi lil kontroparti mhux finanzjarja (9). Il-BĊE jinsab imħasseb b’din l-emenda proposta għar-raġunijiet stipulati fil-paragrafi 2.2.1 sa 2.2.3. |
|
2.2.1. |
Fuq il-bażi ta’ analiżi ta’ dejta eżistenti, il-konferma li kuntratt derivattiv barra l-borża (OTC) huwa tranżazzjoni intragrupp skont il-qafas ta’ rapportar attwali taħt ir-Regolament (UE) Nru 648/2012 (10) spiss ma tkunx affidabbli, meta tiġi vverifikata kontra sorsi ta’ dejta oħrajn. Fil-kuntest tal-kwalità tad-dejta li għadha tevolvi, għalhekk, l-eżenzjoni mingħajr kundizzjoni ta’ rapportar intragrupp għal kontropartijiet mhux finanzjarji tagħti lok għar-riskju ta’ arbitraġġ regolatorju minn aġenti li jirrapportaw. |
|
2.2.2. |
Tranżazzjonijiet intragrupp li jinvolvu kontropartijiet mhux finanzjarji huma eżentati mill-kollateralizzazzjoni biss jekk ikunu sodisfatti ċerti kundizzjonijiet, u soġġett għal awtorizzazzjoni mill-awtoritajiet kompetenti (11). Il-BĊE jinsab imħasseb li jekk dawk il-kundizzjonijiet ma jkunux issodisfati u l-kontropartijiet jiskambjaw kollateral għat-tranżazzjonijiet intragrupp tagħhom, imbagħad, fin-nuqqas ta’ kwalunkwe obbligu ta’ rapportar, ir-riskji assoċjati mal-marġni u mal-proċiklikalità kollaterali jistgħu jibqgħu mhux immonitorjati. Din l-assimetrija tkisser il-kumplimentarjetà bejn it-trasparenza u l-mitigazzjoni tar-riskju li tinsab fil-qalba tal-qafas tal-politika taħt ir-Regolament (UE) Nru 648/2012. |
|
2.2.3. |
L-eżenzjoni proposta tista’ potenzjalment twassal għal forom sofistikati ta’ evażjoni tar-rekwiżiti ta’ rapportar taħt ir-RegolamEnt (UE) Nru 648/2012, peress li n-negozji jistgħu jingħaddew minn sussidjarji mhux finanzjarji ta’ gruppi finanzjarji akbar. Minħabba r-rata ta’ parteċipazzjoni ogħla ta’ kontropartijiet mhux finanzjarji fi tranżazzjonijiet ta’ derivattivi tal-kambju, l-impatt tal-emenda tkun partikolarment relevanti għar-rapportar tad-derivattivi tal-muniti. |
|
2.3. |
Il-BĊE jikkunsidra li l-obbligu tal-kontropartijiet finanzjarji li jirrapportaw f’isem kontropartijiet mhux finanzjarji (12) diġà jindirizza l-piż ta’ rapportar eċċessiv għal kontropartijiet żgħar mhux finanzjarji, ukoll fil-każ ta’ negozji intragrupp. Il-kost marġinali ta’ rapporti addizzjonali għal kontropartijiet mhux finanzjarji li diġà għandu jkollhom infrastrutturi ta’ IT xierqa stabbiliti għandu jkun negliġibbli. Il-BĊE għalhekk jirrakkomanda li negozji intragrupp bejn kontropartijiet finanzjarji u kontropartijiet mhux finanzjarji m’għandhomx ikunu eżenti mir-rapportar. Fost negozji intragrupp bejn kontropartijiet mhux finanzjarji, għandhom jiġu eżentati biss negozji konklużi minn kontropartijiet żgħar mhux finanzjarji li ma joħolqu ebda riskju sistemiku. Fid-dawl ta’ dan, il-BĊE jirrakkomanda li negozji intragrupp bejn kontropartijiet finanzjarji jkunu eżentati mir-rapprotar sakemm dawn il-kontropartijiet mhux finanzjarji ma jkunux soġġetti għall-obbligu tal-ikklerjar. Bħala konsegwenza, kontropartijiet mhux finanzjarji li jkunu soġġetti għall-obbligu tal-ikklerjar għandhom jirrapportaw f’isem kontropartijiet mhux finanzjarji oħrajn f’każ ta’ negozji intragrupp bejniethom. |
|
2.4. |
Il-BĊE jinnota li negozji intragrupp li jinvolvu lil kontroparti minn pajjiż terz, li ma jingħatax deċiżjoni ta’ ekwivalenza mill-Kummissjoni, xorta jkunu soġġetti għall-obbligu ta’ rapportar u l-eżenzjoni attwali (13) b’hekk ma tapplikax għal dawk in-negozji. |
|
2.5. |
Il-BĊE jilqa’ l-emendi għall-Artikolu 9(6). L-implimentazzjoni ta’ standards għall-identifikazzjoni ta’ kontroparti, ta’ negozju u ta’ titoli, li ġiet operazzjonalizzata mir-Regolament ta’ Implimentazzjoni tal-Kummissjoni (UE) 2017/105 (14), hija pass importanti ’l quddiem lejn it-titjib tal-kwalità tad-dejta miġbura skont ir-Regolament (UE) Nru 648/2012. L-allinjament tar-Regolament (UE) Nru 648/2012 mar-Regolament (UE) 2015/2365 u r-Regolament (UE) Nru 600/2014 huwa importanti wkoll biex tiġi ggarantita l-kumparabbiltà u tiġi żgurata perspettiva globali tal-istrutturi u l-attivitajiet tas-swieq finanzjarji. |
3. Emendi biex tiġi żgurata l-kwalità tad-dejta
|
3.1. |
Il-BĊE jikkunsidra l-emendi proposti għall-Artikolu 78 (15) u l-Artikolu 81(5) (16) bħala passi siewja ’l quddiem peress li ser jiffaċilitaw l-armonizzazzjoni tal-proċeduri u l-politiki tar-repożitorji tad-dejta dwar it-tranżazzjonijiet u l-kundizzjonijiet li taħthom jipprovdu dejta lill-awtoritajiet kompetenti. |
|
3.2. |
Il-BĊE jilqa’ wkoll il-mandat mogħti lill-Awtorità Ewropea għat-Titoli u s-Swieq (ESMA) biex tirrapporta dwar l-implimentazzjoni tal-obbligu ta’ rapportar taħt l-Artikolu 85(3)(d) ġdid (17) u jilqa’ wkoll l-involviment tas-SEBĊ fit-tħejjija tar-rapport lill-Kummissjoni skont l-Artikolu 85(3)(d) ġdid. |
4. Konformità tal-istituzzjonijiet ta’ kreditu ma’ proċeduri għall-ġestjoni tar-riskju, eżenzjonijiet intragrupp u rekwiżiti kapitali
|
4.1. |
Il-BĊE jappoġġja l-proposta li għandu jkun hemm proċeduri superviżorji li jiżguraw validazzjoni inizjali u kontinwa ta’ proċeduri għall-ġestjoni tar-riskju li jeħtieġu l-iskambju f’waqtu, preċiż u ssegregat b’mod xieraq ta’ kollateral fir-rigward ta’ kuntratti derivattivi OTC (18). |
|
4.2. |
Il-BĊE jinnota li fi ħdan il-qafas tal-Artikolu 6 tar-Regolament tal-Kunsill (UE) Nru 1024/2013 (19) il-kompiti biex jiġi żgurat li istituzzjonijiet ta’ kreditu jikkonformaw mar-rekwiżiti ta’ ġestjoni tar-riskju stipulati fl-Artikolu 11(3) tar-Regolament (UE) Nru 648/2012 fir-rigward ta’ proċeduri li jikkonċernaw l-iskambju f’waqtu, preċiż u ssegregat b’mod xieraq ta’ kollateral, inklużi l-eżenzjonijiet intragrupp konnessi (20), u mar-rekwiżit fil-qasam ta’ fondi proprji stipulat fl-Artikolu 11(4) tar-Regolament (UE) Nru 648/2012 biex jinżamm ammont xieraq u proporzjonat ta’ kapital biex jiġu mmaniġġjati r-riskji mhux koperti mill-iskambju xieraq ta’ kollateral, huma ta’ natura prudenzjali, u b’hekk jaqgħu taħt l-ambitu tal-kompiti mogħtija lill-BĊE mill-Artikolu 4(1)(d) u (e) tar-Regolament (UE) Nru 1024/2013. |
5. Trasparenza tas-CCPs
|
5.1. |
Il-BĊE jappoġġja l-proposta li s-CCPs għandhom jipprovdu lill-membri tal-ikklerjar tagħhom b’għodda biex jissimulaw ir-rekwiżiti tal-marġni inizjali tagħhom u b’ħarsa ġenerali ddettaljata tal-mudelli tal-marġni inizjali li jużaw (21). Dan għandu jżid it-trasparenza u l-prevedibbiltà tar-rekwiżiti ta’ marġni inizjali, u b’hekk itejjeb il-fehim mill-parteċipanti fl-ikklerjar tar-riskji u l-kosti involuti f’parteċipazzjoni f’CCP. |
|
5.2. |
Barra minn hekk, il-BĊE jipproponi l-inklużjoni ta’ għodod ta’ intervent makroprudenzjali, sabiex tiġi evitata l-akkumulazzjoni ta’ riskju sistemiku li jirriżulta, b’mod partikolari, minn ingranaġġ eċċessiv, u biex jillimita aktar il-proċiklikalità tal-marġnijiet u l-haircuts. Il-BĊE jipproponi li l-prinċipji relevanti għal għodod makroprudenzjali jiġu stabbiliti fl-att tal-Livell 1. Għodod tal-politika makroprudenzjali jiġu applikati għall-kontropartijiet fil-livell tat-tranżazzjoni. B’dan il-mod, jiġu affettwati t-tranżazzjonijiet relevanti kollha, inklużi dawk ikkuntrattati minn non-banek, irrispettivament minn jekk dawk it-tranżazzjonijiet kinux konklużi fis-suq ikklerjat ċentralment, is-suq ikklerjat mhux ċentralment, jew minn kontropartijiet tal-Unjoni li jikklerjaw in-negozji tagħhom permezz ta’ CCP minn pajjiż terz (22). Il-prinċipji meħtieġa u r-rekwiżiti għal dawk l-għodod makroprudenzjali għandhom ikunu inklużi, jekk mhux fil-proposta attwali, allura fil-waqt xieraq li jmiss, bħal fl-okkażjoni tar-reviżjoni li jmiss tar-Regolament (UE) Nru 648/2012 fl-2020. |
|
5.3. |
Barra minn hekk, kif ġie indikat f’rapport tal-BERS li ġie ppubblikat reċentement dwar ir-reviżjoni tar-Regolament (UE) Nru 648/2012 (23), il-BĊE jikkunsidra li CCPs li joperaw fl-Unjoni għandhom jintalbu jippubblikaw informazzjoni kwantitattiva u kwalitattiva konsistenti mal-prinċipji tal-iżvelar pubbliku CPMI-IOSCO (24). Li jkun hemm bażi legali aktar b’saħħitha biex is-CCPs jippubblikaw dejta konsistenti ma’ dawn il-prinċipji jgħin lill-industrija finanzjarja u lill-pubbliku inġenerali jifhmu aħjar l-ambjent kumpless li fih joperaw is-CCPs. |
6. Klassifikazzjoni ta’ entitajiet bi skop speċjali ta’ titolizzazzjoni bħala kontropartijiet finanzjarji
|
6.1. |
Il-BĊE jinnota li entitajiet bi skop speċjali ta’ titolizzazzjoni (SSPEs) huma proposti li jkunu kklassifikati bħala kontropartijiet finanzjarji (25). Madankollu, l-Artikolu 27 tal-proposta għal regolament tal-Parlament Ewropew u tal-Kunsill li jistabbilixxi regoli komuni dwar it-titolizzazzjoni u li joħloq qafas Ewropew għal titolizzazzjoni sempliċi, trasparenti u standardizzata u li jemenda d-Direttivi 2009/65/KE, 2009/138/KE, 2011/61/UE u r-Regolamenti (KE) Nru 1060/2009 u (UE) Nru 648/2012 (26) jipproponi li jemenda r-Regolament (UE) Nru 648/2012 u jeżenta lil STS SSPEs miLl-obbligu tal-ikklerjar, sakemm ir-riskju ta’ kreditu tal-kontroparti jkun immitigat b’mod adegwat. Il-BĊE jtenni l-pożizzjoni tiegħu (27) li STS SSPEs għandhom ikunu eżentati totalment kemm mill-obbligu tal-ikklerjar kif ukoll mir-rekwiżiti leġiżlattivi biex jipprovdu kollateral (28). |
|
6.2. |
Għalldaqstant, il-BĊE jappoġġa d-dispożizzjonijiet tal-Artikolu 27 tal-proposta msemmija fil-paragrafu 6.1, inkluż il-mandat għall-Awtoritajiet Superviżorji EwropEJ BIEx jiżviluppaw abbozz ta’ standards tekniċi regolatorji li jispeċifikaw kriterji biex jiġi stabbilit liema arranġamenti taħt bonds koperti jew titolizzazzjonijiet jimmitigaw b’mod adegwat ir-riskju tal-kreditu tal-kontroparti li għandu jiġi adottat mill-Kummissjoni (29), kif ukoll emendi neċessarji oħrajn li jeżentaw lil STS SSPEs kemm minn obbligi tal-ikklerjar kif ukoll minn obbligi biex jipprovdu marġni. Dak it-trattament huwa meħtieġa sabiex jinkisbu kondizzjonijiet ekwi fir-rigward ta’ bonds koperti kwalifikanti u jista’ jiġi ġġustifikat fuq bażi prudenzjali fir-rigward ta’ STS SSPEs. |
7. Bidliet għall-metodoloġija għall-kalkolu tal-pożizzjonijiet tal-kontropartijiet f’kuntratti derivattivi OTC
Il-BĊE jinnota li l-introduzzjoni proposta ta’ metodoloġija għall-kalkolu tal-pożizzjonijiet f’kuntratti derivattivi OTC relevanti biex jiġi ddeterminat jekk kontroparti finanzjarja jew kontroparti mhux finanzjarja hijiex soġġetta għall-obbligu tal-ikklerjar, li huwa bbażat fuq dejta ta’ tmiem il-perijodu minflok pożizzjoni medja rikorrenti f’kuntratti derivattivi OTC fuq 30 jum ta’ ħidma (30), tista’ toħloq inċentiv għal “tiżjin” biex jiġi evitat l-obbligu tal-ikklerjar. Il-BĊE għalhekk jipproponi li jiżdied mal- Artikoli ġodda 4a(2) (31) u 10(2) (32) introdotti mill-Artikoli 10(2) u 4a(2) tar-regolament propost rekwiżit li kontroparti finanzjarja u kontroparti mhux finanzjarja għandhom ikunu kapaċi juru lill-awtorità kompetenti rilevanti li l-kalkolu tal-pożizzjoni aggregata fi tmiem ix-xahar f’kuntratti derivattivi OTC ma jwassalx għal sottovalutazzjoni sistematika tal-pożizzjoni ġenerali.
8. Ir-rrwol konsultattiv tal-BĊE fir-rigward ta’ abbozz ta’ atti ddelegati u ta’ implimentazzjoni
|
8.1. |
Ta’ min ifakkar li l-abbozzi ta’ atti delegati u ta’ implimentazzjoni tal-Kummissjoni jikkwalifikaw bħala “atti proposti tal-Unjoni” skont it-tifsira tal-Artikoli 127(4) u 282(5) tat-Trattat. Kemm l-atti ddelegati kif ukoll dawk ta’ implimentazzjoni jikkostitwixxu atti legali tal-Unjoni. Il-BĊE għandu jiġi kkonsultat fil-ħin dovut dwar kwalunkwe abbozzi ta’ atti tal-Unjoni, inklużi abbozzi ta’ atti ddelegati u ta’ implimentazzjoni, li jaqgħu fi ħdan l-oqsma ta’ kompetenza tiegħu. L-obbligu li l-BĊE jiġi kkonsultat ġie ċċarat mill-Qorti tal-Ġustizzja Ewropea f’Il-Kummissjoni vs Il-BĊE (33) b’referenza għall-funzjonijiet u l-għarfien espert tal-BĊE. Fid-dawl tal-fatt li infrastrutturi siguri u effiċjenti tas-suq finanzjarju, b’mod partikolari sistemi tal-ikklerjar, huma essenzjali għat-twettiq tal-kompiti bażiċi tas-SEBĊ taħt l-Artikolu 127(2) tat-Trattat, u l-insegwiment tal-għan ewlieni tiegħu li jżomm l-istabilità tal-prezzijiet taħt l-Artikolu 127(1) tat-Trattat, il-BĊE għandu jiġi kkonsultat debitament dwar atti ddelegati u ta’ implimentazzjoni adottati taħt ir-Regolament (UE) Nru 648/2012. Waqt li l-obbligu li jiġi kkonsultat il-BĊE huwa dderivat direttament mit-Trattat, sabiex tiġi żgurata ċarezza, dan ir-rekwiżit għandhom jkun rifless ukoll fi premessa tar-regolament propost. Waqt li jikkunsidra l-importanza ta’ abbozzi ta’ standards tekniċi bħala parti mill-iżvilupp tal-leġiżlazzjoni tal-Unjoni dwar is-servizzi finanzjarji, il-BĊE ser jeżerċita l-irwol konsultattiv tiegħu fuq kwistjonijiet fil-kompetenza tiegħu filwaqt li jqis bis-sħiħ l-iskedi ta’ żmien għall-adozzjoni ta’ dawn l-atti u l-ħtieġa li tiġi żgurata l-adozzjoni mingħajr xkiel tal-leġiżlazzjoni ta’ implimentazzjoni (34). |
|
8.2. |
Barra minn hekk, fir-rigward t’a għadd ta’ elementi tar-regolament propost, mhux biss il-konsultazzjoni tal-BĊE, iżda wkoll l-involviment, fi stadju bikri, tal-membri relevanti tas-SEBĊ, fl-iżvilupp ta’ abbozzi ta’ standards tekniċi regolatorji u ta’ implimentazzjoni, atti ddelegati u ta’ implimentazzjoni jistgħu jkunu partikolarment utli, u għandu jkun hemm provvediment speċifiku għalihom. |
|
8.3. |
Fl-ewwel lok, il-Kummissjoni għandha s-setgħa li tadotta standards tekniċi ta’ implimentazzjoni, fuq il-bażi ta’ abbozzi ta’ standards tekniċi ta’ implimentazzjoni żviluppati mill-FESMA li jispeċifikat l-istandards tad-dejta u l-formati tal-informazzjoni li għandha tiġi rrapportata, il-metodi u l-arranġamenti għar-rapportar, il-frekwenza tar-rapporti u d-data sa meta l-kuntratti derivattivi għandhom jiġu rrapportati (35). Is-SEBĊ qiegħed dejjem aktar juża dejta miġbura skont ir-Regolament (UE) Nru 648/2012 fit-twettiq tal-mandati tiegħu. Sabiex isir ingranaġġ mit-tagħrif miksub mis-SEBĊ dwar il-kwalità ta’ dejta rrapportata taħt ir-Regolament (UE) Nru 648/2012, l-iżvilupp ta’ abbozzi ta’ standards tekniċi ta’implimentazzjoni mill-ESMA għandu jitwettaq b’kooperazzjoni mill-qrib mal-membri relevanti tas-SEBĊ. |
|
8.4. |
Fit-tieni lok, il-Kummissjoni għandha s-setgħa li tadotta abbozzi ta’ standards tekniċi regolatorji żviluippati mill-ESMA, li jispeċifikaw il-proċeduri għar-rikonċiljazzjoni ta’ dejta bejn repożitorji ta’ dejta u l-proċeduri għall-verifika ta’ dejta fir-rigward tal-kompletezza u l-preċiżjoni tagħha u tal-konformità mar-rekwiżiti tar-rapportar (36). L-awtoritajiet b’aċċess dirett u immedjat għad-dejta tar-repożitorji tal-kummerċ, inklużi l-membri relevanti tas-SEBĊ, żviluppaw ħila esperta sinifikanti f’dan il-qasam. Għalhekk huwa importanti li dik il-ħila esperta tiġi ingranata fl-iżvilupp tal-istandards tekniċi regolatorji. Għal dan l-iskop l-iżvilupp ta’ abbozzi ta’ standards tekniċi regolatorji mill-ESMA għandu jsir b’kooperazzjoni mill-qrib mal-membri relevanti tas-SEBĊ. Meta l-BĊE jirrakkomanda li r-regolament propost jiġi emendat, qed jiġu previsti proposti speċifiċi tal-abbozzar f’dokument ta’ ħidma tekniku separat flimkien ma’ test spjegattiv għal dak il-għan. Id-Dokument ta’ ħidma tekniku huwa disponibbli fis-sit elettroniku tal-BĊE. |
Magħmul fi Frankfurt am Main, il-11 ta’ Ottubru 2017.
Il-President tal-BĊE
Mario DRAGHI
(1) COM (2017) 208 finali.
(2) Regolament (UE) Nru 648/2012 tal-Parlament Ewropew u tal-Kunsill tal-4 ta’ Lulju 2012 dwar derivati OTC, kontropartijiet ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1).
(3) Regolament (UE) 2015/2365 tal-Parlament Ewropew u tal-Kunsill tal-25 ta’ Novembru 2015 dwar it-trasparenza ta’ transazzjonijiet ta’ finanzjament tat-titoli u l-użu mill-ġdid u li jemenda r-Regolament (UE) Nru 648/2012 (ĠU L 337, 23.12.2015, p. 1).
(4) Direttiva 2014/65/UE tal-Parlament Ewropew u tal-Kunsill tal-15 ta’ Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).
(5) Regolament (UE) Nru 600/2014 tal-Parlament Ewropew u tal-Kunsill tal-15 ta’ Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (ĠU L 173, 12.6.2014, p. 84).
(6) Ara l-paragrafu 7 tal-Opinjoni CON/2012/21. L-opinjonijiet kollha tal-BĊE huma ppubblikati fil-websajt tal-BĊE fuq: www.ecb.europa.eu
(7) Ara l-paġni 2 u 13 sa 14 tar-risposta tal-BĊE għall-konsultazzjoni tal-Kummissjoni Ewropea dwar ir-reviżjoni tar-Regolament dwar l-Infrastruttura tas-Suq Ewropew (EMIR) datata 2 ta’ Settembru 2015, disponibbli fuq is-sit elettroniku tal-BĊE fuq: www.ecb.europa.eu
(8) Ara l-Artikolu 1(7)(b) tar-regolament propost.
(9) Ara l-Artikolu 1(7)(a) tar-regolament propost.
(10) Ara l-Artikolu 3(1) u (2) tar-Regolament (UE) Nru 648/2012.
(11) Ara l-Artikolu 11(7) tar-Regolament (UE) Nru 648/2012.
(12) Ara l-Artikolu 1(7)(b) tar-regolament propost.
(13) Ara l-Artikolu 13(2) tar-Regolament (UE) Nru 648/2012.
(14) Regolament ta’ Implimentazzjoni tal-Kummissjoni (UE) 2017/105 tas-26 ta’ Ottubru 2016 li jemenda r-Regolament ta’ Implimentazzjoni (UE) Nru 1247/2012 li jistipula standards tekniċi ta’ implimentazzjoni rigward il-format u l-frekwenza tar-rapporti tan-negozju lir-repożitorji tad-dejta dwar it-tranżazzjonijiet skont ir-Regolament (UE) Nru 648/2012 tal-Parlament Ewropew u tal-Kunsill dwar derivati OTC, kontropartijiet ċentrali u repożitorji tad-dejta dwar it-tranżazzjonijiet (ĠU L 17, 21.1.2017, p. 17)
(15) Ara l-Artikolu 1(16) tar-regolament propost.
(16) Ara l-Artikolu 1(17)(c) tar-regolament propost.
(17) Ara l-Artikolu 1(19)(c) tar-regolament propost.
(18) Ara l-Artikolu 1(9)(a) tar-regolament propost.
(19) Regolament tal-Kunsill (UE) Nru 1024/2013 tal-15 ta’ Ottubru 2013 li jikkonferixxi kompiti speċifiċi lill-Bank Ċentrali Ewropew fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (ĠU L 287, 29.10.2013, p. 63).
(20) Ara l-Artikolu 4(2) tar-Regolament (UE) Nru 648/2012.
(21) Ara l-Artikolu 1(10) tar-regolament propost.
(22) Dan huwa konformi mal-pożizzjoni tal-BĊE fir-risposta tal-BĊE għall-konsultazzjoni tal-Kummissjoni Ewropea dwar ir-reviżjoni tar-Regolament dwar l-Infrastruttura tas-Suq Ewropew (EMIR) iddatat 2 ta’ SettembrU 2015, disponibbli fuq is-sit elettroniku tal-BĊE fuq: www.ecb.europa.eu
(23) The Revision of the European Market Infrastructure Regulation, ESRB, April 2017. Disponibbli fuq: https://www.esrb.europa.eu/pub/pdf/other/20170421_esrb_emir.en.pdf
(24) Final report of the CPMI-IOSCO Board on Public quantitative disclosure standards for central counterparties, Frar 2015. Disponibbli fuq: http://www.bis.org/cpmi/publ/d125.pdf
(25) Ara l-Artikolu 1(1) tar-regolament propost.
(26) COM (2015) 472 finali.
(27) Ara r-risposta konġunta mill-Bank of England u l-Bank Ċentrali Ewropew għad-dokument ta’ konsultazzjoni tal-Kummissjoni Ewropea: “An EU framework for simple, transparent and standardised securitisation” disponibbli fuq is-sit elettroniku tal-BĊE fuq: www.ecb.europa.eu
(28) Dwar l-eżenzjoni mir-rekwiżit li jipprovdu kollateral, ara l-paragrafi 2.2 u 5.5 tal-Opinjoni CON/2016/11.
(29) Ara l-Artikolu 27(2) ta’ COM(2015) 472.
(30) Ara l-Artikoli 1(3) u (8) tar-regolament propost.
(31) Ara l-Artikolu 1(3) tar-regolament propost.
(32) Ara l-Artikolu 1(8) tar-regolament propost..
(33) Il-Kummissjoni vs il-BĊE, C-11/00, ECLI: EU:C:2003:395, b’mod partikolari l-punti 110 u 111. Fil-punt 110, il-Qorti tal-Ġustizzja kkjarifikat illi l-obbligu li jiġi kkonsultat il-BĊE “essenzjalment huwa intiż […] sabiex jiżgura li l-awtur ta’ tali att jadottah biss wara li l-korp ikun ġie kkonsultat, li, permezz tal-funzjonijiet speċifiċi li huwa jeżerċita fil-kuntest Komunitarju fil-qasam ikkonċernat u permezz tal-grad għoli ta’ espertezza li huwa jgawdi minnha, partikolarment jista’ utilment jikkontribwixxi għall-proċess ta’ adozzjoni previst”.
(34) Ara l-paragrafu 2 tal-Opinjoni CON/2015/10, il-paragrafu 4 tal-Opinjoni CON/2012/5, il-paragrafu 8 tal-Opinjoni CON/2011/44 u l-paragrafu 4 tal-Opinjoni CON/2011/42.
(35) Ara l-Artikolu 1(7)(c) tar-regolament propost.
(36) Ara l-Artikolu 1(16) tar-regolament propost.
IV Informazzjoni
INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
Il-Kummissjoni Ewropea
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/16 |
Rata tal-kambju tal-euro (1)
L-14 ta’ Novembru 2017
(2017/C 385/05)
1 euro =
|
|
Munita |
Rata tal-kambju |
|
USD |
Dollaru Amerikan |
1,1745 |
|
JPY |
Yen Ġappuniż |
133,29 |
|
DKK |
Krona Daniża |
7,4414 |
|
GBP |
Lira Sterlina |
0,89585 |
|
SEK |
Krona Żvediża |
9,8905 |
|
CHF |
Frank Żvizzeru |
1,1643 |
|
ISK |
Krona Iżlandiża |
|
|
NOK |
Krona Norveġiża |
9,5923 |
|
BGN |
Lev Bulgaru |
1,9558 |
|
CZK |
Krona Ċeka |
25,566 |
|
HUF |
Forint Ungeriż |
311,97 |
|
PLN |
Zloty Pollakk |
4,2381 |
|
RON |
Leu Rumen |
4,6493 |
|
TRY |
Lira Turka |
4,5477 |
|
AUD |
Dollaru Awstraljan |
1,5361 |
|
CAD |
Dollaru Kanadiż |
1,4933 |
|
HKD |
Dollaru ta' Hong Kong |
9,1645 |
|
NZD |
Dollaru tan-New Zealand |
1,7092 |
|
SGD |
Dollaru tas-Singapor |
1,5978 |
|
KRW |
Won tal-Korea t'Isfel |
1 309,46 |
|
ZAR |
Rand ta' l-Afrika t'Isfel |
16,8932 |
|
CNY |
Yuan ren-min-bi Ċiniż |
7,7950 |
|
HRK |
Kuna Kroata |
7,5520 |
|
IDR |
Rupiah Indoneżjan |
15 918,59 |
|
MYR |
Ringgit Malażjan |
4,9259 |
|
PHP |
Peso Filippin |
60,070 |
|
RUB |
Rouble Russu |
70,1633 |
|
THB |
Baht Tajlandiż |
38,829 |
|
BRL |
Real Brażiljan |
3,8488 |
|
MXN |
Peso Messikan |
22,4266 |
|
INR |
Rupi Indjan |
76,8150 |
(1) Sors: rata tal-kambju ta' referenza ppubblikata mill-Bank Ċentrali Ewropew.
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/17 |
Notifika tal-Kummissjoni dwar ir-rati ta’ interessi ta’ rkupru preżenti għall-Għajnuna mill-Istat u rati ta’ referenza/tnaqqis għat-28 Stat Membru applikabbli mill-1 ta’ Diċembru 2017
(Ippubblikat skont l-Artikolu 10 tar-Regolament tal-Kummissjoni (KE) Nru 794/2004 tal-21 ta’ April 2004 (ĠU L 140, 30.4.2004, p. 1))
(2017/C 385/06)
Rati bażi kkalkulati skont il-Komunikazzjoni tal-Kummissjoni dwar ir-reviżjoni tal-metodu biex tkun stabbilita r-rata ta’ riferenza u ta’ tnaqqis (ĠU C 14, 19.1.2008, p. 6). Skont l-użu tar-rata ta’ referenza, il-marġini xierqa għad għandhom ikunu ddefiniti f’din il-komunikazzjoni. Għar-rata ta’ tnaqqis, dan ifisser li għandu jiżdied marġini ta’ 100 punti bażi. Ir-Regolament tal-Kummissjoni (KE) Nru 271/2008 tat-30 ta’ Jannar 2008 li jemenda r-Regolament (KE) Nru 794/2004 jipprevedi li, jekk mhux speċifikat diversament f’deċiżjoni speċifika, ir-rata ta’ rkupru għandha tkun ikkalkulata wkoll billi jkunu miżjuda 100 punti bażi fuq ir-rata bażi.
Ir-rati modifikati huma indikati b’tipa grassa.
It-tabella ta’ qabel din hija ppubblikata fil-ĠU C 346, 14.10.2017, p. 5.
|
Minn |
sa |
AT |
BE |
BG |
CY |
CZ |
DE |
DK |
EE |
EL |
ES |
FI |
FR |
HR |
HU |
IE |
IT |
LT |
LU |
LV |
MT |
NL |
PL |
PT |
RO |
SE |
SI |
SK |
UK |
|
1.12.2017 |
31.12.2017 |
-0,15 |
-0,15 |
0,76 |
-0,15 |
0,57 |
-0,15 |
0,03 |
-0,15 |
-0,15 |
-0,15 |
-0,15 |
-0,15 |
0,59 |
0,19 |
-0,15 |
-0,15 |
-0,15 |
-0,15 |
-0,15 |
-0,15 |
-0,15 |
1,83 |
-0,15 |
1,55 |
-0,36 |
-0,15 |
-0,15 |
0,65 |
|
1.11.2017 |
30.11.2017 |
-0,15 |
-0,15 |
0,76 |
-0,15 |
0,57 |
-0,15 |
0,06 |
-0,15 |
-0,15 |
-0,15 |
-0,15 |
-0,15 |
0,59 |
0,25 |
-0,15 |
-0,15 |
-0,15 |
-0,15 |
-0,15 |
-0,15 |
-0,15 |
1,83 |
-0,15 |
1,28 |
-0,36 |
-0,15 |
-0,15 |
0,65 |
|
1.10.2017 |
31.10.2017 |
-0,15 |
-0,15 |
0,76 |
-0,15 |
0,45 |
-0,15 |
0,09 |
-0,15 |
-0,15 |
-0,15 |
-0,15 |
-0,15 |
0,59 |
0,30 |
-0,15 |
-0,15 |
-0,15 |
-0,15 |
-0,15 |
-0,15 |
-0,15 |
1,83 |
-0,15 |
1,10 |
-0,36 |
-0,15 |
-0,15 |
0,65 |
|
1.9.2017 |
30.9.2017 |
-0,13 |
-0,13 |
0,76 |
-0,13 |
0,45 |
-0,13 |
0,12 |
-0,13 |
-0,13 |
-0,13 |
-0,13 |
-0,13 |
0,59 |
0,30 |
-0,13 |
-0,13 |
-0,13 |
-0,13 |
-0,13 |
-0,13 |
-0,13 |
1,83 |
-0,13 |
1,10 |
-0,36 |
-0,13 |
-0,13 |
0,65 |
|
1.8.2017 |
31.8.2017 |
-0,13 |
-0,13 |
0,76 |
-0,13 |
0,45 |
-0,13 |
0,12 |
-0,13 |
-0,13 |
-0,13 |
-0,13 |
-0,13 |
0,59 |
0,30 |
-0,13 |
-0,13 |
-0,13 |
-0,13 |
-0,13 |
-0,13 |
-0,13 |
1,83 |
-0,13 |
1,10 |
-0,36 |
-0,13 |
-0,13 |
0,78 |
|
1.6.2017 |
31.7.2017 |
-0,10 |
-0,10 |
0,76 |
-0,10 |
0,45 |
-0,10 |
0,12 |
-0,10 |
-0,10 |
-0,10 |
-0,10 |
-0,10 |
0,70 |
0,37 |
-0,10 |
-0,10 |
-0,10 |
-0,10 |
-0,10 |
-0,10 |
-0,10 |
1,83 |
-0,10 |
1,10 |
-0,36 |
-0,10 |
-0,10 |
0,78 |
|
1.5.2017 |
31.5.2017 |
-0,10 |
-0,10 |
0,76 |
-0,10 |
0,45 |
-0,10 |
0,12 |
-0,10 |
-0,10 |
-0,10 |
-0,10 |
-0,10 |
0,70 |
0,44 |
-0,10 |
-0,10 |
-0,10 |
-0,10 |
-0,10 |
-0,10 |
-0,10 |
1,83 |
-0,10 |
1,10 |
-0,36 |
-0,10 |
-0,10 |
0,78 |
|
1.4.2017 |
30.4.2017 |
-0,08 |
-0,08 |
0,76 |
-0,08 |
0,45 |
-0,08 |
0,16 |
-0,08 |
-0,08 |
-0,08 |
-0,08 |
-0,08 |
0,83 |
0,44 |
-0,08 |
-0,08 |
-0,08 |
-0,08 |
-0,08 |
-0,08 |
-0,08 |
1,83 |
-0,08 |
1,10 |
-0,36 |
-0,08 |
-0,08 |
0,78 |
|
1.3.2017 |
31.3.2017 |
-0,08 |
-0,08 |
0,76 |
-0,08 |
0,45 |
-0,08 |
0,16 |
-0,08 |
-0,08 |
-0,08 |
-0,08 |
-0,08 |
1,05 |
0,53 |
-0,08 |
-0,08 |
-0,08 |
-0,08 |
-0,08 |
-0,08 |
-0,08 |
1,83 |
-0,08 |
1,10 |
-0,36 |
-0,08 |
-0,08 |
0,78 |
|
1.1.2017 |
28.2.2017 |
-0,07 |
-0,07 |
0,76 |
-0,07 |
0,45 |
-0,07 |
0,16 |
-0,07 |
-0,07 |
-0,07 |
-0,07 |
-0,07 |
1,05 |
0,75 |
-0,07 |
-0,07 |
-0,07 |
-0,07 |
-0,07 |
-0,07 |
-0,07 |
1,83 |
-0,07 |
1,10 |
-0,36 |
-0,07 |
-0,07 |
0,78 |
V Avviżi
PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
Il-Kummissjoni Ewropea
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/18 |
Notifika minn qabel ta’ konċentrazzjoni
(Il-Każ M.8639 — Cariparma/Caricesena, Carim, Carismi)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2017/C 385/07)
|
1. |
Fit-8 ta’ Novembru 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1). Dan l-avviż jikkonċerna l-impriżi li ġejjin:
Crédit Agricole Cariparma S.p.A, takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll ta’ Cassa di Risparmio di Cesena SpA, Cassa di Risparmio di Rimini SpA u Cassa di Risparmio di San Miniato SpA kollha kemm huma. Il-konċentrazzjoni hija mwettqa permezz ta’ xiri ta’ ishma. |
|
2. |
L-attivitajiet kummerċjali tal-impriżi kkonċernati huma: — għal Cariparma: sussidjarja ta’ Crédit Agricole SA (“Crédit Agricole”, Franza), li hija l-ewwel bancassurer u l-maniġer tal-assi fl-Ewropa. Il-Grupp Crédit Agricole huwa preżenti fl-Italja b’firxa sħiħa ta’ servizzi finanzjarji. — għal Caricesena: attivi fl-oqsma kollha relatati mal-kreditu ta’ intermedjazzjoni finanzjarja, fit-tramuntana u ċ-ċentru tal-Italja. — għal Carim: attiva fis-settur tas-servizzi bankarji għall-konsumatur fl-Italja, b’mod partikolari fir-reġjuni Taljani ta’ Emilia Romagna, Marche, Umbria u Lazio. — għal Carismi: prinċipalment attiva fis-settur tas-servizzi bankarji għall-konsumatur, b’mod partikolari fit-tramuntana u ċ-ċentru tal-Italja, fir-reġjun tat-Toskana. |
|
3. |
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż. |
|
4. |
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata: M.8639 — Cariparma/Caricesena, Carim, Carismi. Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
(1) ĠU L 24, 29.1.2004, p. 1 (ir-“Regolament dwar l-Għaqdiet”).
(2) ĠU C 366, 14.12.2013, p. 5.
ATTI OĦRAJN
Il-Kummissjoni Ewropea
|
15.11.2017 |
MT |
Il-Ġurnal Uffiċjali tal-Unjoni Ewropea |
C 385/20 |
Pubblikazzjoni ta’ applikazzjoni għal emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2017/C 385/08)
Il-Kummissjoni Ewropea approvat din l-emenda minuri skont it-tielet subparagrafu tal-Artikolu 6(2) tar-Regolament Delegat (UE) Nru 664/2014 tal-Kummissjoni (1)
APPLIKAZZJONI GĦALL-APPROVAZZJONI TA’ EMENDA MINURI
Applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill (2)
“FINOCCHIONA”
Nru tal-UE: PGI-IT-01120-AM01 — 25.7.2017
DOP ( ) IĠP ( X ) STG ( )
1. Grupp applikant u interess leġittimu
|
Consorzio di Tutela della Finocchiona |
|
Via Carlo del Prete, 49/r |
|
50127 Firenze (FI) |
|
ITALIA |
|
Tel. +39 0554221769 |
|
Email: info@finocchionaigp.it |
|
PEC: finocchionaigp@pec.it |
Il-Consorzio di Tutela tal-Finocchiona huwa intitolat li jressaq applikazzjoni għal emenda skont l-Artikolu 13(1) tad-Digriet Nru 12511 tal-14 ta’ Ottubru 2013 tal-Ministeru tal-Politika Agrikola, Alimentari u Forestali.
2. Stat Membru jew pajjiż terz
L-Italja
3. Intestatura fl-ispeċifikazzjoni tal-prodott affettwata mill-emenda
|
— |
☒ |
Deskrizzjoni tal-prodott |
|
— |
☐ |
Prova tal-oriġini |
|
— |
☐ |
Metodu ta’ produzzjoni |
|
— |
☐ |
Rabta |
|
— |
☐ |
Tikkettar |
|
— |
☐ |
Oħrajn: [għandu jiġi speċifikat] |
4. Tip ta’ emenda
|
— |
☐ |
Emenda għall-Ispeċifikazzjoni tal-prodott ta’ DOP jew IĠP irreġistrata li għandha tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li ma teħtieġ l-ebda emenda fid-Dokument Uniku ppubblikat. |
|
— |
☒ |
Emenda għall-Ispeċifikazzjoni tal-prodott ta’ DOP jew IĠP irreġistrata li għandha tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li teħtieġ emenda fid-Dokument Uniku ppubblikat |
|
— |
☐ |
Emenda għall-Ispeċifikazzjoni tal-prodott ta’ DOP jew IĠP irreġistrata li għandha tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li għaliha ma jkunx ġie ppubblikat dokument uniku (jew ekwivalenti). |
|
— |
☐ |
Emenda għall-ispeċifikazzjoni tal-prodott ta’ STG irreġistrata li għandha tikkwalifika bħala minuri skont ir-raba’ subparagrafu tal-Artikolu 53(2) tar-Regolament (UE) Nru 1151/2012. |
5. Emenda/i
Deskrizzjoni tal-prodott
Tinbidel il-limitazzjoni attwali tal-Ispeċifikazzjoni tal-prodott li fil-punt 2.1.3 tal-Artikolu 2 tindika “Karatteristiċi kimiċi” u l-limitazzjoni fil-punt 3.2 tad-Dokument Uniku fir-rigward tar-rekwiżit tal-“Attività tal-ilma: 0,92 jew inqas”.
Il-valur “Attività tal-ilma (Aw): 0,92 jew inqas” tinbidel fi “Attività tal-ilma: 0,945 jew inqas”
Iż-żieda fil-valur tal-attività tal-ilma għandu l-għan li jiggarantixxi umdità ogħla fil-prodott meta mqabbla ma’ dik definita fl-ispeċifikazzjoni tal-prodott fis-seħħ, u b’hekk, tiġi garantita u tiġi preżervata l-konsistenza ratba tal-qatgħa, li hija karatteristika fundamentali li tiddistingwi l-Finocchiona IĠP mill-prodotti l-oħra simili fis-suq.
Għalhekk qed jitqies li l-emenda tissodisfa l-kundizzjonijiet skont il-punti minn (a) sa (e) tal-Artikolu 53(2) tar-Regolament (UE) Nru 1151/2012 u tista’ tiġi kklassifikata bħala minuri.
DOKUMENT UNIKU
“FINOCCHIONA”
Nru tal-UE: PGI-IT-01120-AM01 — 25.7.2017
DOP ( ) IĠP ( X )
1. Isem
“Finocchiona”
2. Stat Membru jew pajjiż terz
L-Italja
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 1.2. Prodotti tal-laħam (imsajra, immellħin, affumikati, eċċ.)
3.2. Deskrizzjoni tal-prodott li għalih japplika l-isem f’(1)
Is-salami “Finocchiona” IĠP. huwa kkaratterizzat minn aroma ta’ bużbież miż-żrieragħ u/jew il-fjuri li jinsabu fit-taħlita tiegħu, u minn qatgħa ratba li għandha tendenza li titfarrak. Il-qatgħa jkollha kuluri li jvarjaw minn aħmar lewn il-laħam fil-biċċiet tad-dgħif għal abjad/abjad fir-roża fil-biċċiet tax-xaħam, li jkunu imħalltin sew flimkien mingħajr trufijiet definibbli. Fiha jistgħu jkunu jidhru ż-żrieragħ u/jew il-fjuri tal-bużbież. Ir-riħa hija tajba u kkaratterizzata minn aroma qawwija ta’ bużbież u aroma aktar ħafifa ta’ tewm; it-togħma hija friska u tajba, u mhux qarsa. Għandha l-karatteristiċi kimiċi li ġejjin: Proteini totali: mhux inqas minn 20 %; Xaħmijiet totali: mhux iżjed minn 35 %; pH: bejn 5 u 6; Attività tal-ilma: 0,945 jew inqas; Melħ: mhux iżjed minn 6 %.
Zalzett ta’ forma ċilindrika, minn barra jkun miksi bil-moffa li tiżviluppa waqt il-maturazzjoni. Il-qatgħat ivarjaw minn zgħar li jinbiegħu bil-piż ta’ 0,5 kg, għal kbar li jinbiegħu sa piż ta’ 25 kg u jitqiegħdu fis-suq sħaħ jew f’biċċiet, sfużi jew ippakkjati f’vakwu jew f’atmosfera protetta, jew bħala laħam kiesaħ magħmul f’vakwu jew f’atmosfera protetta.
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
Il-porzjon tal-għalf għal ħnieżer tqal huwa ddeterminat skont il-kompożizzjoni u l-użu, huwa maqsum f’żewġ fażijiet u bbażat prinċipalment fuq prodotti sekondarji tal-produzzjoni tal-ġobon u fuq il-produzzjoni taċ-ċereali. L-għalf awtorizzat fl-ewwel fażi (sa 80 kg piż ħaj), f’konċentrazzjoni xierqa, jinkludi dak kollu li jista’ jintuża fit-tieni fażi kif ukoll dawn li ġejjin, bil-kundizzjoni li l-materja niexfa taċ-ċereali ma tkunx inqas minn 45 % tat-total: dqiq minn estratt tas-sojja; qamħirrum ippriservat; smid tal-gluten tal-qamħirrum u/jew għalf tal-glutina tal-qamħirrun; ħarrub mingħajr żerriegħa, distillaturi; lipidi li l-punt tat-tidwib tagħhom ikun iktar minn 36 °C; ħut mitħun, liżati tal-proteina; xorrox tal-butir. L-għalf awtorizzat fit-tieni fażi tat-tismin, bil-kundizzjoni li l-materja niexfa taċ-ċereali ma tkunx inqas minn 55 % tat-total, jinkludi: ċereali u ċereali minuri; qxur u prodotti oħrajn li jirriżultaw mill-ipproċessar tal-qamħ; patata mnixxfa, polpa tal-pitravi issuppressata u maħżuna, dqiq minn estratt tas-sojja; dqiq tal-ġirasol; manjoka, għasel iswed, dqiq minn estratt tal-ġewż tal-Indi, dqiq minn estratt taż-żrieragħ tal-qamħirrum, piżelli u/jew żrieragħ oħra tal-legumi; polpa niexfa maħruġa mill-pitravi; dqiq tal-ġunġlien; estratt taż-żerriegħa tal-kittien, residwi mill-qxur tat-tuffieħ u tal-lanġas, qxur tal-għeneb jew tat-tadam fosthom aġenti li jaġixxu bħala integraturi, dqiq deidratat tal-alfalfa, ħmira tal-birra u/jew ħmira tal-ġenus torula, lipidi li l-punt tat-tidwib tagħhom ikun iktar minn 40 °C; xorrox tal-ħalib; xorrox tal-butir. Il-ħnieżer tar-razza Cinta Senese mrobbija fi stat selvaġġ jew semiselvaġġ jirgħu u jieklu f’boskijiet u/jew territorji mikxufa miżrugħa b’essenzi tal-għalf u taċ-ċereali. Huwa permess ukoll l-użu ta’ supplementi tal-ikel għal ħnieżer li għandhom iktar minn erba’ xhur bħala parti mill-porzjon tagħhom ta’ kuljum, li ma jkunux iktar minn 3 % tal-piż ħaj tal-annimal.
Fil-preparazzjoni tal-“Finocchiona” IĠP. tipikament jintużaw laħmijiet friski li ma għaddew minn ebda proċess ta’ ffriżar u li jkunu minn karkassi ta’:
|
— |
ħnieżer tqal imrobbija mill-inqas għal 9 xhur, sabiex jilħqu piż għoli u l-laħam tagħhom ikun tajjeb għall-produzzjoni tal-“Finocchiona” IĠP., li għandu jkollu proprjetajiet ġenetiċi speċifiċi (normalment jintużaw razez bħal Large White Italiana, Landrace Italiana u Duroc Italiana jew ċingjali tal-istess razez jew ta’ razez oħra ibridi selezzjonati bl-istess proprjetajiet ġenetiċi). B’hekk jiġu żgurati l-manutenzjoni, id-distribuzzjoni u l-kompożizzjoni kwalitattiva tax-xaħam fil-laħmijiet, il-produzzjoni ta’ karkassi klassifikati bħala tqal limitati biss għall-klassijiet ċentrali korrispondenti u piż għoli u età avvanzata tal-ħnieżer kif jaslu biex jittieħdu għall-qatla. Dawn kollha, flimkien ma’ teknika tal-għalf tal-annimali bbażata prevalentement fuq ċereali, huma rekwiżiti meħtieġa għall-maturazzjoni u għall-profil organolettiku tal-“Finocchiona”. |
|
— |
ħnieżer tar-razza Cinta Senese, mniżżla fir-Reġistru tat-tnissil, imrobbija u maqtula fit-territorju u mitmugħin skont it-tradizzjoni. |
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-passi tal-produzzjoni tal-“Finocchiona” IĠPIĠP li għandhom isiru fiż-żona ġeografika msemmija fil-punt 4 ta’ dan id-dokument uniku huma l-ħruġ mill-fosdqar u t-tiqrim tal-qatgħat tal-laħam awtorizzati; it-tidħin; it-tagħġin, l-ippakkjar, it-tnixxif; il-maturazzjoni.
Il-laħmijiet miċ-Cinta Senese jiġu minn annimali mrobbija fit-territorju taż-żona ġeografika msemmija fil-punt 4 ta’ dan id-dokument.
3.5. Regoli speċifiċi dwar it-tqattigħ, it-taħkik, l-ippakkjar, eċċ.
Għat-tqegħid fis-suq tal-“Finocchiona” imqattgħa u f’pakketti, it-tqattigħ u l-ippakkjar, anke f’vakwu jew f’atmosfera protetta, għandhom isiru biss fiż-żona ta’ produzzjoni msemmija fil-punt 4, taħt is-superviżjoni tal-istruttura ta’ kontroll awtorizzata sabiex tiġi żgurata l-kwalità tal-prodott u b’mod partikolari biex ma jiġux modifikati l-karatteristiċi msemmija fil-punt 3.2.
Fil-fatt, it-taħlita ta’ dgħif u xaħam imqattgħin b’mod fin tagħmel il-qatgħa partikolarment delikata għat-tqandil u t-tqattigħ. Fil-preparazzjoni tal-prodott għat-tqattigħ jitneħħew l-imsaren u l-parti li tittiekel tiġi esposta direttament għall-ambjent ta’ barra; l-espożizzjoni għal kundizzjonijiet ambjentali mhux ikkontrollati u għal żmien mhux magħruf, tibdel il-karatteristiċi tal-prodott u tagħti lok għal ossidazzjoni, tibdil fil-kulur, telf eċċessiv ta’ umdità u tiħżin tal-konsistenza partikolari tal-qatgħa u tal-aroma qawwija tagħha. Huwa meħtieġ li l-operaturi jkunu f’kuntatt mal-prodott taħt kundizzjonijiet speċifiċi u għal żmien limitat, sabiex jiġu żgurati l-manutenzjoni u l-preżervazzjoni tal-karatteristiċi oriġinali tal-prodott.
Jekk il-prodott għat-tqattigħ jinżamm għal perjodu mhux magħruf f’kundizzjonijiet differenti minn dawk indikati, jista’ jiżviluppa karatteristiċi kontrastanti u mhux meħtieġa, bħal snuħija, tnixxif, formazzjoni ta’ moffa anormali, nefħa jew tiswied li jistgħu jiġġeneraw togħma, riħa u konsistenza differenti minn dawk tipiċi tal-prodott.
3.6. Regoli speċifiċi dwar it-tikkettar
L-isem “Finocchiona” għandu jkun miktub b’ittri ċari, li ma jitħassrux u b’kulur li joħloq kuntrast kbir ma’ dak tat-tikketta, b’tipa ikbar minn kwalunkwe kliem ieħor li jidher fuq it-tikketta u mhux iżgħar minn 3 mm, u għandu jkollu miegħu l-kliem “Indikazzjoni Ġeografika Protetta” jew it-taqsira “IĠP.”. Fuq it-tikketta għandu dejjem ikun hemm il-logo Komunitarju tal-“IĠP.” flimkien ma’ kliem ieħor li jista’ jkun hemm skont ir-Regolament tal-Kummissjoni (KE) Nru 628/2008 (3). Fuq it-tikketta jistgħu jidru wkoll indikazzjonijiet oħra li jagħmlu riferiment għal kumpanji, ismijiet, ismijiet ta’ ditti, marki privati u konsorzji, sakemm dawn ma jkollhomx għan ta’ tifħir jew ikunu maħsuba biex iqarrqu bil-konsumatur. Riferiment għal ismijiet ta’ kumpanji tat-trobbija tal-ħnieżer li minnhom jiġi l-prodott huwa awtorizzat biss fil-każ li l-materja prima tkun ġejja għal kollox mill-irziezet tagħhom.
4. Definizzjoni fil-qosor taż-żona ġeografika
Iż-żona tal-produzzjoni tal-“Finocchiona” I.Ġ.P. tinkludi it-territorju kollu tat-Toskana minbarra l-gżejjer, li hija ż-żona fejn matul iż-żmien ġiet stabbilita l-produzzjoni ta’ dan iz-zalzett tipiku.
5. Rabta maż-żona ġeografika
It-territorju ta’ produzzjoni tal-“Finocchiona” IĠP. huwa karatterizzat minn katina ta’ muntanji li jimmarkaw l-konfini tiegħu fit-Tramuntana u fil-Lvant u minn żona wiesgħa ta’ għoljiet li fiha jinsabu vinji, boskijiet u artijiet għal mergħa ta’ bhejjem fil-miftuħ, li jispiċċaw f’pjanuri kostali fil-Punent.
Il-“mezzadria”, organizzazzjoni tal-intrapriżi agrikoli sas-snin ‘70 li ġiet sostitwita fil-parti kbira mill-propjetà tal-intrapriżi, ippreżervat it-trobbija tal-ħnieżer fit-territorju, tar-razza storika Cinta Senese (li sadanittant iffaċċat u għelbet il-perikolu ta’ estinzjoni wkoll) u ta’ ħnieżer ta’ razzez bojod li minnhom tiġi l-materja prima pproċessata għal-laħmijiet kesħin tat-Toskana u għaddiet il-ħiliet speċjalizzati u t-teknika tal-ipproċessar artiġjanali tal-“Finocchiona”. Il-laħmijiet, l-inbid u l-preżenza wiesgħa ta’ bużbież selvaġġ kienu fatturi ewlenin għal formazzjoni tal-gosti tal-operaturi tal-kumpanji tal-laħam, li għandhom għarfien tal-metodi ta’ produzzjoni artiġjanali u wirt ta’ tekniki u tradizzjonijiet antiki li għadhom jintużaw sal-lum fl-istabbilmenti tal-ipproċessar preżenti fit-territorju kollu.
Il-karatteristika prinċipali li tagħmel il-“Finocchiona” unika u differenti minn laħmijiet oħra hija l-aroma qawwija u ċara tal-bużbież miż-żrieragħ u/jew il-fjuri li jinsabu fit-taħlita tiegħu, u minn qatgħa ratba li għandha tendenza li titfarrak. It-togħma hija friska u tajba, u mhux qarsa.
Il-qatgħa hija taħlita b’kontenut ta’ xaħam imqassam b’mod li jinkorpora l-biċċiet tal-laħam biex b’hekk tinżamm l-irtubija tal-prodott anke wara żmien twil ta’ maturità. Ix-xaħam u d-dgħif, f’biċċiet bejn medji u ħoxnin, ma fihomx trufijiet definibbli Il-qatgħa għandha kuluri li jvarjaw minn aħmar lewn il-laħam fil-biċċiet tad-dgħif għal abjad/abjad fir-roża fil-biċċiet tax-xaħam bil-possibbiltà li jidhru ż-żrieragħ u/jew il-fjuri tal-bużbież.
Il-“Finocchiona” għandha reputazzjoni storika li tidher f’bosta dokumenti, fosthom il-“Vocabolario della lingua parlata” ta’ Rigutini u Fanfani tal-1875; l-edizzjoni tal- 1889 tal-“Vocabolario degli Accademici della Crusca” turi r-rabta bejn il-“Finocchiona” u t-territorju tat-Toskana; l-oriġini Toskana tagħha ġiet ikkonfermata minn Prof. Italo Ghinelli fl-1977. Il-“Finocchiona” huwa wieħed mil-laħmijiet kesħin l-iktar popolari fit-Toskana u tissemma regolarment fil-bulletini ta’ kull ġimgħa ta’ prodotti tal-laħam kiesaħ ippubblikati minn rivisti awtorevoli speċjalizzati u mifruxa fuq livell nazzjonali.
Il-“Finocchiona” ħadet il-karatteristiċi tagħha mir-rabtiet mal-ambjent tat-Toskana minn fejn oriġinat u mill-fattur uman li matul is-sekli stabbilixxa l-metodu ta’ preparazzjoni. L-għażla oriġinali tal-ingredjenti, prinċipalment il-bużbież, li jinsab f’ħafna riċetti tat-tisjir reġjonali u li huwa parti mill-flora endemika tat-territorju ta’ produzzjoni; il-vokazzjoni evidenti għal laħmijiet; il-personal speċjalizzat u kwalifikat b’ħiliet manwali u artiġjanali u li jaf jagħżel u jaqtal-aħjar qatgħat, jivverifika li jintlaħaq il-livell ideali ta’ omoġenizzazzjoni bejn ix-xaħam u d-dgħif u jagħraf meta l-“Finocchiona” ikollha l-konsistenza u l-irtubija ideali; dawn huma kollha fatturi li jikkontribwixxu għall-ħolqien ta’ prodott uniku li m’hawnx oħrajn bħalu u li għandu reputazzjoni qawwija. L-użu tal-inbid fit-taħlita tal-“Finocchiona”, skont il-metodu storiku ta’ produzzjoni, jenfasizza r-rabta qawwija mat-territorju, fejn l-inbejjed lokali huma magħrufa madwar id-dinja kollha. Il-produzzjoni ta’ laħmijiet ta’ kwalità mir-razza Cinta Senese tat lok għal diffużjoni ta’ intrapriżi ta’ pproċessar fir-reġjun kollu u kkaratterizzat iktar il-prodott, b’hekk ir-reputazzjoni tal-“Finocchiona” u r-rabta tagħha mat-Toskana ġiet ikkonsolidata fost il-konsumaturi.
Il-“Finocchiona” ma tistax tonqos fil-platt tipiku tal-“affettati toscani” u qasmet ukoll l-fruntieri nazzjonali billi tinsab f’ħafna pajjiżi tal-Ewropa Ċentrali u anke f’pajjiżi barra mill-Komunità Ewropea.
Referenza għall-pubblikazzjoni tal-ispeċifikazzjoni tal-prodott
(it-tieni subparagrafu tal-Artikolu 6(1) ta’ dan ir-Regolament)
http://www.politicheagricole.it/flex/cm/pages/ServeBLOB.php/L/IT/IDPagina/3335
(1) ĠU L 179, 19.6.2014, p. 17.
(2) ĠU L 343, 14.12.2012, p. 1.