8.3.2017

MT

Il-Ġurnal Uffiċjali tal-Unjoni Ewropea

C 72/1

---

Rata tal-kambju tal-euro (1)

Is-7 ta’ Marzu 2017

(2017/C 72/01)

1 euro =

	Munita	Rata tal-kambju
USD	Dollaru Amerikan	1,0576
JPY	Yen Ġappuniż	120,61
DKK	Krona Daniża	7,4340
GBP	Lira Sterlina	0,86710
SEK	Krona Żvediża	9,5218
CHF	Frank Żvizzeru	1,0730
ISK	Krona Iżlandiża
NOK	Krona Norveġiża	8,9443
BGN	Lev Bulgaru	1,9558
CZK	Krona Ċeka	27,021
HUF	Forint Ungeriż	309,52
PLN	Zloty Pollakk	4,3075
RON	Leu Rumen	4,5384
TRY	Lira Turka	3,8894
AUD	Dollaru Awstraljan	1,3920
CAD	Dollaru Kanadiż	1,4191
HKD	Dollaru ta' Hong Kong	8,2120
NZD	Dollaru tan-New Zealand	1,5153
SGD	Dollaru tas-Singapor	1,4920
KRW	Won tal-Korea t'Isfel	1 215,71
ZAR	Rand ta' l-Afrika t'Isfel	13,7038
CNY	Yuan ren-min-bi Ċiniż	7,2976
HRK	Kuna Kroata	7,4090
IDR	Rupiah Indoneżjan	14 115,79
MYR	Ringgit Malażjan	4,7038
PHP	Peso Filippin	53,237
RUB	Rouble Russu	61,3560
THB	Baht Tajlandiż	37,111
BRL	Real Brażiljan	3,2974
MXN	Peso Messikan	20,6124
INR	Rupi Indjan	70,4700

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

8.3.2017

MT

Il-Ġurnal Uffiċjali tal-Unjoni Ewropea

C 72/2

---

Sommarju ta’ Deċiżjonijiet tal-Kummissjoni Ewropea dwar l-awtorizzazzjonijiet għat-tqegħid fis-suq għall-użu u/jew għall-użu ta’ sustanzi elenkati fl-Anness XIV tar-Regolament (KE) Nru 1907/2006 tal-Parlament Ewropew u tal-Kunsill dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH)

(ippubblikat skont l-Artikolu 64(9) tar-Regolament (KE) Nru 1907/2006 (1))

(Test b'rilevanza għaż-ŻEE)

(2017/C 72/02)

Deċiżjonijiet tal-għoti ta’ awtorizzazzjoni

Referenza tad-Deċiżjoni (2)	Data tad-Deċiżjoni	Isem is-sustanza	Detentur tal-awtorizzazzjoni	Numru tal-awtorizzazzjoni	Użu awtorizzat	Data tal-iskadenza tal-perjodu ta’ rieżami	Raġunijiet għad-Deċiżjoni
C(2017) 1332	L-1 ta’ Marzu 2017	1,2-dikloroetan Numru tal-KE 203-458-1 Numru tas-CAS 107-06-2	Laboratoires Expanscience, 10 Avenue de l’Arche, Regulatory affairs, 92419 Courbevoie, Franza	REACH/17/6/0	L-użu ta’ 1,2-dikloroetan bħala solvent tal-ipproċessar u tal-estrazzjoni fil-manifattura ta’ ingredjenti farmaċewtiċi bijoattivi dderivati mill-pjanti	It-22 ta’ Novembru 2029	Skont l-Artikolu 60(4) tar-Regolament (KE) Nru 1907/2006, il-benefiċċji soċjoekonomiċi huma ferm iktar mir-riskju għas-saħħa tal-bniedem mill-użu tas-sustanza u ma hemm l-ebda sustanza jew teknoloġija alternattiva adattata f’termini tal-fattibbiltà teknika u ekonomika tagħha.

---

(1)  ĠU L 396, 30.12.2006, p. 1.

(2)  Id-Deċiżjoni hija disponibbli f’dan is-sit web tal-Kummissjoni Ewropea: http://ec.europa.eu/growth/sectors/chemicals/reach/about_mt

---

8.3.2017

MT

Il-Ġurnal Uffiċjali tal-Unjoni Ewropea

C 72/3

---

Avviż tal-iskadenza imminenti ta’ ċerti miżuri antidumping

(2017/C 72/03)

1.   Kif previst fl-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi li mhumiex membri tal-Unjoni Ewropea (1), il-Kummissjoni tinnotifika li, sakemm ma jitnediex rieżami skont il-proċedura li ġejja, il-miżuri antidumping imsemmija hawn taħt jiskadu fid-data msemmija fit-tabella hawn taħt.

2.   Proċedura

Il-produtturi tal-Unjoni jistgħu jressqu talba bil-miktub għal rieżami. Din it-talba trid tinkludi biżżejjed evidenza li l-iskadenza tal-miżuri aktarx li twassal għal kontinwazzjoni jew rikorrenza ta’ dumping u ħsara. Jekk il-Kummissjoni tiddeċiedi li tagħmel rieżami tal-miżuri kkonċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni jingħataw l-opportunità li jelaboraw, jirrifjutaw jew jikkummentaw dwar il-kwistjonijiet imsemmija fit-talba għal rieżami.

3.   Limitu ta’ żmien

Il-produtturi tal-Unjoni jistgħu jressqu talba bil-miktub għal rieżami abbażi ta’ dak li ssemma hawn fuq, li għandha tasal għand: European Commission, Directorate-General for Trade (Unit H-1), CHAR 4/39, 1049 Bruxelles/Brussel, Belgique/België (2) fi kwalunkwe żmien mid-data tal-pubblikazzjoni ta’ dan l-avviż, iżda mhux aktar tard minn tliet xhur qabel id-data msemmija fit-tabella ta’ hawn taħt.

4.   Dan l-avviż huwa ppubblikat f’konformità mal-Artikolu 11(2) tar-Regolament (UE) 2016/1036.

Prodott	Pajjiż(i) tal-oriġini jew tal-esportazzjoni	Miżuri	Referenza	Data ta’ skadenza (3)
Ġilda tal-kamoxxa	Ir-Repubblika tal-Poplu taċ-Ċina	Dazju antidumping	Ir-Regolament ta’ Implementazzjoni tal-Kunsill (UE) Nru 1153/2012 tat-3 ta’ Diċembru 2012 li jimponi dazju antidumping definittiv fuq l-importazzjonijiet ta’ ġilda tal-kamoxxa li joriġinaw mir-Repubblika Popolari taċ-Ċina wara reviżjoni ta’ skadenza taħt l-Artikolu 11(2) tar-Regolament tal-Kunsill (KE) Nru 1225/2009 (ĠU L 334, 6.12.2012, p. 31)	7.12.2017

---

(1)  ĠU L 176, 30.6.2016, p. 21.

(2)  TRADE-Defence-Complaints@ec.europa.eu

(3)  Il-miżura tiskadi f’nofsillejl tal-jum imsemmi f’din il-kolonna.

---

8.3.2017

MT

Il-Ġurnal Uffiċjali tal-Unjoni Ewropea

C 72/4

---

Avviż minn qabel ta’ konċentrazzjoni

(Il-Każ M.8342 — Mitsubishi Chemical Group/PTT Public Company Group/JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2017/C 72/04)

1.

Fit-28 ta’ Frar 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Mitsubishi Chemical Group (“MCC”, il-Ġappun) u PTT Public Company Group (“PTT”, it-Tajlandja) jakkwista fis-sens tal-Artikolu 3(1)(b) tar-Regolament dwar l-Għaqdiet il-kontroll konġunt ta’ PTTMCC Biochem Company Limited (il-joint venture, “JV”, it-Tajlandja) permezz ta’ kuntratt ta’ ġestjoni jew kull mezz ieħor.

2.	L-attivitajiet kummerċjali tal-impriżi kkonċernati huma: —   MCC: kumpanija tal-kimiki dinjija. —   PTT: kumpanija taż-żejt u tal-gass, proprjetà tal-Istat; —   il-JV: il-manifattura u l-bejgħ ta’ plastiks speċjalizzati.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8342 — Mitsubishi Chemical Group/PTT Public Company Group/JV, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

---