1.12.2016   

MT

Il-Ġurnal Uffiċjali tal-Unjoni Ewropea

C 449/1

1.

Skont l-Artikolu 287 tat-Trattat dwar il-Funzjonament tal-Unjoni Ewropea (1), il-Qorti Ewropea tal-Awdituri (il-Qorti) awditjat u ħarġet opinjonijiet dwar l-affidabbiltà tal-kontijiet u dwar il-legalità u r-regolarità tat-tranżazzjonijiet ta’ bażi, għas-sena finanzjarja li ntemmet fil-31 ta’ Diċembru 2015, għal 41 aġenzija, uffiċċju u korp (aġenzija) u għall-Fond tal-Pensjoni tal-Europol (EPF).

3.

L-Aġenziji huma viżibbli ħafna fl-Istati Membri u għandhom influwenza sinifikanti fuq it-tfassil ta’ politiki u t-teħid ta’ deċiżjonijiet kif ukoll fuq l-implimentazzjoni ta’ programmi f’oqsma ta’ importanza essenzjali għaċ-ċittadini Ewropej, jiġifieri s-saħħa, is-sikurezza, is-sigurtà, il-libertà u l-ġustizzja. Skont xi jkunu l-kompitu, l-istruttura u l-finanzjament tagħhom, tista’ ssir distinzjoni bejn aġenziji deċentralizzati, aġenziji eżekuttivi, aġenziji awtofinanzjati u korpi oħra.

4.

It-30 aġenzija deċentralizzata għandhom rwol importanti fl-implimentazzjoni tal-politiki tal-UE, speċjalment kompiti ta’ natura teknika, xjentifika, operazzjonali u/jew regolatorja. L-għan tagħhom huwa li jippermettu li l-Kummissjoni tikkonċentra fuq it-tfassil ta’ politika u tirrinforza l-kooperazzjoni bejn l-UE u l-gvernijiet nazzjonali permezz tal-akkomunament ta’ kompetenzi tekniċi u speċjalisti miż-żewġ naħat. Dawn jinsabu madwar l-UE kollha.

5.

Is-sitt aġenziji eżekuttivi huma fdati b’kompiti relatati mal-immaniġġjar ta’ wieħed jew aktar mill-programmi tal-Unjoni u huma stabbiliti għal perjodi fissi ta’ żmien. Dawn jinsabu fi Brussell (ħamsa) u fil-Lussemburgu (waħda).

6.

It-tliet aġenziji awtofinanzjati jinkludu l-Uffiċċju għall-Armonizzazzjoni fis-Suq Intern (OHIM) (2), l-Uffiċċju Komunitarju tal-Varjetajiet tal-Pjanti (CPVO) u l-Bord Uniku ta’ Riżoluzzjoni (SRB) (3). L-SRB fi Brussell sar kompletament operazzjonali fl-1 ta’ Jannar 2016 bil-missjoni li jiżgura li sseħħ ir-riżoluzzjoni ordnata ta’ banek f’diffikultà b’impatt minimu fuq l-ekonomija reali u fuq il-finanzi pubbliċi.

7.

Il-korpi l-oħra jinkludu l-Istitut Ewropew tal-Innovazzjoni u t-Teknoloġija (EIT), l-Aġenzija Fornitriċi tal-Euratom (Euratom) u l-Fond tal-Pensjoni tal-Europol (EPF). L-EIT f’Budapest huwa korp indipendenti u deċentralizzat tal-UE li jiġbor flimkien riżorsi xjentifiċi, tan-negozju u edukattivi biex tingħata spinta lill-kapaċità ta’ innovazzjoni tal-Unjoni. Il-Euratom fil-Lussemburgu nħoloq biex jappoġġa l-għanijiet tat-Trattat li jistabbilixxi l-Komunità Ewropea tal-Enerġija Atomika. L-EPF, li jinsab fl-Aja, ġie stabbilit biex jiffinanzja u jħallas il-pensjonijiet għall-persunal impjegat mill-Uffiċċju Ewropew tal-Pulizija (Europol) qabel ma din saret aġenzija fl-1 ta’ Jannar 2010. L-EPF ġie xolt fl-1 ta’ Jannar 2016.

8.

Il-baġit totali tal-aġenziji għall-2015 ammonta għal madwar EUR 2,8 biljun (2014: EUR 2,6 biljun) jew madwar 2,0 % tal-baġit ġenerali tal-UE għall-2015 (2014: 1,9 %). Il-parti prinċipali tal-baġit tal-aġenziji hija ffinanzjata permezz tas-sussidji tal-Kummissjoni: il-bqija huwa introjtu minn tariffi u minn sorsi oħra.

9.

Sa tmiem l-2015, l-aġenziji kienu jimpjegaw 9 965 membru tal-persunal (2014: 9 379) (4). L-għadd tal-persunal żdied l-aktar f’aġenziji li jittrattaw kwistjonijet ta’ migrazzjoni (l-Uffiċċju Ewropew ta’ Appoġġ fil-qasam tal-Asil — EASO) u l-prevenzjoni ta’ kriminalità serja u terroriżmu (Europol). L-aġenziji eżekuttivi fejn tela’ l-għadd tal-persunal għandhom mandat estiż u kisbu responabbiltajiet addizzjonali.

10.

Dettalji dwar l-aġenziji, il-baġits u l-persunal tagħhom huma pprovduti fl-Anness I.

11.

L-arranġamenti għall-awditjar tal-kontijiet tal-aġenziji huma ppreżentati fit-Tabella.

Tabella

Arranġamenti tal-awditjar għall-kontijiet tal-aġenziji

12.

Il-kontijiet annwali ta’ 32 aġenzija ġew ivverifikati minn awditur indipendenti estern (ditta tal-awditjar) skont l-Artikolu 208(4) tar-Regolament Finanzjarju tal-UE (7) u l-Artikolu 107(1) tar-Regolament finanzjarju qafas għall-aġenziji (8). L-opinjonijiet tal-Qorti dwar dawn il-kontijiet qiesu x-xogħol tal-awditjar imwettaq mid-ditta tal-awditjar u l-azzjoni li ttieħdet b’rispons għall-osservazzjonijiet tagħhom. Il-Qorti analizzat ix-xogħol tad-ditti tal-awditjar skont l-istandards internazzjonali tal-awditjar. Din l-analiżi pprovdiet aċċertament adegwat biex il-Qorti tibbaża l-opinjonijiet tal-awditjar proprji tagħha fuq l-affidabbiltà tal-kontijiet bl-użu tax-xogħol tad-ditti tal-awditjar.

13.

Għad-disa’ aġenziji li jifdal u għall-EPF, il-Qorti baqgħet twettaq l-awditu tal-affidabbiltà tal-kontijiet. Ix-xogħol tal-awditjar kopra l-konformità mar-regoli kontabilistiċi applikabbli, il-kompletezza u l-preċiżjoni tal-karta tal-bilanċ u taċ-ċifri tal-baġit, u analiżi tar-rapport tal-prestazzjoni finanzjarja u tal-implimentazzjoni tal-baġit.

14.

Bħal fis-snin ta’ qabel, il-Qorti baqgħet esklussivament responsabbli għall-awditjar tal-legalità u r-regolarità tat-tranżazzjonijiet li fuqhom huma bbażati l-kontijiet tal-aġenziji kollha u tal-EPF. L-approċċ tal-awditjar kien jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli interni tal-aġenziji.

15.

Il-kontijiet finali ta’ 40 aġenzija u tal-EPF jippreżentaw b’mod ġust, fl-aspetti materjali kollha, il-pożizzjoni finanzjarja tagħhom fil-31 ta’ Diċembru 2015 u r-riżultati tal-operazzjonijiet tagħhom u l-flussi tal-flus tagħhom għas-sena li ntemmet dakinhar, skont id-dispożizzjonijiet tar-Regolamenti Finanzjarji applikabbli u r-regoli kontabilistiċi adottati mill-uffiċjal tal-kontabbiltà tal-Kummissjoni.

16.

Il-Qorti ħarġet opinjoni kwalifikata dwar l-affidabbiltà tal-kontijiet finali tal-Frontex għas-sena finanzjarja 2015. Il-kwalifika hija bbażata fuq stima insuffiċjenti materjali tal-imposti dovuti b’EUR 1,7 miljun.

17.

Il-Qorti kkonkludiet li għall-40 aġenzija u l-EPF, it-tranżazzjonijiet li fuqhom huma bbażati l-kontijiet annwali għas-sena li ntemmet fil-31 ta’ Diċembru 2015 kienu legali u regolari fl-aspetti materjali kollha.

18.

Il-Qorti ħarġet opinjoni kwalifikata dwar il-legalità u r-regolarità tat-tranżazzjonijiet li fuqhom huma bbażati l-kontijiet tal-EIT. Il-kwalifika kienet ibbażata primarjament fuq l-użu ta’ rata fissa irregolari li kienet relatata mal-għotjiet.

19.

Il-Qorti ppreżentat avveniment li seħħ wara d-data tal-karta tal-bilanċ fil-paragrafu ta’ “Kwistjonijiet oħra” fir-RAS tal-Awtorità Bankarja Ewropea (EBA) u f’dak tal-Aġenzija Ewropea għall-Mediċini (EMA), li t-tnejn li huma jinsabu f’Londra. Dan il-paragrafu jittratta r-referendum tar-Renju Unit (UK) li seħħ fit-23 ta’ Ġunju 2016 u jikkjarifika li l-kontijiet u n-noti relatati taż-żewġ aġenziji tħejjew bl-użu tal-informazzjoni li kienet disponibbli fid-data tal-iffirmar tal-kontijiet tagħhom, meta r-riżultat tal-votazzjoni taċ-ċittadini tal-UE kienet għadha mhijiex magħrufa u meta għadha ma ġietx ippreżentata n-notifika formali li tinvoka l-Artikolu 50 tat-Trattat dwar l-Unjoni Ewropea (9).

20.

Mingħajr ma tixħet dubju fuq l-opinjonijiet tagħha, il-Qorti għamlet total ta’ 90 kumment (2014: 79) li jaffettwaw 36 aġenzija u l-EPF (2014: 35) biex tenfasizza kwistjonijiet ta’ importanza u biex tindika lok għal titjib. L-għadd tal-kummenti li saru taħt l-intestaturi differenti tar-RAS jidher fiċ-Ċart.

Ċart

Kummenti skont l-intestatura tar-RAS

Sors: RAS dwar il-kontijiet annwali tal-aġenziji għas-sena finanzjarja 2015

21.

Ħarsa ġenerali lejn il-kummenti li saru għal kull waħda mill-aġenziji u l-EPF tingħata fl-Anness II.

22.

Il-kummenti li tqiesu bħala ta’ interess partikolari huma deskritti hawn taħt. Huma jkopru kwistjonijet ta’ importanti li huma frekwenti u/jew serji u ta’ interess usa’ (“tagħlimiet li għandhom jinsiltu”).

23.

Livell għoli ta’ riporti ta’ approprjazzjonijiet impenjati jibqa’ l-kumment l-aktar frekwenti u jikkonċerna 32 aġenzija (2014: 28). Ir-riporti taħt it-Titolu II (nefqa amministrattiva) tat-22 aġenzija kkonċernata (2014: 18) ammontaw għal medja ta’ 36 % (2014: 39 %) tal-approprjazzjonijiet impenjati, ir-riporti taħt it-Titolu III (nefqa operazzjonali) tat-18-il aġenzija kkonċernata (2014: 18) ammontaw għal medja ta’ 48 % (2014: 56 %) tal-approprjazzjonijiet impenjati. Dawn ir-riporti rriżultaw prinċipalment minn avvenimenti li kienu (parzjalment) lil hinn mill-kontroll tal-aġenziji (eż. fatturi jew dikjarazzjonijiet tal-ispejjeż li kienu għadhom ma ġewx riċevuti sa tmiem is-sena) jew li jiġu spjegati min-natura pluriennali tal-operazzjonijiet, il-proċeduri ta’ akkwist jew il-proġetti. Il-Qorti baqgħet tirrapporta dwar dawn il-kwistjonijiet filwaqt li osservat is-soll tagħha ddefinit internament għat-titoli differenti tal-baġit tal-aġenziji. Bidla ta’ din il-proċedura ta’ rappurtar tirrikjedi fehim komuni tal-partijiet prinċipali involuti (il-Qorti, il-Parlament, il-Kunsill u l-aġenziji) fir-rigward ta’ dak li jenħtieġ li jiġi rrappurtat fir-RAS tal-aġenziji dwar ir-riporti. F’dan il-kuntest, ikun ta’ benefiċċju li ssir elaborazzjoni ta’ kunċett ta’ “riport iġġustifikat”, li dwaru jkun intlaħaq qbil, u li dan il-kunċett jiġi implimentat fl-aġenziji.

24.

Ir-regola bażika li fuqha huwa bbażat l- akkwist pubbliku hija li għandha tiġi żgurata l-kompetizzjoni bejn l-operaturi ekonomiċi. F’erba’ RAS, il-Qorti rrappurtat li l-aġenziji ma kinux ikkonformaw bis-sħiħ ma’ din ir-regola. Hija rreferiet għall-użu, li jmur lil hinn minn dak li jista’ jitqies bħala eċċezzjonali, ta’ proċedura negozjata mingħajr pubblikazzjoni ta’ avviż dwar kuntratt, u ġibdet l-attenzjoni għan-nuqqas ta’ kompetizzjoni f’każ tal-użu ta’ kuntratti qafas fejn is-servizzi mitluba jew il-prezzijiet individwali ma jkunux ġew iddefiniti b’mod ċar.

25.

Il- kontinwità tan-negozju tħaddan l-ippjanar u t-tħejjija biex jiġu żgurati l-kontinwazzjoni tal-operazzjonijiet f’każ ta’ inċidenti serji jew diżastri u l-kapaċità ta’ rkupru għal stat operazzjonali fi żmien perjodu raġonevolment qasir. Il-Qorti sabet li erba’ aġenziji għadhom ma jikkonformawx bis-sħiħ mal-istandard ta’ kontroll intern li jittratta din il-kwistjoni.

26.

Il-kontijiet annwali awditjati tal-aġenziji jinkludu r-rapporti finanzjarji u rapporti dwar l-implimentazzjoni tal-baġit. Il-Qorti rrappurtat li r- rapporti dwar l-implimentazzjoni tal-baġit ta’ tliet aġenziji għandhom livell ta’ dettall li huwa differenti minn dak ipprovdut mill-biċċa l-kbira tal-aġenziji l-oħra, u dan ifixkel it-tqabbil bejn l-aġenziji u jaffettwa l-valur informattiv tagħhom. Il-Kummissjoni ppjanat li toħroġ linji gwida dwar din il-kwistjoni.

27.

Ir-RAS għas-sena finanzjarja 2015 jipprovdu ħarsa ġenerali lejn l-azzjonijiet ta’ segwitu li ttieħdu mill-aġenziji b’rispons għall-kummenti mis-snin preċedenti. L- Anness III juri li għall-134 kumment li kienu miftuħa fi tmiem l-2014 (2013: 153), ġiet ikkompletata azzjoni korrettiva f’37 każ matul l-2015. L-azzjonijiet korrettivi kienu għadhom għaddejjin għal 44 każ u pendenti għal 9 każijiet. Ma kienet meħtieġa l-ebda azzjoni korrettiva għal 44 kumment, prinċipalment rigward riporti ta’ approprjazzjonijiet impenjati.

28.

Filwaqt li s-sitwazzjoni kumplessiva tjiebet meta mqabbla mas-sena preċedenti (l-għadd ta’ kummenti miftuħa naqas), l-għadd ta’ azzjonijiet korrettivi pendenti żdied bi tliet kummenti. Azzjoni pendenti timplika li l-ebda azzjoni mhija ppjanata jew għadha għaddejja. F’ħamsa mid-disa’ każijiet, l-implimentazzjoni tal-azzjonijiet korrettivi meħtieġa tiddependi mill-kontribut ta’ parti terza (eż. l-Istat Membru ospitanti, Qorti jew il-leġiżlatur) u hija barra mill-kontroll tal-aġenziji. Fi tlieta mill-erba’ kummenti li jifdal, l-aġenziji kkonċernati (is-CPVO u l-EASO) għadhom ma ħadux azzjoni effettiva u, f’każ wieħed, l-aġenzija (l-EIT) ma taqbilx mal-osservazzjoni tal-Qorti u ma ppjanat l-ebda azzjoni korrettiva speċifika ulterjuri.

29.

Il-Qorti ħarġet opinjoni mhux kwalifikata dwar il-kontijiet annwali tal-aġenziji kollha minbarra l-Frontex. It-tranżazzjonijiet li fuqhom huma bbażati l-kontijiet tal-aġenziji kienu legali u regolari għall-aġenziji kollha minbarra l-EIT li għaliha l-Qorti ħarġet opinjoni kwalifikata.

30.

L-aġenziji komplew itejbu l-proċeduri tagħhom billi ħadu azzjoni korrettiva b’rispons għall-kummenti tal-Qorti mis-snin preċedenti. Madankollu, għad hemm lok għal titjib, kif jindikaw il-kummenti li saru fl-2015.

1.12.2016   

MT

Il-Ġurnal Uffiċjali tal-Unjoni Ewropea

C 449/17

1.

L-Aġenzija għall-Kooperazzjoni tar-Regolaturi tal-Enerġija (minn hawn ’il quddiem “l-Aġenzija”, magħrufa wkoll bħala l-“ACER”), li tinsab f’Ljubljana, inħolqot bir-Regolament (KE) Nru 713/2009 tal-Parlament Ewropew u tal-Kunsill (1). Il-kompitu prinċipali tal-Aġenzija huwa li tgħin lill-Awtoritajiet Regolatorji Nazzjonali fl-eżerċizzju, fil-livell tal-Unjoni, tal-kompiti regolatorji li huma jwettqu fl-Istati Membri u, fejn ikun meħtieġ, li tikkoordina l-azzjonijiet tagħhom. Skont ir-Regolament REMIT (2), l-Aġenzija ngħatawlha responsabbiltajiet addizzjonali, flimkien mal-awtoritajiet regolatorji nazzjonali, fir-rigward tal-monitoraġġ tas-suq Ewropew tal-enerġija bl-ingrossa.

2.

It-Tabella tippreżenta ċ-ċifri ewlenin għall-Aġenzija (3).

Tabella

Iċ-ċifri ewlenin għall-Aġenzija

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Aġenzija. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

L-Aġenzija rriportat EUR 1,36 miljun, jiġifieri 59 %, tal-approprjazzjonijiet impenjati tagħha għan-nefqa operazzjonali tat-Titolu III (2014: EUR 1,57 miljun, jiġifieri 62 %). Dawn ir-riporti kienu prinċipalment relatati mal-implimentazzjoni tar-REMIT (EUR 1,1 miljun), attività operazzjonali kumplessa, ta' natura pluriennali, dwar l-integrità u t-trasparenza tas-suq tal-enerġija bl-ingrossa. L-Aġenzija rriportat ukoll EUR 0,79 miljun, jiġifieri 35 % (2014: EUR 0,98 miljun, jiġifieri 41 %) tal-approprjazzjonijiet impenjati għan-nefqa amministrattiva taħt it-Titolu II, li huma prinċipalment relatati ma' studji u servizzi li kienu għadhom ma twasslux fl-2015.

13.

Ħarsa ġenerali lejn l-azzjonijiet korrettivi li ttieħdu b'rispons għall-kummenti tal-Qorti mis-sena preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/22

1.

L-Uffiċċju tal-Korp ta’ Regolaturi Ewropej tal-Komunikazzjonijiet Elettroniċi (minn hawn ’il quddiem “l-Uffiċċju”), li jinsab f’Riga, ġie stabbilit bir-Regolament (KE) Nru 1211/2009 tal-Parlament Ewropew u tal-Kunsill (1). Il-kompitu prinċipali tal-Uffiċċju huwa li jipprovdi servizzi ta’ appoġġ professjonali u amministrattiv lill-Korp ta’ Regolaturi Ewropej tal-Komunikazzjonijiet Elettroniċi (BEREC) u, taħt il-gwida tal-Bord tar-Regolaturi, li jiġbor u janalizza tagħrif dwar komunikazzjonijiet elettroniċi u jxerred fost l-Awtoritajiet Regolatorji Nazzjonali l-aħjar prattiki regolatorji bħal approċċi komuni, metodoloġiji jew linji gwida dwar l-implimentazzjoni tal-qafas regolatorju tal-UE.

2.

It-Tabella tippreżenta ċ-ċifri ewlenin għall-Uffiċċju (2).

Tabella

Iċ-ċifri ewlenin għall-uffiċċju

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Uffiċċju. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Fl-2013 l-Uffiċċju ffirma kuntratt qafas ta' erba' snin għall-forniment ta' servizzi professjonali għall-organizzazzjoni ta' avvenimenti. Madankollu l-ħtiġijiet tiegħu ġew stmati b'mod insuffiċjenti u l-kuntratt kien laħaq l-ammont massimu tiegħu f'Diċembru 2014. Tnediet proċedura ta' akkwist biex jiġi ffirmat kuntratt qafas ieħor, iżda dan sar biss f'Awwissu 2015. Sadanittant l-Uffiċċju akkwista dawn is-servizzi mingħand l-istess fornitur bl-użu ta' ordnijiet ta' xiri u kuntratti ta' valur baxx (proċeduri nnegozjati) (9). L-ammont totali tas-servizzi akkwistati b'dan il-mod qabeż il-valur soll (10). Kien imissha ntużat proċedura miftuħa ta' akkwist fejn is-sħab ekonomiċi interessati kollha setgħu jippreżentaw offerta.

13.

Il-livell ta' dettall fir-rapport tal-Uffiċċju dwar l-implimentazzjoni baġitarja, li ġie awditjat, huwa differenti minn dak fir-rapporti pprovduti mill-biċċa l-kbira tal-aġenziji l-oħra, li juri li hemm ħtieġa għal linji gwida ċari dwar ir-rappurtar tal-baġit.

14.

Ir-riporti ta' approprjazzjonijiet impenjati għat-Titolu II (nefqa amministrattiva) kienu għoljin f'ammont ta' EUR 134 228, jiġifieri 44 % (2014: EUR 91 757, jiġifieri 40 %). Dawn ir-riporti huma prinċipalment relati mat-twassil ta' servizzi li jkomplu għaddejjin wara l-2015.

15.

Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/27

1.

Iċ-Ċentru tat-Traduzzjoni għall-Entitajiet tal-Unjoni Ewropea (iċ-Ċentru tat-Traduzzjoni għall-Korpi tal-Unjoni Ewropea) (minn hawn ’il quddiem “iċ-Ċentru”, magħruf ukoll bħala s-“CDT”), li jinsab fil-Lussemburgu, inħoloq bir-Regolament tal-Kunsill (KE) Nru 2965/94 (1). Il-kompitu taċ-Ċentru huwa li jipprovdi lil kwalunkwe istituzzjoni u korp tal-Unjoni Ewropea li jitolbu s-servizzi tiegħu bis-servizzi ta’ traduzzjoni meħtieġa għall-attivitajiet tagħhom.

2.

It-Tabella tippreżenta ċ-ċifri ewlenin għaċ-Ċentru (2).

Tabella

Iċ-ċifri ewlenin għaċ-ċentru

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll taċ-Ċentru. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Iċ-Ċentru għad ma għandux Pjan tal-Kontinwità tan-Negozju stabbilit. Għaldaqstant, mhuwiex qed jikkonforma mal-Istandard ta' Kontroll Intern Nru 10 (9).

13.

Fi tmiem l-2015 il-flus kontanti u d-depożiti għal terminu qasir taċ-Ċentru kienu jammontaw għal EUR 38,3 miljun (EUR 44 miljun fi tmiem l-2014) u r-riżervi tiegħu kienu jammontaw għal EUR 34 miljun (EUR 40,4 miljun fi tmiem l-2014). Dan jirrifletti t-tnaqqis tal-prezzijiet fl-2015.

14.

Il-livell ta' approprjazzjonijiet impenjati li ġew riportati kien għoli għat-Titolu II (nefqa amministrattiva) f'ammont ta' EUR 2 miljun, jiġifieri 29 % (2014: EUR 1,5 miljun, jiġifieri 24 %). Dawn ir-riporti prinċipalment jikkonċernaw ir-rinnovazzjoni ta' uffiċċji addizzjonali li nkrew fl-2015 kif ukoll servizzi tal-IT li kienu għadhom ma ġewx ipprovduti sa tmiem l-2015.

15.

Iċ-Ċentru kkanċella EUR 5,9 miljun (12 %) ta' approprjazzjonijiet li kienu disponibbli fi tmiem l-2015. Dawn il-kanċellazzjonijiet huma relatati mal-istimar b'mod eċċessiv tal-ispiża għat-tradutturi esterni.

16.

Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/32

1.

Iċ-Ċentru Ewropew għall-Iżvilupp ta’ Taħriġ Professjonali (iċ-Ċentru Ewropew għall-Iżvilupp ta' Taħriġ Vokazzjonali) (minn hawn ’il quddiem “iċ-Ċentru”, magħruf ukoll bħala s-“Cedefop”), li jinsab f'Salonka, ġie stabbilit bir-Regolament tal-Kunsill (KEE) Nru 337/75 (1). Il-mandat prinċipali tiegħu huwa li jservi l-iżvilupp tat-taħriġ vokazzjonali fil-livell tal-Unjoni. Sabiex jilħaq dan l-objettiv, huwa għandu l-kompitu li jiġbor u li jxerred dokumentazzjoni dwar is-sistemi ta’ taħriġ vokazzjonali.

2.

It-Tabella tippreżenta ċ-ċifri ewlenin għaċ-Ċentru (2).

Tabella

Iċ-ċifri ewlenin għaċ-ċentru

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll taċ-Ċentru. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Il-livell ta' approprjazzjonijiet impenjati riportati kien għoli għat-Titolu II (nefqa amministrattiva) f'ammont ta’ EUR 477 994, jiġifieri 28 % (2013: EUR 425 877, jiġifieri 24 %). Dan irriżulta, fil-biċċa l-kbira, mill-volum kbir ta' tagħmir tan-netwerk u tagħmir ieħor tal-IT li kien meħtieġ għar-rinnovazzjoni taż-żoni msewwija tal-bini taċ-Ċentru, li kienu għadhom ma twasslux jew ma ġewx iffatturati sa tmiem l-2015.

13.

Il-bini pprovdut liċ-Ċentru mill-Istat Grieg huwa mibni fuq linja ta' qasma attiva, li rriżulta fi ħsara strutturali għall-bini. L-awtoritajiet Griegi wettqu xogħol ta' tiswija u tisħiħ strutturali, u dan ġie kkompletat fl-2015. Barra minn hekk, iċ-Ċentru qed jindirizza diversi problemi ta' sikurezza relatati mal-kostruzzjoni tal-bini. Problema partikolari ta' sikurezza tikkonċerna l-faċċata tal-bini, li hija tal-ħġieġ, u t-tamboċċi tas-swali tal-konferenzi taċ-Ċentru, u qed taffettwa d-disponibbiltà tal-faċilitajiet taċ-Ċentru.

1.12.2016   

MT

Il-Ġurnal Uffiċjali tal-Unjoni Ewropea

C 449/36

1.

Il-Kulleġġ Ewropew tal-Pulizija (minn hawn ’il quddiem “il-Kulleġġ”, magħruf ukoll bħala s-“CEPOL”), li jinsab f'Budapest, ġie stabbilit bid-Deċiżjoni tal-Kunsill 2000/820/JHA, imħassra u sostitwita fl-2005 bid-Deċiżjoni tal-Kunsill 2005/681/ĠAI (1). Il-kompitu tal-Kulleġġ huwa li jaħdem bħala netwerk u jiġbor flimkien l-istituti nazzjonali ta' taħriġ tal-pulizija fl-Istati Membri biex jipprovdi sessjonijiet ta’ taħriġ, ibbażati fuq standards komuni, għall-uffiċjali għolja tal-pulizija.

2.

It-Tabella tippreżenta ċ-ċifri ewlenin għall-Kulleġġ (2).

Tabella

Iċ-ċifri ewlenin għall-kulleġġ

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Kulleġġ. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Il-livell ta' dettall fir-rapport tal-Kulleġġ dwar l-implimentazzjoni baġitarja, li ġie awditjat, huwa differenti minn dak fir-rapporti pprovduti mill-biċċa l-kbira tal-aġenziji l-oħra, li juri li hemm ħtieġa għal linji gwida ċari dwar ir-rappurtar tal-baġit mill-aġenziji.

13.

Il-livell ta' approprjazzjonijiet impenjati li ġew riportati kien għoli għat-Titolu II (nefqa amministrattiva) f'ammont ta' EUR 212 456, jiġifieri 49 % (2014: EUR 383 940 jew 59 %). Dan irriżulta mir-rilokazzjoni tal-Kulleġġ mir-Renju Unit għall-Ungerija f’Settembru 2014 u l-ħtieġa konsegwenzjali li jiġu inizjati kuntratti ġodda għal servizzi u għal provvisti. Il-biċċa l-kbira mis-servizzi li ġew akkwistati taħt dawn il-kuntratti annwali ma kinux ġew ipprovduti sa tmiem l-2015.

14.

Ħarsa ġenerali lejn l-azzjonijiet korrettivi li ttieħdu b'rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/41

1.

L-Aġenzija Eżekuttiva tal-Konsumaturi, is-Saħħa, l-Agrikoltura u l-Ikel (minn hawn ‘il quddiem “l-Aġenzija”) twaqqfet fl-1 ta’ Jannar 2005 (l-Aġenzija Eżekuttiva għas-Saħħa Pubblika — PHEA — mill-2005 sal-2008, l-Aġenzija Eżekuttiva għas-Saħħa u l-Konsumaturi — EAHC — mill-2008 sal-2013 u l-Aġenzija Eżekuttiva tal-Konsumaturi, is-Saħħa, l-Agrikoltura u l-Ikel, CHAFEA — mill-1 ta’ Jannar 2014) (1). L-Aġenzija, li tinsab fil-Lussemburgu, ġiet stabbilita għal perjodu li jintemm fil-31 ta’ Diċembru 2024. Hija timplimenta l-Programm tal-UE dwar is-Saħħa, il-Programm tal-Konsumaturi u l-inizjattiva għat-Taħriġ Imtejjeb għal Iżjed Sikurezza fl-Ikel.

2.

It-Tabella tippreżenta ċ-ċifri ewlenin għall-Aġenzija (2)

Tabella

Iċ-ċifri ewlenin għall-Aġenzija

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ superviżjoni u kontroll tal-Aġenzija. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

L-Aġenzija rriportat EUR 0,5 miljun, jiġifieri 36,4 % (2014: EUR 0,1 miljun, jiġifieri 13 %) tal-approprjazzjonijiet impenjati għat-Titolu II (nefqa amministrattiva). Dawn ir-riporti huma prinċipalment relatati mal-estensjoni tal-ispazju għall-uffiċċji tal-Aġenzija u mas-sistemazzjoni meħtieġa tal-uffiċċji (EUR 0,3 miljun).

13.

L-Aġenzija rriportat EUR 0,9 miljun, jiġifieri 52 % (2014: EUR 0,9 miljun, jiġifieri 50 %) tal-approprjazzjonijiet impenjati għat-Titolu III (nefqa marbuta mal-operazzjonijiet tal-Aġenzija). Dawn ir-riporti huma prinċipalment dovuti għall-ħruġ tardiv tal-pjan ta’ ħidma tal-Aġenzija mill-Kummissjoni f’Ġunju 2015.

14.

L-Aġenzija kkanċellat EUR 0,2 miljun, jiġifieri 18 % tar-riporti tagħha għall-2015 (2014: EUR 0,1 miljun, jiġifieri 14 %), li jindika dgħufijiet fl-ippjanar għalihom.

15.

Ħarsa ġenerali lejn l-azzjonijiet korrettivi li ttieħdu b’rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/46

1.

L-Uffiċċju tal-Komunità tal-Varjetajiet ta’ Pjanti (l-Uffiċċju Komunitarju tal-Varjetajiet tal-Pjanti) (minn hawn ’il quddiem “l-Uffiċċju”, magħruf ukoll bħala s-“CPVO”), li jinsab f’Angers, inħoloq bir-Regolament tal-Kunsill (KE) Nru 2100/94 (1). Il-kompitu prinċipali tiegħu huwa li jirreġistra u jeżamina applikazzjonijiet għall-għoti ta’ drittijiet ta’ proprjetà industrijali tal-Unjoni għal varjetajiet ta’ pjanti u li jiżgura li l-eżamijiet tekniċi meħtieġa jsiru mill-uffiċċji kompetenti fl-Istati Membri.

2.

It-Tabella tippreżenta ċ-ċifri ewlenin għall-Uffiċċju (2).

Tabella

Iċ-ċifri ewlenin għall-ffiċċju

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Uffiċċju. Dan huwa ssupplimentat b'evidenza pprovduta mix-xogħol ta' awdituri oħrajn (fejn rilevanti) u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Il-livell ta' approprjazzjonijiet impenjati riportati kien għoli għat-Titolu II (nefqa amministrattiva) f'ammont ta’ EUR 395 882, jiġifieri 28 % (2014: EUR 394 599, jiġifieri 30 %). Dawn huma prinċipalment relatati ma’ proġetti tal-IT (EUR 134 030), spejjeż għal missjonijiet (EUR 96 368) u spejjeż relatati mal-awditjar intern (EUR 82 070) li s-servizzi jew il-fatturi għalihom mhux se jiġu pprovduti jew riċevuti qabel l-2016.

13.

Ir-rata ta’ riporti tal-2014 li ġew ikkanċellati kienet għolja għat-Titolu II f’livell ta’ 20 % (2014: 26 %) u tindika dgħufijiet fl-ippjanar tagħhom.

14.

Fil-prinċipju, in-nefqa għal proċeduri assoċjati ma’ appelli kellha tkun koperta mill-piżijiet tal-appelli (8). Madankollu, dawn il-piżijiet ikopru parti żgħira biss mill-ispejjeż li fil-fatt iġġarrbu. Fl-2015, l-introjtu dderivat mill-piżijiet tal-appelli ammonta għal total ta’ EUR 11 000 (2014: EUR 12 500), filwaqt li l-ispejjeż tal-membri fuq il-bord tal-appelli ammonta għal madwar EUR 62 037 (2014: EUR 80 114).

15.

Fil-31 ta’ Diċembru 2015, il-piżijiet li kienu għadhom ma tħallsux wara 90 jum (fil-biċċa l-kbira piżijiet annwali) ammontaw għal EUR 240 766. L-Uffiċċju ma użax l-alternattivi kollha previsti fir-Regolament Finanzjarju tiegħu biex jirkupra piżijiet li ma kinux tħallsu, bħal irkupru infurzat (9).

16.

Ħarsa ġenerali lejn l-azzjonijiet korrettivi li ttieħdu b'rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/51

1.

L-Aġenzija Eżekuttiva għall-Edukazzjoni, l-Awdjoviżiv u l-Kultura (minn hawn ’il quddiem “l-Aġenzija”, magħrufa wkoll bħala l-“EACEA”), li tinsab fi Brussell, ġiet stabbilita bid-Deċiżjoni ta’ Implimentazzjoni tal-Kummissjoni Nru 2013/776/UE (1) li tħassar id-Deċiżjoni Nru 2009/336/KE. Il-kompitu tal-Aġenzija huwa l-ġestjoni ta' programmi li jiġu deċiżi mill-Kummissjoni fl-oqsma tal-edukazzjoni, l-awdjoviżiv u l-kultura, inkluż it-twettiq tal-implimentazzjoni dettaljata ta’ proġetti tekniċi.

2.

It-Tabella tippreżenta ċ-ċifri ewlenin għall-Aġenzija (2).

Tabella

Iċ-ċifri ewlenin għall-Aġenzija

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Aġenzija. Dan huwa ssupplimentat b'evidenza pprovduta mix-xogħol ta' awdituri oħrajn (fejn rilevanti) u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Ir-riporti ta’ approprjazzjonijiet impenjati kienu għoljin għat-Titolu III (appoġġ għall-operazzjonijiet tal-Aġenzija) f’ammont ta’ EUR 2,8 miljun, jiġifieri 50 % (2014: EUR 3,2 miljun, jiġifieri 56 %). Dawn huma prinċipalment relatati ma' awditi ta' proġetti li għadhom għaddejjin (EUR 1 miljun), servizzi tal-IT (EUR 0,8 miljun), servizzi ta' komunikazzjoni ta’ informazzjoni u pubblikazzjoni (EUR 0,5 miljun) kif ukoll traduzzjonijiet (EUR 0,2 miljun) li kienu ordnati fl-2015 iżda li kienu għadhom ma ġewx fatturati sa tmiem is-sena jew li mhumiex se jitwasslu qabel l-2016.

13.

Ħarsa ġenerali lejn l-azzjonijiet korrettivi li ttieħdu b'rispons għall-kummenti tal-Qorti mis-snin preċedenti tingħata fl-Anness.

1.12.2016   

MT

Il-Ġurnal Uffiċjali tal-Unjoni Ewropea

C 449/56

1.

L-Aġenzija tas-Sigurtà tal-Avjazzjoni Ewropea (l-Aġenzija Ewropea tas-Sikurezza tal-Avjazzjoni) (minn hawn ’il quddiem “l-Aġenzija”, magħrufa wkoll bħala l-“EASA”), li tinsab f’Cologne, ġiet stabbilita bir-Regolament (KE) Nru 1592/2002 tal-Parlament Ewropew u tal-Kunsill (1) li tħassar bir-Regolament (KE) Nru 216/2008 (2). L-Aġenzija ngħatat kompiti regolatorji u eżekuttivi speċifiċi fil-qasam tas-sikurezza tal-avjazzjoni.

2.

It-Tabella tippreżenta ċ-ċifri ewlenin għall-Aġenzija (3).

Tabella

Iċ-ċifri ewlenin għall-Aġenzija

3.

L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta' superviżjoni u kontroll tal-Aġenzija. Dan huwa ssupplimentat b'evidenza pprovduta mix-xogħol ta' awdituri oħrajn u analiżi tar-rappreżentazzjonijiet tal-maniġment.

11.

Il-kummenti li ġejjin ma jixħtux dubju fuq l-opinjonijiet tal-Qorti.

12.

Ir-riporti ta' approprjazzjonijiet impenjati kienu għoljin għat-Titolu II (nefqa amministrattiva) f'ammont ta' EUR 4,4 miljun, jiġifieri 20,2 % (2014: EUR 3,6 miljun, jiġfieri 22 %) u għat-Titolu III (nefqa operazzjonali) f'ammont ta' EUR 2 miljun, jiġifieri 32,0 % (2014: EUR 2 miljun, jiġifieri 38,1 %). Dawn ir-riporti huma prinċipalment relatati ma' żviluppi fl-IT li ġew ordnati lejn tmiem is-sena, kif ukoll ma' attivitajiet ta' regolamentazzjoni u ma' proġetti ta' riċerka li jkomplu wara l-2015.