26.6.2017

MT

Il-Ġurnal Uffiċjali tal-Unjoni Ewropea

C 202/1

---

L-aħħar pubblikazzjonijiet tal-Qorti tal-Ġustizzja tal-Unjoni Ewropea f’Il-Ġurnal Uffiċjali tal-Unjoni Ewropea

(2017/C 202/01)

L-aħħar pubblikazzjoni

ĠU C 195, 19.6.2017

Pubblikazzjonijiet preċedenti

ĠU C 178, 6.6.2017

ĠU C 168, 29.5.2017

ĠU C 161, 22.5.2017

ĠU C 151, 15.5.2017

ĠU C 144, 8.5.2017

ĠU C 129, 24.4.2017

Dawn it-testi huma disponibbli fuq:

EUR-Lex: http://eur-lex.europa.eu

---

26.6.2017

MT

Il-Ġurnal Uffiċjali tal-Unjoni Ewropea

C 202/2

---

Sentenza tal-Qorti tal-Ġustizzja (L-Ewwel Awla) tas-27 ta’ April 2017 – FSL Holdings, Firma Léon Van Parys, Pacific Fruit Company Italy SpA vs Il-Kummissjoni Ewropea

(Kawża C-469/15 P) (1)

((Appell - Kompetizzjoni - Akkordji - Suq Ewropew tal-banana fil-Greċja, fl-Italja u fil-Portugall - Koordinazzjoni fl-iffissar tal-prezzijiet - Ammissibbiltà tal-provi trażmessi minn awtoritajiet fiskali nazzjonali - Drittijiet tad-difiża - Kalkolu tal-ammont tal-multa - Portata tal-istħarriġ ġudizzjarju - Klassifikazzjoni bħala “ftehim li għandu l-għan li jirrestrinġi l-kompetizzjoni”))

(2017/C 202/02)

Lingwa tal-proċedura: l-Ingliż

Partijiet

Appellanti: FSL Holdings, Firma Léon Van Parys, Pacific Fruit Company Italy SpA (rappreżentanti: P. Vlaemminck u B. Van Vooren, advocaaten, C. Verdonck, avocate, J. Auwerx, advocaat, u B. Gielen, avocate)

Parti oħra fil-proċedura: Il-Kummissjoni Ewropea (rappreżentanti: A. Biolan, M. Kellerbauer u P. Rossi, aġenti)

Dispożittiv

1)	L-appell huwa miċħud.

2)	FSL Holdings NV, Firma Léon Van Parys NV u Pacific Fruit Company Italy SpA huma kkundannati għall-ispejjeż.

---

(1)  ĠU C 389, 23.11.2015.

---

26.6.2017

MT

Il-Ġurnal Uffiċjali tal-Unjoni Ewropea

C 202/2

---

Sentenza tal-Qorti tal-Ġustizzja (Il-Ħames Awla) tas-27 ta’ April 2017 – Akzo Nobel NV, Akzo Nobel Chemicals GmbH, Akzo Nobel Chemicals BV vs Akcros Chemicals Ltd, Il-Kummissjoni Ewropea

(Kawża C-516/15 P) (1)

((Appell - Akkordji - Swieq Ewropej tal-istabilizzaturi tal-landa u tal-istabilizzaturi tas-sħana ESBO/esters - Iffissar tal-prezzijiet, tqassim tas-swieq u skambju ta’ informazzjoni kummerċjali sensittiva - Imputabbilità lill-kumpannija omm tal-aġir li jikkostitwixxi ksur tas-sussidjarji - Regolament (KE) Nru 1/2003 - Artikolu 25(1) - Preskrizzjoni fil-qasam tal-impożizzjoni ta’ sanzjonijiet fir-rigward tas-sussidjarji - Effetti fuq is-sitwazzjoni legali tal-kumpannija omm))

(2017/C 202/03)

Lingwa tal-proċedura: l-Ingliż

Partijiet

Appellanti: Akzo Nobel NV, Akzo Nobel Chemicals GmbH, Akzo Nobel Chemicals BV (rappreżentanti: C. Swaak u R. Wesseling, avukati)

Partijiet oħra fil-proċedura: Akcros Chemicals Ltd, Il-Kummissjoni Ewropea (rappreżentanti: V. Bottka u P. Rossi, aġenti)

Dispożittiv

1)	L-appell huwa miċħud.

2)	Akzo Nobel NV, Akzo Nobel Chemicals GmbH u Akzo Nobel Chemicals BV huma kkundannati għall-ispejjeż.

---

(1)  ĠU C 406, 7.12.2015.

---

26.6.2017

MT

Il-Ġurnal Uffiċjali tal-Unjoni Ewropea

C 202/3

---

Sentenza tal-Qorti tal-Ġustizzja (It-Tielet Awla) tas-27 ta’ April 2017 (talba għal deċiżjoni preliminari ta’ Bundesverwaltungsgericht – il-Ġermanja) – Freie und Hansestadt Hamburg vs Jost Pinckernelle

(Kawża C-535/15) (1)

(Rinviju għal deċiżjoni preliminari - Reġistrazzjoni, valutazzjoni, awtorizzazzjoni u restrizzjoni ta’ sustanzi kimiċi - Regolament (KE) Nru 1907/2006 (Regolament REACH) - Obbligu ġenerali ta’ reġistrazzjoni u rekwiżiti tal-informazzjoni - Sustanzi kimiċi mhux irreġistrati - Esportazzjoni lil hinn mit-territorju tal-Unjoni Ewropea ta’ Sustanzi kimiċi mhux irreġistrati)

(2017/C 202/04)

Lingwa tal-kawża: il-Ġermaniż

Qorti tar-rinviju

Bundesverwaltungsgericht

Partijiet fil-kawża prinċipali

Rikorrenti: Freie und Hansestadt Hamburg

Konvenut: Jost Pinckernelle

Fil-preżenza ta’: Vertreter des Bundesinteresses beim Bundesverwaltungsgericht

Dispożittiv

L-Artikolu 5 tar-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni, moqri flimkien mal-Artikolu 3(12) ta’ dan l-istess regolament, għandu jiġi interpretat fis-sens li sustanzi li ma jkunux ġew irreġistrati waqt l-importazzjoni tagħhom fit-territorju tal-Unjoni konformement ma’ dan ir-regolament jistgħu jiġu esportati barra dan it-territorju.

---

(1)  ĠU C 7, 11.01.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/4

---

Sentenza tal-Qorti tal-Ġustizzja (It-Tielet Awla) tas-27 ta’ April 2017 (talba għal deċiżjoni preliminari tal-Consiglio di Stato – l-Italja) – Onix Asigurări SA vs Istituto per la Vigilanza Sulle Assicurazioni (IVASS)

(Kawża C-559/15) (1)

((Rinviju għal deċiżjoni preliminari - Direttiva 73/239/KEE - Direttiva 92/49/KEE - Prinċipju ta’ approvazzjoni unika - Prinċipju ta’ kontroll mill-Istat Membru tal-oriġini - Artikolu 40(6) - Kunċett ta’ “irregolaritajiet” - Reputazzjoni tal-azzjonisti - Projbizzjoni fil-konfront ta’ kumpannija tal-assigurazzjoni stabbilita fi Stat Membru milli tikkonkludi kuntratti ġodda fit-territorju ta’ Stat Membru ieħor))

(2017/C 202/05)

Lingwa tal-kawża: it-Taljan

Qorti tar-rinviju

Consiglio di Stato

Partijiet fil-kawża prinċipali

Rikorrenti: Onix Asigurări SA

Konvenuta: Istituto per la Vigilanza Sulle Assicurazioni (IVASS)

Dispożittiv

Id-Direttiva tal-Kunsill 92/49/KEE, tat-18 ta’ Ġunju 1992, dwar il-koordinazzjoni ta’ liġijiet, regolamenti u dispożizzjonijiet amministrattivi li għandhom x’jaqsmu ma’ assigurazzjoni diretta barra minn assigurazzjoni tal-ħajja u temenda d-Direttivi 73/239/KEE u 88/357/KEE (it-tielet Direttiva dwar assigurazzjoni mhux tal-ħajja) u, b’mod partikolari, l-Artikolu 40(6) tiegħu għandhom jiġu interpretati fis-sens li dawn ma jipprekludux lill-awtoritajiet ta’ sorveljanza ta’ Stat Membru milli jadottaw b’urġenza, fil-konfront ta’ impriża tal-assigurazzjoni diretta li ma hijiex assigurazzjoni tal-ħajja li topera fit-territorju ta’ dan l-Istat Membru taħt is-sistema tal-libertà li jiġi pprovduti servizzi, bil-għan li jipproteġu l-interessi tal-persuni assigurati u ta’ persuni oħra li jistgħu jibbenefikaw minn koperturi tal-assigurazzjoni sottoskritti, miżuri, bħall-projbizzjoni li tikkonkludi kuntratti ġodda f’dan it-territorju, ibbażati fuq l-inosservanza, mill-bidu jew le, evalwata b’mod diskrezzjonali, ta’ kundizzjoni suġġettiva ta’ awtorizzazzjoni prevista għall-għoti tal-approvazzjoni neċessarja għall-eżerċizzju tal-attività ta’ assigurazzjoni, bħall-kundizzjoni marbuta mar-reputazzjoni. Għall-kuntrarju, din id-direttiva ma tipprekludix lil dan l-Istat Membru, fl-eżerċizzju tal-prerogattivi li huwa għandu f’sitwazzjoni ta’ urġenza, milli jistabbilixxi, jekk ċerti insuffiċjenzi jew inċertezzi marbuta mal-onorabbiltà tal-mexxejja tal-impriża tal-assigurazzjoni kkonċernata jirrilevawx perikolu reali u imminenti li jipproduċu irregolaritajiet għad-detriment tal-interessi tal-persuni assigurati jew ta’ persuni oħra li jistgħu jibbenefikaw minn koperturi ta’ assigurazzjoni sottoskritti u, jekk dan ikun il-każ, li jadotta immedjatament miżuri adegwati, bħal, fejn applikabbli, il-projbizzjoni tal-konklużjoni ta’ kuntratti ġodda fit-territorju tiegħu.

---

(1)  ĠU C 38, 01.02.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/4

---

Sentenza tal-Qorti tal-Ġustizzja (L-Ewwel Awla) tas-27 ta’ April 2017 (talba għal deċiżjoni preliminari tal-Cour de cassation – Franza) – A-Rosa Flussschiff GmbH vs Union de recouvrement des cotisations de sécurité sociale et d’allocations familiales d’Alsace (Urssaf), aventi kawża tal-Urssaf du Bas-Rhin, Sozialversicherungsanstalt des Kantons Graubünden

(Kawża C-620/15) (1)

((Rinviju għal deċiżjoni preliminari - Ħaddiema migranti - Sigurtà soċjali - Leġiżlazzjoni applikabbli - Regolament (KEE) Nru 1408/71 - Artikolu 14(2)(a) - Regolament (KEE) Nru 574/72 - Artikolu 12a(1a) - Ftehim bejn il-Komunità Ewropea u l-Konfederazzjoni Svizzera - Persunal li jinnaviga - Persuni kkollokati fi Stat Membru ieħor - Fergħa Svizzera - Ċertifikat E 101 - Valur probatorju))

(2017/C 202/06)

Lingwa tal-kawża: il-Franċiż

Qorti tar-rinviju

Cour de cassation

Partijiet fil-kawża prinċipali

Rikorrenti: A-Rosa Flussschiff GmbH

Konvenuta: Union de recouvrement des cotisations de sécurité sociale et d’allocations familiales d’Alsace (Urssaf), aventi kawża tal-Urssaf du Bas-Rhin, Sozialversicherungsanstalt des Kantons Graubünden

Dispożittiv

L-Artikolu 12a(1a) tar-Regolament tal-Kunsill (KEE) Nru 574/72, tal-21 ta’ Marzu 1972, li jistipula l-proċedura għall-implimentazzjoni tar-Regolament tal-Kunsill (KEE) Nru 1408/71, tal-14 ta’ Ġunju 1971, dwar l-applikazzjoni ta’ l-iskemi tas-sigurtà soċjali għall-persuni impjegati, għall-persuni li jaħdmu għal rashom u għall-membri tal-familji tagħhom li jiċċaqilqu ġewwa l-Komunità, fil-verżjoni tiegħu emendata u aġġornata bir-Regolament tal-Kunsill Nru 118/97, tat-2 ta’ Diċembru 1996, kif emendat bir-Regolament (KEE) Nru 647/2005 tal-Parlament Ewropew u tal-Kunsill, tat-13 ta’ April 2005, għandu jiġi interpretat fis-sens li ċertifikat E 101 maħruġ mill-istituzzjoni stabbilita mill-awtorità kompetenti ta’ Stat Membru, skont l-Artikolu 14(2)(a) tar-Regolament Nru 1408/71, fil-verżjoni tiegħu emendata u aġġornata bir-Regolament Nru 118/97, kif emendat bir-Regolament (KE) Nru 647/2005 tal-Parlament Ewropew u l-Kunsill, tat-13 ta’ April 2005, jorbot kemm l-istituzzjonijiet tas-sigurtà soċjali tal-Istat Membru li fih twettaq ix-xogħol kif ukoll il-qrati ta’ dan l-Istat Membru, anki jekk jiġi kkonstatat minn dawn tal-aħħar li l-kundizzjonijiet tal-attività tal-ħaddiem ikkonċernat manifestament ma jaqgħux fil-kamp ta’ applikazzjoni ratione materiae ta’ din id-dispożizzjoni tar-Regolament Nru 1408/71.

---

(1)  ĠU C 48, 8.2.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/5

---

Sentenza tal-Qorti tal-Ġustizzja (L-Ewwel Awla) tas-27 ta’ April 2017 (talba għal deċiżjoni preliminari tat-Tribunal de grande instance de Perpignan – Franza) – proċeduri kriminali kontra Noria Distribution SARL

(Kawża C-672/15) (1)

((Rinviju għal deċiżjoni preliminari - Direttiva 2002/46/KE - Approssimazzjoni tal-liġijiet tal-Istati Membri dwar is-supplimenti tal-ikel - Vitamini u minerali li jistgħu jintużaw għall-produzzjoni ta’ supplimenti tal-ikel - Kwantitajiet massimi - Kompetenzi tal-Istati Membri - Leġiżlazzjoni nazzjonali li tiffissa dawn il-kwantitajiet - Rikonoxximent reċiproku - Assenza - Modalitajiet li għandhom jiġu osservati u elementi li għandhom jittieħdu inkunsiderazzjoni għall-istabbiliment ta’ dawn il-kwantitajiet))

(2017/C 202/07)

Lingwa tal-kawża: il-Franċiż

Qorti tar-rinviju

Tribunal de grande instance de Perpignan

Parti fil-proċedura kriminali prinċipali

Noria Distribution SARL

Fil-preżenza ta’: Procureur de la République, Union fédérale des consommateurs des P.O (Que choisir)

Dispożittiv

1)

Id-dispożizzjonijiet tad-Direttiva 2002/46 tal-Parlament Ewropew u tal-Kunsill, tal-10 ta’ Ġunju 2002, dwar l-approssimazzjoni tal-liġijiet tal-Istati Membri dwar is-supplimenti tal-ikel, u dawk tat-Trattat FUE dwar il-moviment liberu tal-merkanzija għandhom jiġu interpretati fis-sens li dawn jipprekludu leġiżlazzjoni ta’ Stat Membru, bħal dik inkwistjoni fil-kawża prinċipali, li ma tipprevedix proċedura dwar it-tqegħid fis-suq ta’ dan l-Istat Membru ta’ supplimenti tal-ikel li l-kontenut ta’ nutrijenti tagħhom jeċċedi d-dożi massimi għal kull jum stabbiliti minn din il-leġiżlazzjoni u li huma legalment immanifatturati jew ikkummerċjalizzati fi Stat Membru ieħor.

2)

Id-dispożizzjonijiet tad-Direttiva 2002/46 u dawk tat-Trattat FUE dwar il-moviment liberu tal-merkanzija għandhom jiġu interpretati fis-sens li l-kwantitajiet massimi previsti fl-Artikolu 5 ta’ din id-direttiva għandhom jiġu ffissati każ b’każ u fid-dawl tal-elementi kollha li jinsabu fl-imsemmi Artikolu 5(1) u (2), b’mod partikolari l-limiti ogħla ta’ sigurtà stabbiliti, għan-nutrijenti kkonċernati, wara evalwazzjoni xjentifika ddettaljata tar-riskji għas-saħħa pubblika, ibbażata mhux fuq kunsiderazzjonijiet ġenerali jew ipotetiċi, iżda fuq data xjentifika rilevanti. Hija l-qorti tar-rinviju li għandha tevalwa jekk il-metodu ta’ ffissar ta’ dawn il-kwantitajiet inkwistjoni fil-kawża prinċipali jissodisfax dawn ir-rekwiżiti.

3)

Id-dispożizzjonijiet tad-Direttiva 2002/46 u dawk tat-Trattat FUE dwar il-moviment liberu tal-merkanzija għandhom jiġu interpretati fis-sens li dawn jipprekludu li l-evalwazzjoni xjentifika tar-riskji prevista fl-Artikolu 5(1)(a) ta’ din id-direttiva, li għandha ssir qabel l-istabbiliment tal-limiti ogħla ta’ sigurtà li għandhom jittieħdu inkunsiderazzjoni fl-iffissar tal-kwantitajiet massimi previsti fl-istess Artikolu 5, issir biss fuq il-bażi ta’ opinjonijiet xjentifiċi nazzjonali, meta opinjonijiet xjentifiċi internazzjonali affidabbli u reċenti fir-rigward tal-possibbiltà ta’ ffissar ta’ limiti ogħla jkunu wkoll disponibbli fid-data tal-adozzjoni tal-miżura kkonċernata.

---

(1)  ĠU C 90, 7.3.2016

---

26.6.2017

MT

Il-Ġurnal Uffiċjali tal-Unjoni Ewropea

C 202/6

---

Sentenza tal-Qorti tal-Ġustizzja (It-Tielet Awla) tas-27 ta’ April 2017 (talba għal deċiżjoni preliminari tal-Bundesarbeitsgericht – il-Ġermanja) – Asklepios Kliniken Langen-Seligenstadt GmbH vs Ivan Felja (C-680/15), Asklepios Dienstleistungsgesellschaft mbH vs Vittoria Graf (C-681/15)

(Kawżi magħquda C-680/15 u C-681/15) (1)

((Rinviju għal deċiżjoni preliminari - Trasferiment ta’ impriża - Żamma tad-drittijiet tal-ħaddiema - Direttiva 2001/23/KE - Artikolu 3 - Kuntratt ta’ xogħol - Leġiżlazzjoni ta’ Stat Membru li tawtorizza l-konklużjoni ta’ klawżoli li jirreferu għal ftehim kollettivi ta’ xogħol magħmula wara d-data tat-trasferiment - Infurzabbiltà fir-rigward taċ-ċessjonarju))

(2017/C 202/08)

Lingwa tal-kawża: il-Ġermaniż

Qorti tar-rinviju

Bundesarbeitsgericht

Partijiet fil-kawża prinċipali

Rikorrenti: Asklepios Kliniken Langen-Seligenstadt GmbH (C-680/15), Asklepios Dienstleistungsgesellschaft mbH (C-681/15)

Konvenuti: Ivan Felja (C-680/15), Vittoria Graf (C-681/15)

Dispożittiv

L-Artikolu 3 tad-Direttiva tal-Kunsill 2001/23/KE, tat-12 ta’ Marzu 2001, dwar l-approssimazzjoni tal-liġijiet tal-Istati Membri relatati mas-salvagwardja tad-drittijiet tal-impjegati fil-każ ta’ trasferiment ta’ impriżi, negozji jew partijiet ta’ impriżi jew negozji, moqri flimkien mal-Artikolu 16 tal-Karta tad-Drittijiet Fundamentali tal-Unjoni Ewropea, għandu jiġi interpretat fis-sens li, fil-każ ta’ trasferiment ta’ negozju, iż-żamma tad-drittijiet u tal-obbligi li jirriżultaw għaċ-ċedent ta’ kuntratt tax-xogħol testendi ruħha għall-klawżola, fejn ikun hemm qbil bejn iċ-ċedent u l-ħaddiem bis-saħħa tal-prinċipju ta’ awtonomija tar-rieda, li skontha r-relazzjoni tax-xogħol tagħhom ma tkunx biss irregolata mill-ftehim kollettiv fis-seħħ fid-data tat-trasferiment, iżda wkoll minn ftehimiet li jsiru wara dan it-trasferiment u li jikkompletawh, jemendawh jew jissostitwixxuh, ġaladarba d-dritt nazzjonali jipprevedi, favur iċ-ċessjonarju, possibbiltajiet ta’ aġġustament sew kunsenswali kif ukoll unilaterali.

---

(1)  ĠU C 118, 4.4.2016

---

26.6.2017

MT

Il-Ġurnal Uffiċjali tal-Unjoni Ewropea

C 202/7

---

Sentenza tal-Qorti tal-Ġustizzja (It-Tieni Awla) tas-27 ta’ April 2017 – Il-Kummissjoni Ewropea vs Ir-Repubblika Ellenika

(Kawża C-202/16) (1)

((Nuqqas ta’ Stat li jwettaq obbligu - Ambjent - Immaniġġar ta’ skart - Direttivi 2008/98/KE u 1999/31/KE - Sit ta’ rimi ta’ skart f’landfill ta’ Temploni (il-Greċja)))

(2017/C 202/09)

Lingwa tal-kawża: il-Grieg

Partijiet

Rikorrenti: Il-Kummissjoni Ewropea (rappreżentanti: M. Patakia u E. Sanfrutos Cano, aġenti)

Konvenuta: Ir-Repubblika Ellenika (rappreżentant: E. Skandalou, aġent)

Dispożittiv

1)

Billi ttollerat operat tas-sit ta’ rimi ta’ skart f’landfill ta’ Temploni (il-Greċja) billi ma ssodisfatx il-kundizzjonijiet u r-rekwiżiti stabbiliti mil-leġiżlazzjoni ambjentali tal-Unjoni Ewropea, ir-Repubblika Ellenika naqset milli twettaq l-obbligi tagħha taħt l-Artikolu 13 tad-Direttiva 2008/98/KE tal-Parlament Ewropew u tal-Kunsill, tad-19 ta’ Novembru 2008, dwar l-iskart u li tħassar ċerti Direttivi, kif ukoll taħt l-Artikolu 8(a), l-Artikolu 11(1) u l-Anness I tad-Direttiva tal-Kunsill 1999/31/KE, tas-26 ta’ April 1999, dwar ir-rimi ta’ skart f’terraferma.

2)	Ir-Repubblika Ellenika hija kkundannata għall-ispejjeż.

---

(1)  ĠU C 200, 6.6.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/7

---

Digriet tal-Qorti tal-Ġustizzja (It-Tmien Awla) tas-6 ta’ April 2017 – Proforec Srl vs Il-Kummissjoni Ewropea

(Kawża C-176/16 P) (1)

((Appell - Artikolu 181 tar-Regoli tal-Proċedura tal-Qorti tal-Ġustizzja - Reġistru tad-denominazzjonijiet ta’ oriġini protetti u tal-indikazzjonijiet ġeografiċi protetti - Regolament (UE) Nru 1151/2012 - Reġistrazzjoni tal-isem “Focaccia di Recco col formaggio (IPG)” - Assenza ta’ interess ġuridiku))

(2017/C 202/10)

Lingwa tal-kawża: it-Taljan

Partijiet

Appellanti: Proforec Srl (rappreżentanti: G. Durazzo, M. Mencoboni u G. Pescatore, avukati)

Parti oħra fil-proċedura: Il-Kummissjoni Ewropea (rappreżentanti: inizjalment F. Moro u J. Guillem Carrau, aġenti, sussegwentement F. Moro, aġent)

Dispożittiv

1)	L-appell huwa miċħud.

2)	Proforec Srl hija kkundannata għall-ispejjeż.

---

(1)  ĠU C 191, 30.5.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/8

---

Digriet tal-Qorti tal-Ġustizzja (Is-Seba’ Awla) tal-4 ta’ April 2017 – Sharif University of Technology vs Il-Kunsill tal-Unjoni Ewropea

(Kawża C-385/16 P) (1)

((Appell - Artikolu 181 tar-Regoli tal-Proċedura tal-Qorti tal-Ġustizzja - Miżuri restrittivi meħudin kontra r-Repubblika Iżlamika tal-Iran - Lista tal-persuni u tal-entitajiet li għalihom japplikaw l-iffriżar tal-fondi u ta’ riżorsi ekonomiċi - Kriterju bbażat fuq is-sostenn materjali, loġistiku jew finanzjarju lill-Gvern Iranjan - Kooperazzjoni fil-qasam tar-riċerka u tal-iżvilupp teknoloġiku fil-qasam militari jew fl-oqsma marbutin))

(2017/C 202/11)

Lingwa tal-kawża: l-Ingliż

Partijiet

Appellanti: Sharif University of Technology (rappreżentant: M. Happold, barrister)

Parti oħra fil-proċedura: Il-Kunsill tal-Unjoni Ewropea (rappreżentanti: V. Piessevaux u M. Bishop, aġenti)

Dispożittiv

1)	L-appell huwa miċħud.

2)	Sharif University of Technology għandha tbati, minbarra l-ispejjeż tagħha stess, dawk sostnuti mill-Kunsill tal-Unjoni Ewropea.

---

(1)  ĠU C 335, 12.9.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/8

---

Appell ippreżentat fid-9 ta’ Diċembru 2016 minn Foodcare sp. z o.o. mis-sentenza mogħtija mill-Qorti Ġenerali (Is-Sitt Awla) fil-5 ta’ Ottubru 2016 fil-Kawża T-456/15 – Foodcare sp. z o.o. vs EUIPO

(Kawża C-639/16 P)

(2017/C 202/12)

Lingwa tal-kawża: l-Ingliż

Partijiet

Appellanti: Foodcare sp. z o.o. (rappreżentant: M. Żabińska, radca prawny)

Partijiet oħra fil-proċedura: L-Uffiċċju tal-Proprjetà Intellettwali tal-Unjoni Ewropea, Dariusz Michalczewski

Permezz ta’ digriet tal-11 ta’ Mejju 2017, il-Qorti tal-Ġustizzja (L-Għaxar Awla) iddikjarat li l-appell huwa inammissibbli.

---

26.6.2017

MT

Il-Ġurnal Uffiċjali tal-Unjoni Ewropea

C 202/8

---

Talba għal deċiżjoni preliminari mressqa mis-Sąd Okręgowy w Szczecinie (il-Polonja) fit-28 ta’ Frar 2017 – Paweł Hofsoe vs LVM Landwirtschaftlicher Versicherungsverein Münster

(Kawża C-106/17)

(2017/C 202/13)

Lingwa tal-kawża: il-Pollakk

Qorti tar-rinviju

Sąd Okręgowy w Szczecinie

Partijiet fil-kawża prinċipali

Rikorrent: Paweł Hofsoe

Konvenuta: LVM Landwirtschaftlicher Versicherungsverein Münster a.G., li l-uffiċċju rreġistrat tagħha jinsab f’Münster

Domanda preliminari

Ir-riferiment li l-Artikolu 13(2) tar-Regolament (UE) Nru 1215/2012 tal-Parlament Ewropew u tal-Kunsill, tat-12 ta’ Diċembru 2012, dwar il-ġurisdizzjoni u r-rikonoxximent u l-eżekuzzjoni ta’ sentenzi fi kwistjonijiet ċivili u kummerċjali (1), jagħmel għall-Artikolu 11(1)(b) tal-istess regolament għandu jiġi interpretat fis-sens li persuna fiżika li għandha l-kwalità ta’ imprenditur u li l-attività tagħha tikkonsisti, fost l-oħrajn, fl-irkupru ta’ kumpensi mingħand l-assiguraturi billi tinvoka kuntratt ta’ xiri tal-kreditu tal-persuna direttament leża, tista’ tibda azzjoni fir-rigward ta’ dan il-kreditu kontra l-assiguratur għar-responsabbiltà ċivili tal-awtur ta’ inċident tat-traffiku, li għandu l-uffiċċju rreġistrat tiegħu fi Stat Membru li ma huwiex l-Istat Membru ta’ residenza tal-persuna leża, quddiem qorti ta’ dan l-aħħar Stat Membru?

---

(1)  ĠU 2012, L 351, p. 1.

---

26.6.2017

MT

Il-Ġurnal Uffiċjali tal-Unjoni Ewropea

C 202/9

---

Talba għal deċiżjoni preliminari mressqa mill-Curtea de Apel Cluj (ir-Rumanija) fl-14 ta’ Marzu 2017 – Dănuț Podilă e altri vs Societatea Națională de Transport Feroviar de Călători “CFR Călători” SA București

(Kawża C-133/17)

(2017/C 202/14)

Lingwa tal-kawża: ir-Rumen

Qorti tar-rinviju

Curtea de Apel Cluj

Partijiet fil-kawża prinċipali

Rikorrenti: Dănuț Podilă et

Konvenuta: Societatea Națională de Transport Feroviar de Călători “CFR Călători” SA București

Domandi preliminari

1)

L-Artikoli 114(3), 151 u 153 TFUE kif ukoll id-dispożizzjonijiet tad-Direttiva kwadra 89/391/KEE (1) u tad-direttivi individwali ulterjuri għandhom jiġu interpretati fis-sens li dawn jipprekludu lil Stat Membru tal-UE milli jistabbilixxi termini u proċeduri li jillimitaw l-aċċess għall-ġustizzja għall-finijiet tal-klassifikazzjoni tal-positijiet tax-xogħol bħala kkaratterizzati minn kundizzjonijiet partikolari jew speċjali, bil-konsegwenza li ma jiġux rikonoxxuti d-drittijiet tal-ħaddiema għas-sigurtà u għas-saħħa fuq ix-xogħol naxxenti mill-evalwazzjoni ta’ dawk il-kundizzjonijiet, b’mod konformi mad-dispożizzjonijiet nazzjonali deskritti fid-digriet tar-rinviju?

2)	L-Artikolu 9(a) tad-Direttiva 89/391/KEE jipprekludi leġizlazzjoni interna li ma tissanzjonax l-passività tal-persuna li tħaddem fil-rigward tal-kisba ta’ evalwazzjoni tar-riskji li jikkonċernaw is-sigurtà u s-saħħa fuq ix-xogħol?

---

(1)  Direttiva tal-Kunsill, tat-12 ta’ Ġunju 1989, dwar l-introduzzjoni ta’ miżuri sabiex jinkoraġġixxu titjib fis-sigurtà u s-saħħa tal-ħaddiema fuq ix-xogħol (ĠU Edizzjoni Speċjali bil-Malti, Kapitolu 5, Vol. 1, p. 349)

---

26.6.2017

MT

Il-Ġurnal Uffiċjali tal-Unjoni Ewropea

C 202/9

---

Talba għal deċiżjoni preliminari mressqa mill-Curtea de Apel Cluj (ir-Rumanija) fl-14 ta’ Marzu 2017 – Costel Nicușor Mucea vs SC Industria Sârmei SA Câmpia Turzii, permezz tal-amministratur ġudizzjarju SMDA Mureș Insolvency SRL

(Kawża C-134/17)

(2017/C 202/15)

Lingwa tal-kawża: ir-Rumen

Qorti tar-rinviju

Curtea de Apel Cluj

Partijiet fil-kawża prinċipali

Rikorrent: Costel Nicușor Mucea

Konvenuti: SC Industria Sârmei SA Câmpia Turzii, permezz tal-amministratur ġudizzjarju SMDA Mureș Insolvency SRL

Domanda preliminari

Id-dispożizzjonijiet tal-Artikoli 114(3) TFUE, 151 TFUE u 153 TFUE, kif ukoll id-dispożizzjonijiet tad-Direttiva Qafas 89/391/KEE (1) u tad-direttivi speċifiċi suċċessivi, għandhom jiġu interpretati fis-sens li jipprekludu li Stat Membru tal-Unjoni Ewropea jistabilixxi termini u proċeduri li jillimitaw l-aċċess għall-ġustizzja bil-għan li jiġu kklassifikati l-postijiet tax-xogħol bħala li huma kkaratterizzati minn kundizzjonijiet partikolari jew speċjali, bil-konsegwenza li ma jiġux irrikonoxxuti lill-ħaddiema, id-drittijiet għas-sigurtà u għas-saħħa fuq il-post tax-xogħol li jirriżultaw mill-ivverifikar tal-imsemmija kundizzjonijiet, b’konformità mad-dispożizzjonijiet nazzjonali elenkati fit-talba għal deċiżjoni preliminari?

---

(1)  Direttiva tal-Kunsill tat-12 ta’ Ġunju 1989 dwar l-introduzzjoni ta' miżuri sabiex jinkoraġġixxu titjib fis-sigurtà u s-saħħa tal-ħaddiema fuq ix-xogħol (ĠU Edizzjoni Speċjali bil-Malti, Kapitolu 5, Vol. 1, p. 349).

---

26.6.2017

MT

Il-Ġurnal Uffiċjali tal-Unjoni Ewropea

C 202/10

---

Talba għal deċiżjoni preliminari mressqa min-Naczelny Sąd Administracyjny (il-Polonja) fis-17 ta’ Marzu 2017 – Szef Krajowej Administracji Skarbowej vs Gmina Ryjewo

(Kawża C-140/17)

(2017/C 202/16)

Lingwa tal-kawża: il-Pollakk

Qorti tar-rinviju

Naczelny Sąd Administracyjny

Partijiet fil-kawża prinċipali

Rikorrent: Szef Krajowej Administracji Skarbowej

Konvenuta: Gmina Ryjewo

Domandi preliminari

1)

Fid-dawl tal-Artikoli 167, 168 u 184 et seq tad-Direttiva tal-Kunsill 2006/112/KE (1), tat-28 ta’ Novembru 2006, dwar is-sistema komuni ta’ taxxa fuq il-valur miżjud, u l-prinċipju ta’ newtralità, muniċipalità għandha d-dritt li tnaqqas (billi twettaq aġġustament) it-taxxa tal-input imħallsa fuq in-nefqa tal-investiment tagħha fil-każ fejn: — fil-perijodu inizjali ta’ wara l-produzzjoni (akkwist), il-merkanzija kapitali ntużat għall-għanijiet ta’ qasam ta’ attività mhux taxxabbli (b’rabta mal-eżerċizzju, mill-muniċipalità, tal-kompiti ta’ awtorità pubblika fi ħdan il-kamp ta’ responsabbiltà tagħha); u — l-użu li jsir mill-merkanzija kapitali inbidel u fil-futur din għandha tintuża mill-muniċipalità anki sabiex jitwettqu tranżazzjonijiet taxxabbli?

2)	Huwa rilevanti, għar-risposta għall-ewwel domanda, il-fatt li fiż-żmien fejn il-merkanzija kapitali ġiet prodotta jew akkwistata, l-intenzjoni tal-muniċipalità li tuża din il-merkanzija fil-futur sabiex jitwettqu tranżazzjonijiet taxxabbli ma ġietx indikata b’mod ċar?

3)

Huwa rilevanti, għar-risposta għall-ewwel domanda, il-fatt li l-merkanzija kapitali għandha tintuża għall-iskop li jitwettqu kemm tranżazzjonijiet taxxabbli kif ukoll tranżazzjonijiet mhux taxxabbli (b’rabta mal-eżekuzzjoni tal-kompiti ta’ awtorita pubblika) u li ma huwiex possibbli li nefqa tal-investiment speċifika tiġi attribwita lil waħda mill-kategoriji ta’ tranżazzjoni msemmija hawn fuq?

---

(1)  ĠU 2006, L 347, p. 1.

---

26.6.2017

MT

Il-Ġurnal Uffiċjali tal-Unjoni Ewropea

C 202/11

---

Talba għal deċiżjoni preliminari mressqa mis-Supremo Tribunal de Justiça (il-Portugall) fit-3 ta’ April 2017 – Sportingbet PLC, Internet Opportunity Entertainment Ltd vs Santa Casa da Misericórdia de Lisboa, Sporting Club de Braga, Sporting Club de Braga – Futebol, SAD

(Kawża C-166/17)

(2017/C 202/17)

Lingwa tal-kawża: il-Portugiż

Qorti tar-rinviju

Supremo Tribunal de Justiça

Partijiet fil-kawża prinċipali

Rikorrenti: Sportingbet PLC, Internet Opportunity Entertainment Ltd

Konvenuti: Santa Casa da Misericórdia de Lisboa, Sporting Club de Braga, Sporting Club de Braga – Futebol, SAD

Domandi preliminari

1)	Il-konċessjoni mogħtija lill-casinos permezz tal-Lei do Jogo [liġi dwar il-gaming] jagħti lok għal ksur tal-prinċipji u tal-libertajiet ekonomiċi stabbiliti mit-Trattat?

2)

Id-dritt esklużiv mogħti lil Santa Casa da Misericórdia de Lisboa permezz tad-Digriet Liġi Nru 322/91 tas-26 ta’ Awwissu [1991] emendat bid-Digriet Liġi Nru 469/99 tas-6 ta’ Novembru [1999], bid-Digriet Nru 12790 tat-30 ta’ Novembru 1926, bid-Digriet Liġi Nru 40397 tal-24 ta’ Novembru 1955, bid-Digriet Liġi Nru 84/85 tat-28 ta’ Marzu [1985] emendat u ppubblikat mill-ġdid permezz tad-Digriet Liġi Nru 317/2002 tas-17 ta’ Diċembru [2002] u bid Digriet Liġi 282/2003 tat-8 ta’ Novembru [2003], jikkostitwixxi ksur tal-prinċipji u tal-libertajiet ekonomiċi stabbiliti mit-Trattat?

3)

L-Artikolu 21 tal-Código da Publicidade [kodiċi dwar ir-reklamar] jikser il-prinċipji ta’ libertà ta’ stabbiliment u ta’ libertà li jiġu pprovduti servizzi b’mod li jagħti wkoll lok għal diskriminazzjoni bejn ċittadini tal-Istati Membri minħabba li l-projbizzjonijiet, restrizzjonijiet u privileġji ma [humiex] iġġustifikati?

4)	Barra minn hekk, [dawn il-projbizzjonijiet, restrizzjonijiet u privileġji] jikkostitwixxu eżempju ta’ diskriminazzjoni arbitrarja u ta’ restrizzjoni mistura fuq il-kummerċ bejn Stati Membri, ġaladarba ma huwa ġġustifikat ebda interess ġenerali?

5)	L-esklużività […] mogħtija lil Santa Casa da Misericórdia de Lisboa fir-rigward tar-reklamar toħloq sitwazzjoni ta’ abbuż minn pożizzjoni dominanti taħt id-dritt Komunitarju?

6)	L-Artikoli 3 u 9 tad-Digriet Liġi Nru 442/89 tat-2 ta’ Diċembru [1989] (Lei do jogo) [liġi dwar il-gaming] huma konformi mad-dritt Komunitarju?

7)	L-Artikoli 2 u 3 tad-Digriet Liġi Nru 282/2003 tat-8 ta’ Novembru [2003] huma konformi mal-libertà ta’ stabbiliment u mal-provvista ta’ servizzi fl-Unjoni Ewropea, sa fejn jistabbilixxu dritt esklużiv favur Santa Casa da Misericórdia de Lisboa għall-operat tal-logħob online?

8)	L-Istat Portugiż ma informax lill-Kummissjoni Ewropea dwar ir-regoli tekniċi li jirriżultaw mid-Digriet Liġi Nru 422/89 tat-2 ta’ Diċembru [1989]; għaldaqstant dawn ir-regoli ma għandhomx ikunu applikabbli ġaladarba dan in-nuqqas ta’ applikabbiltà jista’ jiġi invokat mill-individwi?

9)	L-Istat Portugiż ma informax lill-Kummissjoni Ewropea dwar ir-regoli tekniċi li jirriżultaw mid-Digriet Liġi Nru 282/2003 tat-8 ta’ Novembru [2003]; għaldaqstant dawn ma għandhomx jiġu applikati lill-persuni li jipprovdu servizzi fil-Portugall?

---

26.6.2017

MT

Il-Ġurnal Uffiċjali tal-Unjoni Ewropea

C 202/12

---

Talba għal deċiżjoni preliminari mressqa mir-Raad van State (Il-Pajjiżi l-Baxxi) fis-7 ta’ April 2017 – X, Y vs Staatsscretaris van Veiligheid en Justitie

(Kawża C-180/17)

(2017/C 202/18)

Lingwa tal-kawża: l-Olandiż

Qorti tar-rinviju

Raad van Sate

Partijiet fil-kawża prinċipali

Rikorrenti: X, Y

Konvenut: Staatsscretaris van Veiligheid en Justitie

Domandi preliminari

1)

Id-dispożizzjonijiet moqrija flimkien tal-Artikolu 13 tad-Direttiva 2008/115/KE tal-Parlament Ewropew u tal-Kunsill, tas-16 ta’ Diċembru 2008, dwar standards u proċeduri komuni fl-Istati Membri għar-ritorn ta’ ċittadini ta’ pajjiżi terzi li jkunu qegħdin fil-pajjiż illegalment (id-direttiva dwar ir-ritorn, ĠU 2008, L 348, p. 98) u tal-Artikoli 4, 18, 19(2) u 47 tal-Karta dwar id-Drittijiet Fundamentali tal-Unjoni Ewropea għandhom jiġu interpretati fis-sens li d-dritt tal-Unjoni jimponi li appell, jekk id-dritt nazzjonali jkun jipprevedih fil-proċeduri ta’ oppożizzjoni għal miżura li tinkludi deċiżjoni ta’ ritorn fis-sens tal-Artikolu 3(4) tad-Direttiva 2008/115/KE, ikollu effett sospensiv awtomatiku meta ċ-ċittadin ta’ pajjiż terz isostni li l-eżekuzzjoni tad-deċiżjoni ta’ ritorn toħloq riskju gravi ta’ ksur tal-prinċipju ta’ non-refoulement? Fi kliem ieħor, f’ipoteżi bħal din, hemm lok li ċ-ċittadin ta’ pajjiż terz ikkonċernat ma jiġix imkeċċi matul it-terminu tal-appell jew, jekk ikun ġie ppreżentat appell, sakemm dan jiġi deċiż, mingħajr ma ċ-ċittadin ta’ pajjiż terz ikkonċernat ikollu jressaq talba separata f’dan is-sens?

2)

Id-dispożizzjonijiet moqrija flimkien tal-Artikolu 46 tad-Direttiva 2013/32/UE tal-Parlament Ewropew u tal-Kunsill, tas-26 ta’ Ġunju 2013, dwar proċeduri komuni għall-għoti u l-irtirar tal-protezzjoni internazzjonali (riformulazzjoni) (ĠU 2013, L 180, p. 60) u tal-Artikoli 4, 18, 19(2) u 47 tal-Karta tad-Drittijiet Fundamentali tal-Unjoni Ewropea għandhom jiġu interpretati fis-sens li d-dritt tal-Unjoni jimponi li appell, jekk id-dritt nazzjonali jkun jipprevedih fil-proċeduri dwar ċaħda ta’ talba għall-għoti tal-protezzjoni internazzonali, ikollu effett sospensiv awtomatiku? Fi kliem ieħor, f’ipoteżi bħal din, hemm lok li l-applikant ma jiġix imkeċċi matul it-terminu tal-appell jew, jekk ikun ġie ppreżentat appell, sakemm dan jiġi deċiż, mingħajr ma dan l-applikant ikollu jressaq talba separata f’dan is-sens?

3)

Sabiex ikun jeżisti effett sospensiv awtomatiku bħal ma huwa msemmi iktar 'il fuq, huwa importanti li jkun magħruf jekk it-talba għal protezzjoni internazzjonali li kienet is-suġġett ta’ proċedura ta’ rikors u sussegwentement ta’ appell ġietx miċħuda għal raġuni elenkata fl-Artikolu 46(6) tad-Direttiva 2013/32/UE? Jew inkella l-eżiġenza tapplika għall-kategoriji kollha ta’ deċiżjonijiet fil-qasam tal-ażil msemmija f’din id-direttiva?

---

26.6.2017

MT

Il-Ġurnal Uffiċjali tal-Unjoni Ewropea

C 202/12

---

Digriet tal-President tat-Tmien Awla tal-Qorti tal-Ġustizzja tas-16 ta’ Marzu 2017 (talba għal deċiżjoni preliminari tal-Vergabekammer Südbayern – il-Ġermanja) – DUK Versorgungswerk eV, Gothaer Pensionskasse AG vs BG Klinik für Berufskrankheiten Bad Reichenhall gGmbH, fil-preżenza ta’: Versorgungsanstalt des Bundes und der Länder, VBG Verwaltungs-Berufsgenossenschaft

(Kawża C-212/16) (1)

(2017/C 202/19)

Lingwa tal-kawża: il-Ġermaniż

Il-President tat-Tmien Awla ordna t-tħassir tal-kawża.

---

(1)  ĠU C 251, 11.7.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/13

---

Digriet tal-President tal-Qorti tal-Ġustizzja tal-24 ta’ Marzu 2017 (talba għal deċiżjoni preliminari tal-Letrado de la Administración de Justicia del Juzgado de lo Social no2 de Terrassa – Spanja) – Elena Barba Giménez vs Francisca Carrión Lozano

(Kawża C-269/16) (1)

(2017/C 202/20)

Lingwa tal-kawża: l-Ispanjol

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 279, 1.8.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/13

---

Digriet tal-President tal-Qorti tal-Ġustizzja tat-30 ta’ Marzu 2017 – Il-Kummissjoni Ewropea vs Il-Gran Dukat tal-Lussemburgu, sostnut mir-Repubblika Franċiża

(Kawża C-489/16) (1)

(2017/C 202/21)

Lingwa tal-kawża: il-Franċiż

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 410, 07.11.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/13

---

Digriet tal-President tal-Qorti tal-Ġustizzja tal-11 ta’ April 2017 (talba għal deċiżjoni preliminari tat-Tribunale Amministrativo Regionale della Campania – l-Italja) – Sicurbau Srl, Imprese Generali Riunite Srl (I.G.R.), Iterga Costruzioni Generali SpA, Pacifico Costruzioni SpA (Pa.Co.) vs Ministero delle Infrastrutture e dei Trasporti, Autorità Portuale di Napoli, SOA Rina SpA: fil-preżenza ta’: Pamoter Genova Srl. et

(Kawża C-493/16) (1)

(2017/C 202/22)

Lingwa tal-kawża: it-Taljan

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 454, 5.12.2016

---

26.6.2017

MT

Il-Ġurnal Uffiċjali tal-Unjoni Ewropea

C 202/13

---

Digriet tal-President tal-Qorti tal-Ġustizzja tas-16 ta’ Jannar 2017 (talba għal deċiżjoni preliminari tal-Amtsgericht Hannover – il-Ġermanja) – Peter Roßnagel, Alexandre Schröter vs TUIfly GmbH

(Kawża C-562/16) (1)

(2017/C 202/23)

Lingwa tal-kawża: il-Ġermaniż

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 46, 13.2.2017.

---

26.6.2017

MT

Il-Ġurnal Uffiċjali tal-Unjoni Ewropea

C 202/14

---

Digriet tal-President tal-Qorti tal-Ġustizzja tat-23 ta’ Marzu 2017 (talba għal deċiżjoni preliminari tat-Tribunal Administrativo e Fiscal de Viseu – Il-Portugall) – João Ventura Ramos vs Fundo de Garantia Salarial

(Kawża C-627/16) (1)

(2017/C 202/24)

Lingwa tal-kawża: il-Portugiż

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 70, 6.3.2017

---

26.6.2017

MT

Il-Ġurnal Uffiċjali tal-Unjoni Ewropea

C 202/14

---

Digriet tal-President tal-Qorti tal-Ġustizzja tat-30 ta’ Marzu 2017 (talba għal deċiżjoni preliminari tal-Amtsgericht Aue, Zweigstelle Stollberg – il-Ġermanja) – Thomas Hübner vs LVM Lebensversicherungs AG

(Kawża C-11/17) (1)

(2017/C 202/25)

Lingwa tal-kawża: il-Ġermaniż

Il-President tal-Qorti tal-Ġustizzja ordna t-tħassir tal-kawża.

---

(1)  ĠU C 112, 10.4.2017.

---

26.6.2017

MT

Il-Ġurnal Uffiċjali tal-Unjoni Ewropea

C 202/15

---

Sentenza tal-Qorti Ġenerali tal-10 ta’ Mejju 2017 – Efler et vs Il-Kummissjoni

(Kawża T-754/14) (1)

([ “Dritt istituzzjonali - Inizjattiva taċ-ċittadini Ewropej - Sħubija Transatlantika fil-qasam tal-Kummerċ u tal-Investimenti - Ftehim Ekonomiku u Kummerċjali Komprensiv - Nuqqas manifest ta’ kompetenzi tal-Kummissjoni - Proposta ta’ att legali għall-finijiet tal-implementazzjoni tat-Trattati - Artikolu 11(4) TUE - Artikolu 2(1) u Artikolu 4(2)(b) tar-Regolament (UE) Nru 211/2011 - Ugwaljanza fit-trattament”])

(2017/C 202/26)

Lingwa tal-kawża: il-Ġermaniż

Partijiet

Rikorrent: Michael Efler (Berlin, il-Ġermanja) u r-rikorrenti l-oħra li isimhom jidher fl-anness fis-sentenza (rappreżentant: B. Kempen, professur)

Konvenuta: Il-Kummissjoni Ewropea (rappreżentanti: inizjalment J. Laitenberger u H. Krämer, sussegwentement H. Krämer, u fl-aħħar nett H. Krämer u F. Erlbacher, aġenti)

Suġġett

Talba bbażata fuq l-Artikolu 263 TFUE u intiża għall-annullament tad-Deċiżjoni tal-Kummissjoni C(2014) 6501 finali, tal-10 ta’ Settembru 2014, li tiċħad it-talba għal reġistrazzjoni tal-proposta ta’ inizjattiva taċ-ċittadini Ewropej intitolata “Stop TTIP”.

Dispożittiv

1)	Id-Deċiżjoni tal-Kummissjoni C(2014) 6501 finali, tal-10 ta’ Settembru 2014, li tiċħad it-talba għal reġistrazzjoni tal-proposta ta’ inizjattiva taċ-ċittadini Europej intitolata “Stop TTIP” hija annullata.

2)	Il-Kummissjoni Ewropea għandha tbati l-ispejjeż tagħha stess kif ukoll dawk sostnuti minn Michael Efler u mir-rikorrenti l-oħra li isimhom jidher fl-anness, inklużi l-ispejjeż relatati mal-proċeduri għal miżuri provviżorji.

---

(1)  ĠU C 34, 2.2.2015.

---

26.6.2017

MT

Il-Ġurnal Uffiċjali tal-Unjoni Ewropea

C 202/15

---

Sentenza tal-Qorti Ġenerali tal-11 ta’ Mejju 2017 – Deza vs ECHA

(Kawża T-115/15) (1)

([“REACH - Stabbiliment ta’ lista ta’ sustanzi identifikati bil-ħsieb li dawn jiġu eventwalment inklużi fl-Anness XIV tar-Regolament (KE) Nru 1907/2006 - Żieda tal-iskrizzjoni tas-sustanza Bis (2-etileżil) ftalat (DEHP) fil-lista - Artikoli 57 u 59 tar-Regolament Nru 1907/2006”])

(2017/C 202/27)

Lingwa tal-kawża: iċ-Ċek

Partijiet

Rikorrenti: Deza, a.s. (Valašské Meziříčí, ir-Repubblika Ċeka) (rappreżentant: P. Dejl, avukat)

Konvenuta: Aġenzija Ewropea għas-Sustanzi Kimiċi (ECHA) (rappreżentanti: inizjalment M. Heikkilä, W. Broere u T. Zbihlej, sussegwentement M. Heikkilä, W. Broere u C. Buchanan, aġenti, assistiti minn M. Procházka u M. Mašková, avukati)

Partijiet intervenjenti insostenn tal-parti konvenuta: Ir-Renju tad-Danimarka (rappreżentanti: C. Thorning u N. Lyshøj Malte, aġenti), ir-Renju tal-Pajjiżi l-Baxxi (rappreżentanti: M. Bulterman, B. Koopman u H. Stergiou, aġenti), ir-Renju tal-Iżvezja) (rappreżentanti: E. Karlsson, L. Swedenborg, A. Falk, C. Meyer-Seitz, U. Persson u N. Otte Widgren, aġenti), ir-Renju tan-Norveġja (rappreżentanti: K. Moen u K. Moe Winther, aġenti)

Suġġett

Talba bbażata fuq l-Artikolu 263 TFUE u intiża għall-annullament ta’ deċiżjoni tat-12 ta’ Diċembru 2014 tad-direttur eżekuttiv tal-ECHA li permezz tagħha l-entrata eżistenti marbuta mas-sustanza DEHP fil-lista ta’ sustanzi identifikati bil-ħsieb li jiġu eventwalment inklużi fl-Anness XIV tar-Regolament (KE) Nru 1907/2006 tal-Parlament Ewropew u tal-Kunsill, tat-18 ta’ Diċembru 2006, dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva tal-Kunsill 76/769/KEE u d-Direttivi tal-Kummissjoni 91/155/KEE, 93/67/KEE, 93/105/KE u 2000/21/KE (ĠU L 396, p. 1, rettifika ĠU L 136, p. 3), ġiet ikkompletata fis-sens li din is-sustanza ġiet identifikata wkoll bħala sustanza li għandha l-proprjetajiet li jipperturbaw is-sistema endokrinali u li jista’ jkollha effetti serji fuq l-ambjent, u dan kollu fis-sens tal-Artikolu 57(f) ta’ dan ir-regolament.

Dispożittiv

1)	Ir-rikors huwa miċħud.

2)	Deza, a.s. għandha tbati kemm l-ispejjeż tagħha kif ukoll dawk sostnuti mill-Aġenzija Ewropea għas-Sustanzi Kimiċi (ECHA), inklużi dawk marbuta mal-proċeduri għal miżuri provviżorji.

3)	Ir-Renju tad-Danimarka, ir-Renju tal-Pajjiżi l-Baxxi, ir-Renju tal-Isvezja u r-Renju tan-Norveġja għandhom ibatu l-ispejjeż tagħhom.

---

(1)  ĠU C 178, 1.6.2015.

---

26.6.2017

MT

Il-Ġurnal Uffiċjali tal-Unjoni Ewropea

C 202/16

---

Sentenza tal-Qorti Ġenerali tal-4 ta’ Mejju 2017 – Schräder vs CPVO – Hansson (SEIMORA)

(Kawżi magħquda T-425/15, T-426/15 u T-428/15) (1)

((“Varjetajiet ġodda ta’ pjanti - Applikazzjoni għar-revoka tal-protezzjoni Komunitarja ta’ varjetajiet ġodda ta’ pjanti mogħtija lill-varjetà SEIMORA - Talba għall-annullament tal-protezzjoni Komunitarja ta’ varjetajiet ġodda ta’ pjanti mogħtija lill-varjetà SEIMORA - Applikazzjoni għall-protezzjoni Komunitarja ta’ varjetajiet ġodda ta’ pjanti għall-varjetà SUMOST 02 - Kompożizzjoni tal-Bord tal-Appell tas-CPVO - Prinċipju ta’ imparzjalità))

(2017/C 202/28)

Lingwa tal-kawża: il-Ġermaniż

Partijiet

Rikorrent: Ralf Schräder (Lüdinghausen, il-Ġermanja) (rappreżentant: T. Leidereiter, avukat)

Konvenut: L-Uffiċċju Komunitarju tal-Varjetajiet tal-Pjanti (CPVO) (rappreżentanti: M. Ekvad u F. Mattina, aġenti, assistiti minn A. von Mühlendahl u H. Hartwig, avukati)

Parti oħra fil-proċedimenti quddiem il-Bord tal-Appell tas-CPVO, intervenjenti quddiem il-Qorti Ġenerali: Jørn Hansson (Søndersø, id-Danimarka) (rappreżentanti: G. Würtenberger u R. Kunze, avukati)

Suġġett

Fil-Kawża T-425/15, rikors ippreżentat kontra d-deċiżjoni tal-Bord tal-Appell tas-CPVO tal-24 ta’ Frar 2015 (Każ A 003/2010), dwar applikazzjoni għar-revoka tal-protezzjoni Komunitarja ta’ varjetajiet ġodda ta’ pjanti mogħtija lill-varjetà SEIMORA; fil-Kawża T-426/15, rikors ippreżentat kontra d-deċiżjoni tal-Bord tal-Appell tas-CPVO tal-24 ta’ Frar 2015 (Każ A 002/2014), dwar talba għal dikjarazzjoni ta’ invalidita tal-protezzjoni Komunitarja ta’ varjetajiet ġodda ta’ pjanti mogħtija lill-varjetà SEIMORA; u fil-Kawża T-428/15, rikors ippreżentat kontra d-deċiżjoni tal-Bord tal-Appell tas-CPVO tal-24 ta’ Frar 2015 (Każ A 007/2009), dwar applikazzjoni għall-protezzjoni Komunitarja ta’ varjetajiet ġodda ta’ pjanti għall-varjetà SUMOST 02.

Dispożittiv

1)	Ir-rikorsi huma miċħuda.

2)	Ralf Schräder huwa kkundannat għall-ispejjeż.

---

(1)  ĠU C 328, 5.10.2015

---

26.6.2017

MT

Il-Ġurnal Uffiċjali tal-Unjoni Ewropea

C 202/17

---

Sentenza tal-Qorti Ġenerali tat-8 ta’ Mejju 2017 – Les Éclaires vs EUIPO – L’éclaireur International (L’ECLAIREUR)

(Kawża T-680/15) (1)

([“Trade mark tal-Unjoni Ewropea - Proċedimenti ta’ revoka - Trade mark tal-Unjoni Ewropea verbali L’ECLAIREUR - Użu ġenwin tat-trade mark - Artikolu 15(1), Artikolu 51(1)(a) u Artikolu 76(1) tar-Regolament (KE) Nru 207/2009 - Regola 22(6) tar-Regolament (KE) Nru 2868/95 - Allegata diverġenza mal-Parti C, Taqsima 6, tal-linji gwida dwar l-eżami tal-EUIPO”])

(2017/C 202/29)

Lingwa tal-kawża: l-Ingliż

Partijiet

Rikorrenti: Les Éclaires GmbH (Nuremberg, il-Ġermanja) (rappreżentant: S. Bund, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: D. Gája, aġent)

Parti oħra fil-proċedimenti quddiem il-Bord tal-Appell tal-EUIPO, intervenjenti quddiem il-Qorti Ġenerali: L’éclaireur International (Lussemburgu, il-Lussemburgu) (rappreżentant: M. Decker, avukat)

Suġġett

Rikors ippreżentat kontra d-deċiżjoni tal-Ewwel Bord tal-Appell tal-EUIPO, tat-3 ta’ Settembru 2015 (Każ R 2266/2014-1), dwar proċedimenti ta’ revoka bejn Les Éclaires u L’éclaireur International.

Dispożittiv

1)	Ir-rikors huwa miċħud.

2)	Les Éclaires GmbH hija kkundannata għall-ispejjeż, inklużi l-ispejjeż indispensabbli sostnuti minn L’éclaireur International quddiem il-Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO).

---

(1)  ĠU C 38, 1.2.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/17

---

Sentenza tal-Qorti Ġenerali tal-5 ta’ Mejju 2017 – Globo Media vs EUIPO – Globo Comunicação e Participações (GLOBO MEDIA)

(Kawża T-262/16) (1)

([“Trade mark tal-Unjoni Ewropea - Proċedimenti ta’ oppożizzjoni - Applikazzjoni għat-trade mark verbali tal-Unjoni Ewropea GLOBO MEDIA - Trade mark figurattiva nazzjonali preċedenti TV GLOBO PORTUGAL - Raġuni relattiva għal rifjut - Probabbiltà ta’ konfużjoni - Artikolu 8(1)(b) tar-Regolament (KE) Nru 207/2009”])

(2017/C 202/30)

Lingwa tal-kawża: l-Ingliż

Partijiet

Rikorrenti: Globo Media, SA (Madrid, Spanja) (rappreżentanti: L. Estropá Navarro u J. Calderón Chavero, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentanti: A. Folliard-Monguiral u B. Uriarte Valiente, aġenti)

Parti oħra fil-proċedimenti quddiem il-Bord tal-Appell tal-EUIPO: Globo Comunicação e Participações S/A (Rio de Janeiro, il-Brażil)

Suġġett

Rikors ippreżentat kontra d-deċiżjoni tar-Raba’ Bord tal-Appell tal-EUIPO, tal-14 ta’ Marzu 2016 (Każ R 0561/2014-4), dwar proċedimenti ta’ oppożizzjoni bejn Globo Comunicação e Participações u Globo Media.

Dispożittiv

1)	Ir-rikors huwa miċħud.

2)	Globo Media, SA hija kkundannata għall-ispejjeż.

---

(1)  ĠU C 260, 18.7.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/18

---

Digriet tal-Qorti Ġenerali tat-3 ta’ Mejju 2017 – De Nicola vs BEI

(Kawża T-75/16 P) (1)

((“Appell - Servizz pubbliku - Persunal tal-BEI - Evalwazzjoni - Rapport ta’ evalwazzjoni tal-karriera - Proċedura ta’ evalwazzjoni 2010 - Żbalji ta’ liġi - Appell parzjalment manifestament inammissibbli u parzjalment manifestament mhux fondat”))

(2017/C 202/31)

Lingwa tal-kawża: it-Taljan

Partijiet

Appellant: Carlo De Nicola (Strassen, il-Lussemburgu) (rappreżentant: G. Ferabecoli, avukat)

Appellat: Il-Bank Ewropew tal-Investiment (BEI) (rappreżentanti: inizjalment minn G. Nuvoli u T. Gilliams, sussegwentement minn G. Nuvoli u G. Faedo, aġenti, assistiti minn A. Dal Ferro, avukat)

Suġġett

Appell ippreżentat kontra d-digriet tat-Tribunal għas-Servizz Pubbliku tal-Unjoni Ewropea (Imħallef uniku) tat-18 ta’ Diċembru 2015, De Nicola vs BEI (F-128/11, EU:F:2015:168), u intiż għall-annullament ta’ dan id-digriet.

Dispożittiv

1)	L-appell huwa miċħud.

2)	Carlo De Nicola għandu jbati l-ispejjeż tiegħu kif ukoll dawk sostnuti mill-Bank Ewropew tal-Investiment (BEI) fil-kuntest ta’ din il-kawża.

---

(1)  ĠU C 118, 4.4.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/18

---

Digriet tal-Qorti Ġenerali tal-1 ta’ Marzu 2017 – Ikos vs EUIPO (AEGYPTISCHE ERDE)

(Kawża T-76/16) (1)

([“Trade mark tal-Unjoni Ewropea - Applikazzjoni għal trade mark verbali tal-Unjoni Ewropea AEGYPTISCHE ERDE - Raġuni assoluta għal rifjut - Karattru deskrittiv - Ċaħda tal-applikazzjoni - Artikolu 7(1)(c) tar-Regolament (KE) Nru 207/2009 - Rikors parzjalment manifestament inammissibbli u parzjalment manifestament infondat fid-dritt”])

(2017/C 202/32)

Lingwa tal-kawża: il-Ġermaniż

Partijiet

Rikorrenti: Ikos GmbH (Lörrach, il-Ġermanja) (rappreżentant: A. Masberg, avukat)

Konvenut: L-Uffiċċju tal-Proprjetà Intellettwali tal-Unjoni Ewropea (rappreżentant: M. Fischer, aġent)

Suġġett

Rikors ippreżentat kontra d-deċiżjoni tal-Ewwel Bord tal-Appell tal-EUIPO tas-7 ta’ Diċembru 2015 (Każ R 1257/2015-1), rigward applikazzjoni għar-reġistrazzjoni tas-sinjal verbali AEGYPTISCHE ERDE bħala trade mark tal-Unjoni Ewropea.

Dispożittiv

1)	Ir-rikors huwa miċħud.

2)	Ikos GmbH hija kkundannata għall-ispejjeż.

---

(1)  ĠU C 118, 4.4.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/19

---

Digriet tal-Qorti Ġenerali tal-24 ta’ April 2017 – Dreimane vs Il-Kummissjoni

(Kawża T-618/16) (1)

((“Rikors għal annullament u għad-danni - Servizz pubbliku - Uffiċjali - Pensjonijiet - Trasferiment tad-drittijiet għal pensjoni nazzjonali - Kalkolu tas-snin ta’servizz pensjonabbli - Artikolu 90(2) tar-Regolamenti tal-Persunal - Terminu - Inammissibbiltà manifesta”))

(2017/C 202/33)

Lingwa tal-kawża: l-Ingliż

Partijiet

Rikorrenti: Sandra Dreimane (Lussemburgu, il-Lussemburgu) (rappreżentant: J. Ābiks, avukat)

Konvenuta: Il-Kummissjoni Ewropea (rappreżentanti: G. Gattinara u L. Radu Bouyon, aġenti)

Suġġett

Talba bbażata fuq l-Artikolu 270 TFUE u intiża, minn naħa, għall-annullament tad-deċiżjoni tal-Kummissjoni li tiffissa l-akkreditazzjoni tas-snin ta’ servizz pensjonabbli li għandhom jittieħdu inkunsiderazzjoni fl-iskema tal-pensjonijiet tal-istituzzjonijiet tal-Unjoni Ewropea fuq talba għat-trasferiment tad-drittijiet għall-pensjoni akkwistati mir-rikorrenti qabel id-dħul tagħha fis-servizz tal-Unjoni u, min-naħa l-oħra, għall-kumpens tad-dannu li r-rikorrenti allegatament ġarrbet minħabba n-nuqqas ta’ osservanza, mill-Kummissjoni, ta’ terminu raġonevoli għat-trattament ta’ din it-talba għal trasferiment.

Dispożittiv

1)	Ir-rikors huwa miċħud bħala inammissibbli.

2)	Ma hemmx lok li tingħata deċiżjoni dwar it-talba għal intervent tal-Kunsill tal-Unjoni Ewropea.

3)	Sandra Dreimane għandha tbati l-ispejjeż tagħha kif ukoll dawk tal-Kummissjoni Ewropea.

---

(1)  ĠU C 371, 10.10.2016 (kawża inizjalment irreġistrata quddiem it-Tribunal għas-Servizz Pubbliku tal-Unjoni Ewropea bin-numru F-48/16 u ttrasferita quddiem il-Qorti Ġenerali tal-Unjoni Ewropea fl-1 ta’ Settembru 2016).

---

26.6.2017

MT

Il-Ġurnal Uffiċjali tal-Unjoni Ewropea

C 202/20

---

Rikors ippreżentat fit-2 ta’ Marzu 2017 – Anastassopoulos et vs Il-Kunsill u Il-Kummissjoni

(Kawża T-147/17)

(2017/C 202/34)

Lingwa tal-kawża: il-Franċiż

Partijiet

Rikorrenti: Nikolaos Anastassopoulos (Nea Erythraia, il-Greċja), Aristeidis Anastassopoulos (Nea Erythraia), Alexia Anastassopoulos (Nea Erythraia), Maria Myrto Anastassopoulos (Nea Erythraia), Sophie Velliou (Kifissia, il-Greċja) (rappreżentanti: K. Floros u M. Meng Papantoni, avukati)

Konvenuti: Il-Kunsill tal-Unjoni Ewropea, Il-Kummissjoni Ewropea

Talbiet

—	tiddikjara r-rikors ammissibbli u fondat;

—

tilqa’ t-talbiet għad-danni tar-rikorrenti billi tagħti, lill-ewwel rikorrent, l-ammont ta’ EUR 123 442, lil kull wieħed u waħda mit-tliet rikorrenti segwenti, l-ammont ta’ EUR 61 721 u lill-ħames rikorrenti l-ammont ta’ EUR 120 900 jew, sussidjarjament u rispettivament, l-ammonti ta’ EUR 38 227,20, EUR 19 107,60 u EUR 37 440, miżjuda, fil-każijiet kollha, bl-interessi moratorji;

—	tikkundanna lill-konvenuti għall-ispejjeż, irrispettivament mill-eżitu tal-kawża.

Motivi u argumenti prinċipali

Insostenn tar-rikors tagħhom, ir-rikorrenti jinvokaw ksur tal-prinċipju fundamentali tal-projbizzjoni tad-diskriminazzjonijiet, fl-espressjoni tiegħu li teżiġi trattament differenti ta’ sitwazzjonijiet differenti, kif ukoll tal-Artikolu 21 tal-Karta tad-Drittijiet Fundamentali tal-Unjoni Ewropea (iktar ’il quddiem il-“Karta”), li huwa l-espressjoni konkreta ta’ dan il-prinċipju.

Filwaqt li jinvokaw telf finanzjarju kunsiderevoli minħabba li l-bonds tal-Istat tagħhom kienu suġġetti għal-Liġi Nru 4050/12, imsejħa wkoll “PSA” (Private Sector Investment), huma jargumentaw li rċevew l-istess trattament (inkluża l-istess rata ta’ “haircut”) bħall-persuni ġuridiċi, b’mod partikolari l-banek u l-fondi speċjalizzati, minkejja d-differenzi fundamentali bejniethom.

Huma jattribwixxu dan lill-President tal-Grupp tal-Euro u/jew lill-Grupp tal-Euro bħala tali, li allegatament ipprojbixxew mhux biss l-eżenzjoni tal-persuni fiżiċi mill-“haircut” iżda wkoll kwalunkwe miżura ta’ kumpens ulterjuri, kif ukoll lill-Kummissjoni li allegatament qablet ma’ u tat il-kunsens tagħha għal tali ksur tal-prinċipju msemmi iktar ’il fuq u tal-Artikolu 21 tal-Karta, minkejja l-obbligu tagħha taħt l-Artikolu 17 TUE, kif interpretat mis-sentenza tal-20 ta’ Settembru 2016, Ledra Advertising et vs Il-Kummissjoni u Il-BĊE (C-8/15 P sa C-10/15 P, EU:C:2016:701).

---

26.6.2017

MT

Il-Ġurnal Uffiċjali tal-Unjoni Ewropea

C 202/20

---

Rikors ippreżentat fit-3 ta’ April 2017 – FVE Holýšov I et vs Il-Kummissjoni

(Kawża T-217/17)

(2017/C 202/35)

Lingwa tal-kawża: l-Ingliż

Partijiet

Rikorrenti: FVE Holýšov I s. r. o. (Praga, ir-Repubblika Ċeka) u 27 rikorrent ieħor (rappreżentanti: A. Reuter, H. Wendt, C. Bürger, T. Christner, W. Schumacher, A. Compes u T. Herbold, avukati)

Konvenuta: Il-Kummissjoni Ewropea

Talbiet

—	tiddikjara nulla d-Deċiżjoni tal-konvenuta C (2016) 7827 finali, tat-28 ta’ Novembru 2016, Għajnuna mill-Istat SA.40171 Istat (2015/NN) (1), dwar il-promozzjoni ta’ produzzjoni tal-elettriku minn sorsi ta’ enerġija rinnovabbli fir-Repubblika Ċeka; u

—	tikkundanna lill-konvenuta għall-ispejjeż tal-proċeduri.

Motivi u argumenti prinċipali

Insostenn tar-rikors tagħha, ir-rikorrenti jinvokaw seba’ motivi.

1.

L-ewwel motiv, li jallega li bl-ittra tagħha ta’ Lulju 2004 lill-assoċjazzjonijiet industrijali rilevanti il-konvenuta kienet diġà ddeċidiet li l-iskema ta’ promozzjoni tal-enerġija rinnovabbli tar-Repubblika Ċeka ma tikkostitwixxix għajnuna mill-Istat, u l-konvenuta hija, bħala punt ta’ liġi, marbuta b’din id-deċiżjoni, li hija ma rrevokatx u ma tistax tirrevoka.

2.	It-tieni motiv, li jallega ksur tal-aspettattivi leġittimi tar-rikorrenti u ċ-ċertezza tal-liġi.

3.	It-tielet motiv, li jallega li l-iskema ta’ promozzjoni rilevanti Ċeka ma tikostitwixxix għajnuna mill-Istat.

4.	Ir-raba’ motiv, li jallega li d-deċiżjoni kkontestata iġġiegħel lir-Repubblika Ċeka sabiex timplementa mekkaniżmu ta’ reviżjoni eċċessiv li jikser l-aspettattivi leġittimi tar-rikorrenti fl-affiddabbiltà tal-iskema.

5.	Il-ħames motiv, li jallega li d-deċiżjoni kkontestata hija bbażata fuq żbalji ta’ fatt peress li tgħid li hemm obbligu għall-operaturi tal-grilja sabiex jgħaddi l-ispiża tal-enerġija rinnovabbli lill-konsumaturi tal-enerġija. Ma kien hemm ebda obbligu bħal dan taħt il-liġi Ċeka.

6.	Is-sitt motiv, li jallega li d-deċiżjoni kkontestata tikser l-Artikolu 5(1) tat-Trattat UE (limitazzjoni tal-kompetenzi mill-prinċipju ta’ konferiment).

7.	Is-seba’ motiv, li jallega li d-deċiżjoni kkontestata hija bbażata fuq żball manifest ta’ evalwazzjoni.

---

(1)  ĠU C 69, 2017, p. 2.

---

26.6.2017

MT

Il-Ġurnal Uffiċjali tal-Unjoni Ewropea

C 202/21

---

Rikors ippreżentat fit-18 ta’ April 2017 – Adapta Color vs EUIPO – Coatings Foreign IP (ADAPTA POWDER COATINGS)

(Kawża T-223/17)

(2017/C 202/36)

Lingwa tar-rikors: l-Ispanjol

Partijiet

Rikorrenti: Adapta Color, SL (Peñiscola, Spanja) (rappreżentanti: G. Macías Bonilla, G. Marín Raigal u E. Armero Lavie, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Coatings Foreign IP Co. LLC (Wilmington, Delaware, l-Istati Uniti)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: trade mark tal-Unjoni Ewropea figurattiva li tinkludi l-element verbali “ADAPTA POWDER COATINGS” – Trade mark tal-Unjoni Ewropea Nru 3 383 015

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: deċiżjoni tal-Ħames Bord tal-Appell tal-EUIPO tas-6 ta’ Frar 2017 fil-Każ R 2522/2015-5

Talbiet

—	tilqa’ dan ir-rikors fit-totalità tiegħu;

—	tannulla d-deċiżjoni kkontestata;

—	tikkundanna lill-konvenut u, jekk ikun il-każ, lill-intervenjenti, kemm għall-ispejjeż ta’ din il-kawża kif ukoll għall dawk sostnuti fil-proċedimenti għal dikjarazzjoni ta’ invalidità u ta’ appell quddiem il-EUIPO.

Motivi invokati

—	Ksur tal-Artikolu 7(1)(b) u (c), tal-Artikolu 7(3), tal-Artikolu 52(1)(a) u tal-Artikoli 75 u 76 tar-Regolament Nru 207/2009;

—	Ksur ta’ prinċipji fundamentali u proċedurali bażiċi, bħall-oneru tal-prova, il-motivazzjoni tad-deċiżjonijiet, id-dritt tad-difiża jew għal smigħ, il-prinċipji ta’ ċertezza legali, ta’ ugwaljanza fit-trattament u ta’ amministrazzjoni tajba.

---

26.6.2017

MT

Il-Ġurnal Uffiċjali tal-Unjoni Ewropea

C 202/22

---

Rikors ippreżentat fid-19 ta’ April 2017 – Adapta Colour vs EUIPO – Coatings Foreign IP (Bio proof ADAPTA)

(Kawża T-224/17)

(2017/C 202/37)

Lingwa tar-rikors: l-Ispanjol

Partijiet

Rikorrenti: Adapta Color, SL (Peñiscola, Spanja) (rappreżentanti: G. Macías Bonilla, G. Marín Raigal u E. Armero Lavie, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Coatings Foreign IP Co. LLC (Wilmington, Delaware, l-Istati Uniti)

Informazzjoni dwar il-proċedimenti quddiem l-EUIPO

Applikant għat-trade mark kontenzjuża: ir-rikorrenti

Trade mark kontenzjuża kkonċernata: trade mark figurattiva tal-Unjoni Ewropea li tinkludi l-elementi verbali “Bio proof ADAPTA” – Trade mark tal-Unjoni Ewropea Nru 4 368 239

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: deċiżjoni tal-Ħames Bord tal-Appell tal-EUIPO tas-6 ta’ Frar 2017 fil-Każ R 2521/2015-5

Talbiet

—	tilqa’ dan ir-rikors fl-intier tiegħu;

—	tannulla d-deċiżjoni kkontestata

—	tikkundanna lill-konvenut, u, skont il-każ, lill-intervenjenti, sabiex ibatu l-ispejjeż ta’ din il-kawża, kif ukoll l-ispejjeż sostnuti fil-proċedimenti għal dikjarazzjoni ta’ invalidità u ta’ appell quddiem il-EUIPO.

Motiv invokat

Il-motivi u l-allegazzjonijiet prinċipali huma l-istess bħal dawk invokati fil-Kawża T-223/17.

---

26.6.2017

MT

Il-Ġurnal Uffiċjali tal-Unjoni Ewropea

C 202/23

---

Rikors ippreżentat fid-19 ta’ April 2017 – Adapta Color vs EUIPO – Coatings Foreign IP (Bio proof ADAPTA)

(Kawża T-225/17)

(2017/C 202/38)

Lingwa tal-kawża: l-Ispanjol

Partijiet

Rikorrenti: Adapta Color, SL (Peñiscola, Spanja) (rappreżentanti: G. Macías Bonilla, G. Marín Raigal u E. Armero Lavie, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra fil-proċedimenti quddiem il-Bord tal-Appell: Coatings Foreign IP Co. LLC (Wilmington, Delaware, l-Istati Uniti)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: trade mark figurattiva tal-Unjoni li tinkludi l-elementi verbali “Bio proof ADAPTA” – Trade mark tal-Unjoni Ewropea Nru 4 582 599

Deċiżjoni kkontestata: deċiżjoni tal-Ħames Bord tal-Appell tal-EUIPO tas-6 ta’ Frar 2017 fil-Każ R 311/2016-5

Talbiet

—	tilqa’ dan ir-rikors fit-totalità tiegħu;

—	tannulla d-deċiżjoni kkontestata;

—	tikkundanna lill-konvenut u, jekk ikun il-każ, lill-intervenjenti, kemm għall-ispejjeż ta’ din il-kawża kif ukoll għall dawk sostnuti fil-proċedimenti għal dikjarazzjoni ta’ invalidità u ta’ appell quddiem il-EUIPO.

Motivi invokati

—	Il-motivi u l-argumenti prinċipali huma identiċi għal dawk invokati fil-Kawża T-223/17.

---

26.6.2017

MT

Il-Ġurnal Uffiċjali tal-Unjoni Ewropea

C 202/24

---

Rikors ippreżentat fid-19 ta April 2017 – Adapta Color vs EUIPO – Coatings Foreign IP (Rustproof System ADAPTA)

(Kawża T-226/17)

(2017/C 202/39)

Lingwa tar-rikors: l-Ispanjol

Partijiet

Rikorrenti: Adapta Color, SL (Peñiscola, Spanja) (rappreżentanti: G. Macías Bonilla, G. Marín Raigal u E. Armero Lavie, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Coatings Foreign IP Co. LLC (Wilmington, Delaware, l-Istati Uniti)

Informazzjoni dwar il-proċedimenti quddiem l-EUIPO

Proprjetarju tat-trade mark kontenzjuża: ir-rikorrenti

Trade mark kontenzjuża kkonċernata: trade mark verbali tal-Unjoni Ewropea “Rustproof System ADAPTA” – Trade mark tal-Unjoni Ewropea Nru 9 905 548

Proċedimenti quddiem l-EUIPO: proċedimenti għal dikjarazzjoni ta’ invalidità

Deċiżjoni kkontestata: deċiżjoni tal-Ħames Bord tal-Appell tal-EUIPO tas-6 ta’ Frar 2017 fil-Każ R 2408/2015-5

Talbiet

—	tilqa’ r-rikors preżenti fl-intier tiegħu;

—	tannulla d-deċiżjoni kkontestata;

—	tikkundanna lill-konvenut u, f’dan il-każ, il-parti l-oħra, għall-ispejjeż ta’ din il-kawża, kif ukoll għall-ispejjeż sostnuti fil-proċedimenti għal dikjarazzjoni ta’ invalidità quddiem l-EUIPO.

Motivi invokati

—	Il-motivi u l-argumenti prinċipali huma dawk invokati fil-kawża T-223/17.

---

26.6.2017

MT

Il-Ġurnal Uffiċjali tal-Unjoni Ewropea

C 202/24

---

Rikors ippreżentat fl-24 ta’ April 2017 – Spanja vs Il-Kummissjoni

(Kawża T-237/17)

(2017/C 202/40)

Lingwa tal-kawża: l-Ispanjol

Partijiet

Rikorrent: Ir-Renju ta’ Spanja (rappreżentant: A. Gavela Llopis, Abogado del Estado)

Konvenuta: Il-Kummissjoni Ewropea

Talbiet

—

tannulla d-Deċiżjoni tal-Kummissjoni C (2017) 766 finali, tal-14 ta’ Frar 2017, li teskludi mill-finanzjament tal-Unjoni Ewropea ċertu nfiq imġarrab mill-Istati Membri fi ħdan il-Fond Agrikolu Ewropew ta’ Garanzija (FAEG) u fi ħdan il-Fond Agrikolu Ewropew għall-Iżvilupp Rurali (FAEŻR) f’dak li jirrigwarda r-Renju ta’ Spanja, settur tal-frott u tal-ħxejjex, fil-qasam tar-riċerka (FV 2011/003/ES),

—	tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka żewġ motivi.

1.

L-ewwel motiv ibbażat fuq ksur tal-Artikolu 11(1)(a) u (d)(3) tar-Regolament tal-Kunsill (KE) Nru 2200/96, tat-28 ta’ Ottubru 1996, dwar l-organizzazzjoni komuni tas-suq fil-frott u l-ħxejjex (ĠU Edizzjoni Speċjali bil-Malti, Kapitolu 3, Vol. 20, p. 55) u tal-Artikolu 14(2) tar-Regolament tal-Kummissjoni (KE) Nru 1432/2003, tal-11 ta’ Awwissu 2003, li jistabbilixxi r-regoli ddettaljati sabiex jiġi applikat ir-Regolament tal-Kunsill (KE) Nru 2200/96 li jirrigwarda l-kondizzjonijiet għall-għarfien tal-organizzzzjonijiet tal-produtturi u l-għarfien preliminari tal-gruppi tal-produtturi (ĠU Edizzjoni Speċjali bil-Malti, Kapitolu 3, Vol. 39, p. 424), b’rabta mal-Artikolu 3(1)(a) tar-Regolament tal-Kunsill (KE) Nru 1182/2007, tas-26 ta’ Settembru 2007, li jistabbilixxi regoli speċifiċi rigward is-settur tal-frott u l-ħxejjex u li jemenda d-Direttivi 2001/112/KE u 2001/113/KE u r-Regolamenti (KEE) Nru 827/68, (KE) Nru 2200/96, (KE) Nru 2201/96, (KE) Nru 2826/2000, (KE) Nru 1782/2003 u (KE) Nru 318/2006 u li jħassar ir-Regolament (KE) Nru 2202/96 (ĠU L 273, p. 1) u l-Artikolu 2(a) tar-Regolament tal-Kunsill (KE) Nru 1782/2003, tad-29 ta’ Novembru 2003, li jistabbilixxi regoli komuni għal skemi diretti ta’ appoġġ fi ħdan il-politika agrikola komuni u li jistabbilixxi ċerti skemi ta’ appoġġ għall-bdiewa u li jemenda r-Regolamenti (KEE) Nru 2019/93, (KE) Nru 1452/2001, (KE) Nru 1453/2001, (KE) Nru 1454/2001, (KE) Nru 1868/94, (KE) Nru 1251/1999, (KE) Nru 1254/1999, (KE) Nru 1673/2000, (KE) Nru 2358/71 u (KE) Nru 2529/2001 (ĠU Edizzjoni Speċjali bil-Malti, Kapitolu 3, Vol. 40, p. 269). — Ir-Renju ta’ Spanja jqis li l-Kummissjoni kisret l-Artikolu 11(1)(a) tar-Regolament tal-Kunsill 2200/96, fir-rigward tal-OP Tilla Huelva, għaliex din kienet integrata f’kull ħin minn produtturi, b’tali mod li ġew issodisfatti r-regoli ta’ kontroll demokratiku imposti mill-Artikolu 11(1)(d)(3) tar-Regolament 2200/96 u mill-Artikolu 14 tar-Regolament tal-Kummissjoni 1432/2003, b’rabta mal-Artikolu 2(a) tar-Regolament 1782/2003 meta qieset li tliet membri tal-OP Tiella Huelva ma kinux jissodisfaw il-kundizzjoni ta’ “produttur” u li, għaldaqstant, ma ġietx osservata d-dispożizzjoni tal-Artikolu 11 rigward ir-rekwiżiti ta’ kontroll demokratiku.

2.

It-tieni motiv ibbażat fuq ksur tal-Artikolu 52(2) tar-Regolament (UE) Nru 1306/2013 tal-Parlament Ewropew u tal-Kunsill, tas-17 ta’ Diċembru 2013, dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (ĠU L 347, p. 549). — Fil-fehma tar-rikorrent, l-użu tal-metodu ta’ stima fissa sabiex tiġi imposta korrezzjoni finanzjarja fuq Andalucía jmur kontra l-Artikolu 52(2) fis-seħħ tar-Regolament Nru 1306/2013 [li jissostitwixxi l-Artikolu 31(2) tar-Regolament Nru 1290/2005] u l-Linji gwida għall-kalkolu tar-riperkussjonijiet finanzjarji li jinsabu fid-Dokument VI/5330/97. Il-korrezzjoni b’rata fissa imposta ma hijiex fondata u hija, f’kull każ, sproporzjonata. Kellha tiġi imposta korrezzjoni ta’ darba fil-fajls li effettivament kien hemm nuqqasijiet fihom. Sussidjarjament, il-korrezzjoni b’rata fissa kellha tkun ta’ 5 %.

---

26.6.2017

MT

Il-Ġurnal Uffiċjali tal-Unjoni Ewropea

C 202/25

---

Rikors ippreżentat fl-20 ta’ April 2017 – Campine and Campine Recycling vs Il-Kummissjoni

(Kawża T-240/17)

(2017/C 202/41)

Lingwa tal-kawża: l-Ingliż

Partijiet

Rikorrenti: Campine NV (Beerse, il-Belġju) u Campine Recycling NV (Beerse) (rappreżentanti: C. Verdonck, S. De Cock u Q. Silvestre, avukati)

Konvenuta: Il-Kummissjoni Ewropea

Talbiet

Ir-rikorrenti jitlobu li l-Qorti Ġenerali jogħġobha:

—	tiddikjara r-rikors tagħhom ammissibbli;

—	tannulla l-Artikolu 1 u 2 tad-Deċiżjoni tal-Unjoni Ewropea tat-8 ta’ Frar 2017 (C(2017) 900 finali) dwar proċedura skont l-Artikolu 102 TFUE (“id-deċiżjoni kkontestata”), sa fejn tistabilixxi li r-rikorrenti kisru l-Artikolu 101 TFUE;

—	sussidjarjament, tannulla l-Artikolu 2 tad-deċiżjoni kkontestata sa fejn timponi multa fuq ir-rikorrenti ta’ EUR 8 158 000,00 u sabiex tnaqqas il-multa skont l-argumenti tar-rikors;

—	tikkundanna lill-Kummissjoni għall-ispejjeż.

Motivi u argumenti prinċipali

Insostenn tar-rikors tagħha, ir-rikorrenti tinvoka erba’ motivi.

1.

L-ewwel motiv, huwa bbażat fuq il-fatt li numru ta’ motivi ta’ natura proċedurali li jinkludu l-obbligu li jingħataw raġunijiet fir-rigward tad-determinazzjoni tal-ammont tal-multa u b’mod partikolari il-ħtieġa ta’ aġġustament applikata abbażi tal-punt 37 of the Linji gwida tal-Kummissjoni għall-kalkolu tal-ammont tal-multi (1) u fir-rigward tal-perċentwali taż-żieda applikata. Ir-rikorrenti jsostnu wkoll li l-Kummissjoni kisret id-drittijiet ta’ drittijiet tad-difiża tagħhom, id-dritt għal smigħ tagħhom u l-prinċipju ta’ amministrazzjoni tajba billi ma ddikjaratx l-intenzjoni għal żieda abbażi tal-punt 37 tal-Linji gwida tal-Kummissjoni għall-kalkolu tal-ammont tal-multi fid-dikjarazzjoni tal-oġġezzjonijiet jew fid-dikjarazzjoni tal-oġġezzjonijiet addizzjonali. Huma jallegaw ukoll ksur tal-obbligu ta’ motivazzjoni, il-prinċipji ta’ ċertezza legali, trattament ugwali u proporzjonalità peress li l-Kummissjoni żiedet l-multa tar-rikorrenti b’10 % abbażi tal-punt 37 tal-Linji gwida tal-Kummissjoni għall-kalkolu tal-ammont tal-multi u applikat din iż-żieda uniformi għall-impriżi kollha li pparteċipaw fil-ksur allegat, mingħajr ma ħadet inkunsiderazzjoni l-fatt li r-rikorrenti pparteċipaw individwalment b’mod differenti ferm mill-parteċipazzjoni tal-impriżi l-oħra involuti.

2.

It-tieni motiv, huwa bbażat fuq il-fatt li din id-deċiżjoni kkontestata hija żbaljata peress li ma stabbilixxitx b’mod suffiċjenti fid-dritt li r-rikorrenti wettqu ksur tal-Artikolu 101 TFEU. Ir-rikorrenti jinvokaw kemm l-evalwazzjoni inkorretta tal-provi fid-deċiżjoni kkontestata kif ukoll in-nuqqas tal-provi li jsostnu d-deċiżjoni kkontestata li stabbiliet li r-rikorrenti kienu parti fil-ksur fl-Artikolu 1 tad-deċiżjoni kkontestata.

3.

It-tielet motiv, sussidjarjament, huwa bbażat fuq il-fatt li jekk il-Qorti tal-Ġustizzja kellha tikkondlu li r-rikorrenti kien partijiet f’xi ftehim jew prattika li tikser l-Artikolu 101(1) TFEU, ksur tal-Artikolu 23(3) tar-Regolament Nru 1/2003 (2) u tal-Linji gwida tal-Kummissjoni għall-kalkolu tal-ammont tal-multi minħabba evalwazzjoni inkorretta tal-gravità u t-tul tal-ksur kif ukoll taċ-ċirkustanzi mitiganti u l-ksur tal-prinċipju ta’ nondiskriminazzjoni fil-kalkolu tal-ammont bażiku tal-multa.

4.

Ir-raba’ motiv, sussidjarjament, huwa bbażat fuq il-fatt li sa fejn il-Qorti tal-Ġustizzja ma tannullax id-deċiżjoni kkontestata minħabba motivi ta’ natura proċedurali fl-ewwel motiv, li dan il-ksur proċedurali għandu minn tal-inqas jagħti lok għal annullament taż-żieda tal-multa imposta abbażi tal-punt 37 tal-Linji gwida tal-Kummissjoni għall-kalkolu tal-ammont tal-multi.

---

(1)  Linji gwida għall-kalkolu tal-multi imposti skont l-Artikolu 23(2)(a) tar-Regolament Nru 1/2003 (ĠU 2006, C 210, p. 2).

(2)  Regolament tal-Kunsill (KE) Nru 1/2003 tas-16 Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU Edizzjoni Speċjali bil-Malti, Kapitolu 8, Vol. 2 p. 205).

---

26.6.2017

MT

Il-Ġurnal Uffiċjali tal-Unjoni Ewropea

C 202/26

---

Rikors ippreżentat fil-5 ta’ Mejju 2017 – ExpressVPN vs EUIPO (EXPRESSVPN)

(Kawża T-265/17)

(2017/C 202/42)

Lingwa tal-kawża: l-Ingliż

Partijiet

Rikorrenti: ExpressVPN Ltd (Glen Vine, ir-Renju Unit) (rappreżentant: A. Muir Wood, Barrister)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Informazzjoni dwar il-proċedimenti quddiem l-EUIPO

Trade mark kontenzjuża kkonċernata: reġistrazzjoni internazzjonali tat-trade mark li tindika l-Unjoni Ewropea fir-rigward tat-trade mark figurattiva li tinkludi l-element verbali “EXPRESSVPN” – Applikazzjoni għal reġistrazzjoni Nru 1 265 562

Deċiżjoni kkontestata: deċiżjoni tal-Ħames Bord tal-Appell tal-EUIPO tas-16 ta’ Frar 2017 fil-Każ R 1352/2016-5

Talbiet

—	tbiddel id-deċiżjoni kkontestata sabiex tippermetti r-reġistrazzjoni tat-trade mark fuq il-bażi li t-trademark la hija deskrittiva u lanqas nieqsa minn karattru distintiv u fuq il-bażi tal-provi tal-karattru distintiv miksub prodotti lill-eżaminatur u lill-Ħames Bord tal-Appell;

—	tiddeċiedi dwar l-ispejjeż sostnuti mir-rikorrenti fir-rigward ta’ din il-proċedura.

Motiv invokat

—	Ksur tal-Artikoli 7(1)(b)(c), 7(2) u 7(3) tar-Regolament Nru 207/2009.

---

26.6.2017

MT

Il-Ġurnal Uffiċjali tal-Unjoni Ewropea

C 202/27

---

Rikors ippreżentat fid-9 ta’ Mejju 2017 – Kwizda Holding vs EUIPO – Dermapharm (UROAKUT)

(Kawża T-266/17)

(2017/C 202/43)

Lingwa tar-rikors: il-Ġermaniż

Partijiet

Rikorrenti: Kwizda Holding GmbH (Vjenna, l-Awstrija) (rappreżentanti: L. Wiltschek, D. Plasser u K. Majchrzak, avukati)

Konvenut: L-Uffiċċju tal-Proprjetà Intellettwali tal-Unjoni Ewropea (EUIPO)

Parti oħra quddiem il-Bord tal-Appell: Dermapharm GmbH (Vjenna, l-Awstrija)

Informazzjoni dwar il-proċedimenti quddiem l-EUIPO

Applikant għat-trade mark kontenzjuża: ir-rikorrenti

Trade mark kontenzjuża kkonċernata: trade mark verbali tal-Unjoni Ewropea “UROAKUT” – Applikazzjoni għal reġistrazzjoni Nru 13 854 146

Proċedimenti quddiem l-EUIPO: proċedimenti ta’ oppożizzjoni

Deċiżjoni kkontestata: deċiżjoni tar-Raba’ Bord tal-Appell tal-EUIPO tas-7 ta’ Marzu 2017 fil-Każ R 1221/2016-4

Talbiet

—

tilqa’ r-rikors u temenda d-deċiżjoni kkontestata b’mod li tiġi miċħuda l-oppożizzjoni kontra l-applikazzjoni għar-reġistrazzjoni tat-trade mark tal-Unjoni Ewropea Nru 13 854 146“UROAKUT”; sussidjarjament, tannulla d-deċiżjoni kkontestata u tirrinvija l-każ quddiem il-Bord tal-Appell tal-Uffiċċju tal-Proprjetà Intellettwali tal-Unjoni Ewropea (EUIPO);

—	tikkundanna lill-EUIPO għall-ispejjeż tal-proċeduri quddiem il-Qorti Ġenerali u quddiem il-Bord tal-Appell;

—	tikkundanna lill-intervenjenti għall-ispejjeż tal-proċedimenti quddiem id-Diviżjoni tal-Oppożizzjoni.

Motiv invokat

—	Ksur tal-Artikolu 8(1)(b) tar-Regolament Nru 207/2009.

---

26.6.2017

MT

Il-Ġurnal Uffiċjali tal-Unjoni Ewropea

C 202/28

---

Digriet tal-Qorti Ġenerali tat-2 ta’ Marzu 2017 – Oberösterreichische Landesbank vs CRU

(Kawża T-376/16) (1)

(2017/C 202/44)

Lingwa tal-kawża: il-Ġermaniż

Il-President tat-Tmien Awla ordna t-tħassir tal-kawża.

---

(1)  ĠU C 343, 19.9.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/28

---

Digriet tal-Qorti Ġenerali tat-2 ta’ Mejju 2017 – Bermejo Garde vs CESE

(Kawża T-511/16) (1)

(2017/C 202/45)

Lingwa tal-kawża: il-Franċiż

Il-President tat-Tielet Awla ordna t-tħassir tal-kawża.

---

(1)  ĠU C 184, 16.6.2014 (kawża inizzjalment irreġistrata quddiem it-Tribunal għas-Servizz Pubbliku tal-Unjoni Ewropea bin-Numru F-23/14 u ttrasferita quddiem il-Qorti Ġenerali tal-Unjoni Ewropea fl-1/9.2016).

---

26.6.2017

MT

Il-Ġurnal Uffiċjali tal-Unjoni Ewropea

C 202/28

---

Digriet tal-Qorti Ġenerali tat-3 ta’ Mejju 2017 – Generis – Farmacêutica vs EUIPO – Corpak MedSystems (CORGRIP)

(Kawża T-744/16) (1)

(2017/C 202/46)

Lingwa tal-kawża: l-Ingliż

Il-President tas-Seba’ Awla ordna t-tħassir tal-kawża.

---

(1)  ĠU C 475, 19.12.2016.

---

26.6.2017

MT

Il-Ġurnal Uffiċjali tal-Unjoni Ewropea

C 202/28

---

Digriet tal-Qorti Ġenerali tat-8 ta’ Marzu 2017 – Yotrio Group vs EUIPO (Iffissar ta’ ċirku aħdar fuq sieq)

(Kawża T-47/17) (1)

(2017/C 202/47)

Lingwa tal-kawża: il-Ġermaniż

Il-President tal-Ħames Awla ordna t-tħassir tal-kawża.

---

(1)  ĠU C 95, 27.3.2017.

---