9.7.2016

MT

Il-Ġurnal Uffiċjali tal-Unjoni Ewropea

C 250/1

---

Rata tal-kambju tal-euro (1)

It-8 ta’ Lulju 2016

(2016/C 250/01)

1 euro =

	Munita	Rata tal-kambju
USD	Dollaru Amerikan	1,1070
JPY	Yen Ġappuniż	111,17
DKK	Krona Daniża	7,4412
GBP	Lira Sterlina	0,85243
SEK	Krona Żvediża	9,4685
CHF	Frank Żvizzeru	1,0855
ISK	Krona Iżlandiża
NOK	Krona Norveġiża	9,3930
BGN	Lev Bulgaru	1,9558
CZK	Krona Ċeka	27,033
HUF	Forint Ungeriż	314,08
PLN	Zloty Pollakk	4,4278
RON	Leu Rumen	4,5132
TRY	Lira Turka	3,2402
AUD	Dollaru Awstraljan	1,4731
CAD	Dollaru Kanadiż	1,4406
HKD	Dollaru ta' Hong Kong	8,5866
NZD	Dollaru tan-New Zealand	1,5221
SGD	Dollaru tas-Singapor	1,4903
KRW	Won tal-Korea t'Isfel	1 280,91
ZAR	Rand ta' l-Afrika t'Isfel	16,2687
CNY	Yuan ren-min-bi Ċiniż	7,4011
HRK	Kuna Kroata	7,4842
IDR	Rupiah Indoneżjan	14 605,20
MYR	Ringgit Malażjan	4,4535
PHP	Peso Filippin	52,252
RUB	Rouble Russu	70,9558
THB	Baht Tajlandiż	39,039
BRL	Real Brażiljan	3,6942
MXN	Peso Messikan	20,7956
INR	Rupi Indjan	74,5132

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

9.7.2016

MT

Il-Ġurnal Uffiċjali tal-Unjoni Ewropea

C 250/2

---

Rapport Speċjali Nru 19/2016

“L-implimentazzjoni tal-baġit tal-UE permezz ta’ strumenti finanzjarji — tagħlimiet li għandhom jinsiltu mill-perjodu tal-programm 2007-2013”

(2016/C 250/02)

Il-Qorti Ewropea tal-Awdituri b’dan tinfurmak li r-Rapport Speċjali Nru 19/2016 “L-implimentazzjoni tal-baġit tal-UE permezz ta’ strumenti finanzjarji — tagħlimiet li għandhom jinsiltu mill-perjodu tal-programm 2007-2013” għadu kif ġie ppubblikat.

Ir-rapport jista’ jiġi kkonsultat jew imniżżel mis-sit web tal-Qorti Ewropea tal-Awdituri: http://eca.europa.eu jew mill-EU Bookshop: https://bookshop.europa.eu

---

9.7.2016

MT

Il-Ġurnal Uffiċjali tal-Unjoni Ewropea

C 250/3

---

Notifika minn qabel ta’ konċentrazzjoni

(Il-Każ M.8004 — Akzo Nobel/BASF Industrial Coatings Business)

(Test b'rilevanza għaż-ŻEE)

(2016/C 250/03)

1.

Fl-4 ta’ Lulju 2016, il-Kummissjoni rċeviet avviż ta’ konċentrazzjoni proposta skont l-Artikolu 4 u wara referenza skont l-Artikolu 4(5) tar-Regolament tal-Kunsill (KE) Nru 139/2004 (1) li permezz tagħha l-impriża AkzoNobel N.V. (“AkzoNobel”, il-Pajjiżi l-Baxxi), takkwista fit-tifsira tal-Artikolu 3(1)(b) tar-Regolament dwar l-Għaqdiet, il-kontroll tan-negozju tal-koperturi industrijali ta’ BASF SE (“BASF IC”, il-Ġermanja) permezz ta’ xiri ta’ ishma u assi.

2.

L-attivitajiet kummerċjali tal-impriżi kkonċernati huma: —   għal AkzoNobel: attiva fil-produzzjoni u l-kummerċjalizzazzjoni ta’ firxa wiesgħa ta’ żebgħat, koperturi ta’ prestazzjoni u kimiki ta’ speċjalità, attiva globalment, —   għal BASF IC: manifattura u distribuzzjoni ta’ firxa wiesgħa ta’ koperti industrijali fostom koperti tal-kojl, folji tal-għamara u koperti tal-panewijiet, koperti tar-riħ, koperti protettivi u koperti tat-trasport kummerċjali, attiva globalment.

3.	Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

4.

Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.8004 — Akzo Nobel/BASF Industrial Coatings Business, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

---

9.7.2016

MT

Il-Ġurnal Uffiċjali tal-Unjoni Ewropea

C 250/4

---

Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2016/C 250/04)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

DOKUMENT UNIKU

“ANGURIA REGGIANA”

Nru tal-UE: IT-IĠP-0005-01385 — 14.10.2015

DPO ( ) IĠP ( X )

1.   Isem (ismijiet)

2.   Stat Membru jew Pajjiż Terz

L-Italja

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6. Frott, ħxejjex u ċereali, friski jew ipproċessati

3.2.   Deskrizzjoni tal-prodott li għalih japplika l-isem fil-punt 1

L-Indikazzjoni “Anguria Reggiana” tindika l-frott tal-ispeċi botanika Citrullus lanatus fl-istat frisk tiegħu.

L-“Anguria Reggiana” tiġi prodotta f’dawn it-tipi li ġejjin:

—   It-Tip Tond li għandu l-karatteristiċi tat-tip Ashai Mijako: frotta tonda; qoxra ta’ lewn aħdar fil-griż bi strixxi ta’ lewn aħdar skur; laħam iqarmeċ, iebes u ta’ lewn aħmar jgħajjat meta timmatura għal kollox; piż li jvarja bejn il-5 kg u t-12-il kg;

—   It-Tip Ovali li għandu l-karatteristiċi tat-tip Crimson: frotta tonda ovali; qoxra ta’ kulur aħdar medju jgħajjat bi strixxi ta’ lewn aħdar skur; laħam iqarmeċ, iebes u ta’ lewn aħmar meta timmatura għal kollox; piż li jvarja bejn is-7 kg u s-16-il kg;

—   It-Tip Tawwali li għandu l-karatteristiċi tat-tip Sentinel: frotta tawwalija; qoxra ta’ kulur aħdar medju jgħajjat bi strixxi ta’ lewn aħdar skur; laħam iqarmeċ, iebes u ta’ lewn aħmar jgħajjat meta timmatura għal kollox; piż li jvarja bejn is-7 kg u l-20 kg;

Il-karatteristika li tidentifika lill-“Anguria Reggiana” hija t-togħma partikolarment ħelwa tal-laħam, relatata mal-kontenut ta’ zokkor ta’ aktar minn 11° Brix għat-tip Ashai Mijako u 12° Brix għat-tipi Crimson u Sentinel.

Meta jkun lest għall-konsum il-frott irid ikollu l-karatteristiċi li ġejjin:

—	sħiħ (qasma żgħira fil-qoxra hija permessa minħabba l-possibbiltà li jintuża apparat awtomatiku għall-kejl tal-indiċi refrattiv);

—	nadif (mingħajr materjal barrani viżibbli);

—	b’saħħtu u mingħajr parassiti;

—	ma jkollux irwejjaħ li ma għandhomx x’jaqsmu mal-frotta;

—	ifformat tajjeb skont il-karatteristiċi tal-varjetà;

—	mingħajr xquq fuq barra u tbenġil;

—	iz-zokk irid ikun twil bejn 2 u 5 cm;

—	l-iżvilupp u l-kundizzjoni tiegħu jridu jkunu tali li jippermettu t-trasport tiegħu u l-operazzjonijiet relatati;

fuq il-qoxra jista’ jkun hemm roqgħa ta’ lewn aktar ċar fil-parti li tkun tmiss mal-art waqt li l-frotta tkun qed tikber….

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

—

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Il-fażijiet kollha ta’ produzzjoni (it-tħawwil, it-tkabbir, il-ġbir jew il-“qlugħ”) iridu jseħħu fiż-żona indikata.

3.5.   Regoli speċifiċi dwar it-tqattigħ, it-taħkik, l-ippakkjar, eċċ. tal-prodott li għalih qed tirreferi d-denominazzjoni reġistrata

Il-frott irid jitpoġġa f’ordni f’kontenituri apposta jew inkella f’tankijiet jew bramel ta’ materjal adatt għall-ħżin.

3.6.   Regoli speċifiċi dwar it-tikkettar tal-prodott li għalih tirreferi d-denominazzjoni reġistrata

Fuq kull dulliegħa huwa obbligatorju li jitpoġġa l-logo li jidentifika l-IĠP Anguria Reggiana u s-simbolu IĠP tal-Unjoni.

Il-logo tal-“Anguria Reggiana I.G.P.” huwa kif ġej:

It-tikketta li trid titpoġġa fuq kull dulliegħa għandha għamla ovali u trid tinkludi l-isem tal-istabbiliment li pproduċieha.

4.   Deskrizzjoni fil-qosor taż-żona ġeografika

Iż-żona ta’ produzzjoni tinkludi l-art kollha tal-Muniċipalitajiet ta’ Bagnolo in Piano, Cadelbosco di Sopra, Campagnola, Castelnovo Sotto, Correggio, Fabbrico, Novellara, Poviglio, Rio Saliceto, S. Martino in Rio u parti mill-art tal-Muniċipalitajiet ta’ Boretto, Brescello, Campegine, Gattatico, Gualtieri, Guastalla, Reggio Emilia, Reggiolo, Rolo, Rubiera.

5.   Rabta maż-żona ġeografika

Ir-rabta kawżali bejn l-“Anguria Reggiana” u ż-żona ta’ produzzjoni, li tiddetermina l-kwalità speċifika, hija bbażata fuq il-karatteristiċi taż-żona ġeografika definita u l-kapaċitajiet tal-produtturi lokali.

Iż-żona definita hija kkaratterizzata minn art irreklamata matul is-sekli, b’ħamrija taflija, iebsa biex tinħadem iżda għammiela u rikka b’elementi naturali bħall-potassju. Il-kundizzjonijiet tal-ħamrija, li hija omoġenea fiż-żona kollha, jikkontribwixxu b’mod deċiżiv biex jiddefinixxu t-tkabbir, il-konformità kif ukoll il-karatteristiċi kimiċi u organolettiċi tal-frott.

Il-karatteristika li tidentifika lill-“Anguria Reggiana” hija t-togħma partikolarment ħelwa tal-laħam, relatata mal-kontenut ta’ zokkor.

Din il-karatteristika hija marbuta mal-kapaċità tal-produtturi u t-teknika irfinuta użata għat-tkabbir tal-frotta, evidenti l-aktar fil-mument tal-ġbir, jew il-“qlugħ”. Dan iseħħ f’mill-inqas tliet stadji għal kull xitla, li jippermettu li meta tiġi kkunsmata kull “Anguria Reggiana” tkun kompletament misjura u bl-ogħla grad ta’ zokkor qabel ma ssir iżżejjed, b’laħam iqarmeċ u iebes. Il-grad ta’ maturazzjoni huwa indikat mill-karatteristiċi viżibbli tal-qoxra, taz-zokk u tar-rimja ta’ ankraġġ, u l-aktar mill-ħoss karatteristiku li tagħmel id-dulliegħa meta tħabbat fuqha, kollha aspetti esterni li jistgħu jiġu vvalutati direttament fuq il-post mill-operatur espert.

Għaldaqstant id-dulliegħ jiġi vvalutat waħda, waħda, jiġi mtektek u magħżul qabel ma jinġabar u jinqata’ biss jekk mill-analiżi viżiva u mill-ħoss l-operatur jidhirlu li laħaq il-karatteristiċi ta’ maturazzjoni, affidabbiltà u konservazzjoni mixtieqa. Il-ġbir mill-għalqa normalment isir filgħodu kmieni, meta d-dulliegħ ikun gawda l-frisk tal-lejl u jkollu t-temperatura xierqa biex jinħażen.

Il-qtugħ isir permezz tar-“roncola” (minġel), għodda ta’ tqattigħ partikolari b’xafra parzjalment mgħawġa. Il-forma ta’ din l-għodda partikolari ġiet ipperfezzjonata matul is-snin biex il-friegħi tax-xitla ma jinqatgħux peress li din trid tibqa’ fl-aħjar kundizzjonijiet fiżjoloġiċi sakemm jinqatal-frott kollu. Dawn l-operazzjonijiet jixhdu għarfien antik u konsolidat, li dawk li jaqtgħu l-frott (“spiccatori”) għaddew minn ġenerazzjoni għall-oħra f’Reggio, inkluża l-kapaċità ta’ kif jagħżlu l-frott misjur u jiġbruh filwaqt li jippreservaw il-produzzjoni sussegwenti.

Il-kapaċitajiet u l-għarfien tal-produtturi lokali ġejjin minn tradizzjoni storika li kif jaf kulħadd torbot il-prodott mat-territorju.

Referenzi storiċi u kulturali

L-evidenza storika tinkludi ħafna elementi li jirreferu għat-tkabbir tad-dulliegħa fir-Reggiano bħala tradizzjoni b’saħħitha u wirt permanenti.

L-ewwel referenzi għall-kwalità għolja tiegħu jmorru lura għas-seklu XVI: diversi korrispondenzi bejn in-nobbli antiki Rinaxximentali tal-pjanura tal-Po jfaħħru t-tjubija tal-prodott imkabbar f’dawn l-artijiet. Il-frotta baqgħet għal żmien twil prodott tal-ftit magħżulin sas-seklu XVIII, meta r-Riżorġiment fetaħ il-fruntieri bejn l-istati l-antiki u l-istati ż-żgħar tal-Pajjiż u wessa’ anki l-fruntieri ta’ kummerċjalizzazzjoni. Maż-żmien, il-kwalità għolja tal-produzzjoni lokali kabbret il-fama tal-prodott fis-swieq ta’ Milan, Ġenova u tar-reġjuni ġirien sakemm fis-seklu li għadda saret magħrufa lil hinn mill-Alpi.

L-“Anguria Reggiana” hija assoċjata maż-żona tal-pjanura fil-provinċja ta’ Reggio Emilia anki fil-gwidi storiċi dwar il-gastronomija; iż-żona tissemma fil-Guida Gastronomica del Touring Club Italiano, li ġġib id-data tal-1931, għad-“dulliegħ u bettieħ ħelu (honeydew)”. It-territorju indikat jinkludi ċ-ċentri storiċi fejn kien storikament l-aktar rikonoxxut it-tkabbir tradizzjonali tad-dulliegħ, bħal pereżempju Gualtieri, Novellara, Santa Vittoria, Poviglio u Cadelbosco di Sopra, Rio Saliceto u Ca’ de’ Frati. Il-popolarità tat-tkabbir u tal-konsum tad-dulliegħa fit-territorju hija ppruvata wkoll mill-preżenza ta’ għerejjex tal-bidu tas-seklu XX magħmula b’materjal naturali, bħal injam u friegħi, fejn id-dulliegħ kien jittiekel u jinbiegħ bil-felli.

Aktar reċentement anki l-kapaċità tal-produtturi taż-żona kompliet tiffoka fuq l-ispeċjalizzazzjoni tat-tkabbir tad-dulliegħ, bl-involviment tal-poplu u tal-produtturi, li ssieħbu bl-għan li jippromwovu, iħarsu, itejbu u jipproteġu l-produzzjoni u l-kummerċjalizzazzjoni tal-“Anguria Reggiana”.

Mill-1975, ġew stabbiliti, festi, fieri, avvenimenti u kompetizzjonijiet lokali biex jippromwovu l-prodott, jippremjaw l-akbar dulliegħa u dik l-aktar ħelwa.

Referenza għall-pubblikazzjoni tal-Ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

It-test sħiħ tal-ispeċifikazzjoni tal-prodott jinsab fuq is-sit tal-internet li ġej: http://www.politicheagricole.it/flex/cm/pages/ServeBLOB.php/L/MT/IDPagina/3335

jew:

billi żżur il-paġna ewlenija tas-sit tal-Ministeru tal-Politika Agrikola, Alimentari u l-Forestrija (www.politicheagricole.it), tagħfas fuq “Prodotti DOP e IGP” (fuq in-naħa ta’ fuq, fuq il-lemin tal-iskrin), imbagħad tagħfas fuq “Prodotti DOP, IGP e STG” (fil-ġenb, fuq in-naħa tax-xellug tal-iskrin) u fl-aħħar nett tagħfas fuq “Disciplinari di produzione all’esame dell’UE”.

---

(1)  ĠU L 343, 14.12.2012, p. 1.

---

9.7.2016

MT

Il-Ġurnal Uffiċjali tal-Unjoni Ewropea

C 250/7

---

Rettifika tal-pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

( Il-Ġurnal Uffiċjali tal-Unjoni Ewropea C 195 tat-2 ta' Ġunju 2016 )

(2016/C 250/05)

F'paġna 12, il-paragrafu 4 tad-Dokument Uniku, it-tielet inċiż:

minflok:

aqra:

---

9.7.2016

MT

Il-Ġurnal Uffiċjali tal-Unjoni Ewropea

C 250/7

---

Rettifika tal-pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

( Il-Ġurnal Uffiċjali tal-Unjoni Ewropea C 205 tad-9 ta’ Ġunju 2016 )

(2016/C 250/06)

F'paġna 19, il-paragrafu 4 tad-Dokument Uniku, it-tielet inċiż:

minflok:

aqra:

---