18.11.2015

MT

Il-Ġurnal Uffiċjali tal-Unjoni Ewropea

C 384/1

---

Ebda oppożizzjoni għal konċentrazzjoni notifikata

(Il-Każ M.7538 — Knorr-Bremse / Vossloh)

(Test b'rilevanza għaż-ŻEE)

(2015/C 384/01)

Fl-14 ta’ Settembru 2015, il-Kummissjoni ddeċidiet li ma topponix il-konċentrazzjoni notifikata msemmija hawn fuq u li tiddikjaraha kompatibbli mas-suq intern. Din id-deċiżjoni hi bbażata fuq l-Artikolu 6(1)(b) tar-Regolament tal-Kunsill (KE) Nru 139/2004 (1). It-test sħiħ tad-deċiżjoni hu disponibbli biss fl-Ingliż u ser isir pubbliku wara li jitneħħa kwalunkwe sigriet tan-negozju li jista’ jkun fih. Dan it-test jinstab:

—

fit-taqsima tal-amalgamazzjoni tal-websajt tal-Kummissjoni dwar il-Kompetizzjoni (http://ec.europa.eu/competition/mergers/cases/). Din il-websajt tipprovdi diversi faċilitajiet li jgħinu sabiex jinstabu d-deċiżjonijiet individwali ta' amalgamazzjoni, inklużi l-kumpanija, in-numru tal-każ, id-data u l-indiċi settorjali,

—	f’forma elettronika fil-websajt EUR-Lex (http://eur-lex.europa.eu/homepage.html?locale=mt) fid-dokument li jġib in-numru 32015M7538. Il-EUR-Lex hu l-aċċess fuq l-internet għal-liġi Ewropea.

---

(1)  ĠU L 24, 29.1.2004, p. 1.

---

18.11.2015

MT

Il-Ġurnal Uffiċjali tal-Unjoni Ewropea

C 384/2

---

Rata tal-kambju tal-euro (1)

Is-17 ta’ Novembru 2015

(2015/C 384/02)

1 euro =

	Munita	Rata tal-kambju
USD	Dollaru Amerikan	1,0670
JPY	Yen Ġappuniż	131,49
DKK	Krona Daniża	7,4613
GBP	Lira Sterlina	0,70170
SEK	Krona Żvediża	9,3243
CHF	Frank Żvizzeru	1,0806
ISK	Krona Iżlandiża
NOK	Krona Norveġiża	9,2370
BGN	Lev Bulgaru	1,9558
CZK	Krona Ċeka	27,031
HUF	Forint Ungeriż	311,64
PLN	Zloty Pollakk	4,2475
RON	Leu Rumen	4,4375
TRY	Lira Turka	3,0593
AUD	Dollaru Awstraljan	1,4960
CAD	Dollaru Kanadiż	1,4200
HKD	Dollaru ta' Hong Kong	8,2700
NZD	Dollaru tan-New Zealand	1,6447
SGD	Dollaru tas-Singapor	1,5175
KRW	Won tal-Korea t'Isfel	1 247,07
ZAR	Rand ta' l-Afrika t'Isfel	15,1915
CNY	Yuan ren-min-bi Ċiniż	6,8045
HRK	Kuna Kroata	7,6065
IDR	Rupiah Indoneżjan	14 646,25
MYR	Ringgit Malażjan	4,6861
PHP	Peso Filippin	50,339
RUB	Rouble Russu	69,8710
THB	Baht Tajlandiż	38,365
BRL	Real Brażiljan	4,0684
MXN	Peso Messikan	17,8880
INR	Rupi Indjan	70,4322

---

(1)  Sors: rata tal-kambju ta' referenza ppubblikata mill-Bank Ċentrali Ewropew.

---

18.11.2015

MT

Il-Ġurnal Uffiċjali tal-Unjoni Ewropea

C 384/3

---

Rapport Speċjali Nru 14/2015

“Il-Faċilità ta’ Investiment tal-AKP: tipprovdi valur miżjud?”

(2015/C 384/03)

Il-Qorti Ewropea tal-Awdituri b’dan tinfurmak li r-Rapport Speċjali Nru 14/2015 “Il-Faċilità ta’ Investiment tal-AKP: tipprovdi valur miżjud?” għadu kif ġie ppubblikat.

Ir-rapport jista’ jiġi kkonsultat jew imniżżel mis-sit web tal-Qorti Ewropea tal-Awdituri: http://eca.europa.eu

Verżjoni stampata tar-rapport tista’ tinkiseb mingħajr ħlas fuq talba lill-Qorti tal-Awdituri:

Cour des comptes européenne

Publications (PUB)

12, rue Alcide De Gasperi

1615 Luxembourg

LUXEMBOURG

Tel. +352 4398-1

e-mail: eca-info@eca.europa.eu

jew billi timla formola ta’ ordni elettronika fuq l-EU-Bookshop.

---

18.11.2015

MT

Il-Ġurnal Uffiċjali tal-Unjoni Ewropea

C 384/4

---

Pubblikazzjoni f’konformità mal-Artikolu 9 tar-Regolament (UE) Nru 995/2010 tal-Parlament Ewropew u tal-Kunsill li jistabbilixxi l-obbligi tal-operaturi li jqiegħdu fis-suq injam u prodotti tal-injam

(Test b'rilevanza għaż-ŻEE)

(2015/C 384/04)

Skont l-Artikolu 9 tar-Regolament (UE) Nru 995/2010, il-Kummissjoni għandha tippubblika l-lista tal-organizzazzjonijiet ta’ monitoraġġ f’Il-Ġurnal Uffiċjali tal-Unjoni Ewropea, serje C, u għandha tagħmilha disponibbli fuq is-sit web tagħha. Il-lista għandha tiġi aġġornata regolarment.

Fid-dawl ta’ li ntqal hawn fuq, il-Kummissjoni b’dan qed tippubblika lista aġġornata tal-organizzazzjonijiet ta’ monitoraġġ:

Organizzazzjoni ta’ monitoraġġ	Data ta’ rikonoxximent
AENOR (Asociación Española de Normalización y Certificación)	19.10.2015
BM TRADA Latvija	1.6.2015
Bureau Veritas Certification Holding SAS	27.3.2014
Consorzio Servizi Legno-Sughero	19.8.2013
Control Union Certifications B.V.	27.3.2014
DIN CERTCO Gesellschaft für Konformitätsbewertung mbH	1.6.2015
GD Holz Service GmbH	30.1.2015
ICILA S.R.L.	30.1.2015
Le Commerce du Bois	30.1.2015
NEPCon	19.8.2013
SGS United Kingdom Limited	30.1.2015
Soil Association Woodmark	30.1.2015

---

18.11.2015

MT

Il-Ġurnal Uffiċjali tal-Unjoni Ewropea

C 384/5

---

Avviż tal-iskadenza imminenti ta’ ċerti miżuri antidumping

(2015/C 384/05)

1.   Kif previst fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1), il-Kummissjoni tavża li, sakemm ma titnediex reviżjoni skont il-proċedura li ġejja, il-miżuri antidumping imsemmija hawn taħt jiskadu fid-data msemmija fit-tabella hawn taħt.

2.   Proċedura

Il-produtturi tal-Unjoni jistgħu jressqu talba bil-miktub għal reviżjoni. Din it-talba trid tinkludi biżżejjed evidenza li l-iskadenza tal-miżuri aktarx li twassal għal kontinwazzjoni jew rikorrenza ta’ dumping u ħsara. Jekk il-Kummissjoni tiddeċiedi li tagħmel reviżjoni tal-miżuri konċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni jingħataw l-opportunità li jelaboraw, jirrifjutaw jew jikkummentaw dwar il-kwistjonijiet imsemmija fit-talba għal reviżjoni.

3.   Limitu ta’ żmien

Il-produtturi tal-Unjoni jistgħu jressqu talba bil-miktub għal reviżjoni abbażi ta’ dak li ssemma hawn fuq, li għandha tasal għand il-Kummissjoni Ewropea, id-Direttorat Ġenerali tal-Kummerċ (l-Unità H-1), CHAR 4/39, 1049 Brussell, Belġju (2) fi kwalunkwe żmien mid-data tal-pubblikazzjoni ta’ dan l-avviż, iżda mhux aktar tard minn tliet xhur qabel id-data msemmija fit-tabella ta’ hawn taħt.

4.   Dan l-avviż huwa ppubblikat skont l-Artikolu 11 (2) tar-Regolament (KE) Nru 1225/2009.

Prodott	Pajjiż(i) tal-oriġini jew tal-esportazzjoni	Miżuri	Referenza	Data ta’ skadenza (3)
Ċerti drappijiet b’malja miftuħa tal-fibri tal-ħġieġ	Ir-Repubblika tal-Poplu taċ-Ċina L-Indja L-Indoneżja Il-Malasja It-Tajwan It-Tajlandja	Dazju antidumping	Ir-Regolament ta’ Implimentazzjoni tal-Kunsill (UE) Nru 791/2011 li jimponi dazju antidumping definittiv u li jiġbor b’mod definittiv id-dazju provviżorju impost fuq l-importazzjonijiet ta’ ċerti drappijiet b’malja miftuħa tal-fibri tal-ħġieġ li joriġinaw mir-Repubblika Popolari taċ-Ċina (ĠU L 204, 9.8.2011, p. 1), kif estiż għal importazzjonijiet ikkonsenjati mill-Indja u mill-Indoneżja bir-Regolament ta’ Implimentazzjoni tal-Kunsill (UE) Nru 1371/2013, sew jekk iddikjarati bħala li joriġinaw mill-Indja u l-Indoneżja u sew jekk le (ĠU L 346, 20.12.2013, p. 20) u kif estiż għal importazzjonijiet mill-Malasja permezz tar-Regolament ta’ Implimentazzjoni tal-Kunsill (UE) Nru 672/2012, kemm jekk iddikjarati li joriġinaw mill-Malasja kif ukoll jekk le (ĠU L 196, 24.7.2012, p. 1) u kif estiż għal importazzjonijiet ikkonsenjati mit-Tajwan u t-Tajlandja, permezz tar-Regolament ta’ Implimentazzjoni tal-Kunsill (UE) Nru 21/2013, kemm jekk iddikjarati bħala li joriġinaw mit-Tajwan u t-Tajlandja kif ukoll jekk le (ĠU L 11, 16.1.2013, p. 1)	10.8.2016

---

(1)  ĠU L 343, 22.12.2009, p. 51.

(2)  TRADE-Defence-Complaints@ec.europa.eu

(3)  Il-miżura tiskadi f’nofsillejl tal-jum imsemmi f’din il-kolonna.

---

18.11.2015

MT

Il-Ġurnal Uffiċjali tal-Unjoni Ewropea

C 384/7

---

Avviż tal-iskadenza imminenti ta’ ċerti miżuri antidumping

(2015/C 384/06)

1.   Kif previst fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1), il-Kummissjoni tavża li, sakemm ma titnediex reviżjoni skont il-proċedura li ġejja, il-miżuri antidumping imsemmija hawn taħt jiskadu fid-data msemmija fit-tabella hawn taħt.

2.   Proċedura

Il-produtturi tal-Unjoni jistgħu jressqu talba bil-miktub għal reviżjoni. Din it-talba trid tinkludi biżżejjed evidenza li l-iskadenza tal-miżuri aktarx li twassal għal kontinwazzjoni jew rikorrenza ta’ dumping u ħsara.

Jekk il-Kummissjoni tiddeċiedi li tagħmel reviżjoni tal-miżuri konċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni jingħataw l-opportunità li jelaboraw, jirrifjutaw jew jikkummentaw dwar il-kwistjonijiet imsemmija fit-talba għal reviżjoni.

3.   Limitu ta’ żmien

Il-produtturi tal-Unjoni jistgħu jressqu talba bil-miktub għal reviżjoni abbażi ta’ dak li ssemma hawn fuq, li għandha tasal għand il-Kummissjoni Ewropea, id-Direttorat Ġenerali tal-Kummerċ (l-Unità H-1), CHAR 4/39, 1049 Brussell, Belġju (2) fi kwalunkwe żmien mid-data tal-pubblikazzjoni ta’ dan l-avviż, iżda mhux aktar tard minn tliet xhur qabel id-data msemmija fit-tabella ta’ hawn taħt.

4.   Dan l-avviż huwa ppubblikat skont l-Artikolu 11 (2) tar-Regolament (KE) Nru 1225/2009.

Prodott	Pajjiż(i) tal-oriġini jew tal-esportazzjoni	Miżuri	Referenza	Data ta’ skadenza (3)
Ċerti mekkaniżmi tal-illegar bl-anelli	It-Tajlandja	Dazju antidumping	Ir-Regolament ta’ Implimentazzjoni tal-Kunsill (UE) Nru 792/2011 li jimponi dazju antidumping definittiv u jiġbor b’mod definittiv id-dazju provviżorju impost fuq l-importazzjonijiet ta’ ċerti mekkaniżmi tal-illegar bl-anelli li joriġinaw mit-Tajlandja (ĠU L 204, 9.8.2011, p. 11).	10.8.2016

---

(1)  ĠU L 343, 22.12.2009, p. 51.

(2)  TRADE-Defence-complaints@ec.europa.eu

(3)  Il-miżura tiskadi f’nofsillejl tal-jum imsemmi f’din il-kolonna.

---

18.11.2015

MT

Il-Ġurnal Uffiċjali tal-Unjoni Ewropea

C 384/8

---

Notifika minn qabel ta’ konċentrazzjoni

(Il-Każ M.7797 — Michelin/Fives/JV)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 384/07)

1.

Fit-12 ta’ Novembru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha Compagnie Générale des Établissements Michelin (“Michelin”), permezz tas-sussidjarja totalment proprjetà tagħha, Spika SAS (Franza) u Fives SA (“Fives”, Franza) jakkwistaw (takkwista) fit-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Five Michelin Additive Solutions SAS (Franza) permezz ta’ xiri ta’ ishma f’kumpanija ġdida li tikkostitwixxi f’impriża konġunta (joint venture, JV).

2.

L-attivitajiet kummerċjali tal-impriżi kkonċernati huma: —   għal Michelin: il-manifattura u d-distribuzzjoni ta’ tajers tal-karozzi u industriji oħrajn; —   għal Fives: id-disinn u l-manifattura ta’ magni industrijali, tagħmir tal-ipporċessar u linji tal-produzzjoni; —   għal Fives Michelin Additive Solutions SAS: l-iżvilupp, il-manifattura u l-bejgħ ta’ magni għall-manifattura tal-addittivi u partijiet, kif ukoll il-forniment ta’ servizzi relatati.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

4.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta. Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7797 — Michelin/Fives/JV, fl-indirizz li ġej: European Commission Directorate-General for Competition Merger Registry 1049 Bruxelles/Brussel BELGIQUE/BELGIË

---

(1)  ĠU L 24, 29.1.2004, p. 1 (ir-“Regolament dwar l-Għaqdiet”).

(2)  ĠU C 366, 14.12.2013, p. 5.

---