26.1.2017   

MT

Il-Ġurnal Uffiċjali tal-Unjoni Ewropea

C 26/1

26.1.2017   

MT

Il-Ġurnal Uffiċjali tal-Unjoni Ewropea

C 26/2

(1)

Skont l-Artikolu 9 tar-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (1), il-Kummissjoni tista’ tiddeċiedi – f’dawk il-każijiet fejn ikollha l-intenzjoni li tadotta deċiżjoni li tobbliga li ksur jinġieb fi tmiemu l-partijiet ikkonċernati joffru li jidħlu għal irbit li jkun jissodisfa t-tħassib indikat lilhom mill-Kummissjoni fl-evalwazzjoni preliminari tagħha – li dak l-irbit isir vinkolanti fuq l-impriżi. Deċiżjoni bħal din tista’ tiġi adottata għal perjodu speċifiku u tikkonkludi li ma hemmx aktar raġunijiet għal azzjoni mill-Kummissjoni.

(2)

Skont l-Artikolu 27(4) tal-istess Regolament, il-Kummissjoni għandha tippubblika sommarju konċiż tal-każ u l-kontenut prinċipali tal-impenji. Il-partijiet interessati jistgħu jippreżentaw l-kummenti tagħhom sal-limitu taż-żmien stabbilit mill-Kummissjoni.

(3)

Fid-9 ta’ Diċembru 2016, il-Kummissjoni adottat valutazzjoni preliminari fis-sens tal-Artikolu 9(1) tar-Regolament (KE) Nru 1/2003, dwar ksur allegat minn Amazon.com, Inc., u l-impriżi relatati magħha, fosthom Amazon EU S.à.r.l., Amazon Media EU S.à.r.l. u Amazon Digital Services Inc. (minn hawn ’il quddiem imsejħa kollettivament “Amazon”) f’dak li għandu x’jaqsam mad-distribuzzjoni bl-imnut ta’ e-books lil konsumaturi fiż-ŻEE.

(4)

Skont il-valutazzjoni preliminari, Amazon tista' tkun dominanti fis-swieq rilevanti għad-distribuzzjoni bl-imnut fil-livell ta’ e-books bil-lingwa Ingliża u Ġermaniża lil konsumaturi fiż-ŻEE. Il-valutazzjoni preliminari esprimiet it-tħassib tal-Kummissjoni li Amazon setgħet abbużat mill-pożizzjoni dominanti tagħha bi ksur tal-Artikolu 102 tat-Trattat u l-Artikolu 54 tal-Ftehim dwar iż-ŻEE billi tirrikjedi li Fornituri tal-e-books (2) (i) biex jinnotifikaw lil Amazon b'termini u kundizzjonijiet alternattivi jew aktar favorevoli u kundizzjonijiet li joffru bnadi oħra u / jew (ii) biex jagħmlu disponibbli għal Amazon termini u kundizzjonijiet li, direttament jew indirettament jiddependu fuq it-termini u l-kundizzjonijiet offruti Bejjiegħ bl-Imnut ieħor tal-e-books (3) (minn hawn ’il quddiem kollettivament imsejħa “il-Klawżoli tal-Parità”). It-tħassib preliminari tal-Kummissjoni jiffoka fuq il-Klawżoli tal-Parità li ġejjin:

(5)

Klawżoli li jirrikjedu l-Fornituri ta' e-books biex jinnotifikaw u joffru lil Amazon it-termini għat-tqassim ta’ e-books skont il-mudell tan-negozju partikolari bħala riżultat tad-distribuzzjoni ta’ e-books mill-Fornitur ta' e-books skont dan il-mudell tan-negozju permezz ta’ kwalunkwe Bejjiegħ bl-Imnut tal-e-books apparti Amazon (“Parità tal-Mudell tan-Negozju”).

(6)

Klawżoli li jitolbu Fornitur tal-e-books li jqiegħed għad-dispożizzjoni ta' Amazon (i) e-book partikolari f'territorju partikolari u / jew f’data u ħin partikolari bħala bħala riżultat tad-distribuzzjoni ta' dan l-e-book lil kwalunkwe Bejjiegħa bl-Imnut tal-e-books għajr Amazon (“Parità tal-Għażla”) u / jew (ii) kull karatteristika, funzjonalità, regola tal-użu, element jew kontenut għal e-book wieħed jew aktar bħala riżultat tal-fatt li l-Fornitur tal-e-books jagħmel dik il-karatteristika, il-funzjonalità, ir-regola tal-użu, element jew il-kontenut disponibbli għal dak l-e-book permezz ta’ Bejjiegħa bl-Imnut tal-e-books għajr Amazon (“Parità tal-Karatteristiċi”).

(7)

Klawżoli (i) li jirrikjedu Fornitur tal-e-books li jistabbilixxu prezz tal-aġenzija għal Amazon li jiddependi b'xi mod fuq il-prezz tal-aġenzija stabbilit mill-Fornitur tal-e-books (jew iċċarġjat mill-Bejjiegħ bl-Imnut tal-e-books) fuq xi Bejjiegħ bl-Imnut tal-e-books għajr Amazon, jew fuq il-prezzijiet tal-bejgħ mill-ġdid li jintalab lill-konsumaturi minn Bejjiegħa bl-Imnut tal-e-books għajr Amazon (“Parità tal-Prezz tal-Aġenzija”) u / jew (ii) li jobbligaw lill-Fornitur tal-e-books li joffri lil Amazon xi prezz promozzjonali bl-ingrossa, tal-aġenzija jew kontenut promozzjonali b’riżultat tal-fatt li Fornitur tal-e-books joffri prezz promozzjonali bl-ingrossa, tal-aġenzija jew kontenut promozzjonali permezz ta' Bejjiegħ bl-Imnut tal-e-books għajr Amazon (“Parità tal-Promozzjoni”) u / jew (iii) jipprevedi “riżerva” ta’ krediti li Amazon tista' tuża għad-diskrezzjoni tagħha biex tagħti roħs fuq il-prezzijiet tal-aġenzija għal kwalunkwe e-book fornut minn dak il-Fornitur ta' e-books fuq Amazon. L-aggregazzjoni hija kkalkulata abbażi tad-differenzi bejn il-prezzijiet tal-aġenzija stabbiliti mill-Fornitur ta’ e-books għall-e-books tiegħu fuq Amazon u l-prezzijiet tal-aġenzija jew prezzijiet ta' rivenditur għal dawk l-e-books disponibbli permezz tal-Bejjiegħa bl-Imnut oħra ta' e-books. Id-dħul lill-Fornitur tal-e-books u l-kummissjonijiet lil Amazon huma kkalkulati fuq il-bażi ta’ prezz tal-aġenzija skontat (“Dispożizzjonijiet ta' Riżerva ta' Skonti”).

(8)

Klawżoli li jitolbu lill-Fornituri tal-e-books li jagħtu lil Amazon prezz bl-ingrossa li jiddependi b'xi mod fuq il-prezzijiet bl-ingrossa jew il-prezz tal-aġenzija li Fornitur ta' e-book jipprovdi lil kwalunkwe Bejjiegħ bl-Imnut tal-e-books għajr Amazon, jew il-prezz tal-bejjiegħ mill-ġdid mitlub lill-konsumaturi minn kwalunkwe Bejjiegħ bl-Imnut tal-e-books għajr Amazon (“Parità ta’ Prezz bl-Ingrossa”).

(9)

Klawżoli li jitolbu lill-Fornituri tal-e-books li jinnotifikaw lil Amazon jekk jagħmlu disponibbli diversi mudelli ta’ negozju alternattivi, e-books, dati tad-disponibbiltà, karatteristiċi, promozzjonijiet jew prezzijiet irħas għall-bejgħ bl-ingrossa u prezzijiet irħas tal-aġenzija lil Bejjiegħa bl-Imnut tal-e-books għajr Amazon (“Dispożjonijiet ta' Notifika Ġenerali”).

(10)

Fil-valutazzjoni preliminari, il-Kummissjoni kienet tal-fehma preliminari li l-Mudell tal-Parità tan-Negozju u d-Dispożizzjonijiet ta' Notifika rispettivi jistgħu (i) jnaqqsu l-inċentivi tal-Fornituri tal-e-books biex jappoġġaw u jinvestu f’mudelli ta’ negozju ġodda u innovattivi alternattivi, (ii) inaqqsu l-abbiltà tal-kompetituri ta' Amazon u l-inċentivi tagħhom biex jiżviluppaw u jiddifferenzjaw l-offerti tagħhom permezz ta’ tali mudelli ta’ negozju, (iii) jiskoraġġixxu d-dħul fis-suq u / jew l-espansjoni tal-Bejjiegħa bl-Imnut tal-e-books, u b’hekk jistgħu jkunu qed idgħajfu l-kompetizzjoni fil-livell tad-distribuzzjoni tal-e-books u t-tisħiħ tal-pożizzjoni diġà dominanti ta' Amazon.

(11)

Barra minn hekk, il-Parità tal-Għażla u l-Karatteristika tal-Parità tista' tkun kapaċi li (i) tnaqqas tal-inċentivi tal-Fornituri tal-e-books u l-Bejjiegħa bl-Imnut tal-e-books biex jiżviluppaw e-books li mhumiex prinċipalment test u jżommu d-differenzjazzjoni tal-Bejjiegħa bl-Imnut tal-e-books, u b’hekk potenzjalment idgħajfu l-kompetizzjoni fil-livell tad-distribuzzjoni tal-e-books, (ii), idgħajfu u jiskoraġġixxu l-kompetizzjoni u / jew l-espansjoni tal-Bejjiegħa bl-Imnut tal-e-books billi jillimitaw l-iskop għal offerti differenzjati minn Bejjiegħa bl-Imnujt tal-e-books, li jistgħu jirriżultaw fi prezzijiet ogħla u inqas għażla għall-konsumaturi.

(12)

Barra minn hekk, il-Parità tal-Prezz tal-Aġenzij, il-Parità tal-Promozzjoni, id-Dispożizzjonijiet dwar ir-Riżerva ta' Skont, u d-Dispożizzjonijiet ta' Notifika rispettivi (flimkien mal-aġir ta’ Amazon immirat lejn il-kisba ta’ parità tal-prezzijiet bl-imnut) tista’ tkun kapaċi li (i) tiskoraġġixxi d-dħul jew l-espansjoni tal-Bejjiegħa bl-Imnut tal-e-books, u b’hekk issaħħaħ il-pożizzjoni potenzjalment dominanti ta' Amazon (ii) tippermetti lil Amazon biex titnaqqas il-kompetizzjoni bejn Bejjiegħa bl-Imnut tal-e-books u b’hekk tikseb livelli ogħla ta’ kummissjoni minn Fornituri tal-e-books, li fl-aħħar mill-aħħar jistgħu jwasslu għal żieda fil-prezzijiet bl-imnut tal-e-books.

(13)

Fl-aħħar nett, il-Parità tal-Prezz bl-Ingrossa (i) jista’ jkun ta’ tfixkil għall-Bejjiegħa bl-Imnut tal-e-books milli jidħlu u jespandu fis-swieq rilevanti billi joffru prezzijiet aktar baxxi bl-imnut tal-e-books lill-konsumaturi għajr Amazon u (ii) jistgħu jsaħħu l-effetti potenzjali tal-Parità tal-Għażla billi jiżguraw li Amazon ikollha aċċess għall-e-books fl-aħjar termini bl-ingrossa fil-każ li Fornituri tal-e-books jippreferu ma joffrux e-book partikolari lil Amazon.

(14)

Il-valutazzjoni preliminari esprimiet it-tħassib tal-Kummissjoni li l-Klawżoli kollha tal-Parità deskritti hawn fuq jirrappreżentaw, fihom infushom, abbuż potenzjali tal-pożizzjoni dominanti ta' Amazon fis-swieq rilevanti fiż-ŻEE. Barra minn hekk, il-Kummissjoni b’mod preliminari tqis li l-kombinazzjoni tal-Klawżoli differenti Relatati mal-Prezzijiet (jiġifieri, l-Parità tal-Prezz tal-Aġenzija, id-Dispożizzjonijiet tar-Riżerva ta' Skont, il-Parità tal-Promozzjoni, il-Parità tal-Prezz tal-Bejgħ bl-Ingrossa, u l-Parità tal-Kummissjoni tal-Aġenzija (4)), Klawżoli ta' Parità mhux Relatati mal-Prezz (jiġifieri, Parità tal-Mudell tan-Negozju, Parità tal-Għażla u Karatteristiċi) u d-Dispożizzjoniet ta' Notifika x'aktarx li se jirrinforza l-effetti antikompetittivi ta’ Klawżoli għall-Parità individwali.

(15)

Amazon ma taqbilx mal-valutazzjoni preliminari tal-Kummissjoni. Madankollu, offrriet li tieħu impenji skont l-Artikolu 9 tar-Regolament (KE) Nru 1/2003, biex tindirizza t-tħassib tal-Kummissjoni dwar il-kompetizzjoni. L-elementi prinċipali tal-impenji huma kif ġej:

(16)

Dawn l-impenji jinsabu ppubblikati kollha bl-Ingliż fuq is-sit web tad-Direttorat-Ġenerali għall-Kompetizzjoni, fuq:

http://ec.europa.eu/competition/index_en.html

(17)

Wara li jsir l-ittestjar tas-suq, il-Kummissjoni beħsiebha tadotta deċiżjoni skont l-Artikolu 9(1) tar-Regolament tal-Kunsill (KE) Nru 1/2003 li fiha tiddikjara li l-impenji mniżżlin fil-qosor hawn fuq u ppubblikati fuq l-internet fuq is-sit web tad-Direttorat Ġenerali għall-Kompetizzjoni huma vinkolanti.

(18)

Skont l-Artikolu 27(4) tar-Regolament (KE) Nru 1/2003, il-Kummissjoni tistieden lil terzi persuni interessati biex jippreżentaw il-kummenti tagħhom dwar l-impenji proposti. Dawn il-kummenti jridu jaslu għand il-Kummissjoni sa mhux aktar tard minn xahar wara d-data ta’ din il-pubblikazzjoni. It- terzi persuni interessati huma wkoll mistiedna jippreżentaw verżjoni mhux kunfidenzjali tal-kummenti tagħhom, li fiha kwalunkwe informazzjoni li jiddikjaraw li hija sigriet kummerċjali u informazzjoni kunfidenzjali oħra għandha titħassar u tiġi ssostitwita kif xieraq b'sommarju mhux kunfidenzjali jew bil-kliem “sigrieti kummerċjali” jew “kunfidenzjali”.

(19)

Ir-risposti u l-kummenti għandhom preferibbilment ikunu motivati u għandhom jippreżentaw il-fatti rilevanti. Jekk tidentifika problema fi kwalunkwe parti tal-impenji proposti, il-Kummissjoni tistiednek ukoll biex tissuġġerixxi soluzzjoni possibbli.

(20)

Il-kummenti jistgħu jintbagħtu lill-Kummissjoni bir-referenza AT.40153 E-book MFNs u kwistjonijiet relatati jew bl-email (COMP-GREFFE-ANTITRUST@ec.europa.eu), inkella bil-faks (+322 2950128) jew bil-posta, f'dan l-indirizz:

26.1.2017   

MT

Il-Ġurnal Uffiċjali tal-Unjoni Ewropea

C 26/5

26.1.2017   

MT

Il-Ġurnal Uffiċjali tal-Unjoni Ewropea

C 26/6

26.1.2017   

MT

Il-Ġurnal Uffiċjali tal-Unjoni Ewropea

C 26/7

Data tal-adozzjoni tad-deċiżjoni

:

Ll-24 ta’ Ottubru 2016

Każ Nru

:

79525

Deċiżjoni Nru

:

193/16/COL

Stat EFTA

:

L-Iżlanda

Titlu (u/jew l-isem tal-benefiċjarju)

:

Il-bejgħ tal-elettriku lil Norðurál

Bażi ġuridika

:

It-Tielet Emenda għall-kuntratt tal-elettriku konkluż fl-1997 bejn Landsvirkjun u Norðurál Grundartangi ehf.

Tip ta’ miżura

:

L-ebda għajnuna mill-Istat

26.1.2017   

MT

Il-Ġurnal Uffiċjali tal-Unjoni Ewropea

C 26/8

—

sħab soċjali Ewropej u/jew nazzjonali;

—

ministeri tax-xogħol jew korpi assoċjati (aġenziji jew kunsilli);

—

servizzi tal-impjieg pubbliċi jew privati;

—

istituti ta’ riċerka tas-suq tax-xogħol, uffiċċji nazzjonali tal-istatistika;

—

intrapriżi pubbliċi jew privati, żgħar, medji jew kbar (inklużi intrapriżi soċjali);

—

aġenziji tal-iżvilupp ekonomiku;

—

kmamar tal-kummerċ, tal-industrija jew tax-xogħol;

—

assoċjazzjonijiet settorjali jew professjonali tal-impjegaturi jew tal-impjegati, kmamar tas-snajja' b’ħiliet;

—

organizzazzjonijiet umbrella settorjali Ewropej jew nazzjonali;

—

fornituri tat-taħriġ jew l-edukazzjoni fil-livell lokali, reġjonali jew nazzjonali;

—

istituti ta’ riċerka bbażati fuq is-settur;

—

korpi li jipprovdu gwida għall-karriera, konsulenza professjonali u servizzi ta’ informazzjoni;

—

awtoritajiet pubbliċi responsabbli għall-edukazzjoni u t-taħriġ fil-livell reġjonali jew nazzjonali;

—

intrapriżi pubbliċi jew privati (inklużi intrapriżi soċjali) b’mod partikolari dawk li għandhom dipartiment tat-taħriġ tagħhom stess, dawk li jipprovdu l-apprendistati, u dawk li jipprovdu taħriġ kondiviż (taħriġ kollaborattiv);

—

organizzazzjonijiet tal-UE jew nazzjonali li jirrappreżentaw l-industrija, intrapriżi żgħar u ta’ daqs medju, organizzazzjonijiet settorjali rilevanti;

—

fornituri pubbliċi jew privati tal-ETV, inklużi ċentri għat-taħriġ bejn il-kumpaniji u istituzzjonijiet ta' edukazzjoni għolja li jipprovdu l-ETV;

—

netwerks tal-fornituri tal-ETV u organizzazzjonijiet Ewropej jew nazzjonali li jirrappreżentawhom;

—

awtoritajiet tal-Edukazzjoni u t-Taħriġ fil-livell reġjonali jew nazzjonali, u l-Ministeri;

—

organizzazzjonijiet jew netwerks – fil-livell tal-UE jew nazzjonali – li jirrappreżentaw is-sħab soċjali, l-industrija, l-organizzazzjonijiet settorjali, il-professjonijiet u l-partijiet ikkonċernati tal-edukazzjoni u t-taħriġ, inklużi l-organizzazzjonijiet taż-żgħażagħ;

—

kmamar tal-kummerċ, tal-industrija, tas-snajja' b’ħiliet jew tax-xogħol, u korpi intermedjarji oħrajn;

—

kunsilli tal-ħiliet settorjali;

—

aġenziji ta’ żvilupp ekonomiku, korpi tal-istatistika u istituti ta’ riċerka;

—

korpi kulturali u/jew kreattivi;

—

korpi li jipprovdu gwida għall-karriera, konsulenza professjonali, servizzi ta’ informazzjoni u servizzi tal-impjieg;

—

korpi ta’ akkreditazzjoni, ċertifikazzjoni, rikonoxximent jew ta’ kwalifika (korpi b’“funzjoni regolatorja”).

—

intrapriżi pubbliċi jew privati attivi fis-setturi piloti magħżulin speċjalment dawk li għandhom dipartiment tat-taħriġ tagħhom stess, dawk li jipprovdu l-apprendistati, u dawk li jipprovdu taħriġ kondiviż (taħriġ kollaborattiv);

—

organizzazzjonijiet tal-UE jew nazzjonali li jirrappreżentaw l-industrija, intrapriżi żgħar u ta’ daqs medju, organizzazzjonijiet settorjali rilevanti;

—

fornituri pubbliċi jew privati tal-edukazzjoni jew it-taħriġ, inklużi ċentri għat-taħriġ u istituzzjonijiet ta’ edukazzjoni għolja (u akkademji militari tas-settur tad-difiża);

—

netwerks tal-fornituri tal-edukazzjoni jew it-taħriġ u organizzazzjonijiet Ewropej jew nazzjonali li jirrappreżentawhom;

—

awtoritajiet responsabbli għall-edukazzjoni u t-taħriġ jew l-impjieg, fil-livell reġjonali jew nazzjonali, u l-Ministeri relatati;

—

organizzazzjonijiet jew netwerks – fil-livell tal-UE jew nazzjonali – li jirrappreżentaw is-sħab soċjali, l-industrija, l-organizzazzjonijiet settorjali, il-professjonijiet u l-partijiet ikkonċernati tal-edukazzjoni u t-taħriġ, inklużi l-organizzazzjonijiet taż-żgħażagħ;

—

kmamar tal-kummerċ, tal-industrija, tax-xogħol u korpi intermedjarji settorjali rilevanti oħrajn;

—

kunsilli tal-ħiliet settorjali;

—

aġenziji ta’ żvilupp ekonomiku, korpi tal-istatistika u istituti ta’ riċerka;

—

korpi li jipprovdu gwida għall-karriera, konsulenza professjonali, servizzi ta’ informazzjoni u servizzi tal-impjieg;

—

korpi ta’ akkreditazzjoni, ċertifikazzjoni, rikonoxximent jew ta’ kwalifika (korpi b’ “funzjoni regolatorja”).

—

korpi li jirrappreżentaw l-awtoritajiet rilevanti fil-livell reġjonali u nazzjonali.

—

it-28 Stat Membru tal-Unjoni Ewropea,

—

Pajjiżi tal-Programm li mhumiex fl-UE: l-Eks-Repubblika Jugoslava tal-Maċedonja, l-Iżlanda, il-Liechtenstein, in-Norveġja, it-Turkija.

—

il-ġbir u l-interpetazzjoni tal-evidenza tal-ħtiġijiet tal-ħiliet fis-suq tax-xogħol f’settur ekonomiku partikolari, inkluż fuq il-bażi tal-Panorama tal-Ħiliet (eż. it-tbassir tal-ħiliet Cedefop, data tal-istħarriġ varja, punti ewlenin analitiċi) u, fejn rilevanti, fuq ix-xogħol tal-Kunsilli ta’ Ħiliet Settorjali Ewropej jew l-Alleanzi tal-Ħiliet Settorjali preċedenti;

—

l-analiżi tax-xejriet u l-isfidi li jsawru s-settur u s-suq tax-xogħol tiegħu b’fokus fuq xpruni għal bidla li jistgħu jinfluwenzaw id-domanda u l-provvista ta’ ħiliet fis-settur (eż. l-awtomazzjoni, id-demografija);

—

fuq il-bażi tal-attivitajiet ta’ hawn fuq, il-provvediment ta’ valutazzjoni ddettaljata tan-nuqqasijiet, id-diskrepanzi u n-nuqqas ta’ tlaqqigħ tal-ħiliet attwali u antiċipati fis-settur (kemm il-ħiliet speċifiċi għax-xogħol kif ukoll il-ħiliet personali), kif ukoll il-ħtieġa li jiġu rriveduti l-profili okkupazzjonali, tiġi indikata l-prijorità li fiha huma jenħtieġ li jiġu indirizzati, fuq il-baż, i fost l-oħrajn, tal-impatt tagħhom fuq il-potenzjal tat-tkabbir u l-kompetittività fis-settur u fuq l-impjieg (eż. telf ta’ impjieg probabbli, pożizzjonijiet vakanti li diffiċli biex jimtlew).

—

l-analiżi tal-impatt potenzjali ta’ tali ħtiġijiet tal-ħiliet fuq it-tkabbir u l-impjieg fis-settur;

—

l-analiżi ta’ xejriet ewlenin li jaffettwaw is-setturi interrelatati mill-qrib, sabiex jiġu koperti l-effetti konsegwenzjali potenzjali-;

—

l-identifikazzjoni tal-ħtiġijiet f’termini tal-provvediment tat-taħriġ, fuq il-bażi ta’, fejn disponibbli, il-profili okkupazzjonali tal-klassifikazzjoni tal-ESCO;

—

it-twassil tal-evidenza kwalitattiva u d-data kwantitattiva rilevanti kollha fil-livell tal-UE u/jew tal-pajjiż dwar il-ħiliet, l-impjiegi u l-prestazzjoni ekonomika tas-settur f’forma elettronika, f’format ta’ data miftuħa marbut, sabiex tkun tista’ tiddaħħal fil-Panorama tal-Ħiliet (http://skillspanorama.cedefop.europa.eu/en).

—

fuq il-bażi ta’ ħtiġijiet tal-ħiliet identifikati għal profili ta’ okkupazzjoni speċifiċi f’settur ekonomiku partikolari, jiġu identifikati u mfassla l-kurrikuli tal-ETV jew l-istandards ta’ kwalifika (f’konformità mal-QEK u infurmat mill-ESCO), sabiex iwieġbu għal dawk il-ħtiġijiet;

—

il-ħtiġijiet tal-ħiliet jissarrfu fi programmi u/jew kwalifiki modulari tal-ETV innovattivi u orjentati lejn ir-riżultati tat-tagħlim (l-applikazzjoni tal-ECVET għat-tfassil ta’ kwalifiki magħmulin minn unitajiet ta’ riżultati tat-tagħlim), sabiex ikun hemm trasparenza u komparabilità, filwaqt li jitqiesu wkoll il-ħtiġijiet ta’ validazzjoni ta’ tagħlim preċedenti (eż. mhux formali jew informali);

—

l-applikazzjoni ta’ ġestjoni tal-kwalità għall-kontenut ta’ taħriġ ġdid jew billi jiġu applikati l-prinċipji tal-assigurazzjoni tal-kwalità tal-EQAVET jew billi jintużaw sistemi ta’ assigurazzjoni tal-kwalità diġà eżistenti li, madankollu, jenħtieġ li jkunu konformi mal-EQAVET;

—

l-integrazzjoni tal-perjodi ta’ tagħlim ibbażat fuq ix-xogħol fil-kontenut ta’ taħriġ ġdid, inklużi l-opportunitajiet biex l-għarfien jiġi applikat f’sitwazzjonijiet prattiċi fuq il-post tax-xogħol tal-“ħajja reali” u l-inkorporazzjoni ta’ esperjenza ta’ tagħlim transnazzjonali kull meta jkun possibbli;

—

it-tfassil tal-provvediment tal-ETV jiffoka kemm fuq il-ħiliet speċifiċi tax-xogħol kif ukoll fuq kompetenzi ewlenin, ħiliet personali, u dixxiplini STEM (ix-xjenza, it-teknoloġija, l-inġinerija u l-matematika), filwaqt li jiġu pprovduti opportunitajiet effettivi sabiex jinkisbu jew jiġu żviluppati dawk il-kompetenzi, b’mod partikolari f’kuntesti ta’ taħriġ relatati max-xogħol;

—

il-promozzjoni ta’ kwalifiki settorjali tal-ETV rilevanti (inklużi programmi konġunti transnazzjonali li jingħataw minn aktar minn fornitur tal-ETV wieħed), u jiġi appoġġjat il-ftehim għar-rikonoxximent tagħhom billi jiġu implimentati l-prinċipji tal-ECVET, u r-referenzar tal-kwalifiki għall-NQFs u l-QEK kif ukoll għodod u strumenti Ewropej rilevanti oħrajn fis-settur ikkonċernat;

—

iż-żieda fir-rikonoxximent tal-kwalifiki fil-livell Ewropew u nazzjonali f’settur, billi jiġu promossi u jsir qbil dwar il-kwalifiki settorjali, tiġi ffaċilitata ċ-ċertifikazzjoni transkonfinali, u tinbena fiduċja reċiproka, li jikkontribwixxu għal aktar mobilità tal-istudent u dik professjonali fis-settur;

—

l-identifikazzjoni, id-dokumentazzjoni u l-promozzjoni ta’ ħiliet jew kwalifiki ta’ suċċess relatati ma’ proġetti u prattiki tajbin, kif ukoll dawk li jrawmu sħubiji magħmulin minn bosta partijiet ikkonċernati, inklużi minn setturi oħrajn jew minn barra l-Ewropa u jsiru proposti ddettaljati sabiex ikunu jistgħu jiġu rreplikati jew isiru fuq skala differenti, fejn rilevanti;

—

fejn rilevanti, jiġi żgurat li r-riżultati tal-proġett ikunu disponibbli f’format ta’ data miftuħa sabiex dawn ikunu jistgħu jiddaħħlu fil-Panorama tal-Ħiliet u l-ESCO.

—

l-identifikazzjoni tal-aktar metodoloġiji ta’ twassil xierqa għall-kurrikuli, billi jintużaw approċċi innovattivi għat-tagħlim (teaching and learning), kif ukoll użu strateġiku u integrat tal-ICTs (eż. tagħlim imħallat, simulaturi, eċċ.), u riżorsi edukattivi miftuħa (eż. MOOCs, u VOOCs);

—

l-identifikazzjoni ta’ modi biex jiġu implimentati metodi innovattivi ta’ tagħlim tal-ETV biex iwieġbu għall-ħtiġijiet ta’ gruppi fil-mira speċifiċi tal-istudenti; u permezz tal-provvediment ta’ tagħlim ibbażat fuq ix-xogħol;

—

l-iżvilupp ta’ azzjonijiet biex jiffaċilitaw it-trasferiment bejn il-ġenerazzjonijiet tal-għarfien fl-ETV;

—

id-deskrizzjoni tal-modi dwar kif il-metodoloġiji u l-proċeduri tal-valutazzjoni jistgħu jinkorporaw il-forom kollha tat-tagħlim, inkluż it-tagħlim ibbażat fuq ix-xogħol u jiffaċilitaw il-validazzjoni tal-ħiliet u l-kompetenzi miksuba qabel it-taħriġ;

—

l-identifikazzjoni ta’ miżuri adegwati biex jintraċċaw l-istudenti wara li jkunu lestew it-taħriġ tagħhom sabiex jiġu pprovduti “ċirkwiti ta’ feedback”. Dawn is-sistemi ta’ intraċċar u ta’ feedback jistgħu jibnu fuq l-informazzjoni minn kumpaniji, studenti/impjegati, kif ukoll riżorsi tal-informazzjoni pubblika u partijiet ikkonċernati tas-suq tax-xogħol;

—

jiġu proposti l-miżuri xierqa għar-rikonoxximent formali tal-kurrikuli vokazzjonali ġodda jew adattati u tal-kwalifiki fil-pajjiżi parteċipanti u fis-settur(i) koperti;

—

l-ippjanar tal-implimentazzjoni progressiva tar-riżultati tal-proġett li jwasslu għal impatt sistemiku.

—

il-provvediment ta’ valutazzjoni ddettaljata tan-nuqqasijiet, id-diskrepanzi u n-nuqqas ta’ tlaqqigħ tal-ħiliet attwali u antiċipati fis-settur, kif ukoll il-ħtieġa li jiġu rriveduti l-profili okkupazzjonali, tiġi indikata l-prijorità li fiha huma jenħtieġ li jiġu indirizzati, fuq il-bażi, fost l-oħrajn, tal-impatt tagħhom fuq il-potenzjal tat-tkabbir u l-kompetittività fis-settur u fuq l-impjieg (eż. telf ta’ impjieg probabbli, pożizzjonijiet vakanti li diffiċli biex jimtlew).

—

l-iżvilupp ta’ metodoloġija komuni għall-valutazzjoni tas-sitwazzjoni attwali u l-antiċipazzjoni ta’ ħtiġijiet futuri kif ukoll il-monitoraġġ (fuq bażi annwali) tal-progress u l-evoluzzjoni tad-domanda u l-provvista ta’ ħiliet ibbażati fuq xenarji ta' previżjoni kredibbli;

—

l-identifikazzjoni ta’ profili okkupazzjonali li jeħtieġu jiġu rriveduti jew jinħolqu u l-ħtiġijiet tal-ħiliet korrispondenti tagħhom kif ukoll il-livell ta’ profiċjenza meħtieġ, fuq il-bażi ta’, fejn disponibbli, il-profili okkupazzjonali fl-ESCO u l-oqfsa ta’ kompetenza eżistenti; fejn rilevanti, jista’ jitqies l-iżvilupp ta’ oqfsa ta’ kompetenza settorjali;

—

l-identifikazzjoni, id-deskrizzjoni u l-indikazzjoni tal-prijoritajiet għar-reviżjoni jew l-istabbiliment ta’ kwalifiki ġodda fuq il-bażi tal-profili okkupazzjonali rilevanti;

—

it-trawwim tal-iżvilupp ta’ soluzzjonijiet konkreti fil-provvediment tal-ETV (inkluż ETV ogħla) kif ukoll sħubiji ta’ negozju-edukazzjoni-riċerka;

—

l-iżvilupp ta’ soluzzjonijiet konkreti biex tiġi promossa l-mobilità ta’ studenti vokazzjonali, persuni li qed ifittxu impjieg u trainees madwar l-Ewropa fis-settur, il-kapitalizzazzjoni fuq l-użu ta’ għodod tal-UE eżistenti (eż. Erasmus+, EURES, Drop’Pin, Alleanza Ewropea għall-Apprendistati);

—

l-iżvilupp ta’ azzjonijiet li jippromwovu l-attrazzjoni tas-settur bħala għażla ta’ karriera, b’mod partikolari fost iż-żgħażagħ filwaqt li jimmiraw ukoll li jkun hemm bilanċ bejn is-sessi fis-settur;

—

it-tfassil ta’ pjan ta’ azzjoni fit-tul immexxi mill-industrija għall-implimentazzjoni progressiva tar-riżultati tal-proġett wara li l-proġett ikun lest. Dan il-pjan għandu jkun ibbażat fuq sħubiji sostnuti bejn il-fornituri tal-edukazzjoni u t-taħriġ u l-partijiet ikkonċernati tal-industrija ewlenin fil-livell xieraq. Dan jenħtieġ li jinkludi l-identifikazzjoni tal-istrutturi ta’ governanza xierqa, kif ukoll pjanijiet għall-iskalabbiltà u s-sostenibbiltà finanzjarja. Dan jenħtieġ li jiżgura wkoll il-viżibilità xierqa u d-disseminazzjoni wiesgħa tax-xogħol tal-Alleanza, inkluż fil-livell politiku tal-UE u dak nazzjonali u jinkludi dettalji dwar kif l-implimentazzjoni ser tiġi implimentata fil-livelli nazzjonali u/jew reġjonali mal-awtoritajiet governattivi u settorjali rilevanti;

Il-pjan ta’ azzjoni għandu jindika wkoll kif l-opportunitajiet ta’ finanzjament tal-UE (eż. Fondi Strutturali Ewropej, Fond Ewropew għall-Investiment Strateġiku, Erasmus+, COSME, programmi settorjali), kif ukoll finanzjamaent nazzjonali u reġjonali jistgħu jappoġġjaw strateġiji ta’ ħiliet. Dan jenħtieġ li jqis l-istrateġiji ta’ speċjalizzazzjoni intelliġenti nazzjonali u reġjonali. Il-mudelli jistgħu jiġu żviluppati fuq il-bażi ta’ eżempji tajbin biex jippromwovu użu ffukat ta’ tali finanzjament, inklużi impjegati b’ħiliet imtejba;

—

it-twassil tal-evidenza kwalitattiva u d-data kwantitattiva rilevanti kollha fil-livell tal-UE u/jew tal-pajjiż skont format ta’ data miftuħa marbut.

1.

Ir-rilevanza tal-proġett (massimu 25 punt – limitu minimu 13-il punt)

2.

Il-kwalità tat-tfassil u l-implimentazzjoni tal-proġett (massimu 30 punt - limitu minimu 16-il punt)

3.

Il-kwalità tat-tim tal-proġett u tal-arranġamenti ta’ kooperazzjoni (massimu 25 punt - limitu minimu 13-il punt)

4.

L-impatt u d-disseminazzjoni (massimu 20 punt - limitu minimu 11-il punt)

26.1.2017   

MT

Il-Ġurnal Uffiċjali tal-Unjoni Ewropea

C 26/16

1.

X’inhu t-test legali meta jiġi ddeterminat jekk l-akkordju bejn l-impriżi jkollux l-iskop li jirrestrinġi l-kompetizzjoni fi ħdan it-tifsira tal-Artikolu 53 taż-ŻEE?

2.

X’inhi l-portata ġuridika għall-konsiderazzjoni ta’ jekk aġir ikunx jikkostitwixxi ksur bi skop, li tali kooperazzjoni tkun seħħet b’mod miftuħ fil-konfront tal-awtorità kontraenti?

3.

Liema kriterji legali għandhom jiġu enfasizzati b’mod partikolari meta jkun qed jitqies jekk il-kooperazzjoni li tieħu l-forma ta’ żewġ kumpaniji li jikkompetu, li jissottomettu offerta konġunta permezz ta’ impriża konġunta, u fejn iż-żewġ impriżi għandhom ikunu sottokuntratturi għall-impriża konġunta, għandhiex titqies li tikkostitwixxi ksur bi skop?

26.1.2017   

MT

Il-Ġurnal Uffiċjali tal-Unjoni Ewropea

C 26/17

1.

Tista’ r-reġistrazzjoni ta’ trejdmark ta’ xogħlijiet bid-drittijiet tal-awtur, li l-perjodu ta’ protezzjoni tagħha jkun skada, taħt ċerti ċirkostanzi, tmur kontra l-projbizzjoni fl-Artikolu 3(1)(f) tad-Direttiva dwar it-Trejdmarks għar-reġistrazzjoni ta’ trejdmarks li jkunu kuntrarji għall-“ordni pubbliku jew għal … prinċipji aċċettati tal-moralità”?

2.

Jekk il-mistoqsija 1 titwieġeb fl-affermattiv, din ikollha impatt fuq il-valutazzjoni li x-xogħol bid-dritt tal-awtur ikun magħruf sew u ta’ valur kulturali kbir?

3.

Jekk il-mistoqsija 1 titwieġeb fl-affermattiv, jistgħu fatturi jew kriterji oħra minbarra dawk imsemmija fil-mistoqsija 2 ikollhom impatt fuq il-valutazzjoni, u, jekk iva, liema?

4.

L-Artikolu 3(1)(e) (iii) tad-Direttiva 2008/95/KE applikabbli għal rappreżentazzjonijiet bidimensjonali ta’ skulturi?

5.

L-Artikolu 3(1)(c) tad-Direttiva 2008/95/KE huwa applikabbli bħala awtorità legali għar-rifjut tat-trejdmarks li jkunu rappreżentazzjonijiet bidimensjonali jew tridimensjonali tal-forma jew tad-dehra tal-prodotti?

6.

Jekk il-mistoqsija 5 titwieġeb fl-affermattiv, l-Artikolu 3(1)(b) u (c) tad-Direttiva 2008/95/KE għandhom jiġu interpretati fis-sens li l-awtorità nazzjonali tar-reġistrazzjoni, fil-valutazzjoni ta’ trejdmarks li jikkonsistu f’rappreżentazzjonijiet bidimensjonali jew tridimensjonali tal-forma jew tad-dehra tal-prodotti, għandha tapplikaw il-kriterju ta’ verifika ta’ jekk il-forma inkwistjoni b’mod sinifikanti, titbiegħed min-norma jew mill-użanzi tas-settur tan-negozju, jew ir-raġunijiet għal rifjut jistgħu jkunu li tali trejdmark hija deskrittiva mill-għamla jew id-dehra ta’ prodotti?

26.1.2017   

MT

Il-Ġurnal Uffiċjali tal-Unjoni Ewropea

C 26/18

1.

Fit-18 ta’ Jannar 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha EQT Fund Management Sàrl. (“EQT”, il-Lussemburgu) takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll konġunt ma' Getec Energie Holding GmBH (“GEH GmbH”, il-Ġermanja) ta' (i) Getec Heat & Power AG; (ii) Getec Wärme & Effizienz AG; (iii) Getec Media AG; (iv) Getec shared services GmbH; (v) Getec Contracting GmbH (flimkien, “Getec Target Companies”, il-Ġermanja), permezz ta’ bejgħ u xiri ta’ ishma.

2.

L-attivitajiet kummerċjali tal-impriżi kkonċernati huma:

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bir-referenza M.8347 — EQT Fund Management/Getec Energie Holding/Getec Target Companies, f'dan l-indirizz: