30.6.2017   

MT

Il-Ġurnal Uffiċjali tal-Unjoni Ewropea

C 207/1

—

wara li kkunsidra l-Komunikazzjoni tal-Kummissjoni Ewropea dwar l-Istħarriġ Annwali dwar it-Tkabbir tal-2017 (1) u l-bidu tas-Semestru Ewropew tal-2017;

—

wara li kkunsidra r-riżoluzzjoni tal-Parlament Ewropew tas-26 ta’ Ottubru 2016 dwar is-Semestru Ewropew għall-koordinazzjoni tal-politika ekonomika: implimentazzjoni tal-prijoritajiet għall-2016 (2);

1.

jilqa’ l-fatt li l-Istħarriġ Annwali dwar it-Tkabbir (SAT) jiffoka fuq l-investiment, ir-riforma strutturali u finanzi pubbliċi responsabbli iżda kien jistenna li jkun hemm fokus aktar qawwi fuq l-implimentazzjoni tal-Għanijiet ta’ Żvilupp Sostenibbli bħala wieħed mill-pilastri ta’ strateġija ekonomika, soċjali u ambjentali Ewropea għal wara l-2020;

2.

jinnota li diversi indikaturi – il-PDG, l-investiment, il-ħolqien tal-impjiegi u r-rati tal-attività – jindikaw li l-irkupru tal-ekonomija tal-UE huwa kontinwu minkejja ż-żieda fl-inċertezza madwar id-dinja; jikkondividi, madankollu, l-fehma tal-Kummissjoni li ma hemm l-ebda lok għal kompjaċenza, minħabba l-fatt li r-rati tal-qgħad għadhom għoljin wisq f’ħafna reġjuni tal-Ewropa u diversi snin kumulattivi ta’ sottoinvestiment (id-“diskrepanza fl-investiment”) huma ta’ piż kbir fuq il-kompetittività u l-koeżjoni tal-Ewropa;

3.

jinsab imħasseb li l-iżbilanċi eżistenti fi ħdan l-UE u ż-żona tal-euro joħolqu sfida kbira għat-tkabbir u l-koeżjoni u li l-konverġenza fost u fi ħdan l-Istati Membri waqfet f’ħafna każijiet; jenfasizza li diskrepanzi fi ħdan l-Istati Membri huma sors ewlieni ta’ diskrepanzi ekonomiċi u soċjali, li qed ikomplu jiżdiedu fl-UE, u jiddispjaċih li mhumiex indirizzati b’mod strutturat fl-SAT;

4.

jenfasizza li Pilastru Ewropew tad-Drittijiet Soċjali, li għandu jirrispetta l-prinċipji tas-sussidjarjetà u tal-proporzjonalità, jista’ jagħti kontribut kbir għall-koordinazzjoni u l-konverġenza ‘l fuq tal-istandards soċjali u t-tisħiħ tal-leġittimità demokratika tal-UE;

5.

jistieden lill-Kummissjoni biex tressaq proposta għal kapaċità fiskali għaż-żona tal-euro miftuħa għall-Istati Membri kollha flimkien ma’ analiżi tal-impatt baġitarju (3);

6.

jilqa’ r-riżultat tal-ewwel sena tal-FEIS mil-lat tal-ammont ta’ investiment li rnexxielu jattiva; jinsab imħasseb, madankollu, dwar ir-riżultati inċerti tal-FEIS fir-rigward tal-addizzjonalità, id-distribuzzjoni ġeografika żbilanċjata tal-proġetti li ffinanzja u n-nuqqas ta’ informazzjoni dettaljata u trasparenti dwaru; jinnota li dan it-tħassib huwa kondiviż mill-Qorti Ewropea tal-Awdituri (4) u l-evalwazzjoni indipendenti ppubblikata mill-Kummissjoni Ewropea (5); jenfasizza li l-proġetti għandhom ikunu eliġibbli għal appoġġ tal-FEIS ġaladarba l-valur tal-proġett ikun ta’ EUR 10 miljun jew iżjed, u għaldaqstant l-awtoritajiet lokali u reġjonali għandhom jagħmlu aktar użu mill-FEIS, inkluż permezz tal-pjattaformi ta’ investiment, u jiddispjaċih li ħafna minnhom għad m’għandhomx informazzjoni dwaru; jinsab konvint li l-indirizzar tal-problemi ta’ kapaċità amministrattiva li ħafna drabi jiimpedixxu lill-awtoritajiet lokali u reġjonali milli jagħmlu użu mill-FEIS għandu jitqies bħala prijorità fil-kuntest tas-Semestru Ewropew;

7.

jilqa’ r-referenza tal-SAT għall-eżistenza ta’ ostakli għall-investiment fil-livell lokali u reġjonali; jiddispjaċih madankollu li l-analiżi tal-ostakli għall-investiment li ġiet imnedija fis-Semestru Ewropew tal-2016, u li għaliha l-KtR kkontribwixxa permezz ta’ analiżi ta’ dawn l-ostakli fil-livell territorjali (6), ma kienx hemm segwitu dwarha fl-SAT għall-2017; jikkunsidra li huwa importanti li jiġi rikonoxxut li l-miżuri sabiex jiġi approfondit is-suq uniku għandhom rwol importanti fit-titjib tal-ambjent globali tal-investiment fil-livell tal-UE u fit-tneħħija tal-ostakoli għall-investiment fil-livell nazzjonali, reġjonali u lokali;

8.

jenfasizza l-kontribut tal-Fondi SIE għall-investiment, filwaqt li jenfasizza li 61 mir-Rakkomandazzjonijiet Speċifiċi għall-Pajjiż għall-2016 ġew adottati minn programmi tal-politika ta’ koeżjoni fil-livell tal-pajjiż; jikkondividi l-fehma li l-Fondi SIE jistgħu jintużaw flimkien mal-FEIS, filwaqt li jenfasizza li l-Fondi SIE huma l-għodda ta’ investiment ewlenija tal-UE, u l-għan tagħhom hija li tiżdied il-koeżjoni, kif iddikjarat fit-Trattati;

9.

jilqa’ r-referenza tal-SAT għall-ħtieġa li l-benefiċċji tal-globalizzazzjoni jiġu distribwiti b’mod ġust u li tiżdied il-leġittimità tal-politika kummerċjali; jenfasizza wkoll il-piż tat-tħassib taċ-ċittadini u l-ħtieġa li l-Unjoni Ewropea, il-parlamenti u l-gvernijiet tal-Istati Membri tagħha u r-reġjuni jżommu l-marġni ta’ flessibbiltà u d-disrkezzjoni demokratika tagħhom, u b’dan il-mod tiġi salvagwardjata wkoll il-kapaċità demokratika taċ-ċittadini li jkollhom influwenza; huwa tal-fehma li l-Kummissjoni għandha tieħu pożizzjoni aktar b’saħħitha hi u tinnegozja u tikkonkludi ftehimiet kummerċjali biex iżżomm l-istandards ta’ kwalità Ewropej u l-istandards u r-regolamenti nazzjonali f’oqsma bħall-protezzjoni ambjentali, tal-annimali, tal-klima, tad-data, tas-saħħa u tal-konsumatur bil-għan li jiġi żgurat li l-ftehimiet kummerċjali jkunu jistgħu jagħtu riżultati ġusti u trasparenti;

10.

jilqa’ r-rikonoxximent tal-SAT tar-rwol li taqdi l-gwida ċara fir-rigward tal-applikazzjoni tar-regoli dwar l-għajnuna mill-Istat dwar il-finanzjament pubbliku biex tiffaċilita l-finanzjament tal-ekonomija reali; jenfasizza li parti ewlenija minn din il-finanzjament jikkonċerna servizzi ta’ interess ekonomiku ġenerali (SIEĠ) u jistieden lill-Kummissjoni twessa’ l-kamp ta’ applikazzjoni tas-SIEĠ sabiex jiġu indirizzati sfidi ġodda;

11.

jinnota li r-riformi strutturali huma fatturi ewlenin għal kompetittività mtejba, li hija meħtieġa dejjem aktar biex jiġu promossi t-tkabbir u l-impjiegi sostenibbli u inklużivi f’kuntest ta’ kummerċ u kompetizzjoni globali;

12.

jilqa’ r-rikonoxximent tar-rwol importanti tal-akkwist pubbliku fit-titjib tal-kompetittività u l-innovazzjoni u jenfasizza li sehem kbir tal-akkwist pubbliku qed jitwettaq mill-awtoritajiet lokali u reġjonali; jenfasizza li l-isforzi mmirati lejn it-titjib tal-kapaċità amministrattiva biex jiġi indirizzat l-akkwist pubbliku għandhom jiġu diretti b’mod speċifiku lejn l-awtoritajiet lokali u reġjonali;

13.

jenfasizza li l-SMEs, in-negozji ġodda u l-intraprenditorija għandhom jiġu appoġġjati billi jiġi ffaċilitat l-aċċess għall-finanzi, billi jingħataw inċentivi għall-investimenti f’attivitajiet ta’ riċerka u żvilupp, billi jitnaqqsu l-piżijiet amministrattivi u billi r-regolamentazzjoni aħjar tkun minn ta’ quddiem fuq l-aġenda; jenfasizza l-ħtieġa li jiġi żgurat li l-SMEs fis-setturi kollha, inklużi l-fornituri tas-servizzi, jistgħu jieħdu sehem f’katini ta’ valur mondjali, fost affarijiet oħra permezz ta’ politika industrijali u regolatorja ta’ appoġġ;

14.

jenfasizza li n-nuqqas ta’ kapaċità amministrattiva tal-amministrazzjoni pubblika fil-livelli kollha, u b’mod partikolari fil-livell lokali u reġjonali, huwa ostaklu għall-implimentazzjoni tar-riformi strutturali u li l-Kummissjoni għandha toħroġ dokument strateġiku uniku li jikkoordina l-flussi kollha tal-assistenza teknika ffinanzjata mill-UE għat-titjib tal-effiċjenza amministrattiva, inkluż il-Programm ta’ Appoġġ għar-Riforma Strutturali;

15.

jinnota bi pjaċir li l-Istħarriġ Annwali dwar it-Tkabbir jirreferi għall-prijoritizzazzjoni għal investiment fil-kapital uman. B’mod partikolari, jenfasizza l-importanza li tingħata spinta għall-implimentazzjoni tal-Garanzija għaż-Żgħażagħ u sabiex jiġi indirizzat il-qgħad fost iż-żgħażagħ, peress li dan għadu f’livell għoli f’diversi reġjuni u komunitajiet lokali.

16.

jilqa’ b’mod pożittiv id-dibattitu dwar il-qagħda fiskali pożittiva għaż-żona tal-euro inġenerali, li neċessarjament jeħtieġ li jimxi id f’id mal-implimentazzjoni tar-riformi strutturali;

17.

jenfasizza li l-awtoritajiet lokali u reġjonali huma interessati fl-użu sħiħ tal-flessibilità permessa mill-Patt ta’ Stabbiltà u Tkabbir; itenni t-talba tiegħu li l-investiment li jsir mill-awtoritajiet lokali u reġjonali taħt il-Fondi SIE jiġi eskluż mill-kalkoli tad-defiċit u l-limiti massimi tad-dejn fil-pajjiżi kollha tal-UE;

18.

jenfasizza l-ħtieġa li jiġu żgurati finanzi pubbliċi sodi u l-limitazzjoni tad-dejn pubbliku fil-livelli kollha tal-gvern, bħala parti minn dan l-isforz globali; jenfasizza li l-kompożizzjoni tan-nefqa pubblika għandha tittejjeb fid-dawl tal-prinċipji tal-OECD (Organizzazzjoni għall-Kooperazzjoni u l-Iżvilupp Ekonomiċi) għal investiment pubbliku effettiv fil-livelli kollha tal-gvern; huwa involut fit-tnedija ta’ eżerċizzju ta’ monitoraġġ dwar l-implimentazzjoni ta’ dawn ir-regoli; jistieden lill-Kummissjoni tieħu azzjoni biex tippromovi d-deċentralizzazzjoni fiskali fl-UE kollha, li, skont l-evidenza disponibbli, tgħin biex ittejjeb l-effettività tan-nefqa pubblika;

19.

jinnota li aktar minn nofs ir-rakkomandazzjonijiet speċifiċi għall-pajjiż jikkonċernaw riformi strutturali li jistgħu jiġu indirizzati biss fi sħubija mal-awtoritajiet lokali u reġjonali; jenfasizza għalhekk li l-involviment limitat tal-awtoritajiet lokali u reġjonali huwa wieħed mir-raġunijiet għan-nuqqas ta’ effettività u sjieda ta’ koordinazzjoni tal-politika ekonomika skont is-Semestru Ewropew, kif muri mil-livelli modesti ta’ twassil ta’ riformi strutturali deskritti fir-rakkomandazzjonijiet speċifiċi għall-pajjiż;

20.

jilqa’ b’sodisfazzjon il-fatt li l-Uffiċjali tas-Semestru Ewropew issekondati mill-Kummissjoni lill-Istati Membri diġà qed jikkooperaw mal-awtoritajiet lokali u reġjonali f’ċerti Stati Membri. Dan għandu jkun l-approċċ standard fl-Istati Membri kollha;

21.

jiddispjaċih li r-rwol tal-awtoritajiet lokali u reġjonali mhuwiex rikonoxxut fl-SAT u li r-rakkomandazzjonijiet speċifiċi għall-pajjiż ma jqisux il-fatt li ħafna kompetenzi huma esklużivi għal-livell reġjonali; jenfasizza li qed iħejji Opinjoni li tipproponi Kodiċi ta’ Kondotta dwar l-involviment tal-awtoritajiet lokali u reġjonali fis-Semestru Ewropew; jilqa’ l-appoġġ għal din il-proposta espress mill-Parlament Ewropew; jitlob li l-istituzzjonijiet tal-UE jiddiskutu l-proposta malli tiġi ppubblikata;

22.

jinnota li diversi rakkomandazzjonijiet speċifiċi għall-pajjiż jitolbu riformi strutturali li l-implimentazzjoni tagħhom tista’ tieħu ħafna aktar minn sena, biex b’hekk il-kejl tal-implimentazzjoni wara sena jista’ jissottovaluta l-progress li nkiseb, li jista’ jkun kemm qarrieqi kif ukoll skoraġġanti għal-livelli nazzjonali u sottonazzjonali tal-gvern involut; jistieden għalhekk lill-Kummissjoni u lill-Kunsill biex jabbozzaw ir-rakkomandazzjonijiet speċifiċi għall-pajjiż b’mod li jippermetti kejl ġust u trasparenti tal-progress fl-implimentazzjoni tagħhom;

23.

jagħti struzzjonijiet lill-President sabiex iressaq din ir-riżoluzzjoni quddiem il-Kummissjoni, il-Parlament Ewropew, il-Presidenza Maltija, il-Kunsill u l-President tal-Kunsill Ewropew.

30.6.2017   

MT

Il-Ġurnal Uffiċjali tal-Unjoni Ewropea

C 207/5

1.

ningħaqdu fiċ-ċelebrazzjoni tal-iffirmar tat-Trattat ta’ Ruma bħala mument kruċjali għal riflessjoni wiesgħa tal-futur tal-Unjoni Ewropea (UE), u ntennu li r-raġuni fundamentali tal-Unjoni hija li tiżgura r-rispett għad-drittijiet fundamentali, il-paċi, il-prosperità, l-istabbiltà u opportunitajiet ġodda madwar l-UE għaċ-ċittadini kollha tagħha;

2.

nappellaw għal Ewropa kapaċi ssaħħaħ il-fiduċja taċ-ċittadini tagħha u li tkun kapaċi tindirizza aħjar l-isfidi li għandna quddiemna kemm fl-UE kif ukoll fuq livell globali, u li tieħu deċiżjonijiet għal azzjoni konġunta fi spirtu ta’ solidarjetà filwaqt li jiġi rispettat il-prinċipju tas-sussidjarjetà

3.

infakkru li l-identità tal-Ewropa għandha l-għeruq tagħha storikament fir-reġjuni, il-bliet u l-irħula tagħha; u li l-kontribut tal-awtoritajiet lokali u reġjonali għall-proċess ta’ integrazzjoni Ewropea qed jiżdied dejjem iżjed f’termini ekonomiċi, kulturali u politiċi;

4.

ifakkar li d-distakk bejn iċ-ċittadini u l-UE kien indirizzat 25 sena ilu fit-Trattat ta’ Maastricht li, fost l-oħrajn ħoloq iċ-ċittadinanza tal-Unjoni Ewropea u l-Kumitat Ewropew tar-Reġjuni. Madankollu, ir-rwol ewlieni tal-awtoritajiet lokali deċentralizzati previst mit-Trattat ta’ Lisbona għad hemm bżonn li jissalvagwardja s-sussidjarjetà u l-parteċipazzjoni fil-proċess leġislattiv Ewropew. Għalhekk huwa importanti ħafna li s-sitwazzjoni attwali tittejjeb fejn spiss l-awtoritajiet lokali għadhom biss f’tarf il-proċess tal-politiki Komunitarji u mhux atturi veri fit-tfassil tagħhom, u speċjalment fl-abbozzar leġislattiv, minkejja l-isforz u l-impenn politiku u istituzzjonali tal-Kumitat tar-Reġjuni fir-relazzjonijiet tiegħu mal-istituzzjonijiet Komunitarji l-oħrajn;

5.

nemmnu li, bħala l-assemblea tal-UE għar-rappreżentanti reġjonali u lokali, il-KtR jirrappreżenta l-ideal ta’ Unjoni magħquda fid-diversità kulturali u lingwistika tagħha f’dinja globalizzata; aħna totalment impenjati li nippromovu d-demokrazija Ewropea u ċ-ċittadinanza attiva, li nikkontribwixxu lejn it-tisħiħ tad-drittijiet fundamentali u l-ħarsien tal-minoritajiet, li nsaħħu s-sigurtà u nippromovu l-ugwaljanza u li jiġi żgurat żvilupp armonjuż u sostenibbli f’konformità mal-objettivi tagħha ta’ koeżjoni ekonomika, soċjali u territorjali;

6.

nenfasizzaw il-ħtieġa urġenti li tissaħħaħ ir-rabta demokratika bejn l-Unjoni Ewropea u ċ-ċittadini tagħha, billi jiġi żgurat li l-Unjoni tipprovdi soluzzjonijiet effettivi u f’waqthom għall-isfidi komuni ewlenin li l-bliet, ir-reġjuni u l-Istati Membri ma jistgħux jindirizzaw waħedhom, jiġifieri t-tisħiħ tal-kompetittività tal-UE; it-tisħiħ tal-koeżjoni; li l-UE tkun spazju sikur fejn il-libertà, is-sigurtà u l-ġustizzja huma garantiti għal kulħadd; li ż-żgħażagħ jingħataw prospettivi ġenwini biex jibnu l-futur tagħhom, kemm fl-istudju kif ukoll fix-xogħol; l-indirizzar tal-kriżi tal-migranti u tar-refuġjati; is-salvagwardja taż-Żona ta’ Schengen; l-indirizzar tat-tibdil fil-klima u r-reżiljenza għad-diżastri; il-promozzjoni ta’ ekonomija b’livell baxx ta’ emissjonijiet ta’ karbonju u l-appoġġ għall-Unjoni tal-Enerġija; it-tisħiħ tar-rwol tal-Unjoni bħala attur globali ewlieni, u b’mod partikolari fil-kisba tal-Għanijiet ta’ Żvilupp Sostenibbli tal-Aġenda 2030; il-ġlieda kontra l-qgħad; il-ġlieda kontra t-terroriżmu;

7.

nenfasizzaw li l-erba’ libertajiet tas-Suq Uniku tal-UE, jiġifieri l-moviment liberu ta’ persuni, ta’ servizzi, ta’ merkanzija u ta’ kapital, jirrappreżentaw kisbiet konkreti għaċ-ċittadini tal-UE u element indispensabbli tal-proġett politiku Ewropew; dawn jikkostitwixxu sett indiviżibbli ta’ drittijiet li ma jistax jiġi kkunsidrat biċċa biċċa, inkella aħna nkunu qegħdin nagħtu inqas importanza lill-valuri li jsejsu l-eżistenza nnifisha tal-UE; għaldaqstant nuru tħassib dwar it-tentattivi ta’ ċerti Stati Membri biex jillimitaw l-applikazzjoni tagħhom, speċjalment rigward il-libertà ta’ moviment tal-persuni;

8.

intennu, madankollu, li “s-suq uniku” għandu jiżgura wkoll il-progress soċjali u li r-regoli tal-libertajiet prinċipali tal-ekonomija u tal-kompetizzjoni ma jieħdux preċedenza fuq id-drittijiet fundamentali, l-ewwel bil-ġlieda kontra d-diskriminazzjoni, il-faqar u l-qgħad;

9.

nikkunsidraw li ċ-ċelebrazzjoni tat-Trattat ta’ Ruma għandha tkun opportunità biex jinkisbu l-parteċipazzjoni diretta, il-ħsieb kritiku u l-interess attiv taċ-ċittadini tal-Unjoni fit-tiswir tal-futur tal-Unjoni, b’deċiżjonijiet meħuda fil-livell l-iżjed qrib possibbli tagħhom; nemmnu li proċess bħal dan għandu jkun parteċipattiv u rappreżentattiv, fejn iċ-ċittadini kollha jgawdu minn opportunitajiet ugwali biex jipparteċipaw, jikkontribwixxu u jikkommettu għall-Unjoni. L-awtoritajiet lokali u reġjonali, min-natura tagħhom, huma fis-sitwazzjoni ideali biex imexxu l-proċess ‘il quddiem u jgħinu biex Ewropa taċ-Ċittadini ssir realtà;

10.

nemmnu b’mod partikolari li huwa importanti li niksbu stampa ċara tal-aspirazzjonijiet u t-tamiet taċ-ċittadini fir-rigward tal-UE fuq naħa, u t-tħassib u l-frustrazzjonijiet tagħhom min-naħa l-oħra; nilqgħu għalhekk it-tielet Rapport dwar iċ-Ċittadinanza tal-UE 2017 ibbażat fuq l-informazzjoni pprovduta miċ-ċittadini permezz ta’ stħarriġiet u konsultazzjoni pubblika;

11.

għaldaqstant, nenfasizzaw li l-UE:

12.

fid-dawl tat-tlestija tal-kontribut tagħna għad-diskussjonijiet politiċi li ġejjin dwar il-futur tal-Unjoni, nimpenjaw ruħna li:

13.

nenfasizzaw l-importanza li jiġu żgurati d-drittijiet taż-żgħażagħ madwar l-Ewropa. UE aktar aċċessibbli se trawwem djalogu miftuħ bejn il-popli tal-ġenerazzjonijiet kollha. Fir-rigward tal-prinċipji fundamentali tal-paċi u l-prosperità, UE li tkun risponsiva għandha tindirizza l-aspirazzjonijiet taż-żgħażagħ;

14.

nagħtu struzzjonijiet lill-President tagħna biex iressaq din ir-riżoluzzjoni lill-Parlament Ewropew, lill-Kunsill Ewropew, lill-Kunsill, lill-Kummissjoni, lill-Kumitat Ekonomiku u Soċjali Ewropew, lill-parlamenti u lill-gvernijiet nazzjonali u reġjonali, kif ukoll lill-gvernijiet lokali.

30.6.2017   

MT

Il-Ġurnal Uffiċjali tal-Unjoni Ewropea

C 207/7

1.

jinnota li l-investiment fl-Ewropa naqas bi 15 % kumplessivament bħala riżultat dirett tal-kriżi finanzjarja u ekonomika iżda wkoll fil-każ tal-investimenti pubbliċi minħabba r-restrizzjonijiet mill-mekkaniżmi ta’ kontroll baġitarju fil-livell Ewropew u nazzjonali, u li l-livell tal-investiment totali fl-UE fl-intier tagħha jibqa’ taħt il-livelli ta’ qabel il-kriżi f’termini nominali, fl-2015 kważi EUR 60 biljun anqas milli fl-2008 (1); iqis li, minbarra t-tnaqqis fl-investiment f’termini assoluti, l-Unjoni Ewropea qed tbati wkoll minn defiċit kompetittiv minħabba l-infrastruttura qadima u n-nuqqas ta’ investiment fit-tranżizzjoni u l-innovazzjoni diġitali u ekoloġika;

2.

jenfasizza li l-awtoritajiet lokali u reġjonali (LRAs) huma responsabbli għal aktar minn nofs l-investiment pubbliku fl-UE, u li l-investimenti tagħhom f’oqsma bħall-infrastruttura, l-enerġija, it-trasport pubbliku, l-edukazzjoni, il-kura tas-saħħa, u ħafna aktar, għandhom impatt dirett fuq l-ekonomiji lokali, id-dinamiżmu tan-negozji, u l-ħajja u l-benesseri taċ-ċittadini Ewropej;

3.

jilqa’ s-sejħa tal-Parlament Ewropew għal sjieda akbar fil-livell nazzjonali, reġjonali u lokali tal-formulazzjoni u l-implimentazzjoni tal-istrateġiji tat-tkabbir u l-impjiegi u jilqa’ l-appoġġ għat-talba tal-KtR għal kodiċi ta’ kondotta għall-involviment tal-awtoritajiet lokali u reġjonali fis-Semestru Ewropew (2);

4.

f’dan il-kuntest, jenfasizza li n-nefqa pubblika attwali marbuta mal-investiment tibqa’ nofs dak li kienet qabel il-kriżi, li jimplika li kull sena mhumiex iseħħu investimenti ta’ mijiet ta’ miljuni ta’ euro fir-reġjuni u l-bliet tal-Ewropa;

5.

ifakkar fi stħarriġ konġunt mill-Kumitat Ewropew tar-Reġjuni (KtR) u l-OECD fl-2015, fejn 96 % tal-persuni li wieġbu li jirrappreżentaw bliet u reġjuni rrapportaw li kellhom distakki fl-infiq tal-investiment pubbliku (3). Dan ġie kkonfermat mill-ġdid minn stħarriġ reċenti tal-KtR (4) fejn 75 % tal-persuni li wieġbu fil-livell lokali u reġjonali qalu li raw tnaqqis sinifikanti fl-investimenti totali fil-belt jew ir-reġjun tagħhom bejn l-2008 u l-2014 u terz biss iqisu li s-sitwazzjoni issa sejra għall-aħjar;

6.

itenni l-appell tal-OECD (5) u tal-FMI għar-rilanċ baġitarju dinji koordinat fid-dawl tal-marġni ta’ manuvra kif attwalment limitata mill-politika monetarja, ir-rati ta’ interess estremament baxxi u mill-fatt li l-isforzi ta’ konsolidazzjoni baġitarja ta’ dawn l-aħħar snin ippermettew tnaqqis tal-proporzjon ta’ dejn mill-PDG f’diversi pajjiżi u joffru marġni ta’ manuvra akbar. Biex tkun tista’ tingħata spinta għall-attività, l-eċċess ta’ infiq pubbliku għandu jkun meqjus b’mod preċiż u, fuq kollox, immirat tajjeb fuq prijoritajiet għal investimenti li jiffavorixxu t-tkabbir bħar-riċerka u l-iżvilupp, it-taħriġ tal-impjegati jew l-infrastrutturi ekoloġiċi;

7.

jisħaq li l-potenzjal tal-investimenti strateġiċi fil-bliet u r-reġjuni huwa ferm ogħla milli juru t-tendenzi ġenerali ta’ qabel il-kriżi, b’mod partikolari minħabba l-iżvilupp estensiv tal-għarfien u l-kompetenzi, it-tnaqqis fir-rati ta’ interess u l-opportunitajiet li tipprovdi d-diġitalizzazzjoni, l-ekonomiji kollaborattivi u ċirkolari u l-possibbiltajiet li hemm biex l-SMEs ikunu jistgħu jiġu involuti iżjed fl-ambjent l-ambjent tan-negozju globali;

8.

itenni li dan it-tnaqqis sostnut fl-investiment kumplessiv huwa insostenibbli u li investiment baxx mhux talli jnaqqas ir-ritmu tal-irkupru, iżda anke jhedded il-potenzjal futur tal-UE għat-tkabbir u l-innovazzjoni billi jxekkel il-prestazzjoni ekonomika u l-ħolqien tal-impjiegi fuq terminu twil;

9.

jisħaq li l-investiment fil-bliet u r-reġjuni tal-Ewropa huwa kruċjali – biex jitmexxew it-tkabbir sostenibbli u l-ħolqien tal-impjiegi madwar l-Ewropa, kif ukoll jiġu sostnuti l-impjiegi eżistenti li qegħdin f’diffikultà minħabba n-nuqqas ta’ investiment attwali; b’hekk iħeġġeġ il-ħtieġa biex issir ħidma għat-tneħħija tal-ostakli għall-ilħuq tal-livell ta’ investiment ta’ qabel il-kriżi fl-Ewropa, u biex isir investiment fil-potenzjal reali li għandhom ir-reġjuni u l-bliet bħala l-muturi tal-Ewropa;

10.

jappoġġja l-iżvilupp, fil-livell globali, Ewropew u nazzjonali, ta’ “kapital paċenzjuż” bħala parti minn approċċ fit-tul għall-iffinanzjar tar-rekwiżiti bażiċi li ma jikkorrispondux għal-loġika tal-annwalizzazzjoni tan-nefqa pubblika jew għall-approċċ abitwali ta’ tliet xhur tal-iffinanzjar privat. Dan għandu jiffoka fuq investiment f’miżuri għall-indirizzar tat-tibdil fil-klima, l-investimenti, fuq l-infrastruttura strateġika, u fuq l-innovazzjoni u l-aċċess għal riżorsi skarsi;

11.

jenfasizza l-importanza li jkun hemm viżjoni kumplessiva dwar is-sostenibbiltà u l-investiment intelliġenti bħala l-prijorità politika ewlenija għall-mandat 2015-2020 (6). Din l-Opinjoni – fost oħrajn u flimkien mad-dikjarazzjoni ta’ Bratislava (7) u l-pjan ta’ azzjoni tal-KtR dwar l-investiment – hija pass strumentali ‘l quddiem f’dan il-proċess;

12.

jilqa’ l-inizjattivi tal-Kummissjoni Ewropea u l-Bank Ewropew tal-Investiment (BEI) u l-fokus kruċjali tagħhom fuq l-ispinta lill-investiment, u jfakkar fil-kooperazzjoni produttiva bejn il-BEI u l-KtR permezz tal-Pjan ta’ Azzjoni konġunt tagħhom (8);

13.

jenfasizza l-azzjonijiet promossi mill-Kummissjoni Ewropea u l-Bank Ewropew tal-Investiment (BEI) dwar l-implimentazzjoni tal-istrumenti finanzjarji bl-involviment tar-reġjuni, peress li dawn jikkontribwixxu b’mod sinifikanti biex tiżdied il-likwidità fis-swieq u biex jiġġeneraw l-investiment;

14.

jenfasizza li l-għodod Ewropej ta’ investiment jista’ jkollhom impatt pożittiv fuq il-fondi pubbliċi, speċjalment mil-lat tal-kapaċità amministrattiva minn qabel, b’mod partikolari fir-rigward ta’ proġetti li jiġġeneraw id-dħul; huwa għal din ir-raġuni li dawn l-għodod jeħtieġu li jimxu lejn l-użu ta’ self, strumenti finanzjarji innovattivi u akkwist pubbliku innovattiv; madankollu, jenfasizza wkoll ir-rwol tal-għotjiet bħala strument finanzjarju kruċjali fir-reġjuni u l-bliet għal proġetti li jindirizzaw sitwazzjonijiet ta’ falliment tas-suq jew li ma jiġġenerawx biżżejjed dħul biex jattiraw lill-investituri;

15.

jisħaq fuq l-importanza tal-finanzjamenti ta’ koeżjoni, li jeħtieġu li jibqgħu jkunu s-sinsla tal-politika ta’ investiment tal-UE u jsaħħu s-sħubija bejn ir-reġjuni Ewropej bħala espressjoni vera ta’ kooperazzjoni u solidarjetà: il-futur tal-politika ta’ koeżjoni huwa marbut mal-futur tal-UE. Għaldaqstant jeħtieġ li niżguraw ir-rwol tal-politika ta’ koeżjoni fl-UE wara l-2020 (9);

16.

itenni l-ħtieġa li jiġu vvalutati l-forom kollha ta’ finanzjament: il-QFP, il-Politika ta’ Koeżjoni u l-FSIE, il-Pjan ta’ Juncker u l-FEIS kif ukoll strumenti finanzjarji oħra: dawn kollha għandhom filosofiji uniċi iżda mhux opposti u għaldaqstant għandhom jaġixxu b’mod komplementari, filwaqt li joperaw f’sinerġija fejn u jekk meħtieġ;

17.

jilqa’ b’sodisfazzjon il-prinċipju tal-estensjoni tal-FEIS (10) mil-lat kemm tat-tul kif ukoll tal-kapaċità finanzjarja, li tipprovdi opportunità għal aġġustament tal-proċeduri eżistenti; josserva, madankollu, li sabiex il-FEIS 2.0 jagħmel iżjed suċċess, jeħtieġ li s-sinerġiji mal-politika Ewropea ta’ koeżjoni permezz tal-FSEI jiġu ċċarati iżjed; huwa tal-fehma li l-FEIS ma għandux ikun maħsub biex jissostitwixxi l-istrumenti attwali tal-UE għall-politika ta’ koeżjoni; fid-dawl tar-rwol li jaqdu biex jipproponu u jippjanaw investimenti fuq perjodu medju u twil ta’ żmien, jitlob li l-awtortajiet reġjonali u lokali jkunu involuti iżjed fil-ġestjoni ta’ dan il-fond, b’mod partikolari għall-kostituzzjoni tal-pjattaformi finanzjarji fil-livell reġjonali jew multireġjonali;

18.

jitlob li ssir disponibbli għall-pubbliku informazzjoni aktar dettaljata dwar proġetti ffinanzjati mill-FEIS, fejn b’mod partikolari jiġu enfasizzati l-addizzjonalità u l-komplementarjetà tagħhom fejn applikabbli. L-involviment aktar mill-qrib tal-KtR fl-eżerċizzji ta’ rapportar u monitoraġġ jgħin lill-fluss ta’ informazzjoni bejn ir-reġjuni u l-bliet; f’dan ir-rigward, jisħaq fuq il-ħtieġa li tiġi żgurata addizzjonalità vera tal-proġetti ffinanzjati permezz tal-FEIS, b’mod partikolari fir-rigward tal-użu ta’ fondi mill-baġit tal-UE, bħall-Faċilità Nikkollegaw l-Ewropa u l-Orizzont 2020;

19.

jitlob biex il-FEIS ma jiġix finanzjat minn fondi oħra jew minn programmi kompetittivi;

20.

jindika li l-indirizzar tal-ostakli għall-investiment jinvolvi riformi estensivi fil-livelli kollha ta’ governanza, li għandhom l-għan li jneħħu tipi ta’ ostakli amministrattivi, regolatorji u ostakli oħrajn li jiskoraġġixxu lill-investituri, sabiex itejbu l-ambjent tal-investiment;

21.

ifakkar li l-investimenti fil-livell lokali u reġjonali jsiru tul id-diversi setturi trasversali bħall-infrastruttura, it-trasport, l-edukazzjoni, ir-riċerka u l-innovazzjoni, l-ambjent, il-kura tas-saħħa, is-servizzi soċjali, u forom oħra ta’ kapital soċjetali u uman, imperattivi għaż-żieda fl-impatt fuq terminu twil tal-investimenti strateġiċi;

22.

josserva li l-awtoritajiet lokali u reġjonali jistgħu jkunu xpruni li jiġbru flimkien lill-atturi pubbliċi u privati differenti għall-proġetti ta’ investiment, b’mod partikolari fil-każ ta’ proġetti kbar jew sħubijiet pubbliċi-privati; iqis, madankollu, il-ħtieġa li jiġu promossi ulterjorment konnessjonijiet transfruntieri u kooperazzjoni f’diversi livelli billi jiġi promoss b’mod attiv l-investiment transreġjonali għaż-żieda fir-ritmu tas-Suq Uniku Pan-Ewropew, b’mod partikolari permezz tal-iżvilupp tal-Unjoni tas-Swieq Kapitali (CMU), filwaqt li fl-istess ħin jibqgħu jiġu indirizzati sfidi regolatorji u amministrattivi, permezz tal-aġenda tal-KE għal Regolamentazzjoni Aħjar, bħala mod biex jiġi żgurat li jintlaħqu l-objettivi ta’ politika bl-aktar mod effettiv u bl-anqas piż;

23.

jenfasizza l-importanza ta’ strateġiji reġjonali ta’ speċjalizzazzjoni intelliġenti bħala vetturi biex joħolqu b’mod konġunt sħubijiet Ewropej għal tagħlim komparattiv u orkestrazzjoni ta’ proġetti ta’ investiment ta’ kwalità għolja b’diversi partijiet ikkkonċernati u multidimensjonali; f’dan il-kuntest jenfasizza li l-indirizzar tal-ostakli għall-investiment jista’ jimxi flimkien mal-implimentazzjoni fl-UE kollha ta’ strateġiji reġjonali ta’ innovazzjoni bbażati fuq Speċjalizzazzjoni Intelliġenti (RIS3), li jistgħu jkunu għodda utli għall-fokus tal-appoġġ tal-politika u l-investiment fuq prijoritajiet u sfidi ewlenin u b’hekk jiġi stimolat l-investiment privat;

24.

jindika li sehem sinifikanti mill-ostakli għall-investiment deskritti fis-Semestru Ewropew huma “relatati mat-territorju” fis-sens li dawn huma rilevanti għall-funzjonijiet tal-awtoritajiet lokali u reġjonali fir-rigward tal-investiment, jew hemm potenzjal għal-awtoritajiet lokali u reġjonali biex jikkontribwixxu għat-tnaqqis jew it-tneħħija tagħhom;

25.

b’riżultat ta’ dan, l-ostakli attwali għall-investiment spiss jista’ jkollhom l-għeruq tagħhom – iżda konsegwentement anke s-soluzzjonijiet għalihom – fil-livell lokali u reġjonali u fi ħdan kooperazzjoni transnazzjonali;

26.

jisħaq, madankollu, li hemm diversità kbira madwar l-Istati Membri fil-mudelli ta’ investiment u l-ostakli għall-investiment, u għaldaqstant ma teżistix soluzzjoni waħda għal kollox;

27.

josserva li dan prinċipalment huwa minħabba d-diversi rwoli differenti tal-awtoritajiet lokali u reġjonali fir-rigward tal-investiment: l-ewwel u qabel kollox, il-bliet u r-reġjuni huma investituri, peress li dawn huma responsabbli għal aktar minn nofs (54 %) l-investiment pubbliku tal-UE. Dawn l-investimenti jsiru f’setturi u funzjonijiet diversi u komplementari: kapital uman, ħiliet, edukazzjoni, kura tas-saħħa, u ħafna aktar. Il-bliet u r-reġjuni b’hekk huma fornituri u faċilitaturi ta’ servizzi. L-awtoritajiet lokali u reġjonali huma wkoll dawk li jippjanaw, peress li dawn imexxu strateġiji ta’ żvilupp u billi jippjanaw minn qabel, l-awtoritajiet lokali u reġjonali jistgħu jiffokaw l-appoġġ tal-politika u l-investiment fuq prijoritajiet u sfidi ewlenin, u b’hekk jistimolaw l-investiment. Il-bliet u r-reġjuni huma xpruni u regolaturi tal-bidla, pereżempju fir-rigward tal-ġestjoni territorjali u l-permessi tal-bini. Fl-aħħar nett, dawn huma msieħba ta’ investiment, li jiġbru flimkien atturi pubbliċi u privati differenti għat-twettiq ta’ proġetti ta’ investiment (11);

28.

jilqa’ l-fokus tal-Kummissjoni Ewropea dwar l-identifikazzjoni ta’ tali ostakli u sfidi għall-investiment fis-Semestru Ewropew, mill-Istħarriġ Annwali dwar it-Tkabbir (SAT) u l-lista tagħha ta’ sfidi ta’ investiment għar-Rapporti tal-Pajjiż (CR) u r-Rakkomandazzjonijiet Speċifiċi għall-Pajjiż (CSR); madankollu, bil-għan li jikkontribwixxi għal approċċ iktar iffukat fuq il-kwalità tal-infiq pubbliku tal-UE, jappoġġja l-proposta li r-Rakkomandazzjonijiet Speċifiċi għall-Pajjiz fis-Semestru Ewropew għandhom jinkludu wkoll miri minimi ta’ investiment pubbliku, b’mod partikolari fir-rigward tan-nefqa attwali (12);

29.

itenni, f’dan il-kuntest, it-talba tiegħu lill-Kummissjoni Ewropea biex tippubblika White Paper li tistabbilixxi tipoloġija, fil-livell tal-UE, tal-kwalità tal-investiment pubbliku fil-kontijiet tal-infiq pubbliku, skont l-effetti tiegħu fit-tul (13);

30.

jirreferi għall-proposta (14) tiegħu biex il-Kummissjoni Ewropea tapprova uffiċjalment ir-rakkomandazzjoni mill-Organizzazzjoni għall-Kooperazzjoni Ekonomika u l-Iżvilupp (OECD), li tistabbilixxi sensiela ta’ prinċipji għall-investiment pubbliku (15) (Marzu 2014); jilqa’ l-fatt li fl-oqsma kollha ta’ azzjoni ta’ politika (koordinazzjoni ta’ investiment pubbliku, il-bini tal-kapaċità, l-iffissar ta’ kundizzjonijiet qafas), ir-rakkomandazzjoni tirrikonoxxi r-rwol dejjem akbar u importanti tal-awtoritajiet reġjonali u lokali fl-ippjanar u l-implimentazzjoni ta’ investiment pubbliku;

31.

jenfasizza li mill-178 kwistjoni relatati mat-territorju mqajma fis-CRs tal-2016 mifruxa madwar il-pajjiżi u l-oqsma ta’ politika kollha, madwar 60 % jindirizzaw ostakli għall-investiment, li prinċipalment jikkonsistu f’regolamenti orizzontali u settorjali ta’ piż, kwalità insuffiċjenti ta’ amministrazzjoni pubblika, ostakli speċifiċi fis-suq tax-xogħol kif ukoll fis-suq tal-finanzjament għall-impriżi żgħar u ta’ daqs medju (16);

32.

jenfasizza li l-istħarriġ reċenti tal-KtR tal-awtoritajiet lokali u reġjonali jikkonferma mill-ġdid li regoli ta’ piż li jaffettwaw l-ambjent tal-investiment u tan-negozju, is-suq tax-xogħol, il-kummerċ bl-imnut u oqsma oħra, kif ukoll proċeduri amministrattivi għalja/twal/ta’ piż għat-tnedija, l-estensjoni jew l-għeluq ta’ attività, u proċeduri ġudizzjarji kajmani wisq jew ta’ piż, huma fil-fatt meqjusa bħala ostakli għall-investiment minn madwar 9 minn 10 persuni li wieġbu;

33.

jirrakkomanda li l-identifikazzjoni tal-isfidi għall-investiment tibqa’ fokus prinċipali tas-Semestru Ewropew, inklużi aġġornamenti kull sena tal-Isfidi għall-Ambjenti tal-Investiment tal-Istati Membri ppreżentati flimkien mas-SAT għall-ewwel darba f’Novembru 2015;

34.

iħeġġeġ li jkun hemm involviment aktar b’saħħtu u aktar strutturat tal-awtoritajiet lokali u reġjonali fis-Semestru Ewropew biex jiġu indirizzati b’mod effettiv dawn l-isfidi relatati mat-territorju għall-investiment; jistieden lill-Parlament Ewropew jinvolvi lill-KtR f’dan il-proċess permezz ta’ parteċipazzjoni attiva fil-laqgħat interparlamentari dwar is-Semestru Ewropew;

35.

ifakkar fil-ħtieġa li jkun hemm semplifikazzjoni ulterjuri ta’ fondi ta’ ġestjoni kondiviża tal-UE, b’mod partikolari fir-rigward tal-użu ta’ strumenti finanzjarji li jenfasizzaw l-importanza taż-żieda fil-kapaċità amministrattiva u l-kompetenza istituzzjonali tal-awtoritajiet pubbliċi billi jitnaqqas id-distakk fl-investiment tal-UE;

36.

josserva li l-persuni li wieġbu għall-istħarriġ tal-KtR dwar l-ostakli għall-investiment (17), li ħafna minnhom jirrappreżentaw awtoritajiet lokali jew reġjonali, enfasizzaw il-kapaċità amministrattiva tal-awtoritajiet lokali u reġjonali bħala sfida għall-investiment fil-belt jew ir-reġjun tagħhom. Fil-fatt, il-kapaċità li jiġu involuti fi sħubijiet pubbliċi-privati (PPPs) kienet meqjusa bħala sfida jew sfida kbira għall-investiment minn 71 %, filwaqt li 70 % qalu li kienet sfida jew sfida kbira li jiġġestixxu akkwist pubbliku, b’mod partikolari l-proċeduri aktar kumplessi (18);

37.

jindika li n-nuqqas ta’ kapaċità amministrattiva mhijiex limitata għal ftit mill-Istati Membri u r-reġjuni anqas żviluppati tal-UE, peress li fir-rakkomandazzjonijiet speċifiċi għall-pajjiż tal-2016, 20 minn 28 Stat Membru ġew indirizzati lilhom rakkomandazzjonijiet biex itejbu l-kwalità tal-amministrazzjoni pubblika, inkluż fil-livell sottonazzjonali (19);

38.

iħeġġeġ lill-Kummissjoni u lill-Istati Membri biex iżidu l-isforzi tagħhom biex inaqqsu l-piżijiet amministrattivi kif ukoll jiżviluppaw inizjattivi ġodda u jsaħħu dawk eżistenti sabiex iżidu l-għarfien, il-ħiliet u l-kompetenzi meħtieġa għall-proċessi involuti fis-sħubijiet pubbliċi-privati u l-effiċjenza amministrattiva, b’mod partikolari dik tal-awtoritajiet lokali u reġjonali, u b’mod speċjali jqisu r-rwoli multipli li dawn għandhom fir-rigward tal-investiment (dak li jippjana, investitur, msieħba ta’ investiment, regolatur, fornitur u promotur/faċilitatur);

39.

jenfasizza li l-investimenti strateġiċi f’ambjenti globali kumplessi jitolbu tipi ġodda ta’ kapaċitajiet amministrattivi u maniġerjali biex jitjieb l-iżvilupp tal-mudell ta’ negozju futur u l-ħolqien tal-valur, li jinvolvu lill-organizzazzjonijiet bi skop ta’ qligħ u mingħajr skop ta’ qligħ fl-ekosistemi tal-ħolqien tal-valur lokali u reġjonali;

40.

jenfasizza li fost l-għodod effettivi għaż-żieda fl-effiċjenza amministrattiva nsibu l-iżvilupp tal-kompetenzi bis-saħħa ta’ skambji, missjonijiet ta’ esperti, żjarat ta’ studju u sessjonijiet ta’ ħidma bejn l-awtoritajiet lokali u reġjonali bħala pari; jirreferi wkoll f’dan ir-rigward għall-mudell użat mill-għodda “TAIEX REGIO PEER 2 PEER” (20), li jixirqilha li tiġi riprodotta u mwessa’;

41.

jisħaq fuq id-diffikultà biex isir użu effettiv mill-istrumenti finanzjarji fir-rigward tal-kapaċità amministrattiva tal-awtoritajiet lokali u reġjonali, kif enfasizzat mill-istħarriġ tal-KtR (21); ifaħħar f’dan ir-rigward, l-istabbiliment tal-pjattaforma Fi-Compass (22), kif ukoll l-istrumenti finanzjarji “standardizzati” tal-Kummissjoni (23), li t-tnejn huma inizjattivi ta’ valur b’mod partikolari għal-awtoritajiet lokali u reġjonali bi sfidi akbar ta’ kapaċità amministrattiva; iħeġġeġ lill-awtoritajiet lokali u reġjonali jużaw dawn l-għodod biex jimmobilizzaw aktar riżorsi privati u pubbliċi għall-proġetti ta’ investiment tagħhom; u jisħaq fuq id-disponibbiltà tal-Kumitat li jaħdem flimkien mal-Kummissjoni Ewropea biex jiffaċilita u jippromovi din l-inizjattiva;

42.

jenfasizza li, filwaqt li l-awtoritajiet lokali u reġjonali għandhom rwol kruċjali fl-implimentazzjoni b’suċċess tal-FEIS, dawn ftit li xejn għandhom għarfien dwaru. Stħarriġ tal-KtR tal-awtoritajiet lokali u reġjonali sab li 7 % biss tal-persuni li wieġbu qiesu lilhom infushom “informati tajjeb” dwar kif il-FEIS jista’ jintuża fil-belt jew ir-reġjun tagħhom, bi 18 % oħra ftit informati, filwaqt li 35 % iddikjaraw li kellhom biss informazzjoni bażika, u 39 % qiesu lilhom infushom “mhux informati” (24);

43.

jenfasizza li dan in-nuqqas ta’ għarfien jestendi għal inizjattivi oħra assoċjati mal-FEIS: 73 % tal-persuni li wieġbu għall-istħarriġ tal-KtR iddikjaraw li huma kienu “mhux informati” dwar il-possibbiltà tal-istabbiliment ta’ pjattaformi ta’ investiment biex jiffinanzjaw investimenti fil-belt jew ir-reġjun tagħhom bl-appoġġ mill-FEIS, filwaqt li 2 % biss iddikjaraw li kienu “informati tajjeb” dwar il-Portal Ewropew ta’ Proġetti ta’ Investiment jew iċ-Ċentru Ewropew ta’ Konsulenza għall-Investiment (25);

44.

jistieden lill-Kummissjoni u lill-BEI jaħdmu aktar biex itejbu l-għarfien u l-fehim tal-FEIS u l-inizjattivi assoċjati bħaċ-ċentru ta’ konsulenza tal-atturi pubbliċi u privati fil-livell lokali u reġjonali, peress li s-sitwazzjoni attwali thedded is-suċċess tal-Pjan ta’ Investiment;

45.

jissuġġerixxi ħidma mal-awtoritajiet lokali u reġjonali, il-KtR, in-netwerks tiegħu, u banek promozzjonali nazzjonali u reġjonali u istituzzjonijiet oħra, sabiex jiġu identifikati eżempji nazzjonali u reġjonali ta’ proġetti ta’ suċċess u jafferma d-disponibbiltà tal-KtR li jappoġġa l-potenzjal ta’ tagħlim komparattiv tar-reġjuni u l-bliet permezz ta’ skambju tal-aħjar prattiki, u b’hekk tinħoloq massa kritika ta’ benefiċjarji u awtoritajiet maniġerjali;

46.

jilqa’ l-isforzi tal-Kummissjoni Ewropea biex iżżid l-għarfien tal-possibilitajiet ta’ finanzjament matul iż-żjarat ta’ preżentazzjoni tagħha dwar l-investiment fl-Istati Membri;

47.

jindika l-ispariġġ ta’ strateġiji ta’ konsulenza u ta’ għarfien, u huwa mħasseb li r-rwol konsultattiv uniku taċ-ċentri eżistenti ma jkunx biżżejjed biex jiġu identifikati u attirati proġetti ġodda fir-reġjuni li għandhom għarfien aktar baxx tal-opportunitajiet ta’ investiment;

48.

jisħaq li għandu jkun żgurat li l-FEIS ma jżidx id-differenzi f’termini ta’ koeżjoni fi ħdan l-UE; għandhom jinħolqu servizzi u inċentivi biex jiġu indirizzati l-iżbilanċi ġeografiċi, inkluż it-twessigħ tal-firxa ta’ għanijiet ġenerali eliġibbli għal appoġġ mill-FEIS, it-titjib jew saħansitra d-deċentralizzazzjoni tas-servizzi konsultattivi u ta’ esperti u t-tisħiħ tar-rwol taċ-Ċentru Ewropew ta’ Konsulenza għall-Investimenti; għandu jsir ukoll użu aħjar tal-Portal Ewropew ta’ Proġetti ta’ Investiment, li għandu l-għan li jnaqqas id-distakk bejn il-promoturi ta’ proġetti fil-livell tal-UE li jkunu qed ifittxu l-finanzjament u l-investituri fid-dinja kollha li jkunu qed ifittxu opportunitajiet għall-investiment;

49.

jenfasizza li, sabiex l-ekonomiji tagħna jattiraw aktar investimenti u kapital, huma meħtieġa bidliet fundamentali fir-rigward tal-qafas ekonomiku u fiskali, li jeħtieġ li jsiru flimkien ma’ aktar sforzi biex jitneħħew l-ostakli regolatorji; u minkejja li l-governanza ekonomika u r-regoli fiskali jistgħu ma jitqisux b’mod dirett bħala element tal-ambjent tal-investiment jew ostaklu għall-investiment, dawn jifformaw qafas globali b’mod partikolari mill-perspettiva tal-investiment pubbliku;

50.

huwa tassew imħasseb li l-investiment pubbliku spiss jinqata’ fi żminijiet ta’ kriżi, peress li huwa anqas viżibbli u politikament eħfef biex jitnaqqas milli ħafna tipi oħra ta’ nefqa pubblika, b’mod partikolari l-investimenti fundamentali fil-kapital uman, is-saħħa u l-edukazzjoni li jagħtu ritorn għoli fuq terminu twil; għaldaqstant, jisħaq li t-tkabbir u l-benesseri futuri huma dipendenti l-iżjed mit-titjib tal-klima regolatorja ekonomika għal start ups u kumpaniji li jkunu qed jespandu, kif ukoll fuq l-attrazzjoni tal-investiment privat kif ukoll iż-żamma tal-investimenti pubbliċi fuq terminu twil, li għandhom jinżammu anke fi żminijiet ta’ konsolidazzjoni fiskali;

51.

josserva li – minkejja li l-KtR jappoġġja approċċ qawwi bbażat fuq ir-regoli għall-politika fiskali – it-tiġdid tal-investiment pubbliku jista’ jkun diffiċli fi ħdan il-limiti tar-regoli fiskali attwali, u b’hekk jisħaq fuq il-ħtieġa li jitfittex approċċ aktar favorevoli għall-investiment, b’mod partikolari, iżda mhux limitat għall-PPPs, li jiżgura applikazzjoni sħiħa tar-regoli fiskali, filwaqt li fl-istess ħin ifittex li jimmassimizza l-opportunitajiet ta’ investiment fir-reġjuni u l-bliet tal-Ewropa;

52.

soluzzjoni tajba tista’ tinstab fi ħdan il-qafas fiskali attwali, b’mod partikolari fit-trażżin tad-dejn ta’ defeċit strutturali objettiv ta’ terminu medju (OTM) inkorporat fil-PST u l-Patt Fiskali. Biex jiġi żgurat li jkun hemm biżżejjed spazju biex jinvestu filwaqt li jiġu rispettati r-regoli fiskali għandu jkun hemm defiċit reali fiss għall-investimenti pubbliċi għall-gvernijiet lokali u reġjonali, li m’għandux jitqies bħala parti mid-defiċit strutturali li jitkejjel kontra l-OTM;

53.

ifakkar, f’dan il-kuntest, fl-oppożizzjoni tiegħu għas-sospensjoni tal-FEIS bħala konsegwenza diretta tal-kondizzjonalità makroekonomika fil-qafas tal-Patt ta’ Stabbiltà u Tkabbir (PST), peress li din ikollha effetti negattivi fuq l-implimentazzjoni tal-proġetti kkofinanzjati mill-UE, u tiggrava b’mod wiesa’ s-sitwazzjoni ta’ investiment tal-Istati Membri u r-reġjuni kkonċernati;

54.

itenni t-talba li n-nefqa pubblika mill-Istati Membri u l-awtoritajiet lokali u reġjonali fil-qafas tal-kofinanzjament tal-FEIS u l-BEI ma tiġix inkluża man-nefqa strutturali kif iddefinita fil-PST, peress li tali investimenti huma bħala definizzjoni ta’ interess Ewropew ġenerali u għandhom effett ta’ ingranaġġ ipprovat fir-rigward tat-trawwim ta’ tkabbir ekonomiku;

55.

ifakkar li l-prijorità ewlenija tal-KtR hija li jingħata bidu għall-ekonomija tal-UE bbażata fuq approċċ minn isfel għal fuq billi jiġi stimulat l-investiment fil-mira bbażat fuq ħtiġijiet lokali, jitfasslu l-aħjar prattiki fil-livell lokali u jiġi mħeġġeġ spirtu imprenditorjali ġdid; u jisħaq fuq il-ħtieġa li tinħoloq Ewropa innovattiva u intraprenditorjali li tkun iffokata fuq iċ-ċittadin;

56.

jisħaq fuq l-impenn tal-KtR li jappoġġa lill-bliet u r-reġjuni biex iwettqu r-rwoli kollha tagħhom aħjar: billi jiffaċilita prattiki bejn il-pari li jorbtu flimkien l-għarfien u jistimola t-tlaqqigħ biż-żieda ta’ sħubijiet Ewropej biex tinbena l-kapaċità meħtieġa għall-ħolqien konġunt ta’ proġetti ta’ kwalità għolja u kumplessi bl-użu ta’ strumenti finanzjarji, il-FSIE u l-FEIS, kif ukoll oħrajn;

57.

jenfasizza l-importanza tad-data dwar il-proġetti ta’ investiment li jeżistu bħalissa fuq livell bażiku, li bħalissa għadha sottożviluppata, iżda hija ta’ valur miżjud kbir għal-livelli kollha tal-governanza; jipproponi, għalhekk, it-twaqqif ta’ Tabella ta’ Valutazzjoni Ewropea dwar l-investiment lokali u reġjonali u jistieden lill-membri tiegħu biex jaqsmu l-proġetti, it-testimonjanzi u t-tħassib tagħhom, sabiex tiġi stabbilita din il-bażi tad-data;

58.

jenfasizza l-ħtieġa li titkompla l-ħidma tal-UE għat-tnaqqis tal-burokrazija żejda, sabiex l-ambjent tal-investiment isir aktar aċċessibbli għal negozji ġodda – iżda anke dawk diġà eżistenti; jenfasizza li, minkejja li l-bliet u r-reġjuni jistgħu jagħmlu tant fil-livell tagħhom biex itaffu l-piż regolatorju, l-azzjonijiet tagħhom iridu jiġu kkomplementati minn inizjattivi fil-livelli nazzjonali u Ewropej;

59.

itenni li l-investiment mhuwiex biss dwar it-trasport u infrastruttura oħra, iżda jeħtieġ ukoll li jkun immirat lejn il-kapital uman, il-ħiliet, l-edukazzjoni, ir-riċerka u l-innovazzjoni, in-netwerk intelliġenti tal-enerġija, l-akkomodazzjoni, il-faċilitajiet soċjali u tas-saħħa, u b’appoġġ biex jinfetħu u jitkabbru impriżi innovattivi u dinamiċi;

60.

ifakkar li l-pjani ta’ investiment għandhom jimmiraw lejn il-ħolqien ta’ ekonomija aktar ekoloġika, aktar intelliġenti, aktar inklużiva u aktar territorjalment ibbilanċjata biex l-UE tibqa’ kompetittivà fix-xena globali;

61.

huwa impenjat li jfittex soluzzjonijiet mas-settur privat għal aktar investimenti fil-bliet u r-reġjuni, li huwa wkoll il-messaġġ politiku ewlieni li ħareġ mid-Dikjarazzjoni ta’ Bratislava “Ninvestu u Nikkolegaw” adottata mill-KtR fit-8 ta’ Lulju 2016 (26).

30.6.2017   

MT

Il-Ġurnal Uffiċjali tal-Unjoni Ewropea

C 207/15

1.

jirrikonoxxi li l-euro kien maħsub biex jipproteġi kontra l-fluttwazzjoni tar-rata tal-kambju u nħoloq bħala għodda biex jiżgura tkabbir aħjar fit-tul. Madankollu, il-ħolqien tal-euro elimina l-għażliet ta’ politika kontra l-iskossi asimmetriċi, inkluża l-iżvalutazzjoni tar-rata tal-kambju;

2.

jiddispjaċih mill-fatt li kien hemm nuqqasijiet fl-Unjoni Ekonomika u Monetarja (UEM) sa minn meta ġiet stabbilita fit-Trattat ta’ Maastricht, fejn il-politika monetarja tingħata lill-UE, filwaqt li l-politika fiskali tibqa’ l-kompetenza tal-Istati Membri u hija koperta biss minn dispożizzjonijiet għal koordinazzjoni relattivament sempliċi tal-politiki nazzjonali;

3.

huwa tal-fehma li l-UEM żvelat il-vulnerabbiltà tagħha matul il-kriżi finanzjarja u ekonomika globali meta, fil-kuntest ta’ livelli ta’ dejn pubbliku u privat eċċessiv, l-iżbilanċi insostenibbli wasslu għal kriżi ta’ dejn sovran fejn l-ispejjeż tas-self tal-gvernijiet żdiedu b’mod drammatiku f’ċerti Stati Membri u dan, fin-nuqqas ta’ xibka ta’ sigurtà fiskali, ipperikola l-eżistenza nnifisha taż-żona tal-euro;

4.

jirrikonoxxi r-riżultati miksuba minn mindu faqqgħet il-kriżi f’dak li jirrigwarda t-tnaqqis tar-riskji u l-għadd kbir ta’ miżuri meħuda mill-istituzzjonijiet tal-UE għat-tisħiħ tal-koordinazzjoni tal-politiki fiskali nazzjonali;

5.

itenni li, minkejja dawn l-isforzi u rati ta’ tkabbir li reġgħu pożittivi f’diversi reġjuni tal-UE marbuta fil-biċċa l-kbira ma’ fatturi esterni, is-sempliċi koordinazzjoni tal-politiki fiskali nazzjonali la saħħet il-kapaċità nazzjonali li tassorbi l-iskossi ekonomiċi, u lanqas ma evitat l-emerġenza ta’ lakuni fl-investiment jew iż-żieda fl-inugwaljanzi fi ħdan l-UEM (1), u li l-politiki kienu insuffiċjenti sabiex jinkisbu riformi strutturali sostenibbli u soċjalment bilanċjati li jwasslu għat-tkabbir;

6.

jirrikonoxxi li l-BĊE żgura l-istabbilizzazzjoni taċ-ċiklu ekonomiku sa mill-bidu nett tal-kriżi. Il-President tal-BĊE talab għal istituzzjonijiet integrati u politika fiskali aktar b’saħħitha u aktar proattiva fil-livell taż-żona tal-euro u appella lill-Istati Membri taż-żona tal-euro biex jimplimentaw riformi strutturali. Filwaqt li jwissili l-politika monetarja waħidha ma tistax tistimula l-ekonomija, jenfasizza li r-rati attwalibaxxi tal-imgħax jiffavorixxu s-self u l-investimenti; Ir-riformi strutturali fundamentali u s-sjieda tagħhom fl-eqreb livell taċ-ċittadin flimkien mar-responsabbiltà fiskali huma t-triq li twassal lura għal tkabbir sostenibbli fuq perjodu twil ta’ żmien;

7.

josserva li r-Rapport tal-Ħames Presidenti dwar “Nikkompletaw l-Unjoni Ekonomika u Monetarja tal-Ewropa”, jindika li hemm bżonn ta’ kapaċità għall-assorbiment tal-iskossi fil-livell taż-żona tal-euro sabiex jiġu kkomplementati l-istabbilizzaturi awtomatiċi nazzjonali, meta u fejn dan ikun meħtieġ;

8.

josserva li, sabiex terġa’ tinkiseb il-fiduċja, jeħtieġ li l-euro jissodisfa l-aspettattivi tal-istabbiltà, il-konverġenza, it-tkabbir u l-impjieg. Kapaċità fiskali tista’ tgħin biex jintlaħqu dawn l-għanijiet. Is-solidarjetà hija relatata mill-qrib mar-responsabbiltà u tiddependi minnha, li jfisser li l-appoġġ finanzjarju addizzjonali fil-livell taż-żona tal-euro għandu jiġu pprovdut biss fil-preżenza kontinwa tar-responsabbiltà fiskali kif ukoll tar-riformi strutturali;

9.

itenni li kwalunkwe deċiżjoni dwar l-iżvilupp tal-UEM, bħall-introduzzjoni ta’ kapaċità fiskali u l-istabbilizzaturi awtomatiċi, ir-rwol tal-awtoritajiet lokali u reġjonali fil-ħolqien tal-kundizzjonijiet għat-tkabbir sostenibbli għandu jiġi rikonoxxut bis-sħiħ u jissaħħaħ kull fejn ikun possibbli, b’mod partikolari f’dak li għandu x’jaqsam mal-implimentazzjoni tal-politiki ekonomiċi u soċjali u r-riformi strutturali, il-ħolqien ta’ ambjent favorevoli għan-negozji biex jiġi ffaċilitat il-ħolqien tal-impjiegi u l-promozzjoni tal-investiment;

10.

itenni t-twemmin tiegħu li, fuq perjodu qasir ta’ żmien, l-ikkompletar tal-unjoni bankarja huwa l-aktar strument effettiv fil-ħidma biex jiġu evitati kriżijiet fis-sistema finanzjarja u jitnaqqsu kemm jista’ jkun possibbli l-effetti negattivi tal-iskossi ekonomiċi (2);

11.

huwa tal-fehma li l-Unjoni Bankarja trendi iżjed kredibbli l-prinċipju tal-BĊE li jgħid li l-ħtiġijiet ta’ finanzjament tas-sistemi bankarji nazzjonali m’għandhomx ikunu marbutin mal-baġits pubbliċi nazzjonali u li kriżi f’pajjiż partikolari ma għandhiex twassal għal kriżi bankarja fl-Unjoni kollha;

12.

jenfasizza li l-awtoritajiet reġjonali u lokali kif ukoll l-imsieħba ekonomiċi u soċjali għandhom jiġu inklużi u involuti fid-diskussjoni dwar l-introduzzjoni ta’ strumenti ġodda, bħall-istabbilizzaturi awtomatiċi bil-għan li jtaffu l-effetti tal-iskossi asimmetriċi;

13.

jemmen li d-dimensjoni soċjali tal-UEM għandha tiġi żviluppata billi jsir monitoraġġ tal-indikaturi tal-iżvilupp fir-reġjuni u pajjiżi individwali, b’enfasi fuq is-segwitu tal-miżuri attivi tas-suq tax-xogħol u l-indikaturi soċjali strutturali. L-imsieħba soċjali — fil-livell reġjonali, nazzjonali u tal-UE — għandhom ikunu involuti fis-segwitu tal-indikaturi;

14.

jieħu nota tal-konvinzjoni tiegħu li hemm bżonn ta’ kapaċità fiskali sabiex l-UEM ikollha mekkaniżmu temporanju ta’ assorbiment tal-iskossi (3). Kapaċità fiskali potenzjali ma għandhiex tirdoppja l-istrumenti tal-politika ta’ koeżjoni, iżda tikkomplementahom;

15.

iqis, madankollu, li kapaċità fiskali potenzjali fil-livell tal-UE ma għandhiex tiġi żviluppata b’tali mod li ġġib magħha r-riskju ta’ trasferimenti permanenti, u b’hekk iddgħajjef l-inċentivi għal teħid ta’ deċiżjonijiet ekonomiċi u soċjali sodi u l-implimentazzjoni tal-politika fil-livell nazzjonali jew reġjonali, jew l-inċentivi sabiex jiġu indirizzati d-dgħufijiet strutturali nazzjonali jew reġjonali. Għalhekk, u sabiex jiġi evitat il-periklu morali, għandha tkun marbuta mill-qrib mal-konformità mal-qafas ta’ governanza globali tal-UE u l-progress fil-proċess ta’ konverġenza;

16.

jitlob li l-Istati Membri jiġu obbligati jagħtu xhieda ta’ politika ekonomika responsabbli sabiex jiksbu aċċess għal strumenti Ewropej maħsuba biex jistabbilizzaw l-ekonomija. L-użu ta’ dawn l-istrumenti għandu jimxi id f’id mal-implimentazzjoni sħiħa tar-riformi strutturali, bil-għan li jkun hemm livell ogħla ta’ konverġenza, koordinazzjoni u integrazzjoni, u jitlob li l-għajnuna, taħt l-ebda ċirkustanza, ma tirriżulta fi trasferimenti permanenti bejn il-pajjiżi f’direzzjoni waħda (4). Din l-għajnuna għandha tkun definita fil-livell Ewropew, u jeħtieġ li tkun temporanja u bi skeda ċara;

17.

jinsisti li għandu jiġi rispettat il-Patt ta’ Stabbiltà u Tkabbir, kif speċifikat fil-Komunikazzjoni tal-Kummissjoni dwar l-użu ta’ flessibbiltà fil-kuntest tal-Patt ta’ Stabbiltà u Tkabbir ta’ Jannar 2015, u jenfasizza l-importanza li kull Stat Membru jkollu ekonomija soda u finanzi pubbliċi stabbli peress li dan huwa prerekwiżit għall-investiment pubbliku meħtieġ kemm fuq perjodu qasir ta’ żmien kif ukoll fit-tul;

18.

jemmen, barra minn hekk, li sabiex jiġi żgurat marġni suffiċjenti ta’ mezzi ta’ investiment filwaqt li jiġu rispettati r-regoli fiskali jeħtieġ li l-objettiv ta’ terminu medju (OTM) ta’ trażżin tad-dejn f’każ ta’ defiċit strutturali jiġi komplementat bl-identifikazzjoni ta’ defiċit reali stabbilit sew għall-investimenti pubbliċi tal-awtoritajiet lokali u reġjonali;

19.

itenni l-appell tiegħu għal aktar konverġenza ekonomika u soċjali u t-tisħiħ ta’ governanza tajba, peress li dan huwa essenzjali għall-prevenzjoni ta’ trasferimenti permanenti u l-periklu morali, u jenfasizza l-ħtieġa għal iżjed konverġenza;

20.

fl-istess ħin, jenfasizza li d-disparitajiet soċjali, ekonomiċi u territorjali, kemm fi ħdan kif ukoll bejn l-Istati Membri, jistgħu jitnaqqsu biss permezz ta’ kunċett li jħaddan dimensjoni territorjali; Il-kunċett ta’ responsabbiltà fiskali m’għandux ikun limitat għall-applikazzjoni ċentralizzata ta’ regoli komuni. Aktar ma jiżdiedu d-deċentralizzazzjoni u l-lokalizzazzjoni fl-infiq pubbliku, aktar ikun hemm inċentivi u kundizzjonijiet għar-responsabbiltà fiskali, ir-riformi u l-attraenza tal-investimenti;

21.

jemmen li jeħtieġ li d-disparitajiet reġjonali jiġu indirizzati sabiex jiġu miġġielda l-inugwaljanzi soċjali, tingħata spinta lit-tkabbir u l-impjiegi u jittejbu l-kompetittività u l-koeżjoni fi ħdan l-UEM u fl-UE, u jenfasizza r-rwol importanti li l-awtoritajiet lokali u reġjonali jaqdu bħala impjegaturi, investituri, fornituri ta’ servizzi, pjanifikaturi, xpruni għat-tibdil u regolaturi tiegħu u msieħba fl-investiment;

22.

josserva li livell għoli ta’ sjieda tar-riformi strutturali fil-livell lokali mill-awtoritajiet lokali u reġjonali rilevanti huwa kruċjali għas-suċċess tagħhom, u jenfasizza d-dimensjoni territorjali tas-Semestru Ewropew; Il-Kumitat itenni t-talba tiegħu lill-Kummissjoni u lill-Parlament biex jadottaw kodiċi ta’ kondotta li jiggarantixxi li l-awtoritajiet lokali u reġjonali jiġu involuti b’mod strutturat fis-Semestru Ewropew, li huwa wkoll mezz għat-tħejjija tar-riformi strutturali (5);

23.

jitlob lill-Istati Membri jimplimentaw l-Unjoni tas-Swieq Kapitali, li tippermetti l-flussi transkonfinali tal-kapital mingħajr theddid għall-istabbiltà ta’ reġjuni u pajjiżi differenti, u li tgħin lin-negozji, speċjalment lill-mikrointrapriżi u lill-SMEs, jiksbu aċċess għal firxa wiesgħa ta’ sorsi ta’ finanzjament, u b’hekk tikkontribwixxi għat-tnaqqis tal-iskossi ekonomiċi (6);

24.

josserva li l-euro ġie introdott mingħajr l-ebda struttura ta’ appoġġ fiskali sabiex jindirizza l-iżbilanċi fiż-żona tal-euro u, fil-biċċa l-kbira tiegħu, il-baġit tal-UE mhuwiex adattat biex jimmobilizza l-finanzjament malajr fejn meħtieġ biex jiġu stabbilizzati s-swieq, jiġu ffinanzjati mill-ġdid il-banek u jiġu ttrattati l-kriżijiet fil-bilanċ tal-pagamenti;

25.

jistieden lill-Kummissjoni, meta tfassal politiki ekonomiċi u finanzjarji Ewropej futuri, li tikkunsidra l-possibbiltà li jintużaw indikaturi ekonomiċi għal kull reġjun li jidentifikaw l-istat tas-saħħa tiegħu mil-lat tad-dejn pubbliku u l-kontribut tiegħu għat-tkabbir tal-PDG Ewropew;

26.

jenfasizza l-ħtieġa li jiġu diskussi b’mod intensiv l-istruttura u l-organizzazzjoni tal-kapaċità fiskali u li tinstab soluzzjoni li tkun konsistenti mar-rekwiżiti dwar it-trasparenza u l-kontroll demokratiku kif ukoll mal-klawżola li tipprojbixxi s-salvataġġ finanzjarju (“no bail-out”) tal-Artikolu 125 tat-TFUE (7);

27.

huwa tal-fehma li jistgħu jiġu ssodisfati żewġ funzjonijiet: l-ewwel nett, wieħed jista’ jfittex li jipprovdi inċentivi għar-riformi strutturali fl-Istati Membri fi żminijiet ekonomiċi tajbin, sabiex titħeġġeġ il-konverġenza ekonomika u soċjali fiż-żona tal-euro u tittejjeb il-kompetittività u r-reżiljenza ekonomika tagħha. It-tieni nett, id-differenzi bejn iċ-ċikli ekonomiċi tal-Istati Membri fiż-żona tal-euro li huma marbutin mal-fatturi strutturali jistgħu jittaffew permezz tat-twaqqif ta’ strument biex jindirizza l-iskossi asimmetriċi;

28.

jisħaq li jinħtieġ progress sinifikanti fir-riformi strutturali sostenibbli biex jitrawmu l-konverġenza, it-tkabbir, l-impjiegi, il-kompetittività u l-mudell soċjali Ewropew sabiex b’mod effettiv jimpedixxu l-iskossi asimmetriċi;

29.

iħeġġeġ lill-Istati Membri jikkunsidraw aktar awtonomija fiskali għall-awtoritajiet lokali u reġjonali, bħala mod biex jinħoloq sens ta’ sjieda, u tiġi żgurata implimentazzjoni aħjar, tar-riformi strutturali;

30.

huwa tal-fehma li, għall-implimentazzjoni tar-riformi strutturali li jkun intlaħaq qbil dwarhom fl-Istati Membri, l-appoġġ finanzjarju fil-livell tal-UE, minbarra l-istrumenti eżistenti tal-politika ta’ koeżjoni, għandu jiġi ttrattat b’attenzjoni. Kwalunkwe appoġġ addizzjonali m’għandux jirdoppja iżda pjuttost jikkomplementa l-istrumenti eżistenti;

31.

huwa tal-fehma li l-appoġġ finanzjarju għandu jintrabat mal-implimentazzjoni tar-rakkomandazzjonijiet speċifiċi għall-pajjiż. Il-Programm ta’ Appoġġ għar-Riforma Strutturali, li huwa maħsub biex jipprovdi appoġġ tekniku lill-awtoritajiet nazzjonali, jista’ jkun żviluppat aktar bħala kontribut għall-funzjoni ta’ riforma strutturali tal-kapaċità fiskali;

32.

jikkunsidra li jkun utli li jiġi analizzat jekk għodda addizzjonali għall-promozzjoni tar-riformi strutturali, fil-forma ta’ self għall-finanzjament ta’ strateġija ta’ investiment pubbliku, tistax tkun effettiva. Din tista’ tagħmilha possibbli li tiġi identifikata ġabra ta’ sorsi ta’ finanzjament u proġetti ta’ investiment meħtieġa biex tiġi appoġġjata l-implimentazzjoni tar-riformi meħtieġa;

33.

huwa tal-fehma li, irrispettivament mill-isforzi li qed isiru bħalissa fil-livell tal-konverġenza u r-riformi strutturali sostenibbli, l-iskossi asimmetriċi li jaffettwaw l-istabbiltà taż-żona tal-euro kollha kemm hi ma jistgħux jiġu eliminati għalkollox, minħabba l-integrazzjoni qawwija tal-Istati Membri taż-żona tal-euro. Għalhekk, jinħtieġ strument li jista’ jwassal għal effett immedjat ta’ stabbilizzazzjoni f’każ ta’ emerġenza;

34.

jenfasizza li l-awtoritajiet lokali u reġjonali f’ċerti pajjiżi jistgħu jkunu aktar suxxettibbli għall-impatt tal-iskossi asimmetriċi, minħabba r-rwol importanti li jaqdu fis-sistemi tas-sigurtà soċjali tal-Istati Membri;

35.

jitlob li l-Mekkaniżmu Ewropew ta’ Stabbiltà (MES) għandu jkompli jiġi żviluppat u jinbidel f’Fond Monetarju Ewropew b’kapaċità biżżejjed għall-għoti u t-teħid b’self u mandat definit b’mod ċar, inkluż il-kontribut possibbli tiegħu għall-kapaċità fiskali għaż-żona tal-euro;

36.

huwa tal-fehma li l-kapaċità fiskali għandha tkun suġġetta għat-teħid tad-deċiżjonijiet u għall-implimentazzjoni b’mod konġunt fil-livell tal-UEM, iżda għandha tkun miftuħa wkoll għall-Istati Membri barra miż-żona tal-euro fuq bażi volontarja;

37.

itenni t-talba tiegħu li jkun involut fit-tħejjija tal-White Paper dwar it-tranżizzjoni bejn l-ewwel u t-tieni fażi tar-riforma tal-UEM;

38.

jenfasizza l-importanza li jiġi żgurat li l-isforzi biex tiġi approfondita l-unjoni monetarja jqisu wkoll l-implikazzjonijiet għall-pajjiżi barra ż-żona tal-euro;

39.

jinsisti li kwalunkwe miżura li taffettwa l-ikkompletar tal-UEM tiġi implimentata bl-iżjed mod trasparenti possibbli, filwaqt li tiġi kkunsidrata l-leġittimità demokratika tal-unjoni monetarja.

30.6.2017   

MT

Il-Ġurnal Uffiċjali tal-Unjoni Ewropea

C 207/19

1.

jinnota li l-integrazzjoni Ewropea hija l-aktar evidenti fil-fruntieri. Fruntieri miftuħa u infrastruttura li jgħaqqdu lin-nies huma l-qofol tal-proġett Ewropew. Barra minn hekk, l-iżvilupp tar-reġjuni tal-fruntiera fl-Ewropa jiddependi ħafna fuq id-disponibbiltà ta’ infrastruttura li tiffaċilita l-konnessjonijiet bejn il-bliet, l-intrapriżi u ċ-ċittadini fuq iż-żewġ naħat tal-fruntiera.

Għal ħafna reġjuni tul il-fruntieri l-kriżi tar-rifuġjati reċenti li wasslet għall-għeluq tal-fruntieri tirrappreżenta sfidi ġodda għall-iżvilupp integrat tar-reġjun.

2.

Ir-reġjuni tal-fruntiera kull ma jmur qed jitqiesu dejjem iżjed bħala reġjuni funzjonali li jistgħu jisfruttaw il-potenzjal tagħhom għat-tkabbir u l-impjiegi biss jekk ikun hemm konnessjoni suffiċjenti bejn iż-żewġ naħat tal-fruntiera u n-netwerk Ewropew. L-impatt tal-migrazzjoni fir-reġjuni fuq il-fruntiera għandu jiġi vvalutat f’mod bilanċjat filwaqt li jitqiesu l-interessi tal-ħaddiema, ix-xerrejja, l-SMEs u t-turisti transkonfinali.

3.

Il-kooperazzjoni bejn ir-reġjuni u l-pajjiżi għandha tiffoka wkoll fuq l-iffaċilitar tal-impjieg fuq iż-żewġ naħat tal-fruntiera. L-iżvilupp tal-infrastruttura u l-konnessjonijiet ta’ trasport ta’ kwalità għolja għaċ-ċittadini tal-fruntiera jikkostitwixxu inċentiv biex isibu xogħol marbut mat-taħriġ tagħhom, anki jekk dan ikun ifisser triq itwal biex jaslu x-xogħol. Dan iwassal għal żieda fir-rata ta’ impjieg u ta’ tqabbil tal-ħiliet mal-ħtiġijiet tas-suq tax-xogħol, u jiżgura użu aħjar tal-kapital uman. Din mhijiex biss kwistjoni ta’ aċċess għaż-żoni ta’ attività ekonomika, iżda wkoll dwar l-aċċess għall-faċilitajiet.

4.

Dan id-dokument jiddiskuti l-konnessjonijiet transkonfinali bil-ferrovija, bit-triq u, sa ċertu punt bl-ilma. Jagħmel referenza biss għar-reġjuni tal-fruntieri fl-Ewropa. Madankollu, il-KtR, waqt li jqis ukoll l-Opinjoni tiegħu dwar Strateġija tal-Avjazzjoni (1), ma jinsiex kemm huma importanti l-konnessjonijiet kemm bl-ajru kif ukoll bil-baħar bejn ir-reġjuni periferiċi u insulari, ir-reġjuni ultraperiferiċi u t-territorji transkonfinali ġirien, u jistieden lill-Kummissjoni sabiex tiżgura li din is-sitwazzjoni titqies fir-reviżjoni futura tat-TEN-T.

5.

Il-konnessjonijiet neqsin fir-reġjuni tal-fruntieri jiffurmaw parti minn strateġija usa’: in-nuqqas ta’ riżorsi finanzjarji għall-iżvilupp ta’ infrastruttura lokali u reġjonali. Hemm bżonn ta’ approċċ innovattiv sabiex jiġu solvuti l-kwistjonijiet ta’ mobilità fir-reġjuni tal-fruntiera.

6.

F’dawn l-aħħar snin, l-Unjoni Ewropea ffukat primarjament biex toffri soluzzjonijiet ċentralizzati għan-netwerk trans-Ewropew tat-trasport fuq skala kbira, b’mod partikolari permezz tal-Faċilità Nikkollegaw l-Ewropa iżda wkoll tal-Orizzont 2020. Hemm relattivament ftit riżorsi disponibbli għal strumenti deċentralizzati, bħall-programm Interreg, biex jinħolqu l-konnessjonijiet neqsin fuq skala żgħira fir-reġjuni tal-fruntiera tal-Ewropa, anke meta dawn il-programmi jqisu aħjar il-ħtiġijiet lokali tat-territorju transkonfinali kkonċernat.

7.

Il-Faċilità Nikkollegaw l-Ewropa (CEF) għall-perjodu 2014-2020 diġà ffinanzjat diversi proġetti ta’ interess sinifikanti għall-mobilità fi ħdan l-UE, u r-riżorsi relatati fil-biċċa l-kbira tagħhom huma diġà allokati. Għalhekk, ikun importanti li jiġġedded l-impenn finanzjarju tas-CEF, billi tiżdied finanzjarjament, anki billi jiġu ffavoriti azzjonijiet ta’ appoġġ għall-implimentazzjoni tan-netwerk komprensiv u tas-sistema ta’ konnessjonijiet fin-Netwerk trans-Ewropew tat-Trasport (TEN-T) fil-kuntest ta’ reġjuni konfinali.

8.

Kompitu prinċipali għalhekk huwa l-analiżi u l-provvediment ta’ riżorsi finanzjarji li għandhom jappoġġjaw l-introduzzjoni, l-iżvilupp jew il-ftuħ mill-ġdid tal-konnessjonijiet transkonfinali tat-trasport, b’aktar uniformità fit-trattament tal-Istati Membri rigward il-metodi tal-kofinanzjament. L-Istati Membri għandhom xorta waħda rwol importanti x’jaqdu fir-rigward tal-finanzjament għax-xogħlijiet.

9.

In-netwerk tat-TEN-T huwa kruċjali għall-iżvilupp sostenibbli tar-reġjuni Ewropej. Il-maġġoranza l-kbira tar-riżorsi finanzjarji tmur għall-kurituri ewlenin tan-netwerk TEN-T, iżda m’għandhomx jintesew il-konnessjonijiet man-netwerks globali lokali u reġjonali. Is-sejħa għall-proposti fir-rigward tal-Faċilita Nikkollegaw l-Ewropa, li l-Kummissjoni nediet f’Ottubru 2016 u li hija speċifikament dedikata għall-konnessjonijiet transkonfinali, hija milqugħa tajjeb bħala l-ewwel pass.

10.

Din is-sejħa tal-Faċilità Nikkollegaw l-Ewropa dwar konnessjonijiet neqsin hija eżempju tajjeb tar-riżultati possibbli minn kooperazzjoni interistituzzjonali bejn il-Kummissjoni Ewropea, il-Parlament Ewropew u l-Kumitat Ewropew tar-Reġjuni, l-Istati Membri u l-komunitajiet jew reġjuni awtonomi fid-definizzjoni ta’ sfidi komuni f’reġjuni tal-fruntiera, fl-identifikazzjoni ta’ soluzzjonijiet possibbli u fil-forniment tal-mezzi meħtieġa biex jiġu indirizzati dawn l-isfidi. Din il-kooperazzjoni tista’ sservi biex jitfasslu konklużjonijiet possibbli dwar id-disinn futur tal-Faċilità Nikkollegaw l-Ewropa wara l-2020 u sservi ta’ mudell għal attivitajiet simili f’oqsma tal-politika tal-UE oħrajn.

11.

Ir-rieżami tal-qafas finanzjarju pluriennali tal-UE fl-aħħar tal-2016 u d-diskussjonijiet li għaddejjin bħalissa dwar il-forma tal-politika tal-koeżjoni wara l-2020 joffru opportunità eċċellenti biex jitressqu xi proposti ġodda bil-għan li jinkiseb appoġġ tal-UE sabiex tinbena l-infrastruttura nieqsa fir-reġjuni tal-fruntiera. B’konformità mal-prinċipju tas-sussidjarjetà, l-aktar soluzzjoni xierqa tkun li jiġi permess il-finanzjament ta’ din l-infrastruttura (inkluża l-infrastruttura fuq skala żgħira) fil-qafas ta’ programmi ta’ kooperazzjoni transkonfinali (Interreg A) u li jiżdiedu r-riżorsi allokati għalihom skont dan.

12.

L-istudju “The potential of closing missing links of small scale infrastructure in Europe’s border regions for growth and employment” (2) fih għadd ta’ studji ta’ każijiet li jikkorraboraw din il-fehma.

13.

Ir-reġjuni tal-fruntiera ħafna drabi jkunu meqjusa bħala periferiċi, iżda jistgħu jservu ta’ ċentru ekonomiku. Sistema ta’ mobilità li tiffunzjona tajjeb hija prerekwiżit għat-tkabbir ekonomiku reġjonali u l-koeżjoni territorjali kif ukoll sabiex jiġi żviluppat il-potenzjal tar-reġjuni funzjonali transkonfinali. Huwa preċiżament fir-reġjuni tal-fruntiera li għad hemm lok konsiderevoli għal titjib fl-oqsma tal-iżvilupp ekonomiku u l-ħolqien tal-impjiegi.

14.

Jirrimarka li ħafna reġjuni fuq il-fruntiera jibbenefikaw mill-kummerċ transkonfinali. It-titjib tal-aċċessibiltà u l-kwalità tat-toroq, tal-ferroviji u l-konnessjonijiet tal-ilma se jikkontribwixxu indirettament biex isolvu l-problemi soċjali u ekonomiċi, b’mod partikolari, it-tnaqqis tar-rata tal-qgħad u t-titjib tal-kwalità tal-ħajja tal-popolazzjoni. Dawn l-aspetti għandhom jitqiesu bħala kwistjonijiet ta’ prijorità fl-aċċess għall-mekkaniżmu ta’ finanzjament għall-fruntieri.

15.

It-turiżmu jista’ jservi bħala l-forza mexxejja sabiex tittejjeb l-infrastruttura. Bil-maqlub, it-titjib tal-infrastruttura jista’ jwassal ukoll għal żieda fit-turiżmu. Katalisti bħal dawn għandhom jiġu sfruttati għall-iżvilupp. B’mod partikulari, m’għandux jiġi ttraskurat ir-rwol tan-netwerks taċ-ċikliżmu transkonfinali fil-promozzjoni tat-turiżmu.

16.

Fil-kuntest tal-konnessjonijiet transkonfinali, l-iżvilupp tad-domanda jista’ jieħu aktar fit-tul. Barra minn hekk, spejjeż ogħla jwasslu għal inċertezza fil-bilanċ bejn l-ispejjeż u l-benefiċċji, speċjalment fil-perjodu inizjali. Għalhekk għandha tingħata attenzjoni partikolari lill-inġinerija finanzjarja tal-proġetti. L-inġinerija finanzjarja tal-proġetti hija wkoll ta’ importanza kritika f’termini ta’ redditu fuq l-investiment u minħabba l-effetti fuq l-attività ekonomika tal-investimenti fl-infrastrutturi li jsiru fil-qafas tal-programmi ta’ kooperazzjoni transkonfinali u l-programmi ta’ żvilupp għat-trasport. Il-kompożizzjoni differenti ta’ sorsi ta’ finanzjament, l-ammont tal-kontribuzzjoni proprja, ir-rata ta’ finanzjament tal-attivitajiet u l-ispejjeż għall-atturi tal-konsorzju huma wkoll fatturi determinanti mill-perspettiva tal-proġetti. Fid-dawl ta’ dawn l-elementi kollha, il-Kumitat jirrakkomanda li, meta l-arranġamenti tal-istrutturi ta’ trasport huma sinifikanti għaż-żewġ pajjiżi kkonċernati, jiġu stabbiliti għal kull żona tal-fruntiera linji gwida u regolamenti uniċi, komuni għall-Istati Membri, għal eliġibbiltà finanzjarja aktar effettiva għall-proġetti.

17.

Is-soluzzjoni għall-konnessjonijiet neqsin tinvolvi l-kostruzzjoni tal-infrastruttura iżda wkoll li jiġu ffaċilitati servizzi bħal konnessjonijiet ġodda tat-trasport pubbliku u tal-merkanzija. Dan jista’ jinkludi wkoll il-ftuħ mill-ġdid ta’ linji eżistenti. F’dan ir-rigward, id-domanda tas-suq taqdi rwol ċentrali fil-vijabbiltà tal-konnessjonijiet ġodda.

18.

Is-soluzzjoni tal-konnessjonijiet transkonfinali neqsin teħtieġ approċċ integrat għat-trasport kemm tal-merkanzija kif ukoll tal-passiġġieri, u għall-modi kollha, jiġifieri bit-triq, bil-ferrovija u fuq l-ilma. Għandha tingħata attenzjoni speċjali lil sistema ta’ biljetti u informazzjoni transkonfinali li tkun ħielsa minn kull ostaklu, bi preferenza għall-intermodalità. Għal dan l-għan, huwa essenzjali li jiġu involuti u koordinati d-diversi kumpaniji li joperaw dawn il-konnessjonijiet, speċjalment l-intrapriżi tal-istat, kif ukoll l-istati u r-reġjuni fl-oqsma ta’ kompetenza tagħhom.

19.

L-ewwel pass f’dan ir-rigward huwa tqabbil aħjar tal-ħinijiet tat-trasport pubbliku fir-reġjuni tal-fruntiera. It-tieni pass jista’ jkun l-implimentazzjoni ta’ konnessjonijiet transkonfinali għat-trasport pubbliku.

20.

Il-mezzi tat-trasport bil-mod, bħalma hija r-rota, jistgħu jaqdu rwol importanti fir-reġjuni tal-fruntieri. Fil-fatt, iċ-ċikliżmu huwa f’ħafna każi mezz ta’ trasport addizzjonali flimkien mat-trasport pubbliku, li qed jintuża dejjem aktar u huwa kompetittiv b’mod partikolari fil-bliet li jbatu mill-konġestjoni. Dan jirrikjedi approċċ u netwerk transkonfinali ta’ infrastruttura taċ-ċikliżmu ta’ kwalità tajba. L-iżvilupp tat-trasport marbut man-netwerks tar-rotot taċ-ċikliżmu Euro Velo jikkontribwixxi wkoll biex itejjeb l-aċċessibilità tad-destinazzjonijiet turistiċi u jista’ b’hekk jitqies bħala objettiv soċjali u ekonomiku.

21.

Fir-reġjuni aktar rurali u ekonomikament anqas żviluppati huwa rakkomandat ukoll ippjanar integrat, b’tali mod li jitneħħew l-ostakli li jimpedixxu l-aċċess għal ċerti postijiet tax-xogħol u faċilitajiet.

22.

Il-punti ta’ qsim tal-fruntieri m’għandhomx jinstabu biss fin-netwerk ċentrali ta’ infrastrutturi, iżda wkoll f’netwerks globali. Dan jippermetti aktar flessibilità fil-vjaġġ bejn id-dar u l-post tax-xogħol u jagħmel l-impjiegi fuq iż-żewġ naħat tal-fruntiera aċċessibbli. Sabiex ikun hemm sistema ta’ mobilità mingħajr xkiel, hemm bżonn ta’ kooperazzjoni transkonfinali aktar b’saħħitha bejn il-livelli kollha tal-gvern u l-imsieħba kkonċernati.

23.

Hija wkoll rakkomandabbli inizjattiva politika konġunta tal-Parlament Ewropew, il-Kummissjoni Ewropea, il-Kumitat Ewropew tar-Reġjuni u l-Istati Membri u li tista’ tinkludi l-elementi li ġejjin:

24.

L-inizjattiva tista’ tkun sensiela komuni ta’ proġetti għall-infrastruttura tat-trasport u għall-armonizzazzjoni tal-istandards operattivi fir-reġjuni tal-fruntieri. Din tista’ tkun issorveljata u appoġġata fil-livell politiku.

Min-naħa tal-Kummissjoni Ewropea, id-DĠ MOVE jista’ jaqdi rwol ta’ koordinazzjoni fir-rigward tal-inizjattivi, il-kondiviżjoni tal-għarfien u l-kooperazzjoni dwar kwistjonijiet ta’ mobbiltà transkonfinali u dwar is-sensiela ta’ proġetti.

25.

L-Interreg m’għandux ikun biss strument ta’ finanzjament, iżda għandu jiffaċilita ppjanar aħjar tal-infrastruttura u tal-faċilitajiet transkonfinali. Il-kooperazzjoni fil-qafas tal-Interreg A jista’ jkollha rwol importanti fl-armonizzazzjoni tal-approċċi u t-tfittxija ta’ soluzzjonijiet għall-kwistjonijiet ta’ mobbiltà transkonfinali.

26.

L-implimentazzjoni ta’ investimenti tista’ tittejjeb permezz ta’ użu akbar tar-Raggruppament Ewropew ta’ Kooperazzjoni Territorjali (REKT). Dan għandu wkoll vantaġġi għall-iżvilupp ta’ sezzjonijiet transkonfinali tal-infrastruttura tat-trasport.

27.

Iċ-ċittadini għandhom jiġu involuti fi stadju bikri fl-iżvilupp ta’ proġetti transkonfinali. Dan huwa essenzjali għas-suċċess tal-proġetti u jikkontribwixxi sabiex jiġu aċċettati. Iċ-ċittadini jingħataw ukoll stampa aħjar tal-opportunitajiet li jinsabu fiż-żona tal-fruntiera.

28.

Matul l-iżvilupp tal-konnessjonijiet transkonfinali, jeħtieġ li titqies il-bidla fl-attitudni għall-fruntieri miftuħa, b’mod partikolari minħabba l-kriżi tar-refuġjati, il-qgħad u ż-żieda fin-nazzjonaliżmu.

29.

L-inizjattivi għall-integrazzjoni tal-popolazzjoni fir-reġjuni tal-fruntiera tal-Istati Membri tal-UE bi fruntieri komuni kif ukoll dawk b’żoni tal-fruntieri mal-pajjiżi ġirien għandhom jiġu promossi. L-appoġġ għan-netwerks ta’ konnessjonijiet tat-trasport jikkontribwixxi għal komprensjoni reċiproka aħjar. Dan it-titjib se jqarreb lill-persuni u ‘l-kumpaniji b’effett pożittiv fuq il-kwalità tal-ħajja tal-persuni fuq iż-żewġ naħat ta’ fruntiera.

30.

L-armonizzazzjoni tal-aspetti tekniċi, regolatorji u finanzjarji hija importanti ħafna sabiex tiġi żgurata konnessjoni transkonfinali tajba tal-infrastruttura u biex din tiġi indirizzata b’mod omoġenju min-naħa tal-Istati Membri differenti. B’mod partikolari, il-linji ferrovjarji u l-konnessjonijiet għandhom jiġu standardizzati, bħal pereżempju l-elettrifikazzjoni u s-sistemi Ewropej ta’ sikurezza (ERTMS), jew il-problemi relatati mal-istandards eżistenti varji f’ħafna pajjiżi Ewropej tal-Lvant li jirrigwardaw il-wisa’ bejn il-linji ferrovjarji. Fir-rigward tal-armonizzazzjoni ta’ aspetti tekniċi, ta’ min isemmi wkoll it-tneħħija ta’ ostakli għall-komunikazzjoni u t-tixrid ta’ informazzjoni u l-ħolqien ta’ pjattaforma komuni għall-informazzjoni lill-utent, il-bejgħ ta’ biljetti onlajn u l-immodernizzar tat-trażmissjoni tad-data dwar l-infrastruttura. Sabiex jintlaħqu dawn l-objettivi, se jkunu essenzjali l-involviment u l-koordinazzjoni tal-amministraturi stati tal-infrastruttura ferrovjarja responsabbli għal dawn il-konnessjonijiet transkonfinali.

31.

Minbarra l-armonizzazzjoni teknika, hemm bżonn ukoll li jiġu armonizzati l-aspetti regolatorji u tal-proċeduri ta’ awtorizzazzjoni sabiex jiġu allinjati l-iskadenzi għall-implimentazzjoni ta’ programmi transkonfinali. Konċessjonijiet transkonfinali għat-trasport pubbliku jistgħu jkunu katalist sabiex tittejjeb il-mobbiltà transkonfinali. Għandha ssir ħafna iktar ħidma maż-żoni tat-trasport reġjonali transkonfinali u mal-awtoritajiet tat-trasport transkonfinali.

32.

L-applikazzjoni u l-estensjoni possibbli tal-proposta tal-Lussemburgu għal introduzzjoni ta’ “għodda għall-assenjazzjoni u l-applikazzjoni ta’ dispożizzjonijiet speċifiċi fir-reġjuni tal-fruntiera”, tkun tippermetti l-applikazzjoni ta’ dispożizzjonijiet legali u tekniċi ta’ pajjiż speċifiku f’pajjiż li jkollu fruntiera miegħu, fil-każ ta’ tulijiet żgħar ta’ konnessjonijiet tat-trasport transkonfinali. Dan jista’ jnaqqas l-ostakli tekniċi u l-ispejjeż. Il-KtR jistieden lill-Kummissjoni tikkunsidra l-proposta għal konvenzjoni transkonfinali Ewropea dwar dispożizzjonijiet speċifiċi fir-reġjuni konfinali, sabiex tivvaluta l-użu possibbli tagħha u biex tippreżenta proposta dwar l-arranġamenti għall-implimentazzjoni tagħha.

33.

Il-maġġoranza l-kbira (95 %) tal-fondi tal-UE (TEN-T-Faċilità Nikkollegaw l-Ewropa) issa tmur għall-kurituri ewlenin tat-TEN-T. Proġetti żgħar fuq in-netwerk globali (comprehensive network) u l-interventi ta’ konnessjoni man-netwerk TEN-T, minkejja li dawn huma essenzjali għas-soluzzjoni ta’ problemi speċifiċi u għall-iżvilupp tal-konnessjonijiet u l-ekonomiji transkonfinali, ta’ spiss ma jkunux eliġibbli għall-(ko)finanzjament jew għall-finanzjament nazzjonali. Dan huwa parzjalment minħabba l-pożizzjoni tal-fruntiera. Ir-rotot u l-konnessjonijiet interni ta’ spiss ikollhom iktar volum.

34.

Pakketti koerenti ta’ proġetti pjuttost żgħar jistgħu jagħtu kontribut sinifikanti biex jitneħħew l-ostakli fir-reġjuni tal-fruntiera. Għaldaqstant, l-istess bħall-proġetti ikbar fit-TEN-T, il-proġetti iżgħar ta’ infrastruttura transkonfinali għandhom ikunu fost il-prijoritajiet tal-aġenda Ewropea. Flimkien mal-interventi tal-infrastruttura huwa xieraq li ssir enfasi speċifika fuq l-inizjattivi ta’ żvilupp tas-servizzi u l-inizjattivi kkoordinati fost l-istati tal-fruntiera li għandhom l-għan li jimmaniġġjaw id-domanda tal-mobbiltà, bħal azzjonijiet immirati biex jiskoraġġixxu l-użu ta’ karozzi privati u jħeġġu l-użu ta’ forom ta’ mobbiltà kollettiva jew kondiviża. B’mod parallel mar-riżorsi tal-Unjoni, l-investimenti fl-infrastruttura jeħtieġu wkoll kontribuzzjoni proprja. Il-proġetti żgħar u kbar iffinanzjati mill-fondi tal-UE (FSIE) jeħtieġu kontribuzzjoni proprja min-naħa tal-imsieħba tal-proġett. Fil-livell tal-Istati Membri, din il-kontribuzzjoni għandha wkoll tiġi kkompletata permezz ta’ ammonti differenti ta’ (ko)finanzjament nazzjonali, abbażi tal-qsim tar-responsabbiltajiet tal-Istat Membru. Il-proġetti transkonfinali, kif ukoll l-istabbiltà finanzjarja tal-imsieħba tal-konsorzju huma garanziji biex l-implimentazzjoni tirnexxi u biex jinstabu fondi.

35.

Rigward il-mobbiltà tal-merkanzija jista’ jkun utli li jiġu promossi interventi għall-armonizzazzjoni tar-regoli tat-traffiku fit-toroq, billi jiġu implimentati inizjattivi biex jitnaqqsu l-impatti fuq it-traffiku minħabba limitazzjonijiet fis-seħħ f’ċerti Stati Membri, u jitrawwem l-iżvilupp ta’ terminali intermodali ferrovija-triq għat-traffiku transkonfinali.

36.

Forom alternattivi ta’ finanzjament jistgħu jaqdu rwol utli u f’dan il-kuntest hija essenzjali s-semplifikazzjoni tar-regoli dwar l-akkwist pubbliku u tar-regoli dwar l-għajnuna mill-Istat. Fl-ippjanar tal-użu tar-riżorsi diretti tal-Unjoni, mill-fażi ta’ żvilupp tal-proġett ‘il quddiem, jistgħu jirriżultaw inċertezzi fir-rigward tal-garanziji ta’ kontribuzzjonijiet proprji tal-atturi statali u mhux statali. Fid-dawl tad-daqs kbir tal-investimenti fl-infrastruttura, ta’ min jikkunsidra l-ħolqien ta’ fond għal riżorsi proprji maħsub għall-iżvilupp tat-trasport u għall-għajnuna għall-iżvilupp tal-proġetti, flimkien ma’ fondi komuni u nazzjonali. Fil-każ ta’ proġetti ta’ kooperazzjoni transkonfinali, jistgħu jinqalgħu problemi għas-sħubijiet mill-fażi ta’ ppjanar ‘il quddiem minħabba n-nuqqas ta’ kontribuzzjonijiet proprji.

37.

Il-Fond Ewropew għall-Investimenti Strateġiċi (FEIS) joffri opportunitajiet għal finanzjament innovattiv għall-proġetti ta’ mobilità u infrastruttura fir-reġjuni tal-fruntiera. Għalhekk, il-KtR jilqa’ b’sodisfazzjon iż-żieda fl-enfasi li l-FEIS 2.0 jagħmel fuq il-finanzjament ta’ aktar proġetti transkonfinali u sostenibbli.

38.

Il-FEIS jaħdem aħjar meta jkun hemm organizzazzjonijiet jew strutturi finanzjarji transkonfinali. Għandu jiġi mistħarreġ kif ir-REKT jistgħu jkunu strutturi adatti u kif jistgħu jiġu kapitalizzati sabiex ikunu eliġibbli għal għajnuna mill-FEIS u/jew il-BEI.

39.

Fil-kuntest tal-FEIS għandhom jiġu żviluppati strumenti finanzjarji oħrajn b’rabta mal-garanziji, biex jiffaċilitaw l-implimentazzjoni ta’ interventi ta’ interess transkonfinali li, għalkemm essenzjali mill-perspettiva ta’ netwerk u ta’ titjib fil-mobbiltà u s-servizzi, ikollhom profili baxxi mil-lat ta’ profitt.

40.

L-elettrifikazzjoni tal-infrastruttura ferrovjarja eżistenti u li tintuża b’mod tajjeb tista’ tkun adatta għal użu koordinat tal-FEIS.

41.

Mhux kull reġjun tal-fruntiera għandu l-istess karatteristiċi u jinsab fl-istess livell. Hemm reġjuni tal-fruntiera metropolitani u reġjuni tal-fruntiera aktar rurali. Il-pożizzjoni ġeografika u l-ostakli naturali jaffettwaw il-possibbiltà li jiġu introdotti konnessjonijiet transkonfinali adegwati u effiċjenti, minbarra li huma wkoll fatturi li għandhom jiffavorixxu aktar liż-żoni rurali jew periferiċi, li huma f’pożizzjoni strateġika u ftit għandhom konnessjonijiet transkonfinali. Minħabba d-differenzi fl-iżvilupp reġjonali, il-fenomeni ekonomiċi u soċjali, speċjalment is-sitwazzjoni tal-impjiegi fir-reġjuni fuq il-fruntiera ma’ pajjiżi terzi, għandhom impatt sinifikanti fuq l-isforzi għall-iżvilupp ekonomiku tar-reġjuni tal-fruntiera.

42.

Fir-reġjuni bi gżejjer, il-vapuri ta’ spiss huma l-unika konnessjoni mat-territorji tal-madwar. Għandha tingħata attenzjoni speċjali lil din is-sitwazzjoni.

43.

Għandha tingħata wkoll attenzjoni speċjali lir-reġjuni muntanjużi transkonfinali, fil-fatt ċerti meded ta’ muntanji huma ostakli konfinali li diffiċli jintlaħaq aċċess għalihom, u li jirrikjedu infrastruttura (vjadotti, mini, eċċ) speċifika u li tiswa ħafna flus. Konnessjonijiet ferrovjarji aħjar fiż-żoni muntanjużi jistgħu jnaqqsu b’mod sinifikanti l-emissjonijiet tas-CO2 u jtejbu l-kwalità tal-arja, kif ukoll jisfruttaw il-potenzjal turistiku u għalhekk jikkontribwixxu għall-vijabbiltà demografika u ambjentali tar-reġjuni muntanjużi.

44.

Meta jiġu żviluppati proġetti transkonfinali u meta jittieħdu d-deċiżjonijiet dwarhom, għandhom isiru analiżijiet tal-ispejjeż u l-benefiċċji, kif ukoll attivitajiet ta’ tħejjija li jassiguraw is-suċċess tal-proġetti ta’ żvilupp. Infrastruttura ta’ konnessjoni bħalma hi linja ferrovjarja ta’ spiss tkun tiswa ħafna. Waqt l-implimentazzjoni tal-proġetti, għandha tingħata kunsiderazzjoni għall-proċeduri tal-offerti, legali, finanzjarji u ta’ analiżi tar-riskju eżistenti, li jvarjaw ħafna skont l-Istati Membri. Barra minn hekk, fil-proċess tat-teħid tad-deċiżjonijiet, għandhom jitqiesu wkoll l-ispejjeż operattivi tal-konnessjoni ferrovjarja.

45.

M’għandhiex titwettaq biss analiżi ekonomika fuq perjodu qasir, iżda għandha tingħata ħarsa wkoll lejn il-valur aktar strateġiku ta’ konnessjonijiet ġodda, li jistgħu jservu ta’ xprun fl-iżvilupp tar-reġjuni (periferiċi) tal-fruntieri. Huwa għalhekk li għal proġetti transkonfinali, għandhom jiġu kkunsidrati wkoll, mill-istadju ta’ ppjanar u ta’ analiżi tal-ispejjeż tal-infrastrutturi, l-istrateġiji ta’ żvilupp għat-trasport adottati mill-Istati Membri kif ukoll li l-istrateġiji nazzjonali ta’ żvilupp relatati għall-ħarsien tal-ambjent, ir-riċerka teknoloġika u l-innovazzjoni, u tiġi żgurata l-konsistenza magħhom.

30.6.2017   

MT

Il-Ġurnal Uffiċjali tal-Unjoni Ewropea

C 207/25

1.

Jenfasizza li l-bliet portwarji u ż-żoni tal-portijiet huma parti sostanzjali tal-ekonomija tal-Unjoni Ewropea (UE), li fi żminijiet fejn il-globalizzazzjoni qiegħda dejjem tiżdied, għandha impatt qawwi fuq il-possibbiltajiet ta’ rkupru, effettività aħjar, l-istimolu tal-innovazzjoni u l-iżgurar tal-kompetittività fit-tul.

2.

Jirrimarka li t-tibdiliet teknoloġiċi fis-setturi tan-navigazzjoni marittima u fuq passaggi tal-ilma interni, se twassal għal konċentrazzjoni ġeografika ta’ operazzjonijiet tal-port, u jfisser impatt sinifikanti fuq id-diversi portijiet ta’ daqs żgħir u medju, li jirriżulta f’telf ta’ funzjonijiet ekonomiċi tagħhom u l-kollass ta’ żoni tal-portijiet u magħhom iż-żoni urbani li jiddependu minnhom.

3.

Jiġbed l-attenzjoni għall-fatt li x-xejra lejn il-liberalizzazzjoni tal-ġestjoni tal-portijiet, hija importanti biex tgħin ittejjeb l-effettività tagħhom, li min-naħa l-oħra tgħin lill-kompetittività tas-settur Ewropew tat-trasport. Jinnota f’dan il-kuntest it-tħassib dwar il-liberalizzazzjoni, li potenzjalment tista’ tiggrava l-għoti ta’ servizzi ta’ interess ekonomiku ġenerali (kif ukoll l-eżerċizzju ta’ funzjonijiet oħra li huma essenzjali għall-funzjonament u l-iżvilupp tar-relazzjonijiet bejn il-belt u l-port). Madankollu, l-Artikolu 345 tat-TFUE jistipula li t-Trattati bl-ebda mod m’għandhom jippreġudikaw ir-regoli fl-Istati Membri dwar is-sistema tas-sjieda tal-proprjetà u r-regolamenti tal-UE ma jimponux mudell ta’ ġestjoni speċifiku fuq il-korpi tal-ġestjoni tal-portijiet.

4.

Huwa tal-fehma li l-miżuri attwali meħuda fil-livell lokali u reġjonali għar-riġenerazzjoni tal-bliet portwarji u ż-żoni tal-portijiet, inklużi l-gżejjer, għandhom bżonn appoġġ iżjed intensiv u mmirat mill-politika ta’ koeżjoni u politiki oħra tal-UE, fl-ispirtu tal-aġenda urbana, l-aġenda territorjali u l-Karta ta’ Leipzig u l-Patt ta’ Amsterdam sabiex jieħdu vantaġġ mill-opportunitajiet li jirriżultaw.

5.

Jilqa’ l-prinċipji tal-Artikolu 15 tar-Regolament dwar il-Portijiet u, mingħajr ma jitfa’ dubju dwar il-ftehim miksub, jistieden lill-Kummissjoni Ewropea tipprovdi iktar gwida fir-rigward tal-implimentazzjoni. Jirrimarka li l-operazzjonijiet tal-portijiet kummerċjali jitwettqu minn operaturi privati u li hemm ħtieġa għall-Awtoritajiet tal-Port biex jikkonsultaw ma’ operaturi privati dwar l-iżviluppi tal-portijiet.

6.

Jistieden lill-awtoritajiet tal-port, il-kumpaniji tat-tbaħħir, l-awtoritajiet tax-xmajjar, l-operaturi ta’ terminals privati u l-assoċjazzjonijiet tagħhom fil-livell Ewropew u reġjonali, għal djalogu mal-awtoritajiet reġjonali u lokali kostali, tal-gżejjer u tal-baċiri tax-xmajjar biex jiġu żviluppati soluzzjonijiet ta’ kompromess għar-riġenerazzjoni tat-tipi kollha ta’ bliet portwarji u żoni tal-portijiet interni u marittimi.

7.

Huwa konxju li l-portijiet marittimi, u b’mod partikolari l-104 port ewlieni tan-netwerk TEN-T, kif ukoll il-bliet prinċipali taż-Żona Ekonomika Ewropea u l-konnessjonijiet tagħhom ma’ portijiet u bliet portwarji ta’ importanza internazzjonali (pereżempju fiċ-Ċina), huma importanti biex iżommu u jsaħħu l-kompetittività tal-ekonomija Ewropea u b’hekk għall-prosperità u l-paċi soċjali.

8.

Jagħraf li l-portijiet interni, u partikolarment il-portijiet interni tan-netwerk ewlieni u komprensiv 79 TEN-T jiffunzjonaw bħala punti nodali għall-ekonomiji reġjonali u lokali. Huma jservu bħala nodi multimodali effiċjenti fuq il-kurituri tal-passaġġi fuq l-ilma interni Ewropej. Dawn huma l-interfaċċa bejn il-parti tat-trasport interkontinentali/marittima u l-mezzi interni tat-trasport (bil-ferrovija, tat-triq u tan-navigazzjoni interna); huma jservu bħala passaġġi estiżi għall-portijiet tal-baħar.

9.

Jenfasizza li xi awtoritajiet lokali Ewropej, speċjalment dawk fil-komunitajiet rurali u tal-gżejjer, jaġixxu wkoll bħala awtoritajiet tal-port funzjonanti b’firxa wiesgħa ta’ responsabbiltajiet għall-appoġġ ta’ soċjetajiet kostali, għall-promozzjoni tal-iżvilupp ekonomiku u l-iżvilupp ta’ portijiet marittimi li jiffunzjonaw tajjeb u li huma sostenibbli. L-awtoritajiet reġjonali u lokali jistgħu jipprovdu interventi pubbliċi kruċjali fil-ġestjoni effettiva tal-portijiet.

10.

Jiġbed il-konklużjonijiet minn diversi studji empiriċi li fihom kien ikkonfermat u dokumentat, kif ir-relazzjonijiet reċiproċi bejn il-portijiet Ewropej u l-bliet portwarji maħluqa matul is-sekli, reċentement inbidlu malajr ħafna, sabiex iż-żieda fil-bastimenti kummerċjali u tal-passiġġieri, u l-iżvilupp fl-użu tal-kontejners wasslu għal konċentrazzjoni ġeografika tas-servizzi portwarji.

11.

Jinnota li għadd ta’ bliet Ewropej kif ukoll reġjoni dipendenti fuqhom, minkejja ż-żieda ġenerali fit-tbaħħir, tilfu l-funzjonijiet ekonomiċi u ta’ impjieg tagħhom li wassal għad-deterjorament taż-żoni urbani portwarji.

12.

Itenni mill-ġdid li minħabba ċ-ċiklu u l-pronjosi ekonomiċi baxxi attwali, aktar innovazzjoni, awtomatizzazzjoni, diġitalizzazzjoni u l-isfruttament tal-potenzjal ta’ swieq ġodda kontinentali u sostenibbli bħall-ekonomija ċirkolari u l-bijoekonomija huma rekwiżiti importanti għat-tkabbir ekonomiku futur.

13.

Jenfasizza li hemm bżonn ta’ klima ta’ investiment stabbli u finanzjament tal-UE kontinwu għal proġetti u inizjattivi innovattivi. Jappoġġja inizjattivi u ideat minn isfel għal fuq bħall-pjattaforma Ewropea fit-tul IWT bejn partijiet interessati pubbliċi u privati u istituzzjonijiet governattivi li jappoġjaw ir-riċerka u l-innovazzjoni sabiex jittejbu r-relazzjonijiet bejn il-portijiet u l-bliet u jtejbu l-kapaċità innovattiva tas-settur.

14.

Jinnota, b’mod partikolari, li l-esternalitajiet pożittivi ġġenerati mill-portijiet, anki fil-każ tal-ikbar portijiet, qed jiġu trasferiti lejn bliet u reġjuni remoti (inklużi dawk li mhumiex fl-UE) minħabba l-globalizzazzjoni; min-naħa l-oħra, jilqa’ d-diversifikazzjoni tal-portijiet li qabel kienu ddeterjorjaw fl-attrazzjoni ta’ attività ekonomika ġdida u l-ġenerazzjoni ta’ effetti konsegwenzjali lokalment.

15.

Ifakkar li, minħabba l-ħtieġa li titnaqqas il-konġestjoni fit-toroq u l-objettiv tal-UE li tittrasferixxi 30 % mit-triq għal trasport bil-ferrovija u trasportazzjoni bl-ilma sal-2030 (White Paper dwar it-Trasport tal-2011 COM(2011) 144 final), netwerk ta’ passaġġi tal-ilma interni żviluppat sew u l-għadd ta’ portijiet interni jistgħu jiksbu importanza akbar fir-rigward ta’ rabta aħjar bejn tal-portijiet maż-żoni interni.

16.

Ifakkar ukoll fir-rwol tal-portijiet ta’ daqs medju li jagħmlu parti min-netwerk TENT-T, flimkien mal-portijiet żgħar fil-gżejjer, l-arċipelagi u r-reġjuni ultraperiferiċi, bħala muturi tat-tkabbir ekonomiku. Dawn huma wkoll essenzjali għall-koeżjoni territorjali fl-UE. Għaldaqstant, dawn għandu jkollhom aċċess aħjar b’mod sinifikanti għall-finanzjament taħt il-Faċilità Nikkollegaw l-Ewropa.

17.

Jinnota l-importanza ta’ żieda fl-effiċjenza u l-kompetittività tal-portijiet marittimi u interni, il-funzjonament aħjar tal-bliet portwarji u r-riġenerazzjoni taż-żoni tal-portijiet, għas-soluzzjoni tal-problemi attwali ta’ tkabbir tal-UE, l-Istati Membri u r-reġjuni, kif ukoll għall-industrijalizzazzjoni globali mill-ġdid.

18.

Huwa tal-opinjoni li aktar appoġġ għat-titjib tal-bliet portwarji u ż żoni tal-portijiet fil-qafas tal-politika ta’ koeżjoni u ta’ politiki settorjali oħra, jkun katalist għall-iżvilupp ekonomiku, soċjali u territorjali tal-UE.

19.

Jirrimarka li kemm il-portijiet marittimi kif ukoll dawk interni u l-bliet portwarji fl-Ewropa għandhom differenzi sinifikanti fir-rigward tad-daqs, il-pożizzjoni ġeografika, il-potenzjal u l-faċilitajiet tal-ġarr tal-merkanzija, marbuta mas-servizzi ekonomiċi assoċjati kif ukoll l-importanza tal-belt portwarja.

20.

Jinnota li r-relazzjonijiet bejn il-bliet kostali u l-portijiet żgħar, ta’ daqs medju u kbar u s-servizzi tal-ġarr tal-merkanzija żgħar, ta’ daqs medju u kbar, jirrikjedu approċċi differenti, u jissuġġerixxi li l-Kummissjoni Ewropea, fit-tfassil tal-miżuri ta’ politika biex jiġu indirizzati dawn il-kwistjonijiet, tikkunsidra dawn id-differenzi, kif ukoll il-fehmiet tal-partijiet interessati fl-ekonomija marittima u tal-awtoritajiet fiż-żoni kostali.

21.

Jinnota li d-dominanza ta’ portijiet fuq il-bliet jew viċi versa b’mod ġenerali iżżid id-distakki fl-iżvilupp tas-sistema tal-port u l-belt portwarja, li hija ta’ żvantaġġ għaż-żewġ partijiet. din il-problema għandha tkun indirizzata, f’konformità mal-Aġenda Territorjali, permezz ta’ proġetti konġunti ta’ atturi ekonomiċi mis-settur marittimu, mill-industrija u mis-settur tas-servizzi mal-awtoritajiet lokali u reġjonali bl-appoġġ ta’ strumenti legali u finanzjarji, fil-qafas ta’ politiki settorjali koordinati tal-UE.

22.

Huwa konxju li ż-żoni tal-portijiet huma żoni partikolari, li fihom bosta attivitajiet ekonomiċi u dawk relatati ma’ bżonnijiet u interessi huma kkonċentrati fuq żona żgħira ħafna, li jirriżulta f’unitajiet territorjali, ekonomiċi u soċjali kumplessi, li jwasslu għall-kunflitti u kontradizzjonijiet inevitabbli, li għandhom bżonn approċċ speċifiku, integrat, ibbażat fuq is-sħubija f’diversi livelli.

23.

Jirrimarka li ħafna portijiet Ewropej, b’mod partikolari dawk mis-seklu 19, fil-fatt huma distretti industrijali, b’żoni industrijali b’volum kbir ta’ faċilitajiet ta’ produzzjoni li jiddependu fuq l-aċċess għall-ilma u negozji involuti fl-ipproċessar tal-materja prima u prodotti nofshom lesti, kif ukoll diversi servizzi marbuta mat-trasport bil-ilma, l-immaniġġar tal-merkanzija u attivitajiet oħra tal-port.

24.

Jinnota l-ħtieġa li tiġi żgurata koordinazzjoni tajba bejn il-portijiet f’reġjun amministrattiv partikolari, kif ukoll kooperazzjoni akbar bejn il-portijiet tul kosta partikolari, irrispettivament mir-reġjun li jappartjenu għalih.

25.

Jenfasizza l-bżonn li jittejbu r-relazzjonijiet istituzzjonali bejn iż-żoni tal-portijiet u l-bliet, u jirrakkomanda li jinħolqu kumitati ta’ integrazzjoni bejn il-port u l-belt, billi jiġu segwiti xi prattiki tajbin ta’ portijiet Ewropej kbar fejn jeżisti kumitat ta’ dan it-tip magħmul minn awtorità lokali, awtorità reġjonali u awtorità tal-port.

26.

Jitlob sabiex il-Fora tal-Kurituri TEN-T jindirizzaw ir-rabtiet bejn il-bliet portwarji u ż-żoni tal-portijiet u jirrakkomanda li jinħolqu pjattaformi speċifiċi għall-bliet portwarji definiti bħala nodi urbani.

27.

Jenfasizza li t-titjib tal-bliet portwarji u ż-żoni tal-portijiet għandu jikkunsidra firxa sħiħa ta’ fatturi b’mod integrat: l-amministrazzjoni strateġika tal-bliet portwarji, is-sinerġiji bejn il-bliet portwarji u fir-relazzjonijiet maż-żona tar-reġjun kostali, il-port u l-belt, l-inċentivi pubbliċi u l-investimenti, id-diversifikazzjoni tal-istruttura ekonomika tal-bliet u ż-żoni portwarji, ir-rabtiet bejn it-trasport fuq l-art u l-passaġġi tal-ilma, il-konnessjonijiet bit-trasport ferrovjarju, il-problemi ambjentali, il-ġestjoni tat-territorju tal-portijiet, ir-rabta tal-portijiet mal-ħajja tas-soċjetà urbana.

28.

Jiġbed l-attenzjoni għall-fatt li l-ħtieġa għal żvilupp ibbilanċjat tal-bliet portwarji teħtieġ soluzzjonijiet innovattivi u integrati għal żvilupp urban integrat fl-UE skont l-aspetti ekonomiċi, soċjali u ambjentali ta’ dawn iż-żoni.

29.

Jirrikonoxxi li, minkejja x-xejra osservata li t-terimini moderni u fuq skala kbira tal-kontejners jiċċaqalqu ‘l bogħod miż-żoni portwarji fil-bliet u xi kultant fiċ-ċentru tal-bliet, is-sinerġiji fir-relazzjonijiet bejn il-port u l-belt qed jinbidlu imma mhux jiddgħajfu, speċjalment fir-rigward tar-rabtiet tat-trasport mar-reġjuni interni, l-infrastruttura tat-telekomunikazzjoni u tal-enerġija elettrika, l-aċċess għas-servizzi urbani, il-forza tax-xogħol imħarrġa, is-sigurtà u wkoll servizzi speċjalizzati sew għall-portijiet u l-ambjenti tan-negozju.

30.

Jenfasizza li s-sinerġiji fir-relazzjonijiet bejn il-portijiet u l-bliet għandhom jiġu identifikati u jissaħħu. Fejn meħtieġ, strumenti strateġiċi mhux vinkolanti bħal pereżempju l-ħolqien ta’ kundizzjonijiet raġonevoli għal skambju ta’ esperjenzi, kodiċijiet ta’ kondotta, linji gwida, komunikazzjonijiet jistgħu jservu bħala strumenti utli.

31.

Jinnota li żoni tal-port fejn il-ġestjoni tal-merkanzija jew l-attività industrijali maġenb l-ilma naqsu jew sparrixxew, minn naħa waħda, jikkostitwixxu piż konsiderevoli għall-bliet portwarji, iżda min-naħa l-oħra joffru wkoll opportunitajiet kbar ta’ żvilupp, u r-relazzjoni bejn l-opportunità u r-riskju tiddependi prinċipalment min-natura tar-relazzjoni bejn il-port u l-belt.

32.

Jirrimarka li dawn li kienu żoni industrijali portwarji kważi dejjem jirrikjedu riabilitazzjoni teknika u ambjentali diffiċli, twila u għolja u ż-żoni urbani ta’ madwar jista’ jkollhom bżonn riablitazzjoni soċjali, kundizzjoni neċessarja biex din l-art issir disponibbli għall-investiment. L-investimenti li jappoġġjaw it-titjib u li jippromovu t-trasformazzjoni jistgħu jkunu essenzjali.

33.

Jappella biex fl-implimentazzjoni tal-aġenda urbana tal-UE u l-Patt ta’ Amsterdam jinħolqu strumenti legali u ta’ appoġġ finanzjarju u tekniku għar-riabilitazzjoni ambjentali tas-sit.

34.

Il-portijiet huma wkoll għajnuniet ekonomiċi, kulturali u storiċi importanti għaż-żoni rurali, għall-gżejjer u għaż-żoni periferiċi. L-espansjoni tat-turiżmu, il-kruċieri u l-attivitajiet ta’ tbaħħir li jimmassimizzaw il-wirt naturali u kulturali hija ta’ importanza ewlenija għat-tkabbir. F’komunitajiet aktar rurali, dawk tal-gżejjer u dawk remoti, l-importanza tar-riġenerazzjoni u l-investiment taċ-ċentri tal-bliet tista’ tkun ħafna aktar vitali.

35.

Jipproponi li jsir possibbli li jinstabu soluzzjonijiet istituzzjonali simili għal żoni ekonomiċi speċjali f’dak li kienu żoni industrijali portwali, filwaqt li jitqiesu l-prinċipji tas-sussidjarjetà kif ukoll tat-trasparenza fil-finanzjament u jiġu stabbiliti kriterji ċari għall-għajnuna mill-Istat.

36.

Jiġbed l-attenzjoni wkoll għall-possibbiltà li tintuża l-esperjenza miksuba u soluzzjonijiet pubbliċi-privati fuq livell Ewropew u nazzjonali, b’mod partikolari fir-rigward żoni urbani ta’ maġenb ilma.

37.

jinnota li l-portijiet huma parti mill-infrastruttura tat-trasport pubbliku u l-UE u dawn huma prinċipalment ġestiti mill-awtoritajiet nazzjonali, reġjonali jew lokali, u dan għandu jibqa’ hekk minħabba l-bżonn li nistimulaw it-tkabbir ekonomiku fil-livell tal-UE u niżguraw is-sostenibbiltà tiegħu.

38.

Huwa konxju li għar-riġenerazzjoni ta’ żoni tal-port u r-riġenerazzjoni ekonomika tal-bliet portwarji hemm bżonn riżorsi li huma akbar mill-ambitu tal-baġits pubbliċi, għaldaqstant hemm bżonn il-parteċipazzjoni ta’ investiment privat u għalhekk anke ta’ istituzzjonijiet finanzjarji. Għaldaqstant iħeġġeġ lill-awtoritajiet pubbliċi fil-livelli kollha madwar l-Ewropa kollha biex jiżguraw taħlita ta’ politki li huma attraenti għall-investiment. B’dan il-mod, il-baġits pubbliċi, speċjalment dawk għal perjodu twil, jistgħu jkunu mmirati aħjar lejn dawk il-każijiet fejn il-forzi tas-suq waħidhom ma jistgħux jipprovdu rispons adegwat.

39.

Jenfasizza li l-bilanċ bejn l-interess ġenerali u l-interess privat, minħabba d-diversità tal-portijiet u l-bliet portwarji għall-UE, minħabba l-livelli differenti ta’ żvilupp, jeħtieġ approċċ imfassal b’mod speċifiku għal kull każ u t-tiftix għal kompromessi li jġibu benefiċċji ekonomiċi għal dawk kollha involuti.

40.

Jistieden lill-Kummissjoni Ewropea teżamina l-possibiltajiet li tippermetti investimenti privati f’żoni portwali, b’garanzija tal-libertà ekonomika it-, trattament ugwali tal-operaturi ekonomiċi, it-trasparenza finanzjarja u kriterji ċari għal għajnuna pubblika u biex ikunu żgurati l-interessi lokali u reġjonali fit-tul.

41.

Jinnota li minnħabba l-globalizzazzjoni dejjem akbar u l-iżvilupp teknoloġiku fit-trasport marittimu u fuq l-art, ħafna portijiet fi ħdan il-bliet portwarji Ewropej, nazzjonali u reġjonali, biddlu l-pożizzjoni tagħhom fl-ambitu tas-sistemi ekonomiċi, ta’ abitazzjoni u ta’ trasport nazzjonali u reġjonali.

42.

Jenfasizza li dawn il-bidliet mhux biss jinvolvu dgħajfien tal-bażi ekonomika ta’ dawn il-portijiet u l-bliet portwarji, iżda wkoll id-diversifikazzjoni funzjonali tal-belt u l-komunitajiet lokali u l-ħtieġa għall-konverżjoni ta’ żoni tal-port u siti industrijali ta’ maġenb l-ilma abbandunati. Jinnota li mhux dejjem il-funzjonijiet ekonomiċi ġodda tal-portijiet u l-bliet portwarji jeħtieġu lokazzjoni maġenb l-ilma, iżda li l-investituri jagħżlu dawn iż-żoni u dawn is-siti għall-faċilità ta’ aċċess tagħhom għall-belt u għall-infrastrutturi, kif ukoll għall-valur tagħhom tal-pajsaġġ u kulturali.

43.

Jirrimarka, b’mod partikolari, li għadd ta’ portijiet Ewropej, kemm marittimi kif ukoll portijiet tax-xmajjar, huma beni kulturali importanti minħabba l-karatteristiċi tagħhom u jirrikjedu miżuri speċifiċi fil-kuntest ta’ programmi u proġetti marbuta mal-patrimonju kulturali Ewropew.

44.

Iqis li l-qafas ta’ programmi u strumenti għat-titjib taż-żoni tal-portijiet u ż-żona industrijali ta’ maġenb l-ilma abbandunati għandu jappoġġja s-setturi pubbliċi u privati li jippermettu l-aħjar użu ta’ dawn l-oqsma, anki fil-każijiet fejn l-iskemi ta’ għajnuna mhumiex relatati ma’ kwistjonijiet marittimi u tat-trasport fuq l-ilma.

45.

Jirrimarka li parti kbira mill-ostakoli għall-iżvilupp tal-portijiet marittimi Ewropej huma n-nuqqas sinifikanti ta’ konnessjonijiet tat-trasport għaż-żoni interni li jfixklu l-effiċjenza tat-trasport u l-katini tal-loġistika. Għalhekk, iħeġġeġ li jiġu konessi aħjar il-portijiet u ż-żoni tal-portijiet bil-mezzi l-oħrajn kollha ta’ trasport, b’mod partikolari b’konnessjonijiet mat-trasport ferrovjarju u li jiġu akkomodati attivitajiet b’valur miżjud sabiex jikkontribwixxu għall-iżvilupp sostenibbli ta’ dawn it-territorji.

46.

jenfasizza li f’perspettiva loġistika integrata, il-ħolqien ta’ netwerk tat-trasport effiċjenti nessarjament jeħtieġ il-ħolqien ta’ pjattaformi loġistiċi fiz-zoni ta’ madwar il-portijiet, żoni maħsuba għall-ħażna, l-għażla u l-preservazzjoni tal-merkanzija kif ukoll l-ilħuq tal-bżonnijiet tal-intermodalità.

47.

Jirrikonoxxi l-ħtieġa għal appoġġ mill-Kummissjoni Ewropea, prinċipalment permezz tal-ħolqien ta’ qafas legali kif ukoll ta’ strumenti finanzjarji ġodda, għall-proġetti mmirati biex itejbu l-aċċessibilità tal-portijiet imfassla jew eżistenti għaż-żoni interni, kif ukoll il-konnettività ta’ żoni remoti, tal-gżejjer u periferiċi permezz tal-modernizzazzjoni tal-konnessjonijiet tat-trasport eżistenti fi ħdan it-TEN-T u TEN-R, kif ukoll in-Netwerk Trans-Ewropew tal-Enerġija (TEN-E) u tat-Telekomunikazzjonijiet (TEN-Telecom) filwaqt li jitqiesu l-ħtiġijiet u l-interessi tal-bliet portwarji fil-qasam tat-trasport urban u reġjonali.

48.

Ir-reġjuni kostali speċjalment dawk b’portijiet għandhom potenzjal kbir li jsiru ċentri ta’ eċċellenza għall-enerġija rinnovabbli, it-turiżmu sostenibbli u l-industriji kreattivi, permezz tal-assi naturali tagħhom. Madankollu, iż-żoni kostali huma ħafna drabi fir-reġjuni periferiċi u ultraperiferiċi u jeħtieġu l-iżvilupp ta’ infrastruttura li torbothom mas-suq uniku ewlieni tal-UE u mal-kumplament tar-reġjun tagħhom.

49.

Jirrikonoxxi li l-funzjonament u l-iżvilupp tal-portijiet jinvolvu problemi ambjentali multipli u ta’ piż, li jikkonċernaw mhux biss lill-istess bliet portwarji iżda wkoll lir-reġjuni kollha tal-kosta u l-baċin tax-xmara: tibdil fl-ekwilibriju u l-kostruzzjoni tal-kosta u x-xtut tax-xmajjar, tniġġis tal-ilma, degradazzjoni tal-ekosistemi akkwatiċi u, fuq skala lokali, produzzjoni ta’ skart, inkluż dak perikolużi, riskji batterjoloġiċi, storbju u emissjonijiet li jagħmlu ħsara fl-atmosfera.

50.

Jinnota li żoni tal-port industrijali abbandunati ġeneralment ikunu kkontaminati u jeħtieġu rijabilitazzjoni ambjentali u għandu jkollhom appoġġ partikolari skont il-qafas tal-programmi u l-proġetti ambjentali f’livelli differenti, inkluż għall-ħarsien tal-ambjent u l-programmi għall-protezzjoni tal-baħar u x-xtut tax-xmajjar. Dan japplika partikolarment għat-terminals li jimmaniġġjaw iż-żejt mhux maħdum, il-prodotti taż-żejt, u l-gass naturali, u għall-installazzjonijiet ta’ ipproċessar, strutturi li jippreżentaw riskji ambjentali partikolari.

51.

Jenfasizza li l-kostruzzjoni ta’ terminals ġodda, normalment ‘il bogħod miż-żoni tal-portijiet eżistenti, normalment iwassal għal ħsara ambjentali sinifikanti, li titlob ippjanar dettaljat partikolari, bl-involviment tal-awtoritajiet lokali u reġjonali, is-soċjetà ċivili, partijiet interessati u l-NGOs sabiex inaqqsu għall-minimu din il-ħsara, u, fejn xieraq, ikun hemm kumpens ambjentali.

52.

Il-valutazzjoni tar-riskju u s-sistemi ta’ ġestjoni tas-sikurezza fejn il-ħaddiema huma appoġġati huma ta’ importanza fundamentali fit-tħaddim kontinwu tal-portijiet u l-mollijiet. Ma tistax issir ħsara għar-reputazzjoni tal-portijiet tal-UE u ż-żoni tal-madwar f’dan ir-rigward.

53.

Ifakkar l-obbligi ġodda imposti mid-Direttiva 2014/94/UE dwar l-installazzjoni ta’ infrastruttura għal-fjuwils alternattivi fil-portijiet, li teħtieġ il-forniment tal-LNG (gass naturali likwifikat) u l-elettriku fuq il-mollijiet qabel il-31 ta’ Diċembru 2025. Dawn id-dispożizzjonijiet ġodda huma ġġustifikati bis-sħiħ minn perspettiva ambjentali u tas-saħħa tal-popolazzjonijiet tal-bliet portwarji, iżda jeħtieġu appoġġ finanzjarju Ewropew, li għandu jiddaħħal fil-pakkett dwar it-trasport diġà f’dan l-istadju iżda speċjalment fil-programmazzjoni li jmiss għal wara l-2020.

54.

Jiġbed l-attenzjoni għall-fatt li l-ambjent għandu jkun parti integrali mill-programmi u l-proġetti kollha tal-UE għar-riġenerazzjoni tal-bliet portwarji u ż-żoni tal-portijiet f’koordinazzjoni mal-programmi u l-proġetti dwar il-ħarsien tal-ambjent, u b’mod partikolari tal-ambjent u l-ekosistemi tal-baħar u tal-ilma.

55.

Jinnota li storikament iż-żoni portwarji, minħabba l-kundizzjonijiet tekniċi u ekonomiċi ta’ dak iż-żmien, żviluppaw direttament biswit iż-żoni urbani, u xi kultant dawn huma l-iktar parti attraenti tagħhom.

56.

Jinnota li minħabba d-devoluzzjoni ta’ ħafna funzjonijiet taċ-ċentri tagħhom lejn il-periferija, iċ-ċentri ta’ ħafna bliet għandhom bżonn titjib tekniku, ekonomiku u soċjali sabiex isiru aktar attraenti għar-residenti, il-kummerċ, il-gastronomija, l-istituzzjonijiet kulturali, kif ukoll l-istituzzjonijiet pubbliċi u s-soċjetà ċivili.

57.

Hu tal-fehma li ċ-ċentri ta’ bliet u ż-żoni tal-portijiet u dawk industrijali abbandunati li jinsabu fuq l-ilma għandhom bżonn approċċ integrat, peress li dawn jeħtieġu rikwalifikazzjoni u appoġġ skont il-prinċipji tal-aġenda urbana u fid-dawl tal-Patt ta’ Amsterdam.

58.

Jenfasizza li l-involviment tal-popolazzjoni lokali u l-konverżjoni ta’ mill-inqas parti miż-żona rikwalifikata f’żoni pubbliċi aċċessibbli għar-residenti u t-turisti huma deċiżivi għas-suċċess ta’ proġetti bħal dawn.

59.

Ifakkar li, f’każ ta’ rikwalifika ta’ żoni tal-portijiet, jeħtieġ l-użu usa’ tal-programmi u l-proġetti tal-UE, l-Istati Membri u r-reġjuni biex jiżviluppaw żoni pubbliċi u biex iħeġġu lill-popolazzjoni lokali.

60.

Huwa tal-fehma li l-ġestjoni effikaċi tar-rikwalifika tal-bliet portwarji u ż-żoni tal-portijiet titlob kooperazzjoni mill-qrib bejn il-partijiet interessati (pubbliċi, privati u kummerjali), u soluzzjonijiet innovattivi fil-qasam tal-ippjanar strateġiku u l-ġestjoni tat-territorju taż-żoni kostali fil-livell lokali u reġjonali fir-rigward ta’ żoni tal-baħar, l-ilmijiet interni, il-bliet portwarji u t-territorji li jinsabu fuq l-ilma.

61.

Huwa tal-fehma li n-nuqqas ta’ regoli u proċeduri għall-ippjanar strateġiku u l-ġestjoni territorjali taż-żoni tal-portijiet tipperikola b’mod serju l-irkupru tagħhom, u għaldaqsant jeħtieġu miżuri ta’ appoġġ, kondiviżjoni tal-esperjenzi u fejn hemm bżonn, regolamentazzjoni mhux vinkolanti fil-livell tal-UE.

62.

Jitlob li l-Aġenda Urbana għall-UE tqis id-diversità ġeografika u funzjonali bejn l-ibliet, u b’mod partikolari l-problemi speċifiċi tal-iżvilupp tal-bliet portwarji, li għandhom jiġu indirizzati permezz ta’ ħidma ulterjuri dwar l-implimentazzjoni tagħhom.

63.

Jilqa’ b’sodisfazzjon li fiż-żewġ dokumenti, titqies l-importanza tal-prinċipju tas-sħubija u l-involviment tal-awtoritajiet lokali, l-organizzazzjonijiet tas-soċjetà ċivili, l-istituzzjonijiet li jiġġeneraw l-għarfien u l-innovazzjoni u n-negozju.

64.

Iqis li filwaqt li l-problemi tal-bliet portwarji u taż-żoni tal-portijiet jaqgħu taħt ir-responsabbiltà tal-awtoritajiet reġjonali u lokali, jista’ jkun hemm benefiċċji għall- kooperazzjoni u l-appoġġ effettivi fil-livell Ewropew. Huwa importanti li jitkompla l-iżvilupp tad-diversi netwerks trans-Ewropej, it-TEN-T, it-TEN-E u t-TEN-Telecom, b’enfasi speċjali fuq l-immodernizzar tal-konnessjonijiet tat-trasport, filwaqt li tingħata prijorità lit-TEN-R, u mingħajr ma tiġi eskluża l-konvenjenza li jinħolqu oħrajn.

65.

Jirrakkomanda li l-politiki tal-UE dwar it-trasport, l-ekonomija marittima u l-protezzjoni tal-ambjent tal-baħar u tal-ħabitats akkwatiċi jikkunsidraw l-isfidi ta’ żvilupp tal-bliet portwarji u ż-żoni tal-portijiet.

66.

Barra minn hekk, jirrakomanda li fil-futur, il-miżuri tal-implimentazzjoni tal-aġenda urbana u l-Patt ta’ Amsterdam jikkunsidraw il-funzjonament u l-iżvilupp tal-bliet portwarji u ż-żoni tal-portijiet.

67.

Jirrakkomanda li għandhom jiżdiedu u jittejbu l-konnessjonijiet mat-trasport ferrovjarju tal-portijiet u tal-bliet portwarji tar-reġjuni periferali.

30.6.2017   

MT

Il-Ġurnal Uffiċjali tal-Unjoni Ewropea

C 207/32

1.

jilqa’ l-Komunikazzjoni dwar it-twaqqif ta’ qafas ta’ sħubija ġdid, peress li tenfasizza l-fatt li l-migrazzjoni hija problema kumplessa u trid tiġi indirizzata f’diversi livelli. Ifakkar li l-asil hu dritt fundamentali tal-bniedem mħares mil-liġi internazzjonali u l-obbligi internazzjonali li jorbtu lill-Istati Membri kollha. Għalhekk iħeġġeġ lill-UE u lill-Istati Membri jistabbilixxu rotot sikuri u legali, bħal “kurituri” umanitarji, viżi għal raġunijiet umanitarji u riunifikazzjoni mtejba tal-familja, għar-refuġjati. L-Istati Membri għandhom janalizzaw il-possibbiltà li l-applikazzjonijiet għal asil jiġu ppreżentati fl-ambaxxati u l-konsulati tagħhom.

2.

jirrikonoxxi li l-Komunikazzjoni tkopri approċċ innovattiv ibbażat l-ewwel u qabel kollox fuq il-kooperazzjoni ma’ pajjiżi terzi, filwaqt li jitqiesu kemm l-interessi tal-UE kif ukoll l-interessi tal-pajjiżi msieħba, sabiex tiġi żgurata ġestjoni aħjar tal-migrazzjoni.

3.

jappoġġja u jirrikonoxxi l-ħtieġa li l-UE titkellem b’vuċi waħda bl-involviment tal-partijiet interessati u l-istituzzjonijiet rilevanti kollha. L-awtoritajiet lokali u reġjonali jistgħu u għandhom jaqdu rwol fl-isforz konġunt mal-UE u fil-livell nazzjonali u ma’ pajjiżi terzi sabiex jimplimentaw sħubijiet ta’ migrazzjoni komprensivi (patti), speċjalment ir-reġjuni u l-muniċipalitajiet b’popolazzjoni ta’ dijaspora sinifkanti mill-pajjiżi koperti mill-Qafas ta’ Sħubija.

4.

jaqbel li hemm bżonn isir ħafna iktar peress li l-UE għadha tħabbat wiċċha ma’ kriżi umanitarja. Pajjiżi terzi u msieħba tal-UE qed jagħtu kenn lil miljuni ta’ refuġjati, ħafna minnhom minorenni mhux akkumpanjati, mġiegħla jħallu djarhom, kif ukoll ħafna migranti ekonomiċi li jixtiequ jiġu l-Ewropa. F’dak il-kuntest, il-kooperazzjoni internazzjonali bejn l-UE u pajjiżi terzi għandha tieħu dimensjoni ġdida u tintroduċi strumenti addizzjonali mfassla biex jagħtu rispons tajjeb għall-isfidi tal-migrazzjoni riċenti u futura.

5.

iħeġġeġ lill-KE tinkoraġġixxi lill-atturi kollha – Stati Membri, istituzzjonijiet tal-UE u pajjiżi terzi ewlenin, biex jaħdmu flimkien fi sħubija sabiex iġibu ordni fil-flussi ta’ migrazzjoni u għall-prevenzjoni ta’ vjaġġi perikolużi fuq il-baħar għal dawk il-persuni li jfittxu asil u għall-migranti ekonomiċi mingħajr dokumenti, f’idejn il-kuntrabandisti u t-traffikanti tal-persuni. Fl-istess ħin, il-KtR huwa konxju dwar l-urġenza li jiġu indirizzati u jitneħħew il-kawżi ewlenin tal-migrazzjoni irregolari u taċ-ċaqliq sfurzat fil-pajjiżi ta’ oriġini. Il-kooperazzjoni internazzjonali, nazzjonali u reġjonali hija kruċjali biex il-politika Ewropea komuni dwar il-migrazzjoni ssir realtà, skont l-Aġenda Ewropea għall-Migrazzjoni.

6.

jirrikonoxxi li l-politiki tal-migrazzjoni u l-iżvilupp huma marbuta mill-qrib. Din ir-rabta kienet parti essenzjali fid-diskussjonijiet dwar l-Aġenda għall-Iżvilupp wara l-2015 tan-NU deċiża f’Settembru 2015 fi New York. Il-ġestjoni tal-migrazzjoni f’mod effettiv u uman għandha titqies bħala kruċjali biex tirnexxi l-implimentazzjoni tal-aġenda. Il-KtR huwa konxju sew tal-benefiċċji u l-opportunitajiet ta’ migrazzjoni sikura, bl-ordni u regolari għall-migranti, il-pajjiżi ta’ oriġini, ta’ transitu u destinatarji. Barra minn hekk, huwa jenfasizza l-importanza li jiġu involuti l-popolazzjonijiet ta’ dijaspora fl-iżvilupp tal-pajjiżi ta’ oriġini tagħhom. Huwa konxju wkoll dwar l-impatt negattiv tal-migrazzjoni irregolari fuq il-migranti u l-obbligu tal-pajjiżi ta’ oriġini biex jilqgħu liċ-ċittadini tagħhom fil-proċeduri ta’ riammissjoni u ritorn, skont id-Direttiva tal-UE dwar ir-Ritorn u l-istrumenti internazzjonali.

7.

itenni l-appoġġ tiegħu għall-Aġenda Ewropea dwar il-Migrazzjoni ppreżentata fl-2015, li tindika l-azzjonijiet varji li għandhom jittieħdu fl-istess ħin biex jindirizzaw l-aspetti esterni u interni tal-isfida attwali tal-migrazzjoni. L-aġenda esterna tiffoka fuq sħubijiet ma’ pajjiżi terzi fl-iżvilupp ta’ miri kredibbli u li jistgħu jintlaħqu biex jitnaqqas l-għadd ta’ persuni mġiegħla jaħarbu, filwaqt li jiġu kkunsidrati l-kawżi fundamentali tal-migrazzjoni irregolari.

8.

jaqbel li minbarra l-miżuri li diġà ttieħdu mill-UE bħas-Summit ta’ Valletta, id-Dikjarazzjoni UE-Turkija, djalogi ta’ livell għoli dwar il-migrazzjoni, il-Politika Ewropea tal-Viċinat riveduta, il-laqgħa tal-Mexxejja tal-Balkani tal-Punent, jeħtieġ li jissaħħaħ aktar l-approċċ strateġiku tal-UE għall-perjodu fit-tul fir-rigward ta’ pajjiżi terzi u li jissaħħu l-koerenza u l-koordinazzjoni interni mal-Istati Membri tal-UE. Jinħtieġ approċċ aktar koordinat, sistematiku u strutturat biex jiġu massimizzati s-sinerġiji u l-effetti ta’ lieva tal-politiki interni u esterni tal-Unjoni. Barra minn hekk, għandu jiġi ggarantit l-aċċess dirett tal-awtoritajiet lokali u reġjonali għall-fondi tal-Politika Ewropea tal-Viċinat kif ukoll għal fondi oħra rilevanti għaż-żona tal-Mediterran.

9.

jaqbel li, minbarra li tnaqqas il-possibbiltajiet għal migrazzjoni irregolari u l-possibbiltajiet ta’ dħul illegali fl-UE, l-UE jeħtieġ li flimkien mal-pajjiżi ta’ oriġini li jinvolvu b’mod attiv lill-komunitajiet tal-immigranti fil-pajjiżi tal-Unjoni, ssaħħaħ politiki ta’ riammissjoni u ta’ ritorn li jkunu koerenti, kredibbli u effettivi, filwaqt li jiġu rispettati d-drittijiet tal-bniedem u l-prinċipju ta’ non-refoulement, filwaqt li tqis il-kapaċità effettiva tal-pajjiżi ta’ oriġini u tat-tranżitu biex jiggarantixxu d-drittijiet ta’ dawk li jiġu riammessi jew jerġgħu lura f’pajjiżhom;

10.

mingħajr preġudizzju għall-obbligi internazzjonali biex tingħata protezzjoni għal dawk li qed ifittxu asil jew dawk kollha intitolati għal forom oħra ta’ protezzjoni internazzjonali, tkun xi tkun ir-regolarità tad-dħul tagħhom fl-UE, il-KtR jappella għat-twaqqif ta’ hotspots f’pajjiżi terzi, għal persuni li jitolbu protezzjoni internazzjonali. Dawn il-hotspots għandhom jiġu stabbiliti f’pajjiżi terzi, immexxija mill-UE u korpi internazzjonali (UNHCR), u għandu jkollhom il-kompitu li jeżaminaw il-leġittimità ta’ talbiet għall-asil. Għal dawk li jingħataw id-dritt ta’ asil jew protezzjoni internazzjonali, għandhom jiġu pprovduti mezzi ta’ trasport regolari lejn pajjiżi Ewropej tal-għażla tagħhom, u b’hekk jiġu evitati trasbordi fuq dgħajjes mhux tajbin għat-tbaħħir ġestiti minn kuntrabandisti.

11.

jaqbel li, l-UE trid tistabbilixxi rotot biex il-persuni jidħlu fl-UE legalment – sew jekk biex ifittxu protezzjoni internazzjonali kif ukoll biex ifittxu xogħol, edukazzjoni, riċerka jew opportunitajiet ta’ investiment.

12.

iħeġġeġ lill-UE u lill-KE jinsistu fuq kooperazzjoni aħjar bejn id-diversi korpi u aġenziji fil-ġlieda kontra t-traffikanti u l-kuntrabandisti – Frontex, in-NATO, l-EUNAVFORMED, iċ-Ċentru Ewropew kontra l-Faċilitazzjoni ta’ Dħul Klandestin ta’ Migranti fil-Europol, u fuq kondiviżjoni aħjar tad-data tal-intelligence bejn dawn l-aġenziji u l-aġenziji tal-Istati Membri.

13.

jitlob lill-UE biex tipprovdi appoġġ addizzjonali lill-organizzazzjonijiet bħall-Uffiċċju Internazzjonali tal-Migrazzjoni (IOM), li qed jgħinu biex jirritornaw lil migranti li jaslu f’pajjiżi ta’ tranżitu u jirrealizzaw li ġew ingannati jew sempliċement ma jixtiqux ikomplu lejn l-UE.

14.

jilqa’ b’sodisfazzjoni l-għan aħħari tal-Qafas ta’ Sħubija li jservi ta’ impenn koerenti u mfassal apposta fejn l-Unjoni u l-Istati Membri tagħha jaġixxu f’mod koordinat u jużaw strumenti, għodod u effetti ta’ lieva biex jikkonkludu sħubijiet komprensivi (patti) ma’ pajjiżi terzi għal ġestjoni aħjar tal-migrazzjoni b’rispett sħiħ tal-obbligi tad-drittijiet tal-bniedem u umanitarji tal-imsieħba kollha tagħna.

15.

jappoġġja bis-sħiħ l-għan fuq perjodu ta’ żmien qasir li jiġu salvati l-ħajjiet fil-baħar Mediterran u jitlob li jkun hemm objettiv fit-tul li ssir ħidma ma’ pajjiżi msieħba biex jiġu evitati l-vjaġġi perikolużi bil-baħar taħt il-kontroll ta’ gruppi involuti fil-kriminalità organizzata; jappoġġja l-mira li jiġu introdotti inċentivi għar-ritorn u riammissjoni lejn pajjiżi ta’ oriġini u li l-migranti u r-refuġjati jingħataw għajnuna biex jibqgħu l-eqreb possibbli ta’ darhom. Għandha tingħata prijorità lil applikanti vulnerabbli, b’mod partikolari minorenni mhux akkumpanjati li l-aħjar interessi tagħhom għandhom dejjem ikunu kunsiderazzjoni primarja f’konformità mad-deċiżjonijiet tal-Qorti tal-Ġustizzja; f’dan ir-rigward, jistieden lill-Kummissjoni Ewropea tkompli taħdem dwar il-kwistjoni tal-minorenni mhux akkumpanjati fil-proċess tal-migrazzjoni, li bosta drabi huwa proċess fil-kompetenza tar-reġjuni. Għalhekk, qed jistenna bil-ħerqa l-istrateġija globali ġdida tal-Kummissjoni, li għandha tiġi implimentata bħala segwitu għall-Pjan ta’ Azzjoni dwar il-minorenni mhux akkumpanjati (2011-2014), b’tali mod li titqies is-sitwazzjoni tat-tfal nieqsa jew mhux akkumpanjati.

16.

itenni l-impenn tal-UE biex tindirizza l-isfidi ekonomiċi, soċjali u demografiċi fit-tul u n-nuqqas ta’ ħaddiema fl-UE, permezz ta’ politiki ġodda speċifiċi dwar il-migrazzjoni legali, skont l-Aġenda tal-UE dwar il-Migrazzjoni u strumenti ta’ politika ewlenin oħrajn dwar il-migrazzjoni. Dan jista’ jsir ukoll billi jiġu appoġġjati l-aspirazzjonijiet leġittimi ta’ dawk li ilhom residenti biex jieħdu sehem u jagħtu kontribut fil-ħajja pubblika u politika. Il-migrazzjoni minn pajjiżi terzi tista’ tiżgura tkabbir sostenibbli għall-ekonomija tal-UE u l-Ewropa għandha bżonn persuni bi kwalifiki biex tiżgura l-kompetittività fil-livell dinji. Fl-istess ħin, il-pajjiżi msieħba jibżgħu mill-eżodu ta’ mħuħ. Il-migrazzjoni ċirkolari tista’ tkun soluzzjoni sabiex jiġi evitat il-periklu ta’ eżodu tal-imħuħ minn pajjiżi terzi.

17.

ifakkar lill-Kunsill li l-KtR jista’ jiffaċilita d-djalogu u l-kooperazzjoni mal-awtoritajiet lokali u reġjonali f’pajjiżi ta’ oriġini u ta’ transitu tal-migranti, pereżempju permezz tal-pjattaformi u korpi eżistenti (ARLEM, CORLEAP, il-Kumitati Konsultattivi Konġunti u l-Gruppi ta’ Ħidma). Din il-kooperazzjoni hija kundizzjoni neċessarja għall-implimentazzjoni ta’ miżuri ta’ qabel it-tluq li jħejju lill-migranti qabel ma jidħlu legalment fl-UE jew lir-refuġjati qabel jiġu risistemati minn pajjiżi msieħba li bħalissa qed jospithawhom (bħat-Turkija, il-Libanu u l-Ġordan).

18.

jissuġġerixxi l-iffaċilitar tal-iskambju ta’ informazzjoni bejn l-awtoritajiet lokali u reġjonali tal-UE u l-pajjiżi ta’ oriġini ta’ migranti ekonomiċi sabiex l-inċentivi għall-migrazzjoni irregolari jitnaqqsu b’mod sinifikanti; tali skambji ta’ informazzjoni għandhom ikopru s-sensibilizzazzjoni dwar ftehimiet ta’ riammissjoni, u jinfurmaw lill-persuni li jixtiequ jilħqu lill-UE rigward l-opportunitajiet ta’ xogħol reali fl-UE, il-perikli li jittieħdu rotot illegali ta’ migrazzjoni, is-sitwazzjoni reali dwar ir-regoli u r-regolamenti marbuta mal-protezzjoni internazzjonali li spiss huma rappurtati ħażin sabiex il-migranti jitħajru jafdaw lit-traffikanti, il-possibbiltajiet ta’ impjieg, il-benefiċċji soċjali disponibbli, eċċ.

19.

jaqbel li l-inċentivi pożittivi għandhom ikunu parti mill-politika tal-iżvilupp tal-UE, filwaqt li jippremjaw dawk il-pajjiżi li jissodisfaw l-obbligu internazzjonali tagħhom li jieħdu lura ċ-ċittadini tagħhom stess, dawk li jikkooperaw fil-ġestjoni tal-migrazzjoni minn pajjiżi terzi, kif ukoll dawk li jieħdu azzjoni biex jilqgħu tajjeb lil persuni li qed jaħarbu kunflitti u persekuzzjoni.

20.

jaqbel li, sabiex l-approċċ il-ġdid jirnexxi, hemm bżonn taħlita ta’ inċentivi pożittivi u negattivi f’dak li għandu x’jaqsam mal-pajjiżi msieħba. Fl-istess ħin, hemm bżonn li jinstab bilanċ delikat bejn l-inċentivi għall-ġestjoni tal-migrazzjoni u l-għajnuna tal-UE għall-iżvilupp dinji. L-għajnuna ma għandhiex tkun soġġetta kompletament għat-twettiq tal-obbligi fil-ftehimiet ta’ riammissjoni ma’ pajjiżi terzi, peress li dan jista’ jipperikola l-kisba tal-Għanijiet ta’ Żvilupp Sostenibbli u l-impenji tal-UE marbuta mat-Trattat ta’ Lisbona dwar il-qerda tal-faqar estrem u l-inugwaljanza. Għandha ssir distinzjoni bejn il-kapaċità u r-rieda ta’ pajjiżi imsieħba biex jikkoperaw mal-UE fil-ġestjoni tal-migrazzjoni mal-UE, peress li dawn huma sostanzjalment differenti. F’dan ir-rigward, il-KtR iqis li l-użu tal-Għajnuna Uffiċjali għall-Iżvilupp għandu jiffoka fuq proġetti fil-qasam tas-sigurtà u l-ġestjoni tal-fruntieri biss meta jkun ċar li huma ta’ benefiċċju għall-benefiċjarji. Pajjiżi msieħba li ma jistgħux jimplimentaw arranġamenti ta’ migrazzjoni għandhom xorta jkunu jistgħu jibbenefikaw minn strumenti finanzjarji u strumenti oħrajn immirati biex jitħaddmu l-ftehimiet tal-UE dwar il-migrazzjoni.

21.

għaldaqstant iħeġġeġ lill-UE biex tipprova tiżviluppa sħubijiet ma’ partijiet terzi mfassla apposta li jirriflettu ġenwinament il-ħtiġijiet, it-tħassib u l-kapaċitajiet tal-partijiet terzi, filwaqt li jitqies il-fatt li msieħba varji jiffaċċjaw sfidi differenti u ċirkustanzi differenti.

22.

iħeġġeġ lill-Istati Membri tal-UE li tradizzjonalment għandhom rabtiet mill-qrib ma’ pajjiżi partikolari (storiċi, kulturali, ekonomiċi, eċċ.) biex jużaw dawn il-konnessjonijiet għall-promozzjoni tal-kooperazzjoni ma’ dawk il-pajjiżi u bejniethom, biex jiffaċilitaw ir-riammissjoni u r-riintegrazzjoni tal-persuni riammessi.

23.

iħeġġeġ lill-Kummissjoni Ewropea biex, mill-aktar fis possibbli, tiffinalizza l-Prijoritajiet tas-Sħubija l-ġodda mal-Ġordan u l-Libanu wara r-reviżjoni tal-Politika Ewropea tal-Viċinat tal-2015. Il-Libanu u l-Ġordan, flimkien mat-Turkija, jospitaw aktar minn 5 miljun refuġjat Sirjan. Fil-Ġordan, attwalment persuna minn kull disa’ hija refuġjat mill-gwerra ċivili tas-Sirja – kważi 700 000 minn 6,7 miljun abitant. Fil-Libanu, din iċ-ċifra hija ta’ 1,1 miljun minn 4,6 miljuni u fit-Turkija aktar minn 2,5 miljuni minn 79,5 miljun abitant.

24.

jinsab imħasseb dwar il-Ftehim bejn l-UE u t-Turkija tat-18 ta’ Marzu 2016 dwar ir-refuġjati, b’mod partikolari minħabba diversi kwistjonijiet serji dwar id-drittijiet tal-bniedem fir-rigward tad-detenzjoni ta’ persuni li jfittxu l-asil f’“hotspots” fil-gżejjer Griegi tal-Eġew, iżda wkoll minħabba li l-applikanti għall-asil jirritornaw lejn it-Turkija bħala “l-ewwel pajjiż ta’ asil” jew “il-pajjiż terz sigur”, u minħabba l-biża’ li t-Turkija tista’ tkun qed tirritorna lir-refuġjati lejn is-Sirja hi stess. Il-KtR huwa wkoll imħasseb b’kemm hu miexi bil-mod il-bini tal-kapaċità fis-sistemi tal-asil Griegi biex jamministraw il-proċess tal-asil fil-hotspots u bid-dewmien fl-ogħti ta’ appoġġ lill-Greċja, dwar il-livell ta’ risistemazzjoni tar-refuġjati mit-Turkija li s’issa kien baxx ħafna, u dwar id-dewmien fl-iżborż tal-għajnuna finanzjarja tal-UE biex tappoġġja l-isforzi tat-Turkija fl-għajnuna lir-refuġjati Sirjani.

25.

huwa kritiku dwar l-istabbiliment, mingħajr garanziji proprji, tas-16-il pajjiż ta’ prijorità identifikati fil-Komunikazzjoni għal ftehimiet ġodda peress li mhux kollha jistgħu jitqiesu bħala “pajjiżi terzi siguri” u/jew għandhom kondotta aċċettabbli fil-qasam tad-drittijiet tal-bniedem. Anke jekk ir-regola “pajjiż terz sigur” ma tkunx tapplika għal dawn il-ftehimiet, l-eżempju tat-Turkija jibgħat sinjali inkwetanti f’dan ir-rigward. Għandhom jiġu stabbiliti mekkaniżmi sabiex l-UE tissorvelja l-akkoljenza f’dan il-pajjiżi.

26.

jistenna bil-ħerqa l-adozzjoni tal-Komunikazzjoni strateġika dwar it-Tuneżija. Il-kontinwazzjoni tat-tranżizzjoni paċifika u demokratika ta’ wara r-rivoluzzjoni fil-pajjiż fil-mixja lejn l-istabbiltà ekonomika u ta’ sigurtà tibgħat sinjal pożittiv ħafna għaż-żona u għalhekk għandha tingħata l-appoġġ tal-UE.

27.

ifakkar li s-sitwazzjoni fil-Libja tirrikjedi attenzjoni partikolari u passi strateġiċi, u jilqa’ b’sodisfazzjoni l-impenn previst f’dan ir-rigward fil-Komunikazzjoni. Il-KtR jenfasizza l-importanza tal-kooperazzjoni mal-awtoritajiet lokali u reġjonali Libjani u jistieden lill-Kummissjoni Ewropea biex tagħti appoġġ sħiħ għall-isforzi li saru mill-KtR u l-ARLEM biex jippromovu inizjattivi ta’ kooperazzjoni bejn l-awtoritajiet lokali u reġjonali tal-UE u l-kontropartijiet Libjani tagħhom, li nbdew fl-aħħar plenarja tal-ARLEM f’Nikosija (l-Inizjattiva ta’ Nikosija).

28.

jilqa’ bi pjaċir l-enfasi fuq il-kooperazzjoni ma’ pajjiżi ta’ transitu, li s-soltu jġarrbu piż finanzjarju sinifikanti – partikolarment fil-livelli lokali u reġjonali – meta jilqgħu persuni li jfittxu asil u migranti irregolari. Id-Dikjarazzjoni ta’ New York għar-Refuġjati u l-Migranti tan-NU adottata f’Settembru 2016 irrikonoxxiet li ċ-ċaqliq ta’ numru kbir ta’ refuġjati u migranti jolqot b’mod sproporzjonat il-pajjiżi fil-viċinat u l-pajjiżi ta’ transitu li joperaw fil-limiti tal-kapaċitajiet tagħhom. Għalhekk, l-awtoritajiet lokali u reġjonali ta’ pajjiżi terzi għandhom jibbenefikaw mit-tisħiħ tal-kapaċitajiet, l-għajnuna finanzjarja u l-kondiviżjoni tal-informazzjoni mmexxijin mill-UE. Jistieden lill-UE biex tinkludi faċilitajiet li jappoġġjaw kooperazzjoni diretta ta’ bejn il-pari fost l-awtoritajiet lokali u reġjonali mill-UE u l-pajjiżi msieħba biex jiżdiedu l-kapaċitajiet ta’ ppjanar u tmexxija fil-livell lokali u reġjonali.

29.

jaqbel li parti essenzjali ta’ kull patt se jkun l-isforzi komuni sabiex ir-ritorn u r-riammissjoni jkunu effettivi għall-persuni li fittxew l-asil u ma jirnexxielhomx u għall-migranti irregolari. Il-KtR jirrikonoxxi li l-awtoritajiet lokali u reġjonali tal-pajjiżi ta’ oriġini huma fuq quddiem tal-politiki ta’ migrazzjoni b’bosta responsabbiltajiet ewlenin, bħalma huma l-provvediment ta’ aċċess għas-suq tax-xogħol, għall-akkomodazzjoni, għall-edukazzjoni u għall-kura tas-saħħa, li kollha għandhom impatt dirett fuq il-kapaċità tagħhom li jintegraw lill-persuni ritornati u b’hekk jiżguraw koeżjoni soċjali u soċjetajiet sostenibbli. Kwistjonijiet regolari bħall-akkoljenza, l-integrazzjoni u r-riintegrazzjoni ta’ migranti jinħassu b’mod partikolari fil-livell lokali u reġjonali. Għaldaqstant, il-patti għandhom ifittxu li jtejbu l-effettività u s-sostenibbiltà tal-proċess ta’ ritorn u jipprovdu finanzjament adatt għar-ritorn voluntarju, kif ukoll jgħinu lill-pajjiżi ta’ oriġini biex jirriintegraw iċ-ċittadini riammessi.

30.

jemmen li l-governanza f’diversi livelli hija l-aktar mezz adegwat sabiex tiġi ġġenerata t-taħlita meħtieġa ta’ miżuri u inizjattivi, sabiex jinkisbu l-aqwa riżultati fl-akkoljenza, l-integrazzjoni u r-riintegrazzjoni tal-migranti.

31.

ifakkar li l-prattiki tajbin għandhom jiġu kondiviżi fost l-awtoritajiet lokali u reġjonali fl-UE u f’pajjiżi terzi fir-rigward tal-aspetti kollha ta’ migrazzjoni, inklużi imma mhux biss, dwar politiki ta’ integrazzjoni u riintegrazzjoni, l-indirizzar tal-migrazzjoni irregolari, l-għarfien dwar sinjali ta’ twissija bikrija u/jew prevenzjoni minn kmieni ta’ sitwazzjonijiet ta’ kriżi, il-ġlieda kontra l-kuntrabandu ta’ persuni u t-traffikar tal-migranti (skont il-Pjan ta’ Azzjoni tal-UE kontra t-traffikar tal-migranti (2015-2020), il-Protokoll tan-NU dwar id-dħul klandestin ta’ migranti fuq l-art, bil-baħar u bl-ajru, l-Istrateġija tal-UE għall-qerda tat-traffikar tal-bnedmin (2012-2016) u l-Protokoll ta’ Palermo). Il-KtR qiegħed f’pożizzjoni tajba biex jilħaq il-bliet u r-reġjuni f’pajjiżi msieħba biex jiffaċilita u jħeġġeġ l-iskambju ta’ ideat u prattiki innovattivi u biex iħeġġeġ l-involviment aktar effettiv tal-awtoritajiet lokali u reġjonali fit-tfassil u l-implimentazzjoni tal-politiki ta’ migrazzjoni u ta’ integrazzjoni, b’konformità mal-governanza f’diversi livelli u mal-prinċipju tas-sussidjarjetà.

32.

jaqbel li l-għarfien espert u r-riżorsi tal-Istati Membri huma essenzjali għall-implimentazzjoni tal-patti u li kooperazzjoni effettiva tiddependi minn netwerks ta’ esperti tal-UE fuq il-post, inklużi dawk b’għarfien tad-dimensjoni lokali u reġjonali tal-migrazzjoni. Għalhekk, il-KtR jilqa’ b’sodisfazzjon it-tnedija tal-uffiċjali ta’ kollegament dwar il-migrazzjoni Ewropez f’pajjiżi prijoritarji ta’ oriġini u ta’ transitu sabiex jgħinu fil-koordinazzjoni tal-kooperazzjoni tal-UE kontra t-traffikar tal-migranti, u jħeġġeġ lill-Istati Membri biex jinnominaw malajr l-esperti adatti għal dan il-kompitu.

33.

jappoġġja l-użu ta’ strumenti finanzjarji eżistenti u fondi fiduċjarji eżistenti biex jintlaħqu l-għanijiet għal perjodu ta’ żmien qasir tal-patt, iżda jistieden lill-Istati Membri tal-UE sabiex, f’dan il-kuntest, jipprovdu l-kontribuzzjonijiet rispettivi tagħhom għal dawn il-fondi kif miftiehem mingħajr dewmien.

34.

jenfasizza l-importanza ta’ sfruttar tas-sinerġiji bejn il-fondi eżistenti bħalma huma: il-Faċilità għar-Refuġjati fit-Turkija (EUR 3 biljuni), il-Fond Fiduċjarju ta’ Emerġenza tal-UE għall-Afrika (EUR 1,8 biljun), il-Fond Fiduċjarju Reġjonali tal-UE b’reazzjoni għall-kriżi Sirjana (EUR 1 biljun) kif ukoll strumenti oħra finanzjarji li potenzjalment jistgħu jipprovdu sa EUR 8 biljuni għall-perjodu 2016-2020 għall-implimentazzjoni tal-patti. Għandhom jiġu eżaminati wkoll is-sinerġiji mal-fondi strutturali.

35.

jilqa’ bi pjaċir il-proposta tal-Kummissjoni għal Pjan ta’ Investiment Estern ambizzjuż li jkun jindirizza l-kawżi bażiċi tal-migrazzjoni irregolari u jappoġġja lill-pajjiżi msieħba biex jimmaniġġjaw il-kosegewenzi tal-migrazzjoni irregolari fl-Afrika u fil-pajjiżi tal-viċinat tal-UE, filwaqt li jikkontribwixxi biex jintlaħqu għanijiet ta’ żvilupp oħrajn tan-NU, u jistieden lill-Kummissjoni biex tiżviluppa din l-għodda malajr kemm jista’ jkun, fi djalogu mill-qrib mal-Istati Membri tal-UE u l-imsieħba internazzjonali.

36.

jilqa’ bi pjaċir il-pakkett tal-Pjan ta’ Investiment Estern propost għall-Afrika u l-pajjiżi tal-Viċinat tal-UE bl-għan li jimmobilizza investimenti (permezz ta’ ambjent imtejjeb għan-negozju, punt ta’ riferiment uniku għal talbiet ta’ finanzjament għal investimenti u għal finanzjament tas-settur privat) u biex jagħti spinta lill-ħolqien ta’ impjiegi f’pajjiżi msieħba.

37.

jilqa’ t-tisħiħ fl-għajnuna teknika u l-appoġġ tal-UE għal riformi ekonomiċi u strutturali sabiex jittejjeb l-ambjent tan-negozju. Il-KtR jappella b’mod partikolari sabiex l-assistenza teknika proposta tinvolvi lill-awtoriajiet u ‘l-kumpaniji lokali, u tgħinhom biex jiżviluppaw numru kbir ta’ proġetti bankabbli li jtejbu l-ambjent ġenerali tan-negozju u tingħata informazzjoni dwarhom lill-komunità internazzjonali tal-investituri.

38.

jinsab konvint dwar l-impatt fuq perjodu ta’ żmien medju u fit-tul li l-pjan ta’ investiment propost se jkollu biex itejjeb l-iżvilupp sostenibbli fil-pajjiżi msieħba tal-UE li huma pajjizi ewlenin ta’ oriġini tal-migranti jew pajjiżi ewlenin ta’ transitu ta’ persuni li jfittxu asil jew ta’ migranti irregolari. Għalhekk, il-pjan propost se jindirizza direttament il-kawżi prinċipali tal-migrazzjoni irregolari, u se jgħin biex jitnaqqsu l-inċentivi għall-involviment fiha.

39.

jirrikonoxxi l-importanza li l-UE, l-Istati Membri, pajjiżi terzi, Istituzzjonijiet Finanzjarji Internazzjonali u istituzzjonijiet bilaterali Ewropej għall-iżvilupp kif ukoll is-settur privat li lkoll jikkontribwixxu għall-pjan ta’ investiment. Il-KtR jilqa’ b’sodisfazzjon l-inizjattiva tal-KE li tippreżenta Pjan ta’ Investiment Estern ambizzjuż, bl-għan li jimmobilizza EUR 62 biljun bħala kontribut biex jintlaħqu l-għanijiet ta’ żvilupp tan-NU u b’hekk jiġu indirizzati l-kawżi prinċipali tal-migrazzjoni irregolari.

40.

F’dan ir-rigward jitlob li l-inizjattiva tal-Kummissjoni tiġi implimentata permezz tal-iffirmar ta’ ftehim speċifiku mal-Istati Membri u msieħba internazzjonali oħra, fejn jintalbu jipprovdu min-naħa tagħhom l-ekwivalenti tal-kontribuzzjonijiet totali disponibbli mill-UE, bħala inċentivi għal aktar investimenti pubbliċi u privati.

41.

jilqa’ b’sodisfazzjon il-pjan ippreżentat f’Settembru li huwa bbażat fuq tliet pilastri: mobilizzazzjoni tal-investiment privat; tisħiħ tal-assistenza teknika; u titjib tal-ambjent tan-negozju inġenerali; jiddispjaċih dwar in-nuqqas ta’ kwalunkwe referenza għall-awtoritajiet lokali u reġjonali fil-Komunikazzjoni u jenfasizza l-importanza li l-assistenza u r-riżorsi jingħataw lill-awtoritajiet lokali u reġjonali. It-tieni pilastru għandu naturalment jinvolvi wkoll lill-awtoritajiet lokali u reġjonali, u l-KtR għandu jkun imsieħeb fl-implimentazzjoni tiegħu. L-Atlas ta’ Kooperazzjoni Deċentralizzata tal-KtR jista’ jservi bħala għodda siewja biex jgħin fl-identifikazzjoni ta’ proġetti li jeħtieġu finanzjament u msieħba ta’ kooperazzjoni possibbli. Jappella sabiex l-awtoritajiet lokali u reġjonali jiġu rappreżentati fl-istruttura ta’ governanza tal-Pjan ta’ Investiment Estern.

42.

iħeġġeġ għaldaqstant lill-KE biex tinvolvi lill-KtR fit-tfassil tal-pjan bħala l-leħen tal-awtoritajiet lokali u reġjonali fl-UE, li ħafna minnhom għandhom esperjenza estensiva fil-kooperazzjoni għall-iżvilupp.

43.

iħeġġeġ lill-Kummissjoni biex tistħarreġ modi kif tinvolvi diversi gruppi tad-dijaspora fl-Istati Membri tal-UE sabiex ikunu msieħba fl-investimenti ta’ finanzjament fil-pajjiżi ta’ oriġini tagħhom. Fl-2013, il-migranti mill-pajjiżi li qed jiżviluppaw bagħtu aktar minn EUR 400 biljun f’pajjiżhom. Dawn il-flus għandhom it-tendenza li jkunu aktar stabbli minn flussi oħrajn ta’ kapital privat, naqsu biss b’5 % matul il-kriżi finanzjarja globali reċenti u rkupraw malajr għal-livelli ta’ qabel il-kriżi. Eżempju tajjeb tal-potenzjal ta’ rimessi huwa l-fatt li, fl-2013, ir-rimessi li ntbagħtu mid-dijaspora lis-Senegal kienu jammontaw għal 10 % tal-PDG tiegħu.

44.

itenni li l-awtoritajiet lokali u reġjonali kemm fl-UE kif ukoll f’pajjiżi terzi jista’ u għandu jkollhom rwol fl-isforz konġunt mal-UE u fil-livell nazzjonali kif ukoll ma’ pajjiżi li jimplimentaw sħubijiet ta’ migrazzjoni. B’mod partikolari, l-awtoritajiet lokali u reġjonali jaqdu rwol ewlieni fil-qasam tas-sensibilizzazzjoni u l-għoti tal-informazzjoni meħtieġa għaċ-ċittadini fil-pajjiżi ta’ oriġini, ta’ transitu u ta’ destinazzjoni.

45.

il-migranti potenzjali għandhom ikunu konxji tar-riskji u l-perikli li jiffaċċjaw meta jkunu qed jippruvaw jidħlu fl-UE b’mod irregolari. Huma għandhom jiġu infurmati wkoll dwar il-kundizzjonijiet u l-istrutturi fil-pajjiżi ta’ destinazzjoni inkluż informazzjoni dwar is-suq tax-xogħol, l-aċċess għal taħriġ u korsijiet tal-lingwa rilevanti, u l-kundizzjonijiet għar-riunifikazzjoni tal-familja. Il-migranti potenzjali għandhom ikunu konxji dwar differenzi kulturali bejn il-pajjiż ta’ oriġini tagħhom u l-pajjiż ta’ destinazzjoni, filwaqt li tinġibdilhom l-attenzjoni dwar imġiba u prattiki inaċċettabbli.

46.

persuni u kumpaniji fil-pajjiżi ta’ destinazzjoni għandhom jiġu infurmati dwar il-benefiċċji tal-migrazzjoni u jingħataw taħriġ adatt biex jgħinu fl-integrazzjoni tal-migranti. Din l-informazzjoni tista’ tinkiseb l-aħjar fil-livell lokali u reġjonali fejn l-awtoritajiet jinsabu l-eqreb taċ-ċittadini. Politiki tajbin dwar il-migrazzjoni legali u l-integrazzjoni fit-tul fil-livell lokali u reġjonali huma mezz kontra l-fenomeni tar-razziżmu u l-ksenofobija.

47.

ifakkar li, filwaqt li l-Qafas ta’ Sħubija propost ma jsemmix il-ħtieġa biex it-tisħiħ tal-kapaċitajiet jiġi rinfurzat permezz tal-politiki tal-iżvilupp u tal-viċinat fit-tnedija tiegħu, dan ma jagħtix aktar dettalji dwar miżuri konkreti biex jaqdi din il-ħtieġa. Il-KtR jista’ u għandu jkun msieħeb fl-isforzi ta’ tisħiħ tal-kapaċitajiet fil-livell lokali u reġjonali f’pajjiżi msieħba.

48.

jenfasizza l-bżonn ta’ investiment fil-kapaċitajiet lokali u fl-azzjoni tal-gvernijiet lokali u reġjonali f’pajjiżi msieħba. Il-gvernijiet lokali għandhom isiru msieħba fil-pilastri kollha tal-Pjan ta’ Investiment Estern, u l-KtR jappoġġja s-suġġeriment ta’ PLATFORMA dwar il-kooperazzjoni bejn belt tal-UE u belt ta’ pajjiż msieħeb bħala strument ewlieni għall-implimentazzjoni tal-approċċ il-ġdid u t-tisħiħ tal-kapaċitajiet u l-kondiviżjoni tal-għarfien espert fil-ġestjoni tal-migrazzjoni lokali; f’dan is-sens, jemmen li l-Pjan ta’ Investiment Estern għandu jiffinanzja l-kooperazzjoni ta’ bejn belt u oħra u bejn reġjun u ieħor.

49.

jenfasizza li l-kooperazzjoni fost l-UE, l-Istati Membri, l-awtoritajiet lokali u reġjonali fl-UE u l-awtoritajiet lokali u reġjonali fil-pajjiżi ta’ oriġini u ta’ transitu tal-migranti tista’ tgħin sabiex il-migrazzjoni tkun ġestita b’mod aktar effiċjenti għall-benefiċċju tal-partijiet kollha. Għal dan l-għan l-UE u l-Istati Membri jeħtieġ jappoġġjaw lill-awtoritajiet lokali u reġjonali kemm finanzjarjament kif ukoll politikament.

30.6.2017   

MT

Il-Ġurnal Uffiċjali tal-Unjoni Ewropea

C 207/39

1.

jirrikonoxxi li l-Aġenda 2030 għall-Iżvilupp Sostenibbli, adottata min-Nazzjonijiet Uniti f’Settembru 2015, tipprovdi qafas ġdid u ambizzjuż ta’ impenji, li tistieden lill-pajjiżi kollha biex iħabirku favur bidls sabiex ikun hemm tranżizzjoni għal strateġiji ta’ żvilupp inklużivi u sostenibbli, kemm fil-livell nazzjonali kif ukoll f’dak internazzjonali;

2.

huwa tal-fehma li l-Aġenda 2030, sa mill-bidu nett tat-twaqqif tagħha, ġiet definita bħala universali, u għaldaqstant timpenja lil kull pajjiż, anke lill-UE u lill-Istati Membri tagħha, biex jirrevedu l-politiċi domestiċi u l-impenji internazzjonali tagħhom biex jallinjawhom mal-għanijiet u l-miri tal-Aġenda 2030; madankollu, jiġbed l-attenzjoni dwar il-fatt li dan il-kompitu għandu jsir mhux biss fil-livell nazzjonali, iżda wkoll fl-ambitu tal-politiki u l-kompetenzi tal-gvernijiet reġjonali u lokali tal-UE;

3.

jenfasizza li l-UE u l-Istati Membri tagħha għandhom jaqdu rwol kruċjali fl-iżvilupp u l-implimentazzjoni tal-Aġenda 2030; f’dan ir-rigward, jilqa’ b’sodisfazzjon il-passi li ttieħdu permezz tal-Komunikazzjoni “Il-passi li jmiss għal ġejjieni Ewropew sostenibbli: Azzjoni Ewropea għas-sostenibbiltà” u “L-Istrateġija Globali dwar il-Politika Estera u ta’ Sigurtà Komuni tal-UE” (mhux disponibbli bil-Malti);

4.

huwa tal-fehma li l-Aġenda 2030 għall-Iżvilupp Sostenibbli għandha titqies bħala aġenda f’diversi livelli u b’diversi atturi, li timplika u timpenja lill-awtoritajiet pubbliċi kollha fil-livelli differenti tagħhom (lokali, reġjonali, nazzjonali u internazzjonali), kif ukoll lil atturi soċjali oħra lil hinn mill-gvernijiet; fl-istess ħin, jiġbed l-attenzjoni għall-fatt li bosta mill-għanijiet u l-miri tal-Aġenda 2030 jolqtu b’mod dirett lil azzjonijiet u kompetenzi li huma esklużivament tal-awtoritajiet sottonazzjonali. Għalhekk, biex dawn jiġu ssodisfati, jeħtieġ li jiġi promoss il-kontribut sħiħ tar-reġjuni u tal-awtoritajiet lokali fit-traspożizzjoni tal-Għanijiet tal-Iżvilupp Sostenibbli u fit-tfassil tal-politiki biex dawn jintlaħqu;

5.

jaqbel mal-Kummissjoni dwar il-ħtieġa li jiġi definit Kunsens ġdid dwar l-Iżvilupp li janalizza mill-ġdid u jaġġorna l-ftehim li ntlaħaq fl-2005, sabiex jiġu indirizzati l-isfidi marbutin mal-Aġenda 2030, kif ukoll il-bidliet fix-xena internazzjonali u fis-sistema tal-kooperazzjoni għall-iżvilupp;

6.

jaqbel mal-Kummissjoni li l-aħjar mod biex isir progress fir-rigward tal-Aġenda 2030 għall-Iżvilupp Sostenibbli huwa li tissaħħaħ il-koordinazzjoni tal-politiki ta’ kooperazzjoni bejn l-UE u l-Istati Membri tagħha; madankollu, jisħaq li, fid-dawl tan-natura komprensiva tal-Aġenda 2030 u l-interkonnessjoni li teżisti bejn l-għanijiet tagħha, jeħtieġ li jiġi promoss ukoll il-progress fir-rigward tal-koerenza tal-politiki Komunitarji u dawk tal-Istati Membri;

7.

huwa tal-fehma li l-pass mgħaġġel tal-globalizzazzjoni sawwar dinja iżjed integrata u kumplessa, b’tibdil fin-natura u t-tqassim tas-setgħa f’livell dinji, eteroġeneità akbar fil-pajjiżi fil-fażi tal-iżvilupp, tqassim mill-ġdid tal-faqar dinji, flimkien ma’ żieda fl-inugwaljanzi fi ħdan il-pajjiżi, u t-tnaqqis fl-ispazju tal-beni pubbliċi internazzjonali; huwa tal-fehma li l-Aġenda 2030 għall-Iżvilupp Sostenibbli tikkostitwixxi rieda ċara li tingħata tweġiba għat-tibdil imsemmi hawn fuq u għall-isfidi marbutin mal-promozzjoni tal-iżvilupp fl-għexieren ta’ snin li ġejjin;

8.

jieħu nota tan-natura universali tal-Aġenda 2030, li tobbliga lill-pajjiżi u lis-soċjetajiet kollha jagħmlu sforz kooperattiv biex jippruvaw jallinjaw il-politiki tagħhom mal-għanijiet definiti fl-Aġenda; madankollu, jiġbed l-attenzjoni għall-ħtieġa li dan l-isforz isir fil-livelli kollha tal-azzjoni pubblika, inklużi l-awtoritajiet reġjonali u lokali;

9.

jafferma li l-intenzjonijiet tal-Għanijiet ta’ Żvilupp Sostenibbli jobbligaw ħidma lil hinn mill-qafas ta’ ħidma tal-għajnuna uffiċjali għall-iżvilupp (ODA); huwa tal-fehma li għalkemm l-ODA ser tkompli tkun kruċjali bħala sors ta’ finanzjament tal-iżjed pajjiżi fqar u bħala mekkaniżmu li jixpruna t-tibdil f’kategoriji oħra ta’ pajjiżi, l-Aġenda l-ġdida tobbligana nwessgħu l-ħarsa tagħna lejn flussi u strumenti oħra li jaqgħu barra mill-ambitu tal-ODA;

10.

huwa tal-fehma li l-ħtieġa li jiġu mobilizzati r-riżorsi u l-kapaċitajiet lil hinn mill-għajnuna jobbligawna noperaw b’mod iżjed strateġiku bl-iskemi u l-modi differenti ta’ kooperazzjoni eżistenti fil-livell dinji; għalkemm il-kooperazzjoni bejn it-Tramuntana u n-Nofsinhar ser tibqa’ taqdi rwol importanti fil-ġejjieni, jeħtieġ li din issir b’mod iżjed ikkoordinat permezz tal-iskemi ta’ kooperazzjoni tat-tip Nofsinhar-Nofsinhar jew dak trijangulari; bl-istess mod, jiġbed l-attenzjoni għall-importanza li l-kooperazzjoni deċentralizzata jista’ jkollha fl-Aġenda l-ġdida biex tiffavorixxi l-iskambju ta’ esperjenzi bejn l-atturi sottostatali skont il-kompetenzi speċifiċi tagħhom; fl-aħħar nett, huwa tal-fehma li l-kooperazzjoni tal-UE u l-Istati Membri għandha taħdem b’mod iżjed sfiq bis-saħħa tal-mekkaniżmi differenti ta’ kooperazzjoni reġjonali u multilaterali, abbażi tal-loġika ta’ diversi livelli li tħaddan l-Aġenda 2030;

11.

huwa tal-fehma li, fid-dawl tal-ambizzjoni u n-natura komprensiva tagħha, l-Aġenda 2030 titlob li numru akbar u aktar differenti ta’ atturi jkunu involuti fl-appoġġ tagħha, inklużi l-awtoritajiet lokali u reġjonali, kif ukoll l-organizzazzjonijiet tas-soċjetà ċivili, il-kumpaniji, il-fondazzjonijiet, l-universitajiet u ċentri ta’ studju oħra, fost l-oħrajn, sabiex jiġi mobilizzat u kkapitalizzat il-valur miżjud li kull wieħed u waħda minnhom jakkumulaw skont l-esperjenza u l-qasam ta’ azzjoni tagħhom;

12.

jappoġġja l-isforzi tal-UE u tal-Istati Membri tagħha biex jieħdu impenn qawwi u attiv fl-implimentazzjoni tal-Aġenda 2030, li titlob li tiġi promossal-integrazzjoni konsistenti tal-Għanijiet ta’ Żvilupp Sostenibbli fil-politiki pubbliċi kollha fi ħdan l-UE fil-livell tal-UE u dak nazzjonali, reġjonali u lokali; u jenfasizza l-ħtieġa li gradwalment il-politiki u l-inċentivi li l-atturi joperaw bihom jiġu allinjati mal-għanijiet li ntlaħaq qbil dwarhom fl-Aġenda;

13.

jaqbel li l-azzjoni esterna tal-UE taqdi rwol kruċjali biex jintlaħqu l-Għanijiet ta’ Żvilupp Sostenibbli, u għalhekk jilqa’ b’sodisfazzjon il-progress li sar fl-implimentazzjoni ta’ dan il-kompitu, permezz tal-prijoritajiet kif stabbiliti fit-Trattat dwar l-Unjoni Ewropea (TUE – l-Artikolu 21(2)) u fit-Trattat dwar il-Funzjonament tal-Unjoni Ewropea (TFUE – l-Artikolu 208); jappoġġja wkoll l-intenzjoni tal-Kummissjoni li tagħmel li l-Kunsens il-ġdid dwar l-Iżvilupp jikkontribwixxi biex jattwa l-prijoritajiet tal-azzjoni esterna tal-Unjoni Ewropea, kif definiti fl-Istrateġija Globali tal-UE dwar il-Politika Estera u ta’ Sigurtà Komuni tal-Unjoni Ewropea;

14.

jappoġġja lill-Kummissjoni fl-għan li tissaħħaħ il-koordinazzjoni bejn il-politika tal-iżvilupp u politiki oħra tal-UE implimentati fil-livell internazzjonali, inklużi l-għajnuna umanitarja, il-kummerċ, l-integrazzjoni reġjonali, is-saħħa, l-edukazzjoni, l-enerġija, is-sajd, l-agrikoltura, l-ambjent, ix-xjenza u t-teknoloġija, il-migrazzjoni u l-asil u l-Politika Ewropea tal-Viċinat; jenfasizza, madankollu, li mhuwiex biżżejjed li jitjiebu l-livelli ta’ koordinazzjoni tal-politiki, iżda jeħtieġ ukoll li jkun hemm livelli ogħla ta’ koerenza bejn dawn il-politiki u l-għanijiet ta’ żvilupp li ntlaħaq ftehim dwarhom fil-livell internazzjonali;

15.

jaqbel mal-Kummissjoni li, biex tkun effettiva, it-tweġiba għandha tkun komuni u skont kriterji kondiviżi min-naħa tal-Unjoni Ewropea; madankollu, jenfasizza li din il-koordinazzjoni għandha ssir mhux biss bejn l-UE u l-Istati Membri, iżda wkoll bejn l-Istati Membri u l-awtoritajiet reġjonali u lokali, f’liema livell titwettaq parti mill-kompetenzi meħtieġa b’mod li l-Għanijiet ta’ Żvilupp Sostenibbli jsiru realtà;

16.

jappoġġja l-għan tal-Kummissjoni li l-kooperazzjoni għall-iżvilupp tal-Unjoni Ewropea u tal-Istati Membri tissejjes fuq approċċ ta’ drittijiet, li jagħti lill-individwi rwol ta’ protagonist fl-isforzi ta’ żvilupp kif ukoll ikunu l-iżjed li jibbenefikaw minnhom; josserva, barra minn hekk, li dan l-approċċ huwa konsistenti mal-Għanijiet ta’ Żvilupp Sostenibbli u mal-prinċipju li jispira l-Aġenda 2030 li “ħadd ma jitħalla barra”, bil-għan li l-progress miksub fil-qasam tal-iżvilupp jilħaq lill-iżjed setturi fraġli u vulnerabbli tas-soċjetà;

17.

jaqbel mal-Kummissjoni meta tisħaq li l-ugwaljanza bejn in-nisa u l-irġiel hija fil-qalba ta’ dan l-approċċ ta’ drittijiet u għandu jispira kull azzjoni dwar il-kooperazzjoni għall-iżvilupp tal-UE u tal-Istati Membri tagħha, kif ukoll dwar il-kooperazzjoni deċentralizzata, li ma jinvolvix biss azzjoni kontra l-inugwaljanzi li jeżistu f’dan il-qasam, iżda wkoll il-promozzjoni tad-drittijiet tan-nisa, it-tisħiħ tal-pożizzjoni tagħhom u l-aċċess għall-edukazzjoni fil-livelli kollha;

18.

josserva li wieħed mill-għanijiet ċentrali tal-politika ta’ żvilupp tal-UE u tal-Istati Membri huwa li l-pajjiżi jiġu appoġġjati fil-ġlieda tagħhom kontra l-faqar, fost l-oħrajn billi jitjiebu l-livelli tal-forniment u l-kwalità tas-servizzi soċjali bażiċi lill-popolazzjoni kollha, kif inhu stabbilit fl-Aġenda 2030; madankollu, jiġbed l-attenzjoni għall-fatt li parti kbira minn dawn is-servizzi tiġi pprovduta mill-awtoritajiet deċentralizzati, li jagħmel kruċjali l-appoġġ li jingħataw l-awtoritajiet reġjonali u lokali fl-implimentazzjoni tal-Għanijiet ta’ Żvilupp Sostenibbli;

19.

jaqbel mal-għan tal-Aġenda 2030 li jinbnew soċjetajiet inklużivi, permezz tal-ġlieda kontra l-inugwaljanzi u l-promozzjoni tal-koeżjoni soċjali; fl-istess ħin, josserva li l-amministrazzjoni deċentralizzata taqdi rwol ċentrali fl-identifikazzjoni u l-korrezzjoni tal-proċessi ta’ esklużjoni u emarġinazzjoni soċjali li jikkawżaw dawn l-inugwaljanzi;

20.

josserva l-importanza li jinbnew soċjetajiet paċifiċi u gvernati kif imiss, li jeliminaw l-insigurtà u l-vjolenza u jsaħħu istituzzjonijiet effettivi u trasparenti; jiġbed l-attenzjoni għall-ħtieġa li dan il-proċess jibda fl-iżjed livell lokali qrib iċ-ċittadini, b’mod li jiġi appoġġjat it-titjib tal-istituzzjonijiet lokali u reġjonali, sabiex b’dan il-mod jiġu stabbiliti għodod għall-persuni li jimpenjaw ruħhom li jiksbu l-miri tal-Għanijiet ta’ Żvilupp Sostenibbli tal-Aġenda 2030 li jieħdu sehem u jeżerċitaw kontroll demokratiku; għaldaqstant, l-edukazzjoni għaċ-ċittadinanza globali għandha ssir dimensjoni essenzjali tal-politiki u l-istrateġiji tad-diversi partijiet interessati u atturi, governattivi u mhumiex, li jiffurmaw parti mis-sistema internazzjonali ta’ kooperazzjoni għall-iżvilupp;

21.

jaqbel mal-għan tal-Aġenda 2030 li jiġu żgurati l-kundizzjonijiet ta’ sostenibbiltà ambjentali tal-proċessi ta’ żvilupp, billi jittejbu l-ġestjoni tar-riżorsi naturali u l-protezzjoni tal-iżjed ekosistemi fraġli; għal darb’oħra, l-awtoritajiet lokali u reġjonali huma essenzjali biex jiġu indirizzati dawn il-politiki, li jinvolvu li s-sostenibbiltà tkun kompatibbli mal-progress ekonomiku u soċjali tal-komunitajiet affettwati; dan l-għan huwa partikolarment importanti f’dak li jirrigwarda l-Għan ta’ Żvilupp Sostenibbli 11, li jistabbilixxi l-ħtieġa li jinbnew bliet u insedjamenti umani inklużivi, siguri, reżiljenti u sostenibbli;

22.

huwa tal-fehma li huwa importanti li fil-pajjiżi titħeġġeġ rotta ta’ tkabbir ekonomiku inklużiv u sostenibbli, bil-kapaċità li tiġġenera xogħol deċenti, kif stabbilit fl-Aġenda 2030; jiġbed l-attenzjoni għar-rwol li jistgħu jaqdu l-awtoritajiet reġjonali u lokali fil-promozzjoni ta’ dawn il-proċessi, billi jiġġeneraw il-produzzjoni f’bażijiet territorjali ddefiniti b’mod tajjeb, permezz ta’ alleanzi bejn l-atturi, bl-inklużjoni tal-intrapriżi ż-żgħar u ta’ daqs medju;

23.

fil-qosor, jiġbed l-attenzjoni għall-importanza li għandha l-amministrazzjoni pubblika deċentralizzata fil-pajjiżi msieħba biex l-Aġenda 2030 tkun effettiva; jisħaq fuq ir-rwol li tista’ taqdi l-kooperazzjoni deċentralizzata biex tittrasferixxi esperjenzi u kapaċitajiet bejn dawn l-atturi; u jħeġġeġ li l-Kunsens il-ġdid dwar l-Iżvilupp jirrikonoxxi u jippromovi l-potenzjal ta’ dan il-mod ta’ kooperazzjoni;

24.

jirrikonoxxi li, minkejja li kull pajjiż għandu jkun responsabbli għall-iżvilupp proprju tiegħu, l-Għanijiet ta’ Żvilupp Sostenibbli jistgħu jintlaħqu biss jekk tiġi stabbilita Alleanza Globali li tilqa’ fi ħdanha l-pajjiżi kollha, l-istituzzjonijiet multilaterali u l-bqija tal-atturi soċjali, li jaħdmu b’mod kooperattiv bil-għan li jinħolqu strateġiji ta’ żvilupp inklużivi u sostenibbli, kif titlob l-Aġenda 2030; fl-istess ħin, jafferma mill-ġdid li l-awtoritajiet reġjonali u lokali għandhom jagħmlu parti minn dan l-isforz kooperattiv, billi jipprovdu l-kapaċitajiet u r-riżorsi proprji tal-ambitu ta’ azzjoni tagħhom;

25.

jisħaq fuq ir-rwol kruċjali li tista’ taqdi l-kooperazzjoni deċentralizzata fil-konfigurazzjoni tal-alleanzi b’diversi atturi li jkollhom l-għan li jippromovu l-kummerċ fil-pajjiżi fil-fażi tal-iżvilupp, abbażi ta’ dak li stabbilixxiet l-Aġenda 2030; il-kontribut ta’ dan il-mod ta’ kooperazzjoni u l-komplementarjetà tiegħu ma’ modi oħra għandu jiġi rikonoxxut fil-Kunsens il-ġdid dwar l-Iżvilupp;

26.

jenfasizza l-benefiċċji maħluqa meta l-Unjoni Ewropea u l-Istati Membri tagħha jiffaċilitaw il-proċessi ta’ koordinazzjoni, il-kondiviżjoni tal-kompiti u l-koerenza bejn l-atturi fil-qafas ta’ din l-Alleanza Globali; josserva li dan l-għan jintlaħaq b’mod iżjed faċli jekk l-Unjoni Ewropea u l-Istati Membri tagħha jsaħħu l-ippjanar komuni fil-qasam tal-kooperazzjoni għall-iżvilupp, abbażi ta’ viżjonijiet kondiviżi nnegozjati mal-pajjiżi msieħba; madankollu, jiġbed l-attenzjoni għall-ħtieġa li l-awtoritajiet reġjonali u lokali jipparteċipaw f’dan il-proċess ta’ djalogu u konċertazzjoni;

27.

bl-istess mod, josserva li l-isforz ta’ koordinazzjoni għandu, mil-lat operattiv, jieħu l-forma ta’ programmi indikattivi komuni fil-pajjiżi msieħba; jenfasizza wkoll l-importanza li ssir ħidma, meta jkun possibbli, permezz ta’ azzjonijiet komuni, fil-livell nazzjonali, reġjonali jew internazzjonali, favur it-titjib tal-impatt kollettiv tal-azzjoni tal-Unjoni Ewropea u tal-Istati Membri tagħha; barra minn hekk, jenfasizza li l-atturi tal-kooperazzjoni deċentralizzata għandhom jipparteċipaw ukoll fil-proċessi għad-definizzjoni u l-implimentazzjoni ta’ dawn il-programmi, kif ukoll fil-monitoraġġ u l-valutazzjoni tagħhom;

28.

iħeġġeġ li, meta jkun possibbli fil-pajjiżi msieħba, jintużaw dawk il-modi ta’ kooperazzjoni, bħall-appoġġ dirett għall-baġit jew il-fondi fiduċjarji tal-UE li jiffaċilitaw il-koordinazzjoni bejn l-atturi u jippermettu użu aktar integrat u flessibbli tar-riżorsi fil-pajjiżi msieħba;

29.

jaqbel mal-Kummissjoni dwar l-importanza ta’ mobilizzazzjoni massiva tar-riżorsi pubbliċi u privati u domestiċi u internazzjonali, li jaqdu l-għanijiet tal-Aġenda 2030, kif spjegat fl-Aġenda ta’ Accra għall-Azzjoni; huwa tal-fehma li, għal dan il-għan, huwa importanti li jintużaw riżorsi pubbliċi bil-għan li jiġu mobilizzati u ingranati riżorsi privati għall-iżvilupp permezz tal-użu ta’ strumenti finanzjarji innovattivi u l-finanzjament imħallat (taħlita ta’ donazzjonijiet u self); madankollu, jiġbed l-attenzjoni għall-ħtieġa li jiġi ggarantit b’mod adegwat li r-riżorsi mobilizzati: i) ikollhom għan ċar ta’ żvilupp; ii) jissodisfaw il-prijoritajiet tal-pajjiż imsieħeb; iii) jipprovdu addizzjonalità ċara fir-rigward tar-riżorsi pubbliċi; u iv) ikunu soġġetti għal mekkaniżmi ta’ kontroll effettiv tal-użu/il-mira tagħhom u għal spezzjonijiet progressivi dwar il-kisba tal-għanijiet ta’ żvilupp iddikjarati;

30.

jenfasizza l-importanza li l-kooperazzjoni għall-iżvilupp tal-UE u tal-Istati Membri tinvolvi, timmobilizza u tintegra l-akbar numru possibbli ta’ atturi fl-appoġġ tal-Għanijiet ta’ Żvilupp Sostenibbli, bl-inklużjoni tal-awtoritajiet lokali u reġjonali, is-settur privat, is-soċjetà ċivili u l-qasam akkademiku, fost l-oħrajn, abbażi tal-kapaċitajiet, l-esperjenza u r-riżorsi rispettivi tagħhom; jiġbed l-attenzjoni għall-fatt li l-kooperazzjoni deċentralizzata hija mod ta’ kooperazzjoni partikolarment adatt għall-promozzjoni u l-istabbiliment ta’ dan it-tip ta’ alleanzi b’diversi atturi, ibbażati fil-post; iħeġġeġ lill-Kummissjoni u lill-Istati Membri sabiex jappoġġjaw lill-amministrazzjonijiet pubbliċi reġjonali u lokali biex ikunu jistgħu jintegraw l-Għanijiet ta’ Żvilupp Sostenibbli fil-politiki tagħhom; jenfasizza li l-kooperazzjoni deċentralizzata hija ambitu partikolarment propizju sabiex jinħolqu l-ispazji għaċ-ċittadinanza globali, bil-għan li ċ-ċittadini jirreflettu dwar l-Għanijiet ta’ Żvilupp Sostenibbli, jipparteċipaw fil-politiki pubbliċi sabiex jiksbu dawn l-għanijiet, kif ukoll jimmonitorjaw l-applikazzjoni tal-Aġenda 2030;

31.

jiġbed l-attenzjoni għall-importanza li għandu t-tisħiħ tal-kapaċitajiet tekniċi u istituzzjonali tal-pajjiżi msieħba, sabiex ikunu jistgħu jħeġġu t-tranżizzjoni għal strateġiji ta’ żvilupp inklużivi u sostenibbli, kif mitlub mill-Aġenda 2030; jiġbed l-attenzjoni għall-ħtieġa li dan il-proċess jilħaq ukoll lill-amministrazzjoni deċentralizzata tal-pajjiżi msieħba;

32.

jenfasizza l-benefiċċji meta l-kooperazzjoni għall-iżvilupp tal-UE u tal-Istati Membri tagħha tqassam ir-riżorsi tagħha skont regoli ċari u trasparenti, filwaqt li jitqiesu l-ħtiġijiet, in-nuqqasijiet strutturali u l-kapaċità ta’ mobilizzazzjoni tar-riżorsi alternattivi tal-pajjiżi msieħba; fl-istess ħin, jisħaq li l-applikazzjoni tar-riżorsi u l-attivitajiet għandhom isiru b’mod li jikkonformaw mal-prinċipju li “ħadd ma jitħalla barra”;

33.

jiġbed l-attenzjoni għall-fatt li, b’mod konformi ma’ dak li ntqal hawn fuq, il-pajjiżi bl-iżjed dħul baxx u, b’mod partikolari, il-pajjiżi l-inqas żviluppati kif ukoll dawk bi Stati fraġli jew f’sitwazzjonijiet ta’ wara l-konflitt għandhom ikunu l-benefiċjarji prijoritarji tal-elementi bl-aktar konċessjonijiet tal-għajnuna internazzjonali tal-UE u l-Istati Membri tagħha;

34.

iwissi, madankollu, li gruppi kbar ta’ pajjiżi bi dħul medju jbatu minn limitazzjonijiet strutturali serji, b’ċirkustanzi domestiċi eteroġenji ħafna, istituzzjonijiet fraġli u soċjetajiet frammentati; il-kooperazzjoni għall-iżvilupp, inkluża l-kooperazzjoni finanzjarja, tista’ tkun siewja biex tagħmilha possibbli li dawn il-pajjiżi jissuperaw il-limitazzjonijiet tagħhom u jippromovu proċess ta’ żvilupp sostenibbli li, barra minn hekk, itejjeb il-kapaċità tagħhom li jipparteċipaw b’mod iżjed attiv biex tiġi implimentata l-Aġenda 2030;

35.

huwa tal-fehma li l-migrazzjoni ordnata tista’ tikkostitwixxi xprun għall-progress kemm għall-pajjiż ta’ oriġini kif ukoll għal dak ta’ destinazzjoni, apparti l-fatt li tkun ta’ benefiċċju għall-migranti nnifishom; huwa tal-fehma li l-ġestjoni ordnata tal-migrazzjoni għandha tkun integrata fl-għanijiet tal-azzjoni ta’ żvilupp, f’dak li jirrigwarda l-għoti ta’ tweġibiet regolatorji u appoġġ adegwat, għad-difiża tad-drittijiet tal-bniedem tal-migranti matul it-triq migratorja u fil-pajjiż ta’ destinazzjoni u jipprovdulhom opportunitajiet fil-pajjiżi ta’ oriġini tagħhom, sabiex tittaffa l-pressjoni tal-flussi migratorji bla rażan;

36.

josserva li l-qasam strumentali tal-kooperazzjoni għall-iżvilupp imur lil hinn mis-sempliċi assistenza internazzjonali u jinkorpora riżorsi li, minkejja li ma jistgħux jiġu kkalkulati bħall-ODA, għandhom il-potenzjal li jiġġeneraw opportunitajiet ta’ żvilupp; huwa tal-fehma li l-kooperazzjoni għall-iżvilupp tal-UE u tal-Istati Membri tagħha għandha tintegra b’mod attiv dawn ir-riżorsi strumentali kollha u tadatta s-sorsi u l-istrumenti użati għall-kundizzjonijiet speċifiċi ta’ kull wieħed mill-pajjiżi msieħba, inklużi l-pajjiżi bi dħul medju;

37.

jappoġġja l-proposta tal-Kummissjoni li timplimenta Pjan ambizzjuż ta’ Investiment Estern bil-għan li tipprova timmobilizza l-investiment privat, issaħħaħ l-assistenza teknika bil-għan li l-awtoritajiet lokali u n-negozji jkunu jistgħu jsawru proġetti b’mod effettiv, fejn jiġu kkunsidrati kif imiss il-prijoritajiet tal-awtoritajiet lokali u reġjonali fil-qasam tal-iżvilupp territorjali; huwa tal-fehma li l-Pjan għandu jiġi allinjat mal-għanijiet definiti fl-Aġenda 2030 u għandu jiffaċilita l-parteċipazzjoni tal-awtoritajiet lokali u reġjonali biex jiġi implimentat b’mod adatt;

38.

jaqbel mal-Kummissjoni dwar l-importanza li jiġu appoġġjati l-iskemi ta’ integrazzjoni reġjonali sabiex ikunu jistgħu jissaħħu l-proċessi ta’ żvilupp tal-pajjiżi kkonċernati u jittejjeb il-forniment tal-beni pubbliċi reġjonali, bil-għan li tiġi implimentata aħjar l-Aġenda 2030; u jieħu nota tar-rieżami tal-Politika tal-Viċinat abbażi tal-prijoritajiet ġodda li jinbtu mill-Aġenda 2030; fl-istess ħin jenfasizza l-ħtieġa li, fil-qafas ta’ din il-politika, tissaħħaħ il-kooperazzjoni bejn ir-reġjuni permezz ta’ miżuri ta’ appoġġ adatti;

39.

jenfasizza l-ħtieġa li jitkompla l-isforz għat-titjib tal-effettività tal-kooperazzjoni għall-iżvilupp, billi jiġi applikat dak li ntlaħaq ftehim dwaru fis-Summits ta’ Ruma, Pariġi, Accra u Busan; fl-istess ħin, huwa tal-fehma li huwa importanti li jiġi appoġġjat l-iżvilupp ta’ kapaċitajiet istituzzjonali fil-pajjiżi msieħba, u fost affarijiet oħra, il-pajjiżi msieħba jitħeġġu jikkunsidraw ukoll l-aktar prijoritajiet importanti tal-awtoritajiet lokali u reġjonali fid-dokumenti ta’ pjanar nazzjonali tagħhom bil-għan li l-isforzi tal-kooperazzjoni jagħtu l-frott u jirriflettu l-ħtiġijiet tar-reġjuni rispettivi u l-abitanti tagħhom;

40.

jaqbel li l-kooperazzjoni għall-iżvilupp waħidha ma tistax tiffinanzja t-tibdil li titlob l-Aġenda 2030; għalhekk, jenfasizza l-ħtieġa li l-UE u l-Istati Membri jużaw il-kooperazzjoni bħala mekkaniżmi ta’ ingranaġġ ta’ riżorsi addizzjonali, ipprovduti minn sorsi oħra u li jaġixxu bħala xprun biex jibdlu l-inċentivi u jippromovu tibdil pożittiv fil-pajjiżi fil-fażi tal-iżvilupp;

41.

itenni li, jekk il-pajjiżi tal-UE jixtiequ jkunu punt ta’ referenza kredibbli fix-xena internazzjonali, jeħtieġ li jissodisfaw l-impenji tagħhom; għalhekk, huwa tal-fehma li l-pajjiżi għandhom jilħqu l-miri tal-UE fil-qafas tal-aġenda internazzjonli fir-rigward tal-finanzjament għall-iżvilupp; u jappoġġja wkoll li l-pajjiżi għandhom jissodisfaw l-impenn li kkommettew ruħhom għalih fil-Konvenzjoni Qafas tan-Nazzjonijiet Uniti dwar it-Tibdil fil-Klima, inklużi l-ftehimiet fil-qasam tal-finanzjament ambjentali;

42.

jikkonferma l-interess li l-kooperazzjoni tiġi adattata għal dawk l-istrumenti u l-azzjonijiet li, lil hinn mill-għajnuna, qed ikollhom influwenza fis-sistema internazzjonali permezz tal-appoġġ li jipprovdu lill-proċessi ta’ żvilupp; f’dan ir-rigward, jaqbel mal-idea li jingħata segwitu lill-isforzi tal-OECD biex jiġi pprovdut metodu ġdid biex jitkejjel il-finanzjament tal-iżvilupp, fost affarijiet oħra billi jiġi ġġenerat il-kunċett tal-Appoġġ Uffiċjali Totali għall-Iżvilupp Sostenibbli;

43.

jirrikonoxxi li għal ħafna mill-problemi li talludi għalihom l-Aġenda 2030 ma hemmx tweġibiet tekniċi affidabbli, u jeħtieġ li jinstabu alternattivi bbażati fuq il-kreattività, il-promozzjoni tal-għarfien u l-innovazzjoni teknoloġika u soċjali; huwa tal-fehma li f’dan l-ambitu, il-kooperazzjoni deċentralizzata tista’ taqdi rwol importanti, permezz tal-użu mifrux tal-esperjenza fl-ambiti lokali u reġjonali;

44.

huwa tal-fehma li l-Aġenda 2030 mhux ser titwettaq jekk ma titjiebx b’mod sostanzjali l-koerenza tal-politiki, filwaqt li jitqies l-effett li jiġġeneraw il-politiki pubbliċi kollha fuq l-għanijiet ta’ żvilupp; barra minn hekk, jinsisti li l-progress fil-qasam tal-koerenza għandu jinkiseb kemm bejn l-oqsma tal-azzjoni pubblika (orizzontali) kif ukoll bejn il-livelli tal-gvern (lokali, reġjonali, nazzjonali u tal-UE) permezz ta’ approċċ ta’ gvern sħiħ fil-politiki u l-programmi pubbliċi fuq perjodu ta’ żmien qasir, medju u twil;

45.

jiġbed l-attenzjoni għall-ħtieġa li l-atturi kollha tal-kooperazzjoni tal-UE jipparteċipaw fi sforz ta’ trasparenza, li għandu jikkonċerna r-riżorsi mobilizzati minn kull wieħed minnhom; huwa tal-fehma li l-awtoritajiet pubbliċi (UE, nazzjonali, reġjonali u lokali) għandhom ikunu minn ta’ quddiem nett f’dan l-isforz, bħala mezz biex jitjiebu r-responsabbilizzazzjoni u l-kwalità tal-interventi tagħhom;

46.

huwa tal-fehma li l-ankrament tal-azzjonijiet trasformattivi fit-territorju, bis-sehem tal-atturi li jgħixu fih u bl-appoġġ tal-kooperazzjoni deċentralizzata, jista’ jkun l-aħjar mod biex jiġi promoss proċess approfondit u mifrux ta’ tranżizzjoni għal mudelli inklużivi u sostenibbli ta’ żvilupp;

47.

b’rabta ma’ dan, il-Kumitat tar-Reġjuni jtenni l-offerta tiegħu li jikkontribwixxi għall-implimentazzjoni tal-Aġenda 2030 u għall-iskambju tal-għarfien u l-esperjenza ma’ awtoritajiet pubbliċi oħra u mal-kontropartijiet tagħhom fil-pajjiżi fil-fażi tal-iżvilupp permezz tal-pjattaforma ta’ informazzjoni u diskussjoni (portal) tal-awtoritajiet lokali u reġjonali dwar l-iżvilupp, id-djalogu ta’ kull sentejn dwar il-kooperazzjoni deċentralizzata u l-forums internazzjonali tal-Assemblea Reġjonali u Lokali Ewro-Mediterranja (ARLEM) u l-Konferenza annwali tal-Awtoritajiet Lokali u Reġjonali għas-Sħubija tal-Lvant (CORLEAP). Il-Kumitat tar-Reġjuni jixtieq isaħħaħ u jikkoordina l-kooperazzjoni deċentralizzata bejn l-awtoritajiet lokali u reġjonali tal-Unjoni Ewropea u dawk fil-pajjiżi ġirien fil-kuntest ta’ inizjattivi speċifiċi, bħall-Inizjattiva ta’ Nikosija għal-Libja;

48.

jemmen li huwa importanti li titnieda politika affidabbli ta’ komunikazzjoni għall-iżvilupp sostenibbli sabiex tinbena viżjoni aktar informattiva dwar l-isfidi u l-politiki li għandhom jiġu applikati u li twassal għal appoġġ iktar sensibbli u attiv taċ-ċittadini, anke rigward il-kooperazzjoni għall-iżvilupp u l-impenn fil-konfront tal-Aġenda 2030 bħala investiment għall-futur; jeħtieġ ukoll li ċ-ċittadini Ewropej ikunu jafu dwar ir-rilevanza tal-għanijiet tal-kooperazzjoni għall-iżvilupp, u jkun hemm sensibilizazzjoni dwar il-benefiċċji reċiproċi li jirriżultaw minn din il-politika, bħall-ħolqien ta’ żoni ta’ stabbiltà reġjonali; fl-aħħar, jeħtieġ li tingħata viżibbiltà lill-azzjoni tal-atturi differenti involuti fil-proċess, inklużi l-awtoritajiet lokali u reġjonali u, fi ħdanhom, ir-reġjuni ultraperiferiċi li ilhom is-snin jiżviluppaw politiki ta’ kooperazzjoni ta’ suċċess mal-pajjiżi ġirien tagħhom;

49.

jappoġġja l-fatt li l-atturi kollha tal-kooperazzjoni jadattaw b’mod gradwali s-sistemi tagħhom ta’ rappurtar u l-indikaturi ta’ segwitu tagħhom għall-kontenut tal-Aġenda 2030; jappoġġja wkoll il-fatt li jitfasslu rapporti komuni ta’ sinteżi li fihom jingħata rendikont tal-progress miksub fil-qasam tal-Aġenda 2030, sabiex ikunu jistgħu jitressqu quddiem il-Forum Politiku ta’ Livell Għoli tan-Nazzjonijiet Uniti; u jisħaq li l-awtoritajiet reġjonali u lokali jipparteċipaw b’mod attiv fit-tfassil ta’ dawn ir-rapporti, u għandhom jirrappurtaw dwar l-azzjonijiet meħuda fl-oqsma tal-kompetenza tagħhom u permezz tal-kooperazzjoni deċentralizzata;

50.

jappoġġja l-ħtieġa li jissaħħu s-sistemi statistiċi sabiex jingħata segwitu lill-Aġenda 2030; jiġbed l-attenzjoni għall-bżonn li dan it-tisħiħ isir ukoll b’rabta mal-produzzjoni ta’ informazzjoni ta’ natura reġjonali u lokali, sabiex jiġi żgurat li l-progress jilħaq lis-setturi u t-territorji kollha.

30.6.2017   

MT

Il-Ġurnal Uffiċjali tal-Unjoni Ewropea

C 207/45

1.

jinnota li ilma nadif u suffiċjenti, bħala s-sors tal-ħajja, huwa essenzjali għal saħħitna u għall-benesseri tagħna. L-ilma joffri ħafna opportunitajiet għall-iżvilupp, iżda min-naħa l-oħra jikkostitwixxi wkoll theddida. L-għargħar, in-nixfiet u kwalità fqira tal-ilma jheddu ħajjitna, saħħitna u ġidna;

2.

ifaħħar lill-Kummissjoni Ewropea li fl-2000 introduċiet id-Direttiva Qafas dwar l-Ilma li, ikkomplementata b’leġislazzjoni Komunitarja iktar speċifika (1), armonizzat parti kbira tal-leġislazzjoni eżistenti, irregolat approċċ għall-ġestjoni tal-ilma abbażi tal-baċiri tax-xmajjar u introduċiet objettivi ambizzjużi fit-tul għall-ġestjoni tal-ilma;

3.

ġie infurmat li l-Kummissjoni Ewropea qed taħdem fuq l-elementi li ġejjin tal-politika Ewropea dwar l-ilma:

4.

jiġbed l-attenzjoni għall-fatt li fil-maġġoranza tal-Istati Membri, l-awtoritajiet lokali u reġjonali għandhom responsabbiltajiet u kompetenzi istituzzjonali u politiċi relatati mal-ġestjoni tal-ilma u għalhekk ifasslu l-implimentazzjoni tal-maġġoranza tad-direttivi tal-UE dwar l-ilma. L-awtoritajiet lokali u reġjonali huma ġeneralment responsabbli wkoll għal oqsma ta’ politika li huma rilevanti għall-ġestjoni sostenibbli tal-ilma, fosthom il-ġestjoni tat-territorju, l-infrastruttura, il-politika tal-mobbiltà, il-liċenzji, il-ġestjoni tal-agrikoltura u l-pajsaġġ, il-provvista tal-ilma, il-protezzjoni tal-ilma tal-wiċċ u ta’ taħt l-art, l-adattament għat-tibdil fil-klima u l-ħarsien kontra l-għargħar;

5.

jieħu nota tal-konklużjonijiet tal-Kunsill dwar il-ġestjoni sostenibbli tal-ilma tas-17 ta’ Ottubru 2016. Il-Kumitat jappoġġja l-konklużjonijiet tal-Kunsill li l-ilma huwa prijorità ewlenija u jaqbel mar-rikonoxximent li l-kwistjonijiet tal-ilma huma differenti fi ħdan l-Istati Membri u li, għalhekk, hemm bżonn ta’ flessibbiltà fl-għażla tal-miżuri, fosthom il-ħtieġa li jiġu ffaċċjati infrastrutturi ta’ regolamentazzjoni tar-riżorsi tal-ilma sabiex jinkiseb grad għoli ta’ stat ekoloġiku u tal-korpi tal-ilma u li tiġi ggarantita d-domanda;

6.

jenfasizza għalhekk l-importanza li jiġu rispettati l-prinċipji tas-sussidjarjetà u l-proporzjonalità. Pereżempju, il-kuntest nazzjonali, reġjonali u lokali huwa determinanti fir-rigward tal-miżuri marbuta mal-użu mill-ġdid tal-ilma jew mat-titjib tal-effiċjenza min-naħa tad-domanda (frankar fl-ilma), peress li l-ilma mhuwiex disponibbli kullimkien bl-istess mod. Huwa importanti, għalhekk, li, minn perspettiva Ewropea, ikun possibbli li tiġi analizzata l-kwistjoni u li jittieħdu l-miżuri neċessarji fil-livelli nazzjonali, reġjonali u lokali.

7.

jirrikonoxxi l-“Aġenda għall-Ilma Urban għall-2030” ambizzjuża ħafna u volontarja stabbilita mill-Konferenza dwar il-Bliet u l-Ilma li seħħet f’Leeuwarden fi Frar 2016 u jħeġġeġ lill-bliet fl-Ewropa biex jieħdu impenn favoriha;

8.

jappoġġja l-intenzjoni tal-Kummissjoni Ewropea li, bħala parti mill-implimentazzjoni tal-pjan ta’ azzjoni għall-ekonomija ċirkolari, tressaq fl-2017 proposta għal rekwiżiti minimi fir-rigward tal-użu mill-ġdid tal-ilma u reviżjoni (REFIT) tad-Direttiva dwar l-Ilma tax-Xorb (2) għalkemm għandu jiġi żgurat li ma jkunx hemm xi effetti negattivi sproporzjonati fuq setturi oħra, pereżempju l-agrikoltura;

9.

jenfasizza li d-differenzi bejn ir-reġjuni fir-rigward tad-disponibbiltà tal-ilma għandhom jiġu kkunsidrati. M’għandu jkun hemm l-ebda obbligu għall-użu mill-ġdid ta’ ilma sakemm dan ma jkunx jista’ jiġi ġġustifikat. Essenzjalment, l-użu mill-ġdid tal-ilma kapaċi joffri soluzzjonijiet f’reġjuni fejn id-disponibbiltà tal-ilma toħloq il-problemi;

10.

f’dan il-kuntest jistieden lill-Kummissjoni Ewropea biex tiżgura, bħala parti minn approċċ bilanċjat u koerenti, li l-użu mill-ġdid tal-ilma jkun biss bħala alternattiva ta’ provvista addizzjonali tal-ilma u jkun soġġett għal titjib parallel fl-effiċjenza fuq in-naħa tad-domanda, u li l-impatti possibbli ta’ tnaqqis fid-disponibilità tal-ilma jiġu analizzati u kkunsidrati;

11.

iqis partikolarment essenzjali li l-awtoritajiet lokali u reġjonali jressqu, permezz ta’ din l-opinjoni fuq inizjattiva proprja, rakkomandazzjonijiet sabiex titjieb l-implimentazzjoni tal-leġislazzjoni tal-UE dwar l-ilma, u li jibqgħu involuti mill-qrib fil-politika futura Ewropea dwar l-ilma.

12.

Fil-passat, il-Kumitat diġà esprima ruħu kemm-il darba dwar kwistjonijiet relatati mal-ġestjoni tal-ilma. L-opinjoni fuq inizjattiva proprja hija segwitu ta’ opinjonijiet preċedenti tal-KtR, bħall-

13.

jenfasizza, sa fejn jirrigwardaw l-effetti tat-tibdil tal-klima fuq il-ġestjoni tal-ilma, il-bżonn li l-miżuri politiċi fil-livell lokali, reġjonali, nazzjonali u tal-UE jkunu marbuta mill-qrib mal-miżuri fil-qafas tal-Istrateġija tal-UE dwar l-adattament għat-tibdil fil-klima, u jirreferi f’dan ir-rigward għall-Opinjoni dwar “Approċċ integrat għal strateġija ġdida tal-UE għall-adattament għat-tibdil tal-klima” CdR 2430/2016;

14.

jirrikonoxxi kemm hi vasta l-politika dwar l-ilma u huwa tal-fehma li din l-opinjoni fuq inizjattiva proprja tpoġġi enfasi fuq il-ġestjoni tal-ilma domestiku, jiġifieri l-kwalità tal-ilma, in-nuqqas tal-ilma ħelu, kif ukoll il-ħarsien kontra l-għargħar. Għalhekk ma tqisx il-ġestjoni tal-ilma tal-baħar u tal-oċean, id-Direttiva Kwadru dwar l-Istrateġija Marina u d-Direttiva dwar l-ippjanar tal-ispazju marittimu kif indirizzati minn opinjonijiet preċedenti tal-KtR.

15.

jiġbed l-attenzjoni għall-isfidi prinċipali li qegħdin niffaċċjaw fil-qasam tal-ġestjoni tal-ilma b’riżultat tat-tibdil tal-klima u l-intensifikazzjoni dejjem tiżdied tal-użu tal-art:

16.

jiġbed l-attenzjoni għall-valur ekonomiku sinifikanti tas-settur tal-ilma u l-importanza ekonomika ta’ ġestjoni tajba tal-ilma. Xi eżempji jinkludu:

17.

Minħabba li għad hemm ħafna inċertezzi dwar il-firxa u l-impatt tal-problemi futuri tal-ilma, kif ukoll minħabba li l-qafas legali huwa differenti, il-Kumitat jemmen li politika bbażata fuq “blueprint” tista’ titqies bħala punt ta’ tluq tajjeb għat-titjib tar-relazzjoni bejn id-diversi istituzzjonijiet u sabiex jiġu esplorati approċċi innovattivi ġodda għall-mod kif issir il-politika li jippermettu kollaborazzjoni bejn id-diversi oqsma settorjali, billi jiġu mfittxa sinerġiji u jiġu evitati l-kunflitti. Huwa meħtieġ li tiġi implimentata l-hekk imsejħa “politika ta’ adattament”. It-tabella ta’ hawn taħt turi sommarju tal-għażliet differenti.

18.

jitlob lill-Kummissjoni Ewropea biex tesplora l-għażliet possibbli għal politika ta’ adattament fi ħdan il-qasam tal-politika tal-ilma bħala parti mir-reviżjoni li ġejja tad-Direttiva dwar l-Ilma tax-Xorb, il-miżuri dwar l-użu mill-ġdid tal-ilma, ir-reviżjoni possibbli tad-Direttiva dwar it-Trattament tal-Ilma Urban Mormi u, fl-aħħar, ir-reviżjoni tad-Direttiva Qafas dwar l-Ilma. Din il-kwistjoni għandha tkun iffukata fuq l-aktar rekwiżiti importanti għall-politika ta’ adattament, jiġifieri l-integralità, l-iskambju tal-informazzjoni, il-flessibbiltà u d-divrenzjar fl-għanijiet u fl-isforzi u l-innovazzjoni. Meta tistħarreġ il-possibbiltajiet għal politika ġdida, il-Kummissjoni għandha tikkonsulta mal-awtoritajiet lokali u reġjonali biex tiżgura li kwalunkwe proposta futura tkun fl-aħjar interessi tal-awtoritajiet lokali u reġjonali, u tappoġġja pjuttost milli tnaqqas il-kompetenzi tagħhom;

19.

jitlob lill-Kummissjoni Ewropea biex tibdel il-politiki tagħha tal-ilma li huma prinċipalment settorjali f’politika integrata u għaldaqstant jappella lill-Kummissjoni Ewropea biex tiżgura li l-ġestjoni tal-ilma hija inkluża bħala element orizzontali f’oqsma oħra ta’ politika li huma marbutin mill-qrib ma’ din ir-riżorsa, bħall-konsum mill-bniedem, l-enerġija, l-agrikoltura, is-sajd, it-turiżmu, l-ambjent, eċċ.;

20.

jemmen li l-prinċipju ta’ prekawzjoni u l-prinċipju ta’ min iniġġes iħallas għandhom ikomplu jintużaw bħala l-punt tat-tluq fil-qasam tal-politika tal-ilma. Madankollu, meta jittieħed approċċ divrenzjat, il-possibilitajiet kollha għandhom jibqgħu miftuħin bil-għan li jiġu adottati s-soluzzjonijiet l-aktar effettivi u effiċjenti, b’tali mod li f’każijiet eċċezzjonali, wieħed ikun jista’ jitbiegħed mill-punt inizjali nnifsu. Dawn is-soluzzjonijiet jistgħu jinkisbu permezz ta’ approċċi xjentifiċi innovattivi u speċifiċi u ambjentalment sostenibbli.

21.

jiġbed l-attenzjoni f’dan il-kuntest għall-fatt li l-enerġija u/jew l-ispejjeż tal-enerġija jistgħu jkunu ta’ ostaklu kbir biex jiġu applikati soluzzjonijiet innovattivi u mhux konvenzjonali għall-iskarsezza tal-ilma, bħalma huwa t-trasport tal-ilma f’żoni niexfa jew f’impjanti tad-desalinizzazzjoni u jenfasizza li l-użu tal-enerġija rinnovabbli f’dan il-kuntest, kif ukoll il-potenzjal tal-ilma nnifsu bħala sors ta’ enerġija, għandhom jitqiesu meta jkunu qed jitfasslu politiki tal-UE;

22.

jiġbed l-attenzjoni għaż-żieda fl-użu ta’ mediċini, bħal pereżempju l-antibijotiċi, fejn is-sustanzi attivi jgħaddu mis-sistema tad-drenaġġ u jilħqu l-ilma tal-wiċċ. Dan iwassal mhux biss għall-ħtieġa ta’ sforz akbar sabiex jiġi prodott l-ilma tax-xorb mill-ilma tal-wiċċ, iżda jista’ jwassal ukoll għal riskju akbar ta’ immunità għall-batterji. Is-soluzzjoni għal din il-problema tinsab f’approċċ li jiffoka fuq is-sorsi mxerrda tal-mediċina residwa: skart tal-mediċina u mediċina li tibqa’ fl-awrina u fil-ħmieġ;

23.

iħeġġeġ lill-Istati Membri u lill-awtoritajiet lokali u reġjonali biex, fil-politiki tal-ilma tagħhom, jinkludu l-kunċetti tal-infrastruttura ekoloġika u tal-miżuri għaż-żamma tal-ilma naturali minflok jew flimkien ma’ miżuri strutturali (grey structural measures) tradizzjonali (eż. biex jitnaqqsu l-pressjonijiet idromorfoloġiċi fil-baċini tax-xmajjar) fil-programmi operazzjonali tagħhom taħt il-FSIE (eż. għar-restawr tal-artijiet mistagħdra u l-foresti), jew fl-ippjanar urban (eż. għall-ħżin tal-ilma tax-xita (biex jintuża mill-ġdid) jew biex tiżdied iż-żamma tal-ilma biex jitnaqqas l-impatt tal-għargħar);

24.

jiġbed l-attenzjoni dwar il-ħtieġa li tittejjeb il-ġestjoni tal-ilma billi tingħata għajnuna għall-protezzjoni tal-provvisti ta’ ilma nadif fi żminijiet ta’ diżastri naturali (12);

25.

iħeġġeġ lill-awtoritajiet lokali u reġjonali biex jinvolvu ruħhom ma’ kumpaniji tal-assigurazzjoni u l-gvern nazzjonali biex jiżguraw li l-djar, l-irziezet u n-negozji kollha li jistgħu jiġu affettwati minn għargħar jistgħu jiksbu assigurazzjoni raġonevoli. Aktar xogħol huwa wkoll meħtieġ biex ikun iggarantit li l-partijiet interessati kollha jagħrfu li l-bini tar-reżiljenza fil-bidu huwa l-aktar mod effettiv biex jimminimizzaw ir-riskji u jnaqqsu l-ispejjeż fit-tul mid-diżastri naturali;

26.

peress li l-objettivi tad-diversi oqsma ta’ politika huma aċċettabbli (politika ppjanata), iżda l-miżuri meħtieġa huma ħafna drabi konfliġġenti fl-implimentazzjoni, jiġbed l-attenzjoni għall-fatt li r-reġjuni u l-bliet, bħala l-livell fejn issir l-implimentazzjoni, ta’ spiss iridu jilħqu kompromess bejn dawn il-miżuri konfliġġenti;

27.

jitlob lill-Kummissjoni Ewropea sabiex jiġi intensifikat l-iskambju ta’ informazzjoni bejn l-awtoritajiet lokali u reġjonali li huma responsabbli mill-implimentazzjoni tal-politika tal-ilma, u dawk li jieħdu d-deċiżjonijiet fi Brussell u tiġi integrata l-informazzjoni dwar l-għanijiet konfliġġenti, pereżempju, fil-politika l-ġdida tagħha jew fl-emendi tal- politika tagħha.

28.

jistenna li r-reviżjoni ppjanata tad-Direttiva dwar l-Ilma tax-Xorb ittejjeb is-sistemi ta’ monitoraġġ u l-parametri ta’ analiżi, tiżgura aċċess aħjar għall-informazzjoni dwar il-kwalità tal-ilma tax-xorb għaċ-ċittadini, tindirizza l-problema tat-tnixxijiet, tiżviluppa l-qafas regolatorju għall-provvisti individwali tal-ilma tax-xorb żgħar jew individwali, tipproponi soluzzjonijiet għall-problemi kkawżati minn materjali f’kuntatt mal-ilma tax-xorb, u taġġorna d-derogi mil-leġislazzjoni attwali;

29.

jisħaq li reviżjoni futura tad-Direttiva dwar it-Trattament tal-Ilma Urban Mormi għandu jkollha l-għan, b’mod partikolari, li ttejjeb il-monitoraġġ, ir-rappurtar u t-tixrid pubbliku tad-data, u jenfasizza bil-qawwa li jitqiesu r-rabtiet għall-ekonomija ċirkolari u l-effiċjenza tar-riżorsi fl-UE. Lill-Istati Membri għandu jitnaqqsilhom ir-rekwiżiti ta’ rappurtar tagħhom mill-inqas sal-limitu tal-obbligi li jkunu diġà ntlaħqu;

30.

jilqa’ l-approċċ il-ġdid tal-Kummissjoni Ewropea li tevalwa “id-distanza għall-konformità” li tiffoka fuq il-lakuni li fadal fl-ilma ħażin li fil-fatt jinġabar b’mod korrett, konness u trattat u tikkumplementa l-valutazzjoni uffiċjali tal-konformità mal-obbligi legali li jirriżultaw mid-Direttiva dwar it-Trattament tal-Ilma Urban Mormi (UWWTD); jinnota b’sodisfazzjon li l-Kummissjoni Ewropea fit-8 rapport ta’ implimentazzjoni tagħha tal-UWWTD għall-ewwel darba pproċessat u inkludiet riżultati fil-livell reġjonali u jistieden lill-Kummissjoni Ewropea biex iżżomm kemm “id-distanza għall-konformità” kif ukoll l-approċċi reġjonali u tiżviluppahom aktar f’kooperazzjoni ma ‘atturi lokali u reġjonali;

31.

jistieden lill-Kummissjoni Ewropea, lill-Istati Membri u lill-awtoritajiet lokali u reġjonali biex inaqqsu l-iskarsezza tal-ilma u jżidu aktar l-effiċjenza fl-użu tal-ilma, b’mod partikolari billi:

32.

jinnota li hemm tensjoni bejn l-għanijiet tal-kwalità tal-ilma u l-Politika Agrikola Komuni (PAK), u jistieden lill-Kummissjoni Ewropea biex tiżgura koordinazzjoni aħjar bejn dawn iż-żewġ oqsma ta’ politika. L-UE għandha tevita li żżid dawn il-kontradizzjonijiet u l-piż amministrattiv relatat biex timplimenta leġislazzjoni potenzjalment konfliġġenti, iżda pjuttost għandha tfittex l-aktar kompromessi effiċjenti, kosteffettivi u li jsaħħu lil xulxin b’mod reċiproku;

33.

jikkunsidra li huwa xieraq u meħtieġ li jkun hemm progress fl-integrazzjoni fi ħdan id-Direttiva Qafas dwar l-Ilma tad-Direttiva 91/676/KEE, tat-12 ta’ Diċembru 1991, dwar il-protezzjoni tal-ilma kontra t-tniġġis ikkawżat min-nitrati minn sorsi agrikoli bil-għan li jiġu omoġenizzati l-miżuri sabiex jinżammu fi stat tajjeb il-korpi tal-ilma u li tiġi salvagwardjata l-kwalità tal-ilma tax-xorb;

34.

jitlob lill-Kummissjoni Ewropea biex tesplora l-possibbiltajiet għal politika aktar flessibbli u divrenzjata dwar l-ilma. Il-flessibbiltà hija meħtieġa minħabba l-inċertezza rigward il-problemi futuri marbuta mal-ilma. Dan ifisser li huwa inevitabbli li l-għanijiet u l-approċċ tal-politika dwar l-ilma jeħtieġ li jsibu bilanċ bejn iċ-ċertezza legali meħtieġa sabiex minn naħa waħda tippermetti ippjanar fit-tul u investimenti bi spejjeż intensivi multiannwali, u min-naħa l-oħra il-ħtieġa li jiġu adattati għal ċirkostanzi ġodda meta meħtieġ. Id-divrenzjar tal-għanijiet skont il-mument u l-post huwa utli sabiex tissaħħaħ l-effettività tal-miżuri u jiżdied l-appoġġ tagħhom (13), mingħajr ma dan iwassal biex jitnaqqsu l-ambizzjonijiet.

35.

Il-Kumitat jitlob lill-Kummissjoni Ewropea tiżviluppa alternattiva għall-istandard ta’ monitoraġġ “one-out = all-out” fid-Direttiva Qafas dwar l-Ilma. Il-prinċipju “one out = all out” ma jipprovdix stampa ċara tal-qagħda ekoloġika u kimika attwali u tal-isforzi li diġà saru biex tittejjeb il-kwalità tal-ilma. Jeħtieġ li jiġi żviluppat strument ta’ monitoraġġ, li jirrifletti r-riżultati miksuba fl-Istati Membri, fost affarijiet oħra sabiex jiġi garantit li jiġu aċċettati l-miżuri meħtieġa.

36.

huwa konvint li apparti innovazzjoni fil-politika, innovazzjonijiet tekniċi ulterjuri huma tal-akbar importanza biex jiġu indirizzati l-isfidi attwali u futuri fil-qasam tal-ilma (14). Sabiex jiġi appoġġat dan it-tip ta’ innovazzjoni, jenfasizza l-benefiċċju possibbli ta’ aġenda ta’ azzjoni ta’ innovazzjoni fil-livell tal-UE dwar l-ilma lejn soċjetà intelliġenti sostenibbli u ċirkolari fir-rigward tal-ilma. Qafas bħal dan għandu jgħin jinkoraġixxi lill-Istati Membri u lill-awtoritajiet lokali u reġjonali, bl-appoġġ tal-Kummissjoni Ewropea, biex japplikaw l-approċċi innovattivi sistemiċi u biex jiżviluppaw sħubijiet fil-kuntest ta’ proġetti ta’ innovazzjoni fil-qasam tal-ilma. Għalkemm il-pjattaformi ta’ għarfien u l-possibbiltajiet ta’ finanzjament attwali qegħdin jiġu żviluppati, jissaħħu u jespandu b’mod konsiderevoli, il-Kumitat jidentifika żewġ ostakoli li ma jippermettux li jiġu introdotti soluzzjonijiet innovattivi. Il-Kumitat għalhekk jappella lill-Kummissjoni Ewropea sabiex:

37.

jenfasizza li l-ġestjoni tal-ilma hija qasam politiku kbir ta’ kapital intensiv fejn isiru investimenti kbar. Fil-futur, dawn l-investimenti ser ikomplu biss jiżdiedu. Permezz ta’ ambitu usa’ tad-definizzjoni tal-problemi u s-soluzzjonijiet possibbli u t-titjib tal-integrazzjoni diġà proposta għar-regolament attwali bejn oqsma ta’ politika relatati (bħall-agrikoltura, l-enerġija, is-saħħa) jista’ jitnaqqas ir-riskju ta’ inqas investiment, jinfetħu opportunitajiet ġodda u jinħolqu l-kondizzjonijiet għall-innovazzjoni. L-isfida tinsab fit-tfassil ta’ deċiżjonijiet raġonevoli li jqisu dak li rridu nippreservaw issa, iżda li jipprovdu wkoll ambitu suffiċjenti sabiex jiġu indirizzati l-isfidi futuri inċerti biex naslu għal Manage the source of life!

30.6.2017   

MT

Il-Ġurnal Uffiċjali tal-Unjoni Ewropea

C 207/51

1.

jenfasizza li ħafna mir-rakkomandazzjonijiet oriġinali tiegħu dwar l-istrateġija ta’ adattament tal-UE (CoR 3752/2013) għadhom validi u għandhom jinqraw flimkien ma’ din l-Opinjoni; jiġbed l-attenzjoni għas-suġġerimenti biex tinħoloq rabta iżjed diretta bejn l-istrateġija ta’ adattament u l-kunċett ta’ reżiljenza għall-klima u jiġi żviluppat aktar il-kunċett/valutazzjonijiet tal-“vulnerabbiltà” tat-territorji differenti; għall-proposta biex ikun hemm aktar enfasi fuq is-soluzzjonijiet ta’ adattament ibbażati fuq l-infrastruttura ekoloġika kif ukoll il-konsiderazzjonijiet tal-bijodiversità u tal-ekosistema; u anke għat-twissija li jista’ jkun meħtieġ ukoll li jiġu żviluppati xenarji għall-adattament għal żieda fit-temperatura li mhijiex limitata għal 2 gradi, jekk ma jirnexxux l-isforzi globali fil-kuntest tal-ftehim ta’ Pariġi;

2.

jirrikonoxxi li bħalissa għaddejja ħidma dwar kull waħda mit-tmien azzjonijiet tal-Istrateġija tal-UE dwar l-Adattament għat-Tibdil fil-Klima u r-riżultati qed jibdew jidhru (eż. l-adozzjoni ta’ strateġiji nazzjonali tal-adattament f’75 % tal-Istati Membri tal-UE, it-tnedija tal-inizjattiva “Mayors Adapt”, li issa ġiet integrata fil-Patt tas-Sindki) u għalhekk jistenna bil-ħerqa l-valutazzjoni u r-rieżami tal-Istrateġija min-naħa tal-Kummissjoni Ewropea. Jenfasizza li dan huwa proċess kontinwu li fih l-Istati Membri għandhom ukoll jaġġornaw b’mod kontinwu l-istrateġiji tagħhom stess biex jibqgħu aġġornati mal-bażi tal-għarfien li dejjem qed tevolvi kif ukoll l-oqfsa legali u l-ftehimiet internazzjonali rilevanti;

3.

jirrikonoxxi li, għalkemm il-Kummissjoni u l-Istati Membri huma atturi ewlenin fit-twaqqif tal-oqfsa ta’ politika u dawk regolatorji, l-awtoritajiet lokali u reġjonali jinsabu fuq quddiem nett biex inaqqsu l-vulnerabbiltà tat-territorju tagħhom għad-diversi impatti tat-tibdil fil-klima permezz ta’ azzjonijiet konkreti ta’ adattament, u għalhekk jenfasizza li qafas ta’ governanza f’diversi livelli li jaħdem kif imiss huwa ta’ importanza kruċjali;

4.

jitlob lill-Kummissjoni Ewropea biex tħeġġeġ kollaborazzjoni iżjed b’saħħitha bejn il-livelli differenti ta’ gvern (l-UE, l-Istati Membri, l-awtoritajiet lokali u reġjonali) sabiex tallinja l-prijoritajiet, tnaqqas kemm jista’ jkun il-proċessi paralleli mingħajr l-ebda konnessjoni ma’ dan jew saħansitra kontradittorji, u tħeġġeġ l-aqwa sinerġiji possibbli bejn l-istrateġiji u l-pjani żviluppati fil-livell tal-UE u dak nazzjonali u dawk żviluppati fil-livell reġjonali u lokali, u b’hekk tiġi żgurata koerenza akbar tal-politika iżda wkoll azzjoni koordinata u komplementari;

5.

jappoġġja l-inizjattivi tal-UE bħalma huma l-Patt tas-Sindki għall-Klima u l-Enerġija u s-Sħubijiet il-ġodda tal-Aġenda Urbana tal-UE li jrawmu l-emerġenza ta’ skemi ta’ governanza u pjattaformi ta’ kooperazzjoni kkoordinati fuq diversi livelli. Għandhom jitqiesu li jaqdu rwol f’li jirriflettu l-ħtiġijiet tal-bliet u r-reġjuni u li jtejbu l-kollaborazzjoni. Barra minn hekk il-KtR jistenna bil-ħerqa l-ħolqien f’waqtu ta’ sħubija tal-aġenda urbana dwar il-prijorità tematika tal-adattament għat-tibdil fil-klima, inkluża d-dimensjoni ekonomika, soċjali u ambjentali tagħha;

6.

jenfasizza, f’dan ir-rigward, il-ħtieġa għal kontribut akbar min-naħa tal-bliet u r-reġjuni fit-tħejjija u l-implimentazzjoni tal-istrateġiji u l-pjani nazzjonali ta’ adattament. Jitlob għalhekk lill-Istati Membri tal-UE joħolqu l-istrutturi istituzzjonali jew il-pjattaformi adatti biex irawmu konsultazzjoni kontinwa u kooperazzjoni aktar mill-qrib (eż. permezz ta’ gruppi ta’ ħidma), filwaqt li jitqiesu l-ispeċifiċitajiet tal-Istati Membri, u jitlob lill-Kummissjoni Ewropea biex tappoġġja u tħeġġeġ dan l-iżvilupp;

7.

huwa tal-fehma li r-rwol essenzjali tar-reġjuni għandu jiġi rifless aħjar fir-rieżami tal-istrateġija dwar l-adattament għat-tibdil fil-klima (pereżempju permezz ta’ kapitolu ddedikat), u l-isforzi tagħhom jiġu appoġġjati aħjar. Ir-reġjuni jistgħu saħansitra jaqdu rwol intermedjarju/ta’ koordinazzjoni fil-proċess ta’ adattament, u jiżguraw li l-prijoritajiet definiti mill-Istati Membri jikkorrispondu għall-ħtiġijiet u l-istennijiet espressi fuq il-post u viċi versa. Huma jistgħu wkoll jaġixxu bħala xpruni, billi jappoġġjaw l-isforzi tal-awtoritajiet lokali fit-tisħiħ tar-reżiljenza tagħhom kontra l-perikli tat-tibdil fil-klima u d-diżastri naturali, il-bini tal-kapaċitajiet u l-użu tal-finanzjament disponibbli – kif muri mir-reġjuni li diġà huma involuti fil-Patt tas-Sindki bħala “Koordinaturi”. Il-KtR jitlob lill-Kummissjoni Ewropea biex tirrikonoxxi iżjed ir-responsabbiltajiet meħuda u l-azzjonijiet imwettqa mhux biss mill-awtoritajiet lokali iżda wkoll dawk reġjonali fil-qafas tal-inizjattiva tiegħu tal-Patt tas-Sindki (eż. b’mod simili għal dak li qed tagħmel bħalissal-inizjattiva RegionsAdapt);

8.

jiġbed l-attenzjoni għall-fatt li n-nuqqas ta’ qafas leġislattiv preskrittiv jitqies mill-awtoritajiet lokali u reġjonali bħala ostaklu għall-azzjoni f’ċerti Stati Membri. Dawn għalhekk huma favur mandat aktar ċar mill-UE u l-awtoritajiet nazzjonali sabiex jieħdu azzjoni dwar l-adattament. Fil-livell nazzjonali, il-KtR jilqa’ l-isforzi reċenti meħuda minn xi Stati Membri biex jintegraw il-konsiderazzjonijiet għall-adattament f’leġislazzjoni speċifika (eż. skont id-Direttiva Qafas dwar l-Ilma u d-Direttiva dwar l-Għargħar);

9.

jitlob lill-Kummissjoni Ewropea teżamina kemm hemm awtoritajiet lokali u reġjonali, fl-UE u għal kull Stat Membru, li għandhom strateġija jew pjan ta’ adattament. Fuq din il-bażi, il-Kummissjoni Ewropea, bil-kooperazzjoni tal-awtoritajiet lokali u reġjonali, tista’ tipproponi miri fil-livell tal-UE u dak nazzjonali biex jitrawwem iżjed l-iżvilupp tal-istrateġiji/pjani lokali u reġjonali ta’ adattament min-naħa tal-awtoritajiet lokali u reġjonali;

10.

jisħaq fuq il-fatt li – apparti qafas ta’ governanza f’diversi livelli li jaħdem kif imiss – ir-rieżami tal-Istrateġija dwar l-Adattament għat-Tibdil fil-Klima għandu jpoġġi aktar enfasi fuq il-ħtieġa ta’ parteċipazzjoni min-naħa tal-partijiet interessati diversi u approċċ transsettorjali (minflok dak kompartimentalizzat) għal azzjoni aktar effiċjenti u integrata għal adattament lokali. Ir-rieżami jista’ jintegra (jew jidderieġi mill-ġdid lejn) ftit eżempji konkreti li juru l-benefiċċji li wieħed jaħdem flimkien iktar milli f’mod iżolat għall-kokreazzjoni ta’ soluzzjonijiet fil-livell reġjonali/lokali. Tali approċċi parteċipattivi għandhom jitħeġġu u jiġu appoġġjati bil-qawwa, pereżempju permezz ta’ proġetti ffinanzjati mill-UE (eż. taħt LIFE futur jew sejħiet fil-qafas tal-Orizzont 2020);

11.

jenfasizza l-importanza li jiġu eżaminati fil-fond il-fatturi ta’ suċċess u l-ostakli għad-diversi forom ta’ kooperazzjoni bejn ix-xjenzjati, il-prattikanti u dawk responsabbli għat-tfassil tal-politika fil-livell lokali/reġjonali. Din l-informazzjoni għandha twassal għal rakkomandazzjonijiet prattiċi abbażi ta’ eżempji konkreti ta’ sħubijiet (b’diversi partijiet interessati/pubbliċi-privati) li għandhom jixterdu b’mod wiesa’, eż. permezz tal-Pjattaforma Ewropea dwar l-Adattament għall-Klima (Climate-ADAPT);

12.

ifakkar fil-ħtieġa li jkun hemm sensibilizzazzjoni permezz tal-mezzi kollha possibbli ta’ komunikazzjoni dwar il-bżonn li tittieħed azzjoni u l-mitigazzjoni sabiex jinkisbu l-akbar sinerġiji possibbli bejn iż-żewġ elementi tal-politika tal-klima u jiġi evitat il-“maladattament”. Għal dan il-għan, il-KtR jappella lill-Kummissjoni Ewropea biex tanalizza fir-rieżami mekkaniżmi innovattivi għas-sensibilizzazzjoni, u b’hekk tiżdied l-aċċettazzjoni fost l-atturi lokali u reġjonali (inklużi ċ-ċittadini u n-negozji) u titħeġġeġ bidla fl-imġiba;

13.

jenfasizza l-importanza li tinbena kapaċità aħjar u li jiġu indirizzati l-lakuni fl-għarfien fil-bliet u r-reġjuni Ewropej; u huwa tal-fehma li l-portal Climate-ADAPT – u l-Għodda ta’ Appoġġ għall-Adattament Urban relatata – huwa bażi tajba għal dan. Din l-għodda madankollu jeħtieġ li tiġi kkonsolidata u mtejba kontinwament, promossa aktar u għandha tintrabat iżjed mal-pjattaforma tal-Patt tas-Sindki, u għandha ssir iżjed faċli biex tintuża. Il-KtR jistieden lill-Kummissjoni tikkonsulta lill-bliet u lir-reġjuni jidentifikaw flimkien kif il-portal Climate-ADAPT jista’ jiġi adattat biex jissodisfa bl-aħjar mod il-ħtiġijiet tagħhom, u jiddeċiedu jekk l-għodda għandhiex tiġi integrata fis-sit web tal-Patt tas-Sindki;

14.

jenfasizza l-ħtieġa li jitkompla l-ġbir ta’ eżempji ta’ prattika tajba li jkunu ġew ittestjati fuq il-post. Il-prattiki tajbin identifikati fil-bliet u r-reġjuni jridu jiġu maħżuna f’repożitorju wieħed, aċċessibbli pubblikament u li jistgħu jsiru tfittxijiet fih faċilment (bħall-portal Climate-ADAPT u/jew il-katalgu ta’ parametri ta’ referenza fis-sit web tal-Patt tas-Sindki) biex jiġi ffaċilitat l-iskambju tal-esperjenza bejn il-pari. B’mod partikolari, bażi tad-data bħal din għandu jkollha l-elementi adatti sabiex jiġu identifikati l-eżempji li huma bbażati fuq ċirkustanzi simili (eż. riskji ta’ inċidenti marbutin mal-klima, id-densità tal-popolazzjoni) jew li għandhom karatteristiċi ġeografiċi simili (eż. pożizzjoni fuq jew ħdejn il-muntanji, xmara jew il-baħar) bil-għan li jiġu żviluppati tipoloġiji ta’ adattament. Il-KtR huwa lest jikkontribwixxi fl-identifikazzjoni ta’ prattiki reġjonali ta’ suċċess u l-mobilizzazzjoni ta’ reġjuni pijunieri, l-ewwel nett permezz tal-ħidma tal-membri tiegħu fil-Kummissjoni ENVE u l-grupp tiegħu ta’ “Ambaxxaturi tal-Patt tal-KtR” li għandu jiġi estiż u promoss aktar;

15.

jenfasizza li t-trasferiment tal-għarfien għandu jkun iffaċilitat ukoll permezz tal-kooperazzjoni bejn il-bliet. Għandhom jiġu identifikati attivitajiet adatti bejn il-pari u attivitajiet ta’ mentoring, promossi u ffinanzjati b’mod adegwat mill-Kummissjoni Ewropea. Il-programmi ta’ ġemellaġġ diġà proposti mill-inizjattiva tal-Patt tas-Sindki wrew li kienu ta’ suċċess u ta’ valur, u għalhekk għandhom jiġu replikati u estiżi fil-ġejjieni (eż. permezz ta’ sejħiet annwali għall-applikazzjonijiet);

16.

iħeġġeġ lill-Kummissjoni Ewropea biex tikkonsolida l-isforzi biex jinħoloq qafas li jiffaċilita l-bini tal-kapaċità fil-bliet u r-reġjuni. L-abbundanza ta’ inizjattivi, strumenti u programmi tal-UE li diġà joffru diversi opportunitajiet għall-bini tal-kapaċità għall-bliet u r-reġjuni (eż. workshops, webinars, materjal ta’ gwida) attwalment tikkawża konfużjoni fost il-benefiċjarji tagħhom;

17.

għalkemm qed isiru xi sforzi – b’mod partikolari t-tnedija reċenti ta’ portal ġdid “one-stop shop” fil-qafas tal-Aġenda Urbana tal-UE – il-Kummissjoni għandha tiċċara l-ispeċifiċitajiet iżda wkoll il-komplementaritajiet bejn id-diversi servizzi proposti lill-bliet u r-reġjuni fil-qasam/fl-oqsma marbutin mal-adattament, u timpenja ruħha li timla l-lakuni fl-għarfien li jistgħu jinqalgħu matul dan l-eżerċizzju ta’ identifikazzjoni u ta’ ġbir. F’dan il-proċess, il-KtR jitlob lill-Kummissjoni biex:

18.

jirrikonoxxi li l-livelli kollha tal-gvern – inklużi l-bliet u r-reġjuni – għandhom bżonn fehim sod tar-riskji u l-vulnerabbiltajiet klimatiċi fit-territorju tagħhom biex jiggwidaw il-proċessi tat-teħid tad-deċiżjonijiet u t-tfassil tal-politika tagħhom. F’dan ir-rigward, il-KtR jitlob lill-Kummissjoni biex tkompli tappoġġja l-oqfsa ta’ valutazzjoni tar-riskji u tal-vulnerabbiltà minħabba li dawn jikkostitwixxu l-punt ta’ tluq ta’ kwalunkwe strateġija ta’ adattament u jappoġġjaw kwalunkwe azzjoni bbażata fuq l-evidenza;

19.

jenfasizza li l-awtoritajiet lokali u reġjonali regolarment jiġbdu l-attenzjoni dwar 1) in-nuqqas ta’ (aċċess għal) informazzjoni utli u li tinftiehem dwar il-klima; u 2) in-nuqqas ta’ għarfien espert u esperjenza fl-interpretazzjoni ta’ din l-informazzjoni bħala ostakli għal azzjoni ta’ adattament. Għalhekk, tinħtieġ aktar għajnuna – permezz ta’ dokumentazzjoni u ta’ kondiviżjoni ta’ prattiki tajba – biex l-ewwel nett jiġu ggwidati permezz ta’ informazzjoni li diġà teżisti, u t-tieni nett, jiġu megħjuna fl-eżerċizzju tat-tnaqqis u l-interpretazzjoni tal-impatti f’livell ta’ belt/reġjun;

20.

jitlob lill-Kummissjoni biex tkompli tappoġġja l-isforzi kontinwi tal-bliet u r-reġjuni fil-projezzjoni klimatika u l-valutazzjoni tar-riskji billi ssaħħaħ l-attivitajiet (ta’ riċerka) relatati mal-identifikazzjoni ta’ għodod u metodi adatti (tal-immudellar tar-riskji), l-iżvilupp ta’ xenarji (makro)reġjonali tal-impatt tal-klima u l-ħolqien ta’ netwerks ta’ servizzi dwar il-klima (taħt il-programm Orizzont 2020) fil-livell internazzjonli, Ewropew u (sotto)nazzjonali. Tali netwerks ta’ servizzi dwar il-klima jimmobilizzaw l-esperti u l-fornituri tad-data rilevanti (eż. il-komunità tar-riċerka) u jagħmlu l-informazzjoni u t-tagħrif eżistenti aċċessibbli u li jinftiehmu minn dawk responsabbli għat-tfassil tal-politika fil-livell lokali;

21.

jenfasizza l-importanza li l-iżvelar tar-riskji klimatiċi jingħata appoġġ sabiex titħeġġeġ l-azzjoni għall-adattament u jiġi stimulat l-investiment. Qed jitfaċċaw diversi inizjattivi volontarji u/jew immexxija mis-settur privat dwar l-iżvelar ta’ riskji klimatiċi u jistgħu jkomplu jiġu appoġġjati u promossi mill-Kummissjoni;

22.

jilqa’ b’sodisfazzjon, f’dan ir-rigward, l-inizjattiva tal-Kummissjoni li teżamina l-opportunitajiet ta’ kollaborazzjoni mas-settur tal-assigurazzjoni bħala fornitur prinċipali tad-data u investiment potenzjali. Iħeġġeġ lill-Kummissjoni tivvaluta l-mekkaniżmi tal-assigurazzjoni li jistgħu jipprovdu inċentiv għall-prevenzjoni tar-riskji u jappoġġjaw it-tnaqqis tal-ħsara u biex taħdem ma’ kumpaniji tal-assigurazzjoni sabiex jiġi żgurat li huma jaqsmu l-għarfien u l-kompetenzi tagħhom fl-immudellar tar-riskji kif ukoll fil-ġestjoni tar-riskji ta’ diżastri mas-settur pubbliku. Fir-rieżami għandhom jiġu promossi iżjed is-sħubijiet ta’ suċċess eżistenti sabiex jispiraw u jimmotivaw lill-oħrajn. Jenfasizza wkoll f’dan il-kuntest li, għall-kuntrarju, il-bliet u r-reġjuni meqjusa mill-assiguraturi bħala “f’riskju għoli” jistgħu jħabbtu wiċċhom ukoll ma’ ostakli partikolari għall-investiment u l-iżvilupp u jħeġġeġ lill-Kummissjoni Ewropea biex fir-rieżami tanalizza kif jistgħu jiġu indirizzati tali problemi;

23.

huwa tal-fehma li r-rieżami għandu jippromovi aktar il-vantaġġi ta’ valutazzjoni tal-implikazzjonijiet soċjoekonomiċi tal-adattament. Tali analiżi soċjoekonomika tiggwida lil dawk li jieħdu d-deċiżjonijiet peress li jiġu pprovduti b’ħarsa ġenerali aktar ċara tal-ispejjeż u l-benefiċċji possibbli ta’ azzjoni ta’ adattament għall-kuntrarju ta’ nuqqas ta’ azzjoni, u għalhekk tgħin biex ikun hemm sensibilizzazzjoni, jinxteħet dawl fuq il-limitazzjonijiet tal-kapaċità u jiġu identifikati l-aktar għażliet ekonomikament vijabbli ta’ politika;

24.

josserva li l-bliet u r-reġjuni jeħtieġu aktar informazzjoni dwar id-diversi metodi eżistenti li jistgħu jiġu applikati għal tali valutazzjoni (eż. kostbenefiċċji, diversi kriterji, deċiżjoni tal-partijiet interessati, esperimentazzjoni u osservazzjoni) u r-rilevanza tagħhom f’kuntesti differenti, u għalhekk jissuġġerixxi li l-Kummissjoni tipprovdi appoġġ adatt permezz tal-pjattaformi ta’ referenza tagħha, Climate-ADAPT u l-Patt tas-Sindki;

25.

jenfasizza l-ħtieġa li l-awtoritajiet lokali u reġjonali jkollhom l-għodod u l-indikaturi adatti ta’ monitoraġġ, rappurtar u valutazzjoni biex jinfurmaw u jappoġġjaw l-ippjanar tal-adattament lokali. Dan tal-aħħar jista’ għal darb’oħra jiġi promoss permezz tal-pjattaformi ta’ referenza għall-adattament (Climate-ADAPT u l-Patt tas-Sindki);

26.

jinsab konvint dwar l-importanza li jiġi żgurat li l-oqfsa internazzjonali, Ewropej, nazzjonali u reġjonali/lokali ta’ monitoraġġ, rappurtar u valutazzjoni jkunu kompatibbli b’mod reċiproku u jibnu fuq xulxin – dan jiggarantixxi l-koerenza u jnaqqas il-piż fuq il-bliet u r-reġjuni;

27.

jilqa’ b’sodisfazzjon il-progress li nkiseb għal dan il-għan minn mindu ġiet ippubblikata l-istrateġija dwar l-adattament għat-tibdil fil-klima u l-iżvilupp ta’ “tabella ta’ valutazzjoni dwar it-tħejjija tal-adattament” għall-Istati Membri tal-UE u t-“template tal-Patt tas-Sindki għall-monitoraġġ u r-rappurtar” għall-bliet firmatarji u jinsab kuntent dwar ir-rabtiet b’saħħithom bejniethom it-tnejn, iżda jqis li jinħtieġu aktar promozzjoni u gwida dwar l-użu tagħhom (eż. permezz tas-sit web tal-Patt tas-Sindki);

28.

jenfasizza li għad iridu jiġu eżaminati aktar sinerġiji ma’ inizjattivi msieħba oħrajn proposti b’mod parallel fil-livell internazzjonali jew Ewropew (eż. RegionsAdapt, CRAFT, Bliet Reżiljenti) li għandhom is-sistemi proprji tagħhom ta’ monitoraġġ, rappurtar u valutazzjoni, iżda josserva li l-isforzi addizzjonali ta’ armonizzazzjoni jew ta’ kollaborazzjoni ma għandhomx isiru għad-detriment tal-bżonnijiet u l-interessi tal-bliet/tar-reġjuni;

29.

jilqa’ b’sodisfazzjon l-istrumenti ta’ finanzjament eżistenti tal-UE għall-appoġġ ta’ azzjonijiet lokali u reġjonali marbuta mal-klima (eż. il-Fondi Strutturali u ta’ Investiment Ewropej, iżda wkoll Orizzont 2020, LIFE, il-Fond ta’ Solidarjetà tal-UE, il-Faċilità ta’ Finanzjament Kapitali Naturali), iżda jenfasizza li l-aċċess għal dawn il-fondi għadu l-akbar sfida li jiffaċċjaw il-bliet u r-reġjuni. Jitlob għalhekk lill-Kummissjoni biex tipprovdi lill-awtoritajiet lokali u reġjonali Ewropej 1) b’informazzjoni aċċessibbli faċilment u li tinftiehem dwar il-fondi u l-istrumenti finanzjarji disponibbli għall-iżvilupp u l-implimentazzjoni tal-pjani ta’ azzjoni tagħhom u 2) aktar gwida u appoġġ dwar kif jaċċessaw u japplikaw l-istrumenti eżistenti, kif ukoll possibbilment jinġabru flimkien (eż. permezz ta’ taħriġ imfassal apposta);

30.

ifakkar fil-proposta tiegħu li jiġi adottat approċċ ta’ “ċiklu ta’ ħajja sħiħ” sabiex jiġu vvalutati l-ispejjeż u l-benefiċċji tal-kapital għall-iżgurar ta’ ħlas lura fit-tul assoċjati ma’ investimenti reżiljenti għall-klima. Għandu jkun meħtieġ li r-reġistri tal-kontabbiltà u tar-riskji jkunu jinkludu l-implikazzjonijiet soċjali, ambjentali u soċjali tal-azzjoni u l-investimenti tal-kapital li jonqsu milli jqisu t-tibdil tal-klima, jew tal-għażla li ma tittieħed l-ebda azzjoni;

31.

jittama li r-rieżami se jagħmel aktar enfasi fuq ir-rwol potenzjali tar-reġjuni biex jiffaċilitaw l-aċċess għal ċerti skemi ta’ finanzjament. Ċerti reġjuni diġà jgħinu fil-ġestjoni u d-distribuzzjoni mill-ġdid tal-Fondi Strutturali tal-UE, billi jlaqqgħu flimkien proġetti iżgħar stabbiliti minn muniċipalitajiet fit-territorju tagħhom, jew billi joffru direttament il-finanzjament. Madankollu, il-KtR jenfasizza li għadha meħtieġa aktar gwida sabiex tgħin lil dawn l-awtoritajiet ta’ ġestjoni jużaw il-potenzjal sħiħ tal-fondi Ewropej disponibbli u l-istrumenti finanzjarji innovattivi;

32.

jitlob lill-Kummissjoni teżamina aktar l-idea ta’ aċċess rapidu għall-istrumenti finanzjarji għal awtoritajiet lokali u reġjonali partikolari, abbażi ta’ fatturi, pereżempju li jkunu diġà pubblikament impenjaw ruħhom favur l-adattament komprensiv (pereżempju, permezz ta’ sħubija fl-inizjattiva tal-Patt tas-Sindki), wara li jkunu wettqu valutazzjoni komprensiva tar-riskji u l-vulnerabilità, u wara li jkunu żviluppaw pjan ta’ azzjoni għall-adattament. Ir-rieżami tal-prekundizzjonijiet ta’ aċċess għal ċerti fondi jew kriterji għas-selezzjoni u għall-aġġudikazzjoni tal-għotjiet taħt il-programmi differenti (jiġifieri Orizzont 2020 u LIFE) mill-Kummissjoni jista’ jippermetti u jrawwem tali “aċċess rapidu”; Dan il-metodu għandu jiġi eżaminat b’iżjed reqqa wkoll fil-qafas tal-Fondi Strutturali u ta’ Investiment Ewropej, u jirrakkomanda li l-awtoritajiet kollha ta’ ġestjoni jagħżlu l-alternattiva diġà mħaddna f’xi programmi operattivi reġjonali li jiġu prijoritizzati inizjattivi fil-pjani ta’ azzjoni għall-enerġija sostenibbli (SEAPs) u l-pjani ta’ azzjoni għall-enerġija sostenibbli u l-azzjoni klimatika (SECAPs) adottati mill-muniċipalitajiet li jipparteċipaw fil-Patt tas-Sindki;

33.

jilqa’ b’sodisfazzjon l-inizjattiva tal-Kummissjoni Ewropea – fit-tħejjija tal-Qafas Finanzjarju Pluriennali (QFP) li jmiss – biex jiġi vvalutat il-progress fl-implimentazzjoni tad-diversi fondi tal-UE kif ukoll l-użu ta’ għotjiet u strumenti finanzjarji oħra (eż. lezzjonijiet mill-programm LIFE u l-integrazzjoni tal-azzjoni marbuta mal-klima fil-Fondi SIE). Dan għandu jgħin biex 1) jipproponi t-taħlita adatta kemm tal-istrumenti finanzjarji integrati kif ukoll dawk speċifiċi għal aktar adattament mingħajr ma jitnaqqsu r-riżorsi baġitarji neċessarji għall-mitigazzjoni tal-effetti tat-tibdil fil-klima, u 2) ifassal rakkomandazzjonijiet għas-sejħiet għall-proġetti li ġejjin (pereżempju, skont il-programmi LIFE u l-Orizzont 2020) – u b’hekk jimtlew il-lakuni li jifdal għall-iffinanzjar ta’ azzjoni relatata mal-adattament għat-tibdil fil-klima lokali.

34.

jenfasizza li l-programm LIFE – u b’mod aktar speċifiku l-Proġetti Integrati (IPs) ta’ Azzjoni marbuta mal-programm LIFE (Azzjoni Klimatika) – huwa meqjus mill-bliet u r-reġjuni bħala wieħed mill-għodod finanzjarji ewlenin biex jiġu ttestjati, immexxija u murija l-azzjonijiet ta’ adattament permezz ta’ approċċ transsettorjali u b’mod ġenerali l-iskala territorjali (reġjonali, multireġjonali, nazzjonali jew transnazzjonali), u għalhekk iħeġġeġ ħafna lill-Kummissjoni biex testendih u tappoġġjah aktar;

35.

jirrikonoxxi li ħafna bliet u reġjuni Ewropej għandhom potenzjal kbir mhux sfruttat biex jattiraw aktar investiment u ħafna minnhom jiffaċċjaw ukoll ostakli serji fl-implimentazzjoni tal-investimenti tagħhom stess;

36.

huwa tal-fehma li l-Kummissjoni għandha għalhekk tkompli teżamina modi innovattivi kif tidderieġi l-investimenti għal azzjonijiet ta’ adattament għall-awtoritajiet lokali u reġjonali u jistieden lill-Kummissjoni tipprovdihom b’pariri tal-esperti, gwida u appoġġ xierqa fit-tħejjija ta’ investimenti vijabbli (eż. permezz taċ-Ċentru Ewropew ta’ Konsulenza għall-Investimenti jew attivitajiet oħra mmirati u li għandhom x’jaqsmu mat-tisħiħ tal-kapaċitajiet) u l-iżgurar tal-finanzjament. Ir-rieżami jista’ jipprovdi eżempji ta’ mekkaniżmi li jkollhom x’jaqsmu ma’ investituri privati u jikkooperaw ma’ kumpaniji tal-assigurazzjoni – u l-Kummissjoni għandha tkompli tappoġġja inizjattivi pilota li jmorru f’din id-direzzjoni;

37.

jenfasizza li l-bliet u r-reġjuni għandhom jingħataw għajnuna biex isibu t-taħlita ta’ fondi pubbliċi u privati – minn sorsi internazzjonali, Ewropej, nazzjonali u lokali – li hija l-aktar adatta fiċ-ċirkustanzi lokali tagħhom għall-finanzjament tal-azzjoni ta’ adattament. Kif ġie enfasizzat fir-rieżami ta’ nofs it-terminu tal-qafas finanzjarju pluriennali 2014-2020, il-Kummissjoni għandha tkompli teżamina modi biex jiġu indirizzati l-ħtiġijiet ta’ investiment li jifdal billi tiġbor flimkien il-fondi tal-UE, u dawk nazzjonali u privati;

38.

jirrikonoxxi li, f’dawn l-aħħar snin, id-djalogu internazzjonali dwar il-klima ġie intensifikat u wassal għal ftehimiet internazzjonali ġodda – bħall-Qafas ta’ Sendai għat-Tnaqqis tar-Riskju ta’ Diżastri 2015-2030, l-Aġenda 2030 għall-Iżvilupp Sostenibbli kif ukoll il-Ftehim ta’ Pariġi dwar it-Tibdil fil-Klima – u għalhekk jistieden lill-Kummissjoni tinkludi l-azzjoni tagħha aktar f’dawn oqfsa globali, issaħħaħ ir-rwol eżemplari tagħha kif ukoll tgħin biex jinbnew is-sinerġiji bejniethom.

39.

jenfasizza li r-rieżami għandu jirrifletti aħjar fuq l-aspett transkonfinali tal-kwistjoni relatata mal-ġestjoni tar-riskji klimatiċi. F’dan ir-rigward, il-kooperazzjoni makroreġjonali tidher bħala approċċ rilevanti biex ikun hemm progress fl-adattament għat-tibdil fil-klima tal-UE billi jitrawmu l-iskambji tal-informazzjoni u jiġu kkoordinati l-isforzi bejn il-fruntieri amministrattivi. Għalhekk, il-Kummissjoni għandha tikkunsidra li testendi u tkompli tappoġġja l-inizjattivi transnazzjonali pilota tagħha – bħal dawk fir-Reġjun tad-Danubju, tal-Baħar Baltiku, tal-Alpi, u dak Adrijatiku u Joniku – f’makroreġjuni oħra fl-Ewropa u lil hinn minnha;

40.

jistieden lill-Kummissjoni tagħmel aktar enfasi fuq il-benefiċċji ta’ kooperazzjoni bejn reġjun u ieħor (kif ukoll bejn belt u oħra). F’dan ir-rigward, il-Patt Globali l-ġdid tas-Sindki għall-Klima u l-Enerġija għandu jipprovdi lil reġjuni oħra fid-dinja b’opportunitajiet ġodda biex jisfruttaw l-esperjenza u l-eżempji fil-livell Ewropew, iżda joffri wkoll lill-awtoritajiet lokali u reġjonali Ewropej il-possibbiltà li jitgħallmu mill-pari tagħhom f’kontinenti oħra.

41.

josserva li, fid-dawl tal-previżjonijiet reċenti tal-UNFCCC għall-futur tal-flussi migratorji, ir-rieżami għandu jelabora dwar ir-rabta bejn l-adattament għat-tibdil fil-klima u l-migrazzjoni u b’hekk jintegra kapitolu ġdid dwar l-isfidi u l-opportunitajiet li ġġib magħha l-migrazzjoni kkawżata mill-klima. F’dan ir-rigward, il-Kummissjoni għandha teżamina l-mezzi biex tappoġġja aktar bliet u reġjuni li jħabbtu wiċċhom mal-mobbiltà u possibbilment l-integrazzjoni ta’ migranti u refuġjati.

42.

Fl-aħħar nett, il-Kumitat tar-Reġjuni jixtieq jesprimi l-ħerqa tiegħu biex jieħu sehem fil-proċess ta’ konsultazzjoni tal-partijiet interessati dwar ir-rieżami tal-istrateġija tal-UE dwar l-adattament għat-tibdil fil-klima li għandu jsir mill-Kummissjoni Ewropea kmieni fl-2017 u jqis ir-rakkomandazzjonijiet inklużi f’din l-Opinjoni – iżda wkoll f’Opinjonijiet oħra dwar suġġetti b’rabta mal-adattament (1) – bħala bażi tajba għall-iskambju tal-ġejjieni.

30.6.2017   

MT

Il-Ġurnal Uffiċjali tal-Unjoni Ewropea

C 207/57

1.

jinnota li fl-UE, 6 % biss ta’ dawk li jmexxu l-irziezet għandhom taħt il-35 sena, filwaqt li iżjed minn nofshom għandhom ‘il fuq minn 55 sena. Iż-żieda fil-proporzjon ta’ anzjani hija karatteristika ġenerali tal-popolazzjoni tal-UE minħabba li l-aspettattiva tal-ħajja żdiedet u tnaqqsu r-rati tat-twelid. Madankollu, din ix-xejra hija iżjed enfasizzata fl-agrikoltura meta mqabbel ma’ setturi oħrajn tal-ekonomija. Billi bdiewa ta’ età ikbar qed jgħixu iżjed, u b’inċentivi sinfikanti għalihom biex jibqgħu fil-qasam tal-biedja u ftit inċentivi biex jitilqu, il-forza tax-xogħol tal-irziezet Ewropej gradwalment qed tixjieħ, u dan joħloq ostakli sostanzjali għal persuni ġodda li jridu jkunu attivi fil-qasam;

2.

b’mod ġenerali, in-nuqqas ta’ rieda ta’ bdiewa ta’ età ikbar li jittrasferixxu r-razzett tagħhom huwa influwenzat ukoll mill-fatt li l-biedja hija stil ta’ ħajja msejsa fil-komunità u li jkompli wara l-età legali tal-irtirar. F’dan ir-rigward, il-biedja hija differenti minn attivitajiet ekonomiċi oħrajn. Ostakli għat-trasferimenti ġieli jirriżultaw mill-fatt li huwa diffiċli għall-anzjani li huma maniġers ta’ rziezet biex iħallu l-proprjetà tagħhom u l-agrikolutra, peress li l-post fejn jgħixu u tal-attivitajiet agrikoli huma l-istess. Il-brain drain ġenerali ta’ żoni rurali qed tiggrava s-sitwazzjoni, peress li l-forza tax-xogħol dejjem iżjed edukata m’għadhiex interessata f’impjiegi fl-agrikoltura.

3.

jemmen li ħafna żgħażagħ għandhom il-ħabta jaraw l-agrikoltura bħala professjoni mhux attraenti minħabba d-dħul baxx, introjtu baxx mill-investiment, sigħat ta’ ħidma twal, ftit opportunitajiet biex tieħu vaganzi – speċjalment il-bdiewa li jrabbu l-annimali – u r-riskji u l-inċertezzi varji assoċjati max-xogħol. Filwaqt li s-suċċessjoni diretta fl-istess familja għadha l-mekkaniżmu l-iżjed komuni biex l-ewwel persuna jkollha aċċess għall-biedja, hemm indikazzjonijiet li l-għadd ta’ persuni ġodda li ma wirtux l-irziezet tagħhom qed jikber. L-isfidi li qed jiffaċċjaw żoni rurali – aċċess limitat jew diffiċli għat-trasport; nuqqas ta’ komunikazzjoni; nuqqasijiet fis-servizzi edukattivi, kulturali, soċjali jew tas-saħħa – ikabbru din il-problema. Sabiex jibqgħu f’żoni rurali, iż-żgħażagħ jesiġu ekonomija rurali żviluppata b’servizzi u opportunitajiet ta’ ħin liberu; inkella, se jippreferu jemigraw għall-ibliet u lejn impjiegi mhux agrikoli;

4.

jaħseb li n-nuqqas ta’ żgħażagħ li qed ifittxu karriera fil-biedja qed jipperikola s-sostenibilità ekonomika u soċjali taż-żoni rurali. L-appoġġ għall-bdiewa żgħażagħ huwa prerekwiżit biex l-agrikoltura tinżamm fit-territorji kollha u tinżamm nisġa rurali ħajja sabiex jintlaħaq l-għan tal-koeżjoni territorjali stabbilit fit-Trattat ta’ Lisbona.

5.

itenni s-sejħa tiegħu lill-Kummissjoni u lill-Istati Membri biex ikunu iżjed proattivi fit-tħeġġiġ u l-iffaċilitar tal-istabbiliment ta’ żgħażagħ f’żoni rurali, partikularment nisa, permezz tal-promozzjoni ta’ attivitajiet li jgħinu lill-bdiewa jilħqu iżjed faċilment bilanċ bejn il-ħajja u x-xogħol (1);

6.

jaħseb li għandu jsir aktar xogħol biex jiġu identifikati u indirizzati l-ostakli li n-nisa għadhom jiffaċċjaw meta jibdew u jkunu qed jibnu karriera fis-settur;

7.

jinnota l-Manifest tal-Bdiewa Żgħażagħ, li tnieda fl-2015 mill-Kunsill Ewropew tal-Bdiewa Żgħażagħ, li jappella għal: aċċess għall-art u l-kreditu permezz ta’ miżuri ta’ appoġġ pubbliku; regolazzjoni sabiex jitwaqqfu prattiki kummerċjali mhux ġusti fil-katina tal-provvista tal-ikel; miżuri sabiex titnaqqas il-volatilità tal-introjtu tal-bdiewa żgħażagħ; protezzjoni legali tal-istandards tal-UE kollha fin-negozjati kummerċjali u żieda fl-appoġġ tal-promozzjoni għall-produtturi tal-UE; u appoġġ għall-aċċess għal art sabiex tiġi salvagwardjata u protetta l-ħamrija u jiġi ottimizzat l-użu tal-art minn bdiewa żgħażagħ għall-produzzjoni tal-ikel;

8.

jaqsam it-tħassib espress fid-Dikjarazzjoni 2.0 ta’ Cork tas-6 ta’ Settembru 2016 dwar l-eżodu rurali u taż-żgħażagħ (youth drain), u l-bżonn li jiġi żgurat li ż-żoni u l-komunitajiet rurali (kampanja, rziezet, rħula u bliet żgħar) jibqgħu postijiet attraenti biex tgħix u taħdem, billi jitjieb l-aċċess għas-servizzi u l-opportunitajiet għaċ-ċittadini rurali u t-tħeġġiġ tal-intraprenditorija fl-oqsma tradizzjonalment rurali, kif ukoll fis-setturi ġodda tal-ekonomija;

9.

jaħseb li l-kriżi ekonomika attwali wasslet biex l-aċċess għall-kreditu sar iżjed diffiċli għal ħafna intraprendituri rurali żgħażagħ, li ta’ spiss ma jkollhomx is-sigurtà meħtieġa biex jiggarantixxu s-self tagħhom, u jistgħu jaffaċċjaw burokrazija eċċessiva;

10.

jilqa’ l-ħolqien ta’ strument ta’ garanzija agrikola, propost mill-Kummissjoni u l-Bank Ewropew tal-Investiment f’Marzu 2015, li għandu jiffaċilita l-aċċess għal kreditu għall-bdiewa żgħażagħ;

11.

jilqa’ l-fatt li r-riforma tal-PAK tal-2014-2020 introduċiet miżuri ġodda biex il-bdiewa żgħażagħ jiġu appoġġati fl-istabbiliment ta’ rziezet. Jesprimi tħassib madankollu li l-burokrazija tista’ xxekkel l-adozzjoni ta’ dawn il-miżuri. Huwa importanti li jiġi żgurat li l-bdiewa żgħażagħ ma jiġux mxekkla minn regoli burokratiċi eċċessivi milli jagħmlu l-aħjar użu mill-miżuri ġodda. F’għadd ta’ Stati Membri, il-bdiewa żgħażagħ jagħmlu użu, pereżempju, minn strutturi ta’ sħubija. Il-miżuri minn Brussell għalhekk għandhom jikkorrespondu ma’ dawn it-tip ta’ strutturi finanzjarji u legali lokali.

12.

iħeġġeġ lill-Istati Membri biex jużaw il-possibilitajiet ipprovduti taħt il-PAK il-ġdida għall-appoġġ tal-bdiewa żgħażagħ u t-tiġdid ġenerazzjonali, bħall-appoġġ taħt l-Artikoli 50 u 51 tar-Regolament (UE) Nru 1307/2013;

13.

jiġbed l-attenzjoni għall-opportunitajiet għall-bdiewa żgħażagħ offruti mill-FSIE (2) biex ifasslu u jimplimentaw strumenti finanzjarji fil-għamla ta’ self, garanzjia jew fondi ta’ ekwità sabiex jingħata aċċess għall-finanzjament għal dawk li jeħtiġuh;

14.

iqis, madankollu, li l-pożizzjoni ekonomika tal-bdiewa żgħażagħ tissaħħaħ l-aħjar u bl-aktar mod effettiv wara li jkunu verament ħadu f’idejhom l-impriża. Sabiex tissaħħaħ il-pożizzjoni ekonomika tal-bdiewa żgħażagħ li jieħdu f’idejhom l-impriża fi strutturi ta’ sħubija, għandu jiġi emendat l-Artikolu 50(5) tar-Regolament (UE) Nru 1307/2013. Il-Kumitat tar-Reġjuni għalhekk jipproponi li, f’każ li fil-futur jiġi rivedut dan ir-Regolament, it-tieni sentenza tal-Artikolu 50(5) titħassar kompletament, sabiex it-test ikun jaqra hekk “Il-pagament għall-bdiewa żgħażagħ għandu jingħata għal kull bidwi għal perijodu massimu ta’ ħames snin.”. Il-Kumitat tar-Reġjuni jitlob ukoll lill-Kummissjoni Ewropea biex timplimenta soluzzjoni temporanja, li tippermetti lill-bdiewa żgħażagħ jagħmlu l-aħjar użu possibbli minn dawn il-miżuri.

15.

jinnota li fir-Regolament Omnibus propost mill-Kummissjoni fl-2016 hemm l-intenzjoni li tiġi estiża l-possibilità li jintuża appoġġ li jinvolvi strument finanzjarju anke għall-għajnuna lil start-ups ta’ bdiewa żgħażagħ, li se jippermetti livell ogħla ta’ finanzjament lejn dan il-grupp, fid-dawl tan-natura ta’ dawn it-tipi ta’ strumenti (il-parti tas-self jew garanzija li hija għajnuna hija ħafna iżgħar milli fil-każ ta’ għotja);

16.

jaħseb li l-appoġġ għandu jingħata l-ewwel u qabel kollox lill-irziezet tal-familja abbażi tal-fatt li huma joħolqu valur miżjud u impjiegi, u tingħata għajnuna sabiex ġenerazzjonijiet ġodda ta’ bdiewa jidħlu fis-settur billi huwa iżjed faċli li tgħaddi lill-ġenerazzjoni ta’ wara dawk l-irziezet li huma vijabbli u ta’ daqs raġonevoli;

17.

ifakkar li r-Rapport tal-Kummissjoni Ewropea dwar il-ħtiġijiet tal-bdiewa żgħażagħ juri li d-disponibbiltà tal-art għall-bejgħ jew għall-kiri hija l-ikbar problema li jiffaċċjaw bdiewa żgħażagħ u dawk li għadhom jidħlu fis-settur tal-biedja (4);

18.

jirrikonoxxi bi tħassib li l-biedja qed timxi dejjem iżjed malajr ‘il bogħod mill-mudell ta’ razzett tal-familja, sal-punt li l-2014 intgħażlet bħala s-Sena Internazzjonali tal-Biedja tal-Familja, sabiex tinxteħet attenzjoni globali fuq il-kwistjoni. Jemmen li għaliex l-art għandha t-tendenza li tkun investiment sikur għal investituri mhux agrikoli, l-aċċess għall-art qed isir dejjem iktar diffiċli għall-bdiewa żgħażagħ li jridu jibdew negozju tal-biedja tagħhom;

19.

jappella lill-Kummissjoni biex tevalwa l-effetti diretti u indiretti tal-politika Ewropea fuq il-konċentrazzjoni u l-ħtif tal-art fl-Ewropa; pereżempju, il-Politika Agrikola Komuni (PAK) u s-sussidji mogħtija taħtha jiffavorixxu b’mod espliċitu l-irziezet il-kbar u jimmarġinalizzaw lill-irziezet iż-żgħar, u jistgħu iħallu impatt fuq setturi differenti b’modi differenti;

20.

filwaqt li jinnota li diversi Stati Membri għandhom regolamenti nazzjonali għall-prevenzjoni tal-konċentrazzjoni furzata tal-art u x-xiri tal-art minn barranin – pereżempju billi ssir dispożizzjoni għal dritt ta’ prelazzjoni – huwa jemmen li l-Istati Membri u r-reġjuni għandhom jingħataw iżjed setgħa biex jirregolaw l-art agrikola u jistabbilixxu restrizzjonijiet għal dan l-għan, b’mod partikolari biex jindirizzaw il-fenomenu fl-Ewropa tal-ħtif u l-konċentrazzjoni tal-art, li qed jillimita l-alternattivi tal-bdiewa żgħażagħ meta jkunu għadhom jibdew;

21.

għalkemm hemm skop limitat għal azzjoni biex il-Kummissjoni Ewropea tintervjeni fil-leġislazzjoni tas-suq tal-art (li hija kompetenza nazzjonali), dawn l-ideat li ġejjin għandhom jiġu meqjusa:

22.

huwa tal-fehma li l-industrija, il-ħin liberu u fuq kollox, it-tkabbir fl-urbanizzazzjoni, qed iwasslu għal zvilupp mill-ġdid rapidu hekk kif l-art agrikola qed tisparixxi. Għaldaqstant jaħseb li komunitajiet lokali għandhom ikunu involuti f’deċiżjonijiet dwar l-użu tal-art u b’hekk jingħataw drittijiet u opportunitajiet addizzjonali;

23.

jenfasizza l-ħtieġa biex il-bdiewa żgħażagħ ikollhom prospetti fit-tul sabiex tiġi indirizzata d-depopolazzjoni rurali, jappella lill-Kummissjoni u lill-Istati Membri biex jintroduċu inizjattivi bħala appoġġ għall-intraprenditorija, l-industriji emerġenti u s-suq tax-xogħol fl-agrikoltura u l-forestrija, sabiex jinħolqu impjiegi agrikoli ġodda u jinżammu dawk li diġà jeżistu, kif ukoll li jkunu iżjed attraenti għaż-żgħażagħ;

24.

jinnota li l-ħtiġijiet ta’ taħriġ u ta’ informazzjoni tal-bdiewa żgħażagħ huma konsiderevoli u varjati ħafna: għal xi bdiewa żgħażagħ, fil-quċċata hija l-ħtieġa għal ħiliet teknoloġiċi u ħiliet relatati mal-iżvilupp ta’ strateġija għar-razzett, għal oħrajn hemm bżonn ta’ ħiliet intraprenditorjali – bħal marketing, netwerking, ħiliet ta’ komunikazzjoni u finanzjarji – biex iżommu r-razzett tagħhom vijabbli. Mhumiex dejjem mgħarrfa li jistgħu jibbenefikaw minn dawn it-tipi kollha ta’ ħiliet, u għandhom it-tendenza li jmexxu r-razzett b’mod tradizzjonali u ma jarawx il-bżonn ta’ bidla;

25.

jemmen għalhekk li għandhom isiru sforzi għas-sensibilizzazzjoni ta’ dawn l-opportunitajiet u l-benefiċċji ta’ titjib fil-kompetenzi fl-edukazzjoni sekondarja u terzjarja. L-awtoritajiet lokali u reġjonali, kif ukoll l-aġenziji nazzjonali u tal-UE, għandhom rwol importanti x’jaqdu f’dan ir-rigward;

26.

jenfasizza li l-bdiewa żgħażagħ huma wkoll intraprendituri żgħażagħ, u dan jenfasizza l-potenzjal importanti li jirrappreżenta l-programm “Erasmus għal Imprendituri Żgħażagħ” (iffinanzjat permezz tal-programm qafas COSME għall-kompetittività tal-intrapriżi żgħar u ta’ daqs medju). Il-programm, li jippermetti l-kummerċ transkonfinali li jipprovdi lill-imprendituri ġodda – jew dawk li jaspiraw li jkunu – l-opportunità li jitgħallmu s-sigrieti tas-sengħa minn intraprendituri ta’ esperjenza, għandu jiġi valorizzat u implimentat fis-settur primarju ukoll;

27.

ifakkar li, fl-Opinjoni tiegħu dwar l-innovazzjoni u l-modernizzazzjoni tal-ekonomija rurali, il-Kumitat tar-Reġjuni jirrakkomanda l-immodernizzar tat-taħriġ vokazzjonali mogħti fir-reġjuni rurali u l-adattament tiegħu għall-kundizzjonijiet ta’ kompetizzjoni globali u l-ħtiġijiet tan-negozji lokali, kif ukoll li jiżdied il-finanzjament tal-FSE allokat għal taħriġ vokazzjonali f’żoni rurali (5).

30.6.2017   

MT

Il-Ġurnal Uffiċjali tal-Unjoni Ewropea

C 207/61

1.

jirrakkomanda b’mod ġenerali l-ħtieġa li t-termini konsum “eċċessiv”, konsum “perikoluż” u konsum “abbużiv” jiġu ddefiniti permezz ta’ kriterji xjentifiċi;

2.

josserva li l-użu perikoluż tal-alkoħol jinvolvi spejjeż għolja għas-soċjetà, u jenfasizza li l-benessri u s-saħħa taċ-ċittadini Ewropej għandhom jieħdu preċedenza fuq l-interessi ekonomiċi;

3.

josserva li, skont it-Trattat, l-azzjoni tal-UE fil-qasam tas-saħħa għandha l-għan li ttejjeb is-saħħa pubblika, tippromovi r-riċerka u timpedixxi l-mard u t-theddid għas-saħħa, fosthom perikli marbuta ma’ stili ta’ ħajja dannużi bħall-abbuż tal-alkoħol;

4.

jirrikonoxxi l-vulnerabbiltà partikolari waqt it-tqala, it-tfulija u l-adoloxxenza għall-esponiment għall-alkoħol u l-ħsara newroloġika minħabba disturbi fl-iżvilupp newroloġiku;

5.

jenfasizza li l-ħidma marbuta mal-kwistjonijiet relatati mal-alkoħol għandha tirrispetta l-prinċipji tal-proporzjonalità u tas-sussidjarjetà u tfittex li tikkomplementa l-politiki nazzjonali fil-qasam u l-ħidma tal-Istati Membri dwar is-saħħa pubblika u tinkoraġġixxi l-kooperazzjoni bejn l-Istati Membri;

6.

jiġbed l-attenzjoni li hemm bżonn li jitqiesu x-xejriet nazzjonali tal-konsum tal-alkoħol, il-kundizzjonijiet tas-saħħa u d-disparitajiet fil-qasam tas-saħħa, u l-kuntest kulturali, ġeografiku u storiku. Huwa importanti li jiġu kkunsidrati ċ-ċirkustanzi u l-ħtiġijiet differenti fid-diversi reġjuni u l-muniċipalitajiet fl-Ewropa.

7.

jenfasizza li l-istituzzjonijiet tal-UE għandhom rwol importanti x’jaqdu fl-appoġġ għall-Istati Membri f’diversi modi għall-promozzjoni tar-riċerka kif ukoll biex jivvalutaw l-oqsma ta’ politika, miżuri, azzjonijiet u l-effetti tat-tibdil fil-liġijiet u r-restrizzjonijiet;

8.

jinnota l-importanza tas-settur tal-inbid li jipprovdi 3 miljun impjieg għaċ-ċittadini (1), l-industrija tal-birra li tipprovdi 2,3 miljun impjieg tul il-katina kollha tal-produzzjoni (2), kif ukoll is-settur tal-ispirti li jimpejga ‘l fuq minn ruħ fil-produzzjoni u l-bejgħ (3). Barra minn hekk, il-produzzjoni tibbenefika l-industrija tat-turiżmu, u b’hekk tikkontribwixxi għal aktar impjiegi;

9.

josserva li l-alkoħol huwa l-akbar fatturi ta’ riskju responsabbli għall-piż globali tal-mard għall-persuni bejn il-15 u d-49 sena, qabel it-tipjip (4). L-istatistika tal-Istati Membri turi li l-konsum tal-alkoħol huwa responsabbli għal waħda minn kull seba’ mewtiet fost l-irġiel u mewta waħda minn kull tlettax għan-nisa ta’ bejn il-15 u l-64 sena (5).

10.

huwa konxju li l-konsum perikoluż u abbużiv tal-alkoħol u d-dipendenza minnu jinvolvu spejjeż ekonomiċi sostanzjali mil-lat ta’ telf tal-produzzjoni (EUR 11,3-il biljun) u l-qgħad (EUR 17,6-il biljun) (6);

11.

jinnota li l-ispejjeż soċjali diretti ta’ ħsara relatata mal-alkoħol fl-UE ġew stmati għal EUR 155,8 biljun, li l-biċċa l-kbira tagħhom (EUR 82,9 biljun) jinsabu barra mis-sistema tal-kura tas-saħħa (7). Meta titqies ukoll il-ħsara għas-soċjetà u l-minorenni bniet u subien u n-nisa u l-irġiel qrib persuni li jixorbu l-alkoħol, jirduppjaw l-ispejjeż soċjali tal-alkoħol (8);

12.

jinsisti dwar il-ħtieġa li jittieħdu miżuri għall-prevenzjoni tal-vjolenza, u tingħata attenzjoni speċjali lill-persuni l-aktar vulnerabbli u lil sitwazzjonijiet speċifiċi, pereżempju l-abbuż sesswali fil-postijiet ta’ divertiment ta’ billejl;

13.

jenfasizza li l-ispejjeż soċjali relatati mal-alkoħol huma stmati għal medja ta’ madwar 1,3 % tal-PDG ta’ pajjiż kwalunkwe (9);

14.

josserva li l-abbuż tal-alkoħol huwa fattur ta’ riskju għal aktar minn 60 marda kronika. Il-mard kroniku qed jiżdied fl-UE u l-ispiża tal-kura hija stmat għal EUR 700 biljun fis-sena (10);

15.

jappella għall-iżvilupp ta’ strateġija tal-UE ġdida dwar l-alkoħol u jixtieq jiżgura li l-istituzzjonijiet tal-UE jkomplu jsaħħu l-kapaċità u l-koordinazzjoni effettiva tal-Istati Membri. Għalhekk, il-Kumitat tar-Reġjuni jappoġġja t-talba kemm tal-Kunsill tal-Ministri kif ukoll tal-Parlament Ewropew għal tmexxija politika b’saħħitha dwar din il-kwistjoni (11);

16.

jiġbed l-attenzjoni għall-fatt li l-isforzi fil-livell tal-UE għandhom jinkludu rakkomandazzjonijiet u eżempji tajbin ta’ x’jista’ jsir biex jissaħħu l-attivitajiet nazzjonali, reġjonali u lokali;

17.

jenfasizza li l-Kummissjoni għandha tippromovi u mhux timpedixxi lil dawk l-Istati Membri li jagħżlu li jiżviluppaw il-ħidma tagħhom marbuta mal-prevenzjoni tal-alkoħol;

18.

jisħaq fuq l-importanza li l-awtoritajiet lokali u reġjonali jingħataw l-opportunità biex jikkontribwixxu l-esperjenza u l-għarfien tagħhom, fid-dawl tal-fatt li dawn għandhom l-aħjar għarfien tal-ħtiġijiet u l-kundizzjonijiet għall-prevenzjoni tal-użu dannuż tal-alkoħol, u sabiex jillimitaw l-effetti negattivi tal-alkoħol fuq is-soċjetà. L-awtoritajiet lokali huma partikolarment importanti għaliex huma l-eqreb għall-persuni u għall-komunitajiet tagħhom;

19.

huwa tal-fehma li l-ħidma tal-Kummissjoni għall-prevenzjoni tal-alkoħol fil-qafas tal-azzjoni futura dwar il-mard kroniku hija tajba iżda mhijiex biżżejjed peress li ma tinkludix l-approċċ imsejjes fuq il-prevenzjoni u l-ħsara lill-oħrajn (12);

20.

huwa tal-fehma li l-miżuri konġunti tal-UE għandhom jinkludu rakkomandazzjonijiet bil-għan li jiġi evitat li l-konsum abużiv tal-alkoħol u r-riskji assoċjati miegħu jkunu fattur ta’ attrazzjoni fir-reklamar ta’ destinazzjonijiet turistiċi;

21.

jemmen li huwa importanti li l-ħidma dwar kwistjonijiet marbuta mal-alkoħol, jappoġġjaw u jiġu kkoordinati ma’ ħidma internazzjonali kontinwa. B’rabta ma’ dan, il-Kumitat tar-Reġjuni jenfasizza li l-ħidma kontinwa għandha tfittex livell ogħla ta’ sinerġiji mal-Organizzazzjoni Dinjija tas-Saħħa (WHO) (13) u l-Għanijiet ta’ Żvilupp Sostenibbli tan-NU;

22.

josserva li l-NGOs bl-għarfien espert u l-esperjenza tagħhom fil-livell internazzjonali, nazzjonali, reġjonali u lokali huma atturi prinċipali għall-kooperazzjoni;

23.

josserva li, l-erba’ snin li għaddew wara l-Istrateġija preċedenti dwar l-Alkoħol (2006-2012) (14), sa ċertu punt tkomplew il-ħidma u l-pjattaformi ta’ kooperazzjoni stabbiliti, il-Kumitat dwar il-Politika u l-Azzjoni Nazzjonali dwar l-Alkoħol (CNAPA) u l-Forum Ewropew dwar l-Alkoħol u s-Saħħa (EAHF). Għad hemm il-ħtieġa għal dawn u pjattaformi oħra fejn jistgħu jiġu organizzati kwistjonijiet marbuta mal-alkoħol. Il-kompetenzi u l-esperjenzi ġġenerati għandhom jintużaw u jiġu żviluppati;

24.

jiġbed l-attenzjoni għall-fatt li l-Pjan ta’ Azzjoni dwar ix-Xorb fost iż-Żgħażagħ u x-Xorb Bla Rażan Episodiku (binge drinking) u l-Azzjoni Konġunta dwar it-Tnaqqis tal-Ħsara Relatata mal-Alkoħol ser jintemmu fl-2016; jinnota li tinħtieġ l-estensjoni u/jew l-implimentazzjoni ta’ pjan ta’ azzjoni ġdid għat-tfal u ż-żgħażagħ;

25.

jisħaq fuq l-importanza ta’ appoġġ mil-livell tal-UE għar-riċerka u l-għarfien li jista’ jiġi implimentati aktar malajr fil-prattika u modi ġodda ta’ ħidma. Huwa importanti li jiġi enfasizzat kif l-azzjoni tista’ fl-istess ħin tikkontribwixxi għat-tnaqqis tal-inugwaljanzi fis-settur tas-saħħa;

26.

huwa favur l-iskambju tal-aħjar prattiki fi ħdan u bejn l-Istati Membri. Huwa strateġikament importanti li jitħeġġu t-tagħlim, l-għarfien u l-identifikazzjoni ta’ kwistjonijiet komuni. Il-miżuri u l-azzjonijiet għandhom ikunu bbażati fuq l-evidenza u l-aħjar prattiki għall-kosteffettività;

27.

jenfasizza l-importanza ta’ monitoraġġ effettiv tal-iżvilupp tal-politika dwar l-alkoħol. Huwa importanti li jiġu żviluppati aktar il-bażijiet eżistenti tad-data b’indikaturi komparabbli, affidabbli u standardizzati li jintużaw għall-monitoraġġ u l-analiżi;

28.

huwa tal-fehma li jista’ jitwaqqaf grupp xjentifiku li jappoġġja l-ġbir tad-data;

29.

jenfasizza li l-kummerċjalizzazzjoni u r-reklamar jaqsmu l-fruntieri nazzjonali u għalhekk il-koordinazzjoni bejn l-Istati Membri hija kruċjali;

30.

huwa tal-fehma li l-miżuri biex jitnaqqas l-esponiment tat-tfal u ż-żgħażagħ minorenni għall-kummerċjalizzazzjoni u r-reklamar tax-xorb alkoħoliku għandhom ikunu restrittivi u koerċittivi, jiġifieri għandhom jipprojbixxu kemm l-aċċess għall-kummerċjalizzazzjoni tal-alkoħol għall-minorenni kif ukoll ir-reklamar;

31.

jenfasizza l-importanza li l-produtturi u d-distributuri tax-xorb alkoħoliku jikkonformaw bis-sħiħ mar-regolamenti fis-seħħ fil-qasam tal-kummerċjalizzazzjoni u l-pubbliċità;

32.

huwa tal-fehma li l-isforzi għat-tnaqqis tal-esponiment tat-tfal u ż-żgħażagħ għall-kummerċjalizzazzjoni u r-reklamar tal-alkoħol għandhom iqisu l-promozzjoni permezz tal-midja soċjali u l-Internet, kif ukoll l-inklużjoni ta’ prodotti kummerċjali fix-xandir u prodotti oħra relatati mad-ditti tal-alkoħol. Il-Finlandja ilha mill-2015 tipprojbixxi l-użu ta’ kompetizzjonijiet u logħob fil-kummerċjalizzazzjoni tal-alkoħol u l-użu tar-reklamar tal-alkoħol f’żoni pubbliċi u fil-midja soċjali (15);

33.

jiġbed l-attenzjoni għall-fatt li l-isponsorjar ta’ avvenimenti sportivi u kulturali huwa suq li qed jikber kif ukoll strateġija kosteffettiva ta’ kummerċjalizzazzjoni. B’hekk, iż-żgħażagħ jintlaħqu u jiġu esposti għall-kummerċjalizzazzjoni tal-alkoħol, kemm fuq il-post kif ukoll permezz ta’ avvenimenti fuq it-televiżjoni;

34.

jiġbed l-attenzjoni għall-importanza li f’kull attività marbuta mal-kummerċjalizzazzjoni u l-pubbliċità tax-xorb alkoħoliku tiġi inkluża informazzjoni dwar ir-riskji tal-konsum abbużiv;

35.

huwa konxju li l-awtomonitoraġġ/l-awtoregolazzjoni huma użati b’mod wiesa’ fl-UE fir-rigward tal-kummerċjalizzazzjoni tal-alkoħol, minkejja l-fatt li kemm nuqqas ta’ qbil dwar jekk hemmx provi li jiġġustifikaw dan l-approċċ fis-settur tal-alkoħol (16) u li mhuwiex biżżejjed biex it-tfal u ż-żgħażagħ jiġu protetti mill-konsegwenzi negattivi tal-alkoħol (17);

36.

jiġbed l-attenzjoni għall-fatt li hemm wisq tfal u żgħażagħ li jitrabbew f’familji b’dipendenza mill-alkoħol u l-abbuż tal-alkoħol. L-għadd ta’ tfal li jgħixu f’familji b’konsum tal-alkoħol b’mod li jagħmel ħsara huwa stmat bejn 5 u 9 miljun tifel u tifla fl-UE (18). Dawn it-tfal għandhom inqas opportunitajiet li jkollhom edukazzjoni u saħħa tajba;

37.

jemmen li huwa importanti li jiġu identifikati l-oqsma ta’ azzjoni li għandhom jiġu żviluppati fl-Istati Membri biex jitnaqqas il-konsum massiv tal-alkoħol fost iż-żgħażagħ biex jiġi żgurat ambjent sigur u tajjeb għas-saħħa għat-tfal u ż-żgħażagħ; f’dan ir-rigward, jenfasizza l-importanza li jiġu promossi attivitajiet ta’ divertiment u festi li ma jinvolvux il-konsum tal-alkoħol;

38.

jirrikonoxxi li l-perjodi tat-tqala u tat-treddigħ huma partikolarment vulnerabbli, peress li f’dawn il-perjodi jistgħu jiżviluppaw disturbi tal-ispettru alkoħoliku fil-fetu (foetal alcohol spectrum disorders – FASD); l-alkoħol jista’ jaffettwa l-iżvilupp tal-fetu fi kwalunkwe stadju tat-tqala u mhuwa rikonoxxut l-ebda ammont sigur ta’ alkoħol li jista’ jinxtorob matul it-tqala;

39.

jaqbel li l-Konvenzjoni dwar id-Drittijiet tat-Tfal tesiġi li t-tfal u ż-żgħażagħ jitħarsu mill-effetti ħżiena tal-alkoħol. B’konformità mal-Artikolu 33, l-Istati Partijiet għall-Konvenzjoni għandhom jaġixxu fl-aħjar interess tat-tfal u jiksbu u jqisu l-perspettiva tagħhom f’kull azzjoni relatata mat-tfal;

40.

iqis li huma ta’ prijorità l-azzjonijiet preventivi waqt it-tqala, it-tfulija u l-adoloxxenza, sabiex tiġi promossa kultura ta’ prevenzjoni u promozzjoni tas-saħħa;

41.

jiġbed l-attenzjoni għall-fatt li l-iskejjel huma qasam importanti għall-promozzjoni tas-saħħa, billi jsaħħu l-fatturi protettivi għat-tfal; u biex jinqabdu kmieni kemm l-abbuż tal-alkoħol kif ukoll it-tfal f’riskju. Edukazzjoni bbażata fuq l-iskola għat-tfal dwar ir-riskji tal-alkoħol għandha tkun ibbażata fuq l-evidenza xjentifika, peress li l-programmi u l-attivitajiet purament informattivi mhux ser ikollhom l-effett meħtieġ, u għandhom jilħqu lill-atturi kollha tal-komunità edukattiva, jiġifieri l-istudenti, il-familja u l-għalliema, b’mod komprensiv;

42.

jenfasizza l-importanza li jitnaqqas l-abbuż tal-alkoħol fost l-adulti, fost l-oħrajn permezz ta’ miżuri edukattivi, peress li l-adulti li l-imġiba tagħhom isservi ta’ eżempju pożittiv huma fattur ewlieni biex ikollhom l-aqwa impatt possibbli. Il-materjal edukattiv kemm għalll-adulti kif ukoll dak għat-tfal għandu jiġi żviluppat minn korp indipendenti abbażi tar-riċerka. Għal dan il-għan ser ikun importanti li ssir ħidma mas-settur tal-lukandi u tar-ristoranti fit-taħriġ dwar kif wieħed għandu jservi x-xarbiet alkoħoliċi b’mod responsabbli bil-għan li jiġi mminimizzat il-konsum abużiv tal-alkoħol mill-adulti;

43.

jikkunsidra bħala prijorità li jitwettqu programmi ta’ prevenzjoni ffokati fuq il-familja, peress li dan huwa ambjent fundamentali fl-edukazzjoni u t-taħriġ tat-tfal u fit-twassil ta’ strateġiji, valuri, kapaċitajiet u kompetenzi;

44.

iħeġġeġ lill-istituzzjonijiet tal-UE sabiex itejbu t-tikkettar tal-alkoħol fil-livell tal-UE u jiffinalizzaw ir-rapport dwar kif l-imballaġġ tal-alkoħol għandu jiġi inkluż f’liġijiet eżistenti dwar dikjarazzjonijiet li jkun fihom l-ingredjenti, il-kontenut nutrittiv u l-kaloriji; jenfasizza li l-konsumaturi għandhom dritt li jkunu jafu l-prodotti xi jkun fihom sabiex ikunu jistgħu jagħmlu għażliet infurmati;

45.

huwa tal-fehma li twissija speċjali għan-nisa tqal, it-tfal, iż-żgħażagħ u s-sewwieqa ta’ vetturi hija komplement importanti u għodda biex jiġu ppubbliċizzati u jonqsu r-riskji assoċjati mal-konsum tal-alkoħol. Huwa importanti li l-messaġġi jiġu adattati għall-gruppi fil-mira differenti. jilqa’ b’sodisfazzjon l-azzjoni li diġà ttieħdet f’dan il-qasam minn xi produtturi u distributuri;

46.

jirrakkomanda li l-kampanji edukattivi u ta’ informazzjoni jiffukaw fuq iż-żieda fis-sensibilizzazzjoni dwar il-perikli tax-xorb bla rażan (binge drinking) u fuq fejn huma disponibbli konsulenza, appoġġ u kura;

47.

jenfasizza r-rwol importanti tal-mezzi tal-komunikazzjoni biex jipprovdu informazzjoni korretta dwar ir-riskji tal-konsum tal-alkoħol;

48.

jiġbed l-attenzjoni għall-fatt li gruppi vulnerabbli soċjoekonomikament u ż-żgħażagħ huma f’riskju akbar li jkunu fi stat ħażin ta’ saħħa, u huwa ħerqan li jimpedixxi żieda fl-inugwaljanzi fis-saħħa. Waħda mill-problemi hija alkoħol irħis wisq u faċilment aċċessibbli, li jirriskja li jwassal għal konsum eċċessiv tal-alkoħol, li min-naħa tiegħu jista’ jwassal għal mard tal-fwied u mewt qabel il-waqt (19). L-Istati Membri jistgħu jikkunsidraw miżuri komuni, fosthom ir-riċerka, biex jimpedixxu l-bejgħ ta’ alkoħol irħis ħafna, inkluż il-bejgħ onlajn;

49.

josserva li l-aċċess għall-alkoħol għandu impatt kbir fuq il-livelli tal-konsum dannuż tal-alkoħol u l-ħsara relatata mal-alkoħol. Ir-riċerka turi li ż-żieda fid-disponibbiltà tal-alkoħol tikkawża żieda fil-konsum minħabba żieda fil-problemi tas-saħħa u l-ħsara (20);

50.

huwa tal-fehma li l-Istati Membri jistgħu jsaħħu iżjed ir-restrizzjonijiet u l-kontroll tal-bejgħ u x-xiri tal-alkoħol, għalkemm il-biċċa l-kbira tal-Istati Membri għandhom limitu ta’ età ta’ 18-il sena. Fost għażliet oħra jista’ jiġi limitat in-numru tal-postijiet tal-bejgħ, il-projbizzjoni tal-konsum u l-bejgħfil-pubbliku f’ċerti ħinijiet, il-ħinijiet tal-ftuħ, u l-liċenzji, u l-adozzjoni ta’ servizzi li jipprovdu xorb responsabbli permezz ta’ mezzi ta’ taħriġ għall-professjonisti, id-distributuri u s-settur tal-lukandi. Ir-restrizzjonijiet għandhom jiġu kkomplementati mill-infurzar;

51.

josserva li l-konsum perikoluż u abbużiv tal-alkoħol u d-dipendenza minnu jistgħu jżidu r-riskju kemm tal-assenzi minħabba l-mard kif ukoll dak tat-tnaqqis fil-produttività, u għandu impatt negattiv fuq persuni oħra. Il-persuni xurbana huma ta’ riskju għas-sigurtà: 20 sa 25 % tal-inċidenti kollha fil-post tax-xogħol jinvolvu persuni taħt l-influwenza tal-alkoħol. Il-post tax-xogħol huwa qasam importanti għall-miżuri preventivi kontra l-konsum dannuż (21);

52.

jindika li għandha tiġi kkunsidrata l-possibbiltà li l-persuna li tabbuża mill-alkoħol tattendi programmi edukattivi u ta’ taħriġ bħala alternattiva għall-multi u mezzi oħra ta’ kontroll, b’mod speċjali jekk il-persuni li allegatament jabbużaw mill-alkoħol ikunu minorenni;