KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

17.2.2016

Il-Ġurnal Uffiċjali tal-Unjoni Ewropea

C 61/5

DEĊIŻJONI TA’ IMPLIMENTAZZJONI TAL-KUMMISSJONI

tal-11 ta’ Frar 2016

li tadotta d-deċiżjonijiet ta’ importazzjoni tal-Unjoni għal ċerti sustanzi kimiċi skont ir-Regolament (UE) Nru 649/2012 tal-Parlament Ewropew u tal-Kunsill u temenda d-Deċiżjonijiet tal-Kummissjoni 2005/416/KE u 2009/966/KE

(2016/C 61/06)

IL-KUMMISSJONI EWROPEA,

Wara li kkunsidrat it-Trattat dwar il-Funzjonament tal-Unjoni Ewropea,

Wara li kkunsidrat ir-Regolament (UE) Nru 649/2012 tal-Parlament Ewropew u tal-Kunsill tal-4 ta’ Lulju 2012 dwar l-esportazzjoni u l-importazzjoni ta’ sustanzi kimiċi perikolużi (1), u b’mod partikolari t-tieni subparagrafu tal-Artikolu 13(1) tiegħu,

Wara li kkonsultat mal-Kumitat stabbilit bl-Artikolu 133 tar-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-reġistrazzjoni, il-valutazzjoni, l-awtorizzazzjoni u r-restrizzjoni ta’ sustanzi kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (2),

Billi:

(1)	Skont ir-Regolament (UE) Nru 649/2012, il-Kummissjoni għandha tiddeċiedi, f’isem l-Unjoni, jekk għandhiex tippermetti l-importazzjoni fl-Unjoni ta’ kull sustanza kimika li hija suġġetta għall-proċedura tal-kunsens infurmat minn qabel (PIC), jew le.

(2)

Il-Programm tan-Nazzjonijiet Uniti għall-Ambjent (UNEP) u l-Organizzazzjoni tal-Ikel u l-Agrikoltura tan-Nazzjonijiet Uniti (FAO) inħatru sabiex jipprovdu s-servizzi ta’ segretarjat għat-tħaddim tal-proċedura PIC stabbilita bil-Konvenzjoni ta’ Rotterdam dwar il-Proċedura tal-Kunsens Infurmat minn Qabel għal Ċerti Sustanzi Kimiċi u Pestiċidi Perikolużi fil-Kummerċ Internazzjonali (“il-Konvenzjoni ta’ Rotterdam”), li ġiet approvata bid-Deċiżjoni tal-Kunsill 2006/730/KE (3).

(3)	Il-Kummissjoni, filwaqt li taġixxi bħala awtorità maħtura komuni, hi obbligata tressaq id-deċiżjonijiet ta’ importazzjoni dwar is-sustanzi kimiċi li huma suġġetti għall-proċedura PIC lis-Segretarjat tal-Konvenzjoni ta’ Rotterdam (“is-Segretarjat”), f’isem l-Unjoni u l-Istati Membri tagħha.

(4)

Is-sustanza kimika metamidofos ġiet miżjuda, bħala pestiċida, mal-Anness III tal-Konvenzjoni ta’ Rotterdam, bid-Deċiżjoni RC 7/4 tas-seba’ laqgħa tal-Konferenza tal-Partijiet. Dan jirrikjedi li kull parti tippreżenta risposta dwar l-importazzjoni lis-Segretarjat għall-inklużjoni tal-metamidofos bħala pestiċida. Il-lista eżistenti ta’ formulazzjonijiet ta’ pestiċidi serjament perikolużi (formulazzjonijiet likwidi li jinħallu li jaqbżu s-600 g ta’ ingredjent attiv/l) li fihom il-metamidofos fl-Anness III, se titħassar, inklużi r-risposti dwar l-importazzjoni ppreżentati għal dik l-entrata. Il-Kummissjoni rċeviet informazzjoni dwarhom mis-Segretarjat, fil-forma ta’ dokument ta’ gwida għad-deċiżjonijiet. Skont ir-Regolament (KE) Nru 1107/2009 tal-Parlament Ewropew u tal-Kunsill, il-metamidofos ma tistax titqiegħed fis-suq u tintuża bħala kostitwent ta’ taħlitiet li jaġixxu bħala prodotti għall-protezzjoni tal-pjanti (4).

(5)	Jintħtieġ li jiġu emendati d-deċiżjonijiet preċedenti dwar l-importazzjoni marbuta mas-sustanzi kimiċi DDT u l-ossidu tal-etilen sabiex jirriflettu t-tkabbir tal-Unjoni fl-1 ta’ Lulju 2013 kif ukoll sabiex iqisu l-iżviluppi regolatorji fl-Unjoni minn mindu ġew adottati dawk id-deċiżjonijiet.

(6)

It-tqegħid fis-suq u l-użu tal-ossidu tal-etilen skont ir-Regolament (UE) Nru 528/2012 tal-Parlament Ewropew u tal-Kunsill (5) huma limitati għal qasam speċifiku wieħed skont ir-Regolament ta’ Delega tal-Kummissjoni (UE) Nru 1062/2014 (6). Konsegwentement, l-importazzjonijiet huma permessi biss għal dak l-użu speċifiku. L-Istati Membri jistgħu jiddeċiedu jekk jawtorizzawx dak l-użu, fit-territorju tagħhom, permess skont ir-Regolament (UE) Nru 528/2012.

(7)	Il-produzzjoni, it-tqegħid fis-suq u l-użu ta’ DDT, kemm jekk waħedha, fi preparazzjonijiet jew bħala kostitwent ta’ oġġetti, huma pprojbiti fl-Unjoni Ewropea skont ir-Regolament (KE) Nru 850/2004 tal-Parlament Ewropew u tal-Kunsill (7).

(8)	Id-deċiżjoni ta’ importazzjoni dwar il-metamidofos għandha tiġi adottata u d-Deċiżjonijiet tal-Kummissjoni 2005/416/KE (8) u 2009/966/KE (9) għandhom jiġu emendati skont dan.

IDDEĊIDIET KIF ĠEJ:

Artikolu 1

Id-deċiżjoni dwar l-importazzjoni tal-metamidofos stabbilita fil-formola għar-risposta dwar l-importazzjoni mogħtija fl-Anness I, hija adottata.

Artikolu 2

Id-deċiżjoni dwar l-importazzjoni tal-ossidu tal-etilen kif stabbilit fl-Anness II tad-Deċiżjoni 2009/966/KE qed tinbidel bid-deċiżjoni dwar l-importazzjoni għall-ossidu tal-etilen stabbilita fil-formola għar-risposta dwar l-importazzjoni fl-Anness II ta’ din id-Deċiżjoni.

Artikolu 3

Id-deċiżjoni dwar l-importazzjoni tad-DDT kif stabbilit fl-Anness I tad-Deċiżjoni 2005/416/KE qed tinbidel bid-deċiżjoni dwar l-importazzjoni għad-DDT stabbilita fil-formola għar-risposta dwar l-importazzjoni fl-Anness III ta’ din id-Deċiżjoni.

Magħmul fi Brussell, il-11 ta’ Frar 2016.

Għall-Kummissjoni

Karmenu VELLA

Membru tal-Kummissjoni

(1) ĠU L 201, 27.7.2012, p. 60.

(2) ĠU L 396, 30.12.2006, p. 1.

(3) Id-Deċiżjoni tal-Kunsill 2006/730/KE tal-25 ta’ Settembru 2006 dwar il-konklużjoni, f’isem il-Komunità Ewropea, tal-Konvenzjoni ta’ Rotterdam dwar il-Proċedura għall-Kunsens Infurmat bil-Quddiem għal ċerti kimiċi u pestiċidi perikolużi fil-kummerċ internazzjonali (ĠU L 299, 28.10.2006, p. 23).

(4) Ir-Regolament (KE) Nru 1107/2009 tal-Parlament Ewropew u tal-Kunsill tal-21 ta’ Ottubru 2009 dwar it-tqegħid fis-suq ta’ prodotti għall-protezzjoni tal-pjanti u li jħassar id-Direttivi tal-Kunsill 79/117/KEE u 91/414/KEE (ĠU L 309, 24.11.2009, p. 1).

(5) Ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).

(6) Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).

(7) Ir-Regolament tal-Parlament Ewropew u tal-Kunsill (KE) Nru 850/2004 tad-29 ta’ April 2004 dwar pollutanti organiċi persistenti u li jemenda d-Direttiva 79/117/KEE (ĠU L 158, 30.4.2004, p. 7).

(8) Deċiżjoni tal-Kummissjoni 2005/416/KE tad-19 ta’ Mejju 2005 li taddotta d-deċiżjonijiet tal-Komunità dwar l-importazzjoni tal-kimiċi skont ir-Regolament (KE) Nru 304/2003 tal-Parlament Ewropew u tal-Kunsill u li temenda d-Deċiżjonijiet 2000/657/KE, 2001/852/KE u 2003/508/KE (ĠU L 147, 10.6.2005, p. 1).

(9) Deċiżjoni tal-Kummissjoni 2009/966/KE tat-30 ta’ Novembru 2009 li tadotta deċiżjonijiet Komunitarji dwar l-importazzjoni tas-sustanzi kimiċi skont ir-Regolament (KE) Nru 689/2008 tal-Parlament Ewropew u tal-Kunsill u li temenda d-Deċiżjonijiet 2000/657/KE, 2001/852/KE, 2003/508/KE, 2004/382/KE u 2005/416/KE (ĠU L 341, 22.12.2009, p. 14).

ANNESS I

Deċiżjoni dwar l-importazzjoni għall-metamidofos

ANNESS II

Id-deċiżjoni riveduta dwar l-importazzjoni għall-ossidu tal-etilen

ANNESS III

Id-deċiżjoni riveduta dwar l-importazzjoni għad-DDT

17.2.2016

Il-Ġurnal Uffiċjali tal-Unjoni Ewropea

C 61/17

Lista ta’ Stati Membri u l-awtoritajiet kompetenti tagħhom fir-rigward tal-Artikoli 15 (2), 17 (8) u 21 (3) tar- Regolament tal-Kunsill (KE) Nru 1005/2008

(2016/C 61/07)

Il-pubblikazzjoni ta’ din il-lista hija skont l-Artikolu 22(2) tar-Regolament tal-Kunsill (KE) Nru 1005/2008 tad-29 ta’ Settembru 2008 (1). L-awtoritajiet kompetenti ġew notifikati skont l-Artikoli li ġejjin ta’ dan ir-Regolament:

(a)

Artikolu 15(1): L-esportazzjoni ta’ qabdiet li jkunu saru minn bastimenti tas-sajd li jtajru l-bandiera ta’ Stat Membru għandhom ikunu soġġetti għall-validazzjoni taċ-ċertifikat tal-qabda mill-awtoritajiet kompetenti tal-Istat Membru tal-bandiera, kif stabbilit fl-Artikolu 12(4), jekk meħtieġ fil-qafas ta’ koperazzjoni stabbilit fl-Artikolu 20(4).

Artikolu 15(2): L-Istati Membri tal-bandiera għandhom jinnotifikaw lill-Kummissjoni bl-awtoritajiet kompetenti tagħhom għall-validazzjoni taċ-ċertifikati tal-qabda msemmijin fil-paragrafu 1.

(b)	Artikolu 17(8): L-Istati Membri għandhom jinnotifikaw lill-Kummissjoni bl-awtoritajiet kompetenti tagħhom għall-iċċekkjar u l-verifiki taċ-ċertifikati skont l-Artikolu 16 u l-paragrafi (1) sa (6) ta’ dan l-Artikolu.

(c)	Artikolu 21(3): L-Istati Membri għandhom jinnotifikaw lill-Kummissjoni bl-awtoritajiet kompetenti għall-validazzjoni u l-verifika tat-taqsima “Riesportazzjoni” taċ-ċertifikati tal-qabda skont il-proċedura definita fl-Artikolu 15.

Stat Membru

Awtoritajiet kompetenti

Il-Belġju

(a), (b), (c):

—	Vlaamse overheid; Dienst Zeevisserij (il-Gvern Fjamming; Servizz tas-Sajd fil-Baħar)

Il-Bulgarija

(a), (b), (c):

—	Изпълнителна aгенция по pибарство и aквакултури (l-Aġenzija Eżekuttiva dwar is-Sajd u l-Akwakultura)

Ir-Repubblika Ċeka

(a):

—	mhux applikabbli

(b), (c):

—	Celní úřad pro Středočeský kraj (uffiċċju doganali tar-Reġjun Boem Ċentrali)

—	Celní úřad pro hlavní město Prahu (uffiċċju doganali tal-Belt Kapitali ta’ Praga)

—	Celní úřad Praha Ruzyně (uffiċċju doganali Ruzyně, Praga)

—	Celní úřad pro Jihočeský kraj (uffiċċju doganali tar-Reġjun Boem tan-Nofsinhar)

—	Celní úřad pro Plzeňský kraj (uffiċċju doganali tar-Reġjun ta’ Pilsen)

—	Celní úřad pro Karlovarský kraj (uffiċċju doganali tar-Reġjun ta’ Karlovy Vary)

—	Celní úřad pro Ústecký kraj (uffiċċju doganali tar-Reġjun ta’ Ústí nad Labem)

—	Celní úřad pro Liberecký kraj (uffiċċju doganali tar-Reġjun ta’ Liberec)

—	Celní úřad pro Královéhradecký kraj (uffiċċju doganali tar-Reġjun ta’ Hradec Králové)

—	Celní úřad pro Pardubický kraj (uffiċċju doganali tar-Reġjun ta’ Pardubice)

—	Celní úřad pro Kraj Vysočina (uffiċċju doganali tar-Reġjun ta’ Vysočina)

—	Celní úřad pro Jihomoravský kraj (uffiċċju doganali tar-Reġjun Moravjan tan-Nofsinhar)

—	Celní úřad pro Olomoucký kraj (uffiċċju doganali tar-Reġjun ta’ Olomouc)

—	Celní úřad pro Moravskoslezský kraj (uffiċċju doganali tar-Reġjun Moravjan-Sileżjan)

—	Celní úřad pro Zlínský kraj (uffiċċju doganali tar-Reġjun ta’ Zlín)

Id-Danimarka

(a):

—	NaturErhvervstyrelsen (l-Aġenzija AgroIttika Daniża)

(b):

—	NaturErhvervstyrelsen – kun direkte landinger (l-Aġenzija AgroIttika Daniża – biss iżbarki diretti)

—	Fødevarestyrelsen – anden import (l-Amministrazzjoni Veterinarja u Alimentari Daniża – importazzjonijiet oħra)

(c):

—	Fødevarestyrelsen (l-Amministrazzjoni Veterinarja u Alimentari Daniża)

Il-Ġermanja

(a), (b), (c):

—	Bundesanstalt für Landwirtschaft und Ernährung (Uffiċċju Federali għall-Agrikoltura u Ikel)

L-Estonja

(a):

—	Põllumajandusministeerium; kalamajandusosakond (il-Ministeru tal-Agrikoltura; Dipartiment Ekonomiku tas-Sajd

(b):

—	Maksu- ja Tolliamet; Põllumajandusministeerium; Keskkonnaministeerium (Bord Fiskali u Doganali Estonjan; Ministeru tal-Agrikoltura; Ministeru tal-Ambjent;

(c):

—	Maksu- ja Tolliamet (Bord Fiskali u Doganali Estonjan)

L-Irlanda

(a), (b), (c):

—	The Sea Fisheries Protection Authority (l-Awtorità għall-Protezzjoni tas-Sajd fil-Baħar)

Il-Ġreċja

(a):

—	Υπουργείο Αγροτικής Ανάπτυξης και Τροφίμων, Γενική Διεύθυνση Βιώσιμης Αλιείας, Διεύθυνση Ελέγχου Αλιευτικών Δραστηριοτήτων και Προϊόντων (Ministeru għall-Iżvilupp Rurali u l-Ikel, Direttorat Ġenerali għas-Sajd Sostenibbli, Direttorat għall-Kontroll tal-Attivitajiet tas-Sajd u l-Prodotti tas-Sajd)

(b), (c):

—	Υπουργείο Αγροτικής Ανάπτυξης και Τροφίμων, Γενική Διεύθυνση Βιώσιμης Αλιείας, Διεύθυνση Ελέγχου Αλιευτικών Δραστηριοτήτων και Προϊόντων (Ministeru għall-Iżvilupp Rurali u l-Ikel, Direttorat Ġenerali għas-Sajd Sostenibbli, Direttorat għall-Kontroll tal-Attivitajiet tas-Sajd u l-Prodotti tas-Sajd)

—

Υπουργείο Αγροτικής Ανάπτυξης και Τροφίμων, Διευθυνση Αποκεντρωμένων Υπηρεσιών Αττικής, Τμήμα Κτηνιατρικής, Γραφείο Ελέγχου Αλιευτικών Προϊόντων (Ministeru għall-Iżvilupp Rurali u l-Ikel, Direttorat tas-Servizzi Deċentralizzati ta’ Attiki, Dipartiment Veterinarju, Unità ta’ Kontroll tal-Prodotti tas-Sajd — fl-Ajruport Internazzjonali ta’ Ateni)

Spanja

(a), (b), (c):

—

Ministerio de Agricultura, Alimentación y Medio Ambiente; Segretaria General de Pesca; Dirección General de Ordenación Pesquera; Subdirección General de Control e Inspección (il-Ministeru tal-Agrikoltura, l-Ikel u l-Ambjent; Segretarju Ġenerali għas-Sajd; Direttorat Ġenerali tal-Ġestjoni tas-Sajd; Sottodirettorat Ġenerali ta’ Kontroll u Spezzjoni)

Franza

(a):

—

Les directions départementales des territoires et de la mer – délégations à la mer et au littoral; direction de la mer Guadeloupe; direction de la mer Martinique; direction de la mer Guyane; direction de la mer Sud Océan Indien (Direttorati Dipartimentali għat-territorji u l-baħar - Delegazzjonijiet għall-baħar u x-xatt; Direttorat tal-baħar Guadeloupe; Direttorat tal-baħar Martinique; Direttorat tal-baħar il-Gujana Franċiża; Direttorat tal-baħar Oċean Indjan tan-Nofsinhar)

—	Le Centre National de Surveillance des Pêches (iċ-Ċentru ta’ Sorveljanza Nazzjonali tas-Sajd)

(b):

—	Les Bureaux de douane des id-Direttorati (Uffiċċji Doganali tad-Direttorati Reġjonali)

—	Le Centre National de Surveillance des Pêches (iċ-Ċentru ta’ Sorveljanza Nazzjonali tas-Sajd)

(c):

—	Les bureaux de douane des directions régionales (Uffiċċji Doganali tad-Direttorati Reġjonali)

Il-Kroazja

(a):

—	Ministarstvo poljoprivrede; Uprava ribarstva (il-Ministeru tal-Agrikoltura; Direttorat tas-Sajd)

(b), (c):

—	Ministarstvo financija; Carinska uprava (il-Ministeru tal-Finanzi; Servizz Doganali)

L-Italja

(a), (c):

—	Autorità Marittime (Guardia Costiera) (Awtorità Marittima (il-Gwardja Kostali))

(b):

—	Agenzia delle Dogane (Aġenzija Doganali)

—	Ministero della Salute (il-Ministeru tas-Saħħa)

Ċipru

(a), (b), (c):

—	Υπουργείο Γεωργίας, Αγροτικής Ανάπτυξης και Περιβάλλοντος· Τμήμα Αλιείας και Θαλασσίων Ερευνών (Ministeru tal-Agrikoltura, l-Iżvilupp Rurali u l-Ambjent; Dipartiment tas-Sajd u tar-Riċerka Marina)

Il-Latvja

(a):

—	Zemkopības ministrijas; Zivsaimniecības departamentā (il-Ministeru tal-Agrikoltura; Dipartiment tas-Sajd)

(b), (c):

—	Valsts vides dienests departamenta Zivsaimniecības kontroles (Dipartiment tal-Kontroll tas-Sajd tas-Servizz Statali għall-Ambjent)

il-Litwanja

(a):

—	Žuvininkystės tarnyba prie žemės ūkio ministerijos (Servizz tas-Sajd fil-Ministeru tal-Agrikoltura)

(b), (c):

—	Muitinės departamentas prie finansų ministerijos (Dipartiment tad-Dwana fil-Ministeru tal-Finanzi)

Il-Lussemburgu

(a):

—	mhux applikabbli

(b), (c):

—	Administration des services vétérinaires (Amministrazzjoni tas-Servizzi Veterinarji)

L-Ungerija

(a):

—	mhux applikabbli

(b), (c):

—	Nemzeti élelmiszerlánc-biztonsági Hivatal (Uffiċċju Nazzjonali tas-Sikurezza tal-Katina tal-ikel)

Malta

(a), (b), (c):

—	Dipartiment tas-Sajd u l-Akwakultura; Ministeru għall-Iżvilupp Sostenibbli, Ambjent u Tibdil fil-Klima

Il-Pajjiżi l-Baxxi

(a), (c):

—	Nederlandse Voedsel en Waren Autoriteit (L-Awtorità Olandiża għas-Sigurtà tal-prodotti tal-ikel u l-konsumaturi)

(b):

—	Douane (Dipartiment Doganali)

—	Nederlandse Voedsel en Waren Autoriteit (L-Awtorità Olandiża għas-Sigurtà tal-prodotti tal-ikel u l-konsumaturi)

L-Awstrija

(a):

—	mhux applikabbli

(b), (c):

—	Österreichische Agentur für Gesundheit und Ernährungssicherheit; Bundesamt für Ernaehrungssicherheit (L-Aġenzija Awstrijaka għas-Sikurezza tas-Saħħa u tal-Ikel; Uffiċċju Federali tas-Sigurtà tal-Ikel)

Il-Polonja

(a):

—	Ministerstwo Rolnictwa i Rozwoju Wsi; Departament rybołówstwa (il-Ministeru tal-Agrikoltura u l-Iżvilupp Rurali; Dipartiment tas-Sajd)

(b), (c):

—	Ministerstwo Rolnictwa i Rozwoju Wsi; Departament rybołówstwa (il-Ministeru tal-Agrikoltura u l-Iżvilupp Rurali; Dipartiment tas-Sajd)

—	Regionalny Inspektorat rybołówstwa morza w Gdyni (l-Ispettorat Reġjonali tas-Sajd tal-Baħar fi Gdynia)

—	Regionalny Inspektorat Rybołówstwa Morza w Szczecinie (l-Ispettorat Reġjonali tas-Sajd tal-Baħar f’ Szczecin)

Il-Portugall

(a), (c):

—	Continente: Direcção-Geral de Recursos naturais, Segurança e Serviços Marítimos; Autoridade Nacional de Pesca (il-Portugall Kontinentali: Direttorat Ġenerali tar-Riżorsi Naturali, is-Sigurtà u s-Servizzi Marittimi; l-Awtorità Nazzjonali tas-Sajd)

—	Ażores: Secretaria Regional do Ambiente e do Mar; Gabinete do Subsecretário Regional das Pescas (Ażores: Segretarjat Reġjonali tal-Ambjent u l-Baħar; Uffiċċju Reġjonali tas-Sottosegretarju għas-Sajd)

—	Ażores: Inspeção reġjonali das Pescas (Ażores: Spezzjoni tas-Sajd Reġjonali)

—	Madeira: Direção Regional de Pescas (Madeira: Spezzjoni tas-Sajd Reġjonali)

(b):

—

il-Portugall Kontinentali: Direcção-Geral de Recursos naturais, Segurança e Serviços Marítimos; Autoridade Nacional de Pesca (il-Portugall Kontinentali: Direção de Serviços de inspeção (il-Portugall Kontinentali: Direttorat Ġenerali tar-Riżorsi Naturali, is-Sigurtà u s-Servizzi Marittimi; l-Awtorità Nazzjonali tas-Sajd) Direttorat tas-Servizzi ta’ Spezzjoni)

—	Ażores: Inspeção reġjonali das Pescas (Azores: Spezzjoni tas-Sajd Reġjonali)

—	Madeira: Direção Regional de Pescas (Madeira: Spezzjoni tas-Sajd Reġjonali)

—	Alfândega de Viana do Castelo (Uffiċċju Doganali ta’ Viana do Castelo)

—	Alfândega de Leixões (Uffiċċju Doganali ta’ Leixões)

—	Alfândega ma Aeroporto do Porto (Uffiċċju Doganali tal-ajruport ta’ Porto)

—	Alfândega de Leixões (Uffiċċju Doganali ta’ Aveiro)

—	Alfândega de Leixões (Uffiċċju Doganali ta’ Peniche)

—	Alfândega Marítima de Lisboa (Uffiċċju Doganali Marittimu ta’ Liżbona)

—	Alfândega do Aeroporto do Porto (Uffiċċju Doganali tal-ajruport ta’ Porto)

—	Alfândega de Setúbal (Uffiċċju Doganali ta’ Setúbal)

—	Delegação Aduaneira de Sines; Alfândega de Setúbal (Delegazzjoni doganali għal Sines, l-Uffiċċju Doganali ta’ Setúbal)

—	Delegação Aduaneira do Aeroporto de Faro (Delegazzjoni doganali għall-Ajruport ta’ Faro)

—	Alfândega de Ponta Delgada (Uffiċċju Doganali ta’ Ponta Delgada)

—	Delegação Aduaneira da Horta (Uffiċċju Doganali ta’ Horta)

—	Alfândega do Funchal (Uffiċċju Doganali ta’ Funchal)

—	Delegação Aduaneira do Aeroporto de Madeira (Delegazzjoni doganali għall-Ajruport ta’ Madeira)

Ir-Rumanija

(a), (b), (c):

—	Agenția Națională pentru Pescuit și Acvacultură (Aġenzija Nazzjonali għas-Sajd u l-Akkwakultura)

Is-Slovenja

(a):

—	Finančni urad Koper (Uffiċju Finanzjarju ta’ Koper)

(b), (c):

—	Finančni urad Celje (Uffiċju Finanzjarju ta’ Celje)

—	Finančni urad Koper (Uffiċju Finanzjarju ta’ Koper)

—	Finančni urad Kranj (Uffiċju Finanzjarju ta’ Kranj)

—	Finančni urad Ljubljana (Uffiċju Finanzjarju ta’ Ljubljana)

—	Finančni urad Maribor (Uffiċju Finanzjarju ta’ Maribor)

—	Finančni urad Murska Sobota (Uffċiju Finanzjarju ta’ Murska Sobota)

—	Finančni urad Nova Gorica (Uffiċċju Finanzjarju ta’ Nova Gorica)

—	Finančni urad Novo mesto (Uffiċċju Finanzjarju ta’ Novo Mesto)

Is-Slovakkja

(a):

—	mhux applikabbli

(b), (c):

—	Štátna veterinárna a potravinová správa Slovenskej republiky (Amministrazzjoni tal-Istat għall-Qasam Veterinarju u l-Ikel tar-Repubblika Slovakka)

Il-Finlandja

(a), (b), (c):

—	Varsinais-Suomen elinkeino-, liikenne- ja ympäristökeskus (Ċentru għall-Iżvilupp Ekonomiku, it-Trasport u l-Ambjent għal-Lbiċ tal-Finlandja)

L-Iżvezja

(a), (b), (c):

—	Havs- och vattenmyndigheten (Aġenzija għall-Baħar u l-Ġestjoni tal-Ilma)

Ir-Renju Unit

(a):

—	Marine Management Organisation (Organizzazzjoni għall-Ġestjoni tal-Baħar)

—	Marine Scotland (Iskozja Marine)

(b):

—	Marine Management Organisation (Organizzazzjoni għall-Ġestjoni tal-Baħar)

—	UK Port Health Authorities (Awtoritajiet Portwali tas-Saħħa tar-Renju Unit)

(c):

—	Marine Management Organisation (Organizzazzjoni għall-Ġestjoni tal-Baħar)

(1) ĠU L 286, 29.10.2008, p. 1.

17.2.2016

Il-Ġurnal Uffiċjali tal-Unjoni Ewropea

C 61/26

Pubblikazzjoni ta’ talba għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2016/C 61/10)

Din il-pubblikazzjoni tagħti d-dritt li wieħed joġġezzjona għat-talba għal emenda skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

TALBA GĦALL-APPROVAZZJONI TA’ EMENDA MHUX MINURI FL-ISPEĊIFIKAZZJONI TA’ DENOMINAZZJONI TAL-ORIĠINI PROTETTA JEW TA’ INDIKAZZJONI ĠEGORAFIKA PROTETTA

Talba għall-approvazzjoni ta’ emenda skont l-ewwel subparagrafu tal-Artikolu 53(2) tar-Regolament (UE) Nru 1151/2012

“AGNEAU DE PAUILLAC”

Nru tal-UE: FR-PGI-0105-01316 – 24.2.2015

DOP ( ) IĠP ( X )

1. Grupp applikant u interess leġittimu

Association de ľAgneau de Pauillac

Route de Labarthe

33190 Gironde-sur-Dropt

FRANCE

Tel. +33 556711445

Numru tal-faks: +33 556711692

Indirizz tal-posta elettronika: agneaudepauillac@eleveursgirondins.fr

L-assoċjazzjoni tiġbor fiha kumitat fuq nett bi tliet kooperattivi u kumitat iktar 'l isfel b’rappreżentant tad-distributuri bl-ingrossa, rappreżentant tal-bejjiegħa bl-imnut u rappreżentant tar-ristoranti. Għalhekk, l-assoċjazzjoni għandha d-dritt leġittimu li titlob l-emendi fl-ispeċifikazzjoni tal-prodott.

2. Stat Membru jew Pajjiż Terz

Franza

3. Intestatura tal-ispeċifikazzjoni tal-prodott affettwata mill-emenda/i

—	☐	Isem il-prodott
—	☒	Deskrizzjoni tal-prodott
—	☐	Iż-żona ġeografika
—	☒	Prova tal-oriġini
—	☒	Metodu tal-produzzjoni
—	☐	Rabta
—	☒	Tikkettar
—	☒	Oħrajn (applikant, tip ta’ prodott, il-passi li jsiru fiż-żona ġeografika, il-bidliet fil-kliem tat-taqsima “Rabta mal-oriġini”, dettalji tal-OC, rekwiżiti nazzjonali)

4. Tip ta’ emenda/i

—	☒	Emenda fl-ispeċifikazzjoni tal-prodott ta’ DOP jew IĠP irreġistrata li ma tistax titqies bħala emenda minuri skont it-tielet subparagrafu tal-Artikolu 53(2) tar-Regolament (UE) Nru 1151/2012
—	☐	Emenda tal-Ispeċifikazzjoni ta’ DOP jew IĠP irreġistrata li għaliha ma jkun ġie rreġistrat l-ebda Dokument Uniku (jew ekwivalenti) u li ma għandhiex tikkwalifika bħala minuri skont it-tielet sottoparagrafu tal-Artikolu 53(2) tar-Regolament (UE) Nru 1151/2012

5. Emenda/i

Raġuni tal-grupp

L-applikazzjoni għall-emenda tressqet biex jitqiesu l-iżviluppi tekniċi u ekonomiċi fis-settur, partikolarment l-għeluq tal-biċċerija ewlenija fiż-żona ġeografika.

5.1. Deskrizzjoni tal-prodott

Il-kliem ta’ din it-taqsima ġie rivedut sabiex:

L-età tat-tbiċċir tinbidel minn 75 għal 80 jum

Din l-emenda hija marbuta mad-deċiżjoni li jiġi abolit l-użin tal-karkassi bil-ġewwieni (ara l-punt 5.3 Metodu tal-produzzjoni — tbiċċir), li kien ġie ipprojbit bid-Digriet tal-24 ta’ April 2001 dwar l-użin u l-ittikkettar tal-karkassi tan-nagħaġ. Il-piż tal-ġewwieni huwa ta’ madwar 1 kg. Għalhekk, il-ħrief ta’ 11-il kilogramma li jintiżnu bil-ġewwieni tabilħaqq kienu jiżnu madwar 10 kg, li huwa inqas mill-minimu mitlub għall-“Agneau de Pauillac”. Sabiex jinżammu l-karatteristiċi tal-konformazzjoni u tal-piż tal-“Agneau de Pauillac”, il-perjodu tat-trobbija żdied sabiex il-piż tal-karkassi tal-ħrief jilħaq minimu ta 11-il kilogramma wara li jintiżnu mingħajr il-ġewwieni.

Jiżdied il-mod tat-trobbija: imrobbija f’azjenda tan-nagħaġ

Dan l-element ġie inkluż fit-taqsima tal-“Metodu tal-produzzjoni” tal-ispeċifikazzjoni l-antika. Għalhekk, l-għan huwa li dawn iż-żewġ kapitli jiġu allinjati ma’ xulxin u li f’din it-taqsima jiġi inkluż ukoll element tal-ispeċifità tal-“Agneau de Pauillac”.

Tiżdied il-kopertura tax-xaħam nru 3

Il-kopertura tax-xaħam nru 3, żdiedet. L-“Agneau de Pauillac” għandu għalhekk ikollu kopertura tax-xaħam nru 2 jew nru 3. Dawn iż-żewġ klassijiet ta’ kopertura tax-xaħam huma l-aktar kwalitattivi f’termini tal-preżentazzjoni u huma l-klassijiet intermedji fuq skala ta’ 5.

Din iż-żieda ma tibdilx id-dehra tal-karkassi, li l-kopertura tax-xaħam tagħhom ikun tajjeb fiż-żewġ każijiet. Skont il-grilja ta’ klassifikazzjoni EUROP, il-karkassi għandhom saff irqiq jew saff ħafif ta’ xaħam u l-muskoli fil-biċċa l-kbira jkunu jidhru.

Jiżdied il-kulur tax-xaħam: “kemxejn jagħti fir-roża”

“Kemxejn jagħti fir-roża” jikkomplementa l-kulur “abjad” tax-xaħam. Il-kulur “Kemxejn jagħti fir-roża” ġie inkluż fit-taqsima tal-“Metodu tal-produzzjoni” tal-ispeċifikazzjoni l-antika. Fi kliem ieħor, iż-żewġ kapitli issa ġew allinjati flimkien.

Id-deskrizzjoni tal-prodott tiġi kkompletata sabiex tassoċja l-kwalitajiet organolettiċi tal-laħam, bħat-togħma intensa tal-ħaruf u l-laħam tari, mal-karatteristiċi fiżiċi li diġà huma ppreżentati fl-ispeċifikazzjoni l-antika, jiġifieri l-kulur tal-laħam u l-kwalità tax-xaħam. Dawn il-karatteristiċi organolettiċi huma marbuta direttament mal-metodu tat-trobbija li tipikament jintuża għall-“Agneau de Pauillac”.

Jiżdiedu t-tipi differenti ta’ preżentazzjoni

It-tipi differenti tal-preżentazzjoni ma kinux indikati fl-ispeċifikazzjoni l-antika. Dawn l-elementi ġew miżjuda wkoll sabiex ikunu konsistenti mal-kapitlu dwar il-metodu tal-produzzjoni.

L-informazzjoni dwar il-preżentazzjoni għall-bejgħ bl-imnut ġiet miżjuda filwaqt li l-informazzjoni dwar il-preżentazzjoni bil-ġewwieni tneħħiet.

Il-ġewwieni ġie espressament eskluż mill-IĠP.

5.2. Prova tal-oriġini

Il-kliem ta’ din il-parti ġie rivedut u ssupplimentat. L-informazzjoni dwar it-traċċabilità ġie ssupplimentat b’paragrafu dwar iż-żamma tar-rekords (rekords dwar it-twelid tal-ħrief u dwar is-saħħa) u dwar ir-rekwiżiti tad-dikjarazzjoni (id-dikjarazzjoni tal-identifikazzjoni).

Fl-aħħar nett, il-frażi marbuta man-nissiela li jkunu jinsabu f’żoni ta’ deroga introdotti meta ġiet rikonoxxuta l-IĠP, tneħħiet. Tabilħaqq, ma għadx hemm operaturi bħal dawn. Fil-waqt meta ġiet rikonoxxuta l-IĠP, ingħatat deroga lil ċerti nissiela li kienu ġew esklużi mir-rikonoxximent meta, b’rabta mal-eżami tal-applikazzjoni, iż-żona kienet limitata biss għad-dipartiment ta’ Gironde.

5.3. Metodu tal-produzzjoni

Saru diversi emendi fil-kitba (sentenzi fformulati mill-ġdid, kjarifiki, ċaqliq ta’ paragrafi, eliminazzjoni ta’ paragrafi żejda).

Il-preżentazzjoni taċ-ċiklu tal-ħajja ġiet riveduta.

Il-partijiet li ġejjin ġew issupplimentati jew emendati:

— It-trobbija

— Razza

Ġiet introdotta skema ġenetika li tippreċiża r-razez tan-nisa u tal-irġiel riprodutturi awtorizzati. (hawn taħt) Dawn ir-razez kienu diġà preżenti fl-ispeċifikazzjoni Label Rouge li qabel kienet marbuta mal-IĠP tal-“Agneau de Pauillac”. Dawn ir-razez kienu ġew magħżula sabiex jiggarantixxu l-konformazzjoni tal-“Agneau de Pauillac”; ir-razez tan-nisa huma razez adattati tajjeb biex jirriproduċu barra mill-istaġun u għandhom kwalitajiet materni u r-razez tal-irġiel għandhom laħam li jikkontribwixu għall-konformazzjoni tajba tal-ħrief.

L-IĠP tal-“Agneau de Pauillac” jirriżulta minn taħlita bejn

— ommijiet minn razza b’saħħitha: Tarasconnaise, Lacaune meat, Blanche du Massif Central, razez puri jew taħlit tal-ewwel ġenerazzjoni ma’ Charollais, Rouge de l’Ouest, Suffolk, Berrichon du Cher.

— missirijiet minn razza tal-laħam: Berrichon du Cher, Charollais, Rouge de l’Ouest, Suffolk.

— Trobbija

Żdiedu dispożizzjonijiet dwar l-erja għall-irqad għal kull annimal (nisa u ħrief) u dwar il-kundizzjonijiet tal-għixien (ilma, ventilazzjoni, dawl, tul tal-ħawt, għadd ta’ ħwat għax-xorb, materjal obbligatorju fuqiex jorqdu). Art f’għamla ta’ gradilja hija espressament ipprojbita. L-iskop ta’ dawn id-dispożizzjonijiet huwa li jiżguraw il-benessri tal-annimal.

Il-karatteristika prinċipali tal-“Agneau de Pauillac”, jiġifieri li jiġi mreddgħa u mrobbi f’azjenda tan-nagħaġ, għadha l-istess.

— Nutriment

Il-kundizzjonijiet tan-nutriment tal-ħrief għadhom l-istess. Il-ħrief jiġu mitmugħa essenzjalment il-ħalib li jerdgħu mingħand ommhom. L-ispeċifikazzjoni ġiet issupplimentata biex tiċċara li l-użu ta’ sostitut tal-ħalib flimkien mal-ħalib tal-omm mhuwiex permess, anki fil-każ ta’ adozzjoni. Barra minn hekk, il-ħrief li jiġu mitmugħa l-ħalib tal-formula u li jitwieldu minn ommijiet li l-ħalib tagħhom mhuwiex adegwat, huma esklużi mill-IĠP, sabiex ma jaffettwawx il-karatterizzazzjoni tal-laħam fl-IĠP.

L-ispeċifikazzjoni ġiet emendata biż-żieda ta’ limitazzjoni tan-nutriment supplimentari mogħti lill-ħrief għal 45 % tan-nutriment totali, sabiex il-ħalib jibqa’ predominanti fid-dieta. L-użu tal-foraġġ insilat u t-tgeżwir fin-nutriment tal-ħrief huwa espressament ipprojbit billi jista’ jkollu effett negattiv fuq it-togħma tal-laħam.

Fir-rigward tan-nutriment tal-ommijiet, l-ispeċifikazzjoni ġiet issupplimentata sabiex tispeċifika n-natura tal-foraġġ u l-persentaġġ tal-awtosuffiċjenza fl-ikel. Dan huwa ffissat għal 75 % ta’ materja niexfa, billi dan iqis il-prattiki tan-nissiela li jinsabu fiż-żona ġeografika, li għandhom ir-riżorsi meħtieġa biex jagħlfu l-annimali tagħhom u jħallu l-merħla tar-riproduzzjoni tirgħa għal mill-inqas seba’ xhur fis-sena.

Il-lista ta’ materja prima użata fil-kompożizzjoni tal-għalf supplimentari tal-ommijiet u tal-ħrief ġiet iċċarata sabiex in-nutriment tal-annimali jiġi rregolat aħjar.

— Il-ġbir u t-trasport tal-ħrief

Ġew stabbiliti u miżjuda l-limiti ta’ ħin biex it-trasport u l-ħinijet ta’ stennija qabel it-tbiċċir ma jkunux eċċessivament twal, billi ma għadx hemm l-obbligu li l-annimal jitbiċċer fiż-żona ġeografika:

—	il-ħin tat-trasport huwa limitat għal massimu ta’ tmien sighat,

—	il-ħin bejn it-tluq mill-azjenda u t-tbiċċir tal-ħaruf huwa limitat għal massimu ta’ 48 siegħa,

—	it-tul ta’ kwalunkwe soġġorn f’ċentru tat-tranżitu għandu jkun limtat għal massimu ta’ 24 siegħa.

Fiċ-ċentru tat-tranżitu, il-ħrief jiġu mitmugħa għalf awtorizzat skont din l-ispeċifikazzjoni u għandhom ikollhom aċċess permanenti għall-ilma għax-xorb. Għandhom materjal veġetali fuqiex jorqdu. Jinżammu f’kundizzjonijiet sodisfaċenti komdi (erja, atmosfera, kalma).

Fil-każ li jkun hemm xi dewmien fil-biċċerija, l-ispeċifikazzjoni tipprevedi l-istess miżuri.

Ġiet miżjuda projbizzjoni fuq l-għoti ta’ sustanzi trankwilizzanti qabel it-trasport, u wkoll rekwiżit għall-ħasil u d-diżinfezzjoni tal-vetturi wara l-ħatt.

— Tbiċċir

L-emendi huma dawn li ġejjin:

—	il-kundizzjonijiet għall-kostituzzjoni tal-lottijiet tat-tbiċċir ġew speċifikati sabiex jiżguraw il-konformazzjoni tal-annimali qabel it-tbiċċir;

—	il-kundizzjonijiet tal-użin ġew riveduti minħabba l-projbizzjoni fuq l-użin tal-karkassa bil-ġewwieni maħruġa fid-Digriet tal-24 ta’ April 2001 dwar l-użin u l-ittikkettar tal-karkassi tan-nagħaġ;

—

il-kundizzjonijiet għat-tnixxif tal-karkassi ġew speċifikati biex jiżguraw li jinżammu l-karatteristiċi tal-“Agneau de Pauillac”:

—	perjodu massimu tat-tnixxif ta’ 20 siegħa wara t-tbiċċir,

—	perjodu minimu tat-tnaqqis tat-temperatura interna tal-laħam ta’ 10 sigħat,

—	il-kundizzjonijiet għall-klassifikazzjoni tal-karkassi ġew speċifikati: il-preselezzjoni u l-issortjar finali wara t-tkessiħ, il-bdil tal-għadd ta’ marki fuq il-karkassa

— L-imballaġġ u l-qtugħ

L-informazzjoni dwar il-preżentazzjoni għall-bejgħ bl-imnut ġiet miżjuda filwaqt li l-informazzjoni dwar il-preżentazzjoni bil-ġewwieni tneħħiet.

5.4. Tikettar

Din it-taqsima ġiet issupplimentata bir-rekwiżit li jitwaħħlu, skont ir-rekwiżiti regolatorji:

—	il-logo tal-IĠP tal-Unjoni Ewropea f’konformità mal-karta grafika;

—	l-isem u l-indirizz tal-korp tal-ispezzjoni.

5.5. Emendi oħra

Applikant

Din hija emenda formali li tillimita din it-taqsima għad-dettalji tal-grupp, li ma nbiddlux.

Tip ta’ prodott

Din hija emenda formali bil-għan li tinkludi hawnhekk it-terminoloġija tal-klassijiet tal-prodott, jiġifieri, “Il-Klassi 1.1 Laħam frisk (u l-ġewwieni)”.

Iż-żona ġeografika

L-obbligu li l-annimali jitbiċċru fiż-żona ġeografika tneħħa minħabba d-diffikultajiet li jinżammu l-għodod u t-tagħmir tat-tbiċċir fiż-żona u, partikolarment, minħabba l-għeluq tal-biċċerija f’Bordeaux (il-biċċerija ewlenija).

Barra minn hekk, mappa ġdida li turi ż-żona ġiet inkluża fl-ispeċifikazzjoni, u tissostitwixxi l-mappa antika.

Rabta mal-oriġini

Dan il-kapitlu ġie organizzat mill-ġdid. L-emendi huma modifiki testwali u ma jinkludux bidliet sostantivi.

Rekwiżiti nazzjonali

Fid-dawl tal-iżviluppi leġiżlattivi u regolatorji nazzjonali, l-intestatura “Rekwiżiti nazzjonali” hija ppreżentata fil-forma ta’ tabella bil-punti ewlenin li jridu jkunu kkontrollati u l-metodu ta’ valutazzjoni tagħhom.

Informazzjoni ta’ kuntatt mal-korp taċ-ċertifikazzjoni

Id-dettalji ta’ kuntatt tal-korp taċ-ċertifikazzjoni huma aġġornati.

DOKUMENT UNIKU

“AGNEAU DE PAUILLAC”

Nru tal-UE: FR-PGI-0105-01316 – 24.2.2015

DOP ( ) IĠP ( X )

1. Isem

“Agneau de Pauillac”

2. Stat Membru jew pajjiż terz

Franza

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.1 Laħam frisk (u l-ġewwieni)

3.2. Deskrizzjoni tal-prodott li għalih japplika l-isem f’(1)

L-“Agneau de Pauillac” huwa ħaruf mhux miftum li ma jkollux iktar minn 80 jum, jiġi mreddgħa u mrobbi essenzjalment bil-ħalib tal-omm. Jiġi mrobbi f’azjenda tan-nagħaġ.

Huwa taħlita bejn:

— missirijiet minn razza tal-laħam: Berrichon du Cher, Charollais, Rouge de l’Ouest, Suffolk.

L-“Agneau de Pauillac” jiżen bejn 11 u 15-il kg u għandu l-konformazzjoni EURO u kopertura tax-xaħam numru 2 jew 3 skont il-grilja EUROP.

Il-laħam tal-“Agneau de Pauillac” għandu kulur ċar. Ix-xaħam tiegħu ikun abjad jew daqsxejn jagħti fir-roża u jkun sod. Il-laħam huwa partikolarment tari, għandu konsistenza mhux xierfa u għandu togħma intensa ta’ ħaruf.

L-“Agneau de Pauillac” jiġi kkummerċjalizzat:

—	bħala karkassa sħiħa;

—	jew maqtugħ;

—	jew f’imballaġġ għall-bejgħ bl-imnut.

Il-ġewwieni ġie eskluż mill-IĠP.

3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Fl-għalf supplimentari tal-ommijiet u tal-ħrief, jistgħu jintużaw biss dawn il-materjali primi li ġejjin:

—	Foraġġ deidratat;

—	Qmuħ taċ-Ċereali u prodotti derivati minnhom;

—	Żrieragħ taż-żejt, frott taż-żejt, u prodotti derivati minnhom;

—	Żrieragħ tal-legumi u prodotti derivati minnhom;

—	Tuberi, għeruq, u prodotti derivati minnhom;

—	Żrieragħ u frott ieħor, u prodotti derivati minnhom;

—	Prodotti tal-kannamiela u prodotti derivati minnhom;

—	Xaħam veġetali;

—

Minerali.

Il-kolza tal-għalf mhijiex permessa fl-għalf esklussiv. Fi kwalunkwe każ, il-konsum jew il-mergħa tal-kolza ma għandhiex iddum iktar minn tliet ġimgħat.

Dan li ġej għandu jiġi pprojbit:

—	dqiq mil-laħam, dqiq mill-għadam, laħam u għadam u kwalunkwe proteina oħra tal-annimali, inkluż il-ħalib;

—	xaħam tal-annimali;

—	antibijotiċi u promuturi tat-tkabbir (tal-kategorija “addittivi żootekniċi”);

—

urea.

3.3.1. L-għalf tal-ħrief:

Il-ħrief jiġu mitmugħa l-ħalib li jerdgħu mingħand ommhom.

L-użu ta’ sostitut tal-ħalib flimkien mal-ħalib tal-omm mhuwiex permess, anki fil-każ ta’ adozzjoni.

Għalf supplimentari jista’ jingħata lill-ħrief. Dan ma għandux jisboq il-45 % tal-għalf totali. Għandu jikkonsisti f’konċentrat ibbilanċjat imħejji fir-razzett jew mixtri kummerċjalment, b’kontenut massimu ta’ nitroġenu ta’ 18 %, kontenut massimu ta’ supplimenti taċ-ċereali ta’ 20 % u kontenut massimu ta’ xaħam ta’ 5 %.

Huwa magħmul primarjament minn ċereali fil-proporzjon li ġejja: minimu ta’ 50 % ċereali, li minnhom massimu ta’ 15 % huma prodotti dderivati miċ-ċereali.

Il-foraġġ jista’ jiġi minn:

—	mergħat naturali,

—	mergħat ikkultivati bbażati fuq il-ħaxix u l-legumi tal-foraġġ,

—	għelejjel intermedji: sorgu, kolza, pitravi,

—	ċereali tal-foraġġ (segala u ħafur).

L-użu tal-foraġġ insilat u t-tgeżwir huwa pprojbit.

3.3.2. L-għalf tan-nagħaġ

L-ommijiet jiġu mitmugħa l-foraġġ naturali miksub mill-mergħa jew fl-azjenda u konċentrati.

Hemm perjodu minimu obbligatorju ta’ mergħa ta’ seba’ xhur.

3.4. Passi speċifiċi tal-produzzjoni li jridu jsiru fiż-żona ġeografika ddefinita

L-“Agneau de Pauillac” jitwieled u jitrabba ma’ ommu fiż-żona ġeografika ddefinita fil-punt 4.

3.5. Regoli speċifiċi dwar it-tqattigħ, it-taħkik, l-ippakkjar, eċċ. tal-prodott li għalih tirreferi d-denominazzjoni rreġistrata

Il-karkassi kollha tal-“Agneau de Pauillac” jiġu ppreżentati b’dan il-mod qabel l-użin:

—	il-karkassi jiddendlu minn grampuni speċjali, b’riġlejhom ta’ wara miftuħin jew imsallbin;

—	il-karkassa tiġi ppreżentata bil-peritonew;

—	tintuża biċċa lastku biex iżżomm l-ispallejn flimkien u biex tagħti dehra iktar kompatta lill-karkassa;

—	il-ġewwieni jitneħħa mill-karkassa matul l-evixxerazzjoni.

Meta l-“Agneau de Pauillac” jinbiegħ bħala karkassa sħiħa, din tista’ tiġi imballata u ttrasportata f’basket tad-drapp imsejjaħ “stockinette”.

Meta jiġi kkumerċjalizzat għall-bejgħ bl-imnut, jiġi imballat fil-vakwu jew f’atmosfera protetta.

3.6. Regoli speċifiċi dwar it-tikkettar tal-prodott li għalih tirreferi d-denominazzjoni rreġistrata

It-tikketta għandha ssemmi:

—	id-denominazzjoni tal-IĠP: “Agneau de Pauillac”;

—	il-logo IĠP tal-Unjoni Ewropea;

—	l-isem u l-indirizz tal-organizzazzjoni ta’ kontroll.

4. Deskrizzjoni fil-qosor taż-żona ġeografika

Iż-żona ġeografika tikkorrispondi mad-dipartiment ta’ Gironde.

5. Rabta maż-żona ġeografika

Speċifiċità taż-żona ġeografika

Iż-żona ġeografika tinsab fl-estremità tal-punent ċentrali tal-baċir tal-Aquitaine, delimitat fin-Nofsinhar mill-Pirinej, fil-Lvant mill-Massif Ċentrali u fil-Punent mill-Oċean Atlantiku.

Id-dipartiment ta’ Gironde imiss mal-Oċean Atlantiku.

Huwa magħmul minn art baxxa mistagħdra u msaġġra fin-Nofsinhar u fil-Punent u minn art iktar sana, biċ-ċagħaq, tul ix-xmajjar tal-Garonne u tad-Dordogne li jiltaqgħu fl-estwarju tal-Gironde.

Il-Gironde igawdi minn kundizzjonijiet klimatiċi tajbin u relattivament omoġenji, minħabba l-prossimità tiegħu għal mases kbar tal-ilma, li għandhom rwol importanti fir-regolazzjoni tat-temperatura (il-Kurrent tal-Golf). Huwa kkaratterizzat minn klima oċeanika moderata. Ix-xtiewi mhumiex ħorox u jkun hemm ħafna xita, filwaqt li s-sjuf huma sħan, xotti, u xemxin. Ix-xita tinżel bi frekwenza moderata u hija iktar abbundanti fix-xitwa. Il-preċipitazzjoni annwali medja hija ta’ madwar 900 mm.

Fir-rigward tal-fatturi umani, fis-seklu 18 kien hemm bosta merħliet tan-nagħaġ fil-Gironde, u speċjalment fil-Médoc (il-parti tat-Tramuntana tad-dipartiment, mill-Oċean Atlantiku tal-estwarju tal-Gironde) u fl-Entre-Deux-Mers (il-parti tad-dipartiment bejn ix-xmajjar Garonne u Dordogne).

Il-Gironde hija art tal-biedja iżda hija wkoll post tat-transumanza. Kull ħarifa, ir-ragħajja tal-art tal-Médoc iħallu l-artijiet mistagħdra bl-għargħar u jerħulha għaż-żoni biċ-ċagħaq maġenb il-Gironde. Billi l-art hemmhekk hija iktar sana u tipproduċi kwantitajiet kbar ta’ mergħa, din l-art għenet lir-ragħajja jevitaw il-mortalità eċċessiva li normalment taffettwa lill-merħliet matul il-perjodu tax-xitwa. Fl-istess ħin, il-merħliet mill-Pirinej jiġu jqattgħu ix-xitwa fl-Entre-Deux-Mers jew fin-naħa tan-Nofsinhar tad-dipartiment.

Minkejja l-iżvilupp tal-vinji, iċ-ċaqliq staġonali tal-merħliet tan-nagħaġ baqa’ jsir. Il-prodotturi tal-inbid ikkonċernati bis-saħħa tad-dwieli għadhom jużaw il-merħliet tan-nagħaġ biex iħammlu arthom. Madankollu, ir-ragħajja jżommu l-ħrief li jitwieldu fl-azjenda sakemm ikollhom jitilqu. Tabilħaqq, il-ħrief ikun żgħar wisq u wisq indixxiplinati biex isewgu 'l ommhom fir-ringieli tad-dwieli.

Fir-rebbiegħa, meta l-merħla jkollha tħalli l-art ikkultivata u d-dwieli, li jkunu qed jibdew jarmu, u ma kienx ikun possibbli li jitkompla l-vjaġġ lejn il-muntanji bi ħrief daqshekk żgħar, saret il-prassi komuni li dawn il-ħrief jitbiċċru u jinbiegħu fil-post. Mis-seklu 19, din il-prassi ppermettiet l-iżvilupp ta’ negozju sinifikanti li jinvolvi l-bejgħ tal-ħrief lill-biċċeriji, primarjament fir-reġjun ta’ Bordeaux.

Speċifiċità tal-prodott

L-“Agneau de Pauillac” huwa ħaruf mhux miftum li ma jkollux iktar minn 80 jum, li jiġi mreddgħa u mrobbi essenzjalment bil-ħalib tal-omm. Jiġi mrobbi f’azjenda tan-nagħaġ.

Il-laħam tal-“Agneau de Pauillac” huwa kkaratterizzat minn:

—	kulur ċar;

—	ikun tari ħafna;

—	ikollu konsistenza mhux xierfa;

—	ikollu togħma intensa ta’ ħaruf.

L-“Agneau de Pauillac” huwa prodott b’reputazzjoni antika.

Rabta kawżali

Ir-rabta kawżali tal-“Agneau de Pauillac” hija bbażata fuq il-kwalità stabbilita tiegħu li tirriżulta mill-metodu tat-trobbija partikolari u fuq ir-reputazzjoni tiegħu.

L-“Agneau de Pauillac” huwa derivat mill-għarfien marbut mat-transumanza f’żona bi xtiewi moderati u mxarrbin, fejn il-mergħat għandhom il-vantaġġ li huma abbundanti.

Illum, ir-ragħajja transumanti jgħixu f’post wieħed, iżda l-metodu tal-produzzjoni bbażata fuq il-mergħa tal-ommijiet u t-treddigħ tal-ħrief minn ommhom għadu jippersisti sal-lum.

L-“Agneau de Pauillac” huwa ħaruf mhux miftum, li jiġi mreddgħa u mrobbi essenzjalment bil-ħalib tal-omm. Jiġi mrobbi f’azjenda tan-nagħaġ ma’ ommu li treddgħu sakemm ikollu massimu ta’ 80 jum.

Il-fatt li jibqa’ ma’ ommu u jitrabba esklussivament fl-azjenda, jillimita l-istress tal-ħaruf u dan jikkontribwixxu għal-laħam tari.

Il-kulur ċar u l-laħam tari tal-“Agneau de Pauillac” huma minħabba d-dieta tal-ħalib tiegħu u l-età żgħira. In-nuqqas ta’ foraġġ fid-dieta tiggarantixxi l-kulur ċar tal-laħam.

Il-laħam tal-“Agneau de Pauillac” huwa kkaratterizzat ukoll minn togħma intensa li tirriżulta mit-taħlita ta’ piż/età u din tippermetti wkoll li jinkiseb laħam b’togħma intensa li mhijiex qawwija wisq. L-għoti ta’ suppliment abbażi taċ-ċereali jippermetti li jinkisbu ħrief b’konformazzjoni tajba u l-iżvilupp ta’ din it-togħma intensa.

Għalhekk, l-“Agneau de Pauillac” jiddistingwi lilu nnifsu minn ħrief oħra mreddgħa, bil-kulur iktar distint u mit-togħma tal-laħam tiegħu.

L-“Agneau de Pauillac” huwa prodott b’reputazzjoni twila, kif wieħed jista’ jara f’diversi dokumenti (il-menu tal-ikla ospitata mill-President tar-Repubblika Franċiża għall-Maestà Tiegħu, ir-Re tal-Ingilterra, fit-2 ta’ Mejju 1903; Larousse Gastronomique tal-1938 iddeskriva l-“Agneau de Pauillac” bħala “l’agneau de lait, animal qui n’est pas encore sevré et n’a pas brouté”, “le plus parfait” (“il-ħaruf imreddgħa, annimal mhux miftum li għadu ma bediex jirgħa, l-aktar perfett”)).

Dan il-ħaruf, il-prodott ta’ tradizzjoni twila pperpetwata mill-għarfien tan-nissiela, illum huwa rikonoxxut u apprezzat bħala tip ta’ ħaruf b’togħma differenti ħafna mill-ħaruf tqil tradizzjonali u tal-ħaruf imreddgħa tal-irziezet tal-ħalib.

Referenza għall-pubblikazzjoni tal-ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

https://info.agriculture.gouv.fr/gedei/site/bo-agri/document_administratif-047ec294-20a8-4288-9942-b5c15034cf3d

(1) ĠU L 343, 14.12.2012, p. 1.

		ISSN 1977-0987
Il-Ġurnal Uffiċjali tal-Unjoni Ewropea		C 61

Edizzjoni bil-Malti	Informazzjoni u Avviżi	Volum 59 17 ta' Frar 2016

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2016/C 061/01	Komunikazzjoni tal-Kummissjoni skont l-Artikolu 4 tad-Direttiva 2000/84/KE tal-Parlament Ewropew u tal-Kunsill dwar arranġamenti tal-ħinijiet tas-sajf — Skeda għall-perjodi tas-sajf	1
2016/C 061/02	Ebda oppożizzjoni għal konċentrazzjoni notifikata (Il-Każ M.7891 — The Carlyle Group/Comdata) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2016/C 061/03	Avviż għall-attenzjoni tal-persuni, l-entitajiet u l-korpi li għalihom japplikaw il-miżuri restrittivi previsti fid-Deċiżjoni tal-Kunsill 2011/101/PESK, kif emendata bid-Deċiżjoni tal-Kunsill (PESK) 2016/220 u fir-Regolament tal-Kunsill (KE) Nru 314/2004 dwar miżuri restrittivi kontra ż-Żimbabwe	2
2016/C 061/04	Avviż għall-attenzjoni tas-suġġetti tad-data li għalihom japplikaw il-miżuri restrittivi previsti fir-Regolament tal-Kunsill (KE) Nru 314/2004 dwar ċerti miżuri restrittivi fir-rigward taż-Żimbabwe	3
	Il-Kummissjoni Ewropea
2016/C 061/05	Rata tal-kambju tal-euro	4
2016/C 061/06	Deċiżjoni ta’ Implimentazzjoni tal-Kummissjoni tal-11 ta’ Frar 2016 li tadotta d-deċiżjonijiet ta’ importazzjoni tal-Unjoni għal ċerti sustanzi kimiċi skont ir-Regolament (UE) Nru 649/2012 tal-Parlament Ewropew u tal-Kunsill u temenda d-Deċiżjonijiet tal-Kummissjoni 2005/416/KE u 2009/966/KE	5
	INFORMAZZJONI MILL-ISTATI MEMBRI
2016/C 061/07	Lista ta’ Stati Membri u l-awtoritajiet kompetenti tagħhom fir-rigward tal-Artikoli 15 (2), 17 (8) u 21 (3) tar- Regolament tal-Kunsill (KE) Nru 1005/2008	17

	V Avviżi
	PROĊEDURI AMMINISTRATTIVI
	Il-Bank Ewropew tal-Investiment
2016/C 061/08	Riżultati tas-sejħa għall-proposti — skema ta’ għajnuna finanzjarja ta’ EIBURS tal-Istitut tal-BEI	23
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2016/C 061/09	Notifika minn qabel ta’ konċentrazzjoni (Il-Każ M.7928 — RPC Group/GCS) — Każ li jista’ jiġi kkunsidrat għal proċedura ssimplifikata ( 1 )	25
	ATTI OĦRAJN
	Il-Kummissjoni Ewropea
2016/C 061/10	Pubblikazzjoni ta’ talba għal emenda skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel	26

	Munita	Rata tal-kambju
USD	Dollaru Amerikan	1,1166
JPY	Yen Ġappuniż	127,02
DKK	Krona Daniża	7,4644
GBP	Lira Sterlina	0,77580
SEK	Krona Żvediża	9,4742
CHF	Frank Żvizzeru	1,1018
ISK	Krona Iżlandiża
NOK	Krona Norveġiża	9,6049
BGN	Lev Bulgaru	1,9558
CZK	Krona Ċeka	27,029
HUF	Forint Ungeriż	310,75
PLN	Zloty Pollakk	4,4062
RON	Leu Rumen	4,4613
TRY	Lira Turka	3,3023
AUD	Dollaru Awstraljan	1,5605
CAD	Dollaru Kanadiż	1,5430
HKD	Dollaru ta' Hong Kong	8,6950
NZD	Dollaru tan-New Zealand	1,6931
SGD	Dollaru tas-Singapor	1,5656
KRW	Won tal-Korea t'Isfel	1 358,70
ZAR	Rand ta' l-Afrika t'Isfel	17,5669
CNY	Yuan ren-min-bi Ċiniż	7,2741
HRK	Kuna Kroata	7,6170
IDR	Rupiah Indoneżjan	14 997,87
MYR	Ringgit Malażjan	4,6685
PHP	Peso Filippin	53,050
RUB	Rouble Russu	86,4489
THB	Baht Tajlandiż	39,790
BRL	Real Brażiljan	4,4833
MXN	Peso Messikan	21,0457
INR	Rupi Indjan	76,3985

EIBURS 2015	TOTAL
BE	1
BG	4
DE	1
DK	2
ES	1
FI	1
FR	2
IT	4
LT	3
LU	1
NL	1
RO	1
RS	1
SI	2
SK	1
TR	1
TOTAL	27


	(1) Test b'rilevanza għaż-ŻEE