KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA

9.10.2015

Il-Ġurnal Uffiċjali tal-Unjoni Ewropea

C 333/2

Rata tal-kambju tal-euro (1)

It-8 ta’ Ottubru 2015

(2015/C 333/02)

1 euro =

	Munita	Rata tal-kambju
USD	Dollaru Amerikan	1,1254
JPY	Yen Ġappuniż	134,92
DKK	Krona Daniża	7,4611
GBP	Lira Sterlina	0,73660
SEK	Krona Żvediża	9,2790
CHF	Frank Żvizzeru	1,0935
ISK	Krona Iżlandiża
NOK	Krona Norveġiża	9,2185
BGN	Lev Bulgaru	1,9558
CZK	Krona Ċeka	27,117
HUF	Forint Ungeriż	312,17
PLN	Zloty Pollakk	4,2321
RON	Leu Rumen	4,4162
TRY	Lira Turka	3,3012
AUD	Dollaru Awstraljan	1,5664
CAD	Dollaru Kanadiż	1,4683
HKD	Dollaru ta' Hong Kong	8,7220
NZD	Dollaru tan-New Zealand	1,7050
SGD	Dollaru tas-Singapor	1,5890
KRW	Won tal-Korea t'Isfel	1 305,49
ZAR	Rand ta' l-Afrika t'Isfel	15,1556
CNY	Yuan ren-min-bi Ċiniż	7,1507
HRK	Kuna Kroata	7,6135
IDR	Rupiah Indoneżjan	15 619,12
MYR	Ringgit Malażjan	4,7500
PHP	Peso Filippin	51,923
RUB	Rouble Russu	70,3304
THB	Baht Tajlandiż	40,500
BRL	Real Brażiljan	4,3574
MXN	Peso Messikan	18,6929
INR	Rupi Indjan	73,2592

(1) Sors: rata tal-kambju ta' referenza ppubblikata mill-Bank Ċentrali Ewropew.

9.10.2015

Il-Ġurnal Uffiċjali tal-Unjoni Ewropea

C 333/3

Notifika tal-Kummissjoni dwar ir-rati ta’ interessi ta’ rkupru preżenti għall-Għajnuna mill-Istat u rati ta’ referenza/tnaqqis għat-28 Stat Membru applikabbli mill-1.11.2015

(Ippubblikat skont l-Artikolu 10 tar-Regolament tal-Kummissjoni (KE) Nru 794/2004 tal-21 ta’ April 2004 (ĠU L 140, 30.4.2004, p. 1))

(2015/C 333/03)

Rati bażi kkalkulati skont il-Komunikazzjoni tal-Kummissjoni dwar ir-reviżjoni tal-metodu biex tkun stabbilita r-rata ta’ riferenza u ta’ tnaqqis (ĠU C 14, 19.1.2008, p. 6). Skont l-użu tar-rata ta’ referenza, il-marġini xierqa għad għandhom ikunu ddefiniti f’din il-komunikazzjoni. Għar-rata ta’ tnaqqis, dan ifisser li għandu jiżdied marġini ta’ 100 punti bażi. Ir-Regolament tal-Kummissjoni (KE) Nru 271/2008 tat-30 ta’ Jannar 2008 li jemenda r-Regolament (KE) Nru 794/2004 jipprevedi li, jekk mhux speċifikat diversament f’deċiżjoni speċifika, ir-rata ta’ rkupru għandha tkun ikkalkulata wkoll billi jkunu miżjuda 100 punti bażi fuq ir-rata bażi.

Ir-rati modifikati huma indikati b’tipa grassa.

It-tabella ta’ qabel din hija ppubblikata fil-ĠU C 281, 26.8.2015, p. 3.

Minn	sa	AT	BE	BG	CY	CZ	DE	DK	EE	EL	ES	FI	FR	HR	HU	IE	IT	LT	LU	LV	MT	NL	PL	PT	RO	SE	SI	SK	UK
1.11.2015	…	0,17	0,17	1,85	0,17	0,52	0,17	0,37	0,17	0,17	0,17	0,17	0,17	1,58	1,53	0,17	0,17	0,17	0,17	0,17	0,17	0,17	1,76	0,17	1,67	- 0,21	0,17	0,17	1,02
1.9.2015	31.10.2015	0,17	0,17	1,85	0,17	0,52	0,17	0,29	0,17	0,17	0,17	0,17	0,17	1,58	1,53	0,17	0,17	0,17	0,17	0,17	0,17	0,17	1,76	0,17	1,67	- 0,17	0,17	0,17	1,02
1.8.2015	31.8.2015	0,17	0,17	1,85	0,17	0,52	0,17	0,24	0,17	0,17	0,17	0,17	0,17	1,58	1,80	0,17	0,17	0,17	0,17	0,17	0,17	0,17	1,76	0,17	1,67	- 0,13	0,17	0,17	1,02
1.7.2015	31.7.2015	0,22	0,22	1,85	0,22	0,52	0,22	0,24	0,22	0,22	0,22	0,22	0,22	1,58	1,80	0,22	0,22	0,22	0,22	0,22	0,22	0,22	1,76	0,22	1,67	- 0,07	0,22	0,22	1,02
1.6.2015	30.6.2015	0,22	0,22	2,18	0,22	0,52	0,22	0,17	0,22	0,22	0,22	0,22	0,22	1,58	2,21	0,22	0,22	0,22	0,22	0,22	0,22	0,22	1,76	0,22	1,67	0,00	0,22	0,22	1,02
1.5.2015	31.5.2015	0,26	0,26	2,18	0,26	0,52	0,26	0,27	0,26	0,26	0,26	0,26	0,26	1,58	2,21	0,26	0,26	0,26	0,26	0,26	0,26	0,26	2,16	0,26	2,04	0,13	0,26	0,26	1,02
1.4.2015	30.4.2015	0,34	0,34	2,18	0,34	0,52	0,34	0,42	0,34	0,34	0,34	0,34	0,34	1,58	2,21	0,34	0,34	0,34	0,34	0,34	0,34	0,34	2,16	0,34	2,04	0,23	0,34	0,34	1,02
1.3.2015	31.3.2015	0,34	0,34	2,18	0,34	0,52	0,34	0,66	0,34	0,34	0,34	0,34	0,34	1,58	2,21	0,34	0,34	0,34	0,34	0,34	0,34	0,34	2,16	0,34	2,04	0,33	0,34	0,34	1,02
1.1.2015	28.2.2015	0,34	0,34	2,18	0,34	0,52	0,34	0,66	0,34	0,34	0,34	0,34	0,34	1,58	2,21	0,34	0,34	0,34	0,34	0,34	0,34	0,34	2,16	0,34	2,63	0,46	0,34	0,34	1,02

9.10.2015

Il-Ġurnal Uffiċjali tal-Unjoni Ewropea

C 333/4

Avviż mill-Gvern tar-Repubblika tal-Polonja dwar id-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi fiż-żona “Moszczenica”

(2015/C 333/04)

Din il-proċedura tikkonċerna l-għoti ta’ konċessjonijiet għall-prospettar jew l-esplorazzjoni ta’metan mis-saffi tal-faħam fiż-żona “Moszczenica” fil-Provinċja ta’ Śląskie:

Isem	Sistema ta’ koordinati 2000
Isem	X	Y
Moszczenica	5 536 180,58	6 537 551,72
	5 534 963,28	6 537 566,01
	5 533 784,88	6 539 829,49
	5 536 110,35	6 541 152,16
	5 535 734,19	6 543 029,12
	5 535 025,71	6 542 901,34
	5 533 132,15	6 542 559,78
	5 532 937,96	6 539 390,94
	5 532 375,39	6 538 685,86
	5 532 812,60	6 536 463,98
	5 533 786,70	6 536 942,74
	5 534 805,65	6 537 051,67

L-applikazzjonijiet iridu jkopru l-istess żona.

Applikazzjonijiet għal konċessjonijiet għandhom jiġu sottomessi lill-uffiċċju ċentrali tal-Ministeru tal-Ambjent sa mhux iktar tard min-nofsinhar (12:00 CET/CEST) fl-aħħar jum tal-perjodu ta’ 91 jum li jibda fil-jum ta’ wara d-data tal-pubblikazzjoni ta’ dan l-avviż f’Il-Ġurnal Uffiċjali tal-Unjoni Ewropea.

L-applikazzjonijiet rċevuti se jkunu vvalutati fuq il-bażi tal-kriterji li ġejjin:

(a)	it-teknoloġija proposta għax-xogħol (40 %);

(b)	il-kapaċitajiet tekniċi u finanzjarji tal-applikant (50 %);

(c)	it-tariffa proposta għall-istabbiliment tad-drittijiet tal-użufrutt tal-minjieri (10 %).

It-tariffa minima għall-istabbiliment tad-drittijiet ta’ użufrutt tal-minjieri għaż-żona “Moszczenica” hija:

għall-prospettar ta’ metan mis-saffi tal-faħam:

— waqt perjodu bażi ta’ tliet snin: PLN 2 000,00 fis-sena;

— għar-raba’ u għall-ħames sena ta’ validità tal-kuntratt ta’ użufrutt tal-minjieri: PLN 2 000,00 fis-sena;

— Għas-sitt sena u għas-snin ta’ wara ta’ validità tal-kuntratt ta’ użufrutt tal-minjieri: PLN 2 098,28 fis-sena;

għall-esplorazzjoni ta’ metan mis-saffi tal-faħam:

— Waqt perjodu bażi ta’ tliet snin: PLN 4 000,00 fis-sena;

— għar-raba’ u għall-ħames sena ta’ validità tal-kuntratt ta’ użufrutt tal-minjieri: PLN 4 000,00 fis-sena;

— Għas-sitt sena u għas-snin ta’ wara ta’ validità tal-kuntratt ta’ użufrutt tal-minjieri: PLN 4 196,55 fis-sena;

Għall-prospettar u l-esplorazzjoni tal-metan mis-saffi tal-faħam:

— Waqt perjodu bażi ta’ ħames snin: PLN 6 000,00 fis-sena;

— Għas-sitt, għas-seba’ u għat-tmien sena ta’ validità tal-kuntratt ta’ użufrutt tal-minjieri: PLN 6 000,00 fis-sena;

— Għad-disa’ sena u għas-snin ta’ wara ta’ validità tal-kuntratt ta’ użufrutt tal-minjieri: PLN 6 000,00 fis-sena.

Il-proċedura ta’ valutazzjoni tal-applikazzjonijiet se titlesta f’perjodu ta’ sitt xhur mid-data ta’ skadenza għat-tressiq tal-applikazzjonijiet. L-applikanti se jirċievu notifika miktuba dwar ir-riżultat tal-proċedura.

L-applikazzjonijiet għandhom jitfasslu bil-Pollakk.

L-awtorità tal-liċenzjar se tagħti konċessjonijiet għall-prospettar jew għall-esplorazzjoni ta’ metan mis-saffi tal-faħam lill-applikant magħżul wara li tqis l-opinjoni tal-awtoritajiet relevanti, u se tikkonkludi kuntratt ta’ użufrutt tal-minjieri miegħu.

Sabiex ikun jista’ jwettaq attività li tinvolvi l-prospettar jew l-esplorazzjoni ta’metan mis-saffi tal-faħam fil-Polonja, operatur għandu jkollu kemm drittijiet ta’ użufrutt tal-minjieri kif ukoll konċessjoni.

L-applikazzjonijiet għandhom jintbagħtu fl-indirizz li ġej:

Ministerstwo Środowiska

Departament Geologii i Koncesji Geologicznych [Id-Dipartiment tal-Ġeoloġija u tal-Konċessjonjiet Ġeoloġiċi]

ul. Wawelska 52/54

00-922 Warszawa

POLSKA

L-informazzjoni tista’ tinkiseb minn:

—	Is-sit web tal-Ministeru tal-Ambjent: www.mos.gov.pl

—

w Departamencie Geologii i Koncesji Geologicznych

Ministerstwo Środowiska

ul. Wawelska 52/54

00-922 Warszawa

POLSKA

Tel. +48 223692449

Feks +48 223692460

Posta elettronika: dgikg@mos.gov.pl

9.10.2015

Il-Ġurnal Uffiċjali tal-Unjoni Ewropea

C 333/7

Notifika minn qabel ta’ konċentrazzjoni

(Il-Każ M.7750 — Delphi/HellermannTyton)

Każ li jista’ jiġi kkunsidrat għal proċedura ssimplifikata

(Test b'rilevanza għaż-ŻEE)

(2015/C 333/06)

Fit-2 ta’ Ottubru 2015, il-Kummissjoni rċeviet avviż ta’ konċentrazzjoni proposta skont l-Artikolu 4 u wara referenza skont l-Artikolu 4(5) tar-Regolament tal-Kunsill (KE) Nru 139/2004 (1) li permezz tagħha l-impriża Delphi Automotive PLC (“Delphi”, ir-Renju Unit) takkwista fit-tifsira tal-Artikolu 3(1)(b) tar-Regolament dwar l-Għaqdiet il-kontroll tal-impriża HellermannTyton Group PLC (“HellermannTyton”, ir-Renju Unit) permezz ta’ sejħa pubblika mħabbra fit-30 ta’ Lulju 2015.

L-attivitajiet kummerċjali tal-impriżi kkonċernati huma:

— għal Delphi: il-manifattura u l-provvista globali ta’ komponenti awtomotivi lill-manifatturi ta’ tagħmir oriġinali kif ukoll id-distribuzzjoni ta’ partijiet tal-bdil tal-karozzi. Il-komponenti tal-karozzi ta’ Delphi jintużaw prinċipalment bħala parti mill-arkitettura tal-elettriku, is-sistema tal-motopropulsjoni u s-sistemi ta’ sikurezza tal-vetturi;

— għal HellermannTyton: il-manifattura u l-provvista ta’ soluzzjonijiet ta’ ġestjoni tal-kejbil għas-settur tal-karozzi, is-settur elettriku u s-settur tat-telekomunikazzjoni. Is-soluzzjonijiet tal-ġestjoni tal-kejbil ta’ HellermannTyton jinkludu fixings, l-identifikazzjoni, l-iżolazzjoni u prodotti għall-protezzjoni, prodotti tal-konnettività tan-netwerk u soluzzjonijiet tal-installaturi.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata. Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2), ta’ min jinnota li dan il-każ jista’ jiġi kkunsidrat għal trattament skont il-proċedura stipulata f’dan l-Avviż.

Il-Kummissjoni tistieden lill-partijiet terzi interessati biex jibagħtulha l-kummenti li jista’ jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Il-kummenti jistgħu jintbagħtu lill-Kummissjoni permez tal-faks (+32 22964301), permezz tal-e-Mail lil COMP-MERGER-REGISTRY@ec.europa.eu jew permezz tal-posta, bin-numru ta’ referenza M.7750 — Delphi/HellermannTyton, f’dan l-indirizz:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) ĠU L 24, 29.1.2004, p. 1 (ir-“Regolament dwar l-Għaqdiet”).

(2) ĠU C 366, 14.12.2013, p. 5.

9.10.2015

Il-Ġurnal Uffiċjali tal-Unjoni Ewropea

C 333/8

Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel

(2015/C 333/07)

Din il-pubblikazzjoni tikkonferixxi d-dritt għal oġġezzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1).

DOKUMENT UNIKU

Ir-Regolament tal-Kunsill (KE) Nru 510/2006 dwar il-protezzjoni tal-indikazzjonijiet ġeografiċi u d-denominazzjonijiet tal-oriġini għall-prodotti agrikoli u l-oġġetti tal-ikel (2)

“ALHEIRA DE MIRANDELA”

Nru tal-UE: PT-PGI-0005-0864 – 10.3.2011

IĠP ( X ) DOP ( )

1. Isem

“Alheira de Mirandela”

2. Stat Membru jew pajjiż terz

Il-Portugall

3. Deskrizzjoni tal-prodott agrikolu jew tal-oġġett tal-ikel

3.1. Tip ta’ prodott

Klassi 1.2. Prodotti tal-laħam (imsajjar, immellaħ, affumikat, eċċ.)

3.2. Deskrizzjoni tal-prodott li għalih japplika l-isem f’(1)

L-“Alheira de Mirandela” huwa tip ta’ zalzett affumikat li għandu forma ċilindrika tradizzjonali u mogħti l-forma ta’ nagħla. In-naħa ta’ ġewwa taz-zalzett tikkonsisti minn pejst ta’ konsistenza bil-boċoċ fini li fih laħam imqatta’ f’biċċiet żgħar viżibbli. Il-qoxra hija magħmula minn intestini tal-baqra mmelħa naturali, li t-truf tagħhom huma marbutin bi spaga tal-qoton.

Dan il-prodott għandu dawn il-karatteristiċi li ġejjin:

Karatteristiċi fiżiċi u kimiċi:

Iz-zalzett huwa twil madwar 20 cm sa 25 cm u għandu sfumaturi differenti ta’ kulur safrani sa kannella.

Dijametru: 2 ċm sa 3 ċm

Piż: Bejn 150 g u 200 g

Proteini: Aktar minn 14 %

Kontenut tal-ilma: Inqas minn 50 %

Xaħam: Inqas minn 18 %

Karatteristiċi organolettiċi u sensorjali:

Riħa: kemxejn affumikata.

Togħma: xi ftit affumikata, b’togħma ta’ żejt taż-żebbuġa b’xejra ta’ frott aromatika ħafna u bit-tewm bħala l-iktar taħwir prominenti.

Konsistenza: irregolari, b’biċċiet ta’ laħam imqatta’ bċejjeċ viżibbli.

3.3. Materja prima (għall-prodotti pproċessati biss)

Il-materja prima li ġejja tintuża biex isir l-“Alheira de Mirandela”:

Majjal

L-“Alheira de Mirandela” huwa magħmul bl-użu ta’ karkassa sħiħa ta’ ħnieżer puri tar-razza Bísaro jew taħlitiet ma’ ħnieżer tar-razez Landrace, Large White, Duroc u Pietrain (sakemm dawn ikollhom 50 % mid-demm tar-razza Bísaro). Il-partijiet interni biss ma jintużawx.

Tjur

It-tiġieġ qed jintuża biex itejjeb l-istokk u mbagħad jitħallat mal-massa taz-zalzett. Il-laħam jista’ jinkiseb mill-partijiet kollha tal-karkassa minbarra l-ġewwieni.

Kaċċa (fakultattiv)

Jistgħu jintużaw il-borok, il-perniċi, il-faġan ta’ fenek, jew il-fenek selvaġġ.

Stokk tal-laħam

Il-laħam imħawwar jitħalla jagħli fl-ilma fuq nar baxx biex jipproduċi stokk li huwa magħruf lokalment bħala “calda”. Huwa estremament aromatiku u għandu kontenut għoli ta’ proteini u jintuża biex ixxarrab il-ħobż, u b’hekk jipproduċi massa niedja b’togħma qawwija u aromatika.

Ħobż tal-qamħ reġjonali

Il-ħobż jitħalla jixxarrab fl-istokk wara li jitqatta’ f’biċċiet. Dan għandu jinħażen għal ammont minimu ta’ żmien, normalment 48 siegħa, qabel ma jintuża.

Dan huwa l-ħobż tal-qamħ tradizzjonali tar-reġjun. Il-ħobża hija magħmula minn dqiq tal-qamħ (“Tip 55” dqiq tal-qamħ tal-ħobż mitħun), hija tonda, b’piż ta’ madwar 1,5 kg u hija r-riżultat ta’ proċess twil ta’ ħami bi ftit jew mingħajr ħmira.

Żejt taż-żebbuġa

Iż-żejt taż-żebbuġa użat huwa DOP “Trás-os-Montes”, jew żejt taż-żebbuġa b’karatteristiċi organolettiċi simili. Dan huwa żejt taż-żebbuġa b’aroma u togħma ta’ frott frisk, bi ħjiel ta’ lewż u li notevolment għandu element ħelu, ħarr, morr u pikkanti, li jagħti lill-“Alheira de Mirandela” it-togħma pikkanti karatteristika tiegħu.

Kisi naturali

Il-qoxra hija magħmula mill-musrana tal-baqra intatta, naturali, u mielħa li teħel mal-massa taz-zalzett, biż-żewġ truf tagħha marbuta bi spaga tal-qoton.

Xaħam

Togħmiet

Melħ tal-ikel (NaCl)

Sinniet tat-tewm imnixxfa u mingħajr nibbieta (Allium sativum L.)

Paprika ħelwa/taħraq jew bżar aħmar

Il-perċentwal minimu ta’ laħam huwa 60 %, bil-majjal jammonta għal bejn 10 % u 15 % fil-waqt li l-laħam tat-tjur jammonta għal bejn 45 % u 50 %. Il-perċentwal ta’ ħobż fiz-zalzett ivarja bejn 15 % u 25 %, u l-perċentwal taż-żejt taż-żebbuġa “Trás-os-Montes” DOP jew taż-żejt taż-żebbuġa bl-istess karatteristiċi organolettiċi, jista’ jvarja bejn 4 % u 8 %.

3.4. Għalf (għall-prodotti li ġejjin mill-annimali biss)

—

3.5. Stadji speċifiċi fil-produzzjoni li għandhom iseħħu fiż-żona ġeografika identifikata

Il-fażijiet speċifiċi fil-produzzjoni li jridu jsiru fiż-żona ġeografika identifikata huma: it-tqattigħ tal-ħobż, it-tqattigħ u l-ħasil tal-laħam, it-tisjir u t-tqattigħ tal-laħam taz-zalzett, il-preparazzjoni tal-massa taz-zalzett, il-mili taz-zalzett u l-affumikar.

3.6. Regoli speċifiċi dwar it-tqattigħ, it-tħakkik, l-ippakkjar, eċċ.

—

3.7. Regoli speċifiċi dwar it-tikkettar

Dawn li ġejjin għandhom jidhru fuq it-tikketta tal-IĠP “Alheira de Mirandela”:

“Alheira de Mirandela — IGP” jew “Alheira de Mirandela — Indicação Geográfica Protegida”,

il-logo “Alheira de Mirandela”.

4. Definizzjoni konċiża taż-żona ġeografika

Iż-żona li fiha huwa prodott l-“Alheira de Mirandela” hija limitata għall-muniċipalità ta’ Mirandela.

5. Rabta maż-żona ġeografika

5.1. Speċifiċità taż-żona ġeografika

Il-kundizzjonijiet naturali taż-żona ġeografika huma favorevoli għall-produzzjoni tal-“Alheira de Mirandela”.

Il-klima hija kkaratterizzata minn sjuf sħan u xotti, b’medja annwali ta’ temperatura massima ta’ 20 °C u xtiewi kesħin ħafna, b’medja annwali ta’ temperatura minima ta’ 7 °C. Dawn il-kundizzjonijiet huma marbuta strettament mal-preżenza ta’ speċijiet ta’ siġar tipiċi li jinsabu fil-muniċipalità ta’ Mirandela, bħal siġar tal-balluta u taż-żebbuġa, li huma użati biex jaffumikaw l-“Alheira de Mirandela”, u għall-produzzjoni taż-żejt taż-żebbuġa.

It-tekniki użati biex jagħmlu l-“Alheira de Mirandela” huma marbuta, minn naħa, għall-użu tal-ħobż tal-qamħ tar-reġjun, is-sigrieti tal-produzzjoni li ngħaddew, u li baqgħu l-istess, minn ġenerazzjoni għall-oħra ta’ furnara fi Trás-os-Montes, u min-naħa l-oħra, għal-għarfien tal-abitanti taż-żona, li huwa bbażat fuq metodi lokali awtentiċi u kostanti li għadhom jintużaw sal-lum.

5.2. Speċifiċità tal-prodott

L-“Alheira de Mirandela” huwa kkaratterizzat minn zalzett ieħor fl-istess kategorija b’riħa u togħma kemxejn ta’ affumikazzjoni u, mit-togħma tat-tewm u taż-żejt taż-żebbuġa b’togħma ta’ frott u pikkanti ħafna użati (DPO “Trás-os-Montes” jew żejt taż-żebbuġa b’karatteristiċi organolettiċi simili), u mill-konsistenza mhux uniformi taz-zalzett, li fih il-biċċiet tal-laħam huma viżibbli b’mod ċar. Il-massa taz-zalzett hija fina u bil-boċoċ, minħabba ż-żieda tal-ħobż tal-qamħ reġjonali, li huwa magħmul minn dqiq tal-qamħ tat-“Tip 55” u li jiġi magħġun u moħmi speċifikament biex jagħmel l-“Alheira de Mirandela”. Il-kulur tipiku, it-togħma u l-aroma li jiddistingwu l-“Alheira de Mirandela” jiġu wkoll mill-ħwawar użati u t-tul ta’ żmien ta’ affumikazzjoni u maturazzjoni, jiġifieri madwar tmint ijiem.

L-“Alheira de Mirandela” huwa kkaratterizzat mill-fatt li dan iz-zalzett huwa ppreparat permezz tal-użu ta’ stokk aromatiku ħafna magħmul minn tiġieġa sħiħa u mill-karkassi tal-majjali (mingħajr ir-riżorsi ġeoloġiċi) u mhux biss minn partijiet speċifiċi, u mill-fatt li jintużaw biss imsaren tal-baqar naturali u mielħa għall-qoxra taz-zalzett. Il-ħobż tal-qamħ reġjonali jitgħaddas fl-istokk biex jipproduċi massa niedja b’togħma qawwija u aromatika.

5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għad-DOP) jew il-kwalità speċifika, ir-reputazzjoni jew karatteristiċi oħra tal-prodott (għall-IĠP)

L-“Alheira de Mirandela” huwa magħruf għall-konsistenza u t-togħma tiegħu, li huma r-riżultat tal-mod li bih issir il-massa taz-zalzett u l-proporzjonijiet li l-ingredjenti tiegħu huma kkombinati, u dan ilu għal żmien twil wieħed mill-aktar zalzett imfittxa tar-reġjun fil-ħarifa u fix-xitwa.

Ir-reputazzjoni tal-prodott u l-preferenza tal-konsumatur għall-“Alheira de Mirandela” dejjem kienu marbutin b’mod intrinsiku mal-prattiki tal-manifattura, jiġifieri kif u f’liema proporzjonijiet huma kkombinati d-diversi tipi ta’ materja prima, u t-tekniki ta’ affumikazzjoni użati; iz-zalzett jiġi affumikat għal madwar tmint ijiem f’duħħan prodott mill-ħruq tal-injam minn speċijiet tipiċi tar-reġjun, bħall-balluta u ż-żebbuġa, bil-mod u fi sħana baxxa. B’riżultat ta’ sjuf sħan u xotti, l-injam ikun niexef ħafna u kompatt, li huwa fattur determinanti biex jikseb it-togħma u l-aroma karatteristiċi li jagħtu lill-prodott it-togħma kemxejn affumikata awtentika tiegħu.

It-tekniki ta’ produzzjoni lokali, li għadhom jintużaw sal-lum, jiġifieri t-tqattigħ bl-idejn tal-laħam, it-taħlit ta’ massa taz-zalzett, il-proporzjonijiet li fihom il-laħam jiġu kkombinati u l-użu ta’ ħobż tradizzjonali, iż-żejt taż-żebbuġa (“Trás-os-Montes” DOP jew żejt taż-żebbuġa b’karatteristiċi organolettiċi simili), it-tewm u ħwawar oħra, jipproduċu zalzett b’massa mhux uniformi b’togħma partikolari ta’ tewm u żejt taż-żebbuġa (“Trás-os-Montes” DOP jew żejt taż-żebbuġa b’karatteristiċi organolettiċi simili), li jiddistingwu l-“Alheira de Mirandela” minn prodotti oħra tal-istess kategorija.

Il-proċess tal-qtugħ irqiq irqiq tal-ħobż tal-qamħ reġjonali moħmi tradizzjonalment u tat-tixrib fl-istokk tal-laħam huwa fattur ewlieni għall-karatteristiċi finali tal-prodott, minħabba li dan jippermetti li jiġu assorbiti l-aromi tad-diversi laħmijiet mill-istokk, b’tali mod li, meta jitħallat mal-ingredjenti l-oħra, il-massa taz-zalzett li tirriżulta jkollha l-konsistenza, it-togħma u l-aroma mixtieqa.

Il-prodott għandu l-konsistenza li għandu minħabba l-użu ta’ intestini tal-baqar naturali u mielħa u minħabba l-ippressar tal-massa taz-zalzett matul il-mili.

Xhieda ċara tar-rabta każwali bejn iż-żona ġeografika u l-karatteristiċi ta’ “Alheira de Mirandela” hija pprovduta permezz ta’ evidenza miġbura mill-istampa lokali, li tmur lura għal mill-inqas l-1957, b’referenzi għal dan il-prodott bħala speċjalità lokali magħmula fl-industrija artiġjanali.

Ir-reputazzjoni tal-“Alheira de Mirandela” dejjem kienet marbuta maż-żona li fih jiġi prodott, kif jirriżulta minn artikolu li deher f’gazzetta ta’ kull ġimgħa Notícias de Mirandela fid-29 ta’ Mejju 1960. L-Artikolu ċċita l-Ħarġa Nru 4 ta’ kull ħmistax tal-pubblikazzjoni agrikola O Campo u ddeplora l-imitazzjoni, dak iż-żmien, tal-“Alheira de Mirandela” ġenwin f’żoni ġeografiċi oħra, waqt li esprima l-ħtieġa li jitwaqqaf l-abbuż u appella biex jiġi stabbilit reġistru ta’ “denominazzjonijiet lokali jew reġjonali li għandhom jiġu osservati” Il-gazzetta kellha dan li ġej xi tgħid dwar is-suġġett: “Huwa tassew ħasra li żoni oħra qed jużaw ħażin l-isem ta’ Mirandela billi jassoċjawh ma’ zalzett li huwa simili għall-‘Alheira’; bla dubju ta’ xejn dawn qed jagħmlu ħsara għar-reputazzjoni tiegħu, minħabba li dan iz-zalzett l-ieħor ma għandux it-togħma u l-kwalità li għal ħafna snin iddistingwew l-ispeċjalità lokali tagħna mill-oħrajn”.

Illum hemm ukoll għadd kbir ta’ referenzi għall-“Alheira de Mirandela” u diversi kwotazzjonijiet li huma assoċjati mal-ikel tipiku tal-muniċipalità ta’ Mirandela u dan iz-zalzett huwa msemmi bħala wieħed miz-zalzetti l-iktar maħbuba tar-reġjun.

Minħabba r-reputazzjoni, il-fama, it-tradizzjoni u t-togħma tiegħu, l-“Alheira de Mirandela” huwa l-prodott tal-ikel l-aktar importanti tal-muniċipalità u dejjem issibu fuq il-menu f’ristoranti lokali u nazzjonali u f’diversi avvenimenti gastronomiċi, kompetizzjonijiet, fieri kummerċjali jew eżibizzjonijiet tal-prodotti tal-ikel.

Referenza għall-pubblikazzjoni tal-ispeċifikazzjoni

(l-Artikolu 5(7) tar-Regolament (KE) Nru 510/2006)

http://www.dgadr.mamaot.pt/IMAGES/DOCS/VAL/DOP_IGP_ETG/VALOR/ALHEIRA_MIRANDELA.PDF

(1) ĠU L 343, 14.12.2012, p. 1.

(2) ĠU L 93, 31.3.2006, p. 12. Sostitwit bir-Regolament (UE) Nru 1151/2012.

9.10.2015

Il-Ġurnal Uffiċjali tal-Unjoni Ewropea

C 333/12

Avviż għall-attenzjoni ta’ Aqsa Mahmood, Nasser Ahmed Muthana, Omar Ali Hussain, Sally-Anne Frances Jones, Boubaker Ben Habib Ben al-Hakim, Peter Cherif, Maxime Hauchard, Amru Al-Absi, Mu'tassim Yahya 'Ali Al-Rumaysh, Tarad Mohammad Aljarba, Lavdrim Muhaxheri, Aseel Muthana, Mujahidin Indonesian Timur (MIT), Jund Al-Khilafah in Algeria (JAK-A), Maghomed Maghomedzakirovich Abdurakhmanov, Islam Seit-Umarovich Atabiev, Akhmed Rajapovich Chataev, Tarkhan Ismailovich Gaziev, Zaurbek Salimovich Guchaev u Shamil Magomedovich Ismailov li ġew miżjuda mal-lista msemmija fl-Artikoli 2, 3, u 7 tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati man-netwerk ta’ Al Qaida, permezz tar-Regolament ta' Implimentazzjoni tal-Kummissjoni (UE) 2015/1815

(2015/C 333/08)

Il-Pożizzjoni Komuni 2002/402/PESK (1) titlob lill-Unjoni biex tiffriża l-fondi u r-riżorsi ekonomiċi tal-membri tal-organizzazzjoni Al Qaida u ta’ individwi, gruppi, impriżi u entitajiet oħrajn assoċjati magħhom, imsemmijin fil-lista mħejjija skont l-UNSCR 1267(1999) u 1333(2000) li għandha tiġi aġġornata b’mod regolari mill-Kumitat tan-NU stabbilit skont l-UNSCR 1267(1999).

Il-lista mħejjija minn dan il-Kumitat tan-NU tinkludi lil:

—

Al Qaida;

—	persuni fiżiċi jew ġuridiċi, entitajiet, korpi u gruppi assoċjati ma’ Al Qaida; kif ukoll

—	persuni ġuridiċi, entitajiet u korpi li huma proprjetà ta’ xi waħda minn dawn il-persuni, entitajiet, korpi u gruppi jew huma kkontrollati minnhom, jew b’xi mod iservu ta’ appoġġ lilhom.

L-atti jew l-attivitajiet li jindikaw li individwu, grupp, impriża, jew entità huma “assoċjati ma’” Al Qaida, jinkludu:

(a)	il-parteċipazzjoni fl-iffinanzjar, l-ippjanar, l-iffaċilitar, it-tħejjija jew it-twettiq ta’ atti jew attivitajiet li jsiru minn Al Qaida jew kull ċellola, grupp affiljat, grupp li jinqata’ minnha jew derivat tagħha, magħqudin magħhom, b’isimhom, f’isimhom jew b’sostenn għalihom;

(b)	il-forniment, il-bejgħ jew it-trasferiment ta’ armi u materjal relatat lil xi ħadd minnhom;

(c)	ir-reklutaġġ għal xi wieħed minnhom; jew

(d)	xi forma oħra ta’ sostenn għall-atti jew għall-attivitajiet ta’ xi wieħed minnhom.

Il-Kunsill tas-Sigurtà tan-NU approva fit-28, id-29, it-30 ta’ Settembru u t-2 ta’ Ottubru 2015 iż-żieda ta’ Aqsa Mahmood, Nasser Ahmed Muthana, Omar Ali Hussain, Sally-Anne Frances Jones, Boubaker Ben Habib Ben al-Hakim, Peter Cherif, Maxime Hauchard, Amru Al-Absi, Mu'tassim Yahya 'Ali Al-Rumaysh, Tarad Mohammad Aljarba, Lavdrim Muhaxheri, Aseel Muthana, Mujahidin Indonesian Timur (MIT), Jund Al-Khilafah in Algeria (JAK-A), Maghomed Maghomedzakirovich Abdurakhmanov, Islam Seit-Umarovich Atabiev, Akhmed Rajapovich Chataev, Tarkhan Ismailovich Gaziev, Zaurbek Salimovich Guchaev u Shamil Magomedovich Ismailov mal-lista tal-Kumitat tas-Sanzjonijiet ta’ Al Qaida.

Aqsa Mahmood, Nasser Ahmed Muthana, Omar Ali Hussain, Sally-Anne Frances Jones, Boubaker Ben Habib Ben al-Hakim, Peter Cherif, Maxime Hauchard, Amru Al-Absi, Mu'tassim Yahya 'Ali Al-Rumaysh, Tarad Mohammad Aljarba, Lavdrim Muhaxheri, Aseel Muthana, Mujahidin Indonesian Timur (MIT), Jund Al-Khilafah in Algeria (JAK-A), Maghomed Maghomedzakirovich Abdurakhmanov, Islam Seit-Umarovich Atabiev, Akhmed Rajapovich Chataev, Tarkhan Ismailovich Gaziev, Zaurbek Salimovich Guchaev u Shamil Magomedovich Ismailov jistgħu f’kull ħin jippreżentaw talba lill-Ombudsperson tan-NU, flimkien ma’ kull dokumentazzjoni ta’ appoġġ, sabiex id-deċiżjoni li tinkludihom fil-lista tan-NU msemmija aktar ’il fuq terġa’ tiġi kkunsidrata. Talba bħal din għandha tintbagħat fl-indirizz li ġej:

United Nations — Office of the Ombudsperson

Room TB-08041D

New York, NY 10017

UNITED STATES OF AMERICA

Tel: +1 2129632671

Faks: +1 2129631300/3778

Posta elettronika: ombudsperson@un.org

Għal aktar informazzjoni ara http://www.un.org/sc/committees/1267/delisting.shtml.

B’segwitu għad-deċiżjoni tan-NU msemmija fil-paragrafu 2, il-Kummissjoni adottat ir-Regolament ta' Implimentazzjoni (UE) 2015/1815 (2), li jemenda l-Anness I tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati man-netwerk ta’ Al Qaida (3). L-emenda, magħmula skont l-Artikolu 7(1)(a) u 7a(1) tar-Regolament (KE) Nru 881/2002, iżżid lil Aqsa Mahmood, Nasser Ahmed Muthana, Omar Ali Hussain, Sally-Anne Frances Jones, Boubaker Ben Habib Ben al-Hakim, Peter Cherif, Maxime Hauchard, Amru Al-Absi, Mu’tassim Yahya 'Ali Al-Rumaysh, Tarad Mohammad Aljarba, Lavdrim Muhaxheri, Aseel Muthana, Mujahidin Indonesian Timur (MIT), Jund Al-Khilafah in Algeria (JAK-A), Maghomed Maghomedzakirovich Abdurakhmanov, Islam Seit-Umarovich Atabiev, Akhmed Rajapovich Chataev, Tarkhan Ismailovich Gaziev, Zaurbek Salimovich Guchaev u Shamil Magomedovich Ismailov mal-lista tal-Anness I ta’ dak ir-Regolament (“l-Anness I”).

Il-miżuri li ġejjin tar-Regolament (KE) Nru 881/2002 japplikaw għall-individwi u l-entitajiet li jinsabu fl-Anness I:

(1)

l-iffriżar tal-fondi u tar-riżorsi ekonomiċi kollha li jappartjenu lill-individwi u l-entitajiet ikkonċernati, jew li huma proprjetà tagħhom jew miżmuma minnhom, u l-projbizzjoni (fuq kulħadd) milli jagħmel disponibbli fondi u riżorsi ekonomiċi lill-individwi u l-entitajiet ikkonċernati jew għall-benefiċċju tagħhom, kemm direttament kif ukoll indirettament (l-Artikoli 2 u 2a); kif ukoll

(2)	il-projbizzjoni tal-għoti, il-bejgħ, il-forniment jew it-trasferiment ta’ pariri tekniċi, assistenza jew taħriġ relatati ma’ attivitajiet militari lil kull individwu jew entità kkonċernati, kemm direttament kif ukoll indirettament (l-Artikolu 3).

L-Artikolu 7a tar-Regolament (KE) Nru 881/2002 jipprovdi għal proċess ta’ rieżami fejn jiġu ppreżentati l-osservazzjonijiet dwar ir-raġunijiet għall-inklużjoni fil-lista minn dawk li jkunu elenkati. L-individwi u l-entitajiet miżjudin fl-Anness I permezz tar-Regolament ta' Implimentazzjoni (UE) 2015/1815 jistgħu jagħmlu talba lill-Kummissjoni biex isiru jafu r-raġunijiet għall-inklużjoni tagħhom fil-lista. Din it-talba għandha tintbagħat lil:

European Commission

“Restrictive measures”

Rue de la Loi/Wetstraat 200

1049 Bruxelles/Brussel

BELGIQUE/BELGIË

Qed tinġibed ukoll l-attenzjoni tal-individwi u tal-entitajiet ikkonċernati għall-possibbiltà li jikkontestaw ir-Regolament ta' Implimentazzjoni (UE) 2015/1815 quddiem il-Qorti Ġenerali tal-Unjoni Ewropea, f’konformità mal-kundizzjonijiet stipulati fir-raba’ u fis-sitt paragrafu tal-Artikolu 263 tat-Trattat dwar il-Funzjonament tal-Unjoni Ewropea.

Għall-korrettezza, qed tinġibed l-attenzjoni tal-individwi u l-entitajiet inklużi fl-Anness I għall-possibbiltà li jressqu applikazzjoni quddiem l-awtoritajiet kompetenti fl-Istat(i) Membru/i rilevanti, kif elenkati fl-Anness II tar-Regolament (KE) Nru 881/2002, sabiex jiksbu awtorizzazzjoni biex jużaw fondi u riżorsi ekonomiċi ffriżati għal bżonnijiet essenzjali jew għal pagamenti speċifiċi skont l-Artikolu 2a ta’ dan ir-Regolament.

(1) ĠU L 139, 29.5.2002, p. 4.

(2) ĠU L 264, 9.10.2015, p. 6.

(3) ĠU L 139, 29.5.2002, p. 9.

		ISSN 1977-0987
Il-Ġurnal Uffiċjali tal-Unjoni Ewropea		C 333

Edizzjoni bil-Malti	Informazzjoni u Avviżi	Volum 58 9 ta' Ottubru 2015

Avviż Nru	Werrej	Paġna
	II Komunikazzjonijiet
	KOMUNIKAZZJONIJIET MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2015/C 333/01	Ebda oppożizzjoni għal konċentrazzjoni notifikata (Il-Każ M.7666 — Repsol Química/Grupo Kuo/Synthetic Rubber in Emulsion & Rubber Chemicals Business) ( 1 )	1

	V Avviżi
	PROĊEDURI DWAR L-IMPLIMENTAZZJONI TAL-POLITIKA TAL-KOMPETIZZJONI
	Il-Kummissjoni Ewropea
2015/C 333/05	Notifika minn qabel ta’ konċentrazzjoni (Il-Każ M.7763 — TCCC/Cobega/CCEP) ( 1 )	6
2015/C 333/06	Notifika minn qabel ta’ konċentrazzjoni (Il-Każ M.7750 — Delphi/HellermannTyton) — Każ li jista’ jiġi kkunsidrat għal proċedura ssimplifikata ( 1 )	7
	ATTI OĦRAJN
	Il-Kummissjoni Ewropea
2015/C 333/07	Pubblikazzjoni ta’ applikazzjoni skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel	8
2015/C 333/08	Avviż għall-attenzjoni ta’ Aqsa Mahmood, Nasser Ahmed Muthana, Omar Ali Hussain, Sally-Anne Frances Jones, Boubaker Ben Habib Ben al-Hakim, Peter Cherif, Maxime Hauchard, Amru Al-Absi, Mu'tassim Yahya 'Ali Al-Rumaysh, Tarad Mohammad Aljarba, Lavdrim Muhaxheri, Aseel Muthana, Mujahidin Indonesian Timur (MIT), Jund Al-Khilafah in Algeria (JAK-A), Maghomed Maghomedzakirovich Abdurakhmanov, Islam Seit-Umarovich Atabiev, Akhmed Rajapovich Chataev, Tarkhan Ismailovich Gaziev, Zaurbek Salimovich Guchaev u Shamil Magomedovich Ismailov li ġew miżjuda mal-lista msemmija fl-Artikoli 2, 3, u 7 tar-Regolament tal-Kunsill (KE) Nru 881/2002 li jimponi ċerti miżuri speċifiċi restrittivi diretti kontra ċerti persuni u entitajiet assoċjati man-netwerk ta’ Al Qaida, permezz tar-Regolament ta' Implimentazzjoni tal-Kummissjoni (UE) 2015/1815	12

	IV Informazzjoni
	INFORMAZZJONI MINN ISTITUZZJONIJIET, KORPI, UFFIĊĊJI U AĠENZIJI TAL-UNJONI EWROPEA
	Il-Kummissjoni Ewropea
2015/C 333/02	Rata tal-kambju tal-euro	2
2015/C 333/03	Notifika tal-Kummissjoni dwar ir-rati ta’ interessi ta’ rkupru preżenti għall-Għajnuna mill-Istat u rati ta’ referenza/tnaqqis għat-28 Stat Membru applikabbli mill-1.11.2015 (Ippubblikat skont l-Artikolu 10 tar-Regolament tal-Kummissjoni (KE) Nru 794/2004 tal-21 ta’ April 2004 ( ĠU L 140, 30.4.2004, p. 1 ))	3
	INFORMAZZJONI MILL-ISTATI MEMBRI
2015/C 333/04	Avviż mill-Gvern tar-Repubblika tal-Polonja dwar id-Direttiva 94/22/KE tal-Parlament Ewropew u tal-Kunsill dwar il-kondizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi fiż-żona Moszczenica	4


	(1) Test b'rilevanza għaż-ŻEE