3.2.2017

MT

Il-Ġurnal Uffiċjali tal-Unjoni Ewropea

C 35/1

---

Ebda oppożizzjoni għal konċentrazzjoni notifikata

(Il-Każ M.8307 — EP Investment/EP Investment II/EPH)

(Test b'rilevanza għaż-ŻEE)

(2017/C 35/01)

Fit-23 ta’ Jannar 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8307. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

3.2.2017

MT

Il-Ġurnal Uffiċjali tal-Unjoni Ewropea

C 35/1

---

Ebda oppożizzjoni għal konċentrazzjoni notifikata

(Il-Każ M.8316 — Advent/Brammer)

(Test b'rilevanza għaż-ŻEE)

(2017/C 35/02)

Fl-20 ta’ Jannar 2017, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32017M8316. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

3.2.2017

MT

Il-Ġurnal Uffiċjali tal-Unjoni Ewropea

C 35/2

---

Rata tal-kambju tal-euro (1)

It-2 ta’ Frar 2017

(2017/C 35/03)

1 euro =

	Munita	Rata tal-kambju
USD	Dollaru Amerikan	1,0808
JPY	Yen Ġappuniż	121,40
DKK	Krona Daniża	7,4378
GBP	Lira Sterlina	0,86068
SEK	Krona Żvediża	9,4183
CHF	Frank Żvizzeru	1,0690
ISK	Krona Iżlandiża
NOK	Krona Norveġiża	8,8575
BGN	Lev Bulgaru	1,9558
CZK	Krona Ċeka	27,022
HUF	Forint Ungeriż	308,85
PLN	Zloty Pollakk	4,3071
RON	Leu Rumen	4,5328
TRY	Lira Turka	4,0387
AUD	Dollaru Awstraljan	1,4060
CAD	Dollaru Kanadiż	1,4050
HKD	Dollaru ta' Hong Kong	8,3863
NZD	Dollaru tan-New Zealand	1,4763
SGD	Dollaru tas-Singapor	1,5232
KRW	Won tal-Korea t'Isfel	1 234,22
ZAR	Rand ta' l-Afrika t'Isfel	14,4742
CNY	Yuan ren-min-bi Ċiniż	7,4377
HRK	Kuna Kroata	7,4495
IDR	Rupiah Indoneżjan	14 431,38
MYR	Ringgit Malażjan	4,7815
PHP	Peso Filippin	53,705
RUB	Rouble Russu	64,3505
THB	Baht Tajlandiż	37,893
BRL	Real Brażiljan	3,3659
MXN	Peso Messikan	22,2623
INR	Rupi Indjan	72,6640

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

3.2.2017

MT

Il-Ġurnal Uffiċjali tal-Unjoni Ewropea

C 35/3

---

Noti ta’ Spjegazzjoni għan-Nomenklatura Magħquda tal-Unjoni Ewropea

(2017/C 35/04)

Skont it-tieni inċiż tal-Artikolu 9(1)(a) tar-Regolament tal-Kunsill (KEE) Nru 2658/87 (1), in-Noti ta’ Spjegazzjoni għan-Nomenklatura Magħquda tal-Unjoni Ewropea (2) huma b’dan emendati kif ġej:

Fil-paġna 368 jiddaħħal dan it-test:

Fil-paġna 381:

9503 00

Triċikletti, skuters, karozzi tal-pedali u ġugarelli bir-roti simili; karozzelli tal-pupi; pupi; ġugarelli oħra; mudelli f’qies imċekken (“skala”) u mudelli ta’ rikreazzjoni simili, jaħdmu jew le; logħob ta’ taħbil il-moħħ ta’ kull tip it-test: “2. dgħajjes li jintefħu biex it-tfal jilagħbu fihom.” huwa sostitwit b’dan li ġej: “2. dgħajjes li jintefħu maħsubin biex jilagħbu fihom it-tfal;” 3. Ħelikopters multirotor (l-hekk imsejħa “drons”) Wieħed jiddistingwi bejn dawn u l-oġġetti tat-titolu 8802 pereżempju minħabba l-ħeffa fil-piż tagħhom, u minħabba l-għoli, id-distanza jew iż-żmien limitat tat-titjir, il-veloċità massima tagħhom, il-fatt li mhumiex kapaċi jtiru b’mod awtonomu, u l-fatt li mhumiex kapaċi jerfgħu tagħbija jew merkanzija. Dawn jiġu kkontrollati mill-bogħod faċilment u mhumiex mgħammra b’apparat elettroniku sofistikat (eż. Sistemi ta’ lokalizzazzjoni bis-satellita (GPS), rekwiżiti għal titjiriet billejl/viżibbiltà billejl).”

---

(1)  Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).

(2)  ĠU C 76, 4.3.2015, p. 1.

---

3.2.2017

MT

Il-Ġurnal Uffiċjali tal-Unjoni Ewropea

C 35/4

---

Notifika minn qabel ta’ konċentrazzjoni

(Il-Każ M.8357 — Asahi/AB InBev CEE Divestment Business)

(Test b'rilevanza għaż-ŻEE)

(2017/C 35/05)

1.

Fis-26 ta’ Jannar 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-impriża Asahi Group Holdings Ltd (“Asahi Group”, il-Ġappun) takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll permezz ta’ xiri ta’ ishma u assi tan-negozju li jinkludi ċerti ditti u assi li bħalissa huma proprjetà ta’ Anheuser-Busch InBev NV/SA (“AB InBev”, il-Belġju) fir-Repubblika Ċeka, l-Ungerija, il-Polonja, ir-Rumanija u s-Slovakkja (in-Negozju ta’ “AB InBev CEE”).

2.

L-attivitajiet kummerċjali tal-impriżi kkonċernati huma: —   għall-Asahi Group: xorb alkoħoliku, xorb mhux alkoħoliku u prodotti tal-ikel, il-qalba tal-attività tiegħu hija l-birra, —   għan-Negozju AB InBev CEE: ċerti marki tal-birra u assi li attwalment jappartjenu għal AB InBev fir-Repubblika Ċeka, l-Ungerija, il-Polonja, ir-Rumanija u s-Slovakkja.

3.	Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8357 — Asahi/In-Negozju tad-Divestiment ta’ AB InBev CEE, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

3.2.2017

MT

Il-Ġurnal Uffiċjali tal-Unjoni Ewropea

C 35/5

---

Notifka minn qabel ta’ konċentrazzjoni

(Il-Każ M.8196 — INEOS/Arkema Assets)

(Test b'rilevanza għaż-ŻEE)

(2017/C 35/06)

1.

Fis-26 ta’ Jannar 2017, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) u wara referenza skont l-Artikolu 4(5) tar-Regolament dwar l-Għaqdiet li permezz tagħha INEOS Chemical Holdings Lussemburgu SA, ikkontrollata minn INEOS Group AG (“INEOS”, l-Iżvizzera), takkwista fis-sens tal-Artikolu 3(1)(b) tar-Regolament dwar l-Għaqdiet il-kontroll uniku permezz ta’ xiri ta’ ishma u xiri ta’ assi ta’ Oxochimie SA u ċerti assi oħra, li bħalissa huma proprjetà ta’ Arkema (li flimkien jissejħu “Arkema Assets”, Franza).

2.

L-attivitajiet kummerċjali tal-impriżi kkonċernati huma: —   INEOS: il-manifattura ta’ petrokimiċi, kimiċi speċjalizzati u prodotti taż-żejt, inklużi oxo-alcohols (bħall-Butyraldehydes, Butanol u 2-Ethylhexanol) u s-solventi derivati tagħhom, (bħall-Butyl Acetate u l-Butyl Glikol Ethers), attiva mad-dinja kollha; —   Arkema Assets: il-produzzjoni u l-forniment ta’ oxo-alcohols fiż-ŻEE.

3.	Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8196 — INEOS/Arkema Assets, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

3.2.2017

MT

Il-Ġurnal Uffiċjali tal-Unjoni Ewropea

C 35/6

---

Pubblikazzjoni ta' applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2017/C 35/07)

Din il-pubblikazzjoni tikkonferixxi d-dritt ta' oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

APPLIKAZZJONI GĦALL-APPROVAZZJONI TA' EMENDA MHUX MINURI FL-ISPEĊIFIKAZZJONI TA' DENOMINAZZJONI TA' ORIĠINI PROTETTA JEW TA' INDIKAZZJONI ĠEORAFIKA PROTETTA

Applikazzjoni għall-approvazzjoni ta' emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“CONNEMARA HILL LAMB”/“UAIN SLÉIBHE CHONAMARA”

Nru tal-UE: IE-PGI-0105-01291 — 12.12.2014

DOP ( ) IĠP ( X )

1.   Grupp applikant u interess leġittimu

Isem:	Connemara Hill Lamb
Indirizz:	Connemara Hill Lamb Ltd, Corr na Mona, Co Galway, l-Irlanda
Tel.	+353 949548798
Posta elettronika:	connemarahilllamb@eircom.net

Interess leġittimu:

L-applikant huwa l-applikant oriġinali. Connemara Hill Lamb huma grupp ta' produtturi u proċessuri tal-prodott inkwistjoni.

2.   Stat Membru jew Pajjiż Terz

L-Irlanda

3.   Intestatura fl-ispeċifikazzjoni tal-prodott affettwata mill-emenda(i)

—	☐	Isem il-prodott
—	☒	Deskrizzjoni tal-prodott
—	☐	Żona ġeografika
—	☒	Prova tal-oriġini
—	☒	Metodu tal-produzzjoni
—	☒	Rabta
—	☐	Tikkettar
—	☒	Oħrajn [Aġġornament tal-Informazzjoni ta' Kuntatt]

4.   Tip ta' emenda(i)

—	☒	Emenda fl-ispeċifikazzjoni tal-prodott ta' DOP jew IĠP irreġistrata li ma għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012
—	☐	Emenda fl-ispeċifikazzjoni tal-prodott ta' DPO jew IĠP irreġistrata li għaliha ma jkun ġie ppubblikat l-ebda Dokument Uniku (jew ekwivalenti) u li ma tistax titqies bħala emenda minuri skont it-tielet subparagrafu tal-Artikolu 53(2) tar-Regolament (UE) Nru 1151/2012.

5.   Emenda(i)

Deskrizzjoni

Sommarju:

Il-prodott li għandu jiġi protett huwa l-“Connemara Hill Lamb”, li huwa ħaruf imnissel, imwieled u mrobbi fir-reġjun ġeografiku definit. Il-ħrief għandhom piż tal-ġisem u għadam ħfief, u karkassa li għandha kopertura rqiqa ta' xaħam, ta' lewn aħmar fir-roża u b'konsistenza sħiħa u soda.

Deskrizzjoni u raġunament:

għal raġunijiet ta' ċarezza “kopertura rqiqa” hija estiża għal “kopertura rqiqa ta' xaħam” minħabba li t-terminu “kopertura” jista' ma jinftihemx mal-ewwel minn dawk li mhumiex speċjalisti.

Prova tal-Oriġini

Sommarju:

Ir-referenzi għall-konsum ta' “Connemara Hill Lamb” imorru lura għall-bidu tas-seklu dsatax, meta r-razza “Blackface” ġiet introdotta mill-Iskozja. Waqt is-snin 1850/1870, immedjatament wara l-karestija, kwantitajiet sinifikanti ta' nagħaġ tar-razza “Blackface” ġew importati mill-Iskozja biex jirgħu fl-artijiet tal-għoljiet. Il-Congested Districts Board imwaqqaf fl-1891 ġab aktar importazzjonijiet sabiex titjieb ir-razza. Minn dak iż-żmien 'il hawn ir-razza evolviet f'sottorazza speċifika u adattat għall-ħajja fil-kundizzjonijiet ħarxa ta' Connemara. Ir-razza “black face” hija partikolarment adattata għat-terren taż-żona minħabba l-kapaċità ta' rigħi tagħha li hija aħjar minn dik ta' razez oħra. Sabiex tiġi żgurata t-traċċabbiltà sħiħa mill-azjenda agrikola sal-qatla l-ħrief kollha titwaħħlilhom tikketta speċjali ma' widnejhom u tikketta mdendla mal-karkassa.

Deskrizzjoni u raġunament:

L-emendi jipprovdu aktar dettall dwar id-dehra tal-ħrief “black face” jew “brecked” (minn breac li tfisser bit-tikek bil-Gaeliku, il-lingwa Irlandiża).

Metodu ta' produzzjoni

Sommarju:

Il-laħam ġej mill-ħrief tar-razza “Blackface” li huma mnissla, imwielda u mrobbija fiż-żona ġeografika definita. Ġeneralment il-ħrief jitwieldu fir-rebbiegħa, minn April 'il quddiem (aktar tard minn ħrief Irlandiżi oħra), u jitreddgħu min-nagħaġ matul ħajjithom kollha. Il-ħrief jitħallew ħielsa jirgħu fil-ħabitat bl-għoljiet u ġeneralment jinqatlu minn 14-il ġimgħa 'l quddiem. Xi ħrief jinqatlu minn 10 ġimgħat 'il quddiem.

Deskrizzjoni u raġunament:

L-emendi fil-metodu tal-produzzjoni jikkoreġu żball fl-ispeċifikazzjoni oriġinali, li bi żball indikat li l-ħrief ġeneralment jinqatlu fl-14-il ġimgħa minflok ma għamlitha ċara li ġeneralment din kienet l-età minima li fiha sseħħ il-qatla bl-età massima għall-qtil tkun limitata għal mhux aktar minn 32 ġimgħa. Il-perjodu naturali tat-treddigħ huwa sa 16-il ġimgħa u minħabba li l-ħrief huma ħielsa sabiex jirgħu fil-ħabitat bl-għoljiet, il-qatla tista' sseħħ f'età akbar.

Rabta

Sommarju:

Ġeneralment il-ħrief jitwieldu fir-rebbiegħa, minn April 'il quddiem (aktar tard minn ħrief Irlandiżi oħra), u jitreddgħu min-nagħaġ għall-perjodu naturali ta' treddigħ ta' 16-il ġimgħa jew matul ħajjithom kollha. Il-ħrief jitħallew ħielsa jirgħu fil-ħabitat bl-għoljiet u ġeneralment jinqatlu mill-14-il ġimgħa 'l quddiem bi żmien massimu tal-qatla ta' 32 ġimgħa. Xi ħrief jinqatlu minn 10 ġimgħat 'il quddiem. It-terren imħarbat ifisser li l-ħrief huma aktar aġili minn dawk taż-żoni l-baxxi u għaldaqstant il-kompożizzjoni tal-karkassa hija iżgħar, b'piż ta' bejn 9 kg u 20 kg meta mqabbla mal-25 kg tal-ħrief taż-żoni l-baxxi.

Deskrizzjoni u raġunament:

L-applikazzjoni sħiħa ppreżentata lill-Kummissjoni bħala parti mid-dossier “Connemara Hill Lamb” u li ġiet ippubblikata fil-bażi tad-dejta DOOR kellha firxa tal-piż ta' 9-18-il kg. Madankollu bi żball ġiet inkluża ċifra waħda ta' 10 kg minflok firxa tal-piż fis-sommarju oriġinali ppubblikat. Il-limitu massimu ta' 18-il kg qed jiżdied għal 20 kg sabiex titqies iż-żieda fid-daqs tal-ħrief fuq għaxar snin minħabba t-tnaqqis tal-merħliet, primarjament minħabba raġunijiet ambjentali u l-kontroll tal-felċi li tejjeb il-flora fiż-żona.

Fil-perjodu ta' bejn l-2005 u l-2014 il-Kontea ta' Galway rat tnaqqis ta' 112 000 fil-popolazzjoni tan-nagħaġ minn 509 074 għal 397 989 (iċ-ċensiment annwali tan-nagħaġ tad-Dipartiment). L-għażla tal-missier annimal ippermettiet ukoll il-produzzjoni ta' ħaruf ta' tip aħjar u itqal. (Il-bdiewa jistgħu jagħżlu l-missier annimal eż. Galway/Mayo Blackface/Brecked, Texel, Suffolk, Beltex, Charlois, eċċ.)

Oħrajn: (Aġġornament tal-Informazzjoni ta' Kuntatt)

(Dipartiment Responsabbli fl-Istat Membru)

Isem	:	Department of Agriculture, Food and the Marine
Indirizz	:	Agriculture House, Kildare Street, Dublin 2, l-Irlanda.
Telefon	:	+353 16072371
Faks	:	+353 16072038
Posta elettronika	:	geographicalIndications@agriculture.gov.ie

Deskrizzjoni u raġunament:

It-titlu tad-Dipartiment inbidel fl-2011 sabiex jinkludi l-ambjent Marittimu

Oħrajn: (Deskrizzjoni Konċiża taż-Żona Ġeografika)

(Żona Ġeografika)

Sommarju:

Iż-żona ġeografika hija dik li tinsab fil-Punent ta' Corrib Basin inkluż il-gżejjer ta' Inishmaan, Inisheer u Inishmore u tirrappreżenta żona fil-Punent tal-Irlanda magħrufa internazzjonalment bħala Connemara. Il-pajsaġġ ta' din iż-żona huwa kkaraterizzat minn muntanji, artijiet mistagħdra u lagi. Il-ħrief jitrabbew fuq it-terren muntanjuż fejn jirgħu fuq ħaxix tal-muntanji, ħaxix tax-xagħri u ħwawar.

Deskrizzjoni u raġunament:

L-emendi jagħtu stampa aktar ċara rigward il-limiti taż-żona ġeografika u jinkludu Gżejjer li ma kinux speċifikament imsemmija fl-applikazzjoni oriġinali imma jinsabu fil-firxa ġeografika, jiġiferi fil-Punent taż-żona tal-pajjiż.

Oħrajn: (Aġġornament tal-Informazzjoni ta' Kuntatt)

(Korp ta' Spezzjoni)

Isem	:	Department of Agriculture, Food and the Marine
Indirizz	:	Agriculture House, Kildare Street, Dublin 2, l-Irlanda.
Telefon	:	+353 16072371
Faks	:	+353 16072038
Posta elettronika	:	geographicalIndications@agriculture.gov.ie

DOKUMENT UNIKU

“CONNEMARA HILL LAMB”/“UAIN SLÉIBHE CHONAMARA”

Nru tal-UE: IE-PGI-0105-01291 — 12.12.2014

DOP ( ) IĠP ( X )

1.   Isem/ismijiet

“Connemara Hill Lamb”/“Uain Sléibhe Chonamara”

2.   Stat Membru jew Pajjiż Terz

L-Irlanda

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta' prodott

Klassi 1.1. Laħam frisk (u l-ġewwieni)

3.2.   Deskrizzjoni tal-prodott li għalih japplika l-isem f'(1)

“Connemara Hill Lamb” huwa laħam minn ħrief tal-omm annimal tar-razza “BlackFace”/“brecked”, imwielda u mrobbija f'merħla ta' nagħaġ “Connemara Mayo Blackfaced”/“brecked” u f'art maħduma fi ħdan iż-żona ġeografika. Il-ħrief għandhom piż tal-ġisem u għadam ħfief, u karkassa li għandha kopertura rqiqa ta' xaħam, il-laħam huwa ta' lewn aħmar fir-roża u b'konsistenza sħiħa u soda. Il-ħaruf għandu togħma naturali sukkulenti b'aroma qawwija ferm. Dan ikun disponibbli minn Lulju sa Jannar (xi drabi minn Ġunju).

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Ma jsirx għalf intensiv minħabba li l-ħrief jitrabbew b'mod estensiv fuq bwar fi ħdan iż-żona ġeografika, skont il-prattiki tradizzjonali ta' trobbija tan-nagħaġ ta' Connemara. Għalf addizzjonali jista' jingħata biss xi drabi fejn l-għalf ikun meħtieġ minħabba nuqqas ta' veġetazzjoni, kundizzjonijiet ħżiena tat-temp jew nuqqas ta' tkabbir tal-ħrief, u dan ikun għalf approvat mid-Dipartiment tal-Agrikultura użat biex jissupplimenta r-ragħa tal-ħaxix.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Il-laħam ġej mill-ħrief tal-omm annimal tar-razza “Blackface”/“brecked”, imnissla, imwielda u mrobbija fiż-żona ġeografika definita.

3.5.   Regoli speċifiċi dwar it-tqattigħ, it-tħakkik, l-ippakkjar, eċċ.

—

3.6.   Regoli speċifiċi dwar it-tikkettar

L-indikazzjoni ġeografika “Connemara Hill Lamb” jew “Uain Sléibhe Chonamara” trid tidher fuq il-karkassi, il-partijiet tal-karkassi jew il-qatgħat flimkien mas-simbolu tal-IĠP.

4.   Deskrizzjoni fil-qosor taż-żona ġeografika

Iż-żona ġeografika hija dik li tinsab fil-Punent ta' Corrib Basin mill-belt ta' Galway sa Westport inkluż il-Gżejjer Aran (Inishmaan, Inisheer, Inishmore) Inishshark, Omey, Inishbofin, Inishturk, il-Gżira Clare u l-gżejjer mhux abitati kollha li jirrappreżentaw żona fil-Punent tal-Irlanda magħrufa internazzjonalment bħala Connemara.

5.   Rabta maż-żona ġeografika

Speċifiċità taż-żona ġeografika

Il-pajsaġġ taż-żona huwa kkaraterizzat minn muntanji, artijiet mistagħdra u lagi. Il-ħrief jitrabbew fuq it-terren muntanjuż fejn jirgħu fuq ħaxix tal-muntanji, ħaxix tax-xagħri u ħwawar.

Il-kostitwenti prinċipali huma l-ħxejjex Agrostis Spp. Festuca Spp. u Molina, is-sogħda Carex Spp. Scipus cespitosus, Eriophorum angustifolium u Trichophurum cespitosum. Pjanti importanti oħrajn fid-dieta huma l-ħaxix tax-xagħri Calluna vulgaris, Erica tetralix u Erica cinerea u l-pjanti Nartecium ossifragum u Potentilla erecta.

Speċifiċità tal-prodott

Ir-razza “Blackface”/“brecked” hija partikolarment adattata għat-terren taż-żona minħabba l-ħila tagħha li ssib foraġġ aħjar minn razez oħra.

It-terren imħarbat ifisser li l-ħrief huma aktar aġili minn dawk taż-żoni l-baxxi u għaldaqstant il-kompożizzjoni tal-karkassa hija iżgħar, b'piż ta' bejn 9 kg u 20 kg meta mqabbla mal-25 kg tal-ħrief taż-żoni l-baxxi.

Ġeneralment il-ħrief jitwieldu fir-rebbiegħa, minn April 'il quddiem (aktar tard minn ħrief Irlandiżi oħra), u jitreddgħu min-nagħaġ għall-perjodu naturali tat-treddigħ ta' 16-il ġimgħa jew matul ħajjithom kollha. Il-ħrief jitħallew ħielsa jirgħu fil-ħabitat bl-għoljiet u ġeneralment jinqatlu minn 14-il ġimgħa 'l quddiem bi żmien massimu tal-qatla ta' 32 ġimgħa. Xi ħrief jinqatlu minn 10 ġimgħat 'il quddiem.

Rabta kawżali bejn iż-żona ġeografika jew il-kwalità, ir-reputazzjoni jew karatteristiċi oħra speċifiċi tal-prodott

Kwalità Speċifika: It-togħma, l-aroma u l-kulur tal-“Connemara Hill Lamb” huma direttament marbuta mal-flora lokali fejn jirgħu l-ħrief. Id-dieta tissejjes fuq ħaxix tal-muntanji, ħaxix tax-xagħri u ħwawar, komuni fiż-żona tal-produzzjoni.

Referenza għall-pubblikazzjoni tal-Ispeċifikazzjoni

(it-tieni subparagrafu tal-Artikolu 6(1) ta' dan ir-Regolament)

http://www.agriculture.gov.ie/gi/pdopgitsg-protectedfoodnames/products/

---

(1)  ĠU L 343, 14.12.2012, p. 1.

---