KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

26.11.2016

Il-Ġurnal Uffiċjali tal-Unjoni Ewropea

C 440/2

Rata tal-kambju tal-euro (1)

Il-25 ta’ Novembru 2016

(2016/C 440/03)

1 euro =

	Munita	Rata tal-kambju
USD	Dollaru Amerikan	1,0592
JPY	Yen Ġappuniż	119,73
DKK	Krona Daniża	7,4380
GBP	Lira Sterlina	0,85182
SEK	Krona Żvediża	9,7840
CHF	Frank Żvizzeru	1,0736
ISK	Krona Iżlandiża
NOK	Krona Norveġiża	9,0690
BGN	Lev Bulgaru	1,9558
CZK	Krona Ċeka	27,039
HUF	Forint Ungeriż	309,33
PLN	Zloty Pollakk	4,4190
RON	Leu Rumen	4,5140
TRY	Lira Turka	3,6523
AUD	Dollaru Awstraljan	1,4230
CAD	Dollaru Kanadiż	1,4290
HKD	Dollaru ta' Hong Kong	8,2153
NZD	Dollaru tan-New Zealand	1,5040
SGD	Dollaru tas-Singapor	1,5132
KRW	Won tal-Korea t'Isfel	1 247,03
ZAR	Rand ta' l-Afrika t'Isfel	14,9718
CNY	Yuan ren-min-bi Ċiniż	7,3295
HRK	Kuna Kroata	7,5318
IDR	Rupiah Indoneżjan	14 317,74
MYR	Ringgit Malażjan	4,7203
PHP	Peso Filippin	52,801
RUB	Rouble Russu	68,4111
THB	Baht Tajlandiż	37,760
BRL	Real Brażiljan	3,6394
MXN	Peso Messikan	21,8727
INR	Rupi Indjan	72,5925

(1) Sors: rata tal-kambju ta' referenza ppubblikata mill-Bank Ċentrali Ewropew.

26.11.2016

Il-Ġurnal Uffiċjali tal-Unjoni Ewropea

C 440/4

Pubblikazzjoni ta’ applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2016/C 440/05)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

APPLIKAZZJONI GĦALL-APPROVAZZJONI TA’ EMENDA GĦALL-ISPEĊIFIKAZZJONI TAL-PRODOTT TA’ DENOMINAZZJONI TA’ ORIĠINI PROTETTA JEW TA’ INDIKAZZJONI ĠEOGRAFIKA PROTETTA MHUX MINURI

Applikazzjoni għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“TERRE TARENTINE”

Nru tal-UE: IT-PDO-0105-01356 — 24.7.2015

DOP ( X ) IĠP ( )

1. Grupp applikant u interess leġittimu

O. P. AJPROL Soc. Coop. Agricola dei Produttori olivicoli già Associazione dei Produttori Olivicoli della provincia di Taranto [Kooperattiva (eks assoċjazzjoni) ta’ produtturi taż-żebbuġ fil-provinċja ta’ Taranto].

Indirizz: S. S. 7 Appia, Km. 640.4

74010 Statte (TA)

ITALIA

Tel. +39 0994527778

Fax +39 0994551832.

Email: info@ajprol.it; email iċċertifikata (PEC): ajprol@pec.it

L-assoċjazzjoni ta’ protezzjoni ta’ hawn fuq għandha d-dritt tissottometti applikazzjoni għal emenda skont l-Artikolu 13(1) tad-Digriet Nru 12511 tal-14 ta’ Ottubru 2013 tal-Ministeru tal-Politika tal-Agrikoltura, Ikel u Forestrija.

2. Stat Membru jew Pajjiż Terz

L-Italja

3. Intestatura fl-ispeċifikazzjoni tal-prodott affettwata mill-emenda/i

—	☐	Isem tal-prodott
—	☒	Deskrizzjoni tal-prodott
—	☐	Żona ġeografika
—	☒	Prova tal-oriġini
—	☐	Metodu ta’ produzzjoni
—	☒	Rabta
—	☐	Tikkettar
—	☒	Oħrajn [ġew imdaħħla dettalji tal-korp ta’ kontroll]

4. Tip ta’ emenda/i

—	☒	Emenda għall-ispeċifikazzjoni tal-prodott ta’ DOP jew IĠP irreġistrata li ma għandhiex tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012.
—	☐	Emenda għall-ispeċifikazzjoni tal-prodott ta’ DOP jew IĠP irreġistrata li għaliha ma ġiex ippubblikat Dokument Uniku (jew ekwivalenti) li ma għandhiex tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012

5. Emenda/i

Deskrizzjoni tal-prodott li għalih japplika l-isem

L-emenda tikkonċerna tliet parametri kimiċi ċitati fl-Artikolu 8 tal-ispeċifikazzjoni. L-emendi proposti huma:

K232 minn ≤ 1,7 għal ≤ 2,4

Aċidu linoleniku minn ≤ 0,6 % għal ≤ 0,9 %

Kampesterol minn ≤ 3,3 % għal ≤ 3,5 %

Meta l-Ispeċifikazzjonijiet kienu qed jiġu abbozzati fil-bidu tas-snin elfejn, il-parametri kimiċi li issa huma soġġetti għat-talba għal emenda kienu jistgħu jintlaħqu, għalkemm b’xi diffikultà.

Wara l-għarfien Ewropew u fid-dawl tad-dejta kkumpilata mill-analiżi mwettqa b’mod sistematiku fuq il-prodott biex jiġi ċċertifikat l-istatus tad-DOP, id-diffikultà biex jintlaħqu dawn il-parametri bdiet issir apparenti.

Id-diffikultajiet kienu dovuti għal ċirkostanzi lokali avversi momentarji u ta’ ħajja qasira.

Kien biss sussegwentement li ħareġ li ma kienx każ ta’ ċirkostanzi lokali temporanjament avversi iżda fil-fatt ir-riżultat ta’ kundizzjonijiet mifruxa li x’aktarx kienu prodotti mill-bidliet fil-klima u ambjentali.

B’evidenza ta’ dan, aħna nosservaw li anki r-Regolament tal-Kummissjoni (KEE) Nru 2568/91 (2) ġie emendat billi żdied, pereżempju, il-valur tal-aċidu linolejku minn ≤ 0,8 % għal ≤ 1 %.

Is-snin ta’ kontrolli fuq il-lottijiet kollha taż-żejt taż-żebbuġa prodott b’mod konformi mad-dispożizzjonijiet stabbiliti mil-leġiżlazzjoni fis-seħħ fiż-żona ġeografika identifikata wrew id-diffikultà estrema biex tinkiseb iċ-ċertifikazzjoni tad-DOP għal parti kbira taż-żejt prodott.

L-emenda mitluba għandha, billi tadotta valuri li huma attwalment kompatibbli mal-kundizzjonijiet tal-ħamrija u tal-klima taż-żona identifikata, tippermetti li tinħareġ ċertifikazzjoni tad-DOP, li llum saret inibita ħafna minħabba dawn il-limiti restrittivi żżejjed.

L-emendi proposti għall-valuri tal-limitu tal-K232, il-perċentwal ta’ aċidu linoleniku u l-perċentwal ta’ kampesterol ma jinvolvu ebda emenda sinifikanti fil-karatteristiċi kwalitattivi tipiċi, lanqas ma jinvolvu xi emenda għall-kwalitajiet organolettiċi jew l-istabbiltà taż-żejt taż-żebbuġa straverġni DOP “Terre Tarentine” maż-żmien.

Prova tal-oriġini

Fi kwalunkwe ħin tar-reġistrazzjoni, l-informazzjoni dwar il-prova tal-oriġini kienet tinsab biss fl-iskeda tas-sommarju u ma kien hemm l-ebda artikolu speċifiku fl-ispeċifikazzjoni tal-prodott. Żdied għalhekk artikolu speċifiku mal-ispeċifikazzjonijiet abbażi tal-informazzjoni diġà ppreżentata fl-iskeda tas-sommarju; żdiedu dettalji addizzjonali biex din l-informazzjoni tkun magħmula aktar ċara.

Ir-raba’ u l-ħames paragrafi tal-iskeda tas-sommarju jgħidu:

“Iż-żebbuġ jiġi minn imsaġar taż-żebbuġ li jinsabu fiż-żona tal-produzzjoni u għal dan il-għan il-produtturi jniżżlu l-faċilitajiet tagħhom f’reġistru li jkun debitament inħoloq u aġġornat mill-korp ta’ spezzjoni.

Il-produzzjoni, l-ipproċessar, l-ippakkjar u l-ibbottiljar isiru fiż-żona ġeografika definita u l-produtturi li jippjanaw biex jikkummerċjalizzaw iż-żejt taż-żebbuġa straverġni tagħhom taħt dak l-isem għandhom, sabiex tkun żgurata t-traċċabbiltà tal-prodott, jirreġistraw il-faċilitajiet tal-ipproċessar tagħhom fir-reġistri speċjali li jinżammu u jiġu aġġornati mill-korp ta’ spezzjoni; kull sena dawn għandhom ukoll jirreġistraw il-kwantità taż-żebbuġ ipproċessat u l-ammont taż-żejt prodott.”

L-Artikolu 11, li ġie miżjud mal-ispeċifikazzjoni, jgħid:

“Kull fażi tal-proċess produttiv għandha tkun immonitorjata billi jiġu ddokumentati għal kull waħda mill-fażijiet, il-prodotti li jidħlu u dawk li joħorġu. It-traċċabbiltà tal-prodott hija żgurata billi jitniżżlu l-irqajja’ katastali li fuqhom jitkabbar il-prodott, kif ukoll id-dettalji tal-produtturi, taħħana u dawk li jippakkjaw, fuq listi ġestiti mill-korp ta’ spezzjoni, u billi jinżammu reġistri tal-produzzjoni u l-ippakkjar. Il-persuni kollha, fiżiċi u ġuridiċi, imniżżla fil-listi relatati, se jkunu suġġetti għall-kontroll mill-organu ta’ spezzjoni, skont kif previst mill-ispeċifikazzjoni tal-produzzjoni u tal-pjan ta’ kontroll relatat.”

Barra minn hekk, l-informazzjoni dwar regoli speċifiċi rigward l-ippakkjar fil-ħames paragrafu tal-iskeda tas-sommarju u l-Artikolu 9 tal-ispeċifikazzjoni tingħata wkoll fil-punt 3.5 tad-Dokument Uniku, flimkien mal-ġustifikazzjoni meħtieġa. Għalhekk, il-punt 3.5 tad-dokument uniku huwa fformulat kif ġej:

“Iż-żejt taż-żebbuġa straverġni DOP ‘Terre Tarentine’ għandu jiġi bbottiljat u ppakkjat fiż-żona ġeografika identifikata. Dan ir-rekwiżit jagħmilha possibbli biex kwalunkwe trasport taż-żejt f’lott jinżamm għal wieħed minimu, u dan spiss jirriżulta f’bidliet kimiċi minuri li jissarfu f’bidliet organolettiċi sinifikanti. Iż-żejt taż-żebbuġa huwa estremament sensittiv għall-interferenza aromatika li tista’ tiġi kkawżata mill-ambjent intern tat-tank użat għat-trasport taż-żejt. Sabiex jinżammu l-karatteristiċi speċifiċi tal-prodott tul il-proċess tal-produzzjoni u tiġi ggarantita konformità mar-rekwiżiti ta’ kwalità, iż-żejt ‘Terrre Tarentine’ minn dejjem kellu jiġi ppakkjat fiż-żona msemmija fl-Artikolu 4. Bis-saħħa tal-għarfien speċifiku tagħhom ta’ kif jimmaniġġjaw iż-żejt matul il-fażi ta’ qabel l-ippakkjar u tal-ippakkjar, il-produtturi lokali huma kapaċi jiddeterminaw, fost affarijiet oħrajn, iż-żminijiet u l-metodi ideali ta’ filtrazzjoni u ssetiljar u t-temperatura ideali għall-ippakkjar. L-ippakkjar fiż-żona fit-tmiem tal-proċess tal-produzzjoni huwa għalhekk meħtieġ biex jiġi żgurat li l-karatteristiċi organolettiċi u ta’ kwalità taż-żejt taż-żebbuġa straverġni DOP ‘Terre Tarentine’ huma preservati. L-ippakkjar fiż-żona jippermetti wkoll lill-korp ta’ spezzjoni biex jimmonitorja l-proċess kollu ta’ produzzjoni u ppakkjar bl-aktar mod effettiv possibbili sabiex jiġu ggarantiti l-karatteristiċi tipiċi tal-prodott u fl-istess ħin tiġi żgurata t-traċċabilità tiegħu.”

Rabta

Fil-ħin tar-reġistrazzjoni, l-informazzjoni fuq ir-rabta kienet tinsab biss fl-ewwel tliet paragrafi tal-punt 4.5 u fil-punt 4.6 tal-iskeda tas-sommarju, u ma kien hemm l-ebda artikolu speċifiku dwar ir-rabta fl-ispeċifikazzjoni tal-prodott.

L-informazzjoni li tinsab fl-ewwel tliet paragrafi tal-punt 4.5 u fil-punt 4.6 tal-iskeda tas-sommarju, peress li ġiet irriformulata u ssupplimentata, ġiet għalhekk inkluża fl-Artikolu 12. Għalhekk, rigward ir-rabta, l-Artikolu 12 tal-ispeċfikazzjoni jgħid:

“It-tkabbir taż-żebbuġ jirrappreżenta fattur ta’ produzzjoni prinċipali u għandu rwol ewlieni fl-ekonomija lokali.

Iż-żona tal-produzzjoni għaż-żejt taż-żebbuġa straverġni ‘Terre Tarentine’ tinsab fl-iskarpata tal-punent tal-provinċja ta’ Taranto. Hija esposta min-naħa tan-Nofsinhar u protetta min-naħa tat-Tramuntana permezz tal-għoljiet Murge u hija mmarkata b’karatteristiċi agronomiċi estremament speċjalizzati u kundizzjonijiet tal-ħamrija u tal-klima favorevoli li huma tipiċi ta’ Tarantine Arco Jonico, li tgawdi minn klima moderata. Il-ħamrija hija ramlija, fonda, u t-tip tagħha huwa l-aktar aħmar fil-kannella, b’konsistenza ġeblija, ta’ żnied u ċagħaq żgħir tal-franka, li tvarja minn xejn għal waħda għolja; il-permeabilità tvarja minn waħda medja għal għolja għal waħda għolja ħafna. Il-kontenut tat-tafal huwa ugwali għal jew inqas minn 20 %, filwaqt li l-franka hija ugwali jew inqas minn 5 %. Il-klima hija sħuna u xotta; ix-xita medja tvarja minn minimu ta’ madwar 10 mm f’Lulju għal massimu ta’ madwar 80 mm f’Novembru. It-temperatura medja annwali toqrob għal madwar 15-16 °C, b’temperatura minima ta’ madwar 9 °C u dik massima ta’ 30 °C.

Il-ħamrija eċċezzjonali u l-kundizzjonijiet klimatiċi fiż-żona ta’ Tarantine Arco Jonico, flimkien mal-ambjent karatteristiku taż-żona ta’ produzzjoni għat-‘Terre Tarentine’ DOP jagħtu kwalitajiet uniċi liż-żejt prodott. Il-klima sħuna u xotta Mediterranja u l-ħamrija ramilja u fonda, li t-tip tagħha huwa l-aktar aħmar fil-kannella, tiffavorixxi l-iżvilupp ta’ firxa wiesgħa ta’ polifenoli li jipproduċu togħma morra u punġenti.

Barra minn hekk, il-ġenomi antiki ħafna tal-varjetajiet lokali ta’ siġar li għandhom mijiet ta’ snin jagħtu togħma distintiva u unika.

Iż-żona ta’ Tarantine Arco Jonico hija unika u s-siġra taż-żebbuġ tant ġiet akklimitizzata sew għall-kundizzjonijiet lokali li huwa possibbli sa llum il-ġurnata li wieħed jibqa’ meraviljat minn siġar li għandhom mijiet ta’ snin; is-siġra taż-żebbuġ tista’ b’mod ġenwin titqies li tikkostitwixxi partimonju ambjentali u storiku. Il-kundizzjonijiet klimatiċi u tal-ħamrija uniċi jagħtu togħma liż-żejt taż-żebbuġa straverġni ta’ ‘Terre Tarentine’ li tipikament hija armonjuża u distintiva, differenti ħafna minn żejt taż-żebbuġa prodott fiż-żoni fil-qrib ta’ Bari (punġenti u qawwija) u Salento (ħelwa u delikata), u anki bis-saħħa tal-kombinazzjoni ta’ varjetajiet imkabbra (ara l-punt 3.3) li ma tinsabx bl-istess ammont f’xi żona oħra ta’ produzzjoni. Togħma tipikament armonjuża tfisser li għall-kuntrarju taż-żejt miż-żona fil-qrib ta’ Bari, li hija dominata mill-varjetà Coratina li tagħtiha togħma punġenti u morra b’togħma ta’ frott intensa, u għall-kuntrarju taż-żejt miż-żona fil-qrib ta’ Lecce, li hija kkaratterizzata ħafna minn varjetajiet lokali li jġibuha kważi bla togħma b’tendenza li tiġi waħda monotona u ħelwa b’daqsxejn togħma ta’ frott, iż-żejt taż-żebbuġa straverġni ‘Terre Tarentine’ b’mod spontanju jiżviluppa togħma bbilanċjata bejn morra, ħelwa u punġenti b’togħma moderata ta’ frott.”

Oħrajn

Żdiedu referenzi għall-Awtorità ta’ Spezzjoni li ma kinux inklużi fl-ispeċifikazzjonijiet attwalment fis-seħħ. L-Artikolu 10 tal-ispeċifikazzjoni jistqarr li l-“Konformità mal-ispeċifikazzjoni tal-prodott taż-żejt taż-żebbuġa straverġni DOP ‘Terre Tarentine’ għandha tiġi vverifikata, kif meħtieġ mill-Artikolu 37 tar-Regolament (UE) Nru 1151/2012, mill-awtorità ta’ spezzjoni pubblika, il-Kamra tal-Kummerċ ta’ Taranto, li tinsab fi Viale Virgilio 152, 74121 Taranto — Tel. +39 099 7783311 — Faks +39 0492 2109797 — Email: pat@ta.camcom.it”

DOKUMENT UNIKU

“TERRE TARENTINE”

Nru tal-UE: IT-PDO-0105-01356 — 24.7.2015

DOP ( X ) IĠP ( )

1. Isem

“Terre Tarentine”

2. Stat Membru jew Pajjiż Terz

L-Italja

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.5. Żjut u xaħmijiet

3.2. Deskrizzjoni tal-prodott li għalih japplika l-isem f’(1)

Meta jinħareġ għall-konsum, iż-żejt taż-żebbuġa ta’ “Terre Tarentine’ jista” jkun jew jista’ ma jkunx iffiltrat u għandu jissodisfa l-karatteristiċi li ġejjin:

—	Kulur: isfar fl-aħdar;

—	Fluwidità: medja;

—	Togħma: ta’ frott b’morr medju u kemmxejn punġenti; l-aċidità massima totali skont il-piż espressa f’aċidu olejku: mhux aktar minn 0,6 g għal kull 100 g ta’ żejt;

—	Valur tal-perossidu: ≤12 Meq O2/Kg;

—	K232: ≤2,4;

—	K270: ≤0,150;

—	Aċidu linolejku: ≤10 %;

—	Aċidu linolejku: ≤0,9 %;

—	Aċidu olejku: ≤70 %;

—	Valur tal-kampesterol: ≤ 3,5 %;

—	Trillinolina: ≤0,2 %.

Il-parametri l-oħrajn kollha kimiċi/fiżiċi li mhumiex espressament imsemmija għandhom ikunu konformi mar-Regolament (KEE) Nru 2568/91 kif emendat u ssupplimentat.

3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Id-Denominazzjoni ta’ Oriġini Protetta “Terre Tarentine” tista’ tintuża biss għal żejt miksub mill-varjetajiet taż-żebbuġ li ġejjin li huma mħawlin jew waħedhom jew f’kombinazzjoni, fl-imsaġar taż-żebbuġ fiż-żona ġeografika: Leccino, Coratina, Ogliarola u Frantoio, li għandhom jagħmlu mill-inqas 80 % taż-żebbuġ magħsur biex jiġi prodott iż-żejt, f’perċentwali varjabbli b’mod reċiproku; l-20 % li jifdal huwa magħmul minn varjetajiet lokali oħrajn iżgħar li jikbru fl-imsaġar taż-żebbuġ fiż-żona tal-produzzjoni.

3.4. Passi speċifiċi tal-produzzjoni li jridu jsiru fiż-żona ġeografika ddefinita

L-istadji kollha fil-proċess tal-produzzjoni: jiġifieri l-kultivazzjoni, il-ħsad u l-estrazzjoni taż-żejt, għandhom iseħħu fiż-żona ġeografika identifikata.

3.5. Regoli speċifiċi dwar it-tqattigħ, it-tħakkik, l-ippakkjar, eċċ.

Iż-żejt taż-żebbuġa straverġni DOP “Terre Tarentine” għandu jiġi bbottiljat u ppakkjat fiż-żona ġeografika identifikata. Dan ir-rekwiżit jagħmilha possibbli biex kwalunkwe trasport taż-żejt f’lott jinżamm għal wieħed minimu, u dan spiss jirriżulta f’bidliet kimiċi minuri li jissarfu f’bidliet organolettiċi sinifikanti. Iż-żejt taż-żebbuġa huwa estremament sensittiv għal interferenza aromatika li tista’ tiġi kkawżata mill-ambjent intern tat-tank użat għat-trasport taż-żejt. Sabiex jinżammu l-karatteristiċi speċifiċi tal-prodott tul il-proċess tal-produzzjoni u tiġi ggarantita konformità mar-rekwiżiti ta’ kwalità, iż-żejt taż-żebbuġa straverġni DOP “Terrre Tarentine” minn dejjem kellu jiġi ppakkjat fiż-żona msemmija fil-punt 4. Bis-saħħa tal-għarfien speċifiku tagħhom ta’ kif jimmaniġġjaw iż-żejt matul il-fażi ta’ qabel l-ippakkjar u tal-ippakkjar, il-produtturi lokali huma kapaċi jiddeterminaw, fost affarijiet oħrajn, iż-żminijiet u l-metodi ideali ta’ filtrazzjoni u ssetiljar u t-temperatura ideali għall-ippakkjar. L-ippakkjar fiż-żona fit-tmiem tal-proċess tal-produzzjoni huwa għalhekk meħtieġ biex jiġi żgurat li l-karatteristiċi organolettiċi u ta’ kwalità taż-żejt taż-żebbuġa straverġni DOP “Terre Tarentine” huma preservati. L-ippakkjar fiż-żona jippermetti wkoll lill-korp ta’ spezzjoni biex jimmonitorja l-proċess kollu tal-produzzjoni u l-ippakkjar bl-aktar mod effettiv possibbli sabiex jiġu ggarantiti l-karatteristiċi tipiċi tal-prodott u fl-istess ħin tiġi żgurata t-traċċabilità tiegħu.

3.6. Regoli speċifiċi dwar it-tikkettar

L-isem tad-Denominazzjoni ta’ Oriġini Protetta għandu jidher fuq it-tikketta b’ittri distinti u li ma jitħassrux b’kulur li jikkuntrasta sew ma’ dak tat-tikketta nnifisha b’tali mod li jintgħaraf b’mod ċar mill-informazzjoni l-oħra li tidher fuq it-tikketta. Is-sena tal-produzzjoni taż-żebbuġ li minnu jiġi prodott iż-żejt għandha tiġi indikata fuq it-tikketta, flimkien mal-indikazzjoni “data tal-aħjar qabel” li tindika x-xahar u s-sena ta’ data li ma taqbiżx 15-il xahar mid-data ta’ produzzjoni.

4. Deskrizzjoni fil-qosor taż-żona ġeografika

Iż-żona fejn iż-żebbuġ maħsub għall-għasir biex jiġi prodott iż-żejt taż-żebbuġa straverġni “Terre Tarentine” jiġi mkabbar u proċessat tinkludi ż-żona amministrattiva kollha tal-muniċipalitajiet tal-provinċja ta’ Taranto: it-territorju tal-muniċipalità ta’ Taranto daħal fir-reġistru taħt l-ittra “A”, Ginosa, Laterza, Castellaneta, Palagianello, Palagiano, Mottola, Massafra, Crispiano, Statte, Martina Franca, Monteiasi u Montemesola.

5. Rabta maż-żona ġeografika

It-tkabbir taż-żebbuġ jirrappreżenta fattur ta’ produzzjoni maġġuri u għandu rwol ewlieni fl-ekonomija lokali.

Iż-żona tal-produzzjoni għaż-żejt taż-żebbuġa straverġni “Terre Tarentine” tinsab fl-iskarpata tal-punent tal-provinċja ta’ Taranto. Hija esposta min-naħa tan-Nofsinhar u protetta min-naħa tat-Tramuntana permezz tal-għoljiet Murge u hija mmarkata b’karatteristiċi agronomiċi estremament speċjalizzati u kundizzjonijiet tal-ħamrija u tal-klima favorevoli li huma tipiċi ta’ Tarantine Arco Jonico, li tgawdi minn klima moderata. Il-ħamrija hija ramlija, fonda, u t-tip tagħha huwa l-aktar aħmar fil-kannella, b’konsistenza ġeblija, ta’ żnied u ċagħaq żgħir tal-franka, li tvarja minn xejn għal waħda għolja; il-permeabilità tvarja minn waħda medja għal għolja għal waħda għolja ħafna. Il-kontenut tat-tafal huwa ugwali għal jew inqas minn 20 %, filwaqt li l-franka hija ugwali jew inqas minn 5 %. Il-klima hija sħuna u xotta; ix-xita medja tvarja minn minimu ta’ madwar 10 mm f’Lulju għal massimu ta’ madwar 80 mm f’Novembru. It-temperatura medja annwali toqrob għal madwar 15-16 °C, b’temperatura minima ta’ madwar 9 °C u dik massima ta’ 30 °C.

Il-ħamrija eċċezzjonali u l-kundizzjonijiet klimatiċi fiż-żona ta’ Tarantine Arco Jonico, flimkien mal-ambjent karatteristiku taż-żona ta’ produzzjoni għat-“Terre Tarentine” DOP jagħtu kwalitajiet uniċi liż-żejt prodott. Il-klima sħuna u xotta Mediterranja u l-ħamrija ramilja u fonda, li t-tip tagħha huwa l-aktar aħmar fil-kannella, tiffavorixxi l-iżvilupp ta’ firxa wiesgħa ta’ polifenoli li jipproduċu togħma morra u punġenti.

Barra minn hekk, il-ġenomi antiki ħafna tal-varjetajiet lokali ta’ siġar li għandhom mijiet ta’ snin jagħtu togħma distintiva u unika.

Iż-żona ta’ Tarantine Arco Jonico hija unika u s-siġra taż-żebbuġ tant ġiet akklimitizzata sew għall-kundizzjonijiet lokali li huwa possibbli sa llum il-ġurnata li wieħed jibqa’ meraviljat minn siġar li għandhom mijiet ta’ snin; is-siġra taż-żebbuġ tista’ b’mod ġenwin titqies li tikkostitwixxi partimonju ambjentali u storiku. Il-kundizzjonijiet klimatiċi u tal-ħamrija uniċi jagħtu togħma liż-żejt taż-żebbuġa straverġni “Terre Tarentine” li tipikament hija armonjuża u distintiva u differenti ħafna minn żejt taż-żebbuġa prodott fiż-żoni fil-qrib ta’ Bari (punġenti u qawwija) u Salento (ħelwa u delikata), u anki bis-saħħa tal-kombinazzjoni ta’ varjetajiet imkabbra (ara l-punt 3.3) li ma tinsabx bl-istess mod f’xi żona oħra ta’ produzzjoni. Togħma tipikament armonjuża tfisser li għall-kuntrarju taż-żejt miż-żona fil-qrib ta’ Bari, li hija dominata mill-varjetà Coratina li tagħtiha togħma punġenti u morra b’togħma ta’ frott intensa, u għall-kuntrarju taż-żejt miż-żona fil-qrib ta’ Lecce, li hija kkaratterizzata ħafna minn varjetajiet lokali li jġibuha kważi bla togħma b’tendenza li tiġi waħda monotona u ħelwa b’daqsxejn togħma ta’ frott, iż-żejt taż-żebbuġa straverġni “Terre Tarentine” b’mod spontanju jiżviluppa togħma bbilanċjata bejn morra, ħelwa u punġenti b’togħma moderata ta’ frott.

Referenza għall-pubblikazzjoni tal-ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

It-test konsolidat tal-ispeċifikazzjonijiet tal-prodott huwa disponibbli fuq l-Internet: http://www.politicheagricole.it/flex/cm/pages/ServeBLOB.php/L/IT/IDPagina/3335

jew inkella:

billi wieħed imur direttament fil-paġna ewlenija tas-sit elettroniku tal-Ministeru tal-Politika Agrikola, l-Ikel u l-Forestrija (www.politicheagricole.it) u jikklikkja fuq il-kliem “Prodotti DOP e IGP” (fin-naħa ta’ fuq tal-lemin tal-iskrin), u wara jikklikkja fuq il-kliem “Prodotti DOP, IGP e STG” (fin-naħa ta’ fuq ix-xellug tal-iskrin) u finalment fuq “Disciplinari di produzione all’esame dell’UE”.

(1) ĠU L 343, 14.12.2012, p. 1.

(2) ĠU L 248, 5.9.1991, p. 1.

		ISSN 1977-0987
Il-Ġurnal Uffiċjali tal-Unjoni Ewropea		C 440

Edizzjoni bil-Malti	Informazzjoni u Avviżi	Volum 59 26 ta' Novembru 2016

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2016/C 440/01	Ebda oppożizzjoni għal konċentrazzjoni notifikata (Il-Każ M.8191 — ArcelorMittal/CLN/JV) ( 1 )	1
2016/C 440/02	Ebda oppożizzjoni għal konċentrazzjoni notifikata (Il-Każ M.8055 — Coherent/Rofin-Sinar Technologies) ( 1 )	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2016/C 440/04	Notifika minn qabel ta’ konċentrazzjoni (Il-Każ M.8216 — Allianz/Dalmore/BEL) — Każ li jista’ jiġi kkunsidrat għal proċedura ssimplifikata ( 1 )	3
	ATTI OĦRAJN
	Il-Kummissjoni Ewropea
2016/C 440/05	Pubblikazzjoni ta’ applikazzjoni għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel	4

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2016/C 440/03	Rata tal-kambju tal-euro	2


	(1) Test b'rilevanza għaż-ŻEE