Ebda oppożizzjoni għal konċentrazzjoni notifikata

(Il-Każ M.7649 — Varo/Argos DSE/Vitol/Carlyle/Reggeborgh)

(Test b'rilevanza għaż-ŻEE)

(2016/C 127/01)

Fil-21 ta’ Awwissu 2015, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss bl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

(1)  ĠU L 24, 29.1.2004, p. 1.

Għadd kbir ta’ lmenti rreġistrati taħt ir-referenza CHAP(2015) 2880

(2016/C 127/02)

Il-Kummissjoni Ewropea rċeviet sensiela ta’ lmenti dwar l-allegata tassazzjoni diskriminatorja ta’ ħaddiema transkonfinali fis-Slovenja. Il-Kummissjoni rreġistrat dawn l-ittri taħt ir-referenza CHAP(2015) 2880.

Minħabba n-numru kbir ta’ lmenti li waslu dwar dan is-suġġett, u sabiex jiġi żgurat li l-persuni kkonċernati jingħataw risposta b’mod rapidu, filwaqt li tagħmel użu effiċjenti tar-riżorsi amministrattivi tagħha, il-Kummissjoni ppubblikat il-konferma tar-riċevuta f’ Il-Ġurnal Uffiċjali tal-Unjoni Ewropea C 74 tas-26 ta’ Frar 2016, p. 26 u fuq l-Internet fuq http://ec.europa.eu/eu_law/complaints/receipt/index_en.htm, u qed tippubblika t-tweġiba tagħha bl-istess mod.

1.   L-ilmenti

L-ilmenti jikkonċernaw l-allegat livell sproporzjonat ta’ tassazzjoni fuq id-dħul fis-Slovenja għal ħaddiema transkonfinali li jirrisjedu fis-Slovenja u jaħdmu fl-Awstrija, li skont huma, jikser il-moviment liberu tal-persuni u tal-ħaddiema, li huwa ggarantit mit-Trattat dwar il-Funzjonament tal-Unjoni Ewropea (TFUE). Huma jindikaw li għandhom iħallsu taxxa addizzjonali fuq id-dħul fis-Slovenja, avolja dawn kienu diġà ħallsu t-taxxa fuq id-dħul fl-Awstrija. L-ilmentaturi jsostnu wkoll li, minħabba dan il-piż addizzjonali tat-taxxa fuq id-dħul, li ma japplikax għall-kollegi tagħhom minn Stati Membri oħra, huma qegħdin f’qagħda agħar. Fl-aħħar nett, huma jitolbu lill-Kummissjoni tivverifika l-kompatibbiltà tal-leġiżlazzjoni Slovena inkwistjoni, tirregola l-istatus ta’ persuni taxxabbli li jirċievu d-dħul tagħhom f’pajjiż ieħor u ġġib l-istatus tagħhom konformi mal-leġiżlazzjoni ta’ Stati Membri oħra.

2.   L-azzjoni ta’ suċċess tal-Kummissjoni fiż-żarmar ta’ miżuri diskriminatorji ta’ taxxa għal ħaddiema transkonfinali

L-ewwel nett, għandu jiġi nnotat li l-mobbiltà tal-ħaddiema ġiet identifikata bħala waħda mill-potenzjali ewlenin sabiex jiżdiedu t-tkabbir u l-impjiegi fl-Ewropa. Tikkontribwixxi wkoll sabiex jintlaħqu l-objettivi spjegati fl-istrateġija ekonomika UE-2020 favur it-tkabbir u l-impjiegi u fil-Komunikazzjoni “Lejn irkupru li jwassal għall-ħolqien abbundanti ta’ impjiegi” (1). L-ostakli tat-taxxa jibqgħu wieħed mill-aktar deterrenti qawwija għal persuni li jfittxu xogħol fi Stat Membru ieħor. Huwa għalhekk li, mill-2012, il-Kummissjoni qed twettaq valutazzjoni fil-fond tat-taxxi diretti nazzjonali, sabiex tiddetermina jekk dawn iwasslux għal żvantaġġi inġusti għall-ħaddiema li jgħixu fi Stat Membru wieħed iżda jaħdmu f’ieħor (2). Meta ġie identifikat ksur tal-libertajiet tat-Trattat tal-UE, il-Kummissjoni ġibdet l-attenzjoni tal-awtoritajiet nazzjonali rigward il-kwistjonijiet u, f’każijiet fejn ma ttieħdet l-ebda miżura biex tiġi korretta l-leġiżlazzjoni nazzjonali, hija nediet proċeduri ta’ ksur. L-azzjoni tal-Kummissjoni ġabet ir-regoli fiskali nazzjonali kważi kollha tal-Istati Membri f’konformità mal-liġijiet tal-UE u b’hekk eliminat b’suċċess għadd kbir ta’ ksur tad-drittijiet ta’ ħaddiema transkonfinali.

3.   Leġiżlazzjoni limitata tal-UE dwar it-taxxa diretta

Fir-rigward tal-ilmenti inkwistjoni f’dan il-każ, il-Kummissjoni tinnota s-sitwazzjoni li tqajmet fid-diversi ittri ta’ ħaddiema transkonfinali li jirrisjedu fis-Slovenja u jaħdmu fl-Awstrija. Madankollu, il-Kummissjoni tqis li dan ma jikkostitwixxix diskriminazzjoni pprojbita mil-liġijiet tal-UE għar-raġunijiet li ġejjin.

L-ewwel nett, fl-istadju attwali tal-iżvilupp tal-liġijiet tal-UE hemm leġiżlazzjoni limitata tal-UE fil-qasam tat-tassazzjoni diretta. Fin-nuqqas ta’ armonizzazzjoni, it-tassazzjoni diretta (inklużi l-konklużjoni u l-eżekuzzjoni ta’ ftehimiet dwar it-taxxa doppja) taqa’ essenzjalment fil-kompetenza tal-Istati Membri. Madankollu, fl-eżerċizzju ta’ din il-kompetenza, l-Istati Membri għandhom jirrispettaw l-obbligi tagħhom skont it-TFUE kif interpretati mill-Qorti tal-Ġustizzja tal-UE. L-Istati Membri ma għandhomx jiddiskriminaw abbażi tan-nazzjonalità, jew joħolqu jew jittolleraw id-diskriminazzjoni kontra ċittadini ta’ Stati Membri, inklużi ċ-ċittadini tagħhom stess, li jeżerċitaw il-libertajiet tagħhom skont it-TFUE. Lanqas ma jistgħu japplikaw restrizzjonijiet mhux ġustifikati jew sproporzjonati fuq dawn il-libertajiet.

It-tieni nett, ma hemm l-ebda leġiżlazzjoni tal-UE li tiddetermina Stat tat-tassazzjoni wieħed fejn kontribwent għandu rabtiet fiskali ma’ diversi Stati Membri, bħal f’dan il-każ. L-attribuzzjoni tad-drittijiet tal-intaxxar issir fi ftehimiet dwar it-tassazzjoni doppja li huma konklużi bilateralment mill-Istati Membri. L-applikazzjoni u l-interpretazzjoni ta’ dawn il-ftehimiet mhumiex irregolati mil-liġijiet tal-UE. Għalhekk, l-Istati Membri jibqgħu kompetenti u liberi li jiddeterminaw il-kriterji biex jeżerċitaw id-drittijiet ta’ tassazzjoni tagħhom. Għandu jingħad ukoll li, skont il-ġurisprudenza stabbilita tal-Qorti tal-Ġustizzja tal-UE, it-tassazzjoni doppja nnifisha ma tmurx kontra l-liġijiet tal-UE (3).

It-tielet nett, fid-dritt fiskali internazzjonali huwa prinċipju ġenerali li l-hekk imsejjaħ Stat ta’ residenza (is-Slovenja, f’dan il-każ) normalment jintaxxa l-introjtu globali tar-residenti tiegħu, inkluż l-introjtu rikavat minn l-hekk imsejjaħ Stat tas-sors (l-Awstrija, f’dan il-każ), iżda mbagħad jagħti ħelsien mit-taxxa domestika dovuta fuq dak id-dħul barrani. Dan isir jew billi (i) ma jiġix intaxxat id-dħul barrani għal darb’oħra (jew billi jiġi kompletament injorat, jiġifieri l-metodu tal-eżenzjoni sħiħa, jew billi jittieħed kont tiegħu biss għall-għan biex tiġi determinata r-rata ta’ tassazzjoni, jiġifieri l-metodu tal-eżenzjoni bi progressjoni) jew billi (ii) dak id-dħul jiġi rikonoxxut għall-fini tad-determinazzjoni tat-taxxa dovuta skont il-leġiżlazzjoni domestika, u mbagħad titnaqqas it-taxxa li fil-fatt tkun ġiet imposta f’pajjiż ieħor mit-taxxa kollha dovuta (il-metodu ta’ kreditu). Il-Qorti tal-Ġustizzja tal-UE rrikonoxxiet li dawn iż-żewġ approċċi msemmija hawn fuq għall-eliminazzjoni tat-tassazzjoni doppja huma konformi mal-liġijiet tal-UE (4).

Bħala konklużjoni, minħabba l-imsemmi nuqqas ta’ armonizzazzjoni tat-tassazzjoni fuq id-dħul fl-UE, l-Istati Membri jibqgħu kompetenti sabiex jiddeterminaw il-kriterji kemm għad-diviżjoni tas-setgħat rispettivi tagħhom li jintaxxaw, kif ukoll għall-metodu ta’ ħelsien minn tassazzjoni doppja.

4.   Ftehim dwar it-Taxxa Doppja bejn is-Slovenja u l-Awstrija (DTA)  (5)

Meta resident kontribwent tat-taxxa Slovena jkun impjegat fl-Awstrija, din tal-aħħar ikollha d-dritt li tintaxxa l-qligħ li jkun sar hemmhekk. Madankollu, skont l-Artikolu 15(1) tad-DTA, is-Slovenja wkoll żammet għaliha nnifisha d-dritt li tintaxxa d-dħul tar-residenti fiskali tagħha li jkunu rċevew minn “xogħol dipendenti” mwettaq fl-Awstrija. Peress li kemm is-Slovenja u kemm l-Awstrija jistgħu jintaxxaw l-introjtu mill-impjieg, dan id-dħul jista’ jiġi intaxxat fiż-żewġ pajjiżi. Madankollu, kwalunkwe tassazzjoni doppja hija evitata fis-Slovenja skont l-Artikolu 24(2) DTA li jistipula li “fejn resident tas-Slovenja jirċievi dħul (…) li, skont id-dispożizzjonijiet ta’ dan il-Ftehim jista’ jkun intaxxat fl-Awstrija, is-Slovenja għandha tippermetti, bħala tnaqqis mit-taxxa fuq id-dħul tar-resident, ammont ugwali għat-taxxa fuq l-introjtu mħallas fl-Awstrija.” Għaldaqstant, id-DTA jistipula li, għall-fini tal-evitar tat-tassazzjoni doppja, is-Slovenja għandha tapplika l-metodu ta’ kreditu li ġie spjegat hawn fuq.

Għalhekk, fejn it-taxxa dovuta fl-Awstrija tkun inqas minn dik it-taxxa korrispondenti fis-Slovenja, il-kontribwent għandu dejjem iħallas id-differenza. B’riżultat ta’ dan, huwa jħallas l-istess ammont ta’ taxxi, jiġifieri t-total tat-taxxi tal-Awstrija u tas-Slovenja flimkien, kif effettivament kien ikollu jħallas li kieku kien ikollu jiġi intaxxat biss fis-Slovenja. Għalhekk, ma jmurx agħar milli kieku kien qala’ l-introjtu kollu mill-impjieg tiegħu fis-Slovenja. Minn dan isegwi li f’dawn il-każijiet ma jkun qed iseħħ l-ebda ksur tal-libertà tal-ħaddiema.

Isegwi wkoll li min-nuqqas ta’ armonizzazzjoni tat-tassazzjoni fuq id-dħul fl-UE msemmija hawn fuq, kif ukoll mill-ġurisprudenza stabbilita tal-Qorti tal-Ġustizzja, il-fatt li Stati Membri oħra kkonkludew DTAs mal-Awstrija li jvarjaw minn dak konkluż mas-Slovenja, li jistipulaw trattament differenti ta’ attribuzzjoni tad-drittijiet tal-intaxxar jew metodu tal-eżenzjoni ta’ ħelsien minn tassazzjoni doppja, ma jwassal għall-ebda ksur tal-liġijiet tal-UE mis-Slovenja jew kwalunkwe Stat Membru ieħor.

5.   L-għeluq propost ta’ dan il-każ

Filwaqt li jiġu kkunsidrati l-elementi li ssemmew hawn fuq, is-servizzi tal-Kummissjoni se jagħlqu l-każ sakemm l-ilmentaturi ma jissottomettux informazzjoni ġdida li tista’ tiġġustifika valutazzjoni ulterjuri fi żmien erba’ ġimgħat mill-pubblikazzjoni ta’ dan l-avviż.

(1)  COM(2012) 173 final tat-18.4.2012.

(2)  Ara l-istqarrija għall-istampa tal-Kummissjoni IP/12/340, disponibbli fuq http://europa.eu/rapid/press-release_IP-12-340_mt.htm.

(3)  Ara l-Kawżi C-128/08 Damseaux u C-67/08 Block.

(4)  Ara l-Kawża C-336/96 Gilly.

(5)  Il-Konvenzjoni bejn ir-Repubblika tal-Awstrija u r-Repubblika tas-Slovenja għall-evitar tat-tassazzjoni doppja fil-qasam tat-taxxa fuq id-dħul u fuq il-beni, konkluż fl-1 ta’ Ottubru 1997 u fis-seħħ mill-1 ta’ Frar 1999.

Komunikazzjoni mill-Kummissjoni dwar għajnuna mill-Istat għal films u xogħlijiet awdjoviżivi oħra: L-aċċettazzjoni tal-miżuri xierqa proposti skont l-Artikolu 108(1) tat-Trattat dwar il-Funzjonament tal-Unjoni Ewropea mill-Istati Membri kollha

(2016/C 127/03)

Fil-paragrafu 55 tal-Komunikazzjoni mill-Kummissjoni dwar l-għajnuna mill-Istat għall-films u xogħlijiet awdjoviżivi oħra (1), il-Kummissjoni pproponiet lill-Istati Membri sabiex jaċċettaw bħala miżuri xierqa għall-finijiet tal-Artikolu 108(1) TFUE li jallinjaw l-iskemi eżistenti tagħhom tal-finanzjament tal-films ma' din il-Komunikazzjoni fi żmien sentejn mill-pubblikazzjoni tagħha f'Il-Ġurnal Uffiċjali tal-Unjoni Ewropea. L-Istati Membri ġew mitluba biex jikkonfermaw l-aċċettazzjoni tagħhom tal-miżuri xierqa proposti fi żmien xahar minn dik il-pubblikazzjoni.

Skont l-Artikolu 23(1) tar-Regolament tal-Kunsill (UE) Nru 2015/1589 tat-13 ta’ Lulju 2015 li jistabbilixxi regoli dettaljati għall-applikazzjoni tal-Artikolu 108 tat-TFUE (2), il-Kummissjoni ħadet nota tal-qbil espliċitu u bla kundizzjonijiet dwar il-miżuri xierqa mill-Istati Membri kollha.

(1)  ĠU C 332, 15.11.2013, p. 1.

(2)  ĠU L 248, 24.9.2015, p. 9.

Rata tal-kambju tal-euro (1)

It-8 ta’ April 2016

(2016/C 127/04)

1 euro =

(1)  Sors: rata tal-kambju ta' referenza ppubblikata mill-Bank Ċentrali Ewropew.

Sommarju ta’ Deċiżjonijiet tal-Kummissjoni Ewropea dwar l-awtorizzazzjonijiet għat-tqegħid fis-suq għall-użu u/jew għall-użu ta’ sustanzi elenkati fl-Anness XIV tar-Regolament (KE) Nru 1907/2006 tal-Parlament Ewropew u tal-Kunsill dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH)

(ippubblikat skont l-Artikolu 64(9) tar-Regolament (KE) Nru 1907/2006 (1))

(Test b'rilevanza għaż-ŻEE)

(2016/C 127/05)

Deċiżjonijiet għall-għoti ta’ awtorizzazzjoni

(1)  ĠU L 396, 30.12.2006, p. 1.

(2)  Id-Deċiżjoni hija ppubblikata fuq is-sit web tal-Kummissjoni Ewropea: http://ec.europa.eu/growth/sectors/chemicals/reach/about/index_en.htm

Avviż lill-operaturi ekonomiċi — Sensiela ġdida ta’ talbiet għas-sospensjoni tad-dazji awtonomi tat-Tariffa Doganali Komuni fuq ċerti prodotti industrijali u agrikoli

(2016/C 127/06)

L-operaturi ekonomiċi huma infurmati li l-Kummissjoni rċeviet talbiet skont l-arranġamenti amministrattivi previsti fil-Komunikazzjoni tal-Kummissjoni rigward is-sospensjonijiet u l-kwoti tariffarji awtonomi (2011/C-63/02) (1) għas-sensiela ta’ Jannar 2017.

Il-lista tal-prodotti li għalihom qed tintalab sospensjoni tat-tariffa issa hija disponibbli fuq il-websajt tematika tal-Kummissjoni (Europa) dwar l-unjoni doganali (2).

L-operaturi ekonomiċi huma infurmati wkoll li l-iskadenza għall-oġġezzjonijiet kontra t-talbiet ġodda għandhom jaslu għand il-Kummissjoni, permezz tal-amministrazzjonijiet nazzjonali, hija s-17 ta’ Ġunju 2016, li hija d-data tat-tieni laqgħa skedata tal-Grupp dwar il-Kwistjonijiet ta’ Ekonomija Tariffarja.

L-operaturi interessati huma avżati biex jikkonsultaw il-lista b’mod regolari sabiex ikollhom informazzjoni dwar kif tkun is-sitwazzjoni fejn jidħlu t-talbiet.

Aktar informazzjoni dwar il-proċedura tas-sospensjonijiet tat-tariffi awtonomi tinsab fuq il-websajt Europa:

http://ec.europa.eu/taxation_customs/customs/customs_duties/tariff_aspects/suspensions/index_en.htm

(1)  ĠU C 363, 13.12.2011, p. 6.

(2)  http://ec.europa.eu/taxation_customs/dds2/susp/susp_home.jsp?Lang=en

Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2016/C 127/07)

Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 (1).

DOKUMENT UNIKU

“STEIRISCHE KÄFERBOHNE”

Nru tal-UE: AT-PDO-0005-01272 – 04.11.2014

DOP ( X ) IĠP ( )

1.   Isem

2.   Stat Membru jew pajjiż terz

L-Awstrija

3.   Deskrizzjoni tal-prodott agrikolu jew tal-oġġett tal-ikel

3.1.   Tip ta’ prodott

Klassi 1.6. Frott, ħxejjex u ċereali, friski jew ipproċessati

3.2.   Deskrizzjoni tal-prodott li għalih japplika l-isem f’(1)

“Steirische Käferbohne” tiddenomina varjetà ta’ fażola li tixxeblek ta’ żewġ kuluri bit-tikek jew imnaqqxa tal-ispeċi botanika Phaseolus coccineus L. li adattat għaż-żona ġeografika ddefinita. Tinbiegħ bħala fażola mnixxfa jew lesta biex tittiekel. Hija disponibbli bħala prodott frisk għal perjodu qasir ta’ żmien biss minħabba li teħżien malajr.

Il-proprjetajiet fiżiċi ta’ “Steirische Käferbohne” imnixxfa:

—   Piż ta’ 1 000 żerriegħa pura: minimu ta’ 1 200 g

—   Forma taż-żerriegħa: wiesgħa, forma ta’ kilwa

—   Kuluri: żewġ kuluri (li jvarjaw minn vjola fl-iswed għal kanella fil-kafellatte)

—   Distribuzzjoni tat-tieni kulur: tikek jew tinqix

L-iżjed varjetajiet użati li jiffittjaw id-deskrizzjoni ta’ hawn fuq huma “Bonela” u “Melange”, li ġew irreġistrati fir-reġistru tal-varjetajiet nazzjonali u Ewropej. Huma permessi kemm iż-żerriegħa ta’ “Steirische Käferbohne” magħżula mill-bdiewa Stirjani kif ukoll varjetajiet ġodda, sakemm dawn jikkorrispondu għad-deskrizzjoni ta’ hawn fuq ta’ “Steirische Käferbohne”.

“Steirische Käferbohne” tvarja fl-intensità tal-kulur u tal-gradjent, iżda l-fażola nfisha tintgħaraf faċilment abbażi tad-disinn bit-tikek jew imnaqqax. Il-fażola ta’ kulur wieħed u l-fażola li fil-maġġoranza tagħha hija bajda huma permessi sa livell ta’ tolleranza baxx ta’ 5 % tal-piż.

Rekwiżiti minimi għall-fażola mnixxfa lesta biex tinbiegħ:

Komponenti:

3.3.   Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Il-fażola li trid tintuża trid tkun immarkata b’mod ċar li hija fażola “Steirische Käferbohne”. Iż-żerriegħa li ġejja mill-produzzjoni proprja tal-bdiewa (bħala prodott tal-ħsad tagħhom) jew is-selezzjoni jridu joriġinaw fiż-żona ddefinita.

3.4.   Passi speċifiċi tal-produzzjoni li jridu jsiru fiż-żona ġeografika ddefinita

Il-produzzjoni ta’ “Steirische Käferbohne”, kif ukoll il-passi kollha involuti fit-tħejjija li jagħmluha lesta biex tittiekel iridu jseħħu fiż-żona ġeografika ddefinita.

3.5.   Regoli speċifiċi dwar it-tqattigħ, it-tħakkik, l-ippakkjar, eċċ. tal-prodott li l-isem reġistrat jirreferi għalih

—

3.6.   Regoli speċifiċi dwar it-tikkettar tal-prodott li l-isem reġistrat jirreferi għalih

Il-fażola “Steirische Käferbohne” titpoġġa fis-suq bħala prodott frisk (fi kwantitajiet limitati), bħala fażola mnixxfa u bħala prodott lest biex jittiekel, u hija mmarkata bit-tiketta “Steirische Käferbohne” DOP.

Id-denominazzjoni “Steirische Käferbohne” tista’ tiġi tradotta, sakemm l-isem Ġermaniż jidher ukoll fuq it-tikketta.

4.   Deskrizzjoni fil-qosor taż-żona ġeografika

Il-provinċja ta’ Styria

5.   Rabta maż-żona ġeografika

5.1.   Speċifiċità taż-żona ġeografika

Il-klima u l-ħamrija (ħamrija taflija b’ammont ħafif għal medju ta’ ġir, rikka ħafna fil-minerali) ta’ Illyria taż-żona fejn tikber il-fażola, kif ukoll il-varjetajiet użati fiż-żona ġeografika ddefinita, huma essenzjali għall-iffurmar tal-proprjetajiet viżwali, it-togħma u r-rati ta’ rendiment ta’ “Steirische Käferbohne”. Il-lok ġeografiku taż-żona tat-tkabbir tal-għelejjel fi Styria huwa adattat sew għall-produzzjoni tajba ta’ “Steirische Käferbohne”, għaliex għandu klima simili għal żoni fit-Tramuntana tal-Messiku u l-Gwatemala (l-Amerka Ċentrali) li minnhom toriġina Phaseolus coccineus L. Il-pjanta tikber sew u tipproduċi fażola ta’ daqs notevoli (f’termini ta’ piż ta’ 1 000 żerriegħa pura) minħabba l-klima umduża (10-20 jum ta’ umdità għolja) u livelli għoljin ta’ xita fix-xhur tas-sajf fejn il-kundizzjonijiet estremi tat-temp għandhom tendenza li jbattu, ir-riħ ma jkunx qawwi u kumplessivament temperaturi jkunu iktar għoljin (għadd għoli ta’ sigħat xemxin u temperaturi ogħla minn 20 °C matul l-aqwa tas-sajf), speċjalment matul il-perjodu tal-fjur. Għal tkabbir ottimu, il-fażola tirrikjedi ħafna iktar umdità mill-fażola tal-ġnien, li tirċievi minħabba l-livelli għoljin ta’ xita fiż-żona ġeografika ddefinita. Nixfa qawwija tagħmillha l-ħsara. Hija sensittiva wkoll għas-silġ u b’mod partikolari tirrikjedi biżżejjed sħana u ilma sabiex tiffjorixxi, minkejja l-fatt li t-tolleranza tagħha għall-kesħa u l-kundizzjonijiet imxarrba hija ogħla sew minn dik ta’ fażola oħra. Fl-Awstrija, dawn il-kundizzjonijiet ideali tat-tkabbir jinsabu biss fiż-żona ġeografika ddefinita.

L-għarfien speċjalizzat tal-kabbara huwa fattur importanti fl-iżvilupp tal-proprjetajiet tal-kwalità ta’ “Steirische Käferbohne”. Minħabba l-għarfien u l-esperjenza tal-kabbara reġjonali tal-metodi u l-prinċipji tal-kultivazzjoni tal-fażola, kif ukoll l-għażla progressiva taż-żerriegħa mwettqa fi Styria (li hemm evidenza tagħha li tmur lura għad-19-il seklu), “Steirische Käferbohne” hija partikolarment adattata sew għall-ħamrija u l-klima taż-żona ġeografika. L-iktar varjetajiet użati għad-DOP “Steirische Käferbohne” huma “Bonela” u “Melange”. Il-bdiewa taż-żona ddefinita għadhom jagħżlu ż-żerriegħa tagħhom stess, kif dejjem għamlu minn meta bdiet il-kultivazzjoni tal-fażola fi Styria. Minn din l-għażla, “Steirische Käferbohne” żviluppat matul is-sekli biex tkun iktar adattata għall-klima ta’ Styria u kisbet it-tikek u t-tinqix ta’ ħafna kuluri, is-sawra karatteristika u t-togħma distintiva tagħha.

L-għarfien espert speċjalizzat tal-kabbara tar-reġjun huwa bbażat fuq l-għarfien tradizzjonali rurali u artiġjanali marbut mal-għażla taż-żerriegħa, iż-żamma tal-varjetà, il-forom ta’ kultivazzjoni, l-għażla tal-pjanti ta’ appoġġ it-tajbin għat-taħlita tal-għelejjel (eż. il-qamħirrum), il-metodi ta’ kultivazzjoni u ħsad, id-determinazzjoni tal-aħjar żmien għall-ħsad u t-tnixxif b’attenzjoni u l-ipproċessar speċifiku tal-ħsad. Dan l-għarfien ġie rraffinat matul il-ġenerazzjonijiet u huwa fattur determinanti fid-dehra, it-togħma u rati tar-rendiment tal-għelejjel.

5.2.   Speċifiċità tal-prodott

“Steirische Käferbohne” li hija prodotta fiż-żona ġeografika ddefinita minn żerriegħa magħżula speċifikament tal-ispeċi Phaseolus coccineus L. tintgħaraf minn fażola oħra minħabba l-kulur u d-disinn partikolari tagħha (żewġ kuluri, li jvarja minn vjola fl-iswed għal kannella fil-kafellatte, bit-tikek jew imnaqqxa) u d-daqs notevoli tagħha (mill-inqas 1 200 g f’piż għal 1 000 żerriegħa pura). Il-fażola hija kkaratterizzata minn assorbiment għoli tal-ilma, u tirdoppja fid-daqs meta tissajjar u tkun lesta biex tittiekel. Hija simili fit-togħma għall-qastan, jiġifieri ratba u qastnija. Is-sawra hija fina, kremuża, iddub f’ħalqek u ma timlikx ħafna. Speċifità ta’ “Steirische Käferbohne” hija l-fatt li tintuża kemm f’riċetti melħin kif ukoll f’dawk ħelwin.

5.3.   Rabta kawżali bejn iż-żona ġeografika u l-kwalità jew il-karatteristiċi tal-prodott (għal DOP) jew il-kwalità, ir-reputazzjoni jew karatteristiċi oħra speċifiċi tal-prodott (għal IĠP)

“Steirische Käferbohne” hija r-riżultat ta’ kombinazzjoni unika ta’ ċirkostanzi naturali (klima u ħamrija) u l-għarfien tradizzjonali tal-kabbara fiż-żona ġeografika. Hija karatterizzata mid-daqs tagħha, il-kolorazzjoni ta’ żewġ kuluri u d-disinn distintivi tagħha, is-sawra tagħha li ma timlikx u t-togħma fina, kremuża u qastnija tagħha. Dawn il-proprjetajiet huma riżultat tal-klima u l-kundizzjonijiet tal-ħamrija taż-żona tat-tkabbir kif ukoll il-varjetajiet ippreservati sew li jintgħażlu u jiġu kkulturati fiż-żona ġeografika ddefinita. Permezz tal-għażla b’attenzjoni taż-żerriegħa matul diversi ġenerazzjonijiet, il-bdiewa ta’ Styria żviluppaw speċi ta’ din il-fażola li hija perfettament adattata għall-kundizzjonijiet ġeografiċi fiż-żona ddefinita, li min-naħa tagħhom effettwaw direttament il-kwalità u l-proprjetajiet tal-prodott, f’termini tad-daqs u l-forma tagħha, l-intensità u l-varjazzjoni tal-kulur tagħha, u s-sawra u t-togħma tagħha. Il-ħamrija taflija bil-ġir, li hija rikka fil-minerali u mimlija ġibs, tippermetti ż-żerriegħa ta’ “Steirische Käferbohne” tiżviluppa sew. Il-kundizzjonijiet tal-ħamrija u tal-klima jikkumbinaw matul il-proċess ta’ maturazzjoni biex jinfluwenzaw id-daqs tal-fażola u jiżviluppaw it-togħma fina tagħha, kif ukoll jgħinu r-rati ta’ rendiment. Dan l-adattament kontinwu, jiġifieri l-għażla ta’ żerriegħa partikolari, u ż-żamma tal-varjetà jippermetti għall-korrezzjoni tal-mutazzjonijiet u l-inkroċjar tar-razez, li flimkien mal-karatteristiċi tal-ħamrija u l-kundizzjonijiet tal-klima taż-żona ġeografika ddefinita jipproduċu l-proprjetajiet tal-prodott. L-għarfien tal-kabbara tal-kundizzjonijiet lokali u l-għarfien li jgħaddi minn ġenerazzjoni għall-oħra dwar it-tnissil ta’ żerriegħa adattata ġeografikament, l-aħjar metodi tal-kultivazzjoni u l-ħsad u l-mument it-tajjeb għall-ħsad, flimkien ifissru li l-propjetajiet organolettiċi tal-prodott jistgħu jiżviluppaw sew.

L-istatus ta’ “Steirische Käferbohne” bħala prodott tipiku tar-reġjun jikkontribwixxi għaż-żamma tar-reputazzjoni rurali taż-żona. Wasslet għall-ħolqien ta’ riċetti kulinari differenti (l-iktar magħrufa hija Steirische Käferbohnensalat [insalata tal-fażola li tixxebblek ta’ Styria]) u hija kkaratterizzata mill-ħafna użi possibbli tagħha fit-tħejjija tal-ikel. L-importanza u r-reputazzjoni tal-prodott huma riflessi fil-fatt ta’ kemm ilha teżisti u kemm in-nies ta’ Styria ilhom daqstant konxji tal-eżistenza u ta’ kemm jidentifikaw ma’ “Steirische Käferbohne” (użi kulinari varji, avvenimenti kulturali, użi fid-disinn, eċċ.).

Referenza għall-pubblikazzjoni tal-ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

It-test komplut tal-ispeċifikazzjoni huwa disponibbli fuq: http://www.patentamt.at/Media/Steirische_Kaeferbohne_Antrag.pdf

It-test tal-ispeċifikazzjoni jinsab direttament ukoll fuq is-sit tal-Internet tal-Uffiċċju tal-Privattivi Awstrijak (www.patentamt.at), fuq l-indirizz li ġej: “Markenschutz/Schutzrechte/Herkunftsangabe” (http://www.patentamt.at/Markenschutz/Schutzrechte/Herkunftsangabe/). It-test jidher taħt l-isem tad-denominazzjoni tal-kwalità.

(1)  ĠU L 343, 14.12.2012, p. 1.

Avviż dwar talba skont l-Artikolu 35 tad-Direttiva 2014/25/UE

Talba magħmula minn Entità Kontraenti

(2016/C 127/08)

Fit-2 ta’ Frar 2016, il-Kummissjoni rċeviet talba skont l-Artikolu 35 tad-Direttiva 2014/25/UE tal-Parlament Ewropew u tal-Kunsill tas-26 ta’ Frar 2014 dwar l-akkwist minn entitajiet li joperaw fis-setturi tas-servizzi tal-ilma, l-enerġija, it-trasport u postali u li tħassar id-Direttiva 2004/17/KE (1). L-ewwel jum ta’ xogħol wara li waslet it-talba kien it-3 ta’ Frar 2016.

Din it-talba, li saret mill-President tal-Uffiċċju tal-Komunikazzjonijiet Elettroniċi f’isem Poczta Polska S.A., tikkonċerna servizzi tal-kurrier u servizzi oħra għajr dawk postali fil-Polonja. L-Artikolu 35 tad-Direttiva 2014/25/UE jipprevedi li l-aħħar Direttiva ma tapplikax meta l-attività rilevanti tkun esposta direttament għall-kompetizzjoni fis-swieq li l-aċċess għalihom mhuwiex ristrett. Dawn il-kundizzjonijiet huma evalwati unikament għall-finijiet tad-Direttiva 2014/25/UE u huma mingħajr preġudizzju għall-applikazzjoni tar-regoli dwar il-kompetizzjoni.

Skont l-ittra (a) tal-ewwel paragrafu tal-punt 1 tal-Anness IV tad-Direttiva 2014/25/UE, il-Kummissjoni għandha perjodu ta’ 105 ijiem ta’ xogħol biex tieħu deċiżjoni dwar din it-talba, li jibda jgħodd mill-jum ta’ xogħol li saret referenza għalih hawn fuq. Għalhekk, il-perjodu jiskadi fis-7 ta’ Lulju 2016.

(1)  ĠU L 94, 28.3.2014, p. 243

Addendum

(2016/C 127/09)

In-Notifika tal-Kummissjoni dwar il-kooperazzjoni bejn il-Kummissjoni u l-qrati tal-Istati Membri tal-UE fl-applikazzjoni tal-Artikoli 81 u 82 KE għandha tiġi kkunsidrata bħala parti mill-Edizzjoni Speċjali bil-Malti ta' Il-Ġurnal Uffiċjali tal-Unjoni Ewropea, (Kapitolu 8, volum 3).

(1)  Għall-kriterji biex jiġi determinat liema entitajiet jistgħu jitqiesu bħala qrati jew tribunali fis-sens tal-Artikolu 234 KE, ara pereż., il-każ C-516/99 Schmid [2002] ECR I-4573, 34: “Il-Qorti tqis għadd ta’ fatturi, bħal jekk l-organizzazzjoni hijiex stabbilita bil-liġi, jekk hijiex permanenti, jekk il-ġurisdizzjoni tagħha hijiex obbligatorja, jekk il-proċedura tagħha hijiex inter partes, jekk tapplikax ir-regoli tal-liġi u jekk hijiex indipendenti”.

(2)  Ir-Regolament tal-Kunsill (KE) Nru 1/2003 tas-16 ta’ Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU L 1, 4.1.2003, p. 1).

(3)  In-Notifika dwar il-kooperazzjoni fi ħdan in-netwerk tal-awtoritajiet tal-kompetizzjoni (ĠU C 101, 27.4.2004, p. 43). Għall-għanijiet ta’ din in-notifika, “awtorità nazzjonali tal-kompetizzjoni” hija l-awtorità maħtura minn Stat Membru skont l-Artikolu 35(1) tar-regolament.

(4)  Il-ġurisdizzjoni ta’ qorti nazzjonali tiddependi fuq ir-regoli nazzjonali, Ewropej u internazzjonali tal-ġurisdizzjoni. F’dan il-kuntest għandu jiġi mftakkar li r-Regolament tal-Kunsill 44/2001 tat-22 ta’ Diċembru 2000 dwar ġurisdizzjoni u rikonoxximent u eżekuzzjoni ta’ sentenzi f’materji ċivili u kummerċjali (ĠU L 12, 16.1.2001, p. 1) jgħodd għall-każijiet kollha tal-kompetizzjoni ta’ natura ċivili jew kummerċjali.

(5)  Ara l-Artikolu 6 tar-Regolament.

(6)  Ara l-Artikoli 2 u 3 KE, il-każ C-126/97 Eco Swiss [1999] ECR I-3055, 36; il-każ T-34/92 Fiatagri UK u New Holland Ford [1994] ECR II-905, 39 u l-każ T-128/98 Aéroports de Paris [2000] ECR II-3929, 241.

(7)  Il-każijiet konġunti C-430/93 u C-431/93 van Schijndel [1995] ECR I-4705, 13 sa 15 u 22.

(8)  Skond l-aħħar sentenza tal-premessa 8 tar-Regolament (KE) Nru 1/2003, ir-regolament ma jgħoddx għal-liġijiet nazzjonali li jimponu sanzjonijiet kriminali fuq il-persuni naturali ħlief sa fejn dawk is-sanzjonijiet ikunu l-mezz li bih ir-regoli tal-kompetizzjoni li jgħoddu għall-intrapriżi jiġu infurzati.

(9)  Il-każ T-24/90 Automec [1992] ECR II-2223, 85.

(10)  Għal aktar kjarifika dwar il-kunċett tal-effett fuq in-negozju, ara l-notifika dwar din il-kwistjoni (ĠU C 101, 27.4.2004, p. 81).

(11)  L-Artikolu 3(1) tar-regolament.

(12)  Ara wkoll l-notifika dwar l-applikazzjoni tal-Artikolu 81(3) KE (ĠU C 101, 27.4.2004, p. 2).

(13)  Il-każ 14/68 Walt Wilhelm [1969] ECR 1 u l-każijiet konġunti 253/78 u 1 sa 3/79 Giry u Guerlain [1980] ECR 2327, 15 sa 17.

(14)  Il-każ 106/77 Simmenthal [1978] ECR 629, 21 u l-każ C-198/01 Consorzio Industrie Fiammiferi (CIF) [2003] 49.

(15)  Pereż., qorti nazzjonali tista’ tintalab tinforza deċiżjoni tal-Kummissjoni meħuda skont l-Artikoli 7 sa 10, 23 u 24 tar-regolament.

(16)  Ara pereż., il-każ 5/88 Wachauf [1989] ECR 2609, 19.

(17)  Il-każijiet konġunti C-215/96 u C-216/96 Bagnasco [1999] ECR I-135, 50.

(18)  Il-każ 63/75 Fonderies Roubaix [1976] ECR 111, 9 sa 11 u l-każ C-234/89 Delimitis [1991] ECR I-935, 46.

(19)  Dwar l-applikazzjoni parallela u konsekuttiva tar-regoli tal-kompetizzjoni tal-KE mill-qrati nazzjonali u mill-Kummissjoni, ara wkoll il-punti 11 sa 14.

(20)  Il-każ 66/86 Ahmed Saeed Flugreisen [1989] ECR 803, 27 u l-każ C-234/89 Delimitis [1991] ECR I-935, 50. Lista tal-linji ta’ gwida, tal-notifiki u tar-regolamenti tal-Kummissjoni fil-qasam tal-politika tal-kompetizzjoni, b’mod partikolari r-regolamenti li japplikaw l-Artikolu 81(3) KE għal xi kategoriji ta’ ftehimiet, deċiżjonijiet jew prattiċi miftiehma, hija annessa ma’ din in-notifika. Għad-deċiżjonijiet tal-Kummissjoni li japplikaw l-Artikoli 81 u 82 KE (sa mill-1964), ara http://www.europa.eu.int/comm/competition/antitrust/cases/

(21)  Il-każijiet konġunti C-319/93, C-40/94 u C-224/94 Dijkstra [1995] ECR I-4471, 32.

(22)  Dwar il-possibbiltà li l-qrati nazzjonali jitolbu opinjoni lill-Kummissjoni, ara aktar fil-punti sa 27 sa 30.

(23)  Dwar is-sottomissjoni tal-osservazzjonijiet, ara aktar fil-punti 31 sa 35.

(24)  Il-każ 106/77 Simmenthal [1978] ECR 629, 14 u 15.

(25)  Il-każ 68/88 Il-Kummissjoni v Il-Greċja [1989] ECR 2965, 23 sa 25.

(26)  Dwar id-danni f’każ ta’ ksur minn intrapriża ara l-każ C-453/99 Courage u Crehan [2001] ECR 6297, 26 u 27. Dwar id-danni f’każ ta’ ksur minn Stat Membru jew minn awtorità li hija emanazzjoni tal-Istat u dwar il-kondizzjonijiet ta’ din ir-responsabbiltà tal-istat, ara eż., il-każijiet konġunti C-6/90 u C-9/90 Francovich [1991] ECR I-5357, 33 sa 36; il-każ C-271/91 Marshall v Southampton u South West Hampshire Area Health Authority [1993] ECR I-4367, 30 u 34 sa 35; il-każijiet konġunti C-46/93 u C-48/93 Brasserie du Pêcheur u Factortame [1996] ECR I-1029; il-każ C-392/93 British Telecommunications [1996] ECR I-1631, 39 sa 46 u l-każijiet konġunti C-178/94, C-179/94 u C-188/94 sa 190/94 Dillenkofer [1996] ECR I-4845, 22 sa 26 u 72.

(27)  Ara eż., il-każ 33/76 Rewe [1976] ECR 1989, 5; il-każ 45/76 Comet [1976] ECR 2043, 12 u l-każ 79/83 Harz [1984] ECR 1921, 18 u 23.

(28)  Ara eż., il-każ 33/76 Rewe [1976] ECR 1989, 5; il-każ 158/80 Rewe [1981] ECR 1805, 44; il-każ 199/82 San Giorgio [1983] ECR 3595, 12 u l-każ C-231/96 Edis [1998] ECR I-4951, 36 u 37.

(29)  L-Artikolu 11(6), juncto Artikolu 35(3) u (4) tar-regolament ma jippermettix applikazzjoni parallela tal-Artikoli 81 jew 82 KE mill-Kummissjoni u qorti nazzjonali biss fejn din tal-aħħar tkun maħtura bħala awtorità nazzjonali tal-kompetizzjoni.

(30)  L-Artikolu 16(1) tar-regolament.

(31)  Il-Kummissjoni tagħmel pubbliku l-bidu tal-proċeduri tagħha bl-għan li tadotta deċiżjoni skont l-Artikolu 7 sa 10 tar-regolament (ara l-Artikolu 2(2) tar-Regolament tal-Kummissjoni (KE) Nru 773/2004 tad-data dwar il-proċeduri skont l-Artikoli 81 u 82 tat-Trattat tal-KE (ĠU L 101, 27.4.101, p. 2004). Skond il-Qorti tal-Ġustizzja, il-bidu tal-proċeduri jimplika att awtoritattiv tal-Kummissjoni, li huwa evidenza tal-intenzjoni tagħha li tieħu deċiżjoni (il-każ 48/72 Brasserie de Haecht [1973] ECR 77, 16).

(32)  Il-każ C-234/89 Delimitis [1991] ECR I-935, 53, u l-każijiet konġunti C-319/93, C-40/94 u C-224/94 Dijkstra [1995] ECR I-4471, 34. Ara aktar fuq din il-kwistjoni fil-punt 21 ta’ din in-notifika.

(33)  Ara l-Artikolu 16(1) tar-regolament u l-każ C-234/89 Delimitis [1991] ECR I-935, 47 u l-każ C-344/98 Masterfoods [2000] ECR I-11369, 51.

(34)  Il-każ 314/85 Foto-Frost [1987] ECR 4199, 12 sa 20.

(35)  Ara l-Artikolu 16(1) tar-regolament u l-każ C-344/98 Masterfoods [2000] ECR I-11369, 52 sa 59.

(36)  Il-każ C-344/98 Masterfoods [2000] ECR, I-11369, 58.

(37)  Il-każ C-2/88 Imm Zwartveld [1990] ECR I-3365, 16 sa 22 u l-każ C-234/89 Delimitis [1991] I-935, 53.

(38)  C-94/00 Roquette Frères [2002] ECR 9011, 31.

(39)  Dwar il-kompatibilità ta’ dawn il-proċeduri nazzjonali mal-prinċipji ġenerali tal-liġi Komunitarja, ara l-punti 9 u 10 ta’ din in-notifika.

(40)  Dwar dawn id-dmirijiet, ara pereż. il-punti 23 sa 26 ta’ din in-notifika.

(41)  Il-każ C-234/89 Delimitis [1991] ECR I-935, 53, u l-każijiet konġunti C-319/93, C-40/94 u C-224/94 Dijkstra [1995] ECR I-4471, 34.

(42)  Il-każ C-234/89 Delimitis [1991] I-935, 53.

(43)  Il-każ T-353/94 Postbank [1996] ECR II-921, 86 u 87 u l-każ 145/83 Adams [1985] ECR 3539, 34.

(44)  Il-każ C-2/88 Zwartveld [1990] ECR I-4405, 10 u 11 u l-każ T-353/94 Postbank [1996] ECR II-921, 93.

(45)  Il-każ C-2/88 Zwartveld [1990] ECR I-4405, 10 u 11; il-każ C-275/00 First u Franex [2002] ECR I-10943, 49 u l-każ T-353/94 Postbank [1996] ECR II-921, 93.

(46)  Ara l-punt 8 ta’ din in-notifika.

(47)  Il-każ C-234/89 Delimitis [1991] ECR I-935, 53, u l-każijiet konġunti C-319/93, C-40/94 u C-224/94 Dijkstra [1995] ECR I-4471, 34.

(48)  Qabbel mal-każ 96/81 Il-Kummissjoni v l-Olanda [1982] ECR 1791, 7 u l-każ 272/86 Il-Kummissjoni v il-Greċja [1988] ECR 4875, 30.

(49)  Skond l-Artikolu 15(4) tar-regolament, dan huwa mingħajr preġudizzju għal setgħat aktar estiżi li huma mogħtija lill-awtoritajiet nazzjonali tal-kompetizzjoni mil-liġi nazzjonali sabiex dawn jagħmlu osservazzjonijiet quddiem il-qrati.

(50)  Ara wkoll l-Artikolu 28(2) tar-regolament, li ma jippermettix lill-Kummissjoni li tiżvela l-informazzjoni li tkun kisbet u li tkun koperta mill-obbligu tas-sigriet professjonali.

(51)  Il-każijiet konġunti 46/87 and 227/88 Hoechst [1989] ECR, 2859, 33. Ara wkoll l-Artikolu 15(3) tar-regolament.

(52)  Il-każ C-69/90 Commission v Italy [1991] ECR 6011, 15.

(53)  L-Artikolu 20(6) to (8) tar-regolament u l-każ C-94/00 Roquette Frères [2002] ECR 9011.

(54)  L-Artikolu 21(3) tar-regolament.

(55)  Il-każ C-94/00 Roquette Frères [2002] ECR 9011, 39 u 62 sa 66.

(56)  Ara wkoll ibidem, 91 u 92.

(57)  ĠU C 39, 13.2.93, p. 6.