5.11.2016

MT

Il-Ġurnal Uffiċjali tal-Unjoni Ewropea

C 409/1

---

Bidu ta’ proċeduri

(Il-Każ M.7962 — ChemChina/Syngenta)

(Test b'rilevanza għaż-ŻEE)

(2016/C 409/01)

Fit-28 ta’ Ottubru 2016, il-Kummissjoni iddeċidiet li tibda proċeduri fil-każ ta’ hawn fuq wara li sabet li l-konċentrazzjoni nnotifika tqajjem dubji serji dwar il-kompatibilità tagħha mas-suq komuni. Il-bidu tal-proċeduri jiftaħ it-tieni fażi ta’ investigazzjoni fir-rigward tal-konċentrazzjoni nnotifikata, u jsir mingħajr preġudizzju għad-deċiżjoni finali dwar il-każ. Din id-deċiżjoni hi bbażata fuq l-Artikolu 6(1)(c) tar-Regolament tal-Kunsill (KE) Nru 139/2004 (1)

Il-Kummissjoni tistieden lil partijiet terzi interessati sabiex jissottomettu lill-Kummissjoni l-osservazzjonijiet li jistgħu jkollhom dwar il-konċentrazzjoni proposta.

Sabiex l-osservazzjonijiet jiġu kkunsidrati bis-sħiħ fil-proċedura, dawn għandhom jaslu għand il-Kummissjoni mhux iktar tard minn 15-il jum wara d-data tal-pubblikazzjoni. L-osservazzjonijiet jistgħu jintbagħtu lill-Kummissjoni bil-fax (+32 22964301) jew b’imejl lil COMP-MERGER-REGISTRY@ec.europa.eu jew bil-posta, bir-referenza M.7962 — ChemChina/Syngenta, fl-indirizz li ġej:

Kummissjoni Ewropea

Direttorat-Ġenerali għall-Kompetizzjoni,

Reġistru tal-Amalgamazzjonijiet

1049 Bruxelles/Brussell

BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

5.11.2016

MT

Il-Ġurnal Uffiċjali tal-Unjoni Ewropea

C 409/1

---

Ebda oppożizzjoni għal konċentrazzjoni notifikata

(Il-Każ M.8208 — CPPIB/Glencore/Glencore Agri)

(Test b'rilevanza għaż-ŻEE)

(2016/C 409/02)

Fit-28 ta’ Ottubru 2016, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta’ amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32016M8208. Il-EUR-Lex hu l-aċċess fuq l-Internet għal-liġi Ewropea.

---

(1)  ĠU L 24, 29.1.2004, p. 1.

---

5.11.2016

MT

Il-Ġurnal Uffiċjali tal-Unjoni Ewropea

C 409/2

---

Rata tal-kambju tal-euro (1)

L-4 ta’ Novembru 2016

(2016/C 409/03)

1 euro =

	Munita	Rata tal-kambju
USD	Dollaru Amerikan	1,1093
JPY	Yen Ġappuniż	114,24
DKK	Krona Daniża	7,4412
GBP	Lira Sterlina	0,88808
SEK	Krona Żvediża	9,9630
CHF	Frank Żvizzeru	1,0774
ISK	Krona Iżlandiża
NOK	Krona Norveġiża	9,1098
BGN	Lev Bulgaru	1,9558
CZK	Krona Ċeka	27,021
HUF	Forint Ungeriż	306,13
PLN	Zloty Pollakk	4,3188
RON	Leu Rumen	4,4995
TRY	Lira Turka	3,4930
AUD	Dollaru Awstraljan	1,4438
CAD	Dollaru Kanadiż	1,4901
HKD	Dollaru ta' Hong Kong	8,6034
NZD	Dollaru tan-New Zealand	1,5169
SGD	Dollaru tas-Singapor	1,5357
KRW	Won tal-Korea t'Isfel	1 269,41
ZAR	Rand ta' l-Afrika t'Isfel	15,0121
CNY	Yuan ren-min-bi Ċiniż	7,4955
HRK	Kuna Kroata	7,5135
IDR	Rupiah Indoneżjan	14 519,46
MYR	Ringgit Malażjan	4,6661
PHP	Peso Filippin	53,837
RUB	Rouble Russu	71,0672
THB	Baht Tajlandiż	38,803
BRL	Real Brażiljan	3,5996
MXN	Peso Messikan	21,2285
INR	Rupi Indjan	74,0395

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

5.11.2016

MT

Il-Ġurnal Uffiċjali tal-Unjoni Ewropea

C 409/3

---

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2016/C 409/04)

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona kollha tal-euro. Sabiex tinforma lill-pubbliku u lill-partijiet kollha kkonċernati li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jintlaħqu ċerti kundizzjonijiet, b’mod partikolari li jintużaw muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra taż-EUR 2, iżda l-wiċċ nazzjonali tagħhom ikun fih disinn kommemorattiv li jkun simboliku ferm f’termini nazzjonali jew Ewropej.

Il-pajjiż tal-ħruġ : Andorra

Is-suġġett tal-kommemorazzjoni : Il-25 anniversarju tar-Radju u tat-Televiżjoni ta’ Andorra

Id-deskrizzjoni tad-disinn : Id-disinn juri mikrofonu u antenna mdawra minn diversi linji ċirkolari bl-iskrizzjoni “25è ANIVERSARI DE RÀDIO I TELEVISIÓ D’ANDORRA” u s-sena tal-ħruġ “2016” u l-isem tal-Istat tal-ħruġ “ANDORRA”. Din il-munita kommemorattiva tiċċelebra l-25 anniversarju mit-twaqqif tal-midja f’Andorra permezz tal-bidu tax-xandir bir-radju u t-televiżjoni pubbliċi ta’ Andorra.

Iċ-ċirku ta’ barra tal-munita juri t-12-il stilla tal-bandiera Ewropea.

L-għadd ta’ muniti li se jinħarġu :

Id-data tal-istampar : Diċembru 2016

---

(1)  Ara l-ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

---

5.11.2016

MT

Il-Ġurnal Uffiċjali tal-Unjoni Ewropea

C 409/4

---

Wiċċ nazzjonali ġdid ta’ muniti tal-euro maħsuba għaċ-ċirkolazzjoni

(2016/C 409/05)

Il-muniti tal-euro maħsuba għaċ-ċirkolazzjoni għandhom status ta’ valuta legali fiż-żona kollha tal-euro. Sabiex tinforma lill-pubbliku u l-partijiet kollha kkonċernati li jużaw il-muniti, il-Kummissjoni tippubblika deskrizzjoni tad-disinji tal-muniti l-ġodda kollha (1). Skont il-konklużjonijiet tal-Kunsill tal-10 ta’ Frar 2009 (2), l-Istati Membri taż-Żona tal-Euro u l-pajjiżi li kkonkludew ftehim monetarju mal-Unjoni Ewropea li jistipula l-ħruġ ta’ muniti tal-euro huma awtorizzati li joħorġu muniti kommemorattivi tal-euro maħsuba għaċ-ċirkolazzjoni kemm-il darba jintlaħqu ċerti kundizzjonijiet, b’mod partikolari li jintużaw muniti taż-EUR 2 biss. Dawn il-muniti għandhom l-istess karatteristiċi tekniċi bħall-muniti l-oħra ta’ EUR 2, iżda l-wiċċ nazzjonali tagħhom ikun fih disinn kommemorattiv li jkun tassew simboliku f’termini nazzjonali jew Ewropej.

Il-pajjiż tal-ħruġ : Andorra

Is-suġġett tal-kommemorazzjoni : 150 sena mir-Riforma l-Ġdida tal-1866

Id-deskrizzjoni tad-disinn : Id-disinn juri s-sala prinċipali ta’ “Casa de la Vall” (fil-bini tal-Parlament ta’ Andorra) bl-iskrizzjoni “150 ANYS DE LA NOVA REFORMA DE 1866”, is-sena tal-ħruġ “2016” u l-isem tal-Istat tal-ħruġ “ANDORRA”. Din il-munita kommemorattiva tiċċelebra 150 sena mid-Digriet tar-Riforma l-Ġdida, wieħed mill-akbar passi fl-istorja ta’ Andorra u tal-Consell General (il-Parlament ta’ Andorra), li kien jirrappreżenta trasformazzjoni soċjali u politika fil-Prinċipat ta’ Andorra.

Iċ-ċirku ta’ barra tal-munita juri t-12-il stilla tal-bandiera Ewropea.

L-għadd ta’ muniti li se jinħarġu :

Id-data tal-istampar : Diċembru 2016

---

(1)  Ara l-ĠU C 373, 28.12.2001, p. 1 għall-uċuħ nazzjonali tal-muniti kollha li nħarġu fl-2002.

(2)  Ara l-konklużjonijiet tal-Kunsill tal-Affarijiet Ekonomiċi u Finanzjarji tal-10 ta’ Frar 2009 u r-Rakkomandazzjoni tal-Kummissjoni tad-19 ta’ Diċembru 2008 dwar linji gwida komuni għall-uċuħ nazzjonali u l-ħruġ ta’ muniti tal-euro maħsuba għaċ-ċirkolazzjoni (ĠU L 9, 14.1.2009, p. 52).

---

5.11.2016

MT

Il-Ġurnal Uffiċjali tal-Unjoni Ewropea

C 409/5

---

Notifika minn qabel ta’ konċentrazzjoni

(Il-Każ M.8059 — Investindustrial/Black Diamond/Polynt/Reichhold)

(Test b'rilevanza għaż-ŻEE)

(2016/C 409/06)

1.

Fis-26 ta’ Ottubru 2016, il-Kummissjoni Ewropea rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha l-fondi affiljati ma’ Investindustrial, permezz ta’ Global Chemicals SARL (“Investindustrial”, il-Lussemburgu), u l-fondi affiljati ma’ Black Diamond Capital Management L.L.C. (“Black Diamond”, l-Istati Uniti tal-Amerika) jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Polynt Group (“Polynt”, l-Italja) u Reichhold Group (“Reichhold”, l-Istati Uniti tal-Amerika) permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma: —   Polynt: L-iżvilupp, il-produzzjoni u d-distribuzzjoni ta’ kimiċi ta’ speċjalità u kimiċi tal-pestazzjoni. B’mod partikolari, Polynt hija attiva fil-produzzjoni ta’ UPR, kimiċi intermedji (anidridi), komoditajiet relatati (plastifikanti) u speċjalitajiet (komposti bis-sħana); —   Reichhold: Il-manifattura u l-provvista ta’ reżini użati fil-komposti u fil-kisi; —   Investindustrial: Kumpanija azzjonarja li takkwista u tiġġestixxi l-parteċipazzjoni fl-ishma f’kumpaniji oħra. —   Black Diamond: Ditta ta’ konsulenza tal-investiment b’enfasi fuq erba’ oqsma ta’ investiment: (i) fondi opportunistiċi kontrollati/fondi ta’ ekwità privata; (ii) fondi hedge; (iii) fondi mezzana u obbligi ta’ self kollateralizzat; u (iv) veikoli strutturati oħrajn.

3.	Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8059 — Investindustrial/Black Diamond/Polynt/Reichhold, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

5.11.2016

MT

Il-Ġurnal Uffiċjali tal-Unjoni Ewropea

C 409/6

---

Rettifika għar-Rapport Annwali tal-Qorti tal-Awdituri dwar l-attivitajiet iffinanzjati mit-8, mid-9, mill-10 u mill-11-il Fond Ewropew għall-Iżvilupp (FEŻ) għas-sena finanzjarja 2015, flimkien mar-risposti tal-Kummissjoni

( Il-Ġurnal Uffiċjali tal-Unjoni Ewropea C 375 tat-13 ta’ Ottubru 2016 )

(2016/C 409/07)

Fil-paġni 306 u 307, fil-kolonna tal-lemin intitolata “Ir-risposti mill-Kummissjoni”, dawk ir-risposti nnumerati bħala l-paragrafi 42, 43 u 44 għandhom ikunu nnumerati bħala risposti għall-paragrafi 39, 40 u 41 tal-osservazzjonijiet tal-Qorti.

Fil-paġna 308, fil-kolonna tal-lemin intitolata “Ir-risposti mill-Kummissjoni”, ir-risposta nnumerata bħala l-paragrafu 48 għandha tkun innumerata bħala risposta għall-paragrafu 45 tal-osservazzjonijiet tal-Qorti.

---