KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

31.12.2015

Il-Ġurnal Uffiċjali tal-Unjoni Ewropea

C 441/2

Rata tal-kambju tal-euro (1)

It-30 ta’ Diċembru 2015

(2015/C 441/02)

1 euro =

	Munita	Rata tal-kambju
USD	Dollaru Amerikan	1,0926
JPY	Yen Ġappuniż	131,66
DKK	Krona Daniża	7,4625
GBP	Lira Sterlina	0,73799
SEK	Krona Żvediża	9,1878
CHF	Frank Żvizzeru	1,0814
ISK	Krona Iżlandiża
NOK	Krona Norveġiża	9,6160
BGN	Lev Bulgaru	1,9558
CZK	Krona Ċeka	27,029
HUF	Forint Ungeriż	313,15
PLN	Zloty Pollakk	4,2400
RON	Leu Rumen	4,5296
TRY	Lira Turka	3,1837
AUD	Dollaru Awstraljan	1,4990
CAD	Dollaru Kanadiż	1,5171
HKD	Dollaru ta' Hong Kong	8,4685
NZD	Dollaru tan-New Zealand	1,5959
SGD	Dollaru tas-Singapor	1,5449
KRW	Won tal-Korea t'Isfel	1 284,79
ZAR	Rand ta' l-Afrika t'Isfel	16,8847
CNY	Yuan ren-min-bi Ċiniż	7,0910
HRK	Kuna Kroata	7,6370
IDR	Rupiah Indoneżjan	15 081,33
MYR	Ringgit Malażjan	4,6887
PHP	Peso Filippin	51,281
RUB	Rouble Russu	79,7540
THB	Baht Tajlandiż	39,334
BRL	Real Brażiljan	4,2590
MXN	Peso Messikan	18,8867
INR	Rupi Indjan	72,5350

(1) Sors: rata tal-kambju ta' referenza ppubblikata mill-Bank Ċentrali Ewropew.

31.12.2015

Il-Ġurnal Uffiċjali tal-Unjoni Ewropea

C 441/3

Pubblikazzjoni ta’ applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill

(2015/C 441/03)

Il-Kummissjoni Ewropea approvat din l-emenda minuri skont it-tielet subparagrafu tal-Artikolu 6(2) tar-Regolament Delegat tal-Kummissjoni (UE) Nru 664/2014 (1).

APPLIKAZZJONI GĦALL-APPROVAZZJONI TA’ EMENDA MINURI

Applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill (2)

“KRANJSKA KLOBASA”

UE Nru: SI-PGI-0105-01353 – 16.7.2015

DOP ( ) IĠP ( X ) STG ( )

1. Grupp applikant u interess leġittimu

Isem:

GIZ kranjska klobasa – “Kranjska klobasa”, grupp ta’ interess ekonomiku

Indirizz:

Dimičeva ulica 9

SI-1000 Ljubljana

SLOVENIJA

Tel.

+386 15659240

Posta elettronika:

giz.mi@siol.net

Interess leġittimu

Il-GIZ Kranjska klobasa (il-grupp ta’ interess ekonomiku “Kranjska klobasa”) huwa l-konsorzju ta’ produtturi tal-“Kranjska klobasa” li applika għar-reġistrazzjoni tal-“Kranjska klobasa” u għalhekk, għandu interess leġittimu li jagħmel applikazzjoni għal emenda.

2. Stat Membru jew Pajjiż Terz

Is-Slovenja

3. Intestaturi fl-ispeċifikazzjoni tal-prodott affettwati mill-emenda/i

—	☐	Deskrizzjoni tal-prodott
—	☐	Prova ta’ oriġini
—	☒	Metodu ta’ produzzjoni
—	☐	Rabta
—	☐	Ittikkettar
—	☐	Oħrajn [għad iridu jiġu speċifikati]

4. Tip ta’ emenda(i)

—	☐	Emenda għall-ispeċifikazzjoni tal-prodott ta’ DOP jew IĠP irreġistrata li ma għandhiex tikkwalifika bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li ma teħtieġ ebda emenda tad-dokument uniku ppubblikat.
—	☒	Emenda għall-ispeċifikazzjoni tal-prodott ta’ DOP jew IĠP irreġistrata li trid tiġi kkwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li ma teħtieġ ebda emenda tad-dokument uniku ppubblikat.
—	☐	Emenda għall-ispeċifikazzjoni tal-prodott ta’ DOP jew IĠP irreġistrata li trid tiġi kkwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li għaliha ma ġiex ippubblikat dokument uniku (jew l-ekwivalenti).
—	☐	Emenda għall-ispeċifikazzjoni tal-prodott ta’ STG irreġistrata li trid tiġi kkwalifikata bħala minuri skont ir-raba’ subparagrafu tal-Artikolu 53(2) tar-Regolament (UE) Nru 1151/2012.

5. Emenda(i)

1. Metodu ta’ produzzjoni

Taħt l-intestatura “Trattament termali bl-affumikazzjoni fis-sħana”, l-indikazzjoni tal-ħin “20-30 minuta” fis-sentenza “It-trattament termali jinkludi l-affumikazzjoni li ddum bejn 20-30 minuta” titħassar u tiġi sostitwita bi “sakemm iz-zalzett jikseb kulur aħmar fil-kannella b’intensità moderata”.

It-test il-ġdid huwa fformulat kif ġej:

L-affumikazzjoni tagħmel parti mit-trattament termali u ddum sakemm iz-zalzett jikseb kulur aħmar fil-kannella b’intensità moderata.

Raġunijiet:

Il-ħin tal-affumikazzjoni ma jistax ikun kwantitattivament definit peress li jiddependi prinċipalment fuq kif jiġi prodott id-duħħan, u jrid jkun biżżejjed biex iz-zalzett jikseb il-lewn aħmar fil-kannella b’intensità moderata.

DOKUMENT UNIKU

“KRANJSKA KLOBASA”

UE Nru: SI-PGI-0105-01353 – 16.7.2015

DOP ( ) IĠP ( X )

1. Isem

“Kranjska klobasa”

2. Stat Membru jew pajjiż terz

Is-Slovenja

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.2. Prodotti tal-laħam (imsajra, immellħs, affumikati, eċċ.)

3.2. Deskrizzjoni tal-prodott li għalih japplika l-isem f’ (1)

Il-“Kranjska klobasa” huwa tip ta’ zalzett semidurabbli pasturizzat li huwa magħmul minn laħam tal-majjal imqatta’ b’mod raff tal-kategorija I u II (laħam mill-koxxa, mill-ispalla, mill-għonq) u xaħam tal-majjal (xaħam tad-dahar). Il-mili tal-“Kranjska klobasa” jiġi mmellaħ biż-żieda tal-melħ tan-nitrit, jitħawwar bit-tewm u l-bżar u wara jimtela fl-intestina żgħira tal-majjal li t-truf tagħha jingħalqu u mbagħad jiddendel ma’ labra tal-injam flimkien ma’ zalzett ieħor bit-trufijiet tagħhom magħqudin flimkien. Iz-zalzett jgħaddi minn affumikazzjoni termali u minn pasturizzazzjoni.

Jittiekel sħun wara li jissaħħan għal ftit ħin f’ilma sħun, fejn jakkwista l-karatteristiċi organolettiċi u l-kwalitajiet gastronomiċi eċċellenti tiegħu. Iz-zalzett għandu kisja ħamra fil-kannella u kemmxejn riħa ta’ duħħan; il-laħam ta’ ġewwa huwa aħmar fir-roża u l-grass huwa abjad kremuż u mhux imdewweb; il-konsistenza hija riġida, tqarmeċ u mmerqa, u l-aroma tiegħu hija qawwija u tipika ta’ majjal affumikat, immellaħ u speċifikament mħawwar.

Il-kompożizzjoni kimika taz-zalzett mhux imsaħħan hija kif ġej:

— total ta’ proteini: min. 17 %

— xaħam: massimu ta’ 29 %

3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)

Il-materja prima hija l-laħam tal-majjal u x-xaħam.

3.4. Passi speċifiċi tal-produzzjoni li jridu jsiru fiż-żona ġeografika ddefinita

Il-produzzjoni tal-“Kranjska klobasa” (l-għażla u t-tqattigħ f’kapuljat tal-laħam u tax-xaħam, it-tħejjija tal-mili, it-taħlita tal-mili, il-mili tal-musrani, it-tnixxif taz-zalzett, it-trattament bis-sħana bl-affumikazzjoni termali, il-monitoraġġ tal-proċess u l-itikkettar) trid ssir fiż-żona ġeografika ddefinita.

3.5. Regoli speċifiċi dwar it-tqattigħ, it-tħakkik, l-ippakkjar, eċċ.

—

3.6. Regoli speċifiċi dwar it-tikkettar

Kull zalzett “Kranjska klobasa” irid ikollu tikketta bl-istess mod:

—	kull prodott (par) irid ikollu strixxa uniformi li teħel minnha stess,

—	kull prodott ippakkjat irid ikollu tikketta.

It-tikkettar uniformi tal-“Kranjska klobasa” jinkludi

—	il-logo tal-“Kranjska klobasa”,

—	il-logo tal-produttur,

—	is-simbolu tal-kwalità nazzjonali u tal-UE korrispondenti.

Il-produtturi kollha li jkunu kisbu ċertifikat għall-produzzjoni tal-“Kranjska klobasa” iridu jwaħħlu tikketta bil-logo “Kranjska klobasa” fuq il-prodotti, ikunu jew ma jkunux membri ta’ GIZ Kranjska klobasa.

4. Deskrizzjoni fil-qosor taż-żona ġeografika

Iż-żona ġeografika ta’ produzzjoni tal-“Kranjska klobasa” tinkludi ż-żona ġewwa s-Slovenja li tinsab bejn l-Alpi u l-Baħar Adrijatiku li hija delimitata fil-Punent mill-fruntiera mal-Italja, fit-Tramuntana mill-fruntiera mal-Awstrija u fin-Nofsinhar mill-fruntiera mal-Kroazja u li tiftaħ lejn il-Lvant lejn il-Baċin Pannonjan u testendi sal-fruntiera mal-Ungerija.

Taħt l-imperu Ġermaniż, u sussegwentement l-Imperu Awstru-Ungariż, ir-reġjun ta’ Kranjska kien l-uniku reġjun kompletament Sloven u din hija r-raġuni għaliex it-terminu “Kranjec” (Carniolian) jintuża bħala isem ieħor ta’ “Sloven” u għadu jintuża sal-lum fil-lingwa ta’ kuljum biex jidentifika parti mill-popolazzjoni tas-Slovenja. Għadd ta’ kombinazzjonijiet ta’ kliem oħra u denominazzjonijiet li fihom l-aġġettiv “kranjski, kranjska” ukoll għadhom jintużaw sal-lum fis-Slovenja.

L-isem “Kranjska” ġej mill-kelma Slovena “krajina”, li kienet tfisser “pajjiż” (irreġistrata għall-ewwel darba fis-sena 973 bħala “Creina”, l-isem popolari għal “Carniola”). Il-forma Slovena “Kranjska” (“Krain” u “Krainburg” bil-Ġermaniż) baqgħet fl-użu wara s-seklu 13. Mill-1002, il-Kranjska kienet margravat (provinċja konfinali) awtonomu bil-margravi tagħha stess. Amministrattivament, il-Kranjska kienet parti mill-Imperu Sagru Ruman. Fis-seklu 14, il-biċċa l-kbira ta’ dik li llum hija s-Slovenja kienet tagħmel parti mill-imperu tal-Asburgi. It-territorju Sloven kien maqsum fl-artijiet li ġejjin: Kranjska (Carniola), Trst (Trieste), Istra (Istria), Goriška (Gorizia), Koroška (Carinthia) u Štajerska (Styria). Wara x-xoljiment tal-imperu Awstru-Ungariż fl-1918, il-Kranjska ma baqgħetx teżisti bħala entità separata. Is-Slovenja hija Stat relattivament ġdid, li sar indipendenti fl-1991 meta ma baqax jagħmel parti mir-Repubblika Soċjalista Federali tal-Jugoslavja. Ir-Repubblika attwali tas-Slovenja hija għalhekk is-suċċessur ġeografiku ta’ dik li qabel kienet l-art ta’ Kranjska, peress li tinkludi t-territorju kollu ta’ dik li kienet il-Kranjska.

5. Rabta maż-żona ġeografika

Id-definizzjoni taż-żona ġeografika hija marbuta direttament mal-istorja tal-“Kranjska klobasa”.

Il-kundizzjonijiet naturali għall-produzzjoni tal-ikel, kif ukoll il-klima, kienu fattur ewlieni fl-iżvilupp tal-kultura kulinarja karatteristika, bl-agrikoltura mmirata prinċipalment lejn biedja ta’ sussistenza. Fuq art imħattba ħafna li fiha baċiri u widien, muntanji u pjanuri, l-abitanti rnexxielhom jippreservaw żoni ta’ raba’ li tinħarat li jkunu twarrbu għat-tkabbir tal-għalf għall-ħnieżer. It-trobbija tal-ħnieżer imxiet id f’id mal-produzzjoni tal-laħam tal-majjal u ta’ prodotti tal-majjal. Rapporti dwar il-produzzjoni tal-laħam tal-majjal u prodotti tal-majjal, inkluż iz-zalzett, imorru lura żmien twil ħafna, kif jidher mir-rappreżentazzjonijiet eċċellenti ta’ affreski medjevali u f’ċerti dokumenti miktubin fl-arkivji (pereżempju nota tas-seklu 17 miktuba fil-lingwa Slovena mill-gwardjan tal-kastell ta’ Vrbovec lis-sinjur tal-art). Madankollu, dawn ir-rapporti kollha jitkellmu dwar il-laħam tal-majjal, il-prodotti tal-laħam tal-majjal u z-zalzett. Wieħed mill-prodotti tipiċi kien zalzett semidurabbli li minħabba l-ħila u l-għarfien tal-abitanti tar-reġjun tiegħu ta’ oriġini u minħabba l-karatteristiċi ta’ identifikazzjoni speċifika tiegħu (it-togħma), sar magħruf bħala “Kranjska klobasa” fil-bidu tas-seklu 19, matul il-perjodu Awstru-Ungariż.

Il-fama tal-“Kranjska klobasa” ilha ġejja miż-żmien tal-Imperu Awstro-Ungariż multinazzjonali. Il-“Kranjska klobasa” huwa bla dubju wieħed mill-prodotti tal-laħam Sloveni l-aktar magħrufa internazzjonalment, kif juri l-għadd ta’ tfittxijiet fuq l-Internet, fejn il-“Kranjska klobasa” jissemma bħala prodott Sloven oriġinali fil-maġġoranza tal-każijiet. Il-letteratura speċjalizzata reċenti (Meat products handbook, Gerhard Feiner, CRC Press, 2006; http://en.wikipedia.org/wiki/Kransky) issemmi wkoll il-“Kranjska klobasa” bħala zalzett tipiku mhux iffermentat mis-Slovenja.

Fattur ewlieni li jiddistingwi l-“Kranjska klobasa”, kif wieħed isibu fis-Slovenja, minn zalzett simili ieħor huwa li r-riċetta tradizzjonali tal-awtriċi Slovena Felicita Kalinšek (Slovenska kuharica, 1912) ġiet segwita u użata u aġġustata biss biex takkomoda r-rekwiżiti teknoloġiċi moderni tas-sikurezza tal-ikel (użu tal-melħ tan-nitrit u l-pasturizzazzjoni). Karatteristika distintiva oħra tal-“Kranjska klobasa” huwa l-mili magħmul minn qatgħat tal-ogħla kwalità ta’ laħam u xaħam tal-majjal imqatta b’mod raff, immellaħ u mħawwar bil-bżar u t-tewm u affumigat termalment ħafiħ ħafif. Jintuża biss melħ tal-baħar. Il-mili jimtela fil-musrana ż-żgħira tal-ħanżir li tingħata forma biex tkun tista’ tingħalaq; il-musrana mbagħad tiddendel b’labra tal-injam ma’ zalzetta oħra bit-trufijiet tagħhom magħqudin flimkien. Karatteristika oħra tal-“Kranjska klobasa”! huma l-labar tal-injam ta’ ħxuna ta’ 2,5-3 mm, tul ta’ 3-6 cm u li huma maqsuma jew maqtugħa.

Il-“Kranjska klobasa” ma fihx awżiljari tekniċi, pereżempju pejst tal-laħam, jew addittivi oħra, pereżempju polifosfati, li jinsabu f’varjetajiet oħra ta’ zalzett. Il-mili jimtela biss f’kisi magħmul mill-intestini ż-żgħar tal-ħnieżer, u z-zalzett jiddendel tnejn tnejn b’labra tal-injam. It-trattament bil-fwar u l-affumikazzjoni termali (iz-zalzett huwa prodott pasturizzat) jagħtu lill-wiċċ il-karatteristika tal-kulur kannella fl-aħmar mhux qawwi ħafna tiegħu. Fl-aħħar nett, il-“Kranjska klobasa” jvarja wkoll minn zalzett ieħor bil-mod li jiġi kkunsmat, jew kif huwa rakkomandat li jiġi kkunsmat, sabiex tinkiseb l-aqwa taħlita ta’ togħmiet. Qabel ma jiġi servut, il-“Kranjska klobasa” sempliċement jissaħħan fl-ilma sħun, aktar milli jitgħalla, u b’hekk jikseb konsistenza partikolari ħafna, kemxejn ħarxa iżda tqarmeċ u sukkulenti, b’kulur roża fl-aħmar meta jinqata u aroma partikolari ta’ majjal immellaħ akkumpanjata minn aroma ta’ tewm, ta’ bżar u ta’ affumikazzjoni.

Fagu biss jintuża fil-proċess ta’ affumikazzjoni.

Il-karatteristiċi tal-“Kranjska klobasa” huma r-riżultat tal-kompetenzi u tal-għarfien tan-nies li għexu f’dik li llum hija s-Slovenja u li qabel kienet l-art ewlenija Awstro-Ungeriża ta’ Kranjska. Il-kwalità tiegħu ġiet iddeterminata mill-użu ta’ qatgħat ta’ laħam ta’ kwalità għolja u l-użu konsistenti ta’ melħ tal-baħar, li fl-ewwel Kranjska kien kompetitur permanenti, saħansitra strateġiku, tal-melħ tal-blat Bogataj, (The Food and Cooking of Slovenia, Annes Publishing, Londra, 2008).

L-eqdem l-istruzzjonijiet għall-produzzjoni tal-“Kranjska klobasa” (ukoll b’din id-denominazzjoni) jinsabu f’żewġ kotba tat-tisjir, jiġifieri “Süddeutsche Küche” minn Katharina Prato (1896) u s-sitt edizzjoni ta’ “Slovenska kuharica” ta’ Felicita Kalinšek (1912). Filwaqt li dwar Katharina Prato ma jistax jingħad li tipprovdi istruzzjonijiet għall-produzzjoni tal-“Kranjska klobasa”, ir-referenza tagħha hija probabbilment waħda mill-eqdem referenzi għal dan it-tip ta’ zalzett (1896). Felicita Kalinšek, fil-ktieb tagħha “Slovenska kuharica” (1912), tat istruzzjonijiet dwar kif tipproduċi il-“Kranjska klobasa”.

Hemm serje ta’ rapporti fis-Slovenja, speċjalment bil-fomm, li jsemmu lill-“Kranjska klobasa”, iż-żoni ta’ produzzjoni u l-fama tiegħu fost it-tipi ta’ zalzett reġjonali oħra. Hemm rapporti folkloristiċi numerużi li jsostnu l-post veru tal-oriġini tal-“Kranjska klobasa” jew il-post fejn kien allegatament prodott għall-ewwel darba. Spiss issir referenza għall-villaġġ ta’ Trzin, li jinsab bejn Lubljana u Kamnik, fejn għadd kbir ta’ biċċiera jingħad li kienu bieżla fis-sengħa tagħhom sa mis-seklu 19, jipprovdu s-suq bil-“Kranjska klobasa”, li kien jinsab saħansitra anki fi Vjenna. Skont ċerti sorsi orali, dan iz-zalzett ħa ismu mill-belt ta’ Kranj, filwaqt li sorsi orali oħrajn jgħidu li kien jiġi prodott fl-ibliet ewlenin kollha u l-ibliet b’suq fit-territorju ta’ dik li qabel kienet l-art ta’ Kranjska. Hemm ukoll il-leġġenda pittoreska tal-Imperatur Franz Joseph li, waqt li kien qed jivvjaġġa bil-karrozzella minn Vjenna sa Trieste, waqaf fit-taverna famuża ta’ Marinšek fuq it-triq prinċipali fil-villaġġ ta’ Naklo pri Kranju. Huwa xtaq jiekol xi ħaġa u staqsa lis-sid x’kellu għall-ikel. “Għandna biss zalzett tad-djar, ordinarju, xejn aktar”, wieġeb lill-imperatur. L-imperatur ordna z-zalzett u, meta ipprovah, qal b’entużjażmu: “Dan mhux xi zalzett ordinarju, dan zalzett Karnijolan!”

Karatteristika kulinarja tar-reġjuni tas-Slovenja hija li l-“Kranjska klobasa” jiġi prodott u mibjugħ fir-reġjuni kollha, li juri li huwa parti mill-patrimonju tat-territorju Sloven kollu. Ir-reputazzjoni tal-“Kranjska klobasa” tidher ukoll fl-ispeċjalità tipika Slovena, il-“Kranjska klobasa” bis-sawerkrawt.

Ir-reputazzjoni tal-“Kranjska klobasa” infirxet ukoll minn fruntiera għal oħra, kif jidher mit-traduzzjonijiet ta’ ismu fid-diversi lingwi tal-Imperu Awstro-Ungariż (J. de Moor & N. de Rooj/ed./, European Cookery, Tradition & Innovation, Utrecht 2004).

Il-Festival “Kranjska klobasa” ilu jsir fis-Slovenja sa mill-2003, b’kompetizzjoni nazzjonali biex jintagħżel l-aħjar “Kranjska klobasa”.

Referenza għall-pubblikazzjoni tal-ispeċifikazzjoni

(it-tieni subparagrafu tal-Artikolu 6(1) ta’ dan ir-Regolament)

http://www.mkgp.gov.si/fileadmin/mkgp.gov.si/pageuploads/podrocja/Kmetijstvo/zascita_kmetijskih_pridelkov_zivil/KK_SPEC_spr_6_6_15.pdf

(1) ĠU L 179, 19.6.2014, p. 17.

(2) ĠU L 343, 14.12.2012, p. 1.

		ISSN 1977-0987
Il-Ġurnal Uffiċjali tal-Unjoni Ewropea		C 441

Edizzjoni bil-Malti	Informazzjoni u Avviżi	Volum 58 31 ta' Diċembru 2015

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2015/C 441/01	Ebda oppożizzjoni għal konċentrazzjoni notifikata (Il-Każ M.7814 — Engie/Soper/La Compagnie Du Vent/La Caisse Des Depots Et Consignations/CEOLCBH60/CEOLCHA51/CEOLAUX89) ( 1 )	1

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2015/C 441/02	Rata tal-kambju tal-euro	2

	V Avviżi
	ATTI OĦRAJN
	Il-Kummissjoni Ewropea
2015/C 441/03	Pubblikazzjoni ta’ applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill	3


	(1) Test b'rilevanza għaż-ŻEE