KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

9.2.2017

Il-Ġurnal Uffiċjali tal-Unjoni Ewropea

C 42/1

Ebda oppożizzjoni għal konċentrazzjoni notifikata

(Il-Każ M.8344 — Sumitomo Corporation/Fyffes plc)

(Test b'rilevanza għaż-ŻEE)

(2017/C 42/01)

Fit-3 ta’ Frar 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8344. Il-EUR-Lex hu l-aċċess fuq l-internet għal-liġi Ewropea.

(1) ĠU L 24, 29.1.2004, p. 1.

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

9.2.2017

Il-Ġurnal Uffiċjali tal-Unjoni Ewropea

C 42/2

Rata tal-kambju tal-euro (1)

It-8 ta’ Frar 2017

(2017/C 42/02)

1 euro =

	Munita	Rata tal-kambju
USD	Dollaru Amerikan	1,0665
JPY	Yen Ġappuniż	119,39
DKK	Krona Daniża	7,4342
GBP	Lira Sterlina	0,85315
SEK	Krona Żvediża	9,4523
CHF	Frank Żvizzeru	1,0637
ISK	Krona Iżlandiża
NOK	Krona Norveġiża	8,8835
BGN	Lev Bulgaru	1,9558
CZK	Krona Ċeka	27,021
HUF	Forint Ungeriż	309,32
PLN	Zloty Pollakk	4,3118
RON	Leu Rumen	4,4890
TRY	Lira Turka	3,9709
AUD	Dollaru Awstraljan	1,3960
CAD	Dollaru Kanadiż	1,4020
HKD	Dollaru ta' Hong Kong	8,2745
NZD	Dollaru tan-New Zealand	1,4600
SGD	Dollaru tas-Singapor	1,5112
KRW	Won tal-Korea t'Isfel	1 220,64
ZAR	Rand ta' l-Afrika t'Isfel	14,3162
CNY	Yuan ren-min-bi Ċiniż	7,3295
HRK	Kuna Kroata	7,4573
IDR	Rupiah Indoneżjan	14 211,11
MYR	Ringgit Malażjan	4,7342
PHP	Peso Filippin	53,233
RUB	Rouble Russu	63,1825
THB	Baht Tajlandiż	37,359
BRL	Real Brażiljan	3,3330
MXN	Peso Messikan	21,9102
INR	Rupi Indjan	71,6095

(1) Sors: rata tal-kambju ta' referenza ppubblikata mill-Bank Ċentrali Ewropew.

9.2.2017

Il-Ġurnal Uffiċjali tal-Unjoni Ewropea

C 42/3

Għajnuna mill-Istat — Deċiżjoni biex ma jitqajmux objezzjonijiet

(2017/C 42/03)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna tal-Istat li ġejja:

Data tal-adozzjoni tad-deċiżjoni

il-11 ta’ Novembru 2016

Każ Nru

79784

Deċiżjoni Nru

201/16/COL

Stat tal-EFTA

In-Norveġja

Titolu

Tiġdid b’sitt xhur tas-sistema fiskali speċjali għat-trasport bil-baħar

Bażi ġuridika

Ir-riżoluzzjoni Parlamentari dwar id-dħul u t-taxxi fuq il-ġid nett, l-Att tat-Taxxa (LOV-1999-03-26-14) taqsimiet 8-10 sa 8-20, u r-Regolament għall-Att dwar it-Taxxa (FOR-1999-11-19-1158) taqsimiet 8-11, 8-13, 8-15, 8-16 u 8-20.

Tip ta’ miżura

Skema

Objettiv

It-trasport marittimu

Forma ta’ għajnuna

Taxxa favorevoli

Baġit

NOK 100 miljun

Tul ta’ żmien

1.1.2017 – 30.6.2017

Setturi ekonomiċi

It-trasport marittimu

Isem u indirizz tal-awtorità li tagħti l-għajnuna

Skatt Øst

P.O. Box 1073 Valaskjold

N-1705 Sarpsborg,

NORWAY

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA:

http://www.eftasurv.int/state-aid/state-aid-register/

9.2.2017

Il-Ġurnal Uffiċjali tal-Unjoni Ewropea

C 42/4

Għajnuna mill-Istat — Deċiżjoni biex ma jitqajmux oġġezzjonijiet

(2017/C 42/04)

L-Awtorità ta’ Sorveljanza tal-EFTA ma tqajjem l-ebda oġġezzjoni għall-miżura ta’ għajnuna tal-Istat li ġejja:

Data tal-adozzjoni tad-deċiżjoni	:	il-21 ta’ Novembru 2016
Każ Nru	:	79767
Deċiżjoni Nru	:	208/16/COL
Stat tal-EFTA	:	In-Norveġja
Titolu	:	Skema ta’ għajnuna għal trasport marittimu fuq distanzi qosra
Bażi ġuridika	:	Il-Parlament Norveġiż jiddeċiedi fuq l-ambitu tal-iskema ta’ għajnuna fid-deċiżjonijiet annwali tiegħu dwar il-baġit tal-istat.
Tip ta’ miżura	:	Skema
Objettiv	:	Protezzjoni ambjentali
Forma ta’ għajnuna	:	Għotjiet diretti
Baġit	:	NOK 60 miljun fis-sena
Intensità	:	Sa 30 % tal-ispejjeż operazzjonali
Durata	:	Mill-ewwel tliet xhur tal-2017 sal-ewwel tliet xhur tal-2022 (5 snin)
Setturi ekonomiċi	:	Trasport
Isem u indirizz tal-awtorità awtorizzanti	:	Il-Ministeru tat-Trasport u l-Komunikazzjonijiet/L-Amministrazzjoni tal-Kosta Norveġiża
Informazzjoni oħra	:

It-test awtentiku tad-deċiżjoni, li minnu tneħħiet l-informazzjoni kunfidenzjali kollha, jinsab fuq is-sit web tal-Awtorità ta’ Sorveljanza tal-EFTA:

http://www.eftasurv.int/state-aid/state-aid-register/

9.2.2017

Il-Ġurnal Uffiċjali tal-Unjoni Ewropea

C 42/5

Avviż ta’ ftuħ ta’ proċedimenti ta’ falliment rigward l-assijiet ta’ Gable Insurance AG, Numru ta’ reġistrazzjoni FL-0002.161.375-6

(2017/C 42/05)

Fuq talba ta’ PricewaterhouseCoopers AG Zürich, ir-Rappreżentant Speċjali ta’ Gable Insurance AG, Vaduz, infetħu proċedimenti ta’ falliment rigward l-assijiet ta’

Gable Insurance AG

Bergstrasse 10

9490 Vaduz

LIECHTENSTEIN

FL-0002.161.375-6

permezz tad-deċiżjoni tal-Qorti tal-Ġustizzja tal-Prinċipat (Fürstliche Landgericht) tas-17 ta’ Novembru 2016.

Il-qorti bil-ġurisdizzjoni f’dawn il-proċedimenti ta’ falliment hija l-Qorti tal-Ġustizzja tal-Prinċipat (Fürstliche Landgericht, Abteilung 05, Spaniagasse 1, 9490 Vaduz/Liechtenstein). In-numru ta’ referenza għal dawn il-proċedimenti ta’ falliment huwa 05 K0.2016.672.

L-amministratur tal-falliment skont l-Artikolu 4 KO (Konkursordnung, il-Kodiċi tal-Insolvenza) huwa Batliner Wanger Batliner Rechtsanwälte AG, Am Schrägen Weg 2, 9490 Vaduz. Il-komunikazzjonijiet kollha mal-amministratur tal-falliment iridu jkunu permezz tal-indirizz elettroniku gable@bwb.li

Kull persuna, li d-drittijiet tagħha ġew affettwati mill-ftuħ tal-proċedimenti ta’ falliment, tista’ tikkontesta dawn il-proċedimenti, iżda l-appell kontra d-deċiżjoni għall-ftuħ tal-proċedimenti ta’ fallimenti ma għandu jkollu ebda effett sospensiv (Artikolu 10 KO (Konkursordnung, il-Kodiċi tal-Insolvenza)). Id-dritt applikabbli huwa dak tal-Liechtenstein.

ANNESS

AVVIŻ TA’ FTUĦ TA’ PROĊEDIMENTI TA’ FALLIMENT

Fuq talba ta’ PricewaterhouseCoopers AG, Zürich, ir-Rappreżentant Speċjali ta’ Gable Insurance AG, Vaduz, infetħu proċedimenti ta’ falliment rigward l-assi ta’

Gable Insurance AG

Bergstrasse 10

9490 Vaduz

LIECHTENSTEIN

FL-0002.161.375-6

permezz ta’ deċiżjoni tal-Qorti tal-Ġustizzja tal-Prinċipat (Fürstliche Landgericht) tas-17 ta’ Novembru 2016.

L-effetti legali tal-ftuħ tal-proċedimenti ta’ falliment jibdew jgħoddu mid-19 ta’ Novembru 2016, jiġifieri jum wara l-pubblikazzjoni tal-avviż ta’ ftuħ tal-proċedimenti ta’ falliment fil-Gazzetta Uffiċjali tal-Prinċipat tal-Liechtenstein (fit-18 ta’ Novembru 2016), fl-Istati kontraenti kollha taż-ŻEE u fl-Iżvizzera.

Il-proċedimenti ta’ falliment jestendu għall-assi kollha miżmuma fl-Istati kontraenti tal-EEA u fl-Iżvizzera ta’ Gable Insurance AG, Vaduz, Numru ta’ Reġistrazzjoni FL-0002.161.375-6.

2)	Batliner Wanger Batliner Rechtsanwälte AG, Am Schrägen Weg 2, 9490 Vaduz, huwa maħtur bħala l-amministratur tal-falliment. Il-komunikazzjoni kollha mal-amministratur tal-falliment għandha ssir permezz tal-indirizz tal-email gable@bwb.li li nħoloq.

Il-kredituri kollha ta’ Gable Insurance AG qed jintalbu jirreġistraw it-talbiet tagħhom waqt li jikkwotaw il-bażi ġuridika u l-kategorija (il-kategoriji tad-dejn 1–4) ta’ kull talba, sa mhux aktar tard mill-1 ta’ Settembru 2017 mal-amministratur tal-falliment, inkluż l-ammont eżatt ta’ kull talba u kull interess applikabbli, kif ukoll jipprovdu l-provi biex jistabbilixxu t-talbiet tagħhom.

Il-kredituri li jirreġistraw it-talbiet tagħhom aktar tard minn din id-data għandhom iġarrbu kull spiża żejda li tokkorri u ma għandhom ikunu jistgħu jikkontestaw ebda talba li tkun diġà ġiet stabbilita.

Is-smigħ tal-eżami ġenerali huwa skedat għall-Erbgħa, 6 ta’ Diċembru 2017, fid-9.00 am, fl-awla tal-qorti 6, fil-Qorti tal-Ġustizzja tal-Prinċipat (Spaniagasse 1, 9490 Vaduz).

Il-kredituri kollha huma mitluba jġibu magħhom għal din is-seduta l-provi li jistabbilixxu t-talbiet tagħhom jekk dawn il-provi għadhom ma ġewx inklużi fir-reġistrazzjoni tat-talbiet tagħhom.

Il-kredituri kollha li ma għandhomx indirizz Liechtenstein huma mitluba jipprovdu lill-qorti, fi żmien tmien gimgħat, bl-isem ta’ rappreżentat għad-dokumenti notifikati (jiġifieri kull persuna fiżika jew ġuridika, jew sħubija, b’indirizz fil-Liechtenstein li għandha s-setgħa li tirċieviu d-dokumenti f’isimha). Jenħtieġ li jiġi nnotat li jekk rappreżentant ma jiġix imsemmi fiż-żmien preskritt, kull dokument għas-servizz ma jiġix notifikat, minflok jiġi trażmess lill-qorti (Artkoli 9, 12 u 25 ZustG (Zustellgesetz, Att dwar in-Notifiki Ġudizzjarji)).

Kull avviż ulterjuri rigward il-proċedimenti ta’ falliment għandu jiġi ppubblikat fuq is-sit web tal-Qorti tal-Ġustizzja tal-Prinċipat (www.gerichte.li).

Il-qorti tordna l-pubblikazzjoni tal-avviż tal-proċedimenti ta’ falliment fil-Ġurnal Uffiċjali tal-Unjoni Ewropea u għandha tipprovdi lis-Segretarjat tal-EFTA fi Brussell bl-informazzjoni kollha meħtieġa.

L-Awtorità tas-Suq Finanzjarju ta’ Liechtenstein għandha tiġi informata dwar il-ftuħ tal-proċedimenti ta’ falliment u l-effetti tiegħu skont l-Artikolu 154 VersAG (Versicherungsaufsichtsgesetz, l-Att dwar is-Superviżjoni tal-Assigurazzjoni) mill-Qorti tal-Ġustizzja tal-Prinċipat u għandha tintalab tinforma immedjatament lill-korpi superviżorji tal-Istati kontraenti l-oħra taż-ŻEE dwar il-ftuħ tal-proċedimenti ta’ falliment u l-effetti tiegħu.

Il-ftuħ tal-proċedimenti ta’ falliment għandu jiġi rreġistrat fid-dokumenti katastali tad-debituri, kif ukoll fir-reġistru pubbliku tal-Liechtenstein, ir-reġistru ta’ sekwestru u fir-reġistri kollha tad-drittijiet tal-proprjetà intellettwali, sabiex id-data tal-ftuħ tal-proċedimenti ta’ falliment tkun pubblika.

L-ordnijiet rigward l-ittri, il-kontijiet ta’ depożitu, l-assijiet ta’ flus kontanti, eċċ. tad-debitur jistgħu jiġu infurzati biss bil-kunsens tal-amministratur tal-falliment.

9)	Id-dritt applikabbli huwa d-dritt ta’ Liechtenstein.

Il-Qorti tal-Ġustizzja tal-Prinċipat

Vaduz, 17.11.2016

Mag. iur. Martina SCHÖPF-HERBERSTEIN

Imħallef tal-Qorti tal-Ġustizzja tal-Prinċipat

9.2.2017

Il-Ġurnal Uffiċjali tal-Unjoni Ewropea

C 42/8

Notifika minn qabel ta' konċentrazzjoni

(Il-Każ M.8349 — KKR/The GfK Verein/GfK)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2017/C 42/06)

Fit-2 ta' Frar 2017, il-Kummissjoni rċeviet notifika ta' konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi KKR & Co. L.P. (“KKR”, l-Istati Uniti tal-Amerika) u GfK-Nürnberg Gesellschaft für Konsum-, Markt-und Absatzforschung e.V (“The GfK Verein”, il-Ġermanja) jakkwistaw fis-sens tal-Artikolu 3(1)(b) tar-Regolament dwar l-Għaqdiet ta' GfK SE kollha kemm hi (“GfK”, il-Ġermanja) permezz ta' offerta pubblika mħabbra fil-21 ta' Diċembru 2016.

L-attivitajiet kummerċjali tal-impriżi kkonċernati huma:

—	KKR hija ditta tal-investiment dinjija li toffri firxa wiesgħa ta' servizzi ta' ġestjoni ta' assi alternattivi lill-investituri tas-suq pubbliku u s-suq privat u tipprovdi soluzzjonijiet tas-swieq ta' kapital għad-ditta, il-kumpaniji tal-portafoll tagħha u l-klijenti tagħha;

—

The GfK Verein hija organizzazzjoni mingħajr skop ta’ profitt li l-attivitajiet tagħha huma li ssir riċerka fundamentali, kooperazzjoni mill-qrib mal-istituzzjonijiet xjentifiċi, b’mod partikolari l-Università Friedrich-Alexander Erlangen-Nuernberg, iżżomm librerija u taħriġ ta’ riċerkaturi tas-suq u taħriġ kontinwu ta’ tmexxija tal-persunal;

—	GfK hija kumpanija fir-riċerka tas-suq dinjija, ikkwotata fil-Borża ta’ Frankfurt. The GfK Verein hija tal-ikbar parti interessata tagħha.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8349 — KKR/The GfK Verein/GfK, f'dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

9.2.2017

Il-Ġurnal Uffiċjali tal-Unjoni Ewropea

C 42/9

Notifika minn qabel ta' konċentrazzjoni

(Il-Każ M.8223 — Micro Focus/HPE Software Business)

(Test b'rilevanza għaż-ŻEE)

(2017/C 42/07)

Fl-1 ta' Frar 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Micro Focus tar-Renju Unit takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll tan-negozju tas-software ta' Hewlett Packard Enterprise Company (“HPE”, l-Istati Uniti tal-Amerka). It-tranżazzjoni proposta ultimament se tiġi effettwata permezz tal-amalgamazzjoni ta' sussidjarja ta’ Micro Focus ma’ u f'sussidjarja li għadha kif ġiet kostitwita ta' HPE, li se żżomm in-negozju tas-software ta’ HPE. Barra minn hekk, Micro Focus (permezz tas-sussidjarja tagħha SUSE LLC “SUSE”) u HPE daħlu fi ftehim skont liema, HPE se tittrasferixxi lil Mikro Focus ċerti assi relatati ma’ “Helion OpenStack” u “l-prodotti Stackato” ta' HPE.

L-attivitajiet kummerċjali tal-impriżi kkonċernati huma:

— għal Micro Focus: soluzzjonijiet ta' żvilupp u mainframe ta' COBOL (lingwa ta’ programmar), soluzzjonijiet għall-aċċess tal-identità u s-sigurtà, għodda ta' ġestjoni ta' żvilupp u operazzjonijiet tal-IT, soluzzjonijiet ta’ konnettività ospitanti, soluzzjonijiet ta’ kollaborazzjoni u networking u SUSE, sistema operattiva ta’ sors miftuħ.

— għan-negozju ta’ software ta' HPE: l-iżvilupp ta’ prodotti ta' software ta’ intrapriża, inklużi software għal ġestjoni ta’ software kummerċjali, ġestjoni ta' applikazzjoni taċ-ċiklu tal-ħajja, ittestjar tal-applikazzjoni mobbli, l-analitika tal-big data, ġestjoni servizzi u ta’ portafolli, awtomazzjoni u orkestrazzjoni, u sigurtà tal-intrapriżi.

3.	Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

9.2.2017

Il-Ġurnal Uffiċjali tal-Unjoni Ewropea

C 42/10

Notifika minn qabel ta’ konċentrazzjoni

(Il-Każ M.8305 — Rockwell Collins/B/E Aerospace)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2017/C 42/08)

Fit-2 ta’ Frar 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Rockwell Collins (l-Istati Uniti tal-Amerka) takkwista fis-sens tal-Artikolu 3(1)(b) tar-Regolament dwar l-Għaqdiet, il-kontroll tal-impriża B/E Aerospace kollha kemm hi (l-Istati Uniti tal-Amerka) permezz ta’ xiri ta’ ishma.

L-attivitajiet kummerċjali tal-impriżi kkonċernati huma:

—

Rockwell Collins hija manifattur u fornitur ta’ soluzzjonijiet tal-avjazzjoni u soluzzjonijiet integrati kemm għall-applikazzjonijiet kummerċjali u kemm dawk governattivi. Il-prodotti prinċipali tagħha jinkludu avjonika tal-kabina tal-bdot, elettronika tal-kabina, komunikazzjonijiet tal-missjoni, simulazzjoni u taħriġ, u ġestjoni tal-informazzjoni għal-linji tal-ajru kummerċjali u ġettijiet kummerċjali.

—	B/E Aerospace hija manifattur u fornitur ta’ prodotti tal-intern tal-kabina tal-ajruplani, fosthom seats tal-kabina tal-ajruplani, sistemi ta’ dwal, sistemi tal-ossiġinu, tagħmir għall-preparazzjoni u l-ħżin tal-ikel u x-xorb, sistemi ta’ tisħin, u sistemi modulari tat-toilets.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir- referenza M.8305 — Rockwell Collins/B/E Aerospace, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

9.2.2017

Il-Ġurnal Uffiċjali tal-Unjoni Ewropea

C 42/11

Notifika minn qabel ta’ konċentrazzjoni

(Il-Każ M.8368 — KKCG/Foxconn Technology/JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2017/C 42/09)

Fl-31 ta’ Jannar 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriżi KKCG Group (l-Isvizzera), finalment ikkontrollat minn Valea Foundation (il-Liechtenstein), u Foxconn Teknoloġija CZ s.r.o. (ir-Repubblika Ċeka, Foxconn Technology), ultimament ikkontrollata minn Hon Hai Precision Industry Co., Ltd (it-Tajwan, Hon Hai), jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll konġunt ta’ The NewCo (ir-Repubblika Ċeka) permezz ta’ xiri ta’ ishma f’kumpanija ġdida li tikkostitwixxi impriża konġunta (joint venture (JV).

L-attivitajiet kummerċjali tal-impriżi kkonċernati huma:

— KKCG Group: investimenti strateġiċi f’diversi oqsma, b’mod partikolari fiż-żejt u l-gass, il-logħob u d-divertiment, it-turiżmu u l-industrija tal-makkinarju l-aktar fl-Ewropa.

— Foxconn Technology: parti minn Hon Hai, attiva fid-dinja kollha fid-disinn, l-iżvilupp, il-manifattura, l-assemblaġġ u s-servizzi ta’ wara l-bejgħ għall-kumpaniji tal-kompjuter, il-komunikazzjonijiet u l-elettronika għall-konsumatur.

— The NewCo: investiment ta’ ekwità privata f’kumpaniji tat-teknoloġija primarjament fiż-ŻEE.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8368 — KKCG/Foxconn Technology/JV fl-indirizz li ġej:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

		ISSN 1977-0987
Il-Ġurnal Uffiċjali tal-Unjoni Ewropea		C 42

Edizzjoni bil-Malti	Informazzjoni u Avviżi	Volum 60 9 ta' Frar 2017

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2017/C 42/01	Ebda oppożizzjoni għal konċentrazzjoni notifikata (Il-Każ M.8344 — Sumitomo Corporation/Fyffes plc) ( 1 )	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2017/C 42/06	Notifika minn qabel ta' konċentrazzjoni (Il-Każ M.8349 — KKR/The GfK Verein/GfK) — Każ li jista' jiġi kkunsidrat għal proċedura ssimplifikata ( 1 )	8
2017/C 42/07	Notifika minn qabel ta' konċentrazzjoni (Il-Każ M.8223 — Micro Focus/HPE Software Business) ( 1 )	9
2017/C 42/08	Notifika minn qabel ta’ konċentrazzjoni (Il-Każ M.8305 — Rockwell Collins/B/E Aerospace) — Każ li jista’ jiġi kkunsidrat għal proċedura ssimplifikata ( 1 )	10
2017/C 42/09	Notifika minn qabel ta’ konċentrazzjoni (Il-Każ M.8368 — KKCG/Foxconn Technology/JV) — Każ li jista’ jiġi kkunsidrat għal proċedura ssimplifikata ( 1 )	11

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2017/C 42/02	Rata tal-kambju tal-euro	2
	INFORMAZZJONI DWAR IŻ-ŻONA EKONOMIKA EWROPEA
	Awtorità ta' Sorveljanza EFTA
2017/C 42/03	Għajnuna mill-Istat — Deċiżjoni biex ma jitqajmux objezzjonijiet	3
2017/C 42/04	Għajnuna mill-Istat — Deċiżjoni biex ma jitqajmux oġġezzjonijiet	4
2017/C 42/05	Avviż ta’ ftuħ ta’ proċedimenti ta’ falliment rigward l-assijiet ta’ Gable Insurance AG, Numru ta’ reġistrazzjoni FL-0002.161.375-6	5


	(1) Test b'rilevanza għaż-ŻEE.