—

li ltaqgħet f’Windhoek (in-Namibja) bejn it-13 u l-15 ta’ Ġunju 2016,

—

wara li kkunsidrat l-Artikolu 18(1) tar-Regoli ta’ Proċedura tagħha,

—

wara li kkunsidrat it-Trattat dwar l-Unjoni Ewropea, kif rivedut mit-Trattat ta’ Lisbona, adottat fit-13 ta’ Diċembru 2007 u, b’mod partikolari, l-Artikolu 3(b) tiegħu,

—

wara li kkunsidrat il-Protokoll fit-Trattat dwar l-Unjoni Ewropea dwar l-applikazzjoni tal-prinċipji tas-sussidjarjetà u l-proporzjonalità u, b’mod partikolari, l-Artikoli 2 u 5 tiegħu,

—

wara li kkunsidrat il-Protokoll fit-Trattat dwar l-Unjoni Ewropea dwar servizzi ta’ interess ġenerali u, b’mod partikolari, l-Artikolu 1 tiegħu,

—

wara li kkunsidrat il-Ftehim ta’ Sħubija ta’ Cotonou bejn l-UE u l-pajjiżi AKP iffirmat fit-23 ta’ Ġunju 2000 f’Cotonou u rivedut fil-Lussemburgu fil-25 ta’ Ġunju 2005 u f’Ouagadougou fit-22 ta’ Ġunju 2010 u, b’mod partikolari, l-Artikoli 1, 2, l-Artikolu 5, 8, 9, 20 u l-Artikoli 33(3)(f) u (4)(d), u l-Artikolu 5(4) tal-Anness IV tiegħu,

—

wara li kkunsidrat ir-riżoluzzjoni tal-Parlament Ewropew tas-6 ta’ Ottubru 2015 (2) dwar ir-rwol tal-awtoritajiet lokali fil-pajjiżi li qegħdin jiżviluppaw fil-kooperazzjoni għall-iżvilupp,

—

wara li kkunsidrat il-Karta Ewropea dwar il-kooperazzjoni għall-iżvilupp b’appoġġ għall-governanza lokali, approvata mill-Kunsill tal-Ministri tal-UE fl-10 ta’ Novembru 2008,

—

wara li kkunsidrat il-konklużjonijiet tal-Kunsill tal-UE tat-22 ta’ Lulju 2013 dwar l-awtoritajiet lokali fl-iżvilupp,

—

wara li kkunsidrat il-komunikazzjoni tal-Kummissjoni tal-15 ta’ Mejju 2013 bit-titolu “Responsabbilizzazzjoni tal-Awtoritajiet Lokali fil-pajjiżi msieħba għal governanza aħjar u aktar effettiva tal-eżiti tal-iżvilupp”,

—

wara li kkunsidrat l-opinjoni tal-Kumitat tar-Reġjuni tat-22 ta’ April 2009 bit-titolu “L-awtoritajiet lokali: atturi għall-iżvilupp”,

—

wara li kkunsidrat id-Dikjarazzjoni tal-Port Moresby tal-2014 dwar Pacific Futures: Building our Local Communities (Il-Ġejjieni fil-Paċifiku: Nibnu l-Komunitajiet Lokali tagħna),

—

wara li kkunsidrat id-Dikjarazzjoni tal-Port ta’ Spanja tal-Forum tal-Karibew ta’ Awtoritajiet tal-Gvern Lokali,

—

wara li kkunsidrat il-Konvenzjoni tan-NU dwar id-Drittijiet tat-Tfal,

—

wara li kkunsidrat il-Konvenzjoni tan-NU dwar l-Eliminazzjoni ta’ kull Forma ta’ Diskriminazzjoni Kontra n-Nisa,

—

wara li kkunsidrat il-Konvenzjoni tan-NU dwar id-Drittijiet tal-Persuni b’Diżabbiltà,

—

wara li kkunsidrat ir-riżoluzzjoni tal-Assemblea Ġenerali tan-Nazzjonijiet Uniti (3) tal-25 ta' Settembru 2015 bit-titolu “Tranforming our world: the 2030 Agenda for Sustainable Development” (Nittrasformaw id-dinja tagħna: l-Aġenda 2030 għall-Iżvilupp Sostenibbli, u b’mod partikolari l-Għan tal-Iżvilupp Sostenibbli Nru 16.7 “Niżguraw teħid tad-deċiżjonijiet risponsiv, inklużiv, parteċipattiv u rappreżentattiv fil-livelli kollha”,

—

wara li kkunsidrat l-eżiti tal-21 Sessjoni tal-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (COP21),

—

wara li kkunsidrat ir-riżoluzzjoni (4) adottata fis-26 ta’ Settembru 2013 mill-Kunsill tad-Drittijiet tal-Bniedem tal-Assemblea Ġenerali tan-Nazzjonijiet Uniti dwar il-gvern lokali u d-drittijiet tal-bniedem,

—

wara li kkunsidrat id-Dikjarazzjoni Universali tad-Drittijiet tal-Bniedem tan-NU,

—

wara li kkunsidrat id-Deċiżjoni Nru 25 tal-Assemblea tal-Unjoni Afrikana (5) tat-30 ta’ Jannar 2007 għat-trasformazzjoni tal-Konferenza Ministerjali tal-Afrika Kollha dwar id-Deċentralizzazzjoni u l-Iżvilupp Lokali (AMCOD) f’organu tal-Unjoni Afrikana,

—

wara li kkunsidrat ir-riżoluzzjoni adottata mill-Ministri responsabbli mid-deċentralizzazzjoni u l-iżvilupp lokali fit-tieni summit tal-bliet Afrikani f’Windhoek,

—

wara li kkunsidrat id-dikjarazzjoni adottata mill-Ministri responsabbli mid-deċentralizzazzjoni u l-iżvilupp lokali fit-tielet summit tal-bliet Afrikani f’Yaoundé,

—

wara li kkunsidrat id-Dikjarazzjoni ta’ Yaoundé tad-29 ta’ Ottubru 2005, li tħeġġeġ lill-Gvernijiet Afrikani “jieħdu azzjoni miftiehma u kkoordinata sabiex ipoġġu d-deċentralizzazzjoni u l-iżvilupp lokali fiċ-ċentru tal-politiki dwar il-governanza u l-iżvilupp tal-pajjiżi tagħhom”,

—

wara li kkunsidrat l-Istrateġija Konġunta bejn l-Afrika u l-Ewropa (JAES) adottata mill-Kapijiet tal-Istat u tal-Gvern fit-tieni Summit bejn l-UE u l-Afrika fl-2007,

—

wara li kkunsidrat ir-riżoluzzjoni tal-Kunsill Ekonomiku u Soċjali tan-Nazzjonijiet Uniti (6) tad-29 ta’ Jannar 2007 bit-titolu “Participatory governance and citizens’ engagement in policy development, service delivery and budgeting” (Il-governanza parteċipattiva u l-involviment taċ-ċittadini fl-iżvilupp tal-politika, il-kunsinna tas-servizzi u l-ibbaġitjar),

—

wara li kkunsidrat il-konklużjonijiet tal-Forum ta’ Governanza tal-Internet 2015 u tas-Summit Dinji dwar is-Soċjetà tal-Informazzjoni 2015,

—

wara li kkunsidrat il-Linji Gwida Internazzjonali dwar id-Deċentralizzazzjoni u t-Tisħiħ tal-Awtoritajiet Lokali, approvati mill-Programm tan-Nazzjonijiet Uniti għall-Insedjamenti Umani (UN-HABITAT) fl-20 ta’ April 2007,

—

wara li kkunsidrat il-Karta Afrikana dwar id-Demokrazija, l-Elezzjonijiet u l-Governanza, adottata mill-Unjoni Afrikana f’Jannar 2007, b’mod partikolari l-Preambolu, l-Artikolu 3 u l-Artikolu 34 tagħha,

—

wara li kkunsidrat il-Karta Afrikana dwar il-Valuri u l-Prinċipji tad-Deċentralizzazzjoni, il-Governanza Lokali u l-Iżvilupp Lokali, adottata fis-27 ta’ Ġunju 2014,

—

wara li kkunsidrat il-Protokoll tal-Karta Afrikana għad-Drittijiet tal-Bniedem u tal-Popli dwar id-Drittijiet tan-Nisa fl-Afrika, adottat fil-11 ta’ Lulju 2003, b’mod partikolari l-Artikolu 9 tiegħu,

—

wara li kkunsidrat l-istabbiliment tal-Pjattaforma tal-Gvern Lokali AKP f’Mejju 2001 matul il-35 Konferenza Dinjija tal-Unjoni Internazzjonali tal-Awtoritajiet Lokali (IULA) li saret f’Rio de Janeiro,

—

wara li kkunsidrat id-Dikjarazzjoni Konġunta AKP-UE dwar l-Aġenda għall-Iżvilupp wara l-2015 tal-20 ta’ Ġunju 2014,

—

wara li kkunsidrat ir-rapport tal-Kumitat għall-Affarijiet Politiċi (AKP-UE/101967/16),

A.

billi l-governanza lokali hija sett ta’ istituzzjonijiet, mekkaniżmi u proċessi li matulhom iċ-ċittadini jistgħu jesprimu l-interessi u l-ħtiġijiet tagħhom, jimmedjaw id-differenzi u jeżerċitaw id-drittijiet u l-obbligi tagħhom fil-livell lokali;

B.

billi d-deċentralizzazzjoni tista’ tieħu diversi forom, bħal dekonċentrazzjoni, fejn is-setgħa amministrattiva tiġi ttrasferita minn awtorità ċentrali lill-awtoritajiet lokali; delega, fejn ir-responsabbiltà għal funzjonijiet definiti speċifiċi tiġi assenjata lil awtorità ddelegata; u devoluzzjoni, fejn jinħolqu żewġ livelli jew aktar tal-gvern b’setgħat, funzjonijiet u finanzi assenjati kostituzzjonalment jew legalment;

C.

billi r-riformi fis-settur pubbliku li jinvolvu kemm deċentralizzazzjoni vertikali kif ukoll orizzontali huma msejsa fuq żvilupp iċċentrat fuq in-nies li jiffoka fuq ir-responsabbilizzazzjoni tan-nies sabiex jipparteċipaw fil-governanza u t-titjib tal-kwalità tal-ħajja tagħhom;

D.

billi l-governanza parteċipattiva fil-livell lokali għandha tiġi żgurata u strutturata b’tali mod li ttejjeb l-organizzazzjoni ta’ stat sabiex tissaħħaħ il-kwalità tad-demokrazija, tal-ġustizzja soċjali, tal-iżvilupp ekonomiku, soċjali u ċiviku u l-protezzjoni tal-libertajiet fundamentali u d-drittijiet tal-bniedem;

E.

billi l-parteċipazzjoni pubblika fil-proċessi ta’ teħid tad-deċiżjonijiet tippromwovi l-protezzjoni tal-interessi tal-minoranzi u tal-gruppi emarġinati, u tiżgura l-governanza korretta, trasparenti u responsabbli u l-iżvilupp sostenibbli;

F.

billi l-Għanijiet ta’ Żvilupp tal-Millenju enfasizzaw ir-rwol kruċjali tal-awtoritajiet lokali fil-ġlieda kontra l-faqar u fil-għoti ta’ servizzi komunitarji, bħall-ilma u s-servizzi sanitarji, il-kura tas-saħħa primarja u l-edukazzjoni;

G.

billi d-deċentralizzazzjoni għandha tippermetti l-aċċess ugwali għar-rwoli pubbliċi u t-tiġdid tal-klassi politika permezz tal-promozzjoni tal-eżerċitar ta’ governanza parteċipattiva min-nisa u mill-ġenerazzjonijiet iżgħar;

H.

billi d-deċentralizzazzjoni tikkontribwixxi ħafna sabiex iġġib l-ekwità permezz ta’ distribuzzjoni ekwitabbli tar-riżorsi lejn iż-żoni emarġinati u sottożviluppati u sabiex tagħti lin-nies l-opportunità li jieħdu deċiżjonijiet dwar suġġetti li jaffettwawhom;

I.

billi r-riforma tad-deċentralizzazzjoni u t-trasferiment tal-poter għandhom ikunu bbażati fuq il-prinċipju tas-sussidjarjetà sabiex tiġi żgurata governanza aħjar, fejn id-deċiżjonijiet jittieħdu fl-aktar livell baxx possibbli, u billi taħt is-sussidjarjetà l-unitajiet ċentrali għandhom jintervjenu biss fil-livell lokali fejn jintwera li dan huwa neċessarju u meta jkunu jistgħu jaġixxu b’mod aktar effettiv mill-unitajiet deċentralizzati;

J.

billi l-governanza demokratika tinkludi mhux biss gvernijiet nazzjonali iżda wkoll unitajiet deċentralizzati u atturi mhux statali, li għandhom rwoli kruċjali biex jinsġu rabtiet bejn iċ-ċittadini u l-gvern u jiżguraw sjieda demokratika u wiesgħa tal-politiki pubbliċi tal-pajjiżi; billi l-unitajiet deċentralizzati huma interfaċċja b’saħħitha bejn il-komunitajiet u l-awtoritajiet nazzjonali li tippermetti d-demokrazija fil-livell lokali abbażi tal-involviment fil-komunità lokali u l-espressjoni demokratika tagħha;

K.

billi l-unitajiet deċentralizzati jgawdu minn ċertu grad ta’ awtonomija mill-gvernijiet ċentrali fil-kostitwenza territorjali tagħhom skont il-leġiżlazzjoni nazzjonali, bil-għan li jilleġiżlaw f’oqsma speċifiċi u jipprovdu servizzi pubbliċi liċ-ċittadini fil-livell lokali;

L.

billi governanza tajba fil-livell lokali hija kkaratterizzata mill-kwalità, l-effettività u l-effiċjenza tal-amministrazzjoni lokali u l-għoti ta’ servizz pubbliku; il-kwalità tal-politika pubblika lokali u tal-proċeduri tat-teħid tad-deċiżjonijiet, l-inklużività, it-trasparenza u r-responsabbiltà tagħhom; u l-mod kif jiġu eżerċitati l-poter u l-awtorità fil-livell lokali;

M.

billi trasferiment reali tas-setgħa politika mill-gvern ċentrali u d-deċentralizzazzjoni fiskali li minnha jibbenifikaw l-unitajiet deċentralizzati jikkontribwixxu għall-awtonomija finanzjarja ta’ dawn tal-aħħar;

N.

billi d-deċentralizzazzjoni tista’ ma tirnexxix f’sitwazzjonijiet fejn l-istituzzjonijiet pubbliċi huma dgħajfa u nieqsa fil-kapaċità, li jistgħu jwasslu għat-trasferiment ta’ dawn l-ineffiċjenzi għal-livell lokali;

O.

billi soċjetà ċivili vibranti u attiva, bil-libertà ta’ espressjoni u assoċjazzjoni, hija kruċjali għal gvern lokali effettiv, trasparenti u responsabbli u għal governanza deċentralizzata tajba;

P.

billi fin-nuqqas ta’ mekkaniżmi effettivi ta’ monitoraġġ u sorveljanza fil-livell lokali, reġjonali u nazzjonali, id-deċentralizzazzjoni tista’ tirriżulta f’korruzzjoni, ħela ta’ fondi pubbliċi u self mhux ikkontrollat, li mbagħad jaffettwaw b’mod negattiv il-baġits nazzjonali u l-governanza;

Q.

billi hemm bżonn ta’ impenn kontinwu u konsultazzjoni bejn il-gvern ċentrali u l-unitajiet deċentralizzati, b’mod partikolari fil-konċepiment, id-disinn u l-implimentazzjoni ta’ proġetti u programmi minn livell wieħed tal-gvern li jistgħu jaffettwaw direttament jew indirettament il-funzjonijiet tal-livell l-ieħor tal-gvern;

R.

billi n-nisa ftit li xejn huma rrappreżentati fl-istrutturi ta’ governanza u fl-isfera politika, u d-demokrazija u l-governanza tajba jistgħu jinkisbu biss permezz tal-ugwaljanza bejn is-sessi u rappreżentanza aktar ugwali, li d-deċentralizzazzjoni trid tippromwovi;

S.

billi s-Sħubija ta’ Busan tipprovdi forum f’espansjoni għall-atturi l-ġodda fil-qasam tal-iżvilupp, bħall-atturi lokali u reġjonali;

T.

billi t-teknoloġiji tal-informazzjoni u tal-komunikazzjoni (TIK) joħolqu ħafna toroq ġodda għall-parteċipazzjoni politika, l-inklużjoni elettronika, it-trasparenza u l-kontabbiltà fil-governanza deċentralizzata;

1.

Tħeġġeġ lill-Istati AKP u tal-UE jippromwovu d-deċentralizzazzjoni bħala mod kif itejbu l-iżvilupp, joħolqu ġid ġdid fil-livell lokali u reġjonali, jippromwovu eżerċizzju demokratiku u responsabbli tas-setgħa, irawmu unità nazzjonali billi jirrikonoxxu d-diversità, jagħtu setgħat ta’ awto-governanza lill-poplu, sabiex b’hekk tissaħħaħ il-parteċipazzjoni tagħhom fl-eżerċizzju tas-setgħat tal-istat u fit-teħid ta’ deċiżjonijiet li jaffettwawhom, jirrikonoxxu d-dritt tal-komunitajiet li jimmaniġġjaw l-affarijiet tagħhom stess u jissoktaw bl-iżvilupp, il-protezzjoni u l-promozzjoni tal-interessi u d-drittijiet tal-minoranzi u tal-komunitajiet emarġinati, kif ukoll jiggarantixxu qsim ekwu tar-riżorsi lokali u nazzjonali;

2.

Temmen bis-sħiħ li d-deċentralizzazzjoni u l-gvernanza parteċipattiva fil-livell lokali għandhom jitfasslu b’tali mod li jimmassimizzaw il-ġustizzja soċjali sabiex jiġi żgurat li l-inugwaljanzi soċjo-ekonomiċi kollha jiġu indirizzati b’mod effettiv fil-proċessi tat-teħid tad-deċiżjonijiet;

3.

Tenfasizza li l-linji gwida ġodda stipulati fil-komunikazzjoni tal-Kummissjoni dwar l-awtoritajiet lokali u dwar ir-rikonoxximent tar-rwol tagħhom bħala atturi statali jirrappreżentaw pass kbir ‘il quddiem għall-aġenda għall-iżvilupp tal-Unjoni Ewropea; tenfasizza l-ħtieġa li dawn il-linji gwida ġodda jissarrfu fl-implimentazzjoni effettiva tal-kooperazzjoni Ewropea, b’mod partikolari għall-11-il Fond Ewropew għall-Iżvilupp (FEŻ);

4.

Tfakkar li l-proċess ta’ deċentralizzazzjoni jikkontribwixxi għat-titjib tal-governanza parteċipattiva permezz tat-tisħiħ tas-sjieda u tad-djalogi ma’ bosta partijiet interessati u atturi, permezz ta’ koordinazzjoni tal-programm u tal-politika fil-livell subnazzjonali;

5.

Tistieden lill-Istati AKP u tal-UE, b’kooperazzjoni mal-korpi ta’ integrazzjoni reġjonali tal-AKP, sabiex jippromwovu approċċ komprensiv għad-deċentralizzazzjoni u sabiex isaħħu r-rwol tal-komunitajiet lokali, tal-organizzazzjonijiet ibbażati fil-komunità u tal-NGOs sabiex jinfluwenzaw u jimmonitorjaw il-proċessi ta’ riforma tad-deċentralizzazzjoni; tistieden lill-Istati AKP u tal-UE jistabbilixxu mekkaniżmi għal djalogu regolari mal-organizzazzjonijiet tas-soċjetà ċivili għal dan il-għan;

6.

Tistieden lill-Istati AKP u tal-UE jippromwovu l-kooperazzjoni deċentralizzata bħala mod kif jimplimentaw il-qafas ta’ żvilupp wara l-2015; għal dan il-għan, tistieden lill-Kummissjoni biex tagħmel id-deċentralizzazzjoni settur ta’ finanzjament ewlieni għall-istrumenti tagħha ta’ finanzjament tal-għajnuna esterna; tistieden lill-Istati Membri tal-UE jagħtu rwol xieraq fil-programmi ta’ żvilupp tagħhom għad-deċentralizzazzjoni u jikkoordinaw l-attivitajiet tagħhom ma’ dawk tal-Kummissjoni, ta’ Stati Membri u pajjiżi AKP oħrajn u ta’ organizzazzjonijiet reġjonali;

7.

Tenfasizza r-rwol importanti tal-Unjoni Afrikana, b’mod partikolari l-AMCOD, fl-iżvilupp ta’ linji politiċi dwar id-deċentralizzazzjoni;

8.

Tirrikonoxxi li l-istrutturi ta’ koordinazzjoni bejn l-awtoritajiet lokali għandhom rwol essenzjali f’termini ta’ għoti ta’ appoġġ tekniku u metodoloġiku għall-iżvilupp ta’ kapaċitajiet lokali billi jiffaċilitaw l-iskambju tal-għarfien sabiex jappoġġjaw il-proċess ta’ deċentralizzazzjoni u l-forniment ta’ servizzi bażiċi; tqis li dawn huma wkoll forum xieraq għad-djalogu politiku u sabiex isemmgħu l-vuċi tal-awtoritajiet lokali fil-livelli kollha tal-gvern;

9.

Tħeġġeġ lill-Istati AKP u tal-UE jieħdu passi biex isaħħu l-parteċipazzjoni tan-nisa, tal-kulturi lokali, tal-popli indiġeni u tal-minoranzi, inkluż billi jsaħħu l-kapaċità ta’ dawn il-gruppi li jipparteċipaw fl-iżvilupp lokali u reġjonali u fl-ippjanar tal-investiment, kif ukoll tinkoraġġixxi l-ħolqien ta’ pjattaformi ta’ konsultazzjoni lokali għall-proċess tat-tfassil tal-politika;

10.

Tenfasizza l-ħtieġa li jiġi żgurat l-involviment wiesa’ tal-organizzazzjonijiet tas-soċjetà ċivili, tal-awtoritajiet lokali u tal-awtoritajiet nazzjonali, sabiex tiġi żgurata l-governanza korretta, trasparenti u responsabbli;

11.

Tenfasizza li proċess effettiv ta’ deċentralizzazzjoni jeħtieġ riformi fis-settur pubbliku, bħat-trasferiment tal-poter, tal-funzjonijiet u tar-riżorsi, kif ukoll il-pluraliżmu tal-atturi politiċi u l-parteċipazzjoni attiva taċ-ċittadini direttament u permezz tar-rappreżentanti tagħhom fl-ippjanar parteċipattiv u fl-ibbaġitjar;

12.

Tħeġġeġ lill-awtoritajiet kompetenti jadottaw miżuri li jippromwovu amministrazzjoni ta’ ġustizzja aktar b’saħħitha li, flimkien mal-aġenziji tat-taxxa, għandu jkollhom mekkaniżmi għall-ġlieda kontra l-korruzzjoni (fondi suffiċjenti, mekkaniżmi kontra l-frodi u l-awtoritajiet, eċċ);

13.

Tenfasizza l-ħtieġa li jinħolqu modalitajiet għat-tisħiħ tal-parteċipazzjoni tal-pubbliku permezz ta’ edukazzjoni ċivika biex tinbena l-kapaċità taċ-ċittadini kollha dwar id-drittijiet u l-obbligi tagħhom f’governanza tajba; tappella għall-istabbiliment ta’ arranġamenti ta’ sħubija bejn l-awtoritajiet lokali fl-Istati AKP u tal-UE f’oqsma bħat-taħriġ u l-kapaċità umana, l-għoti ta’ appoġġ tekniku u metodoloġiku għall-iżvilupp ta’ kapaċitajiet lokali u l-iffaċilitar tal-iskambju tal-għarfien; tinsisti fuq l-importanza tat-tagħlim tul il-ħajja, tal-edukazzjoni formali, mhux formali u informali dwar iċ-ċittadinanza u tad-djalogu interkulturali, fl-għoti liċ-ċittadini tal-għodod għall-parteċipazzjoni fil-governanza lokali u fil-bini ta’ settur tas-soċjetà ċivili vibranti;

14.

Tfakkar li għandhom jiġu żgurati l-libertà tal-kelma u l-libertà tal-mezzi ta’ komunikazzjoni sabiex ikun jista’ jkun hemm parteċipazzjoni pubblika ħielsa, ġusta u miftuħa fil-governanza lokali miċ-ċittadini kollha, irrispettivament mill-komunitajiet u l-gruppi tagħhom;

15.

Tappella sabiex isiru elezzjonijiet regolari, trasparenti, ħielsa u ġusti sabiex tiġi istituzzjonalizzata l-awtorità leġittima tal-korpi lokali rappreżentattivi u l-bidla demokratika tagħhom, kif ukoll sabiex tiġi żgurata implimentazzjoni aħjar tad-demokrazija fil-livell lokali;

16.

Tħeġġeġ lill-awtoritajiet nazzjonali jiżguraw trasferiment ekwu tar-riżorsi tal-baġit nazzjonali tagħhom lil unitajiet deċentralizzati, sub-reġjuni, bliet u muniċipalitajiet; tenfasizza, għal dan il-għan, li għandu jingħata appoġġ ikbar lit-tisħiħ tal-kapaċità għall-amministrazzjoni tajba tal-assi pubbliċi u l-kapaċitajiet finanzjarji u baġitarji tal-unitajiet deċentralizzati sabiex dawn ikunu jistgħu jipprovdu servizzi pubbliċi ta’ kwalità għolja, jiggarantixxu l-ugwaljanza tal-opportunitajiet u jibnu koeżjoni soċjali; tistieden lill-Kummissjoni tinkoraġġixxi l-mobilizzazzjoni ta’ sorsi innovattivi ta’ finanzjament għall-kooperazzjoni deċentralizzata, inklużi strumenti ta’ taħlit tal-għoti ta’ self imfassla għall-ħtiġijiet speċifiċi tal-unitajiet deċentralizzati;

17.

Tenfasizza l-importanza kbira li wieħed jiffoka aktar mill-qrib fuq il-kontroll tar-riżorsi fiskali kemm fil-livell nazzjonali kif ukoll f’dak lokali fil-pajjiżi li qegħdin jiżviluppaw; tilqa’ l-introduzzjoni gradwali ta’ osservatorji tal-finanzi lokali; tqis li dawn l-osservatorji jixirqilhom appoġġ ikbar mill-Unjoni Ewropea;

18.

Tenfasizza li d-deċentralizzazzjoni għandha tkun mezz effettiv fil-ġlieda kontra l-korruzzjoni fil-livelli kollha, inkluża l-korruzzjoni li toriġina minn kumpaniji multinazzjonali; tħeġġeġ lill-Istati AKP u tal-UE u lill-korpi reġjonali sabiex jagħtu prijorità lill-identifikazzjoni tan-nuqqasijiet governattivi li jistgħu jwasslu biex id-deċentralizzazzjoni tirriżulta f’korruzzjoni, inklużi evażjoni tat-taxxa u flussi finanzjarji illeċiti, kif ukoll sabiex jieħdu miżuri effettivi bil-għan li jevitaw konsegwenzi negattivi; tappella, għalhekk, għal appoġġ adegwat għall-kapaċitajiet tal-monitoraġġ u għat-tisħiħ tal-istat tad-dritt sabiex jiġu miġġielda dawn il-problemi severi;

19.

Tenfasizza l-importanza tal-promozzjoni tad-deċentralizzazzjoni sabiex jiġu indirizzati kwistjonijiet bħall-ġestjoni tal-iskart u l-faqar urban, l-indirizzar tal-esklużjoni soċjali, it-tnaqqis tal-inugwaljanzi, ir-responsabbilizzazzjoni taċ-ċittadini, il-ġlieda kontra l-inugwaljanza bejn in-nisa u l-irġiel, id-disinn ta’ infrastruttura innovattiva, il-forniment tas-servizzi, il-ġestjoni tal-art, it-tnaqqis tar-riskji ta’ diżastri naturali u l-użu tal-enerġija, eċċ.;

20.

Tilqa’ l-mobilizzazzjoni u l-impenn tal-bliet AKP u tal-UE fit-tħejjijiet għall-Konferenza tan-Nazzjonijiet Uniti Habitat III dwar l-Akkomodazzjoni u l-Iżvilupp Urban Sostenibbli;

21.

Tenfasizza li t-tibdil fil-klima u d-degradazzjoni ambjentali jheddu t-tnaqqis tal-faqar u jikkostitwixxu sfida kbira għall-awtoritajiet lokali, minħabba li jaffettwaw lill-komunitajiet lokali fl-ewwel istanza; tappella lill-Istati AKP u tal-UE u lill-korpi reġjonali sabiex jiżguraw li l-unitajiet deċentralizzati jkunu involuti b’mod sħiħ fl-implimentazzjoni tal-Ftehim ta’ Pariġi dwar il-Klima;

22.

Tistieden lill-Istati AKP u tal-UE jippromwovu l-applikazzjoni tal-prinċipju ta’ sussidjarjetà bejn l-unitajiet nazzjonali u deċentralizzati, u ta’ ekwitabbiltà bħala mod aktar effettiv ta’ kif tittieħed azzjoni fil-livell lokali;

23.

Tirrikonoxxi l-inadegwatezza ta’ mudell uniformi ta’ deċentralizzazzjoni għall-pajjiżi kollha u tappella għar-rispett għall-kulturi u t-tradizzjonijiet u għall-inventività inerenti taċ-ċittadini;

24.

Tenfasizza l-importanza tal-promozzjoni ta’ governanza tajba fil-livell lokali billi tippromwovi l-prinċipji ta’ responsabbiltà, trasparenza, parteċipazzjoni u rispons, u billi tiżgura li jiġi mħares l-istat tad-dritt u li jiġu rrispettati d-drittijiet tal-bniedem u l-libertajiet fundamentali;

25.

Tenfasizza l-ħtieġa għall-inkorporazzjoni tat-TIK fil-governanza lokali, kull fejn possibbli, u għat-twettiq ta’ inizjattivi li jippromwovu l-litteriżmu elettroniku u l-aċċess għat-teknoloġija u l-Internet;

26.

Tirrikonoxxi r-rwol kruċjali tal-awtoritajiet lokali fil-ġlieda kontra r-radikalizzazzjoni u t-terroriżmu; tistieden lill-Istati AKP u tal-UE u lill-korpi reġjonali jiżguraw li l-awtoritajiet lokali jista’ jkollhom rwol ċentrali fil-promozzjoni tal-integrazzjoni bejn il-komunitajiet u l-prevenzjoni tar-radikalizzazzjoni jew ta’ forom oħrajn ta’ emarġinazzjoni; tappella għall-istabbiliment ta’ mekkaniżmu għall-iskambju ta’ għarfien f’dan il-qasam bejn l-Istati AKP u tal-UE;

27.

Tenfasizza r-rwol kruċjali tal-governanza lokali fil-kuntest ta’ rikonċiljazzjoni wara l-kunflitti, billi l-awtoritajiet lokali huma l-ewwel faċilitatur fl-istabbiliment mill-ġdid tal-preżenza tal-istat fil-livell lokali u r-rispons aktar effettiv għall-kundizzjonijiet lokali, kif ukoll fil-prevenzjoni tal-kunflitti permezz tal-ġestjoni tat-tensjonijiet fil-grupp, iż-żieda tar-rappreżentanza u l-parteċipazzjoni u t-titjib fl-għoti tas-servizzi;

28.

Tenfasizza l-importanza tal-inklużjoni tan-nisa, taż-żgħażagħ, tal-persuni b’diżabilità, tal-persuni l-aktar vulnerabbli, kif ukoll tal-persuni kollha, irrispettivament mill-isfond kulturali u soċjo-ekonomiku tagħhom fil-proċess tat-teħid ta’ deċiżjonijiet politiċi u amministrattivi u l-iffaċilitar tal-parteċipazzjoni u r-rappreżentanza sħaħ tagħhom fil-livelli kollha tal-governanza, speċjalment fil-livell lokali; tappella għall-implimentazzjoni tal-ugwaljanza bejn is-sessi fuq bażi ta’ parità;

29.

Tinsisti li d-deċentralizzazzjoni għandha tkun opportunità sabiex jiġu indirizzati l-inugwaljanzi bejn is-sessi u sabiex jiżdiedu r-rappreżentanza u l-viżibbiltà tan-nisa fit-teħid tad-deċiżjonijiet fl-isferi politiċi u ekonomiċi;

30.

Tqis li d-deċentralizzazzjoni għandha tippermetti u tiffaċilita l-parteċipazzjoni fil-governanza lokali miż-żgħażagħ, li għandhom ikunu rrappreżentati fit-teħid tad-deċiżjonijiet;

31.

Tħeġġeġ lill-awtoritajiet kompetenti jeliminaw kwalunkwe duplikazzjoni fl-amministrazzjoni tal-istat u jevitaw kompetenzi li jikkoinċidu bejn il-gvern lokali u dak reġjonali;

32.

Tenfasizza l-ħtieġa li tissaħħaħ l-amministrazzjoni elettronika u l-mezzi li jirriżultaw minn teknoloġiji ġodda sabiex tinħoloq amministrazzjoni aktar trasparenti, biex b’hekk tiġi evitata kull forma ta’ prattika ħażina, jiġi ffaċilitat l-aċċess għaċ-ċittadini u tiġi żgurata l-kontabbiltà;

33.

Tappella għal kooperazzjoni mtejba bejn l-Istati AKP u tal-UE u organizzazzjonijiet reġjonali tal-AKP, bħall-UA, il-CARICOM u l-PIF, fl-istabbiliment u t-tisħiħ tal-kapaċità tal-mekkaniżmi ta’ sorveljanza fuq ir-riżorsi devoluti lill-unitajiet deċentralizzati sabiex jiġġieldu l-korruzzjoni u jwaqqfu l-ħela; tenfasizza li għandha tiġi intensifikata l-kooperazzjoni internazzjonali sabiex jiġu indirizzati l-flussi finanzjarji illeċiti bil-għan li jkunu żgurati kundizzjonijiet ekwi fil-qasam tat-tassazzjoni tal-kumpaniji lokali u internazzjonali;

34.

Tenfasizza l-importanza li jinħoloq, bħala parti mill-kooperazzjoni AKP-UE, djalogu politiku ġenwin bejn l-awtoritajiet lokali, li jagħmilha possibbli li jiġu vvalutati l-progress attwali, id-diffikultajiet u l-prospetti għat-titjib tal-effettività tal-assistenza fil-livell lokali;

35.

Tagħti istruzzjonijiet lill-Ko-Presidenti tagħha biex jibagħtu din ir-riżoluzzjoni lill-Kunsill tal-Ministri AKP-UE, lill-Parlament Ewropew, lill-Kummissjoni Ewropea, lill-Unjoni Afrikana, lill-Organizzazzjoni għas-Sigurtà u l-Kooperazzjoni fl-Ewropa, lill-organizzazzjonijiet reġjonali tal-Istati AKP u lis-Segretarju Ġenerali tan-Nazzjonijiet Uniti.

—

li ltaqgħet f’Windhoek (in-Namibja) bejn it-13 u l-15 ta’ Ġunju 2016,

—

wara li kkunsidrat l-Artikolu 18(1) tar-Regoli ta’ Proċedura tagħha,

—

wara li kkunsidrat il-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (il-Ftehim ta’ Cotonou) (1), b’mod partikolari, l-Artikolu 21 tiegħu, u r-reviżjonijiet tal-Ftehim ta’ Cotonou fl-2005 u fl-2010, (2),

—

wara li kkunsidrat ir-riżoluzzjonijiet tagħha tad-19 ta’ Frar 2004 dwar Ftehimiet ta’ Sħubija Ekonomika (FSE): Problemi u Prospetti, (3) tat-23 ta’ Novembru 2006 dwar ir-Reviżjoni tan-Negozjati dwar il-Ftehimiet ta’ Sħubija Ekonomika (4), tad-9 ta’ April 2009 dwar il-Ftehimiet ta’ Sħubija Ekonomika u l-impatt tagħhom fuq l-Istati AKP (5), u tad-19 ta’ Ġunju 2013 dwar il-Ftehimiet ta’ Sħubija Ekonomika – Il-Passi li Jmiss (6),

—

wara li kkunsidrat ir-riżoluzzjoni tad-19 ta’ Marzu 2014 dwar l-Integrazzjoni Reġjonali u l-Modernizzazzjoni tad-Dwana għal Żvilupp Sostenibbli fil-pajjiżi AKP, b’Kooperazzjoni mal-UE (7),

—

wara li kkunsidrat il-komunikazzjoni tal-Kummissjoni tas-27 ta’ Jannar 2012 bit-titolu “Il-Kummerċ, it-Tkabbir u l-Iżvilupp: It-Tfassil tal-Politika tal-Kummerċ u tal-Investiment għal dawk il-Pajjiżi l-aktar fil-Bżonn” (COM(2012) 22 final),

—

wara li kkunsidrat il-komunikazzjoni tal-Kummissjoni tal-5 ta’ Frar 2015 bit-titolu “Sħubija Globali għall-Qerda tal-Faqar u l-Iżvilupp Sostenibbli wara l-2015” (COM(2015) 44 final),

—

wara li kkunsidrat id-dokument finali tal-Aġenda għall-Iżvilupp Wara l-2015 bit-titolu “Nittrasformaw id-dinja tagħna: l-Aġenda 2030 għall-Iżvilupp Sostenibbli” adottat mill-Assemblea Ġenerali tan-Nazzjonijiet Uniti f’Settembru 2015,

—

wara li kkunsidrat it-tielet Konferenza Internazzjonali tan-NU dwar il-Finanzjament għall-Iżvilupp li saret f’Addis Ababa bejn it-13 u s-16 ta’ Lulju,

—

wara li kkunsidrat il-Pjan ta’ Azzjoni 2012 tal-Kummissjoni Ekonomika għall-Afrika tan-Nazzjonijiet Uniti (UNECA) għaż-żieda tal-kummerċ ġewwa l-Afrika,

—

wara li kkunsidrat il-Karta tal-Organizzazzjoni tal-Unità Afrikana (OUA) adottata f’Addis Ababa fil-25 ta’ Mejju 1963,

—

wara li kkunsidrat l-Att Kostituttiv tal-Unjoni Afrikana adottat f’Lomé, it-Togo, fil-11 ta’ Lulju 2000,

—

wara li kkunsidrat id-deċiżjoni tat-22 ta’ Ottubru 2008 tas-Summit Tripartitiku ta’ Kampala li tiġi stabbilita żona ta’ kummerċ ħieles bejn is-Suq Komuni għall-Afrika tal-Lvant u tan-Nofsinhar (COMESA), il-Komunità għall-Iżvilupp tan-Nofsinhar tal-Afrika (SADC) u l-Komunità tal-Afrika tal-Lvant (EAC),

—

wara li kkunsidrat it-Trattat ta’ Abuja tat-3 ta’ Ġunju 1991 li jistabbilixxi l-Komunità Ekonomika Afrikana, b’mod partikolari l-Artikoli 6 u 88 tiegħu,

—

wara li kkunsidrat id-deċiżjoni tat-18-il Sessjoni tal-Assemblea tal-Unjoni Afrikana li saret f’Addis Ababa mit-23 sat-30 ta’ Jannar 2012,

—

wara li kkunsidrat il-pjanijiet ta’ azzjoni għall-iżvilupp ekonomiku tal-Afrika, adottati fl-1980 u fl-2012 f’Lagos,

—

wara li kkunsidrat l-Aġenda 2063, li tnediet fl-okkażjoni tal-50 anniversarju tal-Unjoni Afrikana f’Addis Ababa f’Mejju 2013 u ġiet adottata waqt l-24 sessjoni ordinarja tal-Assemblea tal-Unjoni Afrikana f’Addis Ababa fil-31 ta’ Jannar 2015,

—

wara li kkunsidrat it-22 summit tal-Kapijiet tal-Istat tal-Unjoni Afrikana bejn it-30 u l-31 ta’ Jannar 2014,

—

wara li kkunsidrat id-deċiżjonijiet tat-Tielet Summit Tripartitiku organizzat f’Sharm el-Sheikh mis-6 sal-10 ta’ Ġunju 2015,

—

wara li kkunsidrat ir-rapport tal-2013 tal-Konferenza tan-Nazzjonijiet Uniti dwar il-Kummerċ u l-Iżvilupp (UNCTAD) dwar il-Kummerċ Intra-Afrikan: L-Isfruttament tad-Dinamiżmu tas-Settur Privat,

—

wara li kkunsidrat ir-Rapport tal-2015 tal-Forum Ekonomiku Dinji dwar il-Kompetittività tal-Afrika,

A.

billi l-ħolqien ta’ żona kontinentali ta’ kummerċ ħieles (CFTA) għall-Afrika huwa l-espressjoni tar-rieda politika tal-kapijiet tal-Istat tal-Unjoni Afrikana li ltaqgħu f’Addis Ababa fl-2012;

B.

billi s-CFTA hija rikonoxxuta fl-Aġenda 2063 tal-Unjoni Afrikana bħala pass importanti fit-triq lejn l-għan aħħari tal-ħolqien ta’ Suq Komuni Afrikan u r-realizzazzjoni ta’ Komunità Ekonomika Afrikana kif previst fit-Trattat ta’ Abuja u fl-Att Kostituttiv tal-Unjoni Afrikana;

C.

billi s-sehem tal-kummerċ globali tal-Afrika huwa baxx ħafna – madwar 3 % – u l-Afrika għadha l-kontinent li jinnegozja l-inqas miegħu nnifsu, bil-kummerċ intra-kontinentali jammonta biss għal madwar 12 % tal-kummerċ Afrikan, kontra madwar 55 % fl-Asja u aktar minn 70 % fl-Ewropa;

D.

billi f’Ġunju 2015 l-Unjoni Afrikana nediet uffiċjalment in-negozjati għat-twaqqif tas-CFTA sal-2017, li għandu jiġi segwit mill-ħolqien ta’ Unjoni Doganali Afrikana sal-2019;

E.

billi s-CFTA ser trawwem relazzjonijiet ekonomiċi, kummerċjali u kulturali intra-Afrikani aktar mill-qrib u ser iżżid il-kapaċità tal-provvista u l-kompetittività bejn il-pajjiżi Afrikani, tal-Karibew u tal-Paċifiku u mal-Unjoni Ewropea;

F.

billi ż-żieda fil-kummerċ intra-Afrikan għandha tkun ta’ benefiċċju għall-Afrikani kollha u tgħin lill-Afrika ssir parti integrali mis-sistemi ta’ kummerċ globali;

G.

billi r-reġjonaliżmu orjentat lejn l-iżvilupp jista’ jkollu benefiċċji konsegwenzjali f’termini tat-trawwim tal-paċi, is-sigurtà u l-istabbiltà politika fuq il-kontinent;

H.

billi l-konklużjoni tas-CFTA teħtieġ armonizzazzjoni tal-ħafna u d-diversi impenji kummerċjali mwettqa mill-maġġoranza tal-pajjiżi Afrikani fil-livelli bilaterali, reġjonali u multilaterali;

I.

billi d-diskrepanza strutturali bejn il-provvista domestika u d-domanda ta’ prodotti u servizzi ta’ spiss twassal għal importazzjonijiet għaljin;

J.

billi l-kummerċ transkonfinali jseħħ bejn pajjiżi li ta’ spiss ikunu abitati mill-istess popli, iżda dawn il-flussi sinifikanti mhumiex rikonoxxuti fil-kummerċ bejn Stati Afrikani;

K.

billi din l-ekonomija parallela tevadi t-tassazzjoni fl-Istat u xxekkel l-isforzi għall-appoġġ u l-iżvilupp tas-settur privat;

L.

billi l-frodi, il-kuntrabandu, l-evażjoni tat-taxxa u l-eżenzjonijiet mit-taxxa jċaħħdu lill-Istati minn riżorsi finanzjarji, Stati li diġà jistgħu jkunu affettwati minn tnaqqis fid-dazji doganali minħabba l-liberalizzazzjoni tal-kummerċ; billi l-ammont kolossali ta’ kapital finanzjarju illeċitu li joħroġ mill-kontinent Afrikan huwa ostakolu għat-tkabbir u l-iżvilupp tiegħu;

M.

wara li kkunsidrat il-valur miżjud ta’ proġetti ta’ integrazzjoni kbar b’effetti multiplikaturi, bħall-iskemi kontra t-tnixxif tal-Lag Ċad, għall-estrazzjoni tal-gass metan mil-Lag Kivu u għall-isfruttament tal-potenzjal idroelettriku tal-baċir tax-xmara Kongo u tas-sit ta’ Inga fir-Repubblika Demokratika tal-Kongo;

1.

Tinnota li s-CFTA eventwalment tinkludi 54 pajjiż Afrikan, li jirrappreżentaw PDG ikkombinat ta’ USD 1,2 triljun, tikkostitwixxi suq ta’ aktar minn biljun ruħ sal-2050 u żżid il-kummerċ intra-Afrikan b’xejn inqas minn USD 35 biljun fis-sena;

2.

Jiddispjaċiha li bħalissa 12 % biss tal-flussi kummerċjali Afrikani huma interni, u tinsisti fuq il-promozzjoni neċessarja tal-kummerċ intra-kontinentali billi jitneħħew l-ostakoli tariffarji u mhux tariffarji u tiġi indirizzata l-frammentazzjoni attwali tas-suq Afrikan; tfakkar li l-flussi kummerċjali miżjuda għandhom jgħinu, fuq perjodu ta’ żmien qasir u medju, sabiex il-PDG tal-Afrika jiżdied b’madwar 4,5 sa 5 %;

3.

Tenfasizza l-ħtieġa li jiġu appoġġjati l-proċessi ta’ integrazzjoni reġjonali fl-Afrika sabiex tinbena r-reżiljenza ekonomika u l-ekonomiji tal-kontinent jiġu protetti minn xokkijiet esterni; tqis li dan it-tkabbir permezz tal-kummerċ reġjonali, partikolarment minħabba l-kooperazzjoni u t-trasferiment tat-teknoloġija Nofsinhar-Nofsinhar, għandu jintuża għal rilokazzjoni mill-ġdid aħjar tar-riżorsi u għal tnaqqis tal-inugwaljanzi fl-iżvilupp fil-kontinent Afrikan; f’dan is-sens, tinsisti fuq l-involviment taċ-ċittadini u ta’ partijiet ikkonċernati oħrajn f’diskussjonijiet sinċiera u miftuħa sabiex jintlaħaq kunsens dwar l-istrateġija li trid tiġi segwita fir-rigward tal-promozzjoni tal-interessi tal-politika pubblika nazzjonali;

4.

Tirrimarka li l-konnessjoni bejn liberalizzazzjoni tal-kummerċ u t-tnaqqis tal-faqar bl-ebda mod ma hija awtomatika u li s-CFTA tagħmel biss kontribut sostenibbli għat-titjib tal-kwalità tal-ħajja tal-Afrikani jekk dan jinvolvi politika ta’ żvilupp ambizzjuża, inkella l-inugwaljanzi profondi madwar il-kontinent jibqgħu mhux ivverifikati;

5.

Tqis li s-CFTA għandha tiġi implimentata gradwalment, permezz tal-federazzjoni tad-diversi żoni ta’ kummerċ ħieles u komunitajiet ekonomiċi diġà eżistenti, jiġifieri l-konklużjoni tal-ftehim tripartitiku bejn l-SADC, COMESA u l-EAC;

6.

Tqis li huwa meħtieġ ukoll ambjent internazzjonali favorevoli sabiex jikkumplimenta l-proċess ta’ integrazzjoni ekonomika reġjonali ġewwa l-Afrika, inkluż permezz tal-għoti lill-Afrika ta’ rappreżentanza u parteċipazzjoni ikbar fit-teħid tad-deċiżjonijiet fl-istituzzjonijiet finanzjarji, tal-kummerċ u tal-iżvilupp internazzjonali; tappella lill-UE sabiex tappoġġja lill-pajjiżi Afrikani f’dawn it-talbiet sabiex ikunu jistgħu jipparteċipaw b’mod ugwali fir-riforma globali tar-regoli internazzjonali eżistenti;

7.

Titlob li jissaħħu l-iżvilupp ekonomiku u l-kapaċità tal-innovazzjoni tal-Komunitajiet Ekonomiċi Reġjonali (REC), li l-integrazzjoni u l-esperjenza tagħhom bla dubju ser ikunu sors ta’ ispirazzjoni għar-realizzazzjoni tas-CFTA;

8.

Tirrimarka li l-Komunitajiet Ekonomiċi Reġjonali tal-Afrika huma mistennija li jinnegozjaw mal-bqija tad-dinja taħt diversi sistemi ta’ kummerċ internazzjonali, fosthom aċċess ħieles mid-dazju u mill-kwoti (DFQF) għall-pajjiżi l-inqas żviluppati (LDC) u Sistema Ġenerali ta’ Preferenzi jew ftehimiet reċiproċi ta’ kummerċ ħieles għall-pajjiżi li mhumiex LDC; tenfasizza l-ħtieġa għall-pajjiżi Afrikani li jikkonsolidaw l-iskemi eżistenti ta’ aċċess għas-suq f’waħda li tkun konsistenti ma’ CFTA sabiex jitrawmu l-integrazzjoni reġjonali u d-diversifikazzjoni tal-kummerċ; f’dan l-isfond, tqis li huwa essenzjali li jiġi żgurat li l-Ftehimiet ta’ Sħubija Ekonomika (FSE) jgħinu sabiex titrawwem ir-realizzazzjoni tas-CFTA;

9.

Tenfasizza l-importanza tas-sorveljanza demokratika tal-parlamenti nazzjonali u tas-soċjetà ċivili, kemm fil-monitoraġġ tal-implimentazzjoni tal-FSE, kif ukoll fil-proċess tat-twaqqif ta’ CFTA għall-Afrika; tappella, għalhekk, għall-involviment sistematiku tagħhom fil-ħidma li għaddejja, bħala parti minn approċċ parteċipattiv u bit-tama li tiġi żgurata trasparenza massima;

10.

Tfakkar li l-aċċess imtejjeb għas-suq mingħajr il-kapaċità li jiġu manifatturati prodotti u servizzi jonqos milli jipproduċi żvilupp ekonomiku; minn issa ‘l quddiem, titlob li, bħala prijorità, is-CFTA taġġusta l-iżbilanċ strutturali tal-provvista Afrikana ta’ prodotti u servizzi b’rabta mad-domanda, sabiex ikollha impatt effettiv fuq il-kummerċ; barra minn hekk, tistieden lill-UE sabiex tappoġġja l-inizjattivi ta’ integrazzjoni reġjonali eżistenti, inkluża s-CFTA, permezz tal-għodda ta’ Għajnuna għall-Kummerċ, li għandhom jgħinu sabiex jiffaċilitaw l-istabbiliment jew l-iżvilupp ta’ kapaċità produttivi domestika, inaqqsu l-inugwaljanza tad-dħul fl-Afrika u jassistu bid-diversifikazzjoni ekonomika u t-trasferimenti tat-teknoloġija;

11.

Tistieden lill-gvernijiet Afrikani sabiex ikomplu jtejbu l-kummerċ intra-Afrikan billi joħolqu l-qafas regolatorju xieraq għall-kummerċ; tenfasizza l-importanza tal-armonizzazzjoni tal-liġijiet nazzjonali, l-investiment fl-infrastruttura relatata mal-kummerċ u l-iffaċilitar ta’ kummerċ effiċjenti;

12.

Tistieden lis-CFTA sabiex tgħin fit-treġġigħ lura, fil-konsolidazzjoni u fl-iżvilupp tal-qafas ekonomiku tal-Afrika, sabiex jissaħħu l-integrazzjoni tas-suq, il-produzzjoni industrijali u l-kompetittività, jittejjeb il-kummerċ, isir investiment fl-infrastruttura u tingħata spinta lill-konsum billi tissaħħaħ il-kapaċità tal-akkwist;

13.

Tenfasizza l-importanza tal-innovazzjoni sabiex tistimola l-produzzjoni, b’mod partikolari fis-settur primarju u fin-netwerk tad-distribuzzjoni tiegħu;

14.

Temmen li s-CFTA għandha tkun forza li twassal għall-implimentazzjoni ta’ proġetti transkonfinali kbar – pereżempju, l-infrastruttura tat-trasport u tal-komunikazzjoni jew l-elettrifikazzjoni tal-kontinent — sabiex jiġu żgurati konnessjonijiet aħjar bejn l-Istati ġirien u bliet ewlenin u jiġu promossi opportunitajiet ta’ żvilupp ġodda;

15.

Tittama li s-CFTA tippermetti lill-Afrika tinvolvi ruħha fil-ġestjoni u l-isfruttament sostenibbli tar-riżorsi naturali tagħha li, flimkien ma’ demografija favorevoli, jikkontribwixxu għat-tkabbir ekonomiku u għat-tnaqqis tad-diskrepanzi fl-iżvilupp bejn il-pajjiżi Afrikani permezz ta’ ridistribuzzjoni tal-ġid; għal dan il-għan, tistieden lill-Istati Afrikani sabiex iżidu t-trasparenza u l-kontabbiltà fil-kuntratti tar-riżorsi, fir-rapportar finanzjarju tal-kumpaniji u fl-awditjar; tappella bl-istess mod lill-UE sabiex iżżid l-appoġġ tagħha biex tgħin lill-pajjiżi li għandhom ħafna riżorsi jimplimentaw il-prinċipji tal-Inizjattiva għat-Trasparenza tal-Industriji Estrattivi (EITI) għal trasparenza u kontabbiltà ikbar fis-setturi taż-żejt, tal-gass u tat-tħaffir fil-minjieri;

16.

Tfakkar li s-settur privat jipprovdi 90 % tal-impjiegi fil-pajjiżi li qegħdin jiżviluppaw, inkluż fl-Afrika; temmen li s-CFTA tista’ toħloq opportunitajiet ġodda għan-negozji Afrikani billi toħloq il-kundizzjonijiet neċessarji u l-ambjent għall-intraprenditorija, l-investiment u l-ħolqien tal-impjiegi; tħeġġeġ sabiex tingħata attenzjoni partikolari lill-SMEs u lill-SMIs — li jifformaw in-nisġa ta’ ekonomija lokali dinamika u varjata — b’mod partikolari permezz tal-ħolqien ta’ oqsma ta’ tkabbir ta’ prijorità;

17.

Tixtieq tara l-implimentazzjoni ta’ politika prattika li tassisti lill-SMEs, l-SMIs u l-proġetti u l-kumpaniji taż-żgħażagħ lokali permezz ta’ ħelsien mit-taxxa u appoġġ minn esperti fl-oqsma tal-kontabbiltà u tat-taxxa u kumpaniji approvati ta’ konsulenza fil-maniġment sabiex jiżviluppaw il-kapaċità tagħhom li joħolqu l-ġid u l-impjiegi;

18.

Tirrikonoxxi li l-inċentivi fiskali ġeneralment mogħtija mill-pajjiżi Afrikani sabiex jattiraw l-IDB f’industriji estrattivi jċaħħduhom minn riżorsi finanzjarji kritiċi; temmen, għaldaqstant, li l-linji politiċi dwar it-tassazzjoni b’rabta mal-industriji estrattivi għandhom jiġu riveduti sabiex ikunu mħarsal-interessi soċjo-ekonomiċi tal-pajjiżi ospitanti; tħeġġeġ lill-UE sabiex tiżgura d-distribuzzjoni ġusta tad-drittijiet tat-tassazzjoni waqt li tkun qed tinnegozja t-trattati dwar it-taxxa u l-investiment mal-pajjiżi li qegħdin jiżviluppaw; għal dan l-għan, tappella lill-UE sabiex tinnegozja Trattati dwar it-Taxxa mal-pajjiżi li qegħdin jiżviluppaw abbażi tal-mudell tat-trattat tal-Kumitat tat-Taxxa tan-Nazzjonijiet Uniti, li jagħti drittijiet aktar b’saħħithom għat-tassazzjoni f’ras il-għajn; tfakkar, barra minn hekk, fir-responsabbiltà tal-UE li tiġġieled ir-regoli fiskali li jiffaċilitaw l-evitar tat-taxxa minn individwi u korporazzjonijiet transnazzjonali u li tgħin lil pajjiżi terzi jirripatrijaw il-fondi illeċiti u jħarrku lit-trasgressuri;

19.

Hija tal-fehma li s-CFTA għandha tagħti spinta mhux biss lill-kummerċ intra-Afrikan ta’ prodotti u servizzi, iżda wkoll lill-moviment liberu tal-persuni u tal-kapital;

20.

Tappella sabiex jittieħdu azzjonijiet konkreti u malajr li jikkumpensaw għat-tnaqqis fid-dħul tal-baġit bħala riżultat tat-tneħħija ta’ ostakoli doganali u li jippreservaw is-swieq ta’ produzzjoni lokali;

21.

Tenfasizza li l-aċċess għall-finanzjament fl-Afrika għadu limitat wisq u li sabiex tiġi rrimedjata din is-sitwazzjoni, jeħtieġ li jitfasslu soluzzjonijiet ġodda u innovattivi fil-qafas tas-CFTA;

22.

Tinsab konvinta li s-settur agrikolu jista’ jkun mezz b’saħħtu ta’ appoġġ fit-twaqqif tas-CFTA għall-Afrika, sakemm il-liberalizzazzjoni tkun akkumpanjata minn regoli tas-suq li jistgħu jipproteġu lil produtturi żgħar; tappella, għalhekk, lill-Istati Afrikani sabiex jonoraw l-impenn illi għamlu fl-2003 f’Maputo li jallokaw mill-inqas 10 % tal-baġits nazzjonali tagħhom għall-biedja;

23.

Tfakkar li l-agrikoltura tikkostitwixxi 37 % tal-PDG tal-Afrika, bil-bdiewa żgħar jammontaw għal aktar minn 90 % tal-produzzjoni agrikola tal-Afrika; titlob, f’kuntest fejn l-azjendi agrikoli mmexxija minn familji u l-bdiewa żgħar ikunu wrew l-abbiltà tagħhom li jipprovdu prodotti ddiversifikati u li jżidu l-produzzjoni tal-ikel b’mod sostenibbli, permezz tal-użu ta’ prattiki agro-ekoloġiċi, li jiżdied il-finanzjament għall-bdiewa żgħar bil-għan li tiġi żgurata s-sigurtà alimentari tal-kontinent u jinbnew ħażniet ta’ produzzjoni għall-benefiċċju tal-popolazzjoni lokali;

24.

Tistieden lill-Unjoni Ewropea u lill-Istati Afrikani biex jaħdmu flimkien sabiex jiżviluppaw strateġija li żżid il-kompetittività agrikola tal-Afrika li tindirizza kwistjonijiet ta’ żvilupp rurali, limitazzjonijiet marbuta ma’ miżuri sanitarji u fitosanitarji u aċċess għal mikrofinanzjament bil-għan li jissaħħaħ il-kummerċ intra-kontinentali ta’ prodotti agrikoli, jiġi protett l-għajxien ta’ bdiewa żgħar u tiġi żgurata s-sigurtà alimentari;

25.

Tappella għal enfasi aktar qawwija fuq l-edukazzjoni tal-irġiel u tan-nisa u fuq inizjattivi li jiddedikaw biżżejjed riżorsi għall-inkoraġġiment tal-kreattività u l-innovazzjoni, li huma meħtieġa għall-promozzjoni tal-kompetittività u d-diversifikazzjoni tal-esportazzjoni;

26.

Tappella sabiex is-CFTA proposta tibni fuq l-esperjenza ta’ 40 sena ta’ relazzjonijiet AKP-UE, tuża l-punti ta’ saħħa tal-Ftehim ta’ Cotonou u tibbaża fuq in-negozjati li għaddejjin bħalissa fuq il-ftehim ġdid għall-perjodu wara l-2020;

27.

Tinkoraġġixxi lill-pajjiżi Afrikani tal-AKP ikunu kkoordinati ċentralment sabiex ikunu magħqudin fin-negozjati mal-imsieħba kummerċjali tagħhom, inkluża l-Unjoni Ewropea;

28.

Tistieden lill-Unjoni Ewropea u lill-Afrika sabiex jifformaw sħubija bbażata fuq politika ta’ tkabbir u kożvilupp inklużivi u sostenibbli fuq livell konġunt li tiffoka fuq l-isfidi u l-interessi komuni; tinsisti fuq l-importanza ta’ skambju ta’ prattika tajba bejn iż-żewġ kontinenti, b’mod partikolari fuq it-titjib tal-infrastruttura nazzjonali u tal-kapaċità istituzzjonali sabiex is-CFTA tiġi appoġġjata b’mod effettiv;

29.

Tirrikonoxxi li s-CFTA ser tieħu żmien twil sabiex tiġi implimentata u li ser tkun tirrikjedi l-involviment politiku qawwi mill-partijiet ikkonċernati kollha; tappella għat-twaqqif ta’ sistema ta’ monitoraġġ b’saħħitha sabiex tivvaluta l-progress lejn l-implimentazzjoni tal-impenji tas-CFTA;

30.

Tirrikonoxxi li s-CFTA ma tkunx ta’ benefiċċju mingħajr ma ssir bidla strutturali qawwija li tiżgura t-tranżizzjoni meħtieġa tal-istrutturi Afrikani tal-produzzjoni u tal-esportazzjoni mill-komoditajiet primarji għall-manifattura;

31.

Temmen li s-CFTA għandu jkollha kapaċità reali li taġixxi, partikolarment biex tidderieġi l-għajnuna, is-sussidji u riżorsi Komunitarji oħrajn, bil-għan li jinqered il-faqar fl-Afrika u tinkiseb konverġenza fil-livelli ta’ żvilupp tal-pajjiżi; tistieden lill-partijiet jiżviluppaw mekkaniżmu li jikseb bilanċ bejn id-distribuzzjoni tal-qligħ fost il-pajjiżi Afrikani sabiex il-pajjiżi li huma ekonomikament aktar dgħajfa jiġu integrati u jibbenefikaw b’mod ekwu mis-CFTA;

32.

Tappella għall-ħolqien ta’ qafas għall-esperti tekniċi madwar il-kontinent sabiex jaqsmu ideat, esperjenzi u l-aqwa prassi fil-promozzjoni tas-CFTA;

33.

Tirrikonoxxi li s-CFTA weħidha mhux ser tkun tista’ tindirizza l-isfidi kollha li qed tiffaċċja l-Afrika bħalissa, iżda ser toffri lill-kontinent prospetti reali għal żvilupp sostenibbli u inklużiv billi tiftħu għal gruppi ekonomiċi oħrajn, bħalma huma l-Unjoni Ewropea u ż-żoni fil-Paċifiku u fil-Karibew;

34.

Tfakkar li huwa essenzjali li l-Afrika tibni fuq l-iżvilupp tagħha stess u tiddefendi l-mudell tagħha billi tikseb il-mezzi neċessarji kollha biex taħdem favur tkabbir li jkun ta’ benefiċċju għall-Afrikani kollha;

35.

Tagħti istruzzjonijiet lill-Ko-Presidenti tagħha biex jibagħtu din ir-riżoluzzjoni lill-Kunsill tal-Ministri AKP-UE, lill-Parlament Ewropew, lill-Kummissjoni Ewropea, lill-Kunsill Ewropew, lill-Unjoni Afrikana, lill-Parlament Pan-Afrikan, lill-parlamenti reġjonali u nazzjonali u lill-organizzazzjonijiet reġjonali relatati mal-pajjiżi AKP, kif ukoll lill-Bank Ewropew tal-Investiment.

—

li ltaqgħet f’Windhoek (in-Namibja) bejn it-13 u l-15 ta’ Ġunju 2016,

—

wara li kkunsidrat l-Artikolu 18(1) tar-Regoli ta’ Proċedura tagħha,

—

wara li kkunsidrat ir-riżoluzzjonijiet preċedenti tagħha, b’mod partikolari dik tad-9 ta’ Diċembru 2015 dwar il-migrazzjoni, id-drittijiet tal-bniedem u r-refuġjati umanitarji,

—

wara li kkunsidrat il-Ftehim ta’ Sħubija bejn il-membri tal-Grupp ta’ Stati Afrikani, tal-Karibew u tal-Paċifiku, minn naħa waħda, u l-Komunità Ewropea u l-Istati Membri tagħha, min-naħa l-oħra, iffirmat f’Cotonou fit-23 ta’ Ġunju 2000 (il-Ftehim ta’ Cotonou) (8), b’mod partikolari, l-Artikolu 13 tiegħu, u r-reviżjonijiet tal-Ftehim ta’ Cotonou adottati fl-2005 u fl-2010 (9),

—

wara li kkunsidrat il-ħolqien tal-Osservatorju AKP dwar il-Migrazzjoni,

—

wara li kkunsidrat ir-Rapport dwar id-djalogu tal-2011-2012 dwar il-migrazzjoni u l-iżvilupp approvat mill-Kunsill tal-Ministri AKP-UE waqt is-37 sessjoni tiegħu, li saret fl-14 ta’ Ġunju 2012 f’Port Vila, Vanuatu,

—

wara li kkunsidrat il-Proċess ta’ Kartum (l-Inizjattiva dwar ir-Rotta tal-Migrazzjoni bejn l-UE u l-Qarn tal-Afrika) u l-Proċess ta’ Rabat (id-Djalogu Ewro-Afrikan dwar il-Migrazzjoni u l-Iżvilupp),

—

wara li kkunsidrat il-Konklużjonijiet tal-Kunsill dwar il-Koerenza tal-Politiki għall-Iżvilupp (PCD): Rapport tal-UE għall-2015 tas-26 ta’ Ottubru 2015,

—

wara li kkunsidrat ir-riżoluzzjoni tal-Parlament Ewropew tat-8 ta’ Marzu 2016 dwar is-sitwazzjoni tar-refuġjati nisa u l-persuni li qed ifittxu l-ażil fl-UE (10),

—

wara li kkunsidrat ir-riżoluzzjonijiet tal-Parlament Ewropew tas-17 ta’ Diċembru 2014 dwar is-sitwazzjoni fil-Mediterran u l-ħtieġa għal approċċ olistiku tal-UE għall-migrazzjoni (11), tad-29 ta’ April 2015 dwar l-aħħar traġedji fil-Mediterran u l-politiki tal-UE dwar il-migrazzjoni u l-ażil (12), u tal-10 ta’ Settembru 2015 dwar il-migrazzjoni u r-refuġjati fl-Ewropa (13),

—

wara li kkunsidrat ir-riżoluzzjoni leġiżlattiva tal-Parlament Ewropew tat-3 ta’ Lulju 2013 dwar il-proposta għal Direttiva tal-Kunsill li timplimenta kooperazzjoni msaħħa fil-qasam tat-taxxa fuq it-tranżazzjonijiet finanzjarji (14),

—

wara li kkunsidrat id-Deċiżjonijiet tal-Kunsill (UE) 2015/1601 tat-22 ta’ Settembru 2015 u (UE) 2015/1523 tal-14 ta’ Settembru 2015, li t-tnejn jistabbilixxu miżuri proviżorji fil-qasam tal-protezzjoni internazzjonali għall-benefiċċju tal-Italja u l-Greċja,

—

wara li kkunsidrat il-komunikazzjoni mill-Kummissjoni lill-Parlament Ewropew, lill-Kunsill Ewropew u lill-Kunsill tad-29 ta’ Settembru 2015 bit-titolu “Il-ġestjoni tal-kriżi tar-refuġjati: miżuri operazzjonali, baġitarji u legali immedjati skont l-Aġenda Ewropea dwar il-Migrazzjoni” (COM(2015)0490),

—

wara li kkunsidrat il-Karta tad-Drittijiet Fundamentali tal-Unjoni Ewropea tat-7 ta’ Diċembru 2000,

—

wara li kkunsidrat l-Istrateġija Konġunta UE-Afrika,

—

wara li kkunsidrat id-Dikjarazzjoni Konġunta u l-Pjan ta’ Azzjoni, adottati fis-Summit UE-Afrika dwar il-Migrazzjoni, li sar bejn il-11 u t-12 ta’ Novembru 2015,

—

wara li kkunsidrat il-Pjan ta’ Azzjoni Reġjonali ta’ Saħel għall-2015-2020, adottat mill-Kunsill fl-20 ta’ April 2015,

—

wara li kkunsidrat ir-riżoluzzjoni tal-Assemblea tan-NU tal-25 ta’ Settembru 2015 bit-titolu “Nittrasformaw id-dinja tagħna: l-Aġenda 2030 għall-Iżvilupp Sostenibbli” (A/RES/70/1),

—

wara li kkunsidrat il-Konvenzjoni għall-Protezzjoni tad-Drittijiet tal-Bniedem u tal-Libertajiet Fundamentali,

—

wara li kkunsidrat il-Konvenzjoni ta’ Ġinevra tal-1951 dwar l-istatus tar-refuġjati u l-Protokoll tagħha tal-1967,

—

wara li kkunsidrat il-Patt Internazzjonali dwar id-Drittijiet Ċivili u Politiċi,

—

wara li kkunsidrat il-Konvenzjoni Internazzjonali dwar il-Ħarsien tad-Drittijiet tal-Ħaddiema Migranti Kollha u tal-Membri tal-Familji tagħhom,

—

wara li kkunsidrat il-Karta Afrikana (Banjul) dwar id-Drittijiet tal-Bniedem u tal-Popli, adottata mill-Organizzazzjoni tal-Assemblea tal-Unità Afrikana fis-27 ta’ Ġunju 1981,

—

wara li kkunsidrat ir-Riżoluzzjoni 2240 (2015) tal-Kunsill tas-Sigurtà tan-NU tad-9 ta’ Ottubru 2015 b’rabta mal-ġlieda kontra l-proliferazzjoni riċenti ta’, u t-tqegħid fil-periklu ta’ ħajjiet minħabba, il-faċilitazzjoni tal-immigrazzjoni illegali u t-traffikar tal-persuni fl-ibħra miftuħa tal-Mediterran,

—

wara li kkunsidrat id-Dikjarazzjoni Universali tad-Drittijiet tal-Bniedem adottata mill-Assemblea Ġenerali tan-NU fl-10 ta’ Diċembru 1948,

—

wara li kkunsidrat il-Konvenzjoni tan-NU dwar id-Drittijiet tat-Tfal,

—

wara li kkunsidrat il-Konvenzjoni tan-NU dwar l-Eliminazzjoni ta’ kull Forma ta’ Diskriminazzjoni Kontra n-Nisa,

—

wara li kkunsidrat l-eżiti tal-21 Sessjoni tal-Konferenza tal-Partijiet għall-Konvenzjoni Qafas tan-Nazzjonijiet Uniti dwar it-Tibdil fil-Klima (COP21),

—

wara li kkunsidrat il-Pjattaforma ta’ Azzjoni ta’ Beijing tan-NU u d-Dikjarazzjoni ta’ Beijing,

—

wara li kkunsidrat il-Konvenzjoni tal-Kunsill tal-Ewropa dwar il-prevenzjoni u l-ġlieda kontra l-vjolenza fuq in-nisa u l-vjolenza domestika (il-Konvenzjoni ta’ Istanbul),

—

wara li kkunsidrat ir-rapport tal-Kumitat għall-Affarijiet Soċjali u l-Ambjent (AKP-UE/101.911v01-00),

A.

billi l-gwerer, il-vjolenza terribbli (imwettqa minn, fost oħrajn, gruppi terroristiċi bħal Boko Haram u ISIS), l-attivitajiet u t-theddidiet dejjem jiżdiedu tal-organizzazzjonijiet terroristiċi, l-instabbiltà politika, soċjali u ekonomika, it-tnaqqis fir-ritmu ekonomiku, il-faqar, il-governanza ħażina, il-ksur tad-drittijiet tal-bniedem, l-estremiżmu reliġjuż u l-mibegħda, il-qgħad, il-korruzzjoni, l-indħil politiku u r-ripressjoni, il-kriżijiet umanitarji, it-tibdil fil-klima, id-diżastri naturali, id-degradazzjoni ambjentali, in-nuqqas ta’ opportunitajiet għaż-żgħażagħ u d-disparitajiet dejjem jikbru fil-kundizzjonijiet ekonomiċi u tal-għajxien huma l-ixprunaturi ewlenin wara l-migrazzjoni u ċ-ċaqliq sfurzat tal-popolazzjoni;

B.

billi l-flussi migratorji mħallta Nofsinhar-Nofsinhar huma ferm aktar sinifikanti mill-flussi lejn it-Tramuntana u ilhom għaddejjin għal diversi snin, speċjalment fl-Afrika;

C.

billi l-UNHCR ipproġetta li kien hemm 15-il miljun ruħ affettwati minn ċaqliq fl-Afrika fl-2015, u billi, minkejja dawn in-numri għoljin, id-dritt għat-tfittxija u t-tgawdija ta’ protezzjoni internazzjonali huwa fil-biċċa l-kbira tiegħu rrispettat fl-Afrika;

D.

billi t-tibdil fil-klima ser iwassal biex miljuni ta’ nies jitilqu minn pajjiżhom, u l-pajjiżi tal-UE u AKP għandhom jimpenjaw ruħhom li jevitaw l-impatt negattiv tat-tibdil fil-klima u li jindirizzaw il-konsegwenzi tiegħu;

E.

billi l-instabbiltà reġjonali u l-kunflitti persistenti wasslu għal kriżi umanitarja bla preċedent li min-naħa tagħha wasslet għaċ-ċaqliq sfurzat ta’ 59,5 miljun ruħ fl-2014, imqabbel ma’ 51,2 miljun fl-2013, u billi hemm indikazzjonijiet li ċ-ċifra għall-2015 ser taqbeż is-60 miljun għall-ewwel darba;

F.

billi n-nisa u t-tfal jammontaw għal aktar minn 55 % tar-refuġjati kollha li jitilqu lejn l-Ewropa u ħafna minn dawn huma f’riskju ta’ traffikar tal-persuni, vjolenza u abbuż sesswali; billi nofs ir-refuġjati tad-dinja huma tfal; billi fl-2014 waslu fl-UE 25 000 refuġjat minorenni mhux akkumpanjati u 10 000 refuġjat minorenni huma rrapportati li nstabu neqsin fl-UE fl-2016;

G.

billi l-migranti u r-refuġjati huma soġġetti għal status differenti skont il-liġi internazzjonali, minħabba li l-migranti, speċjalment dawk ekonomiċi, jagħżlu li jiċċaqilqu minn pajjiżhom biex itejbu ħajjithom, filwaqt li r-refuġjati jiġu sfurzati jaħarbu biex isalvaw ħajjithom jew jippreservaw il-libertà tagħhom;

H.

billi l-koerenza tal-politika u l-koordinazzjoni bejn il-politiki tal-UE dwar l-azzjoni esterna, is-sigurtà, id-difiża, il-kummerċ, l-esportazzjonijiet tal-armi, it-tassazzjoni, l-agrikoltura, l-għajnuna umanitarja, il-migrazzjoni, l-ażil u l-kooperazzjoni fl-iżvilupp huma ta’ importanza kruċjali, iżda jibqgħu fil-biċċa l-kbira tagħhom mhux imwettqa;

I.

billi hemm ħtieġa ċara għal approċċ komuni sabiex tiġi ttrattata ż-żieda bla preċedent fil-migrazzjoni u ċ-ċaqliq sfurzat, b’koordinazzjoni fl-UE, fir-reġjuni AKP u bejn l-UE u l-pajjiżi AKP; billi s-Summit tal-Belt Valletta, li sar fil-11 u t-12 ta’ Novembru 2015, kien pass kuraġġjuż f’din id-direzzjoni u għandu jwassal għal riżultati tanġibbli;

J.

billi l-UE, il-pajjiżi AKP u l-komunità internazzjonali għandhom ikomplu jimpenjaw ruħhom li jiggarantixxu d-drittijiet fundamentali universali tal-migranti u tar-refuġjati u jiżguraw it-titjib tal-kundizzjonijiet bażiċi u tal-kapaċitajiet tal-għajxien tal-kampijiet tar-refuġjati, sabiex jevitaw il-ħruġ massiv ta’ migranti li qegħdin ifittxu kundizzjonijiet ta’ għajxien aħjar;

K.

billi s-Sistema Ewropea Komuni tal-Ażil titlob li l-Istati Membri kollha jipprovdu kundizzjonijiet ta’ akkoljenza xierqa u ugwali għar-refuġjati;

L.

billi diversi Stati Membri bħalissa jinsabu f’ġirja lejn l-iktar livell baxx f’dan il-qasam billi, pereżempju, iżommu lir-refuġjati mal-wasla tagħhom;

M.

billi fil-Pjan ta’ Azzjoni tagħha, adottat fis-summit tal-Belt Valletta, l-UE esprimiet l-intenzjonijiet tagħha li tkompli tintegra l-objettivi ta’ żvilupp ewlenin fil-kooperazzjoni tal-migrazzjoni esterna tagħha mal-pajjiżi Afrikani;

N.

billi n-netwerks kriminali organizzati qegħdin jisfruttaw lill-immigranti billi jitolbu somom kbar ta’ flus bil-wegħda ta’ tranżitu mingħajr periklu tul il-Mediterran sabiex jidħlu fl-UE mill-fruntieri tan-nofsinhar tagħha, li ta’ spiss jirriżulta fl-imwiet traġiċi ta’ ħafna immigranti; billi l-aħjar mod biex jiġu eliminati t-traffikar tal-bnedmin u n-netwerks kriminali huwa li jiġu stabbiliti mezzi ta’ migrazzjoni legali u sikuri lejn l-Ewropa billi jingħata aċċess għall-proċeduri tal-ażil u tal-viża, inklużi viżi “umanitarji” għall-migranti minn pajjiżi li għaddejjin minn kunflitt jew kriżi umanitarja, bl-iffaċilitar tar-riunifikazzjoni tal-familja u bil-ftuħ ta’ rotot ta’ migrazzjoni legali għall-ħaddiema;

O.

billi, skont l-Organizzazzjoni Internazzjonali għall-Migrazzjoni, fl-2015 kien hemm ‘il fuq minn 3 771 persuna li ġew irrapportati mejtin jew neqsin fil-baħar Mediterran; billi t-tfal jirrappreżentaw 30 % tal-imwiet kollha rreġistrati fil-Baħar Eġew;

P.

billi l-Approċċ Globali tal-UE għall-Migrazzjoni, bis-Sħubiji tal-Mobbiltà tiegħu, għandu l-għan li jiffaċilita l-mobbiltà legali, bejn u fil-kontinenti tagħna, speċjalment ta’ studenti, professuri u riċerkaturi, iżda wkoll tal-ħaddiema u għall-iskop ta’ riunifikazzjoni tal-familja, u wera li huwa xprunatur b’saħħtu għall-iżvilupp u t-tnaqqis tal-faqar, u jippreżenta kemm opportunitajiet kif ukoll sfidi għall-partijiet kollha kkonċernati;

Q.

billi l-wirt kolonjali, l-attrazzjoni tas-sistemi tas-sigurtà soċjali u tal-benefiċċji f’ħafna ekonomiji tal-UE żviluppati ħafna, id-domanda għax-xogħol tas-sengħa, il-prospett ta’ impjiegi mħallsin aħjar u l-inkoraġġiment mogħti mid-dijaspora ta’ ħafna popli Afrikani lil familja u ħbieb biex isiru migranti, huma wħud mill-fatturi ta’ attrazzjoni li jikkawżaw il-migrazzjoni mill-Istati Afrikani lejn l-UE;

R.

billi d-dmir tal-Istati huwa li jippromwovu u jipproteġu b’mod effettiv id-drittijiet tal-bniedem u l-libertajiet fundamentali tal-migranti kollha f’konformità mad-Dikjarazzjoni Universali tad-Drittijiet tal-Bniedem, mal-Konvenzjoni tan-NU dwar l-Istatus tar-Refuġjati u mal-istrumenti internazzjonali li għalihom huma parti;

S.

billi ħafna Stati Membri tal-UE għandhom ukoll ħtieġa reali ta’ immigrazzjoni għal raġunijiet demografiċi u ekonomiċi u għall-promozzjoni ta’ rabtiet kulturali; billi l-Ewropa bbenefikat ħafna mill-migrazzjoni u l-ażil f’termini ta’ diversità kulturali, skambju interkulturali u produttività; billi jeħtieġ li jsir ħafna aktar fl-UE u fl-Istati Membri tagħha sabiex tinkiseb inklużjoni olistika, ekonomika, soċjali u kulturali ikbar tal-migranti u r-refuġjati li jaslu;

T.

billi l-Forum Globali dwar il-Migrazzjoni u l-Iżvilupp (GFMD) iqis il-promozzjoni tal-migrazzjoni ċirkolari bħala wieħed mill-mezzi ewlenin sabiex jiżdied il-kontribut tal-migrazzjoni internazzjonali għall-iżvilupp, minħabba li tipprovdi gwadanji lill-pajjiżi ta’ oriġini u tad-destinazzjoni, kif ukoll lill-migranti nfushom;

U.

billi l-migranti u r-refuġjati, partikolarment nisa u tfal, huma vulnerabbli għall-isfruttament minn gruppi responsabbli mit-traffikar tal-bnedmin;

1.

Temmen li huwa dritt inaljenabbli ta’ kull persuna li temigra biex taħrab mill-persekuzzjoni jew biex tfittex kundizzjonijiet ta’ għajxien aħjar għaliha nnifisha u għal dawk qrib tagħha, skont l-Artikolu 13 tad-Dikjarazzjoni Universali tad-Drittijiet tal-Bniedem u l-Artikolu 12 tal-Patt Internazzjonali dwar id-Drittijiet Ċivili u Politiċi; tenfasizza li, filwaqt li dan huwa dritt fundamentali li kulħadd għandu jibbenefika minnu bil-libertà kollha, bħalissa huma biss ċerti ċittadini li jistgħu jeżerċitawh;

2.

Tikkundanna bil-qawwa kollha l-ksur tad-drittijiet tal-bniedem li qed jitwettaq fil-konfront tal-migranti, b’mod partikolari atti ta’ vjolenza, koerċizzjoni mhux ġustifikata u detenzjoni arbitrarja; tafferma li l-politiki kollha dwar il-migrazzjoni u l-ażil għandhom ipoġġu r-rispett għad-drittijiet tal-bniedem fil-qalba tagħhom, fi sforz sabiex jevitaw il-ksur tad-drittijiet tal-bniedem u d-delitti tal-gwerra li ta’ spiss iwasslu għal ċaqliq sfurzat tal-popolazzjoni, kif ukoll jiddefendu d-drittijiet tal-bniedem tar-refuġjati u tal-migranti li jkunu ċċaqilqu minn pajjiżhom;

3.

Tħeġġeġ lill-UE u lill-pajjiżi AKP jingħaqdu flimkien biex jipprovdu rispons ġenwin għall-kriżi tal-migrazzjoni attwali u tevita kriżijiet futuri, li jista’ jinkiseb biss permezz tal-indirizzar tal-kawżi fundamentali, fosthom il-faqar, l-instabbiltà, il-vjolenza ġeneralizzata, il-gwerer, il-persekuzzjoni, il-ksur tad-drittijiet tal-bniedem u d-diżastri naturali, kif ukoll billi jiġi rikonoxxut u mifhum li l-migranti ekonomiċi, il-vittmi ta’ persekuzzjoni soċjali jew politika u l-migranti tal-gwerra jikkawżaw sfidi differenti, li jirrikjedu rispons differenti;

4.

Tilqa’ l-adozzjoni, f’Settembru 2015, tal-Aġenda 2030 tan-NU għall-Iżvilupp Sostenibbli, inklużi l-Għanijiet ta’ Żvilupp Sostenibbli (SDGs) tagħha, u l-impenn tal-Istati kollha sabiex “jiffaċilitaw il-migrazzjoni u l-mobbiltà ordnati, sikuri, regolari u responsabbli tal-persuni permezz tal-implimentazzjoni ta’ politiki ppjanati u ġestiti tajjeb dwar il-migrazzjoni”; temmen li l-implimentazzjoni tal-SDGs ser tkun opportunità għall-promozzjoni tal-koerenza ma’ objettivi ta’ żvilupp aktar fit-tul; tħeġġeġ, għalhekk, lill-UE u lill-pajjiżi AKP jadottaw u jimplimentaw b’mod sħiħ l-Aġenda 2030 tan-NU għall-Iżvilupp Sostenibbli, biex b’dan il-mod jindirizzaw il-kawżi fundamentali tal-migrazzjoni permezz ta’ approċċ olistiku u integrat li jiggarantixxi l-inklużjoni u r-responsabbilizzazzjoni ta’ dawk l-aktar vulnerabbli; tistieden lill-komunità internazzjonali biex tadotta indikaturi li jistgħu jitkejlu għall-SDGs dwar il-migrazzjoni, kif ukoll biex tiġbor u tippubblika dejta diżaggregata dwar l-aċċess tal-migranti għal xogħol deċenti, għall-kura tas-saħħa u għall-edukazzjoni, speċjalment fil-pajjiżi ta’ destinazzjoni li għadhom qegħdin jiżviluppaw, sabiex titjieb il-governanza tal-migrazzjoni;

5.

Tħeġġeġ lill-UE u lill-pajjiżi AKP iżommu lura milli joħolqu ostakoli għall-persuni b’diżabilità fil-politiki kollha relatati mal-migrazzjoni, b’kunsiderazzjoni taż-żieda tal-vulnerabbiltajiet u l-isfidi li jiffaċċjaw il-persuni b’diżabilità qabel, waqt u wara l-migrazzjoni; tappella lill-UE sabiex tiżgura l-aċċessibbiltà u l-inklużività tal-linji politiċi tagħha dwar il-migrazzjoni għall-persuni b’diżabilità, skont l-Osservazzjonijiet Konklużivi dwar l-UE tal-Kumitat tan-NU għad-Drittijiet tal-Persuni b’Diżabilità;

6.

Tappella lill-UE sabiex terġa’ tivvaluta l-assistenza għall-iżvilupp tagħha lill-pajjiżi li huma sors ta’ migrazzjoni ekonomika u sabiex tgħin fil-ħolqien ta’ kundizzjonijiet tajbin sabiex in-nies ikunu jistgħu jibqgħu u jkollhom għajxien xieraq fil-pajjiżi tal-oriġini tagħhom;

7.

Tinnota li l-istabbiliment ta’ miżuri ta’ rilokazzjoni urġenti huwa pass fid-direzzjoni t-tajba; jiddispjaċiha, madankollu, li l-implimentazzjoni ta’ dawn il-miżuri miexja bil-mod wisq, li hemm nuqqas ta’ riżorsi suffiċjenti biex tiġi indirizzata l-kriżi tar-refuġjati u nuqqas ta’ rieda min-naħa tal-Istati Membri sabiex jipparteċipaw b’mod attiv fil-proċess ta’ rilokazzjoni; tistieden lill-Istati Membri kollha jissodisfaw l-obbligi tagħhom mill-aktar fis possibbli;

8.

Tistieden lill-partijiet jelaboraw politika dwar il-migrazzjoni konkreta u strateġija fit-tul definita tajjeb dwar ir-riammissjoni u r-risistemazzjoni, kif ukoll li jikkooperaw ma’ pajjiżi terzi fl-indirizzar tal-kawżi primarji taċ-ċaqliq, bħall-kunflitti, it-terroriżmu, id-diskriminazzjoni, il-faqar, id-degradazzjoni ambjentali, il-ħtif tal-art, in-nuqqas ta’ responsabbiltà soċjali korporattiva, il-korruzzjoni u l-governanza ħażina, sabiex jilħqu l-Għanijiet ta’ Żvilupp Sostenibbli; tiddeplora l-approċċ żbilanċjat tal-UE għall-migrazzjoni, li jikkonsisti fil-prijoritizzazzjoni tal-ġlieda kontra l-migrazzjoni “irregolari”, waqt li ma tagħtix biżżejjed attenzjoni lill-opportunitajiet ta’ mobbiltà u migrazzjoni legali;

9.

Tenfasizza l-ħtieġa kbira għal miżuri effettivi sabiex jiġu indirizzati l-kuntrabandu u t-traffikar tal-migranti, kif ukoll sabiex in-netwerks kriminali involuti f’dawn il-fenomeni jitressqu quddiem il-qrati tal-ġustizzja;

10.

Tqis li huwa possibbli u neċessarju li tiġi llimitata t-tbatija kontinwa u li jiġi evitat it-telf inaċċettabbli ta’ ħajjiet billi jitwaqqfu u jiġu implimentati malajr modi legali u sikuri ta’ dħul għar-refuġjati;

11.

Tilqa’ t-tnedija ta’ pjan ta’ azzjoni tal-UE dwar ir-ritorn, li jistabbilixxi strateġija għat-titjib tal-kooperazzjoni ma’ pajjiżi terzi dwar il-ftehimiet ta’ ritorn u riammissjoni; tinsisti li l-kooperazzjoni tal-UE mal-pajjiżi AKP għandha tiffoka kemm fuq it-tisħiħ tal-kapaċità ta’ dawn tal-aħħar li jwieġbu malajr għat-talbiet ta’ riammissjoni, kif ukoll fuq l-iffaċilitar tal-identifikazzjoni taċ-ċittadini rispettivi tagħhom; tfakkar li l-ftehimiet ta’ riammissjoni għandhom jimxu id f’id mar-riintegrazzjoni sostenibbli tal-persuni rimpatrijati u tħeġġeġ, għalhekk, lill-UE u lill-pajjiżi AKP sabiex jinvestu aktar f’miżuri li jtejbu l-kapaċitajiet tal-pajjiżi tal-oriġini f’dak li għandu x’jaqsam mar-riammissjoni u r-riintegrazzjoni taċ-ċittadini tagħhom;

12.

Tfakkar li l-għan finali ta’ kwalunkwe politika komuni dwar il-migrazzjoni ma għandux ikun biss li tindirizza l-isfidi tal-migrazzjoni irregolari, iżda, aktar importanti minn hekk, li tieħu vantaġġ sħiħ mill-opportunitajiet li joffru l-flussi tal-migrazzjoni legali kemm lill-pajjiżi tal-oriġini kif ukoll lill-pajjiżi tad-destinazzjoni;

13.

Tenfasizza l-importanza tal-mobbiltà, speċjalment għal finijiet ta’ edukazzjoni u impjiegi, fil-kuntest tal-indirizzar tal-kawżi fundamentali tal-migrazzjoni, speċjalment b’rabta mat-tisħiħ tal-pożizzjoni tan-nisa u tal-bniet; tfakkar li l-migranti jistgħu jikkontribwixxu direttament għall-iżvilupp tal-pajjiż tal-oriġini tagħhom permezz tat-trasferiment tal-għarfien, tal-kompetenzi u tal-ħiliet li kisbu u tinkoraġġixxi, f’dan ir-rigward, lill-Istati AKP u tal-UE sabiex jikkunsidraw li jikkonkludu ftehimiet dwar il-migrazzjoni ċirkolari; tappella, għalhekk, lill-UE sabiex tiżgura li l-kunċett ta’ Sħubiji għall-Mobbiltà tal-UE jkun strument mhux biss għall-ġlieda kontra l-migrazzjoni irregolari, iżda wkoll għat-tisħiħ tal-koerenza bejn il-migrazzjoni u l-iżvilupp;

14.

Tfakkar li l-promozzjoni tal-iskemi ta’ migrazzjoni ċirkolari u l-iffirmar ta’ ftehim dwar il-faċilitazzjoni tal-viżi, speċjalment għal studenti, professuri, riċerkaturi u għall-fini ta’ riunifikazzjoni tal-familja, huma l-aħjar mod kif tiġi miġġielda l-problema tal-isfruttar tal-migranti min-netwerks kriminali organizzati;

15.

Tenfasizza l-importanza tad-drittijiet tal-migranti u tal-ħaddiema migranti li jevitaw l-isfruttament fil-forom kollha tiegħu, inklużi t-traffikar tal-bnedmin u x-xogħol sfurzat u, f’dan ir-rigward, tenfasizza l-ħtieġa li l-uffiċjali tal-fruntieri u tal-infurzar tal-liġi jingħataw taħriġ sabiex ikunu kapaċi jagħrfu s-sinjali ta’ sfruttament u jieħdu l-passi meħtieġa sabiex jindirizzawh, kemm fil-pajjiżi riċeventi kif ukoll fil-pajjiżi mittenti; tiddikjara, f’dan ir-rigward, li t-traffikanti tal-bnedmin joffru stampa mgħawġa lil ħafna migranti u refuġjati; ittenni l-importanza tal-ġlieda kontra t-traffikar tal-bnedmin, l-eradikazzjoni tal-fluss tal-flus u ż-żarmar tan-netwerks, minħabba li dan ikollu effett pożittiv fuq is-sitwazzjoni tad-drittijiet tal-bniedem tar-refuġjati u tal-migranti f’pajjiżi terzi;

16.

Tħeġġeġ approċċ ikkoordinat fil-mobilizzazzjoni tar-riżorsi meħtieġa sabiex tiġi indirizzata s-sitwazzjoni mwiegħra tal-migranti u tar-refuġjati fl-Istati Membri tal-UE jew fi triqithom lejhom, billi tingħata attenzjoni partikolari lil gruppi aktar vulnerabbli, bħal minorenni mhux akkumpanjati u persuni b’diżabilità; tenfasizza l-importanza li jinħolqu rotot sikuri u faċilitajiet ta’ akkoljenza u pproċessar xierqa għar-refuġjati u għall-migranti tul il-vjaġġ tagħhom u mal-wasla tagħhom fl-UE, li jkunu jissodisfaw standards umanitarji adegwati u jiddefendu n-normi tad-drittijiet tal-bniedem; tistieden lill-pajjiżi AKP u lill-pajjiżi Ewropej jikkooperaw aktar mill-qrib fil-ġlieda kontra n-netwerks ta’ kuntrabandisti;

17.

Tenfasizza li n-nefqa relatata mas-sigurtà tagħha hija partikolarment rilevanti għall-isforzi attwali sabiex tiġi indirizzata, b’mod komprensiv, ir-rabta bejn is-sigurtà u l-iżvilupp u jintlaħaq l-Għan 16 tal-Aġenda għall-Iżvilupp 2030; temmen li l-promozzjoni tal-paċi, tas-sigurtà u tal-ġustizzja fil-pajjiżi li qegħdin jiżviluppaw hija importanti ħafna jekk irridu li jiġu indirizzati l-kawżi fundamentali tal-faqar; tenfasizza, madankollu, li tali finanzjament, li ma jikkostitwixxix Għajnuna Uffiċjali għall-Iżviluppp, għandu jiġi minn strumenti oħrajn għajr l-Istrument ta’ Kooperazzjoni għall-Iżviluppjew il-Fond Ewropew għall-Iżvilupp (FEŻ);

18.

Tenfasizza l-fatt li n-nisa u l-bniet refuġjati jiffaċċjaw theddidiet, sfidi u ostakoli bbażati fuq il-ġeneru tagħhom u li kwalunkwe politika ta’ għajnuna umanitarja, akkoljenza jew ażil għandha, għaldaqstant, tkun sensittiva għall-ġeneru, b’riżorsi u taħriġ allokati għall-indirizzar taċ-ċirkostanzi speċifiċi għall-ġeneru;

19.

Tenfasizza li t-tfal refuġjati huma partikolarment vulnerabbli tul il-vjaġġi tagħhom, billi huma jiffaċċjaw ħtif, sfruttament u abbuż, u tħeġġeġ lill-partijiet kollha sabiex jieħdu azzjoni bil-għan li jagħtu protezzjoni lit-tfal refuġjati, u sabiex jiddefendu d-drittijiet tagħhom, inkluż id-dritt li jkollhom aċċess għall-edukazzjoni;

20.

Tappoġġja t-trasformazzjoni tal-Frontex fi Gwardja Ewropea tal-Fruntiera u tal-Kosta komprensiva; tappoġġja wkoll żieda sostanzjali fil-baġit tal-aġenzija;

21.

Tappella sabiex ikun hemm djalogu politiku, fil-kuntest tal-politika dwar il-migrazzjoni, bejn l-UE, il-pajjiżi tal-oriġini u l-pajjiżi ta’ tranżitu, sabiex jingħata appoġġ lill-gvernijiet tal-pajjiżi msieħba tal-UE fil-ġlieda kontra l-kriminalità organizzata u l-kuntrabandisti;

22.

Tfakkar fl-importanza tar-rimessi tal-migranti u tistieden lill-pajjiżi AKP u tal-UE jdaħħlu modi orħos ta’ kif jittrażmettu r-rimessi;

23.

Tħeġġeġ lill-istituzzjonijiet tal-UE u lill-gvernijiet ta’ Stat parti jaħdmu mal-atturi tas-soċjetà ċivili lokali, nazzjonali u transnazzjonali kemm fir-rigward tat-taffija tal-kawżi taċ-ċaqliq, kif ukoll l-effetti tal-migrazzjoni fuq il-pajjiżi AKP u fuq l-Istati Membri tal-UE;

24.

Tappella lill-partijiet sabiex japplikaw mingħajr dewmien id-dispożizzjonijiet rilevanti tal-Pjan ta’ Azzjoni tal-Belt Valletta għall-konklużjoni ta’ ftehimiet dwar il-faċilitazzjoni tal-viżi u sabiex jużaw il-qafas legali tal-proċessi ta’ Rabat u Kartum b’mod strumentali bil-għan li jilħqu din il-mira; tinsisti li l-involviment fil-proċess ta’ Kartum ma għandux idgħajjef l-isforzi sabiex jiġi indirizzat il-ksur kontinwu tal-liġi umanitarja u tad-drittijiet tal-bniedem, inkluż mill-gvernijiet, li huma parti mill-kawżi taċ-ċaqliq sfurzat; tafferma li dawn il-proċessi għandhom ikunu kompatibbli ma’ strateġija fit-tul sabiex jitwaqqfu darba għal dejjem il-kunflitti u l-ksur tad-drittijiet tal-bniedem fir-reġjuni affettwati;

25.

Tfaħħar b’mod partikolari d-dispożizzjoni ta’ Valletta li jiġi rdoppjat in-numru ta’ boroż ta’ studju għal studenti u persunal akkademiku permezz tal-Programm Erasmus+ għall-2016 appoġġjat mill-UE, meta mqabbel mal-2014; tappella għal żieda oħra ta’ dawn il-boroż ta’ studju;

26.

Tistieden lill-partijiet kollha jirrispettaw bis-sħiħ il-prinċipju tal-koerenza tal-politika għall-iżvilupp fil-politiki tagħhom dwar il-migrazzjoni u, b’mod partikolari, fl-implimentazzjoni tal-Aġenda Ewropea dwar il-Migrazzjoni, filwaqt li jżommu f’moħħhom, f’dan ir-rigward, ir-rabta bejn il-politiki interni u esterni u, b’hekk, ir-relazzjoni bejn il-politiki fil-qasam tal-migrazzjoni u tal-iżvilupp, minn naħa waħda, u l-politiki attwali fil-qasam tal-impjiegi u tal-protezzjoni soċjali fl-Istati Membri, min-naħa l-oħra;

27.

Tinnota l-istabbiliment tal-Fond Fiduċjarju ta’ Emerġenza tal-UE għall-istabbiltà u li jindirizza l-kawżi fundamentali tal-migrazzjoni irregolari u taċ-ċaqliq tan-nies fl-Afrika (“Fond Fiduċjarju”), strument li għandu jiġġieled id-destabbilizzazzjoni, iċ-ċaqliq sfurzat u l-migrazzjoni irregolari, inkluż provvediment ta’ EUR 1,8 biljun minn fondi tal-UE u EUR 81 miljun mill-Istati Membri tal-UE; tinsisti li r-riżorsi taħt dan il-fond għandhom jiġu ddedikati lis-sostenn tal-proġetti ta’ għajnuna rilevanti; tenfasizza li l-flus għall-iżvilupp ma għandhomx jintużaw għall-kooperazzjoni fuq il-ġestjoni tal-fruntieri u r-ritorn, jew għall-kontrolli tal-ftehimiet ta’ riammissjoni minn pajjiżi terzi; tistieden lill-Kummissjoni tiżgura b’mod sħiħ ir-responsabbiltà politika u ttejjeb it-trasparenza finanzjarja tal-Fond Fiduċjarju, u konsistentement tapplika l-prinċipji tal-effettività tal-għajnuna maqbula internazzjonalment, bħas-sjieda demokratika u l-allinjament; tinkoraġġixxi lill-Istati Membri jikkontribwixxu għall-Fond Fiduċjarju, u tenfasizza li l-monitoraġġ u l-evalwazzjoni tal-proġetti u tal-programmi ffinanzjati, flimkien ma’ valutazzjoni tal-impatt ta’ dan il-fond, ser ikunu essenzjali sabiex ikun żgurat li l-fond jaqdi l-iskop tiegħu, jiġifieri li jgħin lil dawk fil-bżonn u mhux jiffinanzja lill-gvernijiet responsabbli għall-ksur tad-drittijiet tal-bniedem;

28.

Tappella lill-Istati Membri jirrispettaw l-impenji magħmula fil-kuntest tal-finanzjament tal-fondi fiduċjarji u b’rabta ma’ impenji oħrajn ta’ għajnuna umanitarja; tfakkar li l-UNHCR ċertament ma għandux biżżejjed fondi sabiex jindirizza l-kriżijiet umanitarji; tistieden lill-UE żżid l-impenji tagħha fuq ir-risistemazzjonijiet u timplimenta d-deċiżjoni meħuda waqt il-konferenza ta’ Addis Ababa dwar il-Finanzjament għall-Iżvilupp sabiex tintlaħaq il-mira li jitwarrab bejn 0,15 % u 0,2 % tad-dħul nazzjonali gross tagħhom għall-għajnuna uffiċjali għall-iżvilupp lill-pajjiżi l-inqas żviluppati fuq perjodu ta’ żmien qasir;

29.

Tenfasizza li waħda mill-kawżi fundamentali ewlenin tal-migrazzjoni massiva, fost ħafna oħrajn, hija t-tibdil fil-klima u l-impatt tiegħu permezz ta’ diżastri naturali; twissi li l-flussi massivi ta’ migrazzjoni minħabba d-diżastri naturali ser jiżdiedu fil-ġejjieni; ittenni li huwa meħtieġ approċċ olistiku għall-konnessjonijiet kumplessi bejn it-tibdil fil-klima u n-nies li jaħarbu minn pajjiżhom, abbażi wkoll tal-għarfien espert li jista’ jipprovdi l-Osservatorju tal-AKP dwar il-Migrazzjoni; temmen li dan l-approċċ integrat għandu jikkunsidra, fost affarijiet oħra, is-sigurtà, l-agrikoltura, id-degradazzjoni ambjentali u l-iżvilupp urban/rurali sostenibbli; titlob, b’mod aktar ġenerali, li t-tibdil fil-klima jiġi integrat b’mod sistematiku fil-linji politiċi esterni kollha u, b’mod partikolari, fil-linji politiċi dwar il-kooperazzjoni għall-iżvilupp;

30.

Tappella sabiex jiġi stabbilit qafas legali internazzjonali li jiddefinixxi l-istatus ta’ “refuġjat minħabba l-klima”; temmen li l-Unjoni u l-pajjiżi AKP jista’ jkollhom rwol ewlieni fil-produzzjoni ta’ qafas bħal dan;

31.

Tappella sabiex il-kwistjoni tar-refuġjati minħabba l-klima tiġi indirizzata permezz ta’ miżuri li jestendu l-istrumenti legali jew il-prinċipji eżistenti li jippermettu soluzzjoni koerenti u vinkolanti; tistieden lill-UE tipprovdi l-fondi għall-finanzjament għall-klima mwiegħda mill-UE fl-imgħoddi, sabiex jiġi ssodisfat l-objettiv komuni tal-mobilizzazzjoni ta’ USD 100 biljun fis-sena sal-2020 sabiex jissupplimentaw l-għajnuna għall-iżvilupp tradizzjonali;

32.

Tfaħħar l-appoġġ tal-UE għall-Inizjattiva ta’ Nansen u għall-Aġenda relatata ta’ Nansen dwar il-Protezzjoni, li jiffokaw fuq il-protezzjoni tan-nies imċaqilqa tul il-fruntieri fil-kuntest tad-diżastri kkawżati minn perikli naturali, inklużi dawk marbuta mat-tibdil fil-klima; tinkoraġġixxi r-rinfurzar ulterjuri tal-Alleanza Globali Kontra t-Tibdil fil-Klima maħluqa mill-UE sabiex tgħin lill-pajjiżi foqra li qegħdin jiżviluppaw u li huma l-aktar vulnerabbli għat-tibdil fil-klima jżidu l-kapaċitajiet tagħhom sabiex jadattaw għall-effetti tiegħu;

33.

Tħeġġeġ li s-suġġett tat-tibdil fil-klima u tal-migrazzjoni jiġi inkluż fil-qafas tad-Djalogu bejn l-AKP u l-UE dwar il-Migrazzjoni u l-Iżvilupp;

34.

Tistieden lill-UE talloka b’urġenza, fl-Azzjoni tal-Migrazzjoni AKP-UE, assistenza teknika lill-pajjiżi AKP rilevanti fuq aspetti relatati mat-tibdil fil-klima u l-migrazzjoni, li qed issir dejjem aktar kruċjali għalihom, kemm bħala strateġija ta’ adattament kif ukoll għall-prevenzjoni tad-diżastri;

35.

Tistieden lill-UE, lill-Istati Membri tagħha u lill-pajjiżi AKP jestendu l-għajnuna umanitarja fil-qasam sabiex jippromwovu s-sigurtà tal-komunitajiet ippersegwitati fl-artijiet tagħhom;

36.

Tirrikonoxxi li l-iżvilupp ekonomiku sostenibbli u l-bini ta’ stat ibbażat fuq istituzzjonijiet demokratiċi, b’saħħithom u trasparenti jikkontribwixxu bil-qawwa għall-indirizzar tal-kawżi fundamentali tal-migrazzjoni sfurzata; tistieden lill-UE u lill-partijiet ikkonċernati internazzjonali kollha jtejbu l-kooperazzjoni għall-iżvilupp u l-istrumenti intiżi għal djalogu politiku kontinwu;

37.

Tagħti istruzzjonijiet lill-Ko-Presidenti tagħha sabiex jibagħtu din ir-riżoluzzjoni lill-Kunsill tal-Ministri AKP-UE, lill-Parlament Ewropew, lill-Kummissjoni Ewropea, lill-Kunsill Ewropew, lill-Unjoni Afrikana, lill-Parlament Pan-Afrikan, lill-parlamenti reġjonali u nazzjonali tal-pajjiżi AKP u tal-Istati Membri tal-UE u lill-organizzazzjonijiet reġjonali tal-pajjiżi tal-AKP.

—

li ltaqgħet f’Windhoek (in-Namibja) bejn it-13 u l-15 ta’ Ġunju 2016,

—

wara li kkunsidrat ir-riżoluzzjonijiet tal-Kunsill tas-Sigurtà tan-NU dwar ir-Repubblika Demokratika tal-Kongo, b’mod partikolari r-Riżoluzzjoni 2198 (2015) dwar it-tiġdid tar-reġim tas-sanzjonijiet tar-Repubblika Demokratika tal-Kongo u l-mandat tal-Grupp ta’ Esperti u r-Riżoluzzjoni 2277 (2016) li ġeddet il-mandat tal-Missjoni ta’ Stabbilizzazzjoni tal-Organizzazzjoni tan-Nazzjonijiet Uniti fir-Repubblika Demokratika tal-Kongo (MONUSCO) għal sena,

—

wara li kkunsidrat il-Ftehim ta’ Sħubija rivedut ta’ Cotonou,

—

wara li kkunsidrat il-Karta Afrikana dwar id-Drittijiet tal-Bniedem u tal-Popli ta’ Ġunju 1981,

—

wara li kkunsidrat il-Karta Afrikana dwar id-Demokrazija, l-Elezzjonijiet u l-Governanza,

—

wara li kkunsidrat id-Dikjarazzjonijiet ta’ Nairobi ta’ Diċembru 2013,

—

wara li kkunsidrat il-Ftehim Qafas għall-Paċi, is-Sigurtà u l-Kooperazzjoni għar-Repubblika Demokratika tal-Kongo u r-Reġjun, li ġie ffirmat f’Addis Ababa fi Frar 2013,

—

wara li kkunsidrat ir-rapport tal-Grupp ta’ Esperti tan-NU dwar ir-Repubblika Demokratika tal-Kongo tat-12 ta’ Jannar 2015,

—

wara li kkunsidrat ir-rapport annwali tal-Kummissarju Għoli tan-NU għad-Drittijiet tal-Bniedem, li ġie ppubblikat fis-27 ta’ Lulju 2015, dwar is-sitwazzjoni tad-drittijiet tal-bniedem u l-attivitajiet tal-Uffiċċju Konġunt tan-Nazzjonijiet Uniti għad-Drittijiet tal-Bniedem fir-Repubblika Demokratika tal-Kongo,

—

wara li kkunsidrat id-dikjarazzjoni tad-9 ta’ Novembru 2015 mill-President tal-Kunsill tas-Sigurtà tan-NU dwar is-sitwazzjoni fir-Repubblika Demokratika tal-Kongo,

—

wara li kkunsidrat ir-rapporti tas-Segretarju Ġenerali tan-NU tad-9 ta’ Marzu 2016 dwar il-Missjoni ta’ Stabbilizzazzjoni tan-Nazzjonijiet Uniti fir-Repubblika Demokratika tal-Kongo u dwar l-implimentazzjoni tal-Qafas għall-Paċi, is-Sigurtà u l-Kooperazzjoni għar-Repubblika Demokratika tal-Kongo u r-Reġjun,

—

wara li kkunsidrat l-istqarrija għall-istampa tas-16 ta’ Frar 2016 maħruġa mill-Unjoni Afrikana, in-Nazzjonijiet Uniti, l-Unjoni Ewropea u l-Organizzazzjoni Internazzjonali La Francophonie dwar il-ħtieġa ta’ djalogu politiku inklużiv fir-Repubblika Demokratika tal-Kongo u l-impenn tagħhom li jappoġġjaw lill-awtoritajiet Kongoliżi fl-isforzi tagħhom sabiex jikkonsolidaw id-demokrazija fil-pajjiż,

—

wara li kkunsidrat ir-riżoluzzjonijiet preċedenti tal-Parlament Ewropew dwar ir-Repubblika Demokratika tal-Kongo, b’mod partikolari dawk tad-9 ta’ Lulju 2015, tas-17 ta’ Diċembru 2015 u tal-10 ta’ Marzu 2016,

—

wara li kkunsidrat il-Konklużjonijiet tal-Kunsill tal-UE dwar ir-Repubblika Demokratika tal-Kongo tat-23 ta’ Mejju 2016,

—

wara li kkunsidrat ir-Rapport Annwali tal-UE dwar id-Drittijiet tal-Bniedem u d-Demokrazija, li ġie adottat mill-Kunsill tal-UE fit-22 ta’ Ġunju 2015,

—

wara li kkunsidrat id-dikjarazzjonijiet tal-Viċi President tal-Kummissjoni u tar-Rappreżentant Għoli tal-Unjoni għall-Affarijiet Barranin u l-Politika tas-Sigurtà u tal-kelliem tagħha dwar is-sitwazzjoni fir-Repubblika Demokratika tal-Kongo, b’mod partikolari dawk tal-25 ta’ Jannar 2015 u tat-12 ta’ Ottubru 2015,

—

wara li kkunsidrat id-dikjarazzjonijiet tal-UE fil-livell lokali tal-21 ta’ Ottubru 2015 dwar is-sitwazzjoni tad-drittijiet tal-bniedem fir-Repubblika Demokratika tal-Kongo u tad-19 ta’ Novembru 2015 wara t-tnedija tad-djalogu nazzjonali fir-Repubblika Demokratika tal-Kongo, rispettivament,

—

wara li kkunsidrat l-istqarrija għall-istampa konġunta maħruġa fit-2 ta’ Settembru 2015 mit-Tim ta’ Mibgħuta u Rappreżentanti Internazzjonali għar-reġjun tal-Lagi l-Kbar tal-Afrika dwar l-elezzjonijiet fir-Repubblika Demokratika tal-Kongo,

—

wara li kkunsidrat il-Kostituzzjoni Kongoliża tat-18 ta’ Frar 2006,

—

wara li kkunsidrat l-Artikolu 18(2) tar-Regoli ta’ Proċedura tagħha,

A.

billi Joseph Kabila ilu l-President tar-Repubblika Demokratika tal-Kongo mill-2001; billi l-elezzjonijiet leġiżlattivi u presidenzjali li jmiss huma skedati li jsiru f’Novembru 2016 u l-mandat tal-President Kabila jiġi fi tmiemu fl-20 ta’ Diċembru 2016; billi l-mandat tal-President tar-Repubblika Demokratika tal-Kongo huwa limitat, skont il-Kostituzzjoni Kongoliża, għal żewġ termini biss;

B.

billi fil-15 ta’ April 2016 il-Kummissjoni Elettorali Nazzjonali Indipendenti (CENI) ddikjarat li l-proċess ta’ tħejjija ta’ reġistru elettorali ġdid ser jibda f’Lulju 2016 u jista’ jieħu tliet snin; billi fit-18 ta’ Marzu 2016 ħabbret li ma setgħetx torganizza l-elezzjonijiet presidenzjali u leġiżlattivi kif ippjanat, filwaqt li, għall-kuntrarju, l-Organizzazzjoni Internazzjonali la Francophonie ssostni li ser ikun possibbli li taġġorna r-reġistri elettorali fi żmien tliet xhur;

C.

billi din is-sitwazzjoni wasslet biex isiru akkużi mill-oppożizzjoni politika fir-Repubblika Demokratika tal-Kongo li l-President Kabila u l-Gvern tiegħu pprovaw jużaw mezzi tekniċi u amministrattivi sabiex idewmu l-elezzjonijiet u jibqgħu fil-poter wara t-tmiem tal-mandat kostituzzjonali tagħhom;

D.

billi tentattiv inizjali sabiex tiġi emendata l-liġi elettorali tar-Repubblika Demokratika tal-Kongo, b’mod partikolari l-Artikolu 8, falla fl-2015 minħabba oppożizzjoni qawwija u mobilizzazzjoni tas-soċjetà ċivili; billi dawn it-tentattivi kkawżaw tensjoni politika, inkwiet u vjolenza fil-pajjiż;

E.

billi l-elezzjonijiet leġiżlattivi u presidenzjali li jmiss huma ta’ importanza kruċjali u t-twettiq tagħhom b’mod paċifiku, trasparenti u f’waqtu jikkontribwixxi bil-kbir għall-konsolidazzjoni tal-progress li sar fir-Repubblika Demokratika tal-Kongo fuq medda ta’ aktar minn għaxar snin;

F.

billi, f’Ġunju 2014, l-UE bagħtet missjoni elettorali ta’ segwitu fir-Repubblika Demokratika tal-Kongo, li rrimarkat li hemm bżonn ta’ reġistru elettorali aġġornat, kundizzjonijiet għal kompetizzjoni ġusta bejn il-kandidati, protezzjoni aktar qawwija tal-libertajiet ċivili, sistema ġusta ta’ arbitraġġ għat-tilwim elettorali u sforzi sabiex titwaqqaf l-impunità;

G.

billi, fit-28 ta’ Novembru 2015, il-President Kabila talab djalogu nazzjonali; billi, sussegwentement, l-Unjoni Afrikana ħatret lill-eks Prim Ministru Togoliż Edem Kodjo bħala faċilitatur tad-djalogu politiku nazzjonali; billi żewġ gruppi kbar fl-oppożizzjoni (G7 u la Dynamique de l’opposition) ma laqggħux il-konklużjonijiet finali tas-Sur Kodjo minħabba li skont huma ma jirriflettux is-sitwazzjoni attwali fil-prattika u, sal-lum, għadhom qegħdin jirrifjutaw li jipparteċipaw f’dan id-djalogu minħabba li jqisu li dan la huwa miftuħ, la inklużiv u lanqas demokratiku, iżda sempliċiment tattika ta’ dewmien;

H.

billi l-Unjoni Afrikana, in-Nazzjonijiet Uniti, l-Unjoni Ewropea u l-Organizzazzjoni Internazzjonali La Francophonie enfasizzaw b’mod konġunt l-importanza ta’ djalogu u t-tfittxija għal ftehim bejn l-atturi politiċi li jirrispetta d-demokrazija u l-istat tad-dritt, u ħeġġew lill-atturi politiċi kollha tal-Kongo biex jestendu l-kooperazzjoni sħiħa tagħhom għal Edem Kodjo;

I.

billi f’dawn l-aħħar ftit xhur il-gruppi favur id-drittijiet tal-bniedem ripetutament irrapportaw dwar id-deterjoment tas-sitwazzjoni tad-drittijiet tal-bniedem u tal-libertà tal-espressjoni u tal-għaqda fil-pajjiż, inkluż l-użu ta’ forza eċċessiva kontra dimostranti paċifiċi, ġurnalisti, mexxejja politiċi u oħrajn li opponew għal attentati biex jippermettu lill-President Kabila jibqa’ fil-poter wara l-limitu ta’ żewġ termini mogħtija b’mandat lilu mill-kostituzzjoni;

J.

billi xi atti ta’ ripressjoni wasslu biex inqatlu jew korrew in-nies; billi f’xi każijiet oħrajn kien hemm nies li sfaw arbitrarjament arrestati jew ipproċessati għal motivi politiċi; billi huwa rrapportat li l-libertà tal-istampa hija limitata permezz ta’ theddidiet u attakki kontra l-ġurnalisti, kif stabbilit minn Reporters Without Borders and Journalists in Danger (“Reporters Mingħajr Fruntieri u Ġurnalisti fil-Periklu”), li elenkaw 72 każ ta’ attakki fuq ġurnalisti u l-mezzi tal-komunikazzjoni, kif ukoll mill-għeluq ta’ mezzi tal-midja; billi n-NU u xi organizzazzjonijiet oħrajn li jiddefendu d-drittijiet tal-bniedem iddikjaraw li għadd kbir ta’ abbużi tad-drittijiet tal-bniedem saru minn uffiċjali tal-Istat u li kien hemm biss progress limitat fit-tressiq tal-awturi ewlenin ta’ dawn l-abbużi quddiem il-qrati tal-ġustizzja;

K.

billi s-sitwazzjoni tas-sigurtà fir-Repubblika Demokratika tal-Kongo qed tkompli tiddeterjora, speċjalment fil-partijiet tal-lvant u tax-xlokk tal-pajjiż, b’għadd kbir ta’ każijiet irrapportati ta’ ksur tad-drittijiet tal-bniedem u tal-liġi internazzjonali, inklużi attakki mmirati kontra persuni ċivili, eżekuzzjonijiet extraġudizzjarji, ħtif ta’ persuni, reklutaġġ u użu ta’ tfal minn gruppi armati u vjolenza mifruxa sesswali u fuq il-bażi tal-ġeneru; billi, fir-rigward tal-vjolenza sesswali, in-NU rrimarkat l-azzjoni sinifikanti meħuda mill-awtoritajiet Kongoliżi, inklużi 20 proċess ġudizzjarju fix-xhur li għaddew, li fihom 19-il uffiċjal tal-armata nstabu ħatja ta’ stupru;

L.

billi l-aġenziji umanitarji huma tal-fehma li l-instabbiltà politika qed titfa’ lill-pajjiż f’kaos u twassal lill-popolazzjoni tiegħu, diġà mdgħajfa mill-kriżijiet passati u preżenti differenti, biex tegħreq f’faqar estrem u insigurtà, b’7,5 miljun ruħ bħalissa jeħtieġu l-għajnuna; billi l-kunflitt u l-operazzjonijiet militari li għaddejjin ikkawżaw ukoll iċ-ċaqliq intern ta’ 1,5 miljun persuna u ġiegħlu lil 500 000 persuna jaħarbu mill-pajjiż;

M.

billi l-Programm Indikattiv Nazzjonali 2014-2020 għar-Repubblika Demokratika tal-Kongo, b’finanzjament ta’ EUR 620 miljun taħt il-11-il Fond Ewropew għall-Iżvilupp, jagħti prijorità lit-tisħiħ tal-governanza u tal-istat tad-dritt, inklużi r-riformi tal-ġudikatura, tal-pulizija u tal-armata;

N.

billi l-Istati Uniti tal-Amerika u r-Renju Unit iddikjaraw fit-13 ta’ Mejju 2016 li kienu qegħdin jipprevedu l-possibbiltà li jikkoordinaw mal-imsieħba Ewropej u internazzjonali tagħhom fl-applikazzjoni ta’ sanzjonijiet immirati biex jiskoraġġixxu lil dawk li ħadu sehem f’azzjonijiet jew politiki li jimminaw il-proċessi demokratiċi jew l-istituzzjonijiet fir-Repubblika Demokratika tal-Kongo;

O.

billi l-aċċess għar-riżorsi naturali u l-isfruttament tagħhom għad għandhom rwol importanti fiż-żieda tal-kunflitti fir-Repubblika Demokratika tal-Kongo u fir-reġjun;

1.

Hija profondament imħassba minħabba s-sitwazzjoni dejjem aktar instabbli fir-Repubblika Demokratika tal-Kongo, f’kuntest pre-elettorali ta’ tensjoni; tistieden, b’rabta ma’ dan, lill-awtoritajiet Kongoliżi jaġġornaw ir-reġistru tal-votanti u jippreżentaw, mingħajr aktar dewmien, kalendarju elettorali u baġit kredibbli u ġust għall-elezzjonijiet leġiżlattivi u presidenzjali, b’rispett sħiħ għall-perjodu taż-żmien u d-dispożizzjonijiet kostituzzjonali; tinnota b’sodisfazzjon ir-rieda tal-UE u tal-komunità internazzjonali li jipprovdu appoġġ għall-proċess elettorali tal-Kongo, jekk ikun meħtieġ, diment li jiġu rrispettati l-prerekwiżiti msemmija fuq;

2.

Tappella sabiex l-elezzjonijiet isiru f’waqthom u b’suċċess, u dawns se jkunu kruċjali għall-istabbiltà fit-tul u għall-iżvilupp tal-pajjiż u tar-reġjun kollu; tafferma li l-elezzjonijiet għandhom isiru b’konformità sħiħa mat-test u l-ispirtu tal-Kostituzzjoni Kongoliża tal-2006, notevolment l-Artikoli 70, 73, 103, 105, 220 u 222 u skont il-prinċipji tal-Karta Afrikana dwar id-Demokrazija, l-Elezzjonijiet u l-Governanza, li r-Repubblika Demokratika tal-Kongo hija mħeġġa tirratifika mingħajr dewmien; hija tal-fehma li l-awtoritajiet tar-Repubblika Demokratika tal-Kongo għandhom responsabbiltà ċara f’dan ir-rigward, kif ukoll dmir li jiggarantixxu ambjent li jwassal għal elezzjonijiet trasparenti, kredibbli u inklużivi;

3.

Tinnota l-inizjattiva tal-President Kabila li jniedi djalogu nazzjonali u tenfasizza l-importanza ta’ djalogu politiku miftuħ, inklużiv u demokratiku, li jkun aċċettat minn kulħadd, sabiex jintlaħaq qbil b’mod paċifiku fuq it-termini ta’ kalendarju u proċess elettorali kredibbli;

4.

Tistieden lill-UE u lill-UA jestendu l-kooperazzjoni sħiħa tagħhom għal djalogu inklużiv u tfittxija għal ftehim bejn l-atturi politiċi fir-Repubblika Demokratika tal-Kongo li jirrispetta d-demokrazija u l-istat tad-dritt, kif ukoll ikomplu jikkoordinaw l-isforzi tagħhom fir-Repubblika Demokratika tal-Kongo ma’ partijiet ikkonċernati internazzjonali oħrajn, b’mod partikolari n-NU;

5.

Tħeġġeġ lill-Gvern tar-Repubblika Demokratika tal-Kongo sabiex tagħmel aktar progress fid-demokratizzazzjoni tal-pajjiż u, għal dan il-għan, tibni b’mod attiv fuq ir-rakkomandazzjonijiet inklużi fir-rapport finali tal-Missjoni ta’ Osservazzjoni Elettorali tal-UE fl-2011 u fir-rapport dwar il-missjoni ta’ segwitu tal-2014; tenfasizza li n-natura u l-ammont ta’ appoġġ mill-UE għall-proċess elettorali fir-Repubblika Demokratika tal-Kongo għandhom jiddependu fuq il-progress li sar fl-implimentazzjoni tar-rakkomandazzjonijiet inklużi f’dawn ir-rapporti;

6.

Tfakkar li l-Kummissjoni Elettorali Nazzjonali Indipendenti għandha tkun istituzzjoni imparzjali u inklużiva b’riżorsi suffiċjenti li jippermettu proċess trasparenti u komprensiv;

7.

Tesprimi tħassib serju dwar is-sitwazzjoni tas-sigurtà u tad-drittijiet tal-bniedem li qiegħda tiddeterjora fir-Repubblika Demokratika tal-Kongo u, b’mod partikolari, dwar ir-rapporti kontinwi tal-vjolenza politika dejjem tiżdied; tinsisti fuq ir-responsabbiltà tal-gvern li jevita kull approfondiment tal-kriżi politika attwali jew eskalazzjoni tal-vjolenza u li jirrispetta u jipproteġi d-drittijiet politiċi taċ-ċittadini tiegħu, b’mod partikolari d-drittijiet tal-espressjoni, tal-assoċjazzjoni u tal-għaqda, billi dawn huma l-bażi għal ħajja politika u demokratika dinamika;

8.

Tikkundanna bil-qawwa kollha kwalunkwe użu ta’ forza u r-restrizzjonijiet u l-intimidazzjonijiet severi ffaċċjati, b’mod partikolari, minn membri tal-oppożizzjoni, dawk li jiddefendu d-drittijiet tal-bniedem u ġurnalisti qabel iċ-ċiklu elettorali li jmiss; tappella sabiex jinħelsu l-priġunieri politiċi kollha; tappella lill-awtoritajiet Kongoliżi sabiex jiggarantixxu l-indipendenza tal-Kummissjoni Nazzjonali għad-Drittijiet tal-Bniedem u jippermettulha taħdem b’mod għal kollox indipendenti, billi jagħtuha r-riżorsi meħtieġa;

9.

Tappella sabiex tinbeda investigazzjoni bir-reqqa u trasparenti mill-Gvern tar-Repubblika Demokratika tal-Kongo u mill-imsieħba internazzjonali dwar il-ksur tad-drittijiet tal-bniedem li seħħ riċentement, b’mod partikolari, fil-kuntest ta’ protesti elettorali, f’partijiet differenti tal-pajjiż, kif ukoll dwar il-massakri riċenti fil-Benin, fit-Tramuntana ta’ Kivu; ittenni li ma jista’ jkun hemm ebda impunità għal min ikkommetta ksur serju tad-drittijiet tal-bniedem, delitti tal-gwerra, delitti kontra l-umanità u vjolenza sesswali u għal dawk responsabbli mir-reklutaġġ ta’ suldati tfal; tenfasizza li l-persuni responsabbli għal atti bħal dawn għandhom jiġu rrapportati, identifikati, imressqa quddiem il-ġustizzja u kkastigati skont il-liġi kriminali nazzjonali u internazzjonali;

10.

Tirrikonoxxi l-isforzi li għamlu l-awtoritajiet Kongoliżi fil-ġlieda kontra l-impunità u fil-prevenzjoni tal-vjolenza sesswali u tal-vjolenza fuq it-tfal, għalkemm tqis li l-progress għadu qed isir bil-mod; tistieden lill-gvern jippromwovi l-ugwaljanza bejn is-sessi, b’mod partikolari fir-rigward tan-nisa fil-lista ta’ kandidati presidenzjali;

11.

Ittenni t-tħassib serju tagħha dwar is-sitwazzjoni umanitarja allarmanti fir-Repubblika Demokratika tal-Kongo, ikkawżata b’mod partikolari mill-kunflitti armati vjolenti fil-provinċji tal-Lvant u mill-influss ta’ madwar 245 000 refuġjat mill-Burundi minn April 2015; tfakkar li n-newtralizzazzjoni tal-gruppi armati kollha f’dan ir-reġjun tikkontribwixxi b’mod qawwi għall-paċi u l-istabbiltà; tistieden lill-UE u lill-Istati Membri tagħha jkomplu jagħtu l-assistenza tagħhom lill-poplu tar-Repubblika Demokratika tal-Kongo sabiex jittejbu l-kundizzjonijiet tal-għajxien tal-aktar sezzjonijiet vulnerabbli tal-popolazzjoni;

12.

Tilqa’ r-Riżoluzzjoni 2277 (2016) tal-Kunsill tas-Sigurtà tan-NU, li ġeddet il-mandat ta’ MONUSCO u saħħet il-poteri tagħha sabiex tipproteġi lill-persuni ċivili u tiddefendi d-drittijiet tal-bniedem fil-kuntest elettorali;

13.

Tappella lill-UA u lill-UE jiżguraw djalogu politiku permanenti bejn il-pajjiżi tar-reġjun tal-Lagi l-Kbar sabiex jevitaw kwalunkwe destabbilizzazzjoni ulterjuri; jiddispjaċiha li sar biss progress limitat fl-implimentazzjoni tal-Ftehim Qafas għall-Paċi, is-Sigurtà u l-Kooperazzjoni ta’ Frar 2013 u jappella lill-partijiet kollha sabiex jikkontribwixxu b’mod attiv għall-isforzi ta’ stabbilizzazzjoni;

14.

Tfakkar fl-impenn magħmul mir-Repubblika Demokratika tal-Kongo skont il-Ftehim ta’ Cotonou li tirrispetta d-demokrazija, l-istat tad-dritt u l-prinċipji tad-drittijiet tal-bniedem, li jinkludu l-libertà tal-espressjoni u tal-mezzi ta’ komunikazzjoni, il-governanza tajba u t-trasparenza f’karigi politiċi; tħeġġeġ lill-istituzzjonijiet tal-UE jintensifikaw id-djalogu mal-awtoritajiet tar-Repubblika Demokratika tal-Kongo, fil-qafas tal-Artikolu 8 tal-Ftehim ta’ Cotonou, bl-iskop li jiksbu kjarifiki definittivi dwar il-proċess elettorali;

15.

Tenfasizza li, fin-nuqqas ta’ dan, tkun ir-responsabbiltà tal-UE li tniedi proċedimenti skont l-Artikolu 96 tal-Ftehim ta’ Cotonou u, b’mod partikolari, tidderieġi mill-ġdid l-appoġġ baġitarju lejn is-soċjetà ċivili u tikkunsidra sanzjonijiet immirati;

16.

Tenfasizza r-rwol kruċjali tal-UA fil-prevenzjoni tal-kriżijiet politiċi fl-Afrika Ċentrali u tistieden lill-mexxejja tagħha, b’mod partikolari l-Afrika ta’ Isfel, ifittxu li jiżguraw il-konformità mal-Kostituzzjoni tar-Repubblika Demokratika tal-Kongo; tħeġġeġ lill-UE tuża l-istrumenti ekonomiċi u diplomatiċi kollha għad-dispożizzjoni tagħha, inkluż l-iffirmar imminenti tal-Ftehimiet ta’ Sħubija Ekonomika, sabiex tilħaq dan l-għan;

17.

Tilqa’ l-isforz tal-awtoritajiet Kongoliżi li jimplimentaw il-leġiżlazzjoni li tipprojbixxi l-kummerċ u l-ipproċessar ta’ minerali f’żoni fejn dawn qegħdin jiġu sfruttati illegalment, bħal dawk ikkontrollati minn gruppi armati; tistieden lill-awtoritajiet Kongoliżi jsaħħu l-implimentazzjoni tal-leġiżlazzjoni maħsuba biex iġġib fi tmiemu l-isfruttar illegali tar-riżorsi minerali tar-Repubblika Demokratika tal-Kongo u tħeġġeġ lir-Repubblika Demokratika tal-Kongo biex tkompli bl-isforzi tagħha sabiex tikkonforma mal-Inizjattiva għat-Trasparenza tal-Industriji Estrattivi;

18.

Tagħti istruzzjonijiet lill-Ko-Presidenti tagħha biex jibagħtu din ir-riżoluzzjoni lill-Kunsill AKP-UE, lill-Kummissjoni Ewropea, lill-Kunsill tal-UE, lill-Viċi President tal-Kummissjoni/lir-Rappreżentant Għoli tal-Unjoni għall-Affarijiet Barranin u l-Politika tas-Sigurtà, lill-Unjoni Afrikana, lis-Segretarju Ġenerali tan-NU, lill-Kunsill tan-NU għad-Drittijiet tal-Bniedem u lill-President, il-Prim Ministru u l-Parlament tar-Repubblika Demokratika tal-Kongo.

—

li ltaqgħet f’Windhoek (in-Namibja) bejn it-13 u l-15 ta’ Ġunju 2016,

—

wara li kkunsidrat il-Ftehim ta’ Sħubija AKP-UE ffirmat f’Cotonou fit-23 ta’ Ġunju 2000, kif rivedut,

—

wara li kkunsidrat ir-riżoluzzjoni tal-Parlament Ewropew tat-8 ta’ Ottubru 2015 dwar it-tiġdid tal-Pjan ta’ Azzjoni tal-UE dwar l-Ugwaljanza bejn is-Sessi u t-Tisħiħ tal-Pożizzjoni tan-Nisa fl-Iżvilupp,

—

wara li kkunsidrat ir-riżoluzzjoni tal-Parlament Ewropew tas-6 ta’ Frar 2013 dwar is-57 sessjoni tal-Kummissjoni tan-NU dwar l-Istatus tan-Nisa: L-eliminazzjoni u l-prevenzjoni ta’ kull forma ta’ vjolenza fuq in-nisa u l-bniet,

—

wara li kkunsidrat ir-rapport tal-laqgħa annwali tal-Istati Membri tal-UE dwar ir-Riżoluzzjoni 1325 tal-Kunsill tas-Sigurtà tan-NU bit-titolu “15 years of UNSCR 1325 — looking ahead to 2015” (15-il sena ta’ UNSCR 1325 – inħarsu ‘l quddiem lejn l-2015), li saret fi Brussell fl-4 ta’ Lulju 2014,

—

wara li kkunsidrat il-linji gwida tal-UE dwar il-vjolenza fuq in-nisa u l-bniet u l-ġlieda kontra l-forom kollha ta’ diskriminazzjoni kontrihom, kif ukoll il-linji gwida tal-UE dwar it-tfal u l-kunflitt armat,

—

wara li kkunsidrat id-Dikjarazzjoni tal-Istampa Konġunta mir-Rappreżentanta Għolja tal-UE Federica Mogherini, mir-Rappreżentant Għoli tal-Unjoni għall-Affarijiet Barranin u l-Politika tas-Sigurtà/Viċi President tal-Kummissjoni Ewropea u minn Leila Zerrougui, Rappreżentanta Speċjali tas-Segretarju Ġenerali tan-NU għat-Tfal u l-Kunflitt Armat, fl-okkażjoni tal-Jum Internazzjonali kontra l-Użu tas-Suldati Tfal, fit-12 ta’ Frar 2015,

—

wara li kkunsidrat l-ittra konġunta tal-11 ta’ Settembru 2015 lill-Membri tal-Parlament Ewropew minn Federica Mogherini, Rappreżentanta Għolja tal-Unjoni għall-Affarijiet Barranin u l-Politika tas-Sigurtà/Viċi President tal-Kummissjoni Ewropea, u Christos Stylianides, il-Kummissarju Ewropew għall-Għajnuna Umanitarja u l-Ġestjoni tal-Kriżijiet,

—

wara li kkunsidrat il-Konvenzjonijiet ta’ Ġinevra (1949) u l-protokolli addizzjonali għalihom (1977), il-Konvenzjoni tan-NU dwar id-Drittijiet tat-Tfal (UNCRC, 1989) u l-Protokoll Fakultattiv għaliha dwar l-involviment tat-tfal f’kunflitt armat (2000) u l-Istatut ta’ Ruma tal-Qorti Kriminali Internazzjonali (1998),

—

wara li kkunsidrat id-Dikjarazzjoni Universali tad-Drittijiet tal-Bniedem tal-10 ta’ Diċembru 1948,

—

wara li kkunsidrat ir-Riżoluzzjonijiet 1325 (2000), 1820 (2008), 1888 (2009), 1889 (2009), 1960 (2010), 2106 (2013) u 2122 (2013) tal-Kunsill tas-Sigurtà tan-NU u l-impenji u l-obbligi tal-Istati tal-UE u tal-Istati AKP skont dawk ir-riżoluzzjonijiet,

—

wara li kkunsidrat il-Konvenzjoni tan-Nazzjonijiet Uniti dwar l-Eliminazzjoni ta’ Kull Forma ta’ Diskriminazzjoni kontra n-Nisa (CEDAW) tat-18 ta’ Diċembru 1979,

—

wara li kkunsidrat il-Linji Gwida tal-Uffiċċju tal-Kummissarju Għoli tan-NU għar-Refuġjati (UNHCR) dwar il-protezzjoni tar-refuġjati nisa, inklużi l-prevenzjoni ta’ u r-rispons għal vjolenza sesswali kontrihom,

—

wara li kkunsidrat ir-rapport annwali tar-Rappreżentanta Speċjali tas-Segretarju Ġenerali tan-NU għat-Tfal u l-Kunflitt Armat, Leila Zerrougui, għall-Kunsill għad-Drittijiet tal-Bniedem, ippubblikat fit-28 ta’ Diċembru 2015,

—

wara li kkunsidrat ir-rapporti tas-Segretarju Ġenerali tan-NU tat-23 ta’ Marzu 2015 u tat-13 ta’ Jannar 2012 dwar il-vjolenza relatati mal-kunflitti,

—

wara li kkunsidrat id-dokument bit-titolu “Transforming our World: The 2030 Agenda for Sustainable Development” (Nittrasformaw id-dinja tagħna: L-Aġenda 2030 għall-Iżvilupp Sostenibbli), adottat fis-Summit tan-Nazzjonijiet Uniti dwar l-Iżvilupp Sostenibbli fil-25 ta’ Settembru 2015, fi New York,

—

wara li kkunsidrat il-projbizzjoni tal-vjolenza fuq in-nisa u d-drittijiet tan-nisa għad-dinjità, il-ħajja, l-integrità, is-sigurtà u l-libertà mid-diskriminazzjoni skont il-Protokoll għall-Karta Afrikana dwar id-Drittijiet tal-Bniedem u tal-Popli u dwar id-Drittijiet tan-Nisa fl-Afrika (il-Protokoll ta’ Maputo),

—

wara li kkunsidrat ir-Riżoluzzjoni 283 (2014) tal-Kummissjoni Afrikana dwar id-Drittijiet tal-Bniedem u tal-Popli dwar is-sitwazzjoni tan-nisa u tat-tfal f’kunflitt armat,

—

wara li kkunsidrat ir-Raba’ Konferenza Dinjija dwar in-Nisa, li saret f’Beijing f’Settembru 1995 u d-Dikjarazzjoni ta’ Beijing u l-Pjattaforma għal Azzjoni,

—

wara li kkunsidrat l-implimentazzjoni tal-Programm ta’ Azzjoni tal-Konferenza Internazzjonali dwar il-Popolazzjoni u l-Iżvilupp (ICPD), li saret f’Kajr fl-1994,

—

wara li kkunsidrat l-Artikolu 18(2) tar-Regoli ta’ Proċedura tagħha,

A.

billi l-istupru, l-iskjavitù sesswali, l-isterilizzazzjoni sfurzata u forom oħrajn ta’ vjolenza fuq in-nisa, il-bniet u t-tfal jintużaw sistematikament bħala armi tal-gwerra u billi dawn il-prattiki kienu mifruxa f’bosta kunflitti armati riċenti u attwali; billi, meta jkunu jifformaw parti minn prattika mifruxa u sistematika, l-istupru u l-iskjavitù sesswali huma rikonoxxuti skont il-Konvenzjoni ta’ Ġinevra bħala delitti kontra l-umanità u bħala delitti tal-gwerra;

B.

billi l-istupru issa huwa rikonoxxut ukoll bħala element tad-delitt ta’ ġenoċidju meta jitwettaq bil-ħsieb li jeqred, kompletament jew parzjalment, grupp partikolari fil-mira;

C.

billi tali ksur, fil-biċċa l-kbira tiegħu, għadu mhuwiex qed jiġi rrapportat biżżejjed, u l-awturi tiegħu rari jitħarrku u jitressqu l-qorti;

D.

billi minħabba n-normi sesswali profondi fl-Afrika, in-nisa u l-bniet huma partikolarment fil-mira bl-użu ta’ vjolenza sesswali, inkluż bħala mezz ta’ umiljazzjoni, dominazzjoni, trawwim ta’ biża’, tixrid u/jew rilokazzjoni bil-forza tal-membri ċivili ta’ komunità jew grupp etniku;

E.

billi l-vjolenza etnika għandha konsegwenzi fiżiċi, emozzjonali, psikoloġiċi u soċjali severi għall-vittmi, kif ukoll għall-familji tagħhom u għall-komunitajiet sħaħ;

F.

billi f’ħafna każijiet, il-vittmi ta’ vjolenza sesswali jiffaċċjaw konsegwenzi indiretti bħal stigmatizzazzjoni, esklużjoni mill-komunitajiet tagħhom, iżolament u vulnerabbiltà ekonomika;

G.

billi l-liġi umanitarja internazzjonali titlob li l-abort jiġi ttrattat bħala kura medika neċessarja għall-bniet u n-nisa li jisfaw tqal minn stupru fil-gwerra, li jfisser li l-vittmi ta’ stupru fil-gwerra għandhom dritt ta’ aċċess għall-abort bħala parti mill-kura medika neċessarja;

H.

billi l-liġi umanitarja internazzjonali, inklużi l-Konvenzjonijiet ta’ Ġinevra u l-protokolli addizzjonali tagħhom, tapplika fi żminijiet ta’ kunflitt u tieħu post il-liġi lokali jew nazzjonali;

I.

billi, f’ħafna każijiet, it-truppi għaż-żamma tal-paċi fin-NU kienu akkużati bi sfruttament u abbuż sesswali; billi f’Jannar 2016, reviżjoni indipendenti ta’ tali abbuż akkużat lin-NU li naqset milli twieġeb għal allegazzjonijiet ta’ abbuż tat-tfal kontra dawk inkarigati miż-żamma tal-paċi; billi l-Kunsill tas-Sigurtà tan-NU adotta riżoluzzjoni dwar din il-kwistjoni f’Marzu 2016;

J.

billi fl-2014 il-Parlament Ewropew ta l-Premju Sakharov lil Dr. Mukwege għall-ħidma straordinarja tiegħu fil-kura tan-nisa li kienu vittmi ta’ vjolenza sesswali fir-Repubblika Demokratika tal-Kongo;

1.

Tikkundanna bil-qawwa kollha kull forma ta’ vjolenza u ksur tad-drittijiet tal-bniedem u abbużi minn atturi statali u mhux statali kontra n-nisa u t-tfal, kif ukoll l-attakki mmirati lejn dawk li jiddefendu d-drittijiet tal-bniedem u l-organizzazzjonijiet tas-soċjetà ċivili f’sitwazzjonijiet ta’ kunflitt u wara kunflitt;

2.

Tikkundanna bil-qawwa kollha l-użu ta’ stupru bħala arma ta’ gwerra u oppressjoni, li għandu jiġi eliminat; tenfasizza li l-Istati għandhom ir-responsabbiltà primarja li jipproteġu lill-persuni ċivili u jeżerċitaw il-kontabbiltà f’sitwazzjonijiet ta’ kunflitt; tiddeplora n-nuqqas ta’ protezzjoni għan-nisa u t-tfal innoċenti kontra l-vjolenza dejjem tiżdied, inklużi stupru, tortura u r-reklutaġġ ta’ suldati tfal;

3.

Tħeġġeġ lill-UE, lill-Grupp AKP, lill-Unjoni Afrikana u lin-NU jagħmlu pressjoni fuq il-gvernijiet u l-partijiet ikkonċernati kollha implikati fir-reġjuni fejn isseħħ tali vjolenza, sabiex iwaqqfu din il-prattika u jiżguraw l-indipendenza tal-ġudikatura sabiex din tkun tista’ tressaq lill-awturi kkonċernati quddiem il-qorti tal-ġustizzja u ġġib fi tmiemha l-impunità għal din il-vjolenza;

4.

Tistieden lill-Istati kollha jadottaw u jinfurzaw miżuri leġiżlattivi, amministrattivi u soċjali mmirati biex jevitaw l-istupru u l-vjolenza fuq in-nisa u t-tfal f’sitwazzjonijiet ta’ kunflitt u wara kunflitt, filwaqt li jiżguraw li l-vittmi jirċievu rijabilitazzjoni, appoġġ adegwat u servizzi ta’ kura tas-saħħa u għajnuna psikoloġika, inkluża kura tas-saħħa sesswali u riproduttiva;

5.

Tistieden lill-Istati kollha jiffirmaw u jirratifikaw il-UNCRC u l-Protokolli Fakultattivi għaliha, jippromulgaw il-leġiżlazzjoni sabiex jipprojbixxu espliċitament u jikkriminalizzaw ir-reklutaġġ u l-użu tat-tfal minn forzi jew gruppi armati u l-użu tat-tfal f’ostilitajiet;

6.

Tistieden lill-Istati kollha jinvestigaw lill-partijiet kollha involuti u jħarrku lil dawk kollha sal-ogħla livell tal-katina fil-kmand bl-aktar akkużi serji possibbli, inklużi delitti tal-gwerra, sabiex ineħħu l-impunità u jerġgħu jġibu lura l-ġustizzja;

7.

Tenfasizza l-ħtieġa għal aktar sforzi u riżorsi għall-prevenzjoni u l-eliminazzjoni tal-prattiki diskriminatorji kollha kontra n-nisa, kif ukoll għall-ġlieda u l-prosekuzzjoni ta’ kull forma ta’ vjolenza, inklużi t-traffikar tal-bnedmin, il-mutilazzjoni ġenitali femminili, l-isterilizzazzjoni sfurzata, it-tqala sfurzata, il-ġeneruċidju, il-vjolenza domestika u l-istupru fiż-żwieġ, iż-żwieġ li jinvolvi tfal, żwieġ bikri u żwieġ sfurzat u l-vjolenza abbażi tal-ġeneru f’sitwazzjonijiet ta’ kunflitt u wara kunflitt;

8.

Tistieden lill-Istati u l-atturi internazzjonali kollha jieħdu sehem f’għajnuna umanitarja u f’każ ta’ kunflitt, inkluża l-Kummissjoni Ewropea, sabiex jimpenjaw ruħhom li jiżguraw li n-nisa u l-bniet ikunu sikuri sa mill-bidu ta’ kull emerġenza jew kriżi billi jindirizzaw ir-riskju ta’ vjolenza sesswali u bbażata fuq is-sess, billi jqajmu kuxjenza, billi jieħdu passi sabiex iħarrku lil dawk li jwettqu vjolenza ta’ dan it-tip u billi jiżguraw li n-nisa u l-bniet ikollhom aċċess għall-firxa sħiħa ta’ servizzi tas-saħħa sesswali u riproduttiva, inkluż abort sikur, f’każijiet umanitarji, minflok ma jseħħ dak illi jammonta għal trattament inuman, kif previst fil-Konvenzjonijiet ta’ Ġinevra u fil-Protokolli Addizzjonali għalihom;

9.

Tistieden lill-Istati jipprovdu l-appoġġ neċessarju kollu lit-tfal imwielda minn ommijiet li sfaw stuprati u li ta’ spiss jiġu rrifjutati mis-soċjetà u mill-familji tagħhom, kif ukoll lil ommijiethom;

10.

Tistieden lill-pajjiżi AKP, lill-Istati Membri tal-UE u lill-Parlament Ewropew jidħlu għas-Sejħa għall-Azzjoni bil-għan li jindirizzaw il-vjolenza fuq in-nisa u l-bniet f’każijiet ta’ emerġenza, imnedija f’Londra f’Novembru 2013;

11.

Tistieden lill-Istati kollha jiżviluppaw qafas sabiex ikunu jistgħu jwieġbu sistematikament għal vjolenza fuq it-tfal, li huwa integrat fil-proċessi tal-ippjanar nazzjonali u li jiġi evalwat sistematikament skont il-miri u l-iskedi ta’ żmien stabbiliti, u jiġu pprovduti b’riżorsi umani u finanzjarji adegwati sabiex jappoġġjaw l-implimentazzjoni tiegħu; tħeġġeġ it-teħid ta’ azzjoni bil-għan li jiġu indirizzati l-kawżi sottostanti tal-vjolenza fuq it-tfal; tenfasizza r-rwol tal-edukazzjoni bħala għodda b’saħħitha li tista’ terġa’ tnissel sens ta’ normalità, tgħin lit-tfal jegħlbu t-trawma u tagħtihom il-kapaċità li jkunu ċittadini produttivi ladarba tgħaddi l-emerġenza; Tenfasizza l-ħtieġa għal riżorsi adegwati għall-edukazzjoni f’emerġenzi li jseħħu matul żminijiet ta’ kunflitt armat;

12.

Hija profondament imħassba minħabba l-effetti fiżiċi, psikoloġiċi u soċjali ta’ dannu, irriversibbli u xi drabi fatali tal-mutilazzjoni ġenitali femminili (MĠF) u l-qtugħ; tappella għall-eliminazzjoni ta’ din il-prattika fil-pajjiżi kollha;

13.

Tistieden lill-atturi Statali u internazzjonali kollha li jieħdu sehem f’kunflitt u għajnuna umanitarja jimpenjaw ruħhom li jipproteġu lill-ħaddiema fil-qasam tal-għajnuna umanitarja minn prosekuzzjoni skont il-Konvenzjonijiet ta’ Ġinevra u l-protokolli addizzjonali għalihom;

14.

Tistieden lin-NU tipprovdi lill-membri tagħha b’linji gwida u materjal ta’ taħriġ dwar il-protezzjoni, id-drittijiet u l-ħtiġijiet partikolari tan-nisa u tat-tfal, u għal taħriġ speċjalizzat għall-persunal kollha fil-qasam taż-żamma tal-paċi dwar il-protezzjoni, il-ħtiġijiet speċjali u d-drittijiet tal-bniedem tan-nisa u tat-tfal f’sitwazzjonijiet ta’ kunflitt;

15.

Tħeġġeġ lill-kmandanti militari fi grad għoli jifformulaw regoli preċiżi u ċari biżżejjed dwar l-interazzjoni mal-persuni ċivili, li jipprojbixxu b’mod ċar il-vjolenza sesswali u forom oħrajn ta’ vjolenza; tenfasizza l-importanza li l-kmandanti jiġu mfakkra dwar ir-responsabbiltajiet tagħhom fir-rigward tad-dixxiplina fil-każ ta’ vjolenza fuq il-popolazzjonijiet ċivili; tħeġġeġ lill-kmandanti militari jirrapportaw lill-awtoritajiet ġudizzjarji kwalunkwe każ ta’ atti vjolenti li jsiru mis-suldati tagħhom fuq persuni ċivili;

16.

Tilqa’ r-rakkomandazzjoni tas-Segretarju Ġenerali tan-NU li l-Unjoni Afrikana tiżgura l-implimentazzjoni tal-pjan ta’ azzjoni tal-forzi armati kontra l-vjolenza sesswali u sistematikament tressaq lill-awturi ta’ tali atti quddiem il-qorti tal-ġustizzja u tagħti riparazzjonijiet, inkluż kumpens, lill-vittmi;

17.

Tesprimi tħassib kbir dwar il-bosta allegazzjonijiet ta’ abbuż sesswali mill-forzi għaż-żamma tal-paċi tan-NU; tilqa’ l-adozzjoni tar-Riżoluzzjoni 2272 tal-Kunsill tas-Sigurtà tan-NU dwar din il-kwistjoni; tilqa’ b’mod partikolari l-fatt li n-NU għall-ewwel darba bdiet issemmi l-pajjiżi tal-allegati awturi, mossa maħsuba biex tpoġġi pressjoni fuq l-Istati sabiex isegwu l-allegazzjonijiet li ta’ spiss ħallewhom għaddejjin; Titlob l-implimentazzjoni tal-politika ta’ tolleranza żero fir-rigward tal-isfruttament u l-attakki sesswali attribwiti lill-persunal tan-NU;

18.

Tenfasizza l-ħtieġa li d-dimensjoni tal-vjolenza sesswali tiġi integrata fil-programmi ta’ diżarm, demobilizzazzjoni u riintegrazzjoni sabiex l-awturi jiġu mwaqqfa milli jerġgħu jidħlu f’pożizzjonijiet militari jew ta’ tmexxija;

19.

Jiddispjaċiha li d-data dwar l-istupru u l-vjolenza sesswali f’kunflitt għadha estremament skarsa; titlob lill-Istati fejn hemm kunflitt jew lil dawk involuti f’attivitajiet umanitarji wara kunflitt jiġbru data diżaggregata dwar din ix-xorta ta’ vjolenza u dwar il-vittmi u l-awturi tagħha;

20.

Tagħti istruzzjonijiet lill-Ko-Presidenti tagħha biex jibagħtu din ir-riżoluzzjoni lill-Kunsill AKP-UE, lill-Kummissjoni Ewropea, lill-Kunsill tal-Unjoni Ewropea, lir-Rappreżentant Għoli tal-Unjoni għall-Affarijiet Barranin u l-Politika tas-Sigurtà/lill-Viċi President tal-Kummissjoni, lill-istituzzjonijiet tal-Unjoni Afrikana u lis-Segretarju Ġenerali tan-Nazzjonijiet Uniti.