1.12.2015

MT

Il-Ġurnal Uffiċjali tal-Unjoni Ewropea

C 399/1

---

Rata tal-kambju tal-euro (1)

It-30 ta’ Novembru 2015

(2015/C 399/01)

1 euro =

	Munita	Rata tal-kambju
USD	Dollaru Amerikan	1,0579
JPY	Yen Ġappuniż	130,22
DKK	Krona Daniża	7,4604
GBP	Lira Sterlina	0,70480
SEK	Krona Żvediża	9,2070
CHF	Frank Żvizzeru	1,0903
ISK	Krona Iżlandiża
NOK	Krona Norveġiża	9,1935
BGN	Lev Bulgaru	1,9558
CZK	Krona Ċeka	27,030
HUF	Forint Ungeriż	311,58
PLN	Zloty Pollakk	4,2721
RON	Leu Rumen	4,4503
TRY	Lira Turka	3,0789
AUD	Dollaru Awstraljan	1,4671
CAD	Dollaru Kanadiż	1,4143
HKD	Dollaru ta' Hong Kong	8,1989
NZD	Dollaru tan-New Zealand	1,6120
SGD	Dollaru tas-Singapor	1,4940
KRW	Won tal-Korea t'Isfel	1 224,21
ZAR	Rand ta' l-Afrika t'Isfel	15,2894
CNY	Yuan ren-min-bi Ċiniż	6,7689
HRK	Kuna Kroata	7,6330
IDR	Rupiah Indoneżjan	14 645,43
MYR	Ringgit Malażjan	4,5067
PHP	Peso Filippin	49,921
RUB	Rouble Russu	69,9854
THB	Baht Tajlandiż	37,926
BRL	Real Brażiljan	4,0709
MXN	Peso Messikan	17,5569
INR	Rupi Indjan	70,5275

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

1.12.2015

MT

Il-Ġurnal Uffiċjali tal-Unjoni Ewropea

C 399/2

---

Sejħiet għal proposti u attivitajiet relatati fil-qafas tal-programmi ta’ ħidma 2016-2017 tal-inizjattiva Orizzont 2020 — il-Programm Qafas għar-Riċerka u l-Innovazzjoni (2014-2020) u tal-Programm ta’ Riċerka u Taħriġ tal-Komunità Ewropea tal-Enerġija Atomika (2014-2018) li jikkumplementa l-Orizzont 2020

(2015/C 399/02)

B’dan qed jingħata avviż tat-tnedija ta’ sejħa għal proposti u attivitajiet marbuta fil-qafas tal-programmi ta’ ħidma 2016-2017 tal-inizjattiva Orizzont 2020 – il-Programm Qafas għar-Riċerka u l-Innovazzjoni (2014-2020) u tal-Programm ta’ Riċerka u Taħriġ tal-Komunità Ewropea tal-Enerġija Atomika (2014-2018) li jikkumplementa l-Orizzont 2020.

Permezz tad-Deċiżjonijiet C(2015) 6776, u C(2015) 6744 tat-13 ta’ Ottubru 2015, il-Kummissjoni adottat żewġ programmi ta’ ħidma li jinkludu sejħiet għal proposti u attivitajiet relatati.

Dawn huma suġġetti għad-disponibbiltà tal-approprjazzjonijiet previsti fl-abbozz tal-baġit għall-2016 wara l-adozzjoni tal-baġit għall-2016 mill-awtorità tal-baġit jew jekk il-baġit ma jiġix adottat kif previst fis-sistema tad-dodiċeżmi proviżorji.

Dawn il-programmi ta’ ħidma, inkluż id-dati tal-għeluq u l-baġits għall-attivitajiet, huma disponibbli fuq is-sit web tal-Portal tal-Parteċipanti (http://ec.europa.eu/research/participants/portal) flimkien ma’ informazzjoni dwar il-modalitajiet tas-sejħiet u attivitajiet relatati, u l-gwida għall-applikanti dwar kif għandhom iressqu l-proposti. Din l-informazzjoni kollha se tiġi aġġornata kif meħtieġ fuq l-istess Portal tal-Parteċipanti.

F’dan l-istadju, jistgħu jintbagħtu biss proposti fir-rigward tas-suġġetti mmarkati “2016” fis-sejħiet għal proposti murija fil-Portal tal-Parteċipant. L-informazzjoni dwar meta jkunu jistgħu jitressqu l-proposti fir-rigward ta’ suġġetti mmarkati “2017” se tkun provduta fi stadju aktar tard.

---

1.12.2015

MT

Il-Ġurnal Uffiċjali tal-Unjoni Ewropea

C 399/3

---

Notifika minn qabel ta’ konċentrazzjoni

(Il-Każ M.7795 — Ratos/Varma/Real Estate JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 399/03)

1.

Fit-23 ta’ Novembru 2015, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Ratos AB (“Ratos”, l-Isvezja) u Varma Mutual Pension Insurance Company (“Varma” tal-Finlandja), jakkwistaw fi ħdan it-tifsira tal-Artikolu 3(1)(b) tar-Regolament dwar l-Għaqdiet il-kontroll konġunt indirett ta’ portafoll ta’ proprjetà ta’ beni immobbli permezz ta’ xiri ta’ ishma.

2.

L-attivitajiet kummerċjali tal-impriżi kkonċernati huma: — Ratos huwa konglomerat tal-ekwità privata attiv f’għadd ta’ setturi, — Varma hija kumpanija tal-assigurazzjoni tal-pensjoni reċiproka Finlandiża li hija proprjetà tal-kumpaniji klijenti tagħha u ta’ persuni li jaħdmu għal rashom, impjegati assikurati u sidien tal-kapital ta’ garanzija, — Il-portafoll ta’ proprjetà immobbli jikkonsisti fi 22 proprjetà għal bejgħ lil klijenti privati li jinsabu f’14-il muniċipalità fil-Finlandja.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati sabiex iressqu l-kummenti li jista’ jkollhom dwar l-operazzjoni proposta lill-Kummissjoni. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni bil-faks (+32 22964301), bl-e-Mail lil COMP-MERGER-REGISTRY@ec.europa.eu jew bil-posta, bin-numru ta’ referenza M.7795 — Ratos/Varma/Real Estate JV, f’dan l-indirizz: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

---