KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

15.10.2015

Il-Ġurnal Uffiċjali tal-Unjoni Ewropea

C 340/3

Rata tal-kambju tal-euro (1)

L-14 ta’ Ottubru 2015

(2015/C 340/04)

1 euro =

	Munita	Rata tal-kambju
USD	Dollaru Amerikan	1,1410
JPY	Yen Ġappuniż	136,48
DKK	Krona Daniża	7,4612
GBP	Lira Sterlina	0,74180
SEK	Krona Żvediża	9,2716
CHF	Frank Żvizzeru	1,0901
ISK	Krona Iżlandiża
NOK	Krona Norveġiża	9,2400
BGN	Lev Bulgaru	1,9558
CZK	Krona Ċeka	27,113
HUF	Forint Ungeriż	311,04
PLN	Zloty Pollakk	4,2378
RON	Leu Rumen	4,4145
TRY	Lira Turka	3,3500
AUD	Dollaru Awstraljan	1,5722
CAD	Dollaru Kanadiż	1,4816
HKD	Dollaru ta' Hong Kong	8,8429
NZD	Dollaru tan-New Zealand	1,6938
SGD	Dollaru tas-Singapor	1,5815
KRW	Won tal-Korea t'Isfel	1 308,96
ZAR	Rand ta' l-Afrika t'Isfel	15,3094
CNY	Yuan ren-min-bi Ċiniż	7,2435
HRK	Kuna Kroata	7,6280
IDR	Rupiah Indoneżjan	15 534,04
MYR	Ringgit Malażjan	4,8055
PHP	Peso Filippin	52,447
RUB	Rouble Russu	71,9750
THB	Baht Tajlandiż	40,533
BRL	Real Brażiljan	4,4198
MXN	Peso Messikan	18,8927
INR	Rupi Indjan	74,1465

(1) Sors: rata tal-kambju ta' referenza ppubblikata mill-Bank Ċentrali Ewropew.

15.10.2015

Il-Ġurnal Uffiċjali tal-Unjoni Ewropea

C 340/4

SEJĦA GĦAL PROPOSTI — EACEA/41/2015

Taħt Il-Programm Erasmus+

“KA3 — Appoġġ għal intrapriżi żgħar u medji involuti fl-apprendistati”

(2015/C 340/05)

1. Objettivi u Deskrizzjoni

Fl-isfond tad-diskrepanza qawwija bejn il-qgħad fost iż-żgħażagħ u l-ħiliet, huma meħtieġa apprendistati ta’ kwalità għolja biex jiġi żgurat li l-għarfien, il-ħiliet u l-kompetenzi miksubin matul il-perjodu ta’ taħriġ ikunu rilevanti għall-ħtiġijiet tas-suq tax-xogħol. Is-suċċess tal-inizjattivi ta’ politika għall-apprendistati jiddependi wkoll fil-biċċa l-kbira tiegħu minn aktar intrapriżi żgħar u medji (SMEs) inklużi mikrokumpaniji li jkunu involuti fil-forniment ta’ kollokamenti. L-evidenza tissuġġerixxi li intrapriżi kbar għandhom aktar probabbiltà li joffru apprendistati mill-kontropartijiet żgħar tagħhom (1). L-SMEs għandhom rwol ewlieni fil-ħolqien tal-impjiegi u għalhekk jista’ jkollhom ukoll rwol aktar b’saħħtu fil-forniment tal-apprendistati, biex b’hekk tissaħħaħ l-impjegabbiltà taż-żgħażagħ.

L-objettiv tas-Sejħa huwa li jistieden is-sottomissjoni ta’ proposti li jipprovdu appoġġ għal intrapriżi żgħar u medji (SMEs) li joffru apprendistati, kemm dawk li jinvolvu ruħhom għall-ewwel darba kif ukoll dawk li qegħdin iżidu b’mod sostanzjali l-provvista attwali tagħhom ta’ apprendistati. Għandu jiġi nnotat li din is-sejħa ma tipprovdix appoġġ finanzjarju direttament lill-SMEs.

Din is-Sejħa għandha l-għan li żżid il-provvista ta’ apprendistati li hija waħda mill-ħames prijoritajiet Ewropej tal-ETV għall-2015-2020 u wieħed mill-objettivi ewlenin taħt l-Alleanza Ewropea għall-Apprendistati.

2. Applikanti Eleġibbli

Lott 1:

L-applikant (koordinatur) irid ikun waħda mill-organizzazzjonijiet jew grupp ta’ organizzazzjonijiet li ġejjin:

—	kmamar tal-industrija, tal-kummerċ u tal-artiġjanat, jew organizzazzjonijiet settorjali/professjonali bl-istess rilevanza;

—	intrapriżi pubbliċi u privati;

—	Fornituri tal-ETV.

—	organizzazzjonijiet oħrajn bi rwol fl-appoġġ għall-SMEs biex iżidu l-offerta tagħhom dwar l-apprendistati

L-isħubija trid tkun magħmula minn tal-inqas żewġ pajjiżi eliġibbli (li wieħed minnhom għandu jkun pajjiż tal-programm Erasmus+).

Lott 2:

L-applikant (koordinatur tal-proġett) irid ikun netwerk jew organizzazzjoni li jkollhom membri jew affiljati f’tal-inqas 12-il pajjiż tal-programm Erasmus+, li tal-inqas 6 minnhom jipparteċipaw fil-proġett bħala msieħba.

L-organizzazzjonijiet parteċipanti eliġibbli (Lott 1 u Lott 2) jinkludu:

—	il-ministeri;

—	l-imsieħba soċjali (l-organizzazzjonijiet tal-impjegaturi u l-ħaddiema);

—	il-kumpaniji pubbliċi jew privati;

—	il-kmamar tal-industrija, tal-kummerċ u tal-artiġjanat, jew organizzazzjonijiet settorjali/professjonali bl-istess rilevanza (eż. organizzazzjonijiet tal-artiġjanat);

—	servizzi pubbliċi tal-impjiegi;

—	l-awtoritajiet reġjonali u lokali pubbliċi;

—	il-fornituri tal-ETV;

—	l-aġenziji/ċentri tal-ETV;

—	l-iskejjel jew istituzzjonijiet edukattivi oħrajn;

—	l-istituzzjonijiet ta’ edukazzjoni għolja;

—	iċ-ċentri tar-riċerka;

—	l-organizzazzjonijiet internazzjonali;

—	l-organizzazzjonijiet li ma nagħmlux profitt (NGOs);

—	l-organizzazzjonijiet taż-żgħażagħ;

—	l-assoċjazzjonijiet tal-ġenituri;

—	korpi rilevanti oħrajn.

Persuni fiżiċi u kummerċjanti waħdiena mhumiex eliġibbli.

Il-pajjiżi eliġibbli huma:

Għal-Lott 1 u l-Lott 2:

Il-pajjiżi tal-programm Erasmus+:

—	it-28 Stat Membru tal-Unjoni Ewropea,

—	il-pajjiżi tal-EFTA/ŻEE: l-Iżlanda, il-Liechtenstein u n-Norveġja,

—	il-pajjiżi kandidati tal-UE: l-Albanija, dik li kienet ir-Repubblika Jugoslava tal-Maċedonja, il-Montenegro, is-Serbja u t-Turkija.

Jistgħu jintgħażlu proposti mill-applikanti fil-pajjiżi tal-EFTA/ŻEE jew minn pajjiżi kandidati jew assoċjati, sakemm, fid-data tal-għoti, ikunu ġew iffirmati ftehimiet li jistabbilixxu l-arranġamenti għall-parteċipazzjoni ta’ dawk il-pajjiżi fil-programm.

Il-pajjiżi msieħba fl-Erasmus+ li ġejjin:

—	Il-pajjiżi kandidati potenzjali tal-UE: il-Bożnija-Ħerzegovina, u l-Kosovo.

3. Attivitajiet eliġibbli

L-għan ta’ din is-sejħa huwa li tappoġġja l-proġetti fil-livell Ewropew billi tgħin lill-SMEs jinvolvu ruħhom fl-apprendistati. Il-proposti għandhom jitressqu taħt wieħed miż-żewġ Lottijiet li ġejjin:

(a)

Sħubijiet dwar il-bini ta’ kapaċitajiet għall-korpi intermedjarji jew sħubijiet stabbiliti minn kumpaniji kbar biex jiġu appoġġjati l-SMEs (Lott 1)

Il-proġetti appoġġjati taħt dan il-Lott għandhom jibnu sħubijiet bejn in-negozji, il-fornituri tal-ETV u l-organizzazzjonijiet intermedjarji flimkien, kif xieraq, mal-awtoritajiet pubbliċi u l-imsieħba soċjali, bil-għan li jkun hemm aktar SMEs involuti fl-apprendistati. Għaldaqstant, dawn għandu jkollhom l-għan li

—	Jibnu l-kapaċitajiet ta’ korpi intermedjarji (bħall-kmamar tal-kummerċ, tal-industrija u tal-artiġjanat, organizzazzjonijiet professjonali oħrajn) li jappoġġjaw l-apprendistati fl-SMEs;

—	jew li jistabbilixxu sħubijiet b’kumpaniji akbar permezz tal-katina tal-provvista tagħhom biex jassistu lill-SMEs biex iżidu l-provvista tal-apprendistati.

(b)

In-netwerks u l-organizzazzjonijiet fil-livell Ewropew li jappoġġjaw l-SMEs permezz tal-membri jew l-affiljati nazzjonali tagħhom (Lott 2)

Is-sejħa appoġġjat ukoll numru limitat ta’ proġetti ppreżentati minn netwerks u organizzazzjonijiet Ewropej eżistenti sabiex jiġu appoġġjati l-attivitajiet strateġiċi bejn l-organizzazzjonjiet umbrella tagħhom fil-livell Ewropew u l-membri jew l-affiljati nazzjonali tagħhom dwar it-tisħiħ tal-provvista ta’ apprendistati fl-SMEs.

Dawn is-sħubijiet għandhom jinkludu kooperazzjoni fil-livell nazzjonali u reġjonali (transfruntier u inter-reġjonali) u/jew kooperazzjoni fil-livell settorjali.

Il-benefiċjarji għandhom iwettqu l-attività li ġejja:

Lott 1

—

Jibnu kapaċitajiet għall-korpi intermedjarji (bħall-kmamar tal-kummerċ, tal-industrija u tal-artiġjanat, organizzazzjonijiet professjonali oħrajn) jew jużaw il-katina tal-provvista ta’ kumpaniji akbar biex jiżviluppaw u jwaqqfu strutturi ta’ appoġġ għall-SMEs, b’mod partikolari għal dawk bl-ebda esperjenza preċedenti ta’ apprendistati;

Lott 2

—	Kooperazzjoni mmirata bejn l-organizzazzjoni umbrella ta’ netwerks u organizzazzjonijiet Ewropej eżistenti u l-membri jew l-affiljati tagħhom għall-iżvilupp u t-twaqqif ta’ strutturi ta’ appoġġ għall-SMEs, b’mod partikolari għal dawk mingħajr ebda esperjenza preċedenti bl-apprendisti;

Barra minn hekk, il-benefiċjarji għandhom iwettqu waħda mill-attivitajiet li ġejjin (l-istess għal-Lott 1 u l-Lott 2):

—	Jidentifikaw soluzzjonijiet għal sfidi ta’ politika speċifiċi tal-SMEs għat-twaqqif jew it-tisħiħ tal-apprendistati, pereżempju jeżaminaw u jiżviluppaw governanza, kurrikuli, jew assigurazzjoni tal-kwalità tas-sistemi tal-apprendistati;

—

Jiżviluppaw strutturi ta’ appoġġ finanzjarju u mhux finanzjarju (pereżempju jappoġġjaw l-akkreditazzjoni bħala kumpanija ta’ taħriġ, it-taħriġ u l-istruzzjoni ta’ ħarrieġa fi ħdan il-kumpanija stess, proċeduri amministrattivi, il-valutazzjoni u ċ-ċertifikazzjoni tal-apprendisti) għall-SMEs u l-mudelli ta’ kondiviżjoni tal-ispejjeż li jimmotivaw lill-SMEs, il-fornituri tal-ETV kif ukoll l-istudenti;

—	Jappoġġjaw il-miżuri biex l-SMEs jiġu megħjuna jżidu l-kwalità tal-ħarrieġa fi ħdan il-kumpanija stess u biex itejbu l-kooperazzjoni mal-fornituri tal-ETV;

—	Jippromwovu l-eċċellenza fl-apprendistati u/jew jintegraw l-istudenti żvantaġġati fl-apprendistati;

—	Jiżviluppaw strateġiji għat-twaqqif ta’ ċentri ta’ taħriġ konġunti jew taħriġ kollaborattiv li jista’ jintuża minn grupp ta’ SMEs li jaħdmu flimkien biex jospitaw l-apprendisti;

—	Il-produzzjoni u d-disseminazzjoni ta’ materjal ta’ tagħlim u ta’ informazzjoni jew għodod prattiċi oħrajn li jiffukaw fuq l-SMEs;

—	Iwettqu kampanji ta’ attraenza għall-apprendistati biex jiġi żgurat l-involviment tal-SMEs;

—	Jiġu identifikati u żviluppati strateġiji u strutturi biex tiġi promossal-mobbiltà transfruntiera tal-apprendisti fl-SMEs (iżda li ma tkoprix il-mobbiltà tal-apprendisti nfushom);

—	Attivitajiet rilevanti oħrajn biex jiġu appoġġjati l-SMEs biex iżidu l-offerta ta’ apprendistati.

4. Kriterji tal-għoti

L-applikazzjonijiet eliġibbli ser ikunu vvalutati abbażi tal-kriterji li ġejjin:

(a)	Ir-rilevanza tal-proġett (massimu 40 punt – limitu minimu 20 punt)

(b)	Il-kwalità tat-tfassil u l-implimentazzjoni tal-proġett (massimu 20 punt - limitu minimu 10 punti)

(c)	Il-kwalità tal-konsorzju tal-proġett u tal-arranġamenti ta’ kooperazzjoni (massimu 20 punt - limitu minimu 10 punti)

(d)	L-impatt u d-disseminazzjoni (massimu 20 punt - limitu minimu 10 punti)

Il-limitu għall-proposti li għandhom jitressqu quddiem il-kumitat tal-evalwazzjoni għandu jkun minimu ta’ 60 punt (minn total ta’ 100 punt).

5. Baġit

Il-baġit totali allokat għall-kofinanzjament tal-proġetti huwa stmat għal EUR 8,7 miljun (EUR 5,2 miljun għal-Lott 1 u EUR 3,5 miljun għal-Lott 2).

L-ammont ta’ kull għotja ser ikun bejn 300 000 u 600 000 euro għal-Lott 1 u bejn 600 000 u 800 000 euro għal-Lott 2. L-Aġenzija qiegħda tistenna li tiffinanzja madwar 15-il proposta (sa 10 proġetti taħt il-Lott 1 u sa 5 proġetti taħt il-Lott 2).

L-Aġenżija tirriżerva d-dritt li ma tqassamx il-fondi kollha disponibbli.

6. Data ta’ skadenza għas-sottomissjoni ta’ applikazzjonijiet

L-applikazzjonijiet għandhom jitressqu sa mhux aktar tard mill-15 ta’ Jannar 2016 f’12:00 nofsinhar (ħin ta’ Brussell).

L-applikazzjonijiet għandhom jikkonformaw mar-rekwiżiti li ġejjin:

—	għandhom jiġu sottomessi esklussivament online permezz tal-formola ta’ applikazzjoni uffiċjali korretta;

—	għandhom jiġu abbozzati f’waħda mil-lingwi uffiċjali tal-UE.

In-nuqqas ta’ konformità ma’ dawk ir-rekwiżiti jwassal għaċ-ċaħda tal-applikazzjoni.

7. Informazzjoni sħiħa

Il-linji gwida flimkien mal-formola elettronika ta’ applikazzjoni jinsabu fl-indirizz li ġej fuq l-Internet:

https://eacea.ec.europa.eu/erasmus-plus/funding/support-for-policy-reform-support-for-small-and-medium-sized-enterprises-engaging-in-apprenticeships_en

L-applikazzjonijiet għandhom ikunu konformi mat-termini kollha tal-linji gwida.

(1) Good for Youth, Good for Business (Tajjeb għaż-Żgħażagħ, Tajjeb għan-Negozju), Il-Kummissjoni Ewropea, Fuljett 2015, pp. 19-20.

15.10.2015

Il-Ġurnal Uffiċjali tal-Unjoni Ewropea

C 340/8

Notifika minn qabel ta' konċentrazzjoni

(Il-Każ M.7781 — Marubeni-Itochu Steel/Sumitomo Corporation/MITS JV)

Każ li jista' jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 340/06)

Fit-8 ta’ Ottubru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar- Regolament tal-Kunsill (KE) Nru 139/2004 (1) li permezz tagħha l-impriżi Marubeni-Itochu Steel Inc. (“MISI”, il-Ġappun), ikkontrollata minn Marubeni Corporation (“Marubeni”, il-Ġappun) u Itochy Corporation (“Itochu”, il-Ġappun), u Sumitomo Corporation (“Sumitomo”, il-Ġappun) jakkwistaw fit-tifsira tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Marubeni-Itochu Techno Steel Inc. (“MITS”, il-Ġappun) permezz ta’ akkwist ta’ ishma f’kumpanija ġdida li tikkostitwixxi impriża konġunta (joint venture, JV).

L-attivitajiet kummerċjali tal-impriżi kkonċernati huma:

— għal MISI: il-produzzjoni, l-importazzjoni, l-esportazzjoni u l-bejgħ ta’ prodotti tal-azzar, investiment f’industriji relatati mal-azzar. MISI hija sussidjarja ta’ Marubeni Corporation u Itochu Corporation, żewġ konglomerati, li huma attivi fil-produzzjoni u l-bejgħ ta’ firxa wiesgħa ta’ prodotti, inkluż l-ikel, it-tessuti, il-kimiċi, l-enerġija, il-metalli, il-makkinarju u oħrajn.

— għal Sumitomo: il-produzzjoni u l-forniment ta’ prodotti u servizzi f’firxa wiesgħa ta’ setturi, inklużi prodotti tal-metall, sistemi tat-trasportazzjoni u tal-kostruzzjoni, infrastrutturi, il-midja, ir-riżorsi minerali, l-enerġija, il-kimiċi, l-elettronika u oħrajn.

— għal MITS: il-produzzjoni u l-forniment ta’ prodotti tal-azzar għall-inġinerija ċivili, prodotti tal-azzar għall-kostruzzjoni u materjal ieħor tal-azzar għall-kostruzzjoni.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta' ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta' min jinnota li dan il-każ jista' jiġi kkunsidrat għal trattament skont il-proċedura stipulata f'dan l-Avviż.

Il-Kummissjoni tistieden lill-partijiet terzi interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta' referenza M.7781 — Marubeni-Itochu Steel/Sumitomo Corporation/MITS JV, f'dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

15.10.2015

Il-Ġurnal Uffiċjali tal-Unjoni Ewropea

C 340/9

Notifika minn qabel ta’ konċentrazzjoni

(Il-Każ M.7798 — CCMP Capital/INEOS/Eco Services)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 340/07)

Fis-7 ta’ Ottubru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1) li permezz tagħha fondi ġestiti minn CCMP Capital, LLC (“CCMP”, l-Istati Uniti tal-Amerka) u INEOS Investments Partnership (“INEOS”, ir-Renju Unit) jakkwistaw fit-tifsira tal-Artikolu 3(1)(b) tar-Regolament dwar l-Għaqdiet, il-kontroll konġunt ta’ Eco Services Operations, LLC kollha kemm hi (“Eco Services”, l-Istati Uniti tal-Amerka).

2.	L-attivitajiet kummerċjali tal-impriżi kkonċernati huma: — CCMP: ditta ta’ ekwità privata globali, — INEOS: manifattur globali ta’ petrokimiċi, kimiki speċjalizzati u prodotti miż-żejt, — Eco Services: manifattur ta’ aċidu sulfuriku fl-Istati Uniti tal-Amerka.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permezz tal-faks (+32 22964301), permezz tal-email lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7798 — CCMP Capital/INEOS/Eco Services, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

		ISSN 1977-0987
Il-Ġurnal Uffiċjali tal-Unjoni Ewropea		C 340

Edizzjoni bil-Malti	Informazzjoni u Avviżi	Volum 58 15 ta' Ottubru 2015

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2015/C 340/01	Ebda oppożizzjoni għal konċentrazzjoni notifikata (Il-Każ M.7616 — DCC/DLG Danish Energy Business) ( 1 )	1
2015/C 340/02	Ebda oppożizzjoni għal konċentrazzjoni notifikata (Il-Każ M.7564 — Mahle Behr/Delphi Thermal Systems Business) ( 1 )	1

	V Avviżi
	PROĊEDURI AMMINISTRATTIVI
	Il-Kummissjoni Ewropea
2015/C 340/05	Sejħa Għal Proposti — EACEA/41/2015 — Taħt Il-Programm Erasmus+ — KA3 — Appoġġ għal intrapriżi żgħar u medji involuti fl-apprendistati	4
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2015/C 340/06	Notifika minn qabel ta' konċentrazzjoni (Il-Każ M.7781 — Marubeni-Itochu Steel/Sumitomo Corporation/MITS JV) — Każ li jista' jiġi kkunsidrat għal proċedura ssimplifikata ( 1 )	8
2015/C 340/07	Notifika minn qabel ta’ konċentrazzjoni (Il-Każ M.7798 — CCMP Capital/INEOS/Eco Services) — Każ li jista’ jiġi kkunsidrat għal proċedura ssimplifikata ( 1 )	9

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kunsill
2015/C 340/03	Deċiżjoni tal-Kunsill tal-5 ta’ Ottubru 2015 li taħtar u tissostitwixxi membri tal-Bord ta’ Tmexxija taċ-Ċentru Ewropew għall-Iżvilupp ta’ Taħriġ Vokazzjonali	2
	Il-Kummissjoni Ewropea
2015/C 340/04	Rata tal-kambju tal-euro	3


	(1) Test b'rilevanza għaż-ŻEE