KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

23.6.2016

Il-Ġurnal Uffiċjali tal-Unjoni Ewropea

C 227/4

Komunikazzjoni mill-Gvern tar-Repubblika tal-Polonja li tikkonċerna d-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi

(2016/C 227/05)

SEJĦA PUBBLIKA GĦALL-OFFERTI GĦAL KONĊESSJONI GĦALL-PROSPETTAR U L-ESPLORAZZJONI TAD-DEPOŻITI TAŻ-ŻEJT U L-GASS NATURALI U L-ESTRAZZJONI TAŻ-ŻEJT U L-GASS NATURALI FIŻ-ŻONA TA’ “BŁAŻOWA”

TAQSIMA I: BAŻI LEGALI

L-Artikolu 49h(2) tal-Att dwar il-Liġi Ġeoloġika u Minerarja (Il-Ġurnal tal-Liġijiet [Dziennik Ustaw]) 2015, il-punt 196, kif emendat)

Ir-Regolament tal-Kabinett tat-28 ta’ Lulju 2015 dwar offerti għal konċessjonijiet għall-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, u għal konċessjonijiet għall-estrazzjoni ta’ idrokarburi (Il-Ġurnal tal-Liġijiet 2015, il-punt 1171)

Id-Direttiva 94/22/KE tal-Parlament Ewropew u tal-Kunsill tat-30 ta’ Mejju 1994 dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi (ĠU L 164, 30.6.1994, p. 3; Edizzjoni Speċjali bil-lingwa Pollakka: Kapitolu 6, Volum 2, p. 262)

TAQSIMA II: L-ENTITÀ LI QED TIPPUBBLIKA S-SEJĦA GĦALL-OFFERTI

Isem: Ministerstwo Środowiska (Il-Ministeru tal-Ambjent)

Indirizz postali: ul. Wawelska 52/54, 00-922 Warsaw, il-Polonja

Tel. +48 223692449, +48 223692447; Faks: +48 223692460

Sit web: www.mos.gov.pl

TAQSIMA III: IS-SUĠĠETT TAL-PROĊEDURA

1) it-tip ta’ attivitajiet li għalihom il-konċessjoni għandha tingħata:

Konċessjoni għall-prospettar jew l-esplorazzjoni tad-depożiti taż-żejt u l-gass naturali u l-estrazzjoni taż-żejt u l-gass naturali fiż-żona “Błażowa”, il-blokok ta’ konċessjoni 416 u 417.

2) iż-żona li fiha l-attivitajiet għandhom jitwettqu;

Il-konfini taż-żona koperta minn din il-proċedura tal-offerti huma ddefiniti permezz ta’ linji li jgħaqqdu l-punti bil-koordinati segwenti fis-sistema tal-koordinati PL-1992:

Punt Nru	X [PL-1992]	Y [PL-1992]
1	235 252,373	711 178,197
2	228 291,890	722 315,000
3	235 141,041	726 795,886
4	223 925,008	744 543,900
5	223 895,850	743 860,810
6	222 687,040	715 541,910
7	222 646,087	713 598,330
8	222 648,190	713 598,274
9	222 405,956	707 295,803
10	232 285,198	710 286,462

L-erja tal-wiċċ tal-projezzjoni vertikali taż-żona koperta b’din il-proċedura tal-offerti hija ta’ 270,05 km2.

Iż-żona koperta mill-proċedura tal-offerti tinsab f’dawn id-distretti u l-muniċipalitajiet fil-Provinċja ta’ Podkarpackie:

Id-distrett ta’ Strzyżów: Il-muniċipalità ta’ Niebylec (13,319 % taż-żona);

Id-distrett ta’ Rzeszów: Il-muniċipalitajiet ta’ Lubenia (14,887 %) u ta’ Tyczyn (0,278 %), il-muniċipalità urbana ta’ Błażowa (0,801 %), il-muniċipalitajiet ta’ Błażowa (30,059 %) u ta’ Hyżne (13,134 %), il-muniċipalità urbana ta’ Dynów (0,374 %), u l-muniċipalità ta’ Dynów (18,684 %);

Id-distrett ta’ Brzozów: Il-muniċipalitajiet ta’ Domaradz (0,058 %) u ta’ Nozdrzec (0,074 %);

Id-distrett ta’ Przemyśl: Il-muniċipalità ta’ Dubiecko (6,151 %);

Id-distrett ta’ Przeworsk: Il-muniċipalità ta’ Jawornik (2,181 %).

L-għan tax-xogħlijiet li għandhom jitwettqu f’formazzjonijiet Palaeożojċi, Mesożojċi u Ċenożojċi huwa t-tħejjija ta’ dokumentazzjoni u l-estrattazzjoni taż-żejt u tal-gass naturali fiż-żona deskritta hawn fuq.

3) il-limitu ta’ żmien, mhux anqas minn 90 jum mid-data tal-pubblikazzjoni tal-avviż, u l-post għas-sottomissjoni tal-offerti:

L-offerti għandhom jiġu sottomessi lill-uffiċċju ċentrali tal-Ministeru tal-Ambjent sa mhux iktar tard minn 16:00 CET/CEST tal-aħħar jum tal-perjodu ta’ 91 jum li jibda fil-jum ta’ wara d-data ta’ pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea.

4) il-kondizzjonijiet dettaljati tal-offerta, inklużi l-kriterji tal-evalwazzjoni tal-offerta u speċifikazzjoni tal-ponderazzjoni tagħhom, li jiżguraw li l-kondizzjonijiet imsemmija fl-Artikolu 49k tal-Att dwar il-Liġi Ġeoloġika u Minerarja tad-9 ta’ Ġunju 2011 huma ssodisfati:

L-offerti jistgħu jiġu sottomessi minn entitajiet li fir-rigward tagħhom inħarġet deċiżjoni li tikkonferma r-riżultat pożittiv ta’ proċedura ta’ kwalifika, kif previst fl-Artikolu 49a(16)(1) u (2) tal-Att dwar il-Liġi Ġeoloġika u Minerarja, b’mod indipendenti, jew bħala operatur, fil-każ fejn bosta entitajiet qed japplikaw b’mod konġunt għall-konċessjoni.

L-offerti li jaslu se jiġu evalwati mill-kumitat tal-evalwazzjoni tal-offerti fuq il-bażi tal-kriterji li ġejjin:

30 %	:	il-kapaċitajiet finanzjarji li joffru garanzija adegwata li l-attivitajiet marbuta ma’, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi se jitwettqu, u b’mod partikolari s-sorsi u l-metodi ta’ ffinanzjar tal-attivitajiet ippjanati, inkluż is-sehem tal-fondi proprji u l-finanzjament estern;
25 %	:	il-kapaċitajiet tekniċi għal, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi, u b’mod partikolari d-disponibilità ta’ potenzjal tekniku, organizzattiv, loġistiku u tar-riżorsi umani;
20 %	:	l-ambitu u l-iskedar tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji proposti;
10 %	:	l-esperjenza fil-prospettar u l-esplorazzjoni tad-depożiti ta’ idrokarburi jew fl-estrazzjoni ta’ idrokarburi, biex ikunu żgurati l-operazzjoni sigura, il-protezzjoni tal-ħajja u tas-saħħa tal-bniedem u tal-annimali, u l-protezzjoni ambjentali;
10 %	:	it-teknoloġija proposta għat-twettiq ta’ xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji, bl-użu ta’ elementi innovattivi żviluppati għal dan il-proġett;
5 %	:	l-ambitu u l-iskedar tal-ġbir obbligatorju ta’ kampjuni miksuba matul l-operazzjonijiet ġeoloġiċi, inklużi kampjuni ċilindriċi bit-tħaffir.

Jekk, wara l-valutazzjoni tal-offerti abbażi tal-kriterji speċifikati hawn fuq, żewġ offerti jew aktar jirċievu l-istess punteġġ, jintuża l-ammont tar-remunerazzjoni għall-istabbiliment ta’ drittijiet użufruttwarji minerarji dovuti matul il-fażi tal-prospettar u l-esplorazzjoni bħala kriterju addizzjonali biex jippermetti l-għażla finali li għandha ssir bejn l-offerti kkonċernati.

5) l-ambitu minimu tal-informazzjoni ġeoloġika:

Data ta’ konċessjoni

Isem il-qasam: Błażowa

Post: onshore; il-blokok ta’ konċessjoni 416 u 417;

Tip ta’ depożitu

depożiti konvenzjonali ta’ żejt u ta’ gass naturali

Livelli strutturali

Karpatjan-Stebnik (flysch)

Paleoġin-Mijoċene

Paleożojku-Mesożojku

Prekambrijan

Sistemi tal-petroleum

I	–	is-sistema fil-flysch ta’ Skole Nappe
II	–	is-sistema awtoktona Mijoċenika fl-Antifossa tal-Karpazji taħt Skole Nappe (prinċipalment il-parti tat-Tramuntana taż-żona)
III	–	is-sistema taħt l-art Paleożojka-Mesożojka (prinċipalment il-parti tal-Punent taż-żona)

Blat tas-sors

I	–	shales tal-iSpas, depożiti tal-Inoċeramus, shales tal-Menilit
II	–	blat klastiku ta’ grana fina tal-Badenjan Superjuri u tas-Sarmazjan Inferjuri.
III	–	blat klastiku ta’ grana fina tal-Ordoviċjan u tas-Silurjan, blat klastiku tad-Devonjan Inferjuri, blat klastiku karbonat tad-Devonjan Nofsani u Superjuri u tal-Karboniferu Inferjuri, u blat klastiku ta’ grana fina tal-Ġurassiku Nofsani

Blat tal-ġibjun

I	–	ġebel ramli Kuźmińskie, depożiti tal-Inoċeramus, ġebel ramli Kliwa
II	–	ġebel ramli u ramel tal-Badenjan Superjuri u tas-Sarmazjan Inferjuri
III	–	ġebel ramli Prekambrijani, blat karbonat Devonjan Nofsani, Devonjan Superjuri, Karboniferu Inferjuri u Ġurassiku Superjuri

Blat tas-siġill

I	–	formazzjonijiet flysch klastiċi ta’ grana fina: shales tal-iSpas, depożiti tal-Inoċeramus, depożiti ġeroġlifiċi, shales varjegati, depożiti tal-Menilit, depożiti tal-Krosno
II	–	ħafna saffi ta’ ġebel tafli fis-suċċessjoni awtoktona Mijoċenika, blat tal-Unità Stebnik jew is-suċċessjoni flysch tal-Unità Skole ‘l fuq mill-istrata awtoktona Mijoċenika
III	–	Ordoviċjan u Silurjan għal depożiti Prekambrijani ipotetiċi; Blat Culm, Trijassiku, Ġurassiku u blat awtoktonu Mijoċeniku, u s-serje ta’ blat ta’ Skole Nappe għad-depożiti Devonjani u Karboniferi; blat awtoktonu Mijoċeniku u serje ta’ flysch Skole Nappe għad-depożiti Ġurassiċi

Ħxuna tas-saff fuqani

I	–	0-2 500 m
II	–	2 000 -3 800 m
III	–	2 000 -4 500 m

Tip ta’ trappola ġeoloġika

I	–	strutturali jew strutturali-litoloġika
II	–	strutturali u stratigrafika
III	–	strutturali u stratigrafika

Depożiti identifikati fil-viċinanza (NG – natual gas (gass naturali); O – żejt)

Zalesie (NG): skoperti fl-1982; produzzjoni kumulattiva: 1 054,61 miljun m3; il-produzzjoni fl-2014: 158,41 miljun m3; riżervi u riżorsi: 2 239,38 miljun m3 (333,64 miljun m3 industrijali)

Nosówka (O): skoperti fl-1989; produzzjoni kumulattiva: 269 760 tunnellata; il-produzzjoni fl-2014: 6 030 tunnellata; riżervi u riżorsi: 55 680 tunnellata (industrijali: xejn)

Nosówka (NG): skoperti fl-1999; produzzjoni kumulattiva: 38,61 miljun m3; il-produzzjoni fl-2014: 3,96 miljun m3; riżervi u riżorsi: 396,49 miljun m3 (industrijali: 168,4 miljun m3)

Jodłówka (NG): skoperti fl-1980; produzzjoni kumulattiva: 2 058,04 miljun m3; il-produzzjoni fl-2014: 7,43 miljun m3; riżervi u riżorsi: 989,37 miljun m3 (industrijali: 78,58 miljun m3)

Rączyna (NG): skoperti fl-1983; produzzjoni kumulattiva: 231,52 miljun m3; il-produzzjoni fl-2014: 0,17 miljun m3; riżervi u riżorsi: 228,62 miljun m3 (industrijali: 120,55 miljun m3)

Husów-Albigowa-Krasne (NG): skoperti fl-1961; produzzjoni kumulattiva: 4 409,72 miljun m3; il-produzzjoni fl-2014: 19,95 miljun m3, riżervi u riżorsi: 613,92 miljun m3 (industrijali: 78,36 miljun m3)

Kielanówka-Rzeszów (NG): skoperti fl-1978; produzzjoni kumulattiva: 2 431,25 miljun m3; il-produzzjoni fl-2014: 61,22 miljun m3; riżervi u riżorsi: 2 301,74 miljun m3 (industrijali: 111,46 miljun m3)

Kańczuga (NG): skoperti fl-1959; produzzjoni kumulattiva: 675,03 miljun m3; il-produzzjoni fl-2014: 5,31 miljun m3; riżervi u riżorsi: 54,35 miljun m3 (industrijali: 8,53 miljun m3)

Wola Jasienicka (O): skoperti fl-1962; produzzjoni kumulattiva: 71 720 tunnellata u 33,67 miljun m3 ta’ gass assoċjat; il-produzzjoni fl-2014: 120 tunnellata; riżervi u riżorsi: xejn (industrijali: 180 tunnellata)

Stħarriġiet sismiċi kompluti (il-proprjetarju)

1977–1986 Błażowa-Bircza 2D (it-Teżor tal-Istat)

1982 Rzeszów-Zalesie 2D (it-Teżor tal-Istat)

1990 Błażowa-Leszczyny 2D (PGNiG S.A.)

1991 Dębica-Sędziszów-Rzeszów 2D (PGNiG S.A.)

1991-1995 Zalesie-Jodłówka-Skopów 2D + 1997 reprocessing (PGNiG S.A.)

2004 Babica-Niebylec 2D (PGNiG S.A.)

2012 Błażowa-Dynów 2D (PGNiG S.A.)

Bjar referenzjarji u bjar ta’ korrelazzjoni (TVD)

bjar referenzjarji: Szklary IG-1 (1 152 m), Dynów 1 (4 281 m), Żyznów 4 (1 400 m), Żyznów 5 (1 405 m),

bjar ta’ korrelazzjoni: Bachórzec 1 (4 093 m), Babica IG-1 (3 426,1 m), Drohobyczka 1 (4 104,5 m), Drohobyczka 3 (3 900 m), Hadle Szklarskie 1 (3 277 m), Hermanowa 1 (5 092 m), Kielnarowa 1 (3 611,5 m)

6) id-data tal-bidu tal-attivitajiet:

L-attivitajiet koperti mill-konċessjoni se jibdew fi żmien 14-il jum mid-data li fiha d-deċiżjoni li tagħti l-konċessjoni ssir finali.

7) il-kondizzjonijiet għall-għoti ta’ konċessjoni, b’mod partikolari rigward l-ammont, l-ambitu u l-mod li bih tingħata l-garanzija msemmija fl-Artikolu 49x(1) tal-Att dwar il-Liġi Ġeoloġika u Minerarja u, fejn iġġustifikat, l-ammont, l-ambitu u l-mod li bih tingħata l-garanzija msemmija fl-Artikolu 49x(2) tal-Att:

L-offerent rebbieħ irid jipprovdi garanzija li tkopri nuqqas ta’ konformità jew konformità inadegwata mal-kondizzjonijiet stabbiliti fil- konċessjoni kif ukoll għall-iffinanzjar tal-għeluq tax-xogħlijiet minerarji jekk il-konċessjoni tiskadi, tiġi rtirata jew issir invalida. Din il-garanzija għandha tingħata għall-perjodu mid-data li fiha tingħata l-konċessjoni sa tmiem il-fażi tal-prospettar u l-esplorazzjoni. L-ammont tal-garanzija huwa ta’ PLN 100 000. Il-forma u d-data tal-ħlas tagħha huma rregolati mill-Artikolu 49x(4) u (5) tal-Att dwar il-Liġi Ġeoloġika u Minerarja.

8) l-ambitu minimu tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji:

Il-programm minimu ta’ xogħlijiet ġeoloġiċi propost għall-fażi tal-prospettar u l-esplorazzjoni jinvolvi:

Tul ta’ żmien ta’ Stadju I: 12-il xahar

ambitu: interpretazzjoni u analiżi tad-dejta ġeoloġika tal-arkivji

Tul ta’ żmien ta’ Stadju II: 12-il xahar

ambitu: eżekuzzjoni ta’ stħarriġiet siżmiċi 2D (100 km) jew tħaffir ta’ borehole wieħed sa fond massimu ta’ 5 000 m bit-teħid obbligatorju ta’ kampjuni ċilindriċi bit-tħaffir ta’ intervalli prospettivi

Tul ta’ żmien ta’ Stadju III: 24-il xahar

ambitu: tħaffir ta’ borehole wieħed sa fond massimu ta’ 5 000 m bit-teħid obbligatorju ta’ kampjuni ċilindriċi bit-tħaffir ta’ intervalli prospettivi

Tul ta’ żmien ta’ Stadju IV: 12-il xahar

ambitu: l-analiżi tad-dejta miksuba

9) il-perjodu li għalih il-konċessjoni se tingħata:

Il-perjodu ta’ konċessjoni huwa ta’ 10 snin, inkluż:

—	fażi ta’ prospettar u ta’ esplorazzjoni ta’ ħames snin, li jibdew mid-data li fiha tingħata l-konċessjoni),

—	fażi ta’ estrazzjoni, li tibda mid-data minn meta tinkiseb deċiżjoni ta’ investiment.

10) il-kondizzjonijiet speċifiċi biex jitwettqu l-attivitajiet u biex ikunu żgurati s-sikurezza pubblika, is-saħħa pubblika, il-protezzjoni ambjentali u l-ġestjoni razzjonali ta’ depożiti:

L-implimentazzjoni tal-programm ta’ ħidma ta’ konċessjoni ma għandhiex tikser id-drittijiet tal-proprjetarji tal-artijiet u ma tneħħix il-ħtieġa li jikkonformaw ma’ rekwiżiti oħra stabbiliti fil-leġiżlazzjoni, b’mod partikolari l-Liġi Ġeoloġika u Minerarja, u r-rekwiżiti dwar l-użu tal-art, il-protezzjoni ambjentali, l-art agrikola u l-foresti, in-natura, l-ilma u l-iskart.

11) il-ftehim mudell dwar l-istabbiliment tad-drittijiet użufruttwarji minerarji:

Il-ftehim mudell huwa mehmuż bħala Anness ma’ dan id-dokument.

12) l-informazzjoni dwar l-ammont ta’ remunerazzjoni għall-istabbiliment ta’ drittijiet użufruttwarji minerarji:

L-ammont minimu tar-remunerazzjoni għall-istabbiliment ta’ drittijiet użufruttwarji minerarji għaż-żona “Błażowa” matul perjodu bażi ta’ ħames snin huwa PLN 57 391,03 (fi kliem: sebgħa u ħamsin elf, tliet mija wieħed u disgħin zlotys u tliet grosz) fis-sena. Ir-remunerazzjoni annwali għall-istabbiliment ta’ drittijiet użufruttwarji minerarji għall-għan tal-prospettar u l-esplorazzjoni ta’ minerali huwa indiċizzat skont l-indiċijiet medji annwali tal-prezzijiet għall-konsumatur stabbiliti b’mod kumulattiv għall-perjodu bejn il-konklużjoni tal-ftehim sas-sena li tippreċedi d-data għall-ħlas tar-remunerazzjoni, kif imħabbra mill-President tal-Uffiċċju Ċentrali tal-Istatistika fil-Gazzetta Uffiċjali Pollakka (Monitor Polski) (l-Artikolu 49h(3)(12) tal-Att dwar il-Liġi Ġeoloġika u Minerarja).

13) l-informazzjoni dwar ir-rekwiżiti li l-offerti għandhom jissodisfaw u d-dokumenti mitluba mill-offerenti:

L-offerti għandhom jispeċifikaw:

1)	l-isem jew (l-isem kummerċjali) u l-uffiċċju reġistrat tal-offerent;

2)	is-suġġett tal-offerta, flimkien ma’ deskrizzjoni tad-definizzjoni taż-żona li għaliha għandha tingħata l-konċessjoni u li għaliha għandhom jiġu stabbiliti drittijiet użufruttwarji minerarji;

3)	il-perjodu li għalih se tingħata l-konċessjoni, it-tul ta’ żmien tal-fażi tal-prospettar u tal-esplorazzjoni u d-data tal-bidu tal-attivitajiet;

4)	l-għan, l-ambitu u n-natura tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji, u informazzjoni dwar ix-xogħlijiet li għandhom jitwettqu biex jinkiseb l-objettiv maħsub u t-teknoloġiji li għandhom jintużaw;

5)	skeda taż-żmien, imqassma fi snin, għax-xogħlijiet ġeoloġiċi, inklużi operazzjonijiet ġeoloġiċi, u l-ambitu ta’ tali xogħlijiet;

6)	l-ambitu u l-iskeda taż-żmien tal-ġbir obbligatorju ta’ kampjuni miksuba matul l-operazzjonijiet ġeoloġiċi, inklużi kampjuni ċilindriċi bit-tħaffir, kif imsemmi fl-Artikolu 82(2)(2) tal-Att dwar il-Liġi Ġeoloġika u Minerarja;

7)	id-drittijiet miżmuma mill-offerent għall-proprjetà immobbli (iż-żona) li fiha l-attivitajiet huma maħsuba li għandhom jitwettqu, jew id-dritt ta’ stabbiliment li għalih l-entità qed tapplika;

8)	lista ta’ żoni koperti minn skemi ta’ konservazzjoni tan-natura; dan ir-rekwiżit ma jikkonċernax proġetti li għalihom hija meħtieġa deċiżjoni dwar il-kondizzjonijiet ambjentali;

9)	il-mod kif għandhom jiġu miġġielda l-impatti ambjentali negattivi tal-attivitajiet maħsuba;

10)	l-ambitu tal-informazzjoni ġeoloġika disponibbli għall-offerent;

11)	l-esperjenza fil-prospettar u fl-esplorazzjoni tad-depożiti ta’ idrokarburi jew fl-estrazzjoni ta’ idrokarburi, billi jkunu żgurati l-operazzjoni sigura, il-protezzjoni tal-ħajja u tas-saħħa tal-bniedem u l-annimali, u l-protezzjoni ambjentali;

12)	il-kapaċitajiet tekniċi għal, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi, u b’mod partikolari d-disponibilità ta’ potenzjal tekniku, organizzattiv, loġistiku u tar-riżorsi umani;

13)

il-kapaċitajiet finanzjarji li joffru garanzija adegwata li l-attivitajiet marbuta ma’, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi, se jitwettqu, u b’mod partikolari s-sorsi u l-metodi ta’ ffinanzjar tal-attivitajiet ippjanati, inkluż is-sehem tal-fondi proprji u l-finanzjament estern;

14)	it-teknoloġija proposta għat-twettiq ta’ xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji;

15)	l-ammont propost ta’ remunerazzjoni għall-istabbiliment ta’ drittijiet użufruttwarji minerarji, u dan ma għandux ikun inqas mill-ammont speċifikat fl-avviż tat-tnedija tal-proċedura tal-offerti;

16)	il-forma proposta għall-għoti tal-garanzija;

17)

jekk tiġi sottomessa offerta b’mod konġunt minn diversi entitajiet, għandu barra minn hekk jispeċifika:

a)	l-isem (l-ismijiet) kummerċjali u l-uffiċċji reġistrati tal-entitajiet kollha li jissottomettu l-offerta;

b)	l-operatur,

c)	l-ishma perċentwali tal-ispejjeż tax-xogħlijiet ġeoloġiċi, inklużi operazzjonijiet ġeoloġiċi, proposti fil-ftehim ta’ kooperazzjoni;

L-offerti sottomessi fi proċedura tal-offerti għandhom jissodisfaw ir-rekwiżiti u l-kondizzjonijiet stipulati fl-avviż tat-tnedija ta’ dik il-proċedura tal-offerti.

Id-dokumenti li ġejjin għandhom ikunu mehmuża mal-offerti:

1)	provi tal-eżistenza taċ-ċirkustanzi indikati fl-offerta, b’mod partikolari siltiet minn reġistri rilevanti;

2)	prova tad-depożitu;

3)	kopja tad-deċiżjoni li tikkonferma r-riżultat pożittiv ta’ proċedura ta’ kwalifika, kif previst fl-Artikolu 49a(16)(1) u (2) tal-Att dwar il-Liġi Ġeoloġika u Minerarja;

4)	annessi grafiċi ppreparati skont ir-rekwiżiti dwar il-mapep minerarji, li jindikaw il-konfini amministrattivi tal-pajjiż;

5)	dikjarazzjonijiet bil-miktub li jagħmlu disponibbli r-riżorsi tekniċi lill-entità li tieħu sehem fil-proċedura tal-offerti jekk jintużaw riżorsi tekniċi ta’ entitajiet oħrajn meta tiġi implimentata l-konċessjoni;

6)	żewġ kopji tal-proġett tal-operazzjonijiet ġeoloġiċi.

L-offerenti jistgħu, fuq inizjattiva tagħhom stess, jipprovdu informazzjoni addizzjonali fl-offerti tagħhom jew jehmżu dokumenti addizzjonali magħhom.

Id-dokumenti sottomessi mill-offerenti għandhom ikunu l-oriġinali jew kopji awtentiċi ċċertifikati tal-oriġinali kif previst fil-Kodiċi ta’ Proċedura Amministrattiva. Dan ir-rekwiżit ma japplikax għal kopji ta’ dokumenti li jridu jiġu mehmuża ma’ offerti u li nħolqu mill-awtorità konċedenti.

Dokumenti mfassla b’lingwa barranija għandhom jiġu sottomessi flimkien ma’ traduzzjoni fil-Pollakk minn traduttur ġuramentat.

L-offerti għandhom jiġu sottomessi f’envelop issiġillat jew f’pakkett issiġillat li jkollu l-isem (l-isem kummerċjali) tal-offerent u li jindika s-suġġett tal-proċedura tal-offerti.

Offerti sottomessi wara l-iskadenza tal-limitu ta’ żmien għas-sottomissjoni tal-offerti se jiġu rritornati lill-offerenti mingħajr ma jinfetħu.

14) l-informazzjoni dwar il-forma tal-preżentazzjoni ta’ depożitu, l-ammont tad-depożitu u d-data ta’ ħlas:

L-offerenti huma mitluba jiddepożitaw depożitu ta’ PLN 1 000 (fi kliem: elf zlotys) qabel l-iskadenza tal-limitu ta’ żmien għas-sottomissjoni tal-offerti.

TAQSIMA IV: INFORMAZZJONI AMMINISTRATTIVA

IV.1) Il-kumitat tal-evalwazzjoni tal-offerti

Kumitat tal-evalwazzjoni tal-offerti jinħatar mill-awtorità konċedenti bl-iskop li jwettaq il-proċedura tal-offerti u l-għażla tal-aktar offerta vantaġġuża. Il-kompożizzjoni u r-regoli ta’ proċedura tal-Kumitat huma speċifikati f’dan ir-Regolament tal-Kabinett tat-28 ta’ Lulju 2015 dwar proċeduri tal-offerti għal konċessjonijiet għall-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, u għal konċessjonijiet għall-estrazzjoni ta’ idrokarburi (Il-Ġurnal tal-Liġijiet 2015, il-punt 1171). Il-kumitat tal-evalwazzjoni tal-offerti jissottometti rapport dwar il-proċedura tal-offerti lill-awtorità tal-konċessjoni għall-approvazzjoni tagħha. Flimkien ma’ offerti u d-dokumenti kollha relatati mal-proċedura tal-offerti, ir-rapport huwa miftuħ għal entitajiet oħra li jissottomettu offerti.

IV.2) Spjegazzjonijiet addizzjonali

Fi żmien sebat ijiem mid-data tal-pubblikazzjoni tal-avviż, entità interessata tista’ titlob l-awtorità konċedenti biex tipprovdi spjegazzjonijiet dwar l-ispeċifikazzjonijiet dettaljati tal-offerta. Fi żmien sebat ijiem minn meta tirċievi t-talba, l-awtorità konċedenti se tippubblika l-ispjegazzjonijiet fil-Biuletyn Informacji Publicznej (Il-Bullettin ta’ Tagħrif Pubbliku), fil-paġna tal-uffiċċju tas-servizz ikkonċernat.

IV.3) Informazzjoni addizzjonali

L-informazzjoni kollha dwar iż-żona koperta mill-proċedura tal-offerti li ġiet ikkompilata mis-Servizz Ġeoloġiku Pollakk fil-Pakiet danych geologicznych (il-Pakkett tad-Dejta Ġeoloġika), hija disponibbli fuq is-sit web tal-Ministeru tal-Ambjent (www.mos.gov.pl) u fuq

Departament Geologii i Koncesji Geologicznych [Id-Dipartiment tal-Ġeoloġija u tal-Konċessjonjiet Ġeoloġiċi]

Ministerstwo Środowiska [il-Ministeru tal-Ambjent]

ul. Wawelska 52/54

00-922 Warsaw, Poland

Tel. +48 223692449; Faks: +48 223692460

ANNESS

FTEHIM

li jistabbilixxi drittijiet użufruttwarji minerarji għall-fini ta’ prospettar u ta’ esplorazzjoni ta’ depożiti taż-żejt u tal-gass naturali u ta’ estrazzjoni taż-żejt u tal-gass naturali fiż-żona “Błażowa”

Magħmul f’Varsavja, fi … 2016, minn u bejn:

it-Teżor tal-Istat — il-Ministru għall-Ambjent, li jaġixxi f’ismu u għalih is-Sur Mariusz Orion Jędrysek, is-Segretarju tal-Istat fil-Ministeru tal-Ambjent u l-Ġeologu Prinċipali tal-Polonja, bis-saħħa tal-prokura Nru 5 tas-27 ta’ Jannar 2016, minn hawn ‘il quddiem it-“Teżor tal-Istat”

XXX bl-uffiċju rreġistrat fi …(indirizz sħiħ) …

minn hawn ‘il quddiem id-“Detentur tad-Drittijiet Użufruttwarji Minerarji”,

jipprovdi kif ġej:

Taqsima 1.

It-Teżor tal-Istat, bħala l-uniku sid tal-parti interna tal-qoxra terrestri li tkopri ż-żona fi ħdan il-muniċipalitajiet ta’ Niebylec, Lubenia, Tyczyn, Hyżne, Dynów, Domaradz, Nozdrzec, Dubiecko u Jawornik, tal-belt u l-muniċipalità ta’ Błażowa u tal-belt ta’ Dynów fil-Provinċja ta’ Podkarpackie, li l-konfini tagħhom huma ddefiniti permezz ta’ linji li jgħaqqdu l-punti (1 sa 10) bil-koordinati li ġejjin fis-sistema tal-koordinati PL-1992:

Punt	Koordinati
Punt	X	Y
1	235 252,373	711 178,197
2	228 291,890	722 315,000
3	235 141,041	726 795,886
4	223 925,008	744 543,900
5	223 895,850	743 860,810
6	222 687,040	715 541,910
7	222 646,087	713 598,330
8	222 648,190	713 598,274
9	222 405,956	707 295,803
10	232 285,198	710 286,462

b’dan jagħti drittijiet użufruttwarji minerarji lid-Detentur tad-Drittijiet Użufruttwarji Minerarji fiż-żona deskritta hawn fuq, immarkata fin-naħa ta’ fuq mill-konfini inferjuri tal-art u fin-naħa ta’ isfel mill-parti l-aktar inferjuri tal-formazzjonijiet Paleożoiċi, dment li d-Detentur tad-Drittijiet Użufruttwarji Minerarji jikseb konċessjoni għall-prospettar u l-esplorazzjoni ta’ depożiti taż-żejt u tal-gass naturali u l-estrazzjoni taż-żejt u tal-gass naturali fiż-żona “Błażowa” fi żmien sena mid-data tal-ftehim li jistabbilixxi d-drittijiet użufruttwarji minerarji.

Jekk l-obbligu li tinkiseb il-konċessjoni msemmija fil-paragrafu 1 ma jiġix issodisfat, l-obbligi skont il-Ftehim għandhom jiskadu.

Id-Detentur tad-Drittijiet Użufruttwarji Minerarji jista’ jwettaq attivitajiet relatati mal-prospettar u l-esplorazzjoni ta’ depożiti taż-żejt u tal-gass naturali u l-estrazzjoni taż-żejt u tal-gass naturali, fil-formazzjonijiet Ċenożoiċi, Mesożoiċi u Paleożoiċi fiż-żona tal-massa tal-blat speċifikata fil-paragrafu 1.

L-erja tal-projezzjoni vertikali taż-żona deskritta hawn fuq hija ta’ 270,05 km2.

Taqsima 2.

Il-Ftehim li jistabbilixxi d-drittijiet użufruttwarji minerarji għandu jidħol fis-seħħ fid-data meta tinkiseb il-konċessjoni.

Id-drittijiet użufruttwarji minerarji għandhom jiġu stabbiliti għal 10 snin, b’ħames snin għall-istadju ta’ prospettar u ta’ esplorazzjoni u ħames snin għall-istadju ta’ estrazzjoni, u dan soġġett għat-Taqsima 9.

Id-drittijiet użufruttwarji minerarji għandhom jiskadu fid-data li fiha l-konċessjoni tiġi tterminata.

Taqsima 3.

Id-drittijiet użufruttwarji minerarji jintitolaw lid-Detentur tad-Drittijiet Użufruttwarji Minerarji juża ż-żona speċifikata fit-Taqsima 1 fuq bażi esklussiva għall-prospettar u l-esplorazzjoni tad-depożiti taż-żejt u tal-gass naturali u għall-estrazzjoni taż-żejt u tal-gass naturali fiż-żona “Błażowa”, kif ukoll biex iwettaq ix-xogħlijiet u l-attivitajiet kollha meħtieġa għal dan l-għan f’dik iż-żona skont il-liġijiet applikabbli, b’mod partikolari l-Att tad-9 ta’ Ġunju 2011 dwar il-Liġi Ġeoloġika u Minerarja, (Il-Ġurnal tal-Liġijiet (Dziennik Ustaw) 2015, il-punt 196, kif emendat), minn hawn ‘il quddiem l-“Att dwar il-Liġi Ġeoloġika u Minerarja”, u d-deċiżjonijiet maħruġa bħala riżultat ta’ dan. Matul l-istadju tal-prospettar u l-esplorazzjoni, id-Detentur tad-Drittijiet Użufruttwarji Minerarji jista’ jipproċedi bl-iżvilupp ta’ minerali li jiġu esplorati sal-punt safejn huwa neċessarju biss biex titħejja d-dokumentazzjoni ġeoloġika u tal-investiment.

Id-Detentur tad-Drittijiet Użufruttwarji Minerarji jimpenja lilu nnifsu li jinnotifika bil-miktub lit-Teżor tal-Istat b’kull bidla fl-isem, fil-forma ta’ organizzazzjoni, jew fin-numri ta’ reġistrazzjoni u ta’ identifikazzjoni, dwar iż-żieda jew it-tnaqqis fil-kapital azzjonarju, it-trasferiment tal-konċessjoni lil entità oħra permezz tal-operat tal-liġi, il-preżentata ta’ petizzjoni ta’ falliment, id-dikjarazzjoni ta’ falliment, it-tnedija ta’ proċedimenti ta’ arranġament u t-tnedija ta’ proċedimenti ta’ likwidazzjoni. It-Teżor tal-Istat jista’ jitlob li f’dawk il-każijiet jiġu pprovduti l-ispjegazzjonijiet meħtieġa. It-Teżor tal-Istat għandu jiġi nnotifikat fi żmien 30 jum mid-data li fiha jkunu seħħew iċ-ċirkostanzi msemmija hawn fuq.

Taqsima 4.

Dan il-Ftehim għandu jkun mingħajr preġudizzju għad-drittijiet ta’ partijiet terzi, b’mod partikulari s-sidien tal-art, u d-Detentur tad-Drittijiet Użufruttwarji Minerarji ma għandux ikun eżentat mill-ħtieġa li jissodisfa r-rekwiżiti previsti mil-liġi, speċjalment ir-rekwiżiti dwar il-prospettar u l-esplorazzjoni ta’ minerali u l-protezzjoni u l-użu tar-riżorsi ambjentali.

Taqsima 5.

It-Teżor tal-Istat jirriżerva d-dritt li jistabbilixxi fiż-żona msemmija fit-Taqsima 1(1) drittijiet użufruttwarji minerarji bil-għan li jitwettqu attivitajiet minbarra dawk speċifikati fil-ftehim, b’mod li ma jinkisrux id-drittijiet tad-Detentur tad-Drittijiet Użufruttwarji Minerarji.

Taqsima 6.

Id-Detentur tad-Drittijiet Użufruttwarji Minerarji għandu jħallas lit-Teżor tal-Istat ir-remunerazzjoni li ġejja għad-drittijiet użufruttwarji minerarji li jkopru ż-żona speċifikata fit-Taqsima 1(1) matul stadju ta’ ħames snin għall-prospettar u l-esplorazzjoni għal kull sena ta’ użufrutt minerarju (magħduda bħala 12-il xahar konsekuttiv):

a)	PLN … (ammont) (fi kliem: … zlotys) għall-ewwel sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

b)	PLN … (ammont) (fi kliem: … zlotys) għat-tieni sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

c)	PLN … (ammont) (fi kliem: … zlotys) għat-tielet sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

d)	PLN … (ammont) (fi kliem: … zlotys) għar-raba’ sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

e)	PLN … (ammont) (fi kliem: … zlotys) għall-ħames sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

u dan soġġett għall-paragrafu 2.

Jekk id-data tal-ħlas tar-remunerazzjoni dovuta għal sena partikolari ta’ użufrutt minerarju taqa’ bejn l-1 ta’ Jannar u l-1 ta’ Marzu, id-Detentur tad-Drittijiet Użufruttwarji Minerarji għandu jħallas ir-remunerazzjoni sal-1 ta’ Marzu. Madankollu, jekk ir-remunerazzjoni hija soġġetta għall-indiċizzar skont il-paragrafi 3 sa 5, id-Detentur tad-Drittijiet Użufruttwarji Minerarji għandu jħallasha mhux qabel id-data li fiha jitħabbar l-indiċi msemmi fil-paragrafu 3, wara li jittieħed kont ta’ dak l-indiċi.

Ir-remunerazzjoni speċifikata fil-paragrafu 1 għandha tiġi indiċizzata fuq il-bażi tal-medja annwali tal-indiċijiet tal-prezzijiet għall-konsumatur stabbilita għall-perjodu minn meta ġie konkluż dan il-ftehim sas-sena li tippreċedi d-data tal-ħlas tar-remunerazzjoni, kif imħabbra mill-President tal-Uffiċċju tal-Istatistika Ċentrali fil-Gazzetta Uffiċjali Pollakka (Monitor Polski).

Jekk id-data tal-ħlas tar-remunerazzjoni taqa’ fl-istess sena kalendarja li fiha jiġi konkluż il-ftehim, ir-remunerazzjoni ma għandhiex tiġi indiċizzata.

Jekk il-ftehim jiġi konkluż u jidħol fis-seħħ fis-sena li tippreċedi s-sena li fiha taqa’ d-data tal-ħlas tar-remunerazzjoni, ir-remunerazzjoni ma għandhiex tiġi indiċizzata jekk id-Detentur tad-Drittijiet Użufruttwarji Minerarji jħallasha sa tmiem is-sena kalendarja li fiha jiġi konkluż u jidħol fis-seħħ il-Ftehim.

Jekk id-Detentur tad-Drittijiet Użufruttwarji Minerarji jitlef id-drittijiet użufruttwarji minerarji stabbiliti hawn taħt qabel ma tgħaddi d-data tal-iskadenza speċifikata fit-Taqsima 2(1) u (2), id-Detentur tad-Drittijiet Użufruttwarji Minerarji għandu jħallas remunerazzjoni għas-sena sħiħa tal-użufrutt li fiha ntilfu dawk id-drittijiet. Jekk, madankollu, id-drittijiet użufruttwarji minerarji jintilfu bħala riżultat tal-irtirar tal-konċessjoni jew għar-raġunijiet speċifikati fit-Taqsima 9(1), (3) jew (4), id-Detentur tad-Drittijiet Użufruttwarji Minerarji għandu jħallas remunerazzjoni għall-perijodu kollu tal-użufrutt speċifikat fit-Taqsima 2(1) u (2), b’kont meħud tal-indiċizzar għas-sena li tippreċedi t-terminazzjoni tal-ftehim. Ir-remunerazzjoni għandha titħallas fi żmien 30 jum mid-data li fiha ntilfu d-drittijiet użufruttwarji minerarji. Jekk jintilfu d-drittijiet użufruttwarji minerarji, id-Detentur tad-Drittijiet Użufruttwarji Minerarji ma għandux ikun eżentat mill-obbligi ambjentali marbuta ma’ dawn id-drittijiet, b’mod partikolari l-obbligi marbuta mal-protezzjoni tad-depożiti.

Id-Detentur tad-Drittijiet Użufruttwarji Minerarji għandu jħallas ir-remunerazzjoni għad-drittijiet użufruttwarji minerarji fil-kont bankarju tal-Ministeru tal-Ambjent miżmum mill-Fergħa ta’ Varsavja tal-Bank Nazzjonali tal-Polonja Nru 07 1010 1010 0006 3522 3100 0000 għall-istabbiliment tad-drittijiet użufruttwarji minerarji b’rabta ma’ konċessjoni għall-prospettar u l-esplorazzjoni tad-depożiti taż-żejt u tal-gass naturali u l-estrazzjoni taż-żejt u tal-gass naturali fiż-żona “Błażowa”.

Id-data tal-ħlas għandha tkun id-data tal-ikkreditar fil-kont tat-Teżor tal-Istat.

Ir-remunerazzjoni speċifikata fil-paragrafu 1 ma għandhiex tkun suġġetta għall-VAT. Jekk il-leġiżlazzjoni tiġi emendata b’mod li l-attivitajiet li huma s-suġġett ta’ dan il-Ftehim jiġu soġġetti għalt-tassazzjoni, l-ammont tar-remunerazzjoni għandu jiżdied bl-ammont tat-taxxa dovuta.

It-Teżor tal-Istat għandu jinnotifika bil-miktub lid-Detentur tad-Drittijiet Użufruttwarji Minerarji dwar bidliet fin-numru tal-kont imsemmi fil-paragrafu 7.

10.

Id-Detentur tad-Drittijiet Użufruttwarji Minerarji għandu jibgħat kopji ta’ provi tal-ħlas tar-remunerazzjoni msemmija fil-paragrafu 1 lit-Teżor tal-Istat fi żmien sebat ijiem mid-data tal-ħlas tar-remunerazzjoni għall-istabbiliment tad- drittijiet użufruttwarji minerarji.

Taqsima 7.

Wara li d-Detentur tad-Drittijiet Użufruttwarji Minerarji jikseb deċiżjoni ta’ investiment li tispeċifika l-kundizzjonijiet għall-estrazzjoni taż-żejt u tal-gass naturali, il-partijiet għandhom jiffirmaw anness tal-Ftehim fi żmien 30 jum mid-data ta’ dik id-deċiżjoni, li għandu jistabbilixxi l-kundizzjonijiet għat-twettiq tal-ftehim matul l-istadju tal-estrazzjoni.

Taqsima 8.

Id-Detentur tad-Drittijiet Użufruttwarji Minerarji jista’ jeżerċita d-drittijiet użufruttwarji minerarji stabbiliti fit-Taqsima 1(1) biss wara li jkun kiseb il-kunsens bil-miktub mit-Teżor tal-Istat.

Taqsima 9.

Jekk id-Detentur tad-Drittijiet Użufruttwarji Minerarji jikser l-obbligi skont il-Ftehim, soġġett għall-paragrafi 3 u 4, it-Teżor tal-Istat jista’ jittermina l-ftehim b’effett immedjat, mingħajr ma d-Detentur tad-Drittijiet Użufruttwarji Minerarji jkollu l-jedd li jressaq rivendiki ta’ proprjetà. Madankollu, il-ftehim ma għandux jiġi tterminat jekk id-Detentur tad-Drittijiet Użufruttwarji Minerarji jkun kiser l-obbligi skont il-Ftehim minħabba force majeure.

Jekk il-ftehim jiġi tterminat għar-raġunijiet speċifikati fil-paragrafu 1, id-Detentur tad-Drittijiet Użufruttwarji Minerarji għandu jħallas lit-Teżor tal-Istat penali kuntrattwali ta’ 25 % tar-remunerazzjoni għall-perjodu kollu tal-użufrutt speċifikat fit-Taqsima 2(1) u (2), soġġett għall-indiċizzar għas-sena li tippreċedi s-sena li fiha l-kuntratt ġie tterminat.

Jekk id-Detentur tad-Drittijiet Użufruttwarji Minerarji jdewwem il-ħlas tar-remunerazzjoni b’aktar minn sebat ijiem b’rabta mal-iskadenzi speċifikati fit-Taqsima 6(1) jew (2), it-Teżor tal-Istat għandu jitlob lid-Detentur tad-Drittijiet Użufruttwarji Minerar biex iħallas ir-remunerazzjoni pendenti fi żmien sebat ijiem mill-wasla tat-talba, taħt piena li jiġi tterminat il-Ftehim b’effett immedjat.

It-Teżor tal-Istat jista’ jittermina l-ftehim fl-intier tiegħu jew parzjalment billi jagħti avviż ta’ 30 jum, effettiv fit-tmiem tax-xahar tal-kalendarju, jekk id-Detentur tad-Drittijiet Użufruttwarji Minerarji ma jinfurmax lit-Teżor tal-Istat dwar iċ-ċirkostanzi msemmija fit-Taqsima 3(2) fi żmien 30 jum minn meta dawn iseħħu.

Id-Detentur tad-Drittijiet Użufruttwarji Minerarji għandu jkun marbut bil-Ftehim sad-data li fiha l-konċessjoni tiġi tterminata u ma għandux jittermina l-ftehim.

Il-ftehim għandu jiġi tterminat bil-miktub taħt piena ta’ nullità.

Il-Partijiet jaqblu li jekk it-Teżor tal-Istat jittermina l-ftehim, ir-remunerazzjoni mħallsa għad-drittijiet użufruttwarji minerarji, imsemmija fis-sezzjoni 6(1), ma għandhiex tiġi rimborżata.

It-Teżor tal-Istat jirriżerva d-dritt li jitlob kumpens li jaqbeż l-ammont ta’ penali kuntrattwali f’termini ġenerali jekk l-ammont ta’ ħsara mġarrab mit-Teżor tal-Istat jissupera l-penali kuntrattwali.

Taqsima 10.

F’każ ta’ force majeure, il-partijiet għandhom immedjatament jagħmlu kull sforz biex jaqblu fuq mod ta’ azzjoni. “Force majeure” għandha tinftiehem bħala avveniment mhux mistenni li jaffettwa direttament lid-Detentur tad-Drittijiet Użufruttwarji Minerarji, li jimpedixxi t-twettiq tal-attivitajiet marbuta mal-ftehim u li ma jistax jitbassar jew jiġi evitat.

Taqsima 11.

Id-Detentur tad-Drittijiet Użufruttwarji Minerarji jista’ japplika għall-estensjoni tal-ftehim, fl-intier tiegħu jew parzjalment, bil-miktub, taħt piena ta’ nullità.

Taqsima 12.

Jekk il-ftehim jiġi tterminat, id-Detentur tad-Drittijiet Użufruttwarji Minerarji ma għandux ikun intitolat li jressaq kwalunkwe pretensjoni kontra t-Teżor tal-Istat għal żieda fil-valur tas-suġġett tad-drittijiet użufruttwarji minerarji.

Taqsima 13.

Kull tilwim li jirriżulta minn dan il-ftehim għandu jiġi riżoltmill-qorti komuni li għandha ġuriżdizzjoni fuq is-sede tat-Teżor tal-Istat.

Taqsima 14.

Fi kwistjonijiet li mhumiex irregolati mill-ftehim, għandhom japplikaw l-Att dwar il-Liġi Ġeoloġika u Minerarja u l-Kodiċi Ċivili, b’mod partikolari d-dispożizzjonijiet dwar il-lokazzjoni.

Taqsima 15.

Id-Detentur tad-Drittijiet Użufruttwarji Minerarji għandu jġorr l-ispejjeż tal-konklużjoni tal-Ftehim.

Taqsima 16.

Il-ftehim għandu jkun emendat bil-miktub taħt piena ta’ nullità.

Taqsima 17.

Il-ftehim sar fi tliet kontropartijiet (waħda għad-Detentur tad-Drittijiet Użufruttwarji Minerarji u tnejn għall-Ministru tal-Ambjent).

It-Teżor tal-Istat

Id-Detentur tad-Drittijiet Użufruttwarji Minerarji

23.6.2016

Il-Ġurnal Uffiċjali tal-Unjoni Ewropea

C 227/14

(2016/C 227/06)

SEJĦA PUBBLIKA GĦALL-OFFERTI GĦAL KONĊESSJONI GĦALL-PROSPETTAR U L-ESPLORAZZJONI TA’ DEPOŻITI TAL-METAN MIS-SAFFI TAL-FAĦAM U GĦALL-ESTRAZZJONI TAL-METAN MIS-SAFFI TAL-FAĦAM FIŻ-ŻONA “MIĘDZYRZECZE”

TAQSIMA I: BAŻI LEGALI

L-Artikolu 49h(2) tal-Att dwar il-Liġi Ġeoloġika u Minerarja (Il-Ġurnal tal-Liġijiet [Dziennik Ustaw]) 2015, il-punt 196, kif emendat).

TAQSIMA II: L-ENTITÀ LI QED TIPPUBBLIKA S-SEJĦA GĦALL-OFFERTI

Isem: Ministerstwo Środowiska (Il-Ministeru tal-Ambjent)

Indirizz postali: ul. Wawelska 52/54, 00-922 Warsaw

Tel. +48 223692449, +48 223692447; Faks: +48 223692460

Sit web: www.mos.gov.pl

TAQSIMA III: IS-SUĠĠETT TAL-PROĊEDURA

(1) it-tip ta’ attivitajiet li għalihom il-konċessjoni għandha tingħata:

Konċessjoni għall-prospettar u l-esplorazzjoni ta’ depożiti ta’ metan mis-saffi tal-faħam u l-estrazzjoni ta’ depożiti ta’ metan mis-saffi tal-faħam fiż-żona “Międzyrzecze”, il-blokok ta’ konċessjoni 391 u 411.

(2) iż-żona li fiha l-attivitajiet għandhom jitwettqu:

Il-konfini taż-żona koperta minn din il-proċedura tal-offerti huma ddefiniti permezz ta’ linji li jgħaqqdu l-punti bil-koordinati segwenti fis-sistema tal-koordinati PL-1992:

Punt Nru	X [PL-1992]	Y [PL-1992]
1	234 088,623	507 989,984
2	237 498,113	503 172,978
3	238 780,679	503 282,175
4	239 591,124	504 484,046
5	239 799,042	506 093,909
6	238 699,220	506 801,522
7	238 279,713	509 125,988
8	236 429,836	508 236,326
9	235 980,624	508 721,999
10	234 376,080	508 317,771

L-erja tal-wiċċ tal-projezzjoni vertikali taż-żona koperta b’din il-proċedura tal-offerti hija ta’ 18,90 km2.

Iż-żona koperta mill-proċedura tal-offerti tinsab

f’dawn id-distretti u l-muniċipalitajiet fil-Provinċja ta’ Śląskie:

Id-distrett ta’ Pszczyna: Il-muniċipalitajiet ta’ Miedźna (90,08 % taż-żona totali) u Pszczyna (1,81 %),

Id-distrett ta’ Bieruń-Lędziny, il-muniċipalità ta’ Bojszowy (4,35 %),

f’dawn id-distretti u l-muniċipalitajiet fil-Provinċja ta’ Małopolskie:

Id-distrett ta’ Oświęcim: Il-muniċipalità ta’ Brzeszcze (3,76 %).

L-għan tax-xogħlijiet li għandhom jitwettqu f’formazzjonijiet Karboniferi huwa d-dokumentazzjoni tal-metan mis-saffi tal-faħam u l-estrazzjoni tiegħu miż-żona deskritta hawn fuq.

(3) il-limitu ta’ żmien, mhux anqas minn 90 jum mid-data tal-pubblikazzjoni tal-avviż, u l-post għas-sottmissjoni tal-offerti:

L-offerti għandhom jiġu sottomessi lill-uffiċċju ċentrali tal-Ministeru tal-Ambjent sa mhux iktar tard mill-16.00 CET/CEST tal-aħħar jum tal-perjodu ta’ 91 jum li jibda fil-jum ta’ wara d-data ta’ pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea.

(4) il-kondizzjonijiet dettaljati tal-offerta, inklużi l-kriterji tal-evalwazzjoni tal-offerta u speċifikazzjoni tal-ponderazzjoni tagħhom, li jiżguraw li l-kondizzjonijiet imsemmija fl-Artikolu 49k tal-Att dwar il-Liġi Ġeoloġika u Minerarja tad-9 ta’ Ġunju 2011 huma ssodisfati:

—	b’mod indipendenti, jew

—	bħala operatur, fil-każ fejn bosta entitajiet qed japplikaw b’mod konġunt għall-konċessjoni.

L-offerti li jaslu se jiġu evalwati mill-kumitat tal-evalwazzjoni tal-offerti fuq il-bażi tal-kriterji li ġejjin:

30 %	:	kapaċitajiet finanzjarji li joffru garanzija adegwata li l-attivitajiet marbuta ma’, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi se jitwettqu, u b’mod partikolari s-sorsi u l-metodi ta’ ffinanzjar tal-attivitajiet ippjanati, inkluż is-sehem tal-fondi proprji u l-finanzjament estern;
25 %	:	il-kapaċitajiet tekniċi għal, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi, u b’mod partikolari d-disponibilità ta’ potenzjal tekniku, organizzattiv, loġistiku u tar-riżorsi umani;
20 %	:	l-ambitu u l-iskedar tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji proposti;
10 %	:	l-esperjenza fil-prospettar jew l-esplorazzjoni tad-depożiti ta’ idrokarburi jew fl-estrazzjoni ta’ idrokarburi, biex ikunu żgurati l-operazzjoni sigura, il-protezzjoni tal-ħajja u tas-saħħa tal-bniedem u tal-annimali, u l-protezzjoni ambjentali;
10 %	:	it-teknoloġija proposta għat-twettiq ta’ xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji, bl-użu ta’ elementi innovattivi żviluppati għal dan il-proġett;
5 %	:	l-ambitu u l-iskedar tal-ġbir obbligatorju ta’ kampjuni miksuba matul l-operazzjonijiet ġeoloġiċi, inklużi kampjuni ċilindriċi bit-tħaffir.

(5) l-ambitu minimu tal-informazzjoni ġeoloġika:

Data ta’ konċessjoni	Isem iż-żona: Międzyrzecze Post: onshore; il-blokok ta’ konċessjoni 391 u 411
Tip ta’ depożitu	metan mis-saffi tal-faħam
Livelli strutturali	Ċenozojku Palaeożoijku (Karboniferu+Devonjan+Kambrijan)
Sistemi tal-petroleum	Mhux konvenzjonali
Blat tas-sors	il-parti superjuri ta’ Namurjan A, Namurjan B u C, u ta’ Westfalen A (intervall minn seam 350 sa seam 510)
Blat tal-ġibjun	il-parti superjuri ta’ Namurjan A, Namurjan B u C, u ta’ Westfalen A (intervall minn seam 350 sa seam 510)
Blat tas-siġill	Westfalen B (is-serje mudstone)
Ħxuna tas-saff fuqani	minn 450 m sa 1 000 m fil-parti i f’Parti N
Tip ta’ trappola ġeoloġika	Stratigrafika
Depożiti identifikati fil-viċinanza (NG — Gass Naturali; O — żejt; C — faħam)	Silesia Głęboka (NG, il-metan bħala prodott minerali prinċipali): skoperti fl-1992; sfruttati sal-2005 (estrazzjoni kumulattiva fuq sitt snin: madwar 0,09 miljun m3); bħalissa hemm biss produzzjoni perjodika; riżervi u riżorsi: 2 791,15 miljun m3 (sottobilanċ: 467,73 miljun m3) Silesia (C, il-metan bħala prodott minerali assoċjat): skoperti fl-1955, il-produzzjoni kumulattiva fuq 41 sena: 1 013,4 miljun m3; il-produzzjoni fl-2014: 19,97 miljun m3 (minn ivventjar) u 16,03 miljun m3 (drainage tal-metan); riżervi u riżorsi: 1 058,77 miljun m3 (industrijali: 123,49 miljun m3) Brzeszcze (C, il-metan bħala prodott minerali assoċjat): skoperti fl-1953, estrazzjoni kumulattivi fuq 40 snin: 3 389,2 miljun m3; il-produzzjoni fl-2014: 53,90 miljun m3 (minn ivventjar) u 41,00 miljun m3 (skular tal-metan); riżervi u riżorsi: 2 768,10 miljun m3 (industrijali: 968,80 miljun m3)
Stħarriġiet sismiċi kompluti (il-proprjetarju)	2012, 2D survey (EurEnergy Resources Poland Sp. z o.o.)
Bjar referenzjarji u bjar ta’ korrelazzjoni (TVD)	bjar referenzjarji: Gilowice 1 (MD 1 080 m, TVD 1 039,24 m), Gilowice 2H (MD 2 300 m), Amoco-Frydek 1 (MD 1 397 m), Frydek IG-28 (MD 1 301,5 m), Międzyrzecze 1,-9,-10 (MD 876,5 m; 1 111 m; 939,9 m), Międzyrzecze Bieruń 19,-20,-72,-73,-74,-75,-78,-79,-80 (986,5 -1 077 m) bjar ta’ korrelazzjoni: Międzyrzecze Bieruń 69 u 83 (MD 1 001 m u 1 090 m)

(6) id-data tal-bidu tal-attivitajiet:

L-attivitajiet koperti mill-konċessjoni jibdew fi żmien 14-il jum mid-data li fiha d-deċiżjoni li tagħti l-konċessjoni ssir finali.

(7) il-kondizzjonijiet għall-għoti ta’ konċessjoni, b’mod partikolari rigward l-ammont, l-ambitu u l-mod li bih tingħata l-garanzija msemmija fl-Artikolu 49x(1) tal-Att dwar il-Liġi Ġeoloġika u Minerarja u, fejn iġġustifikat, l-ammont, l-ambitu u l-mod li bih tingħata l-garanzija msemmija fl-Artikolu 49x(2) tal-Att:

L-offerent rebbieħ irid jipprovdi garanzija li tkopri nuqqas ta’ konformità jew konformità inadegwata mal-kondizzjonijiet stabbiliti fil-konċessjoni kif ukoll għall-iffinanzjar tal-għeluq tax-xogħlijiet minerarji jekk il-konċessjoni tiskadi, tiġi rtirata jew issir invalida. Din il-garanzija għandha tingħata għall-perjodu mid-data li fiha tingħata l-konċessjoni sa tmiem il-fażi tal-prospettar u l-esplorazzjoni. L-ammont tal-garanzija huwa ta’ PLN 100 000. Il-forma u d-data tal-ħlas tagħha huma rregolati mill-Artikolu 49x(4) u (5) tal-Att dwar il-Liġi Ġeoloġika u Minerarja.

(8) l-ambitu minimu tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji:

Il-programm minimu ta’ xogħlijiet ġeoloġiċi propost għall-fażi tal-prospettar u l-esplorazzjoni jinvolvi:

Tul ta’ żmien ta’ Stadju I: 12-il xahar

ambitu: interpretazzjoni u analiżi tad-dejta ġeoloġika tal-arkivji;

Tul ta’ żmien ta’ Stadju II: 12-il xahar

ambitu: tħaffir ta’ borehole wieħed sa fond massimu ta’ 1 500 m bit-teħid obbligatorju ta’ kampjuni ċilindriċi bit-tħaffir ta’ intervalli prospettivi;

Tul ta’ żmien ta’ Stadju III: 24 xahar

ambitu: tħaffir ta’ żewġ boreholes sa fond massimu ta’ 1 500 m bit-teħid obbligatorju ta’ kampjuni ċilindriċi bit-tħaffir ta’ intervalli prospettivi;

Tul ta’ żmien ta’ Stadju IV: 12 il-xahar

ambitu: analiżi tad-dejta miksuba

(9) il-perjodu li għalih il-konċessjoni se tingħata:

Il-konċessjoni hija valida għal perjodu ta’ 10 snin, inklużi:

—	għall-prospettar u l-esplorazzjoni ta’ fażi ta’ ħames snin, li jibdew mid-data li fiha tingħata l-konċessjoni),

—	il-fażi ta’ estrazzjoni, li tibda mid-data minn meta tinkiseb deċiżjoni ta’ investiment).

10) il-kondizzjonijiet speċifiċi biex jitwettqu l-attivitajiet u biex ikunu żgurati s-sikurezza pubblika, is-saħħa pubblika, il-protezzjoni ambjentali u l-ġestjoni razzjonali ta’ depożiti:

(11) il-ftehim mudell dwar l-istabbiliment tad-drittijiet użufruttwarji minerarji:

Il-ftehim mudell huwa mehmuż bħala Anness ma’ dan id-dokument.

(12) l-informazzjoni dwar l-ammont ta’ remunerazzjoni għall-istabbiliment ta’ drittijiet użufruttwarji minerarji:

L-ammont minimu tar-remunerazzjoni għall-istabbiliment ta’ drittijiet użufruttwarji minerarji għaż-żona “Międzyrzecze” matul perjodu bażi ta’ ħames snin huwa PLN 4 016,63 (fi kliem: erbat elef u sittax-il zlotys u tlieta u sittin grosz) fis-sena. Ir-remunerazzjoni annwali għall-istabbiliment ta’ drittijiet użufruttwarji minerarji għall-għan tal-prospettar u l-esplorazzjoni ta’ minerali huwa indiċizzat skont l-indiċijiet medji annwali tal-prezzijiet għall-konsumatur stabbiliti b’mod kumulattiv għall-perjodu bejn il-konklużjoni tal-ftehim sas-sena li tippreċedi d-data għall-ħlas tar-remunerazzjoni, kif imħabbra mill-President tal-Uffiċċju Ċentrali tal-Istatistika fil-Gazzetta Uffiċjali Pollakka (Monitor Polski) (l-Artikolu 49h(3)(12) tal-Att dwar il-Liġi Ġeoloġika u Minerarja).

(13) l-informazzjoni dwar ir-rekwiżiti li l-offerti għandhom jissodisfaw u d-dokumenti mitluba mill-offerenti:

L-offerti għandhom jispeċifikaw:

(1)	l-isem (l-isem kummerċjali) u l-uffiċċju reġistrat tal-offerent;

(2)	is-suġġett tal-offerta, flimkien ma’ deskrizzjoni tad-definizzjoni taż-żona li għaliha għandha tingħata l-konċessjoni u li għaliha għandhom jiġu stabbiliti drittijiet użufruttwarji minerarji;

(3)	il-perjodu li għalih se tingħata l-konċessjoni, it-tul ta’ żmien tal-fażi tal-prospettar u tal-esplorazzjoni u d-data tal-bidu tal-attivitajiet;

(4)	l-għan, l-ambitu u n-natura tax-xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji, u informazzjoni dwar ix-xogħlijiet li għandhom jitwettqu biex jinkiseb l-objettiv maħsub u t-teknoloġiji li għandhom jintużaw;

(5)	skeda taż-żmien, imqassma fi snin, għax-xogħlijiet ġeoloġiċi, inklużi operazzjonijiet ġeoloġiċi, u l-ambitu ta’ tali xogħlijiet;

(6)	l-ambitu u l-iskeda taż-żmien tal-ġbir obbligatorju ta’ kampjuni miksuba matul l-operazzjonijiet ġeoloġiċi, inklużi kampjuni ċilindriċi bit-tħaffir, kif imsemmi fl-Artikolu 82(2)(2) tal-Att dwar il-Liġi Ġeoloġika u Minerarja;

(7)	id-drittijiet miżmuma mill-offerent għall-proprjetà immobbli (iż-żona) li fiha l-attivitajiet huma maħsuba li għandhom jitwettqu, jew id-dritt ta’ stabbiliment li għalih l-entità qed tapplika;

(8)	lista ta’ żoni koperti minn skemi ta’ konservazzjoni tan-natura; dan ir-rekwiżit ma jikkonċernax proġetti li għalihom hija meħtieġa deċiżjoni dwar il-kondizzjonijiet ambjentali;

(9)	il-mod kif għandhom jiġu miġġielda l-impatti ambjentali negattivi tal-attivitajiet maħsuba;

(10)	l-ambitu tal-informazzjoni ġeoloġika disponibbli għall-offerent;

(11)	l-esperjenza fil-prospettar u fl-esplorazzjoni tad-depożiti ta’ idrokarburi jew fl-estrazzjoni ta’ idrokarburi, billi jkunu żgurati l-operazzjoni sigura, il-protezzjoni tal-ħajja u tas-saħħa tal-bniedem u l-annimali, u l-protezzjoni ambjentali;

(12)	il-kapaċitajiet tekniċi għal, rispettivament, il-prospettar u l-esplorazzjoni tad-depożiti ta’ idrokarburi u l-estrazzjoni ta’ idrokarburi, jew l-estrazzjoni ta’ idrokarburi, u b’mod partikolari d-disponibilità ta’ potenzjal tekniku, organizzattiv, loġistiku u tar-riżorsi umani;

(13)

(14)	it-teknoloġija proposta għat-twettiq ta’ xogħlijiet ġeoloġiċi, inklużi l-operazzjonijiet ġeoloġiċi, jew l-operazzjonijiet minerarji;

(15)	l-ammont propost ta’ remunerazzjoni għall-istabbiliment ta’ drittijiet użufruttwarji minerarji, u dan ma għandux ikun inqas mill-ammont speċifikat fl-avviż tat-tnedija tal-proċedura tal-offerti;

(16)	il-forma proposta għall-għoti tal-garanzija;

(17)

jekk tiġi sottomessa offerta b’mod konġunt minn diversi entitajiet, għandu barra minn hekk jispeċifika:

(a)	l-isem (l-ismijiet kummerċjali) u l-uffiċċji reġistrati tal-entitajiet kollha li jissottomettu l-offerta;

(b)	l-operatur;

(c)	l-ishma perċentwali tal-ispejjeż tax-xogħlijiet ġeoloġiċi, inklużi operazzjonijiet ġeoloġiċi, proposti fil-ftehim ta’ kooperazzjoni;

L-offerti sottomessi fi proċedura tal-offerti għandhom jissodisfaw ir-rekwiżiti u l-kondizzjonijiet stipulati fl-avviż tat-tnedija ta’ dik il-proċedura tal-offerti.

Id-dokumenti li ġejjin għandhom ikunu mehmuża mal-offerti:

(1)	provi tal-eżistenza taċ-ċirkustanzi indikati fl-offerta, b’mod partikolari siltiet minn reġistri rilevanti;

(2)	prova tad-depożitu;

(3)	kopja tad-deċiżjoni li tikkonferma r-riżultat pożittiv ta’ proċedura ta’ kwalifika, kif previst fl-Artikolu 49a(16)(1) u (2) tal-Att dwar il-Liġi Ġeoloġika u Minerarja;

(4)	annessi grafiċi ppreparati skont ir-rekwiżiti dwar il-mapep minerarji, li jindikaw il-konfini amministrattivi tal-pajjiż;

(5)	dikjarazzjonijiet bil-miktub li jagħmlu disponibbli r-riżorsi tekniċi lill-entità li tieħu sehem fil-proċedura tal-offerti jekk jintużaw riżorsi tekniċi ta’ entitajiet oħrajn meta tiġi implimentata l-konċessjoni;

(6)	żewġ kopji tal-proġett tal-operazzjonijiet ġeoloġiċi.

L-offerenti jistgħu, fuq inizjattiva tagħhom stess, jipprovdu informazzjoni addizzjonali fl-offerti tagħhom jew jehmżu dokumenti addizzjonali magħhom.

Dokumenti mfassla b’lingwa barranija għandhom jiġu sottomessi flimkien ma’ traduzzjoni fil-Pollakk minn traduttur ġuramentat.

L-offerti għandhom jiġu sottomessi f’envelop issiġillat jew f’pakkett issiġillat li jkollu l-isem (l-isem kummerċjali) tal-offerent u li jindika s-suġġett tal-proċedura tal-offerti.

Offerti sottomessi wara l-iskadenza tal-limitu ta’ żmien għas-sottomissjoni tal-offerti se jiġu rritornati lill-offerenti mingħajr ma jinfetħu.

(14) l-informazzjoni dwar il-forma tal-preżentazzjoni ta’ depożitu, l-ammont tad-depożitu u d-data ta’ ħlas.

L-offerenti huma mitluba jiddepożitaw depożitu ta’ PLN 1 000 (fi kliem: elf zlotys) qabel l-iskadenza tal-limitu ta’ żmien għas-sottomissjoni tal-offerti.

TAQSIMA IV INFORMAZZJONI AMMINISTRATTIVA

IV.1) Il-kumitat tal-evalwazzjoni tal-offerti

IV.2) Spjegazzjonijiet addizzjonali

IV.3) Informazzjoni addizzjonali

L-informazzjoni sħiħa dwar iż-żona koperta mill-proċedura tal-offerti li ġiet ikkompilata mis-Servizz Ġeoloġiku Pollakk fil-Pakiet danych geologicznych (il-Pakkett tad-Dejta Ġeoloġika), hija disponibbli fuq is-sit web tal-Ministeru tal-Ambjent (www.mos.gov.pl) u fuq

Departament Geologii i Koncesji Geologicznych [Id-Dipartiment tal-Ġeoloġija u tal-Konċessjonjiet Ġeoloġiċi]

Ministerstwo Środowiska [il-Ministeru tal-Ambjent]

ul. Wawelska 52/54

00-922 Warsaw

Poland

Tel. +48 223692449; Faks +48 223692460

ANNESS

FTEHIM

li jistabbilixxi drittijiet użufruttwarji minerarji għall-fini tal-prospettar u l-esplorazzjoni tad-depożiti tal-metan mis-saffi tal-faħam u l-estrazzjoni tal-metan mis-saffi tal-faħam fiż-żona “Międzyrzecze”

konkluż f’Varsavja nhar … 2016 bejn:

it-Teżor tal-Istat - il-Ministru tal-Ambjent, li jaġixxi f’ismu u għalih is-Sur Mariusz Orion Jędrysek, is-Segretarju tal-Istat fil-Ministeru tal-Ambjent u l-Ġeologu Prinċipali tal-Polonja, bis-saħħa tal-prokura Nru 5 tas-27 ta’ Jannar 2016, minn hawn ‘il quddiem it-“Teżor tal-Istat”

XXX bl-uffiċju rreġistrat fi … (indirizz sħiħ) …

minn hawn ‘il quddiem id-“Detentur tad-Drittijiet Użufruttwarji Minerarji”,

jipprovdi kif ġej:

Taqsima 1

It-Teżor tal-Istat, bħala l-uniku sid tas-substrati tal-qoxra terrestri li tkopri ż-żona fi ħdan il-muniċipalitajiet ta’ Miedźna u Bojszowy u l-belt u l-muniċipalità ta’ Pszczyna fil-Provinċja ta’ Śląskie u l-belt u l-muniċipalità ta’ Brzeszcze fil-Provinċja ta’ Małopolskie, li l-konfini tagħhom huma ddefiniti permezz ta’ linji li jgħaqqdu l-punti (1 sa 10) bil-koordinati li ġejjin fis-sistema tal-koordinati PL-1992:

Punt	Koordinati
Punt	X	Y
1	234 088,623	507 989,984
2	237 498,113	503 172,978
3	238 780,679	503 282,175
4	239 591,124	504 484,046
5	239 799,042	506 093,909
6	238 699,220	506 801,522
7	238 279,713	509 125,988
8	236 429,836	508 236,326
9	235 980,624	508 721,999
10	234 376,080	508 317,771

b’dan jistabbilixxi drittijiet użufruttwarji minerarji għad-Detentur tad-Drittijiet Użufruttwarji Minerarji fiż-żona deskritta hawn fuq, limitata fin-naħa ta’ fuq mill-konfini inferjuri tal-art u fin-naħa ta’ isfel mill-parti l-aktar inferjuri tal-formazzjonijiet Karboniferi, dment li d-Detentur tad-Drittijiet Użufruttwarji Minerarji jikseb konċessjoni għall-prospettar u l-esplorazzjoni tad-depożiti tal-metan mis-saffi tal-faħam u l-estrazzjoni tal-metan mis-saffi tal-faħam fiż-żona “Międzyrzecze” fi żmien sena mid-data tal-ftehim li jistabbilixxi id-drittijiet użufruttwarji minerarji.

Jekk il-kondizzjoni li tinkiseb il-konċessjoni msemmija fil-paragrafu 1 ma tiġix issodisfata, l-obbligi li jirriżultaw mill-Ftehim għandhom jiskadu.

Fiż-żona tal-massa tal-blat speċifikata fil-paragrafu 1, id-Detentur tad-Drittijiet Użufruttwarji Minerarji jista’:

1)	f’formazzjonijiet Karboniferi jwettaq attivitajiet relatati mal-prospettar u l-esplorazzjoni tad-depożiti tal-metan mis-saffi tal-faħam u l-estrazzjoni tal-metan mis-saffi tal-faħam;

2)	f’partijiet oħra jwettaq kwalunkwe operazzjonji u attività meħtieġa biex jikseb aċċess għall-formazzjonijiet Karboniferi.

L-erja tas-superfiċje tal-projezzjoni vertikali taż-żona deskritta hawn fuq hija aktar minn 18,90 km2.

Taqsima 2

Il-Ftehim li jistabbilixxi drittijiet użufruttwarji minerarji għandu jidħol fis-seħħ fid-data meta tinkiseb il-konċessjoni.

Id-drittijiet użufruttwarji minerarji għandhom jiġu stabbiliti għal perjodu ta’ 10 snin, inklużi ħames snin għall-fażi ta’ prospettar u ta’ esplorazzjoni u ħames snin għall-istadju ta’ estrazzjoni, u dan soġġett għad-dispożizzjoniet tat-Taqsima 9.

Id-drittijiet użufruttwarji minerarji għandhom jiskadu fid-data li fiha l-konċessjoni tiġi tterminata.

Taqsima 3

Id-drittijiet użufruttwarji minerarji jintitolaw lid-Detentur tad-Drittijiet Użufruttwarji Minerarji biex juża ż-żona speċifikata fit-Taqsima 1 fuq bażi esklussiva għall-prospettar u l-esplorazzjoni tad-depożiti tal-metan mis-saffi tal-faħam u l-estrazzjoni tal-metan mis-saffi tal-faħam fiż-żona “Międzyrzecze”, kif ukoll biex iwettaq l-operazzjonijiet u l-attivitajiet kollha meħtieġa għal dan il-għan f’dik iż-żona skont il-leġiżlazzjoni fis-seħħ, b’mod partikolari l-Att tad-9 ta’ Ġunju 2011 dwar il-Liġi Ġeoloġika u Minerarja (Il-Ġurnal tal-Liġijiet (Dziennik Ustaw) 2015, il-punt 196, kif emendat), minn hawn ‘il quddiem l-“Att dwar il-Liġi Ġeoloġika u Minerarja”), u d-deċiżjonijiet maħruġa bħala riżultat ta’ dan. Matul il-fażi tal-prospettar u l-esplorazzjoni, id-Detentur tad-Drittijiet Użufruttwarji Minerarji jista’ jiżviluppa l-minerali li jiġu esplorati biss sal-punt meħtieġ biex titfassal id-dokumentazzjoni ġeoloġika u tal-investiment.

Id-Detentur tad-Drittijiet Użufruttwarji Minerarji jimpenja lilu nnifsu li jinnotifika bil-miktub lit-Teżor tal-Istat b’kull modifika li tirriżulta f’bidla fl-isem jew fil-forma ta’ organizzazzjoni, jew fin-numri ta’ reġistrazzjoni u ta’ identifikazzjoni, f’żieda jew tnaqqis fil-kapital azzjonarju, it-trasferiment tal-konċessjoni lil entità oħra permezz tal-operat tal-liġi, il-preżentata ta’ petizzjoni ta’ falliment, id-dikjarazzjoni ta’ falliment, it-tnedija ta’ proċedimenti ta’ arranġament u t-tnedija ta’ proċedimenti ta’ likwidazzjoni. It-Teżor tal-Istat jista’ jitlob li f’dawk il-każijiet jiġu pprovduti l-ispjegazzjonijiet meħtieġa. In-notifika għandha ssir fi żmien 30 jum mid-data meta jseħħu ċ-ċirkostanzi msemmija hawn fuq.

Taqsima 4

Dan il-Ftehim għandu jkun mingħajr preġudizzju għad-drittijiet ta’ partijiet terzi, b’mod partikulari s-sidien tal-art, u d-Detentur tad-Drittijiet Użufruttwarji Minerarji ma għandux ikun eżentat mill-ħtieġa li jikkonforma mar-rekwiżiti previsti mil-liġi, b’mod partikolari dawk relatati mal-prospettar u l-esplorazzjoni ta’ minerali u l-protezzjoni u l-użu tar-riżorsi ambjentali.

Taqsima 5

It-Teżor tal-Istat jirriżerva d-dritt li jistabbilixxi fiż-żona msemmija fit-Taqsima 1(1) drittijiet użufruttwarji minerarji bl-għan li jitwettqu attivitajiet minbarra dawk speċifikati fil-ftehim, b’mod li ma jinkisrux id-drittijiet tad-Detentur tad-Drittijiet Użufruttwarji Minerarji.

Taqsima 6

Id-Detentur tad-Drittijiet Użufruttwarji Minerarji għandu jħallas lit-Teżor tal-Istat ir-remunerazzjoni li ġejja għad-drittijiet użufruttwarji minerarji fiż-żona speċifikata fit-Taqsima 1(1) matul il-fażi ta’ ħames snin għall-prospettar u l-esplorazzjoni għal kull sena ta’ użufrutt minerarju (magħduda bħala 12-il xahar konsekuttiv):

a)	PLN … (ammont) (fi kliem: … zlotys) għall-ewwel sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

b)	PLN … (ammont) (fi kliem: … zlotys) għat-tieni sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

c)	PLN … (ammont) (fi kliem: … zlotys) għat-tielet sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

d)	PLN … (ammont) (fi kliem: … zlotys) għar-raba’ sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju,

e)	PLN … (amount) (in words: … zlotys) għall-ħames sena tal-użufrutt, li tibda mid-data li fiha l-Ftehim daħal fis-seħħ, fi żmien 30 jum mill-bidu ta’ dik is-sena tal-użufrutt minerarju

u dan soġġett għad-dispożizzjonijiet tal-paragrafu 2.

Jekk id-data tal-ħlas tar-remunerazzjoni dovuta għal sena partikolari ta’ użufrutt minerarju taqa’ bejn l-1 ta’ Jannar u l-1 ta’ Marzu, id-Detentur tad-Drittijiet Użufruttwarji Minerarji għandu jħallas ir-remunerazzjoni sal-1 ta’ Marzu. Madankollu, jekk ir-remunerazzjoni hija soġġetta għall- indiċizzar skont il-paragrafi 3 sa 5, id-Detentur tad-Drittijiet Użufruttwarji Minerarji għandu jħallasha mhux qabel id-data li fiha jitħabbar l-indiċi msemmi fil-paragrafu 3, wara li jittieħed kont ta’ dak l-indiċi.

Ir-remunerazzjoni speċifikata fil-paragrafu 1 għandha tiġi indiċizzata għall-medja annwali tal-indiċijiet tal-prezzijiet għall-konsumatur stabbilita għall-perjodu minn meta ġie konkluż dan il-ftehim sas-sena li tippreċedi d-data tal-ħlas tar-remunerazzjoni, kif imħabbra mill-President tal-Uffiċċju tal-Istatistika Ċentrali fil-Gazzetta Uffiċjali Pollakka (Monitor Polski).

Jekk id-data tal-ħlas tar-remunerazzjoni taqa’ fl-istess sena kalendarja bħal dik li fiha ġie konkluż il-ftehim, ir-remunerazzjoni ma għandhiex tiġi indiċizzata.

Jekk il-ftehim ġie konkluż u daħal fis-seħħ fis-sena li tippreċedi s-sena li fiha taqa’ d-data tal-ħlas tar-remunerazzjoni, ir-remunerazzjoni ma għandhiex tiġi indiċizzata jekk id-Detentur tad-Drittijiet Użufruttwarji Minerarji jħallasha sa tmiem is-sena kalendarja li fiha jiġi konkluż u jidħol fis-seħħ il-Ftehim.

Jekk id-Detentur tad-Drittijiet Użufruttwarji Minerarji jitlef id-drittijiet użufruttwarji minerarji stabbiliti skont il-ftehim qabel ma jiskadi l-limitu taż-żmien speċifikat fit-Taqsima 2(1) u (2), id-Detentur tad-Drittijiet Użufruttwarji Minerarji għandu jħallas remunerazzjoni għas-sena sħiħa tal-użufrutt li fiha ntilfu dawk id-drittijiet. Jekk, madankollu, id-drittijiet użufruttwarji minerarji jintilfu bħala riżultat tal-irtirar tal-konċessjoni jew għar-raġunijiet speċifikati fit-Taqsima 9(1), (3) jew (4), id-Detentur tad-Drittijiet Użufruttwarji Minerarji għandu jħallas remunerazzjoni għall-perjodu kollu tal-użufrutt speċifikat fit-Taqsima 2(1) u (2), b’kont meħud tal-indiċizzar għas-sena li tippreċedi it-terminazzjoni tal-ftehim. Ir-remunerazzjoni għandha titħallas fi żmien 30 jum mid-data li fiha ntilfu d-drittijiet użufruttwarji minerarji. It-telf tad-drittijiet użufruttwarji ma għandux jirrilaxxa lid-Detentur tad-Drittijiet Użufruttwarji Minerarji mill-obbligi ambjentali relatati mas-suġġett tad-drittijiet użufruttwarji minerarji, b’mod partikolari l-obbligi relatati mal-protezzjoni ta’ depożiti.

Id-Detentur tad-Drittijiet Użufruttwarji Minerarji għandu jħallas ir-remunerazzjoni għad-drittijiet użufruttwarji minerarji fil-kont bankarju tal-Ministeru tal-Ambjent miżmum fil-Fergħa ta’ Varsavja tal-Bank Nazzjonali tal-Polonja, Nru 07 1010 1010 0006 3522 3100 0000, għall-istabbiliment tad-drittijiet użufruttwarji minerarji b’rabta ma’ konċessjonijiet għall-prospettar u l-esplorazzjoni tad-depożiti tal-metan mis-saffi tal-faħam u l-estrazzjoni tal-metan mis-saffi tal-faħam fiż-żona “Międzyrzecze”.

Id-data tal-ħlas għandha tkun id-data tal-ikkreditar fil-kont tat-Teżor tal-Istat.

Ir-remunerazzjoni speċifikata fil-paragrafu 1 ma għandhiex tkun suġġetta għall-VAT. Jekk il-leġiżlazzjoni tiġi emendata b’effett li l-attivitajiet li huma s-suġġett ta’ dan il-Ftehim jiġu soġġetti għat-tassazzjoni, l-ammont tar-remunerazzjoni għandu jiżdied bl-ammont ta’ taxxa dovuta.

It-Teżor tal-Istat għandu jinnotifika bil-miktub lid-Detentur tad-Drittijiet Użufruttwarji Minerarji dwar bidliet fin-numru tal-kont imsemmi fil-paragrafu 7.

10.

Taqsima 7

Wara li d-Detentur tad-Drittijiet Użufruttwarji Minerarji jikseb deċiżjoni ta’ investiment li tispeċifika l-kondizzjonijiet għall-estrazzjoni tal-metan, il-partijiet għandhom jiffirmaw anness tal-ftehim fi żmien 30 jum mid-data ta’ dik id-deċiżjoni, li għandu jistabbilixxi l-kondizzjonijiet għall-implimentazzjoni tal-ftehim matul il-fażi tal-estrazzjoni.

Taqsima 8

Id-Detentur tad-Drittijiet Użufruttwarji Minerarji jista’ jeżerċita id-dritt tal-użufrutt minerarju stabbilit fit-Taqsima 1(1) biss wara li jkun kiseb il-kunsens bil-miktub mit-Teżor tal-Istat.

Taqsima 9

Jekk id-Detentur tad-Drittijiet Użufruttwarji Minerarji jikser l-obbligi stabbiliti fil-Ftehim, it-Teżor tal-Istat jista’, soġġett għall-paragrafi 3 u 4, jittermina l-ftehim b’effett immedjat, mingħajr ma d-Detentur tad-Drittijiet Użufruttwarji Minerarji jkollu l-jedd li jwettaq rivendiki ta’ proprjetà. Madankollu, il-ftehim ma għandux jiġi tterminat jekk id-Detentur tad-Drittijiet Użufruttwarji Minerarji jkun kiser l-obbligi taħt il-Ftehim minħabba force majeure.

Jekk id-Detentur tad-Drittijiet Użufruttwarji Minerarji idewwem il-ħlas tar-remunerazzjoni b’aktar minn sebat ijiem b’rabta mal-iskadenzi speċifikati fit-Taqsima 6(1) jew (2), it-Teżor tal-Istat għandu jitlob lid-Detentur tad-Drittijiet Użufruttwarji Minerarji biex iħallas ir-remunerazzjoni pendenti fi żmien sebat ijiem minn meta tasal it-talba, u jekk dan ma jseħħx il-ftehim jiġi tterminat b’effett immedjat.

Id-Detentur tad-Drittijiet Użufruttwarji Minerarji għandu jkun marbut bil-Ftehim sad-data li fiha l-konċessjoni tiġi tterminata u ma jistax jittermina l-ftehim.

Il-Ftehim għandu jiġi tterminat bil-miktub, u jekk dan ma jseħħx it-terminazzjoni ma tkunx valida.

It-Teżor tal-Istat jirriżerva d-dritt li jitlob kumpens li jaqbeż l-ammont ta’ penali kuntrattwali f’termini ġenerali jekk l-ammont ta’ ħsara mġarrab mit-Teżor tal-Istat jeċċedi l-penali kuntrattwali.

Taqsima 10

F’każ ta’ force majeure, il-partijiet għandhom immedjatament jagħmlu kull sforz biex jaqblu fuq modalità ta’ azzjoni. “Force majeure” għandha tinftiehem bħala avveniment mhux mistenni li jaffettwa direttament lid-Detentur tad-Drittijiet Użufruttwarji Minerarji, li jimpedixxi t-twettiq tal-attivitajiet marbuta mal-ftehim u li ma jistax jitbassar jew jiġi evitat.

Taqsima 11

Id-Detentur tad-Drittijiet Użufruttwarji Minerarji jista’ japplika għall-estensjoni tal-ftehim, fl-intier tiegħu jew parzjalment, bil-miktub, taħt piena ta’ nullità.

Taqsima 12

Taqsima 13

Kwalunkwe tilwim li jirriżulta minn dan il-ftehim għandu jiġi riżolt permezz tal-qorti komuni li għandha ġuriżdizzjoni fuq is-sede tat-Teżor tal-Istat.

Taqsima 14

Fi kwistjonijiet li mhumiex irregolati mill-ftehim, għandhom japplikaw l-Att dwar il-Liġi Ġeoloġika u Minerarja u l-Kodiċi Ċivili, b’mod partikolari d-dispożizzjonijiet dwar il-lokazzjoni.

Taqsima 15

Id-Detentur tad-Drittijiet Użufruttwarji Minerarji għandu jġorr l-ispejjeż tal-konklużjoni tal-Ftehim.

Taqsima 16

Emendi għall-ftehim għamdhom isiru bil-miktub, u jekk dan ma jseħħx ma jkunux validi.

Taqsima 17

Il-ftehim tfassal fi tliet kopji identiċi (kopja għad-Detentur tad-Drittijiet Użufruttwarji Minerarji u żewġ kopji għall-Ministru tal-Ambjent).

It-Teżor tal-Istat

Id-Detentur tad-Drittijiet Użufruttwarji Minerarji

		ISSN 1977-0987
Il-Ġurnal Uffiċjali tal-Unjoni Ewropea		C 227

Edizzjoni bil-Malti	Informazzjoni u Avviżi	Volum 59 23 ta' Ġunju 2016

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2016/C 227/01	Ebda oppożizzjoni għal konċentrazzjoni notifikata (Il-Każ M.8045 — Boskalis/Volker Wessels Offshore Business) ( 1 )	1
2016/C 227/02	Ebda oppożizzjoni għal konċentrazzjoni notifikata (Il-Każ M.8007 — Avril/Bpifrance/BPT Israel/Evertree) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2016/C 227/03	Deċiżjoni tal-Kunsill tas-17 ta’ Ġunju 2016 li tadotta l-pożizzjoni tal-Kunsill dwar l-abbozz ta’ baġit emendatorju Nru 2 tal-Unjoni Ewropea għas-sena finanzjarja 2016	2
	Il-Kummissjoni Ewropea
2016/C 227/04	Rata tal-kambju tal-euro	3
	INFORMAZZJONI MILL-ISTATI MEMBRI
2016/C 227/05	Komunikazzjoni mill-Gvern tar-Repubblika tal-Polonja li tikkonċerna d-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi	4
2016/C 227/06	Komunikazzjoni mill-Gvern tar-Repubblika tal-Polonja li tikkonċerna d-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi	14

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2016/C 227/07	Notifika minn qabel ta’ konċentrazzjoni (Il-Każ M.7919 — Sanofi/Boehringer Ingelheim Consumer Healthcare Business) ( 1 )	24
2016/C 227/08	Notifika minn qabel ta’ konċentrazzjoni (Il-Każ M.7883 — NPM Capital/Thijs Hendrix Beheer/Hendrix Genetics) — Każ li jista’ jiġi kkunsidrat għal proċedura ssimplifikata	25
2016/C 227/09	Notifika minn qabel ta’ konċentrazzjoni (Il-Każ M.7971 — Goldman Sachs/Deutsche Bank/NBGI assets) — Każ li jista’ jiġi kkunsidrat għal proċedura ssimplifikata ( 1 )	26
2016/C 227/10	Notifika minn qabel ta’ konċentrazzjoni (Il-Każ M.8075 — Partners Group/Infrared Capital Partners/Merkur Offshore) — Każ li jista’ jiġi kkunsidrat għal proċedura ssimplifikata ( 1 )	27

	Munita	Rata tal-kambju
USD	Dollaru Amerikan	1,1283
JPY	Yen Ġappuniż	118,01
DKK	Krona Daniża	7,4384
GBP	Lira Sterlina	0,76793
SEK	Krona Żvediża	9,3468
CHF	Frank Żvizzeru	1,0830
ISK	Krona Iżlandiża
NOK	Krona Norveġiża	9,3555
BGN	Lev Bulgaru	1,9558
CZK	Krona Ċeka	27,071
HUF	Forint Ungeriż	314,42
PLN	Zloty Pollakk	4,3785
RON	Leu Rumen	4,5260
TRY	Lira Turka	3,2750
AUD	Dollaru Awstraljan	1,5033
CAD	Dollaru Kanadiż	1,4399
HKD	Dollaru ta' Hong Kong	8,7524
NZD	Dollaru tan-New Zealand	1,5732
SGD	Dollaru tas-Singapor	1,5112
KRW	Won tal-Korea t'Isfel	1 297,62
ZAR	Rand ta' l-Afrika t'Isfel	16,5770
CNY	Yuan ren-min-bi Ċiniż	7,4227
HRK	Kuna Kroata	7,5200
IDR	Rupiah Indoneżjan	14 988,34
MYR	Ringgit Malażjan	4,5430
PHP	Peso Filippin	52,434
RUB	Rouble Russu	72,2660
THB	Baht Tajlandiż	39,716
BRL	Real Brażiljan	3,8357
MXN	Peso Messikan	21,0048
INR	Rupi Indjan	76,1553


	(1) Test b'rilevanza għaż-ŻEE